2藏譯攝決擇分 རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ།

2藏譯攝決擇分 rnal 'byor spyod pa'i sa rnam par gtan la dbab pa bsdu ba/

【A1-2 五識身相應地意地】【B1 結前生後總辨勝利】

༄༅། །རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ།༄༅༅། །རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ། བམ་པོ་དང་པོ། གསུང་གི་མངའ་བདག་འཇམ་དཔལ་གཞོན་ནུར་གྱུར་པ་དང༌། འཕགས་པ་བྱམས་པ་ལ་ཕྱག་འཚལ་ལོ། །ས་རྣམས་ནི་བཤད་ཟིན་ཏོ། །འདི་མན་ཆད་ནི་ས་དེ་དག་ཉིད་ཀྱི་རྣམ་པར་གཏན་ལ་དབབ་པ་ལ་མཁས་པ་བརྗོད་པར་བྱ་སྟེ། རྣམ་པར་གཏན་ལ་དབབ་པ་ལ་མཁས་པ་དེ་ལ་བརྟེན་ནས་ཐམས་ཅད་ཀྱི་དྲིས་པ་ལན་གདབ་པ་ལ་མཁས་པར་འགྱུར་རོ། །

rnal 'byor spyod pa'i sa rnam par gtan la dbab pa bsdu ba/rnal 'byor spyod pa'i sa rnam par gtan la dbab pa bsdu ba/ bam po dang po/ gsung gi mnga' bdag 'jam dpal gzhon nur gyur pa dang/ 'phags pa byams pa la phyag 'tshal lo/ /sa rnams ni bshad zin to/ /'di man chad ni sa de dag nyid kyi rnam par gtan la dbab pa la mkhas pa brjod par bya ste/ rnam par gtan la dbab pa la mkhas pa de la brten nas thams cad kyi dris pa lan gdab pa la mkhas par 'gyur ro/ /

【B2 依地正辨】【C1 簡擇別明二地】

རྣམ་པར་ཤེས་པའི་ཚོགས་ལྔ་དང་ལྡན་པ་དང་ཡིད་ཀྱི་སའི་རྣམ་པར་གཏན་ལ་དབབ་པ་ནི་

rnam par shes pa'i tshogs lnga dang ldan pa dang yid kyi sa'i rnam par gtan la dbab pa ni

【C2 問答正辨】【D1 別決擇】【E1 略明六種善巧】【F1 辨心意識門】【G1 決擇心意識義(三問)】【H1 牒前已明而興三問】【I1 牒前本識為所決擇】

ས་བོན་གྱི་གནས་ཀུན་གཞི་རྣམ་པར་ཤེས་པ་ཞེས་གང་སྨོས་པའོ། །

sa bon gyi gnas kun gzhi rnam par shes pa zhes gang smos pa'o/ /

【I2 開三問端為問由致】

དེའི་ཡོད་པ་ཉིད་དང་རབ་ཏུ་དབྱེ་བ་ནི་མ་བསྟན་ཏེ།

de'i yod pa nyid dang rab tu dbye ba ni ma bstan te/

【I3 正設三問合興決擇】

ཅིའི་ཕྱིར་མ་བསྟན་པ་དང༌། ཇི་ལྟར་ན་དེ་ཡོད་པ་ཉིད་དང༌། རབ་ཏུ་དབྱེ་བ་རིག་པར་བྱ་ཞེ་ན།

ci'i phyir ma bstan pa dang/ ji ltar na de yod pa nyid dang/ rab tu dbye ba rig par bya zhe na/

【H2 依問正答】【I1 答第一問：有】【J1 由此建立是佛世尊最深密記、是故不說】

དེ་ནི་བཅོམ་ལྡན་འདས་ཀྱིས་གསང་སྟེ་བསྟན་ཅིང༌། རྣམ་པར་གཞག་པ་ཡིན་པས་ན། དེའི་ཕྱིར་མ་བསྟན་ཏེ།

de ni bcom ldan 'das kyis gsang ste bstan cing/ rnam par gzhag pa yin pas na/ de'i phyir ma bstan te/

【J2 如世尊言】

བཅོམ་ལྡན་འདས་ཀྱིས་ཇི་སྐད་དུ།

bcom ldan 'das kyis ji skad du/

【J3 阿陀那識甚深細】

ལེན་པའི་རྣམ་པར་ཤེས་པ་ཟབ་ཅིང་ཕྲ། །

len pa'i rnam par shes pa zab cing phra/ /

【J4 一切種子如暴流】

ས་བོན་ཐམས་ཅད་ཆུ་བོའི་ཀླུང་ལྟར་འབབ།

sa bon thams cad chu bo'i klung ltar 'bab/

【J5 我於凡、愚、不開演】

བདག་ཏུ་རྟོག་པར་གྱུར་ན་མི་རུང་ཞེས། །བྱིས་པ་རྣམས་ལ་ངས་ནི་དེ་མ་བསྟན། །ཅེས་གསུངས་པ་ལྟ་བུའོ། །

bdag tu rtog par gyur na mi rung zhes/ /byis pa rnams la ngas ni de ma bstan/ /ces gsungs pa lta bu'o/ /

【J6 恐彼分別執為我】

【I2 答第二問：有因緣】【J1 初頌及長行標起(阿賴耶識)八相】

སྡོམ་ནི། ལེན་དང་དང་པོ་གསལ་བ་དང༌། །ས་བོན་ལས་དང་ལུས་ཚོར་དང༌། །སེམས་མེད་སྙོམས་པར་འཇུག་པ་དང༌། །དེ་བཞིན་འཆི་འཕོ་མི་རུང་འགྱུར། །ཀུན་གཞི་རྣམ་པར་ཤེས་པ་ཡོད་པ་ཉིད་ནི། རྣམ་པ་བརྒྱད་ཀྱིས་ཁོང་དུ་ཆུད་པར་བྱ་སྟེ། འདི་ལྟ་སྟེ། ཀུན་གཞི་རྣམ་པར་ཤེས་པ་མེད་ན་གནས་ལེན་པ་མི་སྲིད་པ་དང༌། དང་པོ་འཇུག་པ་མི་སྲིད་པ་དང༌། གསལ་བར་འཇུག་པ་མི་སྲིད་པ་དང༌། ས་བོན་ཉིད་མི་སྲིད་པ་དང༌། ལས་མི་སྲིད་པ་དང༌། ལུས་ཀྱི་ཚོར་བ་མི་སྲིད་པ་དང༌། སེམས་མེད་པའི་སྙོམས་པར་འཇུག་པ་མི་སྲིད་པ་དང༌། རྣམ་པར་ཤེས་པའི་འཆི་འཕོ་མི་སྲིད་པས་སོ། །

sdom ni/ len dang dang po gsal ba dang/ /sa bon las dang lus tshor dang/ /sems med snyoms par 'jug pa dang/ /de bzhin 'chi 'pho mi rung 'gyur/ /kun gzhi rnam par shes pa yod pa nyid ni/ rnam pa brgyad kyis khong du chud par bya ste/ 'di lta ste/ kun gzhi rnam par shes pa med na gnas len pa mi srid pa dang/ dang po 'jug pa mi srid pa dang/ gsal bar 'jug pa mi srid pa dang/ sa bon nyid mi srid pa dang/ las mi srid pa dang/ lus kyi tshor ba mi srid pa dang/ sems med pa'i snyoms par 'jug pa mi srid pa dang/ rnam par shes pa'i 'chi 'pho mi srid pas so/ /

【J2 次第解釋】【K1 第一相：以「執受」證阿賴耶識有】【L1 問】

ཅིའི་ཕྱིར་གནས་ལེན་པ་མི་རུང་ཞེ་ན།

ci'i phyir gnas len pa mi rung zhe na/

【L2 解】【M1 第一因】

སྨྲས་པ། རྒྱུ་རྣམ་པ་ལྔ་སྟེ། འདི་ལྟ་སྟེ། ཀུན་གཞི་རྣམ་པར་ཤེས་པ་ནི་སྔོན་གྱི་ལས་མངོན་པར་འདུས་བྱས་པའི་རྒྱུ་ལས་བྱུང་བ་ཡིན་ལ། མིག་ལ་སོགས་པ་འཇུག་པའི་རྣམ་པར་ཤེས་པ་རྣམས་ནི་ད་ལྟར་བྱུང་བའི་རྐྱེན་གྱི་རྒྱུ་ལས་བྱུང་བ་ཡིན་ཏེ། ཇི་སྐད་དུ་རྣམ་པར་ཤེས་པ་རྣམས་ནི་དབང་པོ་དང༌། ཡུལ་དང༌། ཡིད་ལ་བྱེད་པའི་དབང་གིས་འབྱུང་བར་འགྱུར་རོ་ཞེས་རྒྱ་ཆེར་བསྟན་པ་ལྟ་བུ་སྟེ། དེ་ནི་རྒྱུ་དང་པོའོ། །

smras pa/ rgyu rnam pa lnga ste/ 'di lta ste/ kun gzhi rnam par shes pa ni sngon gyi las mngon par 'dus byas pa'i rgyu las byung ba yin la/ mig la sogs pa 'jug pa'i rnam par shes pa rnams ni da ltar byung ba'i rkyen gyi rgyu las byung ba yin te/ ji skad du rnam par shes pa rnams ni dbang po dang/ yul dang/ yid la byed pa'i dbang gis 'byung bar 'gyur ro zhes rgya cher bstan pa lta bu ste/ de ni rgyu dang po'o/ /

【M2 第二因】

གཞན་ཡང་རྣམ་པར་ཤེས་པའི་ཚོགས་དྲུག་པོ་དག་ནི། དགེ་བ་དང་མི་དགེ་བར་སྣང་སྟེ། དེ་ནི་རྒྱུ་གཉིས་པའོ། །

gzhan yang rnam par shes pa'i tshogs drug po dag ni/ dge ba dang mi dge bar snang ste/ de ni rgyu gnyis pa'o/ /

【M3 第三因】

གཞན་ཡང་རྣམ་པར་ཤེས་པའི་ཚོགས་དྲུག་པོ་དག་ལ་ནི། ལུང་དུ་མ་བསྟན་པ་རྣམ་པར་སྨིན་པར་བསྡུས་པའི་རིགས་གང་ཡིན་པ་དེ་མི་དམིགས་ཏེ། དེ་ནི་རྒྱུ་གསུམ་པའོ། །

gzhan yang rnam par shes pa'i tshogs drug po dag la ni/ lung du ma bstan pa rnam par smin par bsdus pa'i rigs gang yin pa de mi dmigs te/ de ni rgyu gsum pa'o/ /

【M4 第四因】

གཞན་ཡང་རྣམ་པར་ཤེས་པའི་ཚོགས་དྲུག་པོ་དག་ནི་གནས་ངེས་པ་ལས་འབྱུང་སྟེ། དེ་ལ་རྣམ་པར་ཤེས་པ་གནས་གང་དང་གང་ནས་འབྱུང་བ་དེ་ཉིད་ཀྱིས་དེ་ཟིན་པར་འགྱུར་གྱི། ལྷག་མ་རྣམས་ཀྱིས་ཟིན་པར་མི་འགྱུར་བས་མི་རུང་ངོ༌། །ཟིན་པར་ཡང་མི་རུང་སྟེ་རྣམ་པར་ཤེས་པ་དང་བྲལ་བའི་ཕྱིར་ཏེ། དེ་ནི་རྒྱུ་བཞི་པའོ། །

gzhan yang rnam par shes pa'i tshogs drug po dag ni gnas nges pa las 'byung ste/ de la rnam par shes pa gnas gang dang gang nas 'byung ba de nyid kyis de zin par 'gyur gyi/ lhag ma rnams kyis zin par mi 'gyur bas mi rung ngo/ /zin par yang mi rung ste rnam par shes pa dang bral ba'i phyir te/ de ni rgyu bzhi pa'o/ /

【M5 第五因】

གཞན་ཡང་ཡང་དང་ཡང་གནས་ལེན་པའི་སྐྱོན་དུ་ཐལ་བར་འགྱུར་ཏེ། འདི་ལྟར་མིག་གི་རྣམ་པར་ཤེས་པ་ནི་ལན་འགའ་འབྱུང་ཞིང་ལན་འགའ་མི་འབྱུང་ལ། ལྷག་མ་རྣམས་ཀྱང་དེ་དང་འདྲ་སྟེ། དེ་ནི་རྒྱུ་ལྔ་པའོ། །

gzhan yang yang dang yang gnas len pa'i skyon du thal bar 'gyur te/ 'di ltar mig gi rnam par shes pa ni lan 'ga' 'byung zhing lan 'ga' mi 'byung la/ lhag ma rnams kyang de dang 'dra ste/ de ni rgyu lnga pa'o/ /

【L3 結】

དེ་ལྟར་ན་སྔོན་གྱི་ལས་དང་ད་ལྟར་བྱུང་བའི་རྐྱེན་གྱི་རྒྱུ་ལས་བྱུང་བ་དང༌། དགེ་བ་དང་མི་དགེ་བ་ཡིན་པ་དང༌། རིགས་དེ་མི་དམིགས་པ་དང༌། གནས་ངེས་པ་དང༌། ཡང་དང་ཡང་ལེན་པའི་སྐྱོན་དུ་འགྱུར་བའི་ཕྱིར་མི་རུང་ངོ༌། །

de ltar na sngon gyi las dang da ltar byung ba'i rkyen gyi rgyu las byung ba dang/ dge ba dang mi dge ba yin pa dang/ rigs de mi dmigs pa dang/ gnas nges pa dang/ yang dang yang len pa'i skyon du 'gyur ba'i phyir mi rung ngo/ /

【K2 第二相：以最「初」生起識證阿賴耶識有】

ཅིའི་ཕྱིར་དང་པོ་འཇུག་ཅིང་འབྱུང་བ་མི་རུང་ཞེ་ན། གལ་ཏེ་ལ་ལ་འདི་སྐད་ཅེས་གལ་ཏེ་ཀུན་གཞི་རྣམ་པར་ཤེས་པ་ཡོད་ན་དེའི་ཕྱིར་རྣམ་པར་ཤེས་པ་གཉིས་ཅིག་ཅར་འབྱུང་བར་འགྱུར་རོ་ཞེས་ཟེར་ན། དེ་ལ་འདི་སྐད་ཅེས་བརྗོད་པར་བྱ་སྟེ། དེ་ནི་ཉེས་པ་མེད་པ་ཁོ་ན་ལས་ཁྱོད་ཉིད་ཉེས་པར་འདུ་ཤེས་པར་ཟད་དེ་འདི་ལྟར་རྣམ་པར་ཤེས་པ་ནི་གཉིས་ཅིག་ཅར་འབྱུང་བ་ཁོ་ནར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ལ་ལ་ཅིག་ཅར་ལྟ་བར་འདོད་པ་དང་ཅིག་ཅར་རྣམ་པར་ཤེས་པར་བྱ་བའི་བར་དུ་འདོད་པ་ལ། དང་པོ་རྣམ་པར་ཤེས་པ་གང་ཡང་རུང་བ་འཇུག་པར་འགྱུར་བ་མི་རུང་སྟེ། འདི་ལྟར་དེ་ལ་ཡིད་ལ་བྱེད་པ་དང་དབང་པོ་དང༌། ཡུལ་ཡང་བྱེ་བྲག་མེད་པའི་ཕྱིར་རོ། །

ci'i phyir dang po 'jug cing 'byung ba mi rung zhe na/ gal te la la 'di skad ces gal te kun gzhi rnam par shes pa yod na de'i phyir rnam par shes pa gnyis cig car 'byung bar 'gyur ro zhes zer na/ de la 'di skad ces brjod par bya ste/ de ni nyes pa med pa kho na las khyod nyid nyes par 'du shes par zad de 'di ltar rnam par shes pa ni gnyis cig car 'byung ba kho nar 'gyur ro/ /de ci'i phyir zhe na/ 'di ltar la la cig car lta bar 'dod pa dang cig car rnam par shes par bya ba'i bar du 'dod pa la/ dang po rnam par shes pa gang yang rung ba 'jug par 'gyur ba mi rung ste/ 'di ltar de la yid la byed pa dang dbang po dang/ yul yang bye brag med pa'i phyir ro/ /

【K3 第三相：以意識「明了」證諸識俱轉】

ཅིའི་ཕྱིར་རྣམ་པར་ཤེས་པ་ཅིག་ཅར་འབྱུང་བ་མེད་ན། ཡིད་ཀྱི་རྣམ་པར་ཤེས་པ་མིག་ལ་སོགས་པའི་རྣམ་པར་ཤེས་པ་དང་ལྷན་ཅིག་དང༌། མཇུག་ཐོགས་སུ་འབྱུང་བ་གསལ་བར་མི་རུང་ཞེ་ན། འདི་ལྟར་གང་གི་ཚེ། འདས་པའི་དུས་ན་ཉམས་སུ་མྱོང་བའི་ཡུལ་རྗེས་སུ་དྲན་པ་དེའི་ཚེ། ན་ནི་ཡིད་ཀྱི་རྣམ་པར་ཤེས་པའི་འཇུག་པ་གསལ་བ་མ་ཡིན་ལ། ད་ལྟར་བྱུང་བའི་ཡུལ་ལ་ནི་ཡིད་ཀྱི་འཇུག་པ་དེ་ལྟར་མི་གསལ་བ་མ་ཡིན་པས། དེའི་ཕྱིར་ཅིག་ཅར་འབྱུང་བའམ་ཡིད་ཀྱི་རྣམ་པར་ཤེས་པ་གསལ་བ་མ་ཡིན་པར་རིགས་སོ། །

ci'i phyir rnam par shes pa cig car 'byung ba med na/ yid kyi rnam par shes pa mig la sogs pa'i rnam par shes pa dang lhan cig dang/ mjug thogs su 'byung ba gsal bar mi rung zhe na/ 'di ltar gang gi tshe/ 'das pa'i dus na nyams su myong ba'i yul rjes su dran pa de'i tshe/ na ni yid kyi rnam par shes pa'i 'jug pa gsal ba ma yin la/ da ltar byung ba'i yul la ni yid kyi 'jug pa de ltar mi gsal ba ma yin pas/ de'i phyir cig car 'byung ba'am yid kyi rnam par shes pa gsal ba ma yin par rigs so/ /

【K4 第四相：以「種子」證阿賴耶識有】

ཅིའི་ཕྱིར་རྣམ་པར་ཤེས་པའི་ཚོགས་དྲུག་པོ་དག་གཅིག་གི་ས་བོན་ཉིད་གཅིག་ཡིན་པར་མི་སྲིད་ཅེ་ན། འདི་ལྟར་དགེ་བའི་མཇུག་ཐོགས་སུ་མི་དགེ་བ་དང༌། མི་དགེ་བའི་མཇུག་ཐོགས་སུ་དགེ་བ་དང༌། གཉི་གའི་མཇུག་ཐོགས་སུ་ལུང་དུ་མི་བསྟན་པ་དང༌། ཁམས་ངན་པའི་མཇུག་ཐོགས་སུ་ཁམས་བར་མ་དང༌། ཁམས་བར་མའི་མཇུག་ཐོགས་སུ་ཁམས་བཟང་པོ་པ་དང༌། དེ་བཞིན་དུ་ཁམས་བཟང་པོ་པའི་མཇུག་ཐོགས་སུ་ཁམས་ངན་པ་པའི་བར་དང༌། ཟག་པ་དང་བཅས་པའི་མཇུག་ཐོགས་སུ་ཟག་པ་མེད་པ་དང༌། ཟག་པ་མེད་པའི་མཇུག་ཐོགས་སུ་ཟག་པ་དང་བཅས་པ་དང༌། འཇིག་རྟེན་པའི་མཇུག་ཐོགས་སུ་འཇིག་རྟེན་ལས་འདས་པ་དང༌། འཇིག་རྟེན་ལས་འདས་པའི་མཇུག་ཐོགས་སུ་འཇིག་རྟེན་པའི་སེམས་འབྱུང་ལ་དེ་དག་ནི་ད་ལྟར་ས་བོན་ཉིད་དུ་མི་རུང་བའི་ཕྱིར་དང༌། སེམས་ཀྱི་རྒྱུད་ཡུན་རིང་པོར་རྒྱུན་ཆད་ཀྱང༌། ཡུན་རིང་པོས་འབྱུང་བར་འགྱུར་བས་དེའི་ཕྱིར་ཡང་མི་རུང་ངོ༌། །

ci'i phyir rnam par shes pa'i tshogs drug po dag gcig gi sa bon nyid gcig yin par mi srid ce na/ 'di ltar dge ba'i mjug thogs su mi dge ba dang/ mi dge ba'i mjug thogs su dge ba dang/ gnyi ga'i mjug thogs su lung du mi bstan pa dang/ khams ngan pa'i mjug thogs su khams bar ma dang/ khams bar ma'i mjug thogs su khams bzang po pa dang/ de bzhin du khams bzang po pa'i mjug thogs su khams ngan pa pa'i bar dang/ zag pa dang bcas pa'i mjug thogs su zag pa med pa dang/ zag pa med pa'i mjug thogs su zag pa dang bcas pa dang/ 'jig rten pa'i mjug thogs su 'jig rten las 'das pa dang/ 'jig rten las 'das pa'i mjug thogs su 'jig rten pa'i sems 'byung la de dag ni da ltar sa bon nyid du mi rung ba'i phyir dang/ sems kyi rgyud yun ring por rgyun chad kyang/ yun ring pos 'byung bar 'gyur bas de'i phyir yang mi rung ngo/ /

【K5 第五相：以「業」用證諸識俱轉】

ཅིའི་ཕྱིར་རྣམ་པར་ཤེས་པ་ཅིག་ཅར་འབྱུང་བར་མེད་ན་ལས་མི་སྲིད་ཅེ་ན། འདི་ལྟར་ལས་ནི་མདོར་བསྡུ་ན་རྣམ་པ་བཞི་སྟེ། སྣོད་རྣམ་པར་རིག་པ་དང༌། གནས་རྣམ་པར་རིག་པ་དང༌། བདག་གོ་སྙམ་དུ་རྣམ་པར་རིག་པ་དང༌། ཡུལ་རྣམ་པར་རིག་པའོ། །དེ་ལྟར་རྣམ་པར་རིག་པ་དེ་དག་ཐམས་ཅད་ནི་སྐད་ཅིག་ལ་ཅིག་ཅར་འབྱུང་བར་སྣང་ལ། རྣམ་པར་ཤེས་པ་གཅིག་གི་སྐད་ཅིག་གཅིག་ལ་ནི་ལས་ཤིན་ཏུ་ཐ་དད་པ་དེ་ལྟ་བུ་དེ་དག་མི་རུང་བའི་ཕྱིར་རོ། །

ci'i phyir rnam par shes pa cig car 'byung bar med na las mi srid ce na/ 'di ltar las ni mdor bsdu na rnam pa bzhi ste/ snod rnam par rig pa dang/ gnas rnam par rig pa dang/ bdag go snyam du rnam par rig pa dang/ yul rnam par rig pa'o/ /de ltar rnam par rig pa de dag thams cad ni skad cig la cig car 'byung bar snang la/ rnam par shes pa gcig gi skad cig gcig la ni las shin tu tha dad pa de lta bu de dag mi rung ba'i phyir ro/ /

【K6 第六相：以「身受」證阿賴耶識有】

ཅིའི་ཕྱིར་ཀུན་གཞི་རྣམ་པར་ཤེས་པ་མེད་ན་ལུས་ཀྱི་ཚོར་བ་མི་རུང་ཞེ་ན། འདི་ལྟར་ཚུལ་བཞིན་ནམ་ཚུལ་བཞིན་མ་ཡིན་པ་སེམས་པར་བྱེད་པ་དང༌། རྗེས་སུ་རྟོགས་པར་བྱེད་པའམ། སེམས་མཉམ་པར་གཞག་པའམ།སེམས་མཉམ་པར་མ་བཞག་པ་གཅིག་ཅིག་གི་ལུས་ལ་ཚོར་བ་རྣམ་པ་དུ་མ་རྣམ་པ་མང་པོ་སྣ་ཚོགས་གང་དག་འབྱུང་བ་དེ་དག་མི་འབྱུང་བའི་རིགས་ན་སྣང་སྟེ། དེའི་ཕྱིར་ཡང་ཀུན་གཞི་རྣམ་པར་ཤེས་པ་ཡོད་དོ། །

ci'i phyir kun gzhi rnam par shes pa med na lus kyi tshor ba mi rung zhe na/ 'di ltar tshul bzhin nam tshul bzhin ma yin pa sems par byed pa dang/ rjes su rtogs par byed pa'am/ sems mnyam par gzhag pa'am/sems mnyam par ma bzhag pa gcig cig gi lus la tshor ba rnam pa du ma rnam pa mang po sna tshogs gang dag 'byung ba de dag mi 'byung ba'i rigs na snang ste/ de'i phyir yang kun gzhi rnam par shes pa yod do/ /

【K7 第七相：以「無心定」證阿賴耶識有】

ཅིའི་ཕྱིར་ཀུན་གཞི་རྣམ་པར་ཤེས་པ་མེད་ན་སེམས་མེད་པའི་སྙོམས་པར་འཇུག་པ་མི་སྲིད་ཅེ་ན། འདི་ལྟར་འདུ་ཤེས་མེད་པ་ལ་སྙོམས་པར་ཞུགས་པའམ། འགོག་པ་ལ་སྙོམས་པར་ཞུགས་པའི་རྣམ་པར་ཤེས་པ་ལུས་དང་བྲལ་བ་ཁོ་ནར་འགྱུར་ཞིང་མ་བྲལ་བར་མི་འགྱུར་བས། དེའི་ཕྱིར་ཤི་བ་ཁོ་ནར་འགྱུར་བ་ཞིག་ན་བཅོམ་ལྡན་འདས་ཀྱིས་ཇི་སྐད་དུ། དེའི་རྣམ་པར་ཤེས་པ་ནི་ལུས་དང་བྲལ་བ་མ་ཡིན་ནོ་ཞེས་གསུངས་པའི་ཕྱིར་རོ། །

ci'i phyir kun gzhi rnam par shes pa med na sems med pa'i snyoms par 'jug pa mi srid ce na/ 'di ltar 'du shes med pa la snyoms par zhugs pa'am/ 'gog pa la snyoms par zhugs pa'i rnam par shes pa lus dang bral ba kho nar 'gyur zhing ma bral bar mi 'gyur bas/ de'i phyir shi ba kho nar 'gyur ba zhig na bcom ldan 'das kyis ji skad du/ de'i rnam par shes pa ni lus dang bral ba ma yin no zhes gsungs pa'i phyir ro/ /

【K8 第八相：以「命終」識證阿賴耶識有】

ཅིའི་ཕྱིར་ཀུན་གཞི་རྣམ་པར་ཤེས་པ་མེད་ན་འཆི་འཕོ་མི་རུང་ཞེ་ན། འདི་ལྟར་འཆི་འཕོ་བའི་ཚེའི་རྣམ་པར་ཤེས་པས་ལུས་རོ་སྟོད་དམ། རོ་སྨད་དུ་དྲོད་ཡལ་བར་བྱེད་ཅིང་སྤོང་ལ་ཡིད་ཀྱི་རྣམ་པར་ཤེས་པ་ནི་ནམ་ཡང་མི་འབྱུང་བ་མ་ཡིན་པས། དེའི་ཕྱིར་ལུས་ལེན་པར་བྱེད་པའི་ཀུན་གཞི་རྣམ་པར་ཤེས་པ་ཁོ་ན་དང་བྲལ་བས་ལུས་ཀྱི་དྲོད་ཡལ་བ་དང༌། ལུས་ལ་ཚོར་བ་མེད་པར་སྣང་བར་ཟད་ཀྱི། ཡིད་ཀྱི་རྣམ་པར་ཤེས་པ་དང་བྲལ་བས་ནི་མ་ཡིན་ཏེ། དེའི་ཕྱིར་ཡང་མི་རུང་ངོ༌། །

ci'i phyir kun gzhi rnam par shes pa med na 'chi 'pho mi rung zhe na/ 'di ltar 'chi 'pho ba'i tshe'i rnam par shes pas lus ro stod dam/ ro smad du drod yal bar byed cing spong la yid kyi rnam par shes pa ni nam yang mi 'byung ba ma yin pas/ de'i phyir lus len par byed pa'i kun gzhi rnam par shes pa kho na dang bral bas lus kyi drod yal ba dang/ lus la tshor ba med par snang bar zad kyi/ yid kyi rnam par shes pa dang bral bas ni ma yin te/ de'i phyir yang mi rung ngo/ /

【I3 答第三問：廣分別義(由五相分別阿賴耶識義)】【J1 總答】

སྡོམ་ནི། དམིགས་དང་མཚུངས་པར་ལྡན་པ་དང༌། །གཅིག་གི་རྐྱེན་ཉིད་གཅིག་ཡིན་དང༌། །ལྷན་ཅིག་དངོས་པོས་འཇུག་པ་དང༌། །ཀུན་ནས་ཉོན་མོངས་ལྡོག་པ་ཡིན། །མདོར་བསྡུ་ན་ཀུན་གཞི་རྣམ་པར་ཤེས་པའི་འཇུག་པ་ནི་རྣམ་པ་བཞིས་རྣམ་པར་བཞག་ལ། ལྡོག་པ་ནི་རྣམ་པ་གཅིག་གིས་རྣམ་པར་གཞག་པར་རིག་པར་བྱ་སྟེ། འདི་ལྟ་སྟེ། དམིགས་པས་འཇུག་པ་རྣམ་པར་གཞག་པ་དང༌། མཚུངས་པར་ལྡན་པས་འཇུག་པ་རྣམ་པར་གཞག་པ་དང༌། གཅིག་གི་རྐྱེན་ཉིད་གཅིག་ཡིན་པས་འཇུག་པ་རྣམ་པར་གཞག་པ་དང༌། ལྷན་ཅིག་གི་དངོས་པོས་འཇུག་པ་རྣམ་པར་གཞག་པ་སྟེ། རྣམ་པ་བཞི་པོ་དེ་དག་གིས་ནི་འཇུག་པ་རྣམ་པར་གཞག་ལ། ཀུན་ནས་ཉོན་མོངས་པ་ལྡོག་པ་རྣམ་པར་གཞག་པས་ནི་ལྡོག་པ་རྣམ་པར་གཞག་པར་རིག་པར་བྱའོ། །

sdom ni/ dmigs dang mtshungs par ldan pa dang/ /gcig gi rkyen nyid gcig yin dang/ /lhan cig dngos pos 'jug pa dang/ /kun nas nyon mongs ldog pa yin/ /mdor bsdu na kun gzhi rnam par shes pa'i 'jug pa ni rnam pa bzhis rnam par bzhag la/ ldog pa ni rnam pa gcig gis rnam par gzhag par rig par bya ste/ 'di lta ste/ dmigs pas 'jug pa rnam par gzhag pa dang/ mtshungs par ldan pas 'jug pa rnam par gzhag pa dang/ gcig gi rkyen nyid gcig yin pas 'jug pa rnam par gzhag pa dang/ lhan cig gi dngos pos 'jug pa rnam par gzhag pa ste/ rnam pa bzhi po de dag gis ni 'jug pa rnam par gzhag la/ kun nas nyon mongs pa ldog pa rnam par gzhag pas ni ldog pa rnam par gzhag par rig par bya'o/ /

【J2 分別答】【K1 建立所緣轉相】

དེ་ལ་དམིགས་པས་འཇུག་པ་རྣམ་པར་གཞག་པ་གང་ཞེ་ན། མདོར་བསྡུ་ན་ཀུན་གཞི་རྣམ་པར་ཤེས་པ་ནི་དམིགས་པ་རྣམ་པ་གཉིས་ཀྱིས་འཇུག་སྟེ། ནང་གི་ལེན་པ་རྣམ་པར་རིག་པ་དང༌། ཕྱི་རོལ་གྱི་སྣོད་རྣམ་པ་ཡོངས་སུ་མ་ཆད་པ་རྣམ་པར་རིག་པས་སོ། །དེ་ལ་ནང་གི་ལེན་པ་ནི་ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པའི་བག་ཆགས་དང་རྟེན་དང་དབང་པོའི་གཟུགས་སོ། །དེ་ཡང་གཟུགས་ཅན་གྱི་ཁམས་ནའོ༑ །གཟུགས་ཅན་མ་ཡིན་པ་ན་ནི་བག་ཆགས་ལེན་པ་ཁོ་ནར་ཟད་དོ། །དེ་ལ་ཕྱི་རོལ་གྱི་སྣོད་རྣམ་པ་ཡོངས་སུ་མ་བཅད་པ་རྣམ་པར་རིག་པ་ནི་ཀུན་གཞི་རྣམ་པར་ཤེས་པ་ནང་གི་ལེན་པའི་དམིགས་པ་གང་ཡིན་པ་དེ་ཉིད་ལ་བརྟེན་ནས། རྟག་ཏུ་རྒྱུན་མི་འཆད་པར་འཇིག་རྟེན་དང་སྣོད་ཀྱི་རྒྱུན་རྣམ་པར་རིག་པ་སྟེ། འདི་ལྟ་སྟེ། དཔེར་ན་མར་མེ་འབར་བ་ནི་སྙིང་པོ་དང་སྣུམ་གྱི་རྒྱུས་ནི་ནང་དུ་འཇུག་པར་འགྱུར་ལ། ཕྱི་རོལ་དུ་ནི་འོད་འབྱུང་བར་བྱེད་པ་བཞིན་དུ་ནང་གི་ལེན་པའི་དམིགས་པ་དང༌། ཕྱི་རོལ་གྱི་དམིགས་པ་འདི་ལ་ཡང་ཀུན་གཞི་རྣམ་པར་ཤེས་པའི་ཚུལ་དེ་དང་འདྲ་བར་བལྟ་བར་བྱའོ། །དམིགས་པ་དེ་ནི་འཇིག་རྟེན་གྱི་མཁས་པ་རྣམས་ཀྱིས་ཀྱང་ཡོངས་སུ་གཅད་པར་དཀའ་བའི་ཕྱིར་ཕྲ་བ་ཡིན་ནོ། །དམིགས་པ་དེ་ནི་རྟག་ཏུ་ཡོད་པ་ཡིན་ཏེ། ལན་འགའ་གཞན་དུ་འགྱུར་ལ། ལན་འགའ་གཞན་དུ་འགྱུར་བ་མ་ཡིན་ནོ། །འོན་ཀྱང་དང་པོ་པའི་ལེན་པའི་སྐད་ཅིག་ལ་བརྟེན་ནས། ཇི་སྲིད་འཚོའི་བར་དུ་རྣམ་པར་ཤེས་པར་རིག་པ་རོ་གཅིག་པས་འཇུག་པར་འགྱུར་རོ། །ཀུན་གཞི་རྣམ་པར་ཤེས་པ་དེ་ནི་དམིགས་པ་ལ་སྐད་ཅིག་པ་ཡིན་པར་བལྟ་བར་བྱ་སྟེ། སྐད་ཅིག་པའི་རྒྱུན་གྱི་རྒྱུད་ཀྱིས་འཇུག་པ་ཡིན་གྱི། གཅིག་པ་ཉིད་ནི་མ་ཡིན་ནོ། །ཀུན་གཞི་རྣམ་པར་ཤེས་པ་དེ་ཡང་འདོད་པའི་ཁམས་ན་ནི་རྒྱུ་ཆུང་ངུའི་དམིགས་པ་ཅན་དུ་བརྗོད་པར་བྱའོ༑ །གཟུགས་ཀྱི་ཁམས་ན་ནི་རྒྱུ་ཆེན་པོར་གྱུར་པའི་དམིགས་པ་ཅན་ནོ། །གཟུགས་མེད་པའི་ཁམས་ན་ནམ་མཁའ་མཐའ་ཡས་སྐྱེ་མཆེད་དང༌། རྣམ་ཤེས་མཐའ་ཡས་སྐྱེ་མཆེད་ན་ནི་རྒྱུ་ཚད་མེད་པའི་དམིགས་པ་ཅན་ནོ། །ཅི་ཡང་མེད་པའི་སྐྱེ་མཆེད་ན་ནི་རྒྱུ་ཕྲ་བའི་དམིགས་པ་ཅན་ནོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་ན་ནི་རྒྱུ་ཤིན་ཏུ་ཕྲ་བའི་དམིགས་པ་ཅན་དུ་བལྟ་བར་བྱའོ། །དེ་ལྟར་ན་དམིགས་པ་རྣམ་པ་གཉིས་རྣམ་པར་རིག་པ་དང༌། ཕྲ་བ་རྣམ་པར་རིག་པ་དང༌། འདྲ་བ་རྣམ་པར་རིག་པ་དང༌། སྐད་ཅིག་པ་རྣམ་པར་རིག་པ་དང༌། རྒྱུ་ཆུང་ངུའི་དམིགས་པ་རྣམ་པར་རིག་པ་དང༌། རྒྱུ་ཆེན་པོར་གྱུར་པའི་དམིགས་པ་རྣམ་པར་རིག་པ་དང༌། རྒྱུ་ཚད་མེད་པའི་དམིགས་པ་རྣམ་པར་རིག་པ་དང༌། རྒྱུ་ཕྲ་བའི་དམིགས་པ་རྣམ་པར་རིག་པ་དང༌། རྒྱུ་ཤིན་ཏུ་ཕྲ་བའི་དམིགས་པ་རྣམ་པར་རིག་པས་ཀྱང་ཀུན་གཞི་རྣམ་པར་ཤེས་པ་དམིགས་པས་འཇུག་པ་རྣམ་པར་གཞག་པར་རིག་པར་བྱའོ། །

de la dmigs pas 'jug pa rnam par gzhag pa gang zhe na/ mdor bsdu na kun gzhi rnam par shes pa ni dmigs pa rnam pa gnyis kyis 'jug ste/ nang gi len pa rnam par rig pa dang/ phyi rol gyi snod rnam pa yongs su ma chad pa rnam par rig pas so/ /de la nang gi len pa ni kun brtags pa'i ngo bo nyid la mngon par zhen pa'i bag chags dang rten dang dbang po'i gzugs so/ /de yang gzugs can gyi khams na'o| /gzugs can ma yin pa na ni bag chags len pa kho nar zad do/ /de la phyi rol gyi snod rnam pa yongs su ma bcad pa rnam par rig pa ni kun gzhi rnam par shes pa nang gi len pa'i dmigs pa gang yin pa de nyid la brten nas/ rtag tu rgyun mi 'chad par 'jig rten dang snod kyi rgyun rnam par rig pa ste/ 'di lta ste/ dper na mar me 'bar ba ni snying po dang snum gyi rgyus ni nang du 'jug par 'gyur la/ phyi rol du ni 'od 'byung bar byed pa bzhin du nang gi len pa'i dmigs pa dang/ phyi rol gyi dmigs pa 'di la yang kun gzhi rnam par shes pa'i tshul de dang 'dra bar blta bar bya'o/ /dmigs pa de ni 'jig rten gyi mkhas pa rnams kyis kyang yongs su gcad par dka' ba'i phyir phra ba yin no/ /dmigs pa de ni rtag tu yod pa yin te/ lan 'ga' gzhan du 'gyur la/ lan 'ga' gzhan du 'gyur ba ma yin no/ /'on kyang dang po pa'i len pa'i skad cig la brten nas/ ji srid 'tsho'i bar du rnam par shes par rig pa ro gcig pas 'jug par 'gyur ro/ /kun gzhi rnam par shes pa de ni dmigs pa la skad cig pa yin par blta bar bya ste/ skad cig pa'i rgyun gyi rgyud kyis 'jug pa yin gyi/ gcig pa nyid ni ma yin no/ /kun gzhi rnam par shes pa de yang 'dod pa'i khams na ni rgyu chung ngu'i dmigs pa can du brjod par bya'o| /gzugs kyi khams na ni rgyu chen por gyur pa'i dmigs pa can no/ /gzugs med pa'i khams na nam mkha' mtha' yas skye mched dang/ rnam shes mtha' yas skye mched na ni rgyu tshad med pa'i dmigs pa can no/ /ci yang med pa'i skye mched na ni rgyu phra ba'i dmigs pa can no/ /'du shes med 'du shes med min skye mched na ni rgyu shin tu phra ba'i dmigs pa can du blta bar bya'o/ /de ltar na dmigs pa rnam pa gnyis rnam par rig pa dang/ phra ba rnam par rig pa dang/ 'dra ba rnam par rig pa dang/ skad cig pa rnam par rig pa dang/ rgyu chung ngu'i dmigs pa rnam par rig pa dang/ rgyu chen por gyur pa'i dmigs pa rnam par rig pa dang/ rgyu tshad med pa'i dmigs pa rnam par rig pa dang/ rgyu phra ba'i dmigs pa rnam par rig pa dang/ rgyu shin tu phra ba'i dmigs pa rnam par rig pas kyang kun gzhi rnam par shes pa dmigs pas 'jug pa rnam par gzhag par rig par bya'o/ /

【K2 建立相應轉相】

དེ་ལ་མཚུངས་པར་ལྡན་པས་འཇུག་པ་རྣམ་པར་གཞག་པ་གང་ཞེ་ན། འདི་ལ་ཀུན་གཞི་རྣམ་པར་ཤེས་པ་མཚུངས་པར་ལྡན་པས་ན་སེམས་དང་མཚུངས་པར་ལྡན་པ་ཀུན་ཏུ་འགྲོ་བ་ལྔ་པོ་ཡིད་ལ་བྱེད་པ་དང༌། རེག་པ་དང༌། ཚོར་བ་དང༌། འདུ་ཤེས་དང༌། སེམས་པ་རྣམས་དང་མཚུངས་པར་ལྡན་ནོ། །ཆོས་དེ་དག་ཀྱང་རྣམ་པར་སྨིན་པར་བསྡུས་པ་དང༌། འཇིག་རྟེན་གྱི་མཁས་པ་རྣམས་ཀྱིས་ཀྱང་རྟོགས་པར་དཀའ་བའི་ཕྱིར་ཕྲ་བ་དང༌། གཏན་དུ་དམིགས་པ་གཅིག་ལ་མཚུངས་པར་འཇུག་པ་ཡིན་ནོ། །སེམས་ལས་བྱུང་བ་དེ་དག་ལས་ཀྱང་ཀུན་གཞི་རྣམ་པར་ཤེས་པ་དང་མཚུངས་པར་ལྡན་པའི་ཚོར་བ་གང་ཡིན་པ་དེ་ནི་གཅིག་ཏུ་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང༌། ལུང་དུ་མ་བསྟན་པ་ཡིན་ནོ། །དེ་ཉིད་ཀྱིས་དེ་ལས་གཞན་པའི་སེམས་ལས་བྱུང་བའི་ཆོས་རྣམས་ཀྱང་རྣམ་པར་བཤད་པ་ཡིན་ནོ། །དེ་ལྟར་ན་སེམས་ལས་བྱུང་བ་ཀུན་ཏུ་འགྲོ་བ་དང་མཚུངས་པར་ལྡན་པ་དང་རྣམ་པར་སྨིན་པར་རིགས་འདྲ་བ་དང་མཚུངས་པར་ལྡན་པ་དང༌། འཇུག་པ་ཕྲ་བ་དང་མཚུངས་པར་ལྡན་པ་དང༌། དམིགས་པ་གཅིག་ལ་མཚུངས་པར་འཇུག་པ་དང་མཚུངས་པར་ལྡན་པ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང་མཚུངས་པར་ལྡན་པ་དང༌། ལུང་དུ་མ་བསྟན་པ་དང་མཚུངས་པར་ལྡན་པས་ཀྱང་ཀུན་གཞི་རྣམ་པར་ཤེས་པ་མཚུངས་པར་ལྡན་པས་འཇུག་པ་རྣམ་པར་གཞག་པར་རིག་པར་བྱའོ། །

de la mtshungs par ldan pas 'jug pa rnam par gzhag pa gang zhe na/ 'di la kun gzhi rnam par shes pa mtshungs par ldan pas na sems dang mtshungs par ldan pa kun tu 'gro ba lnga po yid la byed pa dang/ reg pa dang/ tshor ba dang/ 'du shes dang/ sems pa rnams dang mtshungs par ldan no/ /chos de dag kyang rnam par smin par bsdus pa dang/ 'jig rten gyi mkhas pa rnams kyis kyang rtogs par dka' ba'i phyir phra ba dang/ gtan du dmigs pa gcig la mtshungs par 'jug pa yin no/ /sems las byung ba de dag las kyang kun gzhi rnam par shes pa dang mtshungs par ldan pa'i tshor ba gang yin pa de ni gcig tu sdug bsngal yang ma yin bde ba yang ma yin pa dang/ lung du ma bstan pa yin no/ /de nyid kyis de las gzhan pa'i sems las byung ba'i chos rnams kyang rnam par bshad pa yin no/ /de ltar na sems las byung ba kun tu 'gro ba dang mtshungs par ldan pa dang rnam par smin par rigs 'dra ba dang mtshungs par ldan pa dang/ 'jug pa phra ba dang mtshungs par ldan pa dang/ dmigs pa gcig la mtshungs par 'jug pa dang mtshungs par ldan pa dang/ sdug bsngal yang ma yin bde ba yang ma yin pa dang mtshungs par ldan pa dang/ lung du ma bstan pa dang mtshungs par ldan pas kyang kun gzhi rnam par shes pa mtshungs par ldan pas 'jug pa rnam par gzhag par rig par bya'o/ /

【K3 建立互為緣性轉相】【L1 問】

དེ་ལ་གཅིག་གི་རྐྱེན་ཉིད་གཅིག་ཡིན་པས་འཇུག་པ་རྣམ་པར་གཞག་པ་གང་ཞེ་ན།

de la gcig gi rkyen nyid gcig yin pas 'jug pa rnam par gzhag pa gang zhe na/

【L2 解】【M1 明賴耶與轉識為二緣】

འདི་ལ་ཀུན་གཞི་རྣམ་པར་ཤེས་པ་ནི་རྣམ་པ་གཉིས་ཀྱིས་འཇུག་པའི་རྣམ་པར་ཤེས་པའི་རྐྱེན་གྱི་བྱ་བ་བྱེད་དེ་ས་བོན་གྱི་དངོས་པོ་དང་རྟེན་བྱེད་པས་སོ། །དེ་ལ་ས་བོན་གྱི་དངོས་པོ་ནི་འཇུག་པའི་རྣམ་པར་ཤེས་པ་དགེ་བ་དང་མི་དགེ་བ་དང་ལུང་དུ་མ་བསྟན་པ་འབྱུང་བར་འགྱུར་བ་གང་ཅི་ཡང་རུང་སྟེ། དེ་དག་ཐམས་ཅད་ནི་ཀུན་གཞི་རྣམ་པར་ཤེས་པའི་ས་བོན་དང་ལྡན་པ་ཡིན་ནོ། །དེ་ལ་རྟེན་བྱེད་པ་ནི་ཀུན་གཞི་རྣམ་པར་ཤེས་པས་ཟིན་པའི་དབང་པོ་གཟུགས་ཅན་རྣམས་ལ་བརྟེན་ནས། རྣམ་པར་ཤེས་པའི་ཚོགས་ལྔ་པོ་དག་འབྱུང་བར་འགྱུར་གྱི་མ་ཟིན་པ་དག་ལས་ནི་མ་ཡིན་ནོ། །རྣམ་པར་ཤེས་པའི་ཚོགས་ལྔ་པོ་དག་གི་གནས་མིག་ལ་སོགས་པ་དང་འདྲ་བ་ཡིད་དང་ཡིད་ཀྱི་རྣམ་པར་ཤེས་པའི་གནས་ཀུན་གཞི་རྣམ་པར་ཤེས་པ་ཡོད་ན། ཡིད་དང་ཡིད་ཀྱི་རྣམ་པར་ཤེས་པ་ཡང་འབྱུང་བར་འགྱུར་གྱི་མེད་ནི་ན་མ་ཡིན་ནོ། །

'di la kun gzhi rnam par shes pa ni rnam pa gnyis kyis 'jug pa'i rnam par shes pa'i rkyen gyi bya ba byed de sa bon gyi dngos po dang rten byed pas so/ /de la sa bon gyi dngos po ni 'jug pa'i rnam par shes pa dge ba dang mi dge ba dang lung du ma bstan pa 'byung bar 'gyur ba gang ci yang rung ste/ de dag thams cad ni kun gzhi rnam par shes pa'i sa bon dang ldan pa yin no/ /de la rten byed pa ni kun gzhi rnam par shes pas zin pa'i dbang po gzugs can rnams la brten nas/ rnam par shes pa'i tshogs lnga po dag 'byung bar 'gyur gyi ma zin pa dag las ni ma yin no/ /rnam par shes pa'i tshogs lnga po dag gi gnas mig la sogs pa dang 'dra ba yid dang yid kyi rnam par shes pa'i gnas kun gzhi rnam par shes pa yod na/ yid dang yid kyi rnam par shes pa yang 'byung bar 'gyur gyi med ni na ma yin no/ /

【M2 明轉識與彼賴耶亦為二緣】

དེ་ལ་འཇུག་པའི་རྣམ་པར་ཤེས་པ་ནི་རྣམ་པ་གཉིས་ཀྱིས་ཀུན་གཞི་རྣམ་པར་ཤེས་པའི་རྐྱེན་གྱི་བྱ་བ་བྱེད་དེ། ཚེ་འདི་ལ་ས་བོན་ཡོངས་སུ་བརྟས་པར་བྱེད་པ་དང༌། ཚེ་ཕྱི་མ་ལ་དེ་མངོན་པར་འགྲུབ་པའི་ས་བོན་ཡོངས་སུ་འཛིན་པ་སྐྱེད་པར་བྱེད་པས་སོ། །དེ་ལ་ཚེ་འདི་ལ་ས་བོན་ཡོངས་སུ་བརྟས་པར་བྱེད་པ་ནི། ཇི་ལྟ་ཇི་ལྟར་ཀུན་གཞི་རྣམ་པར་ཤེས་པ་ལ་བརྟེན་པ་འཇུག་པའི་རྣམ་པར་ཤེས་པ་དགེ་བ་དང༌། མི་དགེ་བ་དང༌། ལུང་དུ་མ་བསྟན་པ་འབྱུང་བར་འགྱུར་བ་དེ་ལྟ་དེ་ལྟར་རང་གི་རྟེན་ལ་རྟེན་དེ་དང་ལྷན་ཅིག་སྐྱེ་བ་དང་འགག་པས་བག་ཆགས་སྒོ་བར་བྱེད་དོ། །རྒྱུ་དེ་དང་རྐྱེན་དེས་ན་འཇུག་པའི་རྣམ་པར་ཤེས་པ་རྣམས་ཀྱང་ཕྱིར་ཞིང་ཕྱིར་ཞིང་དགེ་བ་ལ་སོགས་པའི་དངོས་པོས་ཤིན་ཏུ་བརྟས་པ་དང༌། ཤིན་ཏུ་སྦྱངས་པ་དང༌། ཤིན་ཏུ་འོད་གསལ་བ་དག་ཏུ་འབྱུང་བར་འགྱུར་རོ། །དེའི་བག་ཆགས་ཀྱི་རིགས་གཞན་ནི་ཕྱི་མ་ལ་ཀུན་གཞི་རྣམ་པར་ཤེས་པ་དེ་དག་ཉིད་ཀྱི་རྣམ་པར་སྨིན་པ་ཡོངས་སུ་འཛིན་པའི་ཕྱིར་འཇུག་པར་འགྱུར་རོ། །

de la 'jug pa'i rnam par shes pa ni rnam pa gnyis kyis kun gzhi rnam par shes pa'i rkyen gyi bya ba byed de/ tshe 'di la sa bon yongs su brtas par byed pa dang/ tshe phyi ma la de mngon par 'grub pa'i sa bon yongs su 'dzin pa skyed par byed pas so/ /de la tshe 'di la sa bon yongs su brtas par byed pa ni/ ji lta ji ltar kun gzhi rnam par shes pa la brten pa 'jug pa'i rnam par shes pa dge ba dang/ mi dge ba dang/ lung du ma bstan pa 'byung bar 'gyur ba de lta de ltar rang gi rten la rten de dang lhan cig skye ba dang 'gag pas bag chags sgo bar byed do/ /rgyu de dang rkyen des na 'jug pa'i rnam par shes pa rnams kyang phyir zhing phyir zhing dge ba la sogs pa'i dngos pos shin tu brtas pa dang/ shin tu sbyangs pa dang/ shin tu 'od gsal ba dag tu 'byung bar 'gyur ro/ /de'i bag chags kyi rigs gzhan ni phyi ma la kun gzhi rnam par shes pa de dag nyid kyi rnam par smin pa yongs su 'dzin pa'i phyir 'jug par 'gyur ro/ /

【L3 結】

དེ་ལྟར་ན་ས་བོན་གྱི་དངོས་པོ་དང་རྟེན་བྱེད་པ་དང༌། ས་བོན་ཡོངས་སུ་བརྟས་པར་བྱེད་པ་དང༌། ས་བོན་ཡོངས་སུ་འཛིན་པས་ཀྱང་ཀུན་གཞི་རྣམ་པར་ཤེས་པ་དང༌། འཇུག་པའི་རྣམ་པར་ཤེས་པ་གཅིག་གི་རྐྱེན་ཉིད་གཅིག་ཡིན་པས་འཇུག་པ་རྣམ་པར་གཞག་པར་རིག་པར་བྱའོ། །

de ltar na sa bon gyi dngos po dang rten byed pa dang/ sa bon yongs su brtas par byed pa dang/ sa bon yongs su 'dzin pas kyang kun gzhi rnam par shes pa dang/ 'jug pa'i rnam par shes pa gcig gi rkyen nyid gcig yin pas 'jug pa rnam par gzhag par rig par bya'o/ /

【K4 建立俱轉相】【L1 問】

དེ་ལ་ལྷན་ཅིག་གི་དངོས་པོས་འཇུག་པ་རྣམ་པར་གཞག་པ་གང་ཞེ་ན།

de la lhan cig gi dngos pos 'jug pa rnam par gzhag pa gang zhe na/

【L2 解】【M1 明俱轉】【N1 明賴識餘識俱轉】【O1 明根本論】

ཀུན་གཞི་རྣམ་པར་ཤེས་པ་ནི་རེས་འགའ་ནི་འཇུག་པའི་རྣམ་པར་ཤེས་པ་གཅིག་ཁོ་ན་དང་ལྷན་ཅིག་ཏུ་འཇུག་སྟེ། འདི་ལྟ་སྟེ་ཡིད་དང་ངོ༌། །འདི་ལྟར་ངར་འཛིན་པ་དང༌། ངའོ་སྙམ་པའི་ང་རྒྱལ་དང༌། རློམ་པའི་རྣམ་པ་ཅན་གྱི་ཡིད་གང་ཡིན་པ་དེ་ནི་སེམས་ཡོད་པ་དང༌། སེམས་མེད་པའི་གནས་སྐབས་དག་ན་ཡང་དུས་རྟག་ཏུ་ཀུན་གཞི་རྣམ་པར་ཤེས་པ་དང་ལྷན་ཅིག་འབྱུང་ཞིང་འཇུག་སྟེ། ད་ནི་ཀུན་གཞི་རྣམ་པར་ཤེས་པ་ལ་ངའོ་སྙམ་པ་དང༌། བདག་གོ་སྙམ་དུ་དམིགས་ཤིང་རློམ་པའི་རྣམ་པ་ཅན་ཡིན་ནོ། །

kun gzhi rnam par shes pa ni res 'ga' ni 'jug pa'i rnam par shes pa gcig kho na dang lhan cig tu 'jug ste/ 'di lta ste yid dang ngo/ /'di ltar ngar 'dzin pa dang/ nga'o snyam pa'i nga rgyal dang/ rlom pa'i rnam pa can gyi yid gang yin pa de ni sems yod pa dang/ sems med pa'i gnas skabs dag na yang dus rtag tu kun gzhi rnam par shes pa dang lhan cig 'byung zhing 'jug ste/ da ni kun gzhi rnam par shes pa la nga'o snyam pa dang/ bdag go snyam du dmigs shing rlom pa'i rnam pa can yin no/ /

【O2 辨傍生論】

རེས་འགའ་ནི་ཡིད་དང་ཡིད་ཀྱི་རྣམ་པར་ཤེས་པ་གཉིས་དང་ལྷན་ཅིག་འབྱུང་ཞིང་འཇུག་གོ། །རེས་འགའ་ནི་རྣམ་པར་ཤེས་པའི་ཚོགས་ལྔ་པོ་དག་ལས་གང་ཡང་རུང་བ་གཅིག་དང་གསུམ་དང་ངོ༌། །རེས་འགའ་ནི་རྣམ་པར་ཤེས་པའི་ཚོགས་ལྔ་པོ་དག་ལས་གཉིས་ལྷན་ཅིག་འབྱུང་བ་དང་བཞི་དང་ངོ༌། །རེས་འགའ་ནི་རྣམ་པར་ཤེས་པའི་ཚོགས་ལྔ་པོ་ལྷན་ཅིག་འབྱུང་བ་དང་བདུན་ཆར་གྱི་བར་དག་དང༌། ལྷན་ཅིག་འབྱུང་ཞིང་འཇུག་གོ། །ཡིད་ཀྱི་རྣམ་པར་ཤེས་པ་དེ་ནི་ཡིད་ལ་བརྟེན་པ་ཞེས་བྱ་སྟེ། རྒྱུ་མཚན་གྱི་ཡིད་མ་འགགས་ན་རྣམ་པར་རིག་པའི་འཆིང་བ་མི་འགྲོལ་ལ། འགགས་ན་ནི་དེ་འགྲོལ་བའི་ཕྱིར་རོ། །ཡིད་ཀྱི་རྣམ་པར་ཤེས་པ་དེ་ནི་གཞན་གྱི་ཡུལ་ལ་དམིགས་པ་དང༌། རང་གི་ཡུལ་ལ་དམིགས་པ་ཡིན་ཏེ། དེ་ལ་གཞན་གྱི་ཡུལ་ལ་དམིགས་པ་ནི་རྣམ་པར་ཤེས་པའི་ཚོགས་ལྔ་པོ་དག་གི་ཡུལ་ལ་ཅིག་ཅར་རམ༑ ཅིག་ཅར་མ་ཡིན་པར་དམིགས་པ་གང་ཡིན་པའོ། །རང་གི་ཡུལ་ལ་དམིགས་པ་ནི་རྣམ་པར་ཤེས་པའི་ཚོགས་ལྔ་པོ་དག་གི་དམིགས་པ་མེད་པར་ཆོས་ལ་དམིགས་ནས་འབྱུང་བ་གང་ཡིན་པའོ། །

res 'ga' ni yid dang yid kyi rnam par shes pa gnyis dang lhan cig 'byung zhing 'jug go/ /res 'ga' ni rnam par shes pa'i tshogs lnga po dag las gang yang rung ba gcig dang gsum dang ngo/ /res 'ga' ni rnam par shes pa'i tshogs lnga po dag las gnyis lhan cig 'byung ba dang bzhi dang ngo/ /res 'ga' ni rnam par shes pa'i tshogs lnga po lhan cig 'byung ba dang bdun char gyi bar dag dang/ lhan cig 'byung zhing 'jug go/ /yid kyi rnam par shes pa de ni yid la brten pa zhes bya ste/ rgyu mtshan gyi yid ma 'gags na rnam par rig pa'i 'ching ba mi 'grol la/ 'gags na ni de 'grol ba'i phyir ro/ /yid kyi rnam par shes pa de ni gzhan gyi yul la dmigs pa dang/ rang gi yul la dmigs pa yin te/ de la gzhan gyi yul la dmigs pa ni rnam par shes pa'i tshogs lnga po dag gi yul la cig car ram| cig car ma yin par dmigs pa gang yin pa'o/ /rang gi yul la dmigs pa ni rnam par shes pa'i tshogs lnga po dag gi dmigs pa med par chos la dmigs nas 'byung ba gang yin pa'o/ /

【N2 與三受俱轉】

ཀུན་གཞི་རྣམ་པར་ཤེས་པ་དེ་ཡང་རེས་འགའ་ནི་བདེ་བ་དང༌། སྡུག་བསྔལ་བ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་རྣམས་དང་འདྲེན་མར་འཇུག་སྟེ། འཇུག་པའི་རྣམ་པར་ཤེས་པ་ལ་བརྟེན་ནས། ཚོར་བ་གང་དག་ཡིན་པ་དེ་དག་དེ་ལ་བརྟེན་ནས་འབྱུང་བའི་ཕྱིར་རོ། །དེ་ལ་མི་རྣམས་དང་འདོད་པ་ན་སྤྱོད་པའི་ལྷ་རྣམས་དང༌། དུད་འགྲོ་དང༌། ཡི་དྭགས་ཁ་ཅིག་གི་ནང་ན་ནི་ལྷན་ཅིག་སྐྱེས་པའི་ཚོར་བ་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དེ་དང༌། འཇུག་པའི་རྣམ་པར་ཤེས་པའི་ཚོགས་ཀྱི་ཚོར་བ་བདེ་བའམ། སྡུག་བསྔལ་བའམ། བདེ་བ་ཡང་མ་ཡིན།སྡུག་བསྔལ་བ་ཡང་མ་ཡིན་པ་དེ་དག་གི་རྒྱུན་འདྲེན་མར་ལྷན་ཅིག་ཏུ་འབྱུང་ཞིང་འཇུག་གོ། །སེམས་ཅན་དམྱལ་བ་དག་ན་ནི་སྡུག་བསྔལ་བ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་ཟིལ་གྱིས་མནན་ཏེ། སྡུག་བསྔལ་གྱི་རྒྱུན་འབའ་ཞིག་མ་འདྲེས་པ་དེ་ཉིད་དང་ལྷན་ཅིག་འབྱུང་ཞིང་འཇུག་སྟེ། དེ་ཡང་ཟིལ་གྱིས་མནན་པའི་ཕྱིར་རྟོགས་པར་དཀའ་བ་ཡིན་པར་བལྟའོ༑ །སེམས་ཅན་དམྱལ་བ་དག་ན་སྡུག་བསྔལ་དང་ཅི་ལྟ་བ་དེ་བཞིན་དུ་བསམ་གཏན་གསུམ་གྱི་ས་པའི་ལྷ་རྣམས་ལ་ནི་བདེ་བར་དང་ངོ༌། །བསམ་གཏན་བཞི་པ་ཡན་ཅད་སྲིད་པའི་རྩེ་མོའི་བར་དག་ལ་ནི་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང་ངོ༌། །

kun gzhi rnam par shes pa de yang res 'ga' ni bde ba dang/ sdug bsngal ba dang/ sdug bsngal yang ma yin bde ba yang ma yin pa'i tshor ba rnams dang 'dren mar 'jug ste/ 'jug pa'i rnam par shes pa la brten nas/ tshor ba gang dag yin pa de dag de la brten nas 'byung ba'i phyir ro/ /de la mi rnams dang 'dod pa na spyod pa'i lha rnams dang/ dud 'gro dang/ yi dwags kha cig gi nang na ni lhan cig skyes pa'i tshor ba sdug bsngal yang ma yin bde ba yang ma yin pa de dang/ 'jug pa'i rnam par shes pa'i tshogs kyi tshor ba bde ba'am/ sdug bsngal ba'am/ bde ba yang ma yin/sdug bsngal ba yang ma yin pa de dag gi rgyun 'dren mar lhan cig tu 'byung zhing 'jug go/ /sems can dmyal ba dag na ni sdug bsngal ba yang ma yin/ bde ba yang ma yin pa'i tshor ba zil gyis mnan te/ sdug bsngal gyi rgyun 'ba' zhig ma 'dres pa de nyid dang lhan cig 'byung zhing 'jug ste/ de yang zil gyis mnan pa'i phyir rtogs par dka' ba yin par blta'o| /sems can dmyal ba dag na sdug bsngal dang ci lta ba de bzhin du bsam gtan gsum gyi sa pa'i lha rnams la ni bde bar dang ngo/ /bsam gtan bzhi pa yan cad srid pa'i rtse mo'i bar dag la ni sdug bsngal yang ma yin bde ba yang ma yin pa dang ngo/ /

【N3 與三性識轉】

ཀུན་གཞི་རྣམ་པར་ཤེས་པ་རེས་འགའ་ནི་འཇུག་པའི་རྣམ་པར་ཤེས་པར་གཏོགས་པའི་སེམས་ལས་བྱུང་བའི་ཆོས་དགེ་བ་དང་མི་དགེ་བ་དང༌། ལུང་དུ་མ་བསྟན་པ་རྣམས་དང་ལྷན་ཅིག་འབྱུང་ཞིང་འཇུག་སྟེ།

kun gzhi rnam par shes pa res 'ga' ni 'jug pa'i rnam par shes par gtogs pa'i sems las byung ba'i chos dge ba dang mi dge ba dang/ lung du ma bstan pa rnams dang lhan cig 'byung zhing 'jug ste/

【M2 釋通疑】【N1 明賴耶與轉識俱起而不相應】

དེ་ལྟར་ན་ཀུན་གཞི་རྣམ་པར་ཤེས་པ་ནི་འཇུག་པའི་རྣམ་པར་ཤེས་པ་རྣམས་དང་ཡང་ལྷན་ཅིག་འབྱུང་ཞིང་འཇུག་གོ། །གློ་བུར་གྱི་ཚོར་བ་རྣམས་དང༌། གློ་བུར་གྱི་ཆོས་དགེ་བ་དང༌། མི་དགེ་བ་དང༌། ལུང་དུ་མ་བསྟན་པ་རྣམས་དང་ཡང་ལྷན་ཅིག་འབྱུང་ཞིང་འཇུག་སྟེ། དེ་ནི་དེ་དག་དང་མཚུངས་པར་ལྡན་པ་ཡིན་པར་ནི་མི་བརྗོད་དོ། །དེ་ཅིའི་ཕྱིར་ཞེ་ན། དམིགས་པ་མི་མཚུངས་པ་ལ་འཇུག་པའི་ཕྱིར་ཏེ། འདི་ལྟ་སྟེ། དཔེར་ན་མིག་གི་རྣམ་པར་ཤེས་པ་ནི་མིག་དང་ལྷན་ཅིག་འབྱུང་ཡང་དེ་ནི་དེ་དང་མཚུངས་པར་ལྡན་པ་མ་ཡིན་པ་དེ་བཞིན་དུ་འདི་ལ་ཡང་ཆོས་མཚུངས་པ་འགས་ཚུལ་དེ་བཞིན་དུ་བལྟ་བར་བྱའོ། །

de ltar na kun gzhi rnam par shes pa ni 'jug pa'i rnam par shes pa rnams dang yang lhan cig 'byung zhing 'jug go/ /glo bur gyi tshor ba rnams dang/ glo bur gyi chos dge ba dang/ mi dge ba dang/ lung du ma bstan pa rnams dang yang lhan cig 'byung zhing 'jug ste/ de ni de dag dang mtshungs par ldan pa yin par ni mi brjod do/ /de ci'i phyir zhe na/ dmigs pa mi mtshungs pa la 'jug pa'i phyir te/ 'di lta ste/ dper na mig gi rnam par shes pa ni mig dang lhan cig 'byung yang de ni de dang mtshungs par ldan pa ma yin pa de bzhin du 'di la yang chos mtshungs pa 'gas tshul de bzhin du blta bar bya'o/ /

【N2 明與轉識俱起而不相違】

འདི་ལྟ་སྟེ༑ དཔེར་ན་སེམས་ལས་བྱུང་བའི་ཆོས་སེམས་ལས་བྱུང་བ་ཉིད་བྱེ་བྲག་མེད་པ་རྣམས་མཚན་ཉིད་སྣ་ཚོགས་ཡིན་པའི་ཕྱིར་ལྷན་ཅིག་གི་དངོས་པོ་འཇུག་པ་ལ་འགལ་བ་མེད་པ་དེ་བཞིན་དུ། ཀུན་གཞི་རྣམ་པར་ཤེས་པ་དང༌། འཇུག་པའི་རྣམ་པར་ཤེས་པ་རྣམས་ཀྱང་ལྷན་ཅིག་གི་དངོས་པོས་འཇུག་པ་ལ་འགལ་བ་མེད་པར་རིག་པར་བྱའོ། །འདི་ལྟ་སྟེ་དཔེར་ན་ཆུའི་རྒྱུན་དང་ཆུ་རླབས་རྣམས་ལྷན་ཅིག་གི་དངོས་པོས་འཇུག་པར་འགལ་བ་མེད་པ་དང༌། མེ་ལོང་གི་དཀྱིལ་འཁོར་གསལ་བ་དང༌། གཟུགས་བརྙན་རྣམས་ལྷན་ཅིག་གི་དངོས་པོས་འཇུག་པར་འགལ་བ་མེད་པ་དེ་བཞིན་དུ་ཀུན་གཞི་རྣམ་པར་ཤེས་པ་ལ་ཡང་འཇུག་པའི་རྣམ་པར་ཤེས་པ་རྣམས་ལྷན་ཅིག་གི་དངོས་པོས་འཇུག་པར་འགལ་བ་མེད་པར་བལྟ་བར་བྱའོ། །

'di lta ste| dper na sems las byung ba'i chos sems las byung ba nyid bye brag med pa rnams mtshan nyid sna tshogs yin pa'i phyir lhan cig gi dngos po 'jug pa la 'gal ba med pa de bzhin du/ kun gzhi rnam par shes pa dang/ 'jug pa'i rnam par shes pa rnams kyang lhan cig gi dngos pos 'jug pa la 'gal ba med par rig par bya'o/ /'di lta ste dper na chu'i rgyun dang chu rlabs rnams lhan cig gi dngos pos 'jug par 'gal ba med pa dang/ me long gi dkyil 'khor gsal ba dang/ gzugs brnyan rnams lhan cig gi dngos pos 'jug par 'gal ba med pa de bzhin du kun gzhi rnam par shes pa la yang 'jug pa'i rnam par shes pa rnams lhan cig gi dngos pos 'jug par 'gal ba med par blta bar bya'o/ /

【N3 明諸識取境總別】

འདི་ལྟ་སྟེ། དཔེར་ན་མིག་གི་རྣམ་པར་ཤེས་པས་དངོས་པོ་གཅིག་ལ་རེས་འགའ་ནི་གཟུགས་ཀྱི་རྣམ་པ་རིགས་གཅིག་པ་སྣ་ཚོགས་མ་ཡིན་པ་འཛིན་པར་བྱེད། རེས་འགའ་ནི་རྣམ་པ་སྣ་ཚོགས་དུ་མ་ཅིག་ཅར་འཛིན་པར་བྱེད་དོ། །མིག་གི་རྣམ་པར་ཤེས་པས་གཟུགས་ལ་ཇི་ལྟ་བ་བཞིན་དུ། རྣ་བའི་རྣམ་པར་ཤེས་པས་སྒྲ་དག་དང༌། སྣའི་རྣམ་པར་ཤེས་པས་དྲི་དག་དང༌། ལྕེའི་རྣམ་པར་ཤེས་པས་རོ་དག་ལ་ཡང་དེ་བཞིན་པ་དང༌། འདི་ལྟ་སྟེ། དཔེར་ན་ལུས་ཀྱི་རྣམ་པར་ཤེས་པའི་རེག་བྱའི་དངོས་པོ་གཅིག་ལ་རེས་འགའ་ནི་རེག་བྱ་རིགས་གཅིག་པ་སྣ་ཚོགས་མ་ཡིན་པ་འཛིན་པར་བྱེད་ལ། རེས་འགའ་ནི་རྣམ་པ་སྣ་ཚོགས་དུ་མ་ཅིག་ཅར་འཛིན་པར་བྱེད་པ་དེ་བཞིན་དུ་ཡིད་ཀྱི་རྣམ་པར་ཤེས་པའི་རྣམ་པར་རྟོག་པས་ཀྱང་གཅིག་དང་སྣ་ཚོགས་དུ་མ་འཛིན་པ་ལ་འགལ་བ་མེད་པར་རིག་པར་བྱའོ། །

'di lta ste/ dper na mig gi rnam par shes pas dngos po gcig la res 'ga' ni gzugs kyi rnam pa rigs gcig pa sna tshogs ma yin pa 'dzin par byed/ res 'ga' ni rnam pa sna tshogs du ma cig car 'dzin par byed do/ /mig gi rnam par shes pas gzugs la ji lta ba bzhin du/ rna ba'i rnam par shes pas sgra dag dang/ sna'i rnam par shes pas dri dag dang/ lce'i rnam par shes pas ro dag la yang de bzhin pa dang/ 'di lta ste/ dper na lus kyi rnam par shes pa'i reg bya'i dngos po gcig la res 'ga' ni reg bya rigs gcig pa sna tshogs ma yin pa 'dzin par byed la/ res 'ga' ni rnam pa sna tshogs du ma cig car 'dzin par byed pa de bzhin du yid kyi rnam par shes pa'i rnam par rtog pas kyang gcig dang sna tshogs du ma 'dzin pa la 'gal ba med par rig par bya'o/ /

【N4 辨末那諸地恆起不與善等相違】

གང་སྔར་བསྟན་པའི་ཡིད་གང་ཡིན་པ་དེ་ནི་དུས་རྟག་ཏུ་ཀུན་གཞི་རྣམ་པར་ཤེས་པ་དང་ལྷན་ཅིག་འབྱུང་ཞིང་འཇུག་སྟེ། དེ་ནི་ཡང་དག་པར་མ་བཅོམ་གྱི་བར་དུ་དུས་རྟག་པ་ཁོ་ནར་ལྷན་ཅིག་སྐྱེས་པའི་རང་བཞིན་འདྲ་བའི་ཀུན་ནས་ཉོན་མོངས་པ་རྣམ་པ་བཞི་པོ་འཇིག་ཚོགས་ལ་ལྟ་བའི་ཀུན་ནས་ཉོན་མོངས་པ་དང༌། ངའོ་སྙམ་པའི་ང་རྒྱལ་གྱི་ཀུན་ནས་ཉོན་མོངས་པ་དང༌། བདག་ལ་ཆགས་པའི་ཀུན་ནས་ཉོན་མོངས་པ་དང༌། མ་རིག་པའི་ཀུན་ནས་ཉོན་མོངས་པ་དང་མཚུངས་པར་ལྡན་པ་ཡིན་པར་བལྟ་བར་བྱའོ། །ཀུན་ནས་ཉོན་མོངས་པ་རྣམ་པ་བཞི་པོ་དེ་དག་ཀྱང་མཉམ་པར་ཞག་པ་དང༌། མཉམ་པར་མ་བཞག་པའི་ས་ལ་དགེ་བ་ལ་སོགས་པ་དག་ལ་འགལ་བ་མེད་པར་འཇུག་པ་དང༌། བསྒྲིབས་ལ་ལུང་དུ་མ་བསྟན་པ་ཡིན་པར་བལྟ་བར་བྱའོ། །

gang sngar bstan pa'i yid gang yin pa de ni dus rtag tu kun gzhi rnam par shes pa dang lhan cig 'byung zhing 'jug ste/ de ni yang dag par ma bcom gyi bar du dus rtag pa kho nar lhan cig skyes pa'i rang bzhin 'dra ba'i kun nas nyon mongs pa rnam pa bzhi po 'jig tshogs la lta ba'i kun nas nyon mongs pa dang/ nga'o snyam pa'i nga rgyal gyi kun nas nyon mongs pa dang/ bdag la chags pa'i kun nas nyon mongs pa dang/ ma rig pa'i kun nas nyon mongs pa dang mtshungs par ldan pa yin par blta bar bya'o/ /kun nas nyon mongs pa rnam pa bzhi po de dag kyang mnyam par zhag pa dang/ mnyam par ma bzhag pa'i sa la dge ba la sogs pa dag la 'gal ba med par 'jug pa dang/ bsgribs la lung du ma bstan pa yin par blta bar bya'o/ /

【L3 結】

དེ་ལྟར་ན་འཇུག་པའི་རྣམ་པར་ཤེས་པ་དང་ལྷན་ཅིག་གི་དངོས་པོ་དང༌། ཚོར་བ་དང་ལྷན་ཅིག་གི་དངོས་པོ་དང༌། དགེ་བ་ལ་སོགས་པ་དང་ལྷན་ཅིག་གི་དངོས་པོས་ཀྱང་ཀུན་གཞི་རྣམ་པར་ཤེས་པ་ལྷན་ཅིག་གི་དངོས་པོས་འཇུག་པར་རྣམ་པར་གཞག་པར་རིག་པར་བྱའོ། །

de ltar na 'jug pa'i rnam par shes pa dang lhan cig gi dngos po dang/ tshor ba dang lhan cig gi dngos po dang/ dge ba la sogs pa dang lhan cig gi dngos pos kyang kun gzhi rnam par shes pa lhan cig gi dngos pos 'jug par rnam par gzhag par rig par bya'o/ /

【K5 建立雜染還滅相】【L1 問】

ཀུན་ནས་ཉོན་མོངས་པ་ལྡོག་པ་རྣམ་པར་གཞག་པ་གང་ཞེ་ན་

kun nas nyon mongs pa ldog pa rnam par gzhag pa gang zhe na

【L2 解】【M1 明建立雜染】

ཀུན་གཞི་རྣམ་པར་ཤེས་པ་ནི། མདོར་ན་ཀུན་ནས་ཉོན་མོངས་པ་ཐམས་ཅད་ཀྱི་རྩ་བ་ཡིན་ནོ། །འདི་ལྟར་དེ་ནི་སེམས་ཅན་གྱི་འཇིག་རྟེན་འགྲུབ་པའི་རྩ་བ་ཡིན་ཏེ། དབང་པོ་རྟེན་དང་བཅས་པ་རྣམས་དང༌། འཇུག་པའི་རྣམ་པར་ཤེས་པ་རྣམས་སྐྱེད་པར་བྱེད་པ་ཡིན་པའི་ཕྱིར་རོ། །སྣོད་ཀྱི་འཇིག་རྟེན་འགྲུབ་པའི་རྩ་བ་ཡང་ཡིན་ཏེ། སྣོད་ཀྱི་འཇིག་རྟེན་སྐྱེད་པར་བྱེད་པ་ཡིན་པའི་ཕྱིར་རོ། །གཞན་ཡང་སེམས་ཅན་ཐམས་ཅད་ནི་གཅིག་གི་དབང་གཅིག་ཡིན་པའི་ཕྱིར་སེམས་ཅན་ཕན་ཚུན་འཇུག་པའི་རྩ་བ་ཡང་ཡིན་ཏེ། འདི་ལྟར་དེ་ལས་གཞན་པའི་སེམས་ཅན་གྱི་མཐོང་བ་ལ་སོགས་པས་བདེ་བ་དང༌། སྡུག་བསྔལ་ལ་སོགས་པ་ཉམས་སུ་མྱོང་བར་མི་འགྱུར་བ་གང་ཡིན་པའི་སེམས་ཅན་དེ་དག་ནི་འགའ་ཡང་མེད་པའི་ཕྱིར་རོ། །རྣམ་གྲངས་དེས་ན་སེམས་ཅན་གྱི་ཁམས་གང་ཡིན་པ་དེ་ནི་གཅིག་གི་དབང་གཅིག་ཡིན་པར་རིག་པར་བྱའོ། །དེ་ལྟར་ན་ཀུན་གཞི་རྣམ་པར་ཤེས་པ་དེ་ཉིད་ནི་ས་བོན་ཐམས་ཅད་པ་ཡིན་པའི་ཕྱིར་ད་ལྟར་གྱི་དུས་ན་སྡུག་བསྔལ་གྱི་བདེན་པའི་རང་བཞིན་དང༌། མ་འོངས་པའི་དུས་ན་སྡུག་བསྔལ་གྱི་བདེན་པ་སྐྱེད་པར་བྱེད་པ་དང༌། ད་ལྟར་གྱི་དུས་ཉིད་ནི་ཀུན་འབྱུང་བའི་བདེན་པ་སྐྱེད་པར་བྱེད་པའང་ཡིན་ནོ། །དེ་ལྟར་ན་སེམས་ཅན་གྱི་འཇིག་རྟེན་འགྲུབ་པར་བྱེད་པ་དང༌། སྣོད་ཀྱི་འཇིག་རྟེན་འགྲུབ་པར་བྱེད་པ་དང༌། སྡུག་བསྔལ་གྱི་བདེན་པའི་རང་བཞིན་ཡིན་པ་དང༌། མ་འོངས་པའི་སྡུག་བསྔལ་གྱི་བདེན་པ་འགྲུབ་པར་བྱེད་པ་དང༌། ད་ལྟར་གྱི་ཀུན་འབྱུང་བའི་བདེན་པ་འགྲུབ་པར་བྱེད་པས་ཀྱང་ཀུན་གཞི་རྣམ་པར་ཤེས་པ་ནི་ཀུན་ནས་ཉོན་མོངས་པ་ཐམས་ཅད་ཀྱི་རྩ་བ་ཡིན་པར་བལྟ་བར་བྱའོ། །

kun gzhi rnam par shes pa ni/ mdor na kun nas nyon mongs pa thams cad kyi rtsa ba yin no/ /'di ltar de ni sems can gyi 'jig rten 'grub pa'i rtsa ba yin te/ dbang po rten dang bcas pa rnams dang/ 'jug pa'i rnam par shes pa rnams skyed par byed pa yin pa'i phyir ro/ /snod kyi 'jig rten 'grub pa'i rtsa ba yang yin te/ snod kyi 'jig rten skyed par byed pa yin pa'i phyir ro/ /gzhan yang sems can thams cad ni gcig gi dbang gcig yin pa'i phyir sems can phan tshun 'jug pa'i rtsa ba yang yin te/ 'di ltar de las gzhan pa'i sems can gyi mthong ba la sogs pas bde ba dang/ sdug bsngal la sogs pa nyams su myong bar mi 'gyur ba gang yin pa'i sems can de dag ni 'ga' yang med pa'i phyir ro/ /rnam grangs des na sems can gyi khams gang yin pa de ni gcig gi dbang gcig yin par rig par bya'o/ /de ltar na kun gzhi rnam par shes pa de nyid ni sa bon thams cad pa yin pa'i phyir da ltar gyi dus na sdug bsngal gyi bden pa'i rang bzhin dang/ ma 'ongs pa'i dus na sdug bsngal gyi bden pa skyed par byed pa dang/ da ltar gyi dus nyid ni kun 'byung ba'i bden pa skyed par byed pa'ang yin no/ /de ltar na sems can gyi 'jig rten 'grub par byed pa dang/ snod kyi 'jig rten 'grub par byed pa dang/ sdug bsngal gyi bden pa'i rang bzhin yin pa dang/ ma 'ongs pa'i sdug bsngal gyi bden pa 'grub par byed pa dang/ da ltar gyi kun 'byung ba'i bden pa 'grub par byed pas kyang kun gzhi rnam par shes pa ni kun nas nyon mongs pa thams cad kyi rtsa ba yin par blta bar bya'o/ /

【M2 明趣入通達修習作意】【N1 明趣入通達】【O1 趣入通達】

ཀུན་གཞི་རྣམ་པར་ཤེས་པ་ཐར་པའི་ཆ་དང་མཐུན་པ་དང༌། ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བ་རྣམས་ཀྱི་ས་བོན་ཡོངས་སུ་འཛིན་པ་གང་ཡིན་པ་དེ་ནི་ཀུན་འབྱུང་བ་བདེན་པའི་རྒྱུ་མ་ཡིན་ཏེ། ཐར་པ་ལ་སོགས་པའི་ཆ་དང་མཐུན་པའི་དགེ་བའི་རྩ་བ་རྣམས་ནི་འཇུག་པ་དང་འགལ་བ་ཉིད་ཡིན་པའི་ཕྱིར་རོ། །དེ་བྱུང་ན་དེ་ལས་གཞན་པ་འཇིག་རྟེན་པའི་དགེ་བའི་རྩ་བ་རྣམས་ནི་ཆེས་འོད་གསལ་བར་འགྱུར་ཞིང༌། དེས་ན་དེ་དག་རང་གི་ས་བོན་ཡོངས་སུ་བཟུང་བ་ལ་ཆེས་མཐུ་དང་ལྡན་པ་དང་ས་བོན་ཡོངས་སུ་བརྟས་པས་བསྒྲུབ་པ་ལ་ཆེས་སྟོབས་དང་ལྡན་པར་འགྱུར་རོ། །ས་བོན་དེ་ལས་དགེ་བའི་ཆོས་དེ་དག་ཀྱང་ཆེས་འོད་གསལ་བར་འགྲུབ་པ་དང༌། ཕྱི་མ་ལ་ཡང་རྣམ་པར་སྨིན་པ་ཆེས་སྡུག་པ་དང༌། ཆེས་འདོད་པ་འགྲུབ་པར་འགྱུར་རོ། །

kun gzhi rnam par shes pa thar pa'i cha dang mthun pa dang/ nges par 'byed pa'i cha dang mthun pa'i dge ba'i rtsa ba rnams kyi sa bon yongs su 'dzin pa gang yin pa de ni kun 'byung ba bden pa'i rgyu ma yin te/ thar pa la sogs pa'i cha dang mthun pa'i dge ba'i rtsa ba rnams ni 'jug pa dang 'gal ba nyid yin pa'i phyir ro/ /de byung na de las gzhan pa 'jig rten pa'i dge ba'i rtsa ba rnams ni ches 'od gsal bar 'gyur zhing/ des na de dag rang gi sa bon yongs su bzung ba la ches mthu dang ldan pa dang sa bon yongs su brtas pas bsgrub pa la ches stobs dang ldan par 'gyur ro/ /sa bon de las dge ba'i chos de dag kyang ches 'od gsal bar 'grub pa dang/ phyi ma la yang rnam par smin pa ches sdug pa dang/ ches 'dod pa 'grub par 'gyur ro/ /

【O2 釋通疑難】

བཅོམ་ལྡན་འདས་ཀྱིས་ཀྱང་ཀུན་གཞི་རྣམ་པར་ཤེས་པ་ས་བོན་ཐམས་ཅད་པ་འདི་ལ་དགོངས་ནས་མིག་གི་ཁམས་དང༌། གཟུགས་ཀྱི་ཁམས་དང༌། མིག་གི་རྣམ་པར་ཤེས་པའི་ཁམས་དང༌། ཡིད་ཀྱི་ཁམས་དང༌། ཆོས་ཀྱི་ཁམས་དང༌། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་གསུངས་ཏེ། ཀུན་གཞི་རྣམ་པར་ཤེས་པ་ལ་ཁམས་སྣ་ཚོགས་ཡོད་པའི་ཕྱིར་རོ། །མདོ་ཉིད་ལས་ཀྱང་ཀུན་གཞི་རྣམ་པར་ཤེས་པ་ལ་ཁམས་དུ་མ་ཡོད་པའི་ཕྱིར་རོ། །ཇི་ལྟར་དབང་པོའི་ཚོགས་ཀྱི་དཔེ་མཛད་པ་ལྟ་བུའོ། །

bcom ldan 'das kyis kyang kun gzhi rnam par shes pa sa bon thams cad pa 'di la dgongs nas mig gi khams dang/ gzugs kyi khams dang/ mig gi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams kyi bar du gsungs te/ kun gzhi rnam par shes pa la khams sna tshogs yod pa'i phyir ro/ /mdo nyid las kyang kun gzhi rnam par shes pa la khams du ma yod pa'i phyir ro/ /ji ltar dbang po'i tshogs kyi dpe mdzad pa lta bu'o/ /

【N2 明修習作意】【O1 標】

དེ་ལྟར་ན་ཀུན་ནས་ཉོན་མོངས་པའི་རྩ་བ་ཀུན་གཞི་རྣམ་པར་ཤེས་པ་དེ་ནི་འདི་ལྟར་དགེ་བའི་ཆོས་བསྒོམས་པས་རྣམ་པར་ལྡོག་པར་རིག་པར་བྱའོ། །

de ltar na kun nas nyon mongs pa'i rtsa ba kun gzhi rnam par shes pa de ni 'di ltar dge ba'i chos bsgoms pas rnam par ldog par rig par bya'o/ /

【O2 釋】

དགེ་བའི་ཆོས་བསྒོམ་པ་དེ་ཡང་སོ་སོའི་སྐྱེ་བོ་སེམས་གནས་པར་བྱ་བའི་ཕྱིར་འཇུག་པའི་རྣམ་པར་ཤེས་པ་ལ་དམིགས་པའི་ཡིད་ལ་བྱེད་པས་བརྩོན་པར་བྱེད་པ་ནི། དེའི་དང་པོར་བདེན་པ་མངོན་པར་རྟོགས་པ་ལ་འཛུག་པར་བྱ་བའི་ཕྱིར་བསྒོམ་སྟེ། བདེན་པ་མ་མཐོང་བ་བདེན་པ་རྣམས་ལ་མིག་མ་ཐོབ་པས་ནི་ཀུན་གཞི་རྣམ་པར་ཤེས་པ་ས་བོན་ཐམས་ཅད་པ་ཡང་རྟོགས་པར་མི་ནུས་པའི་ཕྱིར་རོ། །དེ་དེ་ལྟར་ཞུགས་ཤིང་ཉན་ཐོས་ཀྱི་ཡང་དག་པ་ཉིད་སྐྱོན་མེད་པ་ལ་ཞུགས་སམ། བྱང་ཆུབ་སེམས་དཔའི་ཡང་དག་པ་ཉིད་སྐྱོན་མེད་པ་ལ་ཞུགས་ཏེ་ཆོས་ཐམས་ཅད་ཀྱི་ཆོས་ཀྱི་དབྱིངས་རྟོགས་པར་བྱེད་པ་ན། ཀུན་གཞི་རྣམ་པར་ཤེས་པ་ཡང་རྟོགས་པར་བྱེད་དེ། དེར་ཀུན་ནས་ཉོན་མོངས་པ་ཐམས་ཅད་ལ་ཡང་དག་པར་འདུས་པར་བལྟ་ཞིང༌། དེ་ནང་གི་སོ་སོའི་བདག་ཉིད་ལ་ཕྱི་རོལ་གྱི་མཚན་མའི་འཆིང་བ་དང༌། ནང་གི་གནས་ངན་ལེན་གྱི་འཆིང་བས་བདག་ཉིད་བཅིངས་པ་རྟོགས་པར་བྱེད་དོ། །

dge ba'i chos bsgom pa de yang so so'i skye bo sems gnas par bya ba'i phyir 'jug pa'i rnam par shes pa la dmigs pa'i yid la byed pas brtson par byed pa ni/ de'i dang por bden pa mngon par rtogs pa la 'dzug par bya ba'i phyir bsgom ste/ bden pa ma mthong ba bden pa rnams la mig ma thob pas ni kun gzhi rnam par shes pa sa bon thams cad pa yang rtogs par mi nus pa'i phyir ro/ /de de ltar zhugs shing nyan thos kyi yang dag pa nyid skyon med pa la zhugs sam/ byang chub sems dpa'i yang dag pa nyid skyon med pa la zhugs te chos thams cad kyi chos kyi dbyings rtogs par byed pa na/ kun gzhi rnam par shes pa yang rtogs par byed de/ der kun nas nyon mongs pa thams cad la yang dag par 'dus par blta zhing/ de nang gi so so'i bdag nyid la phyi rol gyi mtshan ma'i 'ching ba dang/ nang gi gnas ngan len gyi 'ching bas bdag nyid bcings pa rtogs par byed do/ /

【M3 明建立轉依】【N1 明轉依】

ཀུན་གཞི་རྣམ་པར་ཤེས་པ་ནི་འདུ་བྱེད་ཀྱི་རྣམ་པར་སྤྲོས་པར་བསྡུས་པ་དེ་དག་ཐམས་ཅད་ཀྱི་ཁམས་པ་ཡིན་པའི་ཕྱིར། ཀུན་གཞི་རྣམ་པར་ཤེས་པ་ལ་གཅིག་ཏུ་སྡུད་པ་དང༌། གཅིག་ཏུ་སྤུངས་པ་དང༌། གཅིག་ཏུ་སོགས་པར་བྱེད་དེ། གཅིག་ཏུ་བསགས་ནས་དེ་བཞིན་ཉིད་ལ་དམིགས་པའི་ཤེས་པས་ཀུན་ཏུ་བརྟེན་ཅིང་གོམས་པར་བྱས་པའི་རྒྱུས་གནས་འགྱུར་བར་བྱེད་དོ། །གནས་འགྱུར་མ་ཐག་ཏུ་ཀུན་གཞི་རྣམ་པར་ཤེས་པ་སྤངས་པར་བརྗོད་པར་བྱ་སྟེ། དེ་སྤངས་པའི་ཕྱིར་ཀུན་ནས་ཉོན་མོངས་པ་ཐམས་ཅད་ཀྱང་སྤངས་པར་བརྗོད་པར་བྱའོ། །

kun gzhi rnam par shes pa ni 'du byed kyi rnam par spros par bsdus pa de dag thams cad kyi khams pa yin pa'i phyir/ kun gzhi rnam par shes pa la gcig tu sdud pa dang/ gcig tu spungs pa dang/ gcig tu sogs par byed de/ gcig tu bsags nas de bzhin nyid la dmigs pa'i shes pas kun tu brten cing goms par byas pa'i rgyus gnas 'gyur bar byed do/ /gnas 'gyur ma thag tu kun gzhi rnam par shes pa spangs par brjod par bya ste/ de spangs pa'i phyir kun nas nyon mongs pa thams cad kyang spangs par brjod par bya'o/ /

【N2 明轉依與彼賴耶相違】

ཀུན་གཞི་རྣམ་པར་ཤེས་པ་དེའི་གནས་ནི། གཉེན་པོ་དང༌། དགྲ་བོས་བསྒྱུར་བར་རིག་པར་བྱའོ། །ཀུན་གཞི་རྣམ་པར་ཤེས་པ་ནི་མི་རྟག་པ་དང༌། ལེན་པ་དང་བཅས་པ་ཡིན་ལ། གནས་གྱུར་པ་ནི་རྟག་པ་དང་ལེན་པ་མེད་པ་ཡིན་ཏེ། དེ་བཞིན་ཉིད་ལ་དམིགས་པའི་ལམ་གྱིས་བསྒྱུར་བའི་ཕྱིར་རོ། །ཀུན་གཞི་རྣམ་པར་ཤེས་པ་ནི་གནས་ངན་ལེན་དང་ལྡན་པ་ཡིན་ལ་གནས་གྱུར་པ་ནི་གནས་ངན་ལེན་ཐམས་ཅད་དང་གཏན་བྲལ་བ་ཡིན་ནོ། །ཀུན་གཞི་རྣམ་པར་ཤེས་པ་ནི་ཉོན་མོངས་པ་རྣམས་ཀྱི་འཇུག་པའི་རྒྱུ་དང་ལམ་གྱི་འཇུག་པའི་རྒྱུ་མ་ཡིན་ལ། གནས་གྱུར་པ་ནི་ཉོན་མོངས་པ་རྣམས་ཀྱི་འཇུག་པའི་རྒྱུ་མ་ཡིན་པ་དང༌། ལམ་དུ་འཇུག་པའི་རྒྱུ་ཡིན་ཏེ། གནས་པའི་རྒྱུ་ཉིད་ཡིན་པ་དང༌། སྐྱེད་པའི་རྒྱུ་ཉིད་མ་ཡིན་པའི་ཕྱིར་རོ། །ཀུན་གཞི་རྣམ་པར་ཤེས་པ་ནི་དགེ་བ་དང་ལུང་དུ་མ་བསྟན་པའི་ཆོས་རྣམས་ལ་དབང་མི་བྱེད་ལ། གནས་གྱུར་པ་ནི་དགེ་བ་དང་ལུང་དུ་མ་བསྟན་པའི་ཆོས་ཐམས་ཅད་ལ་དབང་བྱེད་པའོ། །

kun gzhi rnam par shes pa de'i gnas ni/ gnyen po dang/ dgra bos bsgyur bar rig par bya'o/ /kun gzhi rnam par shes pa ni mi rtag pa dang/ len pa dang bcas pa yin la/ gnas gyur pa ni rtag pa dang len pa med pa yin te/ de bzhin nyid la dmigs pa'i lam gyis bsgyur ba'i phyir ro/ /kun gzhi rnam par shes pa ni gnas ngan len dang ldan pa yin la gnas gyur pa ni gnas ngan len thams cad dang gtan bral ba yin no/ /kun gzhi rnam par shes pa ni nyon mongs pa rnams kyi 'jug pa'i rgyu dang lam gyi 'jug pa'i rgyu ma yin la/ gnas gyur pa ni nyon mongs pa rnams kyi 'jug pa'i rgyu ma yin pa dang/ lam du 'jug pa'i rgyu yin te/ gnas pa'i rgyu nyid yin pa dang/ skyed pa'i rgyu nyid ma yin pa'i phyir ro/ /kun gzhi rnam par shes pa ni dge ba dang lung du ma bstan pa'i chos rnams la dbang mi byed la/ gnas gyur pa ni dge ba dang lung du ma bstan pa'i chos thams cad la dbang byed pa'o/ /

【N3 明已轉依相】

ཀུན་གཞི་རྣམ་པར་ཤེས་པ་དེའི་སྤངས་པའི་མཚན་ཉིད་ནི་དེ་སྤངས་མ་ཐག་ཏུ་ལེན་པ་རྣམ་པ་གཉིས་སྤོང་བ་དང༌། སྤྲུལ་པ་ལྟ་བུའི་ལུས་ཀུན་ཏུ་གནས་པ་སྟེ། ཕྱི་མ་ལ་སྡུག་བསྔལ་ཡང་འབྱུང་བར་བྱེད་པའི་རྒྱུ་སྤངས་པའི་ཕྱིར། ཕྱི་མ་ལ་ཡང་འབྱུང་བར་བྱེད་པའི་ལེན་པ་སྤོང་བ་དང༌། ཚེ་འདི་ལ་ཀུན་ནས་ཉོན་མོངས་པའི་རྒྱུ་ཐམས་ཅད་སྤངས་པའི་ཕྱིར་ཚེ་འདིའི་ཀུན་ནས་ཉོན་མོངས་པའི་གནས་ངན་ལེན་ཐམས་ཅད་སྤོང་བ་དང༌། གནས་ངན་ལེན་ཐམས་ཅད་དང་བྲལ་ཞིང་སྲོག་གི་རྐྱེན་དུ་གྱུར་པ་ཙམ་ཀུན་ཏུ་གནས་སོ། །དེ་ཡོད་ན་ལུས་ཀྱི་མཐའ་པ་དང༌། སྲོག་གི་མཐར་པའི་ཚོར་བ་མྱོང་བར་བྱེད་དེ། དེའི་ཕྱིར་མདོ་སྡེ་ལས་ཀྱང་འདི་ན་དེའི་ཚོར་བ་ཐམས་ཅད་དེ་ཙམ་གྱིས་ན་ཡོངས་སུ་གཏུགས་པར་འགྱུར་རོ་ཞེས་རྒྱ་ཆེར་ཇི་སྐད་དུ་གསུངས་པ་ལྟ་བུའོ། །

kun gzhi rnam par shes pa de'i spangs pa'i mtshan nyid ni de spangs ma thag tu len pa rnam pa gnyis spong ba dang/ sprul pa lta bu'i lus kun tu gnas pa ste/ phyi ma la sdug bsngal yang 'byung bar byed pa'i rgyu spangs pa'i phyir/ phyi ma la yang 'byung bar byed pa'i len pa spong ba dang/ tshe 'di la kun nas nyon mongs pa'i rgyu thams cad spangs pa'i phyir tshe 'di'i kun nas nyon mongs pa'i gnas ngan len thams cad spong ba dang/ gnas ngan len thams cad dang bral zhing srog gi rkyen du gyur pa tsam kun tu gnas so/ /de yod na lus kyi mtha' pa dang/ srog gi mthar pa'i tshor ba myong bar byed de/ de'i phyir mdo sde las kyang 'di na de'i tshor ba thams cad de tsam gyis na yongs su gtugs par 'gyur ro zhes rgya cher ji skad du gsungs pa lta bu'o/ /

【L3 結】

དེ་ལྟར་ན་ཀུན་ནས་ཉོན་མོངས་པའི་རྩ་བ་རྣམ་པར་གཞག་པ་དང༌། འཇུག་པ་དང༌། རྟོག་པ་དང༌། བསྒོམ་པ་དང༌། ཡིད་ལ་བྱེད་པ་རྣམ་པར་གཞག་པ་དང༌། གནས་གྱུར་པ་རྣམ་པར་གཞག་པས་ཀྱང་ཀུན་གཞི་རྣམ་པར་ཤེས་པའི་ཀུན་ནས་ཉོན་མོངས་པ་རྣམ་པར་ལྡོག་པ་རྣམ་པར་གཞག་པར་རིག་པར་བྱའོ། །

de ltar na kun nas nyon mongs pa'i rtsa ba rnam par gzhag pa dang/ 'jug pa dang/ rtog pa dang/ bsgom pa dang/ yid la byed pa rnam par gzhag pa dang/ gnas gyur pa rnam par gzhag pas kyang kun gzhi rnam par shes pa'i kun nas nyon mongs pa rnam par ldog pa rnam par gzhag par rig par bya'o/ /

【H3 結】

དེ་ལྟར་ན་འདི་ནི་སེམས་དང་ཡིད་དང་རྣམ་པར་ཤེས་པ་རྣམ་པར་གཞག་པའི་ཚུལ་ཡང་དག་པ་ཡིན་ཏེ། དེ་ལྟར་ཁམས་གསུམ་པའི་སེམས་དང་ཡིད་དང་རྣམ་པར་ཤེས་པ་ཐམས་ཅད་ཇི་སྐད་བསྟན་པའི་ཚུལ་འདིས་ཀུན་ནས་ཉོན་མོངས་པའི་ཚུལ་དང༌། རྣམ་པར་བྱང་བའི་ཚུལ་ཐམས་ཅད་ཁོང་དུ་ཆུད་པར་བྱའོ། །སེམས་དང་ཡིད་དང་རྣམ་པར་ཤེས་པའི་ཚུལ་གཞན་ཡོངས་སུ་བསྟན་པ་གང་ཡིན་པ་དེ་ནི་གདུལ་བའི་རིམ་པ་ཉིད་ཀྱི་ཕྱིར་ཏེ། འདི་ལྟ་སྟེ་གདུལ་བ་བྱིས་པའི་ཤེས་རབ་ཅན་གྱི་དབང་དུ་བྱས་ནས་ཐབས་སླ་བས་འཇུག་པར་བྱ་བའི་ཕྱིར་རོ། །

de ltar na 'di ni sems dang yid dang rnam par shes pa rnam par gzhag pa'i tshul yang dag pa yin te/ de ltar khams gsum pa'i sems dang yid dang rnam par shes pa thams cad ji skad bstan pa'i tshul 'dis kun nas nyon mongs pa'i tshul dang/ rnam par byang ba'i tshul thams cad khong du chud par bya'o/ /sems dang yid dang rnam par shes pa'i tshul gzhan yongs su bstan pa gang yin pa de ni gdul ba'i rim pa nyid kyi phyir te/ 'di lta ste gdul ba byis pa'i shes rab can gyi dbang du byas nas thabs sla bas 'jug par bya ba'i phyir ro/ /

【G2 約成就四句】

གང་ཀུན་གཞི་རྣམ་པར་ཤེས་པ་དང་ལྡན་པ་དེ་འཇུག་པའི་རྣམ་པར་ཤེས་པ་དང་ཡང་ལྡན་ལ། གང་འཇུག་པའི་རྣམ་པར་ཤེས་པ་དང་ལྡན་པ་དེ་ཡང་ཀུན་གཞི་རྣམ་པར་ཤེས་པ་དང་ཡང་ལྡན་པ་ཡིན་ནམ་ཞེ་ན། མུ་བཞི་སྟེ། ཀུན་གཞི་རྣམ་པར་ཤེས་པ་དང་ལྡན་པ་ལ་འཇུག་པའི་རྣམ་པར་ཤེས་པ་དང་མི་ལྡན་པ་ནི་གཉིད་ལོག་པ་སེམས་མེད་པ་དང༌། བརྒྱལ་བར་གྱུར་པ་སེམས་མེད་པ་དང༌། འདུ་ཤེས་མེད་པའི་སྙོམས་པར་འཇུག་པ་དང༌། འགོག་པའི་སྙོམས་པར་འཇུག་པ་ལ་སྙོམས་པར་ཞུགས་པ་དང་། འདུ་ཤེས་མེད་པའི་སེམས་ཅན་རྣམས་ཀྱི་ནང་དུ་སྐྱེས་པའོ། །འཇུག་པའི་རྣམ་པར་ཤེས་པ་དང་ལྡན་ལ། ཀུན་གཞི་རྣམ་པར་ཤེས་པ་དང་མི་ལྡན་པ་ནི་སེམས་ཡོད་པའི་གནས་སྐབས་ན་དགྲ་བཅོམ་པ་དང༌། རང་སངས་རྒྱས་དང༌། ཕྱིར་མི་ལྡོག་པའི་བྱང་ཆུབ་སེམས་དཔའ་དང༌། དེ་བཞིན་གཤེགས་པའོ། །གཉི་ག་དང་ལྡན་པ་ནི་སེམས་ཡོད་པའི་གནས་སྐབས་དེ་ལས་གཞན་པ་དག་ནའོ། །གཉི་ག་དང་མི་ལྡན་པ་ནི་དགྲ་བཅོམ་པ་དང༌། རང་སངས་རྒྱས་དང༌། ཕྱིར་མི་ལྡོག་པའི་བྱང་ཆུབ་སེམས་དཔའ་དང༌། དེ་བཞིན་གཤེགས་པ་འགོག་པ་ལ་སྙོམས་པར་ཞུགས་པ་དང༌། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ནའོ། །

gang kun gzhi rnam par shes pa dang ldan pa de 'jug pa'i rnam par shes pa dang yang ldan la/ gang 'jug pa'i rnam par shes pa dang ldan pa de yang kun gzhi rnam par shes pa dang yang ldan pa yin nam zhe na/ mu bzhi ste/ kun gzhi rnam par shes pa dang ldan pa la 'jug pa'i rnam par shes pa dang mi ldan pa ni gnyid log pa sems med pa dang/ brgyal bar gyur pa sems med pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa la snyoms par zhugs pa dang / 'du shes med pa'i sems can rnams kyi nang du skyes pa'o/ /'jug pa'i rnam par shes pa dang ldan la/ kun gzhi rnam par shes pa dang mi ldan pa ni sems yod pa'i gnas skabs na dgra bcom pa dang/ rang sangs rgyas dang/ phyir mi ldog pa'i byang chub sems dpa' dang/ de bzhin gshegs pa'o/ /gnyi ga dang ldan pa ni sems yod pa'i gnas skabs de las gzhan pa dag na'o/ /gnyi ga dang mi ldan pa ni dgra bcom pa dang/ rang sangs rgyas dang/ phyir mi ldog pa'i byang chub sems dpa' dang/ de bzhin gshegs pa 'gog pa la snyoms par zhugs pa dang/ phung po'i lhag ma med pa'i mya ngan las 'das pa'i dbyings na'o/ /

【G3 問答辨】

གང་གི་ཕྱིར་ནང་དང་ཕྱི་རོལ་གྱི་ཆོས་ཐམས་ཅད་ངོ་བོ་ཉིད་སོ་སོར་ངེས་པ་ནི། སོ་སོ་རང་རང་གི་མཚན་ཉིད་ལ་རྣམ་པར་གནས་པ་ཡིན་ན། འོ་ན་ཅིའི་ཕྱིར་ཁམས་བཅོ་བརྒྱད་པོ་དག་ལས་རྣམ་པར་ཤེས་པའི་ཁམས་དྲུག་པོ་དག་ནི་ངོ་བོ་ཉིད་ལས་རྣམ་པར་གཞག་ལ། དེ་ལས་གཞན་པའི་ཁམས་རྣམས་ནི་གནས་དང༌། དམིགས་པ་དང༌། གྲོགས་ལས་རྣམ་པར་གཞག་ཅེ་ན། རྣམ་པར་ཤེས་པའི་ཁམས་དྲུག་པོ་གང་ཡིན་པ་འདི་དག་ནི་ཉིན་མོ་དང་མཚན་མོ་དེ་དང་དེ་དག་འདས་པ་དང༌། སྐད་ཅིག་དེ་དང་དེ་དག་འདས་པ་དང༌། ཐང་ཅིག་དང༌། ཡུད་ཙམ་དེ་དང་དེ་དག་འདས་ནས། རྒྱུ་དེ་དག་དང་རྐྱེན་དེ་དག་ལ་བརྟེན་ཏེ། མིག་ལ་སོགས་པ་གནས་རྣམས་དང༌། གཟུགས་ལ་སོགས་པ་དམིགས་པ་རྣམས་དང༌། སེམས་ལས་བྱུང་བ་གྲོགས་རྣམས་ཀྱིས་རྣམ་པ་དུ་མ་རྣམ་པ་མང་པོ་སྣ་ཚོགས་དག་འབྱུང་ཞིང༌། གནས་གང་དང་གང་ནས་འབྱུང་བ་དེ་དང་དེའི་མིང་འཐོབ་བོ། །འདི་ལྟ་སྟེ། དཔེར་ན་མེ་ནི་རྒྱུ་གང་དང་གང་ཁོ་ན་ལ་བརྟེན་ཏེ་འབར་བ་དེ་དང་དེའི་གྲངས་སུ་འགྲོ་སྟེ། རྩྭ་དག་དང་ཤིང་དག་དང༌། ལྕི་བ་དག་དང༌། ཕུབ་མ་དག་དང༌། སྦུར་མ་དག་ལ་བརྟེན་ཏེ་འབར་བའི་མེ་ནི་རྩྭའི་མེ་ཞེས་བྱ་བ་ནས། རྒྱས་པར་སྦུར་མའི་མེ་ཞེས་བྱ་བའི་བར་གྱི་གྲངས་སུ་འགྲོ་བ་དེ་བཞིན་དུ་མིག་དང་གཟུགས་རྣམས་ལ་བརྟེན་ཏེ། རྣམ་པར་ཤེས་པ་འབྱུང་བ་ནི་མིག་གི་རྣམ་པར་ཤེས་པ་ཞེས་བྱ་བའི་གྲངས་སུ་འགྲོ་སྟེ། དེ་བཞིན་དུ་རྒྱས་པར་ཡིད་དང་ཆོས་ཀྱི་བར་ལ་བརྟེན་པ་ནི། ཡིད་ཀྱི་རྣམ་པར་ཤེས་པ་ཞེས་བྱ་བའི་བར་གྱི་གྲངས་སུ་འགྲོ་བར་རིག་པར་བྱའོ། །དེ་ལས་གཞན་པ་མིག་ལ་སོགས་པའི་ཁམས་རྣམས་ནི་དང་པོ་ངོ་བོ་ཉིད་གང་ཁོ་ནས་བྱུང་བར་གྱུར་པའི་ངོ་བོ་ཉིད་དེ་ཁོ་ན་དང་འདྲ་བར་འབྱུང་བ་གཅིག་ནས་གཅིག་ཏུ་བརྒྱུད་པས་གཏན་དུ་རྗེས་སུ་འཇུག་པར་འགྱུར་རོ། །རྣམ་པར་ཤེས་པ་རིགས་གཅིག་པ་ནི་རྒྱུ་དེ་དག་དང་རྐྱེན་དེ་དག་ལ་བརྟེན་ཏེ། རྣམ་པ་ཐ་དད་པའི་ངོ་བོ་ཉིད་དུ་འབྱུང་བས་དེའི་ཕྱིར། རྣམ་པར་ཤེས་པའི་ཁམས་རྣམས་ནི་ངོ་བོ་ཉིད་ཁོ་ན་ལས་རྣམ་པར་བཞག་ལ་དེ་ལས་གཞན་པའི་ཁམས་རྣམས་ནི་གནས་དང་དམིགས་པ་དང་གྲོགས་ལས་རྣམ་པར་གཞག་གོ། །

gang gi phyir nang dang phyi rol gyi chos thams cad ngo bo nyid so sor nges pa ni/ so so rang rang gi mtshan nyid la rnam par gnas pa yin na/ 'o na ci'i phyir khams bco brgyad po dag las rnam par shes pa'i khams drug po dag ni ngo bo nyid las rnam par gzhag la/ de las gzhan pa'i khams rnams ni gnas dang/ dmigs pa dang/ grogs las rnam par gzhag ce na/ rnam par shes pa'i khams drug po gang yin pa 'di dag ni nyin mo dang mtshan mo de dang de dag 'das pa dang/ skad cig de dang de dag 'das pa dang/ thang cig dang/ yud tsam de dang de dag 'das nas/ rgyu de dag dang rkyen de dag la brten te/ mig la sogs pa gnas rnams dang/ gzugs la sogs pa dmigs pa rnams dang/ sems las byung ba grogs rnams kyis rnam pa du ma rnam pa mang po sna tshogs dag 'byung zhing/ gnas gang dang gang nas 'byung ba de dang de'i ming 'thob bo/ /'di lta ste/ dper na me ni rgyu gang dang gang kho na la brten te 'bar ba de dang de'i grangs su 'gro ste/ rtswa dag dang shing dag dang/ lci ba dag dang/ phub ma dag dang/ sbur ma dag la brten te 'bar ba'i me ni rtswa'i me zhes bya ba nas/ rgyas par sbur ma'i me zhes bya ba'i bar gyi grangs su 'gro ba de bzhin du mig dang gzugs rnams la brten te/ rnam par shes pa 'byung ba ni mig gi rnam par shes pa zhes bya ba'i grangs su 'gro ste/ de bzhin du rgyas par yid dang chos kyi bar la brten pa ni/ yid kyi rnam par shes pa zhes bya ba'i bar gyi grangs su 'gro bar rig par bya'o/ /de las gzhan pa mig la sogs pa'i khams rnams ni dang po ngo bo nyid gang kho nas byung bar gyur pa'i ngo bo nyid de kho na dang 'dra bar 'byung ba gcig nas gcig tu brgyud pas gtan du rjes su 'jug par 'gyur ro/ /rnam par shes pa rigs gcig pa ni rgyu de dag dang rkyen de dag la brten te/ rnam pa tha dad pa'i ngo bo nyid du 'byung bas de'i phyir/ rnam par shes pa'i khams rnams ni ngo bo nyid kho na las rnam par bzhag la de las gzhan pa'i khams rnams ni gnas dang dmigs pa dang grogs las rnam par gzhag go/ /

【F2 辨識身遍知】【G1 辯說】

རྣམ་པར་ཤེས་པའི་ཚོགས་ཡོངས་སུ་ཤེས་པར་བྱ་བ་ལས་བརྩམས་ཏེ།

rnam par shes pa'i tshogs yongs su shes par bya ba las brtsams te/

【G2 正辨】【H1 有一問答開列三業】

དགེ་སློང་སེམས་རྣམ་པར་དག་པར་བྱ་བ་ལ་ཞུགས་པས་རྣམ་པ་དུས་སེམས་ཡོངས་སུ་ཤེས་པར་བྱ་ཞེ་ན། མདོར་བསྡུ་ན་རྣམ་པ་གསུམ་གྱིས་ཏེ། ཀུན་ནས་ཉོན་མོངས་པ་ལས་ཀུན་ཏུ་དགའ་བ་དང༌། ཀུན་ནས་ཉོན་མོངས་པ་ཅན་གྱི་ཉེས་དམིགས་དང༌། ཀུན་ནས་ཉོན་མོངས་པ་རྣམ་པར་བཟློག་པའི་ཐབས་ཀྱིས་སོ། །

dge slong sems rnam par dag par bya ba la zhugs pas rnam pa dus sems yongs su shes par bya zhe na/ mdor bsdu na rnam pa gsum gyis te/ kun nas nyon mongs pa las kun tu dga' ba dang/ kun nas nyon mongs pa can gyi nyes dmigs dang/ kun nas nyon mongs pa rnam par bzlog pa'i thabs kyis so/ /

【H2 依業辨】【I1 雜染愛樂相】【J1 問】

ཇི་ལྟར་ན་དགེ་སློང་སེམས་རྣམ་པར་དག་པར་བྱ་བ་ལ་ཞུགས་པ། ཀུན་ནས་ཉོན་མོངས་པ་ལ་ཀུན་ཏུ་དགའ་བ་ལས་སེམས་ཡོངས་སུ་ཤེས་པར་བྱེད་ཅེ་ན།

ji ltar na dge slong sems rnam par dag par bya ba la zhugs pa/ kun nas nyon mongs pa la kun tu dga' ba las sems yongs su shes par byed ce na/

【J2 解】

འདི་ན་དགེ་སློང་སེམས་རྣམ་པར་དག་པར་བྱ་བ་ལ་ཞུགས་པ་ནི་འདི་སྙམ་དུ་སེམས་ཏེ། བདག་གི་སེམས་འདི་ནི་ཡུན་རིང་པོ་ནས་ཀུན་ནས་ཉོན་མོངས་པ་ལ་མངོན་པར་དགའ་བ་སྟེ། ཀུན་ནས་ཉོན་མོངས་པ་ལ་ཀུན་ཏུ་དགའ་བས་ཡང་འདོད་ཆགས་དང་བཅས་པ་ཉིད་ལས་རྣམ་པར་བསླང་སྟེ། འདོད་ཆགས་དང་བྲལ་བ་ཉིད་ལ་ངེས་པར་སྦྱོར་བར་བྱེད་པ་ན། འདོད་ཆགས་དང་བྲལ་བ་ཉིད་ལ་ངེས་པར་མི་གནས་ཤིང་མི་དགའ་བར་མྱུར་བ་མྱུར་བ་ཁོ་ནར་ཀུན་ཏུ་གྱུར་ཅིང༌། འདོད་ཆགས་དང་བཅས་པ་ཁོ་ན་ལ་འཇུག་པར་བྱེད། རྣམ་པར་འགྲོ་བར་བྱེད། རྗེས་སུ་རྒྱུག་པར་བྱེད་དོ། །འདོད་ཆགས་དང་བཅས་པ་ཉིད་ཀྱི་ཇི་ལྟ་བ་བཞིན་དུ་ཞེ་སྡང་དང་བཅས་པ་ཉིད་དང༌། གཏི་མུག་དང་བཅས་པ་ཉིད་དང༌། ཞུམ་པ་ཉིད་དང༌། རྒོད་པ་ཉིད་དང༌། ཉེ་བར་མ་ཞི་བ་ཉིད་དང༌། རྣམ་པར་གཡེངས་པ་ཉིད་ཀྱི་བར་ཡང་དེ་དང་འདྲ་སྟེ། བག་མེད་པར་གནས་པ་ལས་རྣམ་པར་བསླང་ནས།རྒྱས་པར་དགེ་བའི་ཆོས་རྣམས་རྟག་ཏུ་བསྒོམ་པའི་བར་ལ་ངེས་པར་སྦྱོར་བར་བྱེད་པ་ན། དགེ་བའི་ཆོས་རྣམས་རྟག་ཏུ་བསྒོམ་པ་ལ་ངེས་པར་མི་གནས་ཤིང༌། མི་དགའ་བར་མྱུར་བ་མྱུར་བ་ཁོ་ནར་ཀུན་ཏུ་གྱུར་ཅིང༌། བག་མེད་པ་ལ་ཀུན་ཏུ་དགའ་བའི་བར་ཁོ་ན་ལ་འཇུག་པར་བྱེད། རྣམ་པར་འགྲོ་བར་བྱེད། རྗེས་སུ་རྒྱུག་པར་བྱེད་དོ་སྙམ་དུ་སེམས་ཏེ།

'di na dge slong sems rnam par dag par bya ba la zhugs pa ni 'di snyam du sems te/ bdag gi sems 'di ni yun ring po nas kun nas nyon mongs pa la mngon par dga' ba ste/ kun nas nyon mongs pa la kun tu dga' bas yang 'dod chags dang bcas pa nyid las rnam par bslang ste/ 'dod chags dang bral ba nyid la nges par sbyor bar byed pa na/ 'dod chags dang bral ba nyid la nges par mi gnas shing mi dga' bar myur ba myur ba kho nar kun tu gyur cing/ 'dod chags dang bcas pa kho na la 'jug par byed/ rnam par 'gro bar byed/ rjes su rgyug par byed do/ /'dod chags dang bcas pa nyid kyi ji lta ba bzhin du zhe sdang dang bcas pa nyid dang/ gti mug dang bcas pa nyid dang/ zhum pa nyid dang/ rgod pa nyid dang/ nye bar ma zhi ba nyid dang/ rnam par g.yengs pa nyid kyi bar yang de dang 'dra ste/ bag med par gnas pa las rnam par bslang nas/rgyas par dge ba'i chos rnams rtag tu bsgom pa'i bar la nges par sbyor bar byed pa na/ dge ba'i chos rnams rtag tu bsgom pa la nges par mi gnas shing/ mi dga' bar myur ba myur ba kho nar kun tu gyur cing/ bag med pa la kun tu dga' ba'i bar kho na la 'jug par byed/ rnam par 'gro bar byed/ rjes su rgyug par byed do snyam du sems te/

【J3 結】

དགེ་སློང་སེམས་རྣམ་པར་དག་པར་བྱ་བ་ལ་ཞུགས་པ་ནི་དེ་ལྟར་ཀུན་ནས་ཉོན་མོངས་པ་ལ་ཀུན་ཏུ་དགའ་བ་ལས་སེམས་ཡོངས་སུ་ཤེས་པར་བྱེད་དོ། །

dge slong sems rnam par dag par bya ba la zhugs pa ni de ltar kun nas nyon mongs pa la kun tu dga' ba las sems yongs su shes par byed do/ /

【I2 雜染過患相】【J1 牒前起後】

དགེ་སློང་སེམས་རྣམ་པར་དག་པར་བྱ་བ་ལ་ཞུགས་པས་དེ་ལྟར་ཀུན་ནས་ཉོན་མོངས་པ་ལ་ཀུན་ཏུ་དགའ་བ་ལས་རང་གི་སེམས་ཡོངས་སུ་ཤེས་པར་བྱས་ནས།

dge slong sems rnam par dag par bya ba la zhugs pas de ltar kun nas nyon mongs pa la kun tu dga' ba las rang gi sems yongs su shes par byas nas/

【J2 正辨】【K1 辨過患】

ཀུན་ནས་ཉོན་མོངས་པ་ཅན་གྱི་སེམས་དེ་ཉིད་ཉེས་དམིགས་ལས་འདི་ལྟར་ཡོངས་སུ་ཤེས་པར་བྱེད་དོ། །

kun nas nyon mongs pa can gyi sems de nyid nyes dmigs las 'di ltar yongs su shes par byed do/ /

【K2 明由有過患故有疫等】

བདག་གི་འདོད་ཆགས་དང་བཅས་པའི་སེམས་གང་ཡིན་པ་དེ་ནི་བདག་ལ་གནོད་པ་དང༌། གཞན་དག་ལ་གནོད་པ་དང༌། གཉི་ག་ལ་གནོད་པའི་ཕྱིར་འཇུག་པ་དང༌། ཚེ་འདི་དང་ཚེ་ཕྱི་མ་དང་ཚེ་འདི་ཚེ་ཕྱི་མའི་ཁ་ན་མ་ཐོ་བ་སྐྱེད་པར་བྱེད་པ་དང༌། དེ་དང་དེ་འབྱུང་བའི་སེམས་ལས་བྱུང་བ་སྡུག་བསྔལ་བ་དང༌། ཡིད་མི་བདེ་བ་སྐྱེ་བའི་རྐྱེན་ཡང་ཡིན་ཏེ། འདོད་ཆགས་དང་བཅས་པ་ཇི་ལྟ་བ་བཞིན་དུ་བག་མེད་པ་ལ་མངོན་པར་དགའ་བའི་བར་ཡང་དེ་བཞིན་དུ་རིག་པར་བྱའོ་ཞེས་ཡོངས་སུ་ཤེས་པར་བྱེད་ཅིང༌། དེ་འདི་སྙམ་དུ་སེམས་ཏེ། འདོད་ཆགས་དང་བཅས་པའི་སེམས་དང༌། བག་མེད་པ་ལ་མངོན་པར་དགའ་བའི་བར་གྱི་སེམས་འདི་ནི་ཉེས་དམིགས་དང་བཅས་པའི་ཕྱིར། ཡམས་ཀྱི་ནད་དང་བཅས་པ་དང༌། གནོད་པ་དང་བཅས་པ་དང༌། འགོ་བའི་ནད་དང་བཅས་པ་དང༌། འཁྲུག་པ་དང་བཅས་པ་ཡིན་ནོ་སྙམ་དུ་སེམས་སོ། །

bdag gi 'dod chags dang bcas pa'i sems gang yin pa de ni bdag la gnod pa dang/ gzhan dag la gnod pa dang/ gnyi ga la gnod pa'i phyir 'jug pa dang/ tshe 'di dang tshe phyi ma dang tshe 'di tshe phyi ma'i kha na ma tho ba skyed par byed pa dang/ de dang de 'byung ba'i sems las byung ba sdug bsngal ba dang/ yid mi bde ba skye ba'i rkyen yang yin te/ 'dod chags dang bcas pa ji lta ba bzhin du bag med pa la mngon par dga' ba'i bar yang de bzhin du rig par bya'o zhes yongs su shes par byed cing/ de 'di snyam du sems te/ 'dod chags dang bcas pa'i sems dang/ bag med pa la mngon par dga' ba'i bar gyi sems 'di ni nyes dmigs dang bcas pa'i phyir/ yams kyi nad dang bcas pa dang/ gnod pa dang bcas pa dang/ 'go ba'i nad dang bcas pa dang/ 'khrug pa dang bcas pa yin no snyam du sems so/ /

【I3 雜染還方滅方便善巧用】

དེས་དེ་ལྟར་རང་གི་སེམས་ཀུན་ནས་ཉོན་མོངས་པ་ཅན་དེ་ཉེས་དམིགས་ལས་ཡོངས་སུ་ཤེས་པར་བྱས་ནས་ཀུན་ནས་ཉོན་མོངས་པ་རྣམ་པར་ལྡོག་པ་ལ་མཁས་པ་ལས་འདི་ལྟར་ཡོངས་སུ་ཤེས་པར་བྱེད་དེ༑ བདག་ནི་དེ་ལྟར་རང་གི་སེམས་ཀུན་ནས་ཉོན་མོངས་པ་ཅན་ཉེས་དམིགས་དང་བཅས་པ་ཡམས་ཀྱི་ནད་དང་བཅས་པ། གནོད་པ་དང་བཅས་པ། འགོ་བའི་ནད་དང་བཅས་པ། འཁྲུག་པ་དང་བཅས་པ་འདི་ལྟ་བུ་འདིའི་དབང་དུ་འགྱུར་བར་མི་བྱའི། རང་གི་སེམས་ཉིད་ལ་དབང་བསྒྱུར་བར་བྱའོ་ཞེས་རང་གི་སེམས་ལ་དབང་བསྒྱུར་བར་བྱ་བ་དང༌། སེམས་ཀྱི་དབང་གིས་འགྱུར་བར་མི་བྱ་བར་རིག་ནས། སོ་སོར་བརྟགས་ཤིང་སོ་སོར་བརྟགས་ཏེ། འདོད་ཆགས་དང་བཅས་པའི་སེམས་དེ་འདོད་ཆགས་དང་བཅས་པ་ཉིད་ལས་རྣམ་པར་བཟློག་ནས༑ འདོད་ཆགས་དང་བྲལ་བ་ཉིད་ལ་འཇོག་པར་བྱེད། དགའ་བར་བྱེད་ཅིང༌། དེ་ལ་དེའི་ཕན་ཡོན་ཉེ་བར་སྟོན་པར་ཡང་བྱེད་དོ། །དེ་བཞིན་དུ་བག་མེད་པར་གནས་པའི་བར་ལས་རྣམ་པར་བཟློག་ནས། དགེ་བའི་ཆོས་རྣམས་རྟག་ཏུ་བསྒོམ་པ་ལ་འཇོག་པར་བྱེད། དགའ་བར་བྱེད་ཅིང་དེ་ལ་དེའི་ཕན་ཡོན་ཉེ་བར་སྟོན་པར་ཡང་བྱེད་དོ། །དེ་ལྟར་ཞུགས་ཤིང་དེ་ལ་མང་དུ་གནས་པ་དེ་ལ་དེའི་སེམས་སྔོན་ཀུན་ནས་ཉོན་མོངས་པ་ལ་ཀུན་ཏུ་དགའ་བ་ཡོངས་སུ་སྨད་པ་གང་ཡིན་པ་དེ། སོ་སོར་བརྟག་མི་དགོས་པར་དགེ་བའི་ཆོས་རྣམས་རྟག་ཏུ་བསྒོམ་པ་ལ་རང་ཉིད་མངོན་པར་དགའ་བར་འགྱུར་བ་དེའི་དུས་ཀྱང་ཡོད་དེ། དེའི་སྐབས་ཀྱང་ཡོད་པར་འགྱུར་རོ། །

des de ltar rang gi sems kun nas nyon mongs pa can de nyes dmigs las yongs su shes par byas nas kun nas nyon mongs pa rnam par ldog pa la mkhas pa las 'di ltar yongs su shes par byed de| bdag ni de ltar rang gi sems kun nas nyon mongs pa can nyes dmigs dang bcas pa yams kyi nad dang bcas pa/ gnod pa dang bcas pa/ 'go ba'i nad dang bcas pa/ 'khrug pa dang bcas pa 'di lta bu 'di'i dbang du 'gyur bar mi bya'i/ rang gi sems nyid la dbang bsgyur bar bya'o zhes rang gi sems la dbang bsgyur bar bya ba dang/ sems kyi dbang gis 'gyur bar mi bya bar rig nas/ so sor brtags shing so sor brtags te/ 'dod chags dang bcas pa'i sems de 'dod chags dang bcas pa nyid las rnam par bzlog nas| 'dod chags dang bral ba nyid la 'jog par byed/ dga' bar byed cing/ de la de'i phan yon nye bar ston par yang byed do/ /de bzhin du bag med par gnas pa'i bar las rnam par bzlog nas/ dge ba'i chos rnams rtag tu bsgom pa la 'jog par byed/ dga' bar byed cing de la de'i phan yon nye bar ston par yang byed do/ /de ltar zhugs shing de la mang du gnas pa de la de'i sems sngon kun nas nyon mongs pa la kun tu dga' ba yongs su smad pa gang yin pa de/ so sor brtag mi dgos par dge ba'i chos rnams rtag tu bsgom pa la rang nyid mngon par dga' bar 'gyur ba de'i dus kyang yod de/ de'i skabs kyang yod par 'gyur ro/ /

【H3 結說勝利】

གང་གི་ཕྱིར་དགེ་སློང་སེམས་རྣམ་པར་དག་པར་བྱ་བ་ལ་ཞུགས་པ་དེ་ལྟར་རང་གི་སེམས་ཀུན་ནས་ཉོན་མོངས་པ་ལ་ཀུན་དུ་དགའ་བ་ཉིད་ལ་བརྟེན་ཏེ། དཔེ་མེད་པར་འགྱུར་བ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པར་བྱེད་པ་ནི། དེ་ལྟར་ཉེས་དམིགས་ལས་ཀུན་ནས་ཉོན་མོངས་པ་ཅན་གྱི་སེམས་ལ་ཡང་མཁས་པར་གྱུར་ལ། དེ་ལྟར་ཀུན་ནས་ཉོན་མོངས་པ་ཅན་གྱི་སེམས་རྣམ་པར་ལྡོག་པ་ལ་ཡང་མཁས་པར་འགྱུར་རོ། །དེ་ལྟར་ན་དགེ་སློང་སེམས་རྣམ་པར་དག་པར་བྱ་བ་ལ་ཞུགས་པ་ནི་འདི་ལྟ་སྟེ། ཟག་པ་རྣམས་ཟད་པས་མྱུར་བ་ཁོ་ནར་སེམས་རྣམ་པར་དག་པ་བླ་ན་མེད་པ་རྗེས་སུ་འཐོབ་བོ། །

gang gi phyir dge slong sems rnam par dag par bya ba la zhugs pa de ltar rang gi sems kun nas nyon mongs pa la kun du dga' ba nyid la brten te/ dpe med par 'gyur ba nyid yang dag pa ji lta ba bzhin du rab tu shes par byed pa ni/ de ltar nyes dmigs las kun nas nyon mongs pa can gyi sems la yang mkhas par gyur la/ de ltar kun nas nyon mongs pa can gyi sems rnam par ldog pa la yang mkhas par 'gyur ro/ /de ltar na dge slong sems rnam par dag par bya ba la zhugs pa ni 'di lta ste/ zag pa rnams zad pas myur ba kho nar sems rnam par dag pa bla na med pa rjes su 'thob bo/ /

【F3 辨二善巧差別】【G1 二種善巧】

སེམས་ལ་མཁས་པའི་རྣམ་གྲངས་དང༌། སེམས་རྣམ་པར་ལྡོག་པ་ལ་མཁས་པའི་རྣམ་གྲངས་གཞན་ཡང་ཡོད་དེ། སེམས་ལ་མཁས་པའི་རྣམ་གྲངས་ནི་ཀུན་བརྟགས་པའི་ངོ་བོ་ཉིད་ལས་བརྩམས་ཏེ་རིག་པར་བྱའོ། །སེམས་རྣམ་པར་ལྡོག་པ་ལ་མཁས་པའི་རྣམ་གྲངས་ནི་གཞན་གྱི་དབང་གི་ངོ་བོ་ཉིད་ལས་བརྩམས་ཏེ་རིག་པར་བྱའོ།། །།

sems la mkhas pa'i rnam grangs dang/ sems rnam par ldog pa la mkhas pa'i rnam grangs gzhan yang yod de/ sems la mkhas pa'i rnam grangs ni kun brtags pa'i ngo bo nyid las brtsams te rig par bya'o/ /sems rnam par ldog pa la mkhas pa'i rnam grangs ni gzhan gyi dbang gi ngo bo nyid las brtsams te rig par bya'o// //

【G2 明淨心修絕染心有失】

བམ་པོ་གཉིས་པ། དགེ་བས་སེམས་ཡོངས་སུ་བསྒོས་པའི་ཕན་ཡོན་ནི་གཉིས་ཏེ། འབྲས་བུའི་དུས་ན་བདེ་བ་ལ་རེག་པ་ཉིད་དང༌། རྒྱུའི་དུས་ན་དབང་བསྒྱུར་བ་ཉིད་དོ། །སེམས་རྙོག་པ་ཅན་དུ་འགྱུར་བའི་ཉེས་པ་ནི་གསུམ་སྟེ༑ ཚུལ་བཞིན་མ་ཡིན་པ་ཡིད་ལ་བྱེད་པའི་ཉེས་པ་དང༌། བག་ལ་ཉལ་གྱི་ཉེས་པ་དང༌། ཀུན་ནས་དཀྲིས་པའི་ཉེས་པའོ། །

bam po gnyis pa/ dge bas sems yongs su bsgos pa'i phan yon ni gnyis te/ 'bras bu'i dus na bde ba la reg pa nyid dang/ rgyu'i dus na dbang bsgyur ba nyid do/ /sems rnyog pa can du 'gyur ba'i nyes pa ni gsum ste| tshul bzhin ma yin pa yid la byed pa'i nyes pa dang/ bag la nyal gyi nyes pa dang/ kun nas dkris pa'i nyes pa'o/ /

【G3 問答通難】

བཅོམ་ལྡན་འདས་ཀྱིས་སེམས་ཁོ་ན་ལ་ལེགས་པར་རབ་ཏུ་ཚུལ་བཞིན་དུ་སོ་སོར་བརྟག་པར་བྱའོ་ཞེས་གང་གསུངས་པ་དང༌། དྲན་པ་ཉེ་བར་གཞག་པ་དག་ལས་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ་ཞེས་བྱ་བ་ནས། ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས་སོ་ཞེས་བྱ་བའི་བར་དུ་གང་གསུངས་པ་དེ་ལ་དགོངས་པ་གང་ཡིན་ཞེ་ན། སྨྲས་པ། དེར་ནི་སེམས་ཡོངས་སུ་བརྟག་པ་ཁོ་ན་དྲན་པ་ཉེ་བར་གཞག་པ་བཞིས་ཡོངས་སུ་བསྟན་པ་ཡིན་ཏེ། སེམས་ཀྱི་ལེན་པ་ཡོངས་སུ་བརྟག་པ་དང༌། སེམས་ཀྱི་མྱོང་བ་ཡོངས་སུ་བརྟག་པ་དང༌། སེམས་ཀྱི་རྣམ་པར་རིག་པ་ཡོངས་སུ་བརྟག་པ་དང༌། སེམས་ཀྱི་ཀུན་ནས་ཉོན་མོངས་པ་དང་རྣམ་པར་བྱང་བ་ཡོངས་སུ་བརྟག་པ་སྟེ། དེ་ལྟར་ན་ལེན་པ་དང་མྱོང་བ་དང༌། དམིགས་པ་རྣམ་པར་རིག་པ་དང༌། ཀུན་ནས་ཉོན་མོངས་པ་དང༌། རྣམ་པ་བྱང་བ་དང་བཞིས་སེམས་ཁོ་ན་ཡོངས་སུ་བརྟག་པ་ཡིན་ནོ། །དགེ་བས་སེམས་ཡོངས་སུ་བསྒོས་པའི་ཕན་ཡོན་ནི་གཉིས་ཏེ་ཞེས་བྱ་བས་ནི་མདོ་ལས་ངས་ནི་འདི་ལྟ་སྟེ་སེམས་ནི་མ་བསྒོམས་ན་མི་མཉེན་ཞིང་ལས་སུ་མི་རུང་བར་འགྱུར་ལ། བསྒོམས་ན་མཉེན་ཞིང་ལས་སུ་རུང་བར་འགྱུར་བ་དེ་ལྟ་བུའི་ཆོས་གཅིག་ཀྱང་ཡང་དག་པར་རྗེས་སུ་མ་མཐོང་ངོ་ཞེས་གསུངས་པ་དེའི་དོན་བསྟན་པ་ཡིན་ནོ། །སེམས་རྙོག་པ་ཅན་དུ་འགྱུར་བའི་ཉེས་པ་ནི་གསུམ་སྟེ་ཞེས་བྱ་བ་ལ་སོགས་པ་ནི་མདོ་ལས་ལྷུང་བཟེད་དང༌། མེ་ལོང་དང༌། ཆུའི་རྫིང་གི་དཔེ་གསུངས་པ་དག་དང་ཅི་རིགས་པར་སྦྱར་རོ། །

bcom ldan 'das kyis sems kho na la legs par rab tu tshul bzhin du so sor brtag par bya'o zhes gang gsungs pa dang/ dran pa nye bar gzhag pa dag las lus la lus kyi rjes su lta zhing gnas so zhes bya ba nas/ chos rnams la chos kyi rjes su lta zhing gnas so zhes bya ba'i bar du gang gsungs pa de la dgongs pa gang yin zhe na/ smras pa/ der ni sems yongs su brtag pa kho na dran pa nye bar gzhag pa bzhis yongs su bstan pa yin te/ sems kyi len pa yongs su brtag pa dang/ sems kyi myong ba yongs su brtag pa dang/ sems kyi rnam par rig pa yongs su brtag pa dang/ sems kyi kun nas nyon mongs pa dang rnam par byang ba yongs su brtag pa ste/ de ltar na len pa dang myong ba dang/ dmigs pa rnam par rig pa dang/ kun nas nyon mongs pa dang/ rnam pa byang ba dang bzhis sems kho na yongs su brtag pa yin no/ /dge bas sems yongs su bsgos pa'i phan yon ni gnyis te zhes bya bas ni mdo las ngas ni 'di lta ste sems ni ma bsgoms na mi mnyen zhing las su mi rung bar 'gyur la/ bsgoms na mnyen zhing las su rung bar 'gyur ba de lta bu'i chos gcig kyang yang dag par rjes su ma mthong ngo zhes gsungs pa de'i don bstan pa yin no/ /sems rnyog pa can du 'gyur ba'i nyes pa ni gsum ste zhes bya ba la sogs pa ni mdo las lhung bzed dang/ me long dang/ chu'i rdzing gi dpe gsungs pa dag dang ci rigs par sbyar ro/ /

【G4 引經解釋】

དགེ་སློང་གནས་པ་གསུམ་པོ། རྣམ་པར་ཐར་པ་ལ་གནས་པ་དང༌། རྣམ་པར་ཐར་པའི་སྒོ་ལ་གནས་པ་དང༌། རྣམ་པར་ཐར་པའི་སྒོ་འདྲེན་པར་བྱེད་པའི་ཆོས་ལ་གནས་པ་ནི་སྒྲུབ་པ་རྣམ་པ་དྲུག་གིས་སྟོན་པའི་བསྟན་པ་བཞིན་བྱེད་པ་ཡིན་ཏེ༑ རྒྱུན་མི་འཆད་པར་བསྒྲུབ་པ་དང༌། ལེགས་པར་བཟུང་ཞིང་བསམས་པ་ལ་བསྒྲུབ་པ་དང༌། བསྒོམས་པ་ལས་བྱུང་བའི་དགེ་བའི་རྩ་བ་བསྐྱེད་པ་བསྒྲུབ་པ་དང་། དེ་ལ་རོ་མྱོང་བར་མི་བྱེད་ཅིང་བདེན་པ་རབ་ཏུ་འབྱེད་པ་བསྒྲུབ་པ་དང༌། དེ་ལ་མངོན་པའི་ང་རྒྱལ་མེད་པར་བསྒྲུབ་པ་དང༌། དད་པས་བྱིན་པ་ལེགས་པར་ཡོངས་སུ་ལོངས་སྤྱོད་པའི་བསྒྲུབ་པས་སོ། །སྦྱིན་པ་ནི་གཉིས་ཏེ། ལེན་པ་པོའི་སྦྱིན་པ་དང༌། སྦྱིན་པ་པོའི་སྦྱིན་པའོ། །སྦྱིན་པའི་འབྲས་བུ་ནི་གཉིས་ཏེ། ལོངས་སྤྱོད་ཆེན་པོ་ཉིད་དང༌། དེའི་རྒྱུ་མཐུན་པ་ལོངས་སྤྱོད་ལ་མོས་པའོ། །དགེ་སློང་གནས་པ་གསུམ་ལ་གནས་པ་ཞེས་བྱ་བ་ལ་འདིར་རྣམ་པར་ཐར་པ་ལ་གནས་པ་ཞེས་བྱ་བ་ནི་མདོ་ལས་འཆི་བ་མེད་པའི་དབྱིངས་བསྒྲུབས་ཏེ་གནས་སོ་ཞེས་གསུངས་པའོ། །རྣམ་པར་ཐར་པའི་སྒོ་ལ་གནས་པ་ཞེས་བྱ་བ་ནི་མདོ་ལས། སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པའི་དབྱིངས་ལའོ་ཞེས་གསུངས་པའོ། །རྣམ་པར་ཐར་པའི་སྒོ་འདྲེན་པར་བྱེད་པའི་ཆོས་ལ་གནས་པ་ཞེས་བྱ་བ་ནི་མདོ་ལས། སྐྱོ་བ་དང་ལྡན་པའི་ཡིད་ལ་བྱེད་པ་སྒོམ་པའོ་ཞེས་གསུངས་པའོ། །རྒྱུན་མི་འཆད་པར་བསྒྲུབ་པ་ཞེས་བྱ་བ་ལ་སོགས་པ་བསྒྲུབ་པ་རྣམ་པ་དྲུག་གི་མདོ་ལས་བཏང་བ་མེད་པའི་བསམ་གཏན་པ། ལྷག་མཐོང་དང་ལྡན་པ། ཁྱིམ་གྱི་སྟོང་པ་རྒྱས་པར་བྱེད་པ། བདག་གི་དོན་གྱི་རྣལ་འབྱོར་ལ་བརྩོན་པ། ཚངས་པ་མཚུངས་པར་སྤྱོད་པ་ལ་མཁས་པ་རྣམས་ཀྱིས་མ་སྨད་པ། ཡུལ་འཁོར་གྱི་བསོད་སྙོམས་འབྲས་བུ་ཡོད་པར་ལོངས་སྤྱོད་པ་ཞེས་གསུངས་པའི་ཚིག་དེ་དག་གི་དོན་ཡོངས་སུ་བསྟན་ཏོ། །སྦྱིན་པ་ནི་གཉིས་ཏེ། ལེན་པ་པོའི་སྦྱིན་པ་དང༌། སྦྱིན་པ་པོའི་སྦྱིན་པའོ་ཞེས་བྱ་བ་ལ་སོགས་པའི་ཚིག་གི་དོན། མདོ་ལས་གལ་ཏེ་སེམས་ཅན་འདི་དག་གིས་ནི་སྦྱིན་པའི་འབྲས་བུ་དང༌། སྦྱིན་པ་ཀུན་འགེད་པའི་རྣམ་པར་སྨིན་པའི་འབྲས་བུ་ཤེས་པར་གྱུར་ན་ནི། ད་ལྟར་ཁམས་ཕྱི་མ་ཁམས་ཐ་མ་གང་ཡིན་པ་དེ་ལས་ཀྱང་མ་བྱིན་ཞིང་མ་བགོས་པར་ཟ་བར་མི་བྱེད་དོ་ཞེས་སྦྱིན་པ་དང༌། སྦྱིན་པ་ཀུན་འགེད་པ་གཉིས་ཀྱི་འབྲས་བུ་ཡོད་པ་ཐ་དད་པར་གསུངས་པར་སྟོན་ཏོ། །

dge slong gnas pa gsum po/ rnam par thar pa la gnas pa dang/ rnam par thar pa'i sgo la gnas pa dang/ rnam par thar pa'i sgo 'dren par byed pa'i chos la gnas pa ni sgrub pa rnam pa drug gis ston pa'i bstan pa bzhin byed pa yin te| rgyun mi 'chad par bsgrub pa dang/ legs par bzung zhing bsams pa la bsgrub pa dang/ bsgoms pa las byung ba'i dge ba'i rtsa ba bskyed pa bsgrub pa dang / de la ro myong bar mi byed cing bden pa rab tu 'byed pa bsgrub pa dang/ de la mngon pa'i nga rgyal med par bsgrub pa dang/ dad pas byin pa legs par yongs su longs spyod pa'i bsgrub pas so/ /sbyin pa ni gnyis te/ len pa po'i sbyin pa dang/ sbyin pa po'i sbyin pa'o/ /sbyin pa'i 'bras bu ni gnyis te/ longs spyod chen po nyid dang/ de'i rgyu mthun pa longs spyod la mos pa'o/ /dge slong gnas pa gsum la gnas pa zhes bya ba la 'dir rnam par thar pa la gnas pa zhes bya ba ni mdo las 'chi ba med pa'i dbyings bsgrubs te gnas so zhes gsungs pa'o/ /rnam par thar pa'i sgo la gnas pa zhes bya ba ni mdo las/ stong pa nyid dang/ mtshan ma med pa dang/ smon pa med pa'i dbyings la'o zhes gsungs pa'o/ /rnam par thar pa'i sgo 'dren par byed pa'i chos la gnas pa zhes bya ba ni mdo las/ skyo ba dang ldan pa'i yid la byed pa sgom pa'o zhes gsungs pa'o/ /rgyun mi 'chad par bsgrub pa zhes bya ba la sogs pa bsgrub pa rnam pa drug gi mdo las btang ba med pa'i bsam gtan pa/ lhag mthong dang ldan pa/ khyim gyi stong pa rgyas par byed pa/ bdag gi don gyi rnal 'byor la brtson pa/ tshangs pa mtshungs par spyod pa la mkhas pa rnams kyis ma smad pa/ yul 'khor gyi bsod snyoms 'bras bu yod par longs spyod pa zhes gsungs pa'i tshig de dag gi don yongs su bstan to/ /sbyin pa ni gnyis te/ len pa po'i sbyin pa dang/ sbyin pa po'i sbyin pa'o zhes bya ba la sogs pa'i tshig gi don/ mdo las gal te sems can 'di dag gis ni sbyin pa'i 'bras bu dang/ sbyin pa kun 'ged pa'i rnam par smin pa'i 'bras bu shes par gyur na ni/ da ltar khams phyi ma khams tha ma gang yin pa de las kyang ma byin zhing ma bgos par za bar mi byed do zhes sbyin pa dang/ sbyin pa kun 'ged pa gnyis kyi 'bras bu yod pa tha dad par gsungs par ston to/ /

【F4 證成道理決擇因緣】【G1 總陳說】

འཐད་པས་བསྒྲུབ་པའི་རིགས་པ་ལས་བརྩམས་ཏེ། གང་གིས་མ་འོངས་པའི་འདུ་བྱེད་ཀྱི་མཚན་ཉིད་ཀྱིས་མེད་ཅིང་ཡོད་པ་མ་ཡིན་པ་ཁོ་ན་ལས་འབྱུང་ངོ་ཞེས་ཁོང་དུ་ཆུད་པར་བྱ་བ་འདི་ལ་རིགས་པ་བརྗོད་པ་གང་ཡིན།

'thad pas bsgrub pa'i rigs pa las brtsams te/ gang gis ma 'ongs pa'i 'du byed kyi mtshan nyid kyis med cing yod pa ma yin pa kho na las 'byung ngo zhes khong du chud par bya ba 'di la rigs pa brjod pa gang yin/

【G2 正辨】【H1 明證成道理立過未無】【I1 明過未無】【J1 明未來無】

གལ་ཏེ་མ་འོངས་པའི་ཆོས་འདུ་བྱེད་ཀྱི་མཚན་ཉིད་ཀྱིས་ཡོད་པ་ཁོ་ན་ལས་འབྱུང་བར་འགྱུར་ན་དེ་འཕོ་ཞིང་འབྱུང་སྟེ། མ་འོངས་པའི་དུས་ཀྱི་ཡུལ་ནས་ད་ལྟར་གྱི་དུས་ཀྱི་ཡུལ་དུ་འཕོ་ཞིང་འབྱུང་བར་འགྱུར་རམ། འཆི་འཕོ་དང་འབྱུང་སྟེ། མ་འོངས་པའི་དུས་ནས་ཤི་འཕོས་ནས་ད་ལྟར་གྱི་དུས་སུ་འབྱུང་བར་འགྱུར་རམ། བརྟེན་ནས་འབྱུང་སྟེ་མ་འོངས་པ་ན་དེ་ཁོ་ན་བཞིན་དུ་མི་འགྱུར་བར་གནས་ལ་དེ་ལ་བརྟེན་ཏེ་གཞན་ཁོ་ན་ཞིག་ད་ལྟར་གྱི་དུས་སུ་འབྱུང་བར་འགྱུར་རམ། ལས་དང་བཅས་པར་འབྱུང་སྟེ་མ་འོངས་པའི་དུས་ན་ལས་མི་བྱེད་པར་གྱུར་པ་ལས། ད་ལྟར་གྱི་དུས་སུ་ལས་བྱེད་པ་ཞིག་འབྱུང་བར་འགྱུར་རམ། མཚན་ཉིད་རྫོགས་པར་འབྱུང་སྟེ། མ་འོངས་པའི་དུས་ན་མཚན་ཉིད་མ་རྫོགས་པར་གྱུར་པ་ལས་ད་ལྟར་གྱི་དུས་སུ་མཚན་ཉིད་རྫོགས་པ་ཞིག་འབྱུང་བར་འགྱུར་རམ། མཚན་ཉིད་མི་འདྲ་བར་འབྱུང་སྟེ། མ་འོངས་པའི་དུས་ན་མ་འོངས་པའི་དངོས་པོ་དང༌། འབྲས་བུའི་དངོས་པོ་དེ་གཉིས་ཀྱི་མཚན་ཉིད་མི་འདྲ་བར་གྱུར་ལ། ད་ལྟར་གྱི་དུས་སུ་ད་ལྟར་གྱི་དངོས་པོ་དང་འབྲས་བུའི་དངོས་པོ་དེ་གཉིས་ཀྱི་མཚན་ཉིད་འདྲ་བ་ཞིག་འབྱུང་བར་འགྱུར་གྲང་ན། ཡོད་པ་དེའི་འབྱུང་བ་ནི་རྣམ་པ་དྲུག་པོ་དེ་དག་ཐམས་ཅད་ཀྱིས་མི་རུང་ངོ༌། །དེ་ཅིའི་ཕྱིར་ཞེ་ན། ཡུལ་ན་མི་གནས་པ་དང༌། ཕྱོགས་ན་མི་གནས་པ་ལ་ནི་ཡུལ་ནས་ཡུལ་གཞན་དུ་འཕོ་བ་མེད་པའི་ཕྱིར་དང༌། མ་སྐྱེས་པ་དང་མ་བྱུང་བ་ལ་ནི་འཆི་འཕོ་ཡང་མེད་པའི་ཕྱིར་དང༌། དེ་ལ་བརྟེན་ཏེ་འབྱུང་ན་དེ་གཞན་ཁོ་ན་ཞིག་བྱུང་བར་ཟད་ཀྱི་མ་འོངས་པ་མ་ཡིན་ལ། མ་འོངས་པ་དེ་ཡང་མ་བྱུང་བའི་ཕྱིར་དང༌། ཆོས་ཐམས་ཅད་དོན་དམ་པར་གཡོ་བ་མེད་པ་ཉིད་ཀྱི་ཕྱིར་མཚན་ཉིད་ལས་གཞན་པའི་ལས་མི་དམིགས་ཏེ། མཚན་ཉིད་ཙམ་འབའ་ཞིག་ལ་འདོགས་པ་ཁོ་ནར་ཟད་པ་དང༌། གཞན་པ་ཉིད་ཡིན་ན་ཡང་མ་འོངས་པ་དང༌། ད་ལྟར་བྱུང་བ་གཉིས་མཚན་ཉིད་མཚུངས་པས་ཡོད་པར་འདྲ་བ་བཞིན་དུ། དེ་ལྟར་འབའ་ཞིག་ལས་དང་བཅས་པ་ཡིན་ནོ་ཞེས་བྱ་བའི་བྱེད་རྒྱུ་ཡང་མི་དམིགས་པ་དང༌། ལས་ཀྱང་མ་བྱུང་བ་ལས་འབྱུང་བར་འགྱུར་བའི་ཕྱིར་དང༌། བཅོམ་ལྡན་འདས་ཀྱིས་ཇི་སྐད་དུ་འདུ་བྱེད་ཐམས་ཅད་ནི་མི་རྟག་པ་དང༌། མི་བརྟན་པ་ཡིན་ནོ་ཞེས་ལེགས་པར་གསུངས་པ་དང༌། ལེགས་པར་བརྗོད་པ་གང་ཡིན་པ་དེ་ལ་ཡང་འདུ་བྱེད་ཀྱི་ལས་ནི་མི་རྟག་པ་ཉིད་ཡིན་ལ། འདུ་བྱེད་རྣམས་ནི་དོན་ལས་རྟག་པ་ཉིད་ཡིན་ནོ་ཞེས་ཡོངས་སུ་བསྟན་པ་ཉིད་ཀྱིས་ཤིན་ཏུ་གནོད་པ་བྱས་པར་འགྱུར་བའི་ཕྱིར་དང༌། མཚན་ཉིད་གཅིག་པ་ཡིན་པར་འདྲ་བ་ལས། གལ་ཏེ་མཚན་ཉིད་ལ་ཆ་ཐ་དད་པ་ཡོད་པར་གྱུར་ན། ཅིའི་ཕྱིར་མཚན་ཉིད་ཆ་ཐ་དད་པར་འགྱུར་བ་དང༌། མཚན་ཉིད་ཆ་ཐ་དད་པ་མ་བྱུང་བ་ལས་བྱུང་ན་ནི་མཚན་གཞི་ཆ་ཐ་དད་པ་ཡང་ཅིའི་ཕྱིར་མ་བྱུང་བ་ལས་བྱུང་བར་མི་འགྱུར་བ་དང༌། མ་འོངས་པའི་དངོས་པོ་ཡང་གཟུགས་ལ་སོགས་པའི་འདུ་བྱེད་ཀྱི་མཚན་ཉིད་ལས་གུད་ན་མི་དམིགས་པ་དང༌། འབྲས་བུ་མ་འོངས་ཤིང་མེད་པ་ཡང་འབྲས་བུ་ད་ལྟར་བྱུང་བ་ཡིན་པའི་ཕྱིར་རོ། །འཐད་པས་སྒྲུབ་པའི་རིགས་པ་ལས་བརྩམས་ཏེ། གང་གིས་མ་འོངས་པའི་ཆོས་འདུ་བྱེད་ཀྱི་མཚན་ཉིད་ཀྱིས་མེད་ཅིང༌། ཡོད་པ་མ་ཡིན་པ་མ་བྱུང་བ་ལས་འབྱུང་བར་ཁོང་དུ་ཆུད་པར་བྱ་བ་འདི་ལ་རིགས་པ་བརྗོད་པ་ནི་དེ་ཡིན་ཏེ།

gal te ma 'ongs pa'i chos 'du byed kyi mtshan nyid kyis yod pa kho na las 'byung bar 'gyur na de 'pho zhing 'byung ste/ ma 'ongs pa'i dus kyi yul nas da ltar gyi dus kyi yul du 'pho zhing 'byung bar 'gyur ram/ 'chi 'pho dang 'byung ste/ ma 'ongs pa'i dus nas shi 'phos nas da ltar gyi dus su 'byung bar 'gyur ram/ brten nas 'byung ste ma 'ongs pa na de kho na bzhin du mi 'gyur bar gnas la de la brten te gzhan kho na zhig da ltar gyi dus su 'byung bar 'gyur ram/ las dang bcas par 'byung ste ma 'ongs pa'i dus na las mi byed par gyur pa las/ da ltar gyi dus su las byed pa zhig 'byung bar 'gyur ram/ mtshan nyid rdzogs par 'byung ste/ ma 'ongs pa'i dus na mtshan nyid ma rdzogs par gyur pa las da ltar gyi dus su mtshan nyid rdzogs pa zhig 'byung bar 'gyur ram/ mtshan nyid mi 'dra bar 'byung ste/ ma 'ongs pa'i dus na ma 'ongs pa'i dngos po dang/ 'bras bu'i dngos po de gnyis kyi mtshan nyid mi 'dra bar gyur la/ da ltar gyi dus su da ltar gyi dngos po dang 'bras bu'i dngos po de gnyis kyi mtshan nyid 'dra ba zhig 'byung bar 'gyur grang na/ yod pa de'i 'byung ba ni rnam pa drug po de dag thams cad kyis mi rung ngo/ /de ci'i phyir zhe na/ yul na mi gnas pa dang/ phyogs na mi gnas pa la ni yul nas yul gzhan du 'pho ba med pa'i phyir dang/ ma skyes pa dang ma byung ba la ni 'chi 'pho yang med pa'i phyir dang/ de la brten te 'byung na de gzhan kho na zhig byung bar zad kyi ma 'ongs pa ma yin la/ ma 'ongs pa de yang ma byung ba'i phyir dang/ chos thams cad don dam par g.yo ba med pa nyid kyi phyir mtshan nyid las gzhan pa'i las mi dmigs te/ mtshan nyid tsam 'ba' zhig la 'dogs pa kho nar zad pa dang/ gzhan pa nyid yin na yang ma 'ongs pa dang/ da ltar byung ba gnyis mtshan nyid mtshungs pas yod par 'dra ba bzhin du/ de ltar 'ba' zhig las dang bcas pa yin no zhes bya ba'i byed rgyu yang mi dmigs pa dang/ las kyang ma byung ba las 'byung bar 'gyur ba'i phyir dang/ bcom ldan 'das kyis ji skad du 'du byed thams cad ni mi rtag pa dang/ mi brtan pa yin no zhes legs par gsungs pa dang/ legs par brjod pa gang yin pa de la yang 'du byed kyi las ni mi rtag pa nyid yin la/ 'du byed rnams ni don las rtag pa nyid yin no zhes yongs su bstan pa nyid kyis shin tu gnod pa byas par 'gyur ba'i phyir dang/ mtshan nyid gcig pa yin par 'dra ba las/ gal te mtshan nyid la cha tha dad pa yod par gyur na/ ci'i phyir mtshan nyid cha tha dad par 'gyur ba dang/ mtshan nyid cha tha dad pa ma byung ba las byung na ni mtshan gzhi cha tha dad pa yang ci'i phyir ma byung ba las byung bar mi 'gyur ba dang/ ma 'ongs pa'i dngos po yang gzugs la sogs pa'i 'du byed kyi mtshan nyid las gud na mi dmigs pa dang/ 'bras bu ma 'ongs shing med pa yang 'bras bu da ltar byung ba yin pa'i phyir ro/ /'thad pas sgrub pa'i rigs pa las brtsams te/ gang gis ma 'ongs pa'i chos 'du byed kyi mtshan nyid kyis med cing/ yod pa ma yin pa ma byung ba las 'byung bar khong du chud par bya ba 'di la rigs pa brjod pa ni de yin te/

【J2 於過去無】

མ་འོངས་པ་ནི་ཇི་ལྟ་བ་དེ་བཞིན་དུ་འདས་པ་ཡང་མེད་པར་རིགས་པ་བརྗོད་པ་འདི་ཉིད་ཀྱིས་ཅི་རིགས་པར་ཁོང་དུ་ཆུད་པར་བྱའོ། །

ma 'ongs pa ni ji lta ba de bzhin du 'das pa yang med par rigs pa brjod pa 'di nyid kyis ci rigs par khong du chud par bya'o/ /

【I2 辨三世相】

དེ་ལས་འདས་པའི་འདུ་བྱེད་རྣམས་གང་ཞེ་ན། རང་གི་བདག་ཉིད་ཀྱིས་དངོས་པོ་ལས་ཞིགས་ཤིང་རབ་ཏུ་ཉམས་པར་གྱུར་པའི་མཚན་ཉིད་གང་ཡིན་པའོ། །ད་ལྟར་བྱུང་བའི་འདུ་བྱེད་རྣམས་གང་ཞེ་ན། རང་གི་བདག་ཉིད་ཀྱི་དངོས་པོ་ལས་མ་ཞིགས་ཤིང་མ་ཉམས་པར་སྐྱེ་བ་ཙམ་གྱི་དུས་ན་གནས་པའི་མཚན་ཉིད་གང་ཡིན་པའོ༑ །མ་འོངས་པའི་འདུ་བྱེད་རྣམས་གང་ཞེ་ན། རྒྱུ་ནི་ཡོད་ཅིང་མེད་པ་མ་ཡིན་ལ་རང་གི་མཚན་ཉིད་མ་བྱུང་ཞིང་བདག་ཉིད་མ་ཐོབ་པ་གང་ཡིན་པའོ། །

de las 'das pa'i 'du byed rnams gang zhe na/ rang gi bdag nyid kyis dngos po las zhigs shing rab tu nyams par gyur pa'i mtshan nyid gang yin pa'o/ /da ltar byung ba'i 'du byed rnams gang zhe na/ rang gi bdag nyid kyi dngos po las ma zhigs shing ma nyams par skye ba tsam gyi dus na gnas pa'i mtshan nyid gang yin pa'o| /ma 'ongs pa'i 'du byed rnams gang zhe na/ rgyu ni yod cing med pa ma yin la rang gi mtshan nyid ma byung zhing bdag nyid ma thob pa gang yin pa'o/ /

【I3 對難釋通】

གལ་ཏེ་མ་འོངས་པའི་འདུ་བྱེད་རྣམས་ཡོད་པ་མ་ཡིན་པ་ལས་འབྱུང་བར་འགྱུར་ན། ནམ་མཁའི་མེ་ཏོག་དང༌། མོ་གཤམ་གྱི་བུ་དང༌། རི་བོང་གི་རྭ་ལ་སོགས་པ་ཡང་ཅིའི་ཕྱིར་མི་འབྱུང་ཞེ་ན། འདི་ལྟར་དེ་དག་ལ་ནི་འབྱུང་བའི་རྒྱུ་མེད་ཀྱི་འདུ་བྱེད་ཐམས་ཅད་ལ་ནི་འབྱུང་བའི་རྒྱུ་སོ་སོར་ངེས་པ་ཡོད་པའི་ཕྱིར་རོ། །གལ་ཏེ་འདུ་བྱེད་ཐམས་ཅད་ལ་འབྱུང་བའི་རྒྱུ་སོ་སོར་ངེས་པ་ཡོད་པ་ཁོ་ན་ཡིན་ན། ཅིའི་ཕྱིར་འདུ་བྱེད་ཐམས་ཅད་ཅིག་ཅར་མགོ་མཉམ་ཁོ་ནར་འབྱུང་བར་མི་འགྱུར་ཞེ་ན། འདུ་བྱེད་རྣམས་ནི་རྒྱུ་ཡོད་ཀྱང་འབྱུང་བའི་རྐྱེན་ལ་ལྟོས་ན་འབྱུང་བར་འགྱུར་ཏེ། འདུ་བྱེད་གང་དང་གང་གི་འབྱུང་བའི་རྐྱེན་ཉེ་བར་གནས་པར་གྱུར་པའི་འདུ་བྱེད་དེ་དང་དེའི་རྒྱུ་ནི་འདུ་བྱེད་དེ་དང་དེ་མངོན་པར་འགྲུབ་པར་བྱེད་དེ། དེའི་ཕྱིར་འདུ་བྱེད་རྣམས་ལ་རྒྱུ་ཡོད་དུ་ཟིན་ཀྱང་ཅིག་ཅར་མགོ་མཉམ་དུ་འབྱུང་བར་མི་འགྱུར་རོ། །

gal te ma 'ongs pa'i 'du byed rnams yod pa ma yin pa las 'byung bar 'gyur na/ nam mkha'i me tog dang/ mo gsham gyi bu dang/ ri bong gi rwa la sogs pa yang ci'i phyir mi 'byung zhe na/ 'di ltar de dag la ni 'byung ba'i rgyu med kyi 'du byed thams cad la ni 'byung ba'i rgyu so sor nges pa yod pa'i phyir ro/ /gal te 'du byed thams cad la 'byung ba'i rgyu so sor nges pa yod pa kho na yin na/ ci'i phyir 'du byed thams cad cig car mgo mnyam kho nar 'byung bar mi 'gyur zhe na/ 'du byed rnams ni rgyu yod kyang 'byung ba'i rkyen la ltos na 'byung bar 'gyur te/ 'du byed gang dang gang gi 'byung ba'i rkyen nye bar gnas par gyur pa'i 'du byed de dang de'i rgyu ni 'du byed de dang de mngon par 'grub par byed de/ de'i phyir 'du byed rnams la rgyu yod du zin kyang cig car mgo mnyam du 'byung bar mi 'gyur ro/ /

【H2 制度決擇因緣】【I1 正決擇四緣】【J1 標】

དེ་ལ་འདུ་བྱེད་རྣམས་ཀྱི་རྒྱུ་ནི་གང་དང༌། རྐྱེན་ནི་གང་ཞེ་ན་བཅོམ་ལྡན་འདས་ཀྱིས་འདུ་བྱེད་རྣམས་འབྱུང་བའི་རྐྱེན་ནི་བཞི་པོ་འདི་དག་ཡིན་པར་གསུངས་ཏེ་རྒྱུའི་རྐྱེན་དང༌། མཚུངས་པ་དེ་མ་ཐག་པའི་རྐྱེན་དང༌། དམིགས་པའི་རྐྱེན་དང༌། བདག་པོའི་རྐྱེན་ཏོ། །དེ་ལ་རྒྱུའི་རྐྱེན་ནི་རྒྱུ་ཡང་ཡིན་རྐྱེན་ཡང་ཡིན་ནོ། །དེ་ལས་གཞན་པའི་རྐྱེན་གསུམ་པོ་དག་ནི་རྐྱེན་ཁོ་ན་ཡིན་ཏེ་རྒྱུ་ནི་མ་ཡིན་ནོ། །

de la 'du byed rnams kyi rgyu ni gang dang/ rkyen ni gang zhe na bcom ldan 'das kyis 'du byed rnams 'byung ba'i rkyen ni bzhi po 'di dag yin par gsungs te rgyu'i rkyen dang/ mtshungs pa de ma thag pa'i rkyen dang/ dmigs pa'i rkyen dang/ bdag po'i rkyen to/ /de la rgyu'i rkyen ni rgyu yang yin rkyen yang yin no/ /de las gzhan pa'i rkyen gsum po dag ni rkyen kho na yin te rgyu ni ma yin no/ /

【J2 釋】【K1 明因緣】【L1 依未建立賴耶已前佛教以說因緣】【M1 正辨因緣】【N1 先正辨因緣】【O1 問】

དེ་ལ་རྒྱུའི་རྐྱེན་གང་ཞེ་ན།

de la rgyu'i rkyen gang zhe na/

【O2 解】

དབང་པོ་གཟུགས་ཅན་རྟེན་དང་བཅས་པ་གང་ཡིན་པ་དང༌། རྣམ་པར་ཤེས་པ་གང་ཡིན་པ་འདི་གཉིས་ནི་མདོར་ན་ས་བོན་ཐམས་ཅད་པ་ཞེས་བྱའོ། །དབང་པོ་གཟུགས་ཅན་དང་ལྡན་པ་ནི། དབང་པོ་གཟུགས་ཅན་དེ་དག་དང༌། དེ་ལས་གཞན་པའི་ཆོས་གཟུགས་ཅན་རྣམས་ཀྱི་ས་བོན་ཀྱང་ཡིན་ལ་སེམས་དང་སེམས་ལས་བྱུང་བའི་ཆོས་ཐམས་ཅད་ཁོ་ནའི་ས་བོན་ཀྱང་ཡིན་ནོ། །རྣམ་པར་ཤེས་པ་དང་ལྡན་པ་ནི་རྣམ་པར་ཤེས་པ་རྣམ་པ་ཐམས་ཅད་པོ་དེའི་ས་བོན་ཡང་ཡིན་ལ། དེ་ལས་གཞན་པའི་ཆོས་གཟུགས་ཅན་མ་ཡིན་པ་རྣམས་དང༌། དབང་པོ་གཟུགས་ཅན་རྣམས་ཀྱི་ས་བོན་ཡང་ཡིན་ནོ། །འབྱུང་བ་ཆེན་པོའི་གཟུགས་མ་གཏོགས་པ། དེ་ལས་གཞན་པའི་ཆོས་གཟུགས་ཅན་རྣམས་ནི་རང་གི་ས་བོན་དང་ལྡན་པའི་ངོ་བོ་ཉིད་ཁོ་ན་ཡིན་པར་རིག་པར་བྱའོ། །འབྱུང་བ་ཆེན་པོའི་གཟུགས་ནི་ས་བོན་གཉིས་དང་ལྡན་པ་ཡིན་ཏེ། འབྱུང་བ་ཆེན་པོའི་ས་བོན་དང༌། རྒྱུར་བྱས་པའི་གཟུགས་ཀྱི་ས་བོན་དང་ངོ༌། །དེ་ལྟར་ན་ཇི་སྐད་ཡོངས་སུ་བསྒྲགས་པའི་ཆོས་རྣམས་ལ། དེ་ལྟར་ས་བོན་གྱི་རྒྱུ་དང་ལྡན་པ་ཅི་རིགས་པར་རྣམ་པར་གཞག་པ་གང་ཡིན་པ་

dbang po gzugs can rten dang bcas pa gang yin pa dang/ rnam par shes pa gang yin pa 'di gnyis ni mdor na sa bon thams cad pa zhes bya'o/ /dbang po gzugs can dang ldan pa ni/ dbang po gzugs can de dag dang/ de las gzhan pa'i chos gzugs can rnams kyi sa bon kyang yin la sems dang sems las byung ba'i chos thams cad kho na'i sa bon kyang yin no/ /rnam par shes pa dang ldan pa ni rnam par shes pa rnam pa thams cad po de'i sa bon yang yin la/ de las gzhan pa'i chos gzugs can ma yin pa rnams dang/ dbang po gzugs can rnams kyi sa bon yang yin no/ /'byung ba chen po'i gzugs ma gtogs pa/ de las gzhan pa'i chos gzugs can rnams ni rang gi sa bon dang ldan pa'i ngo bo nyid kho na yin par rig par bya'o/ /'byung ba chen po'i gzugs ni sa bon gnyis dang ldan pa yin te/ 'byung ba chen po'i sa bon dang/ rgyur byas pa'i gzugs kyi sa bon dang ngo/ /de ltar na ji skad yongs su bsgrags pa'i chos rnams la/ de ltar sa bon gyi rgyu dang ldan pa ci rigs par rnam par gzhag pa gang yin pa

【O3 結】

དེ་ནི་རྒྱུའི་རྐྱེན་ཞེས་བྱའོ། །

de ni rgyu'i rkyen zhes bya'o/ /

【N2 反難外人】【O1 明色不持種過】

གལ་ཏེ་དབང་པོ་གཟུགས་ཅན་རང་གི་འབྱུང་བ་ཆེན་པོ་དང་བཅས་པ་དག །སེམས་དང་སེམས་ལས་བྱུང་བའི་ཆོས་རྣམས་ཀྱི་ས་བོན་དང་ལྡན་པ་མ་ཡིན་དུ་ཟིན་ན། འདི་ན་འགོག་པ་ལ་སྙོམས་པར་ཞུགས་པ་དང༌། འདུ་ཤེས་མེད་པ་ལ་སྙོམས་པར་ཞུགས་པ་དང༌། འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་པའི་རྣམ་པར་ཤེས་པ་ཕྱིས་ཡང་འབྱུང་བར་མི་འགྱུར་བ་ཞིག་ན་འབྱུང་སྡེ། དེ་ལྟ་བས་ན་དབང་པོ་གཟུགས་ཅན་སེམས་དང་སེམས་ལས་བྱུང་བའི་ས་བོན་དང་ལྡན་པ་ལ་བརྟེན་ཏེ་འབྱུང་བར་རིག་པར་བྱའོ༑ །

gal te dbang po gzugs can rang gi 'byung ba chen po dang bcas pa dag /sems dang sems las byung ba'i chos rnams kyi sa bon dang ldan pa ma yin du zin na/ 'di na 'gog pa la snyoms par zhugs pa dang/ 'du shes med pa la snyoms par zhugs pa dang/ 'du shes med pa'i sems can lha rnams kyi nang du skyes pa'i rnam par shes pa phyis yang 'byung bar mi 'gyur ba zhig na 'byung sde/ de lta bas na dbang po gzugs can sems dang sems las byung ba'i sa bon dang ldan pa la brten te 'byung bar rig par bya'o| /

【O2 明心不持種過】

གལ་ཏེ་རྣམ་པར་ཤེས་པ་གཟུགས་ཀྱི་ས་བོན་དང་ལྡན་པ་མ་ཡིན་དུ་ཟིན་ན༑ སོ་སོའི་སྐྱེ་བོ་གཟུགས་མེད་པ་རྣམས་སུ་སྐྱེས་པ་ཚེ་ཟད་ཅིང་ལས་ཟད་ནས་དེ་ནས་འཆི་འཕོ་ཞིང་ཡང་འོག་ཏུ་སྐྱེ་བའི་གཟུགས་ཀྱི་ས་བོན་མེད་པས་འབྱུང་བར་མི་འགྱུར་བ་ཞིག་ན་འབྱུང་སྟེ། དེ་ལྟ་བས་ན་གཟུགས་ཀྱི་ས་བོན་དང་ལྡན་པའི་རྣམ་པར་ཤེས་པ་དེ་ལ་བརྟེན་ནས་དེའི་གཟུགས་འབྱུང་བར་རིག་པར་བྱའོ། །

gal te rnam par shes pa gzugs kyi sa bon dang ldan pa ma yin du zin na| so so'i skye bo gzugs med pa rnams su skyes pa tshe zad cing las zad nas de nas 'chi 'pho zhing yang 'og tu skye ba'i gzugs kyi sa bon med pas 'byung bar mi 'gyur ba zhig na 'byung ste/ de lta bas na gzugs kyi sa bon dang ldan pa'i rnam par shes pa de la brten nas de'i gzugs 'byung bar rig par bya'o/ /

【M2 明伏斷退不退義】【N1 明世間道伏】【O1 略】

སོ་སོའི་སྐྱེ་བོ་འཇིག་རྟེན་པའི་ལམ་གྱི་བསམ་གཏན་དང་པོ་ལ་སྙོམས་པར་ཞུགས་ཤིང་སྐྱེས་པ་ནི་དེ་ལས་གཞན་པ་འདོད་པ་ན་སྤྱོད་པའི་ཆོས་ཉོན་མོངས་པ་ཅན་དེ་དག་གི་ས་བོན་གང་ཡིན་པ་དེ་ནི་ཉམས་པ་ཡིན་གྱི། ཡང་དག་པར་བཅོམ་པ་ནི་མ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་སོ་སོའི་སྐྱེ་བོ་དེ་ནི་ཏིང་ངེ་འཛིན་དེ་ལས་ཡོངས་སུ་ཉམས་ནས་ཡང་འདོད་པ་ན་སྤྱོད་པའི་ཆོས་ཉོན་མོངས་པ་ཅན་རྣམས་མངོན་དུ་བྱེད་པ་དང༌། བསམ་གཏན་དང་པོའི་སྙོམས་པར་འཇུག་པ་དེ་ནས་ཤི་འཕོས་ནས་ཡང་འདོད་པའི་ཁམས་སུ་སྐྱེ་བར་འགྱུར་བའི་ཕྱིར་རོ། །

so so'i skye bo 'jig rten pa'i lam gyi bsam gtan dang po la snyoms par zhugs shing skyes pa ni de las gzhan pa 'dod pa na spyod pa'i chos nyon mongs pa can de dag gi sa bon gang yin pa de ni nyams pa yin gyi/ yang dag par bcom pa ni ma yin par rig par bya'o/ /de ci'i phyir zhe na/ 'di ltar so so'i skye bo de ni ting nge 'dzin de las yongs su nyams nas yang 'dod pa na spyod pa'i chos nyon mongs pa can rnams mngon du byed pa dang/ bsam gtan dang po'i snyoms par 'jug pa de nas shi 'phos nas yang 'dod pa'i khams su skye bar 'gyur ba'i phyir ro/ /

【O2 廣】

དེ་ལ་ས་བོན་ཉམས་པ་ནི་མདོར་བསྡུ་ན་རྣམ་པ་གསུམ་དུ་རིག་པར་བྱ་སྟེ། ཡོངས་སུ་སྤོང་བས་ཉམས་པ་དང༌། སུན་འབྱིན་པས་ཉམས་པ་དང༌། ཞི་གནས་ཀྱིས་ཉམས་པའོ། །དེ་ལ་ཡོངས་སུ་སྤོང་བས་ཉམས་པ་གང་ཞེ་ན། འདི་ལྟར་འདི་ན་ལ་ལ་ཁྱིམ་གྱི་འདོད་པའི་ལོངས་སྤྱོད་ཀྱི་ཡོངས་སུ་སྤྱོད་པ་དག་སྤོང་བ་ཡང་དག་པར་བླང་བ་ལེན་པར་བྱེད་ཅིང་དེ་སྤོང་བ་ཡང་དག་པར་བླང་བ་དེ་ཀུན་དུ་སྟེན་པར་བྱེད། སྒོམ་པར་བྱེད། ལན་མང་དུ་བྱེད་དེ། དེ་ཀུན་དུ་བསྟེན་པའི་རྒྱུ་དང༌། བསྒོམས་པའི་རྒྱུ་དང༌། ལན་མང་དུ་བྱས་པའི་རྒྱུས་འདོད་པའི་ལོངས་སྤྱོད་ཀྱི་ཡོངས་སུ་སྤྱོད་པ་ལ་སེམས་མི་འཇུག་མི་དགའ་ཀུན་དུ་མི་གནས་མོས་པར་མི་བྱེད་ཅིང་དེའི་དབང་དང༌། དེ་ལ་དམིགས་པའི་ཉོན་མོངས་པ་སྐྱེད་པར་ཡང་མི་བྱེད་དེ། དེ་ནི་ཡོངས་སུ་སྤོང་བས་ཉམས་པ་ཞེས་བྱའོ༑ །སུན་འབྱིན་པས་ཉམས་པ་གང་ཞེ་ན། འདི་ལྟར་འདི་ན་ལ་ལས་ཉེས་དམིགས་ཀྱི་འདུ་ཤེས་སམ། མི་སྡུག་པའི་འདུ་ཤེས་སམ། རྣམ་པར་བསྔོས་པ་ལ་སོགས་པའི་འདུ་ཤེས་སམ། ཚུལ་བཞིན་ཡིད་ལ་བྱེད་པ་གང་ཡང་རུང་བས་འདོད་པ་དེ་དག་ལ། དེ་འདོད་ཆགས་དང་བྲལ་བ་མ་ཡིན་དུ་ཟིན་ཀྱང་ཇི་ལྟ་ཇི་ལྟར་མི་མཐུན་པ་ཡིན་པའི་རྒྱུས་འདོད་པ་རྣམས་ལ་སེམས་མི་འཇུག་པ་ནས། རྒྱས་པར་མོས་པར་མི་བྱེད་པའི་བར་དུ་དེ་ལྟ་དེ་ལྟར་སུན་འབྱིན་པ་ཡིན་ཏེ། དེ་ནི་སུན་འབྱིན་པས་ཉམས་པ་ཞེས་བྱའོ། །ཞི་གནས་ཀྱིས་ཉམས་པ་གང་ཞེ་ན། འདི་ལྟར་འདི་ན་ལ་ལ་འཇིག་རྟེན་པའི་ལམ་གྱིས་འདོད་པའི་འདོད་ཆགས་དང་བྲལ་བའམ། གཟུགས་ཀྱི་འདོད་ཆགས་དང་བྲལ་བ་ཐོབ་པར་བྱེད་ཅིང༌། ཞི་གནས་ཀྱིས་ཉེ་བར་བསྟན་པའི་སེམས་ཀྱི་རྒྱུ་དང་ལྡན་པ་དེའི་སེམས་འདོད་པ་དག་གམ། གཟུགས་དག་ལ་མི་འཇུག་པ་ནས། རྒྱས་པར་མོས་པར་མི་བྱེད་པའི་བར་དེ་ནི་ཞི་གནས་ཀྱིས་ཉམས་པ་ཞེས་བྱའོ། །

de la sa bon nyams pa ni mdor bsdu na rnam pa gsum du rig par bya ste/ yongs su spong bas nyams pa dang/ sun 'byin pas nyams pa dang/ zhi gnas kyis nyams pa'o/ /de la yongs su spong bas nyams pa gang zhe na/ 'di ltar 'di na la la khyim gyi 'dod pa'i longs spyod kyi yongs su spyod pa dag spong ba yang dag par blang ba len par byed cing de spong ba yang dag par blang ba de kun du sten par byed/ sgom par byed/ lan mang du byed de/ de kun du bsten pa'i rgyu dang/ bsgoms pa'i rgyu dang/ lan mang du byas pa'i rgyus 'dod pa'i longs spyod kyi yongs su spyod pa la sems mi 'jug mi dga' kun du mi gnas mos par mi byed cing de'i dbang dang/ de la dmigs pa'i nyon mongs pa skyed par yang mi byed de/ de ni yongs su spong bas nyams pa zhes bya'o| /sun 'byin pas nyams pa gang zhe na/ 'di ltar 'di na la las nyes dmigs kyi 'du shes sam/ mi sdug pa'i 'du shes sam/ rnam par bsngos pa la sogs pa'i 'du shes sam/ tshul bzhin yid la byed pa gang yang rung bas 'dod pa de dag la/ de 'dod chags dang bral ba ma yin du zin kyang ji lta ji ltar mi mthun pa yin pa'i rgyus 'dod pa rnams la sems mi 'jug pa nas/ rgyas par mos par mi byed pa'i bar du de lta de ltar sun 'byin pa yin te/ de ni sun 'byin pas nyams pa zhes bya'o/ /zhi gnas kyis nyams pa gang zhe na/ 'di ltar 'di na la la 'jig rten pa'i lam gyis 'dod pa'i 'dod chags dang bral ba'am/ gzugs kyi 'dod chags dang bral ba thob par byed cing/ zhi gnas kyis nye bar bstan pa'i sems kyi rgyu dang ldan pa de'i sems 'dod pa dag gam/ gzugs dag la mi 'jug pa nas/ rgyas par mos par mi byed pa'i bar de ni zhi gnas kyis nyams pa zhes bya'o/ /

【N2 明出世道斷】【O1 明入有餘時斷除染種】

འཕགས་པ་ཉན་ཐོས་འཇིག་རྟེན་ལས་འདས་པའི་ལམ་གྱིས་འདོད་པའི་འདོད་ཆགས་དང་བྲལ་བ་དང༌། ཁམས་གསུམ་པའི་འདོད་ཆགས་དང་བྲལ་བའི་བར་ཐོབ་པ་ནི་དེ་ལྟར་དེས་ཁམས་གསུམ་ན་སྤྱོད་པའི་ཆོས་ཉོན་མོངས་པ་ཅན་དེ་དག་ཐམས་ཅད་ཀྱི་ས་བོན་ཐམས་ཅད་ཀྱི་ཐམས་ཅད་དུ་ཡང་དག་པར་བཅོམ་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་འཕགས་པ་ཉན་ཐོས་དེ་ནི་ཚེ་འདི་ཉིད་ལ་འདོད་ཆགས་དང་བྲལ་བ་དེ་ལས་ཡོངས་སུ་ཉམས་ཤིང༌། ས་འོག་མ་ཕའི་ཀུན་ནས་ཉོན་མོངས་པ་མངོན་དུ་བྱེད་མི་སྲིད་པ་དང༌། ས་གོང་མ་དག་ཏུ་སྐྱེས་པ་དེ་ནས་ཤི་འཕོས་ནས་ཡང་ས་འོག་མ་རྣམས་སུ་སྐྱེ་བ་ཡང་མི་སྲིད་པའི་ཕྱིར་རོ། །འདི་ལྟ་སྟེ་དཔེར་ན། འབྲུ་ནས་ལ་སོགས་པའི་ས་བོན་ནམ་མཁའ་འམ། ས་གཞི་སྐམ་པོར་གཞག་པ་རྣམས་ནི་མི་སྐྱེ་ཡང་ས་བོན་ཉིད་མེད་པ་ནི་མ་ཡིན་ནོ། །དེ་དག་ཉིད་མེས་ཀུན་དུ་གདུངས་ན་ཐམས་ཅད་ཀྱི་ཐམས་ཅད་དུ་ས་བོན་ཉིད་མེད་པ་བཞིན་དུ་ས་བོན་རྣམས་ཀྱི་ཉམས་པ་དང་ཡང་དག་པར་བཅོམ་པ་འདིའི་ཚུལ་ཡང་དེ་བཞིན་དུ་རིག་པར་བྱའོ། །

'phags pa nyan thos 'jig rten las 'das pa'i lam gyis 'dod pa'i 'dod chags dang bral ba dang/ khams gsum pa'i 'dod chags dang bral ba'i bar thob pa ni de ltar des khams gsum na spyod pa'i chos nyon mongs pa can de dag thams cad kyi sa bon thams cad kyi thams cad du yang dag par bcom pa yin no/ /de ci'i phyir zhe na/ 'di ltar 'phags pa nyan thos de ni tshe 'di nyid la 'dod chags dang bral ba de las yongs su nyams shing/ sa 'og ma pha'i kun nas nyon mongs pa mngon du byed mi srid pa dang/ sa gong ma dag tu skyes pa de nas shi 'phos nas yang sa 'og ma rnams su skye ba yang mi srid pa'i phyir ro/ /'di lta ste dper na/ 'bru nas la sogs pa'i sa bon nam mkha' 'am/ sa gzhi skam por gzhag pa rnams ni mi skye yang sa bon nyid med pa ni ma yin no/ /de dag nyid mes kun du gdungs na thams cad kyi thams cad du sa bon nyid med pa bzhin du sa bon rnams kyi nyams pa dang yang dag par bcom pa 'di'i tshul yang de bzhin du rig par bya'o/ /

【O2 明入無餘時損伏善無記種】

འཕགས་པ་ཉན་ཐོས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་མ་འདས་པ་དེའི་དགེ་བ་དང༌། ལུང་དུ་མ་བསྟན་པའི་ཆོས་ཀྱི་ས་བོན་གང་ཡིན་པ་དེ་ནི་ཀུན་ནས་ཉོན་མོངས་པ་ཅན་གྱི་ས་བོན་ཡང་དག་པར་བཅོམ་པའི་ཕྱིར་ཉམས་པ་ཡིན་པས་དེས་ན་ཕྱི་མ་ལ་རྣམ་པར་སྨིན་པ་མངོན་པར་འགྲུབ་པར་བྱེད་པ་དང༌། རང་ཉིད་སྐྱེ་བར་ཡང་མི་ནུས་ཏེ། དེ་ལྟར་ན་འདི་ལྟ་སྟེ། གྲོགས་ཡང་དག་པར་བཅོམ་པས་ཉམས་པ་འདི་ནི་ཉམས་པ་གཞན་བཞི་པ་ཡིན་པར་རིག་པར་བྱའོ། །

'phags pa nyan thos phung po'i lhag ma med pa'i mya ngan las 'das pa'i dbyings su yongs su mya ngan las ma 'das pa de'i dge ba dang/ lung du ma bstan pa'i chos kyi sa bon gang yin pa de ni kun nas nyon mongs pa can gyi sa bon yang dag par bcom pa'i phyir nyams pa yin pas des na phyi ma la rnam par smin pa mngon par 'grub par byed pa dang/ rang nyid skye bar yang mi nus te/ de ltar na 'di lta ste/ grogs yang dag par bcom pas nyams pa 'di ni nyams pa gzhan bzhi pa yin par rig par bya'o/ /

【M3 明三受等位種子隨逐】

དེ་ལ་གང་ཟག་འཆིང་བ་མཐའ་དག་དང་ལྡན་པའི་བདེ་བ་དང་ལྡན་པའམ། སྡུག་བསྔལ་བ་དང་ལྡན་པའམ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང་ལྡན་པའི་སེམས་གང་དག་འབྱུང་བ་དེ་དག་ཐམས་ཅད་ནི་བདེ་བའི་ས་བོན་དང་ལྡན་པ་དང༌། སྡུག་བསྔལ་བའི་ས་བོན་དང་ལྡན་པ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དེ་ཡང་མ་ཡིན་པའི་ས་བོན་དང་ལྡན་པ་ཡིན་ནོ། །དེའི་དགེ་བའམ། ཉོན་མོངས་པ་ཅན་ནམ། ལུང་དུ་མ་བསྟན་པའི་སེམས་གང་དག་འབྱུང་བ་དེ་དག་ཐམས་ཅད་ཀྱང་དགེ་བའི་ས་བོན་དང་ལྡན་པ་དང༌། ཉོན་མོངས་པ་ཅན་གྱི་ས་བོན་དང་ལྡན་པ་དང༌། ལུང་དུ་མ་བསྟན་པའི་ས་བོན་དང་ལྡན་པ་ཡིན་ནོ། །གང་ཟག་སློབ་པ་འཆིང་བ་མ་ཚང་བ་དང་ལྡན་པའི་འཇིག་རྟེན་པའི་དགེ་བའམ། ཉོན་མོངས་པ་ཅན་ནམ། ལུང་དུ་མ་བསྟན་པའི་སེམས་གང་དག་འབྱུང་བ་དེ་དག་ཐམས་ཅད་ནི་དེའི་སྒོམ་པས་སྤང་བར་བྱ་བའི་ཉོན་མོངས་པ་གང་དག་མ་སྤངས་པ་དེའི་ས་བོན་དང་ལྡན་པ་ཡིན་ཏེ། དེ་ལས་གཞན་པ་ཆོས་ཐམས་ཅད་ཀྱི་ས་བོན་དང་ལྡན་པར་འབྱུང་ངོ༌། །གང་ཟག་མི་སློབ་པ་ཉོན་མོངས་པ་ཐམས་ཅད་སྤངས་པའི་འཇིག་རྟེན་པའམ། འཇིག་རྟེན་ལས་འདས་པའི་དགེ་བའམ། ལུང་དུ་མ་བསྟན་པའི་སེམས་གང་འབྱུང་བ་དེ་ནི་དེ་ཉོན་མོངས་པ་ཅན་གྱི་ཆོས་ཐམས་ཅད་ཀྱི་ས་བོན་དང་མི་ལྡན་པས་དགེ་བ་དང༌། ལུང་དུ་མ་བསྟན་པའི་ཆོས་ཐམས་ཅད་ཀྱི་ས་བོན་དང་ལྡན་པར་འབྱུང་སྟེ།

de la gang zag 'ching ba mtha' dag dang ldan pa'i bde ba dang ldan pa'am/ sdug bsngal ba dang ldan pa'am/ sdug bsngal yang ma yin bde ba yang ma yin pa dang ldan pa'i sems gang dag 'byung ba de dag thams cad ni bde ba'i sa bon dang ldan pa dang/ sdug bsngal ba'i sa bon dang ldan pa dang / sdug bsngal yang ma yin bde ba yang ma yin pa de yang ma yin pa'i sa bon dang ldan pa yin no/ /de'i dge ba'am/ nyon mongs pa can nam/ lung du ma bstan pa'i sems gang dag 'byung ba de dag thams cad kyang dge ba'i sa bon dang ldan pa dang/ nyon mongs pa can gyi sa bon dang ldan pa dang/ lung du ma bstan pa'i sa bon dang ldan pa yin no/ /gang zag slob pa 'ching ba ma tshang ba dang ldan pa'i 'jig rten pa'i dge ba'am/ nyon mongs pa can nam/ lung du ma bstan pa'i sems gang dag 'byung ba de dag thams cad ni de'i sgom pas spang bar bya ba'i nyon mongs pa gang dag ma spangs pa de'i sa bon dang ldan pa yin te/ de las gzhan pa chos thams cad kyi sa bon dang ldan par 'byung ngo/ /gang zag mi slob pa nyon mongs pa thams cad spangs pa'i 'jig rten pa'am/ 'jig rten las 'das pa'i dge ba'am/ lung du ma bstan pa'i sems gang 'byung ba de ni de nyon mongs pa can gyi chos thams cad kyi sa bon dang mi ldan pas dge ba dang/ lung du ma bstan pa'i chos thams cad kyi sa bon dang ldan par 'byung ste/

【L2 明依從賴耶教已後立因緣相】【M1 結前生後正立因緣】

ས་བོན་རྣམ་པར་གཞག་པའི་ཚུལ་འདི་ནི་ཀུན་གཞི་རྣམ་པར་ཤེས་པ་རྣམ་པར་མ་བཞག་པ་ལ་རིག་པར་བྱའོ། །རྣམ་པར་གཞག་པ་ལ་ནི་མདོར་བསྡུ་ན་དེ་ལ་ཆོས་ཐམས་ཅད་ཀྱི་ས་བོན་ཡོད་པར་རིག་པར་བྱ་སྟེ། ས་བོན་དེ་དག་ནི་མ་སྤངས་པ་དང༌། སྤང་བར་བྱ་བ་མ་ཡིན་པའི་ཆོས་དེ་དག་དང་ཅི་རིགས་སུ་ལྡན་པར་རིག་པར་བྱའོ། །

sa bon rnam par gzhag pa'i tshul 'di ni kun gzhi rnam par shes pa rnam par ma bzhag pa la rig par bya'o/ /rnam par gzhag pa la ni mdor bsdu na de la chos thams cad kyi sa bon yod par rig par bya ste/ sa bon de dag ni ma spangs pa dang/ spang bar bya ba ma yin pa'i chos de dag dang ci rigs su ldan par rig par bya'o/ /

【M2 通經異說】

བཅོམ་ལྡན་འདས་ཀྱིས་ཇི་སྐད་དུ་དགེ་སློང་དག་དགྲ་བཅོམ་པ་ཡང་ཚེ་འདི་ལ་ལྷག་པའི་སེམས་ལས་བྱུང་བ་བདེ་བར་གནས་པ་བཞི་པོ་དེ་དག་ལས་གང་ཡང་རུང་བ་ལས་ཡོངས་སུ་ཉམས་པར་ང་སྨྲའོ་ཞེས་གང་གསུངས་པ་དེ་ལ། གལ་ཏེ་དེའི་ཉོན་མོངས་པ་ཅན་གྱི་ཆོས་ཐམས་ཅད་ཀྱི་ས་བོན་དག་ཡང་དག་པར་བཅོམ་ན་ནི། ཇི་ལྟར་དེ་ལས་འོག་མ་པའི་ཉོན་མོངས་པ་འབྱུང་བར་འགྱུར། གལ་ཏེ་མི་འབྱུང་ན་ནི་ཇི་ལྟར་དེ་ཡོངས་སུ་ཉམས་པར་འགྱུར་ཞེ་ན། ཡོངས་སུ་ཉམས་པ་ནི་གཉིས་པོ་འདི་དག་ཡིན་ཏེ། སྤོང་བའི་ཡོངས་སུ་ཉམས་པ་དང༌། གནས་པའི་ཡོངས་སུ་ཉམས་པའོ། །དེ་ལ་སྤོང་བའི་ཡོངས་སུ་ཉམས་པས་ནི་སོ་སོའི་སྐྱེ་བོ་ཁོ་ན་ཡོངས་སུ་ཉམས་པར་འགྱུར་རོ། །གནས་པའི་ཡོངས་སུ་ཉམས་པས་ནི་འཕགས་པ་དང༌། སོ་སོའི་སྐྱེ་བོ་ཡང་ཡོངས་སུ་ཉམས་པར་འགྱུར་རོ། །དེ་ལ་འཇིག་རྟེན་པའི་ལམ་གྱིས་ཉོན་མོངས་པ་སྤངས་པ་ཡང་མངོན་དུ་བྱེད་པ་ནི་སྤོང་བའི་ཡོངས་སུ་ཉམས་པས་ཡོངས་སུ་ཉམས་པར་འགྱུར་ཏེ། གནས་པའི་ཡོངས་སུ་ཉམས་པས་ཡོངས་སུ་ཉམས་པར་འགྱུར་བ་ཡང་དེ་ཡིན་ནོ། །འཇིག་རྟེན་ལས་འདས་པའི་ལམ་གྱིས་ཉོན་མོངས་པ་སྤངས་ནས། དེ་ལས་གཞན་པའི་འཕྲལ་གྱི་བྱ་བ་དག་ལ་རབ་ཏུ་ཆགས་པའི་བློ་ཅན་ཡིད་ལ་མི་བྱེད་པའི་རྒྱུས་དེའི་མཇུག་ཐོགས་སུ་ཚེ་འདི་ལ་བདེ་བར་གནས་པ་ལ་སྔོན་གྱི་ཇི་ལྟ་བར་ཕྱིས་ཀྱང་དེ་བཞིན་དུ་མངོན་དུ་བྱེད་མི་ནུས་ལ། ས་འོག་མ་པའི་ཉོན་མོངས་པ་ནི་མངོན་དུ་མི་བྱེད་པ་གང་ཡིན་པ་དེ་ནི་དེ་ལྟ་ན་གནས་པའི་ཡོངས་སུ་ཉམས་པས་ཡོངས་སུ་ཉམས་པར་འགྱུར་བ་ཡིན་གྱི་སྤོང་བའི་ཡོངས་སུ་ཉམས་པ་ནི་མ་ཡིན་ནོ། །གལ་ཏེ་དགྲ་བཅོམ་པ་ཉོན་མོངས་པ་ཐམས་ཅད་སྤངས་པའི་ཉོན་མོངས་པ་ཅན་གྱི་ཆོས་དེ་དག་ཐམས་ཅད་ཀྱི་ས་བོན་ཡང་དག་པར་མ་བཅོམ་ན་ནི། ཇི་ལྟར་ན་དེ་དགྲ་བཅོམ་པ་སེམས་ཤིན་དུ་རྣམ་པར་གྲོལ་བ་དང་ཟག་པ་ཟད་པར་འགྱུར། གལ་ཏེ་ཡང་དག་པར་བཅོམ་ན་ནི་དེའི་སེམས་ཀྱི་རྒྱུད་ཉོན་མོངས་པ་ཅན་གྱི་ཆོས་ཐམས་ཅད་ཀྱི་ས་བོན་མེད་པ་ལ་ཚུལ་བཞིན་མ་ཡིན་པ་ཡིད་ལ་བྱེད་པ་ཙམ་ཡང་འབྱུང་བར་མི་འགྱུར་ན། ཉོན་མོངས་པ་ལྟ་སྨོས་ཀྱང་ཅི་དགོས་ཏེ། དེ་ལྟ་བས་ན་འཇིག་རྟེན་ལས་འདས་པའི་ལམ་གྱིས་ཉོན་མོངས་པ་སྤངས་པ་ལ་ནི་ཡོངས་སུ་ཉམས་པ་མེད་པར་ཁོང་དུ་ཆུད་པར་བྱའོ། །

bcom ldan 'das kyis ji skad du dge slong dag dgra bcom pa yang tshe 'di la lhag pa'i sems las byung ba bde bar gnas pa bzhi po de dag las gang yang rung ba las yongs su nyams par nga smra'o zhes gang gsungs pa de la/ gal te de'i nyon mongs pa can gyi chos thams cad kyi sa bon dag yang dag par bcom na ni/ ji ltar de las 'og ma pa'i nyon mongs pa 'byung bar 'gyur/ gal te mi 'byung na ni ji ltar de yongs su nyams par 'gyur zhe na/ yongs su nyams pa ni gnyis po 'di dag yin te/ spong ba'i yongs su nyams pa dang/ gnas pa'i yongs su nyams pa'o/ /de la spong ba'i yongs su nyams pas ni so so'i skye bo kho na yongs su nyams par 'gyur ro/ /gnas pa'i yongs su nyams pas ni 'phags pa dang/ so so'i skye bo yang yongs su nyams par 'gyur ro/ /de la 'jig rten pa'i lam gyis nyon mongs pa spangs pa yang mngon du byed pa ni spong ba'i yongs su nyams pas yongs su nyams par 'gyur te/ gnas pa'i yongs su nyams pas yongs su nyams par 'gyur ba yang de yin no/ /'jig rten las 'das pa'i lam gyis nyon mongs pa spangs nas/ de las gzhan pa'i 'phral gyi bya ba dag la rab tu chags pa'i blo can yid la mi byed pa'i rgyus de'i mjug thogs su tshe 'di la bde bar gnas pa la sngon gyi ji lta bar phyis kyang de bzhin du mngon du byed mi nus la/ sa 'og ma pa'i nyon mongs pa ni mngon du mi byed pa gang yin pa de ni de lta na gnas pa'i yongs su nyams pas yongs su nyams par 'gyur ba yin gyi spong ba'i yongs su nyams pa ni ma yin no/ /gal te dgra bcom pa nyon mongs pa thams cad spangs pa'i nyon mongs pa can gyi chos de dag thams cad kyi sa bon yang dag par ma bcom na ni/ ji ltar na de dgra bcom pa sems shin du rnam par grol ba dang zag pa zad par 'gyur/ gal te yang dag par bcom na ni de'i sems kyi rgyud nyon mongs pa can gyi chos thams cad kyi sa bon med pa la tshul bzhin ma yin pa yid la byed pa tsam yang 'byung bar mi 'gyur na/ nyon mongs pa lta smos kyang ci dgos te/ de lta bas na 'jig rten las 'das pa'i lam gyis nyon mongs pa spangs pa la ni yongs su nyams pa med par khong du chud par bya'o/ /

【K2 明等無間緣】

དེ་ལ་མཚུངས་པ་དེ་མ་ཐག་པའི་རྐྱེན་གང་ཞེ་ན། སེམས་དང་སེམས་ལས་བྱུང་བའི་ཆོས་གང་དག་གི་མཇུག་ཐོགས་སུ་སེམས་དང་སེམས་ལས་བྱུང་བའི་ཆོས་གང་དག་འབྱུང་བ་དེ་དག་ནི། དེ་དག་གི་མཚུངས་པ་དེ་མ་ཐག་པའི་རྐྱེན་ཞེས་བྱའོ༑ །དེ་ལ་རྣམ་པར་ཤེས་པ་དྲུག་པོ་གང་དག་ཡིན་པ་དེ་དག་ནི་རྣམ་པར་ཤེས་པ་དྲུག་པོ་དེ་དག་མཚུངས་པ་དེ་མ་ཐག་པའི་རྐྱེན་ཡིན་ཏེ། དེ་དག་ནི་ཡིད་ལ་ཡིད་ཅེས་བྱ་བ་དང༌། ཡིད་ཀྱི་སྐྱེ་མཆེད་ཅེས་བྱ་བ་དང༌། ཡིད་ཀྱི་ཁམས་ཞེས་བྱ་བར་ཡང་གདགས་སོ། །

de la mtshungs pa de ma thag pa'i rkyen gang zhe na/ sems dang sems las byung ba'i chos gang dag gi mjug thogs su sems dang sems las byung ba'i chos gang dag 'byung ba de dag ni/ de dag gi mtshungs pa de ma thag pa'i rkyen zhes bya'o| /de la rnam par shes pa drug po gang dag yin pa de dag ni rnam par shes pa drug po de dag mtshungs pa de ma thag pa'i rkyen yin te/ de dag ni yid la yid ces bya ba dang/ yid kyi skye mched ces bya ba dang/ yid kyi khams zhes bya bar yang gdags so/ /

【K3 明所緣緣】

དེ་ལ་དམིགས་པའི་རྐྱེན་གང་ཞེ་ན། གཟུགས་ལ་སོགས་པ་ཡུལ་ལྔ་པོ་དག་ནི་རྣམ་པར་ཤེས་པའི་ཚོགས་ལྔ་པོ་དག་གི་དམིགས་པའི་རྐྱེན་ཡིན་ནོ། །ནང་དང་ཕྱི་རོལ་གྱི་སྐྱེ་མཆེད་བཅུ་གཉིས་པོ་ཐམས་ཅད་ནི་ཡིད་ཀྱི་རྣམ་པར་ཤེས་པའི་དམིགས་པའི་རྐྱེན་ཡིན་ནོ། །

de la dmigs pa'i rkyen gang zhe na/ gzugs la sogs pa yul lnga po dag ni rnam par shes pa'i tshogs lnga po dag gi dmigs pa'i rkyen yin no/ /nang dang phyi rol gyi skye mched bcu gnyis po thams cad ni yid kyi rnam par shes pa'i dmigs pa'i rkyen yin no/ /

【K4 明增上緣】

དེ་ལ་བདག་པོའི་རྐྱེན་གང་ཞེ་ན། མིག་ལ་སོགས་པའི་སྐྱེ་མཆེད་ལྷན་ཅིག་བྱུང་བ་རྣམས་ནི་མིག་གི་རྣམ་པར་ཤེས་པ་ལ་སོགས་པའི་བདག་པོའི་རྐྱེན་ཡིན་ནོ། །རྣམ་པར་ཤེས་པ་རྣམས་དམིགས་པ་ལ་གཏོད་པར་བྱེད་པའི་ཡིད་ལ་བྱེད་པ་ཡང་ཡིན་ནོ། །སེམས་དང་སེམས་ལས་བྱུང་བའི་ཆོས་ལྷན་ཅིག་བྱུང་བ་རྣམས་ཀྱང་གཅིག་གི་བདག་པོའི་རྐྱེན་གཅིག་ཡིན་པས་བདག་པོའི་རྐྱེན་ཡིན་ནོ། །དགེ་བ་དང་མི་དགེ་བའི་ལས་སྔོན་དུ་བྱས་པ་རྣམས་ཀྱང་ཕྱིས་འབྲས་བུ་འདོད་པ་དང་མི་འདོད་པ་གང་རྣམ་པར་སྨིན་པར་འགྱུར་བའི་བདག་པོའི་རྐྱེན་ཡིན་ནོ། །ཞིང་དང་ལུད་དང་ཆུ་ལ་སོགས་པ་ནི་ལོ་ཐོག་མངོན་པར་འགྲུབ་པའི་བདག་པོའི་རྐྱེན་ཡིན་ནོ། །བཟོ་ཤེས་པ་དང་བཟོའི་ལས་དེ་དང་དེ་དག་ནི་འཇིག་རྟེན་པའི་བཟོ་དང་ལས་ཀྱི་གནས་དེ་དང་དེ་དག་མངོན་པར་འགྲུབ་པའི་བདག་པོའི་རྐྱེན་ཡིན་ནོ། །

de la bdag po'i rkyen gang zhe na/ mig la sogs pa'i skye mched lhan cig byung ba rnams ni mig gi rnam par shes pa la sogs pa'i bdag po'i rkyen yin no/ /rnam par shes pa rnams dmigs pa la gtod par byed pa'i yid la byed pa yang yin no/ /sems dang sems las byung ba'i chos lhan cig byung ba rnams kyang gcig gi bdag po'i rkyen gcig yin pas bdag po'i rkyen yin no/ /dge ba dang mi dge ba'i las sngon du byas pa rnams kyang phyis 'bras bu 'dod pa dang mi 'dod pa gang rnam par smin par 'gyur ba'i bdag po'i rkyen yin no/ /zhing dang lud dang chu la sogs pa ni lo thog mngon par 'grub pa'i bdag po'i rkyen yin no/ /bzo shes pa dang bzo'i las de dang de dag ni 'jig rten pa'i bzo dang las kyi gnas de dang de dag mngon par 'grub pa'i bdag po'i rkyen yin no/ /

【J3 對二因十因四緣相攝通塞】

དེ་ལ་རྒྱུའི་རྐྱེན་གང་ཡིན་པ་དེ་ནི་སྐྱེད་པའི་རྒྱུ་ཉིད་ཡིན་ནོ། །དེ་ལས་གཞན་པའི་རྐྱེན་གསུམ་པོ་དག་ནི་སྐྱེ་བའི་ཐབས་ཁོ་ན་ཡིན་པར་རིག་པར་བྱའོ། །དེ་ལྟ་བས་ན་འདུ་བྱེད་གང་དང་གང་གི་སྐྱེ་བའི་ཐབས་ཉེ་བར་གནས་པར་གྱུར་པའི་འདུ་བྱེད་ཀྱི་ས་བོན་དེ་དང་དེ་ནི་འདུ་བྱེད་དེ་དང་དེ་མངོན་པར་འགྲུབ་པར་བྱེད་དེ། དེའི་ཕྱིར་འདུ་བྱེད་ཐམས་ཅད་ནི་ཅིག་ཅར་མགོ་མཉམ་དུ་འབྱུང་བར་མི་འགྱུར་རོ། །རྐྱེན་བཞི་པོ་དེ་དག་ཉིད་ལ་བརྟེན་ནས། རྒྱུ་བཅུ་པོ་དག་ནི་རྣམ་པར་གཞག་པར་རིག་པར་བྱ་སྟེ། འདི་ལྟ་སྟེ། བྱང་ཆུབ་སེམས་དཔའི་ས་ལས་བཤད་པ་བཞིན་ནོ། །

de la rgyu'i rkyen gang yin pa de ni skyed pa'i rgyu nyid yin no/ /de las gzhan pa'i rkyen gsum po dag ni skye ba'i thabs kho na yin par rig par bya'o/ /de lta bas na 'du byed gang dang gang gi skye ba'i thabs nye bar gnas par gyur pa'i 'du byed kyi sa bon de dang de ni 'du byed de dang de mngon par 'grub par byed de/ de'i phyir 'du byed thams cad ni cig car mgo mnyam du 'byung bar mi 'gyur ro/ /rkyen bzhi po de dag nyid la brten nas/ rgyu bcu po dag ni rnam par gzhag par rig par bya ste/ 'di lta ste/ byang chub sems dpa'i sa las bshad pa bzhin no/ /

【I2 辨緣無生心義】【J1 問】

བཅོམ་ལྡན་འདས་ཀྱིས་ཡིད་ནི་འདས་པའི་འདུ་བྱེད་རྣམས་ལས་ཀྱང་བརྟེན་ཏེ་འབྱུང་ལ། ཡིད་ནི་མ་འོངས་པའི་འདུ་བྱེད་རྣམས་ལས་ཀྱང་བརྟེན་ཏེ་འབྱུང་ངོ་ཞེས་གང་གསུངས་པ་དེ་ལ། གལ་ཏེ་འདས་པའི་འདུ་བྱེད་རྣམས་ཀྱང་མེད་ལ་མ་འོངས་པ་རྣམས་ཀྱང་མེད་ན་གང་གི་ཕྱིར་བཅོམ་ལྡན་འདས་ཀྱིས་ཡིད་འབྱུང་ངོ་ཞེས་གསུངས་པའི་ཡིད་ཀྱི་དམིགས་པ་གང་ཡིན། གལ་ཏེ་ཡིད་དངོས་པོ་མེད་པ་ཁོ་ན་ཞིག་ལ་དམིགས་ན་ནི་དེ་ལ་བཅོམ་ལྡན་འདས་ཀྱིས་ལེགས་པར་གསུངས་པ་དང༌། ལེགས་པར་བརྗོད་པ་གང་ཡིན་པ་འདི་ལྟ་སྟེ། རྣམ་པར་ཤེས་པ་ནི་གཉིས་ལ་བརྟེན་ཏེ་འབྱུང་ངོ༌། །གཉིས་གང་ཞེ་ན། མིག་དང་གཟུགས་ནས་རྒྱས་པར་ཡིད་དང་ཆོས་ཀྱི་བར་ལས་སོ་ཞེས་བཅོམ་ལྡན་འདས་ཀྱིས་ལེགས་པར་གསུངས་པ་དང༌། ལེགས་པར་བརྗོད་པ་དེ་ལ་ཇི་ལྟར་ཤིན་ཏུ་གནོད་པར་བྱས་པར་མི་འགྱུར་ཞེ་ན།

bcom ldan 'das kyis yid ni 'das pa'i 'du byed rnams las kyang brten te 'byung la/ yid ni ma 'ongs pa'i 'du byed rnams las kyang brten te 'byung ngo zhes gang gsungs pa de la/ gal te 'das pa'i 'du byed rnams kyang med la ma 'ongs pa rnams kyang med na gang gi phyir bcom ldan 'das kyis yid 'byung ngo zhes gsungs pa'i yid kyi dmigs pa gang yin/ gal te yid dngos po med pa kho na zhig la dmigs na ni de la bcom ldan 'das kyis legs par gsungs pa dang/ legs par brjod pa gang yin pa 'di lta ste/ rnam par shes pa ni gnyis la brten te 'byung ngo/ /gnyis gang zhe na/ mig dang gzugs nas rgyas par yid dang chos kyi bar las so zhes bcom ldan 'das kyis legs par gsungs pa dang/ legs par brjod pa de la ji ltar shin tu gnod par byas par mi 'gyur zhe na/

【J2 答】

ཡིད་ནི་རྣམ་པར་ཤེས་པའི་ཚོགས་ལྔ་པོ་དག་གི་སྤྱོད་ཡུལ་མ་ཡིན་པའི་དོན་གང་ཡིན་པ་འཛིན་པར་བྱེད་དེ། དེ་ལ་བཅོམ་ལྡན་འདས་ཀྱིས་ཆོས་གདགས་པར་མཛད་ནས། ཡིད་དང་ཆོས་རྣམས་ལ་བརྟེན་ཏེ༑ ཡིད་ཀྱི་རྣམ་པར་ཤེས་པ་འབྱུང་ངོ་ཞེས་གསུངས་སོ། །

yid ni rnam par shes pa'i tshogs lnga po dag gi spyod yul ma yin pa'i don gang yin pa 'dzin par byed de/ de la bcom ldan 'das kyis chos gdags par mdzad nas/ yid dang chos rnams la brten te| yid kyi rnam par shes pa 'byung ngo zhes gsungs so/ /

【J3 難】

བཅོམ་ལྡན་འདས་ཀྱིས་དགོངས་པ་དེ་ཡང་རྒྱུ་གང་གིས་ཁོང་དུ་ཆུད་པར་བྱ་ཞེ་ན།

bcom ldan 'das kyis dgongs pa de yang rgyu gang gis khong du chud par bya zhe na/

【J4 通】【K1 以正理答】

འདི་ལྟར་ཡིད་ཀྱི་རྣམ་པར་ཤེས་པ་ནི་འདས་པའི་རྣམ་པར་ཤེས་པ་ལ་དམིགས་པ་ཡང་ཡོད། མ་འོངས་པའི་རྣམ་པར་ཤེས་པ་ལ་དམིགས་པ་ཡང་ཡོད་མོད་ཀྱི། རྣམ་པར་ཤེས་པ་ནི་ཆོས་ཀྱི་སྐྱེ་མཆེད་དུ་གཏོགས་པ་མ་ཡིན་ནོ། །གཞན་ཡང་ཡོད་པ་ཡང་ཡོད་པའི་དོན་གྱིས་རྣམ་པར་གནས་ཤིང་ཡོད་པའི་དོན་འཛིན་པར་བྱེད་ལ། མེད་པ་ཡང་མེད་པའི་དོན་གྱིས་རྣམ་པར་གནས་ཤིང་མེད་པའི་དོན་འཛིན་པར་བྱེད་པས། དེ་ལ་ཡིད་ཀྱི་རྣམ་པར་ཤེས་པས་ནི་ཡོད་པ་ཡང་དོན་གང་གིས་རྣམ་པར་གནས་པའི་དོན་དེ་ཉིད་ཀྱིས་རྣམ་པར་ཤེས་པར་བྱ་ལ། མེད་པ་ཡང་དོན་གང་གིས་རྣམ་པར་གནས་པའི་དོན་དེ་ཉིད་ཀྱིས་རྣམ་པར་ཤེས་པར་བྱའོ། །གལ་ཏེ་དེ་གཉི་ག་གཉི་གའི་དོན་གྱི་རྣམ་པར་ཤེས་པར་མི་བྱེད་ན་ནི་ཡིད་དོན་ཐམས་ཅད་ལ་དམིགས་པ་དང༌། དོན་ཐམས་ཅད་འཛིན་པ་ཡིན་པར་མི་འགྱུར་རོ། །གང་དེ་སྐད་ཅེས་ཟེར་ན། དེས་ནི་གྲུབ་པའི་མཐའ་ལ་ཡང་ཤིན་དུ་གནོད་པ་བྱས་པར་འགྱུར་ཏེ། ཇི་ལྟར་ན་ཡོད་པ་ཉིད་མེད་པའོ་ཞེས་བརྗོད་དུ་ནི་ཚུལ་མ་ཡིན་ནོ། །དེ་ལྟ་བས་ན་ཇི་ལྟར་འདས་པ་དང༌། མ་འོངས་པ་དེ་དངོས་པོ་མེད་པ་དེ་བཞིན་དུ་དེ་ལ་དམིགས་པའི་ཡིད་ཀྱང་མེད་ལ། དམིགས་པ་ཡིན་པར་ཁོང་དུ་ཆུད་པར་བྱའོ༑ །

'di ltar yid kyi rnam par shes pa ni 'das pa'i rnam par shes pa la dmigs pa yang yod/ ma 'ongs pa'i rnam par shes pa la dmigs pa yang yod mod kyi/ rnam par shes pa ni chos kyi skye mched du gtogs pa ma yin no/ /gzhan yang yod pa yang yod pa'i don gyis rnam par gnas shing yod pa'i don 'dzin par byed la/ med pa yang med pa'i don gyis rnam par gnas shing med pa'i don 'dzin par byed pas/ de la yid kyi rnam par shes pas ni yod pa yang don gang gis rnam par gnas pa'i don de nyid kyis rnam par shes par bya la/ med pa yang don gang gis rnam par gnas pa'i don de nyid kyis rnam par shes par bya'o/ /gal te de gnyi ga gnyi ga'i don gyi rnam par shes par mi byed na ni yid don thams cad la dmigs pa dang/ don thams cad 'dzin pa yin par mi 'gyur ro/ /gang de skad ces zer na/ des ni grub pa'i mtha' la yang shin du gnod pa byas par 'gyur te/ ji ltar na yod pa nyid med pa'o zhes brjod du ni tshul ma yin no/ /de lta bas na ji ltar 'das pa dang/ ma 'ongs pa de dngos po med pa de bzhin du de la dmigs pa'i yid kyang med la/ dmigs pa yin par khong du chud par bya'o| /

【K2 引廣大言論證緣無識】【L1 舉五種言論道理證緣無識】【M1 解】【N1 第一言論道理】

གཞན་ཡང་འདི་ལ་གང་གིས་མེད་པ་ལ་དམིགས་པའི་ཡིད་ཀྱི་རྣམ་པར་ཤེས་པ་ཡོད་དོ་ཞེས་ཁོང་དུ་ཆུད་པར་བྱ་བའི་རིགས་པ་བརྗོད་པ་ཡངས་ཤིང་རྒྱ་ཆེ་བ་ཡང་ཡོད་པ་ཁོ་ན་ཡིན་ཏེ། བཅོམ་ལྡན་འདས་ཀྱིས་ལེགས་པར་གསུངས་པ་དང༌། ལེགས་པར་བརྗོད་པ་ཇི་སྐད་དུ་ནང་ངམ་ཕྱི་རོལ་ལམ། ལམ་གཉི་ག་ལ་མ་གཏོགས་པ་ན་བདག་མེད་དོ་ཞེས་གསུངས་པ་གང་ཡིན་པ་དེ་ལ། བདག་མེད་པ་ཉིད་དེ་ནི་འདུས་བྱས་ཀྱིས་བསྡུས་པ་ཡང་མ་ཡིན་འདུས་མ་བྱས་ཀྱིས་བསྡུས་པ་ཡང་མ་ཡིན་མོད་ཀྱི། སྤྱིའི་མཚན་ཉིད་ཡོངས་སུ་རྟོག་པ་རྣམས་ལ་དེ་ལ་དམིགས་པའི་རྣམ་པར་ཤེས་པ་མི་འབྱུང་བ་ཡང་མ་ཡིན་ཏེ། དེ་ལྟར་ན་འདི་ནི་རིགས་པ་བརྗོད་པ་དང་པོ་ཡིན་ནོ། །

gzhan yang 'di la gang gis med pa la dmigs pa'i yid kyi rnam par shes pa yod do zhes khong du chud par bya ba'i rigs pa brjod pa yangs shing rgya che ba yang yod pa kho na yin te/ bcom ldan 'das kyis legs par gsungs pa dang/ legs par brjod pa ji skad du nang ngam phyi rol lam/ lam gnyi ga la ma gtogs pa na bdag med do zhes gsungs pa gang yin pa de la/ bdag med pa nyid de ni 'dus byas kyis bsdus pa yang ma yin 'dus ma byas kyis bsdus pa yang ma yin mod kyi/ spyi'i mtshan nyid yongs su rtog pa rnams la de la dmigs pa'i rnam par shes pa mi 'byung ba yang ma yin te/ de ltar na 'di ni rigs pa brjod pa dang po yin no/ /

【N2 第二言論道理】

ཡང་གཟུགས་དང་དྲི་དང་རོ་དང་རེག་བྱ་དེ་ལྟ་དེ་ལྟར་བྱུང་བ་རྣམས་དང༌། ཡོངས་སུ་གྱུར་པ་རྣམས་དང༌། ཀུན་ཏུ་ཞུགས་པ་རྣམས་ལ་ཟས་དང་སྐོམ་དང་བཞོན་པ་དང་གོས་དང༌། རྒྱན་དང་ཁང་ཁྱིམ་དང་དམག་དང་ནགས་ཚལ་ལ་སོགས་པ་འདོགས་པར་བྱེད་པའི་ཟས་དང་སྐོམ་ལ་སོགས་པ་དེ་དག་གཟུགས་ལ་སོགས་པ་ལས་གུད་ན་ཅུང་ཟད་ཀྱང་མེད་དེ། དེའི་མེད་པ་ཉིད་གང་ཡིན་པ་དེ་ཡང་འདུས་བྱས་ཀྱིས་བསྡུས་པ་ཡང་མ་ཡིན༑ འདུས་མ་བྱས་ཀྱིས་བསྡུས་པ་ཡང་མ་ཡིན་མོད་ཀྱི་རང་གི་མཚན་ཉིད་ཡོངས་སུ་རྟོག་པ་རྣམས་ལ། དེ་ལ་དམིགས་པའི་རྣམ་པར་ཤེས་པ་མི་འབྱུང་བ་ཡང་མ་ཡིན་ཏེ། དེ་ལྟར་ན་འདི་ནི་རིགས་པ་བརྗོད་པ་གཉིས་པ་ཡིན་ནོ། །

yang gzugs dang dri dang ro dang reg bya de lta de ltar byung ba rnams dang/ yongs su gyur pa rnams dang/ kun tu zhugs pa rnams la zas dang skom dang bzhon pa dang gos dang/ rgyan dang khang khyim dang dmag dang nags tshal la sogs pa 'dogs par byed pa'i zas dang skom la sogs pa de dag gzugs la sogs pa las gud na cung zad kyang med de/ de'i med pa nyid gang yin pa de yang 'dus byas kyis bsdus pa yang ma yin| 'dus ma byas kyis bsdus pa yang ma yin mod kyi rang gi mtshan nyid yongs su rtog pa rnams la/ de la dmigs pa'i rnam par shes pa mi 'byung ba yang ma yin te/ de ltar na 'di ni rigs pa brjod pa gnyis pa yin no/ /

【N3 第三言論道理】

ཡང་ན་ཐམས་ཅད་ལ་སྐུར་པ་འདེབས་པའི་ལོག་པར་ལྟ་བ་ཇི་སྐད་དུ་སྦྱིན་པ་མེད་དོ༑ །འདོད་པ་མེད་དོ། །མཆོད་སྦྱིན་མེད་དོ་ཞེས་རྒྱ་ཆེར་སྔར་བསྟན་པ་ལྟ་བུ་གང་ཡིན་པ་དེ་ལ། གལ་ཏེ་འདོད་པ་དང་མཆོད་སྦྱིན་ལ་སོགས་པ་མེད་པའི་མེད་པ་ཉིད་གང་ཡིན་པ་དེ་ཡང་དག་པར་ཡོད་པ་ཉིད་ཡིན་ན་ནི་དེས་ན་སྐྱེས་བུ་གང་ཟག་དེ་ལྟ་བུར་ལྟ་བ་དེ་ཡང་ལོག་པར་ལྟ་བར་མི་འགྱུར་ཏེ། འདི་ལྟར་དེ་ནི་ཡང་དག་པར་ལྟ་བ་དང༌། ཡང་དག་པར་སྨྲ་བར་འགྱུར་རོ། །ཅི་སྟེ་མེད་ན་ནི་ལོག་པར་ལྟ་བ་རྣམས་ཀྱི་དེ་ལ་དམིགས་པའི་རྣམ་པར་ཤེས་པ་ཡང་འབྱུང་བར་མི་འགྱུར་བ་ཞིག་ན་འབྱུང་སྟེ། དེ་ལྟར་ན་དེ་ནི་རིགས་པ་བརྗོད་པ་གསུམ་པ་ཡིན་ནོ། །

yang na thams cad la skur pa 'debs pa'i log par lta ba ji skad du sbyin pa med do| /'dod pa med do/ /mchod sbyin med do zhes rgya cher sngar bstan pa lta bu gang yin pa de la/ gal te 'dod pa dang mchod sbyin la sogs pa med pa'i med pa nyid gang yin pa de yang dag par yod pa nyid yin na ni des na skyes bu gang zag de lta bur lta ba de yang log par lta bar mi 'gyur te/ 'di ltar de ni yang dag par lta ba dang/ yang dag par smra bar 'gyur ro/ /ci ste med na ni log par lta ba rnams kyi de la dmigs pa'i rnam par shes pa yang 'byung bar mi 'gyur ba zhig na 'byung ste/ de ltar na de ni rigs pa brjod pa gsum pa yin no/ /

【N4 第四言論道理】

ཡང་འདུ་བྱེད་ཐམས་ཅད་ལ་རྟག་པ་ཉིད་དམ་བརྟན་པ་ཉིད་དམ་ཐེར་ཟུག་པ་ཉིད་མེད་དེ་འདུ་བྱེད་ཐམས་ཅད་ལ་རྟག་པ་ཉིད་དམ་བརྟན་པ་ཉིད་དམ་ཐེར་ཟུག་ཉིད་དེའི་མེད་པ་ཉིད་དེ་གང་ཡིན་པ་དེ་ཡང་འདུས་བྱས་ཀྱིས་བསྡུས་པ་ཡང་མ་ཡིན། འདུས་མ་བྱས་ཀྱིས་བསྡུས་པ་ཡང་མ་ཡིན་མོད་ཀྱི། སྤྱིའི་མཚན་ཉིད་ཀྱིས་ཡོངས་སུ་རྟོག་པ་རྣམས་ལ། དེ་ལ་དམིགས་པའི་རྣམ་པར་ཤེས་པ་མི་འབྱུང་བ་ཡང་མ་ཡིན་ཏེ། གལ་ཏེ་དེ་ལ་དམིགས་པའི་རྣམ་པར་ཤེས་པ་ཐམས་ཅད་ཀྱི་ཐམས་ཅད་དུ་མི་འབྱུང་ན་ནི། དེས་ན་འདུ་བྱེད་ཐམས་ཅད་ལ་རྟག་པ་ཉིད་དམ། བརྟན་པ་ཉིད་དམ། ཐེར་ཟུག་ཉིད་མེད་པ་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་ཡང་དག་པར་རྗེས་སུ་མ་མཐོང་བ་རྣམས་ལ་སྐྱོ་བ་དང་འདོད་ཆགས་དང་བྲལ་བ་དང་རྣམ་པར་གྲོལ་བ་མི་སྐྱེ་སྟེ། རྣམ་པར་གྲོལ་བ་མེད་ན་ནི་ལེན་པ་མེད་པར་ཡོངས་སུ་འདའ་བར་ཡང་མི་འགྱུར་བས། དེ་ལྟ་ན་སེམས་ཅན་རྣམས་ཀྱི་ཀུན་ནས་ཉོན་མོངས་པ་རྣམས་ནི་གཏན་དུ་རྗེས་སུ་འབྲེལ་བར་འགྱུར་བ་ཞིག་ན་མི་འགྱུར་ཏེ། དེ་ལྟར་ན། འདི་ནི་རིགས་པ་བརྗོད་པ་བཞི་པ་ཡིན་ནོ། །

yang 'du byed thams cad la rtag pa nyid dam brtan pa nyid dam ther zug pa nyid med de 'du byed thams cad la rtag pa nyid dam brtan pa nyid dam ther zug nyid de'i med pa nyid de gang yin pa de yang 'dus byas kyis bsdus pa yang ma yin/ 'dus ma byas kyis bsdus pa yang ma yin mod kyi/ spyi'i mtshan nyid kyis yongs su rtog pa rnams la/ de la dmigs pa'i rnam par shes pa mi 'byung ba yang ma yin te/ gal te de la dmigs pa'i rnam par shes pa thams cad kyi thams cad du mi 'byung na ni/ des na 'du byed thams cad la rtag pa nyid dam/ brtan pa nyid dam/ ther zug nyid med pa shes rab kyis yang dag pa ji lta ba bzhin du yang dag par rjes su ma mthong ba rnams la skyo ba dang 'dod chags dang bral ba dang rnam par grol ba mi skye ste/ rnam par grol ba med na ni len pa med par yongs su 'da' bar yang mi 'gyur bas/ de lta na sems can rnams kyi kun nas nyon mongs pa rnams ni gtan du rjes su 'brel bar 'gyur ba zhig na mi 'gyur te/ de ltar na/ 'di ni rigs pa brjod pa bzhi pa yin no/ /

【N5 第五言論道理】

ཡང་འདུ་བྱེད་མ་འོངས་པ་རྣམས་ཀྱི་འབྱུང་བ་ཉིད་ཀྱང་རེ་ཞིག་མེད་ན་འཇིག་པ་ཡོད་པར་ལྟ་ག་ལ་འགྱུར། ཡང་འཕགས་པ་ཉན་ཐོས་རྣམས་འདུ་བྱེད་མ་འོངས་པ་རྣམས་ལ་འབྱུང་བ་དང༌། འཇིག་པར་རྗེས་སུ་ལྟ་ཞིང་མི་གནས་པ་ཡང་མ་ཡིན་ཏེ། དེ་ལྟར་ན་འདི་ནི་རིགས་པ་བརྗོད་པ་ལྔ་པ་ཡིན་ནོ། །

yang 'du byed ma 'ongs pa rnams kyi 'byung ba nyid kyang re zhig med na 'jig pa yod par lta ga la 'gyur/ yang 'phags pa nyan thos rnams 'du byed ma 'ongs pa rnams la 'byung ba dang/ 'jig par rjes su lta zhing mi gnas pa yang ma yin te/ de ltar na 'di ni rigs pa brjod pa lnga pa yin no/ /

【M2 結】

དེས་ན་ཡིད་ཀྱི་རྣམ་པར་ཤེས་པ་མེད་པ་ལ་དམིགས་པ་ནི་ཡོད་པ་ཁོ་ནར་ཁོང་དུ་ཆུད་པར་བྱ་སྟེ། རྣམ་པར་ཤེས་པ་མེད་པ་ལ་དམིགས་པ་རབ་ཏུ་འགྲུབ་པའི་རིགས་པ་བརྗོད་པ་ནི་དེ་ལྟ་བུ་དང་མཐུན་པ་གཞན་ཡང་ཡོད་པར་རིག་པར་བྱའོ། །

des na yid kyi rnam par shes pa med pa la dmigs pa ni yod pa kho nar khong du chud par bya ste/ rnam par shes pa med pa la dmigs pa rab tu 'grub pa'i rigs pa brjod pa ni de lta bu dang mthun pa gzhan yang yod par rig par bya'o/ /

【L2 通經異說】【M1 通第一經】

བཅོམ་ལྡན་འདས་ཀྱིས་ལས་འདས་པ་ནི་ཡོད་དེ་གལ་ཏེ་ལས་འདས་པ་མེད་དུ་ཟིན་ན་འདི་ན་ལ་ལས་གནོད་པ་དང་བཅས་པ་དང༌། གནོད་པ་མེད་པའི་ཚོར་བ་མྱོང་བར་མི་འགྱུར་རོ་ཞེས་གང་གསུངས་པ་དེ་ལ་དགོངས་པ་གང་ཡིན་ཞེ་ན། འདས་པའི་ཚེ་རབས་རྣམས་སུ་ལས་དགེ་བ་དང་མི་དགེ་བ་བསྐྱེད་ཅིང་འགགས་པས་ཕྱི་མ་ལ་འབྲས་བུ་འདོད་པ་དང་མི་འདོད་པ་མངོན་པར་འགྲུབ་པར་དེའི་ས་བོན་གྱིས་འདུ་བྱེད་ཀྱི་རྒྱུན་ཕྱི་མ་ཕྱི་མ་ཡོངས་སུ་བཟུང་ཞིང་ཡོངས་སུ་བསྒོས་པ་ལས་དགོངས་ནས། བཅོམ་ལྡན་འདས་ཀྱིས་ལས་འདས་པ་ཡོད་དོ། །ཞེས་ཡོངས་སུ་བསྟན་ཏེ། དེ་ལྟར་མི་མཐུན་པ་རྒྱུར་སྨྲ་བ་གང་དག་དབང་ཕྱུག་དང༌། བརྒྱ་བྱིན་དང་ཚངས་པ་དང་རང་བཞིན་དང་སྐྱེས་བུ་གཞན་ལ་སོགས་པ་ལས། སེམས་ཅན་རྣམས་ཀྱི་དགེ་བ་དང་མི་དགེ་བ་འབྱུང་བར་ལྟ་ཞིང་ཡོངས་སུ་སྟོན་པ་དག་གི་ལུགས་དགག་པ་དང༌། ཐམས་ཅད་ཀྱི་ཐམས་ཅད་དུ་རྒྱུ་མེད་པར་སྨྲ་བ་གང་དག་སེམས་ཅན་རྣམས་ཀྱི་དགེ་བ་དང༌། མི་དགེ་བ་འབྱུང་བ་རྒྱུ་མེད་པར་ལྟ་ཞིང་ཡོངས་སུ་སྟོན་པ་གང་དག་ཡིན་པ་དེ་དག་གི་ལུགས་དགག་པའི་དོན་གྱི་དབང་གཉིས་གཟིགས་པས་ཡོངས་སུ་བསྟན་ཏོ། །

bcom ldan 'das kyis las 'das pa ni yod de gal te las 'das pa med du zin na 'di na la las gnod pa dang bcas pa dang/ gnod pa med pa'i tshor ba myong bar mi 'gyur ro zhes gang gsungs pa de la dgongs pa gang yin zhe na/ 'das pa'i tshe rabs rnams su las dge ba dang mi dge ba bskyed cing 'gags pas phyi ma la 'bras bu 'dod pa dang mi 'dod pa mngon par 'grub par de'i sa bon gyis 'du byed kyi rgyun phyi ma phyi ma yongs su bzung zhing yongs su bsgos pa las dgongs nas/ bcom ldan 'das kyis las 'das pa yod do/ /zhes yongs su bstan te/ de ltar mi mthun pa rgyur smra ba gang dag dbang phyug dang/ brgya byin dang tshangs pa dang rang bzhin dang skyes bu gzhan la sogs pa las/ sems can rnams kyi dge ba dang mi dge ba 'byung bar lta zhing yongs su ston pa dag gi lugs dgag pa dang/ thams cad kyi thams cad du rgyu med par smra ba gang dag sems can rnams kyi dge ba dang/ mi dge ba 'byung ba rgyu med par lta zhing yongs su ston pa gang dag yin pa de dag gi lugs dgag pa'i don gyi dbang gnyis gzigs pas yongs su bstan to/ /

【M2 通第二經】

བཅོམ་ལྡན་འདས་ཀྱིས་འདུ་བྱེད་འདས་པ་རྣམས་ནི་ཡོད་དེ། འཕགས་པ་ཉན་ཐོས་ཐོས་པ་དང་ལྡན་པ་ནི་དེ་དག་ལ་མི་ལྟ་བར་གནས་སོ། །འདུ་བྱེད་མ་འོངས་པ་རྣམས་ཀྱང་ཡོད་དེ། འཕགས་པ་ཉན་ཐོས་ཐོས་པ་དང་ལྡན་པ་ནི་དེ་དག་ལ་མངོན་པར་མི་དགའ་བར་གནས་སོ་ཞེས་གང་གསུངས་པ་དེ་ལ་དགོངས་པ་གང་ཡིན་ཞེ་ན། འདུ་བྱེད་འདས་པ་རྣམས་ནི་འབྲས་བུ་བསྐྱེད་པ་ལས་ཡོད་ལ། འདུ་བྱེད་མ་འོངས་པ་རྣམས་ནི་རྒྱུ་ཡོངས་སུ་འཛིན་པ་ལས་ཡོད་དོ། །འདི་ལྟར་ད་ལྟར་གྱི་འདུ་བྱེད་རྣམས་ནི་མཚན་ཉིད་གསུམ་གྱིས་རབ་ཏུ་ཕྱེ་བ་ཡིན་ཏེ། འདས་པ་རྣམས་ཀྱི་འབྲས་བུའི་དངོས་པོ་དང༌། མ་འོངས་པ་རྣམས་ཀྱི་རྒྱུའི་དངོས་པོ་དང༌། རང་གི་མཚན་ཉིད་ཀྱི་རྒྱུན་མི་འཆད་པས་སོ། །དེ་ལྟར་ན་བཅོམ་ལྡན་འདས་ཀྱིས་དེ་ཡང་གལ་ཏེ་འདས་པ་དང་མ་འོངས་པ་དེ་འདུ་བྱེད་ཀྱི་མཚན་ཉིད་དང་ལྡན་པ་ཁོ་ནར་འགྱུར་ན་འདས་པ་དང་མ་འོངས་པའི་དངོས་པོ་དེ་མེད་དོ་ཞེས་མི་བསྟན་པ་ཞིག་ན། ཡོངས་སུ་བསྟན་པས་ན་ཆོས་འདས་པ་དང་མ་འོངས་པ་རྣམས་ལ་རྫས་སུ་མངོན་པར་ཞེན་པ་སྤང་བར་བྱ་བ་དང༌། ཇི་ལྟར་འདས་པ་དང་མ་འོངས་པ་མེད་པ་དེ་བཞིན་དུ་ད་ལྟར་བྱུང་བ་ཡང་མེད་དོ་ཞེས་མངོན་པར་ཞེན་པ་རྣམས་ཀྱི་མངོན་པར་ཞེན་པ་དེ་སྤང་བར་བྱ་བའི་དོན་གྱི་དབང་དེ་གཉིས་གཟིགས་པས་ཡོངས་སུ་བསྟན་ཏོ། །

bcom ldan 'das kyis 'du byed 'das pa rnams ni yod de/ 'phags pa nyan thos thos pa dang ldan pa ni de dag la mi lta bar gnas so/ /'du byed ma 'ongs pa rnams kyang yod de/ 'phags pa nyan thos thos pa dang ldan pa ni de dag la mngon par mi dga' bar gnas so zhes gang gsungs pa de la dgongs pa gang yin zhe na/ 'du byed 'das pa rnams ni 'bras bu bskyed pa las yod la/ 'du byed ma 'ongs pa rnams ni rgyu yongs su 'dzin pa las yod do/ /'di ltar da ltar gyi 'du byed rnams ni mtshan nyid gsum gyis rab tu phye ba yin te/ 'das pa rnams kyi 'bras bu'i dngos po dang/ ma 'ongs pa rnams kyi rgyu'i dngos po dang/ rang gi mtshan nyid kyi rgyun mi 'chad pas so/ /de ltar na bcom ldan 'das kyis de yang gal te 'das pa dang ma 'ongs pa de 'du byed kyi mtshan nyid dang ldan pa kho nar 'gyur na 'das pa dang ma 'ongs pa'i dngos po de med do zhes mi bstan pa zhig na/ yongs su bstan pas na chos 'das pa dang ma 'ongs pa rnams la rdzas su mngon par zhen pa spang bar bya ba dang/ ji ltar 'das pa dang ma 'ongs pa med pa de bzhin du da ltar byung ba yang med do zhes mngon par zhen pa rnams kyi mngon par zhen pa de spang bar bya ba'i don gyi dbang de gnyis gzigs pas yongs su bstan to/ /

【M3 通第三經】

བཅོམ་ལྡན་འདས་ཀྱིས་ཁམས་འདས་པ་ཡང་ཡོད་དེ། ཁམས་མ་འོངས་པ་ཡང་ཡོད་དོ་ཞེས་གང་གསུངས་པ་དེ་ལ་དགོངས་པ་གང་ཡིན་ཞེ་ན། ས་བོན་གྱི་རྒྱུན་བྱུང་བ་འབྲས་བུ་བསྐྱེད་ཟིན་པ་ནི་ཁམས་འདས་པ་ཞེས་བྱའོ། །ས་བོན་གྱི་རྒྱུན་འབྱུང་བ་འབྲས་བུ་མ་སྐྱེས་པ་ནི་ཁམས་མ་འོངས་པ་ཞེས་བྱའོ། །ད་ལྟར་གྱི་ས་བོན་གྱི་རྒྱུན་འབྲས་བུ་མ་བསྐྱེད་པ་ཉིད་ནི་ཁམས་ད་ལྟར་བྱུང་བ་ཞེས་བྱའོ། །འདི་ལ་དགོངས་པ་ནི་དེ་ཡིན་པར་རིག་པར་བྱ་སྟེ། དགེ་སློང་ས་བོན་གྱི་རྒྱུན་ལ་མཁས་པ་ནི་ཆོས་ཚད་མེད་པ་བདག་ཉིད་སྣ་ཚོགས་ཅན་དེ་དང་དེ་དག་གི་ཁམས་ལ་མཁས་པ་ཞེས་བྱའོ། །

bcom ldan 'das kyis khams 'das pa yang yod de/ khams ma 'ongs pa yang yod do zhes gang gsungs pa de la dgongs pa gang yin zhe na/ sa bon gyi rgyun byung ba 'bras bu bskyed zin pa ni khams 'das pa zhes bya'o/ /sa bon gyi rgyun 'byung ba 'bras bu ma skyes pa ni khams ma 'ongs pa zhes bya'o/ /da ltar gyi sa bon gyi rgyun 'bras bu ma bskyed pa nyid ni khams da ltar byung ba zhes bya'o/ /'di la dgongs pa ni de yin par rig par bya ste/ dge slong sa bon gyi rgyun la mkhas pa ni chos tshad med pa bdag nyid sna tshogs can de dang de dag gi khams la mkhas pa zhes bya'o/ /

【F5 明不相應行義】【G1 解四相】【H1 即辨相】【I1 問】

ཅིའི་ཕྱིར་གཟུགས་ལ་སོགས་པ་འདུ་བྱེད་རྣམས་ལས་སྐྱེ་བ་དང༌། རྒ་བ་དང༌། གནས་པ་དང༌། མི་རྟག་པ་ཉིད་དག་རྫས་གཞན་དུ་ཡོད་པ་མ་ཡིན་པར་ཁོང་དུ་ཆུད་པར་བྱ་ཞེ་ན།

ci'i phyir gzugs la sogs pa 'du byed rnams las skye ba dang/ rga ba dang/ gnas pa dang/ mi rtag pa nyid dag rdzas gzhan du yod pa ma yin par khong du chud par bya zhe na/

【I2 答】【J1 無未來生】

རེ་ཞིག་འདུ་བྱེད་མ་འོངས་པ་ཉིད་ཀྱི་ཡོད་པ་ཉིད་བཀག་པས་སྐྱེ་བའི་རྫས་སུ་ཡོད་པ་ཉིད་ཀྱང་བཀག་པ་ཁོ་ནར་རིག་པར་བྱ་སྟེ། འདི་ལྟར་མ་འོངས་པའི་སྐྱེ་བ་ནི་མེད་པ་ཡིན་པས་ཇི་ལྟར་གཞན་སྐྱེད་པར་འགྱུར་ལ།

re zhig 'du byed ma 'ongs pa nyid kyi yod pa nyid bkag pas skye ba'i rdzas su yod pa nyid kyang bkag pa kho nar rig par bya ste/ 'di ltar ma 'ongs pa'i skye ba ni med pa yin pas ji ltar gzhan skyed par 'gyur la/

【J2 無現在生】

ད་ལྟར་གྱི་སྐྱེ་བས་ནི་ད་ལྟར་གྱི་འདུ་བྱེད་སྐྱེད་པར་མི་ནུས་པའི་ཕྱིར་རོ། །གཞན་ཡང་སྐྱེ་བ་ཞེས་བྱ་བ་དེའི་རྣམ་གྲངས་ནི་མཚན་ཉིད་ལས་འདི་ལྟ་སྟེ། འདུ་བྱེད་རྣམས་ཀྱི་མངོན་པར་འགྲུབ་པ་དང༌། སྐྱེ་བ་དང་འབྱུང་བ་ཉིད་ཅེས་བྱ་བ་དེ་དག་ཡིན་ན། རྣམ་གྲངས་དེ་དག་ལས་མ་གཏོགས་པ་མཚན་ཉིད་བསྟན་པ་གཞན་པ་ནི་མི་དམིགས་སོ། །ཇི་ལྟར་འདུ་བྱེད་ད་ལྟར་བྱུང་བ་རྣམས་ཉིད་ནི་འབྱུང་བར་འགྱུར་རོ་ཞེས་བྱ་བ་དེ་ནི་མཁས་པ་མཛངས་པས་བརྗོད་པར་རིགས་པའི་ཚུལ་མ་ཡིན་ནོ། །གང་འདི་སྐད་ཅེས་འདི་ལྟར་འདུ་བྱེད་རྣམས་ཀྱི་སྐྱེ་བ་སྐྱེའོ་ཞེས་ཟེར་བ་དེས་ནི་དོན་གྱིས་ན། ཇི་ལྟར་འདུ་བྱེད་ད་ལྟར་བྱུང་བ་རྣམས་ཉིད་འབྱུང་བར་འགྱུར་རོ་ཞེས་བྱ་བ་དེ་ཉིད་ཡོངས་སུ་བསྟན་པར་ཟད་དོ། །

da ltar gyi skye bas ni da ltar gyi 'du byed skyed par mi nus pa'i phyir ro/ /gzhan yang skye ba zhes bya ba de'i rnam grangs ni mtshan nyid las 'di lta ste/ 'du byed rnams kyi mngon par 'grub pa dang/ skye ba dang 'byung ba nyid ces bya ba de dag yin na/ rnam grangs de dag las ma gtogs pa mtshan nyid bstan pa gzhan pa ni mi dmigs so/ /ji ltar 'du byed da ltar byung ba rnams nyid ni 'byung bar 'gyur ro zhes bya ba de ni mkhas pa mdzangs pas brjod par rigs pa'i tshul ma yin no/ /gang 'di skad ces 'di ltar 'du byed rnams kyi skye ba skye'o zhes zer ba des ni don gyis na/ ji ltar 'du byed da ltar byung ba rnams nyid 'byung bar 'gyur ro zhes bya ba de nyid yongs su bstan par zad do/ /

【J3 明有因無別生】

གཞན་ཡང་རང་གི་ས་བོན་གྱི་རྒྱུ་སོ་སོར་ངེས་པ་དང་ལྡན་པའི་ཆོས་ཐམས་ཅད་ལ། སྐྱེད་པར་བྱེད་པའི་སྐྱེ་བ་གཞན་བརྟགས་པས་ཀྱང་ཅི་ཞིག་བྱ། གཞན་ཡང་སྐྱེ་བ་འདུ་བྱེད་རྣམས་ཀྱི་མངོན་པར་འགྲུབ་པ་ཙམ་ཞིག་གམ། འོན་ཏེ་མངོན་པར་འགྲུབ་པའི་རྒྱུར་འགྱུར་བ་ཞིག་ཡིན།

gzhan yang rang gi sa bon gyi rgyu so sor nges pa dang ldan pa'i chos thams cad la/ skyed par byed pa'i skye ba gzhan brtags pas kyang ci zhig bya/ gzhan yang skye ba 'du byed rnams kyi mngon par 'grub pa tsam zhig gam/ 'on te mngon par 'grub pa'i rgyur 'gyur ba zhig yin/

【J4 進退徵責】

རེ་ཞིག་གལ་ཏེ་མངོན་པར་འགྲུབ་པ་ཙམ་ཞིག་ཡིན་ན་ནི། སྐྱེ་བ་འདུ་བྱེད་རྣམས་མངོན་པར་འགྲུབ་པར་བྱེད་པ་ཡིན་ཏེ། སྐྱེ་བ་ཡོད་ན་མངོན་པར་འགྲུབ་པར་འགྱུར་རོ་ཞེས་བྱར་མི་རུང་ངོ༌། །གལ་ཏེ་སྐྱེ་བ་འདུ་བྱེད་རྣམས་ཀྱི་མངོན་པར་འགྲུབ་པའི་རྒྱུ་ཡིན་ན་ནི། དེས་ན་འདུ་བྱེད་གཅིག་ལ་མངོན་པར་འགྲུབ་པར་བྱེད་པ་དང༌། མངོན་པར་འགྲུབ་པའི་སྐྱེ་བ་གཉིས་འབྱུང་བར་འགྱུར་ཏེ་མི་རུང་ངོ༌། །

re zhig gal te mngon par 'grub pa tsam zhig yin na ni/ skye ba 'du byed rnams mngon par 'grub par byed pa yin te/ skye ba yod na mngon par 'grub par 'gyur ro zhes byar mi rung ngo/ /gal te skye ba 'du byed rnams kyi mngon par 'grub pa'i rgyu yin na ni/ des na 'du byed gcig la mngon par 'grub par byed pa dang/ mngon par 'grub pa'i skye ba gnyis 'byung bar 'gyur te mi rung ngo/ /

【J5 結歸正義】

སྐྱེ་བ་ཇི་ལྟ་བ་བཞིན་དུ་རྒ་བ་དང༌། གནས་པ་དང༌། མི་རྟག་པ་ཉིད་དག་ཀྱང་ཚུལ་དེ་ཉིད་ཀྱིས་ཅི་རིགས་པར་རིག་པར་བྱ་སྟེ། དེ་ལྟ་བས་ན་སྐྱེ་བ་ལ་སོགས་པ་ཡང་འདུ་བྱེད་རྣམས་ལ་བརྟགས་པའི་ཡོད་པ་ཡིན་པར་རིག་པར་བྱའོ། །དེ་ལ་རྒྱུ་ཡོད་ན་རང་གི་མཚན་ཉིད་སྔོན་མ་བྱུང་བ་འགྲུབ་པ་ནི་འདུ་བྱེད་རྣམས་ཀྱི་སྐྱེ་བ་ཞེས་བྱའོ། །སྔ་མ་ལས་ཕྱི་མ་གཞན་ཉིད་དུ་གཞན་དུ་འགྱུར་བ་ཉིད་ནི་འདུ་བྱེད་རྣམས་ཀྱི་རྒ་བ་ཞེས་བྱའོ། །སྐྱེ་བའི་དུས་ཙམ་ལ་གནས་པ་ནི་འདུ་བྱེད་རྣམས་ཀྱི་གནས་པ་ཞེས་བྱ་སྟེ། དེ་ལྟ་བས་ན་སྐྱེ་བའི་སྐད་ཅིག་གི་འོག་ཏུ་འཇིག་པའི་སྐད་ཅིག་ནི་འདུ་བྱེད་རྣམས་ཀྱི་འཇིག་པ་ཞེས་བྱའོ། །

skye ba ji lta ba bzhin du rga ba dang/ gnas pa dang/ mi rtag pa nyid dag kyang tshul de nyid kyis ci rigs par rig par bya ste/ de lta bas na skye ba la sogs pa yang 'du byed rnams la brtags pa'i yod pa yin par rig par bya'o/ /de la rgyu yod na rang gi mtshan nyid sngon ma byung ba 'grub pa ni 'du byed rnams kyi skye ba zhes bya'o/ /snga ma las phyi ma gzhan nyid du gzhan du 'gyur ba nyid ni 'du byed rnams kyi rga ba zhes bya'o/ /skye ba'i dus tsam la gnas pa ni 'du byed rnams kyi gnas pa zhes bya ste/ de lta bas na skye ba'i skad cig gi 'og tu 'jig pa'i skad cig ni 'du byed rnams kyi 'jig pa zhes bya'o/ /

【H2 對難釋通】【I1 通四相合為二相】

གལ་ཏེ་འདུས་བྱས་ལ་འདུས་བྱས་ཀྱི་མཚན་ཉིད་བཞི་པོ་སྐྱེ་བ་དང༌། རྒ་བ་དང༌། གནས་པ་དང༌། འཇིག་པ་འདི་དག་དམིགས་ན་ཅིའི་ཕྱིར་བཅོམ་ལྡན་འདས་ཀྱིས་སྐྱེ་བ་དང༌། འཇིག་པ་དང་གནས་པ་ལས་གཞན་དུ་འགྱུར་བ་ཉིད་དང་གསུམ་ཁོ་ན་གསུངས་ཤེ་ན༑ འདུ་བྱེད་རྣམས་ནི་དུས་གསུམ་གྱིས་རབ་ཏུ་ཕྱེ་བ་ཡིན་ཏེ། དེས་ན་མ་འོངས་པའི་དུས་ན་མ་བྱུང་བ་ལས་འབྱུང་བར་འགྱུར་བས། དེའི་ཕྱིར་བཅོམ་ལྡན་འདས་ཀྱིས་མ་འོངས་པའི་དུས་ལ་བརྟེན་ཏེ་འབྱུང་བ་ཡང་འདུས་བྱས་ཀྱི་མཚན་ཉིད་ཡིན་པར་གསུངས་སོ། །བྱུང་བ་རྣམས་འདས་པའི་དུས་སུ་ཞིགས་པར་གྱུར་པས་དེའི་ཕྱིར་བཅོམ་ལྡན་འདས་ཀྱིས་འདས་པའི་དུས་ལ་བརྟེན་ཏེ་ཞིགས་པ་ཡང་འདུས་བྱས་ཀྱི་མཚན་ཉིད་ཡིན་པར་གསུངས་སོ། །གནས་པ་གང་ཡིན་པ་དང༌། གཞན་དུ་འགྱུར་བ་ཉིད་གང་ཡིན་པའི་མཚན་ཉིད་གཉིས་ནི་ད་ལྟར་གྱི་དུས་ཀྱིས་རབ་ཏུ་ཕྱེ་བ་ཡིན་ཏེ། འདི་ལྟར་གནས་པ་ཡང་ད་ལྟར་གྱི་དུས་ཉིད་ན་དམིགས་པ་ཡིན་ལ། སྔ་མ་ལས་ཀྱང་ཕྱི་མ་གཞན་ཉིད་དུ་གྱུར་པ་ཉིད་ཀྱང་ད་ལྟར་གྱི་དུས་ཉིད་ན་དམིགས་པ་ཡིན་པས། དེའི་ཕྱིར་བཅོམ་ལྡན་འདས་ཀྱིས་ད་ལྟར་བྱུང་བའི་དུས་ལ་བརྟེན་ཏེ། གནས་པ་དང༌། གཞན་དུ་འགྱུར་བ་ཉིད་གཅིག་ཏུ་བསྡུས་ནས་འདུས་བྱས་ཀྱི་མཚན་ཉིད་ཡིན་པར་གསུངས་སོ། །

gal te 'dus byas la 'dus byas kyi mtshan nyid bzhi po skye ba dang/ rga ba dang/ gnas pa dang/ 'jig pa 'di dag dmigs na ci'i phyir bcom ldan 'das kyis skye ba dang/ 'jig pa dang gnas pa las gzhan du 'gyur ba nyid dang gsum kho na gsungs she na| 'du byed rnams ni dus gsum gyis rab tu phye ba yin te/ des na ma 'ongs pa'i dus na ma byung ba las 'byung bar 'gyur bas/ de'i phyir bcom ldan 'das kyis ma 'ongs pa'i dus la brten te 'byung ba yang 'dus byas kyi mtshan nyid yin par gsungs so/ /byung ba rnams 'das pa'i dus su zhigs par gyur pas de'i phyir bcom ldan 'das kyis 'das pa'i dus la brten te zhigs pa yang 'dus byas kyi mtshan nyid yin par gsungs so/ /gnas pa gang yin pa dang/ gzhan du 'gyur ba nyid gang yin pa'i mtshan nyid gnyis ni da ltar gyi dus kyis rab tu phye ba yin te/ 'di ltar gnas pa yang da ltar gyi dus nyid na dmigs pa yin la/ snga ma las kyang phyi ma gzhan nyid du gyur pa nyid kyang da ltar gyi dus nyid na dmigs pa yin pas/ de'i phyir bcom ldan 'das kyis da ltar byung ba'i dus la brten te/ gnas pa dang/ gzhan du 'gyur ba nyid gcig tu bsdus nas 'dus byas kyi mtshan nyid yin par gsungs so/ /

【I2 釋通三有為相中觀生滅】

གང་གི་ཚེ་འཕགས་པ་ཉན་ཐོས་ཀྱིས་འདུས་བྱས་ཀྱི་མཚན་ཉིད་གསུམ་དང་ལྡན་པར་ཡོངས་སུ་བརྟག་པར་བྱས་པའི་ཚེ། ཅིའི་ཕྱིར་འཕགས་པ་ཉན་ཐོས་ཕུང་པོ་རྣམས་ལ་འབྱུང་བ་དང་འཇིག་པ་ཁོ་ནར་རྗེས་སུ་ལྟ་ཞིང་གནས་སོ་ཞེས་གསུངས་ལ་གནས་པ་དང་གཞན་དུ་འགྱུར་བ་ཉིད་རྗེས་སུ་ལྟ་ཞིང་གནས་སོ་ཞེས་མ་གསུངས་ཤེ་ན༑ གང་གི་ཕྱིར་འབྱུང་བ་གང་ཡིན་པ་དང༌། གནས་པ་ལས་གཞན་དུ་འགྱུར་བ་ཉིད་གང་ཡིན་པའི་མཚན་ཉིད་དེ་གཉི་ག་ཡང་འབྱུང་བས་རབ་ཏུ་ཕྱེ་བ་ཡིན་པས། དེའི་ཕྱིར་མཚན་ཉིད་གཉིས་ཆ་གཅིག་ཏུ་མཛད་དེ་འབྱུང་བའི་ཕྱོགས་སུ་རྣམ་པར་བཞག་ནས་འབྱུང་བར་རྗེས་སུ་ལྟ་ཞིང་གནས་སོ་ཞེས་གསུངས་སོ། །མཚན་ཉིད་གཅིག་ནི་ཆ་གཉིས་པར་རྣམ་པར་གཞག་ནས་འཇིག་པར་རྗེས་སུ་ལྟ་ཞིང་གནས་སོ་ཞེས་གསུངས་སོ། །གཞན་ཡང་དེ་ནི་མཚན་ཉིད་གང་གིས་ཡིད་འབྱུང་བ་དང༌། འདོད་ཆགས་དང་བྲལ་བ་དང་རྣམ་པར་གྲོལ་བར་འགྱུར་བའི་མཚན་ཉིད་དེ་ཉིད་ལ་ཡིད་ལ་བྱེད་པས་འདུ་བྱེད་རྣམས་ལ་མི་རྟག་པ་ཉིད་དུ་ལྟ་ན་སྐྱོ་བ་དང་འདོད་ཆགས་དང་བྲལ་བ་དང་རྣམ་པར་གྲོལ་བར་འགྱུར་བས་དེའི་ཕྱིར་མི་རྟག་པ་ཉིད་ཁོ་ན་ཡིད་ལ་བྱེད་དོ། །མི་རྟག་པ་ཉིད་ཀྱང་མ་བྱུང་བ་ལས་འབྱུང་བས་རབ་ཏུ་ཕྱེ་བ་དང༌། བྱུང་ནས་ཀྱང་མེད་པར་འགྱུར་བས་རབ་ཏུ་ཕྱེ་བ་ཡིན་ཏེ་མ་བྱུང་བ་ལས་འབྱུང་བ་ནི་འབྱུང་བ་ཡིན་ལ། བྱུང་ནས་མེད་པར་འགྱུར་བ་ནི་འཇིག་པ་ཡིན་ནོ།། །།

gang gi tshe 'phags pa nyan thos kyis 'dus byas kyi mtshan nyid gsum dang ldan par yongs su brtag par byas pa'i tshe/ ci'i phyir 'phags pa nyan thos phung po rnams la 'byung ba dang 'jig pa kho nar rjes su lta zhing gnas so zhes gsungs la gnas pa dang gzhan du 'gyur ba nyid rjes su lta zhing gnas so zhes ma gsungs she na| gang gi phyir 'byung ba gang yin pa dang/ gnas pa las gzhan du 'gyur ba nyid gang yin pa'i mtshan nyid de gnyi ga yang 'byung bas rab tu phye ba yin pas/ de'i phyir mtshan nyid gnyis cha gcig tu mdzad de 'byung ba'i phyogs su rnam par bzhag nas 'byung bar rjes su lta zhing gnas so zhes gsungs so/ /mtshan nyid gcig ni cha gnyis par rnam par gzhag nas 'jig par rjes su lta zhing gnas so zhes gsungs so/ /gzhan yang de ni mtshan nyid gang gis yid 'byung ba dang/ 'dod chags dang bral ba dang rnam par grol bar 'gyur ba'i mtshan nyid de nyid la yid la byed pas 'du byed rnams la mi rtag pa nyid du lta na skyo ba dang 'dod chags dang bral ba dang rnam par grol bar 'gyur bas de'i phyir mi rtag pa nyid kho na yid la byed do/ /mi rtag pa nyid kyang ma byung ba las 'byung bas rab tu phye ba dang/ byung nas kyang med par 'gyur bas rab tu phye ba yin te ma byung ba las 'byung ba ni 'byung ba yin la/ byung nas med par 'gyur ba ni 'jig pa yin no// //

【H3 明四相名義差別】【I1 明生差別】

བམ་པོ་གསུམ་པ། སྐྱེ་བའི་རབ་ཏུ་དབྱེ་བ་ཡང་རྣམ་པ་དུ་མ་ཡོད་པར་རིག་པར་བྱ་སྟེ། འདི་ལྟ་སྟེ་སྐད་ཅིག་གི་སྐྱེ་བ་དང༌། ཉིད་མཚམས་སྦྱོར་བའི་སྐྱེ་བ་དང༌། མངོན་པར་འགྲུབ་པའི་སྐྱེ་བ་དང༌། སེམས་རྣམ་པ་ཐ་དད་པའི་སྐྱེ་བ་དང༌། མི་འདོད་པའི་སྐྱེ་བ་དང༌། འདོད་པའི་སྐྱེ་བ་དང༌། ངན་པའི་སྐྱེ་བ་དང༌། བར་མའི་སྐྱེ་བ་དང༌། བཟང་པོའི་སྐྱེ་བ་དང༌། བླ་ན་ཡོད་པའི་སྐྱེ་བ་དང༌། བླ་ན་མེད་པའི་སྐྱེ་བའོ། །དེ་ལ་འདུ་བྱེད་རྣམས་ཀྱི་སྐད་ཅིག་སྐད་ཅིག་པར་སྐྱེ་བ་ནི་སྐད་ཅིག་གི་སྐྱེ་བ་ཞེས་བྱའོ། །ཀུན་དུ་སྦྱོར་བ་མཐའ་དག་ཡོད་པའམ། ཀུན་དུ་སྦྱོར་བ་མ་ཚང་ཡང་རུང༌། སེམས་ཅན་གྱི་རིས་དེ་དང༌། དེ་ནས་ཤི་འཕོས་ནས་སེམས་ཅན་རྣམས་ཀྱི་རིས་དེ་དང་དེར་ཕུང་པོ་མངོན་པར་འགྲུབ་པ་ནི་ཉིད་མཚམས་སྦྱོར་བའི་སྐྱེ་བ་ཞེས་བྱའོ། །ཐོར་བུ་དང་གཞོན་ནུ་ལ་སོགས་པའི་གནས་སྐབས་དག་ནས་རྒས་པའི་གནས་སྐབས་ཀྱི་བར་དུ་འགྱུར་བ་ནི་མངོན་པར་འགྲུབ་པའི་སྐྱེ་བ་ཞེས་བྱའོ། །དམིགས་པ་དེ་དང་དེས་ཉིན་མཚན་དེ་དང་དེ་དག་འདས་པ་དང༌། སྐད་ཅིག་དང་ཐང་ཅིག་ཡུད་ཙམ་དེ་དང་དེ་དག་འདས་པས་སེམས་བདེ་བ་དང་མཚུངས་པར་ལྡན་པའམ། སྡུག་བསྔལ་བ་དང་མཚུངས་པར་ལྡན་པའམ། སྡུག་བསྔལ་ཡང་མ་ཡིན་བདེ་བ་མ་ཡིན་པ་དང་མཚུངས་པར་ལྡན་པའམ། འདོད་ཆགས་དང་བཅས་པའམ། འདོད་ཆགས་དང་བྲལ་བ་ནས་རྒྱས་པར་ཤིན་ཏུ་རྣམ་པར་གྲོལ་བའམ། རྣམ་པར་མ་གྲོལ་བའི་བར་གྱི་རྣམ་པ་དུ་མ་རྣམ་པ་མང་པོ་སྣ་ཚོགས་སྐྱེ་བ་ནི་སེམས་རྣམ་པ་ཐ་དད་པའི་སྐྱེ་བ་ཞེས་བྱའོ། །ངན་འགྲོ་སེམས་ཅན་དམྱལ་བ་རྣམས་དང་དུད་འགྲོ་དང་ཡི་དྭགས་རྣམས་སུ་སྡུག་བསྔལ་སྐྱེ་བ་གང་ཡིན་པ་དེ་ནི་མི་འདོད་པའི་སྐྱེ་བ་ཞེས་བྱའོ། །བདེ་འགྲོ་ལྷ་དང་མི་རྣམས་སུ་བདེ་བ་སྐྱེ་བ་གང་ཡིན་པ་དེ་ནི་འདོད་པའི་སྐྱེ་བ་ཞེས་བྱའོ། །འདོད་པའི་ཁམས་ངན་པར་མངོན་པར་འགྲུབ་པ་ནི་ངན་པའི་སྐྱེ་བ་ཞེས་བྱའོ། །གཟུགས་ཀྱི་ཁམས་བར་མར་མངོན་པར་འགྲུབ་པ་ནི་བར་མའི་སྐྱེ་བ་ཞེས་བྱའོ། །གཟུགས་མེད་པའི་ཁམས་བཟང་པོར་མངོན་པར་འགྲུབ་པ་ནི་བཟང་པོའི་སྐྱེ་བ་ཞེས་བྱའོ། །གཞན་ཡང་མངལ་དུ་འཇུག་པ་དང་པོ་ནི་ངན་པའི་སྐྱེ་བ་ཞེས་བྱའོ། །མངལ་དུ་འཇུག་པ་བར་མ་གཉིས་ནི་བར་མའི་སྐྱེ་བ་ཞེས་བྱའོ། །མངལ་དུ་འཇུག་པ་ཐ་མ་ནི་བཟང་པོའི་སྐྱེ་བ་ཞེས་བྱའོ། །རྣམ་གྲངས་གཞན་ཡང་ཉོན་མོངས་པ་ཅན་དང་ཉོན་མོངས་པ་ཅན་གྱི་འབྲས་བུའི་ཆོས་རྣམས་ཀྱི་མངོན་པར་འགྲུབ་པ་ནི་ངན་པའི་སྐྱེ་བ་ཞེས་བྱའོ། །དགེ་བ་དང་དགེ་བའི་འབྲས་བུ་ཅན་གྱི་ཆོས་རྣམས་ཀྱི་མངོན་པར་འགྲུབ་པ་ནི་བཟང་པོའི་སྐྱེ་བ་ཞེས་བྱའོ། །དགེ་བ་དང་མི་དགེ་བའི་འབྲས་བུ་ཅན་གྱི་ཆོས་ལུང་དུ་མ་བསྟན་པ་རྣམས་མ་གཏོགས་པ་ལུང་དུ་མ་བསྟན་པའི་ཆོས་རྣམས་ཀྱི་མངོན་པར་འགྲུབ་པ་ནི་བར་མའི་སྐྱེ་བ་ཞེས་བྱའོ། །ཁམས་སུ་གཏོགས་པ་རྣམས་ཀྱི་སྐྱེ་བ་ལས་བརྩམས་ཏེ། ཅི་ཡང་མེད་པའི་སྐྱེ་མཆེད་ཀྱི་བར་དུ་མངོན་པར་འགྲུབ་པ་ནི་བླ་ན་ཡོད་པའི་སྐྱེ་བ་ཞེས་བྱའོ། །འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དུ་མངོན་པར་འགྲུབ་པ་ནི་བླ་ན་མེད་པའི་སྐྱེ་བ་ཞེས་བྱའོ། །སྐད་ཅིག་མའི་རྒྱུད་མཚམས་སྦྱོར་བར་གཏོགས་པ་རྣམས་ཀྱི་སྐྱེ་བ་ལས་བརྩམས་ཏེ། དགྲ་བཅོམ་པའི་འཆི་བ་ཐ་མའི་ཆར་གཏོགས་པའི་ཕུང་པོ་རྣམས་མ་གཏོགས་པ་དེ་ལས་གཞན་པའི་འདུ་བྱེད་གང་ཅི་ཡང་རུང་བར་མངོན་པར་འགྲུབ་པ་དེ་དག་ཐམས་ཅད་ནི་བླ་ན་ཡོད་པའི་སྐྱེ་བ་ཞེས་བྱའོ། །

bam po gsum pa/ skye ba'i rab tu dbye ba yang rnam pa du ma yod par rig par bya ste/ 'di lta ste skad cig gi skye ba dang/ nyid mtshams sbyor ba'i skye ba dang/ mngon par 'grub pa'i skye ba dang/ sems rnam pa tha dad pa'i skye ba dang/ mi 'dod pa'i skye ba dang/ 'dod pa'i skye ba dang/ ngan pa'i skye ba dang/ bar ma'i skye ba dang/ bzang po'i skye ba dang/ bla na yod pa'i skye ba dang/ bla na med pa'i skye ba'o/ /de la 'du byed rnams kyi skad cig skad cig par skye ba ni skad cig gi skye ba zhes bya'o/ /kun du sbyor ba mtha' dag yod pa'am/ kun du sbyor ba ma tshang yang rung/ sems can gyi ris de dang/ de nas shi 'phos nas sems can rnams kyi ris de dang der phung po mngon par 'grub pa ni nyid mtshams sbyor ba'i skye ba zhes bya'o/ /thor bu dang gzhon nu la sogs pa'i gnas skabs dag nas rgas pa'i gnas skabs kyi bar du 'gyur ba ni mngon par 'grub pa'i skye ba zhes bya'o/ /dmigs pa de dang des nyin mtshan de dang de dag 'das pa dang/ skad cig dang thang cig yud tsam de dang de dag 'das pas sems bde ba dang mtshungs par ldan pa'am/ sdug bsngal ba dang mtshungs par ldan pa'am/ sdug bsngal yang ma yin bde ba ma yin pa dang mtshungs par ldan pa'am/ 'dod chags dang bcas pa'am/ 'dod chags dang bral ba nas rgyas par shin tu rnam par grol ba'am/ rnam par ma grol ba'i bar gyi rnam pa du ma rnam pa mang po sna tshogs skye ba ni sems rnam pa tha dad pa'i skye ba zhes bya'o/ /ngan 'gro sems can dmyal ba rnams dang dud 'gro dang yi dwags rnams su sdug bsngal skye ba gang yin pa de ni mi 'dod pa'i skye ba zhes bya'o/ /bde 'gro lha dang mi rnams su bde ba skye ba gang yin pa de ni 'dod pa'i skye ba zhes bya'o/ /'dod pa'i khams ngan par mngon par 'grub pa ni ngan pa'i skye ba zhes bya'o/ /gzugs kyi khams bar mar mngon par 'grub pa ni bar ma'i skye ba zhes bya'o/ /gzugs med pa'i khams bzang por mngon par 'grub pa ni bzang po'i skye ba zhes bya'o/ /gzhan yang mngal du 'jug pa dang po ni ngan pa'i skye ba zhes bya'o/ /mngal du 'jug pa bar ma gnyis ni bar ma'i skye ba zhes bya'o/ /mngal du 'jug pa tha ma ni bzang po'i skye ba zhes bya'o/ /rnam grangs gzhan yang nyon mongs pa can dang nyon mongs pa can gyi 'bras bu'i chos rnams kyi mngon par 'grub pa ni ngan pa'i skye ba zhes bya'o/ /dge ba dang dge ba'i 'bras bu can gyi chos rnams kyi mngon par 'grub pa ni bzang po'i skye ba zhes bya'o/ /dge ba dang mi dge ba'i 'bras bu can gyi chos lung du ma bstan pa rnams ma gtogs pa lung du ma bstan pa'i chos rnams kyi mngon par 'grub pa ni bar ma'i skye ba zhes bya'o/ /khams su gtogs pa rnams kyi skye ba las brtsams te/ ci yang med pa'i skye mched kyi bar du mngon par 'grub pa ni bla na yod pa'i skye ba zhes bya'o/ /'du shes med 'du shes med min gyi skye mched du mngon par 'grub pa ni bla na med pa'i skye ba zhes bya'o/ /skad cig ma'i rgyud mtshams sbyor bar gtogs pa rnams kyi skye ba las brtsams te/ dgra bcom pa'i 'chi ba tha ma'i char gtogs pa'i phung po rnams ma gtogs pa de las gzhan pa'i 'du byed gang ci yang rung bar mngon par 'grub pa de dag thams cad ni bla na yod pa'i skye ba zhes bya'o/ /

【I2 明老差別】

རྒ་བའི་རབ་ཏུ་དབྱེ་བ་ཡང་རྣམ་པ་དུ་མ་ཡོད་པར་རིག་པར་བྱ་སྟེ། འདི་ལྟ་སྟེ་ལུས་རྒ་བ་དང༌། སེམས་རྒ་བ་དང༌། ཚེ་རྒ་བ་དང༌། འགྱུར་བ་རྒ་བ་དང༌། ལུས་འགྱུར་བ་རྒ་བའོ། །དེ་ལ་སྤྱི་ཅེར་དུ་གྱུར་པ་དང༌། མགོ་སྐྱ་བ་ལ་སོགས་པ་རྒྱས་པར་ཇི་སྐད་མདོ་ལས་གསུངས་པ་ལྟ་བུ་དག་གིས་ལུས་ཡོངས་སུ་གྱུར་པ་ནི་ལུས་རྒ་བ་ཞེས་བྱའོ། །བདེ་བའི་ཚོར་བ་དང་མཚུངས་པར་ལྡན་པའི་སེམས་ཡོངས་སུ་གྱུར་ནས་སྡུག་བསྔལ་བ་དང་མཚུངས་པར་ལྡན་པར་འགྱུར་བ་དང༌། དགེ་བའི་སེམས་ཡོངས་སུ་གྱུར་ནས་ཉོན་མོངས་པ་ཅན་དུ་འགྱུར་བ་དང༌། འདོད་པའི་དོན་རྣམས་ལ་རེ་བ་དང་ལྡན་པའི་སེམས་ཡོངས་སུ་གྱུར་པ་ནི་རེ་བ་འབྲས་བུ་མེད་པར་གྱུར་པ་དེ་ནི་སེམས་རྒ་བ་ཞེས་བྱའོ། །ཉིན་མཚན་དེ་དང་དེ་དག་འདས་པ་དང་སྐད་ཅིག་དང་ཐང་ཅིག་དང་ཡུད་ཙམ་དེ་དང་དེ་དག་འདས་པས་ཚེ་འགྲིབས་པའི་རིམ་གྱིས་ཐམས་ཅད་ཀྱི་ཐམས་ཅད་དུ་ཡོངས་སུ་ཟད་པར་གྱུར་པ་ནི་ཚེ་རྒ་བ་ཞེས་བྱའོ། །དབང་ཕྱུག་གི་བདག་པོ་ཕུན་སུམ་ཚོགས་པ་ཐམས་ཅད་ཉམས་པ་དང༌། ནད་མེད་པ་དང༌། ཁ་དོག་དང༌། སྟོབས་དང༌། བརྟས་པ་ལ་སོགས་པ་རྣམ་པར་གྱུར་པ་ནི་འགྱུར་བ་རྒ་བ་ཞེས་བྱའོ། །བདེ་འགྲོར་སྐྱེས་ཤིང་ལེགས་པར་འབྱོར་པའི་ལུས་དག་ལས་ཤི་འཕོས་ནས་ངན་འགྲོ་ངན་པའི་རིས་རྣམས་སུ་ལུས་མངོན་པར་འགྲུབ་པ་ནི་ལུས་འགྱུར་བ་རྒ་བ་ཞེས་བྱའོ༑ །གང་ལ་བརྟེན་ནས་རྒ་བའི་རྣམ་པ་ཇི་སྐད་བསྟན་པ་དེ་དག་ཐམས་ཅད་འབྱུང་བར་འགྱུར་བའི་རྒ་བ་གཅིག་པ་ཡང་ཡོད་དེ་འདུ་བྱེད་རྣམས་ཀྱི་སྐད་ཅིག་སྐད་ཅིག་ལ་གཞན་ཉིད་དུ་འགྱུར་བའི་རྒ་བ་གང་ཡིན་པའོ། །

rga ba'i rab tu dbye ba yang rnam pa du ma yod par rig par bya ste/ 'di lta ste lus rga ba dang/ sems rga ba dang/ tshe rga ba dang/ 'gyur ba rga ba dang/ lus 'gyur ba rga ba'o/ /de la spyi cer du gyur pa dang/ mgo skya ba la sogs pa rgyas par ji skad mdo las gsungs pa lta bu dag gis lus yongs su gyur pa ni lus rga ba zhes bya'o/ /bde ba'i tshor ba dang mtshungs par ldan pa'i sems yongs su gyur nas sdug bsngal ba dang mtshungs par ldan par 'gyur ba dang/ dge ba'i sems yongs su gyur nas nyon mongs pa can du 'gyur ba dang/ 'dod pa'i don rnams la re ba dang ldan pa'i sems yongs su gyur pa ni re ba 'bras bu med par gyur pa de ni sems rga ba zhes bya'o/ /nyin mtshan de dang de dag 'das pa dang skad cig dang thang cig dang yud tsam de dang de dag 'das pas tshe 'gribs pa'i rim gyis thams cad kyi thams cad du yongs su zad par gyur pa ni tshe rga ba zhes bya'o/ /dbang phyug gi bdag po phun sum tshogs pa thams cad nyams pa dang/ nad med pa dang/ kha dog dang/ stobs dang/ brtas pa la sogs pa rnam par gyur pa ni 'gyur ba rga ba zhes bya'o/ /bde 'gror skyes shing legs par 'byor pa'i lus dag las shi 'phos nas ngan 'gro ngan pa'i ris rnams su lus mngon par 'grub pa ni lus 'gyur ba rga ba zhes bya'o| /gang la brten nas rga ba'i rnam pa ji skad bstan pa de dag thams cad 'byung bar 'gyur ba'i rga ba gcig pa yang yod de 'du byed rnams kyi skad cig skad cig la gzhan nyid du 'gyur ba'i rga ba gang yin pa'o/ /

【I3 明住差別】

གནས་པའི་རབ་ཏུ་དབྱེ་བ་ཡང་རྣམ་པ་དུ་མ་ཡོད་པར་རིག་པར་བྱ་སྟེ། འདི་ལྟ་སྟེ་སྐད་ཅིག་གནས་པ་དང༌། རྒྱུན་གནས་པ་དང༌། རྐྱེན་དང་འབྲེལ་པས་གནས་པ་དང༌། རྣམ་པར་མི་གཡེང་བར་གནས་པ་དང༌། ལུགས་གནས་པའོ༑ །དེ་ལ་འདུ་བྱེད་འབྱུང་བ་སྐྱེ་བའི་དུས་ཙམ་ལ་གནས་པ་ནི་སྐད་ཅིག་གནས་པ་ཞེས་བྱའོ། །དེ་དང་དེར་མངོན་པར་འགྲུབ་པའི་ལུས་དེ་དང་དེ་དག་ཟས་དེ་དང་དེ་ལ་བརྟེན་ནས་ཚེ་ཇི་སྲིད་པར་གནས་པ་དང༌། ཕྱི་རོལ་གྱི་སྣོད་ཀྱི་འཇིག་རྟེན་རྣམས་བསྐལ་པ་ཆེན་པོའི་མཐར་ཐུག་པར་གནས་པ་ནི་རྒྱུན་གནས་པ་ཞེས་བྱའོ། །བདེ་བ་དང་སྡུག་བསྔལ་བ་དང་བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པའི་ཚོར་བ་རྣམས་དང༌། དགེ་བ་དང་མི་དགེ་བ་དང་ལུང་དུ་མ་བསྟན་པའི་ཆོས་རྣམས་རང་རང་གི་རྐྱེན་ཉེ་བར་གནས་ན་རེ་ཞིག་གནས་པ་ནི་རྐྱེན་དང༌།འབྲེལ་པས་གནས་པ་ཞེས་བྱའོ། །སེམས་མཉམ་པར་གཞག་པའི་ཏིང་ངེ་འཛིན་མངོན་དུ་གྱུར་པ་ནི་རྣམ་པར་མི་གཡེང་བར་གནས་པ་ཞེས་བྱའོ༑ །ཡུལ་གཞན་དུ་གྲོང་དང་གྲོལ་རྡལ་དང་ཡུལ་འཁོར་དང༌། རྒྱལ་པོའི་ཕོ་བྲང་འཁོར་རྣམས་དང༌། རྒྱལ་པོ་བཞུགས་ས་དང་། བསྐོས་པ་འདུ་བའི་ས་དང༌། བཟོ་སྦྱངས་ཀྱི་གནས་རྣམས་དང༌། ལག་རུབ་བྱེད་པ་དག་དང༌། འཁོར་རྣམས་ལ་སྤྱོད་ཚུལ་རྙིང་པ་དང་བཅས་པའི་རྗེས་སུ་འཇུག་པ་ནི་ལུགས་གནས་པ་ཞེས་བྱའོ། །

gnas pa'i rab tu dbye ba yang rnam pa du ma yod par rig par bya ste/ 'di lta ste skad cig gnas pa dang/ rgyun gnas pa dang/ rkyen dang 'brel pas gnas pa dang/ rnam par mi g.yeng bar gnas pa dang/ lugs gnas pa'o| /de la 'du byed 'byung ba skye ba'i dus tsam la gnas pa ni skad cig gnas pa zhes bya'o/ /de dang der mngon par 'grub pa'i lus de dang de dag zas de dang de la brten nas tshe ji srid par gnas pa dang/ phyi rol gyi snod kyi 'jig rten rnams bskal pa chen po'i mthar thug par gnas pa ni rgyun gnas pa zhes bya'o/ /bde ba dang sdug bsngal ba dang bde ba yang ma yin sdug bsngal ba yang ma yin pa'i tshor ba rnams dang/ dge ba dang mi dge ba dang lung du ma bstan pa'i chos rnams rang rang gi rkyen nye bar gnas na re zhig gnas pa ni rkyen dang/'brel pas gnas pa zhes bya'o/ /sems mnyam par gzhag pa'i ting nge 'dzin mngon du gyur pa ni rnam par mi g.yeng bar gnas pa zhes bya'o| /yul gzhan du grong dang grol rdal dang yul 'khor dang/ rgyal po'i pho brang 'khor rnams dang/ rgyal po bzhugs sa dang / bskos pa 'du ba'i sa dang/ bzo sbyangs kyi gnas rnams dang/ lag rub byed pa dag dang/ 'khor rnams la spyod tshul rnying pa dang bcas pa'i rjes su 'jug pa ni lugs gnas pa zhes bya'o/ /

【I4 明無常差別】

མི་རྟག་པ་ཉིད་ཀྱི་རབ་ཏུ་དབྱེ་བ་ཡང་རྣམ་པ་དུ་མ་ཡོད་པར་རིགཔར་བྱ་སྟེ། འདི་ལྟ་སྟེ། འཇིག་པའི་མི་རྟག་པ་ཉིད་དང༌། སྐྱེ་བའི་མི་རྟག་པ་ཉིད་དང༌། འགྱུར་བའི་མི་རྟག་པ་ཉིད་དང༌། འབྲལ་བའི་མི་རྟག་པ་ཉིད་དང༌། འབྱུང་བར་འགྱུར་བའི་མི་རྟག་པ་ཉིད་དང༌། བྱུང་ཟིན་པའི་མི་རྟག་པ་ཉིད་དོ། །དེ་ལ་འདུ་བྱེད་སྐྱེས་པ་རྣམས་འཇིག་པ་ནི་འཇིག་པའི་མི་རྟག་པ་ཉིད་ཅེས་བྱའོ། །འདུ་བྱེད་རྣམས་མ་བྱུང་བ་ལས་འབྱུང་བ་ནི་སྐྱེ་བའི་མི་རྟག་པ་ཉིད་ཅེས་བྱའོ། །འདུ་བྱེད་འདོད་པ་ད་ལྟར་གྱི་དུས་སུ་མི་འདྲ་བ་འབྱུང་བ་མངོན་དུ་གྱུར་པ་ཐམས་ཅད་ནི་འདུ་བྱེད་རྣམས་ཀྱི་འགྱུར་བའི་མི་རྟག་པ་ཉིད་ཅེས་བྱའོ། །ཡོ་བྱད་སྡུག་པ་མ་གྱུར་པ་རྣམས་དང་བྲལ་ཞིང་དེ་ལ་དབང་ཉམས་པ་ནི་འབྲལ་བའི་མི་རྟག་པ་ཉིད་ཅེས་བྱའོ། །མི་རྟག་པ་ཉིད་རྣམ་པ་བཞི་པོ་དེ་དག་ཉིད་མ་འོངས་པའི་དུས་ན་འབྱུང་བར་འགྱུར་བའི་མི་རྟག་པ་ཉིད་ཅེས་བྱའོ། །ད་ལྟར་གྱི་དུས་ན་མངོན་དུ་འགྱུར་བ་ནི་བྱུང་ཟིན་པའི་མི་རྟག་པ་ཉིད་ཅེས་བྱའོ། །དེ་ལ་འདོད་པ་ལས་ལོངས་སྤྱོད་པ་བག་མེད་པར་གྱུར་པ་རྣམས་ནི་འགྱུར་བའི་མི་རྟག་པ་ཉིད་དང་འབྲལ་བའི་མི་རྟག་པ་ཉིད་དང་ཕྲད་དེ། ཡིད་ལ་བྱེད་པ་ན་རྒྱས་པར་མྱ་ངན་བྱེད་སྒྱིད་ལུག་པར་བྱེད་ཀྱང་འདུ་བྱེད་རྣམས་ལ་སྐྱོ་བར་ནི་མི་འགྱུར་རོ། །གཞན་མུ་སྟེགས་ཅན་དག་ནི་མི་རྟག་པ་ཉིད་དེ་དག་ཉིད་ཤས་ཆེར་ཡིད་ལ་བྱེད་པ་ན་སྐྱོ་ཞིང་འདོད་པ་ལས་དབེན་པ་ཙམ་ལ་བརྟེན་ཀྱང་འདུ་བྱེད་རྣམས་ཀྱི་ཕྱོགས་འགའ་ལས་སྐྱོ་བར་འགྱུར་གྱི་གཏན་དུ་ནི་མ་ཡིན་ནོ། །འཕགས་པ་ཉན་ཐོས་ནི་མི་རྟག་པ་ཉིད་ཐམས་ཅད་ཡོངས་སུ་རྫོགས་པར་ཡིད་ལ་བྱེད་ཅིང་འདུ་བྱེད་རྣམས་ལས་གཏན་སྐྱོ་བ་དང་རྣམ་པར་གྲོལ་བའི་བར་དུ་ཡང་འགྱུར་རོ། །

mi rtag pa nyid kyi rab tu dbye ba yang rnam pa du ma yod par rigapar bya ste/ 'di lta ste/ 'jig pa'i mi rtag pa nyid dang/ skye ba'i mi rtag pa nyid dang/ 'gyur ba'i mi rtag pa nyid dang/ 'bral ba'i mi rtag pa nyid dang/ 'byung bar 'gyur ba'i mi rtag pa nyid dang/ byung zin pa'i mi rtag pa nyid do/ /de la 'du byed skyes pa rnams 'jig pa ni 'jig pa'i mi rtag pa nyid ces bya'o/ /'du byed rnams ma byung ba las 'byung ba ni skye ba'i mi rtag pa nyid ces bya'o/ /'du byed 'dod pa da ltar gyi dus su mi 'dra ba 'byung ba mngon du gyur pa thams cad ni 'du byed rnams kyi 'gyur ba'i mi rtag pa nyid ces bya'o/ /yo byad sdug pa ma gyur pa rnams dang bral zhing de la dbang nyams pa ni 'bral ba'i mi rtag pa nyid ces bya'o/ /mi rtag pa nyid rnam pa bzhi po de dag nyid ma 'ongs pa'i dus na 'byung bar 'gyur ba'i mi rtag pa nyid ces bya'o/ /da ltar gyi dus na mngon du 'gyur ba ni byung zin pa'i mi rtag pa nyid ces bya'o/ /de la 'dod pa las longs spyod pa bag med par gyur pa rnams ni 'gyur ba'i mi rtag pa nyid dang 'bral ba'i mi rtag pa nyid dang phrad de/ yid la byed pa na rgyas par mya ngan byed sgyid lug par byed kyang 'du byed rnams la skyo bar ni mi 'gyur ro/ /gzhan mu stegs can dag ni mi rtag pa nyid de dag nyid shas cher yid la byed pa na skyo zhing 'dod pa las dben pa tsam la brten kyang 'du byed rnams kyi phyogs 'ga' las skyo bar 'gyur gyi gtan du ni ma yin no/ /'phags pa nyan thos ni mi rtag pa nyid thams cad yongs su rdzogs par yid la byed cing 'du byed rnams las gtan skyo ba dang rnam par grol ba'i bar du yang 'gyur ro/ /

【G2 得獲成就】

འཐོབ་པ་དང་རྙེད་པ་དང་ལྡན་པ་གང་ཞེ་ན། མདོར་བསྡུ་ན་འབྱུང་བའི་རྐྱེན་གྱིས་ཡོངས་སུ་ཟིན་ཅིང་ས་བོན་ཡོངས་སུ་བརྟས་པ་ནི་འཐོབ་པ་ཞེས་བྱ་སྟེ། རྣམ་གྲངས་དེས་ན་འཐོབ་པ་ཡང་བཏགས་པའི་ཡོད་པ་ཡིན་པར་རིག་པར་བྱའོ། །གལ་ཏེ་འཐོབ་པ་རྫས་སུ་ཡོད་པར་གྱུར་ན། དེ་འདུ་བྱེད་རྣམས་ཀྱི་འབྱུང་བའི་རྒྱུའམ༑ ཡང་ན་ཆོས་དང་མི་འབྲལ་བར་འགྱུར་བའི་རྒྱུར་འགྱུར་གྲང་ན། གལ་ཏེ་འདུ་བྱེད་རྣམས་འབྱུང་བའི་རྒྱུར་གྱུར་ན་ནི། དེས་ན་ཇི་སྲིད་དུ་ཆོས་དེ་ཐོབ་པར་མ་གྱུར་པའི་སྔ་རོལ་ན་དེའི་འབྱུང་བའི་རྒྱུ་ཐོབ་པ་ཡང་མེད་པས་ནམ་ཡང་འབྱུང་བར་མི་འགྱུར་ཏེ། དེ་ལྟ་ན་དེ་གཏན་མི་འཐོབ་པ་ཉིད་དུ་འགྱུར་རོ། །གལ་ཏེ་ཆོས་དང་མི་འབྲལ་བའི་རྒྱུར་འགྱུར་ན་ནི་དེས་ན་དགེ་བ་དང་མི་དགེ་བ་དང་ལུང་དུ་མ་བསྟན་པའི་ཆོས་དེ་དག་ཐམས་ཅད་ཀྱིས་ཐོབ་པ་མགོ་མཉམ་དུ་ཡོད་པའི། མི་མཐུན་པ་དེ་དག་ཀྱང་མགོ་མཉམ་དུ་ཀུན་འབྱུང་བར་འགྱུར་ཏེ། དེ་ལྟ་བས་ན་གཉི་ག་ཡང་མི་རུང་ངོ༌། །ཆོས་རྣམས་ཀྱི་འབྱུང་བའི་རྒྱུ་ནི་སོ་སོར་ངེས་པའི་རྐྱེན་གྱིས་རང་གི་ས་བོན་ཡོངས་སུ་ཟིན་པའོ། །འབྲལ་བའི་རྒྱུ་ནི་རྐྱེན་གཞན་མངོན་དུ་གྱུར་པས་རྐྱེན་གཞན་དང་འབྲལ་བའོ། །དེ་ལ་རྐྱེན་བསྒྲུབ་པ་ལ་དབང་བ་ནི་འཐོབ་པ་ཞེས་གདགས་ཏེ། དབང་དེ་ལ་བརྟེན་ནས་སྐྱེས་བུ་གང་ཟག་དེ་ཆོས་སྐྱེས་ནས་འགགས་པ་གང་དང་གང་མངོན་སུམ་དུ་བྱ་བར་འདོད་པ་དེ་བསྐྱེད་པའི་ཕྱིར་མྱུར་བ་མྱུར་བ་ཁོ་ནར་རྐྱེན་སྒྲུབ་པར་བྱེད་དེ། དེ་ལྟ་བས་ན་དེ་ཡང་འཐོབ་པ་ཞེས་བྱའོ། །འཐོབ་པ་དེ་ཡང་མདོར་བསྡུ་ན་རྣམ་པ་གསུམ་དུ་རིག་པར་བྱའོ། །ས་བོན་དང་ལྡན་པ་དང༌། དབང་དང་ལྡན་པ་དང་། ཀུན་དུ་འབྱུང་བ་དང་ལྡན་པའོ། །དེ་ལ་རེ་ཞིག་ཉོན་མོངས་པ་ཅན་དང༌། ལུང་དུ་མ་བསྟན་པ་དང༌། སྐྱེས་ནས་ཐོབ་པའི་དགེ་བའི་ཆོས་མ་བཙལ་བར་ཀུན་ཏུ་འབྱུང་བ་གང་དག་ཡིན་པ་དེ་དག་ནི་ས་བོན་རེ་ཞིག་ཞི་གནས་ཀྱི་ཉམས་པས་ཀྱང་ཉམས་པར་མ་བྱས་ལ། འཕགས་པའི་ལམ་གྱིས་ཀྱང་ཡང་དག་པར་མ་བཅོམ་པ་དང༌། དགེ་བ་རྣམས་ཀྱི་ཡང་འདི་ལྟ་སྟེ། དཔེར་ན་དགེ་བའི་རྩ་བ་ཀུན་དུ་བཅད་པ་རྣམས་ཀྱི་ལྷར་ལོག་པར་ལྟ་བས་ཉམས་པར་མ་བྱས་པ་གང་ཡིན་པ་དེ་ནི་ས་བོན་དང་ལྡན་པ་ཞེས་བྱ་སྟེ། འདི་ལྟར་ཇི་སྲིད་དུ་དེའི་ས་བོན་དེ་ཉམས་པར་མ་བྱས་ཤིང་ཡང་དག་པར་མ་བཅོམ་པ་དེ་སྲིད་དུ་དེ་ཉོན་མོངས་པ་ཅན་ལ་སོགས་པའི་ཆོས་ཀུན་དུ་འབྱུང་བའམ། ཀུན་དུ་འབྱུང་བ་མ་ཡིན་པ་དེ་དག་དང་ལྡན་པ་ཞེས་བྱ་བའི་ཕྱིར་རོ། །དགེ་བའི་ཆོས་མངོན་པར་འདུ་བྱ་བས་བསྐྱེད་པ་རྣམས་དང་ལུང་དུ་མ་བསྟན་པ་དེ་དག་ཁ་ཅིག་གི་འབྱུང་བའི་རྐྱེན་གྱིས་རྒྱུ་ས་བོན་ཡོངས་སུ་བརྟས་པ་ཡོངས་སུ་ཟིན་པ་ནི་དབང་དང་ལྡན་པ་ཞེས་བྱའོ། །ད་ལྟར་གྱི་ཆོས་རྣམས་མངོན་སུམ་གྱི་དངོས་པོས་རང་གི་མཚན་ཉིད་ཀྱིས་འགྲུབ་པ་ནི་ཀུན་དུ་འབྱུང་བ་དང་ལྡན་པ་ཞེས་བྱའོ། །

'thob pa dang rnyed pa dang ldan pa gang zhe na/ mdor bsdu na 'byung ba'i rkyen gyis yongs su zin cing sa bon yongs su brtas pa ni 'thob pa zhes bya ste/ rnam grangs des na 'thob pa yang btags pa'i yod pa yin par rig par bya'o/ /gal te 'thob pa rdzas su yod par gyur na/ de 'du byed rnams kyi 'byung ba'i rgyu'am| yang na chos dang mi 'bral bar 'gyur ba'i rgyur 'gyur grang na/ gal te 'du byed rnams 'byung ba'i rgyur gyur na ni/ des na ji srid du chos de thob par ma gyur pa'i snga rol na de'i 'byung ba'i rgyu thob pa yang med pas nam yang 'byung bar mi 'gyur te/ de lta na de gtan mi 'thob pa nyid du 'gyur ro/ /gal te chos dang mi 'bral ba'i rgyur 'gyur na ni des na dge ba dang mi dge ba dang lung du ma bstan pa'i chos de dag thams cad kyis thob pa mgo mnyam du yod pa'i/ mi mthun pa de dag kyang mgo mnyam du kun 'byung bar 'gyur te/ de lta bas na gnyi ga yang mi rung ngo/ /chos rnams kyi 'byung ba'i rgyu ni so sor nges pa'i rkyen gyis rang gi sa bon yongs su zin pa'o/ /'bral ba'i rgyu ni rkyen gzhan mngon du gyur pas rkyen gzhan dang 'bral ba'o/ /de la rkyen bsgrub pa la dbang ba ni 'thob pa zhes gdags te/ dbang de la brten nas skyes bu gang zag de chos skyes nas 'gags pa gang dang gang mngon sum du bya bar 'dod pa de bskyed pa'i phyir myur ba myur ba kho nar rkyen sgrub par byed de/ de lta bas na de yang 'thob pa zhes bya'o/ /'thob pa de yang mdor bsdu na rnam pa gsum du rig par bya'o/ /sa bon dang ldan pa dang/ dbang dang ldan pa dang / kun du 'byung ba dang ldan pa'o/ /de la re zhig nyon mongs pa can dang/ lung du ma bstan pa dang/ skyes nas thob pa'i dge ba'i chos ma btsal bar kun tu 'byung ba gang dag yin pa de dag ni sa bon re zhig zhi gnas kyi nyams pas kyang nyams par ma byas la/ 'phags pa'i lam gyis kyang yang dag par ma bcom pa dang/ dge ba rnams kyi yang 'di lta ste/ dper na dge ba'i rtsa ba kun du bcad pa rnams kyi lhar log par lta bas nyams par ma byas pa gang yin pa de ni sa bon dang ldan pa zhes bya ste/ 'di ltar ji srid du de'i sa bon de nyams par ma byas shing yang dag par ma bcom pa de srid du de nyon mongs pa can la sogs pa'i chos kun du 'byung ba'am/ kun du 'byung ba ma yin pa de dag dang ldan pa zhes bya ba'i phyir ro/ /dge ba'i chos mngon par 'du bya bas bskyed pa rnams dang lung du ma bstan pa de dag kha cig gi 'byung ba'i rkyen gyis rgyu sa bon yongs su brtas pa yongs su zin pa ni dbang dang ldan pa zhes bya'o/ /da ltar gyi chos rnams mngon sum gyi dngos pos rang gi mtshan nyid kyis 'grub pa ni kun du 'byung ba dang ldan pa zhes bya'o/ /

【G3 命根】【H1 總辨相】

དེ་ལ་སྲོག་གི་དབང་པོ་གང་ཞེ་ན་སྔོན་གྱི་ལས་ཀྱིས་དེ་དང་དེར་ལུས་མངོན་པར་གྲུབ་པ་གནས་པའི་དུས་ངེས་པ་འཕངས་པ་ནི་ཚེ་དང་སྲོག་དང་སྲོག་གི་དབང་པོ་ཞེས་བྱའོ། །

de la srog gi dbang po gang zhe na sngon gyi las kyis de dang der lus mngon par grub pa gnas pa'i dus nges pa 'phangs pa ni tshe dang srog dang srog gi dbang po zhes bya'o/ /

【H2 明差別五對】

དེ་ཡང་རབ་ཏུ་དབྱེ་ན་ངེས་པ་དང༌། མ་ངེས་པ་དང༌། རྗེས་སུ་འཇུག་པ་དང༌། རྗེས་སུ་འཇུག་པ་མ་ཡིན་པ་དང༌། ཡུན་ཐུང་བ་དང༌། ཡུན་རིང་བ་དང༌། མཐར་ཐུག་པ་དང༌། མཐར་ཐུག་པ་མ་ཡིན་པ་དང༌། རང་གིས་དབང་བསྒྱུར་བ་དང༌། རང་གིས་དབང་བསྒྱུར་བ་མ་ཡིན་པ་སྟེ། དེ་ལ་འཛམ་བུའི་གླིང་པའི་མི་རྣམས་ཀྱི་ཚེ་མ་གཏོགས་པ་དེ་ལས་གཞན་པའི་སྐྱེ་བའི་གནས་ན་ནི་ཚེ་ངེས་པ་ཡིན་ནོ། །འདི་ན་ནི་ལན་འགའ་ནི་ཡུན་རིང་སྟེ་དཔག་ཏུ་མེད་དོ། །ལན་འགའ་ནི་ཡུན་ཐུང་ངོ༌། །བྱང་གི་སྒྲ་མི་སྙན་དག་ན་ནི་ཇི་ལྟར་ཚེ་སོ་སོར་ངེས་པ་བཞིན་དུ་གཏན་དུ་རྗེས་སུ་འཇུག་སྟེ། བར་མ་དོར་འཆི་བའི་དུས་བྱེད་པ་མེད་པས་རྗེས་སུ་འཇུག་པ་ཡིན་ནོ། །དེ་ལས་གཞན་པ་ཐམས་ཅད་ན་ནི་རྗེས་སུ་འཇུག་པ་མ་ཡིན་ནོ། །འཛམ་བུའི་གླིང་ན་མི་ཚེ་ལོ་བཅུ་པ་རྣམས་ཀྱི་ཚེ་ནི་ཡུན་ཐུང་བ་ཡིན་ནོ། །དུད་འགྲོ་ཁ་ཅིག་གི་ཡང་དེ་དང་འདྲ་སྟེ། འདི་ལྟར་དུད་འགྲོ་ཁ་ཅིག་གི་ཚེ་ནི་ཉིན་ཞག་གཅིག་ཏུ་སྣང་ལ། ཁ་ཅིག་གི་ཚེ་ནི་ཉིན་ཞག་གཉིས་དང༌། གསུམ་དང་བཅུའི་བར་དུ་སྣང་བའི་ཕྱིར་རོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་སྐྱེས་པའི་སེམས་ཅན་རྣམས་ཀྱི་ཚེ་ནི་བསྐལ་པ་ཆེན་པོ་བརྒྱད་ཁྲི་ཐུབ་པས་ཡུན་རིང་པོ་ཡིན་ནོ། །དགྲ་བཅོམ་པ་རྣམས་དང༌། སློབ་པ་གང་དག་ཚེ་འདི་ལ་ཡོངས་སུ་མྱ་ངན་ལས་འདས་པའི་ཆོས་ཅན་རྣམས་དང༌། སོ་སོའི་སྐྱེ་བོའི་སྲིད་པ་ཐམས་གང་དག་ཡིན་པ་དག་གི་ཚེ་ནི་མཐར་ཐུག་པ་ཡིན་ནོ༑ །དེ་ལས་གཞན་པ་དག་གི་མཐར་ཐུག་པ་མ་ཡིན་པར་རིག་པར་བྱའོ། །དགྲ་བཅོམ་པ་དང་དེ་བཞིན་གཤེགས་པ་དང་བྱང་ཆུབ་སེམས་དཔའ་གང་དག་ཚེའི་འདུ་བྱེད་གཏོང་བ་དང༌། སྤེལ་བར་སྤྱོད་པ་དག་ནི་སྲོག་གི་དབང་པོ་ལ་རང་གིས་དབང་བསྒྱུར་བ་ཡིན་ནོ། །དེ་ལས་གཞན་པ་དག་ནི་རང་གིས་དབང་བསྒྱུར་བ་མ་ཡིན་པར་རིག་པར་བྱའོ། །

de yang rab tu dbye na nges pa dang/ ma nges pa dang/ rjes su 'jug pa dang/ rjes su 'jug pa ma yin pa dang/ yun thung ba dang/ yun ring ba dang/ mthar thug pa dang/ mthar thug pa ma yin pa dang/ rang gis dbang bsgyur ba dang/ rang gis dbang bsgyur ba ma yin pa ste/ de la 'dzam bu'i gling pa'i mi rnams kyi tshe ma gtogs pa de las gzhan pa'i skye ba'i gnas na ni tshe nges pa yin no/ /'di na ni lan 'ga' ni yun ring ste dpag tu med do/ /lan 'ga' ni yun thung ngo/ /byang gi sgra mi snyan dag na ni ji ltar tshe so sor nges pa bzhin du gtan du rjes su 'jug ste/ bar ma dor 'chi ba'i dus byed pa med pas rjes su 'jug pa yin no/ /de las gzhan pa thams cad na ni rjes su 'jug pa ma yin no/ /'dzam bu'i gling na mi tshe lo bcu pa rnams kyi tshe ni yun thung ba yin no/ /dud 'gro kha cig gi yang de dang 'dra ste/ 'di ltar dud 'gro kha cig gi tshe ni nyin zhag gcig tu snang la/ kha cig gi tshe ni nyin zhag gnyis dang/ gsum dang bcu'i bar du snang ba'i phyir ro/ /'du shes med 'du shes med min skye mched du skyes pa'i sems can rnams kyi tshe ni bskal pa chen po brgyad khri thub pas yun ring po yin no/ /dgra bcom pa rnams dang/ slob pa gang dag tshe 'di la yongs su mya ngan las 'das pa'i chos can rnams dang/ so so'i skye bo'i srid pa thams gang dag yin pa dag gi tshe ni mthar thug pa yin no| /de las gzhan pa dag gi mthar thug pa ma yin par rig par bya'o/ /dgra bcom pa dang de bzhin gshegs pa dang byang chub sems dpa' gang dag tshe'i 'du byed gtong ba dang/ spel bar spyod pa dag ni srog gi dbang po la rang gis dbang bsgyur ba yin no/ /de las gzhan pa dag ni rang gis dbang bsgyur ba ma yin par rig par bya'o/ /

【G4 眾同分】

དེ་ལ་རིགས་མཐུན་པ་གང་ཞེ་ན། མདོར་བསྡུ་ན་སྐྱེ་བའི་གནས་དེ་དང་དེར་སེམས་ཅན་ཁམས་མཚུངས་པ་དང་འགྲོ་བ་མཚུངས་པ་དང༌། སྐྱེ་གནས་མཚུངས་པ་རྣམས་ཀྱི་རིགས་དང་ན་ཚོད་དང༌། རང་བཞིན་དང་བོང་ཚོད་མཚུངས་པ་ལ་སོགས་པ་ཡན་ལག་དེ་དང་དེས་འདྲ་བ་གང་ཡིན་པ་དེ་ནི་རིས་མཐུན་པ་སྟེ། སེམས་ཅན་མཐུན་པ་ཞེས་ཀྱང་བྱའོ། །དེ་ལ་སེམས་ཅན་གང་དག་ཁམས་མཐུན་པ་ཉིད་ཀྱིས་མཐུན་པ་ཡང་ཡོད་དེ། ཁམས་གཅིག་ཏུ་སྐྱེས་པ་གང་དག་ཡིན་པ་རྣམས་སོ། །འགྲོ་བ་རིས་མཐུན་པ་ཉིད་ཀྱིས་མཐུན་པ་ཡང་ཡོད་དེ། འགྲོ་བ་གཅིག་ཏུ་སྐྱེས་པ་གང་དག་ཡིན་པ་རྣམས་སོ། །སྐྱེ་གནས་མཐུན་པ་ཉིད་ཀྱིས་མཚུངས་པ་ཡང་ཡོད་དེ། སྐྱེ་གནས་གཅིག་ཏུ་མངོན་པར་འགྲུབ་པ་གང་དག་ཡིན་པ་རྣམས་སོ། །རིགས་མཐུན་པ་ཉིད་ཀྱིས་མཐུན་པ་ཡང་ཡོད་དེ། རིགས་གཅིག་ཁོ་ན་ལ་བརྟེན་པ་གང་དག་ཡིན་པ་རྣམས་སོ། །གང་དག་ཁ་དོག་དང༌། ཆུ་ཞེང་དང༌། སྒྲ་བརྗོད་པ་དང༌། འཚོ་བ་མཐུན་པ་ཉིད་ཀྱིས་མཐུན་པ་དག་ཀྱང་ཡོད་དོ། །སེམས་ཅན་གང་དག་ཡོན་ཏན་དང་སྐྱོན་མཐུན་པ་ཉིད་ཀྱིས་མཐུན་པ་ཡང་ཡོད་དེ། འདི་ལྟ་སྟེ་སྲོག་གཅོད་པ་རྣམས་སྲོག་གཅོད་པ་དག་དང་མཐུན་པ་ནས་རྒྱས་པར་ལོག་པར་ལྟ་བ་རྣམས་ལོག་པར་ལྟ་བ་དག་དང་མཐུན་པའི་བར་དང༌། སྲོག་གཅོད་པ་སྤངས་པ་རྣམས་སྲོག་གཅོད་པ་སྤངས་པ་དག་དང་མཐུན་པ་ནས། རྒྱས་པར་ཡང་དག་པར་ལྟ་བ་རྣམས་ཡང་དག་པར་ལྟ་བ་དག་དང་མཐུན་པའི་བར་དང༌། རྒྱུན་དུ་ཞུགས་པ་ནས་དགྲ་བཅོམ་པ་དང་རང་སངས་རྒྱས་ཀྱི་བར་དག་དང༌། རྒྱུན་དུ་ཞུགས་པ་ལ་སོགས་པ་དག་དང་མཐུན་པ་དང༌། བྱང་ཆུབ་སེམས་དཔའ་རྣམས་བྱང་ཆུབ་སེམས་དཔའ་དག་དང་མཐུན་པ་དང༌། དེ་བཞིན་གཤེགས་པ་རྣམས་དེ་བཞིན་གཤེགས་པ་དག་དང་མཐུན་པའོ། །

de la rigs mthun pa gang zhe na/ mdor bsdu na skye ba'i gnas de dang der sems can khams mtshungs pa dang 'gro ba mtshungs pa dang/ skye gnas mtshungs pa rnams kyi rigs dang na tshod dang/ rang bzhin dang bong tshod mtshungs pa la sogs pa yan lag de dang des 'dra ba gang yin pa de ni ris mthun pa ste/ sems can mthun pa zhes kyang bya'o/ /de la sems can gang dag khams mthun pa nyid kyis mthun pa yang yod de/ khams gcig tu skyes pa gang dag yin pa rnams so/ /'gro ba ris mthun pa nyid kyis mthun pa yang yod de/ 'gro ba gcig tu skyes pa gang dag yin pa rnams so/ /skye gnas mthun pa nyid kyis mtshungs pa yang yod de/ skye gnas gcig tu mngon par 'grub pa gang dag yin pa rnams so/ /rigs mthun pa nyid kyis mthun pa yang yod de/ rigs gcig kho na la brten pa gang dag yin pa rnams so/ /gang dag kha dog dang/ chu zheng dang/ sgra brjod pa dang/ 'tsho ba mthun pa nyid kyis mthun pa dag kyang yod do/ /sems can gang dag yon tan dang skyon mthun pa nyid kyis mthun pa yang yod de/ 'di lta ste srog gcod pa rnams srog gcod pa dag dang mthun pa nas rgyas par log par lta ba rnams log par lta ba dag dang mthun pa'i bar dang/ srog gcod pa spangs pa rnams srog gcod pa spangs pa dag dang mthun pa nas/ rgyas par yang dag par lta ba rnams yang dag par lta ba dag dang mthun pa'i bar dang/ rgyun du zhugs pa nas dgra bcom pa dang rang sangs rgyas kyi bar dag dang/ rgyun du zhugs pa la sogs pa dag dang mthun pa dang/ byang chub sems dpa' rnams byang chub sems dpa' dag dang mthun pa dang/ de bzhin gshegs pa rnams de bzhin gshegs pa dag dang mthun pa'o/ /

【G5 異生性】

དེ་ལ་སོ་སོའི་སྐྱེ་བོ་ཉིད་གང་ཞེ་ན། ཁམས་གསུམ་ན་སྤྱོད་པའི་མཐོང་བས་སྤང་བར་བྱ་བའི་ཆོས་ཀྱི་ས་བོན་རྣམས་ཡང་དག་པར་མ་བཅོམ་པ་ཙམ་གང་ཡིན་པ་དེ་ནི་སོ་སོའི་སྐྱེ་བོ་ཉིད་ཅེས་བྱའོ། །དེ་ཡང་མདོར་བསྡུ་ན་རྣམ་པ་བཞི་སྟེ། ཡོངས་སུ་མྱ་ངན་ལས་མི་འདའ་བའི་ཆོས་ཅན་གྱི་རིགས་ཀྱིས་བསྡུས་པ་དང༌། ཉན་ཐོས་ཀྱི་རིགས་ཀྱིས་བསྡུས་པ་དང༌། རང་སངས་རྒྱས་ཀྱི་རིགས་དང་ལྡན་པ་དང༌། དེ་བཞིན་གཤེགས་པའི་རིགས་དང་ལྡན་པའོ། །

de la so so'i skye bo nyid gang zhe na/ khams gsum na spyod pa'i mthong bas spang bar bya ba'i chos kyi sa bon rnams yang dag par ma bcom pa tsam gang yin pa de ni so so'i skye bo nyid ces bya'o/ /de yang mdor bsdu na rnam pa bzhi ste/ yongs su mya ngan las mi 'da' ba'i chos can gyi rigs kyis bsdus pa dang/ nyan thos kyi rigs kyis bsdus pa dang/ rang sangs rgyas kyi rigs dang ldan pa dang/ de bzhin gshegs pa'i rigs dang ldan pa'o/ /

【G6 和合】

དེ་ལ་ཚོགས་པ་གང་ཞེ་ན༑ ཆོས་དེ་དང་དེ་དག་སྐྱེད་པའི་ཕྱིར་གང་དག་རྒྱུར་གྱུར་པ་དང༌། གང་དག་རྐྱེན་དུ་གྱུར་པ་དེ་དག་ཐམས་ཅད་གཅིག་ཏུ་བསྡུས་པ་ནི་ཚོགས་པ་ཞེས་བྱ་སྟེ། དེ་ཉིད་ལྷན་ཅིག་བྱེད་པའི་རྒྱུ་ཞེས་ཀྱང་བྱའོ། །དེ་ཡང་རབ་ཏུ་དབྱེ་བ་ན། ཚོར་བ་རྣམས་མྱོང་བའི་ཚོགས་པ་ཡང་ཡོད་དེ། འདི་ལྟ་སྟེ་སྐྱེ་མཆེད་དྲུག་གི་རྐྱེན་དང༌། གཟུགས་ལ་སོགས་པའི་རྐྱེན་དང༌། ཡིད་ལ་བྱེད་པ་ལ་སོགས་པའི་རྐྱེན་གྱིས་རེག་པ་དང༌། རེག་པའི་རྐྱེན་གྱིས་ཚོར་བའོ། །ཡང་སྲིད་པ་མངོན་པར་འགྲུབ་པའི་ཚོགས་པ་ཡང་ཡོད་དེ། འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད་རྣམས་དང༌། ཚོར་བའི་རྐྱེན་གྱིས་སྲེད་པ་དང༌། སྲེད་པའི་རྐྱེན་གྱིས་ལེན་པ་ནས་རྒྱས་པར་སྐྱེ་བའི་རྐྱེན་གྱིས་རྒ་ཤིའི་བར་དག་གོ། །སྐྱེ་མཆེད་དྲུག་གནས་པའི་ཚོགས་པ་ཡང་ཡོད་དེ། འདི་ལྟ་སྟེ། ཟས་བཞི་དང་སྲོག་གི་དབང་པོའོ། །བཟོའི་གནས་རྣམས་འགྲུབ་པའི་ཚོགས་པ་ཡང་ཡོད་དེ། འདི་ལྟ་སྟེ། བཟོ་ཤེས་པ་དང༌། དེ་དང་ལྡན་པའི་ལས་ཀྱི་ཡོ་བྱད་དང་སྐྱེས་བུའི་རྩལ་ལོ། །རྣམ་པར་དག་པའི་ཚོགས་པ་ཡང་ཡོད་དེ། འདི་ལྟ་སྟེ། བདག་དང་གཞན་གྱི་འབྱོར་བ་ལ་སོགས་པ་ཁོམ་པ་བཅུ་གཉིས་འདུས་པའོ། །བརྡར་བཏགས་པའི་ཚོགས་པ་གཞན་པ་ཡང་ཡོད་དེ། འདི་ལྟ་སྟེ། སེམས་ཅན་རྣམས་ཀྱི་བློ་གཅིག་པའི་དབང་དུ་བྱས་ནས་མི་མཐུན་པ་མེད་པ་དང༌། མི་འཐབ་པ་དང༌། མི་རྩོད་པ་དང༌། མི་འཕྲོད་པ་མེད་པ་པའོ། །

de la tshogs pa gang zhe na| chos de dang de dag skyed pa'i phyir gang dag rgyur gyur pa dang/ gang dag rkyen du gyur pa de dag thams cad gcig tu bsdus pa ni tshogs pa zhes bya ste/ de nyid lhan cig byed pa'i rgyu zhes kyang bya'o/ /de yang rab tu dbye ba na/ tshor ba rnams myong ba'i tshogs pa yang yod de/ 'di lta ste skye mched drug gi rkyen dang/ gzugs la sogs pa'i rkyen dang/ yid la byed pa la sogs pa'i rkyen gyis reg pa dang/ reg pa'i rkyen gyis tshor ba'o/ /yang srid pa mngon par 'grub pa'i tshogs pa yang yod de/ 'di lta ste ma rig pa'i rkyen gyis 'du byed rnams dang/ tshor ba'i rkyen gyis sred pa dang/ sred pa'i rkyen gyis len pa nas rgyas par skye ba'i rkyen gyis rga shi'i bar dag go/ /skye mched drug gnas pa'i tshogs pa yang yod de/ 'di lta ste/ zas bzhi dang srog gi dbang po'o/ /bzo'i gnas rnams 'grub pa'i tshogs pa yang yod de/ 'di lta ste/ bzo shes pa dang/ de dang ldan pa'i las kyi yo byad dang skyes bu'i rtsal lo/ /rnam par dag pa'i tshogs pa yang yod de/ 'di lta ste/ bdag dang gzhan gyi 'byor ba la sogs pa khom pa bcu gnyis 'dus pa'o/ /brdar btags pa'i tshogs pa gzhan pa yang yod de/ 'di lta ste/ sems can rnams kyi blo gcig pa'i dbang du byas nas mi mthun pa med pa dang/ mi 'thab pa dang/ mi rtsod pa dang/ mi 'phrod pa med pa pa'o/ /

【G7 名句文身】【H1 辨其相】

དེ་ལ་མིང་གི་ཚོགས་རྣམས་གང་ཞེ་ན། ཆོས་རྣམས་ཀྱི་ངོ་བོ་ཉིད་དུ་འདོགས་པ་དང༌། རང་གི་མཚན་ཉིད་དུ་འདོགས་པ་ལས་བརྩམས་ཏེ། རྗེས་སུ་ཐ་སྙད་གདགས་པའི་ཕྱིར་ཡོངས་སུ་བརྟག་པ་ཉེ་བར་བཟུང་ནས་མིང་ཙམ་དུ་རྣམ་པར་འཇོག་པ་གང་ཡིན་པ་དེ་དག་ནི་མིང་གི་ཚོགས་རྣམས་ཞེས་བྱའོ། །ཚིག་གི་ཚོགས་རྣམས་གང་ཞེ་ན། རང་གི་མཚན་ཉིད་དུ་བཏགས་པའི་ཆོས་དེ་དག་ཉིད་ཀྱིས་བྱེ་བྲག་ཏུ་འདོགས་པ་ལས་བརྩམས་ཏེ། ཡོན་ཏན་དང་སྐྱོན་དང༌། ཀུན་ནས་ཉོན་མོངས་པ་དང་རྣམ་པར་བྱང་བའི་སྤྲོས་པ་རྣམ་པར་འཇོག་པ་ནི་ཚིག་གི་ཚོགས་རྣམས་ཞེས་བྱའོ། །ཡི་གེའི་ཚོགས་རྣམས་གང་ཞེ་ན། མིང་གི་ཚོགས་དང༌། ཚིག་གི་ཚོགས་ཀྱི་བརྟེན་གྱི་དངོས་པོར་ཡི་གེའི་འབྲུའི་ཚོགས་རྣམས་ནི་ཡི་གེའི་ཚོགས་རྣམས་ཞེས་བྱ་སྟེ།

de la ming gi tshogs rnams gang zhe na/ chos rnams kyi ngo bo nyid du 'dogs pa dang/ rang gi mtshan nyid du 'dogs pa las brtsams te/ rjes su tha snyad gdags pa'i phyir yongs su brtag pa nye bar bzung nas ming tsam du rnam par 'jog pa gang yin pa de dag ni ming gi tshogs rnams zhes bya'o/ /tshig gi tshogs rnams gang zhe na/ rang gi mtshan nyid du btags pa'i chos de dag nyid kyis bye brag tu 'dogs pa las brtsams te/ yon tan dang skyon dang/ kun nas nyon mongs pa dang rnam par byang ba'i spros pa rnam par 'jog pa ni tshig gi tshogs rnams zhes bya'o/ /yi ge'i tshogs rnams gang zhe na/ ming gi tshogs dang/ tshig gi tshogs kyi brten gyi dngos por yi ge'i 'bru'i tshogs rnams ni yi ge'i tshogs rnams zhes bya ste/

【H2 顯差別】

ཤེས་བྱ་བརྗོད་པར་བྱ་བའི་དངོས་པོ་ལ། ཐམས་ཅད་ལས་བསྡུས་པ་ནི་ཡི་གེའོ། །འབྲིང་ནི་མིང་ངོ༌། །རྒྱས་པ་ནི་ཚིག་གོ། །ཡི་གེ་ཙམ་ལ་བརྟེན་ནས་ནི་སྒྲ་ཙམ་སོ་སོར་རིག་པར་འགྱུར་གྱི་དོན་ནི་འགའ་ཡང་སོ་སོར་རིག་པར་མི་འགྱུར་རོ། །མིང་ལ་བརྟེན་པས་ནི་ཆོས་དེ་དང་དེ་དག་གི་ངོ་བོ་ཉིད་སོ་སོར་རིག་པ་དང་སྒྲ་ཡང་སོ་སོར་རིག་པར་འགྱུར་གྱི། ཆོས་མང་པོ་རབ་ཏུ་རྣམ་པར་འབྱེད་པ་སོ་སོར་རིག་པར་ནི་མི་འགྱུར་རོ། །ཚིག་གི་ཚོགས་ལ་བརྟེན་པས་ནི་ཐམས་ཅད་སོ་སོར་རིག་པར་བྱའོ། །མིང་གི་ཚོགས་དང༌། ཚིག་གི་ཚོགས་དང༌། ཡི་གེའི་ཚོགས་དེ་དག་ཀྱང་རིག་པའི་གནས་ལྔ་པོ་ནང་གི་རིག་པ་དང༌། གཏན་ཚིགས་ཀྱི་རིག་པ་དང༌། སྒྲའི་རིག་པ་དང༌། གསོ་བའི་རིག་པ་དང༌། འཇིག་རྟེན་པའི་བཟོ་དང་ལས་ཀྱི་གནས་ཀྱི་རིག་པ་དག་ལས་བརྩམས་ཏེ་ཡོངས་སུ་བརྟགས་པ་ཡིན་པར་རིག་པར་བྱའོ། །

shes bya brjod par bya ba'i dngos po la/ thams cad las bsdus pa ni yi ge'o/ /'bring ni ming ngo/ /rgyas pa ni tshig go/ /yi ge tsam la brten nas ni sgra tsam so sor rig par 'gyur gyi don ni 'ga' yang so sor rig par mi 'gyur ro/ /ming la brten pas ni chos de dang de dag gi ngo bo nyid so sor rig pa dang sgra yang so sor rig par 'gyur gyi/ chos mang po rab tu rnam par 'byed pa so sor rig par ni mi 'gyur ro/ /tshig gi tshogs la brten pas ni thams cad so sor rig par bya'o/ /ming gi tshogs dang/ tshig gi tshogs dang/ yi ge'i tshogs de dag kyang rig pa'i gnas lnga po nang gi rig pa dang/ gtan tshigs kyi rig pa dang/ sgra'i rig pa dang/ gso ba'i rig pa dang/ 'jig rten pa'i bzo dang las kyi gnas kyi rig pa dag las brtsams te yongs su brtags pa yin par rig par bya'o/ /

【G8 流轉】

དེ་ལ་འཇུག་པ་གང་ཞེ་ན། འདུ་བྱེད་རྣམས་ཀྱི་རྒྱུ་དང་འབྲས་བུའི་རྒྱུན་མི་འཆད་པ་ནི་འཇུག་པ་ཞེས་བྱའོ། །འཇུག་པ་དེ་ཡང་ས་བོན་གྱི་འཇུག་པ་ཡང་ཡོད་དེ། འདི་ལྟ་སྟེ་ས་བོན་དང་བཅས་པའི་ཆོས་མངོན་དུ་མ་གྱུར་པ་རྣམས་ཀྱིའོ། །དབང་གི་སྟོབས་ཀྱིས་འཇུག་པ་ཡང་ཡོད་དེ། འདི་ལྟ་སྟེ། ས་བོན་ཉམས་པར་བྱས་པ་ཀུན་དུ་སྤྱོད་པ་དང་ལྡན་པ་རྣམས་ཀྱིའོ། །ས་བོན་དང་འབྲས་བུའི་འཇུག་པ་ཡང་ཡོད་དེ། འདི་ལྟ་སྟེ་ས་བོན་དང་བཅས་པ་དང་ས་བོན་ཉམས་པར་མ་བྱས་པ་ཀུན་དུ་སྤྱོད་པ་དང་ལྡན་པ་རྣམས་ཀྱིའོ། །མིང་གི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་ཕུང་པོ་གཟུགས་ཅན་མ་ཡིན་པ་བཞི་པོ་རྣམས་ཀྱིའོ། །གཟུགས་ཀྱི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་ནང་དང་ཕྱི་རོལ་གྱི་སྐྱེ་མཆེད་གཟུགས་ཅན་བཅུ་དང༌། ཆོས་ཀྱི་སྐྱེ་མཆེད་དུ་གཏོགས་པའི་གཟུགས་ཀྱིའོ། །འདོད་པའི་ཁམས་ཀྱི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་འདོད་པ་ན་སྤྱོད་པའི་འདུ་བྱེད་རྣམས་ཀྱིའོ། །གཟུགས་ཀྱི་ཁམས་ཀྱི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་གཟུགས་ན་ཡོད་པའི་འདུ་བྱེད་རྣམས་ཀྱིའོ༑ །གཟུགས་མེད་པའི་ཁམས་ཀྱི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་གཟུགས་མེད་པ་ན་སྤྱོད་པའི་འདུ་བྱེད་རྣམས་ཀྱིའོ། །བདེ་བའི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་བདེ་བའི་ཚོར་བ་རྟེན་དང་བཅས་པ་རྣམས་ཀྱིའོ། །སྡུག་བསྔལ་བ་དང་སྡུག་བསྔལ་བ་ཡང་མ་ཡིན། བདེ་བ་ཡང་མ་ཡིན་པའི་རྒྱུན་གྱི་འཇུག་པ་ཡང་དེ་དང་འདྲ་བར་རིག་པར་བྱའོ། །དགེ་བའི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་འདུ་བྱེད་དགེ་བ་རྣམས་ཀྱིའོ། །མི་དགེ་བའི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་འདུ་བྱེད་མི་དགེ་བ་རྣམས་ཀྱིའོ། །ལུང་དུ་མ་བསྟན་པའི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་འདུ་བྱེད་ལུང་དུ་མ་བསྟན་པ་རྣམས་ཀྱིའོ། །མཐུན་པའི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ་རྟེན་ཅིང་འབྲེལ་པར་འབྱུང་བ་ལུགས་སུ་འབྱུང་བའིའོ། །མི་མཐུན་པའི་རྒྱུན་གྱི་འཇུག་པ་ཡང་ཡོད་དེ། འདི་ལྟ་སྟེ། རྟེན་ཅིང་འབྲེལ་པར་འབྱུང་བ་ལུགས་སུ་མི་འབྱུང་བའིའོ། །

de la 'jug pa gang zhe na/ 'du byed rnams kyi rgyu dang 'bras bu'i rgyun mi 'chad pa ni 'jug pa zhes bya'o/ /'jug pa de yang sa bon gyi 'jug pa yang yod de/ 'di lta ste sa bon dang bcas pa'i chos mngon du ma gyur pa rnams kyi'o/ /dbang gi stobs kyis 'jug pa yang yod de/ 'di lta ste/ sa bon nyams par byas pa kun du spyod pa dang ldan pa rnams kyi'o/ /sa bon dang 'bras bu'i 'jug pa yang yod de/ 'di lta ste sa bon dang bcas pa dang sa bon nyams par ma byas pa kun du spyod pa dang ldan pa rnams kyi'o/ /ming gi rgyun gyi 'jug pa yang yod de/ 'di lta ste phung po gzugs can ma yin pa bzhi po rnams kyi'o/ /gzugs kyi rgyun gyi 'jug pa yang yod de/ 'di lta ste nang dang phyi rol gyi skye mched gzugs can bcu dang/ chos kyi skye mched du gtogs pa'i gzugs kyi'o/ /'dod pa'i khams kyi rgyun gyi 'jug pa yang yod de/ 'di lta ste 'dod pa na spyod pa'i 'du byed rnams kyi'o/ /gzugs kyi khams kyi rgyun gyi 'jug pa yang yod de/ 'di lta ste gzugs na yod pa'i 'du byed rnams kyi'o| /gzugs med pa'i khams kyi rgyun gyi 'jug pa yang yod de/ 'di lta ste gzugs med pa na spyod pa'i 'du byed rnams kyi'o/ /bde ba'i rgyun gyi 'jug pa yang yod de/ 'di lta ste bde ba'i tshor ba rten dang bcas pa rnams kyi'o/ /sdug bsngal ba dang sdug bsngal ba yang ma yin/ bde ba yang ma yin pa'i rgyun gyi 'jug pa yang de dang 'dra bar rig par bya'o/ /dge ba'i rgyun gyi 'jug pa yang yod de/ 'di lta ste 'du byed dge ba rnams kyi'o/ /mi dge ba'i rgyun gyi 'jug pa yang yod de/ 'di lta ste 'du byed mi dge ba rnams kyi'o/ /lung du ma bstan pa'i rgyun gyi 'jug pa yang yod de/ 'di lta ste 'du byed lung du ma bstan pa rnams kyi'o/ /mthun pa'i rgyun gyi 'jug pa yang yod de/ 'di lta ste rten cing 'brel par 'byung ba lugs su 'byung ba'i'o/ /mi mthun pa'i rgyun gyi 'jug pa yang yod de/ 'di lta ste/ rten cing 'brel par 'byung ba lugs su mi 'byung ba'i'o/ /

【G9 定異】

དེ་ལ་སོ་སོར་ངེས་པ་གང་ཞེ་ན། དེ་བཞིན་གཤེགས་པ་རྣམས་བྱུང་ཡང་རུང་མ་བྱུང་ཡང་རུང༌། ཐོག་མ་མེད་པ་དང་ལྡན་པའི་དུས་ནས་བཟུང་སྟེ། ཆོས་རྣམས་ཀྱི་རྒྱུ་དང་འབྲས་བུ་སྣ་ཚོགས་མ་འདྲེས་པ་ཉིད་ཀྱི་ཆོས་ཉིད་སོ་སོར་ངེས་པའོ། །དེ་ལ་འཇུག་པ་དང་ལྡོག་པ་སོ་སོར་ངེས་པ་ཡང་ཡོད་དེ། འདི་ལྟ་སྟེ་རྟེན་ཅིང་འབྲེལ་པར་འབྱུང་བ་ལུགས་སུ་འབྱུང་བ་དང༌། ལུགས་སུ་མི་འབྱུང་བའིའོ། །ཆོས་ཐམས་ཅད་སོ་སོར་ངེས་པ་ཡང་ཡོད་དེ། འདི་ལྟ་སྟེ། སྐྱེ་མཆེད་བཅུ་གཉིས་པོ་རྣམས་ཀྱི་དེ་ལས་གང་ན་ཡང་མེད་དེ་ལས་ལྷག་པ་ཡང་མེད་པའོ། །ཚོར་བ་སོ་སོར་ངེས་པ་ཡང་ཡོད་དེ། འདི་ལྟ་སྟེ་ཚོར་བ་གསུམ་པོ་དག་གི་དེ་དག་ལས་གོང་ན་ཡང་མེད་ལ་དེ་ལས་ལྷག་པ་ཡང་མེད་པའོ། །གནས་པ་སོ་སོར་ངེས་པ་ཡང་ཡོད་དེ། འདི་ལྟ་སྟེ་ལུས་ཐམས་ཅད་ཚེ་ཇི་སྲིད་པ་དང༌། ཕྱི་རོལ་གྱི་དངོས་པོ་རྣམས་བསྐལ་པ་ཆེན་པོར་གནས་པའོ། །བོང་ཚོད་སོ་སོར་ངེས་པ་ཡང་ཡོད་དེ། འདི་ལྟ་སྟེ་སེམས་ཅན་སྐྱེ་བའི་གནས་གཟུགས་ཅན་དེ་དང་དེ་དག་ཏུ་སྐྱེས་པ་རྣམས་ཀྱི་ལུས་ཀྱི་བོང་ཚོད་དང༌། ཕྱི་རོལ་གྱི་གླིང་བཞི་པ་རྣམས་ཀྱི་ཚད་སོ་སོར་ངེས་པའོ། །

de la so sor nges pa gang zhe na/ de bzhin gshegs pa rnams byung yang rung ma byung yang rung/ thog ma med pa dang ldan pa'i dus nas bzung ste/ chos rnams kyi rgyu dang 'bras bu sna tshogs ma 'dres pa nyid kyi chos nyid so sor nges pa'o/ /de la 'jug pa dang ldog pa so sor nges pa yang yod de/ 'di lta ste rten cing 'brel par 'byung ba lugs su 'byung ba dang/ lugs su mi 'byung ba'i'o/ /chos thams cad so sor nges pa yang yod de/ 'di lta ste/ skye mched bcu gnyis po rnams kyi de las gang na yang med de las lhag pa yang med pa'o/ /tshor ba so sor nges pa yang yod de/ 'di lta ste tshor ba gsum po dag gi de dag las gong na yang med la de las lhag pa yang med pa'o/ /gnas pa so sor nges pa yang yod de/ 'di lta ste lus thams cad tshe ji srid pa dang/ phyi rol gyi dngos po rnams bskal pa chen por gnas pa'o/ /bong tshod so sor nges pa yang yod de/ 'di lta ste sems can skye ba'i gnas gzugs can de dang de dag tu skyes pa rnams kyi lus kyi bong tshod dang/ phyi rol gyi gling bzhi pa rnams kyi tshad so sor nges pa'o/ /

【G10 相應】

དེ་ལ་སྦྱོར་བ་གང་ཞེ་ན། ཆོས་དེ་དང་དེ་དག་གི་ཀུན་དུ་ཐ་སྙད་གདགས་པ་དང༌། རྣམ་པར་གཞག་པ་དང༌། སོ་སོར་རྟོགས་པར་བྱ་བའི་ཐབས་གང་ཡིན་པ་དེ་ནི་སྦྱོར་བ་ཞེས་བྱའོ། །རབ་ཏུ་དབྱེ་ན་རིགས་པ་བཞི་པོ་འདི་ལྟ་སྟེ། ལྟོས་པའི་རིགས་པ་དང༌། བྱ་བ་བྱེད་པའི་རིགས་པ་དང༌། འཐད་པས་སྒྲུབ་པའི་རིགས་པ་དང༌། ཆོས་ཉིད་ཀྱི་རིགས་པ་དག་ནི་སྦྱོར་བ་ཞེས་བྱ་སྟེ། རིགས་པ་དེ་དག་གི་རབ་ཏུ་དབྱེ་བ་ནི་འདི་ལྟ་སྟེ། ཉན་ཐོས་ཀྱི་ས་ལས་འབྱུང་བ་བཞིན་དུ་རིག་པར་བྱའོ། །

de la sbyor ba gang zhe na/ chos de dang de dag gi kun du tha snyad gdags pa dang/ rnam par gzhag pa dang/ so sor rtogs par bya ba'i thabs gang yin pa de ni sbyor ba zhes bya'o/ /rab tu dbye na rigs pa bzhi po 'di lta ste/ ltos pa'i rigs pa dang/ bya ba byed pa'i rigs pa dang/ 'thad pas sgrub pa'i rigs pa dang/ chos nyid kyi rigs pa dag ni sbyor ba zhes bya ste/ rigs pa de dag gi rab tu dbye ba ni 'di lta ste/ nyan thos kyi sa las 'byung ba bzhin du rig par bya'o/ /

【G11 勢速】

དེ་ལ་མགྱོགས་པ་གང་ཞེ་ན། འདུ་བྱེད་རྣམས་ཀྱི་འབྱུང་བ་དང༌། འཇིག་པའི་ཚུལ་གྱིས་མྱུར་དུ་འགྲོ་ཞིང་རྒྱུ་བ་ཉིད་ནི་མགྱོགས་པ་ཞེས་བྱའོ། །དེ་ལ་འདུ་བྱེད་རྣམས་ཀྱི་འཇུག་པའི་མགྱོགས་པ་ཡང་ཡོད་དེ། འདི་ལྟ་སྟེ་འདུ་བྱེད་རྣམས་ཀྱི་མྱུར་དུ་སྐྱེ་བ་དང་འགག་པའོ། །སེམས་ཅན་ས་ལ་གནས་པ་རྣམས་ཀྱི་རྟུལ་བའི་མགྱོགས་པ་ཡང་ཡོད་དེ། འདི་ལྟ་སྟེ་མི་དང་གླང་པོ་ཆེ་དང་རྟ་ལ་སོགས་པའིའོ། །སེམས་ཅན་བར་སྣང་ལ་གནས་པ་རྣམས་ཀྱི་མགྱོགས་པ་ཡང་ཡོད་དེ། འདི་ལྟ་སྟེ་བྱ་རྣམས་དང༌། བར་སྣང་ལ་གནས་པའི་ལྷ་དང་གནོད་སྦྱིན་ལ་སོགས་པའིའོ། །སྒྲ་སྐད་ཀྱི་མགྱོགས་པ་ཡང་ཡོད་དེ། འདི་ལྟ་སྟེ་སྒྲ་འབྱུང་བའིའོ། །ཆུའི་མགྱོགས་པ་ཡང་ཡོད་དེ། འདི་ལྟ་སྟེ་ཆུ་ཀླུང་གི་རྒྱུན་ལ་སོགས་པའི་འབབ་པ་ཉིད་དོ། །མེའི་མགྱོགས་པ་ཡང་ཡོད་དེ། འདི་ལྟ་སྟེ་བསྲེག་བྱའི་མེའི་འགྲོ་བ་ཉིད་དོ། །རླུང་གི་མགྱོགས་པ་ཡང་ཡོད་དེ། འདི་ལྟ་སྟེ་རླུང་གི་ཚོགས་ཆེན་པོའི་རྒྱུན་གྱིའོ། །ཤུགས་ཀྱི་མགྱོགས་པ་ཡང་ཡོད་དེ། འདི་ལྟ་སྟེ་མདའ་དང༌། འཁོར་ལོ་ལ་སོགས་པ་འཕངས་པའིའོ། །ཤེས་པའི་མགྱོགས་པ་ཡང་ཡོད་དེ། འདི་ལྟ་སྟེ་རྣལ་འབྱོར་པའི་ཤེས་རབ་མྱུར་བ་ཉིད་ཀྱིས་ཤེས་བྱ་རབ་ཏུ་འབྱེད་པ་ཉིད་ཀྱིའོ། །རྫུ་འཕྲུལ་གྱི་མགྱོགས་པ་ཡང་ཡོད་དེ། འདི་ལྟ་སྟེ་རྫུ་འཕྲུལ་ཆེན་པོ་དང་ལྡན་པ་རྫུ་འཕྲུལ་གྱིས་འགྲོ་བའི་ལུས་འགྲོ་བ་དང༌། ཡིད་མགྱོགས་པའོ། །

de la mgyogs pa gang zhe na/ 'du byed rnams kyi 'byung ba dang/ 'jig pa'i tshul gyis myur du 'gro zhing rgyu ba nyid ni mgyogs pa zhes bya'o/ /de la 'du byed rnams kyi 'jug pa'i mgyogs pa yang yod de/ 'di lta ste 'du byed rnams kyi myur du skye ba dang 'gag pa'o/ /sems can sa la gnas pa rnams kyi rtul ba'i mgyogs pa yang yod de/ 'di lta ste mi dang glang po che dang rta la sogs pa'i'o/ /sems can bar snang la gnas pa rnams kyi mgyogs pa yang yod de/ 'di lta ste bya rnams dang/ bar snang la gnas pa'i lha dang gnod sbyin la sogs pa'i'o/ /sgra skad kyi mgyogs pa yang yod de/ 'di lta ste sgra 'byung ba'i'o/ /chu'i mgyogs pa yang yod de/ 'di lta ste chu klung gi rgyun la sogs pa'i 'bab pa nyid do/ /me'i mgyogs pa yang yod de/ 'di lta ste bsreg bya'i me'i 'gro ba nyid do/ /rlung gi mgyogs pa yang yod de/ 'di lta ste rlung gi tshogs chen po'i rgyun gyi'o/ /shugs kyi mgyogs pa yang yod de/ 'di lta ste mda' dang/ 'khor lo la sogs pa 'phangs pa'i'o/ /shes pa'i mgyogs pa yang yod de/ 'di lta ste rnal 'byor pa'i shes rab myur ba nyid kyis shes bya rab tu 'byed pa nyid kyi'o/ /rdzu 'phrul gyi mgyogs pa yang yod de/ 'di lta ste rdzu 'phrul chen po dang ldan pa rdzu 'phrul gyis 'gro ba'i lus 'gro ba dang/ yid mgyogs pa'o/ /

【G12 次第】

དེ་ལ་གོ་རིམས་གང་ཞེ་ན། འདུ་བྱེད་ཀྱི་རྒྱུད་སོ་སོ་བདག་ལ་རེ་རེ་ནས་གོ་རིམས་སྔ་ཕྱིས་འཇུག་པ་གང་ཡིན་པ་དེ་ནི་གོ་རིམས་ཞེས་བྱའོ། །དེ་ལ་འཇུག་པའི་གོ་རིམས་ཀྱང་ཡོད་དེ། འདི་ལྟ་སྟེ། །མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ནས། རྒྱས་པར་སྐྱ་བའི་རྐྱེན་གྱིས་རྒ་ཤིའི་བར་དུའོ། །ལྡོག་པའི་གོ་རིམས་ཀྱང་ཡོད་དེ། འདི་ལྟ་སྟེ་མ་རིག་པ་འགགས་པས་འདུ་བྱེད་རྣམས་འགག་ཅེས་བྱ་བ་ནས་རྒྱས་པར་སྐྱེ་བ་འགགས་པས་རྒ་ཤི་འགག་པའི་བར་དུའོ། །ཁྱིམ་པ་དང་རབ་ཏུ་བྱུང་བ་རྣམས་ཀྱི་རྒྱུ་བ་དང༌། གནས་པའི་གོ་རིམས་ཀྱང་ཡོང་དེ། འདི་ལྟ་སྟེ། ནང་པར་སྔར་ལྡང་བ་དང་ལུས་ཀྱི་བྱི་དོར་བྱ་བ་དང༌། གོས་བགོ་བ་དང༌། ལས་ཀྱི་མཐའ་དག་ལ་འཇུག་པ་དང༌། བརྩལ་བ་དང༌། ཁྲུས་བྱ་བ་དང༌། བྱུག་པ་བྱ་བ་དང༌། མེ་ཏོག་ཕྲེང་བ་བཅིང་བ་དང༌། ཟས་དང་སྐོམ་བསྟེན་པ་དང༌། ཉལ་བ་ནི་ཁྱིམ་པ་རྣམས་ཀྱི་རྒྱུ་བ་དང་གནས་པའི་གོ་རིམས་ཡིན་ནོ། །ཤམ་ཐབས་བགོ་བ་དང༌། བསོད་སྙོམས་ཀྱི་ཕྱིར་གྲོང་དུ་འཇུག་པ་དང༌། མཐར་ཆགས་སུ་རྒྱུ་བ་དང༌། བསོད་སྙོམས་བླངས་ནས་ཕྱིར་འབྱུང་བ་དང༌། འདུག་སྟེ་ཟས་ཀྱི་བྱ་བ་བྱ་བ་དང༌། ལག་པ་བསྙལ་ཞིང་ལྷུང་བཟེད་བཀྲུ་བ་དང༌། ནང་དུ་ཡང་དག་འཇོག་ལ་འདུག་པ་དང༌། ལུང་ནོད་པ་དང༌། ཁ་ཏོན་དང་ཚུལ་བཞིན་བསམ་པར་བྱ་བ་དང༌། ཉིན་མོ་འཆག་པ་དང་འདུག་པ་དག་གིས་སྒྲིབ་པར་འགྱུར་བའི་ཆོས་རྣམས་ལས་སེམས་རྣམ་པར་སྦྱང་བ་དང༌། མཚན་མོའི་གུང་ཐུན་ལ་ཉལ་བ་ལ་བསྟེན་པ་དང༌། ཐུན་ཐ་མ་ལ་མྱུར་བ་མྱུར་བ་ཁོ་ནར་ལྡང་བ་དང༌། ཤམ་ཐབས་བགོ་བ་དང༌། ལུས་ཀྱི་བྱི་དོར་བྱ་བ་དང༌། དེ་བཞིན་དུ་དགེ་འདུན་ལ་རྒན་རིམས་ཀྱིས་འདུད་པའི་ལས་བྱ་བ་དང༌། གནས་སུ་གནས་པ་དང༌། ཚུལ་བཞིན་ནོད་པ་དང༌། མལ་ཆ་དང་སྟན་དང༌། གནས་དང་རྙེད་པ་ནོད་པ་དང༌། ཡོངས་སུ་བྲིམ་པ་འདི་ནི་རབ་ཏུ་བྱུང་བའི་ཕྱོགས་ལ་གནས་པ་རྣམས་ཀྱི་རྒྱུ་བ་དང་གནས་པའི་གོ་རིམས་ཡིན་ནོ། །མངོན་པར་འགྲུབ་པའི་གོ་རིམས་ཀྱང་ཡོད་དེ། འདི་ལྟ་སྟེ་བྱིས་པ་དང་གཞོན་ནུ་ལ་སོགས་པའི་གནས་སྐབས་བརྒྱད་པོ་དག་རིམ་གྱིས་འབྱུང་བའོ། །མངོན་པར་རྟོགས་པའི་གོ་རིམས་ཀྱང་ཡོད་དེ། འདི་ལྟ་སྟེ་སྡུག་བསྔལ་ལ་སོགས་པ་འཕགས་པའི་བདེན་པ་བཞི་པོ་དག་རིམ་གྱིས་མངོན་པར་རྟོགས་པའོ། །སྙོམས་པར་འཇུག་པའི་གོ་རིམས་ཀྱང་ཡོད་དེ། འདི་ལྟ་སྟེ་མཐར་གྱིས་གནས་པའི་སྙོམས་པར་འཇུག་པ་དགུ་པོ་དག་ལ་རིམ་གྱིས་སྙོམས་པར་འཇུག་གོ། །བསླབ་པའི་གོ་རིམས་ཀྱང་ཡོད་དེ། འདི་ལྟ་སྟེ་ལྷག་པའི་ཚུལ་ཁྲིམས་ལ་བརྟེན་པའི་གོ་རིམས་ཀྱིས་ལྷག་པའི་སེམས་སྐྱེ་བ་དང་ལྷག་པའི་སེམས་ལ་བརྟེན་ནས་ལྷག་པའི་ཤེས་རབ་སྐྱེ་བའོ། །

de la go rims gang zhe na/ 'du byed kyi rgyud so so bdag la re re nas go rims snga phyis 'jug pa gang yin pa de ni go rims zhes bya'o/ /de la 'jug pa'i go rims kyang yod de/ 'di lta ste/ /ma rig pa'i rkyen gyis 'du byed rnams zhes bya ba nas/ rgyas par skya ba'i rkyen gyis rga shi'i bar du'o/ /ldog pa'i go rims kyang yod de/ 'di lta ste ma rig pa 'gags pas 'du byed rnams 'gag ces bya ba nas rgyas par skye ba 'gags pas rga shi 'gag pa'i bar du'o/ /khyim pa dang rab tu byung ba rnams kyi rgyu ba dang/ gnas pa'i go rims kyang yong de/ 'di lta ste/ nang par sngar ldang ba dang lus kyi byi dor bya ba dang/ gos bgo ba dang/ las kyi mtha' dag la 'jug pa dang/ brtsal ba dang/ khrus bya ba dang/ byug pa bya ba dang/ me tog phreng ba bcing ba dang/ zas dang skom bsten pa dang/ nyal ba ni khyim pa rnams kyi rgyu ba dang gnas pa'i go rims yin no/ /sham thabs bgo ba dang/ bsod snyoms kyi phyir grong du 'jug pa dang/ mthar chags su rgyu ba dang/ bsod snyoms blangs nas phyir 'byung ba dang/ 'dug ste zas kyi bya ba bya ba dang/ lag pa bsnyal zhing lhung bzed bkru ba dang/ nang du yang dag 'jog la 'dug pa dang/ lung nod pa dang/ kha ton dang tshul bzhin bsam par bya ba dang/ nyin mo 'chag pa dang 'dug pa dag gis sgrib par 'gyur ba'i chos rnams las sems rnam par sbyang ba dang/ mtshan mo'i gung thun la nyal ba la bsten pa dang/ thun tha ma la myur ba myur ba kho nar ldang ba dang/ sham thabs bgo ba dang/ lus kyi byi dor bya ba dang/ de bzhin du dge 'dun la rgan rims kyis 'dud pa'i las bya ba dang/ gnas su gnas pa dang/ tshul bzhin nod pa dang/ mal cha dang stan dang/ gnas dang rnyed pa nod pa dang/ yongs su brim pa 'di ni rab tu byung ba'i phyogs la gnas pa rnams kyi rgyu ba dang gnas pa'i go rims yin no/ /mngon par 'grub pa'i go rims kyang yod de/ 'di lta ste byis pa dang gzhon nu la sogs pa'i gnas skabs brgyad po dag rim gyis 'byung ba'o/ /mngon par rtogs pa'i go rims kyang yod de/ 'di lta ste sdug bsngal la sogs pa 'phags pa'i bden pa bzhi po dag rim gyis mngon par rtogs pa'o/ /snyoms par 'jug pa'i go rims kyang yod de/ 'di lta ste mthar gyis gnas pa'i snyoms par 'jug pa dgu po dag la rim gyis snyoms par 'jug go/ /bslab pa'i go rims kyang yod de/ 'di lta ste lhag pa'i tshul khrims la brten pa'i go rims kyis lhag pa'i sems skye ba dang lhag pa'i sems la brten nas lhag pa'i shes rab skye ba'o/ /

【G13 時】

དེ་ལ་དུས་གང་ཞེ་ན། ཉི་མ་འཆར་བ་དང་ནུབ་པའི་དབང་དུ་བྱས་ཏེ་དུས་ཡོངས་སུ་ཆད་པ་དང༌། ཉེ་བར་མཚོན་པ་རྣམ་པར་གཞག་པ་དང༌། འདུ་བྱེད་རྣམས་ཀྱི་འབྱུང་བ་དང་འཇིག་པའི་དབང་དུ་བྱས་ཏེ། དུས་ཡོངས་སུ་ཆད་པ་དང་ཉེ་བར་མཚོན་པའི་རྣམ་པར་གཞག་པ་ནི་འདི་ལྟ་སྟེ། དུས་ཚིགས་དང༌། ལོ་དང་། ཟླ་བ་དང༌། ཟླ་བ་ཕྱེད་དང༌། ཉིན་མོ་དང༌། མཚན་མོ་དང༌། སྐད་ཅིག་དང༌། ཐད་ཅིག་དང༌། ཡུད་ཙམ་རྣམས་དང༌། འདས་པ་དང་མ་འོངས་པ་དང༌། ད་ལྟར་བྱུང་བ་རྣམས་ཀྱི་དུས་ཞེས་བྱའོ། །

de la dus gang zhe na/ nyi ma 'char ba dang nub pa'i dbang du byas te dus yongs su chad pa dang/ nye bar mtshon pa rnam par gzhag pa dang/ 'du byed rnams kyi 'byung ba dang 'jig pa'i dbang du byas te/ dus yongs su chad pa dang nye bar mtshon pa'i rnam par gzhag pa ni 'di lta ste/ dus tshigs dang/ lo dang / zla ba dang/ zla ba phyed dang/ nyin mo dang/ mtshan mo dang/ skad cig dang/ thad cig dang/ yud tsam rnams dang/ 'das pa dang ma 'ongs pa dang/ da ltar byung ba rnams kyi dus zhes bya'o/ /

【G14 數】

དེ་ལ་རྣམ་གྲངས་གང་ཞེ་ན། རྫས་ཐ་དད་པ་དང་བགྲང་བའི་ཚད་ཡོངས་སུ་ཆད་པ་དང་། ཉེ་བར་མཚོན་པ་རྣམ་པར་གཞག་པ་ནི་གྲངས་ཞེས་བྱའོ། །དེ་ཡང་གྲངས་གཅིག་དང༌། གྲངས་གཉིས་དང༌། དེ་ཕན་ཆད་ཀྱི་གྲངས་མང་པོ་དང༌། མཐར་ཐུག་པའི་གྲངས་གྲངས་མེད་པ་སྟེ། དེ་ཕན་ཆད་བགྲང་བ་ཐམས་ཅད་ཀྱི་གྲངས་སུ་འཇུག་པར་མི་འགྱུར་བས། དེའི་ཕྱིར་མཐར་ཐུག་པའི་གྲངས་ཞེས་བྱའོ། །

de la rnam grangs gang zhe na/ rdzas tha dad pa dang bgrang ba'i tshad yongs su chad pa dang / nye bar mtshon pa rnam par gzhag pa ni grangs zhes bya'o/ /de yang grangs gcig dang/ grangs gnyis dang/ de phan chad kyi grangs mang po dang/ mthar thug pa'i grangs grangs med pa ste/ de phan chad bgrang ba thams cad kyi grangs su 'jug par mi 'gyur bas/ de'i phyir mthar thug pa'i grangs zhes bya'o/ /

【F6 明其種子】【G1 辨種子相】【H1 法喻】

དེ་ལ་ས་བོན་གང་ཞེ་ན། ས་བོན་ནི་འདུ་བྱེད་རྣམས་ལས་ལོགས་ཤིག་ན་རྫས་གཞན་མེད་དེ། འདུ་བྱེད་དེ་ལྟར་གྱུར་པ་དང༌། དེ་ལྟར་བྱུང་བ་དང༌། དེ་ལྟར་གནས་པ་དེ་དག་ཉིད་ལ་ས་བོན་ཞེས་བྱ་བར་ཟད་དེ། འབྲས་བུ་ཞེས་ཀྱང་བྱའོ། །

de la sa bon gang zhe na/ sa bon ni 'du byed rnams las logs shig na rdzas gzhan med de/ 'du byed de ltar gyur pa dang/ de ltar byung ba dang/ de ltar gnas pa de dag nyid la sa bon zhes bya bar zad de/ 'bras bu zhes kyang bya'o/ /

【H2 釋不雜亂】

འདི་ལ་འབྲས་བུ་དང་ས་བོན་འདྲེས་པར་ཡང་མི་ལྟ་སྟེ། དེ་ཅིའི་ཕྱིར་ཞེ་ན། འདུ་བྱེད་འདས་པ་དང་མ་འོངས་པ་རྣམས་ལས་བརྩམས་པ་དེ་ནི་འབྲས་བུ་ཞེས་བྱ་ལ། འདུ་བྱེད་མ་འོངས་པ་རྣམས་ལས་བརྩམས་པ་དེ་ནི་ས་བོན་ཁོ་ན་ཞེས་བྱ་སྟེ། དེ་ལྟར་ན་ས་བོན་གང་ལས་བརྩམས་པ་འབྲས་བུ་ནི་དེ་ལས་བརྩམས་པ་མ་ཡིན་ལ། འབྲས་བུ་གང་ལས་བརྩམས་པ་ས་བོན་ཡང་དེ་ལས་བརྩམས་པ་དེ་མ་ཡིན་པའི་ཕྱིར་ཏེ། དེའི་ཕྱིར་ས་བོན་དང་འབྲས་བུ་འདྲེས་པར་མི་བལྟའོ། །འདི་ལྟ་སྟེ་དཔེར་ན་འབྲས་དང་ནས་ལ་སོགས་པའི་དངོས་པོ་རྣམས་ཀྱི་མྱུ་གུ་དང༌། སྡོང་བུ་དང་། འདབ་མ་ལ་སོགས་པ་ས་བོན་དེ་དག་ནི་དེ་དག་ལ་ངེས་པར་བརྟགས་ཤིང༌། ངེས་པར་བརྟགས་ནས་ཀྱང་དེ་དག་ལས་ལོགས་ཤིག་ན་གནས་གཞན་མི་དམིགས་ཏེ། འབྲས་དང་ནས་ལ་སོགས་པའི་དངོས་པོ་དེ་ལྟར་གྱུར་པ་དང༌། དེ་ལྟར་བྱུང་བ་དང་དེ་ལྟར་གནས་པ་གང་དག་ཡིན་པ་དེ་དག་ལ་བརྟེན་ནས་དེ་དག་འབྱུང་བར་འགྱུར་བ་ཁོ་ན་བཞིན་དུ། དེ་ལ་ཡང་ཚུལ་དེ་བཞིན་དུ་རིག་པར་བྱའོ༑ །

'di la 'bras bu dang sa bon 'dres par yang mi lta ste/ de ci'i phyir zhe na/ 'du byed 'das pa dang ma 'ongs pa rnams las brtsams pa de ni 'bras bu zhes bya la/ 'du byed ma 'ongs pa rnams las brtsams pa de ni sa bon kho na zhes bya ste/ de ltar na sa bon gang las brtsams pa 'bras bu ni de las brtsams pa ma yin la/ 'bras bu gang las brtsams pa sa bon yang de las brtsams pa de ma yin pa'i phyir te/ de'i phyir sa bon dang 'bras bu 'dres par mi blta'o/ /'di lta ste dper na 'bras dang nas la sogs pa'i dngos po rnams kyi myu gu dang/ sdong bu dang / 'dab ma la sogs pa sa bon de dag ni de dag la nges par brtags shing/ nges par brtags nas kyang de dag las logs shig na gnas gzhan mi dmigs te/ 'bras dang nas la sogs pa'i dngos po de ltar gyur pa dang/ de ltar byung ba dang de ltar gnas pa gang dag yin pa de dag la brten nas de dag 'byung bar 'gyur ba kho na bzhin du/ de la yang tshul de bzhin du rig par bya'o| /

