

Text:

0. sacittikā acittikā ca bhūmiḥ katamā / sā dvividhāpi pañca-bhir ākārair veditavyā /  bhūmiprajñāptivyavasthānato 'pi, citta-bhrāntyabhrāntivyavasthānato 'pi, utpattyanutpattivyavasthānato'pi, avasthāvyavasthānato 'pi, paramārthavyasthānato 'pi //

1. tatra bhūmiprajñāptivyavasthānataḥ: pañcavijñānasaṃprayuktābhūmiḥ  manobhūmiḥ savitarkā savicārā avitarkā vicāramātrā ca bhū-mir ekāntena sacittikā / 

avitarkāyām avicārāyāṃ bhūmau sa-sa-māpattyupapattikam āsaṃjñikaṃ nirodhasamāpattiṃ ca sthāpayitvātadanyā sacittikaiva bhūmiḥ, 

sasamāpattyupapattikam āsaṃjñikaṃ ni-rodhasamāpattiś ca acittikā bhūmiḥ //

2. tatra cittabhrāntyabhrantivyavasthānataḥ: yac caturbhirviparyāsair viparyastaṃ cittaṃ, tad bhrāntam ity ucyate / 

yatpunaś caturbhir viparyāsair aviparyastaṃ, tad abhrāntam ity ucya-te /

tatra yad bhrāntaṃ cittaṃ, tad acittam ity ucyate, prakṛti-bhraṣṭatayā [;]

yathā hi loke bhavanti vaktāraḥ unmattaṃ kṣipta-cittaṃ dṛṣṭvā "acitto 'yaṃ puruṣapudgalaḥ unmattaḥ kṣiptacitta"iti /

tad anena paryāyeṇa yad bhrāntaṃ cittaṃ, tad acittikā bhū-miḥ / 

yat punar abhrāntaṃ, tat sacittikā //

3. tatra utpattyanutpattitaḥ: aṣṭābhiḥ kāraṇaiḥ cittasya utpādobhavaty anutpādo vā / 

tadyathā indriyaparibhedāt,  viṣayānābhāsa-gamanāt,  manasikāravaikalyāt, apratilambhāt, virodhāt, prahāṇāt,nirodhāt, utpādāc ca /

etadviparyayād utpādo draṣṭavyaḥ iyadbhireva kāraṇaiḥ /

tatra ya utpādakāraṇaiś cittasyotpādaḥ, sā sacit-tikā bhūmiḥ / 

yaḥ punar anutpādakāraṇair anutpādaḥ, sā acitti-kā bhūmiḥ //

4. tatra avasthāvyavasthānataḥ: ṣaḍ avasthāḥ sthāpayitvā sa-cittikā bhūmir veditavyā /

ṣaḍ avasthāḥ katamā[ḥ /]  tadyathāacittikamiddhāvasthā, acittikamūrcchāvasthā asaṃjñāsamāpat-tiḥ / āsaṃjñikaṃ, nirodhasamāpattiḥ, nirupadhiśeṣaś ca nirvāṇadhā-tuḥ /

yā[ḥ] punar etāḥ ṣaḍ avasthāḥ, iyam acitttikā bhūmiḥ //

5. tatra paramārthavyavasthānataḥ: nirupadhiśeṣo nirvāṇadhātuḥ acittikā bhūmiḥ /

tat kasya hetoḥ / tatra hy ālayavijñānaṃ nirud-dhaṃ bhavati /

tadanyāsv  avasthāsu pravṛttivijñānaṃ niruddhaṃbhavati, yena acittikā bhūmir ity ucyate; ālayavijñānaṃ tu na niruddhaṃ bhavati, ye[na pa]ramārthataḥ nācittikā bhūmir ity ucya-te //

yogācārabhūmau sacittikā bhumiḥ acittikā ca samāptā //