【G2 明損伏種子】

ཉོན་མོངས་པ་ཅན་གྱི་ཆོས་ཀྱི་ས་བོན་ཉམས་པར་བྱས་པ་ནི་བཤད་ཟིན་ན༑ དགེ་བའི་ཆོས་ཀྱི་ས་བོན་ཉམས་པར་བྱེད་པ་གང་ཞེ་ན། དགེ་བ་དང་མི་མཐུན་པ་ཉོན་མོངས་པ་ཅན་གྱི་ཆོས་རྟག་ཏུ་བྱེད་པ་དང༌། གུས་པར་བྱེད་པས་སྟོན་པ་ནི་ཉམས་པར་བྱེད་པ་དང་པོ་ཡིན་ནོ། །ལོག་པར་ལྟ་བ་མཆོག་ཏུ་འཛིན་པ་དང་ལོག་པར་ལྟ་བ་མང་དུ་བྱེད་པ་ནི་ཉམས་པར་བྱེད་པ་གཉིས་པ་ཡིན་ཏེ། འདི་ལྟ་སྟེ། དཔེར་ན་གཞན་མུ་སྟེགས་ཅན་དག་གི་ལྟ་བུའོ། །ལོག་པར་ལྟ་བས་སྐུར་པ་འདེབས་པ་མང་དུ་བྱེད་པ་ནི་ཉམས་པར་བྱེད་པ་གསུམ་པ་ཡིན་ཏེ། འདི་ལྟ་སྟེ་དཔེར་ན་དགེ་བའི་རྩ་བ་ཡང་དག་པར་བཅད་པ་རྣམས་ཀྱི་ལྟ་བུའོ། །ཉོན་མོངས་པ་ཅན་གྱི་ཆོས་ཀྱི་ས་བོན་ཡང་དག་པར་བཅོམ་པ་ནི་ཉམས་པར་བྱེད་པ་ཉེས་པ་བརྗོད་པ་བཞི་པ་ཡིན་ཏེ་སྔ་མ་བཞིན་ནོ། །

nyon mongs pa can gyi chos kyi sa bon nyams par byas pa ni bshad zin na| dge ba'i chos kyi sa bon nyams par byed pa gang zhe na/ dge ba dang mi mthun pa nyon mongs pa can gyi chos rtag tu byed pa dang/ gus par byed pas ston pa ni nyams par byed pa dang po yin no/ /log par lta ba mchog tu 'dzin pa dang log par lta ba mang du byed pa ni nyams par byed pa gnyis pa yin te/ 'di lta ste/ dper na gzhan mu stegs can dag gi lta bu'o/ /log par lta bas skur pa 'debs pa mang du byed pa ni nyams par byed pa gsum pa yin te/ 'di lta ste dper na dge ba'i rtsa ba yang dag par bcad pa rnams kyi lta bu'o/ /nyon mongs pa can gyi chos kyi sa bon yang dag par bcom pa ni nyams par byed pa nyes pa brjod pa bzhi pa yin te snga ma bzhin no/ /

【G3 種子頭數】

ས་བོན་དེ་དག་ཐམས་ཅད་ཀྱང་གཅིག་ཏུ་བསྡུས་ན་རྣམ་པ་དགུ་ཡོད་པར་རིག་པར་བྱའོ། །འབྲས་བུ་བསྐྱེད་པ་དང༌། འབྲས་བུ་མ་བསྐྱེད་པ་དང༌། འབྲས་བུ་ཉེ་བར་གནས་པ་དང༌། འབྲས་བུ་ཉེ་བར་མི་གནས་པ་དང༌། ཆུང་ངུ་དང་། འབྲིང་དང༌། ཆེན་པོ་དང༌། ཉམས་པ་དང༌། ཉམས་པར་མ་བྱས་པའོ། །དེ་ལ་འབྲས་བུ་སྐྱེད་པ་གང་ཡིན་པ་དེ་ནི་འབྲས་བུ་ཉེ་བར་གནས་པ་ཡིན་ནོ། །འབྲས་བུ་ཉེ་གནས་པ་གང་ཡིན་པ་དེ་ནི་འབྲས་བུ་བསྐྱེད་བར་པ་ཡིན་ནོ། །འབྲས་བུ་མ་བསྐྱེད་པ་གང་ཡིན་པ་དེ་ནི་འབྲས་བུ་ཉེ་བར་མི་གནས་པ་ཡིན་ནོ། །འབྲས་བུ་ཉེ་བར་མི་གནས་པ་གང་ཡིན་པ་དེ་ནི་འབྲས་བུ་མ་བསྐྱེད་པ་ཡིན་ནོ། །རང་བཞིན་དུ་གནས་པ་གང་ཡིན་པ་དེ་ནི་ཆུང་ངུ་ཡིན་ནོ། །དགེ་བ་དང་མི་དགེ་བའི་ཆོས་སྒོམ་པ་མཐར་མ་ཕྱིན་པས་ཤས་ཆེར་གྱུར་པ་གང་ཡིན་པ་དེ་ནི་འབྲིང་ཡིན་ནོ། །མཐར་ཕྱིན་པས་ཤས་ཆེར་གྱུར་པ་གང་ཡིན་པ་དེ་ནི་ཆེན་པོ་ཡིན་ནོ། །ཉམས་པ་དང༌། ཉམས་པར་མ་བྱས་པ་ནི་སྔ་མ་བཞིན་དུ་རིག་པར་བྱའོ། །

sa bon de dag thams cad kyang gcig tu bsdus na rnam pa dgu yod par rig par bya'o/ /'bras bu bskyed pa dang/ 'bras bu ma bskyed pa dang/ 'bras bu nye bar gnas pa dang/ 'bras bu nye bar mi gnas pa dang/ chung ngu dang / 'bring dang/ chen po dang/ nyams pa dang/ nyams par ma byas pa'o/ /de la 'bras bu skyed pa gang yin pa de ni 'bras bu nye bar gnas pa yin no/ /'bras bu nye gnas pa gang yin pa de ni 'bras bu bskyed bar pa yin no/ /'bras bu ma bskyed pa gang yin pa de ni 'bras bu nye bar mi gnas pa yin no/ /'bras bu nye bar mi gnas pa gang yin pa de ni 'bras bu ma bskyed pa yin no/ /rang bzhin du gnas pa gang yin pa de ni chung ngu yin no/ /dge ba dang mi dge ba'i chos sgom pa mthar ma phyin pas shas cher gyur pa gang yin pa de ni 'bring yin no/ /mthar phyin pas shas cher gyur pa gang yin pa de ni chen po yin no/ /nyams pa dang/ nyams par ma byas pa ni snga ma bzhin du rig par bya'o/ /

【G4 明安立種子於賴耶】【H1 解有漏種子】

ས་བོན་མདོར་བསྡུས་པའི་རྣམ་པར་གཞག་པ་ཡང་བརྗོད་པར་བྱ་སྟེ། ས་བོན་མདོར་བསྡུས་པའི་རྣམ་པར་གཞག་པ་གང་ཞེ་ན། ཆོས་ཐམས་ཅད་ཀྱི་ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པའི་བག་ཆགས་ཀུན་གཞི་རྣམ་པར་ཤེས་པ་ལ་ཡོད་པ་གང་ཡིན་པ་སྟེ། བག་ཆགས་དེ་ཡང་རྫས་སུ་ཡོད་པ་དང༌། ཀུན་རྫོབ་ཏུ་ཡོད་པའོ། །དེ་ལ་ཀུན་རྫོབ་ཏུ་ཡོད་པ་ནི་ཆོས་དེ་དག་ལ་གཞན་དང་གཞན་མ་ཡིན་པའི་མཚན་ཉིད་དུ་བརྗོད་པར་མི་བྱ་བ་སྟེ། འདི་ལྟ་སྟེ་དཔེར་ན་དེ་བཞིན་ཉིད་ཡིན་ནོ། །དེ་ཡང་ཀུན་དུ་འགྲོ་བའི་གནས་ངན་ལེན་ཡིན་པར་བརྗོད་པར་བྱའོ༑ །

sa bon mdor bsdus pa'i rnam par gzhag pa yang brjod par bya ste/ sa bon mdor bsdus pa'i rnam par gzhag pa gang zhe na/ chos thams cad kyi kun brtags pa'i ngo bo nyid la mngon par zhen pa'i bag chags kun gzhi rnam par shes pa la yod pa gang yin pa ste/ bag chags de yang rdzas su yod pa dang/ kun rdzob tu yod pa'o/ /de la kun rdzob tu yod pa ni chos de dag la gzhan dang gzhan ma yin pa'i mtshan nyid du brjod par mi bya ba ste/ 'di lta ste dper na de bzhin nyid yin no/ /de yang kun du 'gro ba'i gnas ngan len yin par brjod par bya'o| /

【H2 解次問答釋通以明出世無漏種子】

གལ་ཏེ་བག་ཆགས་དེས་ས་བོན་ཐམས་ཅད་བསྡུས་པ། དེ་ཡང་ཀུན་དུ་འགྲོ་བའི་གནས་ངན་ལེན་ཞེས་བྱ་བར་གྱུར་ན། དེ་ལྟར་ན་འཇིག་རྟེན་ལས་འདས་པའི་ཆོས་རྣམས་སྐྱེ་བའི་ས་བོན་གང་ཡིན། དེ་དག་སྐྱེ་བའི་ས་བོན་གྱི་དངོས་པོ་གནས་ངན་ལེན་གྱི་རང་བཞིན་ཅན་ཡིན་པར་ནི་མི་རུང་ངོ་ཞེ་ན། སྨྲས་པ༑ འཇིག་རྟེན་ལས་འདས་པའི་ཆོས་རྣམས་ནི་དེ་བཞིན་ཉིད་ལ་དམིགས་པའི་རྐྱེན་གྱི་ས་བོན་དང་ལྡན་པར་སྐྱེ་བའི་བག་ཆགས་བསགས་པའི་ས་བོན་དང་ལྡན་པ་ནི་མ་ཡིན་ནོ། །གལ་ཏེ་བག་ཆགས་བསགས་པའི་ས་བོན་དང་ལྡན་པར་སྐྱེ་བ་མ་ཡིན་ན། དེ་ལྟ་ན་ནི་ཅིའི་ཕྱིར་གང་ཟག་ཡོངས་སུ་མྱ་ངན་ལས་འདས་པའི་ཆོས་ཅན་གྱི་རིགས་གསུམ་རྣམ་པར་གཞག་པ་དང༌། གང་ཟག་ཡོངས་སུ་མྱ་ངན་ལས་མི་འདའ་བའི་ཆོས་ཅན་གྱི་རིགས་རྣམ་པར་གཞག་པ་མཛད་དེ། འདི་ལྟར་ཐམས་ཅད་ལ་ཡང་དེ་བཞིན་ཉིད་ལ་དམིགས་པའི་རྐྱེན་ཡོད་པའི་ཕྱིར་རོ་ཞེ་ན་སྨྲས་པ། སྒྲིབ་པ་དང༌། སྒྲིབ་པ་མེད་པའི་བྱེ་བྲག་གི་ཕྱིར་ཏེ། གང་དག་ལ་དེ་བཞིན་ཉིད་ལ་དམིགས་པའི་རྐྱེན་རྟོགས་པར་བྱ་བ་ལ་གཏན་དུ་སྒྲིབ་པའི་ས་བོན་ཡོད་པ་དེ་དག་ནི་ཡོངས་སུ་མྱ་ངན་ལས་མི་འདའ་བའི་ཆོས་ཅན་གྱི་རིགས་དང་ལྡན་པར་རྣམ་པར་གཞག་ལ། གང་དག་དེ་ལྟ་མ་ཡིན་པ་དེ་དག་ནི་ཡོངས་སུ་མྱ་ངན་ལས་འདའ་བའི་ཆོས་ཅན་གྱི་རིགས་དང་ལྡན་པར་རྣམ་པར་གཞག་གོ། །གང་དག་ལ་དེ་ཤེས་བྱའི་སྒྲིབ་པའི་ས་བོན་གཏན་དུ་བ་ལུས་ལ་ཞེན་པ་ཡོད་ལ། ཉོན་མོངས་པའི་སྒྲིབ་པའི་ས་བོན་ནི་མེད་པ་དེ་དག་ལས་ཁ་ཅིག་ནི་ཉན་ཐོས་ཀྱི་རིགས་ཅན་ཡིན་ལ། ཁ་ཅིག་ནི་རང་སངས་རྒྱས་ཀྱི་རིགས་ཅན་ཡིན་པར་རྣམ་པར་གཞག་གོ། །གང་དག་ལ་དེ་ལྟ་མ་ཡིན་པ་དེ་དག་ནི་དེ་བཞིན་གཤེགས་པའི་རིགས་ཅན་ཡིན་པར་རྣམ་པར་གཞག་སྟེ། དེའི་ཕྱིར་ཉེས་པ་མེད་དོ། །འཇིག་རྟེན་ལས་འདས་པའི་ཆོས་སྐྱེས་པ་རྣམས་ཀྱི་རྗེས་སུ་འཇུག་པ་ནི་གནས་གྱུར་པའི་སྟོབས་བསྐྱེད་པ་ལས་རིག་པར་བྱ་སྟེ། དེ་ཡང་ཀུན་གཞི་རྣམ་པར་ཤེས་པའི་གཉེན་པོར་གྱུར་པ་དང༌། ཀུན་གཞི་མ་ཡིན་པ་དང༌། ཟག་པ་མེད་པའི་དབྱིངས་དང༌། སྤྲོས་པ་མེད་པ་ཞེས་བྱའོ།། །།

gal te bag chags des sa bon thams cad bsdus pa/ de yang kun du 'gro ba'i gnas ngan len zhes bya bar gyur na/ de ltar na 'jig rten las 'das pa'i chos rnams skye ba'i sa bon gang yin/ de dag skye ba'i sa bon gyi dngos po gnas ngan len gyi rang bzhin can yin par ni mi rung ngo zhe na/ smras pa| 'jig rten las 'das pa'i chos rnams ni de bzhin nyid la dmigs pa'i rkyen gyi sa bon dang ldan par skye ba'i bag chags bsags pa'i sa bon dang ldan pa ni ma yin no/ /gal te bag chags bsags pa'i sa bon dang ldan par skye ba ma yin na/ de lta na ni ci'i phyir gang zag yongs su mya ngan las 'das pa'i chos can gyi rigs gsum rnam par gzhag pa dang/ gang zag yongs su mya ngan las mi 'da' ba'i chos can gyi rigs rnam par gzhag pa mdzad de/ 'di ltar thams cad la yang de bzhin nyid la dmigs pa'i rkyen yod pa'i phyir ro zhe na smras pa/ sgrib pa dang/ sgrib pa med pa'i bye brag gi phyir te/ gang dag la de bzhin nyid la dmigs pa'i rkyen rtogs par bya ba la gtan du sgrib pa'i sa bon yod pa de dag ni yongs su mya ngan las mi 'da' ba'i chos can gyi rigs dang ldan par rnam par gzhag la/ gang dag de lta ma yin pa de dag ni yongs su mya ngan las 'da' ba'i chos can gyi rigs dang ldan par rnam par gzhag go/ /gang dag la de shes bya'i sgrib pa'i sa bon gtan du ba lus la zhen pa yod la/ nyon mongs pa'i sgrib pa'i sa bon ni med pa de dag las kha cig ni nyan thos kyi rigs can yin la/ kha cig ni rang sangs rgyas kyi rigs can yin par rnam par gzhag go/ /gang dag la de lta ma yin pa de dag ni de bzhin gshegs pa'i rigs can yin par rnam par gzhag ste/ de'i phyir nyes pa med do/ /'jig rten las 'das pa'i chos skyes pa rnams kyi rjes su 'jug pa ni gnas gyur pa'i stobs bskyed pa las rig par bya ste/ de yang kun gzhi rnam par shes pa'i gnyen por gyur pa dang/ kun gzhi ma yin pa dang/ zag pa med pa'i dbyings dang/ spros pa med pa zhes bya'o// //

【F7 解業】【G1 三性三業】【H1 辯業相】

བམ་པོ་བཞི་པ། དེ་ལ་རྣམ་པར་རིག་བྱེད་གང་ཞེ་ན། དེ་ནི་མདོར་བསྡུ་ན་རྣམ་པ་གསུམ་སྟེ། ཉོན་མོངས་པ་ཅན་དང༌། དགེ་བ་དང་། ལུང་དུ་མ་བསྟན་པའོ། །དེ་ལ་ལུས་དང༌། ངག་དང་ཡིད་ཀྱི་ལས་ཀྱི་ལམ་མི་དགེ་བ་བཅུ་པོ་མ་སྤངས་པ་ཀུན་ཏུ་སྤྱོད་པའི་དབང་དུ་བྱས་ཏེ། ལུས་ཀྱི་ལས་དང༌། ངག་གི་ལས་རྣམ་པར་རིག་པར་བྱེད་པ་གང་ཡིན་པ་དེ་ནི་ཉོན་མོངས་པ་ཅན་གྱི་རྣམ་པར་རིག་བྱེད་ཅེས་བྱའོ། །དེ་དག་ཉིད་ཡོངས་སུ་སྤོང་བ་ཡང་དག་པར་ལེན་པར་བྱེད་པའི་ལུས་ཀྱི་ལས་དང་ངག་གི་ལས་རྣམ་པར་རིག་པར་བྱེད་པ་གང་ཡིན་པ་དེ་ནི་དགེ་བའི་རྣམ་པར་རིག་བྱེད་ཅེས་བྱའོ། །སྤྱོད་ལམ་ལས་བྱུང་བའམ། བཟོའི་གནས་ལས་བྱུང་བ་དེ་ཁ་ཅིག་གི་ལུས་ཀྱི་ལས་དང་ངག་གི་ལས་རྣམ་པར་རིག་པར་བྱེད་པ་གང་ཡིན་པ་དེ་ནི་ལུང་དུ་མ་བསྟན་པའི་རྣམ་པར་རིག་བྱེད་ཅེས་བྱའོ༑ །གཞན་ལ་རྣམ་པར་རིག་པར་མི་བྱེད་ཅིང་རང་སེམས་སྐྱེད་པར་བྱེད་ལ། ནང་གི་ཡིད་ཀྱི་རྣམ་པར་རྟོག་པས་དགེ་བ་དང་ཉོན་མོངས་པ་ཅན་དང༌། ལུང་དུ་མ་བསྟན་པའི་ཆོས་ཀུན་དུ་སྤྱོད་པ་ལས་བརྩམས་ཏེ། ཚིག་ཀྱང་མི་སྨྲ་བ་གང་ཡིན་པ་དེ་ནི་ཡིད་ཀྱི་རྣམ་པར་རིག་བྱེད་ཅེས་བྱའོ། །

bam po bzhi pa/ de la rnam par rig byed gang zhe na/ de ni mdor bsdu na rnam pa gsum ste/ nyon mongs pa can dang/ dge ba dang / lung du ma bstan pa'o/ /de la lus dang/ ngag dang yid kyi las kyi lam mi dge ba bcu po ma spangs pa kun tu spyod pa'i dbang du byas te/ lus kyi las dang/ ngag gi las rnam par rig par byed pa gang yin pa de ni nyon mongs pa can gyi rnam par rig byed ces bya'o/ /de dag nyid yongs su spong ba yang dag par len par byed pa'i lus kyi las dang ngag gi las rnam par rig par byed pa gang yin pa de ni dge ba'i rnam par rig byed ces bya'o/ /spyod lam las byung ba'am/ bzo'i gnas las byung ba de kha cig gi lus kyi las dang ngag gi las rnam par rig par byed pa gang yin pa de ni lung du ma bstan pa'i rnam par rig byed ces bya'o| /gzhan la rnam par rig par mi byed cing rang sems skyed par byed la/ nang gi yid kyi rnam par rtog pas dge ba dang nyon mongs pa can dang/ lung du ma bstan pa'i chos kun du spyod pa las brtsams te/ tshig kyang mi smra ba gang yin pa de ni yid kyi rnam par rig byed ces bya'o/ /

【H2 明假實】

དེ་ལ་ལུས་ཡུལ་ནས་ཡུལ་གཞན་དུ་འབྱུང་བ་ཙམ་དང༌། དེ་ཉིད་ན་འགྱུར་བ་འབྱུང་བ་ཙམ་ནི་ལུས་ཀྱི་རྣམ་པར་རིག་བྱེད་དོ། །ངག་ཙམ་ནི་ངག་གི་རྣམ་པར་རིག་བྱེད་དོ། །དེ་བཞིན་དུ་སེམས་མངོན་པར་འདུ་བྱེད་པ་སྐྱེས་པའི་སེམས་པ་ཙམ་ནི་ཡིད་ཀྱི་རྣམ་པར་རིག་བྱེད་དོ། །དེ་ཅིའི་ཕྱིར་ཞེ་ན། འདུ་བྱེད་ཐམས་ཅད་ནི་སྐད་ཅིག་པ་ཡིན་པའི་ཕྱིར་ཡུལ་ནས་ཡུལ་གཞན་དུ་འཕོ་བར་མི་རིགས་པས། འདུ་བྱེད་འབྱུང་བ་ཙམ་མ་གཏོགས་པར་བྱ་བ་གཞན་ནི་མིག་དང་རྣ་བ་དང༌། ཡིད་ཀྱིས་ཀྱང་མི་དམིགས་པའི་ཕྱིར་ཏེ། དེ་ལྟ་བས་ན་རྣམ་པར་རིག་བྱེད་ཀྱང་བརྟགས་པའི་ཡོད་པ་ཡིན་པར་ཁོང་དུ་ཆུད་པར་བྱའོ། །

de la lus yul nas yul gzhan du 'byung ba tsam dang/ de nyid na 'gyur ba 'byung ba tsam ni lus kyi rnam par rig byed do/ /ngag tsam ni ngag gi rnam par rig byed do/ /de bzhin du sems mngon par 'du byed pa skyes pa'i sems pa tsam ni yid kyi rnam par rig byed do/ /de ci'i phyir zhe na/ 'du byed thams cad ni skad cig pa yin pa'i phyir yul nas yul gzhan du 'pho bar mi rigs pas/ 'du byed 'byung ba tsam ma gtogs par bya ba gzhan ni mig dang rna ba dang/ yid kyis kyang mi dmigs pa'i phyir te/ de lta bas na rnam par rig byed kyang brtags pa'i yod pa yin par khong du chud par bya'o/ /

【G2 明不律儀等三業】【H1 明惡律儀業】【I1 出因緣】

དེ་ལ་སྡོམ་པ་མ་ཡིན་པའི་རིགས་སུ་སྐྱེས་ཟིན་པ་གང་ལ་ལ་འཚོ་བ་འདིས་འཚོ་བར་བྱའོ་ཞེས་རང་གི་སེམས་མངོན་པར་འདུ་བྱེད་ཅིང༌། དེ་འཚོ་བ་དེ་ལ་འདོད་པ་བཟོད་པར་བྱེད་པ་ནི་དེའི་ཚེ་ན་མ་བསྡམས་པ་ཡིན་པར་བརྗོད་པར་བྱའོ། །སྡོམ་པ་མ་ཡིན་པར་གཏོགས་པ་ཚུལ་བཞིན་མ་ཡིན་པ་ཡིད་ལ་བྱེད་པ་རབ་ཏུ་དམ་པོས་བཅོམ་པས་སེམས་བསྡུས་པའི་ཕྱིར་ཇི་སྲིད་དུ། སྲོག་གཅོད་པ་ལས་བྱུང་བའམ་དེ་ལས་གཞན་པའི་མི་དགེ་བའི་ལས་ཀྱི་ལམ་ལས་བྱུང་བ་སྤྱོད་པ་དེ་སྲིད་དུ་ཡང་མི་དགེ་བའི་རྩ་བ་རྒྱ་ཆེན་པོ་དང་ལྡན་པ་ཡིན་ནོ། །གང་ལས་དང་གང་དང་ཇི་ཙམ་དུ་སྤྱོད་པར་བྱེད་པ་ནི་དེས་ན་དེ་ཙམ་དུ་ཤས་ཆེར་མི་དགེ་བ་དང་ལྡན་པ་ཡིན་ནོ། །སྡོམ་པ་མ་ཡིན་པའི་རིགས་སུ་སྐྱེས་པ་ཇི་ལྟ་བ་བཞིན་དུ་གང་སུ་ཡང་རུང་བ་གང་དང་གང་ནས་འོངས་ཀྱང་རུང་སྟེ། སེམས་སྐྱེད་པར་བྱེད་པ་ཡང་དེ་བཞིན་དུ་རྒྱས་པར་རིག་པར་བྱའོ༑ །དེ་ནི་ཇི་སྲིད་དུ་སྡོམ་པ་མ་ཡིན་པའི་སེམས་པ་སྤོང་བར་མི་བྱེད་པ་དེ་སྲིད་དུ་མ་བསྡམས་པར་བརྗོད་པར་བྱ་སྟེ། དེ་ནི་ཉིན་གཅིག་བཞིན་དུ་སེམས་པ་དེ་མང་དུ་སོགས་པ་དང༌། ལས་དེ་ཀུན་དུ་སྤྱོད་པས་བསོད་ནམས་མ་ཡིན་པ་མངོན་པར་འཕེལ་བར་རིག་པར་བྱའོ། །

de la sdom pa ma yin pa'i rigs su skyes zin pa gang la la 'tsho ba 'dis 'tsho bar bya'o zhes rang gi sems mngon par 'du byed cing/ de 'tsho ba de la 'dod pa bzod par byed pa ni de'i tshe na ma bsdams pa yin par brjod par bya'o/ /sdom pa ma yin par gtogs pa tshul bzhin ma yin pa yid la byed pa rab tu dam pos bcom pas sems bsdus pa'i phyir ji srid du/ srog gcod pa las byung ba'am de las gzhan pa'i mi dge ba'i las kyi lam las byung ba spyod pa de srid du yang mi dge ba'i rtsa ba rgya chen po dang ldan pa yin no/ /gang las dang gang dang ji tsam du spyod par byed pa ni des na de tsam du shas cher mi dge ba dang ldan pa yin no/ /sdom pa ma yin pa'i rigs su skyes pa ji lta ba bzhin du gang su yang rung ba gang dang gang nas 'ongs kyang rung ste/ sems skyed par byed pa yang de bzhin du rgyas par rig par bya'o| /de ni ji srid du sdom pa ma yin pa'i sems pa spong bar mi byed pa de srid du ma bsdams par brjod par bya ste/ de ni nyin gcig bzhin du sems pa de mang du sogs pa dang/ las de kun du spyod pas bsod nams ma yin pa mngon par 'phel bar rig par bya'o/ /

【I2 辯體性】

དེའི་ལོག་པར་སྨོན་པའི་སེམས་པ་མ་དད་པ་དང༌། ལེ་ལོ་དང་བརྗོད་ངས་པ་དང༌། རྣམ་པར་གཡེང་བ་དང༌། ཤེས་རབ་འཆལ་པ་དང་ལྡན་པ་ལས་དེ་ཡང་དག་པར་ལེན་པར་བྱེད་པ། ལས་དེ་ཀུན་ནས་སློང་བར་བྱེད་པ་དེ་ཡང་ཇི་སྲིད་དུ་གཏོང་བའི་རྒྱུ་དག་གིས་སྤོང་བར་མི་བྱ་སྟེ། ཡོངས་སུ་གཏོང་བར་མི་བྱེད་ཀྱི་བར་དུ་དེ་ཕྱིན་ཆད་ཀྱང་ས་བོན་དང་ཀུན་དུ་སྤྱོད་པ་ལས་རྒྱུད་དུ་གཏོགས་པས་འབྱུང་བ་ནི་སྡོམ་པ་མ་ཡིན་པ་ཞེས་བྱའོ༑ །དེ་ལ་སྡིག་པའི་ལས་དེའི་འབྲས་བུ་ཕྱི་མ་ལ་མི་འདོད་པར་འགྱུར་བ་ལ་ཡིད་མི་ཆེས་ཤིང༌། མོས་པར་མི་བྱེད་ལ་རྗེས་སུ་མི་འཇུག་པ་གང་ཡིན་པ་དེ་ནི་དེའི་མ་དད་པ་ཡིན་ནོ། །དེ་ལ་མངོན་པར་དགའ་ཞིང་ཅི་འདོད་པ་བཞིན་དུ་འཇུག་པ་དེ་འདུལ་བ་ལ་མི་སྤྲོ་བ་གང་ཡིན་པ་དེ་ནི་དེའི་ལེ་ལོ་ཡིན་ནོ། །ཁ་ན་མ་ཐོ་བ་དང་བཅས་པའི་ཆོས་ཉེས་པ་དང་ལྡན་པ་ལ་ཁ་ན་མ་ཐོ་བ་དང་བཅས་པར་ཡང་དག་པ་ཇི་ལྟ་བ་བཞིན་དུ་མངོན་པར་མི་བརྗོད་པ་གང་ཡིན་པ་དེ་ནི་དེའི་བརྗེད་ངས་པ་ཡིན་ནོ། །སེམས་ཀྱི་རྒྱུད་རྣམ་པར་འཁྲུགས་པ་དང་། ཉོན་མོངས་པ་ཅན་དང༌། མི་བརྟན་པར་འཇུག་པ་གང་ཡིན་པ་དེ་ནི་དེའི་རྣམ་པར་གཡེང་བ་ཡིན་ནོ། །སྐྱོན་ལ་ཡོན་ཏན་དུ་ལྟ་བའི་སེམས་ཀྱི་རྒྱུད་ཕྱིན་ཅི་ལོག་ཏུ་འཇུག་པ་གང་ཡིན་པ་དེ་ནི་དེའི་ཤེས་རབ་འཆལ་པ་ཡིན་ནོ། །ཚུལ་ཁྲིམས་སྡིག་པ་ཅན་གྱི་དབང་དུ་བྱས་ཏེ། མ་དད་པ་ལ་སོགས་པ་མི་དགེ་བ་དེ་དག་དང་ལྡན་པའི་སེམས་པ་མི་དགེ་བ་འབྱུང་བ་ནི་དེའི་ཚུལ་ཁྲིམས་འཆལ་པ་ཞེས་བྱའོ། །

de'i log par smon pa'i sems pa ma dad pa dang/ le lo dang brjod ngas pa dang/ rnam par g.yeng ba dang/ shes rab 'chal pa dang ldan pa las de yang dag par len par byed pa/ las de kun nas slong bar byed pa de yang ji srid du gtong ba'i rgyu dag gis spong bar mi bya ste/ yongs su gtong bar mi byed kyi bar du de phyin chad kyang sa bon dang kun du spyod pa las rgyud du gtogs pas 'byung ba ni sdom pa ma yin pa zhes bya'o| /de la sdig pa'i las de'i 'bras bu phyi ma la mi 'dod par 'gyur ba la yid mi ches shing/ mos par mi byed la rjes su mi 'jug pa gang yin pa de ni de'i ma dad pa yin no/ /de la mngon par dga' zhing ci 'dod pa bzhin du 'jug pa de 'dul ba la mi spro ba gang yin pa de ni de'i le lo yin no/ /kha na ma tho ba dang bcas pa'i chos nyes pa dang ldan pa la kha na ma tho ba dang bcas par yang dag pa ji lta ba bzhin du mngon par mi brjod pa gang yin pa de ni de'i brjed ngas pa yin no/ /sems kyi rgyud rnam par 'khrugs pa dang / nyon mongs pa can dang/ mi brtan par 'jug pa gang yin pa de ni de'i rnam par g.yeng ba yin no/ /skyon la yon tan du lta ba'i sems kyi rgyud phyin ci log tu 'jug pa gang yin pa de ni de'i shes rab 'chal pa yin no/ /tshul khrims sdig pa can gyi dbang du byas te/ ma dad pa la sogs pa mi dge ba de dag dang ldan pa'i sems pa mi dge ba 'byung ba ni de'i tshul khrims 'chal pa zhes bya'o/ /

【H2 明善律儀業】【I1 翻惡明善】

དེ་ལས་བཟློག་པ་ནི་སྡོམ་པའི་རྗེས་སུ་འཇུག་པ་ཡིན་པར་ཅི་རིགས་པར་རིག་པར་བྱའོ༑ །

de las bzlog pa ni sdom pa'i rjes su 'jug pa yin par ci rigs par rig par bya'o| /

【I2 辯差別】【J1 明差別】

དེ་ལ་བྱེ་བྲག་ནི་འདི་ཡོད་དེ། སྡོམ་པ་ཡང་དག་པར་བླང་བར་འོས་པ་གང་ལ་སྡོམ་པ་ཡང་དག་པར་ལེན་པ་དེ་ལ། དེ་དག་ལས་ལ་ལ་ནི་གཞན་ལས་སམ་རང་ཡང་ལེན་པར་བྱེད་དོ། །དེ་དག་ལས་ལ་ལ་ནི་རང་ཁོ་ན་ལས་ལེན་པར་བྱེད་དེ་དགེ་སློང་གི་སྡོམ་པ་ནི་མ་གཏོགས་སོ། །དེ་ཅིའི་ཕྱིར་ཞེ་ན། འདི་ལྟར་དགེ་སློང་གི་སྡོམ་པ་ནི་ཐམས་ཅད་ཀྱིས་ཡང་དག་པར་བླང་བར་འོས་པ་མ་ཡིན་པའི་ཕྱིར་ཏེ། དེ་ལ་གལ་ཏེ་དགེ་སློང་གི་སྡོམ་པ་གཞན་ལས་ངེས་པར་བླང་བ་མ་ཡིན་པར་གྱུར་ན། དེ་ལ་གང་དག་རབ་ཏུ་འབྱུང་བར་འོས་པ་དང༌། གང་དག་རབ་ཏུ་འབྱུང་བར་འོས་པ་མ་ཡིན་པ་རང་ལ་རག་ལུས་པའི་རབ་ཏུ་འབྱུང་བས་རབ་ཏུ་བྱུང་བ་དེ་དག་ཐམས་ཅད་ཀྱིས་བསྟན་པ་བརྟན་པར་མི་འགྱུར་ཞིང༌། ལེགས་པར་གསུངས་པའི་ཆོས་འདུལ་བ་ཉིད་ཀྱང་མེད་པར་འགྱུར་བས༑ དེའི་ཕྱིར་དགེ་སློང་གི་སྡོམ་པ་ནི་རང་ལ་རག་ལུས་པ་ཁོ་ན་མ་ཡིན་ནོ། །

de la bye brag ni 'di yod de/ sdom pa yang dag par blang bar 'os pa gang la sdom pa yang dag par len pa de la/ de dag las la la ni gzhan las sam rang yang len par byed do/ /de dag las la la ni rang kho na las len par byed de dge slong gi sdom pa ni ma gtogs so/ /de ci'i phyir zhe na/ 'di ltar dge slong gi sdom pa ni thams cad kyis yang dag par blang bar 'os pa ma yin pa'i phyir te/ de la gal te dge slong gi sdom pa gzhan las nges par blang ba ma yin par gyur na/ de la gang dag rab tu 'byung bar 'os pa dang/ gang dag rab tu 'byung bar 'os pa ma yin pa rang la rag lus pa'i rab tu 'byung bas rab tu byung ba de dag thams cad kyis bstan pa brtan par mi 'gyur zhing/ legs par gsungs pa'i chos 'dul ba nyid kyang med par 'gyur bas| de'i phyir dge slong gi sdom pa ni rang la rag lus pa kho na ma yin no/ /

【J2 問答辨】

གལ་ཏེ་དགེ་སློང་གི་སྡོམ་པ་མ་གཏོགས་པའི་སྡོམ་པ་རང་གིས་ཡང་དག་པར་བླང་བ་ཡོད་ན། ཅིའི་ཕྱིར་གཞན་ལས་ཡང་དག་པར་ལེན་པར་བྱེད་ཅེ་ན། གཉིས་པ་འདི་དག་ནི་ཚུལ་ཁྲིམས་འཆལ་པ་སྤོང་བ་ཡང་དག་པར་བླངས་པ་རྗེས་སུ་བསྲུང་བའི་ཡན་ལག་ཡིན་ཏེ། ངོ་ཚ་ཤེས་པ་དང་ཁྲེལ་ཡོད་པའོ། །དེ་ལ་ཁ་ན་མ་ཐོ་བ་ཀུན་དུ་སྤྱོད་པ་ན་གཞན་ལ་བརྟེན་པ་དང༌། བདག་ཉིད་ལ་བརྟེན་ཏེ། འཛེམ་པ་ཉེ་བར་གནས་པར་འགྱུར་བས། དེ་ལྟར་ན་ཚུལ་ཁྲིམས་འཆལ་པ་སྤོང་བ་ཡང་དག་པར་བླང་བ་རྗེས་སུ་སྲུང་བའི་ཡན་ལག་ཡོངས་སུ་རྫོགས་པས་ཡང་དག་པར་བླང་བ་བྱས་པར་འགྱུར་བས། དེའི་ཕྱིར་གཞན་ལས་ཡང་དག་པར་ལེན་པར་བྱེད་དོ། །གང་ལ་ངོ་ཚ་ཤེས་པ་ཉེ་བར་གནས་པ་དེ་ལ་ནི་ཁྲེལ་ཡོད་པ་ཡང་ཉེ་བར་གནས་ལ། གང་ལ་ཁྲེལ་ཡོད་པ་ཉེ་བར་གནས་པ་དེ་ལ་ནི་ངོ་ཚ་ཤེས་པ་དེ་ཡང་གདོན་མི་ཟ་བར་ཉེ་བར་གནས་པ་མ་ཡིན་ཏེ། དེ་ལྟ་བས་ན་འདིར་ངོ་ཚ་ཤེས་པའི་ཆོས་འབའ་ཞིག་ཆེས་སྟོབས་དང་ལྡན་པ་ཡིན་ནོ། །རང་གིས་ཡང་དག་པར་བླངས་ཤིང་དེ་ཁོ་ན་བཞིན་དུ་སྲུང་བར་བྱེད་པ་གང་ཡིན་པ་དེ་ལ་ཡང་བསོད་ནམས་མཚུངས་ཤིང་ཁྱད་པར་མེད་པ་སྐྱེ་བར་རིག་པར་བྱའོ། །དེ་ལ་སེམས་བསྐྱེད་ནས་དྲུང་དུ་འགྲོ་ཞིང་གསོལ་བ་འདེབས་ལ་གུས་པས་སྨྲ་བ་ལ་སོགས་པའི་ལས་ལ་བརྩོན་ཞིང་ཚུལ་དང་མཐུན་པའི་སྤྱོད་ལམ་གྱིས་མདུན་དུ་འདུག་པ་དང༌། ཚིག་གིས་མངོན་པར་འདུས་བྱས་པའི་དོན་དེ་ཉིད་རྗོད་པར་བྱེད་པ་དེ་ནི་དེའི་ལུས་ཀྱི་རྣམ་པར་རིག་བྱེད་དང༌། ངག་གི་རྣམ་པར་རིག་བྱེད་ཅེས་བྱའོ། །ཡིད་ཀྱི་རྣམ་པར་རིག་བྱེད་ནི་དེ་གཉིས་ཀའི་སྔོན་དུ་འགྲོ་བ་ཡིན་ནོ། །རང་གིས་ཡང་དག་པར་ལེན་པ་ལ་ནི་ཡིད་ཀྱི་རྣམ་པར་རིག་བྱེད་འབའ་ཞིག་ཁོ་ན་འབྱུང་ངོ༌། །

gal te dge slong gi sdom pa ma gtogs pa'i sdom pa rang gis yang dag par blang ba yod na/ ci'i phyir gzhan las yang dag par len par byed ce na/ gnyis pa 'di dag ni tshul khrims 'chal pa spong ba yang dag par blangs pa rjes su bsrung ba'i yan lag yin te/ ngo tsha shes pa dang khrel yod pa'o/ /de la kha na ma tho ba kun du spyod pa na gzhan la brten pa dang/ bdag nyid la brten te/ 'dzem pa nye bar gnas par 'gyur bas/ de ltar na tshul khrims 'chal pa spong ba yang dag par blang ba rjes su srung ba'i yan lag yongs su rdzogs pas yang dag par blang ba byas par 'gyur bas/ de'i phyir gzhan las yang dag par len par byed do/ /gang la ngo tsha shes pa nye bar gnas pa de la ni khrel yod pa yang nye bar gnas la/ gang la khrel yod pa nye bar gnas pa de la ni ngo tsha shes pa de yang gdon mi za bar nye bar gnas pa ma yin te/ de lta bas na 'dir ngo tsha shes pa'i chos 'ba' zhig ches stobs dang ldan pa yin no/ /rang gis yang dag par blangs shing de kho na bzhin du srung bar byed pa gang yin pa de la yang bsod nams mtshungs shing khyad par med pa skye bar rig par bya'o/ /de la sems bskyed nas drung du 'gro zhing gsol ba 'debs la gus pas smra ba la sogs pa'i las la brtson zhing tshul dang mthun pa'i spyod lam gyis mdun du 'dug pa dang/ tshig gis mngon par 'dus byas pa'i don de nyid rjod par byed pa de ni de'i lus kyi rnam par rig byed dang/ ngag gi rnam par rig byed ces bya'o/ /yid kyi rnam par rig byed ni de gnyis ka'i sngon du 'gro ba yin no/ /rang gis yang dag par len pa la ni yid kyi rnam par rig byed 'ba' zhig kho na 'byung ngo/ /

【I3 明體性】

དེ་ལ་སྡོམ་པ་མ་ཡིན་པ་ལས་བཟློག་པ་སྤོང་པའི་སེམས་པ་སྤོང་བ་དེ་དབང་བྱེད་པའི་དབང་པོ་ལྔ་དང་ལྡན་པ་གང་ཡིན་པ་དེ་ནི་སྡོམ་པ་ཞེས་བྱའོ། །སྡོམ་པ་ཡང་དག་པར་བླང་བ་དེ་ཡང་རྣམ་པ་བརྒྱར་གཏོགས་པར་རིག་པར་བྱ་སྟེ། མི་དགེ་བའི་ལས་ཀྱི་ལམ་བཅུ་སྤོང་བ་ལ་བརྟེན་ཏེ། སྲོག་གཅོད་པའི་ཕྱོགས་གཅིག་སྤོང་བ་ནས་ལོག་པར་ལྟ་བའི་བར་གྱི་ཕྱོགས་གཅིག་སྤོང་བ་འདི་དག་ནི་རྣམ་པ་བཅུའོ། །སྲོག་གཅོད་པ་ཕལ་ཆེར་སྤོང་བ་ནས་ལོག་པར་ལྟ་བའི་བར་ཕལ་ཆེར་སྤོང་བ་འདི་དག་ཀྱང་གཞན་རྣམ་པ་བཅུའོ། །སྲོག་གཅོད་པ་ཐམས་ཅད་སྤོང་བ་ལས་ལོག་པར་ལྟ་བའི་བར་ཐམས་ཅད་སྤོང་བ་འདི་དག་ཀྱང་གཞན་རྣམ་པ་བཅུའོ། །དུས་ཡུན་ཐུང་ངུ་ཉིན་མཚན་ནམ་ཟླ་བ་ཕྱེད་དམ། ཟླ་བའམ་ལོར་སྲོག་གཅོད་པ་སྤོང་བ་ནས་ལོག་པར་ལྟ་བའི་བར་སྤོང་བ་འདི་དག་ཀྱང་གཞན་རྣམ་པ་བཅུའོ། །དུས་ཡུན་རིང་པོ་ལོ་ཕན་ཆད་ནས་ཇི་སྲིད་འཚོའི་བར་དུ་ནི་མ་ཡིན་པར་སྲོག་གཅོད་པ་སྤོང་བ་ནས་ལོག་པར་ལྟ་བའི་བར་སྤོང་བ་འདི་དག་ཀྱང་གཞན་རྣམ་པ་བཅུའོ། །ཇི་སྲིད་འཚོའི་བར་དུ་སྲོག་གཅོད་པ་སྤོང་བ་ནས་ལོག་པར་ལྟ་བའི་བར་སྦོང་བ་འདི་དག་ཀྱང་གཞན་རྣམ་པ་བཅུའོ། །བདག་ཉིད་སྲོག་གཅོད་པ་སྤོང་བ་ནས་ལོག་པར་ལྟ་བའི་བར་སྤོང་བ་འདི་དག་ཀྱང་གཞན་རྣམ་པ་བཅུའོ། །གཞན་དག་དེ་དག་ཉིད་ཡང་དག་པར་ལེན་དུ་འཇུག་པ་འདི་དག་ཀྱང་གཞན་རྣམ་པ་བཅུའོ། །དེ་དག་གི་བསྔགས་པ་རྣམ་གྲངས་དུ་མར་རྗོད་པར་བྱེད་པ་འདི་དག་ཀྱང་གཞན་རྣམ་པ་བཅུའོ། །སྲོག་གཅོད་པ་སྤོང་བ་ནས་ལོག་པར་ལྟ་བའི་བར་སྤོང་བ་མཐོང་ན་ཡིད་བདེ་བར་འཛིན་ཅིང་དགའ་བ་དང་ཡིད་བདེ་བ་སྐྱེ་བ་འདི་དག་ཀྱང་གཞན་རྣམ་པ་བཅུའོ། །བཅུ་པ་རྣམ་པ་བཅུ་པོ་དེ་དག་གཅིག་ཏུ་བསྡུས་ནས་རྣམ་པ་བརྒྱར་འགྱུར་ཏེ། བསོད་ནམས་སྐྱེ་བ་ཡང་དེ་ཙམ་ཁོ་ནར་རིག་པར་བྱའོ། །

de la sdom pa ma yin pa las bzlog pa spong pa'i sems pa spong ba de dbang byed pa'i dbang po lnga dang ldan pa gang yin pa de ni sdom pa zhes bya'o/ /sdom pa yang dag par blang ba de yang rnam pa brgyar gtogs par rig par bya ste/ mi dge ba'i las kyi lam bcu spong ba la brten te/ srog gcod pa'i phyogs gcig spong ba nas log par lta ba'i bar gyi phyogs gcig spong ba 'di dag ni rnam pa bcu'o/ /srog gcod pa phal cher spong ba nas log par lta ba'i bar phal cher spong ba 'di dag kyang gzhan rnam pa bcu'o/ /srog gcod pa thams cad spong ba las log par lta ba'i bar thams cad spong ba 'di dag kyang gzhan rnam pa bcu'o/ /dus yun thung ngu nyin mtshan nam zla ba phyed dam/ zla ba'am lor srog gcod pa spong ba nas log par lta ba'i bar spong ba 'di dag kyang gzhan rnam pa bcu'o/ /dus yun ring po lo phan chad nas ji srid 'tsho'i bar du ni ma yin par srog gcod pa spong ba nas log par lta ba'i bar spong ba 'di dag kyang gzhan rnam pa bcu'o/ /ji srid 'tsho'i bar du srog gcod pa spong ba nas log par lta ba'i bar sbong ba 'di dag kyang gzhan rnam pa bcu'o/ /bdag nyid srog gcod pa spong ba nas log par lta ba'i bar spong ba 'di dag kyang gzhan rnam pa bcu'o/ /gzhan dag de dag nyid yang dag par len du 'jug pa 'di dag kyang gzhan rnam pa bcu'o/ /de dag gi bsngags pa rnam grangs du mar rjod par byed pa 'di dag kyang gzhan rnam pa bcu'o/ /srog gcod pa spong ba nas log par lta ba'i bar spong ba mthong na yid bde bar 'dzin cing dga' ba dang yid bde ba skye ba 'di dag kyang gzhan rnam pa bcu'o/ /bcu pa rnam pa bcu po de dag gcig tu bsdus nas rnam pa brgyar 'gyur te/ bsod nams skye ba yang de tsam kho nar rig par bya'o/ /

【I4 明戒頭數】【J1 正明律儀有八】【K1 舉數列名】

སྡོམ་པ་དེ་ཡང་རྣམ་པ་བརྒྱད་དུ་རིག་པར་བྱ་སྟེ་ཀུན་ནས་སློང་བའི་སྡོམ་པ་དང༌། ཡོངས་སུ་འཛིན་པའི་སྡོམ་པ་དང༌། ཀུན་དུ་བསྲུང་བའི་སྡོམ་པ་དང༌། ཕྱིར་ལེན་པའི་སྡོམ་པ་དང༌། སྡོམ་པ་ཆུང་ངུ་དང༌། སྡོམ་པ་འབྲིང་དང༌། སྡོམ་པ་ཆེན་པོ་དང༌། ཡོངས་སུ་དག་པའི་སྡོམ་པའོ། །

sdom pa de yang rnam pa brgyad du rig par bya ste kun nas slong ba'i sdom pa dang/ yongs su 'dzin pa'i sdom pa dang/ kun du bsrung ba'i sdom pa dang/ phyir len pa'i sdom pa dang/ sdom pa chung ngu dang/ sdom pa 'bring dang/ sdom pa chen po dang/ yongs su dag pa'i sdom pa'o/ /

【K2 次第辨】

དེ་ལ་ཡང་དག་པར་ལེན་པའི་སྔ་རོལ་ཁོ་ནར་སྤོང་བ་ཡང་དག་པར་བླང་ངོ་སྙམ་དུ་སེམས་མངོན་པར་འདུ་བྱེད་པ་གང་ཡིན་པ་དེ་ནི་དེའི་ཀུན་ནས་སློང་པའི་སྡོམ་པ་ཡིན་ནོ། །གང་གི་ཚེ་སྤོང་བ་ཡང་དག་པར་ལེན་ཅིང་ཡོངས་སུ་འཛིན་པར་བྱེད་པ་དེ་ནི་དེའི་ཡོངས་སུ་འཛིན་པའི་སྡོམ་པ་ཡིན་ནོ། །དེ་དེ་ཕྱིན་ཆད་སྤོང་བའི་སེམས་པ་དབང་པོ་ལྔས་ཡོངས་སུ་ཟིན་པའི་དབང་དུ་བྱས་ཏེ། རྟག་ཏུ་དེའི་ས་བོན་དང་ལྡན་པ་སྐབས་སྐབས་སུ་ཀུན་དུ་སྤྱོད་པ་དང་ལྡན་པ་དབང་པོ་ལྡས་ཡོངས་སུ་ཟིན་པའི་སེམས་པ་དགེ་བ་སྡོམ་པ་ཇི་ལྟར་བླངས་པ་ཀུན་དུ་སྲུང་བ་ཉིད་འབྱུང་བར་འགྱུར་ཞིང༌། དེས་སྡིག་པའི་གྲོགས་པོ་དང་ཕྲད་པའམ༑ ཉོན་མོངས་པ་མང་བས་སྡིག་པ་ཀུན་དུ་སྤྱོད་པ་ལ་འདུན་པ་བྱུང་ངོ་ཅོག་ལ་འཛེམ་ལ་བདག་འགལ་བར་གྱུར་ཅིང་ངན་སོང་དུ་འགྲོ་བར་གྱུར་ན་མི་རུང་ངོ་སྙམ་ནས་སེལ་བར་བྱེད་པ་དེ་ནི་དེའི་ཀུན་དུ་སྲུངསྲུང་བའི་སྡོམ་པ་ཡིན་ནོ། །གལ་ཏེ་བརྒྱ་ལ་བརྗེད་ངས་པས་སྡིག་པ་ཀུན་དུ་སྤྱོད་པས་ན་མྱུར་བ་མྱུར་བ་ཁོ་ནར་དྲན་པ་ཉེ་བར་གཞག་སྟེ། ཉེས་པ་ལ་ཉེས་པར་འཆགས་ཤིང་མྱ་ངན་བྱས་སེལ་བར་བྱེད་ལ། ཕྱིན་ཆད་ཀྱང་སྡོམ་པར་བྱེད་པ་ནི་དེའི་ཕྱིར་ལེན་པའི་སྡོམ་པ་ཡིན་ནོ། །གལ་ཏེ་ལས་ཀྱི་ལམ་གྱི་ཕྱོགས་གཅིག་པ་དང༌། དུས་ཡུན་ཐུང་ངུར་སྤོང་བ་དང༌། བདག་ཉིད་སྤོང་བར་མི་བྱེད་ལ། གཞན་ནི་དེ་ཡང་དག་པར་ལེན་དུ་མི་འཇུག་པ་དང༌། དེའི་བསྔགས་པ་ཡང་རྣམ་གྲངས་དུ་མར་མི་བརྗོད་པ་དང༌། ཆོས་མཐུན་པ་པ་མཐོང་ན་ཡང་ཡིད་བདེ་བར་མི་འཛིན་ཅིང་དགའ་བ་དང་ཡིད་བདེ་བ་མི་མང་བ་དེ་ནི་དེའི་སྡོམ་པ་ཆུང་ངུ་ཡིན་ནོ། །གལ་ཏེ་ཕལ་ཆེ་བ་དང༌། དུས་ཡུན་རིང་དུ་སྤོང་ཞིང་ཇི་སྲིད་འཚོའི་བར་དུ་མ་ཡིན་པ་དང༌། བདག་ཉིད་ཀྱང་སྡོམ་པར་བྱེད་པ་དང༌། གཞན་ཡང་ཡང་དག་པར་ལེན་དུ་འཇུག་ལ། སྤོང་བ་དེའི་བསྔགས་པ་ནི་རྣམ་གྲངས་དུ་མར་མི་བརྗོད་པ་དང༌། ཆོས་མཐུན་པ་པ་མཐོང་ན་ཡང་ཡིད་བདེ་བར་མི་འཛིན་ཅིང་དགའ་བ་དང་ཡིད་བདེ་བ་མི་མང་བ་དེ་ནི་དེའི་སྡོམ་པ་འབྲིང་ཡིན་ནོ། །གལ་ཏེ་ཐམས་ཅད་དང་དུས་ཐམས་ཅད་དང༌། བདག་ཉིད་ཀྱང་སྤོང་བ་དང༌། གཞན་ཡང་ཡང་དག་པར་ལེན་དུ་འཇུག་པ་དང༌། དེའི་བསྔགས་པ་ཡང་རྣམ་གྲངས་དུ་མར་བརྗོད་པ་དང༌། ཆོས་མཐུན་པ་པ་མཐོང་ན་ཡང་ཡིད་བདེ་བར་འཛིན་ཅིང་དགའ་བ་དང༌ཡིད་བདེ་བ་མང་བ་དེ་ནི་དེའི་སྡོམ་པ་ཆེན་པོ་ཡིན་ནོ། །གལ་ཏེ་སྡོམ་པ་ཡང་དག་པར་བླངས་པ་སྐྱོན་མེད་པ་དེ་ཉིད་ལ་བརྟེན་ནས་འགྱོད་པ་མེད་པའི་རྒྱུས་བསམ་གཏན་དང་པོའི་བར་ལ་སྙོམས་པར་འཇུག་ཅིང་ཚུལ་ཁྲིམས་འཆལ་པའི་ས་བོན་ཞི་གནས་ཀྱིས་ཉམས་པར་བྱེད་པས་ཉམས་པར་བྱེད་པ་དེ་ནི་དེའི་བསམ་གཏན་གྱི་སྡོམ་པ་ཡིན་ཏེ། བསམ་གཏན་དང་པོ་ཇི་ལྟ་བ་དེ་བཞིན་དུ་གཉིས་པ་དང་གསུམ་པ་དང་བཞི་པ་ཡང་དེ་བཞིན་དུ་རིག་པར་བྱའོ། །བྱེ་བྲག་ནི་འདི་ཡོད་དེ་དེ་ཚུལ་ཁྲིམས་འཆལ་པའི་ས་བོན་ཐག་རིང་དུ་བྱ་བ་དེ་གཉེན་པོས་ཡོངས་སུ་ཟིན་པའི་ཞི་གནས་ཀྱི་ལམ་གྱིས་ཆེས་ཤིན་ཏུ་ཉམས་པར་བྱེད་པ་སྟེ། དེ་ནི་ཡོངས་སུ་དག་པ་དང་པོས་དེའི་སྡོམ་པ་ཡོངས་སུ་དག་པ་ཡིན་པར་རིག་པར་བྱའོ། །གལ་ཏེ་ཚུལ་ཁྲིམས་ཀྱི་སྡོམ་པ་སྐྱོན་མེད་པ་དེ་ཉིད་དང་བསམ་གཏན་གྱི་སྡོམ་པ་དེ་ལ་ཡང་བརྟེན་ནས་བདེན་པ་རྣམས་མངོན་པར་རྟོགས་པར་བྱེད་ཅིང༌། ཕྱིར་མི་འོང་བའི་འབྲས་བུ་ཡང་ཐོབ་པར་བྱེད་པ་དེའི་ཚེ་ན་ནི་དེའི་ཚུལ་ཁྲིམས་འཆལ་པའི་ས་བོན་ཐམས་ཅད་ཡང་དག་པར་བཅོམ་པ་ཡིན་ནོ། །གལ་ཏེ་མི་ལྕོགས་པ་མེད་པ་ལ་བརྟེན་ནས་འབྲས་བུ་དང་པོ་ཐོབ་པར་བྱེད་པ་དེའི་ཚེ་ན་ནི་དེའི་ངན་སོང་དུ་འགྲོ་བར་འགྱུར་བའི་ཚུལ་ཁྲིམས་འཆལ་པའི་ས་བོན་ཡང་དག་པར་བཅོམ་པ་ཡིན་ནོ། །དེ་དག་ནི་དེའི་འཕགས་པ་དགྱེས་པའི་ཚུལ་ཁྲིམས་ཡིན་ཏེ། ཡོངས་སུ་དག་པ་གཉིས་པ་འདིས་དེའི་སྡོམ་པ་རྣམ་པར་དག་པ་ཡིན་པར་རིག་པར་བྱ་སྟེ། །དེ་ཉིད་དེའི་ཟག་པ་མེད་པའི་སྡོམ་པ་ཞེས་བྱའོ། །དེའི་ཟག་པ་མེད་པའི་སྡོམ་པ་དེ་ཡང་དགྲ་བཅོམ་པ་ཉིད་འཐོབ་པ་ལ་ནི་གཉེན་པོ་དང་རྣམ་པར་དག་པའི་ཁྱད་པར་གྱིས་ཁྱད་པར་དུ་འགྱུར་བར་ཟད་ཀྱི། མི་མཐུན་པའི་ཕྱོགས་སྤང་བའི་ཁྱད་པར་གྱིས་ནི་མ་ཡིན་ནོ། །

de la yang dag par len pa'i snga rol kho nar spong ba yang dag par blang ngo snyam du sems mngon par 'du byed pa gang yin pa de ni de'i kun nas slong pa'i sdom pa yin no/ /gang gi tshe spong ba yang dag par len cing yongs su 'dzin par byed pa de ni de'i yongs su 'dzin pa'i sdom pa yin no/ /de de phyin chad spong ba'i sems pa dbang po lngas yongs su zin pa'i dbang du byas te/ rtag tu de'i sa bon dang ldan pa skabs skabs su kun du spyod pa dang ldan pa dbang po ldas yongs su zin pa'i sems pa dge ba sdom pa ji ltar blangs pa kun du srung ba nyid 'byung bar 'gyur zhing/ des sdig pa'i grogs po dang phrad pa'am| nyon mongs pa mang bas sdig pa kun du spyod pa la 'dun pa byung ngo cog la 'dzem la bdag 'gal bar gyur cing ngan song du 'gro bar gyur na mi rung ngo snyam nas sel bar byed pa de ni de'i kun du srungasrung ba'i sdom pa yin no/ /gal te brgya la brjed ngas pas sdig pa kun du spyod pas na myur ba myur ba kho nar dran pa nye bar gzhag ste/ nyes pa la nyes par 'chags shing mya ngan byas sel bar byed la/ phyin chad kyang sdom par byed pa ni de'i phyir len pa'i sdom pa yin no/ /gal te las kyi lam gyi phyogs gcig pa dang/ dus yun thung ngur spong ba dang/ bdag nyid spong bar mi byed la/ gzhan ni de yang dag par len du mi 'jug pa dang/ de'i bsngags pa yang rnam grangs du mar mi brjod pa dang/ chos mthun pa pa mthong na yang yid bde bar mi 'dzin cing dga' ba dang yid bde ba mi mang ba de ni de'i sdom pa chung ngu yin no/ /gal te phal che ba dang/ dus yun ring du spong zhing ji srid 'tsho'i bar du ma yin pa dang/ bdag nyid kyang sdom par byed pa dang/ gzhan yang yang dag par len du 'jug la/ spong ba de'i bsngags pa ni rnam grangs du mar mi brjod pa dang/ chos mthun pa pa mthong na yang yid bde bar mi 'dzin cing dga' ba dang yid bde ba mi mang ba de ni de'i sdom pa 'bring yin no/ /gal te thams cad dang dus thams cad dang/ bdag nyid kyang spong ba dang/ gzhan yang yang dag par len du 'jug pa dang/ de'i bsngags pa yang rnam grangs du mar brjod pa dang/ chos mthun pa pa mthong na yang yid bde bar 'dzin cing dga' ba dangyid bde ba mang ba de ni de'i sdom pa chen po yin no/ /gal te sdom pa yang dag par blangs pa skyon med pa de nyid la brten nas 'gyod pa med pa'i rgyus bsam gtan dang po'i bar la snyoms par 'jug cing tshul khrims 'chal pa'i sa bon zhi gnas kyis nyams par byed pas nyams par byed pa de ni de'i bsam gtan gyi sdom pa yin te/ bsam gtan dang po ji lta ba de bzhin du gnyis pa dang gsum pa dang bzhi pa yang de bzhin du rig par bya'o/ /bye brag ni 'di yod de de tshul khrims 'chal pa'i sa bon thag ring du bya ba de gnyen pos yongs su zin pa'i zhi gnas kyi lam gyis ches shin tu nyams par byed pa ste/ de ni yongs su dag pa dang pos de'i sdom pa yongs su dag pa yin par rig par bya'o/ /gal te tshul khrims kyi sdom pa skyon med pa de nyid dang bsam gtan gyi sdom pa de la yang brten nas bden pa rnams mngon par rtogs par byed cing/ phyir mi 'ong ba'i 'bras bu yang thob par byed pa de'i tshe na ni de'i tshul khrims 'chal pa'i sa bon thams cad yang dag par bcom pa yin no/ /gal te mi lcogs pa med pa la brten nas 'bras bu dang po thob par byed pa de'i tshe na ni de'i ngan song du 'gro bar 'gyur ba'i tshul khrims 'chal pa'i sa bon yang dag par bcom pa yin no/ /de dag ni de'i 'phags pa dgyes pa'i tshul khrims yin te/ yongs su dag pa gnyis pa 'dis de'i sdom pa rnam par dag pa yin par rig par bya ste/ /de nyid de'i zag pa med pa'i sdom pa zhes bya'o/ /de'i zag pa med pa'i sdom pa de yang dgra bcom pa nyid 'thob pa la ni gnyen po dang rnam par dag pa'i khyad par gyis khyad par du 'gyur bar zad kyi/ mi mthun pa'i phyogs spang ba'i khyad par gyis ni ma yin no/ /

【J2 明攝八為三】

དེ་ལ་སྡོམ་པ་རྣམ་པ་བརྒྱད་པོ་དེ་དག་ཐམས་ཅད་གཅིག་ཏུ་བསྡུས་ནས། སྡོམ་པ་རྣམ་པ་གསུམ་རྣམ་པར་གཞག་སྟེ། ཡང་དག་པར་ལེན་པའི་སྡོམ་པ་དང༌། ཀུན་དུ་འཛིན་པའི་སྡོམ་པ་དང༌། ཡོངས་སུ་དག་པའི་སྡོམ་པའོ། །དེ་ལ་སྡོམ་པ་དང་པོ་གཉིས་ནི་ཡང་དག་པར་ལེན་པའི་སྡོམ་པ་ཡིན་ནོ། །ཀུན་དུ་བསྲུང་བའི་སྡོམ་པ་དང་ཕྱིར་ལེན་པའི་སྡོམ་པ་དེ་གཉིས་ནི་ཀུན་དུ་འཛིན་པའི་སྡོམ་པ་ཡིན་ནོ། །སྡོམ་པ་ཆུང་ངུ་དང༌། འབྲིང་དང༌། ཆེན་པོ་རྣམས་ནི་གཉི་གའི་ཕྱོགས་སུ་གཏོགས་པ་ཡིན་པར་རིག་པར་བྱའོ། །ཡང་དག་པར་ལེན་པའི་སྡོམ་པ་དང་ཡོངས་སུ་འཛིན་པའི་སྡོམ་པས་ནི་བསམ་གཏན་གྱི་སྡོམ་པ་དང༌། ཟག་པ་མེད་པའི་སྡོམ་པའི་སྡོམ་པ་ཡོངས་སུ་དག་པ་ཡིན་ནོ། །

de la sdom pa rnam pa brgyad po de dag thams cad gcig tu bsdus nas/ sdom pa rnam pa gsum rnam par gzhag ste/ yang dag par len pa'i sdom pa dang/ kun du 'dzin pa'i sdom pa dang/ yongs su dag pa'i sdom pa'o/ /de la sdom pa dang po gnyis ni yang dag par len pa'i sdom pa yin no/ /kun du bsrung ba'i sdom pa dang phyir len pa'i sdom pa de gnyis ni kun du 'dzin pa'i sdom pa yin no/ /sdom pa chung ngu dang/ 'bring dang/ chen po rnams ni gnyi ga'i phyogs su gtogs pa yin par rig par bya'o/ /yang dag par len pa'i sdom pa dang yongs su 'dzin pa'i sdom pas ni bsam gtan gyi sdom pa dang/ zag pa med pa'i sdom pa'i sdom pa yongs su dag pa yin no/ /

【I5 明問答與此相違】【J1 明攝七眾及日夜戒以為三種】

ཅིའི་ཕྱིར་བཅོམ་ལྡན་འདས་ཀྱིས་སྡོམ་པ་གསུམ་པོ་འདི་ལྟ་སྟེ། དགེ་སློང་གི་སྡོམ་པ་དང༌། དགེ་བསྙེན་གྱི་སྡོམ་པ་དང༌། བསྙེན་གནས་པའི་སྡོམ་པ་དེ་དག་རྣམ་པར་གཞག་ཅེ་ན། རྒྱུ་གསུམ་གྱིས་ཏེ། བཅོམ་ལྡན་འདས་ཀྱིས་འདུལ་བ་ནི་གང་དག་ཉེས་པར་སྤྱོད་པ་ལས་དབེན་པར་སྤྱོད་པ་དང༌། འདོད་པ་ལས་དབེན་པར་སྤྱོད་པ་དག་ཀྱང་ཡོད། གང་དག་ཉེས་པར་སྤྱོད་པ་ལས་དབེན་པར་སྤྱོད་ལ། འདོད་པ་ལས་དབེན་པར་མི་སྤྱོད་པ་དག་ཀྱང་ཡོད། གང་དག་ཉེས་པར་སྤྱོད་པ་ལས་དབེན་པར་ཡང་མི་སྤྱོད་ལ་འདོད་པ་ལས་དབེན་པར་མི་སྤྱོད་པ་དག་ཀྱང་ཡོད་དེ། དེ་ལ་འདུལ་བའི་རྣམ་པ་དང་པོའི་དབང་དུ་མཛད་ནས་ནི་དགེ་སློང་གི་སྡོམ་པ་རྣམ་པར་གཞག་གོ། །འདུལ་བའི་རྣམ་པ་གཉིས་པའི་དབང་དུ་མཛད་ནས་ནི་དགེ་བསྙེན་གྱི་སྡོམ་པ་རྣམ་པར་གཞག་སྟེ། དེ་ཅིའི་ཕྱིར་ཞེ་ན། ཁྱིམ་གྱི་གནས་གནོད་པ་དང༌། ཉོན་མོངས་པའི་གནས་ན་གནས་པས་ནི་བསླབ་པའི་གཞིའི་ཚོགས་གཅིག་ཏུ་ལུ་གུ་རྒྱུད་ལྟར་འབྲེལ་པ་ཡོངས་སུ་རྫོགས་པ་ཡོངས་སུ་བསྲུང་བར་ནི་མི་ནུས་པའི་ཕྱིར་རོ༑ །འདུལ་བའི་རྣམ་པ་གསུམ་པའི་དབང་དུ་མཛད་ནས་ནི། བསྙེན་གནས་པའི་སྡོམ་པ་རྣམ་པར་གཞག་སྟེ། དེ་ཅིའི་ཕྱིར་ཞེ་ན། དེ་ནི་གཉི་ག་ལས་དབེན་པར་སྤྱོད་པ་མ་ཡིན་ཏེ། དེ་གཉིས་ཀྱི་རྒྱུ་ཡོངས་སུ་བསྲུང་བ་ཙམ་ཡང་དག་པར་བླངས་ཤིང༌། བདག་ནི་ཁུར་ཤིན་ཏུ་ལྕི་བས་ནོན་པ་ཡིན་ནོ་སྙམ་དུ་མི་སེམས་པའི་ཕྱིར་རོ། །དེའི་ཡན་ལག་ནི་གསུམ་སྟེ། ཉེས་པར་སྤྱོད་པ་ལས་དབེན་པས་རབ་ཏུ་ཕྱེ་བ་ནི་དང་པོ་གསུམ་མོ། །འདོད་པ་ལ་སྤྱོད་པ་ལས་དབེན་པས་རབ་ཏུ་ཕྱེ་བ་ནི་ཐ་མ་བཞི་ཡིན་པར་བལྟ་བར་བྱའོ། །གཅིག་ནི་གཉི་གས་རབ་ཏུ་ཕྱེ་བ་ཡིན་ཏེ་མི་ཚངས་པར་སྤྱོད་པ་སྤོང་བའོ། །

ci'i phyir bcom ldan 'das kyis sdom pa gsum po 'di lta ste/ dge slong gi sdom pa dang/ dge bsnyen gyi sdom pa dang/ bsnyen gnas pa'i sdom pa de dag rnam par gzhag ce na/ rgyu gsum gyis te/ bcom ldan 'das kyis 'dul ba ni gang dag nyes par spyod pa las dben par spyod pa dang/ 'dod pa las dben par spyod pa dag kyang yod/ gang dag nyes par spyod pa las dben par spyod la/ 'dod pa las dben par mi spyod pa dag kyang yod/ gang dag nyes par spyod pa las dben par yang mi spyod la 'dod pa las dben par mi spyod pa dag kyang yod de/ de la 'dul ba'i rnam pa dang po'i dbang du mdzad nas ni dge slong gi sdom pa rnam par gzhag go/ /'dul ba'i rnam pa gnyis pa'i dbang du mdzad nas ni dge bsnyen gyi sdom pa rnam par gzhag ste/ de ci'i phyir zhe na/ khyim gyi gnas gnod pa dang/ nyon mongs pa'i gnas na gnas pas ni bslab pa'i gzhi'i tshogs gcig tu lu gu rgyud ltar 'brel pa yongs su rdzogs pa yongs su bsrung bar ni mi nus pa'i phyir ro| /'dul ba'i rnam pa gsum pa'i dbang du mdzad nas ni/ bsnyen gnas pa'i sdom pa rnam par gzhag ste/ de ci'i phyir zhe na/ de ni gnyi ga las dben par spyod pa ma yin te/ de gnyis kyi rgyu yongs su bsrung ba tsam yang dag par blangs shing/ bdag ni khur shin tu lci bas non pa yin no snyam du mi sems pa'i phyir ro/ /de'i yan lag ni gsum ste/ nyes par spyod pa las dben pas rab tu phye ba ni dang po gsum mo/ /'dod pa la spyod pa las dben pas rab tu phye ba ni tha ma bzhi yin par blta bar bya'o/ /gcig ni gnyi gas rab tu phye ba yin te mi tshangs par spyod pa spong ba'o/ /

【J2 明三戒具支多少】

དགེ་སློང་གི་སྡོམ་པ་ནི་ཡན་ལག་དུ་ཞིག་གིས་བསྡུས། དགེ་བསྙེན་གྱི་སྡོམ་པ་ནི་ཡན་ལག་དུ་ཞིག་གིས་བསྡུས༑ བསྙེན་གནས་པའི་སྡོམ་པ་ནི་ཡན་ལག་དུ་ཞིག་གིས་བསྡུས་པར་རིག་པར་བྱ་ཞེ་ན། དགེ་སློང་གི་སྡོམ་པ་ནི་ཡན་ལག་བཞིས་བསྡུས་པར་རིག་པར་བྱ་སྟེ། ཡན་ལག་བཞི་གང་ཞེ་ན། བསྙེན་པར་རྫོགས་པའི་ཡན་ལག་དང༌། དེ་དང་མཐུན་པའི་ཆོས་ཀྱི་བསླབ་པའི་གཞི་ཡང་དག་པར་བླང་བའི་ཡན་ལག་དང༌། གཞན་གྱི་སེམས་རྗེས་སུ་བསྲུང་བའི་ཡན་ལག་དང༌། བསླབ་པའི་ཚོགས་ཡང་དག་པར་བླངས་པ་རྗེས་སུ་སྲུང་བའི་ཡན་ལག་གོ། །དེ་ལ་གསོལ་བ་དང་བཞིའི་ལས་བྱ་བ་དང༌། ཇི་ལྟར་བསླབ་པའི་གཞི་ཆེ་ལོང་དག་ནོད་པ་ནི་བསྙེན་པར་རྫོགས་པའི་ཡན་ལག་ཡིན་ཏེ། ཡན་ལག་དེ་དང་ལྡན་ན་དགེ་སློང་དེ་དང་པོ་ཁོ་ནར་དགེ་སློང་གི་དངོས་པོའི་ཚུལ་ཁྲིམས་དེས་ཚུལ་ཁྲིམས་དང་ལྡན་པ་ཞེས་བྱའོ། །དེ་དེའི་འོག་ཏུ་འདུལ་བ་སོ་སོར་ཐར་པ་ལ་དགེ་སློང་གི་ཚུལ་ཁྲིམས་ཀྱི་རྗེས་སུ་མཐུན་པ་དང༌། དེ་དང་ལྡན་པའི་བསླབ་པའི་གཞི་གང་དག་ཡིན་པ་དེ་དག་ཐམས་ཅད་ལ་བསྡམས་ཤིང་སྤྱོད་པ་ཡིན་ཏེ། དེས་ན་སོ་སོར་ཐར་པའི་སྡོམ་པས་བསྡམས་པ་ཞེས་བྱ་སྟེ། དེ་ནི་དེ་དང་མཐུན་པའི་ཆོས་ཀྱི་བསླབ་པའི་གཞི་ཡང་དག་པར་བླང་བའི་ཡན་ལག་ཡིན་ནོ། །ཡན་ལག་དེ་གཉིས་དང་ལྡན་པའི་ཆོ་ག་ཕུན་སུམ་ཚོགས་པ་དང་སྤྱོད་ཡུལ་ཕུན་སུམ་ཚོགས་པ་གང་ཡིན་པ་དེ་ནི་གཞན་གྱི་སེམས་རྗེས་སུ་བསྲུང་བའི་ཡན་ལག་ཡིན་ཏེ། ཆོ་ག་ཕུན་སུམ་ཚོགས་པ་དང༌། སྤྱོད་ཡུལ་ཕུན་སུམ་ཚོགས་པ་ནི་འདི་ལྟ་སྟེ། ཉན་ཐོས་ཀྱི་ས་ལས་འབྱུང་བ་བཞིན་ནོ༑ །དེ་ལ་ཁ་ན་མ་ཐོ་བ་ཕྲ་རབ་ཙམ་མན་ཆད་དག་ལ་འཇིགས་པར་ལྟ་བ་གང་ཡིན་པ་དེ་ནི་ཉེས་པ་མི་འབྱུང་བར་བྱ་བ་དང༌། ཉེས་པ་བྱུང་བ་ལས་བསླང་བའི་ཕྱིར་བསླབ་པའི་གཞི་ཡང་དག་པར་བླངས་ཏེ་སློབ་པ་འདི་ལྟ་སྟེ། འཇིགས་པར་ལྟ་བ་དང༌། བྱུང་བ་དེ་གཉིས་ནི་དེའི་བསླབ་པའི་གཞི་ཇི་ལྟར་ཡང་དག་པར་བླངས་པ་རྗེས་སུ་བསྲུང་བའི་ཡན་ལག་ཡིན་ནོ། །དེ་ལ་དགེ་བསྙེན་གྱི་སྡོམ་པ་ནི་ཡན་ལག་གསུམ་གྱིས་བསྡུས་པ་ཡིན་ཏེ། ཡན་ལག་གསུམ་གང་ཞེ་ན། གཞན་ལ་གནོད་པའི་དངོས་པོ་ཆེན་པོ་སྤོང་བ་ཡང་དག་པར་བླང་བའི་ཡན་ལག་དང༌། ཡང་དག་པར་བླངས་པ་ལས་ཉམས་པ་ཕྱིར་གསོ་བའི་ཡན་ལག་དང༌། ཡང་དག་པར་བླངས་པ་ལས་མི་ཉམས་པའི་ཡན་ལག་གོ། །དེ་ལ་གཞན་གྱི་སྲོག་ལ་གནོད་པ་དང༌། ལོངས་སྤྱོད་ལ་གནོད་པ་དང༌། ཆུང་མ་ལ་གནོད་པ་སྤོང་བ་ནི་ཡན་ལག་དང་པོ་ཡིན་ནོ། །བརྫུན་དུ་སྨྲ་བ་སྤོང་བ་ནི་ཡན་ལག་གཉིས་པ་ཡིན་ནོ། །ཆང་དང་བཅོས་པའི་ཆང་དང་སྦྱར་བའི་ཆང་བག་མེད་པའི་གནས་སྤོང་བ་ནི་ཡན་ལག་གསུམ་པ་ཡིན་པར་རིག་པར་བྱའོ། །དེ་ལ་བསྙེན་གནས་པའི་སྡོམ་པ་ནི་མདོར་བསྡུ་ན་ཡན་ལག་ལྔས་བསྡུས་པ་ཡིན་ཏེ། ཡན་ལག་ལྔ་གང་ཞེ་ན། གཞན་ལ་གནོད་པ་སྤོང་བ་ཡང་དག་པར་ལེན་པའི་ཡན་ལག་དང༌། བདག་དང་གཞན་ལ་གནོད་པ་སྤོང་བ་ཡང་དག་པར་ལེན་པའི་ཡན་ལག་དང༌། ཡང་དག་པར་བླངས་པ་ལས་ཉམས་པ་ཕྱིར་གསོ་བའི་ཡན་ལག་དང༌། ཡང་དག་པར་བླངས་པ་ལས་མི་ཉམས་པར་བྱ་བའི་ཕྱིར་དྲན་པ་ཉེ་བར་འཇོག་པའི་ཡན་ལག་དང༌། དྲན་པ་རྨོངས་པར་མི་འགྱུར་བའི་ཡན་ལག་གོ། །དེ་ལ་གཞན་གྱི་སྲོག་ལ་གནོད་པ་དང༌། ལོངས་སྤྱོད་ལ་གནོད་པ་དག་སྤོང་བ་ནི་ཡན་ལག་དང་པོ་ཡིན་ནོ། །མི་ཚངས་པར་སྤྱོད་པ་སྤོང་བ་ནི་ཡན་ལག་གཉིས་པ་ཡིན་ནོ། །འདི་ལྟར་དེ་སྤོངས་པ་དེ་ནི་རང་གི་ཆུང་མ་ལ་མ་བརྟེན་པས་བདག་ལ་གནོད་པར་ཡང་མི་འགྱུར་ལ། གཞན་གྱི་ཆུང་མ་ལ་མ་བརྟེན་པས་གཞན་ལ་གནོད་པར་ཡང་མི་འགྱུར་བའི་ཕྱིར་རོ། །བརྫུན་དུ་སྨྲ་བ་སྤོང་བ་ནི་ཡན་ལག་གསུམ་པ་ཡིན་ནོ། །ཆང་དང་བཅོས་པའི་ཆང་དང་སྦྱར་བའི་ཆང་བག་མེད་པའི་གནས་སྤོང་བ་མ་གཏོགས་པ་དེ་ལས་གཞན་པའི་གནས་གསུམ་པོ་དག་སྤོང་བ་ནི་ཡན་ལག་བཞི་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་དེ་དུས་རྟག་ཏུ་གར་དང་གླུ་དང་རོལ་མོའི་སྒྲ་དང་སྤོས་དང་མེ་ཏོག་ཕྲེང་བ་དང༌། བྱུག་པ་དང༌། ཁྲི་སྟན་མཐོན་པོ་དང༌། ཁྲི་སྟན་ཆེན་པོ་དང༌། དུས་མ་ཡིན་པའི་ཟས་ལ་བརྟེན་པ་དེ་དག་གིས་བདག་ཉིད་དབེན་པར་ཡུད་ཙམ་ཡུད་ཙམ་ལ་མཐོང་བ་དང༌། བདག་ནི་གསོ་སྦྱོང་གིས་གསོ་སྦྱོང་བྱས་པ་ཡིན་ནོ་སྙམ་དུ་དུས་རྟག་ཏུ་དྲན་པ་ཉེ་བར་གནས་པར་འགྱུར་བའི་ཕྱིར་རོ། །ཆང་དང་བཅོས་པའི་ཆང་དང་སྦྱར་བའི་ཆང་བག་མེད་པའི་གནས་སྤོང་བ་ནི་ཡན་ལག་ལྔ་པ་ཡིན་ནོ། །དེ་ཅིའི་ཕྱིར་ཞེ་ན། དེ་དག་ནི་དྲན་པ་ཉེ་བར་གཞག་སྟེ་གནས་པ་ཡིན་ནོ་སྙམ་དུ་སེམས་ཀྱང་ཡན་ལག་དེས་ན་ཆང་གི་མྱོས་པས་མྱོས་ཤིང་རྨོངས་ཏེ་རང་དབང་མེད་པར་འཇུག་པར་འགྱུར་བའི་ཕྱིར་རོ། །དེ་ལ་དགེ་སློང་མའི་སྡོམ་པ་གང་ཡིན་པ་དང༌། དགེ་སློབ་མ་དང༌། དགེ་ཚུལ་དང༌། དགེ་ཚུལ་མའི་སྡོམ་པ་གང་ཡིན་པ་དེ་ནི་རབ་ཏུ་བྱུང་བའི་ཕྱོགས་སུ་གཏོགས་པར་འདྲ་བའི་ཕྱིར། དགེ་སློང་གི་སྡོམ་པ་བསྟན་པ་ཁོ་ན་བཞིན་དུ་བལྟ་བར་བྱའོ། །དེ་ལ་དགེ་བསྙེན་མའི་སྡོམ་པ་གང་ཡིན་པ་དེ་ཡང་ཁྱིམ་པའི་ཕྱོགས་སུ་གཏོགས་པའི་ཕྱིར་དང༌། བསླབ་པ་འདྲ་བས་རབ་ཏུ་ཕྱེ་བའི་ཕྱིར་དགེ་བསྙེན་གྱི་སྡོམ་པ་བསྟན་པ་ཁོ་ན་བཞིན་དུ་བལྟ་བར་བྱའོ། །

dge slong gi sdom pa ni yan lag du zhig gis bsdus/ dge bsnyen gyi sdom pa ni yan lag du zhig gis bsdus| bsnyen gnas pa'i sdom pa ni yan lag du zhig gis bsdus par rig par bya zhe na/ dge slong gi sdom pa ni yan lag bzhis bsdus par rig par bya ste/ yan lag bzhi gang zhe na/ bsnyen par rdzogs pa'i yan lag dang/ de dang mthun pa'i chos kyi bslab pa'i gzhi yang dag par blang ba'i yan lag dang/ gzhan gyi sems rjes su bsrung ba'i yan lag dang/ bslab pa'i tshogs yang dag par blangs pa rjes su srung ba'i yan lag go/ /de la gsol ba dang bzhi'i las bya ba dang/ ji ltar bslab pa'i gzhi che long dag nod pa ni bsnyen par rdzogs pa'i yan lag yin te/ yan lag de dang ldan na dge slong de dang po kho nar dge slong gi dngos po'i tshul khrims des tshul khrims dang ldan pa zhes bya'o/ /de de'i 'og tu 'dul ba so sor thar pa la dge slong gi tshul khrims kyi rjes su mthun pa dang/ de dang ldan pa'i bslab pa'i gzhi gang dag yin pa de dag thams cad la bsdams shing spyod pa yin te/ des na so sor thar pa'i sdom pas bsdams pa zhes bya ste/ de ni de dang mthun pa'i chos kyi bslab pa'i gzhi yang dag par blang ba'i yan lag yin no/ /yan lag de gnyis dang ldan pa'i cho ga phun sum tshogs pa dang spyod yul phun sum tshogs pa gang yin pa de ni gzhan gyi sems rjes su bsrung ba'i yan lag yin te/ cho ga phun sum tshogs pa dang/ spyod yul phun sum tshogs pa ni 'di lta ste/ nyan thos kyi sa las 'byung ba bzhin no| /de la kha na ma tho ba phra rab tsam man chad dag la 'jigs par lta ba gang yin pa de ni nyes pa mi 'byung bar bya ba dang/ nyes pa byung ba las bslang ba'i phyir bslab pa'i gzhi yang dag par blangs te slob pa 'di lta ste/ 'jigs par lta ba dang/ byung ba de gnyis ni de'i bslab pa'i gzhi ji ltar yang dag par blangs pa rjes su bsrung ba'i yan lag yin no/ /de la dge bsnyen gyi sdom pa ni yan lag gsum gyis bsdus pa yin te/ yan lag gsum gang zhe na/ gzhan la gnod pa'i dngos po chen po spong ba yang dag par blang ba'i yan lag dang/ yang dag par blangs pa las nyams pa phyir gso ba'i yan lag dang/ yang dag par blangs pa las mi nyams pa'i yan lag go/ /de la gzhan gyi srog la gnod pa dang/ longs spyod la gnod pa dang/ chung ma la gnod pa spong ba ni yan lag dang po yin no/ /brdzun du smra ba spong ba ni yan lag gnyis pa yin no/ /chang dang bcos pa'i chang dang sbyar ba'i chang bag med pa'i gnas spong ba ni yan lag gsum pa yin par rig par bya'o/ /de la bsnyen gnas pa'i sdom pa ni mdor bsdu na yan lag lngas bsdus pa yin te/ yan lag lnga gang zhe na/ gzhan la gnod pa spong ba yang dag par len pa'i yan lag dang/ bdag dang gzhan la gnod pa spong ba yang dag par len pa'i yan lag dang/ yang dag par blangs pa las nyams pa phyir gso ba'i yan lag dang/ yang dag par blangs pa las mi nyams par bya ba'i phyir dran pa nye bar 'jog pa'i yan lag dang/ dran pa rmongs par mi 'gyur ba'i yan lag go/ /de la gzhan gyi srog la gnod pa dang/ longs spyod la gnod pa dag spong ba ni yan lag dang po yin no/ /mi tshangs par spyod pa spong ba ni yan lag gnyis pa yin no/ /'di ltar de spongs pa de ni rang gi chung ma la ma brten pas bdag la gnod par yang mi 'gyur la/ gzhan gyi chung ma la ma brten pas gzhan la gnod par yang mi 'gyur ba'i phyir ro/ /brdzun du smra ba spong ba ni yan lag gsum pa yin no/ /chang dang bcos pa'i chang dang sbyar ba'i chang bag med pa'i gnas spong ba ma gtogs pa de las gzhan pa'i gnas gsum po dag spong ba ni yan lag bzhi pa yin no/ /de ci'i phyir zhe na/ 'di ltar de dus rtag tu gar dang glu dang rol mo'i sgra dang spos dang me tog phreng ba dang/ byug pa dang/ khri stan mthon po dang/ khri stan chen po dang/ dus ma yin pa'i zas la brten pa de dag gis bdag nyid dben par yud tsam yud tsam la mthong ba dang/ bdag ni gso sbyong gis gso sbyong byas pa yin no snyam du dus rtag tu dran pa nye bar gnas par 'gyur ba'i phyir ro/ /chang dang bcos pa'i chang dang sbyar ba'i chang bag med pa'i gnas spong ba ni yan lag lnga pa yin no/ /de ci'i phyir zhe na/ de dag ni dran pa nye bar gzhag ste gnas pa yin no snyam du sems kyang yan lag des na chang gi myos pas myos shing rmongs te rang dbang med par 'jug par 'gyur ba'i phyir ro/ /de la dge slong ma'i sdom pa gang yin pa dang/ dge slob ma dang/ dge tshul dang/ dge tshul ma'i sdom pa gang yin pa de ni rab tu byung ba'i phyogs su gtogs par 'dra ba'i phyir/ dge slong gi sdom pa bstan pa kho na bzhin du blta bar bya'o/ /de la dge bsnyen ma'i sdom pa gang yin pa de yang khyim pa'i phyogs su gtogs pa'i phyir dang/ bslab pa 'dra bas rab tu phye ba'i phyir dge bsnyen gyi sdom pa bstan pa kho na bzhin du blta bar bya'o/ /

【J3 明男女二眾制戒多少】

ཅིའི་ཕྱིར་བཅོམ་ལྡན་འདས་ཀྱིས་དགེ་སློང་རྣམས་ཀྱི་སྡོམ་པ་ནི་དགེ་སློང་གི་སྡོམ་པ་དང༌། དགེ་ཚུལ་གྱི་སྡོམ་པའི་སྡེ་པ་གཉིས་སུ་བཅས་པ་ལ། དགེ་སློང་མ་རྣམས་ཀྱི་སྡོམ་པ་ནི་དགེ་སློང་མ་དང༌། དགེ་སློང་མ་དང༌། དགེ་ཚུལ་མའི་སྡོམ་པའི་སྡེ་པ་གསུམ་དུ་བཅས་ཤེ་ན། བུད་མེད་ནི་ཉོན་མོངས་པ་མང་བས་རིམ་གྱིས་དགེ་སློང་མའི་སྡོམ་པ་ཡོངས་སུ་འཛིན་དུ་འཇུག་པའི་ཕྱིར་ཏེ། གལ་ཏེ་དགེ་ཚུལ་མ་བསླབ་པའི་གཞི་ཉུང་ངུ་དག་ལ་དགའ་བར་གྱུར་ན། དེའི་འོག་ཏུ་དགེ་སློབ་མའི་བསླབ་པའི་གཞི་དག་ལེན་དུ་གཞུག་པར་བྱ་བ་དང་། གལ་ཏེ་དགེ་སློབ་མ་བསླབ་པའི་གཞི་ཆེས་མང་པོ་དག་ལ་དགའ་བར་གྱུར་ན། དེའི་འོག་ཏུ་གྱ་ཚོམ་དུ་བསྙེན་པར་རྫོགས་སུ་མི་གཞུག་གི་ལོ་གཉིས་ཁོ་ན་སྡོད་དུ་གཞུག་པ་དང༌། གལ་ཏེ་དགའ་བར་གྱུར་ན་དེའི་འོག་ཏུ་བསྙེན་པར་རྫོགས་སུ་གཞུག་པ་དང༌། དེ་ལྟར་དེ་ཡུན་རིང་པོར་བསླབ་པའི་གཞི་ཉུང་ངུ་དག་ལ་བསླབ་པ་ཡོངས་སུ་བྱང་བར་གྱུར་ནས་དེའི་འོག་ཏུ་དགེ་སློང་མའི་སྡོམ་པ་བསླབ་པའི་གཞིའི་ཚོགས་མང་པོ་ཡོངས་སུ་བཟུང་བ་ལ་སློབ་པར་ནུས་ཤིང་ལྕོགས་པར་འགྱུར་བའི་ཕྱིར་རོ། །

ci'i phyir bcom ldan 'das kyis dge slong rnams kyi sdom pa ni dge slong gi sdom pa dang/ dge tshul gyi sdom pa'i sde pa gnyis su bcas pa la/ dge slong ma rnams kyi sdom pa ni dge slong ma dang/ dge slong ma dang/ dge tshul ma'i sdom pa'i sde pa gsum du bcas she na/ bud med ni nyon mongs pa mang bas rim gyis dge slong ma'i sdom pa yongs su 'dzin du 'jug pa'i phyir te/ gal te dge tshul ma bslab pa'i gzhi nyung ngu dag la dga' bar gyur na/ de'i 'og tu dge slob ma'i bslab pa'i gzhi dag len du gzhug par bya ba dang / gal te dge slob ma bslab pa'i gzhi ches mang po dag la dga' bar gyur na/ de'i 'og tu gya tshom du bsnyen par rdzogs su mi gzhug gi lo gnyis kho na sdod du gzhug pa dang/ gal te dga' bar gyur na de'i 'og tu bsnyen par rdzogs su gzhug pa dang/ de ltar de yun ring por bslab pa'i gzhi nyung ngu dag la bslab pa yongs su byang bar gyur nas de'i 'og tu dge slong ma'i sdom pa bslab pa'i gzhi'i tshogs mang po yongs su bzung ba la slob par nus shing lcogs par 'gyur ba'i phyir ro/ /

【J4 明勤策離彼金銀】

ཅིའི་ཕྱིར་བསྙེན་གནས་པའི་སྡོམ་པ་ལས་དགེ་ཚུལ་གྱི་སྡོམ་པ་ལ་གསེར་དངུལ་སྤོང་བ་ལྷག་པར་མཛད་ཅེ་ན། འདི་ལྟར་དགེ་ཚུལ་ནི་རབ་ཏུ་བྱུང་བའི་ཕྱོགས་ལ་གནས་པ་ཡིན་པས་རབ་ཏུ་བྱུང་བ་ལ་ནི་གནས་གཉིས་ཤིན་དུ་མི་མཛེས་ཤིང་ཚུལ་དང་མི་མཐུན་པ་ཡིན་ཏེ་འདོད་པའི་བསོད་སྙོམས་ཀྱི་མཐར་ལྟུང་བ་རྩེད་མོའི་དགའ་བ་དང་ཆ་སྒེག་ཇི་ལྟར་འདོད་པ་བཞིན་སྤྱད་པའི་རྗེས་སུ་བརྩོན་པ་གང་ཡིན་པ་དང༌། སོག་འཇོག་གི་ལོངས་སྤྱོད་གང་ཡིན་པའོ། །དེ་ལ་ཚུལ་དང་མི་མཐུན་པའི་གནས་དང་པོ་ཡོངས་སུ་སྤང་བའི་ཕྱིར་ནི་གར་དང་གླུ་དང་རོལ་མོའི་སྒྲ་ལ་སོགས་པ་ནས་དུས་མ་ཡིན་པའི་ཟས་ཀྱི་བར་དག་སྤོང་བ་བཅས་སོ། །ཚུལ་དང་མི་མཐུན་པའི་གནས་གཉིས་པ་ཡོངས་སུ་སྤང་བའི་ཕྱིར་ནི་གསེར་དངུལ་འཛིན་པ་སྤོང་བ་བཅས་ཏེ། འདི་ལྟར་གསེར་དངུལ་ནི་སོག་འཇོག་ཐམས་ཅད་ཀྱི་རྩ་བ་དང་གཙོ་བོ་ཡིན་པའི་ཕྱིར་རོ། །

ci'i phyir bsnyen gnas pa'i sdom pa las dge tshul gyi sdom pa la gser dngul spong ba lhag par mdzad ce na/ 'di ltar dge tshul ni rab tu byung ba'i phyogs la gnas pa yin pas rab tu byung ba la ni gnas gnyis shin du mi mdzes shing tshul dang mi mthun pa yin te 'dod pa'i bsod snyoms kyi mthar ltung ba rtsed mo'i dga' ba dang cha sgeg ji ltar 'dod pa bzhin spyad pa'i rjes su brtson pa gang yin pa dang/ sog 'jog gi longs spyod gang yin pa'o/ /de la tshul dang mi mthun pa'i gnas dang po yongs su spang ba'i phyir ni gar dang glu dang rol mo'i sgra la sogs pa nas dus ma yin pa'i zas kyi bar dag spong ba bcas so/ /tshul dang mi mthun pa'i gnas gnyis pa yongs su spang ba'i phyir ni gser dngul 'dzin pa spong ba bcas te/ 'di ltar gser dngul ni sog 'jog thams cad kyi rtsa ba dang gtso bo yin pa'i phyir ro/ /

【J5 明遠離歌舞塗香冠鬘八戒十戒開合有異】

ཅིའི་ཕྱིར་དགེ་ཚུལ་གྱིས་གར་དང་གླུ་དང་རོལ་མོའི་སྒྲ་དང༌། སྤོས་དང་མེ་ཏོག་ཕྲེང་དང༌། བྱུག་པ་འཆང་བ་གང་ཡིན་པ་བསྙེན་གནས་པའི་སྡོམ་པ་ལ་ནི་ཡན་ལག་གཅིག་ཏུ་མཛད་ལ། དེ་དེ་ལ་ནི་ཡན་ལག་གཉིས་སུ་མཛད་དེ་བཅས་ཤེ་ན། ཁྱིམ་པ་རྣམས་ལ་ནི་གནས་དེ་ཚུལ་དང་མི་མཐུན་པ་མ་ཡིན་ལ། རབ་ཏུ་བྱུང་བ་ལ་ནི་ཚུལ་དང་མི་མཐུན་པ་ཡིན་པས་དེའི་ཕྱིར་ཁྱིམ་པ་ལ་ནི་ཅི་ནས་ཀྱང་དེ་དེ་ལས་འགལ་ན་ཉེས་པ་གཅིག་བཤགས་པར་ཟད་ཀྱི་གཉིས་མི་དགོས་པར་བྱ་བའི་ཕྱིར་ཡང་བར་མཛད་ནས་བསླབ་པ་གཅིག་ཏུ་བསྡུས་ཏེ་བཅས་སོ། །དེ་རབ་ཏུ་བྱུང་བ་ལ་ནི་ཅི་ནས་ཀྱང་དེ་དེ་ལས་འགལ་ན་ཉེས་པ་གཉིས་བཤགས་དགོས་ཤིང་གཅིག་མ་ཡིན་པར་བྱ་བའི་ཕྱིར་ལྕི་བར་མཛད་དེ། གནས་གཅིག་པོ་དེ་ཉིད་ལས་ཕྱེ་ནས་ཡན་ལག་གཉིས་སུ་མཛད་དེ་བཅས་སོ། །

ci'i phyir dge tshul gyis gar dang glu dang rol mo'i sgra dang/ spos dang me tog phreng dang/ byug pa 'chang ba gang yin pa bsnyen gnas pa'i sdom pa la ni yan lag gcig tu mdzad la/ de de la ni yan lag gnyis su mdzad de bcas she na/ khyim pa rnams la ni gnas de tshul dang mi mthun pa ma yin la/ rab tu byung ba la ni tshul dang mi mthun pa yin pas de'i phyir khyim pa la ni ci nas kyang de de las 'gal na nyes pa gcig bshags par zad kyi gnyis mi dgos par bya ba'i phyir yang bar mdzad nas bslab pa gcig tu bsdus te bcas so/ /de rab tu byung ba la ni ci nas kyang de de las 'gal na nyes pa gnyis bshags dgos shing gcig ma yin par bya ba'i phyir lci bar mdzad de/ gnas gcig po de nyid las phye nas yan lag gnyis su mdzad de bcas so/ /

【J6 明不許扇搋迦等受出家戒】

ཅིའི་ཕྱིར་ཟ་མ་དང་མ་ནིང་དག་རབ་ཏུ་དབྱུང་བར་མི་བྱ་ཞིང་བསྙེན་པར་རྫོགས་པར་ཡང་མི་བྱ་ཞེ་ན། འདི་ལྟར་ཟ་མ་དང་མ་ནིང་དག་ནི་དགེ་སློང་གི་ཕྱོགས་སུ་རྣམ་པར་གཞག་ན་ཡང་བུད་མེད་ཀྱི་ཉེས་པ་བསྟེན་པར་འགྱུར་ལ། དགེ་སློང་མའི་ཕྱོགས་སུ་རྣམ་པར་གཞག་ན་ཡང་ནོམ་པ་དང་ཀུན་དུ་ནོམ་པ་ལ་སོགས་པས་སྐྱེས་པའི་ཉེས་པ་བསྟེན་པར་འགྱུར་བས། དེའི་ཕྱིར་དེ་དག་ནི་དེ་གཉི་གའི་ཕྱོགས་སུ་གནས་པར་འོས་པ་མ་ཡིན་པས་རབ་ཏུ་དབྱུང་བར་ཡང་མི་བྱ་ལ་བསྙེན་པར་རྫོགས་པར་ཡང་མི་བྱའོ། །གཞན་ཡང་ཟ་མ་དང་མ་ནིང་དག་ནི་ཉོན་མོངས་པ་མང་བ་དང༌། རང་བཞིན་གྱིས་ཉོན་མོངས་པའི་སྒྲིབ་པས་བསྒྲིབས་པ་ཡིན་པའི་ཕྱིར། དེ་དག་གིས་ནི་གང་གིས་སོ་སོར་བརྟགས་ཤིང་སོ་སོར་བརྟགས་ནས་རེ་ཞིག་ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་ལ་ཀུན་དུ་སྤྱོད་པར་འགྱུར་བ་དེ་ལྟ་བུའི་སོ་སོར་རྟོག་པ་སྐྱེད་པར་ཡང་མི་ནུས་ན། མིའི་ཆོས་ལས་བླ་མ་མངོན་སུམ་དུ་བྱེད་པ་ལྟ་ག་ལ་འགྱུར་ཏེ་དེའི་ཕྱིར་ཡང་དེ་དག་ནི་རབ་ཏུ་དབྱུང་བར་མི་བྱ་ལ། བསྙེན་པར་རྫོགས་པར་ཡང་མི་བྱའོ། །དེའི་སྡེ་པར་གཏོགས་པ་ལ་ནི་སྐྱེས་བུ་དམ་པ་ལ་ཡང་དཀོན་ལ་ཡོངས་སུ་བརྟག་པར་ཡང་དཀའོ། །ཅིའི་ཕྱིར་ཟ་མ་དང་མ་ནིང་དག་སྐྱབས་སུ་སོང་ཞིང་དགེ་བསྙེན་གྱི་བསླབ་པའི་གཞི་དག་ཡང་དག་པར་བླངས་ཏེ་གནས་སུ་ཟིན་ཀྱང་དགེ་བསྙེན་ཞེས་བརྗོད་པར་མི་བྱ་ཞེ་ན། དགེ་སློང་དང་དགེ་སློང་མ་ལ་བསྙེན་བཀུར་བྱེད་པའི་ངང་ཚུལ་ཅན་ནི་དགེ་བསྙེན་ཞེས་བྱ་ན་དེ་དག་གིས་ནི་བསྡམས་སུ་ཟིན་ཀྱང་དགེ་སློང་ལ་ཡང་དང་ཡང་དུ་ཀུན་དུ་འདྲེ་བས་བསྙེན་བཀུར་མི་བྱ་ལ་དགེ་སློང་མ་ལ་ཡང་མི་བྱའོ། །དགེ་སློང་དང་དགེ་སློང་མ་དག་གིས་ཀྱང་དེ་དག་ལས་བསྙེན་བཀུར་བདག་གིར་མི་བྱ་ཞིང་རེག་པར་ཡང་མི་བྱ་ལ། དགེ་བསྙེན་ལ་ཇི་ལྟ་བ་དེ་བཞིན་དུ་ཡིད་བརྟན་པ་ཡང་མི་བྱ་བ་ཡིན་པས་དེའི་ཕྱིར་དེ་དག་ནི་དགེ་བསྙེན་ཞེས་མི་བྱའོ། །བསླབ་པ་སྲུང་བར་བྱེད་པ་རྣམས་ཀྱི་བསོད་ནམས་ཡོངས་སུ་འཛིན་པ་ནི་མཚུངས་པར་རིག་པར་བྱའོ། །

ci'i phyir za ma dang ma ning dag rab tu dbyung bar mi bya zhing bsnyen par rdzogs par yang mi bya zhe na/ 'di ltar za ma dang ma ning dag ni dge slong gi phyogs su rnam par gzhag na yang bud med kyi nyes pa bsten par 'gyur la/ dge slong ma'i phyogs su rnam par gzhag na yang nom pa dang kun du nom pa la sogs pas skyes pa'i nyes pa bsten par 'gyur bas/ de'i phyir de dag ni de gnyi ga'i phyogs su gnas par 'os pa ma yin pas rab tu dbyung bar yang mi bya la bsnyen par rdzogs par yang mi bya'o/ /gzhan yang za ma dang ma ning dag ni nyon mongs pa mang ba dang/ rang bzhin gyis nyon mongs pa'i sgrib pas bsgribs pa yin pa'i phyir/ de dag gis ni gang gis so sor brtags shing so sor brtags nas re zhig tshul khrims kyi phung po yongs su dag pa la kun du spyod par 'gyur ba de lta bu'i so sor rtog pa skyed par yang mi nus na/ mi'i chos las bla ma mngon sum du byed pa lta ga la 'gyur te de'i phyir yang de dag ni rab tu dbyung bar mi bya la/ bsnyen par rdzogs par yang mi bya'o/ /de'i sde par gtogs pa la ni skyes bu dam pa la yang dkon la yongs su brtag par yang dka'o/ /ci'i phyir za ma dang ma ning dag skyabs su song zhing dge bsnyen gyi bslab pa'i gzhi dag yang dag par blangs te gnas su zin kyang dge bsnyen zhes brjod par mi bya zhe na/ dge slong dang dge slong ma la bsnyen bkur byed pa'i ngang tshul can ni dge bsnyen zhes bya na de dag gis ni bsdams su zin kyang dge slong la yang dang yang du kun du 'dre bas bsnyen bkur mi bya la dge slong ma la yang mi bya'o/ /dge slong dang dge slong ma dag gis kyang de dag las bsnyen bkur bdag gir mi bya zhing reg par yang mi bya la/ dge bsnyen la ji lta ba de bzhin du yid brtan pa yang mi bya ba yin pas de'i phyir de dag ni dge bsnyen zhes mi bya'o/ /bslab pa srung bar byed pa rnams kyi bsod nams yongs su 'dzin pa ni mtshungs par rig par bya'o/ /

【H3 處中業】

སྡོམ་པ་ཡང་མ་ཡིན། སྡོམ་པ་མ་ཡིན་པ་ཡང་མ་ཡིན་པ་གང་ཞེ་ན། ཇི་སྐད་བསྟན་པའི་སྡོམ་པ་དེ་དག་ཀྱང་མ་གཏོགས་སྡོམ་པ་མ་ཡིན་པ་ཡང་མ་གཏོགས་པ་ཡིད་དང་ལུས་དང་དག་གིས་དགེ་བ་དང་མི་དགེ་བའི་ལས་བྱེད་པ་གང་ཡིན་པ་དེ་དག་ཐམས་ཅད་ནི་སྡོམ་པ་ཡང་མ་ཡིན༑ སྡོམ་པ་མ་ཡིན་པ་ཡང་མ་ཡིན་པར་གཏོགས་པར་རིག་པར་བྱའོ། །

sdom pa yang ma yin/ sdom pa ma yin pa yang ma yin pa gang zhe na/ ji skad bstan pa'i sdom pa de dag kyang ma gtogs sdom pa ma yin pa yang ma gtogs pa yid dang lus dang dag gis dge ba dang mi dge ba'i las byed pa gang yin pa de dag thams cad ni sdom pa yang ma yin| sdom pa ma yin pa yang ma yin par gtogs par rig par bya'o/ /

【H4 問答重辨】【I1 辨自受他受若等心受持福德無別】

སྡོམ་པ་རང་གིས་བླངས་པ་དང༌། གཞན་ལས་བླང་བ་གང་ཡིན་པ་དེ་གང་གིས་གཞན་ལས་ལེན་ཏམ། །རང་གིས་ལེན་ན་སྡོམ་པ་ཡང་དག་པར་བླང་བ་དེ་གཉིས་ལ་འདི་ལྟ་སྟེ། བསོད་ནམས་དང་བསོད་ནམས་ཀྱི་བྱེ་བྲག་འགའ་ཞིག་ཡོད་དམ་ཞེ་ན། གལ་ཏེ་བསམ་པ་མཚུངས་པས་ལེན་པར་བྱེད་ཅིང་དེ་བཞིན་དུ་སྲུང་བར་ཡང་བྱེད་ན་ནི་བྱེ་བྲག་ནི་འགའ་ཡང་མེད་པར་རིག་པར་བྱའོ། །

sdom pa rang gis blangs pa dang/ gzhan las blang ba gang yin pa de gang gis gzhan las len tam/ /rang gis len na sdom pa yang dag par blang ba de gnyis la 'di lta ste/ bsod nams dang bsod nams kyi bye brag 'ga' zhig yod dam zhe na/ gal te bsam pa mtshungs pas len par byed cing de bzhin du srung bar yang byed na ni bye brag ni 'ga' yang med par rig par bya'o/ /

【I2 明戒障】【J1 問】

དེ་ལ་རྒྱུ་དུས་ན་དགེ་སློང་གི་སྡོམ་པ་ལེན་པར་མི་འགྱུར་ཞིང༌། དགེ་སློང་གི་སྡོམ་པ་འདོད་ཀྱང་འཐོབ་པར་མི་འགྱུར་ཞེ་ན།

de la rgyu dus na dge slong gi sdom pa len par mi 'gyur zhing/ dge slong gi sdom pa 'dod kyang 'thob par mi 'gyur zhe na/

【J2 答】【K1 辨不授】【L1 苾芻】【M1 所授之難】【N1 問答標列六因】

མདོར་བསྡུ་ན་རྒྱུ་དྲུག་གིས་ཏེ། བསམ་པ་ཉམས་པ་དང༌། ལུས་ཉམས་པ་དང༌། སྐྱེས་པ་ཉིད་ཉམས་པ་དང༌། དགེ་བའི་ཆོས་ཉམས་པ་དང༌། གཞན་གྱི་དབང་དུ་གྱུར་པ་དང༌། གཞན་རྗེས་སུ་སྲུང་བས་སོ། །

mdor bsdu na rgyu drug gis te/ bsam pa nyams pa dang/ lus nyams pa dang/ skyes pa nyid nyams pa dang/ dge ba'i chos nyams pa dang/ gzhan gyi dbang du gyur pa dang/ gzhan rjes su srung bas so/ /

【N2 釋】【O1 意樂損害】

དེ་ལ་གལ་ཏེ་རྒྱལ་པོས་གནོད་པ་བྱས་སམ་ཆོམ་རྐུན་གྱིས་གནོད་པ་བྱས་སམ། བུ་ལོན་གྱིས་ཉམ་ཐག་གམ། འཇིགས་པས་ཉམ་ཐག་གམ༑ འཚོ་བ་མེད་པས་འཇིགས་ཤིང་སྐྲག་པར་གྱུར་ནས། དེ་འདི་སྙམ་དུ་སེམས་ཏེ་བདག་ནི་ཁྱིམ་གྱི་གནས་ན་གནས་པར་དཀའ་བས་འཚོ་བར་བྱེད་པ་ཡིན་གྱི། དགེ་སློང་འདི་དག་ནི་ཚེགས་ཆུང་ངུས་འཚོ་བར་བྱེད་པ་ཡིན་པས་མ་ལ་བདག་དགེ་སློང་གི་ནང་དུ་སོང་སྟེ། བདག་དགེ་སློང་རྣམས་དང་ཆོས་མཐུན་པ་པ་ཡིན་པར་བསྟན་ལ། ཚེགས་ཆུང་ངུས་འཚོ་བར་བྱའོ་སྙམ་སྟེ། བསམ་པ་དེ་ལྟ་བུ་ཁོ་ནས་རབ་ཏུ་བྱུང་ནས་ཀྱང་འདི་ལྟ་སྟེ། བདག་དགེ་སློང་ཚོགས་ཤིང་འདུས་པ་རྣམས་ཀྱིས་ཚུལ་ཁྲིམས་འཆལ་པ་ཡིན་པར་རིག་ནས་བསྐྲད་པར་གྱུར་ན་མི་རུང་ངོ་སྙམ་སྟེ། འཇིགས་པས་བསླབ་པའི་གཞི་ཁ་ཅིག་ལ་བསྡམས་ཏེ། སྤྱོད་པར་བྱེད་དུ་ཟིན་ཀྱང་དེ་བསམ་པ་ཉམས་པ་ཡིན་པའི་ཕྱིར། བསྙེན་པར་རྫོགས་པ་མ་ཡིན་པ་ཁོ་ནར་བརྗོད་པར་བྱ་སྟེ། དེ་ནི་བསམ་པ་ཉམས་པ་ཞེས་བྱའོ། །གལ་ཏེ་འདི་སྙམ་དུ་སེམས་ཏེ། བདག་ཁྱིམ་འདི་ན་གནས་ན་དཀའ་བས་འཚོ་བར་འགྱུར་བས་མ་ལ་བདག་རབ་ཏུ་བྱུང་ལ་ཚེགས་ཆུང་ངུས་འཚོ་བར་བྱ། ཇི་ལྟར་དགེ་སློང་འདི་དག་ཚངས་པར་སྤྱད་པ་སྤྱོད་པ་ལྟར་ཇི་སྲིད་འཚོའི་བར་དུ་ཚངས་པར་སྤྱོད་པ་སྤྱད་པར་བྱའོ་སྙམ་ནས་དེ་ལྟར་རབ་ཏུ་བྱུང་བ་ནི་བསམ་པ་ཉམས་པ་མ་ཡིན་པ་ཞེས་ནི་བརྗོད་དེ། གཅིག་ཏུ་ཡོངས་སུ་དག་པ་ནི་མ་ཡིན་ཞིང་དེ་ནི་བསྙེན་པར་རྫོགས་པ་མ་ཡིན་པར་ཡང་བརྗོད་པར་མི་བྱའོ། །

de la gal te rgyal pos gnod pa byas sam chom rkun gyis gnod pa byas sam/ bu lon gyis nyam thag gam/ 'jigs pas nyam thag gam| 'tsho ba med pas 'jigs shing skrag par gyur nas/ de 'di snyam du sems te bdag ni khyim gyi gnas na gnas par dka' bas 'tsho bar byed pa yin gyi/ dge slong 'di dag ni tshegs chung ngus 'tsho bar byed pa yin pas ma la bdag dge slong gi nang du song ste/ bdag dge slong rnams dang chos mthun pa pa yin par bstan la/ tshegs chung ngus 'tsho bar bya'o snyam ste/ bsam pa de lta bu kho nas rab tu byung nas kyang 'di lta ste/ bdag dge slong tshogs shing 'dus pa rnams kyis tshul khrims 'chal pa yin par rig nas bskrad par gyur na mi rung ngo snyam ste/ 'jigs pas bslab pa'i gzhi kha cig la bsdams te/ spyod par byed du zin kyang de bsam pa nyams pa yin pa'i phyir/ bsnyen par rdzogs pa ma yin pa kho nar brjod par bya ste/ de ni bsam pa nyams pa zhes bya'o/ /gal te 'di snyam du sems te/ bdag khyim 'di na gnas na dka' bas 'tsho bar 'gyur bas ma la bdag rab tu byung la tshegs chung ngus 'tsho bar bya/ ji ltar dge slong 'di dag tshangs par spyad pa spyod pa ltar ji srid 'tsho'i bar du tshangs par spyod pa spyad par bya'o snyam nas de ltar rab tu byung ba ni bsam pa nyams pa ma yin pa zhes ni brjod de/ gcig tu yongs su dag pa ni ma yin zhing de ni bsnyen par rdzogs pa ma yin par yang brjod par mi bya'o/ /

【O2 依止損害】

འབྲས་དང་ཕོལ་མིག་ལ་སོགས་པ་བར་ཆད་ཀྱི་ཆོས་ལས་ཇི་སྐད་གསུངས་པའི་ནད་རྣམས་དང་ལྡན་པ་ནི་ལུས་ཉམས་པ་ཞེས་བྱ་བ་སྟེ། ལུས་ཉམས་པར་རབ་ཏུ་བྱུང་བ་དེ་ནི་བླ་མ་རྣམས་ལ་བསྙེན་བཀུར་བྱེད་པར་ཡང་མི་ནུས་པས། དེ་ལྟར་མི་ནུས་པ་དེ་ནི་བླ་མ་རྣམས་དང་ཚངས་པ་མཚུངས་པར་སྤྱོད་པ་དག་ལས་བསྙེན་བཀུར་གྱི་ལས་གང་ཡིན་པ་བདག་གིར་བྱེད་ཅིང༌། སྦྱིན་བདག་དད་པ་ཅན་རྣམས་ལས་ཆོས་གོས་དང་བསོད་སྙོམས་ལ་སོགས་པ་དད་པས་བྱིན་པ་ཡང་བདག་གིར་བྱེད་དེ། དེའི་དད་པས་བྱིན་པ་རྣམ་པ་དེ་གཉི་ག་ཡང་ཡོངས་སུ་ལོངས་སྤྱོད་པ་ལ་ལྕི་བ་དང་རུང་བ་མ་ཡིན་ལ། དགེ་བའི་ཆོས་རྣམས་ཡོངས་སུ་ཉམས་པར་ཡང་འགྱུར་བ་ཡིན་པས། དེའི་ཕྱིར་ལུས་ཉམས་པ་ཡང་བསྙེན་པར་རྫོགས་པར་མི་བྱའོ། །

'bras dang phol mig la sogs pa bar chad kyi chos las ji skad gsungs pa'i nad rnams dang ldan pa ni lus nyams pa zhes bya ba ste/ lus nyams par rab tu byung ba de ni bla ma rnams la bsnyen bkur byed par yang mi nus pas/ de ltar mi nus pa de ni bla ma rnams dang tshangs pa mtshungs par spyod pa dag las bsnyen bkur gyi las gang yin pa bdag gir byed cing/ sbyin bdag dad pa can rnams las chos gos dang bsod snyoms la sogs pa dad pas byin pa yang bdag gir byed de/ de'i dad pas byin pa rnam pa de gnyi ga yang yongs su longs spyod pa la lci ba dang rung ba ma yin la/ dge ba'i chos rnams yongs su nyams par yang 'gyur ba yin pas/ de'i phyir lus nyams pa yang bsnyen par rdzogs par mi bya'o/ /

【O3 男形損害】

ཟ་མ་དང་མ་ནིང་སྐྱེས་པ་ཉིད་ཉམས་པ་དག་ཀྱང་བསྙེན་པར་རྫོགས་པར་མི་བྱ་སྟེ། དེ་ལ་རྒྱུ་ནི་སྔར་བསྟན་པ་ཉིད་ཡིན་པར་ཁོང་དུ་ཆུད་པར་བྱའོ། །མ་ནིང་ནི་མདོར་བསྡུ་ན་རྣམ་པ་གསུམ་དུ་རིག་པར་བྱ་སྟེ། ཡོངས་མ་ནིང་དང༌། ཕྱོགས་གཅིག་གི་མ་ནིང་དང༌། ཉམས་པའི་མ་ནིང་ངོ༌། །དེ་ལ་སྐྱེས་པའི་དབང་པོ་དང་མི་ལྡན་པ་ཁོ་ནར་བཙས་པ་གང་ཡིན་པ་དེ་ནི་ཡོངས་མ་ནིང་ཞེས་བྱའོ༑ །ཟླ་བ་ཕྱེད་ཕྱེད་ཅིང་སྐྱེས་པའི་སྤོབས་པ་སྐྱེ་བ་དང༌། བདག་ཉིད་ལ་ཕ་རོལ་གྱིས་སུན་འབྱིན་པའམ། གཞན་དག་མི་ཚངས་པར་སྤྱོད་པ་འཁྲིག་པའི་ཆོས་ཀུན་དུ་སྤྱོད་པ་མཐོང་བ་དེ་སྐྱེས་པའི་སྤོབས་པ་སྐྱེ་བར་འགྱུར་བ་གང་ཡིན་པ་དེ་ནི་ཕྱོགས་གཅིག་པའི་མ་ནིང་ཞེས་བྱའོ། །མཚོན་ལ་སོགས་པས་ཆོད་པའམ། ནད་དང༌། དུག་དང༌། མེ་དང༌། གསང་སྔགས་ལ་སོགས་པའི་གནོད་པས་སྐྱེས་པའི་དབང་པོ་སྔོན་ཐོབ་པ་ཆད་པར་གྱུར་ཅིང་ཆད་ནས་ཀྱང་སྐྱེས་པའི་སྤོབས་པ་མི་འབྱུང་བ་གང་ཡིན་པ་དེ་ནི་ཉམས་པའི་མ་ནིང་ཞེས་བྱའོ། །དེ་ལ་མ་ནིང་དང་པོ་ནི་ཟ་མ་ཡང་ཡིན་ལ་མ་མིང་ཡང་ཡིན་ནོ། །གཉིས་པ་ནི་མ་ནིང་ཁོ་ན་ཡིན་གྱི་ཟ་མ་མ་ཡིན་ནོ། །གསུམ་པ་ནི་གལ་ཏེ་ཕ་རོལ་པོ་དག་གིས་བདག་ལ་སུན་འབྱིན་པར་མི་བྱེད་ན་ནི་ཟ་མ་ཁོ་ན་ཡིན་གྱི་མ་ནིང་ནི་མ་ཡིན་ནོ། །གལ་ཏེ་སུན་འབྱིན་པར་བྱེད་ན་ནི་དེ་ཟ་མ་དང་མ་ནིང་ཡིན་པར་བརྗོད་པར་བྱའོ། །

za ma dang ma ning skyes pa nyid nyams pa dag kyang bsnyen par rdzogs par mi bya ste/ de la rgyu ni sngar bstan pa nyid yin par khong du chud par bya'o/ /ma ning ni mdor bsdu na rnam pa gsum du rig par bya ste/ yongs ma ning dang/ phyogs gcig gi ma ning dang/ nyams pa'i ma ning ngo/ /de la skyes pa'i dbang po dang mi ldan pa kho nar btsas pa gang yin pa de ni yongs ma ning zhes bya'o| /zla ba phyed phyed cing skyes pa'i spobs pa skye ba dang/ bdag nyid la pha rol gyis sun 'byin pa'am/ gzhan dag mi tshangs par spyod pa 'khrig pa'i chos kun du spyod pa mthong ba de skyes pa'i spobs pa skye bar 'gyur ba gang yin pa de ni phyogs gcig pa'i ma ning zhes bya'o/ /mtshon la sogs pas chod pa'am/ nad dang/ dug dang/ me dang/ gsang sngags la sogs pa'i gnod pas skyes pa'i dbang po sngon thob pa chad par gyur cing chad nas kyang skyes pa'i spobs pa mi 'byung ba gang yin pa de ni nyams pa'i ma ning zhes bya'o/ /de la ma ning dang po ni za ma yang yin la ma ming yang yin no/ /gnyis pa ni ma ning kho na yin gyi za ma ma yin no/ /gsum pa ni gal te pha rol po dag gis bdag la sun 'byin par mi byed na ni za ma kho na yin gyi ma ning ni ma yin no/ /gal te sun 'byin par byed na ni de za ma dang ma ning yin par brjod par bya'o/ /

【O4 白法損害】

མཚམས་མེད་པའི་ལས་བྱེད་པ་དང༌། དགེ་སློང་མ་སུན་འབྱིན་པ་དང༌། མུ་སྟེགས་ཅན་དང༌། རྐུ་ཐབས་སུ་གནས་པ་དང༌། ཐ་དད་དུ་གནས་པ་དང༌། གནས་པར་མི་བྱ་བ་དག་ནི་དགེ་བའི་ཆོས་ཉམས་པ་ཡིན་པས་བསྙེན་པར་རྫོགས་པར་མི་བྱ་སྟེ། འདི་ལྟར་དེ་དག་ནི་ངོ་ཚ་མི་ཤེས་པ་དང་ཁྲེལ་མེད་པའི་ཆོས་དྲི་མ་ཅན་ཆེན་པོས་ངོ་ཚ་ཤེས་པ་དང༌། ཁྲེལ་ཡོད་པའི་ཆོས་དཀར་པོ་ཤིན་ཏུ་སྲབ་མོར་བྱས་ཤིང་ཆུང་ངུར་བྱས་པའི་ཕྱིར་རོ། །

mtshams med pa'i las byed pa dang/ dge slong ma sun 'byin pa dang/ mu stegs can dang/ rku thabs su gnas pa dang/ tha dad du gnas pa dang/ gnas par mi bya ba dag ni dge ba'i chos nyams pa yin pas bsnyen par rdzogs par mi bya ste/ 'di ltar de dag ni ngo tsha mi shes pa dang khrel med pa'i chos dri ma can chen pos ngo tsha shes pa dang/ khrel yod pa'i chos dkar po shin tu srab mor byas shing chung ngur byas pa'i phyir ro/ /

【O5 繫屬於他】

རྒྱལ་པོས་བཀྲབས་པ་དང༌། རྒྱལ་པོ་ལ་གནོད་པ་བྱེད་པ་དང༌། རྒྱལ་པོ་དང་མི་མཐུན་པའི་ལས་བྱེད་པ་དང༌། བུ་ལོན་གཞལ་དགོས་པ་དང༌། བྲན་དང༌། ཕྲོགས་པ་དང༌། མཆུ་ཐོགས་པ་དང༌། བརྗོད་པ་ཡོད་པ་དང༌། ཕ་མས་མ་གནང་བ་དག་ནི་གཞན་གྱི་དབང་དུ་གྱུར་པ་ཡིན་པས་བསྙེན་པར་རྫོགས་པར་མི་བྱའོ། །

rgyal pos bkrabs pa dang/ rgyal po la gnod pa byed pa dang/ rgyal po dang mi mthun pa'i las byed pa dang/ bu lon gzhal dgos pa dang/ bran dang/ phrogs pa dang/ mchu thogs pa dang/ brjod pa yod pa dang/ pha mas ma gnang ba dag ni gzhan gyi dbang du gyur pa yin pas bsnyen par rdzogs par mi bya'o/ /

【O6 為護他故】

སྦྲུལ་པ་དག་ནི་གཞན་རྗེས་སུ་བསྲུང་བས་བསྙེན་པར་རྫོགས་པར་མི་བྱ་སྟེ། དེ་ཅིའི་ཕྱིར་ཞེ་ན། དེ་ནི་ཀླུར་གྱུར་པ་ལས་ཆོས་རྣམས་གཟུང་བའི་ཕྱིར། དགེ་སློང་གི་ལུས་སུ་སྤྲུལ་ནས་བསྙེན་པར་རྫོགས་པ་ཚོལ་བར་བྱེད་པ་ཡིན་ཏེ། གལ་ཏེ་ཀླུ་དེ་བསྙེན་པར་རྫོགས་པར་གྱུར་ན། དགེ་སློང་དུ་གྱུར་པ་དེ་གཉིད་ལོག་ན་ནི་རང་གི་གཟུགས་སུ་གནས་པས། ཀུན་དགའི་ར་བ་སྲུང་བའམ། དགེ་བསྙེན་དག་དགེ་སློང་གི་འདུ་ཤེས་ཀྱིས་ཚམ་ཚོམ་མེད་པར་དྲུང་དུ་འོངས་ཏེ། གཟུགས་མི་སྡུག་པ་མཐོང་ན་འདི་སྙམ་དུ་དགེ་སློང་ཐམས་ཅད་ནི་མི་མ་ཡིན་པ་ཡིན་པས་སུ་ཞིག་འདི་དག་ལ་བསོད་སྙོམས་འབུལ་བ་དང་བྱ་བར་སེམས་ཞེས། དགེ་སློང་ཐམས་ཅད་ལ་ཞེ་སྡང་གི་སེམས་སྐྱེད་ཅིང་སྡིག་པ་ཅན་གྱི་ལྟ་བ་ཐོབ་པར་གྱུར་པས། དེའི་ཕྱིར་གཞན་རྗེས་སུ་བསྲུང་བས་དེ་དག་ཀྱང་བསྙེན་པར་རྫོགས་པར་མི་བྱའོ། །

sbrul pa dag ni gzhan rjes su bsrung bas bsnyen par rdzogs par mi bya ste/ de ci'i phyir zhe na/ de ni klur gyur pa las chos rnams gzung ba'i phyir/ dge slong gi lus su sprul nas bsnyen par rdzogs pa tshol bar byed pa yin te/ gal te klu de bsnyen par rdzogs par gyur na/ dge slong du gyur pa de gnyid log na ni rang gi gzugs su gnas pas/ kun dga'i ra ba srung ba'am/ dge bsnyen dag dge slong gi 'du shes kyis tsham tshom med par drung du 'ongs te/ gzugs mi sdug pa mthong na 'di snyam du dge slong thams cad ni mi ma yin pa yin pas su zhig 'di dag la bsod snyoms 'bul ba dang bya bar sems zhes/ dge slong thams cad la zhe sdang gi sems skyed cing sdig pa can gyi lta ba thob par gyur pas/ de'i phyir gzhan rjes su bsrung bas de dag kyang bsnyen par rdzogs par mi bya'o/ /

【N3 結】

【M2 闕能授】

དེ་ལྟར་ན་ལས་བྱེད་པའི་སློབ་དཔོན་མེད་པ་དང༌། མཁན་པོ་མེད་པ་དང་དགེ་འདུན་ཚུལ་ལ་གནས་པ་ཚད་བར་མེད་པ་མ་གཏོགས་པར་རྒྱུ་དྲུག་པོ་དེ་དག་གིས་ན་དགེ་སློང་གི་སྡོམ་པ་ལེན་པར་མི་འགྱུར་རོ། །

de ltar na las byed pa'i slob dpon med pa dang/ mkhan po med pa dang dge 'dun tshul la gnas pa tshad bar med pa ma gtogs par rgyu drug po de dag gis na dge slong gi sdom pa len par mi 'gyur ro/ /

【L2 近事】

རྒྱུ་དུས་ནི་དགེ་བསྙེན་གྱི་སྡོམ་པ་ལེན་པར་མི་འགྱུར་ཞེ་ན། མདོར་བསྡུ་ན་རྒྱུ་གཉིས་ཀྱིས་ཏེ། བསམ་པ་ཉམས་པ་དང༌། སྐྱེས་པ་ཉིད་ཉམས་པས་སོ། །དེ་ལ་བསམ་པ་ཉམས་པས་ནི་ཐམས་ཅད་ཀྱི་ཐམས་ཅད་དུ་ལེན་པར་མི་འགྱུར་བ་ཁོ་ནར་ཁོང་དུ་ཆུད་པར་བྱའོ། །སྐྱེས་པ་ཉིད་ཉམས་པས་ནི་ལེན་པ་ཡོད་དུ་ཟིན་ཀྱང་སྔར་བསྟན་པའི་རྒྱུ་ཉིད་ཀྱིས་ན་དེ་དགེ་བསྙེན་དུ་ནི་བརྗོད་པར་མི་བྱའོ། །

rgyu dus ni dge bsnyen gyi sdom pa len par mi 'gyur zhe na/ mdor bsdu na rgyu gnyis kyis te/ bsam pa nyams pa dang/ skyes pa nyid nyams pas so/ /de la bsam pa nyams pas ni thams cad kyi thams cad du len par mi 'gyur ba kho nar khong du chud par bya'o/ /skyes pa nyid nyams pas ni len pa yod du zin kyang sngar bstan pa'i rgyu nyid kyis na de dge bsnyen du ni brjod par mi bya'o/ /

【L3 近住】

བསྙེན་གནས་པའི་སྡོམ་པ་ནི་བསམ་པ་ཉམས་པ་ཁོ་ནས་ལེན་པར་མི་འགྱུར་བར་ཁོང་དུ་ཆུད་པར་བྱ་སྟེ། གང་ལ་ལ་དག་གཞན་གྱི་རྗེས་སུ་འཇུག་པའམ། རྙེད་པ་དང་བཀུར་སྟིའི་ཕྱིར་བསྙེན་གནས་པའི་སྡོམ་པ་ཡང་དག་པར་ལེན་པར་དམ་འཆའ་བ་དེ་དག་ཀྱང་དེ་ལ་བླང་བའི་བསམ་པ་མེད་པ་ཡིན་ཏེ། དེ་ལྟར་ན་དེ་ནི་དེའི་བསམ་པ་ཉམས་པ་ཡིན་པར་རིག་པར་བྱའོ། །

bsnyen gnas pa'i sdom pa ni bsam pa nyams pa kho nas len par mi 'gyur bar khong du chud par bya ste/ gang la la dag gzhan gyi rjes su 'jug pa'am/ rnyed pa dang bkur sti'i phyir bsnyen gnas pa'i sdom pa yang dag par len par dam 'cha' ba de dag kyang de la blang ba'i bsam pa med pa yin te/ de ltar na de ni de'i bsam pa nyams pa yin par rig par bya'o/ /

【K2 返此明受】

ལེན་པར་མི་འགྱུར་བའི་རྒྱུ་ཉིད་ཇི་སྐད་བསྟན་པ་དེ་དག་མེད་པས་ནི་སྡོམ་པ་ཇི་སྐད་བསྟན་པ་དེ་དག་ལེན་པ་ཡིན་པར་ཁོང་དུ་ཆུད་པར་བྱའོ། །

len par mi 'gyur ba'i rgyu nyid ji skad bstan pa de dag med pas ni sdom pa ji skad bstan pa de dag len pa yin par khong du chud par bya'o/ /

【I3 明捨戒緣】【J1 問】

དེ་ལ་རྒྱུ་དུས་ན་དགེ་སློང་གི་སྡོམ་པ་བླངས་ཀྱང་གཏོང་བར་འགྱུར་ཞེ་ན།

de la rgyu dus na dge slong gi sdom pa blangs kyang gtong bar 'gyur zhe na/

【J2 答】【K1 明苾芻五緣捨戒】

མདོར་བསྡུ་ན་རྒྱུ་ལྔས་ཏེ་བསླབ་པའི་གཞི་འབུལ་བ་དང༌། ལྟུང་བའི་རྩ་བ་ལྷག་པར་སྤྱོད་པ་དང༌། མཚན་ནུབ་ཅིང་མཚན་གཉིས་སྐྱེས་པ་དང༌། དགེ་བའི་རྩ་བ་ཆད་པ་དང༌། རིགས་མཐུན་པ་སྤངས་པས་ཀྱང་དགེ་སློང་གི་སྡོམ་པ་བླངས་པ་གཏོང་བར་འགྱུར་རོ། །དམ་པའི་ཆོས་རབ་ཏུ་རྣམ་པར་ཞིག་ཅིང་དམ་པའི་ཆོས་ནུབ་ན་ནི་དགེ་སློང་གི་སྡོམ་པ་མ་བླངས་པ་ནི་བླང་དུ་མེད་ལ། སྔར་བླངས་པ་ནི་ཡོངས་སུ་མི་གཏོང་བར་རིག་པར་བྱ་སྟེ། འདི་ལྟར་དེའི་ཚེ་དུས་ངན་པ་བྱུང་བ་དེའི་ཚེ་ན་སེམས་ཅན་འགའ་ཡང་བསམ་པ་ཉམས་པས་བསྙེན་པར་རྫོགས་པར་འགྱུར་བ་ཡང་མེད་ན། དགེ་སྦྱོང་གི་འབྲས་བུ་ཐོབ་པར་འགྱུར་བ་ལྟ་སྨོས་ཀྱང་ཅི་དགོས་པའི་ཕྱིར་རོ། །

mdor bsdu na rgyu lngas te bslab pa'i gzhi 'bul ba dang/ ltung ba'i rtsa ba lhag par spyod pa dang/ mtshan nub cing mtshan gnyis skyes pa dang/ dge ba'i rtsa ba chad pa dang/ rigs mthun pa spangs pas kyang dge slong gi sdom pa blangs pa gtong bar 'gyur ro/ /dam pa'i chos rab tu rnam par zhig cing dam pa'i chos nub na ni dge slong gi sdom pa ma blangs pa ni blang du med la/ sngar blangs pa ni yongs su mi gtong bar rig par bya ste/ 'di ltar de'i tshe dus ngan pa byung ba de'i tshe na sems can 'ga' yang bsam pa nyams pas bsnyen par rdzogs par 'gyur ba yang med na/ dge sbyong gi 'bras bu thob par 'gyur ba lta smos kyang ci dgos pa'i phyir ro/ /

【K2 明近事三緣捨戒】

དགེ་བསྙེན་གྱི་སྡོམ་པ་ནི་མི་མཐུན་པའི་སེམས་སྐྱེས་པ་དང༌། དགེ་བའི་རྩ་བ་ཆད་པ་དང༌། རིས་མཐུན་པ་སྤངས་པས་ཡོངས་སུ་གཏོང་བར་རིག་པར་བྱའོ། །དམ་པའི་ཆོས་ནུབ་པས་ནི་དགེ་སློང་གི་སྡོམ་པ་ཇི་ལྟ་བ་བཞིན་དུ་དགེ་བསྙེན་གྱི་སྡོམ་པ་དང༌། བསྙེན་གནས་པའི་སྡོམ་པ་ཡང་དེ་བཞིན་དུ་རིག་པར་བྱའོ། །

dge bsnyen gyi sdom pa ni mi mthun pa'i sems skyes pa dang/ dge ba'i rtsa ba chad pa dang/ ris mthun pa spangs pas yongs su gtong bar rig par bya'o/ /dam pa'i chos nub pas ni dge slong gi sdom pa ji lta ba bzhin du dge bsnyen gyi sdom pa dang/ bsnyen gnas pa'i sdom pa yang de bzhin du rig par bya'o/ /

【K3 明近住三緣捨戒】

བསྙེན་གནས་པའི་སྡོམ་པ་གཏོང་བ་ནི་ཉི་མ་ཤར་བ་དང༌། གལ་ཏེ་སེམས་མི་མཐུན་པ་བསྐྱེད་པ་དང༌། སྔ་རོལ་དུ་རིགས་མཐུན་པ་སྤོང་ཞིང་འཆི་བའི་དུས་བྱེད་པ་ལས་ཁོང་དུ་ཆུད་པར་བྱའོ།། །།

bsnyen gnas pa'i sdom pa gtong ba ni nyi ma shar ba dang/ gal te sems mi mthun pa bskyed pa dang/ snga rol du rigs mthun pa spong zhing 'chi ba'i dus byed pa las khong du chud par bya'o// //

【F8 明二無心定】【G1 無想定】【H1 問】

བམ་པོ་ལྔ་པ། དེ་ལ་འདུ་ཤེས་མེད་པའི་སྙོམས་པར་འཇུག་པ་གང་ཞེ་ན།

bam po lnga pa/ de la 'du shes med pa'i snyoms par 'jug pa gang zhe na/

【H2 答】【I1 明得定分齊】

དགེ་རྒྱས་ཀྱི་འདོད་ཆགས་དང་བྲལ་ལ། གོང་མའི་འདོད་ཆགས་དང་མ་བྲལ་བའི་

dge rgyas kyi 'dod chags dang bral la/ gong ma'i 'dod chags dang ma bral ba'i

【I2 明修】

འབྱུང་བའི་འདུ་ཤེས་སྔོན་དུ་གཏོང་བའི་ཡིད་ལ་བྱེད་པས་

'byung ba'i 'du shes sngon du gtong ba'i yid la byed pas

【I3 明定體】

སེམས་དང་སེམས་ལས་བྱུང་བའི་ཆོས་རྣམས་འགོག་པ་ཙམ་དང༌། ཉེ་བར་ཞི་ཞིང་མི་འབྱུང་བ་ཙམ་ནི་འདུ་ཤེས་མེད་པའི་སྙོམས་པར་འཇུག་པ་ཞེས་བྱ་སྟེ།

sems dang sems las byung ba'i chos rnams 'gog pa tsam dang/ nye bar zhi zhing mi 'byung ba tsam ni 'du shes med pa'i snyoms par 'jug pa zhes bya ste/

【I4 明假實】

དེ་ཡང་བརྟགས་པའི་ཡོད་པ་ཡིན་གྱི་རྫས་སུ་ནི་མ་ཡིན་ནོ། །

de yang brtags pa'i yod pa yin gyi rdzas su ni ma yin no/ /

【I5 明差別】

དེ་ཡང་མདོར་བསྡུ་ན་རྣམ་པ་གསུམ་དུ་རིག་པར་བྱ་སྟེ། ཆུང་ངུ་བསྒོམས་པ་དང༌། འབྲིང་དུ་བསྒོམས་པ་དང༌། ཆེར་བསྒོམས་པའོ། །དེ་ལ་ཆུང་ངུ་བསྒོམས་པས་ནི་ཚེ་འདི་ལས་ཡོངས་སུ་ཉམས་པར་འགྱུར་ཞིང་མྱུར་བ་མྱུར་བ་ཁོ་ནར་ཕྱིར་བསྐྱེད་པར་ཡང་མི་ནུས་ལ། འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་ན་ཡང་ཇི་ལྟར་གཞན་དག་གི་ལུས་གཟུགས་ཡོངས་སུ་དག་པ། འོད་གསལ་བ་དང་རྒྱ་ཆེ་བ་དེ་ལྟར་མི་འགྱུར་ཞིང་ངེས་པར་བར་སྐབས་སུ་འཆི་བའི་དུས་བྱེད་པར་ཡང་འགྱུར་རོ། །འབྲིང་དུ་བསྒོམས་པས་ནི་ཡོངས་སུ་ཉམས་པར་འགྱུར་ཞིང་མྱུར་བ་མྱུར་བ་ཁོ་ནར་ཕྱིར་བསྐྱེད་པར་མི་ནུས་ལ་དེར་སྐྱེས་ནས་ཡང་ལུས་གཟུགས་ཡོངས་སུ་དག་པ་འོད་གསལ་བ་དང༌། རྒྱ་ཆེ་བ་འགྲུབ་པ་ནི་འགྱུར་མོད་ཀྱི། མཐར་ཐུག་པ་ཤིན་ཏུ་ཡོངས་སུ་དག་པར་མི་འགྱུར་ཞིང་བར་སྐབས་སུ་འཆི་བའི་དུས་བྱེད་པར་ཡང་འགྱུར་ལ་ངེས་པ་ནི་མ་ཡིན་ནོ། །རྒྱ་ཆེར་བསྒོམས་པས་ནི་ཡོངས་སུ་ཉམས་པར་མི་འགྱུར་ལ། དེར་སྐྱེས་ན་ཡང་ལུས་གཟུགས་ཡོངས་སུ་དག་པ་འོད་གསལ་བ་དང་རྒྱ་ཆེ་བ་ཡང་འགྲུབ་ཅིང་མཐར་ཐུག་པར་ཤིན་ཏུ་ཡོངས་སུ་དག་པར་ཡང་འགྱུར་ལ། བར་སྐབས་སུ་འཆི་བའི་དུས་བྱེད་པར་ཡང་མི་འགྱུར་ཞིང༌། ཚེ་ཡོངས་སུ་རྫོགས་ནས་ཟད་པར་བྱེད་དོ། །

de yang mdor bsdu na rnam pa gsum du rig par bya ste/ chung ngu bsgoms pa dang/ 'bring du bsgoms pa dang/ cher bsgoms pa'o/ /de la chung ngu bsgoms pas ni tshe 'di las yongs su nyams par 'gyur zhing myur ba myur ba kho nar phyir bskyed par yang mi nus la/ 'du shes med pa'i sems can lha rnams kyi nang du skyes na yang ji ltar gzhan dag gi lus gzugs yongs su dag pa/ 'od gsal ba dang rgya che ba de ltar mi 'gyur zhing nges par bar skabs su 'chi ba'i dus byed par yang 'gyur ro/ /'bring du bsgoms pas ni yongs su nyams par 'gyur zhing myur ba myur ba kho nar phyir bskyed par mi nus la der skyes nas yang lus gzugs yongs su dag pa 'od gsal ba dang/ rgya che ba 'grub pa ni 'gyur mod kyi/ mthar thug pa shin tu yongs su dag par mi 'gyur zhing bar skabs su 'chi ba'i dus byed par yang 'gyur la nges pa ni ma yin no/ /rgya cher bsgoms pas ni yongs su nyams par mi 'gyur la/ der skyes na yang lus gzugs yongs su dag pa 'od gsal ba dang rgya che ba yang 'grub cing mthar thug par shin tu yongs su dag par yang 'gyur la/ bar skabs su 'chi ba'i dus byed par yang mi 'gyur zhing/ tshe yongs su rdzogs nas zad par byed do/ /

【I6 明無想果】

རྒྱུ་དེ་དང་རྐྱེན་དེས་སྐྱེས་ནས་ཐོབ་པའི་སེམས་དང་སེམས་ལས་བྱུང་བ་འགོག་པ་དེ་ནི་འདུ་ཤེས་མེད་པ་པ་ཞེས་བྱའོ། །

rgyu de dang rkyen des skyes nas thob pa'i sems dang sems las byung ba 'gog pa de ni 'du shes med pa pa zhes bya'o/ /

【G2 滅盡定】【H1 問】

དེ་ལ་འགོག་པའི་སྙོམས་པར་འཇུག་པ་གང་ཞེ་ན།

de la 'gog pa'i snyoms par 'jug pa gang zhe na/

【H2 答】【I1 明得定位分】

ཅི་ཡང་མེད་པའི་སྐྱེ་མཆེད་ཀྱི་འདོད་ཆགས་དང་བྲལ་བ་གོང་མའི་འདོད་ཆགས་དང་མ་བྲལ་ཡང་རུང༌། འདོད་ཆགས་དང་བྲལ་ཡང་རུང་བའི་

ci yang med pa'i skye mched kyi 'dod chags dang bral ba gong ma'i 'dod chags dang ma bral yang rung/ 'dod chags dang bral yang rung ba'i

【I2 明修意】

གནས་པའི་འདུ་ཤེས་སྔོན་དུ་གཏང་བའི་ཡིད་ལ་བྱེད་པས་

gnas pa'i 'du shes sngon du gtang ba'i yid la byed pas

【I3 明定體】

སེམས་དང་སེམས་ལས་བྱུང་བའི་ཆོས་རྣམས་འགོག་པ་ཙམ་དང༌། ཉེ་བར་ཞི་ཞིང་མི་འབྱུང་བ་ཙམ་ནི་འགོག་པའི་སྙོམས་པར་འཇུག་པ་ཞེས་བྱ་བ་སྟེ༑

sems dang sems las byung ba'i chos rnams 'gog pa tsam dang/ nye bar zhi zhing mi 'byung ba tsam ni 'gog pa'i snyoms par 'jug pa zhes bya ba ste|

【I4 明唯滅轉識不滅賴耶】

འཇུག་པའི་རྣམ་པར་ཤེས་པ་ཙམ་ཉེ་བར་ཞི་བར་ཟད་ཀྱི་ཀུན་གཞི་རྣམ་པར་ཤེས་པ་ཉེ་བར་ཞི་བ་ནི་མ་ཡིན་ནོ། །

'jug pa'i rnam par shes pa tsam nye bar zhi bar zad kyi kun gzhi rnam par shes pa nye bar zhi ba ni ma yin no/ /

【I5 明定真假】

དེ་ཡང་བརྟགས་པའི་ཡོད་པ་ཡིན་གྱི་རྫས་སུ་ནི་མ་ཡིན་པར་རིག་པར་བྱའོ། །

de yang brtags pa'i yod pa yin gyi rdzas su ni ma yin par rig par bya'o/ /

【I6 明品類有三】

དེ་ཡང་མདོར་བསྡུ་ན་རྣམ་པ་གསུམ་སྟེ་སྔ་མ་བཞིན་དུ་ཆུང་ངུ་བསྒོམས་པ་ལ་སོགས་པའོ། །དེ་ལ་ཆུང་ངུ་བསྒོམས་པས་ནི་ཡོངས་སུ་ཉམས་པར་འགྱུར་ཞིང་མྱུར་བ་མྱུར་བ་ཁོ་ནར་ཕྱིར་བསྐྱེད་པར་ཡང་མི་ནུས་སོ། །འབྲིང་དུ་བསྒོམས་པས་ནི་ཡོངས་སུ་ཉམས་པར་འགྱུར་ལ། མྱུར་བ་མྱུར་བ་ཁོ་ནར་ཕྱིར་བསྐྱེད་པར་ནི་མི་ནུས་སོ། །ཆེར་བསྒོམས་པས་ནི་ཡོངས་སུ་ཉམས་པར་མི་འགྱུར་བ་ཁོ་ན་ཡིན་ནོ། །

de yang mdor bsdu na rnam pa gsum ste snga ma bzhin du chung ngu bsgoms pa la sogs pa'o/ /de la chung ngu bsgoms pas ni yongs su nyams par 'gyur zhing myur ba myur ba kho nar phyir bskyed par yang mi nus so/ /'bring du bsgoms pas ni yongs su nyams par 'gyur la/ myur ba myur ba kho nar phyir bskyed par ni mi nus so/ /cher bsgoms pas ni yongs su nyams par mi 'gyur ba kho na yin no/ /

【I7 明得定人】

དེ་ལ་ནི་སློབ་པ་ཕྱིར་མི་འོང་བ་ལུས་ཀྱིས་མངོན་སུམ་དུ་བྱེད་པ་དང༌། མི་སློབ་པ་གཉིས་ཀའི་ཆ་ལས་རྣམ་པར་གྲོལ་བ་ཡང་སྙོམས་པར་འཇུག་གོ། །འདུ་ཤེས་མེད་པའི་སྙོམས་པར་འཇུག་པ་ལ་ནི་སློབ་པ་ཡང་སྙོམས་པར་མི་འཇུག་ལ་མི་སློབ་པ་ཡང་མི་འཇུག་གོ། །དེ་ཅིའི་ཕྱིར་ཞེ་ན། དེ་ལ་ནི་ཤེས་རབ་ཀྱི་སྤྱོད་པ་མེད་ལ་དེའི་གོང་ན་ཆེས་ཞི་བའི་གནས་པ་ཡོད་པའི་ཕྱིར་ཏེ། སྐྱེ་བ་དེ་ནི་དགེ་བའི་ཆོས་མ་ཐོབ་པ་རྣམས་ཐོབ་པར་བྱ་བ་ལས་སླུ་བའི་གནས་ཡིན་ནོ། །

de la ni slob pa phyir mi 'ong ba lus kyis mngon sum du byed pa dang/ mi slob pa gnyis ka'i cha las rnam par grol ba yang snyoms par 'jug go/ /'du shes med pa'i snyoms par 'jug pa la ni slob pa yang snyoms par mi 'jug la mi slob pa yang mi 'jug go/ /de ci'i phyir zhe na/ de la ni shes rab kyi spyod pa med la de'i gong na ches zhi ba'i gnas pa yod pa'i phyir te/ skye ba de ni dge ba'i chos ma thob pa rnams thob par bya ba las slu ba'i gnas yin no/ /

【F9 明虛空非擇滅】【G1 虛空無為】

དེ་ལ་ནམ་མཁའ་གང་ཞེ་ན། གཟུགས་མེད་པ་ཙམ་གྱིས་རབ་ཏུ་ཕྱེ་བ་ནི་ནམ་མཁའ་ཡིན་ཏེ། འདི་ལྟར་གང་ལ་གཟུགས་ཀྱི་རྣམ་པ་མི་དམིགས་པ་དེ་ལ་ནམ་མཁའི་འདུ་ཤེས་འབྱུང་བར་འགྱུར་བས་དེའི་ཕྱིར་དེ་ཡང་བརྟགས་པའི་ཡོད་པ་ཡིན་པར་རིག་པར་བྱའི་རྫས་སུ་ནི་མ་ཡིན་ནོ། །

de la nam mkha' gang zhe na/ gzugs med pa tsam gyis rab tu phye ba ni nam mkha' yin te/ 'di ltar gang la gzugs kyi rnam pa mi dmigs pa de la nam mkha'i 'du shes 'byung bar 'gyur bas de'i phyir de yang brtags pa'i yod pa yin par rig par bya'i rdzas su ni ma yin no/ /

【G2 非擇滅無為】

སོ་སོར་བརྟགས་པ་མ་ཡིན་པའི་འགོག་པ་གང་ཞེ་ན། དེ་ལས་གཞན་པ་སྐྱེ་བའི་རྐྱེན་མངོན་དུ་གྱུར་པ་ན་དེ་ལས་གཞན་པ་སྐྱེ་བས། དེ་ལས་གཞན་པ་མི་སྐྱེ་ཞིང་ཉེ་བར་ཞི་བའི་འགོག་པ་ཙམ་ནི་སོ་སོར་བརྟགས་པ་མ་ཡིན་པའི་འགོག་པ་ཞེས་བྱ་སྟེ། གང་དེའི་ཚེ་ན་མ་སྐྱེས་ཤིང་སྐྱེ་བའི་དུས་ལས་ཐལ་བ་དེ་ནི་དེའི་ཚེ་ནམ་ཡང་སྐྱེ་བར་མི་འགྱུར་བས། དེའི་ཕྱིར་དེ་ཡང་བརྟགས་པའི་ཡོད་པ་ཡིན་གྱི་རྫས་སུ་ཡོད་པ་ནི་མ་ཡིན་ནོ། །དེའི་རང་གི་མཚན་ཉིད་ནི་གཞན་ཅུང་ཟད་ཀྱང་མི་དམིགས་སོ། །དེ་ཡང་ཆོས་ཀྱི་རྣམ་པ་དང་མ་བྲལ་བའི་ཕྱིར་དུས་གཞན་གྱི་ཚེ་རྐྱེན་དང་ཕྲད་ན་འབྱུང་བར་འགྱུར་བས་དེའི་ཕྱིར་སོ་སོར་བརྟགས་པ་མ་ཡིན་པའི་འགོག་པ་དེ་ནི་གཏན་དུ་བ་མ་ཡིན་ནོ། །སློབ་པ་བཞི་མཐོང་བ་དེ་སྒོ་ང་ལས་སྐྱེ་བ་དང༌། དྲོད་གཤེར་ལས་སྐྱེ་བའི་སྐྱེ་གནས་དང༌། བྱང་གི་སྒྲ་མི་སྙན་དུ་སྐྱེ་བ་དང༌། འདུ་ཤེས་མེད་པ་པའི་སེམས་ཅན་དུ་སྐྱེ་བ་དང༌། བུད་མེད་དང༌། ཟ་མ་དང༌། མ་ནིང་དང༌། མཚན་མེད་དང༌། མཚན་གཉིས་པར་སྐྱེ་བ་དང༌། ཡང་འབྱུང་བའི་སྲིད་པ་ལ་སྲེད་ཅིང་སྨོན་པ་དག་སོ་སོར་བརྟགས་པ་མ་ཡིན་པའི་འགོག་པ་ཐོབ་པ་དེ་ནི་གཏན་དུ་བ་ཡིན་པར་རིག་པར་བྱའོ། །སློབ་པ་བཞི་མཐོང་བ་ནི་ནམ་ཡང་ཡང་འབྱུང་བའི་སྲིད་པ་ལ་མངོན་པར་འདོད་ཅིང་སྨོན་པའི་ཀུན་ནས་དཀྲིས་པས་ཡང་འབྱུང་བའི་སྲིད་པ་མངོན་པར་སྒྲུབ་པར་མི་བྱེད་དེ། སྲིད་པའི་ས་བོན་ལྷག་མ་མ་ལུས་པར་ཡང་དག་པར་མ་བཅོམ་པ་ཁོ་ན་ཙམ་དུ་ཟད་དོ། །

so sor brtags pa ma yin pa'i 'gog pa gang zhe na/ de las gzhan pa skye ba'i rkyen mngon du gyur pa na de las gzhan pa skye bas/ de las gzhan pa mi skye zhing nye bar zhi ba'i 'gog pa tsam ni so sor brtags pa ma yin pa'i 'gog pa zhes bya ste/ gang de'i tshe na ma skyes shing skye ba'i dus las thal ba de ni de'i tshe nam yang skye bar mi 'gyur bas/ de'i phyir de yang brtags pa'i yod pa yin gyi rdzas su yod pa ni ma yin no/ /de'i rang gi mtshan nyid ni gzhan cung zad kyang mi dmigs so/ /de yang chos kyi rnam pa dang ma bral ba'i phyir dus gzhan gyi tshe rkyen dang phrad na 'byung bar 'gyur bas de'i phyir so sor brtags pa ma yin pa'i 'gog pa de ni gtan du ba ma yin no/ /slob pa bzhi mthong ba de sgo nga las skye ba dang/ drod gsher las skye ba'i skye gnas dang/ byang gi sgra mi snyan du skye ba dang/ 'du shes med pa pa'i sems can du skye ba dang/ bud med dang/ za ma dang/ ma ning dang/ mtshan med dang/ mtshan gnyis par skye ba dang/ yang 'byung ba'i srid pa la sred cing smon pa dag so sor brtags pa ma yin pa'i 'gog pa thob pa de ni gtan du ba yin par rig par bya'o/ /slob pa bzhi mthong ba ni nam yang yang 'byung ba'i srid pa la mngon par 'dod cing smon pa'i kun nas dkris pas yang 'byung ba'i srid pa mngon par sgrub par mi byed de/ srid pa'i sa bon lhag ma ma lus par yang dag par ma bcom pa kho na tsam du zad do/ /

【F10 總辨不相應名義】

ཅིའི་ཕྱིར་སེམས་དང་མི་ལྡན་པ་རྣམས་ཞེས་བྱ་ཞེ་ན། དེ་དག་ནི་དེ་དག་ལ་མིང་དུ་བཏགས་པས་ཐ་སྙད་འདོགས་པར་ཟད་པའི་ཕྱིར་ཏེ། དེ་དག་ཀྱང་གཟུགས་ཅན་རྣམས་ལ་ཡང་གཉི་ག་མ་ཡིན་པ་དང༌། བསྟན་དུ་ཡོད་པ་རྣམས་ལ་ཡང་གཉི་ག་མ་ཡིན་པར་རྣམ་པར་གཞག་པའི་ཚུལ་རྒྱ་ཆེར་རིག་པར་བྱའོ། །

ci'i phyir sems dang mi ldan pa rnams zhes bya zhe na/ de dag ni de dag la ming du btags pas tha snyad 'dogs par zad pa'i phyir te/ de dag kyang gzugs can rnams la yang gnyi ga ma yin pa dang/ bstan du yod pa rnams la yang gnyi ga ma yin par rnam par gzhag pa'i tshul rgya cher rig par bya'o/ /

【E2 廣明六種善巧】【F1 蘊善巧】【G1 以六門分別】【H1 半頌列其六義】

མཁས་པ་དྲུག་པོ་འདི་ལྟ་སྟེ། ཕུང་པོ་ལ་མཁས་པ་ནས་དབང་པོ་ལ་མཁས་པའི་བར་དུ་གང་གསུངས་པའི་མཁས་པ་དེ་དག་གི་རྣམ་པར་གཞག་པ་ཇི་ལྟ་བུ་ཡིན་པར་རིག་པར་བྱ་ཞེ་ན། སྡོམ་ནི། ངོ་བོ་ཉིད་དང་དོན་རྣམས་དབྱེ། །གོ་རིམས་དང་ནི་བསྡུ་དང་བརྟེན། །

mkhas pa drug po 'di lta ste/ phung po la mkhas pa nas dbang po la mkhas pa'i bar du gang gsungs pa'i mkhas pa de dag gi rnam par gzhag pa ji lta bu yin par rig par bya zhe na/ sdom ni/ ngo bo nyid dang don rnams dbye/ /go rims dang ni bsdu dang brten/ /

【H2 長行別釋】【I1 明蘊自性】【J1 釋】【K1 色自性】

དེ་ལ་གཟུགས་གང་ཞེ་ན། དེ་ནི་རྣམ་པ་བཅུ་གཅིག་ཏུ་རིག་པར་བྱ་སྟེ། མིག་ལ་སོགས་པ་རེག་བྱའི་མཐར་ཐུག་པའི་བར་གྱི་སྐྱེ་མཆེད་བཅུ་དང༌། ཆོས་ཀྱི་སྐྱེ་མཆེད་དུ་གཏོགས་པའི་གཟུགས་སོ། །དེ་ཡང་མདོར་བསྡུ་ན་འབྱུང་བ་དང་འབྱུང་བ་ལས་གྱུར་པ་སྟེ། ཐམས་ཅད་ཀྱང་གཟུགས་སུ་རུང་བའི་མཚན་ཉིད་ཡིན་ནོ། །

de la gzugs gang zhe na/ de ni rnam pa bcu gcig tu rig par bya ste/ mig la sogs pa reg bya'i mthar thug pa'i bar gyi skye mched bcu dang/ chos kyi skye mched du gtogs pa'i gzugs so/ /de yang mdor bsdu na 'byung ba dang 'byung ba las gyur pa ste/ thams cad kyang gzugs su rung ba'i mtshan nyid yin no/ /

【K2 受自性】

ཚོར་བ་གང་ཞེ་ན། དེ་ནི་རྣམ་པ་དྲུག་ཏུ་བལྟ་བར་བྱ་བ་སྟེ། མིག་དང༌། རྣ་བ་དང༌། སྣ་དང༌། ལྕེ་དང༌། ལུས་དང༌། ཡིད་ཀྱི་འདུས་ཏེ་རེག་པ་ལས་བྱུང་བའོ། །དེ་ཡང་རྣམ་པ་གསུམ་དང་རྣམ་པ་གཉིས་ཏེ། ལུས་ཀྱི་དང་སེམས་ཀྱིའོ། །དེ་ལ་གཟུགས་ཅན་ལ་བརྟེན་པ་ནི་ལུས་ཀྱིའོ། །གཟུགས་ཅན་མ་ཡིན་པ་ལ་བརྟེན་པ་ནི་སེམས་ཀྱིའོ། །དེ་ཅིའི་ཕྱིར་ཞེ་ན། གལ་ཏེ་དབང་པོ་ལྔ་པོ་དག་ནི་གཟུགས་ཅན་ཡིན་པའི་ཕྱིར་རོ། །གལ་ཏེ་དབང་པོ་ལྔ་པོ་དག་གཟུགས་ཅན་ཡིན་པའི་ཕྱིར་མིག་ལ་སོགས་པ་དབང་པོ་གཟུགས་ཅན་རྣམས་ལ་བརྟེན་པའི་ཚོར་བ་གང་ཡིན་པ་དེ་ལུས་ཀྱི་ཡིན་པར་གྱུར་ན། འོ་ན་ཅིའི་ཕྱིར་མིག་ལ་སོགས་པའི་དབང་པོ་དེ་དག་ལུས་ཀྱི་མཚན་ཉིད་ཁོ་ན་ཡིན་པར་མི་འགྱུར་ཞེ་ན། སྨྲས་པ། མཚན་ཉིད་མི་འདྲ་བའི་ཕྱིར་ཏེ། འདི་ལྟར་དེ་དག་ནི་ཕན་ཚུན་མཚན་ཉིད་མི་འདྲ་བ་ཡིན་པའི་ཕྱིར་རོ། །གལ་ཏེ་མཚན་ཉིད་མི་འདྲ་བའི་ཕྱིར་ཡིན་ན་མཚན་ཉིད་མི་འདྲ་བའི་ཕྱིར་ལུས་ཀྱི་མཚན་ཉིད་མ་ཡིན་པས། དེས་ན་དེ་ལ་བརྟེན་པའི་ཚོར་བ་གང་ཡིན་པ་དེ་ཡང་རྒྱུ་དེ་གཉིས་ཀྱིས་ན་ལུས་ཀྱི་མ་ཡིན་པར་མི་འགྱུར་རམ་ཞེ་ན། སྨྲས་པ། དེ་ལས་གཞན་པའི་དབང་པོ་གཟུགས་ཅན་རྣམས་ནི་ལུས་ལས་ཐ་མི་དད་པའི་ཕྱིར་དེ་ལ་ཉེ་བར་གདགས་པ་ལ་ཉེས་པ་མེད་དོ། །གལ་ཏེ་ཐ་མི་དད་པས་ཉེས་པ་མེད་ན་དེ་ལྟ་ན་ཡིད་ཀྱང་ལུས་ལས་ཐ་མི་དད་པར་འབྱུང་བས་དེས་ན་ཡིད་ལ་བརྟེན་པའི་ཚོར་བ་གང་ཡིན་པ་དེ་ཡང་ལུས་ཀྱི་ཡིན་པར་འགྱུར་བས་དེའི་ཕྱིར་ལུས་ཀྱི་ཚོར་བ་ཁོ་ནར་འགྱུར་གྱི་སེམས་ཀྱི་ནི་མ་ཡིན་པར་འགྱུར་རོ་ཞེ་ན་སྨྲས་པ། ལུས་ནི་དབང་པོ་གཟུགས་ཅན་རྣམས་ལས་གཏན་ཐ་དད་པ་མ་ཡིན་ལ། ཡིད་ནི་དེ་ལྟ་མ་ཡིན་པས་ཉེས་པ་མེད་དེ། འདི་ལྟར་གཟུགས་མེད་པར་སྐྱེས་པའི་སེམས་ཅན་རྣམས་ལ་ལུས་ལས་ཐ་དད་པའི་ཡིད་ཀྱི་རྣམ་པར་ཤེས་པ་འབྱུང་བར་འགྱུར་བས་དེའི་ཕྱིར་དབང་པོ་ལྔ་དང་ལྡན་པའི་ཚོར་བ་ནི་ལུས་ཀྱི་ཁོ་ན་ཞེས་བྱ་ལ། ཡིད་ཀྱི་འབའ་ཞིག་སེམས་ཀྱི་ཞེས་བྱའོ། །དེ་ལྟ་བས་ན་ཚོར་བ་ནི་མདོར་བསྡུ་ན། ལུས་ཀྱི་དང་སེམས་ཀྱི་ཡིན་ལ་ཐམས་ཅད་ཀྱང་མྱོང་བའི་མཚན་ཉིད་ཡིན་ནོ། །

tshor ba gang zhe na/ de ni rnam pa drug tu blta bar bya ba ste/ mig dang/ rna ba dang/ sna dang/ lce dang/ lus dang/ yid kyi 'dus te reg pa las byung ba'o/ /de yang rnam pa gsum dang rnam pa gnyis te/ lus kyi dang sems kyi'o/ /de la gzugs can la brten pa ni lus kyi'o/ /gzugs can ma yin pa la brten pa ni sems kyi'o/ /de ci'i phyir zhe na/ gal te dbang po lnga po dag ni gzugs can yin pa'i phyir ro/ /gal te dbang po lnga po dag gzugs can yin pa'i phyir mig la sogs pa dbang po gzugs can rnams la brten pa'i tshor ba gang yin pa de lus kyi yin par gyur na/ 'o na ci'i phyir mig la sogs pa'i dbang po de dag lus kyi mtshan nyid kho na yin par mi 'gyur zhe na/ smras pa/ mtshan nyid mi 'dra ba'i phyir te/ 'di ltar de dag ni phan tshun mtshan nyid mi 'dra ba yin pa'i phyir ro/ /gal te mtshan nyid mi 'dra ba'i phyir yin na mtshan nyid mi 'dra ba'i phyir lus kyi mtshan nyid ma yin pas/ des na de la brten pa'i tshor ba gang yin pa de yang rgyu de gnyis kyis na lus kyi ma yin par mi 'gyur ram zhe na/ smras pa/ de las gzhan pa'i dbang po gzugs can rnams ni lus las tha mi dad pa'i phyir de la nye bar gdags pa la nyes pa med do/ /gal te tha mi dad pas nyes pa med na de lta na yid kyang lus las tha mi dad par 'byung bas des na yid la brten pa'i tshor ba gang yin pa de yang lus kyi yin par 'gyur bas de'i phyir lus kyi tshor ba kho nar 'gyur gyi sems kyi ni ma yin par 'gyur ro zhe na smras pa/ lus ni dbang po gzugs can rnams las gtan tha dad pa ma yin la/ yid ni de lta ma yin pas nyes pa med de/ 'di ltar gzugs med par skyes pa'i sems can rnams la lus las tha dad pa'i yid kyi rnam par shes pa 'byung bar 'gyur bas de'i phyir dbang po lnga dang ldan pa'i tshor ba ni lus kyi kho na zhes bya la/ yid kyi 'ba' zhig sems kyi zhes bya'o/ /de lta bas na tshor ba ni mdor bsdu na/ lus kyi dang sems kyi yin la thams cad kyang myong ba'i mtshan nyid yin no/ /

【K3 想自性】

འདུ་ཤེས་གང་ཞེ་ན། དེ་ཡང་སྔ་མ་བཞིན་དུ་རྣམ་པ་དྲུག་གོ། །དེ་ཡང་འདི་ལྟ་སྟེ། མཚན་མ་དང་བཅས་པའི་འདུ་ཤེས་དང༌། མཚན་མ་མེད་པའི་འདུ་ཤེས་དང༌། ཆུང་ངུའི་འདུ་ཤེས་དང༌། ཆེན་པོར་གྱུར་པའི་འདུ་ཤེས་དང༌། ཚད་མེད་པའི་འདུ་ཤེས་དང༌། ཅི་ཡང་མེད་པའི་འདུ་ཤེས་སོ། །དེ་ཡང་མདོར་བསྡུ་ན་འཇིག་རྟེན་པའི་དང་འཇིག་རྟེན་ལས་འདས་པའིའོ། །དེ་ལ་ཆུང་ངུའི་འདུ་ཤེས་ནི་འདོད་པ་ན་སྤྱོད་པའིའོ། །ཆེན་པོར་གྱུར་པའི་འདུ་ཤེས་ནི་གཟུགས་ན་སྤྱོད་པའིའོ། །ཚད་མེད་པའི་འདུ་ཤེས་ནི་ནམ་མཁའ་དང་རྣམ་ཤེས་མཐའ་ཡས་སྐྱེ་མཆེད་ན་སྤྱོད་པའིའོ། །ཅི་ཡང་མེད་པའི་འདུ་ཤེས་ནི་ཅི་ཡང་མེད་པའི་སྐྱེ་མཆེད་ན་སྤྱོད་པའི་སྟེ། དེ་དག་ཐམས་ཅད་ནི་མཚན་མ་དང་བཅས་པའི་འདུ་ཤེས་ཡིན་ནོ། །མཚན་མ་མེད་པའི་འདུ་ཤེས་ནི་སྲིད་པའི་རྩེ་མོའི་འདུ་ཤེས་གང་ཡིན་པ་དང་འཇིག་རྟེན་ལས་འདས་པ་སློབ་པ་དང༌། མི་སློབ་པའི་ཐམས་ཅད་དེ་ཐམས་ཅད་ཀྱང་ཀུན་དུ་ཤེས་པར་བྱེད་པའི་མཚན་ཉིད་ཡིན་ནོ། །

'du shes gang zhe na/ de yang snga ma bzhin du rnam pa drug go/ /de yang 'di lta ste/ mtshan ma dang bcas pa'i 'du shes dang/ mtshan ma med pa'i 'du shes dang/ chung ngu'i 'du shes dang/ chen por gyur pa'i 'du shes dang/ tshad med pa'i 'du shes dang/ ci yang med pa'i 'du shes so/ /de yang mdor bsdu na 'jig rten pa'i dang 'jig rten las 'das pa'i'o/ /de la chung ngu'i 'du shes ni 'dod pa na spyod pa'i'o/ /chen por gyur pa'i 'du shes ni gzugs na spyod pa'i'o/ /tshad med pa'i 'du shes ni nam mkha' dang rnam shes mtha' yas skye mched na spyod pa'i'o/ /ci yang med pa'i 'du shes ni ci yang med pa'i skye mched na spyod pa'i ste/ de dag thams cad ni mtshan ma dang bcas pa'i 'du shes yin no/ /mtshan ma med pa'i 'du shes ni srid pa'i rtse mo'i 'du shes gang yin pa dang 'jig rten las 'das pa slob pa dang/ mi slob pa'i thams cad de thams cad kyang kun du shes par byed pa'i mtshan nyid yin no/ /

【K4 行自性】

འདུ་བྱེད་རྣམས་གང་ཞེ་ན། དེ་དག་ཀྱང་སྔ་མ་ཁོ་ན་བཞིན་དུ་རྣམ་པ་དྲུག་གོ། །དེ་ཡང་འདི་ལྟ་སྟེ་ཡུལ་དང་མཐུན་པར་བྱེད་པ་དང༌། དེ་དང་ཕྲད་པར་བྱ་བ་དང༌། དེ་དང་བྲལ་བར་བྱ་བ་དང༌། ཀུན་ནས་ཉོན་མོངས་པ་དང༌། ལས་ཀུན་དུ་བླང་བར་བྱ་བ་དང༌། སེམས་ཀྱིས་དབང་བསྒྱུར་བར་བྱ་བའི་ཕྱིར་སེམས་མངོན་པར་འདུ་བྱེད་པ་རྣམ་པ་ལྔར་བལྟ་བར་བྱའོ། །འདུ་བྱེད་རྣམས་ནི་མདོར་བསྡུ་ན་དགེ་བ་དང་མི་དགེ་བ་དང་ལུང་དུ་མ་བསྟན་པ་དག་སྟེ་ཐམས་ཅད་ཀྱང་མངོན་པར་འདུ་བྱེད་པའི་མཚན་ཉིད་ཡིན་ནོ། །

'du byed rnams gang zhe na/ de dag kyang snga ma kho na bzhin du rnam pa drug go/ /de yang 'di lta ste yul dang mthun par byed pa dang/ de dang phrad par bya ba dang/ de dang bral bar bya ba dang/ kun nas nyon mongs pa dang/ las kun du blang bar bya ba dang/ sems kyis dbang bsgyur bar bya ba'i phyir sems mngon par 'du byed pa rnam pa lngar blta bar bya'o/ /'du byed rnams ni mdor bsdu na dge ba dang mi dge ba dang lung du ma bstan pa dag ste thams cad kyang mngon par 'du byed pa'i mtshan nyid yin no/ /

【K5 識自性】

རྣམ་པར་ཤེས་པ་གང་ཞེ་ན། དེ་ནི་རྣམ་པ་དྲུག་ཏུ་བལྟ་བར་བྱ་སྟེ། མིག་གི་རྣམ་པར་ཤེས་པ་ནས་ཡིད་ཀྱི་རྣམ་པར་ཤེས་པའི་བར་ཏེ། དེ་ནི་རྣམ་པར་ཤེས་པའི་ངོ་བོ་ཉིད་ཀྱི་དབྱེ་བ་ཡིན་ནོ། །གཞན་ཡང་དབྱེ་བ་རྣམ་པ་གསུམ་ཡོད་པར་བལྟ་བར་བྱ་སྟེ། མྱོང་བའི་དབྱེ་བ་དང་དམིགས་པ་ལ་མཚན་མར་འཛིན་པའི་དབྱེ་བ་དང༌། གནས་སྐབས་ཀྱི་དབྱེ་བའོ༑ །དེ་ལ་མྱོང་བའི་དབྱེ་བ་ནི་རྣམ་པ་གསུམ་མོ། །དམིགས་པ་ལ་མཚན་མར་འཛིན་པའི་དབྱེ་བ་ནི་རྣམ་པ་དྲུག་གོ། །གནས་སྐབས་ཀྱི་དབྱེ་བ་ནི་རྣམ་པ་གསུམ་མོ༑ །

rnam par shes pa gang zhe na/ de ni rnam pa drug tu blta bar bya ste/ mig gi rnam par shes pa nas yid kyi rnam par shes pa'i bar te/ de ni rnam par shes pa'i ngo bo nyid kyi dbye ba yin no/ /gzhan yang dbye ba rnam pa gsum yod par blta bar bya ste/ myong ba'i dbye ba dang dmigs pa la mtshan mar 'dzin pa'i dbye ba dang/ gnas skabs kyi dbye ba'o| /de la myong ba'i dbye ba ni rnam pa gsum mo/ /dmigs pa la mtshan mar 'dzin pa'i dbye ba ni rnam pa drug go/ /gnas skabs kyi dbye ba ni rnam pa gsum mo| /

【J2 結】

དབྱེ་བ་དེ་དག་གཅིག་ཏུ་བསྡུས་ན་རྣམ་པར་ཤེས་པའི་ངོ་བོ་ཉིད་རྣམ་པ་བཅོ་བརྒྱད་དུ་འགྱུར་ཏེ། དེ་ནི་ཕུང་པོ་རྣམས་ཀྱི་ངོ་བོ་ཉིད་ཡིན་ནོ། །

dbye ba de dag gcig tu bsdus na rnam par shes pa'i ngo bo nyid rnam pa bco brgyad du 'gyur te/ de ni phung po rnams kyi ngo bo nyid yin no/ /

【I2 明蘊義】

དེ་ལ་ཕུང་པོའི་དོན་ནི་གང་ཅིའི་ཕྱིར་ན་ཕུང་པོ་རྣམ་པར་གཞག་པ་ཡོངས་སུ་བསྟན་ཅེ་ན། གཟུགས་གང་ཡིན་པ་ཅི་ཡང་རུང་སྟེ། འདས་པ་དང༌། མ་འོངས་པ་དང༌། ད་ལྟར་བྱུང་བ་ནས་ཐག་རིང་བ་དང༌། ཉེ་བའི་བར་དང༌། གཟུགས་ཇི་ལྟ་བ་བཞིན་དུ་རྣམ་པར་ཤེས་པའི་བར་དུ་ཡང་དེ་བཞིན་ཏེ། དེ་དག་གཅིག་ཏུ་བསྡུས་པ་ནི་རྣམ་པ་ཐམས་ཅད་དུ་བསྡུས་པ་ཡིན་པའི་ཕྱིར་བསྡུས་པའི་དོན་ནི་ཕུང་པོའི་དོན་ཏོ། །ཡང་ཕུང་པོ་དེ་དག་ནི་བདག་ཉིད་སྣ་ཚོགས་མང་པོ་ཡིན་པའི་ཕྱིར་འདུ་བྱེད་ཙམ་སྟེ། དེ་ལས་དོན་གཞན་པའི་བདག་མེད་པར་ཡོངས་སུ་བསྟན་པའི་ཕྱིར་ཕུང་པོ་རྣམ་པར་གཞག་པར་རིག་པར་བྱའོ། །

de la phung po'i don ni gang ci'i phyir na phung po rnam par gzhag pa yongs su bstan ce na/ gzugs gang yin pa ci yang rung ste/ 'das pa dang/ ma 'ongs pa dang/ da ltar byung ba nas thag ring ba dang/ nye ba'i bar dang/ gzugs ji lta ba bzhin du rnam par shes pa'i bar du yang de bzhin te/ de dag gcig tu bsdus pa ni rnam pa thams cad du bsdus pa yin pa'i phyir bsdus pa'i don ni phung po'i don to/ /yang phung po de dag ni bdag nyid sna tshogs mang po yin pa'i phyir 'du byed tsam ste/ de las don gzhan pa'i bdag med par yongs su bstan pa'i phyir phung po rnam par gzhag par rig par bya'o/ /

【I3 明蘊差別】【J1 色蘊差別】

དེ་ལ་གཟུགས་ཀྱི་ཕུང་པོའི་རབ་ཏུ་དབྱེ་བ་གང་ཞེ་ན། དེ་ནི་རྣམ་པར་དྲུག་ཏུ་བལྟ་བར་བྱ་སྟེ། དངོས་པོ་དང་མཚན་ཉིད་དང༌། རྣམ་པར་ཤེས་པ་གནས་པ་དང་མི་གནས་པ་དང༌། རྣམ་པར་ཤེས་པ་ལས་དབེན་པ་དང་མི་དབེན་པ་དང༌། འདུ་ཤེས་ཀྱི་སྤྱོད་ཡུལ་དང་མཐའོ། །དེ་ལ་གཟུགས་ཀྱི་དངོས་པོ་ནི་གཟུགས་གང་ཡིན་པ་ཅི་ཡང་རུང་སྟེ། དེ་ཐམས་ཅད་འབྱུང་བ་ཆེན་པོ་བཞི་དག་དང་འབྱུང་བ་ཆེན་པོ་བཞི་དག་རྒྱུར་བྱས་པའོ། །དེ་ལ་གཟུགས་ཀྱི་རང་གི་མཚན་ཉིད་ནི་མདོར་བསྡུ་ན་དང་བ་དང༌། དང་བའི་གཟུང་བ་དང༌། ཡིད་ཀྱི་གཟུང་བའི་གཟུགས་སོ། །སྤྱིའི་མཚན་ཉིད་ནི་གཟུགས་སུ་རུང་བའི་མཚན་ཉིད་དོ། །དེ་ལ་རྣམ་པར་ཤེས་པ་གནས་པ་དང་མི་གནས་པ་ནི་ཟིན་པའི་གཟུགས་གང་ཡིན་པ་དེ་ནི་རྣམ་པར་ཤེས་པ་གནས་པ་ཞེས་བྱ་སྟེ། དེ་ཡང་རྣམ་པར་ཤེས་པ་དང་འདྲེས་པ་གྲུབ་པ་དང་བདེ་བ་གཅིག་པའི་དོན་གྱིས་འཇུག་པ་གང་ཡིན་པ་དང༌། ཚོར་བ་རྣམས་སྐྱེ་བའི་དོན་དུ་གྱུར་པ་གང་ཡིན་པའོ། །དེ་ལས་བཟློག་པ་ནི་མ་ཟིན་པ་ཡིན་པར་རིག་པར་བྱའོ། །དེ་ལ་རྣམ་པར་ཤེས་པ་ལས་དབེན་པ་དང་མི་དབེན་པ་ནི་རྣམ་པར་ཤེས་པ་ལས་མི་དབེན་པའི་གཟུགས་གང་ཡིན་པ་དེ་ནི་མཚུངས་པ་ཞེས་བྱ་སྟེ། རྣམ་པར་ཤེས་པ་དང་མཚུངས་པར་དོན་ལ་འཇུག་པ་ཉིད་ཀྱི་ཕྱིར་རོ། །རྣམ་པར་ཤེས་པ་ལས་དབེན་པའི་གཟུགས་གང་ཡིན་པ་དེ་ནི་དེ་དག་དང་མཚུངས་པ་ཞེས་བྱ་སྟེ་རང་གི་རྒྱུད་དང་མཚུངས་པར་རྗེས་སུ་འཇུག་པ་ཉིད་ཀྱི་ཕྱིར་རོ། །དེ་ལ་འདུ་ཤེས་ཀྱི་སྤྱོད་ཡུལ་ནི་འདུ་ཤེས་གསུམ་པོ་འདི་དག་ནི་གཟུགས་ལ་དམིགས་པ་ཡིན་ཏེ། གཟུགས་ཀྱི་འདུ་ཤེས་དང༌། ཐོགས་པའི་འདུ་ཤེས་དང༌། སྣ་ཚོགས་ཀྱི་འདུ་ཤེས་སོ། །གཟུགས་ཀྱང་མཚན་ཉིད་གསུམ་སྟེ་སྣང་བ་དང་བཅས་པའི་མཚན་ཉིད་དང༌། ཡུལ་གནོད་པའི་མཚན་ཉིད་དང༌། རྒྱས་པར་གནས་པའི་མཚན་ཉིད་དེ། དེ་དག་ཀྱང་གོ་རིམས་བཞིན་དུ་འདུ་ཤེས་གསུམ་པོ་དེ་དག་གི་སྤྱོད་ཡུལ་དུ་གྱུར་པ་ཡིན་པར་བལྟ་བར་བྱའོ། །དེ་ལ་སྔོན་པོ་ལ་སོགས་པའི་ཁ་དོག་འཛིན་པར་བྱེད་པ་ནི་གཟུགས་ཀྱི་འདུ་ཤེས་སོ། །འགྲོ་བ་ཐོགས་པ་འཛིན་པར་བྱེད་པ་ནི་ཐོགས་པའི་འདུ་ཤེས་སོ། །བུད་མེད་དང༌། སྐྱེས་པ་དང༌། ཁང་ཁྱིམ་དང༌། ཞིང་ལ་སོགས་པར་ཉེ་བར་འདོགས་པ་འཛིན་པར་བྱེད་པ་ནི་སྣ་ཚོགས་ཀྱི་འདུ་ཤེས་ཏེ། དེ་ནི་འདུ་ཤེས་ཀྱི་སྤྱོད་ཡུལ་གྱི་རབ་ཏུ་དབྱེ་བ་ཡིན་ནོ། །དེ་ལ་གཟུགས་ཀྱི་མཐའ་ནི་མདོར་བསྡུ་ན་གཟུགས་རྣམ་པ་གཉིས་ཏེ། ཁམས་འོག་མ་དང་ཁམས་བར་མར་གཏོགས་པ་སྟེ། འདོད་པ་ན་སྤྱོད་པ་དང༌། གཟུགས་ན་སྤྱོད་པའོ། །དེ་ལ་གཟུགས་མེད་པ་རྣམས་ན་ནི་ལས་ཀྱི་དབང་གིས་གྲུབ་པ་ཉིད་ལ་བརྟེན་ནས་གཟུགས་མེད་པ་ཞེས་བྱ་བར་ཟད་དེ། སྙོམས་པར་འཇུག་པའི་དབང་ལ་བརྟེན་ནས་ནི་མ་ཡིན་ཏེ། འདི་ལྟར་དེ་ལ་སྙོམས་པར་འཇུག་པས་མངོན་པར་འདུ་བྱ་བ་མངོན་དུ་གྱུར་པ་ལས་ཐམས་ཅད་ན་གཟུགས་ཀྱི་རྣམ་པ་ལ་དབང་བ་དམིགས་པའི་ཕྱིར་ཏེ་དེ་ཡང་སྙོམས་པར་འཇུག་པའི་གཟུགས་ཆ་ཕྲ་བ་ཞེས་བྱའོ། །

de la gzugs kyi phung po'i rab tu dbye ba gang zhe na/ de ni rnam par drug tu blta bar bya ste/ dngos po dang mtshan nyid dang/ rnam par shes pa gnas pa dang mi gnas pa dang/ rnam par shes pa las dben pa dang mi dben pa dang/ 'du shes kyi spyod yul dang mtha'o/ /de la gzugs kyi dngos po ni gzugs gang yin pa ci yang rung ste/ de thams cad 'byung ba chen po bzhi dag dang 'byung ba chen po bzhi dag rgyur byas pa'o/ /de la gzugs kyi rang gi mtshan nyid ni mdor bsdu na dang ba dang/ dang ba'i gzung ba dang/ yid kyi gzung ba'i gzugs so/ /spyi'i mtshan nyid ni gzugs su rung ba'i mtshan nyid do/ /de la rnam par shes pa gnas pa dang mi gnas pa ni zin pa'i gzugs gang yin pa de ni rnam par shes pa gnas pa zhes bya ste/ de yang rnam par shes pa dang 'dres pa grub pa dang bde ba gcig pa'i don gyis 'jug pa gang yin pa dang/ tshor ba rnams skye ba'i don du gyur pa gang yin pa'o/ /de las bzlog pa ni ma zin pa yin par rig par bya'o/ /de la rnam par shes pa las dben pa dang mi dben pa ni rnam par shes pa las mi dben pa'i gzugs gang yin pa de ni mtshungs pa zhes bya ste/ rnam par shes pa dang mtshungs par don la 'jug pa nyid kyi phyir ro/ /rnam par shes pa las dben pa'i gzugs gang yin pa de ni de dag dang mtshungs pa zhes bya ste rang gi rgyud dang mtshungs par rjes su 'jug pa nyid kyi phyir ro/ /de la 'du shes kyi spyod yul ni 'du shes gsum po 'di dag ni gzugs la dmigs pa yin te/ gzugs kyi 'du shes dang/ thogs pa'i 'du shes dang/ sna tshogs kyi 'du shes so/ /gzugs kyang mtshan nyid gsum ste snang ba dang bcas pa'i mtshan nyid dang/ yul gnod pa'i mtshan nyid dang/ rgyas par gnas pa'i mtshan nyid de/ de dag kyang go rims bzhin du 'du shes gsum po de dag gi spyod yul du gyur pa yin par blta bar bya'o/ /de la sngon po la sogs pa'i kha dog 'dzin par byed pa ni gzugs kyi 'du shes so/ /'gro ba thogs pa 'dzin par byed pa ni thogs pa'i 'du shes so/ /bud med dang/ skyes pa dang/ khang khyim dang/ zhing la sogs par nye bar 'dogs pa 'dzin par byed pa ni sna tshogs kyi 'du shes te/ de ni 'du shes kyi spyod yul gyi rab tu dbye ba yin no/ /de la gzugs kyi mtha' ni mdor bsdu na gzugs rnam pa gnyis te/ khams 'og ma dang khams bar mar gtogs pa ste/ 'dod pa na spyod pa dang/ gzugs na spyod pa'o/ /de la gzugs med pa rnams na ni las kyi dbang gis grub pa nyid la brten nas gzugs med pa zhes bya bar zad de/ snyoms par 'jug pa'i dbang la brten nas ni ma yin te/ 'di ltar de la snyoms par 'jug pas mngon par 'du bya ba mngon du gyur pa las thams cad na gzugs kyi rnam pa la dbang ba dmigs pa'i phyir te de yang snyoms par 'jug pa'i gzugs cha phra ba zhes bya'o/ /

【J2 受蘊差別】

དེ་ལ་ཚོར་བའི་ཕུང་པོ་རབ་ཏུ་དབྱེ་བ་གང་ཞེ་ན། དེ་ནི་རྣམ་པ་ལྔར་བལྟ་བར་བྱ་སྟེ། དངོས་པོ་དང༌། མཚན་ཉིད་དང༌། རབ་ཏུ་སྐྱེ་བ་དང་ཉེ་བར་བརྟགས་པ་དང༌། ངེས་པར་འབྱུང་བའོ། །དེ་ལ་ཚོར་བའི་ཕུང་པོའི་དངོས་པོ་ནི་མྱོང་བ་ཉིད་དང༌། མྱོང་བའི་གནས་དང་མཐུན་པའི་ཆོས་རྣམས་སོ། །དེ་ལ་རང་གི་མཚན་ཉིད་ནི་བདེ་བ་དང༌། སྡུག་བསྔལ་བ་དང༌། སྡུག་བསྔལ་བ་ཡང་མ་ཡིན་བདེ་བ་ཡང་མ་ཡིན་པའི་ཚོར་བའོ། །དེ་ལ་ཚོར་བའི་ཕུང་པོའི་སྤྱིའི་མཚན་ཉིད་ནི་བདེ་བའི་ཚོར་བ་ནི་འགྱུར་བའི་སྡུག་བསྔལ་ཉིད་ཀྱིས་སྡུག་བསྔལ་བ་དང༌། སྡུག་བསྔལ་གྱི་ཚོར་བ་ནི་སྡུག་བསྔལ་གྱི་སྡུག་བསྔལ་ཉིད་ཀྱིས་སྡུག་བསྔལ་བ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ནི་འདུ་བྱེད་ཀྱི་སྡུག་བསྔལ་ཉིད་ཀྱིས་སྡུག་བསྔལ་བའི་དབང་དུ་མཛད་ནས། གང་ཅི་ཚོར་བ་ཡང་རུང་སྟེ་དེ་ནི་འདིར་སྡུག་བསྔལ་བའོ། །ཞེས་བྱ་བའོ། །དེ་ལ་རབ་ཏུ་སྐྱེ་བ་ནི་རེག་པ་བཅུ་དྲུག་ལས་ཚོར་བ་རྣམས་འབྱུང་བར་འགྱུར་བ་སྟེ། འདི་ལྟ་སྟེ། མིག་དང༌། རྣ་བ་དང༌། སྣ་དང༌། ལྕེ་དང༌། ལུས་དང༌། ཡིད་ཀྱི་འདུས་ཏེ་རེག་པ་རྣམས་དང༌། ཐོགས་པའི་འདུས་ཏེ་རེག་པ་དང༌། ཚིག་བླ་དྭགས་ཀྱི་འདུས་ཏེ་རེག་པ་དང༌། བདེ་བའི་ཚོར་བ་དང་མཐུན་པའི་འདུས་ཏེ་རེག་པ་དང༌། སྡུག་བསྔལ་གྱི་ཚོར་བ་དང་མཐུན་པའི་འདུས་ཏེ་རེག་པ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་དང་མཐུན་པའི་འདུས་ཏེ་རེག་པ་དང༌། རྗེས་སུ་ཆགས་པའི་འདུས་ཏེ་རེག་པ་དང་། ཁོང་ཁྲོ་བའི་འདུས་ཏེ་རེག་པ་དང༌། རིག་པའི་འདུས་ཏེ་རེག་པ་དང༌། མ་རིག་པའི་འདུས་ཏེ་རེག་པ་དང༌། རིག་པ་ཡང་མ་ཡིན་མ་རིག་པ་ཡང་མ་ཡིན་པའི་འདུས་ཏེ་རེག་པ་ལས་སོ། །དེ་ལ་ཡུལ་འཛིན་པར་བྱེད་པ་ཉིད་ལ་བརྟེན་ནས་ནི་འདུས་ཏེ་རེག་པ་དྲུག་པོ་རྣམས་དང༌། ཐོགས་པའི་འདུས་ཏེ་རེག་པ་རྣམ་པར་གཞག་གོ། །ཡུལ་ལ་རྣམ་པར་རྟོག་པ་ཉིད་ལ་བརྟེན་ནས་ནི་ཚིག་བླ་དྭགས་ཀྱི་འདུས་ཏེ་རེག་པ་གཅིག་ཏུ་རྣམ་པར་གཞག་གོ། །ཡུལ་མྱོང་བར་བྱེད་པ་ཉིད་ལ་བརྟེན་ནས་ནི་བདེ་བ་ལ་སོགས་པའི་ཚོར་བ་དང་མཐུན་པའི་འདུས་ཏེ་རེག་པ་གསུམ་རྣམ་པར་གཞག་གོ། །ཀུན་ནས་ཉོན་མོངས་པ་དང༌། རྣམ་པར་བྱང་བ་ཉིད་ལ་བརྟེན་ནས་ནི་རྗེས་སུ་ཆགས་པ་དང༌། ཁོང་ཁྲོ་བ་དང༌། མ་རིག་པའི་འདུས་ཏེ་རེག་པ་རྣམས་དང༌། རིག་པ་དང༌། རིག་པ་ཡང་མ་ཡིན་མ་རིག་པ་ཡང་མ་ཡིན་པའི་འདུས་ཏེ་རེག་པ་དག་རྣམ་པར་གཞག་པར་རིག་པར་བྱ་སྟེ། དེ་ནི་ཚོར་བ་རྣམས་ཀྱི་རབ་ཏུ་སྐྱེ་བའི་རབ་ཏུ་དབྱེ་བ་ཡིན་ནོ། །མདོ་ལས་དེ་ནས་བཅོམ་ལྡན་འདས་ཉག་གཅིག་དབེན་པར་གཤེགས་ཏེ། ནང་དུ་ཡང་དག་འཇོག་ལ་བཞུགས་པ་ན། ཐུགས་ལ་ཐུགས་ཀྱིས་ཡོངས་སུ་རྟོག་པ་འདི་ལྟ་བུ་བྱུང་སྟེ། ཚོར་བ་ནི་གང་ཚོར་བ་ཀུན་འབྱུང་བ་ནི་གང་ཚོར་བ་འགོག་པ་ནི་གང༌། ཚོར་བ་ཀུན་འབྱུང་བར་འགྱུར་བའི་ལམ་ནི་གང༌། ཚོར་བ་འགོག་པར་འགྱུར་བའི་ལམ་ནི་གང༌། ཚོར་བ་རོ་མྱང་བ་ནི་གང༌། ཉེས་དམིགས་ནི་གང༌། ངེས་པར་འབྱུང་བ་ནི་གང་ཡིན་སྙམ་ནས་དེ་འདི་སྙམ་དུ་དགོངས་ཏེ། ཚོར་བ་ནི་གསུམ་པོ་འདི་དག་ཡིན་ཏེ། བདེ་བ་དང་སྡུག་བསྔལ་བ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའོ། །རེག་པ་ཀུན་འབྱུང་བས་ཚོར་བ་ཀུན་འབྱུང་བའོ། །རེག་པ་འགགས་པས་ཚོར་བ་འགག་གོ། །ཚོར་བ་ལ་མངོན་པར་དགའ་བ་དང༌། མངོན་པར་བརྗོད་པ་དང༌། ལྷག་པར་ཆགས་པ་དང༌། ལྷག་པར་ཆགས་ཤིང་གནས་པ་གང་ཡིན་པ་འདི་ནི་ཚོར་བ་ཀུན་འབྱུང་བར་འགྱུར་བའི་ལམ་ཡིན་ནོ། །ཚོར་བ་ལ་མངོན་པར་དགའ་བ་མེད་པ་དང༌། མངོན་པར་མི་བརྗོད་པ་དང༌། ལྷག་པར་ཆགས་པ་མེད་པ་དང༌། ལྷག་པར་ཆགས་ཤིང་མི་གནས་པ་གང་ཡིན་པ་འདི་ནི་ཚོར་བ་འགོག་པར་འགྱུར་བའི་ལམ་ཡིན་ནོ། །ཚོར་བ་ལ་བརྟེན་ཏེ། བདེ་བ་སྐྱེ་བ་དང༌། ཡིད་བདེ་བ་སྐྱེ་བ་གང་ཡིན་པ་འདི་ནི་ཚོར་བའི་རོ་མྱང་བ་ཡིན་ནོ། །ཚོར་བ་མི་རྟག་པ་དང༌། སྡུག་བསྔལ་བ་དང་འགྱུར་བའི་ཆོས་ཅན་གང་ཡིན་པ་འདི་ནི་ཚོར་བའི་ཉེས་དམིགས་ཡིན་ནོ། །ཚོར་བ་ལ་འདུན་པའི་འདོད་ཆགས་འདུལ་བ་དང༌། འདུན་པའི་འདོད་ཆགས་སྤོང་བ་དང༌། འདུན་པའི་འདོད་ཆགས་ལས་ཡང་དག་པར་འདའ་བ་གང་ཡིན་པ་འདི་ནི་ཚོར་བ་ལས་ངེས་པར་འབྱུང་བ་ཡིན་ནོ་ཞེས་གསུངས་པ་ནི་དེ་ལ་ཉེ་བར་བརྟག་པའི་རབ་ཏུ་དབྱེ་བ་ནི་ཞེས་བྱ་བ་ལ་སོགས་པའི་ཚིག་གིས་རྣམ་པར་བཤད་དེ། དེ་ལ་ཉེ་བར་བརྟག་པའི་རབ་ཏུ་དབྱེ་བ་ནི་ཚོར་བ་རྣམ་པ་བརྒྱད་པོ་དག་ལ་ཚོར་བ་ཉེ་བར་བརྟག་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལས་བྱུང་ལ་འདི་ལྟ་སྟེ་ཚོར་བ་རྣམས་ནི་དུ། ཚོར་བ་རྣམས་ཀྱི་ཀུན་འབྱུང་བ་ནི་གང༌། ཚོར་བ་རྣམས་ཀྱི་འགོག་པ་ནི་གང༌། ཚོར་བ་རྣམས་ཀྱི་ཀུན་འབྱུང་བར་འགྱུར་བའི་ལམ་ནི་གང༌། ཚོར་བ་རྣམས་འགོག་པར་འགྱུར་བའི་ལམ་ནི་གང༌། ཚོར་བ་རྣམས་ཀྱི་རོ་མྱང་བ་ནི་གང༌། ཉེས་དམིགས་ནི་གང༌། ངེས་པར་འབྱུང་བ་ནི་གང་ཞེས་བྱ་བ་སྟེ། དེ་ལ་དེ་ལྟར་ཉེས་བར་རྟོག་པ་ན་ཡང་དག་པར་རྟོགས་པའི་ཚོར་བ་ནི་གསུམ་པོ་འདི་དག་ཡིན་ནོ། །རེག་པ་ཀུན་འབྱུང་བས་ཚོར་བ་ཀུན་འབྱུང་ངོ་ཞེས་བྱ་བ་རྒྱས་པར་ཇི་སྐད་མདོ་ལས་གསུངས་པ་བཞིན་རྣམ་པར་དབྱེ་བར་རིག་པར་བྱའོ། །ཚོར་བ་ཉེ་བར་བརྟག་པ་རྣམ་པ་བརྒྱད་པོ་དེ་དག་ཀྱང་རང་གི་མཚན་ཉིད་ཉེ་བར་བརྟག་པ་དང༌། ཚེ་འདི་ལ་འབྱུང་བའི་རྒྱུ་ཉེ་བར་བརྟག་པ་དང༌། དེ་འགོག་པར་ཉེ་བར་བརྟག་པ་དང༌། ཚེ་ཕྱི་མ་ལ་འབྱུང་བའི་རྒྱུ་ཉེ་བར་བརྟག་པ་དང༌། དེ་འགོག་པ་ལ་ཉེ་བར་བརྟག་པ་དང༌། དེ་གཉི་ག་ལ་འབྱུང་བའི་རྒྱུ་ཉེ་བར་བརྟག་པ་དང༌། དེ་གཉི་ག་ལ་འབྱུང་བ་འགོག་པ་ཉེ་བར་བརྟག་པ་དང༌། རྣམ་པར་བྱང་བ་ཉེ་བར་བརྟག་པ་ཡོངས་སུ་བསྟན་པར་བལྟ་བར་བྱ་སྟེ། དེ་ནི་མདོ་བསྡུ་ན་ཉེ་བར་བརྟག་པའི་རབ་ཏུ་དབྱེ་བ་ཡིན་ནོ། །དེ་ལ་ཚོར་བ་རྣམས་ཀྱི་ངེས་པར་འབྱུང་བ་ནི་འདི་ལྟ་སྟེ། ཡིད་མི་བདེ་བའི་དབང་པོ་ལས་ངེས་པར་འབྱུང་བ་ནི་བསམ་གཏན་དང་པོའོ། །སྡུག་བསྔལ་གྱི་དབང་པོ་ལས་ངེས་པར་འབྱུང་བ་ནི་བསམ་གཏན་གཉིས་པའོ། །ཡིད་བདེ་བའི་དབང་པོ་ལས་ངེས་པར་འབྱུང་བ་ནི་བསམ་གཏན་གསུམ་པའོ། །བདེ་བའི་དབང་པོ་ལས་ངེས་པར་འབྱུང་བ་ནི་བསམ་གཏན་བཞི་པའོ། །བཏང་སྙོམས་ཀྱི་དབང་པོ་ལས་ངེས་པར་འབྱུང་བ་ནི་མཚན་མ་མེད་པའི་དབྱིངས་ཏེ། དེ་ནི་ཚོར་བའི་ཕུང་པོའི་ངེས་པར་འབྱུང་བའི་རབ་ཏུ་དབྱེ་བ་ཡིན་ནོ། །

de la tshor ba'i phung po rab tu dbye ba gang zhe na/ de ni rnam pa lngar blta bar bya ste/ dngos po dang/ mtshan nyid dang/ rab tu skye ba dang nye bar brtags pa dang/ nges par 'byung ba'o/ /de la tshor ba'i phung po'i dngos po ni myong ba nyid dang/ myong ba'i gnas dang mthun pa'i chos rnams so/ /de la rang gi mtshan nyid ni bde ba dang/ sdug bsngal ba dang/ sdug bsngal ba yang ma yin bde ba yang ma yin pa'i tshor ba'o/ /de la tshor ba'i phung po'i spyi'i mtshan nyid ni bde ba'i tshor ba ni 'gyur ba'i sdug bsngal nyid kyis sdug bsngal ba dang/ sdug bsngal gyi tshor ba ni sdug bsngal gyi sdug bsngal nyid kyis sdug bsngal ba dang/ sdug bsngal yang ma yin bde ba yang ma yin pa'i tshor ba ni 'du byed kyi sdug bsngal nyid kyis sdug bsngal ba'i dbang du mdzad nas/ gang ci tshor ba yang rung ste de ni 'dir sdug bsngal ba'o/ /zhes bya ba'o/ /de la rab tu skye ba ni reg pa bcu drug las tshor ba rnams 'byung bar 'gyur ba ste/ 'di lta ste/ mig dang/ rna ba dang/ sna dang/ lce dang/ lus dang/ yid kyi 'dus te reg pa rnams dang/ thogs pa'i 'dus te reg pa dang/ tshig bla dwags kyi 'dus te reg pa dang/ bde ba'i tshor ba dang mthun pa'i 'dus te reg pa dang/ sdug bsngal gyi tshor ba dang mthun pa'i 'dus te reg pa dang/ sdug bsngal yang ma yin bde ba yang ma yin pa'i tshor ba dang mthun pa'i 'dus te reg pa dang/ rjes su chags pa'i 'dus te reg pa dang / khong khro ba'i 'dus te reg pa dang/ rig pa'i 'dus te reg pa dang/ ma rig pa'i 'dus te reg pa dang/ rig pa yang ma yin ma rig pa yang ma yin pa'i 'dus te reg pa las so/ /de la yul 'dzin par byed pa nyid la brten nas ni 'dus te reg pa drug po rnams dang/ thogs pa'i 'dus te reg pa rnam par gzhag go/ /yul la rnam par rtog pa nyid la brten nas ni tshig bla dwags kyi 'dus te reg pa gcig tu rnam par gzhag go/ /yul myong bar byed pa nyid la brten nas ni bde ba la sogs pa'i tshor ba dang mthun pa'i 'dus te reg pa gsum rnam par gzhag go/ /kun nas nyon mongs pa dang/ rnam par byang ba nyid la brten nas ni rjes su chags pa dang/ khong khro ba dang/ ma rig pa'i 'dus te reg pa rnams dang/ rig pa dang/ rig pa yang ma yin ma rig pa yang ma yin pa'i 'dus te reg pa dag rnam par gzhag par rig par bya ste/ de ni tshor ba rnams kyi rab tu skye ba'i rab tu dbye ba yin no/ /mdo las de nas bcom ldan 'das nyag gcig dben par gshegs te/ nang du yang dag 'jog la bzhugs pa na/ thugs la thugs kyis yongs su rtog pa 'di lta bu byung ste/ tshor ba ni gang tshor ba kun 'byung ba ni gang tshor ba 'gog pa ni gang/ tshor ba kun 'byung bar 'gyur ba'i lam ni gang/ tshor ba 'gog par 'gyur ba'i lam ni gang/ tshor ba ro myang ba ni gang/ nyes dmigs ni gang/ nges par 'byung ba ni gang yin snyam nas de 'di snyam du dgongs te/ tshor ba ni gsum po 'di dag yin te/ bde ba dang sdug bsngal ba dang/ sdug bsngal yang ma yin bde ba yang ma yin pa'o/ /reg pa kun 'byung bas tshor ba kun 'byung ba'o/ /reg pa 'gags pas tshor ba 'gag go/ /tshor ba la mngon par dga' ba dang/ mngon par brjod pa dang/ lhag par chags pa dang/ lhag par chags shing gnas pa gang yin pa 'di ni tshor ba kun 'byung bar 'gyur ba'i lam yin no/ /tshor ba la mngon par dga' ba med pa dang/ mngon par mi brjod pa dang/ lhag par chags pa med pa dang/ lhag par chags shing mi gnas pa gang yin pa 'di ni tshor ba 'gog par 'gyur ba'i lam yin no/ /tshor ba la brten te/ bde ba skye ba dang/ yid bde ba skye ba gang yin pa 'di ni tshor ba'i ro myang ba yin no/ /tshor ba mi rtag pa dang/ sdug bsngal ba dang 'gyur ba'i chos can gang yin pa 'di ni tshor ba'i nyes dmigs yin no/ /tshor ba la 'dun pa'i 'dod chags 'dul ba dang/ 'dun pa'i 'dod chags spong ba dang/ 'dun pa'i 'dod chags las yang dag par 'da' ba gang yin pa 'di ni tshor ba las nges par 'byung ba yin no zhes gsungs pa ni de la nye bar brtag pa'i rab tu dbye ba ni zhes bya ba la sogs pa'i tshig gis rnam par bshad de/ de la nye bar brtag pa'i rab tu dbye ba ni tshor ba rnam pa brgyad po dag la tshor ba nye bar brtag pa yang dag par rdzogs pa'i sangs rgyas thams cad las byung la 'di lta ste tshor ba rnams ni du/ tshor ba rnams kyi kun 'byung ba ni gang/ tshor ba rnams kyi 'gog pa ni gang/ tshor ba rnams kyi kun 'byung bar 'gyur ba'i lam ni gang/ tshor ba rnams 'gog par 'gyur ba'i lam ni gang/ tshor ba rnams kyi ro myang ba ni gang/ nyes dmigs ni gang/ nges par 'byung ba ni gang zhes bya ba ste/ de la de ltar nyes bar rtog pa na yang dag par rtogs pa'i tshor ba ni gsum po 'di dag yin no/ /reg pa kun 'byung bas tshor ba kun 'byung ngo zhes bya ba rgyas par ji skad mdo las gsungs pa bzhin rnam par dbye bar rig par bya'o/ /tshor ba nye bar brtag pa rnam pa brgyad po de dag kyang rang gi mtshan nyid nye bar brtag pa dang/ tshe 'di la 'byung ba'i rgyu nye bar brtag pa dang/ de 'gog par nye bar brtag pa dang/ tshe phyi ma la 'byung ba'i rgyu nye bar brtag pa dang/ de 'gog pa la nye bar brtag pa dang/ de gnyi ga la 'byung ba'i rgyu nye bar brtag pa dang/ de gnyi ga la 'byung ba 'gog pa nye bar brtag pa dang/ rnam par byang ba nye bar brtag pa yongs su bstan par blta bar bya ste/ de ni mdo bsdu na nye bar brtag pa'i rab tu dbye ba yin no/ /de la tshor ba rnams kyi nges par 'byung ba ni 'di lta ste/ yid mi bde ba'i dbang po las nges par 'byung ba ni bsam gtan dang po'o/ /sdug bsngal gyi dbang po las nges par 'byung ba ni bsam gtan gnyis pa'o/ /yid bde ba'i dbang po las nges par 'byung ba ni bsam gtan gsum pa'o/ /bde ba'i dbang po las nges par 'byung ba ni bsam gtan bzhi pa'o/ /btang snyoms kyi dbang po las nges par 'byung ba ni mtshan ma med pa'i dbyings te/ de ni tshor ba'i phung po'i nges par 'byung ba'i rab tu dbye ba yin no/ /

【J3 想蘊差別】

དེ་ལ་འདུ་ཤེས་ཀྱི་ཕུང་པོའི་རབ་ཏུ་དབྱེ་བ་གང་ཞེ་ན། དེ་ཡང་རྣམ་པ་ལྔར་བལྟ་བར་བྱ་སྟེ། དངོས་པོ་དང་། མཚན་ཉིད་དང༌། ཕྱིན་ཅི་ལོག་དང༌། ཕྱིན་ཅི་མ་ལོག་པ་དང༌། ཡོངས་སུ་སྤྱོད་པའོ། །དེ་ལ་འདུ་ཤེས་ཀྱི་ཕུང་པོའི་དངོས་པོ་ནི་དམིགས་པ་ལ་མཚན་མར་འཛིན་པ་དང༌། དེའི་གནས་ལྟ་བུའི་ཆོས་རྣམས་སོ། །དེ་ལ་རང་གི་མཚན་ཉིད་ནི་སྔ་མ་བཞིན་དུ་རྣམ་པ་དྲུག་ཏུ་བལྟ་བར་བྱའོ། །དེ་ལ་སྤྱིའི་མཚན་ཉིད་ནི་ཀུན་དུ་ཤེས་པར་བྱེད་པའི་མཚན་ཉིད་དེ། དེ་ནི་མཚན་ཉིད་ཀྱི་རབ་ཏུ་དབྱེ་བ་ཡིན་ནོ། །དེ་ལ་ཕྱིན་ཅི་ལོག་གི་རབ་ཏུ་དབྱེ་བ་ནི་བྱིས་པ་མི་མཁས་པ་མ་རིག་པ་དང་ལྡན་པ་ཚུལ་བཞིན་མ་ཡིན་པ་ཡིད་ལ་བྱེད་པ། དམིགས་པ་མི་རྟག་པ་ལ་རྟག་གོ་ཞེས་མཚན་མར་འཛིན་པ་འབྱུང་བ་སྟེ། དེ་ནི་དེའི་འདུ་ཤེས་ཕྱིན་ཅི་ལོག་ཡིན་ནོ། །མི་རྟག་པ་ལ་རྟག་པ་ཇི་ལྟ་བ་བཞིན་དུ་སྡུག་བསྔལ་བ་ལ་བདེ་བ་དང༌། མི་སྡུག་པ་ལ་སྡུག་པ་དང༌། བདག་མེད་པ་ལ་བདག་ཏུ་མཚན་མར་འཛིན་པ་ཡང་དེ་བཞིན་ནོ། །འདུ་ཤེས་ཕྱིན་ཅི་ལོག་དེ་ཡང་ཁྱིམ་པ་རྣམས་ལ་ནི་སེམས་ཕྱིན་ཅི་ལོག་ཏུ་འགྱུར་རོ། །རབ་ཏུ་བྱུང་བ་དེ་དག་ཁ་ཅིག་ལ་ནི་ལྟ་བ་ཕྱིན་ཅི་ལོག་ཏུ་འགྱུར་ཏེ། དེ་ལྟར་ན་དེ་ནི་ཕྱིན་ཅི་ལོག་གི་རབ་ཏུ་དབྱེ་བ་ཡིན་ནོ། །འདུ་ཤེས་ཕྱིན་ཅི་ལོག་རྣམས་ཀྱི་རྣམ་གྲངས་གཞན་ཡང་དངོས་པོ་བཞི་པོ་དེ་དག་ལ་ལོག་པར་མཚན་མར་འཛིན་པ་གང་ཡིན་པ་དེ་ནི་འདུ་ཤེས་ཕྱིན་ཅི་ལོག་ཡིན་ནོ། །ཡུལ་དེ་ལ་དེ་ལྟར་ཀུན་ཏུ་ཤེས་པའི་ཀུན་ཏུ་འདོད་ཆགས་གང་ཡིན་པ་དེ་ནི་སེམས་ཕྱིན་ཅི་ལོག་ཡིན་ནོ། །ཕྱིན་ཅི་ལོག་གི་དངོས་པོ་དེ་ཉིད་ལ་དེ་ལྟར་ཀུན་ཏུ་ཤེས་ཤིང་དེ་ལྟར་ལྷག་པར་ཆགས་པའི་མངོན་པར་ཞེན་པ་དང༌། འདོད་པ་དང༌། སྟོན་པ་དང༌། རྣམས་པར་འཇོག་པ་གང་ཡིན་པ་དེ་ནི་ལྟ་བ་ཕྱིན་ཅི་ལོག་ཡིན་ནོ། དེ་ལ་ཕྱིན་ཅི་མ་ལོག་པའི་རབ་ཏུ་དབྱེ་བ་ནི། མཛངས་པ་མཁས་པ་རིག་པ་དང་ལྡན་པ་ཚུལ་བཞིན་ཡིད་ལ་བྱེད་པ་དམིགས་པ་མི་རྟག་པ་ལ་མི་རྟག་པ་དང༌། སྡུག་བསྔལ་བ་ལ་སྡུག་བསྔལ་བ་དང༌། མི་སྡུག་པ་ལ་མི་སྡུག་པ་དང༌། བདག་མེད་པ་ལ་བདག་མེད་དོ་ཞེས་ཡང་དག་པར་མཚན་མར་འཛིན་པ་ལ་འགྱུར་བ་གང་ཡིན་པ་སྟེ། དེ་ནི་དེའི་འདུ་ཤེས་ཕྱིན་ཅི་མ་ལོག་པ་དང༌། སེམས་ཕྱིན་ཅི་མ་ལོག་པ་དང༌། ལྟ་བ་ཕྱིན་ཅི་མ་ལོག་པ་ཡང་ཡིན་ཏེ། དེ་ལྟར་ན་དེ་ནི་ཕྱིན་ཅི་མ་ལོག་པའི་རབ་ཏུ་དབྱེ་བ་ཡིན་ནོ། །དེ་ལ་ཡོངས་སུ་གཅོད་པའི་རབ་ཏུ་དབྱེ་བ་ནི་ལྔ་པོ་འདི་དག་ནི་འདུ་ཤེས་ཀྱི་ཡོངས་སུ་གཅོད་པ་ཡིན་ཏེ། ཡུལ་ཡོངས་སུ་གཅོད་པ་དང༌། མྱོང་བ་ཡོངས་སུ་གཅོད་པ་དང༌། བརྡ་ཡོངས་སུ་གཅོད་པ་དང༌། ལོག་པར་ཡོངས་སུ་གཅོད་པ་དང༌། བདེན་པའི་དོན་ཡོངས་སུ་གཅོད་པའོ། །དེ་ལ་ཡུལ་ལ་མཚན་མ་དང་། མངོན་རྟགས་སུ་འཛིན་པ་ནི་ཡུལ་ཡོངས་སུ་གཅོད་པ་ཡིན་ནོ། །ཡུལ་ལས་ངེས་པར་འབྱུང་བའི་ཚོར་བ་འཛིན་པ་ནི་མྱོང་བ་ཡོངས་སུ་གཅོད་པ་ཡིན་ནོ། །བདག་གམ་གཞན་དག་ལ་མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་བྱ་བ་ལ་སོགས་པའི་ཐ་སྙད་དུ་འཛིན་པ་ནི་བརྡ་ཡོངས་སུ་གཅོད་པ་ཡིན་ནོ། །ཡུལ་ལ་ཕྱིན་ཅི་ལོག་ཏུ་འཛིན་པ་ནི་ལོག་པར་ཡོངས་སུ་གཅོད་པ་ཡིན་ནོ། །ཡུལ་ལ་ཕྱིན་ཅི་མ་ལོག་པར་འཛིན་པ་ནི་བདེན་པའི་དོན་ཡོངས་སུ་གཅོད་པ་ཡིན་ཏེ༑ དེ་ལྟར་ན་དེ་ནི་འདུ་ཤེས་ཀྱི་ཕུང་པོའི་ཡོངས་སུ་གཅོད་པའི་རབ་ཏུ་དབྱེ་བ་ཡིན་ནོ། །

de la 'du shes kyi phung po'i rab tu dbye ba gang zhe na/ de yang rnam pa lngar blta bar bya ste/ dngos po dang / mtshan nyid dang/ phyin ci log dang/ phyin ci ma log pa dang/ yongs su spyod pa'o/ /de la 'du shes kyi phung po'i dngos po ni dmigs pa la mtshan mar 'dzin pa dang/ de'i gnas lta bu'i chos rnams so/ /de la rang gi mtshan nyid ni snga ma bzhin du rnam pa drug tu blta bar bya'o/ /de la spyi'i mtshan nyid ni kun du shes par byed pa'i mtshan nyid de/ de ni mtshan nyid kyi rab tu dbye ba yin no/ /de la phyin ci log gi rab tu dbye ba ni byis pa mi mkhas pa ma rig pa dang ldan pa tshul bzhin ma yin pa yid la byed pa/ dmigs pa mi rtag pa la rtag go zhes mtshan mar 'dzin pa 'byung ba ste/ de ni de'i 'du shes phyin ci log yin no/ /mi rtag pa la rtag pa ji lta ba bzhin du sdug bsngal ba la bde ba dang/ mi sdug pa la sdug pa dang/ bdag med pa la bdag tu mtshan mar 'dzin pa yang de bzhin no/ /'du shes phyin ci log de yang khyim pa rnams la ni sems phyin ci log tu 'gyur ro/ /rab tu byung ba de dag kha cig la ni lta ba phyin ci log tu 'gyur te/ de ltar na de ni phyin ci log gi rab tu dbye ba yin no/ /'du shes phyin ci log rnams kyi rnam grangs gzhan yang dngos po bzhi po de dag la log par mtshan mar 'dzin pa gang yin pa de ni 'du shes phyin ci log yin no/ /yul de la de ltar kun tu shes pa'i kun tu 'dod chags gang yin pa de ni sems phyin ci log yin no/ /phyin ci log gi dngos po de nyid la de ltar kun tu shes shing de ltar lhag par chags pa'i mngon par zhen pa dang/ 'dod pa dang/ ston pa dang/ rnams par 'jog pa gang yin pa de ni lta ba phyin ci log yin no/ de la phyin ci ma log pa'i rab tu dbye ba ni/ mdzangs pa mkhas pa rig pa dang ldan pa tshul bzhin yid la byed pa dmigs pa mi rtag pa la mi rtag pa dang/ sdug bsngal ba la sdug bsngal ba dang/ mi sdug pa la mi sdug pa dang/ bdag med pa la bdag med do zhes yang dag par mtshan mar 'dzin pa la 'gyur ba gang yin pa ste/ de ni de'i 'du shes phyin ci ma log pa dang/ sems phyin ci ma log pa dang/ lta ba phyin ci ma log pa yang yin te/ de ltar na de ni phyin ci ma log pa'i rab tu dbye ba yin no/ /de la yongs su gcod pa'i rab tu dbye ba ni lnga po 'di dag ni 'du shes kyi yongs su gcod pa yin te/ yul yongs su gcod pa dang/ myong ba yongs su gcod pa dang/ brda yongs su gcod pa dang/ log par yongs su gcod pa dang/ bden pa'i don yongs su gcod pa'o/ /de la yul la mtshan ma dang / mngon rtags su 'dzin pa ni yul yongs su gcod pa yin no/ /yul las nges par 'byung ba'i tshor ba 'dzin pa ni myong ba yongs su gcod pa yin no/ /bdag gam gzhan dag la ming ni 'di zhes bya/ rigs ni 'di zhes bya/ rus ni 'di zhes bya zhes bya ba la sogs pa'i tha snyad du 'dzin pa ni brda yongs su gcod pa yin no/ /yul la phyin ci log tu 'dzin pa ni log par yongs su gcod pa yin no/ /yul la phyin ci ma log par 'dzin pa ni bden pa'i don yongs su gcod pa yin te| de ltar na de ni 'du shes kyi phung po'i yongs su gcod pa'i rab tu dbye ba yin no/ /

【J4 行蘊差別】

དེ་ལ་འདུ་བྱེད་ཀྱི་ཕུང་པོའི་རབ་ཏུ་དབྱེ་བ་གང་ཞེ་ན། དེ་ཡང་རྣམ་པ་ལྔར་བལྟ་བར་བྱ་སྟེ། ཡུལ་དང༌། གནས་སྐབས་དང༌། ཀུན་ནས་ཉོན་མོངས་པ་དང༌། རྣམ་པར་བྱང་བ་དང༌། མངོན་པར་འདུ་བྱེད་པའོ༑ །དེ་ལ་ཡུལ་ནི་སེམས་པའི་ཚོགས་དྲུག་པོ་རྣམས་འདུ་བྱེད་ཉིད་དུ་རྣམ་པར་གཞག་པ་ཡིན་ནོ། །དེ་ལ་གནས་སྐབས་ནི་སྐྱེ་བ་དང་རྒ་བ་ལ་སོགས་པ་སེམས་དང་མི་ལྡན་པའི་འདུ་བྱེད་རྣམས་ཀྱི་རྣམ་པར་གཞག་པ་སྟེ། དེ་ནི་གནས་སྐབས་ཀྱིས་རབ་ཏུ་ཕྱེ་བ་ཡིན་པའི་ཕྱིར་རོ། །དེ་ལ་ཀུན་ནས་ཉོན་མོངས་པ་ནི་འདུ་བྱེད་ཀུན་ནས་ཉོན་མོངས་པར་བྱེད་པའི་ཉོན་མོངས་པ་དང༌། ཉེ་བའི་ཉོན་མོངས་པ་རྣམས་ཀྱི་རྣམ་པར་གཞག་པ་ཡིན་ནོ། །དེ་ལ་རྣམ་པར་བྱང་བ་ནི་དད་པ་ལ་སོགས་པ་རྣམ་པར་བྱང་བར་བྱེད་པའི་ཆོས་རྣམས་ཀྱི་རྣམ་པར་གཞག་པ་ཡིན་ནོ། །དེ་ལ་མངོན་པར་འདུ་བྱེད་པ་ནི་ཡུལ་དང་མཐུན་པར་བྱེད་པ་ཞེས་བྱ་བ་ལ་སོགས་པ་མངོན་པར་འདུ་བྱེད་པ་རྣམ་པ་ལྔ་སྟེ། སྔ་མ་བཞིན་དུ་བལྟ་བར་བྱའོ། །

de la 'du byed kyi phung po'i rab tu dbye ba gang zhe na/ de yang rnam pa lngar blta bar bya ste/ yul dang/ gnas skabs dang/ kun nas nyon mongs pa dang/ rnam par byang ba dang/ mngon par 'du byed pa'o| /de la yul ni sems pa'i tshogs drug po rnams 'du byed nyid du rnam par gzhag pa yin no/ /de la gnas skabs ni skye ba dang rga ba la sogs pa sems dang mi ldan pa'i 'du byed rnams kyi rnam par gzhag pa ste/ de ni gnas skabs kyis rab tu phye ba yin pa'i phyir ro/ /de la kun nas nyon mongs pa ni 'du byed kun nas nyon mongs par byed pa'i nyon mongs pa dang/ nye ba'i nyon mongs pa rnams kyi rnam par gzhag pa yin no/ /de la rnam par byang ba ni dad pa la sogs pa rnam par byang bar byed pa'i chos rnams kyi rnam par gzhag pa yin no/ /de la mngon par 'du byed pa ni yul dang mthun par byed pa zhes bya ba la sogs pa mngon par 'du byed pa rnam pa lnga ste/ snga ma bzhin du blta bar bya'o/ /

【J5 識蘊差別(五門)】【K1 總開五章】

དེ་ལ་རྣམ་པར་ཤེས་པའི་ཕུང་པོའི་རབ་ཏུ་དབྱེ་བ་གང་ཞེ་ན། དེ་ཡང་རྣམ་པ་ལྔར་བལྟ་བར་བྱ་སྟེ། ཀུན་ཏུ་ཞེན་པ་དང༌། ཀུན་ནས་ཉོན་མོངས་པ་དང༌། གནས་དང༌། གནས་པ་དང༌། རྣམ་པ་སྣ་ཚོགས་སོ། །

de la rnam par shes pa'i phung po'i rab tu dbye ba gang zhe na/ de yang rnam pa lngar blta bar bya ste/ kun tu zhen pa dang/ kun nas nyon mongs pa dang/ gnas dang/ gnas pa dang/ rnam pa sna tshogs so/ /

【K2 別解釋】【L1 安住】

དེ་ལ་ཀུན་ཏུ་ཞེན་པ་ནི་འདོད་པའི་ཁམས་ན་འདོད་པ་ཅན་རྣམས་ཀྱི་རྣམ་པར་ཤེས་པ་ནི། ཕྱི་རོལ་གྱི་གཟུགས་ལ་མངོན་པར་ཞེན་པ་ལས་གཟུགས་ལ་ཀུན་ཏུ་ཞེན་པ་ཁོ་ན་ཞེས་བྱའོ། །གཟུགས་ཀྱི་ཁམས་ན་རྣམ་པར་དག་པའི་ལྷ་རྣམས་ཀྱི་རྣམ་པར་ཤེས་པ་ནི་ནང་གི་མིང་དང་གཟུགས་ལ་མངོན་པར་ཞེན་པ་ལས་དེ་གཉི་ག་ལ་ཀུན་ཏུ་ཞེན་པ་ཞེས་བྱའོ། །གཟུགས་མེད་པའི་ཁམས་ན་རྣམ་པར་ཤེས་པ་ནི་ནང་གི་མིང་ལ་མངོན་པར་ཞེན་པ་ལས་མིང་ལ་ཀུན་ཏུ་ཞེན་པ་ཞེས་བྱ་སྟེ། དེ་ལྟར་ན་དེ་ནི་རྣམ་པར་ཤེས་པའི་ཀུན་ཏུ་ཞེན་པའི་རབ་ཏུ་དབྱེ་བ་ཡིན་ནོ། །

de la kun tu zhen pa ni 'dod pa'i khams na 'dod pa can rnams kyi rnam par shes pa ni/ phyi rol gyi gzugs la mngon par zhen pa las gzugs la kun tu zhen pa kho na zhes bya'o/ /gzugs kyi khams na rnam par dag pa'i lha rnams kyi rnam par shes pa ni nang gi ming dang gzugs la mngon par zhen pa las de gnyi ga la kun tu zhen pa zhes bya'o/ /gzugs med pa'i khams na rnam par shes pa ni nang gi ming la mngon par zhen pa las ming la kun tu zhen pa zhes bya ste/ de ltar na de ni rnam par shes pa'i kun tu zhen pa'i rab tu dbye ba yin no/ /

【L2 雜染】

དེ་ལ་ཀུན་ནས་ཉོན་མོངས་པའི་རབ་ཏུ་དབྱེ་བ་ནི་བྱིས་པ་རྣམས་ཀྱི་རྣམ་པར་ཤེས་པ་ནི་སྒོ་གཉིས་ཀྱིས་ཀུན་ནས་ཉོན་མོངས་པར་འགྱུར་ཏེ། ཚེ་འདི་ལ་ཡུལ་ལ་ཡོངས་སུ་ལོངས་སྤྱོད་པའི་སྒོ་དང༌། ཚེ་ཕྱི་མ་ལ་སྐྱེ་བ་དང༌། རྒ་བ་ལ་སོགས་པ་སྡུག་བསྔལ་གྱི་སྒོ་སྟེ། དེ་ལྟར་ན་དེ་ནི་རྣམ་པར་ཤེས་པའི་ཀུན་ནས་ཉོན་མོངས་པ་རབ་ཏུ་དབྱེ་བ་ཡིན་ནོ། །

de la kun nas nyon mongs pa'i rab tu dbye ba ni byis pa rnams kyi rnam par shes pa ni sgo gnyis kyis kun nas nyon mongs par 'gyur te/ tshe 'di la yul la yongs su longs spyod pa'i sgo dang/ tshe phyi ma la skye ba dang/ rga ba la sogs pa sdug bsngal gyi sgo ste/ de ltar na de ni rnam par shes pa'i kun nas nyon mongs pa rab tu dbye ba yin no/ /

【L3 所依】

དེ་ལ་གནས་ཀྱི་རབ་ཏུ་དབྱེ་བ་ནི་རྣམ་པར་ཤེས་པ་རྗེས་སུ་འཇུག་པའི་གནས་ནི་དྲུག་པོ་འདི་དག་ཡིན་ཏེ། འདི་ལྟ་སྟེ་མིག་ལ་སོགས་པ་སྐྱེ་མཆེད་དྲུག་པོ་དག་ལ་བརྟེན་ནས་རྣམ་པར་ཤེས་པའི་ཚོགས་དྲུག་པོ་དག་འབྱུང་བར་འགྱུར་བ་སྟེ། དེ་དག་ཀྱང་ཕུབ་མ་དང༌། ཤིང་དང༌། ལྕི་བ་དང་བུར་མའི་མེ་བཞིན་ཏེ། དེ་ལྟར་ན་དེ་ནི་རྣམ་པར་ཤེས་པའི་གནས་ཀྱི་རབ་ཏུ་དབྱེ་བ་ཡིན་ནོ། །

de la gnas kyi rab tu dbye ba ni rnam par shes pa rjes su 'jug pa'i gnas ni drug po 'di dag yin te/ 'di lta ste mig la sogs pa skye mched drug po dag la brten nas rnam par shes pa'i tshogs drug po dag 'byung bar 'gyur ba ste/ de dag kyang phub ma dang/ shing dang/ lci ba dang bur ma'i me bzhin te/ de ltar na de ni rnam par shes pa'i gnas kyi rab tu dbye ba yin no/ /

【L4 住】【M1 牒章為問】

དེ་ལ་གནས་པའི་རབ་ཏུ་དབྱེ་བ་ནི་

de la gnas pa'i rab tu dbye ba ni

【M2 解釋】【N1 舉數引經略解住義】

རྣམ་པར་ཤེས་པ་གནས་པ་བཞི་པོ་དག་སྟེ། དེ་དག་ཀྱང་མདོ་ལས་བཞི་པོ་འདི་དག་ནི་རྣམ་པར་ཤེས་པ་གནས་པའི་རྒྱུ་དང་ལེན་པ་དང་དམིགས་པ་ཡིན་ཏེ། གཟུགས་ལ་ཉེ་བར་སོང་བའི་རྣམ་པར་ཤེས་པ་གནས་པ་དང༌། གཟུགས་ལ་དམིགས་པའོ་ཞེས་བྱ་བ་ནས་རྒྱས་པར་ང་ནི་རྣམ་པར་ཤེས་པ་འདི་དག་ནི་ཤར་ཕྱོགས་ན་གནས་པ་དང༌། ཕྱོགས་མཚམས་ཀྱི་བར་ན་གནས་པར་ཡང་མི་སྨྲ་སྟེ། ཚེ་འདི་ཉིད་ལ་གྲིབ་མ་མེད་པ་དང༌། མྱ་ངན་ལས་འདས་པ་དང༌། ཞི་བ་དང་བསིལ་བར་གྱུར་པ་དང་ཚངས་པར་གྱུར་པ་ཡིན་ནོ་ཞེས་བྱ་བའི་བར་དུ་ཇི་སྐད་གསུངས་པ་ལྟ་བུ་སྟེ།

rnam par shes pa gnas pa bzhi po dag ste/ de dag kyang mdo las bzhi po 'di dag ni rnam par shes pa gnas pa'i rgyu dang len pa dang dmigs pa yin te/ gzugs la nye bar song ba'i rnam par shes pa gnas pa dang/ gzugs la dmigs pa'o zhes bya ba nas rgyas par nga ni rnam par shes pa 'di dag ni shar phyogs na gnas pa dang/ phyogs mtshams kyi bar na gnas par yang mi smra ste/ tshe 'di nyid la grib ma med pa dang/ mya ngan las 'das pa dang/ zhi ba dang bsil bar gyur pa dang tshangs par gyur pa yin no zhes bya ba'i bar du ji skad gsungs pa lta bu ste/

【N2 論主廣釋】【O1 結前許後廣說】

དེ་བཞིན་གཤེགས་པས་གསུངས་པའི་མདོ་སྡེས་ཡོངས་སུ་བསྡུས་པ་དེ་དག་ནི་རྣམ་པར་ཤེས་པ་གནས་པ་དག་ཡིན་ནོ། །

de bzhin gshegs pas gsungs pa'i mdo sdes yongs su bsdus pa de dag ni rnam par shes pa gnas pa dag yin no/ /

【O2 正釋】【P1 開章解釋】【Q1 開三義】

འདི་མན་ཆད་ནི་དེའི་མཚན་ཉིད་ཀྱི་རབ་ཏུ་དབྱེ་བ་བཤད་པར་བྱ་སྟེ། མདོར་བསྡུ་ན་རྒྱུ་དང་བཅས་པའི་གནས་པ་དང་རྒྱུ་དང་བཅས་པའི་གནས་པའི་མཐའ་དང༌། རྒྱུ་དང་བཅས་པའི་གནས་པའི་རབ་ཏུ་ཞི་བ་དེ་དག་ཀྱང་ཡོངས་སུ་བསྟན་ཏོ། །

'di man chad ni de'i mtshan nyid kyi rab tu dbye ba bshad par bya ste/ mdor bsdu na rgyu dang bcas pa'i gnas pa dang rgyu dang bcas pa'i gnas pa'i mtha' dang/ rgyu dang bcas pa'i gnas pa'i rab tu zhi ba de dag kyang yongs su bstan to/ /

【Q2 依章辨】【R1 明識住和因緣相】【S1 解】【T1 解因緣】【U1 略】

དེ་ལ་ཉོན་མོངས་པའི་གཞི་གང་ཡིན་པ་དང༌། དེ་དང་འབྲེལ་པའི་ཉོན་མོངས་པ་གང་ཡིན་པ་དེ་ནི་རྒྱུ་དང་ལེན་པ་ཞེས་བྱའོ། །དེ་གཉི་ག་ཡང་དམིགས་པ་ཞེས་བྱ་སྟེ། དམིགས་པར་བྱ་བ་དང་དམིགས་པར་བྱེད་པ་ཡིན་པའི་ཕྱིར་རོ། །

de la nyon mongs pa'i gzhi gang yin pa dang/ de dang 'brel pa'i nyon mongs pa gang yin pa de ni rgyu dang len pa zhes bya'o/ /de gnyi ga yang dmigs pa zhes bya ste/ dmigs par bya ba dang dmigs par byed pa yin pa'i phyir ro/ /

【U2 廣】【V1 解諸煩惱】

དེ་ལ་ཉོན་མོངས་པའི་རྒྱུ་སྲེད་པས་ལྷག་པར་ཆགས་པ་ལས་ནི་དངོས་པོ་ལ་ཉེ་བར་སོང་བ་ཡིན་པར་རིག་པར་བྱའོ། །བརྣབ་སེམས་ལ་སོགས་པ་ལས་ཀྱི་རྒྱུའི་མདུད་པ་བཞིས་ནི་དངོས་པོ་ལ་དམིགས་པར་བྱེད་དོ། །

de la nyon mongs pa'i rgyu sred pas lhag par chags pa las ni dngos po la nye bar song ba yin par rig par bya'o/ /brnab sems la sogs pa las kyi rgyu'i mdud pa bzhis ni dngos po la dmigs par byed do/ /

【V2 解隨眠】

དེ་གཉི་གའི་བག་ལ་ཉལ་དང་ལྡན་པའི་དངོས་པོ་ནི་གནས་ཡིན་པར་རིག་པར་བྱའོ༑ །

de gnyi ga'i bag la nyal dang ldan pa'i dngos po ni gnas yin par rig par bya'o| /

【T2 解識住】

དེ་ལ་གང་ཟག་སོ་སོའི་སྐྱེ་བོ་དགའ་བའི་གཉེན་པོ་ཡིད་བྱུང་བ་མ་ཐོབ་པ་དེས་རྣམ་པར་ཤེས་པ་མངོན་པར་བརླན་པ་ནི་ཕྱི་མ་ལ་ལུས་ཡོངས་སུ་འཛིན་པར་བྱེད་པ་དང༌། ཡོངས་སུ་རྫོགས་པར་བྱེད་པ་དང་ཕྱར་ཞིང་འབྱུང་བ་སྟེ། དེ་ལ་སོ་སོའི་སྐྱེ་བོའི་ལུས་མ་སྤངས་ན། ཡོངས་སུ་འཛིན་པ་དང༌། ཡོངས་སུ་རྫོགས་པར་འགྱུར་རོ། །དེ་ལ་ལུས་ཡོངས་སུ་འཛིན་པ་དང༌། ཡོངས་སུ་རྫོགས་པ་གང་ཡིན་པ་དང༌། དེ་ལ་རྒྱུན་འཇུག་པར་ངེས་པ་དེ་ནི་གནས་པ་ཞེས་བྱའོ། །ལྷག་མ་སྔར་བཤད་པ་ནི་གནས་པའི་རྒྱུ་ཡིན་པར་བལྟ་བར་བྱ་སྟེ།

de la gang zag so so'i skye bo dga' ba'i gnyen po yid byung ba ma thob pa des rnam par shes pa mngon par brlan pa ni phyi ma la lus yongs su 'dzin par byed pa dang/ yongs su rdzogs par byed pa dang phyar zhing 'byung ba ste/ de la so so'i skye bo'i lus ma spangs na/ yongs su 'dzin pa dang/ yongs su rdzogs par 'gyur ro/ /de la lus yongs su 'dzin pa dang/ yongs su rdzogs pa gang yin pa dang/ de la rgyun 'jug par nges pa de ni gnas pa zhes bya'o/ /lhag ma sngar bshad pa ni gnas pa'i rgyu yin par blta bar bya ste/

【S2 結】

དེ་དག་གཅིག་ཏུ་བསྡུས་པས་ནི་རྒྱུ་དང་བཅས་པའི་གནས་པ་ཞེས་བྱའོ། །

de dag gcig tu bsdus pas ni rgyu dang bcas pa'i gnas pa zhes bya'o/ /

【R2 明住和因緣二邊際】

གཟུགས་ཅན་གྱི་ཁམས་ན་ནི་རྣམ་པར་ཤེས་པ་ལ་འོང་བ་དང་འགྲོ་བ་ཡོད་པ་ཡིན་པར་རིག་པར་བྱའོ། །གཟུགས་ཅན་མ་ཡིན་པ་ནི་འཆི་འཕོ་དང༌། སྐྱེ་བར་ཟད་དེ་དེ་གཉི་ག་ཡང་ཚེ་ཟད་ཀྱི་བར་དུ་གནས་པ་ཡིན་ནོ། །དེ་གཉི་གའི་རྒྱས་པ་དང༌། འཕེལ་བ་དང༌། ཡངས་པའི་དོན་ཀྱང་སྔ་མ་བཞིན་དུ་ཁོང་དུ་ཆུད་པར་བྱ་སྟེ། རྣམ་པར་ཤེས་པ་གནས་པའི་མཐའ་དང༌། གནས་པའི་མཐའི་རྒྱུ་ནི་དེ་ཙམ་དུ་བལྟ་བར་བྱའོ། །གཞན་དུ་འདོགས་པར་བྱེད་པ་ལ་ནི་ཡི་གེ་ཐ་དད་པ་ཉིད་དུ་འགྱུར་བ་ཁོ་ནར་ཟད་ཀྱི། དོན་ཐ་དད་པ་ཉིད་ནི་མེད་དེ། དེ་ལས་གཞན་པའི་དོན་ནི་ཡུལ་མེད་པའི་ཕྱིར་རོ། །གཞན་དག་གིས་ལེགས་པར་བརྒལ་ཞིང་བརྟགས་ན་ཡང་དེ་ལས་གཞན་པའི་དོན་གྱི་ཡུལ་མེད་པ་ཉིད་ཀྱི་ཕྱིར་རབ་ཏུ་མི་ཤེས་པས་ཅུང་ཟད་ཀྱང་ལན་འདེབས་པར་མི་བྱེད་དོ། །ཕྱིས་བདག་ཉིད་ཚུལ་བཞིན་དུ་ཉེ་བར་རྟོག་པ་ན་བདག་རྨོངས་པས་དེ་བསྟན་ཏོ་ཞེས་བདག་ཉིད་ཀྱི་རྨོངས་པ་དེ་རྨོངས་པ་ཉིད་དུ་རྟོགས་པར་འགྱུར་རོ། །

gzugs can gyi khams na ni rnam par shes pa la 'ong ba dang 'gro ba yod pa yin par rig par bya'o/ /gzugs can ma yin pa ni 'chi 'pho dang/ skye bar zad de de gnyi ga yang tshe zad kyi bar du gnas pa yin no/ /de gnyi ga'i rgyas pa dang/ 'phel ba dang/ yangs pa'i don kyang snga ma bzhin du khong du chud par bya ste/ rnam par shes pa gnas pa'i mtha' dang/ gnas pa'i mtha'i rgyu ni de tsam du blta bar bya'o/ /gzhan du 'dogs par byed pa la ni yi ge tha dad pa nyid du 'gyur ba kho nar zad kyi/ don tha dad pa nyid ni med de/ de las gzhan pa'i don ni yul med pa'i phyir ro/ /gzhan dag gis legs par brgal zhing brtags na yang de las gzhan pa'i don gyi yul med pa nyid kyi phyir rab tu mi shes pas cung zad kyang lan 'debs par mi byed do/ /phyis bdag nyid tshul bzhin du nye bar rtog pa na bdag rmongs pas de bstan to zhes bdag nyid kyi rmongs pa de rmongs pa nyid du rtogs par 'gyur ro/ /

【R3 明識住和因緣二寂止】【S1 明修觀識住寂止】【T1 明識住因緣寂止】【U1 明諸煩惱事寂止】【V1 立宗】

གང་གི་ཕྱིར་མཁས་པ་ནི་གཟུགས་རྣམ་པ་ཐམས་ཅད་ནས་འདུ་བྱེད་ཀྱི་བར་ལ་སྲེད་པས་བསྡུས་པའི་འདོད་ཆགས་ཀྱིས་ཀུན་ནས་དཀྲིས་པ་སྤོང་བ་ལས་བྲལ་བར་འགྱུར་གྱི་བག་ལ་ཉལ་ལས་ནི་མ་ཡིན་ནོ། །དེའི་མདུད་པ་ཉོན་མོངས་པའི་ཆར་གདོགས་པ་ལས་ཀུན་ནས་སློང་བར་བྱེད་པ་དག་ཀྱང་ཀུན་ནས་དཀྲིས་པ་ཁོ་ན་ལས་སྤོང་བར་འགྱུར་རོ། །

gang gi phyir mkhas pa ni gzugs rnam pa thams cad nas 'du byed kyi bar la sred pas bsdus pa'i 'dod chags kyis kun nas dkris pa spong ba las bral bar 'gyur gyi bag la nyal las ni ma yin no/ /de'i mdud pa nyon mongs pa'i char gdogs pa las kun nas slong bar byed pa dag kyang kun nas dkris pa kho na las spong bar 'gyur ro/ /

【V2 釋言】

འདི་ལྟར་ཁྱིམ་པའི་ཕྱོགས་ལ་བརྟེན་པ་དག་ནི་བརྣབ་སེམས་དང༌། གནོད་སེམས་ཀྱི་མདུད་པ་དག་གིས་ཡུལ་ལ་རྗེས་སུ་འཛིན་པའི་རྒྱུ་ལས་བྱུང་བ་དང༌། སེམས་ཅན་ལ་གནོད་པ་བྱེད་པའི་རྒྱུ་ལས་བྱུང་བའི་ལས་ཀུན་ནས་སློང་བར་བྱེད་དོ། །

'di ltar khyim pa'i phyogs la brten pa dag ni brnab sems dang/ gnod sems kyi mdud pa dag gis yul la rjes su 'dzin pa'i rgyu las byung ba dang/ sems can la gnod pa byed pa'i rgyu las byung ba'i las kun nas slong bar byed do/ /

【U2 明隨眠寂止】

རབ་ཏུ་བྱུང་བའི་ཕྱོགས་ལ་བརྟེན་པ་དག་ནི་ཚུལ་ཁྲིམས་དང༌། བརྟུལ་ཞུགས་མཆོག་ཏུ་འཛིན་པ་དང༌། འདི་བདེན་ནོ་སྙམ་དུ་མངོན་པར་ཞེན་པ་མཆོག་ཏུ་འཛིན་པའི་མདུད་པ་དག་གིས་ལས་ཀུན་ནས་སློང་བར་བྱེད་དོ། །དེ་དག་གི་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ནི་བརྣབ་སེམས་ཀྱི་གནས་ལྟ་བུ་ཡིན་ལ། འདི་བདེན་ནོ་སྙམ་དུ་མངོན་པར་ཞེན་པ་མཆོག་ཏུ་འཛིན་པ་ནི་གནོད་སེམས་ཀྱི་གནས་ལྟ་བུ་ཡིན་ཏེ། དེས་ན་མཐོ་རིས་ཀྱི་འཇིག་རྟེན་ནི་འདོད་པར་བྱེད་ལ། མྱ་ངན་ལས་འདས་པ་ལ་ནི་སྐུར་པ་འདེབས་པར་བྱེད་

rab tu byung ba'i phyogs la brten pa dag ni tshul khrims dang/ brtul zhugs mchog tu 'dzin pa dang/ 'di bden no snyam du mngon par zhen pa mchog tu 'dzin pa'i mdud pa dag gis las kun nas slong bar byed do/ /de dag gi tshul khrims dang brtul zhugs mchog tu 'dzin pa ni brnab sems kyi gnas lta bu yin la/ 'di bden no snyam du mngon par zhen pa mchog tu 'dzin pa ni gnod sems kyi gnas lta bu yin te/ des na mtho ris kyi 'jig rten ni 'dod par byed la/ mya ngan las 'das pa la ni skur pa 'debs par byed

【T2 明識住寂止】

དེ་མདུད་པ་དེ་དག་ཀྱང་ཡིད་ཀྱིས་རྣམ་པར་རྟོག་པས་ཀུན་ནས་བསླང་བ་ཡིན་པར་བལྟ་བར་བྱའོ། །

de mdud pa de dag kyang yid kyis rnam par rtog pas kun nas bslang ba yin par blta bar bya'o/ /

【T3 結因緣寂止】

དེའི་འོག་ཏུ་གཉེན་པོ་ཤས་ཆེར་བསྟེན་པས་འདོད་ཆགས་དང་མདུད་པ་དེ་གཉིས་ཀྱི་བག་ལ་ཉལ་སྤོང་བར་འགྱུར་ཏེ།

de'i 'og tu gnyen po shas cher bsten pas 'dod chags dang mdud pa de gnyis kyi bag la nyal spong bar 'gyur te/

【T4 結識住寂止】

དེ་སྤངས་པའི་ཕྱིར་ཉོན་མོངས་པ་གང་གིས་གཟུགས་དང་ཚོར་བ་ལ་སོགས་པ་ལ་དམིགས་པར་བྱེད་པའི་དམིགས་པ་དེ་གཏན་དུ་བྲལ་བས་རྒྱུན་འཆད་པར་འགྱུར་རོ། །དེ་རྒྱུན་ཆད་པས་བག་ལ་ཉལ་དང་བཅས་པའི་རྣམ་པར་ཤེས་པ་འགགས་པ་དེ་གཟུགས་དང་ཚོར་བ་ལ་སོགས་པ་རྣམ་པར་ཤེས་པ་གནས་པ་དེ་དག་ལ་མི་གནས་ཏེ། དེའི་གཉེན་པོའི་རྣམ་པར་ཤེས་པ་རྣམ་པར་དག་པའི་ཕྱིར་རོ། །དེ་ལྟར་ན་དེ་ནི་གནས་པའི་རྒྱུ་ཉེ་བར་ཞི་བ་ཡིན་པར་རིག་པར་བྱའོ། །རྒྱུ་འགགས་པའི་ཕྱིར་ཕྱི་མ་ལ་ལུས་ཡོངས་སུ་འཛིན་པ་དང༌། ཡོངས་སུ་རྫོགས་པར་བྱེད་པ་དང༌། རྒྱུན་འཇུག་པ་རྣམས་འབྱུང་བར་མི་འགྱུར་ཏེ། དེ་ལྟར་ན་དེ་ནི་གནས་པ་ཉེ་བར་ཞི་བ་ཡིན་ནོ། །

de spangs pa'i phyir nyon mongs pa gang gis gzugs dang tshor ba la sogs pa la dmigs par byed pa'i dmigs pa de gtan du bral bas rgyun 'chad par 'gyur ro/ /de rgyun chad pas bag la nyal dang bcas pa'i rnam par shes pa 'gags pa de gzugs dang tshor ba la sogs pa rnam par shes pa gnas pa de dag la mi gnas te/ de'i gnyen po'i rnam par shes pa rnam par dag pa'i phyir ro/ /de ltar na de ni gnas pa'i rgyu nye bar zhi ba yin par rig par bya'o/ /rgyu 'gags pa'i phyir phyi ma la lus yongs su 'dzin pa dang/ yongs su rdzogs par byed pa dang/ rgyun 'jug pa rnams 'byung bar mi 'gyur te/ de ltar na de ni gnas pa nye bar zhi ba yin no/ /

【S2 明能對除識勝利差別】

དེའི་གཉེན་པོར་གཏོགས་པ་རྣམ་པར་ཤེས་པ་རྣམ་པར་དག་པ་གང་ཡིན་པ་དེ་ནི་གནས་པ་མ་ཡིན་པ་ཞེས་བྱའོ། །དེ་ཡང་རྒྱུ་ལས་མངོན་པར་རྒྱས་པར་མི་འགྱུར་བ་ཡིན་ནོ། །རྣམ་པར་ཐར་པའི་སྒོ་སྟོང་པ་ཉིད་ཡོངས་སུ་བསྒོམས་པའི་ཕྱིར་མངོན་པར་འདུས་མ་བྱས་པ་ཡིན་ནོ། །རྣམ་པར་ཐར་པའི་སྒོ་སྨོན་པ་མེད་པ་ཡོངས་སུ་བསྒོམས་པའི་ཕྱིར་ཆོག་ཤེས་པ་ཡིན་ནོ། །རྣམ་པར་ཐར་པའི་སྒོ་མཚན་མ་མེད་པ་ཡོངས་སུ་བསྒོམས་པའི་ཕྱིར་གནས་པ་ཡིན་ནོ། །དེ་ལྟར་མངོན་པར་རྒྱས་པ་མེད་པ་ནས་གནས་པའི་བར་གྱི་ཕྱིར་ཤིན་ཏུ་རྣམ་པར་གྲོལ་བ་ཡིན་ནོ། །རྒྱུ་བར་གྱུར་པ་ན་ཡང་བདག་དང་བདག་གིར་ཅུང་ཟད་ཀྱང་མི་འཛིན་ཏོ། །དེས་ན་དེ་གཟུགས་ལ་སོགས་པར་གྱུར་ཀྱང་ཡོངས་སུ་ཡི་ཆད་པར་ཡང་མི་འགྱུར་རོ། །རྟགས་དེས་ན་དེ་རྣམ་པར་དག་པའི་བདག་ཉིད་དུ་སྣང་ངོ༌། །རྣམ་པར་ཤེས་པ་དེ་ནི་རྣམ་པར་དག་པ་ཉིད་ཀྱི་ཕྱིར་བདག་ཉིད་རྒྱུ་གཞན་ལ་མི་ལྟོས་པར་རང་གི་ངང་ཁོ་ནས་འགག་པར་འགྱུར་རོ། །རྣམ་པར་ཤེས་པ་དེའི་རྒྱུན་རྒྱུན་ཆད་པའི་ཕྱར་ཕྱོགས་བཅུར་འཇུག་པ་ཡང་མེད་དོ། །འཚོ་བ་དང་འཆི་བ་ལ་མངོན་པར་དགའ་བ་མེད་པ་ནི་གྲིབ་མ་མེད་པ་ཞེས་བྱའོ། །

de'i gnyen por gtogs pa rnam par shes pa rnam par dag pa gang yin pa de ni gnas pa ma yin pa zhes bya'o/ /de yang rgyu las mngon par rgyas par mi 'gyur ba yin no/ /rnam par thar pa'i sgo stong pa nyid yongs su bsgoms pa'i phyir mngon par 'dus ma byas pa yin no/ /rnam par thar pa'i sgo smon pa med pa yongs su bsgoms pa'i phyir chog shes pa yin no/ /rnam par thar pa'i sgo mtshan ma med pa yongs su bsgoms pa'i phyir gnas pa yin no/ /de ltar mngon par rgyas pa med pa nas gnas pa'i bar gyi phyir shin tu rnam par grol ba yin no/ /rgyu bar gyur pa na yang bdag dang bdag gir cung zad kyang mi 'dzin to/ /des na de gzugs la sogs par gyur kyang yongs su yi chad par yang mi 'gyur ro/ /rtags des na de rnam par dag pa'i bdag nyid du snang ngo/ /rnam par shes pa de ni rnam par dag pa nyid kyi phyir bdag nyid rgyu gzhan la mi ltos par rang gi ngang kho nas 'gag par 'gyur ro/ /rnam par shes pa de'i rgyun rgyun chad pa'i phyar phyogs bcur 'jug pa yang med do/ /'tsho ba dang 'chi ba la mngon par dga' ba med pa ni grib ma med pa zhes bya'o/ /

【S3 釋經中六句文義】

ཡང་ན་ཚོར་བ་རྣམས་ནི་རྣམ་པར་ཤེས་པ་ཤིང་ལྗོན་པ་ལྟ་བུ་དེའི་གྲིབ་མ་ལྟ་བུ་ཡིན་ཏེ། དེ་དག་དེའི་ཚེ་ན་མི་འབྱུང་བས། དེའི་ཕྱིར་ཡང་དེ་ནི་གྲིབ་མ་མེད་པ་ཞེས་བྱའོ། །ཟག་པ་དང་བཅས་པ་གང་ཡིན་པ་དེ་ནི་ཚེ་འདི་ལ་མྱ་ངན་ལས་འདས་པ་ཡིན་ནོ། །ཟག་པ་མེད་པ་གང་ཡིན་པ་དེ་ནི་རིམ་གྱིས་སློབ་པའི་རྣམ་པར་གྲོལ་བས་ཞི་བ་ཡིན་ནོ། །མི་སློབ་པའི་རྣམ་པར་གྲོལ་བས་ནི་བསིལ་བར་གྱུར་པ་ཡིན་ནོ། །ཕུང་པོ་འགག་པའི་ཕྱིར་ཚངས་པར་གྱུར་པ་ཞེས་བྱའོ། །

yang na tshor ba rnams ni rnam par shes pa shing ljon pa lta bu de'i grib ma lta bu yin te/ de dag de'i tshe na mi 'byung bas/ de'i phyir yang de ni grib ma med pa zhes bya'o/ /zag pa dang bcas pa gang yin pa de ni tshe 'di la mya ngan las 'das pa yin no/ /zag pa med pa gang yin pa de ni rim gyis slob pa'i rnam par grol bas zhi ba yin no/ /mi slob pa'i rnam par grol bas ni bsil bar gyur pa yin no/ /phung po 'gag pa'i phyir tshangs par gyur pa zhes bya'o/ /

【P2 明不立識為識住廢立所以】

རྣམ་པར་ཤེས་པ་ནི་ངོ་བོ་ཉིད་ཀྱིས་ཀུན་ནས་ཉོན་མོངས་པར་གྱུར་པ་མ་ཡིན་ནོ། །འདི་ལྟར་བཅོམ་ལྡན་འདས་ཀྱིས་རང་བཞིན་གྱིས་འོད་གསལ་བ་ཡིན་ནོ་ཞེས་གསུངས་པའི་ཕྱིར་རོ། །དེ་ཅིའི་ཕྱིར་ཞེ་ན། སྐྱོན་ལས་གཏན་དུ་རྣམ་པར་མ་དག་ན་ནི་འདོད་ཆགས་ལ་སོགས་པ་ཉོན་མོངས་པ་དང་འདྲ་བའི་ཕྱིར་རོ། །གཟུགས་དང་ཚོར་བ་ལ་སོགས་པ་བཞིན་དུ་འབའ་ཞིག་ཀུན་ནས་ཉོན་མོངས་པའི་རྒྱུ་ཡང་མ་ཡིན་ཏེ། འདི་ལྟ་སྟེ་གཟུགས་ལ་སོགས་པ་ལ་ཇི་ལྟ་བ་བཞིན་དུ་རྣམ་པར་ཤེས་པ་འབའ་ཞིག་ཁོ་ན་ལ་ནི་སུ་ཡང་སྲེད་པར་མི་འགྱུར་བས། དེའི་ཕྱིར་རྣམ་པར་ཤེས་པ་ནི་རྣམ་པར་ཤེས་པ་གནས་པ་མ་ཡིན་ཏེ།

rnam par shes pa ni ngo bo nyid kyis kun nas nyon mongs par gyur pa ma yin no/ /'di ltar bcom ldan 'das kyis rang bzhin gyis 'od gsal ba yin no zhes gsungs pa'i phyir ro/ /de ci'i phyir zhe na/ skyon las gtan du rnam par ma dag na ni 'dod chags la sogs pa nyon mongs pa dang 'dra ba'i phyir ro/ /gzugs dang tshor ba la sogs pa bzhin du 'ba' zhig kun nas nyon mongs pa'i rgyu yang ma yin te/ 'di lta ste gzugs la sogs pa la ji lta ba bzhin du rnam par shes pa 'ba' zhig kho na la ni su yang sred par mi 'gyur bas/ de'i phyir rnam par shes pa ni rnam par shes pa gnas pa ma yin te/

【M3 釋已總結】

དེ་ལྟར་ན་དེ་ནི་རྣམ་པར་ཤེས་པའི་ཕུང་པོའི་གནས་པའི་རབ་ཏུ་དབྱེ་བ་ཡིན་ནོ། །

de ltar na de ni rnam par shes pa'i phung po'i gnas pa'i rab tu dbye ba yin no/ /

【L5 異相】【M1 問】

དེ་ལ་རྣམ་པ་སྣ་ཚོགས་ཀྱི་རབ་ཏུ་དབྱེ་བ་ནི་

de la rnam pa sna tshogs kyi rab tu dbye ba ni

【M2 解】【N1 明有貪無貪等十對心】

མདོ་ལས་བཅོམ་ལྡན་འདས་ཀྱིས་སེམས་འདོད་ཆགས་དང་བཅས་པ་དང༌། འདོད་ཆགས་དང་བྲལ་བ་དང༌། ཞེ་སྡང་དང་བཅས་པ་དང་། ཞེ་སྡང་དང་བྲལ་བ་ཞེས་བྱ་བ་ནས་རྒྱས་པར་སེམས་རྣམ་པར་མ་གྲོལ་བ་དང༌། ཤིན་ཏུ་རྣམ་པར་གྲོལ་བ་ཞེས་བྱ་བའི་བར་དུ་ཇི་སྐད་དུ་གསུངས་པ་སྟེ། དེ་ལྟར་ན་དེ་ནི་རྣམ་པ་སྣ་ཚོགས་ཀྱི་རབ་ཏུ་དབྱེ་བ་གཅིག་ཡིན་ནོ། །

mdo las bcom ldan 'das kyis sems 'dod chags dang bcas pa dang/ 'dod chags dang bral ba dang/ zhe sdang dang bcas pa dang / zhe sdang dang bral ba zhes bya ba nas rgyas par sems rnam par ma grol ba dang/ shin tu rnam par grol ba zhes bya ba'i bar du ji skad du gsungs pa ste/ de ltar na de ni rnam pa sna tshogs kyi rab tu dbye ba gcig yin no/ /

【N2 明十二心】

ཡང་ཁམས་ཀྱི་རབ་ཏུ་དབྱེ་བ་ལས་ནི་འདོད་པ་ན་སྤྱོད་པ་རྣམས་ལ་ནི་སེམས་བཞི་ཡོད་དེ། དགེ་བ་དང༌། མི་དགེ་བ་དང༌། བསྒྲིབས་ལ་ལུང་དུ་བསྟན་པ་དང་མ་བསྒྲིབས་ལ་ལུང་དུ་མ་བསྟན་པའོ། །གཟུགས་ན་སྤྱོད་པ་རྣམས་ལ་ནི་གསུམ་ཡོད་དེ། མི་དགེ་བ་མ་གཏོགས་པ་རྣམས་སོ། །གཟུགས་མེད་པ་ན་སྤྱོད་པ་རྣམས་ལ་ཡང་གསུམ་ཁོ་ན་སྟེ། མི་དགེ་བ་མ་གཏོགས་པ་རྣམས་སོ། །ཟག་པ་མེད་པའི་ནི་སློབ་པ་དང་མི་སློབ་པའི་སེམས་སོ། །

yang khams kyi rab tu dbye ba las ni 'dod pa na spyod pa rnams la ni sems bzhi yod de/ dge ba dang/ mi dge ba dang/ bsgribs la lung du bstan pa dang ma bsgribs la lung du ma bstan pa'o/ /gzugs na spyod pa rnams la ni gsum yod de/ mi dge ba ma gtogs pa rnams so/ /gzugs med pa na spyod pa rnams la yang gsum kho na ste/ mi dge ba ma gtogs pa rnams so/ /zag pa med pa'i ni slob pa dang mi slob pa'i sems so/ /

【N3 明二十心】

འདོད་པ་ན་སྤྱོད་པའི་དགེ་བ་དེ་ཡང་རྣམ་པ་གཉིས་ཏེ། སྦྱོར་བ་ལས་བྱུང་བ་དང་སྐྱེས་ནས་ཐོབ་པའོ། །མ་བསྒྲིབས་ལ་ལུང་དུ་མ་བསྟན་པ་ནི་རྣམ་པ་བཞི་སྟེ། རྣམ་པར་སྨིན་པ་ལས་སྐྱེས་པ་དང༌། སྤྱོད་ལམ་ལས་བྱུང་བ་དང༌། བཟོའི་གནས་ལས་བྱུང་བ་དང་སྤྲུལ་པ་བྱེད་པའི་སེམས་སོ། །སྐྱེས་ནས་ཐོབ་པ་དེ་ཡང་འདི་ལྟ་སྟེ་ལྷ་དང་ཀླུ་དང་གནོད་སྦྱིན་ལ་སོགས་པ་སྟེ་བསྒོམས་པའི་འབྲས་བུ་མེད་པའི་ཕྱིར་རོ། །གཟུགས་ན་སྤྱོད་པ་ལ་ནི་བཟོའི་གནས་ལས་བྱུང་བ་མེད་དོ། །གཟུགས་མེད་པ་ན་སྤྱོད་པ་ལ་ཡང་མེད་དོ། །དགེ་བ་ནི་འོག་མ་ལ་ཇི་ལྟ་བ་དེ་བཞིན་དུ་གོང་མ་ཐམས་ཅད་ལ་ཡོད་པར་བལྟ་བར་བྱའོ། །

'dod pa na spyod pa'i dge ba de yang rnam pa gnyis te/ sbyor ba las byung ba dang skyes nas thob pa'o/ /ma bsgribs la lung du ma bstan pa ni rnam pa bzhi ste/ rnam par smin pa las skyes pa dang/ spyod lam las byung ba dang/ bzo'i gnas las byung ba dang sprul pa byed pa'i sems so/ /skyes nas thob pa de yang 'di lta ste lha dang klu dang gnod sbyin la sogs pa ste bsgoms pa'i 'bras bu med pa'i phyir ro/ /gzugs na spyod pa la ni bzo'i gnas las byung ba med do/ /gzugs med pa na spyod pa la yang med do/ /dge ba ni 'og ma la ji lta ba de bzhin du gong ma thams cad la yod par blta bar bya'o/ /

【N4 明十六心】

སེམས་རྣམ་པ་སྣ་ཚོགས་ཀྱི་རབ་ཏུ་དབྱེ་བའི་རྣམ་པ་གཞན་ཡང་འདོད་པ་ན་སྤྱོད་པ་ལ་ནི་སྡུག་བསྔལ་མཐོང་བས་སྤང་བར་བྱ་བ་དང༌། ཀུན་འབྱུང་བ་དང༌། འགོག་པ་དང༌། ལམ་མཐོང་བ་དང༌། བསྒོམ་པས་སྤང་བར་བྱ་བ་ཡོད་དོ། །འདོད་པ་ན་སྤྱོད་པ་ལ་ཇི་ལྟ་བ་དེ་བཞིན་དུ་གཟུགས་ན་སྤྱོད་པ་ལ་ཡང་རྣམ་པ་ལྔ་ཡོད་དོ། །གཟུགས་མེད་པ་ན་སྤྱོད་པ་ལ་ཡང་རྣམ་པ་ལྔ་ཡོད་དོ། །ཟག་པ་མེད་པའི་ནི་སེམས་བཅུ་དྲུག་པ་ཡིན་ནོ། །

sems rnam pa sna tshogs kyi rab tu dbye ba'i rnam pa gzhan yang 'dod pa na spyod pa la ni sdug bsngal mthong bas spang bar bya ba dang/ kun 'byung ba dang/ 'gog pa dang/ lam mthong ba dang/ bsgom pas spang bar bya ba yod do/ /'dod pa na spyod pa la ji lta ba de bzhin du gzugs na spyod pa la yang rnam pa lnga yod do/ /gzugs med pa na spyod pa la yang rnam pa lnga yod do/ /zag pa med pa'i ni sems bcu drug pa yin no/ /

【N5 重辨前十對心】

དེ་ལ་སེམས་རྣམ་པ་སྣ་ཚོགས་ཀྱི་རབ་ཏུ་དབྱེ་བ་དང་པོའི་རབ་ཏུ་དབྱེ་བ་བཤད་པར་བྱ་སྟེ། ཕྱོགས་ནི་གསུམ་པོ་འདི་དག་ཡིན་ཏེ་འདི་ལྟ་སྟེ། ཏིང་ངེ་འཛིན་གྱི་ཕྱིར་མ་བསྐྱོད་པ་རྣམས་དང༌། བསྐྱོད་པ་ཏིང་ངེ་འཛིན་མ་ཐོབ་ཐོབ་པ་རྣམས་དང༌། ཏིང་ངེ་འཛིན་ཐོབ་པ་རྣམས་སོ། །དེ་དག་ཀྱང་ཤིན་ཏུ་རྣམ་པར་མ་དག་པ་རྣམས་དང༌། ཤིན་ཏུ་རྣམ་པར་དག་པ་རྣམས་སོ། །དེ་ལ་ཕྱོགས་དང་པོ་ནི་སེམས་ཉོན་མོངས་པ་ཅན་རྣམས་ཀྱི་འདོད་ཆགས་ལ་སོགས་པ་ཀུན་ནས་དཀྲིས་པའི་སེམས་ཏེ། ལན་འགའ་ནི་དགེ་བ་དང༌། ལུང་དུ་མ་བསྟན་པའི་སེམས་དང་ལྡན་པ་རྣམས་ཀྱི་ཀྱི་འདོད་ཆགས་ལ་སོགས་པ་ཀུན་ནས་དཀྲིས་པ་དང་བྲལ་བར་ཡང་འགྱུར་རོ། །ཕྱོགས་གཉིས་པ་ནི་ལན་འགའ་ནང་དུ་ཞི་བ་ལ་སེམས་གཏོད་པར་ཡང་བྱེད་ལ། ལན་འགའ་ནི་བརྗེད་ངས་པས་འདོད་པའི་ཡོན་ཏན་ལྔ་པོ་དག་ལ་རྗེས་སུ་འདུག་པར་ཡང་འགྱུར་རོ། །ལན་འགའ་ནི་ཤིན་ཏུ་ཞི་བའི་ཕྱིར་རྨུགས་པ་དང་གཉིད་ཀྱི་ཀུན་ནས་དཀྲིས་པར་ཡང་འགྱུར་རོ། །ལན་འགའ་ནི་དེ་སྤང་བའི་ཕྱིར་དང་བར་འགྱུར་བའི་དམིགས་པ་ལ་གཏོད་པར་ཡང་བྱེད་དོ། །ལན་འགའ་ནི་དེ་ལ་ཡང་ལེགས་པར་མ་གཏད་པས་རྒོད་པར་ཡང་འགྱུར་ལ། ལན་འགའ་ནི་ལེགས་པར་གཏད་པས་རྒོད་པ་མེད་པར་ཡང་འགྱུར་རོ། །ལན་འགའ་ནི་ཞུམ་པ་དང༌། རྒོད་པའི་སྒྲིབ་པ་མ་སྤངས་པས་ཕྱོགས་གཉི་ག་ལ་ཡང་ཉེ་བར་མ་ཞི་བར་འགྱུར་ལ། སྤངས་པས་ནི་ཉེ་བར་ཞི་བར་ཡང་འགྱུར་རོ། །ཡིད་ལ་བྱེད་པ་དང༌། དངོས་གཞི་བསམ་གཏན་ཐོབ་ཐོབ་པ་ནི་མཉམ་པར་གཞག་པ་ཡིན་ནོ། །མ་ཐོབ་པ་ནི་མཉམ་པར་མ་བཞག་པ་ཡིན་ནོ༑ །ལམ་གྱི་མཐར་ཐུག་པར་གྱུར་པའི་ཕྱིར་ཤིན་ཏུ་བསྒོམས་པ་ཡིན་ནོ། །སྤོང་བའི་མཐར་ཐུག་པར་གྱུར་པའི་ཕྱིར་ཤིན་ཏུ་རྣམ་པར་གྲོ་ལ་པ་ཡིན་ནོ། །དེ་ལས་བཟློག་པ་ནི་ཤིན་ཏུ་བསྒོམས་པ་མ་ཡིན་པ་དང༌། ཤིན་ཏུ་རྣམ་པར་གྲོལ་བ་མ་ཡིན་པ་ཡིན་ནོ། །མཉམ་པར་གཞག་པ་ཡན་ཆད་ནི་ཕྱོགས་གསུམ་པ་ཡིན་པར་བལྟ་བར་བྱ་སྟེ། དེ་ལྟར་ན་དེ་ནི་རྣམ་པར་ཤེས་པའི་རྣམ་པ་སྣ་ཚོགས་ཀྱི་རབ་ཏུ་དབྱེ་བ་ཡིན་ནོ། །

de la sems rnam pa sna tshogs kyi rab tu dbye ba dang po'i rab tu dbye ba bshad par bya ste/ phyogs ni gsum po 'di dag yin te 'di lta ste/ ting nge 'dzin gyi phyir ma bskyod pa rnams dang/ bskyod pa ting nge 'dzin ma thob thob pa rnams dang/ ting nge 'dzin thob pa rnams so/ /de dag kyang shin tu rnam par ma dag pa rnams dang/ shin tu rnam par dag pa rnams so/ /de la phyogs dang po ni sems nyon mongs pa can rnams kyi 'dod chags la sogs pa kun nas dkris pa'i sems te/ lan 'ga' ni dge ba dang/ lung du ma bstan pa'i sems dang ldan pa rnams kyi kyi 'dod chags la sogs pa kun nas dkris pa dang bral bar yang 'gyur ro/ /phyogs gnyis pa ni lan 'ga' nang du zhi ba la sems gtod par yang byed la/ lan 'ga' ni brjed ngas pas 'dod pa'i yon tan lnga po dag la rjes su 'dug par yang 'gyur ro/ /lan 'ga' ni shin tu zhi ba'i phyir rmugs pa dang gnyid kyi kun nas dkris par yang 'gyur ro/ /lan 'ga' ni de spang ba'i phyir dang bar 'gyur ba'i dmigs pa la gtod par yang byed do/ /lan 'ga' ni de la yang legs par ma gtad pas rgod par yang 'gyur la/ lan 'ga' ni legs par gtad pas rgod pa med par yang 'gyur ro/ /lan 'ga' ni zhum pa dang/ rgod pa'i sgrib pa ma spangs pas phyogs gnyi ga la yang nye bar ma zhi bar 'gyur la/ spangs pas ni nye bar zhi bar yang 'gyur ro/ /yid la byed pa dang/ dngos gzhi bsam gtan thob thob pa ni mnyam par gzhag pa yin no/ /ma thob pa ni mnyam par ma bzhag pa yin no| /lam gyi mthar thug par gyur pa'i phyir shin tu bsgoms pa yin no/ /spong ba'i mthar thug par gyur pa'i phyir shin tu rnam par gro la pa yin no/ /de las bzlog pa ni shin tu bsgoms pa ma yin pa dang/ shin tu rnam par grol ba ma yin pa yin no/ /mnyam par gzhag pa yan chad ni phyogs gsum pa yin par blta bar bya ste/ de ltar na de ni rnam par shes pa'i rnam pa sna tshogs kyi rab tu dbye ba yin no/ /

【I4 明蘊次第】【J1 約五義辨次第】【K1 總說】

དེ་ལ་ཕུང་པོ་རྣམས་ཀྱི་གོ་རིམས་བསྟན་པའི་རྣམ་པ་གང་ཞེ་ན། དེ་ནི་རྣམ་པ་ལྔར་བལྟ་བར་བྱ་སྟེ། སྐྱེ་བ་ལས་གྱུར་པ་དང༌། གཉེན་པོ་ལས་གྱུར་པ་དང༌། འཇུག་པ་ལས་གྱུར་པ་དང༌། གནས་པ་ལས་གྱུར་པ་དང༌། རྣམ་པར་གཞག་པ་ལས་གྱུར་པའོ། །

de la phung po rnams kyi go rims bstan pa'i rnam pa gang zhe na/ de ni rnam pa lngar blta bar bya ste/ skye ba las gyur pa dang/ gnyen po las gyur pa dang/ 'jug pa las gyur pa dang/ gnas pa las gyur pa dang/ rnam par gzhag pa las gyur pa'o/ /

【K2 別釋】【L1 生起所作】

དེ་ལ་སྐྱེ་བ་ལས་གྱུར་པ་ནི་མིག་དང་གཟུགས་རྣམས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་བ་དང༌། ཡིད་དང་ཆོས་རྣམས་ལ་བརྟེན་ནས་ཡིད་ཀྱི་རྣམ་པར་ཤེས་པ་སྐྱེ་བའི་བར་དེ་ལ་ནི་དང་པོར་གཟུགས་ཀྱི་ཕུང་པོ་བསྟན་ལ༑ དེའི་འོག་ཏུ་སེམས་ལས་བྱུང་བའི་ཆོས་རྣམས་ཀྱི་གནས་སུ་གྱུར་པ་རྣམ་པར་ཤེས་པའི་ཕུང་པོ་བསྟན་ཏོ། །དེའི་འོག་ཏུ་ནི་དེ་ལ་བརྟེན་པ་སེམས་ལས་བྱུང་བའི་ཆོས་ཚོར་བ་ལ་སོགས་པ་བསྟན་ཏེ། འདི་ལྟར་གསུམ་འདུས་པ་ལས་རེག་པ་འབྱུང་ལ། རེག་པའི་རྐྱེན་གྱིས་ཚོར་བ་ལ་སོགས་པའོ་ཞེས་མཇུག་ཐོགས་སུ་སྨོས་པའི་ཕྱིར་ཏེ། དེ་ལྟར་ན་དེ་ནི་ཕུང་པོ་རྣམས་ཀྱི་སྐྱེ་བ་ལས་གྱུར་པའི་གོ་རིམས་བསྟན་པ་ཡིན་ནོ། །

de la skye ba las gyur pa ni mig dang gzugs rnams la brten nas mig gi rnam par shes pa skye ba dang/ yid dang chos rnams la brten nas yid kyi rnam par shes pa skye ba'i bar de la ni dang por gzugs kyi phung po bstan la| de'i 'og tu sems las byung ba'i chos rnams kyi gnas su gyur pa rnam par shes pa'i phung po bstan to/ /de'i 'og tu ni de la brten pa sems las byung ba'i chos tshor ba la sogs pa bstan te/ 'di ltar gsum 'dus pa las reg pa 'byung la/ reg pa'i rkyen gyis tshor ba la sogs pa'o zhes mjug thogs su smos pa'i phyir te/ de ltar na de ni phung po rnams kyi skye ba las gyur pa'i go rims bstan pa yin no/ /

【L2 對治所作】

དེ་ལ་གཉེན་པོ་ལས་གྱུར་པ་ནི་ཕྱིན་ཅི་ལོག་བཞི་པོ་མི་གཙང་བ་ལ་གཙང་བར་ཕྱིན་ཅི་ལོག་དང༌། སྡུག་བསྔལ་བ་ལ་བདེ་བར་ཕྱིན་ཅི་ལོག་དང༌། བདག་མེད་པ་ལ་བདག་ཏུ་ཕྱིན་ཅི་ལོག་དང༌། མི་རྟག་པ་ལ་རྟག་པར་ཕྱིན་ཅི་ལོག་དག་གི་གཉེན་པོར་དྲན་པ་ཉེ་བར་གཞག་པ་བཞི་བསྟན་པ་དེ་དག་ལ་དང་པོར་གཟུགས་ཀྱི་ཕུང་པོ་བསྟན་ལ། དེའི་འོག་ཏུ་ནི་ཚོར་བའི་ཕུང་པོ། དེའི་འོག་ཏུ་ནི་རྣམ་པར་ཤེས་པའི་ཕུང་པོ། དེའི་འོག་ཏུ་ནི་འདུ་ཤེས་དང༌། འདུ་བྱེད་ཀྱི་ཕུང་པོ་བསྟན་ཏེ། དེ་ལྟར་ན་དེ་ནི་གཉེན་པོ་ལས་གྱུར་པའི་གོ་རིམས་ཡིན་ནོ། །

de la gnyen po las gyur pa ni phyin ci log bzhi po mi gtsang ba la gtsang bar phyin ci log dang/ sdug bsngal ba la bde bar phyin ci log dang/ bdag med pa la bdag tu phyin ci log dang/ mi rtag pa la rtag par phyin ci log dag gi gnyen por dran pa nye bar gzhag pa bzhi bstan pa de dag la dang por gzugs kyi phung po bstan la/ de'i 'og tu ni tshor ba'i phung po/ de'i 'og tu ni rnam par shes pa'i phung po/ de'i 'og tu ni 'du shes dang/ 'du byed kyi phung po bstan te/ de ltar na de ni gnyen po las gyur pa'i go rims yin no/ /

【L3 流轉所作】

དེ་ལ་འཇུག་པ་ལས་གྱུར་པ་ན་དབང་པོ་དང༌། ཡུལ་ལ་བརྟེན་ནས་ཕུང་པོ་གཉིས་ཏེ་ཡུལ་སོ་སོར་མྱོང་བར་བྱེད་པ་དང༌། ཡུལ་ལ་མཚན་མར་འཛིན་པའོ། །དེའི་འོག་ཏུ་གཅིག་གིས་ནི་ཚེ་འདི་ལ་ཡུལ་ལ་ཡོངས་སུ་ལོངས་སྤྱོད་པའི་ཀུན་ནས་ཉོན་མོངས་པ་དང་དགེ་བ་དང་མི་དགེ་བའི་ལས་མངོན་པར་འདུ་བྱེད་པས། ཚེ་ཕྱི་མ་ལ་སྐྱེ་བ་ལ་སོགས་པ་ཀུན་ནས་ཉོན་མོངས་པར་འགྱུར་རོ། །གཅིག་ནི་ཀུན་ནས་ཉོན་མོངས་པར་འགྱུར་བ་ཡིན་པས་དེ་ནི་ཐམས་ཅད་ཀྱི་ཐ་མར་བསྟན་ཏོ། །

de la 'jug pa las gyur pa na dbang po dang/ yul la brten nas phung po gnyis te yul so sor myong bar byed pa dang/ yul la mtshan mar 'dzin pa'o/ /de'i 'og tu gcig gis ni tshe 'di la yul la yongs su longs spyod pa'i kun nas nyon mongs pa dang dge ba dang mi dge ba'i las mngon par 'du byed pas/ tshe phyi ma la skye ba la sogs pa kun nas nyon mongs par 'gyur ro/ /gcig ni kun nas nyon mongs par 'gyur ba yin pas de ni thams cad kyi tha mar bstan to/ /

【L4 住所作】

དེ་ལ་གནས་པ་ལས་གྱུར་པ་ནི་རྣམ་པར་ཤེས་པ་གནས་པ་བཞིའི་གོ་རིམས་དང༌། རྣམ་པར་ཤེས་པ་སྟེ། དེ་ལྟར་ན་དེ་ནི་གནས་པ་ལས་གྱུར་པའི་གོ་རིམས་ཡིན་ནོ། །

de la gnas pa las gyur pa ni rnam par shes pa gnas pa bzhi'i go rims dang/ rnam par shes pa ste/ de ltar na de ni gnas pa las gyur pa'i go rims yin no/ /

【L5 安立所作】

དེ་ལ་རྣམ་པར་གཞག་པ་ལས་གྱུར་པ་ནི། དང་པོར་གང་ཟག་མཐོང་ནས་གཟུགས་ཀྱིས་སོ་སོར་ངོ་ཤེས་པར་འགྱུར་ཏེ། དེའི་ཕྱིར་གཟུགས་ཀྱི་ཕུང་པོ་རྣམ་པར་གཞག་གོ། །དེའི་འོག་ཏུ་ཚོར་བའི་ཕུང་པོས་ནི་འབྱོར་པ་དང༌། རྒུད་པ་དང༌། བདེ་བ་དང༌། སྡུག་བསྔལ་བའོ་ཞེས་རྣམ་པར་འཇོག་པར་བྱེད་དོ། །དེའི་འོག་ཏུ་འདུ་ཤེས་ཀྱི་ཕུང་པོས་ནི་མིང་ནི་འདི་ཞེས་བྱ་རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་བྱ་བ་ལ་སོགས་པ་རྣམ་པར་འཇོག་པར་བྱེད་དོ། །དེའི་འོག་ཏུ་འདུ་བྱེད་ཀྱི་ཕུང་པོས་ནི་དེ་ལྟ་བུ་ནི་བྱིས་པའོ། །དེ་ལྟ་བུ་ནི་མཁས་པའོ་ཞེས་རྣམ་པར་འཇོག་པར་བྱེད་དོ། །དེའི་འོག་ཏུ་རྣམ་པར་ཤེས་པས་ནི་ནང་གི་བདག་རྣམ་པར་འཇོག་པར་བྱེད་དོ། །དེ་ཕུང་པོ་དེ་དག་ལ་སོ་སོར་རྟོག་པར་བྱེད་པ་དང༌། བདེ་བ་དང་ལྡན་པའམ། སྡུག་བསྔལ་བ་དང་ལྡན་པར་འགྱུར་བ་དང༌། རྗེས་སུ་ཐ་སྙད་འདོགས་པར་བྱེད་པ་དང༌། བྱིས་པའམ་མཁས་པར་ཤེས་པར་བྱེད་པ་དང༌། རྣམ་པར་འཇོག་པར་བྱེད་པས་དེ་ལྟར་ན་དེ་ནི་ཕུང་པོ་རྣམས་ཀྱི་གོ་རིམས་རྣམ་པར་གཞག་པ་ལས་གྱུར་པ་བསྟན་པ་ཡིན་ནོ། །

de la rnam par gzhag pa las gyur pa ni/ dang por gang zag mthong nas gzugs kyis so sor ngo shes par 'gyur te/ de'i phyir gzugs kyi phung po rnam par gzhag go/ /de'i 'og tu tshor ba'i phung pos ni 'byor pa dang/ rgud pa dang/ bde ba dang/ sdug bsngal ba'o zhes rnam par 'jog par byed do/ /de'i 'og tu 'du shes kyi phung pos ni ming ni 'di zhes bya rigs ni 'di zhes bya/ rus ni 'di zhes bya zhes bya ba la sogs pa rnam par 'jog par byed do/ /de'i 'og tu 'du byed kyi phung pos ni de lta bu ni byis pa'o/ /de lta bu ni mkhas pa'o zhes rnam par 'jog par byed do/ /de'i 'og tu rnam par shes pas ni nang gi bdag rnam par 'jog par byed do/ /de phung po de dag la so sor rtog par byed pa dang/ bde ba dang ldan pa'am/ sdug bsngal ba dang ldan par 'gyur ba dang/ rjes su tha snyad 'dogs par byed pa dang/ byis pa'am mkhas par shes par byed pa dang/ rnam par 'jog par byed pas de ltar na de ni phung po rnams kyi go rims rnam par gzhag pa las gyur pa bstan pa yin no/ /

【J2 據二事以辨次第】

ཡང་བདག་གིས་ཉེ་བར་སྤྱད་པའི་དངོས་པོ་དང༌། བདག་གི་དངོས་པོའི་དབང་དུ་བྱས་ནས་གོ་རིམས་གཞན་བལྟ་བར་བྱ་སྟེ༑ དེ་ལ་བདག་གི་ལུས་ལ་བརྟེན་པ་དང༌། ཡུལ་ལས་བདེ་བ་དང་སྡུག་བསྔལ་མྱོང་བར་བྱེད་པ་དང༌། བདག་དང་གཞན་དག་ལ་ནི་མིང་ནི་འདི་ཞེས་བྱ་རིགས་ནི་འདི་ཞེས་བྱ་རུས་ནི་འདི་ཞེས་བྱ་ཞེས་བྱ་བ་ལ་སོགས་པར་རྗེས་སུ་ཐ་སྙད་འདོགས་པར་བྱེད་པ་དང༌། དེ་གཉིས་ལ་བརྟེན་ནས་ཆོས་དང་ཆོས་མ་ཡིན་པ་ཉེ་བར་སོགས་པར་བྱེད་དེ། དེ་ལྟར་ན་དེ་ནི་བདག་གི་ཉེ་བར་སྤྱོད་པའི་དངོས་པོ་ཡིན་པར་རིག་པར་བྱའོ། །ཕུང་པོ་ཐ་མ་ནི་བདག་གི་དངོས་པོ་ཉིད་ཡིན་པར་བལྟ་བར་བྱའོ། །

yang bdag gis nye bar spyad pa'i dngos po dang/ bdag gi dngos po'i dbang du byas nas go rims gzhan blta bar bya ste| de la bdag gi lus la brten pa dang/ yul las bde ba dang sdug bsngal myong bar byed pa dang/ bdag dang gzhan dag la ni ming ni 'di zhes bya rigs ni 'di zhes bya rus ni 'di zhes bya zhes bya ba la sogs par rjes su tha snyad 'dogs par byed pa dang/ de gnyis la brten nas chos dang chos ma yin pa nye bar sogs par byed de/ de ltar na de ni bdag gi nye bar spyod pa'i dngos po yin par rig par bya'o/ /phung po tha ma ni bdag gi dngos po nyid yin par blta bar bya'o/ /

【I5 明蘊攝】【J1 明六種攝】

གཟུགས་ཀྱི་ཕུང་པོ་ནི་ཕུང་པོ་དུ་དག་དང༌། ཁམས་དུ་དག་དང༌། སྐྱེ་མཆེད་དུ་དག་དང༌། སྲིད་པའི་ཡན་ལག་དུ་དག་དང༌། གནས་དང་གནས་མ་ཡིན་པ་དུ་དག་དང༌། དབང་པོ་དུ་དག་གིས་བསྡུས། གཟུགས་ཀྱི་ཕུང་པོ་ཇི་ལྟ་བ་དེ་བཞིན་དུ་རྣམ་པར་ཤེས་པའི་ཕུང་པོའི་བར་ཡང་དུ་དག་གིས་བསྡུས་ཤེ་ན། དེ་ལ་གཟུགས་ཀྱི་ཕུང་པོ་ནི་ཕུང་པོ་གཅིག་ཁོ་ན་དང་ཁམས་དང་སྐྱེ་མཆེད་བཅུ་དང༌། ཁམས་དང་སྐྱེ་མཆེད་གཅིག་གི་ཕྱོགས་དང༌། སྲིད་པའི་ཡན་ལག་དྲུག་གི་ཕྱོགས་དང༌། གནས་དང་གནས་མ་ཡིན་པའི་ཕྱོགས་གཅིག་དང༌། དབང་པོ་བདུན་གྱིས་བསྡུས་སོ། །ཚོར་བའི་ཕུང་པོ་ནི་ཕུང་པོ་གཅིག་ཁོ་ན་དང༌། ཁམས་དང་སྐྱེ་མཆེད་གཅིག་གི་ཕྱོགས་དང༌། སྲིད་པའི་ཡན་ལག་གཅིག་དང༌། སྲིད་པའི་ཡན་ལག་གསུམ་གྱི་ཕྱོགས་དང༌། གནས་དང་གནས་མ་ཡིན་པའི་ཕྱོགས་གཅིག་དང༌། དབང་པོ་ལྔ་དང་། དབང་པོ་གསུམ་གྱི་ཕྱོགས་ཀྱིས་བསྡུས་སོ། །འདུ་ཤེས་ཀྱི་ཕུང་པོ་ནི་ཕུང་པོ་གཅིག་ཁོ་ན་དང༌། ཁམས་དང་སྐྱེ་མཆེད་གཅིག་གི་ཕྱོགས་དང་སྲིད་པའི་ཡན་ལག་གསུམ་གྱི་ཕྱོགས་དང༌། གནས་དང་གནས་མ་ཡིན་པའི་ཕྱོགས་གཅིག་གིས་བསྡུས་ལ། དབང་པོ་ནི་གང་གིས་ཀྱང་མ་བསྡུས་སོ། །འདུ་བྱེད་ཀྱི་ཕུང་པོ་ནི་ཕུང་པོ་གཅིག་ཁོ་ན་དང༌། ཁམས་དང་སྐྱེ་མཆེད་གཅིག་གི་ཕྱོགས་དང༌། སྲིད་པའི་ཡན་ལག་བཞི་དང༌། སྲིད་པའི་ཡན་ལག་ལྔའི་ཕྱོགས་དང༌། གནས་དང་གནས་མ་ཡིན་པའི་ཕྱོགས་གཅིག་དང༌། དབང་པོ་དྲུག་དང་དབང་པོ་གསུམ་གྱི་ཕྱོགས་ཀྱིས་བསྡུས་སོ། །རྣམ་པར་ཤེས་པའི་ཕུང་པོ་ནི་ཕུང་པོ་གཅིག་ཁོ་ན་དང༌། ཁམས་བདུན་དང༌། སྐྱེ་མཆེད་གཅིག་དང༌། སྲིད་པའི་ཡན་ལག་གཅིག་དང༌། སྲིད་པའི་ཡན་ལག་བཞིའི་ཕྱོགས་དང༌། གནས་དང་གནས་མ་ཡིན་པའི་ཕྱོགས་གཅིག་དང་། དབང་པོ་གཅིག་དང༌། དབང་པོ་གསུམ་གྱི་ཕྱོགས་ཀྱིས་བསྡུས་ཏེ། དེ་ལྟར་ན་བསྡུ་བ་དྲུག་པོ་ཕུང་པོས་བསྡུས་པ་ནས་དབང་པོས་བསྡུས་པའི་བར་གྱི་བསྡུ་བའི་ཚུལ་དེ་ཉིད་ཀྱིས་གཅིག་གིས་གཅིག་བསྡུས་པར་ཇི་ལྟ་བ་བཞིན་དུ་རིག་པར་བྱའོ། །

gzugs kyi phung po ni phung po du dag dang/ khams du dag dang/ skye mched du dag dang/ srid pa'i yan lag du dag dang/ gnas dang gnas ma yin pa du dag dang/ dbang po du dag gis bsdus/ gzugs kyi phung po ji lta ba de bzhin du rnam par shes pa'i phung po'i bar yang du dag gis bsdus she na/ de la gzugs kyi phung po ni phung po gcig kho na dang khams dang skye mched bcu dang/ khams dang skye mched gcig gi phyogs dang/ srid pa'i yan lag drug gi phyogs dang/ gnas dang gnas ma yin pa'i phyogs gcig dang/ dbang po bdun gyis bsdus so/ /tshor ba'i phung po ni phung po gcig kho na dang/ khams dang skye mched gcig gi phyogs dang/ srid pa'i yan lag gcig dang/ srid pa'i yan lag gsum gyi phyogs dang/ gnas dang gnas ma yin pa'i phyogs gcig dang/ dbang po lnga dang / dbang po gsum gyi phyogs kyis bsdus so/ /'du shes kyi phung po ni phung po gcig kho na dang/ khams dang skye mched gcig gi phyogs dang srid pa'i yan lag gsum gyi phyogs dang/ gnas dang gnas ma yin pa'i phyogs gcig gis bsdus la/ dbang po ni gang gis kyang ma bsdus so/ /'du byed kyi phung po ni phung po gcig kho na dang/ khams dang skye mched gcig gi phyogs dang/ srid pa'i yan lag bzhi dang/ srid pa'i yan lag lnga'i phyogs dang/ gnas dang gnas ma yin pa'i phyogs gcig dang/ dbang po drug dang dbang po gsum gyi phyogs kyis bsdus so/ /rnam par shes pa'i phung po ni phung po gcig kho na dang/ khams bdun dang/ skye mched gcig dang/ srid pa'i yan lag gcig dang/ srid pa'i yan lag bzhi'i phyogs dang/ gnas dang gnas ma yin pa'i phyogs gcig dang / dbang po gcig dang/ dbang po gsum gyi phyogs kyis bsdus te/ de ltar na bsdu ba drug po phung pos bsdus pa nas dbang pos bsdus pa'i bar gyi bsdu ba'i tshul de nyid kyis gcig gis gcig bsdus par ji lta ba bzhin du rig par bya'o/ /

【J2 明十種攝】

གཞན་ཡང་བསྡུ་བ་བཅུ་ཡོད་པར་བལྟ་བར་བྱའོ། །འདི་ལྟ་སྟེ་ཁམས་ཀྱིས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་རང་གི་ས་བོན་གྱིས་བསྡུས་པ་གང་ཡིན་པའོ། །མཚན་ཉིད་ཀྱིས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་རང་དང་སྤྱིའི་མཚན་ཉིད་ཀྱིས་བསྡུས་པ་གང་ཡིན་པའོ། །རིགས་ཀྱིས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་རང་གི་རིགས་ཟད་པར་གྱིས་བསྡུས་པ་གང་ཡིན་པའོ༑ །གནས་སྐབས་ཀྱིས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་བདེ་བའི་ཚོར་བ་དང་མཐུན་པ་ལ་སོགས་པའི་གནས་སྐབས་རྣམས་ཀྱིས་བསྡུས་པ་གང་ཡིན་པའོ། །ཐ་མི་དད་པས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་ཀྱི་ཆོས་རེ་རེ་ལ་ཡང་ཕུང་པོ་ལ་སོགས་པ་འཁོར་དང་བཅས་པ་ཐམས་ཅད་ཀྱིས་བསྡུས་པ་གང་ཡིན་པའོ། །དུས་ཀྱིས་བསྡུས་པ་ནི་འདས་པ་དང༌། མ་འོངས་པ་དང༌། ད་ལྟར་བྱུང་བའི་ཕུང་པོ་ལ་སོགས་པ་དེ་དག་ཉིད་དེ་ཉིད་ཀྱིས་བསྡུས་པ་གང་ཡིན་པའོ༑ །ཡུལ་གྱིས་བསྡུས་པ་ནི་ཕུང་པོ་ལ་སོགས་པ་ཡུལ་གང་དུ་འཇུག་པ་དང༌། གནས་གང་ནས་འབྱུང་བ་དེ་དག་ཉིད་དེ་ཉིད་ཀྱིས་བསྡུས་པ་གང་ཡིན་པའོ། །མཐའ་དག་གིས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་ལྔ་ཉིད་ལ་སོགས་པས་བསྡུས་པ་གང་ཡིན་པའོ། །ཕྱོགས་གཅིག་གིས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་རྣམ་པར་ཕྱེ་སྟེ། མ་ཚང་བས་བསྡུས་པ་གང་ཡིན་པའོ། །དོན་དམ་པས་བསྡུས་པ་ནི་ཕུང་པོ་ལ་སོགས་པ་དེ་དག་ཉིད་དེ་བཞིན་ཉིད་ཀྱི་མཚན་ཉིད་ཀྱིས་བསྡུས་པ་གང་ཡིན་པ་སྟེ།

gzhan yang bsdu ba bcu yod par blta bar bya'o/ /'di lta ste khams kyis bsdus pa ni phung po la sogs pa de dag nyid rang gi sa bon gyis bsdus pa gang yin pa'o/ /mtshan nyid kyis bsdus pa ni phung po la sogs pa de dag nyid rang dang spyi'i mtshan nyid kyis bsdus pa gang yin pa'o/ /rigs kyis bsdus pa ni phung po la sogs pa de dag nyid rang gi rigs zad par gyis bsdus pa gang yin pa'o| /gnas skabs kyis bsdus pa ni phung po la sogs pa de dag nyid bde ba'i tshor ba dang mthun pa la sogs pa'i gnas skabs rnams kyis bsdus pa gang yin pa'o/ /tha mi dad pas bsdus pa ni phung po la sogs pa de dag nyid kyi chos re re la yang phung po la sogs pa 'khor dang bcas pa thams cad kyis bsdus pa gang yin pa'o/ /dus kyis bsdus pa ni 'das pa dang/ ma 'ongs pa dang/ da ltar byung ba'i phung po la sogs pa de dag nyid de nyid kyis bsdus pa gang yin pa'o| /yul gyis bsdus pa ni phung po la sogs pa yul gang du 'jug pa dang/ gnas gang nas 'byung ba de dag nyid de nyid kyis bsdus pa gang yin pa'o/ /mtha' dag gis bsdus pa ni phung po la sogs pa de dag nyid lnga nyid la sogs pas bsdus pa gang yin pa'o/ /phyogs gcig gis bsdus pa ni phung po la sogs pa de dag nyid rnam par phye ste/ ma tshang bas bsdus pa gang yin pa'o/ /don dam pas bsdus pa ni phung po la sogs pa de dag nyid de bzhin nyid kyi mtshan nyid kyis bsdus pa gang yin pa ste/

【J3 明除取攝法分齊】

དེ་དག་ཐམས་ཅད་གཅིག་ཏུ་བསྡུས་ན། ཕུང་པོ་རྣམས་ཀྱི་བསྡུ་བ་རྣམ་པ་བཅུ་དྲུག་ཡོད་དེ། ཕུང་པོ་རྣམས་ལ་ཇི་ལྟ་བ་བཞིན་དུ་དབང་པོ་རྣམས་ཀྱི་བར་ལ་ཡང་དེ་བཞིན་ནོ། །གཞན་ཡང་ཆོས་གསུམ་གྱིས་ཆོས་ཐམས་ཅད་བསྡུས་པ་ཡིན་ཏེ། གཟུགས་ཀྱི་ཕུང་པོ་དང༌། ཆོས་ཀྱི་ཁམས་དང༌། ཡིད་ཀྱི་སྐྱེ་མཆེད་ཀྱིས་སོ། །

de dag thams cad gcig tu bsdus na/ phung po rnams kyi bsdu ba rnam pa bcu drug yod de/ phung po rnams la ji lta ba bzhin du dbang po rnams kyi bar la yang de bzhin no/ /gzhan yang chos gsum gyis chos thams cad bsdus pa yin te/ gzugs kyi phung po dang/ chos kyi khams dang/ yid kyi skye mched kyis so/ /

【I6 明蘊依止】

དེ་ལ་གཟུགས་ཀྱི་ཕུང་པོ་ནི་གནས་དུ་དག་ལ་བརྟེན་ནས་འཇུག་པར་འགྱུར། མིང་གིས་བསྡུས་པའི་ཕུང་པོ་བཞི་པོ་དག་ནི་གནས་སུ་དག་ལ་བརྟེན་ནས་འཇུག་པར་འགྱུར་ཞེ་ན། གཟུགས་ཀྱི་ཕུང་པོ་ནི་གནས་དྲུག་ལ་བརྟེན་ནས་འཇུག་པར་འགྱུར་ཏེ། འདི་ལྟ་སྟེ། རྟེན་གྱི་གནས་དང༌། གནས་ཀྱི་གནས་དང༌། ཡོ་བྱད་ཀྱི་གནས་དང༌། དབང་པོའི་གནས་དང༌། དབང་པོའི་རྟེན་གྱི་གནས་དང༌། མཐུ་ལས་བྱུང་བའི་ཏིང་ངེ་འཛིན་གྱི་སྤྱོད་ཡུལ་གྱི་གནས་ལའོ། །དེ་ལ་མིང་གིས་བསྡུས་པའི་ཕུང་པོ་བཞི་ནི་གནས་བདུན་ལ་བརྟེན་ནས་འཇུག་པར་འགྱུར་ཏེ། འདི་ལྟ་སྟེ་འདོད་པ་དང༌། རེ་བ་དང༌། ཡུལ་དང༌། རྣམ་པར་རྟོག་པ་དང༌། ཡང་དག་པར་ཤེས་པ་དང༌། ཡང་དག་པའི་སྦྱོར་བ་དང༌། དག་པ་ལའོ། །དེ་ལ་འདོད་པ་ལ་ལོངས་སྤྱོད་པ་རྣམས་ཀྱི་གནས་སྐབས་ནི་བཞིའོ། །སྡོམ་པ་ལ་གནས་པའི་སྡོམ་བརྩོན་པར་རྣམས་ཀྱི་ནི་གཅིག་པའོ། །ཉེར་བསྔོགས་ཐོབ་པ་མཉམ་པར་གཞག་པ་རྣམས་ཀྱི་ཡང་གཅིག་གོ། །དངོས་གཞི་ལ་གནས་པ་རྣམས་ཀྱི་ཡང་གཅིག་སྟེ། དེ་ལྟར་ན་གནས་བདུན་པོ་དེ་དག་ནི་གནས་སྐབས་བཞིར་འགྱུར་རོ།། །།

de la gzugs kyi phung po ni gnas du dag la brten nas 'jug par 'gyur/ ming gis bsdus pa'i phung po bzhi po dag ni gnas su dag la brten nas 'jug par 'gyur zhe na/ gzugs kyi phung po ni gnas drug la brten nas 'jug par 'gyur te/ 'di lta ste/ rten gyi gnas dang/ gnas kyi gnas dang/ yo byad kyi gnas dang/ dbang po'i gnas dang/ dbang po'i rten gyi gnas dang/ mthu las byung ba'i ting nge 'dzin gyi spyod yul gyi gnas la'o/ /de la ming gis bsdus pa'i phung po bzhi ni gnas bdun la brten nas 'jug par 'gyur te/ 'di lta ste 'dod pa dang/ re ba dang/ yul dang/ rnam par rtog pa dang/ yang dag par shes pa dang/ yang dag pa'i sbyor ba dang/ dag pa la'o/ /de la 'dod pa la longs spyod pa rnams kyi gnas skabs ni bzhi'o/ /sdom pa la gnas pa'i sdom brtson par rnams kyi ni gcig pa'o/ /nyer bsngogs thob pa mnyam par gzhag pa rnams kyi yang gcig go/ /dngos gzhi la gnas pa rnams kyi yang gcig ste/ de ltar na gnas bdun po de dag ni gnas skabs bzhir 'gyur ro// //

【G2 以名色等二門分別】【H1 總說】

བམ་པོ་དྲུག་པ། འདི་མན་ཆད་ནི་གཟུགས་ཀྱི་ཕུང་པོའི་རབ་ཏུ་དབྱེ་བ་ཇི་བཤད་པར་བྱ་སྟེ། དེའི་འོག་ཏུ་ནི་མིང་གི་ཕུང་པོའི་རབ་ཏུ་དབྱེ་བ་བཤད་པར་བྱའོ༑ །དེ་ལ་གཟུགས་ཀྱི་རབ་ཏུ་དབྱེ་བ་ལས་བརྩམས་ནས།

bam po drug pa/ 'di man chad ni gzugs kyi phung po'i rab tu dbye ba ji bshad par bya ste/ de'i 'og tu ni ming gi phung po'i rab tu dbye ba bshad par bya'o| /de la gzugs kyi rab tu dbye ba las brtsams nas/

【H2 別釋】【I1 分別色(十門)】【J1 總頌】

སྡོམ་ནི། རྫས་དང་རྡུལ་དང་སྐྱེ་བ་དང༌། །དབྱིབས་རྒྱུན་ལས་དང་སྐད་ཅིག་དང༌། །མ་འདྲེས་པ་དང་སྤྱོད་ཡུལ་དང་། །དེ་བཞིན་ཕན་ཚུན་འདྲེས་པ་ཡིན། །

sdom ni/ rdzas dang rdul dang skye ba dang/ /dbyibs rgyun las dang skad cig dang/ /ma 'dres pa dang spyod yul dang / /de bzhin phan tshun 'dres pa yin/ /

【J2 別釋】【K1 物類門(有七)】【L1 明同處多少】

དེ་ལ་གཟུགས་ཀྱི་ཕུང་པོས་བསྡུས་པའི་མིག་ལ་རྫས་དུ་ཡོད་ཅེ་ན། སྨྲས་པ། མཚན་ཉིད་ཀྱིས་བསྡུས་པའི་རྫས་ནི་གཅིག་སྟེ། མིག་གི་རྣམ་པར་ཤེས་པའི་གནས་ཀྱི་གཟུགས་དང་བའོ། །ཐ་མི་དད་པས་བསྡུས་པའི་རྫས་ནི་བདུན་ཏེ། མིག་དེ་ཉིད་དང༌། ལུས་དང་། ས་དང༌། གཟུགས་དང༌། དྲི་དང༌། རོ་དང༌། རེག་བྱ་རྣམས་སོ། །དེ་གཉི་གའི་ཁམས་ཀྱིས་བསྡུས་པའི་རྫས་ནི་བཅུ་སྟེ། ཁམས་ལས་རྫས་བདུན་པོ་དེ་དག་ཉིད་དང༌། ཆུ་དང༌། མེ་དང༌། རླུང་གི་ཁམས་རྣམས་དང་ལྡན་པའོ། །མིག་ཇི་ལྟ་བ་བཞིན་དུ་རྣ་བ་དང༌། སྣ་དང༌། ལྕེ་ཡང་དེ་བཞིན་དུ་བལྟ་བར་བྱའོ། །དེ་ལ་བྱེ་བྲག་ནི་འདི་ཡོད་དེ། རྣ་བ་ནི་རྣ་བའི་རྣམ་པར་ཤེས་པའི་གནས་ཀྱི་གཟུགས་དང་བའོ། །སྣ་ནི་སྣའི་རྣམ་པར་ཤེས་པའི་གནས་ཀྱི་གཟུགས་དང་བའོ། །ལྕེ་ནི་ལྕེའི་རྣམ་པར་ཤེས་པའི་གནས་ཀྱི་གཟུགས་དང་བ་སྟེ། ལྷག་མ་ནི་སྔ་མ་བཞིན་ནོ། །ལུས་ལ་ནི་མིག་ལ་སོགས་པ་བཞི་པོ་དག་དབྲི་བར་བྱའོ། །དེ་ཅིའི་ཕྱིར་ཞེ་ན། དེ་དག་མེད་ཀྱང་དེ་འབའ་ཞིག་དམིགས་པའི་ཕྱིར་ཏེ། དེའི་མཚན་ཉིད་ཀྱང་ལུས་ཀྱི་རྣམ་པར་ཤེས་པའི་གནས་ཀྱི་གཟུགས་དང་བ་ཡིན་ནོ། །དེ་དག་གི་སྤྱོད་ཡུལ་གྱི་མཚན་ཉིད་ཕྱི་རོལ་གྱི་གཟུགས་དང་། དྲི་དང༌། རོ་དང༌། རེག་བྱ་རྣམས་ལ་ནི་དབང་པོ་ཐམས་ཅད་དབྲི་བར་བྱ་སྟེ། གཞན་ཐམས་ཅད་ནི་སྔ་མ་ཁོ་ན་བཞིན་དུ་བལྟ་བར་བྱའོ། །སྒྲ་དང་སྒྲའི་ཁམས་ནི་མི་བསྟན་པ་ཡིན་པའི་ཕྱིར་ལོགས་ཤིག་ཁོ་ནར་སྟོན་པར་བྱེད་དེ། དེ་ལ་ཐམས་ཅད་ལ་ཡང་གང་ལ་སྒྲ་ཡོད་པ་དེ་ལ་དེ་ཡང་ལྷག་པར་ཤེས་པར་བྱའོ། །སྒྲའི་ཁམས་ཀྱང་ཐམས་ཅད་ལ་ལྷག་པར་བལྟ་བར་བྱའོ། །

de la gzugs kyi phung pos bsdus pa'i mig la rdzas du yod ce na/ smras pa/ mtshan nyid kyis bsdus pa'i rdzas ni gcig ste/ mig gi rnam par shes pa'i gnas kyi gzugs dang ba'o/ /tha mi dad pas bsdus pa'i rdzas ni bdun te/ mig de nyid dang/ lus dang / sa dang/ gzugs dang/ dri dang/ ro dang/ reg bya rnams so/ /de gnyi ga'i khams kyis bsdus pa'i rdzas ni bcu ste/ khams las rdzas bdun po de dag nyid dang/ chu dang/ me dang/ rlung gi khams rnams dang ldan pa'o/ /mig ji lta ba bzhin du rna ba dang/ sna dang/ lce yang de bzhin du blta bar bya'o/ /de la bye brag ni 'di yod de/ rna ba ni rna ba'i rnam par shes pa'i gnas kyi gzugs dang ba'o/ /sna ni sna'i rnam par shes pa'i gnas kyi gzugs dang ba'o/ /lce ni lce'i rnam par shes pa'i gnas kyi gzugs dang ba ste/ lhag ma ni snga ma bzhin no/ /lus la ni mig la sogs pa bzhi po dag dbri bar bya'o/ /de ci'i phyir zhe na/ de dag med kyang de 'ba' zhig dmigs pa'i phyir te/ de'i mtshan nyid kyang lus kyi rnam par shes pa'i gnas kyi gzugs dang ba yin no/ /de dag gi spyod yul gyi mtshan nyid phyi rol gyi gzugs dang / dri dang/ ro dang/ reg bya rnams la ni dbang po thams cad dbri bar bya ste/ gzhan thams cad ni snga ma kho na bzhin du blta bar bya'o/ /sgra dang sgra'i khams ni mi bstan pa yin pa'i phyir logs shig kho nar ston par byed de/ de la thams cad la yang gang la sgra yod pa de la de yang lhag par shes par bya'o/ /sgra'i khams kyang thams cad la lhag par blta bar bya'o/ /

【L2 明所造觸是假】【M1 結前標後】

དེ་ལ་གཟུགས་ལ་སོགས་པ་ཡུལ་རྣམས་ཀྱི་རབ་ཏུ་དབྱེ་བ་ནི་འདི་ལྟ་སྟེ༑ སའི་དངོས་གཞིར་བསྟན་པ་བཞིན་ནོ། །

de la gzugs la sogs pa yul rnams kyi rab tu dbye ba ni 'di lta ste| sa'i dngos gzhir bstan pa bzhin no/ /

【M2 解釋】

འཇམ་པ་ཉིད་ལ་སོགས་པ་མདངས་བཟང་བའི་མཐར་ཐུག་པ་རེག་བྱའི་སྐྱེ་མཆེད་དུ་གང་བསྟན་པ་ནི་རྒྱུར་བྱས་པའི་གཟུགས་ཡིན་པའི་ཕྱིར། དེ་ནི་འབྱུང་བ་ཆེན་པོ་དེ་དག་ཉིད་ལ་རྣམ་པར་གཞག་ཅིང་དེ་དག་ཉིད་ལ་གདགས་པར་རིག་པར་བྱའོ། །དེ་ལ་འབྱུང་བ་ཆེན་པོ་དང་བ་ཉིད་ལ་བརྟེན་ནས་ནི་འདམ་པ་ཉིད་གདགས་སོ། །འདུས་མཁྲེགས་ཉིད་ལ་བརྟེན་ནས་ནི་ལྕི་བ་ཉིད་དོ། །དང་བ་མ་ཡིན་པ་དང་འདུས་མཁྲེགས་མ་ཡིན་པ་ཉིད་ལ་བརྟེན་ནས་ནི་རྩུབ་པ་ཉིད་དང་ཡང་བ་ཉིད་དོ། །མཉེན་ཞིང་སྙི་བ་ཉིད་ལ་བརྟེན་ནས་ནི་ནེམ་ནེམ་པོ་ཉིད་དོ། །ཆུ་དང་རླུང་འདྲེས་པ་ལས་བྱུང་བ་ཉིད་ལ་བརྟེན་ནས་ནི་གྲང་བ་ཉིད་དོ། །ཉེ་བར་སྟོན་པ་མ་ཚང་བས་མི་མཉམ་པ་ཉིད་ལ་བརྟེན་ནས་ནི་བཀྲེས་པ་དང་སྐོམ་པའོ། །ཉམ་ཆུང་བ་ཡང་དེ་བཞིན་ནོ། །དེ་མ་ཚང་བ་མེད་པས་མི་མཉམ་པ་མེད་པ་ལ་བརྟེན་ནས་ནི་ཉམས་སྟོབས་དང་ཚིམ་པའོ། །ལེགས་པ་མ་ཞུ་བས་འཁྲུགས་པའི་མི་མཉམ་པ་ལ་བརྟེན་ནས་ནི་ནད་དོ། །ན་ཚོད་གྱུར་པའི་མི་མཉམ་པ་ལ་བརྟེན་ནས་ནི་རྒ་བའོ། །སྲོག་གི་དབང་པོ་གྱུར་པའི་མི་མཉམ་པ་ལ་བརྟེན་ནས་ནི་འཆི་བའོ། །ཁྲག་ལ་ཀུན་ཏུ་གནོད་པའི་མི་མཉམ་པ་ལ་བརྟེན་ནས་ནི་གཡའ་བའོ༑ །ཉེས་པར་བཟོད་པའི་མི་མཉམ་པ་ལ་བརྟེན་ནས་ནི་བརྒྱལ་བའོ། །ས་དང་ཆུ་འདྲེས་པ་ལ་བརྟེན་ནས་ནི་འགྲེད་པའོ། །འོང་བ་དང་འགྲོ་བ་དང་བརྩལ་བ་དང་འབད་པའི་མི་མཉམ་པ་ལ་བརྟེན་ནས་ནི་ངལ་བའོ། །དེ་དང་བྲལ་བའི་མཉམ་པ་ལ་བརྟེན་ནས་ནི་ངལ་སོས་བའོ། །དྲི་མ་ལ་སོགས་པ་བསལ་ཞིང་ཡོངས་སུ་ཞུམ་པ་དང་བྲལ་བ་ལ་བརྟེན་ནས་ནི་མདངས་བཟང་བ་གདགས་ཏེ། དེ་དག་ཐམས་ཅད་བསྡུས་ན་འབྱུང་བ་ཆེན་པོ་རྣམས་ཀྱི་གནས་སྐབས་དྲུག་ཁོ་ནར་འགྱུར་ཏེ། འདི་ལྟ་སྟེ། དང་བ་ཉིད་དང་དང་བ་མ་ཡིན་པ་ཉིད་ལྷན་ཅིག་པ་དང༌། འདུས་མཁྲེགས་པ་ཉིད་དང་འདུས་མཁྲེགས་པ་མ་ཡིན་པ་ཉིད་ལྷན་ཅིག་པ་དང༌། སྙི་བ་ཉིད་དང༌། འདྲེས་པ་དང༌། མི་མཉམ་པ་དང་མཉམ་པའོ། །དེ་ལྟར་ན་གནས་སྐབས་དྲུག་པོ་དེ་དག་ཡོད་ན་བརྒྱད་དུ་འགྱུར་ལ། བརྒྱད་ཡོད་ན་ཡང་དྲུག་ཏུ་འགྱུར་རོ། །

'jam pa nyid la sogs pa mdangs bzang ba'i mthar thug pa reg bya'i skye mched du gang bstan pa ni rgyur byas pa'i gzugs yin pa'i phyir/ de ni 'byung ba chen po de dag nyid la rnam par gzhag cing de dag nyid la gdags par rig par bya'o/ /de la 'byung ba chen po dang ba nyid la brten nas ni 'dam pa nyid gdags so/ /'dus mkhregs nyid la brten nas ni lci ba nyid do/ /dang ba ma yin pa dang 'dus mkhregs ma yin pa nyid la brten nas ni rtsub pa nyid dang yang ba nyid do/ /mnyen zhing snyi ba nyid la brten nas ni nem nem po nyid do/ /chu dang rlung 'dres pa las byung ba nyid la brten nas ni grang ba nyid do/ /nye bar ston pa ma tshang bas mi mnyam pa nyid la brten nas ni bkres pa dang skom pa'o/ /nyam chung ba yang de bzhin no/ /de ma tshang ba med pas mi mnyam pa med pa la brten nas ni nyams stobs dang tshim pa'o/ /legs pa ma zhu bas 'khrugs pa'i mi mnyam pa la brten nas ni nad do/ /na tshod gyur pa'i mi mnyam pa la brten nas ni rga ba'o/ /srog gi dbang po gyur pa'i mi mnyam pa la brten nas ni 'chi ba'o/ /khrag la kun tu gnod pa'i mi mnyam pa la brten nas ni g.ya' ba'o| /nyes par bzod pa'i mi mnyam pa la brten nas ni brgyal ba'o/ /sa dang chu 'dres pa la brten nas ni 'gred pa'o/ /'ong ba dang 'gro ba dang brtsal ba dang 'bad pa'i mi mnyam pa la brten nas ni ngal ba'o/ /de dang bral ba'i mnyam pa la brten nas ni ngal sos ba'o/ /dri ma la sogs pa bsal zhing yongs su zhum pa dang bral ba la brten nas ni mdangs bzang ba gdags te/ de dag thams cad bsdus na 'byung ba chen po rnams kyi gnas skabs drug kho nar 'gyur te/ 'di lta ste/ dang ba nyid dang dang ba ma yin pa nyid lhan cig pa dang/ 'dus mkhregs pa nyid dang 'dus mkhregs pa ma yin pa nyid lhan cig pa dang/ snyi ba nyid dang/ 'dres pa dang/ mi mnyam pa dang mnyam pa'o/ /de ltar na gnas skabs drug po de dag yod na brgyad du 'gyur la/ brgyad yod na yang drug tu 'gyur ro/ /

【L3 明諸識取境總別】

གཟུགས་ལ་སོགས་པ་རེག་བྱའི་མཐར་ཐུག་པ་དེ་དག་ཐམས་ཅད་ནི་རྣམ་པར་ཤེས་པ་གཉིས་ཀྱིས་རྣམ་པར་ཤེས་པར་བྱ་བ་དག་ཡིན་ཏེ༑ རང་རང་གི་རྣམ་པར་ཤེས་པས་རྣམ་པར་ཤེས་པར་བྱ་བ་དང་ཡིད་ཀྱི་རྣམ་པར་ཤེས་པས་ཅིག་ཅར་རམ། རིམ་གྱིས་རྣམ་པར་ཤེས་པར་བྱ་བ་ཡིན་ནོ། །མིག་ལ་སོགས་པ་ལྔ་ནི་ཡིད་ཀྱི་རྣམ་པར་ཤེས་པ་གཅིག་པུས་ཤེས་པར་བྱ་བ་ཡིན་ནོ། །

gzugs la sogs pa reg bya'i mthar thug pa de dag thams cad ni rnam par shes pa gnyis kyis rnam par shes par bya ba dag yin te| rang rang gi rnam par shes pas rnam par shes par bya ba dang yid kyi rnam par shes pas cig car ram/ rim gyis rnam par shes par bya ba yin no/ /mig la sogs pa lnga ni yid kyi rnam par shes pa gcig pus shes par bya ba yin no/ /

【L4 明色界無二塵二識】

དེ་ལ་གཟུགས་ཀྱི་ཁམས་ན་ནི་དྲི་དང་རོ་ནི་མེད་ལ་དེ་དག་གི་ཁམས་ནི་ཡོད་དོ། །དེ་ཅིའི་ཕྱིར་ཞེ་ན། དེ་གཉིས་ནི་ཁམ་གྱི་ཟས་ཀྱིས་བསྡུས་པ་ཡིན་པའི་ཕྱིར་རོ། །དེ་དག་མེད་པས་སྣའི་རྣམ་པར་ཤེས་པ་དང༌། ལྕེའི་རྣམ་པར་ཤེས་པ་ཡང་མེད་དེ། ཀུན་ཏུ་འབྱུང་བ་ཁོ་ནར་མེད་ཀྱི་ཁམས་ལས་ནི་མ་ཡིན་ནོ། །

de la gzugs kyi khams na ni dri dang ro ni med la de dag gi khams ni yod do/ /de ci'i phyir zhe na/ de gnyis ni kham gyi zas kyis bsdus pa yin pa'i phyir ro/ /de dag med pas sna'i rnam par shes pa dang/ lce'i rnam par shes pa yang med de/ kun tu 'byung ba kho nar med kyi khams las ni ma yin no/ /

【L5 明十二種色假立之義】

དེ་ལ་གཟུགས་ཀྱི་ཕུང་པོས་བསྡུས་པའི་གཟུགས་ཐམས་ཅད་ལས་རྣམ་པ་དགུ་ནི་རྫས་སུ་ཡོད་དོ། །རེག་བྱས་བསྡུས་པ་ལས་འབྱུང་བ་ཆེན་པོ་བཞི་ནི་རྫས་སུ་ཡོད་པ་ཡིན་ནོ། །དེ་ལས་གཞན་པ་རྣམས་ནི་བརྟགས་པའི་ཡོད་པ་ཡིན་པར་རིག་པར་བྱའོ། །ཆོས་ཀྱི་སྐྱེ་མཆེད་དུ་གཏོགས་པའི་གཟུགས་ནི་རྣམ་པ་གཉིས་ཏེ། རྫས་སུ་ཡོང་པ་དང་བརྟགས་པའི་ཡོང་པའོ། །མཐུ་ལས་བྱུང་བ་ཏིང་ངེ་འཛིན་གྱི་སྤྱོད་ཡུལ་སྤྲུལ་པ་ལྟ་བུ་དེའི་འབྲས་བུ་དང༌། དེའི་ཡུལ་དང༌། དེ་དང་མཚུངས་པར་ལྡན་པའི་རྣམ་པར་ཤེས་པའི་ཡུལ་གང་ཡིན་པ་དེ་ནི་རྫས་སུ་ཡོད་པ་ཡིན་ནོ། །སྡོམ་པ་དང་སྡོམ་པ་མ་ཡིན་པར་གཏོགས་པ་ནི་བརྟགས་པའི་ཡོད་པ་ཡིན་ནོ། །ཏིང་ངེ་འཛིན་གྱི་སྤྱོད་ཡུལ་གྱི་གཟུགས་དེ་ཡང་ཏིང་ངེ་འཛིན་འབྱུང་བ་ཆེན་པོ་དག་རྒྱུར་བྱས་པའི་གཟུགས་གད་དང་མཚུངས་པར་ལྡན་པ་དེ་དག་ཉིད་དང་དེ་ཡང་མཚུངས་པར་ལྡན་པ་ཡིན་ནོ། །འཇིག་རྟེན་པའི་ཏིང་ངེ་འཛིན་ཟག་པ་དང་བཅས་པ་དང་ཟག་པ་མེད་པ་ལ་བརྟེན་ནས་སྐྱེ་བ་ཡིན་གྱི། འཇིག་རྟེན་ལས་འདས་པ་ལས་ནི་མ་ཡིན་ཏེ། དེ་ནི་སྤྲོས་པའི་རྣམ་པ་དང་བཅས་པའི་ཏིང་ངེ་འཛིན་གྱི་རྒྱུ་ལས་བྱུང་བ་ཡིན་པའི་ཕྱིར་རོ། །སེམས་མཉམ་པར་གཞག་པ་ཐམས་ཅད་ལ་ནི་གང་གཟུགས་མངོན་པར་འགྲུབ་པར་བྱེད་པའི་ནུས་པ་དེ་མེད་ཀྱི། དེ་དག་ལས་ལ་ལ་ལ་ཡོད་དེ། སྤྲུལ་པ་འབྱུང་བར་བྱེད་པ་བཞིན་ནོ། །རྣམ་པར་མ་བརྟགས་པར་སྔོན་གྱི་ཡིད་ལ་བྱེད་པའི་ཤུགས་ཀྱིས་མུན་པ་དང་བྲལ་བ་ཤིན་ཏུ་རྣམ་པར་དག་པ་མངོན་པར་བརྗོད་པར་སྣང་བར་གྱུར་པ་གང་ཡིན་པ་དེ་ནི་སྐྱེས་པ་ཡིན་པར་བལྟ་བར་བྱའོ། །རྣམ་པར་བརྟགས་ཤིང་རྣམ་པར་བརྟགས་ཤིང་མོས་པའི་དབང་གིས་སྣང་བ་གང་ཡིན་པ་དེ་ནི་མ་སྐྱེས་པ་ཡིན་པར་བལྟ་བར་བྱའོ། །དེ་ནི་འཇིག་རྟེན་ལས་འདས་པའི་ཏིང་ངེ་འཛིན་གྱི་སྤྱོད་ཡུལ་མ་ཡིན་ཡང་ལ་ལ་དེའི་དབང་གིས་བྱུང་བ་ཡིན་པར་བལྟ་བར་བྱ་སྟེ། དེ་ཡང་བསམ་གྱིས་མི་ཁྱབ་པ་ཡིན་ནོ། །

de la gzugs kyi phung pos bsdus pa'i gzugs thams cad las rnam pa dgu ni rdzas su yod do/ /reg byas bsdus pa las 'byung ba chen po bzhi ni rdzas su yod pa yin no/ /de las gzhan pa rnams ni brtags pa'i yod pa yin par rig par bya'o/ /chos kyi skye mched du gtogs pa'i gzugs ni rnam pa gnyis te/ rdzas su yong pa dang brtags pa'i yong pa'o/ /mthu las byung ba ting nge 'dzin gyi spyod yul sprul pa lta bu de'i 'bras bu dang/ de'i yul dang/ de dang mtshungs par ldan pa'i rnam par shes pa'i yul gang yin pa de ni rdzas su yod pa yin no/ /sdom pa dang sdom pa ma yin par gtogs pa ni brtags pa'i yod pa yin no/ /ting nge 'dzin gyi spyod yul gyi gzugs de yang ting nge 'dzin 'byung ba chen po dag rgyur byas pa'i gzugs gad dang mtshungs par ldan pa de dag nyid dang de yang mtshungs par ldan pa yin no/ /'jig rten pa'i ting nge 'dzin zag pa dang bcas pa dang zag pa med pa la brten nas skye ba yin gyi/ 'jig rten las 'das pa las ni ma yin te/ de ni spros pa'i rnam pa dang bcas pa'i ting nge 'dzin gyi rgyu las byung ba yin pa'i phyir ro/ /sems mnyam par gzhag pa thams cad la ni gang gzugs mngon par 'grub par byed pa'i nus pa de med kyi/ de dag las la la la yod de/ sprul pa 'byung bar byed pa bzhin no/ /rnam par ma brtags par sngon gyi yid la byed pa'i shugs kyis mun pa dang bral ba shin tu rnam par dag pa mngon par brjod par snang bar gyur pa gang yin pa de ni skyes pa yin par blta bar bya'o/ /rnam par brtags shing rnam par brtags shing mos pa'i dbang gis snang ba gang yin pa de ni ma skyes pa yin par blta bar bya'o/ /de ni 'jig rten las 'das pa'i ting nge 'dzin gyi spyod yul ma yin yang la la de'i dbang gis byung ba yin par blta bar bya ste/ de yang bsam gyis mi khyab pa yin no/ /

【L6 明二界色差別之相】

དེ་ལ་འདོད་པ་ན་སྤྱོད་པ་དང་གཟུགས་ན་སྤྱོད་པའི་གཟུགས་རྫས་སུ་ཡོད་པ་ལ་བྱེ་བྲག་ཅི་ཡོད་ཅེ་ན། གཟུགས་ན་སྤྱོད་པའི་གཟུགས་ནི་མཆོག་ཏུ་འོད་ངེས་པར་འབྱིན་པའི་ཕྱིར་གསལ་བ་དང༌། འོག་མའི་དབང་པོའི་སྤྱོད་ཡུལ་མ་ཡིན་པའི་ཕྱིར་ཆ་ཕྲ་བ་དང༌། དེའི་ལུས་ལ་སྡུག་བསྔལ་གྱི་ཚོར་བ་མེད་པའི་ཕྱིར་སྡུག་བསྔལ་བ་དང་མི་ལྡན་པ་ཡིན་གྱི། འདོད་པ་ན་སྤྱོད་པ་ནི་དེ་ལྟ་མ་ཡིན་པས། དེ་ལྟར་ན་དེ་གཉིས་ཀྱི་བྱེ་བྲག་ནི་དེ་ཡིན་ནོ། །

de la 'dod pa na spyod pa dang gzugs na spyod pa'i gzugs rdzas su yod pa la bye brag ci yod ce na/ gzugs na spyod pa'i gzugs ni mchog tu 'od nges par 'byin pa'i phyir gsal ba dang/ 'og ma'i dbang po'i spyod yul ma yin pa'i phyir cha phra ba dang/ de'i lus la sdug bsngal gyi tshor ba med pa'i phyir sdug bsngal ba dang mi ldan pa yin gyi/ 'dod pa na spyod pa ni de lta ma yin pas/ de ltar na de gnyis kyi bye brag ni de yin no/ /

【L7 明六種相分別五蘊】

ཡང་མདོར་བསྡུ་ན་གཟུགས་ཀྱི་ཕུང་པོའི་མཚན་ཉིད་ནི་རྣམ་པ་དྲུག་ཡོད་པར་རིག་པར་བྱ་སྟེ། རང་གི་མཚན་ཉིད་དང༌། སྤྱིའི་མཚན་ཉིད་དང༌། གནས་དང༌། གནས་པར་འབྲེལ་བའི་མཚན་ཉིད་དང༌། ཉེ་བར་སྤྱོད་པའི་མཚན་ཉིད་དང༌། ལས་ཀྱི་མཚན་ཉིད་དང༌། ཆ་ཕྲ་བའི་མཚན་ཉིད་དོ། །དེ་ལ་རང་གི་མཚན་ཉིད་ནི་ས་ལ་སོགས་པའི་སྲ་བ་ལ་སོགས་པའི་མཚན་ཉིད་གང་ཡིན་པ་དང༌། མིག་ལ་སོགས་པའི་སོ་སོའི་དབང་བའི་མཚན་ཉིད་གང་ཡིན་པའོ། །དེ་ལ་སྤྱིའི་མཚན་ཉིད་ནི་གཟུགས་ཐམས་ཅད་ནི་གཟུགས་སུ་རུང་བའི་མཚན་ཉིད་ཡིན་པའོ། །དེ་ལ་གནས་དང་གནས་པར་འབྲེལ་པའི་མཚན་ཉིད་འབྱུང་བ་ཆེན་པོ་རྣམས་ནི་གནས་ཡིན་ལ། རྒྱུར་བྱས་པའི་གཟུགས་རྣམས་ནི་གནས་པ་ཡིན་ནོ། །དེ་ལ་ཉེ་བར་སྤྱོད་པའི་མཚན་ཉིད་ནི་ནང་གི་སྐྱེ་མཆེད་གཟུགས་ཅན་རྣམས་ཀྱི་ཉེ་བར་སྤྱོད་པའི་དབང་གིས་ཕྱི་རོལ་གྱི་གཟུགས་ཅན་རྣམས་སོ་སོར་འབྱུང་བ་སྟེ། ནང་གི་སྐྱེ་མཆེད་ཀྱི་ཉེ་བར་སྤྱོད་པ་དང་མཐུན་པ་ཉིད་དུ་གཟུགས་འདུས་པ་ལ་ལ་ནི་སྲ་བ་ཁོ་ནར་འབྱུང་ལ༑ ལ་ལ་ནི་གཤེར་བ་ཁོ་ནར། ལ་ལ་ནི་དྲོ་བ་ཁོ་ནར། ལ་ལ་ནི་གཡོ་བ་ཁོ་ནར། ལ་ལ་ནི་འདྲེས་པ་ཁོ་ནར་འབྱུང་བའོ། །དེ་ལ་ལས་ཀྱི་མཚན་ཉིད་ནི་འདི་ལྟ་སྟེ། ས་ལ་སོགས་པ་འབྱུང་བ་ཆེན་པོ་རྣམས་ཀྱི་བརྟེན་པ་དང༌། སྡུད་པ་དང༌། སྨིན་པར་བྱེད་པ་དང༌། བསྐྱོད་པའི་མཚན་ཉིད་དེ། དེ་ལས་གཞན་ཡང་འོག་ནས་རྒྱས་པར་བསྟན་པར་བྱའོ། །དེ་ལ་ཆ་ཕྲ་བའི་མཚན་ཉིད་ནི་རྡུལ་ཕྲ་རབ་ཀྱི་མཚན་ཉིད་གང་ཡིན་པའོ། །ཡང་ཆ་ཕྲ་བ་ཉིད་ནི་རྣམ་པ་གསུམ་སྟེ། འབྲི་བ་ཆ་ཕྲ་བ་ཉིད་དང༌། རང་བཞིན་ཆ་ཕྲ་བ་ཉིད་དང༌། སེམས་ཀྱི་དབང་བསྒྱུར་བ་ཆ་ཕྲ་བ་ཉིད་དོ། །དེ་ལ་འབྲི་བ་ཆ་ཕྲ་བ་ཉིད་ཀྱིས་ནི་རྡུལ་ཕྲ་རབ་ཆ་ཕྲ་བ་བསྟན་ཏོ། །དེ་ལ་རང་བཞིན་ཆ་ཕྲ་བ་ཉིད་ཀྱིས་ནི་རླུང་ལ་སོགས་པ་དང༌། བར་མ་དོའི་སྲིད་པའི་གཟུགས་ཆ་ཕྲ་བ་བསྟན་ཏོ། །དེ་ལ་སེམས་ཀྱི་དབང་བསྒྱུར་བ་ཆ་ཕྲ་བ་ཉིད་ཀྱིས་ནི་གཟུགས་ན་སྤྱོད་པའི་གཟུགས་ཆ་ཕྲ་བ་བསྟན་ཏེ། ཇི་སྐད་དུ་ལྷ་སེམས་མཉམ་པ་མི་འགྱུར་བ་དེ་དག་གིས་ནི་ཇི་ལྟར་དེ་དག་སྨྱུང་བུའི་རྩེ་མོས་ཕུག་པའི་ཁྱོན་ཙམ་གྱིས་ཕྱོགས་གཅིག་ཏུ་འཁོད་ཀྱང་གཅིག་ལ་གཅིག་ཐོགས་པ་ཡང་མེད་ལ། གཅིག་ལ་གཅིག་གནོད་པ་ཡང་མེད་པ་དང་། དེ་ལྟ་དེ་ལྟར་སེམས་དེ་དག་ཡོངས་སུ་སྦྱང་བར་བྱས་ཤིང་ཡོངས་སུ་བྱི་དོར་བྱས་སོ་ཞས་གསུངས་པ་ལྟ་བུ་སྟེ། དེ་ལྟར་དེ་ལྟ་བུ་དང་མཐུན་པ་དག་ནི་གཟུགས་ཀྱི་ཕུང་པོའི་རྫས་བསམ་པ་ཡིན་པར་བལྟ་བར་བྱའོ། །

yang mdor bsdu na gzugs kyi phung po'i mtshan nyid ni rnam pa drug yod par rig par bya ste/ rang gi mtshan nyid dang/ spyi'i mtshan nyid dang/ gnas dang/ gnas par 'brel ba'i mtshan nyid dang/ nye bar spyod pa'i mtshan nyid dang/ las kyi mtshan nyid dang/ cha phra ba'i mtshan nyid do/ /de la rang gi mtshan nyid ni sa la sogs pa'i sra ba la sogs pa'i mtshan nyid gang yin pa dang/ mig la sogs pa'i so so'i dbang ba'i mtshan nyid gang yin pa'o/ /de la spyi'i mtshan nyid ni gzugs thams cad ni gzugs su rung ba'i mtshan nyid yin pa'o/ /de la gnas dang gnas par 'brel pa'i mtshan nyid 'byung ba chen po rnams ni gnas yin la/ rgyur byas pa'i gzugs rnams ni gnas pa yin no/ /de la nye bar spyod pa'i mtshan nyid ni nang gi skye mched gzugs can rnams kyi nye bar spyod pa'i dbang gis phyi rol gyi gzugs can rnams so sor 'byung ba ste/ nang gi skye mched kyi nye bar spyod pa dang mthun pa nyid du gzugs 'dus pa la la ni sra ba kho nar 'byung la| la la ni gsher ba kho nar/ la la ni dro ba kho nar/ la la ni g.yo ba kho nar/ la la ni 'dres pa kho nar 'byung ba'o/ /de la las kyi mtshan nyid ni 'di lta ste/ sa la sogs pa 'byung ba chen po rnams kyi brten pa dang/ sdud pa dang/ smin par byed pa dang/ bskyod pa'i mtshan nyid de/ de las gzhan yang 'og nas rgyas par bstan par bya'o/ /de la cha phra ba'i mtshan nyid ni rdul phra rab kyi mtshan nyid gang yin pa'o/ /yang cha phra ba nyid ni rnam pa gsum ste/ 'bri ba cha phra ba nyid dang/ rang bzhin cha phra ba nyid dang/ sems kyi dbang bsgyur ba cha phra ba nyid do/ /de la 'bri ba cha phra ba nyid kyis ni rdul phra rab cha phra ba bstan to/ /de la rang bzhin cha phra ba nyid kyis ni rlung la sogs pa dang/ bar ma do'i srid pa'i gzugs cha phra ba bstan to/ /de la sems kyi dbang bsgyur ba cha phra ba nyid kyis ni gzugs na spyod pa'i gzugs cha phra ba bstan te/ ji skad du lha sems mnyam pa mi 'gyur ba de dag gis ni ji ltar de dag smyung bu'i rtse mos phug pa'i khyon tsam gyis phyogs gcig tu 'khod kyang gcig la gcig thogs pa yang med la/ gcig la gcig gnod pa yang med pa dang / de lta de ltar sems de dag yongs su sbyang bar byas shing yongs su byi dor byas so zhas gsungs pa lta bu ste/ de ltar de lta bu dang mthun pa dag ni gzugs kyi phung po'i rdzas bsam pa yin par blta bar bya'o/ /

【K2 極微門】【L1 辨正義】【M1 解五種極微】【N1 問】

དེ་ལ་གཟུགས་ཀྱི་རྡུལ་ཕྲ་རབ་རྣམ་པ་དུས་རྣམ་པར་གཞག་པར་རིག་པར་བྱ་ཞེ་ན།

de la gzugs kyi rdul phra rab rnam pa dus rnam par gzhag par rig par bya zhe na/

【N2 答】【O1 總說五種相】

སྨྲས་པ། རྒྱ་ཆེར་ནི་སའི་དངོས་གཞིར་རྣམ་པར་གཞག་པར་བྱས་ཟིན་ཏོ༑ །མདོར་བསྡུ་ན་ནི་རྣམ་པ་ལྔ་སྟེ། འདི་ལྟ་སྟེ། ཡོངས་སུ་གཅོད་པ་དང༌། རྣམ་པར་དབྱེ་བ་དང༌། མ་འདྲེས་པ་དང༌། ལྷན་ཅིག་པ་དང༌། ཆ་ཤས་མེད་པས་སོ། །

smras pa/ rgya cher ni sa'i dngos gzhir rnam par gzhag par byas zin to| /mdor bsdu na ni rnam pa lnga ste/ 'di lta ste/ yongs su gcod pa dang/ rnam par dbye ba dang/ ma 'dres pa dang/ lhan cig pa dang/ cha shas med pas so/ /

【O2 別釋】【P1 分別建立】

དེ་ལ་ཡོངས་སུ་གཅོད་པ་ལས་རྣམ་པར་གཞག་པ་ན་གཟུགས་དབྲི་བའི་མཐའ་བློས་ཡོངས་སུ་དཔྱད་པ་ལས་རྡུལ་ཕྲ་རབ་རྣམ་པར་གཞག་པར་ཟད་ཀྱི། ལུས་གཟུགས་ལས་ནི་མ་ཡིན་ཏེ། དེའི་ཕྱིར་རྡུལ་ཕྲ་རབ་ཀྱི་སྐྱེ་བར་ཡང་མི་འགྱུར། འགག་པར་ཡང་མི་འགྱུར་ལ། རྡུལ་ཕྲ་རབ་བསགས་པ་གཟུགས་འདུས་པ་ཡང་མ་ཡིན་ནོ། །

de la yongs su gcod pa las rnam par gzhag pa na gzugs dbri ba'i mtha' blos yongs su dpyad pa las rdul phra rab rnam par gzhag par zad kyi/ lus gzugs las ni ma yin te/ de'i phyir rdul phra rab kyi skye bar yang mi 'gyur/ 'gag par yang mi 'gyur la/ rdul phra rab bsags pa gzugs 'dus pa yang ma yin no/ /

【P2 差別建立】

དི་ལ་རྣམ་པར་དབྱེ་བ་ལས་རྣམ་པར་གཞག་པ་ནི་མདོར་བསྡུ་ན་རྡུལ་ཕྲ་རབ་ནི་རྣམ་པ་བཅོ་ལྔ་ཡོད་དེ་མིག་ལ་སོགས་པ་དབང་པོའི་རྡུལ་ཕྲ་རབ་རྣམ་པ་ལྔ་དང༌། གཟུགས་ལ་སོགས་པ་ཡུལ་གྱི་རྡུལ་ཕྲ་རབ་རྣམ་པ་ལྔ་དང་ས་ལ་སོགས་པ་འབྱུང་བ་རྣམས་ཀྱི་རྡུལ་ཕྲ་རབ་རྣམ་པ་བཞི་དང༌། ཆོས་ཀྱི་སྐྱེ་མཆེད་དུ་གཏོགས་པའི་གཟུགས་རྫས་སུ་ཡོད་པའི་རྡུལ་ཕྲ་རབ་རྣམ་པ་གཅིག་གོ། །

di la rnam par dbye ba las rnam par gzhag pa ni mdor bsdu na rdul phra rab ni rnam pa bco lnga yod de mig la sogs pa dbang po'i rdul phra rab rnam pa lnga dang/ gzugs la sogs pa yul gyi rdul phra rab rnam pa lnga dang sa la sogs pa 'byung ba rnams kyi rdul phra rab rnam pa bzhi dang/ chos kyi skye mched du gtogs pa'i gzugs rdzas su yod pa'i rdul phra rab rnam pa gcig go/ /

【P3 獨立建立】

དེ་ལ་མ་འདྲེས་པ་ལས་རྣམ་པར་གཞག་པ་ནི་རྫས་ཀྱི་རྡུལ་ཕྲ་རབ་ཀྱི་རང་གི་མཚན་ཉིད་རྣམ་པར་གཞག་པ་ལས་སོ། །

de la ma 'dres pa las rnam par gzhag pa ni rdzas kyi rdul phra rab kyi rang gi mtshan nyid rnam par gzhag pa las so/ /

【P4 助伴建立】【Q1 同處不相離性】

དེ་ལ་ལྷན་ཅིག་པ་ལས་རྣམ་པར་གཞག་པ་ནི་རྡུལ་ཕྲ་རབ་འདུས་པའི་སྟེ། འདི་ལྟར་ས་ལ་སོགས་པའི་རྡུལ་ཕྲ་རབ་ཀྱི་ཕྱོགས་གཅིག་ན། དེ་ལས་གཞན་པ་དག་ཕྱོགས་གཅིག་དང༌། ཐ་མི་དད་པས་རྡུལ་ཕྲ་རབ་འདུས་པར་རྣམ་པར་གཞག་པའི་ཕྱིར་རོ༑ །

de la lhan cig pa las rnam par gzhag pa ni rdul phra rab 'dus pa'i ste/ 'di ltar sa la sogs pa'i rdul phra rab kyi phyogs gcig na/ de las gzhan pa dag phyogs gcig dang/ tha mi dad pas rdul phra rab 'dus par rnam par gzhag pa'i phyir ro| /

【Q2 問答辨】

དེ་ལ་ཅིའི་ཕྱིར་ཞེ་ན། ཐོགས་པ་དང་བཅས་པའི་ཆོས་རྣམས་ཕྱོགས་གཅིག་ན་ཐ་མི་དད་པར་གནས་པ་དང༌། ཐོགས་པ་མེད་པ་ཉིད་དུ་འགྱུར་ཞེ་ན། དེ་མངོན་པར་འགྲུབ་པ་ནི་འཇུག་པ་དང་མཐུན་པའི་ཕྱིར་དེ་དང་མཐུན་པའི་ལུས་ཀྱི་དབང་ལས་དེ་ལྟར་མངོན་པར་འགྲུབ་པར་འགྱུར་རོ། །དེ་ཅིའི་ཕྱིར་ཞེ་ན། གཟུགས་འདུས་པ་ཐམས་ཅད་ནི་དབང་པོ་ཐམས་ཅད་ཀྱི་ཡོངས་སུ་ལོངས་སྤྱོད་པ་ཐུན་མོང་ཡིན་པའི་ཕྱིར་རོ། །དེ་ལྟ་མ་ཡིན་དུ་ཟིན་ན་གལ་ཏེ་འདུས་པ་ཐམས་ཅད་ལས་ལ་སོགས་པ་ཐམས་ཅད་ཐ་མི་དད་པ་མ་ཡིན་པར་གྱུར་ན་ནི་དེ་ལྟ་ན་འདུས་པ་མཐའ་དག་མིག་ལ་སོགས་པའི་རྣམ་པར་ཤེས་པའི་ཡུལ་མ་ཡིན་པར་འགྱུར་ཏེ། དེའི་ཕྱིར་དེ་དག་གིས་ཡོངས་སུ་ལོངས་སྤྱོད་པར་མི་འགྱུར་བས། དེ་ལྟ་བས་ན་ཐ་མི་དད་པ་ཡིན་པར་རིག་པར་བྱའོ། །

de la ci'i phyir zhe na/ thogs pa dang bcas pa'i chos rnams phyogs gcig na tha mi dad par gnas pa dang/ thogs pa med pa nyid du 'gyur zhe na/ de mngon par 'grub pa ni 'jug pa dang mthun pa'i phyir de dang mthun pa'i lus kyi dbang las de ltar mngon par 'grub par 'gyur ro/ /de ci'i phyir zhe na/ gzugs 'dus pa thams cad ni dbang po thams cad kyi yongs su longs spyod pa thun mong yin pa'i phyir ro/ /de lta ma yin du zin na gal te 'dus pa thams cad las la sogs pa thams cad tha mi dad pa ma yin par gyur na ni de lta na 'dus pa mtha' dag mig la sogs pa'i rnam par shes pa'i yul ma yin par 'gyur te/ de'i phyir de dag gis yongs su longs spyod par mi 'gyur bas/ de lta bas na tha mi dad pa yin par rig par bya'o/ /

【Q3 反難】

གཟུགས་གང་ལ་ལར་ཐོགས་པར་འགྱུར་ལ། ལ་ལར་ཐོགས་པར་མི་འགྱུར་བ་ཡང་ཡོད་དེ། འདི་ལྟ་སྟེ་དཔེར་ན་བར་མ་དོའི་སྲིད་པའི་གཟུགས་ལ་སོགས་པ་དེ་དག་ཐོགས་པ་མེད་པ་བཞིན་དུ་འདི་ལ་ཡང་ཚུལ་དེ་བཞིན་དུ་བལྟ་བར་བྱའོ། །

gzugs gang la lar thogs par 'gyur la/ la lar thogs par mi 'gyur ba yang yod de/ 'di lta ste dper na bar ma do'i srid pa'i gzugs la sogs pa de dag thogs pa med pa bzhin du 'di la yang tshul de bzhin du blta bar bya'o/ /

【P5 無分建立極微建立】

དེ་ལ་ཆ་ཤས་མེད་པ་ལས་རྡུལ་ཕྲ་རབ་རྣམ་པར་གཞག་པ་ལྔ་ནི་རྡུལ་ཕྲ་རབ་འདུས་པ་ཡོད་ན་ནི་རྡུལ་ཕྲ་རབ་རྣམས་ཆ་ཤས་ཡིན་གྱི། རྡུལ་ཕྲ་རབ་རྣམས་ནི་འདུས་པ་མ་ཡིན་པའི་ཕྱིར་ཆ་ཤས་གཞན་མེད་དེ། རྡུལ་ཕྲ་རབ་ཀྱི་ཕྱོགས་གང་ཡིན་པ་དེ་ནི་དེ་ཉིད་ཀྱི་ཕྱོགས་ཡིན་གྱི་ཆ་ཤས་ཀྱིས་རབ་ཏུ་ཕྱེ་བ་ནི་མ་ཡིན་ནོ། །

de la cha shas med pa las rdul phra rab rnam par gzhag pa lnga ni rdul phra rab 'dus pa yod na ni rdul phra rab rnams cha shas yin gyi/ rdul phra rab rnams ni 'dus pa ma yin pa'i phyir cha shas gzhan med de/ rdul phra rab kyi phyogs gang yin pa de ni de nyid kyi phyogs yin gyi cha shas kyis rab tu phye ba ni ma yin no/ /

【M2 明五眼取微通塞】

དེ་ལ་རྡུལ་ཕྲ་རབ་ཇི་སྐད་བསྟན་པ་ནི་མིག་ལྔའི་ཕྱིར་རྣམ་པ་ལྔ་སྟེ། ཤའི་མིག་དང༌། ལྷའི་མིག་དང༌། འཕགས་པའི་ཤེས་རབ་ཀྱི་མིག་དང༌། ཆོས་ཀྱི་མིག་དང༌། སངས་རྒྱས་ཀྱི་མིག་གོ། །རྡུལ་ཕྲ་རབ་དུ་ཞིག །མིག་དུ་ཞིག་གི་སྤྱོད་ཡུལ་དང་ཡུལ་ཡིན་པར་བརྗོད་པར་བྱ་ཞེ་ན། རྡུལ་ཕྲ་རབ་ཐམས་ཅད་ནི་ཤའི་མིག་དང༌། ལྷའི་མིག་མ་གཏོགས་པ་དེ་ལས་གཞན་པའི་མིག་རྣམས་ཀྱི་སྤྱོད་ཡུལ་དང་ཡུལ་ཡིན་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་ལྷའི་མིག་ནི་གཟུགས་འདུས་པ་ནང་དང་ཕྱི་རོལ་དང༌། འོག་དང༌། སྟེང་དང༌། མདུན་དང༌། རྒྱབ་དང༌། སྣང་བ་དང༌། མུན་པ་དང་བཅས་པ་ཁོ་ན་འཛིན་པར་ཟད་ཀྱི་རྡུལ་ཕྲ་རབ་རབ་ཏུ་འབྱེད་པར་མི་བྱེད་དེ། རྡུལ་ཕྲ་རབ་ཀྱི་ངོ་བོ་ཉིད་ནི་ཤེས་རབ་ཀྱིས་ཡོངས་སུ་བཅད་ཅིང་རྣམ་པར་གཞག་པ་ཡིན་པའི་ཕྱིར་རོ། །དེ་ལ་ཅིའི་ཕྱིར་ན་རྡུལ་ཕྲ་རབ་མ་སྐྱེས་པ་དང༌། མ་འགགས་པར་བརྗོད་པར་བྱ་ཞེ་ན། སྨྲས་པ། དང་པོར་མཐའ་དག་འདུས་ཏེ་འབྱུང་བའི་ཕྱིར་དང༌། ཐ་མར་ཡང་རྡུལ་ཕྲ་རབ་ཀྱི་གནས་སྐབས་སུ་མ་གྱུར་གྱི་བར་དུ་ཉེ་བར་སྦྱོར་བ་ཡོད་པའི་ཕྱིར་རོ། །ཆུའི་ཐིགས་པ་བཞིན་ནོ། །

de la rdul phra rab ji skad bstan pa ni mig lnga'i phyir rnam pa lnga ste/ sha'i mig dang/ lha'i mig dang/ 'phags pa'i shes rab kyi mig dang/ chos kyi mig dang/ sangs rgyas kyi mig go/ /rdul phra rab du zhig /mig du zhig gi spyod yul dang yul yin par brjod par bya zhe na/ rdul phra rab thams cad ni sha'i mig dang/ lha'i mig ma gtogs pa de las gzhan pa'i mig rnams kyi spyod yul dang yul yin par brjod par bya'o/ /de ci'i phyir zhe na/ 'di ltar lha'i mig ni gzugs 'dus pa nang dang phyi rol dang/ 'og dang/ steng dang/ mdun dang/ rgyab dang/ snang ba dang/ mun pa dang bcas pa kho na 'dzin par zad kyi rdul phra rab rab tu 'byed par mi byed de/ rdul phra rab kyi ngo bo nyid ni shes rab kyis yongs su bcad cing rnam par gzhag pa yin pa'i phyir ro/ /de la ci'i phyir na rdul phra rab ma skyes pa dang/ ma 'gags par brjod par bya zhe na/ smras pa/ dang por mtha' dag 'dus te 'byung ba'i phyir dang/ tha mar yang rdul phra rab kyi gnas skabs su ma gyur gyi bar du nye bar sbyor ba yod pa'i phyir ro/ /chu'i thigs pa bzhin no/ /

【L2 破邪執】【M1 總問答】

དེ་ལ་རྣམ་པ་ལྔས་རྡུལ་ཕྲ་རབ་ལ་སེམས་པ་ནི་ཚུལ་བཞིན་མ་ཡིན་པར་རིག་པར་བྱ་སྟེ།

de la rnam pa lngas rdul phra rab la sems pa ni tshul bzhin ma yin par rig par bya ste/

【M2 舉五相】

གཟུགས་འདུས་པ་ལ་རྡུལ་ཕྲ་རབ་རང་གི་བདག་ཉིད་ཀྱིས་གནས་པར་འཛིན་པ་ནི་རྡུལ་ཕྲ་རབ་ལ་སེམས་པ་ཚུལ་བཞིན་མ་ཡིན་པར་རིག་པར་བྱའོ། །རྡུལ་ཕྲ་རབ་སྐྱེ་བ་དང་འགག་པར་འགྱུར་བར་འཛིན་པ་དང༌། རྡུལ་ཕྲ་རབ་དང༌། རྡུལ་ཕྲ་རབ་པ་དང༌། བྲལ་བར་འཛིན་པ་དང༌། གཟུགས་འདུས་པ་ནི་རྡུལ་ཕྲ་རབ་ཙམ་གྱི་གནས་སྐབས་ཡིན་པར་འཛིན་པ་དང༌། རྡུལ་ཕྲ་རབ་རྣམས་ཚོགས་ནས་གཟུགས་འདུས་པ་དོན་གཞན་དུ་གྱུར་པ་བསྐྱེད་པར་འཛིན་པ་ཡང་རྡུལ་ཕྲ་རབ་ལ་སེམས་པ་ཚུལ་བཞིན་མ་ཡིན་པར་རིག་པར་བྱའོ། །དེ་ལ་ཚུལ་བཞིན་ལ་རབ་ཏུ་བརྩོན་པས་ནི་ཚུལ་བཞིན་མ་ཡིན་པ་རྣམ་པ་ལྔ་པོ་དེ་དག་སྤངས་ཏེ་རྡུལ་ཕྲ་རབ་བསམ་པར་བྱའོ༑ །

gzugs 'dus pa la rdul phra rab rang gi bdag nyid kyis gnas par 'dzin pa ni rdul phra rab la sems pa tshul bzhin ma yin par rig par bya'o/ /rdul phra rab skye ba dang 'gag par 'gyur bar 'dzin pa dang/ rdul phra rab dang/ rdul phra rab pa dang/ bral bar 'dzin pa dang/ gzugs 'dus pa ni rdul phra rab tsam gyi gnas skabs yin par 'dzin pa dang/ rdul phra rab rnams tshogs nas gzugs 'dus pa don gzhan du gyur pa bskyed par 'dzin pa yang rdul phra rab la sems pa tshul bzhin ma yin par rig par bya'o/ /de la tshul bzhin la rab tu brtson pas ni tshul bzhin ma yin pa rnam pa lnga po de dag spangs te rdul phra rab bsam par bya'o| /

【L3 辨勝利】

དེ་ལ་རྡུལ་ཕྲ་རབ་རྣམ་པར་གཞག་པ་ལས་ཕན་ཡོན་རྣམ་པ་ལྔ་ཡོད་དེ་རིལ་པོ་རབ་ཏུ་དབྱེ་བ་རྣམ་པར་གཞག་པས་ནི་རྣལ་འབྱོར་པ་རྣམས་ཀྱི་དམིགས་པ་ལ་གསལ་བའི་རྒྱུ་བྱས་པར་འགྱུར་ཏེ་དེ་ནི་ཕན་ཡོན་དང་པོ་ཡིན་ནོ། །འཇིག་ཚོགས་ལ་ལྟ་བ་སྤོང་བའི་རྒྱུ་བྱས་པར་འགྱུར་བ་ནི་ཕན་ཡོན་གཉིས་པའོ། །འཇིག་ཚོགས་ལ་ལྟ་བ་སྤོང་བ་ཇི་ལྟ་བ་དེ་བཞིན་དུ་ང་རྒྱལ་སྤོང་བའི་རྒྱུ་བྱས་པར་འགྱུར་བ་ནི་ཕན་ཡོན་གསུམ་པའོ། །དེ་བཞིན་དུ་ཉོན་མོངས་པའི་ཀུན་ནས་དཀྲིས་པ་རྣམ་པར་གནོན་པའི་རྒྱུ་བྱས་པར་འགྱུར་བ་ནི་ཕན་ཡོན་བཞི་པའོ། །མྱུར་དུ་མཚན་མ་རྣམ་པར་འཇིག་པའི་རྒྱུ་བྱས་པར་འགྱུར་བ་ནི་ཕན་ཡོན་ལྔ་པ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་རྡུལ་ཕྲ་རབ་བསམ་པ་ཡིན་ནོ། །

de la rdul phra rab rnam par gzhag pa las phan yon rnam pa lnga yod de ril po rab tu dbye ba rnam par gzhag pas ni rnal 'byor pa rnams kyi dmigs pa la gsal ba'i rgyu byas par 'gyur te de ni phan yon dang po yin no/ /'jig tshogs la lta ba spong ba'i rgyu byas par 'gyur ba ni phan yon gnyis pa'o/ /'jig tshogs la lta ba spong ba ji lta ba de bzhin du nga rgyal spong ba'i rgyu byas par 'gyur ba ni phan yon gsum pa'o/ /de bzhin du nyon mongs pa'i kun nas dkris pa rnam par gnon pa'i rgyu byas par 'gyur ba ni phan yon bzhi pa'o/ /myur du mtshan ma rnam par 'jig pa'i rgyu byas par 'gyur ba ni phan yon lnga pa ste/ de ltar de lta bu dang mthun pa de ni rdul phra rab bsam pa yin no/ /

【K3 生起門(有五)】【L1 約五義以辨生起】【M1 總說】

དེ་ལ་གཟུགས་ཅན་གྱི་རྫས་རྣམས་ཀྱི་སྐྱེ་བ་ནི་མདོར་བསྡུ་ན་རྣམ་པ་ལྔར་བལྟ་བར་བྱ་སྟེ་འདི་ལྟ་སྟེ། གནས་ལས་སྐྱེ་བ་དང༌། ས་བོན་ལས་སྐྱེ་བ་དང༌། འཕེན་པ་ལས་སྐྱེ་བ་དང༌། ཕན་འདོགས་པ་ལས་སྐྱེ་བ་དང༌། གནོད་པ་བྱེད་པ་ལས་སྐྱེ་བའོ། །

de la gzugs can gyi rdzas rnams kyi skye ba ni mdor bsdu na rnam pa lngar blta bar bya ste 'di lta ste/ gnas las skye ba dang/ sa bon las skye ba dang/ 'phen pa las skye ba dang/ phan 'dogs pa las skye ba dang/ gnod pa byed pa las skye ba'o/ /

【M2 別釋】【N1 依止生】

དེ་ལ་གནས་ལས་སྐྱེ་བ་ནི་འབྱུང་བ་ཆེན་པོ་ལ་བརྟེན་ནས་འབྱུང་བ་ཆེན་པོའི་ཕྱོགས་སུ་དེ་ལས་གཞན་པ་རྒྱུར་བྱས་པའི་གཟུགས་སྐྱེ་བར་འགྱུར་བ་སྟེ། དེའི་ཕྱིར་འབྱུང་བ་ཆེན་པོ་བཞི་ལ་བརྟེན་ནས་རྒྱུར་བྱས་པའི་གཟུགས་ཞེས་བྱ་སྟེ། ཕྱོགས་གཅིག་ལས་ཉེ་བར་བླངས་བས་ཞེས་བྱ་བའི་དོན་ཏོ། །དེ་ལ་གཟུགས་འདུས་པ་གང་ལས་འབྱུང་བ་དང༌། རྒྱུར་བྱས་པའི་གཟུགས་རང་གི་མཚན་ཉིད་ལས་དམིགས་པ་གང་ཡིན་པ་དེ་ཉིད་ནི་དེ་ལ་ཡོད་པར་རིག་པར་བྱའོ། །དེ་གང་ལ་གང་མི་དམིགས་པ་དེ་ནི་དེ་ལ་མེད་པར་རིག་པར་བྱ་སྟེ། དེ་ལྟར་ན་དེ་ནི་ཡོད་པ་དང་མེད་པའི་མཚན་ཉིད་རྣམ་པར་གཞག་པ་མདོར་བསྡུས་པ་ཡིན་ནོ། །གལ་ཏེ་གང་ལ་གང་མི་དམིགས་པ་དེ་ཡང་དེ་ལ་ཇི་ལྟར་དམིགས་པ་དེ་བཞིན་དུ་ཡོད་པར་གྱུར་ན། དེ་དེ་དང་རྫས་མཚུངས་པ་ཞིག་གམ། རྫས་མི་མཚུངས་པ་ཞིག་ཏུ་འགྱུར་གྲང་ན། གལ་ཏེ་རྫས་མཚུངས་ཞེས་བྱར་ནི་མི་དམིགས་པས་མི་རུང་ངོ༌། །གལ་ཏེ་རྫས་མི་མཚུངས་པ་ཞིག་ཡིན་ན་ཡང༌། རྫས་མི་མཚུངས་པ་དེ་དེ་ཙམ་ཞིག་གམ། མཐུ་ལས་ཡིན་གྲང་ན། གལ་ཏེ་དེ་ཙམ་ཞིག་ལས་ཞེས་བྱར་ནི། དེས་ན་ཅུང་ཟད་ཀྱང་དམིགས་སུ་མེད་པས་མི་རུང་ངོ༌། །གལ་ཏེ་མཐུ་ལས་ཞེས་བྱར་ནི། དེས་ན་མཚན་ཉིད་ལས་ཐ་དད་པའི་མཐུ་གཞན་མི་དམིགས་པས་མི་རུང་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་གནས་ལས་སྐྱེ་བ་ཡིན་པར་རིག་པར་བྱའོ། །

de la gnas las skye ba ni 'byung ba chen po la brten nas 'byung ba chen po'i phyogs su de las gzhan pa rgyur byas pa'i gzugs skye bar 'gyur ba ste/ de'i phyir 'byung ba chen po bzhi la brten nas rgyur byas pa'i gzugs zhes bya ste/ phyogs gcig las nye bar blangs bas zhes bya ba'i don to/ /de la gzugs 'dus pa gang las 'byung ba dang/ rgyur byas pa'i gzugs rang gi mtshan nyid las dmigs pa gang yin pa de nyid ni de la yod par rig par bya'o/ /de gang la gang mi dmigs pa de ni de la med par rig par bya ste/ de ltar na de ni yod pa dang med pa'i mtshan nyid rnam par gzhag pa mdor bsdus pa yin no/ /gal te gang la gang mi dmigs pa de yang de la ji ltar dmigs pa de bzhin du yod par gyur na/ de de dang rdzas mtshungs pa zhig gam/ rdzas mi mtshungs pa zhig tu 'gyur grang na/ gal te rdzas mtshungs zhes byar ni mi dmigs pas mi rung ngo/ /gal te rdzas mi mtshungs pa zhig yin na yang/ rdzas mi mtshungs pa de de tsam zhig gam/ mthu las yin grang na/ gal te de tsam zhig las zhes byar ni/ des na cung zad kyang dmigs su med pas mi rung ngo/ /gal te mthu las zhes byar ni/ des na mtshan nyid las tha dad pa'i mthu gzhan mi dmigs pas mi rung ste/ de ltar de lta bu dang mthun pa de ni gnas las skye ba yin par rig par bya'o/ /

【N2 種子生】

དེ་ལ་ས་བོན་ལས་སྐྱེ་བ་ནི་རང་གི་ས་བོན་ལས་འབྱུང་བ་གང་ཡིན་པ་སྟེ། འདི་ལྟ་སྟེ་དཔེར་ན་འདུས་པ་སྲ་བ་ནི་ལན་འགའ་ནི་རྐྱེན་ཉེ་བར་གྱུར་པ་ན་སླ་བར་གྱུར་ལ་སླ་བ་ཡང་ལན་འགའ་ནི་སྲ་བར་འགྱུར་བ་དང༌། གྲང་བ་ཡང་དྲོ་བར་འགྱུར་ལ། དྲོ་བ་ཡང་གྲང་བར་འགྱུར་བ་དང༌། མི་གཡོ་བ་ཡང་གཡོ་བར་འགྱུར་ལ། གཡོ་བ་ཡང་མི་གཡོ་བར་འགྱུར་བ་དང༌། དེ་བཞིན་དུ་ཁ་དོག་བཟང་པོ་དང་ཁ་དོག་ངན་པ་ལ་སོགས་པའི་དབྱེ་བ་ཡང་རིག་པར་བྱ་སྟེ། དེ་ལྟར་ན་རང་གི་མཚན་ཉིད་མེད་ཀྱང༌། ཁམས་ཡོད་ན་འདུས་པ་དེ་དང་དེ་ལས་ཆོས་གཟུགས་ཅན་བྱེ་བྲག་ཅན་དེ་དང་དེ་དག་འབྱུང་བར་འགྱུར་ཏེ། དེ་ལྟར་དེ་ལྟ་བུ་དང་མཐུན་པ་དེ་ནི་ས་བོན་ལས་སྐྱེ་བ་ཡིན་པར་རིག་པར་བྱའོ། །

de la sa bon las skye ba ni rang gi sa bon las 'byung ba gang yin pa ste/ 'di lta ste dper na 'dus pa sra ba ni lan 'ga' ni rkyen nye bar gyur pa na sla bar gyur la sla ba yang lan 'ga' ni sra bar 'gyur ba dang/ grang ba yang dro bar 'gyur la/ dro ba yang grang bar 'gyur ba dang/ mi g.yo ba yang g.yo bar 'gyur la/ g.yo ba yang mi g.yo bar 'gyur ba dang/ de bzhin du kha dog bzang po dang kha dog ngan pa la sogs pa'i dbye ba yang rig par bya ste/ de ltar na rang gi mtshan nyid med kyang/ khams yod na 'dus pa de dang de las chos gzugs can bye brag can de dang de dag 'byung bar 'gyur te/ de ltar de lta bu dang mthun pa de ni sa bon las skye ba yin par rig par bya'o/ /

【N3 勢引生】

དེ་ལ་འཕེན་པ་ལས་སྐྱེ་བ་ནི་འདི་ལྟ་སྟེ། ནང་གི་དབང་པོ་གཟུགས་ཅན་རྣམས་ཀྱི་དབང་གིས་ཕྱི་རོལ་གྱི་དངོས་པོ་བརྟན་པ་རྣམས་འབྱུང་བ་སྟེ། འདི་ལྟ་སྟེ་སྣོད་ཀྱི་འཇིག་རྟེན་རྣམས་སོ། །ནང་གི་སྐྱེ་མཆེད་རྣམས་ཀྱང་སྔོན་གྱི་ལས་ཀྱི་འཕེན་པ་ལས་འབྱུང་ངོ༌། །དེ་ལ་འདོད་པ་ཉེ་བར་གནས་པའི་ལྷ་རྣམས་དང༌། འདོད་པ་ཉེ་བར་གནས་པ་བྱང་གི་སྒྲ་མི་སྙན་པའི་མི་རྣམས་ཀྱི་ཡོ་བྱད་རྣམས་ནི་ཡང་དང་ཡང་འཕེན་པའི་སྐྱེ་བ་ལས་འབྱུང་བར་རིག་པར་བྱའོ། །མི་རྣམས་ཀྱི་ནི་སྣོད་བསྟན་པ་དག་ལས་ཏེ། དེ་ལྟར་དེ་ལྟ་བུ་དང་མཐུན་པ་དེ་ནི་འཕེན་པ་ལས་སྐྱེ་བ་ཡིན་པར་རིག་པར་བྱའོ། །

de la 'phen pa las skye ba ni 'di lta ste/ nang gi dbang po gzugs can rnams kyi dbang gis phyi rol gyi dngos po brtan pa rnams 'byung ba ste/ 'di lta ste snod kyi 'jig rten rnams so/ /nang gi skye mched rnams kyang sngon gyi las kyi 'phen pa las 'byung ngo/ /de la 'dod pa nye bar gnas pa'i lha rnams dang/ 'dod pa nye bar gnas pa byang gi sgra mi snyan pa'i mi rnams kyi yo byad rnams ni yang dang yang 'phen pa'i skye ba las 'byung bar rig par bya'o/ /mi rnams kyi ni snod bstan pa dag las te/ de ltar de lta bu dang mthun pa de ni 'phen pa las skye ba yin par rig par bya'o/ /

【N4 攝受生】

དེ་ལ་ཕན་འདོགས་པ་ལས་སྐྱེ་བ་ནི་འདི་ལྟ་སྟེ། ཆོས་གཟུགས་ཅན་དེ་དང་དེ་དག་ཕན་འདོགས་པའི་རྐྱེན་དེ་དང་དེ་དག་ལ་བརྟེན་ནས་ཆེས་བརྟས་པ་དང༌། ཤིན་ཏུ་བརྟས་པ་དང༌། ཤིན་ཏུ་མཆོག་དང༌། ཤིན་ཏུ་ཁྱད་པར་དུ་འཕགས་པར་སྐྱེ་བར་འགྱུར་བ་སྟེ། འདི་ལྟ་སྟེ་དཔེར་ན་ཆུ་ལ་སོགས་པས་བརླན་པ་རྣམས་ཀྱི་མྱུ་གུ་ལ་སོགས་པ་ལྟ་བུ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་ཕན་འདོགས་པ་ལས་སྐྱེ་བ་ཡིན་ནོ། །

de la phan 'dogs pa las skye ba ni 'di lta ste/ chos gzugs can de dang de dag phan 'dogs pa'i rkyen de dang de dag la brten nas ches brtas pa dang/ shin tu brtas pa dang/ shin tu mchog dang/ shin tu khyad par du 'phags par skye bar 'gyur ba ste/ 'di lta ste dper na chu la sogs pas brlan pa rnams kyi myu gu la sogs pa lta bu ste/ de ltar de lta bu dang mthun pa de ni phan 'dogs pa las skye ba yin no/ /

【N5 損減生】

དེ་ལས་བཟློག་པ་ནི་གནོད་པ་བྱེད་པ་ལས་སྐྱེ་བ་ཡིན་པར་རིག་པར་བྱའོ། །

de las bzlog pa ni gnod pa byed pa las skye ba yin par rig par bya'o/ /

【L2 明相離不相離】

དེ་ལ་འདུས་པ་སྐྱེ་བ་ནས་རྫས་སྣ་ཚོགས་མཆིག་ལ་བཏགས་ཏེ་ཆུ་དང་སྦྱར་བ་རྣམ་པར་གཞག་པ་བཞིན་དུ་སྐྱེ་བ་ལ་བྱའི་ཏིལ་དང་སྲན་ཆུང་དང༌། མོན་སྲན་གྲེའུ་ལ་སོགས་པའི་ཕུང་པོ་རྣམ་པར་གཞག་པ་ལྟ་བུ་ལ་ནི་མི་བྱའོ། །དེ་ཅིའི་ཕྱིར་ཞེ་ན། བྱ་བ་བྱེད་པའི་ཕྱིར་དེ་ལྟར་སྐྱེ་བའི་ཕྱིར་ཏེ། དེ་ལྟར་དེའི་སྐྱེ་བའི་རྒྱུ་ནི་དབང་ཡིན་པར་རིག་པར་བྱའོ། །

de la 'dus pa skye ba nas rdzas sna tshogs mchig la btags te chu dang sbyar ba rnam par gzhag pa bzhin du skye ba la bya'i til dang sran chung dang/ mon sran gre'u la sogs pa'i phung po rnam par gzhag pa lta bu la ni mi bya'o/ /de ci'i phyir zhe na/ bya ba byed pa'i phyir de ltar skye ba'i phyir te/ de ltar de'i skye ba'i rgyu ni dbang yin par rig par bya'o/ /

【L3 明諸色雖有自種然由大種變異而生】【M1 問】

གང་གི་ཚེ་འདུ་བྱེད་ཐམས་ཅད་རང་གི་ས་བོན་ལས་སྐྱེ་བའི་ཚེ་ཅིའི་ཕྱིར་རྒྱུར་བྱས་པའི་གཟུགས་ལ་འབྱུང་བ་ཆེན་པོ་རྣམས་རྒྱུར་བྱས་པ་ཞེས་བྱ་ཞེ་ན།

gang gi tshe 'du byed thams cad rang gi sa bon las skye ba'i tshe ci'i phyir rgyur byas pa'i gzugs la 'byung ba chen po rnams rgyur byas pa zhes bya zhe na/

【M2 答】

སྨྲས་པ། དེ་དག་འགྱུར་བས་འགྱུར་བ་དང༌། གནས་པ་དང་འཛིན་པའི་ཕྱིར་རོ༑ །དེ་ལ་རྒྱུ་གསུམ་གྱིས་ན་འབྱུང་བ་ཆེན་པོ་གྱུར་པས་རྒྱུར་བྱས་པའི་གཟུགས་འགྱུར་བ་འབྱུང་བ་སྟེ། སྐྱེས་བུའི་བྱེད་པ་དང༌། ལས་དང༌། སྙོམས་པར་འཇུག་པས་སོ། །དེ་ལ་སྐྱེས་བུའི་བྱེད་པ་ནི་སའི་མངོན་པར་གནོད་པའི་བྱེ་བྲག་དང༌། སྣོད་ཀྱི་བྱེ་བྲག་དང༌། ཞིང་གི་བྱེ་བྲག་ལས་རྒྱུར་བྱས་པའི་གཟུགས་དེ་འགྱུར་བར་སྣང་བ་དང༌། ཆུའི་མངོན་པར་བརླན་པ་ལ་སོགས་པ་དང༌། མེའི་ཡོངས་སུ་སྨིན་པ་ལ་སོགས་པ་དང༌། རླུང་གི་ཡོངས་སུ་སྐམ་པ་ལ་སོགས་པས་རྒྱུར་བྱས་པའི་གཟུགས་འགྱུར་བར་སྣང་བ་སྟེ། དེ་ལྟར་ན་དེ་ནི་འབྱུང་བ་ཆེན་པོ་རྣམས་ལ་བརྟེན་ཏེ་རྒྱུར་བྱས་པའི་གཟུགས་འགྱུར་བ་འབྱུང་བ་སྐྱེས་བུའི་བྱེད་པས་བྱས་པ་ཡིན་པར་བལྟ་བར་བྱའོ། །དེ་ལ་ལས་ནི་ལས་དང་མཐུན་པར་དང་པོར་འབྱུང་བ་ཆེན་པོ་འབྱུང་ལ། དེའི་འོག་ཏུ་དེ་དང་མཐུན་པ་དེ་ལས་བྱུང་བའི་གཟུགས་འགྱུར་བ་འབྱུང་སྟེ། དེ་ལྟར་ན་དེ་ནི་འབྱུང་བ་ཆེན་པོ་རྣམས་ལ་བརྟེན་ཏེ་རྒྱུར་བྱས་པའི་གཟུགས་འགྱུར་བ་འབྱུང་བ་ལས་ཀྱིས་བྱས་པ་ཡིན་པར་བལྟ་བར་བྱའོ། །དེ་ལ་སྙོམས་པར་འཇུག་པ་ནི་སྙོམས་པར་འཇུག་པ་ཡང་འབྱུང་བ་ཆེན་པོ་སྔོན་དུ་འགྲོ་བ་ཉིད་ཀྱིས་རྒྱུར་བྱས་པའི་གཟུགས་འགྱུར་བ་འབྱུང་བ་སྟེ། དེ་ལྟར་ན་དེ་ནི་འབྱུང་བ་ཆེན་པོ་རྣམས་ལ་བརྟེན་ཏེ་རྒྱུར་བྱས་པའི་གཟུགས་འགྱུར་བ་འབྱུང་བ་སྙོམས་པར་འཇུག་པས་བྱས་པ་ཡིན་པར་བལྟ་བར་བྱའོ། །

smras pa/ de dag 'gyur bas 'gyur ba dang/ gnas pa dang 'dzin pa'i phyir ro| /de la rgyu gsum gyis na 'byung ba chen po gyur pas rgyur byas pa'i gzugs 'gyur ba 'byung ba ste/ skyes bu'i byed pa dang/ las dang/ snyoms par 'jug pas so/ /de la skyes bu'i byed pa ni sa'i mngon par gnod pa'i bye brag dang/ snod kyi bye brag dang/ zhing gi bye brag las rgyur byas pa'i gzugs de 'gyur bar snang ba dang/ chu'i mngon par brlan pa la sogs pa dang/ me'i yongs su smin pa la sogs pa dang/ rlung gi yongs su skam pa la sogs pas rgyur byas pa'i gzugs 'gyur bar snang ba ste/ de ltar na de ni 'byung ba chen po rnams la brten te rgyur byas pa'i gzugs 'gyur ba 'byung ba skyes bu'i byed pas byas pa yin par blta bar bya'o/ /de la las ni las dang mthun par dang por 'byung ba chen po 'byung la/ de'i 'og tu de dang mthun pa de las byung ba'i gzugs 'gyur ba 'byung ste/ de ltar na de ni 'byung ba chen po rnams la brten te rgyur byas pa'i gzugs 'gyur ba 'byung ba las kyis byas pa yin par blta bar bya'o/ /de la snyoms par 'jug pa ni snyoms par 'jug pa yang 'byung ba chen po sngon du 'gro ba nyid kyis rgyur byas pa'i gzugs 'gyur ba 'byung ba ste/ de ltar na de ni 'byung ba chen po rnams la brten te rgyur byas pa'i gzugs 'gyur ba 'byung ba snyoms par 'jug pas byas pa yin par blta bar bya'o/ /

【L4 由五緣果成變異】

དེ་ལ་མདོར་བསྡུ་ན་རྒྱུ་ལྔས་ནི་འབྱུང་བ་ཆེན་པོ་འབྲས་བུ་གཞན་དུ་གྱུར་པ་ལས་འབྲས་བུ་གཞན་འགྲུབ་པར་འགྱུར་ཏེ། འདི་ལྟ་སྟེ་འབྱུང་བ་ཆེན་པོའི་སྟོབས་དང༌། སྐྱེས་བུའི་བྱེད་པའི་སྟོབས་དང༌། རིག་སྔགས་ཀྱི་སྟོབས་དང༌། རྫུ་འཕྲུལ་གྱི་སྟོབས་དང༌། ལས་ཀྱི་སྟོབས་ཀྱིས་སོ། །

de la mdor bsdu na rgyu lngas ni 'byung ba chen po 'bras bu gzhan du gyur pa las 'bras bu gzhan 'grub par 'gyur te/ 'di lta ste 'byung ba chen po'i stobs dang/ skyes bu'i byed pa'i stobs dang/ rig sngags kyi stobs dang/ rdzu 'phrul gyi stobs dang/ las kyi stobs kyis so/ /

【L5 立中有】【M1 明中有由名言自種子為因有分熏習為緣】

འདི་ནས་ཤི་འཕོས་ཤིང་ཤི་བའི་དུས་བྱས་པའི་བར་མ་དོའི་སྲིད་པའི་གཟུགས་འདུས་པ་གང་ཡིན་པ་དེ་རྒྱུ་གང་དང་རྐྱེན་གང་གིས་འབྱུང་ཞེ་ན། སྨྲས་པ། རང་གི་ས་བོན་ནི་རྒྱུ་ཡིན་ལ་དེ་སྐྱེ་བར་འགྱུར་བའི་ལས་ནི་རྐྱེན་ཡིན་པར་བལྟ་བར་བྱའོ། །

'di nas shi 'phos shing shi ba'i dus byas pa'i bar ma do'i srid pa'i gzugs 'dus pa gang yin pa de rgyu gang dang rkyen gang gis 'byung zhe na/ smras pa/ rang gi sa bon ni rgyu yin la de skye bar 'gyur ba'i las ni rkyen yin par blta bar bya'o/ /

【M2 問答辨有之所以】

བར་མ་དོའི་སྲིད་པ་ཡོད་པར་རྒྱུ་གང་གིས་ཁོང་དུ་ཆུད་པར་བྱ་ཞེ་ན། སྨྲས་པ། ཤི་འཕོས་ནས་སེམས་དང་སེམས་ལས་བྱུང་བ་གནས་མེད་པ་རྣམས་ཡུལ་གཞན་དུ་ཕྱིན་མི་སྲིད་པའི་ཕྱིར་དང༌། རྣམ་པར་འཕྲུལ་པ་ཙམ་ཡིན་པས་བྲག་ཅ་ལྟ་བུར་ཡང་མི་རུང་བ་དང༌། མ་འགགས་པའི་ཕྱིར་གཟུགས་བརྙན་ལྟ་བུར་ཡང་མི་རུང་བ་དང༌། འགྲོ་བ་མེད་པའི་ཕྱིར་དམིགས་པ་འཛིན་པ་ལྟ་བུར་ཡང་མི་རུང་སྟེ། གང་གི་ཕྱིར་དཔེ་དེ་དག་མི་རུང་བ་དེའི་ཕྱིར་བར་མ་དོའི་སྲིད་པ་ཡོད་པར་རིག་པར་བྱ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཀྱི་ཕུང་པོའི་སྐྱེ་བ་བསམ་པ་ཡིན་པར་རིག་པར་བྱའོ། །

bar ma do'i srid pa yod par rgyu gang gis khong du chud par bya zhe na/ smras pa/ shi 'phos nas sems dang sems las byung ba gnas med pa rnams yul gzhan du phyin mi srid pa'i phyir dang/ rnam par 'phrul pa tsam yin pas brag ca lta bur yang mi rung ba dang/ ma 'gags pa'i phyir gzugs brnyan lta bur yang mi rung ba dang/ 'gro ba med pa'i phyir dmigs pa 'dzin pa lta bur yang mi rung ste/ gang gi phyir dpe de dag mi rung ba de'i phyir bar ma do'i srid pa yod par rig par bya ste/ de ltar de lta bu dang mthun pa de ni gzugs kyi phung po'i skye ba bsam pa yin par rig par bya'o/ /

【K4 安立門(有八)】【L1 能依所依門】

དེ་ལ་ཡུལ་གནོད་ཅིང་ཡུལ་གང་དུ་དེ་ལས་གཞན་པ་དག་ཀྱང་གནས་པར་འགྱུར་བར་གཟུགས་ཀྱི་ཕུང་པོ་སྐྱེས་པའི་སྔོན་དུ་འགྲོ་བ་གང་ཡིན་ཞེ་ན། སྨྲས་པ། འབྱུང་བ་ཆེན་པོ་དག་སྔོན་དུ་འགྲོ་ཞིང་དེ་དག་ཉིད་ཡུལ་གནོན་པ་ཡིན་པར་བལྟ་བར་བྱ་སྟེ། དེ་ལས་གཞན་པ་རྒྱུར་བྱས་པའི་གཟུགས་དེ་ནི་འབྱུང་བ་དེ་ལ་བརྟེན་ནས་ཡུལ་དེར་གནས་པར་འགྱུར་རོ། །དེ་ལ་འབྱུང་བ་རྣམས་ཁོ་ན་ཡུལ་དེ་ལ་སྒྲིབ་པའི་དོན་གྱིས་ཉེ་བར་གནས་པ་ཡིན་གྱི། དེ་ལས་གཞན་པ་རྒྱུར་བྱས་པའི་གཟུགས་ནི་རང་གི་མཚན་ཉིད་ཀྱིས་ཁྱབ་པའི་དོན་དང༌། དེའི་དབང་གིས་ན་དེ་ཡང་ཡུལ་ལ་གནོན་པར་རིག་པར་བྱའོ། །

de la yul gnod cing yul gang du de las gzhan pa dag kyang gnas par 'gyur bar gzugs kyi phung po skyes pa'i sngon du 'gro ba gang yin zhe na/ smras pa/ 'byung ba chen po dag sngon du 'gro zhing de dag nyid yul gnon pa yin par blta bar bya ste/ de las gzhan pa rgyur byas pa'i gzugs de ni 'byung ba de la brten nas yul der gnas par 'gyur ro/ /de la 'byung ba rnams kho na yul de la sgrib pa'i don gyis nye bar gnas pa yin gyi/ de las gzhan pa rgyur byas pa'i gzugs ni rang gi mtshan nyid kyis khyab pa'i don dang/ de'i dbang gis na de yang yul la gnon par rig par bya'o/ /

【L2 明四大麁細】

ས་ལ་སོགས་པ་འབྱུང་བ་ཆེན་པོ་བཞི་པོ་དེ་དག་ནི་གོ་རིམས་བཞིན་དུ་རགས་པ་ཉིད་ཡིན་པར་རིག་པར་བྱ་སྟེ། དེ་ལ་སའི་ཁམས་འབྲས་བུ་དང་བཅས་པ་ནི་རྟེན་གྱི་དོན་གྱིས་གཙོ་བོ་ཡིན་ནོ། །ཆུ་དང༌། མེ་དང༌། རླུང་རྣམས་ཀྱི་ལས་ནི་རླན་པ་དང༌། འབར་བ་དང༌། གཡོ་བར་བྱེད་པ་ཡིན་ཏེ། དེ་དག་ནི་དེ་ལ་བརྟེན་ནས་འཇུག་པར་འགྱུར་རོ། །

sa la sogs pa 'byung ba chen po bzhi po de dag ni go rims bzhin du rags pa nyid yin par rig par bya ste/ de la sa'i khams 'bras bu dang bcas pa ni rten gyi don gyis gtso bo yin no/ /chu dang/ me dang/ rlung rnams kyi las ni rlan pa dang/ 'bar ba dang/ g.yo bar byed pa yin te/ de dag ni de la brten nas 'jug par 'gyur ro/ /

【L3 明聲體間斷】

དེ་ལ་སྒྲ་ནི་བརྗོད་མ་ཐག་ཏུ་འཇིག་པའི་ཕྱིར་གཟུགས་འདུས་པ་ལས་རྒྱུན་བརྟན་པ་མ་ཡིན་ཏེ། ཡུལ་དེ་དང་ཕྱི་རོལ་ལ་དམིགས་པ་ཡིན་ནོ། །དེ་ནི་དེ་ལ་བརྟེན་ཏེ་ལན་ཅིག་བྱུང་བ་ན་ཡུལ་གང་དུ་གྲག་པའི་ཡུལ་དེ་ཐམས་ཅད་དུ་ཅིག་ཅར་ཁོ་ནར་ཁྱབ་པར་འབྱུང་སྟེ། མེའི་འོད་དང་འདྲ་བ་ཡིན་གྱི་ཆེས་ཚེ་བ་དང་ཆེ་བར་འབྱུང་ཞིང་འགྲོ་བ་ནི་མ་ཡིན་ནོ། །

de la sgra ni brjod ma thag tu 'jig pa'i phyir gzugs 'dus pa las rgyun brtan pa ma yin te/ yul de dang phyi rol la dmigs pa yin no/ /de ni de la brten te lan cig byung ba na yul gang du grag pa'i yul de thams cad du cig car kho nar khyab par 'byung ste/ me'i 'od dang 'dra ba yin gyi ches tshe ba dang che bar 'byung zhing 'gro ba ni ma yin no/ /

【L4 明風大】

དེ་ལ་རླུང་ནི་རྣམ་པ་གཉིས་ཏེ། བརྟན་པ་དང་བརྟན་པ་མ་ཡིན་པའོ། །དེ་ལ་དཀྱིལ་འཁོར་ན་རྒྱུ་བ་ནི་བརྟན་པའོ༑ །ནམ་མཁའ་ལ་རྒྱུ་བ་ནི་བརྟན་པ་མ་ཡིན་པ་ཁོ་ནའོ། །རྫས་ཀྱི་ནང་ན་རྒྱུ་བ་ནི་རྟག་ཏུ་ཕན་འདོགས་པ་ཡིན་ནོ། །འཁྲུལ་འཁོར་དེད་པ་ནི་བརྟན་པ་ཡིན་ནོ། །དེ་ལས་གཞན་པ་རྣམས་ནི་བརྟན་པ་མ་ཡིན་པར་བལྟ་བར་བྱའོ། །

de la rlung ni rnam pa gnyis te/ brtan pa dang brtan pa ma yin pa'o/ /de la dkyil 'khor na rgyu ba ni brtan pa'o| /nam mkha' la rgyu ba ni brtan pa ma yin pa kho na'o/ /rdzas kyi nang na rgyu ba ni rtag tu phan 'dogs pa yin no/ /'khrul 'khor ded pa ni brtan pa yin no/ /de las gzhan pa rnams ni brtan pa ma yin par blta bar bya'o/ /

【L5 明空界】

དེ་ལ་ནམ་མཁའི་ཁམས་ནི་སྣང་བ་དང༌། མུན་པས་བསྡུས་པ་རྒྱུར་བྱས་པའི་གཟུགས་ལ་ནམ་མཁའི་ཁམས་ཞེས་བྱའོ། །དེ་ཡང་བརྟན་པ་དང་བརྟན་པ་མ་ཡིན་པ་ཡིན་ཏེ། སེམས་ཅན་གང་དག་ལ་རྟག་ཏུ་མུན་པ་དང༌། རྟག་ཏུ་སྣང་བ་ཡོད་པ་དེ་དག་ན་ནི་བརྟན་པ་ཡིན་ནོ། །གང་དག་ལ་དེ་ལྟ་མ་ཡིན་པ་དེ་དག་ན་ནི་བརྟན་པ་མ་ཡིན་པ་ཡིན་ཏེ། དེ་ཡང་གཟུགས་འདུས་པ་ལ་བརྟེན་པ་ཡིན་པར་རིག་པར་བྱའོ། །དེ་ཡང་གསལ་བ་ནི་འོད་ཀྱིས་བསྡུས་པ་ཡིན་ནོ། །མི་གསལ་བ་ནི་བུ་གས་བསྡུས་པ་ཡིན་ནོ། །

de la nam mkha'i khams ni snang ba dang/ mun pas bsdus pa rgyur byas pa'i gzugs la nam mkha'i khams zhes bya'o/ /de yang brtan pa dang brtan pa ma yin pa yin te/ sems can gang dag la rtag tu mun pa dang/ rtag tu snang ba yod pa de dag na ni brtan pa yin no/ /gang dag la de lta ma yin pa de dag na ni brtan pa ma yin pa yin te/ de yang gzugs 'dus pa la brten pa yin par rig par bya'o/ /de yang gsal ba ni 'od kyis bsdus pa yin no/ /mi gsal ba ni bu gas bsdus pa yin no/ /

【L6 明長等色假】

རིང་པོ་དང་ཐུང་ངུ་ཉིད་ལ་སོགས་པ་གང་དག་དབྱིབས་ཞེས་བྱ་བ་དེ་དག་ཀྱང་ཅི་རྫས་སུ་ཡོད་པའམ། བརྟགས་པའི་ཡོད་པ་ཡིན་པར་བརྗོད་པར་བྱ་ཞེ་ན། སྨྲས་པ། བརྟགས་པའི་ཡོད་པ་ཡིན་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། བསགས་པ་ལས་གནས་པ་ནི་དབྱིབས་ཞེས་བྱ་བའི་ངེས་པའི་ཚིག་ཡིན་པ་དང་བསགས་པ་ཙམ་དམིགས་པ་དང༌། མཚན་ཉིད་ལས་གཞན་པའི་དོན་མི་དམིགས་པ་དང༌། ལྟོས་ཤིང་ལྟོས་ན་ངོ་བོ་ཉིད་འདྲེས་པར་འགྱུར་བ་དང༌། དེ་བློས་ཕྱེ་བས་ཤིང་རྟ་ལ་སོགས་པ་དང་འདྲ་བའི་ཕྱིར་རོ། །

ring po dang thung ngu nyid la sogs pa gang dag dbyibs zhes bya ba de dag kyang ci rdzas su yod pa'am/ brtags pa'i yod pa yin par brjod par bya zhe na/ smras pa/ brtags pa'i yod pa yin par brjod par bya'o/ /de ci'i phyir zhe na/ bsags pa las gnas pa ni dbyibs zhes bya ba'i nges pa'i tshig yin pa dang bsags pa tsam dmigs pa dang/ mtshan nyid las gzhan pa'i don mi dmigs pa dang/ ltos shing ltos na ngo bo nyid 'dres par 'gyur ba dang/ de blos phye bas shing rta la sogs pa dang 'dra ba'i phyir ro/ /

【L7 明法處勝定果色】

དེ་ལ་ཆོས་ཀྱི་སྐྱེ་མཆེད་དུ་གཏོགས་པའི་གཟུགས་སྙོམས་པར་འཇུག་པའི་འབྲས་བུ་ལ་ནི་ཁ་དོག་ཙམ་ཁོ་ན་ཡོད་པར་རིག་པར་བྱའོ། །དེ་ཅིའི་ཕྱིར་ཞེ་ན། དེ་ལས་གཞན་པ་དྲི་ལ་སོགས་པའི་སྐྱེ་བའི་རྒྱུ་མེད་པའི་ཕྱིར་དང་དགོས་པ་མེད་པའི་ཕྱིར་རོ། །དེ་བཞིན་དུ་ནམ་མཁའ་ལ་རྒྱུ་བའི་རླུང་ལ་ཡང་དྲི་ལ་སོགས་པ་ལྷན་ཅིག་སྐྱེས་པ་ནི་མེད་ལ། འདྲེས་པ་ལས་ནི་འབྱུང་བར་འགྱུར་རོ། །དཀྱིལ་འཁོར་ལས་ནི་ཕྱི་རོལ་དུ་བྱུང་བའི་སྣང་བ་ལ་ཡང་དེ་ལས་གཞན་པའི་འབྱུང་བ་རྣམས་དང་དྲི་ལ་སོགས་པ་ནི་མི་དམིགས་སོ། །ཆོས་ཀྱི་སྐྱེ་མཆེད་དུ་གཏོགས་པའི་གཟུགས་སྙོམས་པར་འཇུག་པའི་འབྲས་བུ་གང་ཡིན་པ་དེ་ཡང་སྙོམས་པར་འཇུག་པ་ལ་བརྟེན་པ་ཁོ་ན་ཡིན་པར་རིག་པར་བྱའོ། །འབྱུང་བ་ཆེན་པོ་ལ་བརྟེན་པ་ནི་མ་ཡིན་ཏེ། དེ་དང་རིགས་མཐུན་པའི་གཟུགས་བརྙན་ལ་དམིགས་པའི་ཏིང་ངེ་འཛིན་ལས་གྲུབ་པའི་ཕྱིར་འབྱུང་བ་ཆེན་པོ་རྣམས་རྒྱུར་བྱས་པ་ཞེས་བྱའི་དེ་ལ་བརྟེན་ཏེ་སྐྱེས་པ་ནི་མ་ཡིན་ནོ། །

de la chos kyi skye mched du gtogs pa'i gzugs snyoms par 'jug pa'i 'bras bu la ni kha dog tsam kho na yod par rig par bya'o/ /de ci'i phyir zhe na/ de las gzhan pa dri la sogs pa'i skye ba'i rgyu med pa'i phyir dang dgos pa med pa'i phyir ro/ /de bzhin du nam mkha' la rgyu ba'i rlung la yang dri la sogs pa lhan cig skyes pa ni med la/ 'dres pa las ni 'byung bar 'gyur ro/ /dkyil 'khor las ni phyi rol du byung ba'i snang ba la yang de las gzhan pa'i 'byung ba rnams dang dri la sogs pa ni mi dmigs so/ /chos kyi skye mched du gtogs pa'i gzugs snyoms par 'jug pa'i 'bras bu gang yin pa de yang snyoms par 'jug pa la brten pa kho na yin par rig par bya'o/ /'byung ba chen po la brten pa ni ma yin te/ de dang rigs mthun pa'i gzugs brnyan la dmigs pa'i ting nge 'dzin las grub pa'i phyir 'byung ba chen po rnams rgyur byas pa zhes bya'i de la brten te skyes pa ni ma yin no/ /

【L8 明諸色中有見對等】

གཟུགས་ཀྱི་ཕུང་པོ་ལས་ཆོས་དུ་ཞིག་ནི་བསྟན་དུ་ཡོད་ལ་ཐོགས་པ་དང་བཅས་པར་གནས་ལ། དུ་ཞིག་ནི་བསྟན་དུ་མེད་ལ་ཐོགས་པ་དང་བཅས་པར་གནས་ལ་དུ་ཞིག་ནི་བསྟན་དུ་ཡང་མེད་ལ་ཐོགས་པ་ཡང་མེད་པར་གནས་ཤེ་ན། སྨྲས་པ། མིག་གི་སྤྱོད་ཡུལ་གང་ཡིན་པ་གཅིག་ནི་རྣམ་པ་གཉི་ག་ཡིན་ནོ། །ལྷག་མ་རྣམས་ནི་བསྟན་དུ་མེད་ལ་ཐོགས་པ་དང་བཅས་པ་ཡིན་ནོ། །ཆོས་ཀྱི་སྐྱེ་མཆེད་དུ་གཏོགས་པའི་གཟུགས་ནི་མ་གཏོགས་ཏེ་དེ་ནི་བསྟན་དུ་ཡང་མེད་ལ་ཐོགས་པ་ཡང་མེད་པ་ཡིན་པར་བལྟ་བར་བྱ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཀྱི་ཕུང་པོའི་དབྱིབས་བསམ་པ་ཡིན་ནོ། །

gzugs kyi phung po las chos du zhig ni bstan du yod la thogs pa dang bcas par gnas la/ du zhig ni bstan du med la thogs pa dang bcas par gnas la du zhig ni bstan du yang med la thogs pa yang med par gnas she na/ smras pa/ mig gi spyod yul gang yin pa gcig ni rnam pa gnyi ga yin no/ /lhag ma rnams ni bstan du med la thogs pa dang bcas pa yin no/ /chos kyi skye mched du gtogs pa'i gzugs ni ma gtogs te de ni bstan du yang med la thogs pa yang med pa yin par blta bar bya ste/ de ltar de lta bu dang mthun pa de ni gzugs kyi phung po'i dbyibs bsam pa yin no/ /

【K5 流門】

དེ་ལ་གང་དག་གིས་གཟུགས་ཀྱི་ཕུང་པོ་འཇུག་པར་འགྱུར་བའི་གཟུགས་ཀྱི་ཕུང་པོའི་རྒྱུན་དུ་ཡོད་ཅེ་ན། སྨྲས་པ་གསུམ་སྟེ། རྒྱུ་མཐུན་པ་ལས་བྱུང་བ་དང༌། རྣམ་པར་སྨིན་པ་ལས་སྐྱེས་པ་དང༌། རྒྱས་པ་ལས་བྱུང་བའོ། །དེ་ལ་རྒྱུ་མཐུན་པ་ལས་བྱུང་བ་ནི་རྣམ་པ་བཞི་སྟེ། རྣམ་པར་སྨིན་པའི་རྒྱུ་མཐུན་པ་ལས་བྱུང་བ་དང༌། རྒྱས་པའི་རྒྱུ་མཐུན་པ་ལས་བྱུང་བ་དང༌། འགྱུར་བའི་རྒྱུ་མཐུན་པ་ལས་བྱུང་བ་དང༌། རང་བཞིན་གྱི་རྒྱུ་མཐུན་པ་ལས་བྱུང་བའོ། །དེ་ལ་རྣམ་པར་སྨིན་པའི་རྒྱུ་ནི་དང་པོ་དང་རྒྱུན་ལས་བྱུང་བ་སྟེ། འདི་ལྟ་སྟེ་ལས་ལས་སྐྱེས་པའི་རྣམ་པར་སྨིན་པ་དང༌། རྣམ་པར་སྨིན་པ་ལས་སྐྱེས་པའི་རྣམ་པར་སྨིན་པ་སྟེ། ལས་ཀྱི་འཕེན་པ་ཁོ་ནས་དེའི་རྣམ་པར་སྨིན་པ་ལས་དུས་གཞན་ན་འབྱུང་བར་འགྱུར་བ་གང་ཡིན་པའོ། །དེ་ལ་རྒྱས་པ་ལས་བྱུང་བ་ནི་རྣམ་པ་གཉིས་ཏེ་ཡུལ་ལ་ཁྱབ་པའི་རྒྱས་པ་ལས་བྱུང་བ་དང༌། མཚན་ཉིད་བརྟས་པར་བྱེད་པའི་རྒྱས་པ་ལས་བྱུང་བའོ༑ །དེ་ལ་རྒྱས་པ་ལས་བྱུང་བ་དང་པོ་ནི་གཟུགས་ཅན་ཟས་དང་གཉིད་དང་ཚངས་པར་སྤྱོད་པ་དང་སྙོམས་པར་འཇུག་པ་དག་གིས་རྒྱས་པ་ཡིན་པར་བལྟ་བར་བྱའོ། །དེ་ལས་གཞན་པའི་ཟས་དང༌། དེའི་གནས་དང༌། ཡིད་ལ་བྱེད་པའི་ཁྱད་པར་བསྒོམ་པ་དང༌། དུས་ཀྱིས་ཡོངས་སུ་སྨིན་པ་ལས་རིག་པར་བྱའོ། །དེ་ལ་ཆོས་གཟུགས་ཅན་རྣམས་ནི་རྒྱས་པ་གཉིས་ཀྱིས་རྒྱས་པར་བྱེད་དོ། །གཟུགས་ཅན་མ་ཡིན་པ་རྣམས་ནི་མཚན་ཉིད་བརྟས་པར་བྱེད་པའི་རྒྱས་པ་འབའ་ཞིག་གིས་རྒྱས་པར་བྱེད་དོ། །འདོད་པ་ན་སྤྱོད་པའི་གཟུགས་ནི་ཟས་རྣམ་པ་བཞི་དང༌། དེ་ལས་གཞན་པ་རྒྱས་པའི་རྒྱུ་ཐམས་ཅད་ཀྱིས་རྒྱས་པར་བྱེད་དོ། །གཟུགས་ན་སྤྱོད་པའི་གཟུགས་ནི་ཁམ་གྱི་ཟས་ཀྱིས་ཀྱང་མ་ཡིན་ལ། གཉིད་ཀྱིས་ཀྱང་མ་ཡིན། ཚངས་པར་སྤྱོད་པས་ཀྱང་མ་ཡིན་ནོ། །དབང་པོ་གཟུགས་ཅན་རྣམས་ཀྱི་རྒྱུན་ནི་གཉིས་ཀྱིས་འཇུག་པར་རིག་པར་བྱ་སྟེ། དེ་དག་ལ་རྣམ་པར་སྨིན་པ་ལས་སྐྱེས་པ་དང༌། རྒྱས་པ་ལས་བྱུང་བའི་རྒྱུན་ལས་གཞན་པ་རྒྱུ་མཐུན་པའི་རྒྱུན་མེད་པའི་ཕྱིར་རོ། །གང་གི་ཚེ་རྣམ་པར་སྨིན་པའི་རྒྱུན་ལ་ཡང་འཕེལ་ཞིང་ཡངས་ལ་རྒྱས་ཤིང་རྒྱ་ཆེ་བ་དམིགས་པའི་ཚེ། རྣམ་པར་སྨིན་པས་བསྡུས་པ་ཡང་ཅིའི་ཕྱིར་རྒྱས་པ་ལས་བྱུང་བར་མི་འགྱུར་ཞེ་ན། སྨྲས་པ། རྒྱས་པ་ཐ་དད་པའི་རྒྱུན་དེ་ལ་ཕན་འདོགས་པས་ཉེ་བར་བསྟན་པ་ནི་རྣམ་པར་སྨིན་པའི་རྒྱུ་མཐུན་པ་ལས་བྱུང་བའི་རྒྱུན་གྱིས་འཕེལ་བ་ཉིད་ཡིན་པའི་ཕྱིར་རོ། །དབང་པོས་མ་བསྡུས་པའི་གཟུགས་ལ་ནི་རྣམ་པ་གསུམ་ཆར་མེད་པར་རིག་པར་བྱའོ༑ །སེམས་དང་སེམས་ལས་བྱུང་བ་རྣམས་ནི་རྒྱུ་མཐུན་པ་ལས་བྱུང་བ་དང༌། རྣམ་པར་སྨིན་པ་ལས་སྐྱེས་པ་དང༌། རྒྱས་པ་གཉིས་པས་རྒྱས་པ་ལས་བྱུང་བ་ཡིན་ནོ། །ཆོས་ཀྱི་སྐྱེ་མཆེད་དུ་གཏོགས་པའི་གཟུགས་ལ་ནི་རྣམ་པར་སྨིན་པ་ལས་སྐྱེས་པ་མེད་དེ་ལྷག་མ་ནི་སེམས་དང་སེམས་ལས་བྱུང་བ་བཞིན་དུ་རིག་པར་བྱའོ། །འདོད་པའི་ཁམས་ན་ནི་ནང་དང་ཕྱི་རོལ་གྱི་གཟུགས་ཐམས་ཅད་རྣམ་པར་སྨིན་པར་འགྱུར་རོ། །གཟུགས་ཀྱི་ཁམས་ན་ནི་དྲི་དང་རོ་མེད་དོ། །འདོད་པའི་ཁམས་ན་ནི་དབང་པོ་གཟུགས་ཅན་རྣམས་མ་ཚང་བར་ཡང་རྣམ་པར་སྨིན་པར་འགྱུར་རོ། །གཟུགས་ཀྱི་ཁམས་ན་ནི་ཚང་བ་རྣམས་སོ། །སྒྲའི་ཁམས་ནིརྣམ་པར་སྨིན་པ་ཡིན་ལ་སྒྲ་ནི་མ་ཡིན་ཏེ། དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཀྱི་ཕུང་པོའི་རྒྱུན་བསམ་པ་ཡིན་པར་རིག་པར་བྱའོ། །

de la gang dag gis gzugs kyi phung po 'jug par 'gyur ba'i gzugs kyi phung po'i rgyun du yod ce na/ smras pa gsum ste/ rgyu mthun pa las byung ba dang/ rnam par smin pa las skyes pa dang/ rgyas pa las byung ba'o/ /de la rgyu mthun pa las byung ba ni rnam pa bzhi ste/ rnam par smin pa'i rgyu mthun pa las byung ba dang/ rgyas pa'i rgyu mthun pa las byung ba dang/ 'gyur ba'i rgyu mthun pa las byung ba dang/ rang bzhin gyi rgyu mthun pa las byung ba'o/ /de la rnam par smin pa'i rgyu ni dang po dang rgyun las byung ba ste/ 'di lta ste las las skyes pa'i rnam par smin pa dang/ rnam par smin pa las skyes pa'i rnam par smin pa ste/ las kyi 'phen pa kho nas de'i rnam par smin pa las dus gzhan na 'byung bar 'gyur ba gang yin pa'o/ /de la rgyas pa las byung ba ni rnam pa gnyis te yul la khyab pa'i rgyas pa las byung ba dang/ mtshan nyid brtas par byed pa'i rgyas pa las byung ba'o| /de la rgyas pa las byung ba dang po ni gzugs can zas dang gnyid dang tshangs par spyod pa dang snyoms par 'jug pa dag gis rgyas pa yin par blta bar bya'o/ /de las gzhan pa'i zas dang/ de'i gnas dang/ yid la byed pa'i khyad par bsgom pa dang/ dus kyis yongs su smin pa las rig par bya'o/ /de la chos gzugs can rnams ni rgyas pa gnyis kyis rgyas par byed do/ /gzugs can ma yin pa rnams ni mtshan nyid brtas par byed pa'i rgyas pa 'ba' zhig gis rgyas par byed do/ /'dod pa na spyod pa'i gzugs ni zas rnam pa bzhi dang/ de las gzhan pa rgyas pa'i rgyu thams cad kyis rgyas par byed do/ /gzugs na spyod pa'i gzugs ni kham gyi zas kyis kyang ma yin la/ gnyid kyis kyang ma yin/ tshangs par spyod pas kyang ma yin no/ /dbang po gzugs can rnams kyi rgyun ni gnyis kyis 'jug par rig par bya ste/ de dag la rnam par smin pa las skyes pa dang/ rgyas pa las byung ba'i rgyun las gzhan pa rgyu mthun pa'i rgyun med pa'i phyir ro/ /gang gi tshe rnam par smin pa'i rgyun la yang 'phel zhing yangs la rgyas shing rgya che ba dmigs pa'i tshe/ rnam par smin pas bsdus pa yang ci'i phyir rgyas pa las byung bar mi 'gyur zhe na/ smras pa/ rgyas pa tha dad pa'i rgyun de la phan 'dogs pas nye bar bstan pa ni rnam par smin pa'i rgyu mthun pa las byung ba'i rgyun gyis 'phel ba nyid yin pa'i phyir ro/ /dbang pos ma bsdus pa'i gzugs la ni rnam pa gsum char med par rig par bya'o| /sems dang sems las byung ba rnams ni rgyu mthun pa las byung ba dang/ rnam par smin pa las skyes pa dang/ rgyas pa gnyis pas rgyas pa las byung ba yin no/ /chos kyi skye mched du gtogs pa'i gzugs la ni rnam par smin pa las skyes pa med de lhag ma ni sems dang sems las byung ba bzhin du rig par bya'o/ /'dod pa'i khams na ni nang dang phyi rol gyi gzugs thams cad rnam par smin par 'gyur ro/ /gzugs kyi khams na ni dri dang ro med do/ /'dod pa'i khams na ni dbang po gzugs can rnams ma tshang bar yang rnam par smin par 'gyur ro/ /gzugs kyi khams na ni tshang ba rnams so/ /sgra'i khams nirnam par smin pa yin la sgra ni ma yin te/ de ltar de lta bu dang mthun pa de ni gzugs kyi phung po'i rgyun bsam pa yin par rig par bya'o/ /

【K6 業門】【L1 明四大造色業】【M1 別明四大各有五業】

གཟུགས་ཀྱི་ཕུང་པོས་བསྡུས་པའི་སའི་ཁམས་ནི་ལས་དུ་དང་ལྡན་པ་ཡིན། རླུང་གི་ཁམས་ཀྱི་བར་དུ་ཡང་ལས་དུ་དང་ལྡན་པ་ཡིན་ཞེ་ན། སྨྲས་པ། ཐམས་ཅད་ཀྱང་ལས་ལྔ་དང་ལྡན་པ་ཡིན་པར་བལྟ་བར་བྱའོ། །དེ་ལ་སའི་ཁམས་ནི་མངོན་པར་གནོད་པས་དེ་ཡོངས་སུ་འགྱུར་བར་བྱེད་པའི་ལས་ཅན་དང༌། རྟེན་གྱི་ལས་ཅན་དང༌། གནས་བྱེད་པའི་ལས་ཅན་དང༌། འཁྲུག་པའི་ལས་ཅན་དང༌། ཕན་འདོགས་པའི་ལས་ཅན་ཡིན་ནོ། །ཆུའི་ཁམས་ནི་འབབ་པ་དང༌། སྡུད་པ་དང༌། རླན་པ་དང༌། འཁྲུག་པ་དང༌། ཕན་འདོགས་པའི་ལས་ཅན་ཡིན་ནོ། །མེའི་ཁམས་ནི་གསལ་བ་དང༌། སྨིན་པ་དང༌། སྲེག་པ་དང༌། འཁྲུག་པ་དང༌། ཕན་འདོགས་པའི་ལས་ཅན་ཡིན་ནོ། །རླུང་གི་ཁམས་ནི་གཡོ་བ་དང་། བྱ་བའི་རྗེས་སུ་འཇུག་པ་དང༌། སྐམ་པ་དང༌། འཁྲུག་པ་དང༌། ཕན་འདོགས་པའི་ལས་ཅན་ཡིན་ནོ། །

gzugs kyi phung pos bsdus pa'i sa'i khams ni las du dang ldan pa yin/ rlung gi khams kyi bar du yang las du dang ldan pa yin zhe na/ smras pa/ thams cad kyang las lnga dang ldan pa yin par blta bar bya'o/ /de la sa'i khams ni mngon par gnod pas de yongs su 'gyur bar byed pa'i las can dang/ rten gyi las can dang/ gnas byed pa'i las can dang/ 'khrug pa'i las can dang/ phan 'dogs pa'i las can yin no/ /chu'i khams ni 'bab pa dang/ sdud pa dang/ rlan pa dang/ 'khrug pa dang/ phan 'dogs pa'i las can yin no/ /me'i khams ni gsal ba dang/ smin pa dang/ sreg pa dang/ 'khrug pa dang/ phan 'dogs pa'i las can yin no/ /rlung gi khams ni g.yo ba dang / bya ba'i rjes su 'jug pa dang/ skam pa dang/ 'khrug pa dang/ phan 'dogs pa'i las can yin no/ /

【M2 總明四大共有業】

ཡང་འབྱུང་བ་ཆེན་པོ་རྣམས་ནི་རྒྱུར་བྱས་པའི་གཟུགས་འཇུག་པ་ལས་ལྔ་དང་ལྡན་པར་བལྟ་བར་བྱ་སྟེ། འདི་ལྟ་སྟེ། སྐྱེས་པ་དང༌། བརྟེན་པ་དང༌། གནས་པ་དང༌། རྟོན་པ་དང་། འཕེལ་བར་བྱེད་པའི་ལས་ཅན་ཡིན་ནོ། །དེ་ལ་སྐྱེས་པ་ནི་འགྱུར་བ་སྐྱེ་བའི་སྔོན་དུ་འགྲོ་བ་དག་ཡིན་ནོ། །བརྟེན་པ་ནི་འགྱུར་བ་འབྱུང་བའི་ཡུལ་ཐ་མི་དད་པས་རྟེན་དུ་གྱུར་པ་དག་ཡིན་ནོ། །གནས་པ་ནི་ཕན་འདོགས་པ་དང༌། གནོད་པ་བྱེད་པ་དག་གིས་གྲུབ་པ་དང༌། བདེ་བ་གཅིག་པའི་དོན་གྱི་གནས་སུ་གྱུར་པ་དག་ཡིན་ནོ། །རྟོན་པ་ནི་དེ་ཙམ་ལས་མི་ཉམས་ཤིང་ཀུན་ཏུ་འཛིན་པས་རྟོན་པར་གྱུར་པ་དག་ཡིན་ནོ། །འཕེལ་བར་བྱེད་པ་ནི་འཕེལ་ཞིང་རྒྱས་པར་འགྱུར་བས་འཕེལ་བར་བྱེད་པ་དག་ཡིན་ནོ། །

yang 'byung ba chen po rnams ni rgyur byas pa'i gzugs 'jug pa las lnga dang ldan par blta bar bya ste/ 'di lta ste/ skyes pa dang/ brten pa dang/ gnas pa dang/ rton pa dang / 'phel bar byed pa'i las can yin no/ /de la skyes pa ni 'gyur ba skye ba'i sngon du 'gro ba dag yin no/ /brten pa ni 'gyur ba 'byung ba'i yul tha mi dad pas rten du gyur pa dag yin no/ /gnas pa ni phan 'dogs pa dang/ gnod pa byed pa dag gis grub pa dang/ bde ba gcig pa'i don gyi gnas su gyur pa dag yin no/ /rton pa ni de tsam las mi nyams shing kun tu 'dzin pas rton par gyur pa dag yin no/ /'phel bar byed pa ni 'phel zhing rgyas par 'gyur bas 'phel bar byed pa dag yin no/ /

【L2 明眼耳所行有三性別】

མིག་དང་རྣ་བའི་སྤྱོད་ཡུལ་གྱི་གཟུགས་དགེ་བ་དང་མི་དགེ་བ་གང་ཡིན་པ་དེ་ཅིའི་ཕྱིར་ན་དགེ་བ་དང་མི་དགེ་བ་ཉིད་ཡིན་པ་དེ་ལས་གཞན་པ་དག་མ་ཡིན་ཞེ་ན། སྨྲས་པ། མདོར་བསྡུ་ན་སེམས་པ་ནི་ཆུང་ངུ་དང་འབྲིང་དང༌། ཆེན་པོའི་བྱེ་བྲག་གིས་རྣམ་པ་གསུམ་སྟེ། འདི་ལྟ་སྟེ། ལུས་དང་ངག་གི་རྣམ་པར་རིག་བྱེད་དགེ་བ་དང༌། མི་དགེ་བར་གདགས་པ་འཇུག་པ་ལ་མངོན་པར་འདུ་བྱེད་པའི་སེམས་པ་དང༌། ངེས་པའི་སེམས་པ་དང༌། ཀུན་ནས་སློང་བའི་སེམས་པའོ། །དེ་ནི་སེམས་པ་ཆེན་པོ་རྟེན་དུ་གྱུར་པ་དང་ལྡན་པ་ཡིན་པའི་ཕྱིར་དགེ་བ་དང་མི་དགེ་བར་བལྟ་བར་བྱའོ། །

mig dang rna ba'i spyod yul gyi gzugs dge ba dang mi dge ba gang yin pa de ci'i phyir na dge ba dang mi dge ba nyid yin pa de las gzhan pa dag ma yin zhe na/ smras pa/ mdor bsdu na sems pa ni chung ngu dang 'bring dang/ chen po'i bye brag gis rnam pa gsum ste/ 'di lta ste/ lus dang ngag gi rnam par rig byed dge ba dang/ mi dge bar gdags pa 'jug pa la mngon par 'du byed pa'i sems pa dang/ nges pa'i sems pa dang/ kun nas slong ba'i sems pa'o/ /de ni sems pa chen po rten du gyur pa dang ldan pa yin pa'i phyir dge ba dang mi dge bar blta bar bya'o/ /

【L3 明依止乖色而有運動與乖不異】

གཟུགས་འདུས་པ་ལས་གཡོ་བ་ཐ་དད་པའམ། ཐ་མི་དད་པར་བརྗོད་པར་བྱ་ཞེ་ན། སྨྲས་པ། ཐ་མི་དད་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། ཡུལ་དེར་སྐྱེས་ནས་སམ། མ་སྐྱེས་པར་རམ། ཞིགས་ནས་སམ། མ་ཞིགས་པར་གཡོ་བ་ལ་ཉེས་པ་མེད་པའི་ཕྱིར་རོ། །དེ་ལ་ཉེས་པ་ནི་འདི་དག་ཡིན་ཏེ། གལ་ཏེ་སྐྱེས་ནས་གཡོ་ན་ནི་དེས་ན་མཚན་ཉིད་སྤངས་པར་འགྱུར་རོ། །གལ་ཏེ་མ་སྐྱེས་པར་གཡོ་ན་ནི་དེས་ན་གཡོ་བ་དང་མི་ལྡན་པར་འགྱུར་རོ། །གལ་ཏེ་ཞིགས་ནས་གཡོ་ན་ནི་དེས་ན་གོང་མ་དང་འདྲ་བ་ཉིད་དུ་འགྱུར་རོ། །གལ་ཏེ་མ་ཞིགས་པར་གཡོ་ན་ནི་དེས་ན་འདུ་བྱེད་ཀྱི་མཚན་ཉིད་གསལ་བར་སྤངས་པར་འགྱུར་རོ། །དེ་ལས་གཞན་པ་ཡུལ་གཞན་དུ་སྐྱེ་བའི་རྒྱུ་དམིགས་པས་ན། གཡོ་བ་ཞེས་བྱ་བ་དོན་གཞན་དུ་གྱུར་པ་རྫས་སུ་ཡོད་པ་མ་ཡིན་པར་རིག་པར་བྱ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཀྱི་ཕུང་པོའི་ལས་བསམ་པ་ཡིན་པར་རིག་པར་བྱའོ། །

gzugs 'dus pa las g.yo ba tha dad pa'am/ tha mi dad par brjod par bya zhe na/ smras pa/ tha mi dad par brjod par bya'o/ /de ci'i phyir zhe na/ yul der skyes nas sam/ ma skyes par ram/ zhigs nas sam/ ma zhigs par g.yo ba la nyes pa med pa'i phyir ro/ /de la nyes pa ni 'di dag yin te/ gal te skyes nas g.yo na ni des na mtshan nyid spangs par 'gyur ro/ /gal te ma skyes par g.yo na ni des na g.yo ba dang mi ldan par 'gyur ro/ /gal te zhigs nas g.yo na ni des na gong ma dang 'dra ba nyid du 'gyur ro/ /gal te ma zhigs par g.yo na ni des na 'du byed kyi mtshan nyid gsal bar spangs par 'gyur ro/ /de las gzhan pa yul gzhan du skye ba'i rgyu dmigs pas na/ g.yo ba zhes bya ba don gzhan du gyur pa rdzas su yod pa ma yin par rig par bya ste/ de ltar de lta bu dang mthun pa de ni gzugs kyi phung po'i las bsam pa yin par rig par bya'o/ /

【K7 剎那門】【L1 明色法有剎那滅】【M1 舉正義】【N1 標宗】

དེ་ལ་གཟུགས་ཀྱི་ཕུང་པོ་ཐམས་ཅད་ནི་སྐད་ཅིག་པ་ཡིན་པར་བརྗོད་པར་བྱའོ༑ །

de la gzugs kyi phung po thams cad ni skad cig pa yin par brjod par bya'o| /

【N2 徵】

དེ་ཅིའི་ཕྱིར་ཞེ་ན། སྐྱེས་ནས་འཇིག་པ་དམིགས་པའི་ཕྱིར་རོ། །

de ci'i phyir zhe na/ skyes nas 'jig pa dmigs pa'i phyir ro/ /

【N3 釋所以】

སྐྱེ་བའི་རྒྱུ་ནི་འཇིག་པའི་རྒྱུ་ཡིན་པར་མི་རུང་སྟེ། མཚན་ཉིད་མི་འདྲ་བའི་ཕྱིར་རོ། །སྐྱེས་པ་གནས་པའི་རྒྱུ་དེ་ལས་གཞན་པ་ཡང་མི་དམིགས་པས་དེའི་ཕྱིར་འདུ་བྱེད་ཐམས་ཅད་ནི་རང་གི་ངང་གིས་འཇིག་པ་ཡིན་པར་རིག་པར་བྱ་སྟེ། དེའི་ཕྱིར་སྐད་ཅིག་པ་ཉིད་རབ་ཏུ་གྲུབ་བོ། །མེ་ལ་སོགས་པ་འཇིག་པའི་རྒྱུ་ཉིད་དུ་རྟོག་པ་ཡང་མི་རུང་ངོ༌། །དེ་ཅིའི་ཕྱིར་ཞེ་ན། མེ་ལ་སོགས་པ་དེ་དག་ནི་འདུ་བྱེད་དེ་དང་ལྷན་ཅིག་ཏུ་སྐྱེ་བ་དང་འཇིག་པར་དམིགས་པའི་ཕྱིར་ཏེ། དེ་དག་ནི་མི་འདྲ་བ་སྐྱེ་བའི་རྐྱེན་བྱེད་པ་ཙམ་ཡོད་པར་ཟད་དོ། །འཇིག་པ་ཡང་འཇིག་པའི་རྒྱུར་མི་རུང་ངོ༌། །དེ་ཅིའི་ཕྱིར་ཞེ་ན། དེ་དང་ལྷན་ཅིག་ཡོད་པར་མི་རུང་བའི་ཕྱིར་རོ། །སྐྱེས་ནས་དེ་འཇིག་པར་བྱེད་ཅེས་བྱར་ཡང་དེའི་རྒྱུན་ཆད་པར་ཐལ་བར་འགྱུར་བའི་ཕྱིར་རོ། །འཇིག་པ་དེ་ལ་འཇིག་པ་ཙམ་གྱི་ངོ་བོ་ཉིད་ཡིན་ན་ནི་འཇིག་པའི་རྒྱུ་ཡིན་པར་མི་རུང་ངོ༌། །

skye ba'i rgyu ni 'jig pa'i rgyu yin par mi rung ste/ mtshan nyid mi 'dra ba'i phyir ro/ /skyes pa gnas pa'i rgyu de las gzhan pa yang mi dmigs pas de'i phyir 'du byed thams cad ni rang gi ngang gis 'jig pa yin par rig par bya ste/ de'i phyir skad cig pa nyid rab tu grub bo/ /me la sogs pa 'jig pa'i rgyu nyid du rtog pa yang mi rung ngo/ /de ci'i phyir zhe na/ me la sogs pa de dag ni 'du byed de dang lhan cig tu skye ba dang 'jig par dmigs pa'i phyir te/ de dag ni mi 'dra ba skye ba'i rkyen byed pa tsam yod par zad do/ /'jig pa yang 'jig pa'i rgyur mi rung ngo/ /de ci'i phyir zhe na/ de dang lhan cig yod par mi rung ba'i phyir ro/ /skyes nas de 'jig par byed ces byar yang de'i rgyun chad par thal bar 'gyur ba'i phyir ro/ /'jig pa de la 'jig pa tsam gyi ngo bo nyid yin na ni 'jig pa'i rgyu yin par mi rung ngo/ /

【M2 以四句破其外計】

འོན་ཏེ་འཇིག་པ་དེ་ངོ་བོ་ཉིད་གཞན་པ་ཁོ་ན་ཞིག་ཡིན་ན་ནི། དེས་ན་འཇིག་པའི་མཚན་ཉིད་དོན་གཞན་དུ་གྱུར་པ་དེ་མི་དམིགས་པས་མི་རུང་ངོ་། །གལ་ཏེ་མེ་ལ་སོགས་པ་དང་འཇིག་པ་བསྡོངས་ཏེ་འཇིག་པར་བྱེད་དོ་ཞེས་རྟོག་ན་ནི། དེས་ན་མར་མེ་ལ་སོགས་པ་དང་སེམས་དང་སེམས་ལས་བྱུང་བ་རྣམས་རང་གི་ངང་གིས་འཇིག་གོ་ཞེས་བྱ་བ་མི་འཐད་པར་མི་རུང་ངོ༌། །གལ་ཏེ་དེ་སྐྱེ་བ་ལ་ནུས་པ་གཞན་དང་གཞན་ཡོད་པར་རྟོག་ན་ནི་དེས་ན་བྱེ་བྲག་མི་དམིགས་པས་མི་རུང་ངོ༌། །གལ་ཏེ་གཉི་གས་ཕྱོགས་གཅིག་འཇིག་པར་ནུས་སོ་ཞེས་རྟོག་ན་ནི། དེས་ན་གཉི་གས་ཆ་གཉི་ག་འཇིག་པར་ནུས་པའམ། ཆ་གཉི་ག་འཇིག་པར་མི་ནུས་པར་ཐལ་བར་འགྱུར་བས་མི་རུང་སྟེ།

'on te 'jig pa de ngo bo nyid gzhan pa kho na zhig yin na ni/ des na 'jig pa'i mtshan nyid don gzhan du gyur pa de mi dmigs pas mi rung ngo / /gal te me la sogs pa dang 'jig pa bsdongs te 'jig par byed do zhes rtog na ni/ des na mar me la sogs pa dang sems dang sems las byung ba rnams rang gi ngang gis 'jig go zhes bya ba mi 'thad par mi rung ngo/ /gal te de skye ba la nus pa gzhan dang gzhan yod par rtog na ni des na bye brag mi dmigs pas mi rung ngo/ /gal te gnyi gas phyogs gcig 'jig par nus so zhes rtog na ni/ des na gnyi gas cha gnyi ga 'jig par nus pa'am/ cha gnyi ga 'jig par mi nus par thal bar 'gyur bas mi rung ste/

【M3 結勸了知】

དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཀྱི་ཕུང་པོའི་སྐད་ཅིག་པ་ཉིད་བསམ་པ་ཡིན་པར་རིག་པར་བྱ་སྟེ། འདི་ལྟ་སྟེ་རང་གི་ངང་གིས་འཇིག་པའི་རྒྱུ་དང༌། མེ་ལ་སོགས་པ་འཇིག་པའི་རྒྱུ་མ་ཡིན་པར་བཀག་པ་དང༌། འཇིག་པ་འཇིག་པའི་རྒྱུ་མ་ཡིན་པར་བཀག་པ་དང༌། དེ་གཉི་ག་འཇིག་པའི་རྒྱུ་མ་ཡིན་པར་བཀག་པ་ལས་བལྟ་བར་བྱའོ། །

de ltar de lta bu dang mthun pa de ni gzugs kyi phung po'i skad cig pa nyid bsam pa yin par rig par bya ste/ 'di lta ste rang gi ngang gis 'jig pa'i rgyu dang/ me la sogs pa 'jig pa'i rgyu ma yin par bkag pa dang/ 'jig pa 'jig pa'i rgyu ma yin par bkag pa dang/ de gnyi ga 'jig pa'i rgyu ma yin par bkag pa las blta bar bya'o/ /

【L2 明諸行如心皆剎那滅】

ཡང་འདུ་བྱེད་ཐམས་ཅད་ནི་སེམས་ཀྱི་འབྲས་བུ་ཡིན་པའི་ཕྱིར་སེམས་བཞིན་དུ་སྐད་ཅིག་པ་ཉིད་ཡིན་པར་རིག་པར་བྱའོ། །

yang 'du byed thams cad ni sems kyi 'bras bu yin pa'i phyir sems bzhin du skad cig pa nyid yin par rig par bya'o/ /

【K8 獨非獨門】

ཅི་འབྱུང་བ་ཆེན་པོ་རྣམས་ལས་རྒྱུར་བྱས་པའི་གཟུགས་རྣམས་མཚན་ཉིད་ཐ་དད་པའམ། ཐ་དད་པ་མ་ཡིན་པར་བརྗོད་པར་བྱ་ཞེ་ན། སྨྲས་པ། ཐ་དད་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། མཚན་ཉིད་མི་འདྲ་བ་དམིགས་པའི་ཕྱིར་རོ། །དེ་ལ་མཚན་ཉིད་མི་འདྲ་བ་ནི་འདི་ཡིན་ཏེ། འདི་ལྟ་སྟེ་དབང་པོ་གཞན་གྱིས་རྟོགས་པ་སྟེ། འདི་ལྟར་འབྱུང་བ་ཆེན་པོ་རྣམས་ནི་དབང་པོ་གཞན་གྱིས་འཛིན་པར་བྱེད་ལ། རྒྱུར་བྱས་པའི་གཟུགས་རྣམས་ཀྱང་དབང་པོ་གཞན་གྱིས་འཛིན་པར་བྱེད་པ་དང༌། དེ་བཞིན་དུ་འཕོ་བ་དང་མི་འཕོ་བ་ཡང་དམིགས་པའི་ཕྱིར་ཏེ། འདི་ལྟ་སྟེ། ཏིལ་མར་དག་གི་ནང་དུ་མེ་ཏོག་དག་གི་དྲི་འཕོ་བ་ནི་དམིགས་ལ། སྲ་བ་ལ་སོགས་པ་ནི་མི་འཕོ་བ་དང༌། དེ་བཞིན་དུ་འགྱུར་བ་དང་མི་འགྱུར་བ་ཡང་དམིགས་པའི་ཕྱིར་ཏེ། འདི་ལྟ་སྟེ། མར་བཞུ་བ་ལ་སོགས་པ་ལ་ཁ་དོག་དང་རོ་ལ་སོགས་པ་འགྱུར་བའི་བྱེ་བྲག་ནི་དམིགས་ལ། སྲ་བ་ལ་སོགས་པ་ནི་མི་དམིགས་ཏེ། དེ་ལྟ་བས་ན་འབྱུང་བ་ཆེན་པོ་དག་རྒྱུར་བྱས་པའི་གཟུགས་དག་ནི་མཚན་ཉིད་མི་འདྲ་བར་རིག་པར་བྱའོ། །མཚན་ཉིད་མི་འདྲ་བ་དག་ལ་ཡང་གཅིག་པ་ཉིད་དུ་མངོན་པར་ཞེན་པར་བྱེད་ན་ནི། འབྱུང་བ་ཆེན་པོ་རྣམས་ལ་ཡང་ཐལ་བར་འགྱུར་ཏེ། འདི་ལྟ་སྟེ་འབྱུང་བ་ཆེན་པོ་རྣམས་ནི་ཕན་ཚུན་མཚན་ཉིད་མི་འདྲ་བ་དག་ཡིན་པས། དེ་ལྟར་ན་འབྱུང་བ་ཆེན་པོ་ཡང་གཅིག་པ་ཉིད་དུ་འགྱུར་བའི་ཕྱིར་རོ། །དེ་ལྟར་ན་རྒྱུར་བྱས་པའི་གཟུགས་རྣམས་ནི་འབྱུང་བ་ཆེན་པོ་དག་ལས་མཚན་ཉིད་ཐ་དད་པ་ཡིན་པར་རིག་པར་བྱ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་འབྱུང་བ་ཆེན་པོ་རྣམས་ཀྱི་མ་འདྲེས་པ་དང་འདྲེས་པ་བསམ་པ་ཡིན་པར་རིག་པར་བྱའོ། །

ci 'byung ba chen po rnams las rgyur byas pa'i gzugs rnams mtshan nyid tha dad pa'am/ tha dad pa ma yin par brjod par bya zhe na/ smras pa/ tha dad par brjod par bya'o/ /de ci'i phyir zhe na/ mtshan nyid mi 'dra ba dmigs pa'i phyir ro/ /de la mtshan nyid mi 'dra ba ni 'di yin te/ 'di lta ste dbang po gzhan gyis rtogs pa ste/ 'di ltar 'byung ba chen po rnams ni dbang po gzhan gyis 'dzin par byed la/ rgyur byas pa'i gzugs rnams kyang dbang po gzhan gyis 'dzin par byed pa dang/ de bzhin du 'pho ba dang mi 'pho ba yang dmigs pa'i phyir te/ 'di lta ste/ til mar dag gi nang du me tog dag gi dri 'pho ba ni dmigs la/ sra ba la sogs pa ni mi 'pho ba dang/ de bzhin du 'gyur ba dang mi 'gyur ba yang dmigs pa'i phyir te/ 'di lta ste/ mar bzhu ba la sogs pa la kha dog dang ro la sogs pa 'gyur ba'i bye brag ni dmigs la/ sra ba la sogs pa ni mi dmigs te/ de lta bas na 'byung ba chen po dag rgyur byas pa'i gzugs dag ni mtshan nyid mi 'dra bar rig par bya'o/ /mtshan nyid mi 'dra ba dag la yang gcig pa nyid du mngon par zhen par byed na ni/ 'byung ba chen po rnams la yang thal bar 'gyur te/ 'di lta ste 'byung ba chen po rnams ni phan tshun mtshan nyid mi 'dra ba dag yin pas/ de ltar na 'byung ba chen po yang gcig pa nyid du 'gyur ba'i phyir ro/ /de ltar na rgyur byas pa'i gzugs rnams ni 'byung ba chen po dag las mtshan nyid tha dad pa yin par rig par bya ste/ de ltar de lta bu dang mthun pa de ni 'byung ba chen po rnams kyi ma 'dres pa dang 'dres pa bsam pa yin par rig par bya'o/ /

【K9 所行門】【L1 總問答辨色法攝根塵多少】

གཟུགས་ཀྱིས་བསྡུས་པའི་ཆོས་རྣམས་ལས་དུ་ཞིག་ནི་དབང་པོར་གྱུར་པ་དག་ཡིན། དུ་ཞིག་ནི་སྤྱོད་ཡུལ་དུ་གྱུར་པ་དག་ཡིན་ཞེ་ན། སྨྲས་པ། ལྔ་ནི་དབང་པོར་གྱུར་པ་དག་ཡིན་ལ། དྲུག་ནི་སྤྱོད་ཡུལ་དུ་གྱུར་པ་དག་ཡིན་པར་རིག་པར་བྱའོ། །

gzugs kyis bsdus pa'i chos rnams las du zhig ni dbang por gyur pa dag yin/ du zhig ni spyod yul du gyur pa dag yin zhe na/ smras pa/ lnga ni dbang por gyur pa dag yin la/ drug ni spyod yul du gyur pa dag yin par rig par bya'o/ /

【L2 問答釋】【M1 總舉三緣指本地分說】

དེ་ལ་དབང་པོར་གྱུར་པ་རྣམས་ཀྱི་སྤྱོད་ཡུལ་དུ་གྱུར་པ་དག་ཇི་ལྟར་ན་སྤྱོད་ཡུལ་ཡིན་ཞེ་ན། དེ་ནི་འདི་ལྟ་སྟེ། སའི་དངོས་གཞིར་དེ་ལ་དམིགས་ཀྱང་ཡོངས་སུ་མ་ཉམས་ལ་ཞེས་བྱ་བ་ལ་སོགས་པ་རྒྱ་ཆེར་བསྟན་པ་ཡིན་ནོ། །

de la dbang por gyur pa rnams kyi spyod yul du gyur pa dag ji ltar na spyod yul yin zhe na/ de ni 'di lta ste/ sa'i dngos gzhir de la dmigs kyang yongs su ma nyams la zhes bya ba la sogs pa rgya cher bstan pa yin no/ /

【M2 次第廣釋】【N1 釋根不壞】

དེ་ལ་རྒྱུ་དུས་ན་དབང་པོ་ཡོངས་སུ་ཉམས་པ་དང་ཡོངས་སུ་མ་ཉམས་པར་བརྗོད་པར་བྱ་ཞེ་ན། སྨྲས་པ། རྒྱུ་གཉིས་ཀྱིས་ཏེ། དམན་པར་གྱུར་པ་དང༌། ཐམས་ཅད་ཀྱི་ཐམས་ཅད་དུ་ཉམས་པས་སོ། །དེ་ལས་བཟློག་པས་ནི་ཡོངས་སུ་མ་ཉམས་པར་བརྗོད་པར་བྱའོ། །གཞན་ཡང་མདོར་བསྡུ་ན་རྒྱུ་བཞིས་དབང་པོ་རྣམས་འགྱུར་བར་བལྟ་བར་བྱ་སྟེ། ཕྱི་རོལ་གྱི་རྐྱེན་ལས་སྐྱེ་བ་ནི་འདི་ལྟ་སྟེ། ཕན་འདོགས་པ་དང༌། གནོད་པར་བྱེད་པའི་ཡུལ་ལ་ཡོངས་སུ་ལོངས་སྤྱོད་པ་དག་དང༌། ཡུལ་དང་ཕན་འདོགས་པ་ཕ་རོལ་གྱི་གནོད་པ་དག་གིས་འགྱུར་བར་བྱེད་པའོ༑ །ནང་གི་རྐྱེན་ལས་སྐྱེ་བ་ནི་འདི་ལྟ་སྟེ། སོ་སོའི་ནང་གི་ཚུལ་བཞིན་མ་ཡིན་པ་ཡིད་ལ་བྱེད་པ་ལས་སྐྱེས་པའི་འདོད་ཆགས་ཀྱིས་ཀུན་ནས་དཀྲིས་པ་ལ་སོགས་པ་ཀུན་ནས་ཉོན་མོངས་པ་རྣམས་དང༌། ཚུལ་བཞིན་ཡིད་ལ་བྱེད་པ་ལས་སྐྱེས་པའི་སྙོམས་པར་འཇུག་པ་ལ་སོགས་པས་འགྱུར་བར་བྱེད་པའོ། །ལས་ཀྱི་རྐྱེན་ལས་སྐྱེ་བ་ནི་འདི་ལྟ་སྟེ། སྔོན་གྱི་ལས་ཀྱི་དབང་གིས་གཟུགས་སྡུག་པ་དང་མི་སྡུག་པ་ལ་སོགས་པས་འགྱུར་བར་བྱེད་པའོ། །ངོ་བོ་ཉིད་ལས་འགྱུར་བ་སྐྱེ་བ་ནི་འདི་ལྟ་སྟེ། དབང་པོ་དེ་དག་ཉིད་ཀྱི་མཚན་ཉིད་ཐ་དད་པས་འགྱུར་བར་བྱེད་པའོ༑ །

de la rgyu dus na dbang po yongs su nyams pa dang yongs su ma nyams par brjod par bya zhe na/ smras pa/ rgyu gnyis kyis te/ dman par gyur pa dang/ thams cad kyi thams cad du nyams pas so/ /de las bzlog pas ni yongs su ma nyams par brjod par bya'o/ /gzhan yang mdor bsdu na rgyu bzhis dbang po rnams 'gyur bar blta bar bya ste/ phyi rol gyi rkyen las skye ba ni 'di lta ste/ phan 'dogs pa dang/ gnod par byed pa'i yul la yongs su longs spyod pa dag dang/ yul dang phan 'dogs pa pha rol gyi gnod pa dag gis 'gyur bar byed pa'o| /nang gi rkyen las skye ba ni 'di lta ste/ so so'i nang gi tshul bzhin ma yin pa yid la byed pa las skyes pa'i 'dod chags kyis kun nas dkris pa la sogs pa kun nas nyon mongs pa rnams dang/ tshul bzhin yid la byed pa las skyes pa'i snyoms par 'jug pa la sogs pas 'gyur bar byed pa'o/ /las kyi rkyen las skye ba ni 'di lta ste/ sngon gyi las kyi dbang gis gzugs sdug pa dang mi sdug pa la sogs pas 'gyur bar byed pa'o/ /ngo bo nyid las 'gyur ba skye ba ni 'di lta ste/ dbang po de dag nyid kyi mtshan nyid tha dad pas 'gyur bar byed pa'o| /

【N2 釋境界現不現前壞】【O1 正辨境界現前】【P1 問】

ཡིད་ཀྱི་དབང་པོའི་ཡོངས་སུ་ཉམས་པ་རྣམ་པ་དུར་བལྟ་བར་བྱ་ཞེ་ན་

yid kyi dbang po'i yongs su nyams pa rnam pa dur blta bar bya zhe na

【P2 答】【Q1 約五根辨境現前】【R1 明眼境】

སྨྲས་པ། རྣམ་པ་བཞི་སྟེ། སྒྲིབ་པས་བྱས་པ་ནི་འདི་ལྟ་སྟེ། སྒྲིབ་པ་ལྔ་པོ་དག་ལས་གང་ཡང་རུང་བས་སེམས་སྒྲིབ་པ་ལས་སོ། །གཡེང་བས་བྱས་པ་ནི་འདི་ལྟ་སྟེ་གདོན་གྱིས་བརླམས་པ་ལ་སོགས་པས་སེམས་གཡེང་བར་བྱས་པ་ལས་སོ། །མ་ཐོབ་པས་བྱས་པ་ནི་འདི་ལྟ་སྟེ། བསམ་གཏན་དང་གཟུགས་མེད་པའི་ཡོན་ཏན་ཁྱད་པར་ཅན་མ་ཐོབ་པའི་སེམས་དེ་ལ་རྩོལ་བར་བྱེད་པ་ལས་སོ། །མ་བྱང་བས་བྱས་པ་ནི་འདི་ལྟ་སྟེ། ཐོས་པ་དང་བཟོ་ལ་སོགས་པ་ལ་ཡོངས་སུ་བྱང་བར་མ་བྱས་པའི་སེམས་ལས་སོ། །གཟུགས་ལ་སོགས་པ་ཡུལ་རྣམས་དབང་པོ་རྣམས་ལ་ཇི་ལྟར་སྣང་བར་འགྱུར་ཞེ་ན། སྨྲས་པ། གཟུགས་ནི་མིག་དང་མ་ཕྲད་པར་སྣང་བར་འགྱུར་རོ། །ཧ་ཅང་ཆ་ཕྲ་བ་མ་ཡིན་པ་སྣང་བར་འགྱུར་རོ། །བསྟན་དུ་ཡོད་པ་སྣང་བར་འགྱུར་རོ། །མ་བསྒྲིབས་པ་སྣང་བར་འགྱུར་རོ། །སྣང་བ་དང་བཅས་པར་སྣང་བར་འགྱུར་རོ། །ཧ་ཅང་བསྐལ་པ་མ་ཡིན་པ་སྣང་བར་འགྱུར་རོ། །སྤྱོད་ཡུལ་ན་གནས་པ་སྣང་བར་འགྱུར་རོ། །གཞན་ཡང་ལ་ལའི་མིག་ལ་ནི་མུན་ཁྲོད་ན་ཡང་གཟུགས་སྣང་བར་འགྱུར་རོ། །

smras pa/ rnam pa bzhi ste/ sgrib pas byas pa ni 'di lta ste/ sgrib pa lnga po dag las gang yang rung bas sems sgrib pa las so/ /g.yeng bas byas pa ni 'di lta ste gdon gyis brlams pa la sogs pas sems g.yeng bar byas pa las so/ /ma thob pas byas pa ni 'di lta ste/ bsam gtan dang gzugs med pa'i yon tan khyad par can ma thob pa'i sems de la rtsol bar byed pa las so/ /ma byang bas byas pa ni 'di lta ste/ thos pa dang bzo la sogs pa la yongs su byang bar ma byas pa'i sems las so/ /gzugs la sogs pa yul rnams dbang po rnams la ji ltar snang bar 'gyur zhe na/ smras pa/ gzugs ni mig dang ma phrad par snang bar 'gyur ro/ /ha cang cha phra ba ma yin pa snang bar 'gyur ro/ /bstan du yod pa snang bar 'gyur ro/ /ma bsgribs pa snang bar 'gyur ro/ /snang ba dang bcas par snang bar 'gyur ro/ /ha cang bskal pa ma yin pa snang bar 'gyur ro/ /spyod yul na gnas pa snang bar 'gyur ro/ /gzhan yang la la'i mig la ni mun khrod na yang gzugs snang bar 'gyur ro/ /

【R2 明耳】

སྒྲ་ནི་རྣ་བ་དང་མ་ཕྲད་པ་དང༌། བསྒྲིབས་པ་དང༌། མ་བསྒྲིབས་པ་དང༌། སྣང་བ་དང༌། མུན་ཁྲོད་དང༌། ཧ་ཅང་ཆ་ཕྲ་བ་མ་ཡིན་པ་དང༌། ཧ་ཅང་བསྐལ་པ་མ་ཡིན་པ་དང༌། སྤྱོད་ཡུལ་ན་གནས་པ་གྲག་པར་འགྱུར་རོ། །

sgra ni rna ba dang ma phrad pa dang/ bsgribs pa dang/ ma bsgribs pa dang/ snang ba dang/ mun khrod dang/ ha cang cha phra ba ma yin pa dang/ ha cang bskal pa ma yin pa dang/ spyod yul na gnas pa grag par 'gyur ro/ /

【R3 明香味觸餘三根】

དྲི་དང་རོ་དང་རེག་བྱ་རྣམས་ནི་རང་རང་གི་དབང་པོ་རྣམས་དང་ཕྲད་པ་དང༌། སྤྱོད་ཡུལ་ན་གནས་པ་དག་སྤྱོད་ཡུལ་དུ་འགྱུར་རོ། །

dri dang ro dang reg bya rnams ni rang rang gi dbang po rnams dang phrad pa dang/ spyod yul na gnas pa dag spyod yul du 'gyur ro/ /

【Q2 約天眼】

ལྷའི་མིག་ལ་ནི་གཟུགས་བསྟན་དུ་ཡོད་པ་དང༌། བསྒྲིབས་པ་དང་། མུན་ཁྲོད་ན་འདུག་པ་དང༌། བསྐལ་པ་དང༌། སྤྱོད་ཡུལ་ན་གནས་པ་ཡང་སྣང་བར་འགྱུར་རོ། །

lha'i mig la ni gzugs bstan du yod pa dang/ bsgribs pa dang / mun khrod na 'dug pa dang/ bskal pa dang/ spyod yul na gnas pa yang snang bar 'gyur ro/ /

【Q3 約慧眼】

འཕགས་པའི་ཤེས་རབ་ཀྱི་མིག་ལ་ནི་གཟུགས་རྣམ་པ་ཐམས་ཅད་སྤྱོད་ཡུལ་དུ་འགྱུར་རོ། །

'phags pa'i shes rab kyi mig la ni gzugs rnam pa thams cad spyod yul du 'gyur ro/ /

【O2 對六所行辨差別】

སའི་དངོས་གཞིར་སྤྱོད་ཡུལ་རྣམ་པ་དྲུག་ཅེས་གང་སྨྲས་པ་དེའི་རབ་ཏུ་དབྱེ་བ་གང་ཞེ་ན། འདི་ལྟ་སྟེ། གནས་དང༌། མཚན་ཉིད་དང༌། ཕྱོགས་དང་དུས་དང་གསལ་བ་དང༌། མི་གསལ་བ་དང༌། ཕྱོགས་གཅིག་དང༌། དངོས་པོ་ཐམས་ཅད་འཛིན་པ་སྟེ། དེ་ལ་དང་པོ་ནི་སེམས་ཅན་གྱི་འཇིག་རྟེན་དུ་གཏོགས་པ་དང༌། སྣོད་ཀྱི་འཇིག་རྟེན་དུ་གཏོགས་པའི་གཟུགས་སོ། །གཉིས་པ་ནི་ངོ་བོ་ཉིད་རྣམ་པ་གསུམ་གྱིས་ངོ་བོ་ཉིད་ཀྱི་བྱེ་བྲག་ལས་ཏེ། མཚན་ཉིད་ཀྱི་བྱེ་བྲག་དང༌། བྱ་བའི་བྱེ་བྲག་དང༌། གནས་སྐབས་ཀྱི་བྱེ་བྲག་གིས་སོ། །དེ་ལ་གཟུགས་ཀྱི་མཚན་ཉིད་ཀྱི་བྱེ་བྲག་ནི་འདི་ཡིན་ཏེ། སྔོན་པོ་དང་སེར་པོ་དང༌། དམར་པོ་དང༌། དཀར་པོ་ཞེས་བྱ་བ་རྒྱ་ཆེར་བསྟན་པའོ། །དེ་ལ་བྱ་བའི་བྱེ་བྲག་ནི་འདི་ལྟ་སྟེ། རྣམ་པར་རིག་བྱེད་དང༌། རྣམ་པར་རིག་བྱེད་མ་ཡིན་པ་སྡོམ་པ་དང༌། སྡོམ་པ་མ་ཡིན་པ་དང༌། སྡོམ་པ་ཡང་མ་ཡིན་སྡོམ་པ་མ་ཡིན་པ་ཡང་མ་ཡིན་པར་བསྡུས་པ་དག་ཡིན་པར་བལྟ་བར་བྱའོ། །དེ་ལ་གནས་སྐབས་ཀྱི་བྱེ་བྲག་ནི་འདི་ལྟ་སྟེ། ཡིད་དུ་འོང་བ་དང༌། ཡིད་དུ་མི་འོང་བ་དང༌། བཏང་སྙོམས་ཀྱི་གནས་ལྟ་བུ་དག་ཡིན་པར་བལྟ་བར་བྱའོ། །དེ་ལ་སྒྲ་རྣམས་ནི་མཚན་ཉིད་ཀྱི་བྱེ་བྲག་ནི་ཟིན་པའི་འབྱུང་བ་ཆེན་པོའི་རྒྱུ་ལས་བྱུང་བ་རྣམས་དང༌། མ་ཟིན་པའི་འབྱུང་བ་ཆེན་པོའི་རྒྱུ་ལས་བྱུང་བ་རྣམས་དང༌། ཟིན་པ་དང༌། མ་ཟིན་པའི་འབྱུང་བ་ཆེན་པོའི་རྒྱུ་ལས་བྱུང་བ་རྣམས་སོ། །བྱ་བའི་བྱེ་བྲག་ནི་ངག་གི་རྣམ་པར་རིག་བྱེད་དོ། །གནས་སྐབས་ཀྱི་བྱེ་བྲག་ནི་སྔ་མ་བཞིན་དུ་བལྟ་བར་བྱའོ། །དེ་ལ་དྲི་རྣམས་ཀྱི་མཚན་ཉིད་ཀྱི་བྱེ་བྲག་ནི་རྩ་བ་དང་སྡོང་བུ་དང༌། ཤུན་པ་དང༌། སྙིང་པོ་དང༌། ལོ་མ་དང༌། མེ་ཏོག་དང་འབྲས་བུའི་དྲི་དག་གོ། །དྲི་དང་རོ་དང་རེག་བྱ་རྣམས་ལ་བྱ་བའི་བྱེ་བྲག་ནི་མེད་དོ། །དེ་དག་གི་གནས་སྐབས་ཀྱི་བྱེ་བྲག་ནི་སྔ་མ་བཞིན་དུ་བལྟ་བར་བྱའོ། །དེ་ལ་རོའི་མཚན་ཉིད་ཀྱི་བྱེ་བྲག་ནི་ཁ་བ་ལ་སོགས་པ་སྟེ་སྔ་མ་བཞིན་དུ་བལྟ་བར་བྱའོ། །རེག་བྱའི་མཚན་ཉིད་ཀྱི་བྱེ་བྲག་ཀྱང་རྣམ་པ་དུ་མ་སྟེ་སྔ་མ་བཞིན་དུ་བལྟ་བར་བྱའོ། །དེ་ལ་སྤྱོད་ཡུལ་གསུམ་པ་ནི་ཤར་དང་ལྷོ་དང་ནུབ་དང་བྱང་ལ་སོགས་པའི་ཕྱོགས་རྣམས་ཡིན་པར་རིག་པར་བྱའོ། །དེ་ལ་བཞི་པ་ནི་འདས་པ་དང༌། མ་འོངས་པ་དང་། ད་ལྟར་བྱུང་བའི་བྱེ་བྲག་ལས་བལྟ་བར་བྱའོ། །དེ་ལ་ལྔ་པ་ནི་ཡང་དག་པ་དང་ཡང་དག་པ་མ་ཡིན་པར་གཟུང་བའི་བྱེ་བྲག་ལས་བལྟ་བར་བྱའོ། །དེ་ལ་དྲུག་པ་ནི་ཕྱོགས་གཅིག་དང༌། དངོས་པོ་མཐའ་དག་འཛིན་པའི་བྱེ་བྲག་ལས་བལྟ་བར་བྱ་སྟེ།

sa'i dngos gzhir spyod yul rnam pa drug ces gang smras pa de'i rab tu dbye ba gang zhe na/ 'di lta ste/ gnas dang/ mtshan nyid dang/ phyogs dang dus dang gsal ba dang/ mi gsal ba dang/ phyogs gcig dang/ dngos po thams cad 'dzin pa ste/ de la dang po ni sems can gyi 'jig rten du gtogs pa dang/ snod kyi 'jig rten du gtogs pa'i gzugs so/ /gnyis pa ni ngo bo nyid rnam pa gsum gyis ngo bo nyid kyi bye brag las te/ mtshan nyid kyi bye brag dang/ bya ba'i bye brag dang/ gnas skabs kyi bye brag gis so/ /de la gzugs kyi mtshan nyid kyi bye brag ni 'di yin te/ sngon po dang ser po dang/ dmar po dang/ dkar po zhes bya ba rgya cher bstan pa'o/ /de la bya ba'i bye brag ni 'di lta ste/ rnam par rig byed dang/ rnam par rig byed ma yin pa sdom pa dang/ sdom pa ma yin pa dang/ sdom pa yang ma yin sdom pa ma yin pa yang ma yin par bsdus pa dag yin par blta bar bya'o/ /de la gnas skabs kyi bye brag ni 'di lta ste/ yid du 'ong ba dang/ yid du mi 'ong ba dang/ btang snyoms kyi gnas lta bu dag yin par blta bar bya'o/ /de la sgra rnams ni mtshan nyid kyi bye brag ni zin pa'i 'byung ba chen po'i rgyu las byung ba rnams dang/ ma zin pa'i 'byung ba chen po'i rgyu las byung ba rnams dang/ zin pa dang/ ma zin pa'i 'byung ba chen po'i rgyu las byung ba rnams so/ /bya ba'i bye brag ni ngag gi rnam par rig byed do/ /gnas skabs kyi bye brag ni snga ma bzhin du blta bar bya'o/ /de la dri rnams kyi mtshan nyid kyi bye brag ni rtsa ba dang sdong bu dang/ shun pa dang/ snying po dang/ lo ma dang/ me tog dang 'bras bu'i dri dag go/ /dri dang ro dang reg bya rnams la bya ba'i bye brag ni med do/ /de dag gi gnas skabs kyi bye brag ni snga ma bzhin du blta bar bya'o/ /de la ro'i mtshan nyid kyi bye brag ni kha ba la sogs pa ste snga ma bzhin du blta bar bya'o/ /reg bya'i mtshan nyid kyi bye brag kyang rnam pa du ma ste snga ma bzhin du blta bar bya'o/ /de la spyod yul gsum pa ni shar dang lho dang nub dang byang la sogs pa'i phyogs rnams yin par rig par bya'o/ /de la bzhi pa ni 'das pa dang/ ma 'ongs pa dang / da ltar byung ba'i bye brag las blta bar bya'o/ /de la lnga pa ni yang dag pa dang yang dag pa ma yin par gzung ba'i bye brag las blta bar bya'o/ /de la drug pa ni phyogs gcig dang/ dngos po mtha' dag 'dzin pa'i bye brag las blta bar bya ste/

【O3 結】

དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཅན་རྣམས་ཀྱི་ཡུལ་རྣམས་སྣང་བར་འགྱུར་བའི་བྱེ་བྲག་ཡིན་པར་རིག་པར་བྱའོ། །

de ltar de lta bu dang mthun pa de ni gzugs can rnams kyi yul rnams snang bar 'gyur ba'i bye brag yin par rig par bya'o/ /

【N3 釋能生作意】

དེ་དང་འབྱུང་བ་ཡིད་ལ་བྱེད་པ་གང་ཡིན་ཞེ་ན། གནས་ཡོངས་སུ་མ་ཉམས་པ་དེ་དང་ཡུལ་སྣང་བ་དང་ཕྲད་པ་དེ་དང༌། དེས་སེམས་ཀྱི་འཇུག་པ་མངོན་པར་གྲུབ་པ་གང་ཡིན་པ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཅན་རྣམས་ཀྱི་ཕུང་པོའི་སྤྱོད་ཡུལ་བསམ་པ་ཡིན་པར་བལྟ་བར་བྱའོ། །

de dang 'byung ba yid la byed pa gang yin zhe na/ gnas yongs su ma nyams pa de dang yul snang ba dang phrad pa de dang/ des sems kyi 'jug pa mngon par grub pa gang yin pa ste/ de ltar de lta bu dang mthun pa de ni gzugs can rnams kyi phung po'i spyod yul bsam pa yin par blta bar bya'o/ /

【K10 相雜門】

དེ་ལ་འདོད་པ་ན་སྤྱོད་པའི་ལུས་ལ་གནས་པའི་ལུས་ལ་གཟུགས་ན་སྤྱོད་པའི་འབྱུང་བ་ཆེན་པོ་གང་དག་མངོན་པར་འགྲུབ་པར་འགྱུར་བ་དེ་དག་འོག་མའི་གཟུགས་དང་ལྷན་ཅིག་པ་ཡུལ་གཅིག་གམ་ཡུལ་ཐ་དད་དམ་ཇི་ལྟར་གནས་པར་བརྗོད་པར་བྱ་ཞེ་ན། སྨྲས་པ། བྱེ་མ་དང་ཆུ་བཞིན་དུ་ཡུལ་ཐ་དད་པ་མ་ཡིན་པར་གནས་པར་བརྗོད་པར་བྱ་སྟེ། དེ་ལྟར་དེ་ལྟ་བུ་དང་མཐུན་པ་དེ་ནི་གཟུགས་ཀྱི་ཕུང་པོའི་ཕན་ཚུན་འདྲེས་པ་བསམ་པ་ཡིན་པར་བལྟ་བར་བྱའོ། །

de la 'dod pa na spyod pa'i lus la gnas pa'i lus la gzugs na spyod pa'i 'byung ba chen po gang dag mngon par 'grub par 'gyur ba de dag 'og ma'i gzugs dang lhan cig pa yul gcig gam yul tha dad dam ji ltar gnas par brjod par bya zhe na/ smras pa/ bye ma dang chu bzhin du yul tha dad pa ma yin par gnas par brjod par bya ste/ de ltar de lta bu dang mthun pa de ni gzugs kyi phung po'i phan tshun 'dres pa bsam pa yin par blta bar bya'o/ /

【I2 解四蘊名】【J1 結前生後】

གཟུགས་ཀྱི་ཕུང་པོའི་བསམ་པ་རྫོགས་སོ།། བམ་པོ་བདུན་པ། ད་འདི་མན་ཆད་ནི་མིང་གིས་བསྡུས་པའི་ཕུང་པོ་གཟུགས་ཅན་མ་ཡིན་པ་བཞི་པོ་དག་གི་རྣམ་པར་གཞག་པ་ཅི་རིགས་པར་བཤད་པར་བྱ་སྟེ།

gzugs kyi phung po'i bsam pa rdzogs so// bam po bdun pa/ da 'di man chad ni ming gis bsdus pa'i phung po gzugs can ma yin pa bzhi po dag gi rnam par gzhag pa ci rigs par bshad par bya ste/

【J2 解釋】【K1 以十門別解四蘊之名】【L1 解本地分第二卷中立一心相】

སའི་དངོས་གཞིར་སེམས་གཅིག་རྣམ་པར་གཞག་པ་བཤད་པ་གང་ཡིན་པ་དེ་ལས་བརྩམས་ནས་དེ་ལ་དཔེ་ནི་འདི་ཡིན་ཏེ། བཅོམ་ལྡན་འདས་ཀྱིས་བདེ་བར་གཤེགས་པ་ནི་སྟོན་པའོ། །བདེ་བར་གཤེགས་པ་ནི་སྟོན་པའོ་ཞེས་སེམས་བསྐྱེད་ཅིང་ཚིག་ཏུ་ཡང་སྨྲ་ན། དེ་ལྟར་སེམས་སྐྱེད་པར་བྱེད་པ་ཡང་དགེ་བའི་ཆོས་རྣམས་ལ་གཅེས་སྤྲས་བྱེད་པ་ཡིན་པར་ང་སྨྲ་ན། ལུས་དང་ངག་གིས་རྗེས་སུ་སྒྲུབ་པ་ལྟ་སྨོས་ཀྱང་ཅི་དགོས། དེ་བཞིན་དུ་སེམས་འདི་སྙེད་ཀྱིས་མངོན་པར་རྟོགས་པར་བྱེད་པ་དང༌། དེ་བཞིན་དུ་སེམས་དང་བ་གཅིག་གིས་ནི་བདེ་འགྲོར་འགྲོ་བར་འགྱུར་རོ་ཞེས་བྱ་བ་ལ་སོགས་པ་ཇི་སྐད་གསུངས་པ་སྟེ། དེ་ལ་འཇུག་པར་གཏོགས་པའི་སེམས་ཀྱི་རྒྱུན་གཅིག་གིས་ནི་ཐ་སྙད་དང་ལྡན་པའི་སེམས་གཅིག་ཀུན་ནས་སློང་བར་བྱེད་ལ། ཐ་སྙད་དང་ལྡན་པའི་རྒྱུན་གཅིག་གིས་ནི་ཚིག་གཅིག་རྗོད་གཅིག་རྗོད་པར་བྱེད་ཅིང་ལུས་ཀྱི་ལས་ཀྱང་ཀུན་ནས་སློང་བར་བྱེད་དོ༑ །

sa'i dngos gzhir sems gcig rnam par gzhag pa bshad pa gang yin pa de las brtsams nas de la dpe ni 'di yin te/ bcom ldan 'das kyis bde bar gshegs pa ni ston pa'o/ /bde bar gshegs pa ni ston pa'o zhes sems bskyed cing tshig tu yang smra na/ de ltar sems skyed par byed pa yang dge ba'i chos rnams la gces spras byed pa yin par nga smra na/ lus dang ngag gis rjes su sgrub pa lta smos kyang ci dgos/ de bzhin du sems 'di snyed kyis mngon par rtogs par byed pa dang/ de bzhin du sems dang ba gcig gis ni bde 'gror 'gro bar 'gyur ro zhes bya ba la sogs pa ji skad gsungs pa ste/ de la 'jug par gtogs pa'i sems kyi rgyun gcig gis ni tha snyad dang ldan pa'i sems gcig kun nas slong bar byed la/ tha snyad dang ldan pa'i rgyun gcig gis ni tshig gcig rjod gcig rjod par byed cing lus kyi las kyang kun nas slong bar byed do| /

【L2 明分別意與無分別五識同緣現境】

དེ་ལ་ཅི་རྣམ་པར་རྟོག་པ་ཅན་དང་རྣམ་པར་རྟོག་པ་མེད་པའི་སེམས་ད་ལྟར་བྱུང་བའི་ཡུལ་ཉིད་ཀྱིས་ཡུལ་མཚུངས་པའམ། ཡུལ་མི་མཚུངས་པར་བརྗོད་པར་བྱ་ཞེ་ན། སྨྲས་པ་ཡུལ་མཚུངས་པར་བརྗོད་པར་བྱའོ། །རྒྱུ་གང་གིས་ཤེ་ན། སྨྲས་པ། རྒྱུ་གསུམ་གྱིས་གསལ་བའི་ཕྱིར་དང༌། དེ་ལ་རྩོལ་བའི་ཕྱིར་དང༌། གནས་གཉིས་ཀྱིས་བརྟས་པར་བྱས་པའི་ཕྱིར་རོ། །

de la ci rnam par rtog pa can dang rnam par rtog pa med pa'i sems da ltar byung ba'i yul nyid kyis yul mtshungs pa'am/ yul mi mtshungs par brjod par bya zhe na/ smras pa yul mtshungs par brjod par bya'o/ /rgyu gang gis she na/ smras pa/ rgyu gsum gyis gsal ba'i phyir dang/ de la rtsol ba'i phyir dang/ gnas gnyis kyis brtas par byas pa'i phyir ro/ /

【L3 明煩惱相應】

སེམས་ཉོན་མོངས་པ་ཅན་དུ་སྐྱེ་བར་འགྱུར་བ་གང་ཡིན་པ་དེ་ཅི་ངོ་བོ་ཉིད་ལས་ཉོན་མོངས་པ་ཅན་དུ་བརྗོད་པར་བྱའམ། འོན་ཏེ་མཚུངས་པར་ལྡན་པར་ལས་སམ། འོན་ཏེ་བག་ལ་ཉལ་ལས་ཤེ་ན། སྨྲས་པ། མཚུངས་པར་ལྡན་པ་དང་བག་ལ་ཉལ་ལས་ཡིན་གྱི། ངོ་བོ་ཉིད་ལས་ནི་མ་ཡིན་ནོ། །གལ་ཏེ་ངོ་བོ་ཉིད་ལས་ཉོན་མོངས་པ་ཅན་དུ་གྱུར་ན་ནི་དེ་འདོད་ཆགས་ལ་སོགས་པ་བཞིན་དུ་གཏན་རྣམ་པར་མི་འདག་པའི་སྐྱོན་དུ་འགྱུར་རོ། །དེ་ལྟ་བས་ན་ངོ་བོ་ཉིད་ཀྱིས་ཀུན་ནས་ཉོན་མོངས་པ་ཅན་མ་ཡིན་པའི་ཕྱིར་སེམས་ནི་རང་བཞིན་གྱིས་འོད་གསལ་བ་ཉིད་དུ་སྐྱེའོ། །དེ་ལ་ཀུན་ནས་དཀྲིས་པ་སེམས་ཀུན་ནས་ཉོན་མོངས་པ་དེ་གཉིས་ལས་གང་ཡིན་པར་བརྗོད་པར་བྱ་ཞེ་ན། སྨྲས་པ་མཚུངས་པར་ལྡན་པ་ཡིན་པར་བརྗོད་པར་བྱའོ། །དེ་ལ་བག་ལ་ཉལ་གང་ཞེ་ན། ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་གང་ཡིན་པ་སྟེ་འདུ་བྱེད་རྣམས་ཀྱི་ཉེས་པར་ཀུན་ཏུ་གནས་པ་ཉིད་དང༌། ཉེས་པར་ཞུགས་པ་ཉིད་དོ། །འཕགས་པ་རྣམས་ཀྱིས་གང་འདུ་བྱེད་ཀྱི་སྡུག་བསྔལ་ཉིད་ཀྱིས་སྡུག་བསྔལ་བར་མངོན་པར་རྟོགས་ནས། འདུ་བྱེད་ཐམས་ཅད་ལ་སྡུག་བསྔལ་བར་གཟིགས་ཤིང་གནས་པ་དེ་ཡང་ཇི་ལྟར་གཟིགས་ཤེ་ན། འདི་ལྟ་སྟེ་རྟོག་པ་དང་བཅས་ཤིང་དཔྱོད་པ་དང་བཅས་པའི་སའི་དངོས་གཞིར་འདི་ལྟ་སྟེ། ཡོངས་སུ་གདུང་བ་དང་བཅས་པ་དང༌། འབྲས་བུ་དང་བཅས་པ་ཞེས་བྱ་བ་ལ་སོགས་པ་རྒྱ་ཆེར་བསྟན་པ་བཞིན་དུ་རིག་པར་བྱའོ། །

sems nyon mongs pa can du skye bar 'gyur ba gang yin pa de ci ngo bo nyid las nyon mongs pa can du brjod par bya'am/ 'on te mtshungs par ldan par las sam/ 'on te bag la nyal las she na/ smras pa/ mtshungs par ldan pa dang bag la nyal las yin gyi/ ngo bo nyid las ni ma yin no/ /gal te ngo bo nyid las nyon mongs pa can du gyur na ni de 'dod chags la sogs pa bzhin du gtan rnam par mi 'dag pa'i skyon du 'gyur ro/ /de lta bas na ngo bo nyid kyis kun nas nyon mongs pa can ma yin pa'i phyir sems ni rang bzhin gyis 'od gsal ba nyid du skye'o/ /de la kun nas dkris pa sems kun nas nyon mongs pa de gnyis las gang yin par brjod par bya zhe na/ smras pa mtshungs par ldan pa yin par brjod par bya'o/ /de la bag la nyal gang zhe na/ nyon mongs pa'i phyogs dang mthun pa'i gnas ngan len gang yin pa ste 'du byed rnams kyi nyes par kun tu gnas pa nyid dang/ nyes par zhugs pa nyid do/ /'phags pa rnams kyis gang 'du byed kyi sdug bsngal nyid kyis sdug bsngal bar mngon par rtogs nas/ 'du byed thams cad la sdug bsngal bar gzigs shing gnas pa de yang ji ltar gzigs she na/ 'di lta ste rtog pa dang bcas shing dpyod pa dang bcas pa'i sa'i dngos gzhir 'di lta ste/ yongs su gdung ba dang bcas pa dang/ 'bras bu dang bcas pa zhes bya ba la sogs pa rgya cher bstan pa bzhin du rig par bya'o/ /

【L4 明三染惱】

ཡང་སེམས་ཀུན་ནས་ཉོན་མོངས་པ་རྣམ་པ་གསུམ་གྱིས་ཀུན་ནས་ཉོན་མོངས་པ་ཐམས་ཅད་བསྡུས་པར་བལྟ་བར་བྱ་སྟེ། ལས་ཀྱི་ཀུན་ནས་ཉོན་མོངས་པ་དང༌། ཚེའི་ཀུན་ནས་ཉོན་མོངས་པ་དང་། ཉོན་མོངས་པའི་ཀུན་ནས་ཉོན་མོངས་པས་སོ། །དེ་ལ་ཀུན་ནས་ཉོན་མོངས་པ་དང་པོ་དང་གཉིས་པ་ནི་འདོད་པ་ན་སྤྱོད་པ་དག་ཡིན་ནོ། །ཐ་མ་ནི་ཁམས་གསུམ་ན་སྤྱོད་པ་ཡིན་ནོ། །

yang sems kun nas nyon mongs pa rnam pa gsum gyis kun nas nyon mongs pa thams cad bsdus par blta bar bya ste/ las kyi kun nas nyon mongs pa dang/ tshe'i kun nas nyon mongs pa dang / nyon mongs pa'i kun nas nyon mongs pas so/ /de la kun nas nyon mongs pa dang po dang gnyis pa ni 'dod pa na spyod pa dag yin no/ /tha ma ni khams gsum na spyod pa yin no/ /

【L5 明縛】

དེ་ལ་སེམས་ཀྱི་ཀུན་ནས་ཉོན་མོངས་པའི་འཆིང་བ་གང་ཞེ་ན། སྨྲས་པ། བག་ལ་ཉལ་གང་ཡིན་པའོ། །ལས་ཀྱི་འཆིང་བ་གང་ཞེ་ན། སྨྲས་པ། ལས་ལ་དགའ་བ་ཡང་ལས་ཀྱི་འཆིང་བ་ཡིན་ནོ། །གནས་གསུམ་པོ་འདི་ལྟ་སྟེ། ངེས་པར་འབྱུང་བའི་སེམས་དང༌། ངེས་པར་བྱུང་ནས་དགའ་བ་ཐོབ་པ་དང༌། ལམ་ལ་དགའ་བ་ཐོབ་པ་ལ་གགས་བྱེད་པའི་ལས་ཀྱང་ལས་ཀྱི་འཆིང་བ་ཡིན་ནོ། །རྣམ་པར་སྨིན་པའི་སྒྲིབ་པ་དང་མཐུན་པའི་ལས་ཀྱང་ལས་ཀྱི་འཆིང་བ་ཡིན་ནོ། །ལོག་པར་སྨོན་པའི་ལས་ཀྱང་ལས་ཀྱི་འཆིང་བ་ཡིན་ཏེ། བཞི་པོ་དེ་དག་ཡོད་ན་དྲུག་ཏུ་འགྱུར་ལ། དྲུག་ཡོད་ན་ཡང་བཞིར་འགྱུར་རོ། །

de la sems kyi kun nas nyon mongs pa'i 'ching ba gang zhe na/ smras pa/ bag la nyal gang yin pa'o/ /las kyi 'ching ba gang zhe na/ smras pa/ las la dga' ba yang las kyi 'ching ba yin no/ /gnas gsum po 'di lta ste/ nges par 'byung ba'i sems dang/ nges par byung nas dga' ba thob pa dang/ lam la dga' ba thob pa la gags byed pa'i las kyang las kyi 'ching ba yin no/ /rnam par smin pa'i sgrib pa dang mthun pa'i las kyang las kyi 'ching ba yin no/ /log par smon pa'i las kyang las kyi 'ching ba yin te/ bzhi po de dag yod na drug tu 'gyur la/ drug yod na yang bzhir 'gyur ro/ /

【L6 明遍行別境】【M1 問答標列】

རྣམ་པར་ཤེས་པ་འབྱུང་བ་ན་སེམས་ལས་བྱུང་བའི་ཆོས་ཀུན་ཏུ་འགྲོ་བ་དུ་འབྱུང་ཞེ་ན། སྨྲས་པ། ལྔ་སྟེ་ཡིད་ལ་བྱེད་པ་དང༌། རེག་པ་དང༌། ཚོར་བ་དང༌། འདུ་ཤེས་དང༌། སེམས་པའོ། །ཀུན་ཏུ་འགྲོ་བ་མ་ཡིན་པ་དུ་འབྱུང་ཞེ་ན། སྨྲས་པ། ཀུན་ཏུ་འགྲོ་བ་མ་ཡིན་པ་ནི་མང་མོད་ཀྱི་གཙོ་བོ་ནི་ལྔ་སྟེ༑ འདི་ལྟ་སྟེ། འདུན་པ་དང༌། མོས་པ་དང༌། དྲན་པ་དང༌། ཏིང་ངེ་འཛིན་དང༌། ཤེས་རབ་བོ། །

rnam par shes pa 'byung ba na sems las byung ba'i chos kun tu 'gro ba du 'byung zhe na/ smras pa/ lnga ste yid la byed pa dang/ reg pa dang/ tshor ba dang/ 'du shes dang/ sems pa'o/ /kun tu 'gro ba ma yin pa du 'byung zhe na/ smras pa/ kun tu 'gro ba ma yin pa ni mang mod kyi gtso bo ni lnga ste| 'di lta ste/ 'dun pa dang/ mos pa dang/ dran pa dang/ ting nge 'dzin dang/ shes rab bo/ /

【M2 辯相】

ཡིད་ལ་བྱེད་པ་གང་ཞེ་ན། སེམས་ཀྱི་རྩོལ་བ་གང་ཡིན་པའོ། །རེག་པ་གང་ཞེ་ན། གསུམ་འདུས་པ་ལས་དོན་འཛིན་པ་གང་ཡིན་པའོ། །ཚོར་བ་གང་ཞེ་ན། གསུམ་འདུས་པ་ལས་དོན་སོ་སོར་མྱོང་བ་གང་ཡིན་པའོ། །འདུ་ཤེས་གང་ཞེ་ན། གསུམ་འདུས་པ་ཉིད་ལས་དམིགས་པར་འདོགས་པ་ལ་བརྡར་འཛིན་པ་གང་ཡིན་པ་སྟེ། དེ་ཡང་རྗེས་སུ་སད་པ་དང༌། ཐ་སྙད་བག་ལ་ཉལ་བའོ། །དེ་ལ་རྗེས་སུ་སད་པ་ནི་འདི་ལྟ་སྟེ། ལྷ་དང་མི་ཐ་སྙད་ལ་མཁས་པ་རྣམས་ཀྱིའོ། །ཐ་སྙད་བག་ལ་ཉལ་བ་ནི་འདི་ལྟ་སྟེ། བྱིས་པ་ཐ་སྙད་ལ་མི་མཁས་པ་རྣམས་དང༌། ཐ་ན་རི་དྭགས་དང་བྱ་རྣམས་ཀྱིའོ། །སེམས་པ་གང་ཞེ་ན། གསུམ་འདུས་པ་ལས་དམིགས་པ་དེ་ལ་ཚོར་བ་དང༌། ཕྲད་པ་དང༌། འབྲལ་བའི་ཕྱིར་སེམས་མངོན་པར་འདུ་བྱེད་པ་གང་ཡིན་པའོ། །འདུན་པ་གང་ཞེ་ན། ཡུལ་དེ་དང་དེ་ལ་དེའི་རྗེས་སུ་འགྲོ་བ་དང་། དེ་འདོད་པ་ཉིད་གང་ཡིན་པའོ། །མོས་པ་གང་ཞེ་ན། ཡུལ་དེ་དང་དེ་ལ་དེའི་རྗེས་སུ་འགྲོ་བ་དང༌། དེ་ལ་ངེས་པར་འཛིན་འདོད་པ་གང་ཡིན་པའོ། །དྲན་པ་གང་ཞེ་ན། ཡུལ་དེ་དང་དེ་ལ་དེའི་རྗེས་སུ་འགྲོ་བ་དང༌། མངོན་པར་བརྗོད་པ་ཉིད་གང་ཡིན་པའོ། །ཏིང་ངེ་འཛིན་གང་ཞེ་ན། ཡུལ་དེ་དང་དེ་ལ་དེའི་རྗེས་སུ་འགྲོ་བ་དང༌། ངེས་པར་སེམས་པ་ལ་བརྟེན་ནས་སེམས་རྩེ་གཅིག་པ་གང་ཡིན་པའོ༑ །ཤེས་རབ་གང་ཞེ་ན། ཡུལ་དེ་དང་དེ་ལ་དེའི་རྗེས་སུ་འགྲོ་བ་དང༌། ཆོས་རྣམས་རབ་ཏུ་འབྱེད་པ་གང་ཡིན་པ་སྟེ། དེ་ཡང་རིགས་པས་བསྐྱེད་པ་དང༌། རིགས་པ་མ་ཡིན་པས་བསྐྱེད་པ་དང༌། རིགས་པ་ཡང་མ་ཡིན་རིགས་པ་མ་ཡིན་པ་ཡང་མ་ཡིན་པས་བསྐྱེད་པའོ། །

yid la byed pa gang zhe na/ sems kyi rtsol ba gang yin pa'o/ /reg pa gang zhe na/ gsum 'dus pa las don 'dzin pa gang yin pa'o/ /tshor ba gang zhe na/ gsum 'dus pa las don so sor myong ba gang yin pa'o/ /'du shes gang zhe na/ gsum 'dus pa nyid las dmigs par 'dogs pa la brdar 'dzin pa gang yin pa ste/ de yang rjes su sad pa dang/ tha snyad bag la nyal ba'o/ /de la rjes su sad pa ni 'di lta ste/ lha dang mi tha snyad la mkhas pa rnams kyi'o/ /tha snyad bag la nyal ba ni 'di lta ste/ byis pa tha snyad la mi mkhas pa rnams dang/ tha na ri dwags dang bya rnams kyi'o/ /sems pa gang zhe na/ gsum 'dus pa las dmigs pa de la tshor ba dang/ phrad pa dang/ 'bral ba'i phyir sems mngon par 'du byed pa gang yin pa'o/ /'dun pa gang zhe na/ yul de dang de la de'i rjes su 'gro ba dang / de 'dod pa nyid gang yin pa'o/ /mos pa gang zhe na/ yul de dang de la de'i rjes su 'gro ba dang/ de la nges par 'dzin 'dod pa gang yin pa'o/ /dran pa gang zhe na/ yul de dang de la de'i rjes su 'gro ba dang/ mngon par brjod pa nyid gang yin pa'o/ /ting nge 'dzin gang zhe na/ yul de dang de la de'i rjes su 'gro ba dang/ nges par sems pa la brten nas sems rtse gcig pa gang yin pa'o| /shes rab gang zhe na/ yul de dang de la de'i rjes su 'gro ba dang/ chos rnams rab tu 'byed pa gang yin pa ste/ de yang rigs pas bskyed pa dang/ rigs pa ma yin pas bskyed pa dang/ rigs pa yang ma yin rigs pa ma yin pa yang ma yin pas bskyed pa'o/ /

【M3 明作業】

དེ་ལ་ཡིད་ལ་བྱེད་པ་ལས་གང་དང་ལྡན་ཞེ་ན། སྨྲས་པ། དམིགས་པ་ལ་སེམས་གཏོད་པའི་ལས་ཅན་ཡིན་ནོ། །རེག་པ་ལས་གང་དང་ལྡན་ཞེ་ན། ཚོར་བ་དང་། འདུ་ཤེས་དང༌། སེམས་པ་རྣམས་ཀྱི་རྟེན་བྱེད་པའི་ལས་ཅན་ཡིན་ནོ། །ཚོར་བ་ལས་གང་དང་ལྡན་ཞེ་ན། སྲེད་པ་སྐྱེད་པ་དང༌། བཏང་སྙོམས་སུ་འཇོག་པའི་ལས་ཅན་ཡིན་ནོ། །འདུ་ཤེས་ལས་གང་དང་ལྡན་ཞེ་ན། དམིགས་པ་ལ་སེམས་ཀྱིས་མཚན་མར་འཛིན་པ་དང༌། ཐ་སྙད་འདོགས་པའི་ལས་ཅན་ཡིན་ནོ། །སེམས་པ་ལས་གང་དང་ལྡན་ཞེ་ན། རྣམ་པར་རྟོག་པ་དང༌། ལུས་དང་ངག་གི་ལས་ཀུན་ནས་སློང་བའི་ལས་ཅན་ཡིན་ནོ། །འདུན་པ་ལས་གང་དང་ལྡན་ཞེ་ན། བརྩོན་འགྲུས་རྩོམ་པ་སྐྱེད་པའི་ལས་ཅན་ཡིན་ནོ། །མོས་པ་ལས་གང་དང་ལྡན་ཞེ་ན། དམིགས་པ་ལ་ཡོན་ཏན་ནམ། སྐྱོན་ནམ། གཉི་ག་མ་ཡིན་པ་ལ་མོས་པའི་ལས་ཅན་ཡིན་ནོ། །དྲན་པ་ལས་གང་དང་ལྡན་ཞེ་ན༑ ཡུན་རིང་པོ་ནས་བསམས་པ་དང༌། བྱམས་པ་དང༌། སྨྲས་པ་དྲན་པ་རྗེས་སུ་དྲན་པར་བྱེད་པའི་ལས་ཅན་ཡིན་ནོ། །ཏིང་ངེ་འཛིན་ལས་གང་དང་ལྡན་ཞེ་ན། ཤེས་པའི་རྟེན་བྱེད་པའི་ལས་ཅན་ཡིན་ནོ། །ཤེས་རབ་ལས་གང་དང་ལྡན་ཞེ་ན། སྤྲོས་པ་དང༌། རྒྱུ་བ་དང༌། ཀུན་ནས་ཉོན་མོངས་པ་དང༌། རྣམ་པར་བྱང་བ་དང༌། རྗེས་སུ་མཐུན་པར་ཀུན་ཏུ་རྟོག་པའི་ལས་ཅན་ཡིན་ནོ། །

de la yid la byed pa las gang dang ldan zhe na/ smras pa/ dmigs pa la sems gtod pa'i las can yin no/ /reg pa las gang dang ldan zhe na/ tshor ba dang / 'du shes dang/ sems pa rnams kyi rten byed pa'i las can yin no/ /tshor ba las gang dang ldan zhe na/ sred pa skyed pa dang/ btang snyoms su 'jog pa'i las can yin no/ /'du shes las gang dang ldan zhe na/ dmigs pa la sems kyis mtshan mar 'dzin pa dang/ tha snyad 'dogs pa'i las can yin no/ /sems pa las gang dang ldan zhe na/ rnam par rtog pa dang/ lus dang ngag gi las kun nas slong ba'i las can yin no/ /'dun pa las gang dang ldan zhe na/ brtson 'grus rtsom pa skyed pa'i las can yin no/ /mos pa las gang dang ldan zhe na/ dmigs pa la yon tan nam/ skyon nam/ gnyi ga ma yin pa la mos pa'i las can yin no/ /dran pa las gang dang ldan zhe na| yun ring po nas bsams pa dang/ byams pa dang/ smras pa dran pa rjes su dran par byed pa'i las can yin no/ /ting nge 'dzin las gang dang ldan zhe na/ shes pa'i rten byed pa'i las can yin no/ /shes rab las gang dang ldan zhe na/ spros pa dang/ rgyu ba dang/ kun nas nyon mongs pa dang/ rnam par byang ba dang/ rjes su mthun par kun tu rtog pa'i las can yin no/ /

【M4 辯四境事】

ཀུན་ཏུ་འགྲོ་བ་མ་ཡིན་པ་གང་དག་ཡིན་པ་དེ་དག་དངོས་པོ་སོ་སོར་ངེས་པ་གང་ལ་སྐྱེ་བར་འགྱུར་ཞེ་ན། སྨྲས་པ། རྣམ་པ་བཞི་པོ་འདོད་པ་དང༌། ངེས་པ་དང༌། འདྲིས་པ་དང༌། ཉེ་བར་བརྟགས་པ་ལ་གོ་རིམས་བཞིན་དུ་སྟེ། དེ་ལ་ཏིང་ངེ་འཛིན་དང་ཤེས་རབ་ནི་ཐ་མ་ལའོ། །ལྷག་མ་རྣམས་ནི་གོ་རིམས་བཞིན་དུ་གོང་མ་གསུམ་ལའོ། །

kun tu 'gro ba ma yin pa gang dag yin pa de dag dngos po so sor nges pa gang la skye bar 'gyur zhe na/ smras pa/ rnam pa bzhi po 'dod pa dang/ nges pa dang/ 'dris pa dang/ nye bar brtags pa la go rims bzhin du ste/ de la ting nge 'dzin dang shes rab ni tha ma la'o/ /lhag ma rnams ni go rims bzhin du gong ma gsum la'o/ /

【L7 明卒爾尋求決定三心】

དེ་ལ་དེ་ལས་གཞན་པའི་ཕུང་པོ་གང་དག་མིང་གིས་བསྡུས་པ། སེམས་དང་མཚུངས་པར་ལྡན་པ་དེ་དག་ཉེ་བར་གནས་པ་ལས་བྱུང་བ་ཡིན་པར་བརྗོད་པར་བྱའམ། ཚོར་བ་པའམ། ངེས་པ་ཡིན་པར་བརྗོད་པར་བྱ་ཞེ་ན། སྨྲས་པ༑ དེ་དང་རིགས་མཐུན་པའི་སེམས་ལ་དེ་དང་རིགས་མཐུན་པ་ཉིད་ཡིན་པར་བརྗོད་པར་བྱའོ། །

de la de las gzhan pa'i phung po gang dag ming gis bsdus pa/ sems dang mtshungs par ldan pa de dag nye bar gnas pa las byung ba yin par brjod par bya'am/ tshor ba pa'am/ nges pa yin par brjod par bya zhe na/ smras pa| de dang rigs mthun pa'i sems la de dang rigs mthun pa nyid yin par brjod par bya'o/ /

【L8 舉經問】

གཟུགས་ཅན་མ་ཡིན་པའི་ཕུང་པོ་བཞི་པོ་འདི་དག་ནི་འདྲེས་པར་བརྗོད་པར་བྱའི། མ་འདྲེས་པ་ནི་མ་ཡིན་ནོ། །ཆོས་འདི་དག་ནི་སོ་སོར་ཕྱེ་ན་བྱེ་བྲག་དམིགས་པར་བརྗོད་པར་མི་ནུས་སོ་ཞེས་གང་གསུངས་པ་དེ་ཅིའི་ཕྱིར་མཚན་ཉིད་ཐ་དད་པར་གྲུབ་པ་རྣམས་འདྲེས་པས་བྱེ་བྲག་མེད་ཅེས་གསུངས་ཤེ་ན། སྨྲས་པ། འདུས་ནས་དམིགས་པ་ལ་ཉེ་བར་སྤྱོད་པ་དང༌། དོན་རྟོགས་པ་ཡོངས་སུ་རྫོགས་པར་འགྱུར་བའི་ཕྱིར་ཏེ། གཞན་དུ་ན་གང་ཡང་རུང་བ་ཞིག་མེད་ན་དོན་དེ་ཡོངས་སུ་རྫོགས་པར་མི་འགྱུར་བ་ཁོ་ནའི་ཕྱིར་རོ། །

gzugs can ma yin pa'i phung po bzhi po 'di dag ni 'dres par brjod par bya'i/ ma 'dres pa ni ma yin no/ /chos 'di dag ni so sor phye na bye brag dmigs par brjod par mi nus so zhes gang gsungs pa de ci'i phyir mtshan nyid tha dad par grub pa rnams 'dres pas bye brag med ces gsungs she na/ smras pa/ 'dus nas dmigs pa la nye bar spyod pa dang/ don rtogs pa yongs su rdzogs par 'gyur ba'i phyir te/ gzhan du na gang yang rung ba zhig med na don de yongs su rdzogs par mi 'gyur ba kho na'i phyir ro/ /

【L9 明心法四種異名】

སེམས་དང་སེམས་ལས་བྱུང་བའི་ཆོས་དེ་དག་ལ་མིང་གི་རྣམ་གྲངས་དུ་ཡོད་ཅེ་ན། སྨྲས་པ། རབ་ཏུ་མང་སྟེ་འདི་ལྟ་སྟེ། དམིགས་པ་དང་བཅས་པ་དང༌། མཚུངས་པ་དང་ལྡན་པ་དང༌། རྣམ་པ་དང་བཅས་པ་དང༌། གནས་དང་བཅས་པ་ཞེས་བྱ་བ་དང༌། དེ་ལྟ་བུ་དང་མཐུན་པ་རྣམས་སོ། །མིག་ལ་སོགས་པ་ཡང་ཡུལ་ཡོད་པ་ཡིན་ན། ཅིའི་ཕྱིར་དེ་དག་ཉིད་དམིགས་པ་དང་བཅས་པ་ཡིན་ལ། མིག་ལ་སོགས་པ་མ་ཡིན་ཞེ་ན། སྨྲས་པ། དེ་དག་ནི་ཡུལ་མེད་ཀྱང་སྐྱེ་བར་འགྱུར་གྱི། སེམས་དང་སེམས་ལས་བྱུང་བ་རྣམས་ནི་དེ་ལྟ་མ་ཡིན་པའི་ཕྱིར་རོ། །ཅིའི་ཕྱིར་མཚུངས་པར་ལྡན་པ་དག་ཅེས་བྱ་ཞེ་ན། སྨྲས་པ། རྫས་མཚུངས་པ་དང༌། ཡུལ་མཚུངས་པ་དང༌། དུས་མཚུངས་པ་དང༌། བྱ་བ་བྱེད་པ་མཚུངས་པ་ཉིད་ཀྱི་ཕྱིར་རོ། །ཅིའི་ཕྱིར་རྣམ་པ་དང་བཅས་པ་དག་ཅེས་བྱ་ཞེ་ན། སྨྲས་པ། དམིགས་པ་གཅིག་ལ་རྣམ་པ་དུ་མ་འཇུག་པའི་ཕྱིར་རོ། །ཅིའི་ཕྱིར་གནས་དང་བཅས་པ་དག་ཅེས་བྱ་ཞེ་ན། སྨྲས་པ། གནས་སྣ་ཚོགས་ལ་འཇུག་པའི་རང་བཞིན་ཡིན་པའི་ཕྱིར་རོ། །འདུས་བྱས་ཀྱི་ཆོས་ནི་འགའ་ཡང་གནས་པ་མེད་པ་མ་ཡིན་ནོ་ཞེ་ན། དོན་གྱི་སྐབས་འདིར་བསྟན་པའི་གནས་ཀྱི་ཚད་མ་ནི་མི་བྱེད་དོ། །

sems dang sems las byung ba'i chos de dag la ming gi rnam grangs du yod ce na/ smras pa/ rab tu mang ste 'di lta ste/ dmigs pa dang bcas pa dang/ mtshungs pa dang ldan pa dang/ rnam pa dang bcas pa dang/ gnas dang bcas pa zhes bya ba dang/ de lta bu dang mthun pa rnams so/ /mig la sogs pa yang yul yod pa yin na/ ci'i phyir de dag nyid dmigs pa dang bcas pa yin la/ mig la sogs pa ma yin zhe na/ smras pa/ de dag ni yul med kyang skye bar 'gyur gyi/ sems dang sems las byung ba rnams ni de lta ma yin pa'i phyir ro/ /ci'i phyir mtshungs par ldan pa dag ces bya zhe na/ smras pa/ rdzas mtshungs pa dang/ yul mtshungs pa dang/ dus mtshungs pa dang/ bya ba byed pa mtshungs pa nyid kyi phyir ro/ /ci'i phyir rnam pa dang bcas pa dag ces bya zhe na/ smras pa/ dmigs pa gcig la rnam pa du ma 'jug pa'i phyir ro/ /ci'i phyir gnas dang bcas pa dag ces bya zhe na/ smras pa/ gnas sna tshogs la 'jug pa'i rang bzhin yin pa'i phyir ro/ /'dus byas kyi chos ni 'ga' yang gnas pa med pa ma yin no zhe na/ don gyi skabs 'dir bstan pa'i gnas kyi tshad ma ni mi byed do/ /

【L10 明有五種互相對法】

ཅིའི་ཕྱིར་བདེ་བའི་ཚོར་བའི་ཆ་མི་མཐུན་པ་ནི་སྡུག་བསྔལ་གྱི་ཚོར་བ་ཞེས་བྱ། སྡུག་བསྔལ་གྱི་ཚོར་བའི་ཆ་མི་མཐུན་པ་དེ་ནི་བདེ་བའི་ཚོར་བ་ཞེས་བྱ། བདེ་བ་དང་སྡུག་བསྔལ་གྱི་ཚོར་བའི་ཆ་མི་མཐུན་པ་ནི་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཞེས་བྱ་ཞེ་ན། སྨྲས་པ། རང་གི་རིགས་དང་ཆ་མི་མཐུན་པས་ཆ་མི་མཐུན་པ་ཉིད་ཡིན་པའི་ཕྱིར་རོ། །ཅིའི་ཕྱིར་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བའི་ཆ་མཐུན་པ་མ་རིག་པ་ཞེས་བྱ་ཞེ་ན། སྨྲས་པ། ཚོར་བ་དང༌། ཀུན་ནས་ཉོན་མོངས་པ་ཐམས་ཅད་ཀྱི་གྲོགས་ཡིན་པས་ཆ་མཐུན་པ་ཉིད་ཡིན་པའི་ཕྱིར་རོ། །ཅིའི་ཕྱིར་མ་རིག་པའི་གཉེན་པོ་རིག་པ་ཞེས་བྱ་ཞེ་ན། སྨྲས་པ། མི་མཐུན་པའི་ཕྱོགས་དང༌། གཉེན་པོའི་ཕྱོགས་ཀྱིས་གཉེན་པོ་ཉིད་ཡིན་པའི་ཕྱིར་རོ། །ཅིའི་ཕྱིར་རིག་པའི་ཉེ་བའི་ཆ་མྱ་ངན་ལས་འདས་པ་ཞེས་བྱ་ཞེ་ན། སྨྲས་པ། རྒྱུ་དང་འབྲས་བུར་འབྲེལ་པས་ཉེ་བའི་ཆ་ཉིད་ཡིན་པའི་ཕྱིར་རོ། །

ci'i phyir bde ba'i tshor ba'i cha mi mthun pa ni sdug bsngal gyi tshor ba zhes bya/ sdug bsngal gyi tshor ba'i cha mi mthun pa de ni bde ba'i tshor ba zhes bya/ bde ba dang sdug bsngal gyi tshor ba'i cha mi mthun pa ni sdug bsngal yang ma yin bde ba yang ma yin pa'i tshor ba zhes bya zhe na/ smras pa/ rang gi rigs dang cha mi mthun pas cha mi mthun pa nyid yin pa'i phyir ro/ /ci'i phyir sdug bsngal yang ma yin bde ba yang ma yin pa'i tshor ba'i cha mthun pa ma rig pa zhes bya zhe na/ smras pa/ tshor ba dang/ kun nas nyon mongs pa thams cad kyi grogs yin pas cha mthun pa nyid yin pa'i phyir ro/ /ci'i phyir ma rig pa'i gnyen po rig pa zhes bya zhe na/ smras pa/ mi mthun pa'i phyogs dang/ gnyen po'i phyogs kyis gnyen po nyid yin pa'i phyir ro/ /ci'i phyir rig pa'i nye ba'i cha mya ngan las 'das pa zhes bya zhe na/ smras pa/ rgyu dang 'bras bur 'brel pas nye ba'i cha nyid yin pa'i phyir ro/ /

【K2 後就三性四蘊皆作九門解釋】【L1 束四蘊以為三性】

ཕུང་པོ་གཟུགས་ཅན་མ་ཡིན་པ་བཞི་པོ་དེ་དག་གི་དགེ་བར་རྣམ་པར་གཞག་པ་ནི་ཇི་ལྟ་བུ་ཡིན། མི་དགེ་བར་རྣམ་པར་གཞག་པ་ནི་ཇི་ལྟ་བུ་ཡིན། ལུང་དུ་མ་བསྟན་པར་རྣམ་པར་གཞག་པ་ནི་ཇི་ལྟ་བུ་ཡིན་ཞེ་ན། དེ་དག་ཐམས་ཅད་བྱེ་བྲག་མེད་པའི་

phung po gzugs can ma yin pa bzhi po de dag gi dge bar rnam par gzhag pa ni ji lta bu yin/ mi dge bar rnam par gzhag pa ni ji lta bu yin/ lung du ma bstan par rnam par gzhag pa ni ji lta bu yin zhe na/ de dag thams cad bye brag med pa'i

【L2 舉一頌列出九門】

སྡོམ་ནི། གནས་དང་ངོ་བོ་ཉིད་དང་ནི། །མཚུངས་པར་ལྡན་དང་ཀུན་རྫོབ་དང༌། །ཆུང་ངུ་ལ་སོགས་གཞི་དབྱེ་དང༌། །ཡོན་ཏན་སྐྱོན་དང་མི་མཐུན་ཕྱོགས། །

sdom ni/ gnas dang ngo bo nyid dang ni/ /mtshungs par ldan dang kun rdzob dang/ /chung ngu la sogs gzhi dbye dang/ /yon tan skyon dang mi mthun phyogs/ /

【L3 九門分別三性】【M1 九門分別善蘊】【N1 明依處】

དེ་ལ་དགེ་བའི་གནས་དག་ནི་དུ་ཞེ་ན། མདོར་བསྡུ་ན་དྲུག་སྟེ། འདི་ལྟ་སྟེ། ངེས་པའི་དུས་དང་ལྡོག་པའི་དུས་དང༌། ལས་ཀྱི་དུས་དང༌། འཇིག་རྟེན་པའི་རྣམ་པར་དག་པའི་དུས་དང༌། འཇིག་རྟེན་ལས་འདས་པའི་རྣམ་པར་དག་པའི་དུས་དང༌། སེམས་ཅན་ལ་ཕན་འདོགས་པའི་དུས་སོ། །

de la dge ba'i gnas dag ni du zhe na/ mdor bsdu na drug ste/ 'di lta ste/ nges pa'i dus dang ldog pa'i dus dang/ las kyi dus dang/ 'jig rten pa'i rnam par dag pa'i dus dang/ 'jig rten las 'das pa'i rnam par dag pa'i dus dang/ sems can la phan 'dogs pa'i dus so/ /

【N2 明自性】

ངོ་བོ་ཉིད་གང་ཞེ་ན། འདི་ལྟ་སྟེ། དད་པ་དང༌། ངོ་ཚ་ཤེས་པ་དང༌། ཁྲེལ་ཡོད་པ་དང་། མ་ཆགས་པ་དང༌། ཞེ་སྡང་མེད་པ་དང༌། གཏི་མུག་མེད་པ་དང༌། བརྩོན་འགྲུས་དང༌། ཤིན་ཏུ་སྦྱངས་པ་དང༌། བག་ཡོད་པ་དང༌། བཏང་སྙོམས་དང༌། རྣམ་པར་མི་འཚེ་བ་སྟེ། དེ་ལྟར་དེ་དག་ནི་དགེ་བའི་ཆོས་རྣམས་ཀྱི་ངོ་བོ་ཉིད་ཡིན་ནོ༑ །

ngo bo nyid gang zhe na/ 'di lta ste/ dad pa dang/ ngo tsha shes pa dang/ khrel yod pa dang / ma chags pa dang/ zhe sdang med pa dang/ gti mug med pa dang/ brtson 'grus dang/ shin tu sbyangs pa dang/ bag yod pa dang/ btang snyoms dang/ rnam par mi 'tshe ba ste/ de ltar de dag ni dge ba'i chos rnams kyi ngo bo nyid yin no| /

【N3 明相應】

ཆོས་དེ་དག་ཇི་ལྟར་ཕན་ཚུན་མཚུངས་པར་ལྡན་པར་བལྟ་བར་བྱ་ཞེ་ན༑ སྨྲས་པ། ངེས་པའི་དུས་ན་ནི་ཐ་དད་པ་དང་མཚུངས་པར་ལྡན་ནོ། །ཀུན་ནས་ཉོན་མོངས་པ་ལས་ལྡོག་པའི་དུས་ན་ནི་བདག་དང་གཞན་ལ་བརྟེན་ནས་ངོ་ཚ་ཤེས་པ་དང༌། ཁྲེལ་ཡོད་པ་དང་ངོ༌། །དགེ་བའི་ཕྱོགས་ཀྱི་ལས་ལ་འཇུག་པའི་དུས་ན་ནི་མ་ཆགས་པ་དང༌། ཞེ་སྡང་མེད་པ་དང༌། གཏི་མུག་མེད་པ་དང༌། བརྩོན་འགྲུས་དང་ངོ༌། །འཇིག་རྟེན་པའི་འདོད་ཆགས་དང་བྲལ་བའི་དུས་ན་ནི་ཤིན་ཏུ་སྦྱངས་པ་དང་ངོ༌། །འཇིག་རྟེན་ལས་འདས་པ་འདོད་ཆགས་དང་བྲལ་བའི་དུས་ན་ནི། བག་ཡོད་པ་དང༌། བཏང་སྙོམས་དང་ངོ༌། །སེམས་ཅན་ལ་ཕན་འདོགས་པའི་དུས་ན་ནི་རྣམ་པར་མི་འཚེ་བ་དང་སྟེ་དེ་ནི་སྙིང་རྗེས་བསྡུས་པ་ཡིན་པའི་ཕྱིར་རོ། །

chos de dag ji ltar phan tshun mtshungs par ldan par blta bar bya zhe na| smras pa/ nges pa'i dus na ni tha dad pa dang mtshungs par ldan no/ /kun nas nyon mongs pa las ldog pa'i dus na ni bdag dang gzhan la brten nas ngo tsha shes pa dang/ khrel yod pa dang ngo/ /dge ba'i phyogs kyi las la 'jug pa'i dus na ni ma chags pa dang/ zhe sdang med pa dang/ gti mug med pa dang/ brtson 'grus dang ngo/ /'jig rten pa'i 'dod chags dang bral ba'i dus na ni shin tu sbyangs pa dang ngo/ /'jig rten las 'das pa 'dod chags dang bral ba'i dus na ni/ bag yod pa dang/ btang snyoms dang ngo/ /sems can la phan 'dogs pa'i dus na ni rnam par mi 'tshe ba dang ste de ni snying rjes bsdus pa yin pa'i phyir ro/ /

【N4 明假實】

དགེ་བའི་ཆོས་དེ་དག་ལས་དུ་ཞིག་ནི་ཀུན་རྫོབ་ཏུ་ཡོད། དུ་ཞིག་ནི་རྫས་སུ་ཡོད་ཅེ་ན། སྨྲས་པ། གསུམ་ནི་ཀུན་རྫོབ་ཏུ་ཡོད་པ་ཡིན་ཏེ། བག་ཡོད་པ་དང༌། བཏང་སྙོམས་དང་། རྣམ་པར་མི་འཚེ་བའོ། །བག་ཡོད་པ་དང་བཏང་སྙོམས་ནི་མ་ཆགས་པ་དང༌། ཞེ་སྡང་མེད་པ་དང༌། གཏི་མུག་མེད་པ་དང༌། བརྩོན་འགྲུས་ཀྱི་ཆ་ཡིན་པའི་ཕྱིར་ཏེ། ཆོས་དེ་དག་ནི་ཀུན་ནས་ཉོན་མོངས་པ་མེད་པའི་དོན་གྱིས་བཏང་སྙོམས་ཡིན་པ་དང༌། ཀུན་ནས་ཉོན་མོངས་པའི་གཉེན་པོའི་དོན་གྱིས་བག་ཡོད་པ་ཡིན་པར་རྣམ་པར་གཞག་གོ། །རྣམ་པར་མི་འཚེ་བ་ནི་ཞེ་སྡང་མེད་པའི་ཆ་ཡིན་པའི་ཕྱིར་རོ། །

dge ba'i chos de dag las du zhig ni kun rdzob tu yod/ du zhig ni rdzas su yod ce na/ smras pa/ gsum ni kun rdzob tu yod pa yin te/ bag yod pa dang/ btang snyoms dang / rnam par mi 'tshe ba'o/ /bag yod pa dang btang snyoms ni ma chags pa dang/ zhe sdang med pa dang/ gti mug med pa dang/ brtson 'grus kyi cha yin pa'i phyir te/ chos de dag ni kun nas nyon mongs pa med pa'i don gyis btang snyoms yin pa dang/ kun nas nyon mongs pa'i gnyen po'i don gyis bag yod pa yin par rnam par gzhag go/ /rnam par mi 'tshe ba ni zhe sdang med pa'i cha yin pa'i phyir ro/ /

【N5 明軟中上品】

དེ་ལ་དགེ་བའི་རྩ་བ་ཆུང་ངུ་གང་ཡིན་ཞེ་ན། སྨྲས་པ། མཉམ་པར་མ་བཞག་པའི་ས་པའམ། མཉམ་པར་གཞག་པའི་ས་པ་ཉོན་མོངས་པའི་རྣམ་པ་ཆེན་པོའི་གཉེན་པོ་གང་ཡིན་པའོ། །འབྲིང་གང་ཞེ་ན། སྨྲས་པ༑ འཇིག་རྟེན་པའི་མཉམ་པར་གཞག་པའི་ས་པའམ། ཉོན་མོངས་པའི་རྣམ་པ་འབྲིང་གི་གཉེན་པོ་གང་ཡིན་པའོ། །ཆེན་པོ་གང་ཞེ་ན། སྨྲས་པ། འཇིག་རྟེན་ལས་འདས་པའམ། ཉོན་མོངས་པའི་རྣམ་པ་ཆུང་ངུའི་གཉེན་པོ་གང་ཡིན་པའོ། །ཡང་དགེ་བ་མངོན་པར་འདུ་བྱེད་པ་ལས་ཀྱང་ཆེན་པོ་ཉིད་ཡིན་པར་རིག་པར་བྱའོ། །གོམས་པ་དང༌། ངོ་བོ་ཉིད་དང༌། ཞིང་དང༌། དངོས་པོ་དང༌། རྣམ་པར་དག་པ་ལས་ཀྱང་ཆེན་པོ་ཉིད་ཡིན་པར་རིག་པར་བྱའོ༑ །

de la dge ba'i rtsa ba chung ngu gang yin zhe na/ smras pa/ mnyam par ma bzhag pa'i sa pa'am/ mnyam par gzhag pa'i sa pa nyon mongs pa'i rnam pa chen po'i gnyen po gang yin pa'o/ /'bring gang zhe na/ smras pa| 'jig rten pa'i mnyam par gzhag pa'i sa pa'am/ nyon mongs pa'i rnam pa 'bring gi gnyen po gang yin pa'o/ /chen po gang zhe na/ smras pa/ 'jig rten las 'das pa'am/ nyon mongs pa'i rnam pa chung ngu'i gnyen po gang yin pa'o/ /yang dge ba mngon par 'du byed pa las kyang chen po nyid yin par rig par bya'o/ /goms pa dang/ ngo bo nyid dang/ zhing dang/ dngos po dang/ rnam par dag pa las kyang chen po nyid yin par rig par bya'o| /

【N6 明依善根生時八種事】

དགེ་བའི་རྩ་བ་སྐྱེ་བ་ན་གཞི་དུ་དག་ལས་སྐྱེ་བར་འགྱུར་ཞེ་ན། སྨྲས་པ༑ མདོར་བསྡུ་ན་བརྒྱད་ལས་ཏེ། འདི་ལྟ་སྟེ་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང༌། ཚུལ་ཁྲིམས་ལས་བྱུང་བ་དང༌། བསྒོམས་པ་ལས་བྱུང་བ་དང༌། ཐོས་པ་ལས་བྱུང་བ་དང༌། བསམས་པ་ལས་བྱུང་བ་དང༌། དེ་ལས་གཞན་པ་བསྒོམས་པ་ལས་བྱུང་བ་དང༌། སོ་སོར་རྟོགས་པ་ལས་བྱུང་བ་དང༌། སེམས་ཅན་ལ་ཕན་འདོགས་པའི་དངོས་པོ་ལས་སོ། །དེ་ལ་ཇི་སྐད་བསྟན་པའི་གཞི་དེ་དག་ལ་ཅི་རིགས་པ་ཚེ་འདི་དང༌། ཚེ་ཕྱི་མ་ལ་འདོད་པ་དང་ཞེ་སྡང་དང་ལྟ་བ་ངན་པ་དག་ལས་གང་ཡང་རུང་བས་སྔོན་ཀུན་ཏུ་སུན་ཕྱུང་བའི་སེམས་ཀྱི་རྒྱུད་ལ་གང་གིས་ཀུན་ཏུ་སུན་ཕྱུང་བ་དེའི་གཉེན་པོས་དེ་དང་མཚུངས་པར་མི་ལྡན་པ་ཡིན་པར་བལྟ་བར་བྱའོ། །

dge ba'i rtsa ba skye ba na gzhi du dag las skye bar 'gyur zhe na/ smras pa| mdor bsdu na brgyad las te/ 'di lta ste sbyin pa las byung ba'i bsod nams bya ba'i dngos po dang/ tshul khrims las byung ba dang/ bsgoms pa las byung ba dang/ thos pa las byung ba dang/ bsams pa las byung ba dang/ de las gzhan pa bsgoms pa las byung ba dang/ so sor rtogs pa las byung ba dang/ sems can la phan 'dogs pa'i dngos po las so/ /de la ji skad bstan pa'i gzhi de dag la ci rigs pa tshe 'di dang/ tshe phyi ma la 'dod pa dang zhe sdang dang lta ba ngan pa dag las gang yang rung bas sngon kun tu sun phyung ba'i sems kyi rgyud la gang gis kun tu sun phyung ba de'i gnyen pos de dang mtshungs par mi ldan pa yin par blta bar bya'o/ /

【N7 明差別】

དེ་ལ་དགེ་བའི་རབ་ཏུ་དབྱེ་བ་གང་ཞེ་ན། སྨྲས་པ། འདི་ལྟ་སྟེ། སའི་དངོས་གཞིར་རྣམ་པ་གཅིག་ནས་རྣམ་པ་བཅུའི་བར་དུ་བསྟན་པའོ། །ཡང་དགེ་བ་ནི་ཀུན་ནས་ཉོན་མོངས་པའི་གཉེན་པོ་ལས་ཀྱང་ཡོད་དོ། །ཀུན་ནས་ཉོན་མོངས་པ་ཉེ་བར་ཞི་བ་ལས་ཀྱང་ཡོད་དོ། །འདོད་པའི་འབྲས་བུ་ཡོངས་སུ་འཛིན་པ་ལས་ཀྱང་ཡོད་དོ། །སེམས་ནི་རྒྱུད་དག་པ་ལས་ཀྱང་ཡོད་དོ། །མཆོད་རྟེན་བྱེད་པ་ལས་ཀྱང་ཡོད་དོ། །སེམས་ཅན་ལ་ཕན་འདོགས་པ་ལས་ཀྱང་ཡོད་དོ། །དེ་ལྟར་དེ་ལྟ་བུ་དང་མཐུན་པ་དེ་དག་ནི་དགེ་བའི་རབ་ཏུ་དབྱེ་བ་ཡིན་པར་རིག་པར་བྱའོ། །

de la dge ba'i rab tu dbye ba gang zhe na/ smras pa/ 'di lta ste/ sa'i dngos gzhir rnam pa gcig nas rnam pa bcu'i bar du bstan pa'o/ /yang dge ba ni kun nas nyon mongs pa'i gnyen po las kyang yod do/ /kun nas nyon mongs pa nye bar zhi ba las kyang yod do/ /'dod pa'i 'bras bu yongs su 'dzin pa las kyang yod do/ /sems ni rgyud dag pa las kyang yod do/ /mchod rten byed pa las kyang yod do/ /sems can la phan 'dogs pa las kyang yod do/ /de ltar de lta bu dang mthun pa de dag ni dge ba'i rab tu dbye ba yin par rig par bya'o/ /

【N8 明無失功德】【O1 離惡集善】

དེ་ལ་དགེ་བ་ལ་ཉེས་དམིགས་ནི་མེད་དོ། །དེའི་ཕན་ཡོན་གང་ཞེ་ན། སྨྲས་པ། དགེ་བའི་ཕན་ཡོན་ནི་མང་སྟེ། འདི་ལྟ་སྟེ་ཉོན་མོངས་པའི་ཀུན་ནས་དཀྲིས་པ་དང་བག་ལ་ཉལ་ལ་སེམས་རྣམ་པར་སྦྱོང་བར་བྱེད་པ་དང༌། དམིགས་པ་ལ་ཕྱིན་ཅི་ལོག་མེད་པར་བྱེད་པ་དང༌། དགེ་བའི་རྩ་བ་བརྟན་པར་བྱེད་པ་དང༌། རྒྱུ་མཐུན་པ་ལས་བྱུང་བའི་འདུ་ཤེས་ཀྱི་རྒྱུད་ལ་འཇུག་པར་བྱེད་པ་དང༌།

de la dge ba la nyes dmigs ni med do/ /de'i phan yon gang zhe na/ smras pa/ dge ba'i phan yon ni mang ste/ 'di lta ste nyon mongs pa'i kun nas dkris pa dang bag la nyal la sems rnam par sbyong bar byed pa dang/ dmigs pa la phyin ci log med par byed pa dang/ dge ba'i rtsa ba brtan par byed pa dang/ rgyu mthun pa las byung ba'i 'du shes kyi rgyud la 'jug par byed pa dang/

【O2 捨苦得樂】

བདག་ལ་གནོད་པར་མི་འགྱུར་བ་དང༌། གཞན་ལ་གནོད་པར་མི་འགྱུར་བ་དང༌། གཉི་ག་ལ་གནོད་པར་མི་འགྱུར་བ་དང༌། ཚེ་འདིའི་ཁ་ན་མ་ཐོ་བ་འཕེལ་བར་མི་འགྱུར་བ་དང༌། ཚེ་ཕྱི་མའི་ཁ་ན་མ་ཐོ་བ་འཕེལ་བར་མི་འགྱུར་བ་དང༌། ཚེ་འདི་དང་ཕྱི་མའི་ཁ་ན་མ་ཐོ་བ་འཕེལ་བར་མི་འགྱུར་བ་དང༌། དེ་ལས་བྱུང་བའི་བདེ་བ་དང་ཡིད་བདེ་བ་སོ་སོར་མྱོང་བར་བྱེད་པ་དང༌།

bdag la gnod par mi 'gyur ba dang/ gzhan la gnod par mi 'gyur ba dang/ gnyi ga la gnod par mi 'gyur ba dang/ tshe 'di'i kha na ma tho ba 'phel bar mi 'gyur ba dang/ tshe phyi ma'i kha na ma tho ba 'phel bar mi 'gyur ba dang/ tshe 'di dang phyi ma'i kha na ma tho ba 'phel bar mi 'gyur ba dang/ de las byung ba'i bde ba dang yid bde ba so sor myong bar byed pa dang/

【O3 厭有為樂彼無為】

སྐྱེ་བ་ལ་སོགས་པའི་སྡུག་བསྔལ་ཟད་པར་བྱེད་པ་དང༌། མྱ་ངན་ལས་འདས་པ་ལ་མོས་པ་འཕེལ་བར་བྱེད་པ་དང༌། དེ་ལ་ཡང་སྦྱོར་བར་བྱེད་པ་དང༌།

skye ba la sogs pa'i sdug bsngal zad par byed pa dang/ mya ngan las 'das pa la mos pa 'phel bar byed pa dang/ de la yang sbyor bar byed pa dang/

【O4 明現益後益】

ལོངས་སྤྱོད་ཉམས་པར་མི་འགྱུར་བ་དང༌། འཁོར་གྱི་ནང་དུ་བག་འཁུམས་པ་མེད་དེ་སྲོ་བཟང་བ་དང༌། འཇིགས་པ་མེད་པར་འགྲོ་བར་འགྱུར་བ་དང༌། ཕྱོགས་དང་ཕྱོགས་མཚམས་རྣམས་སུ་སྙན་པ་རྒྱ་ཆེན་པོ་གྲགས་པར་འགྱུར་བ་དང༌། དམ་པ་རྣམས་ཀྱིས་བསྔགས་པར་འགྱུར་བ་དང༌། འགྱོད་པ་མེད་པར་འཆི་བའི་དུས་བྱེད་པར་འགྱུར་བ་དང༌། ལུས་ཞི་ནས་ཀྱང་བདེ་འགྲོར་སྐྱེ་བར་འགྱུར་བ་དང་། དགེ་བའི་ཆོས་རྣམས་ལས་ཡོངས་སུ་ཉམས་པར་མི་འགྱུར་བ་དང༌། བདག་གི་དོན་རྗེས་སུ་ཐོབ་པར་འགྱུར་བ་སྟེ། དེ་ལྟར་དེ་ལྟ་བུ་དང་མཐུན་པ་དག་ནི་དགེ་བའི་ཕན་ཡོན་མང་པོ་དག་ཡིན་པར་བལྟ་བར་བྱའོ། །

longs spyod nyams par mi 'gyur ba dang/ 'khor gyi nang du bag 'khums pa med de sro bzang ba dang/ 'jigs pa med par 'gro bar 'gyur ba dang/ phyogs dang phyogs mtshams rnams su snyan pa rgya chen po grags par 'gyur ba dang/ dam pa rnams kyis bsngags par 'gyur ba dang/ 'gyod pa med par 'chi ba'i dus byed par 'gyur ba dang/ lus zhi nas kyang bde 'gror skye bar 'gyur ba dang / dge ba'i chos rnams las yongs su nyams par mi 'gyur ba dang/ bdag gi don rjes su thob par 'gyur ba ste/ de ltar de lta bu dang mthun pa dag ni dge ba'i phan yon mang po dag yin par blta bar bya'o/ /

【N9 明能治所治】

དེ་ལ་དགེ་བའི་གཉེན་པོ་ལས་ཇི་ལྟར་རྣམ་པར་གཞག་ཅེ་ན། སྨྲས་པ། རྣམ་པ་བཅོ་ལྔ་སྟེ། འདི་ལྟ་སྟེ། རྣམ་པར་སུན་འབྱིན་པ་གཉེན་པོ་དང༌། སྤོང་བ་གཉེན་པོ་དང༌། ཀུན་ཏུ་འཛིན་པ་གཉེན་པོ་དང༌། ཐག་བསྲིངས་པ་གཉེན་པོ་དང༌། འདོད་ཅིང་ཁས་བླངས་པའི་ཀུན་ནས་དཀྲིས་པའི་གཉེན་པོ་དང༌། འདོད་ཅིང་ཁས་བླངས་པ་མེད་པའི་ཀུན་ནས་དཀྲིས་པའི་གཉེན་པོ་དང༌། བག་ལ་ཉལ་གྱི་གཉེན་པོ་དང༌། ཉོན་མོངས་པ་ཆུང་ངུའི་གཉེན་པོ་དང༌། ཉོན་མོངས་པ་འབྲིང་གི་གཉེན་པོ་དང༌། ཉོན་མོངས་པ་ཆེན་པོའི་གཉེན་པོ་དང༌། རྣམ་པར་གཡེང་བའི་གཉེན་པོ་དང༌། གཞན་འདེབས་པའི་གཉེན་པོ་དང༌། རྩེ་འཇིལ་བའི་གཉེན་པོ་དང༌། རྣམ་པར་གནོན་པའི་གཉེན་པོ་དང༌། བྲལ་བའི་གཉེན་པོ་ལས་སོ། །

de la dge ba'i gnyen po las ji ltar rnam par gzhag ce na/ smras pa/ rnam pa bco lnga ste/ 'di lta ste/ rnam par sun 'byin pa gnyen po dang/ spong ba gnyen po dang/ kun tu 'dzin pa gnyen po dang/ thag bsrings pa gnyen po dang/ 'dod cing khas blangs pa'i kun nas dkris pa'i gnyen po dang/ 'dod cing khas blangs pa med pa'i kun nas dkris pa'i gnyen po dang/ bag la nyal gyi gnyen po dang/ nyon mongs pa chung ngu'i gnyen po dang/ nyon mongs pa 'bring gi gnyen po dang/ nyon mongs pa chen po'i gnyen po dang/ rnam par g.yeng ba'i gnyen po dang/ gzhan 'debs pa'i gnyen po dang/ rtse 'jil ba'i gnyen po dang/ rnam par gnon pa'i gnyen po dang/ bral ba'i gnyen po las so/ /

【M2 染污四蘊九門】【N1 總開二章示說前後】

དེ་ལ་ཉོན་མོངས་པ་ཅན་གྱི་ཆོས་རྣམས་ནི་གནས་གཉིས་ཀྱིས་རབ་ཏུ་ཕྱེ་བ་ཡིན་ཏེ། ཉོན་མོངས་པ་རྣམས་དང༌། ཉེ་བའི་ཉོན་མོངས་པ་རྣམས་ཀྱིས་སོ། །དེ་ལ་རེ་ཞིག་ཉོན་མོངས་པ་རྣམས་ཀྱི་དབང་དུ་བྱས་ནས་བཤད་པར་བྱ་སྟེ། དེའི་འོག་ཏུ་ནི་ཉེ་བའི་ཉོན་མོངས་པ་རྣམས་བཤད་པར་བྱའོ། །

de la nyon mongs pa can gyi chos rnams ni gnas gnyis kyis rab tu phye ba yin te/ nyon mongs pa rnams dang/ nye ba'i nyon mongs pa rnams kyis so/ /de la re zhig nyon mongs pa rnams kyi dbang du byas nas bshad par bya ste/ de'i 'og tu ni nye ba'i nyon mongs pa rnams bshad par bya'o/ /

【N2 解二章各有九門】【O1 (根)本煩惱九門】【P1 依處】【Q1 約所緣境明惑依處有其六種】

ཉོན་མོངས་པ་རྣམས་ཀྱི་གནས་དུ་ཡོད་ཅེ་ན། སྨྲས་པ། དྲུག་སྟེ། མ་རིག་པ་དང་བཅས་ཤིང་ཡིད་དུ་འོང་ལ་ཀུན་ནས་ཉོན་མོངས་པ་ཅན་གྱི་ཡུལ་དང༌། མ་རིག་པ་དང་བཅས་ཤིང་ཡིད་དུ་མི་འོང་བ་ལ་ཀུན་ནས་ཉོན་མོངས་པ་ཅན་གྱི་ཡུལ་དང༌། ཚུལ་བཞིན་མ་ཡིན་པའི་ཡིད་ལ་བྱེད་པ་དང་བཅས་ཤིང་ཀུན་ནས་ཉོན་མོངས་པ་ཅན་གྱི་ཡུལ་དང༌། མ་རིག་པ་དང་བཅས་ཤིང་རང་གི་ཉེ་བར་ལེན་པའི་ཕུང་པོ་ལྔ་པོ་རྣམས་དང༌། སེམས་ཅན་དམན་པ་དང༌།མཚུངས་པ་དང་ཁྱད་པར་དུ་འཕགས་པ་རྣམས་དང་ཐོབ་པར་བྱ་བ་མ་ཐོབ་པ་ལ་ཕྱིན་ཅི་ལོག་དང༌། ཡོན་ཏན་ལ་ཕྱིན་ཅི་ལོག་དང༌། མ་རིག་པ་དང་ཚུལ་བཞིན་མ་ཡིན་པ་ཡིད་ལ་བྱེད་པ་དང་བཅས་ཤིང་དམ་པ་མ་ཡིན་པའི་ཆོས་ཉན་པ་དང༌། མ་རིག་པ་དང་ཚུལ་བཞིན་མ་ཡིན་པ་ཡིད་ལ་བྱེད་པ་དང་བཅས་ཤིང་དམ་པ་མ་ཡིན་པའི་ཆོས་ཉན་པ་དང་ལེ་ལོའོ། །

nyon mongs pa rnams kyi gnas du yod ce na/ smras pa/ drug ste/ ma rig pa dang bcas shing yid du 'ong la kun nas nyon mongs pa can gyi yul dang/ ma rig pa dang bcas shing yid du mi 'ong ba la kun nas nyon mongs pa can gyi yul dang/ tshul bzhin ma yin pa'i yid la byed pa dang bcas shing kun nas nyon mongs pa can gyi yul dang/ ma rig pa dang bcas shing rang gi nye bar len pa'i phung po lnga po rnams dang/ sems can dman pa dang/mtshungs pa dang khyad par du 'phags pa rnams dang thob par bya ba ma thob pa la phyin ci log dang/ yon tan la phyin ci log dang/ ma rig pa dang tshul bzhin ma yin pa yid la byed pa dang bcas shing dam pa ma yin pa'i chos nyan pa dang/ ma rig pa dang tshul bzhin ma yin pa yid la byed pa dang bcas shing dam pa ma yin pa'i chos nyan pa dang le lo'o/ /

【Q2 屬當依處】

དེ་ལ་དང་པོ་ནི་ཕྲད་པར་མངོན་པར་དགའ་བ་ཉིད་ཀྱི་ཕྱིར་རོ། །གཉིས་པ་ནི་འབྲལ་བར་མངོན་པར་དགའ་བ་ཉིད་ཀྱི་ཕྱིར་རོ། །གསུམ་པ་ནི་ཡུལ་ལ་ཕྱིན་ཅི་ལོག་པ་ཉིད་ཀྱི་ཕྱིར་རོ། །བཞི་པ་ནི་འགྲན་ཅིང་མངོན་པའི་ང་རྒྱལ་བྱེད་པའི་ཕྱིར་རོ། །ལྔ་པ་ནི་ལོག་པའི་ཆོས་ལ་མངོན་པར་ཞེན་ཅིང་སྒྲུབ་པའི་ཕྱིར་རོ། །དྲུག་པ་ནི་སྒྲུབ་པ་དང་ལྡོག་པར་མི་བྱེད་པའི་ཕྱིར་གནས་ཡིན་པར་རིག་པར་བྱའོ། །

de la dang po ni phrad par mngon par dga' ba nyid kyi phyir ro/ /gnyis pa ni 'bral bar mngon par dga' ba nyid kyi phyir ro/ /gsum pa ni yul la phyin ci log pa nyid kyi phyir ro/ /bzhi pa ni 'gran cing mngon pa'i nga rgyal byed pa'i phyir ro/ /lnga pa ni log pa'i chos la mngon par zhen cing sgrub pa'i phyir ro/ /drug pa ni sgrub pa dang ldog par mi byed pa'i phyir gnas yin par rig par bya'o/ /

【P2 自性】

ཉོན་མོངས་པའི་ངོ་བོ་ཉིད་གང་ཞེ་ན། དེ་ཡང་རྣམ་པ་དྲུག་སྟེ༑ འདོད་ཆགས་དང༌། ཁོང་ཁྲོ་བ་དང༌། མ་རིག་པ་དང༌། ང་རྒྱལ་དང༌། ལྟ་བ་དང༌། ཐེ་ཚོམ་མོ། །

nyon mongs pa'i ngo bo nyid gang zhe na/ de yang rnam pa drug ste| 'dod chags dang/ khong khro ba dang/ ma rig pa dang/ nga rgyal dang/ lta ba dang/ the tshom mo/ /

【P3 相應】

ཉོན་མོངས་པ་གང་དང་ཉོན་མོངས་པ་གང་མཚུངས་པར་ལྡན་པར་བརྗོད་པར་བྱ་ཞེ་ན། སྨྲས་པ། མ་རིག་པ་ནི་ཐམས་ཅད་དང་མཚུངས་པར་ལྡན་པ་ཡིན་ནོ། །ཐེ་ཚོམ་ནི་གང་དང་ཡང་མ་ཡིན་ནོ༑ །འདོད་ཆགས་དང་ཁོང་ཁྲོ་བ་ནི་ཕན་ཚུན་མ་ཡིན་ནོ། །འདོད་ཆགས་དང་ཁོང་ཁྲོ་བ་ཉིད་ནི་ང་རྒྱལ་དང་ལྟ་བ་དང་སྟེ། ལན་འགའ་གང་གི་ཚེ་ཆགས་པར་གྱུར་པ་ན་རློམ་པར་བྱེད་པའམ་རྟོག་པར་བྱེད་པའི་ཕྱིར་རོ། །ཆགས་པར་གྱུར་པ་ཇི་ལྟ་བ་བཞིན་དུ་ཞེ་སྡང་བར་འགྱུར་བ་ཡང་དེ་བཞིན་ནོ། །ང་རྒྱལ་དང་ལྟ་བ་ཡང་ལན་འགའ་ཕན་ཚུན་མཚུངས་པར་ལྡན་པར་འགྱུར་ཏེ། གང་གི་ཚེ་རློམ་པར་གྱུར་པ་ན་རྟོག་པར་བྱེད་པའི་ཕྱིར་རོ། །

nyon mongs pa gang dang nyon mongs pa gang mtshungs par ldan par brjod par bya zhe na/ smras pa/ ma rig pa ni thams cad dang mtshungs par ldan pa yin no/ /the tshom ni gang dang yang ma yin no| /'dod chags dang khong khro ba ni phan tshun ma yin no/ /'dod chags dang khong khro ba nyid ni nga rgyal dang lta ba dang ste/ lan 'ga' gang gi tshe chags par gyur pa na rlom par byed pa'am rtog par byed pa'i phyir ro/ /chags par gyur pa ji lta ba bzhin du zhe sdang bar 'gyur ba yang de bzhin no/ /nga rgyal dang lta ba yang lan 'ga' phan tshun mtshungs par ldan par 'gyur te/ gang gi tshe rlom par gyur pa na rtog par byed pa'i phyir ro/ /

【P4 假實】

ཉོན་མོངས་པ་དེ་དག་ལས་དུ་ཞིག་ནི་ཀུན་རྫོབ་ཏུ་ཡོད་པ་ཡིན། དུ་ཞིག་ནི་རྫས་སུ་ཡོད་པ་ཡིན་ཞེ་ན། སྨྲས་པ། ལྟ་བ་ནི་ཀུན་རྫོབ་ཏུ་ཡོད་པ་ཡིན་ཏེ། ཤེས་རབ་ཀྱི་ཆ་ཡིན་པའི་ཕྱིར་རོ༑ །ལྷག་མ་རྣམས་ནི་རྫས་སུ་ཡོད་པ་དང་སེམས་དང་སེམས་ལས་བྱུང་བ་དག་ཡིན་ནོ། །

nyon mongs pa de dag las du zhig ni kun rdzob tu yod pa yin/ du zhig ni rdzas su yod pa yin zhe na/ smras pa/ lta ba ni kun rdzob tu yod pa yin te/ shes rab kyi cha yin pa'i phyir ro| /lhag ma rnams ni rdzas su yod pa dang sems dang sems las byung ba dag yin no/ /

【P5 軟中上品】

དེ་དག་ནི་ཆུང་ངུ་དང་འབྲིང་དང་ཆེན་པོར་རྣམ་པར་གཞག་པ་ཇི་ལྟ་བུ་ཡིན་ཞེ་ན། སྨྲས་པ། གང་དག་ཐམས་ཅད་ཀྱི་ཐ་མར་སྤོང་བར་འགྱུར་བ་དེ་དག་ནི་ཆུང་ངུ་དག་ཡིན་ནོ། །གང་དག་བར་དུ་སྤོང་བར་འགྱུར་བ་དེ་དག་ནི་འབྲིང་དག་ཡིན་ནོ། །གང་དག་དང་པོར་སྤོང་བར་འགྱུར་བ་དེ་དག་ནི་ཆེན་པོ་དག་ཡིན་ནོ། །ཡང་ཉོན་མོངས་པ་རྣམས་ཀྱི་ཆེན་པོ་ཉིད་ནི་རྣམ་པ་དྲུག་གིས་རིག་པར་བྱ་སྟེ། འདི་ལྟ་སྟེ། འདོད་པ་ན་སྐྱེས་པའི་ཉོན་མོངས་པ་ནི་རང་བཞིན་གྱིས་ཆེན་པོ་ཡིན་པར་རིག་པར་བྱ་བ་དང་། དེ་བཞིན་དུ་སྔོན་གོམས་པ་དང༌། དེ་བཞིན་དུ་གནས་ལ་གནས་པ་སྟེ། དབང་པོ་ཡོངས་སུ་སྨིན་པ་རྣམས་ཀྱི་གང་ཡིན་པ་དང༌། དེ་བཞིན་དུ་བསྒྲུབ་ཏུ་མི་རུང་བ་སྟེ། ཡོངས་སུ་མྱ་ངན་ལས་མི་འདའ་བའི་ཆོས་ཅན་རྣམས་ཀྱི་གང་ཡིན་པ་དང༌། དེ་བཞིན་དུ་གནས་མ་ཡིན་པ་བླ་མ་དང་སྦྱིན་གནས་ལ་སོགས་པ་ངག་ལ་འཇུག་པ་གང་ཡིནཔ་དང༌། ལས་དང་བཅས་པ་སྟེ། ལས་ཀུན་ནས་སློང་བའི་ཕྱིར་ཉེ་བར་གནས་པའི་ཉོན་མོངས་པ་གང་ཡིན་པ་དེ་ནི་ཆེན་པོ་ཉིད་ཡིན་པར་རིག་པར་བྱའོ། །

de dag ni chung ngu dang 'bring dang chen por rnam par gzhag pa ji lta bu yin zhe na/ smras pa/ gang dag thams cad kyi tha mar spong bar 'gyur ba de dag ni chung ngu dag yin no/ /gang dag bar du spong bar 'gyur ba de dag ni 'bring dag yin no/ /gang dag dang por spong bar 'gyur ba de dag ni chen po dag yin no/ /yang nyon mongs pa rnams kyi chen po nyid ni rnam pa drug gis rig par bya ste/ 'di lta ste/ 'dod pa na skyes pa'i nyon mongs pa ni rang bzhin gyis chen po yin par rig par bya ba dang / de bzhin du sngon goms pa dang/ de bzhin du gnas la gnas pa ste/ dbang po yongs su smin pa rnams kyi gang yin pa dang/ de bzhin du bsgrub tu mi rung ba ste/ yongs su mya ngan las mi 'da' ba'i chos can rnams kyi gang yin pa dang/ de bzhin du gnas ma yin pa bla ma dang sbyin gnas la sogs pa ngag la 'jug pa gang yinapa dang/ las dang bcas pa ste/ las kun nas slong ba'i phyir nye bar gnas pa'i nyon mongs pa gang yin pa de ni chen po nyid yin par rig par bya'o/ /

【P6 煩惱生時所依事】【Q1 貪】

ཉོན་མོངས་པ་སྐྱེ་བ་ན་གང་ལས་སྐྱེ་བར་འགྱུར་བའི་ཉོན་མོངས་པ་རྣམས་ཀྱི་གཞི་གང་ཞེ་ན། སྨྲས་པ། འདོད་ཆགས་ཀྱི་གཞི་ནི་བཅུ་སྟེ། འདི་ལྟ་སྟེ། ཉེ་བར་ལེན་པའི་ཕུང་པོ་རྣམས་དང༌། ལྟ་བ་རྣམས་དང༌། མ་ཐོབ་པའི་ཡུལ་དང༌། ཐོབ་པའི་ཡུལ་དང༌། སྤྱད་ནས་འདས་པའི་ཡུལ་དང༌། ཉེས་པར་སྤྱད་པ་དང༌། བུ་དང་འདྲིས་པ་དང༌། ཡོ་བྱད་དང༌། ཡང་འབྱུང་བ་དང༌། འཇིག་པ་རྣམས་སོ། །གཞི་གང་ལས་འདོད་ཆགས་ཅི་འདྲ་བ་འབྱུང་ཞེ་ན། སྨྲས་པ། བཅུ་པོ་དག་ལས་བཅུ་པོ་རྣམས་གོ་རིམས་བཞིན་ཏེ། འདི་ལྟ་སྟེ། དངོས་པོའི་འདོད་ཆགས་དང༌། ལྟ་བའི་འདོད་ཆགས་དང༌། ཆགས་པའི་འདོད་ཆགས་དང༌། སེར་སྣའི་འདོད་ཆགས་དང༌། སྒྲིབ་པའི་འདོད་ཆགས་དང༌། ཉེས་པར་སྤྱོད་པའི་འདོད་ཆགས་དང༌། བུ་ཚའི་འདོད་ཆགས་དང༌། ཕྱོགས་དང་འཁོར་གྱི་འདོད་ཆགས་དང༌། ཡོ་བྱད་ཀྱི་འདོད་ཆགས་དང༌། ཡང་འབྱུང་བ་དང༌། འཇིག་པའི་འདོད་ཆགས་སོ། །

nyon mongs pa skye ba na gang las skye bar 'gyur ba'i nyon mongs pa rnams kyi gzhi gang zhe na/ smras pa/ 'dod chags kyi gzhi ni bcu ste/ 'di lta ste/ nye bar len pa'i phung po rnams dang/ lta ba rnams dang/ ma thob pa'i yul dang/ thob pa'i yul dang/ spyad nas 'das pa'i yul dang/ nyes par spyad pa dang/ bu dang 'dris pa dang/ yo byad dang/ yang 'byung ba dang/ 'jig pa rnams so/ /gzhi gang las 'dod chags ci 'dra ba 'byung zhe na/ smras pa/ bcu po dag las bcu po rnams go rims bzhin te/ 'di lta ste/ dngos po'i 'dod chags dang/ lta ba'i 'dod chags dang/ chags pa'i 'dod chags dang/ ser sna'i 'dod chags dang/ sgrib pa'i 'dod chags dang/ nyes par spyod pa'i 'dod chags dang/ bu tsha'i 'dod chags dang/ phyogs dang 'khor gyi 'dod chags dang/ yo byad kyi 'dod chags dang/ yang 'byung ba dang/ 'jig pa'i 'dod chags so/ /

【Q2 瞋】

ཁོང་ཁྲོ་བའི་གཞི་ཡང་བཅུ་སྟེ། བདག་ཉིད་དང་སེམས་ཅན་སྡུག་པ་རྣམས་དང༌། སེམས་ཅན་མི་སྡུག་པ་རྣམས་དང༌། འདས་པ་ན་གནོད་པ་དང༌། ཕན་པ་བྱས་པ་དང༌། མ་འོངས་པ་ན་གནོད་པ་དང༌། ཕན་པ་བྱེད་པར་འགྱུར་བ་དང༌། ད་ལྟར་བྱུང་བ་ན་གནོད་པ་དང༌། ཕན་པ་བྱེད་པ་དང༌། ཡུལ་ཡིད་དུ་མི་འོང་བ་དང༌། ཕྲག་དོག་དང༌། སྔོན་གོམས་པ་དང༌། གཞན་དུ་བལྟ་བ་སྟེ། དེ་དག་ལས་ཁོང་ཁྲོ་བ་རྣམ་པ་བཅུ་རིམ་བཞིན་དུ་སྐྱེ་བར་བལྟ་བར་བྱའོ། །དེ་ལ་གཞི་དྲུག་ལས་ནི་ཀུན་ནས་མནར་སེམས་ཀྱི་དངོས་པོ་དགུ་པོ་དག་རྣམ་པར་གཞག་པར་རིག་པར་བྱ་སྟེ། དེ་དག་ཐམས་ཅད་ནི་སེམས་ཅན་ལ་ཁོང་ཁྲོ་བ་ཤ་སྟག་ཡིན་ནོ། །དེ་ལས་གཞན་པ་དག་ལས་ནི་ཡུལ་ལ་ཁོང་ཁྲོ་བའོ། །མི་བཟོད་པ་སྔོན་དུ་འགྲོ་བ་སེམས་ཅན་ལ་ཁོང་ཁྲོ་བ་དང༌། གོམས་པ་སྔོན་དུ་འགྲོ་བ་དང༌། དེ་བཞིན་དུ་བལྟ་བས་ཁོང་ཁྲོ་བ་དེ་དག་ནི་མདོར་བསྡུ་ན་ཁོང་ཁྲོ་བ་རྣམ་པ་གསུམ་དུ་འགྱུར་ཏེ༑ སེམས་ཅན་ལ་ཁོང་ཁྲོ་བ་དང༌། ཡུལ་ལ་ཁོང་ཁྲོ་བ་དང༌། ལྟ་བ་ལ་ཁོང་ཁྲོ་བའོ། །

khong khro ba'i gzhi yang bcu ste/ bdag nyid dang sems can sdug pa rnams dang/ sems can mi sdug pa rnams dang/ 'das pa na gnod pa dang/ phan pa byas pa dang/ ma 'ongs pa na gnod pa dang/ phan pa byed par 'gyur ba dang/ da ltar byung ba na gnod pa dang/ phan pa byed pa dang/ yul yid du mi 'ong ba dang/ phrag dog dang/ sngon goms pa dang/ gzhan du blta ba ste/ de dag las khong khro ba rnam pa bcu rim bzhin du skye bar blta bar bya'o/ /de la gzhi drug las ni kun nas mnar sems kyi dngos po dgu po dag rnam par gzhag par rig par bya ste/ de dag thams cad ni sems can la khong khro ba sha stag yin no/ /de las gzhan pa dag las ni yul la khong khro ba'o/ /mi bzod pa sngon du 'gro ba sems can la khong khro ba dang/ goms pa sngon du 'gro ba dang/ de bzhin du blta bas khong khro ba de dag ni mdor bsdu na khong khro ba rnam pa gsum du 'gyur te| sems can la khong khro ba dang/ yul la khong khro ba dang/ lta ba la khong khro ba'o/ /

【Q3 無明】

མ་རིག་པ་སྐྱེ་བའི་གཞི་ནི་བདུན་ཏེ། འདི་ལྟ་སྟེ། དུས་ཀྱི་གཞི་དང༌། འཇིག་རྟེན་གནས་པའི་གཞི་དང༌། འཕོ་བའི་གཞི་དང༌། མཆོག་གི་གཞི་དང༌། དེ་ཁོ་ནའི་གཞི་དང༌། ཀུན་ནས་ཉོན་མོངས་པའི་གཞི་དང་རྣམ་པར་བྱང་བའི་གཞི་དང༌། མངོན་པའི་ང་རྒྱལ་གྱི་གཞིའོ། །གཞི་དེ་དག་ལས་མི་ཤེས་པ་རྣམ་པ་བདུན་ནམ། རྣམ་པ་བཅུ་དགུར་བལྟ་བར་བྱའོ། །དེ་ལ་དང་པོ་ནི་སྒོ་གསུམ་ནས་ཐེ་ཚོམ་སྐྱེ་བའི་ཕྱིར་རོ། །གཉིས་པ་ནི་སོ་སོ་ནང་གི་སྐྱེ་མཆེད་དྲུག་དང༌། ཕྱི་རོལ་དང༌། གཉི་ག་ལ་བདག་དང་། བདག་གི་དང༌། མཛའ་བཤེས་ལ་སོགས་པའི་ཕྱོགས་སུ་ལྟ་བ་སྐྱེ་བའི་ཕྱིར་རོ། །གསུམ་པ་ནི་ལས་དང་རྣམ་པ་སྨིན་པ་དང༌། དེ་གཉི་ག་ལ་བྱེད་པ་པོ་དང༌། ཚོར་བ་པ་པོ་དང༌། རྒྱུ་མེད་པ་དང༌། མི་མཐུན་པ་རྒྱུར་ལྟ་བ་སྐྱེ་བའི་ཕྱིར་རོ། །བཞི་པ་ནི་དཀོན་མཆོག་གསུམ་ལ་སྐུར་པ་འདེབས་པའི་ཕྱིར་རོ། །ལྔ་པ་ནི་བདེན་པ་ལ་སྐུར་པ་འདེབས་པའི་ཕྱིར་རོ། །དྲུག་པ་ནི་ལོག་པར་བསྒྲུབ་པའི་ཕྱིར་རོ༑ །བདུན་པ་ནི་བདག་གི་དོན་མ་ཐོབ་པ་ལ་མངོན་པའི་ང་རྒྱལ་བྱེད་པའི་ཕྱིར་རོ༑ །

ma rig pa skye ba'i gzhi ni bdun te/ 'di lta ste/ dus kyi gzhi dang/ 'jig rten gnas pa'i gzhi dang/ 'pho ba'i gzhi dang/ mchog gi gzhi dang/ de kho na'i gzhi dang/ kun nas nyon mongs pa'i gzhi dang rnam par byang ba'i gzhi dang/ mngon pa'i nga rgyal gyi gzhi'o/ /gzhi de dag las mi shes pa rnam pa bdun nam/ rnam pa bcu dgur blta bar bya'o/ /de la dang po ni sgo gsum nas the tshom skye ba'i phyir ro/ /gnyis pa ni so so nang gi skye mched drug dang/ phyi rol dang/ gnyi ga la bdag dang / bdag gi dang/ mdza' bshes la sogs pa'i phyogs su lta ba skye ba'i phyir ro/ /gsum pa ni las dang rnam pa smin pa dang/ de gnyi ga la byed pa po dang/ tshor ba pa po dang/ rgyu med pa dang/ mi mthun pa rgyur lta ba skye ba'i phyir ro/ /bzhi pa ni dkon mchog gsum la skur pa 'debs pa'i phyir ro/ /lnga pa ni bden pa la skur pa 'debs pa'i phyir ro/ /drug pa ni log par bsgrub pa'i phyir ro| /bdun pa ni bdag gi don ma thob pa la mngon pa'i nga rgyal byed pa'i phyir ro| /

【Q4 慢】

ང་རྒྱལ་སྐྱེ་བའི་གཞི་ནི་དྲུག་སྟེ། སེམས་ཅན་དམན་པ་རྣམས་དང༌། སེམས་ཅན་མཚུངས་པ་རྣམས་དང༌། སེམས་ཅན་ཁྱད་པར་དུ་འཕགས་པ་རྣམས་དང༌། སོ་སོ་ནང་གི་ཉེ་བར་ལེན་པའི་ཕུང་པོ་རྣམས་དང༌། ཐོབ་པར་བྱ་བ་མ་ཐོབ་པ་ལ་ཕྱིན་ཅི་ལོག་དང༌། ཡོན་ཏན་ལ་ཕྱིན་ཅི་ལོག་པ་སྟེ། དེ་དག་ལས་ང་རྒྱལ་ལས་ཀྱང་ང་རྒྱལ་ལ་སོགས་པ་ང་རྒྱལ་རྣམ་པ་བདུན་སྐྱེའོ། །དེ་ལ་སེམས་ཅན་ཁྱད་པར་དུ་འཕགས་པའི་གཞི་ལས་ནི་ང་རྒྱལ་རྣམ་པ་གཉིས་སྐྱེའོ། །གཞི་ལྷག་མ་རྣམས་ལས་ནི་ང་རྒྱལ་རེ་རེ་སྐྱེའོ། །

nga rgyal skye ba'i gzhi ni drug ste/ sems can dman pa rnams dang/ sems can mtshungs pa rnams dang/ sems can khyad par du 'phags pa rnams dang/ so so nang gi nye bar len pa'i phung po rnams dang/ thob par bya ba ma thob pa la phyin ci log dang/ yon tan la phyin ci log pa ste/ de dag las nga rgyal las kyang nga rgyal la sogs pa nga rgyal rnam pa bdun skye'o/ /de la sems can khyad par du 'phags pa'i gzhi las ni nga rgyal rnam pa gnyis skye'o/ /gzhi lhag ma rnams las ni nga rgyal re re skye'o/ /

【Q5 見】

ལྟ་བ་རྣམས་སྐྱེ་བའི་གཞི་ནི་གཉིས་ཏེ། སྒྲོ་འདོགས་པའི་གཞི་དང༌། སྐུར་པ་འདེབས་པའི་གཞིའོ། །དེ་ལ་སྒྲོ་འདོགས་པའི་གཞི་ནི་རྣམ་པ་བཞི་སྟེ། བདག་ཡོད་པར་སྒྲོ་འདོགས་པ་དང༌། རྟག་པ་དང༌། མི་རྟག་པ་ཉིད་དུ་སྒྲོ་འདོགས་པ་དང༌། མངོན་པར་མཐོ་བའི་ཐབས་སུ་སྒྲོ་འདོགས་པ་དང༌། ཐར་པའི་ཐབས་སུ་སྒྲོ་འདོགས་པའོ། །སྐུར་པ་འདེབས་པ་ཡང་རྣམ་པ་བཞི་སྟེ། རྒྱུ་ལ་སྐུར་པ་འདེབས་པ་དང༌། འབྲས་བུ་ལ་སྐུར་པ་འདེབས་པ་དང༌། བྱེད་པ་ལ་སྐུར་པ་འདེབས་པ་དང༌། ཡོད་པའི་དངོས་པོ་ལ་སྐུར་པ་འདེབས་པའོ། །དེ་ལ་སྦྱིན་པ་མེད་དོ་ཞེས་བྱ་བ་ནས་ལེགས་པར་སྤྱད་པ་དང༌། ཉེས་པར་སྤྱད་པ་མེད་དོ་ཞེས་བྱ་བའི་བར་ནི་རྒྱུ་ལ་སྐུར་པ་འདེབས་པའོ། །ལེགས་པར་སྤྱད་པ་དང་ཉེས་པར་སྤྱོད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ་ཞེས་བྱ་བ་ནི་འབྲས་བུ་ལ་སྐུར་པ་འདེབས་པའོ། །འཇིག་རྟེན་འདི་མེད་དོ་ཞེས་བྱ་བ་ནས། སེམས་ཅན་རྫུས་ཏེ་སྐྱེ་བ་མེད་དོ་ཞེས་བྱ་བའི་བར་ནི་བྱེད་པ་ལ་སྐུར་པ་འདེབས་པ་ཡིན་པར་བལྟ་བར་བྱ་སྟེ། འདི་ལྟར་བྱེད་པ་ཞེས་བྱ་བ་ནི་དོན་གྱི་སྐབས་འདིར་སྐྱེས་བུའི་བྱེད་པ་ལ་བྱ་སྟེ། དེ་ཡང་རྣམ་པ་བཞི་སྟེ། འདི་ལྟ་སྟེ། འོང་བ་དང༌། འགྲོ་བ་དང༌། ས་བོན་འདེབས་པ་དང༌། མངལ་འཛིན་པ་དང༌། ཡང་འབྱུང་བའི་ལས་སྐྱེས་བུའི་བྱེད་པའོ། །འཇིག་རྟེན་ན་དགྲ་བཅོམ་པ་དག་མེད་དོ་ཞེས་སྐུར་པ་འདེབས་པ་དེ་དག་ལ་སོགས་པ་ནི་ཡོད་པའི་དངོས་པོ་ལ་སྐུར་པ་འདེབས་པ་ཞེས་བྱ་སྟེ། གཞི་བརྒྱད་དམ་གཉིས་པོ་དེ་དག་ལ་ལྟ་བ་ལྔ་སྐྱེ་བར་འགྱུར་ཏེ། འདི་ལྟ་སྟེ། འཇིག་ཚོགས་ལ་ལྟ་བ་དང༌། མཐར་འཛིན་པར་ལྟ་བ་དང༌། ལྟ་བ་མཆོག་ཏུ་འཛིན་པ་དང༌། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང༌། ལོག་པར་ལྟ་བའོ། །གཞན་ཡང་མཐར་འཛིན་པར་ལྟ་བ་དང༌། ལོག་པར་ལྟ་བ་སྐྱེ་བའི་གཞི་ནི་སྔོན་གྱི་མཐར་རྟོག་པ་རྣམས་དང༌། ཕྱི་མའི་མཐར་རྟོག་པ་རྣམས་ཀྱི་གཞི་དྲུག་ཅུ་རྩ་གཉིས་ཡིན་ཏེ། དེ་དག་ནི་མདོ་ལས་འབྱུང་བ་བཞིན་དུ་རིག་པར་བྱ་སྟེ། གཞི་དེ་དག་གི་བྱེ་བྲག་ཉིད་ཀྱི་ལྟ་བར་གྱུར་པ་དྲུག་ཅུ་རྩ་གཉིས་སུ་འགྱུར་རོ། །

lta ba rnams skye ba'i gzhi ni gnyis te/ sgro 'dogs pa'i gzhi dang/ skur pa 'debs pa'i gzhi'o/ /de la sgro 'dogs pa'i gzhi ni rnam pa bzhi ste/ bdag yod par sgro 'dogs pa dang/ rtag pa dang/ mi rtag pa nyid du sgro 'dogs pa dang/ mngon par mtho ba'i thabs su sgro 'dogs pa dang/ thar pa'i thabs su sgro 'dogs pa'o/ /skur pa 'debs pa yang rnam pa bzhi ste/ rgyu la skur pa 'debs pa dang/ 'bras bu la skur pa 'debs pa dang/ byed pa la skur pa 'debs pa dang/ yod pa'i dngos po la skur pa 'debs pa'o/ /de la sbyin pa med do zhes bya ba nas legs par spyad pa dang/ nyes par spyad pa med do zhes bya ba'i bar ni rgyu la skur pa 'debs pa'o/ /legs par spyad pa dang nyes par spyod pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs pa'o/ /'jig rten 'di med do zhes bya ba nas/ sems can rdzus te skye ba med do zhes bya ba'i bar ni byed pa la skur pa 'debs pa yin par blta bar bya ste/ 'di ltar byed pa zhes bya ba ni don gyi skabs 'dir skyes bu'i byed pa la bya ste/ de yang rnam pa bzhi ste/ 'di lta ste/ 'ong ba dang/ 'gro ba dang/ sa bon 'debs pa dang/ mngal 'dzin pa dang/ yang 'byung ba'i las skyes bu'i byed pa'o/ /'jig rten na dgra bcom pa dag med do zhes skur pa 'debs pa de dag la sogs pa ni yod pa'i dngos po la skur pa 'debs pa zhes bya ste/ gzhi brgyad dam gnyis po de dag la lta ba lnga skye bar 'gyur te/ 'di lta ste/ 'jig tshogs la lta ba dang/ mthar 'dzin par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ log par lta ba'o/ /gzhan yang mthar 'dzin par lta ba dang/ log par lta ba skye ba'i gzhi ni sngon gyi mthar rtog pa rnams dang/ phyi ma'i mthar rtog pa rnams kyi gzhi drug cu rtsa gnyis yin te/ de dag ni mdo las 'byung ba bzhin du rig par bya ste/ gzhi de dag gi bye brag nyid kyi lta bar gyur pa drug cu rtsa gnyis su 'gyur ro/ /

【Q6 疑】

ཐེ་ཚོམ་སྐྱེ་བའི་གཞི་ནི་དྲུག་སྟེ། འདི་ལྟ་སྟེ། དམ་པ་མ་ཡིན་པའི་ཆོས་ཉན་པ་དང༌། སྟོན་པ་ལོག་པར་བསྒྲུབ་པ་མཐོང་བ་དང༌། སྐུར་པ་རྣམས་དང༌། ཡིད་ཆེས་པ་རྣམས་ཀྱིས་ལུགས་ཐ་དད་པ་མཐོང་བ་དང༌། རང་བཞིན་གྱིས་དམན་ཞིང་མོང་རྟུལ་བ་ཉིད་དང༌། རང་བཞིན་གྱིས་ཟབ་པ་ཉིད་ཀྱི་ཆོས་རྣམས་དང༌། ཆོས་རྒྱ་ཆེན་པོ་རབ་ཏུ་བསྟན་པ་ཉིད་དོ། །

the tshom skye ba'i gzhi ni drug ste/ 'di lta ste/ dam pa ma yin pa'i chos nyan pa dang/ ston pa log par bsgrub pa mthong ba dang/ skur pa rnams dang/ yid ches pa rnams kyis lugs tha dad pa mthong ba dang/ rang bzhin gyis dman zhing mong rtul ba nyid dang/ rang bzhin gyis zab pa nyid kyi chos rnams dang/ chos rgya chen po rab tu bstan pa nyid do/ /

【P7 差別】

ཉོན་མོངས་པ་རྣམས་ཀྱི་རབ་ཏུ་དབྱེ་བ་གང་ཞེ་ན། དེ་དག་ཐམས་ཅད་ཀྱི་རབ་ཏུ་དབྱེ་བ་ནི་རྣམ་པ་བཅོ་ལྔ་སྟེ། འདི་ལྟ་སྟེ། ཉོན་མོངས་པ་ནང་དུ་བལྟས་པ་དང༌། ཕྱིར་བལྟས་པ་དང༌། མཐོང་བས་སྤང་བར་བྱ་བ་དང༌། བསྒོམ་པས་སྤང་བར་བྱ་བ་དང༌། འདོད་ཅིང་ཁས་བླངས་པའི་ཀུན་ནས་དཀྲིས་པ་དང་ལྡན་པ་དང༌། འདོད་ཅིང་ཁས་བླངས་པ་མེད་པའི་ཀུན་ནས་དཀྲིས་པ་དང་ལྡན་པ་དང༌། བག་ལ་ཉལ་དང་ལྡན་པ་དང༌། ཆུང་ངུ་དང༌། འབྲིང་དང༌། ཆེན་པོ་དང༌། རྣམ་པར་གཡེང་བའི་གནས་སྐབས་དང༌། གཞན་འདེབས་པའི་གནས་སྐབས་དང༌། རྩེ་འཇིལ་བའི་གནས་སྐབས་དང༌། རྣམ་པར་གནོན་པའི་གནས་སྐབས་དང༌། བྲལ་བའི་གནས་སྐབས་སོ། །

nyon mongs pa rnams kyi rab tu dbye ba gang zhe na/ de dag thams cad kyi rab tu dbye ba ni rnam pa bco lnga ste/ 'di lta ste/ nyon mongs pa nang du bltas pa dang/ phyir bltas pa dang/ mthong bas spang bar bya ba dang/ bsgom pas spang bar bya ba dang/ 'dod cing khas blangs pa'i kun nas dkris pa dang ldan pa dang/ 'dod cing khas blangs pa med pa'i kun nas dkris pa dang ldan pa dang/ bag la nyal dang ldan pa dang/ chung ngu dang/ 'bring dang/ chen po dang/ rnam par g.yeng ba'i gnas skabs dang/ gzhan 'debs pa'i gnas skabs dang/ rtse 'jil ba'i gnas skabs dang/ rnam par gnon pa'i gnas skabs dang/ bral ba'i gnas skabs so/ /

【P8 無德有失】

ཉོན་མོངས་པ་རྣམས་ལ་ཕན་ཡོན་ནི་མེད་དོ། །ཉེས་དམིགས་མང་པོ་རྣམས་གང་ཞེ་ན། འདི་ལྟ་སྟེ་རྟོག་པ་དང་བཅས་ཤིང་དཔྱོད་པ་དང་བཅས་པའི་སའི་དངོས་གཞིར་འདི་ལྟ་སྟེ། ཀུན་ནས་དཀྲིས་པ་ལ་སེམས་ཀྱི་རྒྱུད་ཀུན་ནས་ཉོན་མོངས་པར་བྱེད་དོ་ཞེས་བྱ་བ་ལ་སོགས་པ་རྒྱ་ཆེར་བསྟན་པའོ། །

nyon mongs pa rnams la phan yon ni med do/ /nyes dmigs mang po rnams gang zhe na/ 'di lta ste rtog pa dang bcas shing dpyod pa dang bcas pa'i sa'i dngos gzhir 'di lta ste/ kun nas dkris pa la sems kyi rgyud kun nas nyon mongs par byed do zhes bya ba la sogs pa rgya cher bstan pa'o/ /

【P9 能所治】

ཉོན་མོངས་པ་ནི་གང་གི་གཉེན་པོ་ཡང་མ་ཡིན་པར་རིག་པར་བྱའོ། །འོ་ན་སྲེད་པ་ལ་བརྟེན་ཏེ་སྲེད་པ་སྤོང་བར་བྱེད་དོ། །ང་རྒྱལ་ལ་བརྟེན་ཏེ་ང་རྒྱལ་སྤོང་བར་བྱེད་དོ་ཞེས་གང་གསུངས་པ་དེ་ཇི་ལྟ་བུ་ཞེ་ན། དེ་ནི་ཉོན་མོངས་པ་མ་ཡིན་གྱི། སེམས་མངོན་པར་འདུ་བྱེད་པ་ནི་དགེ་བ་ཡིན་ཏེ། དེ་ནི་འདོད་པ་དང་ཁེངས་པའི་རྣམ་པ་དང་ཆོས་མཐུན་པའི་ཕྱིར་སྲེད་པ་དང་ང་རྒྱལ་ཞེས་བྱ་བར་ཟད་དེ། སེམས་ཀུན་ནས་ཉོན་མོངས་པའི་གཉེན་པོ་བཅོ་ལྔ་སྔར་ཇི་སྐད་བསྟན་པ་དག་གི་མི་མཐུན་པའི་ཕྱོགས་ནི་ཉོན་མོངས་པ་བཅོ་ལྔ་པོ་དག་ཡིན་པར་བལྟ་བར་བྱའོ། །

nyon mongs pa ni gang gi gnyen po yang ma yin par rig par bya'o/ /'o na sred pa la brten te sred pa spong bar byed do/ /nga rgyal la brten te nga rgyal spong bar byed do zhes gang gsungs pa de ji lta bu zhe na/ de ni nyon mongs pa ma yin gyi/ sems mngon par 'du byed pa ni dge ba yin te/ de ni 'dod pa dang khengs pa'i rnam pa dang chos mthun pa'i phyir sred pa dang nga rgyal zhes bya bar zad de/ sems kun nas nyon mongs pa'i gnyen po bco lnga sngar ji skad bstan pa dag gi mi mthun pa'i phyogs ni nyon mongs pa bco lnga po dag yin par blta bar bya'o/ /

【O2 隨煩惱九門】【P1 依處】

ཉེ་བའི་ཉོན་མོངས་པ་རྣམས་ཀྱི་གནས་གང་ཞེ་ན། དེ་ནི་རྣམ་པ་དགུར་བལྟ་བར་བྱ་སྟེ། འདི་ལྟ་སྟེ་ཕན་ཚུན་ལྷན་ཅིག་གནས་པ་དང༌། གཅིག་ལ་གཅིག་གླེང་བ་དང༌། རྙེད་པ་དང༌། བཀུར་སྟི་དང༌། འཚོ་བ་ཉམས་པ་དང༌། བླ་མ་རྣམས་ལ་མི་འདུད་པ་དང༌། མི་བཟོད་པ་དང་། ལྷག་པའི་ཚུལ་ཁྲིམས་ཉམས་པ་དང༌། ལྷག་པའི་སེམས་ཉམས་པ་དང༌། ལྷག་པའི་ཤེས་རབ་ཉམས་པའོ། །

nye ba'i nyon mongs pa rnams kyi gnas gang zhe na/ de ni rnam pa dgur blta bar bya ste/ 'di lta ste phan tshun lhan cig gnas pa dang/ gcig la gcig gleng ba dang/ rnyed pa dang/ bkur sti dang/ 'tsho ba nyams pa dang/ bla ma rnams la mi 'dud pa dang/ mi bzod pa dang / lhag pa'i tshul khrims nyams pa dang/ lhag pa'i sems nyams pa dang/ lhag pa'i shes rab nyams pa'o/ /

【P2 自性】【Q1 辨自性】

ངོ་བོ་ཉིད་གང་ཞེ་ན། འདི་ལྟ་སྟེ། ཁོང་ཁྲོ་བ་དང༌། ཁོན་དུ་འཛིན་པ་དང༌། འཆབ་པ་དང༌། འཚིག་པ་དང༌། ཕྲག་དོག་དང༌། སེར་སྣ་དང༌། སྒྱུ་དང༌། གཡོ་དང༌། རྒྱགས་པ་དང༌། རྣམ་པར་འཚེ་བ་དང༌། ངོ་ཚ་མེད་པ་དང༌། ཁྲེལ་མེད་པ་དང༌། རྨུགས་པ་དང༌། རྒོད་པ་དང༌། མ་དད་པ་དང༌། ལེ་ལོ་དང༌། བག་མེད་པ་དང༌། བརྗེད་ངས་པ་དང༌། རྣམ་པར་གཡེང་བ་དང༌། ཤེས་བཞིན་མ་ཡིན་པ་དང༌། འགྱོད་པ་དང༌། གཉིད་དང༌། རྟོག་པ་དང༌། དཔྱོད་པ་དང༌། དེ་ལྟར་དེ་ལྟ་བུ་དང་མཐུན་པ་འདི་ལྟ་སྟེ། སའི་དངོས་གཞིར་རྒྱ་ཆེར་བསྟན་པ་དག་ནི་ཉེ་བའི་ཉོན་མོངས་པ་རྣམས་ཀྱི་ངོ་བོ་ཉིད་ཡིན་པར་བལྟ་བར་བྱའོ། །

ngo bo nyid gang zhe na/ 'di lta ste/ khong khro ba dang/ khon du 'dzin pa dang/ 'chab pa dang/ 'tshig pa dang/ phrag dog dang/ ser sna dang/ sgyu dang/ g.yo dang/ rgyags pa dang/ rnam par 'tshe ba dang/ ngo tsha med pa dang/ khrel med pa dang/ rmugs pa dang/ rgod pa dang/ ma dad pa dang/ le lo dang/ bag med pa dang/ brjed ngas pa dang/ rnam par g.yeng ba dang/ shes bzhin ma yin pa dang/ 'gyod pa dang/ gnyid dang/ rtog pa dang/ dpyod pa dang/ de ltar de lta bu dang mthun pa 'di lta ste/ sa'i dngos gzhir rgya cher bstan pa dag ni nye ba'i nyon mongs pa rnams kyi ngo bo nyid yin par blta bar bya'o/ /

【Q2 屬依處】

དེ་ལ་དང་པོ་དང་གཉིས་པ་ནི་གནས་དང་པོ་ལས་སྐྱེ་བར་རིག་པར་བྱའོ། །གསུམ་པ་དང་བཞི་པ་ནི་གནས་གཉིས་པ་ལས་སོ། །ལྔ་པ་དང་དྲུག་པ་ནི་གནས་གསུམ་པ་ལས་སོ། །བདུན་པ་དང་བརྒྱད་པ་ནི་གནས་བཞི་པ་ལས་སོ། །དགུ་པ་ནི་གནས་ལྔ་པ་ལས་སོ༑ །བཅུ་པ་ནི་གནས་དྲུག་པ་ལས་སོ། །བཅུ་གཅིག་པ་དང་བཅུ་གཉིས་པ་ནི་གནས་བདུན་པ་ལས་སོ། །གཞན་བཅུ་གཉིས་པོ་ནི་གནས་ཐ་མ་གཉིས་ལས་སྐྱེ་བར་འགྱུར་རོ། །དེ་ལ་ལྷག་པའི་སེམས་དང༌། ལྷག་པའི་ཤེས་རབ་ནི་སྒོ་གསུམ་གྱིས་ཉམས་པར་འགྱུར་ཏེ། ཞི་གནས་ཀྱི་མཚན་མ་ཉམས་པའི་སྒོ་དང༌། རབ་ཏུ་འཛིན་པའི་མཚན་མ་ཉམས་པའི་སྒོ་དང༌། བཏང་སྙོམས་ཀྱི་མཚན་མ་ཉམས་པའི་སྒོ་ནས་སོ། །དེ་ལ་དང་པོས་ནི་རྨུགས་པ་དང་གཉིད་བསྐྱེད་དོ། །གཉིས་པས་ནི་རྒོད་པ་དང་འགྱོད་པའོ། །གནས་གསུམ་པས་ནི་མ་དད་པ་ལ་སོགས་པ་རྟོག་པ་དང་དཔྱོད་པའི་མཐར་ཐུག་པ་རྣམས་བསྐྱེད་དོ། །

de la dang po dang gnyis pa ni gnas dang po las skye bar rig par bya'o/ /gsum pa dang bzhi pa ni gnas gnyis pa las so/ /lnga pa dang drug pa ni gnas gsum pa las so/ /bdun pa dang brgyad pa ni gnas bzhi pa las so/ /dgu pa ni gnas lnga pa las so| /bcu pa ni gnas drug pa las so/ /bcu gcig pa dang bcu gnyis pa ni gnas bdun pa las so/ /gzhan bcu gnyis po ni gnas tha ma gnyis las skye bar 'gyur ro/ /de la lhag pa'i sems dang/ lhag pa'i shes rab ni sgo gsum gyis nyams par 'gyur te/ zhi gnas kyi mtshan ma nyams pa'i sgo dang/ rab tu 'dzin pa'i mtshan ma nyams pa'i sgo dang/ btang snyoms kyi mtshan ma nyams pa'i sgo nas so/ /de la dang pos ni rmugs pa dang gnyid bskyed do/ /gnyis pas ni rgod pa dang 'gyod pa'o/ /gnas gsum pas ni ma dad pa la sogs pa rtog pa dang dpyod pa'i mthar thug pa rnams bskyed do/ /

【P3 相應】

དེ་དག་ཇི་ལྟར་ཕན་ཚུན་མཚུངས་པར་ལྡན་པར་འགྱུར་ཞེ་ན། ངོ་ཚ་མེད་པ་དང༌། ཁྲེལ་མེད་པ་ནི་མི་དགེ་བ་ཐམས་ཅད་དང་མཚུངས་པར་ལྡན་པ་ཡིན་ནོ། །མ་དད་པ་དང༌། ལེ་ལོ་དང༌། བག་མེད་པ་དང༌། བརྗེད་ངས་པ་དང༌། རྣམ་པར་གཡེང་བ་དང༌། འཆལ་པའི་ཤེས་རབ་ནི་ཉོན་མོངས་པ་ཅན་གྱི་སེམས་ཐམས་ཅད་དང་མཚུངས་པར་ལྡན་ནོ། །གཉིད་དང་འགྱོད་པ་ནི་དགེ་བ་དང་མི་དགེ་བ་དང༌། ལུང་དུ་མ་བསྟན་པ་ཐམས་ཅད་དང་ཡང་མཚུངས་པར་ལྡན་ནོ། །ལྷག་མ་རྣམས་ནི་ཕན་ཚུན་མཚུངས་པར་ལྡན་པ་མ་ཡིན་པར་བལྟ་བར་བྱའོ། །

de dag ji ltar phan tshun mtshungs par ldan par 'gyur zhe na/ ngo tsha med pa dang/ khrel med pa ni mi dge ba thams cad dang mtshungs par ldan pa yin no/ /ma dad pa dang/ le lo dang/ bag med pa dang/ brjed ngas pa dang/ rnam par g.yeng ba dang/ 'chal pa'i shes rab ni nyon mongs pa can gyi sems thams cad dang mtshungs par ldan no/ /gnyid dang 'gyod pa ni dge ba dang mi dge ba dang/ lung du ma bstan pa thams cad dang yang mtshungs par ldan no/ /lhag ma rnams ni phan tshun mtshungs par ldan pa ma yin par blta bar bya'o/ /

【P4 假實】

ཉེ་བའི་ཉོན་མོངས་པ་དེ་དག་ལས་དུ་ཞིག་ནི་བརྟགས་པའི་ཡོད་པ་ཡིན། དུ་ཞིག་ནི་རྫས་སུ་ཡོད་པ་ཡིན་ཞེ་ན། ཁྲོ་བ་དང༌། འཁོན་དུ་འཛིན་པ་དང༌། འཚིག་པ་དང༌། ཕྲག་དོག་དང༌། རྣམ་པར་འཚེ་བ་ནི་ཁོང་ཁྲོ་བའི་ཆར་གཏོགས་པའི་ཕྱིར་བརྟགས་པའི་ཡོད་པ་ཡིན་ནོ། །སེར་སྣ་དང༌། རྒྱགས་པ་དང༌། རྒོད་པ་ནི་འདོད་ཆགས་ཀྱི་ཆར་གཏོགས་པའི་ཕྱིར་དེ་དག་ཀྱང་བརྟགས་པའི་ཡོད་པ་ཡིན་ནོ། །འཆབ་པ་དང༌། སྒྱུ་དང༌། གཡོ་དང༌། རྨུགས་པ་དང༌། གཉིད་དང་འགྱོད་པ་ནི་གཏི་མུག་གི་ཆར་གཏོགས་པའི་ཕྱིར་དེ་དག་ཀྱང་བརྟགས་པའི་ཡོད་པ་ཡིན་ནོ། །ངོ་ཚ་མེད་པ་དང༌། ཁྲེལ་མེད་པ་དང༌། མ་དད་པ་དང༌། ལེ་ལོ་ནི་རྫས་སུ་ཡོད་པ་ཡིན་ནོ། །བག་མེད་པ་ནི་སྔ་མ་བཞིན་དུ་བརྟགས་པའི་ཡོད་པ་ཡིན་ནོ། །བརྗེད་ངས་པ་དང༌། རྣམ་པར་གཡེང་བ་དང༌། འཆལ་བའི་ཤེས་རབ་ནི་གཏི་མུག་གི་ཆར་གཏོགས་པ་ཁོ་ནའི་ཕྱིར། ཐམས་ཅད་བརྟགས་པའི་ཡོད་པ་ཡིན་ནོ། །རྟོག་པ་དང༌། དཔྱོད་པ་ནི་ངག་ཀུན་ནས་སློང་བའི་སེམས་མངོན་པར་འདུ་བྱེད་པའི་ཆར་གཏོགས་པ་དང༌། ཤེས་རབ་ཀྱི་ཆར་གཏོགས་པའི་ཕྱིར་བརྟགས་པའི་ཡོད་པ་ཡིན་ནོ། །

nye ba'i nyon mongs pa de dag las du zhig ni brtags pa'i yod pa yin/ du zhig ni rdzas su yod pa yin zhe na/ khro ba dang/ 'khon du 'dzin pa dang/ 'tshig pa dang/ phrag dog dang/ rnam par 'tshe ba ni khong khro ba'i char gtogs pa'i phyir brtags pa'i yod pa yin no/ /ser sna dang/ rgyags pa dang/ rgod pa ni 'dod chags kyi char gtogs pa'i phyir de dag kyang brtags pa'i yod pa yin no/ /'chab pa dang/ sgyu dang/ g.yo dang/ rmugs pa dang/ gnyid dang 'gyod pa ni gti mug gi char gtogs pa'i phyir de dag kyang brtags pa'i yod pa yin no/ /ngo tsha med pa dang/ khrel med pa dang/ ma dad pa dang/ le lo ni rdzas su yod pa yin no/ /bag med pa ni snga ma bzhin du brtags pa'i yod pa yin no/ /brjed ngas pa dang/ rnam par g.yeng ba dang/ 'chal ba'i shes rab ni gti mug gi char gtogs pa kho na'i phyir/ thams cad brtags pa'i yod pa yin no/ /rtog pa dang/ dpyod pa ni ngag kun nas slong ba'i sems mngon par 'du byed pa'i char gtogs pa dang/ shes rab kyi char gtogs pa'i phyir brtags pa'i yod pa yin no/ /

【P5 軟中上品等】

ཉེ་བའི་ཉོན་མོངས་པ་དེ་དག་ནི་ཆུང་ངུ་དང་འབྲིང་དང༌། ཆེན་པོ་ཉིད་ཇི་ལྟར་བལྟ་བར་བྱ་ཞེ་ན། འདི་ལྟ་སྟེ། དེ་དག་ནི་ཉོན་མོངས་པ་རྣམས་ཇི་ལྟ་བ་བཞིན་ནོ། །དེ་དག་གི་གཞི་ཡང་ཉོན་མོངས་པ་རྣམས་ཀྱི་གང་ཡིན་པ་དེ་དག་ཉིད་ཡིན་ནོ། །རབ་ཏུ་དབྱེ་བ་དང༌། ཉེས་དམིགས་དང༌། མི་མཐུན་པའི་ཕྱོགས་ཀྱང་འདི་ལྟ་སྟེ། ཉོན་མོངས་པ་རྣམས་ཀྱི་བཞིན་དུ་བལྟ་བར་བྱ་སྟེ། དེ་ཡང་ཅི་རིགས་པར་སྦྱར་རོ། །

nye ba'i nyon mongs pa de dag ni chung ngu dang 'bring dang/ chen po nyid ji ltar blta bar bya zhe na/ 'di lta ste/ de dag ni nyon mongs pa rnams ji lta ba bzhin no/ /de dag gi gzhi yang nyon mongs pa rnams kyi gang yin pa de dag nyid yin no/ /rab tu dbye ba dang/ nyes dmigs dang/ mi mthun pa'i phyogs kyang 'di lta ste/ nyon mongs pa rnams kyi bzhin du blta bar bya ste/ de yang ci rigs par sbyar ro/ /

【M3 無記四蘊九門】【N1 依處】

ལུང་དུ་མ་བསྟན་པའི་ཆོས་རྣམས་ཀྱི་གནས་གང་ཞེ་ན། དེ་དག་ནི་བཞི་སྟེ། འདི་ལྟ་སྟེ། ལས་ཀྱིས་འཕངས་ཏེ། མངོན་པར་གྲུབ་པ་དང་མངོན་པར་གྲུབ་པའི་རྒྱུ་དང༌། གནས་པ་དང༌། འཚོ་བ་དང༌། ཏིང་ངེ་འཛིན་གྱི་བྱེ་བྲག་གོ། །

lung du ma bstan pa'i chos rnams kyi gnas gang zhe na/ de dag ni bzhi ste/ 'di lta ste/ las kyis 'phangs te/ mngon par grub pa dang mngon par grub pa'i rgyu dang/ gnas pa dang/ 'tsho ba dang/ ting nge 'dzin gyi bye brag go/ /

【N2 自性】

ངོ་བོ་ཉིད་གང་ཞེ་ན། སྨྲས་པ། རྣམ་པར་སྨིན་པ་ལས་སྐྱེས་པའི་ཕུང་པོ་རྣམས་དང༌། ཐ་མལ་དུ་འདུག་པ་དང༌། མངོན་པར་འདུ་བྱེད་པས་ཡོངས་སུ་བསྡུ་བའི་སྤྱོད་ལམ་དང༌། དེ་བཞིན་དུ་བཟོའི་གནས་དང་རྩེད་མོ་མངོན་པར་འདུ་བྱེད་པས་ཡོངས་སུ་བསྡུས་པའི་སྤྲུལ་པའོ། །

ngo bo nyid gang zhe na/ smras pa/ rnam par smin pa las skyes pa'i phung po rnams dang/ tha mal du 'dug pa dang/ mngon par 'du byed pas yongs su bsdu ba'i spyod lam dang/ de bzhin du bzo'i gnas dang rtsed mo mngon par 'du byed pas yongs su bsdus pa'i sprul pa'o/ /

【N3 相應】

དེ་དག་ཇི་ལྟར་ཕན་ཚུན་མཚུངས་པར་ལྡན་པར་བལྟ་བར་བྱ་ཞེ་ན། སྨྲས་པ། སྤྱོད་ལམ་བྱེད་པ་དང༌། བཟོའི་གནས་བྱེད་པ་ནི་ལན་འགའ་མཚུངས་པར་ལྡན་པ་ཡང་ཡོད་དེ། མདོ་ལས་ལས་ཀྱི་མཐའ་གང་དག་འགྲོ་བའི་ཚེ་ན་བླ་ལ། སྡོད་པ་ན་ཡང་མ་ཡིན། འདུག་པ་ན་ཡང་མ་ཡིན། ཉལ་བ་ན་ཡང་མ་ཡིན་པ་དེ་ལྟ་བུ་དག་ཀྱང་ཡོད་དོ། །ལས་ཀྱི་མཐའ་གང་དག་འགྲོ་བའི་ཚེ་ན་ཡང་བླ་ལ། སྡོད་པ་ན་ཡང་བླ། འདུག་པ་ན་ཡང་བླ། ཉལ་བ་ན་ཡང་བླ་བ་སྟེ། དེ་ལྟ་བུ་དག་ཀྱང་ཡོད་དོ་ཞེས་བྱ་བའི་བར་དུ་རྒྱ་ཆེར་ཇི་སྐད་གསུངས་པ་ལྟ་བུའོ། །དེ་ལས་གཞན་པ་དག་ནི་ཕན་ཚུན་མཚུངས་པར་ལྡན་པ་མ་ཡིན་ནོ། །

de dag ji ltar phan tshun mtshungs par ldan par blta bar bya zhe na/ smras pa/ spyod lam byed pa dang/ bzo'i gnas byed pa ni lan 'ga' mtshungs par ldan pa yang yod de/ mdo las las kyi mtha' gang dag 'gro ba'i tshe na bla la/ sdod pa na yang ma yin/ 'dug pa na yang ma yin/ nyal ba na yang ma yin pa de lta bu dag kyang yod do/ /las kyi mtha' gang dag 'gro ba'i tshe na yang bla la/ sdod pa na yang bla/ 'dug pa na yang bla/ nyal ba na yang bla ba ste/ de lta bu dag kyang yod do zhes bya ba'i bar du rgya cher ji skad gsungs pa lta bu'o/ /de las gzhan pa dag ni phan tshun mtshungs par ldan pa ma yin no/ /

【N4 假實】

དེ་དག་ལས་དུ་ནི་རྫས་སུ་ཡོད་པ་ཡིན༑ དུ་ནི་བརྟགས་པའི་ཡོད་པ་ཡིན་ཞེ་ན། སྨྲས་པ། དེ་དག་ནི་རྣམ་པར་སྨིན་པས་བསྡུས་པའི་ཕུང་པོ་རྣམས་དང༌། སེམས་མངོན་པར་འདུ་བྱེད་པའི་ཁྱད་པར་ལ་གདགས་པ་ཡིན་པའི་ཕྱིར་བརྟགས་པའི་ཡོད་པ་ཡིན་པར་བརྗོད་པར་བྱའོ། །

de dag las du ni rdzas su yod pa yin| du ni brtags pa'i yod pa yin zhe na/ smras pa/ de dag ni rnam par smin pas bsdus pa'i phung po rnams dang/ sems mngon par 'du byed pa'i khyad par la gdags pa yin pa'i phyir brtags pa'i yod pa yin par brjod par bya'o/ /

【N5 軟中上品】

དེ་དག་གི་ཆུང་ངུ་དང༌། འབྲིང་དང༌། ཆེན་པོ་གང་ཞེ་ན། སྨྲས་པ། རྣམ་པར་སྨིན་པ་ལས་བྱུང་བ་དང༌། སྤྱོད་ལམ་བྱེད་པ་ནི་གསལ་བའི་ཕྱིར་ཆུང་ངུ་ཡིན་ནོ། །བཟོའི་གནས་བྱེད་པ་ནི་ཆེས་གསལ་བའི་ཕྱིར་འབྲིང་ཡིན་ནོ། །སྤྲུལ་པ་ནི་རང་བཞིན་གྱི་ས་ཆེས་ཤིན་ཏུ་གསལ་བའི་ཕྱིར་ཆེན་པོ་ཡིན་པར་བལྟ་བར་བྱའོ། །ཡང་རང་བཞིན་གྱི་བྱེ་བྲག་གིས་རྣམ་གྲངས་གཞན་ནི་གཟུགས་མེད་པ་ན་སྤྱོད་པའི་རྣམ་པར་སྨིན་པ་ནི་ཆུང་ངུ་ཡིན་ནོ། །གཟུགས་ན་སྤྱོད་པ་ནི་འབྲིང་ཡིན་ནོ། །འདོད་པ་ན་སྤྱོད་པ་ནི་ཆེན་པོ་ཡིན་ནོ། །སྤྱོད་ལམ་འདུག་པ་དང་ཉལ་བ་ནི་ཆུང་ངུ་ཡིན་ནོ། །འགྲེང་འགྲེང་བ་ནི་འབྲིང་ཡིན་ནོ། །འཆག་པ་ནི་ཆེན་པོ་ཡིན་ནོ། །ལས་དང་པོ་པའི་བཟོའི་གནས་བྱེད་པ་ནི་ཆུང་ངུ་ཡིན་ནོ། །བསླབ་པའི་ནི་འབྲིང་ཡིན་ནོ། །སློབ་དཔོན་གྱི་ནི་ཆེན་པོ་ཡིན་ནོ། །ཏིང་ངེ་འཛིན་མཐུ་ཆུང་ངུ་དང་ལྡན་པ་ཐོབ་པའི་སྤྲུལ་པ་ནི་ཆུང་ངུ་ཡིན་ནོ། །ཏིང་ངེ་འཛིན་མཐུ་འབྲིང་དང་ལྡན་པ་ཐོབ་པ་ནི་འབྲིང་ཡིན་ནོ། །ཏིང་ངེ་འཛིན་མཐུ་ཆེན་པོ་དང་ལྡན་པ་ཐོབ་པ་ནི་ཆེན་པོ་ཡིན་ཏེ། དེ་ལྟར་དེ་ལྟ་བུ་དང་མཐུན་པ་ནི་ཆུང་ངུ་དང་འབྲིང་དང་ཆེན་པོ་ཡིན་པར་རིག་པར་བྱའོ། །

de dag gi chung ngu dang/ 'bring dang/ chen po gang zhe na/ smras pa/ rnam par smin pa las byung ba dang/ spyod lam byed pa ni gsal ba'i phyir chung ngu yin no/ /bzo'i gnas byed pa ni ches gsal ba'i phyir 'bring yin no/ /sprul pa ni rang bzhin gyi sa ches shin tu gsal ba'i phyir chen po yin par blta bar bya'o/ /yang rang bzhin gyi bye brag gis rnam grangs gzhan ni gzugs med pa na spyod pa'i rnam par smin pa ni chung ngu yin no/ /gzugs na spyod pa ni 'bring yin no/ /'dod pa na spyod pa ni chen po yin no/ /spyod lam 'dug pa dang nyal ba ni chung ngu yin no/ /'greng 'greng ba ni 'bring yin no/ /'chag pa ni chen po yin no/ /las dang po pa'i bzo'i gnas byed pa ni chung ngu yin no/ /bslab pa'i ni 'bring yin no/ /slob dpon gyi ni chen po yin no/ /ting nge 'dzin mthu chung ngu dang ldan pa thob pa'i sprul pa ni chung ngu yin no/ /ting nge 'dzin mthu 'bring dang ldan pa thob pa ni 'bring yin no/ /ting nge 'dzin mthu chen po dang ldan pa thob pa ni chen po yin te/ de ltar de lta bu dang mthun pa ni chung ngu dang 'bring dang chen po yin par rig par bya'o/ /

【N6 無記依十二事生】

དེ་དག་སྐྱེ་བའི་གཞི་གང་ཞེ་ན། སྨྲས་པ། དེ་ནི་རྣམ་པ་བཅུ་གཉིས་སུ་བལྟ་བར་བྱ་སྟེ། འདི་ལྟ་སྟེ། ཐོས་པ་ལས་བྱུང་བའི་སར་བཤད་པ་བཞིན་ནོ། །

de dag skye ba'i gzhi gang zhe na/ smras pa/ de ni rnam pa bcu gnyis su blta bar bya ste/ 'di lta ste/ thos pa las byung ba'i sar bshad pa bzhin no/ /

【N7 差別】

དེ་ལ་རབ་ཏུ་དབྱེ་བ་གང་ཞེ་ན། སྨྲས་པ། རྣམ་པར་སྨིན་པ་ལས་བྱུང་བ་ནི་འགྲོ་བ་ལྔའི་བྱེ་བྲག་གིས་རྣམ་པ་ལྔར་རིག་པར་བྱའོ། །སྤྱོད་ལམ་བྱེད་པ་ནི་སྤྱོད་ལམ་བཞིའི་བྱེ་བྲག་གིས་རྣམ་པ་བཞིའོ། །བཟོའི་གནས་བྱེད་པ་ནི་གཞི་རྣམ་པ་བཅུ་གཉིས་ཀྱི་བྱེ་བྲག་གིས་རྣམ་པ་བཅུ་གཉིས་ཁོ་ནའོ། །སྤྲུལ་པ་བྱེད་པ་ནི་སོ་སོའི་སྐྱེ་བོ་དང༌། ཉན་ཐོས་དང༌། རང་སངས་རྒྱས་དང༌། བྱང་ཆུབ་སེམས་དཔའ་དང༌། དེ་བཞིན་གཤེགས་པའི་བྱེ་བྲག་དང༌། རྩེད་མོའི་དོན་དང༌། གཞན་གྱི་དོན་དང༌། ལུས་དང་ངག་གི་སྤྲུལ་པའི་བྱེ་བྲག་གིས་རྣམ་པ་བརྒྱད་དུ་རིག་པར་བྱའོ། །དེ་ལ་རབ་ཏུ་དབྱེ་བ་ཉིད་ཀྱིས་གཞི་བསྡུས་པའི་ཕྱིར་དེ་ལས་གཞན་པ་དག་གི་གཞི་ནི་ལོགས་ཤིག་ཏུ་མ་སྨོས་སོ། །དེ་ལ་རྣམ་པར་སྨིན་པ་ལས་བྱུང་བ་ནི་གཅིག་ཏུ་ལུང་མ་བསྟན་པ་ཡིན་ནོ། །གཉིས་ནི་རྣམ་པ་གསུམ་དུ་ཡང་དམིགས་སོ། །གཅིག་ནི་རྣམ་པ་གཉིས་སུ་དམིགས་སོ། །རོལ་མོ་ལ་བརྟེན་ཏེ། སེམས་ཉོན་མོངས་པ་ཅན་གྱི་སེམས་དང་ལྡན་པས་སྤྱོད་ལམ་བྱེད་པ་གང་ཡིན་པ་དེ་ནི་ཉོན་མོངས་པ་ཅན་ཡིན་ནོ། །ཉེ་བར་ཞི་བ་ལ་བརྟེན་པ་གང་ཡིན་པ་དེ་ནི་དགེ་བ་ཡིན་ནོ། །ལྷག་པར་ཆགས་པར་གྱུར་པས་བཟོ་བྱེད་པ་གང་ཡིན་པ་དེ་ནི་ཉོན་མོངས་པ་ཅན་ཡིན་ནོ། །དགེ་བ་མངོན་པར་འདུ་བྱེད་པ་གང་ཡིན་པ་དེ་ནི་དགེ་བ་ཡིན་ནོ། །སྤྲུལ་པ་བྱེད་པ་ནི་གཞན་འདུན་པར་བྱ་བའི་རྒྱུའམ། སེམས་ཅན་རྣམས་ཀྱི་དོན་དུ་བྱེད་པ་གང་ཡིན་པ་དེ་ནི་དགེ་བ་ཡིན་ནོ། །ཉོན་མོངས་པ་ཅན་ནི་མེད་དོ། །

de la rab tu dbye ba gang zhe na/ smras pa/ rnam par smin pa las byung ba ni 'gro ba lnga'i bye brag gis rnam pa lngar rig par bya'o/ /spyod lam byed pa ni spyod lam bzhi'i bye brag gis rnam pa bzhi'o/ /bzo'i gnas byed pa ni gzhi rnam pa bcu gnyis kyi bye brag gis rnam pa bcu gnyis kho na'o/ /sprul pa byed pa ni so so'i skye bo dang/ nyan thos dang/ rang sangs rgyas dang/ byang chub sems dpa' dang/ de bzhin gshegs pa'i bye brag dang/ rtsed mo'i don dang/ gzhan gyi don dang/ lus dang ngag gi sprul pa'i bye brag gis rnam pa brgyad du rig par bya'o/ /de la rab tu dbye ba nyid kyis gzhi bsdus pa'i phyir de las gzhan pa dag gi gzhi ni logs shig tu ma smos so/ /de la rnam par smin pa las byung ba ni gcig tu lung ma bstan pa yin no/ /gnyis ni rnam pa gsum du yang dmigs so/ /gcig ni rnam pa gnyis su dmigs so/ /rol mo la brten te/ sems nyon mongs pa can gyi sems dang ldan pas spyod lam byed pa gang yin pa de ni nyon mongs pa can yin no/ /nye bar zhi ba la brten pa gang yin pa de ni dge ba yin no/ /lhag par chags par gyur pas bzo byed pa gang yin pa de ni nyon mongs pa can yin no/ /dge ba mngon par 'du byed pa gang yin pa de ni dge ba yin no/ /sprul pa byed pa ni gzhan 'dun par bya ba'i rgyu'am/ sems can rnams kyi don du byed pa gang yin pa de ni dge ba yin no/ /nyon mongs pa can ni med do/ /

【G3 以諸門廣辨五蘊】【H1 將諦對蘊通善惡】【I1 辨諦蘊相攝】

དེ་ལ་ཕུང་པོ་ལྔ་པོ་གང་དག་ཡིན་པ་དེ་དག་གིས་བདེན་པ་དུ་དག་བསྡུས་ལ་བདེན་པ་དུ་དག་གིས་ཀྱང་ཕུང་པོ་དུ་དག་བསྡུས་ཤེ་ན། སྨྲས་པ། བདེན་པ་གསུམ་གྱིས་ནི་ཕུང་པོ་ལྔ་བསྡུས་ལ། ཕུང་པོ་ལྔ་པོ་དག་གིས་ཀྱང་བདེན་པ་གསུམ་བསྡུས་སོ། །འགོག་པའི་བདེན་པ་དང་ཕུང་པོ་རྣམས་ནི་གཅིག་གིས་གཅིག་མ་བསྡུས་ཏེ། འགོག་པ་ནི་དེ་དག་ཉེ་བར་ཞི་བས་རབ་ཏུ་ཕྱེ་བ་ཡིན་པའི་ཕྱིར་རོ། །

de la phung po lnga po gang dag yin pa de dag gis bden pa du dag bsdus la bden pa du dag gis kyang phung po du dag bsdus she na/ smras pa/ bden pa gsum gyis ni phung po lnga bsdus la/ phung po lnga po dag gis kyang bden pa gsum bsdus so/ /'gog pa'i bden pa dang phung po rnams ni gcig gis gcig ma bsdus te/ 'gog pa ni de dag nye bar zhi bas rab tu phye ba yin pa'i phyir ro/ /

【I2 辯因言長四諦義】【J1 明十六行】【K1 明十六行】

ཉན་ཐོས་ཀྱི་སར་བདེན་པ་བཞི་ནི་རྣམ་པ་བཅུ་དྲུག་གིས་བལྟ་བར་བྱའོ་ཞེས་གང་བཤད་པ་དེ་ལ་ཅིའི་ཕྱིར་སྡུག་བསྔལ་གྱི་བདེན་པ་ལ་རྣམ་པ་བཞིས་བལྟ་བར་བྱ་ཞེ་ན། སྨྲས་པ། ཕྱིན་ཅི་ལོག་རྣམ་པ་བཞིའི་གཉེན་པོར་ཏེ། དེ་ལ་རྣམ་པ་གཅིག་ནི་ཕྱིན་ཅི་ལོག་གཅིག་གི་གཉེན་པོའོ། །རྣམ་པ་གཅིག་ནི་ཕྱིན་ཅི་ལོག་གཉིས་ཀྱི་གཉེན་པོའོ། །རྣམ་པ་ཐ་མ་གཉིས་ནི་ཕྱིན་ཅི་ལོག་ཐ་མ་གཅིག་གི་གཉེན་པོ་ཡིན་ནོ། །ཅིའི་ཕྱིར་ཀུན་འབྱུང་བའི་བདེན་པ་ལ་རྣམ་པ་བཞིས་བལྟ་བར་བྱ་ཞེ་ན། སྨྲས་པ། སྲེད་པ་རྣམ་པ་བཞིའི་ཕྱིར་ཏེ་དེ་ཡང་རྟག་པ་དང༌། བདེ་བ་དང༌། གཙང་བ་དང༌། བདག་ཏུ་སྲེད་པའི་བྱེ་བྲག་ལས་བལྟ་བར་བྱའོ། །དེ་ལ་སྲེད་པ་དང་པོ་ལ་བརྟེན་ནས་ནི་ཡང་སྲིད་པ་འབྱུང་བར་བྱེད་པར་མངོན་ནོ། །གཉིས་པ་དང་གསུམ་པ་ལ་བརྟེན་ནས་ནི་དགའ་བའི་འདོད་ཆགས་དང་ལྡན་པ་དང༌། དེ་དང་དེར་མངོན་པར་དགའ་བ་མངོན་ནོ། །ཐ་མ་ལ་བརྟེན་ནས་ནི་ལུས་ལ་ཆགས་པ་དང་ལྡན་པའི་སྲེད་པ་འབའ་ཞིག་བལྟ་བར་བྱའོ། །དེ་ལ་སྲེད་པ་གང་ཞེ་ན། ལུས་ངག་ལ་ཆགས་ཤིང་སྦྱོར་བར་བྱེད་པ་གང་ཡིན་པའོ། །ཡང་སྲིད་པ་འབྱུང་བར་བྱེད་པ་གང་ཞེ་ན། ཕྱི་མའི་ལུས་ཀྱི་ཁྱད་པར་འདོད་པ་གང་ཡིན་པའོ། །དགའ་བའི་འདོད་ཆགས་དང་ལྡན་པ་གང་ཞེ་ན། གཟུགས་དང༌། སྒྲ་དང༌། དྲི་དང༌། རོ་དང་རེག་བྱ་དང༌། ཆོས་འདོད་པ་ལ་མངོན་དུ་ཕྱོགས་པར་གྱུར་པའམ། ཐོབ་པ་དག་ལ་དགའ་བའི་འདོད་ཆགས་དང་ལྡན་པ་གང་ཡིན་པའོ། །དེ་དང་དེར་མངོན་པར་དགའ་བ་གང་ཞེ་ན། དེ་ལས་གཞན་པའི་གཟུགས་ལ་སོགས་པ་འདོད་པ་དག་ལ་འདོད་པ་གང་ཡིན་པའོ། །ཅིའི་ཕྱིར་འགོག་པའི་བདེན་པ་ལ་རྣམ་པ་བཞིས་བལྟ་བར་བྱ་ཞེ་ན། སྨྲས་པ། སྲེད་པ་འགོག་པ་རྣམ་པ་བཞིས་རབ་ཏུ་ཕྱེ་བའི་ཕྱིར་རོ། །ཅིའི་ཕྱིར་ལམ་གྱི་བདེན་པ་ལ་རྣམ་པ་བཞིས་བལྟ་བར་བྱ་ཞེ་ན། སྨྲས་པ། སྲེད་པ་འགོག་པ་སྐྱེད་པར་བྱེད་པ་རྣམ་པ་བཞིའི་ཕྱིར་རོ། །

nyan thos kyi sar bden pa bzhi ni rnam pa bcu drug gis blta bar bya'o zhes gang bshad pa de la ci'i phyir sdug bsngal gyi bden pa la rnam pa bzhis blta bar bya zhe na/ smras pa/ phyin ci log rnam pa bzhi'i gnyen por te/ de la rnam pa gcig ni phyin ci log gcig gi gnyen po'o/ /rnam pa gcig ni phyin ci log gnyis kyi gnyen po'o/ /rnam pa tha ma gnyis ni phyin ci log tha ma gcig gi gnyen po yin no/ /ci'i phyir kun 'byung ba'i bden pa la rnam pa bzhis blta bar bya zhe na/ smras pa/ sred pa rnam pa bzhi'i phyir te de yang rtag pa dang/ bde ba dang/ gtsang ba dang/ bdag tu sred pa'i bye brag las blta bar bya'o/ /de la sred pa dang po la brten nas ni yang srid pa 'byung bar byed par mngon no/ /gnyis pa dang gsum pa la brten nas ni dga' ba'i 'dod chags dang ldan pa dang/ de dang der mngon par dga' ba mngon no/ /tha ma la brten nas ni lus la chags pa dang ldan pa'i sred pa 'ba' zhig blta bar bya'o/ /de la sred pa gang zhe na/ lus ngag la chags shing sbyor bar byed pa gang yin pa'o/ /yang srid pa 'byung bar byed pa gang zhe na/ phyi ma'i lus kyi khyad par 'dod pa gang yin pa'o/ /dga' ba'i 'dod chags dang ldan pa gang zhe na/ gzugs dang/ sgra dang/ dri dang/ ro dang reg bya dang/ chos 'dod pa la mngon du phyogs par gyur pa'am/ thob pa dag la dga' ba'i 'dod chags dang ldan pa gang yin pa'o/ /de dang der mngon par dga' ba gang zhe na/ de las gzhan pa'i gzugs la sogs pa 'dod pa dag la 'dod pa gang yin pa'o/ /ci'i phyir 'gog pa'i bden pa la rnam pa bzhis blta bar bya zhe na/ smras pa/ sred pa 'gog pa rnam pa bzhis rab tu phye ba'i phyir ro/ /ci'i phyir lam gyi bden pa la rnam pa bzhis blta bar bya zhe na/ smras pa/ sred pa 'gog pa skyed par byed pa rnam pa bzhi'i phyir ro/ /

【K2 明十行】【L1 總舉十行略解其二】

ཉན་ཐོས་ཀྱི་སར་འཇིག་པའི་རྣམ་པ་ལ་སོགས་པ་རྣམ་པ་བཅུས། དེ་ནི་སྡུག་བསྔལ་བདེན་པ་ལ། །རྣམ་པ་བཅུས་ནི་རྟོག་བྱེད་ན། །དེ་ནི་རྣམ་པ་བཞི་ལ་འཇུག །འགྱུར་བ་དང་ནི་འཇིག་པ་དང་། །བྲལ་བ་དང་ནི་ཉེ་བ་དང༌། །ཆོས་ཉིད་ཀྱི་ནི་རྣམ་པ་དང༌། །ཀུན་ཏུ་སྦྱོར་དང་འཆིང་བ་དང༌། །མི་སྡུག་པ་དང་གྲུབ་བདེ་མེད། །དམིགས་མེད་རང་དབང་མེད་པ་ཡི། །རྣམ་པ་དེ་དག་རིག་པས་རྟོག །ཅེས་གང་བཤད་པ་དེ་ལ། དམིགས་སུ་མེད་པ་གང་ཞེ་ན། དབང་པོ་ཙམ་དང༌། ཡུལ་ཙམ་དང་། དེ་ལས་སྐྱེས་པའི་མྱོང་བ་ཙམ་དང༌། སེམས་ཙམ་དང༌། བདག་དང་བདག་ཅེས་བྱ་བའི་མིང་ཙམ་དང༌། ལྟ་བ་ཙམ་དང༌། མངོན་པར་བརྗོད་པ་ཙམ་དང༌། རྣམ་པ་བདུན་པོ་དེ་དག་ལས་ལོགས་ཤིག་ན་དོན་གཞན་དུ་གྱུར་པའི་བདག་གི་མཚན་ཉིད་དམིགས་སུ་མེད་པ་གང་ཡིན་པའོ། །རང་དབང་མེད་པ་ཉིད་གང་ཞེ་ན། རྟེན་ཅིང་འབྲེལ་པར་འབྱུང་བ་ནི་མི་རྟག་པ་དང་སྡུག་བསྔལ་བའི་མཚན་ཉིད་ཀྱིས་འདུ་བྱེད་རྣམས་ལ་བདག་གི་མཚན་ཉིད་མེད་པ་ཉིད་གང་ཡིན་པའོ། །

nyan thos kyi sar 'jig pa'i rnam pa la sogs pa rnam pa bcus/ de ni sdug bsngal bden pa la/ /rnam pa bcus ni rtog byed na/ /de ni rnam pa bzhi la 'jug /'gyur ba dang ni 'jig pa dang / /bral ba dang ni nye ba dang/ /chos nyid kyi ni rnam pa dang/ /kun tu sbyor dang 'ching ba dang/ /mi sdug pa dang grub bde med/ /dmigs med rang dbang med pa yi/ /rnam pa de dag rig pas rtog /ces gang bshad pa de la/ dmigs su med pa gang zhe na/ dbang po tsam dang/ yul tsam dang / de las skyes pa'i myong ba tsam dang/ sems tsam dang/ bdag dang bdag ces bya ba'i ming tsam dang/ lta ba tsam dang/ mngon par brjod pa tsam dang/ rnam pa bdun po de dag las logs shig na don gzhan du gyur pa'i bdag gi mtshan nyid dmigs su med pa gang yin pa'o/ /rang dbang med pa nyid gang zhe na/ rten cing 'brel par 'byung ba ni mi rtag pa dang sdug bsngal ba'i mtshan nyid kyis 'du byed rnams la bdag gi mtshan nyid med pa nyid gang yin pa'o/ /

【L2 以十行與三苦相攝】

རྣམ་པ་བཅུ་པོ་དེ་དག་ལས་གང་གིས་འགྱུར་བའི་སྡུག་བསྔལ་ཉིད་བསྡུས་ཤེ་ན། སྨྲས་པ། ཀུན་ཏུ་སྦྱོར་བའི་རྣམ་པས་བསྡུས་ཏེ། འགྱུར་བའི་དབང་ལས་བྱུང་བའི་ཡིད་མི་བདེ་བ་ནི་འགྱུར་བའི་སྡུག་བསྔལ་ཉིད་དུ་བལྟ་བར་བྱའི༑ འགྱུར་བ་ཙམ་ནི་ཉིད་ནི་མ་ཡིན་ཏེ། ཡིད་མི་བདེ་བ་དང་བྲལ་བ་རྣམས་ལ་ཡང་དེ་དམིགས་པ་དང༌། གནོད་པར་མི་བྱེད་པའི་ཕྱིར་རོ། །རྣམ་པ་གང་གིས་སྡུག་བསྔལ་གྱི་སྡུག་བསྔལ་ཉིད་བསྡུས་ཤེ་ན། སྨྲས་པ། མི་སྡུག་པའི་རྣམ་པས་སོ། །རྣམ་པ་གང་གིས་འདུ་བྱེད་ཀྱི་སྡུག་བསྔལ་ཉིད་བསྡུས་ཤེ་ན། སྨྲས་པ། གྲུབ་པ་དང་བདེ་བ་མེད་པའི་རྣམ་པས་སོ། །

rnam pa bcu po de dag las gang gis 'gyur ba'i sdug bsngal nyid bsdus she na/ smras pa/ kun tu sbyor ba'i rnam pas bsdus te/ 'gyur ba'i dbang las byung ba'i yid mi bde ba ni 'gyur ba'i sdug bsngal nyid du blta bar bya'i| 'gyur ba tsam ni nyid ni ma yin te/ yid mi bde ba dang bral ba rnams la yang de dmigs pa dang/ gnod par mi byed pa'i phyir ro/ /rnam pa gang gis sdug bsngal gyi sdug bsngal nyid bsdus she na/ smras pa/ mi sdug pa'i rnam pas so/ /rnam pa gang gis 'du byed kyi sdug bsngal nyid bsdus she na/ smras pa/ grub pa dang bde ba med pa'i rnam pas so/ /

【L3 明八苦與三苦相攝】

སྐྱེ་བའི་སྡུག་བསྔལ་དང༌། མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་ཞེས་བྱ་བའི་བར་དུ་གང་གསུངས་པའི་རྣམ་པ་དེ་དག་ལས་དུ་ཞིག་སྡུག་བསྔལ་གྱི་སྡུག་བསྔལ་ཉིད་ཀྱིས་བསྡུས་ཤེ་ན། སྨྲས་པ། དང་པོ་ལྔའོ། །དུ་ཞིག་འགྱུར་བའི་སྡུག་བསྔལ་ཉིད་ཀྱིས་བསྡུས་ཤེ་ན། སྨྲས་པ། བར་མ་གཉིས་སོ། །དུ་ཞིག་འདུ་བྱེད་ཀྱི་སྡུག་བསྔལ་ཉིད་ཀྱིས་བསྡུས་ཤེ་ན། སྨྲས་པ། ཐ་མ་གཅིག་གོ །རྣམ་གྲངས་གཞན་ཡང་དང་པོ་བདུན་གྱིས་སྡུག་བསྔལ་གྱི་སྡུག་བསྔལ་ཉིད་བསྡུས་སོ། །དེ་དག་གི་གཉེན་པོ་དགེ་བ་རྣམས་དང༌། ཉོན་མོངས་པ་རྣམས་ཀྱིས་ནི་འགྱུར་བའི་སྡུག་བསྔལ་ཉིད་བསྡུས་སོ། །ཐ་མས་ནི་འདུ་བྱེད་ཀྱི་སྡུག་བསྔལ་ཉིད་བསྡུས་ཏེ། འདི་ལྟར་བཅོམ་ལྡན་འདས་ཀྱིས་དྲལ་ཞིང་གྱུར་པའི་སེམས་ཞེས་གསུངས་པ་དང༌། དེ་བཞིན་དུ་བཅོམ་ལྡན་འདས་ཀྱིས་སྒྲིབ་པས་ཀུན་ནས་དཀྲིས་པ་དེ་ནི་དེ་ལས་སྐྱེས་པའི་སེམས་ལས་བྱུང་བའི་སྡུག་བསྔལ་དང༌། ཡིད་མི་བདེ་བ་སོ་སོར་མྱོང་བའི་ཕྱིར་རོ་ཞེས་གསུངས་པས་ན། དེའི་ཕྱིར་ཉོན་མོངས་པ་ནི་འགྱུར་བའི་སྡུག་བསྔལ་ཉིད་ཀྱིས་སྡུག་བསྔལ་བ་ཡིན་པར་རབ་ཏུ་གྲུབ་པོ། །

skye ba'i sdug bsngal dang/ mdor na nye bar len pa'i phung po lnga sdug bsngal ba zhes bya ba'i bar du gang gsungs pa'i rnam pa de dag las du zhig sdug bsngal gyi sdug bsngal nyid kyis bsdus she na/ smras pa/ dang po lnga'o/ /du zhig 'gyur ba'i sdug bsngal nyid kyis bsdus she na/ smras pa/ bar ma gnyis so/ /du zhig 'du byed kyi sdug bsngal nyid kyis bsdus she na/ smras pa/ tha ma gcig go /rnam grangs gzhan yang dang po bdun gyis sdug bsngal gyi sdug bsngal nyid bsdus so/ /de dag gi gnyen po dge ba rnams dang/ nyon mongs pa rnams kyis ni 'gyur ba'i sdug bsngal nyid bsdus so/ /tha mas ni 'du byed kyi sdug bsngal nyid bsdus te/ 'di ltar bcom ldan 'das kyis dral zhing gyur pa'i sems zhes gsungs pa dang/ de bzhin du bcom ldan 'das kyis sgrib pas kun nas dkris pa de ni de las skyes pa'i sems las byung ba'i sdug bsngal dang/ yid mi bde ba so sor myong ba'i phyir ro zhes gsungs pas na/ de'i phyir nyon mongs pa ni 'gyur ba'i sdug bsngal nyid kyis sdug bsngal ba yin par rab tu grub po/ /

【L4 明四苦與八行相攝】

སྡུག་བསྔལ་བ་རྣམ་པ་བཞི་པོ་མངོན་པར་འགྲུབ་པའི་སྡུག་བསྔལ་དང༌། ནང་ལ་བརྟེན་པའི་སྡུག་བསྔལ་དང་ཕྱི་རོལ་ལ་བརྟེན་པའི་སྡུག་བསྔལ་དང༌། གནས་ངན་ལེན་གྱི་སྡུག་བསྔལ་ཞེས་གང་གསུངས་པ་དེ་ལ་སྡུག་བསྔལ་གང་ཞིག་རྣམ་པ་གང་གིས་བསྡུས་ལ། སྡུག་བསྔལ་གང་གིས་ཀྱང་རྣམ་པ་གང་བསྡུས་ཤེ་ན། སྨྲས་པ། རྣམ་པ་དང་པོ་དང་སྡུག་བསྔལ་དང་པོ་ནི་གཅིག་གིས་གཅིག་བསྡུས་སོ། །རྣམ་པ་གསུམ་དང་སྡུག་བསྔལ་འོག་མ་གཉིས་པ་ཡང་གཅིག་གིས་གཅིག་བསྡུས་སོ། །རྣམ་པ་གཞན་གསུམ་དང་སྡུག་བསྔལ་འོག་མ་གསུམ་པ་ཡང་གཅིག་གིས་གཅིག་བསྡུས་སོ། །རྣམ་པ་ཐ་མ་དང་སྡུག་བསྔལ་ཐ་མ་ཡང་གཅིག་གིས་གཅིག་བསྡུས་སོ། །དེ་ལ་སྔར་ནི་སྲེད་པའི་ངོ་བོ་ཉིད་ཀྱི་རབ་ཏུ་དབྱེ་བས་ཀུན་འབྱུང་བའི་བདེན་པ་རྣམ་པར་གཞག་པ་ལས་རྣམ་པ་བཞིར་བསྟན་ཏོ། །ད་ནི་འབྲས་བུའི་རབ་ཏུ་དབྱེ་བ་ལས་བལྟ་བར་བྱ་སྟེ། སྡུག་བསྔལ་རྣམ་པ་བཞི་སྐྱེད་པར་བྱེད་པའི་ཕྱིར་རོ། །

sdug bsngal ba rnam pa bzhi po mngon par 'grub pa'i sdug bsngal dang/ nang la brten pa'i sdug bsngal dang phyi rol la brten pa'i sdug bsngal dang/ gnas ngan len gyi sdug bsngal zhes gang gsungs pa de la sdug bsngal gang zhig rnam pa gang gis bsdus la/ sdug bsngal gang gis kyang rnam pa gang bsdus she na/ smras pa/ rnam pa dang po dang sdug bsngal dang po ni gcig gis gcig bsdus so/ /rnam pa gsum dang sdug bsngal 'og ma gnyis pa yang gcig gis gcig bsdus so/ /rnam pa gzhan gsum dang sdug bsngal 'og ma gsum pa yang gcig gis gcig bsdus so/ /rnam pa tha ma dang sdug bsngal tha ma yang gcig gis gcig bsdus so/ /de la sngar ni sred pa'i ngo bo nyid kyi rab tu dbye bas kun 'byung ba'i bden pa rnam par gzhag pa las rnam pa bzhir bstan to/ /da ni 'bras bu'i rab tu dbye ba las blta bar bya ste/ sdug bsngal rnam pa bzhi skyed par byed pa'i phyir ro/ /

【K3 明三明十六行攝三解脫門】【L1 明相攝】

རྣམ་པ་བཅུ་དྲུག་པོ་གང་དག་ཡིན་པ་དེ་དག་ལས་དུ་ཞིག་སྟོང་བའི་རྣམ་པ་ཡིན་ཞེ་ན༑ སྨྲས་པ། གཉིས་ཏེ་སྡུག་བསྔལ་གྱི་བདེན་པ་ལས་ཐ་མ་གཉིས་སོ། །དུ་ཞིག་སྨོན་པ་མེད་པའི་རྣམ་པ་ཡིན་ཞེ་ན། སྨྲས་པ། དྲུག་སྟེ་སྡུག་བསྔལ་གྱི་བདེན་པ་ལས་དང་པོ་གཉིས་དང༌། ཀུན་འབྱུང་བའི་བདེན་པ་ལས་ཐམས་ཅད་དོ༑ །དུ་ཞིག་མཚན་མ་མེད་པའི་རྣམ་པ་ཡིན་ཞེ་ན། སྨྲས་པ། འགོག་པའི་བདེན་པ་ལས་ཐམས་ཅད་དོ། །དུ་ཞིག་ནི་རྣམ་པར་དག་པའི་རྒྱུ་ཉེ་བར་མཚོན་པའི་རྣམ་པ་ཡིན་ཞེ་ན། སྨྲས་པ། ལམ་གྱི་བདེན་པ་ལས་ཐམས་ཅད་དོ། །

rnam pa bcu drug po gang dag yin pa de dag las du zhig stong ba'i rnam pa yin zhe na| smras pa/ gnyis te sdug bsngal gyi bden pa las tha ma gnyis so/ /du zhig smon pa med pa'i rnam pa yin zhe na/ smras pa/ drug ste sdug bsngal gyi bden pa las dang po gnyis dang/ kun 'byung ba'i bden pa las thams cad do| /du zhig mtshan ma med pa'i rnam pa yin zhe na/ smras pa/ 'gog pa'i bden pa las thams cad do/ /du zhig ni rnam par dag pa'i rgyu nye bar mtshon pa'i rnam pa yin zhe na/ smras pa/ lam gyi bden pa las thams cad do/ /

【L2 問答辨說次第】

གང་གི་ཚེ་མི་རྟག་པའི་འདུ་ཤེས་ཅན་བདག་མེད་པའི་འདུ་ཤེས་ལ་གནས་པའི་ཚེ། ཅིའི་ཕྱིར་སྟོང་པ་ཉིད་དང་པོར་གསུངས་ཤེ་ན། སྨྲས་པ། བདག་མེད་པར་ལྟ་བ་སྐྱེས་ན་མི་རྟག་པ་ཉིད་དུ་ལྟ་བ་ལ་སྨོན་པ་མེད་པ་ཉིད་རྣམ་པར་གཞག་པའི་ཕྱིར་ཏེ། ལྟ་བ་གཉིས་ནི་སྔ་ཕྱིར་གཅིག་གིས་གཅིག་རྣམ་པར་དག་པར་བྱེད་པ་ཡིན་པའི་ཕྱིར་རོ། །

gang gi tshe mi rtag pa'i 'du shes can bdag med pa'i 'du shes la gnas pa'i tshe/ ci'i phyir stong pa nyid dang por gsungs she na/ smras pa/ bdag med par lta ba skyes na mi rtag pa nyid du lta ba la smon pa med pa nyid rnam par gzhag pa'i phyir te/ lta ba gnyis ni snga phyir gcig gis gcig rnam par dag par byed pa yin pa'i phyir ro/ /

【J2 明諦次第】【K1 初復次】

འཕགས་པའི་བདེན་པ་བཞི་པོ་དག་གི་བཤད་པའི་གོ་རིམས་གཞན་ཡང་གང་གིས་སྡུག་བསྔལ་བར་གྱུར་པ་དེ་ནི་དང་པོ་ཡིན་ནོ། །ཇི་ལྟར་སྡུག་བསྔལ་བར་གྱུར་པ་དེ་ནི་གཉིས་པ་ཡིན་ནོ། །ནག་པོའི་ཕྱོགས་གཏུགས་ནས་ཡང་གང་གིས་བདེ་བར་གྱུར་པ་དེ་ནི་གསུམ་པ་ཡིན་ནོ། །ཇི་ལྟར་བདེ་བར་གྱུར་པ་དེ་ནི་བཞི་པ་ཡིན་ཏེ། ནད་དང༌། དེའི་རྒྱུ་དང༌། ནད་མེད་པ་དང༌། སྨན་ལྟ་བུ་ཡིན་ནོ། །

'phags pa'i bden pa bzhi po dag gi bshad pa'i go rims gzhan yang gang gis sdug bsngal bar gyur pa de ni dang po yin no/ /ji ltar sdug bsngal bar gyur pa de ni gnyis pa yin no/ /nag po'i phyogs gtugs nas yang gang gis bde bar gyur pa de ni gsum pa yin no/ /ji ltar bde bar gyur pa de ni bzhi pa yin te/ nad dang/ de'i rgyu dang/ nad med pa dang/ sman lta bu yin no/ /

【K2 第二復次】

རྣམ་གྲངས་གཞན་ཡང་འཇིག་རྟེན་པའི་སྡུག་བསྔལ་འབྱུང་བའི་གོ་རིམས་བཞིན་དུ་བདེན་པ་རྣམས་ཀྱི་གོ་རིམས་རྣམ་པར་གཞག་པར་བྱ་སྟེ། འདི་ལྟར་འཇིག་རྟེན་པ་དག་ནི་དང་པོར་སྡུག་བསྔལ་གང་ཡང་རུང་བ་ཞིག་གིས་ཐེབས་པ་ན་དེ་ལ་རྟོག་པར་བྱེད་དོ། །དེའི་འོག་ཏུ་གང་ལས་བྱུང་བ་ལའོ། །དེའི་འོག་ཏུ་དེ་ལས་ཐར་པ་ལའོ། །དེའི་འོག་ཏུ་དེ་ལས་ཐར་པའི་ཐབས་ལ་རྟོག་པར་བྱེད་པའི་ཕྱིར་རོ།།

rnam grangs gzhan yang 'jig rten pa'i sdug bsngal 'byung ba'i go rims bzhin du bden pa rnams kyi go rims rnam par gzhag par bya ste/ 'di ltar 'jig rten pa dag ni dang por sdug bsngal gang yang rung ba zhig gis thebs pa na de la rtog par byed do/ /de'i 'og tu gang las byung ba la'o/ /de'i 'og tu de las thar pa la'o/ /de'i 'og tu de las thar pa'i thabs la rtog par byed pa'i phyir ro//

【J3 明諦義】

བམ་པོ་བརྒྱད་པ། བདེན་པའི་དོན་གང་ཞེ་ན། སྨྲས་པ། བསྟན་པ་དང་མི་མཐུན་པ་མེད་པའི་མཚན་ཉིད་ཀྱི་དོན་དང༌། དེ་མཐོང་ན་རྣམ་པར་དག་པའི་རྒྱུར་གྱུར་པའི་དོན་ནི་བདེན་པའི་དོན་ཏོ། །སྡུག་བསྔལ་གྱི་བདེན་པའི་དོན་གང་ཞེ་ན། སྨྲས་པ། ཉོན་མོངས་པ་ལས་བྱུང་བའི་འདུ་བྱེད་ཀྱི་དོན་ཏོ། །ཀུན་འབྱུང་བའི་བདེན་པའི་དོན་གང་ཞེ་ན། སྨྲས་པ། སྡུག་བསྔལ་གྱི་བདེན་པ་བསྐྱེད་པའི་དོན་ཏོ། །འགོག་པའི་བདེན་པའི་དོན་གང་ཞེ་ན། སྨྲས་པ། དེ་གཉི་ག་ཉེ་བར་ཞི་བའི་དོན་ཏོ། །ལམ་གྱི་བདེན་པའི་དོན་གང་ཞེ་ན། སྨྲས་པ༑ དོན་གསུམ་པོ་དག་སྒྲུབ་པའི་དོན་ཏོ། །

bam po brgyad pa/ bden pa'i don gang zhe na/ smras pa/ bstan pa dang mi mthun pa med pa'i mtshan nyid kyi don dang/ de mthong na rnam par dag pa'i rgyur gyur pa'i don ni bden pa'i don to/ /sdug bsngal gyi bden pa'i don gang zhe na/ smras pa/ nyon mongs pa las byung ba'i 'du byed kyi don to/ /kun 'byung ba'i bden pa'i don gang zhe na/ smras pa/ sdug bsngal gyi bden pa bskyed pa'i don to/ /'gog pa'i bden pa'i don gang zhe na/ smras pa/ de gnyi ga nye bar zhi ba'i don to/ /lam gyi bden pa'i don gang zhe na/ smras pa| don gsum po dag sgrub pa'i don to/ /

【J4 約四諦分別二諦】

ཅི་འཕགས་པའི་བདེན་པ་བཞི་པོ་དེ་དག་ཀུན་རྫོབ་ཀྱི་བདེན་པས་བསྡུས་པ་ཡིན་ནམ། འོན་ཏེ་དོན་དམ་པའི་བདེན་པས་བསྡུས་ཤེ་ན། སྨྲས་པ། དོན་དམ་པའི་བདེན་པས་བསྡུས་སོ། །དེ་ཅིའི་ཕྱིར་ཞེ་ན། འདི་ལྟར་ཀུན་རྫོབ་ཀྱི་བདེན་པ་ནི་བདེ་བ་དང༌། སྡུག་བསྔལ་བ་དང༌། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པའི་གནས་དང་མཐུན་པ་དག་ལ་རང་གི་མཚན་ཉིད་ཡོངས་སུ་འགྲུབ་པ་ལས་རྣམ་པར་གཞག་ལ། དོན་དམ་པའི་བདེན་པ་ནི་སྡུག་བསྔལ་དུ་རོ་གཅིག་པའི་མཚན་ཉིད་ཀྱི་ཕྱིར། སྤྱིའི་མཚན་ཉིད་ཀྱིས་རྣམ་པར་གཞག་པར་བལྟ་བར་བྱ་བའི་ཕྱིར།

ci 'phags pa'i bden pa bzhi po de dag kun rdzob kyi bden pas bsdus pa yin nam/ 'on te don dam pa'i bden pas bsdus she na/ smras pa/ don dam pa'i bden pas bsdus so/ /de ci'i phyir zhe na/ 'di ltar kun rdzob kyi bden pa ni bde ba dang/ sdug bsngal ba dang/ bde ba yang ma yin sdug bsngal ba yang ma yin pa'i gnas dang mthun pa dag la rang gi mtshan nyid yongs su 'grub pa las rnam par gzhag la/ don dam pa'i bden pa ni sdug bsngal du ro gcig pa'i mtshan nyid kyi phyir/ spyi'i mtshan nyid kyis rnam par gzhag par blta bar bya ba'i phyir/

【J5 明知斷證修】

ཅིའི་ཕྱིར་སྡུག་བསྔལ་གྱི་བདེན་པ་ནི་ཡོངས་སུ་ཤེས་པར་བྱ། ཀུན་འབྱུང་བའི་བདེན་པ་ནི་སྤང་བར་བྱ། འགོག་པའི་བདེན་པ་ནི་མངོན་སུམ་དུ་བྱ། ལམ་གྱི་བདེན་པ་ནི་བསྒོམ་པར་བྱ་ཞེ་ན། སྨྲས་པ། སྡུག་བསྔལ་གྱི་བདེན་པ་ནི་ཕྱིན་ཅི་ལོག་བཞིའི་གནས་ཡིན་པས། ཕྱིན་ཅི་ལོག་བསལ་བའི་ཕྱིར་ཡོངས་སུ་ཤེས་པར་བྱའོ། །ཀུན་འབྱུང་བའི་བདེན་པ་ནི་སྡུག་བསྔལ་གྱི་བདེན་པས་བསྡུས་པ་ཡིན་པའི་ཕྱིར། སྡུག་བསྔལ་གྱི་བདེན་པ་ཡོངས་སུ་ཤེས་སུ་ཟིན་ཀྱང༌། ད་དུང་ཀུན་འབྱུང་བའི་བདེན་པ་དང་རྗེས་སུ་འབྲེལ་པའི་ཕྱིར་ཀུན་འབྱུང་བའི་བདེན་པ་ནི་སྤང་བར་བྱ་བ་ཡིན་ནོ། །མངོན་སུམ་དུ་བྱ་བ་ནི་མངོན་སུམ་དུ་བྱ་བའི་དོན་ཡིན་པས།་དེ་མངོན་དུ་བྱས་ནས་འགོག་པ་ལ་མི་སྐྲག་ཅིང་དགའ་བ་ཡོངས་སུ་འཛིན་པའི་ཕྱིར་འགོག་པའི་བདེན་པ་ནི་མངོན་དུ་བྱ་བ་ཡིན་ནོ། །ཇི་སྐད་སྨོས་པའི་དོན་གསུམ་པོ་དག་བསྒྲུབ་པའི་ཕྱིར་ལམ་གོམས་པར་བྱ་དགོས་པས་ན། ལམ་གྱི་བདེན་པ་ནི་བསྒོམ་པར་བྱ་བ་ཡིན་ནོ། །

ci'i phyir sdug bsngal gyi bden pa ni yongs su shes par bya/ kun 'byung ba'i bden pa ni spang bar bya/ 'gog pa'i bden pa ni mngon sum du bya/ lam gyi bden pa ni bsgom par bya zhe na/ smras pa/ sdug bsngal gyi bden pa ni phyin ci log bzhi'i gnas yin pas/ phyin ci log bsal ba'i phyir yongs su shes par bya'o/ /kun 'byung ba'i bden pa ni sdug bsngal gyi bden pas bsdus pa yin pa'i phyir/ sdug bsngal gyi bden pa yongs su shes su zin kyang/ da dung kun 'byung ba'i bden pa dang rjes su 'brel pa'i phyir kun 'byung ba'i bden pa ni spang bar bya ba yin no/ /mngon sum du bya ba ni mngon sum du bya ba'i don yin pas/ de mngon du byas nas 'gog pa la mi skrag cing dga' ba yongs su 'dzin pa'i phyir 'gog pa'i bden pa ni mngon du bya ba yin no/ /ji skad smos pa'i don gsum po dag bsgrub pa'i phyir lam goms par bya dgos pas na/ lam gyi bden pa ni bsgom par bya ba yin no/ /

【J6 明諦現觀】【K1 總問答辨體及顯數】

བདེན་པ་མངོན་པར་རྟོགས་པ་ནི་རྣམ་པ་དུ་མཚན་ཉིད་ནི་ཅི་འདྲ་ཞེ་ན། སྨྲས་པ། མངོན་པར་རྟོགས་པའི་དོན་ནི་ངེས་པའི་དོན་ཏེ༑ དེ་ཡང་བདེན་པ་རྣམས་ལ་ངེས་པའི་ཤེས་རབ་ལྷན་ཅིག་འབྱུང་བ་རྒྱུད་དང་བཅས་པ་སྟེ། དེ་ནི་རེ་ཞིག་མཚན་ཉིད་ཡིན་ནོ། །དེ་ཡང་རྣམ་པ་དྲུག་ཏུ་བལྟ་བར་བྱ་སྟེ། འདི་ལྟ་སྟེ་རྟོག་པ་དང་བཅས་ཤིང་དཔྱོད་པ་དང་བཅས་པའི་སར་བཤད་པའོ། །

bden pa mngon par rtogs pa ni rnam pa du mtshan nyid ni ci 'dra zhe na/ smras pa/ mngon par rtogs pa'i don ni nges pa'i don te| de yang bden pa rnams la nges pa'i shes rab lhan cig 'byung ba rgyud dang bcas pa ste/ de ni re zhig mtshan nyid yin no/ /de yang rnam pa drug tu blta bar bya ste/ 'di lta ste rtog pa dang bcas shing dpyod pa dang bcas pa'i sar bshad pa'o/ /

【K2 別解釋】【L1 明思現觀】

དེ་ལ་དང་པོ་གང་ཞེ་ན། སྨྲས་པ། བདེན་པ་རྣམས་ལ་ངེས་པར་སེམས་པ་གང་ཡིན་པའོ། །

de la dang po gang zhe na/ smras pa/ bden pa rnams la nges par sems pa gang yin pa'o/ /

【L2 明信現觀】

གཉིས་པ་གང་ཞེ་ན། སྨྲས་པ། དཀོན་མཆོག་གི་དོན་ལ་ངེས་པའི་ཕྱིར་དཀོན་མཆོག་གསུམ་པོ་དག་ལ་ཤེས་ནས་དད་པ་གསུམ་དང༌། ཐོས་པ་ལས་བྱུང་བའི་ཤེས་རབ་ངེས་པ་གང་ཡིན་པའོ། །

gnyis pa gang zhe na/ smras pa/ dkon mchog gi don la nges pa'i phyir dkon mchog gsum po dag la shes nas dad pa gsum dang/ thos pa las byung ba'i shes rab nges pa gang yin pa'o/ /

【L3 明戒現觀】

གསུམ་པ་གང་ཞེ་ན། སྨྲས་པ། འཕགས་པ་དགྱེས་པའི་ཚུལ་ཁྲིམས་རྣམས་ཏེ། ངན་སོང་བའི་ལས་མི་བྱེད་ཅིང་ངེས་པར་སྡོམ་པ་ཐོབ་པའི་ཕྱིར་རོ། །

gsum pa gang zhe na/ smras pa/ 'phags pa dgyes pa'i tshul khrims rnams te/ ngan song ba'i las mi byed cing nges par sdom pa thob pa'i phyir ro/ /

【L4 明現觀智諦現觀】【M1 問】

བཞི་པ་གང་ཞེ་ན།

bzhi pa gang zhe na/

【M2 解】【N1 出觀體】【O1 出根本】【P1 緣人空】

སྨྲས་པ། སྔོན་སྦྱོར་བའི་ལམ་ལ་ཚོགས་ཤིན་ཏུ་བསགས་པའི་ཚེ། སེམས་ཡོངས་སུ་སྦྱང་བ་ལེགས་པར་བྱས་པ་ན། འཇིག་རྟེན་པའི་ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བ་མཐར་ཐུག་པའི་རྗེས་ལ་སོ་སོའི་བདག་ཉིད་ལ་སེམས་ཅན་གྱི་བརྡ་བསལ་བའི་ཆོས་ལ་དམིགས་ཤིང་མཐོང་བས་སྤང་བར་བྱ་བའི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་ཆུང་ངུ་དང་བྲལ་བའི་སེམས་དང་པོར་སྐྱེ་བ་དང༌། དེའི་རྗེས་ལ་སོ་སོའི་བདག་ཉིད་ལ་ཆོས་ཀྱི་བརྡ་བསལ་བའི་ཆོས་ལ་དམིགས་ཤིང༌།

smras pa/ sngon sbyor ba'i lam la tshogs shin tu bsags pa'i tshe/ sems yongs su sbyang ba legs par byas pa na/ 'jig rten pa'i nges par 'byed pa'i cha dang mthun pa'i dge ba'i rtsa ba mthar thug pa'i rjes la so so'i bdag nyid la sems can gyi brda bsal ba'i chos la dmigs shing mthong bas spang bar bya ba'i nyon mongs pa'i phyogs dang mthun pa'i gnas ngan len chung ngu dang bral ba'i sems dang por skye ba dang/ de'i rjes la so so'i bdag nyid la chos kyi brda bsal ba'i chos la dmigs shing/

【P2 觀法空】

མཐོང་བས་སྤང་བར་བྱ་བའི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་འབྲིང་དང་བྲལ་བའི་སེམས་གཉིས་པ་སྐྱེ་བ་དང༌། དེའི་རྗེས་ལ་སེམས་ཅན་ཐམས་ཅད་དང༌། ཆོས་ཐམས་ཅད་ཀྱི་བརྡ་བསལ་བའི་ཆོས་ལ་དམིགས་ཤིང༌།

mthong bas spang bar bya ba'i nyon mongs pa'i phyogs dang mthun pa'i gnas ngan len 'bring dang bral ba'i sems gnyis pa skye ba dang/ de'i rjes la sems can thams cad dang/ chos thams cad kyi brda bsal ba'i chos la dmigs shing/

【P3 雙觀二空】

མཐོང་བས་སྤོང་བར་བྱ་བའི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་ཐམས་ཅད་དང་བྲལ་བའི་སེམས་གསུམ་པ་སྐྱེ་བ་གང་ཡིན་པ་སྟེ།

mthong bas spong bar bya ba'i nyon mongs pa'i phyogs dang mthun pa'i gnas ngan len thams cad dang bral ba'i sems gsum pa skye ba gang yin pa ste/

【O2 釋異名】

དེ་ལྟར་ན་དེ་ནི་མཐོང་བའི་ལམ་ཡིན་ནོ། །དེ་ཡང་ཟུང་དུ་འབྲེལ་པས་འཇུག་པའི་ལམ་ཡིན་ཏེ། དེ་ལྟར་གྱུར་པ་དེ་ཡང་གསུམ་ནི་ལྷག་མཐོང་དང་མཐུན་པའི་སེམས་ཡིན་ལ། གསུམ་ནི་ཞི་གནས་དང་མཐུན་པའི་སེམས་ཡིན་ཡང་ཟུང་དུ་འབྲེལ་པས་འཇུག་པའི་ཕྱིར་གསུམ་ཁོ་ནར་རྣམ་པར་གཞག་སྟེ། སྐད་ཅིག་གཅིག་ལ་ཞི་གནས་དང་ལྷག་མཐོང་གཉི་ག་དམིགས་པའི་ཕྱིར་རོ། །

de ltar na de ni mthong ba'i lam yin no/ /de yang zung du 'brel pas 'jug pa'i lam yin te/ de ltar gyur pa de yang gsum ni lhag mthong dang mthun pa'i sems yin la/ gsum ni zhi gnas dang mthun pa'i sems yin yang zung du 'brel pas 'jug pa'i phyir gsum kho nar rnam par gzhag ste/ skad cig gcig la zhi gnas dang lhag mthong gnyi ga dmigs pa'i phyir ro/ /

【N2 隨義分別】【O1 初句】

སེམས་དེ་དག་ནི་རྣམ་པར་མ་བཞག་པའི་བདེན་པ་ལ་དམིགས་པ་ཡིན་པར་བལྟ་བར་བྱ་སྟེ།

sems de dag ni rnam par ma bzhag pa'i bden pa la dmigs pa yin par blta bar bya ste/

【O2 第二句】

དང་པོ་གཉིས་ནི་ཆོས་ཤེས་པ་དང་མཚུངས་པར་ལྡན་པ་ཡིན་ལ་ཐ་མ་གསུམ་པ་གཅིག་པུ་ནི་རྗེས་སུ་ཤེས་པ་དང་མཚུངས་པར་ལྡན་པ་ཡིན་པར་བལྟ་བར་བྱའོ། །

dang po gnyis ni chos shes pa dang mtshungs par ldan pa yin la tha ma gsum pa gcig pu ni rjes su shes pa dang mtshungs par ldan pa yin par blta bar bya'o/ /

【O3 第三句】

སེམས་དེ་དག་གི་མཐུས་དེའི་འོག་མ་གཉིས་མངོན་པར་རྟོགས་པའི་གཉིས་པ་ལ། སྡུག་བསྔལ་ལ་སོགས་པ་རྣམ་པར་གཞག་པའི་བདེན་པ་རྣམས་ལ་སྡུག་བསྔལ་ལ་སོགས་པ་ཤེས་པ་རྣམ་པར་དག་པ་བར་ཆད་མེད་པ་སྐྱེ་བའི་ཕྱིར་དེ་དག་ཀྱང་སྡུག་བསྔལ་དང༌། ཀུན་འབྱུང་བ་དང༌། འགོག་པ་དང༌། ལམ་ཤེས་པ་ཉིད་ཡིན་པར་རབ་ཏུ་གྲུབ་པ་ཡིན་པར་རིག་པར་བྱའོ། །

sems de dag gi mthus de'i 'og ma gnyis mngon par rtogs pa'i gnyis pa la/ sdug bsngal la sogs pa rnam par gzhag pa'i bden pa rnams la sdug bsngal la sogs pa shes pa rnam par dag pa bar chad med pa skye ba'i phyir de dag kyang sdug bsngal dang/ kun 'byung ba dang/ 'gog pa dang/ lam shes pa nyid yin par rab tu grub pa yin par rig par bya'o/ /

【O4 第四句】

དེ་ལྟར་ཞི་གནས་དང༌། ལྷག་མཐོང་གི་ཕྱོགས་དང་མཐུན་པའི་སེམས་གསུམ་པོ་དེ་དག་གིས་མཐོང་བས་སྤང་བར་བྱ་བའི་ཉོན་མོངས་པ་ཉེ་བར་ཞི་བ་མངོན་དུ་བྱེད་པ་དང༌།

de ltar zhi gnas dang/ lhag mthong gi phyogs dang mthun pa'i sems gsum po de dag gis mthong bas spang bar bya ba'i nyon mongs pa nye bar zhi ba mngon du byed pa dang/

【O5 第五句】

ཉོན་མོངས་པ་དང༌། ཕུང་པོ་ཐམས་ཅད་ཞི་བར་བྱེད་པ་འཇིག་རྟེན་ལས་འདས་པའི་ལམ་ཐོབ་པ་གང་ཡིན་པ་དེ་ནི་

nyon mongs pa dang/ phung po thams cad zhi bar byed pa 'jig rten las 'das pa'i lam thob pa gang yin pa de ni

【M3 結】

མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་ཞེས་བྱའོ༑ །

mngon par rtogs pa'i shes pa bden pa mngon par rtogs pa zhes bya'o| /

【L5 明現觀邊智諦現觀】【M1 正辨邊現觀體】【N1 問】

མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པ་གང་ཞེ་ན།

mngon par rtogs pa'i mtha' las byung ba'i shes pa bden pa mngon par rtogs pa gang zhe na/

【N2 解】【O1 初句】

མངོན་པར་རྟོགས་པའི་རྗེས་ལས་ཐོབ་པའི་ཤེས་པ་གང་ཡིན་པ་དེ་ནི་མངོན་པར་རྟོགས་པའི་མཐའ་ལས་བྱུང་བའི་ཤེས་པ་ཞེས་བྱ་སྟེ།

mngon par rtogs pa'i rjes las thob pa'i shes pa gang yin pa de ni mngon par rtogs pa'i mtha' las byung ba'i shes pa zhes bya ste/

【O2 第二句】

ཤེས་པ་དེ་ཡང་སེམས་གསུམ་པའི་མཇུག་ཐོགས་སུ་མཐོང་བའི་ལམ་ལས་ལངས་བས་མངོན་དུ་བྱས་ནས།

shes pa de yang sems gsum pa'i mjug thogs su mthong ba'i lam las langs bas mngon du byas nas/

【O3 第三句】

སྔོན་འཇིག་རྟེན་པའི་ཤེས་པས་དཔྱད་ནས། རྣམ་པར་གཞག་པའི་བདེན་པ་ས་འོག་མ་པ་ས་འོག་མའི་དབང་གིས་བྱུང་བ་དང༌། ས་གོང་མ་པ་ས་གོང་མའི་དབང་གིས་བྱུང་བ་རྣམས་ལ།

sngon 'jig rten pa'i shes pas dpyad nas/ rnam par gzhag pa'i bden pa sa 'og ma pa sa 'og ma'i dbang gis byung ba dang/ sa gong ma pa sa gong ma'i dbang gis byung ba rnams la/

【O4 第四句】

ཆོས་དང་རྗེས་སུ་རྟོགས་པའི་ཤེས་པ་དང་འདྲ་བ་

chos dang rjes su rtogs pa'i shes pa dang 'dra ba

【O5 第五句】

ཀུན་རྫོབ་ཤེས་པ། འཇིག་རྟེན་པ་དང་འཇིག་རྟེན་ལས་འདས་པའམ།

kun rdzob shes pa/ 'jig rten pa dang 'jig rten las 'das pa'am/

【O6 第六句】

འཇིག་རྟེན་ལས་འདས་པའི་རྗེས་ལས་ཐོབ་པའི་ཤེས་པས་

'jig rten las 'das pa'i rjes las thob pa'i shes pas

【O7 第七句】

བདེན་པ་རེ་རེ་ལ་ཡང་གོ་རིམས་བཞིན་དུ་འདོད་པའི་ཤེས་པ་དང༌། མངོན་པར་རྟོགས་པ་ངེས་པའི་ཤེས་པ་གཉིས་གཉིས་འབྱུང་བ་སྟེ། དེ་ལྟར་མངོན་པར་རྟོགས་པ་སྔ་མ་ལས་ལངས་པ་ལ་གོང་མའམ་འོག་མའི་བདེན་པ་དག་ལ། ཤེས་པ་གཉིས་གཉིས་འབྱུང་བ་གང་ཡིན་པ་དེ་ནི་

bden pa re re la yang go rims bzhin du 'dod pa'i shes pa dang/ mngon par rtogs pa nges pa'i shes pa gnyis gnyis 'byung ba ste/ de ltar mngon par rtogs pa snga ma las langs pa la gong ma'am 'og ma'i bden pa dag la/ shes pa gnyis gnyis 'byung ba gang yin pa de ni

【N3 結】

མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པ་ཞེས་བྱའོ། །

mngon par rtogs pa'i mtha' las byung ba'i shes pa bden pa mngon par rtogs pa zhes bya'o/ /

【M2 對第四現觀辨其差別】【N1 初復次】

དེ་ལ་ཤེས་པ་སྔ་མ་ནི་བརྡ་བསལ་བའི་ཆོས་ལ་དམིགས་པའི་ཕྱིར་རྣམ་པར་རྟོག་པ་མེད་པ་ཡིན་ནོ། །ཤེས་པ་ཕྱི་མ་ནི་བརྡ་མ་བསལ་བའི་ཆོས་ལ་དམིགས་པའི་ཕྱིར་རྣམ་པར་རྟོག་པ་དང་བཅས་པ་ཡིན་ནོ། །

de la shes pa snga ma ni brda bsal ba'i chos la dmigs pa'i phyir rnam par rtog pa med pa yin no/ /shes pa phyi ma ni brda ma bsal ba'i chos la dmigs pa'i phyir rnam par rtog pa dang bcas pa yin no/ /

【N2 第二復次】

ཡང་སྔ་མས་ནི་མཐོང་བས་སྤང་བར་བྱ་བའི་ཉོན་མོངས་པའི་བག་ལ་ཉལ་གནས་ལས་སྤོང་བར་བྱེད་དོ། །ཕྱི་མས་ནི་དམིགས་པ་ཡིད་ལ་བྱེད་པས་དེ་དག་ཉིད་ཀྱི་འཇུག་པ་སྤོང་བར་བྱེད་དོ། །

yang snga mas ni mthong bas spang bar bya ba'i nyon mongs pa'i bag la nyal gnas las spong bar byed do/ /phyi mas ni dmigs pa yid la byed pas de dag nyid kyi 'jug pa spong bar byed do/ /

【N3 第三復次】

ཡང་སྔ་མས་ནི་བསྒོམ་པའི་ལམ་ལ་འཇིག་རྟེན་ལས་འདས་པའི་ལམ་གྱིས་སྤོང་བར་བྱེད་དོ། །ཕྱི་མས་ནི་འཇིག་རྟེན་པ་དང་འཇིག་རྟེན་ལས་འདས་པའི་ལམ་གྱིས་སྤོང་བར་བྱེད་དོ། །འཇིག་རྟེན་པའི་ལམ་འབའ་ཞིག་གིས་བག་ལ་ཉལ་ཡང་དག་པར་འཇོམས་པ་ནི་མེད་དེ། འཇིག་རྟེན་པ་ནི་འདྲིས་པའི་ཕྱིར་དང༌། མཚན་མ་ལ་མངོན་པར་ཞེན་པས་འཇུག་པའི་ཕྱིར་རོ། །དེ་ནི་ཇི་ལྟར་མཚན་མ་ལ་མངོན་པར་ཞེན་པས་འཇུག་པ་དེ་ལྟར་མཚན་མ་རྣམ་པར་འཇིག་པར་འཇུག་པར་མི་འགྱུར་ལ། ཇི་ལྟར་མཚན་མ་རྣམ་པར་འཇིག་པར་མི་འཇུག་པ་དེ་ལྟར་གནས་ངན་ལེན་ཡང་དག་པར་འཇོམས་པར་ཡང་འཇུག་པར་མི་འགྱུར་ཏེ། དེའི་ཕྱིར་དེས་བག་ལ་ཉལ་ཡང་དག་པར་འཇོམས་པ་མེད་དོ། །

yang snga mas ni bsgom pa'i lam la 'jig rten las 'das pa'i lam gyis spong bar byed do/ /phyi mas ni 'jig rten pa dang 'jig rten las 'das pa'i lam gyis spong bar byed do/ /'jig rten pa'i lam 'ba' zhig gis bag la nyal yang dag par 'joms pa ni med de/ 'jig rten pa ni 'dris pa'i phyir dang/ mtshan ma la mngon par zhen pas 'jug pa'i phyir ro/ /de ni ji ltar mtshan ma la mngon par zhen pas 'jug pa de ltar mtshan ma rnam par 'jig par 'jug par mi 'gyur la/ ji ltar mtshan ma rnam par 'jig par mi 'jug pa de ltar gnas ngan len yang dag par 'joms par yang 'jug par mi 'gyur te/ de'i phyir des bag la nyal yang dag par 'joms pa med do/ /

【L6 明究竟現觀】

མཐར་ཐུག་པའི་མངོན་པར་རྟོགས་པ་གང་ཞེ་ན། སྨྲས་པ། བསྒོམས་པས་སྤང་བར་བྱ་བ་དག་སྤངས་པ་ལ་ཟད་པ་ཤེས་པ་དང་མི་སྐྱེ་བ་ཤེས་པ་གཅིག་ཏུ་འཇིག་རྟེན་ལས་འདས་པ་དང༌། འཇིག་རྟེན་པ་དང་འཇིག་རྟེན་ལས་འདས་པ་ནི་ཚེ་འདི་ལ་ཉོན་མོངས་པ་ཐམས་ཅད་ངེས་པར་སྤངས་པ་དང༌། ཕྱི་མ་ལ་ཡང་ཕུང་པོ་ཐམས་ཅད་ངེས་པར་འགགས་པས་ན། མཐར་ཐུག་པའི་མངོན་པར་རྟོགས་པ་ཞེས་བྱའོ། །དེ་ལ་འཇིག་རྟེན་ལས་འདས་པའི་ཟད་པ་ཤེས་པ་གང་ཞེ་ན། ཟད་པ་ལ་རྣམ་པར་མི་རྟོག་པའི་ཤེས་པ་གང་ཡིན་པའོ། །འཇིག་རྟེན་པ་དང་འཇིག་རྟེན་ལས་འདས་པའི་ཟད་པ་ཤེས་པ་གང་ཞེ་ན། ཟད་པ་ལས་རྣམ་པར་རྟོག་པ་དང་བཅས་པའི་ཤེས་པ་གང་ཡིན་པའོ། །འཇིག་རྟེན་ལས་འདས་པའི་མི་སྐྱེ་བ་ཤེས་པ་གང་ཞེ་ན། སྨྲས་པ། ཕུང་པོ་འགག་པ་དེ་ཉིད་ཀྱི་རྒྱུའི་དོན་གྱིས་ཕྱི་མར་ཕུང་པོ་མི་སྐྱེ་བ་ལ་རྣམ་པར་མི་རྟོག་པ་གང་ཡིན་པའོ། །འཇིག་རྟེན་པ་དང་འཇིག་རྟེན་ལས་འདས་པའི་མི་སྐྱེ་བའི་ཤེས་པ་གང་ཞེ་ན། སྨྲས་པ། ཕྱི་མར་ཕུང་པོ་མི་སྐྱེ་བ་ལ་རྣམ་པར་རྟོག་པ་དང་བཅས་པ་གང་ཡིན་པའོ། །

mthar thug pa'i mngon par rtogs pa gang zhe na/ smras pa/ bsgoms pas spang bar bya ba dag spangs pa la zad pa shes pa dang mi skye ba shes pa gcig tu 'jig rten las 'das pa dang/ 'jig rten pa dang 'jig rten las 'das pa ni tshe 'di la nyon mongs pa thams cad nges par spangs pa dang/ phyi ma la yang phung po thams cad nges par 'gags pas na/ mthar thug pa'i mngon par rtogs pa zhes bya'o/ /de la 'jig rten las 'das pa'i zad pa shes pa gang zhe na/ zad pa la rnam par mi rtog pa'i shes pa gang yin pa'o/ /'jig rten pa dang 'jig rten las 'das pa'i zad pa shes pa gang zhe na/ zad pa las rnam par rtog pa dang bcas pa'i shes pa gang yin pa'o/ /'jig rten las 'das pa'i mi skye ba shes pa gang zhe na/ smras pa/ phung po 'gag pa de nyid kyi rgyu'i don gyis phyi mar phung po mi skye ba la rnam par mi rtog pa gang yin pa'o/ /'jig rten pa dang 'jig rten las 'das pa'i mi skye ba'i shes pa gang zhe na/ smras pa/ phyi mar phung po mi skye ba la rnam par rtog pa dang bcas pa gang yin pa'o/ /

【I3 破邪辯正】【J1 破邪執】【K1 舉三章】

རིགས་བྲམ་ཟེ་གང་དག་ཡིན་པ་དེ་དག་ནི་གནས་གསུམ་པོ་དག་ཡང་དག་པ་དང༌། བདེན་པ་ལས་འདོགས་པར་བྱེད་ཅིང༌། དེ་ནས་ཀྱང་རིགས་བྲམ་ཟེ་དེ་དག་གནས་གསུམ་པོ་དེ་དག་ཉིད་ལ་ཉེས་པ་གསུམ་གྱིས་ཡང་དག་པར་སྐྱོན་ཆགས་པའི་སེམས་ཀྱིས་གནས་པར་བྱེད་དོ། །དེ་ལྟར་དེ་དག་ནི་དོན་དམ་པར་བྲམ་ཟེ་མ་ཡིན་པའི་གྲངས་སུ་འགྲོའོ། །

rigs bram ze gang dag yin pa de dag ni gnas gsum po dag yang dag pa dang/ bden pa las 'dogs par byed cing/ de nas kyang rigs bram ze de dag gnas gsum po de dag nyid la nyes pa gsum gyis yang dag par skyon chags pa'i sems kyis gnas par byed do/ /de ltar de dag ni don dam par bram ze ma yin pa'i grangs su 'gro'o/ /

【K2 別辨】【L1 婆羅門三諦】【M1 列三處】

གནས་གསུམ་པོ་དག་གང་ཞེ་ན། འཚོ་བ་དང་བསོད་ནམས་ཡང་དག་པར་རྩོམ་པ་དང༌། འབྲས་བུ་ལ་སེམས་པའོ། །

gnas gsum po dag gang zhe na/ 'tsho ba dang bsod nams yang dag par rtsom pa dang/ 'bras bu la sems pa'o/ /

【M2 別解】【N1 明為養命】【O1 辨養命方便】【P1 總說】

དེ་ལ་རིགས་བྲམ་ཟེ་རྣམས་ཀྱི་འཚོ་བ་ནི་ཤིས་པར་བརྗོད་པ་དང༌། བསྟོད་པ་དང༌། འདོད་པ་བརྗོད་པ་དག་གིས་འཚོ་བ་སྟེ།

de la rigs bram ze rnams kyi 'tsho ba ni shis par brjod pa dang/ bstod pa dang/ 'dod pa brjod pa dag gis 'tsho ba ste/

【P2 別釋】【Q1 呪願】

དེ་ལ་རིགས་བྲམ་ཟེ་རྣམས་ནི་རྒྱལ་པོའམ། བློན་པོ་ཆེན་པོའམ། བྲམ་ཟེའམ། ཁྱིམ་བདག་གམ། གྲོང་རྡལ་གྱི་མིའམ། ཡུལ་གྱི་མིའམ། ནོར་ཅན་ནམ། ཚོང་དཔོན་ནམ། དེད་དཔོན་ནམ། གང་ལས་འཚོ་བའི་ཡོ་བྱད་སློང་བར་བྱེད་པ་དེ་ལ། དེ་དག་འདི་སྐད་དུ། ཁྱོད་ཀྱི་དགྲ་རྣམས་ནི་ཟད་དེ་རྨེག་མེད་པ་དང༌། སྡུག་བསྔལ་བ་དང༌། ཟིལ་གྱིས་ནོན་པ་དང༌། གསད་པར་གྱུར་ཅིག །དེ་བཞིན་དུ་ཁྱོད་ཀྱི་དཔལ་དང་དབང་ཐང་ནི་མི་གཡོ་བ་དང༌། རྟག་པ་དང་མི་འགྱུར་བ་དང༌། མི་འཕྲོགས་པར་གྱུར་ཅིག་ཅེས་ཤིས་པར་བརྗོད་པ་སྦྱོར་བར་བྱེད་དོ། །

de la rigs bram ze rnams ni rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul gyi mi'am/ nor can nam/ tshong dpon nam/ ded dpon nam/ gang las 'tsho ba'i yo byad slong bar byed pa de la/ de dag 'di skad du/ khyod kyi dgra rnams ni zad de rmeg med pa dang/ sdug bsngal ba dang/ zil gyis non pa dang/ gsad par gyur cig /de bzhin du khyod kyi dpal dang dbang thang ni mi g.yo ba dang/ rtag pa dang mi 'gyur ba dang/ mi 'phrogs par gyur cig ces shis par brjod pa sbyor bar byed do/ /

【Q2 讚美】

དེ་བཞིན་དུ་བསྟོད་པ་ཡང་སྦྱོར་བར་བྱེད་དེ། འདི་ལྟར་ཁྱོད་ནི་དཔའ་བོ་ཡིན་ནོ། །ཉམས་སྟོབས་དང་ལྡན་པ་ཡིན་ནོ། །སྙིང་སྟོབས་ཅན་ཡིན་ནོ། །ཁྱོད་ནི་དགྲ་རྣམས་གསོད་པར་ནུས་པ་ཡིན་ནོ་ཞེས་བསྟོད་པར་ཡང་བྱེད་དོ། །དགྲ་རྣམས་གསད་པར་གྱུར་ན་ནི་འདི་སྐད་ཅེས་བརྗོད་དེ། ཁྱོད་ཀྱིས་ནི་འདི་ལྟ་འདི་ལྟར་དགྲ་རྣམས་ངེས་པར་བསད་པ་ཡིན་ཏེ། ཁྱོད་ལྟར་དགྲ་རྣམས་དང་བྲལ་བའི་སྐྱེ་བོ་ནི་འཇིག་རྟེན་ན་དཀོན་ནོ་ཞེས་རྗོད་པར་བྱེད་དོ༑ །ཡུན་རིང་པོ་ནས་ལོངས་སྤྱོད་དང་ཡོངས་སུ་སྤྱོད་པ་དང་ལྡན་པ་ལས་བརྩམས་ནས་ཀྱང་འདི་སྐད་དུ། ཁྱོད་ལྟ་བུ་ནི་འཇིག་རྟེན་ན་དཀོན་ཏེ། འདི་ལྟར་དཔལ་དང་དབང་ཐང་མི་གཡོ་བ་དང་ལྡན་པ་ཡིན་ནོ་ཞེས་རྗོད་པར་བྱེད་དོ། །

de bzhin du bstod pa yang sbyor bar byed de/ 'di ltar khyod ni dpa' bo yin no/ /nyams stobs dang ldan pa yin no/ /snying stobs can yin no/ /khyod ni dgra rnams gsod par nus pa yin no zhes bstod par yang byed do/ /dgra rnams gsad par gyur na ni 'di skad ces brjod de/ khyod kyis ni 'di lta 'di ltar dgra rnams nges par bsad pa yin te/ khyod ltar dgra rnams dang bral ba'i skye bo ni 'jig rten na dkon no zhes rjod par byed do| /yun ring po nas longs spyod dang yongs su spyod pa dang ldan pa las brtsams nas kyang 'di skad du/ khyod lta bu ni 'jig rten na dkon te/ 'di ltar dpal dang dbang thang mi g.yo ba dang ldan pa yin no zhes rjod par byed do/ /

【Q3 序述】

དེ་སྐད་ཅེས་འདོད་པ་བརྗོད་པ་སྦྱོར་བར་ཡང་བྱེད་དེ། །ཁྱོད་ནི་སྐྱེས་བུ་དམ་པའི་མཚན་འདི་ལྟ་བུ་དག་དང་ལྡན་པ་ནས་རིང་པོ་མི་ཐོགས་པར་ཁྱོད་ཀྱི་དགྲ་ཐམས་ཅད་ཟད་དེ་རྨེག་མེད་པ་དང༌། ཟིལ་གྱིས་གནོན་པ་དང༌། བསད་པར་ཡང་འགྱུར་རོ། །ཁྱོད་ནི་འདི་ལྟ་བུའི་མཚན་དང་ལྡན་ན། ལག་རྐྱོང་དཔལ་དང་དབང་ཐང་མི་གཡོ་བ་དང་ལྡན་པར་འགྱུར་ཞེས་ཀྱང་རྗོད་པར་བྱེད་དོ། །དེ་དག་མཛའ་བཤེས་ཀྱི་ཁྱིམ་དང༌། སློང་མོ་སྟེར་བའི་ཁྱིམ་དེ་དག་ལ་ཡང༌། ཁྱིམ་འདི་དག་ནི་བདག་གི་ཡིན་གྱི། འདི་དག་ནི་དགེ་སྦྱོང་དང་བྲམ་ཟེ་གཞན་དག་གིས་བླང་བ་ནི་མ་ཡིན་ནོ་སྙམ་དུ་བདག་གིར་འཛིན་པར་ཡང་བྱེད་དོ། །དེ་དག་གིས་དེ་ནས་རྙེད་པ་ཆོས་གོས་སམ། བསོད་སྙོམས་སམ། མལ་ཆའམ། སྟན་ལ་སོགས་པ་

de skad ces 'dod pa brjod pa sbyor bar yang byed de/ /khyod ni skyes bu dam pa'i mtshan 'di lta bu dag dang ldan pa nas ring po mi thogs par khyod kyi dgra thams cad zad de rmeg med pa dang/ zil gyis gnon pa dang/ bsad par yang 'gyur ro/ /khyod ni 'di lta bu'i mtshan dang ldan na/ lag rkyong dpal dang dbang thang mi g.yo ba dang ldan par 'gyur zhes kyang rjod par byed do/ /de dag mdza' bshes kyi khyim dang/ slong mo ster ba'i khyim de dag la yang/ khyim 'di dag ni bdag gi yin gyi/ 'di dag ni dge sbyong dang bram ze gzhan dag gis blang ba ni ma yin no snyam du bdag gir 'dzin par yang byed do/ /de dag gis de nas rnyed pa chos gos sam/ bsod snyoms sam/ mal cha'am/ stan la sogs pa

【O2 明受用過失】

ཇི་སྙེད་པའི་རྙེད་པ་དེ་དག་ཀྱང་ཆགས་པ་དང༌། ཞེན་པ་དང༌། འཆུམས་པ་དང༌། མདུད་པ་བོར་བ་དང༌། བརྒྱལ་བ་དང༌། ལྷག་པར་ཆགས་པ་དང༌། ལྷག་པར་ཆགས་པར་གྱུར་པས་ཡོངས་སུ་ལོངས་སྤྱོད་པར་བྱེད་པའོ། །

ji snyed pa'i rnyed pa de dag kyang chags pa dang/ zhen pa dang/ 'chums pa dang/ mdud pa bor ba dang/ brgyal ba dang/ lhag par chags pa dang/ lhag par chags par gyur pas yongs su longs spyod par byed pa'o/ /

【N2 明為修福】

དེ་ལ་རིགས་བྲམ་ཟེ་རྣམས་ཀྱི་བསོད་ནམས་ཡང་དག་པར་རྩོམ་པ་ནི་སྲོག་ཆགས་རྣམ་པ་སྣ་ཚོགས་དུ་མ་གསོད་པ་དང་ལྡན་པའི་མཆོད་སྦྱིན་སྟོན་པར་བྱེད་པ་དང༌། མཆོད་སྦྱིན་དེའི་འབྲས་བུ་རྟག་པའི་གནས་ཡིན་པར་བརྟག་པར་སྟོན་པ་དང༌། མཆོད་སྦྱིན་རྩོམ་པ་དེར་མགྲོན་དུ་གཉེར་བ་རྣམས་ཀྱང་བླང་བ་སྣ་ཚོགས་མཆོག་མང་པོ་བདག་གིར་བྱ་བའི་རྒྱུ་མཚན་གྱིས་གཅིག་ལ་གཅིག་བརྒྱུད་ཅིང་འཁུ་བའི་སེམས་མངོན་པར་འདུ་བྱེད་པ་སྟེ། རྣམ་པ་གསུམ་པོ་དེ་དག་གིས་ཡང་དག་པར་རྩོམ་པར་རིག་པར་བྱའོ། །

de la rigs bram ze rnams kyi bsod nams yang dag par rtsom pa ni srog chags rnam pa sna tshogs du ma gsod pa dang ldan pa'i mchod sbyin ston par byed pa dang/ mchod sbyin de'i 'bras bu rtag pa'i gnas yin par brtag par ston pa dang/ mchod sbyin rtsom pa der mgron du gnyer ba rnams kyang blang ba sna tshogs mchog mang po bdag gir bya ba'i rgyu mtshan gyis gcig la gcig brgyud cing 'khu ba'i sems mngon par 'du byed pa ste/ rnam pa gsum po de dag gis yang dag par rtsom par rig par bya'o/ /

【N3 安立果】【O1 辨】

དེ་ལ་རིགས་བྲམ་ཟེ་རྣམས་ཀྱི་འབྲས་བུ་ལ་སེམས་པ་ནི་འདི་ལྟ་སྟེ། ལྷ་མ་ཡིན་གྱི་རིགས་རྣམས་ནི་རིགས་གསད་པར་བྱ་བ་ཡིན་ནོ། །ལྷའི་རིགས་རྣམས་ནི་རྟག་པ་ཡིན་ནོ། །བྲམ་ཟེའི་རིགས་རྣམས་ནི་མཆོག་ཡིན་ནོ། །རིགས་གཞན་ནི་དམན་པ་ཡིན་ནོ། །བྲམ་ཟེའི་རིགས་ནི་རྒྱས་པར་ཚངས་པ་ལས་སྐྱེས་པ་དང༌། ཚངས་པས་སྤྲུལ་པ་དང༌། ཚངས་པའི་བགོ་སྐལ་ལ་སྤྱོད་པའོ་ཞེས་བྱ་བའི་བར་དུ་སྟེ།

de la rigs bram ze rnams kyi 'bras bu la sems pa ni 'di lta ste/ lha ma yin gyi rigs rnams ni rigs gsad par bya ba yin no/ /lha'i rigs rnams ni rtag pa yin no/ /bram ze'i rigs rnams ni mchog yin no/ /rigs gzhan ni dman pa yin no/ /bram ze'i rigs ni rgyas par tshangs pa las skyes pa dang/ tshangs pas sprul pa dang/ tshangs pa'i bgo skal la spyod pa'o zhes bya ba'i bar du ste/

【O2 結】

རིགས་བྲམ་ཟེ་གང་ཡིན་པ་དེ་དག་གི་འབྲས་བུ་ལ་སེམས་པ་ནི་བསམ་པ་དེ་ལྟ་བུ་དང་བརྗོད་པ་དེ་ལྟ་བུ་དག་གིས་རིག་པར་བྱའོ། །

rigs bram ze gang yin pa de dag gi 'bras bu la sems pa ni bsam pa de lta bu dang brjod pa de lta bu dag gis rig par bya'o/ /

【M3 總結】

དེ་ལྟར་རིགས་བྲམ་ཟེ་རྣམས་ནི་གནས་གསུམ་པོ་དེ་དག་ལ་འདི་ནི་བདེན་པ་ཁོ་ན་ཡིན་གྱི། གཞན་ནི་བརྫུན་པ་ཡིན་ནོ་ཞེས་ནན་གྱིས་མཆོག་ཏུ་བཟུང་ཞིང་མངོན་པར་ཞེན་པར་བྱས་ནས་ཐ་སྙད་འདོགས་པར་བྱེད་དོ། །

de ltar rigs bram ze rnams ni gnas gsum po de dag la 'di ni bden pa kho na yin gyi/ gzhan ni brdzun pa yin no zhes nan gyis mchog tu bzung zhing mngon par zhen par byas nas tha snyad 'dogs par byed do/ /

【L2 住三過失】【M1 徵列三過】

ཉེས་པ་གསུམ་པོ་གང་དག་གིས་སེམས་སྐྱོན་ཆགས་པར་གྱུར་ཅེ་ན། ངག་གི་ཉེས་པ་དང༌། ང་རྒྱལ་གྱི་ཉེས་པ་དང༌། མོས་པའི་ཉེས་པས་སོ། །

nyes pa gsum po gang dag gis sems skyon chags par gyur ce na/ ngag gi nyes pa dang/ nga rgyal gyi nyes pa dang/ mos pa'i nyes pas so/ /

【M2 次第解釋】【N1 語言過失】

གནས་གསུམ་པོ་དེ་དག་ཉིད་ལ་ངག་ལོག་པར་འཇུག་པ་གང་ཡིན་པ་དེ་ནི་ངག་གི་ཉེས་པ་ཡིན་པར་རིག་པར་བྱའོ། །

gnas gsum po de dag nyid la ngag log par 'jug pa gang yin pa de ni ngag gi nyes pa yin par rig par bya'o/ /

【N2 憍慢過失】

གནས་བཟང་པོ་མ་ཡིན་པ་གསུམ་གདགས་པ་བྱས་པ་དང༌། ཚིག་བཟང་པོ་མ་ཡིན་པ་ཀུན་ཏུ་བརྗོད་པ་ལས་གཞན་ལ་བརྟེན་ཏེ་བདག་ཆེ་བའམ། མཚུངས་པའམ། ཆུང་བར་རློམ་སེམས་བྱེད་པ་གང་ཡིན་པ་དེ་ནི་དེ་དག་གི་ང་རྒྱལ་གྱི་ཉེས་པ་ཡིན་པར་རིག་པར་བྱའོ༑ །

gnas bzang po ma yin pa gsum gdags pa byas pa dang/ tshig bzang po ma yin pa kun tu brjod pa las gzhan la brten te bdag che ba'am/ mtshungs pa'am/ chung bar rlom sems byed pa gang yin pa de ni de dag gi nga rgyal gyi nyes pa yin par rig par bya'o| /

【N3 勝解過失】

དེ་དག་གནས་གསུམ་པོ་དེ་དག་ཉིད་ལ་ཡོན་ཏན་དང་སྐྱོན་མ་དཔྱད་པར་གནས་དེ་དག་ལ་གཅིག་ཏུ་མོས་པར་བྱེད་ཅིང༌། སངས་རྒྱས་རྣམས་དང་སངས་རྒྱས་ཀྱི་ཉན་ཐོས་རྣམས་ཀྱིས་ལེགས་པར་གདམས་པ་མཛད་ཅིང་ལེགས་པར་རྗེས་སུ་བསྟན་པ་མཛད་ཀྱང་གནས་དང་གནས་མ་ཡིན་པ་ལ་ལེགས་པར་མི་གནས་པ་དང༌། ཡོངས་སུ་བརྟགས་པ་ལ་ལེགས་པར་མི་གནས་པ་དང༌། ལམ་ལ་ལེགས་པར་མི་གནས་པ་དང༌། ཤིས་པ་བརྗོད་པ་ལ་ལེགས་པར་མི་གནས་པ་དེ་ནི་དེ་དག་གི་མོས་པའི་ཉེས་པ་ཡིན་པར་རིག་པར་བྱ་སྟེ། ཉེས་པ་གསུམ་པོ་དེ་དག་ཀྱང་ལྟ་བ་ངན་པའི་ཉེས་པས་ཀུན་ནས་བསླང་བ་ཡིན་པར་རིག་པར་བྱའོ། །

de dag gnas gsum po de dag nyid la yon tan dang skyon ma dpyad par gnas de dag la gcig tu mos par byed cing/ sangs rgyas rnams dang sangs rgyas kyi nyan thos rnams kyis legs par gdams pa mdzad cing legs par rjes su bstan pa mdzad kyang gnas dang gnas ma yin pa la legs par mi gnas pa dang/ yongs su brtags pa la legs par mi gnas pa dang/ lam la legs par mi gnas pa dang/ shis pa brjod pa la legs par mi gnas pa de ni de dag gi mos pa'i nyes pa yin par rig par bya ste/ nyes pa gsum po de dag kyang lta ba ngan pa'i nyes pas kun nas bslang ba yin par rig par bya'o/ /

【L3 墮在非梵志數】

དེ་ལྟར་ན་རིགས་བྲམ་ཟེ་རྣམས་ནི་གནས་གསུམ་པོ་དེ་དག་ལ་ཉེས་པ་གསུམ་པོ་དེ་དག་དང་ལྡན་པས་ན་དོན་དམ་པར་བྲམ་ཟེ་མ་ཡིན་པའི་གྲངས་སུ་འགྲོ་བ་ཡིན།

de ltar na rigs bram ze rnams ni gnas gsum po de dag la nyes pa gsum po de dag dang ldan pas na don dam par bram ze ma yin pa'i grangs su 'gro ba yin/

【J2 示正義】【K1 舉章】

རིགས་བྲམ་ཟེ་མ་ཡིན་ཡང་གང་དག་གནས་གསུམ་པོ་འདི་དག་བདེན་པ་དང༌། ཡང་དག་པ་ལས་འདོགས་པར་བྱེད་ན། དེ་དག་ནི་གནས་གསུམ་པོ་དེ་དག་ལ་ཉེས་པ་གསུམ་གྱིས་སེམས་སྐྱོན་ཆགས་པ་མེད་པས་དེ་དག་ནི་རིགས་བྲམ་ཟེ་མ་ཡིན་ཡང་དོན་དམ་པར་བྲམ་ཟེ་ཞེས་བྱ་བའི་གྲངས་སུ་འགྲོའོ། །

rigs bram ze ma yin yang gang dag gnas gsum po 'di dag bden pa dang/ yang dag pa las 'dogs par byed na/ de dag ni gnas gsum po de dag la nyes pa gsum gyis sems skyon chags pa med pas de dag ni rigs bram ze ma yin yang don dam par bram ze zhes bya ba'i grangs su 'gro'o/ /

【K2 別釋】【L1 明三處無三過失】

གནས་གསུམ་པོ་དག་གང་ཞེ་ན། སེམས་ཅན་ཐམས་ཅད་གསད་པར་བྱ་བ་མ་ཡིན་ནོ་ཞེས་གནས་དང་པོ་འདི་སྨྲ་ན། བདེན་པ་ཉིད་སྨྲ་བ་ཡིན་གྱི་བརྫུན་པ་ནི་མ་ཡིན་ཏེ། དེའི་ཕྱིར་དེ་དག་གི་གནས་དང་པོ་འདི་ལ་ངག་གི་ཉེས་པས་སྐྱོན་ཆགས་པ་མེད་པ་ཡིན་ནོ༑ །དེ་དག་གནས་དེ་དང་བདེན་པ་སྨྲ་བ་དེས་གཞན་ལ་བརྟེན་ནས་བདག་ཉིད་ཆེ་བའམ། མཚུངས་པའམ། ཆུང་བ་རློམ་སེམས་མི་བྱེད་པས་དེའི་ཕྱིར་དེ་དག་གནས་དེ་ལ་ང་རྒྱལ་གྱི་ཉེས་པས་ཡང་དག་པར་སྐྱོན་ཆགས་པ་མེད་པའི་ཡིད་དང་ལྡན་པ་ཡིན་ནོ། །དེ་དག་གནས་དེ་ལ་ཡོན་ཏན་དང་སྐྱོན་རྣམ་པར་དཔྱད་པས་དམིགས་པ་དེས་དགེ་བའི་ཆོས་རྣམས་མངོན་པར་འཕེལ་བ་ཡང་དག་པར་རྗེས་སུ་མཐོང་བས་ཁ་ན་མ་ཐོ་བ་མེད་པའི་ལུས་དང་སེམས་ཀྱིས་ཕན་འདོགས་པ་ཚེ་འདི་ལ་བདེ་བར་གནས་པས། སེམས་ཅན་ཐམས་ཅད་ལ་བྱམས་པའི་རང་བཞིན་གྱིས་ཉིན་མཚན་དུ་རྗེས་སུ་སློབ་ཅིང་ལན་མང་དུ་གནས་སོ། །གནས་དེ་ལ་གཞན་དག་གིས་དད་པས་མི་འགྲོ་ཞིང་བདག་རང་གིས་བདེན་པ་དེ་ལེགས་པར་མངོན་པར་རྟོགས་པས་དེ་དག་ནི་བདེན་ཞིང་མངོན་པར་ཞེན་པ་མེད་པ་ཞེས་བྱ་སྟེ། དེའི་ཕྱིར་མོས་པའི་ཉེས་པས་སྐྱོན་ཆགས་པ་མེད་པའི་སེམས་དང་ལྡན་པར་རིག་པར་བྱའོ། །དེ་བཞིན་དུ་འདུ་བྱེད་ཐམས་ཅད་མི་རྟག་པའོ་ཞེས་བྱ་བ་འདི་ནི་གནས་གཉིས་པ་སྟེ། ལྷག་མ་ནི་སྔ་མ་བཞིན་ནོ། །ཆོས་ཐམས་ཅད་བདག་མེད་པའོ་ཞེས་བྱ་བ་འདི་ནི་གནས་གསུམ་པ་སྟེ། ལྷག་མ་ནི་སྔ་མ་བཞིན་དུ་རིག་པར་བྱའོ། །དེ་ལ་བྱེ་བྲག་ནི་འདི་ཡོད་དེ། བདེན་པ་གཉིས་པ་ལ་ནི་འདུ་བྱེད་ཐམས་ཅད་ལས་འབྱུང་བ་དང་འཇིག་པར་རྗེས་སུ་ལྟ་བས་ཉིན་མཚན་དུ་རྗེས་སུ་སློབ་ཅིང་ལན་མང་དུ་གནས་སོ་ཞེས་བརྗོད་པར་བྱའོ། །བདེན་པ་གསུམ་པ་ལ་ནི་ཆོས་ཐམས་ཅད་ལ་བདག་གིར་འཛིན་པ་མེད་པའི་ཚུལ་གྱིས་ཉིན་མཚན་དུ་རྗེས་སུ་སློབ་ཅིང་ལན་མང་དུ་གནས་སོ་ཞེས་བརྗོད་པར་བྱའོ། །

gnas gsum po dag gang zhe na/ sems can thams cad gsad par bya ba ma yin no zhes gnas dang po 'di smra na/ bden pa nyid smra ba yin gyi brdzun pa ni ma yin te/ de'i phyir de dag gi gnas dang po 'di la ngag gi nyes pas skyon chags pa med pa yin no| /de dag gnas de dang bden pa smra ba des gzhan la brten nas bdag nyid che ba'am/ mtshungs pa'am/ chung ba rlom sems mi byed pas de'i phyir de dag gnas de la nga rgyal gyi nyes pas yang dag par skyon chags pa med pa'i yid dang ldan pa yin no/ /de dag gnas de la yon tan dang skyon rnam par dpyad pas dmigs pa des dge ba'i chos rnams mngon par 'phel ba yang dag par rjes su mthong bas kha na ma tho ba med pa'i lus dang sems kyis phan 'dogs pa tshe 'di la bde bar gnas pas/ sems can thams cad la byams pa'i rang bzhin gyis nyin mtshan du rjes su slob cing lan mang du gnas so/ /gnas de la gzhan dag gis dad pas mi 'gro zhing bdag rang gis bden pa de legs par mngon par rtogs pas de dag ni bden zhing mngon par zhen pa med pa zhes bya ste/ de'i phyir mos pa'i nyes pas skyon chags pa med pa'i sems dang ldan par rig par bya'o/ /de bzhin du 'du byed thams cad mi rtag pa'o zhes bya ba 'di ni gnas gnyis pa ste/ lhag ma ni snga ma bzhin no/ /chos thams cad bdag med pa'o zhes bya ba 'di ni gnas gsum pa ste/ lhag ma ni snga ma bzhin du rig par bya'o/ /de la bye brag ni 'di yod de/ bden pa gnyis pa la ni 'du byed thams cad las 'byung ba dang 'jig par rjes su lta bas nyin mtshan du rjes su slob cing lan mang du gnas so zhes brjod par bya'o/ /bden pa gsum pa la ni chos thams cad la bdag gir 'dzin pa med pa'i tshul gyis nyin mtshan du rjes su slob cing lan mang du gnas so zhes brjod par bya'o/ /

【L2 明墮第一義婆羅門數】

གནས་གསུམ་པོ་དེ་དག་ལ་ཉེས་པ་གསུམ་པོ་དེ་དག་གིས་ཡང་དག་པར་སྐྱོན་ཆགས་པ་མེད་པའི་སེམས་དང་ལྡན་པ་དེ་དག་ནི་རིགས་བྲམ་ཟེ་མ་ཡིན་ཡང་དོན་དམ་པར་བྲམ་ཟེ་ཞེས་བྱ་བའི་གྲངས་སུ་འགྲོ་བ་ཡིན་ནོ། །བྲམ་ཟེར་བྱེད་པའི་གནས་གསུམ་པོ་བདེན་པ་ལས་ཉེས་པ་གསུམ་དང་བྲལ་བ་དེ་དག་ནི་དེ་བཞིན་གཤེགས་པ་ཁོ་ནས་མངོན་པར་རྫོགས་པར་ཐུགས་སུ་ཆུད་དེ། །དེ་དག་ནི་མདོ་ལས་སེམས་ཅན་ཐམས་ཅད་བསད་པ་མ་ཡིན་པ་ཞེས་བྱ་བ་དང༌། འབྱུང་བའི་ཆོས་ཅན་གང་ཡིན་པ་དེ་དག་ཐམས་ཅད་ནི་འགོག་པའི་ཆོས་ཅན་ཡིན་ནོ་ཞེས་བྱ་བ་དང༌། བདག་ཀྱང་མེད་ལ་བདག་གི་ཡང་མེད་དེ། བདག་གི་ནི་ཅི་ཡང་མེད་གང་ཡང་མེད་གང་ན་ཡང་མེད་དོ། །བདག་ཀྱང་ཅི་ཡང་མེད་གང་ཡང་མེད་གང་ན་ཡང་མེད་དོ་ཞེས་ཇི་སྐད་གསུངས་པའི་དོན་རྒྱ་ཆེར་བཤད་པ་ཡིན་པར་ཁོང་དུ་ཆུད་པར་བྱའོ། །

gnas gsum po de dag la nyes pa gsum po de dag gis yang dag par skyon chags pa med pa'i sems dang ldan pa de dag ni rigs bram ze ma yin yang don dam par bram ze zhes bya ba'i grangs su 'gro ba yin no/ /bram zer byed pa'i gnas gsum po bden pa las nyes pa gsum dang bral ba de dag ni de bzhin gshegs pa kho nas mngon par rdzogs par thugs su chud de/ /de dag ni mdo las sems can thams cad bsad pa ma yin pa zhes bya ba dang/ 'byung ba'i chos can gang yin pa de dag thams cad ni 'gog pa'i chos can yin no zhes bya ba dang/ bdag kyang med la bdag gi yang med de/ bdag gi ni ci yang med gang yang med gang na yang med do/ /bdag kyang ci yang med gang yang med gang na yang med do zhes ji skad gsungs pa'i don rgya cher bshad pa yin par khong du chud par bya'o/ /

【H2 約不相應行辨蘊分位】【I1 問答總標，指如本分】

ཕུང་པོ་རྣམས་ཀྱི་གནས་སྐབས་དུ་ཡོད་ཅེ་ན། སྨྲས་པ། མང་སྟེ་སེམས་དང་ལྡན་པ་མ་ཡིན་པ་འདི་ལྟ་སྟེ། འཐོབ་པ་དང༌། འདུ་ཤེས་མེད་པའི་སྙོམས་པར་འཇུག་པ་ལ་སོགས་པ་རྒྱས་པར་སྔར་བསྟན་པ་བཞིན་དུ་རིག་པར་བྱའོ། །

phung po rnams kyi gnas skabs du yod ce na/ smras pa/ mang ste sems dang ldan pa ma yin pa 'di lta ste/ 'thob pa dang/ 'du shes med pa'i snyoms par 'jug pa la sogs pa rgyas par sngar bstan pa bzhin du rig par bya'o/ /

【I2 一一別釋有二十問答】【J1 得】

འཐོབ་པ་གནས་སྐབས་གང་ལ་གདགས། འཐོབ་པ་ལ་རྣམ་པ་དུ་ཡོད་ཅེ་ན། སྨྲས་པ། རྒྱུའི་དབང་ཀུན་ཏུ་འབྱུང་བའི་གནས་སྐབས་ལའོ། །རྣམ་པ་གསུམ་སྟེ༑ འདི་ལྟ་སྟེ། ས་བོན་དང་ལྡན་པ་དང༌། དབང་དང་ལྡན་པ་དང༌། ཀུན་ཏུ་སྤྱོད་པ་དང་ལྡན་པའོ། །

'thob pa gnas skabs gang la gdags/ 'thob pa la rnam pa du yod ce na/ smras pa/ rgyu'i dbang kun tu 'byung ba'i gnas skabs la'o/ /rnam pa gsum ste| 'di lta ste/ sa bon dang ldan pa dang/ dbang dang ldan pa dang/ kun tu spyod pa dang ldan pa'o/ /

【J2 三無心定的無想果】

འདུ་ཤེས་མེད་པའི་སྙོམས་པར་འཇུག་པ་དང༌། འགོག་པའི་སྙོམས་པར་འཇུག་པ་དང༌། འདུ་ཤེས་མེད་པ་པ་གནས་སྐབས་གང་ལ་གདགས། འདུ་ཤེས་མེད་པའི་སྙོམས་པར་འཇུག་པ་དང༌། འགོག་པའི་སྙོམས་པར་འཇུག་པ་དང༌། འདུ་ཤེས་མེད་པ་པ་ལ་རྣམ་པ་དུ་ཡོད་ཅེ་ན། སྨྲས་པ། འདུ་ཤེས་མེད་པའི་སྙོམས་པར་འཇུག་པ་ནི་དགེ་རྒྱས་ཀྱི་འདོད་ཆགས་དང་བྲལ་ལ། གོང་མའི་མ་ཡིན་པའི་འབྱུང་བའི་འདུ་ཤེས་སྔོན་དུ་བཏང་བའི་ཡིད་ལ་བྱེད་པས་མིང་འགོག་པའི་གནས་སྐབས་ལའོ། །དེ་ཡང་རྣམ་པ་གསུམ་སྟེ། ངོ་བོ་ཉིད་ལས་ནི་དགེ་བ་ཡིན་ནོ། །གང་ཟག་ལས་ནི་སོ་སོའི་སྐྱེ་བོའི་རྒྱུད་དུ་གཏོགས་པ་ཡིན་ནོ། །སྐྱེ་བ་ལས་ནི་དང་པོ་འདིར་བསྐྱེད་ཅིང་དེའི་འོག་ཏུ་གཟུགས་ཀྱི་ཁམས་སུ་བསམ་གཏན་བཞི་པ་ལ་འབྲས་བུ་ལས་སོ་སོར་མྱོང་བར་འགྱུར་བ་ཡིན་ནོ། །འགོག་པའི་སྙོམས་པར་འཇུག་པ་ནི་ཅི་ཡང་མེད་པའི་སྐྱེ་མཆེད་ཀྱི་འདོད་ཆགས་དང་བྲལ་བའི་གནས་པའི་འདུ་ཤེས་སྔོན་དུ་བཏང་བའི་ཡིད་ལ་བྱེད་པས་མིང་འགོག་པའི་གནས་སྐབས་ལའོ། །དེ་ཡང་རྣམ་པ་གསུམ་སྟེ། ངོ་བོ་ཉིད་ལས་ནི་དགེ་བ་ཉིད་ཡིན་ནོ། །གང་ཟག་ལས་ནི་འཕགས་པའི་རྒྱུད་དུ་གཏོགས་ཏེ། སློབ་པའི་རྒྱུད་དམ་མི་སློབ་པའི་རྒྱུད་དུ་གཏོགས་པ་ཡིན་ནོ། །སྐྱེ་བ་ལས་ནི་ཀུན་གཞི་རྣམ་པར་ཤེས་པ་རྣམ་པར་མ་བཞག་ན་ནི་དང་པོར་འདིར་སྐྱེད་ཅིང༌། དེའི་འོག་ཏུ་གཟུགས་ཀྱི་ཁམས་སུ་མངོན་དུ་བྱེད་དོ། །མངོན་དུ་བྱེད་པ་དེ་ནི་གཟུགས་ཀྱི་ལུས་ལ་རག་ལས་པ་ཡིན་པའི་ཕྱིར་རོ། །ཀུན་གཞི་རྣམ་པར་ཤེས་པ་རྣམ་པར་གཞག་ན་ནི་མངོན་དུ་བྱེད་པ་ཐམས་ཅད་དུ་འགྲོ་བ་ཡིན་པར་བལྟ་བར་བྱའོ། །འདུ་ཤེས་མེད་པ་པ་ནི་འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་པའི་མིང་འགོག་པའི་གནས་སྐབས་ལའོ། །དེ་ཡང་རྣམ་པ་གསུམ་སྟེ། ངོ་བོ་ཉིད་ལས་ནི་མ་བསྒྲིབས་ལ་ལུང་དུ་མ་བསྟན་པ་ཡིན་ནོ། །གང་ཟག་ལས་ནི་སོ་སོའི་སྐྱེ་བོ་ཁོ་ན་དེར་སྐྱེའོ། །འཕགས་པ་ནི་མ་ཡིན་ནོ། །སྐྱེ་བ་ལས་ནི་དེ་ནི་འདུ་ཤེས་མེད་པའི་སྙོམས་པར་འཇུག་པ་སྒྲུབ་པར་བྱེད་པའི་སེམས་པའི་རྣམ་པར་སྨིན་པའི་འབྲས་བུ་ཡིན་ཏེ། འདུ་ཤེས་སྐྱེས་ནས་སེམས་ཅན་དེ་དག་དེ་ནས་འཆི་འཕོ་བར་འགྱུར་བ་ཡིན་ནོ། །

'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa pa gnas skabs gang la gdags/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa pa la rnam pa du yod ce na/ smras pa/ 'du shes med pa'i snyoms par 'jug pa ni dge rgyas kyi 'dod chags dang bral la/ gong ma'i ma yin pa'i 'byung ba'i 'du shes sngon du btang ba'i yid la byed pas ming 'gog pa'i gnas skabs la'o/ /de yang rnam pa gsum ste/ ngo bo nyid las ni dge ba yin no/ /gang zag las ni so so'i skye bo'i rgyud du gtogs pa yin no/ /skye ba las ni dang po 'dir bskyed cing de'i 'og tu gzugs kyi khams su bsam gtan bzhi pa la 'bras bu las so sor myong bar 'gyur ba yin no/ /'gog pa'i snyoms par 'jug pa ni ci yang med pa'i skye mched kyi 'dod chags dang bral ba'i gnas pa'i 'du shes sngon du btang ba'i yid la byed pas ming 'gog pa'i gnas skabs la'o/ /de yang rnam pa gsum ste/ ngo bo nyid las ni dge ba nyid yin no/ /gang zag las ni 'phags pa'i rgyud du gtogs te/ slob pa'i rgyud dam mi slob pa'i rgyud du gtogs pa yin no/ /skye ba las ni kun gzhi rnam par shes pa rnam par ma bzhag na ni dang por 'dir skyed cing/ de'i 'og tu gzugs kyi khams su mngon du byed do/ /mngon du byed pa de ni gzugs kyi lus la rag las pa yin pa'i phyir ro/ /kun gzhi rnam par shes pa rnam par gzhag na ni mngon du byed pa thams cad du 'gro ba yin par blta bar bya'o/ /'du shes med pa pa ni 'du shes med pa'i sems can lha rnams kyi nang du skyes pa'i ming 'gog pa'i gnas skabs la'o/ /de yang rnam pa gsum ste/ ngo bo nyid las ni ma bsgribs la lung du ma bstan pa yin no/ /gang zag las ni so so'i skye bo kho na der skye'o/ /'phags pa ni ma yin no/ /skye ba las ni de ni 'du shes med pa'i snyoms par 'jug pa sgrub par byed pa'i sems pa'i rnam par smin pa'i 'bras bu yin te/ 'du shes skyes nas sems can de dag de nas 'chi 'pho bar 'gyur ba yin no/ /

【J3 命根】

སྲོག་གི་དབང་པོ་གནས་སྐབས་གང་ལ་གདགས། དེ་རྣམ་པ་དུ་ཡོད་ཅེ་ན། སྨྲས་པ། ལས་ཀྱིས་འཕངས་པའི་རྣམ་པར་སྨིན་པ་གནས་པའི་དུས་ངེས་པའི་གནས་སྐབས་ལའོ། །དེ་ཡང་རྣམ་པ་གསུམ་སྟེ། ངེས་པ་དང༌། མ་ངེས་པ་དང༌། འདོད་པ་དང༌། མི་འདོད་པ་དང༌། ལོ་དང་བསྐལ་པའི་གྲངས་རྣམ་པར་གཞག་པ་ལས་སོ། །

srog gi dbang po gnas skabs gang la gdags/ de rnam pa du yod ce na/ smras pa/ las kyis 'phangs pa'i rnam par smin pa gnas pa'i dus nges pa'i gnas skabs la'o/ /de yang rnam pa gsum ste/ nges pa dang/ ma nges pa dang/ 'dod pa dang/ mi 'dod pa dang/ lo dang bskal pa'i grangs rnam par gzhag pa las so/ /

【J4 眾同分】

རིས་མཐུན་པ་གནས་སྐབས་གང་ལ་གདགས། དེ་རྣམ་པ་དུ་ཡོད་ཅེ་ན། སྨྲས་པ༑ སེམས་ཅན་འདྲ་བའི་གནས་སྐབས་ལའོ། །རྣམ་པ་གསུམ་སྟེ། སྐྱེ་བ་རིགས་མཐུན་པ་དང༌། རང་བཞིན་རིགས་མཐུན་པ་དང༌། བཟོ་དང་ལས་ཀྱི་གནས་ཀྱིས་འཚོ་བའི་རིགས་མཐུན་པའོ། །

ris mthun pa gnas skabs gang la gdags/ de rnam pa du yod ce na/ smras pa| sems can 'dra ba'i gnas skabs la'o/ /rnam pa gsum ste/ skye ba rigs mthun pa dang/ rang bzhin rigs mthun pa dang/ bzo dang las kyi gnas kyis 'tsho ba'i rigs mthun pa'o/ /

【J5 生】

སྐྱེ་བ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། ད་ལྟར་བྱུང་བའི་གནས་སྐབས་ལའོ། །རྣམ་པ་གསུམ་སྟེ་སྐད་ཅིག་གི་སྐྱེ་བ་དང༌། ཉིང་མཚམས་སྦྱོར་བའི་སྐྱེ་བ་དང༌། གནས་སྐབས་ཀྱི་སྐྱེ་བའོ། །

skye ba gnas skabs gang la gdags/ rnam pa du yod ce na/ smras pa/ da ltar byung ba'i gnas skabs la'o/ /rnam pa gsum ste skad cig gi skye ba dang/ nying mtshams sbyor ba'i skye ba dang/ gnas skabs kyi skye ba'o/ /

【J6 老】

རྒ་བ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། སྔ་ཕྱིའི་གནས་སྐབས་ལའོ། །རྣམ་པ་གསུམ་སྟེ། གཞན་ཉིད་ཀྱི་དགའ་བ་དང༌། གཞན་དུ་གྱུར་པའི་རྒ་བ་དང༌། ཉེ་བར་སྤྱོད་པའི་རྒ་བའོ། །

rga ba gnas skabs gang la gdags/ rnam pa du yod ce na/ smras pa/ snga phyi'i gnas skabs la'o/ /rnam pa gsum ste/ gzhan nyid kyi dga' ba dang/ gzhan du gyur pa'i rga ba dang/ nye bar spyod pa'i rga ba'o/ /

【J7 住】

གནས་པ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། སྐྱེས་པའི་གནས་སྐབས་ཉིད་ལའོ། །རྣམ་པ་གསུམ་སྟེ། སྐད་ཅིག་གནས་པ་དང༌། རྒྱུན་གནས་པ་དང༌། ལུགས་གནས་པའོ། །

gnas pa gnas skabs gang la gdags/ rnam pa du yod ce na/ smras pa/ skyes pa'i gnas skabs nyid la'o/ /rnam pa gsum ste/ skad cig gnas pa dang/ rgyun gnas pa dang/ lugs gnas pa'o/ /

【J8 無常】

མི་རྟག་པ་ཉིད་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། སྐྱེས་ནས་ཞིག་པའི་གནས་སྐབས་ལའོ། །རྣམ་པ་གསུམ་སྟེ། འཇིག་པའི་མི་རྟག་པ་ཉིད་དང༌། འགྱུར་བའི་མི་རྟག་པ་ཉིད་དང༌། བྲལ་བའི་མི་རྟག་པ་ཉིད་དོ། །

mi rtag pa nyid gnas skabs gang la gdags/ rnam pa du yod ce na/ smras pa/ skyes nas zhig pa'i gnas skabs la'o/ /rnam pa gsum ste/ 'jig pa'i mi rtag pa nyid dang/ 'gyur ba'i mi rtag pa nyid dang/ bral ba'i mi rtag pa nyid do/ /

【J9 名身】

མིང་གི་ཚོགས་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། བརྡའི་ཐ་སྙད་འདོགས་པའི་གནས་སྐབས་ལའོ། །རྣམ་པ་གསུམ་སྟེ། ཉེ་བར་འདོགས་པ་དང༌། ཡང་དག་པའི་དངོས་པོ་དང༌། གྲགས་པ་དང༌། མ་གྲགས་པའོ། །མིང་གི་ཚོགས་ཇི་ལྟ་བ་བཞིན་དུ། ཚིག་གི་ཚོགས་དང༌། ཡི་གེའི་ཚོགས་ཀྱང་དེ་བཞིན་དུ་རིག་པར་བྱའོ། །དེ་ལ་བྱེ་བྲག་ནི་འདི་ཡོད་དེ། བསྟན་པའི་ཚིག་དང༌། བཤད་པའི་ཚིག་དང༌། ཚིག་གིས་བསྡུས་པ་དང༌། ཡི་གེས་བསྡུས་པའོ། །

ming gi tshogs gnas skabs gang la gdags/ rnam pa du yod ce na/ smras pa/ brda'i tha snyad 'dogs pa'i gnas skabs la'o/ /rnam pa gsum ste/ nye bar 'dogs pa dang/ yang dag pa'i dngos po dang/ grags pa dang/ ma grags pa'o/ /ming gi tshogs ji lta ba bzhin du/ tshig gi tshogs dang/ yi ge'i tshogs kyang de bzhin du rig par bya'o/ /de la bye brag ni 'di yod de/ bstan pa'i tshig dang/ bshad pa'i tshig dang/ tshig gis bsdus pa dang/ yi ges bsdus pa'o/ /

【J10 異生性】

སོ་སོའི་སྐྱེ་བོ་ཉིད་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། འཇིག་རྟེན་ལས་འདས་པ་འཕགས་པའི་ཆོས་མ་བསྐྱེད་པའི་གནས་སྐབས་ལའོ། །རྣམ་པ་གསུམ་སྟེ། འདོད་པ་ན་སྤྱོད་པ་དང༌། གཟུགས་ན་སྤྱོད་པ་དང༌། གཟུགས་མེད་པ་ན་སྤྱོད་པའོ། །

so so'i skye bo nyid gnas skabs gang la gdags/ rnam pa du yod ce na/ smras pa/ 'jig rten las 'das pa 'phags pa'i chos ma bskyed pa'i gnas skabs la'o/ /rnam pa gsum ste/ 'dod pa na spyod pa dang/ gzugs na spyod pa dang/ gzugs med pa na spyod pa'o/ /

【J11 流轉】

འཇུག་པ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། རྒྱུ་དང་འབྲས་བུའི་རྒྱུན་གྱི་གནས་སྐབས་ལའོ། རྣམ་པ་ནི་གསུམ་སྟེ། སྐད་ཅིག་གཅིག་ནས་གཅིག་ཏུ་འཇུག་པ་དང༌། སྐྱེ་བ་གཅིག་ནས་གཅིག་ཏུ་འཇུག་པ་དང༌། ཀུན་ནས་ཉོན་མོངས་པ་དང་རྣམ་པར་བྱང་བ་གཅིག་ནས་གཅིག་ཏུ་འཇུག་པའོ། །

'jug pa gnas skabs gang la gdags/ rnam pa du yod ce na/ smras pa/ rgyu dang 'bras bu'i rgyun gyi gnas skabs la'o/ rnam pa ni gsum ste/ skad cig gcig nas gcig tu 'jug pa dang/ skye ba gcig nas gcig tu 'jug pa dang/ kun nas nyon mongs pa dang rnam par byang ba gcig nas gcig tu 'jug pa'o/ /

【J12 定異】

སོ་སོར་ངེས་པ་གནས་སྐབས་གང་ལ་གདགས་རྣམ་པ་དུ་ཡོད་ཅེ་ན། སྨྲས་པ། ཆོས་ཐ་དད་པའི་མཚན་ཉིད་ཀྱི་གནས་སྐབས་ལའོ། །རྣམ་པ་གསུམ་སྟེ། མཚན་ཉིད་སོ་སོར་ངེས་པ་དང༌། རྒྱུ་སོ་སོར་ངེས་པ་དང༌། འབྲས་བུ་སོ་སོར་ངེས་པའོ། །

so sor nges pa gnas skabs gang la gdags rnam pa du yod ce na/ smras pa/ chos tha dad pa'i mtshan nyid kyi gnas skabs la'o/ /rnam pa gsum ste/ mtshan nyid so sor nges pa dang/ rgyu so sor nges pa dang/ 'bras bu so sor nges pa'o/ /

【J13 相應】

སྦྱོར་བ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། རྒྱུ་དང་འབྲས་བུ་མཐུན་པའི་གནས་སྐབས་ལའོ། །རྣམ་པ་གསུམ་སྟེ། འདུས་པའི་སྦྱོར་བ་དང༌། ཐབས་ཀྱི་སྦྱོར་བ་དང༌། རིགས་པའི་ཚུལ་གྱིས་བྱ་བ་བྱེད་པའི་སྦྱོར་བའོ། །

sbyor ba gnas skabs gang la gdags/ rnam pa du yod ce na/ smras pa/ rgyu dang 'bras bu mthun pa'i gnas skabs la'o/ /rnam pa gsum ste/ 'dus pa'i sbyor ba dang/ thabs kyi sbyor ba dang/ rigs pa'i tshul gyis bya ba byed pa'i sbyor ba'o/ /

【J14 勢速】

མགྱོགས་པ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། མྱུར་དུ་འཇུག་པའི་གནས་སྐབས་ལའོ། །རྣམ་པ་གསུམ་སྟེ། འདུ་བྱེད་ཀྱི་མགྱོགས་པ་དང༌། སྐྱེས་བུའི་བྱེད་པའི་མགྱོགས་པ་དང༌། རྫུ་འཕྲུལ་གྱི་མགྱོགས་པའོ། །

mgyogs pa gnas skabs gang la gdags/ rnam pa du yod ce na/ smras pa/ myur du 'jug pa'i gnas skabs la'o/ /rnam pa gsum ste/ 'du byed kyi mgyogs pa dang/ skyes bu'i byed pa'i mgyogs pa dang/ rdzu 'phrul gyi mgyogs pa'o/ /

【J15 次第】

གོ་རིམས་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། འདུ་བྱེད་རེ་རེ་ནས་འཇུག་པའི་གནས་སྐབས་ལའོ༑ །རྣམ་པ་གསུམ་སྟེ། སྐད་ཅིག་འཇུག་པའི་གོ་རིམས་དང༌། ལུས་འཇུག་པའི་གོ་རིམས་དང༌། བྱ་བ་བསྒྲུབ་པ་འཇུག་པའི་གོ་རིམས་སོ། །

go rims gnas skabs gang la gdags/ rnam pa du yod ce na/ smras pa/ 'du byed re re nas 'jug pa'i gnas skabs la'o| /rnam pa gsum ste/ skad cig 'jug pa'i go rims dang/ lus 'jug pa'i go rims dang/ bya ba bsgrub pa 'jug pa'i go rims so/ /

【J16 時】

དུས་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། འདུ་བྱེད་ཀྱི་རྒྱུན་རྒྱུན་མི་འཆད་པའི་གནས་སྐབས་ལའོ། །རྣམ་པ་གསུམ་སྟེ། འདས་པ་དང༌། མ་འོངས་པ་དང༌། ད་ལྟར་བྱུང་བའོ། །

dus gnas skabs gang la gdags/ rnam pa du yod ce na/ smras pa/ 'du byed kyi rgyun rgyun mi 'chad pa'i gnas skabs la'o/ /rnam pa gsum ste/ 'das pa dang/ ma 'ongs pa dang/ da ltar byung ba'o/ /

【J17 方】

ཡུལ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། གཟུགས་ཡོངས་སུ་གཟུང་བའི་གནས་སྐབས་ལའོ། །རྣམ་པ་གསུམ་སྟེ། འོག་གི་ཡུལ་དང༌། སྟེང་གི་ཡུལ་དང༌། ཐད་ཀའི་ཡུལ་ལོ། །

yul gnas skabs gang la gdags/ rnam pa du yod ce na/ smras pa/ gzugs yongs su gzung ba'i gnas skabs la'o/ /rnam pa gsum ste/ 'og gi yul dang/ steng gi yul dang/ thad ka'i yul lo/ /

【J18 數】

གྲངས་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། ཆོས་ཡོངས་སུ་གཞལ་བ་ཡང་དག་པར་མཚོན་པའི་གནས་སྐབས་ལའོ། །རྣམ་པ་གསུམ་སྟེ། གཅིག་གི་གྲངས་དང༌། གཉིས་ཀྱི་གྲངས་དང༌། མང་པོའི་གྲངས་སོ། །

grangs gnas skabs gang la gdags/ rnam pa du yod ce na/ smras pa/ chos yongs su gzhal ba yang dag par mtshon pa'i gnas skabs la'o/ /rnam pa gsum ste/ gcig gi grangs dang/ gnyis kyi grangs dang/ mang po'i grangs so/ /

【J19 和合】

ཚོགས་པ་གནས་སྐབས་གང་ལ་གདགས༑ རྣམ་པ་དུ་ཡོད་ཅེ་ན། སྨྲས་པ། བྱ་བའི་ཡན་ལག་མ་ཚང་བ་མེད་པའི་གནས་སྐབས་ལའོ། །རྣམ་པ་གསུམ་སྟེ། འདུས་པའི་ཚོགས་པ་དང༌། དོན་གཅིག་གི་ཚོགས་པ་དང༌། ཡོངས་སུ་རྫོགས་པའི་ཚོགས་པའོ། །

tshogs pa gnas skabs gang la gdags| rnam pa du yod ce na/ smras pa/ bya ba'i yan lag ma tshang ba med pa'i gnas skabs la'o/ /rnam pa gsum ste/ 'dus pa'i tshogs pa dang/ don gcig gi tshogs pa dang/ yongs su rdzogs pa'i tshogs pa'o/ /

【J20 不和合】

མ་ཚོགས་པ་གནས་སྐབས་གང་ལ་གདགས། རྣམ་པ་དུ་ཡོད་ཅེ་ན། སྨྲས་པ། མ་ཚོགས་པའི་གནས་སྐབས་དང༌། རབ་ཏུ་དབྱེ་བ་ནི་ཚོགས་པ་ལས་བཟློག་པ་ལས་རིག་པར་བྱའོ། །

ma tshogs pa gnas skabs gang la gdags/ rnam pa du yod ce na/ smras pa/ ma tshogs pa'i gnas skabs dang/ rab tu dbye ba ni tshogs pa las bzlog pa las rig par bya'o/ /

【H3 以諸門分別五蘊】【I1 別釋】【J1 以有色有見等十九問分別諸蘊】【K1 有色門】

དེ་ལ་ཕུང་པོ་རྣམས་ལ་གཟུགས་ཅན་གྱི་མཚན་ཉིད་ནི་གང༌། ཕུང་པོ་རྣམས་ལས་དུ་ཞིག་ནི་གཟུགས་ཅན་ཡིན་ཞེ་ན། དེ་ཉིད་ཀྱིས་དེ་བཤད་པར་བྱས་ནས་གཟུགས་ཀྱི་ངོ་བོ་ཉིད་ཀྱི་དོན་གྱི་ཕུང་པོ་གཟུགས་ཅན་ནི་གཅིག་གོ ། །

de la phung po rnams la gzugs can gyi mtshan nyid ni gang/ phung po rnams las du zhig ni gzugs can yin zhe na/ de nyid kyis de bshad par byas nas gzugs kyi ngo bo nyid kyi don gyi phung po gzugs can ni gcig go / /

【K2 有見門】

བསྟན་པ་དུ་ཡོད་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། བསྟན་དུ་ཡོད་པའི་མིག་གི་སྤྱོད་ཡུལ་དུ་དོན་གྱིས་སོ། །གཅིག་གི་ཕྱོགས་གཅིག་གོ། །

bstan pa du yod pa rnams don gang gis yin/ du yod ce na/ smras pa/ bstan du yod pa'i mig gi spyod yul du don gyis so/ /gcig gi phyogs gcig go/ /

【K3 有對門】

ཐོགས་པ་དང་བཅས་པ་རྣམས་དོན་གང་གིས་ཡིན་དུ་ཡོད་ཅེ་ན། སྨྲས་པ། ཐོགས་པ་དང་བཅས་པ་ནི་ཕན་ཚུན་རེག་ཅིང་ཡུལ་གནོན་པའི་དོན་དང༌། རགས་པའི་དོན་གྱིས་དེ་རགས་པའི་དོན་ནི་ཆ་ཕྲ་བ་རྣམ་པ་གསུམ་མ་གཏོགས་པ་ཡིན་པར་རིག་པར་བྱ་སྟེ། ཆ་ཕྲ་བ་རྣམ་པ་གསུམ་ནི་སྔ་མ་བཞིན་དུ་རིག་པར་བྱའོ༑ །གཅིག་གི་ཕྱོགས་གཅིག་གོ། །

thogs pa dang bcas pa rnams don gang gis yin du yod ce na/ smras pa/ thogs pa dang bcas pa ni phan tshun reg cing yul gnon pa'i don dang/ rags pa'i don gyis de rags pa'i don ni cha phra ba rnam pa gsum ma gtogs pa yin par rig par bya ste/ cha phra ba rnam pa gsum ni snga ma bzhin du rig par bya'o| /gcig gi phyogs gcig go/ /

【K4 有漏門】

ཟག་པ་དང་བཅས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། གནས་ངན་ལེན་དང་རྗེས་སུ་འབྲེལ་པའི་དོན་དང༌། དེའི་གཉེན་པོ་མ་ཡིན་པའི་ཉོན་མོངས་པས་སྐྱེད་པའི་དོན་གྱིས་སོ༑ །ཐམས་ཅད་ཀྱི་ཕྱོགས་གཅིག་གོ། །ཟག་པ་དང་བཅས་པའི་དོན་གཞན་ཡང་གང་ལ་ཉོན་མོངས་པས་ཉེས་པ་རྣམ་པ་བཞི་སྐྱེད་པར་ནུས་པ་དེ་ནི་ཟག་པ་དང་བཅས་པ་ཡིན་ནོ། །ཉེས་པ་རྣམ་པ་བཞི་གང་ཞེ་ན། སྨྲས་པ། རབ་ཏུ་མ་ཞི་བའི་ཉེས་པ་དང༌། ནང་དང་ཕྱི་རོལ་འགྱུར་བའི་ཉེས་པ་དང༌། ཉེས་པར་སྤྱོད་པ་ཀུན་ནས་སློང་བའི་ཉེས་པ་དང༌། རྒྱུ་ཡོངས་སུ་འཛིན་པའི་ཉེས་པའོ། །དེ་ལ་དང་པོ་ནི་ཀུན་ནས་དཀྲིས་པ་ཀུན་ཏུ་སྤྱོད་པ་ལས་གྱུར་པ་ཡིན་པར་བལྟ་བར་བྱའོ༑ །གཉིས་པ་ནི་ཉོན་མོངས་པའི་གཞི་ལས་ཉོན་མོངས་པ་རྗེས་སུ་སྤྱོད་པ་ལས་གྱུར་པ་ཡིན་པར་བལྟ་བར་བྱའོ། །གསུམ་པ་ནི་ཉོན་མོངས་པའི་རྒྱུ་ལས་གྱུར་པ་ཡིན་པར་བལྟ་བར་བྱའོ། །བཞི་པ་ནི་ཡང་སྲིད་པ་འཕེན་པ་ལས་གྱུར་པ་ཡིན་པར་བལྟ་བར་བྱའོ། །

zag pa dang bcas pa rnams don gang gis yin/ du yod ce na/ smras pa/ gnas ngan len dang rjes su 'brel pa'i don dang/ de'i gnyen po ma yin pa'i nyon mongs pas skyed pa'i don gyis so| /thams cad kyi phyogs gcig go/ /zag pa dang bcas pa'i don gzhan yang gang la nyon mongs pas nyes pa rnam pa bzhi skyed par nus pa de ni zag pa dang bcas pa yin no/ /nyes pa rnam pa bzhi gang zhe na/ smras pa/ rab tu ma zhi ba'i nyes pa dang/ nang dang phyi rol 'gyur ba'i nyes pa dang/ nyes par spyod pa kun nas slong ba'i nyes pa dang/ rgyu yongs su 'dzin pa'i nyes pa'o/ /de la dang po ni kun nas dkris pa kun tu spyod pa las gyur pa yin par blta bar bya'o| /gnyis pa ni nyon mongs pa'i gzhi las nyon mongs pa rjes su spyod pa las gyur pa yin par blta bar bya'o/ /gsum pa ni nyon mongs pa'i rgyu las gyur pa yin par blta bar bya'o/ /bzhi pa ni yang srid pa 'phen pa las gyur pa yin par blta bar bya'o/ /

【K5 有為門】

འདུས་བྱས་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། རྒྱུ་ལས་བྱུང་བ་འབྱུང་བའི་སྐལ་བ་ཅན་གྱི་དོན་གྱིས་སོ། །འདུས་བྱས་ཐམས་ཅད་དོ། །

'dus byas rnams don gang gis yin/ du yod ce na/ smras pa/ rgyu las byung ba 'byung ba'i skal ba can gyi don gyis so/ /'dus byas thams cad do/ /

【K6 有諍門】

ཉོན་མོངས་པ་དང་བཅས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། གནོད་པ་མང་པོས་དབང་བསྒྱུར་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

nyon mongs pa dang bcas pa rnams don gang gis yin/ du yod ce na/ smras pa/ gnod pa mang pos dbang bsgyur ba'i don gyis so/ /thams cad kyi phyogs gcig kho na'o/ /

【K7 有愛味門】

ཟང་ཟིང་དང་བཅས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། སྲེད་པ་དང༌། ལྟ་བ་མང་པོས་དབང་བསྒྱུར་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

zang zing dang bcas pa rnams don gang gis yin/ du yod ce na/ smras pa/ sred pa dang/ lta ba mang pos dbang bsgyur ba'i don gyis so/ /thams cad kyi phyogs gcig kho na'o/ /

【K8 耽嗜門】

ཞེན་པ་ལ་བརྟེན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། འདོད་པའི་འདོད་ཆགས་མང་པོས་དབང་བསྒྱུར་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

zhen pa la brten pa rnams don gang gis yin/ du yod ce na/ smras pa/ 'dod pa'i 'dod chags mang pos dbang bsgyur ba'i don gyis so/ /thams cad kyi phyogs gcig kho na'o/ /

【K9 世間門】

འཇིག་རྟེན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། སྤྲོས་པའི་གནས་ཀྱི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ༑ །

'jig rten pa rnams don gang gis yin/ du yod ce na/ smras pa/ spros pa'i gnas kyi don gyis so/ /thams cad kyi phyogs gcig kho na'o| /

【K10 墮界門】

གཏོགས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། ཁམས་གསུམ་དུ་འཇིག་རྟེན་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ༑ །

gtogs pa rnams don gang gis yin/ du yod ce na/ smras pa/ khams gsum du 'jig rten pa'i don gyis so/ /thams cad kyi phyogs gcig kho na'o| /

【K11 三世門】

འདས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། རྒྱུ་དང་འབྲས་བུ་སྤྱད་ཟིན་པའི་དོན་གྱིས་སོ། །ཐམས་ཅད་དོ། །མ་འོངས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། རྒྱུ་དང་འབྲས་བུ་མ་སྤྱད་པའི་དོན་གྱིས་སོ། །ཐམས་ཅད་དོ། །ད་ལྟར་བྱུང་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། རྒྱུ་སྤྱད་ཟིན་པའི་དོན་དང་འབྲས་བུ་མ་སྤྱད་པའི་དོན་གྱིས་སོ། །ཐམས་ཅད་དོ། །

'das pa rnams don gang gis yin/ du yod ce na/ smras pa/ rgyu dang 'bras bu spyad zin pa'i don gyis so/ /thams cad do/ /ma 'ongs pa rnams don gang gis yin/ du yod ce na/ smras pa/ rgyu dang 'bras bu ma spyad pa'i don gyis so/ /thams cad do/ /da ltar byung ba rnams don gang gis yin/ du yod ce na/ smras pa/ rgyu spyad zin pa'i don dang 'bras bu ma spyad pa'i don gyis so/ /thams cad do/ /

【K12 內外門】

ནང་གི་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། སྐྱེ་མཆེད་དྲུག་པོ་དག་དེ་དང་འབྲེལ་པའི་དོན་གྱིས་སོ། །གཅིག་ནི་ཕྱོགས་གཅིག་དང་བཞིའོ། །ཕྱི་རོལ་གྱི་དོན་རྣམས་གང་གིས་ཡིན། དུ་ཡོད་ཅེ་ན། སྨྲས་པ། ནང་གི་ལས་བཟློག་པའི་དོན་གྱིས་སོ། །གཅིག་གི་ཕྱོགས་གཅིག་གོ། །

nang gi rnams don gang gis yin/ du yod ce na/ smras pa/ skye mched drug po dag de dang 'brel pa'i don gyis so/ /gcig ni phyogs gcig dang bzhi'o/ /phyi rol gyi don rnams gang gis yin/ du yod ce na/ smras pa/ nang gi las bzlog pa'i don gyis so/ /gcig gi phyogs gcig go/ /

【K13 麁細門】

རགས་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། མི་གསལ་བ་དང༌། བརྩམས་པ་དང༌། མཚན་ཉིད་བརྟས་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །ཕྲ་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། རགས་པ་ལས་བཟློག་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

rags pa rnams don gang gis yin/ du yod ce na/ smras pa/ mi gsal ba dang/ brtsams pa dang/ mtshan nyid brtas pa'i don gyis so/ /thams cad kyi phyogs gcig kho na'o/ /phra ba rnams don gang gis yin/ du yod ce na/ smras pa/ rags pa las bzlog pa'i don gyis so/ /thams cad kyi phyogs gcig kho na'o/ /

【K14 劣妙門】

དམན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། མི་རྟག་པ་དང༌། སྡུག་བསྔལ་བ་དང༌། མི་གཙང་བ་དང༌། ཉོན་མོངས་པ་ཅན་གྱི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །བཟང་པོ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ༑ དམན་པ་ལས་བཟློག་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

dman pa rnams don gang gis yin/ du yod ce na/ smras pa/ mi rtag pa dang/ sdug bsngal ba dang/ mi gtsang ba dang/ nyon mongs pa can gyi don gyis so/ /thams cad kyi phyogs gcig kho na'o/ /bzang po rnams don gang gis yin/ du yod ce na/ smras pa| dman pa las bzlog pa'i don gyis so/ /thams cad kyi phyogs gcig kho na'o/ /

【K15 遠近門】

ཐག་རིང་པོ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། ཡུལ་དང༌། འདས་པ་དང་མ་འོངས་པའི་དུས་ཀྱིས་བསྐལ་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །ཐག་ཉེ་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། ཐག་རིང་བ་ལས་བཟློག་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

thag ring po rnams don gang gis yin/ du yod ce na/ smras pa/ yul dang/ 'das pa dang ma 'ongs pa'i dus kyis bskal ba'i don gyis so/ /thams cad kyi phyogs gcig kho na'o/ /thag nye ba rnams don gang gis yin/ du yod ce na/ smras pa/ thag ring ba las bzlog pa'i don gyis so/ /thams cad kyi phyogs gcig kho na'o/ /

【K16 三界繫門】

འདོད་པ་དང་ལྡན་པ་རྣམས་དོན་གང་གིས་ཡིན༑ དུ་ཡོད་ཅེ་ན། སྨྲས་པ། འདིར་སྐྱེས་པ་གཉེན་པོ་མ་ཐོབ་པའམ། ཐོབ་པ་ལས་ལངས་པ་དུས་གསུམ་དུ་ཀུན་ཏུ་སྤྱོད་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །གཟུགས་དང་ལྡན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། གཟུགས་ན་སྤྱོད་པའི་གཉེན་པོ་ཐོབ་པ་སྙོམས་པར་ཞུགས་པ་དང༌། སྐྱེས་པ་གོང་མའི་གཉེན་པོ་མ་ཐོབ་པའམ། ཐོབ་པ་དེ་ལས་ལངས་པ་དུས་གསུམ་དུ་ཀུན་ཏུ་སྤྱོད་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །གཟུགས་མེད་པ་དང་ལྡན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། གཟུགས་མེད་པ་དང་ལྡན་པའི་གཉེན་པོ་ཐོབ་པ་དེ་ལ་སྙོམས་པར་ཞུགས་པ་དང༌། སྐྱེས་པ་གོང་མའི་གཉེན་པོ་མ་ཐོབ་པའམ། ཐོབ་པ་དེ་ལས་ལངས་པ་དུས་གསུམ་དུ་ཀུན་ཏུ་སྤྱོད་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །རྣམ་གྲངས་གཞན་ཡང་འདོད་པ་དང་ལྡན་པ་རྣམས་ནི་ཤིན་ཏུ་སྦྱངས་པ་དང་བཅས་པའི་ཏིང་ངེ་འཛིན་དང༌། དེའི་འཁོར་དང་དེའི་འབྲས་བུའི་ཆོས་ཀྱིས་མ་བསྡུས་པའི་དོན་གྱིས་སོ། །གཟུགས་དང་ལྡན་པ་རྣམས་ནི། གཟུགས་དང་འབྲེལ་བའི་ཉོན་མོངས་པ་དང༌། དེ་ལས་བཟློག་པས་བསྡུས་པའི་དོན་གྱིས་སོ། །གཟུགས་མེད་པ་དང་ལྡན་པ་རྣམས་ནི་གཟུགས་དང་མི་ལྡན་པའི་ཉོན་མོངས་པ་དེས་བསྡུས་པའི་དོན་གྱིས་རིག་པར་བྱའོ། །

'dod pa dang ldan pa rnams don gang gis yin| du yod ce na/ smras pa/ 'dir skyes pa gnyen po ma thob pa'am/ thob pa las langs pa dus gsum du kun tu spyod pa'i don gyis so/ /thams cad kyi phyogs gcig kho na'o/ /gzugs dang ldan pa rnams don gang gis yin/ du yod ce na/ smras pa/ gzugs na spyod pa'i gnyen po thob pa snyoms par zhugs pa dang/ skyes pa gong ma'i gnyen po ma thob pa'am/ thob pa de las langs pa dus gsum du kun tu spyod pa'i don gyis so/ /thams cad kyi phyogs gcig kho na'o/ /gzugs med pa dang ldan pa rnams don gang gis yin/ du yod ce na/ smras pa/ gzugs med pa dang ldan pa'i gnyen po thob pa de la snyoms par zhugs pa dang/ skyes pa gong ma'i gnyen po ma thob pa'am/ thob pa de las langs pa dus gsum du kun tu spyod pa'i don gyis so/ /thams cad kyi phyogs gcig kho na'o/ /rnam grangs gzhan yang 'dod pa dang ldan pa rnams ni shin tu sbyangs pa dang bcas pa'i ting nge 'dzin dang/ de'i 'khor dang de'i 'bras bu'i chos kyis ma bsdus pa'i don gyis so/ /gzugs dang ldan pa rnams ni/ gzugs dang 'brel ba'i nyon mongs pa dang/ de las bzlog pas bsdus pa'i don gyis so/ /gzugs med pa dang ldan pa rnams ni gzugs dang mi ldan pa'i nyon mongs pa des bsdus pa'i don gyis rig par bya'o/ /

【K17 三性門】

དགེ་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། ཕྱི་མ་ལ་བདེ་བའི་འབྲས་བུའི་དོན་དང་ཉོན་མོངས་པ་དང་སྡུག་བསྔལ་སྤོང་བའི་གཉེན་པོའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །མི་དགེ་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། ཕྱི་མ་ལ་སྡུག་བསྔལ་བའི་འབྲས་བུའི་དོན་དང་ཉེས་པར་སྤྱོད་པ་ཀུན་ནས་སློང་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །ལུང་དུ་མ་བསྟན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། དེ་གཉི་ག་ལས་བཟློག་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་གོ། །རྣམ་གྲངས་གཞན་ཡང་དགེ་བ་རྣམས་ནི་སྐྱོན་མེད་པའི་དོན་དང༌། སྐྱོན་དང་ཡོན་ཏན་གྱི་གཉེན་པོ་དང༌། རྗེས་སུ་མཐུན་པའི་དོན་གྱིས་སོ། །མི་དགེ་བ་རྣམས་ནི་དེ་ལས་བཟློག་པའི་དོན་གྱིས་སོ། །ལུང་དུ་མ་བསྟན་པ་རྣམས་ནི་དེ་གཉི་ག་ལས་བཟློག་པའི་དོན་གྱིས་སོ། །

dge ba rnams don gang gis yin/ du yod ce na/ smras pa/ phyi ma la bde ba'i 'bras bu'i don dang nyon mongs pa dang sdug bsngal spong ba'i gnyen po'i don gyis so/ /thams cad kyi phyogs gcig kho na'o/ /mi dge ba rnams don gang gis yin/ du yod ce na/ smras pa/ phyi ma la sdug bsngal ba'i 'bras bu'i don dang nyes par spyod pa kun nas slong ba'i don gyis so/ /thams cad kyi phyogs gcig kho na'o/ /lung du ma bstan pa rnams don gang gis yin/ du yod ce na/ smras pa/ de gnyi ga las bzlog pa'i don gyis so/ /thams cad kyi phyogs gcig go/ /rnam grangs gzhan yang dge ba rnams ni skyon med pa'i don dang/ skyon dang yon tan gyi gnyen po dang/ rjes su mthun pa'i don gyis so/ /mi dge ba rnams ni de las bzlog pa'i don gyis so/ /lung du ma bstan pa rnams ni de gnyi ga las bzlog pa'i don gyis so/ /

【K18 三學門】

སློབ་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། སློབ་པའི་སྦྱོར་བ་ལས་བྱུང་བའི་དགེ་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །མི་སློབ་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། བསླབ་པ་ཡོངས་སུ་རྫོགས་པ་ལ་མཁས་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །སློབ་པ་ཡང་མ་ཡིན་མི་སློབ་པ་ཡང་མ་ཡིན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། དེ་ལས་གཞན་པ་དགེ་བ་དང༌། ཉོན་མོངས་པ་ཅན་དང༌། ལུང་དུ་མ་བསྟན་པའི་ཆོས་ཀྱི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

slob pa rnams don gang gis yin/ du yod ce na/ smras pa/ slob pa'i sbyor ba las byung ba'i dge ba'i don gyis so/ /thams cad kyi phyogs gcig kho na'o/ /mi slob pa rnams don gang gis yin/ du yod ce na/ smras pa/ bslab pa yongs su rdzogs pa la mkhas pa'i don gyis so/ /thams cad kyi phyogs gcig kho na'o/ /slob pa yang ma yin mi slob pa yang ma yin pa rnams don gang gis yin/ du yod ce na/ smras pa/ de las gzhan pa dge ba dang/ nyon mongs pa can dang/ lung du ma bstan pa'i chos kyi don gyis so/ /thams cad kyi phyogs gcig kho na'o/ /

【K19 三斷門】

མཐོང་བས་སྤང་བར་བྱ་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། མངོན་པར་རྟོག་པའི་ཤེས་པ་བདེན་པ་མངོན་པར་རྟོགས་པས་སྤང་བར་བྱ་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །བསྒོམས་པས་སྤང་བར་བྱ་བ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། མངོན་པར་རྟོགས་པ་དེའི་གོང་མ་བསྒོམ་པའི་ལམ་གྱིས་སྤང་བར་བྱ་བའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །སྤང་བར་བྱ་བ་མ་ཡིན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། ཉོན་མོངས་པ་ཅན་ཐམས་ཅད་གཏན་སྤངས་པ་དང༌། གཉེན་པོའི་དོན་དང༌། སྤངས་ཟིན་པའི་དོན་གྱིས་སོ། །ཐམས་ཅད་ཀྱི་ཕྱོགས་གཅིག་ཁོ་ནའོ། །

mthong bas spang bar bya ba rnams don gang gis yin/ du yod ce na/ smras pa/ mngon par rtog pa'i shes pa bden pa mngon par rtogs pas spang bar bya ba'i don gyis so/ /thams cad kyi phyogs gcig kho na'o/ /bsgoms pas spang bar bya ba rnams don gang gis yin/ du yod ce na/ smras pa/ mngon par rtogs pa de'i gong ma bsgom pa'i lam gyis spang bar bya ba'i don gyis so/ /thams cad kyi phyogs gcig kho na'o/ /spang bar bya ba ma yin pa rnams don gang gis yin/ du yod ce na/ smras pa/ nyon mongs pa can thams cad gtan spangs pa dang/ gnyen po'i don dang/ spangs zin pa'i don gyis so/ /thams cad kyi phyogs gcig kho na'o/ /

【J2 翻有色等問以顯無色等義】

གཟུགས་ཅན་མ་ཡིན་པ་རྣམས་དོན་གང་གིས་ཡིན། དུ་ཡོད་ཅེ་ན། སྨྲས་པ། གཟུགས་ཅན་མ་ཡིན་པ་ལ་སོགས་པའི་དོན་ནི་གཟུགས་ཅན་ལ་སོགས་པ་ཇི་སྐད་བསྟན་པ་རྣམས་ལས་བཟློག་པའི་དོན་གྱིས་བལྟ་བར་བྱ་སྟེ།

gzugs can ma yin pa rnams don gang gis yin/ du yod ce na/ smras pa/ gzugs can ma yin pa la sogs pa'i don ni gzugs can la sogs pa ji skad bstan pa rnams las bzlog pa'i don gyis blta bar bya ste/

【I2 總結】

དེ་ལྟར་དེ་ལྟ་བུ་དང་མཐུན་པ་དག་གིཕུང་པོ་རྣམས་ཀྱི་རྣམ་པའི་རབ་ཏུ་དབྱེ་བ་གང་དག་ཡིན་ནོ། །

de ltar de lta bu dang mthun pa dag giphung po rnams kyi rnam pa'i rab tu dbye ba gang dag yin no/ /

【H4 釋蘊義攝及相應】【I1 釋蘊義】

ཕུང་པོའི་དོན་ནི་སྤུངས་པའི་དོན་ཏོ་ཞེས་གང་གསུངས་པ་དེ་ལ་སྤུངས་པའི་དོན་གང་ཡིན་ཞེ་ན། སྨྲས་པ། སྤུངས་པའི་དོན་ནི་བདག་ཉིད་སྣ་ཚོགས་མང་པོའི་དོན་དང༌། དེ་བཞིན་དུ་ཕན་ཚུན་འདྲེས་པའི་དངོས་པོས་འཇུག་པའི་དོན་དང༌། དེ་བཞིན་དུ་གཅིག་ཏུ་མངོན་པར་བསྡུས་པའི་དོན་དང༌། འཕེལ་བ་དང་འབྲི་བའི་དོན་ཏོ། །

phung po'i don ni spungs pa'i don to zhes gang gsungs pa de la spungs pa'i don gang yin zhe na/ smras pa/ spungs pa'i don ni bdag nyid sna tshogs mang po'i don dang/ de bzhin du phan tshun 'dres pa'i dngos pos 'jug pa'i don dang/ de bzhin du gcig tu mngon par bsdus pa'i don dang/ 'phel ba dang 'bri ba'i don to/ /

【I2 釋色義】

ཅིའི་ཕྱིར་གཟུགས་ལ་གཟུགས་ཞེས་བྱ་ཞེ་ན། སྨྲས་པ། ཡུལ་དེ་དང་དེར་སྐྱེ་བའི་དོན་དང༌། གཟུགས་སུ་རུང་བའི་དོན་གྱིས་སོ། །གཟུགས་སུ་རུང་བའི་དོན་ཀྱང་རྣམ་པ་གཉིས་ཏེ། ལག་པ་ལ་སོགས་པའི་འདུས་ཏེ་རེག་པས་གནོད་པ་བྱར་རུང་བའི་དོན་དང་ཡུལ་སྣ་ཚོགས་སུ་བྱེད་པའི་དོན་ཏོ། །

ci'i phyir gzugs la gzugs zhes bya zhe na/ smras pa/ yul de dang der skye ba'i don dang/ gzugs su rung ba'i don gyis so/ /gzugs su rung ba'i don kyang rnam pa gnyis te/ lag pa la sogs pa'i 'dus te reg pas gnod pa byar rung ba'i don dang yul sna tshogs su byed pa'i don to/ /

【I3 辯名】

ཅིའི་ཕྱིར་ཕུང་པོ་གཟུགས་ཅན་མ་ཡིན་པ་བཞི་པོ་དག་ལ་མིང་འདི་ཞེས་བྱ་ཞེ་ན། སྨྲས་པ། དམིགས་པ་སྣ་ཚོགས་ལ་སེམས་ཉེ་བར་གཞོལ་བའི་དོན་དང༌། ཐ་སྙད་ལས་བྱུང་བའི་མིང་ལ་བརྟེན་ཏེ་དམིགས་པ་ལ་རྣམ་པར་རྟོག་པའི་དོན་གྱིས་སོ། །

ci'i phyir phung po gzugs can ma yin pa bzhi po dag la ming 'di zhes bya zhe na/ smras pa/ dmigs pa sna tshogs la sems nye bar gzhol ba'i don dang/ tha snyad las byung ba'i ming la brten te dmigs pa la rnam par rtog pa'i don gyis so/ /

【I4 解攝義】

ཕུང་པོ་རྣམས་གང་གིས་བསྡུས། ཅིའི་ཕྱིར་བསྡུས་པ་རྣམ་པར་གཞག་ཅེ་ན། སྨྲས་པ། ངོ་བོ་ཉིད་ཀྱིས་བསྡུས་སོ། །རང་གི་རིགས་སྣ་ཚོགས་ཡོངས་སུ་ཤེས་པར་བྱ་བའི་ཕྱིར་དེ་རྣམ་པར་གཞག་གོ། །

phung po rnams gang gis bsdus/ ci'i phyir bsdus pa rnam par gzhag ce na/ smras pa/ ngo bo nyid kyis bsdus so/ /rang gi rigs sna tshogs yongs su shes par bya ba'i phyir de rnam par gzhag go/ /

【I5 釋相應】

ཆོས་རྣམས་གང་དང་མཚུངས་པར་ལྡན། ཅིའི་ཕྱིར་མཚུངས་པར་ལྡན་པ་རྣམ་པར་གཞག་ཅེ་ན། སྨྲས་པ། གཞན་གྱི་དངོས་པོ་དང་མཚུངས་པར་ལྡན་ནོ། །སེམས་རང་བཞིན་གྱིས་འོད་གསལ་བ་ལ་ཉོན་མོངས་པ་ཅན་དང་ཉོན་མོངས་པ་ཅན་མ་ཡིན་པའི་ཆོས་རྣམས་འཕེལ་བ་དང་འབྲི་བ་ཡོངས་སུ་ཤེས་པར་བྱ་བའི་ཕྱིར་དེ་ཡང་རྣམ་པར་གཞག་གོ། །

chos rnams gang dang mtshungs par ldan/ ci'i phyir mtshungs par ldan pa rnam par gzhag ce na/ smras pa/ gzhan gyi dngos po dang mtshungs par ldan no/ /sems rang bzhin gyis 'od gsal ba la nyon mongs pa can dang nyon mongs pa can ma yin pa'i chos rnams 'phel ba dang 'bri ba yongs su shes par bya ba'i phyir de yang rnam par gzhag go/ /

【H5 破外人執】【I1 以長行顯三過失】【J1 第一過失】

དགེ་སྦྱོང་དང་བྲམ་ཟེ་ལ་མིང་ལ་སེམས་ཙམ་ཞིག་རྫས་སུ་འདོད་ལ་སེམས་ལས་བྱུང་བའི་ཆོས་རྣམས་ནི་མི་འདོད་པ་གང་དག་ཡོད་པ་དེ་དག་ཀྱང་མི་འཐད་དོ། །དེ་ཅིའི་ཕྱིར་ཞེ་ན། དང་པོ་ཁོ་ནར་ཕུང་པོ་རྣམས་ལྔ་ཁོ་ནར་བསྟན་པ་མི་འཐད་པའི་ཕྱིར་རོ། །

dge sbyong dang bram ze la ming la sems tsam zhig rdzas su 'dod la sems las byung ba'i chos rnams ni mi 'dod pa gang dag yod pa de dag kyang mi 'thad do/ /de ci'i phyir zhe na/ dang po kho nar phung po rnams lnga kho nar bstan pa mi 'thad pa'i phyir ro/ /

【J2 第二過失】

གལ་ཏེ་གནས་སྐབས་ཀྱི་བྱེ་བྲག་ལས་ལྔ་ཁོ་ནར་ཡོངས་སུ་རྟོག་ན་ནི་དེའི་གནས་སྐབས་ཀྱི་བྱེ་བྲག་ཏུ་རྟོག་པ་ཡང་སྐྱོན་ཆགས་པ་ཡིན་ནོ། །དེ་ཅིའི་ཕྱིར་ཞེ་ན། གནས་སྐབས་དེ་དག་གི་ཕན་ཚུན་བྱ་བ་བྱེད་ནུས་པའི་བྱེ་བྲག་ཡོད་པའམ་མེད་པའི་སྐྱོན་དུ་ཐལ་བར་འགྱུར་བའི་ཕྱིར་ཏེ། ཡོད་ན་ནི་མཚན་ཉིད་མི་འདྲ་བའི་ཕྱིར་རྫས་གཞན་ཉིད་དུ་ཡོད་པར་ཐལ་བར་འགྱུར་རོ། །དེ་མེད་ན་ནི་གནས་སྐབས་གཞན་ཡོད་པར་རྟོག་པ་དོན་མེད་པར་འགྱུར་རོ། །རྣམ་པར་ཤེས་པའི་ཚོགས་དྲུག་གི་གནས་སྐབས་ཐ་དད་པ་ལྟ་བུར་ཡང་མི་རུང་ངོ༌། །དེ་ཅིའི་ཕྱིར་ཞེ་ན། རྣམ་པར་ཤེས་པའི་ཚོགས་དྲུག་པོ་དག་ནི་གནས་དང་དམིགས་པ་ཐ་དད་པའི་ཕྱིར་རོ། །གནས་སྐབས་དེ་དག་གི་ནི་གཅིག་ལ་དམིགས་པའི་ཕྱིར་མི་རུང་ངོ༌། །ཡོངས་སུ་ཤེས་པར་གྱུར་པ་ལས་ཀྱང་མི་རུང་ངོ༌། །དེ་ཅིའི་ཕྱིར་ཞེ་ན། གཟུགས་ཅན་ལ་ནི་ཡོངས་སུ་འགྱུར་བ་དང་ལྡན་པས་གནས་སྐབས་ཐ་དད་པ་དག་རུང་གི་གཟུགས་ཅན་མ་ཡིན་པ་ལ་ནི་མི་རུང་སྟེ། འོ་མ་དང་ཞོ་དང་མར་སར་ལ་སོགས་པ་དང་འདྲ་བའི་ཕྱིར་རོ། །བྱེད་རྒྱུ་ཁྱད་པར་མེད་པའི་ཕྱིར་སེམས་ཀྱི་གནས་སྐབས་གཞན་དུ་འགྱུར་བ་ནི་མི་རུང་ངོ༌། །སྐད་ཅིག་གཅིག་ལ་གང་གིས་གནས་སྐབས་གཞན་ལ་སྟོན་པར་འགྱུར་བའི་བྱེད་རྒྱུ་ཁྱད་པར་ཅན་གཞན་ནི་མི་དམིགས་ཏེ། དེ་ལྟ་བས་ན་གནས་སྐབས་ཀྱི་བྱེ་བྲག་ཀྱང་མི་རུང་ངོ༌། །

gal te gnas skabs kyi bye brag las lnga kho nar yongs su rtog na ni de'i gnas skabs kyi bye brag tu rtog pa yang skyon chags pa yin no/ /de ci'i phyir zhe na/ gnas skabs de dag gi phan tshun bya ba byed nus pa'i bye brag yod pa'am med pa'i skyon du thal bar 'gyur ba'i phyir te/ yod na ni mtshan nyid mi 'dra ba'i phyir rdzas gzhan nyid du yod par thal bar 'gyur ro/ /de med na ni gnas skabs gzhan yod par rtog pa don med par 'gyur ro/ /rnam par shes pa'i tshogs drug gi gnas skabs tha dad pa lta bur yang mi rung ngo/ /de ci'i phyir zhe na/ rnam par shes pa'i tshogs drug po dag ni gnas dang dmigs pa tha dad pa'i phyir ro/ /gnas skabs de dag gi ni gcig la dmigs pa'i phyir mi rung ngo/ /yongs su shes par gyur pa las kyang mi rung ngo/ /de ci'i phyir zhe na/ gzugs can la ni yongs su 'gyur ba dang ldan pas gnas skabs tha dad pa dag rung gi gzugs can ma yin pa la ni mi rung ste/ 'o ma dang zho dang mar sar la sogs pa dang 'dra ba'i phyir ro/ /byed rgyu khyad par med pa'i phyir sems kyi gnas skabs gzhan du 'gyur ba ni mi rung ngo/ /skad cig gcig la gang gis gnas skabs gzhan la ston par 'gyur ba'i byed rgyu khyad par can gzhan ni mi dmigs te/ de lta bas na gnas skabs kyi bye brag kyang mi rung ngo/ /

【J3 第三過失】【K1 顯違三經】

སེམས་ཙམ་ཞིག་རྫས་སུ་ཡོད་པ་ནི་ལུང་དང་འགལ་བས་ཀྱང་མི་རུང་སྟེ། ལུང་དང་འགལ་བ་གང་ཞེ་ན། འདོད་ཆགས་ཀྱིས་ཉེ་བར་ཉོན་མོངས་པ་ཅན་དུ་འགྱུར་བ་དང༌། ཞེ་སྡང་དང༌། གཏི་མུག་གིས་ཉེ་བར་ཉོན་མོངས་པ་ཅན་དུ་གྱུར་པའི་སེམས་ནི་རྣམ་པར་གྲོལ་བར་མི་འགྱུར་རོ་ཞེས་ཇི་སྐད་གསུངས་པའོ། །དེ་ལ་འགལ་བ་ཅི་ཡོད་ཅེ་ན། སྨྲས་པ། སེམས་ཙམ་སྟེ་གཉིས་ཅིག་ཅར་དུ་འབྱུང་བ་མེད་པ་ཡིན་ན་འདོད་ཆགས་ལ་སོགས་པ་རྣམ་པར་རིག་པ་ལ་མི་བརྟེན་པར་ཐལ་བར་འགྱུར་བས་མི་རུང་བའོ། །རྣམ་པར་རིག་པ་སྔོན་དུ་འགྲོ་བ་ཉིད་དུ་རྟོག་ནའང་དེ་ལྟ་ན་ཉེས་པ་ཁྱད་པར་མེད་པ་ཁོ་ནར་འགྱུར་རོ། །བཅོམ་ལྡན་འདས་ཀྱིས་ཀྱང་ལྷན་ཅིག་སྐྱེས་པའི་ཚོར་བ་དང་འདུ་ཤེས་དང་སེམས་པ་ཞེས་གང་གསུངས་པ་དང༌། ཆོས་འདི་དག་ནི་འདྲེས་པ་སྟེ་མ་འདྲེས་པ་མ་ཡིན་པས་ཆོས་འདི་དག་སོ་སོར་ཕྱེ་ཞིང་སོ་སོར་ཕྱེ་ན་བྱེ་བྲག་གམ་བསམ་པའམ། ཐ་དད་དུ་བྱ་བ་བརྗོད་པ་མི་དམིགས་སོ་ཞེས་གང་གསུངས་པ་དང༌། འདྲེས་པའི་དོན་དེ་ཉིད་རབ་ཏུ་གྲུབ་པར་བྱ་བའི་ཕྱིར་མར་མེའི་འོད་ཀྱི་དཔེ་མཛད་པས་ན། དེའི་ཕྱིར་ལྷན་ཅིག་སྐྱེས་པ་མེད་ན་འདྲེས་པའི་སྒྲ་ཡང་མི་རུང་ངོ༌། །

sems tsam zhig rdzas su yod pa ni lung dang 'gal bas kyang mi rung ste/ lung dang 'gal ba gang zhe na/ 'dod chags kyis nye bar nyon mongs pa can du 'gyur ba dang/ zhe sdang dang/ gti mug gis nye bar nyon mongs pa can du gyur pa'i sems ni rnam par grol bar mi 'gyur ro zhes ji skad gsungs pa'o/ /de la 'gal ba ci yod ce na/ smras pa/ sems tsam ste gnyis cig car du 'byung ba med pa yin na 'dod chags la sogs pa rnam par rig pa la mi brten par thal bar 'gyur bas mi rung ba'o/ /rnam par rig pa sngon du 'gro ba nyid du rtog na'ang de lta na nyes pa khyad par med pa kho nar 'gyur ro/ /bcom ldan 'das kyis kyang lhan cig skyes pa'i tshor ba dang 'du shes dang sems pa zhes gang gsungs pa dang/ chos 'di dag ni 'dres pa ste ma 'dres pa ma yin pas chos 'di dag so sor phye zhing so sor phye na bye brag gam bsam pa'am/ tha dad du bya ba brjod pa mi dmigs so zhes gang gsungs pa dang/ 'dres pa'i don de nyid rab tu grub par bya ba'i phyir mar me'i 'od kyi dpe mdzad pas na/ de'i phyir lhan cig skyes pa med na 'dres pa'i sgra yang mi rung ngo/ /

【K2 會釋六界經】【L1 釋外難】

སྐྱེས་བུ་འདི་ནི་ཁམས་དྲུག་དང་ལྡན་པའོ་ཞེས་གཟུངས་པའི་ལུང་གང་ཡིན་པ་དེ་ཡང་དགོངས་ཏེ་གསུངས་པ་ཡིན་པས་ཉེས་པ་མེད་དོ། །དེ་ལ་དགོངས་པ་གང་ཞེ་ན། སྨྲས་པ། དགོངས་པ་ནི་གཟུགས་དང་ཡོངས་སུ་གཡོ་བ་དང༌། སེམས་ལས་བྱུང་བ་རྣམས་ཀྱི་གནས་གཙོ་ཆེར་བསྟན་པ་ཡིན་པར་བལྟ་བར་བྱའོ། །

skyes bu 'di ni khams drug dang ldan pa'o zhes gzungs pa'i lung gang yin pa de yang dgongs te gsungs pa yin pas nyes pa med do/ /de la dgongs pa gang zhe na/ smras pa/ dgongs pa ni gzugs dang yongs su g.yo ba dang/ sems las byung ba rnams kyi gnas gtso cher bstan pa yin par blta bar bya'o/ /

【L2 論主舉餘不了義經返以難之】

དེ་དག་འགལ་བས་གཉེན་པོའི་ལུང་ཡང་དམིགས་པའི་ཕྱིར་ཏེ། དེ་ལ་གཉེན་པོའི་ལུང་གང་ཞེ་ན། བཅོམ་ལྡན་འདས་ཀྱིས་འོ་མ་དང་ཞོ་དང་། མར་སར་གྱི་དཔེས་ཁ་ཅིག་དུ་ནི་འབྱུང་བ་ཆེན་པོ་བཞི་ལས་བྱུང་བའི་བདག་རགས་པ་དང་ཁ་ཅིག་ཏུ་ནི་གཟུགས་ཅན་ཡིད་ལས་བྱུང་བ་དང་ཁ་ཅིག་ཏུ་གཟུགས་ཅན་མ་ཡིན་པ་འདུ་ཤེས་ཀྱི་རང་བཞིན་ཡིན་པ་ཇི་སྐད་གསུངས་པ་ལྟ་བུའོ། །དེ་ལྟ་ན་ཅི་འབྱུང་བ་ཆེན་པོ་ཙམ་ཞིག་ཏུ་འགྱུར་རམ་འོན་ཏེ་སེམས་ཙམ་མམ་འོན་ཏེ་འདུ་ཤེས་ཙམ་དུ་འགྱུར་ཞེ་ན། དེའི་ཕྱིར་དེ་དག་དང་དེ་ལྟ་བུའི་རྣམ་པ་དག་བསྟན་པ་ནི་དགོངས་པ་ཅན་ཡིན་པར་བལྟ་བར་བྱའོ། །དེ་ལྟ་བས་ན་ཕུང་པོ་གཟུགས་ཅན་མ་ཡིན་པ་བཞི་པོ་མིང་གིས་བསྡུས་པ་སེམས་དང་སེམས་ལས་བྱུང་བ་ཞེས་བྱ་བ་དེ་དག་ནི་ཕན་ཚུན་མཚུངས་པར་ལྡན་པར་རབ་ཏུ་གྲུབ་པ་ཡིན་ནོ། །

de dag 'gal bas gnyen po'i lung yang dmigs pa'i phyir te/ de la gnyen po'i lung gang zhe na/ bcom ldan 'das kyis 'o ma dang zho dang / mar sar gyi dpes kha cig du ni 'byung ba chen po bzhi las byung ba'i bdag rags pa dang kha cig tu ni gzugs can yid las byung ba dang kha cig tu gzugs can ma yin pa 'du shes kyi rang bzhin yin pa ji skad gsungs pa lta bu'o/ /de lta na ci 'byung ba chen po tsam zhig tu 'gyur ram 'on te sems tsam mam 'on te 'du shes tsam du 'gyur zhe na/ de'i phyir de dag dang de lta bu'i rnam pa dag bstan pa ni dgongs pa can yin par blta bar bya'o/ /de lta bas na phung po gzugs can ma yin pa bzhi po ming gis bsdus pa sems dang sems las byung ba zhes bya ba de dag ni phan tshun mtshungs par ldan par rab tu grub pa yin no/ /

【I2 以頌收】

བར་སྡོམ་ནི། ལྔ་ཉིད་འཐད་པ་མེད་ཕྱིར་དང༌། །དེ་ཡི་གནས་སྐབས་སྐྱོན་ཕྱིར་དང༌། །བྱེད་རྒྱུ་བྱེ་བྲག་མེད་ཕྱིར་དང༌། །ལུང་དང་འགལ་བར་འགྱུར་ཕྱིར་རོ། །

bar sdom ni/ lnga nyid 'thad pa med phyir dang/ /de yi gnas skabs skyon phyir dang/ /byed rgyu bye brag med phyir dang/ /lung dang 'gal bar 'gyur phyir ro/ /

【F2 界善巧】【G1 結前生後】

ཕུང་པོའི་དངོས་པོ་ལ་མཁས་པ་རྫོགས་སོ།། །།

phung po'i dngos po la mkhas pa rdzogs so// //

【G2 正辨界義】【H1 以八門略辨】【I1 初辨八門】【J1 辯界相】

བམ་པོ་དགུ་པ། མིག་གི་ཁམས་གང་ཞེ་ན། སྨྲས་པ། མིག་ལྔ་སྤངས་པའམ། སྤངས་པ་སྲོག་གི་དབང་པོས་ཡོངས་སུ་ཟིན་པ་གང་ཡིན་པའོ། །མིག་གི་ཁམས་ཇི་ལྟ་བ་བཞིན་དུ། ཡིད་ཀྱི་རྣམ་པར་ཤེས་པའི་ཁམས་དང་ཆོས་ཀྱི་ཁམས་ཀྱི་ཕྱོགས་གཅིག་གི་བར་དུ་ཡང་དེ་བཞིན་ནོ། །གཟུགས་ཀྱི་ཁམས་གང་ཞེ་ན། དབང་པོའི་དབང་གིས་བྱུང་བའི་གཟུགས་གང་ཡིན་པ་དེ་ལ་དེའི་དབང་གིས་གཟུགས་ཀྱི་ཁམས་ཞེས་བྱའོ། །གཟུགས་ཀྱི་ཁམས་ཇི་ལྟ་བ་བཞིན་དུ་རེག་བྱའི་ཁམས་ཀྱི་བར་དུ་ཡང་དེ་བཞིན་ནོ། །

bam po dgu pa/ mig gi khams gang zhe na/ smras pa/ mig lnga spangs pa'am/ spangs pa srog gi dbang pos yongs su zin pa gang yin pa'o/ /mig gi khams ji lta ba bzhin du/ yid kyi rnam par shes pa'i khams dang chos kyi khams kyi phyogs gcig gi bar du yang de bzhin no/ /gzugs kyi khams gang zhe na/ dbang po'i dbang gis byung ba'i gzugs gang yin pa de la de'i dbang gis gzugs kyi khams zhes bya'o/ /gzugs kyi khams ji lta ba bzhin du reg bya'i khams kyi bar du yang de bzhin no/ /

【J2 辯界假實】

བཅོ་བརྒྱད་པོ་དེ་དག་ལས་དུ་ནི་རྫས་སུ་ཡོད་པ་ཡིན། དུ་ནི་བཏགས་པའི་ཡོད་པ་ཡིན་ཞེ་ན། སྨྲས་པ། རྫས་སུ་ཡོད་པ་ནི་བཅུ་བདུན་ནམ་བཅུ་གཉིས་ཏེ། ཀུན་རྫོབ་རྣམ་པར་གཞག་པའི་ཚུལ་གྱིས་དྲུག་གཅིག་ཏུ་བྱས་ནས་སམ། གཅིག་དྲུག་ཏུ་བྱས་ནས་སོ། །

bco brgyad po de dag las du ni rdzas su yod pa yin/ du ni btags pa'i yod pa yin zhe na/ smras pa/ rdzas su yod pa ni bcu bdun nam bcu gnyis te/ kun rdzob rnam par gzhag pa'i tshul gyis drug gcig tu byas nas sam/ gcig drug tu byas nas so/ /

【J3 約四句分別辯界】

མིག་གང་ཡིན་པ་མིག་གི་ཁམས་ཀྱང་དེ་ཡིན་ལ། མིག་གི་ཁམས་གང་ཡིན་པ་མིག་ཀྱང་དེ་ཡིན་ནམ་ཞེ་ན། སྨྲས་པ། མུ་བཞི་ཡོད་དེ། མིག་ཡིན་ལ་མིག་གི་ཁམས་མ་ཡིན་པ་ནི་དགྲ་བཅོམ་པ་ཐ་མའི་མིག་གང་ཡིན་པ་སྟེ་མུ་དང་པོའོ། །མིག་གི་ཁམས་ཡིན་ལ་མིག་མ་ཡིན་པའི་གཟུགས་ཅན་གྱི་ཁམས་སུ་སྐྱེས་པའི་མིག་མ་སྐྱེས་པ་དང༌། མིག་རབ་ཏུ་ཉམས་པ་དང༌། མིག་མ་ཐོབ་པ་དང༌། མིག་འགགས་མ་ཐག་པ་དང༌། གཟུགས་མེད་པའི་ཁམས་སུ་སྐྱེས་པའི་སོ་སོའི་སྐྱེ་བོ་སྟེ་མུ་གཉིས་པའོ། །མིག་ཀྱང་ཡིན་ལ་མིག་གི་ཁམས་ཀྱང་ཡིན་པ་ནི་རྣམ་པ་དེ་དག་མ་གཏོགས་པ་སྟེ་མུ་གསུམ་པའོ། །མིག་ཀྱང་མ་ཡིན་ལ་མིག་གི་ཁམས་ཀྱང་མ་ཡིན་པ་ནི་དགྲ་བཅོམ་པ་མིག་རབ་ཏུ་ཉམས་པ་དང༌། གཟུགས་མེད་པའི་ཁམས་སུ་སྐྱེས་པ་མིག་མ་བསྐྱེད་པ་དང༌། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པའི་སྟེ་མུ་བཞི་པའོ། །མིག་ཇི་ལྟ་བ་བཞིན་དུ་ནང་གི་ཁམས་ཐམས་ཅད་ཀྱང་དེ་བཞིན་དུ་ཅི་རིགས་པར་རིག་པར་བྱའོ། །ལུས་ཀྱི་ཁམས་ལ་ནི་རྣམ་པར་བརྟགས་དགོས་ཏེ། དང་པོ་ནས་ལུས་མ་སྐྱེས་པ་ཞེས་ཅི་རིགས་པར་བརྗོད་པར་བྱའོ། །དེ་བཞིན་དུ་ཕྱི་རོལ་གྱི་ཁམས་བཞི་ལ་ཡང་ཅི་རིགས་པར་བརྗོད་པར་བྱའོ། །སྒྲའི་ཁམས་ནི་གང་གི་ཚེ་སྒྲ་ཕྱུང་བ་དེའི་ཚེ་ནི་གཉི་ག་ཡིན་པར་བརྗོད་པར་བྱའོ། །གང་གི་ཚེ་སྒྲ་མ་ཕྱུང་བ་དེའི་ཚེ་ནི་དེ་ལས་གཞན་པའི་ཁམས་ཀྱི་ཚོགས་བཞིན་དུ་ཁམས་འབའ་ཞིག་ཡོད་ཀྱི་སྒྲ་ནི་མེད་པར་བརྗོད་པར་བྱའོ། །

mig gang yin pa mig gi khams kyang de yin la/ mig gi khams gang yin pa mig kyang de yin nam zhe na/ smras pa/ mu bzhi yod de/ mig yin la mig gi khams ma yin pa ni dgra bcom pa tha ma'i mig gang yin pa ste mu dang po'o/ /mig gi khams yin la mig ma yin pa'i gzugs can gyi khams su skyes pa'i mig ma skyes pa dang/ mig rab tu nyams pa dang/ mig ma thob pa dang/ mig 'gags ma thag pa dang/ gzugs med pa'i khams su skyes pa'i so so'i skye bo ste mu gnyis pa'o/ /mig kyang yin la mig gi khams kyang yin pa ni rnam pa de dag ma gtogs pa ste mu gsum pa'o/ /mig kyang ma yin la mig gi khams kyang ma yin pa ni dgra bcom pa mig rab tu nyams pa dang/ gzugs med pa'i khams su skyes pa mig ma bskyed pa dang/ phung po lhag ma med pa'i mya ngan las 'das pa'i dbyings su yongs su mya ngan las 'das pa'i ste mu bzhi pa'o/ /mig ji lta ba bzhin du nang gi khams thams cad kyang de bzhin du ci rigs par rig par bya'o/ /lus kyi khams la ni rnam par brtags dgos te/ dang po nas lus ma skyes pa zhes ci rigs par brjod par bya'o/ /de bzhin du phyi rol gyi khams bzhi la yang ci rigs par brjod par bya'o/ /sgra'i khams ni gang gi tshe sgra phyung ba de'i tshe ni gnyi ga yin par brjod par bya'o/ /gang gi tshe sgra ma phyung ba de'i tshe ni de las gzhan pa'i khams kyi tshogs bzhin du khams 'ba' zhig yod kyi sgra ni med par brjod par bya'o/ /

【J4 約同分彼同分辯界】

བཅོ་བརྒྱད་པོ་དེ་དག་ལས་དུ་ནི་མཚུངས་པ་ཡིན། དུ་ནི་དེ་དག་དང་མཚུངས་པ་ཡིན་ཞེ་ན། སྨྲས་པ། མིག་གི་ཁམས་རྣམ་པར་ཤེས་པ་དང་བཅས་པ་ནི་མཚུངས་པ་ཡིན་ནོ། །དེ་ལས་གཞན་པ་ནི་དེ་དག་དང་མཚུངས་པ་ཡིན་ནོ། །མིག་གི་ཁམས་ལ་ཇི་ལྟ་བ་བཞིན་དུ་ལུས་ཀྱི་ཁམས་ཀྱི་བར་དུ་ཡང་དེ་བཞིན་ནོ། །མཚུངས་པ་དེ་དག་དང་མཚུངས་པ་ནི་དབང་པོས་ཟིན་པའི་ནང་གི་ཁམས་རྣམས་ལ་བསམས་པ་ཡིན་གྱི་གཟུགས་ལ་སོགས་པ་ཕྱི་རོལ་གྱི་དག་ལ་ནི་མེད་དོ། །ཆོས་ཀྱི་ཁམས་ནི་དམིགས་པ་དང་བཅས་པ་གང་ཡིན་པ་དེ་ནི་སེམས་ཀྱི་ཁམས་དང་འདྲ་བར་བལྟ་བར་བྱའོ། །དམིགས་པ་མེད་པ་གང་ཡིན་པ་དེ་ནི་གཟུགས་ལ་སོགས་པ་དང་འདྲའོ། །ཁམས་རྣམས་ལས་དུ་ནི་ཕྲད་ནས་འཛིན་པ་དག་ཡིན། དུ་ནི་མ་ཕྲད་པར་འཛིན་པ་དག་ཡིན་ཞེ་ན། སྨྲས་པ། དྲུག་ནི་ཕྲད་ནས་འཛིན་པ་ཡིན་ནོ། །བཞི་ནི་མ་ཕྲད་པར་འཛིན་པ་ཡིན་ནོ། །ལྔ་ནི་འཛིན་པ་མ་ཡིན་ནོ། །གཅིག་གི་ཕྱོགས་གཅིག་དང་ཁམས་གཅིག་ནི་ཕྲད་པ་དང༌། མ་ཕྲད་པར་འཛིན་པ་ཡིན་ནོ། །

bco brgyad po de dag las du ni mtshungs pa yin/ du ni de dag dang mtshungs pa yin zhe na/ smras pa/ mig gi khams rnam par shes pa dang bcas pa ni mtshungs pa yin no/ /de las gzhan pa ni de dag dang mtshungs pa yin no/ /mig gi khams la ji lta ba bzhin du lus kyi khams kyi bar du yang de bzhin no/ /mtshungs pa de dag dang mtshungs pa ni dbang pos zin pa'i nang gi khams rnams la bsams pa yin gyi gzugs la sogs pa phyi rol gyi dag la ni med do/ /chos kyi khams ni dmigs pa dang bcas pa gang yin pa de ni sems kyi khams dang 'dra bar blta bar bya'o/ /dmigs pa med pa gang yin pa de ni gzugs la sogs pa dang 'dra'o/ /khams rnams las du ni phrad nas 'dzin pa dag yin/ du ni ma phrad par 'dzin pa dag yin zhe na/ smras pa/ drug ni phrad nas 'dzin pa yin no/ /bzhi ni ma phrad par 'dzin pa yin no/ /lnga ni 'dzin pa ma yin no/ /gcig gi phyogs gcig dang khams gcig ni phrad pa dang/ ma phrad par 'dzin pa yin no/ /

【J5 約能取所取辯界】

དུ་ནི་གཟུང་བ་ཁོ་ན་ཡིན་ལ་འཛིན་པ་མ་ཡིན། དུ་ནི་གཟུང་བ་དང་འཛིན་པ་ཡིན་ཞེ་ན། སྨྲས་པ། གཟུང་བ་ནི་ཐམས་ཅད་དོ། །ལྔ་དང༌། གཅིག་གི་ཕྱོགས་ནི་གཟུང་བ་ཁོ་ནའོ། །བཅུ་གཉིས་དང་གཅིག་གི་ཕྱོགས་ནི་འཛིན་པའང་ཡིན་ནོ། །དུ་ནི་གྲོགས་པོ་དང་བཅས་པས་འཛིན་པ་ཡིན། དུ་ནི་གྲོགས་པོ་མེད་པར་འཛིན་པ་ཡིན་ཞེ་ན། སྨྲས་པ། བཅུ་དང་གཅིག་གི་ཕྱོགས་ནི་གྲོགས་དང་བཅས་པས་འཛིན་པ་ཡིན་ནོ། །གཅིག་དང་གཅིག་གི་ཕྱོགས་ནི་གྲོགས་མེད་པར་འཛིན་པ་ཡིན་ནོ། །

du ni gzung ba kho na yin la 'dzin pa ma yin/ du ni gzung ba dang 'dzin pa yin zhe na/ smras pa/ gzung ba ni thams cad do/ /lnga dang/ gcig gi phyogs ni gzung ba kho na'o/ /bcu gnyis dang gcig gi phyogs ni 'dzin pa'ang yin no/ /du ni grogs po dang bcas pas 'dzin pa yin/ du ni grogs po med par 'dzin pa yin zhe na/ smras pa/ bcu dang gcig gi phyogs ni grogs dang bcas pas 'dzin pa yin no/ /gcig dang gcig gi phyogs ni grogs med par 'dzin pa yin no/ /

【J6 明界繫】

དུ་ཞིག་འདོད་པ་དང་ལྡན་པ་ཁོ་ན་ཡིན་ཞེ་ན༑ སྨྲས་པ། བཞིའོ། །དུ་ཞིག་གཟུགས་དང་ལྡན་པ་ཁོ་ན་ཡིན་ཞེ་ན། སྨྲས་པ། འགའ་ཡང་མ་ཡིན་ནོ། །དུ་ཞིག་གཟུགས་མེད་པ་དང་ལྡན་པ་ཁོ་ན་ཡིན་ཞེ་ན། སྨྲས་པ། འགའ་ཡང་མ་ཡིན་ནོ། །འདོད་པ་དང་ལྡན་པ་ལས་དུ་ཞིག་གཟུགས་དང་ལྡན་པ་ཁོ་ན་ཡིན་ཞེ་ན། སྨྲས་པ། བཅུ་གཅིག་གོ། །གཟུགས་དང་ལྡན་པ་ལས་དུ་ཞིག་གཟུགས་མེད་པ་དང་ལྡན་པ་ཁོ་ན་ཡིན་ཞེ་ན། སྨྲས་པ། འགའ་ཡང་མ་ཡིན་ནོ། །དུ་ཞིག་ཁམས་གསུམ་དང་ལྡན་པ་ཡིན་ཞེ་ན། སྨྲས་པ། གསུམ་མོ། །

du zhig 'dod pa dang ldan pa kho na yin zhe na| smras pa/ bzhi'o/ /du zhig gzugs dang ldan pa kho na yin zhe na/ smras pa/ 'ga' yang ma yin no/ /du zhig gzugs med pa dang ldan pa kho na yin zhe na/ smras pa/ 'ga' yang ma yin no/ /'dod pa dang ldan pa las du zhig gzugs dang ldan pa kho na yin zhe na/ smras pa/ bcu gcig go/ /gzugs dang ldan pa las du zhig gzugs med pa dang ldan pa kho na yin zhe na/ smras pa/ 'ga' yang ma yin no/ /du zhig khams gsum dang ldan pa yin zhe na/ smras pa/ gsum mo/ /

【J7 明執受及非執受】

དུ་ཞིག་ཟིན་པ་ཡིན། དུ་ཞིག་ཟིན་པ་དང་མ་ཟིན་པ་ཡིན། དུ་ཞིག་མ་ཟིན་པ་ཡིན་ཞེ་ན། སྨྲས་པ། ལྔ་ནི་ཟིན་པ་ཡིན་ནོ། །ལྔ་ནི་ཟིན་པ་དང་མ་ཟིན་པ་ཡིན་ནོ། །ལྷག་མ་རྣམས་ནི་མ་ཟིན་པ་ཡིན་ནོ། །དེ་ཅིའི་ཕྱིར་ཞེ་ན། དེ་ལས་གཞན་པ་གང་དེ་དག་འཛིན་པར་འགྱུར་བའི་འཛིན་པར་བྱེད་པ་མི་དམིགས་པའི་ཕྱིར་རོ། །

du zhig zin pa yin/ du zhig zin pa dang ma zin pa yin/ du zhig ma zin pa yin zhe na/ smras pa/ lnga ni zin pa yin no/ /lnga ni zin pa dang ma zin pa yin no/ /lhag ma rnams ni ma zin pa yin no/ /de ci'i phyir zhe na/ de las gzhan pa gang de dag 'dzin par 'gyur ba'i 'dzin par byed pa mi dmigs pa'i phyir ro/ /

【J8 明界分別】

ཁམས་སྣ་ཚོགས་པ་ཉིད་གང་ཞེ་ན། ཁམས་བཅོ་བརྒྱད་པོ་དག་ཕན་ཚུན་མཚན་ཉིད་ཐ་དད་པ་ཉིད་གང་ཡིན་པའོ། །ཁམས་དུ་མ་པ་ཉིད་གང་ཞེ་ན། དེ་དག་ཉིད་སེམས་ཅན་སྣ་ཚོགས་དཔག་ཏུ་མེད་པའི་རབ་ཏུ་དབྱེ་བས་གནས་པའོ། །ཁམས་ཚད་མེད་པ་ཉིད་གང་ཞེ་ན། དེ་གཉི་ག་གཅིག་ཏུ་བསྡུས་པ་ལ་ཁམས་ཚད་མེད་པ་ཉིད་ཅེས་བྱ་སྟེ། དབང་པོའི་ཚོགས་ཀྱི་དཔེས་ང་ནི་ཁམས་རྣམས་ཀྱི་ཁམས་ཀྱི་དཔེ་མཐའ་ཡོད་པར་མི་སྨྲའོ་ཞེས་ཇི་སྐད་གསུངས་པ་ལྟ་བུའོ། །

khams sna tshogs pa nyid gang zhe na/ khams bco brgyad po dag phan tshun mtshan nyid tha dad pa nyid gang yin pa'o/ /khams du ma pa nyid gang zhe na/ de dag nyid sems can sna tshogs dpag tu med pa'i rab tu dbye bas gnas pa'o/ /khams tshad med pa nyid gang zhe na/ de gnyi ga gcig tu bsdus pa la khams tshad med pa nyid ces bya ste/ dbang po'i tshogs kyi dpes nga ni khams rnams kyi khams kyi dpe mtha' yod par mi smra'o zhes ji skad gsungs pa lta bu'o/ /

【I2 以頌結】

བར་སྡོམ་ནི། རྫས་སུ་ཡོད་པ་གང་ཡིན་དང༌། །མུ་བཞི་དང་ནི་མཚུངས་པ་དང༌། །འཛིན་དང་ཁམས་དང་ཟིན་པ་དང༌། །སྣ་ཚོགས་པ་དང་དུ་མ་ཉིད། །

bar sdom ni/ rdzas su yod pa gang yin dang/ /mu bzhi dang ni mtshungs pa dang/ /'dzin dang khams dang zin pa dang/ /sna tshogs pa dang du ma nyid/ /

【H2 以十四門廣辨】【I1 辯界義】

ཁམས་ཀྱི་དོན་གང་ཞེ་ན། སྨྲས་པ། ཁམས་ཀྱི་དོན་ནི་རྒྱུའི་དོན་དང་ས་བོན་གྱི་དོན་དང་རང་བཞིན་གྱི་དོན་དང་རིགས་ཀྱི་དོན་དང་ཆ་ཕྲ་བའི་དོན་དང་གཞིའི་དོན་ཏོ། །

khams kyi don gang zhe na/ smras pa/ khams kyi don ni rgyu'i don dang sa bon gyi don dang rang bzhin gyi don dang rigs kyi don dang cha phra ba'i don dang gzhi'i don to/ /

【I2 辨涅槃虛空名界所以】

ཅིའི་ཕྱིར་ན་མྱ་ངན་ལས་འདས་པའི་དབྱིངས་དང་ནམ་མཁའི་ཁམས་ལ་ཁམས་ཞེས་བྱ་ཞེ་ན། སྨྲས་པ། སྡུག་བསྔལ་མི་སྐྱེ་བའི་གཞིའི་དོན་དང་ལུས་དང་མིག་ལ་སོགས་པ་ཡོངས་སུ་གཡོ་བའི་གཞིའི་དོན་གྱིས་སོ། །

ci'i phyir na mya ngan las 'das pa'i dbyings dang nam mkha'i khams la khams zhes bya zhe na/ smras pa/ sdug bsngal mi skye ba'i gzhi'i don dang lus dang mig la sogs pa yongs su g.yo ba'i gzhi'i don gyis so/ /

【I3 釋立界意】

ཅི་ཞིག་ཡོངས་སུ་བསྟན་པར་བྱ་བའི་ཕྱིར་ཁམས་རྣམ་པར་གཞག་ཅེ་ན། སྨྲས་པ། རྒྱུའི་རྐྱེན་ཡོངས་སུ་བསྟན་པར་བྱ་བའི་ཕྱིར་དང༌། དབང་པོ་དང་ཡུལ་དང་ཉེ་བར་སྤྱོད་པ་ཡོངས་སུ་བསྟན་པར་བྱ་བའི་ཕྱིར་རོ། །

ci zhig yongs su bstan par bya ba'i phyir khams rnam par gzhag ce na/ smras pa/ rgyu'i rkyen yongs su bstan par bya ba'i phyir dang/ dbang po dang yul dang nye bar spyod pa yongs su bstan par bya ba'i phyir ro/ /

【I4 辯略界】

ཁམས་བཅོ་བརྒྱད་པོ་འདི་དག་གི་རབ་ཏུ་དབྱེ་བ་གང་ཞེ་ན། སྨྲས་པ། རེ་ཞིག་མདོར་བསྡུ་ན་རྣམ་པ་དྲུག་ཏུ་བལྟ་བར་བྱའོ། །ཆོས་ཀྱི་ཁམས་ནི་འདི་ལྟ་སྟེ། མིག་ལ་སོགས་པ་དག་གི་མིག་ལ་སོགས་པའི་ཆོས་རྣམས་སོ། །དག་པའི་ཁམས་ནི་འདི་ལྟ་སྟེ། གང་ཟག་རིགས་ལ་གནས་པ་རྣམས་ཀྱི་ཁམས་གང་དག་ཡིན་པའོ། །རང་བཞིན་གྱི་ཁམས་ནི་འདི་ལྟ་སྟེ། ཁམས་བཅོ་བརྒྱད་པོ་ཇི་སྐད་བསྟན་པ་དེ་དག་ཉིད་ཐོག་མ་མེད་པའི་དུས་ནས་སྐྱེ་བ་ཕྱི་མ་ཕྱི་མ་དག་ཏུ་རབ་ཏུ་གྲུབ་པ་གང་ཡིན་པ་དང༌། གང་ཟག་རིགས་ལ་གནས་པ་དང༌། རིགས་ལ་གནས་པ་མ་ཡིན་པ་རྣམས་ཀྱི་ཐོག་མ་མེད་པའི་དུས་ནས་ཡོངས་སུ་མྱ་ངན་ལས་འདའ་བ་དང༌། ཡོངས་སུ་མྱ་ངན་ལས་འདའ་བ་མ་ཡིན་པའི་ཆོས་ཉིད་དུ་རབ་ཏུ་གྲུབ་པ་གང་ཡིན་པའོ། །ཡོངས་སུ་བསྒོམས་པའི་ཁམས་ནི་འདི་ལྟ་སྟེ། སྔོན་དགེ་བ་དང་མི་དགེ་བ་ཡོངས་སུ་བསྒོམས་པ་དེ་དག་ཉིད་འཁོར་བར་སྐྱེ་བ་དང༌། འབྲི་བ་དང༌། བྱེ་བྲག་དང༌། མྱ་ངན་ལས་འདས་པ་ཐོབ་པའི་རྒྱུ་ཉིད་གང་ཡིན་པའོ། །འབྲས་བུ་བསྐྱེད་པའི་ཁམས་ནི་འདི་ལྟ་སྟེ། དེ་དག་ཉིད་འབྲས་བུ་བསྐྱེད་ནས་འགགས་པ་གང་ཡིན་པའོ། །འབྲས་བུ་མ་བསྐྱེད་པའི་ཁམས་ནི་འདི་ལྟ་སྟེ། དེ་དག་ཉིད་འབྲས་བུ་མ་བསྐྱེད་པ་འགགས་པའམ་མ་འགགས་པ་གང་ཡིན་པ་སྟེ། དེ་ལྟར་ན་དེ་ནི་མདོར་བསྟན་པ་ལས་ཁམས་དྲུག་ཡིན་གྱི་རྒྱས་པར་བསྟན་པ་ནི་ཚད་མེད་དོ། །

khams bco brgyad po 'di dag gi rab tu dbye ba gang zhe na/ smras pa/ re zhig mdor bsdu na rnam pa drug tu blta bar bya'o/ /chos kyi khams ni 'di lta ste/ mig la sogs pa dag gi mig la sogs pa'i chos rnams so/ /dag pa'i khams ni 'di lta ste/ gang zag rigs la gnas pa rnams kyi khams gang dag yin pa'o/ /rang bzhin gyi khams ni 'di lta ste/ khams bco brgyad po ji skad bstan pa de dag nyid thog ma med pa'i dus nas skye ba phyi ma phyi ma dag tu rab tu grub pa gang yin pa dang/ gang zag rigs la gnas pa dang/ rigs la gnas pa ma yin pa rnams kyi thog ma med pa'i dus nas yongs su mya ngan las 'da' ba dang/ yongs su mya ngan las 'da' ba ma yin pa'i chos nyid du rab tu grub pa gang yin pa'o/ /yongs su bsgoms pa'i khams ni 'di lta ste/ sngon dge ba dang mi dge ba yongs su bsgoms pa de dag nyid 'khor bar skye ba dang/ 'bri ba dang/ bye brag dang/ mya ngan las 'das pa thob pa'i rgyu nyid gang yin pa'o/ /'bras bu bskyed pa'i khams ni 'di lta ste/ de dag nyid 'bras bu bskyed nas 'gags pa gang yin pa'o/ /'bras bu ma bskyed pa'i khams ni 'di lta ste/ de dag nyid 'bras bu ma bskyed pa 'gags pa'am ma 'gags pa gang yin pa ste/ de ltar na de ni mdor bstan pa las khams drug yin gyi rgyas par bstan pa ni tshad med do/ /

【I5 以諸門分別諸界】

ཁམས་བཅོ་བརྒྱད་པོ་དེ་དག་ལས་དུ་ནི་གཟུགས་ཅན་དག་ཡིན་དུ་ནི་གཟུགས་ཅན་མ་ཡིན་པ་དག་ཡིན་པ་ནས། དུ་ནི་སྤང་བར་བྱ་བ་མ་ཡིན་པ་དག་གི་བར་དུ་ཡིན་ཞེ་ན། རྒྱ་ཆེར་ཇི་སྐད་བསྟན་པའི་མཚན་ཉིད་ཀྱི་རྗེས་སུ་ཞུགས་ལ་སྦྱར་བར་བྱའོ། །

khams bco brgyad po de dag las du ni gzugs can dag yin du ni gzugs can ma yin pa dag yin pa nas/ du ni spang bar bya ba ma yin pa dag gi bar du yin zhe na/ rgya cher ji skad bstan pa'i mtshan nyid kyi rjes su zhugs la sbyar bar bya'o/ /

【I6 明見聞等體】

མིག་གིས་གཟུགས་རྣམས་མཐོང་བ་ནས་ཡིད་ཀྱིས་ཆོས་རྣམས་རྣམ་པར་ཤེས་སོ་ཞེས་བྱ་བའི་བར་དུ་ཇི་སྐད་གསུང་བ་དེ་ལ། ཅི་མིག་ལ་སོགས་པས་མཐོང་བ་ནས་རྣམ་པར་ཤེས་པའི་བར་དུ་ཡིན་ནམ། འོན་ཏེ་དེ་དག་གི་རྣམ་པར་ཤེས་པ་དག་གིས་མཐོང་བ་ནས་རྣམ་པར་ཤེས་པའི་བར་དུ་ཡིན་ཞེ་ན། སྨྲས་པ། དོན་དམ་པར་ནི་མིག་ལ་སོགས་པས་ཀྱང་མ་ཡིན་ལ་དེ་དག་གི་རྣམ་པར་ཤེས་པ་དག་གིས་ཀྱང་མ་ཡིན་ནོ། །དེ་ཅིའི་ཕྱིར་ཞེ་ན། དངོས་པོ་རྣམས་ནི་རྟེན་ཅིང་འབྲེལ་པར་འབྱུང་བའི་ཕྱིར་དང༌། སྐད་ཅིག་པའི་ཕྱིར་དང༌། གཡོ་བ་མེད་པའི་ཕྱིར་རོ། །བརྡའི་ཚུལ་དུ་ནི་གཙོ་བོ་ཡིན་པའི་ཕྱིར་མིག་ལ་སོགས་པ་ལ་མཐོང་བ་པོ་ལ་སོགས་པ་ཉེ་བར་གདགས་པས་ཆེས་རིགས་སོ། །དེ་ཅིའི་ཕྱིར་ཞེ་ན། མིག་ལ་སོགས་པ་དབང་པོ་རྣམས་ཡོད་ན་ནི་རྣམ་པར་ཤེས་པ་འབྱུང་བ་མ་ཚང་བ་མེད་པར་ངེས་ཀྱི། རྣམ་པར་ཤེས་པའི་རྒྱུན་ནི་ཡོད་དུ་ཟིན་ཀྱང་མིག་ལ་སོགས་པ་དབང་པོ་རྣམས་ཚང་བའམ་མ་ཚང་བར་དམིགས་པའི་ཕྱིར་རོ། །ལྟ་བ་ལ་སོགས་པ་ཙམ་ལ་མཐོང་བ་ལ་སོགས་པ་ཉེ་བར་གདགས་པ་གང་ཡིན་པ་དེ་ནི་དོན་དམ་པ་ཡིན་ནོ། །

mig gis gzugs rnams mthong ba nas yid kyis chos rnams rnam par shes so zhes bya ba'i bar du ji skad gsung ba de la/ ci mig la sogs pas mthong ba nas rnam par shes pa'i bar du yin nam/ 'on te de dag gi rnam par shes pa dag gis mthong ba nas rnam par shes pa'i bar du yin zhe na/ smras pa/ don dam par ni mig la sogs pas kyang ma yin la de dag gi rnam par shes pa dag gis kyang ma yin no/ /de ci'i phyir zhe na/ dngos po rnams ni rten cing 'brel par 'byung ba'i phyir dang/ skad cig pa'i phyir dang/ g.yo ba med pa'i phyir ro/ /brda'i tshul du ni gtso bo yin pa'i phyir mig la sogs pa la mthong ba po la sogs pa nye bar gdags pas ches rigs so/ /de ci'i phyir zhe na/ mig la sogs pa dbang po rnams yod na ni rnam par shes pa 'byung ba ma tshang ba med par nges kyi/ rnam par shes pa'i rgyun ni yod du zin kyang mig la sogs pa dbang po rnams tshang ba'am ma tshang bar dmigs pa'i phyir ro/ /lta ba la sogs pa tsam la mthong ba la sogs pa nye bar gdags pa gang yin pa de ni don dam pa yin no/ /

【I7 辯宣說十八界因緣次第】【J1 總說】

ཁམས་བཅོ་བརྒྱད་པོ་དེ་དག་གི་གོ་རིམས་བསྟན་པའི་རྒྱུ་དག་གང་ཞེ་ན། སྨྲས་པ། དེ་དག་ནི་མདོར་བསྡུ་ན་རྣམ་པ་གཉིས་སུ་བལྟ་བར་བྱ་སྟེ། འདི་ལྟ་སྟེ། གསུམ་གྱི་གོ་རིམས་ཀྱི་རྒྱུ་དང༌། དྲུག་གི་གོ་རིམས་ཀྱི་རྒྱུའོ། །

khams bco brgyad po de dag gi go rims bstan pa'i rgyu dag gang zhe na/ smras pa/ de dag ni mdor bsdu na rnam pa gnyis su blta bar bya ste/ 'di lta ste/ gsum gyi go rims kyi rgyu dang/ drug gi go rims kyi rgyu'o/ /

【J2 別釋】【K1 三種次第宣說因緣】

དེ་ལ་གསུམ་གྱི་གོ་རིམས་ཀྱི་རྒྱུ་གང་ཞེ་ན། སྨྲས་པ། གནས་དང་ཡུལ་དང་དེ་གཉི་ག་ལ་བརྟེན་པའི་བྱེ་བྲག་ལས་ཏེ། འདི་ལྟར་རྣམ་པར་ཤེས་པ་ནི་དབང་པོ་ལ་ཕྱོགས་གཅིག་གི་དོན་གྱིས་བརྟེན་པ་དང༌། ཡུལ་ལ་ནི། དམིགས་པའི་དོན་གྱིས་བརྟེན་ཏོ། །

de la gsum gyi go rims kyi rgyu gang zhe na/ smras pa/ gnas dang yul dang de gnyi ga la brten pa'i bye brag las te/ 'di ltar rnam par shes pa ni dbang po la phyogs gcig gi don gyis brten pa dang/ yul la ni/ dmigs pa'i don gyis brten to/ /

【K2 六種次第宣說因緣】【L1 長行辨】【M1 約六因辨五根次第】【N1 約所緣多少辨先後】

དྲུག་གི་གོ་རིམས་ཀྱི་རྒྱུ་གང་ཞེ་ན། སྨྲས་པ། མིག་ལ་སོགས་པ་ནི་སྤྱོད་ཡུལ་ཆེས་ཕལ་ཆེ་བ་དང་སྣ་ཚོགས་པ་དང་ཡང་དང་ཡང་འབྱུང་བའི་ཕྱིར་དང་པོར་བསྟན་ཏེ་དེ་ནི་རྒྱུ་དང་པོ་ཡིན་ནོ། །

drug gi go rims kyi rgyu gang zhe na/ smras pa/ mig la sogs pa ni spyod yul ches phal che ba dang sna tshogs pa dang yang dang yang 'byung ba'i phyir dang por bstan te de ni rgyu dang po yin no/ /

【N2 隨世俗事轉說彼次第】

ཡང་འཇིག་རྟེན་གྱི་ཐ་སྙད་ཀྱི་རྗེས་སུ་འཇུག་པ་ལས་ཏེ། འདི་ལྟར་འཇིག་རྟེན་པ་རྣམས་ནི་དང་པོར་གཅིག་ལ་གཅིག་ལྟ་བར་བྱེད་དོ། །དེའི་འོག་ཏུ་ཀུན་ཏུ་སྨྲ་བར་བྱེད་དོ། །དེའི་འོག་ཏུ་འདུས་ཤིང་ཟ་བ་དང་ལྷག་པར་ཟ་བར་བྱེད་དོ། །དེའི་འོག་ཏུ་ཉི་མ་ནུབ་ཅིང་ནམ་སྲོས་པ་ན་མལ་ཤོམ་ཞིང་མལ་སྟན་དང་བཅས། ཤིང་བལ་དང་སྔས་ནང་ཚངས་ཅན་དང་བུད་མེད་ཀྱི་རེག་པ་ལ་རྟེན་པར་བྱེད་དེ་དེ་ནི་རྒྱུ་གཉིས་པ་ཡིན་ནོ། །

yang 'jig rten gyi tha snyad kyi rjes su 'jug pa las te/ 'di ltar 'jig rten pa rnams ni dang por gcig la gcig lta bar byed do/ /de'i 'og tu kun tu smra bar byed do/ /de'i 'og tu 'dus shing za ba dang lhag par za bar byed do/ /de'i 'og tu nyi ma nub cing nam sros pa na mal shom zhing mal stan dang bcas/ shing bal dang sngas nang tshangs can dang bud med kyi reg pa la rten par byed de de ni rgyu gnyis pa yin no/ /

【N3 約喜樂差別以辨次第】

ཡང་དགའ་བའི་བྱེ་བྲག་གི་གནས་ལས་ཏེ་དེ་ནི་རྒྱུ་གསུམ་པ་ཡིན་ནོ། །

yang dga' ba'i bye brag gi gnas las te de ni rgyu gsum pa yin no/ /

【N4 約嚴飾辨】

ཡང་མཛེས་པའི་བྱེ་བྲག་ཡོངས་སུ་འཛིན་པ་ལས་ཏེ་འདོད་པ་ལ་ལོངས་སྤྱོད་པ་རྣམས་ཀྱི་སྨེན་ཚུགས་དང༌། མིག་སྨན་ལ་སོགས་པས་མཛེས་པར་བྱས་པས་ནི་མིག་གོ། །རྣ་ཆ་དང་རྣ་རྒྱན་ལ་སོགས་པས་མཛེས་པར་བྱས་པ་ནི་རྣ་བ་ཡིན་གྱི་གཞན་ནི་དེ་ལྟ་མ་ཡིན་ཏེ་དེ་ནི་རྒྱུ་བཞི་པ་ཡིན་ནོ། །

yang mdzes pa'i bye brag yongs su 'dzin pa las te 'dod pa la longs spyod pa rnams kyi smen tshugs dang/ mig sman la sogs pas mdzes par byas pas ni mig go/ /rna cha dang rna rgyan la sogs pas mdzes par byas pa ni rna ba yin gyi gzhan ni de lta ma yin te de ni rgyu bzhi pa yin no/ /

【N5 依作業習欲次第】

ཡང་བྱ་བ་དང་ཟས་དང་འཁྲིག་པའི་དབང་ལས་ཏེ། འདི་ལྟར་སེམས་ཅན་རྣམས་ནི་ལུས་དང་ངག་གི་ལས་དགེ་བ་དང་མི་དགེ་བ་དག་གིས་ཐམས་ཅད་ལ་རྩོལ་བ་བྱེད། ཡོངས་སུ་ཚོལ་བར་བྱེད་དོ། །དེའི་འོག་ཏུ་ཁམ་གྱི་ཟས་དག་ཟ་བར་བྱེད་དོ། །ཚིམ་ཞིང་རྒྱགས་པ་དག་འཁྲིག་པ་སྟེན་པར་བྱེད་དེ་དེ་ནི་རྒྱུ་ལྔ་པ་ཡིན་ནོ། །

yang bya ba dang zas dang 'khrig pa'i dbang las te/ 'di ltar sems can rnams ni lus dang ngag gi las dge ba dang mi dge ba dag gis thams cad la rtsol ba byed/ yongs su tshol bar byed do/ /de'i 'og tu kham gyi zas dag za bar byed do/ /tshim zhing rgyags pa dag 'khrig pa sten par byed de de ni rgyu lnga pa yin no/ /

【N6 約業廣狹以辨】

ཡང་ལས་དང་བྱ་བའི་བྱེ་བྲག་ཡོངས་སུ་འཛིན་པ་ལས་ཏེ་དེ་ལྟར་མིག་གིས་གཟུགས་སྣ་ཚོགས་དག་མཐོང་ནས་འགྲོའོ། །འགྲོ་བ་ན་འཁྲུལ་པ་མེད་པ་དང་སྤྱོད་ལམ་མ་འཁྲུལ་པ་དག་འཕྱ་བར་བྱེད་དོ། །དགྲ་བོ་དང་མཛའ་བཤེས་དང་ཐ་མལ་པ་སྔོན་མཐོང་བ་དང་མ་མཐོང་བ་གཞན་དག་གིས་ངོ་ཤེས་པར་ཡང་བྱེད་དོ། །ཡུལ་གྱི་ངོ་ཤེས་པར་བྱེད་ཅིང་གཞན་དག་ལ་སྟོན་པར་ཡང་བྱེད་དོ། །མིང་དང་ཐ་སྙད་འདོགས་པར་ཡང་བྱེད་དོ། །བྲོ་གར་དང་ཟློས་གར་དང་བཞད་གད་ལ་སོགས་པ་སྣ་ཚོགས་མང་པོ་དག་གིས་དགའ་བ་སོ་སོར་མྱོང་བར་ཡང་བྱེད་དོ། །ལུས་ཀྱང་བརྟས་པར་བྱེད་ད། དེ་ལྟར་དེ་ལྟ་བུ་དང་མཐུན་པ་རྣམ་པ་དུ་མ་ནི་མིག་གི་ཁམས་ཀྱི་ལས་ཡིན་ནོ། །རྣ་བ་ནི་སྒྲ་སྣ་ཚོགས་དག་ཉན་པར་བྱེད་དོ། །ལེགས་པར་གསུངས་པ་དང་ཉེས་པར་བཤད་པའི་དོན་ཀྱང་ཤེས་པར་ཡང་བྱེད་དོ༑ །མངོན་པར་བརྗོད་པས་ཐ་སྙད་འདོགས་པར་ཡང་བྱེད་དོ། །རོལ་མོའི་སྒྲས་དགའ་བ་སོ་སོར་མྱོང་བར་ཡང་བྱེད་དོ། །ལུས་ཀྱང་བརྟས་པར་བྱེད་དེ། །དེ་ལྟར་དེ་ལྟ་བུ་དང་མཐུན་པ་ནི་རྣ་བའི་ཁམས་ཀྱི་ལས་རབ་ཏུ་སླ་བ་ཡིན་ནོ། །སྣས་ནི་དྲི་སྣ་ཚོགས་དག་སྣོམ་པར་བྱེད་དོ། །དྲིས་བྲོ་བར་ཡང་བྱེད་དོ། །དགའ་བ་སོ་སོར་མྱོང་བར་ཡང་བྱེད་དོ། །ལུས་བརྟས་པར་ཡང་བྱེད་དོ། །དེ་ལྟར་དེ་ལྟ་བུ་དང་མཐུན་པ་ནི་སྣའི་ཁམས་ཀྱི་ལས་རབ་ཏུ་སླ་བ་ཡིན་པར་རིག་པར་བྱའོ། །ལྕེའི་ཁམས་ཀྱིས་ནི་རོ་སྣ་ཚོགས་དག་མྱོང་བར་བྱེད་དོ། །དགའ་བ་སོ་སོར་མྱོང་བར་ཡང་བྱེད་དོ། །ལུས་ཀྱང་བརྟས་པར་ཡང་བྱེད་དོ། །དེ་ལྟར་དེ་ལྟ་བུ་དང་མཐུན་པ་ནི་ལྕེའི་ཁམས་ཀྱི་ལས་རབ་ཏུ་སླ་བ་ཡིན་ནོ། །ལུས་ཀྱི་ཁམས་ཀྱིས་ནི་རེག་བྱ་སྣ་ཚོགས་དག་རེག་པར་བྱེད་དོ། །དགའ་བ་སོ་སོར་མྱོང་བར་ཡང་བྱེད་དོ། །དེ་དང་དེས་ལུས་བརྟས་པར་ཡང་བྱེད་ལ་ལན་འགའ་ནི་དགའ་བའི་དངོས་པོ་དེ་དག་ཉིད་ཉམས་པར་ཡང་བྱེད་དོ། །དེ་ལྟར་དེ་ལྟ་བུ་དང་མཐུན་པ་ནི་ལུས་ཀྱི་ཁམས་ཀྱི་ལས་རབ་ཏུ་སླ་བ་ཡིན་ཏེ། དེ་ནི་གོ་རིམས་བསྟན་པའི་རྒྱུ་དྲུག་པ་ཡིན་ནོ། །

yang las dang bya ba'i bye brag yongs su 'dzin pa las te de ltar mig gis gzugs sna tshogs dag mthong nas 'gro'o/ /'gro ba na 'khrul pa med pa dang spyod lam ma 'khrul pa dag 'phya bar byed do/ /dgra bo dang mdza' bshes dang tha mal pa sngon mthong ba dang ma mthong ba gzhan dag gis ngo shes par yang byed do/ /yul gyi ngo shes par byed cing gzhan dag la ston par yang byed do/ /ming dang tha snyad 'dogs par yang byed do/ /bro gar dang zlos gar dang bzhad gad la sogs pa sna tshogs mang po dag gis dga' ba so sor myong bar yang byed do/ /lus kyang brtas par byed da/ de ltar de lta bu dang mthun pa rnam pa du ma ni mig gi khams kyi las yin no/ /rna ba ni sgra sna tshogs dag nyan par byed do/ /legs par gsungs pa dang nyes par bshad pa'i don kyang shes par yang byed do| /mngon par brjod pas tha snyad 'dogs par yang byed do/ /rol mo'i sgras dga' ba so sor myong bar yang byed do/ /lus kyang brtas par byed de/ /de ltar de lta bu dang mthun pa ni rna ba'i khams kyi las rab tu sla ba yin no/ /snas ni dri sna tshogs dag snom par byed do/ /dris bro bar yang byed do/ /dga' ba so sor myong bar yang byed do/ /lus brtas par yang byed do/ /de ltar de lta bu dang mthun pa ni sna'i khams kyi las rab tu sla ba yin par rig par bya'o/ /lce'i khams kyis ni ro sna tshogs dag myong bar byed do/ /dga' ba so sor myong bar yang byed do/ /lus kyang brtas par yang byed do/ /de ltar de lta bu dang mthun pa ni lce'i khams kyi las rab tu sla ba yin no/ /lus kyi khams kyis ni reg bya sna tshogs dag reg par byed do/ /dga' ba so sor myong bar yang byed do/ /de dang des lus brtas par yang byed la lan 'ga' ni dga' ba'i dngos po de dag nyid nyams par yang byed do/ /de ltar de lta bu dang mthun pa ni lus kyi khams kyi las rab tu sla ba yin te/ de ni go rims bstan pa'i rgyu drug pa yin no/ /

【M2 總明意根在後所以】

ཡིད་ནི་མིག་ལ་སོགས་པ་དྲུག་པོ་དེ་དག་གི་རྣམ་གྲངས་ཐམས་ཅད་དང་ཐམས་ཅད་དུ་འགྲོ་བ་ཡིན་པའི་ཕྱིར་ཐམས་ཅད་ཀྱི་ཐ་མར་བསྟན་པར་རིག་པར་བྱའོ། །

yid ni mig la sogs pa drug po de dag gi rnam grangs thams cad dang thams cad du 'gro ba yin pa'i phyir thams cad kyi tha mar bstan par rig par bya'o/ /

【L2 以頌攝】

གོ་རིམས་ཀྱི་རྒྱུ་དེ་དག་གི་བར་སྡོམ་ནི། ཕལ་ཆེ་བ་དང་ཐ་སྙད་དང༌། །དགའ་དང་མཛེས་དང་བྱ་བ་གཉིས། །ཁམས་བཅོ་བརྒྱད་པོ་དེ་དག་གིས།

go rims kyi rgyu de dag gi bar sdom ni/ phal che ba dang tha snyad dang/ /dga' dang mdzes dang bya ba gnyis/ /khams bco brgyad po de dag gis/

【I8 明十八界能攝經中異名說義】

དེ་ལས་གཞན་པ་མདོ་སྡེ་ལས་གསུངས་པ་ཐམས་ཅད་བསྡུས་པར་རིག་པར་བྱའོ། །

de las gzhan pa mdo sde las gsungs pa thams cad bsdus par rig par bya'o/ /

【I9 問答辨色界猶有鼻舌兩界】

ཅིའི་ཕྱིར་གཟུགས་ན་སྤྱོད་པ་ཡུལ་གྱི་འདོད་ཆགས་དང་བྲལ་བ་རྣམས་ལ་སྣའི་ཁམས་དང་ལྕེའི་ཁམས་འབྱུང་བར་འགྱུར་ཞེ་ན། སྨྲས་པ། ལུས་མཛེས་པར་བྱ་བའི་ཕྱིར་དང་དེ་གཉིས་ཀྱི་འདོད་ཆགས་དང་མ་བྲལ་བའི་ཕྱིར་རོ། །

ci'i phyir gzugs na spyod pa yul gyi 'dod chags dang bral ba rnams la sna'i khams dang lce'i khams 'byung bar 'gyur zhe na/ smras pa/ lus mdzes par bya ba'i phyir dang de gnyis kyi 'dod chags dang ma bral ba'i phyir ro/ /

【I10 明上地得起下地尋伺】

གཟུགས་ཀྱི་ཁམས་སུ་བསམ་གཏན་གཉིས་པ་དང་དེའི་གོང་མར་སྐྱེས་པ། གལ་ཏེ་མིག་ལ་སོགས་པའི་རྣམ་པར་ཤེས་པ་རྟོག་པ་དང་བཅས་དཔྱོད་པ་དང་བཅས་པ་མངོན་དུ་བྱེད་ན་ནི་ཇི་ལྟར་ན་ས་དེ་རྟོག་པ་མེད་ཅིང་དཔྱོད་པ་མེད་པར་འགྱུར། གལ་ཏེ་མངོན་དུ་མི་བྱེད་ན་ནི་ཇི་ལྟར་ན་དབང་པོ་གཟུགས་ཅན་དེས་དེའི་ས་པའི་ཡུལ་ཉམས་སུ་མྱོང་བར་འགྱུར་ཞེ་ན༑ སྨྲས་པ། རྟོག་པ་མེད་པ་དང་དཔྱོད་པ་མེད་པའི་ཏིང་ངེ་འཛིན་ནི་རྟོག་པ་དང་བཅས་དཔྱོད་པ་དང་བཅས་པའི་རྣམ་པར་ཤེས་པའི་ས་བོན་དང་ལྡན་པ་ཡིན་པས། དེའི་ཕྱིར་དེ་ལས་ལངས་པ་ལ་དེ་ཀུན་ཏུ་འབྱུང་བར་རུང་ངོ༌། །ལངས་པའི་རྣམ་པར་ཤེས་པ་དེ་ལ་དཔྱོད་པ་དེ་ཡང་རྟོག་པ་མེད་པ་དང་དཔྱོད་པ་མེད་པའི་ཏིང་ངེ་འཛིན་གྱི་ས་བོན་དང་ལྡན་པ་ཡིན་པས་དེའི་ཕྱིར་ས་བོན་དེ་ནི་རྟོག་པ་མེད་པ་དང་དཔྱོད་པ་མེད་པ་ཉིད་མ་ཡིན་ནོ། །རང་བཞིན་གྱིས་འདོད་ཆགས་དང་བྲལ་བའི་སེམས་ཅན་དེ་དག་ནི་འདོད་ཆགས་དང་བྲལ་བས་འདོད་ཆགས་དང་བྲལ་བའི་ཕྱིར་རྟོག་པ་དེ་དག་ལ་རྟོག་པ་མེད་ཀྱང་ས་དེ་ལ་ཀུན་དུ་སྤྱོད་པ་ལ་ཉེས་པ་མེད་དོ། །

gzugs kyi khams su bsam gtan gnyis pa dang de'i gong mar skyes pa/ gal te mig la sogs pa'i rnam par shes pa rtog pa dang bcas dpyod pa dang bcas pa mngon du byed na ni ji ltar na sa de rtog pa med cing dpyod pa med par 'gyur/ gal te mngon du mi byed na ni ji ltar na dbang po gzugs can des de'i sa pa'i yul nyams su myong bar 'gyur zhe na| smras pa/ rtog pa med pa dang dpyod pa med pa'i ting nge 'dzin ni rtog pa dang bcas dpyod pa dang bcas pa'i rnam par shes pa'i sa bon dang ldan pa yin pas/ de'i phyir de las langs pa la de kun tu 'byung bar rung ngo/ /langs pa'i rnam par shes pa de la dpyod pa de yang rtog pa med pa dang dpyod pa med pa'i ting nge 'dzin gyi sa bon dang ldan pa yin pas de'i phyir sa bon de ni rtog pa med pa dang dpyod pa med pa nyid ma yin no/ /rang bzhin gyis 'dod chags dang bral ba'i sems can de dag ni 'dod chags dang bral bas 'dod chags dang bral ba'i phyir rtog pa de dag la rtog pa med kyang sa de la kun du spyod pa la nyes pa med do/ /

【I11 在眼耳鼻各辯所以】

ཅིའི་ཕྱིར་མིག་གི་ཁམས་ཆ་གཉིས་སུ་མངོན་པར་གྲུབ་ཅིང་རྣ་བའི་ཁམས་དང་སྣའི་ཁམས་ཀྱང་དེ་བཞིན་ལས་གཞན་ནི་དེ་ལྟ་བུ་མ་ཡིན་ཞེ་ན། སྨྲས་པ། ལུས་ལ་མཛེས་པར་བྱ་བའི་ཕྱིར་རོ། །

ci'i phyir mig gi khams cha gnyis su mngon par grub cing rna ba'i khams dang sna'i khams kyang de bzhin las gzhan ni de lta bu ma yin zhe na/ smras pa/ lus la mdzes par bya ba'i phyir ro/ /

【I12 明眼耳鼻識雖依二生而識體唯一】

མིག་གི་རྣམ་པར་ཤེས་པ་གང་ཡིན་པ་དང༌། སྣའི་རྣམ་པར་ཤེས་པའི་བར་དུ་གཉིས་ལ་བརྟེན་ཏེ། སྐྱེ་བ་གང་ཡིན་པ་དེ་དག་ཅི་གཅིག་ཏུ་བརྗོད་པར་བྱའམ། འོན་ཏེ་གཉིས་སུ་བརྗོད་པར་བྱ་ཞེ་ན། སྨྲས་པ། གཅིག་ཏུ་བརྗོད་པར་བྱའོ། །དེ་ཅིའི་ཕྱིར་ཞེ་ན། གཅིག་མ་བསྒྲིབས་ཤིང་རབ་ཏུ་མ་ཉམས་ན་རྣམ་པར་ཤེས་པ་གསལ་བར་སྐྱེ་བའི་ཕྱིར་དང༌། བསྒྲིབས་ཤིང་རབ་ཏུ་ཉམས་ན་རྣམ་པར་ཤེས་པ་གསལ་བར་མི་སྐྱེ་བའི་ཕྱིར་དང༌། རྣམ་པར་ཤེས་པ་དེ་ནི་གཟུགས་ཅན་མ་ཡིན་པའི་ཕྱིར་གཟུགས་བཞིན་དུ་ཡུལ་ལས་གཉིས་སུ་དབྱེར་མེད་པའི་ཕྱིར་རོ། །

mig gi rnam par shes pa gang yin pa dang/ sna'i rnam par shes pa'i bar du gnyis la brten te/ skye ba gang yin pa de dag ci gcig tu brjod par bya'am/ 'on te gnyis su brjod par bya zhe na/ smras pa/ gcig tu brjod par bya'o/ /de ci'i phyir zhe na/ gcig ma bsgribs shing rab tu ma nyams na rnam par shes pa gsal bar skye ba'i phyir dang/ bsgribs shing rab tu nyams na rnam par shes pa gsal bar mi skye ba'i phyir dang/ rnam par shes pa de ni gzugs can ma yin pa'i phyir gzugs bzhin du yul las gnyis su dbyer med pa'i phyir ro/ /

【I13 明因果義】

མིག་དང་མིག་གི་རྣམ་པར་ཤེས་པ་གལ་ཏེ་རྒྱུ་དང་འབྲས་བུའི་དངོས་པོ་ཡིན་ན་དེ་ལྟ་ན་ཅི་ལྟར་དེ་གཉིས་ལྷན་ཅིག་གི་དངོས་པོར་འགྱུར། གལ་ཏེ་ལྷན་ཅིག་གི་དངོས་པོ་ཡིན་ན་ནི་དེ་ལྟར་ན་ཇི་ལྟར་དེ་གཉིས་རྒྱུ་དང་འབྲས་བུའི་དངོས་པོར་རུང་ཞེ་ན། སྨྲས་པ། ས་བོན་དང་མྱུ་གུ་བཞིན་དུ་མིག་ལ་བརྟེན་ཏེ་རྣམ་པར་ཤེས་པ་སྐྱེ་བ་ནི་མི་རུང་ངོ༌། །དེ་ཅིའི་ཕྱིར་ཞེ་ན། མིག་ནི་མིག་གི་རྣམ་པར་ཤེས་པ་སྐྱེད་པའི་རྒྱུ་མ་ཡིན་པའི་ཕྱིར་ཏེ། འོན་ཀྱང་གནས་ཀྱི་རྒྱུ་ཡིན་པས་དེའི་ཕྱིར་དེ་གཉིས་ནི་མར་མེ་དང་འོད་བཞིན་དུ་ལྷན་ཅིག་གི་དངོས་པོ་དང་རྒྱུ་དང་འབྲས་བུའི་དངོས་པོས་རུང་ངོ༌། །མིག་དང་མིག་གི་རྣམ་པར་ཤེས་པ་ཇི་ལྟ་བ་བཞིན་དུ། རྣ་བ་དང་སྣ་དང་ལྕེ་དང་ལུས་དང་དེ་དག་གི་རྣམ་པར་ཤེས་པ་རྣམས་ཀྱང་དེ་བཞིན་དུ་བལྟ་བར་བྱའོ། །གཞན་དུ་ན་རང་གི་ས་བོན་ལས་སྐྱེ་བར་གྱུར་ན་མིག་ལ་སོགས་པའི་རྣམ་པར་ཤེས་པ་གནས་མེད་པ་ལས་འབྱུང་བར་འགྱུར་བས་མི་རུང་ངོ༌། །

mig dang mig gi rnam par shes pa gal te rgyu dang 'bras bu'i dngos po yin na de lta na ci ltar de gnyis lhan cig gi dngos por 'gyur/ gal te lhan cig gi dngos po yin na ni de ltar na ji ltar de gnyis rgyu dang 'bras bu'i dngos por rung zhe na/ smras pa/ sa bon dang myu gu bzhin du mig la brten te rnam par shes pa skye ba ni mi rung ngo/ /de ci'i phyir zhe na/ mig ni mig gi rnam par shes pa skyed pa'i rgyu ma yin pa'i phyir te/ 'on kyang gnas kyi rgyu yin pas de'i phyir de gnyis ni mar me dang 'od bzhin du lhan cig gi dngos po dang rgyu dang 'bras bu'i dngos pos rung ngo/ /mig dang mig gi rnam par shes pa ji lta ba bzhin du/ rna ba dang sna dang lce dang lus dang de dag gi rnam par shes pa rnams kyang de bzhin du blta bar bya'o/ /gzhan du na rang gi sa bon las skye bar gyur na mig la sogs pa'i rnam par shes pa gnas med pa las 'byung bar 'gyur bas mi rung ngo/ /

【I14 明生三界眼等諸界有無定不定義】

འདོད་པའི་ཁམས་སུ་སྐྱེས་ཤིང་བྱུང་བའི་མིག་གི་ཁམས་ངེས་པར་འབྱུང་བར་འགྱུར་རོ་ཞེས་བརྗོད་པར་བྱའམ་ཞེ་ན། སྨྲས་པ། དེར་ནི་གཅིག་ཏུ་མ་ངེས་སོ། །མིག་གི་ཁམས་ཇི་ལྟ་བ་བཞིན་དུ་རྣ་བ་དང་སྣ་དང་ལྕེའི་ཁམས་རྣམས་དང༌། དེ་དག་གི་རྣམ་པར་ཤེས་པའི་ཁམས་རྣམས་ཀྱང་དེ་བཞིན་དུ་རིག་པར་བྱའོ། །ལུས་ཀྱི་ཁམས་ནི་ངེས་པར་འབྱུང་སྟེ་ལུས་ཀྱི་རྣམ་པར་ཤེས་པའི་ཁམས་རྣམས་དང་ཡིད་ཀྱི་ཁམས་དང་ཆོས་ཀྱི་ཁམས་དང་ཡིད་ཀྱི་རྣམ་པར་ཤེས་པའི་ཁམས་དང་གཟུགས་དང་སྒྲ་དང་དྲི་དང་རོ་དང་རེག་བྱའི་ཁམས་རྣམས་ཀྱང་དེ་བཞིན་ནོ། །གཟུགས་ཀྱི་ཁམས་སུ་སྐྱེས་ཤིང་འབྱུང་བའི་མིག་གི་ཁམས་ངེས་པར་འབྱུང་བར་འགྱུར་རོ་ཞེས་བརྗོད་པར་བྱའམ་ཞེ་ན། སྨྲས་པ། ངེས་པ་ཡིན་ནོ། །མིག་གི་ཁམས་ཇི་ལྟ་བ་བཞིན་དུ་རྣ་བ་དང་སྣ་དང་ལྕེ་དང་ལུས་ཀྱི་ཁམས་རྣམས་དང་མིག་དང་རྣ་བ་དང་སྣ་དང་ལྕེ་དང་ལུས་ཀྱི་རྣམ་པར་ཤེས་པའི་ཁམས་རྣམས་ཀྱང་དེ་བཞིན་ནོ། །དྲིའི་ཁམས་དང་རོའི་ཁམས་དང་དེ་དག་གི་རྣམ་པར་ཤེས་པའི་ཁམས་དག་མ་གཏོགས་པ་དེ་ལས་གཞན་པ་ཐམས་ཅད་ནི་ངེས་པར་འབྱུང་བར་འགྱུར་རོ། །གཟུགས་མེད་པའི་ཁམས་སུ་སྐྱེས་ཤིང་བྱུང་བ་ལ་ནི་ཁམས་གསུམ་པོ་ཡིད་དང་ཆོས་དང་ཡིད་ཀྱི་རྣམ་པར་ཤེས་པའི་ཁམས་རྣམས་མ་གཏོགས་པ་དང་དབང་སྒྱུར་བས་ཐོབ་པའི་གཟུགས་མ་གཏོགས་པ་དེ་ལས་གཞན་པ་རྣམས་ནི་ངེས་པར་འབྱུང་བ་མ་ཡིན་ནོ། །གསུམ་པོ་འདི་དག་ནི་དེར་ངེས་པར་འབྱུང་བར་བལྟ་བར་བྱའོ། །

'dod pa'i khams su skyes shing byung ba'i mig gi khams nges par 'byung bar 'gyur ro zhes brjod par bya'am zhe na/ smras pa/ der ni gcig tu ma nges so/ /mig gi khams ji lta ba bzhin du rna ba dang sna dang lce'i khams rnams dang/ de dag gi rnam par shes pa'i khams rnams kyang de bzhin du rig par bya'o/ /lus kyi khams ni nges par 'byung ste lus kyi rnam par shes pa'i khams rnams dang yid kyi khams dang chos kyi khams dang yid kyi rnam par shes pa'i khams dang gzugs dang sgra dang dri dang ro dang reg bya'i khams rnams kyang de bzhin no/ /gzugs kyi khams su skyes shing 'byung ba'i mig gi khams nges par 'byung bar 'gyur ro zhes brjod par bya'am zhe na/ smras pa/ nges pa yin no/ /mig gi khams ji lta ba bzhin du rna ba dang sna dang lce dang lus kyi khams rnams dang mig dang rna ba dang sna dang lce dang lus kyi rnam par shes pa'i khams rnams kyang de bzhin no/ /dri'i khams dang ro'i khams dang de dag gi rnam par shes pa'i khams dag ma gtogs pa de las gzhan pa thams cad ni nges par 'byung bar 'gyur ro/ /gzugs med pa'i khams su skyes shing byung ba la ni khams gsum po yid dang chos dang yid kyi rnam par shes pa'i khams rnams ma gtogs pa dang dbang sgyur bas thob pa'i gzugs ma gtogs pa de las gzhan pa rnams ni nges par 'byung ba ma yin no/ /gsum po 'di dag ni der nges par 'byung bar blta bar bya'o/ /

【G3 類結頌同有】

འདིའི་སྡོམ་གྱི་ཚིགས་སུ་བཅད་པ་ནི་ཕུང་པོ་ལ་མཁས་པ་དང་འདྲ་བར་བལྟ་བར་བྱའོ། །ཁམས་ཀྱི་དངོས་པོ་ལ་མཁས་པ་རྫོགས་སོ།། །།སྐྱེ་མཆེད་རྣམས་ཀྱི་སྡོམ་གྱི་ཚིགས་སུ་བཅད་པ་ཡང་ཁམས་རྣམས་ཀྱི་ཇི་ལྟ་བ་དེ་བཞིན་དུ་བལྟ་བར་བྱའོ། །

'di'i sdom gyi tshigs su bcad pa ni phung po la mkhas pa dang 'dra bar blta bar bya'o/ /khams kyi dngos po la mkhas pa rdzogs so// //skye mched rnams kyi sdom gyi tshigs su bcad pa yang khams rnams kyi ji lta ba de bzhin du blta bar bya'o/ /

【F3 處善巧(六門)】【G1 出處體】

མིག་གི་སྐྱེ་མཆེད་གང་ཞེ་ན། མིག་ཐོབ་ཅིང་མ་སྤངས་པ་དེ་མ་ཐག་ཏུ་ལུས་ལས་འགོག་པའི་ཆོས་ཅན་མ་ཡིན་པ་གང་ཡིན་པའོ། །མིག་གི་སྐྱེ་མཆེད་ཇི་ལྟ་བ་བཞིན་དུ་སྐྱེ་མཆེད་ལྷག་མ་རྣམས་ཀྱང་ངོ་བོ་ཉིད་ལས་དེ་བཞིན་དུ་བལྟ་བར་བྱའོ། །

mig gi skye mched gang zhe na/ mig thob cing ma spangs pa de ma thag tu lus las 'gog pa'i chos can ma yin pa gang yin pa'o/ /mig gi skye mched ji lta ba bzhin du skye mched lhag ma rnams kyang ngo bo nyid las de bzhin du blta bar bya'o/ /

【G2 總辨處觸處差別】

སྐྱེ་མཆེད་དང་རེག་པའི་སྐྱེ་མཆེད་གཉིས་ལ་བྱེ་བྲག་ཅི་ཡོད་ཅེ་ན། སྨྲས་པ། སྐྱེ་མཆེད་ནི་ཇི་སྐད་བསྟན་པ་ཡིན་ནོ། །རེག་པའི་སྐྱེ་མཆེད་ནི་སྐྱེ་མཆེད་གང་རེག་པ་དང༌། ལྷན་ཅིག་པ་དེ་མ་ཐག་ཏུ་རེག་པ་སྐྱེ་བར་བྱེད་པ་རེག་པ་དང་རྗེས་སུ་མཐུན་པའོ། །

skye mched dang reg pa'i skye mched gnyis la bye brag ci yod ce na/ smras pa/ skye mched ni ji skad bstan pa yin no/ /reg pa'i skye mched ni skye mched gang reg pa dang/ lhan cig pa de ma thag tu reg pa skye bar byed pa reg pa dang rjes su mthun pa'o/ /

【G3 眼與處四句分別】

མིག་གང་ཡིན་པ་སྐྱེ་མཆེད་ཀྱང་དེ་ཡིན་ལ་སྐྱེ་མཆེད་གང་ཡིན་པ་མིག་ཀྱང་དེ་ཡིན་ནམ་ཞེ་ན། སྨྲས་པ། མིག་ཡིན་ལ་སྐྱེ་མཆེད་མ་ཡིན་པའང་ཡོད་དེ་མིག་ཐོབ་ཅིང་མ་སྤངས་ལ་དེ་མ་ཐག་ཏུ་འོག་ཏུ་འགོག་པའི་ཆོས་ཅན་གང་ཡིན་པའོ། །སྐྱེ་མཆེད་ཡིན་ལ་མིག་མ་ཡིན་པའང་ཡོད་དེ༑ སྐྱེ་མཆེད་ལྷག་མ་སྐྱེ་མཆེད་ཀྱི་མཚན་ཉིད་ཀྱིས་རྣམ་པར་གནས་པ་རྣམས་སོ། །མིག་ཀྱང་ཡིན་ལ་སྐྱེ་མཆེད་ཀྱང་ཡིན་པ་ཡང་ཡོད་དེ། མིག་ཐོབ་ཅིང་མ་སྤངས་ལ་དེ་མ་ཐག་ཏུ་འགོག་པའི་ཆོས་ཅན་ཡང་མ་ཡིན་པ་གང་ཡིན་པའོ། །མིག་ཀྱང་མ་ཡིན་ལ་སྐྱེ་མཆེད་ཀྱང་མ་ཡིན་པའང་ཡོད་དེ། མིག་མ་ཐོབ་པའམ་སྤངས་པ་དང་དེ་ལས་གཞན་པ་རྣ་བ་ལ་སོགས་པ་སྐྱེ་མཆེད་ཀྱི་མཚན་ཉིད་ཀྱིས་ཉེ་བར་མི་གནས་པ་གང་ཡིན་པའོ། །

mig gang yin pa skye mched kyang de yin la skye mched gang yin pa mig kyang de yin nam zhe na/ smras pa/ mig yin la skye mched ma yin pa'ang yod de mig thob cing ma spangs la de ma thag tu 'og tu 'gog pa'i chos can gang yin pa'o/ /skye mched yin la mig ma yin pa'ang yod de| skye mched lhag ma skye mched kyi mtshan nyid kyis rnam par gnas pa rnams so/ /mig kyang yin la skye mched kyang yin pa yang yod de/ mig thob cing ma spangs la de ma thag tu 'gog pa'i chos can yang ma yin pa gang yin pa'o/ /mig kyang ma yin la skye mched kyang ma yin pa'ang yod de/ mig ma thob pa'am spangs pa dang de las gzhan pa rna ba la sogs pa skye mched kyi mtshan nyid kyis nye bar mi gnas pa gang yin pa'o/ /

【G4 辨處及觸處相對作句】

སྐྱེ་མཆེད་གང་ཡིན་པ་རེག་པའི་སྐྱེ་མཆེད་ཀྱང་དེ་ཡིན་ལ་རེག་པའི་སྐྱེ་མཆེད་གང་ཡིན་པ་སྐྱེ་མཆེད་ཀྱང་དེ་ཡིན་ནམ་ཞེ་ན། སྨྲས་པ། རེག་པའི་སྐྱེ་མཆེད་གང་ཡིན་པ་དེ་ནི་རེ་ཞིག་སྐྱེ་མཆེད་ཀྱང་ཡིན་ནོ། །སྐྱེ་མཆེད་ཡིན་ལ་རེག་པའི་སྐྱེ་མཆེད་མ་ཡིན་པ་ཡང་ཡོད་དེ། མིག་ལ་སོགས་པ་རེག་པ་དང་མི་ལྡན་པ་དང༌། དེ་མ་ཐག་ཏུ་རེག་པ་སྐྱེད་པར་མི་བྱེད་པ་དང་འགོག་པའི་ཆོས་ཅན་མ་ཡིན་པ་གང་ཡིན་པའོ། །གཟུགས་ཀྱི་ཁམས་སུ་སྐྱེས་ཤིང་བྱུང་བའི་སྣ་གང་ཡིན་པ་དང་ལྕེ་གང་ཡིན་པ་དེ་ནི་དུས་རྟག་ཏུ་སྐྱེ་མཆེད་མ་ཡིན་པ་ཁོ་ནར་བལྟ་བར་བྱའོ། །འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་པའི་དབང་པོ་གང་དག་ཡིན་པ་དེ་དག་ཀྱང་དུས་རྟག་ཏུ་སྐྱེ་མཆེད་མ་ཡིན་པ་ཁོ་ནར་བལྟ་བར་བྱའོ༑ །

skye mched gang yin pa reg pa'i skye mched kyang de yin la reg pa'i skye mched gang yin pa skye mched kyang de yin nam zhe na/ smras pa/ reg pa'i skye mched gang yin pa de ni re zhig skye mched kyang yin no/ /skye mched yin la reg pa'i skye mched ma yin pa yang yod de/ mig la sogs pa reg pa dang mi ldan pa dang/ de ma thag tu reg pa skyed par mi byed pa dang 'gog pa'i chos can ma yin pa gang yin pa'o/ /gzugs kyi khams su skyes shing byung ba'i sna gang yin pa dang lce gang yin pa de ni dus rtag tu skye mched ma yin pa kho nar blta bar bya'o/ /'du shes med pa'i sems can lha rnams kyi nang du skyes pa'i dbang po gang dag yin pa de dag kyang dus rtag tu skye mched ma yin pa kho nar blta bar bya'o| /

【G5 釋處義】【H1 問答辨處】

དོན་གང་གིས་ན་སྐྱེ་མཆེད་རྣམས་ཞེས་བྱ། ཅི་ཞིག་ཡོངས་སུ་བསྟན་པའི་ཕྱིར་སྐྱེ་མཆེད་རྣམ་པར་གཞག་ཅེ་ན། སྨྲས་པ། སེམས་དང་སེམས་ལས་བྱུང་བའི་ཆོས་རྣམས་ཀྱི་སྐྱེ་བའི་སྒོའི་དོན་དང༌། རྐྱེན་གྱི་དོན་དང༌། ཐབས་ཀྱི་དོན་དང༌། ཚོགས་པའི་དངོས་པོའི་དོན་དང༌། རྟེན་གྱི་དོན་དང༌། དེ་དག་སྣང་བའི་གནས་ཀྱི་དོན་གྱིས་སོ། །མཚུངས་པ་དེ་མ་ཐག་པ་དང༌། དམིགས་པ་དང༌། བདག་པོའི་རྐྱེན་རྣམ་པ་གསུམ་ཡོངས་སུ་བསྟན་པར་བྱ་བའི་ཕྱིར་སྐྱེ་མཆེད་རྣམ་པར་གཞག་གོ། །

don gang gis na skye mched rnams zhes bya/ ci zhig yongs su bstan pa'i phyir skye mched rnam par gzhag ce na/ smras pa/ sems dang sems las byung ba'i chos rnams kyi skye ba'i sgo'i don dang/ rkyen gyi don dang/ thabs kyi don dang/ tshogs pa'i dngos po'i don dang/ rten gyi don dang/ de dag snang ba'i gnas kyi don gyis so/ /mtshungs pa de ma thag pa dang/ dmigs pa dang/ bdag po'i rkyen rnam pa gsum yongs su bstan par bya ba'i phyir skye mched rnam par gzhag go/ /

【H2 廣分別及次第指同於界】

སྐྱེ་མཆེད་རྣམས་ཀྱི་རབ་ཏུ་དབྱེ་བ་དང་གོ་རིམས་ནི་ཁམས་བཞིན་དུ་ཅི་རིགས་པར་བལྟ་བར་བྱའོ། །

skye mched rnams kyi rab tu dbye ba dang go rims ni khams bzhin du ci rigs par blta bar bya'o/ /

【G6 辨攝略名處】【H1 辨攝異名處】

བཅོམ་ལྡན་འདས་ཀྱིས་མདོ་སྡེ་ལས་ཟིལ་གྱིས་གནོན་པའི་སྐྱེ་མཆེད་བརྒྱད་དང༌། དེ་བཞིན་དུ་རྒྱས་པར་ཟད་པར་གྱི་སྐྱེ་མཆེད་བཅུ་དང༌། དེ་བཞིན་དུ་ནམ་མཁའ་མཐའ་ཡས་སྐྱེ་མཆེད་ལ་སོགས་པའི་སྐྱེ་མཆེད་བཞི་དང༌། དེ་བཞིན་དུ་སྐྱེ་མཆེད་གཉིས་པོ་འདུ་ཤེས་མེད་པའི་སྐྱེ་མཆེད་དང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང༌། དེ་དག་ལ་སོགས་པ་སྐྱེ་མཆེད་ཀྱི་སྒྲར་བསྟན་པའི་ཆོས་གང་དག་གསུངས་པ་དེ་དག་ཀྱང་སྐྱེ་མཆེད་བཅུ་གཉིས་པོ་དག་གིས་མཚན་ཉིད་ཇི་སྐད་སྨོས་པས་ཅི་རིགས་པར་བསྡུ་བར་རིག་པར་བྱའོ། །

bcom ldan 'das kyis mdo sde las zil gyis gnon pa'i skye mched brgyad dang/ de bzhin du rgyas par zad par gyi skye mched bcu dang/ de bzhin du nam mkha' mtha' yas skye mched la sogs pa'i skye mched bzhi dang/ de bzhin du skye mched gnyis po 'du shes med pa'i skye mched dang 'du shes med 'du shes med min skye mched dang/ de dag la sogs pa skye mched kyi sgrar bstan pa'i chos gang dag gsungs pa de dag kyang skye mched bcu gnyis po dag gis mtshan nyid ji skad smos pas ci rigs par bsdu bar rig par bya'o/ /

【H2 餘門指界】

སྐྱེ་མཆེད་རྣམས་ཀྱི་རྟེན་ཀྱང་ཁམས་ཁོ་ན་བཞིན་དུ་བལྟ་བར་བྱའོ། །སྐྱེ་མཆེད་ཀྱི་དངོས་པོ་ལ་མཁས་པ་རྫོགས་སོ།། །།

skye mched rnams kyi rten kyang khams kho na bzhin du blta bar bya'o/ /skye mched kyi dngos po la mkhas pa rdzogs so// //

【F4 緣起善巧】【G1 略辨九門】【H1 辨緣生相】

དེ་ལ་རྟེན་ཅིང་འབྲེལ་པར་འབྱུང་བའི་ཆོས་རྣམས་ཞེས་བྱ་བ་ལ་གང་དག་བདག་པོ་མེད་པ་དང༌། བྱེད་པ་པོ་མེད་པ་དང༌། ཚོར་བ་པོ་མེད་པ་དང༌། བདག་ཉིད་གཡོ་བ་མེད་པ་དང༌། རང་དབང་མེད་པ་དང༌། རྒྱུས་བསྐྱེད་པ་དང༌། རྐྱེན་ལ་རག་ལས་ཤིང་འབྲལ་བར་འཇུག་པ་དང༌། མ་བྱུང་བ་ལས་འབྱུང་བའི་ཆོས་ཅན་དང༌། བྱུང་ནས་འཇིག་པའི་ཆོས་ཅན་དང༌། ཆོས་ཙམ་ཞག་རབ་ཏུ་ཕྱེ་བ་དང༌། ཆོས་རྣམས་ཁོ་ནས་མངོན་པར་བརླན་པ་དང༌། ཆོས་རྣམས་ཁོ་ན་མངོན་པར་རླན་པར་བྱེད་པ་དང༌། རྒྱུད་དུ་གཏོགས་པ་དང༌། དེ་ལྟར་དེ་ལྟ་བུ་དང་མཐུན་པ་དེ་དག་ནི་རྟེན་ཅིང་འབྲེལ་པར་འབྱུང་བའི་ཆོས་རྣམས་ཀྱི་མཚན་ཉིད་ཡིན་པར་རིག་པར་བྱའོ། །

de la rten cing 'brel par 'byung ba'i chos rnams zhes bya ba la gang dag bdag po med pa dang/ byed pa po med pa dang/ tshor ba po med pa dang/ bdag nyid g.yo ba med pa dang/ rang dbang med pa dang/ rgyus bskyed pa dang/ rkyen la rag las shing 'bral bar 'jug pa dang/ ma byung ba las 'byung ba'i chos can dang/ byung nas 'jig pa'i chos can dang/ chos tsam zhag rab tu phye ba dang/ chos rnams kho nas mngon par brlan pa dang/ chos rnams kho na mngon par rlan par byed pa dang/ rgyud du gtogs pa dang/ de ltar de lta bu dang mthun pa de dag ni rten cing 'brel par 'byung ba'i chos rnams kyi mtshan nyid yin par rig par bya'o/ /

【H2 釋緣生相】【I1 辨名不同】

དེ་ལ་རྒྱུ་གང་ཡིན་པ་དེ་ལ་ནི་རྟེན་ཅིང་འབྲེལ་པར་འབྱུང་བ་ཞེས་བྱའོ། །འབྲས་བུ་གང་ཡིན་པ་དེ་ལ་ནི་རྟེན་ཅིང་འབྲེལ་པར་འབྱུང་བ་ཞེས་བྱ་བར་བལྟ་བར་བྱའོ། །

de la rgyu gang yin pa de la ni rten cing 'brel par 'byung ba zhes bya'o/ /'bras bu gang yin pa de la ni rten cing 'brel par 'byung ba zhes bya bar blta bar bya'o/ /

【I2 就相生以辨緣起緣生之相】

དེ་ལ་མ་རིག་པའི་བག་ལ་ཉལ་མ་སྤངས་པ་ཡོད་པས་མ་རིག་པའི་ཀུན་ནས་དཀྲིས་པ་འབྱུང་ངོ༌། །མ་རིག་པའི་ཀུན་ནས་དཀྲིས་པ་སྐྱེས་པའི་ཕྱིར་འདུ་བྱེད་རྣམས་ཀྱི་འཇུག་པ་སྐྱེའོ། །དེ་བཞིན་དུ་འདུ་བྱེད་ཀྱི་ས་བོན་མ་སྤངས་པ་ཡོད་པས་འདུ་བྱེད་རྣམས་འབྱུང་ངོ༌། །འདུ་བྱེད་རྣམས་སྐྱེས་པའི་ཕྱིར་རྣམ་པར་ཤེས་པ་འཇུག་པ་སྐྱེའོ། །དེ་བཞིན་དུ་རྟེན་ཅིང་འབྲེལ་པར་འབྱུང་བའི་ཡན་ལག་ལྷག་མ་རྣམས་ཀྱི་འཇུག་པའི་ཚུལ་ཡང་ཅི་རིགས་པར་རིག་པར་བྱའོ། །

de la ma rig pa'i bag la nyal ma spangs pa yod pas ma rig pa'i kun nas dkris pa 'byung ngo/ /ma rig pa'i kun nas dkris pa skyes pa'i phyir 'du byed rnams kyi 'jug pa skye'o/ /de bzhin du 'du byed kyi sa bon ma spangs pa yod pas 'du byed rnams 'byung ngo/ /'du byed rnams skyes pa'i phyir rnam par shes pa 'jug pa skye'o/ /de bzhin du rten cing 'brel par 'byung ba'i yan lag lhag ma rnams kyi 'jug pa'i tshul yang ci rigs par rig par bya'o/ /

【H3 辨假有實有】

དེ་ལ་སྲིད་པ་དང་སྐྱེ་བ་དང་རྒ་ཤི་ནི་བཏགས་པའི་ཆོས་ཡིན་པར་རིག་པར་བྱའོ། །སྲིད་པའི་ཡན་ལག་ལྷག་མ་རྣམས་ནི་རྫས་སུ་ཡོད་པའི་ཆོས་ཡིན་པར་རིག་པར་བྱའོ། །

de la srid pa dang skye ba dang rga shi ni btags pa'i chos yin par rig par bya'o/ /srid pa'i yan lag lhag ma rnams ni rdzas su yod pa'i chos yin par rig par bya'o/ /

【H4 五相立緣起】【I1 總舉徵列】

དེ་ལ་རྟེན་ཅིང་འབྲེལ་པར་འབྱུང་བའི་རབ་ཏུ་དབྱེ་བ་ནི་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། སྡུག་བསྔལ་འཕེན་པའི་རྒྱུའི་གནས་དང༌། སྡུག་བསྔལ་མངོན་པར་འགྲུབ་པའི་རྒྱུའི་གནས་དང༌། སྡུག་བསྔལ་འཕེན་པའི་རྒྱུ་དང༌། སྡུག་བསྔལ་མངོན་པར་འགྲུབ་པའི་རྒྱུ་དང༌། སྡུག་བསྔལ་མངོན་པར་འགྲུབ་པ་ཉིད་ནི་ལྔའོ། །

de la rten cing 'brel par 'byung ba'i rab tu dbye ba ni rnam pa lngas rnam par gzhag ste/ lnga gang zhe na/ sdug bsngal 'phen pa'i rgyu'i gnas dang/ sdug bsngal mngon par 'grub pa'i rgyu'i gnas dang/ sdug bsngal 'phen pa'i rgyu dang/ sdug bsngal mngon par 'grub pa'i rgyu dang/ sdug bsngal mngon par 'grub pa nyid ni lnga'o/ /

【I2 次第別釋】【J1 眾苦引因依處】

དེ་ལ་ཚེ་འདི་ལ་མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་མངོན་པར་འགྲུབ་པ་མ་སྤངས་ཤིང༌། ཡོངས་སུ་མ་ཤེས་པ་གང་ཡིན་པ་དེ་ལ་དམིགས་ཤིང་དེ་ལ་གནས་ནས༑ བྱིས་པ་རྣམས་ཀྱི་ལུས་ལ་ཀུན་ཏུ་རྨོངས་པ་འབྱུང་བ་གང་ཡིན་པ་དེ་ནི་མ་རིག་པ་ཞེས་བྱའོ། །མ་རིག་པའི་རྐྱེན་གྱིས་དེའི་འོག་ཏུ་འདུ་བྱེད་རྣམས་དང་ཕྱི་མ་ལ་རེག་པའི་རྐྱེན་གྱིས་ཚོར་བའི་བར་དུ་འབྱུང་བར་འགྱུར་ཏེ། སྐྱེ་མཆེད་དྲུག་པོ་དེ་དག་ནི་མ་རིག་པ་ལ་སོགས་པ་འཕེན་པའི་རྒྱུ་དེའི་གནས་ཞེས་བྱའོ། །

de la tshe 'di la ming dang gzugs kyi rkyen gyis skye mched drug mngon par 'grub pa ma spangs shing/ yongs su ma shes pa gang yin pa de la dmigs shing de la gnas nas| byis pa rnams kyi lus la kun tu rmongs pa 'byung ba gang yin pa de ni ma rig pa zhes bya'o/ /ma rig pa'i rkyen gyis de'i 'og tu 'du byed rnams dang phyi ma la reg pa'i rkyen gyis tshor ba'i bar du 'byung bar 'gyur te/ skye mched drug po de dag ni ma rig pa la sogs pa 'phen pa'i rgyu de'i gnas zhes bya'o/ /

【J2 眾苦生因依處】

དེ་ལྟར་ཀུན་དུ་རྨོངས་པའི་རེག་པའི་རྐྱེན་གྱིས་ཚེ་འདི་ཉིད་ལ་ཚོར་བ་འབྱུང་བ་གང་ཡིན་པ་དེ་ལ་གནས་ནས་ཕྱི་རོལ་གྱི་ཡུལ་རྣམས་ལ་སྲེད་པ་འབྱུང་ངོ༌། །སྲེད་པའི་རྐྱེན་གྱིས་དེའི་འོག་ཏུ་ལེན་པ་འབྱུང་ངོ༌། །ལེན་པའི་རྐྱེན་གྱིས་སྲིད་པ་འབྱུང་སྟེ། དེ་ལྟར་མངོན་པར་འགྲུབ་པའི་རྒྱུ་དེའི་གནས་ནི་རེག་པའི་རྐྱེན་གྱིས་ཚོར་བ་དེ་ཡིན་པར་བལྟ་བར་བྱའོ། །

de ltar kun du rmongs pa'i reg pa'i rkyen gyis tshe 'di nyid la tshor ba 'byung ba gang yin pa de la gnas nas phyi rol gyi yul rnams la sred pa 'byung ngo/ /sred pa'i rkyen gyis de'i 'og tu len pa 'byung ngo/ /len pa'i rkyen gyis srid pa 'byung ste/ de ltar mngon par 'grub pa'i rgyu de'i gnas ni reg pa'i rkyen gyis tshor ba de yin par blta bar bya'o/ /

【J3 眾苦引因】

དེ་ལ་ཚེ་འདི་པའི་རྣམ་པར་ཤེས་པ་བསོད་ནམས་དང་བསོད་ནམས་མ་ཡིན་པ་དང་མི་གཡོ་བའི་ལས་ཀྱིས་ཡོངས་སུ་བསྒོས་པ་ལ༑ མ་རིག་པའི་རྐྱེན་གྱིས་འདུ་བྱེད་རྣམས་དང་རེག་པའི་རྐྱེན་གྱིས་ཚོར་བའི་བར་ཕྱི་མ་ཕྱི་མའི་ས་བོན་དང་ལྡན་པ་གང་དག་ཡོད་པ་དེ་དག་ནི་ལུས་ཞིག་ནས། ཕྱི་མ་ལ་རྣམ་པར་ཤེས་པ་ལ་སོགས་པ་སྐྱེ་བ་དང་རྒ་ཤིའི་མིང་ཅན་གྱི་སྡུག་བསྔལ་གཞན་འཕེན་པར་བྱེད་དེ། དེ་ནི་དེའི་འཕེན་པའི་རྒྱུ་ཞེས་བྱའོ། །

de la tshe 'di pa'i rnam par shes pa bsod nams dang bsod nams ma yin pa dang mi g.yo ba'i las kyis yongs su bsgos pa la| ma rig pa'i rkyen gyis 'du byed rnams dang reg pa'i rkyen gyis tshor ba'i bar phyi ma phyi ma'i sa bon dang ldan pa gang dag yod pa de dag ni lus zhig nas/ phyi ma la rnam par shes pa la sogs pa skye ba dang rga shi'i ming can gyi sdug bsngal gzhan 'phen par byed de/ de ni de'i 'phen pa'i rgyu zhes bya'o/ /

【J4 眾苦生因】

དེ་ལ་ཚོར་བའི་རྐྱེན་གྱིས་སྲེད་པ་དང་སྲེད་པའི་རྐྱེན་གྱིས་ལེན་པ་དང་ལེན་པའི་རྐྱེན་གྱིས་སྲིད་པ་གང་ཡིན་པ་དེ་ནི་ཕྱི་མ་ལ་སྡུག་བསྔལ་མངོན་པར་འགྲུབ་པའི་རྒྱུ་ཞེས་བྱའོ། །སྔོན་བྱས་པའི་ལས་དང་ཉོན་མོངས་པས་ཡོངས་སུ་ཟིན་པ་མ་འོངས་པའི་སྐྱེ་བ་ལ་མངོན་དུ་ཕྱོགས་པ་དེ་ཉིད་ལ་སྲིད་པ་ཞེས་བྱ་བར་བལྟ་བར་བྱའོ། །

de la tshor ba'i rkyen gyis sred pa dang sred pa'i rkyen gyis len pa dang len pa'i rkyen gyis srid pa gang yin pa de ni phyi ma la sdug bsngal mngon par 'grub pa'i rgyu zhes bya'o/ /sngon byas pa'i las dang nyon mongs pas yongs su zin pa ma 'ongs pa'i skye ba la mngon du phyogs pa de nyid la srid pa zhes bya bar blta bar bya'o/ /

【J5 眾苦生起】

སྲིད་པའི་རྐྱེན་གྱིས་སྐྱེ་བ་དང་སྐྱེ་བའི་རྐྱེན་གྱིས་རྒ་ཤི་གང་ཡིན་པ་དེ་དག་ནི་སྡུག་བསྔལ་མངོན་པར་འགྲུབ་པ་ཞེས་བྱའོ། །རྣམ་པར་ཤེས་པ་དང་མིང་དང་གཟུགས་ལ་སོགས་པ་ཚོར་བའི་མཐར་ཐུག་པ་དེ་དག་ཉིད་སྔོན་ས་བོན་གྱི་དངོས་པོ་དང་ལྡན་པའི་ཚེ་ན་ནི་སྡུག་བསྔལ་འཕེན་པའི་རྒྱུ་ཞེས་བྱ་བའི་མིང་འཐོབ་པར་འགྱུར་རོ། །དེ་དག་ཉིད་ད་ལྟར་འབྲས་བུ་བསྐྱེད་ཟིན་པ་ནི་སྐྱེ་བ་དང་རྒ་ཤིའི་མིང་ཅན་གྱི་སྡུག་བསྔལ་ཞེས་བྱ་བའི་མིང་འཐོབ་པོ། །

srid pa'i rkyen gyis skye ba dang skye ba'i rkyen gyis rga shi gang yin pa de dag ni sdug bsngal mngon par 'grub pa zhes bya'o/ /rnam par shes pa dang ming dang gzugs la sogs pa tshor ba'i mthar thug pa de dag nyid sngon sa bon gyi dngos po dang ldan pa'i tshe na ni sdug bsngal 'phen pa'i rgyu zhes bya ba'i ming 'thob par 'gyur ro/ /de dag nyid da ltar 'bras bu bskyed zin pa ni skye ba dang rga shi'i ming can gyi sdug bsngal zhes bya ba'i ming 'thob po/ /

【H5 料簡無明】【I1 出正義】

དེ་ལ་མ་རིག་པ་ནི་ཤེས་པའི་མི་མཐུན་པའི་ཕྱོགས་སེམས་ལས་བྱུང་བའི་ཆོས་སྒྲིབ་པར་བྱེད་པའི་བདག་ཉིད་ཡིན་པར་བལྟ་བར་བྱའི། །

de la ma rig pa ni shes pa'i mi mthun pa'i phyogs sems las byung ba'i chos sgrib par byed pa'i bdag nyid yin par blta bar bya'i/ /

【I2 破邪執】【J1 總破二執】

རིག་པ་མེད་པ་ཙམ་ཡང་མ་ཡིན་ལ། ལོག་པའི་ཤེས་པ་ཙམ་ཡང་མ་ཡིན་ནོ། །

rig pa med pa tsam yang ma yin la/ log pa'i shes pa tsam yang ma yin no/ /

【J2 別破二執】【K1 外人問】

དེ་ཅིའི་ཕྱིར་ཞེ་ན།

de ci'i phyir zhe na/

【K2 論主破】【L1 破明無】【M1 三品不成失】

རེ་ཞིག་གལ་ཏེ་མ་རིག་པ་རིག་པ་མེད་པ་ཙམ་ཡིན་པར་གྱུར་ན་ནི། དེ་ལ་ཆུང་ངུ་དང་འབྲིང་དང་ཆེན་པོ་ཉིད་ཡོད་པར་མི་འགྱུར་ཏེ། མེད་པ་ལ་ནི་ཆུང་ངུ་དང་འབྲིང་དང་ཆེན་པོ་ཉིད་གང་ཡང་མེད་པ་དང༌།

re zhig gal te ma rig pa rig pa med pa tsam yin par gyur na ni/ de la chung ngu dang 'bring dang chen po nyid yod par mi 'gyur te/ med pa la ni chung ngu dang 'bring dang chen po nyid gang yang med pa dang/

【M2 現種無別失】

མ་རིག་པའི་བག་ལ་ཉལ་དང་ཀུན་ནས་དཀྲིས་པ་རྣམ་པར་གཞག་པར་མི་ནུས་པ་དང༌། མེད་པར་ནི་དུས་ཐམས་ཅད་དུ་མཚན་ཉིད་འདྲ་བ་ཡིན་པས༑ ཀུན་དུ་སྤྱོད་པ་དང་རྗེས་སུ་འབྲེལ་པ་གཉིས་ཡོད་པར་མི་རུང་བ་དང༌།

ma rig pa'i bag la nyal dang kun nas dkris pa rnam par gzhag par mi nus pa dang/ med par ni dus thams cad du mtshan nyid 'dra ba yin pas| kun du spyod pa dang rjes su 'brel pa gnyis yod par mi rung ba dang/

【M3 諸心皆染失】

སོ་སོའི་སྐྱེ་བོའི་སེམས་ཉོན་མོངས་པ་ཅན་དང༌། དགེ་བ་དང༌། ལུང་དུ་མ་བསྟན་པ་རིག་པ་དང་བྲལ་བ་ཐམས་ཅད་ལ་ཡང་རིག་པ་མེད་པར་འགྱུར་བས། དེས་ན་སེམས་དེ་དག་ཐམས་ཅད་ཉོན་མོངས་པ་ཅན་དུ་འགྱུར་བ་དང༌།

so so'i skye bo'i sems nyon mongs pa can dang/ dge ba dang/ lung du ma bstan pa rig pa dang bral ba thams cad la yang rig pa med par 'gyur bas/ des na sems de dag thams cad nyon mongs pa can du 'gyur ba dang/

【M4 義不攝失】

མེད་པའི་བདག་ཉིད་ཀྱི་ཆོས་ནི་འདུས་བྱས་ཀྱིས་བསྡུས་པར་ཡང་མི་རུང་ལ་འདུས་མ་བྱས་ཀྱིས་བསྡུས་པར་ཡང་མི་རུང་བ་དང༌། འདུས་བྱས་ཀྱིས་ཀྱང་མ་བསྡུས་ལ་འདུས་མ་བྱས་ཀྱིས་ཀྱང་མ་བསྡུས་པ་གང་ཡིན་པ་དེ་ནི་ཀུན་ནས་ཉོན་མོངས་པར་ཡང་མི་འགྱུར་ལ་རྣམ་པར་བྱང་བར་ཡང་མི་འགྱུར་བ་དང༌།

med pa'i bdag nyid kyi chos ni 'dus byas kyis bsdus par yang mi rung la 'dus ma byas kyis bsdus par yang mi rung ba dang/ 'dus byas kyis kyang ma bsdus la 'dus ma byas kyis kyang ma bsdus pa gang yin pa de ni kun nas nyon mongs par yang mi 'gyur la rnam par byang bar yang mi 'gyur ba dang/

【M5 慧明不起失】

མ་རིག་པ་དང་མ་བྲལ་བའི་སེམས་ཀྱི་རྒྱུད་ལ་ནི་དུས་རྟག་ཏུ་རིག་པ་སྐྱེ་བར་ཡང་མི་འགྱུར་བ་དང༌།

ma rig pa dang ma bral ba'i sems kyi rgyud la ni dus rtag tu rig pa skye bar yang mi 'gyur ba dang/

【M6 聖者虛言失】

མ་རིག་པ་འགགས་ན་རིག་པ་སྐྱེ་ཞེས་གང་གསུངས་པ་དེ་ཡང་མེད་པ་ལ་ནི་འགག་པ་ཇི་ལྟར་ཡང་མི་རུང་བའི་ཕྱིར་རོ། །

ma rig pa 'gags na rig pa skye zhes gang gsungs pa de yang med pa la ni 'gag pa ji ltar yang mi rung ba'i phyir ro/ /

【L2 破邪智】【M1 徵三門】

གལ་ཏེ་མ་རིག་པ་ལོག་པའི་ཤེས་པ་ཙམ་ཞིག་ཡིན་པར་གྱུར་ན་ཡང་དེ་ལྟར་ན་རིག་པས་བསྡུས་པའི་ཤེས་པ་ཉིད་མ་གཏོགས་པ་དེ་ལས་གཞན་པའི་ཤེས་པ་ཐམས་ཅད་ལོག་པའི་ཤེས་པ་ཡིན་པར་འགྱུར་བའམ། ཉོན་མོངས་པ་ཅན་གྱི་བདག་ཉིད་ཀྱི་ཤེས་པ་གང་ཡིན་པ་དེ་ཉིད་ལོག་པའི་ཤེས་པ་ཡིན་པར་འགྱུར་བའམ། ཉོན་མོངས་པ་དང་མཚུངས་པར་ལྡན་པའི་ཤེས་པ་གང་ཡིན་པ་དེ་ལོག་པའི་ཤེས་པ་ཡིན་པར་འགྱུར་གྲང་ན།

gal te ma rig pa log pa'i shes pa tsam zhig yin par gyur na yang de ltar na rig pas bsdus pa'i shes pa nyid ma gtogs pa de las gzhan pa'i shes pa thams cad log pa'i shes pa yin par 'gyur ba'am/ nyon mongs pa can gyi bdag nyid kyi shes pa gang yin pa de nyid log pa'i shes pa yin par 'gyur ba'am/ nyon mongs pa dang mtshungs par ldan pa'i shes pa gang yin pa de log pa'i shes pa yin par 'gyur grang na/

【M2 次第別破】【N1 約俗智以破彼計】

གལ་ཏེ་ཤེས་པ་དང་པོ་ལོག་པའི་ཤེས་པ་ཡིན་པར་གྱུར་ན་ནི། དེ་ལྟ་ན་སོ་སོའི་སྐྱེ་བོའི་རྒྱུད་དུ་གཏོགས་པའི་ཤེས་པ་དགེ་བ་དང་ལུང་དུ་མ་བསྟན་པ་ཐམས་ཅད་ཀྱང་ལོག་པའི་ཤེས་པ་ཡིན་པར་འགྱུར་བས་དེ་ནི་མི་རུང་ངོ༌། །

gal te shes pa dang po log pa'i shes pa yin par gyur na ni/ de lta na so so'i skye bo'i rgyud du gtogs pa'i shes pa dge ba dang lung du ma bstan pa thams cad kyang log pa'i shes pa yin par 'gyur bas de ni mi rung ngo/ /

【N2 約邪執性智以破彼計】【O1 與見無別難】

གལ་ཏེ་ཉོན་མོངས་པ་ཅན་གྱི་བདག་ཉིད་ཀྱི་ཤེས་པ་ལོག་པའི་ཤེས་པ་ཡིན་པར་གྱུར་ན་ནི། དེ་ལྟར་ན་འཇིག་ཚོགས་ལ་ལྟ་བ་ལ་སོགས་པ་ལྟ་བ་ལྔ་པོ་དག་ཀྱང་ཉོན་མོངས་པ་ཅན་གྱི་བདག་ཉིད་ཀྱི་ཤེས་པ་ཞེས་བྱ་སྟེ། དེ་ལ་མ་རིག་པ་ནི་ཡང་དག་པ་ཇི་ལྟ་བ་བཞིན་དུ་མི་རྟོགས་པའི་མཚན་ཉིད་ཡིན་ལ་ལྟ་བ་རྣམས་ནི་ཡང་དག་པ་ཇི་ལྟ་བ་བཞིན་དུ་མ་རྟོགས་ན་ལོག་པའི་དངོས་པོ་ལ་མངོན་པར་ཞེན་པའི་མཚན་ཉིད་ཡིན་ཏེ། འདི་ལྟ་སྟེ། འཇིག་ཚོགས་ལ་ལྟ་བ་ནི་མ་རིག་པའི་དབང་གིས་བདག་དང་བདག་གི་ཞེས་མངོན་པར་ཞེན་པར་བྱེད་ལ་དེ་བཞིན་དུ་ལྟ་བ་ལྷག་མ་རྣམས་ཀྱང་རང་རང་གི་མངོན་པར་བཞིན་པའི་རྣམ་པས་འཇུག་པར་འགྱུར་བ་དེ་དག་ཀྱང་གཏི་མུག་མེད་པར་ཡང་མི་འགྱུར་བས། དེའི་ཕྱིར་གཏི་མུག་གི་རྣམ་པ་ཡང་གཞན་ཡིན་ལ། ལྟ་བ་རྣམས་ཀྱི་རྣམ་པ་ཡང་གཞན་ཡིན་པའི་ཕྱིར། མ་རིག་པ་ཉོན་མོངས་པ་ཅན་གྱི་བདག་ཉིད་ཀྱི་ཤེས་པ་ཡིན་པར་མི་རུང་ངོ༌། །

gal te nyon mongs pa can gyi bdag nyid kyi shes pa log pa'i shes pa yin par gyur na ni/ de ltar na 'jig tshogs la lta ba la sogs pa lta ba lnga po dag kyang nyon mongs pa can gyi bdag nyid kyi shes pa zhes bya ste/ de la ma rig pa ni yang dag pa ji lta ba bzhin du mi rtogs pa'i mtshan nyid yin la lta ba rnams ni yang dag pa ji lta ba bzhin du ma rtogs na log pa'i dngos po la mngon par zhen pa'i mtshan nyid yin te/ 'di lta ste/ 'jig tshogs la lta ba ni ma rig pa'i dbang gis bdag dang bdag gi zhes mngon par zhen par byed la de bzhin du lta ba lhag ma rnams kyang rang rang gi mngon par bzhin pa'i rnam pas 'jug par 'gyur ba de dag kyang gti mug med par yang mi 'gyur bas/ de'i phyir gti mug gi rnam pa yang gzhan yin la/ lta ba rnams kyi rnam pa yang gzhan yin pa'i phyir/ ma rig pa nyon mongs pa can gyi bdag nyid kyi shes pa yin par mi rung ngo/ /

【O2 聖教相違難】

གལ་ཏེ་མ་རིག་པ་དང་ལྟ་བ་རྣམས་མཚན་ཉིད་འདྲ་བ་ཡིན་པར་འགྱུར་ན། དེས་ན་བཅོམ་ལྡན་འདས་ཀྱིས་བག་ལ་ཉལ་བདུན་པོ་དག་ཏུ་ལྟ་བའི་བག་ལ་ཉལ་རྣམ་པར་གཞག་པ་མཛད་པར་མི་འགྱུར་ལ།

gal te ma rig pa dang lta ba rnams mtshan nyid 'dra ba yin par 'gyur na/ des na bcom ldan 'das kyis bag la nyal bdun po dag tu lta ba'i bag la nyal rnam par gzhag pa mdzad par mi 'gyur la/

【O3 曾無說處難】

བཅོམ་ལྡན་འདས་ཀྱིས་ལྟ་བ་རྣམས་ལ་མ་རིག་པ་ཞེས་བྱ་བའི་མིང་ནི་གང་དུའང་མ་བསྟན་ཏོ། །

bcom ldan 'das kyis lta ba rnams la ma rig pa zhes bya ba'i ming ni gang du'ang ma bstan to/ /

【N3 約煩惱相應邪智以破】【O1 與見不俱失】

གལ་ཏེ་ཉོན་མོངས་པ་དང་མཚུངས་པར་ལྡན་པའི་ལོག་པའི་ཤེས་པ་མ་རིག་པ་ཡིན་པར་གྱུར་ན་དེ་ལྟར་ན་འཇིག་ཚོགས་ལ་ལྟ་བ་ལ་སོགས་པ་ལྟ་བ་ལྔ་པོ་གང་དག་ཡིན་པ་དེ་དག་ཀྱང་ཤེས་པའི་ངོ་བོ་ཉིད་ཡིན་པས། ཤེས་པའི་རྫས་གཉིས་མཚུངས་པར་ལྡན་པ་ནི་མེད་པས༑ དེ་དག་ནི་མ་རིག་པ་དང་མི་ལྡན་པ་ཡིན་པར་འགྱུར་རོ། །

gal te nyon mongs pa dang mtshungs par ldan pa'i log pa'i shes pa ma rig pa yin par gyur na de ltar na 'jig tshogs la lta ba la sogs pa lta ba lnga po gang dag yin pa de dag kyang shes pa'i ngo bo nyid yin pas/ shes pa'i rdzas gnyis mtshungs par ldan pa ni med pas| de dag ni ma rig pa dang mi ldan pa yin par 'gyur ro/ /

【O2 非為導首失】

གལ་ཏེ་འདོད་ཆགས་ལ་སོགས་པ་ཉོན་མོངས་པའི་དབང་གིས་ཤེས་པ་དེ་གཏི་མུག་ཉིད་ཡིན་ན་ནི། དེས་ན་འདོད་ཆགས་ལ་སོགས་པའི་དབང་གིས་གཏི་མུག་ཏུ་འགྱུར་གྱི། གཏི་མུག་གི་དབང་དང་གཏི་མུག་སྔོན་དུ་འགྲོ་བ་ལས་འདོད་ཆགས་ལ་སོགས་པ་ཉོན་མོངས་པ་རྣམས་འབྱུང་བ་མ་ཡིན་པར་འགྱུར་རོ། །

gal te 'dod chags la sogs pa nyon mongs pa'i dbang gis shes pa de gti mug nyid yin na ni/ des na 'dod chags la sogs pa'i dbang gis gti mug tu 'gyur gyi/ gti mug gi dbang dang gti mug sngon du 'gro ba las 'dod chags la sogs pa nyon mongs pa rnams 'byung ba ma yin par 'gyur ro/ /

【O3 性染不成失】

ཇི་ལྟར་ཉོན་མོངས་པ་དང་མཚུངས་པར་ལྡན་པའི་ཤེས་རབ་ནི་མཚུངས་པར་ལྡན་པ་ལས་ཉོན་མོངས་པ་ཅན་ཡིན་གྱི། དེའི་ངོ་བོ་ཉིད་ནི་མ་ཡིན་པ་བཞིན་དུ། གཏི་མུག་གི་བདག་ཉིད་མ་ཡིན་པ་དེ་ཡང་གཏི་མུག་གི་བདག་ཉིད་དུ་དྲང་པར་བརྗོད་མི་ནུས་ཏེ།

ji ltar nyon mongs pa dang mtshungs par ldan pa'i shes rab ni mtshungs par ldan pa las nyon mongs pa can yin gyi/ de'i ngo bo nyid ni ma yin pa bzhin du/ gti mug gi bdag nyid ma yin pa de yang gti mug gi bdag nyid du drang par brjod mi nus te/

【O4 倒非煩惱失】

དཔེར་ན་དེ་ལས་གཞན་པའི་སེམས་དང་སེམས་ལས་བྱུང་བའི་ཆོས། ཉོན་མོངས་པ་ཅན་གྱི་བདག་ཉིད་མ་ཡིན་པ། ཉོན་མོངས་པ་དང་མཚུངས་པར་ལྡན་པ་དག་ལྟ་བུའོ། །

dper na de las gzhan pa'i sems dang sems las byung ba'i chos/ nyon mongs pa can gyi bdag nyid ma yin pa/ nyon mongs pa dang mtshungs par ldan pa dag lta bu'o/ /

【I3 結正義】

དེ་ལྟ་བས་ན་མ་རིག་པ་ནི་སེམས་ལས་བྱུང་བའི་ཆོས་སེམས་དང་མཚུངས་པར་ལྡན་པ་ཡིན་པར་བལྟ་བར་བྱའོ། །

de lta bas na ma rig pa ni sems las byung ba'i chos sems dang mtshungs par ldan pa yin par blta bar bya'o/ /

【H6 釋其行】

བཅོམ་ལྡན་འདས་ཀྱིས་ལུས་ཀྱི་འདུ་བྱེད་དང་དག་གི་འདུ་བྱེད་དང་ཡིད་ཀྱི་འདུ་བྱེད་དང་འདུ་བྱེད་གསུམ་གསུངས་པ་དེ་ལ། དབུགས་རྔུབ་པ་དང་དབུགས་འབྱུང་བའི་རླུང་དག་ཀྱང་ལུས་ཀྱི་འདུ་བྱེད་དག་ཡིན་ཏེ། རླུང་ནི་ལུས་ཀྱི་ལས་འཇུག་པའི་སྔོན་དུ་འགྲོ་བ་ཡིན་པའི་ཕྱིར་རོ། །ལུས་ཀྱི་ལས་གང་ཡིན་པ་དེ་ཉིད་ལུས་ཀྱི་འདུ་བྱེད་ཡིན་པར་བལྟ་བར་བྱའོ། །དེ་ལྟར་རྨོངས་པ་ལ་ལུས་ཀྱི་ལས་དང་རྗེས་སུ་མཐུན་པའི་རླུང་དག་ཀྱང་འབྱུང་སྟེ། དེ་དག་གིས་ལུས་ཀྱི་ལས་ཉོན་མོངས་པ་ཅན་འཇུག་པར་བྱེད་དོ། །ཇི་ལྟར་དབུགས་རྔུབ་པ་དང་དབུགས་འབྱུང་བ་དག་གིས་ལུས་ཀྱི་ལས་འཇུག་པར་བྱེད་པ་དེ་བཞིན་དུ། རྟོག་པ་དང་དཔྱོད་པ་དག་གིས་ཀྱང་ངག་གི་ལས་འཇུག་པར་བྱེད་ལ། འདུ་བྱེད་ཀྱིས་ཀྱང་ཡིད་ཀྱི་ལས་འཇུག་པར་བྱེད་དེ། དེ་དག་ཐམས་ཅད་གཅིག་ཏུ་བསྡུས་པ་ནི་ལུས་ཀྱི་འདུ་བྱེད་དང༌། ངག་གི་འདུ་བྱེད་དང༌། ཡིད་ཀྱི་འདུ་བྱེད་ཅེས་བྱ་སྟེ།

bcom ldan 'das kyis lus kyi 'du byed dang dag gi 'du byed dang yid kyi 'du byed dang 'du byed gsum gsungs pa de la/ dbugs rngub pa dang dbugs 'byung ba'i rlung dag kyang lus kyi 'du byed dag yin te/ rlung ni lus kyi las 'jug pa'i sngon du 'gro ba yin pa'i phyir ro/ /lus kyi las gang yin pa de nyid lus kyi 'du byed yin par blta bar bya'o/ /de ltar rmongs pa la lus kyi las dang rjes su mthun pa'i rlung dag kyang 'byung ste/ de dag gis lus kyi las nyon mongs pa can 'jug par byed do/ /ji ltar dbugs rngub pa dang dbugs 'byung ba dag gis lus kyi las 'jug par byed pa de bzhin du/ rtog pa dang dpyod pa dag gis kyang ngag gi las 'jug par byed la/ 'du byed kyis kyang yid kyi las 'jug par byed de/ de dag thams cad gcig tu bsdus pa ni lus kyi 'du byed dang/ ngag gi 'du byed dang/ yid kyi 'du byed ces bya ste/

【H7 明界地】

ཁམས་གང་ན་གང་ཡོད་པའོ། །

khams gang na gang yod pa'o/ /

【H8 以三事攝十二支】

དེ་ལ་ཡན་ལག་བཅུ་གཉིས་པོ་གང་ཡིན་པ་དེ་དག་ལས་གཉིས་ནི་ལས་ཁོ་ནས་བསྡུས་པ་ཡིན་ཏེ། འདུ་བྱེད་དང་སྲིད་པའོ། །གསུམ་ནི་ཉོན་མོངས་པས་བསྡུས་པ་ཡིན་ཏེ། མ་རིག་པ་དང༌། སྲེད་པ་དང་ལེན་པའོ། །ལྷག་མ་རྣམས་ནི་དངོས་པོས་བསྡུས་པ་ཡིན་པར་བལྟ་བར་བྱའོ། །དེ་ལ་ཡན་ལག་གཉིས་པོ་གང་དག་ལས་ཀྱིས་བསྡུས་པ་དེ་དག་ལས་གཅིག་ནི་འཕེན་པའི་ལས་ཀྱིས་བསྡུས་པའི་ལས་ཡིན་ཏེ། འདི་ལྟ་སྟེ་འདུ་བྱེད་རྣམས་སོ། །གཉིས་པ་ནི་མངོན་པར་འགྲུབ་པའི་ལས་ཀྱིས་བསྡུས་པའི་ལས་ཡིན་ཏེ་འདི་ལྟ་སྟེ་སྲིད་པའོ། །དེ་ལ་ཡན་ལག་གསུམ་པོ་གང་དག་ཉོན་མོངས་པས་བསྡུས་པ་དེ་དག་ལས་གཅིག་ནི། འཕེན་པའི་ལས་ཀུན་ནས་སློང་བར་བྱེད་པ་ཡིན་ཏེ་འདི་ལྟ་སྟེ་མ་རིག་པའོ། །གཉིས་པ་ནི་མངོན་པར་གྲུབ་པའི་ལས་ཀུན་ནས་སློང་བར་བྱེད་པ་ཡིན་ཏེ། འདི་ལྟ་སྟེ་སྲིད་པ་དང་ལེན་པའོ། །ཡན་ལག་ལྷག་མ་གང་དག་དངོས་པོས་བསྡུས་པ་དེ་དག་ལས་ཡན་ལག་གཉིས་ནི་མ་འོངས་པའི་སྡུག་བསྔལ་གྱིས་བསྡུས་པ་ཡིན་ཏེ། འདི་ལྟ་སྟེ། སྐྱེ་བ་དང་རྒ་ཤིའོ། །ཡན་ལག་ལྔ་ནི་མ་འོངས་པའི་སྡུག་བསྔལ་གྱི་རྒྱུས་བསྡུས་པ་ཡིན་ཏེ། འདི་ལྟ་སྟེ། ཚེ་འདི་ལ་འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་གང་ཡིན་པ་དང་རྣམ་པར་ཤེས་པ་ལ་བརྟེན་ནས་རེག་པའི་རྐྱེན་གྱིས་ཚོར་བའི་བར་དག་གོ། །གང་དག་སྔོན་གྱི་རྒྱུས་མངོན་པར་བསྒྲུབ་སྟེ་ད་ལྟར་དམིགས་པ་རྣམ་པར་སྨིན་པའི་འབྲས་བུ་བསྡུས་པའི་ཡན་ལག་ལྔ་པོ་དེ་དག་ཉིད་ནི་ད་ལྟར་བྱུང་བའི་སྡུག་བསྔལ་གྱིས་བསྡུས་པ་དག་སྟེ། འདི་ལྟ་སྟེ། རྣམ་པར་ཤེས་པ་དང་མིང་དང་གཟུགས་དང་སྐྱེ་མཆེད་དྲུག་དང་རེག་པ་དང་ཚོར་བའོ། །དེ་ལ་ཡན་ལག་ལྔས་བསྡུས་པའི་འབྲས་བུ་གང་ཡིན་པ་དེ་དང་ཡན་ལག་གཉིས་ཀྱིས་བསྡུས་པ་མ་འོངས་པའི་འབྲས་བུ་གང་ཡིན་པ་དེ་དག་གཅིག་ཏུ་བསྡུས་པ་ནི་རྟེན་ཅིང་འབྲེལ་པར་འབྱུང་བ་འབྲས་བུར་བསྡུས་པ་ཡིན་པར་བལྟ་བར་བྱའོ། །ཡན་ལག་ལྷག་མ་རྣམས་ནི་རྟེན་ཅིང་འབྲེལ་པར་འབྱུང་བ་རྒྱུར་བསྡུས་པ་ཡིན་པར་བལྟ་བར་བྱའོ། །

de la yan lag bcu gnyis po gang yin pa de dag las gnyis ni las kho nas bsdus pa yin te/ 'du byed dang srid pa'o/ /gsum ni nyon mongs pas bsdus pa yin te/ ma rig pa dang/ sred pa dang len pa'o/ /lhag ma rnams ni dngos pos bsdus pa yin par blta bar bya'o/ /de la yan lag gnyis po gang dag las kyis bsdus pa de dag las gcig ni 'phen pa'i las kyis bsdus pa'i las yin te/ 'di lta ste 'du byed rnams so/ /gnyis pa ni mngon par 'grub pa'i las kyis bsdus pa'i las yin te 'di lta ste srid pa'o/ /de la yan lag gsum po gang dag nyon mongs pas bsdus pa de dag las gcig ni/ 'phen pa'i las kun nas slong bar byed pa yin te 'di lta ste ma rig pa'o/ /gnyis pa ni mngon par grub pa'i las kun nas slong bar byed pa yin te/ 'di lta ste srid pa dang len pa'o/ /yan lag lhag ma gang dag dngos pos bsdus pa de dag las yan lag gnyis ni ma 'ongs pa'i sdug bsngal gyis bsdus pa yin te/ 'di lta ste/ skye ba dang rga shi'o/ /yan lag lnga ni ma 'ongs pa'i sdug bsngal gyi rgyus bsdus pa yin te/ 'di lta ste/ tshe 'di la 'du byed kyi rkyen gyis rnam par shes pa gang yin pa dang rnam par shes pa la brten nas reg pa'i rkyen gyis tshor ba'i bar dag go/ /gang dag sngon gyi rgyus mngon par bsgrub ste da ltar dmigs pa rnam par smin pa'i 'bras bu bsdus pa'i yan lag lnga po de dag nyid ni da ltar byung ba'i sdug bsngal gyis bsdus pa dag ste/ 'di lta ste/ rnam par shes pa dang ming dang gzugs dang skye mched drug dang reg pa dang tshor ba'o/ /de la yan lag lngas bsdus pa'i 'bras bu gang yin pa de dang yan lag gnyis kyis bsdus pa ma 'ongs pa'i 'bras bu gang yin pa de dag gcig tu bsdus pa ni rten cing 'brel par 'byung ba 'bras bur bsdus pa yin par blta bar bya'o/ /yan lag lhag ma rnams ni rten cing 'brel par 'byung ba rgyur bsdus pa yin par blta bar bya'o/ /

【H9 辨無知明生五法成五過患】【I1 明生於五法】【J1 舉數列名】

མི་ཤེས་པ་དེ་ཡང་མདོར་བསྡུ་ན་གནས་ལྔ་བསྐྱེད་པ་ཡིན་པར་བལྟ་བར་བྱ་སྟེ། འདི་ལྟ་སྟེ་སོམ་ཉི་སྐྱེད་པ་དང༌། སྲེད་པ་སྐྱེད་པ་དང༌། གནས་མ་ཡིན་པ་ལ་དད་པ་སྐྱེད་པ་དང༌། ལྟ་བ་སྐྱེད་པ་དང༌། མངོན་པའི་ང་རྒྱལ་སྐྱེད་པའོ། །

mi shes pa de yang mdor bsdu na gnas lnga bskyed pa yin par blta bar bya ste/ 'di lta ste som nyi skyed pa dang/ sred pa skyed pa dang/ gnas ma yin pa la dad pa skyed pa dang/ lta ba skyed pa dang/ mngon pa'i nga rgyal skyed pa'o/ /

【J2 次第解釋】【K1 疑】

དེ་ལ་སྔོན་གྱི་མཐའ་ལ་སོགས་པ་མི་ཤེས་པ་གང་ཡིན་པ་དེ་ནི་སོམ་ཉི་སྐྱེད་པ་ཡིན་ནོ། །དེ་ལ་སོམ་ཉི་ནི་འདི་ཡིན་ཏེ། ཅི་བདག་འདས་པའི་དུས་ན་མ་བྱུང་བར་གྱུར་ཏམ་སྙམ་པ་དུས་གསུམ་དག་ལ་འཇུག་པའི་སོམ་ཉི་མདོ་ལས་ཇི་སྐད་གསུངས་པ་ཁོ་ན་བཞིན་ནོ། །དེ་ལ་འདས་པའི་དུས་ནི་སྔོན་གྱི་མཐའ་ཡིན་ནོ། །མ་འོངས་པའི་དུས་ནི་ཕྱི་མའི་མཐའ་ཡིན་ནོ། །ད་ལྟར་བྱུང་བའི་དུས་ནི་སྔོན་གྱི་མཐའ་དང་ཕྱི་མའི་མཐའ་ཞེས་བྱ་སྟེ། འདས་པའི་དུས་ལ་ལྟོས་ནས་ནི་ཕྱི་མའི་མཐའ་ཡིན་ལ་མ་འོངས་པའི་དུས་ལ་ལྟོས་ནས་ནི་སྔོན་གྱི་མཐའ་ཡིན་ནོ། །དེ་ལ་གང་གི་ཚེ་འདས་པའི་དུས་ལ་སོམ་ཉི་ཟ་བའི་སོམ་ཉི་དེ་ནི་སྔོན་གྱི་མཐའ་མི་ཤེས་པས་བསྐྱེད་པ་ཡིན་པར་བལྟ་བར་བྱའོ། །གང་གི་ཚེ་མ་འོངས་པའི་དུས་ལ་སོམ་ཉི་ཟ་བའི་སོམ་ཉི་དེ་ནི་ཕྱི་མའི་མཐའ་མི་ཤེས་པས་བསྐྱེད་པ་ཡིན་པར་བལྟ་བར་བྱའོ། །ནང་ལ་སོམ་ཉི་ཟ་སྟེ་ཅི་ཞིག་ཡོད། ཅིར་འགྱུར། སེམས་ཅན་འདི་ག་ལས་འོངས། འདི་ནས་ཤི་འཕོས་ནས་གང་དུ་འགྲོ་བར་འགྱུར་སྙམ་དུ་སོམ་ཉི་ཟ་བ་གང་ཡིན་པ་དེ་ནི་སྔོན་གྱི་མཐའ་དང་ཕྱི་མའི་མཐའ་མི་ཤེས་པས་བསྐྱེད་པ་ཡིན་པར་བལྟ་བར་བྱའོ། །

de la sngon gyi mtha' la sogs pa mi shes pa gang yin pa de ni som nyi skyed pa yin no/ /de la som nyi ni 'di yin te/ ci bdag 'das pa'i dus na ma byung bar gyur tam snyam pa dus gsum dag la 'jug pa'i som nyi mdo las ji skad gsungs pa kho na bzhin no/ /de la 'das pa'i dus ni sngon gyi mtha' yin no/ /ma 'ongs pa'i dus ni phyi ma'i mtha' yin no/ /da ltar byung ba'i dus ni sngon gyi mtha' dang phyi ma'i mtha' zhes bya ste/ 'das pa'i dus la ltos nas ni phyi ma'i mtha' yin la ma 'ongs pa'i dus la ltos nas ni sngon gyi mtha' yin no/ /de la gang gi tshe 'das pa'i dus la som nyi za ba'i som nyi de ni sngon gyi mtha' mi shes pas bskyed pa yin par blta bar bya'o/ /gang gi tshe ma 'ongs pa'i dus la som nyi za ba'i som nyi de ni phyi ma'i mtha' mi shes pas bskyed pa yin par blta bar bya'o/ /nang la som nyi za ste ci zhig yod/ cir 'gyur/ sems can 'di ga las 'ongs/ 'di nas shi 'phos nas gang du 'gro bar 'gyur snyam du som nyi za ba gang yin pa de ni sngon gyi mtha' dang phyi ma'i mtha' mi shes pas bskyed pa yin par blta bar bya'o/ /

【K2 愛】

ནང་མི་ཤེས་པ་དང་ཕྱི་རོལ་མི་ཤེས་པ་དང་ནང་དང་ཕྱི་རོལ་མི་ཤེས་པ་གང་ཡིན་པ་དེ་ནི། ནང་དང་ཕྱི་རོལ་གྱི་འདུ་བྱེད་རྣམས་ལ་ཡང་སྲིད་པ་འབྱུང་བར་བྱེད་པ་དང༌། དགའ་བའི་འདོད་ཆགས་དང་ལྡན་པ་དང་དེ་དང་དེར་མངོན་པར་དགའ་བའི་སྲིད་པ་གང་ཡིན་པ་དེས་བསྐྱེད་དོ༑ །

nang mi shes pa dang phyi rol mi shes pa dang nang dang phyi rol mi shes pa gang yin pa de ni/ nang dang phyi rol gyi 'du byed rnams la yang srid pa 'byung bar byed pa dang/ dga' ba'i 'dod chags dang ldan pa dang de dang der mngon par dga' ba'i srid pa gang yin pa des bskyed do| /

【K3 非處信】

དེ་ལ་ལས་དང་རྣམ་པར་སྨིན་པ་དང་ལས་དང་རྣམ་པར་སྨིན་པ་མི་ཤེས་པས་སེམས་ཅན་རྣམས་ཀྱི་ལས་བདག་གིར་བྱ་བ་ཉིད་མི་ཤེས་པ་གང་ཡིན་པ་དེ་ལ་བརྟེན་ནས་ནི་དྲག་པོ་དང་ཁྱབ་འཇུག་དང་སྐྱེ་དགུའི་བདག་པོ་ལ་སོགས་པ་གནས་ངན་པ་དག་ལ་གུས་པ་དང་དད་པ་དང་མོས་པ་སྐྱེའོ། །

de la las dang rnam par smin pa dang las dang rnam par smin pa mi shes pas sems can rnams kyi las bdag gir bya ba nyid mi shes pa gang yin pa de la brten nas ni drag po dang khyab 'jug dang skye dgu'i bdag po la sogs pa gnas ngan pa dag la gus pa dang dad pa dang mos pa skye'o/ /

【K4 見】

སངས་རྒྱས་ལ་སོགས་པ་དང་ལམ་གྱི་མཐར་ཐུག་པའི་བར་དག་མི་ཤེས་པ་གང་ཡིན་པ་དེ་ནི་ལྟ་བ་བསྐྱེད་པར་རིག་པར་བྱ་སྟེ། འདི་ལྟར་དཀོན་མཆོག་རྣམས་མི་ཤེས་པ་དང༌། བདེན་པ་རྣམས་མི་ཤེས་པས་ནི་ལྟ་བའི་རྣམ་པ་དྲུག་ཅུ་རྩ་གཉིས་ཀྱི་བར་དག་སྐྱེད་པར་བྱེད་དོ། །སྦྱིན་པ་མེད་དོ། །མཆོད་སྦྱིན་མེད་དོ་ཞེས་རྒྱ་ཆེར་དེ་ལྟར་ལྟ་ཞིང༌། དེ་སྐད་སྨྲ་བའི་བར་གང་ཡིན་པ་དེ་ནི་ལོག་པར་ལྟ་བ་ཡིན་པར་རིག་པར་བྱའོ། །

sangs rgyas la sogs pa dang lam gyi mthar thug pa'i bar dag mi shes pa gang yin pa de ni lta ba bskyed par rig par bya ste/ 'di ltar dkon mchog rnams mi shes pa dang/ bden pa rnams mi shes pas ni lta ba'i rnam pa drug cu rtsa gnyis kyi bar dag skyed par byed do/ /sbyin pa med do/ /mchod sbyin med do zhes rgya cher de ltar lta zhing/ de skad smra ba'i bar gang yin pa de ni log par lta ba yin par rig par bya'o/ /

【K5 增上慢】

རྒྱུ་དང་རྒྱུ་ལས་བྱུང་བའི་ཆོས་རྣམས་དང་དགེ་བ་དང་མི་དགེ་བ་དག་མི་ཤེས་པ་རྒྱ་ཆེར་མདོ་ལས་ཇི་སྐད་གསུངས་པའི་མི་ཤེས་པ་གང་ཡིན་པ་དེ་ནི་བདེ་འགྲོར་འགྲོ་བའི་ལམ་དང༌། བདེ་འགྲོར་འགྲོ་བའི་ཐབས་ལ་མངོན་པའི་ང་རྒྱལ་སྐྱེད་པར་བྱེད་དེ། འདི་ལྟར་དགེ་བ་དང་མི་དགེ་བ་ལ་སོགས་པའི་ཆོས་རྣམས་དང་འབྲས་བུ་འདོད་པ་དང་མི་འདོད་པ་རྣམས་ཡང་དག་པ་ཇི་ལྟ་བ་བཞིན་དུ་མི་ཤེས་པ་རྣམས་ནི། ཟས་མི་ཟ་བ་དང་མེར་འཇུག་པ་དང༌། གཡང་སར་མཆོང་བ་ལ་སོགས་པ་ཐབས་མ་ཡིན་པ་དག་གིས་ཐབས་སུ་འདུ་ཤེས་ཤིང་མཐོ་རིས་ཡོངས་སུ་ཚོལ་བར་བྱེད་དོ། །རེག་པའི་སྐྱེ་མཆེད་དྲུག་པོ་དག་ཡང་དག་པ་ཇི་ལྟ་བ་བཞིན་དུ་མ་རྟོགས་པའི་མི་ཤེས་པ་གང་ཡིན་པ་དེ་ནི་དགེ་སློང་གི་ཚུལ་གྱི་འབྲས་བུ་འཐོབ་པ་ལ་མངོན་པའི་ང་རྒྱལ་སྐྱེད་པར་བྱེད་དེ། འདི་ལྟར་རེག་པའི་སྐྱེ་མཆེད་དྲུག་རབ་ཏུ་རྟོགས་པའི་ཤེས་པ་མེད་པ་ནི་དེ་ལ་མངོན་པའི་ང་རྒྱལ་བྱེད་པར་འགྱུར་རོ། །དེ་ལ་མཐོ་རིས་ཀྱི་ཐབས་ལ་མངོན་པའི་ང་རྒྱལ་བྱེད་པ་གང་ཡིན་པ་དང་དགེ་སྦྱོང་གི་ཚུལ་གྱི་འབྲས་བུ་ལ་མངོན་པའི་ང་རྒྱལ་བྱེད་པ་གང་ཡིན་པ་དེ་དག་གཅིག་ཏུ་བསྡུས་པ་ནི་མངོན་པའི་ང་རྒྱལ་ཞེས་བྱའོ། །

rgyu dang rgyu las byung ba'i chos rnams dang dge ba dang mi dge ba dag mi shes pa rgya cher mdo las ji skad gsungs pa'i mi shes pa gang yin pa de ni bde 'gror 'gro ba'i lam dang/ bde 'gror 'gro ba'i thabs la mngon pa'i nga rgyal skyed par byed de/ 'di ltar dge ba dang mi dge ba la sogs pa'i chos rnams dang 'bras bu 'dod pa dang mi 'dod pa rnams yang dag pa ji lta ba bzhin du mi shes pa rnams ni/ zas mi za ba dang mer 'jug pa dang/ g.yang sar mchong ba la sogs pa thabs ma yin pa dag gis thabs su 'du shes shing mtho ris yongs su tshol bar byed do/ /reg pa'i skye mched drug po dag yang dag pa ji lta ba bzhin du ma rtogs pa'i mi shes pa gang yin pa de ni dge slong gi tshul gyi 'bras bu 'thob pa la mngon pa'i nga rgyal skyed par byed de/ 'di ltar reg pa'i skye mched drug rab tu rtogs pa'i shes pa med pa ni de la mngon pa'i nga rgyal byed par 'gyur ro/ /de la mtho ris kyi thabs la mngon pa'i nga rgyal byed pa gang yin pa dang dge sbyong gi tshul gyi 'bras bu la mngon pa'i nga rgyal byed pa gang yin pa de dag gcig tu bsdus pa ni mngon pa'i nga rgyal zhes bya'o/ /

【I2 明五種過患】【J1 牒結所生五種染】

དེ་ལྟར་ན་མ་རིག་པ་ནི་ཀུན་ནས་ཉོན་མོངས་པ་རྣམ་པ་ལྔ་བོ་འདི་དག་སྐྱེད་པར་བྱེད་དེ།

de ltar na ma rig pa ni kun nas nyon mongs pa rnam pa lnga bo 'di dag skyed par byed de/

【J2 明五得生五過失】

འདི་ལྟ་སྟེ། སོམ་ཉི་ཀུན་ནས་ཉོན་མོངས་པ་དང་སྲེད་པའི་ཀུན་ནས་ཉོན་མོངས་པ་དང་མོས་པའི་ཀུན་ནས་ཉོན་མོངས་པ་དང༌། ལྟ་བའི་ཀུན་ནས་ཉོན་མོངས་པ་དང༌། མངོན་པའི་ང་རྒྱལ་གྱི་ཀུན་ནས་ཉོན་མོངས་པའོ། །དེ་ལ་སོམ་ཉིའི་ཀུན་ནས་ཉོན་མོངས་པས་ཀུན་ནས་ཉོན་མོངས་པ་ཅན་དུ་གྱུར་པའི་བྱིས་པ་ནི་སོམ་ཉི་ཐོབ་པ་དང་ཐེ་ཚོམ་ཐོབ་པ་དང༌། གཞན་གྱི་དྲིང་ལ་འཇོག་པ་དང༌། གཞན་གྱིས་བཀྲི་བ་ཡིན་པས་ཚེ་འདི་ལ་སྡུག་བསྔལ་བ་དང་བདེ་བ་ལ་རེག་པ་མེད་པར་གནས་སོ། །སྲིད་པའི་ཀུན་ནས་ཉོན་མོངས་པས་ཀུན་ནས་ཉོན་མོངས་པ་ཅན་དུ་གྱུར་པ་ནི་ཡང་འབྱུང་བས་སྐྱེ་བ་དང་རྒ་བ་དང་ན་བ་ལ་སོགས་པའི་སྡུག་བསྔལ་མངོན་པར་འགྲུབ་པར་བྱེད་དོ། །མོས་པའི་ཀུན་ནས་ཉོན་མོངས་པས་ཀུན་ནས་ཉོན་མོངས་པ་ཅན་དུ་གྱུར་པ་ནི་རྒྱུ་མེད་པའམ་མི་མཐུན་པའི་རྒྱུ་དབང་ཕྱུག་ལ་སོགས་པ་རྒྱུ་ཡིན་པར་རྟོགས་ཤིང་སྐྱེས་བུའི་བྱེད་པ་མེད་པ་ཁོ་ནར་གནས་སོ། །ལྟ་བའི་ཀུན་ནས་ཉོན་མོངས་པས་ཀུན་ནས་ཉོན་མོངས་པ་ཅན་དུ་གྱུར་པ་ནི་ཉེས་པ་སྤྱོད་པ་ལ་ཇི་འདོད་དགུར་འཇུག་ཅིང་ཕྱི་མ་ལ་ངན་སོང་བའི་སྡུག་བསྔལ་མངོན་པར་འགྲུབ་པར་བྱེད་དོ། །མངོན་པའི་ང་རྒྱལ་གྱི་ཀུན་ནས་ཉོན་མོངས་པས་ཀུན་ནས་ཉོན་མོངས་པ་ཅན་དུ་གྱུར་པ་ནི་སྐྱེས་བུའི་བྱེད་པ་འབྲས་བུ་མེད་པ་དང་འབྲས་བུ་དང་བྲལ་བར་བྱེད་དོ། །

'di lta ste/ som nyi kun nas nyon mongs pa dang sred pa'i kun nas nyon mongs pa dang mos pa'i kun nas nyon mongs pa dang/ lta ba'i kun nas nyon mongs pa dang/ mngon pa'i nga rgyal gyi kun nas nyon mongs pa'o/ /de la som nyi'i kun nas nyon mongs pas kun nas nyon mongs pa can du gyur pa'i byis pa ni som nyi thob pa dang the tshom thob pa dang/ gzhan gyi dring la 'jog pa dang/ gzhan gyis bkri ba yin pas tshe 'di la sdug bsngal ba dang bde ba la reg pa med par gnas so/ /srid pa'i kun nas nyon mongs pas kun nas nyon mongs pa can du gyur pa ni yang 'byung bas skye ba dang rga ba dang na ba la sogs pa'i sdug bsngal mngon par 'grub par byed do/ /mos pa'i kun nas nyon mongs pas kun nas nyon mongs pa can du gyur pa ni rgyu med pa'am mi mthun pa'i rgyu dbang phyug la sogs pa rgyu yin par rtogs shing skyes bu'i byed pa med pa kho nar gnas so/ /lta ba'i kun nas nyon mongs pas kun nas nyon mongs pa can du gyur pa ni nyes pa spyod pa la ji 'dod dgur 'jug cing phyi ma la ngan song ba'i sdug bsngal mngon par 'grub par byed do/ /mngon pa'i nga rgyal gyi kun nas nyon mongs pas kun nas nyon mongs pa can du gyur pa ni skyes bu'i byed pa 'bras bu med pa dang 'bras bu dang bral bar byed do/ /

【G2 指前本地已說今不復現】

རྟེན་ཅིང་འབྲེལ་པར་འབྱུང་བ་ལ་མཁས་པའི་རབ་ཏུ་དབྱེ་བ་རྒྱས་པ་ནི་འདི་ལྟ་སྟེ། སའི་དངོས་གཞིར་བསྟན་པ་བཞིན་དུ་རིག་པར་བྱའོ། །རྟེན་ཅིང་འབྲེལ་པར་འབྱུང་བ་ལ་མཁས་པའི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

rten cing 'brel par 'byung ba la mkhas pa'i rab tu dbye ba rgyas pa ni 'di lta ste/ sa'i dngos gzhir bstan pa bzhin du rig par bya'o/ /rten cing 'brel par 'byung ba la mkhas pa'i rnam par gtan la dbab pa'i gzhung lhag ma ni mi snang ngo/ /

【F5 處非處善巧(四門)】【G1 結前生後】

རྟེན་ཅིང་འབྲེལ་པར་འབྱུང་བའི་དངོས་པོ་ལ་མཁས་པ་རྫོགས་སོ།། །།

rten cing 'brel par 'byung ba'i dngos po la mkhas pa rdzogs so// //

【G2 開列四門】

གནས་དང་གནས་མ་ཡིན་པ་ལ་མཁས་པའི་སྤྱི་སྡོམ་ནི། ལུས་དང་ཡོངས་སུ་བསྟན་པ་དང༌། །སྒོ་དབྱེ་བ་ནི་ཐ་མ་ཡིན། །

gnas dang gnas ma yin pa la mkhas pa'i spyi sdom ni/ lus dang yongs su bstan pa dang/ /sgo dbye ba ni tha ma yin/ /

【G3 依門辨釋】【H1 出體性】

གནས་གང་ཞེ་ན། སྨྲས་པ། གཞི་དེ་དང་དེ་ལ་རིགས་པ་དང་མི་འགལ་བ་གང་ཡིན་པའོ། །གནས་མ་ཡིན་པ་གང་ཞེ་ན། སྨྲས་པ། གཞི་དེ་དང་དེ་ལ་རིགས་པ་དང་འགལ་བ་གང་ཡིན་པ་སྟེ༑ དེ་ནི་གནས་དང་གནས་མ་ཡིན་པ་གཉིས་ཀྱི་ལུས་ཡིན་ནོ། །

gnas gang zhe na/ smras pa/ gzhi de dang de la rigs pa dang mi 'gal ba gang yin pa'o/ /gnas ma yin pa gang zhe na/ smras pa/ gzhi de dang de la rigs pa dang 'gal ba gang yin pa ste| de ni gnas dang gnas ma yin pa gnyis kyi lus yin no/ /

【H2 辯顯現】

བཅོམ་ལྡན་འདས་ཀྱིས་དོན་ཅིའི་ཕྱིར་གནས་དང་གནས་མ་ཡིན་པ་ལ་མཁས་པ་ཡོངས་སུ་བསྟན་ཅེ་ན། སྨྲས་པ། ཀུན་ནས་ཉོན་མོངས་པ་དང་རྣམ་པར་བྱང་བ་གཉིས་ཀྱི་ཡང་དག་པའི་ཐབས་ཤེས་པས་ཆུད་མི་ཟ་བ་ཡོངས་སུ་བསྟན་པའི་ཕྱིར་རོ། །

bcom ldan 'das kyis don ci'i phyir gnas dang gnas ma yin pa la mkhas pa yongs su bstan ce na/ smras pa/ kun nas nyon mongs pa dang rnam par byang ba gnyis kyi yang dag pa'i thabs shes pas chud mi za ba yongs su bstan pa'i phyir ro/ /

【H3 解釋門】【I1 依成等四分別門義】【J1 開四門】

གནས་དང་གནས་མ་ཡིན་པ་གཉིས་ལ་སྒོ་དུ་ཡོད་པར་བལྟ་བར་བྱ་ཞེ་ན། སྨྲས་པ། བཞི་སྟེ། འདི་ལྟར་བཅོམ་ལྡན་འདས་ཀྱིས་གནས་དང་གནས་མ་ཡིན་པ་ཉིད་ནི་སྒོ་བཞི་ཁོ་ནས་བསྟན་པའི་ཕྱིར་ཏེ། འདི་ལྟ་སྟེ། འགྲུབ་པའི་སྒོ་དང་འགྲོགས་པའི་སྒོ་དང་ཐོབ་པའི་སྒོ་དང་ཀུན་དུ་སྤྱོད་པའི་སྒོས་སོ། །

gnas dang gnas ma yin pa gnyis la sgo du yod par blta bar bya zhe na/ smras pa/ bzhi ste/ 'di ltar bcom ldan 'das kyis gnas dang gnas ma yin pa nyid ni sgo bzhi kho nas bstan pa'i phyir te/ 'di lta ste/ 'grub pa'i sgo dang 'grogs pa'i sgo dang thob pa'i sgo dang kun du spyod pa'i sgos so/ /

【J2 依門辨】【K1 成辨門】

ཅིའི་ཕྱིར་གནས་དང་གནས་མ་ཡིན་པ་ཉིད་སྒོ་བཞིས་བསྟན་ཅེ་ན། སྨྲས་པ། རྣམ་པ་ཐམས་ཅད་ཀྱི་རབ་ཏུ་དབྱེ་བ་དག་གི་སྒོ་ཀུན་ཏུ་བསྟན་པར་བྱ་བའི་ཕྱིར་ཏེ། རྣམ་པའི་རབ་ཏུ་དབྱེ་བ་དེ་དག་ཀྱང་གང་ཞེ་ན། འགྲུབ་པའི་སྒོ་ལས་བརྩམས་ཏེ། དེས་མ་བསྡུས་པའི་རྣམ་པ་ལྷག་མ་རྣམས་ཡོངས་སུ་བརྗོད་པར་བྱ་སྟེ། དེའི་རབ་ཏུ་དབྱེ་བ་ནི་དབང་པོའི་འཆོལ་བ་དང༌། འབྱུང་བ་ཆེན་པོའི་འཆོལ་བ་དང༌། ཡོ་བྱང་འབྱུང་བའི་འཆོལ་བ་ལས་བལྟ་བར་བྱའོ། །དེ་ལ་དབང་པོའི་འཆོལ་བ་ནི་འདི་ཡིན་ཏེ། མིག་གི་དབང་པོས་སྒྲ་དག་ཉན་པ་དང༌། དྲི་དག་སྣོམ་པ་དང༌། རོ་དག་མྱང་བ་དང༌། རེག་བྱ་དག་རེག་པར་འགྱུར་བ་གང་ཡིན་པ་དེ་ནི་གནས་མ་ཡིན། སྐབས་མ་ཡིན་ཏེ་གནས་མེད་དོ། །གཟུགས་རྣམས་ལ་ལྟ་བར་འགྱུར་བ་གང་ཡིན་པ་དེ་ནི་གནས་ཡོད་དོ། །མིག་གི་དབང་པོ་ཇི་ལྟ་བ་བཞིན་དུ་དབང་པོ་གཟུགས་ཅན་ལྷག་མ་རྣམས་ཀྱིས་རེ་རེ་ནས་ཕན་ཚུན་འཆོལ་བའི་རབ་ཏུ་དབྱེ་བ་ཡང་དེ་བཞིན་དུ་བལྟ་བར་བྱའོ། །དེ་ལ་འབྱུང་བ་ཆེན་པོའི་འཆོལ་བ་ནི་འདི་ཡིན་ཏེ། སས་ཆུའི་བྱ་བ་བྱེད་པར་འགྱུར་བ་དང༌། མེའི་བྱ་བ་དང༌། རླུང་གི་བྱ་བ་བྱེད་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །སས་སའི་བྱ་བ་བྱེད་པར་འགྱུར་བ་གང་ཡིན་པ་འདི་ནི་གནས་ཡོད་དོ། །འབྱུང་བ་ཆེན་པོ་ལྷག་མ་རྣམས་ཀྱི་ཕན་ཚུན་འཆོལ་བའི་རབ་ཏུ་དབྱེ་བ་ཡང་དེ་བཞིན་དུ་བལྟ་བར་བྱའོ། །དེ་ལ་ཡོ་བྱད་འབྱུང་བའི་འཆོལ་བ་ནི་འདི་ཡིན་ཏེ། ས་བོན་གྱི་རིགས་གཞན་ལས་མྱུ་གུའི་རིགས་གཞན་འབྱུང་བར་འགྱུར་བ་གང་ཡིན་པ་འདི་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །དེ་དང་རིགས་མཐུན་པ་ལས་གང་ཡིན་པ་དེ་ནི་གནས་ཡོད་དོ། །བདག་གིས་རྭ་རྣམས་བཞོས་པ་ལས་འོ་མ་འབྱུང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །ནུ་མ་དག་ལས་གང་ཡིན་པ་དེ་ནི་གནས་ཡོད་དོ། །ཆུའི་བུམ་པ་བསྲུབས་པ་ལས་མར་སར་འབྱུང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །ཞོ་ལས་གང་ཡིན་པ་དེ་ནི་གནས་ཡོད་དོ། །བྱེ་མ་དག་བཙིར་བ་ལས་ཏིལ་མར་འབྱུང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །ཏིལ་དག་ལས་གང་ཡིན་པ་དེ་ནི་གནས་ཡོད་དོ། །ཤིང་རློན་པ་གཙུབས་པ་ལས་མེ་འབྱུང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་དེ་ནི་གནས་མེད་དོ། །ཤིང་སྐམ་པོ་དག་ལས་གང་ཡིན་པ་དེ་ནི་གནས་ཡོད་དེ། དེ་ལྟར་དེ་ལྟ་བུ་དང་མཐུན་པ་དག་ནི་གནས་དང་གནས་མ་ཡིན་པ་ལ། རྣམ་པར་རྟོག་པ་དང་པོའི་དབང་དུ་བྱས་ནས་རྣམ་པའི་རབ་ཏུ་དབྱེ་བ་ཡིན་པར་བལྟ་བར་བྱའོ། །

ci'i phyir gnas dang gnas ma yin pa nyid sgo bzhis bstan ce na/ smras pa/ rnam pa thams cad kyi rab tu dbye ba dag gi sgo kun tu bstan par bya ba'i phyir te/ rnam pa'i rab tu dbye ba de dag kyang gang zhe na/ 'grub pa'i sgo las brtsams te/ des ma bsdus pa'i rnam pa lhag ma rnams yongs su brjod par bya ste/ de'i rab tu dbye ba ni dbang po'i 'chol ba dang/ 'byung ba chen po'i 'chol ba dang/ yo byang 'byung ba'i 'chol ba las blta bar bya'o/ /de la dbang po'i 'chol ba ni 'di yin te/ mig gi dbang pos sgra dag nyan pa dang/ dri dag snom pa dang/ ro dag myang ba dang/ reg bya dag reg par 'gyur ba gang yin pa de ni gnas ma yin/ skabs ma yin te gnas med do/ /gzugs rnams la lta bar 'gyur ba gang yin pa de ni gnas yod do/ /mig gi dbang po ji lta ba bzhin du dbang po gzugs can lhag ma rnams kyis re re nas phan tshun 'chol ba'i rab tu dbye ba yang de bzhin du blta bar bya'o/ /de la 'byung ba chen po'i 'chol ba ni 'di yin te/ sas chu'i bya ba byed par 'gyur ba dang/ me'i bya ba dang/ rlung gi bya ba byed par 'gyur ba gang yin pa de ni gnas ma yin skabs ma yin te gnas med do/ /sas sa'i bya ba byed par 'gyur ba gang yin pa 'di ni gnas yod do/ /'byung ba chen po lhag ma rnams kyi phan tshun 'chol ba'i rab tu dbye ba yang de bzhin du blta bar bya'o/ /de la yo byad 'byung ba'i 'chol ba ni 'di yin te/ sa bon gyi rigs gzhan las myu gu'i rigs gzhan 'byung bar 'gyur ba gang yin pa 'di ni gnas ma yin skabs ma yin te gnas med do/ /de dang rigs mthun pa las gang yin pa de ni gnas yod do/ /bdag gis rwa rnams bzhos pa las 'o ma 'byung bar 'gyur ba gang yin pa de ni gnas ma yin skabs ma yin te gnas med do/ /nu ma dag las gang yin pa de ni gnas yod do/ /chu'i bum pa bsrubs pa las mar sar 'byung bar 'gyur ba gang yin pa de ni gnas ma yin skabs ma yin te gnas med do/ /zho las gang yin pa de ni gnas yod do/ /bye ma dag btsir ba las til mar 'byung bar 'gyur ba gang yin pa de ni gnas ma yin skabs ma yin te gnas med do/ /til dag las gang yin pa de ni gnas yod do/ /shing rlon pa gtsubs pa las me 'byung bar 'gyur ba gang yin pa de ni gnas ma yin skabs ma yin te de ni gnas med do/ /shing skam po dag las gang yin pa de ni gnas yod de/ de ltar de lta bu dang mthun pa dag ni gnas dang gnas ma yin pa la/ rnam par rtog pa dang po'i dbang du byas nas rnam pa'i rab tu dbye ba yin par blta bar bya'o/ /

【K2 合會門】

གཉིས་པའི་དབང་དུ་བྱས་ནས་གང་ཞེ་ན། སྣང་བ་དང་མུན་པ་གཉིས་དུས་གཅིག་ནས་འགྲོགས་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །ཅིག་ཤོས་མེད་པར་གཅིག་པུ་འབྱུང་བར་འགྱུར་བ་གང་ཡིན་པ་དེ་ནི་གནས་ཡོད་དོ། །མེ་དང་ཆུ་གཉིས་ལྷན་ཅིག་འགྲོགས་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །གང་ཡང་རུང་བ་གང་ཡིན་པ་དེ་ནི་གནས་ཡོད་དོ། །གཟུགས་འདུས་པ་གཉིས་ཡུལ་གཅིག་ཏུ་ཡུལ་མཚུངས་པར་གནས་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །རྡུལ་ཕྲ་རབ་གཅིག་གང་ཡིན་པ་དེ་ནི་གནས་ཡོད་དོ། །རིགས་མཐུན་པའི་སེམས་གཉིས་སམ་སེམས་ལས་བྱུང་བ་གཉིས་ལྷན་ཅིག་འགྲོགས་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །རེ་རེ་ནས་གང་ཡིན་པ་དེ་ནི་གནས་ཡོད་དོ། །དགེ་བ་དང་མི་དགེ་བའམ་དགེ་བ་དང་ལུང་དུ་མ་བསྟན་པའམ་མི་དགེ་བ་དང་ལུང་དུ་མ་བསྟན་པའམ། བདེ་བ་དང་སྡུག་བསྔལ་བའམ་རིགས་མི་མཐུན་པ་གཉིས་དུས་གཅིག་ཏུ་ལྷན་ཅིག་ཏུ་འགྲོགས་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །གང་ཡང་རུང་བ་གང་ཡིན་པ་དེ་ནི་གནས་ཡོད་དོ། །འབྲས་བུ་འདོད་པ་དང་མི་འདོད་པ་གཉིས་ལྷན་ཅིག་འགྲོགས་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །གང་ཡང་རུང་བ་དེ་ནི་གནས་ཡོད་དེ། དེ་ལྟར་དེ་ལྟ་བུ་དང་མཐུན་པ་དེ་ནི་གནས་དང་གནས་མ་ཡིན་པ་ལ་རྣམ་པར་རྟོག་པ་གཉིས་པའི་དབང་དུ་བྱས་ནས་རྣམ་པའི་རབ་ཏུ་དབྱེ་བ་ཡིན་པར་བལྟ་བར་བྱའོ། །

gnyis pa'i dbang du byas nas gang zhe na/ snang ba dang mun pa gnyis dus gcig nas 'grogs par 'gyur ba gang yin pa de ni gnas ma yin skabs ma yin te gnas med do/ /cig shos med par gcig pu 'byung bar 'gyur ba gang yin pa de ni gnas yod do/ /me dang chu gnyis lhan cig 'grogs par 'gyur ba gang yin pa de ni gnas ma yin skabs ma yin te gnas med do/ /gang yang rung ba gang yin pa de ni gnas yod do/ /gzugs 'dus pa gnyis yul gcig tu yul mtshungs par gnas par 'gyur ba gang yin pa de ni gnas ma yin skabs ma yin te gnas med do/ /rdul phra rab gcig gang yin pa de ni gnas yod do/ /rigs mthun pa'i sems gnyis sam sems las byung ba gnyis lhan cig 'grogs par 'gyur ba gang yin pa de ni gnas ma yin skabs ma yin te gnas med do/ /re re nas gang yin pa de ni gnas yod do/ /dge ba dang mi dge ba'am dge ba dang lung du ma bstan pa'am mi dge ba dang lung du ma bstan pa'am/ bde ba dang sdug bsngal ba'am rigs mi mthun pa gnyis dus gcig tu lhan cig tu 'grogs par 'gyur ba gang yin pa de ni gnas ma yin skabs ma yin te gnas med do/ /gang yang rung ba gang yin pa de ni gnas yod do/ /'bras bu 'dod pa dang mi 'dod pa gnyis lhan cig 'grogs par 'gyur ba gang yin pa de ni gnas ma yin skabs ma yin te gnas med do/ /gang yang rung ba de ni gnas yod de/ de ltar de lta bu dang mthun pa de ni gnas dang gnas ma yin pa la rnam par rtog pa gnyis pa'i dbang du byas nas rnam pa'i rab tu dbye ba yin par blta bar bya'o/ /

【K3 證得門】

གནས་དང་གནས་མ་ཡིན་པ་ལ་རྣམ་པར་རྟོག་པ་གསུམ་པ་ལས་བརྩམས་ནས་རྣམ་པའི་རབ་ཏུ་དབྱེ་བ་གང་ཞེ་ན། སྨྲས་པ། མོ་གཤམ་ལས་བུ་འབྱུང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །མོ་གཤམ་མ་ཡིན་པ་ལས་གང་ཡིན་པ་དེ་ནི་གནས་ཡོད་དོ། །སྐྱེས་ནས་མ་ནིང་བུ་སྐྱེད་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །སྐྱེས་པ་གང་ཡིན་པ་དེ་ནི་གནས་ཡོད་དོ། །ལོང་བས་མིག་གིས་གཟུགས་རྣམས་མཐོང་བར་འགྱུར་བ་དང༌། འོན་པས་རྣ་བས་སྒྲ་རྣམས་ཐོས་པར་འགྱུར་བ་དང༌། སྣ་རབ་ཏུ་ཉམས་པས་སྣས་དྲི་རྣམས་ཚོར་བར་འགྱུར་བ་དང༌། ལྕེ་རབ་ཏུ་ཉམས་པས་ལྕེས་རོ་རྣམས་མྱང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །རབ་ཏུ་མ་ཉམས་པས་གང་ཡིན་པ་དེ་ནི་གནས་ཡོད་དོ། །ཚོགས་མ་བསགས་པས་ཚེ་འདི་ལ་སློབ་པ་དང་མི་སློབ་པའི་རྣམ་པར་གྲོལ་བ་མངོན་དུ་བྱེད་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །ཚོགས་བསགས་པས་གང་ཡིན་པ་དེ་ནི་གནས་ཡོད་དོ། །འཕགས་པའི་ལམ་མ་ཐོབ་པས་མྱ་ངན་ལས་འདས་པ་མངོན་སུམ་དུ་བྱེད་པར་འགྱུར་བ་དང༌། རང་བྱང་ཆུབ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་སུམ་དུ་བྱེད་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །འཕགས་པའི་ལམ་ཐོབ་པས་གང་ཡིན་པ་དེ་ནི་གནས་ཡོད་དོ། །མི་དུད་འགྲོའི་སྐྱེ་གནས་སུ་སོང་བའི་སྲོག་ཆགས་ཀྱི་ཁ་ཟས་རྩྭ་ལ་སོགས་པས་དུས་སྟོན་བྱེད་པར་འགྱུར་བ་དང༌། ལྷ་མིའི་ཁམ་གྱི་ཟས་དང་གཟུགས་དང་གཟུགས་མེད་པ་ན་སྤྱོད་པའི་སེམས་ཅན་ཁམ་གྱི་ཟས་ཟ་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །དེ་ལས་བཟློག་པས་གང་ཡིན་པ་དེ་ནི་གནས་ཡོད་དོ། ། སེམས་ཅན་དམྱལ་བ་པའི་ལུས་མ་སྤངས་པར་མིའི་ལུས་འཐོབ་པར་འགྱུར་བ་དང༌། དེ་བཞིན་དུ་གང་ཡང་རུང་བའི་ལུས་མ་སྤངས་པར་གང་ཡང་རུང་བའི་ལུས་འཐོབ་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །དེ་ལས་བཟློག་པ་གང་ཡིན་པ་དེ་ནི་གནས་ཡོད་དེ།དེ་ལྟར་དེ་ལྟ་བུ་དང་མཐུན་པ་ནི་གནས་དང་གནས་མ་ཡིན་པ་ལ་རྣམ་པར་རྟོག་པ་གསུམ་པའི་དབང་དུ་བྱས་ནས་རྣམ་པའི་རབ་ཏུ་དབྱེ་བ་ཡིན་པར་བལྟ་བར་བྱའོ། །

gnas dang gnas ma yin pa la rnam par rtog pa gsum pa las brtsams nas rnam pa'i rab tu dbye ba gang zhe na/ smras pa/ mo gsham las bu 'byung bar 'gyur ba gang yin pa de ni gnas ma yin skabs ma yin te gnas med do/ /mo gsham ma yin pa las gang yin pa de ni gnas yod do/ /skyes nas ma ning bu skyed par 'gyur ba gang yin pa de ni gnas ma yin skabs ma yin te gnas med do/ /skyes pa gang yin pa de ni gnas yod do/ /long bas mig gis gzugs rnams mthong bar 'gyur ba dang/ 'on pas rna bas sgra rnams thos par 'gyur ba dang/ sna rab tu nyams pas snas dri rnams tshor bar 'gyur ba dang/ lce rab tu nyams pas lces ro rnams myang bar 'gyur ba gang yin pa de ni gnas ma yin skabs ma yin te gnas med do/ /rab tu ma nyams pas gang yin pa de ni gnas yod do/ /tshogs ma bsags pas tshe 'di la slob pa dang mi slob pa'i rnam par grol ba mngon du byed par 'gyur ba gang yin pa de ni gnas ma yin skabs ma yin te gnas med do/ /tshogs bsags pas gang yin pa de ni gnas yod do/ /'phags pa'i lam ma thob pas mya ngan las 'das pa mngon sum du byed par 'gyur ba dang/ rang byang chub dang/ bla na med pa yang dag par rdzogs pa'i byang chub mngon sum du byed par 'gyur ba gang yin pa de ni gnas ma yin skabs ma yin te gnas med do/ /'phags pa'i lam thob pas gang yin pa de ni gnas yod do/ /mi dud 'gro'i skye gnas su song ba'i srog chags kyi kha zas rtswa la sogs pas dus ston byed par 'gyur ba dang/ lha mi'i kham gyi zas dang gzugs dang gzugs med pa na spyod pa'i sems can kham gyi zas za bar 'gyur ba gang yin pa de ni gnas ma yin skabs ma yin te gnas med do/ /de las bzlog pas gang yin pa de ni gnas yod do/ / sems can dmyal ba pa'i lus ma spangs par mi'i lus 'thob par 'gyur ba dang/ de bzhin du gang yang rung ba'i lus ma spangs par gang yang rung ba'i lus 'thob par 'gyur ba gang yin pa de ni gnas ma yin skabs ma yin te gnas med do/ /de las bzlog pa gang yin pa de ni gnas yod de/de ltar de lta bu dang mthun pa ni gnas dang gnas ma yin pa la rnam par rtog pa gsum pa'i dbang du byas nas rnam pa'i rab tu dbye ba yin par blta bar bya'o/ /

【K4 現行門】

གནས་དང་གནས་མ་ཡིན་པ་ལ་རྣམ་པར་རྟོག་པ་བཞི་པའི་དབང་དུ་བྱས་ནས་རྣམ་པའི་རབ་ཏུ་དབྱེ་བ་གང་ཞེ་ན། སྨྲས་པ། སས་རང་གི་མཚན་ཉིད་སྤངས་ཏེ་ཁམས་གཞན་གྱི་མཚན་ཉིད་ལ་བརྟེན་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །དེ་ལས་བཟློག་པས་གང་ཡིན་པ་དེ་ནི་གནས་ཡོད་དོ། །ས་ཇི་ལྟ་བ་དེ་བཞིན་དུ་འབྱུང་བ་ཆེན་པོ་གཞན་དག་ཀྱང་ཅི་རིགས་པར་བལྟ་བར་བྱའོ། །འདོད་པའི་ཁམས་སུ་སྐྱེས་ཤིང་བྱུང་བ་ལྷའི་མིག་མ་ཐོབ་པས་ལྷའི་གཟུགས་དག་མཐོང་བར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །མིའི་གཟུགས་དག་མཐོང་བར་འགྱུར་བ་གང་ཡིན་པ་དེ་ནི་གནས་ཡོད་དོ། །དེ་བཞིན་དུ་དབང་པོ་ལྷག་མ་རྣམས་ཀྱིས་ཀྱང་ཅི་རིགས་པར་བལྟ་བར་བྱའོ། །བརྐམ་ཞིང་ཆགས་པས་ཟིལ་གྱིས་ནོན་པས་ཆགས་པ་དེ་མ་སྤངས་པར་ལོངས་སྤྱོད་རྣམས་ལ་འཛིན་པ་མེད་པའི་སེམས་སུ་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །སྤངས་པས་གང་ཡིན་པ་དེ་ནི་གནས་ཡོད་དོ། །དེ་བཞིན་དུ་ཞེ་སྡང་དང་གཏི་མུག་དག་གིས་ཀྱང་ཅི་རིགས་པར་བལྟ་བར་བྱའོ། །ཆགས་པ་ལ་སོགས་པ་ཉོན་མོངས་པ་དང་ཉེ་བའི་ཉོན་མོངས་པ་རྣམས་ཀུན་ནས་དཀྲིས་པ་ལས་མ་སྤངས་པར་དྲན་པ་ཉེ་བར་གཞག་པ་བཞི་སྒོམ་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །སྤངས་པས་གང་ཡིན་པ་དེ་ནི་གནས་ཡོད་དོ། །དྲན་པ་ཉེ་བར་གཞག་པ་ཇི་ལྟ་བ་བཞིན་དུ་བྱང་ཆུབ་ཀྱི་ཕྱོགས་དང་མཐུན་པ་གཞན་དག་ཀྱང་དེ་བཞིན་ནོ། །དེ་བཞིན་གཤེགས་པ་དང་ལྷན་ཅིག་རྩོད་པར་གྱུར་པ་རྩོད་པར་འདོད་པ་དང༌། འགྱོད་པར་འདོད་པའི་སེམས་མ་སྤངས་ལ། བཞེད་པ་མེད་པར་དེ་བཞིན་གཤེགས་པ་མངོན་དུ་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །སྤངས་པའམ་བཞེད་པ་གང་ཡིན་པ་དེ་ནི་གནས་ཡོད་དོ། །ཐམས་ཅད་མཁྱེན་པ་ཐམས་ཅད་གཟིགས་པས་ཤེས་བྱ་ཆུང་ཟད་མི་མཁྱེན་པར་འགྱུར་བའམ་བསྙེལ་ངས་པས་ཐམས་ཅད་མཁྱེན་པ་མ་ཡིན་པའི་སྤྱོད་པ་མཛད་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །ཐམས་ཅད་མཁྱེན་པ་མ་ཡིན་ཞིང་ཐམས་ཅད་གཟིགས་པ་མ་ཡིན་པས་གང་ཡིན་པ་དེ་ནི་གནས་ཡོད་དོ། །བྱང་ཆུབ་སེམས་དཔའ་སར་ཆུད་པར་སེམས་ཅན་རྣམས་ལ་བསམ་པས་ཀུན་ནས་མནར་སེམས་ཀྱི་སེམས་བསྐྱེད་པར་འགྱུར་བའམ་བྱང་ཆུབ་ལས་ཕྱིར་ལྡོག་པར་འགྱུར་བ་གང་ཡིན་པ་དེ་ནི་གནས་མ་ཡིན་སྐབས་མ་ཡིན་ཏེ་གནས་མེད་དོ། །སར་ཆུད་པ་མ་ཡིན་པས་གང་ཡིན་པ་དེ་ནི་གནས་ཡོད་དེ། དེ་ལྟར་དེ་ལྟ་བུ་དང་མཐུན་པ་ནི་གནས་དང་གནས་མ་ཡིན་པ་ལས་རྣམ་པར་རྟོག་པ་བཞི་པ་ལས་བརྩམས་ནས་རྣམ་པའི་རབ་ཏུ་དབྱེ་བ་ཡིན་པར་བལྟ་བར་བྱའོ། །

gnas dang gnas ma yin pa la rnam par rtog pa bzhi pa'i dbang du byas nas rnam pa'i rab tu dbye ba gang zhe na/ smras pa/ sas rang gi mtshan nyid spangs te khams gzhan gyi mtshan nyid la brten par 'gyur ba gang yin pa de ni gnas ma yin skabs ma yin te gnas med do/ /de las bzlog pas gang yin pa de ni gnas yod do/ /sa ji lta ba de bzhin du 'byung ba chen po gzhan dag kyang ci rigs par blta bar bya'o/ /'dod pa'i khams su skyes shing byung ba lha'i mig ma thob pas lha'i gzugs dag mthong bar 'gyur ba gang yin pa de ni gnas ma yin skabs ma yin te gnas med do/ /mi'i gzugs dag mthong bar 'gyur ba gang yin pa de ni gnas yod do/ /de bzhin du dbang po lhag ma rnams kyis kyang ci rigs par blta bar bya'o/ /brkam zhing chags pas zil gyis non pas chags pa de ma spangs par longs spyod rnams la 'dzin pa med pa'i sems su 'gyur ba gang yin pa de ni gnas ma yin skabs ma yin te gnas med do/ /spangs pas gang yin pa de ni gnas yod do/ /de bzhin du zhe sdang dang gti mug dag gis kyang ci rigs par blta bar bya'o/ /chags pa la sogs pa nyon mongs pa dang nye ba'i nyon mongs pa rnams kun nas dkris pa las ma spangs par dran pa nye bar gzhag pa bzhi sgom par 'gyur ba gang yin pa de ni gnas ma yin skabs ma yin te gnas med do/ /spangs pas gang yin pa de ni gnas yod do/ /dran pa nye bar gzhag pa ji lta ba bzhin du byang chub kyi phyogs dang mthun pa gzhan dag kyang de bzhin no/ /de bzhin gshegs pa dang lhan cig rtsod par gyur pa rtsod par 'dod pa dang/ 'gyod par 'dod pa'i sems ma spangs la/ bzhed pa med par de bzhin gshegs pa mngon du 'gyur ba gang yin pa de ni gnas ma yin skabs ma yin te gnas med do/ /spangs pa'am bzhed pa gang yin pa de ni gnas yod do/ /thams cad mkhyen pa thams cad gzigs pas shes bya chung zad mi mkhyen par 'gyur ba'am bsnyel ngas pas thams cad mkhyen pa ma yin pa'i spyod pa mdzad par 'gyur ba gang yin pa de ni gnas ma yin skabs ma yin te gnas med do/ /thams cad mkhyen pa ma yin zhing thams cad gzigs pa ma yin pas gang yin pa de ni gnas yod do/ /byang chub sems dpa' sar chud par sems can rnams la bsam pas kun nas mnar sems kyi sems bskyed par 'gyur ba'am byang chub las phyir ldog par 'gyur ba gang yin pa de ni gnas ma yin skabs ma yin te gnas med do/ /sar chud pa ma yin pas gang yin pa de ni gnas yod de/ de ltar de lta bu dang mthun pa ni gnas dang gnas ma yin pa las rnam par rtog pa bzhi pa las brtsams nas rnam pa'i rab tu dbye ba yin par blta bar bya'o/ /

【I2 依四道理分別門義】

གཞན་ཡང་མདོར་བསྡུ་ན་གནས་བཞི་དང་གནས་མ་ཡིན་པ་བཞི་ཡིན་པར་བལྟ་བར་བྱ་སྟེ། ལྟོས་པའི་རིགས་པ་དང་བྱ་བ་བྱེད་པའི་རིགས་པ་དང་འཐད་པས་བསྒྲུབ་པའི་རིགས་པ་དང་ཆོས་ཉིད་ཀྱི་རིགས་པ་སྔར་བསྟན་པའི་རིགས་པ་དེ་དག་དང་མི་འགལ་བར་སྟོན་པ་གང་ཡིན་པ་དེ་ནི་གནས་ཡིན་ནོ། །འགལ་བར་སྟོན་པ་གང་ཡིན་པ་དེ་ནི་གནས་མ་ཡིན་ཏེ།

gzhan yang mdor bsdu na gnas bzhi dang gnas ma yin pa bzhi yin par blta bar bya ste/ ltos pa'i rigs pa dang bya ba byed pa'i rigs pa dang 'thad pas bsgrub pa'i rigs pa dang chos nyid kyi rigs pa sngar bstan pa'i rigs pa de dag dang mi 'gal bar ston pa gang yin pa de ni gnas yin no/ /'gal bar ston pa gang yin pa de ni gnas ma yin te/

【I3 合結】

གནས་བཞི་པོ་དེ་དག་དང་གནས་མ་ཡིན་པ་བཞི་པོ་དེ་དག་བསྡུས་ན་གནས་དང་གནས་མ་ཡིན་པ་ལ་མཁས་པ་བརྒྱད་དུ་འགྱུར་རོ། །

gnas bzhi po de dag dang gnas ma yin pa bzhi po de dag bsdus na gnas dang gnas ma yin pa la mkhas pa brgyad du 'gyur ro/ /

【H4 辨差別】

རྟེན་ཅིང་འབྲེལ་པར་འབྱུང་བ་ལ་མཁས་པ་དང༌། གནས་དང་གནས་མ་ཡིན་པ་ལ་མཁས་པ་ལ་བྱེ་བྲག་ཅི་ཡོད་ཅེ་ན། སྨྲས་པ། རྟེན་ཅིང་འབྲེལ་པར་འབྱུང་བ་ལ་མཁས་པ་ནི་རྒྱུ་དང་འབྲས་བུ་ཙམ་དུ་འཇུག་པ་ཤེས་པས་རབ་ཏུ་ཕྱེ་བ་ཡིན་ལ། གནས་དང་གནས་མ་ཡིན་པ་ལ་མཁས་པ་ནི་དེའི་ཕྱིན་ཅི་མ་ལོག་པ་ཡིན་པར་ཤེས་པས་རབ་ཏུ་ཕྱེ་བ་མ་ཡིན་ནོ། །

rten cing 'brel par 'byung ba la mkhas pa dang/ gnas dang gnas ma yin pa la mkhas pa la bye brag ci yod ce na/ smras pa/ rten cing 'brel par 'byung ba la mkhas pa ni rgyu dang 'bras bu tsam du 'jug pa shes pas rab tu phye ba yin la/ gnas dang gnas ma yin pa la mkhas pa ni de'i phyin ci ma log pa yin par shes pas rab tu phye ba ma yin no/ /

【G4 指餘不現】

གནས་དང་གནས་མ་ཡིན་པའི་དངོས་པོ་ལ་མཁས་པའི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

gnas dang gnas ma yin pa'i dngos po la mkhas pa'i rnam par gtan la dbab pa'i gzhung lhag ma ni mi snang ngo/ /

【F6 根善巧】【G1 結前生後】

གནས་དང་གནས་མ་ཡིན་པའི་དངོས་པོ་ལ་མཁས་པ་རྫོགས་སོ།། །།

gnas dang gnas ma yin pa'i dngos po la mkhas pa rdzogs so// //

【G2 開章解釋】【H1 有半頌開列四門】

བམ་པོ་བཅུ་པ། དབང་པོ་རྣམས་ཀྱི་སྤྱི་སྡོམ་ནི། །དོན་དང་རྣམ་པར་གཞག་པ་དང༌། །རབ་ཏུ་དབྱེ་བ་ཐ་མ་ཡིན། །

bam po bcu pa/ dbang po rnams kyi spyi sdom ni/ /don dang rnam par gzhag pa dang/ /rab tu dbye ba tha ma yin/ /

【H2 依門隨釋】【I1 解根義】

དབང་པོའི་དོན་གང་ཞེ་ན། སྨྲས་པ། དབང་པོའི་དོན་ནི་དབང་བྱེད་པའི་དོན་ཏོ། །

dbang po'i don gang zhe na/ smras pa/ dbang po'i don ni dbang byed pa'i don to/ /

【I2 解說根義】

ཅི་ཞིག་ཡོངས་སུ་བསྟན་པར་བྱ་བའི་དོན་དུ་ཞེ་ན། སྨྲས་པ། གཞི་དེ་དང་དེ་ལ་ཆོས་དེ་དང་དེ་དག་གཙོ་བོར་ཡོངས་སུ་བསྟན་པའི་དོན་དུའོ། །

ci zhig yongs su bstan par bya ba'i don du zhe na/ smras pa/ gzhi de dang de la chos de dang de dag gtso bor yongs su bstan pa'i don du'o/ /

【I3 辯廢立】【J1 八復次正建立根】【K1 約六義建立根】

དབང་པོ་ཉི་ཤུ་རྩ་གཉིས་པོ་དེ་དག་གི་རྣམ་པར་གཞག་པ་ཇི་ལྟ་བུ་ཡིན་ཞེ་ན། སྨྲས་པ། དྲུག་ནི་ཡུལ་འཛིན་པ་ལ་དབང་བྱེད་པའི་དོན་གྱིས་སོ། །གཉིས་ནི་རིགས་རྒྱུད་རྣམ་པར་གཞག་པ་ལ་དབང་བྱེད་པའི་དོན་གྱིས་སོ། །གཅིག་ནི་འཚོ་བའི་དོན་དུ་ལས་ཀྱི་མཐའི་སྦྱོར་བ་ལ་དབང་བྱེད་པའི་དོན་གྱིས་སོ། །ལྔ་ནི་ལས་ཀྱི་འབྲས་བུ་ལ་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །གཞན་ལྔ་ནི་འཇིག་རྟེན་པའི་རྣམ་པར་དག་པ་ལ་དབང་བྱེད་པའི་དོན་གྱིས་སོ། །གསུམ་ནི་འཇིག་རྟེན་ལས་འདས་པའི་རྣམ་པར་དག་པ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ༑ །

dbang po nyi shu rtsa gnyis po de dag gi rnam par gzhag pa ji lta bu yin zhe na/ smras pa/ drug ni yul 'dzin pa la dbang byed pa'i don gyis so/ /gnyis ni rigs rgyud rnam par gzhag pa la dbang byed pa'i don gyis so/ /gcig ni 'tsho ba'i don du las kyi mtha'i sbyor ba la dbang byed pa'i don gyis so/ /lnga ni las kyi 'bras bu la yongs su longs spyod pa la dbang byed pa'i don gyis so/ /gzhan lnga ni 'jig rten pa'i rnam par dag pa la dbang byed pa'i don gyis so/ /gsum ni 'jig rten las 'das pa'i rnam par dag pa la dbang byed pa'i don gyis rnam par gzhag par blta bar bya'o| /

【K2 約五義建立根】

རྣམ་གྲངས་གཞན་ཡང་དྲུག་ནི་ཡུལ་གསལ་བ་ལ་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །གཉིས་ནི་ཡུལ་བསྒྲིབས་པ་ལ་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །གཅིག་ནི་ཡུལ་ལ་ཡོངས་སུ་ལོངས་སྤྱོད་པ་ལ་མཐར་ཐུག་པ་ལ་དབང་བྱེད་པའི་དོན་གྱིས་སོ། །ལྔ་ནི་ཡུལ་ལ་ལོངས་སྤྱོད་པ་ལས་བྱུང་བའི་ཀུན་ནས་ཉོན་མོངས་པ་ལ་དབང་བྱེད་པའི་དོན་གྱིས་སོ། །བརྒྱད་ནི་རྣམ་པར་བྱད་བ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ། །

rnam grangs gzhan yang drug ni yul gsal ba la yongs su longs spyod pa la dbang byed pa'i don gyis so/ /gnyis ni yul bsgribs pa la yongs su longs spyod pa la dbang byed pa'i don gyis so/ /gcig ni yul la yongs su longs spyod pa la mthar thug pa la dbang byed pa'i don gyis so/ /lnga ni yul la longs spyod pa las byung ba'i kun nas nyon mongs pa la dbang byed pa'i don gyis so/ /brgyad ni rnam par byad ba la dbang byed pa'i don gyis rnam par gzhag par blta bar bya'o/ /

【K3 約五義建立根】

རྣམ་གྲངས་གཞན་ཡང་དྲུག་ནི་ཡུལ་ལ་ནང་དུ་ལྟ་བར་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །གཉིས་ནི་ཡུལ་ཕྱིར་བལྟས་པར་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །གཅིག་ནི་ལུས་ལ་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །ལྔ་ནི་ཡུལ་དང་ལུས་ལ་ཡོངས་སུ་ལོངས་སྤྱོད་པ་ལས་བྱུང་བའི་ཀུན་ནས་ཉོན་མོངས་པ་ལ་དབང་བྱེད་པའི་དོན་གྱིས་སོ། །བརྒྱད་ནི་ཀུན་ནས་ཉོན་མོངས་པའི་གཉེན་པོ་རྣམ་པར་བྱང་བ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ། །

rnam grangs gzhan yang drug ni yul la nang du lta bar yongs su longs spyod pa la dbang byed pa'i don gyis so/ /gnyis ni yul phyir bltas par yongs su longs spyod pa la dbang byed pa'i don gyis so/ /gcig ni lus la yongs su longs spyod pa la dbang byed pa'i don gyis so/ /lnga ni yul dang lus la yongs su longs spyod pa las byung ba'i kun nas nyon mongs pa la dbang byed pa'i don gyis so/ /brgyad ni kun nas nyon mongs pa'i gnyen po rnam par byang ba la dbang byed pa'i don gyis rnam par gzhag par blta bar bya'o/ /

【K4 約六義建立根】

རྣམ་གྲངས་གཞན་ཡང་ལྔ་ནི་ལུས་མཛེས་པ་ལ་དབང་བྱེད་པའི་དོན་གྱིས་སོ། །གཅིག་ནི་ལུས་ལ་དབང་བསྒྱུར་བ་ལ་དབང་བྱེད་པའི་དོན་གྱིས་སོ། །གཅིག་ནི་ལུས་གནས་པ་ལ་དབང་བྱེད་པའི་དོན་གྱིས་སོ། །གཉིས་ནི་ལུས་སྐྱེ་བ་ལ་དབང་བྱེད་པའི་དོན་གྱིས་སོ། །ལྔ་ནི་ལུས་ལ་ཕན་པ་དང་གནོད་པ་བྱེད་པ་ལ་དབང་བྱེད་པའི་དོན་གྱིས་སོ། །བརྒྱད་ནི་ལུས་རྣམ་པར་གྲོལ་བར་བྱེད་པ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ། །

rnam grangs gzhan yang lnga ni lus mdzes pa la dbang byed pa'i don gyis so/ /gcig ni lus la dbang bsgyur ba la dbang byed pa'i don gyis so/ /gcig ni lus gnas pa la dbang byed pa'i don gyis so/ /gnyis ni lus skye ba la dbang byed pa'i don gyis so/ /lnga ni lus la phan pa dang gnod pa byed pa la dbang byed pa'i don gyis so/ /brgyad ni lus rnam par grol bar byed pa la dbang byed pa'i don gyis rnam par gzhag par blta bar bya'o/ /

【K5 約六義建立根】

གཞན་ཡང་རྣམ་གྲངས་སུ་དྲུག་ནི་སེམས་ཅན་གྱི་དངོས་པོ་ཡོངས་སུ་བསྟན་པ་ལ་དབང་བྱེད་པའི་དོན་གྱིས་སོ། །གཉིས་ནི་སེམས་ཅན་གྱི་དངོས་པོ་སྐྱེ་བ་ལ་དབང་བྱེད་པའི་དོན་གྱིས་སོ། །གཅིག་ནི་སེམས་ཅན་གྱི་དངོས་པོ་གནས་པ་དང་འཆི་འཕོ་བ་ལ་དབང་བྱེད་པའི་དོན་གྱིས་སོ། །ལྔ་ནི་སེམས་ཅན་གྱི་ཡུལ་ལ་ཡོངས་སུ་ལོངས་སྤྱོད་པ་ལ་དབང་བྱེད་པའི་དོན་གྱིས་སོ། །གཞན་ལྔ་ནི་སེམས་ཅན་གྱི་མངོན་པར་མཐོ་བའི་ཐབས་ལ་དབང་བྱེད་པའི་དོན་གྱིས་སོ། །གསུམ་ནི་སེམས་ཅན་གྱི་ངེས་པར་ལེགས་པ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ། །

gzhan yang rnam grangs su drug ni sems can gyi dngos po yongs su bstan pa la dbang byed pa'i don gyis so/ /gnyis ni sems can gyi dngos po skye ba la dbang byed pa'i don gyis so/ /gcig ni sems can gyi dngos po gnas pa dang 'chi 'pho ba la dbang byed pa'i don gyis so/ /lnga ni sems can gyi yul la yongs su longs spyod pa la dbang byed pa'i don gyis so/ /gzhan lnga ni sems can gyi mngon par mtho ba'i thabs la dbang byed pa'i don gyis so/ /gsum ni sems can gyi nges par legs pa la dbang byed pa'i don gyis rnam par gzhag par blta bar bya'o/ /

【K6 約五義建立根】

རྣམ་གྲངས་གཞན་ཡང་དྲུག་ནི་སེམས་ཅན་གྱི་དངོས་པོ་ཡོངས་སུ་བསྟན་པ་ལ་དབང་བྱེད་པའི་དོན་ཁོ་ནས་སོ། །གཉིས་ནི་སེམས་ཅན་འཕེལ་བ་ལ་དབང་བྱེད་པའི་དོན་གྱིས་སོ། །གཅིག་ནི་སེམས་ཅན་འགྲིབ་པ་ལ་དབང་བྱེད་པའི་ཡོངས་སུ་བསྟན་པའི་དོན་གྱིས་སོ། །ལྔ་ནི་སེམས་ཅན་གྱི་འབྱོར་པ་དང་རྒུད་པ་ཡོངས་སུ་བསྟན་པ་ལ་དབང་བྱེད་པའི་དོན་གྱིས་སོ། །བརྒྱད་ནི་སེམས་ཅན་གྱི་ཡོན་ཏན་དང་སྐྱོན་ཡོངས་སུ་བསྟན་པ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ། །

rnam grangs gzhan yang drug ni sems can gyi dngos po yongs su bstan pa la dbang byed pa'i don kho nas so/ /gnyis ni sems can 'phel ba la dbang byed pa'i don gyis so/ /gcig ni sems can 'grib pa la dbang byed pa'i yongs su bstan pa'i don gyis so/ /lnga ni sems can gyi 'byor pa dang rgud pa yongs su bstan pa la dbang byed pa'i don gyis so/ /brgyad ni sems can gyi yon tan dang skyon yongs su bstan pa la dbang byed pa'i don gyis rnam par gzhag par blta bar bya'o/ /

【K7 約二品建立根】

རྣམ་གྲངས་གཞན་ཡང་དྲུག་ནི་མིང་ནི་འདི་ཞེས་བྱ་བའི་དབང་དུ་བྱས་ནས་སོ། །གཉིས་ནི་རིགས་ནི་འདི་ཞེས་བྱ་རུས་ནི་འདི་ཞེས་བྱ་ཞེས་བྱ་བའི་དབང་དུ་བྱས་ནས་སོ། །ལྔ་ནི་ཟས་ནི་འདི་ལྟ་བུ་ཞིག་ཟ་ཟ། བདེ་བ་དང་སྡུག་བསྔལ་ནི་འདི་ལྟ་བུ་ཞིག་མྱོང་ཞེས་བྱ་བའི་དབང་དུ་བྱས་ནས་སོ། །གཅིག་ནི་ཆེ་རིང་ཁྱད་ནི་འདི་ཙམ་ཞིག །ཡུན་ནི་འདི་སྲིད་ཅིག་གནས་གནས། ཚེ་ནི་འདི་ཙམ་ཞིག་ཐུབ་ཅེས་བྱ་བའི་དབང་དུ་བྱས་ཏེ། དབང་པོ་དེ་དག་ནི་ཁྱིམ་པའི་ཕྱོགས་ལ་སྤྱོད་པའི་དབང་དུ་བྱས་ནས་རྣམ་པར་གཞག་པར་བལྟ་བར་བྱའོ༑ །བརྒྱད་ནི་དད་པ་ནི་འདི་ལྟ་བུ་ཞིག་དང་ལྡན་པ་བརྩོན་འགྲུས་ནི་འདི་ལྟ་བུ་ཞིག་དང་ལྡན་ཞེས་བྱ་བ་ནས་ཤེས་རབ་ནི་འདི་ལྟ་བུ་དང་ལྡན་ཞེས་བྱ་བའི་བར་དང་འདི་ལྟར་ནི་ཞུགས་པ་ཡིན་ནོ། །འདི་ལྟར་ནི་འབྲས་བུ་ལ་གནས་པ་ཡིན་ཞེས་བྱ་བའི་དབང་དུ་བྱས་ནས་ཏེ་དབང་པོ་དེ་དག་ནི་རབ་ཏུ་བྱུང་བའི་ཕྱོགས་ལ་སྤྱོད་པའི་དབང་དུ་བྱས་ནས་རྣམ་པར་གཞག་པར་བལྟ་བར་བྱའོ། །

rnam grangs gzhan yang drug ni ming ni 'di zhes bya ba'i dbang du byas nas so/ /gnyis ni rigs ni 'di zhes bya rus ni 'di zhes bya zhes bya ba'i dbang du byas nas so/ /lnga ni zas ni 'di lta bu zhig za za/ bde ba dang sdug bsngal ni 'di lta bu zhig myong zhes bya ba'i dbang du byas nas so/ /gcig ni che ring khyad ni 'di tsam zhig /yun ni 'di srid cig gnas gnas/ tshe ni 'di tsam zhig thub ces bya ba'i dbang du byas te/ dbang po de dag ni khyim pa'i phyogs la spyod pa'i dbang du byas nas rnam par gzhag par blta bar bya'o| /brgyad ni dad pa ni 'di lta bu zhig dang ldan pa brtson 'grus ni 'di lta bu zhig dang ldan zhes bya ba nas shes rab ni 'di lta bu dang ldan zhes bya ba'i bar dang 'di ltar ni zhugs pa yin no/ /'di ltar ni 'bras bu la gnas pa yin zhes bya ba'i dbang du byas nas te dbang po de dag ni rab tu byung ba'i phyogs la spyod pa'i dbang du byas nas rnam par gzhag par blta bar bya'o/ /

【K8 約六義建立根】

རྣམ་གྲངས་གཞན་ཡང་དྲུག་ནི་རྣལ་འབྱོར་པ་རྣམས་ཀྱི་དབང་པོའི་སྒོ་བསྡམས་པ་ལ་དབང་བྱེད་པའི་དོན་གྱིས་སོ། །གཉིས་ནི་དགེ་སྦྱོང་གི་ཚུལ་གྱིས་འབྲས་བུའི་ཕྱིར་རབ་ཏུ་འབྱུང་བ་ཐོབ་པའི་སྐལ་བ་དང་ལྡན་པ་ལ་དབང་བྱེད་པའི་དོན་གྱིས་སོ། །གཅིག་ནི་དགེ་བའི་ཕྱོགས་འཕེལ་བ་ལ་དབང་བྱེད་པའི་དོན་གྱིས་སོ། །ལྔ་ནི་ཤེས་བཞིན་དུ་སྤྱོད་པ་ལ་དབང་བྱེད་པའི་དོན་གྱིས་སོ། །ལྔ་ནི་དགེ་སྦྱོང་གི་ཚུལ་གྱི་འབྲས་བུ་ལ་སྦྱོར་བའི་ལམ་ལ་དབང་བྱེད་པའི་དོན་གྱིས་སོ། །གསུམ་ནི་དགེ་སྦྱོང་གི་ཚུལ་གྱིས་འབྲས་བུ་འཐོབ་པ་ལ་དབང་བྱེད་པའི་དོན་གྱིས་རྣམ་པར་གཞག་པར་བལྟ་བར་བྱའོ། །

rnam grangs gzhan yang drug ni rnal 'byor pa rnams kyi dbang po'i sgo bsdams pa la dbang byed pa'i don gyis so/ /gnyis ni dge sbyong gi tshul gyis 'bras bu'i phyir rab tu 'byung ba thob pa'i skal ba dang ldan pa la dbang byed pa'i don gyis so/ /gcig ni dge ba'i phyogs 'phel ba la dbang byed pa'i don gyis so/ /lnga ni shes bzhin du spyod pa la dbang byed pa'i don gyis so/ /lnga ni dge sbyong gi tshul gyi 'bras bu la sbyor ba'i lam la dbang byed pa'i don gyis so/ /gsum ni dge sbyong gi tshul gyis 'bras bu 'thob pa la dbang byed pa'i don gyis rnam par gzhag par blta bar bya'o/ /

【J2 以一頌結其八門】

བར་སྡོམ་ནི། ཡུལ་ལ་རྗེས་སུ་འཇུག་སོགས་དང༌། །གསལ་དང་ནང་དུ་བལྟས་པ་དང༌། །མཛེས་དང་སེམས་ཅན་རྣམ་གཉིས་དང༌། །བཏགས་དང་བསྡམས་ལ་སོགས་པ་ཡིན། །

bar sdom ni/ yul la rjes su 'jug sogs dang/ /gsal dang nang du bltas pa dang/ /mdzes dang sems can rnam gnyis dang/ /btags dang bsdams la sogs pa yin/ /

【I4 廣分別門】【J1 略以八門分別】【K1 辨八門】【L1 作業門】

མིག་གི་དབང་པོས་ཅི་བྱེད་ཅེ་ན། སྨྲས་པ། གཟུགས་རྣམས་ལ་བལྟས་པ་དང་ལྟ་བ་དང་ལྟ་བར་འགྱུར་བའོ། །དེ་བཞིན་དུ་རྣ་བའི་དབང་པོ་ལ་སོགས་པ་ཡིད་ཀྱི་དབང་པོའི་མཐར་ཐུག་པ་རྣམས་ཀྱི་ལས་ཀྱང་ཅི་རིགས་པར་བལྟ་བར་བྱའོ། །ཕོའི་དབང་པོ་དང་མོའི་དབང་པོ་གཉིས་ཀྱིས་ཅི་བྱེད་ཅེ་ན། སྨྲས་པ། ཆུང་མ་དང་བུ་དང་བུ་མོ་དང་ཕ་མ་དང་དེ་དང་འབྲེལ་པའི་གཉེན་འདབ་ཡོངས་སུ་འཛིན་པ་ཀུན་ཏུ་སྣང་བར་བྱེད་དོ། །སྲོག་གི་དབང་པོས་ཅི་བྱེད་ཅེ་ན། སྨྲས་པ། གསོན་པ་དང་འཚོ་བ་དང་འདུག་པ་དང་སྡོད་པ་ཞེས་བྱ་བའི་གྲངས་སུ་འགྲོ་བར་བྱེད་དོ། །ཚོར་བར་བསྡུས་པའི་དབང་པོ་རྣམས་ཀྱིས་ཅི་བྱེད་ཅེ་ན། སྨྲས་པ། འབྱོར་པ་དང་རྒུད་པ་ཉམས་སུ་མྱོང་བར་བྱེད་དོ། །དད་པ་ལ་སོགས་པའི་དབང་པོ་རྣམས་ཀྱིས་ཅི་བྱེད་ཅེ་ན། སྨྲས་པ། བདེ་འགྲོར་སྐྱེ་བ་དང་། མྱ་ངན་ལས་འདའ་བའི་ཚོགས་ཡོངས་སུ་རྫོགས་པར་བྱེད་དོ༑ །དབང་པོ་ཐ་མ་གསུམ་གྱིས་ཅི་བྱེད་ཅེ་ན། སྨྲས་པ། ཚེ་འདི་ལ་མྱ་ངན་ལས་འདའ་བ་འཐོབ་པར་བྱེད་དོ། །

mig gi dbang pos ci byed ce na/ smras pa/ gzugs rnams la bltas pa dang lta ba dang lta bar 'gyur ba'o/ /de bzhin du rna ba'i dbang po la sogs pa yid kyi dbang po'i mthar thug pa rnams kyi las kyang ci rigs par blta bar bya'o/ /pho'i dbang po dang mo'i dbang po gnyis kyis ci byed ce na/ smras pa/ chung ma dang bu dang bu mo dang pha ma dang de dang 'brel pa'i gnyen 'dab yongs su 'dzin pa kun tu snang bar byed do/ /srog gi dbang pos ci byed ce na/ smras pa/ gson pa dang 'tsho ba dang 'dug pa dang sdod pa zhes bya ba'i grangs su 'gro bar byed do/ /tshor bar bsdus pa'i dbang po rnams kyis ci byed ce na/ smras pa/ 'byor pa dang rgud pa nyams su myong bar byed do/ /dad pa la sogs pa'i dbang po rnams kyis ci byed ce na/ smras pa/ bde 'gror skye ba dang / mya ngan las 'da' ba'i tshogs yongs su rdzogs par byed do| /dbang po tha ma gsum gyis ci byed ce na/ smras pa/ tshe 'di la mya ngan las 'da' ba 'thob par byed do/ /

【L2 假實門】

དབང་པོ་དེ་དག་ལས་དུ་ནི་རྫས་སུ་ཡོད་པ་ཡིན། དུ་ནི་མ་ཡིན་ཞེ་ན། སྨྲས་པ། དྲུག་ནི་རྫས་སུ་ཡོད་པ་ཡིན་ནོ། །ལྷག་མ་རྣམས་ནི་མ་ཡིན་ནོ། །

dbang po de dag las du ni rdzas su yod pa yin/ du ni ma yin zhe na/ smras pa/ drug ni rdzas su yod pa yin no/ /lhag ma rnams ni ma yin no/ /

【L3 色心等分別門】【M1 約五法辨相攝】

དུ་ཞིག་གཟུགས་ཀྱིས་བསྡུས་པ་ཡིན་ཞེ་ན། སྨྲས་པ། བདུན་ནོ། །དུ་ཞིག་སེམས་ཀྱིས་བསྡུས་པ་ཡིན་ཞེ་ན། སྨྲས་པ། གཅིག་དང་གསུམ་གྱི་ཕྱོགས་སོ། །དུ་ཞིག་སེམས་ལས་བྱུང་བས་བསྡུས་པ་ཡིན་ཞེ་ན། སྨྲས་པ། བཅུ་དང་གསུམ་གྱི་ཕྱོགས་སོ། །དུ་ཞིག་སེམས་དང་ལྡན་པ་མ་ཡིན་པ་ཡིན་ཞེ་ན་སྨྲས་པ། གཅིག་གོ། །དུ་ཞིག་འདུས་བྱས་ཡིན་ཞེ་ན། སྨྲས་པ།

du zhig gzugs kyis bsdus pa yin zhe na/ smras pa/ bdun no/ /du zhig sems kyis bsdus pa yin zhe na/ smras pa/ gcig dang gsum gyi phyogs so/ /du zhig sems las byung bas bsdus pa yin zhe na/ smras pa/ bcu dang gsum gyi phyogs so/ /du zhig sems dang ldan pa ma yin pa yin zhe na smras pa/ gcig go/ /du zhig 'dus byas yin zhe na/ smras pa/

【M2 舉假根以明所屬】

ཐམས་ཅད་འདུས་བྱས་ཡིན་ཏེ། དབང་པོ་ལ་འདུས་བྱས་མ་ཡིན་པ་ནི་མེད་དོ། །ཕོའི་དབང་པོ་དང་མོའི་དབང་པོ། དབང་པོ་གང་གི་ཆ་ཡིན་ཞེ་ན། སྨྲས་པ། ལུས་ཀྱི་དབང་པོའིའོ། །དབང་པོ་ཐ་མ་གསུམ་གང་གི་ཆ་ཡིན་ཞེ་ན། སྨྲས་པ། དགུའི་སྟེ་ཡིད་ཀྱི་དབང་པོ་དང༌། དད་པ་ལ་སོགས་པ་ལྔ་དང་བདེ་བ་དང་ཡིད་བདེ་བ་དང་བཏང་སྙོམས་ཀྱི་དབང་པོ་རྣམས་ཀྱིའོ༑ །སྲོག་གི་དབང་པོ་གང་གི་ཆ་ཡིན་ཞེ་ན། སྨྲས་པ། གང་གི་ཡང་མ་ཡིན་ཏེ་དེ་ནི་སྔོན་གྱི་ལས་ཀྱིས་འཕངས་པའི་དུས་ངེས་པ་ལ་གདགས་པའི་ཕྱིར་བཏགས་པའི་ཡོད་པ་ཞེས་བྱའོ། །

thams cad 'dus byas yin te/ dbang po la 'dus byas ma yin pa ni med do/ /pho'i dbang po dang mo'i dbang po/ dbang po gang gi cha yin zhe na/ smras pa/ lus kyi dbang po'i'o/ /dbang po tha ma gsum gang gi cha yin zhe na/ smras pa/ dgu'i ste yid kyi dbang po dang/ dad pa la sogs pa lnga dang bde ba dang yid bde ba dang btang snyoms kyi dbang po rnams kyi'o| /srog gi dbang po gang gi cha yin zhe na/ smras pa/ gang gi yang ma yin te de ni sngon gyi las kyis 'phangs pa'i dus nges pa la gdags pa'i phyir btags pa'i yod pa zhes bya'o/ /

【L4 善等三性門】【M1 辨善性自有三義】

དུ་ཞིག་དགེ་བ་དག་ཡིན་ཞེ་ན། སྨྲས་པ། བརྒྱད་དམ་ལྔའམ་དྲུག་གི་ཕྱོགས་སོ། །

du zhig dge ba dag yin zhe na/ smras pa/ brgyad dam lnga'am drug gi phyogs so/ /

【M2 辨不善即六少分】

དུ་ཞིག་མི་དགེ་བ་དག་ཡིན་ཞེ་ན། སྨྲས་པ། དྲུག་གི་ཕྱོགས་གཅིག་གོ། །དུ་ཞིག་ལུང་དུ་མ་བསྟན་པ་དག་ཡིན་ཞེ་ན༑ སྨྲས་པ། བརྒྱད་དང་ལྔའི་ཕྱོགས་སོ། །

du zhig mi dge ba dag yin zhe na/ smras pa/ drug gi phyogs gcig go/ /du zhig lung du ma bstan pa dag yin zhe na| smras pa/ brgyad dang lnga'i phyogs so/ /

【L5 有異熟等門】【M1 辨有異熟】

དུ་ཞིག་རྣམ་པར་སྨིན་པ་དང་བཅས་པ་ཡིན་ཞེ་ན། སྨྲས་པ། གཅིག་དང་བཅུའི་ཕྱོགས་སོ། །

du zhig rnam par smin pa dang bcas pa yin zhe na/ smras pa/ gcig dang bcu'i phyogs so/ /

【M2 辨無異熟】

དུ་ཞིག་རྣམ་པར་སྨིན་པ་མེད་པ་དག་ཡིན་ཞེ་ན། སྨྲས་པ། བཅུ་གཅིག་དང་བཅུའི་ཕྱོགས་སོ༑ །

du zhig rnam par smin pa med pa dag yin zhe na/ smras pa/ bcu gcig dang bcu'i phyogs so| /

【M3 辨有異熟助伴】

དུ་ཞིག་རྣམ་པར་སྨིན་པ་དང་བཅས་པའི་གྲོགས་དག་ཡིན་ཞེ་ན། སྨྲས་པ༑ ཐ་མ་གསུམ་སྟེ། ལྷ་དང་མིའི་རྣམ་པར་སྨིན་པ་ཤིན་ཏུ་གསལ་ཞིང་ངེས་པའི་དོན་གྱིས་རྣམ་པར་སྨིན་པ་འདོད་པའི་གྲོགས་དག་ཡིན་ནོ། །

du zhig rnam par smin pa dang bcas pa'i grogs dag yin zhe na/ smras pa| tha ma gsum ste/ lha dang mi'i rnam par smin pa shin tu gsal zhing nges pa'i don gyis rnam par smin pa 'dod pa'i grogs dag yin no/ /

【M4 辨異熟】

དུ་ཞིག་རྣམ་པར་སྨིན་པ་ཡིན་ཞེ་ན། སྨྲས་པ། གཅིག་དང་དགུའི་ཕྱོགས་སོ། །

du zhig rnam par smin pa yin zhe na/ smras pa/ gcig dang dgu'i phyogs so/ /

【M5 辨有種子異熟】

དུ་ཞིག་གི་ས་བོན་དག་རྣམ་པར་སྨིན་པ་ཡིན་ཞེ་ན། སྨྲས་པ། ཐམས་ཅད་ཀྱིའོ། །

du zhig gi sa bon dag rnam par smin pa yin zhe na/ smras pa/ thams cad kyi'o/ /

【M6 辨非異熟】

དུ་ཞིག་རྣམ་པར་སྨིན་པ་མ་ཡིན་ཞེ་ན། སྨྲས་པ། བཅུ་གཉིས་དང་དགུའི་ཕྱོགས་སོ༑ །

du zhig rnam par smin pa ma yin zhe na/ smras pa/ bcu gnyis dang dgu'i phyogs so| /

【M7 辨異熟生】

དུ་ཞིག་རྣམ་པར་སྨིན་པ་ལས་སྐྱེས་པ་དག་ཡིན་ཞེ་ན། སྨྲས་པ། ཐམས་ཅད་ཁོ་ན་སྟེ་ས་བོན་གྱིས་བསྡུས་པའི་རྣམ་པར་སྨིན་པ་ལས་གྲུབ་པའི་ཕྱིར་རོ། །

du zhig rnam par smin pa las skyes pa dag yin zhe na/ smras pa/ thams cad kho na ste sa bon gyis bsdus pa'i rnam par smin pa las grub pa'i phyir ro/ /

【L6 三異分別門】

དུ་ཞིག་འདོད་པ་དང་ལྡན་པ་དག་ཡིན་ཞེ་ན། སྨྲས་པ། བཞི་དང་བཅོ་ལྔའི་ཕྱོགས་སོ། །དུ་ཞིག་གཟུགས་དང་ལྡན་པ་དག་ཡིན་ཞེ་ན། སྨྲས་པ། བཅོ་ལྔའི་ཕྱོགས་སོ། །དུ་ཞིག་གཟུགས་མེད་པ་དང་ལྡན་པ་དག་ཡིན་ཞེ་ན། སྨྲས་པ། དབང་པོ་བརྒྱད་ཀྱི་ཕྱོགས་སོ། །དུ་ཞིག་ལྡན་པ་མ་ཡིན་པ་དག་ཡིན་ཞེ་ན། སྨྲས་པ། གསུམ་དང་དགུའི་ཕྱོགས་སོ། །

du zhig 'dod pa dang ldan pa dag yin zhe na/ smras pa/ bzhi dang bco lnga'i phyogs so/ /du zhig gzugs dang ldan pa dag yin zhe na/ smras pa/ bco lnga'i phyogs so/ /du zhig gzugs med pa dang ldan pa dag yin zhe na/ smras pa/ dbang po brgyad kyi phyogs so/ /du zhig ldan pa ma yin pa dag yin zhe na/ smras pa/ gsum dang dgu'i phyogs so/ /

【L7 諸地多少門】【M1 約地】

དུ་ཞིག་མི་ལྕོགས་པ་མེད་པའི་ས་ལ་དམིགས་ཤེ་ན། སྨྲས་པ། བཅུ་གཅིག་གོ། །གལ་ཏེ་མི་ལྕོགས་པ་མེད་པ་ནི་ཡིད་བདེ་བའི་དབང་པོ་ཡོད་ན། དེ་ལྟ་ན་ཅིའི་ཕྱིར་བསམ་གཏན་དང་པོ་བཞིན་དུ་དགའ་བ་དང་བཅས་པར་རྣམ་པར་མི་གཞག་ཅེ་ན། སྨྲས་པ། དེ་ན་དགའ་བ་གཡོ་བའི་ཕྱིར་རོ། །དེ་ན་དེ་ཡོད་པ་ཉིད་དུ་ཡིད་ཆེས་པར་འགྱུར་བའི་ལུང་གང་ཡིན་ཞེ་ན། སྨྲས་པ། བཅོམ་ལྡན་འདས་ཀྱིས་འདི་ན་དགེ་སློང་དབེན་པ་ལས་སྐྱེས་པའི་དགའ་བ་དང༌། བདེ་བས་ལུས་དེ་ཉིད་མངོན་པར་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཁྱབ་པར་བྱེད། ཡོངས་སུ་ཚིམ་པར་བྱེད་དེ། དེའི་ལུས་ལ་འདི་ལྟ་སྟེ། དབེན་པ་ལས་སྐྱེས་པའི་དགའ་བ་དང་བདེ་བས་མ་ཁྱབ་པ་དང་ཁྱབ་པར་བྱ་བ་ཆུང་ཟད་ཀྱང་མེད་དོ་ཞེས་ཇི་སྐད་དུ་གསུངས་པ་སྟེ། དེ་ལ་རྣམ་གྲངས་དང་པོ་དག་གིས་ནི་མི་ལྕོགས་པ་མེད་པའི་གནས་སྐབས་བསྟན་ཏོ། །རྣམ་གྲངས་ཐ་མས་ནི་དངོས་གཞིའི་གནས་སྐབས་བསྟན་ཏོ། །བསམ་གཏན་དང་པོའི་ས་ན་དབང་པོ་དུ་དག་དམིགས་ཤེ་ན། སྨྲས་པ། བཅོ་བརྒྱད་དོ། །བསམ་གཏན་གཉིས་པའི་ས་ན་ཡང་དེ་དག་ཉིད་དོ། །བསམ་གཏན་གསུམ་པའི་ས་ན་དབང་པོ་དུ་དག་དམིགས་ཤེ་ན། སྨྲས་པ། བཅུ་བདུན་ནོ། །བསམ་གཏན་བཞི་པའི་ས་ན་ནི་བཅུ་དྲུག་གོ། །ནམ་མཁའ་མཐའ་ཡས་སྐྱེ་མཆེད་ཀྱི་ས་ན་དབང་པོ་དུ་དག་དམིགས་ཤེ་ན། སྨྲས་པ། བཅུ་གཅིག་གོ། །ནམ་མཁའ་མཐའ་ཡས་སྐྱེ་མཆེད་ཀྱི་ས་ན་ཇི་ལྟ་བ་བཞིན་དུ་རྣམ་ཤེས་མཐའ་ཡས་སྐྱེ་མཆེད་ཀྱི་ས་དང་ཅི་ཡང་མེད་པའི་སྐྱེ་མཆེད་ཀྱི་ས་ན་ཡང་དེ་བཞིན་དུ་བལྟ་བར་བྱའོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་ས་ན་དབང་པོ་དུ་དག་དམིགས་ཤེ་ན། སྨྲས་པ། བརྒྱད་དོ། །

du zhig mi lcogs pa med pa'i sa la dmigs she na/ smras pa/ bcu gcig go/ /gal te mi lcogs pa med pa ni yid bde ba'i dbang po yod na/ de lta na ci'i phyir bsam gtan dang po bzhin du dga' ba dang bcas par rnam par mi gzhag ce na/ smras pa/ de na dga' ba g.yo ba'i phyir ro/ /de na de yod pa nyid du yid ches par 'gyur ba'i lung gang yin zhe na/ smras pa/ bcom ldan 'das kyis 'di na dge slong dben pa las skyes pa'i dga' ba dang/ bde bas lus de nyid mngon par rlan par byed/ yongs su rlan par byed/ yongs su khyab par byed/ yongs su tshim par byed de/ de'i lus la 'di lta ste/ dben pa las skyes pa'i dga' ba dang bde bas ma khyab pa dang khyab par bya ba chung zad kyang med do zhes ji skad du gsungs pa ste/ de la rnam grangs dang po dag gis ni mi lcogs pa med pa'i gnas skabs bstan to/ /rnam grangs tha mas ni dngos gzhi'i gnas skabs bstan to/ /bsam gtan dang po'i sa na dbang po du dag dmigs she na/ smras pa/ bco brgyad do/ /bsam gtan gnyis pa'i sa na yang de dag nyid do/ /bsam gtan gsum pa'i sa na dbang po du dag dmigs she na/ smras pa/ bcu bdun no/ /bsam gtan bzhi pa'i sa na ni bcu drug go/ /nam mkha' mtha' yas skye mched kyi sa na dbang po du dag dmigs she na/ smras pa/ bcu gcig go/ /nam mkha' mtha' yas skye mched kyi sa na ji lta ba bzhin du rnam shes mtha' yas skye mched kyi sa dang ci yang med pa'i skye mched kyi sa na yang de bzhin du blta bar bya'o/ /'du shes med 'du shes med min skye mched kyi sa na dbang po du dag dmigs she na/ smras pa/ brgyad do/ /

【M2 無漏】

བསམ་གཏན་དང་པོའི་སས་བསྡུས་པའི་དབང་པོ་རྣམས་ཟག་པ་དང་བཅས་པའམ། ཟག་པ་མེད་པར་བརྗོད་པར་བྱ་ཞེ་ན། སྨྲས་པ། རྣམ་པ་གཉི་གར་བརྗོད་པར་བྱའོ། །བསམ་གཏན་དང་པོའི་སས་བསྡུས་པ་དག་ཇི་ལྟ་བ་བཞིན་དུ་ཅི་ཡང་མེད་པའི་སྐྱེ་མཆེད་ཀྱི་སའི་བར་གྱིས་བསྡུས་པ་དག་ཀྱང་དེ་བཞིན་ནོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སས་བསྡུས་པའི་དབང་པོ་རྣམས་ནི་རིགས་ལས་ནི་ཟག་པ་དང་བཅས་པ་དག་ཏུ་བརྗོད་པར་བྱའོ། །རྒྱུད་ལས་ནི་རྣམ་པ་གཉི་གར་བརྗོད་པར་བྱའོ། །ཟག་པ་མེད་པ་དེ་དག་ནི་ཉོན་མོངས་པ་ལས་རྣམ་པར་གྲོལ་བ་ལས་རིག་པར་བྱའོ། །ཟག་པ་དང་བཅས་པ་དང༌། ཟག་པ་མེད་པ་དག་ཇི་ལྟ་བ་བཞིན་དུ་སྤང་བར་བྱ་བ་དང་སྤང་བར་བྱ་བ་མ་ཡིན་པ་དང༌། འཇིག་རྟེན་པ་དང་འཇིག་རྟེན་ལས་འདས་པ་དག་ཀྱང་དེ་བཞིན་དུ་བལྟ་བར་བྱའོ། །

bsam gtan dang po'i sas bsdus pa'i dbang po rnams zag pa dang bcas pa'am/ zag pa med par brjod par bya zhe na/ smras pa/ rnam pa gnyi gar brjod par bya'o/ /bsam gtan dang po'i sas bsdus pa dag ji lta ba bzhin du ci yang med pa'i skye mched kyi sa'i bar gyis bsdus pa dag kyang de bzhin no/ /'du shes med 'du shes med min skye mched kyi sas bsdus pa'i dbang po rnams ni rigs las ni zag pa dang bcas pa dag tu brjod par bya'o/ /rgyud las ni rnam pa gnyi gar brjod par bya'o/ /zag pa med pa de dag ni nyon mongs pa las rnam par grol ba las rig par bya'o/ /zag pa dang bcas pa dang/ zag pa med pa dag ji lta ba bzhin du spang bar bya ba dang spang bar bya ba ma yin pa dang/ 'jig rten pa dang 'jig rten las 'das pa dag kyang de bzhin du blta bar bya'o/ /

【M3 成熟多少】【N1 約欲界以辨成就多少】【O1 總辨欲界】【P1 欲界一切】

འདོད་པའི་ཁམས་སུ་སྐྱེས་ཤིང་བྱུང་བ་དབང་པོ་དུ་དག་དང་ལྡན་པར་བརྗོད་པར་བྱ་ཞེ་ན། སྨྲས་པ། སྲིད་པའི་དབང་དུ་བྱས་ནས་ཐམས་ཅད་དང་ངོ༌། །

'dod pa'i khams su skyes shing byung ba dbang po du dag dang ldan par brjod par bya zhe na/ smras pa/ srid pa'i dbang du byas nas thams cad dang ngo/ /

【P2 那落迦成就】【Q1 問】

སེམས་ཅན་དམྱལ་བར་སྐྱེས་པ་དུ་དག་དང་ལྡན་ཞེ་ན།

sems can dmyal bar skyes pa du dag dang ldan zhe na/

【Q2 答】【R1 現種俱成句】

སྨྲས་པ། བརྒྱད་དང་ནི་ཀུན་དུ་འབྱུང་བ་དང་ས་བོན་ལས་ལྡན་པ་ཡིན་ནོ། །

smras pa/ brgyad dang ni kun du 'byung ba dang sa bon las ldan pa yin no/ /

【R2 種現定不定句】

ལྷག་མ་རྣམས་ལས་གསུམ་མ་གཏོགས་པ་དག་དང་ནི་ལྡན་པའང་ཡོད། མི་ལྡན་པའང་ཡོད་དོ།

lhag ma rnams las gsum ma gtogs pa dag dang ni ldan pa'ang yod/ mi ldan pa'ang yod do/

【R3 現定無種不定句】

གསུམ་དང་ནི་ཀུན་དུ་འབྱུང་བ་ལས་ནི་མི་ལྡན་པ་ཡིན་ལ་ས་བོན་ལས་ནི་གལ་ཏེ་ཡོངས་སུ་མྱ་ངན་ལས་འདའ་བའི་ཆོས་ཅན་ཡིན་ན་ནི་ལྡན་ནོ། །གལ་ཏེ་ཡོངས་སུ་མྱ་ངན་ལས་འདའ་བའི་ཆོས་ཅན་མ་ཡིན་ན་ནི་མི་ལྡན་ནོ། །

gsum dang ni kun du 'byung ba las ni mi ldan pa yin la sa bon las ni gal te yongs su mya ngan las 'da' ba'i chos can yin na ni ldan no/ /gal te yongs su mya ngan las 'da' ba'i chos can ma yin na ni mi ldan no/ /

【R4 現定無種定有句】

གཞན་གསུམ་དང་ནི་ཀུན་དུ་འབྱུང་བ་ལས་ནི་མི་ལྡན་ནོ། །ས་བོན་ལས་ནི་ལྡན་ནོ། །སེམས་ཅན་དམྱལ་བར་སྐྱེས་པ་ཇི་ལྟ་བ་བཞིན་དུ་གཅིག་ཏུ་སྡུག་བསྔལ་བའི་དུད་འགྲོ་རྣམས་དང་ཡི་དྭགས་རྣམས་ལ་ཡང་དེ་བཞིན་དུ་བལྟ་བར་བྱའོ། །བདེ་བ་དང་སྡུག་བསྔལ་འདྲེན་མར་ཉམས་སུ་མྱོང་བ་རྣམས་ལ་ནི་ཐ་མ་གསུམ་དང་ཀུན་དུ་འབྱུང་བ་ལས་ལྡན་པར་བལྟ་བར་བྱའོ། །

gzhan gsum dang ni kun du 'byung ba las ni mi ldan no/ /sa bon las ni ldan no/ /sems can dmyal bar skyes pa ji lta ba bzhin du gcig tu sdug bsngal ba'i dud 'gro rnams dang yi dwags rnams la yang de bzhin du blta bar bya'o/ /bde ba dang sdug bsngal 'dren mar nyams su myong ba rnams la ni tha ma gsum dang kun du 'byung ba las ldan par blta bar bya'o/ /

【O2 約五趣以辨】

མིར་སྐྱེས་པ་དབང་པོ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ནི་ཐམས་ཅད་དང་ངོ༌། །མིར་སྐྱེས་པ་ཇི་ལྟ་བ་བཞིན་དུ་ལྷར་སྐྱེས་པ་ཡང་དེ་བཞིན་ནོ། །

mir skyes pa dbang po du dag dang ldan zhe na/ smras pa/ srid pa las ni thams cad dang ngo/ /mir skyes pa ji lta ba bzhin du lhar skyes pa yang de bzhin no/ /

【O3 相續別辨】

དབང་པོ་མ་ཚང་བ་དབང་པོ་དུ་དག་དང་ལྡན་ཞེ་ན། སྨྲས་པ། ལྔ་མ་གཏོགས་པར་སྲིད་པ་ལས་དེ་ལས་གཞན་པ་དག་དང་ངོ༌། །དབང་པོ་ཚང་བ་ནི་སྲིད་པ་ལས་ཐམས་ཅད་དང་ངོ༌། །ཟ་མ་དུ་དང་ལྡན་ཞེ་ན། སྨྲས་པ། ལྔ་མ་གཏོགས་པར་སྲིད་པ་ལས་དེ་ལས་གཞན་པ་ཐམས་ཅད་དང་ངོ༌། །བུད་མེད་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ཉི་ཤུ་རྩ་གཅིག་དང་ངོ༌། །སྐྱེས་པ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ཉི་ཤུ་རྩ་གཅིག་ཁོ་ན་དང་ངོ༌། །མཚན་གཉིས་པ་དུ་དག་དང་ལྡན་ཞེ་ན༑ སྨྲས་པ། སྲིད་པ་ལས་བཅུ་དགུ་དང་ངོ༌། །དགེ་བའི་རྩ་བ་ཆད་པ་དུ་དག་དང་ལྡན་ཞེ་ན། སྨྲས་པ། བརྒྱད་མ་གཏོགས་པར་སྲིད་པ་དེ་ལས་གཞན་པ་དག་དང་ངོ༌། །དགེ་བའི་རྩ་བ་མ་ཆད་པ་དུ་དང་ལྡན་ཞེ་ན། སྨྲས་པ། སྲིད་པ་ལས་ཐམས་ཅད་དང་ངོ༌། །སོ་སོའི་སྐྱེ་བོ་དུ་དག་དང་ལྡན་ཞེ་ན། སྨྲས་པ༑ གསུམ་མ་གཏོགས་པར་སྲིད་པ་ལས་བཅུ་དགུ་དང་ངོ༌། །བདེན་པ་མཐོང་བ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ཐམས་ཅད་དང་ངོ༌། །སློབ་པ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ཉི་ཤུ་རྩ་གཅིག་དང་ངོ༌། །མི་སློབ་པ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་བཅུ་དགུ་དང་ངོ༌། །རྒྱུན་དུ་ཞུགས་པའི་འབྲས་བུའི་ཕྱིར་ཞུགས་པ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ཉི་ཤུ་དང་ངོ༌། །རྒྱུན་དུ་ཞུགས་པ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་ཉི་ཤུ་ཁོ་ན་དང་ངོ༌། །རྒྱུན་དུ་ཞུགས་པ་ཇི་ལྟ་བ་བཞིན་དུ་ལན་ཅིག་ཕྱིར་འོང་བའི་འབྲས་བུའི་ཕྱིར་ཞུགས་པ་དང་ལན་ཅིག་ཕྱིར་འོང་བ་དང་ཕྱིར་མི་འོང་བའི་འབྲས་བུའི་ཕྱིར་ཞུགས་པ་དང་ཡང་དེ་བཞིན་དུ་བལྟ་བར་བྱའོ། །ཕྱིར་མི་འོང་བ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་བཅུ་དགུ་དང་ངོ༌། །ཕྱིར་མི་འོང་བ་ཇི་ལྟ་བ་བཞིན་དུ་དགྲ་བཅོམ་པ་ཉིད་ཀྱི་འབྲས་བུའི་ཕྱིར་ཞུགས་པའང་དེ་བཞིན་ནོ། །དགྲ་བཅོམ་པ་དབང་པོ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་བཅུ་དགུ་ཁོ་ན་དང་ངོ༌། །

dbang po ma tshang ba dbang po du dag dang ldan zhe na/ smras pa/ lnga ma gtogs par srid pa las de las gzhan pa dag dang ngo/ /dbang po tshang ba ni srid pa las thams cad dang ngo/ /za ma du dang ldan zhe na/ smras pa/ lnga ma gtogs par srid pa las de las gzhan pa thams cad dang ngo/ /bud med du dag dang ldan zhe na/ smras pa/ srid pa las nyi shu rtsa gcig dang ngo/ /skyes pa du dag dang ldan zhe na/ smras pa/ srid pa las nyi shu rtsa gcig kho na dang ngo/ /mtshan gnyis pa du dag dang ldan zhe na| smras pa/ srid pa las bcu dgu dang ngo/ /dge ba'i rtsa ba chad pa du dag dang ldan zhe na/ smras pa/ brgyad ma gtogs par srid pa de las gzhan pa dag dang ngo/ /dge ba'i rtsa ba ma chad pa du dang ldan zhe na/ smras pa/ srid pa las thams cad dang ngo/ /so so'i skye bo du dag dang ldan zhe na/ smras pa| gsum ma gtogs par srid pa las bcu dgu dang ngo/ /bden pa mthong ba du dag dang ldan zhe na/ smras pa/ srid pa las thams cad dang ngo/ /slob pa du dag dang ldan zhe na/ smras pa/ srid pa las nyi shu rtsa gcig dang ngo/ /mi slob pa du dag dang ldan zhe na/ smras pa/ srid pa las bcu dgu dang ngo/ /rgyun du zhugs pa'i 'bras bu'i phyir zhugs pa du dag dang ldan zhe na/ smras pa/ srid pa las nyi shu dang ngo/ /rgyun du zhugs pa du dag dang ldan zhe na/ smras pa/ srid pa las nyi shu kho na dang ngo/ /rgyun du zhugs pa ji lta ba bzhin du lan cig phyir 'ong ba'i 'bras bu'i phyir zhugs pa dang lan cig phyir 'ong ba dang phyir mi 'ong ba'i 'bras bu'i phyir zhugs pa dang yang de bzhin du blta bar bya'o/ /phyir mi 'ong ba du dag dang ldan zhe na/ smras pa/ srid pa las bcu dgu dang ngo/ /phyir mi 'ong ba ji lta ba bzhin du dgra bcom pa nyid kyi 'bras bu'i phyir zhugs pa'ang de bzhin no/ /dgra bcom pa dbang po du dag dang ldan zhe na/ smras pa/ srid pa las bcu dgu kho na dang ngo/ /

【N2 約色界辨有十八】

གཟུགས་ཀྱི་ཁམས་སུ་སྐྱེས་པ་དབང་པོ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་བཅོ་བརྒྱད་དང་ངོ༌། །

gzugs kyi khams su skyes pa dbang po du dag dang ldan zhe na/ smras pa/ srid pa las bco brgyad dang ngo/ /

【N3 約無色辨有十一】

གཟུགས་མེད་པའི་ཁམས་སུ་སྐྱེས་པ་དབང་པོ་དུ་དག་དང་ལྡན་ཞེ་ན། སྨྲས་པ། སྲིད་པ་ལས་བཅུ་གཅིག་དང་ངོ༌། །

gzugs med pa'i khams su skyes pa dbang po du dag dang ldan zhe na/ smras pa/ srid pa las bcu gcig dang ngo/ /

【L8 死生得捨門】【M1 明欲界死生得捨】【N1 問】

འདོད་པའི་ཁམས་ནས་ཤི་འཕོས་ནས་དེ་ཉིད་དུ་སྐྱེ་བ་ན། དབང་པོ་དུ་དག་ནི་སྤོང་བར་བྱེད། དུ་ནི་འཐོབ་པར་བྱེད་ཅེ་ན།

'dod pa'i khams nas shi 'phos nas de nyid du skye ba na/ dbang po du dag ni spong bar byed/ du ni 'thob par byed ce na/

【N2 答】【O1 約有漏根以辨得捨】【P1 辨色根得捨】【Q1 總標說】【R1 缺具以辨四句】

སྨྲས་པ། རེ་ཞིག་གཟུགས་ཅན་རྣམས་ནི་སྲིད་པ་ལས་མ་ཚང་བ་རྣམས་སྤོང་བར་བྱེད་ཅིང་མ་ཚང་བ་རྣམས་འཐོབ་པར་བྱེད་པ་དང༌། མ་ཚང་བ་རྣམས་སྤོང་བར་བྱེད་ཅིང་ཚང་བ་རྣམས་འཐོབ་པར་བྱེད་པ་དང༌། ཚང་བ་རྣམས་སྤོང་བར་བྱེད་ཅིང་མ་ཚང་བ་རྣམས་འཐོབ་པར་བྱེད་པ་དང༌།

smras pa/ re zhig gzugs can rnams ni srid pa las ma tshang ba rnams spong bar byed cing ma tshang ba rnams 'thob par byed pa dang/ ma tshang ba rnams spong bar byed cing tshang ba rnams 'thob par byed pa dang/ tshang ba rnams spong bar byed cing ma tshang ba rnams 'thob par byed pa dang/

【R2 約勝劣以辨四句】

དམན་པ་རྣམས་སྤོང་བར་བྱེད་ཅིང༌། དམན་པ་རྣམས་འཐོབ་པར་བྱེད་པ་དང་། དམན་པ་རྣམས་སྤོང་བར་བྱེད་ཅིང་། ཁྱད་པར་དུ་འཕགས་པ་རྣམས་འཐོབ་པར་བྱེད་པ་དང༌། ཁྱད་པར་དུ་འཕགས་པ་རྣམས་སྤོང་བར་བྱེད་ཅིང་ཁྱད་པར་དུ་འཕགས་པ་རྣམས་འཐོབ་པར་བྱེད་པ་དང༌། ཁྱད་པར་དུ་འཕགས་པ་རྣམས་སྤོང་བར་བྱེད་ཅིང༌། དམན་པ་རྣམས་འཐོབ་པར་བྱེད་དོ། །

dman pa rnams spong bar byed cing/ dman pa rnams 'thob par byed pa dang / dman pa rnams spong bar byed cing / khyad par du 'phags pa rnams 'thob par byed pa dang/ khyad par du 'phags pa rnams spong bar byed cing khyad par du 'phags pa rnams 'thob par byed pa dang/ khyad par du 'phags pa rnams spong bar byed cing/ dman pa rnams 'thob par byed do/ /

【Q2 別辨得捨】【R1 辨異熟根】

ཡིད་ཀྱི་དབང་པོ་དང་སྲོག་གི་དབང་པོ་གཉིས་ཀྱི་དམན་པ་དང་ཁྱད་པར་དུ་འཕགས་པ་སྤོང་བ་དང་འཐོབ་པར་བྱེད་པ་དག་ཀྱང་དེ་བཞིན་དུ་བལྟ་བར་བྱའོ། །ཚོར་བའི་དབང་པོ་རྣམས་ཀྱི་དམན་པ་དང་ཁྱད་པར་དུ་འཕགས་པ་སྤོང་བ་དང་འཐོབ་པར་བྱེད་པ་དག་ཀྱང་རྣམ་པར་སྨིན་པའི་འབྲས་བུའི་བྱེ་བྲག་ལས་དེ་ཁོ་ན་བཞིན་དུ་ཅི་རིགས་པར་བལྟ་བར་བྱའོ། །

yid kyi dbang po dang srog gi dbang po gnyis kyi dman pa dang khyad par du 'phags pa spong ba dang 'thob par byed pa dag kyang de bzhin du blta bar bya'o/ /tshor ba'i dbang po rnams kyi dman pa dang khyad par du 'phags pa spong ba dang 'thob par byed pa dag kyang rnam par smin pa'i 'bras bu'i bye brag las de kho na bzhin du ci rigs par blta bar bya'o/ /

【R2 辨等流根】

དབང་པོ་དགེ་བ་རྣམས་ནི་རྒྱུ་མཐུན་པའི་འབྲས་བུ་ལས་གོང་ནས་གོང་དུ་ཁྱད་པར་དུ་འཕགས་པ་འཐོབ་ཅིང་སྔོན་གྱི་དམན་པ་སྤོང་བར་བལྟ་བར་བྱའོ། །

dbang po dge ba rnams ni rgyu mthun pa'i 'bras bu las gong nas gong du khyad par du 'phags pa 'thob cing sngon gyi dman pa spong bar blta bar bya'o/ /

【P2 辨無色根得捨】

ཁྱད་པར་དུ་འཕགས་པ་སྤོང་ཞིང་དམན་པ་འཐོབ་པ་སྐྱེ་བ་ལས་ནི་མེད་དེ་ལོག་པའི་སྦྱོར་བ་མེད་པར་བྱེད་དོ། །

khyad par du 'phags pa spong zhing dman pa 'thob pa skye ba las ni med de log pa'i sbyor ba med par byed do/ /

【O2 明不說無漏根之所以】

དབང་པོ་ཐ་མ་གསུམ་ནི་ཐམས་ཅད་ཀྱི་ཐམས་ཅད་དུ་སྐྱེ་བ་དང་མི་མཐུན་པ་ཁོ་ན་ཡིན་ནོ། །

dbang po tha ma gsum ni thams cad kyi thams cad du skye ba dang mi mthun pa kho na yin no/ /

【M2 明上界得捨】【N1 明有漏根死生得捨】【O1 辨色生】

འདོད་པའི་ཁམས་ནས་ཤི་འཕོས་ནས་གཟུགས་ཀྱི་ཁམས་སུ་སྐྱེ་བ་ན་དབང་པོ་དུ་དག་ནི་སྤོང་བར་བྱེད། དུ་དག་ནི་འཐོབ་པར་བྱེད་ཅེ་ན།

'dod pa'i khams nas shi 'phos nas gzugs kyi khams su skye ba na dbang po du dag ni spong bar byed/ du dag ni 'thob par byed ce na/

【O2 類解】

སྨྲས་པ། ས་འོག་མ་པའི་དབང་པོ་ཐམས་ཅད་ནི་སྤོང་བར་བྱེད་ལ། ས་གོང་མ་པའི་ཐམས་ཅད་ནི་སྲིད་པ་ལས་འཐོབ་པར་བྱེད་དོ། །འདོད་པའི་ཁམས་ནས་ཤི་འཕོས་ནས་གཟུགས་ཀྱི་ཁམས་སུ་སྐྱེ་བ་ན་ཇི་ལྟ་བ་དེ་བཞིན་དུ་གཟུགས་མེད་པའི་ཁམས་སུ་སྐྱེ་བ་ན་ཡང་དེ་བཞིན་ནོ། །གཟུགས་ཀྱི་ཁམས་ནས་ཤི་འཕོས་ནས་གཟུགས་མེད་པའི་ཁམས་སུ་སྐྱེ་བ་ན་ཡང་དེ་བཞིན་ནོ། །

smras pa/ sa 'og ma pa'i dbang po thams cad ni spong bar byed la/ sa gong ma pa'i thams cad ni srid pa las 'thob par byed do/ /'dod pa'i khams nas shi 'phos nas gzugs kyi khams su skye ba na ji lta ba de bzhin du gzugs med pa'i khams su skye ba na yang de bzhin no/ /gzugs kyi khams nas shi 'phos nas gzugs med pa'i khams su skye ba na yang de bzhin no/ /

【N2 明無漏根】【O1 辨證果方便得不由死生】

དབང་པོ་ཐ་མ་གསུམ་ནི་དགེ་སློང་གི་ཚུལ་གྱི་འབྲས་བུའི་སྦྱོར་བ་ཐོབ་པ་ལས་དམིགས་པར་འགྱུར་གྱི་འཆི་འཕོ་དང་སྐྱེ་བ་ལས་ནི་མ་ཡིན་ཏེ།

dbang po tha ma gsum ni dge slong gi tshul gyi 'bras bu'i sbyor ba thob pa las dmigs par 'gyur gyi 'chi 'pho dang skye ba las ni ma yin te/

【O2 辨得二果】

སྔོན་བསྒོམས་པའི་སྟོབས་བསྐྱེད་པས་འདིར་རྒྱུ་མཐུན་པ་ཆེས་གསལ་བ་དག་འབྱུང་བར་འགྱུར་ཞིང༌། ཆེས་འོད་གསལ་བར་སྐྱེ་བའི་ཕྱིར་རྣམ་པར་སྨིན་པའི་འབྲས་བུ་ནི་རྐྱེན་དུ་གྱུར་པ་དག་ཡིན་ནོ། །

sngon bsgoms pa'i stobs bskyed pas 'dir rgyu mthun pa ches gsal ba dag 'byung bar 'gyur zhing/ ches 'od gsal bar skye ba'i phyir rnam par smin pa'i 'bras bu ni rkyen du gyur pa dag yin no/ /

【K2 一頌結其八門】

བར་སྡོམ་ནི། ལས་དང་རྫས་དང་གཟུགས་སོགས་དང༌། །དགེ་ལ་སོགས་དང་རྣམ་སྨིན་དང༌། །ཁམས་དང་ས་དང་འཐོབ་པ་དང༌། །འཆི་འཕོ་སྐྱེ་བ་ཁོ་ན་ཡིན། །

bar sdom ni/ las dang rdzas dang gzugs sogs dang/ /dge la sogs dang rnam smin dang/ /khams dang sa dang 'thob pa dang/ /'chi 'pho skye ba kho na yin/ /

【J2 約六門復廣分別】【K1 辨六門】【L1 辨義】【M1 有境無境門】

དབང་པོ་དུ་ཞིག་ཡུལ་གྱི་དོན་དང་ལྡན་པ་དག་ཡིན་ལ་དུ་ནི་མ་ཡིན་ཞེ་ན། སྨྲས་པ། ཉི་ཤུ་རྩ་གཅིག་ནི་དོན་དང་ལྡན་པ་ཡིན་ལ་གཅིག་ནི་མ་ཡིན་ནོ། །

dbang po du zhig yul gyi don dang ldan pa dag yin la du ni ma yin zhe na/ smras pa/ nyi shu rtsa gcig ni don dang ldan pa yin la gcig ni ma yin no/ /

【M2 助伴門】

དུ་ཞིག་གཟུགས་ཅན་མ་ཡིན་པ་དང་ལྷན་ཅིག་ཏུ་དོན་ལ་འཇུག་ཅེ་ན། སྨྲས་པ། གཟུགས་ཅན་དང་པོ་བདུན་ནོ། །དུ་ཞིག་གཟུགས་ཅན་དང་གཟུགས་ཅན་མ་ཡིན་པ་དང་ལྷན་ཅིག་ཏུ་དོན་ལ་འཇུག་ཅེ་ན། སྨྲས་པ། དེ་ལས་གཞན་པ་ལྷག་མ་རྣམས་སོ། །

du zhig gzugs can ma yin pa dang lhan cig tu don la 'jug ce na/ smras pa/ gzugs can dang po bdun no/ /du zhig gzugs can dang gzugs can ma yin pa dang lhan cig tu don la 'jug ce na/ smras pa/ de las gzhan pa lhag ma rnams so/ /

【M3 別辨所取義門】

དོན་དང་བཅས་པ་གང་དག་ཡིན་པ་ལས་དབང་པོ་ལྔའི་དོན་གང་ཞེ་ན། སྨྲས་པ། གཟུགས་ལ་སོགས་པ་ཡུལ་སོ་སོར་ངེས་པ་ལྔའོ། །དབང་པོ་དྲུག་པའི་དོན་གང་ཞེ་ན། སྨྲས་པ། ཆོས་ཐམས་ཅད་དོ། །ཕོ་དང་མོའི་དབང་པོ་གཉིས་ཀྱི་དོན་གང་ཞེ་ན། སྨྲས་པ། རེག་བྱས་བསྡུས་པ་ཁོ་ནའི་ཕོ་དང་མོའི་དབང་པོ་ཕན་ཚུན་འཁྲིག་པའི་སྦྱོར་བའོ། །ཚོར་བའི་དབང་པོ་ལྔའི་དོན་གང་ཞེ་ན། སྨྲས་པ། བདེ་བ་དང་སྡུག་བསྔལ་བ་དང་ཡིད་བདེ་བ་དང་ཡིད་མི་བདེ་བ་དང་བཏང་སྙོམས་ཀྱི་གནས་ལྟ་བུ་དག་སྟེ་དབང་པོ་དྲུག་པོ་དེ་དག་ཉིད་ཀྱི་དོན་རྣམས་སོ། །དད་པའི་དབང་པོའི་དོན་གང་ཞེ་ན། སྨྲས་པ། སྤང་བར་བྱ་བ་དང་ཐོབ་པར་བྱ་བའི་ཡུལ་ལོ། །བརྩོན་འགྲུས་ཀྱི་དབང་པོའི་དོན་གང་ཞེ་ན། སྨྲས་པ། དེ་གཉིས་ཁོ་ན་འཐོབ་པར་བྱ་བ་ལ་ཞུམ་པ་མེད་པ་དང༌། སྤང་བར་བྱ་བ་ལ་ཞུམ་པ་མེད་པའོ། །དྲན་པའི་དབང་པོའི་དོན་གང་ཞེ་ན། སྨྲས་པ། མཉན་པ་དང་བསམ་པ་དང་བསྒོམ་པ་ངེས་པར་འཛིན་པའོ། །ཏིང་ངེ་འཛིན་གྱི་དབང་པོའི་དོན་གང་ཞེ་ན། སྨྲས་པ། ཞི་གནས་དང་ལྷག་མཐོང་ངོ༌། །ཤེས་རབ་ཀྱི་དབང་པོའི་དོན་གང་ཞེ་ན། སྨྲས་པ། ཤེས་བྱའི་དེ་ཁོ་ནའོ། །མི་ཤེས་པ་ཀུན་ཤེས་པར་བྱེད་པའི་དབང་པོའི་དོན་གང་ཞེ་ན། སྨྲས་པ། བདེན་པ་མངོན་པར་རྟོགས་པ་ལ་བརྩོན་པ་དགེ་བའི་ཆོས་ལ་འདུན་པ་ནས་བཟུང་སྟེ། སྦྱོར་བའི་ལས་ཐམས་ཅད་ལ་དབང་པོ་ལྔའི་དོན་གང་ཡིན་པ་དེ་ཉིད་འདིའི་དོན་ཡིན་པར་བལྟ་བར་བྱའོ། །ཀུན་ཤེས་པའི་དབང་པོའི་དོན་གང་ཞེ་ན། སྨྲས་པ། རྒྱུན་དུ་ཞུགས་པའི་འབྲས་བུ་ནས་བཟུང་སྟེ། རྡོ་རྗེ་ལྟ་བུའི་ཏིང་ངེ་འཛིན་གྱི་བར་དུ་དབང་པོ་ལྔའི་དོན་གང་ཡིན་པ་དེ་ཉིད་འདིའི་དོན་ཡིན་པར་བལྟ་བར་བྱའོ། །ཀུན་ཤེས་པ་དང་ལྡན་པའི་དབང་པོའི་དོན་གང་ཞེ་ན། སྨྲས་པ། མི་སློབ་པའི་ལམ་ནས་བཟུང་སྟེ༑ ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ཀྱི་བར་དུ་དབང་པོ་ལྔའི་དོན་གང་ཡིན་པ་དེ་ཉིད་འདིའི་དོན་གང་ཡིན་པར་བལྟ་བར་བྱའོ། །

don dang bcas pa gang dag yin pa las dbang po lnga'i don gang zhe na/ smras pa/ gzugs la sogs pa yul so sor nges pa lnga'o/ /dbang po drug pa'i don gang zhe na/ smras pa/ chos thams cad do/ /pho dang mo'i dbang po gnyis kyi don gang zhe na/ smras pa/ reg byas bsdus pa kho na'i pho dang mo'i dbang po phan tshun 'khrig pa'i sbyor ba'o/ /tshor ba'i dbang po lnga'i don gang zhe na/ smras pa/ bde ba dang sdug bsngal ba dang yid bde ba dang yid mi bde ba dang btang snyoms kyi gnas lta bu dag ste dbang po drug po de dag nyid kyi don rnams so/ /dad pa'i dbang po'i don gang zhe na/ smras pa/ spang bar bya ba dang thob par bya ba'i yul lo/ /brtson 'grus kyi dbang po'i don gang zhe na/ smras pa/ de gnyis kho na 'thob par bya ba la zhum pa med pa dang/ spang bar bya ba la zhum pa med pa'o/ /dran pa'i dbang po'i don gang zhe na/ smras pa/ mnyan pa dang bsam pa dang bsgom pa nges par 'dzin pa'o/ /ting nge 'dzin gyi dbang po'i don gang zhe na/ smras pa/ zhi gnas dang lhag mthong ngo/ /shes rab kyi dbang po'i don gang zhe na/ smras pa/ shes bya'i de kho na'o/ /mi shes pa kun shes par byed pa'i dbang po'i don gang zhe na/ smras pa/ bden pa mngon par rtogs pa la brtson pa dge ba'i chos la 'dun pa nas bzung ste/ sbyor ba'i las thams cad la dbang po lnga'i don gang yin pa de nyid 'di'i don yin par blta bar bya'o/ /kun shes pa'i dbang po'i don gang zhe na/ smras pa/ rgyun du zhugs pa'i 'bras bu nas bzung ste/ rdo rje lta bu'i ting nge 'dzin gyi bar du dbang po lnga'i don gang yin pa de nyid 'di'i don yin par blta bar bya'o/ /kun shes pa dang ldan pa'i dbang po'i don gang zhe na/ smras pa/ mi slob pa'i lam nas bzung ste| phung po'i lhag ma med pa'i mya ngan las 'das pa'i dbyings kyi bar du dbang po lnga'i don gang yin pa de nyid 'di'i don gang yin par blta bar bya'o/ /

【M4 有色無色門】

དུ་ཞིག་གཟུགས་ཅན་དག་ཡིན་ལ་དོན་ཀྱང་གཟུགས་ཅན་དག་ཡིན་ཞེ་ན། སྨྲས་པ༑ བདུན་ནོ། དུ་ཞིག་གཟུགས་ཅན་མ་ཡིན་པ་དག་ཡིན་ལ། དོན་ནི་གཟུགས་ཅན་དང་གཟུགས་ཅན་མ་ཡིན་པ་དག་ཡིན་ཞེ་ན། སྨྲས་པ། སྲོག་གི་དབང་པོ་མ་གཏོགས་པ་དེ་ལས་གཞན་པ་ཐམས་ཅད་དོ། །དུ་ཞིག་གཟུགས་ཅན་ཡང་མ་ཡིན་གཟུགས་ཅན་མ་ཡིན་པ་ཡང་མ་ཡིན་པ་དག་ཡིན་ལ། དོན་ཀྱང་གཟུགས་ཅན་ཡང་མ་ཡིན་གཟུགས་ཅན་མ་ཡིན་པའང་མ་ཡིན་པ་དག་ཡིན་ཞེ་ན། སྨྲས་པ། སྲོག་གི་དབང་པོ་དེ་ཉིད་ཡིན་ཏེ་བཏགས་པའི་ཆོས་ཡིན་པའི་ཕྱིར་རོ། །

du zhig gzugs can dag yin la don kyang gzugs can dag yin zhe na/ smras pa| bdun no/ du zhig gzugs can ma yin pa dag yin la/ don ni gzugs can dang gzugs can ma yin pa dag yin zhe na/ smras pa/ srog gi dbang po ma gtogs pa de las gzhan pa thams cad do/ /du zhig gzugs can yang ma yin gzugs can ma yin pa yang ma yin pa dag yin la/ don kyang gzugs can yang ma yin gzugs can ma yin pa'ang ma yin pa dag yin zhe na/ smras pa/ srog gi dbang po de nyid yin te btags pa'i chos yin pa'i phyir ro/ /

【M5 有見無見門】

དུ་ཞིག་བསྟན་དུ་ཡོད་པ་དག་ཡིན་ལ་དོན་ཀྱང་བསྟན་དུ་ཡོད་པ་དག་ཡིན་ཞེ་ན། སྨྲས་པ། ཐམས་ཅད་ཀྱང་བསྟན་དུ་མེད་པ་དག་ཡིན་ཏེ། གཟུགས་ཅན་གཅིག་དང་ལྷག་མ་གཟུགས་ཅན་མ་ཡིན་པ་རྣམས་ཀྱི་ཕྱོགས་ནི་དོན་བསྟན་དུ་ཡོད་པ་ཡིན་ནོ། །

du zhig bstan du yod pa dag yin la don kyang bstan du yod pa dag yin zhe na/ smras pa/ thams cad kyang bstan du med pa dag yin te/ gzugs can gcig dang lhag ma gzugs can ma yin pa rnams kyi phyogs ni don bstan du yod pa yin no/ /

【M6 有對無對門】

དུ་ཞིག་ཐོགས་པ་དང་བཅས་པ་དག་ཡིན་ལ་དོན་ཀྱང་ཐོགས་པ་དང་བཅས་པ་དག་ཡིན་ཞེ་ན། སྨྲས་པ། གཟུགས་ཅན་བདུན་ནོ། །ལྷག་མ་གཟུགས་ཅན་མ་ཡིན་པ་ཐོགས་པ་མེད་པ་དང་བསྟན་དུ་མེད་པ་རྣམས་ཀྱི་ཕྱོགས་ཡིན་ནོ། །

du zhig thogs pa dang bcas pa dag yin la don kyang thogs pa dang bcas pa dag yin zhe na/ smras pa/ gzugs can bdun no/ /lhag ma gzugs can ma yin pa thogs pa med pa dang bstan du med pa rnams kyi phyogs yin no/ /

【M7 有漏無漏門】

དུ་ཞིག་ཟག་པ་དང་བཅས་པ་དག་ཡིན་ལ་དོན་ཀྱང་ཟག་པ་དང་བཅས་པ་དག་ཡིན་ཞེ་ན། སྨྲས་པ། བདུན་ཁོ་ནའོ། །ལྷག་མ་རྣམས་ལས་ཐ་མ་གཉིས་མ་གཏོགས་པ་དང་སྡུག་བསྔལ་བ་དང་ཡིད་མི་བདེ་བའི་དབང་པོ་གཉིས་མ་གཏོགས་པ་དག་ནི་ཟག་པ་དང་བཅས་པ་དང་ཟག་པ་མེད་པ་དག་ཡིན་ལ་དོན་ཀྱང་ཟག་པ་དང་བཅས་པ་དང་ཟག་པ་མེད་པ་དག་ཡིན་པར་བལྟ་བར་བྱའོ། །སྡུག་བསྔལ་གྱི་དབང་པོ་ནི་ཟག་པ་དང་བཅས་པ་དང་ཟག་པ་མེད་པ་དག་ཡིན་ལ་དོན་ནི་ཟག་པ་དང་བཅས་པ་ཡིན་ནོ། །ཡིད་མི་བདེ་བའི་དབང་པོ་ནི་ཟག་པ་དང་བཅས་པ་ཡིན་ལ་དོན་ནི་ཟག་པ་དང་བཅས་པ་དང༌། ཟག་པ་མེད་པ་ཡིན་ནོ༑ །མི་ཤེས་པ་ཀུན་ཤེས་པར་བྱེད་པའི་དབང་པོ་ནི་དགེ་སྦྱོང་གི་ཚུལ་གྱི་འབྲས་བུ་དང་ཐག་རིང་ཞིང་འཇིག་རྟེན་པའི་རྣམ་པར་རྟོག་པ་གང་ཡིན་པ་དེ་ནི་ཟག་པ་དང་བཅས་པ་ཡིན་ལ། དགེ་སྦྱོང་གི་ཚུལ་གྱི་འབྲས་བུ་དང་ཐག་ཉེ་ཞིང་འཇིག་རྟེན་ལས་འདས་པའི་རྣམ་པར་རྟོག་པ་གང་ཡིན་པ་དེ་ནི་ཟག་པ་མེད་པ་ཡིན་པར་བལྟ་བར་བྱའོ། །

du zhig zag pa dang bcas pa dag yin la don kyang zag pa dang bcas pa dag yin zhe na/ smras pa/ bdun kho na'o/ /lhag ma rnams las tha ma gnyis ma gtogs pa dang sdug bsngal ba dang yid mi bde ba'i dbang po gnyis ma gtogs pa dag ni zag pa dang bcas pa dang zag pa med pa dag yin la don kyang zag pa dang bcas pa dang zag pa med pa dag yin par blta bar bya'o/ /sdug bsngal gyi dbang po ni zag pa dang bcas pa dang zag pa med pa dag yin la don ni zag pa dang bcas pa yin no/ /yid mi bde ba'i dbang po ni zag pa dang bcas pa yin la don ni zag pa dang bcas pa dang/ zag pa med pa yin no| /mi shes pa kun shes par byed pa'i dbang po ni dge sbyong gi tshul gyi 'bras bu dang thag ring zhing 'jig rten pa'i rnam par rtog pa gang yin pa de ni zag pa dang bcas pa yin la/ dge sbyong gi tshul gyi 'bras bu dang thag nye zhing 'jig rten las 'das pa'i rnam par rtog pa gang yin pa de ni zag pa med pa yin par blta bar bya'o/ /

【M8 有為無為門】

དུ་ཞིག་འདུས་བྱས་དག་ཡིན་ལ་དོན་ཀྱང་འདུས་བྱས་དག་ཡིན་ཞེ་ན། སྨྲས་པ། ཐམས་ཅད་ཀྱང་འདུས་བྱས་ཡིན་ཏེ་བརྒྱད་ནི་དོན་ཀྱང་འདུས་བྱས་དག་ཡིན་ནོ། །དེ་ལས་གཞན་པ་དག་ནི་དོན་འདུས་བྱས་དང་འདུས་མ་བྱས་པ་དག་ཡིན་ནོ། །

du zhig 'dus byas dag yin la don kyang 'dus byas dag yin zhe na/ smras pa/ thams cad kyang 'dus byas yin te brgyad ni don kyang 'dus byas dag yin no/ /de las gzhan pa dag ni don 'dus byas dang 'dus ma byas pa dag yin no/ /

【M9 有諍無諍門】

དུ་ཞིག་ཉོན་མོངས་པ་དང་བཅས་པ་དག་ཡིན་ལ་དོན་ཀྱང་ཉོན་མོངས་པ་དང་བཅས་པ་དག་ཡིན་ཞེ་ན། སྨྲས་པ། ཟག་པ་དང་བཅས་པ་ཇི་སྐད་བསྟན་པ་དེ་བཞིན་དུ་འདིའང་བལྟ་བར་བྱའོ། །ཟང་ཟིང་དང་བཅས་པ་དང་ཞེན་པ་ལ་བརྟེན་པ་དང་འཇིག་རྟེན་པ་དང་འཇིག་རྟེན་ལས་འདས་པ་བསྟན་པ་དག་ཀྱང་དེ་བཞིན་དུ་བལྟ་བར་བྱའོ། །

du zhig nyon mongs pa dang bcas pa dag yin la don kyang nyon mongs pa dang bcas pa dag yin zhe na/ smras pa/ zag pa dang bcas pa ji skad bstan pa de bzhin du 'di'ang blta bar bya'o/ /zang zing dang bcas pa dang zhen pa la brten pa dang 'jig rten pa dang 'jig rten las 'das pa bstan pa dag kyang de bzhin du blta bar bya'o/ /

【M10 三世門】

དུ་ཞིག་འདས་པ་དག་ཡིན་ལ་དོན་ཀྱང་འདས་པ་དག་ཡིན་ཞེ་ན། སྨྲས་པ། དབང་པོ་གཟུགས་ཅན་རྣམས་དང་སྡུག་བསྔལ་གྱི་དབང་པོ་མ་གཏོགས་པ་དེ་ལས་གཞན་པ་དོན་དང་ལྡན་པ་རྣམས་ཀྱི་ཕྱོགས་གཅིག་གོ། །གཟུགས་ཅན་རྣམས་དང་སྡུག་བསྔལ་གྱི་དབང་པོ་ནི་འདས་པ་དག་ཡིན་ཡང་དོན་ནི་འདས་པ་དག་མ་ཡིན་ནོ། །དུ་ཞིག་འདས་པ་དག་ཡིན་ལ་དོན་ནི་ད་ལྟར་བྱུང་བ་དག་ཡིན་ཞེ་ན། སྨྲས་པ། ཇི་སྐད་བསྟན་པ་དེ་དག་ཉིད་ཀྱི་ཕྱོགས་གཅིག་གོ། །དེ་དག་ཉིད་འདས་པ་དག་ཡིན་ལ་དོན་ནི་མ་འོངས་པ་དག་ཡིན་པར་ཡང་བལྟ་བར་བྱའོ། །དེ་དག་ཉིད་ད་ལྟར་བྱུང་བ་དག་ཡིན་ལ་དོན་འདས་པ་དག་དང་དོན་མ་འོངས་པ་དག་ཡིན་པར་ཡང་བལྟ་བར་བྱའོ། །དེ་དག་ཉིད་ད་ལྟར་གྱི་དག་ཡིན་ལ། དོན་ཡང་ད་ལྟར་བྱུང་བ་དག་ཡིན་པར་ཡང་བལྟ་བར་བྱའོ། །གཟུགས་ཅན་ཐམས་ཅད་དང་སྡུག་བསྔལ་གྱི་དབང་པོ་དང་སྔར་བསྟན་པ་དེ་དག་ཉིད་ཀྱི་ཕྱོགས་གཅིག་ནི་ད་ལྟར་དག་ཡིན་ལ། དོན་ཡང་ད་ལྟར་ལྡན་པ་དག་ཡིན་པར་ཡང་བལྟ་བར་བྱའོ། །དེ་དག་ཉིད་མ་འོངས་པ་དག་ཡིན་ལ་དོན་འདས་པ་དག་དང་དོན་མ་འོངས་པ་དག་དང༌། དོན་ད་ལྟར་བྱུང་བ་དག་ཡིན་པར་ཡང་བལྟ་བར་བྱ་སྟེ། གཟུགས་ཅན་རྣམས་ནི་མ་འོངས་པ་དག་ཡིན་ཡང་དོན་ནི་མ་འོངས་པ་དག་མ་ཡིན་ནོ། །

du zhig 'das pa dag yin la don kyang 'das pa dag yin zhe na/ smras pa/ dbang po gzugs can rnams dang sdug bsngal gyi dbang po ma gtogs pa de las gzhan pa don dang ldan pa rnams kyi phyogs gcig go/ /gzugs can rnams dang sdug bsngal gyi dbang po ni 'das pa dag yin yang don ni 'das pa dag ma yin no/ /du zhig 'das pa dag yin la don ni da ltar byung ba dag yin zhe na/ smras pa/ ji skad bstan pa de dag nyid kyi phyogs gcig go/ /de dag nyid 'das pa dag yin la don ni ma 'ongs pa dag yin par yang blta bar bya'o/ /de dag nyid da ltar byung ba dag yin la don 'das pa dag dang don ma 'ongs pa dag yin par yang blta bar bya'o/ /de dag nyid da ltar gyi dag yin la/ don yang da ltar byung ba dag yin par yang blta bar bya'o/ /gzugs can thams cad dang sdug bsngal gyi dbang po dang sngar bstan pa de dag nyid kyi phyogs gcig ni da ltar dag yin la/ don yang da ltar ldan pa dag yin par yang blta bar bya'o/ /de dag nyid ma 'ongs pa dag yin la don 'das pa dag dang don ma 'ongs pa dag dang/ don da ltar byung ba dag yin par yang blta bar bya ste/ gzugs can rnams ni ma 'ongs pa dag yin yang don ni ma 'ongs pa dag ma yin no/ /

【M11 三界繫門】

དུ་ཞིག་འདོད་པ་དང་ལྡན་པ་དག་ཡིན་ལ་དོན་ཀྱང་འདོད་པ་དང་ལྡན་པ་དག་ཡིན་ཞེ་ན། སྨྲས་པ། བཞིའོ། །དབང་པོ་གཉིས་ནི་འདོད་པ་དང་གཟུགས་དང་ལྡན་པ་དག་ཡིན་ལ་དོན་ནི་འདོད་པ་དང་ལྡན་པ་ངག་ཡིན་ནོ། །གསུམ་ནི་འདོད་པ་དང་གཟུགས་དང་ལྡན་པ་དག་ཡིན་ལ་དོན་ཡང་འདོད་པ་དང་གཟུགས་དང་ལྡན་པ་དག་ཡིན་ནོ། །གཉིས་ནི་འདོད་པ་དང་གཟུགས་དང་ལྡན་པ་མ་ཡིན་པ་དག་ཡིན་ལ་དོན་ནི་འདོད་པ་དང་གཟུགས་དང་གཟུགས་མེད་པ་དང་ལྡན་པ་དང་ལྡན་པ་མ་ཡིན་པ་དག་ཡིན་ནོ། །བདུན་ནི་འདོད་པ་དང་གཟུགས་དང་གཟུགས་མེད་པ་དང་ལྡན་པ་དང་ལྡན་པ་མ་ཡིན་པ་དག་ཡིན་ལ། དོན་ཀྱང་དེ་དག་ཉིད་ཡིན་པར་བལྟ་བར་བྱའོ། །གཅིག་ནི་གཟུགས་དང་ལྡན་པ་དང་ལྡན་པ་མ་ཡིན་པ་ཡིན་ལ་དོན་ནི་ཐམས་ཅད་དང་ལྡན་པ་དང་ལྡན་པ་མ་ཡིན་པ་ཡིན་ནོ། །གཉིས་ནི་ལྡན་པ་མ་ཡིན་པ་དག་ཡིན་ལ་དོན་ནི་ཐམས་ཅད་དང་ལྡན་པ་དང་ལྡན་པ་མ་ཡིན་པ་དག་ཡིན་ནོ། །

du zhig 'dod pa dang ldan pa dag yin la don kyang 'dod pa dang ldan pa dag yin zhe na/ smras pa/ bzhi'o/ /dbang po gnyis ni 'dod pa dang gzugs dang ldan pa dag yin la don ni 'dod pa dang ldan pa ngag yin no/ /gsum ni 'dod pa dang gzugs dang ldan pa dag yin la don yang 'dod pa dang gzugs dang ldan pa dag yin no/ /gnyis ni 'dod pa dang gzugs dang ldan pa ma yin pa dag yin la don ni 'dod pa dang gzugs dang gzugs med pa dang ldan pa dang ldan pa ma yin pa dag yin no/ /bdun ni 'dod pa dang gzugs dang gzugs med pa dang ldan pa dang ldan pa ma yin pa dag yin la/ don kyang de dag nyid yin par blta bar bya'o/ /gcig ni gzugs dang ldan pa dang ldan pa ma yin pa yin la don ni thams cad dang ldan pa dang ldan pa ma yin pa yin no/ /gnyis ni ldan pa ma yin pa dag yin la don ni thams cad dang ldan pa dang ldan pa ma yin pa dag yin no/ /

【M12 三性門】

དུ་ཞིག་དགེ་བ་དག་ཡིན་ལ་དོན་ཀྱང་དགེ་བ་དག་ཡིན་ཞེ་ན། སྨྲས་པ། བརྒྱད་ནི་དགེ་བ་དག་ཡིན་ལ་དོན་ནི་དགེ་བ་དང་མི་དགེ་བ་དང་ལུང་དུ་མ་བསྟན་པ་དག་ཡིན་ནོ། །ལྔ་ནི་དགེ་བ་དང་མི་དགེ་བ་དང་ལུང་དུ་མ་བསྟན་པ་དག་ཡིན་ལ་དོན་ཀྱང་དགེ་བ་དང་མི་དགེ་བ་དང་ལུང་དུ་མ་བསྟན་པ་དག་ཡིན་ནོ། །གཅིག་ནི་དགེ་བ་དང་མི་དགེ་བ་ཡིན་ལ་དོན་ནི་དགེ་བ་དང་མི་དགེ་བ་དང་ལུང་དུ་མ་བསྟན་པ་ཡིན་ནོ། །ལྔ་ནི་ལུང་དུ་མ་བསྟན་པ་དག་ཡིན་ལ་དོན་ཀྱང་ལུང་དུ་མ་བརྟན་པ་དག་ཡིན་ནོ། གཉིས་ནི་ལུང་དུ་མ་བསྟན་པ་དག་ཡིན་ལ་དོན་ནི་དགེ་བ་དང་མི་དགེ་བ་དང་ལུང་དུ་མ་བསྟན་པ་དག་ཡིན་ནོ། །

du zhig dge ba dag yin la don kyang dge ba dag yin zhe na/ smras pa/ brgyad ni dge ba dag yin la don ni dge ba dang mi dge ba dang lung du ma bstan pa dag yin no/ /lnga ni dge ba dang mi dge ba dang lung du ma bstan pa dag yin la don kyang dge ba dang mi dge ba dang lung du ma bstan pa dag yin no/ /gcig ni dge ba dang mi dge ba yin la don ni dge ba dang mi dge ba dang lung du ma bstan pa yin no/ /lnga ni lung du ma bstan pa dag yin la don kyang lung du ma brtan pa dag yin no/ gnyis ni lung du ma bstan pa dag yin la don ni dge ba dang mi dge ba dang lung du ma bstan pa dag yin no/ /

【M13 三學門】

དུ་ཞིག་སློབ་པ་དག་ཡིན་ལ་དོན་ཀྱང་སློབ་པ་དག་ཡིན་ཞེ་ན། སྨྲས་པ། དགུ་ནི་སློབ་པ་དང་མི་སློབ་པ་དང་སློབ་པའང་མ་ཡིན་མི་སློབ་པའང་མ་ཡིན་པ་དག་ཡིན་ལ་དོན་ཀྱང་རྣམ་པ་གསུམ་ཅར་ཡིན་ནོ། །བདུན་ནི་སློབ་པའང་མ་ཡིན་མི་སློབ་པའང་མ་ཡིན་པ་དག་ཡིན་ལ་དོན་ཀྱང་དེ་དག་ཉིད་ཡིན་ནོ། །གཅིག་ནི་རྣམ་པ་གསུམ་ཆར་ཡིན་ལ་དོན་ནི་སློབ་པའང་མ་ཡིན་མི་སློབ་པའང་མ་ཡིན་པ་ཡིན་ནོ། །གཅིག་ནི་སློབ་པ་དང་སློབ་པ་ཡང་མ་ཡིན་མི་སློབ་པའང་མ་ཡིན་པ་ཡིན་ལ། དོན་ནི་རྣམ་པ་གསུམ་ཆར་ཡིན་ནོ། །གཉིས་ནི་སློབ་པ་དག་ཡིན་ལ། དོན་ནི་རྣམ་པ་གསུམ་ཆར་ཡིན་ནོ། །གཅིག་ནི་མི་སློབ་པ་ཡིན་ལ་དོན་ནི་རྣམ་པ་གསུམ་ཆར་ཡིན་པར་བལྟ་བར་བྱའོ། །

du zhig slob pa dag yin la don kyang slob pa dag yin zhe na/ smras pa/ dgu ni slob pa dang mi slob pa dang slob pa'ang ma yin mi slob pa'ang ma yin pa dag yin la don kyang rnam pa gsum car yin no/ /bdun ni slob pa'ang ma yin mi slob pa'ang ma yin pa dag yin la don kyang de dag nyid yin no/ /gcig ni rnam pa gsum char yin la don ni slob pa'ang ma yin mi slob pa'ang ma yin pa yin no/ /gcig ni slob pa dang slob pa yang ma yin mi slob pa'ang ma yin pa yin la/ don ni rnam pa gsum char yin no/ /gnyis ni slob pa dag yin la/ don ni rnam pa gsum char yin no/ /gcig ni mi slob pa yin la don ni rnam pa gsum char yin par blta bar bya'o/ /

【M14 三斷門】

དུ་ཞིག་མཐོང་བས་སྤང་བར་བྱ་བ་དག་ཡིན་ལ་དོན་ཀྱང་མཐོང་བས་སྤང་བར་བྱ་བ་དག་ཡིན་ཞེ་ན། སྨྲས་པ། བཅུ་བཞིའི་ཕྱོགས་གཅིག་ནི་མཐོང་བས་སྤང་བར་བྱ་བ་ཡིན་ནོ། །ཕྱོགས་གཅིག་ནི་བསྒོམས་པས་སྤང་བར་བྱ་བ་ཡིན་ནོ། །བཅུ་གཉིས་ཀྱི་ཕྱོགས་གཅིག་ནི་བསྒོམས་པས་སྤང་བར་བྱ་བ་ཡིན་ནོ། །ཕྱོགས་གཅིག་ནི་སྤང་བར་བྱ་བ་མ་ཡིན་པ་ཡིན་ནོ། །བཅུ་བཞི་པོ་དེ་དག་ཉིད་ལས་དྲུག་དང་དེ་དང་དེ་ལས་གཞན་པ་དྲུག་དང༌། གཞན་གཉིས་ནི་སྤང་བར་བྱ་བ་མ་ཡིན་པ་དག་ཡིན་ནོ། །དེ་ལ་གཟུགས་ཅན་རྣམས་ནི་མཐོང་བ་དང་བསྒོམས་པས་སྤང་བར་བྱ་བའི་དོན་ཡིན་པར་བལྟ་བར་བྱའོ། །གཟུགས་ཅན་མ་ཡིན་པ་རྣམས་ནི་དོན་རྣམ་པ་གསུམ་ཆར་ཏེ། མཐོང་བ་དང༌། བསྒོམས་པས་སྤང་བར་བྱ་བ་དང༌། སྤང་བར་བྱ་བ་མ་ཡིན་པའི་དོན་དག་ཡིན་ནོ། །

du zhig mthong bas spang bar bya ba dag yin la don kyang mthong bas spang bar bya ba dag yin zhe na/ smras pa/ bcu bzhi'i phyogs gcig ni mthong bas spang bar bya ba yin no/ /phyogs gcig ni bsgoms pas spang bar bya ba yin no/ /bcu gnyis kyi phyogs gcig ni bsgoms pas spang bar bya ba yin no/ /phyogs gcig ni spang bar bya ba ma yin pa yin no/ /bcu bzhi po de dag nyid las drug dang de dang de las gzhan pa drug dang/ gzhan gnyis ni spang bar bya ba ma yin pa dag yin no/ /de la gzugs can rnams ni mthong ba dang bsgoms pas spang bar bya ba'i don yin par blta bar bya'o/ /gzugs can ma yin pa rnams ni don rnam pa gsum char te/ mthong ba dang/ bsgoms pas spang bar bya ba dang/ spang bar bya ba ma yin pa'i don dag yin no/ /

【M15 染淨門】

དབང་པོ་དུ་ཞིག་དོན་ལ་ཀུན་ནས་ཉོན་མོངས་པའི་བཏང་སྙོམས་ཀྱིས་རབ་ཏུ་ཕྱེ་བ་དག་ཡིན་ཞེ་ན། སྨྲས་པ། དགེ་བ་རྣམས་མ་གཏོགས་པ་སྟེ། དགེ་བ་རྣམས་ནི་དོན་ལ་རྣམ་པར་བྱད་བའི་བཏང་སྙོམས་ཀྱིས་རབ་ཏུ་ཕྱེ་བ་དག་ཡིན་པར་བལྟ་བར་བྱའོ། །

dbang po du zhig don la kun nas nyon mongs pa'i btang snyoms kyis rab tu phye ba dag yin zhe na/ smras pa/ dge ba rnams ma gtogs pa ste/ dge ba rnams ni don la rnam par byad ba'i btang snyoms kyis rab tu phye ba dag yin par blta bar bya'o/ /

【M16 倒無倒門】

དུ་ཞིག་ནི་དོན་ཕྱིན་ཅི་ལོག་ཏུ་གྱུར་པ་དག་ཡིན་ཞེ་ན། སྨྲས་པ། དགེ་བ་རྣམས་དང་དབང་པོ་དྲུག་ནི་དོན་གྱིས་དངོས་པོ་གང་དག་ཡིན་པ་མ་གཏོགས་པ་རྣམས་སོ། །དུ་ཞིག་ཕྱིན་ཅི་ལོག་གི་གནས་དག་ཡིན་ཞེ་ན། སྨྲས་པ། གཟུགས་ཅན་བདུན་ནོ། །དུ་ཞིག་ཕྱིན་ཅི་ལོག་གི་ངོ་བོ་ཉིད་དག་ཡིན་ཞེ་ན། སྨྲས་པ། དྲུག་གི་ཕྱོགས་སོ། །དུ་ཞིག་ཕྱིན་ཅི་ལོག་གི་གཉེན་པོ་དག་ཡིན་ཞེ་ན། སྨྲས་པ། བརྒྱད་ཡིན་པར་བལྟ་བར་བྱའོ། །

du zhig ni don phyin ci log tu gyur pa dag yin zhe na/ smras pa/ dge ba rnams dang dbang po drug ni don gyis dngos po gang dag yin pa ma gtogs pa rnams so/ /du zhig phyin ci log gi gnas dag yin zhe na/ smras pa/ gzugs can bdun no/ /du zhig phyin ci log gi ngo bo nyid dag yin zhe na/ smras pa/ drug gi phyogs so/ /du zhig phyin ci log gi gnyen po dag yin zhe na/ smras pa/ brgyad yin par blta bar bya'o/ /

【M17 觀過門】【N1 標三階】

དབང་པོ་དུ་དག་གིས་དོན་ལ་སྐྱོན་ལས་ཉེ་བར་རྟོག་པར་བྱེད་ཅེ་ན། སྨྲས་པ། བརྒྱད་དང་ལྔ་དང་གཅིག་གིས་སོ། །

dbang po du dag gis don la skyon las nye bar rtog par byed ce na/ smras pa/ brgyad dang lnga dang gcig gis so/ /

【N2 對難釋通】

གང་གི་ཚེ་འདུ་བྱེད་རྣམས་ཡོན་ཏན་བཞི་དང་ལྡན་པར་དམིགས་པ་དེའི་ཚེ་ཇི་ལྟར་འདུ་བྱེད་རྣམས་སྐྱོན་ལས་ཉེ་བར་རྟོག་པར་བྱེད་དེ། གནས་པ་ལས་ནི་འདི་ལྟ་སྟེ༑ ཁ་ཅིག་ནི་ཕུང་པོ་རྣམས་ལེགས་པར་བསྙེན་བཀུར་བྱས་ན་ལོ་བརྒྱའམ་དེ་བས་ལྷག་པར་གནས་པའོ། །མཐུ་ལས་ནི་འདི་ལྟ་སྟེ། བདེ་བ་སྐྱེད་པར་བྱེད་པ་དང༌། གཙང་བར་ཀུན་དུ་སྣང་བའོ། །དབང་བསྒྱུར་བ་ལས་ནི་འདི་ལྟ་སྟེ། སྒྲུབ་པ་དང་སྲུང་བ་དང་ལོངས་སྤྱོད་པ་དང་གཏོང་བ་ལ་རང་གིས་དབང་བསྒྱུར་བར་བྱེད་པའོ། །ཆགས་པ་ལས་ནི་འདི་ལྟ་སྟེ། དེ་ལ་བརྟེན་པའི་ཆགས་པ་རྣམ་པ་སྣ་ཚོགས་འབྱུང་བར་འགྱུར་ཏེ། དེ་ནི་འདུ་བྱེད་རྣམས་ཀྱི་ཡོན་ཏན་དང་ལྡན་པའི་མཚན་ཉིད་བཞི་པ་ཡིན་ནོ་ཞེ་ན། སྨྲས་པ། འདི་ལྟར་ཆོས་དེ་དག་ནི་འཇིག་རྟེན་པས་ཡོན་ཏན་དུ་བཟུང་མོད་ཀྱི་འོན་ཀྱང་དེ་དག་ཐམས་ཅད་ནི་སྐྱོན་དང་འབྲེལ་པ་ཡིན་པར་རིག་པར་བྱའོ། །དེ་ལ་སྐྱོན་རྣམས་གང་ཞེ་ན། སྨྲས་པ། གནས་པ་གཏན་དུ་མ་ཡིན་པའི་ཕྱིར་དང༌། སྡུག་པ་འགྱུར་བའི་མི་རྟག་པ་མངོན་སུམ་དུ་དམིགས་པའི་ཕྱིར་དང༌། འཆི་བ་མི་རྟག་པ་མངོན་སུམ་དུ་དམིགས་པའི་ཕྱིར་འདུ་བྱེད་དེ་དག་ཡོན་ཏན་དང་པོ་དང་བྲལ་བར་བལྟ་བར་བྱའོ། །དེ་བཞིན་དུ་དེས་བྱས་པའི་སྡུག་བསྔལ་རྣམ་པ་སྣ་ཚོགས་འབྱུང་བ་མངོན་སུམ་དུ་དམིགས་པའི་ཕྱིར་དང༌། མི་གཙང་བ་མངོན་སུམ་དུ་དམིགས་པའི་ཕྱིར་ཡོན་ཏན་གཉིས་པ་དང་བྲལ་བར་བལྟ་བར་བྱའོ། །དེ་བཞིན་དུ་རྒ་བ་དང་ན་བ་དང་འཆི་བ་ལ་སོགས་པ་ལ་འདོད་དགུར་བྱར་མེད་པ་མངོན་སུམ་དུ་དམིགས་པའི་ཕྱིར་ཡོན་ཏན་གསུམ་དང་བྲལ་བར་བལྟ་བར་བྱའོ། །དེ་བཞིན་དུ་སྲིན་བུ་དང་ཁྱི་དང་ཕག་ལ་སོགས་པ་ལྗན་ལྗིན་མཆོག་ཏུ་མི་གཙང་བ་ལ་ཆགས་པ་དག་མངོན་སུམ་དུ་དམིགས་པའི་ཕྱིར་ཡོན་ཏན་བཞི་པ་སྤངས་པར་བལྟ་བར་བྱ་སྟེ། གང་གི་ཕྱིར་ཡོན་ཏན་ཐམས་ཅད་དང་བྲལ་བར་འགྱུར་བ་དེའི་ཕྱིར་འདུ་བྱེད་རྣམས་ལ་རྣམ་པ་ཐམས་ཅད་དུ་སྐྱོན་དང་ལྡན་པ་དེ་ལྟ་བུ་ཁོ་ནར་ཉེ་བར་རྟོག་པར་བྱེད་དོ། །

gang gi tshe 'du byed rnams yon tan bzhi dang ldan par dmigs pa de'i tshe ji ltar 'du byed rnams skyon las nye bar rtog par byed de/ gnas pa las ni 'di lta ste| kha cig ni phung po rnams legs par bsnyen bkur byas na lo brgya'am de bas lhag par gnas pa'o/ /mthu las ni 'di lta ste/ bde ba skyed par byed pa dang/ gtsang bar kun du snang ba'o/ /dbang bsgyur ba las ni 'di lta ste/ sgrub pa dang srung ba dang longs spyod pa dang gtong ba la rang gis dbang bsgyur bar byed pa'o/ /chags pa las ni 'di lta ste/ de la brten pa'i chags pa rnam pa sna tshogs 'byung bar 'gyur te/ de ni 'du byed rnams kyi yon tan dang ldan pa'i mtshan nyid bzhi pa yin no zhe na/ smras pa/ 'di ltar chos de dag ni 'jig rten pas yon tan du bzung mod kyi 'on kyang de dag thams cad ni skyon dang 'brel pa yin par rig par bya'o/ /de la skyon rnams gang zhe na/ smras pa/ gnas pa gtan du ma yin pa'i phyir dang/ sdug pa 'gyur ba'i mi rtag pa mngon sum du dmigs pa'i phyir dang/ 'chi ba mi rtag pa mngon sum du dmigs pa'i phyir 'du byed de dag yon tan dang po dang bral bar blta bar bya'o/ /de bzhin du des byas pa'i sdug bsngal rnam pa sna tshogs 'byung ba mngon sum du dmigs pa'i phyir dang/ mi gtsang ba mngon sum du dmigs pa'i phyir yon tan gnyis pa dang bral bar blta bar bya'o/ /de bzhin du rga ba dang na ba dang 'chi ba la sogs pa la 'dod dgur byar med pa mngon sum du dmigs pa'i phyir yon tan gsum dang bral bar blta bar bya'o/ /de bzhin du srin bu dang khyi dang phag la sogs pa ljan ljin mchog tu mi gtsang ba la chags pa dag mngon sum du dmigs pa'i phyir yon tan bzhi pa spangs par blta bar bya ste/ gang gi phyir yon tan thams cad dang bral bar 'gyur ba de'i phyir 'du byed rnams la rnam pa thams cad du skyon dang ldan pa de lta bu kho nar nye bar rtog par byed do/ /

【L2 辨依處】【M1 明二十二根為業用依處】

མིག་གི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། གཟུགས་ལ་ལྟ་བའི་ཆེད་དུའོ། །ཡིད་ཀྱི་དབང་པོའི་བར་དུ་ཅི་ཞིག་གི་ཆེད་དུ་ཞེ་ན། སྨྲས་པ། ཐམས་ཅད་ཀྱང་རང་རང་གི་ཡུལ་འཛིན་པའི་ཆེད་དུ་ཡིན་པར་བལྟ་བར་བྱའོ། །ཕོ་དང་མོའི་དབང་པོ་གཉིས་ཅི་ཞིག་གི་ཆེད་དུ་ཞེ་ན། སྨྲས་པ། འཁྲིག་པ་བསྟེན་པའི་ཆེད་དུའོ། །སྲོག་གི་དབང་པོ་ཅི་ཞིག་གི་ཆེད་དུ་ཞེ་ན་སྨྲས་པ། འཆི་བའི་སྲིད་པ་སྔ་རོལ་གྱི་དུས་ཀྱི་སྲིད་པའི་ཆེད་དུའོ། །ཚོར་བའི་དབང་པོ་རྣམས་ཅི་ཞིག་གི་ཆེད་དུ་ཞེ་ན། སྨྲས་པ། ཡུལ་ཡིད་དུ་འོང་བ་དང་ཡིད་དུ་མི་འོང་བ་ལ་རྗེས་སུ་ཆགས་པ་དང་ཁོང་ཁྲོ་བའི་ཆེད་དུའོ། །དད་པའི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། དགེ་བ་ལ་འཇུག་པའི་ཆེད་དུའོ། །བརྩོན་འགྲུས་ཀྱི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། ཞུགས་པ་དགེ་བའི་ཆོས་བསྒོམ་པ་རྒྱུན་དུ་ཆུད་པར་བྱ་བའི་ཆེད་དུའོ། །དྲན་པའི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། ཤེས་བཞིན་དུ་སྤྱད་པའི་ཆེད་དུའོ། །ཏིང་ངེ་འཛིན་གྱི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། ཡེ་ཤེས་དང་མཐོང་བ་རྣམ་པར་དག་པའི་ཆེད་དུའོ། །ཤེས་རབ་ཀྱི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། ཉོན་མོངས་པ་སྤོང་བའི་ཆེད་དུའོ། །མི་ཤེས་པ་ཀུན་ཤེས་པར་བྱེད་པའི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། དགེ་སྦྱོང་གི་ཚུལ་གྱི་འབྲས་བུ་དང་པོ་དང་གཉིས་པ་དང་གསུམ་པ་འཐོབ་པའི་ཆེད་དུའོ། །ཀུན་ཤེས་པའི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། རྡོ་རྗེ་ལྟ་བུའི་ཏིང་ངེ་འཛིན་གྱི་བར་དང་མི་སློབ་པའི་དགེ་སྦྱོང་གི་ཚུལ་གྱི་འབྲས་བུ་འཐོབ་པའི་ཆེད་དུའོ། །ཀུན་ཤེས་པ་དང་ལྡན་པའི་དབང་པོ་ཅི་ཞིག་གི་ཆེད་དུ་ཞེ་ན། སྨྲས་པ། བར་ཆད་མེད་པར་ཉོན་མོངས་པ་སྤོང་བ་མངོན་དུ་བྱ་བ་དང༌། ཚེ་འདི་ལ་བདེ་བར་གནས་པ་དང་ཕུང་པོ་འགག་པའི་ཆེད་དུ་དུའོ། །

mig gi dbang po ci zhig gi ched du zhe na/ smras pa/ gzugs la lta ba'i ched du'o/ /yid kyi dbang po'i bar du ci zhig gi ched du zhe na/ smras pa/ thams cad kyang rang rang gi yul 'dzin pa'i ched du yin par blta bar bya'o/ /pho dang mo'i dbang po gnyis ci zhig gi ched du zhe na/ smras pa/ 'khrig pa bsten pa'i ched du'o/ /srog gi dbang po ci zhig gi ched du zhe na smras pa/ 'chi ba'i srid pa snga rol gyi dus kyi srid pa'i ched du'o/ /tshor ba'i dbang po rnams ci zhig gi ched du zhe na/ smras pa/ yul yid du 'ong ba dang yid du mi 'ong ba la rjes su chags pa dang khong khro ba'i ched du'o/ /dad pa'i dbang po ci zhig gi ched du zhe na/ smras pa/ dge ba la 'jug pa'i ched du'o/ /brtson 'grus kyi dbang po ci zhig gi ched du zhe na/ smras pa/ zhugs pa dge ba'i chos bsgom pa rgyun du chud par bya ba'i ched du'o/ /dran pa'i dbang po ci zhig gi ched du zhe na/ smras pa/ shes bzhin du spyad pa'i ched du'o/ /ting nge 'dzin gyi dbang po ci zhig gi ched du zhe na/ smras pa/ ye shes dang mthong ba rnam par dag pa'i ched du'o/ /shes rab kyi dbang po ci zhig gi ched du zhe na/ smras pa/ nyon mongs pa spong ba'i ched du'o/ /mi shes pa kun shes par byed pa'i dbang po ci zhig gi ched du zhe na/ smras pa/ dge sbyong gi tshul gyi 'bras bu dang po dang gnyis pa dang gsum pa 'thob pa'i ched du'o/ /kun shes pa'i dbang po ci zhig gi ched du zhe na/ smras pa/ rdo rje lta bu'i ting nge 'dzin gyi bar dang mi slob pa'i dge sbyong gi tshul gyi 'bras bu 'thob pa'i ched du'o/ /kun shes pa dang ldan pa'i dbang po ci zhig gi ched du zhe na/ smras pa/ bar chad med par nyon mongs pa spong ba mngon du bya ba dang/ tshe 'di la bde bar gnas pa dang phung po 'gag pa'i ched du du'o/ /

【M2 引經解二十二根】【N1 引十種經以解十九根】【O1 辯色根】

བཅོམ་ལྡན་འདས་ཀྱིས་འདི་སྐད་དུ་ལུས་ནི་གཟུགས་ཅན་རགས་པ་འབྱུང་བ་ཆེན་པོ་བཞི་ལས་བྱུང་བ་དང༌། མ་དང་ཕའི་མི་གཙང་བ་ནུར་ནུར་པོ་ལས་བྱུང་བ། འབྲས་ཆན་དང་ཟན་དྲོན་གྱིས་བསྐྱེད་པ་རྟག་ཏུ་བསྐོན་པ་དང༌། བཀྲུ་བ་དང༌། མཉེ་བ་བྱ་དགོས་པ་དང་གཅད་པ་དང་གཤེགས་པ་དང་རྣམ་པར་འཐོར་བ་དང་རྣམ་པར་འཇིག་པའི་ཆོས་ཅན་ཡིན་ནོ་ཞེས་གསུངས་པ་དབང་པོ་གང་དག་ལ་བརྟེན་ནས་ཤེ་ན། སྨྲས་པ། དབང་པོ་གཟུགས་ཅན་བདུན་ལ་བརྟེན་ཏེ་གསུངས་སོ། །དེའང་མདོར་བསྡུ་ན་རྣམ་པ་བསྟན་པ་དང་པོས་ནི་འདོད་པ་ན་སྤྱོད་པའི་དབང་པོ་གཟུགས་ཅན་རྣམས་ཀྱི་སྤྱིའི་མཚན་ཉིད་བསྟན་ཏོ། །གཉིས་པས་ནི་རང་གི་མཚན་ཉིད་དོ། །གསུམ་གྱིས་རྒྱུད་དེ། གཉིས་ཀྱིས་ནི་སྐྱེ་བའི་རྒྱུའོ། །གཅིག་གིས་ནི་སྐྱེས་ནས་འཕེལ་བའི་རྒྱུའོ། །གསུམ་གྱིས་ནི་འགྱུར་བ་སྟེ་གྲང་བ་ལས་གྱུར་པ་དང༌། ཚ་བ་ལས་གྱུར་པ་དང་ཡོངས་སུ་ངལ་བ་ལས་གྱུར་བའོ། །བཞིས་ནི་ཡོངས་སུ་འགྱུར་བ་སྟེ། གཉིས་ཀྱིས་ནི་གསོན་པ་ཉིད་ན་གནོད་པ་བྱས་པ་ལས་གྱུར་པའོ། །གཉིས་ཀྱིས་ནི་ཤི་བ་ལ་གཞན་དང་རང་གི་དང་གིས་ཡོངས་སུ་འགྱུར་བར་བལྟ་བར་བྱའོ། །

bcom ldan 'das kyis 'di skad du lus ni gzugs can rags pa 'byung ba chen po bzhi las byung ba dang/ ma dang pha'i mi gtsang ba nur nur po las byung ba/ 'bras chan dang zan dron gyis bskyed pa rtag tu bskon pa dang/ bkru ba dang/ mnye ba bya dgos pa dang gcad pa dang gshegs pa dang rnam par 'thor ba dang rnam par 'jig pa'i chos can yin no zhes gsungs pa dbang po gang dag la brten nas she na/ smras pa/ dbang po gzugs can bdun la brten te gsungs so/ /de'ang mdor bsdu na rnam pa bstan pa dang pos ni 'dod pa na spyod pa'i dbang po gzugs can rnams kyi spyi'i mtshan nyid bstan to/ /gnyis pas ni rang gi mtshan nyid do/ /gsum gyis rgyud de/ gnyis kyis ni skye ba'i rgyu'o/ /gcig gis ni skyes nas 'phel ba'i rgyu'o/ /gsum gyis ni 'gyur ba ste grang ba las gyur pa dang/ tsha ba las gyur pa dang yongs su ngal ba las gyur ba'o/ /bzhis ni yongs su 'gyur ba ste/ gnyis kyis ni gson pa nyid na gnod pa byas pa las gyur pa'o/ /gnyis kyis ni shi ba la gzhan dang rang gi dang gis yongs su 'gyur bar blta bar bya'o/ /

【O2 辯意根】

བཅོམ་ལྡན་འདས་ཀྱིས་རིང་དུ་སོང་ཞིང་གཅིག་པུ་རྒྱུ། །ལུས་མེད་ཕུག་ན་ཉལ་བ་ཡིན། །ཞེས་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། ཡིད་ཀྱི་དབང་པོ་ལ་སྟེ། སྔོན་གྱི་མཐའ་ལས་བརྩམས་ནས་ཐོག་མ་མེད་པའི་ཕྱིར་དང་ཤེས་བྱ་མཐའ་དག་ལ་དམིགས་པའི་ཕྱིར་རིང་དུ་སོང་བ་ཡིན་ནོ། །སེམས་ཀྱི་རྒྱུད་རེ་རེ་ནས་འཇུག་པའི་ཕྱིར་དང་བདག་པོ་མེད་པའི་ཕྱིར་གཅིག་ཏུ་རྒྱུ་བ་ཡིན་ནོ། །གཟུགས་མེད་པ་དང་བསྟན་དུ་མེད་པ་དང་ཐོགས་པ་མེད་པའི་ཕྱིར་ལུས་མེད་པ་ཡིན་ནོ། །གཟུགས་དང་མིང་ལ་བརྟེན་པའི་ཕྱིར་ཕུག་ན་ཉལ་བ་ཡིན་པར་བལྟ་བར་བྱའོ། །

bcom ldan 'das kyis ring du song zhing gcig pu rgyu/ /lus med phug na nyal ba yin/ /zhes gsungs pa dbang po gang la brten nas she na/ smras pa/ yid kyi dbang po la ste/ sngon gyi mtha' las brtsams nas thog ma med pa'i phyir dang shes bya mtha' dag la dmigs pa'i phyir ring du song ba yin no/ /sems kyi rgyud re re nas 'jug pa'i phyir dang bdag po med pa'i phyir gcig tu rgyu ba yin no/ /gzugs med pa dang bstan du med pa dang thogs pa med pa'i phyir lus med pa yin no/ /gzugs dang ming la brten pa'i phyir phug na nyal ba yin par blta bar bya'o/ /

【O3 辯男女根】

བཅོམ་ལྡན་འདས་ཀྱིས་བུད་མེད་ཀྱིས་ནི་སྐྱེས་པ་གནས་བརྒྱད་པོ་བྲོ་གར་དང༌། གླུ་དང༌། བགད་པ་དང༌། བལྟས་པ་དང༌། ཁ་དོག་དང༌། རེག་པ་དང༌། ཀུན་དུ་ཉལ་པོ་བཤམས་པ་དང༌། རྨ་འདྲལ་བ་དག་གིས་འཆིང་བར་བྱེད་དོ་ཞས་གསུངས་པ་དབང་པོ་གང་དག་ལ་བརྟེན་ནས་ཤེ་ན། སྨྲས་པ། དབང་པོ་གཉིས་ལས་ཏེ་ཕོའི་དབང་པོ་དང་མོའི་དབང་པོ་ལས་སོ། །དེ་ལ་རྩེ་བའི་དུས་ན་ནི་གནས་བཞིས་འཆིང་བར་བྱེད་དོ། །ཡོངས་སུ་ལོངས་སྤྱོད་པའི་དུས་ནའང་གནས་བཞིས་འཆིང་བར་བྱེད་དེ། རྩེ་བའི་དུས་ན་ནི་ལུས་དང་ངག་དང་ཁ་བཞིན་དང་མིག་གི་འཇོ་སྒེག་དག་གིས་འཆིང་བར་བྱེད་དོ། །ཡོངས་སུ་ལོངས་སྤྱོད་པའི་དུས་ན་ནི་གཟུགས་བཟང་བ་དང༌། མཉེ་བ་དང༌། ཉེ་བར་སྤྱོད་པ་དང༌། ཤིན་ཏུ་གཞོན་ཤ་ཅན་དག་གིས་འཆིང་བར་བྱེད་དོ། །

bcom ldan 'das kyis bud med kyis ni skyes pa gnas brgyad po bro gar dang/ glu dang/ bgad pa dang/ bltas pa dang/ kha dog dang/ reg pa dang/ kun du nyal po bshams pa dang/ rma 'dral ba dag gis 'ching bar byed do zhas gsungs pa dbang po gang dag la brten nas she na/ smras pa/ dbang po gnyis las te pho'i dbang po dang mo'i dbang po las so/ /de la rtse ba'i dus na ni gnas bzhis 'ching bar byed do/ /yongs su longs spyod pa'i dus na'ang gnas bzhis 'ching bar byed de/ rtse ba'i dus na ni lus dang ngag dang kha bzhin dang mig gi 'jo sgeg dag gis 'ching bar byed do/ /yongs su longs spyod pa'i dus na ni gzugs bzang ba dang/ mnye ba dang/ nye bar spyod pa dang/ shin tu gzhon sha can dag gis 'ching bar byed do/ /

【O4 辯命根】

བཅོམ་ལྡན་འདས་ཀྱིས་སྲོག་དང་ལྡན་པ་དང་གསོན་པ་དང་འཇུག་པ་དང་འཚོ་བ་དང་སྔོད་པར་བྱེད་དོ་ཞེས་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། སྲོག་གི་དབང་པོ་ལས་ཏེ་དབུགས་རྒྱུ་བ་དང་ཤེས་པ་ཡོད་པ་དང་ལྡན་པ་དང༌། དེ་ལས་གཞན་པའི་གནས་སྐབས་དང་འདྲ་བ་དང༌། དབང་བྱེད་པར་འགྱུར་བ་དང༌། ནད་མེད་པའི་ཕྱིར་རོ། །

bcom ldan 'das kyis srog dang ldan pa dang gson pa dang 'jug pa dang 'tsho ba dang sngod par byed do zhes gsungs pa dbang po gang la brten nas she na/ smras pa/ srog gi dbang po las te dbugs rgyu ba dang shes pa yod pa dang ldan pa dang/ de las gzhan pa'i gnas skabs dang 'dra ba dang/ dbang byed par 'gyur ba dang/ nad med pa'i phyir ro/ /

【O5 辯五受根】

བཅོམ་ལྡན་འདས་ཀྱིས་བདེ་བ་དང༌། ཚོར་བ་དང་ཚོར་བ་ལས་བྱུང་བ་ཞེས་གསུངས་པ་དབང་པོ་གང་དག་ལ་བརྟེན་ནས་ཤེ་ན། སྨྲས་པ། བདེ་བའི་དབང་པོ་དང་ཡིད་བདེ་བའི་དབང་པོ་ལས་ཏེ་དེ་ལས་གཞན་པའི་ཚོར་བའི་དབང་དུ་བྱས་ནས། རང་གི་མཚན་ཉིད་དང་སྤྱིའི་མཚན་ཉིད་དང༌། རྟེན་གྱི་མཚན་ཉིད་དེ་དག་བསྟན་ཏོ། །བདེ་བ་ལ་སོགས་པ་ཇི་ལྟ་བ་བཞིན་དུ་མི་བདེ་བ་ལ་སོགས་པ་དང་བདེ་བའང་མ་ཡིན་མི་བདེ་བའང་མ་ཡིན་པ་ལ་སོགས་པ་ལ་ཡང་ཅི་རིགས་པར་བལྟ་བར་བྱའོ། །

bcom ldan 'das kyis bde ba dang/ tshor ba dang tshor ba las byung ba zhes gsungs pa dbang po gang dag la brten nas she na/ smras pa/ bde ba'i dbang po dang yid bde ba'i dbang po las te de las gzhan pa'i tshor ba'i dbang du byas nas/ rang gi mtshan nyid dang spyi'i mtshan nyid dang/ rten gyi mtshan nyid de dag bstan to/ /bde ba la sogs pa ji lta ba bzhin du mi bde ba la sogs pa dang bde ba'ang ma yin mi bde ba'ang ma yin pa la sogs pa la yang ci rigs par blta bar bya'o/ /

【O6 辯信根】

བཅོམ་ལྡན་འདས་ཀྱིས་དེ་བཞིན་གཤེགས་པ་ལ་དད་པས་ངེས་པར་ཞེན་པ་དང་རྟིང་ཚུགས་པ་དང་རབ་ཏུ་གནས་པ་ནི་འཇིག་རྟེན་ན་དགེ་སྦྱོང་ངམ་བྲམ་ཟེའམ་ལྷའམ་བདུད་དམ་ཚངས་པའམ་སུས་ཀྱང་ཆོས་དང་མཐུན་པས་འཕྲོགས་པར་མི་འགྱུར་རོ་ཞེས་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། དད་པའི་དབང་པོ་ལ་སྟེ་ཐོས་པ་དང་བསམ་པ་དང་བསྒོམ་པ་ལ་མོས་པ་དག་གིས་དད་པའི་དོན་གྱི་སྙིང་པོ་ཡོངས་སུ་བསྟན་ཏོ། །དེའང་སྙིང་པོ་ཉིད་ཡིན་པར་ཇི་ལྟར་ཁོང་དུ་ཆུད་པར་བྱ་བའི་ཐབས་དེ་ནི་ཤེས་པ་དང་སྐྱེ་བ་དང་དབང་དང་རྣམ་པར་དག་པ་ཁྱད་པར་ཅན་དག་གིས་ཀྱང་དེ་གཡོས་པར་མི་འགྱུར་ན་མི་ཕལ་པ་དག་གིས་ལྟ་ཅི་སྨོས་ཞེས་ཡོངས་སུ་བསྟན་ཏོ། །དོན་གྱི་སྙིང་པོའི་རྣམ་གྲངས་གཞན་ཡང་འཇིག་རྟེན་པའི་མོས་པ་ཤིན་ཏུ་རྣམ་པར་ངེས་པས་ནི་ངེས་པར་ཞེན་པ་ཡིན་ནོ། །འཇིག་རྟེན་ལས་འདས་པའི་མོས་པའི་རྩ་བར་གྱུར་པ་ཡིན་པའི་ཕྱིར་རྟིང་ཚུགས་པ་ཡིན་ནོ། །འཇིག་རྟེན་ལས་འདས་པའི་མོས་པ་རྣམ་པར་དག་པས་རབ་ཏུ་གནས་པའི་ཕྱིར་རབ་ཏུ་གནས་པ་ཡིན་ཏེ། དང་པོ་ནི་བསྟན་པའི་ཚིག་ཡིན་ནོ། །གཉིས་ནི་བཤད་པའི་ཚིག་ཡིན་པར་བལྟ་བར་བྱའོ། །

bcom ldan 'das kyis de bzhin gshegs pa la dad pas nges par zhen pa dang rting tshugs pa dang rab tu gnas pa ni 'jig rten na dge sbyong ngam bram ze'am lha'am bdud dam tshangs pa'am sus kyang chos dang mthun pas 'phrogs par mi 'gyur ro zhes gsungs pa dbang po gang la brten nas she na/ smras pa/ dad pa'i dbang po la ste thos pa dang bsam pa dang bsgom pa la mos pa dag gis dad pa'i don gyi snying po yongs su bstan to/ /de'ang snying po nyid yin par ji ltar khong du chud par bya ba'i thabs de ni shes pa dang skye ba dang dbang dang rnam par dag pa khyad par can dag gis kyang de g.yos par mi 'gyur na mi phal pa dag gis lta ci smos zhes yongs su bstan to/ /don gyi snying po'i rnam grangs gzhan yang 'jig rten pa'i mos pa shin tu rnam par nges pas ni nges par zhen pa yin no/ /'jig rten las 'das pa'i mos pa'i rtsa bar gyur pa yin pa'i phyir rting tshugs pa yin no/ /'jig rten las 'das pa'i mos pa rnam par dag pas rab tu gnas pa'i phyir rab tu gnas pa yin te/ dang po ni bstan pa'i tshig yin no/ /gnyis ni bshad pa'i tshig yin par blta bar bya'o/ /

【O7 辯精進根】

བཅོམ་ལྡན་འདས་ཀྱིས་མཐུ་དང་ལྡན་པ་དང་བརྩོན་འགྲུས་དང་ལྡན་པ་དང་སྤྲོ་བ་དང་ལྡན་པ་དང་བརྟུལ་བ་དང་བརྟེན་པ་དང་བརྩོན་པ་མ་བོར་བར་དགེ་བའི་ཆོས་རྣམས་ལ་གནས་སོ་ཞེས་གང་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། བརྩོན་འགྲུས་ཀྱི་དབང་པོ་ལ་སྟེ་མདོར་བསྡུ་ན་རྣམ་པ་ལྔ་པོ་དག་གིས་རྣམ་པ་ཐམས་ཅད་ཀྱི་བརྩོན་འགྲུས་དེ་ཡོངས་སུ་བསྟན་པ་ཡིན་ཏེ། གོ་ཆའི་བརྩོན་འགྲུས་དང་སྦྱོར་བའི་བརྩོན་འགྲུས་དང་མི་ཞུམ་པའི་བརྩོན་འགྲུས་དང་མི་འཁྲུལ་པའི་བརྩོན་འགྲུས་དང་ཆོག་མི་ཤེས་པའི་བརྩོན་འགྲུས་སོ། །

bcom ldan 'das kyis mthu dang ldan pa dang brtson 'grus dang ldan pa dang spro ba dang ldan pa dang brtul ba dang brten pa dang brtson pa ma bor bar dge ba'i chos rnams la gnas so zhes gang gsungs pa dbang po gang la brten nas she na/ smras pa/ brtson 'grus kyi dbang po la ste mdor bsdu na rnam pa lnga po dag gis rnam pa thams cad kyi brtson 'grus de yongs su bstan pa yin te/ go cha'i brtson 'grus dang sbyor ba'i brtson 'grus dang mi zhum pa'i brtson 'grus dang mi 'khrul pa'i brtson 'grus dang chog mi shes pa'i brtson 'grus so/ /

【O8 辯念根】

བཅོམ་ལྡན་འདས་ཀྱིས་དྲན་པ་དང་ཀུན་དུ་དྲན་པ་དང་རྗེས་སུ་དྲན་པ་དང་སོ་སོར་དྲན་པ་དང་མི་བརྗེད་པ་ཉིད་དང་སེམས་པས་མངོན་པར་བརྗོད་པ་ཉིད་དང་བརྗེད་པ་མེད་པ་ཉིད་དང་རབ་ཏུ་མི་བརྗེད་པ་ཉིད་དང་ཡང་དག་པར་མི་བརྗེད་པའི་ཆོས་ཉིད་ཅེས་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། དྲན་པའི་དབང་པོ་ལ་སྟེ་རྣམ་གྲངས་དེ་དག་གི་དོན་ནི་འདི་ལྟ་སྟེ། རྣམ་གྲངས་བསྡུ་བ་ལས་རིག་པར་བྱའོ། །

bcom ldan 'das kyis dran pa dang kun du dran pa dang rjes su dran pa dang so sor dran pa dang mi brjed pa nyid dang sems pas mngon par brjod pa nyid dang brjed pa med pa nyid dang rab tu mi brjed pa nyid dang yang dag par mi brjed pa'i chos nyid ces gsungs pa dbang po gang la brten nas she na/ smras pa/ dran pa'i dbang po la ste rnam grangs de dag gi don ni 'di lta ste/ rnam grangs bsdu ba las rig par bya'o/ /

【O9 辨定根差別】

བཅོམ་ལྡན་འདས་ཀྱིས་སེམས་གནས་པ་དང་ཡང་དག་པར་གནས་པ་དང་བསྡུས་ཏེ་གནས་པ་དང་ཉེ་བར་གནས་པ་དང༌། དུལ་བ་དང་ཞི་བ་དང༌། ཉེ་བར་ཞི་བ་དང་རྒྱུད་གཅིག་ཏུ་གྱུར་པ་དང་ཏིང་ངེ་འཛིན་དུ་འཇོག་པ་ཞེས་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། ཏིང་ངེ་འཛིན་གྱི་དབང་པོ་ལ་སྟེ་རྣམ་གྲངས་དེ་དག་གི་དོན་ནི་འདི་ལྟ་སྟེ་ཉན་ཐོས་ཀྱི་ས་ལས་རིག་པར་བྱའོ། །

bcom ldan 'das kyis sems gnas pa dang yang dag par gnas pa dang bsdus te gnas pa dang nye bar gnas pa dang/ dul ba dang zhi ba dang/ nye bar zhi ba dang rgyud gcig tu gyur pa dang ting nge 'dzin du 'jog pa zhes gsungs pa dbang po gang la brten nas she na/ smras pa/ ting nge 'dzin gyi dbang po la ste rnam grangs de dag gi don ni 'di lta ste nyan thos kyi sa las rig par bya'o/ /

【O10 辨慧根差別】

བཅོམ་ལྡན་འདས་ཀྱིས་ཆོས་རྣམས་རྣམ་པར་འབྱེད་པར་བྱེད་པ་དང་རབ་ཏུ་རྣམ་པར་འབྱེད་པར་བྱེད་པ་དང་ཡོངས་སུ་རྟོག་པར་བྱེད་པ་དང་ཡོངས་སུ་དཔྱོད་པར་བྱེད་དོ་ཞེས་གང་གསུངས་པ་དབང་པོ་གང་ལ་བརྟེན་ནས་ཤེ་ན། སྨྲས་པ། ཤེས་རབ་ཀྱི་དབང་པོ་ལ་སྟེ་རྣམ་གྲངས་དེ་དག་གི་དོན་ཀྱང་འདི་ལྟ་སྟེ། ཉན་ཐོས་ཀྱི་ས་ལས་རིག་པར་བྱའོ། །

bcom ldan 'das kyis chos rnams rnam par 'byed par byed pa dang rab tu rnam par 'byed par byed pa dang yongs su rtog par byed pa dang yongs su dpyod par byed do zhes gang gsungs pa dbang po gang la brten nas she na/ smras pa/ shes rab kyi dbang po la ste rnam grangs de dag gi don kyang 'di lta ste/ nyan thos kyi sa las rig par bya'o/ /

【N2 辨三無漏根更無別解】

དེ་ལས་གཞན་པའི་དབང་པོ་དགེ་བ་རྣམས་ནི་དད་པ་ལ་སོགས་པའི་དབང་པོས་བསྡུས་པ་ཡིན་པའི་ཕྱིར་དོན་གྱི་རྣམ་གྲངས་གཞན་མི་དམིགས་སོ། །

de las gzhan pa'i dbang po dge ba rnams ni dad pa la sogs pa'i dbang pos bsdus pa yin pa'i phyir don gyi rnam grangs gzhan mi dmigs so/ /

【M3 解依處之義】【N1 約四念住以辨依處】

དབང་པོ་དུ་དག་ལ་བརྟེན་ནས་ལུས་དྲན་པ་ཉེ་བར་གཞག་པ་གདགས་པར་མཛད་ཅེ་ན། སྨྲས་པ། བདུན་ལའོ། །དབང་པོ་དུ་དག་ལ་བརྟེན་ནས་ཚོར་བ་དྲན་པ་ཉེ་བར་གཞག་པ་གདགས་པར་མཛད་ཅེ་ན། སྨྲས་པ། ལྔ་ལའོ། །དབང་པོ་དུ་དག་ལ་བརྟེན་ནས་སེམས་དྲན་པ་ཉེ་བར་གཞག་པ་གདགས་པར་མཛད་ཅེ་ན། སྨྲས་པ། གཅིག་ལའོ། །དབང་པོ་དུ་དག་ལ་བརྟེན་ནས་ཆོས་དྲན་པ་ཉེ་བར་གཞག་པ་གདགས་པར་མཛད་ཅེ་ན། སྨྲས་པ། ཐ་མ་བརྒྱད་དང་སྲོག་གི་དབང་པོ་ལའོ། །

dbang po du dag la brten nas lus dran pa nye bar gzhag pa gdags par mdzad ce na/ smras pa/ bdun la'o/ /dbang po du dag la brten nas tshor ba dran pa nye bar gzhag pa gdags par mdzad ce na/ smras pa/ lnga la'o/ /dbang po du dag la brten nas sems dran pa nye bar gzhag pa gdags par mdzad ce na/ smras pa/ gcig la'o/ /dbang po du dag la brten nas chos dran pa nye bar gzhag pa gdags par mdzad ce na/ smras pa/ tha ma brgyad dang srog gi dbang po la'o/ /

【N2 約四諦辯】

དབང་པོ་དུ་ཞིག་གཙོ་ཆེར་སྡུག་བསྔལ་གྱི་བདེན་པའི་གནས་དག་ཡིན་ཞེ་ན། སྨྲས་པ། དགུའོ། །དབང་པོ་དུ་ཞིག་གཙོ་ཆེར་ཀུན་འབྱུང་པའི་བདེན་པའི་གནས་དག་ཡིན་ཞེ་ན། སྨྲས་པ། ལྔའོ། །དབང་པོ་དུ་ཞིག་འགོག་པའི་བདེན་པའི་གནས་དག་ཡིན་ཞེ་ན༑ སྨྲས་པ། ཐམས་ཅད་དོ། །དབང་པོ་དུ་ཞིག་ལམ་གྱི་བདེན་པའི་གནས་དག་ཡིན་ཞེ་ན། སྨྲས་པ། ཐ་མ་བརྒྱད་དོ། །

dbang po du zhig gtso cher sdug bsngal gyi bden pa'i gnas dag yin zhe na/ smras pa/ dgu'o/ /dbang po du zhig gtso cher kun 'byung pa'i bden pa'i gnas dag yin zhe na/ smras pa/ lnga'o/ /dbang po du zhig 'gog pa'i bden pa'i gnas dag yin zhe na| smras pa/ thams cad do/ /dbang po du zhig lam gyi bden pa'i gnas dag yin zhe na/ smras pa/ tha ma brgyad do/ /

【N3 約三業辯】

དབང་པོ་དུ་དག་ལ་བརྟེན་ནས་ལེགས་པར་བསམ་པ་སེམས་པ་ཡིན་ཞེ་ན། སྨྲས་པ། དགུ་ལའོ། །དབང་པོ་དུ་དག་ལ་བརྟེན་ནས་ལེགས་པར་སྨྲ་བ་བརྗོད་པ་ཡིན་ཞེ་ན། སྨྲས་པ། བཅུ་ལའོ། །དབང་པོ་དུ་དག་ལ་བརྟེན་ནས་ལེགས་པར་བྱས་པའི་ལས་བྱེད་པ་ཡིན་ཞེ་ན། སྨྲས་པ། བཅུ་དྲུག་ལའོ། །ཉེས་པར་བསམ་པ་སེམས་པ་དང་ཉེས་པར་སྨྲ་བར་བརྗོད་པ་དང་ཉེས་པར་བྱ་བའི་ལས་བྱེད་པ་ཡང་དེ་བཞིན་དུ་ཅི་རིགས་པར་བལྟ་བར་བྱའོ། །

dbang po du dag la brten nas legs par bsam pa sems pa yin zhe na/ smras pa/ dgu la'o/ /dbang po du dag la brten nas legs par smra ba brjod pa yin zhe na/ smras pa/ bcu la'o/ /dbang po du dag la brten nas legs par byas pa'i las byed pa yin zhe na/ smras pa/ bcu drug la'o/ /nyes par bsam pa sems pa dang nyes par smra bar brjod pa dang nyes par bya ba'i las byed pa yang de bzhin du ci rigs par blta bar bya'o/ /

【N4 約惑業辯】

དབང་པོ་དུ་དག་གཙོ་ཆེར་ཉོན་མོངས་པ་རྣམས་དང་ལས་རྣམས་ལ་བརྟེན་ནས་འབྱུང་ཞེ་ན། སྨྲས་པ། དགུའོ། །དབང་པོ་དུ་དག་ལ་བརྟེན་ནས་ཉོན་མོངས་པ་རྣམས་དང་ལས་དག་འབྱུང་ཞེ་ན། སྨྲས་པ། ལྔ་ལའོ། །དབང་པོ་དུ་དག་ལ་བརྟེན་ནས་ཉོན་མོངས་པ་དང་ལས་དག་སྤོང་བར་འགྱུར་ཞེ་ན། སྨྲས་པ། ཐ་མ་བརྒྱད་ལའོ། །

dbang po du dag gtso cher nyon mongs pa rnams dang las rnams la brten nas 'byung zhe na/ smras pa/ dgu'o/ /dbang po du dag la brten nas nyon mongs pa rnams dang las dag 'byung zhe na/ smras pa/ lnga la'o/ /dbang po du dag la brten nas nyon mongs pa dang las dag spong bar 'gyur zhe na/ smras pa/ tha ma brgyad la'o/ /

【N5 約吉祥事辨】【O1 明依處】

དབང་པོ་དུ་དག་གིས་འཇིག་རྟེན་པ་དང་འཇིག་རྟེན་ལས་འདས་པའི་དཔལ་ཉམས་སུ་མྱོང་བར་འགྱུར་ཞེ་ན། སྨྲས་པ། གཉིས་མ་གཏོགས་པ་རྣམས་ཀྱིས་སོ། །དབང་པོ་དུ་དག་གིས་དཔལ་ཉམས་པ་ཉམས་སུ་མྱོང་བར་འགྱུར་ཞེ་ན། སྨྲས་པ། བཅུ་གཅིག་གིས་སོ། །དབང་པོ་དུ་ཞིག་དཔལ་འདྲེན་པར་བྱེད་པ་དག་ཡིན་ཞེ་ན། སྨྲས་པ། ཐ་མ་བརྒྱད་དོ། །

dbang po du dag gis 'jig rten pa dang 'jig rten las 'das pa'i dpal nyams su myong bar 'gyur zhe na/ smras pa/ gnyis ma gtogs pa rnams kyis so/ /dbang po du dag gis dpal nyams pa nyams su myong bar 'gyur zhe na/ smras pa/ bcu gcig gis so/ /dbang po du zhig dpal 'dren par byed pa dag yin zhe na/ smras pa/ tha ma brgyad do/ /

【O2 別辨吉祥差別】【P1 引聖教列其五種作吉祥法】

བཅོམ་ལྡན་འདས་ཀྱིས་འདོད་པ་ལ་ལོངས་སྤྱོད་པ་རྣམས་ཀྱི་དཔལ་བྱེད་པའི་ཆོས་ནི་ལྔ་པོ་འདི་དག་ཡིན་ཏེ་བཟོད་པ་དང༌། དེས་པ་དང༌། མི་ཡོངས་སུ་བརྟག་པ་དང༌། གཏོང་བ་སྤྱོད་པ་དང༌། བག་ཡོད་པའོ་ཞེས་གང་གསུངས་པ་

bcom ldan 'das kyis 'dod pa la longs spyod pa rnams kyi dpal byed pa'i chos ni lnga po 'di dag yin te bzod pa dang/ des pa dang/ mi yongs su brtag pa dang/ gtong ba spyod pa dang/ bag yod pa'o zhes gang gsungs pa

【P2 別釋五法】【Q1 解忍辱】

དེ་ལ་བཟོད་པ་གང་ཞེ་ན། དེའི་མཚན་ཉིད་ནི་རྣམ་པ་གསུམ་དུ་བལྟ་བར་བྱ་སྟེ་མི་འཁྲུགས་པ་དང་ཕྱིར་གནོད་པ་མི་བྱེད་པ་དང་ཁོན་གྱི་བསམ་པ་མི་འཛིན་པའོ། །རྣམ་པའི་རབ་ཏུ་དབྱེ་བ་ལས་ནི་རྣམ་པ་བཅུ་སྟེ། གནོད་པ་བྱས་པ་བཟོད་པ་དང༌། གནོད་པ་བྱེད་པ་ཉེ་བར་གནས་པ་བཟོད་པ་དང༌། གནོད་པ་བྱེད་དུ་དོགས་པ་བཟོད་པ་དང༌། གནོད་པ་བྱེད་པ་ལ་ཕན་འདོགས་པ་ལ་བཟོད་པ་དང༌། ཕན་འདོགས་པ་ལ་གནོད་པ་བྱེད་པ་ལ་བཟོད་པ་དང༌། གནོད་པ་བྱེད་པ་ཐམས་ཅད་བཟོད་པ་དང༌། ཐམས་ཅད་ལས་གནོད་པ་བྱེད་པ་བཟོད་པ་དང༌། གནོད་པ་བྱེད་པ་ཤད་ཀྱིས་སྤྱོང་བ་དང་དུ་ལེན་པའི་བཟོད་པ་དང༌། གནོད་པ་བྱེད་པ་ལ་སོ་སོར་རྟོག་པའི་སྟོབས་ཀྱིས་བཟོད་པ་དང༌། གནོད་པ་བྱེད་པའི་རང་བཞིན་གྱིས་བཟོད་པ་སྟེ། དེ་དག་ཐམས་ཅད་གཅིག་ཏུ་བསྡུས་པ་ནི་གནོད་པ་ལ་མི་བྱེད་པའི་བཟོད་པ་ཞེས་བྱའོ། །

de la bzod pa gang zhe na/ de'i mtshan nyid ni rnam pa gsum du blta bar bya ste mi 'khrugs pa dang phyir gnod pa mi byed pa dang khon gyi bsam pa mi 'dzin pa'o/ /rnam pa'i rab tu dbye ba las ni rnam pa bcu ste/ gnod pa byas pa bzod pa dang/ gnod pa byed pa nye bar gnas pa bzod pa dang/ gnod pa byed du dogs pa bzod pa dang/ gnod pa byed pa la phan 'dogs pa la bzod pa dang/ phan 'dogs pa la gnod pa byed pa la bzod pa dang/ gnod pa byed pa thams cad bzod pa dang/ thams cad las gnod pa byed pa bzod pa dang/ gnod pa byed pa shad kyis spyong ba dang du len pa'i bzod pa dang/ gnod pa byed pa la so sor rtog pa'i stobs kyis bzod pa dang/ gnod pa byed pa'i rang bzhin gyis bzod pa ste/ de dag thams cad gcig tu bsdus pa ni gnod pa la mi byed pa'i bzod pa zhes bya'o/ /

【Q2 解柔和】

ངེས་པ་གང་ཞེ་ན། གཞན་གྱིས་གནོད་པ་བྱས་པ་ལ་ལུས་དང་ངག་དང་ཡིད་ཀྱིས་རྗེས་སུ་སྲུང་བའི་ངང་ཚུལ་ཅན་ཉིད་ཡིན་ཏེ་གཞན་དག་ལ་བདེ་བ་དང་ཡིད་བདེ་བ་ཁ་ན་མ་ཐོ་བ་མེད་པ་མ་སྐྱེས་པ་ནི་སྐྱེད་པར་མི་བྱེད་ལ། སྐྱེས་པ་ནི་རྗེས་སུ་སྲུང་བར་བྱེད་པ་དང༌། སྡུག་བསྔལ་དང་ཡིད་མི་བདེ་བ་ཁ་ན་མ་ཐོ་བ་དང་བཅས་པ་མ་སྐྱེས་པ་ནི་མི་སྐྱེད་ལ་སྐྱེས་པ་ནི་སེལ་བར་བྱེད་པའོ། །དེ་ལ་བཟོད་པས་ནི་གཞན་གྱིས་གནོད་པ་བྱས་པ་བཟོད་པར་བྱེད་དོ། །

nges pa gang zhe na/ gzhan gyis gnod pa byas pa la lus dang ngag dang yid kyis rjes su srung ba'i ngang tshul can nyid yin te gzhan dag la bde ba dang yid bde ba kha na ma tho ba med pa ma skyes pa ni skyed par mi byed la/ skyes pa ni rjes su srung bar byed pa dang/ sdug bsngal dang yid mi bde ba kha na ma tho ba dang bcas pa ma skyes pa ni mi skyed la skyes pa ni sel bar byed pa'o/ /de la bzod pas ni gzhan gyis gnod pa byas pa bzod par byed do/ /

【Q3 解觀人而捨】【R1 辨觀人二時差別】

དེས་པས་ནི་གཞན་དག་ལ་གནོད་པ་མི་བྱེད་དེ་དེ་ལྟར་ན་དེ་གཉིས་ཀྱི་བྱེ་བྲག་ནི་དེ་ཡོད་དེ། མི་ཡོངས་སུ་བརྟག་པ་ནི་དུས་གཉིས་སུ་བལྟ་བར་བྱ་སྟེ། བསྙེན་པའི་དུས་དང་བསྐོ་བའི་དུས་སུའོ། །དེ་ལ་བསྙེན་པའི་དུས་སུ་ནི་རྣམ་པ་ལྔས་མི་ཡོངས་སུ་བརྟགས་ནས་བསྙེན་པར་བྱ་སྟེ། གུས་པ་དང་ནུས་པ་དང་ཤེས་པ་དང༌། སྤྱོད་པ་དང༌། ཆོག་ཤེས་པས་སོ། །གཞན་རྣམ་པ་ལྔས་ནི་མི་ཡོངས་སུ་བརྟགས་ནས་བསྐོ་བར་བྱ་སྟེ། ལས་ཀྱི་མཐར་བསྐོ་བར་འོས་པ་ཞིག་ན་ནི་ལས་ཀྱི་མཐའ་རྣམས་སུ་བསྐོ་བར་བྱའོ། །བསམ་པའི་ལས་སུ་བསྐོ་བར་འོས་པ་ཞིག་ན་ནི་བསམ་པའི་ལས་རྣམས་སུ་བསྐོའོ། །གཡུལ་ངོའི་ལས་སུ་བསྐོ་བར་འོས་པ་ཞིག་ན་ནི་གཡུལ་ངོའི་ལས་རྣམས་སུ་བསྐོའོ། །བདག་དང་ནོར་བསྲུང་བར་འོས་པ་ཞིག་ན་ནི་བདག་ཉིད་དང་ནོར་བསྲུང་བའི་ལས་རྣམས་སུ་བསྐོའོ། །ཆོས་ཀྱི་ལས་སུ་བསྐོ་བར་འོས་པ་ཞིག་ན་ནི་ཆོས་ཀྱི་ལས་རྣམས་སུ་བསྐོ་བར་བྱའོ། །

des pas ni gzhan dag la gnod pa mi byed de de ltar na de gnyis kyi bye brag ni de yod de/ mi yongs su brtag pa ni dus gnyis su blta bar bya ste/ bsnyen pa'i dus dang bsko ba'i dus su'o/ /de la bsnyen pa'i dus su ni rnam pa lngas mi yongs su brtags nas bsnyen par bya ste/ gus pa dang nus pa dang shes pa dang/ spyod pa dang/ chog shes pas so/ /gzhan rnam pa lngas ni mi yongs su brtags nas bsko bar bya ste/ las kyi mthar bsko bar 'os pa zhig na ni las kyi mtha' rnams su bsko bar bya'o/ /bsam pa'i las su bsko bar 'os pa zhig na ni bsam pa'i las rnams su bsko'o/ /g.yul ngo'i las su bsko bar 'os pa zhig na ni g.yul ngo'i las rnams su bsko'o/ /bdag dang nor bsrung bar 'os pa zhig na ni bdag nyid dang nor bsrung ba'i las rnams su bsko'o/ /chos kyi las su bsko bar 'os pa zhig na ni chos kyi las rnams su bsko bar bya'o/ /

【R2 明捨】

གཏོང་བ་ནི་མདོར་བསྡུ་ན་རྣམ་པ་ལྔར་བལྟ་བར་བྱ་སྟེ། ས་གཞི་གཏོང་བ་དང་ལོངས་སྤྱོད་གཏོང་བ་དང་རྐྱེན་དུ་འབབ་པ་གཏོང་བ་དང་སྙོམས་པར་གཏོང་བ་དང་ཁྱད་པར་དུ་འཕགས་པ་གཏོང་བ་སྟེ། དེའང་མཚན་ཉིད་ལས་ནི་གང་གིས་སྦྱིན་པར་བྱེད་པ་དེ་གཏོང་བའོ། །

gtong ba ni mdor bsdu na rnam pa lngar blta bar bya ste/ sa gzhi gtong ba dang longs spyod gtong ba dang rkyen du 'bab pa gtong ba dang snyoms par gtong ba dang khyad par du 'phags pa gtong ba ste/ de'ang mtshan nyid las ni gang gis sbyin par byed pa de gtong ba'o/ /

【Q4 解賢善行】

སྤྱོད་པ་ནི་གཞན་དག་ལ་མི་འཁུ་བ་དང་མི་སླུ་བའི་ངང་ཚུལ་ཉིད་དེ། མི་འཁུ་བ་དེའང་རྣམ་པ་ལྔ་སྟེ། དམས་པ་ན་མི་འཁུ་བ་དང་ཡིད་བརྟན་པ་ལ་མི་འཁུ་བ་དང་ཉེ་བར་སྤྱོད་པས་མི་འཁུ་བ་དང་དམ་བཅས་པ་ལས་མི་འཁུ་བ་དང་གཞན་ལ་ཚོལ་ཞིང་མི་འཁུ་བའོ། །

spyod pa ni gzhan dag la mi 'khu ba dang mi slu ba'i ngang tshul nyid de/ mi 'khu ba de'ang rnam pa lnga ste/ dmas pa na mi 'khu ba dang yid brtan pa la mi 'khu ba dang nye bar spyod pas mi 'khu ba dang dam bcas pa las mi 'khu ba dang gzhan la tshol zhing mi 'khu ba'o/ /

【Q5 解不放逸】

བག་ཡོད་པ་ནི་དགེ་བའི་ཆོས་རྣམས་བསྒོམ་པ་དང་མི་དགེ་བ་ལས་སེམས་སྲུང་བ་གང་ཡིན་པ་སྟེ། རྒྱུ་དང་འབྲས་བུར་འབྲེལ་པ་ལས་དེ་གཉི་གའང་མཚན་ཉིད་དུ་རུང་ངོ༌། །དེའང་རྣམ་པ་ལྔ་ཁོ་ནར་བལྟ་བར་བྱ་སྟེ། ལོངས་སྤྱོད་སྒྲུབ་པ་ལ་བག་ཡོད་པ་དང་ལོངས་སྤྱོད་སྲུང་བ་ལ་བག་ཡོད་པ་དང་བདག་ཉིད་བསྲུང་བ་ལ་བག་ཡོད་པ་དང༌། གྲགས་པ་བསྲུང་བ་ལ་བག་ཡོད་པ་དང་ཆོས་སྤྱོད་པ་ལ་བག་ཡོད་པའོ། །

bag yod pa ni dge ba'i chos rnams bsgom pa dang mi dge ba las sems srung ba gang yin pa ste/ rgyu dang 'bras bur 'brel pa las de gnyi ga'ang mtshan nyid du rung ngo/ /de'ang rnam pa lnga kho nar blta bar bya ste/ longs spyod sgrub pa la bag yod pa dang longs spyod srung ba la bag yod pa dang bdag nyid bsrung ba la bag yod pa dang/ grags pa bsrung ba la bag yod pa dang chos spyod pa la bag yod pa'o/ /

【P3 總結五力生五吉祥】

དེ་དག་ཐམས་ཅད་བསྡུས་ན་དཔལ་སྒྲུབ་པར་བྱེད་པའི་སྟོབས་ལྔར་འགྱུར་ཏེ། ངང་ཚུལ་བཟང་པོའི་སྟོབས་དང་གྲོགས་དང་མཛའ་བཤེས་བཟང་པོའི་སྟོབས་དང༌། མི་ཞན་པའི་སྟོབས་དང༌། ཡིད་གཅུགས་པའི་སྟོབས་དང༌། ཆོས་ཀྱི་སྟོབས་སོ། །དཔལ་ཡང་རྣམ་པ་ལྔར་བལྟ་བར་བྱ་སྟེ། སྐྱེ་དགུ་རྗེས་སུ་དགའ་བ་དང༌། དབང་ཕྱུག་གི་བདག་པོ་དང༌། དགྲ་ཐུལ་བ་དང༌། བརྟེན་པ་ལ་ཕན་པ་དང༌། བདེ་འགྲོར་འགྲོ་བའོ། །དེ་ལ་སྟོབས་དང་པོ་བཞི་བསྡུས་པ་ནི། དཔལ་རྣམ་པ་བཞི་སྒྲུབ་པར་བྱེད་པ་ཡིན་པར་བལྟ་བར་བྱའོ། །སྟོབས་ལྔ་པ་ནི་དཔལ་ལྔ་པ་སྒྲུབ་པར་བྱེད་པ་ཡིན་ནོ།། །།

de dag thams cad bsdus na dpal sgrub par byed pa'i stobs lngar 'gyur te/ ngang tshul bzang po'i stobs dang grogs dang mdza' bshes bzang po'i stobs dang/ mi zhan pa'i stobs dang/ yid gcugs pa'i stobs dang/ chos kyi stobs so/ /dpal yang rnam pa lngar blta bar bya ste/ skye dgu rjes su dga' ba dang/ dbang phyug gi bdag po dang/ dgra thul ba dang/ brten pa la phan pa dang/ bde 'gror 'gro ba'o/ /de la stobs dang po bzhi bsdus pa ni/ dpal rnam pa bzhi sgrub par byed pa yin par blta bar bya'o/ /stobs lnga pa ni dpal lnga pa sgrub par byed pa yin no// //

【L3 辨證得】【M1 明為緣感得先煩惱業】

བམ་པོ་བཅུ་གཅིག་པ། དབང་པོ་དུ་ཞིག་སྔོན་གྱི་ཉོན་མོངས་པ་དང་ལས་ཀྱི་འཕེན་པ་ལས་དམིགས་པ་དག་ཡིན་ཞེ་ན། སྨྲས་པ། བརྒྱད་དོ། །དུ་ཞིག་མིང་དང་གཟུགས་ཀྱི་རྐྱེན་ལས་ཀྱང་དམིགས་པ་ཡིན་ཞེ་ན། སྨྲས་པ། གཅིག་གོ༑ །དུ་ཞིག་རེག་པའི་རྐྱེན་ལས་ཀྱང་དམིགས་པ་ཡིན་ཞེ་ན། སྨྲས་པ། ལྔའོ༑ །དུ་ཞིག་འབད་པའི་རྐྱེན་ལས་ཀྱང་དམིགས་པ་ཡིན་ཞེ་ན། སྨྲས་པ། བརྒྱད་དོ། །

bam po bcu gcig pa/ dbang po du zhig sngon gyi nyon mongs pa dang las kyi 'phen pa las dmigs pa dag yin zhe na/ smras pa/ brgyad do/ /du zhig ming dang gzugs kyi rkyen las kyang dmigs pa yin zhe na/ smras pa/ gcig go| /du zhig reg pa'i rkyen las kyang dmigs pa yin zhe na/ smras pa/ lnga'o| /du zhig 'bad pa'i rkyen las kyang dmigs pa yin zhe na/ smras pa/ brgyad do/ /

【M2 明防護】

དབང་པོ་དུ་ཞིག་བསྡམ་པར་བྱ་བ་དག་ཡིན་ཞེ་ན། སྨྲས་པ། བརྒྱད་དོ། །དུ་ཞིག་ཡང་དག་པར་ཞི་བར་བྱ་བ་དག་ཡིན་ཞེ་ན། སྨྲས་པ། གཅིག་གོ། །དུ་ཞིག་ཉེ་བར་ཞི་བར་བྱ་བ་དག་ཡིན་ཞེ་ན། སྨྲས་པ། ལྔའོ། །དུ་ཞིག་ངོ་བོ་ཉིད་ཀྱིས་དུལ་བ་དང་ཞི་བ་དང་ཉེ་བར་ཞི་བ་ཡིན་ལ་དུལ་བ་དང་ཞི་བ་དང་ཉེ་བར་ཞི་བར་བྱ་བའི་ཕྱིར་འཇུག་པ་དག་ཀྱང་ཡིན་ཞེ་ན། སྨྲས་པ། བརྒྱད་དོ། །

dbang po du zhig bsdam par bya ba dag yin zhe na/ smras pa/ brgyad do/ /du zhig yang dag par zhi bar bya ba dag yin zhe na/ smras pa/ gcig go/ /du zhig nye bar zhi bar bya ba dag yin zhe na/ smras pa/ lnga'o/ /du zhig ngo bo nyid kyis dul ba dang zhi ba dang nye bar zhi ba yin la dul ba dang zhi ba dang nye bar zhi bar bya ba'i phyir 'jug pa dag kyang yin zhe na/ smras pa/ brgyad do/ /

【M3 明捨棄斷退】

དབང་པོ་རྣམས་ཀྱི་ཉམས་པ་གང་ཞེ་ན། སྨྲས་པ། ཁམས་མཐུན་པའི་ས་པ་དག་འགགས་ཤིང་དེ་ལས་གཞན་པ་འགྲུབ་པ་གང་དག་ཡིན་པའོ། །རྣམ་པར་ཉམས་པ་གང་ཞེ་ན། སྨྲས་པ། ཁམས་མི་མཐུན་པའི་ས་པ་དག་འགགས་ཤིང་དེ་ལས་གཞན་པ་འགྲུབ་པ་གང་དག་ཡིན་པའོ། །རབ་ཏུ་ཉམས་པ་གང་ཞེ་ན། སྨྲས་པ། དེ་དང་འབྲེལ་བའི་ཉོན་མོངས་པ་རབ་ཏུ་སྤོང་བ་དག་གང་ཡིན་པའོ། །དབང་པོ་རྣམས་ཀྱི་ཡོངས་སུ་ཉམས་པ་གང་ཞེ་ན། སྨྲས་པ། འཇིག་རྟེན་པའི་འབྱོར་པ་དག་སྙོམས་པར་འཇུག་པ་དང་། སྐྱེ་བ་ལས་ཉམས་པ་གང་དག་ཡིན་པའོ། །

dbang po rnams kyi nyams pa gang zhe na/ smras pa/ khams mthun pa'i sa pa dag 'gags shing de las gzhan pa 'grub pa gang dag yin pa'o/ /rnam par nyams pa gang zhe na/ smras pa/ khams mi mthun pa'i sa pa dag 'gags shing de las gzhan pa 'grub pa gang dag yin pa'o/ /rab tu nyams pa gang zhe na/ smras pa/ de dang 'brel ba'i nyon mongs pa rab tu spong ba dag gang yin pa'o/ /dbang po rnams kyi yongs su nyams pa gang zhe na/ smras pa/ 'jig rten pa'i 'byor pa dag snyoms par 'jug pa dang / skye ba las nyams pa gang dag yin pa'o/ /

【M4 明三乘根別】

ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའི་དབང་པོ་རྣམས་ལ་བྱེ་བྲག་ཅི་ཡོད་ཅེ་ན། སྨྲས་པ། མདོར་བསྡུ་ན་རྣམ་པ་ལྔས་བྱེ་བྲག་ཏུ་གྱུར་པར་བལྟ་བར་བྱ་སྟེ། རིམ་པའི་བྱེ་བྲག་དང༌། ཉེ་བར་སྟོན་པའི་བྱེ་བྲག་དང་འཆིང་བའི་བྱེ་བྲག་དང༌། སྒྲུབ་པའི་བྱེ་བྲག་དང༌། ཡང་དག་པར་འགྲུབ་པའི་བྱེ་བྲག་གིས་སོ། །དེ་ལ་བྱང་ཆུབ་སེམས་དཔའ་རྣམས་ཀྱི་དབང་པོ་ནི་རང་བཞིན་གྱིས་ཆེ་བ་དག་ཡིན་ལ་ཉན་ཐོས་དང་རང་སངས་རྒྱས་རྣམས་ཀྱི་ནི་ཆུང་ངུ་དང་འབྲིང་དག་ཡིན་ནོ། །བྱང་ཆུབ་སེམས་དཔའ་རྣམས་ཀྱི་དབང་པོ་ནི་རིག་པའི་གནས་ཐམས་ཅད་ལ་མཁས་པས་ཉེ་བར་བརྟན་པ་དག་ཡིན་ལ། ཉན་ཐོས་དང་རང་སངས་རྒྱས་རྣམས་ཀྱི་ནི་རིག་པའི་གནས་ལ་མཁས་པ་ཕྱོགས་གཅིག་གིས་ཉེ་བར་བརྟན་པ་དག་ཡིན་ནོ། །བྱང་ཆུབ་སེམས་དཔའ་རྣམས་ཀྱི་དབང་པོ་ནི་སྙིང་རྗེའི་ཞགས་པས་བཅིངས་པ་དག་ཡིན་ལ། ཉན་ཐོས་དང་རང་སངས་རྒྱས་རྣམས་ཀྱི་ནི་དེ་ལྟ་བུ་དག་མ་ཡིན་ནོ། །བྱང་ཆུབ་སེམས་དཔའ་རྣམས་ཀྱི་དབང་པོ་ནི་བདག་དང་གཞན་ལ་ཕན་པའི་ཕྱིར་ཉེ་བར་གནས་པ་དག་ཡིན་ལ། ཉན་ཐོས་དང་རང་སངས་རྒྱས་རྣམས་ཀྱི་ནི་བདག་ལ་ཕན་པའི་ཕྱིར་ཉེ་བར་གནས་པ་དག་ཡིན་ནོ། །བྱང་ཆུབ་སེམས་དཔའ་རྣམས་ཀྱི་དབང་པོ་ནི་བླ་ན་མེད་པའི་བྱང་ཆུབ་ཆེན་པོའི་འབྲས་བུ་ཡང་དག་པར་འགྲུབ་པ་དག་ཡིན་ལ། ཉན་ཐོས་དང་རང་སངས་རྒྱས་རྣམས་ཀྱི་ནི་བྱང་ཆུབ་དམན་པ་དང་འབྲིང་ཡང་དག་པར་འགྲུབ་པ་དག་ཡིན་ནོ། །

nyan thos dang rang sangs rgyas dang byang chub sems dpa'i dbang po rnams la bye brag ci yod ce na/ smras pa/ mdor bsdu na rnam pa lngas bye brag tu gyur par blta bar bya ste/ rim pa'i bye brag dang/ nye bar ston pa'i bye brag dang 'ching ba'i bye brag dang/ sgrub pa'i bye brag dang/ yang dag par 'grub pa'i bye brag gis so/ /de la byang chub sems dpa' rnams kyi dbang po ni rang bzhin gyis che ba dag yin la nyan thos dang rang sangs rgyas rnams kyi ni chung ngu dang 'bring dag yin no/ /byang chub sems dpa' rnams kyi dbang po ni rig pa'i gnas thams cad la mkhas pas nye bar brtan pa dag yin la/ nyan thos dang rang sangs rgyas rnams kyi ni rig pa'i gnas la mkhas pa phyogs gcig gis nye bar brtan pa dag yin no/ /byang chub sems dpa' rnams kyi dbang po ni snying rje'i zhags pas bcings pa dag yin la/ nyan thos dang rang sangs rgyas rnams kyi ni de lta bu dag ma yin no/ /byang chub sems dpa' rnams kyi dbang po ni bdag dang gzhan la phan pa'i phyir nye bar gnas pa dag yin la/ nyan thos dang rang sangs rgyas rnams kyi ni bdag la phan pa'i phyir nye bar gnas pa dag yin no/ /byang chub sems dpa' rnams kyi dbang po ni bla na med pa'i byang chub chen po'i 'bras bu yang dag par 'grub pa dag yin la/ nyan thos dang rang sangs rgyas rnams kyi ni byang chub dman pa dang 'bring yang dag par 'grub pa dag yin no/ /

【M5 明依未至得果時起初定喜】

གང་ཟག་མི་ལྕོགས་པ་མེད་པ་ལ་བརྟེན་ནས་བདེན་པ་མངོན་པར་རྟོགས་པར་བྱ་བའི་ཕྱིར་ཞུགས་པ་དེ་འབྲས་བུ་ཡང་ཐོབ་པར་བྱེད་ཅིང་བསམ་གཏན་དང་པོ་ལས་ཡིད་བདེ་བའི་དབང་པོ་ཡང་མངོན་དུ་བྱེད་དམ་ཞེ་ན། སྨྲས་པ། དེ་དག་ལ་ལ་ནི་བྱེད་དོ། །དེ་དག་ལ་ལ་ནི་མི་བྱེད་དོ། །དབང་པོ་རྣོ་བ་དགེ་བའི་རྩ་བ་མང་པོ་སྣ་ཚོགས་ཀྱིས་ཉེ་བར་བརྟན་པ་གང་ཡིན་པ་དེ་ནི་བྱེད་དོ། །གཞན་ནི་མི་བྱེད་དོ། །

gang zag mi lcogs pa med pa la brten nas bden pa mngon par rtogs par bya ba'i phyir zhugs pa de 'bras bu yang thob par byed cing bsam gtan dang po las yid bde ba'i dbang po yang mngon du byed dam zhe na/ smras pa/ de dag la la ni byed do/ /de dag la la ni mi byed do/ /dbang po rno ba dge ba'i rtsa ba mang po sna tshogs kyis nye bar brtan pa gang yin pa de ni byed do/ /gzhan ni mi byed do/ /

【M6 明入八定】

དབང་པོ་དུ་དག་གིས་བསམ་གཏན་དང་པོ་ལ་སྙོམས་པར་འཇུག་ཅེ་ན། སྨྲས་པ། བརྒྱད་ཀྱིས་སོ༑ །ལ་ལ་ནི་ཐ་མ་གསུམ་གྱིས་སོ། །ལ་ལ་ནི་མ་ཡིན་ནོ། བསམ་གཏན་དང་པོ་ལ་ཇི་ལྟ་བ་དེ་བཞིན་དུ་གཉིས་པ་ལ་ཡང་དེ་བཞིན་དུ་བལྟ་བར་བྱའོ། །གསུམ་པ་ལ་ནི་བརྒྱད་ཁོ་ན་སྟེ། །དེ་དག་ཉིད་ནི་མ་ཡིན་ནོ། །བསམ་གཏན་བཞི་པ་དང་གཟུགས་མེད་པའི་སྙོམས་པར་འཇུག་པ་དག་ནི་བདུན་གྱིས་སོ། །ལ་ལ་ནི་ཐ་མ་གསུམ་གྱིས་སྙོམས་པར་འཇུག་གོ། །ལ་ལ་ནི་མ་ཡིན་ནོ། །

dbang po du dag gis bsam gtan dang po la snyoms par 'jug ce na/ smras pa/ brgyad kyis so| /la la ni tha ma gsum gyis so/ /la la ni ma yin no/ bsam gtan dang po la ji lta ba de bzhin du gnyis pa la yang de bzhin du blta bar bya'o/ /gsum pa la ni brgyad kho na ste/ /de dag nyid ni ma yin no/ /bsam gtan bzhi pa dang gzugs med pa'i snyoms par 'jug pa dag ni bdun gyis so/ /la la ni tha ma gsum gyis snyoms par 'jug go/ /la la ni ma yin no/ /

【M7 明得四果】

དབང་པོ་དུ་དག་གིས་རྒྱུན་དུ་ཞུགས་པའི་འབྲས་བུ་འཐོབ་ཅེ་ན། སྨྲས་པ། གཅིག་གམ་བརྒྱད་ཀྱིས་སོ། །གཉིས་སམ་དགུས་ནི་ལན་ཅིག་ཕྱིར་འོང་བའི་འབྲས་བུ་ཐོབ་པར་བལྟ་བར་བྱའོ། །ཡིད་མི་བདེ་བའི་དབང་པོ་ནི་ལམ་གྱི་རྟེན་ཡིན་ཡང་ལམ་གྱིས་བསྡུས་པ་མ་ཡིན་པའི་ཕྱིར་དེ་ནི་མ་གཏོགས་སོ། །ཡིད་བདེ་བའི་དབང་པོ་ཡང་བརྟན་པ་མ་ཡིན་པའི་ཕྱིར་དེ་ཡང་མ་གཏོགས་སོ། །ཇི་སྟེ་གཏོགས་ན་ནི་དེ་ལྷག་པར་བལྟ་བར་བྱའོ། །དབང་པོ་དུ་དག་གིས་ཕྱིར་མི་འོང་བའི་འབྲས་བུ་འཐོབ་ཅེ་ན། སྨྲས་པ། བཅུ་གཅིག་གམ་གཉིས་ཀྱིས་སོ། །ཡིད་མི་བདེ་བའི་དབང་པོ་ཡང་ཚུལ་དེ་བཞིན་དུ་བལྟ་བར་བྱའོ། །དབང་པོ་དུ་དག་གིས་དགྲ་བཅོམ་པ་ཉིད་འཐོབ་ཅེ་ན། སྨྲས་པ། གཅིག་གམ་བཅུས་སོ། །

dbang po du dag gis rgyun du zhugs pa'i 'bras bu 'thob ce na/ smras pa/ gcig gam brgyad kyis so/ /gnyis sam dgus ni lan cig phyir 'ong ba'i 'bras bu thob par blta bar bya'o/ /yid mi bde ba'i dbang po ni lam gyi rten yin yang lam gyis bsdus pa ma yin pa'i phyir de ni ma gtogs so/ /yid bde ba'i dbang po yang brtan pa ma yin pa'i phyir de yang ma gtogs so/ /ji ste gtogs na ni de lhag par blta bar bya'o/ /dbang po du dag gis phyir mi 'ong ba'i 'bras bu 'thob ce na/ smras pa/ bcu gcig gam gnyis kyis so/ /yid mi bde ba'i dbang po yang tshul de bzhin du blta bar bya'o/ /dbang po du dag gis dgra bcom pa nyid 'thob ce na/ smras pa/ gcig gam bcus so/ /

【M8 釋經】

རྣམ་པར་ཐར་པ་གོང་མ་ལ་འདོད་པ་དང་དོན་དུ་གཉེར་བ་དང་ཡོངས་སུ་ཡི་འཆད་པ་དང༌། ཡིད་མི་བདེ་བ་ཞེས་གང་གསུངས་པ་དེ་ལ་འདོད་པ་གང་ཞེ་ན། སྨྲས་པ། གང་གི་ཕྱིར་རྣལ་འབྱོར་པ་དེ་འདི་སྙམ་དུ་སེམས་ཏེ་འཕགས་པ་རྣམས་ཀྱིས་གནས་གང་བསྒྲུབས་ཏེ་གནས་པ་ཞེས་བྱའོ། །དོན་དུ་གཉེར་བ་གང་ཞེ་ན། སྨྲས་པ། གང་གི་ཕྱིར་དེ་འདི་སྙམ་དུ་སེམས་ཏེ་གནས་དེ་བདག་གིས་ཀྱང་བསྒྲུབས་ཏེ་གནས་པར་བྱའོ་ཞེས་བྱའོ། །ཡོངས་སུ་ཡི་འཆད་པ་གང་ཞེ་ན། སྨྲས་པ། དམན་པས་ཆོག་པར་མི་འཛིན་པ་གང་ཡིན་པའོ། །ཡིད་མི་བདེ་བ་གང་ཞེ་ན། སྨྲས་པ༑ གང་ན་མེད་པ་ལ་འདོད་པ་གང་ཡིན་པའོ། །དེ་ལ་རྒྱུན་དུ་ཞུགས་པ་དང་ལན་ཅིག་ཕྱིར་འོང་བ་གཉིས་ལ་ནི་རྣམ་པ་ཐམས་ཅད་ཡོངས་སུ་རྫོགས་པའི་ཕྱིར་ཡིད་མི་བདེ་བའི་དབང་པོ་རྣམ་པར་གཞག་གོ། །ཕྱིར་མི་འོང་བ་ལ་ནི་རྣམ་པ་དང་པོ་གཉིས་ནི་ཡོད་ལ་གཞན་གཉིས་ནི་མེད་པའི་ཕྱིར་ཡིད་མི་བདེ་བའི་དབང་པོ་རྣམ་པར་མི་གཞག་སྟེ། དགེ་བ་ལ་འདུན་པ་འབའ་ཞིག་ཏུ་ཟད་དོ། །

rnam par thar pa gong ma la 'dod pa dang don du gnyer ba dang yongs su yi 'chad pa dang/ yid mi bde ba zhes gang gsungs pa de la 'dod pa gang zhe na/ smras pa/ gang gi phyir rnal 'byor pa de 'di snyam du sems te 'phags pa rnams kyis gnas gang bsgrubs te gnas pa zhes bya'o/ /don du gnyer ba gang zhe na/ smras pa/ gang gi phyir de 'di snyam du sems te gnas de bdag gis kyang bsgrubs te gnas par bya'o zhes bya'o/ /yongs su yi 'chad pa gang zhe na/ smras pa/ dman pas chog par mi 'dzin pa gang yin pa'o/ /yid mi bde ba gang zhe na/ smras pa| gang na med pa la 'dod pa gang yin pa'o/ /de la rgyun du zhugs pa dang lan cig phyir 'ong ba gnyis la ni rnam pa thams cad yongs su rdzogs pa'i phyir yid mi bde ba'i dbang po rnam par gzhag go/ /phyir mi 'ong ba la ni rnam pa dang po gnyis ni yod la gzhan gnyis ni med pa'i phyir yid mi bde ba'i dbang po rnam par mi gzhag ste/ dge ba la 'dun pa 'ba' zhig tu zad do/ /

【M9 明捨根義】【N1 明捨於受根】

ཡིད་བདེ་བའི་དབང་པོ་ལ་བརྟེན་ནས་ཡིད་བདེ་བའི་དབང་པོ་དང་ཡིད་མི་བདེ་བའི་དབང་པོ་དང་བཏང་སྙོམས་ཀྱི་དབང་པོ་སྤོང་བ་ཡོད་དམ་ཞེ་ན། སྨྲས་པ། མངོན་པར་འབྱུང་བ་ལ་བརྟེན་པའི་ཡིད་བདེ་བའི་དབང་པོ་ལ་བརྟེན་ནས་ཞེན་པ་ལ་བརྟེན་པ་གསུམ་སྤོང་བ་ཡོད་དོ། །ཡིད་མི་བདེ་བའི་དབང་པོ་ལ་བརྟེན་ནས་ཡིད་མི་བདེ་བའི་དབང་པོ་སྤོང་བ་ཡོད་དམ་ཞེ་ན། སྨྲས་པ། མངོན་པར་འབྱུང་བ་ལ་བརྟེན་པ་ཉིད་ལ་བརྟེན་ནས་ཞེན་པ་ལ་བརྟེན་པ་སྤོང་བ་ཡོད་དོ། །

yid bde ba'i dbang po la brten nas yid bde ba'i dbang po dang yid mi bde ba'i dbang po dang btang snyoms kyi dbang po spong ba yod dam zhe na/ smras pa/ mngon par 'byung ba la brten pa'i yid bde ba'i dbang po la brten nas zhen pa la brten pa gsum spong ba yod do/ /yid mi bde ba'i dbang po la brten nas yid mi bde ba'i dbang po spong ba yod dam zhe na/ smras pa/ mngon par 'byung ba la brten pa nyid la brten nas zhen pa la brten pa spong ba yod do/ /

【N2 明捨無漏根】

བཏང་སྙོམས་ཀྱི་དབང་པོ་ལ་བརྟེན་ནས་བཏང་སྙོམས་ཀྱི་དབང་པོ་སྤོང་བ་ཡོད་དམ་ཞེ་ན། སྨྲས་པ། གཅིག་པུ་ཉིད་ལ་བརྟེན་པའི་བཏང་སྙོམས་ལ་བརྟེན་ནས༑ སྣ་ཚོགས་པ་ཉིད་ལ་བརྟན་པ་སྤོང་བ་དང༌། མི་བརྟེན་པའི་བཏང་སྙོམས་ལ་བརྟེན་ནས་གཅིག་པུ་ཉིད་ལ་བརྟེན་པའི་བཏང་སྙོམས་སྤོང་བ་ཡོད་དོ། །རྒྱུན་དུ་ཞུགས་པའི་འབྲས་བུ་འཐོབ་པར་བྱེད་པའི་མི་ཤེས་པ་ཀུན་ཤེས་པར་བྱེད་པའི་དབང་པོ་ནི་འགོག་པ་ལས་སྤོང་བར་བྱེད་ཅིང་མི་སྐྱེ་བ་ལས་རྣམ་པར་སྤོང་བར་བྱེད་ཀྱི་རབ་ཏུ་སྤོང་བར་ཡང་མི་བྱེད་ཡོངས་སུ་སྤོང་བར་ཡང་མི་བྱེད་དོ། །དགྲ་བཅོམ་པ་ཉིད་འཐོབ་པར་བྱེད་པའི་ཀུན་ཤེས་པའི་དབང་པོའི་ཚུལ་ཡང་དེ་བཞིན་དུ་བལྟ་བར་བྱའོ། །

btang snyoms kyi dbang po la brten nas btang snyoms kyi dbang po spong ba yod dam zhe na/ smras pa/ gcig pu nyid la brten pa'i btang snyoms la brten nas| sna tshogs pa nyid la brtan pa spong ba dang/ mi brten pa'i btang snyoms la brten nas gcig pu nyid la brten pa'i btang snyoms spong ba yod do/ /rgyun du zhugs pa'i 'bras bu 'thob par byed pa'i mi shes pa kun shes par byed pa'i dbang po ni 'gog pa las spong bar byed cing mi skye ba las rnam par spong bar byed kyi rab tu spong bar yang mi byed yongs su spong bar yang mi byed do/ /dgra bcom pa nyid 'thob par byed pa'i kun shes pa'i dbang po'i tshul yang de bzhin du blta bar bya'o/ /

【M10 明練根證得】【N1 明練根人】

གང་ཟག་དུ་ཞིག་དབང་པོ་རྣམས་གསལ་བར་བྱེད་པ་དག་ཡིན་ཞེ་ན། སྨྲས་པ། སློབ་པ་ཐམས་ཅད་དང་མི་སློབ་པ་ནི་ལྔ་སྟེ། ཡོངས་སུ་ཉམས་པ་དང༌། འཆི་བར་སེམས་པ་དང༌། རྗེས་སུ་སྲུང་བའི་ཆོས་ཅན་དང་གནས་པ་ལས་མི་གཡོ་བ་དང་རབ་ཏུ་རྟོགས་པའི་སྐལ་བ་ཅན་རྣམས་སོ། །རང་སངས་རྒྱས་ཀྱང་མ་ཡིན་བྱང་ཆུབ་སེམས་དཔའ་ཡང་མ་ཡིན་ཏེ་རང་བཞིན་གྱིས་དབང་པོ་རྣོ་བའི་ཕྱིར་རོ། །

gang zag du zhig dbang po rnams gsal bar byed pa dag yin zhe na/ smras pa/ slob pa thams cad dang mi slob pa ni lnga ste/ yongs su nyams pa dang/ 'chi bar sems pa dang/ rjes su srung ba'i chos can dang gnas pa las mi g.yo ba dang rab tu rtogs pa'i skal ba can rnams so/ /rang sangs rgyas kyang ma yin byang chub sems dpa' yang ma yin te rang bzhin gyis dbang po rno ba'i phyir ro/ /

【N2 明證得】

རྒྱུན་དུ་ཞུགས་པའི་དབང་པོ་གསལ་བར་བྱ་བའི་ཕྱིར་ཞུགས་པ་དབང་པོ་རྣམས་ཀྱང་གསལ་བར་བྱེད་ལ་ལན་ཅིག་ཕྱིར་འོང་བའི་འབྲས་བུའང་འཐོབ་པར་བྱེད་དམ་ཞེ་ན། སྨྲས་པ། ཐོབ་པར་བྱེད་དོ། །ཕྱིར་མི་འོང་བའི་འབྲས་བུ་འཐོབ་པར་བྱེད་དམ་ཞེ་ན། སྨྲས་པ། འཐོབ་པར་མི་བྱེད་དེ་གཉེན་པོ་སྟོབས་ཆུང་བ་དང་ཐོབ་པར་བྱ་བའི་དོན་རྒྱ་ཆེ་བའི་ཕྱིར་རོ། །ཕྱིར་མི་འོང་བའི་དབང་པོ་གསལ་བར་བྱ་བའི་ཕྱིར་ཞུགས་པ་དབང་པོ་རྣམས་ཀྱང་གསལ་བར་བྱེད་ལ། འདོད་ཆགས་དང་བྲལ་བ་གཞན་ཡང་སྒྲུབ་པར་བྱེད་དམ་ཞེ་ན། སྨྲས་པ། སྒྲུབ་པར་བྱེད་དོ། །དགྲ་བཅོམ་པ་ཉིད་མངོན་དུ་བྱེད་དོ་ཞེ་ན། སྨྲས་པ། དེ་རྒྱུ་སྔ་མ་ཉིད་ཀྱི་ཕྱིར་རོ། །དབང་པོ་ལེགས་པར་སྤྱད་པ་ནི་ཐམས་ཅད་ཀྱང་བྱེད་དོ། །

rgyun du zhugs pa'i dbang po gsal bar bya ba'i phyir zhugs pa dbang po rnams kyang gsal bar byed la lan cig phyir 'ong ba'i 'bras bu'ang 'thob par byed dam zhe na/ smras pa/ thob par byed do/ /phyir mi 'ong ba'i 'bras bu 'thob par byed dam zhe na/ smras pa/ 'thob par mi byed de gnyen po stobs chung ba dang thob par bya ba'i don rgya che ba'i phyir ro/ /phyir mi 'ong ba'i dbang po gsal bar bya ba'i phyir zhugs pa dbang po rnams kyang gsal bar byed la/ 'dod chags dang bral ba gzhan yang sgrub par byed dam zhe na/ smras pa/ sgrub par byed do/ /dgra bcom pa nyid mngon du byed do zhe na/ smras pa/ de rgyu snga ma nyid kyi phyir ro/ /dbang po legs par spyad pa ni thams cad kyang byed do/ /

【N3 明轉根所以】

ཅིའི་ཕྱིར་དབང་པོ་རྣམས་ལེགས་པར་སྤྱོད་པར་བྱེད་ཅེ་ན། སྨྲས་པ། ཁྱད་པར་ཆུང་ཟད་ཙམ་གྱིས་ཆོག་པར་མི་འཛིན་པ་དང་ཏིང་ངེ་འཛིན་གྱི་ཁྱད་པར་བསྒྲུབ་པས་སྟོབས་བསྐྱེད་པ་དང་མང་དུ་ཐོས་པས་སྟོབས་བསྐྱེད་པ་དང༌། འབྲེལ་པའི་གཏམ་རྣམ་པར་གཏན་ལ་དབབ་པས་སྟོབས་བསྐྱེད་པ་དང༌། ཆོས་ཟབ་མོ་ལ་ངེས་པར་རྟོག་པའི་བཟོད་པས་སྟོབས་བསྐྱེད་པར་བྱ་བའི་ཕྱིར་རོ། །

ci'i phyir dbang po rnams legs par spyod par byed ce na/ smras pa/ khyad par chung zad tsam gyis chog par mi 'dzin pa dang ting nge 'dzin gyi khyad par bsgrub pas stobs bskyed pa dang mang du thos pas stobs bskyed pa dang/ 'brel pa'i gtam rnam par gtan la dbab pas stobs bskyed pa dang/ chos zab mo la nges par rtog pa'i bzod pas stobs bskyed par bya ba'i phyir ro/ /

【M11 建立三根】

བྱང་ཆུབ་སེམས་དཔའ་རྣམས་ཀྱི་མི་ཤེས་པ་ཀུན་ཤེས་པར་བྱེད་པའི་དབང་པོ་ལ་སོགས་པ་གསུམ་ཇི་ལྟར་རྣམ་པར་གཞག་ཅེ་ན། སྨྲས་པ། མོས་པས་སྤྱོད་པའི་ས་ལ་ནི་དང་པོ་རྣམ་པར་གཞག་གོ། །དེ་ལས་གཞན་པ་ལྷག་པའི་བསམ་པ་རྣམ་པར་དག་པ་ལ་སོགས་པའི་ས་དག་ལ་ནི་གཉིས་པའོ༑ །དེ་བཞིན་གཤེགས་པའི་ས་ལ་ནི་དབང་པོ་གསུམ་པ་རྣམ་པར་གཞག་པར་བལྟ་བར་བྱའོ། །

byang chub sems dpa' rnams kyi mi shes pa kun shes par byed pa'i dbang po la sogs pa gsum ji ltar rnam par gzhag ce na/ smras pa/ mos pas spyod pa'i sa la ni dang po rnam par gzhag go/ /de las gzhan pa lhag pa'i bsam pa rnam par dag pa la sogs pa'i sa dag la ni gnyis pa'o| /de bzhin gshegs pa'i sa la ni dbang po gsum pa rnam par gzhag par blta bar bya'o/ /

【M12 明三滿】

ཡོངས་སུ་རྫོགས་པ་དུ་དག་གིས་སློབ་པ་ཡོངས་སུ་རྫོགས་པ་ཡིན་པར་བརྗོད་པར་བྱ་ཞེ་ན། སྨྲས་པ། གསུམ་གྱིས་ཏེ་དབང་པོ་ཡོངས་སུ་རྫོགས་པས་ནི་དབང་པོ་རྣོན་པོ་གང་ཡིན་པའོ། །སྙོམས་པར་འཇུག་པ་ཡོངས་སུ་རྫོགས་པས་ནི་རྣམ་པར་ཐར་པ་བརྒྱད་ལས་བསམ་གཏན་པ་གང་ཡིན་པའོ། །འབྲས་བུ་ཡོངས་སུ་རྫོགས་པས་ནི་ཕྱིར་མི་འོང་བ་གང་ཡིན་པའོ། །མི་སློབ་པ་ལ་ནི་ཡོངས་སུ་རྫོགས་པ་རྣམ་པ་གཉིས་དམིགས་ཏེ། དབང་པོ་ཡོངས་སུ་རྫོགས་པ་ནི་མི་གཡོ་བའི་ཆོས་ཉིད་ཀྱིས་སོ། །སྙོམས་པར་འཇུག་པ་ཡོངས་སུ་རྫོགས་པ་ནི་སྔ་མ་བཞིན་ནོ། །མི་སློབ་པ་ཐམས་ཅད་ནི་འབྲས་བུ་ཡོངས་སུ་རྫོགས་པས་ཡོངས་སུ་རྫོགས་པ་ཡིན་པར་བལྟ་བར་བྱའོ། །

yongs su rdzogs pa du dag gis slob pa yongs su rdzogs pa yin par brjod par bya zhe na/ smras pa/ gsum gyis te dbang po yongs su rdzogs pas ni dbang po rnon po gang yin pa'o/ /snyoms par 'jug pa yongs su rdzogs pas ni rnam par thar pa brgyad las bsam gtan pa gang yin pa'o/ /'bras bu yongs su rdzogs pas ni phyir mi 'ong ba gang yin pa'o/ /mi slob pa la ni yongs su rdzogs pa rnam pa gnyis dmigs te/ dbang po yongs su rdzogs pa ni mi g.yo ba'i chos nyid kyis so/ /snyoms par 'jug pa yongs su rdzogs pa ni snga ma bzhin no/ /mi slob pa thams cad ni 'bras bu yongs su rdzogs pas yongs su rdzogs pa yin par blta bar bya'o/ /

【M13 釋經中根不調等五句】【N1 問】

དབང་པོ་རྣམས་མ་དུལ་བ་དང་མ་སྦས་པ་དང་མ་བསྲུངས་པ་དང་མ་བསྡམས་པ་དང་མ་བསྒོམས་པ་ཞེས་གང་གསུངས་པའི་རྣམ་གྲངས་དེ་དག་གི་དོན་གང་ཞེ་ན།

dbang po rnams ma dul ba dang ma sbas pa dang ma bsrungs pa dang ma bsdams pa dang ma bsgoms pa zhes gang gsungs pa'i rnam grangs de dag gi don gang zhe na/

【N2 答】【O1 解諸根不調】【P1 總標】

སྨྲས་པ། མདོར་བསྡུ་ན་རྣམ་པ་བཞིས་དབང་པོ་རྣམས་དུལ་བ་ཉིད་དུ་བསྟན་ཏེ།

smras pa/ mdor bsdu na rnam pa bzhis dbang po rnams dul ba nyid du bstan te/

【P2 別釋】【Q1 反解四調】

སོ་སོར་རྟོག་པའི་སྟོབས་ལ་བརྟེན་ནས་ནི་དབང་པོ་རྣམས་ཡུལ་གང་ལ་གཏད་པར་མི་བྱ་བ་དེ་ལ་ནི་མངོན་པར་འདུ་བྱ་བས་གཏད་པར་མི་བྱ་བ་དང༌། གང་ལ་གཏད་པར་བྱ་བ་དེ་ལ་ནི་མངོན་པར་འདུ་བྱ་བ་ཁོ་ནས་ཉོན་མོངས་པ་ཀུན་དུ་འབྱུང་བར་བསྲུངས་ཤིང་གཏོད་པར་བྱེད་དོ། །སྤོང་བ་གཉེན་པོའི་སྟོབས་ལ་བརྟེན་པས་ནི་ཇི་སྐད་བསྟན་པའི་ཡུལ་དེ་ཉིད་ལ་རང་བཞིན་གྱིས་རྣམ་པར་མི་རྒྱུག་པ་དང་རང་བཞིན་གྱིས་ཉོན་མོངས་པ་ཀུན་དུ་མི་འབྱུང་བར་བྱེད་དོ། །

so sor rtog pa'i stobs la brten nas ni dbang po rnams yul gang la gtad par mi bya ba de la ni mngon par 'du bya bas gtad par mi bya ba dang/ gang la gtad par bya ba de la ni mngon par 'du bya ba kho nas nyon mongs pa kun du 'byung bar bsrungs shing gtod par byed do/ /spong ba gnyen po'i stobs la brten pas ni ji skad bstan pa'i yul de nyid la rang bzhin gyis rnam par mi rgyug pa dang rang bzhin gyis nyon mongs pa kun du mi 'byung bar byed do/ /

【Q2 順解不調】

གང་ལ་དབང་པོའི་དུལ་བ་རྣམ་པ་བཞི་པོ་དེ་དག་མེད་པ་དེའི་དབང་པོ་རྣམས་ནི་མ་དུལ་བ་ཡིན་པར་བལྟ་བར་བྱ་སྟེ། མ་སྦས་པའི་ཕྱིར་དང་མ་བསྲུངས་པའི་ཕྱིར་དང་མ་བསྡམས་པའི་ཕྱིར་དང་མ་བསྒོམས་པའི་ཕྱིར་རོ། །

gang la dbang po'i dul ba rnam pa bzhi po de dag med pa de'i dbang po rnams ni ma dul ba yin par blta bar bya ste/ ma sbas pa'i phyir dang ma bsrungs pa'i phyir dang ma bsdams pa'i phyir dang ma bsgoms pa'i phyir ro/ /

【Q3 通結調】

གང་ལ་དབང་པོ་དུལ་བ་རྣམ་པ་བཞི་པོ་དེ་དག་ཡོད་པ་དེའི་ནི་ཤིན་ཏུ་དུལ་བ་དང་། ཤིན་ཏུ་བསྒོམས་པའི་བར་དག་དེ་ལས་བཟློག་པ་ལས་བལྟ་བར་བྱའོ། །

gang la dbang po dul ba rnam pa bzhi po de dag yod pa de'i ni shin tu dul ba dang / shin tu bsgoms pa'i bar dag de las bzlog pa las blta bar bya'o/ /

【O2 明由根不調能引眾苦】

ཇི་ལྟར་ན་མ་དུལ་བ་དག་སྡུག་བསྔལ་སྐྱེད་པར་བྱེད་པ་ཡིན་ཞེ་ན། སྨྲས་པ། སྡུག་བསྔལ་རྣམ་པ་དྲུག་སྐྱེད་པར་བྱེད་པའི་ཕྱིར་ཏེ། ཀུན་ནས་ཉོན་མོངས་པ་ཅན་དུ་གནས་པ་ལས་སྐྱེས་པ་དང༌། གཞན་ལས་ཉམས་པའི་སྡུག་བསྔལ་དང༌། གཞན་ལས་སྨད་པའི་སྡུག་བསྔལ་དང༌། འགྱོད་པ་ལས་སྐྱེས་པ་དང༌། ངན་འགྲོར་འགྲོ་བ་ལས་སྐྱེས་པ་དང༌། སྐྱེ་བ་ལ་སོགས་པའི་སྡུག་བསྔལ་ལོ། །

ji ltar na ma dul ba dag sdug bsngal skyed par byed pa yin zhe na/ smras pa/ sdug bsngal rnam pa drug skyed par byed pa'i phyir te/ kun nas nyon mongs pa can du gnas pa las skyes pa dang/ gzhan las nyams pa'i sdug bsngal dang/ gzhan las smad pa'i sdug bsngal dang/ 'gyod pa las skyes pa dang/ ngan 'gror 'gro ba las skyes pa dang/ skye ba la sogs pa'i sdug bsngal lo/ /

【O3 明善調伏者引諸快樂】

ཤིན་ཏུ་དུལ་བ་དག་ནི་དེ་ལས་བཟློག་པས་སྡུག་བསྔལ་རྣམ་པ་དྲུག་སྤོང་བའི་ཕྱིར་བདེ་བ་སྐྱེད་པར་བྱེད་པ་དག་ཡིན་པར་བལྟ་བར་བྱའོ། །

shin tu dul ba dag ni de las bzlog pas sdug bsngal rnam pa drug spong ba'i phyir bde ba skyed par byed pa dag yin par blta bar bya'o/ /

【L4 辨相攝】【M1 明三界有情攝十四根非十四攝三】

དབང་པོ་བཅུ་བཞི་དང་སེམས་ཅན་གྱི་ཚོགས་གསུམ་པོ་དག་ཅི་བཅུ་བཞིས་གསུམ་བསྡུས་སམ་འོན་ཏེ་གསུམ་གྱིས་བཅུ་བཞི་བསྡུས་ཤེ་ན། སྨྲས་པ། གསུམ་གྱིས་བཅུ་བཞི་བསྡུས་ཀྱི་བཅུ་བཞིས་ནི་གསུམ་མ་བསྡུས་སོ། །གང་དག་མ་བསྡུས་ཤེ་ན། ཕྱི་རོལ་གྱི་སྐྱེ་མཆེད་རྣམས་ཀྱི་ཕྱོགས་སོ། །སེམས་ཅན་གྱི་ཚོགས་གསུམ་ནི་འདོད་པ་དང་གཟུགས་དང་གཟུགས་མེད་པ་ན་སྤྱོད་པ་དག་ཡིན་པར་བལྟ་བར་བྱའོ། །

dbang po bcu bzhi dang sems can gyi tshogs gsum po dag ci bcu bzhis gsum bsdus sam 'on te gsum gyis bcu bzhi bsdus she na/ smras pa/ gsum gyis bcu bzhi bsdus kyi bcu bzhis ni gsum ma bsdus so/ /gang dag ma bsdus she na/ phyi rol gyi skye mched rnams kyi phyogs so/ /sems can gyi tshogs gsum ni 'dod pa dang gzugs dang gzugs med pa na spyod pa dag yin par blta bar bya'o/ /

【M2 明五受更互相攝】

དབང་པོ་ལྔ་དང་ཚོར་བ་གསུམ་པོ་དག་ཅི་ལྔས་གསུམ་བསྡུས་སམ་འོན་ཏེ་གསུམ་གྱིས་ལྔ་བསྡུས་ཤེ་ན། སྨྲས་པ། གཅིག་གིས་གཅིག་བསྡུས་པར་བལྟ་བར་བྱའོ། །

dbang po lnga dang tshor ba gsum po dag ci lngas gsum bsdus sam 'on te gsum gyis lnga bsdus she na/ smras pa/ gcig gis gcig bsdus par blta bar bya'o/ /

【M3 明覺品攝信等五根，五根不攝覺品】

དབང་པོ་ལྔ་དང་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་པོ་དག་ནི་ལྔས་སུམ་ཅུ་རྩ་བདུན་བསྡུས་སམ་འོན་ཏེ་སུམ་ཅུ་རྩ་བདུན་གྱིས་ལྔ་བསྡུས་ཤེ་ན། སྨྲས་པ། སུམ་ཅུ་རྩ་བདུན་གྱིས་ལྔ་བསྡུས་ཀྱི་ལྔས་ནི་སུམ་ཅུ་རྩ་བདུན་མ་བསྡུས་སོ། །གང་དག་མ་བསྡུས་ཤེ་ན། ཡང་དག་པའི་ངག་དང༌། ལས་ཀྱི་མཐའ་དང༌། འཚོ་བ་དང༌། དགའ་བ་དང༌། ཤིན་ཏུ་སྦྱངས་པ་དང་བཏང་སྙོམས་ཏེ། དེ་ལྟར་དྲུག་པོ་དེ་དག་གམ། ཆོས་བཞིས་མ་བསྡུས་སོ། །

dbang po lnga dang byang chub kyi phyogs dang mthun pa'i chos sum cu rtsa bdun po dag ni lngas sum cu rtsa bdun bsdus sam 'on te sum cu rtsa bdun gyis lnga bsdus she na/ smras pa/ sum cu rtsa bdun gyis lnga bsdus kyi lngas ni sum cu rtsa bdun ma bsdus so/ /gang dag ma bsdus she na/ yang dag pa'i ngag dang/ las kyi mtha' dang/ 'tsho ba dang/ dga' ba dang/ shin tu sbyangs pa dang btang snyoms te/ de ltar drug po de dag gam/ chos bzhis ma bsdus so/ /

【M4 明三無漏根攝信等五】

དབང་པོ་གཞན་ལྔ་དང་དབང་པོ་གསུམ་པོ་དག་ཅི་ལྔས་གསུམ་བསྡུས་སམ་འོན་ཏེ་གསུམ་གྱིས་ལྔ་བསྡུས་ཤེ་ན། སྨྲས་པ། གསུམ་གྱིས་ལྔ་བསྡུས་ཀྱི་ལྔས་ནི་གསུམ་མ་བསྡུས་སོ། །གང་དག་མ་བསྡུས་ཤེ་ན། ཡིད་ཀྱི་དབང་པོ་དང་བདེ་བ་དང་ཡིད་བདེ་བ་དང་བཏང་སྙོམས་ཀྱི་དབང་པོ་རྣམས་མ་བསྡུས་སོ། །

dbang po gzhan lnga dang dbang po gsum po dag ci lngas gsum bsdus sam 'on te gsum gyis lnga bsdus she na/ smras pa/ gsum gyis lnga bsdus kyi lngas ni gsum ma bsdus so/ /gang dag ma bsdus she na/ yid kyi dbang po dang bde ba dang yid bde ba dang btang snyoms kyi dbang po rnams ma bsdus so/ /

【M5 明九遍知體與二十二根各不相攝】

ཡོངས་སུ་ཤེས་པ་དགུ་པོ་དག་དབང་པོ་དུ་དག་གིས་བསྡུས་ཤེ་ན། སྨྲས་པ། ཡོངས་སུ་ཤེས་པ་རྣམས་ནི་སྤོང་བ་ཡོངས་སུ་ཤེས་པས་བསྡུས་པ་ཡིན་པའི་ཕྱིར་དབང་པོ་གང་གིས་ཀྱང་མ་བསྡུས་སོ། །དེ་ལ་ཡོངས་སུ་ཤེས་པ་དགུ་གང་ཡིན་ཞེ་ན། འདོད་པ་དང་ལྡན་པའི་སྡུག་བསྔལ་དང་ཀུན་འབྱུང་བ་མཐོང་བས་སྤང་བར་བྱ་བ་རྣམས་སྤངས་པ་ནི་ཡོངས་སུ་ཤེས་པ་དང་པོའོ། །གཟུགས་དང་གཟུགས་མེད་པ་དང་ལྡན་པའི་དེ་དག་ཉིད་སྤངས་པ་ནི་གཉིས་པའོ། །འདོད་པ་དང་ལྡན་པའི་འགོག་པ་མཐོང་བས་སྤང་བར་བྱ་བ་རྣམས་སྤངས་པ་ནི་གསུམ་པའོ། །ས་གོང་མ་པའི་དེ་དག་ཉིད་སྤངས་པ་ནི་བཞི་པའོ། །ས་འོག་མ་པ་དང་གོང་མ་པ་དག་གི་ལམ་མཐོང་བས་སྤང་བར་བྱ་བ་དག་སྤངས་པ་ནི་ཡོངས་སུ་ཤེས་པ་ལྔ་པ་དང་དྲུག་པའོ། །ཐ་མའི་ཆ་དང་མཐུན་པའི་སྤངས་པ་ནི་བདུན་པའོ། །གཟུགས་ཀྱི་འདོད་ཆགས་ཟད་པས་ནི་བརྒྱད་པའོ། །གཟུགས་མེད་པའི་འདོད་ཆགས་ཟད་པས་ནི་ཡོངས་སུ་ཤེས་པ་དགུ་པ་རྣམ་པར་གཞག་གོ། །དེ་ལ་མདོར་བསྡུ་ན་རྒྱུ་གཉིས་ཀྱིས་ཡོངས་སུ་ཤེས་པ་རྣམས་རྣམ་པར་གཞག་པར་བལྟ་བར་བྱ་སྟེ། བདེན་པ་རྟོགས་པས་སྤོང་བ་དང་ཁམས་ལས་ཡང་དག་པར་འདའ་བས་སྤང་བའོ། །དེ་ལ་མཚན་ཉིད་འདྲ་བ་དང༌། ཁམས་མི་འདྲ་བ་དང༌། འདྲ་བས་ནི་དང་པོ་གཉིས་རྣམ་པར་གཞག་གོ། །མཚན་ཉིད་མི་འདྲ་བ་དང་ཁམས་མི་འདྲ་བ་དང་འདྲ་བས་ནི་གཞན་བཞི་རྣམ་པར་གཞག་གོ། །ཁམས་དམན་པ་ལས་ཡང་དག་པར་འདས་པ་ནི་གཞན་གཅིག་རྣམ་པར་གཞག་གོ། །ཁམས་བར་མ་ལས་ཡང་དག་པར་འདས་པ་དང༌། ཁམས་བཟང་པོ་ལས་ཡང་དག་པར་འདས་པས་ནི་ཡོངས་སུ་ཤེས་པ་གཞན་གཉིས་རྣམ་པར་གཞག་པར་བལྟ་བར་བྱའོ། །

yongs su shes pa dgu po dag dbang po du dag gis bsdus she na/ smras pa/ yongs su shes pa rnams ni spong ba yongs su shes pas bsdus pa yin pa'i phyir dbang po gang gis kyang ma bsdus so/ /de la yongs su shes pa dgu gang yin zhe na/ 'dod pa dang ldan pa'i sdug bsngal dang kun 'byung ba mthong bas spang bar bya ba rnams spangs pa ni yongs su shes pa dang po'o/ /gzugs dang gzugs med pa dang ldan pa'i de dag nyid spangs pa ni gnyis pa'o/ /'dod pa dang ldan pa'i 'gog pa mthong bas spang bar bya ba rnams spangs pa ni gsum pa'o/ /sa gong ma pa'i de dag nyid spangs pa ni bzhi pa'o/ /sa 'og ma pa dang gong ma pa dag gi lam mthong bas spang bar bya ba dag spangs pa ni yongs su shes pa lnga pa dang drug pa'o/ /tha ma'i cha dang mthun pa'i spangs pa ni bdun pa'o/ /gzugs kyi 'dod chags zad pas ni brgyad pa'o/ /gzugs med pa'i 'dod chags zad pas ni yongs su shes pa dgu pa rnam par gzhag go/ /de la mdor bsdu na rgyu gnyis kyis yongs su shes pa rnams rnam par gzhag par blta bar bya ste/ bden pa rtogs pas spong ba dang khams las yang dag par 'da' bas spang ba'o/ /de la mtshan nyid 'dra ba dang/ khams mi 'dra ba dang/ 'dra bas ni dang po gnyis rnam par gzhag go/ /mtshan nyid mi 'dra ba dang khams mi 'dra ba dang 'dra bas ni gzhan bzhi rnam par gzhag go/ /khams dman pa las yang dag par 'das pa ni gzhan gcig rnam par gzhag go/ /khams bar ma las yang dag par 'das pa dang/ khams bzang po las yang dag par 'das pas ni yongs su shes pa gzhan gnyis rnam par gzhag par blta bar bya'o/ /

【M6 明百四十不共佛法與二十二根相攝通塞】

མཚན་དང་དཔེ་བྱད་བཟང་པོ་དང་སྟོབས་དང་མི་འཇིགས་པ་ལ་སོགས་པ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་དག་ཡིན་པ་དེ་དག་དབང་པོ་དུ་དག་གིས་བསྡུས་ཤེ་ན། སྨྲས་པ། མཚན་དང་དཔེ་བྱད་བཟང་པོ་རྣམས་ནི་ལྕེའི་དབང་པོ་དང་དབང་པོ་བཞི་པ་ལུས་ཀྱི་དབང་པོ་དང་ཕོའི་དབང་པོ་དང་མིག་གི་དབང་པོ་དང་ལྕེའི་དབང་པོའི་གནས་རྣམས་ཀྱིས་བསྡུས་སོ། །སྟོབས་བཅུ་ནི་དེ་བཞིན་གཤེགས་པའི་ཐུགས་ཀྱི་རྒྱུད་ལ་མདའ་བའི་ཤེས་རབ་ཀྱི་དབང་པོ་དང་ཀུན་ཤེས་པ་དང་ལྡན་པའི་དབང་པོས་བསྡུས་སོ། །མི་འཇིགས་པ་བཞི་ནི་ལྔ་དང་གཅིག་པུ་དེ་ཉིད་ཀྱིས་བསྡུས་སོ། །མི་འཇིགས་པ་བཞི་རྣམས་ཇི་ལྟ་བ་བཞིན་དུ་བསྲུང་བ་མེད་པ་རྣམས་ཀྱང་དེ་བཞིན་ནོ། །དྲན་པ་ཉེ་བར་གཞག་པ་གསུམ་དབང་པོ་དུ་དག་གིས་བསྡུས་ཤེ་ན། སྨྲས་པ། དབང་པོ་གང་དག་གིས་ཀྱང་མ་བསྡུས་མོད་ཀྱི་འོན་ཀྱང་དབང་པོ་དྲུག་གིས་ཡང་དག་པར་བསྒྲུབས་པའི་ཆགས་པ་མེད་པ་དང་ཞེ་སྡང་མེད་པས་བསྡུས་སོ། །ཐུགས་རྗེ་ཆེན་པོ་ཡང་དབང་པོ་གང་དག་གིས་ཀྱང་མ་བསྡུས་ཏེ། དེ་དག་གིས་ཡང་དག་པར་བསྒྲུབས་པའི་ཞེ་སྡང་མེད་པ་དང༌། གཏི་མུག་མེད་པ་དག་གིས་བསྡུས་སོ། །བསྙེལ་བ་མི་མངའ་བའི་ཆོས་ཉིད་ནི་སྟོབས་བཞིན་དུ་བལྟ་བར་བྱའོ། །རྣམ་པ་ཐམས་ཅད་དང་མཆོག་མཁྱེན་པ་ཡང་སྟོབས་བཞིན་དུ་བལྟ་བར་བྱའོ། །བག་ཆགས་ཡང་དག་པར་བཅོམ་པ་ནི་དབང་པོ་གང་གིས་ཀྱང་མ་བསྡུས་མོད་ཀྱི། འོན་ཀྱང་དབང་པོ་དྲུག་གིས་ཡང་དག་པར་བསྒྲུབས་པའི་ཉོན་མོངས་པ་སྤངས་པས་བསྡུས་སོ། །གང་གི་ཚེ་དགྲ་བཅོམ་པས་ཉོན་མོངས་པའི་ཚོགས་དང་མཐུན་པའི་གནས་ངན་ལེན་མ་ལུས་པར་སྤངས་པའི་ཚེ་དགྲ་བཅོམ་པས་གང་མ་སྤངས་པའི་གནས་ངན་ལེན་གྱི་ཕྱོགས་དེ་གང་ཞིག་ཡོད་ན། དེ་བཞིན་གཤེགས་པས་དེ་སྤངས་པས་བག་ཆགས་ཡང་དག་པར་བཅོམ་པ་ཡིན་ཞེ་ན། སྨྲས་པ། དགྲ་བཅོམ་པས་ནི་རྣམ་པར་སྨིན་པའི་ཕྱོགས་དང་མཐུན་པ་དེ་མ་སྤངས་ལ་དེ་བཞིན་གཤེགས་པས་ནི་སྤངས་པ་ཡིན་ནོ། །

mtshan dang dpe byad bzang po dang stobs dang mi 'jigs pa la sogs pa sangs rgyas kyi chos ma 'dres pa bco brgyad gang dag yin pa de dag dbang po du dag gis bsdus she na/ smras pa/ mtshan dang dpe byad bzang po rnams ni lce'i dbang po dang dbang po bzhi pa lus kyi dbang po dang pho'i dbang po dang mig gi dbang po dang lce'i dbang po'i gnas rnams kyis bsdus so/ /stobs bcu ni de bzhin gshegs pa'i thugs kyi rgyud la mda' ba'i shes rab kyi dbang po dang kun shes pa dang ldan pa'i dbang pos bsdus so/ /mi 'jigs pa bzhi ni lnga dang gcig pu de nyid kyis bsdus so/ /mi 'jigs pa bzhi rnams ji lta ba bzhin du bsrung ba med pa rnams kyang de bzhin no/ /dran pa nye bar gzhag pa gsum dbang po du dag gis bsdus she na/ smras pa/ dbang po gang dag gis kyang ma bsdus mod kyi 'on kyang dbang po drug gis yang dag par bsgrubs pa'i chags pa med pa dang zhe sdang med pas bsdus so/ /thugs rje chen po yang dbang po gang dag gis kyang ma bsdus te/ de dag gis yang dag par bsgrubs pa'i zhe sdang med pa dang/ gti mug med pa dag gis bsdus so/ /bsnyel ba mi mnga' ba'i chos nyid ni stobs bzhin du blta bar bya'o/ /rnam pa thams cad dang mchog mkhyen pa yang stobs bzhin du blta bar bya'o/ /bag chags yang dag par bcom pa ni dbang po gang gis kyang ma bsdus mod kyi/ 'on kyang dbang po drug gis yang dag par bsgrubs pa'i nyon mongs pa spangs pas bsdus so/ /gang gi tshe dgra bcom pas nyon mongs pa'i tshogs dang mthun pa'i gnas ngan len ma lus par spangs pa'i tshe dgra bcom pas gang ma spangs pa'i gnas ngan len gyi phyogs de gang zhig yod na/ de bzhin gshegs pas de spangs pas bag chags yang dag par bcom pa yin zhe na/ smras pa/ dgra bcom pas ni rnam par smin pa'i phyogs dang mthun pa de ma spangs la de bzhin gshegs pas ni spangs pa yin no/ /

【L5 辨四食】【M1 辯食類數及解食義】

ཟས་བཞི་པོ་འདི་དག་ནི་དབང་པོ་དང་འབྱུང་བ་ཆེན་པོ་འཕེལ་བའི་ཕྱིར་འཇུག་པ་ཡིན་ནོ་ཞེས་གང་གསུངས་པ་དེ་ལ་ཟས་བཞི་ནི་གང་དབང་པོ་དང་འབྱུང་བ་ཆེན་པོ་གང་དག་རྒྱས་པའི་ཕྱིར་ནི་འཇུག་པར་འགྱུར་ཞེ་ན། སྨྲས་པ། ཟས་བཞི་ནི་ཁམ་དང་རེག་པ་དང་ཡིད་ལ་སེམས་པ་དང་རྣམ་པར་ཤེས་པའི་ཟས་སོ། །དབང་པོ་ནི་དབང་པོ་ནི་དབང་པོ་གཟུགས་ཅན་ལྔ་དང་ཡིད་ཀྱི་དབང་པོའོ། །འབྱུང་བ་ཆེན་པོ་ནི་དབང་པོའི་རྟེན་གྱི་འབྱུང་བ་ཆེན་པོ་རྣམས་སོ། །དེ་ལ་ཁམ་གྱི་ཁ་ཟས་གང་ཞེ་ན། སྨྲས་པ། དབང་པོ་དང་འབྱུང་བ་ཆེན་པོ་རྒྱས་པར་བྱ་བའི་ཕྱིར་ཉེ་བར་སྤྱད་པ་གང་ཡིན་པ་སྟེ་ཟས་མ་ཡིན་པ་ནི་དེ་ལས་བཟློག་པ་ལས་བལྟ་བར་བྱའོ༑ །ཁམ་གྱི་ཟས་ཇི་ལྟ་བ་བཞིན་དུ་ལྷག་མ་རྣམས་ཀྱང་ཟས་དང་ཟས་མ་ཡིན་པར་དེ་བཞིན་དུ་བལྟ་བར་བྱའོ། །

zas bzhi po 'di dag ni dbang po dang 'byung ba chen po 'phel ba'i phyir 'jug pa yin no zhes gang gsungs pa de la zas bzhi ni gang dbang po dang 'byung ba chen po gang dag rgyas pa'i phyir ni 'jug par 'gyur zhe na/ smras pa/ zas bzhi ni kham dang reg pa dang yid la sems pa dang rnam par shes pa'i zas so/ /dbang po ni dbang po ni dbang po gzugs can lnga dang yid kyi dbang po'o/ /'byung ba chen po ni dbang po'i rten gyi 'byung ba chen po rnams so/ /de la kham gyi kha zas gang zhe na/ smras pa/ dbang po dang 'byung ba chen po rgyas par bya ba'i phyir nye bar spyad pa gang yin pa ste zas ma yin pa ni de las bzlog pa las blta bar bya'o| /kham gyi zas ji lta ba bzhin du lhag ma rnams kyang zas dang zas ma yin par de bzhin du blta bar bya'o/ /

【M2 辨四食資養次第】

ཁམ་གྱི་ཟས་ཀྱིས་ཇི་ལྟར་ཟས་ཀྱི་བྱ་བ་བྱེད༑ དེ་བཞིན་དུ་རྣམ་པར་ཤེས་པའི་ཟས་ཀྱི་བར་གྱིས་ཀྱང་ཇི་ལྟར་ཟས་ཀྱི་བྱ་བ་བྱེད་ཅེ་ན། སྨྲས་པ། སྟོབས་ཀྱིས་རྣམ་པར་ཤེས་པ་ལ་ཕན་འདོགས་པར་བྱེད་ཅིང་སྟོབས་དང་ལྡན་པས་ཀྱང་དབང་པོ་དང་འབྱུང་བ་ཆེན་པོ་དེ་དག་རྒྱས་པར་བྱེད་དོ། །རེག་པས་ནི་བདེ་བ་དང་ཡིད་བདེ་བ་དང་དེ་ལ་ལ་ལ་བཏང་སྙོམས་ཀྱིས་ཕན་འདོགས་པས་རྣམ་པར་ཤེས་པ་ལ་ཕན་འདོགས་པར་བྱེད་ལ། ཕན་བཏགས་པ་དེས་ཀྱང་དབང་པོ་དང་འབྱུང་བ་ཆེན་པོ་རྒྱས་པར་བྱེད་དོ། །ཡིད་ལ་སེམས་པས་ནི་ཡུལ་འདོད་པས་འཐོབ་པའི་རྒྱུ་ཡང་དག་པའི་ཐབས་ཉོན་མོངས་པ་ཅན་དང་ཉོན་མོངས་པ་ཅན་མ་ཡིན་པ་ལ་བརྟེན་ནས། རེ་བའི་ཡིད་བདེ་བ་མ་འོངས་པའི་ཡུལ་ལ་དམིགས་པས་རྣམ་པར་ཤེས་པ་ལ་ཕན་འདོགས་པར་བྱེད་དེ་དེ་ལས་ཀྱང་དབང་པོ་དང་འབྱུང་བ་ཆེན་པོ་རྒྱས་པར་བྱེད་དོ། །དེ་ལྟར་ཟས་གསུམ་པོ་རྣམས་ཀྱི་དེ་ལྟར་དང་མ་འོངས་པ་ལ་དམིགས་པས། རྣམ་པར་ཤེས་པ་ལ་སྟོབས་དང་ལྡན་པ་ཉིད་བསྐྱེད་པའི་ཕྱིར་དང་རྣམ་པར་ཤེས་པས་ཀྱང་དབང་པོ་དང་འབྱུང་བ་ཆེན་པོ་རྒྱས་པར་བྱེད་པའི་ཕྱིར་ཟས་བཞི་པོ་རྣམ་པར་གཞག་པར་བལྟ་བར་བྱའོ། །

kham gyi zas kyis ji ltar zas kyi bya ba byed| de bzhin du rnam par shes pa'i zas kyi bar gyis kyang ji ltar zas kyi bya ba byed ce na/ smras pa/ stobs kyis rnam par shes pa la phan 'dogs par byed cing stobs dang ldan pas kyang dbang po dang 'byung ba chen po de dag rgyas par byed do/ /reg pas ni bde ba dang yid bde ba dang de la la la btang snyoms kyis phan 'dogs pas rnam par shes pa la phan 'dogs par byed la/ phan btags pa des kyang dbang po dang 'byung ba chen po rgyas par byed do/ /yid la sems pas ni yul 'dod pas 'thob pa'i rgyu yang dag pa'i thabs nyon mongs pa can dang nyon mongs pa can ma yin pa la brten nas/ re ba'i yid bde ba ma 'ongs pa'i yul la dmigs pas rnam par shes pa la phan 'dogs par byed de de las kyang dbang po dang 'byung ba chen po rgyas par byed do/ /de ltar zas gsum po rnams kyi de ltar dang ma 'ongs pa la dmigs pas/ rnam par shes pa la stobs dang ldan pa nyid bskyed pa'i phyir dang rnam par shes pas kyang dbang po dang 'byung ba chen po rgyas par byed pa'i phyir zas bzhi po rnam par gzhag par blta bar bya'o/ /

【M3 辯識與意根為食】

རྣམ་པར་ཤེས་པ་ཇི་ལྟར་ན་ཡིད་ཀྱི་དབང་པོའི་ཟས་ཡིན་ཞེ་ན། དེ་ལྟར་ཉེ་བར་རྟོན་པ་རྣམ་པ་གསུམ་གྱིས་ཉེ་བར་བརྟན་པ་དེ་གོང་ནས་གོང་དུ་ཆེས་བརྟས་པ་དང་ཆེས་སྟོབས་དང་ལྡན་པར་སྐྱེ་བའི་རྒྱུར་འགྱུར་རོ། །

rnam par shes pa ji ltar na yid kyi dbang po'i zas yin zhe na/ de ltar nye bar rton pa rnam pa gsum gyis nye bar brtan pa de gong nas gong du ches brtas pa dang ches stobs dang ldan par skye ba'i rgyur 'gyur ro/ /

【M4 辨三法不立食】

འོ་ན་གཉིད་དང་ཚངས་པར་སྤྱོད་པ་དང་སྙོམས་པར་འཇུག་པ་དག་དབང་པོ་དང་འབྱུང་བ་ཆེན་པོ་རྒྱས་པར་བྱེད་པ་ཡིན་ན། ཅིའི་ཕྱིར་ཟས་ཡིན་པར་རྣམ་པར་མི་གཞག་ཅེ་ན། སྨྲས་པ། རྒྱས་པ་ནི་གཉིས་པོ་འདི་དག་ཡིན་ཏེ་དོན་གཞན་ལ་ཕན་འདོགས་པས་རྒྱས་པ་དང་གནོད་པ་མི་བྱེད་པས་རྒྱས་པའོ། །དེ་ལ་གཉིད་ལ་སོགས་པ་ནི་རྒྱས་པ་ཕྱི་མ་ཤོས་ཀྱིས་རྒྱས་པར་བྱེད་པ་ཡིན་གྱི་སྔ་མ་ཤོས་ཀྱིས་ནི་མ་ཡིན་ཏེ། དེའི་ཕྱིར་དེ་དག་ཟས་ཡིན་པར་རྣམ་པར་མི་གཞག་གོ། །

'o na gnyid dang tshangs par spyod pa dang snyoms par 'jug pa dag dbang po dang 'byung ba chen po rgyas par byed pa yin na/ ci'i phyir zas yin par rnam par mi gzhag ce na/ smras pa/ rgyas pa ni gnyis po 'di dag yin te don gzhan la phan 'dogs pas rgyas pa dang gnod pa mi byed pas rgyas pa'o/ /de la gnyid la sogs pa ni rgyas pa phyi ma shos kyis rgyas par byed pa yin gyi snga ma shos kyis ni ma yin te/ de'i phyir de dag zas yin par rnam par mi gzhag go/ /

【M5 辨命根不立食】

ཅིའི་ཕྱིར་ལུས་གནས་པར་བྱེད་པའི་སྲོག་གི་དབང་པོ་ཟས་ཡིན་པར་རྣམ་པར་མི་གཞག་ཅེ་ན༑ སྨྲས་པ། དེ་ནི་ཟས་མེད་ན་རྒྱས་པར་བྱེད་པ་མ་ཡིན་པའི་ཕྱིར་རོ། །

ci'i phyir lus gnas par byed pa'i srog gi dbang po zas yin par rnam par mi gzhag ce na| smras pa/ de ni zas med na rgyas par byed pa ma yin pa'i phyir ro/ /

【M6 辯食麁細】

ཁམ་གྱི་ཟས་རགས་པ་གང་ཞེ་ན། སྨྲས་པ། ལྷར་གྱུར་པ་རྣམས་ཀྱི་མ་ཡིན་པ་གང་ཡིན་པའོ། །ཆ་ཕྲ་བ་གང་ཞེ་ན། སྨྲས་པ། ལྷར་གྱུར་པ་རྣམས་ཀྱི་གང་ཡིན་པ་སྟེ། འདི་ལྟར་དེ་དག་གི་ཟས་ནི་ཟོས་མ་ཐག་ཁོ་ནར་ལུས་དེ་ཉིད་ལ་འཇུ་བར་འགྱུར་ཏེ། རིམ་གྱིས་མ་ཡིན་པའི་ཕྱིར་རོ། །རེག་པ་དང་ཡིད་ལ་སེམས་པ་དང་རྣམ་པར་ཤེས་པའི་ཟས་རགས་པ་གང་ཞེ་ན། སྨྲས་པ། འདོད་པ་ན་སྤྱོད་པ་གང་ཡིན་པའོ། །ཆ་ཕྲ་བ་གང་ཞེ་ན། སྨྲས་པ། གཟུགས་དང་གཟུགས་མེད་པ་ན་སྤྱོད་པ་གང་ཡིན་པའོ། །སེམས་ཅན་འབྱུང་བ་རྣམས་གང་ཞེ་ན། ད་ལྟར་སྐྱེས་ཤིང་གྲུབ་པ་གང་དག་ཡིན་པ་རྣམས་སོ། །འབྱུང་བར་འདོད་པ་རྣམས་གང་ཞེ་ན། སྨྲས་པ། མ་འོངས་པའི་སྲིད་པ་འབྱུང་བར་འདོད་པ་གང་དག་ཡིན་པ་རྣམས་སོ། །གནས་པ་གང་ཞེ་ན། སྨྲས་པ། གནོད་པ་མེད་པས་རྒྱས་པ་གང་དག་ཡིན་པའོ། །འཚོ་བ་གང་ཞེ་ན། སྨྲས་པ། ཕན་འདོགས་པས་རྒྱས་པ་གང་ཡིན་པའོ། །

kham gyi zas rags pa gang zhe na/ smras pa/ lhar gyur pa rnams kyi ma yin pa gang yin pa'o/ /cha phra ba gang zhe na/ smras pa/ lhar gyur pa rnams kyi gang yin pa ste/ 'di ltar de dag gi zas ni zos ma thag kho nar lus de nyid la 'ju bar 'gyur te/ rim gyis ma yin pa'i phyir ro/ /reg pa dang yid la sems pa dang rnam par shes pa'i zas rags pa gang zhe na/ smras pa/ 'dod pa na spyod pa gang yin pa'o/ /cha phra ba gang zhe na/ smras pa/ gzugs dang gzugs med pa na spyod pa gang yin pa'o/ /sems can 'byung ba rnams gang zhe na/ da ltar skyes shing grub pa gang dag yin pa rnams so/ /'byung bar 'dod pa rnams gang zhe na/ smras pa/ ma 'ongs pa'i srid pa 'byung bar 'dod pa gang dag yin pa rnams so/ /gnas pa gang zhe na/ smras pa/ gnod pa med pas rgyas pa gang dag yin pa'o/ /'tsho ba gang zhe na/ smras pa/ phan 'dogs pas rgyas pa gang yin pa'o/ /

【M7 釋經中四句】

སེམས་ཅན་འབྱུང་བ་རྣམས་གནས་པ་དང༌། འཚོ་བར་འགྱུར་བའི་ཟས་དེ་དག་གང་ཞེ་ན། སྨྲས་པ། ཇི་སྐད་བརྗོད་པའི་བྱེད་པས་སོ། །ཇི་ལྟར་ན་འབྱུང་བར་འདོད་པ་རྣམས་ལ་ཕན་འདོགས་པར་འགྱུར་ཞེ་ན། སྨྲས་པ། སྒོ་གསུམ་གྱིས་རྣམ་པར་ཤེས་པ་ལ་ཉོན་མོངས་པ་དང་ལས་ཀྱི་ཀུན་ནས་ཉོན་མོངས་པ་རྒྱས་པ་དག་གིས་ཀུན་ནས་ཉོན་མོངས་པ་རྒྱས་པ་རྣམ་པ་གཉིས་ཡོད་དེ། སྒོ་གསུམ་གྱིས་ཀུན་ནས་ཉོན་མོངས་པ་བསྩགས་པའི་རྣམ་པར་ཤེས་པ་དེ་ཡང་འབྱུང་བར་འདོད་པ་རྣམས་ཀྱི་སྐྱེ་བ་དེའི་མཇུག་ཐོགས་སུ་དེ་ལས་གཞན་པ་འབྱུང་བ་ལ་ཕན་འདོགས་པར་བྱེད་དོ། །

sems can 'byung ba rnams gnas pa dang/ 'tsho bar 'gyur ba'i zas de dag gang zhe na/ smras pa/ ji skad brjod pa'i byed pas so/ /ji ltar na 'byung bar 'dod pa rnams la phan 'dogs par 'gyur zhe na/ smras pa/ sgo gsum gyis rnam par shes pa la nyon mongs pa dang las kyi kun nas nyon mongs pa rgyas pa dag gis kun nas nyon mongs pa rgyas pa rnam pa gnyis yod de/ sgo gsum gyis kun nas nyon mongs pa bstsags pa'i rnam par shes pa de yang 'byung bar 'dod pa rnams kyi skye ba de'i mjug thogs su de las gzhan pa 'byung ba la phan 'dogs par byed do/ /

【M8 辨段食作用時節】

ཁམ་གྱི་ཟས་དུས་གང་གི་ཚེ་ཟས་ཉིད་དུ་རྣམ་པར་གཞག་ཅེ་ན། སྨྲས་པ། འཇུ་བའི་ཚེ་ནའོ། །ཡོངས་སུ་ལོངས་སྤྱོད་པའི་ཚེ་ན་ནི་རེག་པ་རྣམ་པར་གཞག་སྟེ། དེས་བྱས་པའི་ཕན་འདོགས་པ་བརྟས་པར་བྱེད་པ་གང་ཡིན་པའོ། །དེའི་ཕྱིར་ཟས་ནི་སྐྱེ་མཆེད་གསུམ་གྱིས་བསྡུས་པ་ཡིན་པར་རྣམ་པར་གཞག་གི་ཁ་དོག་གིས་ནི་མ་ཡིན་ཏེ་འདི་ལྟར་དྲི་དང་རོ་དང་རེག་བྱ་དག་གིས་དེ་དག་གི་རོ་དང་མཐུ་དང་རྣམ་པར་སྨིན་པ་ལ་སོགས་པ་ཡོངས་སུ་འཇུ་བས་ཕན་འདོགས་པ་དང་གནོད་པ་བྱེད་པའི་ཕྱིར་རོ། །ཁམ་གྱི་ཟས་གང་ཡོངས་སུ་ལོངས་སྤྱོད་པའི་ཚེ་ན། འདི་ལྟ་སྟེ། ཁ་བ་དང་ཚ་བ་ལ་སོགས་པས་གནོད་པ་བྱེད་ལ་འཇུ་བའི་ཚེ་ན་ཕན་འདོགས་པའང་ཡོད་དོ། །ཡོངས་སུ་ལོངས་སྤྱོད་པའི་ཚེ་ན་ཕན་འདོགས་ལ་འཇུ་བའི་ཚེ་ན་གནོད་པ་བྱེད་པ་འདི་ལྟ་སྟེ་ཞིམ་ལ་མི་འཕྲོད་པའང་ཡོད་དེ། དེའི་ཕྱིར་འཇུ་བའི་ཚེ་ཁོ་ན་ཟས་ཡིན་པར་རྣམ་པར་གཞག་གི་ཡོངས་སུ་ལོངས་སྤྱོད་པའི་ཚེ་ན་ནི་མ་ཡིན་ནོ། །

kham gyi zas dus gang gi tshe zas nyid du rnam par gzhag ce na/ smras pa/ 'ju ba'i tshe na'o/ /yongs su longs spyod pa'i tshe na ni reg pa rnam par gzhag ste/ des byas pa'i phan 'dogs pa brtas par byed pa gang yin pa'o/ /de'i phyir zas ni skye mched gsum gyis bsdus pa yin par rnam par gzhag gi kha dog gis ni ma yin te 'di ltar dri dang ro dang reg bya dag gis de dag gi ro dang mthu dang rnam par smin pa la sogs pa yongs su 'ju bas phan 'dogs pa dang gnod pa byed pa'i phyir ro/ /kham gyi zas gang yongs su longs spyod pa'i tshe na/ 'di lta ste/ kha ba dang tsha ba la sogs pas gnod pa byed la 'ju ba'i tshe na phan 'dogs pa'ang yod do/ /yongs su longs spyod pa'i tshe na phan 'dogs la 'ju ba'i tshe na gnod pa byed pa 'di lta ste zhim la mi 'phrod pa'ang yod de/ de'i phyir 'ju ba'i tshe kho na zas yin par rnam par gzhag gi yongs su longs spyod pa'i tshe na ni ma yin no/ /

【M9 明廢立】【N1 約法廢立】

གང་གི་ཚེ་དེ་དག་ལས་གཞན་པ་འདུ་བྱེད་རྣམས་ཀྱི་གནས་པའི་རྒྱུ་མང་པོ་འདི་ལྟ་སྟེ། སྐྱེ་བ་དང༌། སྔོན་གྱི་ལས་དང་རྫུ་འཕྲུལ་རྒྱུ་དང་རྐྱེན་ཚོགས་པ་དང་བར་ཆད་སྤངས་པ་དག་ཀྱང་དམིགས་པའི་ཚེ་ཅིའི་ཕྱིར་ཟས་ཁོ་ན་གསུངས་ཤེ་ན།

gang gi tshe de dag las gzhan pa 'du byed rnams kyi gnas pa'i rgyu mang po 'di lta ste/ skye ba dang/ sngon gyi las dang rdzu 'phrul rgyu dang rkyen tshogs pa dang bar chad spangs pa dag kyang dmigs pa'i tshe ci'i phyir zas kho na gsungs she na/

【N2 別辨五趣有無】

སྨྲས་པ། ཟས་རྣམས་ནི་མང་པོའི་ཕྱིར་དང༌། བརྡ་ཕྲད་སླ་བའི་ཕྱིར་དང༌། དྲན་པ་ཉེ་བར་གཞག་པ་དག་ལ་འཇུག་པར་སླ་བའི་ཕྱིར་དང༌། ཉིན་གཅིག་བཞིན་དུ་བདེ་བ་རྒྱས་པར་བྱེད་པའི་ཕྱིར་དེ་དག་ཁོ་ན་བསྟན་ཏོ། །སེམས་ཅན་དམྱལ་བ་རྣམས་ན་ནི་ཁམ་གྱི་ཟས་མེད་དོ། །མཉམ་པར་གཞག་པའི་ས་བའི་ལྷ་རྣམས་ལ་ཡང་མེད་དེ་སེམས་ཅན་དམྱལ་བ་པ་རྣམས་ནི་ཕལ་ཆེར་སྔོན་གྱི་ལས་ཀྱི་སྟོབས་བསྐྱེད་པས་གནས་ཏེ་དེའི་ཕྱིར་དབང་པོ་དང་འབྱུང་བ་ཆེན་པོ་ལ་གནོད་པར་བྱེད་པའི་རྒྱུ་ཆེན་པོ་དག་གིས་ཀྱང་འཆི་བར་མི་འགྱུར་རོ། །དེ་དག་ལ་རླུང་ཆ་ཕྲ་མོ་རྗེས་སུ་ཞུགས་པའི་ཟས་ཐ་སྙད་གདགས་པ་མ་གཏོགས་པ་ནི་ཡོད་དོ། །

smras pa/ zas rnams ni mang po'i phyir dang/ brda phrad sla ba'i phyir dang/ dran pa nye bar gzhag pa dag la 'jug par sla ba'i phyir dang/ nyin gcig bzhin du bde ba rgyas par byed pa'i phyir de dag kho na bstan to/ /sems can dmyal ba rnams na ni kham gyi zas med do/ /mnyam par gzhag pa'i sa ba'i lha rnams la yang med de sems can dmyal ba pa rnams ni phal cher sngon gyi las kyi stobs bskyed pas gnas te de'i phyir dbang po dang 'byung ba chen po la gnod par byed pa'i rgyu chen po dag gis kyang 'chi bar mi 'gyur ro/ /de dag la rlung cha phra mo rjes su zhugs pa'i zas tha snyad gdags pa ma gtogs pa ni yod do/ /

【L6 諸句】【M1 約依身境界分別色根】

དབང་པོ་གང་དག་ལུས་ལས་གཞན་པ་དེ་ལ་བརྟེན་ཏེ་འབྱུང་བ་དེ་དག་ཡུལ་ལས་ཀྱང་ཡིན་པ་གང་དག་ཡུལ་ལ་བརྟེན་ཏེ་འབྱུང་བ་དེ་དག་ལུས་ལས་ཀྱང་ཡིན་ནམ་ཞེ་ན། སྨྲས་པ། རེ་ཞིག་གང་དག་ཡུལ་ལ་བརྟེན་ཏེ་འབྱུང་བ་དེ་དག་ནི་ལུས་ལས་ཀྱང་ཡིན་ནོ། །ལུས་ལ་བརྟེན་ཏེ་འབྱུང་ལ་ཡུལ་ལས་མ་ཡིན་པའང་ཡོད་དེ་དབང་པོ་གཟུགས་ཅན་དེ་དག་དང་མཚུངས་པ་གང་དག་ཡིན་པ་རྣམས་ཏེ་དེ་དག་ནི་འབྱུང་བ་ཆེན་པོ་ལ་བརྟེན་པ་ཡིན་པའི་ཕྱིར་དེ་ལས་གཞན་པ་ལ་བརྟེན་པ་དག་ཅེས་བྱའོ། །

dbang po gang dag lus las gzhan pa de la brten te 'byung ba de dag yul las kyang yin pa gang dag yul la brten te 'byung ba de dag lus las kyang yin nam zhe na/ smras pa/ re zhig gang dag yul la brten te 'byung ba de dag ni lus las kyang yin no/ /lus la brten te 'byung la yul las ma yin pa'ang yod de dbang po gzugs can de dag dang mtshungs pa gang dag yin pa rnams te de dag ni 'byung ba chen po la brten pa yin pa'i phyir de las gzhan pa la brten pa dag ces bya'o/ /

【M2 約一多依分別諸根】

དབང་པོ་གང་དག་ལ་བརྟེན་ནས་འབྱུང་བ་དེ་དག་ཐམས་ཅད་གནས་གཅིག་པ་དག་ཡིན་ནམ་ཞེ་ན། སྨྲས་པ། གནས་གཅིག་པ་དག་ཀྱང་ཡོད་དེ། གཟུགས་ཅན་དེ་དག་དང་མཚུངས་པ་རྣམས་སོ། །གནས་གཉིས་པ་དག་ཀྱང་ཡོད་དེ་དག་ཉིད་མཚུངས་པ་རྣམས་སོ། །གནས་གསུམ་པ་དག་ཀྱང་ཡོད་དེ་གཟུགས་ཅན་གྱི་ཁམས་ན་ནི་ཡིད་ཀྱི་དབང་པོ་དང་དེ་ལས་གཞན་པ་སེམས་ལས་བྱུང་བའི་དབང་པོ་གཟུགས་ཅན་མ་ཡིན་པ་རྣམས་སོ། །གཟུགས་ཅན་མ་ཡིན་པའི་ཁམས་ན་ནི་དེ་དག་ཉིད་གནས་གཉིས་པ་ཁོ་ན་ཡིན་པར་བལྟ་བར་བྱའོ། །

dbang po gang dag la brten nas 'byung ba de dag thams cad gnas gcig pa dag yin nam zhe na/ smras pa/ gnas gcig pa dag kyang yod de/ gzugs can de dag dang mtshungs pa rnams so/ /gnas gnyis pa dag kyang yod de dag nyid mtshungs pa rnams so/ /gnas gsum pa dag kyang yod de gzugs can gyi khams na ni yid kyi dbang po dang de las gzhan pa sems las byung ba'i dbang po gzugs can ma yin pa rnams so/ /gzugs can ma yin pa'i khams na ni de dag nyid gnas gnyis pa kho na yin par blta bar bya'o/ /

【M3 約苦等分別】

དབང་པོ་གང་དག་སྡུག་བསྔལ་བ་དེ་དག་ཐམས་ཅད་སྡུག་བསྔལ་གྱི་མཚན་ཉིད་དུ་གྱུར་པ་དག་ཡིན་ནམ་གང་དག་སྡུག་བསྔལ་གྱི་མཚན་ཉིད་དུ་གྱུར་པ་དེ་དག་ཐམས་ཅད་སྡུག་བསྔལ་བ་དག་ཡིན་ཞེ་ན། སྨྲས་པ། དབང་པོ་གང་དག་སྡུག་བསྔལ་བ་ཡིན་ལ་དེ་དག་སྡུག་བསྔལ་གྱི་མཚན་ཉིད་ནི་མ་ཡིན་པ་དག་ཀྱང་ཡོད་དེ། བདེ་བའི་དབང་པོ་དང་ཡིད་བདེ་བའི་དབང་པོའོ། །སྡུག་བསྔལ་བ་ཡང་ཡིན་ལ་སྡུག་བསྔལ་གྱི་མཚན་ཉིད་ཀྱང་ཡིན་པ་དག་ཀྱང་ཡོད་དེ། སྡུག་བསྔལ་གྱི་དབང་པོ་དང་ཡིད་མི་བདེ་བའི་དབང་པོའོ། །སྡུག་བསྔལ་བ་ནི་ཡིན་ལ་བདེ་བ་དང་སྡུག་བསྔལ་གྱི་མཚན་ཉིད་མ་ཡིན་པ་དག་ཀྱང་ཡོད་དེ། བཏང་སྙོམས་ཀྱི་དབང་པོའོ། །སྡུག་བསྔལ་བའང་མ་ཡིན་ལ་སྡུག་བསྔལ་གྱི་མཚན་ཉིད་ཀྱང་མ་ཡིན་པ་དག་ཀྱང་ཡོད་དེ། དབང་པོ་ཐ་མ་གསུམ་སྟེ། སྡུག་བསྔལ་གྱི་གཉེན་པོ་ཡིན་པའི་ཕྱིར་རོ། །

dbang po gang dag sdug bsngal ba de dag thams cad sdug bsngal gyi mtshan nyid du gyur pa dag yin nam gang dag sdug bsngal gyi mtshan nyid du gyur pa de dag thams cad sdug bsngal ba dag yin zhe na/ smras pa/ dbang po gang dag sdug bsngal ba yin la de dag sdug bsngal gyi mtshan nyid ni ma yin pa dag kyang yod de/ bde ba'i dbang po dang yid bde ba'i dbang po'o/ /sdug bsngal ba yang yin la sdug bsngal gyi mtshan nyid kyang yin pa dag kyang yod de/ sdug bsngal gyi dbang po dang yid mi bde ba'i dbang po'o/ /sdug bsngal ba ni yin la bde ba dang sdug bsngal gyi mtshan nyid ma yin pa dag kyang yod de/ btang snyoms kyi dbang po'o/ /sdug bsngal ba'ang ma yin la sdug bsngal gyi mtshan nyid kyang ma yin pa dag kyang yod de/ dbang po tha ma gsum ste/ sdug bsngal gyi gnyen po yin pa'i phyir ro/ /

【M4 約善等分別】

དབང་པོ་གང་དག་དགེ་བ་ཡིན་པའི་དབང་པོ་དེ་དག་བདེ་བ་སྐྱེད་པར་བྱེད་པ་དག་ཡིན་ནམ་གང་དག་བདེ་བ་སྐྱེད་པར་བྱེད་པ་དེ་དག་དགེ་བ་དག་ཀྱང་ཡིན་ནམ་ཞེ་ན། སྨྲས་པ། དབང་པོ་གང་དག་དགེ་བ་ཡིན་ལ་བདེ་བ་སྐྱེད་པར་བྱེད་པ་མ་ཡིན་པ་དག་ཀྱང་ཡོད་དེ། སྡུག་བསྔལ་བ་དང་བཅས་ཡིད་མི་བདེ་བ་དང་བཅས་པས་ཚེ་འདི་ལ་ཚངས་པར་སྤྱད་པ་སྤྱོད་པའི་དབང་པོ་དགེ་བ་གང་དག་བདེ་བ་སྐྱེད་པར་བྱེད་པ་མ་ཡིན་པ་དེ་དག་གོ། །བདེ་བ་སྐྱེད་པར་བྱེད་པ་ཡིན་ལ་དགེ་བ་མ་ཡིན་པ་དག་ཀྱང་ཡོད་དེ། ལུང་དུ་མ་བསྟན་པའི་དབང་པོ་གང་དག་ཚེ་འདི་ལ་ཉོན་མོངས་པ་ཅན་དང་ཉོན་མོངས་པ་ཅན་མ་ཡིན་པ་དང༌། ལུང་དུ་མ་བསྟན་པའི་བདེ་བ་སྐྱེད་པར་བྱེད་པ་དག་གོ། །དགེ་བའང་ཡིན་ལ་བདེ་བ་སྐྱེད་པར་བྱེད་པའང་ཡིན་པ་དག་ཀྱང་ཡོད་དེ་བདེ་བ་དང་བཅས་ཡིད་བདེ་བ་དང་བཅས་པས་ཚེ་འདི་ལ་ཚངས་པར་སྤྱད་པ་སྤྱོད་པའི་དབང་པོ་དགེ་བ་གང་དག་ཡིན་པ་རྣམས་སོ། །དགེ་བ་ཡང་མ་ཡིན་བདེ་བ་སྐྱེད་པར་བྱེད་པ་ཡང་ཡང་མ་ཡིན་པ་དག་ཀྱང་ཡོད་དེ་ལུང་དུ་མ་བསྟན་པ་དང༌། མི་དགེ་བའི་དབང་པོ་གང་དག་ཚེ་འདི་ལ་སྡུག་བསྔལ་སྐྱེད་པར་བྱེད་པ་དག་གོ། །

dbang po gang dag dge ba yin pa'i dbang po de dag bde ba skyed par byed pa dag yin nam gang dag bde ba skyed par byed pa de dag dge ba dag kyang yin nam zhe na/ smras pa/ dbang po gang dag dge ba yin la bde ba skyed par byed pa ma yin pa dag kyang yod de/ sdug bsngal ba dang bcas yid mi bde ba dang bcas pas tshe 'di la tshangs par spyad pa spyod pa'i dbang po dge ba gang dag bde ba skyed par byed pa ma yin pa de dag go/ /bde ba skyed par byed pa yin la dge ba ma yin pa dag kyang yod de/ lung du ma bstan pa'i dbang po gang dag tshe 'di la nyon mongs pa can dang nyon mongs pa can ma yin pa dang/ lung du ma bstan pa'i bde ba skyed par byed pa dag go/ /dge ba'ang yin la bde ba skyed par byed pa'ang yin pa dag kyang yod de bde ba dang bcas yid bde ba dang bcas pas tshe 'di la tshangs par spyad pa spyod pa'i dbang po dge ba gang dag yin pa rnams so/ /dge ba yang ma yin bde ba skyed par byed pa yang yang ma yin pa dag kyang yod de lung du ma bstan pa dang/ mi dge ba'i dbang po gang dag tshe 'di la sdug bsngal skyed par byed pa dag go/ /

【K2 以半頌結前六義】

བར་སྡོམ་ནི། དོན་དང་གནས་དང་འཐོབ་པ་དང༌། །སྡུད་དང་ཟས་དང་མུ་རྣམས་སོ། །

bar sdom ni/ don dang gnas dang 'thob pa dang/ /sdud dang zas dang mu rnams so/ /

【D2 總分別】【E1 辯義差別】

འདུ་བྱེད་ཀྱི་དོན་མཐའ་དག་འཛིན་པར་བྱེད་ཅིང་འདུ་བྱེད་ཀྱི་དོན་མཐའ་དག་འཛིན་པར་བྱེད་པས་ཕུང་པོ་རྣམས་སོ། །རྣམ་གྲངས་གཞན་ཡང་རྟག་ཏུ་ལས་དང་ཉོན་མོངས་པ་རྣམས་ཀྱིས་འཕེལ་བར་བྱེད་ཅིང༌། རྟག་ཏུ་ལས་དང་ཉོན་མོངས་པ་རྣམས་ཀྱིས་འཕེལ་བར་བྱེད་པས་ཕུང་པོ་རྣམས་སོ། །རྣམ་གྲངས་གཞན་ཡང་རྟག་ཏུ་འདུ་བྱེད་ཅིང་འཇིག་པར་བྱེད་ལ་རྟག་ཏུ་འདུ་བྱེད་ཅིང་འཇིག་པར་བྱེད་པས་ཕུང་པོ་རྣམས་སོ། །ཆོས་རྣམས་བསྐྱེད་པའི་ཕྱིར་འཇུག་པར་བྱེད་ཅིང་ཆོས་རྣམས་བསྐྱེད་པའི་ཕྱིར་འཇུག་པར་བྱེད་པས་ཁམས་རྣམས་ཏེ་འཕེན་པར་བྱེད་ཅེས་བྱ་བའི་ཐ་ཚིག་གོ། །སེམས་དང་སེམས་ལས་བྱུང་བའི་ཆོས་རྣམས་ཀྱི་གནས་རྒྱས་པར་བྱེད་ཅིང་སེམས་དང་སེམས་ལས་བྱུང་བའི་ཆོས་རྣམས་ཀྱི་གནས་རྒྱས་པར་བྱེད་པའི་ཕྱིར་སྐྱེ་མཆེད་རྣམས་སོ། །རྐྱེན་ལས་མྱུར་དུ་འཇིག་པ་དང་ལྡན་ལ་འབྱུང་ཞིང་རྐྱེན་ལས་མྱུར་དུ་འཇིག་པ་དང་ལྡན་ལ་འབྱུང་བས་རྟེན་ཅིང་འབྲེལ་པར་འབྱུང་བའོ། །ཀུན་ནས་སློང་བའི་ཕྱིར་ཚུལ་ཡིན་ལ་ཀུན་ནས་སློང་བའི་ཕྱིར་ཚུལ་ཡིན་པས་གནས་སོ། །ཚུལ་མ་ཡིན་པའི་གནས་ནི་མ་ཡིན་ནོ། །ལྟ་བ་ལ་སོགས་པ་ལ་བདག་པོ་ཉིད་དང་ལྡན་ཞིང་ལྟ་བ་ལ་སོགས་པ་ལ་བདག་པོ་ཉིད་དང་ལྡན་པས་དབང་པོ་རྣམས་སོ། །

'du byed kyi don mtha' dag 'dzin par byed cing 'du byed kyi don mtha' dag 'dzin par byed pas phung po rnams so/ /rnam grangs gzhan yang rtag tu las dang nyon mongs pa rnams kyis 'phel bar byed cing/ rtag tu las dang nyon mongs pa rnams kyis 'phel bar byed pas phung po rnams so/ /rnam grangs gzhan yang rtag tu 'du byed cing 'jig par byed la rtag tu 'du byed cing 'jig par byed pas phung po rnams so/ /chos rnams bskyed pa'i phyir 'jug par byed cing chos rnams bskyed pa'i phyir 'jug par byed pas khams rnams te 'phen par byed ces bya ba'i tha tshig go/ /sems dang sems las byung ba'i chos rnams kyi gnas rgyas par byed cing sems dang sems las byung ba'i chos rnams kyi gnas rgyas par byed pa'i phyir skye mched rnams so/ /rkyen las myur du 'jig pa dang ldan la 'byung zhing rkyen las myur du 'jig pa dang ldan la 'byung bas rten cing 'brel par 'byung ba'o/ /kun nas slong ba'i phyir tshul yin la kun nas slong ba'i phyir tshul yin pas gnas so/ /tshul ma yin pa'i gnas ni ma yin no/ /lta ba la sogs pa la bdag po nyid dang ldan zhing lta ba la sogs pa la bdag po nyid dang ldan pas dbang po rnams so/ /

【E2 辯建立】

དེ་ལ་ཕུང་པོ་ལ་སོགས་པའི་རྣམ་པར་གཞག་པ་ནི་མདོར་བསྡུ་ན་རྒྱུ་དྲུག་གིས་རིག་པར་བྱ་སྟེ། ལུས་རྣམ་པར་གཞག་པ་དང༌། དེའི་རྒྱུ་རྣམ་པར་གཞག་པ་དང༌། ལུས་ཅན་རྣམ་པར་གཞག་པ་དང་། དེའི་འཇུག་པའི་ཐབས་རྣམ་པར་གཞག་པ་དང༌། དེ་ཉིད་ཀྱི་འཇུག་པ་ལ་ཉམས་པ་དང་ཁྱད་པར་དུ་འགྱུར་བའི་ཐབས་རྣམ་པར་གཞག་པ་དང༌། དེ་ལ་ལོངས་སྤྱོད་པའི་བདག་པོ་རྣམ་པར་གཞག་པ་དང༌།

de la phung po la sogs pa'i rnam par gzhag pa ni mdor bsdu na rgyu drug gis rig par bya ste/ lus rnam par gzhag pa dang/ de'i rgyu rnam par gzhag pa dang/ lus can rnam par gzhag pa dang / de'i 'jug pa'i thabs rnam par gzhag pa dang/ de nyid kyi 'jug pa la nyams pa dang khyad par du 'gyur ba'i thabs rnam par gzhag pa dang/ de la longs spyod pa'i bdag po rnam par gzhag pa dang/

【E3 顯示善巧離六種邪執】

མདོར་བསྡུ་ན་མཁས་པ་དྲུག་པོ་དེ་དག་གིས་ལེགས་པར་ཟིན་པ་མ་ཡིན་པ་དྲུག་པོ་དག་ལུས་ལེགས་པར་ཟིན་པ་མ་ཡིན་པ་དང༌། རང་བཞིན་དང་དབང་ཕྱུག་ལ་སོགས་པ་མི་མཐུན་པའི་རྒྱུ་ལེགས་པར་ཟིན་པ་མ་ཡིན་པ་དང༌། ལུས་དེ་ལ་གནས་པའི་བདག་པོ་ལེགས་པར་ཟིན་པ་མ་ཡིན་པ་དང༌། དེའི་འཆི་འཕོ་དང་སྐྱེ་བའི་འཇིག་པ་ལེགས་པར་ཟིན་པ་མ་ཡིན་པ་དང༌། དེའི་དགེ་བ་དང༌། མི་དགེ་བ་ལ་འབད་པ་ལེགས་པར་ཟིན་པ་མ་ཡིན་པ་དང༌། དེའི་ཡུལ་འདོད་པ་དང་མི་འདོད་པ་ལ་ལོངས་སྤྱོད་པའི་བདག་པོ་ལེགས་པར་ཟིན་པ་མ་ཡིན་པ་རྣམ་པར་བསྩལ་བ་ཡོངས་སུ་བསྟན་པ་ཡིན་ནོ། །

mdor bsdu na mkhas pa drug po de dag gis legs par zin pa ma yin pa drug po dag lus legs par zin pa ma yin pa dang/ rang bzhin dang dbang phyug la sogs pa mi mthun pa'i rgyu legs par zin pa ma yin pa dang/ lus de la gnas pa'i bdag po legs par zin pa ma yin pa dang/ de'i 'chi 'pho dang skye ba'i 'jig pa legs par zin pa ma yin pa dang/ de'i dge ba dang/ mi dge ba la 'bad pa legs par zin pa ma yin pa dang/ de'i yul 'dod pa dang mi 'dod pa la longs spyod pa'i bdag po legs par zin pa ma yin pa rnam par bstsal ba yongs su bstan pa yin no/ /

【E4 辯勝利】

ཕན་ཡོན་དུ་ཞིག་ཡང་དག་པར་རྗེས་སུ་མཐོང་བས་ཆོས་རབ་ཏུ་དབྱེ་བ་རྣམ་པར་གཞག་པ་རབ་ཏུ་རྣམ་པར་དབྱེ་བ་ལ་མཁས་པ་ལ་བརྩོན་པར་བྱ་ཞེ་ན། མདོར་བསྡུ་ན་ཕན་ཡོན་རྣམ་པ་བཅུ་སྟེ། འཇིག་ཚོགས་ལ་ལྟ་བ་ཡོངས་སུ་ཤེས་པར་བྱ་བའི་ཕྱིར་རིལ་པོའི་འདུ་ཤེས་རབ་ཏུ་བཤིག་པར་བྱས་པར་འགྱུར་བ་དང༌། ཡོད་ཅིང་མེད་པ་མ་ཡིན་པའི་ཆོས་རྣམས་ལ་བདེན་པ་དང་གནས་པ་ལས་གནོད་པར་མི་འགྱུར་བ་དང༌། བདག་ཉིད་ཀྱང་སོམ་ཉི་མེད་ཅིང་ཐེ་ཚོམ་མེད་པར་འགྱུར་བ་དང༌། གཞན་དག་གིས་དྲི་བ་དྲིས་ནའང་མ་དད་པ་རྣམས་དད་པར་བྱ་ཞིང་དད་པ་རྣམས་ཕྱིར་ཞིང་འཕེལ་བར་བྱ་བའི་ཕྱིར་དང༌། བསྟན་པ་ཡུན་རིང་དུ་གནས་པར་བྱ་བའི་ཕྱིར་ལེགས་པ་ཁོ་ནར་ལན་འདེབས་པས་ལན་ལྡན་པར་འགྱུར་བ་དང༌། རྟེན་ཅིང་འབྲེལ་པར་འབྱུང་བའི་རིག་པ་ལ་འཇུག་པར་འགྱུར་བ་དང༌། བརྒྱ་བྱིན་དང་ཚངས་པ་དང་སྐྱེ་དགུའི་བདག་པོ་དང་རང་བཞིན་དང་སྐྱེས་བུ་དག་གི་བྱེད་པ་པོ་མེད་པ་ཉིད་དང་ལུས་མེད་པ་ཉིད་དུ་ཁོང་དུ་ཆུད་པར་འགྱུར་བ་དང་བདག་གི་ཤེས་རབ་ཀྱི་དབང་པོ་རྒྱས་ཤིང་འཕེལ་ལ་ཡངས་པར་འགྱུར་ཞིང་དགེ་བ་དང་མི་དགེ་བའི་ཆོས་རྣམས་དང༌། རྒྱས་པར་རྟེན་ཅིང་འབྲེལ་པར་འབྱུང་བ་རབ་ཏུ་རྣམ་པར་དབྱེ་བ་དང་བཅས་པའི་བར་དག་ཡང་དག་པ་ཇི་ལྟ་བ་བཞིན་དུ་ཤེས་པར་འགྱུར་བ་དང༌། དགེ་བ་དང་མི་དགེ་བའི་ཆོས་རྣམས་དང་རྒྱས་པར་རྟེན་ཅིང་འབྲེལ་བར་འབྱུང་བ་རབ་ཏུ་རྣམ་པར་དབྱེ་བའི་བར་དེ་དག་ལ་བདག་གི་དྲན་པ་ལེགས་པར་གནས་པར་འགྱུར་བ་དང༌། ཆོས་ཀྱི་རྗེས་སུ་མཐུན་པའི་ཆོས་ལ་ཞུགས་པ་ན་དྲན་པ་ཉེ་བར་གནས་པ་དེ་ཉིད་ལ་བརྟེན་ཅིང་གནས་ནས་དགེ་བའི་སེམས་རྩེ་གཅིག་པ་དེ་ཉིད་ལ་རེག་པར་འགྱུར་བ་དང་སེམས་རྩེ་གཅིག་པ་དེ་ཉིད་ལ་བརྟེན་ཅིང་གནས་ནས་འཕགས་པའི་ཤེས་རབ་ཀྱི་དབང་པོ་སྐྱེ་བར་འགྱུར་བ་དང༌། འཕགས་པའི་ཤེས་རབ་ཀྱི་དབང་པོ་ལ་བརྟེན་ཅིང་གནས་ནས་ཕྱིན་ཅི་ལོག་རྣམས་སྟོང་བར་འགྱུར། ཟག་པ་ཟད་པ་ནི་རྗེས་སུ་ཐོབ་པར་འགྱུར་བ་སྟེ། དེ་ལྟར་ཕན་ཡོན་བཅུ་པོ་དེ་དག་ཡང་དག་པར་རྗེས་སུ་མཐོང་བས་ཆོས་རབ་ཏུ་དབྱེ་བ་རྣམ་པར་གཞག་པ་རབ་ཏུ་རྣམ་པར་དབྱེ་བ་ལ་མཁས་པ་ལ་བརྩོན་པར་བྱའོ། །

phan yon du zhig yang dag par rjes su mthong bas chos rab tu dbye ba rnam par gzhag pa rab tu rnam par dbye ba la mkhas pa la brtson par bya zhe na/ mdor bsdu na phan yon rnam pa bcu ste/ 'jig tshogs la lta ba yongs su shes par bya ba'i phyir ril po'i 'du shes rab tu bshig par byas par 'gyur ba dang/ yod cing med pa ma yin pa'i chos rnams la bden pa dang gnas pa las gnod par mi 'gyur ba dang/ bdag nyid kyang som nyi med cing the tshom med par 'gyur ba dang/ gzhan dag gis dri ba dris na'ang ma dad pa rnams dad par bya zhing dad pa rnams phyir zhing 'phel bar bya ba'i phyir dang/ bstan pa yun ring du gnas par bya ba'i phyir legs pa kho nar lan 'debs pas lan ldan par 'gyur ba dang/ rten cing 'brel par 'byung ba'i rig pa la 'jug par 'gyur ba dang/ brgya byin dang tshangs pa dang skye dgu'i bdag po dang rang bzhin dang skyes bu dag gi byed pa po med pa nyid dang lus med pa nyid du khong du chud par 'gyur ba dang bdag gi shes rab kyi dbang po rgyas shing 'phel la yangs par 'gyur zhing dge ba dang mi dge ba'i chos rnams dang/ rgyas par rten cing 'brel par 'byung ba rab tu rnam par dbye ba dang bcas pa'i bar dag yang dag pa ji lta ba bzhin du shes par 'gyur ba dang/ dge ba dang mi dge ba'i chos rnams dang rgyas par rten cing 'brel bar 'byung ba rab tu rnam par dbye ba'i bar de dag la bdag gi dran pa legs par gnas par 'gyur ba dang/ chos kyi rjes su mthun pa'i chos la zhugs pa na dran pa nye bar gnas pa de nyid la brten cing gnas nas dge ba'i sems rtse gcig pa de nyid la reg par 'gyur ba dang sems rtse gcig pa de nyid la brten cing gnas nas 'phags pa'i shes rab kyi dbang po skye bar 'gyur ba dang/ 'phags pa'i shes rab kyi dbang po la brten cing gnas nas phyin ci log rnams stong bar 'gyur/ zag pa zad pa ni rjes su thob par 'gyur ba ste/ de ltar phan yon bcu po de dag yang dag par rjes su mthong bas chos rab tu dbye ba rnam par gzhag pa rab tu rnam par dbye ba la mkhas pa la brtson par bya'o/ /

【C3 結其略決】

རྣམ་པར་ཤེས་པའི་ཚོགས་ལྔ་དང་ལྡན་པའི་ས་དང་ཡིད་ཀྱི་ས་གཉིས་ཀྱིས་ཀྱིས་རྣམ་པར་གཏན་ལ་དབབ་པའོ། །ས་དེ་གཉིས་ཀྱི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

rnam par shes pa'i tshogs lnga dang ldan pa'i sa dang yid kyi sa gnyis kyis kyis rnam par gtan la dbab pa'o/ /sa de gnyis kyi rnam par gtan la dbab pa'i gzhung lhag ma ni mi snang ngo/ /

【A3-5 有尋有伺等三地】【B1 結前生後】

རྟོག་པ་དང་བཅས་ཤིང་དཔྱོད་པ་དང་བཅས་པ་ལ་སོགས་པའི་ས་གསུམ་གྱི་རྣམ་པར་གཏན་ལ་དབབ་པ་ནི་

rtog pa dang bcas shing dpyod pa dang bcas pa la sogs pa'i sa gsum gyi rnam par gtan la dbab pa ni

【B2 正決擇】【C1 雜決擇】【D1 辨焰摩名法王所以】

ཅིའི་ཕྱིར་གཤིན་རྗེ་ལ་ཆོས་ཀྱི་རྒྱལ་པོ་ཞེས་བྱ། ཅི་སེམས་ཅན་རྣམས་ལ་གནོད་པ་ཉེ་བར་བསྒྲུབ་པའི་ཕྱིར་རམ་འོན་ཏེ་ཕན་པ་ཉེ་བར་བསྒྲུབ་པའི་ཕྱིར་ཡིན། གལ་ཏེ་གནོད་པ་ཉེ་བར་སྒྲུབ་ན་ནི་དེས་ན་ཆོས་ཀྱི་རྒྱལ་པོ་ཞེས་བྱར་མི་རུང་ངོ༌། །གལ་ཏེ་ཕན་པ་ཉེ་བར་སྒྲུབ་ན་ནི་དེས་ན་ཇི་ལྟར་སེམས་ཅན་རྣམས་ལ་ཕན་འདོགས་པར་བྱེད་པ་བརྗོད་དགོས་སོ་ཞེ་ན། སྨྲས་པ། ཕན་པ་ཉེ་བར་སྒྲུབ་པ་ཡིན་གྱི། གནོད་པ་ཉེ་བར་སྒྲུབ་པ་ནི་མ་ཡིན་ཏེ། འདི་ལྟར་དེ་ནི་དེ་དང་ཉེ་བར་གྱུར་པའི་སེམས་ཅན་དེ་དག་ལ་དེ་འདྲ་བའི་ལུས་དག་གིས་ཁྱེད་ཅག་ནི་རང་གིས་བྱས་པའི་ལས་ཀྱི་འབྲས་བུ་ཉམས་སུ་མྱོང་བར་འགྱུར་རོ་ཞེས་དྲན་པ་ཉེ་བར་གནས་པར་བྱེད་དེ། དེས་ན་རང་གིས་བྱས་པའི་ལས་ཀྱི་འབྲས་བུ་བདག་ཉིད་ཀྱིས་མྱོང་བ་ཀུན་དུ་ཤེས་པའི་སེམས་ཅན་དེ་དག་གཤིན་རྗེའི་མི་སེམས་ཅན་གྱི་ལས་ཀྱི་དབང་གིས་གྲུབ་པ་སྤྲུལ་པ་ལྟ་བུ་སེམས་ཅན་འབྱུང་པོ་མ་ཡིན་པ་དེ་དག་ལ་ཀུན་ནས་མནར་སེམས་ཀྱི་སེམས་མེད་པ་དང་ཁོང་ཁྲོ་བའི་སེམས་མེད་པ་དང་ཁོན་དུ་འཛིན་པའི་བསམ་པ་མེད་པར་འགྱུར་ལ། དེའི་འོག་ཏུ་སེམས་ཅན་དམྱལ་བར་སྐྱེ་བར་འགྱུར་བའི་ལས་སར་པ་དག་སོགས་པར་མི་བྱེད་ཅིང་སྔོན་གྱི་ལས་ཟད་པར་བྱས་ནས། སེམས་ཅན་དམྱལ་བའི་འགྲོ་བ་དག་ནས་ཡོངས་སུ་ཐར་བར་འགྱུར་ཏེ། དེ་ལྟ་བས་ན་གཤིན་རྗེ་ནི་སེམས་ཅན་དམྱལ་བ་པ་རྣམས་ལ་ཕན་པ་ཉེ་བར་བསྒྲུབ་པའི་ཕྱིར་ཆོས་ཀྱི་རྒྱལ་པོ་ཞེས་བྱའོ། །དེ་ལ་སེམས་ཅན་གང་དག་སེམས་ཅན་དམྱལ་བ་རྣམས་སུ་སྐྱེས་པ་སྐྱེས་མ་ཐག་ཏུ་སྐྱེ་བ་རྗེས་སུ་དྲན་པར་འགྱུར་བ་དག་ལ་ནི་ཆོས་ཀྱི་རྒྱལ་པོ་གཤིན་རྗེ་རྗེས་སུ་སྟོན་པར་མི་བྱེད་དོ། །གང་དག་སྐྱེ་བ་རྗེས་སུ་མི་དྲན་པ་རྣམས་ལ་ནི་རྗེས་སུ་སྟོན་པར་བྱེད་དོ། །གང་དག་དེར་སྐྱེས་པ་སྐྱེ་བ་རྗེས་སུ་མི་དྲན་པའི་གང་ཟག་ནི་མདོར་བསྡུ་ན་རྣམ་པ་གསུམ་དུ་རིག་པར་བྱ་སྟེ། ཤིན་ཏུ་རྨོངས་པ་འདི་ལྟ་སྟེ་དཔེར་ན་ཡུལ་མཐའ་འཁོབ་རྣམས་སུ་སྐྱེས་པ་རྣམ་པར་མི་དཔྱོད་ཅིང་ཡོངས་སུ་མི་དཔྱོད་པར་སྡིག་པ་ལ་ཞུགས་པ་ལྟ་བུ་རྣམས་དང༌། ཤིན་ཏུ་བག་མེད་པ་འདི་ལྟ་སྟེ་དཔེར་ན་འདོད་པ་ལ་ལོངས་སྤྱོད་པ་འདོད་པ་ཆེན་པོ་དག་ལ་ལྷག་པར་ཆགས་པ་རྣམ་པར་མི་དཔྱོད་ཅིང་ཡོངས་སུ་མི་དཔྱོད་པར་སྡིག་པ་ལ་ཞུགས་པ་ལྟ་བུ་རྣམས་དང༌། ཤིན་ཏུ་ལོག་པར་ལྟ་བ་འདི་ལྟ་སྟེ་དཔེར་ན་ཐམས་ཅད་ལ་སྐུར་པ་འདེབས་པའི་ལོག་པར་ལྟ་བ་དང་ལྡན་པ་རྣམ་པར་མི་དཔྱོད་ཅིང་ཡོངས་སུ་མི་དཔྱོད་པར་སྡིག་པ་ལ་ཞུགས་པ་ལྟ་བུ་རྣམས་ཏེ་དེ་དག་ནི་རང་གིས་རྗེས་སུ་དྲན་པར་བྱེད་མི་ནུས་པ་དེའི་ཕྱིར་དེ་དག་ལ་རྗེས་སུ་དྲན་པར་བྱེད་དོ། །

ci'i phyir gshin rje la chos kyi rgyal po zhes bya/ ci sems can rnams la gnod pa nye bar bsgrub pa'i phyir ram 'on te phan pa nye bar bsgrub pa'i phyir yin/ gal te gnod pa nye bar sgrub na ni des na chos kyi rgyal po zhes byar mi rung ngo/ /gal te phan pa nye bar sgrub na ni des na ji ltar sems can rnams la phan 'dogs par byed pa brjod dgos so zhe na/ smras pa/ phan pa nye bar sgrub pa yin gyi/ gnod pa nye bar sgrub pa ni ma yin te/ 'di ltar de ni de dang nye bar gyur pa'i sems can de dag la de 'dra ba'i lus dag gis khyed cag ni rang gis byas pa'i las kyi 'bras bu nyams su myong bar 'gyur ro zhes dran pa nye bar gnas par byed de/ des na rang gis byas pa'i las kyi 'bras bu bdag nyid kyis myong ba kun du shes pa'i sems can de dag gshin rje'i mi sems can gyi las kyi dbang gis grub pa sprul pa lta bu sems can 'byung po ma yin pa de dag la kun nas mnar sems kyi sems med pa dang khong khro ba'i sems med pa dang khon du 'dzin pa'i bsam pa med par 'gyur la/ de'i 'og tu sems can dmyal bar skye bar 'gyur ba'i las sar pa dag sogs par mi byed cing sngon gyi las zad par byas nas/ sems can dmyal ba'i 'gro ba dag nas yongs su thar bar 'gyur te/ de lta bas na gshin rje ni sems can dmyal ba pa rnams la phan pa nye bar bsgrub pa'i phyir chos kyi rgyal po zhes bya'o/ /de la sems can gang dag sems can dmyal ba rnams su skyes pa skyes ma thag tu skye ba rjes su dran par 'gyur ba dag la ni chos kyi rgyal po gshin rje rjes su ston par mi byed do/ /gang dag skye ba rjes su mi dran pa rnams la ni rjes su ston par byed do/ /gang dag der skyes pa skye ba rjes su mi dran pa'i gang zag ni mdor bsdu na rnam pa gsum du rig par bya ste/ shin tu rmongs pa 'di lta ste dper na yul mtha' 'khob rnams su skyes pa rnam par mi dpyod cing yongs su mi dpyod par sdig pa la zhugs pa lta bu rnams dang/ shin tu bag med pa 'di lta ste dper na 'dod pa la longs spyod pa 'dod pa chen po dag la lhag par chags pa rnam par mi dpyod cing yongs su mi dpyod par sdig pa la zhugs pa lta bu rnams dang/ shin tu log par lta ba 'di lta ste dper na thams cad la skur pa 'debs pa'i log par lta ba dang ldan pa rnam par mi dpyod cing yongs su mi dpyod par sdig pa la zhugs pa lta bu rnams te de dag ni rang gis rjes su dran par byed mi nus pa de'i phyir de dag la rjes su dran par byed do/ /

【D2 辨海鹹所以】

རྒྱ་མཚོ་ཆེན་པོ་དག་གི་ཆུ་རྣམས་ནི་རྒྱུ་གཉིས་ཀྱིས་ན་ལན་ཚྭའི་རོ་དང་ལྡན་པར་རིག་པར་བྱ་སྟེ། དེར་སྐྱེས་པའི་སེམས་ཅན་རྣམས་ཀྱི་བསོད་ནམས་ཀྱི་དབང་པོ་དང༌། སྐམ་ལ་གནས་པའི་སེམས་ཅན་དེ་དག་ཁ་ཅིག་གི་བསོད་ནམས་མ་ཡིན་པའི་དབང་གིས་ཏེ། འདི་ལྟར་ལན་ཚྭའི་རོ་དེ་ཉིད་ལ་བརྟེན་ནས་སྲོག་ཆགས་ཕྲ་མོ་གང་དག་རྒྱ་མཚོར་སྐྱེས་པ་རྣམས་མི་རྣམས་ཀྱི་སྤྱོད་ཡུལ་མ་ཡིན་པས་དེ་དག་ལ་དེ་རྣམས་ཀྱིས་གནོད་པར་བྱར་མེད་པ་དང༌། རྒྱ་མཚོ་ཆེན་པོ་ན་རིན་པོ་ཆེའི་ཁྱད་པར་སྣ་ཚོགས་གང་དག་ཡོད་པ་དེ་དག་ཀྱང་ལན་ཚྭའི་རོ་དེ་ཉིད་ལ་བརྟེན་ནས་སྐམ་ལ་གནས་པའི་སེམས་ཅན་དེ་དག་ཁ་ཅིག་གིས་རྙེད་པར་དཀའ་བའི་ཕྱིར་རོ། །

rgya mtsho chen po dag gi chu rnams ni rgyu gnyis kyis na lan tshwa'i ro dang ldan par rig par bya ste/ der skyes pa'i sems can rnams kyi bsod nams kyi dbang po dang/ skam la gnas pa'i sems can de dag kha cig gi bsod nams ma yin pa'i dbang gis te/ 'di ltar lan tshwa'i ro de nyid la brten nas srog chags phra mo gang dag rgya mtshor skyes pa rnams mi rnams kyi spyod yul ma yin pas de dag la de rnams kyis gnod par byar med pa dang/ rgya mtsho chen po na rin po che'i khyad par sna tshogs gang dag yod pa de dag kyang lan tshwa'i ro de nyid la brten nas skam la gnas pa'i sems can de dag kha cig gis rnyed par dka' ba'i phyir ro/ /

【C2 正決擇煩惱、業、生雜染】【D1 決擇煩惱雜染】【E1 解五門】【F1 舉章列五】

དེ་ལ་ཉོན་མོངས་པའི་ཀུན་ནས་ཉོན་མོངས་པའི་རབ་ཏུ་དབྱེ་བ་ནི་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། ངོ་བོ་ཉིད་དང༌། ངོ་བོ་ཉིད་ཀྱི་རབ་ཏུ་དབྱེ་བ་དང༌། ཀུན་ནས་ཉོན་མོངས་པའི་རབ་ཏུ་དབྱེ་བ་དང༌། སྤོང་བའི་རབ་ཏུ་དབྱེ་བ་དང༌། གཉེན་པོའི་རབ་ཏུ་དབྱེ་བས་སོ། །

de la nyon mongs pa'i kun nas nyon mongs pa'i rab tu dbye ba ni rnam pa lngas rnam par gzhag ste/ lnga gang zhe na/ ngo bo nyid dang/ ngo bo nyid kyi rab tu dbye ba dang/ kun nas nyon mongs pa'i rab tu dbye ba dang/ spong ba'i rab tu dbye ba dang/ gnyen po'i rab tu dbye bas so/ /

【F2 依門解釋】【G1 自性】

དེ་ལ་ངོ་བོ་ཉིད་གང་ཞེ་ན། མདོར་བསྡུ་ན་ངོ་བོ་ཉིད་ནི་རྣམ་པ་གཉིས་ཏེ། ཉོན་མོངས་པ་རྣམས་ནི་ལྟ་བའི་ངོ་བོ་ཉིད་དང༌། ལྟ་བ་མ་ཡིན་པའི་ངོ་བོ་ཉིད་དོ། །

de la ngo bo nyid gang zhe na/ mdor bsdu na ngo bo nyid ni rnam pa gnyis te/ nyon mongs pa rnams ni lta ba'i ngo bo nyid dang/ lta ba ma yin pa'i ngo bo nyid do/ /

【G2 自性差別】【H1 解根本煩惱】【I1 舉數列名】

དེ་ལ་ངོ་བོ་ཉིད་ཀྱི་ཀྱི་རབ་ཏུ་དབྱེ་བ་གང་ཞེ་ན། མདོར་བསྡུ་ན་རྣམ་པ་བཅུར་བལྟ་བར་བྱ་སྟེ། ལྟ་བའི་ངོ་བོ་ཉིད་ཀྱི་ཉོན་མོངས་པ་རྣམས་ཀྱི་རབ་ཏུ་དབྱེ་བ་རྣམ་པ་ལྔ་དང་ལྟ་བ་མ་ཡིན་པའི་ངོ་བོ་ཉིད་རྣམས་ཀྱི་རབ་ཏུ་དབྱེ་བ་རྣམ་པ་ལྔ་སྟེ། དེ་དག་བསྡུས་ནས་ཉོན་མོངས་པའི་རབ་ཏུ་དབྱེ་བ་རྣམ་པ་བཅུར་འགྱུར་ཏེ།

de la ngo bo nyid kyi kyi rab tu dbye ba gang zhe na/ mdor bsdu na rnam pa bcur blta bar bya ste/ lta ba'i ngo bo nyid kyi nyon mongs pa rnams kyi rab tu dbye ba rnam pa lnga dang lta ba ma yin pa'i ngo bo nyid rnams kyi rab tu dbye ba rnam pa lnga ste/ de dag bsdus nas nyon mongs pa'i rab tu dbye ba rnam pa bcur 'gyur te/

【I2 別解】【J1 總說】

འདི་ལྟ་སྟེ། འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་དང་ལོག་པར་ལྟ་བ་དང་ལྟ་བ་མཆོག་ཏུ་འཛིན་པ་དང་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང༌། འདོད་ཆགས་དང་ཁོང་ཁྲོ་བ་དང༌། ང་རྒྱལ་དང་མ་རིག་པ་དང་ཐེ་ཚོམ་མོ། །

'di lta ste/ 'jig tshogs la lta ba dang mthar 'dzin par lta ba dang log par lta ba dang lta ba mchog tu 'dzin pa dang tshul khrims dang brtul zhugs mchog tu 'dzin pa dang/ 'dod chags dang khong khro ba dang/ nga rgyal dang ma rig pa dang the tshom mo/ /

【J2 別釋】【K1 薩迦耶見】

དེ་ལ་འཇིག་ཚོགས་ལ་ལྟ་བ་གང་ཞེ་ན། ཉེ་བར་ལེན་པའི་ཕུང་པོ་ལྔ་པོ་དག་ལ་བདག་གམ་བདག་གིར་ལྟ་བ་དང༌། མངོན་པར་ཞེན་པ་དང་སེམས་ལ་འཇོག་པ་གང་ཡིན་པ་དེ་ནི་འཇིག་ཚོགས་ལ་ལྟ་བ་ཞེས་བྱའོ། །དེའང་རྣམ་པ་གཉིས་སུ་རིག་པར་བྱ་སྟེ། ལྷན་ཅིག་སྐྱེས་པ་དང་ཀུན་བརྟགས་པའོ༑ །དེ་ལ་ལྷན་ཅིག་སྐྱེས་པ་ནི་བྱིས་པ་སོ་སོའི་སྐྱེ་བོ་ཐམས་ཅད་དང་ཐ་ན་རི་དྭགས་དང་བྱ་རྣམས་ཀྱི་ཡང་ཡིན་ནོ། །ཀུན་བརྟགས་པ་ནི་གཞན་མུ་སྟེགས་ཅན་རྣམས་ཀྱི་ཡིན་པར་བལྟ་བར་བྱའོ། །

de la 'jig tshogs la lta ba gang zhe na/ nye bar len pa'i phung po lnga po dag la bdag gam bdag gir lta ba dang/ mngon par zhen pa dang sems la 'jog pa gang yin pa de ni 'jig tshogs la lta ba zhes bya'o/ /de'ang rnam pa gnyis su rig par bya ste/ lhan cig skyes pa dang kun brtags pa'o| /de la lhan cig skyes pa ni byis pa so so'i skye bo thams cad dang tha na ri dwags dang bya rnams kyi yang yin no/ /kun brtags pa ni gzhan mu stegs can rnams kyi yin par blta bar bya'o/ /

【K2 邊執見】

མཐར་འཛིན་པར་ལྟ་བ་གང་ཞེ་ན། ཉེ་བར་ལེན་པའི་ཕུང་པོ་ལྔ་པོ་དག་ལ་འཇིག་ཚོགས་ལ་ལྟ་བ་དེ་ཉིད་ཀྱི་དབང་དུ་བྱས་ནས་བདག་རྟག་ཏོ་ཞེའམ་བདག་ཆད་དོ་ཞེས་ལྟ་བ་དང་མངོན་པར་ཞེན་པ་དང་སེམས་ལ་འཇོག་པ་གང་ཡིན་པ་དེ་ནི་མཐར་འཛིན་པར་ལྟ་བ་ཞེས་བྱའོ། །དེ་ལ་རྟག་པར་ལྟ་བས་བསྡུས་པའི་མཐར་འཛིན་པར་ལྟ་བ་ནི་ལྟ་བའི་རྣམ་པ་དྲུག་ཅུ་རྩ་གཉིས་པོ་དག་ལས། སྔོན་གྱི་མཐར་རྟོག་པ་རྟག་པར་སྨྲ་བ་རྣམས་དང༌། ལ་ལ་རྟག་པར་སྨྲ་བ་རྣམས་དང༌། ཕྱི་མའི་མཐར་རྟོག་པ་འདུ་ཤེས་ཅན་དུ་སྨྲ་བ་རྣམས་དང༌། འདུ་ཤེས་མེད་པར་སྨྲ་བ་རྣམས་དང༌། འདུ་ཤེས་ཡོད་པའང་མ་ཡིན་འདུ་ཤེས་མེད་པའང་མ་ཡིན་པར་སྨྲ་བ་རྣམས་ཀྱི་ཡིན་པར་བལྟ་བར་བྱའོ། །ཆད་པར་ལྟ་བས་བསྡུས་པའི་མཐར་འཛིན་པར་ལྟ་བ་ནི་དངོས་པོ་བདུན་གྱིས་ཆད་པར་ལྟ་བའི་དགེ་སྦྱོང་དང་བྲམ་ཟེ་རྣམས་ཀྱི་ཡིན་པར་བལྟ་བར་བྱའོ། །དེ་དག་གི་མཐར་འཛིན་པར་ལྟ་བ་དེ་ནི་ཀུན་བརྟགས་པ་ཁོ་ན་ཡིན་གྱི་ལྷན་ཅིག་སྐྱེས་པ་ནི་མི་དམིགས་ཏེ། དེ་ནི་ཚེ་རབས་གཞན་དུ་རྗེས་སུ་འབྲེལ་པར་འབྱུང་བ་ཁོ་ན་ཡིན་ནོ༑ །མཐར་འཛིན་པར་ལྟ་བ་ལ་སོགས་པ་དེ་དག་ནི། འདི་ལྟ་སྟེ། སའི་དངོས་གཞིར་ཀུན་བརྟགས་པ་དང་ཀུན་བརྟགས་པ་མ་ཡིན་པའི་དབྱེ་བས་བསྟན་པ་བཞིན་དུ་བལྟ་བར་བྱའོ། །

mthar 'dzin par lta ba gang zhe na/ nye bar len pa'i phung po lnga po dag la 'jig tshogs la lta ba de nyid kyi dbang du byas nas bdag rtag to zhe'am bdag chad do zhes lta ba dang mngon par zhen pa dang sems la 'jog pa gang yin pa de ni mthar 'dzin par lta ba zhes bya'o/ /de la rtag par lta bas bsdus pa'i mthar 'dzin par lta ba ni lta ba'i rnam pa drug cu rtsa gnyis po dag las/ sngon gyi mthar rtog pa rtag par smra ba rnams dang/ la la rtag par smra ba rnams dang/ phyi ma'i mthar rtog pa 'du shes can du smra ba rnams dang/ 'du shes med par smra ba rnams dang/ 'du shes yod pa'ang ma yin 'du shes med pa'ang ma yin par smra ba rnams kyi yin par blta bar bya'o/ /chad par lta bas bsdus pa'i mthar 'dzin par lta ba ni dngos po bdun gyis chad par lta ba'i dge sbyong dang bram ze rnams kyi yin par blta bar bya'o/ /de dag gi mthar 'dzin par lta ba de ni kun brtags pa kho na yin gyi lhan cig skyes pa ni mi dmigs te/ de ni tshe rabs gzhan du rjes su 'brel par 'byung ba kho na yin no| /mthar 'dzin par lta ba la sogs pa de dag ni/ 'di lta ste/ sa'i dngos gzhir kun brtags pa dang kun brtags pa ma yin pa'i dbye bas bstan pa bzhin du blta bar bya'o/ /

【K3 邪見】

དེ་ལ་ལོག་པར་ལྟ་བ་གང་ཞེ་ན། ཕྱིན་ཅི་ལོག་ཏུ་ལྟ་བ་ཐམས་ཅད་དེ་ཤེས་བྱའི་དངོས་པོ་ལ་ཕྱིན་ཅི་ལོག་ཏུ་ཞུགས་པ་ནི་ལོག་པར་ལྟ་བ་ཞེས་བྱའོ། །དེའང་མདོར་བསྡུ་ན་རྣམ་པ་གཉིས་སུ་བལྟ་བར་བྱ་སྟེ། སྒྲོ་འདོགས་པར་བྱེད་པ་དང་སྐུར་པ་འདེབས་པར་བྱེད་པའོ། །དེ་ལ་ལྟ་བ་བཞི་པོ་འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་དང༌། ལྟ་བ་མཆོག་ཏུ་འཛིན་པ་དང་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ཐམས་ཅད་ནི་སྒྲོ་འདོགས་པར་བྱེད་པའི་ལོག་པར་ལྟ་བ་ཞེས་བྱའོ། །སྐུར་པ་འདེབས་པར་བྱེད་པའི་ལོག་པར་ལྟ་བ་གང་ཞེ་ན། རྒྱུའམ་བྱ་བའམ་འབྲས་བུ་ལ་སྐུར་པ་འདེབས་པའམ་ཡོད་པའི་དངོས་པོ་འཇིག་པར་བྱེད་པའི་ལྟ་བ་དང་མངོན་པར་ཞེན་པ་དང་སེམས་ལ་འཇོག་པ་གང་ཡིན་པ་དེ་ནི་སྐུར་པ་འདེབས་པའི་ལོག་པར་ལྟ་བ་ཞེས་བྱའོ། །དེ་ལ་སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ་ཞེས་བྱ་བ་ནི་རྒྱུ་ལ་སྐུར་པ་འདེབས་པ་ཡིན་ནོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ་ཞེས་བྱ་བ་ནི་བྱ་བ་ལ་སྐུར་པ་འདེབས་པ་ཡིན་ནོ། །ལེགས་པར་སྤྱད་པ་དང་ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ་ཞེས་བྱ་བ་ནི་འབྲས་བུ་ལ་སྐུར་པ་འདེབས་པ་ཡིན་ནོ། །ཕ་མེད་དོ། །མ་མེད་དོ། །སེམས་ཅན་རྫུས་ཏེ་སྐྱེ་བ་མེད་དོ་ཞེས་བྱ་བ་ནས་འཇིག་རྟེན་ན་དགྲ་བཅོམ་པ་ཟག་པ་ཟད་པ་མེད་དོ་ཞེས་བྱ་བ་ནི། ཡོད་པའི་དངོས་པོ་འཇིག་པར་བྱེད་པ་ཡིན་པར་རིག་པར་བྱའོ། །ལོག་པར་ལྟ་བ་དེའང་དགེ་སྦྱོང་དང༌།བྲམ་ཟེ་སྔོན་གྱི་མཐར་རྟོག་པ་རྒྱུ་མེད་པ་དང་མཐའ་དང་མཐའ་མེད་པ་དང་ལྷ་མི་སྤོང་བར་སྨྲ་བ་རྣམས་དང༌། ཕྱི་མའི་མཐར་རྟོག་པ་ཚེ་འདི་ལ་མྱ་ངན་ལས་འདའ་བར་སྨྲ་བ་རྣམས་ཀྱི་ཡིན་པར་བལྟ་བར་བགྱིའོ། །དེ་ལྟར་ན་འཇིག་ཚོགས་ལ་ལྟ་བའི་རྩ་བ་ལས་བྱུང་བའི་ལྟ་བའི་རྣམ་པ་དྲུག་ཅུ་རྩ་གཉིས་པོ་དེ་དག་ནི་ལྟ་བ་གསུམ་པོ་འདི་དག་གིས་བསྡུས་པ་ཡིན་ཏེ། འདི་ལྟ་སྟེ། རྟག་པར་ལྟ་བས་བསྡུས་པའི་མཐར་འཛིན་པར་ལྟ་བ་དང༌། ཆད་པར་ལྟ་བས་བསྡུས་པའི་མཐར་འཛིན་པར་ལྟ་བ་དང༌། ལོག་པར་ལྟ་བས་སོ། །

de la log par lta ba gang zhe na/ phyin ci log tu lta ba thams cad de shes bya'i dngos po la phyin ci log tu zhugs pa ni log par lta ba zhes bya'o/ /de'ang mdor bsdu na rnam pa gnyis su blta bar bya ste/ sgro 'dogs par byed pa dang skur pa 'debs par byed pa'o/ /de la lta ba bzhi po 'jig tshogs la lta ba dang mthar 'dzin par lta ba dang/ lta ba mchog tu 'dzin pa dang tshul khrims dang brtul zhugs mchog tu 'dzin pa thams cad ni sgro 'dogs par byed pa'i log par lta ba zhes bya'o/ /skur pa 'debs par byed pa'i log par lta ba gang zhe na/ rgyu'am bya ba'am 'bras bu la skur pa 'debs pa'am yod pa'i dngos po 'jig par byed pa'i lta ba dang mngon par zhen pa dang sems la 'jog pa gang yin pa de ni skur pa 'debs pa'i log par lta ba zhes bya'o/ /de la sbyin pa med do/ /mchod sbyin med do/ /sbyin sreg med do zhes bya ba ni rgyu la skur pa 'debs pa yin no/ /legs par spyad pa med do/ /nyes par spyad pa med do zhes bya ba ni bya ba la skur pa 'debs pa yin no/ /legs par spyad pa dang nyes par spyad pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs pa yin no/ /pha med do/ /ma med do/ /sems can rdzus te skye ba med do zhes bya ba nas 'jig rten na dgra bcom pa zag pa zad pa med do zhes bya ba ni/ yod pa'i dngos po 'jig par byed pa yin par rig par bya'o/ /log par lta ba de'ang dge sbyong dang/bram ze sngon gyi mthar rtog pa rgyu med pa dang mtha' dang mtha' med pa dang lha mi spong bar smra ba rnams dang/ phyi ma'i mthar rtog pa tshe 'di la mya ngan las 'da' bar smra ba rnams kyi yin par blta bar bgyi'o/ /de ltar na 'jig tshogs la lta ba'i rtsa ba las byung ba'i lta ba'i rnam pa drug cu rtsa gnyis po de dag ni lta ba gsum po 'di dag gis bsdus pa yin te/ 'di lta ste/ rtag par lta bas bsdus pa'i mthar 'dzin par lta ba dang/ chad par lta bas bsdus pa'i mthar 'dzin par lta ba dang/ log par lta bas so/ /

【K4 見取見】

དེ་ལ་ལྟ་བ་མཆོག་ཏུ་འཛིན་པ་གང་ཞེ་ན། ལྟ་བའི་རྣམ་པ་དྲུག་ཅུ་རྩ་གཉིས་པོ་དེ་དག་རེ་རེ་ལ་མཆོག་ཏུ་གཙོ་བོ་དང་ཁྱད་པར་དུ་འཕགས་པ་དང་དམ་པར་ནན་གྱིས་མཆོག་ཏུ་འཛིན་ཅིང་མངོན་པར་ཞེན་པར་བྱེད་ལ་འདི་ཁོ་ན་བདེན་གྱི་གཞན་ནི་བརྫུན་པ་ཡིན་ཏེ་ལྟ་བ་འདིས་ནི་དག་པར་འགྱུར་རོ། །འདིས་ནི་གྲོལ་བར་འགྱུར་རོ། །འདིས་ནི་ངེས་པར་འབྱུང་བར་འགྱུར་རོ་ཞེས་རྗེས་སུ་ཐ་སྙད་འདོགས་པར་བྱེད་པ་ནི་ལྟ་བ་མཆོག་ཏུ་འཛིན་པ་ཞེས་བྱའོ། །

de la lta ba mchog tu 'dzin pa gang zhe na/ lta ba'i rnam pa drug cu rtsa gnyis po de dag re re la mchog tu gtso bo dang khyad par du 'phags pa dang dam par nan gyis mchog tu 'dzin cing mngon par zhen par byed la 'di kho na bden gyi gzhan ni brdzun pa yin te lta ba 'dis ni dag par 'gyur ro/ /'dis ni grol bar 'gyur ro/ /'dis ni nges par 'byung bar 'gyur ro zhes rjes su tha snyad 'dogs par byed pa ni lta ba mchog tu 'dzin pa zhes bya'o/ /

【K5 戒禁取】

དེ་ལ་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་གང་ཞེ་ན། ལྟ་བ་མཆོག་ཏུ་འཛིན་པ་དང་རྗེས་སུ་མཐུན་པ་དང༌། ལྟ་བ་མཆོག་ཏུ་འཛིན་པའི་འཁོར་དང་དེ་དང་མཐུན་པའི་ཆོས་ཚུལ་ཁྲིམས་དང་བརྟུལ་ཞུགས་ཡང་དག་པར་བླངས་ནས་ཚུལ་ཁྲིམས་དང་བརྟུལ་ཞུགས་ཡང་དག་པར་བླངས་པ་དེ་ཉིད་ལ་མཆོག་དང་དམ་པའི་བར་དུ་ནན་གྱིས་མཆོག་ཏུ་འཛིན་ཅིང་མངོན་པར་ཞེན་པར་བྱེད་ལ་འདི་ཉིད་བདེན་གྱི་གཞན་ནི་བརྫུན་པ་ཡིན་ཏེ། ལྟ་བ་འདིས་ནི་དག་པར་འགྱུར་རོ་འདིས་ནི་གྲོལ་བར་འགྱུར་རོ། །འདིས་ནི་ངེས་པར་འབྱུང་བར་འགྱུར་རོ་ཞེས་རྗེས་སུ་ཐ་སྙད་འདོགས་པར་བྱེད་པ་ནི་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ཞེས་བྱའོ། །

de la tshul khrims dang brtul zhugs mchog tu 'dzin pa gang zhe na/ lta ba mchog tu 'dzin pa dang rjes su mthun pa dang/ lta ba mchog tu 'dzin pa'i 'khor dang de dang mthun pa'i chos tshul khrims dang brtul zhugs yang dag par blangs nas tshul khrims dang brtul zhugs yang dag par blangs pa de nyid la mchog dang dam pa'i bar du nan gyis mchog tu 'dzin cing mngon par zhen par byed la 'di nyid bden gyi gzhan ni brdzun pa yin te/ lta ba 'dis ni dag par 'gyur ro 'dis ni grol bar 'gyur ro/ /'dis ni nges par 'byung bar 'gyur ro zhes rjes su tha snyad 'dogs par byed pa ni tshul khrims dang brtul zhugs mchog tu 'dzin pa zhes bya'o/ /

【K6 貪】

དེ་ལ་འདོད་ཆགས་གང་ཞེ་ན། སེམས་ཀྱི་ལྷག་པ་པར་ཆགས་པ་དང་བཅས་པ་གང་ཡིན་པའོ། །དེ་ཡང་རྣམ་པ་བཞི་སྟེ། ལྟ་བ་རྣམས་དང་འདོད་པ་རྣམས་དང་གཟུགས་རྣམས་དང༌། གཟུགས་མེད་པ་རྣམས་ལའོ། །

de la 'dod chags gang zhe na/ sems kyi lhag pa par chags pa dang bcas pa gang yin pa'o/ /de yang rnam pa bzhi ste/ lta ba rnams dang 'dod pa rnams dang gzugs rnams dang/ gzugs med pa rnams la'o/ /

【K7 恚】

ཁོང་ཁྲོ་བ་གང་ཞེ་ན། སེམས་ཀྱི་ཀུན་ནས་མནར་སེམས་པ་གང་ཡིན་པའོ། །དེའང་རྣམ་པ་བཞིར་བལྟ་བར་བྱ་སྟེ། སེམས་ཅན་གཞན་རྣམས་ལས་གཞན་དུ་ལྟ་བ་རྣམས་དང༌། གནོད་པ་བྱེད་པ་རྣམས་དང༌། སྡུག་པ་ལ་གནོད་པ་བྱེད་པ་རྣམས་དང༌། མི་སྡུག་པ་ལ་ཕན་འདོགས་པ་རྣམས་ལའོ༑ །

khong khro ba gang zhe na/ sems kyi kun nas mnar sems pa gang yin pa'o/ /de'ang rnam pa bzhir blta bar bya ste/ sems can gzhan rnams las gzhan du lta ba rnams dang/ gnod pa byed pa rnams dang/ sdug pa la gnod pa byed pa rnams dang/ mi sdug pa la phan 'dogs pa rnams la'o| /

【K8 慢】【L1 標自性】

ང་རྒྱལ་གང་ཞེ་ན། གང་སེམས་ཀྱི་ཁེངས་པ་གང་ཡིན་པའོ། །

nga rgyal gang zhe na/ gang sems kyi khengs pa gang yin pa'o/ /

【L2 辨差別】【M1 舉二門慢境】

དེའང་རྣམ་པ་བཞིར་བལྟ་བར་བྱ་སྟེ། ལྟ་བ་རྣམས་དང༌། སེམས་ཅན་ལ་བརྟེན་པ་དང༌། འདོད་པ་ལ་ལོངས་སྤྱོད་པ་ལ་བརྟེན་པ་དང༌། ཡང་སྲིད་པ་ལ་བརྟེན་པའོ། །དེ་ཡང་མདོར་བསྡུ་ན་རྣམ་པར་འཁྲུལ་པའི་ང་རྒྱལ་དང༌། རྣམ་པར་འཁྲུལ་པ་མ་ཡིན་པའི་ང་རྒྱལ་ལོ། །

de'ang rnam pa bzhir blta bar bya ste/ lta ba rnams dang/ sems can la brten pa dang/ 'dod pa la longs spyod pa la brten pa dang/ yang srid pa la brten pa'o/ /de yang mdor bsdu na rnam par 'khrul pa'i nga rgyal dang/ rnam par 'khrul pa ma yin pa'i nga rgyal lo/ /

【M2 解依境生慢】

དེ་ལ་སེམས་ཅན་ལ་བརྟེན་པའི་ང་རྒྱལ་ནི་ང་རྒྱལ་རྣམ་པ་གསུམ་སྟེ་སྔ་མ་བཞིན་ནོ། །འདོད་པ་ལ་ལོངས་སྤྱོད་པ་ལ་བརྟེན་པ་ནི་འདི་ལྟ་སྟེ། ལོངས་སྤྱོད་ཆེན་པོ་དང་རྩ་འཛིང་ཆེན་པོ་དང་འཁོར་མང་པོ་དང་ལྡན་པར་གྱུར་པ་དེ་ལ་བརྟེན་ནས་སེམས་ཁེངས་པ་གང་ཡིན་པའོ༑ །ཡང་སྲིད་པ་ལ་བརྟེན་པ་ནི་འདི་ལྟ་སྟེ་འབྱུང་བར་འགྱུར་རོ། །འབྱུང་བར་མི་འགྱུར་རོ་ཞེས་བྱ་བ་ནས་རྒྱས་པར་འདུ་ཤེས་ཡོད་པའང་མ་ཡིན་འདུ་ཤེས་མེད་པའང་མ་ཡིན་པར་འགྱུར་རོ་ཞེས་བྱ་བའི་བར་དུ་གཡོ་བ་དང་རློམ་པ་དང་སྤྲོས་པ་དང་མངོན་པར་འདུ་བྱས་པའི་སྲེད་པའི་རྣམ་པ་དག་དང་ལྡན་པར་གྱུར་པའི་སེམས་ཁེངས་པ་གང་ཡིན་པའོ། །དེ་ལ་རྣམ་པར་འཁྲུལ་པ་མ་ཡིན་པའི་ང་རྒྱལ་ནི་ཆུང་བ་བས་བདག་ཆེའོ་སྙམ་པ་དང་མཚུངས་པ་དང་མཚུངས་སོ་སྙམ་དུ་རློམ་པའོ། །རྣམ་པར་འཁྲུལ་པའི་ང་རྒྱལ་ནི་དེ་ལས་གཞན་པའི་ང་རྒྱལ་ལྔ་པོ་དག་ལའོ། །གཞན་ཡང་ལོངས་སྤྱོད་ངན་པ་དག་གིས་བདག་ནི་བདེ་བ་ཡིན་ནོ་སྙམ་དུ་རློམ་པར་བྱེད་པ་དེའང་རྣམ་པར་འཁྲུལ་པའི་ང་རྒྱལ་ཡིན་ལ། ལོངས་སྤྱོད་རྒྱ་ཆེན་པོ་དག་གིས་བདག་ནི་བདེ་བ་ཡིན་ནོ་སྙམ་དུ་རློམ་པ་དེ་ནི་རྣམ་པར་འཁྲུལ་པ་མ་ཡིན་པའི་ང་རྒྱལ་ཡིན་པར་བལྟ་བར་བྱའོ། །ལོག་པར་སྒྲུབ་པ་ཡང་སྲིད་པའི་ཕྱིར་རློམ་པ་གང་ཡིན་པ་དེའང་རྣམ་པར་འཁྲུལ་པའི་ང་རྒྱལ་ཡིན་ལ། ཡང་དག་པའི་སྒྲུབ་པས་ཡང་སྲིད་པའི་ཕྱིར་རློམ་པར་བྱེད་པ་དེ་ནི་རྣམ་པར་འཁྲུལ་པ་མ་ཡིན་པའི་ང་རྒྱལ་ཡིན་པར་བལྟ་བར་བྱའོ། །

de la sems can la brten pa'i nga rgyal ni nga rgyal rnam pa gsum ste snga ma bzhin no/ /'dod pa la longs spyod pa la brten pa ni 'di lta ste/ longs spyod chen po dang rtsa 'dzing chen po dang 'khor mang po dang ldan par gyur pa de la brten nas sems khengs pa gang yin pa'o| /yang srid pa la brten pa ni 'di lta ste 'byung bar 'gyur ro/ /'byung bar mi 'gyur ro zhes bya ba nas rgyas par 'du shes yod pa'ang ma yin 'du shes med pa'ang ma yin par 'gyur ro zhes bya ba'i bar du g.yo ba dang rlom pa dang spros pa dang mngon par 'du byas pa'i sred pa'i rnam pa dag dang ldan par gyur pa'i sems khengs pa gang yin pa'o/ /de la rnam par 'khrul pa ma yin pa'i nga rgyal ni chung ba bas bdag che'o snyam pa dang mtshungs pa dang mtshungs so snyam du rlom pa'o/ /rnam par 'khrul pa'i nga rgyal ni de las gzhan pa'i nga rgyal lnga po dag la'o/ /gzhan yang longs spyod ngan pa dag gis bdag ni bde ba yin no snyam du rlom par byed pa de'ang rnam par 'khrul pa'i nga rgyal yin la/ longs spyod rgya chen po dag gis bdag ni bde ba yin no snyam du rlom pa de ni rnam par 'khrul pa ma yin pa'i nga rgyal yin par blta bar bya'o/ /log par sgrub pa yang srid pa'i phyir rlom pa gang yin pa de'ang rnam par 'khrul pa'i nga rgyal yin la/ yang dag pa'i sgrub pas yang srid pa'i phyir rlom par byed pa de ni rnam par 'khrul pa ma yin pa'i nga rgyal yin par blta bar bya'o/ /

【K9 無明】

དེ་ལ་མ་རིག་པ་གང་ཞེ་ན། ཤེས་བྱའི་དེ་ཁོ་ན་རྟོགས་པར་བྱ་བ་ལ་སེམས་ལ་འགེབས་པར་བྱེད་པ་ཉིད་དང་སྒྲིབ་པར་བྱེད་པ་ཉིད་དོ། །དེ་ཡང་མདོར་བསྡུ་ན་རྣམ་པ་བཞིར་རིག་པར་བྱ་སྟེ། མ་རྟོགས་པའི་ཀུན་ཏུ་རྨོངས་པ་དང༌། བག་མེད་པའི་ཀུན་ཏུ་རྨོངས་པ་དང༌། ཉོན་མོངས་པ་ཅན་གྱི་ཀུན་ཏུ་རྨོངས་པ་དང༌།ཉོན་མོངས་པ་ཅན་མ་ཡིན་པའི་ཀུན་དུ་རྨོངས་པའོ། །ཤེས་བྱའི་དོན་མ་མཐོང་བ་དང༌། མ་ཐོས་པ་དང་བྱེ་བྲག་མ་ཕྱེད་པ་དང༌། རྣམ་པར་མ་ཤེས་པ་དག་མི་ཤེས་པ་ནི་མ་རྟོགས་པའི་ཀུན་ཏུ་རྨོངས་པ་ཞེས་བྱའོ། །མཐོང་བ་དང་ཐོས་པ་དང་བྱེ་བྲག་ཕྱེད་པ་དང་རྣམ་པར་ཤེས་པ་དག་ལ་རྣམ་པར་གཡེང་བ་དང་བརྗེད་ངས་པས་མི་ཤེས་པ་ནི་བག་མེད་པའི་ཀུན་ཏུ་རྨོངས་པ་ཞེས་བྱའོ། །སེམས་ཕྱིན་ཅི་ལོག་ཏུ་གྱུར་པས་མི་ཤེས་པ་ནི་ཉོན་མོངས་པ་ཅན་གྱི་ཀུན་ཏུ་རྨོངས་པ་ཞེས་བྱའོ། །སེམས་ཕྱིན་ཅི་ལོག་ཏུ་མ་གྱུར་པས་མི་ཤེས་པ་ནི་ཉོན་མོངས་པ་ཅན་མ་ཡིན་པའི་ཀུན་ཏུ་རྨོངས་པ་ཞེས་བྱའོ། །མ་རིག་པ་དེ་དག་ཐམས་ཅད་གཅིག་ཏུ་བསྡུས་ན་མདོར་རྣམ་པ་གཉིས་སུ་འགྱུར་ཏེ་ཉོན་མོངས་པ་དང་མཚུངས་པར་ལྡན་པ་དང་མ་འདྲེས་པའོ། །རྨོངས་པར་མ་གྱུར་པ་ལ་ནི་ཉོན་མོངས་པ་འགའ་འང་མི་འབྱུང་བས་དེའི་ཕྱིར་གང་ལ་འདོད་ཆགས་ལ་སོགས་པ་དེ་ལས་གཞན་པའི་ཉོན་མོངས་པ་རྣམས་ཡོད་པ་དེ་ལ་ནི་མ་རིག་པའང་ཡོད་པས་དེ་ནི་ཉོན་མོངས་པ་དང་མཚུངས་པར་ལྡན་པ་ཡིན་ནོ། །སྐྱེས་བུ་གང་ཟག་ཤེས་རབ་རྟུལ་བ་དེ་ལས་གཞན་པ་འདོད་ཆགས་ལ་སོགས་པའི་ཉོན་མོངས་པས་ཀུན་ནས་མ་དཀྲིས་པ་སྡུག་བསྔལ་གྱི་བདེན་པ་ལ་སོགས་པ་ལ་ཚུལ་བཞིན་མ་ཡིན་པའི་ཡིད་ལ་བྱེད་པའི་ཡང་དག་པ་ཇི་ལྟ་བ་བཞིན་དུ་ཀུན་ཏུ་མི་སྣང་བ་ཉིད་དང་། སེམས་ལ་འགེབས་པར་བྱེད་པ་ཉིད་དང༌། སྒྲིབ་པར་བྱེད་པ་ཉིད་དང༌། ཀུན་ནས་དཀྲིས་པ་ཉིད་དང༌། མུན་པར་གྱུར་པ་ཉིད་གང་ཡིན་པ་དེ་ནི་མ་རིག་པ་མ་འདྲེས་པ་ཞེས་བྱའོ། །

de la ma rig pa gang zhe na/ shes bya'i de kho na rtogs par bya ba la sems la 'gebs par byed pa nyid dang sgrib par byed pa nyid do/ /de yang mdor bsdu na rnam pa bzhir rig par bya ste/ ma rtogs pa'i kun tu rmongs pa dang/ bag med pa'i kun tu rmongs pa dang/ nyon mongs pa can gyi kun tu rmongs pa dang/nyon mongs pa can ma yin pa'i kun du rmongs pa'o/ /shes bya'i don ma mthong ba dang/ ma thos pa dang bye brag ma phyed pa dang/ rnam par ma shes pa dag mi shes pa ni ma rtogs pa'i kun tu rmongs pa zhes bya'o/ /mthong ba dang thos pa dang bye brag phyed pa dang rnam par shes pa dag la rnam par g.yeng ba dang brjed ngas pas mi shes pa ni bag med pa'i kun tu rmongs pa zhes bya'o/ /sems phyin ci log tu gyur pas mi shes pa ni nyon mongs pa can gyi kun tu rmongs pa zhes bya'o/ /sems phyin ci log tu ma gyur pas mi shes pa ni nyon mongs pa can ma yin pa'i kun tu rmongs pa zhes bya'o/ /ma rig pa de dag thams cad gcig tu bsdus na mdor rnam pa gnyis su 'gyur te nyon mongs pa dang mtshungs par ldan pa dang ma 'dres pa'o/ /rmongs par ma gyur pa la ni nyon mongs pa 'ga' 'ang mi 'byung bas de'i phyir gang la 'dod chags la sogs pa de las gzhan pa'i nyon mongs pa rnams yod pa de la ni ma rig pa'ang yod pas de ni nyon mongs pa dang mtshungs par ldan pa yin no/ /skyes bu gang zag shes rab rtul ba de las gzhan pa 'dod chags la sogs pa'i nyon mongs pas kun nas ma dkris pa sdug bsngal gyi bden pa la sogs pa la tshul bzhin ma yin pa'i yid la byed pa'i yang dag pa ji lta ba bzhin du kun tu mi snang ba nyid dang / sems la 'gebs par byed pa nyid dang/ sgrib par byed pa nyid dang/ kun nas dkris pa nyid dang/ mun par gyur pa nyid gang yin pa de ni ma rig pa ma 'dres pa zhes bya'o/ /

【K10 疑】

དེ་ལ་ཐེ་ཚོམ་གང་ཞེ་ན། སེམས་ཀྱི་ཡིད་གཉིས་དང་གཉིས་ཀྱི་དངོས་པོ་དང་མ་ངེས་པ་གང་ཡིན་པའོ། །དེའི་རབ་ཏུ་དབྱེ་བ་ནི་མདོར་བསྡུ་ན་རྣམ་པ་ལྔས་རྣམ་པར་གཞག་པར་བྱ་སྟེ། འཇིག་རྟེན་ཕ་རོལ་དང་བྱ་བ་དང་དེའི་འབྲས་བུ་དང་བདེན་པ་རྣམས་དང་དཀོན་མཆོག་རྣམས་ལ་སེམས་ཀྱི་ཡིད་གཉིས་ཟ་བས་སོ། །

de la the tshom gang zhe na/ sems kyi yid gnyis dang gnyis kyi dngos po dang ma nges pa gang yin pa'o/ /de'i rab tu dbye ba ni mdor bsdu na rnam pa lngas rnam par gzhag par bya ste/ 'jig rten pha rol dang bya ba dang de'i 'bras bu dang bden pa rnams dang dkon mchog rnams la sems kyi yid gnyis za bas so/ /

【I3 總分別】【J1 明緣境差別】

དེ་ལྟར་ཉོན་མོངས་པ་བཅུ་པོ་ཇི་སྐད་བསྟན་པ་དེ་དག་ནི་དངོས་པོ་ལ་དམིགས་པ་ལས་ཀྱང་འབྱུང་ལ་ཉོན་མོངས་པ་དམིགས་པ་ལས་ཀྱང་འབྱུང་ངོ༌། །ཉོན་མོངས་པ་བཅུ་པོ་ཐམས་ཅད་ལས་རང་གི་ས་པ་རྣམས་ནི་ཉོན་མོངས་པ་གཅིག་ལ་གཅིག་དམིགས་པ་དང༌། རང་གི་ས་པའི་ཟག་པ་དང་བཅས་པའི་དངོས་པོ་ཐམས་ཅད་ལ་དམིགས་པ་ཡིན་ནོ། །ས་འོག་མ་པ་རྣམས་ནི་ས་གོང་མ་པའི་ཉོན་མོངས་པའི་དངོས་པོ་ལ་དམིགས་པ་ཡིན་ནོ། །ས་གོང་མ་པ་རྣམས་ནི་ས་འོག་མ་པའི་ཉོན་མོངས་པའི་དངོས་པོ་ལ་དམིགས་པ་མ་ཡིན་ནོ། །ཇི་ལྟར་དེ་དག་གཅིག་ལ་གཅིག་དམིགས་པ་དང༌། ས་འོག་མ་པ་རྣམས་ས་གོང་མ་པ་ལ་དམིགས་པའི་སྐབས་འདི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

de ltar nyon mongs pa bcu po ji skad bstan pa de dag ni dngos po la dmigs pa las kyang 'byung la nyon mongs pa dmigs pa las kyang 'byung ngo/ /nyon mongs pa bcu po thams cad las rang gi sa pa rnams ni nyon mongs pa gcig la gcig dmigs pa dang/ rang gi sa pa'i zag pa dang bcas pa'i dngos po thams cad la dmigs pa yin no/ /sa 'og ma pa rnams ni sa gong ma pa'i nyon mongs pa'i dngos po la dmigs pa yin no/ /sa gong ma pa rnams ni sa 'og ma pa'i nyon mongs pa'i dngos po la dmigs pa ma yin no/ /ji ltar de dag gcig la gcig dmigs pa dang/ sa 'og ma pa rnams sa gong ma pa la dmigs pa'i skabs 'di rnam par gtan la dbab pa'i gzhung lhag ma ni mi snang ngo// //

【J2 三性門】

བམ་པོ་བཅུ་གཉིས་པ། དེ་ལ་འདོད་པ་ན་སྤྱོད་པའི་འཇིག་ཚོགས་ལ་ལྟ་བ་ལྷན་ཅིག་སྐྱེས་པ་གང་ཡིན་པ་དེ་ནི་ལུང་དུ་མ་བསྟན་པ་ཡིན་ཏེ། ཡང་དང་ཡང་ཀུན་ཏུ་འབྱུང་བའི་ཕྱིར་དང༌། བདག་དང་གཞན་ལ་ཤིན་ཏུ་གནོད་པའི་གནས་མ་ཡིན་པའི་ཕྱིར་རོ། །རྟོག་པས་མངོན་པར་ཞེན་པ་གང་ཡིན་པ་དེ་ནི་མི་དགེ་བ་ཡིན་ནོ། །ས་འོག་མ་པའི་ནི་ཞི་གནས་ཀྱིས་ཉེ་བར་བསྟན་པའི་ཕྱིར་དང༌། དཀར་པོའི་ཆོས་མང་པོས་ཡོངས་སུ་ཟིན་པའི་ཕྱིར་ལུང་དུ་མ་བསྟན་པ་ཡིན་ནོ། །སྒྲིབ་པ་ནི་ངོ་བོ་ཉིད་ཀྱིས་ཉོན་མོངས་པ་ཅན་དང་སྐྱོན་ཆགས་པ་ཉིད་ཡིན་པའི་ཕྱིར་རོ། །ལྷག་མ་རྣམས་ནི་འདིའི་ཚུལ་བཞིན་དུ་རིག་པར་བྱའོ། །འདོད་པ་ན་སྤྱོད་པའི་ཉོན་མོངས་པ་རྣམས་ནི་ཉེས་པར་སྤྱོད་པའི་གཞིའི་གནས་སུ་གྱུར་པའི་ཕྱིར་མི་དགེ་བ་ཡིན་པར་བལྟ་བར་བྱའོ། །དེ་དག་ཀྱང་རྒྱུ་གསུམ་གྱིས་ན་མི་དགེ་བའང་ཡིན་ལ་ངན་སོང་དུ་འགྲོ་བར་འགྱུར་བའང་ཡིན་གྱི་གཞན་དུ་ན་ནི་ངེས་པ་མེད་དོ། །གསུམ་གང་ཞེ་ན། གུས་པར་བྱེད་པ་དང་རྟག་ཏུ་བྱེད་པས་ཤས་ཆེར་ཀུན་ཏུ་སྟེན་པར་བྱེད་ཅིང་ཡོན་ཏན་གྱི་བློས་དེ་དག་ལ་སྐྱོན་དུ་ལྟ་བ་དང་ཉེས་དམིགས་སུ་ལྟ་བ་སྐྱེད་པར་མི་བྱེད་པ་འདི་ནི་རྒྱུ་དང་པོ་ཡིན་ནོ། །ཡང་ཉོན་མོངས་པ་དེ་དག་ལ་བརྟེན་ཅིང་གནས་ནས་ལུས་དང་ངག་དང་ཡིད་ཀྱིས་ཉེས་པར་སྤྱོད་པར་བྱས་ཤིང་བསགས་པ་འདི་ནི་རྒྱུ་གཉིས་པ་ཡིན་ནོ། །ཡང་དེས་གཞན་དག་དགེ་བའི་ཕྱོགས་ལས་འདུན་པ་བཟློག་ཅིང་མི་དགེ་བའི་ཕྱོགས་ཡང་དག་པར་འཛིན་དུ་བཅུག་པ་འདི་ནི་རྒྱུ་གསུམ་པ་ཡིན་ཏེ། དེའི་ངན་སོང་དུ་འགྲོ་བར་འགྱུར་བའི་ལས་ལན་གྲངས་གཞན་ལ་མྱོང་བར་འགྱུར་བ་སྔོན་བྱས་པ་ནི་མ་གཏོགས་སོ། །

bam po bcu gnyis pa/ de la 'dod pa na spyod pa'i 'jig tshogs la lta ba lhan cig skyes pa gang yin pa de ni lung du ma bstan pa yin te/ yang dang yang kun tu 'byung ba'i phyir dang/ bdag dang gzhan la shin tu gnod pa'i gnas ma yin pa'i phyir ro/ /rtog pas mngon par zhen pa gang yin pa de ni mi dge ba yin no/ /sa 'og ma pa'i ni zhi gnas kyis nye bar bstan pa'i phyir dang/ dkar po'i chos mang pos yongs su zin pa'i phyir lung du ma bstan pa yin no/ /sgrib pa ni ngo bo nyid kyis nyon mongs pa can dang skyon chags pa nyid yin pa'i phyir ro/ /lhag ma rnams ni 'di'i tshul bzhin du rig par bya'o/ /'dod pa na spyod pa'i nyon mongs pa rnams ni nyes par spyod pa'i gzhi'i gnas su gyur pa'i phyir mi dge ba yin par blta bar bya'o/ /de dag kyang rgyu gsum gyis na mi dge ba'ang yin la ngan song du 'gro bar 'gyur ba'ang yin gyi gzhan du na ni nges pa med do/ /gsum gang zhe na/ gus par byed pa dang rtag tu byed pas shas cher kun tu sten par byed cing yon tan gyi blos de dag la skyon du lta ba dang nyes dmigs su lta ba skyed par mi byed pa 'di ni rgyu dang po yin no/ /yang nyon mongs pa de dag la brten cing gnas nas lus dang ngag dang yid kyis nyes par spyod par byas shing bsags pa 'di ni rgyu gnyis pa yin no/ /yang des gzhan dag dge ba'i phyogs las 'dun pa bzlog cing mi dge ba'i phyogs yang dag par 'dzin du bcug pa 'di ni rgyu gsum pa yin te/ de'i ngan song du 'gro bar 'gyur ba'i las lan grangs gzhan la myong bar 'gyur ba sngon byas pa ni ma gtogs so/ /

【J3 約識分別】

ཉོན་མོངས་པ་བཅུ་པོ་དེ་དག་ལས་ཉོན་མོངས་པ་བདུན་ནི་ཡིད་ཀྱི་ས་པ་དག་ཡིན་ནོ། །འདོད་ཆགས་དང་ཁོང་ཁྲོ་བ་དང་མ་རིག་པ་ནི་རྣམ་པར་ཤེས་པའི་ཚོགས་ལྔ་དང་ལྡན་པའི་ས་པ་ཡང་ཡིན་ནོ། །

nyon mongs pa bcu po de dag las nyon mongs pa bdun ni yid kyi sa pa dag yin no/ /'dod chags dang khong khro ba dang ma rig pa ni rnam par shes pa'i tshogs lnga dang ldan pa'i sa pa yang yin no/ /

【J4 受相應】

འདོད་པའི་ཁམས་ལ་ལྟ་བ་བཞི་དང་ང་རྒྱལ་ནི་ཡིད་བདེ་བ་དང་བཏང་སྙོམས་དང་མཚུངས་པར་ལྡན་ནོ། །འདོད་ཆགས་ནི་བདེ་བ་དང་ཡིད་བདེ་བ་དང་བཏང་སྙོམས་རྣམས་དང་ངོ༌། །ཁོང་ཁྲོ་བ་ནི་སྡུག་བསྔལ་བ་དང་ཡིད་མི་བདེ་བ་དང་ངོ༌། །ལོག་པར་ལྟ་བ་ནི་ཡིད་བདེ་བ་དང་ཡིད་མི་བདེ་བ་ཉིད་དང་ངོ༌། །ཐེ་ཚོམ་ནི་ཡིད་མི་བདེ་བ་ཁོ་ན་དང་ངོ༌། །མ་རིག་པ་ནི་དབང་པོ་ལྔ་པོ་ཐམས་ཅད་དང་མཚུངས་པར་ལྡན་ནོ། །མཚུངས་པར་ལྡན་པའི་ཚུལ་འདི་ནི་ཆེ་ལོང་དུ་བསྟན་པ་ཡིན་ཏེ་ཞིབ་ཏུ་ནི་འོག་ནས་བཤད་པར་བྱའོ། །གོང་མ་ན་ནི་གང་ན་དབང་པོ་གང་སྲིད་པ་དེ་དང་དེའི་ས་པའི་ཉོན་མོངས་པ་དག་དང་མཚུངས་པར་ལྡན་པ་ཡིན་པར་རིག་པར་བྱའོ། །

'dod pa'i khams la lta ba bzhi dang nga rgyal ni yid bde ba dang btang snyoms dang mtshungs par ldan no/ /'dod chags ni bde ba dang yid bde ba dang btang snyoms rnams dang ngo/ /khong khro ba ni sdug bsngal ba dang yid mi bde ba dang ngo/ /log par lta ba ni yid bde ba dang yid mi bde ba nyid dang ngo/ /the tshom ni yid mi bde ba kho na dang ngo/ /ma rig pa ni dbang po lnga po thams cad dang mtshungs par ldan no/ /mtshungs par ldan pa'i tshul 'di ni che long du bstan pa yin te zhib tu ni 'og nas bshad par bya'o/ /gong ma na ni gang na dbang po gang srid pa de dang de'i sa pa'i nyon mongs pa dag dang mtshungs par ldan pa yin par rig par bya'o/ /

【J5 境體有無分遍】

ཉོན་མོངས་པ་བཅུ་པོ་དེ་དག་ལས་མཐོང་བས་སྤང་བར་བྱ་བ་གང་དག་ཡིན་པ་དེ་དག་ནི་གཞི་མེད་པ་ཞེས་བྱ་སྟེ། དེ་དག་གིས་དམིགས་པའི་གཞི་དེ་བཞིན་དུ་ཡོངས་སུ་གྲུབ་པ་མ་ཡིན་པའི་ཕྱིར་རོ། །ལྷག་མ་རྣམས་ནི་གཞི་དང་བཅས་པ་དང་གཞི་མེད་པ་དག་ཡིན་ཏེ། དེ་ལས་བཟློག་པའི་ཕྱིར་རོ། །འདོད་ཆགས་དང་ང་རྒྱལ་ནི་ཟག་པ་དང་བཅས་པའི་གཞིའི་ཕྱོགས་ཡིད་དུ་འོང་བ་གཅིག་ལ་དམིགས་ནས་སྐྱེའོ། །ཁོང་ཁྲོ་བ་ནི་ཕྱོགས་ཡིད་དུ་མི་འོང་བ་གཅིག་ལ་དམིགས་ནས་སྐྱེ་སྟེ། དེའི་ཕྱིར་ཉོན་མོངས་པ་གསུམ་པོ་དེ་དག་ནི་ཕྱོགས་གཅིག་ལས་སྐྱེ་བ་དང་ཕྱོགས་གཅིག་འཛིན་པ་ཞེས་བྱའོ། །ལྷག་མ་རྣམས་ནི་ནང་དང་ཕྱི་རོལ་དང་བཅས་པའི་གཞི་ཟག་པ་དང་བཅས་པ་སྡུག་པའམ་མི་སྡུག་པའམ་གཉི་ག་ལས་བཟློག་པ་ལས་དམིགས་ཏེ་སྐྱེ་བས། དེའི་ཕྱིར་ཐམས་ཅད་དུ་འགྲོ་བ་དང་གཞི་མཐའ་དག་འཛིན་པ་རྣམས་ཞེས་བྱ་སྟེ། དེ་ལྟར་ན་དེ་དག་ནི་ཉོན་མོངས་པ་རྣམས་ཡིན་ནོ། །

nyon mongs pa bcu po de dag las mthong bas spang bar bya ba gang dag yin pa de dag ni gzhi med pa zhes bya ste/ de dag gis dmigs pa'i gzhi de bzhin du yongs su grub pa ma yin pa'i phyir ro/ /lhag ma rnams ni gzhi dang bcas pa dang gzhi med pa dag yin te/ de las bzlog pa'i phyir ro/ /'dod chags dang nga rgyal ni zag pa dang bcas pa'i gzhi'i phyogs yid du 'ong ba gcig la dmigs nas skye'o/ /khong khro ba ni phyogs yid du mi 'ong ba gcig la dmigs nas skye ste/ de'i phyir nyon mongs pa gsum po de dag ni phyogs gcig las skye ba dang phyogs gcig 'dzin pa zhes bya'o/ /lhag ma rnams ni nang dang phyi rol dang bcas pa'i gzhi zag pa dang bcas pa sdug pa'am mi sdug pa'am gnyi ga las bzlog pa las dmigs te skye bas/ de'i phyir thams cad du 'gro ba dang gzhi mtha' dag 'dzin pa rnams zhes bya ste/ de ltar na de dag ni nyon mongs pa rnams yin no/ /

【H2 解隨煩惱】【I1 總標】

ཉོན་མོངས་པ་དང་རྗེས་སུ་མཐུན་པ་དང་ཉོན་མོངས་པ་དང་ལྷན་ཅིག་རྒྱུ་བ་དང༌། ཉོན་མོངས་པའི་ཕྱོགས་དང་མཐུན་པའི་ཉེ་བའི་ཉོན་མོངས་པ་རྣམས་ཞེས་བྱའོ། །

nyon mongs pa dang rjes su mthun pa dang nyon mongs pa dang lhan cig rgyu ba dang/ nyon mongs pa'i phyogs dang mthun pa'i nye ba'i nyon mongs pa rnams zhes bya'o/ /

【I2 舉後別解釋】【J1 明隨煩惱中有其四例】

ཉེ་བའི་ཉོན་མོངས་པ་རྣམས་གང་ཞེ་ན། ཉེ་བའི་ཉོན་མོངས་པ་རྣམས་ཀྱི་རབ་ཏུ་དབྱེ་བ་ནི་མདོར་བསྡུ་ན་རྣམ་པ་བཞིས་རྣམ་པར་གཞག་སྟེ། མི་དགེ་བའི་སེམས་ཐམས་ཅད་ལས་སྐྱེ་བ་དང༌། ཉོན་མོངས་པ་ཅན་གྱི་སེམས་ཐམས་ཅད་ལས་སྐྱེ་བ་དང་མི་དགེ་བའི་སེམས་སོ་སོ་ལས་སྐྱེ་བ་དང༌། དགེ་བ་དང་མི་དགེ་བ་དང་ལུང་དུ་མ་བསྟན་པའི་སེམས་ལས་སྐྱེ་བ་ཐམས་ཅད་དུ་མ་ཡིན་ཞིང་དུས་ཐམས་ཅད་དུ་མ་ཡིན་པ་རྣམས་ཀྱིས་སོ། །དེ་ལ་ངོ་ཚ་བ་མེད་པ་དང་ཁྲེལ་མེད་པ་ནི་མི་དགེ་བའི་སེམས་ཐམས་ཅད་ལས་སྐྱེ་བའི་ཉེ་བའི་ཉོན་མོངས་པ་ཞེས་བྱའོ། །བག་མེད་པ་དང་རྒོད་པ་དང་རྨུགས་པ་དང་མ་དད་པ་དང་། ལེ་ལོ་དང་ལོག་པར་འདུན་པ་དང་ལོག་པར་མོས་པ་དང་ལོག་པར་དྲན་པ་དང་རྣམ་པར་གཡེང་བ་དང༌། ཤེས་བཞིན་མ་ཡིན་པ་དང་ཉེ་བའི་ཉོན་མོངས་པ་བཅུ་པོ་དེ་དག་ནི་ཉོན་མོངས་པ་ཅན་གྱི་སེམས་ཐམས་ཅད་ལས་སྐྱེ་བ་ཡིན་པར་རིག་པར་བྱ་སྟེ། ཁམས་གསུམ་པ་ཐམས་ཅད་ནའོ། །ཁྲོ་བ་དང་འཁོན་དུ་འཛིན་པ་དང་འཆབ་པ་དང་འཚིག་པ་དང་ཕྲག་དོག་དང་སེར་སྣ་དང༌། སྒྱུ་དང་གཡོ་དང་རྒྱགས་པ་དང་རྣམ་པར་འཚེ་བ་དང༌། ཉེ་བའི་ཉོན་མོངས་པ་བཅུ་པོ་དེ་དག་ནི་མི་དགེ་བའི་སེམས་སོ་སོ་ལས་སྐྱེ་བ་ཡིན་པར་བལྟ་བར་བྱ་སྟེ། གང་དུ་གཅིག་འབྱུང་བ་དེར་གཉིས་པ་མི་འབྱུང་ངོ༌། །དེ་དག་ལས་སྒྱུ་དང་གཡོ་དང་རྒྱགས་པ་མ་གཏོགས་པ་རྣམས་ནི་འདོད་པ་དང་ལྡན་པ་ཡིན་ནོ། །སྒྱུ་དང་གཡོ་ནི་བསམ་གཏན་དང་པོ་མན་ཆད་ན་ཡོད་དོ། །རྒྱགས་པ་ནི་ཁམས་གསུམ་པ་ཡིན་པར་རིག་པར་བྱ་སྟེ། དེ་དག་ཀྱང་གོང་མ་པའི་ས་པ་དག་ནི་ལུང་དུ་མ་བསྟན་པ་ཡིན་ནོ། །དེ་ལ་རྟོག་པ་དང་དཔྱོད་པ་དང་འགྱོད་པ་དང་གཉིད་དང་ཉེ་བའི་ཉོན་མོངས་པ་བཞི་པོ་དེ་དག་ནི་དགེ་བའི་སེམས་དང་མི་དགེ་བའི་སེམས་དང་ལུང་དུ་མ་བསྟན་པའི་སེམས་ལ་ཡང་འབྱུང་སྟེ་ཐམས་ཅད་དུ་དང་དུས་ཐམས་ཅད་དུ་ནི་མ་ཡིན་ནོ། །འདི་ལྟར་ཡང་དང་ཡང་དུ་དང་ཡུན་རིང་དུ་རྗེས་སུ་རྟོག་པ་དང༌། རྗེས་སུ་དཔྱོད་པར་བྱེད་པའི་ལུས་ངལ་བ་དང༌། བརྗེད་པ་དང་སེམས་ཉམས་པར་འགྱུར་བས་དེའི་ཕྱིར་རྟོག་པ་དང་དཔྱོད་པ་དག་ཀྱང་ཉེ་བའི་ཉོན་མོངས་པ་ཞེས་བྱ་སྟེ། དེ་གཉིས་ཀྱང་བསམ་གཏན་དང་པོ་མན་ཆད་ན་ཡོད་དོ། །འགྱོད་པ་དང་གཉིད་ནི་འདོད་པ་ན་སྤྱོད་པ་ཡིན་ནོ། །དེ་ལ་མཉམ་པར་གཞག་པའི་ས་པའི་ཉེ་བའི་ཉོན་མོངས་པ་རྣམས་ནི་འདི་ལྟ་སྟེ། རྟོག་པ་དང་དཔྱོད་པ་དང་སྒྱུ་དང༌། གཡོ་དང༌། རྨུགས་པ་དང་རྒོད་པ་དང་རྒྱགས་པ་དང་བག་མེད་པ་དང་ལེ་ལོ་རྣམས་ཏེ། དེ་ལ་དང་པོ་བཞི་ནི་བསམ་གཏན་དང་པོའི་ས་པ་དག་ཡིན་ནོ། །ལྷག་མ་རྣམས་ནི་ས་ཐམས་ཅད་དང་དུས་ཐམས་ཅད་པ་དག་ཡིན་པར་རིག་པར་བྱའོ། །བཅོམ་ལྡན་འདས་ཀྱིས་གཞི་ཕྲན་ཚེགས་ལས་ཉེ་བའི་ཉོན་མོངས་པ་མྱ་ངན་དང་སྨྲེ་སྔགས་འདོན་པ་དང༌། སྡུག་བསྔལ་བ་དང༌། ཡིད་མི་བདེ་བ་དང་འཁྲུག་པའི་བར་དུ་རྒྱས་པར་བསྟན་པ་གང་དག་ཡིན་པ་རྣམས་དང༌། གཞི་བསྡུ་བ་ལས་རྣམ་པར་དབྱེ་བ་བྱས་པ་གང་དག་ཡིན་པ་དེ་དག་ཐམས་ཅད་ཀྱང་ཉེ་བའི་ཉོན་མོངས་པ་རབ་ཏུ་དབྱེ་བ་རྣམ་པ་བཞི་པོ་འདི་དག་གིས་ཅི་རིགས་པར་བསྡུས་པར་རིག་པར་བྱའོ། །

nye ba'i nyon mongs pa rnams gang zhe na/ nye ba'i nyon mongs pa rnams kyi rab tu dbye ba ni mdor bsdu na rnam pa bzhis rnam par gzhag ste/ mi dge ba'i sems thams cad las skye ba dang/ nyon mongs pa can gyi sems thams cad las skye ba dang mi dge ba'i sems so so las skye ba dang/ dge ba dang mi dge ba dang lung du ma bstan pa'i sems las skye ba thams cad du ma yin zhing dus thams cad du ma yin pa rnams kyis so/ /de la ngo tsha ba med pa dang khrel med pa ni mi dge ba'i sems thams cad las skye ba'i nye ba'i nyon mongs pa zhes bya'o/ /bag med pa dang rgod pa dang rmugs pa dang ma dad pa dang / le lo dang log par 'dun pa dang log par mos pa dang log par dran pa dang rnam par g.yeng ba dang/ shes bzhin ma yin pa dang nye ba'i nyon mongs pa bcu po de dag ni nyon mongs pa can gyi sems thams cad las skye ba yin par rig par bya ste/ khams gsum pa thams cad na'o/ /khro ba dang 'khon du 'dzin pa dang 'chab pa dang 'tshig pa dang phrag dog dang ser sna dang/ sgyu dang g.yo dang rgyags pa dang rnam par 'tshe ba dang/ nye ba'i nyon mongs pa bcu po de dag ni mi dge ba'i sems so so las skye ba yin par blta bar bya ste/ gang du gcig 'byung ba der gnyis pa mi 'byung ngo/ /de dag las sgyu dang g.yo dang rgyags pa ma gtogs pa rnams ni 'dod pa dang ldan pa yin no/ /sgyu dang g.yo ni bsam gtan dang po man chad na yod do/ /rgyags pa ni khams gsum pa yin par rig par bya ste/ de dag kyang gong ma pa'i sa pa dag ni lung du ma bstan pa yin no/ /de la rtog pa dang dpyod pa dang 'gyod pa dang gnyid dang nye ba'i nyon mongs pa bzhi po de dag ni dge ba'i sems dang mi dge ba'i sems dang lung du ma bstan pa'i sems la yang 'byung ste thams cad du dang dus thams cad du ni ma yin no/ /'di ltar yang dang yang du dang yun ring du rjes su rtog pa dang/ rjes su dpyod par byed pa'i lus ngal ba dang/ brjed pa dang sems nyams par 'gyur bas de'i phyir rtog pa dang dpyod pa dag kyang nye ba'i nyon mongs pa zhes bya ste/ de gnyis kyang bsam gtan dang po man chad na yod do/ /'gyod pa dang gnyid ni 'dod pa na spyod pa yin no/ /de la mnyam par gzhag pa'i sa pa'i nye ba'i nyon mongs pa rnams ni 'di lta ste/ rtog pa dang dpyod pa dang sgyu dang/ g.yo dang/ rmugs pa dang rgod pa dang rgyags pa dang bag med pa dang le lo rnams te/ de la dang po bzhi ni bsam gtan dang po'i sa pa dag yin no/ /lhag ma rnams ni sa thams cad dang dus thams cad pa dag yin par rig par bya'o/ /bcom ldan 'das kyis gzhi phran tshegs las nye ba'i nyon mongs pa mya ngan dang smre sngags 'don pa dang/ sdug bsngal ba dang/ yid mi bde ba dang 'khrug pa'i bar du rgyas par bstan pa gang dag yin pa rnams dang/ gzhi bsdu ba las rnam par dbye ba byas pa gang dag yin pa de dag thams cad kyang nye ba'i nyon mongs pa rab tu dbye ba rnam pa bzhi po 'di dag gis ci rigs par bsdus par rig par bya'o/ /

【J2 約十二處分別起處】

ཉེ་བའི་ཉོན་མོངས་པ་དེ་དག་ཀྱང་འདོད་པའི་ཁམས་ན་ནི་མདོར་བསྡུ་ན་གནས་བཅུ་གཉིས་ལ་བརྟེན་ནས་འཇུག་པར་རིག་པར་བྱ་སྟེ། གནས་བཅུ་གཉིས་གང་ཞེ་ན། འདི་ལྟ་སྟེ། ཉེས་པར་སྤྱོད་པ་ལ་མངོན་པར་ཞེན་པ་དང༌། འཐབ་མོ་དང༌། མཚང་འདྲུ་བ་དང༌། རྩོད་པ་དང༌། འགྱེད་པ་དང༌། ཚུལ་ཁྲིམས་ཉམས་པ་དང༌། སྐྱེས་བུ་དམ་པ་མ་ཡིན་པའི་ཆོས་ཡང་དག་པར་བླངས་ཏེ་འདུག་པ་དང༌། ལོག་པར་འཚོ་བ་དང༌། འདོད་པ་ལ་ལོག་པར་ཞེན་པ་དང༌། ཇི་སྐད་བསྟན་པའི་ཆོས་ཀྱི་དོན་ལ་སེམས་ཤིང་ངེས་པར་རྟོག་པ་དང༌། སེམས་ཏིང་ངེ་འཛིན་དུ་བྱ་བའི་ཕྱིར་བསམ་པའི་དོན་ལ་ནང་གི་སེམས་ཀྱི་ཞི་གནས་ཀྱི་རྗེས་སུ་མཐུན་པ་དང༌། གཅིག་ལ་གཅིག་ཟང་ཟིང་གི་ལོངས་སྤྱོད་སྟོབས་པ་དང༌། གཅིག་ལ་གཅིག་ཆོས་ཀྱི་ལོངས་སྤྱོད་སྟོབས་པ་དང༌། མ་འདྲེས་པར་གནས་ཤིང་བས་མཐའི་གནས་མལ་དུ་གནས་པ་དང༌། རབ་ཏུ་དབྱེ་བ་ན་གནས་པས་སྡུག་བསྔལ་ཉེ་བར་གྱུར་པ་སྟེ། གནས་བཅུ་གཉིས་པོ་དེ་དག་ལ་བརྟེན་ནས་ཆགས་པ་ལ་སོགས་པ་འཁྲུལ་པའི་མཐར་ཐུག་པའི་བར་གྱི་ཉེ་བའི་ཉོན་མོངས་པ་ཇི་སྐད་བསྟན་པ་རྣམས་ཀྱི་འཇུག་པ་རྣམ་པར་གཞག་པར་རིག་པར་བྱའོ། །དེ་ལ་ཆགས་པ་དང་ཞེ་སྡང་དང་གཏི་མུག་ནི་གནས་དང་པོ་ལའོ། །ཁྲོ་བ་ལ་སོགས་པ་གཡོ་བ་མཐར་ཐུག་པའི་བར་དག་ནི་གནས་གཉིས་པ་ལའོ། །ངོ་ཚ་མེད་པ་དང་ཁྲེལ་མེད་པ་ནི་གནས་གསུམ་པ་ལའོ། །ང་རྒྱལ་ལ་སོགས་པ་ཉེས་རྩོམ་གྱི་མཐར་ཐུག་པའི་བར་དག་ནི་གནས་བཞི་པ་ལའོ། །ཚུལ་འཆོས་པ་ལ་སོགས་པ་སྡིག་པའི་གྲོགས་པོའི་མཐར་ཐུག་པའི་བར་དག་ནི་གནས་ལྔ་པ་ལའོ། །མི་བཟོད་པ་དང་ཞེན་པ་ལ་སོགས་པ་མི་མཐུན་པ་ལ་ཆགས་པའི་མཐར་ཐུག་པའི་བར་དག་ནི་གནས་དྲུག་པ་ལའོ། །འཇིག་ཚོགས་ལ་ལྟ་བ་དང༌། འབྱུང་བར་ལྟ་བ་དང་འཇིག་པར་ལྟ་བ་ནི་གནས་བདུན་པ་ལའོ། །འདོད་པ་ལ་འདུན་པ་ལ་སོགས་པ་ཡིད་ལ་མི་བྱེད་པའི་མཐར་ཐུག་པའི་བར་དག་ནི་གནས་བརྒྱད་པ་ལའོ། །རུ་གདུག་དང་འཕྱ་སྨོད་ནི་གནས་དགུ་པ་ལའོ། །མི་མནམས་པ་དང་མི་མཉེན་པ་དང་རིས་མཐུན་པའི་རྗེས་སུ་མི་འཇུག་པ་ནི་གནས་བཅུ་པ་ལའོ། །འདོད་པའི་རྣམ་པར་རྟོག་པ་ལ་སོགས་པ་ཁྱིམ་གྱི་འབྱོར་པ་དང་ལྡན་པའི་རྣམ་པར་རྟོག་པའི་མཐར་ཐུག་པའི་བར་དག་ནི་གནས་བཅུ་གཅིག་པ་ལའོ། །མྱ་ངན་ལ་སོགས་པ་ནི་གནས་བཅུ་གཉིས་པ་ལ་བརྟེན་ཏེ་འཇུག་པར་རིག་པར་བྱའོ། །

nye ba'i nyon mongs pa de dag kyang 'dod pa'i khams na ni mdor bsdu na gnas bcu gnyis la brten nas 'jug par rig par bya ste/ gnas bcu gnyis gang zhe na/ 'di lta ste/ nyes par spyod pa la mngon par zhen pa dang/ 'thab mo dang/ mtshang 'dru ba dang/ rtsod pa dang/ 'gyed pa dang/ tshul khrims nyams pa dang/ skyes bu dam pa ma yin pa'i chos yang dag par blangs te 'dug pa dang/ log par 'tsho ba dang/ 'dod pa la log par zhen pa dang/ ji skad bstan pa'i chos kyi don la sems shing nges par rtog pa dang/ sems ting nge 'dzin du bya ba'i phyir bsam pa'i don la nang gi sems kyi zhi gnas kyi rjes su mthun pa dang/ gcig la gcig zang zing gi longs spyod stobs pa dang/ gcig la gcig chos kyi longs spyod stobs pa dang/ ma 'dres par gnas shing bas mtha'i gnas mal du gnas pa dang/ rab tu dbye ba na gnas pas sdug bsngal nye bar gyur pa ste/ gnas bcu gnyis po de dag la brten nas chags pa la sogs pa 'khrul pa'i mthar thug pa'i bar gyi nye ba'i nyon mongs pa ji skad bstan pa rnams kyi 'jug pa rnam par gzhag par rig par bya'o/ /de la chags pa dang zhe sdang dang gti mug ni gnas dang po la'o/ /khro ba la sogs pa g.yo ba mthar thug pa'i bar dag ni gnas gnyis pa la'o/ /ngo tsha med pa dang khrel med pa ni gnas gsum pa la'o/ /nga rgyal la sogs pa nyes rtsom gyi mthar thug pa'i bar dag ni gnas bzhi pa la'o/ /tshul 'chos pa la sogs pa sdig pa'i grogs po'i mthar thug pa'i bar dag ni gnas lnga pa la'o/ /mi bzod pa dang zhen pa la sogs pa mi mthun pa la chags pa'i mthar thug pa'i bar dag ni gnas drug pa la'o/ /'jig tshogs la lta ba dang/ 'byung bar lta ba dang 'jig par lta ba ni gnas bdun pa la'o/ /'dod pa la 'dun pa la sogs pa yid la mi byed pa'i mthar thug pa'i bar dag ni gnas brgyad pa la'o/ /ru gdug dang 'phya smod ni gnas dgu pa la'o/ /mi mnams pa dang mi mnyen pa dang ris mthun pa'i rjes su mi 'jug pa ni gnas bcu pa la'o/ /'dod pa'i rnam par rtog pa la sogs pa khyim gyi 'byor pa dang ldan pa'i rnam par rtog pa'i mthar thug pa'i bar dag ni gnas bcu gcig pa la'o/ /mya ngan la sogs pa ni gnas bcu gnyis pa la brten te 'jug par rig par bya'o/ /

【H3 重解根本】

ལྟ་བ་ལྔ་པོ་གང་དག་ཡིན་པ་དེ་དག་ནི་ཤེས་རབ་ཀྱི་ངོ་བོ་ཉིད་ཡིན་པའི་ཕྱིར་ཕན་ཚུན་མཚུངས་པར་ལྡན་པར་མི་བྱེད་དོ། །ངོ་བོ་ཉིད་དང་ངོ་བོ་ཉིད་མཚུངས་པར་ལྡན་པར་མི་རུང་བའི་ཕྱིར་རོ། །འདོད་ཆགས་དང་ཁོང་ཁྲོ་བ་དང་ང་རྒྱལ་དང་ཐེ་ཚོམ་རྣམས་ནི་ཕན་ཚུན་མི་མཐུན་པའི་ཕྱིར་ཕན་ཚུན་མཚུངས་པར་ལྡན་པར་མི་བྱེད་དོ། །ཆགས་པར་གྱུར་པའི་སེམས་ནི་འདུད་པར་འགྱུར་ལ་རློམ་པར་གྱུར་པའི་སེམས་ནི་ཁེངས་པར་འགྱུར་བས། དེའི་ཕྱིར་འདོད་ཆགས་དང་ང་རྒྱལ་ཡང་ཕན་ཚུན་མི་མཐུན་པ་དག་ཡིན་པར་རིག་པར་བྱའོ། །

lta ba lnga po gang dag yin pa de dag ni shes rab kyi ngo bo nyid yin pa'i phyir phan tshun mtshungs par ldan par mi byed do/ /ngo bo nyid dang ngo bo nyid mtshungs par ldan par mi rung ba'i phyir ro/ /'dod chags dang khong khro ba dang nga rgyal dang the tshom rnams ni phan tshun mi mthun pa'i phyir phan tshun mtshungs par ldan par mi byed do/ /chags par gyur pa'i sems ni 'dud par 'gyur la rlom par gyur pa'i sems ni khengs par 'gyur bas/ de'i phyir 'dod chags dang nga rgyal yang phan tshun mi mthun pa dag yin par rig par bya'o/ /

【H4 重解隨煩惱】

ཉེ་བའི་ཉོན་མོངས་པ་ཇི་སྐད་བསྟན་པ་དེ་དག་ནི་ཉོན་མོངས་པའི་ཕྱོགས་དང་མཐུན་པ་ཡིན་པ་ཁོ་ནར་བལྟ་བར་བྱའོ། །དེ་ལ་རེ་ཞིག་བག་མེད་པ་ནི་ཉོན་མོངས་པ་ཐམས་ཅད་ཀྱི་ཕྱོགས་དང་མཐུན་པ་ཡིན་པར་བལྟ་བར་བྱ་སྟེ། འདི་ལྟར་ཆགས་པར་གྱུར་ན་ཡང་བག་མེད་པར་འགྱུར་ལ་ཐེ་ཚོམ་ཟོས་པའི་བར་དུ་གྱུར་ནའང་བག་མེད་པར་འགྱུར་བའི་ཕྱིར་རོ། །ཆགས་པ་དང༌། སེར་སྣ་དང༌། རྒྱགས་པ་དང༌། རྒོད་པ་ནི་འདོད་ཆགས་ཀྱི་ཕྱོགས་དང་མཐུན་པ་དང་འདོད་ཆགས་ཀྱི་རྒྱུ་མཐུན་པ་དག་ཡིན་ནོ། །ཁྲོ་བ་དང་ཁོན་དུ་འཛིན་པ་དང༌། ཡོངས་སུ་གདུང་བ་དང༌། ཕྲག་དོག་དང༌། རྣམ་པར་འཚེ་བ་ནི་ཁོང་ཁྲོ་བའི་ཕྱོགས་དང་མཐུན་པ་དང༌། ཁོང་ཁྲོ་བའི་རྒྱུ་མཐུན་པ་དག་ཡིན་ནོ། །སྒྱུ་དང་གཡོ་ནི་ལོག་པར་ལྟ་བའི་ཕྱོགས་དང་མཐུན་པ་དང༌། ལོག་པར་ལྟ་བའི་རྒྱུ་མཐུན་པ་དག་ཡིན་ནོ། །འཆབ་པ་ནི་གཡོའི་ཕྱོགས་དང་མཐུན་པ་དང༌། དེའི་རྒྱུ་མཐུན་པ་ཁོ་ན་ཡིན་པར་བལྟ་བར་བྱའོ། །ཉེ་བའི་ཉོན་མོངས་པ་ལྷག་མ་རྣམས་ནི་གཏི་མུག་གི་ཕྱོགས་དང་མཐུན་པ་དང༌། གཏི་མུག་གི་རྒྱུ་མཐུན་པ་དག་ཡིན་ནོ། །རྟོག་པ་དང་དཔྱོད་པ་གཉིས་ནི་མ་གཏོགས་ཏེ། རྟོག་པ་དང་དཔྱོད་པ་གཉིས་ནི་ཤེས་རབ་དང་སེམས་པའི་ངོ་བོ་ཉིད་ཡིན་པར་བལྟ་བར་བྱ་སྟེ། འདི་ལྟ་སྟེ། དཔེར་ན་ལྟ་བ་རྣམས་བཞིན་ནོ། །ཤེས་རབ་གང་ཡིད་ལ་བརྗོད་པ་ལ་བརྟེན་པ་དམིགས་པ་ལ་མི་མཐུན་པར་རྒྱུ་ཞིང་འཇུག་པ་དེ་ནི་དེའི་ངོ་བོ་ཉིད་ཡིན་ཡང་རྟོག་པ་དང་བཅས་པ་དང་དཔྱོད་པ་དང་བཅས་པ་ཞེས་བྱའོ། །དེ་ལ་དམིགས་པ་གཞན་ལ་མི་མཐུན་པར་རྒྱུ་ཞིང་ཡིད་ལ་བརྗོད་པ་ལ་པ་ལ་བརྟེན་པའི་ཤེས་རབ་ཆེས་རགས་པ་ནི་རྟོག་པ་ཡིན་ནོ། །དེ་ཉིད་ལ་མི་མཐུན་པ་མ་ཡིན་པར་རྒྱུ་ཞིང་ཆེས་ཆ་ཕྲ་བ་ནི་དཔྱོད་པ་ཡིན་ཏེ། དེ་ནི་ཉོན་མོངས་པའི་ཀུན་ནས་ཉོན་མོངས་པའི་ངོ་བོ་ཉིད་ཀྱི་རབ་ཏུ་དབྱེ་བ་རྣམ་པར་གཞག་པ་ཞེས་བྱའོ། །

nye ba'i nyon mongs pa ji skad bstan pa de dag ni nyon mongs pa'i phyogs dang mthun pa yin pa kho nar blta bar bya'o/ /de la re zhig bag med pa ni nyon mongs pa thams cad kyi phyogs dang mthun pa yin par blta bar bya ste/ 'di ltar chags par gyur na yang bag med par 'gyur la the tshom zos pa'i bar du gyur na'ang bag med par 'gyur ba'i phyir ro/ /chags pa dang/ ser sna dang/ rgyags pa dang/ rgod pa ni 'dod chags kyi phyogs dang mthun pa dang 'dod chags kyi rgyu mthun pa dag yin no/ /khro ba dang khon du 'dzin pa dang/ yongs su gdung ba dang/ phrag dog dang/ rnam par 'tshe ba ni khong khro ba'i phyogs dang mthun pa dang/ khong khro ba'i rgyu mthun pa dag yin no/ /sgyu dang g.yo ni log par lta ba'i phyogs dang mthun pa dang/ log par lta ba'i rgyu mthun pa dag yin no/ /'chab pa ni g.yo'i phyogs dang mthun pa dang/ de'i rgyu mthun pa kho na yin par blta bar bya'o/ /nye ba'i nyon mongs pa lhag ma rnams ni gti mug gi phyogs dang mthun pa dang/ gti mug gi rgyu mthun pa dag yin no/ /rtog pa dang dpyod pa gnyis ni ma gtogs te/ rtog pa dang dpyod pa gnyis ni shes rab dang sems pa'i ngo bo nyid yin par blta bar bya ste/ 'di lta ste/ dper na lta ba rnams bzhin no/ /shes rab gang yid la brjod pa la brten pa dmigs pa la mi mthun par rgyu zhing 'jug pa de ni de'i ngo bo nyid yin yang rtog pa dang bcas pa dang dpyod pa dang bcas pa zhes bya'o/ /de la dmigs pa gzhan la mi mthun par rgyu zhing yid la brjod pa la pa la brten pa'i shes rab ches rags pa ni rtog pa yin no/ /de nyid la mi mthun pa ma yin par rgyu zhing ches cha phra ba ni dpyod pa yin te/ de ni nyon mongs pa'i kun nas nyon mongs pa'i ngo bo nyid kyi rab tu dbye ba rnam par gzhag pa zhes bya'o/ /

【G3 染淨差別】【H1 問】

ཉོན་མོངས་པའི་ཀུན་ནས་ཉོན་མོངས་པའི་རབ་ཏུ་དབྱེ་བ་རྣམ་པར་གཞག་པ་གང་ཞེ་ན།

nyon mongs pa'i kun nas nyon mongs pa'i rab tu dbye ba rnam par gzhag pa gang zhe na/

【H2 解】【I1 明所治染】【J1 明現種】

མདོར་བསྡུ་ན་ཉོན་མོངས་པ་དང་ཉེ་བའི་ཉོན་མོངས་པ་ཇི་སྐད་བསྟན་པ་རྣམས་ཀྱིས་ནི་རྒྱུ་གཉིས་ཀྱིས་སེམས་ཅན་རྣམས་ཀུན་ནས་ཉོན་མོངས་པར་བྱེད་དེ། འདི་ལྟ་སྟེ། ཀུན་ནས་དཀྲིས་པ་དང་བག་ལ་ཉལ་གྱིས་སོ། །དེ་ལ་ཉོན་མོངས་པ་ཀུན་ཏུ་འབྱུང་བ་མངོན་དུ་གྱུར་པ་ནི་ཀུན་ནས་དཀྲིས་པ་ཞེས་བྱའོ༑ །དེ་ཉིད་ཀྱི་ས་བོན་མ་སྤངས་ཤིང་ཡང་དག་པར་མ་བཅོམ་པ་ནི་བག་ལ་ཉལ་བ་ཞེས་བྱ་སྟེ། གནས་ངན་ལེན་ཀྱང་དེ་ཡིན་ནོ། །མ་སད་པའི་ཕྱིར་ནི་བག་ལ་ཉལ་བ་ཡིན་ལ་སད་པའི་གནས་སྐབས་ཀྱི་ཕྱིར་ནི་ཀུན་ནས་དཀྲིས་པ་ཡིན་ནོ། །དེ་ལ་འཆིང་བ་ནི་མཐའ་དག་དང་ལྡན་པའི་གང་ཟག་འདོད་པའི་ཁམས་སུ་སྐྱེས་ཤིང་བྱུང་བ་ནི་ཁམས་གསུམ་ན་སྤྱོད་པའི་ཉོན་མོངས་པ་རྣམས་ཀྱི་བག་ལ་ཉལ་དང་ལྡན་ནོ། །གཟུགས་ཀྱི་ཁམས་སུ་སྐྱེས་ཤིང་བྱུང་བའི་སོ་སོའི་སྐྱེ་བོ་ནི་འདོད་པ་ན་སྤྱོད་པའི་ཉོན་མོངས་པ་རྣམས་ཀྱི་བག་ལ་ཉལ་ཞི་གནས་ཀྱི་གནོད་པས་ཉམས་པར་བྱས་པ་དང་ལྡན་ལ། གཟུགས་དང་གཟུགས་མེད་པ་དང་ལྡན་པའི་ཉོན་མོངས་པ་རྣམས་ཀྱི་ནི་མ་ཉམས་པ་ཁོ་ན་དང་ལྡན་ནོ། །གཟུགས་མེད་པའི་ཁམས་སུ་སྐྱེས་ཤིང་བྱུང་བའི་སོ་སོའི་སྐྱེ་བོ་ནི་འདོད་པ་དང་གཟུགས་ན་སྤྱོད་པའི་ཉོན་མོངས་པ་རྣམས་ཀྱི་བག་ལ་ཉལ་ཞི་གནས་ཀྱི་གནོད་པས་ཉམས་པར་བྱས་པ་དང་ལྡན་ལ། གཟུགས་མེད་པ་ན་སྤྱོད་པའི་ཉོན་མོངས་པ་རྣམས་ཀྱི་ནི་མ་ཉམས་པ་ཁོ་ན་དང་ལྡན་ནོ། །ཁམས་ལས་ཇི་ལྟ་བ་བཞིན་དུ་ས་ལས་ཀྱང་ཚུལ་དེ་བཞིན་དུ་བལྟ་བར་བྱའོ། །ཀུན་ནས་དཀྲིས་པ་རང་གི་ས་པ་ནི་རང་གི་ས་པའི་འདོད་ཆགས་དང་མ་བྲལ་བ་དང་ལྡན་ཏེ། བྲལ་བ་དང་ནི་མི་ལྡན་ནོ། །ས་འོག་མ་ལ་གནས་པ་ནི་ས་གོང་མ་པའི་ཀུན་ནས་དཀྲིས་པ་དང་ལྡན་ལ་ས་གོང་མ་ལ་གནས་པ་ནི་ས་འོག་མ་པའི་ཀུན་ནས་དཀྲིས་པ་དང་ནམ་ཡང་མི་ལྡན་པར་བརྗོད་པར་བྱའོ། །

mdor bsdu na nyon mongs pa dang nye ba'i nyon mongs pa ji skad bstan pa rnams kyis ni rgyu gnyis kyis sems can rnams kun nas nyon mongs par byed de/ 'di lta ste/ kun nas dkris pa dang bag la nyal gyis so/ /de la nyon mongs pa kun tu 'byung ba mngon du gyur pa ni kun nas dkris pa zhes bya'o| /de nyid kyi sa bon ma spangs shing yang dag par ma bcom pa ni bag la nyal ba zhes bya ste/ gnas ngan len kyang de yin no/ /ma sad pa'i phyir ni bag la nyal ba yin la sad pa'i gnas skabs kyi phyir ni kun nas dkris pa yin no/ /de la 'ching ba ni mtha' dag dang ldan pa'i gang zag 'dod pa'i khams su skyes shing byung ba ni khams gsum na spyod pa'i nyon mongs pa rnams kyi bag la nyal dang ldan no/ /gzugs kyi khams su skyes shing byung ba'i so so'i skye bo ni 'dod pa na spyod pa'i nyon mongs pa rnams kyi bag la nyal zhi gnas kyi gnod pas nyams par byas pa dang ldan la/ gzugs dang gzugs med pa dang ldan pa'i nyon mongs pa rnams kyi ni ma nyams pa kho na dang ldan no/ /gzugs med pa'i khams su skyes shing byung ba'i so so'i skye bo ni 'dod pa dang gzugs na spyod pa'i nyon mongs pa rnams kyi bag la nyal zhi gnas kyi gnod pas nyams par byas pa dang ldan la/ gzugs med pa na spyod pa'i nyon mongs pa rnams kyi ni ma nyams pa kho na dang ldan no/ /khams las ji lta ba bzhin du sa las kyang tshul de bzhin du blta bar bya'o/ /kun nas dkris pa rang gi sa pa ni rang gi sa pa'i 'dod chags dang ma bral ba dang ldan te/ bral ba dang ni mi ldan no/ /sa 'og ma la gnas pa ni sa gong ma pa'i kun nas dkris pa dang ldan la sa gong ma la gnas pa ni sa 'og ma pa'i kun nas dkris pa dang nam yang mi ldan par brjod par bya'o/ /

【J2 明繫事】

དེ་ལ་འཆིང་བ་མཐའ་དག་དང་ལན་པའི་གང་ཟག་གིས་ཉོན་མོངས་པའི་ཀུན་ནས་དཀྲིས་པ་བསྐྱེད་ནས་འགོག་པར་བྱེད་ཅིང་སྤོང་བར་ནི་མི་བྱེད་པའི་ཚེ་ན། ཉོན་མོངས་པ་དེ་འདས་པའམ་མ་འོངས་པའམ་ད་ལྟར་བྱུང་བའི་དངོས་པོ་གང་དག་དང་ལྡན་པ་ཡིན་ཞེ་ན། འདས་པ་དང་ནི་ལྡན་པར་གྱུར་ཟིན་པས་ལྡན་པ་མ་ཡིན་ནོ། །ད་ལྟར་བྱུང་བ་དང་ནི་དེའི་རིགས་ཀྱི་ཉོན་མོངས་པའི་བག་ལ་ཉལ་དང་ལྡན་པ་ཡིན་ཏེ་གལ་ཏེ་ཉོན་མོངས་པ་མངོན་དུ་གྱུར་ན་ནི་ཀུན་ནས་དཀྲིས་པ་དང་ཡང་ལྡན་ནོ། །མ་འོངས་པ་དང་ནི་བག་ལ་ཉལ་དང་ཀུན་ནས་དཀྲིས་པ་དང་ཡང་ལྡན་པར་འགྱུར་ཏེ་ལྡན་པ་ནི་མ་ཡིན་ནོ། །དེའི་རིགས་དང་ཇི་ལྟ་བ་བཞིན་དུ་དེ་ལས་གཞན་པའི་ཉོན་མོངས་པ་ཐམས་ཅད་དང་ཡང་དེ་བཞིན་ནོ། །འཆིང་བ་མཐའ་དག་དང་ལྡན་པ་ཇི་ལྟ་བ་བཞིན་དུ་འཆིང་བ་མ་ཚང་བ་དང་ལྡན་པའང་དེ་བཞིན་དུ་བརྗོད་པར་བྱའོ། །དེ་ལ་བྱེ་བྲག་ནི་འདི་ཡོད་དེ་དེ་ནི་ཉོན་མོངས་པ་ལྷག་མ་རྣམས་དང་ལྡན་པར་བརྗོད་པར་བྱའོ། །

de la 'ching ba mtha' dag dang lan pa'i gang zag gis nyon mongs pa'i kun nas dkris pa bskyed nas 'gog par byed cing spong bar ni mi byed pa'i tshe na/ nyon mongs pa de 'das pa'am ma 'ongs pa'am da ltar byung ba'i dngos po gang dag dang ldan pa yin zhe na/ 'das pa dang ni ldan par gyur zin pas ldan pa ma yin no/ /da ltar byung ba dang ni de'i rigs kyi nyon mongs pa'i bag la nyal dang ldan pa yin te gal te nyon mongs pa mngon du gyur na ni kun nas dkris pa dang yang ldan no/ /ma 'ongs pa dang ni bag la nyal dang kun nas dkris pa dang yang ldan par 'gyur te ldan pa ni ma yin no/ /de'i rigs dang ji lta ba bzhin du de las gzhan pa'i nyon mongs pa thams cad dang yang de bzhin no/ /'ching ba mtha' dag dang ldan pa ji lta ba bzhin du 'ching ba ma tshang ba dang ldan pa'ang de bzhin du brjod par bya'o/ /de la bye brag ni 'di yod de de ni nyon mongs pa lhag ma rnams dang ldan par brjod par bya'o/ /

【I2 辨能治淨】【J1 初問答】

གང་གི་ཚེ་རྣལ་འབྱོར་པ་ཉོན་མོངས་པའི་ཀུན་ནས་དཀྲིས་པ་རྣམ་པར་གནོན་པར་བྱེད་པའི་ཚེ་ཇི་ལྟར་རྣམ་པར་གནོན་པར་བྱེད་ཅེ་ན། གང་དེ་བསྒོམ་ཞིང་ཉོན་མོངས་པའི་ཀུན་ནས་དཀྲིས་པ་རྣམ་པར་གནོན་པར་བྱེད་པའི་ཉོན་མོངས་པ་རྣམས་ཀྱི་ཀུན་ནས་དཀྲིས་པ་རྣམ་པར་གནོན་པའི་གཉེན་པོ་ནི་རྣམ་པ་གསུམ་ཡོད་དེ། ཉོན་མོངས་པ་རྣམས་ཀྱི་ངོ་བོ་ཉིད་དང་ཉེས་དམིགས་ཡོངས་སུ་ཤེས་པ་དང་དེའི་གཉེན་པོ་ལ་དམིགས་པའི་མཚན་མ་ཡིད་ལ་བྱེད་པ་དང༌། སེམས་ཀྱི་རྒྱུད་ལ་དགེ་བའི་ཕྱོགས་བསགས་པའོ། །ཡང་དག་པར་འཇོམས་པ་ལ་ནི་ཡང་དག་པའི་ལྟ་བ་མངོན་དུ་བཏང་བའི་ལམ་ཡིན་པར་བལྟ་བར་བྱའོ། །

gang gi tshe rnal 'byor pa nyon mongs pa'i kun nas dkris pa rnam par gnon par byed pa'i tshe ji ltar rnam par gnon par byed ce na/ gang de bsgom zhing nyon mongs pa'i kun nas dkris pa rnam par gnon par byed pa'i nyon mongs pa rnams kyi kun nas dkris pa rnam par gnon pa'i gnyen po ni rnam pa gsum yod de/ nyon mongs pa rnams kyi ngo bo nyid dang nyes dmigs yongs su shes pa dang de'i gnyen po la dmigs pa'i mtshan ma yid la byed pa dang/ sems kyi rgyud la dge ba'i phyogs bsags pa'o/ /yang dag par 'joms pa la ni yang dag pa'i lta ba mngon du btang ba'i lam yin par blta bar bya'o/ /

【J2 第二問答】

གང་གི་ཚེ་རྣལ་འབྱོར་པ་ཉོན་མོངས་པ་སྤོང་བར་བྱེད་པའི་ཚེ་ན་ཅི་ཀུན་ནས་དཀྲིས་པ་ལས་སྤོང་བར་བྱེད་དམ་འོན་ཏེ་བག་ལ་ཉལ་ལས་སྤོང་བར་བྱེད་གང་ལས་སྤངས་ན་སྤངས་པ་ཞེས་བརྗོད་པར་བྱ་ཞེ་ན། བག་ལ་ཉལ་ལས་སྤོང་བར་བྱེད་དེ་ཀུན་ནས་དཀྲིས་པ་ནི་དང་པོ་ཉིད་ནས་སྤངས་ཟིན་པའི་ཕྱིར་རོ། །བག་ལ་ཉལ་ལས་སྤངས་ནས་སྤངས་པ་ཞེས་བརྗོད་པར་བྱའོ། །དེ་ཅིའི་ཕྱིར་ཞེ་ན། ཀུན་ནས་དཀྲིས་པ་ལས་སྤངས་ལ་བག་ལ་ཉལ་ལས་མ་སྤངས་ན་ནི་ཡང་དང་ཡང་དུ་ཀུན་ནས་དཀྲིས་པ་འབྱུང་བར་འགྱུར་གྱི། བག་ལ་ཉལ་ལས་སྤངས་ན་ནི་བག་ལ་ཉལ་དང་ཀུན་ནས་དཀྲིས་པ་གཉི་ག་ལས་གཏན་འབྱུང་བར་མི་འགྱུར་བའི་ཕྱིར་རོ། །

gang gi tshe rnal 'byor pa nyon mongs pa spong bar byed pa'i tshe na ci kun nas dkris pa las spong bar byed dam 'on te bag la nyal las spong bar byed gang las spangs na spangs pa zhes brjod par bya zhe na/ bag la nyal las spong bar byed de kun nas dkris pa ni dang po nyid nas spangs zin pa'i phyir ro/ /bag la nyal las spangs nas spangs pa zhes brjod par bya'o/ /de ci'i phyir zhe na/ kun nas dkris pa las spangs la bag la nyal las ma spangs na ni yang dang yang du kun nas dkris pa 'byung bar 'gyur gyi/ bag la nyal las spangs na ni bag la nyal dang kun nas dkris pa gnyi ga las gtan 'byung bar mi 'gyur ba'i phyir ro/ /

【J3 第三問答】

ཅི་འདས་པ་སྤོང་བར་བྱེད་དམ་འོན་ཏེ་མ་འོངས་པའམ་ད་ལྟར་བྱུང་བ་སྤོང་བར་བྱེད་ཅེ་ན། འདས་པའང་མི་སྤོང་མ་འོངས་པའང་མི་སྤོང་ད་ལྟར་བྱུང་བའང་མི་སྤོང་མོད་ཀྱི། འོན་ཀྱང་འདས་པ་དང་མ་འོངས་པ་དང་ད་ལྟར་བྱུང་བ་སྤོང་བར་བྱེད་དོ། །དེ་ལ་རེ་ཞིག་བག་ཆགས་དང་བཅས་པ་འདས་པ་གང་ཡིན་པ་དེ་ནི་རང་གི་ངང་ཉིད་ཀྱིས་འགགས་པའི་ཕྱིར་སྤངས་ཟིན་པ་ཡིན་པས་དེ་ལ་ནི་ཅིའང་སྤང་དུ་མེད་དོ། །མ་འོངས་པ་གང་ཡིན་པ་དེ་ནི་མ་བྱུང་བ་དང་ལུས་མེད་པ་ཡིན་པས། དེ་ལ་ཡང་ཅི་ཡང་སྤང་དུ་མེད་དོ། །བག་ལ་ཉལ་དང་བཅས་པ་ད་ལྟར་བྱུང་བ་གང་ཡིན་པ་དེ་ནི་སྐད་ཅིག་ལས་ལྷག་པར་མི་གནས་ཏེ་བག་ལ་ཉལ་དང་བཅས་པ་དང་བག་ལ་ཉལ་མེད་པའི་སེམས་གཉིས་འགྲོགས་པ་ནི་མེད་པས་དེའི་ཕྱིར་ད་ལྟར་བྱུང་བའང་མི་སྤོང་ངོ༌། །འོན་ཀྱང་གཞན་གྱི་སྒྲ་དང་བདག་ཉིད་ཀྱི་ཚུལ་བཞིན་ཡིད་ལ་བྱེད་པ་ལས་ཉོན་མོངས་པའི་གཉེན་པོའི་སེམས་ཡང་དག་པའི་ལྟ་བ་དང་མཚུངས་པར་ལྡན་པ་ནི་སྐྱེ་ལ་དེའི་མི་མཐུན་པའི་ཕྱོགས་བག་ལ་ཉལ་དང་བཅས་པའི་སེམས་ནི་འགགས་ཏེ། དེ་ལྟར་ན་དེ་སྐྱེ་བའི་དུས་གང་ཡིན་པ་དེ་ཉིད་དེ་འགག་པའི་དུས་ཡིན་པས་དེ་ཉིད་ཀྱི་སྐྱེ་བ་དང་འགག་པ་ནི་མགོ་མཉམ་དུ་རིག་པར་བྱའོ། །དེ་ལ་ཉོན་མོངས་པའི་གཉེན་པོའི་སེམས་ཡང་དག་པའི་ལྟ་བ་དང་མཚུངས་པར་ལྡན་པ་དེ་ནི་ད་ལྟར་བྱུང་བ་བག་ལ་ཉལ་མེད་པ་ཡིན་ནོ། །སྐད་ཅིག་དེ་ལས་ཐལ་བ་ནི་འདས་པ་བག་ལ་ཉལ་མེད་པ་ཡིན་ནོ། །མ་འོངས་པའང་བག་ལ་ཉལ་མེད་པ་ཡིན་ནོ། །དེ་ལྟར་གནས་གྱུར་ཏེ་བག་ལ་ཉལ་གྱི་རྒྱུན་ཡང་དག་པར་ཆད་ན་དེའི་རྗེས་སུ་སུ་འཇིག་རྟེན་པའི་དགེ་བ་དང་ལུང་དུ་མ་བསྟན་པའི་སེམས་དེའི་འོག་ཏུ་ཕྱིས་འབྱུང་བ་འདས་པ་དང་མ་འོངས་པ་དང་ད་ལྟར་བྱུང་བ་གང་ཡིན་པ་དེའང་བག་ལ་ཉལ་མེད་པས། དེའི་ཕྱིར་འདས་པའང་སྤངས་པ་ཡིན་ལ། ད་ལྟར་བྱུང་བ་དང་མ་འོངས་པ་ཡང་སྤངས་པ་ཞེས་བྱ་སྟེ།

ci 'das pa spong bar byed dam 'on te ma 'ongs pa'am da ltar byung ba spong bar byed ce na/ 'das pa'ang mi spong ma 'ongs pa'ang mi spong da ltar byung ba'ang mi spong mod kyi/ 'on kyang 'das pa dang ma 'ongs pa dang da ltar byung ba spong bar byed do/ /de la re zhig bag chags dang bcas pa 'das pa gang yin pa de ni rang gi ngang nyid kyis 'gags pa'i phyir spangs zin pa yin pas de la ni ci'ang spang du med do/ /ma 'ongs pa gang yin pa de ni ma byung ba dang lus med pa yin pas/ de la yang ci yang spang du med do/ /bag la nyal dang bcas pa da ltar byung ba gang yin pa de ni skad cig las lhag par mi gnas te bag la nyal dang bcas pa dang bag la nyal med pa'i sems gnyis 'grogs pa ni med pas de'i phyir da ltar byung ba'ang mi spong ngo/ /'on kyang gzhan gyi sgra dang bdag nyid kyi tshul bzhin yid la byed pa las nyon mongs pa'i gnyen po'i sems yang dag pa'i lta ba dang mtshungs par ldan pa ni skye la de'i mi mthun pa'i phyogs bag la nyal dang bcas pa'i sems ni 'gags te/ de ltar na de skye ba'i dus gang yin pa de nyid de 'gag pa'i dus yin pas de nyid kyi skye ba dang 'gag pa ni mgo mnyam du rig par bya'o/ /de la nyon mongs pa'i gnyen po'i sems yang dag pa'i lta ba dang mtshungs par ldan pa de ni da ltar byung ba bag la nyal med pa yin no/ /skad cig de las thal ba ni 'das pa bag la nyal med pa yin no/ /ma 'ongs pa'ang bag la nyal med pa yin no/ /de ltar gnas gyur te bag la nyal gyi rgyun yang dag par chad na de'i rjes su su 'jig rten pa'i dge ba dang lung du ma bstan pa'i sems de'i 'og tu phyis 'byung ba 'das pa dang ma 'ongs pa dang da ltar byung ba gang yin pa de'ang bag la nyal med pas/ de'i phyir 'das pa'ang spangs pa yin la/ da ltar byung ba dang ma 'ongs pa yang spangs pa zhes bya ste/

【H3 結】

དེ་ལྟར་ན་དེ་ནི་ཉོན་མོངས་པའི་ཀུན་ནས་ཉོན་མོངས་པའི་རྣམ་པར་བྱང་བའི་རབ་ཏུ་དབྱེ་བ་ཡིན་ནོ། །

de ltar na de ni nyon mongs pa'i kun nas nyon mongs pa'i rnam par byang ba'i rab tu dbye ba yin no/ /

【G4 迷斷差別】【H1 明迷斷】【I1 問】

དེ་ལ་ཉོན་མོངས་པའི་ཀུན་ནས་ཉོན་མོངས་པའི་ལོག་པར་བསྒྲུབ་པ་དང་སྤང་བར་བྱ་བའི་རབ་ཏུ་དབྱེ་བ་རྣམ་པར་གཞག་པ་གང་ཞེ་ན།

de la nyon mongs pa'i kun nas nyon mongs pa'i log par bsgrub pa dang spang bar bya ba'i rab tu dbye ba rnam par gzhag pa gang zhe na/

【I2 解】【J1 列三界十五斷門起惑多少】

དེ་ནི་མདོར་བསྡུ་ན་རྣམ་པ་བཅོ་ལྔར་བལྟ་བར་བྱ་སྟེ། འདོད་པ་དང་ལྡན་པའི་སྡུག་བསྔལ་དང༌། ཀུན་འབྱུང་བ་དང༌། འགོག་པ་དང༌། ལམ་མཐོང་བ་དང༌། བསྒོམས་པས་སྤང་བར་བྱ་བའི་ཟག་པ་རྣམས་དང༌། འདོད་པ་དང་ལྡན་པ་རྣམས་ལ་ལྔ་པོ་ཇི་ལྟ་བ་བཞིན་དུ་གཟུགས་དང་ལྡན་པ་རྣམས་དང་གཟུགས་མེད་པ་དང་ལྡན་པ་རྣམས་ཀྱང་དེ་བཞིན་ནོ། །དེ་ལ་འདོད་པ་ན་སྤྱོད་པའི་སྡུག་བསྔལ་ལ་ནི་ཉོན་མོངས་པ་བཅུ་པོ་ཐམས་ཅད་ལོག་པར་ཞུགས་པ་ཡིན་ནོ། །ཀུན་འབྱུང་བ་ལ་ནི་འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་མ་གཏོགས་པ་ཉོན་མོངས་པ་བརྒྱད་ལོག་པར་ཞུགས་པ་ཡིན་ནོ། །ཀུན་འབྱུང་བ་ལ་ཇི་ལྟ་བ་བཞིན་དུ་འགོག་པ་དང་ལམ་ལ་ཡང་དེ་བཞིན་ནོ། །གོང་མ་ལ་ནི་བདེན་པ་ཐམས་ཅད་ལ་ཁོང་ཁྲོ་བ་མ་གཏོགས་པ་རྣམས་འདོད་པའི་ཁམས་ནི་ཇི་ལྟ་བ་བཞིན་དུ་ལོག་པར་འཇུག་པ་གོ་རིམས་བཞིན་དུ་རིག་པར་བྱའོ། །

de ni mdor bsdu na rnam pa bco lngar blta bar bya ste/ 'dod pa dang ldan pa'i sdug bsngal dang/ kun 'byung ba dang/ 'gog pa dang/ lam mthong ba dang/ bsgoms pas spang bar bya ba'i zag pa rnams dang/ 'dod pa dang ldan pa rnams la lnga po ji lta ba bzhin du gzugs dang ldan pa rnams dang gzugs med pa dang ldan pa rnams kyang de bzhin no/ /de la 'dod pa na spyod pa'i sdug bsngal la ni nyon mongs pa bcu po thams cad log par zhugs pa yin no/ /kun 'byung ba la ni 'jig tshogs la lta ba dang mthar 'dzin par lta ba ma gtogs pa nyon mongs pa brgyad log par zhugs pa yin no/ /kun 'byung ba la ji lta ba bzhin du 'gog pa dang lam la yang de bzhin no/ /gong ma la ni bden pa thams cad la khong khro ba ma gtogs pa rnams 'dod pa'i khams ni ji lta ba bzhin du log par 'jug pa go rims bzhin du rig par bya'o/ /

【J2 隨別解釋】【K1 迷苦十】

ཇི་ལྟར་སྡུག་བསྔལ་གྱི་བདེན་པ་ལ་བག་ལ་ཉལ་བཅུ་ལོག་པར་ཞུགས་པ་ཡིན་ཞེ་ན། མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་ཞེས་བརྗོད་པ་ལ་བྱིས་པ་རྣམས་ནི་ཉེ་བར་ལེན་པའི་ཕུང་པོ་ལྔ་པོ་དེ་དག་ཉིད་ལ་འཇིག་ཚོགས་ལ་ལྟ་བའི་མུ་ཉི་ཤུ་ལས་མུ་ལྔས་བདག་ཏུ་ལྟ་བར་བྱེད་ལ། ལྷག་མ་རྣམས་ཀྱིས་ནི་བདག་གིར་ལྟ་བར་བྱེད་དེ། དེ་ལྟར་ན་འཇིག་ཚོགས་ལ་ལྟ་བ་ནི་སྡུག་བསྔལ་གྱི་བདེན་པ་ལ་ལོག་པར་ཞུགས་པ་ཡིན་པར་བལྟ་བར་བྱའོ། །འཇིག་ཚོགས་ལ་ལྟ་བ་དེ་ཉིད་ལ་བརྟེན་ནས་ཉེ་བར་ལེན་པའི་ཕུང་པོ་ལྔ་པོ་དེ་དག་ཉིད་ལ་རྟག་པའམ་ཆད་པ་ཡང་དག་པར་རྗེས་སུ་ལྟ་བས། དེའི་ཕྱིར་མཐར་ཕྱིན་པར་ལྟ་བ་ཡང་སྡུག་བསྔལ་ལ་ལོག་པར་ཞུགས་པ་ཡིན་ནོ། །ལེགས་པར་སྤྱད་པ་དང་ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ་ཞེས་བྱ་བའི་བར་དུ་ལོག་པར་ལྟ་བ་གང་ཡིན་པ་དེ་དང་ཕ་མེད་དོ། །མ་མེད་དོ། །སེམས་ཅན་རྫུས་ཏེ་སྐྱེ་བ་མེད་དོ་ཞེས་ལོག་པར་ལྟ་བ་གང་ཡིན་པ་དེའི་ཕྱོགས་གཅིག་ཀྱང་སྡུག་བསྔལ་ལ་ལོག་པར་ཞུགས་པ་ཡིན་ནོ། །ཕྱོགས་གཅིག་ནི་ཀུན་འབྱུང་བ་ལའོ། །གཞན་མུ་སྟེགས་ཅན་རྣམས་ཀྱི་སྡུག་བསྔལ་གྱི་བདེན་པ་ལ་སྐུར་པ་འདེབས་པའི་ལོག་པར་ལྟ་བ་དགེ་སྦྱོང་གཽ་ཏ་མས་ཉན་ཐོས་རྣམས་ལ་སྡུག་བསྔལ་གྱི་བདེན་པ་གདགས་པར་བྱས་པ་གང་ཡིན་པ་དེ་ནི་མེད་དོ་ཞེས་ཟེར་བ་གང་ཡིན་པ་དེའང་སྡུག་བསྔལ་ལ་ལོག་པར་ཞུགས་པ་ཡིན་ནོ། །དབང་ཕྱུག་དང་སྐྱེ་དགུའི་བདག་པོ་དང་བརྒྱ་བྱིན་དང་ཚངས་པ་ཞེས་བྱ་བ་དང་གང་དེ་ལྟ་བུ་དང་མཐུན་པ་གཞན་ལ་ཡང་རྟག་པ་དང་བརྟན་པ་དང་ཐེར་ཟུག་གོ་ཞེས་ལྟ་བ་གང་ཡིན་པ་ལོག་པར་ལྟ་བ་དེ་ནི་སྡུག་བསྔལ་ལ་ལོག་པར་ཞུགས་པ་ཡིན་ནོ། །མཐའ་དང་མཐའ་མེད་པར་སྨྲ་བ་རྣམས་ཀྱི་ལོག་པར་ལྟ་བ་གང་ཡིན་པ་དེ་ཡང་སྡུག་བསྔལ་ལ་ལོག་པར་ཞུགས་པ་ཡིན་ནོ། །དགེ་སྦྱོང་དང་བྲམ་ཟེ་ལྷ་མི་སྤོང་བར་སྨྲ་བ་རྣམས་ཀྱི་ལོག་པར་ལྟ་བ་གང་ཡིན་པ་དེའི་ཕྱོགས་གཅིག་ཀྱང་སྡུག་བསྔལ་གྱི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་མཆོག་ཏུ་འཛིན་པ་གང་གིས་སྡུག་བསྔལ་གྱི་བདེན་པ་ལ་ལོག་པར་ཞུགས་པའི་ལྟ་བ་དེ་དག་ལ་དམ་པར་མཆོག་ཏུ་འཛིན་ཅིང༌། དེས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ལྟ་བ་མཆོག་ཏུ་འཛིན་པ་དེའང་སྡུག་བསྔལ་གྱི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་དེ་དང་རྗེས་སུ་མཐུན་པ་དང་དེ་དང་མཐུན་པའི་ཆོས་ཚུལ་ཁྲིམས་དང་བརྟུལ་ཞུགས་ཡང་དག་པར་བླངས་པ་ལ་དམ་པར་མཆོག་ཏུ་འཛིན་ཅིང༌། དེས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་གང་ཡིན་པ་དེ་འང་སྡུག་བསྔལ་གྱི་བདེན་པ་ལ་ལོག་པར་ཞུགས་པ་ཡིན་ནོ། །དེ་ལ་གཞན་མུ་སྟེགས་ཅན་ཁ་ཅིག་ལྟ་བའི་རྣམ་པ་དེ་དག་ལ་གཅིག་ཏུ་ངེས་པར་མོས་པའང་མ་ཡིན་ལ་དེ་དག་སྡུག་བསྔལ་གྱི་བདེན་པ་གདགས་པ་མཛད་པ་འདི་ལ་གཅིག་ཏུ་ངེས་པར་སྐུར་པ་འདེབས་པའང་མ་ཡིན་མོད་ཀྱི་འོན་ཀྱང་སྡུག་བསྔལ་ཡིན་ནམ་འོན་ཏེ་སྡུག་བསྔལ་མ་ཡིན་སྙམ་དུ་ཡིད་གཉིས་ཅན་དུ་གྱུར་པ་གང་ཡིན་པ་དེ་དང་གཞན་ཡང་སྡུག་བསྔལ་ལ་ཡིད་གཉིས་ཟ་བ་གང་ཡིན་པའི་ཐེ་ཚོམ་དེའང་སྡུག་བསྔལ་ལ་ལོག་པར་ཞུགས་པ་ཡིན་ནོ། །ལྟ་བ་དེ་དག་ཉིད་ལ་མངོན་པར་ཆགས་པ་དང་ཞེན་པ་དང་ལྷག་པར་ཆགས་པ་དང་ལྟ་བ་ལ་འདོད་ཆགས་པའི་འདོད་ཆགས་དེའང་སྡུག་བསྔལ་ལ་ལོག་པར་ཞུགས་པ་ཡིན་ནོ། །དེ་དང་མི་མཐུན་པ་གཞག་གྱི་ལྟ་བ་དག་ལ་ཀུན་ནས་མནར་སེམས་པའི་ཁོང་ཁྲོ་བ་དེའང་སྡུག་བསྔལ་གྱི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་དེ་དག་ཉིད་ཀྱིས་ཁེངས་པའི་ང་རྒྱལ་དེའང་སྡུག་བསྔལ་གྱི་བདེན་པ་ཁོ་ན་ལ་ལོག་པར་ཞུགས་པ་ཡིན་ནོ། །ལྟ་བ་དེ་དག་དང་འདོད་ཆགས་ལ་སོགས་པ་ཉོན་མོངས་པ་དེ་དག་དང་མཚུངས་པར་ལྡན་པའི་མི་ཤེས་པ་གང་ཡིན་པ་དང་སྡུག་བསྔལ་གྱི་བདེན་པ་ལ་མི་ཤེས་པ་མ་འདྲེས་པ་འབའ་ཞིག་པ་གང་ཡིན་པ་དེའང་སྡུག་བསྔལ་གྱི་བདེན་པ་ལ་ལོག་པར་ཞུགས་པ་ཡིན་ཏེ། དེ་ལྟར་ན་ཉོན་མོངས་པ་བཅུ་པོ་དེ་དག་ནི་སྡུག་བསྔལ་གྱི་བདེན་པ་ལ་ལོག་པར་ཞུགས་པ་དང༌། སྡུག་བསྔལ་མཐོང་བས་སྤང་བར་བྱ་བ་དག་ཡིན་ནོ། །

ji ltar sdug bsngal gyi bden pa la bag la nyal bcu log par zhugs pa yin zhe na/ mdor na nye bar len pa'i phung po lnga sdug bsngal ba zhes brjod pa la byis pa rnams ni nye bar len pa'i phung po lnga po de dag nyid la 'jig tshogs la lta ba'i mu nyi shu las mu lngas bdag tu lta bar byed la/ lhag ma rnams kyis ni bdag gir lta bar byed de/ de ltar na 'jig tshogs la lta ba ni sdug bsngal gyi bden pa la log par zhugs pa yin par blta bar bya'o/ /'jig tshogs la lta ba de nyid la brten nas nye bar len pa'i phung po lnga po de dag nyid la rtag pa'am chad pa yang dag par rjes su lta bas/ de'i phyir mthar phyin par lta ba yang sdug bsngal la log par zhugs pa yin no/ /legs par spyad pa dang nyes par spyad pa'i las rnams kyi 'bras bu rnam par smin pa med do zhes bya ba'i bar du log par lta ba gang yin pa de dang pha med do/ /ma med do/ /sems can rdzus te skye ba med do zhes log par lta ba gang yin pa de'i phyogs gcig kyang sdug bsngal la log par zhugs pa yin no/ /phyogs gcig ni kun 'byung ba la'o/ /gzhan mu stegs can rnams kyi sdug bsngal gyi bden pa la skur pa 'debs pa'i log par lta ba dge sbyong gau ta mas nyan thos rnams la sdug bsngal gyi bden pa gdags par byas pa gang yin pa de ni med do zhes zer ba gang yin pa de'ang sdug bsngal la log par zhugs pa yin no/ /dbang phyug dang skye dgu'i bdag po dang brgya byin dang tshangs pa zhes bya ba dang gang de lta bu dang mthun pa gzhan la yang rtag pa dang brtan pa dang ther zug go zhes lta ba gang yin pa log par lta ba de ni sdug bsngal la log par zhugs pa yin no/ /mtha' dang mtha' med par smra ba rnams kyi log par lta ba gang yin pa de yang sdug bsngal la log par zhugs pa yin no/ /dge sbyong dang bram ze lha mi spong bar smra ba rnams kyi log par lta ba gang yin pa de'i phyogs gcig kyang sdug bsngal gyi bden pa la log par zhugs pa yin no/ /lta ba mchog tu 'dzin pa gang gis sdug bsngal gyi bden pa la log par zhugs pa'i lta ba de dag la dam par mchog tu 'dzin cing/ des dag pa dang grol ba dang nges par 'byung bar 'gyur ro zhes lta ba mchog tu 'dzin pa de'ang sdug bsngal gyi bden pa la log par zhugs pa yin no/ /lta ba de dang rjes su mthun pa dang de dang mthun pa'i chos tshul khrims dang brtul zhugs yang dag par blangs pa la dam par mchog tu 'dzin cing/ des dag pa dang grol ba dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de 'ang sdug bsngal gyi bden pa la log par zhugs pa yin no/ /de la gzhan mu stegs can kha cig lta ba'i rnam pa de dag la gcig tu nges par mos pa'ang ma yin la de dag sdug bsngal gyi bden pa gdags pa mdzad pa 'di la gcig tu nges par skur pa 'debs pa'ang ma yin mod kyi 'on kyang sdug bsngal yin nam 'on te sdug bsngal ma yin snyam du yid gnyis can du gyur pa gang yin pa de dang gzhan yang sdug bsngal la yid gnyis za ba gang yin pa'i the tshom de'ang sdug bsngal la log par zhugs pa yin no/ /lta ba de dag nyid la mngon par chags pa dang zhen pa dang lhag par chags pa dang lta ba la 'dod chags pa'i 'dod chags de'ang sdug bsngal la log par zhugs pa yin no/ /de dang mi mthun pa gzhag gyi lta ba dag la kun nas mnar sems pa'i khong khro ba de'ang sdug bsngal gyi bden pa la log par zhugs pa yin no/ /lta ba de dag nyid kyis khengs pa'i nga rgyal de'ang sdug bsngal gyi bden pa kho na la log par zhugs pa yin no/ /lta ba de dag dang 'dod chags la sogs pa nyon mongs pa de dag dang mtshungs par ldan pa'i mi shes pa gang yin pa dang sdug bsngal gyi bden pa la mi shes pa ma 'dres pa 'ba' zhig pa gang yin pa de'ang sdug bsngal gyi bden pa la log par zhugs pa yin te/ de ltar na nyon mongs pa bcu po de dag ni sdug bsngal gyi bden pa la log par zhugs pa dang/ sdug bsngal mthong bas spang bar bya ba dag yin no/ /

【K2 迷集八】

ཇི་ལྟར་ན་ཀུན་འབྱུང་བའི་བདེན་པ་ལ་བག་ལ་ཉལ་བརྒྱད་པོ་ལོག་པར་ཞུགས་པ་དག་ཡིན་ཞེ་ན། དགེ་སྦྱོང་དང་བྲམ་ཟེ་རྒྱུ་མེད་པར་སྨྲ་བ་རྣམས་ཀྱི་ལོག་པར་ལྟ་བ་གང་ཡིན་པ་དེ་དང་དགེ་སྦྱོང་དང་བྲམ་ཟེ་མི་མཐུན་པ་རྒྱུར་སྨྲ་བ་རྣམས་ཀྱི་དབང་ཕྱུག་ལ་སོགས་པ། དངོས་པོ་རྣམས་ཀྱི་བྱིན་པ་པོ་དང་སྤྲུལ་པ་པོ་དང་བྱེད་པ་པོ་ཡིན་ནོ་ཞེས་ལོག་པར་ལྟ་བ་གང་ཡིན་པ་དེ་དང༌། སྦྱིན་སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ་ཞེས་ལོག་པར་ལྟ་བ་གང་ཡིན་པ་དེ་དག་དགེ་སྦྱོང་དང་བྲམ་ཟེ་ལྷ་མི་སྤོང་བར་སྨྲ་བ་རྣམས་ཀྱི་ལོག་པར་ལྟ་བ་དེ་དག་ལས་ཕྱོགས་གཅིག་གང་ཡིན་པ་དང༌། གཞན་མུ་སྟེགས་ཅན་རྣམས་ཀྱི་ཀུན་འབྱུང་བའི་བདེན་པ་ལ་སྐུར་པ་འདེབས་པའི་ལོག་པར་ལྟ་བ་དགེ་སྦྱོང་གཽ་ཏ་མས་ཉན་ཐོས་རྣམས་ལ་ཀུན་འབྱུང་བའི་བདེན་པ་གདགས་པ་བྱས་པ་གང་ཡིན་པ་དེ་ནི་མེད་དོ་ཞེས་ཟེར་བ་གང་ཡིན་པའི་ལོག་པར་ལྟ་བ་དེ་དག་ནི་ཀུན་འབྱུང་བའི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་མཆོག་ཏུ་འཛིན་པ་གང་གིས་ལྟ་བ་དེ་དག་ལ་དམ་པར་མཆོག་ཏུ་འཛིན་ཅིང་དེ་དག་གིས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ལྟ་བ་མཆོག་ཏུ་འཛིན་པ་དེའང་ཀུན་འབྱུང་བའི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་དེ་དག་དང་རྗེས་སུ་མཐུན་པ་དང་དེ་དག་དང་མཐུན་པའི་ཆོས་ཚུལ་ཁྲིམས་དང་བརྟུལ་ཞུགས་ཡང་དག་པར་བླང་བ་དེ་ལ་དམ་པར་མཆོག་ཏུ་འཛིན་ཅིང་དེས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་གང་ཡིན་པ་དེ་ཡང་ཀུན་འབྱུང་བའི་བདེན་པ་ལ་ལོག་པར་ཞུགས་པ་ཡིན་ནོ། །ལྷག་མ་འདོད་ཆགས་ལ་སོགས་པ་ཐེ་ཚོམ་གྱི་མཐར་ཐུག་པ་རྣམས་ནི་སྔ་མ་བཞིན་དུ་བལྟ་བར་བྱ་སྟེ། དེ་ལྟར་ན་ཉོན་མོངས་པ་བརྒྱད་པོ་དེ་དག་ནི་ཀུན་འབྱུང་བའི་བདེན་པ་ལ་ལོག་པར་ཞུགས་པ་དང་ཀུན་འབྱུང་བ་མཐོང་བས་སྤང་བར་བྱ་བ་དག་ཡིན་ནོ། །

ji ltar na kun 'byung ba'i bden pa la bag la nyal brgyad po log par zhugs pa dag yin zhe na/ dge sbyong dang bram ze rgyu med par smra ba rnams kyi log par lta ba gang yin pa de dang dge sbyong dang bram ze mi mthun pa rgyur smra ba rnams kyi dbang phyug la sogs pa/ dngos po rnams kyi byin pa po dang sprul pa po dang byed pa po yin no zhes log par lta ba gang yin pa de dang/ sbyin sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do zhes log par lta ba gang yin pa de dag dge sbyong dang bram ze lha mi spong bar smra ba rnams kyi log par lta ba de dag las phyogs gcig gang yin pa dang/ gzhan mu stegs can rnams kyi kun 'byung ba'i bden pa la skur pa 'debs pa'i log par lta ba dge sbyong gau ta mas nyan thos rnams la kun 'byung ba'i bden pa gdags pa byas pa gang yin pa de ni med do zhes zer ba gang yin pa'i log par lta ba de dag ni kun 'byung ba'i bden pa la log par zhugs pa yin no/ /lta ba mchog tu 'dzin pa gang gis lta ba de dag la dam par mchog tu 'dzin cing de dag gis dag pa dang grol ba dang nges par 'byung bar 'gyur ro zhes lta ba mchog tu 'dzin pa de'ang kun 'byung ba'i bden pa la log par zhugs pa yin no/ /lta ba de dag dang rjes su mthun pa dang de dag dang mthun pa'i chos tshul khrims dang brtul zhugs yang dag par blang ba de la dam par mchog tu 'dzin cing des dag pa dang grol ba dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de yang kun 'byung ba'i bden pa la log par zhugs pa yin no/ /lhag ma 'dod chags la sogs pa the tshom gyi mthar thug pa rnams ni snga ma bzhin du blta bar bya ste/ de ltar na nyon mongs pa brgyad po de dag ni kun 'byung ba'i bden pa la log par zhugs pa dang kun 'byung ba mthong bas spang bar bya ba dag yin no/ /

【K3 迷滅八】

ཇི་ལྟར་ན་བག་ལ་ཉལ་བརྒྱད་འགོག་པའི་བདེན་པ་ལ་ལོག་པར་ཞུགས་པ་ཡིན་ཞེ་ན། དགེ་སྦྱོང་དང་བྲམ་ཟེ་མཐའ་དང་མཐའ་མེད་པ་དང་ལྷ་མི་སྤོང་བར་སྨྲ་བ་རྣམས་ཀྱི་ལྟ་བའི་ཕྱོགས་གཅིག་གང་ཡིན་པ་དང་དགེ་སྦྱོང་དང་བྲམ་ཟེ་ཚེ་འདི་ལ་མྱ་ངན་ལས་འདའ་བར་སྨྲ་བ་རྣམས་ཀྱི་ལོག་པར་ལྟ་བ་གང་ཡིན་པ་དང༌། རྒྱས་པར་འཇིག་རྟེན་ན་དགྲ་བཅོམ་པ་དག་མེད་དོ་ཞེས་ལོག་པར་ལྟ་བ་གང་ཡིན་པ་ལས་དགྲ་བཅོམ་པ་དེ་དག་ཀྱང་སྤོངས་པས་རབ་ཏུ་ཕྱེ་བ་དང་ཤེས་པས་རབ་ཏུ་ཕྱེ་བ་སྟེ། དེ་ལ་སྤངས་པ་ལ་སྐུར་པ་འདེབས་པའི་ལོག་པར་ལྟ་བ་གང་ཡིན་པ་དག་གཞན་མུ་སྟེགས་ཅན་རྣམས་ཀྱི་འགོག་པའི་བདེན་པ་ལ་སྐུར་པ་འདེབས་པ་རྣམས་ཀྱི་ལོག་པར་ལྟ་བ་སྔ་མ་ལྟ་བུ་གང་ཡིན་པ་དང༌། དེ་དག་གི་ལོག་པའི་ཐར་པ་ཡོངས་སུ་བརྟགས་པའི་ལྟ་བ་གང་ཡིན་པའི་ལོག་པར་ལྟ་བ་དེ་དག་ནི་འགོག་པའི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་དེ་དག་ལ་ལྟ་བ་མཆོག་ཏུ་འཛིན་པས་སྔ་མ་བཞིན་དུ་དམ་པར་མཆོག་ཏུ་འཛིན་པའི་ལྟ་བ་མཆོག་ཏུ་འཛིན་པ་གང་ཡིན་པ་དེའང་འགོག་པའི་བདེན་པ་ལ་ལོག་པར་ཞུགས་པ་ཡིན་ནོ། །ལྟ་བ་དེ་དག་དང་རྗེས་སུ་མཐུན་པ་དང་དེ་དག་དང་མཐུན་པའི་ཆོས་ཚུལ་ཁྲིམས་དང་བརྟུལ་ཞུགས་ཡང་དག་པར་བླང་བ་དེ་ལ་དམ་པར་མཆོག་ཏུ་འཛིན་ཅིང༌། དེས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་གང་ཡིན་པ་དེའང་འགོག་པའི་བདེན་པ་ལ་ལོག་པར་ཞུགས་པ་ཡིན་ནོ། །ཁོང་ཁྲོ་བ་མ་གཏོགས་པ་ལྷག་མ་འདོད་ཆགས་ལ་སོགས་པ་ནི་སྔ་མ་བཞིན་དུ་རིག་པར་བྱའོ༑ །འགོག་པ་ལ་སྐྲག་པའི་སེམས་དང་ཀུན་ནས་མནར་སེམས་ཀྱི་སེམས་དང་ཁོང་ཁྲོ་བའི་སེམས་དང་ལྡན་པའི་ཁོང་ཁྲོ་བ་གང་ཡིན་པ་དེ་ཡང་འགོག་པའི་བདེན་པ་ལ་ལོག་པར་ཞུགས་པ་ཡིན་ཏེ། ལྷག་མ་ནི་སྔ་མ་བཞིན་ནོ། །དེ་ལྟར་ན་བག་ལ་ཉལ་བརྒྱད་པོ་དེ་དག་ནི་འགོག་པའི་བདེན་པ་ལ་ལོག་པར་ཞུགས་པ་དང་འགོག་པ་མཐོང་བས་སྤང་བར་བྱ་བ་དག་ཡིན་ནོ། །

ji ltar na bag la nyal brgyad 'gog pa'i bden pa la log par zhugs pa yin zhe na/ dge sbyong dang bram ze mtha' dang mtha' med pa dang lha mi spong bar smra ba rnams kyi lta ba'i phyogs gcig gang yin pa dang dge sbyong dang bram ze tshe 'di la mya ngan las 'da' bar smra ba rnams kyi log par lta ba gang yin pa dang/ rgyas par 'jig rten na dgra bcom pa dag med do zhes log par lta ba gang yin pa las dgra bcom pa de dag kyang spongs pas rab tu phye ba dang shes pas rab tu phye ba ste/ de la spangs pa la skur pa 'debs pa'i log par lta ba gang yin pa dag gzhan mu stegs can rnams kyi 'gog pa'i bden pa la skur pa 'debs pa rnams kyi log par lta ba snga ma lta bu gang yin pa dang/ de dag gi log pa'i thar pa yongs su brtags pa'i lta ba gang yin pa'i log par lta ba de dag ni 'gog pa'i bden pa la log par zhugs pa yin no/ /lta ba de dag la lta ba mchog tu 'dzin pas snga ma bzhin du dam par mchog tu 'dzin pa'i lta ba mchog tu 'dzin pa gang yin pa de'ang 'gog pa'i bden pa la log par zhugs pa yin no/ /lta ba de dag dang rjes su mthun pa dang de dag dang mthun pa'i chos tshul khrims dang brtul zhugs yang dag par blang ba de la dam par mchog tu 'dzin cing/ des dag pa dang grol ba dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de'ang 'gog pa'i bden pa la log par zhugs pa yin no/ /khong khro ba ma gtogs pa lhag ma 'dod chags la sogs pa ni snga ma bzhin du rig par bya'o| /'gog pa la skrag pa'i sems dang kun nas mnar sems kyi sems dang khong khro ba'i sems dang ldan pa'i khong khro ba gang yin pa de yang 'gog pa'i bden pa la log par zhugs pa yin te/ lhag ma ni snga ma bzhin no/ /de ltar na bag la nyal brgyad po de dag ni 'gog pa'i bden pa la log par zhugs pa dang 'gog pa mthong bas spang bar bya ba dag yin no/ /

【K4 迷道八】

དེ་ལ་ཇི་ལྟར་ན་བག་ལ་ཉལ་བརྒྱད་ལམ་གྱི་བདེན་པ་ལ་ལོག་པར་ཞུགས་པ་ཡིན་ཞེ་ན། འཇིག་རྟེན་ན་དགྲ་བཅོམ་པ་མེད་དོ་ཞེས་རྒྱས་པར་བྱ་བ་དེ་ལ་ཤེས་པ་སྔོན་དུ་འགྲོ་བའི་འདུས་བྱས་ཟག་པ་མེད་པའི་ཆོས་རྣམས་ལ་སྐུར་པ་འདེབས་པའི་ལོག་པར་ལྟ་བ་གང་ཡིན་པ་དེ་ནི་ལམ་ལ་ལོག་པར་ཞུགས་པ་ཡིན་ནོ། །ལྷ་མི་སྤོང་བ་རྣམས་ཀྱི་ལོག་པར་ལྟ་བའི་ཕྱོགས་གཅིག་གང་ཡིན་པ་དེ་ཡང་ལམ་ལ་ལོག་པར་ཞུགས་པ་ཡིན་ནོ། །གཞན་མུ་སྟེགས་ཅན་རྣམས་ཀྱི་ལམ་ལ་སྐུར་པ་འདེབས་པའི་ལོག་པར་ལྟ་བ་དགེ་སྦྱོང་གཽ་ཏ་མས་ཉན་ཐོས་རྣམས་ལ་ངེས་པར་འབྱུང་བའི་ལམ་བསྟན་པ་གང་ཡིན་པ་དེ་ནི་ངེས་པར་འབྱིན་པ་མ་ཡིན་ནོ། །དེ་ནི་སྡུག་བསྔལ་ཟད་པར་བྱ་བའི་ཕྱིར་ངེས་པར་འབྱིན་པ་མ་ཡིན་ནོ་ཞེས་ཟེར་བ་དང་བདག་མེད་པར་ལྟ་བའི་ཚུལ་ཁྲིམས་དང་བརྟུལ་ཞུགས་ཡང་དག་པར་བླང་བ་དང་དེ་དང་མཐུན་པའི་ཆོས་གདགས་པ་བྱས་པ་གང་ཡིན་པ་དེ་ཡང་ལམ་ངན་པ་ཡིན་ནོ། །དེ་ཡང་ལམ་བཟང་པོ་མ་ཡིན་ནོ་ཞེས་ཟེར་བའི་ལོག་པར་ལྟ་བ་གང་ཡིན་པ་དེ་ཡང་ལམ་ལ་ལོག་པར་ཞུགས་པ་ཡིན་ནོ། །དེ་དག་འདི་སྙམ་དུ་སེམས་ཏེ་བདག་ཅག་གི་ལམ་གང་ཡིན་པ་དང༌། བསྒྲུབ་པ་གང་ཡིན་པ་དེ་ནི་སྡུག་བསྔལ་ཟད་པར་བྱ་བའི་ཕྱིར་ངེས་པར་འབྱིན་པ་ཡིན་ནོ་སྙམ་པའི་ལོག་པར་ལྟ་བ་གང་ཡིན་པ་དེ་ཡང་ལམ་གྱི་བདེན་པ་ཁོ་ན་ལ་ལོག་པར་ཞུགས་པ་ཡིན་ནོ། །ལྟ་བ་མཆོག་ཏུ་འཛིན་པ་གང་གིས་ལོག་པར་ལྟ་བ་དེ་ལ་དམ་པར་མཆོག་ཏུ་འཛིན་ཅིང༌། དེས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ལྟ་བ་མཆོག་ཏུ་འཛིན་པ་གང་ཡིན་པ་དེ་ཡང་ལམ་ལ་ལོག་པར་ཞུགས་པ་ཡིན་ནོ། །དེ་དང་རྗེས་སུ་མཐུན་པ་དང་དེ་དང་མཐུན་པའི་ཆོས་ཚུལ་ཁྲིམས་དང་བརྟུལ་ཞུགས་ཡང་དག་པར་བླང་བ་ལ་དམ་པར་མཆོག་ཏུ་འཛིན་ཅིང་དེས་དག་པ་དང་གྲོལ་བ་དང་ངེས་པར་འབྱུང་བར་འགྱུར་རོ་ཞེས་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་གང་ཡིན་པ་དེ་ཡང་ལམ་ལ་ལོག་པར་ཞུགས་པ་ཡིན་ནོ། །ལྷག་མ་ནི་འགོག་པའི་བདེན་པ་བཞིན་དུ་བལྟ་བར་བྱའོ། །ཇི་ལྟར་འདོད་ཆགས་ལ་སོགས་པ་ཉོན་མོངས་པ་རྣམས་ལམ་གྱི་བདེན་པ་ལ་ལོག་པར་འཇུག་པ་དེ་བཞིན་དུ་བག་ལ་ཉལ་བརྒྱད་པོ་དེ་དག་ཀྱང་ལམ་གྱི་བདེན་པ་ལ་ལོག་པར་ཞུགས་པ་དང་ལམ་མཐོང་བས་སྤང་བར་བྱ་བ་དག་ཡིན་ཏེ། དེ་དག་ནི་མཐོང་བས་སྤང་བར་བྱ་བའི་ཟག་པ་རྣམས་ཞེས་བྱའོ། །

de la ji ltar na bag la nyal brgyad lam gyi bden pa la log par zhugs pa yin zhe na/ 'jig rten na dgra bcom pa med do zhes rgyas par bya ba de la shes pa sngon du 'gro ba'i 'dus byas zag pa med pa'i chos rnams la skur pa 'debs pa'i log par lta ba gang yin pa de ni lam la log par zhugs pa yin no/ /lha mi spong ba rnams kyi log par lta ba'i phyogs gcig gang yin pa de yang lam la log par zhugs pa yin no/ /gzhan mu stegs can rnams kyi lam la skur pa 'debs pa'i log par lta ba dge sbyong gau ta mas nyan thos rnams la nges par 'byung ba'i lam bstan pa gang yin pa de ni nges par 'byin pa ma yin no/ /de ni sdug bsngal zad par bya ba'i phyir nges par 'byin pa ma yin no zhes zer ba dang bdag med par lta ba'i tshul khrims dang brtul zhugs yang dag par blang ba dang de dang mthun pa'i chos gdags pa byas pa gang yin pa de yang lam ngan pa yin no/ /de yang lam bzang po ma yin no zhes zer ba'i log par lta ba gang yin pa de yang lam la log par zhugs pa yin no/ /de dag 'di snyam du sems te bdag cag gi lam gang yin pa dang/ bsgrub pa gang yin pa de ni sdug bsngal zad par bya ba'i phyir nges par 'byin pa yin no snyam pa'i log par lta ba gang yin pa de yang lam gyi bden pa kho na la log par zhugs pa yin no/ /lta ba mchog tu 'dzin pa gang gis log par lta ba de la dam par mchog tu 'dzin cing/ des dag pa dang grol ba dang nges par 'byung bar 'gyur ro zhes lta ba mchog tu 'dzin pa gang yin pa de yang lam la log par zhugs pa yin no/ /de dang rjes su mthun pa dang de dang mthun pa'i chos tshul khrims dang brtul zhugs yang dag par blang ba la dam par mchog tu 'dzin cing des dag pa dang grol ba dang nges par 'byung bar 'gyur ro zhes tshul khrims dang brtul zhugs mchog tu 'dzin pa gang yin pa de yang lam la log par zhugs pa yin no/ /lhag ma ni 'gog pa'i bden pa bzhin du blta bar bya'o/ /ji ltar 'dod chags la sogs pa nyon mongs pa rnams lam gyi bden pa la log par 'jug pa de bzhin du bag la nyal brgyad po de dag kyang lam gyi bden pa la log par zhugs pa dang lam mthong bas spang bar bya ba dag yin te/ de dag ni mthong bas spang bar bya ba'i zag pa rnams zhes bya'o/ /

【K5 修道所斷迷斷】

བསྒོམ་པས་སྤང་བར་བྱ་བའི་ཟག་པ་རྣམས་གང་ཞེ་ན། འདོད་པ་ན་སྤྱོད་པའི་ཁོང་ཁྲོ་བ་དང༌། ཁམས་གསུམ་ན་སྤྱོད་པ་གསུམ་སྟེ། འདོད་ཆགས་དང་ང་རྒྱལ་དང་མ་རིག་པའོ། །དེ་དག་ཀྱང་ལམ་མཆོག་ཏུ་གོམས་པས་སྤོང་བར་འགྱུར་བས་དེའི་ཕྱིར་བསྒོམ་པས་སྤང་བར་བྱ་བ་རྣམས་ཞེས་བྱའོ། །ཁམས་ཁམས་དང་ས་ས་ན་ཆུང་ངུ་དང་འབྲིང་དང་ཆེན་པོ་རྣམ་པ་གསུམ་གསུམ་ཡོད་པ་དེ་དག་སྤང་བའི་ཕྱིར་ལམ་ཡང་རྣམ་པ་གསུམ་ཁོ་ནར་འགྱུར་ཏེ་ལམ་ཆུང་ངུ་ནི་ཟག་པ་ཆེན་པོ་རྣམས་སྤོང་བའི་ཕྱིར་འཇུག་པར་འགྱུར་རོ། །ལམ་འབྲིང་ནི་ཟག་པ་འབྲིང་རྣམས་ཀྱིའོ། །ལམ་ཆེན་པོ་ནི་ཟག་པ་ཆུང་ངུ་རྣམས་སྤོང་བའི་ཕྱིར་འཇུག་པར་འགྱུར་རོ། །བསྒོམ་པས་སྤང་བར་བྱ་བའི་ཟག་པ་དེ་དག་ཀྱང་རང་གི་ངང་ཁོ་ནས་ཟག་པ་དང་བཅས་པའི་དངོས་པོ་ལ་ཞུགས་པ་དང་ཡུན་རིང་པོ་ནས་ཡེ་ཡོད་པ་ཡིན་པས། དེའི་ཕྱིར་དབྲལ་དཀའ་བ་ཡིན་པས་རང་གི་དངོས་པོ་ལ་ལོག་པར་ཞུགས་པ་ཡིན་ཏེ།

bsgom pas spang bar bya ba'i zag pa rnams gang zhe na/ 'dod pa na spyod pa'i khong khro ba dang/ khams gsum na spyod pa gsum ste/ 'dod chags dang nga rgyal dang ma rig pa'o/ /de dag kyang lam mchog tu goms pas spong bar 'gyur bas de'i phyir bsgom pas spang bar bya ba rnams zhes bya'o/ /khams khams dang sa sa na chung ngu dang 'bring dang chen po rnam pa gsum gsum yod pa de dag spang ba'i phyir lam yang rnam pa gsum kho nar 'gyur te lam chung ngu ni zag pa chen po rnams spong ba'i phyir 'jug par 'gyur ro/ /lam 'bring ni zag pa 'bring rnams kyi'o/ /lam chen po ni zag pa chung ngu rnams spong ba'i phyir 'jug par 'gyur ro/ /bsgom pas spang bar bya ba'i zag pa de dag kyang rang gi ngang kho nas zag pa dang bcas pa'i dngos po la zhugs pa dang yun ring po nas ye yod pa yin pas/ de'i phyir dbral dka' ba yin pas rang gi dngos po la log par zhugs pa yin te/

【I3 結】

དེ་ནི་ཉོན་མོངས་པའི་ཀུན་ནས་ཉོན་མོངས་པའི་ལོག་པར་འཇུག་པ་དང་སྤང་བར་བྱ་བའི་རབ་ཏུ་དབྱེ་བ་རྣམ་པར་གཞག་པ་ཞེས་བྱའོ། །

de ni nyon mongs pa'i kun nas nyon mongs pa'i log par 'jug pa dang spang bar bya ba'i rab tu dbye ba rnam par gzhag pa zhes bya'o/ /

【H2 明緣境】

མཐོང་བ་དང་བསྒོམ་པས་སྤང་བར་བྱ་བའི་ཟག་པ་ཇི་སྐད་བསྟན་པ་དེ་དག་གི་དམིགས་པ་ནི་མདོར་བསྡུ་ན་རྣམ་པ་ལྔར་རིག་པར་བྱ་སྟེ། ལོག་པར་རྣམ་པར་བརྟགས་པའི་དངོས་པོ་ལ་དམིགས་པ་དང༌། ལྟ་བ་ལ་དམིགས་པ་དང༌། ཚུལ་ཁྲིམས་དང་བརྟུལ་ཞུགས་ལ་དམིགས་པ་དང༌། རང་གིས་རྣམ་པར་བརྟགས་པའི་མིང་ལ་དམིགས་པ་དང༌། རང་གི་ངང་གིས་ཡེ་ཡོད་པའི་དངོས་པོ་ལ་དམིགས་པའོ། །དེ་ལ་གང་དག་སྡུག་བསྔལ་དང་ཀུན་འབྱུང་བའི་བདེན་པ་ལ་དམིགས་པ་དེ་དག་ནི་ལོག་པར་རྣམ་པར་བརྟགས་པའི་དངོས་པོ་ལ་དམིགས་པ་ཞེས་བྱའོ། །ཐེ་ཚོམ་མ་གཏོགས་པ་ལྟ་བ་མཆོག་ཏུ་འཛིན་པ་དང་། འདོད་ཆགས་ལ་སོགས་པ་མཐོང་བས་སྤང་བར་བྱ་བ་དག་ནི་ལྟ་བ་ལ་མཆོག་ཏུ་དམིགས་པ་ཞེས་བྱའོ། །ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ནི་ཚུལ་ཁྲིམས་དང་བརྟུལ་ཞུགས་ལ་དམིགས་པ་ཞེས་བྱའོ། །འགོག་པ་དང་ལམ་ལ་དམིགས་པ་དང་ཁམས་མི་འདྲ་བ་དག་ལ་དམིགས་པ་དག་ནི་རང་གིས་རྣམ་པར་བརྟགས་པའི་མིང་ལ་དམིགས་པ་ཞེས་བྱ་སྟེ། ཉོན་མོངས་པ་ནི་ནམ་ཡང་འགོག་པ་དང་ལམ་ལ་དམིགས་པར་མ་གྱུར་དམིགས་པར་མི་བྱེད་དམིགས་པར་མི་འགྱུར་ལ་ཁམས་མི་འདྲ་བ་ལ་ཡང་མ་ཡིན་པའི་ཕྱིར་རོ། །གང་དག་བསྒོམ་པས་སྤང་བར་བྱ་བ་དེ་དག་ནི་རང་གི་ངང་གིས་ཡེ་ཡོད་པའི་དངོས་པོ་ལ་དམིགས་པ་ཞེས་བྱའོ། །

mthong ba dang bsgom pas spang bar bya ba'i zag pa ji skad bstan pa de dag gi dmigs pa ni mdor bsdu na rnam pa lngar rig par bya ste/ log par rnam par brtags pa'i dngos po la dmigs pa dang/ lta ba la dmigs pa dang/ tshul khrims dang brtul zhugs la dmigs pa dang/ rang gis rnam par brtags pa'i ming la dmigs pa dang/ rang gi ngang gis ye yod pa'i dngos po la dmigs pa'o/ /de la gang dag sdug bsngal dang kun 'byung ba'i bden pa la dmigs pa de dag ni log par rnam par brtags pa'i dngos po la dmigs pa zhes bya'o/ /the tshom ma gtogs pa lta ba mchog tu 'dzin pa dang / 'dod chags la sogs pa mthong bas spang bar bya ba dag ni lta ba la mchog tu dmigs pa zhes bya'o/ /tshul khrims dang brtul zhugs mchog tu 'dzin pa ni tshul khrims dang brtul zhugs la dmigs pa zhes bya'o/ /'gog pa dang lam la dmigs pa dang khams mi 'dra ba dag la dmigs pa dag ni rang gis rnam par brtags pa'i ming la dmigs pa zhes bya ste/ nyon mongs pa ni nam yang 'gog pa dang lam la dmigs par ma gyur dmigs par mi byed dmigs par mi 'gyur la khams mi 'dra ba la yang ma yin pa'i phyir ro/ /gang dag bsgom pas spang bar bya ba de dag ni rang gi ngang gis ye yod pa'i dngos po la dmigs pa zhes bya'o/ /

【G5 對治差別】【H1 問】

དེ་ལ་ཉོན་མོངས་པའི་ཀུན་ནས་ཉོན་མོངས་པའི་གཉེན་པོའི་རབ་ཏུ་དབྱེ་བ་རྣམ་པར་གཞག་པ་གང་ཞེ་ན།

de la nyon mongs pa'i kun nas nyon mongs pa'i gnyen po'i rab tu dbye ba rnam par gzhag pa gang zhe na/

【H2 答】【I1 四種對治】

དེ་ནི་མདོར་བསྡུ་ན་རྣམ་པ་བཞིར་བལྟ་བར་བྱ་སྟེ། རྒྱུད་ཡོངས་སུ་སྨིན་པར་བྱེད་པའི་གཉེན་པོ་དང༌། ཉེ་བར་སྤོང་བའི་གཉེན་པོ་དང༌། ཕྱོགས་གཅིག་སྤོང་བའི་གཉེན་པོ་དང༌། མཐའ་དག་སྤོང་བའི་གཉེན་པོའོ༑ །དེ་ལ་ཚོགས་ཀྱི་ལམ་རྣམ་པ་བཅུ་གསུམ་པོ་ཉན་ཐོས་ཀྱི་སར་ཇི་སྐད་བསྟན་པ་ཐམས་ཅད་ནི་རྒྱུ་ཡོངས་སུ་སྨིན་པར་བྱེད་པའི་གཉེན་པོ་ཞེས་བྱའོ། །ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བ་དྲོ་བར་གྱུར་པ་དང་རྩེ་མོ་དང་བཟོད་པ་དང༌། འཇིག་རྟེན་པའི་ཆོས་ཀྱི་མཆོག་ཉན་ཐོས་ཀྱི་ས་ཉིད་དུ་ཇི་སྐད་བསྟན་པ་རྣམས་ནི་ཉེ་བར་སྤོང་བའི་གཉེན་པོ་ཞེས་བྱའོ། །དེ་ལ་མཐོང་བའི་ལམ་ནི་ཕྱོགས་གཅིག་སྤོང་བའི་གཉེན་པོ་ཞེས་བྱའོ། །བསྒོམ་པའི་ལམ་ནི་མཐའ་དག་སྤོང་བའི་གཉེན་པོ་ཞེས་བྱའོ། །དེ་ལ་མཐོང་བའི་ལམ་ལ་ཡང་དག་པར་ཞུགས་པའི་འཕགས་པའི་གང་ཟག་གི་ཤེས་པར་སྤྱོད་པ་ནི་ཇི་ལྟ་བུ་ཡིན། སེམས་དུ་ཞིག་གིས་ནི་མཐོང་བའི་ལམ་ཡོངས་སུ་རྫོགས་པར་འགྱུར། ཅི་མཐོང་བས་སྤང་བར་བྱ་བའི་ཉོན་མོངས་པ་ནི་ཅིག་ཅར་རམ་རིམ་གྱིས་སམ་ཇི་ལྟར་སྤོང་བར་བྱེད་ཅེ་ན། མཐོང་བའི་ལམ་ལ་ཡང་དག་པར་ཞུགས་པའི་འཕགས་པའི་གང་ཟག་གིས་ཤེས་པའི་སྤྱོད་པ་ནི་མཚན་མ་མེད་པ་ཡིན་ཏེ། དེ་ནི་ཤེས་པས་སྡུག་བསྔལ་ལ་དམིགས་པར་བྱེད་མོད་ཀྱི་དེ་དེའི་ཚེ་ན་སྡུག་བསྔལ་གྱི་དངོས་པོ་དེ་ལ་སྡུག་བསྔལ་ལོ་སྙམ་པའི་རྣམ་པར་རྟོག་པའམ་མཚན་མར་འཛིན་པ་ནི་མི་འབྱུང་ངོ༌། །སྡུག་བསྔལ་ཇི་ལྟ་བ་བཞིན་དུ་ཀུན་འབྱུང་བ་དང་འགོག་པ་དང་ལམ་རྣམས་ལ་ཡང་དེ་བཞིན་ཏེ་དེ་དེའི་ཚེ་ན་སྔོན་ཀུན་རྫོབ་ཀྱི་ཤེས་པས་རྣམ་པར་དཔྱད་པའི་བདེན་པ་དག་ལ་སྔོན་འདུ་ཤེས་དང་མཚན་མ་ལས་རྣམ་པར་གྲོལ་བས་རྣམ་པར་གྲོལ་བའི་ཤེས་པ་སྤྲོས་པ་མེད་པ་དོན་ཙམ་འབའ་ཞིག་ཤེས་པའི་དེ་བཞིན་ཉིད་ལ་དམིགས་པ་མཚན་མ་མེད་པ་འབའ་ཞིག་འཇུག་པར་འགྱུར་ཏེ། དེའི་ཚེ་ན་དེའི་ཤེས་པའི་སྤྱོད་པ་ནི་དེ་ལྟ་བུ་ཡིན་ནོ། །མཐོང་བའི་ལམ་གྱི་རྣམ་པར་གཞག་པ་ནི་རྣམ་པ་གཉིས་ཏེ། བསྟན་པ་གནས་པའི་རྒྱས་པ་རྣམ་པར་གཞག་པ་སྤྲོས་པ་དང་བཅས་པ་དང༌། དོན་དམ་པ་རྣམ་པར་གཞག་པ་སོ་སོ་རང་གི་རིག་པ་སྤྲོས་པ་མེད་པའོ། །དེ་ལ་རྣམ་པར་གཞག་པ་དང་པོའི་དབང་དུ་བྱས་ནས་ཆོས་ཤེས་པའི་ཕྱོགས་དང་མཐུན་པའི་སེམས་བཞི་དང༌། རྗེས་སུ་རྟོགས་པ་ཤེས་པའི་ཕྱོགས་དང་མཐུན་པའི་སེམས་བཞི་དང༌། དུས་ཇི་སྲིད་དུ་སེམས་བརྒྱད་པོ་དེ་དག་འབྱུང་བར་འགྱུར་བའི་དུས་དེ་སྲིད་དུ་དེའི་མཇུག་ཐོགས་སུ་ཡོངས་སུ་བསྒོམས་པའི་སེམས་ཞི་གནས་འབའ་ཞིག་ལ་ཞུགས་པ་གཅིག་ཀྱང་འབྱུང་བར་འགྱུར་ཏེ། དེ་དག་བསྡུས་ན་སེམས་དགུར་འགྱུར་བས་དེ་དག་གིས་མཐོང་བའི་ལམ་ཡོངས་སུ་རྫོགས་པར་འགྱུར་ཏེ། དུས་ཇི་སྲིད་ཀྱིས་སྡུག་བསྔལ་གྱི་བདེན་པ་ཇི་ལྟར་བཏགས་པའི་རྣམ་པར་རིག་པས་ཡོངས་སུ་རྫོགས་པར་འགྱུར་བ་དེ་ནི་སེམས་གཅིག་ཅེས་བརྗོད་པར་བྱའོ། །རྣམ་པར་གཞག་པ་གཉིས་པའི་དབང་དུ་བྱས་ནས་དེ་བཞིན་ཉིད་ཤེས་པ་དང་མཚུངས་པར་ལྡན་པ་གཅིག་ཁོ་ནས་སེམས་ཀྱི་རང་བཞིན་ལས་བརྩམས་ཏེ་མཐོང་བའི་ལམ་ཡོངས་སུ་རྫོགས་པར་འགྱུར་རོ༑ །འདིར་ཞི་གནས་ཀྱི་ལམ་ནི་སྔ་མ་ཁོ་ན་བཞིན་དུ་བལྟ་བར་བྱའོ། །

de ni mdor bsdu na rnam pa bzhir blta bar bya ste/ rgyud yongs su smin par byed pa'i gnyen po dang/ nye bar spong ba'i gnyen po dang/ phyogs gcig spong ba'i gnyen po dang/ mtha' dag spong ba'i gnyen po'o| /de la tshogs kyi lam rnam pa bcu gsum po nyan thos kyi sar ji skad bstan pa thams cad ni rgyu yongs su smin par byed pa'i gnyen po zhes bya'o/ /nges par 'byed pa'i cha dang mthun pa'i dge ba'i rtsa ba dro bar gyur pa dang rtse mo dang bzod pa dang/ 'jig rten pa'i chos kyi mchog nyan thos kyi sa nyid du ji skad bstan pa rnams ni nye bar spong ba'i gnyen po zhes bya'o/ /de la mthong ba'i lam ni phyogs gcig spong ba'i gnyen po zhes bya'o/ /bsgom pa'i lam ni mtha' dag spong ba'i gnyen po zhes bya'o/ /de la mthong ba'i lam la yang dag par zhugs pa'i 'phags pa'i gang zag gi shes par spyod pa ni ji lta bu yin/ sems du zhig gis ni mthong ba'i lam yongs su rdzogs par 'gyur/ ci mthong bas spang bar bya ba'i nyon mongs pa ni cig car ram rim gyis sam ji ltar spong bar byed ce na/ mthong ba'i lam la yang dag par zhugs pa'i 'phags pa'i gang zag gis shes pa'i spyod pa ni mtshan ma med pa yin te/ de ni shes pas sdug bsngal la dmigs par byed mod kyi de de'i tshe na sdug bsngal gyi dngos po de la sdug bsngal lo snyam pa'i rnam par rtog pa'am mtshan mar 'dzin pa ni mi 'byung ngo/ /sdug bsngal ji lta ba bzhin du kun 'byung ba dang 'gog pa dang lam rnams la yang de bzhin te de de'i tshe na sngon kun rdzob kyi shes pas rnam par dpyad pa'i bden pa dag la sngon 'du shes dang mtshan ma las rnam par grol bas rnam par grol ba'i shes pa spros pa med pa don tsam 'ba' zhig shes pa'i de bzhin nyid la dmigs pa mtshan ma med pa 'ba' zhig 'jug par 'gyur te/ de'i tshe na de'i shes pa'i spyod pa ni de lta bu yin no/ /mthong ba'i lam gyi rnam par gzhag pa ni rnam pa gnyis te/ bstan pa gnas pa'i rgyas pa rnam par gzhag pa spros pa dang bcas pa dang/ don dam pa rnam par gzhag pa so so rang gi rig pa spros pa med pa'o/ /de la rnam par gzhag pa dang po'i dbang du byas nas chos shes pa'i phyogs dang mthun pa'i sems bzhi dang/ rjes su rtogs pa shes pa'i phyogs dang mthun pa'i sems bzhi dang/ dus ji srid du sems brgyad po de dag 'byung bar 'gyur ba'i dus de srid du de'i mjug thogs su yongs su bsgoms pa'i sems zhi gnas 'ba' zhig la zhugs pa gcig kyang 'byung bar 'gyur te/ de dag bsdus na sems dgur 'gyur bas de dag gis mthong ba'i lam yongs su rdzogs par 'gyur te/ dus ji srid kyis sdug bsngal gyi bden pa ji ltar btags pa'i rnam par rig pas yongs su rdzogs par 'gyur ba de ni sems gcig ces brjod par bya'o/ /rnam par gzhag pa gnyis pa'i dbang du byas nas de bzhin nyid shes pa dang mtshungs par ldan pa gcig kho nas sems kyi rang bzhin las brtsams te mthong ba'i lam yongs su rdzogs par 'gyur ro| /'dir zhi gnas kyi lam ni snga ma kho na bzhin du blta bar bya'o/ /

【I2 對人明治差別】【J1 聖人斷惑】【K1 法】

དེ་ལ་མཐོང་བས་སྤང་བར་བྱ་བའི་ཉོན་མོངས་པའི་བག་ལ་ཉལ་ནི་ཆ་གཉིས་ཀྱིས་རྣམ་པར་གཞག་པ་ཡིན་ཏེ། དང་བའི་གཟུགས་དང་རྗེས་སུ་འབྲེལ་པ་དང་སེམས་དང་སེམས་ལས་བྱུང་བ་དང་རྗེས་སུ་འབྲེལ་པ་ལས་སོ། །དེ་ལ་མཐོང་བའི་ལམ་ནི་ཞི་གནས་དང་ལྷག་མཐོང་ཟུང་དུ་འབྲེལ་པས་འཇུག་པ་ཡིན་པའི་ཕྱིར་འཕགས་པ་ཉན་ཐོས་ནི་ཞི་གནས་ཀྱིས་སྤང་བར་བྱ་བ་དང་ལྷག་མཐོང་གིས་སྤང་བར་བྱ་བའི་བག་ལ་ཉལ་རྣམ་པ་གཉི་ག་ཅིག་ཅར་སྤོང་བར་བྱེད་དོ། །དེ་ལ་དང་པོ་ནི་ལྷག་མཐོང་གིས་སྤང་བར་བྱ་བ་ཡིན་ནོ། །གཉིས་པ་ནི་ཞི་གནས་ཀྱིས་སྤང་བར་བྱ་བ་ཡིན་ཏེ་དེའི་ཕྱིར་མཐོང་བའི་ལམ་ཡོངས་སུ་རྫོགས་པ་ཡིན་པར་བརྗོད་པར་བྱའོ༑ །གལ་ཏེ་ལྷག་མཐོང་གི་ཕྱོགས་སུ་གཏོགས་པའི་ཤེས་པ་དེ་དག་མཐོང་བའི་ལམ་གྱིས་སྤང་བར་བྱ་བའི་བག་ལ་ཉལ་དང་འབྲེལ་པར་འབྱུང་ཞིང༌། གཉེན་པོ་ཉིད་ཀྱིས་སྦྱོར་བར་མི་བྱེད་ན་ནི་མ་ཡིན་ནོ། །དེའི་ཕྱིར་བཅོམ་ལྡན་འདས་ཀྱིས་ཀྱང་དད་པས་རྗེས་སུ་འབྲང་བ་དང་ཆོས་ཀྱིས་རྗེས་སུ་འབྲང་བ་མཐོང་བའི་ལམ་ལ་ཞུགས་པ་གཉིས་པ་དང༌། གང་ཟག་དྲུག་པའང་མཚན་མ་མེད་པ་ལ་གནས་པ་ཡིན་ལ། །དེ་ལས་གཞན་པ་ལྔ་པོ་དད་པས་མོས་པ་དང་མཐོང་བ་དང་ལུས་ཀྱིས་མངོན་དུ་བྱེད་པ་དང་ཤེས་རབ་ཀྱིས་རྣམ་པར་གྲོལ་བ་དང་གཉི་གའི་ཆ་ལས་རྣམ་པར་གྲོལ་བ་དེ་དག་ཀྱང་འགོག་པ་ལ་ཞི་བའི་འདུ་ཤེས་ཀྱིས་གནས་པ་ཡིན་པས། དེའི་ཕྱིར་མཚན་མ་མེད་པར་གནས་པ་ཞེས་བྱའོ་ཞེས་གསུངས་སོ། །

de la mthong bas spang bar bya ba'i nyon mongs pa'i bag la nyal ni cha gnyis kyis rnam par gzhag pa yin te/ dang ba'i gzugs dang rjes su 'brel pa dang sems dang sems las byung ba dang rjes su 'brel pa las so/ /de la mthong ba'i lam ni zhi gnas dang lhag mthong zung du 'brel pas 'jug pa yin pa'i phyir 'phags pa nyan thos ni zhi gnas kyis spang bar bya ba dang lhag mthong gis spang bar bya ba'i bag la nyal rnam pa gnyi ga cig car spong bar byed do/ /de la dang po ni lhag mthong gis spang bar bya ba yin no/ /gnyis pa ni zhi gnas kyis spang bar bya ba yin te de'i phyir mthong ba'i lam yongs su rdzogs pa yin par brjod par bya'o| /gal te lhag mthong gi phyogs su gtogs pa'i shes pa de dag mthong ba'i lam gyis spang bar bya ba'i bag la nyal dang 'brel par 'byung zhing/ gnyen po nyid kyis sbyor bar mi byed na ni ma yin no/ /de'i phyir bcom ldan 'das kyis kyang dad pas rjes su 'brang ba dang chos kyis rjes su 'brang ba mthong ba'i lam la zhugs pa gnyis pa dang/ gang zag drug pa'ang mtshan ma med pa la gnas pa yin la/ /de las gzhan pa lnga po dad pas mos pa dang mthong ba dang lus kyis mngon du byed pa dang shes rab kyis rnam par grol ba dang gnyi ga'i cha las rnam par grol ba de dag kyang 'gog pa la zhi ba'i 'du shes kyis gnas pa yin pas/ de'i phyir mtshan ma med par gnas pa zhes bya'o zhes gsungs so/ /

【K2-3 喻與合】

འདི་ལྟ་སྟེ་དཔེར་ན། སྨན་པ་ཟུག་རྔུ་འབྱིན་པ་ནི་ལ་ལ་ཞིག་གིས་འབྲས་ཤིན་ཏུ་ཡོངས་སུ་སྨིན་པར་རིག་ནས་དང་པོར་མཚོན་རྣོན་པོས་དེ་བརྟོལ་བར་བྱེད་དོ། །ཇི་ཙམ་དུ་དེ་བརྟོལ་བ་དེ་ཙམ་དུ་དེའི་རྣག་འཛག་པར་འགྱུར་གྱི་རྣག་མ་ལུས་པར་འཛག་པར་ནི་མི་འགྱུར་རོ། །ཇི་ཙམ་དུ་དྲལ་ཞིང་ཤིན་ཏུ་བཙིར་བར་བྱ་སྟེ་ཡང་དང་ཡང་དུ་བཙིར་ན། རྣག་འཁྱིམས་པ་གང་ཡིན་པ་གཟག་པར་ནི་འགྱུར་མོད་ཀྱི་འོན་ཀྱང་དེའི་རྨའི་སྒོ་དེ་དག་ཅིང་སོས་པ་ནི་མ་ཡིན་ཏེ། དེའི་རྨའི་སྒོ་དེ་གསོ་བའི་ཕྱིར་ཕྱེ་མར་གྱི་ཆང་བུའམ། ར་ད་སྣུམ་བག་ཅན་གྱིས་གློན་པར་བྱེད་དོ། །དེ་ལྟར་ཕྱེ་མར་གྱི་ཆང་བུའམ་རྨ་གློན་པ་ར་ད་སྣུམ་བག་ཅན་གྱིས་གློན་པའི་རྨ་དེ་ནི་རིམ་གྱིས་འཚོ་བར་འགྱུར་ཏེ་དེ་ནི་འདི་ལྟ་སྟེ། དོན་རྣམ་པར་རིག་པར་བྱ་བའི་ཕྱིར་དཔེར་བྱས་པ་ཡིན་ནོ། །དེ་ལ་དོན་ནི་འདི་ཡིན་པར་བལྟ་བར་བྱ་སྟེ། འབྲས་སྨིན་པ་ཇི་ལྟ་བ་དེ་བཞིན་དུ་ནི་མཐོང་བས་སྤང་བར་བྱ་བའི་ཟག་པ་རྣམས་ཀྱི་ཟག་པའི་གནས་ལྟ་བུའི་དངོས་པོ་རྣམས་བལྟ་བར་བྱའོ། །མཚོན་གྱིས་བརྟོལ་བ་ཇི་ལྟ་བ་དེ་བཞིན་དུ་ནི་ལྷག་མཐོང་གི་ཕྱོགས་སུ་གཏོགས་པའི་མཐོང་བའི་ལམ་བལྟ་བར་བྱའོ། །བཙིར་བ་ཇི་ལྟ་བ་དེ་བཞིན་དུ་ཞི་གནས་ཀྱི་ཕྱོགས་སུ་གཏོགས་པའི་མཐོང་བའི་ལམ་བལྟ་བར་བྱའོ། །རྣག་ཇི་ལྟ་བ་དེ་བཞིན་དུ་ནི་མཐོང་བས་སྤང་བར་བྱ་བའི་བག་ལ་ཉལ་དུ་གཏོགས་པའི་ཟག་པ་བལྟ་བར་བྱའོ། །རྨ་མ་དག་པ་མ་སོས་པ་ཇི་ལྟ་བ་དེ་བཞིན་དུ་བསྒོམ་པས་སྤང་བར་བྱ་བའི་ཟག་པ་བཞི་དང་བཅས་པ་བལྟ་བར་བྱའོ། །ཕྱི་མར་གྱི་ཆང་བུའམ་རྨ་གློན་པའི་ར་ད་སྣུམ་བག་ཅན་ཇི་ལྟ་བ་དེ་བཞིན་དུ་ནི་བསྒོམ་པའི་ལམ་བལྟ་བར་བྱའོ། །

'di lta ste dper na/ sman pa zug rngu 'byin pa ni la la zhig gis 'bras shin tu yongs su smin par rig nas dang por mtshon rnon pos de brtol bar byed do/ /ji tsam du de brtol ba de tsam du de'i rnag 'dzag par 'gyur gyi rnag ma lus par 'dzag par ni mi 'gyur ro/ /ji tsam du dral zhing shin tu btsir bar bya ste yang dang yang du btsir na/ rnag 'khyims pa gang yin pa gzag par ni 'gyur mod kyi 'on kyang de'i rma'i sgo de dag cing sos pa ni ma yin te/ de'i rma'i sgo de gso ba'i phyir phye mar gyi chang bu'am/ ra da snum bag can gyis glon par byed do/ /de ltar phye mar gyi chang bu'am rma glon pa ra da snum bag can gyis glon pa'i rma de ni rim gyis 'tsho bar 'gyur te de ni 'di lta ste/ don rnam par rig par bya ba'i phyir dper byas pa yin no/ /de la don ni 'di yin par blta bar bya ste/ 'bras smin pa ji lta ba de bzhin du ni mthong bas spang bar bya ba'i zag pa rnams kyi zag pa'i gnas lta bu'i dngos po rnams blta bar bya'o/ /mtshon gyis brtol ba ji lta ba de bzhin du ni lhag mthong gi phyogs su gtogs pa'i mthong ba'i lam blta bar bya'o/ /btsir ba ji lta ba de bzhin du zhi gnas kyi phyogs su gtogs pa'i mthong ba'i lam blta bar bya'o/ /rnag ji lta ba de bzhin du ni mthong bas spang bar bya ba'i bag la nyal du gtogs pa'i zag pa blta bar bya'o/ /rma ma dag pa ma sos pa ji lta ba de bzhin du bsgom pas spang bar bya ba'i zag pa bzhi dang bcas pa blta bar bya'o/ /phyi mar gyi chang bu'am rma glon pa'i ra da snum bag can ji lta ba de bzhin du ni bsgom pa'i lam blta bar bya'o/ /

【J2 明異生伏惑】

དེ་ལ་སོ་སོའི་སྐྱེ་བོའི་འདོད་པའི་ཁམས་སམ། གཟུགས་ཀྱི་ཁམས་ལས་འདོད་ཆགས་དང་བྲལ་བར་བྱེད་པ་གང་ཡིན་པ་དེ་ནི་བསྒོམ་པའི་ལམ་ཁོ་ནས་བྱེད་ཀྱི་དེ་ལ་མཐོང་བའི་ལམ་ནི་མེད་དོ། །འདོད་པ་རྣམས་ལས་འདོད་ཆགས་དང་བྲལ་བ་དེ་དེའི་འདོད་པའི་འདོད་ཆགས་དང་གནོད་སེམས་དང་དེ་དང་མཐུན་པའི་ཆོས་དང་འབྲེལ་བའི་ང་རྒྱལ་དང་དེ་དང་མཚུངས་པར་ལྡན་པའི་མ་རིག་པ་ནི་ཀུན་ཏུ་མི་འབྱུང་བའི་ཚུལ་གྱིས་སྤོང་བ་ཡིན་གྱི༑ འཇིག་ཚོགས་ལ་ལྟ་བ་སོགས་པ་མཐོང་བས་སྤང་བར་བྱ་བ་དག་ནི་དེ་ལྟ་མ་ཡིན་ནོ། །དེ་དག་ཀྱང་འདི་ན་གནས་པ་ལུས་འདི་ལ་གནས་པ་ལངས་པ་དེ་ལ་ནི་ལན་འགའ་ཀུན་ཏུ་འབྱུང་བར་འགྱུར་གྱི་གོང་མར་སྐྱེས་པ་ལ་ནི་མི་འབྱུང་ངོ༌། །དེ་བཞིན་དུ་སོ་སོའི་སྐྱེ་བོ་གཟུགས་ཀྱི་འདོད་ཆགས་དང་བྲལ་བ་ལ་ཁོང་ཁྲོ་བ་མ་གཏོགས་པ། དེ་ལས་གཞན་པའི་ཉོན་མོངས་པ་རྣམས་ཅི་རིགས་པར་བལྟ་བར་བྱའོ༑ །སྙོམས་པར་ཞུགས་པ་དང་ལངས་པ་དང་སྐྱེས་པ་རྣམས་ཀྱི་རང་གི་ས་པའི་མཐོང་བས་སྤང་བར་བྱ་བའི་ཟག་པ་ནི་རྐྱེན་དང་ཕྲད་ན་རྟག་པ་ཁོ་ནར་ཀུན་ཏུ་འབྱུང་ངོ༌། །

de la so so'i skye bo'i 'dod pa'i khams sam/ gzugs kyi khams las 'dod chags dang bral bar byed pa gang yin pa de ni bsgom pa'i lam kho nas byed kyi de la mthong ba'i lam ni med do/ /'dod pa rnams las 'dod chags dang bral ba de de'i 'dod pa'i 'dod chags dang gnod sems dang de dang mthun pa'i chos dang 'brel ba'i nga rgyal dang de dang mtshungs par ldan pa'i ma rig pa ni kun tu mi 'byung ba'i tshul gyis spong ba yin gyi| 'jig tshogs la lta ba sogs pa mthong bas spang bar bya ba dag ni de lta ma yin no/ /de dag kyang 'di na gnas pa lus 'di la gnas pa langs pa de la ni lan 'ga' kun tu 'byung bar 'gyur gyi gong mar skyes pa la ni mi 'byung ngo/ /de bzhin du so so'i skye bo gzugs kyi 'dod chags dang bral ba la khong khro ba ma gtogs pa/ de las gzhan pa'i nyon mongs pa rnams ci rigs par blta bar bya'o| /snyoms par zhugs pa dang langs pa dang skyes pa rnams kyi rang gi sa pa'i mthong bas spang bar bya ba'i zag pa ni rkyen dang phrad na rtag pa kho nar kun tu 'byung ngo/ /

【J3 舉二種麁重明三無學有斷不斷】

དེ་ལ་གནས་ངན་ལེན་ནི་མདོར་བསྡུ་ན་རྣམ་པ་གཉིས་ཏེ། ཟག་པའི་གནས་ངན་ལེན་དང་ཟག་པ་དང་བཅས་པའི་གནས་ངན་ལེན་ཏོ། །དེ་ལ་དགྲ་བཅོམ་པ་ལ་ནི་ཟག་པའི་གནས་ངན་ལེན་གང་ཡིན་པ་དེ་བསྒོམ་པས་སྤང་བར་བྱ་བའི་ཉོན་མོངས་པ་སྤངས་པའི་ཕྱིར་ཐམས་ཅད་ཀྱི་ཐམས་ཅད་དུ་བྲལ་བ་ཡིན་ནོ། །དེ་ཡང་བག་ལ་ཉལ་དང་བཅས་པའི་ལུས་རྣམ་པར་ཤེས་པ་དང་བཅས་པ་ལ་ལས་སུ་མི་རུང་བའི་ཚུལ་གྱི་ས་ངན་པར་རྣམ་པར་གནས་པ་ཉིད་གང་ཡིན་པའོ༑ །ཟག་པ་དང་བཅས་པའི་གནས་ངན་ལེན་ནི་བག་ལ་ཉལ་སྤངས་ཀྱང་སྔོན་ཟག་པས་བསྐྱེད་ཅིང་ཟག་པས་ཡོངས་སུ་བསྒོས་པ་སྟེ། དེ་དང་འདྲ་བའི་ལས་སུ་མི་རུང་བའི་ཚུལ་གྱིས་རང་བཞིན་གྱིས་ངན་པར་གནས་པ་དང་ངན་པར་ཞུགས་པ་ཆེས་སྲབ་པ་དང་ཆེས་ཆུང་བ་གང་ཡིན་པའོ། །ཟག་པ་དང་བཅས་པའི་གནས་ངན་ལེན་གང་ཡིན་པ་དེ་ནི་ཉོན་མོངས་པའི་བག་ཆགས་ཞེས་བྱ་སྟེ། དེ་ཡང་དགྲ་བཅོམ་པ་དང་རང་སངས་རྒྱས་ཀྱིས་ནི་མ་སྤངས་ཀྱི། དེ་བཞིན་གཤེགས་པ་ཉག་གཅིག་གིས་སྤངས་པ་ཡིན་ཏེ། དེའི་བག་ཆགས་ཡང་དག་པར་བཅོམ་པ་གང་ཡིན་པ་དེ་ནི་སངས་རྒྱས་ཀྱི་ཆོས་མ་འདྲེས་པ་ཞེས་བྱའོ། །

de la gnas ngan len ni mdor bsdu na rnam pa gnyis te/ zag pa'i gnas ngan len dang zag pa dang bcas pa'i gnas ngan len to/ /de la dgra bcom pa la ni zag pa'i gnas ngan len gang yin pa de bsgom pas spang bar bya ba'i nyon mongs pa spangs pa'i phyir thams cad kyi thams cad du bral ba yin no/ /de yang bag la nyal dang bcas pa'i lus rnam par shes pa dang bcas pa la las su mi rung ba'i tshul gyi sa ngan par rnam par gnas pa nyid gang yin pa'o| /zag pa dang bcas pa'i gnas ngan len ni bag la nyal spangs kyang sngon zag pas bskyed cing zag pas yongs su bsgos pa ste/ de dang 'dra ba'i las su mi rung ba'i tshul gyis rang bzhin gyis ngan par gnas pa dang ngan par zhugs pa ches srab pa dang ches chung ba gang yin pa'o/ /zag pa dang bcas pa'i gnas ngan len gang yin pa de ni nyon mongs pa'i bag chags zhes bya ste/ de yang dgra bcom pa dang rang sangs rgyas kyis ni ma spangs kyi/ de bzhin gshegs pa nyag gcig gis spangs pa yin te/ de'i bag chags yang dag par bcom pa gang yin pa de ni sangs rgyas kyi chos ma 'dres pa zhes bya'o/ /

【F3 結】

དེ་ནི་ཉོན་མོངས་པའི་ཀུན་ནས་ཉོན་མོངས་པའི་རབ་ཏུ་དབྱེ་བ་རྣམ་པར་གཞག་པ་རྣམ་པ་ལྔ་ཞེས་བྱའོ།། །།

de ni nyon mongs pa'i kun nas nyon mongs pa'i rab tu dbye ba rnam par gzhag pa rnam pa lnga zhes bya'o// //

【E2 解七門】【F1 七門別釋】【G1 解貪欲】【H1 解經說煩惱之欲不說色等五塵事】

བམ་པོ་བཅུ་གསུམ་པ། ། བཅོམ་ལྡན་འདས་ཀྱིས་ཀུན་རྟོག་འདོད་ཆགས་སྐྱེས་བུའི་འདོད་པ་ཡིན་ཞེས་གང་གསུངས་པ་དེ་ལ་ཅིའི་ཕྱིར་ཉོན་མོངས་པའི་འདོད་པ་འབའ་ཞིག་འདོད་པའི་སྒྲར་བསྟན་ལ། དངོས་པོའི་འདོད་པ་ནི་མ་ཡིན་ཞེ་ན། སྨྲས་པ། ཉོན་མོངས་པའི་འདོད་པ་རྣམས་ནི་ངོ་བོ་ཉིད་ཀྱིས་ཀུན་ནས་ཉོན་མོངས་པ་ཅན་ཡིན་པའི་ཕྱིར་རོ། །གཞན་ཡང་ཉོན་མོངས་པའི་འདོད་པ་རྣམས་ཁོ་ནས་དངོས་པོའི་འདོད་པ་རྣམས་འདོད་པར་བྱེད་པའི་ཕྱིར་རོ། །གཞན་ཡང་དངོས་པོའི་འདོད་པས་ཀུན་ནས་བསླང་བ་ཀུན་ནས་ཉོན་མོངས་པའི་ཉེས་པ་ནི་ཉོན་མོངས་པའི་འདོད་པས་བྱས་པའི་ཕྱིར་ཏེ། འདི་ལྟ་སྟེ་དཔེར་ན། གང་ལ་ལ་ཞིག་གིས་ཀུན་ཏུ་རྟོག་པའི་འདོད་ཆགས་ཡོངས་སུ་མ་ཤེས་པས་མ་སྤངས་པར་གྱུར་ན་དེ་དང་པོ་ཁོ་ནར་འདོད་པའི་སྲེད་པས་ཡོངས་སུ་སྲེག་པར་བྱེད་པ་དང་འདོད་པའི་སྲེད་པས་ཡོངས་སུ་བསྲེགས་པས་འདོད་པ་ཡོངས་སུ་ཚོལ་བར་བྱེད་པ་དང་འདོད་པ་ཡོངས་སུ་ཚོལ་བར་བྱེད་པས་ལུས་དང་སེམས་ཡོངས་སུ་ངལ་བའི་སྡུག་བསྔལ་ཉམས་སུ་མྱོང་བར་འགྱུར་བ་དང༌། བརྩལ་བ་མ་གྲུབ་པ་ན་ནི་ཀྱེ་མ་བདག་གི་བརྩལ་བ་ནི་འབྲས་བུ་མེད་དོ་ཞེས་ངལ་བ་དང་འབྲས་བུ་མེད་པའི་སྡུག་བསྔལ་ཉམས་སུ་མྱོང་བར་འགྱུར་བ་དང༌། གྲུབ་ནའང་ཀུན་ཏུ་བསྲུང་བའི་གཞིའི་ཕྱིར་ཤིན་ཏུ་རྩོལ་བར་བྱེད་པ་ནི་ཀུན་ཏུ་བསྲུང་བའི་སྡུག་བསྔལ་ཉམས་སུ་མྱོང་བར་འགྱུར་བ་དང༌། ཡོངས་སུ་ལོངས་སྤྱོད་པའི་དུས་ནའང་འདོད་ཆགས་ཀྱི་མེས་ཡོངས་སུ་སྲེག་ཅིང་ནང་ཉེ་བར་མ་ཞི་བའི་སྡུག་བསྔལ་ཉམས་སུ་མྱོང་བར་འགྱུར་བ་དང༌། རྒུད་པར་གྱུར་པ་ན་ཡང་མྱ་ངན་གྱི་སྡུག་བསྔལ་ཉམས་སུ་མྱོང་བར་འགྱུར་བ་དང༌། རྗེས་སུ་དྲན་པ་ན་ཡང་རྣམ་པར་རྟོག་པའི་སྡུག་བསྔལ་ཉམས་སུ་མྱོང་བར་འགྱུར་བ་དང༌། དེ་ལྟར་རྒྱུ་དེས་ན་ལུས་དང་ངག་དང་ཡིད་ཀྱི་ཉེས་པར་སྤྱོད་པ་ཀུན་ནས་སློང་བར་བྱེད་པ་ལྟ་བུ་དང༌། འདོད་པ་རྣམས་ཡོངས་སུ་སྤངས་ཏེ་རབ་ཏུ་བྱུང་བ་ནི་འདོད་པ་རྣམས་ཡོངས་སུ་སྤངས་ནས་ཀྱང་ཉོན་མོངས་པའི་འདོད་པའི་གཞི་རྣམས་ལེན་པར་བྱེད་དེ། ཉོན་མོངས་པའི་འདོད་པའི་གཞི་ཁོ་ནས་འདོད་པའི་ཁམས་སུ་སྐྱེ་བ་དང༌། རྒ་བ་དང༌། ན་བ་དང༌། འཆི་བ་ལ་སོགས་པ་དང༌། ངན་སོང་བའི་སྡུག་བསྔལ་མངོན་པར་འགྲུབ་པར་བྱེད་དོ། །དེ་ལྟར་དེ་ལྟ་བུ་དང་མཐུན་པ་དག་ནི་ཀུན་ནས་ཉོན་མོངས་པའི་ཉེས་པ་ཡིན་ཏེ་དེའི་རྒྱུར་གྱུར་པ་ནི་ཉོན་མོངས་པའི་འདོད་པ་ཡིན་པས། དེའི་ཕྱིར་བཅོམ་ལྡན་འདས་ཀྱིས་ཉོན་མོངས་པའི་འདོད་པ་ཁོ་ན་འདོད་པའི་སྒྲས་ཡོངས་སུ་བསྟན་གྱི་དངོས་པོའི་འདོད་པ་ནི་མ་ཡིན་ནོ། །

bam po bcu gsum pa/ / bcom ldan 'das kyis kun rtog 'dod chags skyes bu'i 'dod pa yin zhes gang gsungs pa de la ci'i phyir nyon mongs pa'i 'dod pa 'ba' zhig 'dod pa'i sgrar bstan la/ dngos po'i 'dod pa ni ma yin zhe na/ smras pa/ nyon mongs pa'i 'dod pa rnams ni ngo bo nyid kyis kun nas nyon mongs pa can yin pa'i phyir ro/ /gzhan yang nyon mongs pa'i 'dod pa rnams kho nas dngos po'i 'dod pa rnams 'dod par byed pa'i phyir ro/ /gzhan yang dngos po'i 'dod pas kun nas bslang ba kun nas nyon mongs pa'i nyes pa ni nyon mongs pa'i 'dod pas byas pa'i phyir te/ 'di lta ste dper na/ gang la la zhig gis kun tu rtog pa'i 'dod chags yongs su ma shes pas ma spangs par gyur na de dang po kho nar 'dod pa'i sred pas yongs su sreg par byed pa dang 'dod pa'i sred pas yongs su bsregs pas 'dod pa yongs su tshol bar byed pa dang 'dod pa yongs su tshol bar byed pas lus dang sems yongs su ngal ba'i sdug bsngal nyams su myong bar 'gyur ba dang/ brtsal ba ma grub pa na ni kye ma bdag gi brtsal ba ni 'bras bu med do zhes ngal ba dang 'bras bu med pa'i sdug bsngal nyams su myong bar 'gyur ba dang/ grub na'ang kun tu bsrung ba'i gzhi'i phyir shin tu rtsol bar byed pa ni kun tu bsrung ba'i sdug bsngal nyams su myong bar 'gyur ba dang/ yongs su longs spyod pa'i dus na'ang 'dod chags kyi mes yongs su sreg cing nang nye bar ma zhi ba'i sdug bsngal nyams su myong bar 'gyur ba dang/ rgud par gyur pa na yang mya ngan gyi sdug bsngal nyams su myong bar 'gyur ba dang/ rjes su dran pa na yang rnam par rtog pa'i sdug bsngal nyams su myong bar 'gyur ba dang/ de ltar rgyu des na lus dang ngag dang yid kyi nyes par spyod pa kun nas slong bar byed pa lta bu dang/ 'dod pa rnams yongs su spangs te rab tu byung ba ni 'dod pa rnams yongs su spangs nas kyang nyon mongs pa'i 'dod pa'i gzhi rnams len par byed de/ nyon mongs pa'i 'dod pa'i gzhi kho nas 'dod pa'i khams su skye ba dang/ rga ba dang/ na ba dang/ 'chi ba la sogs pa dang/ ngan song ba'i sdug bsngal mngon par 'grub par byed do/ /de ltar de lta bu dang mthun pa dag ni kun nas nyon mongs pa'i nyes pa yin te de'i rgyur gyur pa ni nyon mongs pa'i 'dod pa yin pas/ de'i phyir bcom ldan 'das kyis nyon mongs pa'i 'dod pa kho na 'dod pa'i sgras yongs su bstan gyi dngos po'i 'dod pa ni ma yin no/ /

【H2 斷解八種分別能生欲貪】【I1 問】

འདོད་པའི་འདོད་ཆགས་སྐྱེད་པར་བྱེད་པའི་ཀུན་ཏུ་རྟོག་པ་ལ་རྣམ་པ་དུ་ཡོད་ཅེ་ན།

'dod pa'i 'dod chags skyed par byed pa'i kun tu rtog pa la rnam pa du yod ce na/

【I2 答】【J1 列八名】

སྨྲས་པ། རྣམ་པ་བརྒྱད་ཡོད་དེ་འདི་ལྟ་སྟེ། ཟློག་པར་བྱེད་པ་དང༌། སད་པར་བྱེད་པ་དང༌། ཀུན་ཏུ་སྦྱོར་བར་བྱེད་པ་དང༌། མཚན་མར་འཛིན་པར་བྱེད་པ་དང༌། ཆགས་པར་བྱེད་པ་དང༌། རྣམ་པར་འདོད་པར་བྱེད་པ་དང༌། ངེས་པར་གནོད་པར་བྱེད་པ་དང༌། མཆོག་ཏུ་ཆགས་པར་བྱེད་པ་སྟེ།

smras pa/ rnam pa brgyad yod de 'di lta ste/ zlog par byed pa dang/ sad par byed pa dang/ kun tu sbyor bar byed pa dang/ mtshan mar 'dzin par byed pa dang/ chags par byed pa dang/ rnam par 'dod par byed pa dang/ nges par gnod par byed pa dang/ mchog tu chags par byed pa ste/

【J2 引經解釋】

ཚངས་པས་ཞུས་པའི་མདོ་ལས། ཟློག་པར་བྱེད་དང་སད་བྱེད་དང༌། །དེ་བཞིན་ཀུན་ཏུ་སྦྱོར་བྱེད་དང༌། །མཚན་མར་འཛིན་བྱེད་ཆགས་བྱེད་དང༌། །རྣམ་པར་འདོད་བྱེད་ངེས་གནོད་བྱེད། །དེ་བཞིན་མཆོག་ཏུ་ཆགས་བྱེད་ནི། །འདོད་པའི་འདོད་ཆགས་སྐྱེད་བྱེད་པའི། །ཀུན་ཏུ་རྟོག་པ་ཞེས་བྱ་སྟེ། །མཁས་པས་དེ་དག་ཡོངས་སུ་སྤང༌། །ཞེས་ཇི་སྐད་གསུངས་པ་ལྟ་བུའོ། །དེ་ལ་ཟློག་པར་བྱེད་པ་ནི་དགེ་བ་ལ་བརྩོན་པའི་སེམས་ཀྱི་རྒྱུད་བཟློག་ནས་འདོད་པ་རྣམས་ལ་རྩོལ་བ་སྐྱེད་པར་བྱེད་པ་གང་ཡིན་པའོ། །དེ་ལ་སད་པར་བྱེད་པ་ནི་ཡུལ་ཉེ་བར་མ་གྱུར་ཅིང་མངོན་དུ་མ་གྱུར་པ་ལ་འདོད་པའི་འདོད་ཆགས་ཀྱིས་ཀུན་ནས་དཀྲིས་པས་ཀུན་ཏུ་འཆིང་བར་བྱེད་པ་གང་ཡིན་པའོ། །དེ་ལ་ཀུན་ཏུ་སྦྱོར་བར་བྱེད་པ་ནི་གང་གིས་འདོད་པའི་འདོད་ཆགས་ཀྱིས་ཀུན་ནས་དཀྲིས་པ་འདོད་པ་ཡོངས་སུ་ཚོལ་བར་བྱེད་པའོ། །དེ་ལ་མཚན་མར་འཛིན་པར་བྱེད་པ་ནི་གང་གིས་ཡུལ་ཉེ་བར་གྱུར་ཅིང་མངོན་དུ་གྱུར་པ་ལ་མཚན་མར་འཛིན་པ་དང༌། མངོན་རྟགས་སུ་འཛིན་པར་བྱེད་པའོ། །དེ་ལ་ཆགས་པར་བྱེད་པ་ནི་ཡུལ་ཉེ་བར་གྱུར་ཅིང་མངོན་དུ་གྱུར་པ་ལ་འདོད་པའི་འདོད་ཆགས་ཀྱིས་ཀུན་ནས་དཀྲིས་པས་ཀུན་ཏུ་འཆིང་བར་བྱེད་པ་གང་ཡིན་པའོ། །དེ་ལ་རྣམ་པར་འདོད་པར་བྱེད་པ་ནི་གང་གིས་དེ་ལྟར་འདོད་ཆགས་ཀྱིས་ཀུན་ནས་དཀྲིས་པ། འདོད་པའི་ལོངས་སྤྱོད་རྣམ་པ་དུ་མ་མངོན་པར་འདོད་པར་བྱེད་པའོ། །དེ་ལ་ངེས་པར་གནོད་པར་བྱེད་པ་ནི་གང་གིས་འདོད་པ་རྣམས་ཡང་དང་ཡང་དུ་མངོན་པར་བསྒྲུབ་པ་ན་གཅིག་ཏུ་ངེས་པར་ཡོན་ཏན་དུ་ལྟ་ཞིང་ཉེས་དམིགས་སུ་མི་ལྟ་བར་ཡོངས་སུ་ལོངས་སྤྱོད་པའོ། །དེ་ལ་མཆོག་དུ་ཆགས་པར་བྱེད་པ་ནི་འདོད་པའི་འདོད་ཆགས་ཀྱིས་ཀུན་ནས་དཀྲིས་པ་མཐར་ཐུག་པ་དང་མཐར་ཕྱིན་པས་ཀུན་ནས་འཆིང་བར་བྱེད་པ་གང་ཡིན་པའོ། །

tshangs pas zhus pa'i mdo las/ zlog par byed dang sad byed dang/ /de bzhin kun tu sbyor byed dang/ /mtshan mar 'dzin byed chags byed dang/ /rnam par 'dod byed nges gnod byed/ /de bzhin mchog tu chags byed ni/ /'dod pa'i 'dod chags skyed byed pa'i/ /kun tu rtog pa zhes bya ste/ /mkhas pas de dag yongs su spang/ /zhes ji skad gsungs pa lta bu'o/ /de la zlog par byed pa ni dge ba la brtson pa'i sems kyi rgyud bzlog nas 'dod pa rnams la rtsol ba skyed par byed pa gang yin pa'o/ /de la sad par byed pa ni yul nye bar ma gyur cing mngon du ma gyur pa la 'dod pa'i 'dod chags kyis kun nas dkris pas kun tu 'ching bar byed pa gang yin pa'o/ /de la kun tu sbyor bar byed pa ni gang gis 'dod pa'i 'dod chags kyis kun nas dkris pa 'dod pa yongs su tshol bar byed pa'o/ /de la mtshan mar 'dzin par byed pa ni gang gis yul nye bar gyur cing mngon du gyur pa la mtshan mar 'dzin pa dang/ mngon rtags su 'dzin par byed pa'o/ /de la chags par byed pa ni yul nye bar gyur cing mngon du gyur pa la 'dod pa'i 'dod chags kyis kun nas dkris pas kun tu 'ching bar byed pa gang yin pa'o/ /de la rnam par 'dod par byed pa ni gang gis de ltar 'dod chags kyis kun nas dkris pa/ 'dod pa'i longs spyod rnam pa du ma mngon par 'dod par byed pa'o/ /de la nges par gnod par byed pa ni gang gis 'dod pa rnams yang dang yang du mngon par bsgrub pa na gcig tu nges par yon tan du lta zhing nyes dmigs su mi lta bar yongs su longs spyod pa'o/ /de la mchog du chags par byed pa ni 'dod pa'i 'dod chags kyis kun nas dkris pa mthar thug pa dang mthar phyin pas kun nas 'ching bar byed pa gang yin pa'o/ /

【H3 解唯貪以為欲相】【I1 解欲界諸煩惱】

ཅིའི་ཕྱིར་འདོད་པ་ན་སྤྱོད་པའི་ཉོན་མོངས་པ་ཐམས་ཅད་ལས་འདོད་ཆགས་ཁོ་ན་འདོད་པའི་མཚན་ཉིད་དུ་ཡོངས་སུ་བསྟན་ཅེ་ན། སྨྲས་པ། རྒྱུ་གང་ཁོ་ནས་སྲེད་པ་ཀུན་འབྱུང་བའི་བདེན་པའི་མཚན་ཉིད་དུ་ཡོངས་སུ་བསྟན་པའི་རྒྱུ་དེ་ཉིད་ཀྱིས་འདི་ཡང་བལྟ་བར་བྱའོ། །

ci'i phyir 'dod pa na spyod pa'i nyon mongs pa thams cad las 'dod chags kho na 'dod pa'i mtshan nyid du yongs su bstan ce na/ smras pa/ rgyu gang kho nas sred pa kun 'byung ba'i bden pa'i mtshan nyid du yongs su bstan pa'i rgyu de nyid kyis 'di yang blta bar bya'o/ /

【I2 辨意識分別】

དེ་ཅིའི་ཕྱིར་ཀུན་ཏུ་རྟོག་པ་དང་བཅས་པའི་འདོད་ཆགས་འདོད་པའི་མཚན་ཉིད་དུ་ཡོངས་སུ་བསྟན་ཅེ་ན། སྨྲས་པ༑ འདོད་ཆགས་མངོན་དུ་གྱུར་པ་དང་འདོད་ཆགས་ཀུན་ནས་སློང་བའི་རྒྱུ་གང་ཡིན་པ་དང༌། དངོས་པོའི་འདོད་པ་ཡོངས་སུ་ལོངས་སྤྱོད་པའི་རྒྱུ་གང་ཡིན་པ་དེ་དག་གཅིག་ཏུ་བསྡུས་ནས་ཀུན་ཏུ་རྟོག་པ་འདོད་ཆགས་ཞེས་ཡོངས་སུ་བསྟན་ཏོ༑ །གཞན་ཡང་རབ་ཏུ་བྱུང་བ་འདོད་པ་སྤངས་པ་འདོད་པའི་ཀུན་ཏུ་རྟོག་པ་ལ་ཀུན་ཏུ་རྟོག་པ་དེ་དག་ཁ་ཅིག་གི་ཀུན་ཏུ་རྟོག་པའང་འདོད་པ་ཞེས་བྱ་བར་རིག་ནས་དེ་སྤང་བའི་ཕྱིར་ཀུན་ཏུ་རྟོག་པའང་འདོད་པའི་མཚན་ཉིད་དུ་ཡོངས་སུ་བསྟན་ཏོ། །

de ci'i phyir kun tu rtog pa dang bcas pa'i 'dod chags 'dod pa'i mtshan nyid du yongs su bstan ce na/ smras pa| 'dod chags mngon du gyur pa dang 'dod chags kun nas slong ba'i rgyu gang yin pa dang/ dngos po'i 'dod pa yongs su longs spyod pa'i rgyu gang yin pa de dag gcig tu bsdus nas kun tu rtog pa 'dod chags zhes yongs su bstan to| /gzhan yang rab tu byung ba 'dod pa spangs pa 'dod pa'i kun tu rtog pa la kun tu rtog pa de dag kha cig gi kun tu rtog pa'ang 'dod pa zhes bya bar rig nas de spang ba'i phyir kun tu rtog pa'ang 'dod pa'i mtshan nyid du yongs su bstan to/ /

【G2 解貪愛為集諦相】【H1 問】

ཅིའི་ཕྱིར་སྲེད་པ་ཀུན་ཏུ་འབྱུང་བའི་བདེན་པའི་མཚན་ཉིད་དུ་ཡོངས་སུ་བསྟན་ཅེ་ན།

ci'i phyir sred pa kun tu 'byung ba'i bden pa'i mtshan nyid du yongs su bstan ce na/

【H2 答】

སྨྲས་པ། རྒྱུ་གཉིས་ཀྱི་ཕྱིར་ཏེ། སྲེད་པ་ནི་སྨོན་པ་དང་མི་སྨོན་པར་བྱེད་པ་ཉིད་ཡིན་པའི་ཕྱིར་དང༌། ཁྱབ་པར་འཇུག་པ་ཉིད་ཀྱི་ཕྱིར་ཏེ་འདི་ལྟར་ལུས་དང་ལོངས་སྤྱོད་དག་ལ་སྨོན་པ་ལ་མངོན་དུ་ཕྱོགས་པའི་སྲེད་པ་ནི་ཉེ་བར་བླངས་པ་དང་ཡོངས་སུ་ལོངས་སྤྱོད་པའི་ཕྱིར་སྨོན་པར་ཡང་བྱེད་དོ། །མི་སྨོན་པར་བྱེད་པ་ཡང་ཡིན་ཏེ། དེའི་གཉེན་པོ་དགེ་བ་ལ་མི་སྨོན་པ་ལ་མངོན་དུ་ཕྱོགས་པ་ནི་དེ་ཉེ་བར་བླང་བ་དང་སྦྱོར་བའི་ཕྱིར་མི་སྨོན་པར་བྱེད་དེ་དེ་ལྟར་སྨོན་པ་དང་མི་སྨོན་པ་ལས་འཁོར་བར་འཁོར་བ་རྒྱུན་མི་འཆད་པར་འགྱུར་རོ། །དེའི་ཁྱབ་པར་འཇུག་པ་ཉིད་ཀྱང་རྣམ་པ་གསུམ་དུ་རིག་པར་བྱ་སྟེ། འདི་ལྟ་སྟེ་གནས་སྐབས་ལ་ཁྱབ་པ་ནི་ཚོར་བ་ཐམས་ཅད་སྒོ་ལྔས་འཇུག་པ་ཉིད་ཀྱི་ཕྱིར་ཏེ། འདི་ལྟ་སྟེ། ཕྲད་པར་མངོན་པར་དགའ་བ་དང༌། མི་འབྲལ་བར་མངོན་པར་དགའ་བ་དང༌། མི་འཕྲད་པར་མངོན་པར་དགའ་བ་དང༌། འབྲལ་བར་མངོན་པར་དགའ་བ་དང༌། རྟག་ཏུ་འབྲེལ་པའི་ལུས་ཀུན་གཞི་ལ་ཆགས་པས་སོ། །དུས་ལ་ཁྱབ་པ་ནི་འདི་ལྟ་སྟེ། འདས་པ་ལ་དམིགས་པ་དང་མ་འོངས་པ་ལ་དམིགས་པ་དང་དེ་ལྟར་བྱུང་བ་ལ་དམིགས་པའོ། །ཡུལ་ལ་ཁྱབ་པ་ནི་འདི་ལྟ་སྟེ། ཚེ་འདི་པ་དང་ཚེ་ཕྱི་མ་པའི་ལུས་ལ་དམིགས་པ་དང་ཡུལ་ཐོབ་པ་དང་མ་ཐོབ་པ་ལ་དམིགས་པའོ། །

smras pa/ rgyu gnyis kyi phyir te/ sred pa ni smon pa dang mi smon par byed pa nyid yin pa'i phyir dang/ khyab par 'jug pa nyid kyi phyir te 'di ltar lus dang longs spyod dag la smon pa la mngon du phyogs pa'i sred pa ni nye bar blangs pa dang yongs su longs spyod pa'i phyir smon par yang byed do/ /mi smon par byed pa yang yin te/ de'i gnyen po dge ba la mi smon pa la mngon du phyogs pa ni de nye bar blang ba dang sbyor ba'i phyir mi smon par byed de de ltar smon pa dang mi smon pa las 'khor bar 'khor ba rgyun mi 'chad par 'gyur ro/ /de'i khyab par 'jug pa nyid kyang rnam pa gsum du rig par bya ste/ 'di lta ste gnas skabs la khyab pa ni tshor ba thams cad sgo lngas 'jug pa nyid kyi phyir te/ 'di lta ste/ phrad par mngon par dga' ba dang/ mi 'bral bar mngon par dga' ba dang/ mi 'phrad par mngon par dga' ba dang/ 'bral bar mngon par dga' ba dang/ rtag tu 'brel pa'i lus kun gzhi la chags pas so/ /dus la khyab pa ni 'di lta ste/ 'das pa la dmigs pa dang ma 'ongs pa la dmigs pa dang de ltar byung ba la dmigs pa'o/ /yul la khyab pa ni 'di lta ste/ tshe 'di pa dang tshe phyi ma pa'i lus la dmigs pa dang yul thob pa dang ma thob pa la dmigs pa'o/ /

【G3 解離欲】

ཅིའི་ཕྱིར་འདོད་ཆགས་དང་བྲལ་བ་དང་ཞེ་སྡང་དང་བྲལ་བ་དང་གཏི་མུག་དང་བྲལ་བས་སེམས་འདོད་ཆགས་དང་བྲལ་བར་བྱའོ་ཞེས་གསུངས་པ༑ ཉོན་མོངས་པའི་གཞི་འདི་ལྟ་སྟེ། གཟུགས་དང་ཚོར་བ་ལ་སོགས་པ་དག་ལས་མ་ཡིན་ཞེ་ན། སྨྲས་པ། དེ་དག་ལས་འདོད་ཆགས་དང་བྲལ་ན་དེ་དག་ལས་ཀྱང་འདོད་ཆགས་དང་བྲལ་བར་འགྱུར་བའི་ཕྱིར་རོ། །གཞན་ཡང་ཉོན་མོངས་པ་རྣམས་ནི་ཀུན་ནས་ཉོན་མོངས་པ་དང་བཅས་པའི་བདག་ཉིད་ཡིན་པས་དེའི་ཕྱིར་ཉེས་པ་མང་བའི་ཕྱིར་ཏེ་འདི་ལྟར་གཞི་ལས་ཉེས་པ་གང་ལ་ལ་འབྱུང་བར་འགྱུར་བ་དེ་དག་ཐམས་ཅད་ནི་ཉོན་མོངས་པ་ལས་གྱུར་པ་ཡིན་པར་བལྟ་བར་བྱ་སྟེ། ཉེས་པ་དེ་དག་ནི་འདི་ལྟ་སྟེ། ཕུང་པོ་ལ་མཁས་པའི་སྐབས་སུ་མི་དགེ་བའི་ཉེས་དམིགས་ཡོངས་སུ་བརྟག་པ་སྔར་བསྟན་པ་བཞིན་དུ་བལྟ་བར་བྱའོ། །གཞན་ཡང་བཟློག་པར་ནུས་པ་ཉིད་ཀྱི་ཕྱིར་ཏེ། འདི་ལྟར་ཉོན་མོངས་པ་ནི་གཞི་ལས་བཟློག་པར་ནུས་ཀྱི་གཞི་ནི་ཐམས་ཅད་ཀྱི་ཐམས་ཅད་དུ་མི་ནུས་པ་ཁོ་ན་ཡིན་ནོ། །གཞན་ཡང་འཇིག་རྟེན་པའི་ལམ་གྱིས་མི་སྡུག་པ་ལ་སོགས་པ་བསྒོམས་པས་དངོས་པོ་སུན་ཕྱུང་སྟེ། འདོད་ཆགས་དང་བྲལ་བའི་ས་ལ་འཇུག་ཏུ་ཟིན་ཀྱང་འདི་ལྟ་སྟེ་ཉོན་མོངས་པ་ལས་སེམས་རྣམ་པར་མ་གྲོལ་བའི་ཕྱིར་འདོད་ཆགས་དང་བྲལ་བའི་ས་པའི་ཉོན་མོངས་པ་དང་རྗེས་སུ་འབྲེལ་པ་ཡིན་པས་དེའི་ཕྱིར་རྣམ་གྲངས་དེས་ཀྱང་ཉོན་མོངས་པ་དང་བྲལ་བ་ཉིད་ཀྱིས་སེམས་ཤིན་ཏུ་རྣམ་པར་གྲོལ་བ་ཡིན་གྱི་གཞིའི་འདོད་ཆགས་དང་བྲལ་བས་ནི་མ་ཡིན་ནོ། །སྐབས་འདིའི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

ci'i phyir 'dod chags dang bral ba dang zhe sdang dang bral ba dang gti mug dang bral bas sems 'dod chags dang bral bar bya'o zhes gsungs pa| nyon mongs pa'i gzhi 'di lta ste/ gzugs dang tshor ba la sogs pa dag las ma yin zhe na/ smras pa/ de dag las 'dod chags dang bral na de dag las kyang 'dod chags dang bral bar 'gyur ba'i phyir ro/ /gzhan yang nyon mongs pa rnams ni kun nas nyon mongs pa dang bcas pa'i bdag nyid yin pas de'i phyir nyes pa mang ba'i phyir te 'di ltar gzhi las nyes pa gang la la 'byung bar 'gyur ba de dag thams cad ni nyon mongs pa las gyur pa yin par blta bar bya ste/ nyes pa de dag ni 'di lta ste/ phung po la mkhas pa'i skabs su mi dge ba'i nyes dmigs yongs su brtag pa sngar bstan pa bzhin du blta bar bya'o/ /gzhan yang bzlog par nus pa nyid kyi phyir te/ 'di ltar nyon mongs pa ni gzhi las bzlog par nus kyi gzhi ni thams cad kyi thams cad du mi nus pa kho na yin no/ /gzhan yang 'jig rten pa'i lam gyis mi sdug pa la sogs pa bsgoms pas dngos po sun phyung ste/ 'dod chags dang bral ba'i sa la 'jug tu zin kyang 'di lta ste nyon mongs pa las sems rnam par ma grol ba'i phyir 'dod chags dang bral ba'i sa pa'i nyon mongs pa dang rjes su 'brel pa yin pas de'i phyir rnam grangs des kyang nyon mongs pa dang bral ba nyid kyis sems shin tu rnam par grol ba yin gyi gzhi'i 'dod chags dang bral bas ni ma yin no/ /skabs 'di'i rnam par gtan la dbab pa'i gzhung lhag ma ni mi snang ngo/ /

【G4 解計我等】【H1 問】

ཅིའི་ཕྱིར་མདོ་སྡེ་དག་ལས་ངར་འཛིན་པ་དང༌། ང་འིར་འཛིན་པ་དང༌། ངའོ་སྙམ་པའི་ང་རྒྱལ་དང༌། མངོན་པར་ཞེན་པ་དང༌། བག་ལ་ཉལ་རྣམས་དེ་ལས་གཞན་པའི་ཉོན་མོངས་པ་དག་ལས་ལོགས་ཤིག་ཏུ་བཀར་ཏེ་ཀུན་ནས་ཉོན་མོངས་པའི་ཕྱོགས་སུ་ཡོངས་སུ་བསྟན་ཅེ་ན།

ci'i phyir mdo sde dag las ngar 'dzin pa dang/ nga 'ir 'dzin pa dang/ nga'o snyam pa'i nga rgyal dang/ mngon par zhen pa dang/ bag la nyal rnams de las gzhan pa'i nyon mongs pa dag las logs shig tu bkar te kun nas nyon mongs pa'i phyogs su yongs su bstan ce na/

【H2 答】【I1 以我我所見等為染污煩惱品】

སྨྲས་པ་རྒྱུ་གསུམ་གྱིས་ཏེ་ངར་འཛིན་པ་དང༌། ང་འིར་འཛིན་པ་གཉིས་ནི་ལོག་པར་བསྒྲུབ་པ་ལ་མངོན་པར་ཕྱོགས་པ་ཉིད་ཡིན་པའི་ཕྱིར་ཏེ། འདི་ལྟར་འཇིག་ཚོགས་ལ་ལྟ་བ་ལ་བརྟེན་ཏེ། དེའི་རྩ་བ་ལས་བྱུང་བའི་ལྟ་བའི་རྣམ་པ་དྲུག་ཅུ་རྩ་གཉིས་ལ་ཀུན་ཏུ་དམིགས་ན་ཐར་པ་འདོད་ཀྱང་ཐར་པ་ལོག་པར་བསྒྲུབ་པར་འགྱུར་བའི་ཕྱིར་རོ། །ངའོ་སྙམ་པའི་ང་རྒྱལ་དང་མངོན་པར་ཞེན་པ་གཉིས་ནི་ཡང་དག་པར་སྒྲུབ་པ་ལ་མི་ཕྱོགས་པ་ཉིད་ཡིན་པའི་ཕྱིར་ཏེ། འདི་ལྟར་ངའོ་སྙམ་པའི་ང་རྒྱལ་དང་མངོན་པར་ཞེན་པ་གཉིས་ལ་བརྟེན་ནས། ཆོས་འདུལ་བ་འདི་ལ་དགེ་བའི་བཤེས་གཉེན་དུ་གྱུར་པ་སངས་རྒྱས་དང་སངས་རྒྱས་ཀྱི་ཉན་ཐོས་རྣམས་དང༌། སྐྱེས་བུ་དམ་པ་རྣམས་ཀྱི་དྲུང་དུ་མི་འགྲོ་ཞིང་དགེ་བ་གང་ཡིན་མི་དགེ་བ་གང་ཡིན་ཞེས་ཡོངས་སུ་ཞུ་བར་མི་བྱེད་ཡོངས་སུ་འདྲི་བར་མི་བྱེད་ལ། དེ་དག་འོངས་ཏེ་དྲིས་ནའང་བདག་ཉིད་ཇི་ལྟ་བ་བཞིན་དུ་སྨྲ་བར་མི་བྱེད་པའི་ཕྱིར་རོ། །བག་ལ་ཉལ་གཅིག་ཏུ་ནི་ཁྱད་པར་ཐོབ་པ་ལས་ལྟུང་བ་ཉིད་ཡིན་པའི་ཕྱིར་ཏེ། འདི་ལྟར་སྲིད་པའི་རྩེ་མོའི་བར་དུ་ཐོབ་ཀྱང་ས་འོག་མ་པའི་བག་ལ་ཉལ་དང་ལྡན་ན་ཡང་ཕྱིར་ལྟུང་ཞིང་ཕྱིར་ལྡོག་པའི་ཕྱིར་རོ། །

smras pa rgyu gsum gyis te ngar 'dzin pa dang/ nga 'ir 'dzin pa gnyis ni log par bsgrub pa la mngon par phyogs pa nyid yin pa'i phyir te/ 'di ltar 'jig tshogs la lta ba la brten te/ de'i rtsa ba las byung ba'i lta ba'i rnam pa drug cu rtsa gnyis la kun tu dmigs na thar pa 'dod kyang thar pa log par bsgrub par 'gyur ba'i phyir ro/ /nga'o snyam pa'i nga rgyal dang mngon par zhen pa gnyis ni yang dag par sgrub pa la mi phyogs pa nyid yin pa'i phyir te/ 'di ltar nga'o snyam pa'i nga rgyal dang mngon par zhen pa gnyis la brten nas/ chos 'dul ba 'di la dge ba'i bshes gnyen du gyur pa sangs rgyas dang sangs rgyas kyi nyan thos rnams dang/ skyes bu dam pa rnams kyi drung du mi 'gro zhing dge ba gang yin mi dge ba gang yin zhes yongs su zhu bar mi byed yongs su 'dri bar mi byed la/ de dag 'ongs te dris na'ang bdag nyid ji lta ba bzhin du smra bar mi byed pa'i phyir ro/ /bag la nyal gcig tu ni khyad par thob pa las ltung ba nyid yin pa'i phyir te/ 'di ltar srid pa'i rtse mo'i bar du thob kyang sa 'og ma pa'i bag la nyal dang ldan na yang phyir ltung zhing phyir ldog pa'i phyir ro/ /

【I2 有二種因緣為障礙起正行】

རྣམ་གྲངས་གཞན་ཡང་ཤེས་བྱ་རབ་ཏུ་རྟོགས་པར་བྱ་བ་དང་སྤོང་བ་མངོན་དུ་བྱ་བ་ལ་གེགས་སུ་གྱུར་པའི་ཆོས་ནི་གཉིས་ཏེ། ལོག་པར་བསྒྲུབ་པའི་རྒྱུ་དང་སྡུག་བསྔལ་སྐྱེ་བའི་རྒྱུའོ། །དེ་ལ་ལོག་པར་བསྒྲུབ་པའི་རྒྱུ་ནི་ལྟ་བའི་རྣམ་པ་དྲུག་ཅུ་རྩ་གཉིས་པོ་དག་སྟེ། དེ་དག་ལ་མངོན་པར་ཞེན་ན་སེམས་ཅན་རྣམས་ལ། ལུས་དང་ངག་དང་ཡིད་ཀྱིས་ལོག་པར་སྒྲུབ་པར་འགྱུར་བའི་ཕྱིར་རོ། །སྡུག་བསྔལ་སྐྱེ་བའི་རྒྱུ་ནི་བག་ལ་ཉལ་བ་མ་སྤངས་པའོ། །ཆོས་དེ་གཉིས་ཀྱི་རྒྱུ་ཡང་རྣམ་པ་གཉིས་ཏེ། ལོག་པར་བསྒྲུབ་པའི་ཆོས་ཀྱི་རྒྱུའི་རྒྱུ་ནི་ངར་འཛིན་པ་དང༌། ང་འིར་འཛིན་པའི་རྣམ་པ་འཇིག་ཚོགས་ལ་ལྟ་བའོ། །སྡུག་བསྔལ་སྐྱེ་བའི་རྒྱུའི་རྒྱུ་ནི་ངའོ་སྙམ་པའི་ང་རྒྱལ་གྱིས་དང་པོ་དང་ཐ་མ་གཉིས་སུ་མི་བསྒྲུབ་པ་སྟེ། དེ་ལ་དང་པོར་ནི་མི་ཉན་པ་དང་ཡང་དག་པར་མི་བསྒྲུབ་པའི་ཕྱིར་རོ། །ཐ་མར་ནི་མངོན་པའི་ང་རྒྱལ་བྱེད་པའི་ཕྱིར་རོ། །

rnam grangs gzhan yang shes bya rab tu rtogs par bya ba dang spong ba mngon du bya ba la gegs su gyur pa'i chos ni gnyis te/ log par bsgrub pa'i rgyu dang sdug bsngal skye ba'i rgyu'o/ /de la log par bsgrub pa'i rgyu ni lta ba'i rnam pa drug cu rtsa gnyis po dag ste/ de dag la mngon par zhen na sems can rnams la/ lus dang ngag dang yid kyis log par sgrub par 'gyur ba'i phyir ro/ /sdug bsngal skye ba'i rgyu ni bag la nyal ba ma spangs pa'o/ /chos de gnyis kyi rgyu yang rnam pa gnyis te/ log par bsgrub pa'i chos kyi rgyu'i rgyu ni ngar 'dzin pa dang/ nga 'ir 'dzin pa'i rnam pa 'jig tshogs la lta ba'o/ /sdug bsngal skye ba'i rgyu'i rgyu ni nga'o snyam pa'i nga rgyal gyis dang po dang tha ma gnyis su mi bsgrub pa ste/ de la dang por ni mi nyan pa dang yang dag par mi bsgrub pa'i phyir ro/ /tha mar ni mngon pa'i nga rgyal byed pa'i phyir ro/ /

【I3 有四種法障礙四正法】

རྣམ་གྲངས་གཞན་ཡང་ལེགས་པར་གསུངས་པའི་ཆོས་འདུལ་བ་ལ། མཆོག་དང༌། གཙོ་བོ་དང༌། རབ་དང༌། རབ་མཆོག་དང་། གྱ་ནོམ་པ་དང༌། འདི་ལས་ཕྱི་རོལ་པ་རྣམས་དང༌། ཐུན་མོང་མ་ཡིན་པའི་ཆོས་བཞི་ཡོད་དེ་བཞི་གང་ཞེ་ན། བདེན་པ་རབ་ཏུ་རྣམ་པར་འབྱེད་པ་དང༌། རང་གི་ཚངས་པ་མཚུངས་པར་སྤྱོད་པ་དག་ལ་ཡང་དག་པར་དགའ་བར་བྱེད་པའི་ཆོས་རྣམས་དང༌། ཕས་ཀྱི་རྒོལ་བ་དག་ལ་ཞེ་སྡང་མེད་པ་དང༌། དག་པ་རྣམས་ལས་ཕྱིར་མི་ལྡོག་པའོ། །ཉེས་པར་བཤད་པའི་ཆོས་འདུལ་བ་ལ་ནི་དེ་དག་དང་མི་མཐུན་པའི་ཆོས་བཞི་ཡོད་དེ། ངར་འཛིན་པ་དང་ང་འིར་འཛིན་པ་རྣམས་འཇིག་ཚོགས་ལ་ལྟ་བ་དང༌། ངའོ་སྙམ་པའི་ང་རྒྱལ་དང་འདི་བདེན་ནོ་སྙམ་དུ་མངོན་པར་ཞེན་ཅིང་མཆོག་ཏུ་འཛིན་པ་དང༌། བག་ལ་ཉལ་མ་སྤངས་པ་སྟེ། དེས་ན་སྲིད་པའི་རྩེ་མོར་སྐྱེས་ཀྱང་ཡང་ཕྱིར་ལྡོག་པར་འགྱུར་རོ། །

rnam grangs gzhan yang legs par gsungs pa'i chos 'dul ba la/ mchog dang/ gtso bo dang/ rab dang/ rab mchog dang / gya nom pa dang/ 'di las phyi rol pa rnams dang/ thun mong ma yin pa'i chos bzhi yod de bzhi gang zhe na/ bden pa rab tu rnam par 'byed pa dang/ rang gi tshangs pa mtshungs par spyod pa dag la yang dag par dga' bar byed pa'i chos rnams dang/ phas kyi rgol ba dag la zhe sdang med pa dang/ dag pa rnams las phyir mi ldog pa'o/ /nyes par bshad pa'i chos 'dul ba la ni de dag dang mi mthun pa'i chos bzhi yod de/ ngar 'dzin pa dang nga 'ir 'dzin pa rnams 'jig tshogs la lta ba dang/ nga'o snyam pa'i nga rgyal dang 'di bden no snyam du mngon par zhen cing mchog tu 'dzin pa dang/ bag la nyal ma spangs pa ste/ des na srid pa'i rtse mor skyes kyang yang phyir ldog par 'gyur ro/ /

【I4 二執】

གཞན་ཡང་མངོན་པར་ཞེན་པ་ནི་གཉིས་ཡོད་དེ། དབང་པོ་དང་ཡུལ་ལ་མངོན་པར་ཞེན་པ་དང༌། སེམས་ཅན་གཅིག་ལ་གཅིག་མངོན་པར་ཞེན་པའོ། །དེ་ལ་དབང་པོ་དང་ཡུལ་ལ་མངོན་པར་ཞེན་པ་ནི་ངར་འཛིན་པ་དང་ང་འིར་འཛིན་པ་གཉིས་ཀྱིས་བལྟ་བར་བྱའོ། །སེམས་ཅན་གཅིག་ལ་གཅིག་མངོན་པར་ཞེན་པ་ནི་ངའོ་སྙམ་པའི་ང་རྒྱལ་གྱིས་བལྟ་བར་བྱ་སྟེ། བདག་ནི་ཆེའོ་སྙམ་པ་ལ་སོགས་པའི་རྣམ་པ་དེ་དག་གིས་སོ། །

gzhan yang mngon par zhen pa ni gnyis yod de/ dbang po dang yul la mngon par zhen pa dang/ sems can gcig la gcig mngon par zhen pa'o/ /de la dbang po dang yul la mngon par zhen pa ni ngar 'dzin pa dang nga 'ir 'dzin pa gnyis kyis blta bar bya'o/ /sems can gcig la gcig mngon par zhen pa ni nga'o snyam pa'i nga rgyal gyis blta bar bya ste/ bdag ni che'o snyam pa la sogs pa'i rnam pa de dag gis so/ /

【G5 解事欲以為苦因】

སྲེད་པ་སྡུག་བསྔལ་གྱི་རྒྱུ་ཡིན་ན་ཅིའི་ཕྱིར་བཅོམ་ལྡན་འདས་ཀྱིས་བདུན་པའང་སྡུག་བསྔལ་གྱི་རྒྱུ་ཉིད་དུ་ཡོངས་སུ་བསྟན་ཅེ་ན། སྨྲས་པ། ཚེ་འདིའི་སྡུག་བསྔལ་གྱི་རྒྱུ་ཉིད་ཡིན་པའི་ཕྱིར་ཏེ། འདི་ལྟར་སེམས་ཅན་གང་དག་ལ་འདུན་པའམ་འདོད་ཆགས་པའམ་བྱམས་པར་གྱུར་པ་དེ་དག་རྣམ་པར་གྱུར་ཏམ་གཞན་དུ་གྱུར་པ་ལས་མྱ་ངན་ལ་སོགས་པ་སྐྱེ་བའི་ཕྱིར་རོ། །

sred pa sdug bsngal gyi rgyu yin na ci'i phyir bcom ldan 'das kyis bdun pa'ang sdug bsngal gyi rgyu nyid du yongs su bstan ce na/ smras pa/ tshe 'di'i sdug bsngal gyi rgyu nyid yin pa'i phyir te/ 'di ltar sems can gang dag la 'dun pa'am 'dod chags pa'am byams par gyur pa de dag rnam par gyur tam gzhan du gyur pa las mya ngan la sogs pa skye ba'i phyir ro/ /

【G6 解經說煩惱異名有其七句】

ཅིའི་ཕྱིར་སྒྲིབ་པ་ལྔ་པོ་དག་རུས་སྦལ་གྱི་སྒྲར་གསུངས་ཤེ་ན། སྨྲས་པ། རྣལ་འབྱོར་ཡིད་ལ་བྱེད་པ་སྒོམ་པའི་མི་མཐུན་པའི་ཕྱོགས་ཀྱི་ཡན་ལག་ལྔ་ཡོད་པར་ཆོས་མཐུན་པའི་ཕྱིར་རོ། །ཅིའི་ཕྱིར་ཁྲོ་བ་སྡིག་པའི་སྒྲར་གསུངས་ཤེ་ན། སྨྲས་པ། བཀའ་བློ་མི་བདེ་བ་དང་ཚིག་མི་བཟོད་པ་ཉིད་ཀྱི་དབང་དུ་བྱས་ནས་གདམས་ངག་དང་རྗེས་སུ་བསྟན་པ་ཐོབ་པའི་མི་མཐུན་པའི་ཕྱོགས་ཀྱི་དེ་དང་རང་བཞིན་འདྲ་བ་ཉིད་ཀྱི་ཕྱིར་རོ། །ཅིའི་ཕྱིར་ཕྲག་དོག་དང་སེར་སྣ་ཤ་སྣ་དགུའི་སྒྲར་གསུངས་ཤེ་ན། སྨྲས་པ། ཡང་དག་པར་དགའ་བར་འགྱུར་བའི་ཆོས་ཀྱི་མི་མཐུན་པའི་ཕྱོགས་ཀྱི་རྙེད་པ་དང་བཀུར་སྟི་འདོད་པའི་གནས་པ་ཀུན་ཏུ་སྤྱོད་པ་ཉིད་ཀྱི་ཕྱིར་རོ། །ཅིའི་ཕྱིར་འདོད་པ་རྣམས་གཙོང་ཤའི་སྒྲར་གསུངས་ཤེ་ན། སྨྲས་པ། དགེ་བའི་ཆོས་རྣམས་རྟག་ཏུ་བསྒོམས་པས་མི་མཐུན་པའི་ཕྱོགས་ཀྱི་བདག་པོ་དང་འབྲེལ་པར་ཡོངས་སུ་གྲུབ་པ་མ་ཡིན་པ་ཉིད་ཀྱི་ཕྱིར་རོ། །ཅིའི་ཕྱིར་མ་རིག་པ་སྤྲེའུ་མཇུག་རིངས་ཀྱི་སྒྲར་གསུངས་ཤེ་ན། སྨྲས་པ། ཐོས་པ་ལས་བྱུང་བའི་ཤེས་པ་མི་མཐུན་པའི་ཕྱོགས་ཀྱིས་དེ་དང་རང་བཞིན་འདྲ་བ་ཉིད་ཀྱི་ཕྱིར་རོ། །ཅིའི་ཕྱིར་སོམ་ཉི་ལམ་ཁ་བྲག་གི་སྒྲར་གསུངས་ཤེ་ན། སྨྲས་པ། བསམས་པ་ལས་བྱུང་བའི་ཤེས་པའི་མི་མཐུན་པའི་ཕྱོགས་ཀྱིས་དེ་དང་རང་བཞིན་འདྲ་བ་ཉིད་ཀྱི་ཕྱིར་རོ། །ཅིའི་ཕྱིར་ངའོ་སྙམ་པའི་ང་རྒྱལ་ཁོར་ཡུག་གི་སྒྲར་གསུངས་ཤེ་ན། སྨྲས་པ། བསྒོམས་པ་ལས་བྱུང་བའི་ཤེས་པའི་མི་མཐུན་པའི་ཕྱོགས་ཀྱིས་དེ་དང་རང་བཞིན་འདྲ་བ་ཉིད་ཀྱི་ཕྱིར་རོ།

ci'i phyir sgrib pa lnga po dag rus sbal gyi sgrar gsungs she na/ smras pa/ rnal 'byor yid la byed pa sgom pa'i mi mthun pa'i phyogs kyi yan lag lnga yod par chos mthun pa'i phyir ro/ /ci'i phyir khro ba sdig pa'i sgrar gsungs she na/ smras pa/ bka' blo mi bde ba dang tshig mi bzod pa nyid kyi dbang du byas nas gdams ngag dang rjes su bstan pa thob pa'i mi mthun pa'i phyogs kyi de dang rang bzhin 'dra ba nyid kyi phyir ro/ /ci'i phyir phrag dog dang ser sna sha sna dgu'i sgrar gsungs she na/ smras pa/ yang dag par dga' bar 'gyur ba'i chos kyi mi mthun pa'i phyogs kyi rnyed pa dang bkur sti 'dod pa'i gnas pa kun tu spyod pa nyid kyi phyir ro/ /ci'i phyir 'dod pa rnams gtsong sha'i sgrar gsungs she na/ smras pa/ dge ba'i chos rnams rtag tu bsgoms pas mi mthun pa'i phyogs kyi bdag po dang 'brel par yongs su grub pa ma yin pa nyid kyi phyir ro/ /ci'i phyir ma rig pa spre'u mjug rings kyi sgrar gsungs she na/ smras pa/ thos pa las byung ba'i shes pa mi mthun pa'i phyogs kyis de dang rang bzhin 'dra ba nyid kyi phyir ro/ /ci'i phyir som nyi lam kha brag gi sgrar gsungs she na/ smras pa/ bsams pa las byung ba'i shes pa'i mi mthun pa'i phyogs kyis de dang rang bzhin 'dra ba nyid kyi phyir ro/ /ci'i phyir nga'o snyam pa'i nga rgyal khor yug gi sgrar gsungs she na/ smras pa/ bsgoms pa las byung ba'i shes pa'i mi mthun pa'i phyogs kyis de dang rang bzhin 'dra ba nyid kyi phyir ro/

【G7 釋貪等名不善根】

ཅིའི་ཕྱིར་དེ་ལས་གཞན་པའི་ཉོན་མོངས་པ་ཉེས་པར་སྤྱོད་པ་ཀུན་ནས་སློང་བར་བྱེད་པ་དག་ཀྱང་ཡོད་བཞིན་དུ་ཆགས་པ་དང་ཞེ་སྡང་དང༌། གཏི་མུག་ཁོ་ན་ལོགས་ཤིག་ཏུ་བཀར་ཏེ་མི་དགེ་བའི་རྩ་བ་ཉིད་དུ་རྣམ་པར་གཞག་ཅེ་ན། སྨྲས་པ། མདོར་བསྡུ་ན། ལས་ཀྱི་རྒྱུ་རྣམ་པ་གསུམ་ཡོད་པའི་ཕྱིར་ཏེ། ཟང་ཟིང་གི་རྒྱུའི་ཕྱིར་དང༌། གཞན་ལ་གནོད་པར་བྱེད་པའི་རྒྱུའི་ཕྱིར་དང༌། ལོག་པའི་ཆོས་རྣམ་པར་གཞག་པ་ལ་མངོན་པར་ཞེན་པའི་རྒྱུ་ཡིན་པའི་ཕྱིར་ཏེ། རྒྱུ་དེ་དག་ལ་ཆགས་པ་ལ་སོགས་པ་དེ་དག་གང་གིས་ཞེན་པ་ཅི་རིགས་པར་སྦྱར་རོ། །

ci'i phyir de las gzhan pa'i nyon mongs pa nyes par spyod pa kun nas slong bar byed pa dag kyang yod bzhin du chags pa dang zhe sdang dang/ gti mug kho na logs shig tu bkar te mi dge ba'i rtsa ba nyid du rnam par gzhag ce na/ smras pa/ mdor bsdu na/ las kyi rgyu rnam pa gsum yod pa'i phyir te/ zang zing gi rgyu'i phyir dang/ gzhan la gnod par byed pa'i rgyu'i phyir dang/ log pa'i chos rnam par gzhag pa la mngon par zhen pa'i rgyu yin pa'i phyir te/ rgyu de dag la chags pa la sogs pa de dag gang gis zhen pa ci rigs par sbyar ro/ /

【F2 頌結】

བར་སྡོམ་ནི། འདོད་དང་སྲེད་དང་འདོད་ཆགས་བྲལ། །ངར་འཛིན་ལ་སོགས་དེ་བཞིན་ཏེ། །འདུན་དང་རུས་སྦལ་ལ་སོགས་དང༌། །དེ་བཞིན་ཆགས་སོགས་གཞན་ཡིན་ནོ། །

bar sdom ni/ 'dod dang sred dang 'dod chags bral/ /ngar 'dzin la sogs de bzhin te/ /'dun dang rus sbal la sogs dang/ /de bzhin chags sogs gzhan yin no/ /

【E3 總釋九門】【F1 別解九門】【G1 解九門】【H1 解發業門】

འདོད་ཆགས་ལ་སོགས་པ་ཉོན་མོངས་པ་བཅུ་པོ་གང་དག་ཡིན་པ་དེ་དག་ལས་དུ་ནི་ལས་ཀུན་ནས་སློང་བར་བྱེད་པ་ཡིན། དུ་ནི་མ་ཡིན་ཞེ་ན། སྨྲས་པ། ཐམས་ཅད་ཀྱང་ལས་ཀུན་ནས་སློང་བར་བྱེད་པ་ཡིན་ཏེ། ངན་འགྲོར་འགྲོ་བར་འགྱུར་བའི་ལས་ནི་ཟིལ་གྱིས་གནོན་པ་ཀུན་ཏུ་སྤྱོད་པའི་ཉོན་མོངས་པས་ཀུན་ནས་སློང་བར་བྱེད་དེ། བརྗེད་ངས་པ་ཀུན་ཏུ་སྤྱོད་པས་ཀྱང་མ་ཡིན་ཀུན་བརྟགས་པ་དང༌། རང་བཞིན་པས་ཀྱང་མ་ཡིན་ནོ། །

'dod chags la sogs pa nyon mongs pa bcu po gang dag yin pa de dag las du ni las kun nas slong bar byed pa yin/ du ni ma yin zhe na/ smras pa/ thams cad kyang las kun nas slong bar byed pa yin te/ ngan 'gror 'gro bar 'gyur ba'i las ni zil gyis gnon pa kun tu spyod pa'i nyon mongs pas kun nas slong bar byed de/ brjed ngas pa kun tu spyod pas kyang ma yin kun brtags pa dang/ rang bzhin pas kyang ma yin no/ /

【H2 解相門】【I1 正辨相】【J1 問答開列三相】

ཉོན་མོངས་པའི་མཚན་ཉིད་དུས་བརྗོད་པར་བྱ་ཞེ་ན། སྨྲས་པ། མདོར་བསྡུ་ན་མཚན་ཉིད་གསུམ་གྱིས་ཏེ། རང་གི་མཚན་ཉིད་དང༌། སྤྱིའི་མཚན་ཉིད་དང༌། བྱེ་བྲག་གི་མཚན་ཉིད་ཀྱིས་སོ། །

nyon mongs pa'i mtshan nyid dus brjod par bya zhe na/ smras pa/ mdor bsdu na mtshan nyid gsum gyis te/ rang gi mtshan nyid dang/ spyi'i mtshan nyid dang/ bye brag gi mtshan nyid kyis so/ /

【J2 次第解】【K1 解自相】

དེ་ལ་རང་གི་མཚན་ཉིད་ནི་འདོད་ཆགས་ལ་སོགས་པའི་སོ་སོའི་ངོ་བོ་ཉིད་དུ་གཏོགས་པ་ཡིན་པར་བལྟ་བར་བྱའོ། །

de la rang gi mtshan nyid ni 'dod chags la sogs pa'i so so'i ngo bo nyid du gtogs pa yin par blta bar bya'o/ /

【K2 解共相】

དེ་ལ་སྤྱིའི་མཚན་ཉིད་ནི་བྱེ་བྲག་མེད་པར་ཐམས་ཅད་ཀྱང་རབ་ཏུ་མ་ཞི་བའི་མཚན་ཉིད་གང་ཡིན་པའོ། །

de la spyi'i mtshan nyid ni bye brag med par thams cad kyang rab tu ma zhi ba'i mtshan nyid gang yin pa'o/ /

【K3 解差別相】【L1 問二門】

དེ་ལ་བྱེ་བྲག་གི་མཚན་ཉིད་ནི་འདི་ལྟ་སྟེ༑ རྣམ་གྲངས་ཀྱི་བྱེ་བྲག་གི་མཚན་ཉིད་དང༌། འཇུག་པའི་བྱེ་བྲག་གི་མཚན་ཉིད་དོ། །

de la bye brag gi mtshan nyid ni 'di lta ste| rnam grangs kyi bye brag gi mtshan nyid dang/ 'jug pa'i bye brag gi mtshan nyid do/ /

【L2 解二門】【M1 門差別相】

དེ་ལ་རྣམ་གྲངས་ཀྱི་བྱེ་བྲག་གི་མཚན་ཉིད་ནི་འདི་ལྟ་སྟེ་ཀུན་ཏུ་སྦྱོར་བ་དང༌། འཆིང་བ་དང་བག་ལ་ཉལ་དང་ཉེ་བའི་ཉོན་མོངས་པ་དང་ཀུན་ནས་དཀྲིས་པ་ལ་སོགས་པ་སྟེ་སའི་དངོས་གཞིར་བསྟན་པ་བཞིན་ནོ། །

de la rnam grangs kyi bye brag gi mtshan nyid ni 'di lta ste kun tu sbyor ba dang/ 'ching ba dang bag la nyal dang nye ba'i nyon mongs pa dang kun nas dkris pa la sogs pa ste sa'i dngos gzhir bstan pa bzhin no/ /

【M2 轉差別相】【N1 開列七門】

དེ་ལ་འཇུག་པའི་བྱེ་བྲག་གི་མཚན་ཉིད་ནི་འདི་ལྟ་སྟེ། བག་ལ་ཉལ་གྱི་འཇུག་པ་དང༌། དམིགས་པའི་འཇུག་པ་དང་ཀུན་ཏུ་འབྱུང་བའི་འཇུག་པ་དང༌། རྣམ་པ་རབ་ཏུ་དབྱེ་བའི་འཇུག་པ་དང༌། སྟོབས་དང་ལྡན་པ་དང་སྟོབས་དང་ལྡན་པ་མ་ཡིན་པའི་འཇུག་པ་དང༌། རྒྱུ་དང་འབྲས་བུའི་འཇུག་པ་དང༌། ལོག་པར་བསྒྲུབ་པའི་འཇུག་པ་ལས་བལྟ་བར་བྱའོ༑ །

de la 'jug pa'i bye brag gi mtshan nyid ni 'di lta ste/ bag la nyal gyi 'jug pa dang/ dmigs pa'i 'jug pa dang kun tu 'byung ba'i 'jug pa dang/ rnam pa rab tu dbye ba'i 'jug pa dang/ stobs dang ldan pa dang stobs dang ldan pa ma yin pa'i 'jug pa dang/ rgyu dang 'bras bu'i 'jug pa dang/ log par bsgrub pa'i 'jug pa las blta bar bya'o| /

【N2 釋七門】【O1 解隨眠轉相】【P1 辨隨眠相】

དེ་ལ་བག་ལ་ཉལ་གྱི་འཇུག་པའི་མཚན་ཉིད་ནི་མདོར་བསྡུ་ན་རྣམ་པ་བཅོ་བརྒྱད་དུ་རིག་པར་བྱ་སྟེ། འདི་ལྟ་སྟེ། རང་གི་ཡུལ་གྱི་རྗེས་སུ་སོང་བའི་བག་ལ་ཉལ་དང༌། གཞན་གྱི་རྗེས་སུ་སོང་བ་དང༌། ཉམས་པ་དང་མ་ཉམས་པ་དང༌། བག་ལ་ཉལ་དང༌། བག་ལ་ཉལ་མ་ཡིན་པ་དང༌། མཐའ་དག་དང༌། མ་ཚང་བ་དང༌། ཡང་དག་པར་གཞོམ་དུ་རུང་བ་དང༌། ཡང་དག་པར་གཞོམ་དུ་མི་རུང་བ་དང༌། ལྷག་པ་དང༌། མཉམ་པ་དང༌། སྟོབས་ཆུང་བ་དང༌། སད་པ་དང༌། མ་སད་པ་དང༌། སྡུག་བསྔལ་མང་པོ་བསྐྱེད་པ་དང༌། སྡུག་བསྔལ་ཉུང་ངུ་བསྐྱེད་པ་དང༌། སྡུག་བསྔལ་མི་བསྐྱེད་པའོ། །དེ་ལ་རང་གི་ཡུལ་གྱི་རྗེས་སུ་སོང་བ་ནི་ཁམས་གསུམ་པོ་དག་ན་རང་གི་ས་པར་གཏོགས་པ་གང་ཡིན་པའོ། །དེ་ལ་གཞན་གྱི་ཡུལ་གྱི་རྗེས་སུ་སོང་བ་ནི་འོག་མ་དང་གོང་མར་སྐྱེད་པའི་འོག་མའམ་གོང་མའི་ས་པའི་ཉོན་མོངས་པའི་ས་བོན་དང་ལྡན་པ་གང་ཡིན་པའོ། །དེ་ལ་ཉམས་པ་ནི་འཇིག་རྟེན་པའི་འདོད་ཆགས་དང་བྲལ་བའི་ས་འོག་མ་གང་ཡིན་པའོ། །དེ་ལ་མ་ཉམས་པ་ནི་འདོད་ཆགས་དང་བྲལ་བ་དོག་མའམ་འདོད་ཆགས་དང་མ་བྲལ་བའི་རང་གི་ས་པ་གང་ཡིན་པའོ། །དེ་ལ་བག་ལ་ཉལ་བ་ནི་རང་གི་ས་པ་གང་ཡིན་པའོ༑ །དེ་ལ་བག་ལ་ཉལ་མ་ཡིན་པ་ནི་གཞན་གྱི་ས་པ་གང་ཡིན་པའོ། །དེ་ལ་མཐའ་དག་ནི་སོ་སོའི་སྐྱེ་བོ་རྣམས་ཀྱི་གང་ཡིན་པའོ། །དེ་ལ་མ་ཚང་བ་ནི་སོ་སོའི་སྐྱེ་བོ་མ་ཡིན་པ་སློབ་པ་རྣམས་ཀྱི་གང་ཡིན་པའོ། །དེ་ལ་ཡང་དག་པར་གཞོམ་དུ་རུང་བ་ནི་ཡོངས་སུ་མྱ་ངན་ལས་འདས་པའི་ཆོས་ཅན་རྣམས་ཀྱི་གང་ཡིན་པའོ། །དེ་ལ་ཡང་དག་པར་གཞོམ་དུ་མི་རུང་བ་ནི་ཡོངས་སུ་མྱ་ངན་ལས་མི་འདའ་བའི་ཆོས་ཅན་རྣམས་ཀྱི་གང་ཡིན་པའོ། །དེ་ལ་ལྷག་མ་ནི་འདོད་ཆགས་ལ་སོགས་པ་སྤྱོད་པ་རྣམས་ཀྱི་གང་ཡིན་པའོ། །དེ་ལ་མཉམ་པ་ནི་ཆ་མཉམ་པར་སྤྱོད་པ་རྣམས་ཀྱི་གང་ཡིན་པའོ། །དེ་ལ་སྟོབས་ཆུང་བ་ནི་ཉོན་མོངས་པ་ཆུད་བ་རྣམས་ཀྱི་གང་ཡིན་པའོ། །དེ་ལ་སད་པ་ནི་ཀུན་ནས་དཀྲིས་པའི་འབྲས་བུ་ཅན་ཏེ་ཀུན་ནས་དཀྲིས་པ་ཅན་དུ་འབྱུང་བ་གང་ཡིན་པའོ། །དེ་ལ་མ་སད་པ་ནི་ཀུན་ནས་དཀྲིས་པ་མེད་པར་རྗེས་སུ་འབྲེལ་པ་གང་ཡིན་པའོ། །དེ་ལ་སྡུག་བསྔལ་མང་པོ་བསྐྱེད་པ་ནི་འདོད་པ་ལ་སྐྱོད་པ་གང་ཡིན་པའོ། །དེ་ལ་སྡུག་བསྔལ་ཉུང་ངུ་བསྐྱེད་པ་ནི་གཟུགས་དང་གཟུགས་མེད་པ་ན་སྤྱོད་པ་གང་ཡིན་པའོ། །དེ་ལ་སྡུག་བསྔལ་མི་སྐྱེད་པ་ནི་དབང་ཐོབ་པའི་བྱང་ཆུབ་སེམས་དཔའ་རྣམས་ཀྱི་གང་ཡིན་པའོ༑ །

de la bag la nyal gyi 'jug pa'i mtshan nyid ni mdor bsdu na rnam pa bco brgyad du rig par bya ste/ 'di lta ste/ rang gi yul gyi rjes su song ba'i bag la nyal dang/ gzhan gyi rjes su song ba dang/ nyams pa dang ma nyams pa dang/ bag la nyal dang/ bag la nyal ma yin pa dang/ mtha' dag dang/ ma tshang ba dang/ yang dag par gzhom du rung ba dang/ yang dag par gzhom du mi rung ba dang/ lhag pa dang/ mnyam pa dang/ stobs chung ba dang/ sad pa dang/ ma sad pa dang/ sdug bsngal mang po bskyed pa dang/ sdug bsngal nyung ngu bskyed pa dang/ sdug bsngal mi bskyed pa'o/ /de la rang gi yul gyi rjes su song ba ni khams gsum po dag na rang gi sa par gtogs pa gang yin pa'o/ /de la gzhan gyi yul gyi rjes su song ba ni 'og ma dang gong mar skyed pa'i 'og ma'am gong ma'i sa pa'i nyon mongs pa'i sa bon dang ldan pa gang yin pa'o/ /de la nyams pa ni 'jig rten pa'i 'dod chags dang bral ba'i sa 'og ma gang yin pa'o/ /de la ma nyams pa ni 'dod chags dang bral ba dog ma'am 'dod chags dang ma bral ba'i rang gi sa pa gang yin pa'o/ /de la bag la nyal ba ni rang gi sa pa gang yin pa'o| /de la bag la nyal ma yin pa ni gzhan gyi sa pa gang yin pa'o/ /de la mtha' dag ni so so'i skye bo rnams kyi gang yin pa'o/ /de la ma tshang ba ni so so'i skye bo ma yin pa slob pa rnams kyi gang yin pa'o/ /de la yang dag par gzhom du rung ba ni yongs su mya ngan las 'das pa'i chos can rnams kyi gang yin pa'o/ /de la yang dag par gzhom du mi rung ba ni yongs su mya ngan las mi 'da' ba'i chos can rnams kyi gang yin pa'o/ /de la lhag ma ni 'dod chags la sogs pa spyod pa rnams kyi gang yin pa'o/ /de la mnyam pa ni cha mnyam par spyod pa rnams kyi gang yin pa'o/ /de la stobs chung ba ni nyon mongs pa chud ba rnams kyi gang yin pa'o/ /de la sad pa ni kun nas dkris pa'i 'bras bu can te kun nas dkris pa can du 'byung ba gang yin pa'o/ /de la ma sad pa ni kun nas dkris pa med par rjes su 'brel pa gang yin pa'o/ /de la sdug bsngal mang po bskyed pa ni 'dod pa la skyod pa gang yin pa'o/ /de la sdug bsngal nyung ngu bskyed pa ni gzugs dang gzugs med pa na spyod pa gang yin pa'o/ /de la sdug bsngal mi skyed pa ni dbang thob pa'i byang chub sems dpa' rnams kyi gang yin pa'o| /

【P2 因論生論乘辨麁重】

གནས་ངན་ལེན་གྱི་ལུས་དང་གནས་ངན་ལེན་གྱི་བདག་ཉིད་ཀྱི་བག་ལ་ཉལ་ཞེས་གང་གསུངས་པ་དེ་ལ། ཅི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་དེ་འདུ་བྱེད་དེ་དག་ལས་གཞན་དུ་བརྗོད་པར་བྱ་བའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཞན་དུ་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་ཡང་དག་པར་བཅོམ་པའི་དགྲ་བཅོམ་པ་རྣམས་ཀྱི་འདུ་བྱེད་ཀྱི་རྒྱུན་རྣམ་པར་མ་ཆད་པའི་ཕྱིར་རོ། །གནས་ངན་ལེན་དུ་ཞིག་གི་གནས་ངན་ལེན་བསྡུས་ཤེ་ན། སྨྲས་པ། རྣམ་པ་བཅོ་བརྒྱད་ཀྱིས་ཏེ། འདི་ལྟ་སྟེ། རང་བཞིན་གྱིས་རྣམ་པར་སྨིན་པའི་གནས་ངན་ལེན་དང་རང་བཞིན་གྱིས་ཉོན་མོངས་པའི་གནས་ངན་ལེན་དང༌། རང་བཞིན་གྱིས་ལས་ཀྱི་གནས་ངན་ལེན་དང༌། ཉོན་མོངས་པའི་སྒྲིབ་པའི་གནས་ངན་ལེན་དང༌། ལས་ཀྱི་སྒྲིབ་པའི་གནས་ངན་ལེན་དང༌། རྣམ་པར་སྨིན་པའི་སྒྲིབ་པའི་གནས་ངན་ལེན་དང༌། སྒྲིབ་པའི་གནས་ངན་ལེན་དང༌། ལེགས་པར་རྟོགས་པ་མ་ཡིན་པའི་གནས་ངན་ལེན་དང༌། མྱ་ངན་གྱི་གནས་ངན་ལེན་དང༌། འཇིགས་པའི་གནས་ངན་ལེན་དང༌། ངལ་བའི་གནས་ངན་ལེན་དང༌། ཟས་ཀྱི་གནས་ངན་ལེན་དང༌། གཉིད་ཀྱི་གནས་ངན་ལེན་དང༌། འཁྲིག་པའི་གནས་ངན་ལེན་དང༌། ཁམས་མ་སྙོམས་པའི་གནས་ངན་ལེན་དང༌། ན་ཚོད་འགྱུར་བའི་གནས་ངན་ལེན་དང༌། འཆི་བའི་གནས་ངན་ལེན་དང༌། གཞན་ཡང་ཐམས་ཅད་དུ་འགྲོ་བའི་གནས་ངན་ལེན་ཏེ་དེ་ནི་སྔ་མ་བཞིན་དུ་བལྟ་བར་བྱའོ། །

gnas ngan len gyi lus dang gnas ngan len gyi bdag nyid kyi bag la nyal zhes gang gsungs pa de la/ ci nyon mongs pa'i phyogs dang mthun pa'i gnas ngan len de 'du byed de dag las gzhan du brjod par bya ba'am/ gzhan ma yin par brjod par bya zhe na/ smras pa/ gzhan du brjod par bya'o/ /de ci'i phyir zhe na/ 'di ltar nyon mongs pa'i phyogs dang mthun pa'i gnas ngan len yang dag par bcom pa'i dgra bcom pa rnams kyi 'du byed kyi rgyun rnam par ma chad pa'i phyir ro/ /gnas ngan len du zhig gi gnas ngan len bsdus she na/ smras pa/ rnam pa bco brgyad kyis te/ 'di lta ste/ rang bzhin gyis rnam par smin pa'i gnas ngan len dang rang bzhin gyis nyon mongs pa'i gnas ngan len dang/ rang bzhin gyis las kyi gnas ngan len dang/ nyon mongs pa'i sgrib pa'i gnas ngan len dang/ las kyi sgrib pa'i gnas ngan len dang/ rnam par smin pa'i sgrib pa'i gnas ngan len dang/ sgrib pa'i gnas ngan len dang/ legs par rtogs pa ma yin pa'i gnas ngan len dang/ mya ngan gyi gnas ngan len dang/ 'jigs pa'i gnas ngan len dang/ ngal ba'i gnas ngan len dang/ zas kyi gnas ngan len dang/ gnyid kyi gnas ngan len dang/ 'khrig pa'i gnas ngan len dang/ khams ma snyoms pa'i gnas ngan len dang/ na tshod 'gyur ba'i gnas ngan len dang/ 'chi ba'i gnas ngan len dang/ gzhan yang thams cad du 'gro ba'i gnas ngan len te de ni snga ma bzhin du blta bar bya'o/ /

【O2 次四轉】

དེ་ལ་དམིགས་པའི་འཇུག་པ་དང༌། ཀུན་ཏུ་འབྱུང་བའི་འཇུག་པ་ནི་རང་གི་གནས་སུ་བརྗོད་པར་བྱའོ། །རྣམ་པ་རབ་ཏུ་དབྱེ་བའི་འཇུག་པ་ནི་འདི་ལྟ་སྟེ། ཕུང་པོ་ལ་མཁས་པའི་སྐབས་སུ་སྔར་བསྟན་པ་བཞིན་དུ་བལྟ་བར་བྱའོ། །སྟོབས་དང་ལྡན་པ་དང༌། སྟོབས་དང་ལྡན་པ་མ་ཡིན་པའི་འཇུག་པ་ཡང་འདི་ལྟ་སྟེ། སའི་དངོས་གཞིར་སྔར་བསྟན་པ་ཁོ་ན་བཞིན་དུ་བལྟ་བར་བྱའོ། །

de la dmigs pa'i 'jug pa dang/ kun tu 'byung ba'i 'jug pa ni rang gi gnas su brjod par bya'o/ /rnam pa rab tu dbye ba'i 'jug pa ni 'di lta ste/ phung po la mkhas pa'i skabs su sngar bstan pa bzhin du blta bar bya'o/ /stobs dang ldan pa dang/ stobs dang ldan pa ma yin pa'i 'jug pa yang 'di lta ste/ sa'i dngos gzhir sngar bstan pa kho na bzhin du blta bar bya'o/ /

【O3 解因果轉】

དེ་ལ་རྒྱུ་དང་འབྲས་བུའི་འཇུག་པ་ནི་འདི་ལྟ་སྟེ། ཉོན་མོངས་པ་ཡང་ཉོན་མོངས་པའི་རྒྱུ་ལས་བྱུང་བ་ཡིན་ལ། ལས་ཀྱང་ཉོན་མོངས་པའི་རྒྱུ་ལས་བྱུང་བ་ཡིན། སྐྱེ་བ་ཡང་ཉོན་མོངས་པའི་རྒྱུ་ལས་བྱུང་བ་ཡིན་ནོ། །འབྲས་བུའང་དེ་བཞིན་དུ་ཅི་རིགས་པར་བལྟ་བར་བྱ་སྟེ། དེ་ལ་ཉོན་མོངས་པ་གང་དག་ཡིན་པ་དེ་དག་ལས། ཁ་ཅིག་མི་དགེ་བ་འདོད་པ་ན་སྤྱོད་པ་རྣམས་ནི་རྣམ་པར་སྨིན་པ་དང་བཅས་པ་ཡིན་ནོ། །དེ་ལས་གཞན་པ་རྣམས་ནི་རྣམ་པར་སྨིན་པ་མེད་པ་ཡིན་ནོ། །

de la rgyu dang 'bras bu'i 'jug pa ni 'di lta ste/ nyon mongs pa yang nyon mongs pa'i rgyu las byung ba yin la/ las kyang nyon mongs pa'i rgyu las byung ba yin/ skye ba yang nyon mongs pa'i rgyu las byung ba yin no/ /'bras bu'ang de bzhin du ci rigs par blta bar bya ste/ de la nyon mongs pa gang dag yin pa de dag las/ kha cig mi dge ba 'dod pa na spyod pa rnams ni rnam par smin pa dang bcas pa yin no/ /de las gzhan pa rnams ni rnam par smin pa med pa yin no/ /

【O4 解迷行轉】

དེ་ལ་ལོག་པར་བསྒྲུབ་པའི་འཇུག་པ་ནི་སའི་དངོས་གཞིར་མདོར་བསྟན་པ་ལས་རྣམ་པ་བདུན་བཤད་པ་སྟེ། དེའི་རབ་ཏུ་དབྱེ་བ་གང་ཞེ་ན། དེ་ལ་འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་དང་ལོག་པར་ལྟ་བ་ནི་ཤེས་བྱའི་ལོག་པར་རྟོག་པས་འཕགས་པའི་བདེན་པ་བཞི་པོ་དག་ལ་ལོག་པར་ཞུགས་པ་ཡིན་ནོ། །མ་རིག་པ་ནི་དེ་མ་རྟོགས་པ་ལས་སོ། །ཐེ་ཚོམ་ནི་དེ་རྟོགས་པ་དང་མ་རྟོགས་པ་ལས་སོ། །ལྟ་བ་མཆོག་ཏུ་འཛིན་པ་དང༌། ཚུལ་ཁྲིམས་དང༌། བརྟུལ་ཞུགས་མཆོག་ཏུ་འཛིན་པ་དང་འདོད་ཆགས་ལ་སོགས་པ་ལྟ་བ་ལ་དམིགས་པ་མཐོང་བས་སྤང་བར་བྱ་བ་གང་དག་ཡིན་པ་དེ་དག་ཐམས་ཅད་ཀྱང་ལོག་པར་རྟོག་པ་ལ་མངོན་པར་ཞེན་པས། ལོག་པར་ཞུགས་པ་ཡིན་ཏེ༑ དེ་དག་ཐམས་ཅད་ཀྱང་སྡུག་བསྔལ་གྱི་བདེན་པ་དང་ཀུན་འབྱུང་བའི་བདེན་པ་ལ་ནི་དེའི་རྒྱུའི་གཞིའི་གནས་ལས་ལོག་པར་ཞུགས་པ་ཡིན་ནོ། །དེ་དག་ཐམས་ཅད་ཀྱང་འགོག་པའི་བདེན་པ་དང་ལམ་གྱི་བདེན་པ་ལ་ནི་དེས་སྐྲག་པར་ཀུན་ཏུ་སྐྱེ་བ་ལས་ལོག་པར་ཞུགས་པ་ཡིན་ནོ། །དེ་དག་ཐམས་ཅད་ལས་རང་བཞིན་གང་དག་ཡིན་པ་དེ་དག་ནི་བསྒོམ་པའི་ལམ་ལ་རང་བཞིན་དུ་ཀུན་ཏུ་སྤྱོད་པ་ལས་ལོག་པར་ཞུགས་པ་ཡིན་ནོ། །

de la log par bsgrub pa'i 'jug pa ni sa'i dngos gzhir mdor bstan pa las rnam pa bdun bshad pa ste/ de'i rab tu dbye ba gang zhe na/ de la 'jig tshogs la lta ba dang mthar 'dzin par lta ba dang log par lta ba ni shes bya'i log par rtog pas 'phags pa'i bden pa bzhi po dag la log par zhugs pa yin no/ /ma rig pa ni de ma rtogs pa las so/ /the tshom ni de rtogs pa dang ma rtogs pa las so/ /lta ba mchog tu 'dzin pa dang/ tshul khrims dang/ brtul zhugs mchog tu 'dzin pa dang 'dod chags la sogs pa lta ba la dmigs pa mthong bas spang bar bya ba gang dag yin pa de dag thams cad kyang log par rtog pa la mngon par zhen pas/ log par zhugs pa yin te| de dag thams cad kyang sdug bsngal gyi bden pa dang kun 'byung ba'i bden pa la ni de'i rgyu'i gzhi'i gnas las log par zhugs pa yin no/ /de dag thams cad kyang 'gog pa'i bden pa dang lam gyi bden pa la ni des skrag par kun tu skye ba las log par zhugs pa yin no/ /de dag thams cad las rang bzhin gang dag yin pa de dag ni bsgom pa'i lam la rang bzhin du kun tu spyod pa las log par zhugs pa yin no/ /

【I2 結前說意引生後門】

དེ་ལ་སྔར་འདུལ་བའི་དབང་དུ་ཉོན་མོངས་པ་རྣམས་ཀྱི་མི་མཐུན་པའི་ཕྱོགས་དང་གཉེན་པོ་ཤིན་ཏུ་རགས་པ་བསྟན་པ་ནི་འདི་ལྟ་སྟེ། གདུལ་བ་རྣམས་ཉོན་མོངས་པ་དག་ལ་ལོག་པར་བསྒྲུབ་པ་སྣ་ཚོགས་ཀྱི་ཉེས་པ་ཁོང་དུ་ཆུད་པ་བསྐྱེད་པར་བྱ་བའི་ཕྱིར་ཉོན་མོངས་པ་རྣམས་ཀྱི་ལོག་པར་བསྒྲུབ་པ་རྣམ་པར་གཞག་པ་ཡོངས་སུ་བསྟན་པ་ཡིན་གྱི། འདིར་ནི་ཉོན་མོངས་པ་རྣམས་ཀྱི་ལོག་པར་བསྒྲུབ་པ་རྣམ་པར་གཞག་པ་ཤིན་ཏུ་ཆ་ཕྲ་བའི་རྣམ་པ་ཇི་ལྟ་བ་བཞིན་དུ་དབྱེ་བས་ཡོངས་སུ་བསྟན་ཏོ། །

de la sngar 'dul ba'i dbang du nyon mongs pa rnams kyi mi mthun pa'i phyogs dang gnyen po shin tu rags pa bstan pa ni 'di lta ste/ gdul ba rnams nyon mongs pa dag la log par bsgrub pa sna tshogs kyi nyes pa khong du chud pa bskyed par bya ba'i phyir nyon mongs pa rnams kyi log par bsgrub pa rnam par gzhag pa yongs su bstan pa yin gyi/ 'dir ni nyon mongs pa rnams kyi log par bsgrub pa rnam par gzhag pa shin tu cha phra ba'i rnam pa ji lta ba bzhin du dbye bas yongs su bstan to/ /

【H3 解事門】

ཉོན་མོངས་པ་དེ་དག་ལས་དུ་ནི་གཞི་དང་བཅས་པ་ཡིན་ལ་དུ་ནི་གཞི་མེད་པ་ཡིན་ཞེ་ན། སྨྲས་པ། ལྟ་བ་རྣམས་དང་ང་རྒྱལ་ནི་གཞི་མེད་པ་ཡིན་ཏེ། དེ་དག་ནི་འདུ་བྱེད་རྣམས་ལ་བདག་མེད་བཞིན་དུ་ཡོངས་སུ་བརྟགས་ནས་འཇུག་པའི་ཕྱིར། འདོད་ཆགས་དང་ཁོང་ཁྲོ་བ་ནི་གཞི་དང་བཅས་པ་ཡིན་ནོ། །མ་རིག་པ་དང་ཐེ་ཚོམ་ནི་གཉི་གར་རིག་པར་བྱའོ། །

nyon mongs pa de dag las du ni gzhi dang bcas pa yin la du ni gzhi med pa yin zhe na/ smras pa/ lta ba rnams dang nga rgyal ni gzhi med pa yin te/ de dag ni 'du byed rnams la bdag med bzhin du yongs su brtags nas 'jug pa'i phyir/ 'dod chags dang khong khro ba ni gzhi dang bcas pa yin no/ /ma rig pa dang the tshom ni gnyi gar rig par bya'o/ /

【H4 解根相應門】【I1 總舉許說分別起惑根相應義】

ཉོན་མོངས་པ་དེ་དག་ལས་དུ་ནི་བདེ་བའི་དབང་པོ་དང་མཚུངས་པར་ལྡན་པ་ཡིན་ལ་དུ་ནི་བཏང་སྙོམས་ཀྱི་དབང་པོའི་བར་དག་དང་མཚུངས་པར་ལྡན་པ་ཡིན་ཞེ་ན། སྨྲས་པ། གང་དག་རང་བཞིན་གྱིས་ཉོན་མོངས་པ་ཡིན་པ་དེ་དག་ཐམས་ཅད་ནི་ཚོར་བ་གསུམ་པོ་དག་ལ་གང་གི་ཕྱིར་དམིགས་ཤིང་ཀུན་ཏུ་སྤྱོད་པར་བྱེད་པ་དེའི་ཕྱིར་རྣམ་པར་ཤེས་པའི་ཚོགས་ཐམས་ཅད་དང་ལྡན་པ་གང་དག་ཡིན་པ་དེ་དག་ནི་དབང་པོ་ཐམས་ཅད་དང་མཚུངས་པར་ལྡན་པ་ཡིན་ནོ། །རྣམ་པར་ཤེས་པའི་ཚོགས་ཐམས་ཅད་དང་མི་ལྡན་པ་གང་དག་ཡིན་པ་དེ་དག་ནི་ཡིད་ལས་བྱུང་བའི་དབང་པོ་ཐམས་ཅད་དང་མཚུངས་པར་ལྡན་པ་ཡིན་ནོ། །

nyon mongs pa de dag las du ni bde ba'i dbang po dang mtshungs par ldan pa yin la du ni btang snyoms kyi dbang po'i bar dag dang mtshungs par ldan pa yin zhe na/ smras pa/ gang dag rang bzhin gyis nyon mongs pa yin pa de dag thams cad ni tshor ba gsum po dag la gang gi phyir dmigs shing kun tu spyod par byed pa de'i phyir rnam par shes pa'i tshogs thams cad dang ldan pa gang dag yin pa de dag ni dbang po thams cad dang mtshungs par ldan pa yin no/ /rnam par shes pa'i tshogs thams cad dang mi ldan pa gang dag yin pa de dag ni yid las byung ba'i dbang po thams cad dang mtshungs par ldan pa yin no/ /

【I2 別解相應】

རང་བཞིན་པ་གང་དག་ཡིན་པ་དེ་དག་གི་མཚུངས་པར་ལྡན་པ་ནི་ཅི་རིགས་པར་བརྗོད་པར་བྱ་སྟེ།

rang bzhin pa gang dag yin pa de dag gi mtshungs par ldan pa ni ci rigs par brjod par bya ste/

【I1 貪】

འདོད་ཆགས་ནི་ལན་འགའ་བདེ་བ་དང་ཡིད་བདེ་བ་དག་དང་མཚུངས་པར་ལྡན་པར་བྱེད་ལ། ལན་འགའ་ནི་སྡུག་བསྔལ་བ་དང༌། ཡིད་མི་བདེ་བ་དག་དང་ངོ༌། །ལན་འགའ་ནི་བཏང་སྙོམས་དང་མཚུངས་པར་ལྡན་པར་བྱེད་དོ། །དེ་ཇི་ལྟ་བུ་ཞེ་ན། སྨྲས་པ། འདི་ལྟར་འདི་ན་ལ་ལ་བདེ་བའི་ཚོར་བ་དང་ཕྲད་པར་སྲེད་པའམ་མི་འབྲལ་པར་སྲེད་པ་མངོན་དུ་བྱས་ཤིང་གནས་ཏེ། དེ་ལྟར་གྱུར་པ་དེ་བདེ་བའི་ཚོར་བ་དང་མ་ཕྲད་ཅིང་ཕྲད་པར་མ་གྱུར་ལ་བྲལ་ཞིང་ལྡན་པར་མ་གྱུར་པ་དང་སྡུག་བསྔལ་གྱི་ཚོར་བ་དང་མི་ཕྲད་པར་སྲེད་པ་དང་བྲལ་བར་སྲེད་པ་མངོན་དུ་བྱས་ཤིང་གནས་ཏེ༑ དེ་ལྟར་གྱུར་པ་དེ་སྡུག་བསྔལ་གྱི་ཚོར་བ་དང་ཕྲད་ཅིང་མ་ཕྲད་པར་མ་གྱུར་ལ༑ མ་བྲལ་ཞིང་བྲལ་བར་མ་གྱུར་པ་དེ་ལྟ་ན་འདོད་ཆགས་ནི་ལན་འགའ་སྡུག་བསྔལ་དང་ཡིད་མི་བདེ་བ་དག་དང་མཚུངས་པར་ལྡན་པར་བྱེད་པ་ཡིན་ནོ། །དེ་ལས་བཟློག་པ་ལས་ནི་བདེ་བ་དང་ཡིད་བདེ་བ་དེ་དག་དང་མཚུངས་པར་ལྡན་པ་ཡིན་པར་རིག་པར་བྱའོ། །འདོད་ཆགས་སྡུག་བསྔལ་ཡང་མ་ཡིན་བདེ་བའང་མ་ཡིན་པའི་གནས་སྐབས་ལ་རོ་མྱང་བ་ལས་ནི་བཏང་སྙོམས་ཀྱི་དབང་པོ་དང་མཚུངས་པར་ལྡན་པར་རིག་པར་བྱའོ། །

'dod chags ni lan 'ga' bde ba dang yid bde ba dag dang mtshungs par ldan par byed la/ lan 'ga' ni sdug bsngal ba dang/ yid mi bde ba dag dang ngo/ /lan 'ga' ni btang snyoms dang mtshungs par ldan par byed do/ /de ji lta bu zhe na/ smras pa/ 'di ltar 'di na la la bde ba'i tshor ba dang phrad par sred pa'am mi 'bral par sred pa mngon du byas shing gnas te/ de ltar gyur pa de bde ba'i tshor ba dang ma phrad cing phrad par ma gyur la bral zhing ldan par ma gyur pa dang sdug bsngal gyi tshor ba dang mi phrad par sred pa dang bral bar sred pa mngon du byas shing gnas te| de ltar gyur pa de sdug bsngal gyi tshor ba dang phrad cing ma phrad par ma gyur la| ma bral zhing bral bar ma gyur pa de lta na 'dod chags ni lan 'ga' sdug bsngal dang yid mi bde ba dag dang mtshungs par ldan par byed pa yin no/ /de las bzlog pa las ni bde ba dang yid bde ba de dag dang mtshungs par ldan pa yin par rig par bya'o/ /'dod chags sdug bsngal yang ma yin bde ba'ang ma yin pa'i gnas skabs la ro myang ba las ni btang snyoms kyi dbang po dang mtshungs par ldan par rig par bya'o/ /

【I2 恚】

ཁོང་ཁྲོ་བ་ནི་ལན་འགའ་སྡུག་བསྔལ་དང་ཡིད་མི་བདེ་བ་དག་དང་མཚུངས་པར་ལྡན་པར་བྱེད་པ་ལ་ལན་འགའ་ནི་བདེ་བ་དང་ཡིད་བདེ་བ་དག་དང་མཚུངས་པར་ལྡན་པར་བྱེད་དོ། །དེ་ཇི་ལྟ་བུ་ཡིན་ཞེ་ན། སྨྲས་པ། འདི་ལྟར་འདི་ན་ཁ་ཅིག་བདག་ཉིད་ཀྱི་ལུས་ལ་སྡུག་བསྔལ་གྱིས་གནོད་པའམ་སེམས་ལ་གནོད་པའི་ཞེ་འགྲས་པའི་སེམས་དང་ལྡན་པར་གྱུར་ནས་བདག་ཉིད་ཀྱི་སྡུག་བསྔལ་གྱི་གནས་སྐབས་དེ་ཉིད་ཡིད་ལ་བྱེད་དམ། འདུ་བྱེད་མི་འདོད་པ་དག་གམ་སེམས་ཅན་མི་འདོད་པ་དག་གམ་ཆོས་མི་འདོད་པ་དག་ལ་ཞེ་འགྲས་པ་དང་ལྡན་པའི་སེམས་ཡིད་ལ་བྱེད་པ་དེ་ལྟ་ན། ཁོང་ཁྲོ་བ་སྡུག་བསྔལ་དང་ཡིད་མི་བདེ་བ་དག་དང་མཚུངས་པར་ལྡན་པར་བྱེད་པ་ཡིན་ནོ། །འདི་ལྟར་འདི་ན་ཁ་ཅིག་དགྲར་གྱུར་པའི་སེམས་ཅན་མི་འདོད་པ་རྣམས་ལ་ཞེ་འགྲས་པའི་སེམས་དང་ལྡན་པ་ནི་སྡུག་བསྔལ་བར་འགྱུར་བའམ་གྱུར་པ་ཡིད་ལ་བྱེད་པ་དང་བདེ་བར་མི་འགྱུར་བ་དང་རྒུད་པ་ཡིད་ལ་བྱེད་པ་དེ་ལྟར་ན་ཁོང་ཁྲོ་བ་བདེ་བ་དང་ཡིད་བདེ་བ་དག་དང་མཚུངས་པར་ལྡན་པར་བྱེད་པ་ཡིན་ནོ། །

khong khro ba ni lan 'ga' sdug bsngal dang yid mi bde ba dag dang mtshungs par ldan par byed pa la lan 'ga' ni bde ba dang yid bde ba dag dang mtshungs par ldan par byed do/ /de ji lta bu yin zhe na/ smras pa/ 'di ltar 'di na kha cig bdag nyid kyi lus la sdug bsngal gyis gnod pa'am sems la gnod pa'i zhe 'gras pa'i sems dang ldan par gyur nas bdag nyid kyi sdug bsngal gyi gnas skabs de nyid yid la byed dam/ 'du byed mi 'dod pa dag gam sems can mi 'dod pa dag gam chos mi 'dod pa dag la zhe 'gras pa dang ldan pa'i sems yid la byed pa de lta na/ khong khro ba sdug bsngal dang yid mi bde ba dag dang mtshungs par ldan par byed pa yin no/ /'di ltar 'di na kha cig dgrar gyur pa'i sems can mi 'dod pa rnams la zhe 'gras pa'i sems dang ldan pa ni sdug bsngal bar 'gyur ba'am gyur pa yid la byed pa dang bde bar mi 'gyur ba dang rgud pa yid la byed pa de ltar na khong khro ba bde ba dang yid bde ba dag dang mtshungs par ldan par byed pa yin no/ /

【I3 薩迦耶見等】

དེ་ལ་འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་ནི་བདེ་བ་དང་ལྡན་པའི་ཕུང་པོ་རྣམས་ལ། བདག་གམ་བདག་གི་དང་རྟག་པར་ཡང་དག་པར་རྗེས་སུ་མཐོང་བ་ལས་ནི་ཡིད་བདེ་བའི་དབང་པོ་དང་མཚུངས་པར་ལྡན་པར་བྱེད་དོ། །སྡུག་བསྔལ་བ་དང་ལྡན་པའི་ཕུང་པོ་རྣམས་ལ་བདག་གམ་བདག་གི་དང་རྟག་པར་ཡང་དག་པར་རྗེས་སུ་མཐོང་བ་ལས་ནི་ཡིད་མི་བདེ་བའི་དབང་པོ་དང་མཚུངས་པར་ལྡན་པར་བྱེད་དོ། །བཏང་སྙོམས་དང་ལྡན་པའི་ཕུང་པོ་རྣམས་ལ་བདག་གམ་བདག་གི་དང་རྟག་པར་ཡང་དག་པར་རྗེས་སུ་མཐོང་བ་ལས་ནི་བཏང་སྙོམས་ཀྱི་དབང་པོ་དང་མཚུངས་པར་ལྡན་པར་བྱེད་དོ། །ཆད་པར་ལྟ་བས་བསྡུས་པའི་མཐར་འཛིན་པར་ལྟ་བ་ནི་དེ་ལས་བཟློག་པ་ལས་རིག་པར་བྱའོ། །ལྟ་བ་མཆོག་ཏུ་འཛིན་པ་དང་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ནི་ལྟ་བ་དེ་དག་མཆོག་ཏུ་འཛིན་པ་དེ་བཞིན་དུ་མཚུངས་པར་ལྡན་པར་ཅི་རིགས་པར་རིག་པར་བྱའོ༑ །ལོག་པར་ལྟ་བ་ནི་ལེགས་པར་བྱ་བ་བྱེད་པ་རྣམས་ཀྱི་གང་ཡིན་པ་དེ་ནི་ཡིད་མི་བདེ་བ་དང་མཚུངས་པར་ལྡན་པ་ཡིན་པར་རིག་པར་བྱའོ། །ཉེས་པར་བྱ་བ་བྱེད་པ་རྣམས་ཀྱི་གང་ཡིན་པ་དེ་ནི་ཡིད་བདེ་བ་དང་མཚུངས་པར་ལྡན་པ་ཡིན་པར་རིག་པར་བྱའོ། །

de la 'jig tshogs la lta ba dang mthar 'dzin par lta ba ni bde ba dang ldan pa'i phung po rnams la/ bdag gam bdag gi dang rtag par yang dag par rjes su mthong ba las ni yid bde ba'i dbang po dang mtshungs par ldan par byed do/ /sdug bsngal ba dang ldan pa'i phung po rnams la bdag gam bdag gi dang rtag par yang dag par rjes su mthong ba las ni yid mi bde ba'i dbang po dang mtshungs par ldan par byed do/ /btang snyoms dang ldan pa'i phung po rnams la bdag gam bdag gi dang rtag par yang dag par rjes su mthong ba las ni btang snyoms kyi dbang po dang mtshungs par ldan par byed do/ /chad par lta bas bsdus pa'i mthar 'dzin par lta ba ni de las bzlog pa las rig par bya'o/ /lta ba mchog tu 'dzin pa dang tshul khrims dang brtul zhugs mchog tu 'dzin pa ni lta ba de dag mchog tu 'dzin pa de bzhin du mtshungs par ldan par ci rigs par rig par bya'o| /log par lta ba ni legs par bya ba byed pa rnams kyi gang yin pa de ni yid mi bde ba dang mtshungs par ldan pa yin par rig par bya'o/ /nyes par bya ba byed pa rnams kyi gang yin pa de ni yid bde ba dang mtshungs par ldan pa yin par rig par bya'o/ /

【I4 慢】

ང་རྒྱལ་ནི་ལན་འགའ་ཡིད་བདེ་བ་དང་མཚུངས་པར་ལྡན་པར་བྱེད་ལ་ལན་འགའ་ནི་ཡིད་མི་བདེ་བ་དང་མཚུངས་པར་ལྡན་པར་བྱེད་དོ། །དེ་ཇི་ལྟ་བུ་ཡིན་ཞེ་ན། སྨྲས་པ། ང་རྒྱལ་ནི་མདོར་བསྡུ་ན་རྣམ་པ་གཉིས་ཏེ། ཁེངས་པའི་ང་རྒྱལ་དང༌། འདུད་པའི་ང་རྒྱལ་ལོ། །དེ་ལ་ཁེངས་པའི་ང་རྒྱལ་ནི་ཁེངས་པ་རྣམ་པ་གསུམ་གྱིས་རིག་པར་བྱ་སྟེ། ཁེངས་པ་རྣམ་པ་གསུམ་གང་ཞེ་ན༑ འདི་ལྟ་སྟེ། ཡོངས་སུ་འཇལ་བས་ཁེངས་པ་དང༌། སྲིད་པས་ཁེངས་པ་དང༌། རྙེད་པ་དང་བཀུར་སྟིས་ཁེངས་པའོ། །དེ་ལ་ཁེངས་པའི་ང་རྒྱལ་ནི་ཡིད་བདེ་བ་དང་མཚུངས་པར་ལྡན་པར་བྱེད་དོ། །འདོད་པའི་ང་རྒྱལ་ནི་དེ་ལས་བཟློག་པ་སྟེ། ཡིད་མི་བདེ་བ་དང་མཚུངས་པར་ལྡན་པར་བྱེད་དོ། །

nga rgyal ni lan 'ga' yid bde ba dang mtshungs par ldan par byed la lan 'ga' ni yid mi bde ba dang mtshungs par ldan par byed do/ /de ji lta bu yin zhe na/ smras pa/ nga rgyal ni mdor bsdu na rnam pa gnyis te/ khengs pa'i nga rgyal dang/ 'dud pa'i nga rgyal lo/ /de la khengs pa'i nga rgyal ni khengs pa rnam pa gsum gyis rig par bya ste/ khengs pa rnam pa gsum gang zhe na| 'di lta ste/ yongs su 'jal bas khengs pa dang/ srid pas khengs pa dang/ rnyed pa dang bkur stis khengs pa'o/ /de la khengs pa'i nga rgyal ni yid bde ba dang mtshungs par ldan par byed do/ /'dod pa'i nga rgyal ni de las bzlog pa ste/ yid mi bde ba dang mtshungs par ldan par byed do/ /

【I5 疑】

ཐེ་ཚོམ་ནི་རྙེད་པའམ་བཀུར་སྟིའམ། གྲགས་པའམ་བསྟོད་པའམ་བདེ་བའམ། བདེ་འགྲོ་ལ་ངེས་པ་རྣམས་ལ་གཞན་དག་གིས་ཐེ་ཚོམ་བསྐྱེད་པ་ནི་ཡིད་མི་བདེ་བ་དང་མཚུངས་པར་ལྡན་པར་བྱེད་དོ། །རྙེད་པ་མེད་པའམ་བཀུར་སྟི་མེད་པའམ་གྲགས་པ་མེད་པའམ་སྨད་པའམ་སྡུག་བསྔལ་བའམ། ངན་འགྲོ་ལ་ངེས་པ་རྣམས་ལ་གཞན་དག་གིས་ཐེ་ཚོམ་བསྐྱེད་པ་ནི་ཡིད་བདེ་བ་དང་མཚུངས་པར་ལྡན་པར་བྱེད་དོ། །

the tshom ni rnyed pa'am bkur sti'am/ grags pa'am bstod pa'am bde ba'am/ bde 'gro la nges pa rnams la gzhan dag gis the tshom bskyed pa ni yid mi bde ba dang mtshungs par ldan par byed do/ /rnyed pa med pa'am bkur sti med pa'am grags pa med pa'am smad pa'am sdug bsngal ba'am/ ngan 'gro la nges pa rnams la gzhan dag gis the tshom bskyed pa ni yid bde ba dang mtshungs par ldan par byed do/ /

【I6 無明】

མ་རིག་པ་ནི་ལྔ་ཆར་དང་མཚུངས་པར་ལྡན་པར་བྱེད་དོ། །མཚུངས་པར་ལྡན་པ་ཉེ་བར་སྦྱར་བའི་དཔེ་ལྷག་མ་རྣམས་ནི་མི་སྣང་ངོ༌། །དེ་ལ་སྔར་ནི་མི་འཆོལ་བར་བྱ་བའི་ཕྱིར་ཉོན་མོངས་པ་རྣམས་དང་དབང་པོའི་མཚུངས་པར་ལྡན་པའི་ཚུལ་ཆེ་ལོང་རྣམ་པར་གཞག་པ་ཡིན་གྱི་འདིར་ནི་རང་གི་དང་གཞན་གྱི་རྒྱུ་རྣམ་པ་སྣ་ཚོགས་ཀྱི་འཇུག་པ་རབ་ཏུ་དབྱེ་བའི་ཕྱིར་ཚུལ་ཞིབ་མོས་རྣམ་པར་གཞག་པ་ཡིན་ནོ། །

ma rig pa ni lnga char dang mtshungs par ldan par byed do/ /mtshungs par ldan pa nye bar sbyar ba'i dpe lhag ma rnams ni mi snang ngo/ /de la sngar ni mi 'chol bar bya ba'i phyir nyon mongs pa rnams dang dbang po'i mtshungs par ldan pa'i tshul che long rnam par gzhag pa yin gyi 'dir ni rang gi dang gzhan gyi rgyu rnam pa sna tshogs kyi 'jug pa rab tu dbye ba'i phyir tshul zhib mos rnam par gzhag pa yin no/ /

【H5 解不善等門】【I1 釋】【J1 總約三界以辨二性及有異熟等】

ཉོན་མོངས་པའི་རིས་ནི་མདོར་བསྡུ་ན་གསུམ་པོ་འདི་དག་ཡིན་ཏེ། འདོད་པ་དང་ལྡན་པ་དང་གཟུགས་དང་ལྡན་པ་དང་གཟུགས་མེད་པ་དང་ལྡན་པའོ། །

nyon mongs pa'i ris ni mdor bsdu na gsum po 'di dag yin te/ 'dod pa dang ldan pa dang gzugs dang ldan pa dang gzugs med pa dang ldan pa'o/ /

【J2 問答辨多少】

ཉོན་མོངས་པའི་རིས་གསུམ་པོ་དེ་དག་ལས་དུ་ནི་མི་དགེ་བ་ཡིན་དུ་ནི་ལུང་མ་བསྟན་པ་ཡིན་ཞེ་ན། སྨྲས་པ། དེ་དག་ལས་དང་པོ་ཁ་ཅིག་ནི་མི་དགེ་བ་ཡིན་ནོ། །གཉིས་ནི་ལུང་དུ་མ་བསྟན་པ་ཡིན་ནོ། །མི་དགེ་བ་གང་ཡིན་པ་དེ་ནི་རྣམ་པར་སྨིན་པ་དང་བཅས་པ་ཡང་ཡིན་པར་བལྟ་བར་བྱའོ། །དུ་ནི་བདག་ཉིད་མང་པོ་ཡིན་ལ་དུ་ནི་བདག་ཉིད་ཉུང་ངུ་ཡིན་ཞེ་ན། སྨྲས་པ། དང་པོ་ནི་བདག་ཉིད་མང་པོ་ཡིན་ནོ། །ལྷག་མ་དག་ནི་དེ་ལྟ་མ་ཡིན་ནོ། །བདག་ཉིད་མང་པོ་དང་བདག་ཉིད་ཉུང་ངུ་ཇི་ལྟ་བ་བཞིན་དུ་ཤས་ཆེ་བ་དང་ཡུན་རིང་བ་དང་ཉོན་མོངས་པ་ཅན་གྱི་རང་བཞིན་དང༌། ཤས་ཆེ་བ་དང་ཡུན་རིང་བ་དང་ཉོན་མོངས་པ་ཅན་གྱི་རང་བཞིན་མ་ཡིན་པ་དང༌། ཕྱིར་བལྟས་པའི་ཀུན་ནས་ཉོན་མོངས་པ་ཀུན་ནས་སློང་བར་བྱེད་པ་དང༌། ཁ་ནང་དུ་བལྟས་པའི་ཀུན་ནས་ཉོན་མོངས་པ་ཀུན་ནས་སློང་བར་བྱེད་པ་དང༌། ཉེས་པར་སྤྱོད་པ་ཀུན་ནས་སློང་བར་བྱེད་པ་དང༌། ཉེས་པར་སྤྱོད་པ་ཀུན་ནས་སློང་བར་བྱེད་པ་མ་ཡིན་པ་དང༌། སྡུག་བསྔལ་མང་པོ་སྐྱེད་པར་བྱེད་པ་དང༌། སྡུག་བསྔལ་ཉུང་ངུ་སྐྱེད་པར་བྱེད་པ་དང༌། ཁ་ན་མ་ཐོ་བ་ཆེན་པོ་དང་བཅས་པ་དང༌། ཁ་ན་མ་ཐོ་བ་ཆུང་ངུ་དང་བཅས་པ་དང༌། བུལ་བར་འདོད་ཆགས་དང་བྲལ་བ་དང༌། མྱུར་དུ་འདོད་ཆགས་དང་བྲལ་བ་དང༌། འདོད་ཆགས་དང་མ་བྲལ་བས་རབ་ཏུ་ཕྱེ་བ་དང༌། འདོད་ཆགས་དང་བྲལ་བས་རབ་ཏུ་ཕྱེ་བ་དང༌། ཏིང་ངེ་འཛིན་དང་མི་མཐུན་པ་དང༌། ཏིང་ངེ་འཛིན་དང་མི་མཐུན་པ་མེད་པ་དང༌། རྣམ་པ་དུ་མར་སྐྱེ་བར་ངེས་པ་དང༌། རྣམ་པ་གཅིག་ཏུ་སྐྱེ་བར་ངེས་པ་རྣམས་ཀྱང་དེ་བཞིན་དུ་རིག་པར་བྱའོ། །

nyon mongs pa'i ris gsum po de dag las du ni mi dge ba yin du ni lung ma bstan pa yin zhe na/ smras pa/ de dag las dang po kha cig ni mi dge ba yin no/ /gnyis ni lung du ma bstan pa yin no/ /mi dge ba gang yin pa de ni rnam par smin pa dang bcas pa yang yin par blta bar bya'o/ /du ni bdag nyid mang po yin la du ni bdag nyid nyung ngu yin zhe na/ smras pa/ dang po ni bdag nyid mang po yin no/ /lhag ma dag ni de lta ma yin no/ /bdag nyid mang po dang bdag nyid nyung ngu ji lta ba bzhin du shas che ba dang yun ring ba dang nyon mongs pa can gyi rang bzhin dang/ shas che ba dang yun ring ba dang nyon mongs pa can gyi rang bzhin ma yin pa dang/ phyir bltas pa'i kun nas nyon mongs pa kun nas slong bar byed pa dang/ kha nang du bltas pa'i kun nas nyon mongs pa kun nas slong bar byed pa dang/ nyes par spyod pa kun nas slong bar byed pa dang/ nyes par spyod pa kun nas slong bar byed pa ma yin pa dang/ sdug bsngal mang po skyed par byed pa dang/ sdug bsngal nyung ngu skyed par byed pa dang/ kha na ma tho ba chen po dang bcas pa dang/ kha na ma tho ba chung ngu dang bcas pa dang/ bul bar 'dod chags dang bral ba dang/ myur du 'dod chags dang bral ba dang/ 'dod chags dang ma bral bas rab tu phye ba dang/ 'dod chags dang bral bas rab tu phye ba dang/ ting nge 'dzin dang mi mthun pa dang/ ting nge 'dzin dang mi mthun pa med pa dang/ rnam pa du mar skye bar nges pa dang/ rnam pa gcig tu skye bar nges pa rnams kyang de bzhin du rig par bya'o/ /

【I2 以頌收】

བར་སྡོམ་ནི། མང་དང་ཉོན་མོངས་ཅན་དང་ནི། །སྤྱོད་དང་སྡུག་བསྔལ་ཉིད་དང་སྤང༌། །ཁ་ན་མ་ཐོ་བུལ་བྲལ་དང༌། །ཏིང་ངེ་འཛིན་དང་སྐྱེ་བའོ། །

bar sdom ni/ mang dang nyon mongs can dang ni/ /spyod dang sdug bsngal nyid dang spang/ /kha na ma tho bul bral dang/ /ting nge 'dzin dang skye ba'o/ /

【G6 解斷煩惱門】【H1 為八問】

ཉོན་མོངས་པ་རྣམས་ནི་ཇི་ལྟར་ནི་སྤོང་བར་འགྱུར། ཇི་ཙམ་གྱིས་ན་ཉོན་མོངས་པ་རྣམས་སྤངས་པར་བརྗོད་པར་བྱ། །ཉོན་མོངས་པ་གང་ལས་ནི་སྤང་བར་བྱ། ཅི་ཉོན་མོངས་པ་ཅིག་ཅར་རམ་འོན་ཏེ་རིམ་གྱིས་སྤང་བར་བྱ། གོ་རིམས་གང་གིས་ནི་ཉོན་མོངས་པ་སྤང་བར་བྱ། ཉོན་མོངས་པ་སྤོང་བ་ལ་རྣམ་པ་ནི་དུ་ཡོད། ཉོན་མོངས་པ་སྤངས་པའི་རྟགས་ནི་གང་དག་ཡིན། ཉོན་མོངས་པ་སྤངས་པའི་ཕན་ཡོན་ནི་གང་ཞེ་ན།

nyon mongs pa rnams ni ji ltar ni spong bar 'gyur/ ji tsam gyis na nyon mongs pa rnams spangs par brjod par bya/ /nyon mongs pa gang las ni spang bar bya/ ci nyon mongs pa cig car ram 'on te rim gyis spang bar bya/ go rims gang gis ni nyon mongs pa spang bar bya/ nyon mongs pa spong ba la rnam pa ni du yod/ nyon mongs pa spangs pa'i rtags ni gang dag yin/ nyon mongs pa spangs pa'i phan yon ni gang zhe na/

【H2 答】【I1-2 總答二問】【J1 答一問】

སྨྲས་པ། ཚོགས་ཡང་དག་པར་བསྒྲུབས་པ་དང་སྦྱོར་བའི་ས་ལ་ཞུགས་པ་དང་མཐོང་བའི་ས་ཐོབ་པ་དང༌། སྒོམ་པའི་ས་ཡོངས་སུ་འདྲིས་པས་ནི་ཉོན་མོངས་པ་སྤང་བར་བྱའོ། །མཐར་ཐུག་པའི་ས་ཐོབ་པ་ལས་ནི་ཉོན་མོངས་པ་སྤངས་པར་བརྗོད་པར་བྱའོ། །རྣམ་གྲངས་གཞན་ཡང་རྣལ་འབྱོར་རྣམ་པ་བཞི་བསྒོམས་པས་ནི་ཉོན་མོངས་པ་སྤང་བར་བྱའོ། །ལེགས་པར་བསྒོམས་པས་ནི་སྤངས་པར་བརྗོད་པར་བྱའོ། །རྣལ་འབྱོར་རྣམ་པ་བཞི་ནི་འདི་ལྟ་སྟེ་ཉན་ཐོས་ཀྱི་སར་བསྟན་པ་བཞིན་ནོ། །རྣམ་གྲངས་གཞན་ཡང་སེམས་ཀྱི་རྒྱུད་ཡོངས་སུ་སྨིན་པ་དང་རྗེས་སུ་མཐུན་པའི་གདམས་ངག་དང་སོ་སོའི་རང་གི་ཚུལ་བཞིན་ཡིད་ལ་བྱེད་པ་དང་གཉེན་པོ་སྐྱེད་པས་ནི་ཉོན་མོངས་པ་སྤང་བར་བྱའོ། །

smras pa/ tshogs yang dag par bsgrubs pa dang sbyor ba'i sa la zhugs pa dang mthong ba'i sa thob pa dang/ sgom pa'i sa yongs su 'dris pas ni nyon mongs pa spang bar bya'o/ /mthar thug pa'i sa thob pa las ni nyon mongs pa spangs par brjod par bya'o/ /rnam grangs gzhan yang rnal 'byor rnam pa bzhi bsgoms pas ni nyon mongs pa spang bar bya'o/ /legs par bsgoms pas ni spangs par brjod par bya'o/ /rnal 'byor rnam pa bzhi ni 'di lta ste nyan thos kyi sar bstan pa bzhin no/ /rnam grangs gzhan yang sems kyi rgyud yongs su smin pa dang rjes su mthun pa'i gdams ngag dang so so'i rang gi tshul bzhin yid la byed pa dang gnyen po skyed pas ni nyon mongs pa spang bar bya'o/ /

【J2 答二問】

གཉེན་པོ་མཐར་ཐུག་པར་གྱུར་པ་ཉིད་ཀྱིས་ནི་སྤངས་པར་བརྗོད་པར་བྱའོ། །རྣམ་གྲངས་གཞན་ཡང་ཉོན་མོངས་པའི་གཞི་ཡོངས་སུ་ཤེས་པ་དང༌། ཉོན་མོངས་པའི་ངོ་བོ་ཉིད་ཡོངས་སུ་ཤེས་པ་དང༌། ཉོན་མོངས་པའི་ཉེས་དམིགས་ཡོངས་སུ་ཤེས་པ་དང༌། བྱུང་བ་དང་དུ་མི་ལེན་པ་དང༌། གཉེན་པོ་ཡོངས་སུ་འཛིན་པས་ནི་ཉོན་མོངས་པ་སྤང་བར་བྱའོ། །གཉེན་པོ་བསྐྱེད་པས་ནི་སྤངས་པར་བརྗོད་པར་བྱའོ། །རྣམ་གྲངས་གཞན་ཡང་ཞི་གནས་ལ་གོམས་པ་དང་ལྷག་མཐོང་ལ་གོམས་པས་ནི་ཉོན་མོངས་པ་སྤང་བར་བྱའོ། །མཚན་མའི་འཆིང་བ་ལས་ངེས་པར་གྲོལ་བ་དང་གནས་ངན་ལེན་གྱི་འཆིང་བ་ལས་ངེས་པར་གྲོལ་བས་ནི་སྤངས་པར་བརྗོད་པར་བྱ་སྟེ། བཅོམ་ལྡན་འདས་ཀྱིས་ཇི་སྐད་དུ། སྐྱེ་བ་པོ་ཡི་ཞི་གནས་དང༌། །ལྷག་མཐོང་གོམས་པར་བྱས་ན་ནི། །གནས་ངན་ལེན་གྱི་འཆིང་བ་དང༌། མཚན་མའི་འཆིང་ལས་གྲོལ་བར་འགྱུར། །ཞེས་གསུངས་པ་ལྟ་བུའོ། །རྣམ་གྲངས་གཞན་ཡང་དམིགས་པ་ཡོངས་སུ་ཤེས་པ་དང༌། དམིགས་པ་ལ་མངོན་པར་དགའ་བས་ནི་ཉོན་མོངས་པ་སྤང་བར་བྱའོ། །གནས་ངན་འགགས་པ་དང་གནས་གྱུར་པས་ནི་སྤངས་པར་བརྗོད་པར་བྱའོ། །

gnyen po mthar thug par gyur pa nyid kyis ni spangs par brjod par bya'o/ /rnam grangs gzhan yang nyon mongs pa'i gzhi yongs su shes pa dang/ nyon mongs pa'i ngo bo nyid yongs su shes pa dang/ nyon mongs pa'i nyes dmigs yongs su shes pa dang/ byung ba dang du mi len pa dang/ gnyen po yongs su 'dzin pas ni nyon mongs pa spang bar bya'o/ /gnyen po bskyed pas ni spangs par brjod par bya'o/ /rnam grangs gzhan yang zhi gnas la goms pa dang lhag mthong la goms pas ni nyon mongs pa spang bar bya'o/ /mtshan ma'i 'ching ba las nges par grol ba dang gnas ngan len gyi 'ching ba las nges par grol bas ni spangs par brjod par bya ste/ bcom ldan 'das kyis ji skad du/ skye ba po yi zhi gnas dang/ /lhag mthong goms par byas na ni/ /gnas ngan len gyi 'ching ba dang/ mtshan ma'i 'ching las grol bar 'gyur/ /zhes gsungs pa lta bu'o/ /rnam grangs gzhan yang dmigs pa yongs su shes pa dang/ dmigs pa la mngon par dga' bas ni nyon mongs pa spang bar bya'o/ /gnas ngan 'gags pa dang gnas gyur pas ni spangs par brjod par bya'o/ /

【I3 答第三問】

ཉོན་མོངས་པས་ནི་མཚུངས་པར་ལྡན་པ་དང་དམིགས་པ་ལས་སྤང་བར་བྱ་སྟེ། འདི་ལྟར་གཉེན་པོ་སྐྱེས་ན་ཉོན་མོངས་པ་མི་སྐྱེ་ཞིང་མི་སྐྱེ་བའི་ཆོས་ཅན་དུའང་འགྱུར་བས་མཚུངས་པར་ལྡན་པ་དེ་ལས་སྤངས་པ་ཡིན་ནོ། །མཚུངས་པར་ལྡན་པ་ལས་སྤངས་ན་དམིགས་པར་བྱེད་པས་དམིགས་པ་དེ་ལས་ཀྱང་སྤངས་པ་ཡིན་ནོ། །

nyon mongs pas ni mtshungs par ldan pa dang dmigs pa las spang bar bya ste/ 'di ltar gnyen po skyes na nyon mongs pa mi skye zhing mi skye ba'i chos can du'ang 'gyur bas mtshungs par ldan pa de las spangs pa yin no/ /mtshungs par ldan pa las spangs na dmigs par byed pas dmigs pa de las kyang spangs pa yin no/ /

【I4 答第四問】

ཉོན་མོངས་པ་ནི་ཅིག་ཅར་སྤོང་བར་རིག་པར་བྱའི་རིམ་གྱིས་ནི་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པས་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤོང་བར་འགྱུར་ལ། མངོན་པར་རྟོགས་པ་དེའང་བདེན་པ་འདྲེན་པ་ལ་དམིགས་པའི་ཡིད་ལ་བྱེད་པ་དང་མཚུངས་པར་ལྡན་པ་ཡིན་པས། དེའི་ཕྱིར་སེམས་གསུམ་གྱིས་མཐོང་བས་སྤང་བར་བྱ་བའི་ཉོན་མོངས་པ་སྡུག་བསྔལ་ལ་སོགས་པ་ལ་ལོག་པར་ཞུགས་པ་ཐམས་ཅད་ཅིག་ཅར་སྤོང་བར་འགྱུར་བའི་ཕྱིར་རོ། །བསྒོམ་པས་སྤང་བར་བྱ་བ་རྣམས་ནི་རིམ་གྱིས་སྤང་བར་རིག་པར་བྱ་སྟེ། ལམ་གོམས་པར་སྤང་བར་བྱ་བ་ཡིན་པའི་ཕྱིར་རོ། །

nyon mongs pa ni cig car spong bar rig par bya'i rim gyis ni ma yin no/ /de ci'i phyir zhe na/ 'di ltar mngon par rtogs pa'i shes pa bden pa mngon par rtogs pas mthong bas spang bar bya ba'i nyon mongs pa rnams spong bar 'gyur la/ mngon par rtogs pa de'ang bden pa 'dren pa la dmigs pa'i yid la byed pa dang mtshungs par ldan pa yin pas/ de'i phyir sems gsum gyis mthong bas spang bar bya ba'i nyon mongs pa sdug bsngal la sogs pa la log par zhugs pa thams cad cig car spong bar 'gyur ba'i phyir ro/ /bsgom pas spang bar bya ba rnams ni rim gyis spang bar rig par bya ste/ lam goms par spang bar bya ba yin pa'i phyir ro/ /

【I5 答第五問】

དང་པོར་ནི་འདི་ལྟ་སྟེ། ཁྱིམ་ན་གནས་པས་མི་དགེ་བའི་ལས་ཀྱི་མཐའ་རྣམས་དང་སྡིག་པ་ཅན་གྱི་ལྟ་བ་སྤང་བར་བྱའོ། །དེའི་འོག་ཏུ་རབ་ཏུ་བྱུང་བ་ལ་མངོན་པར་དགའ་བའི་གགས་སུ་གྱུར་པ་འདོད་པའི་རྣམ་པར་རྟོག་པ་དང་གནོད་སེམས་ཀྱི་རྣམ་པར་རྟོག་པ་དང༌། རྣམ་པར་འཚེ་བའི་རྣམ་པར་རྟོག་པ་སྤང་བར་བྱའོ། །དེའི་འོག་ཏུ་སེམས་མཉམ་པར་གཞག་པའི་ཏིང་ངེ་འཛིན་གྱི་གགས་སུ་གྱུར་པ་ཉེ་དུའི་རྣམ་པར་རྟོག་པ་དང་ཡུལ་གྱི་རྣམ་པར་རྟོག་པ་དང་མི་འཆི་བའི་རྣམ་པར་རྟོག་པ་སྤང་བར་བྱའོ། །དེའི་འོག་ཏུ་ཡིད་ལ་བྱེད་པ་ལ་ཐོབ་པའི་གགས་སུ་གྱུར་པ་དབེན་པ་ལ་མངོན་པར་མི་དགའ་བའི་ཕྱོགས་དང་མཐུན་པའི་ལུས་ཀྱི་གནས་ངན་ལེན་སྤང་བར་བྱའོ། །དེའི་འོག་ཏུ་མཐོང་བས་སྤང་བར་བྱ་བའི་ཉོན་མོངས་པ་སྤང་བར་བྱའོ། །དེའི་འོག་ཏུ་བསྒོམ་པས་སྤོང་བར་བྱ་བའི་ཉོན་མོངས་པ་སྤང་བར་བྱའོ། །དེའི་འོག་ཏུ་སྡུག་བསྔལ་དང་ཡིད་མི་བདེ་བ་དང་འབྲེལ་པའོ། །དེའི་འོག་ཏུ་བདེ་བ་དང་ཡིད་བདེ་བ་དང་འབྲེལ་པའོ། །དེའི་འོག་ཏུ་བཏང་སྙོམས་དང་འབྲེལ་པའོ། །དེའི་འོག་ཏུ་སྙོམས་པར་འཇུག་པ་ལ་སྒྲིབ་པའི་ཕྱོགས་དང་མཐུན་པའི་སྒྲིབ་པ་སྤང་བར་བྱའོ། །དེའི་འོག་ཏུ་དེ་དག་ལས་གང་ཟག་ཁ་ཅིག་གིས་ནི་ཤེས་བྱའི་སྒྲིབ་པའི་ཕྱོགས་དང་མཐུན་པའི་སྒྲིབ་པ་སྤང་བར་བྱ་སྟེ། དེ་ལྟར་གོ་རིམས་དེས་ཉོན་མོངས་པ་སྤང་བར་བྱའོ། །

dang por ni 'di lta ste/ khyim na gnas pas mi dge ba'i las kyi mtha' rnams dang sdig pa can gyi lta ba spang bar bya'o/ /de'i 'og tu rab tu byung ba la mngon par dga' ba'i gags su gyur pa 'dod pa'i rnam par rtog pa dang gnod sems kyi rnam par rtog pa dang/ rnam par 'tshe ba'i rnam par rtog pa spang bar bya'o/ /de'i 'og tu sems mnyam par gzhag pa'i ting nge 'dzin gyi gags su gyur pa nye du'i rnam par rtog pa dang yul gyi rnam par rtog pa dang mi 'chi ba'i rnam par rtog pa spang bar bya'o/ /de'i 'og tu yid la byed pa la thob pa'i gags su gyur pa dben pa la mngon par mi dga' ba'i phyogs dang mthun pa'i lus kyi gnas ngan len spang bar bya'o/ /de'i 'og tu mthong bas spang bar bya ba'i nyon mongs pa spang bar bya'o/ /de'i 'og tu bsgom pas spong bar bya ba'i nyon mongs pa spang bar bya'o/ /de'i 'og tu sdug bsngal dang yid mi bde ba dang 'brel pa'o/ /de'i 'og tu bde ba dang yid bde ba dang 'brel pa'o/ /de'i 'og tu btang snyoms dang 'brel pa'o/ /de'i 'og tu snyoms par 'jug pa la sgrib pa'i phyogs dang mthun pa'i sgrib pa spang bar bya'o/ /de'i 'og tu de dag las gang zag kha cig gis ni shes bya'i sgrib pa'i phyogs dang mthun pa'i sgrib pa spang bar bya ste/ de ltar go rims des nyon mongs pa spang bar bya'o/ /

【I6 答第六問】

ཉོན་མོངས་པ་སྤོང་བ་ལ་རྣམ་པ་ནི་མང་དུ་ཡོད་པར་བལྟ་བར་བྱའོ། །དེ་ཡང་མདོར་བསྡུ་ན་རྣམ་པ་གཉིས་ཏེ། ཀུན་ནས་དཀྲིས་པ་སྤོང་བ་དང༌། བག་ལ་ཉལ་སྤོང་བའོ། །དེ་ལ་ཀུན་ནས་དཀྲིས་པ་སྤོང་བ་དང་འདོད་ཆགས་སྤོང་བ་དང་ཞེ་སྡང་སྤོང་བ་དང་ཐེ་ཚོམ་གྱི་བར་དུ་སྤོང་བ་དང་འཇིག་ཚོགས་ལ་ལྟ་བ་སྤོང་བ་དང༌། ལོག་པར་ལྟ་བའི་བར་དུ་སྤོང་བ་དང༌། སྡུག་བསྔལ་མཐོང་བས་སྤང་བར་བྱ་བ་སྤོང་བ་དང༌། བསྒོམ་པས་སྤང་བར་བྱ་བའི་བར་དུ་སྤོང་བ་དང༌། འདོད་པ་དང་ལྡན་པ་སྤོང་བ་དང༌། གཟུགས་མེད་པ་དང་ལྡན་པའི་བར་དུ་སྤོང་བ་དང༌། རྣམ་པར་གཡེང་བ་སྤོང་བ་དང་གཞན་འདེབས་པའི་སྤོང་བ་དང༌། རྩེ་འཇིལ་བར་བྱེད་པའི་སྤོང་བ་དང༌། རྣམ་པར་གནོན་པའི་སྤོང་བ་དང༌། འབྲལ་བའི་སྤོང་བའོ། །དེ་ལ་འབྲལ་བའི་སྤོང་བ་གང་ཡིན་པ་དེ་ནི་བག་ལ་ཉལ་སྤོང་བ་ཡིན་པར་བལྟ་བར་བྱའོ། །

nyon mongs pa spong ba la rnam pa ni mang du yod par blta bar bya'o/ /de yang mdor bsdu na rnam pa gnyis te/ kun nas dkris pa spong ba dang/ bag la nyal spong ba'o/ /de la kun nas dkris pa spong ba dang 'dod chags spong ba dang zhe sdang spong ba dang the tshom gyi bar du spong ba dang 'jig tshogs la lta ba spong ba dang/ log par lta ba'i bar du spong ba dang/ sdug bsngal mthong bas spang bar bya ba spong ba dang/ bsgom pas spang bar bya ba'i bar du spong ba dang/ 'dod pa dang ldan pa spong ba dang/ gzugs med pa dang ldan pa'i bar du spong ba dang/ rnam par g.yeng ba spong ba dang gzhan 'debs pa'i spong ba dang/ rtse 'jil bar byed pa'i spong ba dang/ rnam par gnon pa'i spong ba dang/ 'bral ba'i spong ba'o/ /de la 'bral ba'i spong ba gang yin pa de ni bag la nyal spong ba yin par blta bar bya'o/ /

【I7 答第七問】

དེ་ལ་ཉོན་མོངས་པ་སྤངས་པ་ནི་ཀུན་ཏུ་ཆགས་པར་འགྱུར་བའི་ཆོས་དམན་པའང་གྱ་ནོམ་པ་དང་ཕྲད་པའམ་ལྐོག་ན་འདུག་པ་དག་ལ་ཤས་ཆེར་ལྟ་ཞིང་དཔྱོད་པར་བྱེད་ཀྱང་ཀུན་ཏུ་ཆགས་པར་མི་འགྱུར་རོ། །ཇི་ལྟར་ཀུན་ཏུ་ཆགས་པར་འགྱུར་བའི་ཆོས་རྣམས་ལ་ཀུན་ཏུ་ཆགས་པར་མི་འགྱུར་བ་དེ་བཞིན་དུ་ཞེ་སྡང་བར་འགྱུར་བའི་ཆོས་རྣམས་ལ་ཡང་ཞེ་སྡང་བར་མི་འགྱུར་ལ། ཀུན་ཏུ་རྨོངས་པར་འགྱུར་བའི་ཆོས་རྣམས་ལ་ཡང་ཀུན་ཏུ་རྨོངས་པར་མི་འགྱུར་རོ། །དེ་བཞིན་དུ་མིག་གིས་གཟུགས་རྣམས་མཐོང་ན་ཡིད་བདེ་བར་ཡང་མི་འགྱུར་ལ། ཡིད་མི་བདེ་བར་ཡང་མི་འགྱུར་བར་དྲན་པ་དང་ཤེས་བཞིན་གྱིས་བཏང་སྙོམས་སུ་གནས་པར་འགྱུར་རོ། །ཇི་ལྟར་མིག་གིས་གཟུགས་རྣམས་མཐོང་བ་བཞིན་དུ་ཡིད་ཀྱིས་ཆོས་རྣམས་མཐོང་བའི་བར་དུ་ཡང་དེ་བཞིན་ནོ། །དེ་བཞིན་དུ་རང་བཞིན་གྱིས་འདོད་པ་ཆུང་བ་ཡིན་ཏེ་མཆོག་ཏུ་ཡོངས་སུ་གྲུབ་པའི་འདོད་པ་ཆུང་བ་ཉིད་དང་ལྡན་པ་ཡིན་ནོ། །ཇི་ལྟར་འདོད་པ་ཆུང་བ་བཞིན་དུ་ཆོག་ཤེས་པ་དང་རབ་ཏུ་དབེན་པ་དང་བརྩོན་འགྲུས་བརྩམས་པ་དང༌། དྲན་པ་ཉེ་བར་གནས་པ་དང་མཉམ་པར་གཞག་པ་དང༌། ཤེས་རབ་དང་ལྡན་པའང་དེ་བཞིན་ནོ། །རང་བཞིན་གྱིས་སྤྲོས་པ་མེད་པ་ལ་དགའ་བ་ཡིན་ཏེ། སྤྲོས་པ་ལ་སོ་སོར་བརྟགས་ནས་སེམས་འཇུག་པར་བྱེད་དེ་དེ་ལྟར་དེ་ལྟ་བུ་དང་མཐུན་པ་དག་ནི་ཉོན་མོངས་པ་སྤངས་པའི་རྟགས་རྣམས་ཡིན་པར་རིག་པར་བྱའོ། །

de la nyon mongs pa spangs pa ni kun tu chags par 'gyur ba'i chos dman pa'ang gya nom pa dang phrad pa'am lkog na 'dug pa dag la shas cher lta zhing dpyod par byed kyang kun tu chags par mi 'gyur ro/ /ji ltar kun tu chags par 'gyur ba'i chos rnams la kun tu chags par mi 'gyur ba de bzhin du zhe sdang bar 'gyur ba'i chos rnams la yang zhe sdang bar mi 'gyur la/ kun tu rmongs par 'gyur ba'i chos rnams la yang kun tu rmongs par mi 'gyur ro/ /de bzhin du mig gis gzugs rnams mthong na yid bde bar yang mi 'gyur la/ yid mi bde bar yang mi 'gyur bar dran pa dang shes bzhin gyis btang snyoms su gnas par 'gyur ro/ /ji ltar mig gis gzugs rnams mthong ba bzhin du yid kyis chos rnams mthong ba'i bar du yang de bzhin no/ /de bzhin du rang bzhin gyis 'dod pa chung ba yin te mchog tu yongs su grub pa'i 'dod pa chung ba nyid dang ldan pa yin no/ /ji ltar 'dod pa chung ba bzhin du chog shes pa dang rab tu dben pa dang brtson 'grus brtsams pa dang/ dran pa nye bar gnas pa dang mnyam par gzhag pa dang/ shes rab dang ldan pa'ang de bzhin no/ /rang bzhin gyis spros pa med pa la dga' ba yin te/ spros pa la so sor brtags nas sems 'jug par byed de de ltar de lta bu dang mthun pa dag ni nyon mongs pa spangs pa'i rtags rnams yin par rig par bya'o/ /

【I8 答第八問】

ཉོན་མོངས་པ་སྤངས་པའི་ཕན་ཡོན་ནི་མང་དུ་ཡོད་པར་རིག་པར་བྱ་སྟེ། འདི་ལྟ་སྟེ། སྡུག་བསྔལ་དང་ཡིད་མི་བདེ་བ་ལས་རྣམ་པར་འདས་པ་རྗེས་སུ་ཐོབ་པ་ཡིན། བདེ་བ་དང་ཡིད་བདེ་བ་ལས་རྣམ་པར་འདས་པ་རྗེས་སུ་ཐོབ་པ་ཡིན་གཟུགས་དང་ཐོགས་པ་དང་སྣ་ཚོགས་ཀྱི་འདུ་ཤེས་ལས་རྣམ་པར་འདས་པ་རྗེས་སུ་ཐོབ་པ་ཡིན། ངན་སོང་བའི་སྡུག་བསྔལ་ལས་ཡང་དག་པར་འདས་པ་རྗེས་སུ་ཐོབ་པ་ཡིན། སྐྱེ་བ་ལ་སོགས་པའི་སྡུག་བསྔལ་ལས་ཡང་དག་པར་འདས་པ་རྗེས་སུ་ཐོབ་པ་ཡིན། དབུགས་ཕྱིན་པ་རྗེས་སུ་ཐོབ་པ་ཡིན། མཆོག་ཏུ་དབུགས་ཕྱིན་པ་རྗེས་སུ་ཐོབ་པ་ཡིན། བསིལ་བའི་དངོས་པོ་ཐོབ་པ་ཡིན། མཆོག་ཏུ་བསིལ་བའི་དངོས་པོ་རྗེས་སུ་ཐོབ་པ་ཡིན། ཚེ་འདི་ལ་བདེ་བར་གནས་པའི་མཆོག་ཐོབ་པ་དང་རང་གི་སེམས་ལ་དབང་བསྒྱུར་བ་དང་ཇི་ལྟར་འདོད་པ་བཞིན་དུ་རྒྱུ་ཞིང་གནས་པ་དང་ཡང་ཕྱིར་མི་ལྡོག་པའི་ཆོས་ཅན་དང་བདག་གི་དོན་མཐའ་དག་ཡོངས་སུ་རྫོགས་པ་དང་བྱ་བ་ཐམས་ཅད་ལ་ཆེད་དུ་བརྩལ་བརྩལ་མི་དགོས་པ་ཡིན་ནོ། །དེ་དག་ལས་ཁ་ཅིག་ནི་གཞན་ལ་ཕན་པ་དང༌། སྐྱེ་བོ་མང་པོ་ལ་ཕན་པ་དང༌། སྐྱེ་བོ་མང་པོ་ལ་བདེ་བ་དང༌། འཇིག་རྟེན་ལ་སྙིང་བརྩེ་བ་དང་ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་ཕྱིར་ཞུགས་པ་ཡང་ཡིན་ཏེ་དེ་ལྟར་དེ་ལྟ་བུ་དང་མཐུན་པ་དག་ནི་ཉོན་མོངས་པ་རྣམས་སྤངས་པའི་ཕན་ཡོན་མང་པོ་དག་ཡིན་པར་རིག་པར་བྱའོ། །

nyon mongs pa spangs pa'i phan yon ni mang du yod par rig par bya ste/ 'di lta ste/ sdug bsngal dang yid mi bde ba las rnam par 'das pa rjes su thob pa yin/ bde ba dang yid bde ba las rnam par 'das pa rjes su thob pa yin gzugs dang thogs pa dang sna tshogs kyi 'du shes las rnam par 'das pa rjes su thob pa yin/ ngan song ba'i sdug bsngal las yang dag par 'das pa rjes su thob pa yin/ skye ba la sogs pa'i sdug bsngal las yang dag par 'das pa rjes su thob pa yin/ dbugs phyin pa rjes su thob pa yin/ mchog tu dbugs phyin pa rjes su thob pa yin/ bsil ba'i dngos po thob pa yin/ mchog tu bsil ba'i dngos po rjes su thob pa yin/ tshe 'di la bde bar gnas pa'i mchog thob pa dang rang gi sems la dbang bsgyur ba dang ji ltar 'dod pa bzhin du rgyu zhing gnas pa dang yang phyir mi ldog pa'i chos can dang bdag gi don mtha' dag yongs su rdzogs pa dang bya ba thams cad la ched du brtsal brtsal mi dgos pa yin no/ /de dag las kha cig ni gzhan la phan pa dang/ skye bo mang po la phan pa dang/ skye bo mang po la bde ba dang/ 'jig rten la snying brtse ba dang lha dang mi rnams kyi don dang phan pa dang bde ba'i phyir zhugs pa yang yin te de ltar de lta bu dang mthun pa dag ni nyon mongs pa rnams spangs pa'i phan yon mang po dag yin par rig par bya'o/ /

【G7 解緣境門】

ཉོན་མོངས་པ་རྣམས་ཀྱི་དམིགས་པ་གང་ཞེ་ན། དེ་ནི་མདོར་བསྡུ་ན་རྣམ་པ་བཅོ་ལྔར་རིག་པར་བྱ་སྟེ། མཐའ་དག་ལ་དམིགས་པ་ནི་འདི་ལྟ་སྟེ། འཇིག་ཚོགས་ལ་ལྟ་བ་ལ་སོགས་པའིའོ། །ཕྱོགས་གཅིག་ལ་དམིགས་པ་ནི་འདི་ལྟ་སྟེ། འདོད་ཆགས་དང་ཁོང་ཁྲོ་བ་དང་ང་རྒྱལ་རྣམས་ཀྱིའོ། །གཞི་དང་བཅས་པ་ལ་དམིགས་པ་ནི་འདི་ལྟ་སྟེ། གཞི་དང་བཅས་པའི་ཉོན་མོངས་པ་རྣམས་ཀྱིའོ། །གཞི་མེད་པ་ལ་དམིགས་པ་ནི་འདི་ལྟ་སྟེ། གཞི་མེད་པ་ལ་དམིགས་པའི་ཉོན་མོངས་པ་རྣམས་ཀྱིའོ། །ནང་ལ་དམིགས་པ་ནི་འདི་ལྟ་སྟེ་མཉམ་པར་གཞག་པ་དང་མཉམ་པར་གཞག་པ་མ་ཡིན་པའི་ས་པའི་ཉོན་མོངས་པ་སྐྱེ་མཆེད་དྲུག་ལ་དམིགས་པ་རྣམས་ཀྱིའོ། །ཕྱི་རོལ་ལ་དམིགས་པ་ནི་འདི་ལྟ་སྟེ་འདོད་པའི་ཡོན་ཏན་ལྔ་ལ་དམིགས་པའི་ཉོན་མོངས་པ་རྣམས་ཀྱིའོ། །མངོན་སུམ་ལ་དམིགས་པ་ནི་འདི་ལྟ་སྟེ་ད་ལྟར་ལ་དམིགས་པ་ཉོན་མོངས་པ་རྣམས་ཀྱིའོ། །ལྐོག་ལ་དམིགས་པ་ནི་འདི་ལྟ་སྟེ་འདས་པ་དང་མ་འོངས་པ་ལ་དམིགས་པའི་ཉོན་མོངས་པ་རྣམས་ཀྱིའོ། །རང་གི་རིགས་ལ་དམིགས་པ་ནི་འདི་ལྟ་སྟེ། རང་གི་རིགས་དང་མཐུན་པའི་ཉོན་མོངས་པ་ལ་དམིགས་པ་ཁོ་ནའི་ཉོན་མོངས་པ་རྣམས་ཀྱིའོ། །དེ་ལས་གཞན་པའི་རིགས་ལ་དམིགས་པའི་ཉོན་མོངས་པ་ནི་འདི་ལྟ་སྟེ། གཞན་གྱི་རིགས་དང་མཐུན་པའི་ཉོན་མོངས་པ་ལ་དམིགས་པ་ཁོ་ནའི་ཉོན་མོངས་པ་རྣམས་ཀྱི་དང༌། འཇིག་ཚོགས་ལ་ལྟ་བ་ལ་སོགས་པ་ཉོན་མོངས་པའི་གཞི་ལ་དམིགས་པའི་ཉོན་མོངས་པ་རྣམས་ཀྱིའོ། །འབྱུང་བ་ལ་དམིགས་པ་ནི་འདི་ལྟ་སྟེ། ཡང་འབྱུང་བའི་སྲིད་པ་ལ་དམིགས་པའི་ཉོན་མོངས་པ་རྣམས་ཀྱིའོ། །འཇིག་ཚོགས་ཚོགས་ལ་དམིགས་པ་ནི་འདི་ལྟ་སྟེ། ཆད་པ་དང་འཇིག་པ་ལ་དམིགས་པའི་ཉོན་མོངས་པ་རྣམས་ཀྱིའོ། །རང་གི་ཡུལ་ལ་དམིགས་པ་ནི་འདི་ལྟ་སྟེ། འདོད་པའི་ཁམས་ནི་འདོད་པ་ན་སྤྱོད་པའི་ཉོན་མོངས་པ་རྣམས་ཀྱིའོ། །གཟུགས་ཀྱི་ཁམས་དང་གཟུགས་མེད་པའི་ཁམས་ནི་གཟུགས་དང་གཟུགས་མེད་པ་ན་སྤྱོད་པའི་ཉོན་མོངས་པ་རྣམས་ཀྱིའོ། །གཞན་གྱི་ཡུལ་ལ་དམིགས་པ་ནི་འདི་ལྟ་སྟེ། གཟུགས་ཀྱི་ཁམས་ནི་འདོད་པ་ན་སྤྱོད་པའི་ཉོན་མོངས་པ་རྣམས་ཀྱིའོ། །གཟུགས་མེད་པའི་ཁམས་ནི་གཟུགས་ན་སྤྱོད་པའི་ཉོན་མོངས་པ་རྣམས་ཀྱིའོ། །དེ་བཞིན་དུ་ས་འོག་མ་ནི་ས་གོང་མའི་ཉོན་མོངས་པ་རྣམས་ཀྱི་སྟེ། འདི་ལྟར་ས་གོང་མར་སྐྱེས་པ་རྣམས་ནི་ས་འོག་མ་པའི་སེམས་ཅན་རྣམས་བས་བདག་ཉིད་རྟག་པ་དང་བརྟན་པ་དང་བདེ་བ་དང༌། གཙང་བ་དང་ཡོན་ཏན་ཁྱད་པར་དུ་འཕགས་པ་དང་ལྡན་ནོ་སྙམ་དུ་རློམ་སེམས་བྱེད་པའི་ཕྱིར་རོ། །ཡུལ་མ་ཡིན་པ་ལ་དམིགས་པ་ནི། འདི་ལྟ་སྟེ། ཡོངས་སུ་བརྟགས་ནས་འགོག་པ་དང༌། ལམ་དང༌། དེས་ཡོངས་སུ་བརྟགས་པའི་སངས་རྒྱས་ཀྱི་ཆོས་རྒྱ་ཆེན་པོ་ཐམས་ཅད་ལ་དམིགས་པའི་ཉོན་མོངས་པ་རྣམས་ཀྱིའོ། །

nyon mongs pa rnams kyi dmigs pa gang zhe na/ de ni mdor bsdu na rnam pa bco lngar rig par bya ste/ mtha' dag la dmigs pa ni 'di lta ste/ 'jig tshogs la lta ba la sogs pa'i'o/ /phyogs gcig la dmigs pa ni 'di lta ste/ 'dod chags dang khong khro ba dang nga rgyal rnams kyi'o/ /gzhi dang bcas pa la dmigs pa ni 'di lta ste/ gzhi dang bcas pa'i nyon mongs pa rnams kyi'o/ /gzhi med pa la dmigs pa ni 'di lta ste/ gzhi med pa la dmigs pa'i nyon mongs pa rnams kyi'o/ /nang la dmigs pa ni 'di lta ste mnyam par gzhag pa dang mnyam par gzhag pa ma yin pa'i sa pa'i nyon mongs pa skye mched drug la dmigs pa rnams kyi'o/ /phyi rol la dmigs pa ni 'di lta ste 'dod pa'i yon tan lnga la dmigs pa'i nyon mongs pa rnams kyi'o/ /mngon sum la dmigs pa ni 'di lta ste da ltar la dmigs pa nyon mongs pa rnams kyi'o/ /lkog la dmigs pa ni 'di lta ste 'das pa dang ma 'ongs pa la dmigs pa'i nyon mongs pa rnams kyi'o/ /rang gi rigs la dmigs pa ni 'di lta ste/ rang gi rigs dang mthun pa'i nyon mongs pa la dmigs pa kho na'i nyon mongs pa rnams kyi'o/ /de las gzhan pa'i rigs la dmigs pa'i nyon mongs pa ni 'di lta ste/ gzhan gyi rigs dang mthun pa'i nyon mongs pa la dmigs pa kho na'i nyon mongs pa rnams kyi dang/ 'jig tshogs la lta ba la sogs pa nyon mongs pa'i gzhi la dmigs pa'i nyon mongs pa rnams kyi'o/ /'byung ba la dmigs pa ni 'di lta ste/ yang 'byung ba'i srid pa la dmigs pa'i nyon mongs pa rnams kyi'o/ /'jig tshogs tshogs la dmigs pa ni 'di lta ste/ chad pa dang 'jig pa la dmigs pa'i nyon mongs pa rnams kyi'o/ /rang gi yul la dmigs pa ni 'di lta ste/ 'dod pa'i khams ni 'dod pa na spyod pa'i nyon mongs pa rnams kyi'o/ /gzugs kyi khams dang gzugs med pa'i khams ni gzugs dang gzugs med pa na spyod pa'i nyon mongs pa rnams kyi'o/ /gzhan gyi yul la dmigs pa ni 'di lta ste/ gzugs kyi khams ni 'dod pa na spyod pa'i nyon mongs pa rnams kyi'o/ /gzugs med pa'i khams ni gzugs na spyod pa'i nyon mongs pa rnams kyi'o/ /de bzhin du sa 'og ma ni sa gong ma'i nyon mongs pa rnams kyi ste/ 'di ltar sa gong mar skyes pa rnams ni sa 'og ma pa'i sems can rnams bas bdag nyid rtag pa dang brtan pa dang bde ba dang/ gtsang ba dang yon tan khyad par du 'phags pa dang ldan no snyam du rlom sems byed pa'i phyir ro/ /yul ma yin pa la dmigs pa ni/ 'di lta ste/ yongs su brtags nas 'gog pa dang/ lam dang/ des yongs su brtags pa'i sangs rgyas kyi chos rgya chen po thams cad la dmigs pa'i nyon mongs pa rnams kyi'o/ /

【G8 解現行門】【H1 總標】

ཉོན་མོངས་པ་རྣམས་ཀྱི་ཀུན་ཏུ་འབྱུང་བ་གང་ཞེ་ན། སྨྲས་པ། དེ་ནི་གང་ཟག་རྣམ་པ་ཉི་ཤུའི་ཉོན་མོངས་པ་རྣམ་པ་ཉི་ཤུ་རྐྱེན་རྣམ་པ་ཉི་ཤུས་བལྟ་བར་བྱའོ། །

nyon mongs pa rnams kyi kun tu 'byung ba gang zhe na/ smras pa/ de ni gang zag rnam pa nyi shu'i nyon mongs pa rnam pa nyi shu rkyen rnam pa nyi shus blta bar bya'o/ /

【H2 釋】【I1 解二十人】

གང་ཟག་རྣམ་པ་ཉི་ཤུ་གང་ཞེ་ན། སྨྲས་པ། ཁྱིམ་པ་དང༌། རབ་ཏུ་བྱུང་བ་དང༌། ཉེས་པར་བཤད་པའི་ཆོས་ཅན་དང༌། ལེགས་པར་གསུངས་པའི་ཆོས་ཅན་དང༌། ཉོན་མོངས་པ་ཤས་ཆེར་སྤྱད་པ་དང༌། ཆ་མཉམ་པར་སྤྱད་པ་དང༌། ཉོན་མོངས་པ་ཆུང་བ་དང༌། འཇིག་རྟེན་པའི་འདོད་ཆགས་དང་བྲལ་བ་དང༌། འདོད་ཆགས་དང་མ་བྲལ་བ་དང༌། གཞི་མཐོང་བ་དང༌། གཞི་མ་མཐོང་བ་དང་། མངོན་པར་ཞེན་པ་དང༌། མངོན་པར་མ་ཞེན་པ་དང༌། སྤྱོད་པ་པ་དང༌། གཉིད་ལོག་པ་དང༌། སད་པ་དང༌། གཞོན་ནུ་དང༌། དབང་པོ་ཡོངས་སུ་སྨིན་པ་དང༌། ཡོངས་སུ་མྱ་ངན་ལས་འདའ་བའི་ཆོས་ཅན་དང༌། ཡོངས་སུ་མྱ་ངན་ལས་མི་འདའ་བའི་ཆོས་ཅན་ནོ། །

gang zag rnam pa nyi shu gang zhe na/ smras pa/ khyim pa dang/ rab tu byung ba dang/ nyes par bshad pa'i chos can dang/ legs par gsungs pa'i chos can dang/ nyon mongs pa shas cher spyad pa dang/ cha mnyam par spyad pa dang/ nyon mongs pa chung ba dang/ 'jig rten pa'i 'dod chags dang bral ba dang/ 'dod chags dang ma bral ba dang/ gzhi mthong ba dang/ gzhi ma mthong ba dang / mngon par zhen pa dang/ mngon par ma zhen pa dang/ spyod pa pa dang/ gnyid log pa dang/ sad pa dang/ gzhon nu dang/ dbang po yongs su smin pa dang/ yongs su mya ngan las 'da' ba'i chos can dang/ yongs su mya ngan las mi 'da' ba'i chos can no/ /

【I2 解二十煩惱現行】

ཉོན་མོངས་པ་ཀུན་ཏུ་འབྱུང་བ་རྣམ་པ་ཉི་ཤུ་གང་ཞེ་ན། སྨྲས་པ། འདོད་ཅིང་ཁས་བླངས་པའི་ཀུན་ནས་དཀྲིས་པ་ཀུན་ཏུ་འབྱུང་བ་དང༌། འདོད་ཅིང་ཁས་བླངས་པ་མ་ཡིན་པའི་ཀུན་ནས་དཀྲིས་པ་ཀུན་ཏུ་འབྱུང་བ་དང༌། སོ་སོར་ཡང་དག་པར་མ་རིག་པའི་ཉོན་མོངས་པ་ཀུན་ཏུ་འབྱུང་བ་དང༌། སོ་སོར་ཡང་དག་པར་རིག་པའི་ཉོན་མོངས་པ་ཀུན་ཏུ་འབྱུང་བ་དང༌། ཉོན་མོངས་པ་རགས་པ་ཀུན་ཏུ་འབྱུང་བ་དང༌། ཉོན་མོངས་པ་མཉམ་པ་ཀུན་ཏུ་འབྱུང་བ་དང༌། ཉོན་མོངས་པ་ཆ་ཕྲ་བ་ཀུན་ཏུ་འབྱུང་བ་དང༌། ཉོན་མོངས་པ་ནང་དུ་བལྟས་པ་ཀུན་ཏུ་འབྱུང་བ་དང༌། ཉོན་མོངས་པ་ཕྱིར་བལྟས་པ་ཀུན་ཏུ་འབྱུང་བ་དང༌། བརྗེད་ངས་པའི་ཉོན་མོངས་པ་ཀུན་ཏུ་འབྱུང་བ་དང༌། ཟིལ་གྱིས་གནོན་པའི་ཉོན་མོངས་པ་ཀུན་ཏུ་འབྱུང་བ་དང༌། ཀུན་བརྟགས་པའི་ཉོན་མོངས་པ་ཀུན་ཏུ་འབྱུང་བ་དང༌། རང་བཞིན་གྱི་ཉོན་མོངས་པ་ཀུན་ཏུ་འབྱུང་བ་དང༌། ཡོངས་སུ་ཚོལ་བའི་ཉོན་མོངས་པ་ཀུན་ཏུ་འབྱུང་བ་དང༌། རང་དབང་མེད་པའི་ཉོན་མོངས་པ་ཀུན་ཏུ་འབྱུང་བ་དང༌། རང་དབང་ཅན་གྱི་ཉོན་མོངས་པ་ཀུན་ཏུ་འབྱུང་བ་དང༌། གཞི་ལ་མི་གནས་པའི་ཉོན་མོངས་པ་ཀུན་ཏུ་འབྱུང་བ་དང༌། གཞི་ལ་གནས་པའི་ཉོན་མོངས་པ་ཀུན་ཏུ་འབྱུང་བ་དང༌། བསྒྲུབ་ཏུ་རུང་བའི་ཉོན་མོངས་པ་ཀུན་ཏུ་འབྱུང་བ་དང༌། བསྒྲུབ་ཏུ་མི་རུང་བའི་ཉོན་མོངས་པ་ཀུན་ཏུ་འབྱུང་བའོ། །

nyon mongs pa kun tu 'byung ba rnam pa nyi shu gang zhe na/ smras pa/ 'dod cing khas blangs pa'i kun nas dkris pa kun tu 'byung ba dang/ 'dod cing khas blangs pa ma yin pa'i kun nas dkris pa kun tu 'byung ba dang/ so sor yang dag par ma rig pa'i nyon mongs pa kun tu 'byung ba dang/ so sor yang dag par rig pa'i nyon mongs pa kun tu 'byung ba dang/ nyon mongs pa rags pa kun tu 'byung ba dang/ nyon mongs pa mnyam pa kun tu 'byung ba dang/ nyon mongs pa cha phra ba kun tu 'byung ba dang/ nyon mongs pa nang du bltas pa kun tu 'byung ba dang/ nyon mongs pa phyir bltas pa kun tu 'byung ba dang/ brjed ngas pa'i nyon mongs pa kun tu 'byung ba dang/ zil gyis gnon pa'i nyon mongs pa kun tu 'byung ba dang/ kun brtags pa'i nyon mongs pa kun tu 'byung ba dang/ rang bzhin gyi nyon mongs pa kun tu 'byung ba dang/ yongs su tshol ba'i nyon mongs pa kun tu 'byung ba dang/ rang dbang med pa'i nyon mongs pa kun tu 'byung ba dang/ rang dbang can gyi nyon mongs pa kun tu 'byung ba dang/ gzhi la mi gnas pa'i nyon mongs pa kun tu 'byung ba dang/ gzhi la gnas pa'i nyon mongs pa kun tu 'byung ba dang/ bsgrub tu rung ba'i nyon mongs pa kun tu 'byung ba dang/ bsgrub tu mi rung ba'i nyon mongs pa kun tu 'byung ba'o/ /

【I3 解二十煩惱現行緣】

ཀུན་ཏུ་འབྱུང་བའི་རྐྱེན་རྣམ་པ་ཉི་ཤུ་གང་ཞེ་ན། སྨྲས་པ༑ བདེ་བའི་རྐྱེན་དང༌། སྡུག་བསྔལ་གྱི་རྐྱེན་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་རྐྱེན་དང༌། འདུན་པའི་རྐྱེན་དང༌། རྣམ་པར་རྟོག་པའི་རྐྱེན་དང༌། རེག་པའི་རྐྱེན་དང༌། བག་ལ་ཉལ་གྱི་རྐྱེན་དང༌། སྔོན་གོམས་པའི་རྐྱེན་དང་དམ་པ་མ་ཡིན་པ་དང་འགྲོགས་པའི་རྐྱེན་དང༌། དམ་པ་མ་ཡིན་པའི་ཆོས་ཐོས་པའི་རྐྱེན་དང༌། ཚུལ་བཞིན་མ་ཡིན་པ་ཡིད་ལ་བྱེད་པའི་རྐྱེན་དང༌། མ་དད་པའི་རྐྱེན་དང༌། ལེ་ལོའི་རྐྱེན་དང༌། བརྗེད་ངས་པའི་རྐྱེན་དང༌། རྣམ་པར་གཡེང་བའི་རྐྱེན་དང༌། ཤེས་རབ་འཆལ་པའི་རྐྱེན་དང༌། བག་མེད་པའི་རྐྱེན་དང༌། ཉོན་མོངས་པའི་རྐྱེན་དང༌། འདོད་ཆགས་དང་མ་བྲལ་བ་ཉིད་ཀྱི་རྐྱེན་དང༌། སོ་སོའི་སྐྱེ་བོ་ཉིད་ཀྱི་རྐྱེན་གྱིས་ཉོན་མོངས་པ་ཀུན་ཏུ་འབྱུང་བར་འགྱུར་རོ། །

kun tu 'byung ba'i rkyen rnam pa nyi shu gang zhe na/ smras pa| bde ba'i rkyen dang/ sdug bsngal gyi rkyen dang/ sdug bsngal yang ma yin bde ba yang ma yin pa'i rkyen dang/ 'dun pa'i rkyen dang/ rnam par rtog pa'i rkyen dang/ reg pa'i rkyen dang/ bag la nyal gyi rkyen dang/ sngon goms pa'i rkyen dang dam pa ma yin pa dang 'grogs pa'i rkyen dang/ dam pa ma yin pa'i chos thos pa'i rkyen dang/ tshul bzhin ma yin pa yid la byed pa'i rkyen dang/ ma dad pa'i rkyen dang/ le lo'i rkyen dang/ brjed ngas pa'i rkyen dang/ rnam par g.yeng ba'i rkyen dang/ shes rab 'chal pa'i rkyen dang/ bag med pa'i rkyen dang/ nyon mongs pa'i rkyen dang/ 'dod chags dang ma bral ba nyid kyi rkyen dang/ so so'i skye bo nyid kyi rkyen gyis nyon mongs pa kun tu 'byung bar 'gyur ro/ /

【G9 解結生】【H1 明當地煩惱一切結生】

ཁམས་གང་དང་གང་དུ་ལུས་གང་དང་གང་ཉིད་མཚམས་སྦྱོར་བར་བྱེད་པ། ཅི་ཁམས་ཐམས་ཅད་ཀྱི་ཉོན་མོངས་པ་ཐམས་ཅད་ཀྱིས་ཉིང་མཚམས་སྦྱོར་བར་བརྗོད་པར་བྱ་བའམ་འོན་ཏེ་མ་ཚང་བ་དག་གིས་ཤེ་ན། སྨྲས་པ། ཐམས་ཅད་ཀྱིས་ཡིན་གྱི་མ་ཚང་བ་དག་གིས་ནི་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་འདོད་ཆགས་དང་མ་བྲལ་བ་ནི་རང་གི་སྐྱེ་བའི་གནས་སུ་སྐྱེ་བར་འགྱུར་གྱི་འདོད་ཆགས་དང་བྲལ་བ་ནི་མ་ཡིན་ཏེ། འདོད་ཆགས་དང་མ་བྲལ་བའི་ལུས་ནི་གཞན་དུ་ལུས་གཞན་སྐྱེ་བའི་རྒྱུར་གྱུར་པ་གང་ཡིན་པའི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་ཐམས་ཅད་དང་རྗེས་སུ་འབྲེལ་པའི་ཕྱིར་ཏེ། རྣམ་གྲངས་དེས་ན་ཉོན་མོངས་པ་ཐམས་ཅད་ཀྱིས་ཉིད་མཚམས་སྦྱོར་བར་རིག་པར་བྱའོ། །གཞན་ཡང་སྐྱེ་བ་ན་ལུས་ལ་སྲེད་པ་ཡང་ཀུན་ནས་འབྱུང་ལ་བུད་མེད་སྐྱེས་པ་ལ་འདོད་ཆགས་དང༌། ཁོང་ཁྲོ་བའང་ཀུན་ཏུ་འབྱུང༌། ཅི་བུད་མེད་དམ་སྐྱེས་པ་འདི་དག་དང་ལྷན་ཅིག་འགྲོགས་པར་འགྱུར་རམ་འོན་ཏེ་མི་འགྱུར་སྙམ་དུ་ཐེ་ཚོམ་ཡང་ཀུན་ཏུ་འབྱུང༌། ནང་དང་ཕྱི་རོལ་ལ་ངར་འཛིན་པ་དང༌། ངའིར་འཛིན་པ་དང༌། ངའོ་སྙམ་པའི་ང་རྒྱལ་ལ་སོགས་པ་ཡང་ཀུན་ཏུ་འབྱུང་བའི་ཕྱིར་ཏེ། རྣམ་གྲངས་དེས་ཀྱང་ཉོན་མོངས་པ་ཐམས་ཅད་ཀྱིས་ཉིང་མཚམས་སྦྱོར་བར་རིག་པར་བྱའོ། །

khams gang dang gang du lus gang dang gang nyid mtshams sbyor bar byed pa/ ci khams thams cad kyi nyon mongs pa thams cad kyis nying mtshams sbyor bar brjod par bya ba'am 'on te ma tshang ba dag gis she na/ smras pa/ thams cad kyis yin gyi ma tshang ba dag gis ni ma yin no/ /de ci'i phyir zhe na/ 'di ltar 'dod chags dang ma bral ba ni rang gi skye ba'i gnas su skye bar 'gyur gyi 'dod chags dang bral ba ni ma yin te/ 'dod chags dang ma bral ba'i lus ni gzhan du lus gzhan skye ba'i rgyur gyur pa gang yin pa'i nyon mongs pa'i phyogs dang mthun pa'i gnas ngan len thams cad dang rjes su 'brel pa'i phyir te/ rnam grangs des na nyon mongs pa thams cad kyis nyid mtshams sbyor bar rig par bya'o/ /gzhan yang skye ba na lus la sred pa yang kun nas 'byung la bud med skyes pa la 'dod chags dang/ khong khro ba'ang kun tu 'byung/ ci bud med dam skyes pa 'di dag dang lhan cig 'grogs par 'gyur ram 'on te mi 'gyur snyam du the tshom yang kun tu 'byung/ nang dang phyi rol la ngar 'dzin pa dang/ nga'ir 'dzin pa dang/ nga'o snyam pa'i nga rgyal la sogs pa yang kun tu 'byung ba'i phyir te/ rnam grangs des kyang nyon mongs pa thams cad kyis nying mtshams sbyor bar rig par bya'o/ /

【H2 明結生相續或七或九】

གཞན་ཡང་ཉིང་མཚམས་སྦྱོར་བ་ནི༑ མདོར་བསྡུ་ན་བདུན་ཡོད་དེ། ཀུན་ནས་དཀྲིས་པ་དང་བག་ལ་ཉལ་གྱིས་ཉིང་མཚམས་སྦྱོར་བ་ནི་འདི་ལྟ་སྟེ། སོ་སོའི་སྐྱེ་བོ་རྣམས་ཀྱིའོ། །བག་ལ་ཉལ་གྱིས་ཉིང་མཚམས་སྦྱོར་བ་ནི་འདི་ལྟ་སྟེ། གཞི་མཐོང་བ་རྣམས་ཀྱིའོ། །ཤེས་བཞིན་དུ་འཇུག་པས་ཉིང་མཚམས་སྦྱོར་བ་ན་འདི་ལྟ་སྟེ། འཁོར་ལོས་སྒྱུར་བ་རྣམས་ཀྱིའོ། །ཤེས་བཞིན་དུ་འཇུག་ཅིང་གནས་པས་ཉིང་མཚམས་སྦྱོར་བ་ནི་འདི་ལྟ་སྟེ་རང་སངས་རྒྱས་རྣམས་ཀྱིའོ། །ཐམས་ཅད་དུ་བརྗོད་པ་མེད་པས་ཉིང་མཚམས་སྦྱོར་བ་ནི་འདི་ལྟ་སྟེ། བྱང་ཆུབ་སེམས་དཔའ་རྣམས་ཀྱིའོ། །ལས་མངོན་པར་འདུ་བྱེད་པས་ཉིང་མཚམས་སྦྱོར་བ་ནི་འདི་ལྟ་སྟེ། བྱང་ཆུབ་སེམས་དཔའི་ཉིང་མཚམས་སྦྱོར་བ་མ་གཏོགས་པ་རྣམས་ཀྱིའོ། །ཡེ་ཤེས་མངོན་པར་འདུ་བྱེད་པས་ཉིང་མཚམས་སྦྱོར་བ་ནི་འདི་ལྟ་སྟེ། བྱང་ཆུབ་སེམས་དཔའ་རྣམས་ཀྱིའོ། །གནོད་པ་དང་ལྡན་པས་ཉིང་མཚམས་སྦྱོར་བ་ནི་འདི་ལྟ་སྟེ། ལས་མངོན་པར་འདུ་བྱེད་པས་ཉིང་མཚམས་སྦྱོར་བ་དེ་ཉིད་དོ། །དོན་དང་ལྡན་པས་ཉིང་མཚམས་སྦྱོར་བ་ནི་འདི་ལྟ་སྟེ། ཡེ་ཤེས་མངོན་པར་འདུ་བྱེད་པས་ཉིང་མཚམས་སྦྱོར་བ་དེ་ཉིད་དེ་དེ་དག་བསྡུས་ན་ཉིང་མཚམས་སྦྱོར་བ་བདུན་ནམ་དགུར་འགྱུར་རོ། །

gzhan yang nying mtshams sbyor ba ni| mdor bsdu na bdun yod de/ kun nas dkris pa dang bag la nyal gyis nying mtshams sbyor ba ni 'di lta ste/ so so'i skye bo rnams kyi'o/ /bag la nyal gyis nying mtshams sbyor ba ni 'di lta ste/ gzhi mthong ba rnams kyi'o/ /shes bzhin du 'jug pas nying mtshams sbyor ba na 'di lta ste/ 'khor los sgyur ba rnams kyi'o/ /shes bzhin du 'jug cing gnas pas nying mtshams sbyor ba ni 'di lta ste rang sangs rgyas rnams kyi'o/ /thams cad du brjod pa med pas nying mtshams sbyor ba ni 'di lta ste/ byang chub sems dpa' rnams kyi'o/ /las mngon par 'du byed pas nying mtshams sbyor ba ni 'di lta ste/ byang chub sems dpa'i nying mtshams sbyor ba ma gtogs pa rnams kyi'o/ /ye shes mngon par 'du byed pas nying mtshams sbyor ba ni 'di lta ste/ byang chub sems dpa' rnams kyi'o/ /gnod pa dang ldan pas nying mtshams sbyor ba ni 'di lta ste/ las mngon par 'du byed pas nying mtshams sbyor ba de nyid do/ /don dang ldan pas nying mtshams sbyor ba ni 'di lta ste/ ye shes mngon par 'du byed pas nying mtshams sbyor ba de nyid de de dag bsdus na nying mtshams sbyor ba bdun nam dgur 'gyur ro/ /

【F2 結餘句門，此處不現】

གཞི་དེ་དག་ཐམས་ཅད་ལ་ཚིག་གོང་མ་དང་སྦྱོར་བ་དང་ཚིག་འོག་མ་དང་སྦྱོར་བ་རྣམ་པར་གཏན་ལ་དབབ་པའི་ཚུལ་གྱིས་མུ་བཞིར་བཤད་པའི་གཞུང་ནི་མི་སྣང་ངོ༌། །

gzhi de dag thams cad la tshig gong ma dang sbyor ba dang tshig 'og ma dang sbyor ba rnam par gtan la dbab pa'i tshul gyis mu bzhir bshad pa'i gzhung ni mi snang ngo/ /

【E2 以頌收】

སྡོམ་ནི། ལས་དང་མཚན་ཉིད་གཞི་དང་ནི༑ །བདེ་དང་མི་དགེ་ལ་སོགས་དང༌། །སྤོང་དང་དམིགས་དང་ཀུན་འབྱུང་དང༌། །ཉིང་མཚམས་སྦྱོར་བ་ཐ་མ་ཡིན།། །།

sdom ni/ las dang mtshan nyid gzhi dang ni| /bde dang mi dge la sogs dang/ /spong dang dmigs dang kun 'byung dang/ /nying mtshams sbyor ba tha ma yin// //

【D2 決擇業雜染】【E1 結前生後】

【E2 正決擇】【F1 以九門隨義分別】【G1 釋九門】【H1 解自相門】【I1 總舉根本前後方便為業道相】

བམ་པོ་བཅུ་བཞི་པ། ལས་ཀྱི་ཀུན་ནས་ཉོན་མོངས་པའི་རབ་ཏུ་དབྱེ་བ་ནི་རྣམ་པ་ལྔས་རྣམ་པར་གཞག་སྟེ། ལས་ཀྱི་ལམ་གྱི་དངོས་ཀྱིས་བསྡུས་པའི་ལུས་ཀྱི་ལས་དང་ངག་གི་ལས་དང་ཡིད་ཀྱི་ལས་དང་དེ་དག་ཉིད་ཀྱི་སྦྱོར་བས་བསྡུས་པའི་ལས་དང་མཇུག་གིས་བསྡུས་པའི་ལས་ཀྱིས་སོ། །དེ་ལ་མི་དགེ་བའི་ལས་ཀྱི་ལམ་ཇི་སྐད་བསྟན་པ་རྣམས་ནི་ལས་ཀྱི་ལམ་གྱི་དངོས་ཀྱིས་བསྡུས་པའི་མི་དགེ་བའི་ལུས་ཀྱི་ལས་དང་ངག་གི་ལས་དང་ཡིད་ཀྱི་ལས་ཞེས་བྱའོ། །

bam po bcu bzhi pa/ las kyi kun nas nyon mongs pa'i rab tu dbye ba ni rnam pa lngas rnam par gzhag ste/ las kyi lam gyi dngos kyis bsdus pa'i lus kyi las dang ngag gi las dang yid kyi las dang de dag nyid kyi sbyor bas bsdus pa'i las dang mjug gis bsdus pa'i las kyis so/ /de la mi dge ba'i las kyi lam ji skad bstan pa rnams ni las kyi lam gyi dngos kyis bsdus pa'i mi dge ba'i lus kyi las dang ngag gi las dang yid kyi las zhes bya'o/ /

【I2 明根本業道五緣而成】【J1 列五緣】

སྲོག་གཅོད་པ་ལ་སོགས་པ་མི་དགེ་བའི་ལས་ཀྱི་ལམ་དེ་དག་གི་རང་གི་མཚན་ཉིད་རྣམ་པར་གཞག་པ་གང་ཞེ་ན། ཉོན་མོངས་པ་ཅན་གྱི་སེམས་དང་དེའི་བསམ་པས་དེ་ཉིད་ལ་ལས་དེ་ཀུན་ཏུ་སྤྱད་ཅིང་ཡོངས་སུ་རྫོགས་པ་ནི། སྲོག་གཅོད་པ་ལ་སོགས་པའི་ལས་ཀྱི་ལམ་དེ་དག་ཐམས་ཅད་ཀྱི་རང་གི་མཚན་ཉིད་བསྡུས་པ་ཡིན་པར་བལྟ་བར་བྱའོ༑ །དེ་ལ་ཉོན་མོངས་པ་ཅན་གྱི་སེམས་ནི་ཆགས་ཤིང་ཆགས་པས་ཟིལ་གྱིས་ནོན་པ་དང་སྡང་ཞིང་སྡང་བས་ཟིལ་གྱིས་ནོན་པ་དང་རྨོངས་ཤིང་རྨོངས་པས་ཟིལ་གྱིས་ནོན་པའོ། །

srog gcod pa la sogs pa mi dge ba'i las kyi lam de dag gi rang gi mtshan nyid rnam par gzhag pa gang zhe na/ nyon mongs pa can gyi sems dang de'i bsam pas de nyid la las de kun tu spyad cing yongs su rdzogs pa ni/ srog gcod pa la sogs pa'i las kyi lam de dag thams cad kyi rang gi mtshan nyid bsdus pa yin par blta bar bya'o| /de la nyon mongs pa can gyi sems ni chags shing chags pas zil gyis non pa dang sdang zhing sdang bas zil gyis non pa dang rmongs shing rmongs pas zil gyis non pa'o/ /

【J2 別解釋】

གལ་ཏེ་ཉོན་མོངས་པ་ཅན་གྱི་སེམས་ཡོད་ཀྱང་དེའི་བསམ་པས་ཀུན་ཏུ་མ་སྤྱད་ན། ཡོངས་སུ་རྫོགས་པར་བྱས་ཀྱང་ལས་ཀྱི་ལམ་དུ་གཏོགས་པའི་ལས་དེ་ཡོངས་སུ་རྫོགས་པ་མ་ཡིན་ནོ། །གལ་ཏེ་ཉོན་མོངས་པ་ཅན་གྱི་སེམས་ཀྱང་ཡོད་ལ་དེའི་བསམ་པའང་ཡོད་མོད་ཀྱི་སེམས་ཕྱིན་ཅི་ལོག་གིས་དངོས་པོ་གཞན་ཁོ་ན་ཞིག་ལ་ཀུན་ཏུ་སྤྱད་ན་མཐར་ཐུག་པར་གྱུར་དུ་ཟིན་ཀྱང་དེ་ལྟར་ན་ལས་དེ་ཡོངས་སུ་རྫོགས་པ་མ་ཡིན་ནོ། །གལ་ཏེ་ཉོན་མོངས་པ་ཅན་གྱི་སེམས་ཀྱང་ཡོད་ལ་དེའི་བསམ་པའང་ཡོད་མོད་ཀྱི་ཀུན་ཏུ་མ་སྤྱད་ཅིང་མཐར་ཐུག་པར་མ་གྱུར་ན། དེ་ལྟར་ནའང་ལས་དེ་ཡོངས་སུ་རྫོགས་པ་མ་ཡིན་ནོ། །གལ་ཏེ་ཉོན་མོངས་པ་ཅན་གྱི་སེམས་ཀྱང་ཡོད། དེའི་བསམ་པའང་ཡོད་ལ་དེ་ཉིད་ལ་ཡང་ཀུན་ཏུ་སྤྱད་མོད་ཀྱི་མཐར་ཐུག་པར་མ་གྱུར་ན་དེ་ལྟ་ནའང་ལས་དེ་ཡོངས་སུ་རྫོགས་པ་མ་ཡིན་པའོ། །གལ་ཏེ་ཉོན་མོངས་པ་ཅན་གྱི་སེམས་ཀྱང་ཡོད། དེའི་བསམ་པ་ཡང་ཡོད་ལ་དེ་ཉིད་ལའང་ཀུན་ཏུ་སྤྱད་པ་མཐར་ཐུག་པར་ཡང་གྱུར་ན་དེ་ལྟ་ན་དེའི་མི་དགེ་བའི་ལས་ཀྱི་ལམ་དུ་གཏོགས་པའི་ལས་དེ་ཡོངས་སུ་རྫོགས་པ་ཡིན་ཏེ་དེ་ལྟར་རང་གི་མཚན་ཉིད་བསྟན་པ་དེས། མི་དགེ་བའི་ལས་ཀྱི་ལམ་ཐམས་ཅད་ཀྱི་རང་གི་མཚན་ཉིད་རྗེས་སུ་རྟོགས་པར་བྱའོ། །

gal te nyon mongs pa can gyi sems yod kyang de'i bsam pas kun tu ma spyad na/ yongs su rdzogs par byas kyang las kyi lam du gtogs pa'i las de yongs su rdzogs pa ma yin no/ /gal te nyon mongs pa can gyi sems kyang yod la de'i bsam pa'ang yod mod kyi sems phyin ci log gis dngos po gzhan kho na zhig la kun tu spyad na mthar thug par gyur du zin kyang de ltar na las de yongs su rdzogs pa ma yin no/ /gal te nyon mongs pa can gyi sems kyang yod la de'i bsam pa'ang yod mod kyi kun tu ma spyad cing mthar thug par ma gyur na/ de ltar na'ang las de yongs su rdzogs pa ma yin no/ /gal te nyon mongs pa can gyi sems kyang yod/ de'i bsam pa'ang yod la de nyid la yang kun tu spyad mod kyi mthar thug par ma gyur na de lta na'ang las de yongs su rdzogs pa ma yin pa'o/ /gal te nyon mongs pa can gyi sems kyang yod/ de'i bsam pa yang yod la de nyid la'ang kun tu spyad pa mthar thug par yang gyur na de lta na de'i mi dge ba'i las kyi lam du gtogs pa'i las de yongs su rdzogs pa yin te de ltar rang gi mtshan nyid bstan pa des/ mi dge ba'i las kyi lam thams cad kyi rang gi mtshan nyid rjes su rtogs par bya'o/ /

【H2 解廣辨門】【I1 總舉五相為門】

ལས་ཀྱི་ལམ་བཅུ་པོ་དག་གི་ངོ་བོ་ཉིད་ཀྱི་རབ་ཏུ་དབྱེ་བ་རྒྱས་པ་ནི་རྣམ་པ་ལྔས་རྣམ་པར་གཞག་པར་བལྟ་བར་བྱ་སྟེ། རྣམ་པ་ལྔ་གང་ཞེ་ན། འདི་ལྟ་སྟེ། གཞི་དང་འདུ་ཤེས་དང༌། བསམ་པ་དང༌། ཉོན་མོངས་པ་དང་མཐའོ། །དེ་ལ་གཞི་ནི་ལས་ཀྱི་ལམ་སོ་སོ་དག་ལ་སོ་སོར་ངེས་པར་བལྟ་བར་བྱ་སྟེ། དེ་ལ་བརྟེན་ནས་སེམས་ཅན་དུ་བགྲང་བའམ་སེམས་ཅན་དུ་བགྲང་བ་མ་ཡིན་པའི་གཞི་དེས་མི་དགེ་བ་བཅུའི་ལས་ཀྱི་ལམ་རྣམས་ཅི་རིགས་པར་འབྱུང་ངོ༌། །འདུ་ཤེས་ནི་རྣམ་པ་བཞིར་བལྟ་བར་བྱ་སྟེ། དེ་ལ་དེར་འདུ་ཤེས་པ་དང༌།དེ་མ་ཡིན་པ་ལ་དེར་འདུ་ཤེས་པ་དང༌། དེ་ལ་དེ་མ་ཡིན་པར་འདུ་ཤེས་པ་དང༌། དེ་མ་ཡིན་ལ་དེ་མ་ཡིན་པར་འདུ་ཤེས་པའོ། །དེ་ལ་བསམ་པ་ཞེས་བྱ་བ་ནི་འདུ་ཤེས་ཕྱིན་ཅི་ལོག་གམ་འདུ་ཤེས་ཕྱིན་ཅི་མ་ལོག་པ་བྱེད་འདོད་པ་ཉིད་གང་ཡིན་པའོ། །དེ་ལ་ཉོན་མོངས་པ་ནི་འདི་དག་ཡིན་ཏེ་འདི་ལྟ་སྟེ། ཆགས་པའམ་ཞེ་སྡང་ངམ་གཏི་མུག་གམ༑ ཆགས་པ་དང་ཞེ་སྡང་ངམ་ཆགས་པ་དང་གཏི་མུག་གམ་ཞེ་སྡང་དང་གཏི་མུག་གམ་ཆགས་པ་དང་ཞེ་སྡང་དང་གཏི་མུག་ཐམས་ཅད་དོ། །དེ་ལ་མཐའ་ནི་འདི་ཡིན་ཏེ་འདི་ལྟ་སྟེ། མངོན་པར་འདོད་པའི་ལས་དེ་ཉིད་ཀྱི་དེ་དང་འབྲེལ་པའི་སྦྱོར་བས་དུས་དེ་ཉིད་ཀྱི་ཚེའམ་དུས་དེའི་འོག་ཏུ་ཡོངས་སུ་རྫོགས་པར་གྱུར་པ་སྟེ༑ དེ་ལྟར་ན་རྣམ་པ་ལྔ་པོ་དེ་དག་གིས་སྲོག་གཅོད་པ་ལ་སོགས་པ་ལོག་པར་ལྟ་བའི་མཐར་ཐུག་པའི་བར་གྱི་ལས་ཀྱི་ལམ་བཅུ་པོ་དེ་དག་ཐམས་ཅད་ཀྱི་ངོ་བོ་ཉིད་རྣམ་པར་གཞག་པ་རྒྱ་ཆེར་ཡོངས་སུ་རྫོགས་པར་ཅི་རིགས་པར་རིག་པར་བྱའོ༑ །

las kyi lam bcu po dag gi ngo bo nyid kyi rab tu dbye ba rgyas pa ni rnam pa lngas rnam par gzhag par blta bar bya ste/ rnam pa lnga gang zhe na/ 'di lta ste/ gzhi dang 'du shes dang/ bsam pa dang/ nyon mongs pa dang mtha'o/ /de la gzhi ni las kyi lam so so dag la so sor nges par blta bar bya ste/ de la brten nas sems can du bgrang ba'am sems can du bgrang ba ma yin pa'i gzhi des mi dge ba bcu'i las kyi lam rnams ci rigs par 'byung ngo/ /'du shes ni rnam pa bzhir blta bar bya ste/ de la der 'du shes pa dang/de ma yin pa la der 'du shes pa dang/ de la de ma yin par 'du shes pa dang/ de ma yin la de ma yin par 'du shes pa'o/ /de la bsam pa zhes bya ba ni 'du shes phyin ci log gam 'du shes phyin ci ma log pa byed 'dod pa nyid gang yin pa'o/ /de la nyon mongs pa ni 'di dag yin te 'di lta ste/ chags pa'am zhe sdang ngam gti mug gam| chags pa dang zhe sdang ngam chags pa dang gti mug gam zhe sdang dang gti mug gam chags pa dang zhe sdang dang gti mug thams cad do/ /de la mtha' ni 'di yin te 'di lta ste/ mngon par 'dod pa'i las de nyid kyi de dang 'brel pa'i sbyor bas dus de nyid kyi tshe'am dus de'i 'og tu yongs su rdzogs par gyur pa ste| de ltar na rnam pa lnga po de dag gis srog gcod pa la sogs pa log par lta ba'i mthar thug pa'i bar gyi las kyi lam bcu po de dag thams cad kyi ngo bo nyid rnam par gzhag pa rgya cher yongs su rdzogs par ci rigs par rig par bya'o| /

【I2 將十業道歷五門辨】【J1 殺生業道】

སྲོག་གཅོད་པའི་གཞི་ནི་སྲོག་དང་ལྡན་པའི་སེམས་ཅན་ནོ། །གལ་ཏེ་གསོད་པར་བྱེད་པ་དེ་སྲོག་ཆགས་དེ་ལ་སྲོག་ཆགས་ཡིན་པའི་འདུ་ཤེས་ཀྱང་ཡོད་ལ༑ སྲོག་ཆགས་གང་གསད་པར་འདོད་པ་ལ་དེར་འདུ་ཤེས་པའང་ཡོད་པ་དེ་ནི་དེ་ལ་དེའི་འདུ་ཤེས་ཕྱིན་ཅི་མ་ལོག་པ་ཞེས་བྱའོ། །དེ་འདུ་ཤེས་དེ་ལ་བརྟེན་ཏེ་འདི་གསད་པར་བྱའོ་སྙམ་དུ་སེམས་མངོན་པར་འདུ་བྱེད་པ་དེ་ནི་དེའི་གསོད་པའི་བསམ་པ་ཡིན་ནོ། །དེ་ལ་ཆགས་པས་ཟིལ་གྱིས་ནོན་ཏམ་ཞེ་སྡང་གིས་ཟིལ་གྱིས་ནོན་ཏམ་གཏི་མུག་གིས་ཟིལ་གྱིས་ནོན་ཏམ། དེ་དག་ལས་གཉིས་ཀྱིས་ཟིལ་གྱིས་ནོན་ཏམ། ཐམས་ཅད་ཀྱིས་ཟིལ་གྱིས་ནོན་ནས་དེ་ལྟར་སེམས་མངོན་པར་འདུ་བྱེད་པ་དེ་ནི་དེའི་ཉོན་མོངས་པ་ཡིན་ནོ། །དེ་བསམ་པ་དེ་དང་དེ་ལྟར་ཉོན་མོངས་པ་ཅན་གྱི་སེམས་ཀྱིས་རང་ངམ་གཞན་དག་གིས་གསད་པའི་སྦྱོར་བ་རྩོམ་ཞིང་མཚོན་གྱིས་འདེབས་པར་བྱེད་ལ། གལ་ཏེ་བཏབ་མ་ཐག་ཁོ་ནར་སྦྱོར་བ་དེས་ཤི་བར་གྱུར་ན་དུས་དེ་ཉིད་ཀྱི་ཚེ་དེའི་ལས་ཀྱི་ལམ་ཡོངས་སུ་རྫོགས་པས་མཐར་ཐུག་པ་ཡིན་པར་བལྟ་བར་བྱའོ། །གལ་ཏེ་དུས་དེ་ཉིད་ཀྱི་ཚེ་མ་ཤི་བར་སྦྱོར་བ་དེས་དུས་གཞན་གྱི་ཚེ་ན་ཤི་བར་གྱུར་ནའང་དུས་གང་གི་ཚེ་ན་ཤི་བར་གྱུར་པ་དེའི་ཚེ་ན་མཐར་ཐུག་པར་རིག་པར་བྱའོ། །ཇི་ལྟར་རྣམ་པ་ལྔ་པོ་དེ་དག་གིས་ལས་ཀྱི་ལམ་རེ་རེ་བསྟན་པའི་གཞུང་ནི་མི་སྣང་ངོ༌། །

srog gcod pa'i gzhi ni srog dang ldan pa'i sems can no/ /gal te gsod par byed pa de srog chags de la srog chags yin pa'i 'du shes kyang yod la| srog chags gang gsad par 'dod pa la der 'du shes pa'ang yod pa de ni de la de'i 'du shes phyin ci ma log pa zhes bya'o/ /de 'du shes de la brten te 'di gsad par bya'o snyam du sems mngon par 'du byed pa de ni de'i gsod pa'i bsam pa yin no/ /de la chags pas zil gyis non tam zhe sdang gis zil gyis non tam gti mug gis zil gyis non tam/ de dag las gnyis kyis zil gyis non tam/ thams cad kyis zil gyis non nas de ltar sems mngon par 'du byed pa de ni de'i nyon mongs pa yin no/ /de bsam pa de dang de ltar nyon mongs pa can gyi sems kyis rang ngam gzhan dag gis gsad pa'i sbyor ba rtsom zhing mtshon gyis 'debs par byed la/ gal te btab ma thag kho nar sbyor ba des shi bar gyur na dus de nyid kyi tshe de'i las kyi lam yongs su rdzogs pas mthar thug pa yin par blta bar bya'o/ /gal te dus de nyid kyi tshe ma shi bar sbyor ba des dus gzhan gyi tshe na shi bar gyur na'ang dus gang gi tshe na shi bar gyur pa de'i tshe na mthar thug par rig par bya'o/ /ji ltar rnam pa lnga po de dag gis las kyi lam re re bstan pa'i gzhung ni mi snang ngo/ /

【J2 偷盜業道】

མ་བྱིན་པར་ལེན་པའི་གཞི་ནི་གཞན་གྱིས་ཡོངས་སུ་བཟུང་བའོ། །འདུ་ཤེས་ནི་དེ་ལ་དེར་འདུ་ཤེས་པའོ། །བསམ་པ་ནི་འཕྲོག་པར་འདོད་པ་ཉིད་དོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་གནས་གཞན་དུ་སྤོས་པའོ། །

ma byin par len pa'i gzhi ni gzhan gyis yongs su bzung ba'o/ /'du shes ni de la der 'du shes pa'o/ /bsam pa ni 'phrog par 'dod pa nyid do/ /nyon mongs pa ni gsum po gang yang rung ba'o/ /mtha' ni gnas gzhan du spos pa'o/ /

【J3 欲邪淫業道】

འདོད་པ་ལ་ལོག་པར་གཡེམ་པའི་གཞི་ནི་འཇུག་པར་བྱ་བ་མ་ཡིན་པའི་བུད་མེད་དང་འཇུག་པར་བྱ་བ་ཡིན་ནའང༌། ཡན་ལག་མ་ཡིན་པ་དང་གནས་མ་ཡིན་པ་དང༌། དུས་མ་ཡིན་པ་དག་ཏུ་ཚོད་མ་ཡིན་པ་དང་མི་རིགས་པར་བྱེད་པ་དང༌། སྐྱེས་པ་ཐམས་ཅད་དང་མ་ནིང་ངོ༌། །འདུ་ཤེས་ནི་དེ་ལ་དེར་འདུ་ཤེས་པའོ། །བསམ་པ་ནི་འགྲོ་འདོད་པའོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་གཉིས་ཀྱིས་གཉིས་སྤྲད་པའོ། །

'dod pa la log par g.yem pa'i gzhi ni 'jug par bya ba ma yin pa'i bud med dang 'jug par bya ba yin na'ang/ yan lag ma yin pa dang gnas ma yin pa dang/ dus ma yin pa dag tu tshod ma yin pa dang mi rigs par byed pa dang/ skyes pa thams cad dang ma ning ngo/ /'du shes ni de la der 'du shes pa'o/ /bsam pa ni 'gro 'dod pa'o/ /nyon mongs pa ni gsum po gang yang rung ba'o/ /mtha' ni gnyis kyis gnyis sprad pa'o/ /

【J4 妄語業道】

བརྫུན་དུ་སྨྲ་བའི་གཞི་ནི་མཐོང་བ་དང་ཐོས་པ་དང་བྱེ་བྲག་ཕྱེད་པ་དང༌། རྣམ་པར་ཤེས་པ་དང༌། མ་མཐོང་བ་དང༌། མ་ཐོས་པ་དང༌། བྱེ་བྲག་མ་ཕྱེད་པ་དང༌། རྣམ་པར་མ་ཤེས་པའོ། །འདུ་ཤེས་ནི་མཐོང་བ་ལ་སོགས་པ་ལ་བཟློག་པར་འདུ་ཤེས་པའོ། །བསམ་པ་ནི་འདུ་ཤེས་བསྒྱུར་ཏེ་སྨྲ་བར་འདོད་པ་ཉིད་དོ། །ཉོན་མོངས་པ་ནི་ཆགས་པ་དང༌། ཞེ་སྡང་དང༌། གཏི་མུག་གང་ཡང་རུང་བའོ། །མཐའ་ནི་འཁོར་དང་ཕས་འདྲི་བ་ལ་གོ་བར་བྱས་པའོ། །

brdzun du smra ba'i gzhi ni mthong ba dang thos pa dang bye brag phyed pa dang/ rnam par shes pa dang/ ma mthong ba dang/ ma thos pa dang/ bye brag ma phyed pa dang/ rnam par ma shes pa'o/ /'du shes ni mthong ba la sogs pa la bzlog par 'du shes pa'o/ /bsam pa ni 'du shes bsgyur te smra bar 'dod pa nyid do/ /nyon mongs pa ni chags pa dang/ zhe sdang dang/ gti mug gang yang rung ba'o/ /mtha' ni 'khor dang phas 'dri ba la go bar byas pa'o/ /

【J5 兩舌業道】

ཕྲ་མའི་གཞི་ནི་སེམས་ཅན་མཐུན་པ་དང་མི་མཐུན་པ་རྣམས་སོ། །འདུ་ཤེས་ནི་གཉི་ག་ལ་མཐུན་པ་དང༌། མི་མཐུན་པ་གང་ཡང་རུང་བར་འདུ་ཤེས་པའོ། །བསམ་པ་ནི་དབྱེ་བ་དང༌། མི་འདུམ་པར་འདོད་པ་ཉིད་དོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་དབྱེ་བར་བྱ་བས་རྣམ་པར་རིག་པའོ། །

phra ma'i gzhi ni sems can mthun pa dang mi mthun pa rnams so/ /'du shes ni gnyi ga la mthun pa dang/ mi mthun pa gang yang rung bar 'du shes pa'o/ /bsam pa ni dbye ba dang/ mi 'dum par 'dod pa nyid do/ /nyon mongs pa ni gsum po gang yang rung ba'o/ /mtha' ni dbye bar bya bas rnam par rig pa'o/ /

【J6 惡口業道】

ངག་རྩུབ་པོའི་གཞི་ནི་ཀུན་ནས་མནར་སེམས་ཀྱི་རྒྱུར་གྱུར་པའི་སེམས་ཅན་རྣམས་སོ། །འདུ་ཤེས་ནི་དེ་དག་ལ་དེར་འདུ་ཤེས་པའོ༑ །བསམ་པ་ནི་ངག་རྩུབ་པོར་སྨྲ་བར་འདོད་པ་ཉིད་དོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་དེ་ལ་ངག་རྩུབ་པོས་སྨྲས་པའོ། །

ngag rtsub po'i gzhi ni kun nas mnar sems kyi rgyur gyur pa'i sems can rnams so/ /'du shes ni de dag la der 'du shes pa'o| /bsam pa ni ngag rtsub por smra bar 'dod pa nyid do/ /nyon mongs pa ni gsum po gang yang rung ba'o/ /mtha' ni de la ngag rtsub pos smras pa'o/ /

【J7 綺語業道】

ཚིག་ཀྱལ་བའི་གཞི་ནི་དོན་མེད་པ་དང་ལྡན་པའི་དོན་ཏོ། །འདུ་ཤེས་ནི་དེ་ལ་དེར་འདུ་ཤེས་པའོ། །བསམ་པ་ནི་སྨྲ་བར་འདོད་པ་ཉིད་དོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་སྨྲས་པའོ། །

tshig kyal ba'i gzhi ni don med pa dang ldan pa'i don to/ /'du shes ni de la der 'du shes pa'o/ /bsam pa ni smra bar 'dod pa nyid do/ /nyon mongs pa ni gsum po gang yang rung ba'o/ /mtha' ni smras pa'o/ /

【J8 貪欲業道】

བརྣབ་སེམས་ཀྱི་གཞི་ནི་གཞན་གྱི་ནོར་དང་ཡོ་བྱད་དོ། །འདུ་ཤེས་ནི་དེ་ལ་དེར་འདུ་ཤེས་པའོ། །བསམ་པ་ནི་དེ་ལྟར་འདོད་པའོ། །ཉོན་མོངས་པ་ནི་གསུམ་པོ་གང་ཡང་རུང་བའོ༑ །མཐའ་ནི་དེ་ལ་བདག་གིར་བྱ་བར་ངེས་པའོ། །

brnab sems kyi gzhi ni gzhan gyi nor dang yo byad do/ /'du shes ni de la der 'du shes pa'o/ /bsam pa ni de ltar 'dod pa'o/ /nyon mongs pa ni gsum po gang yang rung ba'o| /mtha' ni de la bdag gir bya bar nges pa'o/ /

【J9 瞋恚業道】

གནོད་སེམས་ཀྱི་གཞི་དང་འདུ་ཤེས་ནི་ངག་རྩུབ་པོའི་ཇི་ལྟ་བ་བཞིན་ནོ། །བསམ་པ་ནི་བསྣུན་པ་ལ་སོགས་པར་འདོད་པ་ཉིད་དོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་བསྣུན་པ་ལ་སོགས་པར་ངེས་པའོ། །

gnod sems kyi gzhi dang 'du shes ni ngag rtsub po'i ji lta ba bzhin no/ /bsam pa ni bsnun pa la sogs par 'dod pa nyid do/ /nyon mongs pa ni gsum po gang yang rung ba'o/ /mtha' ni bsnun pa la sogs par nges pa'o/ /

【J10 邪見業道】

ལོག་པར་ལྟ་བའི་གཞི་ནི་ཡོད་པའི་དོན་ཏོ། །འདུ་ཤེས་ནི་བདེན་པ་ཡིན་པར་འདུ་ཤེས་པའོ། །བསམ་པ་ནི་དེ་ལྟར་འདོད་པའོ། །ཉོན་མོངས་པ་ནི་གསུམ་པོ་གང་ཡང་རུང་བའོ། །མཐའ་ནི་སྐུར་པ་གདབ་པར་ངེས་པའོ། །

log par lta ba'i gzhi ni yod pa'i don to/ /'du shes ni bden pa yin par 'du shes pa'o/ /bsam pa ni de ltar 'dod pa'o/ /nyon mongs pa ni gsum po gang yang rung ba'o/ /mtha' ni skur pa gdab par nges pa'o/ /

【H3 解略辨門】【I1 解殺生三種】

དེ་ལ་སྲོག་གཅོད་པ་ནི་རྣམ་པ་གསུམ་སྟེ། ཁ་ན་མ་ཐོ་བ་དང་བཅས་པ་རྒྱས་པ་ལས་བྱུང་བ་དང༌། ཁ་ན་མ་ཐོ་བ་དང་བཅས་པ་རྒྱས་པ་མ་ཡིན་པ་ལས་བྱུང་བ་དང༌། ཁ་ན་མ་ཐོ་བ་མེད་པའོ། །ཁ་ན་མ་ཐོ་བ་བསྐྱེད་པའི་རྒྱུ་ནི་གསུམ་སྟེ། ཉོན་མོངས་པ་བསྐྱེད་པ་དང༌། སྡུག་བསྔལ་བསྐྱེད་པ་དང༌། འདོད་པ་ཡོངས་སུ་རྫོགས་པའོ། །དེ་ལ་དང་པོ་ལ་ནི་རྒྱུ་གསུམ་ཆར་ཡོད་པར་བལྟ་བར་བྱའོ། །གཉིས་པ་ལ་ནི་གཉིས་ཏེ། འདོད་པ་ཡོངས་སུ་རྫོགས་པ་མེད་དོ། །གསུམ་པ་ལ་ནི་གཅིག་སྟེ། སྡུག་བསྔལ་བསྐྱེད་པ་ཁོ་ནའོ། །

de la srog gcod pa ni rnam pa gsum ste/ kha na ma tho ba dang bcas pa rgyas pa las byung ba dang/ kha na ma tho ba dang bcas pa rgyas pa ma yin pa las byung ba dang/ kha na ma tho ba med pa'o/ /kha na ma tho ba bskyed pa'i rgyu ni gsum ste/ nyon mongs pa bskyed pa dang/ sdug bsngal bskyed pa dang/ 'dod pa yongs su rdzogs pa'o/ /de la dang po la ni rgyu gsum char yod par blta bar bya'o/ /gnyis pa la ni gnyis te/ 'dod pa yongs su rdzogs pa med do/ /gsum pa la ni gcig ste/ sdug bsngal bskyed pa kho na'o/ /

【I2 解意三業道五相】【J1 貪欲五相】

དེ་ལ་བརྣབ་སེམས་དང༌། གནོད་སེམས་དང༌། ལོག་པར་ལྟ་བ་རྣམས་ཀྱི་ངོ་བོ་ཉིད་ཀྱི་མཚན་ཉིད་ཡོངས་སུ་རྫོགས་པ་ནི་རྣམ་པ་ལྔ་ལྔས་རྣམ་པར་གཞག་པར་བལྟ་བར་བྱ་སྟེ། ལྔ་གང་ཞེ་ན། འདི་ལྟ་སྟེ། རང་གི་ལོངས་སྤྱོད་དག་ལ་ལྷག་པར་ཆགས་པའི་སེམས་དང་ལྡན་པ་དང༌། འདི་ལྟ་སྟེ། ལོངས་སྤྱོད་སོགས་པར་འདོད་པས་བརྐམ་ཆགས་ཀྱི་སེམས་དང་ལྡན་པ་དང༌། འདི་ལྟ་སྟེ། གཞན་གྱི་ནོར་དང་ཡོ་བྱད་ལ་སོགས་པ་ལ་བཟང་བ་ལས་ཡོངས་སུ་རྟོག་ཅིང་རོ་མྱོང་བར་བྱེད་པས་ཆུམས་པའི་སེམས་དང་ལྡན་པ་དང༌། འདི་ལྟ་སྟེ། གཞན་དག་གི་གང་ཡིན་པ་བདག་གིར་གྱུར་ཅིག་སྙམ་དུ་སེམས་མངོན་པར་འདུ་བྱེད་པས་འཁུ་བའི་སེམས་དང་ལྡན་པ་དང༌། འདི་ལྟ་སྟེ། བརྣབ་སེམས་ཀྱིས་ཀུན་ནས་དཀྲིས་པ་དེས་ངོ་ཚ་བ་མེད་པ་དང་ཉེས་དམིགས་ལས་ངེས་པར་འབྱུང་བ་མི་ཤེས་པས་ཟིལ་གྱིས་ནོན་པའི་སེམས་དང་ལྡན་པ་ཡིན་ཏེ། དེ་ལ་གལ་ཏེ་རང་གི་ལོངས་སྤྱོད་དག་ལ་ལྷག་པར་ཆགས་པའི་སེམས་དང་ལྡན་པ་ཡང༌། དེ་ལས་གཞན་པའི་སེམས་དག་མི་སྣང་ན། དེའི་ཡིད་ཀྱིས་ཉེས་པར་སྤྱོད་པ་བརྣབ་སེམས་ཀྱི་མཚན་ཉིད་ཡོངས་སུ་རྫོགས་པ་མ་ཡིན་པར་བལྟ་བར་བྱའོ། །དེ་བཞིན་དུ་ལྷག་པར་ཆགས་པའི་སེམས་དང་ལྡན་ལ། བརྐམ་ཆགས་ཀྱི་སེམས་དང་ཡང་ལྡན་མོད་ཀྱི། དེ་ལས་གཞན་པའི་སེམས་དག་མི་སྣང་ན། བརྣབ་སེམས་ཀྱི་མཚན་ཉིད་ཡོངས་སུ་རྫོགས་པ་མ་ཡིན་ནོ། །དེ་བཞིན་དུ་རྒྱ་ཆེར་ཇི་སྐད་བསྟན་པའི་རྣམ་པ་དག་ལས་རྣམ་པ་གང་ཡང་རུང་བ་ཞིག་མ་ཚང་ན་བརྣབ་སེམས་ཀྱི་མཚན་ཉིད་ཡོངས་སུ་རྫོགས་པ་མ་ཡིན་པར་བལྟ་བར་བྱའོ། །ཡན་ལག་ཐམས་ཅད་ཀྱིས་ཡོངས་སུ་ཟིན་ན་ནི་བརྣབ་སེམས་ཀྱི་མཚན་ཉིད་ཡོངས་སུ་རྫོགས་པ་ཡིན་ནོ༑ །

de la brnab sems dang/ gnod sems dang/ log par lta ba rnams kyi ngo bo nyid kyi mtshan nyid yongs su rdzogs pa ni rnam pa lnga lngas rnam par gzhag par blta bar bya ste/ lnga gang zhe na/ 'di lta ste/ rang gi longs spyod dag la lhag par chags pa'i sems dang ldan pa dang/ 'di lta ste/ longs spyod sogs par 'dod pas brkam chags kyi sems dang ldan pa dang/ 'di lta ste/ gzhan gyi nor dang yo byad la sogs pa la bzang ba las yongs su rtog cing ro myong bar byed pas chums pa'i sems dang ldan pa dang/ 'di lta ste/ gzhan dag gi gang yin pa bdag gir gyur cig snyam du sems mngon par 'du byed pas 'khu ba'i sems dang ldan pa dang/ 'di lta ste/ brnab sems kyis kun nas dkris pa des ngo tsha ba med pa dang nyes dmigs las nges par 'byung ba mi shes pas zil gyis non pa'i sems dang ldan pa yin te/ de la gal te rang gi longs spyod dag la lhag par chags pa'i sems dang ldan pa yang/ de las gzhan pa'i sems dag mi snang na/ de'i yid kyis nyes par spyod pa brnab sems kyi mtshan nyid yongs su rdzogs pa ma yin par blta bar bya'o/ /de bzhin du lhag par chags pa'i sems dang ldan la/ brkam chags kyi sems dang yang ldan mod kyi/ de las gzhan pa'i sems dag mi snang na/ brnab sems kyi mtshan nyid yongs su rdzogs pa ma yin no/ /de bzhin du rgya cher ji skad bstan pa'i rnam pa dag las rnam pa gang yang rung ba zhig ma tshang na brnab sems kyi mtshan nyid yongs su rdzogs pa ma yin par blta bar bya'o/ /yan lag thams cad kyis yongs su zin na ni brnab sems kyi mtshan nyid yongs su rdzogs pa yin no| /

【J2 瞋恚五相】

དེ་ལ་གནོད་སེམས་ཀྱི་རང་གི་མཚན་ཉིད་ཡོངས་སུ་རྫོགས་པ་ཡང་རྣམ་པ་ལྔ་ཁོ་ནས་རྣམ་པར་གཞག་པར་བལྟ་བར་བྱ་སྟེ། ལྔ་གང་ཞེ་ན། གནོད་པར་བྱེད་པའི་རྒྱུ་ལ་དེ་དང་མཐུན་པའི་ཆོས་མཚན་མར་འཛིན་པས་ཞེ་སྡང་གི་སེམས་དང་ལྡན་པ་དང༌། གནོད་པ་བྱེད་པ་མི་བཟོད་པས་མི་བཟོད་པའི་སེམས་དང་ལྡན་པ་དང༌། ཡང་དང་ཡང་དུ་ཚུལ་བཞིན་མ་ཡིན་པ་ཡིད་ལ་བྱེད་པ་རྗེས་སུ་དྲན་པས་ཁོན་དུ་འཛིན་པའི་སེམས་དང་ལྡན་པ་དང༌། ཀྱེ་མ་སེམས་ཅན་འདི་དག་བརྡེགས་སམ་བསད་ན་ཅི་མ་རུང་སྙམ་དུ་རྒྱ་ཆེར་སེམས་མངོན་པར་འདུ་བྱེད་པས་འཁུ་བའི་སེམས་དང་ལྡན་པ་དང༌། སྔ་མ་ལྟ་བུ་ཟིལ་གྱིས་ནོན་པའི་སེམས་དང་ལྡན་པ་ཡིན་ཏེ། རྣམ་པ་ལྔ་པོ་དེ་དག་ལས་གང་ཡང་རུང་བ་ཞིག་མ་ཚང་ན་གནོད་སེམས་ཀྱི་མཚན་ཉིད་ཡོངས་སུ་རྫོགས་པ་མ་ཡིན་ལ། ཚང་བས་ནི་ཡོངས་སུ་རྫོགས་པ་ཡིན་པར་བལྟ་བར་བྱའོ། །

de la gnod sems kyi rang gi mtshan nyid yongs su rdzogs pa yang rnam pa lnga kho nas rnam par gzhag par blta bar bya ste/ lnga gang zhe na/ gnod par byed pa'i rgyu la de dang mthun pa'i chos mtshan mar 'dzin pas zhe sdang gi sems dang ldan pa dang/ gnod pa byed pa mi bzod pas mi bzod pa'i sems dang ldan pa dang/ yang dang yang du tshul bzhin ma yin pa yid la byed pa rjes su dran pas khon du 'dzin pa'i sems dang ldan pa dang/ kye ma sems can 'di dag brdegs sam bsad na ci ma rung snyam du rgya cher sems mngon par 'du byed pas 'khu ba'i sems dang ldan pa dang/ snga ma lta bu zil gyis non pa'i sems dang ldan pa yin te/ rnam pa lnga po de dag las gang yang rung ba zhig ma tshang na gnod sems kyi mtshan nyid yongs su rdzogs pa ma yin la/ tshang bas ni yongs su rdzogs pa yin par blta bar bya'o/ /

【J3 邪見五相】

དེ་ལ་ལོག་པར་ལྟ་བའི་མཚན་ཉིད་ཡོངས་སུ་རྫོགས་པ་ཡང་རྣམ་པ་ལྔ་ཁོ་ནས་རྣམ་པར་གཞག་པར་བལྟ་བར་བྱ་སྟེ། ལྔ་གང་ཞེ་ན། ཤེས་བྱ་ཡང་དག་པ་ཇི་ལྟ་བ་བཞིན་དུ་ཡོངས་སུ་མི་ཤེས་པས་རྨོངས་པའི་སེམས་དང་ལྡན་པ་དང༌། སྡིག་པའི་བྱ་བ་ལ་དགའ་བས་དྲག་ཤུལ་གྱི་སེམས་དང་ལྡན་པ་དང༌། ཚུལ་བཞིན་མ་ཡིན་པའི་ཆོས་ལ་རྣམ་པར་རྟོག་ཅིང་ངེས་པར་རྟོག་པས་ལོག་པའི་རྒྱུན་དུ་ཞུགས་པའི་སེམས་དང་ལྡན་པ་དང༌། སྦྱིན་པ་དང༌། མཆོད་སྦྱིན་དང་སྦྱིན་སྲེག་དང༌། ལེགས་པར་སྤྱད་པ་ལ་སོགས་པ་མེད་དོ་ཞེས་སྐུར་པ་འདེབས་པས་རབ་ཏུ་དབྱེ་བ་རབ་ཏུ་ཉམས་པའི་སེམས་དང་ལྡན་པ་དང༌། ལོག་པར་ལྟ་བའི་ཀུན་ནས་དཀྲིས་པ་དེས་ངོ་ཚ་བ་མེད་པ་དང༌། ཉེས་དམིགས་ལ་ངེས་པར་འབྱུང་བ་མི་ཤེས་པས་ཟིལ་གྱིས་ནོན་པའི་སེམས་དང་ལྡན་པ་ཡིན་ཏེ། རྣམ་པ་ལྔ་པོ་དེ་དག་ལས་ཀྱང་གང་ཡང་རུང་བ་ཞིག་མ་ཚང་ན་ལོག་པར་ལྟ་བའི་མཚན་ཉིད་ཡོངས་སུ་རྫོགས་པ་མ་ཡིན་ལ། ཚང་བས་ནི་ཡོངས་སུ་རྫོགས་པ་ཡིན་པར་བལྟ་བར་བྱའོ། །

de la log par lta ba'i mtshan nyid yongs su rdzogs pa yang rnam pa lnga kho nas rnam par gzhag par blta bar bya ste/ lnga gang zhe na/ shes bya yang dag pa ji lta ba bzhin du yongs su mi shes pas rmongs pa'i sems dang ldan pa dang/ sdig pa'i bya ba la dga' bas drag shul gyi sems dang ldan pa dang/ tshul bzhin ma yin pa'i chos la rnam par rtog cing nges par rtog pas log pa'i rgyun du zhugs pa'i sems dang ldan pa dang/ sbyin pa dang/ mchod sbyin dang sbyin sreg dang/ legs par spyad pa la sogs pa med do zhes skur pa 'debs pas rab tu dbye ba rab tu nyams pa'i sems dang ldan pa dang/ log par lta ba'i kun nas dkris pa des ngo tsha ba med pa dang/ nyes dmigs la nges par 'byung ba mi shes pas zil gyis non pa'i sems dang ldan pa yin te/ rnam pa lnga po de dag las kyang gang yang rung ba zhig ma tshang na log par lta ba'i mtshan nyid yongs su rdzogs pa ma yin la/ tshang bas ni yongs su rdzogs pa yin par blta bar bya'o/ /

【H4 解方便門】【I1 殺生道】

དེ་ལ་ལག་པས་སྲོག་ཆགས་གསོད་ན་ཡང་བསད་པ་ཡིན་པར་བརྗོད་པར་བྱའོ། །བོང་བའམ་དབྱིག་པའམ་མཚོན་ཆའམ་བཅིང་བའམ། གོ་རར་གཞུག་པའམ། ཟས་གཅད་པའམ། གཞུ་བའམ་གནོད་པར་བྱས་པའམ། བརྡེག་པའམ། ཐ་ན་གསང་སྔགས་སམ། སྨན་རྣམས་སམ། གཤེད་བྱེད་དམ་བྱེད་དམ། རོ་ལངས་དང་རོ་ལངས་བྱེད་ལ་སོགས་པས་གསོད་ན་ཡང་བསད་པ་ཡིན་པར་བརྗོད་པར་བྱའོ། །ཟང་ཟིང་ལ་སོགས་པ་འདོད་པས་གསོད་ན་ཡང་བསད་པ་ཡིན་པར་བརྗོད་པར་བྱའོ། །གནོད་པ་བྱེད་དུ་དོགས་པའམ། ཤ་གླན་པར་འདོད་པའམ། ཆོས་འདོད་པའམ༑ ཐ་ན་དགའ་བ་དང༌། རྩེད་མོའི་ཕྱིར་གསོད་ན་ཡང་བསད་པ་ཡིན་པར་བརྗོད་པར་བྱའོ། །རང་གིས་གསོད་དམ། གཞན་དག་གསོད་དུ་བཅུག་ཀྱང་རུང༌། བསད་ན་སྲོག་གཅོད་པ་བྱས་པ་ཡིན་པར་བརྗོད་པར་བྱའོ། །

de la lag pas srog chags gsod na yang bsad pa yin par brjod par bya'o/ /bong ba'am dbyig pa'am mtshon cha'am bcing ba'am/ go rar gzhug pa'am/ zas gcad pa'am/ gzhu ba'am gnod par byas pa'am/ brdeg pa'am/ tha na gsang sngags sam/ sman rnams sam/ gshed byed dam byed dam/ ro langs dang ro langs byed la sogs pas gsod na yang bsad pa yin par brjod par bya'o/ /zang zing la sogs pa 'dod pas gsod na yang bsad pa yin par brjod par bya'o/ /gnod pa byed du dogs pa'am/ sha glan par 'dod pa'am/ chos 'dod pa'am| tha na dga' ba dang/ rtsed mo'i phyir gsod na yang bsad pa yin par brjod par bya'o/ /rang gis gsod dam/ gzhan dag gsod du bcug kyang rung/ bsad na srog gcod pa byas pa yin par brjod par bya'o/ /

【I2 偷盜業道】

དེ་ལ་ངོ་མཐོན་དུ་གཞན་གྱི་ནོར་ཕྲོགས་ན་ཡང་མ་བྱིན་པར་བླངས་པ་ཡིན་པར་བརྗོད་པར་བྱའོ། །འཇབ་བུས་རྐུ་བའམ། ཁྱིམ་ཕུག་གམ། མདུད་པ་བཀྲོལ་ལམ། ལམ་བགག་སྟེ་རིལ་གྱིས་འཕྲོག་གམ། བུ་ལོན་ལ་དོར་བྱེད་དམ། གཏམས་པ་ལ་དོར་བྱེད་དམ། གཡོ་དང་སྒྱུས་བྲིད་དེ་འཕྲོག་གམ། འཇིགས་པ་བསྟན་ཏམ། གཞན་གྱི་གཡོ་ཐབས་ཀྱིས་སམ། དབང་དུ་བྱས་ནས་རང་གིས་འཕྲོག་གམ། གཞན་དག་འཕྲོག་ཏུ་བཅུག་ན་ཡང༌། མ་བྱིན་པར་བླངས་པ་ཡིན་པར་བརྗོད་པར་བྱའོ། །བདག་གི་དོན་དུ་འཕྲོག་གམ་གཞན་གྱི་དོན་དུ་འཕྲོག་གམ། འཇིགས་པས་འཕྲོག་གམ། གསད་པའི་དོན་ནམ། བཅིང་བའི་དོན་ནམ། གནོད་པར་བྱ་བའི་དོན་ནམ། ལོངས་སྤྱོད་ཀྱི་དོན་ནམ། བསྙེན་བཀུར་གྱི་དོན་ནམ། ཕྲག་དོག་གི་རང་བཞིན་ནམ། ཞེ་སྡང་གིས་འཕྲོག་ན་ཡང་ཐམས་ཅད་མ་བྱིན་པར་བླངས་པ་ཡིན་པར་བརྗོད་པར་བྱའོ། །

de la ngo mthon du gzhan gyi nor phrogs na yang ma byin par blangs pa yin par brjod par bya'o/ /'jab bus rku ba'am/ khyim phug gam/ mdud pa bkrol lam/ lam bgag ste ril gyis 'phrog gam/ bu lon la dor byed dam/ gtams pa la dor byed dam/ g.yo dang sgyus brid de 'phrog gam/ 'jigs pa bstan tam/ gzhan gyi g.yo thabs kyis sam/ dbang du byas nas rang gis 'phrog gam/ gzhan dag 'phrog tu bcug na yang/ ma byin par blangs pa yin par brjod par bya'o/ /bdag gi don du 'phrog gam gzhan gyi don du 'phrog gam/ 'jigs pas 'phrog gam/ gsad pa'i don nam/ bcing ba'i don nam/ gnod par bya ba'i don nam/ longs spyod kyi don nam/ bsnyen bkur gyi don nam/ phrag dog gi rang bzhin nam/ zhe sdang gis 'phrog na yang thams cad ma byin par blangs pa yin par brjod par bya'o/ /

【I3 邪婬業道】

དེ་ལ་འཇུག་པར་བྱ་བ་མ་ཡིན་པར་འཇུག་ན་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །ཡན་ལག་མ་ཡིན་པར་འཇུག་པ་དང༌། དུས་མ་ཡིན་པར་འཇུག་པ་དང༌། གནས་མ་ཡིན་པར་འཇུག་པ་ན་ཡང་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །དེ་ལམ་ལ་སོགས་པ་དང༌། མས་བསྲུངས་པ་ལ་སོགས་པ་མདོ་ལས་ཇི་སྐད་གསུངས་པ་རྣམས་ནི་འཇུག་པར་བྱ་བ་མ་ཡིན་པ་ཞེས་བྱའོ། །སྐྱེས་པ་ཐམས་ཅད་དེ་རང་གི་དང༌། གཞན་གྱི་ཡང་འཇུག་པར་བྱ་བ་མ་ཡིན་པ་ཞེས་བྱའོ། །དེ་ལ་མངལ་གྱི་སྒོ་མ་གཏོགས་པ་དེ་ལས་གཞན་པའི་ཡན་ལག་རྣམས་ནི་ཡན་ལག་མ་ཡིན་པ་ཞེས་བྱའོ། །ཟླ་མཚན་འཛག་པ་དང༌། ཟླ་བ་ཚང་བ་དང༌། ནུ་ཞོ་འཛག་པ་དང༌། གསོ་སྦྱོང་ལ་གནས་པ་དང༌། ནད་ཇི་ལྟ་བུས་ཐེབས་ན་འཁྲིག་པ་སྤྱད་དུ་མི་རུང་བའི་ནད་ཀྱིས་ཐེབས་པ་དང༌། དེའི་ཚོད་ལས་ལྷག་པ་ནི་དུས་མ་ཡིན་པ་ཞེས་བྱའོ། །དེ་ལ་ཚོད་ནི་འདི་ཡིན་ཏེ་ལན་ལྔའི་བར་དུ་བྱེད་པ་ནི་ཚོད་ཡིན་ནོ། །དེ་ལས་ལྷག་པའི་ཚོད་ནི་མ་ཡིན་ནོ། །དེ་ལ་བླ་མ་ལྟ་བུ་རྣམས་ཀྱི་ཉེ་འཁོར་དང༌། མཆོད་རྟེན་གྱི་གནས་རྣམས་དང༌། སྐྱེ་བོ་མང་པོའི་མངོན་སུམ་དང༌། གང་དུ་དེ་ལ་གནོད་པར་འགྱུར་བའི་ས་ཕྱོགས་འབར་འབུར་ཅན་ནམ། སྲ་བའམ། དེ་ལྟ་བུ་དང་མཐུན་པའི་གནས་དག་ནི་གནས་མ་ཡིན་པ་ཞེས་བྱའོ། །དེ་ལ་རང་འགྲོ་ན་ཡང་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །གཞན་དག་ལ་སྨྱན་བྱེད་དུ་འཆོལ་ན་ཡང་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །ངོ་མཐོན་དུ་འགྲོ་བའམ། འཇབ་བུར་འགྲོའམ། གཡོ་དང་སྒྱུས་བྲིད་དེ་འགྲོའམ། ཡིད་བརྟན་ཏེ་འགྲོ་ན་ཡང་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །

de la 'jug par bya ba ma yin par 'jug na 'dod pa la log par g.yem pa yin par brjod par bya'o/ /yan lag ma yin par 'jug pa dang/ dus ma yin par 'jug pa dang/ gnas ma yin par 'jug pa na yang 'dod pa la log par g.yem pa yin par brjod par bya'o/ /de lam la sogs pa dang/ mas bsrungs pa la sogs pa mdo las ji skad gsungs pa rnams ni 'jug par bya ba ma yin pa zhes bya'o/ /skyes pa thams cad de rang gi dang/ gzhan gyi yang 'jug par bya ba ma yin pa zhes bya'o/ /de la mngal gyi sgo ma gtogs pa de las gzhan pa'i yan lag rnams ni yan lag ma yin pa zhes bya'o/ /zla mtshan 'dzag pa dang/ zla ba tshang ba dang/ nu zho 'dzag pa dang/ gso sbyong la gnas pa dang/ nad ji lta bus thebs na 'khrig pa spyad du mi rung ba'i nad kyis thebs pa dang/ de'i tshod las lhag pa ni dus ma yin pa zhes bya'o/ /de la tshod ni 'di yin te lan lnga'i bar du byed pa ni tshod yin no/ /de las lhag pa'i tshod ni ma yin no/ /de la bla ma lta bu rnams kyi nye 'khor dang/ mchod rten gyi gnas rnams dang/ skye bo mang po'i mngon sum dang/ gang du de la gnod par 'gyur ba'i sa phyogs 'bar 'bur can nam/ sra ba'am/ de lta bu dang mthun pa'i gnas dag ni gnas ma yin pa zhes bya'o/ /de la rang 'gro na yang 'dod pa la log par g.yem pa yin par brjod par bya'o/ /gzhan dag la smyan byed du 'chol na yang 'dod pa la log par g.yem pa yin par brjod par bya'o/ /ngo mthon du 'gro ba'am/ 'jab bur 'gro'am/ g.yo dang sgyus brid de 'gro'am/ yid brtan te 'gro na yang 'dod pa la log par g.yem pa yin par brjod par bya'o/ /

【I4 妄語業道】

དེ་ལ་བདག་ཉིད་ཀྱི་ཕྱིར་བརྫུན་སྨྲ་ན་ཡང་བརྫུན་དུ་སྨྲ་བ་ཡིན་པར་བརྗོད་པར་བྱའོ། །གཞན་གྱི་ཕྱིར་རམ་འཇིགས་པའི་ཕྱིར་རམ། ཟང་ཟིང་ཅུང་ཟད་ཙམ་གྱི་ཕྱིར་མ་མཐོང་བར་མཐོང་ངོ་ཞེས་སྨྲའམ། མ་ཐོས་པ་དང༌། བྱེ་བྲག་མ་ཕྱེད་པ་དང༌། རྣམ་པར་མ་ཤེས་པར་རྣམ་པར་ཤེས་སོ་ཞེས་སྨྲའམ། མཐོང་བ་ལ་མ་མཐོང་ངོ་ཞེས་སྨྲའམ། ཐོས་པ་དང་བྱེ་བྲག་ཕྱེད་པ་དང༌། རྣམ་པར་ཤེས་པ་ལ་རྣམ་པར་མི་ཤེས་སོ་ཞེས་སྨྲས་ན་ཡང་བརྫུན་དུ་སྨྲ་བ་ཡིན་པར་བརྗོད་པར་བྱའོ། །ཡི་གེའི་ཟུར་གྱིས་བསྒྱུར་ཅིང་སྨྲའམ། ཅང་མི་སྨྲ་བས་དེའི་དོན་དང་དུ་ལེན་ཏམ། ལུས་བསྒྱུར་བའི་མཚན་མས་སྟོན་པར་བྱེད་དམ། མངོན་སུམ་ཉིད་དུ་སྨྲའམ། གཞན་དག་སྨྲར་བཅུག་ན་ཡང་བརྫུན་དུ་སྨྲ་བ་ཡིན་པར་བརྗོད་པར་བྱའོ། །

de la bdag nyid kyi phyir brdzun smra na yang brdzun du smra ba yin par brjod par bya'o/ /gzhan gyi phyir ram 'jigs pa'i phyir ram/ zang zing cung zad tsam gyi phyir ma mthong bar mthong ngo zhes smra'am/ ma thos pa dang/ bye brag ma phyed pa dang/ rnam par ma shes par rnam par shes so zhes smra'am/ mthong ba la ma mthong ngo zhes smra'am/ thos pa dang bye brag phyed pa dang/ rnam par shes pa la rnam par mi shes so zhes smras na yang brdzun du smra ba yin par brjod par bya'o/ /yi ge'i zur gyis bsgyur cing smra'am/ cang mi smra bas de'i don dang du len tam/ lus bsgyur ba'i mtshan mas ston par byed dam/ mngon sum nyid du smra'am/ gzhan dag smrar bcug na yang brdzun du smra ba yin par brjod par bya'o/ /

【I5 兩舌業道】

དབྱེ་བའི་ཕྱིར་གཞན་ལ་མི་བསྔགས་པ་བརྗོད་པའི་ཚིག་བདེན་པ་རྗོད་པར་བྱེད་ན་ཕྲ་མ་ཡིན་པར་བརྗོད་པར་བྱའོ། །མི་བདེན་པས་སྙན་ཚིག་གི་སྦྱོར་བ་ལ་བརྟེན་ཏེ་གཞན་དག་ལ་གནོད་པ་བྱ་བའི་ཕྱིར་སྒྲོགས་སམ། ཉེ་བར་སྦྱིན་པ་ལ་བརྟེན་ཏམ༑ བསྙེན་བཀུར་ལ་བརྟེན་ཏམ། བདག་གི་དོན་གྱི་ཕྱིར་རམ། གཞན་དག་གི་དོན་གྱི་ཕྱིར་རམ། གཞན་གྱི་ལྕེ་རྟེན་གྱིས་དབྱེན་གྱི་ཡོན་ཏན་བསྟན་ཏམ། ཐ་ན་འཇིགས་པ་བསྟན་ཏེ། དབྱེ་བའི་ཕྱིར་རང་ངམ། གཞན་དག་ཚིག་ཏུ་བརྗོད་དུ་བཅུག་ན་ཡང་ཕྲ་མ་ཡིན་པར་བརྗོད་པར་བྱའོ། །

dbye ba'i phyir gzhan la mi bsngags pa brjod pa'i tshig bden pa rjod par byed na phra ma yin par brjod par bya'o/ /mi bden pas snyan tshig gi sbyor ba la brten te gzhan dag la gnod pa bya ba'i phyir sgrogs sam/ nye bar sbyin pa la brten tam| bsnyen bkur la brten tam/ bdag gi don gyi phyir ram/ gzhan dag gi don gyi phyir ram/ gzhan gyi lce rten gyis dbyen gyi yon tan bstan tam/ tha na 'jigs pa bstan te/ dbye ba'i phyir rang ngam/ gzhan dag tshig tu brjod du bcug na yang phra ma yin par brjod par bya'o/ /

【I6 惡口業道】

མངོན་སུམ་དུ་ཚིག་རྩུབ་པོ་རྗོད་པར་བྱེད་ན་ངག་རྩུབ་པོ་ཡིན་པར་བརྗོད་པར་བྱའོ། །ལྐོག་གམ་སྐྱེ་བོ་མང་པོའི་མངོན་སུམ་མམ། དབེན་པར་བདེན་པའི་སྐྱོན་གྱི་རྗེས་སུ་འབྲང་བའམ༑ མི་བདེན་པའི་སྐྱོན་གྱི་རྗེས་སུ་འབྲང་བ་ཡི་གེའི་ཟུར་གྱིས་བསྒྱུར་བས་སམ༑ རྣར་བཤུབས་པས་སམ། བདག་ཉིད་ཀྱི་ལྕེ་རྟེན་གྱིས་སམ། གཞན་གྱི་ལྕེ་རྟེན་གྱིས་རྒོད་པའམ། མ་ཞི་བའམ། རིགས་ཀྱི་སྐྱོན་ལ་བརྟེན་ཏམ། ལུས་ཀྱི་སྐྱོན་ལ་བརྟེན་ཏམ། བྱ་བའམ་ཚུལ་ཁྲིམས་སམ། ཀུན་ཏུ་སྤྱོད་པའི་སྐྱོན་ལ་བརྟེན་ཏེ། རང་ངམ་གཞན་དག་ཚིག་རྩུབ་པོ་བརྗོད་དུ་བཅུག་ན་ཡང་ངག་རྩུབ་པོ་ཡིན་པར་བརྗོད་པར་བྱའོ། །

mngon sum du tshig rtsub po rjod par byed na ngag rtsub po yin par brjod par bya'o/ /lkog gam skye bo mang po'i mngon sum mam/ dben par bden pa'i skyon gyi rjes su 'brang ba'am| mi bden pa'i skyon gyi rjes su 'brang ba yi ge'i zur gyis bsgyur bas sam| rnar bshubs pas sam/ bdag nyid kyi lce rten gyis sam/ gzhan gyi lce rten gyis rgod pa'am/ ma zhi ba'am/ rigs kyi skyon la brten tam/ lus kyi skyon la brten tam/ bya ba'am tshul khrims sam/ kun tu spyod pa'i skyon la brten te/ rang ngam gzhan dag tshig rtsub po brjod du bcug na yang ngag rtsub po yin par brjod par bya'o/ /

【I7 綺語業道】

བྲོ་གར་ལ་བརྟེན་པའི་གླུ་ལེན་ན་ཚིག་ཀྱལ་པ་ཡིན་པར་བརྗོད་པར་བྱའོ། །སིལ་སྙན་ལ་བརྟེན་པའམ། དེ་གཉི་ག་ལ་བརྟེན་པའམ། དེ་གཉི་ག་ལ་མ་བརྟེན་པའི་གླུ་ལེན་ཏམ། འདི་ལས་ཕྱི་རོལ་པའི་བསྟན་བཅོས་དོན་དང་མི་ལྡན་པ་དེ་དག་ལ་དགའ་བའི་བློས་ལུང་འབོགས་སམ༑ ཀུན་ཆུབ་པར་བྱེད་དམ། རྒྱས་པར་དབྱངས་ཀྱིས་ཁ་ཏོན་བྱེད་དམ། གཞན་དག་ལ་རྒྱ་ཆེར་ཡང་དག་པར་སྟོན་ན་ཡང་ཚིག་ཀྱལ་པ་ཡིན་པར་བརྗོད་པར་བྱའོ༑ འཐབ་མོ་དང༌། མཚང་འདྲུ་བ་དང༌། རྩོད་པ་དང༌། འགྱེད་པ་ལ་བརྟེན་ཏེ་ཚིག་རྗོད་པར་བྱེད་དམ། འདུ་འཛིའི་གཏམ་ལ་དགའ་ཞིང་རྒྱལ་པོའི་གཏམ་ཟེར་རམ། རྐུན་པོའི་གཏམ་ཟེར་རམ། རྒྱས་པར་ཡུལ་གྱི་གཏམ་མམ། བློན་པོ་ཆེན་པོའི་གཏམ་གྱི་བར་རམ། བརྫུན་གྱི་ཚིག་སྨྲའམ། ཕྲ་མའི་ཚིག་སྨྲའམ། ངག་རྩུབ་པོ་སྨྲའམ། ཐ་ན་རྣམ་པར་མ་བརྟགས་པའམ། ཀུན་ཏུ་མ་བརྟགས་པའི་ཚིག་དོན་མེད་པ་བརྗོད་ན་ཡང་ཚིག་ཀྱལ་པ་ཡིན་པར་བརྗོད་པར་བྱའོ། །ཚིག་ཀྱལ་པ་ནི་གཞི་བདུན་དང་ལྡན་པ་ཡིན་ཏེ། འཐབ་མོ་དང༌། མཚང་འདྲུ་བ་དང༌། རྩོད་པ་དང༌། འགྱེད་པ་དང༌། བྲམ་ཟེའི་གསང་སྔགས་རྣམས་དང༌། ཉམ་ཐག་ཅིང་སྨྲ་བ་དང༌། བགད་པ་དང༌། རྩེས་པ་དང༌། དགའ་བར་བྱས་པ་དང༌། དགའ་དགུར་སྤྱད་པ་སྨྲ་བ་དང༌། འདུ་འཛིའི་གཏམ་སྨྲ་བ་དང༌། ར་རོ་བ་དང༌། སྨྱོས་པ་ལྟ་བུར་སྨྲ་བ་དང༌། ལོག་པའི་འཚོ་བས་སྨྲ་བའོ། །

bro gar la brten pa'i glu len na tshig kyal pa yin par brjod par bya'o/ /sil snyan la brten pa'am/ de gnyi ga la brten pa'am/ de gnyi ga la ma brten pa'i glu len tam/ 'di las phyi rol pa'i bstan bcos don dang mi ldan pa de dag la dga' ba'i blos lung 'bogs sam| kun chub par byed dam/ rgyas par dbyangs kyis kha ton byed dam/ gzhan dag la rgya cher yang dag par ston na yang tshig kyal pa yin par brjod par bya'o| 'thab mo dang/ mtshang 'dru ba dang/ rtsod pa dang/ 'gyed pa la brten te tshig rjod par byed dam/ 'du 'dzi'i gtam la dga' zhing rgyal po'i gtam zer ram/ rkun po'i gtam zer ram/ rgyas par yul gyi gtam mam/ blon po chen po'i gtam gyi bar ram/ brdzun gyi tshig smra'am/ phra ma'i tshig smra'am/ ngag rtsub po smra'am/ tha na rnam par ma brtags pa'am/ kun tu ma brtags pa'i tshig don med pa brjod na yang tshig kyal pa yin par brjod par bya'o/ /tshig kyal pa ni gzhi bdun dang ldan pa yin te/ 'thab mo dang/ mtshang 'dru ba dang/ rtsod pa dang/ 'gyed pa dang/ bram ze'i gsang sngags rnams dang/ nyam thag cing smra ba dang/ bgad pa dang/ rtses pa dang/ dga' bar byas pa dang/ dga' dgur spyad pa smra ba dang/ 'du 'dzi'i gtam smra ba dang/ ra ro ba dang/ smyos pa lta bur smra ba dang/ log pa'i 'tsho bas smra ba'o/ /

【I8 貪欲業道】

ཁྱིམ་གྱི་རྗེ་དཔོན་ལ་འདོད་པའི་རྣམ་པ་སྐྱེད་པར་བྱེད་པ་དང༌། ཀྱེ་མ་ཁྱིམ་གྱི་རྗེ་དཔོན་གང་ཡིན་པ་དེ་བདག་གི་བྲན་གཡོག་ཏུ་གྱུར་ཅིང་ཅི་འདོད་པ་བཞིན་དུ་བྱར་རུང་བར་གྱུར་ན་ཅི་མ་རུང་སྙམ་པ་ནི་བརྣབ་སེམས་ཡིན་པར་བརྗོད་པར་བྱའོ། །ཁྱིམ་གྱི་རྗེ་དཔོན་ལ་དེ་ཉིད་ཀྱི་ཕ་མའམ། བུའམ༑ ཆུང་མའམ། བྲན་ནམ། བྲན་མོའམ། ལས་བྱེད་པའམ། ཞོ་ཤས་འཚོ་བའམ། རྒྱས་པར་ཡོངས་སུ་བཟུང་བའི་དངོས་པོ་བདུན་ནམ། ཟས་ལ་སོགས་པ་ལུས་ཀྱི་ཡོ་བྱད་བཅུ་པོ་དག་ལ་ཡང་དེ་བཞིན་དུ་རིག་པར་བྱའོ། །ཀྱེ་མ་བདག་ལ་གཞན་དག་འདོད་པ་ཆུང་བ་ཡིན་པར་ཡིད་ཆེས་པར་བྱའོ་སྙམ་དུ་འདོད་པའི་རྣམ་པ་སྐྱེད་པར་བྱེད་ན་ཡང་བརྣབ་སེམས་ཡིན་པར་བརྗོད་པར་བྱའོ༑ །འདོད་པ་ཆུང་བ་ཇི་ལྟ་བ་བཞིན་དུ་ཆོག་ཤེས་པ་དང༌། རབ་ཏུ་དབེན་པ་དང༌། བརྩོན་འགྲུས་བརྩམས་པ་དང༌། དྲན་པ་ཉེ་བར་གནས་པ་དང༌། མཉམ་པར་གཞག་པ་དང༌། ཤེས་རབ་ཅན་དང༌། ཟག་པ་ཟད་པ་དང༌། མང་དུ་ཐོས་པ་དང༌། གཏོང་བའི་ངང་ཚུལ་ཅན་ཡང་དེ་བཞིན་ནོ། །ཀྱེ་མ་བདག་ཕ་རོལ་རྒྱལ་པོ་ནས། རྒྱས་པར་དེད་དཔོན་དང༌། དགེ་སློང་དང༌། དགེ་སློང་མ་དང༌། དགེ་བསྙེན་དང༌། དགེ་བསྙེན་མའི་བར་དག་གིས་བསྙེན་བཀུར་བྱ་བ་དང༌། བསྟི་སྟང་དུ་བྱ་བ་དང༌། བླ་མར་བྱ་བ་དང༌། རི་མོར་བྱ་བ་དང༌། མཆོད་པར་བྱ་བར་འགྱུར་བ་དང༌། ཀྱེ་མ་བདག་གིས་ཟས་དང་གོས་དང༌། མལ་ཆ་དང༌། སྟན་དང༌། ནད་ཀྱི་གསོ་སྨན་དང༌། ཡོ་བྱད་ཐོབ་པར་གྱུར་ཀྱང་ཅི་མ་རུང་སྙམ་དུ་འདོད་པའི་རྣམ་པ་སྐྱེད་པར་བྱེད་ན་ཡང་བརྣབ་སེམས་ཡིན་པར་བརྗོད་པར་བྱའོ། །ཀྱེ་མ་བདག་ཉིད་ཕྱི་མ་ལ་ལྷའི་འཇིག་རྟེན་དུ་སྐྱེ་ཞིང་ལྷའི་འདོད་པའི་ཡོན་ཏན་ལྔས་བརྩོན་པར་གྱུར་ཅིག་སྙམ་པ་དང་། ཀྱེ་མ་བདག་ཕྱི་མ་ལ་དྲག་པོའི་འཇིག་རྟེན་དང༌། ཁྱབ་འཇུག་གི་འཇིག་རྟེན་དང༌། མི་སྐལ་བ་ཅན་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེས་བྱ་བ་ནས་རྒྱས་པར་གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པའི་བར་སྐྱེ་བར་གྱུར་ཅིག་སྙམ་དུ་འདོད་པའི་རྣམ་པ། སྐྱེད་པར་བྱེད་ན་ཡང་བརྣབ་སེམས་ཡིན་པར་བརྗོད་པར་བྱའོ། །ཐ་ན་ཕ་མ་དང་བུ་དང་ཆུང་མ་དང་བྲན་དང་བྲན་མོ་དང༌། ལས་བྱེད་པ་དང༌། ཞོ་ཤས་འཚོ་བ་དང༌། མཛའ་བཤེས་དང༌། གྲོས་གྲོགས་དང༌། ཉེ་དུ་དང༌། རྒན་རབས་དང་ཚངས་པ་མཚུངས་པར་སྤྱོད་པ་རྣམས་ཀྱི་ཡོ་བྱད་ལ་འདོད་པའི་རྣམ་པ་སྐྱེད་པར་བྱེད་ན་ཡང་བརྣབ་སེམས་ཡིན་པར་བརྗོད་པར་བྱའོ། །

khyim gyi rje dpon la 'dod pa'i rnam pa skyed par byed pa dang/ kye ma khyim gyi rje dpon gang yin pa de bdag gi bran g.yog tu gyur cing ci 'dod pa bzhin du byar rung bar gyur na ci ma rung snyam pa ni brnab sems yin par brjod par bya'o/ /khyim gyi rje dpon la de nyid kyi pha ma'am/ bu'am| chung ma'am/ bran nam/ bran mo'am/ las byed pa'am/ zho shas 'tsho ba'am/ rgyas par yongs su bzung ba'i dngos po bdun nam/ zas la sogs pa lus kyi yo byad bcu po dag la yang de bzhin du rig par bya'o/ /kye ma bdag la gzhan dag 'dod pa chung ba yin par yid ches par bya'o snyam du 'dod pa'i rnam pa skyed par byed na yang brnab sems yin par brjod par bya'o| /'dod pa chung ba ji lta ba bzhin du chog shes pa dang/ rab tu dben pa dang/ brtson 'grus brtsams pa dang/ dran pa nye bar gnas pa dang/ mnyam par gzhag pa dang/ shes rab can dang/ zag pa zad pa dang/ mang du thos pa dang/ gtong ba'i ngang tshul can yang de bzhin no/ /kye ma bdag pha rol rgyal po nas/ rgyas par ded dpon dang/ dge slong dang/ dge slong ma dang/ dge bsnyen dang/ dge bsnyen ma'i bar dag gis bsnyen bkur bya ba dang/ bsti stang du bya ba dang/ bla mar bya ba dang/ ri mor bya ba dang/ mchod par bya bar 'gyur ba dang/ kye ma bdag gis zas dang gos dang/ mal cha dang/ stan dang/ nad kyi gso sman dang/ yo byad thob par gyur kyang ci ma rung snyam du 'dod pa'i rnam pa skyed par byed na yang brnab sems yin par brjod par bya'o/ /kye ma bdag nyid phyi ma la lha'i 'jig rten du skye zhing lha'i 'dod pa'i yon tan lngas brtson par gyur cig snyam pa dang / kye ma bdag phyi ma la drag po'i 'jig rten dang/ khyab 'jug gi 'jig rten dang/ mi skal ba can rnams dang skal ba mnyam par skye bar gyur cig ces bya ba nas rgyas par gzhan 'phrul dbang byed kyi lha rnams dang skal ba mnyam pa'i bar skye bar gyur cig snyam du 'dod pa'i rnam pa/ skyed par byed na yang brnab sems yin par brjod par bya'o/ /tha na pha ma dang bu dang chung ma dang bran dang bran mo dang/ las byed pa dang/ zho shas 'tsho ba dang/ mdza' bshes dang/ gros grogs dang/ nye du dang/ rgan rabs dang tshangs pa mtshungs par spyod pa rnams kyi yo byad la 'dod pa'i rnam pa skyed par byed na yang brnab sems yin par brjod par bya'o/ /

【I9 瞋恚業道】

འདི་ནི་བདག་ལ་གནོད་པ་བྱ་བར་འདོད་པ་ཡིན་ནོ་སྙམ་ནས༑ དེ་ལ་གནོད་པར་བྱ་བའི་ཕྱིར་སེམས་པར་བྱེད་ན་གནོད་སེམས་ཡིན་པར་བརྗོད་པར་བྱའོ། །བདག་ལ་གནོད་པ་བྱས་སོ་བྱེད་དོ་བྱེད་པར་འགྱུར་རོ་སྙམ་ནས༑ དེ་ལ་གནོད་པར་བྱ་བའི་ཕྱིར་སེམས་པར་བྱེད་ན་ཡང་གནོད་སེམས་ཡིན་པར་བརྗོད་པར་བྱའོ། །རྒྱས་པར་ཀུན་ནས་མནར་སེམས་ཀྱི་དངོས་པོ་དགུ་ལ་ཡང་དེ་བཞིན་དུ་རིག་པར་བྱའོ། །ཀྱེ་མ་བདག་གི་གཤེད་མ་རྣམས་དང༌། དགྲ་བོ་རྣམས་དང༌། ཕས་ཀྱི་དགྲ་རྣམས་དབང་དུ་འགྱུར་ཞིང་བདག་གིས་དེ་དག་བསད་པ་དང༌། བཅིང་བ་དང༌། སྤྱུགས་པ་དང༌། ལྕག་དག་གིས་གཞུ་བ་དང༌། དེ་ལོངས་སྤྱོད་རྣམས་དང་དབྲལ་བ་དང༌། བུ་སྨད་རྣམས་དང༌། རྩ་འཇིང་དང༌། འཁོར་དང་ཁྱིམ་དང་དབྲལ་བར་བྱའོ་སྙམ་དུ་ཀུན་ནས་མནར་སེམས་ཀྱི་སེམས་སྐྱེད་པར་བྱེད་ན་ཡང་གནོད་སེམས་ཡིན་པར་བརྗོད་པར་བྱའོ། །གཞན་དག་ལ་བདག་གི་གཤེད་མ་རྣམས་དང༌། དགྲ་བོ་རྣམས་དང༌། ཕས་ཀྱི་དགྲ་རྣམས་ལ་ཇི་སྐད་བརྗོད་པའི་གནོད་པ་བྱ་བར་འཚོལ་བའི་ཀུན་ནས་མནར་སེམས་ཀྱི་སེམས་སྐྱེད་པར་བྱེད་ན་ཡང་གནོད་སེམས་ཡིན་པར་བརྗོད་པར་བྱའོ། །རང་ཉིད་དེ་ལྟ་དེ་ལྟར་ལུས་དང་ངག་དང་ཡིད་ཀྱིས་སྒྲུབ་ཅིང་དེས་དེ་དག་གི་ལོངས་སྤྱོད་རྣམས་དང༌། རྩ་འཇིང་དང༌། འཁོར་དང༌། གྲགས་པ་དང༌། ནད་མེད་པ་དང༌། གསོན་པ་དང༌། དགེ་བའི་ཆོས་རྣམས་ཡོངས་སུ་ཉམས་པར་གྱུར་ཅིག་སྙམ་པ་དང༌། ལུས་ཞིག་ནས་ཀྱང་ངན་སོང་རྣམས་སུ་སྐྱེ་བར་གྱུར་ཅིག་སྙམ་དུ་ཀུན་ནས་མནར་སེམས་ཀྱི་སེམས་སྐྱེད་པར་བྱེད་ན་ཡང་གནོད་སེམས་ཡིན་པར་བརྗོད་པར་བྱའོ། །

'di ni bdag la gnod pa bya bar 'dod pa yin no snyam nas| de la gnod par bya ba'i phyir sems par byed na gnod sems yin par brjod par bya'o/ /bdag la gnod pa byas so byed do byed par 'gyur ro snyam nas| de la gnod par bya ba'i phyir sems par byed na yang gnod sems yin par brjod par bya'o/ /rgyas par kun nas mnar sems kyi dngos po dgu la yang de bzhin du rig par bya'o/ /kye ma bdag gi gshed ma rnams dang/ dgra bo rnams dang/ phas kyi dgra rnams dbang du 'gyur zhing bdag gis de dag bsad pa dang/ bcing ba dang/ spyugs pa dang/ lcag dag gis gzhu ba dang/ de longs spyod rnams dang dbral ba dang/ bu smad rnams dang/ rtsa 'jing dang/ 'khor dang khyim dang dbral bar bya'o snyam du kun nas mnar sems kyi sems skyed par byed na yang gnod sems yin par brjod par bya'o/ /gzhan dag la bdag gi gshed ma rnams dang/ dgra bo rnams dang/ phas kyi dgra rnams la ji skad brjod pa'i gnod pa bya bar 'tshol ba'i kun nas mnar sems kyi sems skyed par byed na yang gnod sems yin par brjod par bya'o/ /rang nyid de lta de ltar lus dang ngag dang yid kyis sgrub cing des de dag gi longs spyod rnams dang/ rtsa 'jing dang/ 'khor dang/ grags pa dang/ nad med pa dang/ gson pa dang/ dge ba'i chos rnams yongs su nyams par gyur cig snyam pa dang/ lus zhig nas kyang ngan song rnams su skye bar gyur cig snyam du kun nas mnar sems kyi sems skyed par byed na yang gnod sems yin par brjod par bya'o/ /

【I10 邪見業道】

བྱིན་པ་མེད་དོ་སྙམ་དུ་ངེས་པར་སེམས་སྐྱེད་པར་བྱེད་ན་ཡང་ལོག་པར་ལྟ་བ་ཡིན་པར་བརྗོད་པར་བྱའོ། །རྒྱས་པར་རྒྱུ་ལ་སྐུར་པ་འདེབས་སམ། འབྲས་བུ་ལ་སྐུར་པ་འདེབས་སམ། བྱ་བ་ལ་སྐུར་པ་འདེབས་སམ༑ ཡོད་པའི་དངོས་པོ་འཇིག་པར་བྱེད་ན་ཡང་ལོག་པར་ལྟ་བ་ཡིན་པར་བརྗོད་པར་བྱའོ། །གང་གི་ཚེ་ལོག་པའི་ལྟ་བ་ཐམས་ཅད་ལོག་པར་ལྟ་བ་ཞེས་བྱ་ན་ཅིའི་ཕྱིར་བཅོམ་ལྡན་འདས་ཀྱིས་སྐུར་པ་འདེབས་པའི་ལོག་པར་ལྟ་བ་འདི་ཁོ་ན་ལས་ཀྱི་ལམ་རྣམས་སུ་ལོག་པར་ལྟ་བ་ཡིན་པར་གསུངས་ཤེ་ན། འདི་ལྟར་འདི་ནི་ལོག་པར་ལྟ་བ་ཐམས་ཅད་ཀྱི་མཆོག་ཡིན་ཏེ། དེ་ཅིའི་ཕྱིར་ཞེ་ན། འདི་ལྟ་སྟེ༑ འདི་ལྟར་ལོག་པར་ལྟ་བ་འདི་ལ་བརྟེན་ནས་དགེ་སྦྱོང་དང༌། བྲམ་ཟེ་ཁ་ཅིག་དགེ་བའི་རྩ་བ་ཡང་དག་པར་གཅོད་པར་བྱེད་ཅིང༌། སྡིག་པ་ལ་ཅི་འདོད་དགུར་སྤྱོད་པའི་ལྟ་བ་འདི་ནི་ཤིན་ཏུ་སྡིག་པ་བྱེད་པ་དང་མཐུན་པ་ཡིན་པས་དེའི་ཕྱིར་མི་དགེ་བའི་ལས་ཀྱི་ལམ་རྣམས་སུ་དེ་ཁོ་ན་གསུངས་ཀྱི་གཞན་ནི་མ་ཡིན་ཏེ། ལོག་པར་ལྟ་བའི་མཚན་ཉིད་དུ་རིགས་པ་མ་ཡིན་པར་བལྟ་བར་བྱའོ། །

byin pa med do snyam du nges par sems skyed par byed na yang log par lta ba yin par brjod par bya'o/ /rgyas par rgyu la skur pa 'debs sam/ 'bras bu la skur pa 'debs sam/ bya ba la skur pa 'debs sam| yod pa'i dngos po 'jig par byed na yang log par lta ba yin par brjod par bya'o/ /gang gi tshe log pa'i lta ba thams cad log par lta ba zhes bya na ci'i phyir bcom ldan 'das kyis skur pa 'debs pa'i log par lta ba 'di kho na las kyi lam rnams su log par lta ba yin par gsungs she na/ 'di ltar 'di ni log par lta ba thams cad kyi mchog yin te/ de ci'i phyir zhe na/ 'di lta ste| 'di ltar log par lta ba 'di la brten nas dge sbyong dang/ bram ze kha cig dge ba'i rtsa ba yang dag par gcod par byed cing/ sdig pa la ci 'dod dgur spyod pa'i lta ba 'di ni shin tu sdig pa byed pa dang mthun pa yin pas de'i phyir mi dge ba'i las kyi lam rnams su de kho na gsungs kyi gzhan ni ma yin te/ log par lta ba'i mtshan nyid du rigs pa ma yin par blta bar bya'o/ /

【H5 解輕重門】【I1 明殺生輕重】【J1 總標列五種因緣】

དེ་ལ་སྲོག་གཅོད་པ་ནི་རྒྱུ་ལྔས་ལྕི་བ་ཡིན་པར་བརྗོད་པར་བྱ་སྟེ། ལྔ་གང་ཞེ་ན། བསམ་པ་དང༌། སྦྱོར་བ་དང༌། གཉེན་པོ་མེད་པ་དང༌། ལོག་པ་ལ་མངོན་པར་ཞེན་པ་དང༌། གཞིས་སོ། །

de la srog gcod pa ni rgyu lngas lci ba yin par brjod par bya ste/ lnga gang zhe na/ bsam pa dang/ sbyor ba dang/ gnyen po med pa dang/ log pa la mngon par zhen pa dang/ gzhis so/ /

【J2 別解釋】【K1 就意樂以辨輕重】【L1 別明重】

དེ་ལ་གལ་ཏེ་ཆགས་པའི་བསམ་པ་དྲག་པོས་བྱེད་དམ། ཞེ་སྡང་གི་བསམ་པ་དྲག་པོས་སམ། གཏི་མུག་གི་བསམ་པ་དྲག་པོས་བྱེད་པ་ནི་སྲོག་གཅོད་པ་ལྕི་བ་ཡིན་པར་བརྗོད་པར་བྱའོ། །དེ་ལས་ཟློག་པ་ནི་ཡང་བ་ཡིན་ནོ། །གལ་ཏེ་བྱེད་པར་འགྱུར་བའམ། བྱེད་པའམ། བྱས་པ་ལ་སེམས་རངས་པ་དང་ལྡན་པ་དང༌། རབ་ཏུ་དགའ་བའི་སེམས་དང་ལྡན་པ་དང༌། རང་ཡང་བྱེད་ལ་གཞན་ཡང་དེ་ཡང་དག་པར་འཛིན་དུ་འཇུག་པ་དང༌། དེའི་བསྔགས་པ་རྗོད་པར་བྱེད་པ་དང༌། ཆོས་མཐུན་པ་པ་མཐོང་ན་ཡིད་དགའ་བར་འགྱུར་བ་དང༌། ཡུན་རིང་པོ་ནས་བསགས་ཤིང་ཡུན་རིང་པོ་ནས་བསགས་པའི་སེམས་ཀྱིས་བྱེད་པ་དང༌། རྟག་ཏུ་བྱེད་པ་དང༌། གུས་པར་བྱེད་པ་དང༌། ལན་ཅིག་ལ་ཡང་མང་དུ་གསོད་པར་བྱེད་པ་དང༌། ཉོན་མོངས་པའི་ལས་རབ་ཏུ་དྲག་པོས་གསོད་པར་བྱེད་པ་དང༌། འཇིགས་པས་དེ་བྱ་བ་མ་ཡིན་པ་བྱེད་དུ་བཅུག་ནས་གསོད་པར་བྱེད་པ་དང༌། ཞན་པ་དང༌། སྡུག་བསྔལ་བ་དང༌། བཀྲེན་པ་དང༌། ཉམ་ཐག་པར་སྨྲ་བ་དང༌། སྙིང་རྗེ་བར་སྨྲེ་སྔགས་འདོན་བཞིན་དུ་གསོད་པར་བྱེད་པ་ནི་སྲོག་གཅོད་པ་སྦྱོར་བ་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་སྲོག་གཅོད་པར་བྱེད་པ་ཡང་ཡིན་ལ་ཉིན་གཅིག་བཞིན་དུ་བསླབ་པ་འགའ་ཡང་ལྡན་པར་མི་བྱེད་ལ། ཟླ་བ་ཕྱེད་ལ་ཚེས་བརྒྱད་དང༌། ཚེས་བཅུ་བཞི་དང༌། ཚེས་བཅོ་ལྔ་ལ་བསྙེན་གནས་ལ་གནས་པར་མི་བྱེད་པ་དང༌། དུས་དུས་སུ་སྦྱིན་པ་དག་སྦྱིན་པར་མི་བྱེད་པ་དང༌། བསོད་ནམས་དག་མི་བྱེད་པ་དང༌། མངོན་དུ་སྨྲ་བ་དང༌། ཕྱག་འཚལ་བ་དང༌། ལྡང་བ་དང༌། ཐལ་མོ་སྦྱོར་བ་དང་འདུད་པ་ལ་སོགས་པ་མི་བྱེད་པ་དང༌། དུས་དུས་སུ་ངོ་ཚ་ཤེས་པ་དང༌། ཁྲེལ་ཡོད་པ་དང༌། འགྱོད་པ་ཤས་ཆེན་པོ་མི་ཐོབ་པ་དང༌། འཇིག་རྟེན་པའི་འདོད་ཆགས་དང་བྲལ་བ་ལ་མི་རེག་པ་དང༌། ཆོས་མངོན་པར་རྟོགས་པ་ལ་མི་རེག་པ་ནི་སྲོག་གཅོད་པ་གཉེན་པོ་མེད་པ་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་དགེ་སྦྱོང་དང་བྲམ་ཟེ་མཆོད་སྦྱིན་ལོག་པར་བྱེད་པ་རྣམས་ཀྱི་ལྟ་བའི་རྗེས་སུ་ཡིད་འདོད་པར་བྱེད་ཅིང༌། ཆོས་འདོད་པས་སྲོག་གཅོད་པར་བྱེད་པ་ནི་སྲོག་གཅོད་པ་ལོག་པ་ལ་མངོན་པར་ཞེན་པ་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་སེམས་འདི་སྙམ་དུ་སེམས་ཏེ། ཕྱུགས་གསང་པ་ལ་ནི་ཉེས་པ་མེད་དེ། འདི་ལྟར་ཕྱུགས་རྣམས་ནི་སྐྱེ་དགུའི་བདག་པོས་ཡོ་བྱད་ཀྱི་རྒྱུར་སྤྲུལ་པ་ཡིན་པའི་ཕྱིར་རོ་སྙམ་དུ་སེམས་ན་ཡང་སྲོག་གཅོད་པ་ལྕི་བ་ཡིན་པར་བརྗོད་པར་བྱའོ། །དེ་ལྟར་ལོག་པར་ལྟ་བ་གང་ཡང་རུང་བ་ལས་བརྟེན་ཏེ། སྲོག་གཅོད་པར་བྱེད་ན་ཡང་སྲོག་གཅོད་པ་ལོག་པ་ལ་མངོན་པར་ཞེན་པ་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་བོང་ཆེན་པོ་གསོད་པར་བྱེད་ན། སྲོག་གཅོད་པ་གཞི་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་མིའམ་མིར་ཆགས་པ་གསོད་པར་བྱེད་དམ། གལ་ཏེ་ཕ་མའམ། ཕུ་ནུའམ། བླ་མ་ལྟ་བུའམ༑ གལ་ཏེ་ཡིད་གཅུགས་པའམ། གལ་ཏེ་སློབ་པའམ། གལ་ཏེ་བྱང་ཆུབ་སེམས་དཔའ་མ། གལ་ཏེ་དགྲ་བཅོམ་པའམ། གལ་ཏེ་རང་སངས་རྒྱས་གསོད་པར་བྱེད་དམ། དེ་བཞིན་གཤེགས་པས་ནི་བགྲོངས་པ་མ་ཡིན་པར་ཤེས་བཞིན་དུ། གལ་ཏེ་གསོད་པའི་བསམ་པས་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པར་བྱེད་པ་ནི་སྲོག་གཅོད་པའི་གཞི་ལས་ལྕི་བ་ཡིན་པར་བརྗོད་པར་བྱའོ། །

de la gal te chags pa'i bsam pa drag pos byed dam/ zhe sdang gi bsam pa drag pos sam/ gti mug gi bsam pa drag pos byed pa ni srog gcod pa lci ba yin par brjod par bya'o/ /de las zlog pa ni yang ba yin no/ /gal te byed par 'gyur ba'am/ byed pa'am/ byas pa la sems rangs pa dang ldan pa dang/ rab tu dga' ba'i sems dang ldan pa dang/ rang yang byed la gzhan yang de yang dag par 'dzin du 'jug pa dang/ de'i bsngags pa rjod par byed pa dang/ chos mthun pa pa mthong na yid dga' bar 'gyur ba dang/ yun ring po nas bsags shing yun ring po nas bsags pa'i sems kyis byed pa dang/ rtag tu byed pa dang/ gus par byed pa dang/ lan cig la yang mang du gsod par byed pa dang/ nyon mongs pa'i las rab tu drag pos gsod par byed pa dang/ 'jigs pas de bya ba ma yin pa byed du bcug nas gsod par byed pa dang/ zhan pa dang/ sdug bsngal ba dang/ bkren pa dang/ nyam thag par smra ba dang/ snying rje bar smre sngags 'don bzhin du gsod par byed pa ni srog gcod pa sbyor ba las lci ba yin par brjod par bya'o/ /gal te srog gcod par byed pa yang yin la nyin gcig bzhin du bslab pa 'ga' yang ldan par mi byed la/ zla ba phyed la tshes brgyad dang/ tshes bcu bzhi dang/ tshes bco lnga la bsnyen gnas la gnas par mi byed pa dang/ dus dus su sbyin pa dag sbyin par mi byed pa dang/ bsod nams dag mi byed pa dang/ mngon du smra ba dang/ phyag 'tshal ba dang/ ldang ba dang/ thal mo sbyor ba dang 'dud pa la sogs pa mi byed pa dang/ dus dus su ngo tsha shes pa dang/ khrel yod pa dang/ 'gyod pa shas chen po mi thob pa dang/ 'jig rten pa'i 'dod chags dang bral ba la mi reg pa dang/ chos mngon par rtogs pa la mi reg pa ni srog gcod pa gnyen po med pa las lci ba yin par brjod par bya'o/ /gal te dge sbyong dang bram ze mchod sbyin log par byed pa rnams kyi lta ba'i rjes su yid 'dod par byed cing/ chos 'dod pas srog gcod par byed pa ni srog gcod pa log pa la mngon par zhen pa las lci ba yin par brjod par bya'o/ /gal te sems 'di snyam du sems te/ phyugs gsang pa la ni nyes pa med de/ 'di ltar phyugs rnams ni skye dgu'i bdag pos yo byad kyi rgyur sprul pa yin pa'i phyir ro snyam du sems na yang srog gcod pa lci ba yin par brjod par bya'o/ /de ltar log par lta ba gang yang rung ba las brten te/ srog gcod par byed na yang srog gcod pa log pa la mngon par zhen pa las lci ba yin par brjod par bya'o/ /gal te dud 'gro'i skye gnas su skyes pa'i srog chags bong chen po gsod par byed na/ srog gcod pa gzhi las lci ba yin par brjod par bya'o/ /gal te mi'am mir chags pa gsod par byed dam/ gal te pha ma'am/ phu nu'am/ bla ma lta bu'am| gal te yid gcugs pa'am/ gal te slob pa'am/ gal te byang chub sems dpa' ma/ gal te dgra bcom pa'am/ gal te rang sangs rgyas gsod par byed dam/ de bzhin gshegs pas ni bgrongs pa ma yin par shes bzhin du/ gal te gsod pa'i bsam pas de bzhin gshegs pa la ngan sems kyis khrag 'byin par byed pa ni srog gcod pa'i gzhi las lci ba yin par brjod par bya'o/ /

【L2 總明輕】

ཇི་སྐད་བསྟན་པའི་རྒྱུ་དེ་དག་ལས་བཟློག་པ་ནི་སྲོག་གཅོད་པ་ཡང་བ་ཡིན་པར་བརྗོད་པར་བྱའོ། །

ji skad bstan pa'i rgyu de dag las bzlog pa ni srog gcod pa yang ba yin par brjod par bya'o/ /

【K2 辨餘四】

འདི་མན་ཆད་ནི་མ་བྱིན་པར་ལེན་པ་ལ་སོགས་པའི་གཞིའི་ལྕི་བ་ཉིད་དང་ཡང་བ་ཉིད་ཀྱི་རབ་ཏུ་དབྱེ་བ་བརྗོད་པར་བྱ་སྟེ། ལྷག་མ་ནི་སྲོག་གཅོད་པ་བཞིན་དུ་ཇི་རིགས་པར་བལྟ་བར་བྱའོ། །

'di man chad ni ma byin par len pa la sogs pa'i gzhi'i lci ba nyid dang yang ba nyid kyi rab tu dbye ba brjod par bya ste/ lhag ma ni srog gcod pa bzhin du ji rigs par blta bar bya'o/ /

【I2 明餘九業道輕重】【J1 別明重】【K1 偷盜重】

གལ་ཏེ་མང་པོ་འཕྲོག་པར་བྱེད་ན་མ་བྱིན་པར་ལེན་པ་གཞི་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་བཟང་པོའམ། གལ་ཏེ་ཡིད་བརྟན་པ་ལ་འཁུ་ཞིང་འཕྲོག་པར་བྱེད་དམ། གལ་ཏེ་དམན་པ་དང༌། བཀྲེན་པ་དག་ལས་འཕྲོག་པར་བྱེད་དམ། གལ་ཏེ་རབ་ཏུ་བྱུང་བ་དང་ཆོས་འདི་བདག་ལས་འཕྲོག་པར་བྱེད་དམ། གལ་ཏེ་གྲོང་དུ་ཆུད་པ་འཕྲོག་པར་བྱེད་དམ། གལ་ཏེ་སློབ་པ་ལས་སམ། གལ་ཏེ་དགྲ་བཅོམ་པ་ལས་སམ། གལ་ཏེ་རང་སངས་རྒྱས་ལས་སམ། གལ་ཏེ་དགེ་འདུན་གྱིའམ། གལ་ཏེ་མཆོད་རྟེན་གྱི་འཕྲོག་པར་བྱེད་ན་ཡང་མ་བྱིན་པར་ལེན་པ་གཞི་ལས་ལྕི་བ་ཡིན་པར་བརྗོད་པར་བྱའོ། །

gal te mang po 'phrog par byed na ma byin par len pa gzhi las lci ba yin par brjod par bya'o/ /gal te bzang po'am/ gal te yid brtan pa la 'khu zhing 'phrog par byed dam/ gal te dman pa dang/ bkren pa dag las 'phrog par byed dam/ gal te rab tu byung ba dang chos 'di bdag las 'phrog par byed dam/ gal te grong du chud pa 'phrog par byed dam/ gal te slob pa las sam/ gal te dgra bcom pa las sam/ gal te rang sangs rgyas las sam/ gal te dge 'dun gyi'am/ gal te mchod rten gyi 'phrog par byed na yang ma byin par len pa gzhi las lci ba yin par brjod par bya'o/ /

【K2 邪婬重】

འཇུག་པར་བྱ་བ་མ་ཡིན་པར་འཇུག་པ་ལས་བརྩམས་ཏེ། གལ་ཏེ་མ་ལ་ཉལ་པོ་བྱེད་དམ། མ་དང་འབྲེལ་པའམ། སྐྱེས་པ་ཡིད་གཅུགས་པའི་ཆུང་མའམ། བརྟུལ་ཞུགས་ལ་གནས་པའི་དགེ་སློང་མ་དང༌། དགེ་སློབ་མ་དང༌། དགེ་ཚུལ་མ་ལ་ཉལ་པོ་བྱེད་ན་ཡང་འདོད་པ་ལ་ལོག་པར་གཡེམ་པའི་གཞི་ལས་ལྕི་བ་ཡིན་པར་བརྗོད་པར་བྱའོ། །ཡན་ལག་མ་ཡིན་པར་འཇུག་པ་ལས་བརྩམས་ཏེ། གལ་ཏེ་ཁར་འཇུག་ན་འདོད་པ་ལ་ལོག་པར་གཡེམ་པ་གཞི་ལས་ལྕི་བ་ཡིན་པར་བརྗོད་པར་བྱའོ། །དུས་མ་ཡིན་པར་འཇུག་པ་ལས་བརྩམས་ཏེ། གལ་ཏེ་གསོ་སྦྱོང་ལ་གནས་པའམ། ཟླ་བ་ཚང་བའམ། ནད་ཀྱིས་བཏབ་པ་ལ་ཉལ་པོ་བྱེད་ན་འདོད་པ་ལ་ལོག་པར་གཡེམ་པ་གཞི་ལས་ལྕི་བ་ཡིན་པར་བརྗོད་པར་བྱའོ། །གནས་མ་ཡིན་པར་འཇུག་པ་ལས་བརྩམས་ཏེ། གལ་ཏེ་མཆོད་རྟེན་གྱི་གནས་སམ། མཆོད་རྟེན་གྱི་དྲུང་ངམ། དགེ་འདུན་གྱི་ཀུན་དགའ་ར་བར་ཉལ་པོ་བྱེད་ན། འདོད་པ་ལ་ལོག་པར་གཡེམ་པ་གཞི་ལས་ལྕི་བ་ཡིན་པར་བརྗོད་པར་བྱའོ། །

'jug par bya ba ma yin par 'jug pa las brtsams te/ gal te ma la nyal po byed dam/ ma dang 'brel pa'am/ skyes pa yid gcugs pa'i chung ma'am/ brtul zhugs la gnas pa'i dge slong ma dang/ dge slob ma dang/ dge tshul ma la nyal po byed na yang 'dod pa la log par g.yem pa'i gzhi las lci ba yin par brjod par bya'o/ /yan lag ma yin par 'jug pa las brtsams te/ gal te khar 'jug na 'dod pa la log par g.yem pa gzhi las lci ba yin par brjod par bya'o/ /dus ma yin par 'jug pa las brtsams te/ gal te gso sbyong la gnas pa'am/ zla ba tshang ba'am/ nad kyis btab pa la nyal po byed na 'dod pa la log par g.yem pa gzhi las lci ba yin par brjod par bya'o/ /gnas ma yin par 'jug pa las brtsams te/ gal te mchod rten gyi gnas sam/ mchod rten gyi drung ngam/ dge 'dun gyi kun dga' ra bar nyal po byed na/ 'dod pa la log par g.yem pa gzhi las lci ba yin par brjod par bya'o/ /

【K3 妄語重】

གལ་ཏེ་གཞན་བྲིད་པར་འདོད་ཅིང་བསླུ་བར་འདོད་པས་དོན་མང་པོས་བརྫུན་གྱི་ཚིག་སྨྲ་ན་བརྫུན་དུ་སྨྲ་བ་གཞི་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་བཟང་པོའམ་རབ་ཏུ་མཆོག་གམ༑ གལ་ཏེ་ཡིད་གཅུགས་པའམ། གལ་ཏེ་མའམ། གལ་ཏེ་ཕའམ། རྒྱས་པར་སྔ་མ་བཞིན་དུ་དེ་བཞིན་གཤེགས་པའི་བར་ལ་བརྫུན་ཟེར་ན་བརྫུན་དུ་སྨྲ་བ་གཞི་ལས་ལྕི་བ་ཡིན་པར་བརྗོད་པར་བྱའོ། །གཞན་ཡང་བརྫུན་དུ་སྨྲ་བ་ནི་གཞན་དག་སྲོག་གཅོད་པ་ལ་འཇུག་པར་འགྱུར་བ་ཡང་ཡོད། ལོངས་སྤྱོད་ཉམས་པ་ལ་འཇུག་པར་འགྱུར་བ་ཡང་ཡོད། ཆུང་མ་ཆུད་གཟན་པ་ལ་འཇུག་པར་འགྱུར་བ་ཡང་ཡོད་དེ། དེ་ལ་བརྫུན་དུ་སྨྲ་བ་གང་སྲོག་གཅོད་པ་ལྕི་བ་སྐྱེད་པར་བྱེད་པ་དང༌། མ་བྱིན་པར་ལེན་པའི་ལྕི་བ་དང༌། འདོད་པ་ལ་ལོག་པར་གཡེམ་པའི་ལྕི་བ་སྐྱེད་པར་བྱེད་པ་དེ་ཡང་བརྫུན་དུ་སྨྲ་བ་གཞི་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་དགེ་འདུན་དབྱེ་བའི་ཕྱིར་བརྫུན་ཟེར་ན་བརྫུན་དུ་སྨྲ་བ་དེ་ནི་བརྫུན་དུ་སྨྲ་བ་ཐམས་ཅད་ཀྱི་ནང་ན་ལྕི་བ་ཡིན་པར་བརྗོད་པར་བྱའོ། །

gal te gzhan brid par 'dod cing bslu bar 'dod pas don mang pos brdzun gyi tshig smra na brdzun du smra ba gzhi las lci ba yin par brjod par bya'o/ /gal te bzang po'am rab tu mchog gam| gal te yid gcugs pa'am/ gal te ma'am/ gal te pha'am/ rgyas par snga ma bzhin du de bzhin gshegs pa'i bar la brdzun zer na brdzun du smra ba gzhi las lci ba yin par brjod par bya'o/ /gzhan yang brdzun du smra ba ni gzhan dag srog gcod pa la 'jug par 'gyur ba yang yod/ longs spyod nyams pa la 'jug par 'gyur ba yang yod/ chung ma chud gzan pa la 'jug par 'gyur ba yang yod de/ de la brdzun du smra ba gang srog gcod pa lci ba skyed par byed pa dang/ ma byin par len pa'i lci ba dang/ 'dod pa la log par g.yem pa'i lci ba skyed par byed pa de yang brdzun du smra ba gzhi las lci ba yin par brjod par bya'o/ /gal te dge 'dun dbye ba'i phyir brdzun zer na brdzun du smra ba de ni brdzun du smra ba thams cad kyi nang na lci ba yin par brjod par bya'o/ /

【K4 兩舌重】

གལ་ཏེ་ཡུན་རིང་པོ་ནས་བཤེས་པར་གྱུར་པ་རྣམས་དབྱེ་བའི་ཕྱིར་སྦྱོར་བར་བྱེད་པ་ནི་ཕྲ་མ་གཞི་ལས་ལྕི་བ་ཡིན་པར་བརྗོད་པར་བྱའོ། །གལ་ཏེ་དགེ་བའི་བཤེས་གཉེན་དང་འབྱེད་པར་བྱེད་དམ། གལ་ཏེ་མ་དང་བུ་དག་གམ། གལ་ཏེ་ཕ་དང་བུ་དག་གམ། གལ་ཏེ་དགེ་འདུན་འབྱེད་པར་བྱེད་དམ། སྲོག་གཅོད་པ་དང༌། མ་བྱིན་པར་ལེན་པ་དང༌། འདོད་པས་ལོག་པར་གཡེམ་པ་སྐྱེད་པའི་ཕྲ་མ་ནི་སྔ་མའི་ཚུལ་བཞིན་དུ་རིག་པར་བྱའོ། །

gal te yun ring po nas bshes par gyur pa rnams dbye ba'i phyir sbyor bar byed pa ni phra ma gzhi las lci ba yin par brjod par bya'o/ /gal te dge ba'i bshes gnyen dang 'byed par byed dam/ gal te ma dang bu dag gam/ gal te pha dang bu dag gam/ gal te dge 'dun 'byed par byed dam/ srog gcod pa dang/ ma byin par len pa dang/ 'dod pas log par g.yem pa skyed pa'i phra ma ni snga ma'i tshul bzhin du rig par bya'o/ /

【K5 惡口重】

ཕ་མ་ལ་སོགས་པ་དང་བླ་མ་ལྟ་བུ་དག་ལ་ངག་རྩུབ་པོ་རྗོད་པར་བྱེད་པ་ནི་ངག་རྩུབ་པོ་གཞི་ལས་ལྕི་བ་ཡིན་པར་བརྗོད་པར་བྱའོ། །ཡང་དག་པ་མ་ཡིན་པ་དང༌། དེ་ཁོ་ན་མ་ཡིན་པའི་བརྫུན་སྨྲ་བ་དང༌། མངོན་སུམ་དུ་གཤེ་བ་དང༌། སྤྱོ་བ་དང༌། བརྒྱད་བཀག་ཟེར་བ་ཡང༌། ངག་རྩུབ་པོ་ལྕི་བ་ཡིན་པར་བརྗོད་པར་བྱའོ། །

pha ma la sogs pa dang bla ma lta bu dag la ngag rtsub po rjod par byed pa ni ngag rtsub po gzhi las lci ba yin par brjod par bya'o/ /yang dag pa ma yin pa dang/ de kho na ma yin pa'i brdzun smra ba dang/ mngon sum du gshe ba dang/ spyo ba dang/ brgyad bkag zer ba yang/ ngag rtsub po lci ba yin par brjod par bya'o/ /

【K6 綺語重】

བརྫུན་དུ་སྨྲ་བ་ལ་སོགས་པར་འགྱུར་བའི། ཚིག་ཀྱལ་པ་གང་ཡིན་པ་དེའི་ལྕི་བ་དང༌། ཡང་བ་ཡང་འདི་ལྟ་སྟེ། དེ་དག་གི་ཇི་ལྟ་བ་བཞིན་དུ་བལྟ་བར་བྱའོ། །འཐབ་མོ་དང༌། མཚང་འདྲུ་བ་དང༌། རྩོད་པ་དང་འགྱེད་པ་ལ་བརྟེན་པའི་ཚིག་ཀྱལ་པ་གང་ཡིན་པ་དེ་ཡང་ལྕི་བ་ཡིན་ནོ། །ཆགས་པ་དང་ལྡན་པའི་སེམས་ཀྱིས་ཕྱི་རོལ་བའི་བསྟན་བཅོས་དོན་དང་མི་ལྡན་པ་དག་ལུང་འབོགས་པ་དང༌། ཁ་དོན་བྱེད་པ་དང༌། གཞན་དག་ལ་རྒྱ་ཆེར་ཡང་དག་པར་སྟོན་པ་གང་ཡིན་པ་དེ་ཡང་ཚིག་ཀྱལ་པ་གཞི་ལས་ལྕི་བ་ཡིན་པར་བརྗོད་པར་བྱའོ། །ཕ་མ་དང༌། ཉེ་དུ་དང༌། བླ་མ་ལྟ་བུ་དག་ལ་བསྟིང་སླད་དང༌། ཅོ་འདྲི་བ་དང༌། ཚིག་གི་ལམ་མི་བཤའ་བ་དང་ཀུན་ཏུ་བརྗོད་པ་གང་ཡིན་པ་དེ་ཡང་ཚིག་ཀྱལ་པ་གཞི་ལས་ལྕི་བ་ཡིན་པར་བརྗོད་པར་བྱའོ། །

brdzun du smra ba la sogs par 'gyur ba'i/ tshig kyal pa gang yin pa de'i lci ba dang/ yang ba yang 'di lta ste/ de dag gi ji lta ba bzhin du blta bar bya'o/ /'thab mo dang/ mtshang 'dru ba dang/ rtsod pa dang 'gyed pa la brten pa'i tshig kyal pa gang yin pa de yang lci ba yin no/ /chags pa dang ldan pa'i sems kyis phyi rol ba'i bstan bcos don dang mi ldan pa dag lung 'bogs pa dang/ kha don byed pa dang/ gzhan dag la rgya cher yang dag par ston pa gang yin pa de yang tshig kyal pa gzhi las lci ba yin par brjod par bya'o/ /pha ma dang/ nye du dang/ bla ma lta bu dag la bsting slad dang/ co 'dri ba dang/ tshig gi lam mi bsha' ba dang kun tu brjod pa gang yin pa de yang tshig kyal pa gzhi las lci ba yin par brjod par bya'o/ /

【K7 貪欲重】

དགེ་འདུན་གྱི་དང༌། མཆོད་རྟེན་གྱི་ཡོ་བྱད་དག་ལ་བརྣབ་སེམས་སྐྱེད་པར་བྱེད་པ་ནི་བརྣབ་སེམས་གཞི་ལས་ལྕི་བ་ཡིན་པར་བརྗོད་པར་བྱའོ། །བདག་ཉིད་ཀྱི་ཡོན་ཏན་གྱིས་མངོན་པའི་ང་རྒྱལ་བྱེད་ཅིང་རྒྱལ་པོ་ལ་སོགས་པ་དང༌། ཚངས་པ་མཚུངས་པར་སྤྱོད་པ་མཁས་པ་རྣམས་ལ་ཤེས་ཀྱི་ཁེ་དང་བཀུར་སྟིའི་འདོད་པ་སྐྱེད་པར་བྱེད་པ་ཡང་བརྣབ་སེམས་གཞི་ལས་ལྕི་བ་ཡིན་པར་བརྗོད་པར་བྱའོ། །

dge 'dun gyi dang/ mchod rten gyi yo byad dag la brnab sems skyed par byed pa ni brnab sems gzhi las lci ba yin par brjod par bya'o/ /bdag nyid kyi yon tan gyis mngon pa'i nga rgyal byed cing rgyal po la sogs pa dang/ tshangs pa mtshungs par spyod pa mkhas pa rnams la shes kyi khe dang bkur sti'i 'dod pa skyed par byed pa yang brnab sems gzhi las lci ba yin par brjod par bya'o/ /

【K8 瞋恚重】

ཕ་མ་དང༌། ཉེ་དུ་དང༌། བླ་མ་ལྟ་བུ་དག་ལ་ཀུན་ནས་མནར་སེམས་སྐྱེད་པར་བྱེད་པ་ནི་གནོད་སེམས་གཞི་ལས་ལྕི་བ་ཡིན་པར་བརྗོད་པར་བྱའོ། །ཉེས་པ་མེད་པ་དང༌། བཀྲེན་པ་དང༌། སྡུག་བསྔལ་བ་དང༌། སྙིང་རྗེ་བའི་གཞི་དག་ལ་ཀུན་ནས་མནར་སེམས་སྐྱེད་པར་བྱེད་པ་ཡང་གནོད་སེམས་གཞི་ལས་ལྕི་བ་ཡིན་པར་བརྗོད་པར་བྱའོ། །ཉེས་པ་བྱས་པ་བསམ་པ་ཐག་པ་ནས་འཆགས་པར་བྱེད་པ་ལ་ཀུན་ནས་མནར་སེམས་སྐྱེད་པར་བྱེད་པ་ཡང་གནོད་སེམས་གཞི་ལས་ལྕི་བ་ཡིན་པར་བརྗོད་པར་བྱའོ། །

pha ma dang/ nye du dang/ bla ma lta bu dag la kun nas mnar sems skyed par byed pa ni gnod sems gzhi las lci ba yin par brjod par bya'o/ /nyes pa med pa dang/ bkren pa dang/ sdug bsngal ba dang/ snying rje ba'i gzhi dag la kun nas mnar sems skyed par byed pa yang gnod sems gzhi las lci ba yin par brjod par bya'o/ /nyes pa byas pa bsam pa thag pa nas 'chags par byed pa la kun nas mnar sems skyed par byed pa yang gnod sems gzhi las lci ba yin par brjod par bya'o/ /

【K9 邪見重】

ཐམས་ཅད་ལ་སྐུར་པ་འདེབས་པའི་ལོག་པར་ལྟ་བ་གང་ཡིན་པ་དེ་ནི་གཞི་ཐམས་ཅད་ལ་སྐུར་པ་འདེབས་པའི་སྒོར་ཞུགས་པ་ཡིན་པའི་ཕྱིར། ད་ལས་གཞན་པའི་ལོག་པར་ལྟ་བ་ཐམས་ཅད་པས་ལྕི་བ་ཡིན་པར་བརྗོད་པར་བྱའོ། །གཞན་ཡང་འཇིག་རྟེན་ན་དགྲ་བཅོམ་པ་དང་ཡང་དག་པར་སོང་བ་དང༌། ཡང་དག་པར་ཞུགས་པ་རྣམས་མེད་དོ་ཞེས་བྱ་བའི་བར་དུ་རྒྱ་ཆེར་ལྟ་བ་གང་ཡིན་པ་དེ་ཡང་ལོག་པར་ལྟ་བ་གཞི་ལས་ལྕི་བ་ཡིན་པར་བརྗོད་པར་བྱའོ། །

thams cad la skur pa 'debs pa'i log par lta ba gang yin pa de ni gzhi thams cad la skur pa 'debs pa'i sgor zhugs pa yin pa'i phyir/ da las gzhan pa'i log par lta ba thams cad pas lci ba yin par brjod par bya'o/ /gzhan yang 'jig rten na dgra bcom pa dang yang dag par song ba dang/ yang dag par zhugs pa rnams med do zhes bya ba'i bar du rgya cher lta ba gang yin pa de yang log par lta ba gzhi las lci ba yin par brjod par bya'o/ /

【J2 總翻顯其輕】

ཇི་སྐད་བསྟན་པའི་གཞི་རྣམས་མ་གཏོགས་པ་དེ་ལས་བཟློག་པ་ཐམས་ཅད་ནི་ཡང་བ་ཡིན་པར་ཅི་རིགས་པར་རིག་པར་བྱའོ། །

ji skad bstan pa'i gzhi rnams ma gtogs pa de las bzlog pa thams cad ni yang ba yin par ci rigs par rig par bya'o/ /

【H6 解增減門】【I1 明殺生增減四句】

སྲོག་གཅོད་པ་དང་ལྡན་པའི་མི་དགེ་བ་ནི་བྱས་ལ་བསགས་པ་མ་ཡིན་པ་ཡང་ཡོད་དོ། །བསགས་ལ་མ་བྱས་པ་ཡང་ཡོད་དོ། །བྱས་ཀྱང་བྱས་ལ་བསགས་ཀྱང་བསགས་པ་ཡང་ཡོད་དོ། །མ་བྱས་ཤིང་མ་བསགས་པ་ཡང་ཡོད་དོ། །དེ་ལ་མུ་དང་པོ་ནི་བྱིས་པ་མི་མཁས་པས་བྱས་པ་དང༌། རྨི་ལམ་ན་བྱས་པ་དང༌། ཆེད་དུ་མ་བྱས་པ་དང་། མི་འདོད་བཞིན་དུ་གཞན་དག་གིས་ནན་གྱིས་བྱེད་དུ་བཅུག་པ་དང༌། ལན་ཅིག་ཁོ་ན་བྱས་ཤིང་བྱས་ནས་ཀྱང་འགྱོད་པའི་སེམས་དང་ཉེས་དམིགས་ཀྱི་སེམས་ཀྱི་རྒྱུན་དྲག་པོས་བཅོམ་ནས། སྤོང་བའི་སྡོམ་པ་ཡང་དག་པར་བླངས་པས་ཤིན་ཏུ་སྲབ་མོར་བྱས་པ་དང༌། རྣམ་པར་སྨིན་པ་ནི་མ་བསྐྱེད་པ་ཁོ་ནར་འཇིག་རྟེན་པའི་འདོད་ཆགས་དང་བྲལ་བས་ས་བོན་ནས་བཅོམ་པ་དང༌། འཇིག་རྟེན་ལས་འདས་པའི་སྤོང་བའི་ལམ་གྱིས་ས་བོན་ནས་ཡང་དག་པར་བཅོམ་པ་ཡིན་ནོ། །བསགས་ལ་མ་བྱས་པ་ནི་འདི་ལྟར་འདི་ན་ལ་ལ་སྲོག་ཆགས་བསད་པའི་ཕྱིར་ཡུན་རིང་པོ་ནས་རྗེས་སུ་རྟོག་པར་བྱེད་རྗེས་སུ་དཔྱོད་པར་བྱེད་པ་དེ་ལ་སྲོག་གཅོད་པ་དང་ལྡན་པའི་མི་དགེ་བ་བསགས་པ་ནི་ཡོད་ལ། དེས་སྲོག་གཅོད་པ་ནི་མ་བྱས་པ་ཡིན་ནོ། །བྱས་ཀྱང་བྱས་ལ་བསགས་ཀྱང་བསགས་པ་ནི་རྣམ་པ་གང་དག་གིས་བྱས་ལ་བསགས་པ་མ་ཡིན་པ་དང་། བསགས་ལ་མ་བྱས་པའི་རྣམ་པ་ཇི་སྐད་བསྟན་པ་དག་མ་གཏོགས་པ་དེ་ལས་གཞན་པའི་སྲོག་གཅོད་པ་ཐམས་ཅད་དོ། །མ་བྱས་ཤིང་མ་བསགས་པ་ནི་རྣམ་པ་དེ་དག་མ་གཏོགས་པའོ། །ལྷག་མ་མ་བྱིན་པར་ལེན་པ་ལ་སོགས་པ་ནས་ཚིག་ཀྱལ་པའི་མཐར་ཐུག་པའི་བར་དག་ཀྱང་སྲོག་གཅོད་པ་ཇི་ལྟ་བ་དེ་བཞིན་དུ་ཅི་རིགས་པར་བལྟ་བར་བྱའོ། །

srog gcod pa dang ldan pa'i mi dge ba ni byas la bsags pa ma yin pa yang yod do/ /bsags la ma byas pa yang yod do/ /byas kyang byas la bsags kyang bsags pa yang yod do/ /ma byas shing ma bsags pa yang yod do/ /de la mu dang po ni byis pa mi mkhas pas byas pa dang/ rmi lam na byas pa dang/ ched du ma byas pa dang / mi 'dod bzhin du gzhan dag gis nan gyis byed du bcug pa dang/ lan cig kho na byas shing byas nas kyang 'gyod pa'i sems dang nyes dmigs kyi sems kyi rgyun drag pos bcom nas/ spong ba'i sdom pa yang dag par blangs pas shin tu srab mor byas pa dang/ rnam par smin pa ni ma bskyed pa kho nar 'jig rten pa'i 'dod chags dang bral bas sa bon nas bcom pa dang/ 'jig rten las 'das pa'i spong ba'i lam gyis sa bon nas yang dag par bcom pa yin no/ /bsags la ma byas pa ni 'di ltar 'di na la la srog chags bsad pa'i phyir yun ring po nas rjes su rtog par byed rjes su dpyod par byed pa de la srog gcod pa dang ldan pa'i mi dge ba bsags pa ni yod la/ des srog gcod pa ni ma byas pa yin no/ /byas kyang byas la bsags kyang bsags pa ni rnam pa gang dag gis byas la bsags pa ma yin pa dang / bsags la ma byas pa'i rnam pa ji skad bstan pa dag ma gtogs pa de las gzhan pa'i srog gcod pa thams cad do/ /ma byas shing ma bsags pa ni rnam pa de dag ma gtogs pa'o/ /lhag ma ma byin par len pa la sogs pa nas tshig kyal pa'i mthar thug pa'i bar dag kyang srog gcod pa ji lta ba de bzhin du ci rigs par blta bar bya'o/ /

【I2 類餘九業增減四句】

བརྣབ་སེམས་དང་གནོད་སེམས་དང་ལོག་པར་ལྟ་བ་དག་ལ་ནི་བསགས་ལ་མ་བྱས་པ་ཞེས་བྱ་བའི་མུ་གཉིས་པ་མེད་དོ། །མུ་དང་པོ་ལས་ཀྱང་ཆེད་དུ་མ་བྱས་པ་ཡང་མེད་ལ། གཞན་དག་གིས་ནན་གྱིས་བྱེད་དུ་བཅུག་པ་ཡང་མེད་དོ། །ལྷག་མ་ནི་སྔ་མ་བཞིན་ནོ།། །།

brnab sems dang gnod sems dang log par lta ba dag la ni bsags la ma byas pa zhes bya ba'i mu gnyis pa med do/ /mu dang po las kyang ched du ma byas pa yang med la/ gzhan dag gis nan gyis byed du bcug pa yang med do/ /lhag ma ni snga ma bzhin no// //

【H7 解瑜伽門】【I1 辨殺生三果不同】

བམ་པོ་བཅོ་ལྔ་པ། དེ་ལ་སྲོག་གཅོད་པ་ཀུན་ཏུ་བསྟེན་ཅིང་གོམས་པར་བྱས་ལན་མང་དུ་བྱས་པས་སེམས་ཅན་དམྱལ་བ་རྣམས་སུ་སྐྱེ་བ་དེ་ནི་སྲོག་གཅོད་པའི་རྣམ་པར་སྨིན་པའི་འབྲས་བུ་ཞེས་བྱའོ། །གལ་ཏེ་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་སྐྱེས་ན་ཡང་ཚེ་ཐུང་བར་འགྱུར་བ་དེ་ནི་སྲོག་གཅོད་པའི་རྒྱུ་མཐུན་པའི་འབྲས་བུ་ཞེས་བྱའོ། །ཕྱི་རོལ་གྱི་སྣོད་ཀྱི་འཇིག་རྟེན་གྱི་བཟའ་བ་དང༌། བཏུང་བ་དང༌། འབྲས་བུ་དང༌། སྨན་ལ་སོགས་པ་མཐུ་ཆུང་བ་དང༌། ཉམས་པ་དང༌། རྣམ་པར་སྨིན་པ་དང༌། མཐུ་སྟོབས་ཆུང་བ་དང༌། འཇུ་དཀའ་ཞིང་ནད་སྐྱེད་པར་བྱེད་ལ། དེས་སེམས་ཅན་ཕལ་ཆེར་ཚེ་མ་ཟད་པ་བཞིན་དུ་དུས་མ་ཡིན་པར་འཆི་བའི་དུས་བྱེད་པར་འགྱུར་བ་དེ་ནི་སྲོང་གཅོད་པའི་དབང་གི་འབྲས་བུ་ཞེས་བྱའོ། །དེ་ལ་དེ་ལས་གཞན་པའི་ལས་ཀྱི་ལམ་རྣམས་ཀྱི་རྣམ་པར་སྨིན་པའི་འབྲས་བུ་དང༌། རྒྱུ་མཐུན་པའི་འབྲས་བུ་ནི་མདོ་ལས་ཇི་སྐད་གསུངས་པ་བཞིན་དུ་བལྟ་བར་བྱའོ། །

bam po bco lnga pa/ de la srog gcod pa kun tu bsten cing goms par byas lan mang du byas pas sems can dmyal ba rnams su skye ba de ni srog gcod pa'i rnam par smin pa'i 'bras bu zhes bya'o/ /gal te de nas shi 'phos nas 'dir mi rnams dang skal ba mnyam par skyes na yang tshe thung bar 'gyur ba de ni srog gcod pa'i rgyu mthun pa'i 'bras bu zhes bya'o/ /phyi rol gyi snod kyi 'jig rten gyi bza' ba dang/ btung ba dang/ 'bras bu dang/ sman la sogs pa mthu chung ba dang/ nyams pa dang/ rnam par smin pa dang/ mthu stobs chung ba dang/ 'ju dka' zhing nad skyed par byed la/ des sems can phal cher tshe ma zad pa bzhin du dus ma yin par 'chi ba'i dus byed par 'gyur ba de ni srong gcod pa'i dbang gi 'bras bu zhes bya'o/ /de la de las gzhan pa'i las kyi lam rnams kyi rnam par smin pa'i 'bras bu dang/ rgyu mthun pa'i 'bras bu ni mdo las ji skad gsungs pa bzhin du blta bar bya'o/ /

【I2 就九業但辨增上果】

དབང་གི་འབྲས་བུ་ནི་བཤད་པར་བྱ་སྟེ། དེ་ལ་མ་བྱིན་པར་ལེན་པའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་འབྲས་བུ་ཉུང་བ་དང༌། འབྲས་བུ་མི་གྲུང་བ་དང༌། འབྲས་བུ་རུལ་བ་དང༌། འབྲས་བུ་ལོད་པ་དང༌། ཐན་པ་ཆེ་བ་དང༌། ཆར་ཆེས་པ་དང༌། འབྲས་བུ་སྐམ་པོ་དང༌། འབྲས་བུ་མེད་པར་འགྱུར་རོ། །འདོད་པ་ལ་ལོག་པར་གཡེམ་པའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་བཤང་བ་དང༌། གཅི་བ་དང༌། འདམ་རྫབ་དང༌། ལྗན་ལྗིན་མང་བ་དང༌། མི་གཙང་བ་མང་བ་དང༌། དྲི་ང་བ་མང་བ་དང༌། དོག་པ་དང༌། ཉམ་ང་བ་མང་བ་དང༌། རྫས་མི་གཙང་ཞིང་དྲི་ང་བ་མང་དུ་འབྱུང་བ་དང༌། ཉམས་མི་དགའ་བར་འགྱུར་རོ། །བརྫུན་དུ་སྨྲ་བའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་ཞིང་ལས་དང༌། གྲུ་སྤྱོད་པའི་ལས་ཀྱི་མཐའ་རྒྱས་པར་མི་འགྱུར་བ་དང༌། མཐུན་པར་མི་འགྱུར་ཞིང༌། ཕལ་ཆེར་སླུ་བ་དང༌། འཇིགས་པ་དང༌། འཇིགས་སུ་རུང་བའི་རྒྱུ་མང་པོ་དང་ལྡན་པར་འགྱུར་རོ། །ཕྲ་མའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་ས་ཕྱོགས་འབར་འབུར་དང༌། ལྕང་ལྕོང་དང༌། མཐོ་དམན་དང༌། བགྲོད་དཀའ་བ་དང་ལྡན་ཞིང་འཇིགས་པ་དང༌། འཇིགས་སུ་རུང་བའི་རྒྱུ་མང་པོ་དང་ལྡན་པར་འགྱུར་རོ། །ངག་རྩུབ་པོའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་ས་ཕྱོགས་སྡོང་དུམ་དང༌། ཚེར་མའི་གཞི་དང༌། རྡོ་བ་དང་གསེག་མ་དང༌། གྱོ་མོ་མང་བ་དང༌། རྩུབ་པ་དང༌། མདངས་མི་སྣུམ་པ་དང༌། འབབ་ཆུ་དང༌། མཚོ་དང༌། ལྟེང་ཀ་མེད་པ་དང༌། སྐམ་པ་དང༌། ཚ་སྒོ་དང༌། དགོན་དུང་དང༌། ཐ་ཆད་དང༌། སྡིག་པ་ཅན་གྱི་ས་གཞི་དང་ལྡན་ཞིང་འཇིགས་པ་དང༌། འཇིགས་སུ་རུང་བའི་རྒྱུ་མང་པོ་དང་ལྡན་པར་འགྱུར་རོ། །ཚིག་ཀྱལ་པའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་འབྲས་བུའི་ཤིང་ལྗོན་པ་རྣམས་ལ་འབྲས་བུ་མི་འཆགས་པ་དང༌། དུས་མ་ཡིན་པར་འབྲས་བུ་འཆགས་པ་དང༌། དུས་སུ་འབྲས་བུ་མི་འཆགས་པ་དང༌། མ་སྨིན་པར་སྨིན་པ་འདྲ་བར་སྣང་བ་དང༌། རྩ་བ་མི་བརྟན་པ་དང༌། ཡུན་རིང་དུ་མི་གནས་པ་དང༌། ཀུན་དགའ་ར་བ་ཉམས་དགའ་བ་དང༌། ནགས་ཚལ་ཉམས་དགའ་བ་དང༌། རྫིང་བུ་ཉམས་དགའ་བ་མི་མང་བ་དང༌། འཇིགས་པ་དང༌། འཇིགས་སུ་རུང་བའི་རྒྱུ་མང་པོ་དང་ལྡན་པར་འགྱུར་རོ། །བརྣབ་སེམས་ཀྱི་དབང་གི་འབྲས་བུས་ནི། སྣོད་ཀྱི་འཇིག་རྟེན་ན་ཕུན་སུམ་ཚོགས་པ་ཐམས་ཅད་ལོ་རེ་རེ་དང་དུས་ཚིགས་རེ་རེ་དང༌། ཟླ་བ་དང༌། ཟླ་བ་ཕྱེད་དང༌། མཚན་མོ་དང༌། ཉིན་མ་རེ་རེ་ཞིང་ཡང་ཉམས་པ་དང༌། འབྲི་བར་འགྱུར་ཞིང༌། དེ་དག་མེད་པར་སྣང་གི་འཕེལ་བར་ནི་མ་ཡིན་ནོ། །གནོད་སེམས་ཀྱི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་ཡམས་ཀྱི་ནད་མང་བ་དང༌། གནོད་པ་མང་བ་དང༌། འགོ་བའི་ནད་མང་བ་དང༌། འཁྲུག་པ་མང་བ་དང༌། ཕ་རོལ་གྱི་དམག་ཚོགས་ལས་གྱུར་པའི་འཁྲུག་ལོང་གི་འཇིགས་པ་མང་བ་དང༌། སེང་གེ་དང༌། སྟག་ལ་སོགས་པ་གཅན་གཟན་གནོད་པ་བྱེད་པ་མང་བ་དང༌། སྦྲུལ་གདུག་པ་དང༌། སྦྲུལ་དང༌། སྡིག་པ་དང༌། སྲིན་གྱི་སྡེ་མང་བ་དང༌། གནོད་སྦྱིན་གདུག་པ་དང༌། རྐུན་པོ་ལ་སོགས་པ་མང་བར་འགྱུར་རོ། །ལོག་པར་ལྟ་བའི་དབང་གི་འབྲས་བུས་ནི་སྣོད་ཀྱི་འཇིག་རྟེན་ན་འབྱུང་ཁུང་མཆོག་དང༌། གཙོ་བོ་དང༌། ཁྱད་པར་དུ་འཕགས་པ་གང་ཡིན་པ་དེ་ནུབ་པར་འགྱུར་བ་དང༌། དངོས་པོ་མི་གཙང་བ་དག་མཆོག་ཏུ་གཙང་བར་སྣང་བ་དང༌། སྡུག་བསྔལ་བར་གྱུར་པ་དག་མཆོག་ཏུ་བདེ་བར་སྣང་བ་དང༌། གནས་མེད་པ་དང༌། སྐྱོབ་པ་མེད་པ་དང༌། སྐྱབས་མེད་པར་འགྱུར་རོ། །

dbang gi 'bras bu ni bshad par bya ste/ de la ma byin par len pa'i dbang gi 'bras bus ni snod kyi 'jig rten na 'bras bu nyung ba dang/ 'bras bu mi grung ba dang/ 'bras bu rul ba dang/ 'bras bu lod pa dang/ than pa che ba dang/ char ches pa dang/ 'bras bu skam po dang/ 'bras bu med par 'gyur ro/ /'dod pa la log par g.yem pa'i dbang gi 'bras bus ni snod kyi 'jig rten na bshang ba dang/ gci ba dang/ 'dam rdzab dang/ ljan ljin mang ba dang/ mi gtsang ba mang ba dang/ dri nga ba mang ba dang/ dog pa dang/ nyam nga ba mang ba dang/ rdzas mi gtsang zhing dri nga ba mang du 'byung ba dang/ nyams mi dga' bar 'gyur ro/ /brdzun du smra ba'i dbang gi 'bras bus ni snod kyi 'jig rten na zhing las dang/ gru spyod pa'i las kyi mtha' rgyas par mi 'gyur ba dang/ mthun par mi 'gyur zhing/ phal cher slu ba dang/ 'jigs pa dang/ 'jigs su rung ba'i rgyu mang po dang ldan par 'gyur ro/ /phra ma'i dbang gi 'bras bus ni snod kyi 'jig rten na sa phyogs 'bar 'bur dang/ lcang lcong dang/ mtho dman dang/ bgrod dka' ba dang ldan zhing 'jigs pa dang/ 'jigs su rung ba'i rgyu mang po dang ldan par 'gyur ro/ /ngag rtsub po'i dbang gi 'bras bus ni snod kyi 'jig rten na sa phyogs sdong dum dang/ tsher ma'i gzhi dang/ rdo ba dang gseg ma dang/ gyo mo mang ba dang/ rtsub pa dang/ mdangs mi snum pa dang/ 'bab chu dang/ mtsho dang/ lteng ka med pa dang/ skam pa dang/ tsha sgo dang/ dgon dung dang/ tha chad dang/ sdig pa can gyi sa gzhi dang ldan zhing 'jigs pa dang/ 'jigs su rung ba'i rgyu mang po dang ldan par 'gyur ro/ /tshig kyal pa'i dbang gi 'bras bus ni snod kyi 'jig rten na 'bras bu'i shing ljon pa rnams la 'bras bu mi 'chags pa dang/ dus ma yin par 'bras bu 'chags pa dang/ dus su 'bras bu mi 'chags pa dang/ ma smin par smin pa 'dra bar snang ba dang/ rtsa ba mi brtan pa dang/ yun ring du mi gnas pa dang/ kun dga' ra ba nyams dga' ba dang/ nags tshal nyams dga' ba dang/ rdzing bu nyams dga' ba mi mang ba dang/ 'jigs pa dang/ 'jigs su rung ba'i rgyu mang po dang ldan par 'gyur ro/ /brnab sems kyi dbang gi 'bras bus ni/ snod kyi 'jig rten na phun sum tshogs pa thams cad lo re re dang dus tshigs re re dang/ zla ba dang/ zla ba phyed dang/ mtshan mo dang/ nyin ma re re zhing yang nyams pa dang/ 'bri bar 'gyur zhing/ de dag med par snang gi 'phel bar ni ma yin no/ /gnod sems kyi dbang gi 'bras bus ni snod kyi 'jig rten na yams kyi nad mang ba dang/ gnod pa mang ba dang/ 'go ba'i nad mang ba dang/ 'khrug pa mang ba dang/ pha rol gyi dmag tshogs las gyur pa'i 'khrug long gi 'jigs pa mang ba dang/ seng ge dang/ stag la sogs pa gcan gzan gnod pa byed pa mang ba dang/ sbrul gdug pa dang/ sbrul dang/ sdig pa dang/ srin gyi sde mang ba dang/ gnod sbyin gdug pa dang/ rkun po la sogs pa mang bar 'gyur ro/ /log par lta ba'i dbang gi 'bras bus ni snod kyi 'jig rten na 'byung khung mchog dang/ gtso bo dang/ khyad par du 'phags pa gang yin pa de nub par 'gyur ba dang/ dngos po mi gtsang ba dag mchog tu gtsang bar snang ba dang/ sdug bsngal bar gyur pa dag mchog tu bde bar snang ba dang/ gnas med pa dang/ skyob pa med pa dang/ skyabs med par 'gyur ro/ /

【H8 解引果生門】【I1 問】

བཅོམ་ལྡན་འདས་ཀྱིས་སྲོག་གཅོད་པ་ནས་དེ་བཞིན་དུ་ལོག་པར་ལྟ་བའི་བར་ནི་རྣམ་པ་གསུམ་སྟེ། ཆགས་པ་ལས་བྱུང་བ་དང༌། ཞེ་སྡང་ལས་བྱུང་བ་དང༌། གཏི་མུག་ལས་བྱུང་བའོ་ཞེས་གསུངས་པ་དེ་ལ་ཆགས་པ་དང༌། ཞེ་སྡང་བ་དང་གཏི་མུག་ལས་བྱུང་བའི་སྲོག་གཅོད་པ་ལ་སོགས་པའི་རབ་ཏུ་དབྱེ་བ་གང་ཞེ་ན།

bcom ldan 'das kyis srog gcod pa nas de bzhin du log par lta ba'i bar ni rnam pa gsum ste/ chags pa las byung ba dang/ zhe sdang las byung ba dang/ gti mug las byung ba'o zhes gsungs pa de la chags pa dang/ zhe sdang ba dang gti mug las byung ba'i srog gcod pa la sogs pa'i rab tu dbye ba gang zhe na/

【I2 答】【J1 殺生業】

གལ་ཏེ་ཤ་ལ་སོགས་པ་འདོད་པས་གསོད་པར་བྱེད་པ་ནི་ཆགས་པ་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །གལ་ཏེ་གསད་ནས་དེ་ལ་ཡོད་པའི་རྫས་དག་དབྲོག་པར་བྱའོ་སྙམ་པ། དེ་ལྟ་བུའི་སེམས་དང་ལྡན་པ་དང༌། གལ་ཏེ་གཞན་དག་གིས་རྔན་པ་བྱིན་པ་དང༌། གལ་ཏེ་ཕན་བཏགས་པ་ལ་ལན་དུ་ཕན་གདགས་པ་འདོད་པ་དང༌། གལ་ཏེ་མཛའ་བཤེས་ཀྱིས་ཡོངས་སུ་ཟིན་པར་འགྱུར་རོ་སྙམ་པ་དང༌། གལ་ཏེ་རྗེ་དཔོན་གྱི་ཟས་དང༌། གོས་བདག་གིར་བྱས་ནས་དེའི་ཚིག་གིས་གསོད་པར་བྱེད་པ་ཡང་ཆགས་པ་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །གལ་ཏེ་འདི་ནི་བདག་ལ་མི་རྙེད་པ་ཉེ་བར་བསྒྲུབ་པ་ཡིན་ནོ་སྙམ་པ་དང༌། འདི་ནི་བདག་གི་རྙེད་པའི་བར་ཆད་བྱེད་པ་ཡིན་ནོ་སྙམ་ནས། གསོད་པར་བྱེད་པ་དང༌། མི་རྙེད་པ་དང༌། རྙེད་པ་ལ་ཇི་ལྟ་བ་དེ་བཞིན་དུ་མི་སྙན་པ་དང༌། སྙན་པ་དང༌། སྨད་པ་དང་། བསྟོད་པ་དང༌། སྡུག་བསྔལ་བ་དང༌། བདེ་བ་ལ་ཡང་ཅི་རིགས་པར་བལྟ་བར་བྱ་སྟེ། ཐམས་ཅད་ཀྱང་ཆགས་པ་ལས་བྱུང་བའི་སྲོག་གཅོད་པ་ཡིན་པར་བལྟ་བར་བྱའོ། །གལ་ཏེ་འདི་ནི་བདག་ལ་གནོད་པ་བྱེད་པར་འདོད་པ་ཡིན་ནོ་སྙམ་ནས་གསོད་པར་བྱེད་པ་ནི་ཞེ་སྡང་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །གལ་ཏེ་བདག་ལ་གནོད་པ་བྱེད་པ་རྗེས་སུ་དྲན་ནམ། གལ་ཏེ་བདག་ལ་གནོད་པ་བྱེད་པར་འགྱུར་དུ་དོགས་སམ། གལ་ཏེ་བདག་ལ་གནོད་པ་བྱེད་པར་མཐོང་ངམ། དེ་བཞིན་དུ་རྒྱས་པར་ཀུན་ནས་མནར་སེམས་ཀྱི་དངོས་པོ་དགུའི་བར་ལ་སྔ་མ་བཞིན་དུ་རིག་པར་བྱ་སྟེ། ཐམས་ཅད་ཀྱང་ཞེ་སྡང་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །གལ་ཏེ་ཆོས་ཀྱི་ཕྱིར་གསོད་པར་བྱེད་དེ། འདི་དང་བདག་ནི་སྲོག་ཆགས་ཡིན་ལ། གཞན་དག་ཀྱང་དེ་ལ་ཀུན་ཏུ་དགའ་བར་བྱེད་པ་ཡིན་པས། གཞི་དེས་ལུས་ཞིག་ནས་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་རོ་སྙམ་ནས། གསོད་པར་བྱེད་པ་ནི་གཏི་མུག་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །གལ་ཏེ་བླ་མ་རྣམས་ཀྱི་དོན་དུ་གསོད་པར་བྱེད་པ་གང་ཡིན་པ་དེ་ནི་ཆོས་དང་ལེགས་པར་ལྡན་པ་ཡིན་ནོ་སྙམ་པ་དེ་ལྟ་བུའི་སེམས་ཀྱིས་གསོད་པར་བྱེད་པ་དང༌། གལ་ཏེ་རིག་བྱེད་རྣམས་དང་ཚངས་པ་དང༌། སྐྱེ་དགུའི་བདག་པོ་ལ་སྨོད་པ་དང་བྲམ་ཟེ་རྣམས་ལ་གཤེ་བ་གསོད་པར་བྱེད་པ་གང་ཡིན་པ་དེ་ནི་ཆོས་དང་ལེགས་པར་ལྡན་པ་ཡིན་ནོ་སྙམ་པ་དེ་ལྟ་བུའི་སེམས་ཀྱིས་གསོད་པར་བྱེད་པ་ཡང་གཏི་མུག་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །གལ་ཏེ་སྲོག་གཅོད་པ་བྱས་ཤིང་བསགས་པ་ལ་རྣམ་པར་སྨིན་པ་མེད་དོ་ཞེས་གཞན་དག་ལ་སྟོན་པར་བྱེད་ཅིང༌། སྲོག་གཅོད་པ་ཡང་དག་པར་འཛིན་དུ་བཅུག་ནས་གཞན་དག་ཀྱང་དེས་ཡང་དག་པར་འཛིན་དུ་བཅུག་པས་གསོད་པར་བྱེད་ན་ཡང་དག་པར་འཛིན་དུ་འཇུག་པ་དེ་ནི་གཏི་མུག་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱ་སྟེ། དེ་ལྟར་གཏི་མུག་ལས་བྱུང་བའི་སྲོག་གཅོད་པ་ཇི་སྐད་བསྟན་པ་ཐ་མ་དེ་ནི་དེ་ལས་གཞན་པའི་ལས་ཀྱི་ལམ་ལོག་པར་ལྟ་བའི་མཐར་ཐུག་པའི་བར་ཐམས་ཅད་ལ་ཡང་དེ་ཁོ་ན་བཞིན་དུ་བལྟ་བར་བྱའོ། །གལ་ཏེ་ཕ་མའམ། མཛའ་བཤེས་སམ། ཉེ་དུ་དག་མེར་གཞུག་པའམ། ཟས་བཅད་པའམ། མྱ་ངན་དང༌། གཡང་ས་ལ་སོགས་པས་བྲལ་བར་བྱས་ནས་ཆོས་སུ་འགྱུར་རོ་སྙམ་ནས་གསོད་པར་བྱེད་པ་ཡང་གཏི་མུག་ལས་བྱུང་བའི་སྲོག་གཅོད་པ་ཡིན་པར་བརྗོད་པར་བྱའོ། །

gal te sha la sogs pa 'dod pas gsod par byed pa ni chags pa las byung ba'i srog gcod pa yin par brjod par bya'o/ /gal te gsad nas de la yod pa'i rdzas dag dbrog par bya'o snyam pa/ de lta bu'i sems dang ldan pa dang/ gal te gzhan dag gis rngan pa byin pa dang/ gal te phan btags pa la lan du phan gdags pa 'dod pa dang/ gal te mdza' bshes kyis yongs su zin par 'gyur ro snyam pa dang/ gal te rje dpon gyi zas dang/ gos bdag gir byas nas de'i tshig gis gsod par byed pa yang chags pa las byung ba'i srog gcod pa yin par brjod par bya'o/ /gal te 'di ni bdag la mi rnyed pa nye bar bsgrub pa yin no snyam pa dang/ 'di ni bdag gi rnyed pa'i bar chad byed pa yin no snyam nas/ gsod par byed pa dang/ mi rnyed pa dang/ rnyed pa la ji lta ba de bzhin du mi snyan pa dang/ snyan pa dang/ smad pa dang / bstod pa dang/ sdug bsngal ba dang/ bde ba la yang ci rigs par blta bar bya ste/ thams cad kyang chags pa las byung ba'i srog gcod pa yin par blta bar bya'o/ /gal te 'di ni bdag la gnod pa byed par 'dod pa yin no snyam nas gsod par byed pa ni zhe sdang las byung ba'i srog gcod pa yin par brjod par bya'o/ /gal te bdag la gnod pa byed pa rjes su dran nam/ gal te bdag la gnod pa byed par 'gyur du dogs sam/ gal te bdag la gnod pa byed par mthong ngam/ de bzhin du rgyas par kun nas mnar sems kyi dngos po dgu'i bar la snga ma bzhin du rig par bya ste/ thams cad kyang zhe sdang las byung ba'i srog gcod pa yin par brjod par bya'o/ /gal te chos kyi phyir gsod par byed de/ 'di dang bdag ni srog chags yin la/ gzhan dag kyang de la kun tu dga' bar byed pa yin pas/ gzhi des lus zhig nas mtho ris kyi 'jig rten du skye bar 'gyur ro snyam nas/ gsod par byed pa ni gti mug las byung ba'i srog gcod pa yin par brjod par bya'o/ /gal te bla ma rnams kyi don du gsod par byed pa gang yin pa de ni chos dang legs par ldan pa yin no snyam pa de lta bu'i sems kyis gsod par byed pa dang/ gal te rig byed rnams dang tshangs pa dang/ skye dgu'i bdag po la smod pa dang bram ze rnams la gshe ba gsod par byed pa gang yin pa de ni chos dang legs par ldan pa yin no snyam pa de lta bu'i sems kyis gsod par byed pa yang gti mug las byung ba'i srog gcod pa yin par brjod par bya'o/ /gal te srog gcod pa byas shing bsags pa la rnam par smin pa med do zhes gzhan dag la ston par byed cing/ srog gcod pa yang dag par 'dzin du bcug nas gzhan dag kyang des yang dag par 'dzin du bcug pas gsod par byed na yang dag par 'dzin du 'jug pa de ni gti mug las byung ba'i srog gcod pa yin par brjod par bya ste/ de ltar gti mug las byung ba'i srog gcod pa ji skad bstan pa tha ma de ni de las gzhan pa'i las kyi lam log par lta ba'i mthar thug pa'i bar thams cad la yang de kho na bzhin du blta bar bya'o/ /gal te pha ma'am/ mdza' bshes sam/ nye du dag mer gzhug pa'am/ zas bcad pa'am/ mya ngan dang/ g.yang sa la sogs pas bral bar byas nas chos su 'gyur ro snyam nas gsod par byed pa yang gti mug las byung ba'i srog gcod pa yin par brjod par bya'o/ /

【J2 偷盜業】

གལ་ཏེ་གཞན་གྱི་ནོར་ལ་མངོན་པར་ཆུམས་པ་དང་ལྡན་པས་འཕྲོག་པར་བྱེད་པ་ནི་ཆགས་པ་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ། །གལ་ཏེ་གཞན་དག་གིས་རྔན་པ་བྱིན་ཏེ་འཕྲོག་པར་བྱེད་དམ། གལ་ཏེ་ཕན་བཏགས་པས་ཡོངས་སུ་ཟིན་པར་བྱ་བའི་ཕྱིར་རམ། གལ་ཏེ་ཕྱིས་ཕན་འདོགས་སུ་རེ་བའམ། གལ་ཏེ་རྗེ་དཔོན་གྱི་ཟས་དང༌། གོས་བདག་གིར་བྱས་ནས། དེའི་ཚིག་གིས་སམ༑ གལ་ཏེ་སྙན་པར་འདོད་པའམ། བསྟོད་པ་འདོད་པའམ། བདེ་བ་འདོད་པས་འཕྲོག་པར་བྱེད་ན་ཡང་ཐམས་ཅད་ཆགས་པ་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ། །གལ་ཏེ་འདི་ནི་བདག་ལ་གནོད་པ་བྱེད་པར་འདོད་པ་ཡིན་ནོ་སྙམ་པ་ནས་རྒྱས་པར་ཀུན་ནས་མནར་སེམས་ཀྱི་དངོས་པོ་དགུའི་དབང་དུ་བྱས་ནས་འཕྲོག་པར་བྱེད་ན་དངོས་པོ་དེ་ལ་གདོན་མི་ཟ་བར་ཆུམས་པ་ཡང་མེད་ལ། གདོན་མི་ཟ་བར་དོན་དུ་གཉེར་བ་ཡང་མེད་པས་གཞི་དེས་ན་ཞེ་སྡང་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ། །གལ་ཏེ་གཞན་ལ་ཞེ་སྡང་བས་གྲོང་སྲེག་པར་བྱེད་དམ། ཁང་ཁྱིམ་སྲེག་པར་བྱེད་དམ༑ ཚོང་ཁང་སྲེག་པར་བྱེད་དམ། སྣོད་སྤྱད་དང་ཡོ་བྱད་སྲེག་པར་བྱེད་པ་ནི་ཞེ་སྡང་ལས་བྱུང་བའི་མ་བྱིན་པར་ལེན་པ་དང་འདྲ་བའམ་ཆེས་ལྷག་པའི་ཁ་ན་མ་ཐོ་བས་རེག་པར་འགྱུར་རོ། །གལ་ཏེ་གཞན་ལ་རབ་ཏུ་ཞེ་སྡང་བས་གཞན་གྱི་རྫས་འཕྲོག་པའི་ཕྱིར་གཞན་དག་སྤད་ནས། དེ་དག་གིས་ཀྱང་དེའི་ཚིག་གིས་འཕྲོག་པར་བྱེད་པ་ཡང་ཞེ་སྡང་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ། །གལ་ཏེ་འདི་ལྟ་བུའི་སེམས་ཀྱིས་འཕྲོག་པར་བྱེད་དེ་བླ་མ་རྣམས་ཀྱི་དོན་དུ་འཕྲོག་པར་བྱེད་པ་གང་ཡིན་པ་དེ་ལ་ནི་ཆོས་སུ་འགྱུར་རོ་སྙམ་ནས་འཕྲོག་པར་བྱེད་པ་ནི་གཏི་མུག་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ༑ །གལ་ཏེ་འདི་ལྟ་བུའི་སེམས་ཀྱིས་འཕྲོག་པར་བྱེད་དེ། རིག་བྱེད་རྣམས་དང༌། ཚངས་པ་དང༌། སྐྱེ་དགུའི་བདག་པོ་ལ་སྨོད་པ་ལས་འཕྲོག་པར་བྱེད་པ་དང༌། བྲམ་ཟེ་རྣམས་ལ་གཤེ་བ་ལས་འཕྲོག་པར་བྱེད་པ་གང་ཡིན་པ་དེ་ལ་ནི་ཆོས་སུ་འགྱུར་རོ་སྙམ་ནས་འཕྲོག་པར་བྱེད་པ་ཡང་གཏི་མུག་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ། །གལ་ཏེ་འདི་ལྟ་བུའི་སེམས་ཀྱིས་འཕྲོག་པར་བྱེད་དེ། མཆོད་སྦྱིན་གྱི་དོན་དུ་མཆོད་སྦྱིན་གྱི་རྒྱུ་དང༌། མཆོད་སྦྱིན་གྱི་ཡོ་བྱད་དག་འཕྲོག་པར་བྱེད་པ་གང་ཡིན་པ་དེ་ལ་ནི་ཆོས་སུ་འགྱུར་རོ་སྙམ་ནས་འཕྲོག་པར་བྱེད་པ་ཡང་གཏི་མུག་ལས་བྱུང་བའི་མ་བྱིན་པར་ལེན་པ་ཡིན་པར་བརྗོད་པར་བྱའོ། །

gal te gzhan gyi nor la mngon par chums pa dang ldan pas 'phrog par byed pa ni chags pa las byung ba'i ma byin par len pa yin par brjod par bya'o/ /gal te gzhan dag gis rngan pa byin te 'phrog par byed dam/ gal te phan btags pas yongs su zin par bya ba'i phyir ram/ gal te phyis phan 'dogs su re ba'am/ gal te rje dpon gyi zas dang/ gos bdag gir byas nas/ de'i tshig gis sam| gal te snyan par 'dod pa'am/ bstod pa 'dod pa'am/ bde ba 'dod pas 'phrog par byed na yang thams cad chags pa las byung ba'i ma byin par len pa yin par brjod par bya'o/ /gal te 'di ni bdag la gnod pa byed par 'dod pa yin no snyam pa nas rgyas par kun nas mnar sems kyi dngos po dgu'i dbang du byas nas 'phrog par byed na dngos po de la gdon mi za bar chums pa yang med la/ gdon mi za bar don du gnyer ba yang med pas gzhi des na zhe sdang las byung ba'i ma byin par len pa yin par brjod par bya'o/ /gal te gzhan la zhe sdang bas grong sreg par byed dam/ khang khyim sreg par byed dam| tshong khang sreg par byed dam/ snod spyad dang yo byad sreg par byed pa ni zhe sdang las byung ba'i ma byin par len pa dang 'dra ba'am ches lhag pa'i kha na ma tho bas reg par 'gyur ro/ /gal te gzhan la rab tu zhe sdang bas gzhan gyi rdzas 'phrog pa'i phyir gzhan dag spad nas/ de dag gis kyang de'i tshig gis 'phrog par byed pa yang zhe sdang las byung ba'i ma byin par len pa yin par brjod par bya'o/ /gal te 'di lta bu'i sems kyis 'phrog par byed de bla ma rnams kyi don du 'phrog par byed pa gang yin pa de la ni chos su 'gyur ro snyam nas 'phrog par byed pa ni gti mug las byung ba'i ma byin par len pa yin par brjod par bya'o| /gal te 'di lta bu'i sems kyis 'phrog par byed de/ rig byed rnams dang/ tshangs pa dang/ skye dgu'i bdag po la smod pa las 'phrog par byed pa dang/ bram ze rnams la gshe ba las 'phrog par byed pa gang yin pa de la ni chos su 'gyur ro snyam nas 'phrog par byed pa yang gti mug las byung ba'i ma byin par len pa yin par brjod par bya'o/ /gal te 'di lta bu'i sems kyis 'phrog par byed de/ mchod sbyin gyi don du mchod sbyin gyi rgyu dang/ mchod sbyin gyi yo byad dag 'phrog par byed pa gang yin pa de la ni chos su 'gyur ro snyam nas 'phrog par byed pa yang gti mug las byung ba'i ma byin par len pa yin par brjod par bya'o/ /

【J3 邪婬業】

གལ་ཏེ་མཐོང་ངམ་ཐོས་སམ་ཡོངས་སུ་བརྟགས་ནས་ཚུལ་བཞིན་མ་ཡིན་པའི་མཚན་མ་བཟུང་བས་འདོད་ཆགས་ཀྱིས་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ནས་འཇུག་པར་བྱ་བ་མ་ཡིན་པའི་གཞིར་འཇུག་པ་ནི་ཆགས་པ་ལས་བྱུང་བའི་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ༑ །གལ་ཏེ་རྔན་པ་བྱིན་ནས་གཞན་དག་ལ་སྨྱན་བྱས་ཏེ། དེ་ཡང་སྦྱོར་བ་དེས་འཇུག་པར་བྱ་བ་མ་ཡིན་པར་འཇུག་ན་ཡང༌། ཆགས་པ་ལས་བྱུང་བའི་འདོད་པ་ལ་ལོག་པར་གཡེམ་པའི་ཁ་ན་མ་ཐོ་བས་རེག་པར་འགྱུར་རོ། །གལ་ཏེ་མཛའ་བཤེས་སུ་ཡོངས་སུ་གཟུང་བར་འདོད་དམ། གལ་ཏེ་ཕན་བཏགས་པ་ལ་ལན་གླན་པར་འདོད་དམ། གལ་ཏེ་རྗེ་དཔོན་གྱི་ཟས་དང་གོས་བདག་གིར་བྱས་ནས་དེའི་ཚིག་གིས་སམ། གལ་ཏེ་དེ་ལས་འཚོ་བའམ་ནོར་དང་འབྲུ་དང༌། འགྲོན་བུ་དང༌། གསེར་དག་ཐོབ་ཏུ་རེ་བས་འདོད་པ་རྣམས་ལས་ལོག་པར་གཡེམ་པ་ཡང་ཆགས་པ་ལས་བྱུང་བའི་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །གལ་ཏེ་འདི་ནི་བདག་ལ་གནོད་པ་བྱེད་པར་འདོད་པ་ཡིན་ནོ་སྙམ་པ་ནས་རྒྱས་པར་ཀུན་ནས་མནར་སེམས་ཀྱི་དངོས་པོ་དགུའི་བར་ལ་བརྟེན་ནས༑ ཉལ་པོ་བྱེད་ཅིང་དེ་ལ་དང་པོ་ནས་འདོད་པའི་འདོད་ཆགས་ཀྱི་ཀུན་ནས་དཀྲིས་པ་ནི་མེད་མོད་ཀྱི། འོན་ཀྱང་དེ་ལ་གཞི་འདི་མི་མཐུན་པ་ཁོ་ན་ཡིན་པས་དགྲ་བོ་ལ་གནོད་པ་བྱས་པར་འགྱུར་རོ་སྙམ་དུ་སོ་སོར་བརྟགས་ནས་འགྲོ་བར་བྱེད་པ་ནི་ཞེ་སྡང་ལས་བྱུང་བའི་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །གལ་ཏེ་གཞན་ལ་ཞེ་སྡང་བས་གཞན་གྱི་ཆུང་མ་ལ་ལོག་པར་བསྒྲུབ་པའི་ཕྱིར་གཞན་དག་སྦད་ནས་དེ་དག་ཀྱང་དེའི་ཚིག་གིས་འདོད་པ་དེ་དག་ལ་ལོག་པར་གཡེམ་པར་བྱེད་པ་ཡང་ཞེ་སྡང་ལས་བྱུང་བའི་འདོད་པ་ལ་ལོག་པར་གཡེམ་པ་དང་འདྲ་བའམ། ཁྱད་པར་དུ་འཕགས་པའི་ཁ་ན་མ་ཐོ་བས་རེག་པར་འགྱུར་རོ། །གལ་ཏེ་འདི་ལྟ་བུའི་སེམས་ཀྱིས་ཉལ་པོ་བྱེད་དེ། མ་དང་འབྲེལ་པའམ། ཕ་དང་འབྲེལ་པའམ། གཞན་གྱི་བུད་མེད་ཀྱི་གན་དུ་མི་རིགས་པ་བསྐྱེད་པས་བརྔོད་པ་ན། ཉལ་པོ་མི་བྱེད་པ་གང་ཡིན་པ་དེ་ནི་བསོད་ནམས་མ་ཡིན་པ་ཆེན་པོས་གོས་པར་འགྱུར་ལ། ཉལ་པོ་བྱེད་པ་ནི་བསོད་ནམས་ཆེན་པོ་དང་ལྡན་པར་འགྱུར་རོ་སྙམ་ནས་ཆོས་མ་ཡིན་པས་འཇིགས་ཤིང་ཆོས་ལ་གུས་པས་ཉལ་པོ་བྱེད་པ་ནི་གཏི་མུག་ལས་བྱུང་བའི་འདོད་པ་ལ་ལོག་པར་གཡེམ་པ་ཡིན་པར་བརྗོད་པར་བྱའོ། །

gal te mthong ngam thos sam yongs su brtags nas tshul bzhin ma yin pa'i mtshan ma bzung bas 'dod chags kyis kun nas dkris pas kun nas dkris par gyur nas 'jug par bya ba ma yin pa'i gzhir 'jug pa ni chags pa las byung ba'i 'dod pa la log par g.yem pa yin par brjod par bya'o| /gal te rngan pa byin nas gzhan dag la smyan byas te/ de yang sbyor ba des 'jug par bya ba ma yin par 'jug na yang/ chags pa las byung ba'i 'dod pa la log par g.yem pa'i kha na ma tho bas reg par 'gyur ro/ /gal te mdza' bshes su yongs su gzung bar 'dod dam/ gal te phan btags pa la lan glan par 'dod dam/ gal te rje dpon gyi zas dang gos bdag gir byas nas de'i tshig gis sam/ gal te de las 'tsho ba'am nor dang 'bru dang/ 'gron bu dang/ gser dag thob tu re bas 'dod pa rnams las log par g.yem pa yang chags pa las byung ba'i 'dod pa la log par g.yem pa yin par brjod par bya'o/ /gal te 'di ni bdag la gnod pa byed par 'dod pa yin no snyam pa nas rgyas par kun nas mnar sems kyi dngos po dgu'i bar la brten nas| nyal po byed cing de la dang po nas 'dod pa'i 'dod chags kyi kun nas dkris pa ni med mod kyi/ 'on kyang de la gzhi 'di mi mthun pa kho na yin pas dgra bo la gnod pa byas par 'gyur ro snyam du so sor brtags nas 'gro bar byed pa ni zhe sdang las byung ba'i 'dod pa la log par g.yem pa yin par brjod par bya'o/ /gal te gzhan la zhe sdang bas gzhan gyi chung ma la log par bsgrub pa'i phyir gzhan dag sbad nas de dag kyang de'i tshig gis 'dod pa de dag la log par g.yem par byed pa yang zhe sdang las byung ba'i 'dod pa la log par g.yem pa dang 'dra ba'am/ khyad par du 'phags pa'i kha na ma tho bas reg par 'gyur ro/ /gal te 'di lta bu'i sems kyis nyal po byed de/ ma dang 'brel pa'am/ pha dang 'brel pa'am/ gzhan gyi bud med kyi gan du mi rigs pa bskyed pas brngod pa na/ nyal po mi byed pa gang yin pa de ni bsod nams ma yin pa chen pos gos par 'gyur la/ nyal po byed pa ni bsod nams chen po dang ldan par 'gyur ro snyam nas chos ma yin pas 'jigs shing chos la gus pas nyal po byed pa ni gti mug las byung ba'i 'dod pa la log par g.yem pa yin par brjod par bya'o/ /

【J4 妄語業】

གལ་ཏེ་ཟང་ཟིང་ཅུང་ཟད་ཙམ་གྱི་ཕྱིར་བརྫུན་ཟེར་བ་ནི་ཆགས་པ་ལས་བྱུང་བའི་བརྫུན་དུ་སྨྲ་བ་ཡིན་པར་བརྗོད་པར་བྱའོ། །གལ་ཏེ་བདག་ཕ་རོལ་གྱི་ལོངས་སྤྱོད་དག་ལས་ཉམས་པར་བྱས་ན་མི་རུང་ངོ་སྙམ་ནས་འཇིགས་པས་བརྫུན་ཟེར་བ་ཡང་ཆགས་པ་ལས་བྱུང་བ་ཡིན་པར་བརྗོད་པར་བྱའོ། །གལ་ཏེ་སྙན་པའི་ཕྱིར་རམ། གལ་ཏེ་བསྟོད་པའི་ཕྱིར་རམ། གལ་ཏེ་བདེ་བའི་ཕྱིར་བརྫུན་ཟེར་བ་ཡང་ཆགས་པ་ལས་བྱུང་བའི་བརྫུན་དུ་སྨྲ་བ་ཡིན་པར་བརྗོད་པར་བྱའོ༑ །གལ་ཏེ་ཀུན་ནས་མནར་སེམས་ཀྱི་དངོས་པོ་དགུ་ལ་བརྟེན་ཏེ། བརྫུན་ཟེར་བ་ནི་ཞེ་སྡང་ལས་བྱུང་བ་ཡིན་པར་བརྗོད་པར་བྱའོ། །གལ་ཏེ་བླ་མའི་དོན་ཏམ། བ་ལང་གི་དོན་ཏམ། མཆོད་སྦྱིན་གྱི་ཡོ་བྱད་ཀྱི་དོན་དུ་བརྫུན་ཟེར་བ་ནི་ཆོས་སུ་འགྱུར་རོ་སྙམ་པ་དེ་ལྟ་བུའི་སེམས་ཀྱིས་དེ་དག་གི་དོན་དུ་བརྫུན་ཟེར་བ་ནི་གཏི་མུག་ལས་བྱུང་བའི་བརྫུན་དུ་སྨྲ་བ་ཡིན་པར་བརྗོད་པར་བྱའོ། །གལ་ཏེ་རིག་བྱེད་ཀྱི་མི་མཐུན་པའི་ཕྱོགས་དང༌། ཚངས་པ་དང་སྐྱེ་དགུའི་བདག་པོའི་མི་མཐུན་པའི་ཕྱོགས་ཀྱི་དགེ་སྦྱོང་དང་བྲམ་ཟེ་དག་ལ་བརྫུན་གྱི་ཚིག་གིས་སླུ་བར་བྱེད་པ་ནི་ཆོས་སུ་འགྱུར་རོ་སྙམ་པ་དེ་ལྟ་བུའི་སེམས་ཀྱིས་བརྫུན་གྱི་ཚིག་གིས་སླུ་བར་བྱེད་པ་ཡང་གཏི་མུག་ལས་བྱུང་བའི་བརྫུན་དུ་སྨྲ་བ་ཡིན་པར་བརྗོད་པར་བྱའོ༑ །གལ་ཏེ་ཆོས་ལ་ཡང་ཆོས་སུ་འདུ་ཤེས་འདུལ་བ་ལ་ཡང་འདུལ་བར་འདུ་ཤེས་པ་ལས་འདུ་ཤེས་བསྒྱུར་ཏེ། བརྫུན་གྱི་ཚིག་གིས་དགེ་འདུན་གྱི་དབྱེན་བྱེད་པ་དེ་ལ་ནི་ཆོས་མ་ཡིན་པར་འགྱུར་བ་མེད་དོ་སྙམ་ནས་བརྫུན་ཟེར་བ་ཡང་གཏི་མུག་ལས་བྱུང་བའི་བརྫུན་དུ་སྨྲ་བ་ཡིན་པར་བརྗོད་པར་བྱའོ། །

gal te zang zing cung zad tsam gyi phyir brdzun zer ba ni chags pa las byung ba'i brdzun du smra ba yin par brjod par bya'o/ /gal te bdag pha rol gyi longs spyod dag las nyams par byas na mi rung ngo snyam nas 'jigs pas brdzun zer ba yang chags pa las byung ba yin par brjod par bya'o/ /gal te snyan pa'i phyir ram/ gal te bstod pa'i phyir ram/ gal te bde ba'i phyir brdzun zer ba yang chags pa las byung ba'i brdzun du smra ba yin par brjod par bya'o| /gal te kun nas mnar sems kyi dngos po dgu la brten te/ brdzun zer ba ni zhe sdang las byung ba yin par brjod par bya'o/ /gal te bla ma'i don tam/ ba lang gi don tam/ mchod sbyin gyi yo byad kyi don du brdzun zer ba ni chos su 'gyur ro snyam pa de lta bu'i sems kyis de dag gi don du brdzun zer ba ni gti mug las byung ba'i brdzun du smra ba yin par brjod par bya'o/ /gal te rig byed kyi mi mthun pa'i phyogs dang/ tshangs pa dang skye dgu'i bdag po'i mi mthun pa'i phyogs kyi dge sbyong dang bram ze dag la brdzun gyi tshig gis slu bar byed pa ni chos su 'gyur ro snyam pa de lta bu'i sems kyis brdzun gyi tshig gis slu bar byed pa yang gti mug las byung ba'i brdzun du smra ba yin par brjod par bya'o| /gal te chos la yang chos su 'du shes 'dul ba la yang 'dul bar 'du shes pa las 'du shes bsgyur te/ brdzun gyi tshig gis dge 'dun gyi dbyen byed pa de la ni chos ma yin par 'gyur ba med do snyam nas brdzun zer ba yang gti mug las byung ba'i brdzun du smra ba yin par brjod par bya'o/ /

【J5 兩舌、惡口業】

བརྫུན་དུ་སྨྲ་བ་ཇི་ལྟ་བ་བཞིན་དུ་ཕྲ་མ་དང༌། ངག་རྩུབ་པོ་ཡང་ཅི་རིགས་པར་བལྟ་བར་བྱའོ། །

brdzun du smra ba ji lta ba bzhin du phra ma dang/ ngag rtsub po yang ci rigs par blta bar bya'o/ /

【J6 綺語業】

གལ་ཏེ་དགའ་བ་དང༌། རྩེད་མོའི་ཕྱིར་ཚིག་ཀྱལ་པ་སྨྲ་བ་ནི་ཆགས་པ་ལས་བྱུང་བའི་ཚིག་ཀྱལ་པ་ཡིན་པར་བརྗོད་པར་བྱའོ། །གལ་ཏེ་ཤེས་ཀྱི་ཁེའི་ཕྱིར་རམ། རྙེད་པའི་ཕྱིར་རམ། སྙན་པའི་ཕྱིར་རམ། བསྟོད་པའི་ཕྱིར་རམ། གལ་ཏེ་བདེ་བའི་ཕྱིར་ཚིག་ཀྱལ་པ་སྨྲ་བ་ཡང་ཆགས་པ་ལས་བྱུང་བའི་ཚིག་ཀྱལ་པ་ཡིན་པར་བརྗོད་པར་བྱའོ། །གལ་ཏེ་ཀུན་ནས་མནར་སེམས་ཀྱི་དངོས་པོ་དགུ་ལ་བརྟེན་ཏེ། སྨྲ་བ་ནི་ཞེ་སྡང་ལས་བྱུང་བ་ཡིན་པར་བརྗོད་པར་བྱའོ། །གལ་ཏེ་དེ་ལ་དེ་ཁོ་ནའི་དོན་དང་སྙིང་པོའི་དོན་དང༌། ངེས་པར་འབྱུང་བའི་དོན་དང༌། ཆོས་ཀྱི་དོན་དུ་སེམས་ཤིང་ཚིག་ཀྱལ་པ་སྨྲ་བ་ནི་གཏི་མུག་ལས་བྱུང་བའི་ཚིག་ཀྱལ་པ་ཡིན་པར་བརྗོད་པར་བྱའོ། །

gal te dga' ba dang/ rtsed mo'i phyir tshig kyal pa smra ba ni chags pa las byung ba'i tshig kyal pa yin par brjod par bya'o/ /gal te shes kyi khe'i phyir ram/ rnyed pa'i phyir ram/ snyan pa'i phyir ram/ bstod pa'i phyir ram/ gal te bde ba'i phyir tshig kyal pa smra ba yang chags pa las byung ba'i tshig kyal pa yin par brjod par bya'o/ /gal te kun nas mnar sems kyi dngos po dgu la brten te/ smra ba ni zhe sdang las byung ba yin par brjod par bya'o/ /gal te de la de kho na'i don dang snying po'i don dang/ nges par 'byung ba'i don dang/ chos kyi don du sems shing tshig kyal pa smra ba ni gti mug las byung ba'i tshig kyal pa yin par brjod par bya'o/ /

【J7 貪欲業】

གལ་ཏེ་གཞན་གྱི་ནོར་དག་དང་གཞན་གྱི་ཡོ་བྱད་དག་ལ་སྔོན་མཚན་མར་བཟུང་ནས། གནོད་པ་བྱེད་པ་མ་ཡིན་པའི་སེམས་ཅན་རྣམས་ལས་ཡོ་བྱད་འདོད་པ་ཁོ་ནའི་དབང་དུ་བྱས་ནས་གཞན་དག་གི་གང་ཡིན་པ་དེ་བདག་གིར་གྱུར་ཅིག་སྙམ་པའི་སེམས་སྐྱེད་པར་བྱེད་ཅིང༌། སྡུག་པ་ལས་སྡུག་པར་འཛིན་པ་སྐྱེད་པར་བྱེད་པ་གང་ཡིན་པ་དེ་ནི་ཆགས་པ་ལས་བྱུང་བའི་བརྣབ་སེམས་ཡིན་པར་བརྗོད་པར་བྱའོ། །གལ་ཏེ་གཞན་གྱི་ལོངས་སྤྱོད་ལ། སྡུག་པ་ལས་མཚན་མར་མ་བཟུང་བར་ཀུན་ནས་མནར་སེམས་ཀྱི་དངོས་པོ་དགུའི་དབང་དུ་བྱས་ནས་གཞན་དག་གི་གང་ཡིན་པ་དེ་བདག་གིར་གྱུར་ཅིག་སྙམ་པའི་སེམས་སྐྱེད་པ་དང༌། ཞེ་སྡང་བ་གང་ཡིན་པ་ལ་འདོད་པ་སྐྱེད་པར་བྱེད་པ་ནི་ཞེ་སྡང་ལས་བྱུང་བའི་བརྣབ་སེམས་ཡིན་པར་བརྗོད་པར་བྱའོ། །གལ་ཏེ་ཁྱབ་འཇུག་དང༌། དྲག་པོ་དང༌། བརྒྱ་བྱིན་དང༌། སྐྱེ་དགུའི་བདག་པོའི་འཇིག་རྟེན་དོན་དུ་གཉེར་བ་ལ་གཞོལ་བའི་སེམས་ཀྱིས་མང་དུ་གནས་པ་གང་ཡིན་པ་ནི་དེས་ན་བསོད་ནམས་ཆེན་པོ་དང་ལྡན་པར་འགྱུར་རོ་སྙམ་པ་དེ་ལྟ་བུའི་སེམས་དང་ལྡན་པས་དེ་ལ་གཞོལ་བའི་སེམས་ཀྱིས་མང་དུ་གནས་པ་ནི་གཏི་མུག་ལས་བྱུང་བའི་བརྣབ་སེམས་ཡིན་པར་བརྗོད་པར་བྱའོ། །

gal te gzhan gyi nor dag dang gzhan gyi yo byad dag la sngon mtshan mar bzung nas/ gnod pa byed pa ma yin pa'i sems can rnams las yo byad 'dod pa kho na'i dbang du byas nas gzhan dag gi gang yin pa de bdag gir gyur cig snyam pa'i sems skyed par byed cing/ sdug pa las sdug par 'dzin pa skyed par byed pa gang yin pa de ni chags pa las byung ba'i brnab sems yin par brjod par bya'o/ /gal te gzhan gyi longs spyod la/ sdug pa las mtshan mar ma bzung bar kun nas mnar sems kyi dngos po dgu'i dbang du byas nas gzhan dag gi gang yin pa de bdag gir gyur cig snyam pa'i sems skyed pa dang/ zhe sdang ba gang yin pa la 'dod pa skyed par byed pa ni zhe sdang las byung ba'i brnab sems yin par brjod par bya'o/ /gal te khyab 'jug dang/ drag po dang/ brgya byin dang/ skye dgu'i bdag po'i 'jig rten don du gnyer ba la gzhol ba'i sems kyis mang du gnas pa gang yin pa ni des na bsod nams chen po dang ldan par 'gyur ro snyam pa de lta bu'i sems dang ldan pas de la gzhol ba'i sems kyis mang du gnas pa ni gti mug las byung ba'i brnab sems yin par brjod par bya'o/ /

【J8 瞋慧業】

གལ་ཏེ་རྙེད་པའི་ཕྱིར་རམ། སྙན་པའི་ཕྱིར་རམ། བསྟོད་པའི་ཕྱིར་རམ། བདེ་བའི་ཕྱིར་གཞན་དག་ལ་ཀུན་ནས་མནར་སེམས་སྐྱེད་ཅིང༌། དེ་ལ་འདི་ནི་ཡུན་རིང་པོ་ནས་བདག་གི་དགྲ་བོ་ཡིན་ནོ་སྙམ་དུ་དགྲ་བོའི་འདུ་ཤེས་ནི་མེད་པ་དང༌། སྡུག་པས་ཞེ་སྡང་སྐྱེད་པར་བྱེད་པ་གང་ཡིན་པ་དེ་ནི་ཆགས་པ་ལས་བྱུང་བའི་གནོད་སེམས་ཡིན་པར་བརྗོད་པར་བྱའོ། །ཀུན་ནས་མནར་སེམས་ཀྱི་དངོས་པོ་དགུའི་དབང་དུ་བྱས་ནས་དགྲ་བོའི་འདུ་ཤེས་ཅན་དུ་གྱུར་ནས་ཀུན་ནས་མནར་སེམས་ཀྱི་སེམས་སྐྱེད་པར་བྱེད་པ་ནི་ཞེ་སྡང་ལས་བྱུང་བའི་གནོད་སེམས་ཡིན་པར་བརྗོད་པར་བྱའོ། །གལ་ཏེ་ཆོས་འདི་བ་རྣམས་སམ། དགེ་སྦྱོང་དང་བྲམ་ཟེ་གཞན་དག་གི་ལྟ་བ་ལ་སྨོད་པར་བྱེད་ཅིང་ལྟ་བ་དེ་དག་དང་དེ་ལ་ལྟ་བའི་དགེ་སྦྱོང་དང་བྲམ་ཟེ་དེ་དག་ལ་ཀུན་ནས་མནར་སེམས་ཀྱི་སེམས་སྐྱེད་པར་བྱེད་པ་ནི་གཏི་མུག་ལས་བྱུང་བའི་གནོད་སེམས་ཡིན་པར་བརྗོད་པར་བྱའོ། །

gal te rnyed pa'i phyir ram/ snyan pa'i phyir ram/ bstod pa'i phyir ram/ bde ba'i phyir gzhan dag la kun nas mnar sems skyed cing/ de la 'di ni yun ring po nas bdag gi dgra bo yin no snyam du dgra bo'i 'du shes ni med pa dang/ sdug pas zhe sdang skyed par byed pa gang yin pa de ni chags pa las byung ba'i gnod sems yin par brjod par bya'o/ /kun nas mnar sems kyi dngos po dgu'i dbang du byas nas dgra bo'i 'du shes can du gyur nas kun nas mnar sems kyi sems skyed par byed pa ni zhe sdang las byung ba'i gnod sems yin par brjod par bya'o/ /gal te chos 'di ba rnams sam/ dge sbyong dang bram ze gzhan dag gi lta ba la smod par byed cing lta ba de dag dang de la lta ba'i dge sbyong dang bram ze de dag la kun nas mnar sems kyi sems skyed par byed pa ni gti mug las byung ba'i gnod sems yin par brjod par bya'o/ /

【J9 邪見業】

གལ་ཏེ་གང་འདི་ལྟར་བྱིན་པ་མེད་དོ་ཞེས་བྱ་བ་ལ་སོགས་པར་རྒྱ་ཆེར་ལྟ་བ་དེ་ནི་རྒྱལ་པོ་ལ་སོགས་པས་བསྙེན་བཀུར་བྱ་བ་དང༌། ཆོས་གོས་ལ་སོགས་པ་རྙེད་པར་འགྱུར་བ་ཞིག་ལ་དོན་དེ་ཉིད་ཀྱི་དབང་དུ་བྱས་ནས༑ དེ་ལྟར་ལྟ་བར་བྱེད་པ་ནི་ཆགས་པ་ལས་བྱུང་བའི་ལོག་པར་ལྟ་བ་ཡིན་པར་བརྗོད་པར་བྱའོ། །གལ་ཏེ་བདག་གི་དགྲ་བོ་དག་འདི་ལྟར་ལྟ་སྟེ། འདི་ལྟ་སྟེ། སྦྱིན་པ་ཡོད་དོ། །མཆོད་སྦྱིན་ཡོད་དོ་ཞེས་རྒྱ་ཆེར་ལྟ་བས། བདག་དགྲ་བོ་རྣམས་དང་ལྟ་བ་མཐུན་པ་ནི་བདག་གི་མི་ཆའོ་སྙམ་ནས་དེ་དག་ལ་ཞེ་སྡང་བའི་ཕྱིར་འདི་ལྟར་སྦྱིན་པ་མེད་དོ། །སྡུག་པ་མེད་དོ་ཞེས་རྒྱ་ཆེར་ལྟ་བ་ནི་ཞེ་སྡང་ལས་བྱུང་བའི་ལོག་པར་ལྟ་བ་ཡིན་པར་བརྗོད་པར་བྱའོ། །གལ་ཏེ་རིགས་པ་མ་ཡིན་པས་བསྐྱེད་པའི་རྟོགས་པས་ཆོས་ཚུལ་བཞིན་མ་ཡིན་པར་བསམས་ཤིང་གཞལ་ཏེ་ཉེ་བར་བརྟགས་ནས། དེ་ལྟར་ལྟ་བ་ནི་གཏི་མུག་ལས་བྱུང་བའི་ལོག་པར་ལྟ་བ་ཡིན་པར་བརྗོད་པར་བྱའོ། །

gal te gang 'di ltar byin pa med do zhes bya ba la sogs par rgya cher lta ba de ni rgyal po la sogs pas bsnyen bkur bya ba dang/ chos gos la sogs pa rnyed par 'gyur ba zhig la don de nyid kyi dbang du byas nas| de ltar lta bar byed pa ni chags pa las byung ba'i log par lta ba yin par brjod par bya'o/ /gal te bdag gi dgra bo dag 'di ltar lta ste/ 'di lta ste/ sbyin pa yod do/ /mchod sbyin yod do zhes rgya cher lta bas/ bdag dgra bo rnams dang lta ba mthun pa ni bdag gi mi cha'o snyam nas de dag la zhe sdang ba'i phyir 'di ltar sbyin pa med do/ /sdug pa med do zhes rgya cher lta ba ni zhe sdang las byung ba'i log par lta ba yin par brjod par bya'o/ /gal te rigs pa ma yin pas bskyed pa'i rtogs pas chos tshul bzhin ma yin par bsams shing gzhal te nye bar brtags nas/ de ltar lta ba ni gti mug las byung ba'i log par lta ba yin par brjod par bya'o/ /

【H9 解決擇門】【I1 明究竟】

དེ་ལ་སྲོག་གཅོད་པ་ནི་གསུམ་ཆར་གྱིས་རྩོམ་པར་བྱེད་ལ། ཞེ་སྡང་གིས་མཐར་ཐུག་པར་བྱེད་དོ། །སྲོག་གཅོད་པ་ཇི་ལྟ་བ་བཞིན་དུ་ངག་རྩུབ་པོ་དང་གནོད་སེམས་ཀྱང་དེ་བཞིན་ནོ། །མ་བྱིན་པར་ལེན་པ་ནི་གསུམ་ཆར་གྱིས་རྩོམ་པར་བྱེད་ལ། ཆགས་པ་ཁོ་ནས་མཐར་ཐུག་པར་བྱེད་དོ། །མ་བྱིན་པར་ལེན་པ་ཇི་ལྟ་བ་བཞིན་དུ་འདོད་པ་ལ་ལོག་པར་གཡེམ་པ་དང༌། བརྣབ་སེམས་ཀྱང་དེ་བཞིན་ནོ། །ལོག་པར་ལྟ་བ་མ་གཏོགས་པ་དེ་ལས་གཞན་པ་རྣམས་ནི་གསུམ་ཆར་གྱིས་རྩོམ་པ་དང༌། མཐར་ཐུག་པར་བྱེད་པར་བལྟ་བར་བྱའོ། །ལོག་པར་ལྟ་བ་ནི་གསུམ་ཆར་གྱིས་རྩོམ་པར་བྱེད་ལ། གཏི་མུག་ཁོ་ནས་མཐར་ཐུག་པར་བྱེད་དོ། །

de la srog gcod pa ni gsum char gyis rtsom par byed la/ zhe sdang gis mthar thug par byed do/ /srog gcod pa ji lta ba bzhin du ngag rtsub po dang gnod sems kyang de bzhin no/ /ma byin par len pa ni gsum char gyis rtsom par byed la/ chags pa kho nas mthar thug par byed do/ /ma byin par len pa ji lta ba bzhin du 'dod pa la log par g.yem pa dang/ brnab sems kyang de bzhin no/ /log par lta ba ma gtogs pa de las gzhan pa rnams ni gsum char gyis rtsom pa dang/ mthar thug par byed par blta bar bya'o/ /log par lta ba ni gsum char gyis rtsom par byed la/ gti mug kho nas mthar thug par byed do/ /

【I2 明所起之處】

དེ་ལ་སྲོག་གཅོད་པ་དང་འདོད་པ་ལ་ལོག་པར་གཡེམ་པ་དང༌། བརྫུན་དུ་སྨྲ་བ་དང༌། ཕྲ་མ་དང༌། ངག་རྩུབ་པོ་དང༌། གནོད་སེམས་རྣམས་ནི་སེམས་ཅན་ལ་བརྟེན་པ་ཡིན་པར་རིག་པར་བྱའོ། །མ་བྱིན་པར་ལེན་པ་དང༌། བརྣབ་སེམས་ནི་ཡོ་བྱད་ལ་བརྟེན་པ་ཡིན་པར་རིག་པར་བྱའོ། །ཚིག་ཀྱལ་པ་ནི་མིང་གི་ཚོགས་ལ་བརྟེན་པ་ཡིན་པར་རིག་པར་བྱའོ། །ལོག་པར་ལྟ་བ་ནི་འདུ་བྱེད་ལ་བརྟེན་པ་ཡིན་པར་རིག་པར་བྱའོ། །

de la srog gcod pa dang 'dod pa la log par g.yem pa dang/ brdzun du smra ba dang/ phra ma dang/ ngag rtsub po dang/ gnod sems rnams ni sems can la brten pa yin par rig par bya'o/ /ma byin par len pa dang/ brnab sems ni yo byad la brten pa yin par rig par bya'o/ /tshig kyal pa ni ming gi tshogs la brten pa yin par rig par bya'o/ /log par lta ba ni 'du byed la brten pa yin par rig par bya'o/ /

【I3 明圓滿】【J1 總舉徵列】

དེ་ལ་མི་དགེ་བའི་ལས་ཀྱི་ལམ་དེ་དག་གི་མི་དགེ་བ་ཉིད་ནི་རྒྱུ་གསུམ་གྱིས་ཤིན་ཏུ་ཡོངས་སུ་རྫོགས་པར་འགྱུར་ཏེ། གསུམ་གང་ཞེ་ན། ངོ་བོ་ཉིད་ཀྱི་ཉེས་པ་དང༌། གཞིའི་ཉེས་པ་དང༌། གོས་པའི་ཉེས་པས་སོ། །

de la mi dge ba'i las kyi lam de dag gi mi dge ba nyid ni rgyu gsum gyis shin tu yongs su rdzogs par 'gyur te/ gsum gang zhe na/ ngo bo nyid kyi nyes pa dang/ gzhi'i nyes pa dang/ gos pa'i nyes pas so/ /

【J2 別解】【K1 解自性過】

དེ་ལ་སྲོག་གཅོད་པ་དང་ལྡན་པ་དང༌། ལོག་པར་ལྟ་བའི་བར་དང་ལྡན་པའི་སེམས་པ་དེ་དག་དང་མཚུངས་པར་ལྡན་པ་ཐམས་ཅད་ནི་ཉོན་མོངས་པ་ཅན་གྱི་བདག་ཉིད་ཡིན་པའི་ཕྱིར་དང༌། མི་དགེ་བ་ཡིན་པའི་ཕྱིར་ངོ་བོ་ཉིད་ཀྱི་ཉེས་པས་སྐྱོན་ཆགས་པ་ཞེས་བྱའོ། །

de la srog gcod pa dang ldan pa dang/ log par lta ba'i bar dang ldan pa'i sems pa de dag dang mtshungs par ldan pa thams cad ni nyon mongs pa can gyi bdag nyid yin pa'i phyir dang/ mi dge ba yin pa'i phyir ngo bo nyid kyi nyes pas skyon chags pa zhes bya'o/ /

【K2 解因緣過】

གལ་ཏེ་ཆགས་པས་ཀུན་ནས་དཀྲིས་པ་བདོ་བའམ། ཞེ་སྡང་དང་གཏི་མུག་གིས་ཀུན་ནས་དཀྲིས་པ་བདོ་བས་འབྱུང་བ། དེ་ནི་གཞིའི་ཉེས་པས་སྐྱོན་ཆགས་པ་ཡང་ཡིན་ལ། ཤིན་ཏུ་མི་དགེ་བ་དང༌། འབྲས་བུ་ཤིན་ཏུ་མི་འདོད་པ་ཡང་ཡིན་ནོ། །

gal te chags pas kun nas dkris pa bdo ba'am/ zhe sdang dang gti mug gis kun nas dkris pa bdo bas 'byung ba/ de ni gzhi'i nyes pas skyon chags pa yang yin la/ shin tu mi dge ba dang/ 'bras bu shin tu mi 'dod pa yang yin no/ /

【K3 解塗染過】【L1 立宗】

གལ་ཏེ་མཐར་ཐུག་པར་གྱུར་ན། དེ་ནི་གོས་པའི་ཉེས་པས་སྐྱོན་ཆགས་པ་ཡང་ཡིན་ལ། ཤིན་ཏུ་མི་དགེ་བ་དང༌། འབྲས་བུ་ཤིན་ཏུ་མི་འདོད་པ་ཡང་ཡིན་ནོ། །

gal te mthar thug par gyur na/ de ni gos pa'i nyes pas skyon chags pa yang yin la/ shin tu mi dge ba dang/ 'bras bu shin tu mi 'dod pa yang yin no/ /

【L2 徵釋所以】【M1 約觸罪】【N1 法】

ད་ཅིའི་ཕྱིར་ཞེ་ན། འདི་ལྟར་གང་ལ་ལ་ཞིག་ཉོན་མོངས་པ་ཅན་གྱི་སེམས་ཀྱིས་གཞན་དག་ལ་མི་འདོད་པ་དང༌། མི་སྡུག་པ་དང༌། མི་དགའ་བ་དང༌། ཡིད་དུ་མི་འོང་བའི་སྡུག་བསྔལ་ཉེ་བར་སྒྲུབ་པར་བྱེད་ན། སྡུག་བསྔལ་བ་དང་ལྡན་པའི་སེམས་དེའི་མཐུས་སྡུག་བསྔལ་ཉེ་བར་སྒྲུབ་པར་བྱེད་པའི་གང་ཟག་དེའི་སེམས་པ་དེ་ཁ་ན་མ་ཐོ་བ་ཤིན་ཏུ་ཆེན་པོས་རེག་པར་འགྱུར་བའི་ཕྱིར་ཏེ། དེ་ནི་དེའི་གོས་པའི་ཉེས་པ་ཞེས་བྱའོ། །དེ་ལ་འདི་ལྟར་བདག་ལ་སྡུག་བསྔལ་ཉེ་བར་སྒྲུབ་པ་གང་ཡིན་པ་དེ་ཁ་ན་མ་ཐོ་བས་རེག་པར་གྱུར་ཅིག་སྙམ་པ་དེ་ལྟ་བུའི་སེམས་མངོན་པར་འདུ་བྱེད་པ་མེད་དུ་ཟིན་ཀྱང་འདི་ནི་ཆོས་ཉིད་ཡིན་ཏེ། དེ་ལ་རེག་པར་འགྱུར་རོ། །

da ci'i phyir zhe na/ 'di ltar gang la la zhig nyon mongs pa can gyi sems kyis gzhan dag la mi 'dod pa dang/ mi sdug pa dang/ mi dga' ba dang/ yid du mi 'ong ba'i sdug bsngal nye bar sgrub par byed na/ sdug bsngal ba dang ldan pa'i sems de'i mthus sdug bsngal nye bar sgrub par byed pa'i gang zag de'i sems pa de kha na ma tho ba shin tu chen pos reg par 'gyur ba'i phyir te/ de ni de'i gos pa'i nyes pa zhes bya'o/ /de la 'di ltar bdag la sdug bsngal nye bar sgrub pa gang yin pa de kha na ma tho bas reg par gyur cig snyam pa de lta bu'i sems mngon par 'du byed pa med du zin kyang 'di ni chos nyid yin te/ de la reg par 'gyur ro/ /

【N2 喻】

འདི་ལྟ་སྟེ་དཔེར་ན་རྡོ་ཁབ་ལོང་ནི་འདི་སྙམ་དུ་ལྕགས་བདག་གི་དྲུང་དུ་འོང་ཡང་ཅི་མ་རུང་སྙམ་དུ་སེམས་པ་མེད་དུ་ཟིན་ཀྱང་འདི་ནི་ཆོས་ཉིད་ཡིན་ཏེ། དེ་དང་ཉེ་བའི་ལྕགས་ནི་མངོན་པར་འདུ་བྱེད་པ་མེད་པ་ཁོ་ནར་ཁབ་ལོང་གི་དྲུང་དུ་འགྲོ་སྟེ། དེ་བཞིན་དུ་འདིར་ཡང་ཚུལ་དེ་བཞིན་དུ་བལྟ་བར་བྱའོ། །མེ་ཤེལ་གྱི་དཔེ་ཡང་དེ་བཞིན་དུ་རིག་པར་བྱའོ། །

'di lta ste dper na rdo khab long ni 'di snyam du lcags bdag gi drung du 'ong yang ci ma rung snyam du sems pa med du zin kyang 'di ni chos nyid yin te/ de dang nye ba'i lcags ni mngon par 'du byed pa med pa kho nar khab long gi drung du 'gro ste/ de bzhin du 'dir yang tshul de bzhin du blta bar bya'o/ /me shel gyi dpe yang de bzhin du rig par bya'o/ /

【M2 明轉變】【N1 法】

སེམས་པ་དེ་ལ་དེའི་མཐུ་ལས་སྐྱེས་པ་ཉེ་བར་བསྒོ་བ་ཞེས་བྱ་བའི་ཆོས་གཞན་འགའ་ཡང་མི་འཇུག་མོད་ཀྱི། འོན་ཀྱང་སེམས་པ་དེའི་འགྱུར་བ་ཙམ་པོ་དེའི་མཐུ་ལས་གྱུར་པར་རིག་པར་བྱའོ། །

sems pa de la de'i mthu las skyes pa nye bar bsgo ba zhes bya ba'i chos gzhan 'ga' yang mi 'jug mod kyi/ 'on kyang sems pa de'i 'gyur ba tsam po de'i mthu las gyur par rig par bya'o/ /

【N2 喻】

འདི་ལྟ་སྟེ་དཔེར་ན། ལས་ཀྱི་མཐུས་བསྐྱེད་པ་འབྱུང་བ་ཆེན་པོ་བཞི་པོ་དག་གི་སྲ་བ་ཉིད་དང༌། གཤེར་བ་ཉིད་དང༌། དྲོ་བ་ཉིད་དང༌། ཡང་ཞིང་གཡོ་བ་ཉིད་སྣ་ཚོགས་པ་གང་ཡིན་པ་དེ་དག་ནི་འབྱུང་བ་ཆེན་པོ་དེ་དག་ལས་ཐ་དད་པ་མ་ཡིན་མོད་ཀྱི། འོན་ཀྱང་དེ་དག་ནི་འབྱུང་བ་ཆེན་པོ་རྣམས་དེ་ལྟར་གྱུར་པ་ཙམ་ཁོ་ན་ཡིན་ཏེ། དེ་ཡང་ལས་ཀྱི་མཐུའི་རྐྱེན་ཡིན་པར་རིག་པར་བྱའོ། །ལས་ཀྱི་མཐུའི་རྐྱེན་ཇི་ལྟ་བ་བཞིན་དུ་རྫུ་འཕྲུལ་དང་ལྡན་པའི་མངོན་པར་འདུ་བྱེད་པའི་རྐྱེན་ཀྱང་དེ་བཞིན་དུ་བལྟ་བར་བྱའོ༑ །འདི་ལྟ་སྟེ་དཔེར་ན། བདུད་ཀྱིས་གྲོང་ཁྱེར་སཱ་ལ་ཅན་གྱི་བྲམ་ཟེ་དང་ཁྱིམ་བདག་རྣམས་ཀྱི་སེམས་དེ་དེ་ལྟར་བསྒྱུར་ཏེ། དེ་དག་ཇི་ལྟར་བཅོམ་ལྡན་འདས་ལ་ལོག་པར་སྒྲུབ་པར་བྱེད་པ་དེ་ལྟར་བྱེད་མོད་ཀྱི། འོན་ཀྱང་དེ་དག་གིས་སེམས་དག་ལ་སྒྱུར་བར་བྱེད་པ་ཞེས་བྱ་བའི་ཆོས་ལྷག་པ་གང་ཡང་ཞུགས་པ་མེད་ཀྱི། དེ་རྣམས་ཀྱི་སེམས་དག་གི་འགྱུར་བ་ནི། བདུད་ཀྱིས་མངོན་པར་འདུ་བྱས་པའི་མཐུ་ལས་བྱུང་བ་ཁོ་ན་ཙམ་ཡིན་པར་བལྟ་བར་བྱ་སྟེ། འདི་ལ་ཡང་ཚུལ་དེ་བཞིན་དུ་རིག་པར་བྱའོ། །

'di lta ste dper na/ las kyi mthus bskyed pa 'byung ba chen po bzhi po dag gi sra ba nyid dang/ gsher ba nyid dang/ dro ba nyid dang/ yang zhing g.yo ba nyid sna tshogs pa gang yin pa de dag ni 'byung ba chen po de dag las tha dad pa ma yin mod kyi/ 'on kyang de dag ni 'byung ba chen po rnams de ltar gyur pa tsam kho na yin te/ de yang las kyi mthu'i rkyen yin par rig par bya'o/ /las kyi mthu'i rkyen ji lta ba bzhin du rdzu 'phrul dang ldan pa'i mngon par 'du byed pa'i rkyen kyang de bzhin du blta bar bya'o| /'di lta ste dper na/ bdud kyis grong khyer sA la can gyi bram ze dang khyim bdag rnams kyi sems de de ltar bsgyur te/ de dag ji ltar bcom ldan 'das la log par sgrub par byed pa de ltar byed mod kyi/ 'on kyang de dag gis sems dag la sgyur bar byed pa zhes bya ba'i chos lhag pa gang yang zhugs pa med kyi/ de rnams kyi sems dag gi 'gyur ba ni/ bdud kyis mngon par 'du byas pa'i mthu las byung ba kho na tsam yin par blta bar bya ste/ 'di la yang tshul de bzhin du rig par bya'o/ /

【I4 明定不定】

དེ་ལ་ལས་བྱས་ཀྱང་བྱས་ལ་བསགས་ཀྱང་བསགས་པ་ཞེས་གསུངས་པ་གང་ཡིན་པ་དང༌། ལྕི་བ་རྣམ་པ་ལྔས་ལས་ལྕི་བར་གསུངས་པ་གང་ཡིན་པ་དེ་དག་ནི་མྱོང་བར་ངེས་པ་ཡིན་པར་བརྗོད་པར་བྱའོ། །དེ་ལས་བཟློག་པ་ནི་མྱོང་བར་མ་ངེས་པ་ཡིན་ནོ། །དེ་ཡང་རྣམ་པར་སྨིན་པར་ངེས་པ་དང༌། གནས་སྐབས་ངེས་པ་དང༌། གཉི་གར་ངེས་པ་ཡིན་པར་བརྗོད་པར་བྱའོ། །དེ་ལ་དགྲ་བཅོམ་པའི་མི་དགེ་བའིལས་མྱོང་བར་ངེས་པ་སྔོན་གྱི་ཚེ་རབས་གཞན་དག་ཏུ་བྱས་པ་གང་ཡིན་པ་དེ་ནི་སྔོན་སོ་སོའི་སྐྱེ་བོར་གྱུར་བ་ནི་དེ་ཉིད་ཀྱི་ཚེ་སྡུག་བསྔལ་ཆུང་ཟད་ཙམ་མམ། ངན་ངོན་ཙམ་ཉེ་བར་གྱུར་པས། དེའི་རྣམ་པར་སྨིན་པ་རྣམ་པར་སྨིན་ཟིན་པར་བརྗོད་པར་བྱའོ། །གནས་གྱུར་པས་རྣམ་པར་སྨིན་པའི་ས་བོན་ཡང༌ཡང་དག་པར་བཅོམ་པས་ནི་དེ་ཐམས་ཅད་ཀྱི་ཐམས་ཅད་དུ་མི་མྱོང་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་མྱོང་བར་ངེས་པ་དེ་ནི་བཅོམ་ལྡན་འདས་ཀྱིས་སེམས་ཀྱི་རྒྱུད་རྣམ་པར་མ་གྲོལ་བ་ལས་བརྩམས་ཏེ་རྣམ་པར་གཞག་པའི་ཕྱིར་རོ། །

de la las byas kyang byas la bsags kyang bsags pa zhes gsungs pa gang yin pa dang/ lci ba rnam pa lngas las lci bar gsungs pa gang yin pa de dag ni myong bar nges pa yin par brjod par bya'o/ /de las bzlog pa ni myong bar ma nges pa yin no/ /de yang rnam par smin par nges pa dang/ gnas skabs nges pa dang/ gnyi gar nges pa yin par brjod par bya'o/ /de la dgra bcom pa'i mi dge ba'ilas myong bar nges pa sngon gyi tshe rabs gzhan dag tu byas pa gang yin pa de ni sngon so so'i skye bor gyur ba ni de nyid kyi tshe sdug bsngal chung zad tsam mam/ ngan ngon tsam nye bar gyur pas/ de'i rnam par smin pa rnam par smin zin par brjod par bya'o/ /gnas gyur pas rnam par smin pa'i sa bon yangyang dag par bcom pas ni de thams cad kyi thams cad du mi myong bar 'gyur ro/ /de ci'i phyir zhe na/ 'di ltar myong bar nges pa de ni bcom ldan 'das kyis sems kyi rgyud rnam par ma grol ba las brtsams te rnam par gzhag pa'i phyir ro/ /

【I5 明一時牽搦】

གང་ལ་ལ་ཞིག་གིས་སྲོག་ཆགས་ལན་ཅིག་དྲངས་ཤིང་གནོད་པ་ཡང་བྱས་ལ། བསད་ཅིང་སྲོག་དང་ཕྲལ་བར་གྱུར་ན་ཅི་དེ་ལ་ལས་གཅིག་ཅེས་བརྗོད་པར་བྱའམ། འོན་ཏེ་གཉིས་ཞེས་བརྗོད་པར་བྱ་ཞེ་ན། སྨྲས་པ། ལས་གཉིས་ཞེས་བརྗོད་པར་བྱ་སྟེ། ལས་དེ་གཉིས་ནི་མྱུར་བར་འཇུག་པའི་ཕྱིར་གཅིག་གོ་སྙམ་པའི་མངོན་པའི་ང་རྒྱལ་འབྱུང་བར་བལྟ་བར་ཟད་ཀྱི། འདི་དྲངས་ལ་སྲོག་དབྲོག་པར་བྱའོ་སྙམ་པ་ནི་འཕྲོག་པའི་དུས་ན་སེམས་པ་གཅིག་ཡིན་ལ། འདི་ལ་གནོད་པ་བྱས་ཏེ་གསད་པར་བྱའོ་སྙམ་པ་ནི་སེམས་པ་གཉིས་པ་ཡིན་ཏེ། གང་གི་ཚེ་འདྲེན་པར་བྱེད་པ་དེའི་ཚེ་ན་ནི་གནོད་པར་མི་བྱེད་ལ་གང་གི་ཚེ་གནོད་པར་བྱེད་པ་དེའི་ཚེ་ན་ནི་འདྲེན་པར་མི་བྱེད་དེ། མྱུར་བར་འཇུག་པས་ཅིག་ཅར་རོ་སྙམ་པའི་མངོན་པའི་ང་རྒྱལ་སྐྱེ་བར་ཟད་པས་དེའི་ཕྱིར་ལས་གཉིས་སུ་བརྗོད་པར་བྱའོ། །

gang la la zhig gis srog chags lan cig drangs shing gnod pa yang byas la/ bsad cing srog dang phral bar gyur na ci de la las gcig ces brjod par bya'am/ 'on te gnyis zhes brjod par bya zhe na/ smras pa/ las gnyis zhes brjod par bya ste/ las de gnyis ni myur bar 'jug pa'i phyir gcig go snyam pa'i mngon pa'i nga rgyal 'byung bar blta bar zad kyi/ 'di drangs la srog dbrog par bya'o snyam pa ni 'phrog pa'i dus na sems pa gcig yin la/ 'di la gnod pa byas te gsad par bya'o snyam pa ni sems pa gnyis pa yin te/ gang gi tshe 'dren par byed pa de'i tshe na ni gnod par mi byed la gang gi tshe gnod par byed pa de'i tshe na ni 'dren par mi byed de/ myur bar 'jug pas cig car ro snyam pa'i mngon pa'i nga rgyal skye bar zad pas de'i phyir las gnyis su brjod par bya'o/ /

【I6 明三時報業】【J1 明三緣成現法受】【K1 善】

ཚེ་འདི་ལ་མྱོང་བར་འགྱུར་བའི་ལས་ནི་མདོར་བསྡུ་ན་རྒྱུ་གསུམ་གྱིས་རིག་པར་བྱ་སྟེ། གསུམ་གང་ཞེ་ན༑ ཞིང་རྒྱ་ཆེ་བ་དང༌། སེམས་པ་རྒྱ་ཆེ་བ་དང༌། སེམས་ཀྱི་རྒྱུད་རྣམ་པར་དག་པས་སོ། །དེ་ལ་ཞིང་རྒྱ་ཆེ་བ་ཉིད་ནི་རྣམ་པ་ལྔས་བལྟ་བར་བྱ་སྟེ། སེམས་ཅན་རྣམས་ལ་མཆོག་ཏུ་ཕན་པའི་ལྷག་པའི་བསམ་པ་ལ་གནས་པ་ལས་ལངས་པ་ནི་འདི་ལྟ་སྟེ། བྱམས་པ་ལ་སྙོམས་པར་འཇུག་པ་ལས་ལངས་པའོ། །སེམས་ཅན་རྣམས་མཆོག་ཏུ་སེམས་རྗེས་སུ་སྲུང་བ་ལ་གནས་པ་ལས་ལངས་པ་ནི་འདི་ལྟ་སྟེ། ཉོན་མོངས་པ་མེད་པའི་ཏིང་ངེ་འཛིན་ལས་ལངས་པའོ། །མཆོག་ཏུ་རབ་ཏུ་ཞི་ཞིང་མྱ་ངན་ལས་འདས་པ་དང་འདྲ་བའི་འཕགས་པའི་གནས་པ་ལས་ལངས་པ་ནི་འདི་ལྟ་སྟེ། འགོག་པའི་སྙོམས་པར་འཇུག་པ་ལས་ལངས་པའོ། །མི་དགེ་བ་ཐམས་ཅད་མི་བྱེད་པའི་སྡོམ་པ་ཐོབ་པ་ནི་འདི་ལྟ་སྟེ། རྒྱུན་དུ་ཞུགས་པའི་སེམས་ཀྱི་རྒྱུད་ཤིན་ཏུ་རྣམ་པར་དག་པའོ། །ཤིན་ཏུ་མཐར་ཐུག་པ་ནི་འདི་ལྟ་སྟེ། དགྲ་བཅོམ་པ་དང༌། རང་སངས་རྒྱས་ལ་སོགས་པ་དགེ་སློང་གི་དགེ་འདུན་ཏེ། དེ་ལྟར་ན་དེ་ནི་ཞིང་རྒྱ་ཆེ་བ་ཉིད་ཡིན་ནོ། །དེ་དག་ལ་གལ་ཏེ་སྙིང་ཐག་པ་ནས་དད་པའི་སེམས་ཀྱིས་བསྙེན་བཀུར་བྱས་ཏེ། དངོས་པོ་རུང་བ་དག་དབུལ་བར་བྱེད་ན། དེ་ནི་སེམས་པ་རྒྱ་ཆེ་བ་ཉིད་ཡིན་པར་བལྟ་བར་བྱའོ། །གལ་ཏེ་དེས་སྔོན་གྱི་ཚེ་རབས་གཞན་དག་ཏུ་གཞི་དེ་དག་ཉིད་ལ་གཞན་དག་གིས་ཆོས་གོས་ལ་སོགས་པ་དབུལ་བར་བརྩམས་པ་ལ། ལུས་དང་ངག་དང་ཡིད་ཀྱི་བར་ཆད་མ་བྱས་ཤིང་བགེགས་མ་བྱས་ལ་ཉོན་མོངས་པ་ཅན་གྱི་སེམས་ཀྱིས་བསམས་ཤིང་བསྒྲུབས་བསྒྲུབས་པའི་སྒྲིབ་པ་དེས་སེམས་ཀྱི་རྒྱུད་མ་བསྒྲིབས་ན། དེའི་སེམས་ཀྱི་རྒྱུད་རྣམ་པར་དག་པ་ཡིན་པར་བལྟ་བར་བྱའོ། །གལ་ཏེ་དེ་ལ་རྒྱུ་གསུམ་པོ་ཐམས་ཅད་ཚོགས་པར་ཡོད་ན། དེ་ལྟ་ན་དེའི་ལས་དེ་ཚེ་འདི་ལ་མྱང་བར་འགྱུར་བས་ངེས་པ་ཡིན་ནོ། །སྐྱེས་ནས་མྱོང་བར་འགྱུར་བ་ཡང་དེ་ཡིན་ལ། ལན་གྲངས་གཞན་ལ་མྱོང་བར་འགྱུར་བ་ཡང་དེ་ཡིན་ནོ། །

tshe 'di la myong bar 'gyur ba'i las ni mdor bsdu na rgyu gsum gyis rig par bya ste/ gsum gang zhe na| zhing rgya che ba dang/ sems pa rgya che ba dang/ sems kyi rgyud rnam par dag pas so/ /de la zhing rgya che ba nyid ni rnam pa lngas blta bar bya ste/ sems can rnams la mchog tu phan pa'i lhag pa'i bsam pa la gnas pa las langs pa ni 'di lta ste/ byams pa la snyoms par 'jug pa las langs pa'o/ /sems can rnams mchog tu sems rjes su srung ba la gnas pa las langs pa ni 'di lta ste/ nyon mongs pa med pa'i ting nge 'dzin las langs pa'o/ /mchog tu rab tu zhi zhing mya ngan las 'das pa dang 'dra ba'i 'phags pa'i gnas pa las langs pa ni 'di lta ste/ 'gog pa'i snyoms par 'jug pa las langs pa'o/ /mi dge ba thams cad mi byed pa'i sdom pa thob pa ni 'di lta ste/ rgyun du zhugs pa'i sems kyi rgyud shin tu rnam par dag pa'o/ /shin tu mthar thug pa ni 'di lta ste/ dgra bcom pa dang/ rang sangs rgyas la sogs pa dge slong gi dge 'dun te/ de ltar na de ni zhing rgya che ba nyid yin no/ /de dag la gal te snying thag pa nas dad pa'i sems kyis bsnyen bkur byas te/ dngos po rung ba dag dbul bar byed na/ de ni sems pa rgya che ba nyid yin par blta bar bya'o/ /gal te des sngon gyi tshe rabs gzhan dag tu gzhi de dag nyid la gzhan dag gis chos gos la sogs pa dbul bar brtsams pa la/ lus dang ngag dang yid kyi bar chad ma byas shing bgegs ma byas la nyon mongs pa can gyi sems kyis bsams shing bsgrubs bsgrubs pa'i sgrib pa des sems kyi rgyud ma bsgribs na/ de'i sems kyi rgyud rnam par dag pa yin par blta bar bya'o/ /gal te de la rgyu gsum po thams cad tshogs par yod na/ de lta na de'i las de tshe 'di la myang bar 'gyur bas nges pa yin no/ /skyes nas myong bar 'gyur ba yang de yin la/ lan grangs gzhan la myong bar 'gyur ba yang de yin no/ /

【K2 惡】

དེ་ལས་བཟློག་པའི་རྒྱུ་གསུམ་གྱིས་ནི་མི་དགེ་བ་ཡང་ཚེ་འདི་ལ་མྱོང་བར་འགྱུར་བར་རིག་པར་བྱའོ། །

de las bzlog pa'i rgyu gsum gyis ni mi dge ba yang tshe 'di la myong bar 'gyur bar rig par bya'o/ /

【J2 明業力有多少】【K1 法】

ལས་གང་སྐད་ཅིག་གཅིག་ལ་སྐྱེས་ལ། ཚེ་འདི་ལ་མྱོང་བ་ཁོ་ནར་འགྱུར་བ་དེ་ལྟ་བུ་ཡང་ཡོད་དོ། །གང་ཚེ་འདི་ལ་མྱོང་བར་འགྱུར་བ་དང༌། སྐྱེས་ནས་མྱོང་བར་འགྱུར་བ་ཡང་ཡོད་དོ། །གང་རྣམ་པ་གསུམ་ཆར་དུ་འགྱུར་བ་ཡང་ཡོད་དེ།

las gang skad cig gcig la skyes la/ tshe 'di la myong ba kho nar 'gyur ba de lta bu yang yod do/ /gang tshe 'di la myong bar 'gyur ba dang/ skyes nas myong bar 'gyur ba yang yod do/ /gang rnam pa gsum char du 'gyur ba yang yod de/

【K2 喻】

འདི་ལྟ་སྟེ་དཔེར་ན། སྐུད་པ་གཅིག་ལ་མེ་ཏོག་གཅིག་ཁོ་ན་ཞིག་བརྒྱུར་ཡོད་དེ། མེ་ཏོག་གཅིག་ཁོ་ན་ཞིག་བརྒྱུར་རུང་བར་ཟད་ཀྱི་དེ་ལས་ལྷག་པར་བརྒྱུར་མི་ནུས་པ་དེ་ལྟར་སྲིད་ཐུང་བ་གང་ཡིན་པ་དང་། གཞན་ཡང་མེ་ཏོག་གཉིས་བརྒྱུར་རུང་བའི་སྐུད་པ་གང་ཡིན་པ་དང༌། གཞན་ཡང་མེ་ཏོག་རབ་ཏུ་མང་པོ་དག་བརྒྱུར་རུང་བའི་སྐུད་པ་གང་ཡིན་པ་ལྟ་བུ་དང༌། འདི་ལྟ་སྟེ་དཔེར་ན། ཆུའི་རྒྱུན་ཆུང་ངུའི་བདག་ཉིད་ཅན་ནི་བབ་སྟེ། གོམ་པ་གཅིག་ཏུ་ཕྱིན་ནས་ཐུག་པར་འགྱུར་བ་དང་། གཉིས་པ་ཆེས་ཆེ་བ་ནི་གོམ་པ་གཉིས་སུ་ཕྱིན་ནས་ཐུག་པར་འགྱུར་བ་དང༌། གསུམ་པ་ཆུའི་རྒྱུན་ཆེན་པོ་ནི་བབ་སྟེ་གོམ་པ་རབ་ཏུ་མང་པོ་དག་གི་བར་དུ་ཕྱིན་ནས་ཐུག་པར་འགྱུར་བ་ལྟ་བུ་དང༌། འདི་ལྟ་སྟེ་དཔེར་ན། ཚྭའི་ཐིགས་པ་རང་བཞིན་གྱིས་རོ་ཆུང་ངུ་གཅིག་གིས་ནི་ཆུ་ཐིགས་པ་གཅིག་ཁོ་ན་ཞིག་སྐྱུར་པོར་བྱེད་ནུས་ཀྱི། དེ་ལས་ལྷག་པར་པར་མི་ནུས་པ་དང༌། དེ་བས་ཆེས་རྣོ་བའི་ཚྭའི་ཐིགས་པ་གཉིས་པས་ནི་ཆུའི་ཐིགས་པ་གཉིས་ཁོ་ན་སྐྱུར་པོར་བྱེད་ནུས་ལ་དེ་ལས་ལྷག་པར་མི་ནུས་པ་དང༌། དེ་བས་ཆེས་རྣོ་བའི་ཚྭའི་ཐིགས་པ་གསུམ་པས་ནི་ཆུ་རབ་ཏུ་མང་པོའི་བར་དག་ཀྱང་སྐྱུར་པོར་བྱེད་ནུས་པ་བཞིན་དུ་ལས་འདི་ལ་ཡང་ཚུལ་དེ་བཞིན་དུ་བལྟ་བར་བྱའོ། །

'di lta ste dper na/ skud pa gcig la me tog gcig kho na zhig brgyur yod de/ me tog gcig kho na zhig brgyur rung bar zad kyi de las lhag par brgyur mi nus pa de ltar srid thung ba gang yin pa dang / gzhan yang me tog gnyis brgyur rung ba'i skud pa gang yin pa dang/ gzhan yang me tog rab tu mang po dag brgyur rung ba'i skud pa gang yin pa lta bu dang/ 'di lta ste dper na/ chu'i rgyun chung ngu'i bdag nyid can ni bab ste/ gom pa gcig tu phyin nas thug par 'gyur ba dang / gnyis pa ches che ba ni gom pa gnyis su phyin nas thug par 'gyur ba dang/ gsum pa chu'i rgyun chen po ni bab ste gom pa rab tu mang po dag gi bar du phyin nas thug par 'gyur ba lta bu dang/ 'di lta ste dper na/ tshwa'i thigs pa rang bzhin gyis ro chung ngu gcig gis ni chu thigs pa gcig kho na zhig skyur por byed nus kyi/ de las lhag par par mi nus pa dang/ de bas ches rno ba'i tshwa'i thigs pa gnyis pas ni chu'i thigs pa gnyis kho na skyur por byed nus la de las lhag par mi nus pa dang/ de bas ches rno ba'i tshwa'i thigs pa gsum pas ni chu rab tu mang po'i bar dag kyang skyur por byed nus pa bzhin du las 'di la yang tshul de bzhin du blta bar bya'o/ /

【I7 明感果多少】

མི་དགེ་བའི་ལས་ཀྱི་ལམ་བཅུ་པོ་དེ་དག་ནི་འདོད་པ་དང་ལྡན་པ་ཁོ་ན་ཡིན་ལ། དེ་དག་གི་རྣམ་པར་སྨིན་པ་ཡང་འདོད་པའི་ཁམས་ཁོ་ན་སྟེ། ངན་སོང་རྣམས་སུ་ཕལ་ཆེར་ལ། བདེ་འགྲོ་བ་རྣམས་སུ་ནི་ཉུང་བ་ཡིན་ནོ། །ངན་སོང་བ་དེ་ཡང་རྒྱུན་དུ་ཞུགས་པས་ནི་སྤངས་པ་ཡིན་ནོ། །སོ་སོའི་སྐྱེ་བོ་འཇིག་རྟེན་པའི་འདོད་ཆགས་དང་བྲལ་བ་གོང་མར་སྐྱེས་པས་ནི་ཐམས་ཅད་བཅོམ་པ་ཡིན་ལ། གཏན་སྤངས་པ་ནི་མ་ཡིན་ནོ། །ཕྱིར་མི་འོང་བ་འདི་ན་གནས་པའམ། དེར་སྐྱེས་པ་དང༌། དགྲ་བཅོམ་པ་ཐམས་ཅད་ཀྱིས་ནི་ཐམས་ཅད་ཁོ་ནར་སྤངས་པ་ཡིན་ནོ། །ལྷག་པའི་བསམ་པ་དག་པའི་སར་ཆུད་པའི་བྱང་ཆུབ་སེམས་དཔས་ཀྱང་ཐམས་ཅད་གཏན་སྤངས་པ་ཡིན་ཏེ། མི་མཇེད་པའི་སྟོབས་བསྐྱེད་པ་ཉིད་ཀྱིས་ཡིན་གྱི། ཉོན་མོངས་པ་དང་བྲལ་བས་ནི་མ་ཡིན་ནོ། །

mi dge ba'i las kyi lam bcu po de dag ni 'dod pa dang ldan pa kho na yin la/ de dag gi rnam par smin pa yang 'dod pa'i khams kho na ste/ ngan song rnams su phal cher la/ bde 'gro ba rnams su ni nyung ba yin no/ /ngan song ba de yang rgyun du zhugs pas ni spangs pa yin no/ /so so'i skye bo 'jig rten pa'i 'dod chags dang bral ba gong mar skyes pas ni thams cad bcom pa yin la/ gtan spangs pa ni ma yin no/ /phyir mi 'ong ba 'di na gnas pa'am/ der skyes pa dang/ dgra bcom pa thams cad kyis ni thams cad kho nar spangs pa yin no/ /lhag pa'i bsam pa dag pa'i sar chud pa'i byang chub sems dpas kyang thams cad gtan spangs pa yin te/ mi mjed pa'i stobs bskyed pa nyid kyis yin gyi/ nyon mongs pa dang bral bas ni ma yin no/ /

【I8 明業業道相】

དེ་ལ་སེམས་པ་ནི་ལས་ཡིན་ལ། ལས་ཀྱི་ལམ་ནི་མ་ཡིན་ནོ། །སྲོག་གཅོད་པ་ལ་སོགས་པ་ཚིག་ཀྱལ་པའི་མཐར་ཐུག་པའི་བར་དག་ནི་ལས་ཀྱང་ཡིན་ལ་ལས་ཀྱི་ལམ་ཡང་ཡིན་ནོ། །བརྣབ་སེམས་དང༌། གནོད་སེམས་དང༌། ལོག་པར་ལྟ་བ་དག་ནི་ལས་ཀྱི་ལམ་ཁོ་ན་ཡིན་ལ་ལས་ནི་མ་ཡིན་པར་བལྟ་བར་བྱའོ། །

de la sems pa ni las yin la/ las kyi lam ni ma yin no/ /srog gcod pa la sogs pa tshig kyal pa'i mthar thug pa'i bar dag ni las kyang yin la las kyi lam yang yin no/ /brnab sems dang/ gnod sems dang/ log par lta ba dag ni las kyi lam kho na yin la las ni ma yin par blta bar bya'o/ /

【G2 結餘不現】

ལས་ཀྱི་ལམ་རྣམས་ཀྱི་རྣམ་པར་གཏན་ལ་དབབ་པའི་གཞུང་དེ་ལས་ལྷག་པ་ནི་མི་སྣང་ངོ༌། །

las kyi lam rnams kyi rnam par gtan la dbab pa'i gzhung de las lhag pa ni mi snang ngo/ /

【F2 舉一頌總以結之】

སྡོམ་ནི། ངོ་བོ་ཉིད་དང་བསྡུ་དབྱེ་དང༌། །ཐབས་དང་ལྕི་དང་ཡང་བ་དང༌། །སོགས་དང་འབྲིང་དང་སྦྱོར་བ་དང༌། །འབྲས་བུ་སྐྱེ་བའི་ངེས་པ་ཡིན། །

sdom ni/ ngo bo nyid dang bsdu dbye dang/ /thabs dang lci dang yang ba dang/ /sogs dang 'bring dang sbyor ba dang/ /'bras bu skye ba'i nges pa yin/ /

【D3 決擇生雜染】【E1 結前生後】

སྐྱེ་བའི་ཀུན་ནས་ཉོན་མོངས་པ་ཞེས་གང་གསུངས་པ་

skye ba'i kun nas nyon mongs pa zhes gang gsungs pa

【E2 正決擇】【F1 明十一種生】

དེ་ལ་སྐྱེ་བ་ནི་མདོར་བསྡུ་ན་རྣམ་པ་བཅུ་གཅིག་ཏུ་རིག་པར་བྱ་སྟེ། གཅིག་ཏུ་བདེ་བ་ནི་འདི་ལྟ་སྟེ། ལྷ་ཁ་ཅིག་ཏུ་སྐྱེས་པའོ། །གཅིག་ཏུ་སྡུག་བསྔལ་བ་ནི་འདི་ལྟ་སྟེ། སེམས་ཅན་དམྱལ་བ་རྣམས་སུ་སྐྱེས་པའོ། །བདེ་བ་དང་སྡུག་བསྔལ་བ་ནི་འདི་ལྟ་སྟེ། ལྷ་དང་མི་དང་དུད་འགྲོ་དང་ཡི་དྭགས་ཁ་ཅིག་ཏུ་སྐྱེས་པའོ། །སྡུག་བསྔལ་བ་ཡང་མ་ཡིན་བདེ་བ་ཡང་མ་ཡིན་པའི་སྐྱེ་བ་ནི་འདི་ལྟ་སྟེ་ལྷ་ཁ་ཅིག་ཏུ་སྐྱེས་པའོ། །གཅིག་ཏུ་ཡོངས་སུ་མ་དག་པའི་སྐྱེ་བ་ནི། འདི་ལྟ་སྟེ་འདོད་པའི་ཁམས་ན་སོ་སོའི་སྐྱེ་བོ་རྣམས་ཀྱིའོ། །གཅིག་ཏུ་ཡོངས་སུ་དག་པའི་སྐྱེ་བ་ནི་འདི་ལྟ་སྟེ། དབང་ཐོབ་པའི་བྱང་ཆུབ་སེམས་དཔའ་རྣམས་ཀྱིའོ། །ཡོངས་སུ་མ་དག་པ་དང་ཡོངས་སུ་དག་པའི་སྐྱེ་བ་ནི་འདི་ལྟ་སྟེ། གཟུགས་དང་གཟུགས་མེད་པའི་ཁམས་ན་སོ་སོའི་སྐྱེ་བོ་རྣམས་ཀྱིའོ། །སྐྱེ་བ་ཡོངས་སུ་མ་དག་པ་ལ། སྐྱེ་མཆེད་ཡོངས་སུ་དག་པ་དང་ལྡན་པ་ནི་འདི་ལྟ་སྟེ། འདོད་པའི་ཁམས་ན་ཡོངས་སུ་མྱ་ངན་ལས་འདས་པའི་ཆོས་ཅན་དལ་བར་སྐྱེས་པ་རྣམས་ཀྱིའོ། །སྐྱེ་བ་ཡོངས་སུ་དག་ལ་སྐྱེ་མཆེད་ཡོངས་སུ་མ་དག་པ་དང་ལྡན་པ་ནི་འདི་ལྟ་སྟེ། གཟུགས་དང་གཟུགས་མེད་པའི་ཁམས་སུ་སྐྱེས་པའི་སོ་སོའི་སྐྱེ་བོ་རྣམས་ཀྱིའོ། །སྐྱེ་བ་ཡང་ཡོངས་སུ་མ་དག་ལ་སྐྱེ་མཆེད་ཀྱང་ཡོངས་སུ་མ་དག་པ་དང་ལྡན་པ་ནི་འདི་ལྟ་སྟེ། འདོད་པའི་ཁམས་སུ་སྐྱེས་པའི་སོ་སོའི་སྐྱེ་བོ་ཡོངས་སུ་མྱ་ངན་ལས་མི་འདའ་བའི་ཆོས་ཅན་རྣམས་ཀྱི་དང༌། ཡོངས་སུ་མྱ་ངན་ལས་འདའ་བའི་ཆོས་ཅན་མི་དལ་བར་སྐྱེས་པ་རྣམས་ཀྱིའོ། །སྐྱེ་བ་ཡོངས་སུ་དག་ལ་སྐྱེ་མཆེད་ཀྱང་ཡོངས་སུ་དག་པ་དང་ལྡན་པ་ནི་འདི་ལྟ་སྟེ། གཟུགས་དང་གཟུགས་མེད་པའི་ཁམས་སུ་སྐྱེས་པའི་སློབ་པ་སོ་སོའི་སྐྱེ་བོ་མ་ཡིན་པ་རྣམས་ཀྱིའོ། །

de la skye ba ni mdor bsdu na rnam pa bcu gcig tu rig par bya ste/ gcig tu bde ba ni 'di lta ste/ lha kha cig tu skyes pa'o/ /gcig tu sdug bsngal ba ni 'di lta ste/ sems can dmyal ba rnams su skyes pa'o/ /bde ba dang sdug bsngal ba ni 'di lta ste/ lha dang mi dang dud 'gro dang yi dwags kha cig tu skyes pa'o/ /sdug bsngal ba yang ma yin bde ba yang ma yin pa'i skye ba ni 'di lta ste lha kha cig tu skyes pa'o/ /gcig tu yongs su ma dag pa'i skye ba ni/ 'di lta ste 'dod pa'i khams na so so'i skye bo rnams kyi'o/ /gcig tu yongs su dag pa'i skye ba ni 'di lta ste/ dbang thob pa'i byang chub sems dpa' rnams kyi'o/ /yongs su ma dag pa dang yongs su dag pa'i skye ba ni 'di lta ste/ gzugs dang gzugs med pa'i khams na so so'i skye bo rnams kyi'o/ /skye ba yongs su ma dag pa la/ skye mched yongs su dag pa dang ldan pa ni 'di lta ste/ 'dod pa'i khams na yongs su mya ngan las 'das pa'i chos can dal bar skyes pa rnams kyi'o/ /skye ba yongs su dag la skye mched yongs su ma dag pa dang ldan pa ni 'di lta ste/ gzugs dang gzugs med pa'i khams su skyes pa'i so so'i skye bo rnams kyi'o/ /skye ba yang yongs su ma dag la skye mched kyang yongs su ma dag pa dang ldan pa ni 'di lta ste/ 'dod pa'i khams su skyes pa'i so so'i skye bo yongs su mya ngan las mi 'da' ba'i chos can rnams kyi dang/ yongs su mya ngan las 'da' ba'i chos can mi dal bar skyes pa rnams kyi'o/ /skye ba yongs su dag la skye mched kyang yongs su dag pa dang ldan pa ni 'di lta ste/ gzugs dang gzugs med pa'i khams su skyes pa'i slob pa so so'i skye bo ma yin pa rnams kyi'o/ /

【F2 引經解釋】【G1 明攝受苦集】

ཇི་སྐད་དུ་ཁྱེད་ཅག་གིས་ནི་ཡུན་རིང་པོ་ནས་རོའི་མཚམས་སྦྱོར་བ་སྐྱེད་ཅིང་ཁྲག་གི་ཐིགས་པ་བླངས་སོ་ཞེས་གང་གསུངས་པ་དེ་ལ། རོའི་མཚམས་སྦྱོར་བ་གང་ཞེ་ན། སྨྲས་པ་འདི་ལྟ་སྟེ། རོའི་མཚམས་སྦྱོར་བ་ཞེས་བྱ་བ་དེ་ནི་སྲིད་པའི་ཚིག་གི་རྣམ་གྲངས་ཡིན་ཏེ། དེས་ནི་ཀུན་ཏུ་འབྱུང་བའི་བདེན་པ་ཡོངས་སུ་བཟུང་བར་བསྟན་ཏོ། །ཁྲག་གི་ཐིགས་པ་བླངས་སོ་ཞེས་གང་གསུངས་པ་དེས་ནི་སྡུག་བསྔལ་གྱི་བདེན་པ་ཡོངས་སུ་བཟུང་བར་བསྟན་ཏོ། །

ji skad du khyed cag gis ni yun ring po nas ro'i mtshams sbyor ba skyed cing khrag gi thigs pa blangs so zhes gang gsungs pa de la/ ro'i mtshams sbyor ba gang zhe na/ smras pa 'di lta ste/ ro'i mtshams sbyor ba zhes bya ba de ni srid pa'i tshig gi rnam grangs yin te/ des ni kun tu 'byung ba'i bden pa yongs su bzung bar bstan to/ /khrag gi thigs pa blangs so zhes gang gsungs pa des ni sdug bsngal gyi bden pa yongs su bzung bar bstan to/ /

【G2 明五種非狂似狂】

བྲམ་ཟེའི་རྟོགས་པ་བརྗོད་པའི་སྡེ་དེ་ལས། འཆི་བའི་ཀུན་ནས་ཉོན་མོངས་པ་ལས་བརྩམས་ཏེ་དེར་བཅོམ་ལྡན་འདས་ཀྱིས་ལྔ་པོ་འདི་དག་ནི་མ་སྨྱོས་པ་སྨྱོན་པའི་སྤྱོད་པ་དག་ཡིན་ཏེ། ལྔ་གང་ཞེ་ན། ཡན་ལག་ཆག་པ་དག་འཚོ་བའི་ཐབས་གཞན་ཡོད་བཞིན་དུ་ཡན་ལག་གཤེག་པའི་རྒྱུས་འཚོ་བར་བྱེད་པ་གང་ཡིན་པ་དེ་ནི་མ་སྨྱོས་པ་སྨྱོན་པའི་སྤྱོད་པ་དང་པོ་ཡིན་ནོ༑ །གཞན་ཡང་ཆགས་ཤིང་ཆགས་པའི་ཟིལ་གྱིས་ནོན་པ་དག་ཆགས་པའི་གཞིའི་རྒྱུས་ལོངས་སྤྱོད་པར་ཡང་མི་བྱེད་སྦྱིན་པར་ཡང་མི་བྱེད་པར་ལོངས་སྤྱོད་ཀྱི་ཚོགས་ཆེན་པོ་དག་སྤངས་ནས་འཆི་བའི་དུས་བྱེད་པ་ཁོ་ནར་འགྱུར་བ་གང་ཡིན་པ་དེ་ནི་མ་སྨྱོས་པ་སྨྱོན་པའི་སྤྱོད་པ་གཉིས་པ་ཡིན་ནོ། །གཞན་ཡང་མཐོ་རིས་འདོད་པ་དག་ལུས་དང་ངག་དང་ཡིད་ཀྱིས་ལེགས་པར་སྤྱད་པས་བསྡུས་པའི་མཐོ་རིས་ཀྱི་ཐབས་གཞན་ཡོད་བཞིན་དུ་མཐོ་རིས་འདོད་པའི་ཕྱིར་བདག་ཉིད་མེར་སྲེག་པར་བྱེད་པ་དང༌། ཆུར་འཆི་བར་བྱེད་པ་དང༌། གཡང་ས་ནས་གཡང་དུ་གཏོང་བར་བྱེད་པ་གང་ཡིན་པ་དེ་ནི་མ་སྨྱོས་པ་སྨྱོན་པའི་སྤྱོད་པ་གསུམ་པ་ཡིན་ནོ། །གཞན་ཡང་ཐར་པ་འདོད་པ་དག་འཕགས་པའི་ལམ་ཡན་ལག་བརྒྱད་པས་བསྡུས་པའི་ཐར་པའི་ཐབས་ཡོད་བཞིན་དུ། ཐར་པར་འདོད་པའི་ཕྱིར་བདག་ཉིད་རྣམ་པ་དུ་མར་ཀུན་ཏུ་གདུང་བར་བྱེད། ཡང་དག་པར་གདུང་བར་བྱེད༑ ཡོངས་སུ་གདུང་བར་བྱེད་པ་གང་ཡིན་པ་དེ་ནི་མ་སྨྱོས་པ་སྨྱོན་པའི་སྤྱོད་པ་བཞི་པ་ཡིན་ནོ། །གཞན་ཡང་ཤི་བའི་རྗེས་སུ་མྱ་ངན་བྱེད་པ་དག་ཤི་བ་ཕྱིར་འོང་བ་མེད་བཞིན་དུ་ཤི་བའི་རྗེས་སུ་མྱ་ངན་བྱ་བའི་ཆེད་ཀྱི་ཕྱིར་རྣམ་པ་དུ་མར་བདག་ཉིད་ཆོ་ངེས་འདེབས་པར་བྱེད། ལུས་འབྲལ་བར་བྱེད། མགོ་ཐལ་བས་སྐུད་པར་བྱེད་དོ། །ཟས་མི་ཟ་བར་བྱེད་པ་གང་ཡིན་པ་དེ་ནི་མ་སྨྱོས་པ་སྨྱོན་པའི་སྤྱོད་པ་ལྔ་པ་ཡིན་ནོ། །

bram ze'i rtogs pa brjod pa'i sde de las/ 'chi ba'i kun nas nyon mongs pa las brtsams te der bcom ldan 'das kyis lnga po 'di dag ni ma smyos pa smyon pa'i spyod pa dag yin te/ lnga gang zhe na/ yan lag chag pa dag 'tsho ba'i thabs gzhan yod bzhin du yan lag gsheg pa'i rgyus 'tsho bar byed pa gang yin pa de ni ma smyos pa smyon pa'i spyod pa dang po yin no| /gzhan yang chags shing chags pa'i zil gyis non pa dag chags pa'i gzhi'i rgyus longs spyod par yang mi byed sbyin par yang mi byed par longs spyod kyi tshogs chen po dag spangs nas 'chi ba'i dus byed pa kho nar 'gyur ba gang yin pa de ni ma smyos pa smyon pa'i spyod pa gnyis pa yin no/ /gzhan yang mtho ris 'dod pa dag lus dang ngag dang yid kyis legs par spyad pas bsdus pa'i mtho ris kyi thabs gzhan yod bzhin du mtho ris 'dod pa'i phyir bdag nyid mer sreg par byed pa dang/ chur 'chi bar byed pa dang/ g.yang sa nas g.yang du gtong bar byed pa gang yin pa de ni ma smyos pa smyon pa'i spyod pa gsum pa yin no/ /gzhan yang thar pa 'dod pa dag 'phags pa'i lam yan lag brgyad pas bsdus pa'i thar pa'i thabs yod bzhin du/ thar par 'dod pa'i phyir bdag nyid rnam pa du mar kun tu gdung bar byed/ yang dag par gdung bar byed| yongs su gdung bar byed pa gang yin pa de ni ma smyos pa smyon pa'i spyod pa bzhi pa yin no/ /gzhan yang shi ba'i rjes su mya ngan byed pa dag shi ba phyir 'ong ba med bzhin du shi ba'i rjes su mya ngan bya ba'i ched kyi phyir rnam pa du mar bdag nyid cho nges 'debs par byed/ lus 'bral bar byed/ mgo thal bas skud par byed do/ /zas mi za bar byed pa gang yin pa de ni ma smyos pa smyon pa'i spyod pa lnga pa yin no/ /

【G3 明流轉有十二頌】【H1 有七頌明果流轉】

ཕ་མ་དེ་བཞིན་ཕུ་ནུ་དང༌། །དེ་བཞིན་ཉེ་དུ་མཛའ་བཤེས་བུ། །ངེས་མེད་བདག་གིར་འཛིན་བྱེད་པ། །དེ་ནི་འཇིག་རྟེན་ཕྱིན་ཅི་ལོག །མར་གྱུར་པ་ཡང་ཆུང་མར་འགྱུར། །ཆུད་མར་གྱུར་པ་མནའ་མར་འགྱུར། །མནའ་མར་གྱུར་པ་བྲན་མོར་འགྱུར། །དགྲ་ཡང་ཁྱིམ་གྱི་བདག་མོར་འགྱུར། །ཕར་གྱུར་པ་ཡང་བུ་ཕོར་འགྱུར། །བུ་ཕོར་གྱུར་པ་དགྲ་བོར་འགྱུར། །དགྲར་གྱུར་པ་ནི་བྲན་འགྱུར་ཏེ། །མངག་གཞུག་ལས་མིར་འགྱུར་དེ་བཞིན། །རྒྱལ་པོར་གྱུར་པ་ཚལ་ཟར་འགྱུར། །ཚལ་ཟར་གྱུར་པ་བཀྲེན་པ་དང༌། །གྲོང་མི་ངན་པ་དམན་པ་དང༌། །འཇིག་རྟེན་རྣམས་ཀྱིས་སྨད་པར་འགྱུར། །བྲམ་ཟེར་གྱུར་པ་རྒྱལ་རིགས་འགྱུར། །རྒྱལ་རིགས་རྗེའུ་རིགས་ཉིད་དུ་སྟེ། །རྗེའུ་རིགས་གྱུར་པ་དམངས་རིགས་དང༌། །དེ་བཞིན་གདོལ་པ་གཡུང་པོར་འགྱུར། །གང་དག་ཁྱོད་ཀྱི་བུར་སྐྱེས་པ། །སྟོང་གི་ཕྲག་དང་བརྒྱ་ཕྲག་དང༌། །ཁྲག་ཁྲིག་ཕྲག་ནི་དུ་མ་དག །དུས་གཞན་ན་ནི་དགྲ་བོར་འགྱུར། །ཇི་ལྟར་གར་མཁན་ལྟད་མོའི་དབུས། །བདག་ཉིད་སྣ་ཚོགས་སྟོན་བྱེད་པའི། །བདག་ཉིད་སྣ་ཚོགས་དེ་བཞིན་དུ། །སོ་སོའི་སྐྱེ་བོ་སྟོན་པར་བྱེད༑ །

pha ma de bzhin phu nu dang/ /de bzhin nye du mdza' bshes bu/ /nges med bdag gir 'dzin byed pa/ /de ni 'jig rten phyin ci log /mar gyur pa yang chung mar 'gyur/ /chud mar gyur pa mna' mar 'gyur/ /mna' mar gyur pa bran mor 'gyur/ /dgra yang khyim gyi bdag mor 'gyur/ /phar gyur pa yang bu phor 'gyur/ /bu phor gyur pa dgra bor 'gyur/ /dgrar gyur pa ni bran 'gyur te/ /mngag gzhug las mir 'gyur de bzhin/ /rgyal por gyur pa tshal zar 'gyur/ /tshal zar gyur pa bkren pa dang/ /grong mi ngan pa dman pa dang/ /'jig rten rnams kyis smad par 'gyur/ /bram zer gyur pa rgyal rigs 'gyur/ /rgyal rigs rje'u rigs nyid du ste/ /rje'u rigs gyur pa dmangs rigs dang/ /de bzhin gdol pa g.yung por 'gyur/ /gang dag khyod kyi bur skyes pa/ /stong gi phrag dang brgya phrag dang/ /khrag khrig phrag ni du ma dag /dus gzhan na ni dgra bor 'gyur/ /ji ltar gar mkhan ltad mo'i dbus/ /bdag nyid sna tshogs ston byed pa'i/ /bdag nyid sna tshogs de bzhin du/ /so so'i skye bo ston par byed| /

【H2 有一頌明流轉因】

འདུ་བྱེད་འདི་དག་སྒྱུ་འདྲ་སྟེ། །རྒྱུ་རྣམས་རྐྱེན་རྣམས་ལས་རྣམས་དང༌། །ཉོན་མོངས་རྣམས་ཀྱིས་ཡང་དང་ཡང༌། །རྣམ་པར་བསྒྲུབས་པ་སྣ་ཚོགས་ཡིན། །

'du byed 'di dag sgyu 'dra ste/ /rgyu rnams rkyen rnams las rnams dang/ /nyon mongs rnams kyis yang dang yang/ /rnam par bsgrubs pa sna tshogs yin/ /

【H3 有三頌半明流轉過患】

མི་ཤེས་པ་ཡིས་བ་སྒྲིབས་པ་རྣམས། །དེ་ལྟར་ཅོ་འདྲི་སྣ་ཚོགས་དག །ཐོབ་ཀྱང་འཁོར་བ་ཉིད་ལ་ནི། །དགའ་ཞིང་ཅིས་ཀྱང་སྐྱོ་མི་བྱེད། །ཐལ་བ་མཆི་མ་སྨྲེ་སྔགས་ཀྱིས། །བདག་ཉིད་ཕྱིར་ཞིང་ཅོ་འདྲི་ལ། །མྱ་ངན་བྱ་མིན་མྱ་ངན་བྱེད། །གདུང་བ་མིན་ལ་གདུང་བར་བྱེད། །གཞན་ལ་གཉེན་འདབ་འདུ་ཤེས་ཀྱིས། །བདག་ཉིད་བརྡབས་ཤིང་མྱ་ངན་བྱེད། །ཆོས་ཀྱི་སྤྱོད་པ་ཀུན་སྤངས་ནས། །ལག་པ་བསྒྲེང་སྟེ་ཆོ་ངེས་འདེབས། །གཏི་མུག་ང་རྒྱལ་རྒྱགས་ལྡན་ཞིང༌། །ཡང་དང་ཡང་དུ་བག་མེད་བྱེད། །ཅེས་གསུངས་སོ། །

mi shes pa yis ba sgribs pa rnams/ /de ltar co 'dri sna tshogs dag /thob kyang 'khor ba nyid la ni/ /dga' zhing cis kyang skyo mi byed/ /thal ba mchi ma smre sngags kyis/ /bdag nyid phyir zhing co 'dri la/ /mya ngan bya min mya ngan byed/ /gdung ba min la gdung bar byed/ /gzhan la gnyen 'dab 'du shes kyis/ /bdag nyid brdabs shing mya ngan byed/ /chos kyi spyod pa kun spangs nas/ /lag pa bsgreng ste cho nges 'debs/ /gti mug nga rgyal rgyags ldan zhing/ /yang dang yang du bag med byed/ /ces gsungs so/ /

【H4 有二句總結勸知】

　如是等種類、廣說遍應知。(缺藏字)

[　如是等種類、廣說遍應知。(缺藏字)]

【G4 鬪諍劫】

དེ་བཞིན་དུ་སྦྱར་ཏེ། རྩོད་པའི་དུས་ཀྱི་སྐྱོན་ནི་བཞི་སྟེ། ཚེ་ཡོངས་སུ་འགྲིབ་པ་དང༌། བདེ་བ་ཡོངས་སུ་འགྲིབ་པ་དང༌། ཡོན་ཏན་ཡོངས་སུ་འགྲིབ་པ་དང༌། འཇིག་རྟེན་གྱི་ཕུན་སུམ་ཚོགས་པ་ཡོངས་སུ་འགྲིབ་པའོ། །རྩོད་པའི་དུས་ན་སེམས་ཅན་རྣམས་གཅིག་ལ་གཅིག་གནས་བརྒྱད་བགྲང་བར་མི་བྱེད་དེ། ཆོས་བགྲང་བར་མི་བྱེད་པ་དང༌། སྙན་པ་དང༌། བསྟན་པ་དང༌། སྙིང་རྗེ་དང༌། བྱམས་པ་དང༌། ཡོན་ཏན་དང་ལྡན་པ་དང༌། ཕན་འདོགས་པ་དང༌། ཀུན་ཏུ་དགའ་བ་བགྲང་བར་མི་བྱེད་དོ་ཞེས་ཀྱང་གསུངས་སོ།། །།

de bzhin du sbyar te/ rtsod pa'i dus kyi skyon ni bzhi ste/ tshe yongs su 'grib pa dang/ bde ba yongs su 'grib pa dang/ yon tan yongs su 'grib pa dang/ 'jig rten gyi phun sum tshogs pa yongs su 'grib pa'o/ /rtsod pa'i dus na sems can rnams gcig la gcig gnas brgyad bgrang bar mi byed de/ chos bgrang bar mi byed pa dang/ snyan pa dang/ bstan pa dang/ snying rje dang/ byams pa dang/ yon tan dang ldan pa dang/ phan 'dogs pa dang/ kun tu dga' ba bgrang bar mi byed do zhes kyang gsungs so// //

【F3 約十二緣起明生雜染】【G1 約五相明十二支】【H1 總說】

བམ་པོ་བཅུ་དྲུག་པ། སྐྱེ་བའི་ཀུན་ནས་ཉོན་མོངས་པ་ལ་མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ནས། སྐྱེ་བའི་རྐྱེན་གྱིས་རྒ་ཤི་ཞེས་བྱ་བའི་བར་དུ་གང་གསུངས་པ་དེ་ལ། མ་རིག་པ་ལ་སོགས་པ་ཡན་ལག་དེ་དག་གི་རབ་ཏུ་དབྱེ་བ་ཇི་ལྟར་བལྟ་བར་བྱ་ཞེ་ན། སྨྲས་པ། མདོར་བསྡུ་ན་རྣམ་པ་ལྔ་སྟེ། རྟགས་དང༌། ངོ་བོ་ཉིད་དང༌། ལས་དང༌། ཆོས་དང༌། རྒྱུ་དང་འབྲས་བུས་སོ། །

bam po bcu drug pa/ skye ba'i kun nas nyon mongs pa la ma rig pa'i rkyen gyis 'du byed rnams zhes bya ba nas/ skye ba'i rkyen gyis rga shi zhes bya ba'i bar du gang gsungs pa de la/ ma rig pa la sogs pa yan lag de dag gi rab tu dbye ba ji ltar blta bar bya zhe na/ smras pa/ mdor bsdu na rnam pa lnga ste/ rtags dang/ ngo bo nyid dang/ las dang/ chos dang/ rgyu dang 'bras bus so/ /

【H2 別釋】【I1 舉五相分別無明】【J1 解無明相門】

དེ་ལ་མ་རིག་པའི་རྟགས་དག་གང་ཞེ་ན། སྨྲས་པ། མ་རིག་པའི་རྟགས་ནི་འདོད་ཆགས་ཀྱང་ཡིན། ཁོང་ཁྲོ་བ་ཡང་ཡིན། ང་རྒྱལ་ཡང་ཡིན། ངར་འཛིན་པ་དང་ང་ཡིར་འཛིན་པ་ཡང་ཡིན། ངོ་ཚ་མེད་པ་དང་ཁྲེལ་མེད་པ་ཡང་ཡིན། བག་མེད་པ་ཡང་ཡིན། རང་བཞིན་གྱིས་ཁོ་རེ་ཆུང་བ་དང་རྨོངས་རྟུལ་བ་ཡང་ཡིན། གཉིད་ཆེ་བ་ཡང་ཡིན། སེམས་ཞུམ་པ་ཡིན། སྡིག་པའི་ལས་ཀུན་ཏུ་སྤྱོད་པ་ཡང་རྟགས་ཡིན་ནོ། །

de la ma rig pa'i rtags dag gang zhe na/ smras pa/ ma rig pa'i rtags ni 'dod chags kyang yin/ khong khro ba yang yin/ nga rgyal yang yin/ ngar 'dzin pa dang nga yir 'dzin pa yang yin/ ngo tsha med pa dang khrel med pa yang yin/ bag med pa yang yin/ rang bzhin gyis kho re chung ba dang rmongs rtul ba yang yin/ gnyid che ba yang yin/ sems zhum pa yin/ sdig pa'i las kun tu spyod pa yang rtags yin no/ /

【J2 解無明自性門】

མ་རིག་པའི་ངོ་བོ་ཉིད་གང་ཞེ་ན། སྨྲས་པ། མཚན་ཉིད་ཀྱི་ངོ་བོ་ཉིད་ནི་བཤད་ཟིན་ཏོ། །ད་ནི་རབ་ཏུ་དབྱེ་བ་ལས་ངོ་བོ་ཉིད་ཇེ་བརྗོད་པར་བྱ་སྟེ། མ་རིག་པ་ནི་བག་ལ་ཉལ་བ་ཡང་ཡོད་དོ། །སད་པ་ཡང་ཡོད་དོ། །ཉོན་མོངས་པ་དང་ལྡན་པ་ཡང་ཡོད་དོ། །འབའ་ཞིག་པ་མ་འདྲེས་པ་ཡང་ཡོད་དོ། །སེམས་ཀྱིས་ཟིལ་གྱིས་གནོན་པར་བྱེད་པ་ཡང་ཡོད་དོ། །ལས་ཀུན་ནས་སློང་བར་བྱེད་པ་ཡང་ཡོད་དོ། ཉོན་མོངས་པ་ཅན་མ་ཡིན་པ་ཡང་ཡོད་དོ། །ངོ་ཚ་བ་དང་བྲལ་བ་ཡང་ཡོད་དོ། །བསྟན་པ་ཡང་ཡོད་དེ། ཡོངས་སུ་མྱ་ངན་ལས་མི་འདའ་བའི་ཆོས་ཅན་རྣམས་ཀྱིའོ། །

ma rig pa'i ngo bo nyid gang zhe na/ smras pa/ mtshan nyid kyi ngo bo nyid ni bshad zin to/ /da ni rab tu dbye ba las ngo bo nyid je brjod par bya ste/ ma rig pa ni bag la nyal ba yang yod do/ /sad pa yang yod do/ /nyon mongs pa dang ldan pa yang yod do/ /'ba' zhig pa ma 'dres pa yang yod do/ /sems kyis zil gyis gnon par byed pa yang yod do/ /las kun nas slong bar byed pa yang yod do/ nyon mongs pa can ma yin pa yang yod do/ /ngo tsha ba dang bral ba yang yod do/ /bstan pa yang yod de/ yongs su mya ngan las mi 'da' ba'i chos can rnams kyi'o/ /

【J3 解無明業門】【K1 約十一義辨無明業】

མ་རིག་པའི་ལས་གང་ཞེ་ན། སྨྲས་པ། མ་རིག་པ་ནི་དོན་ལྐོག་ཏུ་གྱུར་པ་ལ་ཡང་ཀུན་ཏུ་རྨོངས་པར་བྱེད་པའོ། །མ་རིག་པ་ནི་མངོན་སུམ་དང༌། ངན་པ་དང༌། བར་མ་དང༌། རབ་དང༌། ཕན་པ་དང༌། མི་ཕན་པ་དང༌། དེ་ཁོ་ནའི་དོན་དང༌། མཛའ་བཤེས་ཀྱི་དོན་དང༌། རྒྱུ་དང་འབྲས་བུ་ལ་ཡང་ཀུན་ཏུ་རྨོངས་པར་བྱེད་དོ། །

ma rig pa'i las gang zhe na/ smras pa/ ma rig pa ni don lkog tu gyur pa la yang kun tu rmongs par byed pa'o/ /ma rig pa ni mngon sum dang/ ngan pa dang/ bar ma dang/ rab dang/ phan pa dang/ mi phan pa dang/ de kho na'i don dang/ mdza' bshes kyi don dang/ rgyu dang 'bras bu la yang kun tu rmongs par byed do/ /

【K2 約十種人辨無明業】

སེམས་ཅན་ཀུན་ཏུ་རྨོངས་པ་ནི་བཅུ་པོ་འདི་དག་ཡིན་ཏེ། སེམས་ཅན་ཀུན་ཏུ་རྨོངས་པ་དེ་དག་གིས་སེམས་ཅན་ཀུན་ཏུ་རྨོངས་པ་ཐམས་ཅད་བསྡུས་པར་འགྱུར་ཏེ། མ་ཚང་བས་ཀུན་ཏུ་རྨོངས་པ་དང༌། གཡེང་བས་ཀུན་ཏུ་རྨོངས་པ་དང༌། རྣམ་པར་གཡེང་བས་ཀུན་ཏུ་རྨོངས་པ་དང༌། རང་བཞིན་གྱིས་ཀུན་ཏུ་རྨོངས་པ་དང༌། མངོན་པར་ཞེན་པས་ཀུན་ཏུ་རྨོངས་པ་དང༌། འཁྲུལ་པས་ཀུན་ཏུ་རྨོངས་པ་དང༌། ཀུན་ཏུ་རྨོངས་པ་བརྟན་པ་དང༌། ཤིན་ཏུ་ཀུན་ཏུ་རྨོངས་པ་དང༌། མ་རྟོགས་པས་ཀུན་ཏུ་རྨོངས་པ་དང༌། མངོན་སུམ་ལ་ཀུན་ཏུ་རྨོངས་པའོ། །དེ་ལ་མ་ཚང་བས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་མིག་མ་ཚང་བའམ་རྣ་བ་མ་ཚང་བར་གྱུར་ནས། དེས་ན་མིག་གིས་རྣམ་པར་ཤེས་པར་བྱ་བའི་གཟུགས་རྣམས་སམ། རྣ་བས་རྣམ་པར་ཤེས་པར་བྱ་བའི་སྒྲ་རྣམས་ལ་ཐམས་ཅད་ཀྱི་ཐམས་ཅད་དུ་ཉམས་སུ་མྱོང་བ་མེད་པ་ལས་ཀུན་ཏུ་རྨོངས་པ་ལྟ་བུའོ། །དེ་ལ་གཡེང་བས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་གནོད་པའམ། སྡུག་བསྔལ་བའམ་ནད་ཚབས་ཆེ་བའམ། ཚོར་བས་སྡུག་བསྔལ་བའམ། སྨྱོས་ཏེ་སེམས་འཁྲུགས་ནས། དེས་དེ་ལེགས་པར་བྱས་པ་དང་ཉེས་པར་བྱས་པ་དག་ལ་ཀུན་ཏུ་རྨོངས་པ་ལྟ་བུའོ། །དེ་ལ་རྣམ་པར་གཡེང་བས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་གཞན་ལ་སེམས་འཕྲེལ་པར་གྱུར་པས་གཞན་ལ་ལེགས་པར་བྱས་པ་དང་ཉེས་པར་བྱས་པ་དག་ལ་ཀུན་ཏུ་རྨོངས་པ་ལྟ་བུའོ། །དེ་ལ་རང་བཞིན་གྱིས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་ཐོག་མ་མེད་པ་དང་ལྡན་པའི་འཁོར་བ་ན་རང་བཞིན་ཁོ་ནས་སྡུག་བསྔལ་བ་དང༌། ཀུན་ཏུ་འབྱུང་བ་དང༌། འགོག་པ་དང༌། ལམ་དང༌། གང་ཟག་ལ་བདག་མེད་པ་དང༌། ཆོས་ལ་བདག་མེད་པ་ལ་ཀུན་ཏུ་རྨོངས་པ་ལྟ་བུའོ༑ །དེ་ལ་མངོན་པར་ཞེན་པས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་ཕྱི་རོལ་པ་མུ་སྟེགས་ཅན་དུ་གྱུར་ནས་དེས་ན་དེ་འཇིག་ཚོགས་ལ་ལྟ་བ་དང༌། འཇིག་ཚོགས་ལ་ལྟ་བའི་རྩ་བ་ལས་བྱུང་བའི་ལྟ་བའི་རྣམ་པ་དག་ལ་ཀུན་ཏུ་རྨོངས་པ་ལྟ་བུའོ། །དེ་ལ་འཁྲུལ་པས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་མི་འཁྲུལ་པའམ། གྲངས་འཁྲུལ་པའམ། དབྱིབས་འཁྲུལ་པའམ། ཁ་དོག་འཁྲུལ་པའམ། ལས་འཁྲུལ་པས་འཁྲུལ་པ་དང༌། མཐུན་པའི་ཆོས་རྣམས་ལ་ཀུན་ཏུ་རྨོངས་པ་ལྟ་བུའོ། །དེ་ལ་ཀུན་ཏུ་རྨོངས་པ་བརྟན་པ་ནི་འདི་ལྟར་འདི་ན་ལ་ལ་ཡོངས་སུ་མྱ་ངན་ལས་མི་འདའ་བའི་ཆོས་ཅན་དུ་གྱུར་ནས། དེས་ན་དེའི་ཀུན་ཏུ་རྨོངས་པ་སངས་རྒྱས་རྣམས་ཀྱིས་ཀྱང་གཞིག་མི་སྤྱོད་པར་བརྟན་པ་ལྟ་བུའོ། །དེ་ལ་ཤིན་ཏུ་ཀུན་ཏུ་རྨོངས་པ་ནི་འདི་ལྟར་འདི་ན་ལ་ལ་རྟག་པར་རྒྱུན་དུ་ལོག་པར་བསྒྲུབ་པས། ལོག་པར་སྒྲུབ་པའི་རྒྱུ་ལས་བྱུང་བའི་སྡུག་བསྔལ་གྱིས་བཅོམ་པར་ཤེས་ཤིང་མཐོང་ཡང་དེ་ཉིད་ལ་རྒྱུག་ཅིང༌། དེ་ཉིད་ལ་མངོན་པར་དགའ་བ་དང༌། འདོད་ཆགས་ལ་སོགས་པ་སྤྱོད་པ་གང་ཡིན་པ་ལྟ་བུའོ། །དེ་ལ་མ་རྟོགས་པས་ཀུན་ཏུ་རྨོངས་པ་ནི། འདི་ལྟར་འདི་ན་ལ་ལ་མ་ཐོས་པ་དང༌། མ་བསམས་པ་དང་། མ་བསྒོམས་པའི་ཕྱིར་ཆོས་ཀྱི་དོན་ལ་ཀུན་ཏུ་རྨོངས་པ་ལྟ་བུའོ། །དེ་ལ་མངོན་སུམ་ལ་ཀུན་ཏུ་རྨོངས་པ་ནི་འདི་ལྟར་འདི་ན་ལ་ལ་འདུ་བྱེད་རྣམས་ཀྱི་མི་རྟག་པ་ཉིད་མངོན་སུམ་དུ་ཡང་དག་པར་རྗེས་སུ་མཐོང་བཞིན་དུ་རྟག་པར་འདུ་ཤེས་པ་དང༌། སྡུག་བསྔལ་ཉིད་མངོན་སུམ་དུ་ཡང་དག་པར་རྗེས་སུ་མཐོང་བཞིན་དུ་བདེ་བར་འདུ་ཤེས་པ་དང༌། མི་གཙང་བ་ཉིད་མངོན་སུམ་དུ་ཡང་དག་པར་རྗེས་སུ་མཐོང་བཞིན་དུ་གཙང་བར་འདུ་ཤེས་པ་དང༌། བདག་མེད་པ་ཉིད་མངོན་སུམ་དུ་ཡང་དག་པར་རྗེས་སུ་མཐོང་བཞིན་དུ་བདག་ཏུ་འདུ་ཤེས་པ་དང༌། ན་བའི་ཆོས་ཉིད་དང༌། རྒ་བའི་ཆོས་ཉིད་དང༌། འཆི་བའི་ཆོས་ཉིད་མངོན་སུམ་དུ་ཡང་དག་པར་རྗེས་སུ་མཐོང་བཞིན་དུ་བདེ་བར་འདུ་ཤེས་པ་དང༌། གནོད་པ་མེད་པར་འདུ་ཤེས་པ་ལྟ་བུའོ། །

sems can kun tu rmongs pa ni bcu po 'di dag yin te/ sems can kun tu rmongs pa de dag gis sems can kun tu rmongs pa thams cad bsdus par 'gyur te/ ma tshang bas kun tu rmongs pa dang/ g.yeng bas kun tu rmongs pa dang/ rnam par g.yeng bas kun tu rmongs pa dang/ rang bzhin gyis kun tu rmongs pa dang/ mngon par zhen pas kun tu rmongs pa dang/ 'khrul pas kun tu rmongs pa dang/ kun tu rmongs pa brtan pa dang/ shin tu kun tu rmongs pa dang/ ma rtogs pas kun tu rmongs pa dang/ mngon sum la kun tu rmongs pa'o/ /de la ma tshang bas kun tu rmongs pa ni/ 'di ltar 'di na la la mig ma tshang ba'am rna ba ma tshang bar gyur nas/ des na mig gis rnam par shes par bya ba'i gzugs rnams sam/ rna bas rnam par shes par bya ba'i sgra rnams la thams cad kyi thams cad du nyams su myong ba med pa las kun tu rmongs pa lta bu'o/ /de la g.yeng bas kun tu rmongs pa ni/ 'di ltar 'di na la la gnod pa'am/ sdug bsngal ba'am nad tshabs che ba'am/ tshor bas sdug bsngal ba'am/ smyos te sems 'khrugs nas/ des de legs par byas pa dang nyes par byas pa dag la kun tu rmongs pa lta bu'o/ /de la rnam par g.yeng bas kun tu rmongs pa ni/ 'di ltar 'di na la la gzhan la sems 'phrel par gyur pas gzhan la legs par byas pa dang nyes par byas pa dag la kun tu rmongs pa lta bu'o/ /de la rang bzhin gyis kun tu rmongs pa ni/ 'di ltar 'di na la la thog ma med pa dang ldan pa'i 'khor ba na rang bzhin kho nas sdug bsngal ba dang/ kun tu 'byung ba dang/ 'gog pa dang/ lam dang/ gang zag la bdag med pa dang/ chos la bdag med pa la kun tu rmongs pa lta bu'o| /de la mngon par zhen pas kun tu rmongs pa ni/ 'di ltar 'di na la la phyi rol pa mu stegs can du gyur nas des na de 'jig tshogs la lta ba dang/ 'jig tshogs la lta ba'i rtsa ba las byung ba'i lta ba'i rnam pa dag la kun tu rmongs pa lta bu'o/ /de la 'khrul pas kun tu rmongs pa ni/ 'di ltar 'di na la la mi 'khrul pa'am/ grangs 'khrul pa'am/ dbyibs 'khrul pa'am/ kha dog 'khrul pa'am/ las 'khrul pas 'khrul pa dang/ mthun pa'i chos rnams la kun tu rmongs pa lta bu'o/ /de la kun tu rmongs pa brtan pa ni 'di ltar 'di na la la yongs su mya ngan las mi 'da' ba'i chos can du gyur nas/ des na de'i kun tu rmongs pa sangs rgyas rnams kyis kyang gzhig mi spyod par brtan pa lta bu'o/ /de la shin tu kun tu rmongs pa ni 'di ltar 'di na la la rtag par rgyun du log par bsgrub pas/ log par sgrub pa'i rgyu las byung ba'i sdug bsngal gyis bcom par shes shing mthong yang de nyid la rgyug cing/ de nyid la mngon par dga' ba dang/ 'dod chags la sogs pa spyod pa gang yin pa lta bu'o/ /de la ma rtogs pas kun tu rmongs pa ni/ 'di ltar 'di na la la ma thos pa dang/ ma bsams pa dang / ma bsgoms pa'i phyir chos kyi don la kun tu rmongs pa lta bu'o/ /de la mngon sum la kun tu rmongs pa ni 'di ltar 'di na la la 'du byed rnams kyi mi rtag pa nyid mngon sum du yang dag par rjes su mthong bzhin du rtag par 'du shes pa dang/ sdug bsngal nyid mngon sum du yang dag par rjes su mthong bzhin du bde bar 'du shes pa dang/ mi gtsang ba nyid mngon sum du yang dag par rjes su mthong bzhin du gtsang bar 'du shes pa dang/ bdag med pa nyid mngon sum du yang dag par rjes su mthong bzhin du bdag tu 'du shes pa dang/ na ba'i chos nyid dang/ rga ba'i chos nyid dang/ 'chi ba'i chos nyid mngon sum du yang dag par rjes su mthong bzhin du bde bar 'du shes pa dang/ gnod pa med par 'du shes pa lta bu'o/ /

【K3 無辨無明於五處障礙】

གཞན་ཡང་མ་རིག་པ་ནི་གནས་ལྔ་ལ་སྒྲིབ་པར་བྱེད་པ་ཡིན་ཏེ། འདི་ལྟ་སྟེ། མ་རིག་པ་ནི་དེ་ཁོ་ནའི་ཤེས་པ་འཐོབ་པ་དང༌། ཉོན་མོངས་པ་ཉེ་བར་ཞི་བ་འཐོབ་པ་དང༌། འཕགས་པའི་ལམ་ཡོངས་སུ་འགྲུབ་པ་དང༌། བདེ་འགྲོར་འགྲོ་བ་དང༌། འཇིག་རྟེན་པ་རྣམས་ཀྱི་ཚེ་འདི་པའི་ཕུན་སུམ་ཚོགས་པ་ལ་སྒྲིབ་པར་བྱེད་པ་ཡིན་ནོ། །

gzhan yang ma rig pa ni gnas lnga la sgrib par byed pa yin te/ 'di lta ste/ ma rig pa ni de kho na'i shes pa 'thob pa dang/ nyon mongs pa nye bar zhi ba 'thob pa dang/ 'phags pa'i lam yongs su 'grub pa dang/ bde 'gror 'gro ba dang/ 'jig rten pa rnams kyi tshe 'di pa'i phun sum tshogs pa la sgrib par byed pa yin no/ /

【J4 解無明法】【K1 約四義以辨】

མ་རིག་པའི་ཆོས་ཉིད་ཀྱང་གང་ཞེ་ན། མ་རིག་པ་ནི་མ་རིག་པ་གང་དང་ལྡན་ན་རྨོངས་པ་ཞེས་བྱ་ལ། གཏི་མུག་གིས་བརླམས་པ་མ་ཡིན་པ་དང༌། གཏི་མུག་གི་དྲི་མ་ཅན་མ་ཡིན་པ་དང༌། གཏི་མུག་གི་དབང་དུ་གྱུར་པ་མ་ཡིན་པ་ཡང་ཡོད་དོ། །འདི་ལྟ་སྟེ། བག་ལ་ཉལ་དུ་གནས་པའི་མ་རིག་པ་དང་ལྡན་པའོ༑ །རྨོངས་པ་ཡང་ཡིན། གཏི་མུག་གིས་བརླམས་པ་ཡང་ཡིན་ལ། གཏི་མུག་གི་དྲི་མ་ཅན་མ་ཡིན་པ་དང༌། གཏི་མུག་གི་དབང་དུ་གྱུར་པ་མ་ཡིན་པ་ཡང་ཡོད་དེ། འདི་ལྟ་སྟེ། ཀུན་ནས་དཀྲིས་པར་གཏོགས་པའི་མ་རིག་པ་དང་ལྡན་པའོ༑ །རྨོངས་པ་ཡང་ཡིན། གཏི་མུག་གིས་བརླམས་པ་ཡང་ཡིན། གཏི་མུག་གི་དྲི་མ་ཅན་ཡང་ཡིན་ལ། གཏི་མུག་གི་དབང་དུ་གྱུར་པ་མ་ཡིན་པ་ཡང་ཡོད་དེ། འདི་ལྟ་སྟེ། མ་རིག་པའི་རྒྱུ་ལས་བྱུང་བའི་སྡིག་པ་མི་དགེ་བའི་ལས་ཀུན་ནས་སློང་བར་བྱེད་པའི་མ་རིག་པ་དང་ལྡན་པ་སྟེ། དེ་ནི་ལས་ཀུན་ནས་བསླངས་ནས་ཉེས་པར་སྤྱད་པ་དེས་ངོ་ཚ་བར་བྱེད་པའི་ཕྱིར་རོ། །རྨོངས་པ་ཡང་ཡིན༑ གཏི་མུག་གིས་བརླམས་པ་ཡང་ཡིན། གཏི་མུག་གི་དྲི་མ་ཅན་ཡང་ཡིན། གཏི་མུག་གི་དབང་དུ་གྱུར་པ་ཡིན་པ་ཡང་ཡོད་དེ། འདི་ལྟ་སྟེ། མ་རིག་པའི་རྒྱུ་ལས་བྱུང་བའི་སྡིག་པ་མི་དགེ་བའི་ལས་ཀུན་ནས་བསླངས་ནས་ཉེས་པར་སྤྱད་པ་དེས་ངོ་ཚ་བར་མི་བྱེད་པའི་ཕྱིར་རོ། །དེ་ན་མ་རིག་པ་རྣམ་པ་གསུམ་གྱིས་ནི་རྨོངས་པ་ཡིན་ལ། མི་གཏི་མུག་ཅན་ཞེས་ནི་མི་བྱའོ། ཐ་མས་ནི་མི་གཏི་མུག་ཅན་ཞེས་ཀྱང་བྱའོ། །

ma rig pa'i chos nyid kyang gang zhe na/ ma rig pa ni ma rig pa gang dang ldan na rmongs pa zhes bya la/ gti mug gis brlams pa ma yin pa dang/ gti mug gi dri ma can ma yin pa dang/ gti mug gi dbang du gyur pa ma yin pa yang yod do/ /'di lta ste/ bag la nyal du gnas pa'i ma rig pa dang ldan pa'o| /rmongs pa yang yin/ gti mug gis brlams pa yang yin la/ gti mug gi dri ma can ma yin pa dang/ gti mug gi dbang du gyur pa ma yin pa yang yod de/ 'di lta ste/ kun nas dkris par gtogs pa'i ma rig pa dang ldan pa'o| /rmongs pa yang yin/ gti mug gis brlams pa yang yin/ gti mug gi dri ma can yang yin la/ gti mug gi dbang du gyur pa ma yin pa yang yod de/ 'di lta ste/ ma rig pa'i rgyu las byung ba'i sdig pa mi dge ba'i las kun nas slong bar byed pa'i ma rig pa dang ldan pa ste/ de ni las kun nas bslangs nas nyes par spyad pa des ngo tsha bar byed pa'i phyir ro/ /rmongs pa yang yin| gti mug gis brlams pa yang yin/ gti mug gi dri ma can yang yin/ gti mug gi dbang du gyur pa yin pa yang yod de/ 'di lta ste/ ma rig pa'i rgyu las byung ba'i sdig pa mi dge ba'i las kun nas bslangs nas nyes par spyad pa des ngo tsha bar mi byed pa'i phyir ro/ /de na ma rig pa rnam pa gsum gyis ni rmongs pa yin la/ mi gti mug can zhes ni mi bya'o/ tha mas ni mi gti mug can zhes kyang bya'o/ /

【K2 約三界以辨】

མ་རིག་པ་ནི་མུན་ནག་གི་ཆོས་ཅན་ཡང་ཡོད་དེ། འདི་ལྟ་སྟེ་འདོད་པ་ན་སྤྱོད་པའོ། །མུན་པའི་ཆོས་ཅན་ཡང་ཡོད་དེ། འདི་ལྟ་སྟེ༑ གཟུགས་ན་སྤྱོད་པའོ། །རབ་རིབ་ཀྱི་ཆོས་ཅན་ཡང་ཡོད་དེ། འདི་ལྟ་སྟེ༑ གཟུགས་མེད་པ་ན་སྤྱོད་པའོ། །

ma rig pa ni mun nag gi chos can yang yod de/ 'di lta ste 'dod pa na spyod pa'o/ /mun pa'i chos can yang yod de/ 'di lta ste| gzugs na spyod pa'o/ /rab rib kyi chos can yang yod de/ 'di lta ste| gzugs med pa na spyod pa'o/ /

【J5 解無明因果】【K1 問】

མ་རིག་པའི་རྒྱུ་དང་འབྲས་བུ་གང་ཡིན་ཞེ་ན།

ma rig pa'i rgyu dang 'bras bu gang yin zhe na/

【K2 答】【L1 正釋無明是其因體】

སྨྲས་པ། རྒྱུ་ནི་འདི་ལྟ་སྟེ། སའི་དངོས་གཞིར་བསྟན་པ་བཞིན་དུ་བལྟ་བར་བྱའོ། །

smras pa/ rgyu ni 'di lta ste/ sa'i dngos gzhir bstan pa bzhin du blta bar bya'o/ /

【L2 明生果】

འབྲས་བུ་ནི་སྲིད་པའི་ཡན་ལག་ཐམས་ཅད་དོ། །གཞན་ཡང་དེ་བཞིན་ཉིད་དང་བདེན་པའི་དོན་མི་རྟོགས་པ་དང༌། དེ་བཞིན་ཉིད་དུ་དེ་ཉིད་ལ་ཐེ་ཚོམ་ཟ་བ་དང༌། ལོག་པར་ངེས་ནས་མི་རྟག་པ་ལ་སོགས་པ་ལ་ཕྱིན་ཅི་ལོག་ཏུ་འཛིན་ཅིང་མངོན་པར་ཞེན་པའི་ཕྱིར་རམ། མངོན་པའི་ང་རྒྱལ་གྱི་ཕྱིར་རམ། བདག་ཁྱད་དུ་གསོད་པའི་ཕྱིར་རམ་བདེན་པ་ལ་སྐུར་པ་འདེབས་པའམ། སྒྲོ་འདོགས་པའོ། །

'bras bu ni srid pa'i yan lag thams cad do/ /gzhan yang de bzhin nyid dang bden pa'i don mi rtogs pa dang/ de bzhin nyid du de nyid la the tshom za ba dang/ log par nges nas mi rtag pa la sogs pa la phyin ci log tu 'dzin cing mngon par zhen pa'i phyir ram/ mngon pa'i nga rgyal gyi phyir ram/ bdag khyad du gsod pa'i phyir ram bden pa la skur pa 'debs pa'am/ sgro 'dogs pa'o/ /

【I2 餘十一支總類不解】

སྲིད་པའི་ཡན་ལག་ལྷག་མ་རྣམས་ཀྱི་རྣམ་པར་གཏན་ལ་དབབ་པའི་གཞུང་ནི་མི་སྣང་ངོ༌། །

srid pa'i yan lag lhag ma rnams kyi rnam par gtan la dbab pa'i gzhung ni mi snang ngo/ /

【G2 通經異說】【H1 舉經為難】

དེ་ལ་བཅོམ་ལྡན་འདས་ཀྱིས་མིག་གི་རྣམ་པར་ཤེས་པ་སྐྱེ་བའི་རྒྱུ་ནི་མིག་ཡིན་ལ། རྐྱེན་ནི་གཟུགས་རྣམས་ཡིན་ནོ་ཞེས་བྱ་བ་ནས་ལུས་ཀྱི་རྣམ་པར་ཤེས་པ་སྐྱེ་བའི་རྒྱུ་ནི་ལུས་ཡིན་ལ། རྐྱེན་ནི་རེག་བྱ་རྣམས་ཡིན་ནོ་ཞེས་བྱ་བའི་བར་དུ་གང་གསུངས་པ་དང༌། རེག་པའི་རྐྱེན་གྱིས་ཚོར་བའོ་ཞེས་གང་གསུངས་པ་དང༌། དེ་དང་འབྱུང་བའི་རྣམ་པར་ཤེས་པ་སྐྱེ་བའི་རྒྱུ་ནི་དེ་དང་འབྱུང་བའི་ཡིད་ལ་བྱེད་པ་ཡིན་ནོ་ཞེས་གང་གསུངས་པ་དེ་ལ། གང་གི་ཚེ་མིག་ལ་སོགས་པའི་མིག་གི་རྣམ་པར་ཤེས་པ་ལ་སོགས་པའི་སྐྱེད་པའི་རྒྱུ་དག་མ་ཡིན་པ་དང༌། རེག་པ་ཡང་ཚོར་བའི་སྐྱེད་པའི་རྒྱུ་མ་ཡིན་པ་དང༌། དེ་དང་འབྱུང་བའི་ཡིད་ལ་བྱེད་པ་ཡང་དེ་དང་འབྱུང་བའི་རྣམ་པར་ཤེས་པ་སྐྱེད་པའི་རྒྱུ་མ་ཡིན་ཏེ། འདི་ལྟར་དེ་དག་གི་རང་གི་ས་བོན་ཉིད་སྐྱེད་པའི་རྒྱུ་ཡིན་པ་དེའི་ཚེ། ཅིའི་ཕྱིར་མིག་ལ་སོགས་པ་ཇི་སྐད་བསྟན་པ་དག་མིག་གི་རྣམ་པར་ཤེས་པ་ལ་སོགས་པ་ཇི་སྐད་བསྟན་པ་དག་གི་རྒྱུ་ཡིན་པར་གསུངས་ཤེ་ན།

de la bcom ldan 'das kyis mig gi rnam par shes pa skye ba'i rgyu ni mig yin la/ rkyen ni gzugs rnams yin no zhes bya ba nas lus kyi rnam par shes pa skye ba'i rgyu ni lus yin la/ rkyen ni reg bya rnams yin no zhes bya ba'i bar du gang gsungs pa dang/ reg pa'i rkyen gyis tshor ba'o zhes gang gsungs pa dang/ de dang 'byung ba'i rnam par shes pa skye ba'i rgyu ni de dang 'byung ba'i yid la byed pa yin no zhes gang gsungs pa de la/ gang gi tshe mig la sogs pa'i mig gi rnam par shes pa la sogs pa'i skyed pa'i rgyu dag ma yin pa dang/ reg pa yang tshor ba'i skyed pa'i rgyu ma yin pa dang/ de dang 'byung ba'i yid la byed pa yang de dang 'byung ba'i rnam par shes pa skyed pa'i rgyu ma yin te/ 'di ltar de dag gi rang gi sa bon nyid skyed pa'i rgyu yin pa de'i tshe/ ci'i phyir mig la sogs pa ji skad bstan pa dag mig gi rnam par shes pa la sogs pa ji skad bstan pa dag gi rgyu yin par gsungs she na/

【H2 釋通】【I1 熟俱有依攝引發因以釋】

ལྷན་ཅིག་འབྱུང་བ་གནས་སུ་བསྡུས་པ་སྐྱེད་པར་བྱེད་པའི་རྒྱུ་ལས་དགོངས་ཏེ་གསུངས་པ་ཡིན་གྱི། མངོན་པར་འགྲུབ་པའི་རྒྱུ་ལས་ནི་མ་ཡིན་ཏེ། འདི་ལྟར་ལྷན་ཅིག་འབྱུང་བའི་མིག་ལ་སོགས་པའི་དབང་པོ་ལ་བརྟེན་ནས། མིག་ལ་སོགས་པའི་རྣམ་པར་ཤེས་པ་དམིགས་པ་དེ་དང་དེ་ལ་འཇུག་པར་འགྱུར་གྱི། མ་བརྟེན་པར་མི་འཇུག་པའི་ཕྱིར་དང༌། དེ་བཞིན་དུ་ལྷན་ཅིག་འབྱུང་བའི་རེག་པ་ལ་བརྟེན་ནས་ཚོར་བ་རྣམས་སྐྱེ་བར་འགྱུར་གྱི། མ་བརྟེན་པར་མི་འགྱུར་བའི་ཕྱིར་དང༌། དེ་བཞིན་དུ་ལྷན་ཅིག་འབྱུང་བ་དེ་དང་འབྱུང་བའི་ཡིད་ལ་བྱེད་པ་ལ་བརྟེན་ནས་དེ་དང་འབྱུང་བའི་རྣམ་པར་ཤེས་པ་སྐྱེ་བར་འགྱུར་གྱི་མ་བརྟན་པར་ནི་མི་འབྱུང་བའི་ཕྱིར་ཏེ། དེ་ལྟར་ན་བཅོམ་ལྡན་འདས་ཀྱིས་ཐམས་ཅད་དུ་ཡང་ལྷན་ཅིག་འབྱུང་བ་གནས་སུ་བསྡུས་པ་སྐྱེད་པར་བྱེད་པའི་རྒྱུ་ལས་དགོངས་ཏེ་གསུངས་པ་ཡིན་གྱི། མངོན་པར་འགྲུབ་པའི་རྒྱུའམ། འཁོར་གྱི་རྒྱུ་ལས་ནི་མ་ཡིན་ནོ། །

lhan cig 'byung ba gnas su bsdus pa skyed par byed pa'i rgyu las dgongs te gsungs pa yin gyi/ mngon par 'grub pa'i rgyu las ni ma yin te/ 'di ltar lhan cig 'byung ba'i mig la sogs pa'i dbang po la brten nas/ mig la sogs pa'i rnam par shes pa dmigs pa de dang de la 'jug par 'gyur gyi/ ma brten par mi 'jug pa'i phyir dang/ de bzhin du lhan cig 'byung ba'i reg pa la brten nas tshor ba rnams skye bar 'gyur gyi/ ma brten par mi 'gyur ba'i phyir dang/ de bzhin du lhan cig 'byung ba de dang 'byung ba'i yid la byed pa la brten nas de dang 'byung ba'i rnam par shes pa skye bar 'gyur gyi ma brtan par ni mi 'byung ba'i phyir te/ de ltar na bcom ldan 'das kyis thams cad du yang lhan cig 'byung ba gnas su bsdus pa skyed par byed pa'i rgyu las dgongs te gsungs pa yin gyi/ mngon par 'grub pa'i rgyu'am/ 'khor gyi rgyu las ni ma yin no/ /

【I2 就助伴因以釋通】

དེ་ཅིའི་ཕྱིར་ཞེ་ན། འདི་ལྟར་མིག་འགགས་པས་ནི་མིག་གི་རྣམ་པར་ཤེས་པ་སྐྱེས་པའི་གནས་ཀྱི་བྱ་བ་བྱེད་པར་མི་ནུས་ཏེ། རྣ་བ་ལ་སོགས་པ་ལྷག་མ་རྣམས་ཀྱང་དེ་དང་འདྲ་བ་དང༌། རེག་པ་འགགས་པས་ཀྱང་ཚོར་བ་སྐྱེས་པའི་གནས་ཀྱི་བྱ་བ་བྱེད་པར་མི་ནུས་པ་དང༌། དེ་དང་འབྱུང་བའི་ཡིད་ལ་བྱེད་པ་འགགས་པས་ཀྱང་དེ་དང་འབྱུང་བའི་རྣམ་པར་ཤེས་པ་སྐྱེས་པའི་གནས་ཀྱི་བྱ་བ་བྱེད་པར་མི་ནུས་པའི་ཕྱིར་རོ། །

de ci'i phyir zhe na/ 'di ltar mig 'gags pas ni mig gi rnam par shes pa skyes pa'i gnas kyi bya ba byed par mi nus te/ rna ba la sogs pa lhag ma rnams kyang de dang 'dra ba dang/ reg pa 'gags pas kyang tshor ba skyes pa'i gnas kyi bya ba byed par mi nus pa dang/ de dang 'byung ba'i yid la byed pa 'gags pas kyang de dang 'byung ba'i rnam par shes pa skyes pa'i gnas kyi bya ba byed par mi nus pa'i phyir ro/ /

【G3 明緣起有四次第】

གཞན་ཡང་རྟེན་ཅིང་འབྲེལ་པར་འབྱུང་བའི་གོ་རིམས་ཀྱི་རྣམ་གྲངས་ནི་མདོར་བསྡུ་ན་རྣམ་པ་བཞིས་རིག་པར་བྱ་སྟེ། འདི་ལྟ་སྟེ། འཕེན་པའི་གོ་རིམས་དང༌། མངོན་པར་འགྲུབ་པའི་གོ་རིམས་དང༌། ཡུལ་ལ་ཡོངས་སུ་ལོངས་སྤྱོད་པའི་གོ་རིམས་དང༌། སྡུག་བསྔལ་ལ་ཡོངས་སུ་སྤྱོད་པའི་གོ་རིམས་ཀྱིས་སོ། །དེ་ལ་མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ཞེས་བྱ་བ་ནི་འཕེན་པའི་གོ་རིམས་ཡིན་ནོ། །དེ་ལ་རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་ཅེས་བྱ་བ་ནི་མངོན་པར་འགྲུབ་པའི་གོ་རིམས་ཡིན་ནོ། །དེ་ལ་སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ་ཞེས་བྱ་བ་ནི་མངོན་པར་འགྲུབ་པའི་ཡུལ་ལ་ཡོངས་སུ་སྤྱོད་པའི་གོ་རིམས་ཡིན་ནོ། །དེ་ལ་ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་ཞེས་བྱ་བ་ནི་སྡུག་བསྔལ་ལ་ཡོངས་སུ་སྤྱོད་པའི་གོ་རིམས་ཡིན་པར་རིག་པར་བྱའོ། །ཕྱོགས་འདིའི་གཞུང་ནི་དེ་ལས་མི་སྣང་ངོ༌། །

gzhan yang rten cing 'brel par 'byung ba'i go rims kyi rnam grangs ni mdor bsdu na rnam pa bzhis rig par bya ste/ 'di lta ste/ 'phen pa'i go rims dang/ mngon par 'grub pa'i go rims dang/ yul la yongs su longs spyod pa'i go rims dang/ sdug bsngal la yongs su spyod pa'i go rims kyis so/ /de la ma rig pa'i rkyen gyis 'du byed rnams/ 'du byed kyi rkyen gyis rnam par shes pa zhes bya ba ni 'phen pa'i go rims yin no/ /de la rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug ces bya ba ni mngon par 'grub pa'i go rims yin no/ /de la skye mched drug gi rkyen gyis reg pa/ reg pa'i rkyen gyis tshor ba zhes bya ba ni mngon par 'grub pa'i yul la yongs su spyod pa'i go rims yin no/ /de la tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi zhes bya ba ni sdug bsngal la yongs su spyod pa'i go rims yin par rig par bya'o/ /phyogs 'di'i gzhung ni de las mi snang ngo/ /

【F4 重舉佛經解釋】【G1 解出愛王經】【H1 舉王問】【I1 敘問意】

བཅོམ་ལྡན་འདས་ཀྱིས་བད་སའི་རྒྱལ་པོ་འཆར་བྱེད་ལས་བརྩམས་ནས། བདས་སའི་རྒྱལ་པོ་འཆར་བྱེད་བཅོམ་ལྡན་འདས་ག་ལ་བ་དེར་སོང་ནས། བཅོམ་ལྡན་འདས་ལ་འདི་སྐད་གསོལ་ཞེས་གྲག་སྟེ། བཙུན་པ་འདི་ན་དགེ་སྦྱོང་དང༌། བྲམ་ཟེ་ཁ་ཅིག་བདག་ག་ལ་བ་དེར་མཆིས་ནས། བདག་ལ་མངོན་སུམ་དུ་ཡང་དག་པ་མ་ལགས་པ་དང༌། དེ་ཁོ་ན་མ་ལགས་པའི་སྐྱོན་དག་གིས་སྨ་འབེབས་པར་བགྱིད་དེ། ཡང་དག་པ་མ་ལགས་པ་དང༌། དེ་ཁོ་ན་མ་ལགས་པའི་སྐྱོན་དག་གིས་སྨ་འབེབས་པར་བགྱིད་པ་ན། བདག་ལ་སེམས་ཞུམ་པ་མ་སྐྱེས་ལགས་སོ། །དེ་ཅིའི་སླད་དུ་ཞེ་ན། འདི་ལྟར་བདག་གིས་ཡང་དག་པ་མ་ལགས་པ་དང༌། དེ་ཁོ་ན་མ་ལགས་པའི་སྐྱོན་དེ་དག་བདག་ལ་སོ་སོར་བརྟགས་ན་ཡང་དག་པར་རྗེས་སུ་མ་མཐོང་བའི་སླད་དུའོ། །གཞན་ཡང་དགེ་སྦྱོང་དང་། བྲམ་ཟེ་ཁ་ཅིག་བདག་ག་ལ་བ་དེར་མཆིས་ནས། བདག་ལ་མངོན་སུམ་དུ་ཡང་དག་པ་མ་ལགས་པ་དང༌། དེ་ཁོ་ན་མ་ལགས་པའི་ཡོན་ཏན་དག་གིས་སྤྲོ་བར་བགྱིད་དེ། ཡང་དག་པ་མ་ལགས་པ་དང༌། དེ་ཁོ་ན་མ་ལགས་པའི་ཡོན་ཏན་དག་གིས་སྤྲོ་བར་བགྱིད་པ་ན་ཡང་བདག་ལ་དགའ་བ་དང་ཡིད་བདེ་བ་དང་སེམས་ཡེང་ཡེང་བ་ཉིད་མ་སྐྱེས་ལགས་སོ། །དེ་ཅིའི་སླད་དུ་ཞེ་ན། འདི་ལྟར་བདག་གིས་ཡང་དག་པ་མ་ལགས་པ་དང༌། དེ་ཁོ་ན་མ་ལགས་པའི་ཡོན་ཏན་དེ་དག་བདག་ལ་སོ་སོར་བརྟགས་ན། ཡང་དག་པར་རྗེས་སུ་མ་མཐོང་བའི་སླད་དུའོ། །དགེ་སྦྱོང་དང་བྲམ་ཟེ་དེ་དག་སླར་མཆིས་ནས་བདག་གཅིག་པུ་དབེན་པར་མཆིས་པ་ན་སེམས་ལ་སེམས་ཀྱིས་ཡོངས་སུ་རྟོག་པ་འདི་ལྟ་བུ་སྐྱེས་ལགས་ཏེ། གལ་ཏེ་བདག་གིས་རྒྱལ་པོའི་སྐྱོན་ཡང་དག་པ་དག་འཚལ་བར་གྱུར་ཅིང༌། རྒྱལ་པོའི་ཡོན་ཏན་ཡང་དག་པ་དག་ཀྱང་འཚལ་བར་གྱུར་ན། བདག་གིས་རྒྱལ་པོའི་སྐྱོན་རྣམས་ནི་མངོན་པར་སྤངས་ལ་རྒྱལ་པོའི་ཡོན་ཏན་རྣམས་ནི་ཡང་དག་པར་བླང་བར་བགྱི་ན། གང་བདག་ལ་རྒྱལ་པོའི་སྐྱོན་ཡང་དག་པ་དང༌། རྒྱལ་པོའི་ཡོན་ཏན་ཡང་དག་པ་དག་རྒྱ་ཆེར་ཡང་དག་པར་སྟོན་པར་རྔོ་ཐོགས་པའི་དགེ་སྦྱོང་ངམ། བྲམ་ཟེ་དེ་གང་ལགས་སྙམ་པ་དེ་ལྟ་བུའི་སེམས་ཀྱིས་ཡོངས་སུ་རྟོག་པ་སྐྱེས་ལགས་སོ། །དེ་ནས་བདག་འདི་སྙམ་དུ་སེམས་པར་གྱུར་ལགས་ཏེ། བཅོམ་ལྡན་འདས་འདི་ནི་ཐམས་ཅད་མཁྱེན་པ། ཐམས་ཅད་གཟིགས་པ་ལགས་པས། དེས་ནི་རྒྱལ་པོའི་སྐྱོན་ཡང་དག་པ་དག་དང༌། རྒྱལ་པོའི་ཡོན་ཏན་ཡང་དག་པ་དག་མཁྱེན་གྱི། བདག་བཅོམ་ལྡན་འདས་ཀྱི་སྤྱན་སྔར་མཆིས་ཏེ། དོན་དེ་ཉིད་ཡོངས་སུ་ཞུའོ་སྙམ་དུ་སེམས་པར་གྱུར་ལགས་པས། བཅོམ་ལྡན་འདས་ལ་བདག་དོན་དེ་ཉིད་ཡོངས་སུ་ཞུ་ལགས་སོ། །

bcom ldan 'das kyis bad sa'i rgyal po 'char byed las brtsams nas/ bdas sa'i rgyal po 'char byed bcom ldan 'das ga la ba der song nas/ bcom ldan 'das la 'di skad gsol zhes grag ste/ btsun pa 'di na dge sbyong dang/ bram ze kha cig bdag ga la ba der mchis nas/ bdag la mngon sum du yang dag pa ma lags pa dang/ de kho na ma lags pa'i skyon dag gis sma 'bebs par bgyid de/ yang dag pa ma lags pa dang/ de kho na ma lags pa'i skyon dag gis sma 'bebs par bgyid pa na/ bdag la sems zhum pa ma skyes lags so/ /de ci'i slad du zhe na/ 'di ltar bdag gis yang dag pa ma lags pa dang/ de kho na ma lags pa'i skyon de dag bdag la so sor brtags na yang dag par rjes su ma mthong ba'i slad du'o/ /gzhan yang dge sbyong dang / bram ze kha cig bdag ga la ba der mchis nas/ bdag la mngon sum du yang dag pa ma lags pa dang/ de kho na ma lags pa'i yon tan dag gis spro bar bgyid de/ yang dag pa ma lags pa dang/ de kho na ma lags pa'i yon tan dag gis spro bar bgyid pa na yang bdag la dga' ba dang yid bde ba dang sems yeng yeng ba nyid ma skyes lags so/ /de ci'i slad du zhe na/ 'di ltar bdag gis yang dag pa ma lags pa dang/ de kho na ma lags pa'i yon tan de dag bdag la so sor brtags na/ yang dag par rjes su ma mthong ba'i slad du'o/ /dge sbyong dang bram ze de dag slar mchis nas bdag gcig pu dben par mchis pa na sems la sems kyis yongs su rtog pa 'di lta bu skyes lags te/ gal te bdag gis rgyal po'i skyon yang dag pa dag 'tshal bar gyur cing/ rgyal po'i yon tan yang dag pa dag kyang 'tshal bar gyur na/ bdag gis rgyal po'i skyon rnams ni mngon par spangs la rgyal po'i yon tan rnams ni yang dag par blang bar bgyi na/ gang bdag la rgyal po'i skyon yang dag pa dang/ rgyal po'i yon tan yang dag pa dag rgya cher yang dag par ston par rngo thogs pa'i dge sbyong ngam/ bram ze de gang lags snyam pa de lta bu'i sems kyis yongs su rtog pa skyes lags so/ /de nas bdag 'di snyam du sems par gyur lags te/ bcom ldan 'das 'di ni thams cad mkhyen pa/ thams cad gzigs pa lags pas/ des ni rgyal po'i skyon yang dag pa dag dang/ rgyal po'i yon tan yang dag pa dag mkhyen gyi/ bdag bcom ldan 'das kyi spyan sngar mchis te/ don de nyid yongs su zhu'o snyam du sems par gyur lags pas/ bcom ldan 'das la bdag don de nyid yongs su zhu lags so/ /

【I2 正問】

བཅོམ་ལྡན་འདས་རྒྱལ་པོའི་སྐྱོན་ཡང་དག་པ་དང་། རྒྱལ་པོའི་ཡོན་ཏན་ཡང་དག་པ་དེ་དག་གང་ལགས། དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བད་སའི་རྒྱལ་པོ་འཆར་བྱེད་ལ་

bcom ldan 'das rgyal po'i skyon yang dag pa dang / rgyal po'i yon tan yang dag pa de dag gang lags/ de skad ces gsol pa dang/ bcom ldan 'das kyis bad sa'i rgyal po 'char byed la

【H2 佛為解】【I1 開六章解王問】

འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དེའི་ཕྱིར་ཁྱོད་ཀྱིས་རྒྱལ་པོའི་སྐྱོན་དག་ཀྱང་རིག་པར་བྱ། རྒྱལ་པོའི་ཡོན་ཏན་དག་ཀྱང་རིག་པར་བྱ་སྟེ། རྒྱལ་པོས་ནི་ཉམས་པའི་སྒོ་དག་ཀྱང་རིག་པར་བྱ། ཐབས་ཀྱི་སྒོ་དག་ཀྱང་རིག་པར་བྱ། འདོད་པའི་ཆོས་དག་ཀྱང་རིག་པར་བྱ། འདོད་པ་འདྲེན་པར་བྱེད་པའི་ཆོས་དག་ཀྱང་རིག་པར་བྱའོ། །

'di skad ces bka' stsal to/ /rgyal po chen po de'i phyir khyod kyis rgyal po'i skyon dag kyang rig par bya/ rgyal po'i yon tan dag kyang rig par bya ste/ rgyal pos ni nyams pa'i sgo dag kyang rig par bya/ thabs kyi sgo dag kyang rig par bya/ 'dod pa'i chos dag kyang rig par bya/ 'dod pa 'dren par byed pa'i chos dag kyang rig par bya'o/ /

【I2 依章解】【J1 解王的十種過失】【K1 列十門】

དེ་ལ་རྒྱལ་པོའི་སྐྱོན་རྣམས་གང་ཞེ་ན། རྒྱལ་པོ་ཆེན་པོ་བཅུ་པོ་འདི་དག་ནི་རྒྱལ་པོའི་སྐྱོན་དག་ཡིན་ཏེ། དེ་དག་དང་ལྡན་ན་རྒྱལ་པོ་ལོངས་སྤྱོད་ཆེ་ཞིང་རྩ་འཇིང་ཆེ་ལ་འཁོར་མང་དུ་ཟིན་ཀྱང༌། སྐྱབས་ཀྱི་འོས་མ་ཡིན་ཞིང་སྐྱབས་སུ་འགྱུར་བའི་འོས་མ་ཡིན་ནོ། །བཅུ་གང་ཞེ་ན། རིགས་མི་བཙུན་པ་ཡིན། རང་དབང་མེད་པ་ཡིན། རང་བཞིན་གྱིས་གཏུམ་པ་ཡིན། འཁྲུགས་པའི་ཤས་ཆེ་བ་ཡིན། བྱ་དགའ་ཆུང་བ་ཡིན། དམ་པ་མ་ཡིན་པ་རྣམས་ཀྱི་ངག་ཉན་པ་ཡིན། མ་བརྟགས་པར་བྱེད་ཅིང་ཆོས་ལུགས་དང་མི་ལྡན་པ་ཡིན། ཆོས་ལ་མི་ལྟ་བ་ཡིན། བྱེ་བྲག་མི་ཤེས་ཤིང་བྱས་པ་མི་གཟོ་བ་ཡིན། རབ་ཏུ་མྱོས་ཤིང་གཅིག་ཏུ་བག་མེད་པར་སྤྱོད་པ་ཡིན་ནོ། །

de la rgyal po'i skyon rnams gang zhe na/ rgyal po chen po bcu po 'di dag ni rgyal po'i skyon dag yin te/ de dag dang ldan na rgyal po longs spyod che zhing rtsa 'jing che la 'khor mang du zin kyang/ skyabs kyi 'os ma yin zhing skyabs su 'gyur ba'i 'os ma yin no/ /bcu gang zhe na/ rigs mi btsun pa yin/ rang dbang med pa yin/ rang bzhin gyis gtum pa yin/ 'khrugs pa'i shas che ba yin/ bya dga' chung ba yin/ dam pa ma yin pa rnams kyi ngag nyan pa yin/ ma brtags par byed cing chos lugs dang mi ldan pa yin/ chos la mi lta ba yin/ bye brag mi shes shing byas pa mi gzo ba yin/ rab tu myos shing gcig tu bag med par spyod pa yin no/ /

【K2 次第解】【L1 種姓不高】

ཇི་ལྟར་ན་རིགས་མི་བཙུན་པ་ཡིན་ཞེ་ན། འདི་ལ་རྒྱལ་པོ་རྒྱལ་པོའི་རིགས་ཤིན་ཏུ་དམན་པ་རྐྱེན་དུ་འབབ་པ་མ་ཡིན་པར་སྐྱེས་པའམ། རྒྱལ་པོའི་རིགས་དེ་ཉིད་དུ་བྲན་མོའི་བུའམ། མི་འདྲ་བའི་བུར་སྐྱེས་པའམ། ཚལ་ཟའམ། བློ་གྲོགས་སམ༑ བློན་པོའམ། གྲོས་གྲོགས་ཀྱི་བུར་སྐྱེས་པ་ཡིན་ཏེ། དེ་ལྟར་ན་རིགས་མི་བཙུན་པ་ཡིན་ནོ། །

ji ltar na rigs mi btsun pa yin zhe na/ 'di la rgyal po rgyal po'i rigs shin tu dman pa rkyen du 'bab pa ma yin par skyes pa'am/ rgyal po'i rigs de nyid du bran mo'i bu'am/ mi 'dra ba'i bur skyes pa'am/ tshal za'am/ blo grogs sam| blon po'am/ gros grogs kyi bur skyes pa yin te/ de ltar na rigs mi btsun pa yin no/ /

【L2 不得自在】

ཇི་ལྟར་ན་རང་དབང་མེད་པ་ཡིན་ཞེ་ན། འདི་ལ་རྒྱལ་པོ་ལ་ལས་ཚལ་ཟ་དང༌། བློ་གྲོགས་དང༌། བློན་པོ་དང༌། གྲོས་གྲོགས་དག་དེ་ལྟ་དེ་ལྟར་ཐབས་སྟོན་པས་དེ་རང་གི་བྱ་བ་དག་བྱ་བ་དང༌། ཚལ་ཟ་རྣམས་གསོ་བ་དང༌། ཅི་འདོད་པ་བཞིན་དུ་འདོད་པའི་ཡོན་ཏན་ལྔ་པོ་དག་གིས་རྩེ་བའམ། དགའ་བའམ། དགའ་དགུར་སྤྱོད་པ་ལ་འདོད་དགུར་བྱེད་དུ་མི་སྟེར་བ་ཡིན་ཏེ། དེ་ལྟར་ན་རྒྱལ་པོ་རང་དབང་མེད་པ་ཡིན་ནོ། །

ji ltar na rang dbang med pa yin zhe na/ 'di la rgyal po la las tshal za dang/ blo grogs dang/ blon po dang/ gros grogs dag de lta de ltar thabs ston pas de rang gi bya ba dag bya ba dang/ tshal za rnams gso ba dang/ ci 'dod pa bzhin du 'dod pa'i yon tan lnga po dag gis rtse ba'am/ dga' ba'am/ dga' dgur spyod pa la 'dod dgur byed du mi ster ba yin te/ de ltar na rgyal po rang dbang med pa yin no/ /

【L3 立性暴惡】

ཇི་ལྟར་ན་རྒྱལ་པོ་རང་བཞིན་གྱིས་གཏུམ་པ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་སམ། གཞན་དག་གི་ས་གཞི་འགའ་ཁོ་ན་ཞིག་ལ་ཡིད་དུ་མི་འོང་བའི་དངོས་པོ་ཅི་ཡང་རུང་བ་ཅུང་ཞིག་ཀུན་ཏུ་སྤྱད་པ་ན། མངོན་སུམ་དུ་སྨྲ་འབེབས་པར་བྱེད། ཚིག་རྩུབ་པོ་རྗོད་པར་བྱེད། ངན་པར་བྱེད། འཁྲུག་པར་བྱེད། གནོད་པར་བྱེད། ཡུལ་ཡུལ་པོར་གནས་པར་བྱེད་ཅིང༌། འཁྲུག་པ་ཀུན་དུ་སྐྱེད་པར་བྱེད་པ་དང༌། གལ་ཏེ་མངོན་སུམ་དུ་མ་ཡིན་ན་ཡང་ལྐོག་ཏུ་གཞན་དག་གི་དྲུང་དུ་བརྗོད་པ་དང༌། གལ་ཏེ་མངོན་སུམ་དུ་ཡང་མ་ཡིན། ལྐོག་ཏུ་གཞན་དག་གི་དྲུང་དུ་ན་ཡང་མ་ཡིན་མོད་ཀྱི། ནང་དུ་ཡིད་ཀྱིས་རབ་ཏུ་འཁྲུག་པ་མི་མངོན་པར་ཀུན་ནས་མནར་སེམས་ཀྱི་སེམས་དང༌། ཁོན་དུ་འཛིན་པའི་སེམས་བསྐྱེད་ལ། འཁྲུག་པའི་བསམ་པ་ཡུན་རིང་པོར་ནི་མི་བསྐྱེད་མི་འཛིན་པ་དང༌། གཞན་ཡང་ནང་དུ་ཡིད་ཀྱིས་འཁྲུག་པ་མི་མངོན་པར་བྱེད་ཅིང༌། ཀུན་ནས་མནར་སེམས་ཀྱི་སེམས་དང་ལྡན་ལ། ཁོན་གྱི་བསམ་པ་དང༌། འཁྲུག་པའི་བསམ་པ་ཡུན་རིང་པོར་སྐྱེད་ཅིང་འཛིན་པར་བྱེད་པ་ཡིན་ཏེ། དེ་ལྟར་ན་རྣམ་པ་དེ་དག་གིས་མངོན་སུམ་དུ་གཏུམ་པ་དང༌། ལྐོག་ན་གཏུམ་པ་དང༌། མི་མངོན་པར་གཏུམ་པ་དང༌། ཡུན་ཐུང་ངུར་གཏུམ་པ་དང༌། ཡུན་རིང་པོར་གཏུམ་པ་གང་ཡིན་པ་དེ་ནི། རྒྱལ་པོ་རང་བཞིན་གྱིས་གཏུམ་པ་ཞེས་བྱ་སྟེ། རྒྱལ་པོ་ཆེན་པོ་དེ་ལ་ཡུན་རིང་པོར་གཏུམ་པ་ནི་ཁ་ན་མ་ཐོ་བ་ཆེན་པོ་དང་བཅས་པ་ཡིན་ལ། གཞན་ནི་དེ་ལྟ་མ་ཡིན་པར་རིག་པར་བྱའོ། །

ji ltar na rgyal po rang bzhin gyis gtum pa yin zhe na/ 'di la rgyal po tshal za rnams sam/ gzhan dag gi sa gzhi 'ga' kho na zhig la yid du mi 'ong ba'i dngos po ci yang rung ba cung zhig kun tu spyad pa na/ mngon sum du smra 'bebs par byed/ tshig rtsub po rjod par byed/ ngan par byed/ 'khrug par byed/ gnod par byed/ yul yul por gnas par byed cing/ 'khrug pa kun du skyed par byed pa dang/ gal te mngon sum du ma yin na yang lkog tu gzhan dag gi drung du brjod pa dang/ gal te mngon sum du yang ma yin/ lkog tu gzhan dag gi drung du na yang ma yin mod kyi/ nang du yid kyis rab tu 'khrug pa mi mngon par kun nas mnar sems kyi sems dang/ khon du 'dzin pa'i sems bskyed la/ 'khrug pa'i bsam pa yun ring por ni mi bskyed mi 'dzin pa dang/ gzhan yang nang du yid kyis 'khrug pa mi mngon par byed cing/ kun nas mnar sems kyi sems dang ldan la/ khon gyi bsam pa dang/ 'khrug pa'i bsam pa yun ring por skyed cing 'dzin par byed pa yin te/ de ltar na rnam pa de dag gis mngon sum du gtum pa dang/ lkog na gtum pa dang/ mi mngon par gtum pa dang/ yun thung ngur gtum pa dang/ yun ring por gtum pa gang yin pa de ni/ rgyal po rang bzhin gyis gtum pa zhes bya ste/ rgyal po chen po de la yun ring por gtum pa ni kha na ma tho ba chen po dang bcas pa yin la/ gzhan ni de lta ma yin par rig par bya'o/ /

【L4 猛利憤發】

ཇི་ལྟར་ན་འཁྲུག་པའི་ཤས་ཆེ་བ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་ཉེས་པ་ཆུང་ངུ་དང་འགལ་བ་ཆུང་ངུ་དག་གིས་ཀྱང་ཐམས་ཅད་ཀྱི་ཐམས་ཅད་དུ་ལོངས་སྤྱོད་དག་དང་བྲལ་བར་བྱེད། ཆུང་མ་དག་དང་བྲལ་བར་བྱེད་ཅིང༌། ཆད་པ་མཆོག་གིས་ཀྱང་རྗེས་སུ་བསྟན་པར་བྱེད་པ་ཡིན་ཏེ། དེ་ལྟར་ན་རྒྱལ་པོ་འཁྲུག་པའི་ཤས་ཆེ་བ་ཡིན་ནོ། །

ji ltar na 'khrug pa'i shas che ba yin zhe na/ 'di la rgyal po tshal za rnams nyes pa chung ngu dang 'gal ba chung ngu dag gis kyang thams cad kyi thams cad du longs spyod dag dang bral bar byed/ chung ma dag dang bral bar byed cing/ chad pa mchog gis kyang rjes su bstan par byed pa yin te/ de ltar na rgyal po 'khrug pa'i shas che ba yin no/ /

【L5 恩惠奢薄】

ཇི་ལྟར་ན་བྱ་དགའ་ཆུང་བ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་ཀྱིས་བཀུར་སྟི་དང་། བསྙེན་བཀུར་གྱིས་དགའ་བར་བྱས་མགུ་བར་བྱས་སུ་ཟིན་ཀྱང༌། ཚིག་འཇམ་པོ་ཅུང་ཟད་ཅུང་ཟད་ཙམ་ལས་མི་བརྗོད་ཅིང་ལོངས་སྤྱོད་ཀྱི་བགོ་བཤའ་ཡང་ཡོངས་སུ་རྫོགས་པ་དང༌། ཚུལ་དང་མཐུན་པར་མི་བྱེད། འཚོ་བའི་བགོ་བཤའ་ཡོངས་སུ་རྫོགས་པ་དང༌། ཚུལ་དང་མཐུན་པར་མི་བྱེད་ལ། དེ་ཡང་དབྲི་བསྐྱུང་བྱས་བསྒྱང་བ་བྱས། གྱ་གྱུ་བྱས། ཡི་ཆད་པར་བྱས་ནས་བྱེད་པ་ཡིན་ཏེ། དེ་ལྟར་ན་རྒྱལ་པོ་བྱ་དགའ་ཆུང་བ་ཡིན་ནོ། །

ji ltar na bya dga' chung ba yin zhe na/ 'di la rgyal po tshal za rnams kyis bkur sti dang / bsnyen bkur gyis dga' bar byas mgu bar byas su zin kyang/ tshig 'jam po cung zad cung zad tsam las mi brjod cing longs spyod kyi bgo bsha' yang yongs su rdzogs pa dang/ tshul dang mthun par mi byed/ 'tsho ba'i bgo bsha' yongs su rdzogs pa dang/ tshul dang mthun par mi byed la/ de yang dbri bskyung byas bsgyang ba byas/ gya gyu byas/ yi chad par byas nas byed pa yin te/ de ltar na rgyal po bya dga' chung ba yin no/ /

【L6 受邪佞言】

ཇི་ལྟར་ན་དམ་པ་མ་ཡིན་པ་རྣམས་ཀྱི་ངག་ཉན་པ་ཡིན་ཞེ་ན། འདི་ལ་རྒྱལ་པོ་གང་ཟག་མཁས་པ་མ་ཡིན་པར་མཁས་པར་རློམ་པ། བརྐམ་ཆགས་ཅན། ཉེ་མགོན་བྱེད་པ། ཚུལ་མི་ཤེས་པ། འཁུ་བར་བྱེད་པ། ཆོས་མ་ཡིན་པ་དང་ལྡན་པ་གང་དག་ཡིན་པ་དེ་ལྟ་བུའི་གང་ཟག་རྣམས་ཀྱི་ཚིག་མཉན་པ་དང༌། བྱ་བར་སེམས་ཤིང་དེས་ན་དེ་བྱ་བ་དག་ལས་ཀྱང་ཡོངས་སུ་ཉམས་པར་འགྱུར། ལོངས་སྤྱོད་དག་ལས་ཀྱང་ཡོངས་སུ་ཉམས་པར་འགྱུར། གྲགས་པ་ལས་ཀྱང་ཡོངས་སུ་ཉམས་པར་འགྱུར། ཆོས་ལས་ཀྱང་ཡོངས་སུ་ཉམས་པར་འགྱུར་བ་ཡིན་ཏེ༑ དེ་ལྟར་ན་རྒྱལ་པོ་དམ་པ་མ་ཡིན་པ་རྣམས་ཀྱི་ངག་ཉན་པ་ཡིན་ནོ། །

ji ltar na dam pa ma yin pa rnams kyi ngag nyan pa yin zhe na/ 'di la rgyal po gang zag mkhas pa ma yin par mkhas par rlom pa/ brkam chags can/ nye mgon byed pa/ tshul mi shes pa/ 'khu bar byed pa/ chos ma yin pa dang ldan pa gang dag yin pa de lta bu'i gang zag rnams kyi tshig mnyan pa dang/ bya bar sems shing des na de bya ba dag las kyang yongs su nyams par 'gyur/ longs spyod dag las kyang yongs su nyams par 'gyur/ grags pa las kyang yongs su nyams par 'gyur/ chos las kyang yongs su nyams par 'gyur ba yin te| de ltar na rgyal po dam pa ma yin pa rnams kyi ngag nyan pa yin no/ /

【L7 所作不思、不順儀則】

ཇི་ལྟར་ན་མ་བརྟགས་པར་བྱེད་ཅིང་ཆོས་ལུགས་དང་མི་ལྡན་པ་ཡིན་ཞེ་ན། འདི་ལ་རྒྱལ་པོ་ཚལ་ཟ་མཐུན་པར་མ་བསྐོས། ཡོངས་སུ་མ་བསྐོས། དམིགས་སུ་མ་ཕབ༑ རྣམ་པར་མ་བརྟགས། ཀུན་དུ་མ་བརྟགས་པར་དོན་མཆོག་ཏུ་ཡིད་གཅུགས་པར་བྱ་བའི་ལས་ཀྱི་མཐའ་དེ་དང་དེ་དག་ཏུ་བསྐོ་བར་མི་འོས་པའི་ཚལ་ཟ་རྣམས་ནི་སྐོ་བར་བྱེད། བསྐོ་བར་འོས་པ་རྣམས་ནི་སྐོ་བར་མི་བྱེད། ལས་ཀྱི་མཐའ་དེ་དང་དེ་དག་ལས་དབྱུང་བར་འོས་པའི་ཚལ་ཟ་རྣམས་ནི་འབྱིན་པར་མི་བྱེད། དབྱུང་བར་མི་འོས་པ་རྣམས་ནི་འབྱིན་པར་བྱེད་པ་དང༌། མཐུན་པར་མ་བསྐོས། ཡོངས་སུ་མ་བསྐོས། དམིགས་སུ་མ་ཕབ། རྣམ་པར་མ་བརྟགས། ཀུན་ཏུ་མ་བརྟགས་པས། ཕན་གདགས་པར་འོས་པའི་ཚལ་ཟ་རྣམས་ལ་ནི་ཆད་པས་གཅོད་པར་བྱེད། ཆད་པས་གཅད་པར་འོས་པ་རྣམས་ལ་ནི་ཕན་འདོགས་པར་བྱེད་པ་དང༌། རྒྱལ་པོ་རྒྱལ་པོའི་ཆོས་ལུགས་གང་དག་ཡིན་པ་དེ་དག་ཀྱང་དེས་ཚལ་ཟ་རྣམས་ལ་ལེགས་པར་རྣམ་པར་མ་བཞག་པས། དེས་ན་ཚལ་ཟ་རྣམས་ཀྱང་བློན་པོ་ཆེན་པོ་དང༌། འཁོར་ཕལ་ཆེར་འདུས་ཏེ་འདུག་པའི་ཚེ། གློ་བུར་དུ་གཏམ་ཟེར་ཞིང་གཏམ་གྱི་མཇུག་མི་སྡོད་པ་དང༌། རྗེས་མ་ཡིན་པ་དང༌། གུས་པ་མ་ཡིན་པ་དག་སྨྲ་ཞིང་བྱ་བར་ཡང་སེམས་ལ། ཇི་སྐད་བསྒོ་བའི་ཚིག་བཞིན་དུ་ཡང་མི་བྱེད་ཅིང༌། ཚིག་ལ་ལེགས་པར་གནས་པ་ཡང་མ་ཡིན་ཏེ། དེ་ལྟར་ན་རྒྱལ་པོ་མ་བརྟགས་པར་བྱེད་ཅིང༌། ཆོས་ལུགས་དང་མི་ལྡན་པ་ཡིན་ནོ། །

ji ltar na ma brtags par byed cing chos lugs dang mi ldan pa yin zhe na/ 'di la rgyal po tshal za mthun par ma bskos/ yongs su ma bskos/ dmigs su ma phab| rnam par ma brtags/ kun du ma brtags par don mchog tu yid gcugs par bya ba'i las kyi mtha' de dang de dag tu bsko bar mi 'os pa'i tshal za rnams ni sko bar byed/ bsko bar 'os pa rnams ni sko bar mi byed/ las kyi mtha' de dang de dag las dbyung bar 'os pa'i tshal za rnams ni 'byin par mi byed/ dbyung bar mi 'os pa rnams ni 'byin par byed pa dang/ mthun par ma bskos/ yongs su ma bskos/ dmigs su ma phab/ rnam par ma brtags/ kun tu ma brtags pas/ phan gdags par 'os pa'i tshal za rnams la ni chad pas gcod par byed/ chad pas gcad par 'os pa rnams la ni phan 'dogs par byed pa dang/ rgyal po rgyal po'i chos lugs gang dag yin pa de dag kyang des tshal za rnams la legs par rnam par ma bzhag pas/ des na tshal za rnams kyang blon po chen po dang/ 'khor phal cher 'dus te 'dug pa'i tshe/ glo bur du gtam zer zhing gtam gyi mjug mi sdod pa dang/ rjes ma yin pa dang/ gus pa ma yin pa dag smra zhing bya bar yang sems la/ ji skad bsgo ba'i tshig bzhin du yang mi byed cing/ tshig la legs par gnas pa yang ma yin te/ de ltar na rgyal po ma brtags par byed cing/ chos lugs dang mi ldan pa yin no/ /

【L8 不顧善法】

ཇི་ལྟར་ན་ཆོས་ལ་མི་ལྟ་བ་ཡིན་ཞེ་ན། འདི་ལ་རྒྱལ་པོ་འཇིག་རྟེན་ཕ་རོལ་ལ་མ་དད་ཅིང་ཡིད་མི་ཆེས་པ་ཡིན་ཏེ། དེ་འཇིག་རྟེན་ཕ་རོལ་ལ་མ་དད་ཅིང་ཡིད་མི་ཆེས་པས་ལས་དགེ་བ་དང༌། མི་དགེ་བ་རྣམས་ཀྱི་འབྲས་བུ་ཕྱིས་ཚེ་ཕྱི་མ་ལ་འདོད་པ་དང་མི་འདོད་པར་འགྱུར་བ་ལ་ཡང་དད་པར་མི་བྱེད་པ་དང༌། མ་དད་པས་ངོ་ཚ་མེད་ཅིང་ལུས་དང་ངག་དང་ཡིད་ཀྱིས་ཉེས་པར་སྤྱོད་པ་ལ་ཅི་འདོད་དགུར་འཇུག་པ་དང༌། གཞན་ཡང་དུས་དུས་སུ་སོ་སོར་བརྟགས་ནས་སྦྱིན་པ་དག་མི་སྦྱིན་པ་དང༌། བསོད་ནམས་དག་མི་བྱེད་པ་དང༌། བསྙེན་གནས་ལ་མི་གནས་པ་དང༌། ཚུལ་ཁྲིམས་ཡང་དག་པར་བླང་བ་ལ་མི་འཇུག་པ་ཡིན་ཏེ། དེ་ལྟར་ན་རྒྱལ་པོ་ཆོས་ལ་མི་ལྟ་བ་ཡིན་ནོ། །

ji ltar na chos la mi lta ba yin zhe na/ 'di la rgyal po 'jig rten pha rol la ma dad cing yid mi ches pa yin te/ de 'jig rten pha rol la ma dad cing yid mi ches pas las dge ba dang/ mi dge ba rnams kyi 'bras bu phyis tshe phyi ma la 'dod pa dang mi 'dod par 'gyur ba la yang dad par mi byed pa dang/ ma dad pas ngo tsha med cing lus dang ngag dang yid kyis nyes par spyod pa la ci 'dod dgur 'jug pa dang/ gzhan yang dus dus su so sor brtags nas sbyin pa dag mi sbyin pa dang/ bsod nams dag mi byed pa dang/ bsnyen gnas la mi gnas pa dang/ tshul khrims yang dag par blang ba la mi 'jug pa yin te/ de ltar na rgyal po chos la mi lta ba yin no/ /

【L9 不知差別】

ཇི་ལྟར་ན་བྱེ་བྲག་མི་ཤེས་ཤིང་བྱས་པ་མི་གཟོ་བ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་དང༌། བློ་གྲོགས་རྣམས་དང༌། བློན་པོ་རྣམས་དང༌། གྲོས་གྲོགས་རྣམས་ལ་སེམས་ཕྱིན་ཅི་ལོག་ཏུ་གྱུར་པ་ཡིན་ཏེ། དེས་གུས་པ་ལས་ཀྱང་དེ་དག་གི་བྱེ་བྲག་མི་ཤེས་ལ། ནུས་པ་དང༌། ཤེས་པ་ལས་ཀྱང་དེ་དག་གི་བྱེ་བྲག་མི་ཤེས་ཏེ། དེ་དེ་ལྟར་བྱེ་བྲག་མི་ཤེས་པས་ཚལ་ཟ་གུས་པ་དང་མི་ལྡན་པ་རྣམས་ལ་ནི་གུས་པ་དང་ལྡན་པར་འདུ་ཤེས་པ་དང༌། གུས་པ་དང་ལྡན་པ་རྣམས་ལ་ནི་གུས་པ་དང་མི་ལྡན་པར་འདུ་ཤེས་པ་དང༌། ནུས་པ་མ་ཡིན་པ་རྣམས་ལ་ནི་ནུས་པར་འདུ་ཤེས་པ་དང༌། ནུས་པ་རྣམས་ལ་ནི་ནུས་པ་མ་ཡིན་པར་འདུ་ཤེས་པ་དང༌། ཤེས་རབ་འཆལ་པ་རྣམས་ལ་ནི་ཤེས་རབ་དང་ལྡན་པར་འདུ་ཤེས་པ་དང༌། ཤེས་རབ་དང་ལྡན་པ་རྣམས་ལ་ནི་ཤེས་རབ་འཆལ་པར་འདུ་ཤེས་པ་དང༌། དེ་ལྟར་སེམས་ཕྱིན་ཅི་ལོག་ཏུ་གྱུར་པས་ཚལ་ཟ་གུས་པ་དང་མི་ལྡན་པ་རྣམས་དང༌། ནུས་པ་དང་མི་ལྡན་པ་རྣམས་དང་ཤེས་རབ་འཆལ་པ་རྣམས་ལ་ནི་བཀུར་སྟིར་བྱེད༑ བླ་མར་བྱེད། རི་མོར་བྱེད། མཆོད་པར་བྱེད་ལ། གུས་པ་དང་ལྡན་པ་རྣམས་དང༌། ནུས་པ་དང་ལྡན་པ་རྣམས་དང༌། ཤེས་རབ་དང་ལྡན་པ་རྣམས་ལ་ནི་ཁྱད་དུ་གསོད་པར་བྱེད་པ་དང༌། དེའི་ཚལ་ཟ་ཡུན་རིང་པོ་ནས་བསྙེན་བཀུར་བྱེད་བྱེད་པ། སྲི་ཞུ་ཆེ་བ། རྒན་པོ་རྒས་པ་དགོག་ཏུ་ཕྱིན་པ་གང་དག་ཡིན་པ་དེ་དག་ལ་ཡང་མཐུ་མེད་པ་དང༌། སྟོབས་མེད་པ་དང༌། ཉམས་རྩལ་མེད་པར་རིག་ནས། བསྙེན་བཀུར་ལས་ཀྱང་ཁྱད་དུ་གསོད་པར་བྱེད༑ ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་ལས་ཀྱང་ཁྱད་དུ་གསོད་པར་བྱེད་ཅིང༌། གཞན་དག་གིས་བརྙས་ན་ཡང་ཡལ་བར་འདོར་བ་ཡིན་ཏེ། དེ་ལྟར་ན་རྒྱལ་པོ་བྱེ་བྲག་མི་ཤེས་ཤིང་བྱས་པ་མི་གཟོ་བ་ཡིན་ནོ། །

ji ltar na bye brag mi shes shing byas pa mi gzo ba yin zhe na/ 'di la rgyal po tshal za rnams dang/ blo grogs rnams dang/ blon po rnams dang/ gros grogs rnams la sems phyin ci log tu gyur pa yin te/ des gus pa las kyang de dag gi bye brag mi shes la/ nus pa dang/ shes pa las kyang de dag gi bye brag mi shes te/ de de ltar bye brag mi shes pas tshal za gus pa dang mi ldan pa rnams la ni gus pa dang ldan par 'du shes pa dang/ gus pa dang ldan pa rnams la ni gus pa dang mi ldan par 'du shes pa dang/ nus pa ma yin pa rnams la ni nus par 'du shes pa dang/ nus pa rnams la ni nus pa ma yin par 'du shes pa dang/ shes rab 'chal pa rnams la ni shes rab dang ldan par 'du shes pa dang/ shes rab dang ldan pa rnams la ni shes rab 'chal par 'du shes pa dang/ de ltar sems phyin ci log tu gyur pas tshal za gus pa dang mi ldan pa rnams dang/ nus pa dang mi ldan pa rnams dang shes rab 'chal pa rnams la ni bkur stir byed| bla mar byed/ ri mor byed/ mchod par byed la/ gus pa dang ldan pa rnams dang/ nus pa dang ldan pa rnams dang/ shes rab dang ldan pa rnams la ni khyad du gsod par byed pa dang/ de'i tshal za yun ring po nas bsnyen bkur byed byed pa/ sri zhu che ba/ rgan po rgas pa dgog tu phyin pa gang dag yin pa de dag la yang mthu med pa dang/ stobs med pa dang/ nyams rtsal med par rig nas/ bsnyen bkur las kyang khyad du gsod par byed| longs spyod kyi bgo bsha' dang/ 'tsho ba'i bgo bsha' las kyang khyad du gsod par byed cing/ gzhan dag gis brnyas na yang yal bar 'dor ba yin te/ de ltar na rgyal po bye brag mi shes shing byas pa mi gzo ba yin no/ /

【L10 一向縱任、專行放逸】

ཇི་ལྟར་ན་རབ་ཏུ་མྱོས་ཤིང་གཅིག་ཏུ་བག་མེད་པར་སྤྱོད་པ་ཡིན་ཞེ་ན། འདི་ལ་རྒྱལ་པོ་གཅིག་ཏུ་འདོད་པའི་ཡོན་ཏན་ལྔ་པོ་དག་གིས་འབྱོར་ཅིང་ལྡན་པར་གྱུར་ནས༑ རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཅིང་དུས་དུས་སུ་བྱ་བ་དང༌། ཚལ་ཟ་དག་གསོ་བའི་ཕྱིར་བརྩོན་པར་མི་བྱེད་པ་ཡིན་ཏེ། དེ་ལྟར་ན་རྒྱལ་པོ་རབ་ཏུ་མྱོས་ཤིང་གཅིག་ཏུ་བག་མེད་པར་སྤྱོད་པ་ཡིན་ནོ། །རྒྱལ་པོ་ཆེན་པོ་སྐྱོན་བཅུ་པོ་དེ་དག་དང་ལྡན་ན་རྒྱལ་པོ་ལོངས་སྤྱོད་ཆེ་ཞིང་རྩ་འཇིང་ཆེ་ལ་འཁོར་མང་དུ་ཟིན་ཀྱང་སྐྱབས་ཀྱི་འོས་མ་ཡིན་ཞིང༌། མངོན་དུ་འགྲོ་བར་བྱ་བའི་འོས་མ་ཡིན་ནོ། །རྒྱལ་པོ་ཆེན་པོ་རྒྱལ་པོའི་སྐྱོན་དེ་དག་ལས་དང་པོ་གཅིག་ནི་རིགས་ཀྱི་སྐྱོན་ཡིན་ནོ། །དེ་ལས་གཞན་པའི་སྐྱོན་དགུ་ནི་རྒྱལ་པོའི་རང་བཞིན་གྱི་སྐྱོན་ཡིན་པར་རིག་པར་བྱའོ། །

ji ltar na rab tu myos shing gcig tu bag med par spyod pa yin zhe na/ 'di la rgyal po gcig tu 'dod pa'i yon tan lnga po dag gis 'byor cing ldan par gyur nas| rtse bar byed/ dga' bar byed/ dga' mgur spyod par byed cing dus dus su bya ba dang/ tshal za dag gso ba'i phyir brtson par mi byed pa yin te/ de ltar na rgyal po rab tu myos shing gcig tu bag med par spyod pa yin no/ /rgyal po chen po skyon bcu po de dag dang ldan na rgyal po longs spyod che zhing rtsa 'jing che la 'khor mang du zin kyang skyabs kyi 'os ma yin zhing/ mngon du 'gro bar bya ba'i 'os ma yin no/ /rgyal po chen po rgyal po'i skyon de dag las dang po gcig ni rigs kyi skyon yin no/ /de las gzhan pa'i skyon dgu ni rgyal po'i rang bzhin gyi skyon yin par rig par bya'o/ /

【J2 解王的十種功德】【K1 總說】

དེ་ལ་རྒྱལ་པོའི་ཡོན་ཏན་རྣམས་གང་ཞེ་ན། རྒྱལ་པོ་ཆེན་པོ་བཅུ་པོ་འདི་དག་ནི་རྒྱལ་པོའི་ཡོན་ཏན་དག་ཡིན་ཏེ། དེ་དག་དང་ལྡན་ན་རྒྱལ་པོ་ལོངས་སྤྱོད་ཆེན་པོ་མ་ཡིན་ཞིང་རྩ་འཇིང་ཆེན་པོ་མ་ཡིན་ལ། འཁོར་མང་བ་མ་ཡིན་དུ་ཟིན་ཀྱང་སྐྱབས་ཀྱི་འོས་ཡིན་ཞིང་མངོན་དུ་བགྲོད་པར་བྱ་བའི་འོས་ཡིན་ནོ། །བཅུ་གང་ཞེ་ན། རིགས་བཙུན་པ་ཡིན། རང་དབང་ཡོད་པ་ཡིན། རང་བཞིན་གྱིས་མི་གཏུམ་པ་ཡིན། འཁྲུག་པའི་ཤས་མི་ཆེ་བ་ཡིན། བྱ་དགའ་ཆེ་བ་ཡིན། དམ་པ་རྣམས་ཀྱི་ངག་ཉན་པ་ཡིན། བརྟགས་ཏེ་བྱེད་ཅིང་ཆོས་ལུགས་དང་ལྡན་པ་ཡིན། ཆོས་ལ་ལྟ་བ་ཡིན། བྱེ་བྲག་ཤེས་ཤིང་བྱས་པ་གཟོ་བ་ཡིན། རབ་ཏུ་མ་མྱོས་ཤིང་གཅིག་ཏུ་བག་མེད་པར་མི་སྤྱོད་པ་ཡིན་ནོ། །

de la rgyal po'i yon tan rnams gang zhe na/ rgyal po chen po bcu po 'di dag ni rgyal po'i yon tan dag yin te/ de dag dang ldan na rgyal po longs spyod chen po ma yin zhing rtsa 'jing chen po ma yin la/ 'khor mang ba ma yin du zin kyang skyabs kyi 'os yin zhing mngon du bgrod par bya ba'i 'os yin no/ /bcu gang zhe na/ rigs btsun pa yin/ rang dbang yod pa yin/ rang bzhin gyis mi gtum pa yin/ 'khrug pa'i shas mi che ba yin/ bya dga' che ba yin/ dam pa rnams kyi ngag nyan pa yin/ brtags te byed cing chos lugs dang ldan pa yin/ chos la lta ba yin/ bye brag shes shing byas pa gzo ba yin/ rab tu ma myos shing gcig tu bag med par mi spyod pa yin no/ /

【K2 別釋】【L1 種姓尊高】

ཇི་ལྟར་ན་རིགས་བཙུན་པ་ཡིན་ཞེ་ན། རྒྱལ་པོའི་རིགས་འདྲ་བའམ། མཐོ་བར་སྐྱེས་པའམ། འདྲ་བའི་བུར་སྐྱེས་པ་ཡིན་ཏེ། དེ་ལྟར་ན་རིགས་བཙུན་པ་ཡིན་ནོ། །

ji ltar na rigs btsun pa yin zhe na/ rgyal po'i rigs 'dra ba'am/ mtho bar skyes pa'am/ 'dra ba'i bur skyes pa yin te/ de ltar na rigs btsun pa yin no/ /

【L2 得大自在】

ཇི་ལྟར་ན་རང་དབང་ཡོད་པ་ཡིན་ཞེ་ན། རྒྱལ་པོའི་བྱ་བ་དག་བྱ་བ་དང༌། ཚལ་ཟ་དག་གསོ་བ་དང༌། འདོད་པའི་ཡོན་ཏན་ལྔ་པོ་དག་གིས་རྩེ་བའམ་དགའ་བའམ་དགའ་དགུར་སྤྱོད་པ་ལ་རང་དགར་འཇུག་ཅིང་དེའི་ཚིག་ཀྱང་ཚལ་ཟ་རྣམས་དང༌། བློ་གྲོགས་རྣམས་དང༌། བློན་པོ་རྣམས་དང༌། གྲོས་གྲོགས་རྣམས་ལ་བརྩན་པར་འཇུག་པ་ཡིན་ཏེ། དེ་ལྟར་ན་རང་དབང་ཡོད་པ་ཡིན་ནོ། །

ji ltar na rang dbang yod pa yin zhe na/ rgyal po'i bya ba dag bya ba dang/ tshal za dag gso ba dang/ 'dod pa'i yon tan lnga po dag gis rtse ba'am dga' ba'am dga' dgur spyod pa la rang dgar 'jug cing de'i tshig kyang tshal za rnams dang/ blo grogs rnams dang/ blon po rnams dang/ gros grogs rnams la brtsan par 'jug pa yin te/ de ltar na rang dbang yod pa yin no/ /

【L3 性不暴惡】

ཇི་ལྟར་ན་རང་བཞིན་གྱིས་མི་གཏུམ་པ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་ཀྱི་ས་གཞི་འགའ་ཞིག་ལ་ཡིད་དུ་མི་འོང་བའི་དངོས་པོ་ཅི་ཡང་རུང་བ་ལྟོག་པོ་ཞིག་ཀུན་ཏུ་སྤྱད་ཀྱང༌། དེ་རང་བཞིན་གྱིས་ཚལ་ཟ་རྣམས་ལ་བཟོད་པར་བྱེད་ཅིང༌། མངོན་སུམ་དུ་སྨ་འབེབས་པར་མི་བྱེད། ཚིག་རྩུབ་མོ་རྗོད་པར་མི་བྱེད། ངན་པར་མི་བྱེད། འཁྲུག་པར་མི་བྱེད། གནོད་པར་མི་བྱེད་ཡུལ་ཡུལ་པོར་གནས་པར་མི་བྱེད་ཅིང༌། འཁྲུག་པ་ཀུན་དུ་བསྐྱེད་པར་མི་བྱེད་པ་དང༌། ལྐོག་ན་ཡང་མ་ཡིན་པ་དང༌། ནང་དུ་ཡིད་ཀྱིས་འཁྲུག་པའི་ཀུན་ནས་དཀྲིས་པ་མི་མངོན་པར་བྱེད་པ་དང༌། ཁོན་གྱི་བསམ་པ་དང༌། འཁྲུག་པའི་བསམ་པ་ཡུན་རིང་པོར་བསྐྱེད་ཅིང་འཛིན་པར་ཡང་མི་བྱེད་ཅིང༌། མངོན་སུམ་དུ་གཏུམ་པ་ཡང་མ་ཡིན། ལྐོག་ན་གཏུམ་པ་ཡང་མ་ཡིན། མི་མངོན་པར་གཏུམ་པ་ཡང་མ་ཡིན༑ ཡུན་ཐུང་ངུར་གཏུམ་པ་ཡང་མ་ཡིན། ཡུན་རིང་པོར་གཏུམ་པ་ཡང་མ་ཡིན་ཏེ། དེ་ལྟར་ན་རྒྱལ་པོ་རང་བཞིན་གྱིས་མི་གཏུམ་པ་ཡིན་ནོ། །

ji ltar na rang bzhin gyis mi gtum pa yin zhe na/ 'di la rgyal po tshal za rnams kyi sa gzhi 'ga' zhig la yid du mi 'ong ba'i dngos po ci yang rung ba ltog po zhig kun tu spyad kyang/ de rang bzhin gyis tshal za rnams la bzod par byed cing/ mngon sum du sma 'bebs par mi byed/ tshig rtsub mo rjod par mi byed/ ngan par mi byed/ 'khrug par mi byed/ gnod par mi byed yul yul por gnas par mi byed cing/ 'khrug pa kun du bskyed par mi byed pa dang/ lkog na yang ma yin pa dang/ nang du yid kyis 'khrug pa'i kun nas dkris pa mi mngon par byed pa dang/ khon gyi bsam pa dang/ 'khrug pa'i bsam pa yun ring por bskyed cing 'dzin par yang mi byed cing/ mngon sum du gtum pa yang ma yin/ lkog na gtum pa yang ma yin/ mi mngon par gtum pa yang ma yin| yun thung ngur gtum pa yang ma yin/ yun ring por gtum pa yang ma yin te/ de ltar na rgyal po rang bzhin gyis mi gtum pa yin no/ /

【L4 憤發輕微】

ཇི་ལྟར་ན་འཁྲུག་པའི་ཤས་ཆུང་བ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་ཉེས་པ་ཆེན་པོ་དང༌། འགལ་བ་ཆེན་པོ་བྱས་ཀྱང་ཐམས་ཅད་ཀྱི་ཐམས་ཅད་དུ་ལོངས་སྤྱོད་དག་དང་འབྲལ་བར་མི་བྱེད་ཆུང་མ་དག་དང་འབྲལ་བར་མི་བྱེད་ཅིང༌། ཆད་པ་མཆོག་གིས་ཀྱང་རྗེས་སུ་སྟོན་པར་མི་བྱེད་པར་དེ་དག་ལ་ཉེས་པ་དང་རྗེས་སུ་མཐུན་པའི་ཆད་པས་རྗེས་སུ་སྟོན་པར་བྱེད་པ་ཡིན་ཏེ། དེ་ལྟར་ན་རྒྱལ་པོ་འཁྲུག་པའི་ཤས་ཆུང་བ་ཡིན་ནོ། །

ji ltar na 'khrug pa'i shas chung ba yin zhe na/ 'di la rgyal po tshal za rnams nyes pa chen po dang/ 'gal ba chen po byas kyang thams cad kyi thams cad du longs spyod dag dang 'bral bar mi byed chung ma dag dang 'bral bar mi byed cing/ chad pa mchog gis kyang rjes su ston par mi byed par de dag la nyes pa dang rjes su mthun pa'i chad pas rjes su ston par byed pa yin te/ de ltar na rgyal po 'khrug pa'i shas chung ba yin no/ /

【L5 恩惠猛利】

ཇི་ལྟར་ན་བྱ་དགའ་ཆེ་བ་ཡིན་ཞེ་ན། འདི་ལ་རྒྱལ་པོ་བཀུར་སྟི་དང༌། བསྙེན་བཀུར་གྱིས་བསྟི་སྟང་ལེགས་པར་བྱེད་བྱེད་པའི་ཚལ་ཟ་རྣམས་ལ་དགའ་བའི་སེམས་དང་མགུ་བའི་སེམས་དང་ལྡན་ཞིང༌། དུས་དུས་སུ་ལེགས་པར་ཡོངས་སུ་རྫོགས་པར་ཚིག་འཇམ་པོ་ཀུན་དུ་རྗོད་པར་བྱེད་ཅིང༌། ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་དག་ཀྱང༌། འབྲི་བསྐྱུང་མ་བྱས། བསྐྱང་བ་མ་བྱས། གྱ་གྱུ་མ་བྱས། ཡི་ཆད་པར་མ་བྱས་པར་ཡོངས་སུ་རྫོགས་པར་བྱེད་པ་དང༌། མགུ་བར་བྱ་སླ་ཞིང༌། མགུ་བར་བྱ་མི་དཀའ་བ་མ་ཡིན་ཏེ། དེ་ལྟར་ན་རྒྱལ་པོ་བྱ་དགའ་ཆེ་བ་ཡིན་ནོ། །

ji ltar na bya dga' che ba yin zhe na/ 'di la rgyal po bkur sti dang/ bsnyen bkur gyis bsti stang legs par byed byed pa'i tshal za rnams la dga' ba'i sems dang mgu ba'i sems dang ldan zhing/ dus dus su legs par yongs su rdzogs par tshig 'jam po kun du rjod par byed cing/ longs spyod kyi bgo bsha' dang/ 'tsho ba'i bgo bsha' dag kyang/ 'bri bskyung ma byas/ bskyang ba ma byas/ gya gyu ma byas/ yi chad par ma byas par yongs su rdzogs par byed pa dang/ mgu bar bya sla zhing/ mgu bar bya mi dka' ba ma yin te/ de ltar na rgyal po bya dga' che ba yin no/ /

【L6 受正直言】

ཇི་ལྟར་ན་དམ་པ་རྣམས་ཀྱི་ངག་ཉན་པ་ཡིན་ཞེ་ན། འདི་ལ་རྒྱལ་པོ་གང་ཟག་མཁས་ལ་མཁས་པར་མི་རློམ་པ། བརྐམ་ཆགས་མེད་པ། ཉེ་མགོན་མི་བྱེད་པ། ཚུལ་ཤེས་པ། འཁུ་བར་མི་བྱེད་པ། ཆོས་དང་ལྡན་པ་གང་དག་ཡིན་པ་དེ་ལྟ་བུའི་གང་ཟག་རྣམས་ཀྱི་ཚིག་མཉན་པ་དང༌། བྱ་བར་སེམས་ཤིང༌། དེས་ནི་དེ་བྱ་བ་དག་གིས་ཀྱང་འཕེལ་བར་འགྱུར། ལོངས་སྤྱོད་པ་དག་གིས་ཀྱང་འཕེལ་བར་འགྱུར། གྲགས་པས་ཀྱང་འཕེལ་བར་འགྱུར། ཆོས་ཀྱི་ཀྱང་འཕེལ་བར་འགྱུར་བ་ཡིན་ཏེ། དེ་ལྟར་ན་རྒྱལ་པོ་དམ་པ་རྣམས་ཀྱི་དག་མཉན་པ་ཡིན་ནོ། །

ji ltar na dam pa rnams kyi ngag nyan pa yin zhe na/ 'di la rgyal po gang zag mkhas la mkhas par mi rlom pa/ brkam chags med pa/ nye mgon mi byed pa/ tshul shes pa/ 'khu bar mi byed pa/ chos dang ldan pa gang dag yin pa de lta bu'i gang zag rnams kyi tshig mnyan pa dang/ bya bar sems shing/ des ni de bya ba dag gis kyang 'phel bar 'gyur/ longs spyod pa dag gis kyang 'phel bar 'gyur/ grags pas kyang 'phel bar 'gyur/ chos kyi kyang 'phel bar 'gyur ba yin te/ de ltar na rgyal po dam pa rnams kyi dag mnyan pa yin no/ /

【L7 所作諦思、善順儀則】

ཇི་ལྟར་ན་བརྟགས་ཏེ་བྱེད་ཅིང་ཆོས་ལུགས་དང་ལྡན་པ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་མཐུན་པར་བསྐོས། ཡོངས་སུ་བསྐོས། རྣམ་པར་བརྟགས། ཀུན་དུ་བརྟགས་ནས། དོན་མཆོག་ཏུ་ཡིད་བརྟན་པར་བྱ་བའི་ལས་ཀྱི་མཐའ་དེ་དང་དེ་དག་ཏུ་བསྐོ་བར་མི་འོས་པའི་ཚལ་ཟ་རྣམས་ནི་སྐོ་བར་མི་བྱེད། བསྐོ་བར་འོས་པ་རྣམས་ནི་སྐོ་བར་བྱེད། ལས་ཀྱི་མཐའ་དེ་དང་དེ་དག་ལས་དབྱུང་བར་འོས་པའི་ཚལ་ཟ་རྣམས་ནི་འབྱིན་པར་བྱེད། དབྱུང་བར་མི་འོས་པ་རྣམས་ནི་འབྱིན་པར་མི་བྱེད། ཕན་གདགས་པར་འོས་པའི་ཚལ་ཟ་རྣམས་ལ་ནི་ལེགས་པ་ཕན་འདོགས་པར་བྱེད། ཆད་པས་གཅད་པར་འོས་པ་རྣམས་ལ་ནི་ཆད་པས་གཅོད་པར་བྱེད་ཅིང༌། བྱ་བ་རྣམས་ལ་ཡང་རྗེས་སུ་བརྟགས་ནས་བྱེད་ཀྱི་གྱ་ཚོམ་དུ་མི་བྱེད་པ་དང༌། རྒྱལ་པོ་རྒྱལ་པོའི་ཆོས་ལུགས་གང་དག་ཡིན་པ་དེ་དག་ཀྱང་ཚལ་ཟ་རྣམས་ལ་ལེགས་པར་རྣམ་པར་གཞག་པས་དེས་ན་དེའི་ཚལ་ཟ་རྣམས་ཀྱང་བློན་པོ་ཆེན་པོ་རྣམས་དང༌། འཁོར་ཕལ་པོ་ཆེ་འདུས་ཏེ་འདུག་པའི་ཚེ་གློ་བུར་དུ་གཏམ་མི་ཟེར་ཞིང༌། གཏམ་གྱི་མཇུག་སྡོད་པ་དང༌། རྗེས་དང་བཅས་པ་དང༌། གུས་པ་དང་བཅས་པ་དག་སྨྲ་ཞིང་བྱ་བར་ཡང་སེམས་ལ། ཇི་ལྟར་བསྒོ་བའི་ཚིག་བཞིན་དུ་ཡང་བྱེད་ཅིང༌། ཚིག་ལ་ལེགས་པར་གནས་པ་ཡིན་ཏེ། དེ་ལྟར་ན་རྒྱལ་པོ་བརྟགས་ཏེ་བྱེད་ཅིང་ཆོས་ལུགས་དང་ལྡན་པ་ཡིན་ནོ། །

ji ltar na brtags te byed cing chos lugs dang ldan pa yin zhe na/ 'di la rgyal po tshal za rnams mthun par bskos/ yongs su bskos/ rnam par brtags/ kun du brtags nas/ don mchog tu yid brtan par bya ba'i las kyi mtha' de dang de dag tu bsko bar mi 'os pa'i tshal za rnams ni sko bar mi byed/ bsko bar 'os pa rnams ni sko bar byed/ las kyi mtha' de dang de dag las dbyung bar 'os pa'i tshal za rnams ni 'byin par byed/ dbyung bar mi 'os pa rnams ni 'byin par mi byed/ phan gdags par 'os pa'i tshal za rnams la ni legs pa phan 'dogs par byed/ chad pas gcad par 'os pa rnams la ni chad pas gcod par byed cing/ bya ba rnams la yang rjes su brtags nas byed kyi gya tshom du mi byed pa dang/ rgyal po rgyal po'i chos lugs gang dag yin pa de dag kyang tshal za rnams la legs par rnam par gzhag pas des na de'i tshal za rnams kyang blon po chen po rnams dang/ 'khor phal po che 'dus te 'dug pa'i tshe glo bur du gtam mi zer zhing/ gtam gyi mjug sdod pa dang/ rjes dang bcas pa dang/ gus pa dang bcas pa dag smra zhing bya bar yang sems la/ ji ltar bsgo ba'i tshig bzhin du yang byed cing/ tshig la legs par gnas pa yin te/ de ltar na rgyal po brtags te byed cing chos lugs dang ldan pa yin no/ /

【L8 顧戀善法】

ཇི་ལྟར་ན་ཆོས་ལ་ལྟ་བ་ཡིན་ཞེ་ན། འདི་ལ་རྒྱལ་པོ་འཇིག་རྟེན་ཕ་རོལ་ལ་དད་ཅིང་ཡིད་ཆེས་པ་སྐྱེས་པ་ཡིན་ཏེ། དེ་འཇིག་རྟེན་ཕ་རོལ་ལ་དད་ཅིང་ཡིད་ཆེས་པ་སྐྱེས་པས་ལས་དགེ་བ་དང་མི་དགེ་བ་རྣམས་ཀྱི་འབྲས་བུ་ཕྱིས་ཚེ་ཕྱི་མ་ལ་འདོད་པ་དང་མི་འདོད་པར་འགྱུར་བ་ལ་ཡང་དད་པར་བྱེད་པ་དང༌། དད་པས་ངོ་ཚ་དང་ལྡན་ཞིང་ལུས་དང་ངག་དང༌། ཡིད་ཀྱིས་ཉེས་པར་སྤྱོད་པ་ལ་ཅི་འདོད་དགུར་མི་འཇུག་པ་དང༌། གཞན་ཡང་དུས་དུས་སུ་སོ་སོར་བརྟགས་ནས་སྦྱིན་པ་དག་ཀྱང་སྦྱིན་པ་དང༌། བསོད་ནམས་དག་བྱེད་པ་དང༌། བསྙེན་གནས་ལ་གནས་པ་དང༌། ཚུལ་ཁྲིམས་ཡང་དག་པར་བླང་བ་ལ་འཇུག་པ་ཡིན་ཏེ། དེ་ལྟར་ན་རྒྱལ་པོ་ཆོས་ལ་ལྟ་བ་ཡིན་ནོ། །

ji ltar na chos la lta ba yin zhe na/ 'di la rgyal po 'jig rten pha rol la dad cing yid ches pa skyes pa yin te/ de 'jig rten pha rol la dad cing yid ches pa skyes pas las dge ba dang mi dge ba rnams kyi 'bras bu phyis tshe phyi ma la 'dod pa dang mi 'dod par 'gyur ba la yang dad par byed pa dang/ dad pas ngo tsha dang ldan zhing lus dang ngag dang/ yid kyis nyes par spyod pa la ci 'dod dgur mi 'jug pa dang/ gzhan yang dus dus su so sor brtags nas sbyin pa dag kyang sbyin pa dang/ bsod nams dag byed pa dang/ bsnyen gnas la gnas pa dang/ tshul khrims yang dag par blang ba la 'jug pa yin te/ de ltar na rgyal po chos la lta ba yin no/ /

【L9 善知差別、知所作恩】

ཇི་ལྟར་ན་བྱེ་བྲག་ཤེས་ཤིང་བྱས་པ་གཟོ་བ་ཡིན་ཞེ་ན། འདི་ལ་རྒྱལ་པོ་ཚལ་ཟ་རྣམས་དང༌། བློ་གྲོགས་རྣམས་དང༌། བློན་པོ་རྣམས་དང༌། གྲོས་གྲོགས་རྣམས་ལ། འདི་ལྟ་སྟེ་གུས་པ་དང༌། ནུས་པ་དང༌། ཤེས་པ་ལས་ཀྱང་སེམས་ཕྱིན་ཅི་ལོག་ཏུ་མ་གྱུར་ཅིང༌། དེའི་ཚལ་ཟ་གང་དག་གུས་པ་དང་མི་ལྡན་པ་དེ་དག་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། གང་དག་ནུས་པ་དང་མི་ལྡན་པ་དག་དང༌། གང་དག་ཤེས་རབ་འཆལ་པ་དེ་དག་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། ཚལ་ཟ་གང་དག་གུས་པ་དང་ལྡན་པ་དེ་དག་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། གང་དག་ནུས་པ་དང་ལྡན་པ་དང༌། ཤེས་རབ་དང་ལྡན་པ་དེ་དག་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། ཚལ་ཟ་གང་དག་གུས་པ་དང་མི་ལྡན་པ་དང༌། ནུས་པ་དང་མི་ལྡན་པ་དང༌། ཤེས་རབ་འཆལ་པ་དེ་དག་ལ་ནི་ཁྱད་གསོད་པར་བྱེད། ཡོངས་སུ་སྤོང་བར་བྱེད་ལ། ཚལ་ཟ་གང་དག་གུས་པ་དང་ལྡན་པ་དང༌། ནུས་པ་དང་ལྡན་པ་དང་། ཤེས་རབ་དང་ལྡན་པ་དེ་དག་ལ་ནི། བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང༌། ལེགས་པ་ཁོ་ནར་ཕན་འདོགས་པར་ཡང་བྱེད་པ་དང༌། དེའི་ཚལ་ཟ་ཡུན་རིང་པོ་ནས་བསྙེན་བཀུར་བྱེད་བྱེད་པ། རྒན་པོ་རྒས་པ་དགོག་ཏུ་ཕྱིན་པ་སྲི་ཞུ་ཆེ་བ་གང་དག་ཡིན་པ་དེ་དག་ལ་མཐུ་མེད་པ་དང༌། སྟོབས་མེད་པ་དང༌། ཉམས་རྩལ་མེད་པར་རིག་ཀྱང་སྔོན་གྱི་བྱས་པ་རྗེས་སུ་དྲན་པས་བསྙེན་བཀུར་ལས་ཀྱང་ཁྱད་དུ་གསོད་པར་མི་བྱེད། ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་ལས་ཀྱང་ཁྱད་དུ་གསོད་པར་མི་བྱེད་པ་ཡིན་ཏེ། དེ་ལྟར་ན་རྒྱལ་པོ་བྱེ་བྲག་ཤེས་ཤིང་བྱས་པ་གཟོ་བ་ཡིན་ནོ། །

ji ltar na bye brag shes shing byas pa gzo ba yin zhe na/ 'di la rgyal po tshal za rnams dang/ blo grogs rnams dang/ blon po rnams dang/ gros grogs rnams la/ 'di lta ste gus pa dang/ nus pa dang/ shes pa las kyang sems phyin ci log tu ma gyur cing/ de'i tshal za gang dag gus pa dang mi ldan pa de dag kyang yang dag pa ji lta ba bzhin du rab tu shes la/ gang dag nus pa dang mi ldan pa dag dang/ gang dag shes rab 'chal pa de dag kyang yang dag pa ji lta ba bzhin du rab tu shes pa dang/ tshal za gang dag gus pa dang ldan pa de dag kyang yang dag pa ji lta ba bzhin du rab tu shes la/ gang dag nus pa dang ldan pa dang/ shes rab dang ldan pa de dag kyang yang dag pa ji lta ba bzhin du rab tu shes pa dang/ tshal za gang dag gus pa dang mi ldan pa dang/ nus pa dang mi ldan pa dang/ shes rab 'chal pa de dag la ni khyad gsod par byed/ yongs su spong bar byed la/ tshal za gang dag gus pa dang ldan pa dang/ nus pa dang ldan pa dang / shes rab dang ldan pa de dag la ni/ bkur stir byed/ bla mar byed/ ri mor byed/ mchod par byed cing/ legs pa kho nar phan 'dogs par yang byed pa dang/ de'i tshal za yun ring po nas bsnyen bkur byed byed pa/ rgan po rgas pa dgog tu phyin pa sri zhu che ba gang dag yin pa de dag la mthu med pa dang/ stobs med pa dang/ nyams rtsal med par rig kyang sngon gyi byas pa rjes su dran pas bsnyen bkur las kyang khyad du gsod par mi byed/ longs spyod kyi bgo bsha' dang/ 'tsho ba'i bgo bsha' las kyang khyad du gsod par mi byed pa yin te/ de ltar na rgyal po bye brag shes shing byas pa gzo ba yin no/ /

【L10 不自縱任、不行放逸】

ཇི་ལྟར་ན་རབ་ཏུ་མ་མྱོས་ཤིང་གཅིག་ཏུ་བག་ཡོད་པར་གནས་པ་ཡིན་ཞེ་ན། འདི་ལ་རྒྱལ་པོ་དུས་དུས་སུ་བྱ་བ་དག་བྱ་བའི་ཕྱིར་བརྩོན་པ་དང༌། ཚལ་ཟ་དག་གསོ་བའི་ཕྱིར་བརྩོན་པ་དང་དུས་དུས་སུ་འདོད་པའི་ཡོན་ཏན་ལྔ་པོ་དག་གིས་འབྱོར་ཅིང་ལྡན་པར་གྱུར་ནས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ཡིན་ཏེ། དེ་ལྟར་ན་རྒྱལ་པོ་རབ་ཏུ་མ་མྱོས་ཤིང༌། གཅིག་ཏུ་བག་ཡོད་པར་གནས་པ་ཡིན་ནོ། །རྒྱལ་པོ་ཆེན་པོ་རྒྱལ་པོའི་ཡོན་ཏན་བཅུ་པོ་དེ་དག་དང་ལྡན་ན་རྒྱལ་པོ་ལོངས་སྤྱོད་ཆེ་བ་མ་ཡིན་ཞིང༌། རྩ་འཇིང་ཆེ་བ་མ་ཡིན་ལ། འཁོར་མང་བ་མ་ཡིན་དུ་ཟིན་ཀྱང༌། སྐྱབས་ཀྱི་འོས་ཡིན་ཞིང༌། མངོན་དུ་བགྲོད་པར་བྱ་བའི་འོས་ཡིན་ནོ། །རྒྱལ་པོ་ཆེན་པོ་རྒྱལ་པོའི་ཡོན་ཏན་བཅུ་པོ་དེ་དག་ལས་དང་པོ་གཅིག་ནི་རིགས་ཀྱི་ཡོན་ཏན་ཡིན་ནོ། །དེ་ལས་གཞན་པ་དགུ་ནི་རང་བཞིན་གྱི་ཡོན་ཏན་ཡིན་པར་རིག་པར་བྱའོ།། །།

ji ltar na rab tu ma myos shing gcig tu bag yod par gnas pa yin zhe na/ 'di la rgyal po dus dus su bya ba dag bya ba'i phyir brtson pa dang/ tshal za dag gso ba'i phyir brtson pa dang dus dus su 'dod pa'i yon tan lnga po dag gis 'byor cing ldan par gyur nas rtse bar byed/ dga' bar byed/ dga' mgur spyod par byed pa yin te/ de ltar na rgyal po rab tu ma myos shing/ gcig tu bag yod par gnas pa yin no/ /rgyal po chen po rgyal po'i yon tan bcu po de dag dang ldan na rgyal po longs spyod che ba ma yin zhing/ rtsa 'jing che ba ma yin la/ 'khor mang ba ma yin du zin kyang/ skyabs kyi 'os yin zhing/ mngon du bgrod par bya ba'i 'os yin no/ /rgyal po chen po rgyal po'i yon tan bcu po de dag las dang po gcig ni rigs kyi yon tan yin no/ /de las gzhan pa dgu ni rang bzhin gyi yon tan yin par rig par bya'o// //

【J3 解王的五種衰損】【K1 開五門次第解】

བམ་པོ་བཅུ་བདུན་པ། ཉམས་པའི་སྒོ་དག་གང་ཞེ་ན། རྒྱལ་པོ་ཉམས་པའི་སྒོ་ནི་ལྔ་སྟེ། ལྔ་གང་ཞེ་ན། ཚལ་ཟ་མ་བརྟགས་པ་ལེན་པ་རྒྱལ་པོའི་ཉམས་པའི་སྒོ་དང༌། ཚལ་ཟ་བརྟགས་པ་ལེན་ཀྱང་མི་སྙན་པ་དང་དུས་མ་ཡིན་པར་སྤྱོད་པ་རྒྱལ་པོའི་ཉམས་པའི་སྒོ་དང༌། བྱ་བ་བསམ་པ་ལ་བག་མེད་པ་རྒྱལ་པོའི་ཉམས་པའི་སྒོ་དང༌། ལོངས་སྤྱོད་བསྲུང་བ་ལ་བག་མེད་པ་རྒྱལ་པོའི་ཉམས་པའི་སྒོ་དང༌། ཆོས་སྤྱད་པ་ལ་བག་མེད་པ་རྒྱལ་པོའི་ཉམས་པའི་སྒོའོ། །

bam po bcu bdun pa/ nyams pa'i sgo dag gang zhe na/ rgyal po nyams pa'i sgo ni lnga ste/ lnga gang zhe na/ tshal za ma brtags pa len pa rgyal po'i nyams pa'i sgo dang/ tshal za brtags pa len kyang mi snyan pa dang dus ma yin par spyod pa rgyal po'i nyams pa'i sgo dang/ bya ba bsam pa la bag med pa rgyal po'i nyams pa'i sgo dang/ longs spyod bsrung ba la bag med pa rgyal po'i nyams pa'i sgo dang/ chos spyad pa la bag med pa rgyal po'i nyams pa'i sgo'o/ /

【K2 結彰其失】【L1 不善觀察而攝群臣】

དེ་ལ་ཚལ་ཟ་མ་བརྟགས་པ་ལེན་པ་གང་ཞེ་ན། རྒྱལ་པོ་ཆེན་པོ་འདི་ལ་རྒྱལ་པོ་ཚལ་ཟ་རྣམས་གུས་པ་དང༌། ནུས་པ་དང་། ཤེས་པ་ལས་ཀྱང་མཐུན་པར་མ་བསྐོས༑ ཡོངས་སུ་མ་བསྐོས། དམིགས་སུ་མ་ཕབ། རྣམ་པར་མ་བརྟགས༑ ཀུན་དུ་མ་བརྟགས་པར་ཉེ་བར་འཇོག་པར་བྱེད། རིམ་གྲོ་བྱེད་ཅིང་དེ་ལ་ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་ཡང་ཡོངས་སུ་རྫོགས་པར་བྱེད་ལ། དེ་དག་མཆོག་ཏུ་ཡིད་བརྟན་པར་བྱ་བའི་གནས་དག་ཏུ་བསྒོ་ཞིང༌། ཡིད་རྟོན་པར་ཡང་བྱེད་ལ། དུས་དུས་སུ་ཚིག་གི་ལམ་འཇམ་པོ་དག་ཀུན་དུ་རྗོད་པར་ཡང་བྱེད་པས། དེ་དག་དེའི་རྫས་བཞག་པ་ལ་ཡང་འཁུ་བར་བྱེད། གསོད་པ་རྣམས་དང༌། དགྲ་བོ་རྣམས་དང༌། ཕྱིར་རྒོལ་བ་རྣམས་དང༌། གཡུལ་སྤྲོད་པ་ན་དེ་དག་ཐོག་མ་ཁོ་ནར་ཕམ་པར་གྱུར། འཇིགས་པར་གྱུར། ཉམས་པར་གྱུར། གཞན་བརྒྱལ་བར་གྱུར། རྒྱབ་སྟོན་པར་གྱུར་ཅིང་འབྱེར་བར་བྱེད་ལ། ཚུལ་ངན་པའི་སྦྱོར་བ་དག་གིས་ཀྱང་བྱ་བ་དག་ཆུད་གསོན་པར་བྱེད་པ་དེ་དག་ནི་དེའི་ཚལ་ཟ་མ་བརྟགས་པ་ལེན་པ་ཞེས་བྱའོ། །

de la tshal za ma brtags pa len pa gang zhe na/ rgyal po chen po 'di la rgyal po tshal za rnams gus pa dang/ nus pa dang / shes pa las kyang mthun par ma bskos| yongs su ma bskos/ dmigs su ma phab/ rnam par ma brtags| kun du ma brtags par nye bar 'jog par byed/ rim gro byed cing de la longs spyod kyi bgo bsha' dang/ 'tsho ba'i bgo bsha' yang yongs su rdzogs par byed la/ de dag mchog tu yid brtan par bya ba'i gnas dag tu bsgo zhing/ yid rton par yang byed la/ dus dus su tshig gi lam 'jam po dag kun du rjod par yang byed pas/ de dag de'i rdzas bzhag pa la yang 'khu bar byed/ gsod pa rnams dang/ dgra bo rnams dang/ phyir rgol ba rnams dang/ g.yul sprod pa na de dag thog ma kho nar pham par gyur/ 'jigs par gyur/ nyams par gyur/ gzhan brgyal bar gyur/ rgyab ston par gyur cing 'byer bar byed la/ tshul ngan pa'i sbyor ba dag gis kyang bya ba dag chud gson par byed pa de dag ni de'i tshal za ma brtags pa len pa zhes bya'o/ /

【L2 雖善觀察而攝群臣、無恩妙行縱有非時】

དེའི་ཚལ་ཟ་བརྟགས་པ་ལེན་ཀྱང་མི་སྙན་པ་དང་དུས་མ་ཡིན་པའི་སྤྱོད་པ་གང་ཞེ་ན། རྒྱལ་པོ་ཆེན་པོ་འདི་ལ་རྒྱལ་པོ་ཚལ་ཟ་རྣམས་གུས་པ་དང་ནུས་པ་དང༌། ཤེས་པ་ལས་ཀྱང་མཐུན་པར་བསྐོས། ཡོངས་སུ་བསྐོས། དམིགས་སུ་ཕབ། རྣམ་པར་བརྟགས་ཀུན་ཏུ་བརྟགས་ཏེ། ཉེ་བར་འཇོག་པར་བྱེད་དུ་ཟིན་ཀྱང་རིམ་གྲོ་མི་བྱེད། ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་རྐྱེན་དུ་འབབ་པ་དག་ཀྱང་ཡོངས་སུ་རྫོགས་པར་མི་བྱེད་ལ་དེ་དག་མཆོག་ཏུ་ཡིད་བརྟན་པར་བྱ་བའི་གནས་དག་ཏུ་བསྐོ་བ་ཡང་མི་བྱེད་ཅིང༌། ཡིད་རྟོན་པར་ཡང་མི་བྱེད་ལ། དུས་དུས་སུ་ཚིག་གི་ལམ་འཇམ་པོ་དག་ཀུན་དུ་རྗོད་པར་ཡང་མི་བྱེད་པར་དེ་ལ་ལན་འགའ་རྒྱལ་པོའི་གསོད་པ་དང༌། དགྲ་བོ་དང༌། ཕྱིར་རྒོལ་བ་ཉེ་བར་གནས་པ་ནས་རྒྱས་པར་འཇིགས་པ་དང༌། སྲོག་ཟད་པར་བྱེད་པའི་བར་དག་དང་ཕྲད་པར་གྱུར་པ་ན། གདོད་རིམ་གྲོ་བྱེད་ཅིང་ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་རྐྱེན་དུ་བབ་པ་དག་ཡོངས་སུ་རྫོགས་པར་བྱེད་པ་ནས། རྒྱས་པར་ཚིག་གི་ལམ་འཇམ་པོ་དག་ཀུན་དུ་བརྗོད་པའི་བར་དུ་བྱེད་པའི་ཚེ། དེ་ན་དེ་དག་འདི་སྙམ་དུ་སེམས་ཏེ། ཀྱེ་མ་རྒྱལ་པོ་འདི་གང་གི་ཕྱིར་ད་ལྟར་གསོད་པ་དང༌། དགྲ་བོ་དང༌། ཕྱིར་རྒོལ་བ་ཉེ་བར་གནས་པ་ནས། རྒྱས་པར་འཇིགས་པ་དང༌། སྲོག་ཟད་པར་བྱེད་པའི་བར་དག་དང་ཕྲད་པ་ན། གདོད་བདག་ཅག་ལ་རིམ་གྲོ་བྱེད་པ་ནས། རྒྱས་པར་དུས་དུས་སུ་ཚིག་གི་ལམ་འཇམ་པོ་དག་ཀུན་དུ་བརྗོད་པའི་བར་དུ་བྱེད་པ་ལས་ན། ཅི་ཙམ་དུ་གཡོ་དང་ལྡན་པ་དང༌། མཆོག་ཏུ་གཡོ་དང་ལྡན་པ་ལ་ལྟོས་སྙམ་སྟེ། རྒྱལ་པོ་འདི་དོན་གྱི་ཕྱིར་བདག་ཅག་ལ། སྙན་པ་ཀུན་དུ་བརྗོད་པར་ཟད་ཀྱི་ལྷག་པའི་བསམ་པ་ཐག་པ་ནས་ནི་མ་ཡིན་ནོ་སྙམ་དུ་རིག་ནས། གུས་པ་ཡོད་པ་ཡང་སྟོན་པར་མི་བྱེད་ལ། ནུས་པ་ཡོད་པ་དང༌། ཤེས་རབ་ཡོད་པ་ཡང་སྟོན་པར་མི་བྱེད་པ་དེ་ནི། དེའི་ཚལ་ཟ་བརྟགས་པ་ལེན་ཀྱང་མི་སྙན་པ་དང༌། དུས་མ་ཡིན་པར་སྤྱོད་པ་ཞེས་བྱའོ། །

de'i tshal za brtags pa len kyang mi snyan pa dang dus ma yin pa'i spyod pa gang zhe na/ rgyal po chen po 'di la rgyal po tshal za rnams gus pa dang nus pa dang/ shes pa las kyang mthun par bskos/ yongs su bskos/ dmigs su phab/ rnam par brtags kun tu brtags te/ nye bar 'jog par byed du zin kyang rim gro mi byed/ longs spyod kyi bgo bsha' dang/ 'tsho ba'i bgo bsha' rkyen du 'bab pa dag kyang yongs su rdzogs par mi byed la de dag mchog tu yid brtan par bya ba'i gnas dag tu bsko ba yang mi byed cing/ yid rton par yang mi byed la/ dus dus su tshig gi lam 'jam po dag kun du rjod par yang mi byed par de la lan 'ga' rgyal po'i gsod pa dang/ dgra bo dang/ phyir rgol ba nye bar gnas pa nas rgyas par 'jigs pa dang/ srog zad par byed pa'i bar dag dang phrad par gyur pa na/ gdod rim gro byed cing longs spyod kyi bgo bsha' dang/ 'tsho ba'i bgo bsha' rkyen du bab pa dag yongs su rdzogs par byed pa nas/ rgyas par tshig gi lam 'jam po dag kun du brjod pa'i bar du byed pa'i tshe/ de na de dag 'di snyam du sems te/ kye ma rgyal po 'di gang gi phyir da ltar gsod pa dang/ dgra bo dang/ phyir rgol ba nye bar gnas pa nas/ rgyas par 'jigs pa dang/ srog zad par byed pa'i bar dag dang phrad pa na/ gdod bdag cag la rim gro byed pa nas/ rgyas par dus dus su tshig gi lam 'jam po dag kun du brjod pa'i bar du byed pa las na/ ci tsam du g.yo dang ldan pa dang/ mchog tu g.yo dang ldan pa la ltos snyam ste/ rgyal po 'di don gyi phyir bdag cag la/ snyan pa kun du brjod par zad kyi lhag pa'i bsam pa thag pa nas ni ma yin no snyam du rig nas/ gus pa yod pa yang ston par mi byed la/ nus pa yod pa dang/ shes rab yod pa yang ston par mi byed pa de ni/ de'i tshal za brtags pa len kyang mi snyan pa dang/ dus ma yin par spyod pa zhes bya'o/ /

【L3 專行放逸、不思機務】

བྱ་བ་བསམ་པ་ལ་བག་མེད་པ་གང་ཞེ་ན། འདི་ལ་རྒྱལ་པོ་དུས་དུས་སུ་དགའ་བ་བྱ་ཞིང༌། དགའ་བ་བསྒྲུབ་པའི་དོན་དག་ལ་བདག་ཉིད་དམ་སྐྱེས་བུ་གང་ཟག་མཁས་པ་རྣམས་དང་ལྷན་ཅིག་དགའ་བའི་སྦྱོར་བ་ལེགས་པར་སེམས་པར་མི་བྱེད༑ འཇལ་བར་མི་བྱེད། ཉེ་བར་རྟོག་པར་མི་བྱེད་པ་དང༌། དབྱེ་བར་བྱ་བ་དབྱེ་བ་བསྒྲུབ་པའི་དོན་དག་དང༌། སྦྱིན་པར་བྱ་བ་སྦྱིན་པ་བསྒྲུབ་པའི་དོན་དག་དང༌། གཡུལ་གྱི་བྱ་བ་གཡུལ་བསྒྲུབ་པའི་དོན་དག་དང༌། མཐུ་དང་ལྡན་པའི་ཕྱོགས་ཡོངས་སུ་གཟུང་བར་བྱ་བ་མཐུ་དང་ལྡན་པའི་ཕྱོགས་ཡོངས་སུ་གཟུང་བ་བསྒྲུབ་པའི་དོན་དག་ལ་ཡང༌། དབྱེ་བའི་སྦྱོར་བ་ནས་མཐུ་དང་ལྡན་པའི་ཕྱོགས་ཡོངས་སུ་གཟུང་བའི་སྦྱོར་བའི་བར་དག་ལེགས་པར་སེམས་པར་མི་བྱེད། འཇལ་བར་མི་བྱེད་ཉེ་བར་རྟོག་པར་མི་བྱེད་པ་དེ་ནི། དེའི་བྱ་བ་བསམ་པ་ལ་བག་མེད་པ་ཞེས་བྱའོ། །

bya ba bsam pa la bag med pa gang zhe na/ 'di la rgyal po dus dus su dga' ba bya zhing/ dga' ba bsgrub pa'i don dag la bdag nyid dam skyes bu gang zag mkhas pa rnams dang lhan cig dga' ba'i sbyor ba legs par sems par mi byed| 'jal bar mi byed/ nye bar rtog par mi byed pa dang/ dbye bar bya ba dbye ba bsgrub pa'i don dag dang/ sbyin par bya ba sbyin pa bsgrub pa'i don dag dang/ g.yul gyi bya ba g.yul bsgrub pa'i don dag dang/ mthu dang ldan pa'i phyogs yongs su gzung bar bya ba mthu dang ldan pa'i phyogs yongs su gzung ba bsgrub pa'i don dag la yang/ dbye ba'i sbyor ba nas mthu dang ldan pa'i phyogs yongs su gzung ba'i sbyor ba'i bar dag legs par sems par mi byed/ 'jal bar mi byed nye bar rtog par mi byed pa de ni/ de'i bya ba bsam pa la bag med pa zhes bya'o/ /

【L4 專行放逸、不守府庫】

ལོངས་སྤྱོད་བསྲུང་བ་ལ་བག་མེད་པ་གང་ཞེ་ན། འདི་ལ་རྒྱལ་པོ་ལས་ཀྱི་མཐའ་ཆུང་བ་དང༌། ལས་ཀྱི་མཐའ་ངན་པ་ལ་སྦྱོར་བ་དང༌། ལས་ཀྱི་མཐའི་ཞལ་ཏ་བྱེད་པ་མེད་པ་དང༌། ལས་ཀྱི་མཐའ་ལ་སོ་སོར་མ་བརྟགས་པ་དང༌། རྒྱལ་པོའི་ཕོ་བྲང་གི་སྒོ་མ་བསྲུངས་པ་དང་། བཙུན་མོའི་འཁོར་གྱི་སྒོ་མ་བསྲུངས་པ་དང༌། མཛོད་དང་བང་བ་མ་བསྲུངས་པ་དང༌། འདི་ལྟ་སྟེ། བྲོ་གར་མཁན་དང༌། ཟློས་གར་མཁན་དང༌། བཞད་གད་མཁན་དང༌། འཇོ་སྒེག་མཁན་ལ་སོགས་པ་ལ་ལོངས་སྤྱོད་ཚོད་མི་རིགས་པར་གཏོང་བ་དང༌། ཆོ་ལོ་དང༌། རྒྱན་དོར་གྱི་ཉེས་རྩོམ་ལ་ཤིན་ཏུ་ཞུགས་པ་དེ་ནི། དེའི་ལོངས་སྤྱོད་བསྲུང་བ་ལ་བག་མེད་པ་ཞེས་བྱའོ། །

longs spyod bsrung ba la bag med pa gang zhe na/ 'di la rgyal po las kyi mtha' chung ba dang/ las kyi mtha' ngan pa la sbyor ba dang/ las kyi mtha'i zhal ta byed pa med pa dang/ las kyi mtha' la so sor ma brtags pa dang/ rgyal po'i pho brang gi sgo ma bsrungs pa dang / btsun mo'i 'khor gyi sgo ma bsrungs pa dang/ mdzod dang bang ba ma bsrungs pa dang/ 'di lta ste/ bro gar mkhan dang/ zlos gar mkhan dang/ bzhad gad mkhan dang/ 'jo sgeg mkhan la sogs pa la longs spyod tshod mi rigs par gtong ba dang/ cho lo dang/ rgyan dor gyi nyes rtsom la shin tu zhugs pa de ni/ de'i longs spyod bsrung ba la bag med pa zhes bya'o/ /

【L5 專行放逸、不修法行】

ཆོས་སྤྱད་པ་ལ་བག་མེད་པ་གང་ཞེ་ན། འདི་ལ་རྒྱལ་པོ་དེའི་ཕེབས་པའི་ཡུལ་ན། དགེ་སྦྱོང་དང་བྲམ་ཟེ་རང་བཞིན་དགེ་བར་གྲགས་པ། མཛངས་པ། གསལ་བ༑ རིགས་པ། གྲོལ་བ། མཁས་པ། གནོད་པར་བྱ་བ་མ་ཡིན་པ། གནོད་པར་བྱ་བ་མ་ཡིན་པ་ལ་དགའ་བ་གང་དག་ཡིན་པ་དེ་དག་གི་དྲུང་དུ་དུས་དུས་སུ་སོང་སྟེ། དགེ་བ་གང་ཡིན། མི་དགེ་བ་གང་ཡིན། ཁ་ན་མ་ཐོ་བ་དང་བཅས་པ་གང་ཡིན། ཁ་ན་མ་ཐོ་བ་མེད་པ་གང་ཡིན། ཅི་ཞིག་བྱས་ན་ལེགས་པ་དང༌། སྡིག་པ་མེད་པར་འགྱུར་ཞེས་ཡོངས་སུ་འདྲི་བར་མི་བྱེད། ཡོངས་སུ་ཞུ་བར་མི་བྱེད་པ་དང༌། དེ་དག་ལས་ཐོས་ན་ཡང་དེ་བཞིན་དུ་སྒྲུབ་པར་མི་བྱེད་པ་དང༌། སྦྱིན་པ་དག་མི་སྦྱིན་པ་དང༌། བསོད་ནམས་དག་མི་བྱེད་པ་དང༌། བསྙེན་གནས་ལ་མི་གནས་པ་དང༌། ཚུལ་ཁྲིམས་ལ་ཡང་དག་པར་བླང་བ་ལ་མི་འཇུག་པ་དེ་ནི་དེའི་ཆོས་སྤྱོད་པ་ལ་བག་མེད་པ་ཞེས་བྱའོ། །ལྔ་པོ་དེ་དག་ནི་རྒྱལ་པོའི་ཉམས་པའི་སྒོ་དག་ཡིན་ཏེ། དེ་དག་དང་ལྡན་ན་རྒྱལ་པོ་ཚེ་འདི་པའི་དོན་ལས་ཀྱང་ཡོངས་སུ་ཉམས་པར་འགྱུར་ལ། ཚེ་ཕྱི་མ་པའི་དོན་ལས་ཀྱང་ཡོངས་སུ་ཉམས་པར་འགྱུར་རོ། །དེ་ལ་ཉམས་པའི་སྒོ་དང་པོ་བཞིས་ནི་ཚེ་འདི་པའི་དོན་ལས་ཡོངས་སུ་ཉམས་པར་འགྱུར་རོ། །ཉམས་པའི་སྒོ་ཐ་མ་གཅིག་གིས་ནི་ཚེ་ཕྱི་མ་པའི་དོན་ལས་ཡོངས་སུ་ཉམས་པར་འགྱུར་རོ། །

chos spyad pa la bag med pa gang zhe na/ 'di la rgyal po de'i phebs pa'i yul na/ dge sbyong dang bram ze rang bzhin dge bar grags pa/ mdzangs pa/ gsal ba| rigs pa/ grol ba/ mkhas pa/ gnod par bya ba ma yin pa/ gnod par bya ba ma yin pa la dga' ba gang dag yin pa de dag gi drung du dus dus su song ste/ dge ba gang yin/ mi dge ba gang yin/ kha na ma tho ba dang bcas pa gang yin/ kha na ma tho ba med pa gang yin/ ci zhig byas na legs pa dang/ sdig pa med par 'gyur zhes yongs su 'dri bar mi byed/ yongs su zhu bar mi byed pa dang/ de dag las thos na yang de bzhin du sgrub par mi byed pa dang/ sbyin pa dag mi sbyin pa dang/ bsod nams dag mi byed pa dang/ bsnyen gnas la mi gnas pa dang/ tshul khrims la yang dag par blang ba la mi 'jug pa de ni de'i chos spyod pa la bag med pa zhes bya'o/ /lnga po de dag ni rgyal po'i nyams pa'i sgo dag yin te/ de dag dang ldan na rgyal po tshe 'di pa'i don las kyang yongs su nyams par 'gyur la/ tshe phyi ma pa'i don las kyang yongs su nyams par 'gyur ro/ /de la nyams pa'i sgo dang po bzhis ni tshe 'di pa'i don las yongs su nyams par 'gyur ro/ /nyams pa'i sgo tha ma gcig gis ni tshe phyi ma pa'i don las yongs su nyams par 'gyur ro/ /

【J4 解王的五種方便】【K1 總說】

དེ་ལ་ཐབས་ཀྱི་སྒོ་དག་གང་ཞེ་ན། ལྔ་སྟེ། ལྔ་གང་ཞེ་ན། ཚལ་ཟ་བརྟགས་པ་ལེན་པ་དང༌། དེ་དག་ལ་སྙན་པ་དང༌། དུས་སུ་སྤྱོད་པ་དང༌། བྱ་བ་བསམ་པ་ལ་བག་ཡོད་པ་དང༌། ལོངས་སྤྱོད་བསྲུང་བ་ལ་བག་ཡོད་པ་དང༌། ཆོས་སྤྱད་པ་ལ་བག་ཡོད་པའོ། །

de la thabs kyi sgo dag gang zhe na/ lnga ste/ lnga gang zhe na/ tshal za brtags pa len pa dang/ de dag la snyan pa dang/ dus su spyod pa dang/ bya ba bsam pa la bag yod pa dang/ longs spyod bsrung ba la bag yod pa dang/ chos spyad pa la bag yod pa'o/ /

【K2 別釋】【L1 善觀察攝受群臣】

དེ་ལ་ཚལ་ཟ་བརྟགས་པ་ལེན་པ་གང་ཞེ་ན། འདི་ལ་རྒྱལ་པོ་ཚལ་ཟ་རྣམས་གུས་པ་དང༌། ནུས་པ་དང༌། ཤེས་པ་ལས་ཀྱང་མཐུན་པར་བསྐོས། ཡོངས་སུ་བསྐོས། དམིགས་སུ་ཕབ། རྣམ་པར་བརྟགས༑ ཀུན་དུ་བརྟགས་ནས་ཉེ་བར་འཇོག་པར་བྱེད་པ་དེ་ནི་དེའི་ཚལ་ཟ་བརྟགས་པ་ལེན་པ་ཞེས་བྱའོ། །

de la tshal za brtags pa len pa gang zhe na/ 'di la rgyal po tshal za rnams gus pa dang/ nus pa dang/ shes pa las kyang mthun par bskos/ yongs su bskos/ dmigs su phab/ rnam par brtags| kun du brtags nas nye bar 'jog par byed pa de ni de'i tshal za brtags pa len pa zhes bya'o/ /

【L2 能以時行恩妙行】

དེ་དག་ལ་སྙན་པ་དུས་སུ་སྤྱོད་པ་གང་ཞེ་ན། འདི་ལ་རྒྱལ་པོ་ཚལ་ཟ་བརྟགས་པ་ཉེ་བར་གཞག་པ་དེ་དག་ལ་རིམ་གྲོ་བྱེད་ཅིང༌། ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་རྐྱེན་དུ་འབབ་པ་དག་ཀྱང་ཡོངས་སུ་རྫོགས་པར་བྱེད་པ་དང༌། དེ་དག་མཆོག་ཏུ་ཡིད་བརྟན་པར་བྱ་བའི་གནས་དག་ཏུ་ཡང་བསྐོ་བར་བྱེད་ལ། ཡིད་རྟོན་པར་ཡང་བྱེད་པ་དང༌། དུས་དུས་སུ་ཚིག་གི་ལམ་འཇམ་པོ་དག་ཀུན་དུ་རྗོད་པར་བྱེད་པས། དེ་དག་ཀྱང་དེའི་གསོད་པ་དང༌། དགྲ་བོ་དང༌། ཕྱིར་རྒོལ་བ་ཉེ་བར་གནས་ཤིང༌། འཇིགས་པ་དང༌། སྲོག་ཟད་པར་བྱེད་པ་དག་དང་ཕྲད་པ་ན། གུས་པ་ཡོད་པ་ཡང་སྟོན་པར་བྱེད། ནུས་པ་ཡོད་པ་དང་ཤེས་རབ་ཡོད་པ་ཡང་སྟོན་པར་བྱེད་པ་དེ་ནི། དེའི་དེ་དག་ལ་སྙན་པ་དང་དུས་སུ་སྤྱོད་པ་ཞེས་བྱའོ། །

de dag la snyan pa dus su spyod pa gang zhe na/ 'di la rgyal po tshal za brtags pa nye bar gzhag pa de dag la rim gro byed cing/ longs spyod kyi bgo bsha' dang/ 'tsho ba'i bgo bsha' rkyen du 'bab pa dag kyang yongs su rdzogs par byed pa dang/ de dag mchog tu yid brtan par bya ba'i gnas dag tu yang bsko bar byed la/ yid rton par yang byed pa dang/ dus dus su tshig gi lam 'jam po dag kun du rjod par byed pas/ de dag kyang de'i gsod pa dang/ dgra bo dang/ phyir rgol ba nye bar gnas shing/ 'jigs pa dang/ srog zad par byed pa dag dang phrad pa na/ gus pa yod pa yang ston par byed/ nus pa yod pa dang shes rab yod pa yang ston par byed pa de ni/ de'i de dag la snyan pa dang dus su spyod pa zhes bya'o/ /

【L3 無放逸專思機務】

བྱ་བ་བསམ་པ་ལ་བག་ཡོད་པ་གང་ཞེ་ན། འདི་ལ་རྒྱལ་པོ་དུས་དུས་སུ་དགའ་བར་བྱ་བ་དགའ་བ་བསྒྲུབ་པའི་དོན་དག་ལ་དགའ་བའི་སྦྱོར་བ་ལེགས་པ་ཁོ་ནར་སེམས་པར་བྱེད། འཇལ་བར་བྱེད། ཉེ་བར་རྟོག་པར་བྱེད་པ་དང༌། དགའ་བར་བྱ་བ་དགའ་བ་བསྒྲུབ་པའི་དོན་དག་ལ་ཇི་ལྟ་བ་དེ་བཞིན་དུ་དབྱེ་བར་བྱ་བ་དབྱེ་བ་བསྒྲུབ་པའི་དོན་དག་དང༌། སྦྱིན་པར་བྱ་བ་སྦྱིན་པ་བསྒྲུབ་པའི་དོན་དག་དང་གཡུལ་གྱི་བྱ་བ་གཡུལ་བསྒྲུབ་པའི་དོན་དག་དང༌། མཐུ་དང་ལྡན་པའི་ཕྱོགས་ཡོངས་སུ་གཟུང་བར་བྱ་བ་མཐུ་དང་ལྡན་པའི་ཕྱོགས་ཡོངས་སུ་གཟུང་བ་བསྒྲུབ་པའི་དོན་དག་ལ་ཡང༌། དབྱེ་བའི་སྦྱོར་བ་ནས་མཐུ་དང་ལྡན་པའི་ཕྱོགས་ཡོངས་སུ་གཟུང་བའི་སྦྱོར་བའི་བར་དག་ལེགས་པ་ཁོ་ནར་སེམས་པར་བྱེད། འཇལ་བར་བྱེད། ཉེ་བར་རྟོག་པར་བྱེད་པ་དེ་ནི། དེའི་བྱ་བ་བསམ་པ་ལ་བག་ཡོད་པ་ཞེས་བྱའོ། །

bya ba bsam pa la bag yod pa gang zhe na/ 'di la rgyal po dus dus su dga' bar bya ba dga' ba bsgrub pa'i don dag la dga' ba'i sbyor ba legs pa kho nar sems par byed/ 'jal bar byed/ nye bar rtog par byed pa dang/ dga' bar bya ba dga' ba bsgrub pa'i don dag la ji lta ba de bzhin du dbye bar bya ba dbye ba bsgrub pa'i don dag dang/ sbyin par bya ba sbyin pa bsgrub pa'i don dag dang g.yul gyi bya ba g.yul bsgrub pa'i don dag dang/ mthu dang ldan pa'i phyogs yongs su gzung bar bya ba mthu dang ldan pa'i phyogs yongs su gzung ba bsgrub pa'i don dag la yang/ dbye ba'i sbyor ba nas mthu dang ldan pa'i phyogs yongs su gzung ba'i sbyor ba'i bar dag legs pa kho nar sems par byed/ 'jal bar byed/ nye bar rtog par byed pa de ni/ de'i bya ba bsam pa la bag yod pa zhes bya'o/ /

【L4 無放逸、善守府庫】

ལོངས་སྤྱོད་བསྲུང་བ་ལ་བག་ཡོད་པ་གང་ཞེ་ན། འདི་ལ་རྒྱལ་པོ་ལས་ཀྱི་མཐའ་རྒྱ་ཆེན་པོ་ལ་སྦྱོར་བ་དང༌། ལས་ཀྱི་མཐའ་བཟང་པོ་ལ་སྦྱོར་བ་དང༌། ལས་ཀྱི་མཐའི་ཞལ་ཏ་ལེགས་པར་བྱས་པ་དང༌། ལས་ཀྱི་མཐའ་ལ་ལེགས་པར་སོ་སོར་བརྟགས་པ་དང་། རྒྱལ་པོའི་ཕོ་བྲང་གི་སྒོ་ལེགས་པར་བསྲུངས་པ་དང༌། བཙུན་མོའི་འཁོར་གྱི་སྒོ་ལེགས་པར་བསྲུངས་པ་དང༌། མཛོད་དང་བང་བ་ལེགས་པར་བསྲུངས་པ་དང༌། འདི་ལྟ་སྟེ། བྲོ་གར་མཁན་དང༌། ཟློས་གར་མཁན་དང༌། བཞད་གད་མཁན་དང༌། འཇོ་སྒེག་མཁན་ལ་སོགས་པ་ལ་ལོངས་སྤྱོད་ཚོད་རིགས་པར་གཏོང་བ་དང༌། ཆོ་ལོ་དང་རྒྱན་དོར་གྱི་ཉེས་རྩོམ་ལ་ཤིན་དུ་མ་ཞུགས་པ་དེ་ནི་དེའི་ལོངས་སྤྱོད་བསྲུང་བ་ལ་བག་ཡོད་པ་ཞེས་བྱའོ། །

longs spyod bsrung ba la bag yod pa gang zhe na/ 'di la rgyal po las kyi mtha' rgya chen po la sbyor ba dang/ las kyi mtha' bzang po la sbyor ba dang/ las kyi mtha'i zhal ta legs par byas pa dang/ las kyi mtha' la legs par so sor brtags pa dang / rgyal po'i pho brang gi sgo legs par bsrungs pa dang/ btsun mo'i 'khor gyi sgo legs par bsrungs pa dang/ mdzod dang bang ba legs par bsrungs pa dang/ 'di lta ste/ bro gar mkhan dang/ zlos gar mkhan dang/ bzhad gad mkhan dang/ 'jo sgeg mkhan la sogs pa la longs spyod tshod rigs par gtong ba dang/ cho lo dang rgyan dor gyi nyes rtsom la shin du ma zhugs pa de ni de'i longs spyod bsrung ba la bag yod pa zhes bya'o/ /

【L5 無放逸、專修法行】

ཆོས་སྤྱོད་པ་ལ་བག་ཡོད་པ་གང་ཞེ་ན། འདི་ལ་རྒྱལ་པོ་དེའི་ཕེབས་པའི་ཡུལ་ན། དགེ་སྦྱོང་དང་བྲམ་ཟེ་རང་བཞིན་དགེ་བར་གྲགས་པ། མཛངས་པ། གསལ་པ། རིགས་པ། གྲོལ་བ། མཁས་པ། གནོད་པར་བྱ་བ་མ་ཡིན་པ། གནོད་པར་བྱ་བ་མ་ཡིན་པས་དགའ་བ་གང་དག་ཡིན་པ་དེ་དག་གི་དྲུང་དུ་དུས་དུས་སུ་སོང་སྟེ། དགེ་བ་གང་ཡིན། མི་དགེ་བ་གང་ཡིན། ཁ་ན་མ་ཐོ་བ་དང་བཅས་པ་གང་ཡིན། ཁ་ན་མ་ཐོ་བ་མེད་པ་གང་ཡིན། ཅི་ཞིག་བྱས་ན་ལེགས་པ་དང་སྡིག་པ་མེད་པར་འགྱུར་ཞེས་ཡོངས་སུ་དྲི་བར་བྱེད། ཡོངས་སུ་ཞུ་བར་བྱེད་པ་དང༌། དེ་དག་ལས་ཐོས་ན་ཡང་དེ་ལྟ་དེ་ལྟར་སྒྲུབ་པར་བྱེད་པ་དང༌། སྦྱིན་པ་དག་སྦྱིན་པ་དང༌། བསོད་ནམས་དག་བྱེད་པ་དང་། བསྙེན་གནས་ལ་གནས་པ་དང༌། ཚུལ་ཁྲིམས་ཡང་དག་པར་བླང་བ་ལ་འཇུག་པ་དེ་ནི་དེའི་ཆོས་སྤྱད་པ་ལ་བག་ཡོད་པ་ཞེས་བྱའོ། །ལྔ་པོ་དེ་དག་ནི་རྒྱལ་པོའི་ཐབས་ཀྱི་སྒོ་དག་ཡིན་ཏེ། དེ་དག་དང་ལྡན་ན་རྒྱལ་པོ་ཚེ་འདི་པའི་དོན་ལས་ཀྱང་ཡོངས་སུ་ཉམས་པར་མི་འགྱུར་ལ། ཚེ་ཕྱི་མ་པའི་དོན་ལས་ཀྱང་ཡོངས་སུ་ཉམས་པར་མི་འགྱུར་རོ། །དེ་ལ་ཐབས་ཀྱི་སྒོ་དང་པོ་བཞིས་ནི་ཚེ་འདི་པའི་དོན་ལས་ཡོངས་སུ་ཉམས་པར་མི་འགྱུར་རོ། །ཐབས་ཀྱི་སྒོ་ཐ་མ་གཅིག་གིས་ནི་ཚེ་ཕྱི་མ་པའི་དོན་ལས་ཡོངས་སུ་ཉམས་པར་མི་འགྱུར་རོ། །

chos spyod pa la bag yod pa gang zhe na/ 'di la rgyal po de'i phebs pa'i yul na/ dge sbyong dang bram ze rang bzhin dge bar grags pa/ mdzangs pa/ gsal pa/ rigs pa/ grol ba/ mkhas pa/ gnod par bya ba ma yin pa/ gnod par bya ba ma yin pas dga' ba gang dag yin pa de dag gi drung du dus dus su song ste/ dge ba gang yin/ mi dge ba gang yin/ kha na ma tho ba dang bcas pa gang yin/ kha na ma tho ba med pa gang yin/ ci zhig byas na legs pa dang sdig pa med par 'gyur zhes yongs su dri bar byed/ yongs su zhu bar byed pa dang/ de dag las thos na yang de lta de ltar sgrub par byed pa dang/ sbyin pa dag sbyin pa dang/ bsod nams dag byed pa dang / bsnyen gnas la gnas pa dang/ tshul khrims yang dag par blang ba la 'jug pa de ni de'i chos spyad pa la bag yod pa zhes bya'o/ /lnga po de dag ni rgyal po'i thabs kyi sgo dag yin te/ de dag dang ldan na rgyal po tshe 'di pa'i don las kyang yongs su nyams par mi 'gyur la/ tshe phyi ma pa'i don las kyang yongs su nyams par mi 'gyur ro/ /de la thabs kyi sgo dang po bzhis ni tshe 'di pa'i don las yongs su nyams par mi 'gyur ro/ /thabs kyi sgo tha ma gcig gis ni tshe phyi ma pa'i don las yongs su nyams par mi 'gyur ro/ /

【J5 解王的可愛法】

རྒྱལ་པོ་རྣམས་ཀྱི་འདོད་པའི་ཆོས་རྣམས་གང་ཞེ་ན། རྒྱལ་པོའི་འདོད་པ་དང༌། སྡུག་པ་དང༌། དགའ་བ་དང༌། ཡིད་དུ་འོང་བར་བྱ་བའི་ཆོས་ནི་ལྔ་པོ་འདི་དག་སྟེ། ལྔ་གང་ཞེ་ན། སྐྱེ་དགུ་རྗེས་སུ་དགའ་བ་དང༌། དབང་ཕྱུག་གི་བདག་པོ་དང༌། དགྲ་འདུལ་བ་དང༌། ལུས་ལ་ཕན་པ་དང༌། བདེ་འགྲོར་འགྲོ་བ་སྟེ་ལྔ་པོ་དེ་དག་ནི་རྒྱལ་པོའི་འདོད་པ་དང༌། སྡུག་པ་དང༌། དགའ་བ་དང་ཡིད་དུ་འོང་བར་བྱ་བའི་ཆོས་དག་ཡིན་ནོ། །

rgyal po rnams kyi 'dod pa'i chos rnams gang zhe na/ rgyal po'i 'dod pa dang/ sdug pa dang/ dga' ba dang/ yid du 'ong bar bya ba'i chos ni lnga po 'di dag ste/ lnga gang zhe na/ skye dgu rjes su dga' ba dang/ dbang phyug gi bdag po dang/ dgra 'dul ba dang/ lus la phan pa dang/ bde 'gror 'gro ba ste lnga po de dag ni rgyal po'i 'dod pa dang/ sdug pa dang/ dga' ba dang yid du 'ong bar bya ba'i chos dag yin no/ /

【J6 解能引王可愛法】【K1 標列五名次第解法彰其說利】

འདོད་པ་འདྲེན་པར་བྱེད་པའི་ཆོས་དག་གང་ཞེ་ན། ལྔ་པོ་འདི་དག་ནི་རྒྱལ་པོའི་འདོད་པ་འདྲེན་པར་བྱེད་པའི་ཆོས་རྣམས་ཡིན་ཏེ། ལྔ་གང་ཞེ་ན། སྐྱེ་དགུ་ཡོངས་སུ་སྐྱོང་བ་དང༌། སྒྲུབ་ཕོད་པ་དང་། ཐབས་ཤེས་པ་དང༌། ཡུལ་ལ་ལེགས་པར་ཡོངས་སུ་ལོངས་སྤྱོད་པ་དང༌། ཆོས་སྤྱོད་པའོ། །

'dod pa 'dren par byed pa'i chos dag gang zhe na/ lnga po 'di dag ni rgyal po'i 'dod pa 'dren par byed pa'i chos rnams yin te/ lnga gang zhe na/ skye dgu yongs su skyong ba dang/ sgrub phod pa dang / thabs shes pa dang/ yul la legs par yongs su longs spyod pa dang/ chos spyod pa'o/ /

【K2 次第解】【L1 恩養世間】

ཇི་ལྟར་ན་རྒྱལ་པོ་སྐྱེ་དགུ་ཡོངས་སུ་སྐྱོང་བར་བྱེད་ཅེ་ན། འདི་ལ་རྒྱལ་པོ་དང་པོ་ཁོ་ནར་ཆོག་ཤེས་པ་དང༌། ལོག་པའི་ཆགས་པས་མ་དཀྲིས་པ་དང༌། ལོངས་སྤྱོད་འདུ་བའི་སྒོ་བཟང་པོ་ཡོད་པས་ཅི་ནས་ཀྱང་ལོངས་སྤྱོད་བསག་ཅིང་སྤེལ་བར་འདོད་ཀྱི་ཡོངས་སུ་མི་ཚོལ་མི་བྱེད་པ་དང༌། གཞན་ཡང་རྒྱལ་པོ་བརྐམ་ཆགས་མི་བྱེད་པ་དང༌། ཆགས་པ་མེད་པའི་དཀར་པོའི་ཆོས་དང་ལྡན་པ་དང༌། དེ་ཅི་ནུས་ཅི་ལྕོགས་ཀྱིས་རང་གི་མཛོད་དང་བང་བ་ནས་རང་གི་ནོར་ཕྱུང་སྟེ་ནོར་མེད་པ་དང༌། ལོངས་སྤྱོད་དང་བྲལ་ཞིང་གནས་པ་དག་ལ་སྦྱིན་པར་བྱེད་པ་དང༌། གཞན་ཡང་རྒྱལ་པོ་དེས་པ་དང༌། བཟོད་པ་དང་ལྡན་ཞིང་གྲོང་གི་མི་རྣམས་ལ་ཚིག་གི་ལམ་འཇམ་པོ་དག་གིས་ཀུན་དུ་རྗོད་པར་བྱེད་པ་དང༌། དེ་དག་ལ་དུས་དུས་སུ་ལོངས་སྤྱོད་ཀྱི་བགོ་བཤའ་དང༌། འཚོ་བའི་བགོ་བཤའ་རྐྱེན་དུ་འབབ་པ་དག་བྱེད་པ་དང༌། དེ་དག་མི་ནུས་པའི་ལས་སུ་བསྐོ་བར་མི་བྱེད་པ་དང༌། ལས་ངན་པར་བསྐོ་བར་མི་བྱེད་པ་དང༌། ལས་ཧ་ཅང་ཆེན་པོར་བསྐོ་བར་མི་བྱེད་པ་དང༌། དེ་དག་གི་ཉེས་པ་དང༌། འགལ་བ་བཟོད་པར་འོས་པ་དག་བཟོད་པར་བྱེད་པ་དང༌།ཉེས་པ་དང་འགལ་བ་བདེན་པ་བཟོད་པར་མི་འོས་པ་དེ་དག་ཀྱང་དུས་དུས་སུ་ཉེས་པ་དང་མཐུན་པའི་ཁྲིམས་དང་སྦྱོར་བར་བྱེད་དེ། དེ་ལྟར་ན་རྒྱལ་པོ་སྐྱེ་དགུ་ལེགས་པར་ཡོངས་སུ་སྐྱོང་བར་བྱེད་པ་ཡིན་ནོ། །དེ་ལྟར་སྐྱེ་དགུ་ལེགས་པར་ཡོངས་སུ་སྐྱོང་བ་འདི་ཡང་དག་པར་བླངས་ཏེ། ལེགས་པར་སྤྱད་ན། སྐྱེ་དགུ་རྗེས་སུ་དགའ་བར་འགྱུར་རོ། །

ji ltar na rgyal po skye dgu yongs su skyong bar byed ce na/ 'di la rgyal po dang po kho nar chog shes pa dang/ log pa'i chags pas ma dkris pa dang/ longs spyod 'du ba'i sgo bzang po yod pas ci nas kyang longs spyod bsag cing spel bar 'dod kyi yongs su mi tshol mi byed pa dang/ gzhan yang rgyal po brkam chags mi byed pa dang/ chags pa med pa'i dkar po'i chos dang ldan pa dang/ de ci nus ci lcogs kyis rang gi mdzod dang bang ba nas rang gi nor phyung ste nor med pa dang/ longs spyod dang bral zhing gnas pa dag la sbyin par byed pa dang/ gzhan yang rgyal po des pa dang/ bzod pa dang ldan zhing grong gi mi rnams la tshig gi lam 'jam po dag gis kun du rjod par byed pa dang/ de dag la dus dus su longs spyod kyi bgo bsha' dang/ 'tsho ba'i bgo bsha' rkyen du 'bab pa dag byed pa dang/ de dag mi nus pa'i las su bsko bar mi byed pa dang/ las ngan par bsko bar mi byed pa dang/ las ha cang chen por bsko bar mi byed pa dang/ de dag gi nyes pa dang/ 'gal ba bzod par 'os pa dag bzod par byed pa dang/nyes pa dang 'gal ba bden pa bzod par mi 'os pa de dag kyang dus dus su nyes pa dang mthun pa'i khrims dang sbyor bar byed de/ de ltar na rgyal po skye dgu legs par yongs su skyong bar byed pa yin no/ /de ltar skye dgu legs par yongs su skyong ba 'di yang dag par blangs te/ legs par spyad na/ skye dgu rjes su dga' bar 'gyur ro/ /

【L2 英勇具足】

སྒྲུབ་ཕོད་པ་གང་ཞེ་ན། འདི་ལ་རྒྱལ་པོ་མཁས་པ་དང༌། ལེ་ལོ་མེད་པ་དང༌། སྒྲུབ་ཕོད་པ་ཡིན་ཞིང༌། དེ་མ་ཕེབས་པ་ནི་འབེབས་པར་བྱེད། ཕེབས་པ་ནི་སྲུང་བར་བྱེད་པ་དང༌། ལས་ཀྱི་མཐའ་རྒྱ་ཆེན་པོ་ལ་སྦྱོར་བ་ནས། སྔ་མ་བཞིན་དུ་ཆོ་ལོ་དང་རྒྱན་དོར་གྱི་ཉེས་རྩོམ་གྱི་བར་ལ་ཤིན་ཏུ་མ་ཞུགས་པ་དང༌། སྐྱེ་དགུ་རྣམས་ཀྱི་ཚུལ་དང༌། ཚུལ་མ་ཡིན་པའི་འཇུག་པ་ཡོངས་སུ་བརྟག་པ་ལ་བརྩོན་པ་དང༌། ཆད་པས་གཅད་པར་འོས་པ་རྣམས་ཀྱང་ལེགས་པར་ཆད་པས་གཅོད་པར་བྱེད་པ་དང༌། ཕན་གདགས་པར་འོས་པ་རྣམས་ལ་ཡང་ཕན་འདོགས་པར་བྱེད་པ་ཡིན་ཏེ། དེ་ལྟར་ན་རྒྱལ་པོ་བསྒྲུབ་ཕོད་པ་ཡིན་ནོ། །དེ་ལྟར་བསྒྲུབ་ཕོད་པ་འདི་ཡང་དག་པར་བླངས་ཏེ་ལེགས་པར་སྤྱད་ན་དབང་ཕྱུག་གི་བདག་པོར་འགྱུར་རོ། །

sgrub phod pa gang zhe na/ 'di la rgyal po mkhas pa dang/ le lo med pa dang/ sgrub phod pa yin zhing/ de ma phebs pa ni 'bebs par byed/ phebs pa ni srung bar byed pa dang/ las kyi mtha' rgya chen po la sbyor ba nas/ snga ma bzhin du cho lo dang rgyan dor gyi nyes rtsom gyi bar la shin tu ma zhugs pa dang/ skye dgu rnams kyi tshul dang/ tshul ma yin pa'i 'jug pa yongs su brtag pa la brtson pa dang/ chad pas gcad par 'os pa rnams kyang legs par chad pas gcod par byed pa dang/ phan gdags par 'os pa rnams la yang phan 'dogs par byed pa yin te/ de ltar na rgyal po bsgrub phod pa yin no/ /de ltar bsgrub phod pa 'di yang dag par blangs te legs par spyad na dbang phyug gi bdag por 'gyur ro/ /

【L3 善權方便】

ཐབས་ཤེས་པ་གང་ཞེ་ན། འདི་ལ་རྒྱལ་པོ་དགའ་བར་བྱ་བ་དགའ་བ་བསྒྲུབ་པའི་དོན་དག་ལ་ལེགས་པ་ཁོ་ནར་དགའ་བར་སྦྱོར་བར་བྱེད་པ་ནས། རྒྱས་པར་སྔ་མ་བཞིན་དུ། མཐུ་དང་ལྡན་པའི་ཕྱོགས་ཡོངས་སུ་གཟུང་བར་བྱ་བ་མཐུ་དང་ལྡན་པའི་ཕྱོགས་ཡོངས་སུ་གཟུང་བ་བསྒྲུབ་པའི་དོན་གྱི་བར་དག་ལ་ཡང༌། ལེགས་པ་ཁོ་ནར་མཐུ་དང་ལྡན་པའི་ཕྱོགས་ཡོངས་སུ་གཟུང་བའི་ཕྱིར་སྦྱོར་བར་བྱེད་དེ། དེ་ལྟར་ན་རྒྱལ་པོ་ཐབས་ཤེས་པ་ཡིན་ནོ། །དེ་ལྟར་ཐབས་ཤེས་པ་ནི་ཡང་དག་པར་བླངས་ཏེ། ལེགས་པར་སྤྱད་ན་དགྲ་ཐུལ་བར་འགྱུར་རོ། །

thabs shes pa gang zhe na/ 'di la rgyal po dga' bar bya ba dga' ba bsgrub pa'i don dag la legs pa kho nar dga' bar sbyor bar byed pa nas/ rgyas par snga ma bzhin du/ mthu dang ldan pa'i phyogs yongs su gzung bar bya ba mthu dang ldan pa'i phyogs yongs su gzung ba bsgrub pa'i don gyi bar dag la yang/ legs pa kho nar mthu dang ldan pa'i phyogs yongs su gzung ba'i phyir sbyor bar byed de/ de ltar na rgyal po thabs shes pa yin no/ /de ltar thabs shes pa ni yang dag par blangs te/ legs par spyad na dgra thul bar 'gyur ro/ /

【L4 正受境界】

ཡུལ་ལ་ལེགས་པར་ཡོངས་སུ་ལོངས་སྤྱོད་པ་གང་ཞེ་ན། འདི་ལ་རྒྱལ་པོ་ལོངས་སྤྱོད་རྣམས་ཀྱི་འདུ་བ་དང་འགོད་པ་གཞལ་ནས། ཧ་ཅང་ཆུང་བ་ཡང་མ་ཡིན། ཧ་ཅང་ཆེ་བ་ཡང་མ་ཡིན་པར་རན་པས་འཚོ་བར་བྱེད་པ་དང༌། ལོངས་སྤྱོད་ཆེན་པོ་དང་ལྡན་པ་དང༌། ལོངས་སྤྱོད་སྣ་ཚོགས་དང་ལྡན་པ་དང༌། དུས་ཚིགས་ཀྱི་ཚེ་ཇི་ལྟ་བ་བཞིན་དུ་བརྟེན་པར་བྱ་བའི་ལོངས་སྤྱོད་དང་ལྡན་པ་དང༌། འཁོར་དང་བཅས་པ་དང༌། གཡོག་འཁོར་དང་བཅས་པའི་ལོངས་སྤྱོད་དང་ལྡན་པ་དང༌། གནས་བཟང་པོའི་ལོངས་སྤྱོད་དང་ལྡན་པ་དང༌། བྲོ་གར་དང་གླུ་དང་སིལ་སྙན་དང་རོལ་མོ་དང་བཅས་པའི་ལོངས་སྤྱོད་དང་ལྡན་པ་དང༌། ཁ་ན་མ་ཐོ་བ་མེད་པའི་ལོངས་སྤྱོད་དང་ལྡན་པ་ཡིན་ཏེ། དེ་ལ་ཁ་ན་མ་ཐོ་བ་མེད་པའི་ལོངས་སྤྱོད་ནི་འདི་ཡིན་ཏེ། ནད་ཀྱིས་བཏབ་ཅིང་གནོད་པའི་ཚེ་འཕྲོད་པ་ཟ་ཞིང་མི་འཕྲོད་པ་ཡང་ཡོངས་སུ་སྤོང་བ་དང་བདེ་བར་གནས་པའི་ཚེ་ཡང་ཞུ་ནས་ཟའི། མ་ཞུ་བར་མི་ཟ་བ་དང༌། ལྷན་ཅིག་ཏུ་ཟ་བ་རྣམས་ཚོགས་ཏེ་འབྲིམ་པ་ན། གཞན་དག་བསྐྲད་ཅིང་བསྩལ་ནས། བདག་གཅིག་པུ་བཟང་པོ་མི་ཟ་བ་སྟེ། དེ་ལྟར་ན་རྒྱལ་པོ་ཡུལ་ལ་ལེགས་པར་ལོངས་སྤྱོད་པ་ཡིན་ནོ། །དེ་ལྟར་ཡུལ་ལ་ལེགས་པར་ཡོངས་སུ་ལོངས་སྤྱོད་པ་འདི་ཡང་དག་པར་བླངས་ཏེ། ལེགས་པར་སྤྱད་ན་ལུས་ལ་ཕན་པར་འགྱུར་རོ། །

yul la legs par yongs su longs spyod pa gang zhe na/ 'di la rgyal po longs spyod rnams kyi 'du ba dang 'god pa gzhal nas/ ha cang chung ba yang ma yin/ ha cang che ba yang ma yin par ran pas 'tsho bar byed pa dang/ longs spyod chen po dang ldan pa dang/ longs spyod sna tshogs dang ldan pa dang/ dus tshigs kyi tshe ji lta ba bzhin du brten par bya ba'i longs spyod dang ldan pa dang/ 'khor dang bcas pa dang/ g.yog 'khor dang bcas pa'i longs spyod dang ldan pa dang/ gnas bzang po'i longs spyod dang ldan pa dang/ bro gar dang glu dang sil snyan dang rol mo dang bcas pa'i longs spyod dang ldan pa dang/ kha na ma tho ba med pa'i longs spyod dang ldan pa yin te/ de la kha na ma tho ba med pa'i longs spyod ni 'di yin te/ nad kyis btab cing gnod pa'i tshe 'phrod pa za zhing mi 'phrod pa yang yongs su spong ba dang bde bar gnas pa'i tshe yang zhu nas za'i/ ma zhu bar mi za ba dang/ lhan cig tu za ba rnams tshogs te 'brim pa na/ gzhan dag bskrad cing bstsal nas/ bdag gcig pu bzang po mi za ba ste/ de ltar na rgyal po yul la legs par longs spyod pa yin no/ /de ltar yul la legs par yongs su longs spyod pa 'di yang dag par blangs te/ legs par spyad na lus la phan par 'gyur ro/ /

【L5 勤修法行】【M1 總說】

ཆོས་སྤྱོད་པ་གང་ཞེ་ན། འདི་ལ་རྒྱལ་པོ་དད་པ་དང་ལྡན་པ་དང༌། ཚུལ་ཁྲིམས་དང་ལྡན་པ་དང༌། ཐོས་པ་དང་ལྡན་པ་དང༌། གཏོང་བ་དང་ལྡན་པ་དང༌། ཤེས་རབ་དང་ལྡན་པ་ཡིན་ནོ། །

chos spyod pa gang zhe na/ 'di la rgyal po dad pa dang ldan pa dang/ tshul khrims dang ldan pa dang/ thos pa dang ldan pa dang/ gtong ba dang ldan pa dang/ shes rab dang ldan pa yin no/ /

【M2 別釋】【N1 具足淨信】

ཇི་ལྟར་ན་དད་པ་དང་ལྡན་པ་ཡིན་ཞེ་ན། འདི་ལ་རྒྱལ་པོ་འཇིག་རྟེན་ཕ་རོལ་ལ་མངོན་པར་དད་པ་དང༌། ལས་དགེ་བ་དང་མི་དགེ་བ་རྣམས་ཀྱི་འབྲས་བུ་རྣམ་པར་སྨིན་པ་ཕྱིས་ཚེ་ཕྱི་མ་ལ་འདོད་པ་དང་མི་འདོད་པར་གྱུར་པ་ལ་མངོན་པར་དད་པ་ཡིན་ཏེ། དེ་ལྟར་ན་དད་པ་དང་ལྡན་པ་ཡིན་ནོ། །

ji ltar na dad pa dang ldan pa yin zhe na/ 'di la rgyal po 'jig rten pha rol la mngon par dad pa dang/ las dge ba dang mi dge ba rnams kyi 'bras bu rnam par smin pa phyis tshe phyi ma la 'dod pa dang mi 'dod par gyur pa la mngon par dad pa yin te/ de ltar na dad pa dang ldan pa yin no/ /

【N2 具足淨戒】

ཇི་ལྟར་ན་ཚུལ་ཁྲིམས་དང་ལྡན་པ་ཡིན་ཞེ་ན། འདི་ལ་རྒྱལ་པོ་སྲོག་གཅོད་པ་སྤངས་ཤིང་སྲོག་གཅོད་པ་ལས་ཕྱིར་ལོག་པ་དང༌། དེ་བཞིན་དུ་མ་བྱིན་པར་ལེན་པ་དང༌། འདོད་པ་ལ་ལོག་པར་གཡེམ་པ་དང༌། བརྫུན་དུ་སྨྲ་བ་དང༌། ཆང་དང༌། འབྲུའི་ཆང་དང༌། བཅོས་པའི་ཆང་བག་མེད་པའི་གནས་དང༌། གནས་དེ་དག་ལས་མཐའ་དག་གམ། རེ་རེ་སྤངས་ཤིང་ཕྱིར་ལོག་པ་ཡིན་ཏེ། དེ་ལྟར་ན་ཚུལ་ཁྲིམས་དང་ལྡན་པ་ཡིན་ནོ། །

ji ltar na tshul khrims dang ldan pa yin zhe na/ 'di la rgyal po srog gcod pa spangs shing srog gcod pa las phyir log pa dang/ de bzhin du ma byin par len pa dang/ 'dod pa la log par g.yem pa dang/ brdzun du smra ba dang/ chang dang/ 'bru'i chang dang/ bcos pa'i chang bag med pa'i gnas dang/ gnas de dag las mtha' dag gam/ re re spangs shing phyir log pa yin te/ de ltar na tshul khrims dang ldan pa yin no/ /

【N3 具足淨聞】

ཇི་ལྟར་ན་ཐོས་པ་དང་ལྡན་པ་ཡིན་ཞེ་ན། དེས་ཚེ་འདི་པའི་དོན་ལས་བརྩམས་པ་དང༌། ཚེ་ཕྱི་མའི་དོན་ལས་བརྩམས་པ་དང༌། ཚེ་འདི་པ་དང༌། ཚེ་ཕྱི་མའི་དོན་ལས་བརྩམས་ཏེ། ཆོས་མང་པོ་དག་ལེགས་པར་མཉན་པ་དང༌། ལེགས་པར་གཟུང་བ་དང༌། ཁ་དོན་བྱ་བ་དང༌། ཡིད་ཀྱིས་རྗེས་སུ་བརྟགས་པ་དང༌། མཐོང་བས་ཤིན་ཏུ་རྟོགས་པར་བྱས་པ་ཡིན་ཏེ། དེ་ལྟར་ན་ཐོས་པ་དང་ལྡན་པ་ཡིན་ནོ། །

ji ltar na thos pa dang ldan pa yin zhe na/ des tshe 'di pa'i don las brtsams pa dang/ tshe phyi ma'i don las brtsams pa dang/ tshe 'di pa dang/ tshe phyi ma'i don las brtsams te/ chos mang po dag legs par mnyan pa dang/ legs par gzung ba dang/ kha don bya ba dang/ yid kyis rjes su brtags pa dang/ mthong bas shin tu rtogs par byas pa yin te/ de ltar na thos pa dang ldan pa yin no/ /

【N4 具足淨捨】

ཇི་ལྟར་ན་གཏོང་བ་དང་ལྡན་པ་ཡིན་ཞེ་ན། སྐྱེ་དགུ་སེར་སྣའི་དྲི་མས་ཀུན་ནས་དཀྲིས་ཤིང་གནས་པ་ན༑ དེ་སེར་སྣའི་དྲི་མ་དང་བྲལ་བའི་སེམས་ཀྱིས་ཁྱིམ་ན་གནས་ཤིང་ལྷུག་པར་གཏོང་བ་དང༌། ལག་རྐྱོང་བ་དང༌། རྣམ་པར་འགེད་པ་ལ་དགའ་བ་དང༌། མཆོད་སྦྱིན་རྒྱུན་དུ་བྱེད་པ་དང༌། གཏོང་བ་ཕུན་སུམ་ཚོགས་པ་དང༌། སྦྱིན་པ་ལ་ཀུན་འགེད་པར་དགའ་བ་ཡིན་ཏེ། དེ་ལྟར་ན་གཏོང་བ་དང་ལྡན་པ་ཡིན་ནོ། །

ji ltar na gtong ba dang ldan pa yin zhe na/ skye dgu ser sna'i dri mas kun nas dkris shing gnas pa na| de ser sna'i dri ma dang bral ba'i sems kyis khyim na gnas shing lhug par gtong ba dang/ lag rkyong ba dang/ rnam par 'ged pa la dga' ba dang/ mchod sbyin rgyun du byed pa dang/ gtong ba phun sum tshogs pa dang/ sbyin pa la kun 'ged par dga' ba yin te/ de ltar na gtong ba dang ldan pa yin no/ /

【N5 具足淨慧】

ཇི་ལྟར་ན་ཤེས་རབ་དང་ལྡན་པ་ཡིན་ཞེ་ན། དགེ་བ་དང་མི་དགེ་བའི་ཆོས་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། ཁ་ན་མ་ཐོ་བ་དང་བཅས་པ་དང༌། ཁ་ན་མ་ཐོ་བ་མེད་པ་དང༌། བརྟེན་པར་བྱ་བ་དང༌། བརྟེན་པར་བྱ་བ་མ་ཡིན་པ་དང༌། ངན་པ་དང་གྱ་ནོམ་པ་དང༌། ནག་པོ་དང༌། དཀར་པོ་དང༌། རྟེན་ཅིང་འབྲེལ་པར་འབྱུང་བ་རབ་ཏུ་དབྱེ་བ་དང་བཅས་པའི་ཆོས་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། དེའི་སེམས་སྡིག་པ་ཅན་གྱི་བརྣབ་སེམས་སྐྱེས་པས་སེམས་ཡོངས་སུ་གཏུགས་ཤིང་མི་གནས་པ་དང༌། གནོད་སེམས་དང༌། ཁྲོ་བ་དང༌། ཁོན་ཏུ་འཛིན་པ་དང༌། འཆབ་པ་དང་། ཡོངས་སུ་གདུང་བ་དང༌། ཕྲག་དོག་དང༌། སེར་སྣ་དང༌། སྒྱུ་དང༌། གཡོ་དང༌། ངོ་ཚ་མེད་པ་དང༌། ཁྲེལ་མེད་པ་དང༌། སྡིག་པ་ཅན་གྱི་འདོད་པ་དང༌། སྡིག་པ་ཅན་གྱི་ལྟ་བས་སེམས་ཡོངས་སུ་གཏུགས་ཤིང་མི་གནས་པ་ཡིན་ཏེ། དེ་ལྟར་ན་ཤེས་རབ་དང་ལྡན་པ་ཡིན་ནོ། །

ji ltar na shes rab dang ldan pa yin zhe na/ dge ba dang mi dge ba'i chos rnams yang dag pa ji lta ba bzhin du rab tu shes pa dang/ kha na ma tho ba dang bcas pa dang/ kha na ma tho ba med pa dang/ brten par bya ba dang/ brten par bya ba ma yin pa dang/ ngan pa dang gya nom pa dang/ nag po dang/ dkar po dang/ rten cing 'brel par 'byung ba rab tu dbye ba dang bcas pa'i chos rnams yang dag pa ji lta ba bzhin du rab tu shes pa dang/ de'i sems sdig pa can gyi brnab sems skyes pas sems yongs su gtugs shing mi gnas pa dang/ gnod sems dang/ khro ba dang/ khon tu 'dzin pa dang/ 'chab pa dang / yongs su gdung ba dang/ phrag dog dang/ ser sna dang/ sgyu dang/ g.yo dang/ ngo tsha med pa dang/ khrel med pa dang/ sdig pa can gyi 'dod pa dang/ sdig pa can gyi lta bas sems yongs su gtugs shing mi gnas pa yin te/ de ltar na shes rab dang ldan pa yin no/ /

【M3 結】

དེ་ལྟར་ན་རྒྱལ་པོ་ཆོས་སྤྱོད་པ་ཡིན་ཏེ། དེ་ལྟར་ཆོས་སྤྱོད་པ་འདི་ཡང་དག་པར་བླངས་ཏེ། ལེགས་པར་སྤྱད་ན་བདེ་འགྲོར་འགྲོ་བར་འགྱུར་རོ། །རྒྱལ་པོའི་འདོད་པ་འདྲེན་པར་བྱེད་པའི་ཆོས་ལྔ་པོ་དེ་དག་ནི་ཚེ་འདི་དང་ཚེ་ཕྱི་མ་ལ་ཕན་པའི་ཕྱིར་འཇུག་པར་འགྱུར་བ་ཡིན་ཏེ། དེ་ལ་འདོད་པ་འདྲེན་པར་བྱེད་པའི་ཆོས་དང་པོ་བཞི་ནི་ཚེ་འདི་ལ་ཕན་པའི་ཕྱིར་འཇུག་པར་འགྱུར་བ་ཡིན་ནོ། །འདོད་པ་འདྲེན་པར་བྱེད་པའི་ཆོས་ཐ་མ་གཅིག་ནི་ཚེ་ཕྱི་མ་ལ་ཕན་པའི་ཕྱིར་འཇུག་པར་འགྱུར་བ་ཡིན་ནོ། །

de ltar na rgyal po chos spyod pa yin te/ de ltar chos spyod pa 'di yang dag par blangs te/ legs par spyad na bde 'gror 'gro bar 'gyur ro/ /rgyal po'i 'dod pa 'dren par byed pa'i chos lnga po de dag ni tshe 'di dang tshe phyi ma la phan pa'i phyir 'jug par 'gyur ba yin te/ de la 'dod pa 'dren par byed pa'i chos dang po bzhi ni tshe 'di la phan pa'i phyir 'jug par 'gyur ba yin no/ /'dod pa 'dren par byed pa'i chos tha ma gcig ni tshe phyi ma la phan pa'i phyir 'jug par 'gyur ba yin no/ /

【I3 結勸修學】

རྒྱལ་པོ་ཆེན་པོ་ངས་རྒྱལ་པོའི་སྐྱོན་རྣམས་ཀྱང་བསྟན་ཏོ། །རྒྱལ་པོའི་ཡོན་ཏན་རྣམས་ཀྱང་བསྟན་ཏོ། །རྒྱལ་པོའི་ཉམས་པའི་སྒོ་རྣམས་ཀྱང་བསྟན་ཏོ། །རྒྱལ་པོའི་ཐབས་ཀྱི་སྒོ་རྣམས་ཀྱང་བསྟན་ཏོ། །རྒྱལ་པོའི་འདོད་པའི་ཆོས་རྣམས་ཀྱང་བསྟན་ཏོ། །རྒྱལ་པོའི་འདོད་པ་འདྲེན་པར་བྱེད་པའི་ཆོས་རྣམས་ཀྱང་བསྟན་ཏོ། །རྒྱལ་པོ་ཆེན་པོ་དེའི་ཕྱིར་ཁྱོད་ཀྱིས་འདི་ལྟར་བསླབ་པར་བྱ་སྟེ། རྒྱལ་པོའི་སྐྱོན་གང་དག་ཡིན་པ་རྣམས་ནི་སྤངས་ལ། རྒྱལ་པོའི་ཡོན་ཏན་རྣམས་ནི་ཡང་དག་པར་བླང་བར་བྱའོ། །ཉམས་པའི་སྒོ་རྣམས་ནི་སྤངས་ལ། ཐབས་ཀྱི་སྒོ་རྣམས་ནི་ཡང་དག་པར་བླང་བར་བྱའོ། །འདོད་པའི་ཆོས་རྣམས་ཀྱི་དོན་དུ་འདོད་པ་འདྲེན་པར་བྱེད་པའི་ཆོས་རྣམས་ཀྱང་ཡང་དག་པར་བླང་བར་བྱའོ་སྙམ་དུ་བསླབ་པར་བྱ་སྟེ། རྒྱལ་པོ་ཆེན་པོ་ཁྱོད་ཀྱིས་དེ་ལྟར་བསླབ་པར་བྱའོ་ཞེས་གསུངས་ཞེས་ཀྱང་གྲག་གོ། །

rgyal po chen po ngas rgyal po'i skyon rnams kyang bstan to/ /rgyal po'i yon tan rnams kyang bstan to/ /rgyal po'i nyams pa'i sgo rnams kyang bstan to/ /rgyal po'i thabs kyi sgo rnams kyang bstan to/ /rgyal po'i 'dod pa'i chos rnams kyang bstan to/ /rgyal po'i 'dod pa 'dren par byed pa'i chos rnams kyang bstan to/ /rgyal po chen po de'i phyir khyod kyis 'di ltar bslab par bya ste/ rgyal po'i skyon gang dag yin pa rnams ni spangs la/ rgyal po'i yon tan rnams ni yang dag par blang bar bya'o/ /nyams pa'i sgo rnams ni spangs la/ thabs kyi sgo rnams ni yang dag par blang bar bya'o/ /'dod pa'i chos rnams kyi don du 'dod pa 'dren par byed pa'i chos rnams kyang yang dag par blang bar bya'o snyam du bslab par bya ste/ rgyal po chen po khyod kyis de ltar bslab par bya'o zhes gsungs zhes kyang grag go/ /

【G2 解八苦經】【H1 引經總標】

སྐྱེ་བའི་སྡུག་བསྔལ་ཞེས་བྱ་བ་ནས་མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་ཞེས་བྱ་བའི་བར་དུ་གང་དུ་གསུངས་པ་

skye ba'i sdug bsngal zhes bya ba nas mdor na nye bar len pa'i phung po lnga sdug bsngal zhes bya ba'i bar du gang du gsungs pa

【H2 次第別解】【I1 生苦】

དེ་ལ་ཇི་ལྟར་ན་སྐྱེས་པ་སྡུག་བསྔལ་ཡིན་ཞེ་ན། སྨྲས་པ། རྣམ་པ་ལྔས་ཏེ། སྡུག་བསྔལ་དང་ལྡན་པའི་ཕྱིར་དང༌། གནས་ངན་ལེན་དང་ལྡན་པའི་ཕྱིར་དང༌། སྡུག་བསྔལ་གྱི་གནས་ཡིན་པའི་ཕྱིར་དང༌། ཉོན་མོངས་པའི་གནས་ཡིན་པའི་ཕྱིར་དང༌། མི་འདོད་བཞིན་དུ་འབྲལ་བའི་ཆོས་ཅན་ཉིད་ཡིན་པའི་ཕྱིར་རོ། །དེ་ལ་ཇི་ལྟར་ན་སྐྱེ་བ་སྡུག་བསྔལ་དང་ལྡན་པའི་ཕྱིར། སྡུག་བསྔལ་ཡིན་ཞེ་ན། འདི་ལྟ་སྟེ་སེམས་ཅན་དམྱལ་བ་རྣམས་དང༌། གཅིག་ཏུ་སྡུག་བསྔལ་བའི་ཡི་དྭགས་རྣམས་དང་དེ་བཞིན་དུ་མངལ་ནས་སྐྱེ་བ་དང༌། སྒོ་ང་ལས་སྐྱེ་བའི་སྐྱེས་གནས་སུ་སྐྱེ་བའིའོ། །ཇི་ལྟར་ན་གནས་ངན་ལེན་དང་ལྡན་པའི་ཕྱིར་སྡུག་བསྔལ་ཡིན་ཞེ་ན། སྨྲས་པ། ཁམས་གསུམ་པའི་འདུ་བྱེད་ཐམས་ཅད་ནི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་དང་ལྡན་པའི་ཕྱིར་ལས་སུ་མི་རུང་བ་དང་དབང་བསྒྱུར་བ་མ་ཡིན་ལ། ཁམས་གསུམ་ན་སྤྱོད་པའི་སེམས་ཅན་རྣམས་ཀྱི་འདུ་བྱེད་མངོན་པར་འགྲུབ་པར་ཡང་དེ་དང་རྗེས་སུ་འབྲེལ་པ་ཉིད་ཡིན་པས། དེའི་ཕྱིར་གནས་ངན་ལེན་དང་ལྡན་པའི་ཕྱིར་སྡུག་བསྔལ་ཡིན་ཞེས་བྱའོ། །ཇི་ལྟར་སྡུག་བསྔལ་གྱི་གནས་ཡིན་པའི་ཕྱིར་སྡུག་བསྔལ་ཡིན་ཞེ་ན། སྨྲས་པ། རྒ་བ་ལ་སོགས་པའི་སྡུག་བསྔལ་གྱི་བྱེ་བྲག་རྣམས་ཀྱི་གནས་སུ་གྱུར་པའི་ཕྱིར་རོ། །ཇི་ལྟར་ན་ཉོན་མོངས་པའི་གནས་ཡིན་པའི་ཕྱིར་སྡུག་བསྔལ་ཡིན་ཞེ་ན། སྨྲས་པ། འདི་ལྟར་སྐྱེས་ཤིང་བྱུང་བ་ནི་ཡུལ་ཀུན་དུ་ཆགས་པར་འགྱུར་བ་རྣམས་ལ་ཡང་ཀུན་དུ་ཆགས་པར་འགྱུར་ཞིང༌། ཀུན་དུ་ཞེ་སྡང་བར་འགྱུར་བ་རྣམས་ལ་ཡང་ཀུན་དུ་ཞེ་སྡང་བར་འགྱུར༑ ཀུན་དུ་རྨོངས་པར་འགྱུར་བ་རྣམས་ལ་ཡང་ཀུན་དུ་རྨོངས་པར་འགྱུར་ལ༑ གཞི་དེ་ལས་ལུས་དང་སེམས་རབ་ཏུ་མ་ཞི་ཞིང་སྡུག་བསྔལ་ཏེ། བདེ་བ་ལ་རེག་པར་མི་གནས་པས། དེ་ལྟ་བས་ན་ཉོན་མོངས་པའི་གནས་ཡིན་པའི་ཕྱིར་སྡུག་བསྔལ་ཞེས་བྱའོ། །ཇི་ལྟར་ན་མི་འདོད་བཞིན་དུ་འབྲལ་བའི་ཆོས་ཉིད་ཡིན་པའི་ཕྱིར་སྡུག་བསྔལ་ཡིན་ཞེ་ན། སྨྲས་པ། འདི་ལྟར་སེམས་ཅན་སྐྱེས་པ་ཐམས་ཅད་ཀྱི་འཆི་བ་དང༌། སྐྱེས་པ་རྣམས་ཀྱི་འཆི་བའི་དུས་བྱེད་པ་ནི་གསོན་པའི་མཐའ་འཆི་བ་དང༌། ཐ་མར་འཆི་བ་ཡིན་པའི་ཕྱིར་དེ་ཡང་དེ་དག་གི་མི་འདོད་པ་ཡིན་ལ། གཞི་དེས་ཀྱང་སྡུག་བསྔལ་ཁོ་ན་ཉམས་སུ་མྱོང་བར་བྱེད་པས། དེ་ལྟ་བས་ན་སྐྱེ་བ་ནི་མི་འདོད་བཞིན་དུ་འབྲལ་བའི་ཆོས་ཉིད་ཡིན་པའི་ཕྱིར་སྡུག་བསྔལ་ཡིན་ནོ། །

de la ji ltar na skyes pa sdug bsngal yin zhe na/ smras pa/ rnam pa lngas te/ sdug bsngal dang ldan pa'i phyir dang/ gnas ngan len dang ldan pa'i phyir dang/ sdug bsngal gyi gnas yin pa'i phyir dang/ nyon mongs pa'i gnas yin pa'i phyir dang/ mi 'dod bzhin du 'bral ba'i chos can nyid yin pa'i phyir ro/ /de la ji ltar na skye ba sdug bsngal dang ldan pa'i phyir/ sdug bsngal yin zhe na/ 'di lta ste sems can dmyal ba rnams dang/ gcig tu sdug bsngal ba'i yi dwags rnams dang de bzhin du mngal nas skye ba dang/ sgo nga las skye ba'i skyes gnas su skye ba'i'o/ /ji ltar na gnas ngan len dang ldan pa'i phyir sdug bsngal yin zhe na/ smras pa/ khams gsum pa'i 'du byed thams cad ni nyon mongs pa'i phyogs dang mthun pa'i gnas ngan len dang ldan pa'i phyir las su mi rung ba dang dbang bsgyur ba ma yin la/ khams gsum na spyod pa'i sems can rnams kyi 'du byed mngon par 'grub par yang de dang rjes su 'brel pa nyid yin pas/ de'i phyir gnas ngan len dang ldan pa'i phyir sdug bsngal yin zhes bya'o/ /ji ltar sdug bsngal gyi gnas yin pa'i phyir sdug bsngal yin zhe na/ smras pa/ rga ba la sogs pa'i sdug bsngal gyi bye brag rnams kyi gnas su gyur pa'i phyir ro/ /ji ltar na nyon mongs pa'i gnas yin pa'i phyir sdug bsngal yin zhe na/ smras pa/ 'di ltar skyes shing byung ba ni yul kun du chags par 'gyur ba rnams la yang kun du chags par 'gyur zhing/ kun du zhe sdang bar 'gyur ba rnams la yang kun du zhe sdang bar 'gyur| kun du rmongs par 'gyur ba rnams la yang kun du rmongs par 'gyur la| gzhi de las lus dang sems rab tu ma zhi zhing sdug bsngal te/ bde ba la reg par mi gnas pas/ de lta bas na nyon mongs pa'i gnas yin pa'i phyir sdug bsngal zhes bya'o/ /ji ltar na mi 'dod bzhin du 'bral ba'i chos nyid yin pa'i phyir sdug bsngal yin zhe na/ smras pa/ 'di ltar sems can skyes pa thams cad kyi 'chi ba dang/ skyes pa rnams kyi 'chi ba'i dus byed pa ni gson pa'i mtha' 'chi ba dang/ tha mar 'chi ba yin pa'i phyir de yang de dag gi mi 'dod pa yin la/ gzhi des kyang sdug bsngal kho na nyams su myong bar byed pas/ de lta bas na skye ba ni mi 'dod bzhin du 'bral ba'i chos nyid yin pa'i phyir sdug bsngal yin no/ /

【I2 老苦】

རྒ་བ་ཡང་རྣམ་པ་ལྔས་སྡུག་བསྔལ་བ་ཉིད་ཡིན་པར་རིག་པར་བྱ་སྟེ། འདི་ལྟ་སྟེ་གནས་ལྔ་ཡོངས་སུ་ཉམས་པའི་ཕྱིར་ཏེ། གཟུགས་བཟང་བ་ཡོངས་སུ་ཉམས་པའི་ཕྱིར་དང༌། མཐུ་སྟོབས་ཡོངས་སུ་ཉམས་པའི་ཕྱིར་དང༌། དབང་པོ་ཡོངས་སུ་ཉམས་པའི་ཕྱིར་དང༌། ཡུལ་ལ་ལོངས་སྤྱོད་ཡོངས་སུ་ཉམས་པའི་ཕྱིར་དང༌། ཚེ་ཡོངས་སུ་ཉམས་པའི་ཕྱིར་རོ། །

rga ba yang rnam pa lngas sdug bsngal ba nyid yin par rig par bya ste/ 'di lta ste gnas lnga yongs su nyams pa'i phyir te/ gzugs bzang ba yongs su nyams pa'i phyir dang/ mthu stobs yongs su nyams pa'i phyir dang/ dbang po yongs su nyams pa'i phyir dang/ yul la longs spyod yongs su nyams pa'i phyir dang/ tshe yongs su nyams pa'i phyir ro/ /

【I3 病苦】

ན་བ་ཡང་རྣམ་པ་ལྔས་སྡུག་བསྔལ་བ་ཉིད་ཡིན་པར་རིག་པར་བྱ་སྟེ། འདི་ལྟ་སྟེ། ལུས་ཀྱི་རང་བཞིན་འགྱུར་བའི་ཕྱིར་དང༌། སྡུག་བསྔལ་དང་ཡིད་མི་བདེ་བ་མངོན་པར་འཕེལ་ཞིང་དེ་ལ་ཤས་ཆེ་བར་གནས་པའི་ཕྱིར་དང༌། ཡུལ་གྱི་ལོངས་སྤྱོད་ཡིད་དུ་འོང་བ་མི་འདོད་པའི་ཕྱིར་དང༌། ཡུལ་གྱི་ལོངས་སྤྱོད་ཡིད་དུ་མི་འོང་བ་ལ་མི་འདོད་བཞིན་དུ་ཡོངས་སུ་སྤྱད་དགོས་པའི་ཕྱིར་དང༌། སྲོག་གི་དབང་པོ་དང་འབྲལ་བར་འགྱུར་བའི་ཕྱིར་རོ། །

na ba yang rnam pa lngas sdug bsngal ba nyid yin par rig par bya ste/ 'di lta ste/ lus kyi rang bzhin 'gyur ba'i phyir dang/ sdug bsngal dang yid mi bde ba mngon par 'phel zhing de la shas che bar gnas pa'i phyir dang/ yul gyi longs spyod yid du 'ong ba mi 'dod pa'i phyir dang/ yul gyi longs spyod yid du mi 'ong ba la mi 'dod bzhin du yongs su spyad dgos pa'i phyir dang/ srog gi dbang po dang 'bral bar 'gyur ba'i phyir ro/ /

【I4 死苦】

འཆི་བ་ཡང་རྣམ་པ་ལྔས་སྡུག་བསྔལ་བ་ཉིད་ཡིན་པར་རིག་པར་བྱ་སྟེ། ལོངས་སྤྱོད་སྡུག་པ་ཕུན་སུམ་ཚོགས་པ་དང་འབྲལ་བ་ཉིད་ཀྱི་ཕྱིར་དང༌། རྩ་འཇིང་སྡུག་པ་ཕུན་སུམ་ཚོགས་པ་དང་འབྲལ་བ་ཉིད་ཀྱི་ཕྱིར་དང༌། འཁོར་སྡུག་པ་ཕུན་སུམ་ཚོགས་པ་དང་འབྲལ་བ་ཉིད་ཀྱི་ཕྱིར་དང༌། ལུས་སྡུག་པ་ཕུན་སུམ་ཚོགས་པ་དང་འབྲལ་བ་ཉིད་ཀྱི་ཕྱིར་དང༌། འཆི་བའི་ཚེ་སྡུག་བསྔལ་དང་ཡིད་མི་བདེ་བ་རབ་ཏུ་དྲག་པོ་ཉམས་སུ་མྱོང་བར་འགྱུར་བ་ཉིད་ཀྱི་ཕྱིར་རོ། །

'chi ba yang rnam pa lngas sdug bsngal ba nyid yin par rig par bya ste/ longs spyod sdug pa phun sum tshogs pa dang 'bral ba nyid kyi phyir dang/ rtsa 'jing sdug pa phun sum tshogs pa dang 'bral ba nyid kyi phyir dang/ 'khor sdug pa phun sum tshogs pa dang 'bral ba nyid kyi phyir dang/ lus sdug pa phun sum tshogs pa dang 'bral ba nyid kyi phyir dang/ 'chi ba'i tshe sdug bsngal dang yid mi bde ba rab tu drag po nyams su myong bar 'gyur ba nyid kyi phyir ro/ /

【I5 怨憎會苦】

མི་སྡུག་པ་དང་ཕྲད་པ་ཡང་རྣམ་པ་ལྔས་སྡུག་བསྔལ་ཉིད་ཡིན་པར་རིག་པར་བྱ་སྟེ། དེ་དང་ཕྲད་པས་སྡུག་བསྔལ་དང་ཡིད་མི་བདེ་བ་ཉིད་ཀྱི་ཕྱིར་དང༌། ཆད་པས་འཇིགས་པའི་གནས་ཉིད་ཀྱི་ཕྱིར་དང༌། ཚིགས་སུ་བཅད་པ་མེད་པས་འཇིགས་པའི་གནས་ཉིད་ཀྱི་ཕྱིར་དང༌། ཉམ་ང་བཞིན་དུ་འཆི་བའི་འཇིགས་པའི་གནས་ཉིད་ཀྱི་ཕྱིར་དང༌། ཆོས་ལས་འགལ་བས་ངན་འགྲོས་འཇིགས་པའི་གནས་ཉིད་ཀྱི་ཕྱིར་རོ། །

mi sdug pa dang phrad pa yang rnam pa lngas sdug bsngal nyid yin par rig par bya ste/ de dang phrad pas sdug bsngal dang yid mi bde ba nyid kyi phyir dang/ chad pas 'jigs pa'i gnas nyid kyi phyir dang/ tshigs su bcad pa med pas 'jigs pa'i gnas nyid kyi phyir dang/ nyam nga bzhin du 'chi ba'i 'jigs pa'i gnas nyid kyi phyir dang/ chos las 'gal bas ngan 'gros 'jigs pa'i gnas nyid kyi phyir ro/ /

【I6 愛別離苦】

སྡུག་པ་དང་བྲལ་བ་ཡང་རྣམ་པ་ལྔས་སྡུག་བསྔལ་ཉིད་ཡིན་པར་རིག་པར་བྱ་སྟེ། དེ་དང་བྲལ་བས་མྱ་ངན་སྐྱེ་བ་ཉིད་ཀྱི་ཕྱིར་དང༌། དེ་བཞིན་དུ་སྨྲེ་སྔགས་འདོན་པ་ཉིད་ཀྱི་ཕྱིར་དང༌། དེ་བཞིན་དུ་ལུས་ལ་གནོད་པ་ཉིད་ཀྱི་ཕྱིར་དང༌། ཡོན་ཏན་རྣམས་ལས་རྗེས་སུ་དྲན་ཞིང་འདོད་པས་ཡིད་ཡོངས་སུ་གདུང་བ་ཉིད་ཀྱི་ཕྱིར་དང༌། དེའི་ལོངས་སྤྱོད་མ་ཚང་བ་ཉིད་ཀྱི་ཕྱིར་རོ། །

sdug pa dang bral ba yang rnam pa lngas sdug bsngal nyid yin par rig par bya ste/ de dang bral bas mya ngan skye ba nyid kyi phyir dang/ de bzhin du smre sngags 'don pa nyid kyi phyir dang/ de bzhin du lus la gnod pa nyid kyi phyir dang/ yon tan rnams las rjes su dran zhing 'dod pas yid yongs su gdung ba nyid kyi phyir dang/ de'i longs spyod ma tshang ba nyid kyi phyir ro/ /

【I7 求不得苦】

སྡུག་པ་དང་བྲལ་བའི་སྡུག་བསྔལ་ཉིད་ཇི་ལྟ་བ་བཞིན་དུ་གང་འདོད་པ་བཙལ་ཏེ་མི་རྙེད་པ་དེ་ཡང་སྡུག་བསྔལ་བ་ཉིད་ཀྱང་དེ་བཞིན་དུ་རིག་པར་བྱའོ། །

sdug pa dang bral ba'i sdug bsngal nyid ji lta ba bzhin du gang 'dod pa btsal te mi rnyed pa de yang sdug bsngal ba nyid kyang de bzhin du rig par bya'o/ /

【I8 五取蘊苦】

མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་ཉིད་ཀྱང་རྣམ་པ་ལྔས་སྡུག་བསྔལ་ཉིད་ཡིན་པར་རིག་པར་བྱ་སྟེ། མངོན་པར་འགྲུབ་པའི་སྡུག་བསྔལ་ཉིད་ཀྱི་སྣོད་ཡིན་པའི་ཕྱིར་དང༌། མངོན་པར་འགྲུབ་པ་ལ་བརྟེན་པའི་སྡུག་བསྔལ་གྱི་སྣོད་ཉིད་ཡིན་པའི་ཕྱིར་དང༌། སྡུག་བསྔལ་གྱི་སྡུག་བསྔལ་གྱི་སྣོད་ཉིད་ཡིན་པའི་ཕྱིར་དང༌། འགྱུར་བའི་སྡུག་བསྔལ་གྱི་སྣོད་ཉིད་ཡིན་པའི་ཕྱིར་དང༌། འདུ་བྱེད་ཀྱི་སྡུག་བསྔལ་ཉིད་ཀྱི་རང་བཞིན་ཡིན་པའི་ཕྱིར་རོ། །

mdor na nye bar len pa'i phung po lnga sdug bsngal ba nyid kyang rnam pa lngas sdug bsngal nyid yin par rig par bya ste/ mngon par 'grub pa'i sdug bsngal nyid kyi snod yin pa'i phyir dang/ mngon par 'grub pa la brten pa'i sdug bsngal gyi snod nyid yin pa'i phyir dang/ sdug bsngal gyi sdug bsngal gyi snod nyid yin pa'i phyir dang/ 'gyur ba'i sdug bsngal gyi snod nyid yin pa'i phyir dang/ 'du byed kyi sdug bsngal nyid kyi rang bzhin yin pa'i phyir ro/ /

【G3 解三士經】【H1 約行(有二復次)】

སྐྱེས་བུ་གསུམ་པོ་སྐྱེས་བུ་ཐ་མ་དང་སྐྱེས་བུ་འབྲིང་དང༌། སྐྱེས་བུ་མཆོག་འདི་དག་ནི་སྒྲུབ་པ་ལས་བརྩམས་པ་སྟེ། དེ་ལ་གང་བདག་ལ་ཕན་པའི་ཕྱིར་ཞུགས་པ་ཡང་མ་ཡིན་ལ། གཞན་ལ་ཕན་པའི་ཕྱིར་ཞུགས་པ་ཡང་མ་ཡིན་པ་དེ་ནི་སྐྱེས་བུ་ཐ་མ་ཡིན་ནོ། །དེ་ལ་གང་བདག་ལ་ཕན་པའི་ཕྱིར་ཞུགས་ལ། གཞན་ལ་ཕན་པའི་ཕྱིར་མ་ཡིན་པ་དང༌། གང་གཞན་ལ་ཕན་པའི་ཕྱིར་ཞུགས་ལ། བདག་ལ་ཕན་པའི་ཕྱིར་མ་ཡིན་པ་དེ་ནི་སྐྱེས་བུ་བར་མ་ཡིན་ནོ། །དེ་ལ་གང་བདག་ལ་ཕན་པའི་ཕྱིར་ཞུགས་པ་ཡང་ཡིན་ལ། གཞན་ལ་ཕན་པའི་ཕྱིར་ཞུགས་པ་ཡང་ཡིན་པ་དེ་ནི་སྐྱེས་བུ་མཆོག་ཡིན་ནོ། །གཞན་ཡང་གང་ཟག་བཞི་སྟེ། གང་ཟག་སྡིག་པ་བྱེད་ལ་སྡིག་པ་ལ་མི་སྲེད་པ་ཡང་ཡོད་དོ། །སྡིག་པ་ལ་སྲེད་ལ་སྡིག་པ་མི་བྱེད་པ་ཡང་ཡོད་དོ། །སྡིག་པ་བྱེད་ལ་སྡིག་པ་ལ་སྲེད་པ་ཡང་ཡོད་དོ། །གང་ཟག་སྡིག་པ་མི་བྱེད་ལ་སྡིག་པ་ལ་མི་སྲེད་པ་ཡང་ཡོད་དོ། །དེ་ལ་གང་སྡིག་པའི་འབྲས་བུ་རྣམ་པར་སྨིན་པ་ཕྱི་མ་ལ་མི་འདོད་པར་འགྱུར་བ་ལ་མངོན་པར་དད་ལ། བརྗེད་ངས་པ་དང༌། བག་མེད་པ་དང༌། སྡིག་པའི་གྲོགས་པོ་དང་བསྟེན་པས་སྡིག་པ་བྱེད་པ་དེ་ནི་སྡིག་པ་བྱེད་ལ་སྡིག་པ་ལ་མི་སྲེད་པ་ཡིན་ནོ། །གང་སྔོན་སྡིག་པ་ལ་གོམས་པས་སྡིག་པ་ལ་ཀུན་དུ་དགའ་བ་དང༌། སྡིག་པ་ལ་མངོན་པར་དགའ་བ་དང༌། སྡིག་པ་ལ་དགའ་བས་ཡིད་བསྡུས་པ་ཡིན་ལ། དེ་ཡང་སྐྱེས་བུ་དམ་པ་ལ་བརྟེན་པ་དང༌། དམ་པའི་ཆོས་ཉན་པ་དང༌། ཚུལ་བཞིན་ཡིད་ལ་བྱེད་པ་ལ་བརྟེན་ནས། སྡིག་པའི་འབྲས་བུ་ཕྱི་མ་ལ་མི་འདོད་པར་འགྱུར་བ་ཡང་དག་པར་རྗེས་སུ་མཐོང་བས། སོ་སོར་བརྟགས་ཤིང་སོ་སོར་བརྟགས་ནས་སྡིག་པ་ལས་ཕྱིར་ལོག་པ་དེ་ནི། སྡིག་པ་ལ་སྲེད་ལ་སྡིག་པ་མི་བྱེད་པ་ཞེས་བྱའོ། །གང་ཟག་གང་རང་བཞིན་གྱིས་སྡིག་པ་ལ་མངོན་པར་དགའ་ལ། སྡིག་པ་ལས་ཕྱིར་ལོག་པ་ཡང་མ་ཡིན་པ་དེ་ནི་སྡིག་པ་བྱེད་ལ། སྡིག་པ་ལ་སྲེད་པ་ཞེས་བྱའོ། །གང་རང་བཞིན་གྱིས་སྡིག་པ་ལ་མངོན་པར་མི་དགའ་ལ། སྡིག་པ་ལས་ཀྱང་ཕྱིར་ལོག་པ་དེ་ནི་སྡིག་པ་མི་བྱེད་ལ། སྡིག་པ་ལ་མི་སྲེད་པ་ཞེས་བྱའོ། །དེ་ལ་གང་ཟག་གང་སྡིག་པ་བྱེད་ལ་སྡིག་པ་ལ་སྲིད་པ་དེ་ནི་སྐྱེས་བུ་ཐ་མ་ཡིན་པར་བལྟ་བར་བྱའོ༑ །གང་ཟག་གང་སྡིག་པ་བྱེད་ལ། སྡིག་པ་ལ་མི་སྲེད་པ་དང༌། སྡིག་པ་ལ་སྲེད་ལ། སྡིག་པ་མི་བྱེད་པ་དེ་ནི་སྐྱེས་བུ་འབྲིང་ཡིན་པར་བལྟ་བར་བྱའོ། །གང་ཟག་གང་སྡིག་པ་ལ་མི་སྲེད་ལ་སྡིག་པ་མི་བྱེད་པ་དེ་ནི་སྐྱེས་བུ་མཆོག་ཡིན་པར་བལྟ་བར་བྱའོ། །

skyes bu gsum po skyes bu tha ma dang skyes bu 'bring dang/ skyes bu mchog 'di dag ni sgrub pa las brtsams pa ste/ de la gang bdag la phan pa'i phyir zhugs pa yang ma yin la/ gzhan la phan pa'i phyir zhugs pa yang ma yin pa de ni skyes bu tha ma yin no/ /de la gang bdag la phan pa'i phyir zhugs la/ gzhan la phan pa'i phyir ma yin pa dang/ gang gzhan la phan pa'i phyir zhugs la/ bdag la phan pa'i phyir ma yin pa de ni skyes bu bar ma yin no/ /de la gang bdag la phan pa'i phyir zhugs pa yang yin la/ gzhan la phan pa'i phyir zhugs pa yang yin pa de ni skyes bu mchog yin no/ /gzhan yang gang zag bzhi ste/ gang zag sdig pa byed la sdig pa la mi sred pa yang yod do/ /sdig pa la sred la sdig pa mi byed pa yang yod do/ /sdig pa byed la sdig pa la sred pa yang yod do/ /gang zag sdig pa mi byed la sdig pa la mi sred pa yang yod do/ /de la gang sdig pa'i 'bras bu rnam par smin pa phyi ma la mi 'dod par 'gyur ba la mngon par dad la/ brjed ngas pa dang/ bag med pa dang/ sdig pa'i grogs po dang bsten pas sdig pa byed pa de ni sdig pa byed la sdig pa la mi sred pa yin no/ /gang sngon sdig pa la goms pas sdig pa la kun du dga' ba dang/ sdig pa la mngon par dga' ba dang/ sdig pa la dga' bas yid bsdus pa yin la/ de yang skyes bu dam pa la brten pa dang/ dam pa'i chos nyan pa dang/ tshul bzhin yid la byed pa la brten nas/ sdig pa'i 'bras bu phyi ma la mi 'dod par 'gyur ba yang dag par rjes su mthong bas/ so sor brtags shing so sor brtags nas sdig pa las phyir log pa de ni/ sdig pa la sred la sdig pa mi byed pa zhes bya'o/ /gang zag gang rang bzhin gyis sdig pa la mngon par dga' la/ sdig pa las phyir log pa yang ma yin pa de ni sdig pa byed la/ sdig pa la sred pa zhes bya'o/ /gang rang bzhin gyis sdig pa la mngon par mi dga' la/ sdig pa las kyang phyir log pa de ni sdig pa mi byed la/ sdig pa la mi sred pa zhes bya'o/ /de la gang zag gang sdig pa byed la sdig pa la srid pa de ni skyes bu tha ma yin par blta bar bya'o| /gang zag gang sdig pa byed la/ sdig pa la mi sred pa dang/ sdig pa la sred la/ sdig pa mi byed pa de ni skyes bu 'bring yin par blta bar bya'o/ /gang zag gang sdig pa la mi sred la sdig pa mi byed pa de ni skyes bu mchog yin par blta bar bya'o/ /

【H2 生之所重】

གཞན་ཡང་གང་ཟག་རྒྱལ་པོ་གསུམ་སྟེ། གསུམ་གང་ཞེ་ན། འདོད་པའི་ལོངས་སྤྱོད་ལྷུར་ལེན་པ་དང༌། བྱ་བ་ལྷུར་ལེན་པ་དང༌། ཆོས་ལྷུར་ལེན་པའོ། །དེ་ལ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །

gzhan yang gang zag rgyal po gsum ste/ gsum gang zhe na/ 'dod pa'i longs spyod lhur len pa dang/ bya ba lhur len pa dang/ chos lhur len pa'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /

【H3 約事】

གཞན་ཡང་གང་ཟག་གསུམ་སྟེ། གསུམ་གང་ཞེ་ན། བྱ་བ་མ་ཡིན་པ་རང་གི་བྱ་བར་བྱེད་པ་དང༌། བྱ་བ་རང་གི་བྱ་བར་བྱེད་པ་དང༌། གཞན་གྱི་བྱ་བ་རང་གི་བྱ་བར་བྱེད་པའོ། །དེ་ལ་གང་ཟག་གང་སྡིག་པའི་སྤྱོད་པས་འཚོ་བར་བྱེད་པ་དེ་ནི་བྱ་བ་མ་ཡིན་པ་རང་གི་བྱ་བ་བྱེད་པའི་གང་ཟག་ཅེས་བྱའོ། །གང་སྡིག་པའི་སྤྱོད་པས་འཇིགས་ཤིང༌། དགེ་བའི་སྤྱོད་པ་ཡང་དག་པར་བླངས་ནས་འདུག་པ་དེ་ནི་བྱ་བ་རང་གི་བྱ་བར་བྱེད་པ་ཞེས་བྱའོ། །བྱང་ཆུབ་སེམས་དཔའ་ནི་གཞན་གྱི་བྱ་བ་རང་གི་བྱ་བར་བྱེད་པ་ཡིན་པར་བལྟ་བར་བྱའོ། །དེ་ལ་གང་ཟག་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་པར་བལྟ་བར་བྱའོ། །

gzhan yang gang zag gsum ste/ gsum gang zhe na/ bya ba ma yin pa rang gi bya bar byed pa dang/ bya ba rang gi bya bar byed pa dang/ gzhan gyi bya ba rang gi bya bar byed pa'o/ /de la gang zag gang sdig pa'i spyod pas 'tsho bar byed pa de ni bya ba ma yin pa rang gi bya ba byed pa'i gang zag ces bya'o/ /gang sdig pa'i spyod pas 'jigs shing/ dge ba'i spyod pa yang dag par blangs nas 'dug pa de ni bya ba rang gi bya bar byed pa zhes bya'o/ /byang chub sems dpa' ni gzhan gyi bya ba rang gi bya bar byed pa yin par blta bar bya'o/ /de la gang zag dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin par blta bar bya'o/ /

【H4 約圓滿】

གསུམ་པོ་འདི་དག་ནི་རྒྱལ་པོའི་ཕུན་སུམ་ཚོགས་པ་ཡིན་ཏེ། རྣམ་པར་སྨིན་པ་ཕུན་སུམ་ཚོགས་པ་དང༌། སྐྱེས་བུའི་རྩལ་ཕུན་སུམ་ཚོགས་པ་དང༌། བསོད་ནམས་ཕུན་སུམ་ཚོགས་པའོ། །རྒྱལ་པོ་ཕྱུག་པོའི་ཁྱིམ་དུ་སྐྱེས་ཤིང་ཚེ་རིང་བ་དང༌། ནད་ཉུང་བ་དང༌། དབང་ཆེ་བར་གྲགས་པ་དང༌། ཡིད་གཞུངས་པ་དང༌། ལྷན་ཅིག་སྐྱེས་པའི་ཤེས་རབ་དང་ལྡན་པ་གང་ཡིན་པ་དེ་ནི་དེའི་རྣམ་པར་སྨིན་པ་ཕུན་སུམ་ཚོགས་པ་ཞེས་བྱའོ། །རྒྱལ་པོ་ཐབས་ཀྱིས་ཡོངས་སུ་ཟིན་པའི་སྒྲུབ་ཕོད་པ་ཕུན་སུམ་ཚོགས་པ་དང་རྟག་པར་རྒྱུན་དུ་ལྡན་པ་གང་ཡིན་པ་དེ་ནི། དེའི་སྐྱེས་བུའི་རྩལ་ཕུན་སུམ་ཚོགས་པ་ཞེས་བྱའོ༑ །རྒྱལ་པོ་ཆོས་དང་ལྡན་ཞིང་ཆོས་ལ་དགའ་ཆོས་ལ་གནས་ལ། བཙུན་མོའི་འཁོར་དང༌། གཞོན་ནུ་རྣམས་དང༌། གྲོས་གྲོགས་རྣམས་དང༌། ཁྲོམ་གྱི་རུ་སྣ་དང༌། གྲོང་རྡལ་གྱི་མི་རྣམས་དང༌། ཡུལ་གྱི་མི་རྣམས་དང་ལྷན་ཅིག་ཏུ་སྦྱིན་པ་དག་སྦྱིན་པ་དང་། བསོད་ནམས་དག་བྱེད་པ་དང༌། བསྙེན་གནས་ལ་གནས་པ་དང༌། ཚུལ་ཁྲིམས་ཡང་དག་པར་བླངས་ནས་འདུག་པ་གང་ཡིན་པ་དེ་ནི་དེའི་བསོད་ནམས་ཕུན་སུམ་ཚོགས་པ་ཞེས་བྱའོ། །དེ་ལ་རྣམ་པར་སྨིན་པ་ཕུན་སུམ་ཚོགས་པས་ནི་སྔོན་གྱི་ལས་དགེ་བའི་འབྲས་བུ་ལ་ཡོངས་སུ་སྤྱོད་པར་བྱེད་དོ། །སྐྱེས་བུའི་རྩལ་ཕུན་སུམ་ཚོགས་པས་ནི་ཚེ་འདི་པ་ཉིད་ཀྱི་འདོད་པའི་འབྲས་བུ་ལ་ཡོངས་སུ་སྤྱོད་པར་བྱེད་དོ། །བསོད་ནམས་ཕུན་སུམ་ཚོགས་པས་ནི་ཕྱི་མ་ལ་ཡང་ལས་དགེ་བའི་འབྲས་བུ་རྣམ་པར་སྨིན་པ་ཕུན་སུམ་ཚོགས་པ་ལ་ཡོངས་སུ་སྤྱོད་པར་འགྱུར་རོ། །གང་ལ་ཕུན་སུམ་ཚོགས་པ་རྣམ་པ་གསུམ་ཆར་ཡང་མེད་པ་དེ་ནི་སྐྱེས་བུ་ཐ་མ་ཡིན་ནོ། །གང་ལ་རྣམ་པར་སྨིན་པ་ཕུན་སུམ་ཚོགས་པའམ། སྐྱེས་བུའི་རྩལ་ཕུན་སུམ་ཚགས་པའམ། གཉི་ག་ཕུན་སུམ་ཚོགས་པར་ཡོད་པ་དེ་ནི་སྐྱེས་བུ་འབྲིང་ཡིན་ནོ། །གང་ལ་ཕུན་སུམ་ཚོགས་པ་རྣམ་པ་གསུམ་ཆར་ཡོད་པ་དེ་ནི་སྐྱེས་བུ་མཆོག་ཡིན་ནོ། །

gsum po 'di dag ni rgyal po'i phun sum tshogs pa yin te/ rnam par smin pa phun sum tshogs pa dang/ skyes bu'i rtsal phun sum tshogs pa dang/ bsod nams phun sum tshogs pa'o/ /rgyal po phyug po'i khyim du skyes shing tshe ring ba dang/ nad nyung ba dang/ dbang che bar grags pa dang/ yid gzhungs pa dang/ lhan cig skyes pa'i shes rab dang ldan pa gang yin pa de ni de'i rnam par smin pa phun sum tshogs pa zhes bya'o/ /rgyal po thabs kyis yongs su zin pa'i sgrub phod pa phun sum tshogs pa dang rtag par rgyun du ldan pa gang yin pa de ni/ de'i skyes bu'i rtsal phun sum tshogs pa zhes bya'o| /rgyal po chos dang ldan zhing chos la dga' chos la gnas la/ btsun mo'i 'khor dang/ gzhon nu rnams dang/ gros grogs rnams dang/ khrom gyi ru sna dang/ grong rdal gyi mi rnams dang/ yul gyi mi rnams dang lhan cig tu sbyin pa dag sbyin pa dang / bsod nams dag byed pa dang/ bsnyen gnas la gnas pa dang/ tshul khrims yang dag par blangs nas 'dug pa gang yin pa de ni de'i bsod nams phun sum tshogs pa zhes bya'o/ /de la rnam par smin pa phun sum tshogs pas ni sngon gyi las dge ba'i 'bras bu la yongs su spyod par byed do/ /skyes bu'i rtsal phun sum tshogs pas ni tshe 'di pa nyid kyi 'dod pa'i 'bras bu la yongs su spyod par byed do/ /bsod nams phun sum tshogs pas ni phyi ma la yang las dge ba'i 'bras bu rnam par smin pa phun sum tshogs pa la yongs su spyod par 'gyur ro/ /gang la phun sum tshogs pa rnam pa gsum char yang med pa de ni skyes bu tha ma yin no/ /gang la rnam par smin pa phun sum tshogs pa'am/ skyes bu'i rtsal phun sum tshags pa'am/ gnyi ga phun sum tshogs par yod pa de ni skyes bu 'bring yin no/ /gang la phun sum tshogs pa rnam pa gsum char yod pa de ni skyes bu mchog yin no/ /

【H5 約臣】

རྒྱལ་པོའི་ཚལ་ཟ་ནི་གསུམ་སྟེ་གུས་པ་དང་ལྡན་ལ་ནུས་པ་དང་མི་ལྡན་ཤེས་རབ་དང་མི་ལྡན་པ་དང༌། གུས་པ་དང་ཡང་ལྡན་ནུས་པ་དང་ཡང་ལྡན་ལ་ཤེས་རབ་དང་མི་ལྡན་པ་དང་གུས་པ་དང་ཡང་ལྡན་ནུས་པ་དང་ཡང་ལྡན་ཤེས་རབ་དང་ཡང་ལྡན་པའོ། །དེ་ལ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །གུས་པ་དང་ཡང་མི་ལྡན། ནུས་པ་དང་ཡང་མི་ལྡན༑ ཤེས་རབ་དང་ཡང་མི་ལྡན་པ་གང་ཡིན་པ་དེ་ནི་ཐ་མ་བས་ཀྱང་ཆེས་ཐ་མ་ཡིན་པར་རིག་པར་བྱའོ། །

rgyal po'i tshal za ni gsum ste gus pa dang ldan la nus pa dang mi ldan shes rab dang mi ldan pa dang/ gus pa dang yang ldan nus pa dang yang ldan la shes rab dang mi ldan pa dang gus pa dang yang ldan nus pa dang yang ldan shes rab dang yang ldan pa'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /gus pa dang yang mi ldan/ nus pa dang yang mi ldan| shes rab dang yang mi ldan pa gang yin pa de ni tha ma bas kyang ches tha ma yin par rig par bya'o/ /

【H6 約四語】

ཚིག་གི་རྣམ་པ་བཞི་སྟེ། མི་སྙན་པ་ལ་སྙན་པར་གྲགས་པ་དང༌། སྙན་པ་ལ་མི་སྙན་པར་གྲགས་པ་དང༌། མི་སྙན་པ་ལ་མི་སྙན་པར་གྲགས་པ་དང༌། སྙན་པ་ལ་སྙན་པར་གྲགས་པའོ། །ཚིག་དང་ཡི་གེ་འཇམ་ཞིང་སྙན་ལ་མི་འཕྲོད་པ་གང་ཡིན་པ་དེ་ནི་དང་པོ་ཡིན་ནོ། །ཚིག་དང་ཡི་གེ་རྩུབ་ལ་འཕྲོད་པ་གང་ཡིན་པ་དེ་ནི་གཉིས་པ་ཡིན་ནོ། །ཚིག་དང་ཡི་གེ་ཡང་རྩུབ་ལ་མི་འཕྲོད་པ་གང་ཡིན་པ་དེ་ནི་གསུམ་པ་ཡིན་ནོ། །ཚིག་དང་ཡི་གེ་ཡང་འཇམ་ཞིང་སྙན་ལ་འཕྲོད་པ་གང་ཡིན་པ་དེ་ནི་བཞི་པ་ཡིན་ནོ། །དེ་ལ་མི་སྙན་པ་ལ་མི་སྙན་པར་གྲགས་པའི་ཚིག་སྨྲ་བ་གང་ཡིན་པ་དང༌། མི་སྙན་ལ་སྙན་པར་གྲགས་པའི་ཚིག་སྨྲ་བ་གང་ཡིན་པ་དེ་ནི་སྐྱེས་བུ་ཐ་མ་ཡིན་ནོ། །སྙན་ལ་མི་སྙན་པར་གྲགས་པའི་ཚིག་སྨྲ་བ་གང་ཡིན་པ་དེ་ནི་སྐྱེས་བུ་འབྲིང་ཡིན་ནོ། །སྙན་ལ་སྙན་པར་གྲགས་པའི་ཚིག་སྨྲ་བ་གང་ཡིན་པ་དེ་ནི་སྐྱེས་བུ་མཆོག་ཡིན་ནོ། །

tshig gi rnam pa bzhi ste/ mi snyan pa la snyan par grags pa dang/ snyan pa la mi snyan par grags pa dang/ mi snyan pa la mi snyan par grags pa dang/ snyan pa la snyan par grags pa'o/ /tshig dang yi ge 'jam zhing snyan la mi 'phrod pa gang yin pa de ni dang po yin no/ /tshig dang yi ge rtsub la 'phrod pa gang yin pa de ni gnyis pa yin no/ /tshig dang yi ge yang rtsub la mi 'phrod pa gang yin pa de ni gsum pa yin no/ /tshig dang yi ge yang 'jam zhing snyan la 'phrod pa gang yin pa de ni bzhi pa yin no/ /de la mi snyan pa la mi snyan par grags pa'i tshig smra ba gang yin pa dang/ mi snyan la snyan par grags pa'i tshig smra ba gang yin pa de ni skyes bu tha ma yin no/ /snyan la mi snyan par grags pa'i tshig smra ba gang yin pa de ni skyes bu 'bring yin no/ /snyan la snyan par grags pa'i tshig smra ba gang yin pa de ni skyes bu mchog yin no/ /

【H7 約受欲】

འདོད་པ་ལ་ལོངས་སྤྱོད་པ་ནི་གསུམ་སྟེ། འདོད་པ་ལ་ལོངས་སྤྱོད་པ་གང་ཆོས་མ་ཡིན་པས་བབ་ཅོལ་དུ་ལོངས་སྤྱོད་པ་དག་ཡང་དག་པར་བསྒྲུབས་ནས། བདག་ཉིད་ཀྱང་ལེགས་པར་བདེ་བར་ཚིམ་པར་མི་བྱེད་ལ་བུ་ཡང་མ་ཡིན་ཆུང་མ་ཡང་མ་ཡིན་པ་ནས། རྒྱས་པ་དགེ་སྦྱོང་དང་བྲམ་ཟེའི་བར་དག་ལ་ཡང་ཡོན་འབུལ་བར་མི་བྱེད་པ་ཡང་ཡོད་དོ། །འདོད་པ་ལ་ལོངས་སྤྱོད་པ་གང་ཆོས་དང་ཆོས་མ་ཡིན་པས་བབ་ཆོལ་དང༌། བབ་ཆོལ་མ་ཡིན་པར་ལོངས་སྤྱོད་དག་ཡང་དག་པར་བསྒྲུབས་ནས། བདག་ཉིད་ཀྱང་ལེགས་པར་བདེ་བས་ཚིམ་པར་བྱེད། བུ་དང་ཆུང་མ་ནས་རྒྱས་པར་མཛའ་བཤེས་དང༌། གྲོས་གྲོགས་དང༌། ཉེ་དུ་དང༌། རྒན་རབས་ཀྱི་བར་དག་ཀྱང་ལེགས་པར་བདེ་བས་ཚིམ་པར་བྱེད་ལ། དགེ་སྦྱོང་དང་བྲམ་ཟེ་དག་ལ་ནི་ཡོན་འབུལ་བར་མི་བྱེད་པ་ཡང་ཡོད་དོ། །འདོད་པ་ལ་ལོངས་སྤྱོད་པ་གང་ཡིན་གཅིག་ཏུ་ཆོས་ཀྱི་བབ་ཅོལ་མ་ཡིན་པ་ཁོ་ནར་ལོངས་སྤྱོད་ཡང་དག་པར་བསྒྲུབས་ནས། བདག་ཉིད་ཀྱང་ལེགས་པར་བདེ་བས་ཚིམ་པར་བྱེད་ལ། རྒྱས་པར་དགེ་སྦྱོང་དང་བྲམ་ཟེའི་བར་དག་ལ་ཡང་ཡོན་འབུལ་བར་བྱེད་པ་ཡང་ཡོད་དེ། དེ་ལ་འདོད་པ་ལ་ལོངས་སྤྱོད་པ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །

'dod pa la longs spyod pa ni gsum ste/ 'dod pa la longs spyod pa gang chos ma yin pas bab col du longs spyod pa dag yang dag par bsgrubs nas/ bdag nyid kyang legs par bde bar tshim par mi byed la bu yang ma yin chung ma yang ma yin pa nas/ rgyas pa dge sbyong dang bram ze'i bar dag la yang yon 'bul bar mi byed pa yang yod do/ /'dod pa la longs spyod pa gang chos dang chos ma yin pas bab chol dang/ bab chol ma yin par longs spyod dag yang dag par bsgrubs nas/ bdag nyid kyang legs par bde bas tshim par byed/ bu dang chung ma nas rgyas par mdza' bshes dang/ gros grogs dang/ nye du dang/ rgan rabs kyi bar dag kyang legs par bde bas tshim par byed la/ dge sbyong dang bram ze dag la ni yon 'bul bar mi byed pa yang yod do/ /'dod pa la longs spyod pa gang yin gcig tu chos kyi bab col ma yin pa kho nar longs spyod yang dag par bsgrubs nas/ bdag nyid kyang legs par bde bas tshim par byed la/ rgyas par dge sbyong dang bram ze'i bar dag la yang yon 'bul bar byed pa yang yod de/ de la 'dod pa la longs spyod pa dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /

【H8 約食】

གང་ཟག་གང་ཆགས་པ་དང༌། ཞེན་པ་དང༌། འཆུམས་པ་ནས༑ ལྷག་པར་ཆགས་པར་གྱུར་པའི་བར་གྱིས་ཟས་ཟ་བར་བྱེད་ཅིང་ཉེས་དམིགས་སུ་མི་ལྟ་ལ། ངེས་པར་འབྱུང་བ་རབ་ཏུ་མི་ཤེས་པ་ཡང་ཡོད་དོ། །གང་ཟག་གང་ཆགས་པ་མེད་པ་དང༌། ཞེན་པ་མེད་པ་དང༌། འཆུམས་པ་མེད་པ་དང༌། མདུད་པ་བོར་བ་མེད་པ་དང༌། བརྒྱལ་བ་མེད་པ་དང༌། ལྷག་པར་ཆགས་པ་མེད་པ་དང༌། ལྷག་པར་ཆགས་པར་གྱུར་པ་མེད་པས་སོ་སོར་བརྟགས་ཤིང་ཟས་ཟ་བར་བྱེད་ལ། ཉེས་དམིགས་སུ་ཡང་ལྟ། ངེས་པར་འབྱུང་བ་ཡང་རབ་ཏུ་ཤེས་ཤིང༌། དེའི་ཟས་སྤངས་པ་དང༌། ཡོངས་སུ་ཤེས་པ་མ་ཡིན་པ་ཡང་ཡོད་དོ། །གང་ཟག་གང་ཆགས་པ་མེད་པ་ནས་ལྷག་པར་ཆགས་པར་གྱུར་པ་མེད་པའི་བར་གྱིས། སོ་སོར་བརྟགས་ཤིང་ཟས་ཟ་བར་བྱེད་ལ༑ ཉེས་དམིགས་སུ་ཡང་ལྟ། ངེས་པར་འབྱུང་བ་ཡང་རབ་ཏུ་ཤེས་ཤིང་དེའི་ཟས་དེ་སྤངས་པ་དང༌། ཡོངས་སུ་ཤེས་པ་ཡང་ཡོད་དོ། །དེ་ལ་གང་ཟག་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ།། །།

gang zag gang chags pa dang/ zhen pa dang/ 'chums pa nas| lhag par chags par gyur pa'i bar gyis zas za bar byed cing nyes dmigs su mi lta la/ nges par 'byung ba rab tu mi shes pa yang yod do/ /gang zag gang chags pa med pa dang/ zhen pa med pa dang/ 'chums pa med pa dang/ mdud pa bor ba med pa dang/ brgyal ba med pa dang/ lhag par chags pa med pa dang/ lhag par chags par gyur pa med pas so sor brtags shing zas za bar byed la/ nyes dmigs su yang lta/ nges par 'byung ba yang rab tu shes shing/ de'i zas spangs pa dang/ yongs su shes pa ma yin pa yang yod do/ /gang zag gang chags pa med pa nas lhag par chags par gyur pa med pa'i bar gyis/ so sor brtags shing zas za bar byed la| nyes dmigs su yang lta/ nges par 'byung ba yang rab tu shes shing de'i zas de spangs pa dang/ yongs su shes pa yang yod do/ /de la gang zag dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no// //

【H9 約約施以辨】

བམ་པོ་བཅོ་བརྒྱད་པ། སྦྱིན་པར་བྱ་བའི་དངོས་པོ་ལས་བརྩམས་ནས་གང་ཟག་གསུམ་སྟེ། གང་ཟག་གང་དྲི་ཕུན་སུམ་ཚོགས་པ་སྦྱིན་ལ། རོ་ཕུན་སུམ་ཚོགས་པ་མི་སྦྱིན། རེག་པ་ཕུན་སུམ་ཚོགས་པ་མི་སྦྱིན་པ་ཡང་ཡོད་དོ། །གང་དྲི་ཕུན་སུམ་ཚོགས་པ་དང་རོ་ཕུན་སུམ་ཚོགས་པ་སྦྱིན་ལ་རེག་པ་ཕུན་སུམ་ཚོགས་པ་མི་སྦྱིན་པ་ཡང་ཡོད་དོ། །གང་དྲི་དང་རོ་དང་རེག་པ་ཕུན་སུམ་ཚོགས་པ་སྦྱིན་པ་ཡང་ཡོད་དོ། །དེ་ལ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་པར་བལྟ་བར་བྱའོ། །སྦྱིན་པའི་ཞིང་ལས་བརྩམས་ནས་གང་ཟག་གསུམ་སྟེ། གང་ཟག་གང་སྡུག་པའམ། ཕན་འདོགས་པ་ལ་སྦྱིན་པར་བྱེད་པ་ཡང་ཡོད་དོ། །གང་སྡུག་བསྔལ་བ་ལ་སྦྱིན་པར་བྱེད་པ་ཡང་ཡོད་དོ། །གང་ཡོན་ཏན་དང་ལྡན་པ་ཁྱད་པར་དུ་འཕགས་པ་ལ་སྦྱིན་པར་བྱེད་པ་ཡང་ཡོད་དོ། །དེ་ལ་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་པར་རིག་པར་བྱའོ། །རྣམ་གྲངས་གཞན་ཡང་གང་སྡུག་པ་ལ་སྦྱིན་པར་བྱེད་པ་དེ་ནི་ཐ་མ་ཡིན་ནོ། །གང་ཕན་འདོགས་པ་ལ་སྦྱིན་པར་བྱེད་པ་དེ་ནི་འབྲིང་ཡིན་ནོ། །གང་སྡུག་བསྔལ་བ་དང༌། ཡོན་ཏན་དང་ལྡན་པ་ལ་སྦྱིན་པར་བྱེད་པ་དེ་ནི་མཆོག་ཡིན་ནོ། །སྦྱིན་པའི་ལྷག་པའི་བསམ་པ་ལས་བརྩམས་ནས་གང་ཟག་གསུམ་སྟེ། སྦྱིན་པའི་སྔ་རོལ་ནས་ཡིད་དགའ་ལ། སྦྱིན་པའི་ཚེ་སེམས་མི་དགའ་ཞིང༌། བྱིན་ནས་འགྱོད་པར་གྱུར་པ་དང༌། སྦྱིན་པའི་སྔ་རོལ་ནས་ཡིད་དགའ་ཞིང༌། སྦྱིན་པའི་ཚེ་ཡང་སེམས་དགའ་ལ། བྱིན་ནས་འགྱོད་པར་གྱུར་པ་དང༌། སྦྱིན་པའི་སྔ་རོལ་ནས་ཀྱང་ཡིད་དགའ་ཞིང༌། སྦྱིན་པའི་ཚེ་ཡང་སེམས་དགའ་ལ། བྱིན་ནས་ཀྱང་འགྱོད་པར་མི་འགྱུར་བའོ། །དེ་ལ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །

bam po bco brgyad pa/ sbyin par bya ba'i dngos po las brtsams nas gang zag gsum ste/ gang zag gang dri phun sum tshogs pa sbyin la/ ro phun sum tshogs pa mi sbyin/ reg pa phun sum tshogs pa mi sbyin pa yang yod do/ /gang dri phun sum tshogs pa dang ro phun sum tshogs pa sbyin la reg pa phun sum tshogs pa mi sbyin pa yang yod do/ /gang dri dang ro dang reg pa phun sum tshogs pa sbyin pa yang yod do/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin par blta bar bya'o/ /sbyin pa'i zhing las brtsams nas gang zag gsum ste/ gang zag gang sdug pa'am/ phan 'dogs pa la sbyin par byed pa yang yod do/ /gang sdug bsngal ba la sbyin par byed pa yang yod do/ /gang yon tan dang ldan pa khyad par du 'phags pa la sbyin par byed pa yang yod do/ /de la dang po ni tha ma yin no/ /gnyis pa ni 'bring yin no/ /gsum pa ni mchog yin par rig par bya'o/ /rnam grangs gzhan yang gang sdug pa la sbyin par byed pa de ni tha ma yin no/ /gang phan 'dogs pa la sbyin par byed pa de ni 'bring yin no/ /gang sdug bsngal ba dang/ yon tan dang ldan pa la sbyin par byed pa de ni mchog yin no/ /sbyin pa'i lhag pa'i bsam pa las brtsams nas gang zag gsum ste/ sbyin pa'i snga rol nas yid dga' la/ sbyin pa'i tshe sems mi dga' zhing/ byin nas 'gyod par gyur pa dang/ sbyin pa'i snga rol nas yid dga' zhing/ sbyin pa'i tshe yang sems dga' la/ byin nas 'gyod par gyur pa dang/ sbyin pa'i snga rol nas kyang yid dga' zhing/ sbyin pa'i tshe yang sems dga' la/ byin nas kyang 'gyod par mi 'gyur ba'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /

【H10 約戒辨(有七復次)】

ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ་ཡང་དག་པར་བླངས་པ་ལས་གང་ཟག་གསུམ་རྣམ་པར་གཞག་སྟེ། གང་ཕྱོགས་གཅིག་སྤངས་ལ། དུས་ཐམས་ཅད་དུ་སྤངས་པ་ཡང་མ་ཡིན། བདག་ཉིད་ཀྱིས་སྤངས་ལ། གཞན་དག་ཡང་དག་པར་འཛིན་དུ་འཇུག་པ་ཡང་མ་ཡིན། བསྔགས་པ་ཡང་མི་བརྗོད། ཆོས་མཐུན་པ་པ་མཐོང་ན་ཡིད་བདེ་བར་ཡང་མི་འགྱུར་བ་དེ་ནི་སྐྱེས་བུ་ཐ་མ་ཡིན་ནོ། །གང་ཐམས་ཅད་སྤངས་ཤིང་དུས་ཐམས་ཅད་དུ་སྤངས་པ་ཡང་ཡིན་ལ། དེ་ཡང་བདག་ཉིད་ཡིན་གྱི། གཞན་དག་ཡང་དག་པར་འཛིན་དུ་མི་འཇུག་ལ། བསྔགས་པ་རྗོད་པར་ཡང་མི་བྱེད། ཆོས་མཐུན་པ་པ་མཐོང་ན་ཡང་ཡིད་མི་དགའ་བར་མི་འགྱུར་བ་དེ་ནི་སྐྱེས་བུ་འབྲིང་ཡིན་ནོ། །གང་ཐམས་ཅད་ལ་སྣང་བ་དེ་ནི་སྐྱེས་བུ་མཆོག་ཡིན་ནོ། །ཚུལ་ཁྲིམས་ཡང་དག་པར་ལེན་པའི་གཞི་ལས་ཀྱང་གང་ཟག་གསུམ་རྣམ་པར་གཞག་པར་རིག་པར་བྱ་སྟེ། ཉེས་པར་བཤད་པའི་ཆོས་འདུལ་བ་ལ་ཚུལ་ཁྲིམས་ཡང་དག་པར་ལེན་པ་དང༌། ལེགས་པར་གསུངས་པའི་ཆོས་འདུལ་བ་ལ་ཚུལ་ཁྲིམས་ཡང་དག་པར་ལེན་ཅིང་ཉམས་པར་བྱེད། སྐྱོན་ཅན་དུ་བྱེད་པ་དང༌། གསུམ་པ་ནི་དེ་ཉིད་ལ་ཉམས་པར་མི་བྱེད། སྐྱོན་ཅན་དུ་མི་བྱེད་པའོ། །དེ་ལ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །ཚུལ་ཁྲིམས་ཡང་དག་པར་ལེན་པའི་བསམ་པ་ལས་ཀྱང་གང་ཟག་གསུམ་རྣམ་པར་གཞག་སྟེ། འཚོ་བའི་བསམ་པས་ཡང་དག་པར་ལེན་པར་བྱེད་པ་དང༌། མཐོ་རིས་ཀྱི་བསམ་པས་ཡང་དག་པར་ལེན་པར་བྱེད་པ་དང༌། གསུམ་པ་མྱ་ངན་ལས་འདས་པའི་བསམ་པས་ཡང་དག་པར་ལེན་པར་བྱེད་པའོ། །དེ་ལ་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །གཞན་ཡང་སོ་སོར་ཐར་པའི་སྡོམ་པ་ཡང་དག་པར་བླངས་ནས་འདུག་པའི་གང་ཟག་གསུམ་སྟེ། བསྙེན་གནས་པའི་སྡོམ་པ་ཡང་དག་པར་བླངས་ནས་འདུག་པ་ཡང་ཡོད་དོ། །དགེ་བསྙེན་གྱི་སྡོམ་པ་ཡང་དག་པར་བླངས་ནས་འདུག་པ་ཡང་ཡོད་དོ། །དགེ་སློང་གི་སྡོམ་པ་ཡང་དག་པར་བླངས་ནས་འདུག་པ་ཡང་ཡོད་དེ། དེ་ལ་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །དགེ་སློང་གི་སྡོམ་པ་ཡང་དག་པར་བླངས་པ་ཉིད་ལས་ཀྱང་གང་ཟག་གཞན་གསུམ་སྟེ། གང་བསྙེན་པར་རྫོགས་པའི་ཡན་ལག་དང་ལྡན་ལ་དེ་དང་མཐུན་པའི་ཆོས་བསླབ་པའི་གཞི་ཡང་དག་པར་བླངས་པའི་ཡན་ལག་དང་ཡང་མི་ལྡན། གཞན་གྱི་སེམས་རྗེས་སུ་བསྲུང་བའི་ཡན་ལག་དང་ཡང་མི་ལྡན། བསླབ་པའི་གཞི་ཇི་ལྟར་ཡང་དག་པར་བླངས་པ་བཞིན་རྗེས་སུ་བསྲུང་བའི་ཡན་ལག་དང་མི་ལྡན་པ་ཡང་ཡོད་དོ། །གང་ཡན་ལག་དང་པོ་གསུམ་དང་ལྡན་ལ། ཐ་མ་དང་མི་ལྡན་པ་ཡང་ཡོད་དོ། །གང་ཡན་ལག་བཞི་པོ་ཐམས་ཅད་དང་ལྡན་པ་ཡང་ཡོད་དོ། །དེ་ལ་ཡང་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །གཞན་ཡང་གང་ཟག་གསུམ་སྟེ། སོ་སོ་ཐར་པའི་སྡོམ་པ་དང་ལྡན་པ་ཡང་ཡོད་དོ། །སོ་སོར་ཐར་པའི་སྡོམ་པ་དང༌། བསམ་གཏན་གྱི་སྡོམ་པ་དང་ལྡན་པ་ཡང་ཡོད་དོ། །སོ་སོར་ཐར་པ་དང་བསམ་གཏན་དང་ཟག་པ་མེད་པའི་སྡོམ་པ་དག་དང་ལྡན་པ་ཡང་ཡོད་དོ། །དེ་ལ་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །གཞན་ཡང་གང་ཟག་གསུམ་སྟེ། སྡོམ་པ་ཡང་མ་ཡིན་སྡོམ་པ་མ་ཡིན་པས་བསྡུས་པའི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་དང་ལྡན་པ་ཡང་ཡོད་དོ། །ཉན་ཐོས་དང་ལྡན་པའི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་དང་ལྡན་པ་ཡང་ཡོད་དོ། །བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་དང་ལྡན་པ་ཡང་ཡོད་དོ། །དེ་ལ་ཡང་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །

tshul khrims las byung ba'i bsod nams bya ba'i dngos po yang dag par blangs pa las gang zag gsum rnam par gzhag ste/ gang phyogs gcig spangs la/ dus thams cad du spangs pa yang ma yin/ bdag nyid kyis spangs la/ gzhan dag yang dag par 'dzin du 'jug pa yang ma yin/ bsngags pa yang mi brjod/ chos mthun pa pa mthong na yid bde bar yang mi 'gyur ba de ni skyes bu tha ma yin no/ /gang thams cad spangs shing dus thams cad du spangs pa yang yin la/ de yang bdag nyid yin gyi/ gzhan dag yang dag par 'dzin du mi 'jug la/ bsngags pa rjod par yang mi byed/ chos mthun pa pa mthong na yang yid mi dga' bar mi 'gyur ba de ni skyes bu 'bring yin no/ /gang thams cad la snang ba de ni skyes bu mchog yin no/ /tshul khrims yang dag par len pa'i gzhi las kyang gang zag gsum rnam par gzhag par rig par bya ste/ nyes par bshad pa'i chos 'dul ba la tshul khrims yang dag par len pa dang/ legs par gsungs pa'i chos 'dul ba la tshul khrims yang dag par len cing nyams par byed/ skyon can du byed pa dang/ gsum pa ni de nyid la nyams par mi byed/ skyon can du mi byed pa'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /tshul khrims yang dag par len pa'i bsam pa las kyang gang zag gsum rnam par gzhag ste/ 'tsho ba'i bsam pas yang dag par len par byed pa dang/ mtho ris kyi bsam pas yang dag par len par byed pa dang/ gsum pa mya ngan las 'das pa'i bsam pas yang dag par len par byed pa'o/ /de la dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /gzhan yang so sor thar pa'i sdom pa yang dag par blangs nas 'dug pa'i gang zag gsum ste/ bsnyen gnas pa'i sdom pa yang dag par blangs nas 'dug pa yang yod do/ /dge bsnyen gyi sdom pa yang dag par blangs nas 'dug pa yang yod do/ /dge slong gi sdom pa yang dag par blangs nas 'dug pa yang yod de/ de la dang po ni tha ma yin no/ /gnyis pa ni 'bring yin no/ /gsum pa ni mchog yin no/ /dge slong gi sdom pa yang dag par blangs pa nyid las kyang gang zag gzhan gsum ste/ gang bsnyen par rdzogs pa'i yan lag dang ldan la de dang mthun pa'i chos bslab pa'i gzhi yang dag par blangs pa'i yan lag dang yang mi ldan/ gzhan gyi sems rjes su bsrung ba'i yan lag dang yang mi ldan/ bslab pa'i gzhi ji ltar yang dag par blangs pa bzhin rjes su bsrung ba'i yan lag dang mi ldan pa yang yod do/ /gang yan lag dang po gsum dang ldan la/ tha ma dang mi ldan pa yang yod do/ /gang yan lag bzhi po thams cad dang ldan pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /gzhan yang gang zag gsum ste/ so so thar pa'i sdom pa dang ldan pa yang yod do/ /so sor thar pa'i sdom pa dang/ bsam gtan gyi sdom pa dang ldan pa yang yod do/ /so sor thar pa dang bsam gtan dang zag pa med pa'i sdom pa dag dang ldan pa yang yod do/ /de la dang po ni tha ma yin no/ /gnyis pa ni 'bring yin no/ /gsum pa ni mchog yin no/ /gzhan yang gang zag gsum ste/ sdom pa yang ma yin sdom pa ma yin pas bsdus pa'i tshul khrims kyi sdom pa yang dag par blangs pa dang ldan pa yang yod do/ /nyan thos dang ldan pa'i tshul khrims kyi sdom pa yang dag par blangs pa dang ldan pa yang yod do/ /byang chub sems dpa'i tshul khrims kyi sdom pa yang dag par blangs pa dang ldan pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /

【H11 約修以辨(有四復次)】

བསྒོམ་པའི་དབང་དུ་བྱས་ནས་འདི་ལྟ་སྟེ། ཡིད་ལ་བྱེད་པའི་སྦྱོར་བ་ལས་གང་ཟག་གསུམ་རྣམ་པར་གཞག་སྟེ། གང་ཟག་གང་ནན་གྱིས་འཇུག་པའི་ཡིད་ལ་བྱེད་པ་ཐོབ་པ་ཡང་ཡོད་དོ། །གང་བར་ཆད་པ་དང་བཅས་པར་འཇུག་པའམ་གང་བར་མི་ཆད་པར་འཇུག་པ་ཡང་རུང་སྟེ། རྩོལ་བ་དང་བཅས་པས་འཇུག་པའི་ཡིད་ལ་བྱེད་པ་ཐོབ་པ་ཡང་ཡོད་དོ། །རང་གི་ངང་གིས་འཇུག་པའི་ཡིད་ལ་བྱེད་པ་ཐོབ་པ་ཡང་ཡོད་དོ། །དེ་ལ་ཡང་དང་པོ་ནི་ཐ་མ་ཡིན་ནོ༑ །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །གཞན་ཡང་བསྒོམ་པ་ཐོབ་པ་ལས་གང་ཟག་གསུམ་སྟེ། གང་ཟག་གང་ནང་གི་སེམས་ཀྱི་ཞི་གནས་ཐོབ་ལ། ཆོས་ལ་རྣམ་པར་ལྟ་བའི་ལྷག་པའི་ཤེས་རབ་མ་ཐོབ་པ་ཡང་ཡོད་དོ། །གང་ཆོས་ལ་རྣམ་པར་ལྟ་བའི་ལྷག་པའི་ཤེས་རབ་ཐོབ་ལ་ནང་གི་སེམས་ཀྱི་ཞི་གནས་མ་ཐོབ་པ་ཡང་ཡོད་དོ། །གང་གཉི་ག་ཐོབ་པ་ཡང་ཡོད་དོ། །དེ་ལ་ཡང་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །གཞན་ཡང་གང་ཟག་གསུམ་སྟེ་རྟོག་པ་དང་བཅས་ཤིང་དཔྱོད་པ་དང་བཅས་པའི་ཏིང་ངེ་འཛིན་ཐོབ་པ་ཡང་ཡོད་དོ། །རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་ཐོབ་པ་ཡང་ཡོད་དོ། །རྟོག་པ་ཡང་མེད་དཔྱོད་པ་ཡང་མེད་པའི་ཏིང་ངེ་འཛིན་ཐོབ་པ་ཡང་ཡོད་དོ། །དེ་ལ་ཡང་དང་པོ་ནི་ཐ་མ་ཡིན་ནོ། །གཉིས་པ་ནི་འབྲིང་ཡིན་ནོ། །གསུམ་པ་ནི་མཆོག་ཡིན་ནོ། །བསྒོམ་པ་ཁོ་ནའི་དབང་དུ་བྱས་ནས་གནས་པ་ལས་གང་ཟག་རྣམ་པར་གཞག་པ་གསུམ་སྟེ། གང་ཟག་གང་ཉོན་མོངས་པ་ཅན་གྱི་བསམ་གཏན་གྱིས་གནས་པ་ཡང་ཡོད་དོ། །དག་པའི་འཇིག་རྟེན་པའི་བསམ་གཏན་གྱིས་གནས་པ་ཡང་ཡོད་དོ༑ །ཟག་པ་མེད་པའི་བསམ་གཏན་གྱིས་གནས་པ་ཡང་ཡོད་དོ། །དེ་ལ་ཡང་དང་པོ་ནི་སྐྱེས་བུ་ཐ་མ་ཡིན་ནོ། །གཉིས་པ་ནི་སྐྱེས་བུ་འབྲིང་ཡིན་ནོ། །གསུམ་པ་ནི་སྐྱེས་བུ་མཆོག་ཡིན་ནོ། །

bsgom pa'i dbang du byas nas 'di lta ste/ yid la byed pa'i sbyor ba las gang zag gsum rnam par gzhag ste/ gang zag gang nan gyis 'jug pa'i yid la byed pa thob pa yang yod do/ /gang bar chad pa dang bcas par 'jug pa'am gang bar mi chad par 'jug pa yang rung ste/ rtsol ba dang bcas pas 'jug pa'i yid la byed pa thob pa yang yod do/ /rang gi ngang gis 'jug pa'i yid la byed pa thob pa yang yod do/ /de la yang dang po ni tha ma yin no| /gnyis pa ni 'bring yin no/ /gsum pa ni mchog yin no/ /gzhan yang bsgom pa thob pa las gang zag gsum ste/ gang zag gang nang gi sems kyi zhi gnas thob la/ chos la rnam par lta ba'i lhag pa'i shes rab ma thob pa yang yod do/ /gang chos la rnam par lta ba'i lhag pa'i shes rab thob la nang gi sems kyi zhi gnas ma thob pa yang yod do/ /gang gnyi ga thob pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /gzhan yang gang zag gsum ste rtog pa dang bcas shing dpyod pa dang bcas pa'i ting nge 'dzin thob pa yang yod do/ /rtog pa med la dpyod pa tsam gyi ting nge 'dzin thob pa yang yod do/ /rtog pa yang med dpyod pa yang med pa'i ting nge 'dzin thob pa yang yod do/ /de la yang dang po ni tha ma yin no/ /gnyis pa ni 'bring yin no/ /gsum pa ni mchog yin no/ /bsgom pa kho na'i dbang du byas nas gnas pa las gang zag rnam par gzhag pa gsum ste/ gang zag gang nyon mongs pa can gyi bsam gtan gyis gnas pa yang yod do/ /dag pa'i 'jig rten pa'i bsam gtan gyis gnas pa yang yod do| /zag pa med pa'i bsam gtan gyis gnas pa yang yod do/ /de la yang dang po ni skyes bu tha ma yin no/ /gnyis pa ni skyes bu 'bring yin no/ /gsum pa ni skyes bu mchog yin no/ /

【G4 解十有情等雜之經文(有八復次)】

སེམས་ཅན་གྱི་རིས་བཅུ་ནི་དུད་འགྲོ་དང༌། བུད་མེད་དང༌། འདོད་པ་ལ་ལོངས་སྤྱོད་པ་རྣམས་དང༌། བྱ་བ་དོན་དུ་གཉེར་བ་རྣམས་དང༌། རབ་ཏུ་བྱུང་བ་རྣམས་དང༌། ཐོས་པས་འཚོ་བ་རྣམས་དང༌། རྟོགས་པར་བྱེད་པ་རྣམས་དང༌། རྟོག་གེ་བ་རྣམས་དང༌། དཀའ་ཐུབ་དྲག་པོ་པ་རྣམས་དང༌། ལུས་གཏོང་བར་བྱེད་པ་རྣམས་ཏེ། དེ་དག་གི་འདོད་པ་དང་སྡུག་པ་དང་ཡིད་དུ་འོང་བའི་ཆོས་ནི་ཚེ་དང་ཁ་དོག་དང་ལོངས་སྤྱོད་དང༌། མཛའ་བཤེས་དང༌། ཚུལ་ཁྲིམས་དང༌། ཐོས་པ་དང༌། ཚངས་པར་སྤྱོད་པ་དང༌། ཤེས་རབ་དང༌། ཆོས་དང༌། མཐོ་རིས་ཏེ་བཅུ་པོ་དེ་དག་གོ །དམ་པའི་ཆོས་ཉན་པའི་ཉེ་བའི་ཉོན་མོངས་པའི་སྐྱོན་ནི་དྲུག་པོ་འདི་དག་ཡིན་ཏེ། ང་རྒྱལ་གྱི་སྐྱོན་དང༌། འདུན་པ་མེད་པའི་སྐྱོན་དང༌། མ་དད་པའི་སྐྱོན་དང༌། ལུས་དང་སེམས་ལ་གནོད་པའི་སྐྱོན་དང༌། རྣམ་པར་གཡེང་བའི་སྐྱོན་དང༌། རྣམ་པར་འཕྲུལ་པའི་སྐྱོན་ནོ། །དེ་དག་གིས་ནི་གུས་པར་བྱས་ཤིང་ཆོས་ཉན་པར་མི་བྱེད། བླ་མར་བྱས་ཤིང་ཆོས་ཉན་པར་མི་བྱེད་དེ། རྒྱས་པར་མདོ་ལས་ཇི་སྐད་གསུངས་པ་བཞིན་ནོ། །དེ་ལ་ཉེ་བའི་ཉོན་མོངས་པ་རྣམ་པར་གཡེང་བའི་སྐྱོན་རྣམ་པ་གཉིས་ཏེ། སྨྲ་བའི་ཚེ་ན་རྣམ་པར་གཡེང་བ་དང༌། སྨྲས་ནས་རྣམ་པར་གཡེང་བའོ། །རྣམ་པར་འཕྲུལ་པའི་སྐྱོན་ནི་ཕྱིན་ཅི་ལོག་གང་ཡིན་པའོ། །ལས་ཀྱི་ཀུན་ནས་ཉོན་མོངས་པ་ཀུན་ནས་སློང་བ་ནི་རྣམ་པ་གསུམ་སྟེ། མཚུངས་པར་ལྡན་པས་ཀུན་ནས་སློང་བ་དང༌། སྐྱེད་པས་ཀུན་ནས་སློང་བ་དང༌། བདག་པོས་ཀུན་ནས་སློང་བ་སྟེ། ཉོན་མོངས་པ་གཞན་དྲངས་ནས་ཀུན་ནས་སློང་བར་བྱེད་པ་ཉིད་ཀྱི་ཕྱིར་རོ། །མི་འདོད་པ་ནི་དྲུག་པོ་འདི་དག་ཡིན་ཏེ། དགྲ་དང༌། ནད་དང༌། ཡུལ་མི་དགའ་བ་དང༌། སྐྱེ་བ་ལ་སོགས་པའི་སྡུག་བསྔལ་དང༌། སྨན་ཚ་བ་དང༌། གོམས་པར་མ་བྱས་པའི་དགེ་བའོ། །དེ་དག་ལས་བཞི་ནི་ཡོངས་སུ་སྤང་བར་བྱ་བ་ཡིན་ནོ། །གཉིས་ནི་བསྟེན་པར་བྱ་བ་ཡིན་ནོ། །འདོད་པའི་ལོངས་སྤྱོད་ནི་རྣམ་པ་ལྔ་སྟེ། སོ་སོར་མྱོང་བར་བྱ་བའི་ལོངས་སྤྱོད་དང་། ཡོངས་སུ་སྲེལ་ན་དགའ་བའི་ལོངས་སྤྱོད་དང༌། རྣམ་པར་རྟོག་པའི་ལོངས་སྤྱོད་དང༌། གཞན་ལས་ཐོབ་པའི་ལོངས་སྤྱོད་དང༌། ལེགས་པར་མ་ཟིན་པའི་ལོངས་སྤྱོད་དོ། །འདོད་པའི་སྐྱོན་ནི་རྣམ་པ་བརྒྱད་དོ། །རོ་མྱོང་བ་ཆུང་བ་དང༌། སྡུག་བསྔལ་མང་བ་དང༌། ཉེས་དམིགས་མང་བ་དང༌། གཞན་གྱི་གནོད་པ་བྱས་པ་ལས་གྱུར་པའི་སྡུག་བསྔལ་གྱི་རྒྱུ་ཡིན་པ་དང༌། ཀུན་ནས་ཉོན་མོངས་པ་ཅན་གྱིས་ལོངས་སྤྱོད་པའི་རྒྱུ་ཡིན་པ་དང༌། ངན་སོང་བའི་སྡུག་བསྔལ་གྱི་རྒྱུ་ཡིན་པ་དང༌། རྣམ་པར་རྟོག་པ་དང་ཀུན་དུ་འཁྲུག་པའི་སྡུག་བསྔལ་གྱི་རྒྱུ་ཡིན་པ་དང༌། ལོངས་སྤྱོད་ཡོངས་སུ་ཟད་པའི་རྒྱུ་ཡིན་པ་དང༌། གནས་སུ་གཞག་པ་ཡོངས་སུ་ཟད་པའི་རྒྱུ་ཡིན་པ་དང༌། དགེ་བའི་བར་དུ་གཅོད་པའི་རྒྱུ་ཡིན་པའོ། །འདོད་པའི་གཞི་ལས་འགྱུར་བ་རྣམ་པ་དྲུག་སྟེ། གཞན་གྱི་གནོད་པས་འགྱུར་བ་དང༌། ཁམས་མ་སྙོམས་པར་འགྱུར་བ་དང་། སེམས་ཅན་སྡུག་པ་འགྱུར་བ་དང༌། ལུས་འགྱུར་བ་དང༌། སེམས་འགྱུར་བ་དང༌། མི་རྟག་པ་ཉིད་ཀྱིས་འགྱུར་བའོ། །འདོད་པ་རྣམས་ལ་ཆོས་མཐུན་པ་རྣམ་པ་ལྔས་ནགས་ཚལ་གྱི་མིང་དུ་རིག་པར་བྱ་སྟེ། མང་བ་ཉིད་དུ་ཆོས་མཐུན་པ་དང༌། སྣ་ཚོགས་ཉིད་དུ་ཆོས་མཐུན་པ་དང༌། སེམས་ཅན་ཉེ་བར་འཚོ་བ་ཉིད་དུ་ཆོས་མཐུན་པ་དང༌། གནས་ཉིད་དུ་ཆོས་མཐུན་པ་དང༌། འཕེལ་འགྲིབ་ཅན་ཉིད་དུ་ཆོས་མཐུན་པས་སོ། །

sems can gyi ris bcu ni dud 'gro dang/ bud med dang/ 'dod pa la longs spyod pa rnams dang/ bya ba don du gnyer ba rnams dang/ rab tu byung ba rnams dang/ thos pas 'tsho ba rnams dang/ rtogs par byed pa rnams dang/ rtog ge ba rnams dang/ dka' thub drag po pa rnams dang/ lus gtong bar byed pa rnams te/ de dag gi 'dod pa dang sdug pa dang yid du 'ong ba'i chos ni tshe dang kha dog dang longs spyod dang/ mdza' bshes dang/ tshul khrims dang/ thos pa dang/ tshangs par spyod pa dang/ shes rab dang/ chos dang/ mtho ris te bcu po de dag go /dam pa'i chos nyan pa'i nye ba'i nyon mongs pa'i skyon ni drug po 'di dag yin te/ nga rgyal gyi skyon dang/ 'dun pa med pa'i skyon dang/ ma dad pa'i skyon dang/ lus dang sems la gnod pa'i skyon dang/ rnam par g.yeng ba'i skyon dang/ rnam par 'phrul pa'i skyon no/ /de dag gis ni gus par byas shing chos nyan par mi byed/ bla mar byas shing chos nyan par mi byed de/ rgyas par mdo las ji skad gsungs pa bzhin no/ /de la nye ba'i nyon mongs pa rnam par g.yeng ba'i skyon rnam pa gnyis te/ smra ba'i tshe na rnam par g.yeng ba dang/ smras nas rnam par g.yeng ba'o/ /rnam par 'phrul pa'i skyon ni phyin ci log gang yin pa'o/ /las kyi kun nas nyon mongs pa kun nas slong ba ni rnam pa gsum ste/ mtshungs par ldan pas kun nas slong ba dang/ skyed pas kun nas slong ba dang/ bdag pos kun nas slong ba ste/ nyon mongs pa gzhan drangs nas kun nas slong bar byed pa nyid kyi phyir ro/ /mi 'dod pa ni drug po 'di dag yin te/ dgra dang/ nad dang/ yul mi dga' ba dang/ skye ba la sogs pa'i sdug bsngal dang/ sman tsha ba dang/ goms par ma byas pa'i dge ba'o/ /de dag las bzhi ni yongs su spang bar bya ba yin no/ /gnyis ni bsten par bya ba yin no/ /'dod pa'i longs spyod ni rnam pa lnga ste/ so sor myong bar bya ba'i longs spyod dang / yongs su srel na dga' ba'i longs spyod dang/ rnam par rtog pa'i longs spyod dang/ gzhan las thob pa'i longs spyod dang/ legs par ma zin pa'i longs spyod do/ /'dod pa'i skyon ni rnam pa brgyad do/ /ro myong ba chung ba dang/ sdug bsngal mang ba dang/ nyes dmigs mang ba dang/ gzhan gyi gnod pa byas pa las gyur pa'i sdug bsngal gyi rgyu yin pa dang/ kun nas nyon mongs pa can gyis longs spyod pa'i rgyu yin pa dang/ ngan song ba'i sdug bsngal gyi rgyu yin pa dang/ rnam par rtog pa dang kun du 'khrug pa'i sdug bsngal gyi rgyu yin pa dang/ longs spyod yongs su zad pa'i rgyu yin pa dang/ gnas su gzhag pa yongs su zad pa'i rgyu yin pa dang/ dge ba'i bar du gcod pa'i rgyu yin pa'o/ /'dod pa'i gzhi las 'gyur ba rnam pa drug ste/ gzhan gyi gnod pas 'gyur ba dang/ khams ma snyoms par 'gyur ba dang / sems can sdug pa 'gyur ba dang/ lus 'gyur ba dang/ sems 'gyur ba dang/ mi rtag pa nyid kyis 'gyur ba'o/ /'dod pa rnams la chos mthun pa rnam pa lngas nags tshal gyi ming du rig par bya ste/ mang ba nyid du chos mthun pa dang/ sna tshogs nyid du chos mthun pa dang/ sems can nye bar 'tsho ba nyid du chos mthun pa dang/ gnas nyid du chos mthun pa dang/ 'phel 'grib can nyid du chos mthun pas so/ /

【B3 總結】

རྟོག་པ་དང་བཅས་ཤིང་དཔྱོད་པ་དང་བཅས་པ་ལ་སོགས་པའི་ས་གསུམ་གྱི་རྣམ་པར་གཏན་ལ་དབབ་པ་རྫོགས་ཏེ། དེ་ལ་ཡང་ལ་ལར་རྣམ་པར་གཏན་ལ་དབབ་པའི་གཞུང་ནི་མི་སྣང་ངོ༌།། །།

rtog pa dang bcas shing dpyod pa dang bcas pa la sogs pa'i sa gsum gyi rnam par gtan la dbab pa rdzogs te/ de la yang la lar rnam par gtan la dbab pa'i gzhung ni mi snang ngo// //

【A6 三摩呬多地】【B1 結前生後】

མཉམ་པར་གཞག་པའི་སའི་དབང་དུ་བྱས་ནས་རྣམ་པར་གཏན་ལ་དབབ་པ་ནི། གང་ཟག་གང་དག་གི་སེམས་ཀྱི་རྒྱུད་ཉེ་བའི་ཉོན་མོངས་པའི་རྣམ་པ་དུ་མས་ཉེ་བར་ཉོན་མོངས་པར་གྱུར་པ་དེ་དག་ནི་ལེགས་པ་ཁོ་ནར་སེམས་རྩེ་གཅིག་པ་ཉིད་ལ་རེག་པར་འགྱུར་བའི་སྐལ་བ་མེད་པ་ཡིན་ནོ། །

mnyam par gzhag pa'i sa'i dbang du byas nas rnam par gtan la dbab pa ni/ gang zag gang dag gi sems kyi rgyud nye ba'i nyon mongs pa'i rnam pa du mas nye bar nyon mongs par gyur pa de dag ni legs pa kho nar sems rtse gcig pa nyid la reg par 'gyur ba'i skal ba med pa yin no/ /

【B2 正抉擇(五節)】【C1 以十一門雜決擇】【D1 三摩呬多地障】【E1 列標隨煩惱有十八】

ཉེ་བའི་ཉོན་མོངས་པ་རྣམ་པ་དུ་མ་དག་གང་ཞེ་ན། གཡོ་དང་ལྡན་པ་དང༌། སྒུ་དང་ལྡན་པ་དང༌། གྱ་གྱུ་དང་ལྡན་པ་དང༌། གཅོམ་སྒྱུ་དང་ལྡན་པ་དང༌། ངོ་ཚ་མེད་པ་དང༌། ཁྲེལ་མེད་པ་དང༌། མ་དད་པ་དང༌། ལེ་ལོ་ཅན་དང༌། བརྗེད་ངས་པ་དང༌། མཉམ་པར་མ་བཞག་པ་དང༌། ཤེས་རབ་འཆལ་པ་དང༌། ལྷོད་པ་དང༌། མང་པོ་པ་དང༌། བླང་བར་བྱ་ལ་ཐོག་མར་འགྲོ་བ་དང༌། རབ་ཏུ་དབེན་པ་ལ་བརྩོན་པ་བཏང་བ་དང༌། བསླབ་པ་དག་ལ་ཤས་ཆེར་གུས་པ་མེད་པ་དང༌། དགེ་སྦྱོང་གི་ཚུལ་ལ་མི་ལྟ་བ་དང༌། འཚོ་བའི་བསམ་པས་རབ་ཏུ་བྱུང་ལ་མྱ་ངན་ལས་འདའ་བའི་བསམ་པས་མ་ཡིན་པ་དག་གོ། །

nye ba'i nyon mongs pa rnam pa du ma dag gang zhe na/ g.yo dang ldan pa dang/ sgu dang ldan pa dang/ gya gyu dang ldan pa dang/ gcom sgyu dang ldan pa dang/ ngo tsha med pa dang/ khrel med pa dang/ ma dad pa dang/ le lo can dang/ brjed ngas pa dang/ mnyam par ma bzhag pa dang/ shes rab 'chal pa dang/ lhod pa dang/ mang po pa dang/ blang bar bya la thog mar 'gro ba dang/ rab tu dben pa la brtson pa btang ba dang/ bslab pa dag la shas cher gus pa med pa dang/ dge sbyong gi tshul la mi lta ba dang/ 'tsho ba'i bsam pas rab tu byung la mya ngan las 'da' ba'i bsam pas ma yin pa dag go/ /

【E2 一一別釋】【F1 諂】

དེ་ལ་ཇི་ལྟར་ན་གཡོ་དང་ལྡན་པ་ཡིན་ཞེ་ན། བདག་ཉིད་སྐྱོན་དང་ལྡན་ཡང་སྟོན་པའི་སྤྱན་སྔའམ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་དྲུང་དུ་ཡང་དག་པ་ཇི་ལྟ་བ་བཞིན་དུ་རྗོད་པར་མི་བྱེད་པ་ཡིན་ནོ། །

de la ji ltar na g.yo dang ldan pa yin zhe na/ bdag nyid skyon dang ldan yang ston pa'i spyan snga'am/ tshangs pa mtshungs par spyod pa mkhas pa rnams kyi drung du yang dag pa ji lta ba bzhin du rjod par mi byed pa yin no/ /

【F2 誑】

ཇི་ལྟར་ན་སྒྱུ་དང་ལྡན་པ་ཡིན་ཞེ་ན། དེ་ཅི་ནས་ཀྱང་བདག་ཉིད་ཡོན་ཏན་དང་མི་ལྡན་ཡང་ཡོན་ཏན་དང་ལྡན་པར་ཚངས་པ་མཚུངས་པར་སྤྱོད་པ་མཁས་པ་རྣམས་ཡིད་ཆེས་པ་དང༌། ངེས་པར་རྟོགས་པར་བྱ་བའི་ཕྱིར། བདག་ཉིད་ཀྱི་ཡོན་ཏན་ཡང་དག་པ་མ་ཡིན་པ་དག་ཉེ་བར་སྟོན་པར་བྱེད་པ་ཡིན་ནོ། །

ji ltar na sgyu dang ldan pa yin zhe na/ de ci nas kyang bdag nyid yon tan dang mi ldan yang yon tan dang ldan par tshangs pa mtshungs par spyod pa mkhas pa rnams yid ches pa dang/ nges par rtogs par bya ba'i phyir/ bdag nyid kyi yon tan yang dag pa ma yin pa dag nye bar ston par byed pa yin no/ /

【F3 矯】

ཇི་ལྟར་ན་གྱ་གྱུ་དང་ལྡན་པ་ཡིན་ཞེ་ན། ལྷག་པའི་ཚུལ་ཁྲིམས་ལས་ཚུལ་ཁྲིམས་ཉམས་པའམ། སྤྱོད་པ་ལས་སྤྱོད་པ་ཉམས་པ་ལ་མཐོང་བ་དང་ཐོས་པ་དང༌། དོགས་པས་གླེངས་པ་ན། གཏམ་རླུང་སྐུར་བར་བྱེད་ཅིང་གཏན་གཞན་དུ་སྒྱུར་བར་བྱེད་པ་སྟེ། རྒྱས་པར་འདི་ལྟ་སྟེ། མདོ་ལས་སྒྱུ་དང་གཡོ་ཉིད་ཀྱི་དབང་དུ་མཛད་ནས་ཇི་སྐད་གསུངས་པ་ལྟ་བུའོ། །

ji ltar na gya gyu dang ldan pa yin zhe na/ lhag pa'i tshul khrims las tshul khrims nyams pa'am/ spyod pa las spyod pa nyams pa la mthong ba dang thos pa dang/ dogs pas glengs pa na/ gtam rlung skur bar byed cing gtan gzhan du sgyur bar byed pa ste/ rgyas par 'di lta ste/ mdo las sgyu dang g.yo nyid kyi dbang du mdzad nas ji skad gsungs pa lta bu'o/ /

【F4 詐】

ཇི་ལྟར་ན་གཅོམ་སྒྱུ་དང་ལྡན་པ་ཡིན་ཞེ་ན། འཇིགས་པའམ། ངོ་བྱ་བའམ། ཟང་ཟིང་ཅུང་ཟད་ཙམ་གྱི་ཕྱིར་གཞན་དག་གི་ཉེས་པ་ཆེན་པོ་རྗོད་པར་མི་བྱེད་གླེང་བར་མི་བྱེད་ཅིང༌། བསམ་པ་ཐག་པ་ནས་ནི་མ་ཡིན་པ་དང༌། ཚངས་པ་མཚུངས་པར་སྤྱོད་པ་མཁས་པ་རྣམས་ལ་བཅོས་མའི་རྗེས་དང་གུས་པ་དང༌། ལུས་དང་ངག་གི་ལས་འཇམ་པོས་ཀུན་དུ་སྤྱོད་པ་ཡིན་ནོ། །

ji ltar na gcom sgyu dang ldan pa yin zhe na/ 'jigs pa'am/ ngo bya ba'am/ zang zing cung zad tsam gyi phyir gzhan dag gi nyes pa chen po rjod par mi byed gleng bar mi byed cing/ bsam pa thag pa nas ni ma yin pa dang/ tshangs pa mtshungs par spyod pa mkhas pa rnams la bcos ma'i rjes dang gus pa dang/ lus dang ngag gi las 'jam pos kun du spyod pa yin no/ /

【F5-6 無慚、無愧】

ཇི་ལྟར་ན་ངོ་ཚ་མེད་པ་དང༌། ཁྲེལ་མེད་པ་ཡིན་ཞེ་ན། བདག་ཉིད་དམ་གཞན་དག་ལ་བརྟེན་ཏེ། ངོ་ཚ་མེད་པས་བསམས་བཞིན་དུ་ཉེས་པ་བྱེད་པ་དང༌། ཉེས་པ་བྱུང་ན་ཡང་ཆོས་བཞིན་དུ་ཕྱིར་མི་བྱེད་པ་དང༌། འཐབ་ཀྲོལ་བྱེད་པ་དང༌། མཚང་འདྲུ་བར་བྱེད་པ་དང༌། རྩོད་པར་བྱེད་པ་དང༌། འགྱེད་པར་བྱེད་པ་ཡིན་ནོ། །

ji ltar na ngo tsha med pa dang/ khrel med pa yin zhe na/ bdag nyid dam gzhan dag la brten te/ ngo tsha med pas bsams bzhin du nyes pa byed pa dang/ nyes pa byung na yang chos bzhin du phyir mi byed pa dang/ 'thab krol byed pa dang/ mtshang 'dru bar byed pa dang/ rtsod par byed pa dang/ 'gyed par byed pa yin no/ /

【F7 不信】

ཇི་ལྟར་ན་མ་དད་པ་ཡིན་ཞེ་ན། སངས་རྒྱས་དང་ཆོས་དང༌། དགེ་འདུན་དག་ལ་དད་པའི་སེམས་མེད་པ་དང༌། སྡུག་བསྔལ་དང༌། ཀུན་འབྱུང་བ་དང་འགོག་པ་དང༌། ལམ་དག་ལ་ཡང་ཡིད་མི་ཆེས་པར་གྱུར་པ་ཡིན་ནོ། །

ji ltar na ma dad pa yin zhe na/ sangs rgyas dang chos dang/ dge 'dun dag la dad pa'i sems med pa dang/ sdug bsngal dang/ kun 'byung ba dang 'gog pa dang/ lam dag la yang yid mi ches par gyur pa yin no/ /

【F8 懈怠】

ཇི་ལྟར་ན་ལེ་ལོ་ཅན་ཡིན་ཞེ་ན། དགེ་བའི་ཕྱོགས་སྤངས་ཏེ། གཉིད་ཀྱི་བདེ་བ་དང༌། གློས་འབེབས་པའི་བདེ་བ་དང༌། ཉལ་བའི་བདེ་བ་ཉམས་སུ་ལེན་པས་ཉིན་མཚན་ཤས་ཆེར་ཡོལ་བར་བྱེད་པ་ཡིན་ནོ། །

ji ltar na le lo can yin zhe na/ dge ba'i phyogs spangs te/ gnyid kyi bde ba dang/ glos 'bebs pa'i bde ba dang/ nyal ba'i bde ba nyams su len pas nyin mtshan shas cher yol bar byed pa yin no/ /

【F9 忘念】

ཇི་ལྟར་ན་བརྗེད་ངས་པ་ཡིན་ཞེ་ན། བྱས་ནས་ཡུན་རིང་དུ་ལོན་པ་དང༌།

ji ltar na brjed ngas pa yin zhe na/ byas nas yun ring du lon pa dang/

【F10 不定】

སྨྲས་ནས་ཡུན་རིང་དུ་ལོན་པ་ཡང་རྗེས་སུ་མི་དན་ལ། རྗེས་སུ་དྲན་པར་བྱེད་ཀྱང་མི་ནུས་པ་དང༌། དབང་པོ་རྣམས་ཀྱི་སྒོ་མ་བསྡོམས་པ་དང༌། ཤེས་བཞིན་དུ་མི་གནས་པ་ཡིན་ནོ། །

smras nas yun ring du lon pa yang rjes su mi dan la/ rjes su dran par byed kyang mi nus pa dang/ dbang po rnams kyi sgo ma bsdoms pa dang/ shes bzhin du mi gnas pa yin no/ /

【F11 惡慧】

ཇི་ལྟར་ན་མཉམ་པར་མ་བཞག་པ་ཡིན་ཞེ་ན། ཐ་ན་མཉམ་པར་བཞག་པའི་ས་པའི་ཡིད་ལ་བྱེད་པ་ཙམ་ཡང་མ་ཐོབ་པ་ཡིན་ནོ། ཇི་ལྟར་ན་ཤེས་རབ་འཆལ་པ་ཡིན་ཞེ་ན། རང་གི་ལྟ་བ་མཆོག་ཏུ་འཛིན་ཅིང་གནས་པ་དང༌། མི་མཐུན་པར་འཛིན་པ་དང་། སྨྲ་བ་འདོར་དཀའ་བ་ཡིན་ནོ། །

ji ltar na mnyam par ma bzhag pa yin zhe na/ tha na mnyam par bzhag pa'i sa pa'i yid la byed pa tsam yang ma thob pa yin no/ ji ltar na shes rab 'chal pa yin zhe na/ rang gi lta ba mchog tu 'dzin cing gnas pa dang/ mi mthun par 'dzin pa dang / smra ba 'dor dka' ba yin no/ /

【F12 慢緩】

ཇི་ལྟར་ན་ལྷོད་པ་ཡིན་ཞེ་ན། མི་མཁས་པ་དང༌། མི་གྲིམས་པ་དང༌། སྒྲུབ་མི་མོད་པ་དང༌། ཚངས་པ་མཚུངས་པར་སྤྱོད་པ་མཁས་པ་རྣམས་ལ་ལུས་ཀྱི་ཞལ་ཏ་མི་བྱེད་པ་ཡིན་ནོ། །

ji ltar na lhod pa yin zhe na/ mi mkhas pa dang/ mi grims pa dang/ sgrub mi mod pa dang/ tshangs pa mtshungs par spyod pa mkhas pa rnams la lus kyi zhal ta mi byed pa yin no/ /

【F13 猥雜】

ཇི་ལྟར་ན་མང་པོ་ཡོད་པ་ཡིན་ཞེ་ན། ཇི་ལྟར་གནས་པ་དང་། རབ་ཏུ་བྱུང་བ་རྣམས་དང་འདྲེས་པར་གནས་པ་དང༌། འདོད་པའི་རྣམ་པར་རྟོག་པ་ལ་སོགས་པ་དང༌། སྡིག་པ་མི་དགེ་བའི་རྣམ་པར་རྟོག་པ་དག་ནས། ཁྱིམ་གྱི་འབྱོར་པ་དང་ལྡན་པའི་རྣམ་པར་རྟོག་པའི་བར་དག་ལ་ལན་མང་དུ་རྗེས་སུ་རྟོག་ཅིང་རྗེས་སུ་དཔྱད་པར་བྱེད་པ་ཡིན་ནོ། །

ji ltar na mang po yod pa yin zhe na/ ji ltar gnas pa dang / rab tu byung ba rnams dang 'dres par gnas pa dang/ 'dod pa'i rnam par rtog pa la sogs pa dang/ sdig pa mi dge ba'i rnam par rtog pa dag nas/ khyim gyi 'byor pa dang ldan pa'i rnam par rtog pa'i bar dag la lan mang du rjes su rtog cing rjes su dpyad par byed pa yin no/ /

【F14 趣向前行】

ཇི་ལྟར་ན་བླང་བར་བྱ་བ་ལ་ཐོག་མར་འགྲོ་བ་ཡིན་ཞེ་ན། དགེ་འདུན་གྱིའམ་གང་ཟག་གི་རྙེད་པ་བླང་བ་འདི་ལྟ་སྟེ། ཆོས་གོས་ལ་སོགས་པ་དང༌། དགེ་འདུན་ནམ་གང་ཟག་མགྲོན་དུ་འབོད་པ་ནི་བླང་བར་བྱ་ཞེས་བྱ་སྟེ། དེར་དགེ་སློང་རྣམས་ཀྱི་ཐོག་མར་འགྲོ་བ་ཡིན་ནོ། །

ji ltar na blang bar bya ba la thog mar 'gro ba yin zhe na/ dge 'dun gyi'am gang zag gi rnyed pa blang ba 'di lta ste/ chos gos la sogs pa dang/ dge 'dun nam gang zag mgron du 'bod pa ni blang bar bya zhes bya ste/ der dge slong rnams kyi thog mar 'gro ba yin no/ /

【F15 捨遠離軛】

ཇི་ལྟར་ན་རབ་ཏུ་དབེན་པ་ལ་བརྩོན་པ་བཏང་བ་ཡིན་ཞེ་ན། བས་མཐའི་གནས་མལ་དབེན་པ། སྐྱེ་བོ་སྡིག་པ་ཅན་མེད་པ། མི་རྣམས་ཀྱིས་གསང་སྟེ་བསྟེན་པ་ནང་དུ་ཡང་དག་འཇོག་དང་རྗེས་སུ་མཐུན་པ་གང་དག་ཡིན་པ་དེ་དག་ཐག་རིང་དུ་སྤོང་བར་བྱེད་ཅིང་དེ་ལ་འདུན་པ་ཙམ་ཡང་སྐྱེད་པར་མི་བྱེད་པ་ཡིན་ནོ། །

ji ltar na rab tu dben pa la brtson pa btang ba yin zhe na/ bas mtha'i gnas mal dben pa/ skye bo sdig pa can med pa/ mi rnams kyis gsang ste bsten pa nang du yang dag 'jog dang rjes su mthun pa gang dag yin pa de dag thag ring du spong bar byed cing de la 'dun pa tsam yang skyed par mi byed pa yin no/ /

【F16 於所學處不甚恭敬】

ཇི་ལྟར་ན་བསླབ་པ་དག་ལ་གུས་པ་ཤས་ཆེན་པོ་མེད་པ་ཡིན་ཞེ་ན། ཕོངས་པར་གྱུར་པའི་ཚེ་བསླབ་པ་རྣམས་ཡོངས་སུ་གཏོང་བར་བྱེད་ལ། ལུས་དང་སྲོག་ཡོངས་སུ་གཏོང་བར་ནི་མི་བྱེད་ཅིང༌། ལུས་ཀྱི་བདེ་བ་དང་སྲོག་ཆེད་ཆེ་བ་དོན་དུ་གཉེར་ལ། བསླབ་པའི་གཞི་རྣམས་རྗེས་སུ་བསྲུང་བ་ནི་དོན་དུ་གཉེར་བར་མི་བྱེད་པ་ཡིན་ནོ། །

ji ltar na bslab pa dag la gus pa shas chen po med pa yin zhe na/ phongs par gyur pa'i tshe bslab pa rnams yongs su gtong bar byed la/ lus dang srog yongs su gtong bar ni mi byed cing/ lus kyi bde ba dang srog ched che ba don du gnyer la/ bslab pa'i gzhi rnams rjes su bsrung ba ni don du gnyer bar mi byed pa yin no/ /

【F17 不顧沙門】

ཇི་ལྟར་ན་དགེ་སྦྱོང་གི་ཚུལ་ལ་མི་ལྟ་བ་ཡིན་ཞེ་ན། བསླབ་པ་རྣམས་ཕུལ་ནས་ཉམས་པར་བྱ་བའི་ཕྱིར་འདུག་པར་འདོད་ཅིང༌། ཚུལ་ཁྲིམས་འཆལ་པ་དང༌། སྡིག་པའི་ཆོས་ཅན་དང༌། ནང་རུལ་པ་ནས་རྒྱས་པར་ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་བའི་བར་ཡིན་ཏེ། དགེ་སྦྱོང་གི་འབྲས་བུ་རྣམས་སམ། འཕགས་པའི་ལམ་ཡན་ལག་བརྒྱད་པ་དོན་དུ་གཉེར་བར་ལྟ་ག་ལ་འགྱུར་བ་ཡིན་ནོ། །

ji ltar na dge sbyong gi tshul la mi lta ba yin zhe na/ bslab pa rnams phul nas nyams par bya ba'i phyir 'dug par 'dod cing/ tshul khrims 'chal pa dang/ sdig pa'i chos can dang/ nang rul pa nas rgyas par tshangs par spyod pa ma yin par tshangs par spyod par khas 'che ba'i bar yin te/ dge sbyong gi 'bras bu rnams sam/ 'phags pa'i lam yan lag brgyad pa don du gnyer bar lta ga la 'gyur ba yin no/ /

【F18 唯悕活命不為涅槃而求出家】

ཇི་ལྟར་ན་འཚོ་བའི་བསམ་པས་རབ་ཏུ་བྱུང་ལ། མྱ་ངན་ལས་འདའ་བའི་བསམ་པས་མ་ཡིན་ཞེ་ན། རྒྱལ་པོས་གཙེས་པས་རབ་ཏུ་བྱུང་བའམ། ཆོམ་རྐུན་པས་གཙེས་པའམ། བུ་ལོན་གྱིས་ཉམ་ཐག་པའམ། འཇིགས་པས་ཉམ་ཐག་པའི་ལོངས་སྤྱོད་རྣམས་ཉམས་པ་ན་འཚོ་བ་མེད་པས་འཇིགས་ཤིང་སྐྲག་པས་རབ་ཏུ་བྱུང་བ་ཡིན་གྱི། བདག་ཉིད་དུལ་བར་བྱ་བའི་ཕྱིར་མ་ཡིན། བདག་ཉིད་ཞི་བར་བྱ་བའི་ཕྱིར་མ་ཡིན། བདག་ཉིད་ཡོངས་སུ་མྱ་ངན་ལས་འདའ་བར་བྱ་བའི་ཕྱིར་མ་ཡིན་པའོ། །

ji ltar na 'tsho ba'i bsam pas rab tu byung la/ mya ngan las 'da' ba'i bsam pas ma yin zhe na/ rgyal pos gtses pas rab tu byung ba'am/ chom rkun pas gtses pa'am/ bu lon gyis nyam thag pa'am/ 'jigs pas nyam thag pa'i longs spyod rnams nyams pa na 'tsho ba med pas 'jigs shing skrag pas rab tu byung ba yin gyi/ bdag nyid dul bar bya ba'i phyir ma yin/ bdag nyid zhi bar bya ba'i phyir ma yin/ bdag nyid yongs su mya ngan las 'da' bar bya ba'i phyir ma yin pa'o/ /

【E3 辨其所依】

དེ་ལ་ཉེ་བའི་ཉོན་མོངས་པ་དང་པོ་བཞི་ནི་ཚངས་པ་མཚུངས་པར་སྤྱོད་པ་རྣམས་དང་ལྷན་ཅིག་འགྲོགས་པ་རྒུད་པ་ལས་བརྩམས་ནས་རྣམ་པར་གཞག་པར་བལྟ་བར་བྱའོ། །ངོ་ཚ་མེད་པ་དང༌། ཁྲེལ་མེད་པ་ནི་ལྷག་པའི་ཚུལ་ཁྲིམས་རྒུད་པ་ལས་བརྩམས་ནས་བལྟ་བར་བྱའོ། །མ་དད་པ་ལ་སོགས་པ་ཤེས་རབ་འཆལ་པའི་མཐར་ཐུག་པའི་བར་གྱི་ཉེ་བའི་ཉོན་མོངས་པ་རྣམས་ནི་ལྷག་པའི་སེམས་དང༌། ལྷག་པའི་ཤེས་རབ་རྒུད་པ་ལས་བརྩམས་ནས་བལྟ་བར་བྱ་སྟེ། དེ་ལ་མ་དད་པ་དང་ལེ་ལོ་དང་ལྡན་པ་ནི་གཉི་ག་རྒུད་པ་ལས་བརྩམས་པ་ཡིན་ནོ། །བརྗེད་ངས་པ་དང༌། རྣམ་པར་གཡེང་བ་ནི་ལྷག་པའི་སེམས་རྒུད་པ་འབའ་ཞིག་ལས་བརྩམས་པ་ཡིན་ནོ། །ཤེས་རབ་འཆལ་པ་ནི་ལྷག་པའི་ཤེས་རབ་རྒུད་པ་འབའ་ཞིག་ལས་བརྩམས་པ་ཡིན་ནོ། །དེ་ལ་མ་དད་པ་དང་ལེ་ལོ་དང་ལྡན་པའི་དབང་དུ་བྱས་ནས། ལྷོད་པ་དང་མང་པོ་པ་དང༌། བླང་བར་བྱ་བ་ལ་ཐོག་མར་འགྲོ་བ་དང༌། རབ་ཏུ་དབེན་པ་ལ་བརྩོན་པ་བཏང་བ་རྣམས་བལྟ་བར་བྱའོ། །བརྗེད་ངས་པ་དང༌། སེམས་རྣམ་པར་གཡེངས་པ་དང༌། ཤེས་རབ་འཆལ་པའི་དབང་དུ་བྱས་ནས་བསླབ་པ་དག་ལ་ཤས་ཆེར་གུས་པ་མེད་པ་དང༌། དགེ་སྦྱོང་གི་ཚུལ་ལ་མི་ལྟ་བ་དང་འཚོ་བའི་བསམ་པས་རབ་ཏུ་བྱུང་ལ་མྱ་ངན་ལས་འདའ་བའི་བསམ་པས་མ་ཡིན་པར་བལྟ་བར་བྱའོ། །

de la nye ba'i nyon mongs pa dang po bzhi ni tshangs pa mtshungs par spyod pa rnams dang lhan cig 'grogs pa rgud pa las brtsams nas rnam par gzhag par blta bar bya'o/ /ngo tsha med pa dang/ khrel med pa ni lhag pa'i tshul khrims rgud pa las brtsams nas blta bar bya'o/ /ma dad pa la sogs pa shes rab 'chal pa'i mthar thug pa'i bar gyi nye ba'i nyon mongs pa rnams ni lhag pa'i sems dang/ lhag pa'i shes rab rgud pa las brtsams nas blta bar bya ste/ de la ma dad pa dang le lo dang ldan pa ni gnyi ga rgud pa las brtsams pa yin no/ /brjed ngas pa dang/ rnam par g.yeng ba ni lhag pa'i sems rgud pa 'ba' zhig las brtsams pa yin no/ /shes rab 'chal pa ni lhag pa'i shes rab rgud pa 'ba' zhig las brtsams pa yin no/ /de la ma dad pa dang le lo dang ldan pa'i dbang du byas nas/ lhod pa dang mang po pa dang/ blang bar bya ba la thog mar 'gro ba dang/ rab tu dben pa la brtson pa btang ba rnams blta bar bya'o/ /brjed ngas pa dang/ sems rnam par g.yengs pa dang/ shes rab 'chal pa'i dbang du byas nas bslab pa dag la shas cher gus pa med pa dang/ dge sbyong gi tshul la mi lta ba dang 'tsho ba'i bsam pas rab tu byung la mya ngan las 'da' ba'i bsam pas ma yin par blta bar bya'o/ /

【D2 明三種人依三處引隨煩惱】【E1 總說】

གང་ཟག་གསུམ་གྱི་ཉེ་བའི་ཉོན་མོངས་པ་ནི་གནས་གསུམ་ལས་བྱུང་བ་ཡིན་པར་རིག་པར་བྱ་སྟེ། གང་ཟག་གསུམ་གང་ཞེ་ན། ཆོས་འདི་པ་རབ་ཏུ་བྱུང་བ་དང༌། འདོད་པ་ལ་ལོངས་སྤྱོད་པ་ཁྱིམ་ན་གནས་པ་དང༌། འདི་ལས་ཕྱི་རོལ་པ་རབ་ཏུ་བྱུང་བའོ། །

gang zag gsum gyi nye ba'i nyon mongs pa ni gnas gsum las byung ba yin par rig par bya ste/ gang zag gsum gang zhe na/ chos 'di pa rab tu byung ba dang/ 'dod pa la longs spyod pa khyim na gnas pa dang/ 'di las phyi rol pa rab tu byung ba'o/ /

【E2 別釋】【F1 第一種依放逸處】

དེ་དག་གི་ཉེ་བའི་ཉོན་མོངས་པ་གནས་གསུམ་ལས་བྱུང་བ་གང་ཞེ་ན། གང་ཟག་དང་པོའི་ཉེ་བའི་ཉོན་མོངས་པ་ནི་བག་མེད་པ་ལས་བྱུང་བ་ཡིན་ཏེ། དེ་ཡང་རྣམ་པ་གཉིས་ཏེ། ཆོས་གོས་ལ་སོགས་པ་རྙེད་པ་དང་བཀུར་སྟི་འདོད་པའི་ཕྱིར་བདག་ཉིད་ལས་བརྩམས་ནས། བདག་ཉིད་ཀྱི་ཡང་དག་པ་མ་ཡིན་པ་རྗོད་པར་བྱེད་དེ། མིའི་ཆོས་བླ་མ་སྨྲ་བར་བྱེད་པ་དང༌། གཞན་ལས་བརྩམས་ནས་ཚངས་པ་མཚུངས་པར་སྤྱོད་པ་མཁས་པ་རྣམས་ལ་ལུས་དང་ངག་གིས་རྣམ་པར་གནོན་པར་བྱེད། རྣམ་པར་འཚེ་བར་བྱེད། ཐོ་འཚམས་པར་བྱེད། བསྟིང་བར་བྱེད་པའོ། །

de dag gi nye ba'i nyon mongs pa gnas gsum las byung ba gang zhe na/ gang zag dang po'i nye ba'i nyon mongs pa ni bag med pa las byung ba yin te/ de yang rnam pa gnyis te/ chos gos la sogs pa rnyed pa dang bkur sti 'dod pa'i phyir bdag nyid las brtsams nas/ bdag nyid kyi yang dag pa ma yin pa rjod par byed de/ mi'i chos bla ma smra bar byed pa dang/ gzhan las brtsams nas tshangs pa mtshungs par spyod pa mkhas pa rnams la lus dang ngag gis rnam par gnon par byed/ rnam par 'tshe bar byed/ tho 'tshams par byed/ bsting bar byed pa'o/ /

【F2 第二種依耽欲處】

གང་ཟག་གཉིས་པའི་ཉེ་བའི་ཉོན་མོངས་པ་ནི་འདོད་པ་ལ་ལྷག་པར་ཞེན་པ་ལས་བྱུང་པ་ཡིན་ཏེ། འདི་ལྟ་སྟེ། འདོད་པ་ལས་ལྷག་པར་ཞེན་པའི་རྒྱུས་འདོད་པ་ལ་ལོངས་སྤྱོད་པ་ནི་ལུས་ཀྱིས་ཀྱང་ཉེས་པར་སྤྱོད་པ་ཀུན་དུ་སྤྱོད་ལ། ངག་དང་ཡིད་ཀྱིས་ཀྱང་ཉེས་པར་སྤྱོད་པ་ཀུན་དུ་སྤྱོད་པའོ། །

gang zag gnyis pa'i nye ba'i nyon mongs pa ni 'dod pa la lhag par zhen pa las byung pa yin te/ 'di lta ste/ 'dod pa las lhag par zhen pa'i rgyus 'dod pa la longs spyod pa ni lus kyis kyang nyes par spyod pa kun du spyod la/ ngag dang yid kyis kyang nyes par spyod pa kun du spyod pa'o/ /

【F3 第三種依邪行處】【G1 總說】

གང་ཟག་གསུམ་པའི་ཉེ་བའི་ཉོན་མོངས་པ་ནི་ལོག་པར་སྒྲུབ་པ་ལས་བྱུང་བ་ཡིན་པར་བལྟ་བར་བྱ་སྟེ། དེ་ཡང་མདོར་བསྡུ་ན་རྣམ་པ་གསུམ་སྟེ། རབ་ཏུ་དབེན་པ་དང་ལྡན་པ་དང༌། འདུ་འཛི་དང་ལྡན་པ་དང༌། བསླབ་དང་ལྡན་པའོ། །

gang zag gsum pa'i nye ba'i nyon mongs pa ni log par sgrub pa las byung ba yin par blta bar bya ste/ de yang mdor bsdu na rnam pa gsum ste/ rab tu dben pa dang ldan pa dang/ 'du 'dzi dang ldan pa dang/ bslab dang ldan pa'o/ /

【G2 別釋】【H1 隨逐遠離起隨煩惱】

དེ་ལ་རབ་ཏུ་དབེན་པ་དང་ལྡན་པ་གང་ཞེ་ན། འདི་ལས་ཕྱི་རོལ་པ་ནི་བས་མཐའི་གནས་མལ་དབེན་པར་སོང་བ་ན། སྒྲིབ་པ་ལྔ་པོ་དག་གིས་སེམས་བསྒྲིབས་པ་དང༌། ལུས་དང་སེམས་ཀྱི་སྡུག་བསྔལ་སོ་སོར་མྱོང་བས་སྡུག་བསྔལ་བར་གནས་པ་དང༌། དད་པ་ལ་སོགས་པ་དབང་པོ་ལྔ་དང་བྲལ་བས་ཉོན་མོངས་པའི་གཉེན་པོ་སྤངས་པ་ཡིན་ཏེ། དེ་ལྟར་ཉོན་མོངས་པ་ཅན་དུ་གནས་པ་དང༌། སྡུག་བསྔལ་བར་གནས་པ་དང༌། དེ་བསལ་བའི་གཉེན་པོ་མེད་པ་གང་ཡིན་པ་དེ་ནི་དེའི་ཉེ་བའི་ཉོན་མོངས་པ་རབ་ཏུ་དབེན་པ་དང་ལྡན་པ་ཞེས་བྱའོ། །

de la rab tu dben pa dang ldan pa gang zhe na/ 'di las phyi rol pa ni bas mtha'i gnas mal dben par song ba na/ sgrib pa lnga po dag gis sems bsgribs pa dang/ lus dang sems kyi sdug bsngal so sor myong bas sdug bsngal bar gnas pa dang/ dad pa la sogs pa dbang po lnga dang bral bas nyon mongs pa'i gnyen po spangs pa yin te/ de ltar nyon mongs pa can du gnas pa dang/ sdug bsngal bar gnas pa dang/ de bsal ba'i gnyen po med pa gang yin pa de ni de'i nye ba'i nyon mongs pa rab tu dben pa dang ldan pa zhes bya'o/ /

【H2 隨逐憒鬧起隨煩惱】

ཉེ་བའི་ཉོན་མོངས་པ་འདུ་འཛི་དང་ལྡན་པ་གང་ཞེ་ན། ཕན་ཚུན་ལྟ་བ་ལ་འདོད་པ་མི་མཐུན་པ་རྩོད་པས་རང་གི་ཕྱོགས་དང་གཞན་གྱི་ཕྱོགས་ལ་རྣམ་པར་གནས་པ་རྣམས་ཀྱི་ཁྲོ་བ་དང༌། ཁོན་དུ་འཛིན་པ་ནས། རྒྱས་པར་སྒྱུ་དང་གཡོའི་བར་གང་ཡིན་པ་དེ་ནི་དེའི་ཉེ་བའི་ཉོན་མོངས་པ་འདུ་འཛི་དང་ལྡན་པ་ཞེས་བྱའོ། །

nye ba'i nyon mongs pa 'du 'dzi dang ldan pa gang zhe na/ phan tshun lta ba la 'dod pa mi mthun pa rtsod pas rang gi phyogs dang gzhan gyi phyogs la rnam par gnas pa rnams kyi khro ba dang/ khon du 'dzin pa nas/ rgyas par sgyu dang g.yo'i bar gang yin pa de ni de'i nye ba'i nyon mongs pa 'du 'dzi dang ldan pa zhes bya'o/ /

【H3 隨逐學處起隨煩惱】

ཉེ་བའི་ཉོན་མོངས་པ་བསླབ་པ་དང་ལྡན་པ་གང་ཞེ་ན། བདག་དང་གཞན་ལས་བརྟེན་ཏེ་ཁ་ན་མ་ཐོ་བ་ཀུན་དུ་སྤྱོད་པས་ངོ་ཚ་མེད་པས་ཚུལ་ཁྲིམས་ཉམས་པ་དང་ཚུལ་ཁྲིམས་འདྲལ་བར་བྱེད་པའི་བར་གང་ཡིན་པ་དེ་ནི་ཉེ་བའི་ཉོན་མོངས་པ་ལྷག་པའི་ཚུལ་ཁྲིམས་དང་ལྡན་པ་ཞེ་བྱའོ། །འཇིག་རྟེན་པའི་སྙོམས་པར་འཇུག་པས་དམན་པ་བས་བདག་མཐོའོ་སྙམ་པ་དང༌། འདྲ་བ་བས་བདག་ཆེའོ་སྙམ་དུ་སེམས་ཁེངས་པ་གང་ཡིན་པ་དེ་ནི་དེའི་ཉེ་བའི་ཉོན་མོངས་པ་ལྷག་པའི་སེམས་ཀྱི་བསླབ་པ་དང་ལྡན་པ་ཞེས་བྱའོ། །དགེ་བའི་ཆོས་རྣམས་ལ་ཐོས་པ་ཉུང་བ་དང་ཡོངས་སུ་མི་སྤྱོད་པ་གང་ཡིན་པ་དེ་ནི། དེའི་ཉེ་བའི་ཉོན་མོངས་པ་ལྷག་པའི་ཤེས་རབ་ཀྱི་བསླབ་པ་དང་ལྡན་པ་ཞེས་བྱའོ། །དེ་དག་ཐམས་ཅད་གཅིག་ཏུ་བསྡུས་ན། ཆོས་མ་ཡིན་པ་སྤྱོད་པ་དང་། ཡ་ང་བར་སྤྱོད་པ་ཞེས་བྱ་སྟེ། མི་དགེ་བའི་དོན་གྱིས་ནི་ཆོས་མ་ཡིན་པ་སྤྱོད་པ་ཡིན་ལ། འབྲས་བུ་མི་འདོད་པའི་དོན་གྱིས་ནི། ཡ་ང་བར་སྤྱོད་པ་ཡིན་ནོ། །

nye ba'i nyon mongs pa bslab pa dang ldan pa gang zhe na/ bdag dang gzhan las brten te kha na ma tho ba kun du spyod pas ngo tsha med pas tshul khrims nyams pa dang tshul khrims 'dral bar byed pa'i bar gang yin pa de ni nye ba'i nyon mongs pa lhag pa'i tshul khrims dang ldan pa zhe bya'o/ /'jig rten pa'i snyoms par 'jug pas dman pa bas bdag mtho'o snyam pa dang/ 'dra ba bas bdag che'o snyam du sems khengs pa gang yin pa de ni de'i nye ba'i nyon mongs pa lhag pa'i sems kyi bslab pa dang ldan pa zhes bya'o/ /dge ba'i chos rnams la thos pa nyung ba dang yongs su mi spyod pa gang yin pa de ni/ de'i nye ba'i nyon mongs pa lhag pa'i shes rab kyi bslab pa dang ldan pa zhes bya'o/ /de dag thams cad gcig tu bsdus na/ chos ma yin pa spyod pa dang / ya nga bar spyod pa zhes bya ste/ mi dge ba'i don gyis ni chos ma yin pa spyod pa yin la/ 'bras bu mi 'dod pa'i don gyis ni/ ya nga bar spyod pa yin no/ /

【D3 明修十遍處有五勝利】

རྣལ་འབྱོར་པ་ཟད་པར་གྱི་སྐྱེ་མཆེད་བཅུ་བསྒོམ་པ་ནི་བྱ་བ་ལྔ་བྱེད་པ་ཡིན་ཏེ། ལྔ་གང་ཞེ་ན། ཟད་པར་ས་ལ་སོགས་པ་ནས་ཟད་པར་དཀར་པོའི་མཐར་ཐུག་པའི་བར་དག་གིས་ནི་སྤྲུལ་པ་དང་དངོས་པོ་བསྒྱུར་བ་འཕགས་པའི་རྫུ་འཕྲུལ་མངོན་པར་སྒྲུབ་པར་བྱེད། ཟད་པར་ནམ་མཁའ་ཡས་སྐྱེ་མཆེད་ཀྱིས་ནི་འོང་བ་དང་འགྲོ་བ་འཕགས་པའི་རྫུ་འཕྲུལ་མངོན་པར་སྒྲུབ་པར་བྱེད་དོ། །ཟད་པར་རྣམ་ཤེས་མཐའ་ཡས་སྐྱེ་མཆེད་ཀྱིས་ནི་ཉོན་མོངས་པ་མེད་པ་དང༌། སྨོན་ནས་ཤེས་པ་དང༌། སོ་སོ་ཡང་དག་པར་རིག་པ་ལ་སོགས་པའི་ཡོན་ཏན་མངོན་པར་སྒྲུབ་པར་བྱེད་དོ། །ཟད་པར་རྣམ་ཤེས་མཐའ་ཡས་སྐྱེ་མཆེད་གྲུབ་ན། ཅི་ཡང་མེད་པའི་སྐྱེ་མཆེད་ཀྱི་རྣམ་པར་ཐར་པ་དང༌། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་རྣམ་པར་ཐར་པ་འགྲུབ་པར་འགྱུར་རོ། །དེ་གྲུབ་པའི་རྒྱུས་གནས་པ་མཆོག་གིས་བསྡུས་པ་འདུ་ཤེས་དང༌། ཚོར་བ་འགོག་པའི་རྣམ་པར་ཐར་པ་ལ་སྙོམས་པར་འཇུག་པར་འགྱུར་རོ། །རྣམ་ཤེས་མཐའ་ཡས་སྐྱེ་མཆེད་ལས་ནི་ཁྱབ་པའི་རྣམ་པ་མཐའ་ཡས་པ་དང༌། ཚད་མེད་པ་མངོན་པར་འགྲུབ་པར་འགྱུར་བས་དེའི་ཕྱིར་གོང་དུ་ཟད་པར་རྣམ་པར་གཞག་པ་མེད་དོ། །ཟིལ་གྱིས་གནོན་པའི་སྐྱེ་མཆེད་རྣམས་དང༌། ཟད་པར་གྱི་སྐྱེ་མཆེད་རྣམས་ནི། རྣམ་པར་ཐར་པ་རྣམས་ཀྱི་རྣམ་པར་དག་པའི་ལམ་ཡིན་ནོ། །རྣམ་པར་ཐར་པ་རྣམས་ནི་ཤེས་བྱའི་སྒྲིབ་པ་ལས་རྣམ་པར་ཐར་པས་རབ་ཏུ་ཕྱེ་བ་ཡིན་ཏེ། ཤེས་བྱའི་སྒྲིབ་པ་ཅི་ཙམ་ལས་ཉན་ཐོས་དང༌། རང་སངས་རྒྱས་རྣམས་ཀྱི་སེམས་རྣམ་པར་གྲོལ་བར་འགྱུར་བ་ཡིན་ནོ། །

rnal 'byor pa zad par gyi skye mched bcu bsgom pa ni bya ba lnga byed pa yin te/ lnga gang zhe na/ zad par sa la sogs pa nas zad par dkar po'i mthar thug pa'i bar dag gis ni sprul pa dang dngos po bsgyur ba 'phags pa'i rdzu 'phrul mngon par sgrub par byed/ zad par nam mkha' yas skye mched kyis ni 'ong ba dang 'gro ba 'phags pa'i rdzu 'phrul mngon par sgrub par byed do/ /zad par rnam shes mtha' yas skye mched kyis ni nyon mongs pa med pa dang/ smon nas shes pa dang/ so so yang dag par rig pa la sogs pa'i yon tan mngon par sgrub par byed do/ /zad par rnam shes mtha' yas skye mched grub na/ ci yang med pa'i skye mched kyi rnam par thar pa dang/ 'du shes med 'du shes med min skye mched kyi rnam par thar pa 'grub par 'gyur ro/ /de grub pa'i rgyus gnas pa mchog gis bsdus pa 'du shes dang/ tshor ba 'gog pa'i rnam par thar pa la snyoms par 'jug par 'gyur ro/ /rnam shes mtha' yas skye mched las ni khyab pa'i rnam pa mtha' yas pa dang/ tshad med pa mngon par 'grub par 'gyur bas de'i phyir gong du zad par rnam par gzhag pa med do/ /zil gyis gnon pa'i skye mched rnams dang/ zad par gyi skye mched rnams ni/ rnam par thar pa rnams kyi rnam par dag pa'i lam yin no/ /rnam par thar pa rnams ni shes bya'i sgrib pa las rnam par thar pas rab tu phye ba yin te/ shes bya'i sgrib pa ci tsam las nyan thos dang/ rang sangs rgyas rnams kyi sems rnam par grol bar 'gyur ba yin no/ /

【D4 明愛味等至】【E1 明味定三相】

སྙོམས་པར་འཇུག་པར་བྱེད་པ་ནི་མདོར་བསྡུ་ན་རྒྱུ་གསུམ་གྱིས་སྙོམས་པར་འཇུག་པའི་རོ་མྱོང་བར་བྱེད་དེ། སྙོམས་པར་འཇུག་པ་ཐོབ་པ་ལས་ལངས་པ་ནི་གཙང་བ་དང༌། འདོད་པ་དང༌། སྡུག་པ་དང༌། དགའ་བ་དང་ཡིད་དུ་འོང་བ་ལས་ཡང་དག་པར་རྗེས་སུ་དྲན་པས་རོ་མྱོང་བར་བྱེད་དོ། །མ་ཐོབ་པའམ། ཐོབ་པ་མ་འོངས་པ་ལ་ནི་རོ་མྱོང་བ་ཉིད་ཀྱི་དབང་དུ་བྱས་ནས་དོན་དུ་གཉེར་བ་ནི་མངོན་པར་དགའ་བས་རོ་མྱོང་བར་བྱེད་དོ། །ཐོབ་པ་ནི་གཙང་བ་དང་འདོད་པ་དང་སྡུག་པ་དང་དགའ་བ་དང༌། ཡིད་དུ་འོང་བ་རྒྱ་ཆེར་ཀུན་དུ་སྤྱོད་པ་ལས་རོ་མྱོང་བར་བྱེད་དོ༑ །དེ་ལྟར་ན་གང་ལས་ལངས་པ་དེའི་རོ་མྱོང་བར་བྱེད་པ་དང༌། གང་ལ་སྙོམས་པར་ཞུགས་པ་དེ་ལ་རོ་མྱོང་བར་བྱེད་པ་ཡིན་ཏེ། རོ་མྱོང་བ་ཞེས་བྱ་བ་ནི་དེ་ལ་ཀུན་དུ་ཆགས་ཤིང་ལྷག་པར་ཞེན་པ་གང་ཡིན་པའོ། །

snyoms par 'jug par byed pa ni mdor bsdu na rgyu gsum gyis snyoms par 'jug pa'i ro myong bar byed de/ snyoms par 'jug pa thob pa las langs pa ni gtsang ba dang/ 'dod pa dang/ sdug pa dang/ dga' ba dang yid du 'ong ba las yang dag par rjes su dran pas ro myong bar byed do/ /ma thob pa'am/ thob pa ma 'ongs pa la ni ro myong ba nyid kyi dbang du byas nas don du gnyer ba ni mngon par dga' bas ro myong bar byed do/ /thob pa ni gtsang ba dang 'dod pa dang sdug pa dang dga' ba dang/ yid du 'ong ba rgya cher kun du spyod pa las ro myong bar byed do| /de ltar na gang las langs pa de'i ro myong bar byed pa dang/ gang la snyoms par zhugs pa de la ro myong bar byed pa yin te/ ro myong ba zhes bya ba ni de la kun du chags shing lhag par zhen pa gang yin pa'o/ /

【E2 明上下地法起通局】

ས་འོག་མ་པའི་ཆོས་རྣམས་ནི་གོང་མར་སྐྱེས་པ་ལ་ཀུན་དུ་མི་འབྱུང་བར་རིག་པར་བྱའོ། །ས་གོང་མ་པའི་ཆོས་རྣམས་ནི་འོག་མར་སྐྱེས་པ་འདོད་ཆགས་དང་བྲལ་བ་ལ་ཀུན་དུ་འབྱུང་ངོ༌། །འོག་མར་སྐྱེས་པ་འདོད་ཆགས་དང་མ་བྲལ་བ་སེམས་མཉམ་པར་མ་བཞག་པ་ནི་གོང་མ་ལ་སྲེད་པ་སྐྱེད་པར་བྱེད་དེ། སྲེད་པ་དེ་ཡང་འདོད་པ་ན་སྤྱོད་པ་ཡིན་པར་བརྗོད་པར་བྱའོ། །དེ་ཡང་ཉོན་མོངས་པ་ཅན་ཡང་ཡོད། ཉོན་མོངས་པ་ཅན་མ་ཡིན་པ་ཡང་ཡོད་དེ། ཉོན་མོངས་པ་ཅན་གང་ཞེ་ན། གལ་ཏེ་འདི་སྙམ་དུ་ཀྱེ་མ་བདག་ནི་བདེ་བ་རྒྱ་ཆེན་པོ་དེ་ལྟ་བུ་དང་ལྡན་པའི་སྙོམས་པར་འཇུག་པ་ལ་སྙོམས་པར་འཇུག་པར་བྱ་ཞིང༌། བདག་གིས་དེ་ལ་འདི་ལྟར་རོ་མྱང་བར་ཡང་བྱའོ་སྙམ་པ་དང༌། གོང་མར་སྐྱེས་ན་ནི་རྟག་པ་དང་བརྟན་པ་དང་ཐེར་ཟུག་ཏུ་ཡང་འགྱུར་རོ་སྙམ་པ་དེ་ལྟ་བུའི་སེམས་སྐྱེད་པར་བྱེད་པའི་སྲེད་པ་ནི་ཉོན་མོངས་པ་ཅན་ཡིན་པར་བརྗོད་པར་བྱའོ། །གལ་ཏེ་འདོད་ཆགས་དང་བྲལ་བའི་བསམ་པ་ཁོ་ནས་སེམས་སྐྱེད་པར་བྱེད་ཅིང༌། ཞི་བ་དང་ཁྱད་པར་དུ་འཕགས་པའི་ས་གོང་མ་སྒྲུབ་པར་བྱེད་པའི་སྲེད་པ་དེ་ནི། ཉོན་མོངས་པ་ཅན་མ་ཡིན་པར་བརྗོད་པར་བྱའོ། །

sa 'og ma pa'i chos rnams ni gong mar skyes pa la kun du mi 'byung bar rig par bya'o/ /sa gong ma pa'i chos rnams ni 'og mar skyes pa 'dod chags dang bral ba la kun du 'byung ngo/ /'og mar skyes pa 'dod chags dang ma bral ba sems mnyam par ma bzhag pa ni gong ma la sred pa skyed par byed de/ sred pa de yang 'dod pa na spyod pa yin par brjod par bya'o/ /de yang nyon mongs pa can yang yod/ nyon mongs pa can ma yin pa yang yod de/ nyon mongs pa can gang zhe na/ gal te 'di snyam du kye ma bdag ni bde ba rgya chen po de lta bu dang ldan pa'i snyoms par 'jug pa la snyoms par 'jug par bya zhing/ bdag gis de la 'di ltar ro myang bar yang bya'o snyam pa dang/ gong mar skyes na ni rtag pa dang brtan pa dang ther zug tu yang 'gyur ro snyam pa de lta bu'i sems skyed par byed pa'i sred pa ni nyon mongs pa can yin par brjod par bya'o/ /gal te 'dod chags dang bral ba'i bsam pa kho nas sems skyed par byed cing/ zhi ba dang khyad par du 'phags pa'i sa gong ma sgrub par byed pa'i sred pa de ni/ nyon mongs pa can ma yin par brjod par bya'o/ /

【D5 明三種斷法】

ཆོས་རྣམས་ཀྱི་སྤོང་བ་ནི་རྣམ་པ་གསུམ་སྟེ། གཉེན་པོས་སྤོང་བ་དང༌། ཀུན་དུ་སྤྱོད་པས་སྤོང་བ་དང༌། འདོར་བས་སྤོང་བའོ༑ །དེ་ལ་སྤོང་བ་དང་པོ་ནི་ཉོན་མོངས་པའི་གཞིས་རབ་ཏུ་ཕྱེ་བ་ཡིན་ནོ། །སྤོང་བ་གཉིས་པ་ནི་འདུ་བྱེད་སྐྱེ་ནས་འགག་པས་རབ་ཏུ་ཕྱེ་བ་ཡིན་ནོ། །སྤོང་བ་གསུམ་པ་ནི་གོང་མར་སྐྱེས་པ་དང་ཕུང་པོའི་ལྷག་མ་མེད་པར་ཡོངས་སུ་མྱ་ངན་ལས་འདའ་བར་བྱེད་པའི་འདུ་བྱེད་ས་འོག་མ་པ་འདུ་བྱེད་ཐམས་ཅད་ཡོངས་སུ་གཏོང་བས་རབ་ཏུ་ཕྱེ་བ་ཡིན་ནོ། །

chos rnams kyi spong ba ni rnam pa gsum ste/ gnyen pos spong ba dang/ kun du spyod pas spong ba dang/ 'dor bas spong ba'o| /de la spong ba dang po ni nyon mongs pa'i gzhis rab tu phye ba yin no/ /spong ba gnyis pa ni 'du byed skye nas 'gag pas rab tu phye ba yin no/ /spong ba gsum pa ni gong mar skyes pa dang phung po'i lhag ma med par yongs su mya ngan las 'da' bar byed pa'i 'du byed sa 'og ma pa 'du byed thams cad yongs su gtong bas rab tu phye ba yin no/ /

【D6 明三退】

ཡོངས་སུ་ཉམས་པ་ནི་གསུམ་པོ་འདི་དག་ཡིན་ཏེ་མ་ཐོབ་པའི་ཆོས་ལས་ཡོངས་སུ་ཉམས་པ་དང༌། ཐོབ་པའི་ཆོས་ལས་ཡོངས་སུ་ཉམས་པ་དང༌། ཀུན་དུ་བསྟེན་པས་ཡོངས་སུ་ཉམས་པའོ། །

yongs su nyams pa ni gsum po 'di dag yin te ma thob pa'i chos las yongs su nyams pa dang/ thob pa'i chos las yongs su nyams pa dang/ kun du bsten pas yongs su nyams pa'o/ /

【D7 明近分定四道】【E1 明四道境】

འཇིག་རྟེན་པའི་སྙོམས་པར་འཇུག་པ་རྣམས་ཀྱི་ཉེར་བསྡོགས་དག་ལ་སྦྱོར་བ་དང༌། བར་ཆད་མེད་པ་དང༌། རྣམ་པར་གྲོལ་བའི་ལམ་གང་དག་ཡིན་པ་དེ་དག་ནི། གང་སྤང་བ་དང༌། གང་རྟོགས་པར་བྱ་བའི་ཕྱིར་རབ་ཏུ་སྦྱོར་ཞིང་དེ་དག་ལ་སྐྱོན་དང་ཞི་བར་དམིགས་ཏེ། འོག་མ་ལ་ནི་སྐྱོན་དུའོ། །གོང་མ་ལ་ནི་ཞི་བར་རོ༑ །ཁྱད་པར་གྱི་ལམ་གང་དག་ཡིན་པ་དེ་དག་ནི་ཁྱབ་པ་ལ་དམིགས་པ་ཡང་ཡིན་ལ། ཟག་པ་མེད་པ་ལ་དམིགས་པ་ཡང་ཡིན་པར་བལྟ་བར་བྱའོ། །

'jig rten pa'i snyoms par 'jug pa rnams kyi nyer bsdogs dag la sbyor ba dang/ bar chad med pa dang/ rnam par grol ba'i lam gang dag yin pa de dag ni/ gang spang ba dang/ gang rtogs par bya ba'i phyir rab tu sbyor zhing de dag la skyon dang zhi bar dmigs te/ 'og ma la ni skyon du'o/ /gong ma la ni zhi bar ro| /khyad par gyi lam gang dag yin pa de dag ni khyab pa la dmigs pa yang yin la/ zag pa med pa la dmigs pa yang yin par blta bar bya'o/ /

【E2 明與七作意相攝】

ཉེར་བསྡོགས་ཀྱིས་བསྡུས་པའི་ཡིད་ལ་བྱེད་པ་དྲུག་པོ་མཚན་ཉིད་སོ་སོར་རིག་པ་ལ་སོགས་པ་ནས། སྦྱོར་བ་མཐར་ཐུག་པའི་བར་གང་དག་ཡིན་པ་དེ་དག་ལས་མཚན་ཉིད་སོ་སོར་རིག་པ་དང༌། མོས་པ་ཡིད་ལ་བྱེད་པ་ནི་སྦྱོར་བའི་ལམ་གྱིས་བསྡུས་པ་ཡིན་ནོ། །རབ་ཏུ་དབེན་པ་དང༌། སྦྱོར་བ་མཐར་ཐུག་པ་གཉིས་ནི་བར་ཆད་མེད་པའི་ལམ་གྱིས་བསྡུས་པ་ཡིན་ནོ། །དགའ་བ་སྡུད་པ་ནི་ལམ་རྣམ་པ་བཞི་ཆར་གྱིས་བསྡུས་པ་ཡིན་ནོ། །དཔྱོད་པའི་ཡིད་ལ་བྱེད་པ་ནི་ཁྱད་པར་གྱི་ལམ་གྱིས་བསྡུས་པ་ཁོ་ན་ཡིན་ནོ། །

nyer bsdogs kyis bsdus pa'i yid la byed pa drug po mtshan nyid so sor rig pa la sogs pa nas/ sbyor ba mthar thug pa'i bar gang dag yin pa de dag las mtshan nyid so sor rig pa dang/ mos pa yid la byed pa ni sbyor ba'i lam gyis bsdus pa yin no/ /rab tu dben pa dang/ sbyor ba mthar thug pa gnyis ni bar chad med pa'i lam gyis bsdus pa yin no/ /dga' ba sdud pa ni lam rnam pa bzhi char gyis bsdus pa yin no/ /dpyod pa'i yid la byed pa ni khyad par gyi lam gyis bsdus pa kho na yin no/ /

【D8 靜慮境界不可思議】

ཅིའི་ཕྱིར་བསམ་གཏན་རྣམས་ཀྱི་བསམ་གཏན་པའི་ཡུལ་བསམ་གྱིས་མི་ཁྱབ་ཅེས་བྱ་ཞེ་ན། བསམ་གཏན་པ་རྣམས་ཀྱིས་གང་དང་གང་ཇི་ལྟར་མངོན་པར་འདུ་བྱེད་པ་དེ་དང་དེ་བཞིན་དུ་འགྱུར་གྱི། གཞན་དུ་མ་ཡིན་པ་དེ་ལྟར་སེམས་དེ་ཡོངས་སུ་སྦྱང་བར་བྱས་པས། དེའི་མཐུ་དེ་འདྲ་སྟེ། དེ་ནི་ཆོས་ཉིད་ཡིན་པས་དེའི་ཕྱིར་དེ་ནི་རྟོག་གེའི་ལམ་གྱིས་བསམ་གྱིས་མི་ཁྱབ་པ་ཞེས་བྱའོ། །

ci'i phyir bsam gtan rnams kyi bsam gtan pa'i yul bsam gyis mi khyab ces bya zhe na/ bsam gtan pa rnams kyis gang dang gang ji ltar mngon par 'du byed pa de dang de bzhin du 'gyur gyi/ gzhan du ma yin pa de ltar sems de yongs su sbyang bar byas pas/ de'i mthu de 'dra ste/ de ni chos nyid yin pas de'i phyir de ni rtog ge'i lam gyis bsam gyis mi khyab pa zhes bya'o/ /

【D9 明三種修定互相障礙】

གཉིས་ཀ་ཡང་དབང་ཐོབ་པའི་བསམ་གཏན་པ་གཉིས་ཀྱིས་དངོས་པོ་བསྒྱུར་པའི་རྫུ་འཕྲུལ་གྱིས་དངོས་པོ་གཅིག་ལ་མོས་པ་བྱས་མ་ཐག་ཏུ་གཉི་གའི་རྫུ་འཕྲུལ་ཐོགས་པར་འགྱུར་ལ། རྫུ་འཕྲུལ་ཆེས་ཆེ་བ་གཞན་ཞིག་གིས་ཟིལ་གྱིས་མནན་པ་ཡང་མ་ཡིན་པ་ལས་དེའི་འོག་ཏུ་དངོས་པོ་དེ་ཉིད་ལ་གཅིག་གི་རྫུ་འཕྲུལ་ནི་ཇི་ལྟར་འདོད་པ་བཞིན་དུ་བསྒྱུར་བ་ལ་ཐོགས་པ་མེད་པར་འཇུག་ལ། ཅིག་ཤོས་ཀྱི་ནི་ཐོགས་པར་འགྱུར་བ་དེ་ལ་རྒྱུ་ཅི་ཡོད་པར་རིག་པར་བྱ་ཞེ་ན། གཉི་ག་ཡང་མྱུར་བར་འདྲ་བ་དང༌། སྟོབས་འདྲ་བ་དང༌། མཐུ་འདྲ་བ་དང་རྫུ་འཕྲུལ་མངོན་པར་འདུ་བྱ་བ་དུས་གཅིག་ཏུ་བསྐྱེད་པར་འདྲ་མོད་ཀྱི། མི་འདྲ་བ་མངོན་པར་འདུ་བྱེད་པ་ཡིན་ཏེ། རྫུ་འཕྲུལ་མི་འདྲ་བ་མངོན་པར་འདུ་བྱེད་པ་དེས་ནི་དེ་གཉིས་ཀྱི་རྫུ་འཕྲུལ་གཅིག་ལ་གཅིག་ཐོགས་པར་གྱུར་ཏོ། །དེ་ནས་གཅིག་འདི་སྙམ་དུ་སེམས་ཏེ། ཅིའི་ཕྱིར་བདག་གི་རྫུ་འཕྲུལ་ཐོགས་པར་གྱུར། མ་ལ་བདག་ཉིད་ཏིང་ངེ་འཛིན་ལས་ཡོངས་སུ་ཉམས་པའམ༑ གཅིག་ཏུ་མ་གྱུར་གྲང་སྙམ་དུ་སེམས་ཤིང༌། དེ་ལྟར་བསམ་གཏན་པ་གཅིག་གཞན་ཡིད་ལ་བྱེད་ཅིང་འདུག་གི །ཅིག་ཤོས་ཀྱིས་ནི་ཡིད་བྲེལ་བ་མེད་པར་ཡང་དང་ཡང་དུ་རྫུ་འཕྲུལ་མངོན་པར་འདུ་བྱ་བ་དེ་ཉིད་བྱས་པས་ན། དེའི་རྫུ་འཕྲུལ་མངོན་པར་འདུ་བྱ་བ་དེ་ནི་ཐོགས་བ་མེད་པར་འཇུག་གོ། །མཐུ་མི་མཉམ་པ་གཉིས་ཀྱིས་ནི་གང་ཁྱད་པར་དུ་འཕགས་པ་དེའི་འགྲུབ་པར་འགྱུར་རོ༑ །མཐུ་མཉམ་པ་གཉིས་ཀྱི་ཡང་གང་གིས་སྔར་མོས་པར་བྱས་པ་དེའི་འགྲུབ་པར་འགྱུར་གྱི། ཅིག་ཤོས་ཀྱིས་ནི་མ་ཡིན་ནོ། །

gnyis ka yang dbang thob pa'i bsam gtan pa gnyis kyis dngos po bsgyur pa'i rdzu 'phrul gyis dngos po gcig la mos pa byas ma thag tu gnyi ga'i rdzu 'phrul thogs par 'gyur la/ rdzu 'phrul ches che ba gzhan zhig gis zil gyis mnan pa yang ma yin pa las de'i 'og tu dngos po de nyid la gcig gi rdzu 'phrul ni ji ltar 'dod pa bzhin du bsgyur ba la thogs pa med par 'jug la/ cig shos kyi ni thogs par 'gyur ba de la rgyu ci yod par rig par bya zhe na/ gnyi ga yang myur bar 'dra ba dang/ stobs 'dra ba dang/ mthu 'dra ba dang rdzu 'phrul mngon par 'du bya ba dus gcig tu bskyed par 'dra mod kyi/ mi 'dra ba mngon par 'du byed pa yin te/ rdzu 'phrul mi 'dra ba mngon par 'du byed pa des ni de gnyis kyi rdzu 'phrul gcig la gcig thogs par gyur to/ /de nas gcig 'di snyam du sems te/ ci'i phyir bdag gi rdzu 'phrul thogs par gyur/ ma la bdag nyid ting nge 'dzin las yongs su nyams pa'am| gcig tu ma gyur grang snyam du sems shing/ de ltar bsam gtan pa gcig gzhan yid la byed cing 'dug gi /cig shos kyis ni yid brel ba med par yang dang yang du rdzu 'phrul mngon par 'du bya ba de nyid byas pas na/ de'i rdzu 'phrul mngon par 'du bya ba de ni thogs ba med par 'jug go/ /mthu mi mnyam pa gnyis kyis ni gang khyad par du 'phags pa de'i 'grub par 'gyur ro| /mthu mnyam pa gnyis kyi yang gang gis sngar mos par byas pa de'i 'grub par 'gyur gyi/ cig shos kyis ni ma yin no/ /

【D10 四種修靜慮】

བསམ་གཏན་པ་ནི་བཞི་པོ་འདི་དག་ཡིན་ཏེ། ཉེར་བསྡོགས་ཀྱི་བསམ་གཏན་པ་དང༌། ཉོན་མོངས་པ་ཅན་གྱི་ཏིང་ངེ་འཛིན་གྱི་བསམ་གཏན་པ་དང༌། དག་པ་འཇིག་རྟེན་པའི་བསམ་གཏན་གྱི་བསམ་གཏན་པ་དང༌། འཇིག་རྟེན་ལས་འདས་པའི་བསམ་གཏན་གྱི་བསམ་གཏན་པའོ། །དེ་ལ་དང་པོ་ནི་ཡིད་ལ་བྱེད་པ་དྲུག་པོ་མཚན་ཉིད་སོ་སོར་རིག་པ་ལ་སོགས་པ་ནས། སྦྱོར་བ་མཐར་ཐུག་པའི་བར་དག་ལ་ཞུགས་པ་ཡིན་པར་བལྟ་བར་བྱའོ། །གཉིས་པ་ནི་སྲེད་པའི་ཤས་ཆེ་བའི་བསམ་གཏན་པ་ནས། ཐེ་ཚོམ་ཤས་ཆེ་བའི་བསམ་གཏན་པའི་བར་དག་ཡིན་པར་བལྟ་བར་བྱའོ། །གསུམ་པ་ནི་འཇིག་རྟེན་པའི་བསམ་གཏན་ལ་དེ་ལས་གཞན་པའི་དགེ་བ་འདི་ལྟ་སྟེ༑ ཚེ་འདི་ལ་བདེ་བར་གནས་པ་དང༌། ཚད་མེད་པ་ཡིད་ལ་བྱེད་པ་དང༌། འཇིག་རྟེན་པའི་ཡོན་ཏན་མངོན་པར་བསྒྲུབ་པ་དང༌། མངོན་པར་བསྒྲུབ་པ་དག་གིས་རྣམ་པར་རྩེ་བ་དང་ངེས་པར་འབྱེད་པའི་ཆ་དང་མཐུན་པས་ཡོངས་སུ་ཟིན་པའི་ཚེ་ན་ཡིན་པར་བལྟ་བར་བྱའོ། །བསམ་གཏན་བཞི་པ་ནི་རྣམ་པར་ཐར་པའི་སྒོ་སྟོང་པ་ཉིད་དང༌། སྨོན་པ་མེད་པ་དང་མཚན་མ་མེད་པ་ཡིན་པས་རབ་ཏུ་ཕྱེ་བ་ཡིན་པར་རིག་པར་བྱའོ། །

bsam gtan pa ni bzhi po 'di dag yin te/ nyer bsdogs kyi bsam gtan pa dang/ nyon mongs pa can gyi ting nge 'dzin gyi bsam gtan pa dang/ dag pa 'jig rten pa'i bsam gtan gyi bsam gtan pa dang/ 'jig rten las 'das pa'i bsam gtan gyi bsam gtan pa'o/ /de la dang po ni yid la byed pa drug po mtshan nyid so sor rig pa la sogs pa nas/ sbyor ba mthar thug pa'i bar dag la zhugs pa yin par blta bar bya'o/ /gnyis pa ni sred pa'i shas che ba'i bsam gtan pa nas/ the tshom shas che ba'i bsam gtan pa'i bar dag yin par blta bar bya'o/ /gsum pa ni 'jig rten pa'i bsam gtan la de las gzhan pa'i dge ba 'di lta ste| tshe 'di la bde bar gnas pa dang/ tshad med pa yid la byed pa dang/ 'jig rten pa'i yon tan mngon par bsgrub pa dang/ mngon par bsgrub pa dag gis rnam par rtse ba dang nges par 'byed pa'i cha dang mthun pas yongs su zin pa'i tshe na yin par blta bar bya'o/ /bsam gtan bzhi pa ni rnam par thar pa'i sgo stong pa nyid dang/ smon pa med pa dang mtshan ma med pa yin pas rab tu phye ba yin par rig par bya'o/ /

【D11 分別二定】

འདུ་ཤེས་མེད་པའི་སྙོམས་པར་འཇུག་པ་ནི་གཅིག་ཏུ་ཟད་པ་དང་བཅས་པར་བརྗོད་པར་བྱའོ། །འགོག་པའི་སྙོམས་པར་འཇུག་པ་ནི་ཟག་པ་མེད་པར་བརྗོད་པར་བྱ་སྟེ། ཉོན་མོངས་པ་དང་བྲལ་བའི་ཕྱིར་དང༌། མཚུངས་པར་ལྡན་པ་མ་ཡིན་པའི་ཕྱིར་དང༌། དམིགས་པ་མེད་པའི་ཕྱིར་དང༌། ཉོན་མོངས་པ་རྣམས་ཀྱིས་མ་བསྐྱེད་པའི་ཕྱིར་རོ། །འཇིག་རྟེན་ལས་འདས་པ་ནི་ས་མཐོན་པོར་ཆུད་པའི་བྱང་ཆུབ་སེམས་དཔའ་རྣམས་མ་གཏོགས་པར་སོ་སོའི་སྐྱེ་བོ་ཐམས་ཅད་ཀྱིས་སྤྱད་པ་མ་ཡིན་པའི་ཕྱིར་རོ། །བྱང་ཆུབ་སེམས་དཔའ་རྣམས་ནི་འཇིག་རྟེན་ལས་འདས་པའི་ཆོས་རྣམས་མངོན་དུ་བྱེད་ཀྱང་ཐབས་ལ་མཁས་པས་བྱེད་ཀྱི། ཉོན་མོངས་པ་སྤོང་བར་ནི་མི་བྱེད་དོ། །སློབ་པ་ཡང་མ་ཡིན་མི་སློབ་པ་ཡང་མ་ཡིན་པར་བརྗོད་པར་བྱ་བ་ནི་རྒྱུ་བ་མེད་པ་དང༌། མྱ་ངན་ལས་འདས་པ་དང་འདྲ་བའི་ཕྱིར་རོ།། །།

'du shes med pa'i snyoms par 'jug pa ni gcig tu zad pa dang bcas par brjod par bya'o/ /'gog pa'i snyoms par 'jug pa ni zag pa med par brjod par bya ste/ nyon mongs pa dang bral ba'i phyir dang/ mtshungs par ldan pa ma yin pa'i phyir dang/ dmigs pa med pa'i phyir dang/ nyon mongs pa rnams kyis ma bskyed pa'i phyir ro/ /'jig rten las 'das pa ni sa mthon por chud pa'i byang chub sems dpa' rnams ma gtogs par so so'i skye bo thams cad kyis spyad pa ma yin pa'i phyir ro/ /byang chub sems dpa' rnams ni 'jig rten las 'das pa'i chos rnams mngon du byed kyang thabs la mkhas pas byed kyi/ nyon mongs pa spong bar ni mi byed do/ /slob pa yang ma yin mi slob pa yang ma yin par brjod par bya ba ni rgyu ba med pa dang/ mya ngan las 'das pa dang 'dra ba'i phyir ro// //

【C2 引四經解釋】【D1 隨身念經】【E1 標所釋之經】

བམ་པོ་བཅུ་དགུ་པ། ལུས་སུ་གཏོགས་པའི་དྲན་པའི་མདོ་རྣམ་པར་བཤད་པ་ལས།

bam po bcu dgu pa/ lus su gtogs pa'i dran pa'i mdo rnam par bshad pa las/

【E2 正釋經文】【F1 舉所治煩惱】

དགེ་སློང་སེམས་རྣམ་པར་དག་པར་བྱ་བའི་ཕྱིར་ཞུགས་པའི་ཉེ་བའི་ཉོན་མོངས་པ་ནི་བཞི་སྟེ། ལྟུང་བ་དང༌། རྣམ་པར་རྟོག་པ་དང༌། ལུས་ལ་མངོན་པར་ཞེན་པ་དང༌། ཡུལ་ལ་མངོན་པར་ཞེན་པའོ། །ལྟུང་བ་ནི་འགྱོད་པའི་སྒོ་ནས་ཏིང་ངེ་འཛིན་གྱི་བར་ཆད་བྱེད་དོ། །རྣམ་པར་རྟོག་པ་ནི་སྒོ་གསུམ་ནས་ཏེ། དགོད་པ་དང་རྩེ་བ་ལས་བརྩམས་ནས་ཡུལ་འདས་པ་རྗེས་སུ་དྲན་པས་རྣམ་པར་གཡེང་བའི་སྒོ་དང༌། ཉེས་པར་མཐོང་བ་དང༌། ཉེས་པར་ཐོས་པ་དང༌། ཉེས་པར་སྨྲས་པ་དང༌། ཉེས་པར་སྤྱད་པའི་ཐོས་པ་དང༌། སེམས་ཙམ་ལ་མངོན་པར་དགའ་བས་རྣམ་པར་གཡེང་བའི་སྒོ་དང༌། སྔོན་གོམས་པའི་སྟོབས་བསྐྱེད་པའི་རྣམ་པར་གཡེང་བའི་སྒོ་ནས་སོ། །ལུས་ལ་མངོན་པར་ཞེན་པ་ནི་འཁོར་བས་མི་སྐྱོ་བའི་སྒོ་ནས་སོ། །ཡུལ་ལ་མངོན་པར་ཞེན་པ་ནི་ཡུལ་མ་འོངས་པ་ལ་མངོན་པར་དགའ་བའི་སྒོ་ནས་སོ། །

dge slong sems rnam par dag par bya ba'i phyir zhugs pa'i nye ba'i nyon mongs pa ni bzhi ste/ ltung ba dang/ rnam par rtog pa dang/ lus la mngon par zhen pa dang/ yul la mngon par zhen pa'o/ /ltung ba ni 'gyod pa'i sgo nas ting nge 'dzin gyi bar chad byed do/ /rnam par rtog pa ni sgo gsum nas te/ dgod pa dang rtse ba las brtsams nas yul 'das pa rjes su dran pas rnam par g.yeng ba'i sgo dang/ nyes par mthong ba dang/ nyes par thos pa dang/ nyes par smras pa dang/ nyes par spyad pa'i thos pa dang/ sems tsam la mngon par dga' bas rnam par g.yeng ba'i sgo dang/ sngon goms pa'i stobs bskyed pa'i rnam par g.yeng ba'i sgo nas so/ /lus la mngon par zhen pa ni 'khor bas mi skyo ba'i sgo nas so/ /yul la mngon par zhen pa ni yul ma 'ongs pa la mngon par dga' ba'i sgo nas so/ /

【F2 明能治】【G1 釋】【H1 辨不定地清淨】

དེ་ལ་ཉེ་བའི་ཉོན་མོངས་པ་དང་པོའི་གཉེན་པོར་ནི་ཡིད་ལ་བྱེད་པ་གཅིག་བསྒོམ་པར་བྱ་སྟེ། ཤེས་བཞིན་ཡིད་ལ་བྱེད་པའོ། །གཉིས་པའི་གཉེན་པོར་ནི་ཡིད་ལ་བྱེད་པ་གསུམ་བསྒོམ་པར་བྱ་སྟེ། དེ་དང་རྗེས་སུ་མཐུན་པའི་དམིགས་པ་ཡིད་ལ་བྱེད་པ་དང༌། དེའི་མཚན་མ་རྟོགས་པས་དེའི་གཉེན་པོའི་རྣམ་པར་རྟོག་པ་ཡིད་ལ་བྱེད་པ་དང༌། དེའི་གནས་དང་སེམས་གདུང་བ་ཡིད་ལ་བྱེད་པའོ། །གསུམ་པའི་གཉེན་པོར་ནི་རིལ་པོ་རབ་ཏུ་དབྱེ་བ་ཡིད་ལ་བྱེད་པའོ། །བཞི་པའི་གཉེན་པོར་ནི་མི་སྡུག་པ་ཡིད་ལ་བྱེད་པའོ། །ཡིད་ལ་བྱེད་པ་དང་པོ་ཀུན་དུ་བསྟེན་ཅིང་གོམས་པར་བྱས་པ་ལན་མང་དུ་བྱས་ན་བརྗེད་ངས་པ་སྤོང་བར་འགྱུར་རོ། །གཉིས་པས་ནི་ལུས་དང་ཡུལ་ལ་མངོན་པར་ཞེན་པ་སད་པར་བྱེད་པ་སྤོང་བར་འགྱུར་རོ། །གསུམ་པས་ནི་ཉེས་པར་མཐོང་བ་ལ་སོགས་པ་ནི་རྣམ་པར་གཡེང་བ་སྤོང་བར་འགྱུར་རོ། །བཞི་པས་ནི་སྔོན་གོམས་པའི་སྟོབས་བསྐྱེད་པའི་རྣམ་པར་གཡེང་བས་སྤོང་བར་འགྱུར་རོ། །ལྔ་པས་ནི་ལུས་ལ་སྡུག་པ་དང་སེམས་ཅན་དུ་འདུ་ཤེས་པ་སྤོང་བར་འགྱུར་རོ། །དྲུག་པས་ནི་འདོད་ཆགས་རྣམ་པ་བཞི་པོ་ཁ་དོག་དང༌། རེག་པ་དང༌། དབྱིབས་དང༌། ཉེ་བར་སྤྱོད་པའི་འདོད་ཆགས་རྣམས་སྤོང་བར་འགྱུར་ཏེ།

de la nye ba'i nyon mongs pa dang po'i gnyen por ni yid la byed pa gcig bsgom par bya ste/ shes bzhin yid la byed pa'o/ /gnyis pa'i gnyen por ni yid la byed pa gsum bsgom par bya ste/ de dang rjes su mthun pa'i dmigs pa yid la byed pa dang/ de'i mtshan ma rtogs pas de'i gnyen po'i rnam par rtog pa yid la byed pa dang/ de'i gnas dang sems gdung ba yid la byed pa'o/ /gsum pa'i gnyen por ni ril po rab tu dbye ba yid la byed pa'o/ /bzhi pa'i gnyen por ni mi sdug pa yid la byed pa'o/ /yid la byed pa dang po kun du bsten cing goms par byas pa lan mang du byas na brjed ngas pa spong bar 'gyur ro/ /gnyis pas ni lus dang yul la mngon par zhen pa sad par byed pa spong bar 'gyur ro/ /gsum pas ni nyes par mthong ba la sogs pa ni rnam par g.yeng ba spong bar 'gyur ro/ /bzhi pas ni sngon goms pa'i stobs bskyed pa'i rnam par g.yeng bas spong bar 'gyur ro/ /lnga pas ni lus la sdug pa dang sems can du 'du shes pa spong bar 'gyur ro/ /drug pas ni 'dod chags rnam pa bzhi po kha dog dang/ reg pa dang/ dbyibs dang/ nye bar spyod pa'i 'dod chags rnams spong bar 'gyur te/

【H2 辨定地清淨】

དེ་ལྟར་ཡིད་ལ་བྱེད་པ་བསྒོམ་པ་དེ་དག་ལ་བརྟེན་ན། ཉེ་བའི་ཉོན་མོངས་པ་དེ་དག་སྤོང་བར་འགྱུར་ཞིང༌། ཉེར་བསྡོགས་དང༌། དངོས་གཞི་དང་བཅས་པའི་ཏིང་ངེ་འཛིན་ཐོབ་པ་དང༌། དགའ་བ་དང་བཅས་པ་དང༌། དགའ་བ་མེད་ཅིང་བདེ་བ་ལ་མངོན་པར་དགའ་བ་ཡོངས་སུ་དག་པ་ཐོབ་པ་ལས་སེམས་ཏིང་ངེ་འཛིན་དུ་ཡང་འགྱུར་རོ། །དེ་ལྟར་སེམས་མཉམ་པར་གྱུར་ན། དེའི་འོག་ཏུ་སེམས་ཅན་མི་རྟག་པ་ཉིད་དང༌། འདུ་བྱེད་མི་རྟག་པ་ཉིད་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པར་འགྱུར་རོ། །ཇི་ལྟར་ན་སེམས་ཅན་མི་རྟག་པ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། ལྷའི་མིག་རྣམ་པར་དག་པ་མིའི་ལས་ཤིན་ཏུ་འདས་པས་སེམས་ཅན་རྣམས་མཐོང་ངོ་ཞེས་རྒྱ་ཆེར་ཇི་སྐད་གསུངས་པ་ལྟ་བུའོ། །ཇི་ལྟར་ན་འདུ་བྱེད་མི་རྟག་པ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། མ་འོངས་པ་དང་འདས་པ་དང་ད་ལྟར་བྱུང་བ་ཡིད་ལ་བྱེད་པའི་རྗེས་སུ་ཞུགས་པ་རྣམས་རྟེན་ཅིང་འབྲེལ་པར་འབྱུང་བ་ཤེས་པ་ལས་སོ། །

de ltar yid la byed pa bsgom pa de dag la brten na/ nye ba'i nyon mongs pa de dag spong bar 'gyur zhing/ nyer bsdogs dang/ dngos gzhi dang bcas pa'i ting nge 'dzin thob pa dang/ dga' ba dang bcas pa dang/ dga' ba med cing bde ba la mngon par dga' ba yongs su dag pa thob pa las sems ting nge 'dzin du yang 'gyur ro/ /de ltar sems mnyam par gyur na/ de'i 'og tu sems can mi rtag pa nyid dang/ 'du byed mi rtag pa nyid kyang yang dag pa ji lta ba bzhin du rab tu shes par 'gyur ro/ /ji ltar na sems can mi rtag pa nyid yang dag pa ji lta ba bzhin du rab tu shes she na/ lha'i mig rnam par dag pa mi'i las shin tu 'das pas sems can rnams mthong ngo zhes rgya cher ji skad gsungs pa lta bu'o/ /ji ltar na 'du byed mi rtag pa nyid yang dag pa ji lta ba bzhin du rab tu shes she na/ ma 'ongs pa dang 'das pa dang da ltar byung ba yid la byed pa'i rjes su zhugs pa rnams rten cing 'brel par 'byung ba shes pa las so/ /

【H3 辨攝清淨】

ལུས་སུ་གཏོགས་པའི་དྲན་པ་དེ་ནི་གནས་གསུམ་པོ། །ལྷག་པའི་སེམས་དང་ལྷག་པའི་ཤེས་རབ་ཀྱི་བསླབ་པའི་ཡོངས་སུ་སྦྱང་བའི་ས་དང༌། ལྷག་པའི་སེམས་ཀྱི་བསླབ་པ་དང༌། ལྷག་པའི་ཤེས་རབ་ཀྱི་བསླབ་པ་དག་ལ་ཡོད་དེ། ཀུན་དུ་སྦྱོར་བ་ལྷག་མ་རྣམས་སྤངས་པའི་ཕྱིར་དྲན་པ་ཉེ་བར་གཞག་པ་ལ་སོགས་པ་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཐམས་ཅད་ཀྱི་གནས་སུ་གྱུར་པ་ཡིན་ནོ། །

lus su gtogs pa'i dran pa de ni gnas gsum po/ /lhag pa'i sems dang lhag pa'i shes rab kyi bslab pa'i yongs su sbyang ba'i sa dang/ lhag pa'i sems kyi bslab pa dang/ lhag pa'i shes rab kyi bslab pa dag la yod de/ kun du sbyor ba lhag ma rnams spangs pa'i phyir dran pa nye bar gzhag pa la sogs pa byang chub kyi phyogs dang mthun pa'i chos thams cad kyi gnas su gyur pa yin no/ /

【H4 辨不共清淨】

རྒྱུ་གསུམ་གྱིས་ན་འདི་ལས་ཕྱི་རོལ་པའི་དགེ་སྦྱོང་དང་བྲམ་ཟེ་རྣམས་དང་ཐུན་མོང་མ་ཡིན་པ་སྟེ། ཡོངས་སུ་སྦྱངས་པའི་ས་ལས་ཚོགས་ཡོངས་སུ་རྫོགས་པ་དང་། ཞི་གནས་ཀྱི་སྙིང་པོ་ལ་རོ་མྱོང་བར་མི་བྱེད་པ་དང་མྱ་ངན་ལས་འདས་པ་ལ་དགའ་ཞིང་ཆགས་པ་དང་ལྡན་པའི་སེམས་ལ་ཉོན་མོངས་པའི་མེ་འབྱུང་བའི་གནས་མེད་པས་སོ། །

rgyu gsum gyis na 'di las phyi rol pa'i dge sbyong dang bram ze rnams dang thun mong ma yin pa ste/ yongs su sbyangs pa'i sa las tshogs yongs su rdzogs pa dang / zhi gnas kyi snying po la ro myong bar mi byed pa dang mya ngan las 'das pa la dga' zhing chags pa dang ldan pa'i sems la nyon mongs pa'i me 'byung ba'i gnas med pas so/ /

【H5 辨不共果清淨】

དྲན་པ་ཡོངས་སུ་བསྒོམས་པ་འདིའི་ཚོགས་ཡོངས་སུ་རྫོགས་པ་ལ་བརྟེན་ནས་འབྲས་བུ་ཡོངས་སུ་དག་པ་བཞི་སྟེ། གྲོང་ན་འདུག་པ་ལ་འཇིག་རྟེན་གྱི་ཆོས་ཀྱིས་བསྐྱེད་པའི་ཉེ་བའི་ཉོན་མོངས་པ་མེད་པ་དང༌། དགོན་པ་ན་འདུག་པ་ལ་དགོན་པས་བསྐྱེད་པའི་ཉེ་བའི་ཉོན་མོངས་པ་མེད་པ་དང༌། དགོན་པ་ན་འདུག་པ་ཉིད་ལ་གྲོང་གིས་བསྐྱེད་པའི་ཉེ་བའི་ཉོན་མོངས་པ་མེད་པ་དང༌། དེ་གཉི་ག་ན་འདུག་པ་ལ་འཛག་ནོད་བྱེད་པ་ལ་སོགས་པའི་སྡུག་བསྔལ་དང་དུ་བླང་དགོས་པའི་ཉེ་བའི་ཉོན་མོངས་པ་མེད་པའོ། །ཞི་གནས་ཀྱི་རོ་མྱོང་བར་མི་བྱེད་པ་ལ་བརྟེན་ནས་འབྲས་བུ་ཡོངས་སུ་དག་པ་ལྔ་སྟེ། བསམ་གཏན་བཞི་པོ་རྣམ་པར་དག་པ་དང༌། ཞི་བའི་རྣམ་པར་ཐར་པ་རྣམས་སོ། །མྱ་ངན་ལས་འདས་པ་ལ་དགའ་ཞིང་ཆགས་པ་དང་ལྡན་པའི་སེམས་ལ་ཉོན་མོངས་པའི་མེ་འབྱུང་བའི་གནས་མེད་པ་ལ་བརྟེན་ནས་འབྲས་བུ་ཡོངས་སུ་དག་པ་དགུ་སྟེ། དང་པོའི་འབྲས་བུ་གསུམ་དང༌། མངོན་པར་ཤེས་པ་དྲུག་གོ། །

dran pa yongs su bsgoms pa 'di'i tshogs yongs su rdzogs pa la brten nas 'bras bu yongs su dag pa bzhi ste/ grong na 'dug pa la 'jig rten gyi chos kyis bskyed pa'i nye ba'i nyon mongs pa med pa dang/ dgon pa na 'dug pa la dgon pas bskyed pa'i nye ba'i nyon mongs pa med pa dang/ dgon pa na 'dug pa nyid la grong gis bskyed pa'i nye ba'i nyon mongs pa med pa dang/ de gnyi ga na 'dug pa la 'dzag nod byed pa la sogs pa'i sdug bsngal dang du blang dgos pa'i nye ba'i nyon mongs pa med pa'o/ /zhi gnas kyi ro myong bar mi byed pa la brten nas 'bras bu yongs su dag pa lnga ste/ bsam gtan bzhi po rnam par dag pa dang/ zhi ba'i rnam par thar pa rnams so/ /mya ngan las 'das pa la dga' zhing chags pa dang ldan pa'i sems la nyon mongs pa'i me 'byung ba'i gnas med pa la brten nas 'bras bu yongs su dag pa dgu ste/ dang po'i 'bras bu gsum dang/ mngon par shes pa drug go/ /

【G2 結】

ལུས་སུ་གཏོགས་པའི་དྲན་པ་དེ་ཡང་ཡོངས་སུ་དག་པ་ལྔས་བསྡུས་པ་ཡིན་པར་རིག་པར་བྱ་སྟེ༑ མཉམ་པར་མ་བཞག་པའི་ས་ཡོངས་སུ་དག་པ་དང༌། མཉམ་པར་བཞག་པའི་ས་ཡོངས་སུ་དག་པ་དང༌། བསྡུས་པའི་ས་ཡོངས་སུ་དག་པ་དང༌། ཐུན་མོང་མ་ཡིན་པ་ཡོངས་སུ་དག་པ་དང༌། ཐུན་མོང་མ་ཡིན་པའི་འབྲས་བུ་ཡོངས་སུ་དག་པས་སོ། །ལུས་གྱུར་པ་དང་ལྡན་པ་དང༌། དེར་གཏོགས་པ་ཡིན་པའི་ཕྱིར། ལུས་སུ་གཏོགས་པའི་དྲན་པ་ཞེས་བྱའོ་ཞེས་གསུངས་ཏེ།

lus su gtogs pa'i dran pa de yang yongs su dag pa lngas bsdus pa yin par rig par bya ste| mnyam par ma bzhag pa'i sa yongs su dag pa dang/ mnyam par bzhag pa'i sa yongs su dag pa dang/ bsdus pa'i sa yongs su dag pa dang/ thun mong ma yin pa yongs su dag pa dang/ thun mong ma yin pa'i 'bras bu yongs su dag pas so/ /lus gyur pa dang ldan pa dang/ der gtogs pa yin pa'i phyir/ lus su gtogs pa'i dran pa zhes bya'o zhes gsungs te/

【D2 解摩訶俱瑟祉羅經】【E1 標所釋之經】

གསུས་པོ་ཆེ་ཆེན་པོའི་མདོ་རྣམ་པར་བཤད་པ་ཡིན་ནོ། །

gsus po che chen po'i mdo rnam par bshad pa yin no/ /

【E2 正釋經文】【F1 先標二種解脫名】

རྣམ་པར་གྲོལ་བ་ནི་གཉིས་ཏེ། ཤེས་རབ་རྣམ་པར་གྲོལ་བ་དང༌། སེམས་རྣམ་པར་གྲོལ་བའོ། །

rnam par grol ba ni gnyis te/ shes rab rnam par grol ba dang/ sems rnam par grol ba'o/ /

【F2 別釋其義】【G1 辨解脫果】【H1 別辨漏無漏解脫果相】【I1 明有漏慧心解脫】

དེ་ལ་ཤེས་རབ་རྣམ་པར་གྲོལ་བ་ལས་བརྩམས་ནས་འཇིག་རྟེན་པའི་ཤེས་རབ་ཀྱི་སྤྱོད་ཡུལ་ནི། འདི་ལྟ་སྟེ། ཉེས་པར་སྤྱོད་པ་དང༌། ལེགས་པར་སྤྱོད་པ་གཞི་དང་བཅས་པ་རྣམ་པར་གཞག་པ་ལས་རིག་པར་བྱའོ། །ངོ་བོ་ཉིད་ནི་འདི་ལྟ་སྟེ། ཉེས་པར་སྤྱོད་པ་དང༌། ལེགས་པར་སྤྱོད་པ་གཞི་དང་བཅས་པ་དེ་ཉིད་ཀྱི་དགེ་བ་དང་མི་དགེ་བ་ཉིད་ལ་སོགས་པའི་རབ་ཏུ་དབྱེ་བས་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་ལས་རིག་པར་བྱའོ། །

de la shes rab rnam par grol ba las brtsams nas 'jig rten pa'i shes rab kyi spyod yul ni/ 'di lta ste/ nyes par spyod pa dang/ legs par spyod pa gzhi dang bcas pa rnam par gzhag pa las rig par bya'o/ /ngo bo nyid ni 'di lta ste/ nyes par spyod pa dang/ legs par spyod pa gzhi dang bcas pa de nyid kyi dge ba dang mi dge ba nyid la sogs pa'i rab tu dbye bas yang dag pa ji lta ba bzhin du yongs su shes pa las rig par bya'o/ /

【I2 明無漏慧解脫】【J1 境】

སེམས་རྣམ་པར་གྲོལ་བ་ལས་བརྩམས་ནས་སེམས་ཀྱི་ཀུན་ནས་ཉོན་མོངས་པ་དང་རྣམ་པར་བྱང་བའི་གནས་ཉིད་ནི། འདི་ལྟ་སྟེ་གཟུགས་ལ་སོགས་པ་ཡུལ་འཛིན་པ་དང་རྣམ་པར་རིག་པ་ལས་རིག་པར་བྱའོ། །འཇིག་རྟེན་པའི་ཤེས་རབ་དང༌། སེམས་རྣམ་པར་གྲོལ་བ་དེ་ཉིད་ཀྱི་འབྲས་བུ་ནི་འདི་ལྟ་སྟེ། དེ་དང་མཚུངས་པར་ལྡན་ཞིང་འདྲེས་པས་ཀུན་ནས་ཉོན་མོངས་པའི་རིགས་དམན་པ་ལས་རྣམ་པར་སློང་བ་ལས་རིག་པར་བྱའོ། །ཤེས་རབ་རྣམ་པར་གྲོལ་བ་དེ་ཉིད་ཀྱི་དབང་དུ་བྱས་ནས། འཇིག་རྟེན་ལས་འདས་པའི་ཤེས་རབ་ཀྱི་སྤྱོད་ཡུལ་ནི། འདི་ལྟ་སྟེ། འཇིག་རྟེན་པའི་ཤེས་རབ་དང༌། སེམས་རྣམ་པར་གྲོལ་བ་དེ་ཉིད་ལ་སོགས་པ་ཤེས་བྱ་ཐམས་ཅད་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་ལས་རིག་པར་བྱའོ། །

sems rnam par grol ba las brtsams nas sems kyi kun nas nyon mongs pa dang rnam par byang ba'i gnas nyid ni/ 'di lta ste gzugs la sogs pa yul 'dzin pa dang rnam par rig pa las rig par bya'o/ /'jig rten pa'i shes rab dang/ sems rnam par grol ba de nyid kyi 'bras bu ni 'di lta ste/ de dang mtshungs par ldan zhing 'dres pas kun nas nyon mongs pa'i rigs dman pa las rnam par slong ba las rig par bya'o/ /shes rab rnam par grol ba de nyid kyi dbang du byas nas/ 'jig rten las 'das pa'i shes rab kyi spyod yul ni/ 'di lta ste/ 'jig rten pa'i shes rab dang/ sems rnam par grol ba de nyid la sogs pa shes bya thams cad yang dag pa ji lta ba bzhin du yongs su shes pa las rig par bya'o/ /

【J2 果相】

འཇིག་རྟེན་ལས་འདས་པའི་ཤེས་རབ་དང་སེམས་རྣམ་པར་གྲོལ་བ་དེ་ཉིད་ཀྱི་འབྲས་བུ་ནི༑ འདི་ལྟ་སྟེ། ཀུན་ནས་ཉོན་མོངས་པའི་རིགས་ཐམས་ཅད་ལས་རྣམ་པར་སློད་བ་ལས་རིག་པར་བའོ། །

'jig rten las 'das pa'i shes rab dang sems rnam par grol ba de nyid kyi 'bras bu ni| 'di lta ste/ kun nas nyon mongs pa'i rigs thams cad las rnam par slod ba las rig par ba'o/ /

【H2 明說為正見果相】【I1 明世間出世間慧，總略為一說名正見】

དེ་ལ་འཇིག་རྟེན་པའི་ཤེས་རབ་གང་ཡིན་པ་དང༌། འཇིག་རྟེན་ལས་འདས་པའི་ཤེས་རབ་གང་ཡིན་པ་དེ་གཅིག་ཏུ་བསྡུས་པ་ནི་ཡང་དག་པའི་ལྟ་བ་ཞེས་བྱའོ། །ཡང་དག་པའི་ལྟ་བ་དེའི་རྒྱུ་ནི་འདི་ལྟ་སྟེ། སངས་རྒྱས་འབྱུང་བ་ཡོད་པ་དང༌། དམ་པའི་ཆོས་ཉན་པ་དང༌། དེ་ཕྱིན་ཅི་མ་ལོག་པར་ཡིད་ལ་བྱེད་པ་ཡིན་པར་རིག་པར་བྱའོ། །

de la 'jig rten pa'i shes rab gang yin pa dang/ 'jig rten las 'das pa'i shes rab gang yin pa de gcig tu bsdus pa ni yang dag pa'i lta ba zhes bya'o/ /yang dag pa'i lta ba de'i rgyu ni 'di lta ste/ sangs rgyas 'byung ba yod pa dang/ dam pa'i chos nyan pa dang/ de phyin ci ma log par yid la byed pa yin par rig par bya'o/ /

【I2 別明出世正見果相】

འཇིག་རྟེན་ལས་འདས་པའི་ཡང་དག་པའི་ལྟ་བ་དེའི་འབྲས་བུའི་མཚན་ཉིད་ནི་འདི་ལྟ་སྟེ། སྔ་ཕྱིར་རྟག་པ་དང༌། མི་མཐུན་པ་མེད་པ་ལས་རིག་པར་བྱའོ། །ཆོས་གང་དག་མི་མཐུན་པའི་ཕྱོགས་ཡོད་ཅིང་བྱུང་ན་མི་འབྱུང་ཞིང་འགག་པར་འགྱུར་བ་དང་། མི་མཐུན་པའི་ཕྱོགས་མེད་ཅིང་འགགས་ནས་འབྱུང་བ་དེ་དག་ནི་མི་མཐུན་པ་དང་བཅས་པ་ཞེས་བྱའོ༑ །ཆོས་གང་དག་མི་མཐུན་པའི་ཕྱོགས་ཡོད་ཀྱང་རུང་མེད་ཀྱང་རུང་སྐྱེས་ཀྱང་རུང་མ་སྐྱེས་ཀྱང་རུང་སྟེ། དུས་རྟག་ཏུ་ཡོད་པ་དེ་དག་ནི་མི་མཐུན་པ་མེད་པ་ཡིན་པར་རིག་པར་བྱའོ། །དེའི་འབྲས་བུ་སེམས་རྣམ་པར་གྲོལ་བ་དེའི་དབང་དུ་བྱས་ནས་སྤྱོད་ཡུལ་དང་བཅས་པ་དང༌། དེའི་གནས་རྣམ་པར་དག་པ་ནི་འདི་ལྟ་སྟེ་སེམས་རྣམ་པར་དག་པའི་དབང་གིས་དབང་པོ་གཟུགས་ཅན་རྣམས་ཀྱི་སྤྱོད་ཡུལ་ལ་ཀུན་ནས་ཉོན་མོངས་པ་མི་འབྱུང་བ་དང༌། དབང་པོ་རྣམས་ཀྱང་རྣམ་པར་དག་པ་དེའི་རྗེས་སུ་འཇུག་པ་ལས་རིག་པར་བྱའོ། །

'jig rten las 'das pa'i yang dag pa'i lta ba de'i 'bras bu'i mtshan nyid ni 'di lta ste/ snga phyir rtag pa dang/ mi mthun pa med pa las rig par bya'o/ /chos gang dag mi mthun pa'i phyogs yod cing byung na mi 'byung zhing 'gag par 'gyur ba dang / mi mthun pa'i phyogs med cing 'gags nas 'byung ba de dag ni mi mthun pa dang bcas pa zhes bya'o| /chos gang dag mi mthun pa'i phyogs yod kyang rung med kyang rung skyes kyang rung ma skyes kyang rung ste/ dus rtag tu yod pa de dag ni mi mthun pa med pa yin par rig par bya'o/ /de'i 'bras bu sems rnam par grol ba de'i dbang du byas nas spyod yul dang bcas pa dang/ de'i gnas rnam par dag pa ni 'di lta ste sems rnam par dag pa'i dbang gis dbang po gzugs can rnams kyi spyod yul la kun nas nyon mongs pa mi 'byung ba dang/ dbang po rnams kyang rnam par dag pa de'i rjes su 'jug pa las rig par bya'o/ /

【G2 辨解脫心住】

སེམས་རྣམ་པར་གྲོལ་བ་དེའི་གནས་པ་ནི་འདི་ལྟ་སྟེ། ཚེ་དང་དྲོད་གཅིག་ལ་གཅིག་བརྟེན་ཅིང་གནས་པའི་རྒྱུན་འབྲེལ་པ་ལས་རིག་པར་བྱའོ། །

sems rnam par grol ba de'i gnas pa ni 'di lta ste/ tshe dang drod gcig la gcig brten cing gnas pa'i rgyun 'brel pa las rig par bya'o/ /

【G3 辨果差別】

འཇིག་རྟེན་པ་དང་འཇིག་རྟེན་ལས་འདས་པའི་རྣམ་པར་གྲོལ་བ་རྣམ་པ་གཉི་གའི་འབྲས་བུའི་ཁྱད་པར་ནི་འདི་ལྟ་སྟེ། ཚོར་བ་གཞི་དང་བཅས་པ་དག་ལ་ཀུན་དུ་རྨོངས་ཤིང་སྲེད་པ་དང་བཅས་པའི་ཕྱི་མ་ལ་ཡང་འབྱུང་བ་མངོན་པར་འགྲུབ་པ་དང༌། ཀུན་དུ་མ་རྨོངས་ཤིང་སྲེད་པ་མེད་པའི་ཕྱི་མ་ལ་ཡང་འབྱུང་བ་མངོན་པར་མི་འགྲུབ་པ་ལས་རིག་པར་བྱའོ། །དེ་དང་འདྲེས་ཤིང་མཚུངས་པར་ལྡན་པའི་ཕྱིར། དེ་ལ་བརྟེན་པ་སེམས་ལས་འབྱུང་བའི་ཆོས་རྣམ་པར་དག་པར་རིག་པ་ནི་འདི་ལྟ་སྟེ། ད་ལྟར་གྱི་རྐྱེན་གྱིས་མ་གོས་པ་སྟེ་སོ་སོར་མྱོང་བ་ལས་རིག་པར་བྱའོ། །

'jig rten pa dang 'jig rten las 'das pa'i rnam par grol ba rnam pa gnyi ga'i 'bras bu'i khyad par ni 'di lta ste/ tshor ba gzhi dang bcas pa dag la kun du rmongs shing sred pa dang bcas pa'i phyi ma la yang 'byung ba mngon par 'grub pa dang/ kun du ma rmongs shing sred pa med pa'i phyi ma la yang 'byung ba mngon par mi 'grub pa las rig par bya'o/ /de dang 'dres shing mtshungs par ldan pa'i phyir/ de la brten pa sems las 'byung ba'i chos rnam par dag par rig pa ni 'di lta ste/ da ltar gyi rkyen gyis ma gos pa ste so sor myong ba las rig par bya'o/ /

【G4 辨住差別】

རྣམ་པར་གྲོལ་བ་དེ་གཉིས་ཀྱི་གནས་པའི་ཁྱད་པར་ནི་འདི་ལྟ་སྟེ། རབ་ཏུ་ཞི་བ་རྣམ་པ་དྲུག་པོ་རྣམ་པར་དག་པའི་རྣམ་པར་ཤེས་པའི་འཆི་འཕོ་བ་མཉམ་པས་ཡིན་གྱི། དེའི་གནས་མཉམ་པས་ནི་མ་ཡིན་པ་ལས་རིག་པར་བྱ་སྟེ། སྙོམས་པར་འཇུག་པའི་དུས་ན་མངོན་པར་འདུ་བྱ་བ་མེད་པར་སྙོམས་པར་འཇུག་པས་རབ་ཏུ་ཞི་བ་དང༌། ལྡང་བའི་དུས་ན་མངོན་པར་འདུ་བྱ་བ་མེད་པར་ལྡང་བས་རབ་ཏུ་ཞི་བ་དང༌། རིམ་གྱིས་ལྡང་བ་དང༌། སྙོམས་པར་ཞུགས་པའི་འདུ་བྱེད་པ་རྣམ་པ་གསུམ་འབྱུང་བ་རབ་ཏུ་ཞི་བ་དང༌། འདི་ལྟ་སྟེ་དུས་གསུམ་པོ་དགོན་པར་ཚངས་པ་མཚུངས་པར་སྤྱོད་པའི་འདུ་འཛི་ཅན་གྱི་དང༌། གྲོང་དུ་ཁྱིམ་པའི་འདུ་འཛི་ཅན་གྱི་དང༌། དེ་གཉིས་ཀར་འདུ་བྱེད་ཀྱི་མཚན་མ་ལ་སྤྱོད་པའི་ཡུན་རིང་པོས་ལྡང་བའི་སེམས་རབ་ཏུ་ཞི་བ་དང༌། འདི་ལྟ་སྟེ་དུས་གསུམ་པོ་ཁོ་ན་གཟུགས་ཅན་འཇིག་རྟེན་པའི་སྙོམས་པར་འཇུག་པ་མཆོག་ལས་ལྡང་བ་དང༌། གཟུགས་ཅན་མ་ཡིན་པ་འཇིག་རྟེན་པའི་སྙོམས་པར་འཇུག་པ་མཆོག་ལས་ལྡང་བ་དང༌། འཇིག་རྟེན་ལས་འདས་པ་སེམས་དང་བཅས་པའི་སྙོམས་པར་འཇུག་པ་ལས་ལྡང་བའི་ཕྱིར་དང༌། དུས་ཉེ་བས་ལྡང་བའི་སེམས་རབ་ཏུ་ཞི་བས་སོ། །སྙོམས་པར་འཇུག་པ་དེ་དག་ཀྱང་འགོག་པའི་སྙོམས་པར་འཇུག་པ་ལས་ལངས་པ་ཁོ་ན་ལས་འཐོབ་པ་ནི་མ་ཡིན་གྱི། འོན་ཀྱང་སྔོན་ཐོབ་པ་རྣམས་མངོན་དུ་བྱེད་དོ། །གཉིས་ནི་མཐར་གྱིས་སྙོམས་པར་འཇུག་པ་དང༌། དེའི་གོང་ནས་གོང་དུ་སྙོམས་པར་འཇུག་པ་རྣམ་པར་དག་པ་ལས་ཐོབ་པ་ཡིན་ནོ། །གཅིག་ནི་མཐར་གྱིས་སྙོམས་པར་འཇུག་པ་ལས་མ་ཡིན་མོད་ཀྱི། འོན་ཀྱང་མཚན་མ་མེད་པའི་དབྱིངས་རབ་ཏུ་རྟོགས་པ་དང༌། དེའི་གོང་ནས་གོང་དུ་སྙོམས་པར་འཇུག་པ་རྣམ་པར་དག་པ་ལས་སོ། །མཚན་མ་དང་བཅས་པའི་སྙོམས་པར་འཇུག་པའི་སྙོམས་པར་འཇུག་པ་དང༌། གནས་པ་དང་ལྡང་བ་ནི་མཚན་མ་དང་བཅས་པའི་ཡིད་ལ་བྱེད་པས་སོ། །མཚན་མ་མེད་པའི་སྙོམས་པར་འཇུག་པའི་སྙོམས་པར་འཇུག་པ་དང༌། གནས་པ་ནི་མཚན་མ་མེད་པས་སོ། །ལྡང་བ་ནི་མཚན་མ་དང་བཅས་པས་རིག་པར་བྱའོ། །

rnam par grol ba de gnyis kyi gnas pa'i khyad par ni 'di lta ste/ rab tu zhi ba rnam pa drug po rnam par dag pa'i rnam par shes pa'i 'chi 'pho ba mnyam pas yin gyi/ de'i gnas mnyam pas ni ma yin pa las rig par bya ste/ snyoms par 'jug pa'i dus na mngon par 'du bya ba med par snyoms par 'jug pas rab tu zhi ba dang/ ldang ba'i dus na mngon par 'du bya ba med par ldang bas rab tu zhi ba dang/ rim gyis ldang ba dang/ snyoms par zhugs pa'i 'du byed pa rnam pa gsum 'byung ba rab tu zhi ba dang/ 'di lta ste dus gsum po dgon par tshangs pa mtshungs par spyod pa'i 'du 'dzi can gyi dang/ grong du khyim pa'i 'du 'dzi can gyi dang/ de gnyis kar 'du byed kyi mtshan ma la spyod pa'i yun ring pos ldang ba'i sems rab tu zhi ba dang/ 'di lta ste dus gsum po kho na gzugs can 'jig rten pa'i snyoms par 'jug pa mchog las ldang ba dang/ gzugs can ma yin pa 'jig rten pa'i snyoms par 'jug pa mchog las ldang ba dang/ 'jig rten las 'das pa sems dang bcas pa'i snyoms par 'jug pa las ldang ba'i phyir dang/ dus nye bas ldang ba'i sems rab tu zhi bas so/ /snyoms par 'jug pa de dag kyang 'gog pa'i snyoms par 'jug pa las langs pa kho na las 'thob pa ni ma yin gyi/ 'on kyang sngon thob pa rnams mngon du byed do/ /gnyis ni mthar gyis snyoms par 'jug pa dang/ de'i gong nas gong du snyoms par 'jug pa rnam par dag pa las thob pa yin no/ /gcig ni mthar gyis snyoms par 'jug pa las ma yin mod kyi/ 'on kyang mtshan ma med pa'i dbyings rab tu rtogs pa dang/ de'i gong nas gong du snyoms par 'jug pa rnam par dag pa las so/ /mtshan ma dang bcas pa'i snyoms par 'jug pa'i snyoms par 'jug pa dang/ gnas pa dang ldang ba ni mtshan ma dang bcas pa'i yid la byed pas so/ /mtshan ma med pa'i snyoms par 'jug pa'i snyoms par 'jug pa dang/ gnas pa ni mtshan ma med pas so/ /ldang ba ni mtshan ma dang bcas pas rig par bya'o/ /

【D3 法因緣經】【E1 標所釋之經】

ཆོས་ཀྱི་གཞིའི་མདོ་རྣམ་པར་བཤད་པ་ཡིན་ནོ། །

chos kyi gzhi'i mdo rnam par bshad pa yin no/ /

【E2 正解釋】【F1 總牒經文】

ཆོས་མངོན་པ་དང་འདུལ་བ་མངོན་པ་ལ་མཁས་པའི་དགེ་སློང་ངམ། དགེ་བསྙེན་ཀུན་ཤེས་པ་ལས་བརྩམས་ཏེ། དྲི་བ་འདྲི་བར་འདོད་པས་ནི་རྣམ་པ་བརྒྱད་ཀྱིས་དྲི་བར་བྱ་སྟེ། རྣམ་པ་བརྒྱད་གང་ཞེ་ན། འདི་ལྟ་སྟེ། ཀུན་ཤེས་པའི་གཞི་དང༌། ཀུན་ཤེས་པའི་མི་མཐུན་པའི་ཕྱོགས་དང༌། ཀུན་ཤེས་པའི་འབྲས་བུ་དང་ཀུན་ཤེས་པའི་ངོ་བོ་ཉིད་དང༌། ཀུན་ཤེས་པའི་འབྲས་བུའི་ཁྱད་པར་དང༌། ཀུན་ཤེས་པའི་གནས་དང༌། ཀུན་ཤེས་པའི་ཕན་ཡོན་དང༌། ཀུན་ཤེས་པ་ཡང་དག་པར་འགྲུབ་པས་སོ། །

chos mngon pa dang 'dul ba mngon pa la mkhas pa'i dge slong ngam/ dge bsnyen kun shes pa las brtsams te/ dri ba 'dri bar 'dod pas ni rnam pa brgyad kyis dri bar bya ste/ rnam pa brgyad gang zhe na/ 'di lta ste/ kun shes pa'i gzhi dang/ kun shes pa'i mi mthun pa'i phyogs dang/ kun shes pa'i 'bras bu dang kun shes pa'i ngo bo nyid dang/ kun shes pa'i 'bras bu'i khyad par dang/ kun shes pa'i gnas dang/ kun shes pa'i phan yon dang/ kun shes pa yang dag par 'grub pas so/ /

【F2 論主釋】【G1 明解了事】

དེ་ལ་ཀུན་ཤེས་པའི་གཞི་ནི་ཉེ་བར་ལེན་པའི་ཕུང་པོ་ལྔ་པོ་དག་སྟེ། ཉེ་བར་བརྟག་པར་བྱ་བ་ཉིད་ཡིན་པའི་ཕྱིར་རོ། །

de la kun shes pa'i gzhi ni nye bar len pa'i phung po lnga po dag ste/ nye bar brtag par bya ba nyid yin pa'i phyir ro/ /

【G2 解了所治】

དེ་ལ་ཀུན་ཤེས་པའི་མི་མཐུན་པའི་ཕྱོགས་ནི་སྲེད་པའི་ཀུན་ནས་ཉོན་མོངས་པ་དང༌། ལྟ་བའི་ཀུན་ནས་ཉོན་མོངས་པའོ། །དེ་ལ་སྲེད་པའི་ཀུན་ནས་ཉོན་མོངས་པ་ནི། ཡང་འབྱུང་བ་འགོག་པ་ལ་མངོན་པར་དགའ་བར་མི་བྱེད་དོ། །ལྟ་བའི་ཀུན་ནས་ཉོན་མོངས་པས་ནི་མངོན་པར་དགའ་ཡང་རྟོགས་པར་མི་བྱེད་དོ། །

de la kun shes pa'i mi mthun pa'i phyogs ni sred pa'i kun nas nyon mongs pa dang/ lta ba'i kun nas nyon mongs pa'o/ /de la sred pa'i kun nas nyon mongs pa ni/ yang 'byung ba 'gog pa la mngon par dga' bar mi byed do/ /lta ba'i kun nas nyon mongs pas ni mngon par dga' yang rtogs par mi byed do/ /

【G3 解了果】

དེ་ལ་ཀུན་ཤེས་པའི་འབྲས་བུ་ནི་ཀུན་ནས་ཉོན་མོངས་པ་རྣམ་པ་གཉིས་པོ་གང་ཡིན་པ་དེ་ཉིད་སྤངས་པའོ། །

de la kun shes pa'i 'bras bu ni kun nas nyon mongs pa rnam pa gnyis po gang yin pa de nyid spangs pa'o/ /

【G4 解了自性】

དེ་ལ་ཀུན་ཤེས་པའི་ངོ་བོ་ཉིད་ནི་འཕགས་པའི་ལམ་ཡན་ལག་བརྒྱད་པ་སྟེ། དེ་ཡང་འདི་ལས་ཕྱི་རོལ་པའི་ལྟ་བ་ངན་པ་སྣ་ཚོགས་ཀྱི་གཉེན་པོ་ཡིན་ནོ། །འཕགས་པའི་ལམ་ཡན་ལག་བརྒྱད་པ་དེ་ཡང་ཀུན་ནས་ཉོན་མོངས་པ་རྣམ་པ་གསུམ་གྱི་གཉེན་པོས་ཕུང་པོ་གསུམ་དུ་རྣམ་པར་གཞག་པ་ཡིན་ཏེ། ཉེས་པར་སྤྱོད་པའི་ཀུན་ནས་ཉོན་མོངས་པའི་གཉེན་པོ་དང༌། འདོད་པའི་ཀུན་ནས་ཉོན་མོངས་པའི་གཉེན་པོ་དང༌། ལྟ་བའི་ཀུན་ནས་ཉོན་མོངས་པའི་གཉེན་པོས་སོ༑ །དེ་ཡང་འཇིག་རྟེན་ལས་འདས་པ་ཡིན་དུ་ཟིན་ཀྱང་འདུས་བྱས་ཡིན་ནོ། །

de la kun shes pa'i ngo bo nyid ni 'phags pa'i lam yan lag brgyad pa ste/ de yang 'di las phyi rol pa'i lta ba ngan pa sna tshogs kyi gnyen po yin no/ /'phags pa'i lam yan lag brgyad pa de yang kun nas nyon mongs pa rnam pa gsum gyi gnyen pos phung po gsum du rnam par gzhag pa yin te/ nyes par spyod pa'i kun nas nyon mongs pa'i gnyen po dang/ 'dod pa'i kun nas nyon mongs pa'i gnyen po dang/ lta ba'i kun nas nyon mongs pa'i gnyen pos so| /de yang 'jig rten las 'das pa yin du zin kyang 'dus byas yin no/ /

【G5 解了果差別】

དེ་ལ་ཀུན་ཤེས་པའི་འབྲས་བུའི་ཁྱད་པར་ནི་སྤངས་པ་སྟེ། དེ་ནི་འཇིག་རྟེན་ལས་འདས་པ་དང་འདུས་མ་བྱས་པ་ཡིན་ནོ། །

de la kun shes pa'i 'bras bu'i khyad par ni spangs pa ste/ de ni 'jig rten las 'das pa dang 'dus ma byas pa yin no/ /

【G6 解了所依】

དེ་ལ་ཀུན་ཤེས་པའི་གནས་ནི་ཏིང་ངེ་འཛིན་ཏེ་དེ་ཡང་རྣམ་པ་བཞིས་རིག་པར་བྱ་སྟེ། རིགས་ལས་ནི་འདི་ལྟ་སྟེ། ཏིང་ངེ་འཛིན་གང་ཅི་ཡང་རུང་སྟེ། དེ་ཐམས་ཅད་ནི་བསམ་གཏན་གྱི་རིགས་ཡིན་ནོ། །དེ་ལས་གཞན་པའི་བསམ་གཏན་གྱི་ཡན་ལག་བསྟན་པ་ལས་ནི། དེ་ལས་གཞན་པའི་བསམ་གཏན་གྱི་ཡན་ལག་བསྟན་པ་ཡིན་པར་ཁོང་དུ་ཆུད་པར་བྱའོ༑ །མཚན་ཉིད་དང༌། སྐྱེ་བའི་དམིགས་པའི་མཚན་མ་དང༌། འགྲུབ་པའི་རྒྱུའི་མཚན་མ་ལས་ཀྱང་ཁོང་དུ་ཆུད་པར་བྱའོ། །

de la kun shes pa'i gnas ni ting nge 'dzin te de yang rnam pa bzhis rig par bya ste/ rigs las ni 'di lta ste/ ting nge 'dzin gang ci yang rung ste/ de thams cad ni bsam gtan gyi rigs yin no/ /de las gzhan pa'i bsam gtan gyi yan lag bstan pa las ni/ de las gzhan pa'i bsam gtan gyi yan lag bstan pa yin par khong du chud par bya'o| /mtshan nyid dang/ skye ba'i dmigs pa'i mtshan ma dang/ 'grub pa'i rgyu'i mtshan ma las kyang khong du chud par bya'o/ /

【G7 解了功德】

དེ་ལ་ཀུན་ཤེས་པའི་ཕན་ཡོན་ནི་འགོག་པའི་སྙོམས་པར་འཇུག་པ་གནས་པ་མཆོག་སྟེ། ཀུན་ཤེས་པའི་ཕན་ཡོན་ཞེས་བྱའོ། །དེ་ཡང་རྣམ་པ་ལྔར་རིག་པར་བྱ་སྟེ། འགོག་པའི་གཞི་དང༌། ཞི་བ་དང༌། ཚུལ་དང་མཐུན་པ་དང་ཚུལ་དང་མི་མཐུན་པའི་གཟུགས་བརྙན་དང༌། སྙོམས་པར་འཇུག་པའི་རྒྱུ་དང༌། ལྡང་བའི་རྒྱུ་དང༌། ལྡང་བའི་ཕན་ཡོན་ལས་ཀྱང་རིག་པར་བྱའོ། །

de la kun shes pa'i phan yon ni 'gog pa'i snyoms par 'jug pa gnas pa mchog ste/ kun shes pa'i phan yon zhes bya'o/ /de yang rnam pa lngar rig par bya ste/ 'gog pa'i gzhi dang/ zhi ba dang/ tshul dang mthun pa dang tshul dang mi mthun pa'i gzugs brnyan dang/ snyoms par 'jug pa'i rgyu dang/ ldang ba'i rgyu dang/ ldang ba'i phan yon las kyang rig par bya'o/ /

【G8 解了證得】

དེ་ལ་ཀུན་ཤེས་པ་ཡང་དག་པར་འགྲུབ་པ་ནི་ཉེ་བར་ལེན་པའི་ཕུང་པོ་ལྔ་པོ་དེ་དག་ཉིད་ལ་ཚོར་བ་རྣམ་པ་བརྒྱད་བརྟག་པ་གང་ཡིན་པ་སྟེ། ངོ་བོ་ཉིད་བརྟག་པ་དང༌། ཚེ་འདི་ལ་འཇུག་པའི་རྒྱུ་བརྟག་པ་དང༌། ཚེ་འདི་ལ་འཇུག་པ་འགག་པའི་རྒྱུ་བརྟག་པ་དང༌། ཚེ་ཕྱི་མ་ལ་འཇུག་པའི་རྒྱུ་བརྟག་པ་དང༌། ཚེ་ཕྱི་མ་ལ་འཇུག་པ་འགག་པའི་རྒྱུ་བརྟག་པ་དང༌། དེ་གཉི་ག་ལ་འཇུག་པ་དང༌། འགག་པའི་རྒྱུ་བརྟག་པ་དང༌། འཇུག་པའི་རྒྱུའི་རྒྱུ་བརྟག་པ་དང༌། ལྡོག་པའི་རྒྱུའི་རྒྱུ་བརྟག་པའོ། །དེ་ལ་བསམ་གཏན་གྱི་དངོས་གཞི་གཙོ་བོ་ལ་ནི་བདེ་བ་དང་ལྡན་པ་ཡང་གཉེན་པོ་ཡིན་ནོ། །ཉེར་བསྡོགས་ཐོབ་པའི་མངོན་པར་འབྱུང་བ་ལ་འདུན་པ་དང་ལྡན་པ། སྡུག་བསྔལ་དང་ལྡན་པ་ཡང་གཉེན་པོ་ཡིན་ནོ། །བསམ་གཏན་གྱི་དངོས་གཞི་ཉིད་ལ་ནི་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང་ལྡན་པ་ཡང་གཉེན་པོ་ཡིན་ཏེ༑ འཇུག་པའི་རྒྱུ་འགག་པའི་ཕྱིར་ཚོར་བའི་གཞི་ཁོ་ན་ལས་ཡོངས་སུ་བསྟན་ཏོ༑ །དེ་ལ་ཚོར་བ་གང་ཅི་ཡང་རུང་སྟེ། དེ་ནི་འདིར་སྡུག་བསྔལ་བ་ཡིན་ནོ་ཞེས་བྱ་བའི་དབང་དུ་བྱས་ནས། ཚོར་བ་གསུམ་ཆར་ཡང་དོན་དམ་པར་ན་སྡུག་བསྔལ་བ་ཡིན་ནོ། །དེ་ལ་མཐུན་པ་ཞེས་བྱ་བ་ནི་གང་ཡོད་ན་གང་གདགས་པ་དེ་ནི་དེ་དད་མཐུན་པ་ཡིན་ནོ། །དེ་ལ་ཚོར་བ་ཐམས་ཅད་ཀྱང་ཕན་ཚུན་མཐུན་པ་ཡིན་ཏེ། ཐམས་ཅད་ཀྱང་སྡུག་བསྔལ་གྱིས་བསྡུས་པ་ཡིན་པའི་ཕྱིར་རོ། །དོན་དམ་པ་པའི་སྡུག་བསྔལ་དེ་ཡོད་ན་དེ་མི་ཤེས་པ་ཡང་ཡོད་དོ། །དེ་ཡོད་ན་དེའི་གཉེན་པོར་འཇིག་རྟེན་ལས་འདས་པའི་ཤེས་རབ་ཀྱང་ཡོད་དེ། དེ་ཡོད་ན་དེའི་འབྲས་བུ་མྱ་ངན་ལས་འདས་པ་ཡང་ཡོད་དེ། དེའི་ཕྱིར་ཆོས་དེ་དང་དེ་དག་ནི་ཆོས་དེ་དང་དེ་དག་མཐུན་པ་ཞེས་བྱའོ། །

de la kun shes pa yang dag par 'grub pa ni nye bar len pa'i phung po lnga po de dag nyid la tshor ba rnam pa brgyad brtag pa gang yin pa ste/ ngo bo nyid brtag pa dang/ tshe 'di la 'jug pa'i rgyu brtag pa dang/ tshe 'di la 'jug pa 'gag pa'i rgyu brtag pa dang/ tshe phyi ma la 'jug pa'i rgyu brtag pa dang/ tshe phyi ma la 'jug pa 'gag pa'i rgyu brtag pa dang/ de gnyi ga la 'jug pa dang/ 'gag pa'i rgyu brtag pa dang/ 'jug pa'i rgyu'i rgyu brtag pa dang/ ldog pa'i rgyu'i rgyu brtag pa'o/ /de la bsam gtan gyi dngos gzhi gtso bo la ni bde ba dang ldan pa yang gnyen po yin no/ /nyer bsdogs thob pa'i mngon par 'byung ba la 'dun pa dang ldan pa/ sdug bsngal dang ldan pa yang gnyen po yin no/ /bsam gtan gyi dngos gzhi nyid la ni sdug bsngal yang ma yin bde ba yang ma yin pa dang ldan pa yang gnyen po yin te| 'jug pa'i rgyu 'gag pa'i phyir tshor ba'i gzhi kho na las yongs su bstan to| /de la tshor ba gang ci yang rung ste/ de ni 'dir sdug bsngal ba yin no zhes bya ba'i dbang du byas nas/ tshor ba gsum char yang don dam par na sdug bsngal ba yin no/ /de la mthun pa zhes bya ba ni gang yod na gang gdags pa de ni de dad mthun pa yin no/ /de la tshor ba thams cad kyang phan tshun mthun pa yin te/ thams cad kyang sdug bsngal gyis bsdus pa yin pa'i phyir ro/ /don dam pa pa'i sdug bsngal de yod na de mi shes pa yang yod do/ /de yod na de'i gnyen por 'jig rten las 'das pa'i shes rab kyang yod de/ de yod na de'i 'bras bu mya ngan las 'das pa yang yod de/ de'i phyir chos de dang de dag ni chos de dang de dag mthun pa zhes bya'o/ /

【D4 眠經】

གཉིད་ཀྱི་མདོ་རྣམ་པར་བཤད་པ་ནི་ནང་གི་སེམས་ཀྱི་ཞི་གནས་ལ་རྗེས་སུ་བརྩོན་པའི་དགེ་སློང་གི་ཉེ་བའི་ཉོན་མོངས་པ་དེ་སྤང་པའི་གཉེན་པོ་ནི་རྣམ་པ་ལྔར་རིག་པར་བྱ་སྟེ། མུན་པའི་མཚན་མ་ཡོངས་སུ་སྤང་བ་དང༌། ཡང་དག་པར་རབ་ཏུ་གཟུང་བར་བྱ་བ་མཆོག་ཏུ་དགའ་བའི་གནས་དང་མཐུན་པའི་ཆོས་རྣམས་ལ་ཡང་དག་པར་རབ་ཏུ་འཛིན་པར་སྦྱོར་བ་དང༌། རིགས་པས་ལྟ་བ་འཇོམས་པ་དང༌། ལྟ་བ་སྤྱོད་པ་དང༌། ལྟ་བའི་གནས་སྤྱོད་པའོ། །ཉེ་བའི་ཉོན་མོངས་པ་དེ་སྤངས་པ་ན། ཏིང་ངེ་འཛིན་ཉེ་བར་རྟོག་པ་ནི་ལྔ་ཁོ་ནར་རིག་པར་བྱ་སྟེ། ལྔ་གང་ཞེ་ན། རབ་ཏུ་དབེན་ཞིང་རབ་ཏུ་དབེན་པར་གནས་པ་དང༌། ཏིང་ངེ་འཛིན་འགྲུབ་པའི་གཏམ་དང༌། ཀུན་ནས་ཉོན་མོངས་པ་ཅན་མ་ཡིན་པའི་སེམས་ཀྱི་རྗེས་སུ་མཐུན་པའི་འཚོ་བའི་ཡོ་བྱད་རྣམས་དང༌། ཚངས་པ་མཚུངས་པར་སྤྱོད་པ་ལ་མཁས་པ་རྣམས་ལས་རྗེས་སུ་མཐུན་པའི་གདམས་ངག་དང་རྗེས་སུ་བསྟན་པ་འཐོབ་པར་བཀའ་བློ་བདེ་པ་ཉིད་དང༌། འཇིག་རྟེན་པའི་ཏིང་ངེ་འཛིན་དང༌། སྙོམས་པར་འཇུག་པ་དག་ལ་རོ་མྱང་བ་ཡོངས་སུ་སྤངས་ནས་ཟག་པ་མེད་པའི་རྣམ་པས་ཚུལ་བཞིན་ཡིད་ལ་བྱེད་པའོ། །

gnyid kyi mdo rnam par bshad pa ni nang gi sems kyi zhi gnas la rjes su brtson pa'i dge slong gi nye ba'i nyon mongs pa de spang pa'i gnyen po ni rnam pa lngar rig par bya ste/ mun pa'i mtshan ma yongs su spang ba dang/ yang dag par rab tu gzung bar bya ba mchog tu dga' ba'i gnas dang mthun pa'i chos rnams la yang dag par rab tu 'dzin par sbyor ba dang/ rigs pas lta ba 'joms pa dang/ lta ba spyod pa dang/ lta ba'i gnas spyod pa'o/ /nye ba'i nyon mongs pa de spangs pa na/ ting nge 'dzin nye bar rtog pa ni lnga kho nar rig par bya ste/ lnga gang zhe na/ rab tu dben zhing rab tu dben par gnas pa dang/ ting nge 'dzin 'grub pa'i gtam dang/ kun nas nyon mongs pa can ma yin pa'i sems kyi rjes su mthun pa'i 'tsho ba'i yo byad rnams dang/ tshangs pa mtshungs par spyod pa la mkhas pa rnams las rjes su mthun pa'i gdams ngag dang rjes su bstan pa 'thob par bka' blo bde pa nyid dang/ 'jig rten pa'i ting nge 'dzin dang/ snyoms par 'jug pa dag la ro myang ba yongs su spangs nas zag pa med pa'i rnam pas tshul bzhin yid la byed pa'o/ /

【C3 以六門重決擇】【D1 明有三因緣遠離尋伺】

ལྷག་པའི་སེམས་ལ་བརྩོན་པའི་དགེ་སློང་གིས་ནི། རྒྱུ་གསུམ་གྱིས་ཉོན་མོངས་པ་ཅན་གྱི་རྣམ་པར་རྟོག་པ་ཀུན་དུ་འབྱུང་བ་སོ་སོར་བཙལ་བར་བྱ་སྟེ། དམིགས་པ་ཡོངས་སུ་སྤང་བ་དང༌། ངོ་བོ་ཉིད་ཡང་དག་པར་སུན་དབྱུང་བ་དང༌། ངོ་བོ་ཉིད་ཡོངས་སུ་སྤང་བ་ལས་སོ། །དེ་ལ་རྒྱུ་གསུམ་གྱིས་ན་ངོ་བོ་ཉིད་ཡོངས་སུ་སྤོང་བར་འགྱུར་ཏེ། གཉེན་པོའི་སྟོབས་དང་ལྡན་པ་དབང་པོ་རྣོན་པོའི་ནི་ལན་ཅིག་གིས་སོ། །གཉེན་པོའི་སྟོབས་དང་མི་ལྡན་པ་དབང་པོ་འབྲིང་གི་ནི་ཆེ་རིམ་ལས་རིམ་གྱིས་སོ། །གཉེན་པོའི་སྟོབས་དང་མི་ལྡན་པ་དབང་པོ་རྟུལ་པོའི་ནི་རྣམ་པར་རྟོག་པའི་རྒྱུ་ཟང་ཟིང་ལས་ཤས་ཆེར་སྐྱོན་དུ་ཡང་དག་པར་ལྟ་བ་ལས་སོ། །

lhag pa'i sems la brtson pa'i dge slong gis ni/ rgyu gsum gyis nyon mongs pa can gyi rnam par rtog pa kun du 'byung ba so sor btsal bar bya ste/ dmigs pa yongs su spang ba dang/ ngo bo nyid yang dag par sun dbyung ba dang/ ngo bo nyid yongs su spang ba las so/ /de la rgyu gsum gyis na ngo bo nyid yongs su spong bar 'gyur te/ gnyen po'i stobs dang ldan pa dbang po rnon po'i ni lan cig gis so/ /gnyen po'i stobs dang mi ldan pa dbang po 'bring gi ni che rim las rim gyis so/ /gnyen po'i stobs dang mi ldan pa dbang po rtul po'i ni rnam par rtog pa'i rgyu zang zing las shas cher skyon du yang dag par lta ba las so/ /

【D2 明六順出離界】

གང་ཟག་གསུམ་གྱི་ཏིང་ངེ་འཛིན་ནི་གསུམ་དུ་རིག་པར་བྱ་སྟེ། ལྷག་པའི་སེམས་ལ་བརྩོན་པའི་ཏིང་ངེ་འཛིན་ནི་སེམས་ཅན་རྣམ་པ་བཞི་པོ་གནོད་པ་བྱེད་པ་རྣམས་དང༌། སྡིག་པ་བྱེད་པ་རྣམས་དང་། དགེ་བ་བྱེད་པ་རྣམས་དང༌། ཕན་པ་བྱེད་པའི་སེམས་ཅན་རྣམས་ལ་དམིགས་པ་ཡིན་ནོ། །མཐར་ཐུག་པར་འགྲོ་བ་ལ་བརྩོན་པའི་ཏིང་ངེ་འཛིན་ནི་ཆོས་ལ་དམིགས་པ་ཡིན་ནོ། །མངོན་པར་རྟོགས་པ་ལ་བརྩོན་པའི་ཏིང་ངེ་འཛིན་ནི་ཆོས་ལ་དམིགས་པ་ཁོ་ན་ཡིན་ནོ། །

gang zag gsum gyi ting nge 'dzin ni gsum du rig par bya ste/ lhag pa'i sems la brtson pa'i ting nge 'dzin ni sems can rnam pa bzhi po gnod pa byed pa rnams dang/ sdig pa byed pa rnams dang / dge ba byed pa rnams dang/ phan pa byed pa'i sems can rnams la dmigs pa yin no/ /mthar thug par 'gro ba la brtson pa'i ting nge 'dzin ni chos la dmigs pa yin no/ /mngon par rtogs pa la brtson pa'i ting nge 'dzin ni chos la dmigs pa kho na yin no/ /

【D3 明大性及遠離】

ཆེན་པོ་རྣམ་པ་གསུམ་གྱིས་ནི་ཏིང་ངེ་འཛིན་ཆེན་པོས་མྱུར་བ་མྱུར་བ་ཁོ་ནར་དེ་བཞིན་ཉིད་རྟོགས་པར་འགྱུར་ཞིང༌། རྟོགས་ནས་ཀྱང་ཟག་པ་ཟད་པར་འགྱུར་ཏེ། དམིགས་པ་ཆེན་པོ་དང་མངོན་པར་བརྩོན་པ་ཆེན་པོ་དང༌། ཐབས་ཀྱིས་ཡོངས་སུ་ཟིན་པའི་ཡིད་ལ་བྱེད་པ་ཆེན་པོས་སོ། །དབེན་པ་གཉིས་ནི་མྱུར་བ་མྱུར་བ་ཁོ་ནར་དེ་བཞིན་ཉིད་རྟོགས་པར་འགྱུར་བ་ཡིན་ཏེ། རྒྱུ་བར་གྱུར་པ་ནི་འདུ་འཛི་ལས་དབེན་པ་དང༌། གནས་པར་གྱུར་པ་ན་རྣམ་པར་རྟོག་པ་ངན་པ་ལས་དབེན་པའོ། །

chen po rnam pa gsum gyis ni ting nge 'dzin chen pos myur ba myur ba kho nar de bzhin nyid rtogs par 'gyur zhing/ rtogs nas kyang zag pa zad par 'gyur te/ dmigs pa chen po dang mngon par brtson pa chen po dang/ thabs kyis yongs su zin pa'i yid la byed pa chen pos so/ /dben pa gnyis ni myur ba myur ba kho nar de bzhin nyid rtogs par 'gyur ba yin te/ rgyu bar gyur pa ni 'du 'dzi las dben pa dang/ gnas par gyur pa na rnam par rtog pa ngan pa las dben pa'o/ /

【D4 五種定相違法】

ཏིང་ངེ་འཛིན་དང་མི་མཐུན་པའི་ཆོས་ནི་ལྔ་སྟེ། ལྟུང་བ་དང་རྟག་ཏུ་སྦྱོར་བར་མི་བྱེད་པ་དང༌། གུས་པར་སྦྱོར་བར་མི་བྱེད་པ་དང༌། ཞུམ་པ་དང༌། གཞན་ལས་ཀུན་དུ་གནོད་པ་འབྱུང་བའོ། །

ting nge 'dzin dang mi mthun pa'i chos ni lnga ste/ ltung ba dang rtag tu sbyor bar mi byed pa dang/ gus par sbyor bar mi byed pa dang/ zhum pa dang/ gzhan las kun du gnod pa 'byung ba'o/ /

【D5 三種遠離】

དབེན་པ་ན་རྣམ་པ་གསུམ་སྟེ། གནས་པ་དབེན་པ་དང༌། ལྟ་བ་དབེན་པ་དང༌། ཉན་པ་དབེན་པའོ། །

dben pa na rnam pa gsum ste/ gnas pa dben pa dang/ lta ba dben pa dang/ nyan pa dben pa'o/ /

【D6 明定障】【E1 明五種】【F1 標列能所障】

སེམས་རྣམ་པར་སྦྱོང་བ་ལ་ཞུགས་པའི་དགེ་སློང་གི་ཏིང་ངེ་འཛིན་དང་མི་མཐུན་པ་དང༌། ཏིང་ངེ་འཛིན་གྱི་བར་དུ་གཅོད་པའི་སྙིང་ཐག་པའི་སྐྱོན་ནི་ལྔ་པོ་འདི་དག་ཡིན་ཏེ། འདི་ལྟ་སྟེ་ཁྲོ་བ་དང༌། ང་རྒྱལ་དང༌། འདོད་པའི་འདོད་ཆགས་དང༌། འཇིག་ཚོགས་ལ་ལྟ་བ་དང༌། མི་བཟོད་པའོ། །སྙིང་ཐག་པ་ནས་ཏིང་ངེ་འཛིན་གྱི་མཚན་མ་ནི་ལྔ་པོ་འདི་དག་ཡིན་ཏེ། དེ་དག་ནི་དེ་དག་གི་གཉེན་པོར་གནས་པ་ཡིན་པས་ན། དེའི་ཕྱིར་སྙིང་ཐག་པའི་སྐྱོན་རྣམས་ཞེས་བྱའོ། །མཚན་མ་ལྔ་གང་ཞེ་ན། ཡོ་བྱད་ངན་དོན་ཙམ་གྱིས་ཆོག་ཤེས་པ་དང༌། དགེ་བ་གང་ཡིན་ཞེས་ཚོལ་བ་དང༌། ལུས་དང་ལོངས་སྤྱོད་ལ་མི་ལྟ་བ་དང༌། འཁོར་བ་དང་མྱ་ངན་ལས་འདས་པ་ལ་སྐྱོན་དང་ཡོན་ཏན་དུ་ལྟ་བ་དང༌། སྦྱོར་བའི་གནོད་པ་བཟོད་པའོ། །

sems rnam par sbyong ba la zhugs pa'i dge slong gi ting nge 'dzin dang mi mthun pa dang/ ting nge 'dzin gyi bar du gcod pa'i snying thag pa'i skyon ni lnga po 'di dag yin te/ 'di lta ste khro ba dang/ nga rgyal dang/ 'dod pa'i 'dod chags dang/ 'jig tshogs la lta ba dang/ mi bzod pa'o/ /snying thag pa nas ting nge 'dzin gyi mtshan ma ni lnga po 'di dag yin te/ de dag ni de dag gi gnyen por gnas pa yin pas na/ de'i phyir snying thag pa'i skyon rnams zhes bya'o/ /mtshan ma lnga gang zhe na/ yo byad ngan don tsam gyis chog shes pa dang/ dge ba gang yin zhes tshol ba dang/ lus dang longs spyod la mi lta ba dang/ 'khor ba dang mya ngan las 'das pa la skyon dang yon tan du lta ba dang/ sbyor ba'i gnod pa bzod pa'o/ /

【F2 別釋】【G1 列解五失】【H1 解忿】

དེ་ལ་ཁྲོས་ཤིང་ཁྲོ་བའི་བསམ་པ་དང་ལྡན་པ་ནི་གལ་ཏེ། ཁྱིམ་རྣམས་སུ་རྙེད་པ་དང༌། རྙེད་པར་བྱ་བ་མ་རྙེད་དམ། ཆུང་ངུའམ་ངན་པའམ༑ བསྒྱོངས་ཏེའམ། གུས་པར་མ་བྱས་པར་རྙེད་པར་གྱུར་ན། དེ་དེས་ཁྲོ་བ་དང་འཁྲུག་པར་འགྱུར་ཞིང༌། གཞི་དེ་ལས་གནོད་སེམས་ཀྱི་རྣམ་པར་རྟོག་པ་དང༌། འཚེ་བའི་རྣམ་པར་རྟོག་པ་ལ་ལན་མང་དུ་རྗེས་སུ་རྟོག་པར་བྱེད༑ རྗེས་སུ་དཔྱོད་པར་བྱེད་དེ། དེས་ན་དེའི་ཏིང་ངེ་འཛིན་དང་པོ་ཉིད་ནས་མ་སྐྱེས་པ་ནི་སྐྱེ་བར་འགྱུར་ལ། སྐྱེས་པ་ནི་ཡོངས་སུ་ཉམས་པར་འགྱུར་རོ། །

de la khros shing khro ba'i bsam pa dang ldan pa ni gal te/ khyim rnams su rnyed pa dang/ rnyed par bya ba ma rnyed dam/ chung ngu'am ngan pa'am| bsgyongs te'am/ gus par ma byas par rnyed par gyur na/ de des khro ba dang 'khrug par 'gyur zhing/ gzhi de las gnod sems kyi rnam par rtog pa dang/ 'tshe ba'i rnam par rtog pa la lan mang du rjes su rtog par byed| rjes su dpyod par byed de/ des na de'i ting nge 'dzin dang po nyid nas ma skyes pa ni skye bar 'gyur la/ skyes pa ni yongs su nyams par 'gyur ro/ /

【H2 解慢】

དེ་ལ་ང་རྒྱལ་གྱིས་མངོན་པར་ཟིན་ཅིང་ང་རྒྱལ་གྱི་བསམ་པ་དང་ལྡན་པ་ནི་རང་བཞིན་ཉིད་ཀྱིས་ཆོས་རྣམས་ལ་གུས་པ་མ་སྐྱེས་པ་ཡིན་ཏེ། དེ་ནི་སློབ་དཔོན་དང་བླ་མ་དང་སྦྱིན་གནས་རྣམས་ལ། དུས་དུས་སུ་ལུས་འདུད་པར་མི་བྱེད། སེམས་འདུད་པར་མི་བྱེད་ཅིང༌། འདི་ལྟ་སྟེ་དགེ་བ་གང་ཡིན་ཞེས་ཡོངས་སུ་བཙལ་བའི་ཕྱིར་ཡོངས་སུ་ཞུ་བར་མི་བྱེད། ཡོངས་སུ་འདྲི་བར་མི་བྱེད་དེ། དེས་ན་ཏིང་ངེ་འཛིན་བསྒྲུབ་པ་ལས་བརྩམས་པའི་དོན་རྟོགས་པར་མི་འགྱུར་ཞིང༌། གཞི་དེ་ལས་རློམ་པ་དང་ལྡན་པའི་རྣམ་པར་རྟོག་པ་ལ་ལན་མང་དུ་རྗེས་སུ་རྟོག་པར་བྱེད། རྗེས་སུ་དཔྱོད་པར་བྱེད་དེ། དེས་ན་དེའི་ཏིང་ངེ་འཛིན་དང་པོ་ཉིད་ནས་མ་སྐྱེས་པ་ནི་སྐྱེ་བར་མི་འགྱུར་ལ། སྐྱེས་པ་ནི་ཡོངས་སུ་ཉམས་པར་འགྱུར་རོ། །

de la nga rgyal gyis mngon par zin cing nga rgyal gyi bsam pa dang ldan pa ni rang bzhin nyid kyis chos rnams la gus pa ma skyes pa yin te/ de ni slob dpon dang bla ma dang sbyin gnas rnams la/ dus dus su lus 'dud par mi byed/ sems 'dud par mi byed cing/ 'di lta ste dge ba gang yin zhes yongs su btsal ba'i phyir yongs su zhu bar mi byed/ yongs su 'dri bar mi byed de/ des na ting nge 'dzin bsgrub pa las brtsams pa'i don rtogs par mi 'gyur zhing/ gzhi de las rlom pa dang ldan pa'i rnam par rtog pa la lan mang du rjes su rtog par byed/ rjes su dpyod par byed de/ des na de'i ting nge 'dzin dang po nyid nas ma skyes pa ni skye bar mi 'gyur la/ skyes pa ni yongs su nyams par 'gyur ro/ /

【H3 解欲貪】

དེ་ལ་འདོད་པའི་འདོད་ཆགས་ཀྱིས་ཆགས་ཤིང་འདོད་ཆགས་ཀྱི་བསམ་པ་དང་ལྡན་པ་ནི། ལུས་དང་ལོངས་སྤྱོད་དག་ལ་ཤིན་ཏུ་ལྟ་བ་ཅན་ཡིན་པས་དེས་ན་དེ་ཕྱི་རོལ་གྱི་འདོད་པའི་ཡོན་ཏན་ལྔ་པོ་དག་ལ་རྣམ་པར་གཡེང་བ་མང་བ་ཡིན་ཏེ། གཞི་དེས་འདོད་པའི་རྣམ་པར་རྟོག་པ་དང༌། ཉེ་དུའི་རྣམ་པར་རྟོག་པ་དང༌། ཡུལ་གྱི་རྣམ་པར་རྟོག་པ་དང༌། ཁྱིམ་གྱི་འབྱོར་བ་དང་ལྡན་པའི་རྣམ་པར་རྟོག་པ་དག་ལ་ལན་མང་དུ་རྗེས་སུ་རྟོག་པར་བྱེད། རྗེས་སུ་དཔྱོད་པར་བྱེད་དེ། དེས་ན་དེའི་ཏིང་ངེ་འཛིན་དང་པོ་ཉིད་ནས་མ་སྐྱེས་པ་ནི་སྐྱེ་བར་མི་འགྱུར་ལ། སྐྱེས་པ་ནི་ཡོངས་སུ་ཉམས་པར་འགྱུར་རོ། །དེའི་གཉེན་པོ་མི་སྡུག་པ་དེ་ཡང་མི་སྡུག་པའི་མཚན་ཉིད་གསུམ་དང་ལྡན་པར་རིག་པར་བྱ་སྟེ། མི་གཙང་བའི་མཚན་ཉིད་དང་། དེ་དང་རྒྱུ་མཐུན་པ་འཛག་པའི་མཚན་ཉིད་དང༌། རྟེན་དང་བརྟེན་པ་རབ་ཏུ་དབྱེ་བའི་མཚན་ཉིད་དོ། །

de la 'dod pa'i 'dod chags kyis chags shing 'dod chags kyi bsam pa dang ldan pa ni/ lus dang longs spyod dag la shin tu lta ba can yin pas des na de phyi rol gyi 'dod pa'i yon tan lnga po dag la rnam par g.yeng ba mang ba yin te/ gzhi des 'dod pa'i rnam par rtog pa dang/ nye du'i rnam par rtog pa dang/ yul gyi rnam par rtog pa dang/ khyim gyi 'byor ba dang ldan pa'i rnam par rtog pa dag la lan mang du rjes su rtog par byed/ rjes su dpyod par byed de/ des na de'i ting nge 'dzin dang po nyid nas ma skyes pa ni skye bar mi 'gyur la/ skyes pa ni yongs su nyams par 'gyur ro/ /de'i gnyen po mi sdug pa de yang mi sdug pa'i mtshan nyid gsum dang ldan par rig par bya ste/ mi gtsang ba'i mtshan nyid dang / de dang rgyu mthun pa 'dzag pa'i mtshan nyid dang/ rten dang brten pa rab tu dbye ba'i mtshan nyid do/ /

【H4 解薩迦耶見】

དེ་ལ་འཇིག་ཚོགས་ལ་ལྟ་བ་ནི་འཇིག་ཚོགས་ལ་ལྟ་བས་ཟིན་པའི་རྒྱུས་འཇིག་རྟེན་གྱི་ཆོས་དང་ཕྲད་པ་ན། འདུད་པ་དང་ཁེངས་པ་དག་གིས་གོས་པར་འགྱུར་བས་དེ་ལ་བཏང་སྙོམས་སུ་བྱ་བ་ལ། དེའི་འཇིག་ཚོགས་ལ་ལྟ་བ་མི་མཐུན་པར་གནས་པ་ཡིན་ནོ། །གཞན་ཡང་དེ་ཉིད་འཇིག་རྟེན་གྱི་ཆོས་ཀྱི་རྒྱུ་མཚན་སྲེད་པ་དང༌། ཆགས་པའི་རྒྱུན་གྱིས་བདས་པ་ན། དེ་ལ་བཏང་སྙོམས་སུ་བྱ་བ་ལ། དེའི་འཇིག་ཚོགས་ལ་ལྟ་བ་མི་མཐུན་པར་གནས་པ་ཡིན་ནོ། །གཞན་ཡང་དེ་ཉིད་འཇིག་རྟེན་གྱི་ཆོས་ཀྱི་རྒྱུ་མཚན་ལས་བྱུང་བའི་རྣམ་པར་རྟོག་པ་བཟང་པོ་མ་ཡིན་པ་ལ། རྣམ་པར་རྟོག་པས་ཀུན་དུ་གདུང་བ་དང་རྣམ་པར་གདུང་བར་འགྱུར་བས་དེ་ལ་བཏང་སྙོམས་སུ་བྱ་བ་ལ། དེའི་འཇིག་ཚོགས་ལ་ལྟ་བ་མི་མཐུན་པར་གནས་པ་ཡིན་ནོ། །གཞན་ཡང་དེ་ཉིད་འཇིག་རྟེན་གྱི་ཆོས་ཀྱི་རྒྱུ་མཚན་ཡོངས་སུ་ཚོལ་བར་བྱེད་པ་ན་རྣམ་པར་གཡེན་སྤྱོ་བ་དང༌། ཡོངས་སུ་གཡོ་བ་སྣ་ཚོགས་ཀྱིས་གནོད་པར་འགྱུར་བས་དེ་ལ་བཏང་སྙོམས་སུ་བྱ་བ་ལ། དེའི་འཇིག་ཚོགས་ལ་ལྟ་བ་མི་མཐུན་པར་གནས་པ་ཡིན་ནོ། །གཞན་ཡང་དེ་ཉིད་འཇིག་ཚོགས་ལ་ལྟ་བའི་རྒྱུ་འཇིག་རྟེན་གྱི་ཆོས་ཀྱི་གནས་མི་རྟག་པའི་རྒྱུ་ཉེ་བར་ལེན་པར་བྱེད་ཅིང༌། ལྷག་པར་ཆགས་པར་བྱེད་དེ་གཞི་དེས་མྱ་ངན་ལ་སོགས་པས་གནོད་པར་འགྱུར་བས་དེ་ལ་བཏང་སྙོམས་སུ་བྱ་བ་ལ། དེའི་འཇིག་ཚོགས་ལ་ལྟ་བའི་མི་མཐུན་པར་གནས་པ་ཡིན་ནོ། །གཞན་ཡང་དེ་ཉིད་ས་འོག་མ་པའི་དྲི་མ་བསལ་བའི་ཕྱིར་དགེ་བ་ལ་བརྩོན་པ་ན་སྦྱོར་བ་དེ་ལ་མི་དགའ་བས། དེའི་མི་མཐུན་པའི་ཕྱོགས་ལ་བཏང་སྙོམས་སུ་བྱ་བ་ལ། དེའི་འཇིག་ཚོགས་ལ་ལྟ་བ་མི་མཐུན་པར་གནས་པ་ཡིན་ནོ། །ས་འོག་མ་པའི་དྲི་མ་བསལ་བ་ཇི་ལྟ་བ་བཞིན་དུ། ས་གོང་མ་པའི་དྲི་མ་བསལ་བ་ཡང་དེ་བཞིན་ཏེ། རྒྱུ་དེས་ན་དེ་འཁོར་བ་ལ་ནི་སྐྱོན་དུ་བལྟའོ༑ །མྱ་ངན་ལས་འདས་པ་ལ་ནི་ཡོན་ཏན་དུ་བལྟའོ་སྙམ་དུ་སེམས་ཀྱང་དེ་ལས་བཟློག་པར་འགྱུར་ཏེ། དེས་ན་དེའི་ཏིང་ངེ་འཛིན་དང་པོ་ཐོབ་ཀྱང་བདེན་པ་མངོན་པར་རྟོགས་པའི་ཏིང་ངེ་འཛིན་མ་སྐྱེས་པ་ནི་སྐྱེ་བར་མི་འགྱུར་ལ། སྐྱེས་པ་ནི་ཡོངས་སུ་ཉམས་པར་འགྱུར་རོ། །

de la 'jig tshogs la lta ba ni 'jig tshogs la lta bas zin pa'i rgyus 'jig rten gyi chos dang phrad pa na/ 'dud pa dang khengs pa dag gis gos par 'gyur bas de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig rten gyi chos kyi rgyu mtshan sred pa dang/ chags pa'i rgyun gyis bdas pa na/ de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig rten gyi chos kyi rgyu mtshan las byung ba'i rnam par rtog pa bzang po ma yin pa la/ rnam par rtog pas kun du gdung ba dang rnam par gdung bar 'gyur bas de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig rten gyi chos kyi rgyu mtshan yongs su tshol bar byed pa na rnam par g.yen spyo ba dang/ yongs su g.yo ba sna tshogs kyis gnod par 'gyur bas de la btang snyoms su bya ba la/ de'i 'jig tshogs la lta ba mi mthun par gnas pa yin no/ /gzhan yang de nyid 'jig tshogs la lta ba'i rgyu 'jig rten gyi chos kyi gnas mi rtag pa'i rgyu nye bar len par byed cing/ lhag par chags par byed de gzhi des mya ngan la sogs pas gnod par 'gyur bas de la btang snyoms su bya ba la/ de'i 'jig tshogs la lta ba'i mi mthun par gnas pa yin no/ /gzhan yang de nyid sa 'og ma pa'i dri ma bsal ba'i phyir dge ba la brtson pa na sbyor ba de la mi dga' bas/ de'i mi mthun pa'i phyogs la btang snyoms su bya ba la/ de'i 'jig tshogs la lta ba mi mthun par gnas pa yin no/ /sa 'og ma pa'i dri ma bsal ba ji lta ba bzhin du/ sa gong ma pa'i dri ma bsal ba yang de bzhin te/ rgyu des na de 'khor ba la ni skyon du blta'o| /mya ngan las 'das pa la ni yon tan du blta'o snyam du sems kyang de las bzlog par 'gyur te/ des na de'i ting nge 'dzin dang po thob kyang bden pa mngon par rtogs pa'i ting nge 'dzin ma skyes pa ni skye bar mi 'gyur la/ skyes pa ni yongs su nyams par 'gyur ro/ /

【H5 解不堪忍】

དེ་ལ་མི་བཟོད་པའི་རང་བཞིན་ཅན་མི་བཟོད་པའི་བསམ་པ་དང་ལྡན་པ་ནི་བདེན་པ་མངོན་པར་རྟོགས་པའི་ཏིང་ངེ་འཛིན་འཐོབ་ཀྱང༌། ཤ་སྦྲང་དང་སྦྲང་བུ་མཆུ་རིངས་ལ་སོགས་པ་མི་བཟོད་པའི་ཕྱིར་སྦྱོར་བ་སྤོང་བར་བྱེད་ཅིང༌། ལེ་ལོ་ཡང་བྱེད་དེ།

de la mi bzod pa'i rang bzhin can mi bzod pa'i bsam pa dang ldan pa ni bden pa mngon par rtogs pa'i ting nge 'dzin 'thob kyang/ sha sbrang dang sbrang bu mchu rings la sogs pa mi bzod pa'i phyir sbyor ba spong bar byed cing/ le lo yang byed de/

【G2 對定以配之】

དེས་ན་དེའི་དངོས་གཞིར་ཞུགས་པའི་ཏིང་ངེ་འཛིན་མ་སྐྱེས་པ་ཡང་སྐྱེ་བར་མི་འགྱུར་ལ། སྐྱེས་པ་ཡང་ཡོངས་སུ་ཉམས་པར་འགྱུར་རོ། །དེ་ལ་སྐྱོན་གསུམ་ནི་ཏིང་ངེ་འཛིན་དང་པོའི་བར་ཆད་བྱེད་པ་ཡིན་ནོ། །གཅིག་ནི་བདེན་པ་མངོན་པར་རྟོགས་པའི་ཏིང་ངེ་འཛིན་གྱི་བར་ཆད་བྱེད་པ་ཡིན་ནོ། །གཅིག་ནི་དངོས་གཞིར་ཞུགས་པའི་ཏིང་ངེ་འཛིན་གྱི་བར་ཆད་བྱེད་པ་ཡིན་ནོ། །

des na de'i dngos gzhir zhugs pa'i ting nge 'dzin ma skyes pa yang skye bar mi 'gyur la/ skyes pa yang yongs su nyams par 'gyur ro/ /de la skyon gsum ni ting nge 'dzin dang po'i bar chad byed pa yin no/ /gcig ni bden pa mngon par rtogs pa'i ting nge 'dzin gyi bar chad byed pa yin no/ /gcig ni dngos gzhir zhugs pa'i ting nge 'dzin gyi bar chad byed pa yin no/ /

【E2 明八種棄捨近住弟子因緣】

རྣམ་གྲངས་གཞན་ཡང་བརྒྱད་པོ་འདི་དག་ནི་སློབ་མ་སྤོང་བའི་རྒྱུ་མཚན་ཡིན་ཏེ། དེ་དག་ལ་ཉོན་མོངས་པ་དང་བཅས་པ་ཀུན་ནས་ཉོན་མོངས་པར་འགྱུར་ཞིང༌། ཀུན་ནས་ཉོན་མོངས་པ་ཅན་དུ་གྱུར་ན་སློབ་མ་སྤོང་བར་བྱེད་དོ། །དགྲ་བཅོམ་པ་ཉོན་མོངས་པ་མེད་པ་རྟག་ཏུ་དྲན་པ་ཉེ་བར་གཞག་པ་ནི་མི་བྱེད་དོ། །བརྒྱད་གང་ཞེ་ན་རང་བཞིན་གྱིས་ཞེ་འགྲས་པའི་སེམས་དང་ལྡན་པ་དང༌། སློབ་མ་ལས་བདག་ཁོ་ནའི་རིམ་གྲོ་འབའ་ཞིག་འདོད་པ་དང༌། རིམ་གྲོ་འདོད་པ་ཇི་ལྟ་བ་བཞིན་དུ་སློབ་མ་ལས་རྙེད་པ་འདོད་པ་དང༌། སློབ་མ་ལྟུང་བ་དང༌། ཚུལ་ཁྲིམས་ངན་པ་ཀུན་དུ་སྤྱོད་པ་དང༌། སློབ་མ་རྣམས་ལས་ཕན་པ་བྱེད་པ་དང་གནོད་པ་བྱེད་པ་དགོས་པ་དང༌། མི་དགོས་པ་དང༌། ལྷག་པའི་ཚུལ་ཁྲིམས་ཀྱི་གདམས་ངག་ལ་གནོད་པ་མི་བཟོད་པ་དང༌། ལྷག་པའི་སེམས་དང་ལྷག་པའི་ཤེས་རབ་ཀྱི་གནས་པའི་གདམས་ངག་ལ་གནོད་པ་མི་བཟོད་པ་དང༌། ཚོགས་ཡོངས་སུ་བསྡུ་བ་ལ་གནོད་པ་མི་བཟོད་པའོ། །

rnam grangs gzhan yang brgyad po 'di dag ni slob ma spong ba'i rgyu mtshan yin te/ de dag la nyon mongs pa dang bcas pa kun nas nyon mongs par 'gyur zhing/ kun nas nyon mongs pa can du gyur na slob ma spong bar byed do/ /dgra bcom pa nyon mongs pa med pa rtag tu dran pa nye bar gzhag pa ni mi byed do/ /brgyad gang zhe na rang bzhin gyis zhe 'gras pa'i sems dang ldan pa dang/ slob ma las bdag kho na'i rim gro 'ba' zhig 'dod pa dang/ rim gro 'dod pa ji lta ba bzhin du slob ma las rnyed pa 'dod pa dang/ slob ma ltung ba dang/ tshul khrims ngan pa kun du spyod pa dang/ slob ma rnams las phan pa byed pa dang gnod pa byed pa dgos pa dang/ mi dgos pa dang/ lhag pa'i tshul khrims kyi gdams ngag la gnod pa mi bzod pa dang/ lhag pa'i sems dang lhag pa'i shes rab kyi gnas pa'i gdams ngag la gnod pa mi bzod pa dang/ tshogs yongs su bsdu ba la gnod pa mi bzod pa'o/ /

【C4 以九門解釋】【D1 舉一頌列其九門】

སྡོམ་ནི། གྲངས་དང་མི་མཐུན་ཕྱོགས་ཡན་ལག །དེ་དག་རྒྱ་ཆེར་རྣམ་གཞག་དང༌། །དབེན་དང་སྡུག་བསྔལ་གཡོ་བ་དང༌། །གོང་མའི་ཡན་ལག་ཁྱད་པར་ཡིན། །

sdom ni/ grangs dang mi mthun phyogs yan lag /de dag rgya cher rnam gzhag dang/ /dben dang sdug bsngal g.yo ba dang/ /gong ma'i yan lag khyad par yin/ /

【D2 次第釋】【E1 數】

བསམ་གཏན་བཞི་ཞེས་གང་གསུངས་པ་ལ། ཅིའི་ཕྱིར་བསམ་གཏན་བཞི་ཁོ་ནར་ཟད་དེ། ཆེས་མང་བ་ཡང་མ་ཡིན་ལ་ཆེས་ཉུང་བ་ཡང་མ་ཡིན་ཞེ་ན། སྨྲས་པ། བདེ་བ་དང་སྡུག་བསྔལ་ལས་ཤིན་ཏུ་འདས་ཤིང་ཡོངས་སུ་རྫོགས་པའི་ཕྱིར་ཏེ། འདི་ལྟར་མཐར་གྱིས་བསམ་གཏན་བཞི་པའི་བར་དུ་བདེ་བ་དང༌། སྡུག་བསྔལ་ལས་ཤིན་ཏུ་འདས་པ་ཡིན་པའི་ཕྱིར་རོ། །

bsam gtan bzhi zhes gang gsungs pa la/ ci'i phyir bsam gtan bzhi kho nar zad de/ ches mang ba yang ma yin la ches nyung ba yang ma yin zhe na/ smras pa/ bde ba dang sdug bsngal las shin tu 'das shing yongs su rdzogs pa'i phyir te/ 'di ltar mthar gyis bsam gtan bzhi pa'i bar du bde ba dang/ sdug bsngal las shin tu 'das pa yin pa'i phyir ro/ /

【E2 所對治】

བསམ་གཏན་དང་པོའི་མི་མཐུན་པའི་ཕྱོགས་གང་ཞེ་ན། སྨྲས་པ། དེ་ནི་རྣམ་པ་ལྔར་རིག་པར་བྱ་སྟེ། འདོད་པའི་འདོད་ཆགས་དང༌། འདོད་པའི་གནོད་སེམས་དང་རྣམ་པར་འཚེ་བ་དང༌། རྣམ་པར་རྟོག་པ་དང༌། སྡུག་བསྔལ་དང༌། ཡིད་མི་བདེ་བ་དང༌། འཆལ་པའི་ཚུལ་ཁྲིམས་དང༌། རྣམ་པར་གཡེང་བའོ། །བསམ་གཏན་གཉིས་པའི་མི་མཐུན་པའི་ཕྱོགས་གང་ཞེ་ན། སྨྲས་པ། དེ་ཡང་རྣམ་པ་ལྔར་རིག་པར་བྱ་སྟེ། བསམ་གཏན་དང་པོའི་འདོད་ཆགས་དང༌། རྟོག་པ་དང༌། དཔྱོད་པ་དང༌། སྡུག་བསྔལ་དང༌། རྒོད་པ་དང༌། ཏིང་ངེ་འཛིན་མ་རྫོགས་པའོ། །བསམ་གཏན་གསུམ་པའི་མི་མཐུན་པའི་ཕྱོགས་གང་ཞེ་ན། སྨྲས་པ། དེ་ནི་རྣམ་པ་བཞིར་རིག་པར་བྱ་སྟེ། བསམ་གཏན་གཉིས་པའི་འདོད་ཆགས་དང༌། ཡིད་བདེ་བ་དང༌། དགའ་བ་དང༌། ཏིང་ངེ་འཛིན་མ་རྫོགས་པའོ། །བསམ་གཏན་བཞི་པའི་མི་མཐུན་པའི་ཕྱོགས་གང་ཞེ་ན། སྨྲས་པ། དེ་ཡང་རྣམ་པ་ལྔར་རིག་པར་བྱ་སྟེ། དབུགས་རྔུབ་པ་དང༌། དབུགས་དབྱུང་བ་དང༌། བསམ་གཏན་གསུམ་པའི་འདོད་ཆགས་དང༌། བདེ་བ་དང༌། བདེ་བ་ལ་རྩོལ་བ་དང༌། ཏིང་ངེ་འཛིན་མ་རྫོགས་པའོ། །

bsam gtan dang po'i mi mthun pa'i phyogs gang zhe na/ smras pa/ de ni rnam pa lngar rig par bya ste/ 'dod pa'i 'dod chags dang/ 'dod pa'i gnod sems dang rnam par 'tshe ba dang/ rnam par rtog pa dang/ sdug bsngal dang/ yid mi bde ba dang/ 'chal pa'i tshul khrims dang/ rnam par g.yeng ba'o/ /bsam gtan gnyis pa'i mi mthun pa'i phyogs gang zhe na/ smras pa/ de yang rnam pa lngar rig par bya ste/ bsam gtan dang po'i 'dod chags dang/ rtog pa dang/ dpyod pa dang/ sdug bsngal dang/ rgod pa dang/ ting nge 'dzin ma rdzogs pa'o/ /bsam gtan gsum pa'i mi mthun pa'i phyogs gang zhe na/ smras pa/ de ni rnam pa bzhir rig par bya ste/ bsam gtan gnyis pa'i 'dod chags dang/ yid bde ba dang/ dga' ba dang/ ting nge 'dzin ma rdzogs pa'o/ /bsam gtan bzhi pa'i mi mthun pa'i phyogs gang zhe na/ smras pa/ de yang rnam pa lngar rig par bya ste/ dbugs rngub pa dang/ dbugs dbyung ba dang/ bsam gtan gsum pa'i 'dod chags dang/ bde ba dang/ bde ba la rtsol ba dang/ ting nge 'dzin ma rdzogs pa'o/ /

【E3 支(T1579缺解1-3列名出體、釋名、廢立)】

བསམ་གཏན་དང་པོའི་ཡན་ལག་དུ་ཞེ་ན། སྨྲས་པ། ཡན་ལག་ལྔ་སྟེ། ཡན་ལག་ལྔ་གང་ཞེ་ན། རྟོག་པ་དང༌། དཔྱོད་པ་དང༌། དགའ་བ་དང༌། བདེ་བ་དང༌། སེམས་རྩེ་གཅིག་པ་ཉིད་དོ། །བསམ་གཏན་གཉིས་པའི་ཡན་ལག་དུ་ཞེ་ན། སྨྲས་པ། ཡན་ལག་བཞི་སྟེ་ཡན་ལག་བཞི་གང་ཞེ་ན། ནང་ཡོངས་སུ་དང་བ་དང༌། དགའ་བ་དང༌། བདེ་བ་དང༌། སེམས་རྩེ་གཅིག་པ་ཉིད་དོ། །དེ་ལ་ནང་ཡོངས་སུ་དང་བའི་ཆོས་ཀྱི་ངོ་བོ་ཉིད་གང་ཞེ་ན། སྨྲས་པ་དང༌། དྲན་པ་དང༌། ཤེས་བཞིན་དང༌། བཏང་སྙོམས་ཀྱི་ངོ་བོ་ཉིད་ཡིན་ནོ། །བསམ་གཏན་གསུམ་པའི་ཡན་ལག་དུ་ཞེ་ན། སྨྲས་པ། ཡན་ལག་ལྔ་སྟེ༑ ལྔ་གང་ཞེ་ན། དྲན་པ་དང༌། ཤེས་བཞིན་དང༌། བཏང་སྙོམས་དང༌། བདེ་བ་དང༌། སེམས་རྩེ་གཅིག་པ་ཉིད་དོ། །བསམ་གཏན་བཞི་པའི་ཡན་ལག་དུ་ཞེ་ན། སྨྲས་པ། ཡན་ལག་བཞི་སྟེ། ཡན་ལག་བཞི་གང་ཞེ་ན། བཏང་སྙོམས་ཡོངས་སུ་དག་པ་དང༌། དྲན་པ་ཡོངས་སུ་དག་པ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང༌། སེམས་རྩེ་གཅིག་པ་ཉིད་དོ། །དེ་ལ་བསམ་གཏན་དང་པོ་ལ་ནི་དྲན་པ་དང༌། ཤེས་བཞིན་དང༌། བཏང་སྙོམས་དག་རྟོག་པ་དང་། དཔྱོད་པའི་སྒོ་དག་གིས་མངོན་པར་བསྒྲུབས་པས་ན༑ དེའི་ཕྱིར་ཡོད་ཀྱང་མ་སྨོས་སོ། །བསམ་གཏན་གཉིས་པ་ལ་ནི་ངོ་བོ་ཉིད་ལས་བྱེད་པ་དག་ཡིན་ཡང༌། སེམས་དགའ་བའི་ཉེ་བའི་ཉོན་མོངས་པས་ཀུན་ནས་དཀྲིས་པ་ཡིན་པས་དེའི་ཕྱིར། ནང་ཡོངས་སུ་དང་བའི་མིང་གིས་བསྟན་ཏོ། །བསམ་གཏན་གསུམ་པ་ལ་ནི་སེམས་ཀྱི་ཉེ་བའི་ཉོན་མོངས་པ་དེ་དང་བྲལ་བའི་ཕྱིར་རང་གི་མཚན་ཉིད་དེ་ཁོ་ནས་བསྟན་ཏེ། དེའི་ཕྱིར་དགའ་བ་དང་བྲལ་བ་ལ་སོགས་པ་སྨོས་སོ། །བསམ་གཏན་དང་པོའི་གང་དག་ཡིན་པ་དེ་དག་ནི་འདོད་པའི་འདོད་ཆགས་དང་བྲལ་བས་ཡིན་གྱི། དགའ་བ་དང་བྲལ་བས་ནི་མ་ཡིན་ནོ། །བསམ་གཏན་གཉིས་པའི་གང་དག་ཡིན་པ་དེ་དག་ནི་རྟོག་པ་དང་དཔྱོད་པ་དང་བྲལ་བས་ཡིན་གྱི། དགའ་བ་དང་བྲལ་བས་ནི་མ་ཡིན་ནོ། །བསམ་གཏན་བཞི་པ་ལ་ནི་དེ་དག་ཉིད་ཤིན་ཏུ་ཡོངས་སུ་དག་པར་བསྟན་ཏོ། །དེའི་ཕྱིར་བསམ་གཏན་ཐམས་ཅད་ལ་དེ་དག་གི་ཚུལ་བཞིན་དུ་རིག་པར་བྱ་སྟེ། དེ་ཡང་ཅི་རིགས་པར་རོ། །

bsam gtan dang po'i yan lag du zhe na/ smras pa/ yan lag lnga ste/ yan lag lnga gang zhe na/ rtog pa dang/ dpyod pa dang/ dga' ba dang/ bde ba dang/ sems rtse gcig pa nyid do/ /bsam gtan gnyis pa'i yan lag du zhe na/ smras pa/ yan lag bzhi ste yan lag bzhi gang zhe na/ nang yongs su dang ba dang/ dga' ba dang/ bde ba dang/ sems rtse gcig pa nyid do/ /de la nang yongs su dang ba'i chos kyi ngo bo nyid gang zhe na/ smras pa dang/ dran pa dang/ shes bzhin dang/ btang snyoms kyi ngo bo nyid yin no/ /bsam gtan gsum pa'i yan lag du zhe na/ smras pa/ yan lag lnga ste| lnga gang zhe na/ dran pa dang/ shes bzhin dang/ btang snyoms dang/ bde ba dang/ sems rtse gcig pa nyid do/ /bsam gtan bzhi pa'i yan lag du zhe na/ smras pa/ yan lag bzhi ste/ yan lag bzhi gang zhe na/ btang snyoms yongs su dag pa dang/ dran pa yongs su dag pa dang/ sdug bsngal yang ma yin bde ba yang ma yin pa dang/ sems rtse gcig pa nyid do/ /de la bsam gtan dang po la ni dran pa dang/ shes bzhin dang/ btang snyoms dag rtog pa dang / dpyod pa'i sgo dag gis mngon par bsgrubs pas na| de'i phyir yod kyang ma smos so/ /bsam gtan gnyis pa la ni ngo bo nyid las byed pa dag yin yang/ sems dga' ba'i nye ba'i nyon mongs pas kun nas dkris pa yin pas de'i phyir/ nang yongs su dang ba'i ming gis bstan to/ /bsam gtan gsum pa la ni sems kyi nye ba'i nyon mongs pa de dang bral ba'i phyir rang gi mtshan nyid de kho nas bstan te/ de'i phyir dga' ba dang bral ba la sogs pa smos so/ /bsam gtan dang po'i gang dag yin pa de dag ni 'dod pa'i 'dod chags dang bral bas yin gyi/ dga' ba dang bral bas ni ma yin no/ /bsam gtan gnyis pa'i gang dag yin pa de dag ni rtog pa dang dpyod pa dang bral bas yin gyi/ dga' ba dang bral bas ni ma yin no/ /bsam gtan bzhi pa la ni de dag nyid shin tu yongs su dag par bstan to/ /de'i phyir bsam gtan thams cad la de dag gi tshul bzhin du rig par bya ste/ de yang ci rigs par ro/ /

【E4 建立】【F1 問】

ཅིའི་ཕྱིར་བསམ་གཏན་བཞི་པོ་དེ་དག་ཡན་ལག་ལྔ་པ་དང༌། ཡན་ལག་བཞི་པར་རྣམ་པར་གཞག་ཅེ་ན།

ci'i phyir bsam gtan bzhi po de dag yan lag lnga pa dang/ yan lag bzhi par rnam par gzhag ce na/

【F2 答】【G1 初復次】

སྨྲས་པ། གནས་པའི་རྟེན་དང༌། གནས་པ་ལ་ཕན་པ་དང༌། གནས་པའི་ངོ་བོ་ཉིད་ཡིན་པའི་ཕྱིར་རོ། །

smras pa/ gnas pa'i rten dang/ gnas pa la phan pa dang/ gnas pa'i ngo bo nyid yin pa'i phyir ro/ /

【G2 第二復次】

རྣམ་གྲངས་གཞན་ཡང་དམིགས་པ་ཡིད་ལ་བྱེད་པ་དང༌། དམིགས་པ་ལ་ཡོངས་སུ་དཔྱོད་པ་དང༌། དམིགས་པ་ལས་མི་འཕྲོ་བའི་ཕྱིར་རོ། །

rnam grangs gzhan yang dmigs pa yid la byed pa dang/ dmigs pa la yongs su dpyod pa dang/ dmigs pa las mi 'phro ba'i phyir ro/ /

【G3 第三復次】

རྣམ་གྲངས་གཞན་ཡང་ཕན་འདོགས་པའི་རྟེན་དང༌། ལྷག་པའི་སེམས་ཀྱི་རྟེན་དང༌། ལྷག་པའི་ཤེས་རབ་ཀྱི་རྟེན་ཡིན་པའི་ཕྱིར་རོ། །

rnam grangs gzhan yang phan 'dogs pa'i rten dang/ lhag pa'i sems kyi rten dang/ lhag pa'i shes rab kyi rten yin pa'i phyir ro/ /

【G4 第四復次】

རྣམ་གྲངས་གཞན་ཡང་མི་མཐུན་པའི་ཕྱོགས་ཉེ་བའི་ཉོན་མོངས་པ་ཅན་གྱི་གནས་པ་རྣམ་པ་གསུམ་གྱི་གཉེན་པོའི་ཕྱིར་ཏེ། མི་མཐུན་པའི་ཕྱོགས་ཉེ་བའི་ཉོན་མོངས་པ་ཅན་གྱི་གནས་པ་རྣམ་པ་གསུམ་གང་ཞེ་ན། འདི་ལྟ་སྟེ། ཉོན་མོངས་པ་ཅན་གྱི་གནས་པ་དང༌། སྡུག་བསྔལ་བའི་གནས་པ་དང༌། ཀུན་དུ་རྨོངས་པའི་གནས་པའོ། །

rnam grangs gzhan yang mi mthun pa'i phyogs nye ba'i nyon mongs pa can gyi gnas pa rnam pa gsum gyi gnyen po'i phyir te/ mi mthun pa'i phyogs nye ba'i nyon mongs pa can gyi gnas pa rnam pa gsum gang zhe na/ 'di lta ste/ nyon mongs pa can gyi gnas pa dang/ sdug bsngal ba'i gnas pa dang/ kun du rmongs pa'i gnas pa'o/ /

【G5 第五復次】

རྣམ་གྲངས་གཞན་ཡང་བསམ་གཏན་པ་རྣམས་ཀྱི་འདོད་པ་ལ་ལོངས་སྤྱོད་པ་དང༌། ཆོས་མཐུན་པ་ཡིན་པར་བལྟ་བར་བྱ་སྟེ། འདོད་པ་ལ་ལོངས་སྤྱོད་པ་རྣམས་ཀྱི་ཡང་དག་པར་བྱ་བ་ནི་གསུམ་པོ་འདི་དག་ཡིན་ཏེ། དེ་དག་གིས་འདོད་པ་ལ་ལོངས་སྤྱོད་པ་རྣམས་རབ་ཏུ་ཕྱེ་བ་ཡིན་ནོ། །གསུམ་གང་ཞེ་ན། འདི་ལྟ་སྟེ། ལོངས་སྤྱོད་ལེགས་པར་ཡོངས་སུ་ཚོལ་བ་དང༌། ཡོངས་སུ་བཙལ་བ་རྣམས་ལ་ལེགས་པར་ལོངས་སྤྱོད་པ་དང༌། དེ་ལ་དབང་བསྒྱུར་བ་ལ་རང་དབང་ཡོད་པའོ། །དེ་བཞིན་དུ་བསམ་གཏན་པ་རྣམས་ཀྱི་ཡན་ལག་ཀྱང་ལེགས་པར་བྱ་བ་གསུམ་ལ་བརྟེན་ནས་རྣམ་པར་གཞག་པར་རིག་པར་བྱ་སྟེ། དེ་ཡང་ཅི་རིགས་པར་རོ། །

rnam grangs gzhan yang bsam gtan pa rnams kyi 'dod pa la longs spyod pa dang/ chos mthun pa yin par blta bar bya ste/ 'dod pa la longs spyod pa rnams kyi yang dag par bya ba ni gsum po 'di dag yin te/ de dag gis 'dod pa la longs spyod pa rnams rab tu phye ba yin no/ /gsum gang zhe na/ 'di lta ste/ longs spyod legs par yongs su tshol ba dang/ yongs su btsal ba rnams la legs par longs spyod pa dang/ de la dbang bsgyur ba la rang dbang yod pa'o/ /de bzhin du bsam gtan pa rnams kyi yan lag kyang legs par bya ba gsum la brten nas rnam par gzhag par rig par bya ste/ de yang ci rigs par ro/ /

【G6 第六復次】

རྣམ་གྲངས་གཞན་ཡང་བསམ་གཏན་པ་རྣམས་ཀྱི་ཡན་ལག་ནི་དཀའ་ཐུབ་དྲག་པོའི་གཉེན་པོར་རྣམ་པར་གཞག་པ་ཡིན་པར་རིག་པར་བྱ་སྟེ། དེ་དག་གི་གཉེན་པོ་ཡང་རྣམ་པ་གསུམ་སྟེ། གཉེན་པོ་མེད་པའི་གཉེན་པོ་དང༌། ལུས་དང་སེམས་ལ་གནོད་པའི་གཉེན་པོ་དང༌། སེམས་ཕྱི་རོལ་དུ་འཕྲོ་བ་ཉེ་བར་མ་ཞི་བའི་གཉེན་པོའོ། །

rnam grangs gzhan yang bsam gtan pa rnams kyi yan lag ni dka' thub drag po'i gnyen por rnam par gzhag pa yin par rig par bya ste/ de dag gi gnyen po yang rnam pa gsum ste/ gnyen po med pa'i gnyen po dang/ lus dang sems la gnod pa'i gnyen po dang/ sems phyi rol du 'phro ba nye bar ma zhi ba'i gnyen po'o/ /

【E5 遠離】【F1 問】

ཅིའི་ཕྱིར་བསམ་གཏན་དང་པོ་ལ་འདོད་པ་རྣམས་ལས་དབེན་པ་ཞེས་གསུངས་ནས། སྡིག་པ་མི་དགེ་བའི་ཆོས་རྣམས་ལས་དབེན་པ་ཞེས་གསུངས་ཤེ་ན།

ci'i phyir bsam gtan dang po la 'dod pa rnams las dben pa zhes gsungs nas/ sdig pa mi dge ba'i chos rnams las dben pa zhes gsungs she na/

【F2 答】【G1 初復次】

སྨྲས་པ། འདོད་པ་རྣམས་ཀྱི་རང་གི་མཚན་ཉིད་ཡོངས་སུ་བསྟན་པའི་ཕྱིར་དང༌། ཉེས་དམིགས་ཀྱི་མཚན་ཉིད་ཡོངས་སུ་བསྟན་པའི་ཕྱིར་རོ། །དེ་ལ་ཉེས་དམིགས་ཀྱི་མཚན་ཉིད་ནི་འདི་ཡིན་ཏེ། འདོད་པ་རྣམས་ནི་ཉེས་པར་སྤྱོད་པ་ཀུན་ནས་བསླང་ནས་འོག་ཏུ་ལྟུང་བར་བྱེད་པའི་ཕྱིར་སྡིག་པ་ཡིན་ནོ། །དགེ་བ་སྐྱེ་བ་དང་མི་མཐུན་པ་ཡིན་པའི་ཕྱིར་མི་དགེ་བ་དེ་ཡིན་ནོ། །

smras pa/ 'dod pa rnams kyi rang gi mtshan nyid yongs su bstan pa'i phyir dang/ nyes dmigs kyi mtshan nyid yongs su bstan pa'i phyir ro/ /de la nyes dmigs kyi mtshan nyid ni 'di yin te/ 'dod pa rnams ni nyes par spyod pa kun nas bslang nas 'og tu ltung bar byed pa'i phyir sdig pa yin no/ /dge ba skye ba dang mi mthun pa yin pa'i phyir mi dge ba de yin no/ /

【G2 第二復次】

རྣམ་གྲངས་གཞན་ཡང་ཉོན་མོངས་པའི་ཀུན་ནས་ཉོན་མོངས་པ་སྤངས་པ་ཡོངས་སུ་བསྟན་པའི་ཕྱིར་དང༌། སྔོན་བསགས་པའི་ལས་ཀྱི་ཀུན་ནས་ཉོན་མོངས་པ་སྤངས་པ་ཡོངས་སུ་བསྟན་པའི་ཕྱིར་རོ། །

rnam grangs gzhan yang nyon mongs pa'i kun nas nyon mongs pa spangs pa yongs su bstan pa'i phyir dang/ sngon bsags pa'i las kyi kun nas nyon mongs pa spangs pa yongs su bstan pa'i phyir ro/ /

【G3 第三復次】

རྣམ་གྲངས་གཞན་ཡང་ཁྱིམ་ན་གནས་པ་རྣམས་ཀྱི་དངོས་པོ་ལ་ཡོངས་སུ་སྤྱོད་པའི་སྒོ་ནས་འདོད་པ་སྤང་བ་ཡོངས་སུ་བསྟན་པའི་ཕྱིར་དང༌། རབ་ཏུ་བྱུང་བ་རྣམས་ཀྱི་རྣམ་པར་རྟོག་པའི་སྒོ་ནས་དེ་སྤང་བ་ཡོངས་སུ་བསྟན་པའི་ཕྱིར་རོ༑ །

rnam grangs gzhan yang khyim na gnas pa rnams kyi dngos po la yongs su spyod pa'i sgo nas 'dod pa spang ba yongs su bstan pa'i phyir dang/ rab tu byung ba rnams kyi rnam par rtog pa'i sgo nas de spang ba yongs su bstan pa'i phyir ro| /

【G4 第四復次】

རྣམ་གྲངས་གཞན་ཡང་འདོད་པའི་རྣམ་པར་རྟོག་པ་སྤང་བ་ཡོངས་སུ་བསྟན་པའི་ཕྱིར་དང༌། གནོད་སེམས་དང་རྣམ་པར་འཚེ་བའི་རྣམ་པར་རྟོག་པ་སྤང་བ་ཡོངས་སུ་བསྟན་པའི་ཕྱིར་རོ། །

rnam grangs gzhan yang 'dod pa'i rnam par rtog pa spang ba yongs su bstan pa'i phyir dang/ gnod sems dang rnam par 'tshe ba'i rnam par rtog pa spang ba yongs su bstan pa'i phyir ro/ /

【G5 第五復次】

རྣམ་གྲངས་གཞན་ཡང་ཕྱི་རོལ་པའི་དྲང་སྲོང་རྣམས་ཀྱི་འཐོབ་པའི་རྟགས་ཡོངས་སུ་བསྟན་པའི་ཕྱིར་དང་། ཡོངས་སུ་ཉམས་པ་རྣམས་ཀྱི་དམོད་པ་འདོར་བ་ཡོངས་སུ་བསྟན་པའི་ཕྱིར་རོ། །

rnam grangs gzhan yang phyi rol pa'i drang srong rnams kyi 'thob pa'i rtags yongs su bstan pa'i phyir dang / yongs su nyams pa rnams kyi dmod pa 'dor ba yongs su bstan pa'i phyir ro/ /

【E6 苦】【F1 問】

ཅིའི་ཕྱིར་བསམ་གཏན་དང་པོ་ལ་སྡུག་བསྔལ་གྱི་དབང་པོ་མ་སྤངས་ཤེ་ན།

ci'i phyir bsam gtan dang po la sdug bsngal gyi dbang po ma spangs she na/

【F2 答】

སྨྲས་པ། དེ་ལ་དེའི་ཕྱོགས་དང་མཐུན་པའི་གནས་ངན་ལེན་དང་མ་བྲལ་བའི་ཕྱིར་ཏེ། གལ་ཏེ་དེ་ལ་སྡུག་བསྔལ་གྱི་དབང་པོ་སྤངས་པར་གྱུར་ན། བསམ་གཏན་གཉིས་པ་དང༌། གནས་པའི་ཁྱད་པར་དམིགས་པར་མི་འགྱུར་བས་དེའི་ཕྱིར་མ་སྤངས་པ་ཁོ་ནར་རིག་པར་བྱའོ། །

smras pa/ de la de'i phyogs dang mthun pa'i gnas ngan len dang ma bral ba'i phyir te/ gal te de la sdug bsngal gyi dbang po spangs par gyur na/ bsam gtan gnyis pa dang/ gnas pa'i khyad par dmigs par mi 'gyur bas de'i phyir ma spangs pa kho nar rig par bya'o/ /

【E7 散動】【F1 問】

གང་གི་ཚེ་བསམ་གཏན་དང་པོ་ལ་སོགས་པ་ལ་རྟོག་པ་དང་དཔྱོད་པ་ལ་སོགས་པའི་ཏིང་ངེ་འཛིན་ལ་ཕན་འདོགས་པ་དག །བསམ་གཏན་རྣམས་ཀྱི་རང་གི་ས་ལ་ཕན་འདོགས་པ་དང༌། ཡོངས་སུ་དག་པར་འགྱུར་བའི་ཕྱིར་འཇུག་པ་ཡིན་ནོ། །ཅིའི་ཕྱིར་བཅོམ་ལྡན་འདས་ཀྱིས་གཡོ་བའི་མིང་དུ་བསྟན་ཞེ་ན།

gang gi tshe bsam gtan dang po la sogs pa la rtog pa dang dpyod pa la sogs pa'i ting nge 'dzin la phan 'dogs pa dag /bsam gtan rnams kyi rang gi sa la phan 'dogs pa dang/ yongs su dag par 'gyur ba'i phyir 'jug pa yin no/ /ci'i phyir bcom ldan 'das kyis g.yo ba'i ming du bstan zhe na/

【F2 答】

སྨྲས་པ། གཞན་གྱི་ས་ལ་ལྟོས་ཏེ་བསྟན་པ་ཡིན་གྱི། རང་གི་ས་ལས་ནི་མ་ཡིན་ནོ། །

smras pa/ gzhan gyi sa la ltos te bstan pa yin gyi/ rang gi sa las ni ma yin no/ /

【E8 上支分】【F1 問】

ཅིའི་ཕྱིར་བསམ་གཏན་དང་པོ་ལ་སོགས་པ་ལ་འདོད་པའི་ཁམས་ཀྱི་བར་ནས་བཟུང་སྟེ། གོང་ནས་གོང་དུ་ཡན་ལག་དག་རྣམ་པར་གཞག་ཅེ་ན།

ci'i phyir bsam gtan dang po la sogs pa la 'dod pa'i khams kyi bar nas bzung ste/ gong nas gong du yan lag dag rnam par gzhag ce na/

【F2 答】

སྨྲས་པ། མདོར་བསྡུ་ན་རྒྱུ་རྣམ་པ་གསུམ་གྱིས་ཏེ། མི་མཐུན་པའི་ཕྱོགས་ཀྱི་གཉེན་པོ་དང༌། རྟོགས་པའི་ཕན་ཡོན་དང༌། རྟོགས་པས་སོ། །རྒྱུ་གསུམ་པོ་དེ་དག་ནི་བསམ་གཏན་བཞི་པོ་དག་ལ་ཡན་ལག་ལྔ་ཡོངས་སུ་གཟུང་བ་དག་ལ་ཡང་ཅི་རིགས་པ་རིག་པར་བྱའོ། །

smras pa/ mdor bsdu na rgyu rnam pa gsum gyis te/ mi mthun pa'i phyogs kyi gnyen po dang/ rtogs pa'i phan yon dang/ rtogs pas so/ /rgyu gsum po de dag ni bsam gtan bzhi po dag la yan lag lnga yongs su gzung ba dag la yang ci rigs pa rig par bya'o/ /

【E9 差別】

བསམ་གཏན་དང་པོ་དང༌། བསམ་གཏན་གཉིས་པ་ལ་ཁྱད་པར་ཅི་ཡོད་ཅེ་ན། སྨྲས་པ། ཏིང་ངེ་འཛིན་ཡོངས་སུ་རྫོགས་པའི་ཁྱད་པར་ཡོད་དོ། །བསམ་གཏན་གཉིས་པ་དང་བསམ་གཏན་གསུམ་པ་ལ་ཁྱད་པར་ཅི་ཡོད་ཅེ་ན། སྨྲས་པ། ཕན་འདོགས་པ་ཡོངས་སུ་རྫོགས་པའི་ཁྱད་པར་ཡོད་དོ། །

bsam gtan dang po dang/ bsam gtan gnyis pa la khyad par ci yod ce na/ smras pa/ ting nge 'dzin yongs su rdzogs pa'i khyad par yod do/ /bsam gtan gnyis pa dang bsam gtan gsum pa la khyad par ci yod ce na/ smras pa/ phan 'dogs pa yongs su rdzogs pa'i khyad par yod do/ /

【C5 以六門還雜決擇】【D1 四種修定】【E1 問】

བསམ་གཏན་གསུམ་པ་དང༌། བསམ་གཏན་བཞི་པ་ལ་ཁྱད་པར་ཅི་ཡོད་ཅེ་ན།

bsam gtan gsum pa dang/ bsam gtan bzhi pa la khyad par ci yod ce na/

【E2 答】【F1 舉數列名】【G1 依人四立四修定】

སྨྲས་པ། ཏིང་ངེ་འཛིན་ཡོངས་སུ་དག་པ་ཡོངས་སུ་རྫོགས་པའི་ཁྱད་པར་ཡོད་དོ།། །།བམ་པོ་ཉི་ཤུ་པ། ཏིང་ངེ་འཛིན་སྒོམ་པ་ནི་རྣམ་པ་བཞི་སྟེ། ཚེ་འདི་ལ་བདེ་བར་གནས་པ་ཐོབ་པར་བྱ་བའི་ཕྱིར་དང༌། ཡེ་ཤེས་དང་མཐོང་བ་ཐོབ་པར་བྱ་བའི་ཕྱིར་དང༌། ཤེས་རབ་ཀྱི་རབ་ཏུ་དབྱེ་བ་ཐོབ་པར་བྱ་བའི་ཕྱིར་དང༌། ཟག་པ་ཟད་པ་ཐོབ་པར་བྱ་བའི་ཕྱིར་རོ། །

smras pa/ ting nge 'dzin yongs su dag pa yongs su rdzogs pa'i khyad par yod do// //bam po nyi shu pa/ ting nge 'dzin sgom pa ni rnam pa bzhi ste/ tshe 'di la bde bar gnas pa thob par bya ba'i phyir dang/ ye shes dang mthong ba thob par bya ba'i phyir dang/ shes rab kyi rab tu dbye ba thob par bya ba'i phyir dang/ zag pa zad pa thob par bya ba'i phyir ro/ /

【G2 隨難重辨】

གང་ཟག་རྣམ་པ་བཞི་ལས་བརྩམས་ནས་ཏིང་ངེ་འཛིན་སྒོམ་པ་བཞི་རྣམ་པར་གཞག་པར་རིག་པར་བྱ་སྟེ། གང་ཟག་བཞི་གང་ཞེ་ན། བདེན་པ་མཐོང་བ་མངོན་པར་ཤེས་པ་མྱུར་ལ་དཀའ་བའི་ལམ་ཐོབ་པ་དང༌། སོ་སོའི་སྐྱེ་བོ་འདོད་ཆགས་དང་བྲལ་བ་ལམ་མ་ཐོབ་པ་སེམས་ཅན་ལ་དམིགས་པའི་ཚད་མེད་པ་ཐོབ་པ་དང༌། བདེན་པ་མཐོང་བ་མངོན་པར་ཤེས་པ་བུལ་ལ་སླ་བའི་ལམ་ཐོབ་པ་དང༌། བདེན་པ་མཐོང་བ་མངོན་པར་ཤེས་པ་མྱུར་ལ་སླ་བའི་ལམ་ཐོབ་པའོ། །

gang zag rnam pa bzhi las brtsams nas ting nge 'dzin sgom pa bzhi rnam par gzhag par rig par bya ste/ gang zag bzhi gang zhe na/ bden pa mthong ba mngon par shes pa myur la dka' ba'i lam thob pa dang/ so so'i skye bo 'dod chags dang bral ba lam ma thob pa sems can la dmigs pa'i tshad med pa thob pa dang/ bden pa mthong ba mngon par shes pa bul la sla ba'i lam thob pa dang/ bden pa mthong ba mngon par shes pa myur la sla ba'i lam thob pa'o/ /

【F2 約人建立】

དེ་ལ་སོ་སོའི་སྐྱེ་བོ་འདོད་ཆགས་དང་བྲལ་བ་ཚད་མེད་པ་ཐོབ་པའི་ཡེ་ཤེས་དང༌། མཐོང་བ་ནི་འཆི་འཕོ་དང་སྐྱེ་བ་མངོན་པར་ཤེས་པ་ཐོབ་པས་ཡོངས་སུ་དག་པ་ཡིན་པར་རིག་པར་བྱའོ། །བདེན་པ་མཐོང་བ་མངོན་པར་ཤེས་པ་བུལ་ལ་སླ་བའི་ལམ་ལ་གནས་པ་ནི་དབང་པོ་རྟུལ་བས་ཡོངས་སུ་ཉམས་པའི་ཆོས་ཅན་ཡིན་ཏེ། དེས་ནི་འདོད་པ་ན་སྤྱོད་པའི་ཚོར་བ་དང༌། འདུ་ཤེས་དང༌། རྣམ་པར་རྟོག་པ་དག་ལ་དྲན་པ་ཉེ་བར་གཞག་པར་བྱ་ཞིང་ཤེས་བཞིན་དུ་ཡང་བྱའོ། །

de la so so'i skye bo 'dod chags dang bral ba tshad med pa thob pa'i ye shes dang/ mthong ba ni 'chi 'pho dang skye ba mngon par shes pa thob pas yongs su dag pa yin par rig par bya'o/ /bden pa mthong ba mngon par shes pa bul la sla ba'i lam la gnas pa ni dbang po rtul bas yongs su nyams pa'i chos can yin te/ des ni 'dod pa na spyod pa'i tshor ba dang/ 'du shes dang/ rnam par rtog pa dag la dran pa nye bar gzhag par bya zhing shes bzhin du yang bya'o/ /

【D2 明靜慮離欲】

བསམ་གཏན་རྣམས་ནི་འདོད་ཆགས་དང་བྲལ་བས་རབ་ཏུ་ཕྱེ་བ་ཡིན་ཏེ། དེ་ལ་འདོད་ཆགས་དང་བྲལ་བ་ནི་རྣམ་པ་དྲུག་ཏུ་རིག་པར་བྱ་སྟེ། འདི་ལྟ་སྟེ། རང་བཞིན་གྱིས་འདོད་ཆགས་དང་བྲལ་བ་དང༌། གནོད་པས་འདོད་ཆགས་དང་བྲལ་བ་དང༌། སྟོན་པས་འདོད་ཆགས་དང་བྲལ་བ་དང༌། ཡང་དག་ཕུལ་གྱིས་འདོད་ཆགས་དང་བྲལ་བ་དང༌། ཀུན་དུ་རྨོངས་པས་འདོད་ཆགས་དང་བྲལ་བ་དང༌། གཉེན་པོས་འདོད་ཆགས་དང་བྲལ་བའོ། །དེ་ལ་རང་བཞིན་གྱིས་འདོད་ཆགས་དང་བྲལ་བ་ནི་འདི་ལྟ་སྟེ། དངོས་པོ་རང་བཞིན་གྱིས་མི་གཙང་བ་ཡོངས་སུ་ལོངས་སྤྱོད་པའི་འོས་མ་ཡིན་པ་དག་ལ་མི་མཐུན་པ་ཉིད་གང་ཡིན་པ་དང༌། དེ་བཞིན་དུ་སྡུག་བསྔལ་གྱི་ཚོར་བ་དག་ལ་མི་མཐུན་པ་ཉིད་གང་ཡིན་པ་དང༌། དེ་བཞིན་དུ་བསམ་གཏན་དང་པོ་ལས་འདོད་ཆགས་དང་བྲལ་བའི་བསམ་གཏན་གཉིས་པ་ལ་སོགས་པ་ལ་རྟོག་པ་དང་དཔྱོད་པ་ལ་སོགས་པ་མི་མཐུན་པ་ཉིད་གང་ཡིན་པའོ། །དེ་ལ་གནོད་པས་འདོད་ཆགས་དང་བྲལ་བ་ནི་འདི་ལྟ་སྟེ། གཉིས་ཀྱིས་གཉིས་སྤྲོད་པས་འཁྲིག་པའི་ཆོས་བསྟན་པའི་ཡོངས་སུ་གདུང་བ་དང་བྲལ་བ་ལ་མི་མཐུན་པ་ཉིད་གང་ཡིན་པ་དང༌། དེ་ལྟ་བུ་དང་མཐུན་པ་གཞན་ཡང་བལྟ་བར་བྱའོ། །དེ་ལ་སྟོན་པས་འདོད་ཆགས་དང་བྲལ་བ་ནི་འདི་ལྟ་སྟེ། ལེགས་པར་ཟོས་པ་དང༌། ལེགས་པར་འཐུངས་པ་དང་ལེགས་པར་ཚིམ་པའི་བཟའ་བ་དང༌། བཏུང་བ་ལ་མི་མཐུན་པ་ཉིད་གང་ཡིན་པ་དང༌། དེ་ལྟ་བུ་དང་མཐུན་པ་གཞན་ཡང་བལྟ་བར་བྱའོ། །དེ་ལ་ཡང་དག་ཕུལ་གྱིས་འདོད་ཆགས་དང་བྲལ་བ་ནི་འདི་ལྟ་སྟེ། ལོངས་སྤྱོད་དང་ཕུན་སུམ་ཚོགས་པ་ཆེས་གྱ་ནོམ་པ་དང༌། ཆེས་མཆོག་ཏུ་གྱུར་པ་ཐོབ་པའི་དམན་པ་ལ་མི་མཐུན་པ་ཉིད་གང་ཡིན་པ་དང༌། དེ་ལྟ་བུ་དང་མཐུན་པ་གཞན་ཡང་བལྟ་བར་བྱའོ། །དེ་ལ་ཀུན་དུ་རྨོངས་པས་འདོད་ཆགས་དང་བྲལ་བ་ནི་འདི་ལྟ་སྟེ། མྱ་ངན་ལས་འདས་པའི་ཕན་ཡོན་མི་ཤེས་པའི་མྱ་ངན་ལས་འདས་པ་ལ་མི་མཐུན་པ་ཉིད་གང་ཡིན་པ་དང༌། དེ་ལྟ་བུ་དང་མཐུན་པ་གཞན་ཡང་བལྟ་བར་བྱའོ། །དེ་ལ་གཉེན་པོས་འདོད་ཆགས་དང་བྲལ་བ་ནི་འདི་ལྟ་སྟེ། སུན་འབྱིན་པ་གཉེན་པོའམ། སྤོང་བ་གཉེན་པོའམ། ཀུན་དུ་འཛིན་པ་གཉེན་པོའམ༑ ཐག་སྲིང་བ་གཉེན་པོ་ལས་བརྟེན་ཏེ། འཇིག་རྟེན་པའམ་འཇིག་རྟེན་ལས་འདས་པའི་ལམ་གྱིས་ཉོན་མོངས་པ་སྤོང་བ་གང་ཡིན་པའོ། །

bsam gtan rnams ni 'dod chags dang bral bas rab tu phye ba yin te/ de la 'dod chags dang bral ba ni rnam pa drug tu rig par bya ste/ 'di lta ste/ rang bzhin gyis 'dod chags dang bral ba dang/ gnod pas 'dod chags dang bral ba dang/ ston pas 'dod chags dang bral ba dang/ yang dag phul gyis 'dod chags dang bral ba dang/ kun du rmongs pas 'dod chags dang bral ba dang/ gnyen pos 'dod chags dang bral ba'o/ /de la rang bzhin gyis 'dod chags dang bral ba ni 'di lta ste/ dngos po rang bzhin gyis mi gtsang ba yongs su longs spyod pa'i 'os ma yin pa dag la mi mthun pa nyid gang yin pa dang/ de bzhin du sdug bsngal gyi tshor ba dag la mi mthun pa nyid gang yin pa dang/ de bzhin du bsam gtan dang po las 'dod chags dang bral ba'i bsam gtan gnyis pa la sogs pa la rtog pa dang dpyod pa la sogs pa mi mthun pa nyid gang yin pa'o/ /de la gnod pas 'dod chags dang bral ba ni 'di lta ste/ gnyis kyis gnyis sprod pas 'khrig pa'i chos bstan pa'i yongs su gdung ba dang bral ba la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la ston pas 'dod chags dang bral ba ni 'di lta ste/ legs par zos pa dang/ legs par 'thungs pa dang legs par tshim pa'i bza' ba dang/ btung ba la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la yang dag phul gyis 'dod chags dang bral ba ni 'di lta ste/ longs spyod dang phun sum tshogs pa ches gya nom pa dang/ ches mchog tu gyur pa thob pa'i dman pa la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la kun du rmongs pas 'dod chags dang bral ba ni 'di lta ste/ mya ngan las 'das pa'i phan yon mi shes pa'i mya ngan las 'das pa la mi mthun pa nyid gang yin pa dang/ de lta bu dang mthun pa gzhan yang blta bar bya'o/ /de la gnyen pos 'dod chags dang bral ba ni 'di lta ste/ sun 'byin pa gnyen po'am/ spong ba gnyen po'am/ kun du 'dzin pa gnyen po'am| thag sring ba gnyen po las brten te/ 'jig rten pa'am 'jig rten las 'das pa'i lam gyis nyon mongs pa spong ba gang yin pa'o/ /

【D3 解靜慮四種異名】

ཅིའི་ཕྱིར་བསམ་གཏན་ལ་གནས་པ་ཞེས་བྱ་ཞེ་ན། སྨྲས་པ། ནང་གི་དམིགས་པ་ལ་སེམས་ཉེ་བར་གཏད་པ་ནི་ཕྱི་རོལ་དུ་རྣམ་པར་མི་གཡེང་བ་ཉིད་ཀྱི་ཕྱིར་རོ། །ཅིའི་ཕྱིར་བསམ་གཏན་ལ་ཏིང་ངེ་འཛིན་ཞེས་བྱ་ཞེ་ན། སྨྲས་པ། ཤེས་བྱའི་དངོས་པོ་དང་ཆ་མཐུན་པའི་གཟུགས་བརྙན་གྱི་དམིགས་པ་ལ་སེམས་ཏིང་ངེ་འཛིན་དུ་གནས་པ་ཉིད་ཀྱི་ཕྱིར་རོ། །ཅིའི་ཕྱིར། བསམ་གཏན་ལ་ཞི་གནས་ཞེས་བྱ་ཞེ་ན། སྨྲས་པ། ཉོན་མོངས་པ་ཞི་བར་བྱ་བའི་ཕྱིར་གནས་པར་བྱེད་པ་ཉིད་ཀྱི་ཕྱིར་རོ། །ཅིའི་ཕྱིར་བསམ་གཏན་ལ་རྩེ་གཅིག་པ་ཞེས་བྱ་ཞེ་ན། སྨྲས་པ། འདི་ནི་གཉིས་ཡིན་ཏེ་མཉམ་པར་མ་བཞག་པའི་ས་པའི་དམིགས་པ་དང༌། མཉམ་པར་བཞག་པའི་ས་པའི་དམིགས་པའོ། །དེ་ལ་མཉམ་པར་མ་བཞག་པའི་ས་པ་གང་ཡིན་པ་དེ་ནི་དམིགས་པ་གཅིག་པ་ཡིན་ནོ། །ཅིག་ཤོས་ནི་མ་ཡིན་ཏེ། དེའི་ཕྱིར་དེ་ལ་ཉེ་བར་གཏད་པའི་སེམས་ནི་རྩེ་གཅིག་པ་ཞེས་བྱའོ། །

ci'i phyir bsam gtan la gnas pa zhes bya zhe na/ smras pa/ nang gi dmigs pa la sems nye bar gtad pa ni phyi rol du rnam par mi g.yeng ba nyid kyi phyir ro/ /ci'i phyir bsam gtan la ting nge 'dzin zhes bya zhe na/ smras pa/ shes bya'i dngos po dang cha mthun pa'i gzugs brnyan gyi dmigs pa la sems ting nge 'dzin du gnas pa nyid kyi phyir ro/ /ci'i phyir/ bsam gtan la zhi gnas zhes bya zhe na/ smras pa/ nyon mongs pa zhi bar bya ba'i phyir gnas par byed pa nyid kyi phyir ro/ /ci'i phyir bsam gtan la rtse gcig pa zhes bya zhe na/ smras pa/ 'di ni gnyis yin te mnyam par ma bzhag pa'i sa pa'i dmigs pa dang/ mnyam par bzhag pa'i sa pa'i dmigs pa'o/ /de la mnyam par ma bzhag pa'i sa pa gang yin pa de ni dmigs pa gcig pa yin no/ /cig shos ni ma yin te/ de'i phyir de la nye bar gtad pa'i sems ni rtse gcig pa zhes bya'o/ /

【D4 明退緣有十】

དེ་ལ་འདོད་ཆགས་དང་བྲལ་བའི་ཡོངས་སུ་ཉམས་པ་ནི་རྣམ་པ་བཅུར་རིག་པར་བྱ་སྟེ༑ འདི་ལྟ་སྟེ། ལུས་མ་སྙོམས་པས་ཀྱང་ཡོངས་སུ་ཉམས་པར་འགྱུར་བ་ནི། འདི་ལྟར་འདི་ན་ལ་ལ་གནོད་པ་དྲག་པོས་རེག་པ་ལས་ཏེ། འདི་ལྟ་སྟེ། དཔེར་ན་ཤིང་ཤུན་གྱིས་བདག་གི་ཏིང་ངེ་འཛིན་དེ་མ་མཐོང་ནས་བདག་འདི་སྙམ་དུ་སེམས་ཏེ། བདག་ཏིང་ངེ་འཛིན་དེ་ལས་ཡོངས་སུ་ཉམས་པའམ་གཅིག་ཏུ་མ་གྱུར་གྲང་སྙམ་མོ་ཞེས་སྨྲས་པ་ལྟ་བུའོ། །ལ་ལ་ནི་སྔོན་ཏིང་ངེ་འཛིན་གོམས་པར་མ་བྱས་པས་རང་བཞིན་གྱི་གནས་ལེན་མང་བ་ཡིན་ཏེ། དེ་གནས་ངན་ལེན་མང་པོ་དེས་ཡོངས་སུ་ཉམས་པའི་ཆོས་ཅན་དུ་འགྱུར་རོ། །ཡུལ་གཙོ་བོས་ཀྱང་ཡོངས་སུ་ཉམས་པར་འགྱུར་བ་ནི། འདི་ལྟར་འདི་ན་ལ་ལ་ཡུལ་རྒྱ་ཆེན་པོ་མངོན་དུ་གྱུར་པ་ཐོབ་པ་ལས་ཏེ། འདི་ལྟ་སྟེ། དཔེར་ན་ཕྱི་རོལ་པའི་དྲང་སྲོང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ཐོབ་པ་བུད་མེད་གཞོན་ནུ་མདོག་བཟང་པོ་ཆགས་པར་འགྱུར་བའི་རེག་པ་ལ་བརྟེན་ནས་ཡོངས་སུ་ཉམས་པར་གྱུར་ཅེས་གྲགས་པ་ལྟ་བུའོ། །བཀུར་སྟིས་ཀྱང་ཡོངས་སུ་ཉམས་པར་འགྱུར་བ་ནི་འདི་ལྟར་འདི་ན་ལ་ལ་གཞན་ལས་རྙེད་པ་དང་བཀུར་སྟི་ཐོབ་པ་ན་ཡོངས་སུ་ཉམས་པར་འགྱུར་བ་སྟེ། འདི་ལྟ་སྟེ། དཔེར་ན་ལྷ་སྦྱིན་ལྟ་བུའོ། །བརྙས་པས་ཀྱང་ཡོངས་སུ་ཉམས་པར་འགྱུར་བ་ནི་འདི་ལྟར་འདི་ན་ལ་ལ་ཁྲོས་སམ་འཁྲུགས་སམ། བརྒྱད་བཀག་པ་ན་ཡོངས་སུ་ཉམས་པར་འགྱུར་བ་སྟེ། འདི་ལྟ་སྟེ། དཔེར་ན་ཕྱི་རོལ་པའི་དྲང་སྲོང་དག་འཁྲུག་པ་ན་ཡོངས་སུ་ཉམས་ནས་དམོད་པ་འདོར་བར་ཡང་བྱེད་པ་ལྟ་བུའོ། །ང་རྒྱལ་གྱིས་ཀྱང་ཡོངས་སུ་ཉམས་པར་འགྱུར་བ་ནི། འདི་ལྟར་འདི་ན་ལ་ལ་སྙོམས་པར་འཇུག་དེས་བདག་ལ་སྟོད་པར་བྱེད་གཞན་དག་ལ་སྨོད་པར་བྱེད་པ་ལྟ་བུའོ། །མངོན་པའི་ང་རྒྱལ་གྱིས་ཀྱང་ཡོངས་སུ་ཉམས་པར་འགྱུར་བ་ནི་འདི་ལྟར་འདི་ན་ལ་ལ་སྙོམས་པར་འཇུག་པ་དེ་ལ་རྟོག་པའི་མངོན་པའི་ང་རྒྱལ་དང་ལྡན་པ་ལྟ་བུའོ། །ཡིད་ལ་མི་བྱེད་པས་ཀྱང་ཡོངས་སུ་ཉམས་པར་འགྱུར་བ་ནི། འདི་ལྟར་འདི་ན་ལ་ལ་ཡིད་ལ་བྱེད་པའི་རྣམ་པ་དང་རྟགས་གང་དག་གིས་སྙོམས་པར་འཇུག་པར་འགྱུར་བ་དེ་དག་ཡིད་ལ་མི་བྱེད་པ་ལྟ་བུའོ། །མ་འདྲིས་པས་ཀྱང་ཡོངས་སུ་ཉམས་པར་འགྱུར་བ་ནི་འདི་ལྟར་འདི་ན་ལ་ལ་ལས་དང་པོ་པ་ཡིན་ཞིང་དགེ་བའི་ཕྱོགས་གསར་པ་ལྟ་བུའོ༑ །རང་གི་ས་པའི་ཉོན་མོངས་པ་མང་དུ་བྱེད་པས་ཀྱང་ཡོངས་སུ་ཉམས་པར་འགྱུར་བ་ནི། འདི་ལྟར་འདི་ན་ལ་ལ་སྲེད་པ་ཤས་ཆེ་བའི་བསམ་གཏན་པའམ༑ ཐེ་ཚོམ་ཤས་ཆེ་བའི་བར་གྱིས་བསམ་གཏན་པ་ཡིན་པ་ལྟ་བུའོ། །ཚེ་དང་བསོད་ནམས་དང་ལས་ཟད་པས་ཀྱང་ཡོངས་སུ་ཉམས་པར་འགྱུར་བ་ནི། འདི་ལྟར་འདི་ན་ལ་ལ་སྐྱེ་བའི་གནས་དེ་ནས་འོག་ཏུ་འཆི་འཕོ་བ་ལྟ་བུའོ། །

de la 'dod chags dang bral ba'i yongs su nyams pa ni rnam pa bcur rig par bya ste| 'di lta ste/ lus ma snyoms pas kyang yongs su nyams par 'gyur ba ni/ 'di ltar 'di na la la gnod pa drag pos reg pa las te/ 'di lta ste/ dper na shing shun gyis bdag gi ting nge 'dzin de ma mthong nas bdag 'di snyam du sems te/ bdag ting nge 'dzin de las yongs su nyams pa'am gcig tu ma gyur grang snyam mo zhes smras pa lta bu'o/ /la la ni sngon ting nge 'dzin goms par ma byas pas rang bzhin gyi gnas len mang ba yin te/ de gnas ngan len mang po des yongs su nyams pa'i chos can du 'gyur ro/ /yul gtso bos kyang yongs su nyams par 'gyur ba ni/ 'di ltar 'di na la la yul rgya chen po mngon du gyur pa thob pa las te/ 'di lta ste/ dper na phyi rol pa'i drang srong 'du shes med 'du shes med min skye mched kyi bar thob pa bud med gzhon nu mdog bzang po chags par 'gyur ba'i reg pa la brten nas yongs su nyams par gyur ces grags pa lta bu'o/ /bkur stis kyang yongs su nyams par 'gyur ba ni 'di ltar 'di na la la gzhan las rnyed pa dang bkur sti thob pa na yongs su nyams par 'gyur ba ste/ 'di lta ste/ dper na lha sbyin lta bu'o/ /brnyas pas kyang yongs su nyams par 'gyur ba ni 'di ltar 'di na la la khros sam 'khrugs sam/ brgyad bkag pa na yongs su nyams par 'gyur ba ste/ 'di lta ste/ dper na phyi rol pa'i drang srong dag 'khrug pa na yongs su nyams nas dmod pa 'dor bar yang byed pa lta bu'o/ /nga rgyal gyis kyang yongs su nyams par 'gyur ba ni/ 'di ltar 'di na la la snyoms par 'jug des bdag la stod par byed gzhan dag la smod par byed pa lta bu'o/ /mngon pa'i nga rgyal gyis kyang yongs su nyams par 'gyur ba ni 'di ltar 'di na la la snyoms par 'jug pa de la rtog pa'i mngon pa'i nga rgyal dang ldan pa lta bu'o/ /yid la mi byed pas kyang yongs su nyams par 'gyur ba ni/ 'di ltar 'di na la la yid la byed pa'i rnam pa dang rtags gang dag gis snyoms par 'jug par 'gyur ba de dag yid la mi byed pa lta bu'o/ /ma 'dris pas kyang yongs su nyams par 'gyur ba ni 'di ltar 'di na la la las dang po pa yin zhing dge ba'i phyogs gsar pa lta bu'o| /rang gi sa pa'i nyon mongs pa mang du byed pas kyang yongs su nyams par 'gyur ba ni/ 'di ltar 'di na la la sred pa shas che ba'i bsam gtan pa'am| the tshom shas che ba'i bar gyis bsam gtan pa yin pa lta bu'o/ /tshe dang bsod nams dang las zad pas kyang yongs su nyams par 'gyur ba ni/ 'di ltar 'di na la la skye ba'i gnas de nas 'og tu 'chi 'pho ba lta bu'o/ /

【D5 明進退速遲】

དེ་ལ་གང་ཟག་ཉོན་མོངས་པ་ཆུང་བ་དང༌། དགེ་བའི་ཕྱོགས་ཆུང་བ་ནི་སྐད་ཅིག་མང་པོས་དཀའ་བས་ཡོངས་སུ་ཉམས་པར་འགྱུར་ཞིང༌། སྐད་ཅིག་མང་པོས་དཀའ་བས་སྙོམས་པར་འཇུག་པར་འགྱུར་རོ། །ཉོན་མོངས་པ་ཆུང་ལ་དགེ་བའི་ཕྱོགས་ཆེ་བ་ནི། སྐད་ཅིག་མང་པོས་དཀའ་བས་ཡོངས་སུ་ཉམས་པར་འགྱུར་ལ། སྐད་ཅིག་གཅིག་ཁོ་ནས་མྱུར་དུ་སྙོམས་པར་འཇུག་པར་འགྱུར་རོ། །གང་ཟག་ཉོན་མོངས་པ་ཆེ་ལ་དགེ་བའི་ཕྱོགས་ཆུང་བ་ནི། སྐད་ཅིག་གཅིག་ཁོ་ནས་མྱུར་དུ་ཡོངས་སུ་ཉམས་པར་འགྱུར་ལ། སྐད་ཅིག་མང་པོས་དཀའ་བས་སྙོམས་པར་འཇུག་པར་འགྱུར་རོ། །གང་ཟག་ཉོན་མོངས་པ་ཆེ་བ་དང་དགེ་བའི་ཕྱོགས་ཀྱང་ཆེ་བ་ནི། སྐད་ཅིག་གཅིག་གིས་མྱུར་དུ་ཡོངས་སུ་ཉམས་པར་འགྱུར་ཞིང༌། སྐད་ཅིག་གཅིག་གིས་མྱུར་དུ་སྙོམས་པར་འཇུག་པར་ཡང་འགྱུར་རོ། །

de la gang zag nyon mongs pa chung ba dang/ dge ba'i phyogs chung ba ni skad cig mang pos dka' bas yongs su nyams par 'gyur zhing/ skad cig mang pos dka' bas snyoms par 'jug par 'gyur ro/ /nyon mongs pa chung la dge ba'i phyogs che ba ni/ skad cig mang pos dka' bas yongs su nyams par 'gyur la/ skad cig gcig kho nas myur du snyoms par 'jug par 'gyur ro/ /gang zag nyon mongs pa che la dge ba'i phyogs chung ba ni/ skad cig gcig kho nas myur du yongs su nyams par 'gyur la/ skad cig mang pos dka' bas snyoms par 'jug par 'gyur ro/ /gang zag nyon mongs pa che ba dang dge ba'i phyogs kyang che ba ni/ skad cig gcig gis myur du yongs su nyams par 'gyur zhing/ skad cig gcig gis myur du snyoms par 'jug par yang 'gyur ro/ /

【D6 明定間雜不間雜】

དེ་ལ་གང་ཟག་འདོད་ཆགས་དང་བྲལ་བ་ཐོབ་པའི་ཏིང་ངེ་འཛིན་དེ་ལས་ལངས་པ་ནི་ལན་འགའ་ཏིང་ངེ་འཛིན་སྤེལ་མ་འདྲེས་པ་ཡིད་ལ་བྱེད་པ་ལ་གནས་སོ། །ལན་འགའ་ལ་ནི་མ་འདྲེས་པ་ལའོ། །ཏིང་ངེ་འཛིན་དེ་ལས་སྒྲའི་རྐྱེན་གྱིས་ལྡང་བ་ལ་ནི། མཉམ་པར་མ་བཞག་པའི་ཡིད་ཀྱི་རྣམ་པར་ཤེས་པ་དང་ལྷན་ཅིག་བྱུང་བའི་རྣ་བའི་རྣམ་པར་ཤེས་པ་གཞན་ཁོ་ན་སྐྱེ་བར་འགྱུར་ཏེ། མཉམ་པར་བཞག་པའི་ཡིད་ཀྱི་རྣམ་པར་ཤེས་པ་དེ་ཉིད་སྒྲ་འཛིན་པ་མ་ཡིན་པའི་ཕྱིར་རོ། །གཞན་དུ་ན་དེ་སོ་སོར་མ་རིག་པར་ལྡང་བ་ཉིད་མི་རིགས་ཏེ། དེའི་ཕྱིར་སྒྲ་འཛིན་པ་ཙམ་གྱིས་ལྡང་བ་མ་ཡིན་གྱི། སྒྲ་སོ་སོར་རིག་ནས་འདོད་ན། དེའི་འོག་ཏུ་ལྡང་བར་འགྱུར་རོ། །

de la gang zag 'dod chags dang bral ba thob pa'i ting nge 'dzin de las langs pa ni lan 'ga' ting nge 'dzin spel ma 'dres pa yid la byed pa la gnas so/ /lan 'ga' la ni ma 'dres pa la'o/ /ting nge 'dzin de las sgra'i rkyen gyis ldang ba la ni/ mnyam par ma bzhag pa'i yid kyi rnam par shes pa dang lhan cig byung ba'i rna ba'i rnam par shes pa gzhan kho na skye bar 'gyur te/ mnyam par bzhag pa'i yid kyi rnam par shes pa de nyid sgra 'dzin pa ma yin pa'i phyir ro/ /gzhan du na de so sor ma rig par ldang ba nyid mi rigs te/ de'i phyir sgra 'dzin pa tsam gyis ldang ba ma yin gyi/ sgra so sor rig nas 'dod na/ de'i 'og tu ldang bar 'gyur ro/ /

【B3 餘不復現】

མཉམ་པར་བཞག་པའི་སའི་རྣམ་པར་གཏན་ལ་དབབ་པ་རྫོགས་ཏེ། རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

mnyam par bzhag pa'i sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo// //

7 攝決擇分中非三摩呬多地【B1 結前生後】

མཉམ་པར་མ་བཞག་པའི་སའི་རྣམ་པར་གཏན་ལ་དབབ་པ་ནི།

mnyam par ma bzhag pa'i sa'i rnam par gtan la dbab pa ni/

【B2 正決擇】【C1 明十二種名不定地】

མཉམ་པར་མ་བཞག་པའི་སའི་ངོ་བོ་ཉིད་ཀྱིས་མཉམ་པར་མ་བཞག་པ་ཡང་ཡོད་དེ། རྣམ་པར་ཤེས་པའི་ཚོགས་ལྔ་ལྟ་བུའོ། །ཤིན་ཏུ་ཤིན་ཏུ་སྦྱངས་པ་མེད་པའི་ཕྱིར་མཉམ་པར་མ་བཞག་པ་ཡང་ཡོད་དེ། འདོད་པ་ན་སྤྱོད་པའི་སེམས་དང་སེམས་ལས་བྱུང་བའི་ཆོས་རྣམས་སོ། །མ་བཙས་པའི་ཕྱིར་མཉམ་པར་མ་བཞག་པ་ཡང་ཡོད་དེ། འདོད་པ་ལ་ལོངས་སྤྱོད་པ་རྣམས་ཀྱིའོ། །རྣམ་པར་གཡེང་བའི་ཕྱིར་མཉམ་པར་མ་བཞག་པ་ཡང་ཡོད་དེ། ལས་དང་པོ་པ་ཏིང་ངེ་འཛིན་ལ་བརྩོན་པ་རྣམས་ཀྱི་སེམས་འདོད་པའི་ཡོན་ཏན་ལྔ་ལ་རྣམ་པར་གཡེང་བའོ། །བསྡུས་པའི་ཕྱིར་མཉམ་པར་མ་བཞག་པ་ཡང་ཡོད་དེ། ལས་དང་པོ་པ་རྣམས་ཉིད་ཀྱི་སེམས་ནང་དུ་བསྡུས་པའོ། །མ་ཐོབ་པའི་ཕྱིར་མཉམ་པར་མ་བཞག་པ་ཡང་ཡོད་དེ། དེ་དག་ཉིད་ཀྱི་སེམས་རྣམ་པར་གཡེང་བ་དང་ལྡན་པའོ། །ཡོངས་སུ་མ་རྫོགས་པའི་ཕྱིར་མཉམ་པར་མ་བཞག་པ་ཡང་ཡོད་དེ། སྦྱོར་བ་མཐར་ཐུག་པའི་ཡིད་ལ་བྱེད་པ་མ་ཐོབ་པ་རྣམས་ཀྱིའོ། །ཀུན་ནས་ཉོན་མོངས་པའི་ཕྱིར་མཉམ་པར་མ་བཞག་པ་ཡང་ཡོད་དེ། སྦྱོར་བ་མཐར་ཐུག་པའི་འབྲས་བུ་ཐོབ་པ་རོ་མྱོང་བར་བྱེད་པ་རྣམས་ཀྱིའོ། །དབང་མེད་པའི་ཕྱིར་མཉམ་པར་མ་བཞག་པ་ཡང་ཡོད་དེ། དེ་དག་ཉིད་ནི་སེམས་ཉོན་མོངས་པ་ཅན་གྱིས་དབང་མ་ཐོབ་པ་རྣམས་ཀྱིའོ། །རྣམ་པར་མ་དག་པའི་ཕྱིར་མཉམ་པར་མ་བཞག་པ་ཡང་ཡོད་དེ། བག་ལ་ཉལ་ཡང་དག་པར་མ་བཅོམ་པ་རྣམས་ཀྱིའོ། །ལངས་པའི་ཕྱིར་མཉམ་པར་མ་བཞག་པ་ཡང་ཡོད་དེ། ཏིང་ངེ་འཛིན་ཐོབ་པ་ལས་མ་ཉམས་པ་ལངས་པ་རྣམས་ཀྱིའོ། །ཡོངས་སུ་ཉམས་པའི་ཕྱིར་མཉམ་པར་མ་བཞག་པ་ཡང་ཡོད་དེ། ཡོངས་སུ་ཉམས་པ་རྣམས་ཀྱིའོ་ཞེས་བྱ་བ་

mnyam par ma bzhag pa'i sa'i ngo bo nyid kyis mnyam par ma bzhag pa yang yod de/ rnam par shes pa'i tshogs lnga lta bu'o/ /shin tu shin tu sbyangs pa med pa'i phyir mnyam par ma bzhag pa yang yod de/ 'dod pa na spyod pa'i sems dang sems las byung ba'i chos rnams so/ /ma btsas pa'i phyir mnyam par ma bzhag pa yang yod de/ 'dod pa la longs spyod pa rnams kyi'o/ /rnam par g.yeng ba'i phyir mnyam par ma bzhag pa yang yod de/ las dang po pa ting nge 'dzin la brtson pa rnams kyi sems 'dod pa'i yon tan lnga la rnam par g.yeng ba'o/ /bsdus pa'i phyir mnyam par ma bzhag pa yang yod de/ las dang po pa rnams nyid kyi sems nang du bsdus pa'o/ /ma thob pa'i phyir mnyam par ma bzhag pa yang yod de/ de dag nyid kyi sems rnam par g.yeng ba dang ldan pa'o/ /yongs su ma rdzogs pa'i phyir mnyam par ma bzhag pa yang yod de/ sbyor ba mthar thug pa'i yid la byed pa ma thob pa rnams kyi'o/ /kun nas nyon mongs pa'i phyir mnyam par ma bzhag pa yang yod de/ sbyor ba mthar thug pa'i 'bras bu thob pa ro myong bar byed pa rnams kyi'o/ /dbang med pa'i phyir mnyam par ma bzhag pa yang yod de/ de dag nyid ni sems nyon mongs pa can gyis dbang ma thob pa rnams kyi'o/ /rnam par ma dag pa'i phyir mnyam par ma bzhag pa yang yod de/ bag la nyal yang dag par ma bcom pa rnams kyi'o/ /langs pa'i phyir mnyam par ma bzhag pa yang yod de/ ting nge 'dzin thob pa las ma nyams pa langs pa rnams kyi'o/ /yongs su nyams pa'i phyir mnyam par ma bzhag pa yang yod de/ yongs su nyams pa rnams kyi'o zhes bya ba

【C2 明十二種修為能對除】

འདི་ལ། མཉམ་པར་བཞག་པའི་ས་དང་པོ་ལ་བརྟེན་ནས་ནི་སེམས་གནས་པར་བྱ་བའི་ཕྱིར་འདི་ལྟ་སྟེ། རྣམ་པར་བསྡོས་པའམ། རྣམ་པར་རྣགས་པའམ། རྒྱས་པར་སྔ་མ་བཞིན་དུ་མཚན་མ་གཟུང་བར་བྱའོ། །མཉམ་པར་མ་བཞག་པའི་ས་གཉིས་པ་ལ་བརྟེན་ནས་ནི་ཡིད་ལ་བྱེད་པ་ཐོབ་པར་བྱ་བའི་ཕྱིར་བརྩོན་པར་བྱའོ། །མཉམ་པར་མ་བཞག་པའི་ས་གསུམ་པ་ལ་བརྟེན་ནས་ནི་དངོས་གཞི་ཐོབ་པར་བྱ་བའི་ཕྱིར་བརྩོན་པར་བྱའོ༑ །བཞི་པ་ལ་གནས་པ་ནི་དང་པོ་ཉིད་ནས་རྣམ་པར་མི་གཡེང་པར་བྱ་བའི་ཕྱིར་དྲན་པ་ཉེ་བར་གཞག་པར་བྱའོ། །སེམས་རྣམ་པར་གཡེངས་པར་གྱུར་ན་ཡང༌། ཤེས་བཞིན་གྱིས་མྱུར་བ་མྱུར་བ་ཁོ་ནར་ཕྱིར་བསྡུ་བར་བྱའོ། །ལྔ་པ་ལ་གནས་པས་ནི་རབ་ཏུ་དང་བར་འགྱུར་བའི་མཚན་མ་ཡིད་ལ་བྱ་ཞིང་ཞུམ་པའི་མཚན་མ་རྟོགས་པར་བྱ་བ་ལ་མཁས་པར་ཡང་བྱའོ། །དྲུག་པ་ལ་གནས་པ་ནི་གདམས་ངག་མ་བརྗེད་པར་ཤས་ཆེར་བསྲུང་བ་དང༌། དྲན་པ་ཉེ་བར་གཞག་པར་བྱ་ཞིང༌། ཚུལ་བཞིན་ལ་བརྩོན་པ་དང༌། རྟག་ཏུ་བྱེད་པ་དང་གུས་པར་བྱེད་པ་ལ་བརྩོན་པར་ཡང་བྱའོ། །བདུན་པ་ལ་གནས་པས་ནི་ཏིང་ངེ་འཛིན་ཆུང་ངུ་དང་ངན་ངོན་ཙམ་ཐོབ་པས་ཆོག་མི་ཤེས་པར་བྱའོ། །བརྒྱད་པ་ལ་གནས་པས་ནི་ཀུན་ནས་ཉོན་མོངས་པ་ལ་ཉེས་དམིགས་སུ་བལྟ་བར་བྱ་ཞིང༌། རོ་མྱང་བ་ལ་སོགས་པའི་ཀུན་ནས་ཉོན་མོངས་པ་སྐྱེས་པ་ཡང་དང་དུ་མི་བླང་བར་ཡང་བྱའོ༑ །དགུ་པ་ལ་གནས་པས་ནི་ཏིང་ངེ་འཛིན་ལ་རྟག་ཏུ་སྦྱར་བར་བྱ་ཞིང་མཚན་མ་རྟོགས་པ་ལ་མཁས་པར་ཡང་བྱའོ། །བཅུ་པ་ལ་གནས་པས་ནི་བདེན་པ་ལ་མཁས་པ་ལ་རྟག་ཏུ་ཤས་ཆེར་བརྩོན་པར་བྱའོ། །བཅུ་གཅིག་པ་ལ་གནས་པས་ནི་ཡོངས་སུ་མི་ཉམས་པར་བྱ་བའི་ཕྱིར་བག་ཡོད་པར་བྱའོ། །བཅུ་གཉིས་པ་ལ་གནས་པས་ནི་རབ་ཏུ་དབེན་པ་ལ་བརྟེན་པར་བྱ་ཞིང༌། ཚུལ་བཞིན་ཡིད་ལ་བྱེད་པ་ཡང་རྟག་ཏུ་བྱེད་པ་དང་། གུས་པར་བྱེད་པའི་སྦྱོར་བས་རིམ་གྱིས་བསྒོམ་པར་བྱའོ། །

'di la/ mnyam par bzhag pa'i sa dang po la brten nas ni sems gnas par bya ba'i phyir 'di lta ste/ rnam par bsdos pa'am/ rnam par rnags pa'am/ rgyas par snga ma bzhin du mtshan ma gzung bar bya'o/ /mnyam par ma bzhag pa'i sa gnyis pa la brten nas ni yid la byed pa thob par bya ba'i phyir brtson par bya'o/ /mnyam par ma bzhag pa'i sa gsum pa la brten nas ni dngos gzhi thob par bya ba'i phyir brtson par bya'o| /bzhi pa la gnas pa ni dang po nyid nas rnam par mi g.yeng par bya ba'i phyir dran pa nye bar gzhag par bya'o/ /sems rnam par g.yengs par gyur na yang/ shes bzhin gyis myur ba myur ba kho nar phyir bsdu bar bya'o/ /lnga pa la gnas pas ni rab tu dang bar 'gyur ba'i mtshan ma yid la bya zhing zhum pa'i mtshan ma rtogs par bya ba la mkhas par yang bya'o/ /drug pa la gnas pa ni gdams ngag ma brjed par shas cher bsrung ba dang/ dran pa nye bar gzhag par bya zhing/ tshul bzhin la brtson pa dang/ rtag tu byed pa dang gus par byed pa la brtson par yang bya'o/ /bdun pa la gnas pas ni ting nge 'dzin chung ngu dang ngan ngon tsam thob pas chog mi shes par bya'o/ /brgyad pa la gnas pas ni kun nas nyon mongs pa la nyes dmigs su blta bar bya zhing/ ro myang ba la sogs pa'i kun nas nyon mongs pa skyes pa yang dang du mi blang bar yang bya'o| /dgu pa la gnas pas ni ting nge 'dzin la rtag tu sbyar bar bya zhing mtshan ma rtogs pa la mkhas par yang bya'o/ /bcu pa la gnas pas ni bden pa la mkhas pa la rtag tu shas cher brtson par bya'o/ /bcu gcig pa la gnas pas ni yongs su mi nyams par bya ba'i phyir bag yod par bya'o/ /bcu gnyis pa la gnas pas ni rab tu dben pa la brten par bya zhing/ tshul bzhin yid la byed pa yang rtag tu byed pa dang / gus par byed pa'i sbyor bas rim gyis bsgom par bya'o/ /

【B3 餘不復現】

མཉམ་པར་མ་བཞག་པའི་སའི་རྣམ་པར་གཏན་ལ་དབབ་པ་རྫོགས་ཏེ༑ རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

mnyam par ma bzhag pa'i sa'i rnam par gtan la dbab pa rdzogs te| rnam par gtan la dbab pa'i gzhung lhag ma ni mi snang ngo// //

8 攝決擇分中有心地【B1 結前生後】

སེམས་ཡོད་པའི་ས་ལས་བརྩམས་ནས་རྣམ་པར་གཏན་ལ་དབབ་པ་ནི།

sems yod pa'i sa las brtsams nas rnam par gtan la dbab pa ni/

【B2 正決擇】【C1 開五門】

སེམས་ཀྱི་འཇུག་པ་ནི་མདོར་བསྡུ་ན་རྣམ་པ་ལྔར་རིག་པར་བྱ་སྟེ། ཀུན་རྫོབ་ཀྱི་ཚུལ་རྣམ་པར་གཞག་པ་དང༌། དོན་དམ་པའི་ཚུལ་རྣམ་པར་གཞག་པ་དང༌། གནས་དང་གནས་པ་རྣམ་པར་གཞག་པ་དང༌། ལྷན་ཅིག་དངོས་པོར་རྣམ་པར་གཞག་པ་དང༌། ཀུན་ནས་ཉོན་མོངས་པ་དང༌། རྣམ་པར་བྱང་བ་རྣམ་པར་གཞག་པས་སོ། །

sems kyi 'jug pa ni mdor bsdu na rnam pa lngar rig par bya ste/ kun rdzob kyi tshul rnam par gzhag pa dang/ don dam pa'i tshul rnam par gzhag pa dang/ gnas dang gnas pa rnam par gzhag pa dang/ lhan cig dngos por rnam par gzhag pa dang/ kun nas nyon mongs pa dang/ rnam par byang ba rnam par gzhag pas so/ /

【C2 依門隨釋】【D1 辨世俗道理建立】

དེ་ལ་ཀུན་རྫོབ་ཀྱི་ཚུལ་རྣམ་པར་གཞག་པས་འཇུག་པ་ནི། འདི་ལྟ་སྟེ། ཡིད་ཀྱི་སར་སྔར་བསྟན་པ་བཞིན་དུ་རིག་པར་བྱའོ། །

de la kun rdzob kyi tshul rnam par gzhag pas 'jug pa ni/ 'di lta ste/ yid kyi sar sngar bstan pa bzhin du rig par bya'o/ /

【D2 辨勝義道理建立差別】【E1 牒章許說】

དེ་ལ་དོན་དམ་པའི་ཚུལ་རྣམ་པར་གཞག་པ་བཤད་པར་བྱ་སྟེ།

de la don dam pa'i tshul rnam par gzhag pa bshad par bya ste/

【E2 徵問別釋】【F1 辨所依能依】【G1 舉法喻以辨】

དོན་དམ་པའི་ཚུལ་རྣམ་པར་གཞག་པས་འཇུག་པ་གང་ཞེ་ན། མདོར་བསྡུ་ན་རྣམ་པར་ཤེས་པ་ནི་རྣམ་པ་གཉིས་ཏེ། ཀུན་གཞི་རྣམ་པར་ཤེས་པ་དང༌། འཇུག་པའི་རྣམ་པར་ཤེས་པའོ། །དེ་ལ་ཀུན་གཞི་རྣམ་པར་ཤེས་པ་ནི་གནས་ཡིན་ནོ། །འཇུག་པའི་རྣམ་པར་ཤེས་པ་ནི་གནས་པ་ཡིན་ཏེ། དེ་ཡང་རྣམ་པ་བདུན་ཏེ། མིག་གི་རྣམ་པར་ཤེས་པ་ནས༑ ཡིད་དང་ཡིད་ཀྱི་རྣམ་པར་ཤེས་པའི་བར་ཏེ། ཆུའི་ཆུ་བོ་དང་རླབས་ལྟ་བུའམ། མེ་ལོང་དང་གཟུགས་བརྙན་ལྟ་བུ་ཡིན་ནོ། །

don dam pa'i tshul rnam par gzhag pas 'jug pa gang zhe na/ mdor bsdu na rnam par shes pa ni rnam pa gnyis te/ kun gzhi rnam par shes pa dang/ 'jug pa'i rnam par shes pa'o/ /de la kun gzhi rnam par shes pa ni gnas yin no/ /'jug pa'i rnam par shes pa ni gnas pa yin te/ de yang rnam pa bdun te/ mig gi rnam par shes pa nas| yid dang yid kyi rnam par shes pa'i bar te/ chu'i chu bo dang rlabs lta bu'am/ me long dang gzugs brnyan lta bu yin no/ /

【G2 總結】

དེ་ལྟར་ན་འདི་ནི་དོན་དམ་པའི་ཚུལ་རྣམ་པར་གཞག་པས་གནས་དང་གནས་པ་རྣམ་པར་གཞག་པ་ཡིན་ནོ། །

de ltar na 'di ni don dam pa'i tshul rnam par gzhag pas gnas dang gnas pa rnam par gzhag pa yin no/ /

【F2 辨俱有門】【G1 辨心意識】

དེ་ལ་རྣམ་པར་ཤེས་པ་དེ་དག་ཐམས་ཅད་ནི་སེམས་ཞེས་ཀྱང་བྱ། ཡིད་ཅེས་ཀྱང་བྱ། རྣམ་པར་ཤེས་པ་ཞེས་ཀྱང་བྱ་སྟེ། ཀུན་གཞི་རྣམ་པར་ཤེས་པ་ནི་དངོས་སུ་ན་སེམས་ཡིན་ཏེ། འདི་ལྟར་དེ་ནི་ས་བོན་ཐམས་ཅད་ཀྱིས་ཀུན་དུ་བསགས་ཤིང་ཉེ་བར་བསགས་པ་ཡིན་ནོ། །དེ་ཡང་དུས་རྟག་པར་ལེན་པའི་རྒྱུ་ལ་དམིགས་པ་དང་། བྱེ་བྲག་མེད་པར་རམ་གཅིག་ཏུ་སྣོད་ལ་དམིགས་པ་ཡིན་ནོ། །ཡིད་ནི་དུས་རྟག་ཏུ་ང་དང་བདག་གི་ཞེས་རློམ་སེམས་ཀྱི་བདག་ཉིད་ཅན་ཡིན་ནོ། །རྣམ་པར་ཤེས་པ་ནི་ཡུལ་སོ་སོར་རྣམ་པར་རིག་པའི་མཚན་ཉིད་གང་ཡིན་པའོ། །

de la rnam par shes pa de dag thams cad ni sems zhes kyang bya/ yid ces kyang bya/ rnam par shes pa zhes kyang bya ste/ kun gzhi rnam par shes pa ni dngos su na sems yin te/ 'di ltar de ni sa bon thams cad kyis kun du bsags shing nye bar bsags pa yin no/ /de yang dus rtag par len pa'i rgyu la dmigs pa dang / bye brag med par ram gcig tu snod la dmigs pa yin no/ /yid ni dus rtag tu nga dang bdag gi zhes rlom sems kyi bdag nyid can yin no/ /rnam par shes pa ni yul so sor rnam par rig pa'i mtshan nyid gang yin pa'o/ /

【G2 辨俱有相】【H1 明識俱轉】

སེམས་ཡོད་པའི་གནས་སྐབས་ནི། གལ་ཏེ་མིག་གི་རྣམ་པར་ཤེས་པ་ལ་སོགས་པ་འཇུག་པའི་རྣམ་པར་ཤེས་པ་མ་སྐྱེས་ན་ནི་སེམས་དང་ཡིད་དང་ཡིད་ཀྱི་རྣམ་པར་ཤེས་པ་གསུམ་པོ་དེ་དག་དུས་རྟག་པར་ལྷན་ཅིག་འབྱུང་ཞིང་འཇུག་པར་རིག་པར་བྱའོ། །གལ་ཏེ་སྐྱེས་ན་ནི་དེས་ན་དེའི་ལྷན་ཅིག་འབྱུང་ཞིང་འཇུག་པ་ལྷག་པར་རིག་པར་བྱ་སྟེ། དེ་ལྟར་ན་རེས་འགའ་ནི་བཞིའོ༑ །རེས་འགའ་ནི་བརྒྱད་ཀྱི་བར་ཡང་ལྷན་ཅིག་འབྱུང་ཞིང་འཇུག་པར་རིག་པར་བྱའོ། །ཡིད་ཀྱི་རྣམ་པར་ཤེས་པ་གཅིག་གིས་ནི་ཅིག་ཅར་དུ་ཡུལ་གཅིག་གམ་གཉིས་སམ་རབ་ཏུ་མང་པོ་དང་རང་གི་ཡུལ་དང་གཞན་གྱི་ཡུལ་ལ་ཡང་རྣམ་པར་རྟོག་པར་བྱེད་པས་ན་དེའི་ཕྱིར་ཡིད་ཀྱི་རྣམ་པར་ཤེས་པ་དེའི་འཇུག་པ་ནི་བསམ་གྱིས་མི་ཁྱབ་པ་ཞེས་བྱའོ། །

sems yod pa'i gnas skabs ni/ gal te mig gi rnam par shes pa la sogs pa 'jug pa'i rnam par shes pa ma skyes na ni sems dang yid dang yid kyi rnam par shes pa gsum po de dag dus rtag par lhan cig 'byung zhing 'jug par rig par bya'o/ /gal te skyes na ni des na de'i lhan cig 'byung zhing 'jug pa lhag par rig par bya ste/ de ltar na res 'ga' ni bzhi'o| /res 'ga' ni brgyad kyi bar yang lhan cig 'byung zhing 'jug par rig par bya'o/ /yid kyi rnam par shes pa gcig gis ni cig car du yul gcig gam gnyis sam rab tu mang po dang rang gi yul dang gzhan gyi yul la yang rnam par rtog par byed pas na de'i phyir yid kyi rnam par shes pa de'i 'jug pa ni bsam gyis mi khyab pa zhes bya'o/ /

【H2 問答辨末那名義】

གལ་ཏེ་ཡིད་དུས་རྟག་ཏུ་རློམ་སེམས་ཀྱི་བདག་ཉིད་ཅན་གྱི་རྒྱུན་གྱིས་འཇུག་པ་ཡིན་ན། དེས་ན་བཅོམ་ལྡན་འདས་ཀྱིས་འཇིག་རྟེན་ལས་འདས་པའི་ཡིད་ཅེས་གང་གསུངས་པ་དེ་ཇི་ལྟར་རྣམ་པར་གཞག་ཅེ་ན། སྨྲས་པ། མིང་ཙམ་གྱི་བརྡས་གདགས་པ་ཡིན་གྱི་དོན་ཇི་ལྟ་བ་བཞིན་དུ་ནི་མ་ཡིན་ནོ། །རྣམ་གྲངས་གཞན་ཡང་དེ་ནི་གཉེན་པོས་ཡང་དག་པ་ཕྱིན་ཅི་མ་ལོག་པར་སེམས་པ་ཉིད་ཀྱི་ཕྱིར་རོ། །གཞི་དེས་དེ་ལྟར་རྣམ་པར་རྟོག་པ་འཇུག་པ་ཉིད་ཀྱི་ཕྱིར་ཡིད་དེ་ནི་ཡིད་ཀྱི་རྣམ་པར་ཤེས་པའི་གནས་ཞེས་བྱའོ། །

gal te yid dus rtag tu rlom sems kyi bdag nyid can gyi rgyun gyis 'jug pa yin na/ des na bcom ldan 'das kyis 'jig rten las 'das pa'i yid ces gang gsungs pa de ji ltar rnam par gzhag ce na/ smras pa/ ming tsam gyi brdas gdags pa yin gyi don ji lta ba bzhin du ni ma yin no/ /rnam grangs gzhan yang de ni gnyen pos yang dag pa phyin ci ma log par sems pa nyid kyi phyir ro/ /gzhi des de ltar rnam par rtog pa 'jug pa nyid kyi phyir yid de ni yid kyi rnam par shes pa'i gnas zhes bya'o/ /

【H3 明受俱轉相】

དེ་ལ་རེས་འགའ་ནི་ཐམས་ཅད་ཀྱང་བདེ་བའི་ཚོར་བ་ཁོ་ན་དང་ལྷན་ཅིག་གི་དངོས་པོ་མཚུངས་པར་ལྡན་པར་འཇུག་གོ། །རེས་འགའ་ནི་སྡུག་བསྔལ་དང་ངོ༌། །སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང་ཡང་ངོ༌། །ཀུན་གཞི་རྣམ་པར་ཤེས་པ་དང་མཚུངས་པར་ལྡན་པའི་ཚོར་བ་གང་ཡིན་པ་དེ་ནི་དུས་རྟག་ཏུ་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང༌། རྣམ་པར་སྨིན་པའོ། །དེ་ཡང་མ་ཤིའི་བར་དུ་རྣམ་པར་ཤེས་པའི་རྒྱུན་གྱིས་འཇུག་པ་ཐམས་ཅད་པ་བདེ་བ་དང་ལྡན་པ་དག་དང༌། སྡུག་བསྔལ་དང་ལྡན་པ་དག་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དང་ལྡན་པ་དག་ཏུ་རྒྱུན་མི་འཆད་པར་རྒྱུན་གྱིས་འཇུག་པ་ཡིན་ནོ། །དེ་ལ་དེ་ལས་གཞན་པའི་ཚོར་བ་རྣམ་པ་གསུམ་གང་ཡིན་པ་དེ་ནི་བསྒྲུབས་པ་དང༌། ལྷན་ཅིག་སྐྱེས་པ་མ་ཡིན་པ་དང༌། རེས་འགའ་འབྱུང་བ་ཡིན་པར་རིག་པར་བྱའོ། །བསྒྲུབས་པ་དེ་མངོན་དུ་གྱུར་པ་ན༑ ལྷན་ཅིག་སྐྱེས་པ་དེ་ནི་ཆ་ཕྲ་བའི་ཕྱིར་ཡོངས་སུ་གཅད་པར་དཀའ་བ་ཡིན་ནོ། །

de la res 'ga' ni thams cad kyang bde ba'i tshor ba kho na dang lhan cig gi dngos po mtshungs par ldan par 'jug go/ /res 'ga' ni sdug bsngal dang ngo/ /sdug bsngal yang ma yin bde ba yang ma yin pa dang yang ngo/ /kun gzhi rnam par shes pa dang mtshungs par ldan pa'i tshor ba gang yin pa de ni dus rtag tu sdug bsngal yang ma yin bde ba yang ma yin pa dang/ rnam par smin pa'o/ /de yang ma shi'i bar du rnam par shes pa'i rgyun gyis 'jug pa thams cad pa bde ba dang ldan pa dag dang/ sdug bsngal dang ldan pa dag dang/ sdug bsngal yang ma yin bde ba yang ma yin pa dang ldan pa dag tu rgyun mi 'chad par rgyun gyis 'jug pa yin no/ /de la de las gzhan pa'i tshor ba rnam pa gsum gang yin pa de ni bsgrubs pa dang/ lhan cig skyes pa ma yin pa dang/ res 'ga' 'byung ba yin par rig par bya'o/ /bsgrubs pa de mngon du gyur pa na| lhan cig skyes pa de ni cha phra ba'i phyir yongs su gcad par dka' ba yin no/ /

【G3 釋已還結】

དེ་ལྟར་དེ་ལྟ་བུ་དང་མཐུན་པ་དེ་ནི་དོན་དམ་པར་རྣམ་པར་ཤེས་པ་རྣམས་ཀྱི་ལྷན་ཅིག་གི་དངོས་པོས་འཇུག་པ་རྣམ་པར་གཞག་པ་ཡིན་པར་རིག་པར་བྱའོ། །

de ltar de lta bu dang mthun pa de ni don dam par rnam par shes pa rnams kyi lhan cig gi dngos pos 'jug pa rnam par gzhag pa yin par rig par bya'o/ /

【F3 明染淨建立】

དེ་ལ་ཀུན་གཞི་རྣམ་པར་ཤེས་པ་ནི་ཉོན་མོངས་པ་གང་དང་ཡང་མཚུངས་པར་ལྡན་པ་མ་ཡིན་ནོ། །ཡིད་ནི་དུས་རྟག་ཏུ་ཡེ་ཡོད་པའི་ཉོན་མོངས་པ་རྣམ་པ་བཞི་བོ་འདི་ལྟ་སྟེ། ངར་འཛིན་པ་དང༌། ང་ཡིར་འཛིན་པའི་རྣམ་པར་འཇིག་ཚོགས་ལ་ལྟ་བ་དང༌། ངའོ་སྙམ་པའི་ང་རྒྱལ་དང༌། བདག་ལ་ཆགས་པ་དང་མ་འདྲེས་པའི་མ་རིག་པ་དང་ལྷན་ཅིག་གི་དངོས་པོས་མཚུངས་པར་ལྡན་ཏེ། ཉོན་མོངས་པ་དེ་དག་ཀྱང་དགེ་བ་དང་མི་དགེ་བ་དང་ལུང་དུ་མ་བསྟན་པའི་རྣམ་པར་ཤེས་པ་ལ་འགལ་བ་མེད་པ་དང༌། བསྒྲིབས་ལ་ལུང་དུ་མ་བསྟན་པ་དང༌། ཡེ་ཡོད་པ་ཡིན་ནོ། །དེ་ལས་གཞན་པ་རྣམ་པར་བརྟགས་པ་རྣམས་ནི། རྐྱེན་ཇི་ལྟ་བ་བཞིན་དུ་འཇུག་པ་ཡིན་པར་རིག་པར་བྱའོ། །འཇིག་རྟེན་པའི་ལམ་ནི་ཡེ་ཡོད་པའི་ཉོན་མོངས་པ་བཞི་པོ་ཀུན་དུ་འགྲོ་བ་དེ་དག་ཉམས་པར་བྱེད་པའི་གཉེན་པོ་མ་ཡིན་ཏེ། འདི་ལྟར་དེ་དག་ནི་འདོད་ཆགས་དང་བྲལ་བ་རྣམས་ལ་ཡང་ཀུན་དུ་འབྱུང་བའི་ཕྱིར་རོ། །ཉོན་མོངས་པ་དེ་དག་ནི་གང་དུ་ལུས་སྐྱེས་པར་གྱུར་པའི་ས་དེ་པ་ཉིད་དེ། འདོད་ཆགས་དང་བྲལ་བ་དེ་དག་ཉིད་ཀུན་དུ་འབྱུང་བར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ནི་ཀུན་གཞི་རྣམ་པར་ཤེས་པའི་ས་བོན་ལས་བྱུང་བ་ཁོ་ན་ཡིན་པས་དུས་རྟག་ཏུ་ཡོད་པ་དང་མི་མཐུན་པའི་ཕྱོགས་དང་གཉེན་པོའི་ཕྱོགས་ཀྱི་ཡུལ་གྱི་རྐྱེན་ཅན་མ་ཡིན་པའི་ཕྱིར་རོ། །དེ་དག་ནི་འཇིག་རྟེན་པའི་འདོད་ཆགས་དང་བྲལ་བ་ལ་ནི་ལམ་མངོན་དུ་གྱུར་ཀྱང་རུང་མ་གྱུར་ཀྱང་རུང་སྟེ་ཀུན་དུ་འབྱུང་ངོ༌། །སློབ་པ་བཞི་མཐོང་བ་ལ་ནི་འཇིག་རྟེན་ལས་འདས་པའི་ལམ་མངོན་དུ་གྱུར་ན་ནི་མི་འབྱུང་ངོ༌། །དེ་ལས་ལངས་པ་ལ་ནི་ཀུན་དུ་འབྱུང་སྟེ། ཤིན་ཏུ་རྟོགས་པའི་ཕྱིར་དང༌། མ་སྤངས་པའི་ཕྱིར་རོ། །མི་སློབ་པ་ལ་ནི་རྣམ་པ་ཐམས་ཅད་དུ་ཀུན་དུ་མི་འབྱུང་ངོ༌། །དེ་དག་ནི་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་འདོད་ཆགས་དང་བྲལ་བ་ཁོ་ནས་ཅིག་ཅར་སྤོང་བར་རིག་པར་བྱའོ། འདི་ལྟ་སྟེ། དཔེར་ན་དེ་ལས་གཞན་པའི་ཉོན་མོངས་པ་དག་ལྟར་རིམ་གྱིས་སྤོང་བ་ནི་མ་ཡིན་ནོ། །དེ་ལྟར་དེ་ལྟ་བུ་དང་མཐུན་པ་དག་ནི་ཀུན་ནས་ཉོན་མོངས་པ་དང༌། རྣམ་པར་བྱང་བའི་འཇུག་པ་རྣམ་པར་གཞག་པ་ཡིན་པར་རིག་པར་བྱའོ། །

de la kun gzhi rnam par shes pa ni nyon mongs pa gang dang yang mtshungs par ldan pa ma yin no/ /yid ni dus rtag tu ye yod pa'i nyon mongs pa rnam pa bzhi bo 'di lta ste/ ngar 'dzin pa dang/ nga yir 'dzin pa'i rnam par 'jig tshogs la lta ba dang/ nga'o snyam pa'i nga rgyal dang/ bdag la chags pa dang ma 'dres pa'i ma rig pa dang lhan cig gi dngos pos mtshungs par ldan te/ nyon mongs pa de dag kyang dge ba dang mi dge ba dang lung du ma bstan pa'i rnam par shes pa la 'gal ba med pa dang/ bsgribs la lung du ma bstan pa dang/ ye yod pa yin no/ /de las gzhan pa rnam par brtags pa rnams ni/ rkyen ji lta ba bzhin du 'jug pa yin par rig par bya'o/ /'jig rten pa'i lam ni ye yod pa'i nyon mongs pa bzhi po kun du 'gro ba de dag nyams par byed pa'i gnyen po ma yin te/ 'di ltar de dag ni 'dod chags dang bral ba rnams la yang kun du 'byung ba'i phyir ro/ /nyon mongs pa de dag ni gang du lus skyes par gyur pa'i sa de pa nyid de/ 'dod chags dang bral ba de dag nyid kun du 'byung bar rig par bya'o/ /de ci'i phyir zhe na/ 'di ltar de dag ni kun gzhi rnam par shes pa'i sa bon las byung ba kho na yin pas dus rtag tu yod pa dang mi mthun pa'i phyogs dang gnyen po'i phyogs kyi yul gyi rkyen can ma yin pa'i phyir ro/ /de dag ni 'jig rten pa'i 'dod chags dang bral ba la ni lam mngon du gyur kyang rung ma gyur kyang rung ste kun du 'byung ngo/ /slob pa bzhi mthong ba la ni 'jig rten las 'das pa'i lam mngon du gyur na ni mi 'byung ngo/ /de las langs pa la ni kun du 'byung ste/ shin tu rtogs pa'i phyir dang/ ma spangs pa'i phyir ro/ /mi slob pa la ni rnam pa thams cad du kun du mi 'byung ngo/ /de dag ni 'du shes med 'du shes med min skye mched kyi 'dod chags dang bral ba kho nas cig car spong bar rig par bya'o/ 'di lta ste/ dper na de las gzhan pa'i nyon mongs pa dag ltar rim gyis spong ba ni ma yin no/ /de ltar de lta bu dang mthun pa dag ni kun nas nyon mongs pa dang/ rnam par byang ba'i 'jug pa rnam par gzhag pa yin par rig par bya'o/ /

【B3 餘不復現】

སེམས་ཡོད་པའི་ས་རྣམ་པར་གཏན་ལ་དབབ་པའི་གཞུང་ནི་དེ་ལས་མི་སྣང་ངོ༌།། །།

sems yod pa'i sa rnam par gtan la dbab pa'i gzhung ni de las mi snang ngo// //

9 攝決擇分中無心地【B1 結前生後】

སེམས་མེད་པའི་ས་ལས་བརྩམས་ཏེ་རྣམ་པར་གཏན་ལ་དབབ་པ་ནི་

sems med pa'i sa las brtsams te rnam par gtan la dbab pa ni

【B2 正決擇】【C1 辨心不生因有七種】【D1 問答標列】

སེམས་མི་སྐྱེ་བའི་རྒྱུ་དག་ནི་དུ། རྒྱུ་དུ་དག་གིས་ནི་སེམས་སྐྱེ་བར་མི་འགྱུར་ཞེ་ན་མདོར་བསྡུ་ན་བདུན་པོ་འདི་དག་ནི་སེམས་མི་སྐྱེ་བའི་རྒྱུ་ཡིན་ཏེ། དེ་དག་གིས་སེམས་སྐྱེ་བར་མི་འགྱུར་རོ། །བདུན་གང་ཞེ་ན་རྐྱེན་མེད་པ་ལས་ཀྱང༌། སེམས་མི་སྐྱེ་བ་དང༌། ཡིད་ལ་བྱེད་པ་མེད་པ་དང༌། མ་ཐོབ་པ་དང༌། མི་མཐུན་པ་དང༌། སྤངས་པ་དང༌། འགགས་པ་དང༌། སྐྱེས་པ་ལས་ཀྱང་སེམས་མི་སྐྱེའོ༑ །

sems mi skye ba'i rgyu dag ni du/ rgyu du dag gis ni sems skye bar mi 'gyur zhe na mdor bsdu na bdun po 'di dag ni sems mi skye ba'i rgyu yin te/ de dag gis sems skye bar mi 'gyur ro/ /bdun gang zhe na rkyen med pa las kyang/ sems mi skye ba dang/ yid la byed pa med pa dang/ ma thob pa dang/ mi mthun pa dang/ spangs pa dang/ 'gags pa dang/ skyes pa las kyang sems mi skye'o| /

【D2 次第解釋】【E1 緣闕】

ཇི་ལྟར་ན་རྐྱེན་མེད་པ་ལས་སེམས་མི་སྐྱེ་ཞེ་ན། ནང་གི་སྐྱེ་མཆེད་མིག་ཉམས་པར་གྱུར་པ་དང་། ཕྱི་རོལ་གྱི་སྐྱེ་མཆེད་གཟུགས་མི་སྣང་བར་གྱུར་པ་དང༌། རྒྱས་པར་ཕྱི་རོལ་གྱི་སྐྱེ་མཆེད་ཆོས་ཀྱི་བར་དུ་མི་སྣང་བར་གྱུར་ན། རེ་ཞིག་དེ་དང་འབྱུང་བའི་མིག་གི་རྣམ་པར་ཤེས་པ་དང༌། དེ་དང་འབྱུང་བའི་ཡིད་ཀྱི་རྣམ་པར་ཤེས་པའི་བར་དུ་འབྱུང་བར་མི་འགྱུར་ཏེ། དེ་ལྟར་ན་རྐྱེན་མེད་པ་ལས་སེམས་མི་སྐྱེ་བ་ཡིན་ནོ། །

ji ltar na rkyen med pa las sems mi skye zhe na/ nang gi skye mched mig nyams par gyur pa dang / phyi rol gyi skye mched gzugs mi snang bar gyur pa dang/ rgyas par phyi rol gyi skye mched chos kyi bar du mi snang bar gyur na/ re zhig de dang 'byung ba'i mig gi rnam par shes pa dang/ de dang 'byung ba'i yid kyi rnam par shes pa'i bar du 'byung bar mi 'gyur te/ de ltar na rkyen med pa las sems mi skye ba yin no/ /

【E2 作意闕】

ཇི་ལྟར་ན་ཡིད་ལ་བྱེད་པ་མེད་པ་ལས་སེམས་མི་སྐྱེ་བ་ཡིན་ཞེ་ན། ནང་གི་སྐྱེ་མཆེད་མིག་ཉམས་པར་མ་གྱུར་ཅིང༌། ཕྱི་རོལ་གྱི་སྐྱེ་མཆེད་གཟུགས་ཀྱང་སྣང་ལ། རྒྱས་པར་ཕྱི་རོལ་གྱི་སྐྱེ་མཆེད་ཆོས་ཀྱི་བར་ཡང་སྣང་དུ་ཟིན་ཀྱང༌། དེ་དང་འབྱུང་བའི་ཡིད་ལ་བྱེད་པ་ཉེ་བར་མི་གནས་ན། རེ་ཞིག་དེ་དང་འབྱུང་བའི་མིག་གི་རྣམ་པར་ཤེས་པ་དང༌། དེ་དང་འབྱུང་བའི་ཡིད་ཀྱི་རྣམ་པར་ཤེས་པའི་བར་དུ་འབྱུང་བར་མི་འགྱུར་ཏེ། དེ་ལྟར་ན་ཡིད་ལ་བྱེད་པ་མེད་པ་ལས་སེམས་མི་སྐྱེ་བ་ཡིན་ནོ། །

ji ltar na yid la byed pa med pa las sems mi skye ba yin zhe na/ nang gi skye mched mig nyams par ma gyur cing/ phyi rol gyi skye mched gzugs kyang snang la/ rgyas par phyi rol gyi skye mched chos kyi bar yang snang du zin kyang/ de dang 'byung ba'i yid la byed pa nye bar mi gnas na/ re zhig de dang 'byung ba'i mig gi rnam par shes pa dang/ de dang 'byung ba'i yid kyi rnam par shes pa'i bar du 'byung bar mi 'gyur te/ de ltar na yid la byed pa med pa las sems mi skye ba yin no/ /

【E3 未得故】【F1 以欲界對初定辨】

ཇི་ལྟར་ན་མ་ཐོབ་པ་ལས་སེམས་མི་སྐྱེ་བ་ཡིན་ཞེ་ན། འདི་ལྟར་འདི་ན་ལ་ལ་འདོད་པའི་ཁམས་ལ་རགས་པར་ཡིད་ལ་བྱེད་ཅིང་བསམ་གཏན་དང་པོ་ལ་ནི་ཞི་བར་ཡིད་ལ་བྱེད་ལ། དེས་བསམ་གཏན་དང་པོ་མངོན་དུ་བྱ་བའི་ཕྱིར་ལམ་ཤིན་ཏུ་ཀུན་དུ་མ་བསྟེན་མ་བསྒོམས་ལན་མང་དུ་མ་བྱས་ཏེ། དེ་གོམས་པར་མ་བྱས་པའི་ཕྱིར་བསམ་གཏན་དང་པོ་མི་ཐོབ་སྟེ༑ དེ་མ་ཐོབ་པས་བསམ་གཏན་དང་པོ་དང་ལྡན་པའི་སེམས་ནི་མི་སྐྱེ་བ་དེ་ལྟ་བུ་དང༌།

ji ltar na ma thob pa las sems mi skye ba yin zhe na/ 'di ltar 'di na la la 'dod pa'i khams la rags par yid la byed cing bsam gtan dang po la ni zhi bar yid la byed la/ des bsam gtan dang po mngon du bya ba'i phyir lam shin tu kun du ma bsten ma bsgoms lan mang du ma byas te/ de goms par ma byas pa'i phyir bsam gtan dang po mi thob ste| de ma thob pas bsam gtan dang po dang ldan pa'i sems ni mi skye ba de lta bu dang/

【F2 後七地相對以辨】

འདི་ལྟར་འདི་ན་ལ་ལས་བསམ་གཏན་དང་པོ་དང་བསམ་གཏན་གཉིས་པ་དང༌། གསུམ་པ་དང༌། བཞི་པ་དང༌། ནམ་མཁའ་མཐའ་ཡས་སྐྱེ་མཆེད་དང༌། རྣམ་ཤེས་མཐའ་ཡས་སྐྱེ་མཆེད་དང༌། ཅི་ཡང་མེད་པའི་སྐྱེ་མཆེད་ལ་རགས་པར་ཡིད་ལ་བྱེད་ཅིང་བསམ་གཏན་གཉིས་པ་ནས་བཟུང་སྟེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་ཞི་བར་ཡིད་ལ་བྱེད་པ་ཡང་དེ་བཞིན་དུ་སྦྱར་རོ། །

'di ltar 'di na la las bsam gtan dang po dang bsam gtan gnyis pa dang/ gsum pa dang/ bzhi pa dang/ nam mkha' mtha' yas skye mched dang/ rnam shes mtha' yas skye mched dang/ ci yang med pa'i skye mched la rags par yid la byed cing bsam gtan gnyis pa nas bzung ste/ 'du shes med 'du shes med min skye mched kyi bar la zhi bar yid la byed pa yang de bzhin du sbyar ro/ /

【F3 生死涅槃相對以辨】

འདི་ལྟར་འདི་ན་ལ་ལ་འཇིག་ཚོགས་ཐམས་ཅད་ལ་སྡུག་བསྔལ་དུ་ཡིད་ལ་བྱེད་ཅིང༌། འཇིག་ཚོགས་འགོག་པ་མྱ་ངན་ལས་འདས་པ་ལ་ཞི་བར་ཡིད་ལ་བྱེད་ལ་དེས་འཇིག་ཚོགས་ཐམས་ཅད་སྤང་བ་དང༌། མྱ་ངན་ལས་འདས་པ་མངོན་དུ་བྱ་བའི་ཕྱིར་ལམ་ཤིན་ཏུ་ཀུན་དུ་མ་བསྟེན་མ་བསྒོམས། ལན་མང་དུ་མ་བྱས་ཏེ། དེ་ཤིན་ཏུ་གོམས་པར་མ་བྱས་པའི་ཕྱིར་མྱ་ངན་ལས་འདས་པ་ཐམས་ཅད་ཀྱི་ཐམས་ཅད་དུ་མངོན་དུ་མི་བྱེད་དེ། དེ་མངོན་དུ་མ་བྱས་པས་ཀུན་དུ་སྦྱོར་བ་དང༌། འཆིང་བ་དང༌། བག་ལ་ཉལ་བ་དང༌། ཉེ་བའི་ཉོན་མོངས་པ་དང༌། ཀུན་ནས་དཀྲིས་པ་ཐམས་ཅད་ལས་སེམས་ཤིན་ཏུ་རྣམ་པར་གྲོལ་བ་མི་སྐྱེ་སྟེ། དེ་ལྟར་ན་མ་ཐོབ་པ་ལས་སེམས་མི་སྐྱེ་བ་ཡིན་ནོ། །

'di ltar 'di na la la 'jig tshogs thams cad la sdug bsngal du yid la byed cing/ 'jig tshogs 'gog pa mya ngan las 'das pa la zhi bar yid la byed la des 'jig tshogs thams cad spang ba dang/ mya ngan las 'das pa mngon du bya ba'i phyir lam shin tu kun du ma bsten ma bsgoms/ lan mang du ma byas te/ de shin tu goms par ma byas pa'i phyir mya ngan las 'das pa thams cad kyi thams cad du mngon du mi byed de/ de mngon du ma byas pas kun du sbyor ba dang/ 'ching ba dang/ bag la nyal ba dang/ nye ba'i nyon mongs pa dang/ kun nas dkris pa thams cad las sems shin tu rnam par grol ba mi skye ste/ de ltar na ma thob pa las sems mi skye ba yin no/ /

【E4 相違故】

ཇི་ལྟར་ན་མི་མཐུན་པ་ལས་སེམས་མི་སྐྱེ་བ་ཡིན་ཞེ་ན། འདི་ལྟར་འདི་ན་ལ་ལ་བདེ་བ་མྱོང་བར་འགྱུར་བའི་རེག་པས་རེག་ནས་བདེ་བའི་ཚོར་བ་མྱོང་བའི་བདེ་བའི་ཚོར་བ་དང་མཚུངས་པར་ལྡན་པའི་སེམས་མངོན་དུ་གྱུར་པ་ལ་སྡུག་བསྔལ་དང་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་དང་མཚུངས་པར་ལྡན་པའི་སེམས་གང་ཡིན་པ་དེ་ནི་མི་མཐུན་པས་མི་སྐྱེ་བ་དང༌། དེ་བཞིན་དུ་སྡུག་བསྔལ་མྱོང་བར་འགྱུར་བ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་མྱོང་བར་འགྱུར་བའི་རེག་པས་རེག་ན་སྡུག་བསྔལ་བ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་མྱོང་བའི་སྡུག་བསྔལ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་དང་མཚུངས་པར་ལྡན་པའི་སེམས་མངོན་དུ་གྱུར་པ་ལ། བདེ་བ་དང་སྡུག་བསྔལ་གྱི་ཚོར་བ་དང༌། མཚུངས་པར་ལྡན་པའི་སེམས་གང་ཡིན་པ་དེ་མི་མཐུན་པས་མི་སྐྱེ་བ་དང༌། འདི་ལྟར་འདི་ན་ལ་ལ་འདོད་ཆགས་ཀྱི་ཀུན་ནས་དཀྲིས་པས་ཀུན་ནས་དཀྲིས་ནས། འདོད་ཆགས་ཀྱི་ཀུན་ནས་དཀྲིས་པ་དང་མཚུངས་པར་ལྡན་པའི་སེམས་མངོན་དུ་གྱུར་པ་ལ། གནོད་སེམས་ཀྱི་ཀུན་ནས་དཀྲིས་པ་དང་མཚུངས་པར་ལྡན་པའི་སེམས་གང་ཡིན་པ་དེ་ནི་མི་མཐུན་པས་མི་སྐྱེ་བ་དང༌། ཞེ་སྡང་གི་ཀུན་ནས་དཀྲིས་པས་ཀུན་ནས་དཀྲིས་ནས་ཞེ་སྡང་གི་ཀུན་ནས་དཀྲིས་པ་དང་མཚུངས་པར་ལྡན་པའི་སེམས་མངོན་དུ་གྱུར་པ་ལ། འདོད་ཆགས་ཀྱི་ཀུན་ནས་དཀྲིས་པ་དང་མཚུངས་པར་ལྡན་པའི་བར་གྱི་སེམས་གང་ཡིན་པ་དེ་མི་མཐུན་པས་མི་སྐྱེ་སྟེ། དེ་ལྟར་ན་མི་མཐུན་པ་ལས་སེམས་མི་སྐྱེ་བ་ཡིན་ནོ། །

ji ltar na mi mthun pa las sems mi skye ba yin zhe na/ 'di ltar 'di na la la bde ba myong bar 'gyur ba'i reg pas reg nas bde ba'i tshor ba myong ba'i bde ba'i tshor ba dang mtshungs par ldan pa'i sems mngon du gyur pa la sdug bsngal dang sdug bsngal yang ma yin bde ba yang ma yin pa'i tshor ba dang mtshungs par ldan pa'i sems gang yin pa de ni mi mthun pas mi skye ba dang/ de bzhin du sdug bsngal myong bar 'gyur ba dang/ sdug bsngal yang ma yin bde ba yang ma yin pa myong bar 'gyur ba'i reg pas reg na sdug bsngal ba dang/ sdug bsngal yang ma yin bde ba yang ma yin pa'i tshor ba myong ba'i sdug bsngal dang/ sdug bsngal yang ma yin bde ba yang ma yin pa'i tshor ba dang mtshungs par ldan pa'i sems mngon du gyur pa la/ bde ba dang sdug bsngal gyi tshor ba dang/ mtshungs par ldan pa'i sems gang yin pa de mi mthun pas mi skye ba dang/ 'di ltar 'di na la la 'dod chags kyi kun nas dkris pas kun nas dkris nas/ 'dod chags kyi kun nas dkris pa dang mtshungs par ldan pa'i sems mngon du gyur pa la/ gnod sems kyi kun nas dkris pa dang mtshungs par ldan pa'i sems gang yin pa de ni mi mthun pas mi skye ba dang/ zhe sdang gi kun nas dkris pas kun nas dkris nas zhe sdang gi kun nas dkris pa dang mtshungs par ldan pa'i sems mngon du gyur pa la/ 'dod chags kyi kun nas dkris pa dang mtshungs par ldan pa'i bar gyi sems gang yin pa de mi mthun pas mi skye ste/ de ltar na mi mthun pa las sems mi skye ba yin no/ /

【E5 斷故】

ཇི་ལྟར་ན་སྤངས་པ་ལས་སེམས་མི་སྐྱེ་བ་ཡིན་ཞེ་ན། འདི་ལྟར་འདི་ན་ལ་ལ་འཕགས་པའི་ལམ་ཡན་ལག་བརྒྱད་པ་ཤིན་ཏུ་བསྒོམས་པས་འདོད་ཆགས་མ་ལུས་པར་ཟད་པ་མྱོང་བ་དང༌། ཞེ་སྡང་དང་གཏི་མུག་མ་ལུས་པར་ཟད་པ་མྱོང་བ་དེ་ལ། འདོད་ཆགས་དང་བཅས་པའི་སེམས་སྤངས་པ་དང༌། ཡོངས་སུ་ཤེས་པ་གང་ཡིན་པ་དེ་སྤངས་པས་མི་སྐྱེ་བ་དང༌། དེ་ལ་ཞེ་སྡང་དང་བཅས་པ་དང༌། གཏི་མུག་དང་བཅས་པ་དང༌། སེམས་ལས་བྱུང་བའི་ཉེ་བའི་ཉོན་མོངས་པ་གང་ཡང་རུང་བས་ཉེ་བར་ཉོན་མོངས་པ་ཅན་དུ་གྱུར་པའི་སྤངས་པ་དང༌། ཡོངས་སུ་ཤེས་པ་གང་ཡིན་པ་དེ་སྤངས་པས་མི་སྐྱེ་སྟེ། དེ་ལྟར་ན་སྤངས་པ་ལས་སེམས་མི་སྐྱེ་བ་ཡིན་ནོ། །

ji ltar na spangs pa las sems mi skye ba yin zhe na/ 'di ltar 'di na la la 'phags pa'i lam yan lag brgyad pa shin tu bsgoms pas 'dod chags ma lus par zad pa myong ba dang/ zhe sdang dang gti mug ma lus par zad pa myong ba de la/ 'dod chags dang bcas pa'i sems spangs pa dang/ yongs su shes pa gang yin pa de spangs pas mi skye ba dang/ de la zhe sdang dang bcas pa dang/ gti mug dang bcas pa dang/ sems las byung ba'i nye ba'i nyon mongs pa gang yang rung bas nye bar nyon mongs pa can du gyur pa'i spangs pa dang/ yongs su shes pa gang yin pa de spangs pas mi skye ste/ de ltar na spangs pa las sems mi skye ba yin no/ /

【E6 滅故】

ཇི་ལྟར་ན་འགགས་པ་ལས་སེམས་མི་སྐྱེ་བ་ཡིན་ཞེ་ན། འདི་ལྟར་འདི་ན་ལ་ལ་འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་པའམ། འདུ་ཤེས་མེད་པའི་སྙོམས་པར་འཇུག་པ་ལ་སྙོམས་པར་ཞུགས་པའམ། འགོག་པའི་སྙོམས་པར་འཇུག་པ་ལ་སྙོམས་པར་ཞུགས་པ་དེ་ལ། དེའི་དུས་སྐབས་དེར་འགགས་པས་སེམས་མི་སྐྱེ་བ་དང༌། འདི་ལྟར་འདི་ན་ལ་ལ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དེ་ལ་གཏན་འགགས་པས་སེམས་མི་སྐྱེ་སྟེ། དེ་ལྟར་ན་འགགས་པ་ལས་སེམས་མི་སྐྱེ་བ་ཡིན་ནོ། །

ji ltar na 'gags pa las sems mi skye ba yin zhe na/ 'di ltar 'di na la la 'du shes med pa'i sems can lha rnams kyi nang du skyes pa'am/ 'du shes med pa'i snyoms par 'jug pa la snyoms par zhugs pa'am/ 'gog pa'i snyoms par 'jug pa la snyoms par zhugs pa de la/ de'i dus skabs der 'gags pas sems mi skye ba dang/ 'di ltar 'di na la la phung po'i lhag ma med pa'i mya ngan las 'das pa'i dbyings su yongs su mya ngan las 'das pa de la gtan 'gags pas sems mi skye ste/ de ltar na 'gags pa las sems mi skye ba yin no/ /

【E7 已生故】

ཇི་ལྟར་ན་སྐྱེས་པ་ལས་སེམས་མི་སྐྱེ་བ་ཡིན་ཞེ་ན། སེམས་སྐྱེས་པ་ཐམས་ཅད་ནི་ད་ལྟར་སྐྱེས་པའི་སྐད་ཅིག་གི་འོག་ཏུ་འཇིག་པའི་ཆོས་ཅན་ཡིན་པས་ན། དེ་ནི་ད་ལྟར་སྐྱེས་པ་ཡིན་པའི་ཕྱིར་མི་སྐྱེ་ལ། འགགས་པ་ཡང་སྐྱེས་ཟིན་པ་ཁོ་ན་ཡིན་པས་དེ་ནམ་ཡང་མི་སྐྱེ་སྟེ། དེ་ལྟར་ན་སྐྱེས་པ་ལས་སེམས་མི་སྐྱེ་བ་ཡིན་ནོ། །

ji ltar na skyes pa las sems mi skye ba yin zhe na/ sems skyes pa thams cad ni da ltar skyes pa'i skad cig gi 'og tu 'jig pa'i chos can yin pas na/ de ni da ltar skyes pa yin pa'i phyir mi skye la/ 'gags pa yang skyes zin pa kho na yin pas de nam yang mi skye ste/ de ltar na skyes pa las sems mi skye ba yin no/ /

【C2 明翻此七因諸心得生】

རྒྱུ་བདུན་པོ་དེ་དག་གིས་ནི་སེམས་མི་སྐྱེ་བར་རིག་པར་བྱའོ། །དེ་ལས་བཟློག་པའི་རྒྱུ་བདུན་པོ་འདི་ལྟ་སྟེ། རྐྱེན་ཡོད་པ་དང༌། ཡིད་ལ་བྱེད་པ་ཡོད་པ་དང༌། ཐོབ་པ་དང༌། མཐུན་པ་དང༌། མ་སྤངས་པ་དང༌། མ་འགགས་པ་དང༌། མ་སྐྱེས་པ་དག་གིས་ནི་སྐྱེ་བར་རིག་པར་བྱའོ། །

rgyu bdun po de dag gis ni sems mi skye bar rig par bya'o/ /de las bzlog pa'i rgyu bdun po 'di lta ste/ rkyen yod pa dang/ yid la byed pa yod pa dang/ thob pa dang/ mthun pa dang/ ma spangs pa dang/ ma 'gags pa dang/ ma skyes pa dag gis ni skye bar rig par bya'o/ /

【B3 餘不復現】

སེམས་ཡོད་པ་དང་སེམས་མེད་པའི་སའི་རྣམ་པར་གཏན་ལ་དབབ་པ་རྫོགས་ཏེ། ས་འདི་གཉིས་ཀྱི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

sems yod pa dang sems med pa'i sa'i rnam par gtan la dbab pa rdzogs te/ sa 'di gnyis kyi rnam par gtan la dbab pa'i gzhung lhag ma ni mi snang ngo// //

【A10 聞所成慧地】【B1 結前生後】

【B2 正決擇】【C1 解歸依】【D1 明五處觀察所歸唯觀佛寶】

ཐོས་པ་ལས་བྱུང་བའི་སའི་རྣམ་པར་གཏན་ལ་དབབ་པ་ནི་གནས་ལྔ་པོ་ལུས་ཀྱི་ལས་ཡོངས་སུ་དག་པ་དང༌། ངག་གི་ལས་ཡོངས་སུ་དག་པ་དང༌། ཡིད་ཀྱི་ལས་ཡོངས་སུ་དག་པ་དང༌། སེམས་ཅན་རྣམས་ལ་སྙིང་རྗེ་ཆེ་བ་དང༌། བླ་ན་མེད་པ་དང་ལྡན་པ་ཉིད་ཀྱིས་སྐྱབས་ཀྱི་འོས་ཉེ་བར་བརྟགས་ནས་སྐྱབས་སུ་འགྲོ་བར་བྱ་སྟེ།

thos pa las byung ba'i sa'i rnam par gtan la dbab pa ni gnas lnga po lus kyi las yongs su dag pa dang/ ngag gi las yongs su dag pa dang/ yid kyi las yongs su dag pa dang/ sems can rnams la snying rje che ba dang/ bla na med pa dang ldan pa nyid kyis skyabs kyi 'os nye bar brtags nas skyabs su 'gro bar bya ste/

【D2 問答辨】【E1 作五問】

དེ་ལ་སྐྱབས་སུ་འགྲོ་བར་བྱ་བ་ནི་དུ། རྒྱུ་གང་གིས་ནི་དེ་དག་ཉིད་ལ་སྐྱབས་སུ་འགྲོ། ཇི་ཙམ་གྱིས་ན་སྐྱབས་སུ་སོང་བ་ཡིན། སྐྱབས་སུ་སོང་བས་ཇི་ལྟར་ནི་བསྒྲུབ་པར་བྱ། སྐྱབས་སུ་སོང་བའི་ཕན་ཡོན་ནི་གང་ཡིན་ཞེ་ན།

de la skyabs su 'gro bar bya ba ni du/ rgyu gang gis ni de dag nyid la skyabs su 'gro/ ji tsam gyis na skyabs su song ba yin/ skyabs su song bas ji ltar ni bsgrub par bya/ skyabs su song ba'i phan yon ni gang yin zhe na/

【E2 五答】【F1 答第一問】

སྨྲས་པ། སྐྱབས་སུ་འགྲོ་བར་བྱ་བ་ནི་གསུམ་སྟེ། སངས་རྒྱས་ལ་སོགས་པའོ། །

smras pa/ skyabs su 'gro bar bya ba ni gsum ste/ sangs rgyas la sogs pa'o/ /

【F2 答第二問】

རྒྱུ་བཞིས་ན་དེ་དག་ཉིད་ལ་སྐྱབས་སུ་འགྲོ་བར་བྱ་བ་ཡིན་ཏེ། དེ་བཞིན་གཤེགས་པ་ནི་ཤིན་ཏུ་དུལ་བའི་བདག་ཉིད་དང༌། རྣམ་པ་ཐམས་ཅད་དུ་གདུལ་བྱ་འདུལ་བའི་ཐབས་ལ་མཁས་པ་དང༌། ཐུགས་རྗེ་ཆེ་བ་དང༌། ཟང་ཟིང་གི་མཆོད་པ་ཐམས་ཅད་ཀྱིས་མཉེས་པར་བྱ་བ་མ་ཡིན་གྱི་བསྒྲུབ་པའི་མཆོད་པས་མཉེས་པར་བྱ་བས་སོ། །དེ་ལྟ་བུས་བསྟན་པའི་ཆོས་གང་ཡིན་པ་དང༌། དེའི་ཉན་ཐོས་ཀྱི་དགེ་འདུན་གང་ཡིན་པ་དེ་ཡང་དེ་ལྟ་བུ་ཁོ་ནས་སྐྱབས་སུ་འོས་པ་ཡིན་པར་རིག་པར་བྱའོ། །

rgyu bzhis na de dag nyid la skyabs su 'gro bar bya ba yin te/ de bzhin gshegs pa ni shin tu dul ba'i bdag nyid dang/ rnam pa thams cad du gdul bya 'dul ba'i thabs la mkhas pa dang/ thugs rje che ba dang/ zang zing gi mchod pa thams cad kyis mnyes par bya ba ma yin gyi bsgrub pa'i mchod pas mnyes par bya bas so/ /de lta bus bstan pa'i chos gang yin pa dang/ de'i nyan thos kyi dge 'dun gang yin pa de yang de lta bu kho nas skyabs su 'os pa yin par rig par bya'o/ /

【F3 答第三問】

རྒྱུ་བཞིས་ན་སྐྱབས་སུ་སོང་བ་ཡིན་ཏེ། ཡོན་ཏན་ཤེས་པ་དང༌། ཁྱད་པར་ཤེས་པ་དང༌། ཁས་བླངས་པ་དང༌། གཞན་མི་སྨྲ་བས་སོ། །སྐྱབས་སུ་སོང་བའི་ཡང་དག་པའི་བསྒྲུབ་པ་ནི་རྣམ་པ་བཞིར་རིག་པར་བྱ་སྟེ། སྐྱེས་བུ་དམ་པ་ལེགས་པར་བསྟེན་པ་དང༌། དམ་པའི་ཆོས་མཉན་པ་དང༌། ཚུལ་བཞིན་ཡིད་ལ་བྱ་བ་དང༌། ཆོས་ཀྱི་རྗེས་སུ་མཐུན་པའི་ཆོས་སྒྲུབ་པའོ། །

rgyu bzhis na skyabs su song ba yin te/ yon tan shes pa dang/ khyad par shes pa dang/ khas blangs pa dang/ gzhan mi smra bas so/ /skyabs su song ba'i yang dag pa'i bsgrub pa ni rnam pa bzhir rig par bya ste/ skyes bu dam pa legs par bsten pa dang/ dam pa'i chos mnyan pa dang/ tshul bzhin yid la bya ba dang/ chos kyi rjes su mthun pa'i chos sgrub pa'o/ /

【F4 答第四問】

ཡང་དག་པར་བསྒྲུབ་པ་ནི་རྣམ་པར་བཞིར་རིག་པར་བྱ་སྟེ། དབང་པོ་མི་རྒོད་པར་བྱ་བ་དང༌། བསླབ་པའི་གཞི་ཡང་དག་པར་བླང་བར་བྱ་བ་དང་། སེམས་ཅན་ལ་སྙིང་རྗེ་བར་བྱ་བ་དང༌། དུས་དུས་སུ་དཀོན་མཆོག་མཆོད་པ་ལ་བརྩོན་པར་བྱའོ། །

yang dag par bsgrub pa ni rnam par bzhir rig par bya ste/ dbang po mi rgod par bya ba dang/ bslab pa'i gzhi yang dag par blang bar bya ba dang / sems can la snying rje bar bya ba dang/ dus dus su dkon mchog mchod pa la brtson par bya'o/ /

【F5 答第五問】

སྐྱབས་སུ་སོང་བའི་ཕན་ཡོན་ནི་བཞི་སྟེ། བསོད་ནམས་རྒྱ་ཆེན་ོ་འཐོབ་པ་དང༌། དགའ་བ་དང་མཆོག་ཏུ་དགའ་བ་རྒྱ་ཆེན་པོ་འཐོབ་པ་དང༌། ཏིང་ངེ་འཛིན་འཐོབ་པ་དང༌། རྣམ་པར་དག་པ་འཐོབ་པའོ། །གཞན་ཡང་ཕན་ཡོན་བཞི་སྟེ། སྲུང་བ་ཆེན་པོ་དང་ལྡན་པ་དང༌། ལོག་པར་མོས་པའི་སྒྲིབ་པ་ཐམས་ཅད་བསྲབས་པ་དང༌། ཡོངས་སུ་ཟད་པ་དང༌། ཡོངས་སུ་གཏུགས་པ་འཐོབ་པ་དང༌། དམ་པ་ཡང་དག་པར་སོང་བ་སྐྱེས་བུ་དམ་པ་རྣམས་ཀྱི་ནང་དུ་བགྲང་བར་འགྱུར་བ་དང༌། སྟོན་པ་དང་ཚངས་པ་མཚུངས་པར་སྤྱོད་པ་རྣམས་དང༌། བསྟན་པ་ལ་མངོན་པར་དད་པའི་ལྷ་རྣམས་ཀྱི་ཡིད་དུ་འོང་ཞིང་དགའ་བར་འགྱུར་ཏེ། ཆེ་གེ་མོ་ཞིག་བདག་ཅག་སྐྱབས་སུ་འགྲོ་བ་གང་དང་ལྡན་པས་དེ་ནས་ཤི་འཕོས་ནས་འདིར་སྐྱེས་པའི་སྐྱབས་སུ་འགྲོ་བ་དེ་དག་དང་ལྡན་ཞིང་ལན་མང་དུ་གནས་པས་ན་དེ་ནི་བདག་ཅག་གི་གྲོགས་སུ་འགྱུར་བར་འོང་ངོ་སྙམ་ནས་ཡིད་དགའ་ཞིང་ཆེད་དུ་བརྗོད་པ་ཆེད་དུ་རྗོད་པར་བྱེད་པའོ། །

skyabs su song ba'i phan yon ni bzhi ste/ bsod nams rgya chen \u0f7c 'thob pa dang/ dga' ba dang mchog tu dga' ba rgya chen po 'thob pa dang/ ting nge 'dzin 'thob pa dang/ rnam par dag pa 'thob pa'o/ /gzhan yang phan yon bzhi ste/ srung ba chen po dang ldan pa dang/ log par mos pa'i sgrib pa thams cad bsrabs pa dang/ yongs su zad pa dang/ yongs su gtugs pa 'thob pa dang/ dam pa yang dag par song ba skyes bu dam pa rnams kyi nang du bgrang bar 'gyur ba dang/ ston pa dang tshangs pa mtshungs par spyod pa rnams dang/ bstan pa la mngon par dad pa'i lha rnams kyi yid du 'ong zhing dga' bar 'gyur te/ che ge mo zhig bdag cag skyabs su 'gro ba gang dang ldan pas de nas shi 'phos nas 'dir skyes pa'i skyabs su 'gro ba de dag dang ldan zhing lan mang du gnas pas na de ni bdag cag gi grogs su 'gyur bar 'ong ngo snyam nas yid dga' zhing ched du brjod pa ched du rjod par byed pa'o/ /

【D3 以六相差別三寶】【E1 標列六相】

སངས་རྒྱས་དང་ཆོས་དང་དགེ་འདུན་དཀོན་མཆོག་རྣམས་ཀྱི་ཁྱད་པར་ནི་རྣམ་པ་དྲུག་གིས་རིག་པར་བྱ་སྟེ། མཚན་ཉིད་དང༌། ཕྲིན་ལས་དང༌།མོས་པ་དང༌། སྒྲུབ་པ་དང༌། རྗེས་སུ་དྲན་པ་དང༌། བསོད་ནམས་འཕེལ་བས་སོ༑ །

sangs rgyas dang chos dang dge 'dun dkon mchog rnams kyi khyad par ni rnam pa drug gis rig par bya ste/ mtshan nyid dang/ phrin las dang/mos pa dang/ sgrub pa dang/ rjes su dran pa dang/ bsod nams 'phel bas so| /

【E2 隨釋】【F1 由相差別】

དེ་ལ་མཚན་ཉིད་ལས་གྱུར་པའི་ཁྱད་པར་ནི་སངས་རྒྱས་དཀོན་མཆོག་ནི་རང་མངོན་པར་རྫོགས་པར་བྱང་ཆུབ་པའི་མཚན་ཉིད་དོ། །ཆོས་དཀོན་མཆོག་ནི་མངོན་པར་རྫོགས་པར་བྱང་ཆུབ་པའི་འབྲས་བུའི་མཚན་ཉིད་དོ། །དགེ་འདུན་དཀོན་མཆོག་ནི་གཞན་གྱི་མན་ངག་གིས་ཡང་དག་པར་བསྒྲུབ་པའི་མཚན་ཉིད་དོ། །

de la mtshan nyid las gyur pa'i khyad par ni sangs rgyas dkon mchog ni rang mngon par rdzogs par byang chub pa'i mtshan nyid do/ /chos dkon mchog ni mngon par rdzogs par byang chub pa'i 'bras bu'i mtshan nyid do/ /dge 'dun dkon mchog ni gzhan gyi man ngag gis yang dag par bsgrub pa'i mtshan nyid do/ /

【F2 由業差別】

དེ་ལ་ཕྲིན་ལས་ལས་གྱུར་པའི་ཁྱད་པར་ནི་སངས་རྒྱས་དཀོན་མཆོག་ནི་ལུང་ལེགས་པར་འབོགས་པའི་ཕྲིན་ལས་ཅན་ནོ། །ཆོས་དཀོན་མཆོག་ནི་ཉོན་མོངས་པ་དང་སྡུག་བསྔལ་སྤོང་བ་ལ་དམིགས་པའི་ཕྲིན་ལས་ཅན་ཡིན་ནོ། །དགེ་འདུན་དཀོན་མཆོག་ནི་སྤྲོ་བ་མངོན་པར་འཕེལ་བར་བྱེད་པའི་ཕྲིན་ལས་ཅན་ཡིན་ནོ། །

de la phrin las las gyur pa'i khyad par ni sangs rgyas dkon mchog ni lung legs par 'bogs pa'i phrin las can no/ /chos dkon mchog ni nyon mongs pa dang sdug bsngal spong ba la dmigs pa'i phrin las can yin no/ /dge 'dun dkon mchog ni spro ba mngon par 'phel bar byed pa'i phrin las can yin no/ /

【F3 由信解差別】

དེ་ལ་མོས་པ་ལས་གྱུར་པའི་ཁྱད་པར་ནི་སངས་རྒྱས་དཀོན་མཆོག་ལ་ནི་བསྙེན་བཀུར་ལ་གུས་པས་ཞེན་པར་བྱའོ། །ཆོས་དཀོན་མཆོག་ལ་ནི་མངོན་དུ་བྱ་བ་ལ་གུས་པས་ཞེན་པར་བྱའོ། །དགེ་འདུན་དཀོན་མཆོག་ལ་ནི་ཆོས་མཐུན་པའི་དངོས་པོས་ལྷན་ཅིག་འགྲོགས་པ་ལ་གུས་པས་ཞེན་པར་བྱའོ། །

de la mos pa las gyur pa'i khyad par ni sangs rgyas dkon mchog la ni bsnyen bkur la gus pas zhen par bya'o/ /chos dkon mchog la ni mngon du bya ba la gus pas zhen par bya'o/ /dge 'dun dkon mchog la ni chos mthun pa'i dngos pos lhan cig 'grogs pa la gus pas zhen par bya'o/ /

【F4 由修行差別】

དེ་ལ་སྒྲུབ་པ་ལས་གྱུར་པའི་ཁྱད་པར་ནི་སངས་རྒྱས་དཀོན་མཆོག་ལ་ནི་མཆོད་པ་དང་རིམ་གྲོ་ཉེ་བར་སྒྲུབ་པས་བསྒྲུབ་པར་བྱའོ། །ཆོས་དཀོན་མཆོག་ལ་ནི་རྣལ་འབྱོར་གྱི་སྦྱོར་བ་གོམས་པར་བྱ་བས་བསྒྲུབ་པར་བྱའོ། །དགེ་འདུན་དཀོན་མཆོག་ལ་ནི་ཆོས་དང་ཟང་ཟིང་གི་ལོངས་སྤྱོད་ཐུན་མོང་གིས་བསྒྲུབ་པར་བྱའོ། །

de la sgrub pa las gyur pa'i khyad par ni sangs rgyas dkon mchog la ni mchod pa dang rim gro nye bar sgrub pas bsgrub par bya'o/ /chos dkon mchog la ni rnal 'byor gyi sbyor ba goms par bya bas bsgrub par bya'o/ /dge 'dun dkon mchog la ni chos dang zang zing gi longs spyod thun mong gis bsgrub par bya'o/ /

【F5 由隨念差別】

དེ་ལ་རྗེས་སུ་དྲན་པ་ལས་གྱུར་པའི་ཁྱད་པར་ནི་སངས་རྒྱས་དཀོན་མཆོག་ཀྱང་རྣམ་པ་གཞན་དག་གིས་རྗེས་སུ་དྲན་པར་བྱ་ལ། ཆོས་དཀོན་མཆོག་ཀྱང་རྣམ་པ་གཞན་དག་གིས་རྗེས་སུ་དྲན་པར་བྱ། དགེ་འདུན་དཀོན་མཆོག་ཀྱང་རྣམ་པ་གཞན་དག་གིས་རྗེས་སུ་དྲན་པར་བྱ་བ་སྟེ། འདི་ལྟ་སྟེ། འདི་ལྟར་བཅོམ་ལྡན་འདས་དེ་ནི་ཞེས་བྱ་བ་ལ་སོགས་པས་རྒྱས་པར་བྱའོ། །

de la rjes su dran pa las gyur pa'i khyad par ni sangs rgyas dkon mchog kyang rnam pa gzhan dag gis rjes su dran par bya la/ chos dkon mchog kyang rnam pa gzhan dag gis rjes su dran par bya/ dge 'dun dkon mchog kyang rnam pa gzhan dag gis rjes su dran par bya ba ste/ 'di lta ste/ 'di ltar bcom ldan 'das de ni zhes bya ba la sogs pas rgyas par bya'o/ /

【F6 由生福差別】

དེ་ལ་བསོད་ནམས་འཕེལ་བ་ལས་གྱུར་པའི་ཁྱད་པར་ནི་སངས་རྒྱས་དཀོན་མཆོག་ལ་ནི་སེམས་ཅན་གཅིག་གི་དབང་དུ་བྱས་པའི་བསོད་ནམས་མཆོག་འཕེལ་བར་འགྱུར་རོ། །ཆོས་དཀོན་མཆོག་ལ་ནི་ཆོས་ཀྱི་དབང་དུ་བྱས་པའི་བསོད་ནམས་མཆོག་འཕེལ་བར་འགྱུར་རོ། །དགེ་འདུན་དཀོན་མཆོག་ལ་ནི་སེམས་ཅན་མང་པོའི་དབང་དུ་བྱས་པའི་བསོད་ནམས་མཆོག་འཕེལ་བར་འགྱུར་རོ། །

de la bsod nams 'phel ba las gyur pa'i khyad par ni sangs rgyas dkon mchog la ni sems can gcig gi dbang du byas pa'i bsod nams mchog 'phel bar 'gyur ro/ /chos dkon mchog la ni chos kyi dbang du byas pa'i bsod nams mchog 'phel bar 'gyur ro/ /dge 'dun dkon mchog la ni sems can mang po'i dbang du byas pa'i bsod nams mchog 'phel bar 'gyur ro/ /

【C2 解沙門婆羅門別】【D1 標列五法】

བྲམ་ཟེའི་ཆོས་ལས་དགེ་སྦྱོང་གི་ཆོས་རྣམ་པ་ལྔས་ཁྱད་པར་དུ་འཕགས་ཏེ། ཆོས་རྣམ་པ་ལྔ་གང་ཞེ་ན། འདི་ལྟ་སྟེ། ཐོས་པའི་ཆོས་དང༌། ཚུལ་ཁྲིམས་ཀྱི་ཆོས་དང༌། ཡོངས་སུ་གཟུང་བའི་ཆོས་དང་། ལོངས་སྤྱོད་ཀྱི་ཆོས་དང༌། རྟོགས་པའི་ཆོས་ཀྱིས་སོ། །

bram ze'i chos las dge sbyong gi chos rnam pa lngas khyad par du 'phags te/ chos rnam pa lnga gang zhe na/ 'di lta ste/ thos pa'i chos dang/ tshul khrims kyi chos dang/ yongs su gzung ba'i chos dang / longs spyod kyi chos dang/ rtogs pa'i chos kyis so/ /

【D2 隨釋】

དེ་ལ་བྲམ་ཟེ་རྣམས་ཀྱིས་ཐོས་པའི་ཆོས་ནི་དོན་ངན་པ་དང༌། གཞན་དག་ལ་བསྟན་པར་མི་འོས་པ་དང༌། ཚིག་དང་ཡི་གེ་གསང་བ་ཡིན་པའི་ཕྱིར་ངན་པ་ཡིན་ནོ། །དགེ་སྦྱོང་གིས་ཐོས་པའི་ཆོས་ནི་དེ་ལས་བཟློག་པ་ཡིན་པས་བཟང་བར་རིག་པར་བྱའོ། །དེ་ལ་བྲམ་ཟེ་རྣམས་ཀྱི་ཚུལ་ཁྲིམས་ཀྱི་ཆོས་ནི་གང་ལ་ཇི་ལྟར་འཚེ་བ་གང་རྗེས་སུ་གནང་བ་ཡིན་པའི་ཕྱིར་ངན་པ་ཡིན་ནོ། །དགེ་སྦྱོང་གི་ཚུལ་ཁྲིམས་ཀྱི་ཆོས་ནི་དེ་ལས་བཟློག་པ་ཡིན་པས་བཟང་བར་རིག་པར་བྱའོ། །དེ་ལ་བྲམ་ཟེ་རྣམས་ཀྱིས་ཡོངས་སུ་བཟུང་བའི་ཆོས་ནི་བར་དུ་གཅོད་པ་ཞིང་གི་དངོས་པོ་དང་ཁང་ཁྱིམ་གྱི་དངོས་པོ་དང༌། ཚོང་ཁང་གི་དངོས་པོ་ལ་སོགས་པ་ཡོངས་སུ་ཟིན་པའི་ཕྱིར་དང༌། བུ་དང་ཆུང་མ་དང་བྲན་མོ་ལ་སོགས་པ་ཡོངས་སུ་འཛིན་པའི་ཕྱིར་ངན་པ་ཡིན་ནོ། །དགེ་སྦྱོང་རྣམས་ཀྱིས་ཡོངས་སུ་བཟུང་བའི་ཆོས་ནི་སྡུག་བསྔལ་ལས་ངེས་པར་འབྱུང་བའི་ཆོས་མ་གཏོགས་པ་གཞན་མེད་པས་བཟང་བར་རིག་པར་བྱའོ། །དེ་ལ་བྲམ་ཟེ་རྣམས་ཀྱི་ལོངས་སྤྱོད་ཀྱི་ཆོས་ནི་བར་དུ་གཅོད་པ་སྤོས་དང༌། མེ་ཏོག་ཕྲེང་དང༌། བྱུག་པ་དང༌། རྒྱལ་མཚན་ལ་སོགས་པ་ཡོངས་སུ་ལོངས་སྤྱོད་པའི་ཕྱིར་དང༌། བྲོ་གར་མཁན་དང༌། ཟློས་གར་མཁན་དང༌། བཞད་གད་མཁན་དང༌། འཇོ་སྒེག་མཁན་ལ་སོགས་པ་ལ་ལྟ་བས་ཡོངས་སུ་ལོངས་སྤྱོད་པའི་ཕྱིར་དང༌། འཁྲིག་པའི་ཆོས་ཀྱི་ལོངས་སྤྱོད་པའི་ཕྱིར་ངན་པ་ཡིན་ནོ། །དགེ་སྦྱོང་གི་ལོངས་སྤྱོད་ཀྱི་ཆོས་ནི་ཁ་ན་མ་ཐོ་བ་མེད་པ་ཐོས་པ་དང་། བསམས་པ་དང་བསྒོམས་པ་ལས་བྱུང་བའི་ཤེས་པས་ལོངས་སྤྱོད་པའི་ཕྱིར་བཟང་བར་རིག་པར་བྱའོ། །དེ་ལ་བྲམ་ཟེ་རྣམས་ཀྱིས་རྟོགས་པའི་ཆོས་ནི་ཚངས་པའི་འཇིག་རྟེན་མཐའ་ཡིན་པ་དང༌། ཡང་ཕྱིར་བཟློག་པ་དང༌། ཀུན་ནས་ཉོན་མོངས་པ་ཅན་ཡིན་པ་དང༌། སྡུག་བསྔལ་བ་དང་བཅས་པའི་ཕྱིར་ངན་པ་ཡིན་ནོ། །དགེ་སྦྱོང་གིས་རྟོགས་པའི་ཆོས་ནི་མྱ་ངན་ལས་འདས་པ་མཐའ་ཡིན་པ་དང༌། ཡང་ཕྱིར་མི་ལྡོག་པ་དང༌། གཅིག་ཏུ་དྲི་མ་མེད་པ་དང༌། གཅིག་ཏུ་བདེ་བ་ཡིན་པས་བཟང་བར་རིག་པར་བྱའོ། །

de la bram ze rnams kyis thos pa'i chos ni don ngan pa dang/ gzhan dag la bstan par mi 'os pa dang/ tshig dang yi ge gsang ba yin pa'i phyir ngan pa yin no/ /dge sbyong gis thos pa'i chos ni de las bzlog pa yin pas bzang bar rig par bya'o/ /de la bram ze rnams kyi tshul khrims kyi chos ni gang la ji ltar 'tshe ba gang rjes su gnang ba yin pa'i phyir ngan pa yin no/ /dge sbyong gi tshul khrims kyi chos ni de las bzlog pa yin pas bzang bar rig par bya'o/ /de la bram ze rnams kyis yongs su bzung ba'i chos ni bar du gcod pa zhing gi dngos po dang khang khyim gyi dngos po dang/ tshong khang gi dngos po la sogs pa yongs su zin pa'i phyir dang/ bu dang chung ma dang bran mo la sogs pa yongs su 'dzin pa'i phyir ngan pa yin no/ /dge sbyong rnams kyis yongs su bzung ba'i chos ni sdug bsngal las nges par 'byung ba'i chos ma gtogs pa gzhan med pas bzang bar rig par bya'o/ /de la bram ze rnams kyi longs spyod kyi chos ni bar du gcod pa spos dang/ me tog phreng dang/ byug pa dang/ rgyal mtshan la sogs pa yongs su longs spyod pa'i phyir dang/ bro gar mkhan dang/ zlos gar mkhan dang/ bzhad gad mkhan dang/ 'jo sgeg mkhan la sogs pa la lta bas yongs su longs spyod pa'i phyir dang/ 'khrig pa'i chos kyi longs spyod pa'i phyir ngan pa yin no/ /dge sbyong gi longs spyod kyi chos ni kha na ma tho ba med pa thos pa dang / bsams pa dang bsgoms pa las byung ba'i shes pas longs spyod pa'i phyir bzang bar rig par bya'o/ /de la bram ze rnams kyis rtogs pa'i chos ni tshangs pa'i 'jig rten mtha' yin pa dang/ yang phyir bzlog pa dang/ kun nas nyon mongs pa can yin pa dang/ sdug bsngal ba dang bcas pa'i phyir ngan pa yin no/ /dge sbyong gis rtogs pa'i chos ni mya ngan las 'das pa mtha' yin pa dang/ yang phyir mi ldog pa dang/ gcig tu dri ma med pa dang/ gcig tu bde ba yin pas bzang bar rig par bya'o/ /

【C3 解三求】

འདོད་པ་ཚོལ་བ་ནི་རྣམ་པ་ལྔ་སྟེ། ཡོངས་སུ་བཟུང་བ་ཚོལ་བ་དང༌། ལོངས་སྤྱོད་ཚོལ་བ་དང༌། རྩེད་མོ་དང་དགའ་བ་ཚོལ་བ་དང༌། ཀུན་ཤེས་པ་ཉམས་པ་ཚོལ་བ་དང༌། གྲགས་པ་དང་སྒྲ་ཚོལ་བའོ། །སྲེད་པ་ཚོལ་བ་ཡང་རྣམ་པ་ལྔ་སྟེ། ཆོས་ཉིད་ཀྱིས་ཚོལ་བ་དང༌། སྨོན་པས་ཚོལ་བ་དང༌། ཀུན་དུ་རྨོངས་པས་ཚོལ་བ་དང་། སྐྱོ་བས་ཚོལ་བ་དང༌། སོ་སོར་བརྟགས་པས་ཚོལ་བའོ། །ཚངས་པར་སྤྱོད་པ་ཚོལ་བ་ཡང་རྣམ་པ་ལྔ་སྟེ། བཙལ་བ་ཙམ་ཚོལ་བ་དང༌། དེ་འཐོབ་པར་འགྱུར་བ་ཚོལ་བ་དང༌། འཕྲལ་དུ་འཐོབ་པ་ཚོལ་བ་དང༌། དེའི་འོག་ཏུ་འཐོབ་པ་ཚོལ་བ་དང༌། སོ་སོར་བརྟགས་ཏེ་ཕྱིས་འཐོབ་པ་ཚོལ་བའོ། །རྣམ་གྲངས་གཞན་ཡང་བརྡར་བཏགས་པ་ཚོལ་བ་དང༌། དོན་དམ་པ་ཚོལ་བ་དང༌། དེ་ཡོངས་སུ་བརྟགས་པ་ཚོལ་བ་དང༌། འཁྲུགས་པ་མེད་པ་དང༌། འཁྲུགས་པ་དང་བཅས་པ་ཚོལ་བ་དང༌། དེའི་ཐབས་མེད་པ་ཚོལ་བ་དང་ཐབས་དང་བཅས་པ་ཡོངས་སུ་བརྟགས་ནས་ཚོལ་བའོ།། །།

'dod pa tshol ba ni rnam pa lnga ste/ yongs su bzung ba tshol ba dang/ longs spyod tshol ba dang/ rtsed mo dang dga' ba tshol ba dang/ kun shes pa nyams pa tshol ba dang/ grags pa dang sgra tshol ba'o/ /sred pa tshol ba yang rnam pa lnga ste/ chos nyid kyis tshol ba dang/ smon pas tshol ba dang/ kun du rmongs pas tshol ba dang / skyo bas tshol ba dang/ so sor brtags pas tshol ba'o/ /tshangs par spyod pa tshol ba yang rnam pa lnga ste/ btsal ba tsam tshol ba dang/ de 'thob par 'gyur ba tshol ba dang/ 'phral du 'thob pa tshol ba dang/ de'i 'og tu 'thob pa tshol ba dang/ so sor brtags te phyis 'thob pa tshol ba'o/ /rnam grangs gzhan yang brdar btags pa tshol ba dang/ don dam pa tshol ba dang/ de yongs su brtags pa tshol ba dang/ 'khrugs pa med pa dang/ 'khrugs pa dang bcas pa tshol ba dang/ de'i thabs med pa tshol ba dang thabs dang bcas pa yongs su brtags nas tshol ba'o// //

【C4 解內明】【D1 總標前說略標內明為勝】

བམ་པོ་ཉི་ཤུ་རྩ་གཅིག་པ། སའི་དངོས་གཞིར་རིག་པའི་གནས་ལྔ་བསྟན་པ་གང་ཡིན་པ་དེ་ལ། ནང་གི་རིག་པ་ནི་རིག་པའི་གནས་ཐམས་ཅད་དང་བསྟན་བཅོས་ཐམས་ཅད་དང་གཞུང་ལུགས་ཐམས་ཅད་ཀྱི་ནང་ན་མཆོག་དང་གཙོ་བོ་ཡིན་ནོ། །དེ་ཅིའི་ཕྱིར་ཞེ་ན། རྣམ་པར་དག་པའི་གཞིས་རྣམ་པར་དག་པའི་དོན་ཉིད་ཡིན་པའི་ཕྱིར་ཏེ། ཀུན་ནས་ཉོན་མོངས་པ་དང་རྣམ་པར་བྱང་བའི་དོན་ཐམས་ཅད་བསྡུས་པ་རྣམ་པར་དག་པའི་ཕྱིར་དང༌། ཕས་ཀྱི་རྒོལ་བ་ཐམས་ཅད་ཀྱིས་དོན་དེ་ཚར་མི་ཆོད་པས་རྣམ་པར་དག་པའི་ཕྱིར་དང༌། དོན་དེ་ཉིད་ལ་འཇུག་སླ་བས་རྣམ་པར་དག་པའི་ཕྱིར་དང༌། ཞུགས་པ་རྣམས་ཀྱི་སྒྲུབ་པ་ཆུད་མི་ཟ་བས་རྣམ་པར་དག་པ་ཉིད་ཀྱི་ཕྱིར་རོ། །

bam po nyi shu rtsa gcig pa/ sa'i dngos gzhir rig pa'i gnas lnga bstan pa gang yin pa de la/ nang gi rig pa ni rig pa'i gnas thams cad dang bstan bcos thams cad dang gzhung lugs thams cad kyi nang na mchog dang gtso bo yin no/ /de ci'i phyir zhe na/ rnam par dag pa'i gzhis rnam par dag pa'i don nyid yin pa'i phyir te/ kun nas nyon mongs pa dang rnam par byang ba'i don thams cad bsdus pa rnam par dag pa'i phyir dang/ phas kyi rgol ba thams cad kyis don de tshar mi chod pas rnam par dag pa'i phyir dang/ don de nyid la 'jug sla bas rnam par dag pa'i phyir dang/ zhugs pa rnams kyi sgrub pa chud mi za bas rnam par dag pa nyid kyi phyir ro/ /

【D2 廣辨釋經由六理門應隨決了】【E1 略標】【F1 總標】

སངས་རྒྱས་ཀྱི་བཀའ་དེ་ཡང་མདོར་བསྡུ་ན་ཚུལ་དྲུག་གིས་ཁོང་དུ་ཆུད་པར་བྱ་སྟེ། འདི་ལྟ་སྟེ། དེ་ཁོ་ནའི་དོན་གྱི་ཚུལ་དང་འཐོབ་པའི་ཚུལ་དང༌། བཤད་པའི་ཚུལ་དང༌། མཐའ་གཉིས་རྣམ་པར་སྤངས་པའི་ཚུལ་དང༌། བསམ་གྱིས་མི་ཁྱབ་པའི་ཚུལ་དང༌། དགོངས་པའི་ཚུལ་གྱིས་སོ། །

sangs rgyas kyi bka' de yang mdor bsdu na tshul drug gis khong du chud par bya ste/ 'di lta ste/ de kho na'i don gyi tshul dang 'thob pa'i tshul dang/ bshad pa'i tshul dang/ mtha' gnyis rnam par spangs pa'i tshul dang/ bsam gyis mi khyab pa'i tshul dang/ dgongs pa'i tshul gyis so/ /

【F2 開列後辨名義】【G1 列理門有六】

དེ་ལ་ཚུལ་སྔ་མ་གསུམ་ནི་ཕྱི་མ་གསུམ་གྱིས་ཁོང་དུ་ཆུད་པར་བྱ་སྟེ། འདི་ལྟ་སྟེ།

de la tshul snga ma gsum ni phyi ma gsum gyis khong du chud par bya ste/ 'di lta ste/

【G2 辨前三由後三應隨決了】

དེ་ཁོ་ནའི་དོན་གྱི་ཚུལ་ནི་མཐའ་གཉིས་རྣམ་པར་སྤངས་པའི་ཚུལ་གྱིས་ཁོང་དུ་ཆུད་པར་བྱའོ། །འཐོབ་པའི་ཚུལ་ནི་བསམ་གྱིས་མི་ཁྱབ་པའི་ཚུལ་གྱིས་ཁོང་དུ་ཆུད་པར་བྱའོ། །བཤད་པའི་ཚུལ་ནི་དགོངས་པའི་ཚུལ་གྱིས་ཁོང་དུ་ཆུད་པར་བྱའོ། །དེ་ལ་དེ་ཁོ་ནའི་དོན་ཉིད་ཚུལ་ཡིན་པས། དེ་ཁོ་ནའི་དོན་གྱི་ཚུལ་དེ་དགོངས་པ་ཉིད་ཚུལ་ཡིན་པས་དགོངས་པའི་ཚུལ་གྱི་བར་དུའོ། །ཚུལ་གྱི་དོན་ནི་དེ་དང་དེ་ལ་མ་ནོར་བ་ཉིད་དང་ཇི་ལྟ་བ་བཞིན་ཉིད་དང༌། ཕྱིན་ཅི་མ་ལོག་པ་ཉིད་གང་ཡིན་པའོ། །

de kho na'i don gyi tshul ni mtha' gnyis rnam par spangs pa'i tshul gyis khong du chud par bya'o/ /'thob pa'i tshul ni bsam gyis mi khyab pa'i tshul gyis khong du chud par bya'o/ /bshad pa'i tshul ni dgongs pa'i tshul gyis khong du chud par bya'o/ /de la de kho na'i don nyid tshul yin pas/ de kho na'i don gyi tshul de dgongs pa nyid tshul yin pas dgongs pa'i tshul gyi bar du'o/ /tshul gyi don ni de dang de la ma nor ba nyid dang ji lta ba bzhin nyid dang/ phyin ci ma log pa nyid gang yin pa'o/ /

【E2 廣釋】【F1 次第別釋六種理門】【G1 解真義理門】

དེ་ལ་དེ་ཁོ་ནའི་དོན་ནི་མདོར་བསྡུ་ན་རྣམ་པ་དྲུག་ཏུ་རིག་པར་བྱ་སྟེ། འཇིག་རྟེན་གྱི་གྲགས་པ་དང༌། རིགས་པའི་གྲགས་པ་དང་ཉོན་མོངས་པའི་སྒྲིབ་པ་རྣམ་པར་དག་པའི་ཡེ་ཤེས་ཀྱི་སྤྱོད་ཡུལ་དང༌། ཤེས་བྱའི་སྒྲིབ་པ་རྣམ་པར་དག་པའི་ཡེ་ཤེས་ཀྱི་སྤྱོད་ཡུལ་དང༌། རྣམ་པར་བཞག་པ་དང༌། རྣམ་པར་མ་བཞག་པའོ། །དེ་ལ་དེ་ཁོ་ན་རྣམ་པ་བཞིའི་རབ་ཏུ་དབྱེ་བ་ནི་འདི་ལྟ་སྟེ། བྱང་ཆུབ་སེམས་དཔའི་སར་སྔར་བསྟན་པ་བཞིན་དུ་རིག་པར་བྱའོ། །རྣམ་པར་གཞག་པའི་དེ་ཁོ་ན་གང་ཞེ་ན། སྨྲས་པ། འཕགས་པའི་བདེན་པ་བཞི་སྟེ། སྡུག་བསྔལ་ནི་སྡུག་བསྔལ་དུ་རྣམ་པར་གཞག་པ་དང༌། ལམ་གྱི་བར་དུ་ལམ་དུ་རྣམ་པར་གཞག་པའོ། །དེ་ཅིའི་ཕྱིར་ཞེ་ན། འདི་ལྟར་ན་དེ་ནི་ཀུན་རྫོབ་རྣམ་པ་གསུམ་གྱིས་རྣམ་པར་འཇོག་པར་བྱེད་པའི་ཕྱིར་ཏེ། འཇིག་རྟེན་གྱི་ཀུན་རྫོབ་དང༌། རིགས་པའི་ཀུན་རྫོབ་དང༌། རྟོགས་པའི་ཀུན་རྫོབ་ཀྱིས་སོ། །དེ་ལ་འཇིག་རྟེན་གྱི་ཀུན་རྫོབ་ཀྱིས་ནི་ཁང་ཁྱིམ་དང༌། བུམ་པ་དང༌། དམག་དང༌། ནགས་ཚལ་དང༌། གྲངས་ལ་སོགས་པ་རྣམ་པར་གཞག་པ་དང༌། བདག་དང་སེམས་ཅན་ལ་སོགས་པ་རྣམ་པར་གཞག་པས་རྣམ་པར་འཇོག་གོ། །རིགས་པའི་ཀུན་རྫོབ་ཀྱིས་ནི་ཕུང་པོ་དང་ཁམས་དང་སྐྱེ་མཆེད་ལ་སོགས་པ་རྣམ་པར་གཞག་པས་རྣམ་པར་འཇོག་གོ། །རྟོགས་པའི་ཀུན་རྫོབ་ཀྱིས་ནི་རྒྱུན་དུ་ཞུགས་པའི་འབྲས་བུ་ལ་སོགས་པ་བཞི་དང༌། དེ་དག་གི་གནས་རྣམ་པར་གཞག་པ་རྣམ་པར་འཇོག་གོ། །དེ་དག་ཀྱང་མདོར་བསྡུ་ན་རྣམ་པར་གཞག་པ་རྣམ་པ་བཞིར་འགྱུར་ཏེ། ཇི་སྐད་བསྟན་པ་རྣམ་པ་གསུམ་དང༌། དོན་དམ་པའི་ཀུན་རྫོབ་ཀྱིས་དོན་དམ་པའི་བདེན་པ་རྣམ་པར་གཞག་པ་སྟེ། དེའི་དོན་ནི་སོ་སོ་རང་རིག་པ་ཡིན་པའི་ཕྱིར་རྣམ་པར་གཞག་པར་བྱ་བ་མ་ཡིན་གྱི་དེ་ཤེས་པ་སྐྱེ་བ་དང་མཐུན་པ་ཉིད་ལ་བརྟེན་ཏེ་རྣམ་པར་འཇོག་གོ༑ །རྣམ་པར་མ་བཞག་པའི་དེ་ཁོ་ན་གང་ཞེ་ན། སྨྲས་པ། ཆོས་རྣམས་ཀྱི་དེ་བཞིན་ཉིད་གང་ཡིན་པའོ། །

de la de kho na'i don ni mdor bsdu na rnam pa drug tu rig par bya ste/ 'jig rten gyi grags pa dang/ rigs pa'i grags pa dang nyon mongs pa'i sgrib pa rnam par dag pa'i ye shes kyi spyod yul dang/ shes bya'i sgrib pa rnam par dag pa'i ye shes kyi spyod yul dang/ rnam par bzhag pa dang/ rnam par ma bzhag pa'o/ /de la de kho na rnam pa bzhi'i rab tu dbye ba ni 'di lta ste/ byang chub sems dpa'i sar sngar bstan pa bzhin du rig par bya'o/ /rnam par gzhag pa'i de kho na gang zhe na/ smras pa/ 'phags pa'i bden pa bzhi ste/ sdug bsngal ni sdug bsngal du rnam par gzhag pa dang/ lam gyi bar du lam du rnam par gzhag pa'o/ /de ci'i phyir zhe na/ 'di ltar na de ni kun rdzob rnam pa gsum gyis rnam par 'jog par byed pa'i phyir te/ 'jig rten gyi kun rdzob dang/ rigs pa'i kun rdzob dang/ rtogs pa'i kun rdzob kyis so/ /de la 'jig rten gyi kun rdzob kyis ni khang khyim dang/ bum pa dang/ dmag dang/ nags tshal dang/ grangs la sogs pa rnam par gzhag pa dang/ bdag dang sems can la sogs pa rnam par gzhag pas rnam par 'jog go/ /rigs pa'i kun rdzob kyis ni phung po dang khams dang skye mched la sogs pa rnam par gzhag pas rnam par 'jog go/ /rtogs pa'i kun rdzob kyis ni rgyun du zhugs pa'i 'bras bu la sogs pa bzhi dang/ de dag gi gnas rnam par gzhag pa rnam par 'jog go/ /de dag kyang mdor bsdu na rnam par gzhag pa rnam pa bzhir 'gyur te/ ji skad bstan pa rnam pa gsum dang/ don dam pa'i kun rdzob kyis don dam pa'i bden pa rnam par gzhag pa ste/ de'i don ni so so rang rig pa yin pa'i phyir rnam par gzhag par bya ba ma yin gyi de shes pa skye ba dang mthun pa nyid la brten te rnam par 'jog go| /rnam par ma bzhag pa'i de kho na gang zhe na/ smras pa/ chos rnams kyi de bzhin nyid gang yin pa'o/ /

【G2 證得理門】【H1 總說】

འཐོབ་པ་གང་ཞེ་ན། འཐོབ་པ་ནི་མདོར་བསྡུ་ན་རྣམ་པ་བཞི་སྟེ། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་འཐོབ་པ་དང༌། ཉན་ཐོས་ཀྱི་ཐེག་པ་འཐོབ་པ་དང༌། རང་སངས་རྒྱས་ཀྱི་ཐེག་པ་འཐོབ་པ་དང༌། ཐེག་པ་ཆེན་པོ་འཐོབ་པའོ། །

'thob pa gang zhe na/ 'thob pa ni mdor bsdu na rnam pa bzhi ste/ sems can rnams kyi las kyi rnam par smin pa 'thob pa dang/ nyan thos kyi theg pa 'thob pa dang/ rang sangs rgyas kyi theg pa 'thob pa dang/ theg pa chen po 'thob pa'o/ /

【H2 別釋】【I1 有情業果證得】

དེ་ལ་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་འཐོབ་པ་ནི། ལས་དགེ་བ་དག་མི་དགེ་བར་མངོན་པར་འདུ་བྱེད་པས། ལས་བདག་གིར་བྱ་བ་ཉིད་ལ་བརྟེན་ནས། རྒྱུ་དེས་འགྲོ་བ་ལྔའི་འཁོར་བར་སེམས་ཅན་རྣམས་ཀྱི་རྣམ་པར་སྨིན་པ་མངོན་པར་འགྲུབ་པ་དང༌། རྣམ་པར་སྨིན་པ་སོ་སོར་མྱོང་བ་གང་ཡིན་པའོ། །

de la sems can rnams kyi las kyi rnam par smin pa 'thob pa ni/ las dge ba dag mi dge bar mngon par 'du byed pas/ las bdag gir bya ba nyid la brten nas/ rgyu des 'gro ba lnga'i 'khor bar sems can rnams kyi rnam par smin pa mngon par 'grub pa dang/ rnam par smin pa so sor myong ba gang yin pa'o/ /

【I2 聲聞乘證得】

དེ་ལ་ཉན་ཐོས་ཀྱི་ཐེག་པ་འཐོབ་པ་ནི་སྐྱབས་སུ་འགྲོ་བ་ལ་སོགས་པ་ནས། དགེ་སྦྱོང་གི་རྒྱན་གྱི་བར་ལ་བརྟེན་ནས་རྣམ་པ་ལྔ་འཐེབ་པ་གང་ཡིན་པ་སྟེ། ས་འཐོབ་པ་དང༌། ཤེས་པ་འཐོབ་པ་དང༌། དད་པ་འཐོབ་པ་དང༌། འབྲས་བུ་འཐོབ་པ་དང༌། ཡོན་ཏན་འཐོབ་པའོ༑ །དེ་ལ་ས་འཐོབ་པ་ནི་ས་གསུམ་སྟེ། མཐོང་བའི་ས་དང༌། བསྒོམ་པའི་ས་དང༌། མཐར་ཐུག་པའི་སའོ། །དེ་ལ་ཤེས་པ་འཐོབ་པ་ནི། ཤེས་པ་དགུ་སྟེ། འདི་ལྟ་སྟེ། ཆོས་ཤེས་པ་དང༌། རྗེས་སུ་རྟོགས་པ་ཤེས་པ་དང༌། སྡུག་བསྔལ་ཤེས་པ་དང༌། ཀུན་འབྱུང་བ་ཤེས་པ་དང༌། འགོག་པ་ཤེས་པ་དང་། ལམ་ཤེས་པ་དང༌། དེ་དག་གི་རྗེས་ལས་ཐོབ་པ་ཀུན་རྫོབ་ཤེས་པ་དང༌། ཟད་པ་ཤེས་པ་དང༌། མི་སྐྱེ་བ་ཤེས་པའོ། །དེ་ལ་དད་པ་འཐོབ་པ་ནི་ཤེས་ནས་དད་པ་བཞི་པོ་དག་གོ། །དེ་ལ་འབྲས་བུ་ཐོབ་པ་ནི་དགེ་སྦྱོང་གི་འབྲས་བུ་བཞི་པོ་དག་གོ། །དེ་ལ་ཡོན་ཏན་འཐོབ་པ་ནི་ཚད་མེད་པ་དང༌། རྣམ་པར་ཐར་པ་དང༌། ཟིལ་གྱིས་གནོན་པའི་སྐྱེ་མཆེད་དང༌། ཟད་པར་གྱི་སྐྱེ་མཆེད་དང༌། ཉོན་མོངས་པ་མེད་པ་དང༌། སྨོན་གནས་ཤེས་པ་དང༌། སོ་སོ་ཡང་དག་པར་རིག་པ་དང༌། མངོན་པར་ཤེས་པ་འཐོབ་སྟེ། དེ་དག་ཐམས་ཅད་ཀྱི་རྣམ་པར་དབྱེ་བ་ནི་སྔ་མ་བཞིན་དུ་རིག་པར་བྱའོ། །ཉན་ཐོས་ཀྱི་ཐེག་པ་དག་ཐོབ་པའི་ཐོབ་པར་བྱེད་པའི་རྒྱུ་ནི་འཇིག་རྟེན་པའི་ལམ་གྱིས་འདོད་ཆགས་དང་བྲལ་བ་དང༌། ཐར་པ་དང༌། ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བ་དག་ཡིན་ནོ། །

de la nyan thos kyi theg pa 'thob pa ni skyabs su 'gro ba la sogs pa nas/ dge sbyong gi rgyan gyi bar la brten nas rnam pa lnga 'theb pa gang yin pa ste/ sa 'thob pa dang/ shes pa 'thob pa dang/ dad pa 'thob pa dang/ 'bras bu 'thob pa dang/ yon tan 'thob pa'o| /de la sa 'thob pa ni sa gsum ste/ mthong ba'i sa dang/ bsgom pa'i sa dang/ mthar thug pa'i sa'o/ /de la shes pa 'thob pa ni/ shes pa dgu ste/ 'di lta ste/ chos shes pa dang/ rjes su rtogs pa shes pa dang/ sdug bsngal shes pa dang/ kun 'byung ba shes pa dang/ 'gog pa shes pa dang / lam shes pa dang/ de dag gi rjes las thob pa kun rdzob shes pa dang/ zad pa shes pa dang/ mi skye ba shes pa'o/ /de la dad pa 'thob pa ni shes nas dad pa bzhi po dag go/ /de la 'bras bu thob pa ni dge sbyong gi 'bras bu bzhi po dag go/ /de la yon tan 'thob pa ni tshad med pa dang/ rnam par thar pa dang/ zil gyis gnon pa'i skye mched dang/ zad par gyi skye mched dang/ nyon mongs pa med pa dang/ smon gnas shes pa dang/ so so yang dag par rig pa dang/ mngon par shes pa 'thob ste/ de dag thams cad kyi rnam par dbye ba ni snga ma bzhin du rig par bya'o/ /nyan thos kyi theg pa dag thob pa'i thob par byed pa'i rgyu ni 'jig rten pa'i lam gyis 'dod chags dang bral ba dang/ thar pa dang/ nges par 'byed pa'i cha dang mthun pa'i dge ba'i rtsa ba dag yin no/ /

【I3 獨覺乘證得】

དེ་ལ་རང་སངས་རྒྱས་ཀྱི་ཐེག་པ་འཐོབ་པ་ནི་མདོར་བསྡུ་ན་རྣམ་པ་གསུམ་སྟེ། ངེས་པར་འབྱེད་པའི་ཆ་དང་མཐུན་པ་འཐོབ་པ་སྔོན་དུ་བཏང་བ་དང༌། རྟོགས་པ་སྔོན་དུ་བཏང་བ་དང༌། སྔོན་དུ་མ་བཏང་བའོ། །དེ་ལ་འཐོབ་པ་དང་པོ་གཉིས་ཀྱིས་ནི་རང་རྒྱལ་བ་རྣམས་སུ་འགྱུར་རོ། །ཐ་མས་ནི་བསེ་རུ་ལྟ་བུར་འགྱུར་རོ། །

de la rang sangs rgyas kyi theg pa 'thob pa ni mdor bsdu na rnam pa gsum ste/ nges par 'byed pa'i cha dang mthun pa 'thob pa sngon du btang ba dang/ rtogs pa sngon du btang ba dang/ sngon du ma btang ba'o/ /de la 'thob pa dang po gnyis kyis ni rang rgyal ba rnams su 'gyur ro/ /tha mas ni bse ru lta bur 'gyur ro/ /

【I4 大乘證得】

དེ་ལ་ཐེག་པ་ཆེན་པོ་འཐོབ་པ་ནི་རྣམ་པ་བརྒྱད་དེ། སེམས་བསྐྱེད་པ་འཐོབ་པ་དང༌། སྙིང་རྗེ་འཐོབ་པ་དང༌། ཕ་རོལ་ཏུ་ཕྱིན་པ་འཐོབ་པ་དང༌། བསྡུ་བའི་དངོས་པོ་འཐོབ་པ་དང༌། ས་འཐོབ་པ་དང༌། དཔག་ཏུ་མེད་པ་ལྔ་ལ་དེ་བཞིན་ཉིད་ཁོང་དུ་ཆུད་པ་འཐོབ་པ་དང༌། མཐུ་བསམ་གྱིས་མི་ཁྱབ་པ་འཐོབ་པ་དང་། སངས་རྒྱས་ཀྱི་ཆོས་མ་འདྲེས་པ་འཐོབ་པ་གང་ཡིན་པ་སྟེ། དེ་དག་གི་རྣམ་པར་དབྱེ་བ་ཡང་འདི་ལྟ་སྟེ། བྱང་ཆུབ་སེམས་དཔའི་སར་སྔར་བསྟན་པ་བཞིན་དུ་རིག་པར་བྱའོ། །

de la theg pa chen po 'thob pa ni rnam pa brgyad de/ sems bskyed pa 'thob pa dang/ snying rje 'thob pa dang/ pha rol tu phyin pa 'thob pa dang/ bsdu ba'i dngos po 'thob pa dang/ sa 'thob pa dang/ dpag tu med pa lnga la de bzhin nyid khong du chud pa 'thob pa dang/ mthu bsam gyis mi khyab pa 'thob pa dang / sangs rgyas kyi chos ma 'dres pa 'thob pa gang yin pa ste/ de dag gi rnam par dbye ba yang 'di lta ste/ byang chub sems dpa'i sar sngar bstan pa bzhin du rig par bya'o/ /

【G3 解教導理門】【H1 略辨三處】

དེ་ལ་བཤད་པ་ནི་མདོར་བསྡུ་ན་གནས་གསུམ་གྱིས་བསྡུ་བ་ཡིན་ཏེ། སྡེ་སྣོད་བསྡུ་བ་དང༌། མ་མོ་བསྡུ་བ་དང༌། དེ་གཉི་ག་བསྡུ་བས་སོ། །དེ་ལ་སྡེ་སྣོད་བསྡུ་བ་ནི་ཉན་ཐོས་ཀྱི་སྡེ་སྣོད་དང༌། ཐེག་པ་ཆེན་པོའི་སྡེ་སྣོད་དོ། །དེ་ལ་མ་མོ་བསྡུ་བ་ནི་ས་བཅུ་བདུན་དང༌། བསྡུ་བ་བཞིའོ། །དེ་ལ་དེ་གཉི་ག་བསྡུ་བ་ནི། མདོར་བསྡུ་ན་རྣམ་པ་བཅུ་སྟེ། འདི་ལྟ་སྟེ། བདེན་པའི་མཚན་ཉིད་བཤད་པ་དང༌། ཡོངས་སུ་ཤེས་པ་བཤད་པ་དང༌། སྤང་བ་བཤད་པ་དང༌། མངོན་དུ་བྱ་བ་བཤད་པ་དང༌། བསྒོམ་པ་བཤད་པ་དང༌། དེ་དག་ཉིད་ཀྱི་རྣམ་པ་རབ་ཏུ་དབྱེ་བ་བཤད་པ་དང༌། དེ་དག་ཉིད་ཀྱི་གནས་དང་གནས་པའི་འབྲེལ་པ་བཤད་པ་དང༌། ཡོངས་སུ་ཤེས་པ་ལ་སོགས་པའི་བར་དུ་གཅོད་པའི་ཆོས་བཤད་པ་དང༌། ཡོངས་སུ་ཤེས་པ་ལ་སོགས་པའི་རྗེས་སུ་མཐུན་པའི་ཆོས་བཤད་པ་དང༌། ཡོངས་སུ་མི་ཤེས་པ་ལ་སོགས་པ་དང༌། ཡོངས་སུ་ཤེས་པ་ལ་སོགས་པའི་ཉེས་དམིགས་དང་ཕན་ཡོན་བཤད་པ་སྟེ། དེ་ལྟར་ན་དེ་ནི་སྡེ་སྣོད་བསྡུ་བ་དང༌། མ་མོ་བསྡུ་བ་ཐམས་ཅད་སྡུད་པར་བྱེད་པས་མ་མོ་བསྡུས་པ་ཞེས་བྱའོ། །

de la bshad pa ni mdor bsdu na gnas gsum gyis bsdu ba yin te/ sde snod bsdu ba dang/ ma mo bsdu ba dang/ de gnyi ga bsdu bas so/ /de la sde snod bsdu ba ni nyan thos kyi sde snod dang/ theg pa chen po'i sde snod do/ /de la ma mo bsdu ba ni sa bcu bdun dang/ bsdu ba bzhi'o/ /de la de gnyi ga bsdu ba ni/ mdor bsdu na rnam pa bcu ste/ 'di lta ste/ bden pa'i mtshan nyid bshad pa dang/ yongs su shes pa bshad pa dang/ spang ba bshad pa dang/ mngon du bya ba bshad pa dang/ bsgom pa bshad pa dang/ de dag nyid kyi rnam pa rab tu dbye ba bshad pa dang/ de dag nyid kyi gnas dang gnas pa'i 'brel pa bshad pa dang/ yongs su shes pa la sogs pa'i bar du gcod pa'i chos bshad pa dang/ yongs su shes pa la sogs pa'i rjes su mthun pa'i chos bshad pa dang/ yongs su mi shes pa la sogs pa dang/ yongs su shes pa la sogs pa'i nyes dmigs dang phan yon bshad pa ste/ de ltar na de ni sde snod bsdu ba dang/ ma mo bsdu ba thams cad sdud par byed pas ma mo bsdus pa zhes bya'o/ /

【H2 廣辨十二】【I1 總說】

ཡང་མདོར་བསྡུ་ན་བཤད་པ་རྣམ་པ་བཅུ་གཉིས་ཡོད་དོ། །འདི་ལྟ་སྟེ། དངོས་པོ་བཤད་པ་དང༌། མིང་གི་རྣམ་གྲངས་བཤད་པ་དང༌། རང་གི་གཞུང་ལུགས་བརྟག་པ་བཤད་པ་དང༌། གཞན་གྱི་གཞུང་ལུགས་བརྟག་པ་བཤད་པ་དང༌། དྲང་བའི་དོན་བཤད་པ་དང༌། ངེས་པའི་དོན་བཤད་པ་དང༌། ཀུན་རྫོབ་ཀྱི་བདེན་པ་བཤད་པ་དང༌། དོན་དམ་པའི་བདེན་པ་བཤད་པ་དང༌། གསང་བ་བཤད་པ་དང༌། རྣམ་པར་ཕྱེ་བ་བཤད་པ་དང༌། ལན་གདབ་པའི་དངོས་པོ་བཤད་པ་དང༌། ལན་མི་གདབ་པའི་དངོས་པོ་བཤད་པའོ། །

yang mdor bsdu na bshad pa rnam pa bcu gnyis yod do/ /'di lta ste/ dngos po bshad pa dang/ ming gi rnam grangs bshad pa dang/ rang gi gzhung lugs brtag pa bshad pa dang/ gzhan gyi gzhung lugs brtag pa bshad pa dang/ drang ba'i don bshad pa dang/ nges pa'i don bshad pa dang/ kun rdzob kyi bden pa bshad pa dang/ don dam pa'i bden pa bshad pa dang/ gsang ba bshad pa dang/ rnam par phye ba bshad pa dang/ lan gdab pa'i dngos po bshad pa dang/ lan mi gdab pa'i dngos po bshad pa'o/ /

【I2 別釋】【J1 事教】

དེ་ལ་དངོས་པོ་བཤད་པ་ནི་གཟུགས་ལ་སོགས་པ་དང༌། མིག་ལ་སོགས་པའི་ཆོས་རྣམས་སོ་སོར་བཤད་པ་ཡིན་ནོ། །

de la dngos po bshad pa ni gzugs la sogs pa dang/ mig la sogs pa'i chos rnams so sor bshad pa yin no/ /

【J2 想差別教】

དེ་ལ་མིང་གི་རྣམ་གྲངས་བཤད་པ་ནི་འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཕུང་པོ་དང༌། ཁམས་དང༌། སྐྱེ་མཆེད་དང་རྟེན་ཅིང་འབྲེལ་པར་འབྱུང་བ་དང༌། གནས་དང་གནས་མ་ཡིན་པ་དང༌། དབང་པོ་དང་བདེན་པའི་མིང་དང་དྲན་པ་ཉེ་བར་གཞག་པ་ལ་སོགས་པའི་མིང་དང༌། གཟུགས་ཅན་དང་གཟུགས་ཅན་མ་ཡིན་པ་དང༌། བསྟན་དུ་ཡོད་པ་དང༌། བསྟན་དུ་མེད་པ་དང༌། ཐོགས་པ་དང་བཅས་པ་དང༌། ཐོགས་པ་མེད་པ་ལ་སོགས་པའི་མིང་གིས་མིང་གི་རྣམ་གྲངས་དཔག་ཏུ་མེད་པ་དག་རྒྱ་ཆེར་བཤད་པ་གང་ཡིན་པའོ། །

de la ming gi rnam grangs bshad pa ni 'di lta ste/ sangs rgyas bcom ldan 'das rnams kyis phung po dang/ khams dang/ skye mched dang rten cing 'brel par 'byung ba dang/ gnas dang gnas ma yin pa dang/ dbang po dang bden pa'i ming dang dran pa nye bar gzhag pa la sogs pa'i ming dang/ gzugs can dang gzugs can ma yin pa dang/ bstan du yod pa dang/ bstan du med pa dang/ thogs pa dang bcas pa dang/ thogs pa med pa la sogs pa'i ming gis ming gi rnam grangs dpag tu med pa dag rgya cher bshad pa gang yin pa'o/ /

【J3 觀自宗教】

དེ་ལ་རང་གི་གཞུང་ལུགས་བརྟག་པ་བཤད་པ་ནི་རྣམ་པར་བཤད་པ་བསྡུ་བ་ལ་བརྟེན་ནས། མདོའི་སྡེ་དང་དབྱངས་ཀྱིས་བསྙད་པའི་སྡེ་དང་ལུང་དུ་བསྟན་པའི་སྡེ་ལ་སོགས་པ་བཤད་པ་དང་ཡང་དག་པར་བཤད་པ་གང་ཡིན་པའོ། །

de la rang gi gzhung lugs brtag pa bshad pa ni rnam par bshad pa bsdu ba la brten nas/ mdo'i sde dang dbyangs kyis bsnyad pa'i sde dang lung du bstan pa'i sde la sogs pa bshad pa dang yang dag par bshad pa gang yin pa'o/ /

【J4 觀他宗教】

དེ་ལ་གཞན་གྱི་གཞུང་ལུགས་བརྟག་པ་བཤད་པ་ནི་གཏན་ཚིགས་ཀྱི་རིགས་པ་རྣམ་པ་བདུན་ལ་བརྟེན་ནས་ཕས་ཀྱི་རྒོལ་བ་ཚར་བཅད་པ་དང༌། རང་གི་སྨྲ་བའི་གཞུང་གཟུགས་པ་གང་ཡིན་པའོ། །གཏན་ཚིགས་ཀྱི་རིགས་པ་རྣམ་པ་བདུན་ནི་འདི་ལྟ་སྟེ། སྨྲ་བ་དང༌། སྨྲ་བའི་ཞལ་ཅེ་བ་དང༌། སྨྲ་བའི་གཞི་དང༌། སྨྲ་བའི་རྒྱན་དང༌། སྨྲ་བ་ཆད་པས་བཅད་པ་དང༌། སྨྲ་བ་ལས་འབྱུང་བ་དང༌། སྨྲ་བ་གཅེས་སྤྲས་ལ་དགོས་པའི་ཆོས་རྣམས་སོ། །

de la gzhan gyi gzhung lugs brtag pa bshad pa ni gtan tshigs kyi rigs pa rnam pa bdun la brten nas phas kyi rgol ba tshar bcad pa dang/ rang gi smra ba'i gzhung gzugs pa gang yin pa'o/ /gtan tshigs kyi rigs pa rnam pa bdun ni 'di lta ste/ smra ba dang/ smra ba'i zhal ce ba dang/ smra ba'i gzhi dang/ smra ba'i rgyan dang/ smra ba chad pas bcad pa dang/ smra ba las 'byung ba dang/ smra ba gces spras la dgos pa'i chos rnams so/ /

【J5 不了義教】

དེ་ལ་དྲང་བའི་དོན་བཤད་པ་ནི་བཅོམ་ལྡན་འདས་ཀྱིས་མདོའི་སྡེ་དང་དབྱངས་ཀྱིས་བསྙད་པའི་སྡེ་དང༌། ལུང་བསྟན་པའི་སྡེ་ལ་སོགས་པ་གང་དག་བཤད་ལ། དོན་རྣམ་པར་མ་ཕྱེ་བ་དྲང་བར་བྱ་དགོས་པ་གང་ཡིན་པའོ། །

de la drang ba'i don bshad pa ni bcom ldan 'das kyis mdo'i sde dang dbyangs kyis bsnyad pa'i sde dang/ lung bstan pa'i sde la sogs pa gang dag bshad la/ don rnam par ma phye ba drang bar bya dgos pa gang yin pa'o/ /

【J6 了義教】

དེ་ལ་ངེས་པའི་དོན་བཤད་པ་ནི་དེ་ལས་བཟློག་པར་རིག་པར་བྱའོ། །

de la nges pa'i don bshad pa ni de las bzlog par rig par bya'o/ /

【J7 世俗諦教】

དེ་ལ་ཀུན་རྫོབ་ཀྱི་བདེན་པ་བཤད་པ་ནི། ཚིག་གི་ལམ་གྱིས་བརྗོད་པ་གང་ཅི་ཡང་རུང་སྟེ་དེ་ཐམས་ཅད་ནི་ཀུན་རྫོབ་ཀྱི་བདེན་པ་ཡིན་ནོ། །མིང་དང་འདུ་ཤེས་དང་བརྗོད་པའི་དབང་དུ་བྱ་བ་འདི་ལྟ་སྟེ། མཚན་མ་དང་མིང་དང་རྣམ་པར་རྟོག་པ་གང་ཅི་ཡང་རུང་བ་དེ་ཡང་ཀུན་རྫོབ་ཀྱི་བདེན་པ་ཡིན་ནོ། །

de la kun rdzob kyi bden pa bshad pa ni/ tshig gi lam gyis brjod pa gang ci yang rung ste de thams cad ni kun rdzob kyi bden pa yin no/ /ming dang 'du shes dang brjod pa'i dbang du bya ba 'di lta ste/ mtshan ma dang ming dang rnam par rtog pa gang ci yang rung ba de yang kun rdzob kyi bden pa yin no/ /

【J8 勝義諦教】

དེ་ལ་དོན་དམ་པའི་བདེན་པ་བཤད་པ་ནི་འཕགས་པའི་བདེན་པ་བཞི་བཤད་པ་དང༌། དེ་བཞིན་ཉིད་དང་ཡང་དག་པའི་མཐའ་དང༌། ཆོས་ཀྱི་དབྱིངས་བཤད་པ་གང་ཡིན་པའོ། །

de la don dam pa'i bden pa bshad pa ni 'phags pa'i bden pa bzhi bshad pa dang/ de bzhin nyid dang yang dag pa'i mtha' dang/ chos kyi dbyings bshad pa gang yin pa'o/ /

【J9 隱密教】

དེ་ལ་གསང་བ་བཤད་པ་ནི་འདི་ལྟ་སྟེ། ཕལ་ཆེར་ནི་ཉན་ཐོས་ཀྱི་སྡེ་སྣོད་བཤད་པ་གང་ཡིན་པའོ། །

de la gsang ba bshad pa ni 'di lta ste/ phal cher ni nyan thos kyi sde snod bshad pa gang yin pa'o/ /

【J10 顯了教】

དེ་ལ་རྣམ་པར་ཕྱེ་བ་བཤད་པ་ནི་འདི་ལྟ་སྟེ། ཕལ་ཆེར་ནི་ཐེག་པ་ཆེན་པོའི་སྡེ་སྣོད་བཤད་པ་གང་ཡིན་པའོ། །

de la rnam par phye ba bshad pa ni 'di lta ste/ phal cher ni theg pa chen po'i sde snod bshad pa gang yin pa'o/ /

【J11 可記事教】

དེ་ལ་ལན་གདབ་པའི་དངོས་པོ་བཤད་པ་ནི་འདི་ལྟ་སྟེ། ཆོས་ཀྱི་མདོ་བཞི་པོ་དག་བཤད་པ་སྟེ། འདུས་བྱས་ཐམས་ཅད་མི་རྟག་པ་ཞེས་བྱ་བ་ནས། མྱ་ངན་ལས་འདས་པ་ནི་ཞི་བའོ་ཞེས་བྱ་བའི་བར་དང༌། དེ་ལྟ་བུ་དང་མཐུན་པ་དག་བཤད་པ་གང་ཡིན་པའོ། །

de la lan gdab pa'i dngos po bshad pa ni 'di lta ste/ chos kyi mdo bzhi po dag bshad pa ste/ 'dus byas thams cad mi rtag pa zhes bya ba nas/ mya ngan las 'das pa ni zhi ba'o zhes bya ba'i bar dang/ de lta bu dang mthun pa dag bshad pa gang yin pa'o/ /

【J12 不可記事教】【K1 總說】

དེ་ལ་ལན་མི་གདབ་པའི་དངོས་པོ་བཤད་པ་ནི་འདི་ལྟ་སྟེ། འཇིག་རྟེན་རྟག་གམ་ཞེས་དྲིས་ན་དེ་ནི་བདག་གིས་ལན་མི་གདབ་བོ་ཞེས་སྨྲ་ཞིང་ལན་འདེབས་པར་མི་བྱེད་པ་དང༌། དེ་བཞིན་གཤེགས་པ་ཤི་ཕན་ཆད་ཡོད་པ་ཡང་མ་ཡིན་མེད་པ་ཡང་མ་ཡིན་ནམ་ཞེས་བྱ་བའི་བར་དུ་དྲིས་ན། དེ་ནི་བདག་གིས་ལན་མི་གདབ་བོ་ཞེས་སྨྲ་ཞིང་ལན་འདེབས་པར་མི་བྱེད་པ་གང་ཡིན་པའོ། །

de la lan mi gdab pa'i dngos po bshad pa ni 'di lta ste/ 'jig rten rtag gam zhes dris na de ni bdag gis lan mi gdab bo zhes smra zhing lan 'debs par mi byed pa dang/ de bzhin gshegs pa shi phan chad yod pa yang ma yin med pa yang ma yin nam zhes bya ba'i bar du dris na/ de ni bdag gis lan mi gdab bo zhes smra zhing lan 'debs par mi byed pa gang yin pa'o/ /

【K2 別釋】【L1 略釋不可記事教】

དེ་ལ་ལན་མི་གདབ་པའི་དངོས་པོ་བཤད་པ་ནི་རྒྱུ་རྣམ་པ་བཞིས་རིག་པར་བྱ་སྟེ། མེད་པའི་ཕྱིར་ལན་མི་འདེབས་པའང་ཡོད་དེ། འདི་ལྟ་སྟེ། ཅི་བདག་ཕུང་པོ་རྣམས་ལས་གཞན་ནམ་གཞན་མ་ཡིན་ནམ་རྟག་གམ་མི་རྟག་ཅེས་བྱ་བ་ལ་སོགས་པའོ། །དོན་དང་མི་ལྡན་པའི་ཕྱིར་ལན་མི་འདེབས་པ་ཡང་ཡོད་དེ། འདི་ལྟ་སྟེ། ཤིང་ཤ་པའི་ལོ་མའི་དཔེའི་མདོ་ལས། ངས་ནི་ཆོས་འདི་སྙེད་ཅིག་མངོན་པར་རྫོགས་པར་ཐུགས་སུ་ཆུད་ཀྱང་མ་བསྟན་ཏེ། །དེ་ཅིའི་ཕྱིར་ཞེ་ན། ཆོས་དེ་དག་ནི་དོན་དང་ལྡན་པ་མ་ཡིན་པའི་ཕྱིར་རོ་ཞེས་གསུངས་པ་ལྟ་བུའོ། །ཟབ་པའི་ཕྱིར་ལན་མི་འདེབས་པ་ཡང་ཡོད་དེ། འདི་ལྟ་སྟེ་བདག་ཡོད་དམ་ཞེས་འདྲི་ན༑ ཕུང་པོ་རྣམས་ལ་བདག་ཏུ་འཛིན་པར་གྱུར་ཏམ་ཕུང་པོ་རྣམས་ལས་དོན་གཞན་དུ་གྱུར་པ་ཡོད་པར་འཛིན་ན་མི་རུང་བས་ལན་མི་འདེབས་པ་དང༌། བདག་མེད་དམ་ཞེས་འདྲི་ན་སྐྱེས་བུའི་ཐ་སྙད་ལ་སྐུར་པ་འདེབས་པ་འཛིན་པར་གྱུར་ན་མི་རུང་བས་ལན་མི་འདེབས་པ་དང༌། དེ་བཞིན་དུ་དེ་བཞིན་གཤེགས་པ་ཤི་ཕན་ཆད་ཡོད་དམ་ཞེས་བྱ་བ་ནས་ཡོད་པ་ཡང་མ་ཡིན་མེད་པ་ཡང་མ་ཡིན་ནམ་ཞེས་བྱ་བའི་བར་དུ་འདྲི་ན་ཟབ་པའི་ཕྱིར་ལན་མི་འདེབས་པ་ལྟ་བུའོ། །དེ་བཞིན་ཉིད་ཀྱི་མཚན་ཉིད་རྣམ་པར་གཞག་པ་ལ་ལན་མི་འདེབས་པ་ཡང་ཡོད་དེ། འདི་ལྟ་སྟེ། ཆོས་གང་དག་གི་དེ་བཞིན་ཉིད་དེ་ཅི་ཆོས་དེ་དག་ལས་གཞན་ནམ་གཞན་མ་ཡིན་ཞེས་འདྲི་ན་ལན་མི་འདེབས་པ་ལྟ་བུ་སྟེ། འདི་ལྟར་མཚན་ཉིད་དེ་དེ་ནི་གཞན་པ་ཉིད་ཀྱང་མ་ཡིན་གཞན་མ་ཡིན་པ་ཉིད་ཀྱང་མ་ཡིན་པར་རྣམ་པར་གནས་པ་ཡིན་པའི་ཕྱིར་རོ། །

de la lan mi gdab pa'i dngos po bshad pa ni rgyu rnam pa bzhis rig par bya ste/ med pa'i phyir lan mi 'debs pa'ang yod de/ 'di lta ste/ ci bdag phung po rnams las gzhan nam gzhan ma yin nam rtag gam mi rtag ces bya ba la sogs pa'o/ /don dang mi ldan pa'i phyir lan mi 'debs pa yang yod de/ 'di lta ste/ shing sha pa'i lo ma'i dpe'i mdo las/ ngas ni chos 'di snyed cig mngon par rdzogs par thugs su chud kyang ma bstan te/ /de ci'i phyir zhe na/ chos de dag ni don dang ldan pa ma yin pa'i phyir ro zhes gsungs pa lta bu'o/ /zab pa'i phyir lan mi 'debs pa yang yod de/ 'di lta ste bdag yod dam zhes 'dri na| phung po rnams la bdag tu 'dzin par gyur tam phung po rnams las don gzhan du gyur pa yod par 'dzin na mi rung bas lan mi 'debs pa dang/ bdag med dam zhes 'dri na skyes bu'i tha snyad la skur pa 'debs pa 'dzin par gyur na mi rung bas lan mi 'debs pa dang/ de bzhin du de bzhin gshegs pa shi phan chad yod dam zhes bya ba nas yod pa yang ma yin med pa yang ma yin nam zhes bya ba'i bar du 'dri na zab pa'i phyir lan mi 'debs pa lta bu'o/ /de bzhin nyid kyi mtshan nyid rnam par gzhag pa la lan mi 'debs pa yang yod de/ 'di lta ste/ chos gang dag gi de bzhin nyid de ci chos de dag las gzhan nam gzhan ma yin zhes 'dri na lan mi 'debs pa lta bu ste/ 'di ltar mtshan nyid de de ni gzhan pa nyid kyang ma yin gzhan ma yin pa nyid kyang ma yin par rnam par gnas pa yin pa'i phyir ro/ /

【L2 於外道妄說等四種四緣故不可記說】

གཞན་ཡང་ལན་མི་གདབ་པའི་དངོས་པོ་བཤད་པ་ནི་རྒྱུ་རྣམ་པ་བཞིས་རིག་པར་བྱ་སྟེ། མུ་སྟེགས་ཅན་རྣམས་ཀྱི་བཤད་པ་ཡིན་པའི་ཕྱིར་དང༌། ཚུལ་བཞིན་མ་ཡིན་པའི་ཕྱིར་དང༌། དོན་དང་མི་ལྡན་པའི་ཕྱིར་དང༌། རྩོད་པའི་གཞིའི་གནས་སུ་གྱུར་པ་འབའ་ཞིག་ཡིན་པའི་ཕྱིར་རོ། །དོན་དང་མི་ལྡན་པ་ནི་རྒྱུ་གཉིས་ཀྱིས་རིག་པར་བྱ་སྟེ། རྒྱུ་དང་འབྲས་བུ་བསམ་པ་དང་བྲལ་བ་ཉིད་ཀྱི་ཕྱིར་དང༌། ཀུན་ནས་ཉོན་མོངས་པ་དང་རྣམ་པར་བྱང་བ་བསམ་པ་དང་བྲལ་བ་ཉིད་ཀྱི་ཕྱིར་རོ། །

gzhan yang lan mi gdab pa'i dngos po bshad pa ni rgyu rnam pa bzhis rig par bya ste/ mu stegs can rnams kyi bshad pa yin pa'i phyir dang/ tshul bzhin ma yin pa'i phyir dang/ don dang mi ldan pa'i phyir dang/ rtsod pa'i gzhi'i gnas su gyur pa 'ba' zhig yin pa'i phyir ro/ /don dang mi ldan pa ni rgyu gnyis kyis rig par bya ste/ rgyu dang 'bras bu bsam pa dang bral ba nyid kyi phyir dang/ kun nas nyon mongs pa dang rnam par byang ba bsam pa dang bral ba nyid kyi phyir ro/ /

【G4 遠離二邊說門】

མཐའ་གཉིས་རྣམ་པར་སྤང་བ་གང་ཞེ་ན། དེ་ནི་མདོར་བསྡུ་ན་རྣམ་པ་དྲུག་ཏུ་བལྟ་བར་བྱ་སྟེ། ཡོད་པ་མ་ཡིན་པ་ལ་སྒྲོ་འདོགས་པའི་མཐའ་རྣམ་པར་སྤང་བ་དང་། ཡོད་པ་ལ་སྐུར་པ་འདེབས་པའི་མཐའ་རྣམ་པར་སྤང་བ་དང༌། རྟག་པར་འཛིན་པའི་མཐའ་རྣམ་པར་སྤང་བ་དང༌། ཆད་པར་འཛིན་པའི་མཐའ་རྣམ་པར་སྤང་བ་དང༌། འདོད་པའི་བསོད་ཉམས་ལ་སྦྱོར་བའི་མཐའ་རྣམ་པར་སྤང་བ་དང༌། བདག་ཉིད་ངལ་བར་སྦྱོར་བའི་མཐའ་རྣམ་པར་སྤང་བའོ། །དེ་དག་གི་རྣམ་པར་དབྱེ་བ་ནི་སྔར་དེ་དང་དེ་དག་ཏུ་བསྟན་པ་ཁོ་ན་བཞིན་དུ་རིག་པར་བྱའོ། །

mtha' gnyis rnam par spang ba gang zhe na/ de ni mdor bsdu na rnam pa drug tu blta bar bya ste/ yod pa ma yin pa la sgro 'dogs pa'i mtha' rnam par spang ba dang / yod pa la skur pa 'debs pa'i mtha' rnam par spang ba dang/ rtag par 'dzin pa'i mtha' rnam par spang ba dang/ chad par 'dzin pa'i mtha' rnam par spang ba dang/ 'dod pa'i bsod nyams la sbyor ba'i mtha' rnam par spang ba dang/ bdag nyid ngal bar sbyor ba'i mtha' rnam par spang ba'o/ /de dag gi rnam par dbye ba ni sngar de dang de dag tu bstan pa kho na bzhin du rig par bya'o/ /

【G5 不可思議說門】【H1 總說】

དེ་ལ་བསམ་གྱིས་མི་ཁྱབ་པ་གང་ཞེ་ན། མདོར་བསྡུ་ན་བསམ་གྱིས་མི་ཁྱབ་པ་དྲུག་སྟེ། བདག་ལ་སེམས་པ་དང༌། སེམས་ཅན་ལ་སེམས་པ་དང༌། འཇིག་རྟེན་ལ་སེམས་པ་དང༌། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ལ་སེམས་པ་དང༌། བསམ་གཏན་པ་རྣམས་ཀྱི་བསམ་གཏན་པའི་ཡུལ་དང༌། སངས་རྒྱས་རྣམས་ཀྱི་སངས་རྒྱས་ཀྱི་ཡུལ་ལོ། །དེ་ལ་བདག་ལ་སེམས་པ་དང༌། སེམས་ཅན་ལ་སེམས་པ་དང༌། འཇིག་རྟེན་ལ་སེམས་པ་ནི་ལྟ་བ་ལ་བརྟེན་ན་ནི་བསམ་གྱིས་མི་ཁྱབ་པ་དག་ཡིན་ནོ། །ལྟ་བ་ལ་མ་བརྟེན་ན་ནི་བསམ་གྱིས་མི་ཁྱབ་པ་དག་ཡིན་ནོ། །

de la bsam gyis mi khyab pa gang zhe na/ mdor bsdu na bsam gyis mi khyab pa drug ste/ bdag la sems pa dang/ sems can la sems pa dang/ 'jig rten la sems pa dang/ sems can rnams kyi las kyi rnam par smin pa la sems pa dang/ bsam gtan pa rnams kyi bsam gtan pa'i yul dang/ sangs rgyas rnams kyi sangs rgyas kyi yul lo/ /de la bdag la sems pa dang/ sems can la sems pa dang/ 'jig rten la sems pa ni lta ba la brten na ni bsam gyis mi khyab pa dag yin no/ /lta ba la ma brten na ni bsam gyis mi khyab pa dag yin no/ /

【H2 別釋】【I1 我思議】

དེ་ལ་བདག་ལ་སེམས་པ་ནི་འདི་ལྟར་འདི་ན་ལ་ལ་འཇིག་ཚོགས་ལ་ལྟ་བ་ལ་བརྟེན་ནས་འདི་སྙམ་དུ་སེམས་ཏེ། ཅི་བདག་འདས་པའི་དུས་ན་བྱུང་བར་གྱུར་ཏམ་ཞེས་བྱ་བ་ནས་རྒྱས་པར་དུས་གསུམ་རྣམས་སུ་ཡང་དེ་བཞིན་པ་དང༌། དེ་བཞིན་དུ་བདག་ནི་གཟུགས་ཅན་ཡིན་ཏེ། དེ་ཕན་ཚུན་འདུ་ཤེས་ཅན་ནམ། དེ་བཞིན་དུ་འདུ་ཤེས་མེད་པའམ། འདུ་ཤེས་ཡོད་པ་ཡང་མ་ཡིན། འདུ་ཤེས་མེད་པ་ཡང་མ་ཡིན་པར་འགྱུར་རོ་སྙམ་པ་དང༌། གཟུགས་ཅན་ཇི་ལྟ་བ་བཞིན་དུ་གཟུགས་ཅན་མ་ཡིན་པ་དེ་ཡང་དེ་བཞིན་ཏེ། རྒྱས་པར་འདི་ལྟ་སྟེ། ཚངས་པའི་དྲ་བའི་མདོ་ལས། ཇི་སྐད་དུ་རྟག་པར་སྨྲ་བ་རྣམས་དང༌། དེ་བཞིན་དུ་ཆད་པར་སྨྲ་བ་རྣམས་དང༌། ཚེ་འདི་ལ་མྱ་ངན་ལས་འདས་པར་སྨྲ་བ་རྣམས་དང༌། སྔོན་གྱི་མཐར་རྟོག་པ་རྣམས་དང༌། ཕྱི་མའི་མཐར་རྟོག་པ་རྣམས་དང༌། ཅི་རིགས་པར་སྦྱར་བར་བལྟ་བར་བྱའོ། །དེ་བཞིན་དུ་སྲོག་དེ་ལུས་དེ་ཡིན་ནོ་སྙམ་པ་དང༌། སྲོག་ཀྱང་གཞན་ལ་ལུས་ཀྱང་གཞན་ཡིན་ནོ་སྙམ་པ་དང༌། འདི་ཉིད་ཟད་པ་ཡིན་ནོ་སྙམ་པ་དང༌། གཉིས་སུ་མེད་དོ་སྙམ་པ་དང༌། གཞན་མ་ཡིན་ནོ་སྙམ་པ་དང་། བདག་གི་བདག་ནི་མ་ཚང་བ་མ་ཡིན་ནོ་སྙམ་དུ་སེམས་པའོ། །

de la bdag la sems pa ni 'di ltar 'di na la la 'jig tshogs la lta ba la brten nas 'di snyam du sems te/ ci bdag 'das pa'i dus na byung bar gyur tam zhes bya ba nas rgyas par dus gsum rnams su yang de bzhin pa dang/ de bzhin du bdag ni gzugs can yin te/ de phan tshun 'du shes can nam/ de bzhin du 'du shes med pa'am/ 'du shes yod pa yang ma yin/ 'du shes med pa yang ma yin par 'gyur ro snyam pa dang/ gzugs can ji lta ba bzhin du gzugs can ma yin pa de yang de bzhin te/ rgyas par 'di lta ste/ tshangs pa'i dra ba'i mdo las/ ji skad du rtag par smra ba rnams dang/ de bzhin du chad par smra ba rnams dang/ tshe 'di la mya ngan las 'das par smra ba rnams dang/ sngon gyi mthar rtog pa rnams dang/ phyi ma'i mthar rtog pa rnams dang/ ci rigs par sbyar bar blta bar bya'o/ /de bzhin du srog de lus de yin no snyam pa dang/ srog kyang gzhan la lus kyang gzhan yin no snyam pa dang/ 'di nyid zad pa yin no snyam pa dang/ gnyis su med do snyam pa dang/ gzhan ma yin no snyam pa dang / bdag gi bdag ni ma tshang ba ma yin no snyam du sems pa'o/ /

【I2 有情思議】

དེ་ལ་སེམས་ཅན་ལ་སེམས་པ་ནི་འདི་ལྟར་འདི་ན་ལ་ལ་འཇིག་ཚོགས་ལ་ལྟ་བ་ཁོ་ན་ལ་བརྟེན་ནས་འདི་སྙམ་དུ་སེམས་ཏེ། སེམས་ཅན་ག་ལས་བྱུང༌། སེམས་ཅན་གྱི་བྱེད་པ་པོ་སུ་ཡིན། སེམས་ཅན་གང་གི་བར་དུ་འགྲོ། སེམས་ཅན་གང་དུ་འགག་པར་འགྱུར་སྙམ་དུ་སེམས་པའོ། །

de la sems can la sems pa ni 'di ltar 'di na la la 'jig tshogs la lta ba kho na la brten nas 'di snyam du sems te/ sems can ga las byung/ sems can gyi byed pa po su yin/ sems can gang gi bar du 'gro/ sems can gang du 'gag par 'gyur snyam du sems pa'o/ /

【I3 世間思議】

དེ་ལ་འཇིག་རྟེན་ལ་སེམས་པ་ནི་འདི་ལྟར་འདི་ན་ལ་ལ་འཇིག་ཚོགས་ལ་ལྟ་བ་ལ་བརྟེན་ནས་འདི་སྙམ་དུ་སེམས་ཏེ། འཇིག་རྟེན་རྟག་གོ་ཞེས་བྱ་བ་ལ་སོགས་པ་རྒྱ་ཆེར་བྱའོ། །ཆོས་ཉིད་ལས་བརྩམས་ནས་ཀྱང་འདི་སྙམ་དུ་སེམས་ཏེ། བདག་གི་ཆོས་ཉིད་དང༌། སེམས་ཅན་གྱི་ཆོས་ཉིད་དང༌། འཇིག་རྟེན་གྱི་ཆོས་ཉིད་འདི་ཅི་ལས་དེ་ལྟར་བྱུང་སྙམ་དུ་སེམས་ཤིང༌། ཆོས་ཀྱི་རིགས་པ་ཁོ་ནས་མི་འཇུག་པ་ཡིན་ཏེ། དེའི་ཕྱིར་དེ་ཡང་བསམ་གྱིས་མི་ཁྱབ་པའི་གནས་ལ་སེམས་པ་ཞེས་བྱའོ། །

de la 'jig rten la sems pa ni 'di ltar 'di na la la 'jig tshogs la lta ba la brten nas 'di snyam du sems te/ 'jig rten rtag go zhes bya ba la sogs pa rgya cher bya'o/ /chos nyid las brtsams nas kyang 'di snyam du sems te/ bdag gi chos nyid dang/ sems can gyi chos nyid dang/ 'jig rten gyi chos nyid 'di ci las de ltar byung snyam du sems shing/ chos kyi rigs pa kho nas mi 'jug pa yin te/ de'i phyir de yang bsam gyis mi khyab pa'i gnas la sems pa zhes bya'o/ /

【I4 有情業果思議】

དེ་ལ་སེམས་ཅན་རྣམས་ཀྱི་རྣམ་པར་སྨིན་པ་ལ་སེམས་པ་ནི་རྣམ་པ་བཞིས་བསམ་གྱིས་མི་ཁྱབ་པ་ཡིན་ཏེ། གནས་དང་དངོས་པོ་དང༌། རྒྱུ་དང་རྣམ་པར་སྨིན་པ་ལས་སོ། །

de la sems can rnams kyi rnam par smin pa la sems pa ni rnam pa bzhis bsam gyis mi khyab pa yin te/ gnas dang dngos po dang/ rgyu dang rnam par smin pa las so/ /

【I5 靜慮境界思議】

དེ་ལ་བསམ་གཏན་པ་རྣམས་ཀྱི་བསམ་གཏན་པའི་ཡུལ་ནི་རྣམ་པ་གསུམ་གྱིས་བསམ་གྱིས་མི་ཁྱབ་པ་ཡིན་ཏེ། དེ་བཞིན་ཉིད་ཟད་པའི་དོན་དང༌། དབང་བསྒྱུར་བ་དང༌། ཟག་པ་ཟད་པའི་དབྱིངས་ཡང་དག་པར་འགྲུབ་པས་སོ། །

de la bsam gtan pa rnams kyi bsam gtan pa'i yul ni rnam pa gsum gyis bsam gyis mi khyab pa yin te/ de bzhin nyid zad pa'i don dang/ dbang bsgyur ba dang/ zag pa zad pa'i dbyings yang dag par 'grub pas so/ /

【I6 諸佛境界思議】

དེ་ལ་སངས་རྒྱས་རྣམས་ཀྱི་སངས་རྒྱས་ཀྱི་ནི་རྣམ་པ་ལྔས་བསམ་གྱིས་མི་ཁྱབ་པ་ཡིན་ཏེ། ཇི་སྐད་བསྟན་པ་གསུམ་པོ་དེ་དག་ཉིད་དང༌། གཞན་གཉིས་ཀྱིས་ཏེ། སྒྲིབ་པ་མེད་པ་དང༌། སེམས་ཅན་གྱི་དོན་གྱི་བྱ་བ་མཛད་པས་སོ། །

de la sangs rgyas rnams kyi sangs rgyas kyi ni rnam pa lngas bsam gyis mi khyab pa yin te/ ji skad bstan pa gsum po de dag nyid dang/ gzhan gnyis kyis te/ sgrib pa med pa dang/ sems can gyi don gyi bya ba mdzad pas so/ /

【G6 說意趣說理門】

དེ་ལ་དགོངས་པ་གང་ཞེ་ན། མདོར་བསྡུ་ན་རྣམ་པ་བཅུ་དྲུག་སྟེ། ཡང་དག་པར་སྟོན་པའི་དགོངས་པ་དང༌། འདུན་པ་བཟློག་པའི་དགོངས་པ་དང༌། ཡང་དག་པར་འཛིན་དུ་འཇུག་པའི་དགོངས་པ་དང༌། ཡང་དག་པར་གཟེངས་བསྟོད་པའི་དགོངས་པ་དང༌། ཡང་དག་པར་རབ་ཏུ་དགའ་བར་མཛད་པའི་དགོངས་པ་དང༌། གཟུད་པའི་དགོངས་པ་དང༌། ཐེ་ཚོམ་གཅད་པའི་དགོངས་པ་དང༌། ཡོངས་སུ་སྨིན་པར་བྱ་བའི་དགོངས་པ་དང༌། ཏིང་ངེ་འཛིན་དུ་བྱ་བའི་དགོངས་པ་དང༌། རྣམ་པར་གྲོལ་བར་བྱ་བའི་དགོངས་པ་དང༌། དོན་གཞན་དང་འབྲེལ་པའི་དགོངས་པ་དང༌། རྟོགས་པར་བྱེད་པ་རྣམས་ལ་ཁ་ན་མ་ཐོ་བ་མེད་པའི་དགའ་བ་དང་མཆོག་ཏུ་དགའ་བ་སྐྱེད་པའི་དགོངས་པ་དང༌། སྨྲ་བ་པོ་ལ་ཉན་པ་རྣམས་རི་མོ་ཆེར་བསྐྱེད་པར་བྱ་བའི་དགོངས་པ་དང༌། ཆོས་ཀྱི་ཚུལ་འཇུག་པར་བྱ་བའི་དགོངས་པ་དང༌། དགེ་བ་མང་བར་བྱ་བའི་དགོངས་པ་དང༌། མཚན་མ་ཐམས་ཅད་ཟིལ་གྱིས་མནན་པའི་དགོངས་པའོ། །

de la dgongs pa gang zhe na/ mdor bsdu na rnam pa bcu drug ste/ yang dag par ston pa'i dgongs pa dang/ 'dun pa bzlog pa'i dgongs pa dang/ yang dag par 'dzin du 'jug pa'i dgongs pa dang/ yang dag par gzengs bstod pa'i dgongs pa dang/ yang dag par rab tu dga' bar mdzad pa'i dgongs pa dang/ gzud pa'i dgongs pa dang/ the tshom gcad pa'i dgongs pa dang/ yongs su smin par bya ba'i dgongs pa dang/ ting nge 'dzin du bya ba'i dgongs pa dang/ rnam par grol bar bya ba'i dgongs pa dang/ don gzhan dang 'brel pa'i dgongs pa dang/ rtogs par byed pa rnams la kha na ma tho ba med pa'i dga' ba dang mchog tu dga' ba skyed pa'i dgongs pa dang/ smra ba po la nyan pa rnams ri mo cher bskyed par bya ba'i dgongs pa dang/ chos kyi tshul 'jug par bya ba'i dgongs pa dang/ dge ba mang bar bya ba'i dgongs pa dang/ mtshan ma thams cad zil gyis mnan pa'i dgongs pa'o/ /

【F2 釋前三門由後三門應隨決了】【G1 辨真義理門】【H1 問】

དེ་ལ་ཇི་ལྟར་ན་མཐའ་གཉིས་རྣམ་པར་སྤངས་པའི་ཚུལ་གྱིས་དེ་ཁོ་ནའི་དོན་གྱི་ཚུལ་ཁོང་དུ་ཆུད་པར་བྱ་ཞེ་ན།

de la ji ltar na mtha' gnyis rnam par spangs pa'i tshul gyis de kho na'i don gyi tshul khong du chud par bya zhe na/

【H2 釋】【I1 約安立真辨離二邊】【J1 約四諦正辨離二邊】

སྡུག་བསྔལ་གྱི་བདེན་པ་ནས་ལམ་གྱི་བདེན་པའི་བར་དུ་རྣམ་པར་གཞག་པ་ལ་ནི་མདོར་བསྡུ་ན་སྒྲོ་འདོགས་པ་རྣམ་པ་བཞིས་སྒྲོ་འདོགས་པའི་མཐའ་ཡིན་ཏེ། བདག་ཏུ་སྒྲོ་འདོགས་པ་དང༌། རྟག་པར་སྒྲོ་འདོགས་པ་དང༌། གཙང་བར་སྒྲོ་འདོགས་པ་དང༌། བདེ་བར་སྒྲོ་འདོགས་པའོ། །དེ་དག་ནི་ཕྱིན་ཅི་ལོག་བཞི་ཡིན་ཏེ། དེ་དག་གི་གཉེན་པོར་དྲན་པ་ཉེ་བར་གཞག་པ་བཞི་དང༌། ཤེས་པ་བཞི་བསྟན་ཏོ། །རྒྱུ་གང་གིས་ན་བདག་ཏུ་ལྟ་བ་དང་བདག་ཏུ་སྒྲོ་འདོགས་པར་འགྱུར་ཞེ་ན། དེ་ནི་འདི་ལྟ་སྟེ། རྟོག་པ་དང་བཅས་པ་དཔྱོད་པ་དང་བཅས་པའི་སར་རྒྱས་པར་སྔར་བསྟན་པ་བཞིན་དུ་རིག་པར་བྱ་སྟེ། འདི་ལྟར་དེར་ཇི་ལྟར་བདག་མི་རིགས་པ་དེ་ལྟར་རྒྱ་ཆེར་བསྟན་པའི་ཕྱིར་རོ། །ཡང་མདོར་བསྡུ་ན་བདག་ནི་ཕུང་པོ་རྣམས་ལས་སྐྱེ་བ་དང་མཚན་ཉིད་དང་ལས་ལས་ཀྱང་དོན་གཞན་དུ་གྱུར་པ་མི་དམིགས་པའི་ཕྱིར་དང༌། འདུ་བྱེད་རྣམས་ནི་དེ་དང་མཚན་ཉིད་མི་འདྲ་བར་གནས་པའི་ཕྱིར་བདག་མེད་པ་ཉིད་དུ་རིག་པར་བྱའོ༑ །རྟག་པ་ཉིད་ཀྱང་ཇི་ལྟར་མི་རིགས་པ་དེ་ལྟར་སྔ་མ་ཁོ་ན་བཞིན་དུ་བལྟ་བར་བྱའོ། །མི་སྡུག་པ་ཉིད་རྣམ་པ་དྲུག་ཀྱང་ཉན་ཐོས་ཀྱི་སར་རྒྱ་ཆེར་བསྟན་ཟིན་ཏོ། །སྡུག་བསྔལ་ཉིད་རྣམ་པ་གསུམ་ཡང་འདི་ལྟ་སྟེ། རྟོག་པ་དང་བཅས་དཔྱོད་པ་དང་བཅས་པའི་སར་བསྟན་ཟིན་ཏོ། །དེ་ལ་སྐུར་པ་འདེབས་པའི་མཐའ་ནི་བདེན་པ་བདེན་པའི་མཚན་ཉིད་ཀྱིས་རྣམ་པར་གཞག་པ་དེ་དག་ཉིད་ལ་མཚན་ཉིད་དེས་མེད་པ་ཉིད་དུ་འཛིན་པ་དང༌། མེད་པ་ཉིད་དུ་ཡོངས་སུ་སྟོན་པའོ༑ །དེ་ཅིའི་ཕྱིར་ཞེ་ན། འདི་ལྟར་གང་བདེན་པ་དེ་དག་ལ་སྐུར་པ་འདེབས་པ་དེས་ནི་ཚད་མ་གསུམ་པོ་མངོན་སུམ་དང་རྗེས་སུ་དཔག་པ་དང༌། ཡིད་ཆེས་པའི་ལུང་དང༌། ཀུན་ནས་ཉོན་མོངས་པ་དང༌། རྣམ་པར་བྱང་བ་ལ་ཡང་སྐུར་པ་བཏབ་པ་ཡིན་པའི་ཕྱིར་ཏེ། དེ་ལྟ་བས་ན་དེ་ནི་སྐུར་པ་འདེབས་པའི་མཐའ་ཡིན་ནོ། །གང་མཐའ་གཉིས་ལ་སྐུར་པ་མི་འདེབས་པ་དེ་ནི་བདེན་པ་དེ་དག་ལ་མོས་པ་དང༌། རྟོགས་པ་དང་། རིམ་གྱིས་རྣམ་པར་དག་པ་ཐོབ་པར་ཡང་འགྱུར་རོ། །

sdug bsngal gyi bden pa nas lam gyi bden pa'i bar du rnam par gzhag pa la ni mdor bsdu na sgro 'dogs pa rnam pa bzhis sgro 'dogs pa'i mtha' yin te/ bdag tu sgro 'dogs pa dang/ rtag par sgro 'dogs pa dang/ gtsang bar sgro 'dogs pa dang/ bde bar sgro 'dogs pa'o/ /de dag ni phyin ci log bzhi yin te/ de dag gi gnyen por dran pa nye bar gzhag pa bzhi dang/ shes pa bzhi bstan to/ /rgyu gang gis na bdag tu lta ba dang bdag tu sgro 'dogs par 'gyur zhe na/ de ni 'di lta ste/ rtog pa dang bcas pa dpyod pa dang bcas pa'i sar rgyas par sngar bstan pa bzhin du rig par bya ste/ 'di ltar der ji ltar bdag mi rigs pa de ltar rgya cher bstan pa'i phyir ro/ /yang mdor bsdu na bdag ni phung po rnams las skye ba dang mtshan nyid dang las las kyang don gzhan du gyur pa mi dmigs pa'i phyir dang/ 'du byed rnams ni de dang mtshan nyid mi 'dra bar gnas pa'i phyir bdag med pa nyid du rig par bya'o| /rtag pa nyid kyang ji ltar mi rigs pa de ltar snga ma kho na bzhin du blta bar bya'o/ /mi sdug pa nyid rnam pa drug kyang nyan thos kyi sar rgya cher bstan zin to/ /sdug bsngal nyid rnam pa gsum yang 'di lta ste/ rtog pa dang bcas dpyod pa dang bcas pa'i sar bstan zin to/ /de la skur pa 'debs pa'i mtha' ni bden pa bden pa'i mtshan nyid kyis rnam par gzhag pa de dag nyid la mtshan nyid des med pa nyid du 'dzin pa dang/ med pa nyid du yongs su ston pa'o| /de ci'i phyir zhe na/ 'di ltar gang bden pa de dag la skur pa 'debs pa des ni tshad ma gsum po mngon sum dang rjes su dpag pa dang/ yid ches pa'i lung dang/ kun nas nyon mongs pa dang/ rnam par byang ba la yang skur pa btab pa yin pa'i phyir te/ de lta bas na de ni skur pa 'debs pa'i mtha' yin no/ /gang mtha' gnyis la skur pa mi 'debs pa de ni bden pa de dag la mos pa dang/ rtogs pa dang / rim gyis rnam par dag pa thob par yang 'gyur ro/ /

【J2 廣辨四諦義門差別】【K1 辨諦相】

སྡུག་བསྔལ་གྱི་བདེན་པ་གང་ཞེ་ན། སྨྲས་པ། སྐྱེ་བའི་སྡུག་བསྔལ་ཞེས་བྱ་བ་ལ་སོགས་པ་རྒྱས་པར་སྔ་མ་བཞིན་ཏེ། མདོར་བསྡུ་ན་སྐྱེ་བའི་ཀུན་ནས་ཉོན་མོངས་པ་ཇི་སྐད་བསྟན་པ་ནི་སྡུག་བསྔལ་གྱི་བདེན་པ་ཞེས་བྱའོ། །ཀུན་འབྱུང་བའི་བདེན་པ་གང་ཞེ་ན། སྨྲས་པ། ཉོན་མོངས་པའི་ཀུན་ནས་ཉོན་མོངས་པ་དང་ལས་ཀྱི་ཀུན་ནས་ཉོན་མོངས་པ་ཇི་སྐད་བསྟན་པ་ཐམས་ཅད་ནི་ཀུན་འབྱུང་བའི་བདེན་པ་ཡིན་ནོ། །བཅོམ་ལྡན་འདས་ཀྱིས་གཙོ་བོར་ནི་སྲེད་པ་ཡིན་པར་བསྟན་ཏེ། གཙོ་བོའི་རྒྱུ་རྣམས་ནི་སྔ་མ་བཞིན་དུ་རིག་པར་བྱའོ། །འགོག་པའི་བདེན་པ་གང་ཞེ་ན། སྨྲས་པ། ཉོན་མོངས་པ་ཐམས་ཅད་ཡོངས་སུ་གཏུགས་ནས་སྤངས་པ་གང་ཡིན་པའོ། །སྤངས་པ་དེ་ཡང་རྣམ་པ་བརྒྱད་ཀྱིས་ཏེ༑ སྔ་མ་ཁོ་ན་བཞིན་དུ་བལྟ་བར་བྱའོ། །དེ་ལ་སྲེད་པ་ཟད་པ་དང་འདོད་ཆགས་དང་བྲལ་བ་ཞེས་བྱ་བ་དེས་ནི་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ཡོངས་སུ་བསྟན་ཏོ། །འགོག་པ་དང་མྱ་ངན་ལས་འདས་པ་ཞེས་བྱ་བ་དེས་ནི་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ཡོངས་སུ་བསྟན་ཏོ། །ལམ་གྱི་བདེན་པ་གང་ཞེ་ན། སྨྲས་པ། ཚོགས་ཀྱི་ལམ་གང་ཡིན་པ་དང༌། སྦྱོར་བའི་ལམ་གང་ཡིན་པ་དང༌། རྣམ་པར་དག་པའི་ལམ་གང་ཡིན་པ་དེ་དག་ཐམས་ཅད་གཅིག་ཏུ་བསྡུས་པ་ནི་ལམ་གྱི་བདེན་པ་ཞེས་བྱའོ། །བཅོམ་ལྡན་འདས་ཀྱིས་གཙོ་བོར་ནི་དགེ་སྦྱོང་གི་འབྲས་བུ་ཡོངས་སུ་གཟུང་བ་ལས་བརྩམས་ནས་འཕགས་པའི་ལམ་ཡན་ལག་བརྒྱད་པ་ཡིན་པར་བསྟན་ཏོ། །དེ་ལ་ཚོགས་ཀྱི་ལམ་ནི་རྣམ་པ་བཅུ་གསུམ་དུ་རིག་པར་བྱ་སྟེ། འདི་ལྟ་སྟེ། ཉན་ཐོས་ཀྱི་སར་བསྟན་པ་བཞིན་ནོ། །སྦྱོར་བའི་ལམ་ནི་གཙོར་འདི་ལྟ་སྟེ། དྲོ་བར་གྱུར་པ་དང༌། རྩེ་མོ་དང་བཟོད་པ་དང་འཇིག་རྟེན་པའི་ཆོས་ཀྱི་མཆོག་གི་གནས་སྐབས་ན་དྲན་པ་ཉེ་བར་གཞག་པ་ལ་སོགས་པ་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ཡིན་ནོ། །རྣམ་པར་དག་པའི་ལམ་ནི་མཐོང་བ་དང༌། བསྒོམ་པ་དང༌། མཐར་ཐུག་པའི་ལམ་གྱིས་བསྡུས་པ་ཁོ་ནའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ཡིན་ནོ། །མཐར་ཐུག་པར་གྱུར་པའི་ཡོན་ཏན་མངོན་པར་བསྒྲུབ་པའི་ལམ་གང་ཡིན་པ་དེ་ཡང་ལམ་གྱི་བདེན་པ་ཞེས་བྱ་བའི་གྲངས་སུ་འགྲོའོ། །བྱང་ཆུབ་སེམས་དཔའ་རྣམས་ཀྱི་སྦྱོར་བའི་ལམ་ནི་ཕ་རོལ་ཏུ་ཕྱིན་པ་དྲུག་གིས་བསྡུས་པ་ཡིན་པར་རིག་པར་བྱའོ། །རྣམ་པར་དག་པའི་ལམ་ནི་གཙོ་བོར་ཤེས་རབ་ཀྱི་ཕ་རོལ་ཏུ་ཕྱིན་པས་བསྡུས་པ་ཡིན་ཏེ། དེའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཐམས་ཅད་ཀྱང་བསྒོམ་པའི་གྲངས་སུ་མི་འགྲོ་བ་ནི་མེད་དོ། །དེ་ལ་མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་ཞེས་གང་གསུངས་པ་དེ་ལ་ཉེ་བར་ལེན་པའི་ཕུང་པོ་ལྔའི་རབ་ཏུ་དབྱེ་བ་ནི་འདི་ལྟ་སྟེ། ཡིད་ཀྱིས་རྣམ་པར་གཏན་ལ་དབབ་པར་ཕུང་པོ་ལ་མཁས་པ་ལས་བརྩམས་ཏེ་བསྟན་པ་བཞིན་དུ་རིག་པར་བྱའོ། །སྡུག་བསྔལ་གྱི་བདེན་པ་དང༌། ཀུན་འབྱུང་བའི་བདེན་པ་དེ་ཡང་མདོར་བསྡུ་ན་རྣམ་པ་གསུམ་སྟེ། འདོད་པ་དང་གཟུགས་དང་གཟུགས་མེད་པ་དང་ལྡན་པའི་བྱེ་བྲག་གིས་སོ། །ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པའི་བྱེ་བྲག་གིས་ནི་མཐའ་ཡས་པ་ཡིན་ནོ། །དེའི་གཉེན་པོར་འགོག་པའི་བདེན་པ་དང༌། ལམ་གྱི་བདེན་པ་ཡང་དེ་བཞིན་དུ་རིག་པར་བྱའོ། །བདེན་པ་དེ་དག་གི་རྣམ་པར་གཞག་པའི་གོ་རིམས་བསྟན་པ་ནི་སྔ་མ་བཞིན་དུ་རིག་པར་བྱའོ། །

sdug bsngal gyi bden pa gang zhe na/ smras pa/ skye ba'i sdug bsngal zhes bya ba la sogs pa rgyas par snga ma bzhin te/ mdor bsdu na skye ba'i kun nas nyon mongs pa ji skad bstan pa ni sdug bsngal gyi bden pa zhes bya'o/ /kun 'byung ba'i bden pa gang zhe na/ smras pa/ nyon mongs pa'i kun nas nyon mongs pa dang las kyi kun nas nyon mongs pa ji skad bstan pa thams cad ni kun 'byung ba'i bden pa yin no/ /bcom ldan 'das kyis gtso bor ni sred pa yin par bstan te/ gtso bo'i rgyu rnams ni snga ma bzhin du rig par bya'o/ /'gog pa'i bden pa gang zhe na/ smras pa/ nyon mongs pa thams cad yongs su gtugs nas spangs pa gang yin pa'o/ /spangs pa de yang rnam pa brgyad kyis te| snga ma kho na bzhin du blta bar bya'o/ /de la sred pa zad pa dang 'dod chags dang bral ba zhes bya ba des ni phung po'i lhag ma dang bcas pa'i mya ngan las 'das pa'i dbyings yongs su bstan to/ /'gog pa dang mya ngan las 'das pa zhes bya ba des ni phung po'i lhag ma med pa'i mya ngan las 'das pa'i dbyings yongs su bstan to/ /lam gyi bden pa gang zhe na/ smras pa/ tshogs kyi lam gang yin pa dang/ sbyor ba'i lam gang yin pa dang/ rnam par dag pa'i lam gang yin pa de dag thams cad gcig tu bsdus pa ni lam gyi bden pa zhes bya'o/ /bcom ldan 'das kyis gtso bor ni dge sbyong gi 'bras bu yongs su gzung ba las brtsams nas 'phags pa'i lam yan lag brgyad pa yin par bstan to/ /de la tshogs kyi lam ni rnam pa bcu gsum du rig par bya ste/ 'di lta ste/ nyan thos kyi sar bstan pa bzhin no/ /sbyor ba'i lam ni gtsor 'di lta ste/ dro bar gyur pa dang/ rtse mo dang bzod pa dang 'jig rten pa'i chos kyi mchog gi gnas skabs na dran pa nye bar gzhag pa la sogs pa byang chub kyi phyogs dang mthun pa'i chos rnams yin no/ /rnam par dag pa'i lam ni mthong ba dang/ bsgom pa dang/ mthar thug pa'i lam gyis bsdus pa kho na'i byang chub kyi phyogs dang mthun pa'i chos rnams yin no/ /mthar thug par gyur pa'i yon tan mngon par bsgrub pa'i lam gang yin pa de yang lam gyi bden pa zhes bya ba'i grangs su 'gro'o/ /byang chub sems dpa' rnams kyi sbyor ba'i lam ni pha rol tu phyin pa drug gis bsdus pa yin par rig par bya'o/ /rnam par dag pa'i lam ni gtso bor shes rab kyi pha rol tu phyin pas bsdus pa yin te/ de'i byang chub kyi phyogs dang mthun pa'i chos thams cad kyang bsgom pa'i grangs su mi 'gro ba ni med do/ /de la mdor na nye bar len pa'i phung po lnga sdug bsngal ba zhes gang gsungs pa de la nye bar len pa'i phung po lnga'i rab tu dbye ba ni 'di lta ste/ yid kyis rnam par gtan la dbab par phung po la mkhas pa las brtsams te bstan pa bzhin du rig par bya'o/ /sdug bsngal gyi bden pa dang/ kun 'byung ba'i bden pa de yang mdor bsdu na rnam pa gsum ste/ 'dod pa dang gzugs dang gzugs med pa dang ldan pa'i bye brag gis so/ /phyogs bcu'i 'jig rten gyi khams mtha' yas mu med pa'i bye brag gis ni mtha' yas pa yin no/ /de'i gnyen por 'gog pa'i bden pa dang/ lam gyi bden pa yang de bzhin du rig par bya'o/ /bden pa de dag gi rnam par gzhag pa'i go rims bstan pa ni snga ma bzhin du rig par bya'o/ /

【K2 約諦辯人】【L1 依諦立人差別】

བདེན་པ་དེ་དག་ལས་བརྩམས། བདེན་པ་དེ་དག་ལ་བརྟེན། བདེན་པ་དེ་དག་ལ་གནས་ནས། གང་ཟག་བཅུ་གསུམ་རྣམ་པར་གཞག་པར་རིག་པར་བྱ་སྟེ། གང་ཟག་བཅུ་གསུམ་གང་ཞེ་ན༑ འདོད་པ་ན་སྤྱོད་པའི་སོ་སོའི་སྐྱེ་བོ་དང༌། གཟུགས་ན་སྤྱོད་པའི་སོ་སོའི་སྐྱེ་བོ་དང༌། གཟུགས་མེད་པ་ན་སྤྱོད་པའི་སོ་སོའི་སྐྱེ་བོ་དང༌། འདོད་པ་ན་སྤྱོད་པའི་སློབ་པ་དང༌། གཟུགས་ན་སྤྱོད་པའི་སློབ་པ་དང༌། གཟུགས་མེད་པ་ན་སྤྱོད་པའི་སློབ་པ་དང༌། འདོད་པ་ན་སྤྱོད་པའི་མི་སློབ་པ་དང་། གཟུགས་ན་སྤྱོད་པའི་མི་སློབ་པ་དང༌། གཟུགས་མེད་པ་ན་སྤྱོད་པའི་མི་སློབ་པ་དང༌། འདོད་པ་ན་སྤྱོད་པའི་རང་སངས་རྒྱས་དང༌། འདོད་པ་ན་སྤྱོད་པའི་བྱང་ཆུབ་སེམས་དཔའ་དང༌། གཟུགས་ན་སྤྱོད་པའི་བྱང་ཆུབ་སེམས་དཔའ་དང༌། དེ་བཞིན་གཤེགས་པ་བསམ་གྱིས་མི་ཁྱབ་པའོ། །

bden pa de dag las brtsams/ bden pa de dag la brten/ bden pa de dag la gnas nas/ gang zag bcu gsum rnam par gzhag par rig par bya ste/ gang zag bcu gsum gang zhe na| 'dod pa na spyod pa'i so so'i skye bo dang/ gzugs na spyod pa'i so so'i skye bo dang/ gzugs med pa na spyod pa'i so so'i skye bo dang/ 'dod pa na spyod pa'i slob pa dang/ gzugs na spyod pa'i slob pa dang/ gzugs med pa na spyod pa'i slob pa dang/ 'dod pa na spyod pa'i mi slob pa dang / gzugs na spyod pa'i mi slob pa dang/ gzugs med pa na spyod pa'i mi slob pa dang/ 'dod pa na spyod pa'i rang sangs rgyas dang/ 'dod pa na spyod pa'i byang chub sems dpa' dang/ gzugs na spyod pa'i byang chub sems dpa' dang/ de bzhin gshegs pa bsam gyis mi khyab pa'o/ /

【L2 明人有造作等十三法】

གང་ཟག་དེ་དག་གི་མངོན་པར་འདུ་བྱེད་པ་ཡང་རིག་པར་བྱ། སྒྲིབ་པ་དང༌། སེམས་དང༌། ཉོན་མོངས་པ་དང༌། ལས་དང༌། དབང་པོ་དང༌། ཁམས་དང༌། མོས་པ་དང༌། བསམ་པ་དང༌། བག་ལ་ཉལ་དང༌། སྐྱེ་བ་དང༌། བག་ཆགས་དང༌། ཚོགས་ཀྱང་རིག་པར་བྱའོ། །དེ་ལ་མངོན་པར་འདུ་བྱེད་པ་ནི་རྣམ་པ་བཅུ་གཉིས་ཏེ༑ དགེ་བ་མངོན་པར་འདུ་བྱེད་པ་དང༌། མི་དགེ་བ་མངོན་པར་འདུ་བྱེད་པ་དང༌། ལུང་དུ་མ་བསྟན་པ་མངོན་པར་འདུ་བྱེད་པ་དང༌། རབ་ཏུ་འབྱུང་བ་མངོན་པར་འདུ་བྱེད་པ་དང༌། དེ་སྤེལ་བ་མངོན་པར་འདུ་བྱེད་པ་དང༌། དེ་བསྲུང་བ་མངོན་པར་འདུ་བྱེད་པ་དང༌། སྐྱེ་བ་མངོན་པར་འདུ་བྱེད་པ་དང༌། འདོད་ཆགས་དང་བྲལ་བ་མངོན་པར་འདུ་བྱེད་པ་དང༌། ཐར་པ་མངོན་པར་འདུ་བྱེད་པ་དང༌། དབང་པོ་སྦྱོར་བ་མངོན་པར་འདུ་བྱེད་པ་དང༌། མངོན་པར་འདུ་ཤེས་པ་མངོན་པར་བསྒྲུབ་པ་མངོན་པར་འདུ་བྱེད་པ་དང་། གཞན་གྱི་དོན་བྱ་བ་མངོན་པར་འདུ་བྱེད་པའོ། །དེ་ལ་སྒྲིབ་པ་ཡང་རྣམ་པ་བཅུ་གཉིས་ཏེ༑ ལས་ཀྱི་སྒྲིབ་པ་ནི་འདི་ལྟ་སྟེ། མཚམས་མེད་པ་ལྔའི་ལས་བྱེད་པ་ཉིད་ཀྱི་ཕྱིར་རོ། །བག་ཆགས་ཀྱི་སྒྲིབ་པ་ནི་འདི་ལྟ་སྟེ། སྔོན་ཉེས་པར་བྱས་པའི་ལས་ལ་གོམས་པའི་བག་ཆགས་ཉིད་ཀྱི་ཕྱིར་རོ། །བག་མེད་པའི་སྒྲིབ་པ་ནི་འདི་ལྟ་སྟེ། འདོད་པའི་ལོངས་སྤྱོད་དང་ལྡན་པ་འབྱོར་པ་ཆེན་པོ་ལ་གནས་པ་རྣམས་ཀྱིའོ། །ཆོད་པའི་སྒྲིབ་པ་ནི་འདི་ལྟ་སྟེ། སྒྲིབ་པ་ལྔ་པོ་དག་ལས་གང་ཡང་རུང་བས་སེམས་བསྒྲིབས་པའོ། །ལེ་ལོའི་སྒྲིབ་པ་ནི་འདི་ལྟ་སྟེ། ལེ་ལོའི་ཉེ་བའི་ཉོན་མོངས་པས་སེམས་ཀུན་ནས་དཀྲིས་པའོ། །བར་ཆད་ཀྱི་སྒྲིབ་པ་ནི་འདི་ལྟ་སྟེ། བར་ཆད་རྣམ་པ་བཅུ་གཅིག་ལས་གང་ཡང་རུང་བ་ཉེ་བར་གནས་པའོ། །སྐྱེ་བའི་སྒྲིབ་པ་ནི་འདི་ལྟ་སྟེ། མི་ཁོམ་པར་སྐྱེ་བའོ། །མི་སྐྱེ་བའི་སྒྲིབ་པ་ནི་འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་མི་འབྱུང་བའོ། །མོས་པའི་སྒྲིབ་པ་ནི་འདི་ལྟ་སྟེ། སངས་རྒྱས་འབྱུང་བ་ཡོད་ཀྱང་ལོག་པར་ལྟ་བའོ། །ཉོན་མོངས་པའི་སྒྲིབ་པ་ནི་འདི་ལྟ་སྟེ། ཤེས་རབ་རྣམ་པར་གྲོལ་བ་རྣམས་ཀྱི་སེམས་གང་ལས་རྣམ་པར་གྲོལ་བའོ། །སྙོམས་པར་འཇུག་པའི་སྒྲིབ་པ་ནི་འདི་ལྟ་སྟེ། གཉི་གའི་ཆ་ལས་རྣམ་པར་གྲོལ་བ་རྣམས་ཀྱི་སེམས་གང་ལས་རྣམ་པར་གྲོལ་བའོ། །ཤེས་བྱའི་སྒྲིབ་པ་ནི་འདི་ལྟ་སྟེ། དེ་བཞིན་གཤེགས་པ་རྣམས་ཀྱི་ཐུགས་གང་ལས་རྣམ་པར་གྲོལ་བའོ། །དེ་ལ་སེམས་ནི་མདོར་བསྡུ་ན་རྣམ་པ་གཉིས་ཏེ་བསྒྲིབས་པ་དང༌། མ་བསྒྲིབས་པའོ། །ཉོན་མོངས་པ་ཡང་མདོར་བསྡུ་ན་རྣམ་པ་གཉིས་ཏེ༑ ཀུན་ནས་དཀྲིས་པ་དང༌། བག་ལ་ཉལ་ལོ། །ལས་ཀྱང་མདོར་བསྡུ་ན་རྣམ་པ་གཉིས་ཏེ། སེམས་པ་དང་བསམ་པའོ། །དབང་པོ་ཡང་མདོར་བསྡུ་ན་རྣམ་པ་གཉིས་ཏེ། རྣམ་པར་དག་པའི་ཆ་དང་མཐུན་པ་དང༌། རྣམ་པར་དག་པའི་ཆ་དང་མཐུན་པ་མ་ཡིན་པའོ། །དབང་པོ་ཇི་ལྟ་བ་བཞིན་དུ་ཁམས་དང་མོས་པ་དང་བསམ་པ་དང་དེ་བཞིན་དུ་རིག་པར་བྱ་སྟེ། དེ་དག་གི་བྱེ་བྲག་ནི། དབང་པོ་ནི་འབྲས་བུར་གྱུར་པ་ཡིན་ལ། ཁམས་ནི་རྒྱུར་གྱུར་པ་ཡིན་ནོ། །མོས་པ་ནི་རྒྱུར་གྱུར་པ་ཡིན་ལ། བསམ་པ་ནི་འབྲས་བུར་གྱུར་པ་ཡིན་ནོ། །བག་ལ་ཉལ་ཡང་མདོར་བསྡུ་ན་རྣམ་པ་གཉིས་སུ་རིག་པར་བྱ་སྟེ། ཡང་དག་པར་གཞོམ་པར་བྱ་བ་དང༌། ཡང་དག་པར་གཞོམ་པར་བྱ་བ་མ་ཡིན་པའོ། །སྐྱེ་བ་ཡང་མདོར་བསྡུ་ན་རྣམ་པ་གཉིས་སུ་རིག་པར་བྱ་སྟེ། མི་ཁོམ་པར་སྐྱེ་བ་དང༌། ཁོམ་པར་སྐྱེ་བའོ། །བག་ཆགས་ཀྱང་མདོར་བསྡུ་ན་རྣམ་པ་གཉིས་སུ་རིག་པར་བྱ་སྟེ༑ དེ་མ་ཐག་ཏུ་སྐྱེ་བའི་བག་ཆགས་དང༌། སྔོན་སྐྱེས་པའི་བག་ཆགས་སོ། །ཚོགས་ནི་རྣམ་པ་གསུམ་དུ་རིག་པར་བྱ་སྟེ། ལོག་པ་ཉིད་དུ་ངེས་པའི་ཚོགས་དང༌། ཡང་དག་པ་ཉིད་དུ་ངེས་པའི་ཚོགས་དང༌། མ་ངེས་པའི་ཚོགས་སོ། དེ་ལ་ལོག་པ་ཉིད་དུ་ངེས་པ་ཡང་རྣམ་པ་གཉིས་ཏེ། རང་བཞིན་གྱིས་ལོག་པ་ཉིད་དུ་ངེས་པ་དང༌། སྦྱོར་བས་ལོག་པ་ཉིད་དུ་ངེས་པའོ། །ཡང་དག་པ་ཉིད་དུ་ངེས་པ་ཡང་རྣམ་པ་གཉིས་ཏེ་རང་བཞིན་གྱིས་ཡང་དག་པ་ཉིད་དུ་ངེས་པ་དང༌། སྦྱོར་བས་ཡང་དག་པ་ཉིད་དུ་ངེས་པའོ། །མ་ངེས་པ་ཡང་རྣམ་པ་གཉིས་ཏེ། རང་བཞིན་གྱིས་མ་ངེས་པ་དང༌། སྦྱོར་བས་མ་ངེས་པའོ། །

gang zag de dag gi mngon par 'du byed pa yang rig par bya/ sgrib pa dang/ sems dang/ nyon mongs pa dang/ las dang/ dbang po dang/ khams dang/ mos pa dang/ bsam pa dang/ bag la nyal dang/ skye ba dang/ bag chags dang/ tshogs kyang rig par bya'o/ /de la mngon par 'du byed pa ni rnam pa bcu gnyis te| dge ba mngon par 'du byed pa dang/ mi dge ba mngon par 'du byed pa dang/ lung du ma bstan pa mngon par 'du byed pa dang/ rab tu 'byung ba mngon par 'du byed pa dang/ de spel ba mngon par 'du byed pa dang/ de bsrung ba mngon par 'du byed pa dang/ skye ba mngon par 'du byed pa dang/ 'dod chags dang bral ba mngon par 'du byed pa dang/ thar pa mngon par 'du byed pa dang/ dbang po sbyor ba mngon par 'du byed pa dang/ mngon par 'du shes pa mngon par bsgrub pa mngon par 'du byed pa dang / gzhan gyi don bya ba mngon par 'du byed pa'o/ /de la sgrib pa yang rnam pa bcu gnyis te| las kyi sgrib pa ni 'di lta ste/ mtshams med pa lnga'i las byed pa nyid kyi phyir ro/ /bag chags kyi sgrib pa ni 'di lta ste/ sngon nyes par byas pa'i las la goms pa'i bag chags nyid kyi phyir ro/ /bag med pa'i sgrib pa ni 'di lta ste/ 'dod pa'i longs spyod dang ldan pa 'byor pa chen po la gnas pa rnams kyi'o/ /chod pa'i sgrib pa ni 'di lta ste/ sgrib pa lnga po dag las gang yang rung bas sems bsgribs pa'o/ /le lo'i sgrib pa ni 'di lta ste/ le lo'i nye ba'i nyon mongs pas sems kun nas dkris pa'o/ /bar chad kyi sgrib pa ni 'di lta ste/ bar chad rnam pa bcu gcig las gang yang rung ba nye bar gnas pa'o/ /skye ba'i sgrib pa ni 'di lta ste/ mi khom par skye ba'o/ /mi skye ba'i sgrib pa ni 'di lta ste/ sangs rgyas bcom ldan 'das rnams mi 'byung ba'o/ /mos pa'i sgrib pa ni 'di lta ste/ sangs rgyas 'byung ba yod kyang log par lta ba'o/ /nyon mongs pa'i sgrib pa ni 'di lta ste/ shes rab rnam par grol ba rnams kyi sems gang las rnam par grol ba'o/ /snyoms par 'jug pa'i sgrib pa ni 'di lta ste/ gnyi ga'i cha las rnam par grol ba rnams kyi sems gang las rnam par grol ba'o/ /shes bya'i sgrib pa ni 'di lta ste/ de bzhin gshegs pa rnams kyi thugs gang las rnam par grol ba'o/ /de la sems ni mdor bsdu na rnam pa gnyis te bsgribs pa dang/ ma bsgribs pa'o/ /nyon mongs pa yang mdor bsdu na rnam pa gnyis te| kun nas dkris pa dang/ bag la nyal lo/ /las kyang mdor bsdu na rnam pa gnyis te/ sems pa dang bsam pa'o/ /dbang po yang mdor bsdu na rnam pa gnyis te/ rnam par dag pa'i cha dang mthun pa dang/ rnam par dag pa'i cha dang mthun pa ma yin pa'o/ /dbang po ji lta ba bzhin du khams dang mos pa dang bsam pa dang de bzhin du rig par bya ste/ de dag gi bye brag ni/ dbang po ni 'bras bur gyur pa yin la/ khams ni rgyur gyur pa yin no/ /mos pa ni rgyur gyur pa yin la/ bsam pa ni 'bras bur gyur pa yin no/ /bag la nyal yang mdor bsdu na rnam pa gnyis su rig par bya ste/ yang dag par gzhom par bya ba dang/ yang dag par gzhom par bya ba ma yin pa'o/ /skye ba yang mdor bsdu na rnam pa gnyis su rig par bya ste/ mi khom par skye ba dang/ khom par skye ba'o/ /bag chags kyang mdor bsdu na rnam pa gnyis su rig par bya ste| de ma thag tu skye ba'i bag chags dang/ sngon skyes pa'i bag chags so/ /tshogs ni rnam pa gsum du rig par bya ste/ log pa nyid du nges pa'i tshogs dang/ yang dag pa nyid du nges pa'i tshogs dang/ ma nges pa'i tshogs so/ de la log pa nyid du nges pa yang rnam pa gnyis te/ rang bzhin gyis log pa nyid du nges pa dang/ sbyor bas log pa nyid du nges pa'o/ /yang dag pa nyid du nges pa yang rnam pa gnyis te rang bzhin gyis yang dag pa nyid du nges pa dang/ sbyor bas yang dag pa nyid du nges pa'o/ /ma nges pa yang rnam pa gnyis te/ rang bzhin gyis ma nges pa dang/ sbyor bas ma nges pa'o/ /

【L3 約法辨人句義差別】【M1 總說】

མངོན་པར་འདུ་བྱེད་པ་ལ་སོགས་པ་རྣམ་པ་བཅུ་གསུམ་པོ་དེ་དག་གིས་གང་ཟག་བཅུ་གསུམ་པོ་དག་ཅི་རིགས་པར་རྒྱ་ཆེར་རིག་པར་བྱའོ། །

mngon par 'du byed pa la sogs pa rnam pa bcu gsum po de dag gis gang zag bcu gsum po dag ci rigs par rgya cher rig par bya'o/ /

【M2 問答辨】【N1 善不善造釋四句】

གང་དགེ་བ་མངོན་པར་འདུ་བྱེད་པ་དེ་དག་ཐམས་ཅད་མི་དགེ་བ་མངོན་པར་འདུ་བྱེད་པ་དང་མི་ལྡན་པ་ཡིན་ལ། གང་མི་དགེ་བ་མངོན་པར་འདུ་བྱེད་པ་དང་མི་ལྡན་པ་དེ་དག་ཐམས་ཅད་ཀྱང་དགེ་བ་མངོན་པར་འདུ་བྱེད་པ་ཡིན་ནམ་ཞེ་ན། མུ་བཞི་སྟེ། དགེ་བ་མངོན་པར་འདུ་བྱེད་པ་ཡིན་ལ། མི་དགེ་བ་མངོན་པར་འདུ་བྱེད་པ་མི་ལྡན་པ་མ་ཡིན་པ་ཡང་ཡོད་དེ། ལས་དཀར་གནག་རྣམ་པར་སྨིན་པ་དཀར་གནག་ཅན་མངོན་པར་འདུ་བྱེད་པའི་དགེ་བ་མངོན་པར་འདུ་བྱེད་པ་གང་ཡིན་པའོ། །མི་དགེ་བ་མངོན་པར་འདུ་བྱེད་པ་དང་མི་ལྡན་པ་ཡིན་ལ། དགེ་བ་མ་ཡིན་པ་ནི་ལུང་དུ་མ་བསྟན་པ་མངོན་པར་འདུ་བྱེད་པའོ། །མི་དགེ་བ་མངོན་པར་འདུ་བྱེད་པ་དང་ཡང་མི་ལྡན་ལ། དགེ་བ་ཡང་ཡིན་པ་ནི། དཀར་བ་རྣམ་པར་སྨིན་པ་དཀར་བ་དང༌། ལས་ཟད་པར་བྱ་བའི་ཕྱིར་མི་དཀར་བ་རྣམ་པར་སྨིན་པ་མེད་པའི་ལས་མངོན་པར་འདུ་བྱེད་པ་གང་ཡིན་པའོ། །མི་དགེ་བ་མངོན་པར་འདུ་བྱེད་པ་དང་བྲལ་བ་མ་ཡིན་ལ་དགེ་བ་མ་ཡིན་པ་ནི་གནག་པ་རྣམ་པར་སྨིན་པ་གནག་པའི་ལས་མངོན་པར་འདུ་བྱེད་པ་གང་ཡིན་པའོ། །མི་དགེ་བའི་མངོན་པར་འདུ་བྱེད་པ་དང༌། ལུང་དུ་མ་བསྟན་པ་མངོན་པར་འདུ་བྱེད་པ་ཡང་དེ་བཞིན་དུ་ཅི་རིགས་པར་བལྟ་བར་བྱའོ། །

gang dge ba mngon par 'du byed pa de dag thams cad mi dge ba mngon par 'du byed pa dang mi ldan pa yin la/ gang mi dge ba mngon par 'du byed pa dang mi ldan pa de dag thams cad kyang dge ba mngon par 'du byed pa yin nam zhe na/ mu bzhi ste/ dge ba mngon par 'du byed pa yin la/ mi dge ba mngon par 'du byed pa mi ldan pa ma yin pa yang yod de/ las dkar gnag rnam par smin pa dkar gnag can mngon par 'du byed pa'i dge ba mngon par 'du byed pa gang yin pa'o/ /mi dge ba mngon par 'du byed pa dang mi ldan pa yin la/ dge ba ma yin pa ni lung du ma bstan pa mngon par 'du byed pa'o/ /mi dge ba mngon par 'du byed pa dang yang mi ldan la/ dge ba yang yin pa ni/ dkar ba rnam par smin pa dkar ba dang/ las zad par bya ba'i phyir mi dkar ba rnam par smin pa med pa'i las mngon par 'du byed pa gang yin pa'o/ /mi dge ba mngon par 'du byed pa dang bral ba ma yin la dge ba ma yin pa ni gnag pa rnam par smin pa gnag pa'i las mngon par 'du byed pa gang yin pa'o/ /mi dge ba'i mngon par 'du byed pa dang/ lung du ma bstan pa mngon par 'du byed pa yang de bzhin du ci rigs par blta bar bya'o/ /

【N2 業障與習障成就不成就四句】

གང་ལས་ཀྱི་སྒྲིབ་པ་དང་ལྡན་པ་དེ་བག་ཆགས་ཀྱི་སྒྲིབ་པ་དང་ཡང་ལྡན་ལ། གང་བག་ཆགས་ཀྱི་སྒྲིབ་པ་དང་ལྡན་པ་དེ་ལས་ཀྱི་སྒྲིབ་པ་དང་ཡང་ལྡན་ནམ་ཞེ་ན། མུ་བཞི་སྟེ། ལས་ཀྱི་སྒྲིབ་པ་དང་ལྡན་ལ་བག་ཆགས་ཀྱི་སྒྲིབ་པ་དང་མི་ལྡན་པ་ཡང་ཡོད་དེ། འདི་ལྟར་འདི་ན་ལ་ལ་ལས་ནི་ཚེ་འདི་ལ་མཚམས་མེད་པ་ལྔའི་ལས་བྱས་ཤིང་བསགས་ལ། དེ་ཚེ་རབས་སྔ་མ་ལ་དེའི་ཚེ་འདི་ལ་འཕགས་པའི་ལམ་གྱི་བར་དུ་གཅོད་པའི་ལས་སྡིག་པ་ཅན་གྱི་མི་དགེ་བ་གང་ཡིན་པ་དེ་ལྟ་བུ་མ་བྱས་མ་བསགས་པ་ལྟ་བུའོ། །བག་ཆགས་ཀྱི་སྒྲིབ་པ་དང་ལྡན་པ་ལས་ཀྱི་སྒྲིབ་པ་དང་མི་ལྡན་པ་ཡང་ཡོད་དེ། དེ་ལས་བཟློག་པའོ། །གཉི་ག་དང་ལྡན་པ་ཡང་ཡོད་དེ། གང་གིས་ཚེ་འདི་ལ་ཡང་མཚམས་མེད་པ་ལྔའི་ལས་དག་བྱས་ཤིང་བསགས་ལ། ཚེ་རབས་སྔ་མ་ལ་དེའི་ཚེ་འདི་ལ་འཕགས་པའི་ལམ་གྱི་བར་དུ་གཅོད་པའི་ལས་སྡིག་པ་ཅན་མི་དགེ་བ་གང་ཡིན་པ་དེ་ལྟ་བུ་བྱས་ཤིང་བསགས་པ་ལྟ་བུའོ། །གཉི་ག་དང་མི་ལྡན་པ་ཡང་ཡོད་དེ། དེ་ལས་བཟློག་པའོ། །

gang las kyi sgrib pa dang ldan pa de bag chags kyi sgrib pa dang yang ldan la/ gang bag chags kyi sgrib pa dang ldan pa de las kyi sgrib pa dang yang ldan nam zhe na/ mu bzhi ste/ las kyi sgrib pa dang ldan la bag chags kyi sgrib pa dang mi ldan pa yang yod de/ 'di ltar 'di na la la las ni tshe 'di la mtshams med pa lnga'i las byas shing bsags la/ de tshe rabs snga ma la de'i tshe 'di la 'phags pa'i lam gyi bar du gcod pa'i las sdig pa can gyi mi dge ba gang yin pa de lta bu ma byas ma bsags pa lta bu'o/ /bag chags kyi sgrib pa dang ldan pa las kyi sgrib pa dang mi ldan pa yang yod de/ de las bzlog pa'o/ /gnyi ga dang ldan pa yang yod de/ gang gis tshe 'di la yang mtshams med pa lnga'i las dag byas shing bsags la/ tshe rabs snga ma la de'i tshe 'di la 'phags pa'i lam gyi bar du gcod pa'i las sdig pa can mi dge ba gang yin pa de lta bu byas shing bsags pa lta bu'o/ /gnyi ga dang mi ldan pa yang yod de/ de las bzlog pa'o/ /

【I2 約非安立真離二邊】【J1 標非安立真實】

དེ་ལ་རྣམ་པར་མ་བཞག་པའི་བདེན་པ་གང་ཞེ་ན། ཆོས་རྣམས་ཀྱི་དེ་བཞིན་ཉིད་ཡོངས་སུ་གྲུབ་པའི་རང་བཞིན་འཕགས་པའི་ཡེ་ཤེས་ཀྱི་སྤྱོད་ཡུལ། འཕགས་པའི་ཡེ་ཤེས་ཀྱི་དམིགས་པ་གང་ཡིན་པའོ། །

de la rnam par ma bzhag pa'i bden pa gang zhe na/ chos rnams kyi de bzhin nyid yongs su grub pa'i rang bzhin 'phags pa'i ye shes kyi spyod yul/ 'phags pa'i ye shes kyi dmigs pa gang yin pa'o/ /

【J2 明增益邊】

དེ་ལ་སྒྲོ་འདོགས་པའི་མཐའ་གང་ཞེ་ན། སྨྲས་པ། ཆོས་རྣམས་ཀྱི་ངོ་བོ་ཉིད་ནི་མདོར་བསྡུ་ན་རྣམ་པ་གསུམ་སྟེ། ཀུན་བརྟགས་པའི་ངོ་བོ་ཉིད་དང༌། གཞན་གྱི་དབང་གི་ངོ་བོ་ཉིད་དང༌། ཡོངས་སུ་གྲུབ་པའི་ངོ་བོ་ཉིད་དོ། །དེ་ལ་ཀུན་བརྟགས་པའི་ངོ་བོ་ཉིད་ནི་ཐ་སྙད་ལས་བྱུང་བ་གང་ཅི་ཡང་རུང་སྟེ། ཀུན་བརྟགས་ཤིང་མིང་དང་བརྡར་རྣམ་པར་གཞག་པ་ཉིད་ཡིན་པའི་ཕྱིར་རོ། །དེ་ལ་གཞན་གྱི་དབང་གི་ངོ་བོ་ཉིད་ནི་རྟེན་ཅིང་འབྲེལ་པར་འབྱུང་བ་གང་ཡིན་པ་སྟེ༑ གཞན་གྱི་སྟོབས་ཀྱིས་བྱུང་བའི་དངོས་པོ་ཡིན་གྱི། རང་གི་སྟོབས་ཀྱིས་བྱུང་བའི་དངོས་པོ་ཡང་ཡིན་པའི་ཕྱིར་རོ། །དེ་ལ་ཡོངས་སུ་གྲུབ་པའི་ངོ་བོ་ཉིད་ནི་སྔ་མ་ཁོ་ན་བཞིན་ནོ། །དེ་ལ་གཞན་གྱི་དབང་གི་ངོ་བོ་ཉིད་དང་ཡོངས་སུ་གྲུབ་པའི་ངོ་བོ་ཉིད་ལ་ཀུན་བརྟགས་པའི་ངོ་བོ་ཉིད་དུ་མངོན་པར་ཞེན་པ་གང་ཡིན་པ་དེ་ནི་སྒྲོ་བཏགས་པའི་མཐའ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེའི་ངོ་བོ་ཉིད་ནི་དེའི་བདག་ཉིད་དུ་མི་རུང་སྟེ། ཇི་ལྟར་མི་རུང་བ་དེ་ལྟར་ནི་འདི་ལྟ་སྟེ། བྱང་ཆུབ་སེམས་དཔའི་ས་དང༌། དེ་རྣམ་པར་གཏན་ལ་དབབ་པ་ལས་རྒྱ་ཆེར་བསྟན་ཅིང་སྟོན་ཏོ། །ཡང་མདོར་བསྡུ་ན་རྒྱུ་གསུམ་གྱིས་མི་རུང་སྟེ། མིང་དང་བརྗོད་པ་རྣམ་པ་སྣ་ཚོགས་དུ་མ་རྣམ་པར་གཞག་པ་དང༌། མིང་དང་བརྗོད་པ་མེད་པར་དེའི་བློ་མི་སྐྱེ་བ་དང༌། མིང་དང་བརྗོད་པ་ནི་དོན་ལ་འཇུག་པ་ཡིན་པའི་ཕྱིར་རོ། །

de la sgro 'dogs pa'i mtha' gang zhe na/ smras pa/ chos rnams kyi ngo bo nyid ni mdor bsdu na rnam pa gsum ste/ kun brtags pa'i ngo bo nyid dang/ gzhan gyi dbang gi ngo bo nyid dang/ yongs su grub pa'i ngo bo nyid do/ /de la kun brtags pa'i ngo bo nyid ni tha snyad las byung ba gang ci yang rung ste/ kun brtags shing ming dang brdar rnam par gzhag pa nyid yin pa'i phyir ro/ /de la gzhan gyi dbang gi ngo bo nyid ni rten cing 'brel par 'byung ba gang yin pa ste| gzhan gyi stobs kyis byung ba'i dngos po yin gyi/ rang gi stobs kyis byung ba'i dngos po yang yin pa'i phyir ro/ /de la yongs su grub pa'i ngo bo nyid ni snga ma kho na bzhin no/ /de la gzhan gyi dbang gi ngo bo nyid dang yongs su grub pa'i ngo bo nyid la kun brtags pa'i ngo bo nyid du mngon par zhen pa gang yin pa de ni sgro btags pa'i mtha' yin par rig par bya'o/ /de ci'i phyir zhe na/ 'di ltar de'i ngo bo nyid ni de'i bdag nyid du mi rung ste/ ji ltar mi rung ba de ltar ni 'di lta ste/ byang chub sems dpa'i sa dang/ de rnam par gtan la dbab pa las rgya cher bstan cing ston to/ /yang mdor bsdu na rgyu gsum gyis mi rung ste/ ming dang brjod pa rnam pa sna tshogs du ma rnam par gzhag pa dang/ ming dang brjod pa med par de'i blo mi skye ba dang/ ming dang brjod pa ni don la 'jug pa yin pa'i phyir ro/ /

【J3 損減邊】

སྐུར་པ་འདེབས་པའི་མཐའ་ནི་གཞན་གྱི་དབང་གི་ངོ་བོ་ཉིད་དང༌། ཡོངས་སུ་གྲུབ་པའི་ངོ་བོ་ཉིད་ཡོད་པ་ལ་མེད་དོ་ཞེས་རང་གི་མཚན་ཉིད་ལ་སྐུར་པ་འདེབས་པ་གང་ཡིན་པ་སྟེ།

skur pa 'debs pa'i mtha' ni gzhan gyi dbang gi ngo bo nyid dang/ yongs su grub pa'i ngo bo nyid yod pa la med do zhes rang gi mtshan nyid la skur pa 'debs pa gang yin pa ste/

【H3 結】

དེ་ལྟར་མཐའ་གཉིས་རྣམ་པར་སྤང་བའི་ཚུལ་གྱིས་དེ་ཁོ་ནའི་དོན་གྱི་ཚུལ་ཁོང་དུ་ཆུད་པར་བྱའོ། །

de ltar mtha' gnyis rnam par spang ba'i tshul gyis de kho na'i don gyi tshul khong du chud par bya'o/ /

【G2 類證得教導由後二種】

གཞན་ཡང་འཐོབ་པའི་ཚུལ་དང་བཤད་པའི་ཚུལ་གཉིས་ནི་བསམ་གྱིས་མི་ཁྱབ་པའི་ཚུལ་དང་དགོངས་པའི་ཚུལ་གཉིས་ཀྱིས་ཅི་རིགས་པར་ཁོང་དུ་ཆུད་པར་བྱའོ། །

gzhan yang 'thob pa'i tshul dang bshad pa'i tshul gnyis ni bsam gyis mi khyab pa'i tshul dang dgongs pa'i tshul gnyis kyis ci rigs par khong du chud par bya'o/ /

【F3 問答料簡】【G1 問答別義相應意趣義】

འདིར་དོན་གཞན་དང་འབྲེལ་པའི་དགོངས་པ་ཞེས་གང་གསུངས་པ་དོན་གང་ཞེ་ན༑ སྨྲས་པ། མིང་གི་ཚོགས་དང༌། ཚིག་གི་ཚོགས་དང༌། ཡི་གེའི་ཚོགས་རྣམས་ཀྱི་དོན་ནི་དོན་གཞན་དང་འབྲེལ་པ་ཡིན་ཏེ། སྒྲ་ཇི་བཞིན་མ་ཡིན་མོད་ཀྱི་འོན་ཀྱང་སྒྲ་ཇི་བཞིན་སྤངས་ནས་དོན་གྱི་ཁྱད་པར་གཞན་ཉིད་ནི་དོན་གཞན་དང་འབྲེལ་པའི་དགོངས་པ་ཞེས་བྱའོ། །

'dir don gzhan dang 'brel pa'i dgongs pa zhes gang gsungs pa don gang zhe na| smras pa/ ming gi tshogs dang/ tshig gi tshogs dang/ yi ge'i tshogs rnams kyi don ni don gzhan dang 'brel pa yin te/ sgra ji bzhin ma yin mod kyi 'on kyang sgra ji bzhin spangs nas don gyi khyad par gzhan nyid ni don gzhan dang 'brel pa'i dgongs pa zhes bya'o/ /

【G2 前三種門由後三門應隨決了】【H1 明真義決了】

དེ་ལ་མཐའ་གཉིས་རྣམ་པར་སྤངས་པའི་ཚུལ་གྱིས་དེ་ཁོ་ནའི་དོན་གྱི་ཚུལ་ཁོང་དུ་ཆུད་ན་ཐོབ་པར་བྱ་བའི་དོན་འཐོབ་བོ། །ཐོབ་པར་བྱ་བའི་དོན་ཐོབ་ན་དེ་ལས་གཞན་པའི་འཐོབ་པའི་ཚུལ་ཡང་བསམ་གྱིས་མི་ཁྱབ་པའི་ཚུལ་གྱིས་ཁོང་དུ་ཆུད་པར་འགྱུར་རོ། །བཤད་པའི་ཚུལ་ཐམས་ཅད་ནི་སངས་རྒྱས་བཅོམ་ལྡན་འདས་རྣམས་ཀྱི་དགོངས་པའི་ཚུལ་གྱིས་ཁོང་དུ་ཆུད་པར་འགྱུར་ཏེ། དེ་ཡང་ཅི་རིགས་པར་རོ། །

de la mtha' gnyis rnam par spangs pa'i tshul gyis de kho na'i don gyi tshul khong du chud na thob par bya ba'i don 'thob bo/ /thob par bya ba'i don thob na de las gzhan pa'i 'thob pa'i tshul yang bsam gyis mi khyab pa'i tshul gyis khong du chud par 'gyur ro/ /bshad pa'i tshul thams cad ni sangs rgyas bcom ldan 'das rnams kyi dgongs pa'i tshul gyis khong du chud par 'gyur te/ de yang ci rigs par ro/ /

【H2 明於真義理門隨決了】

དེ་ཁོ་ནའི་དོན་གྱི་ཚུལ་ཁོང་དུ་ཆུད་པའི་སྐྱོན་མེད་པ་ལ་འཇུག་པ་ནི་རྣམ་པར་ལྔར་རིག་པར་བྱ་སྟེ། འདི་ལྟ་སྟེ། འདོད་ཆགས་དང་མ་བྲལ་བའི་སྐྱོན་མེད་པ་ལ་འཇུག་པ་དང༌། འདོད་ཆགས་དང་ཤས་ཆེར་བྲལ་བའི་སྐྱོན་མེད་པ་ལ་འཇུག་པ་དང༌། འདོད་ཆགས་དང་བྲལ་བའི་སྐྱོན་མེད་པ་ལ་འཇུག་པ་དང༌། རང་སངས་རྒྱས་ཀྱི་སྐྱོན་མེད་པ་ལ་འཇུག་པ་དང༌། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པའོ།།

de kho na'i don gyi tshul khong du chud pa'i skyon med pa la 'jug pa ni rnam par lngar rig par bya ste/ 'di lta ste/ 'dod chags dang ma bral ba'i skyon med pa la 'jug pa dang/ 'dod chags dang shas cher bral ba'i skyon med pa la 'jug pa dang/ 'dod chags dang bral ba'i skyon med pa la 'jug pa dang/ rang sangs rgyas kyi skyon med pa la 'jug pa dang/ byang chub sems dpa'i skyon med pa la 'jug pa'o//

གནས་ངན་ལེན་གྱི་མཚན་ཉིད་གང་ཞེ་ན། མདོར་བསྡུ་ན་ལས་སུ་མི་རུང་བའི་མཚན་ཉིད་གང་ཡིན་པ་སྟེ། ལས་སུ་མི་རུང་བའི་མཚན་ཉིད་དེ་ཡང་མཚན་ཉིད་རྣམ་པ་ལྔར་རིག་པར་བྱ་སྟེ། ལྕི་བ་ཉིད་ཀྱི་མཚན་ཉིད་དང༌། སྲ་བ་ཉིད་ཀྱི་མཚན་ཉིད་དང༌། སྒྲིབ་པའི་མཚན་ཉིད་དང༌།སྒྱིད་ལུག་པའི་མཚན་ཉིད་དང༌། དབང་བསྒྱུར་བ་མེད་པས་མི་བཟོད་པ་ཉིད་ཀྱི་མཚན་ཉིད་དོ། །མཚན་ཉིད་དེ་དག་ཡོད་ན་ཀུན་ནས་ཉོན་མོངས་པའི་ཚོགས་དང་མཐུན་པར་གནས་ཤིང༌། རྣམ་པར་བྱང་བའི་ཕྱོགས་དང་མི་མཐུན་པར་གནས་པས་ན། དེའི་ཕྱིར་ལས་སུ་མི་རུང་བ་ཞེས་བྱའོ། །

gnas ngan len gyi mtshan nyid gang zhe na/ mdor bsdu na las su mi rung ba'i mtshan nyid gang yin pa ste/ las su mi rung ba'i mtshan nyid de yang mtshan nyid rnam pa lngar rig par bya ste/ lci ba nyid kyi mtshan nyid dang/ sra ba nyid kyi mtshan nyid dang/ sgrib pa'i mtshan nyid dang/sgyid lug pa'i mtshan nyid dang/ dbang bsgyur ba med pas mi bzod pa nyid kyi mtshan nyid do/ /mtshan nyid de dag yod na kun nas nyon mongs pa'i tshogs dang mthun par gnas shing/ rnam par byang ba'i phyogs dang mi mthun par gnas pas na/ de'i phyir las su mi rung ba zhes bya'o/ /

【G3 辨建立安立非安立二諦所以】【H1 初問答】

གང་གི་ཚེ་རྣམ་པར་བཞག་པའི་བདེན་པ་བདེན་པ་ཉིད་དུ་གསུངས་པ་དེའི་ཚེ། ཅིའི་ཕྱིར་རྣམ་པར་མ་བཞག་པའི་བདེན་པ་ཡོངས་སུ་བསྟན་ཞེ་ན། སྨྲས་པ། རྣམ་པར་མ་བཞག་པའི་བདེན་པ་མེད་ན་རྣམ་པར་གྲོལ་བ་གཉིས་པོ། མཚན་མའི་འཆིང་བ་ལས་རྣམ་པར་གྲོལ་བ་དང༌། གནས་ངན་ལེན་གྱི་འཆིང་བ་ལས་རྣམ་པར་གྲོལ་བ་མི་རུང་སྟེ། འདི་ལྟར་གང་ལ་ལ་རྣམ་པར་བཞག་པའི་བདེན་པ་དག་ལ་སྤྱོད་པ་དེ་དག་ཐམས་ཅད་ནི་མཚན་མ་ལ་སྤྱོད་པ་ཡིན་ཏེ། མཚན་མ་ལ་སྤྱོད་ན་མཚན་མའི་འཆིང་བ་ལས་ཡོངས་སུ་མི་འགྲོལ་ལ་མཚན་མའི་འཆིང་བ་ལས་ཡོངས་སུ་མ་གྲོལ་ན་གནས་ངན་ལེན་གྱི་འཆིང་བ་ལས་ཀྱང་ཡོངས་སུ་མི་འགྲོལ་ལོ། །རྣམ་པར་མ་བཞག་པའི་བདེན་པ་ལ་སྤྱོད་པ་ནི་མཚན་མ་ལ་སྤྱོད་པ་མ་ཡིན་ཏེ། མཚན་མ་ལ་མི་སྤྱོད་ན་མཚན་མའི་འཆིང་བ་ལས་ཡོངས་སུ་འགྲོལ་ལ། མཚན་མའི་འཆིང་བ་ལས་ཡོངས་སུ་གྲོལ་ན་གནས་ངན་ལེན་གྱི་འཆིང་བ་ལས་ཀྱང་ཡོངས་སུ་འགྲོལ་བའི་ཕྱིར་རོ། །

gang gi tshe rnam par bzhag pa'i bden pa bden pa nyid du gsungs pa de'i tshe/ ci'i phyir rnam par ma bzhag pa'i bden pa yongs su bstan zhe na/ smras pa/ rnam par ma bzhag pa'i bden pa med na rnam par grol ba gnyis po/ mtshan ma'i 'ching ba las rnam par grol ba dang/ gnas ngan len gyi 'ching ba las rnam par grol ba mi rung ste/ 'di ltar gang la la rnam par bzhag pa'i bden pa dag la spyod pa de dag thams cad ni mtshan ma la spyod pa yin te/ mtshan ma la spyod na mtshan ma'i 'ching ba las yongs su mi 'grol la mtshan ma'i 'ching ba las yongs su ma grol na gnas ngan len gyi 'ching ba las kyang yongs su mi 'grol lo/ /rnam par ma bzhag pa'i bden pa la spyod pa ni mtshan ma la spyod pa ma yin te/ mtshan ma la mi spyod na mtshan ma'i 'ching ba las yongs su 'grol la/ mtshan ma'i 'ching ba las yongs su grol na gnas ngan len gyi 'ching ba las kyang yongs su 'grol ba'i phyir ro/ /

【H2 第二問答】

གལ་ཏེ་རྣམ་པར་མ་བཞག་པའི་བདེན་པ་ཁོ་ནས་འཆིང་བ་ལས་རྣམ་པར་འགྲོལ་ཞིང་རྣམ་པར་དག་པར་འགྱུར་བ་ཡིན་ན། ཅིའི་ཕྱིར་རྣམ་པར་བཞག་པའི་བདེན་པ་ཡོངས་སུ་བསྟན་ཞེ་ན། སྨྲས་པ། ཚོགས་ཀྱི་ལམ་དང་སྦྱོར་བའི་ལམ་རྣམ་པར་དག་པར་བྱ་བ་ཉིད་ཀྱི་ཕྱིར་རོ། །

gal te rnam par ma bzhag pa'i bden pa kho nas 'ching ba las rnam par 'grol zhing rnam par dag par 'gyur ba yin na/ ci'i phyir rnam par bzhag pa'i bden pa yongs su bstan zhe na/ smras pa/ tshogs kyi lam dang sbyor ba'i lam rnam par dag par bya ba nyid kyi phyir ro/ /

【H3 第三問答】

གལ་ཏེ་མཚན་མ་དང་བཅས་པའི་སེམས་ཀྱི་སྤྱོད་པ་ཁོ་ནས་འཆིང་བ་རྣམ་པ་གཉིས་ལས་འགྲོལ་ཞིང་རྣམ་པར་དག་པར་འགྱུར་ན་ཉེས་པ་ཅི་ཡོད་ཅེ་ན་སྨྲས་པ། གང་ལ་ལ་ཤིན་ཏུ་མཉམ་པར་གཞག་པའི་སེམས་ཀྱིས་བསམ་གཏན་བཞི་པ་ལ་བརྟེན་ཏེ། བདེན་པ་ལ་དམིགས་པས་ངེས་པར་འབྱེད་པའི་ཆ་དང་མཐུན་པའི་དགེ་བའི་ཆོས་རྣམས་ལ་འཇུག་པ་དེ་དག་ཐམས་ཅད་འཆིང་བ་རྣམ་པ་གཉིས་ལས་འགྲོལ་ཞིང་རྣམ་པར་དག་པར་འགྱུར་བའི་རིགས་ན། རྣམ་པར་དག་པར་མི་འགྱུར་ཏེ། དེའི་ཕྱིར་མི་རུང་ངོ༌། །འཇིག་རྟེན་པ་དང་འཇིག་རྟེན་ལས་འདས་པའི་ལམ་གཉིས་ཀྱི་བྱེ་བྲག་ཀྱང་མེད་པར་འགྱུར་བའི་རིགས་ན། མཚན་མ་དང་བཅས་པ་དང༌། མཚན་མ་མེད་པའི་བྱེ་བྲག་ཡོད་པས། དེའི་ཕྱིར་ཡང་མི་རུང་ངོ༌། །

gal te mtshan ma dang bcas pa'i sems kyi spyod pa kho nas 'ching ba rnam pa gnyis las 'grol zhing rnam par dag par 'gyur na nyes pa ci yod ce na smras pa/ gang la la shin tu mnyam par gzhag pa'i sems kyis bsam gtan bzhi pa la brten te/ bden pa la dmigs pas nges par 'byed pa'i cha dang mthun pa'i dge ba'i chos rnams la 'jug pa de dag thams cad 'ching ba rnam pa gnyis las 'grol zhing rnam par dag par 'gyur ba'i rigs na/ rnam par dag par mi 'gyur te/ de'i phyir mi rung ngo/ /'jig rten pa dang 'jig rten las 'das pa'i lam gnyis kyi bye brag kyang med par 'gyur ba'i rigs na/ mtshan ma dang bcas pa dang/ mtshan ma med pa'i bye brag yod pas/ de'i phyir yang mi rung ngo/ /

【C5 雜決擇聞慧地義(有十四句)】【D1 辨麁重相】

【D2 辨長養根大之法】

དབང་པོའི་འབྱུང་བ་ཆེན་པོ་རྒྱས་པ་ནི་རྣམ་པ་ལྔ་སྟེ། འདི་ལྟ་སྟེ། ཟས་ཀྱིས་རྒྱས་པ་དང༌། གཉིད་ལོག་པས་རྒྱས་པ་དང༌། ཡ་ང་བ་སྤངས་པས་རྒྱས་པ་དང༌། ཚངས་པར་སྤྱོད་པས་རྒྱས་པ་དང༌། སྙོམས་པར་འཇུག་པས་རྒྱས་པའོ། །དེ་དག་ཀྱང་མདོར་བསྡུ་ན་རྒྱས་པ་རྣམ་པ་གཉིས་སུ་འགྱུར་ཏེ། ཉེ་བར་སྟོན་པས་རྒྱས་པ་དང༌། གནོད་པ་མེད་པས་རྒྱས་པའོ། །དེ་ལ་དང་པོས་ནི་ཉེ་བར་སྟོན་པས་རྒྱས་པའོ། །བཞིས་ནི་གནོད་པ་མེད་པས་རྒྱས་པའོ། །དེ་ལ་ཉེ་བར་སྟོན་པ་ནི་རྣམ་པ་བཞི་སྟེ། ཞུ་བས་ཉེ་བར་སྟོན་པ་དང༌། དགའ་བས་ཉེ་བར་སྟོན་པ་དང༌། རེ་བས་ཉེ་བར་སྟོན་པ་དང༌། ལེན་པའམ་འཛིན་པས་ཉེ་བར་སྟོན་པའོ། །

dbang po'i 'byung ba chen po rgyas pa ni rnam pa lnga ste/ 'di lta ste/ zas kyis rgyas pa dang/ gnyid log pas rgyas pa dang/ ya nga ba spangs pas rgyas pa dang/ tshangs par spyod pas rgyas pa dang/ snyoms par 'jug pas rgyas pa'o/ /de dag kyang mdor bsdu na rgyas pa rnam pa gnyis su 'gyur te/ nye bar ston pas rgyas pa dang/ gnod pa med pas rgyas pa'o/ /de la dang pos ni nye bar ston pas rgyas pa'o/ /bzhis ni gnod pa med pas rgyas pa'o/ /de la nye bar ston pa ni rnam pa bzhi ste/ zhu bas nye bar ston pa dang/ dga' bas nye bar ston pa dang/ re bas nye bar ston pa dang/ len pa'am 'dzin pas nye bar ston pa'o/ /

【D3 辨五行】

འདུ་བྱེད་ནི་རྣམ་པ་ལྔ་སྟེ། ལུས་ཀྱི་འདུ་བྱེད་དང༌། ངག་གི་འདུ་བྱེད་དང༌། ཡིད་ཀྱི་འདུ་བྱེད་དང༌། ལས་ཀྱི་འདུ་བྱེད་དང༌། ཚེའི་འདུ་བྱེད་དོ། །

'du byed ni rnam pa lnga ste/ lus kyi 'du byed dang/ ngag gi 'du byed dang/ yid kyi 'du byed dang/ las kyi 'du byed dang/ tshe'i 'du byed do/ /

【D4 辨五種不放逸】

བག་ཡོད་པ་ཡང་རྣམ་པ་ལྔ་སྟེ། ཁྱིམ་པའི་ཕྱོགས་ལ་བརྟེན་པ་དང༌། རབ་ཏུ་བྱུང་བའི་ཕྱོགས་ལ་བརྟེན་པ་དང༌། མི་དགེ་བ་སྤང་བའི་ཕྱིར་དང༌། དགེ་བ་བསྡུ་བའི་ཕྱིར་དང༌། བསྒོམ་པ་རྟག་ཏུ་བྱ་བའི་ཕྱིར་བག་ཡོད་པའོ། །དེ་ལ་ཁྱིམ་པའི་ཕྱོགས་ལ་བརྟེན་པ་ནི་རྣམ་པ་ལྔ་སྟེ། སྔ་མ་བཞིན་ནོ། །རབ་ཏུ་བྱུང་བའི་ཕྱོགས་ལ་བརྟེན་པ་ནི་རྣམ་པ་བཅུ་སྟེ། དེ་ཡང་ཉན་ཐོས་ཀྱི་ས་རྣམ་པར་གཏན་ལ་དབབ་པའི་འདུལ་བ་དང་ལྡན་པ་ལས་རྒྱ་ཆེར་བཤད་པར་བྱའོ། །མི་དགེ་བ་སྤང་བའི་ཕྱིར་བག་ཡོད་པ་ནི་ཡང་དག་པའི་སྤོང་བ་གཉིས་ཀྱིས་བལྟ་བར་བྱའོ། །དགེ་བ་བསྡུ་བའི་ཕྱིར་བག་ཡོད་པ་དང༌། ཡང་དག་པར་སྤོང་བ་གཞན་གཉིས་ཀྱིས་བལྟ་བར་བྱའོ། །བསྒོམ་པ་རྟག་ཏུ་བྱ་བའི་ཕྱིར་བག་ཡོད་པ་ནི། དགེ་བའི་ཆོས་རྣམས་ལ་རྟག་ཏུ་བྱེད་པ་དང༌། གུས་པར་བྱེད་དེ་སྦྱོར་བ་རྣམས་ཀྱི་ཡིན་པར་རིག་པར་བྱའོ། །

bag yod pa yang rnam pa lnga ste/ khyim pa'i phyogs la brten pa dang/ rab tu byung ba'i phyogs la brten pa dang/ mi dge ba spang ba'i phyir dang/ dge ba bsdu ba'i phyir dang/ bsgom pa rtag tu bya ba'i phyir bag yod pa'o/ /de la khyim pa'i phyogs la brten pa ni rnam pa lnga ste/ snga ma bzhin no/ /rab tu byung ba'i phyogs la brten pa ni rnam pa bcu ste/ de yang nyan thos kyi sa rnam par gtan la dbab pa'i 'dul ba dang ldan pa las rgya cher bshad par bya'o/ /mi dge ba spang ba'i phyir bag yod pa ni yang dag pa'i spong ba gnyis kyis blta bar bya'o/ /dge ba bsdu ba'i phyir bag yod pa dang/ yang dag par spong ba gzhan gnyis kyis blta bar bya'o/ /bsgom pa rtag tu bya ba'i phyir bag yod pa ni/ dge ba'i chos rnams la rtag tu byed pa dang/ gus par byed de sbyor ba rnams kyi yin par rig par bya'o/ /

【D5 辨名色】

མིང་ནི་རྣམ་པ་ལྔ་སྟེ། སེམས་དང་སེམས་ལས་བྱུང་བ་རྣམས་དང༌། དགེ་བ་དང་མི་དགེ་བ་དང༌། ལུང་དུ་མ་བསྟན་པའོ། །གཟུགས་ཀྱང་རྣམ་པ་ལྔ་སྟེ། འབྱུང་བ་རྣམས་དང༌། འབྱུང་བ་ལས་གྱུར་པ་དང༌། བསྟན་དུ་ཡོད་ལ་ཐོགས་པ་དང་བཅས་པ་དང༌། བསྟན་དུ་མེད་ལ་ཐོགས་པ་དང་བཅས་པ་དང༌། བསྟན་དུ་མེད་ལ་ཐོགས་པ་ཡང་མེད་པའོ། །

ming ni rnam pa lnga ste/ sems dang sems las byung ba rnams dang/ dge ba dang mi dge ba dang/ lung du ma bstan pa'o/ /gzugs kyang rnam pa lnga ste/ 'byung ba rnams dang/ 'byung ba las gyur pa dang/ bstan du yod la thogs pa dang bcas pa dang/ bstan du med la thogs pa dang bcas pa dang/ bstan du med la thogs pa yang med pa'o/ /

【D6 辨煩惱】

མ་རིག་པ་ཡང་རྣམ་པ་ལྔ་སྟེ། དོན་ལ་ཀུན་དུ་རྨོངས་པ་དང༌། ལྟ་བ་ལ་ཀུན་དུ་རྨོངས་པ་དང༌། བག་མེད་པ་ལ་ཀུན་དུ་རྨོངས་པ་དང༌། དེ་ཁོ་ནའི་དོན་ལ་ཀུན་དུ་རྨོངས་པ་དང༌། མངོན་པའི་ང་རྒྱལ་ལ་ཀུན་དུ་རྨོངས་པའོ། །སྲིད་པའི་སྲེད་པ་ཡང་རྣམ་པ་ལྔ་སྟེ། ཆོས་ཉིད་ཀྱིས་སྲེད་པ་དང༌། སྨོན་པས་སྲེད་པ་དང༌། ཀུན་དུ་རྨོངས་པས་སྲེད་པ་དང༌། ཡིད་སྐྱོ་བས་སྲེད་པ་འབྱུང་བ་ལ་སྲེད་པ་དང༌། སོ་སོར་བརྟགས་ཏེ་སྲེད་པའོ། །ངོ་ཚ་བ་མེད་པ་དང༌། ཁྲེལ་མེད་པ་ནི་རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། ཉོན་མོངས་པ་ཅན་ཀུན་དུ་སྤྱོད་པ་ལ་མི་འཛེམ་པ་དང༌། དེ་བཞིན་དུ་དགེ་བ་ཀུན་དུ་མི་སྤྱོད་པ་དང༌།ཆོས་ཡང་དག་པར་བླངས་པ་གཏོང་བ་དང༌། དམ་པ་མ་ཡིན་པ་ལ་བརྟེན་པ་དང༌། བྱ་བ་ནན་ཏན་མི་བྱེད་པ་ལ་མི་འཛེམ་པས་སོ། །དེ་ལས་བཟློག་པ་རྣམ་པ་ལྔས་ནི་ངོ་ཚ་ཤེས་པ་དང༌། ཁྲེལ་ཡོད་པ་རྣམ་པར་གཞག་པར་རིག་པར་བྱའོ། །

ma rig pa yang rnam pa lnga ste/ don la kun du rmongs pa dang/ lta ba la kun du rmongs pa dang/ bag med pa la kun du rmongs pa dang/ de kho na'i don la kun du rmongs pa dang/ mngon pa'i nga rgyal la kun du rmongs pa'o/ /srid pa'i sred pa yang rnam pa lnga ste/ chos nyid kyis sred pa dang/ smon pas sred pa dang/ kun du rmongs pas sred pa dang/ yid skyo bas sred pa 'byung ba la sred pa dang/ so sor brtags te sred pa'o/ /ngo tsha ba med pa dang/ khrel med pa ni rnam pa lngas rnam par gzhag par rig par bya ste/ nyon mongs pa can kun du spyod pa la mi 'dzem pa dang/ de bzhin du dge ba kun du mi spyod pa dang/chos yang dag par blangs pa gtong ba dang/ dam pa ma yin pa la brten pa dang/ bya ba nan tan mi byed pa la mi 'dzem pas so/ /de las bzlog pa rnam pa lngas ni ngo tsha shes pa dang/ khrel yod pa rnam par gzhag par rig par bya'o/ /

【D7 辨惡說法者及惡友相】【E1 明惡說惡友】

བཀའ་བློ་མི་བདེ་བ་ཡང་རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། མི་སྒྲུབ་པ་དང༌། ལོག་པར་སྒྲུབ་པ་དང༌། མི་བཟོད་པ་དང༌། མི་འཛེམ་པ་དང༌། མི་སྡོམ་པས་སོ། །སྡིག་པའི་གྲོགས་པོ་རྣམ་པར་གཞག་པ་ཡང་རྣམ་པ་ལྔས་རིག་པར་བྱ་སྟེ། ངོ་ཚ་མེད་པ་དང༌། ལོག་པར་ལྟ་བ་ཅན་དང༌། ལེ་ལོ་ཅན་དང༌། ལོག་པར་ཞུགས་པ་དང༌། དམན་པས་སོ། །

bka' blo mi bde ba yang rnam pa lngas rnam par gzhag par rig par bya ste/ mi sgrub pa dang/ log par sgrub pa dang/ mi bzod pa dang/ mi 'dzem pa dang/ mi sdom pas so/ /sdig pa'i grogs po rnam par gzhag pa yang rnam pa lngas rig par bya ste/ ngo tsha med pa dang/ log par lta ba can dang/ le lo can dang/ log par zhugs pa dang/ dman pas so/ /

【E2 翻顯善說友】

དེ་ལས་བཟློག་པ་རྣམ་པ་ལྔས་ནི་བཀའ་བློ་བདེ་བ་དང༌། དགེ་བའི་བཤེས་གཉེན་གྱི་རྣམ་པར་གཞག་པར་རིག་པར་བྱའོ། །

de las bzlog pa rnam pa lngas ni bka' blo bde ba dang/ dge ba'i bshes gnyen gyi rnam par gzhag par rig par bya'o/ /

【D8 辨止觀】

ཞི་གནས་ཀྱི་རྣམ་པར་གཞག་པ་ཡང་རྣམ་པ་ལྔ་ཁོ་ནས་རིག་པར་བྱ་སྟེ༑ འཇིག་རྟེན་པའི་ཉེར་བསྡོགས་ཀྱིས་བསྡུས་པའི་ཞི་གནས་དང༌། དེ་བཞིན་དུ་གཟུགས་ཀྱི་སྙོམས་པར་འཇུག་པའི་དངོས་གཞིས་བསྡུས་པ་དང༌། དེ་བཞིན་དུ་གཟུགས་མེད་པའི་སྙོམས་པར་འཇུག་པའི་དངོས་གཞིས་བསྡུས་པ་དང༌། འཇིག་རྟེན་ལས་འདས་པའི་ཉན་ཐོས་དང་རང་སངས་རྒྱས་ཀྱི་ཡིད་ལ་བྱེད་པས་བསྡུས་པ་དང༌། འཇིག་རྟེན་ལས་འདས་པ་བྱང་ཆུབ་སེམས་དཔའི་ཡིད་ལ་བྱེད་པས་བསྡུས་པའོ། །ལྷག་མཐོང་གི་རྣམ་པར་གཞག་པ་ཡང་རྣམ་པ་ལྔ་ཁོ་ནས་རིག་པར་བྱ་སྟེ། ཇི་སྙེད་ཡོད་པ་ཉིད་དང༌། ཇི་ལྟ་བ་བཞིན་དུ་ཡོད་པ་ཉིད་དང༌། མཚན་མ་ལས་བྱུང་བ་དང༌། ཡོངས་སུ་ཚོལ་བ་ལས་བྱུང་བ་དང༌། སོ་སོར་རྟོག་པའོ། །

zhi gnas kyi rnam par gzhag pa yang rnam pa lnga kho nas rig par bya ste| 'jig rten pa'i nyer bsdogs kyis bsdus pa'i zhi gnas dang/ de bzhin du gzugs kyi snyoms par 'jug pa'i dngos gzhis bsdus pa dang/ de bzhin du gzugs med pa'i snyoms par 'jug pa'i dngos gzhis bsdus pa dang/ 'jig rten las 'das pa'i nyan thos dang rang sangs rgyas kyi yid la byed pas bsdus pa dang/ 'jig rten las 'das pa byang chub sems dpa'i yid la byed pas bsdus pa'o/ /lhag mthong gi rnam par gzhag pa yang rnam pa lnga kho nas rig par bya ste/ ji snyed yod pa nyid dang/ ji lta ba bzhin du yod pa nyid dang/ mtshan ma las byung ba dang/ yongs su tshol ba las byung ba dang/ so sor rtog pa'o/ /

【D9 辨三漏】【E1 欲漏】

འདོད་པའི་ཟག་པ་ཡང་མདོར་བསྡུ་ན་རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། མཉམ་པར་མ་བཞག་པའི་ས་པའི་དངོས་པོ་ལས་བྱུང་བའི་བག་ལ་ཉལ་དང༌། དགེ་བ་དང་མི་མཐུན་པ་དང༌། ཉེས་པར་སྤྱོད་པ་དང་མཐུན་པ་དང༌། འདོད་པ་ལ་ལྷག་པར་ཞེན་པ་དང༌། འགྱུར་བའི་སྡུག་བསྔལ་གྱི་འབྲས་བུ་ཅན་གྱི་ཉོན་མོངས་པ་ལས་འདོད་པའི་ཟག་པར་རིག་པར་བྱའོ༑ །

'dod pa'i zag pa yang mdor bsdu na rnam pa lngas rnam par gzhag par rig par bya ste/ mnyam par ma bzhag pa'i sa pa'i dngos po las byung ba'i bag la nyal dang/ dge ba dang mi mthun pa dang/ nyes par spyod pa dang mthun pa dang/ 'dod pa la lhag par zhen pa dang/ 'gyur ba'i sdug bsngal gyi 'bras bu can gyi nyon mongs pa las 'dod pa'i zag par rig par bya'o| /

【E2 有漏】

སྲིད་པའི་ཟག་པ་ཡང་མདོར་བསྡུ་ན་རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། ཁམས་ངན་པར་སྐྱེ་བར་འགྲུར་བའི་ཉོན་མོངས་པ་གང་ཡིན་པ་དང༌། ཁམས་བར་མར་སྐྱེ་བར་འགྱུར་བ་དང༌། ཁམས་བཟང་པོར་སྐྱེ་བར་འགྱུར་བ་དང༌། མི་འདོད་བཞིན་དུ་སྲིད་པར་སྐྱེ་བར་འགྱུར་བ་དང༌། འདོད་བཞིན་དུ་སྲིད་པར་སྐྱེ་བར་འགྱུར་བའི་ཉོན་མོངས་པ་གང་ཡིན་པའོ། །

srid pa'i zag pa yang mdor bsdu na rnam pa lngas rnam par gzhag par rig par bya ste/ khams ngan par skye bar 'grur ba'i nyon mongs pa gang yin pa dang/ khams bar mar skye bar 'gyur ba dang/ khams bzang por skye bar 'gyur ba dang/ mi 'dod bzhin du srid par skye bar 'gyur ba dang/ 'dod bzhin du srid par skye bar 'gyur ba'i nyon mongs pa gang yin pa'o/ /

【E3 無明漏】

ཐར་པ་ལོག་པར་འདོད་པ་རྣམས་ཀྱི་མ་རིག་པའི་ཟག་པ་ཡང་མདོར་བསྡུ་ན་རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། འདུ་ཤེས་ཅན་དུ་སྨྲ་བ་རྣམས་ཀྱི་འདུ་ཤེས་སུ་སྨྲ་བའི་སྒོ་ནས་འཇུག་པའི་མ་རིག་པ་གང་ཡིན་པ་དང༌། འདུ་ཤེས་མེད་པར་སྨྲ་བ་རྣམས་དང༌། འདུ་ཤེས་ཡོད་པ་ཡང་མ་ཡིན་འདུ་ཤེས་མེད་པ་ཡང་མ་ཡིན་པར་སྨྲ་བ་རྣམས་དང༌། ཆད་པར་སྨྲ་བ་རྣམས་དང༌། ཚེ་འདི་ལ་མྱ་ངན་ལས་འདས་པར་སྨྲ་བ་རྣམས་ཀྱི་སྒོ་ནས་འཇུག་པའི་མ་རིག་པ་གང་ཡིན་པའོ།། །།

thar pa log par 'dod pa rnams kyi ma rig pa'i zag pa yang mdor bsdu na rnam pa lngas rnam par gzhag par rig par bya ste/ 'du shes can du smra ba rnams kyi 'du shes su smra ba'i sgo nas 'jug pa'i ma rig pa gang yin pa dang/ 'du shes med par smra ba rnams dang/ 'du shes yod pa yang ma yin 'du shes med pa yang ma yin par smra ba rnams dang/ chad par smra ba rnams dang/ tshe 'di la mya ngan las 'das par smra ba rnams kyi sgo nas 'jug pa'i ma rig pa gang yin pa'o// //

【D10 辨諸法差別】

བམ་པོ་ཉི་ཤུ་རྩ་གཉིས་པ། ཆོས་རྣམས་ཀྱི་རབ་ཏུ་དབྱེ་བའི་ཚུལ་ཡང་མདོར་བསྡུ་ན་རྣམ་པ་ལྔར་རིག་པར་བྱ་སྟེ། འདི་ལྟ་སྟེ་རྟགས་དང༌། ངོ་བོ་ཉིད་དང༌། ལས་དང༌། ཆོས་དང༌། རྒྱུ་དང་འབྲས་བུའོ། །དེ་ལ་རྟགས་ནི་ལུས་དང་རྒྱུ་བ་དང༌། གནས་པ་ལས་རིག་པར་བྱའོ། །ངོ་བོ་ཉིད་ནི་རང་གི་མཚན་ཉིད་དང་བྱེ་བྲག་གི་མཚན་ཉིད་ལས་རིག་པར་བྱའོ། །ལས་ནི་རང་གི་བྱ་བ་བྱེད་པ་དང༌། ཡང་དག་པ་དང༌། ལོག་པར་བསྒྲུབ་པ་ལས་རིག་པར་བྱའོ། །ཆོས་ནི་ཀུན་ནས་ཉོན་མོངས་པ་དང༌། རྣམ་པར་བྱང་བ་དང༌། ཀུན་རྫོབ་དང་དོན་དམ་པའི་བདེན་པ་ལས་རིག་པར་བྱའོ། །རྒྱུ་དང་འབྲས་བུ་ནི་ཐག་ཉེ་བ་དང༌། རྒྱང་རིང་བ་དང༌། འདོད་པ་དང་མི་འདོད་པ་ལས་རིག་པར་བྱའོ། །

bam po nyi shu rtsa gnyis pa/ chos rnams kyi rab tu dbye ba'i tshul yang mdor bsdu na rnam pa lngar rig par bya ste/ 'di lta ste rtags dang/ ngo bo nyid dang/ las dang/ chos dang/ rgyu dang 'bras bu'o/ /de la rtags ni lus dang rgyu ba dang/ gnas pa las rig par bya'o/ /ngo bo nyid ni rang gi mtshan nyid dang bye brag gi mtshan nyid las rig par bya'o/ /las ni rang gi bya ba byed pa dang/ yang dag pa dang/ log par bsgrub pa las rig par bya'o/ /chos ni kun nas nyon mongs pa dang/ rnam par byang ba dang/ kun rdzob dang don dam pa'i bden pa las rig par bya'o/ /rgyu dang 'bras bu ni thag nye ba dang/ rgyang ring ba dang/ 'dod pa dang mi 'dod pa las rig par bya'o/ /

【D11 明三種三論】

བསྟན་བཅོས་ནི་གསུམ་སྟེ། ཐོས་པ་ལྷུར་ལེན་པའི་བསྟན་བཅོས་དང༌། རྩོད་པ་ལྷུར་ལེན་པའི་བསྟན་བཅོས་དང༌། སྒྲུབ་པ་ལྷུར་ལེན་པའི་བསྟན་བཅོས་སོ། །དེ་ལ་ཐོས་པ་ལྷུར་ལེན་པའི་བསྟན་བཅོས་ནི་འདི་ལྟ་སྟེ། བྲམ་ཟེའི་གསང་ཚིག་རྣམས་སོ། །རྩོད་པ་ལྷུར་ལེན་པའི་བསྟན་བཅོས་ནི་འདི་ལྟ་སྟེ། འདི་ལས་ཕྱི་རོལ་པ་རྣམས་ཀྱི་གཏན་ཚིགས་ཀྱི་བསྟན་བཅོས་སོ། །དེ་ལ་སྒྲུབ་པ་ལྷུར་ལེན་པའི་བསྟན་བཅོས་ནི་འདི་ལྟ་སྟེ། སངས་རྒྱས་ཀྱི་བཀའོ། །གཞན་ཡང་བསྟན་བཅོས་གསུམ་སྟེ། འདི་ལྟ་སྟེ། དོན་མེད་པའི་བསྟན་བཅོས་དང༌། དོན་ལོག་པའི་བསྟན་བཅོས་དང༌། དོན་དང་ལྡན་པའི་བསྟན་བཅོས་སོ། །དེ་དག་ཀྱང་སྔ་མ་རྣམས་དང་ཅི་རིགས་པར་སྦྱར་བར་རིག་པར་བྱའོ། །

bstan bcos ni gsum ste/ thos pa lhur len pa'i bstan bcos dang/ rtsod pa lhur len pa'i bstan bcos dang/ sgrub pa lhur len pa'i bstan bcos so/ /de la thos pa lhur len pa'i bstan bcos ni 'di lta ste/ bram ze'i gsang tshig rnams so/ /rtsod pa lhur len pa'i bstan bcos ni 'di lta ste/ 'di las phyi rol pa rnams kyi gtan tshigs kyi bstan bcos so/ /de la sgrub pa lhur len pa'i bstan bcos ni 'di lta ste/ sangs rgyas kyi bka'o/ /gzhan yang bstan bcos gsum ste/ 'di lta ste/ don med pa'i bstan bcos dang/ don log pa'i bstan bcos dang/ don dang ldan pa'i bstan bcos so/ /de dag kyang snga ma rnams dang ci rigs par sbyar bar rig par bya'o/ /

【D12 明造論儀式】【E1 先歸禮二師】

གཞན་ཡང་བསྟན་བཅོས་གསུམ་སྟེ། ངན་གཡོའི་བསྟན་བཅོས་དང༌། སྙིང་པོ་མེད་པའི་བསྟན་བཅོས་དང༌། སྡུག་བསྔལ་ལས་ངེས་པར་འབྱུང་བའི་བསྟན་བཅོས་སོ། །དེ་དག་ཀྱང་སྔ་མ་རྣམས་དང་ཅི་རིགས་པར་སྦྱར་བར་རིག་པར་བྱའོ། །བསྟན་བཅོས་ཉེ་བར་སྦྱོར་བར་འདོད་པའི་ཕྱག་བྱ་བར་འོས་པ་ནི་གཉིས་ཏེ། དེ་དག་ལ་ཕྱག་འཚལ་ནས་བསྟན་བཅོས་བརྩམ་པར་བྱ་སྟེ། ཆོས་ལ་གུས་པ་ལ་བརྟེན་ནས་དང་པོ་བསྟན་བཅོས་མཛད་པའི་སྟོན་པ་དང༌། དོན་ལ་གུས་པ་ལ་བརྟེན་ནས་དེའི་དོན་སྟོན་པ་སློབ་དཔོན་རྣམས་སོ། །

gzhan yang bstan bcos gsum ste/ ngan g.yo'i bstan bcos dang/ snying po med pa'i bstan bcos dang/ sdug bsngal las nges par 'byung ba'i bstan bcos so/ /de dag kyang snga ma rnams dang ci rigs par sbyar bar rig par bya'o/ /bstan bcos nye bar sbyor bar 'dod pa'i phyag bya bar 'os pa ni gnyis te/ de dag la phyag 'tshal nas bstan bcos brtsam par bya ste/ chos la gus pa la brten nas dang po bstan bcos mdzad pa'i ston pa dang/ don la gus pa la brten nas de'i don ston pa slob dpon rnams so/ /

【E2 具六因方可造論】

བསྟན་བཅོས་ཉེ་བར་སྦྱོར་བར་འདོད་པས་རྒྱུ་རྣམ་པ་དྲུག་གིས་བསྟན་བཅོས་ཉེ་བར་སྦྱར་བར་འོས་པ་ཡིན་ཏེ། ཆོས་ཀྱི་དོན་མང་དུ་བྱས་པར་འགྱུར་རོ་སྙམ་པ་དང༌། སེམས་ཅན་རྣམས་ལ་མོས་པ་སྣ་ཚོགས་ཡོད་པའི་ཕྱིར་དེ་དག་ཁ་ཅིག་འདིས་འཇུག་པར་འགྱུར་རོ་སྙམ་པ་དང༌། དོན་ཉམས་པ་དང་རབ་ཏུ་ཉམས་པ་རྣམ་པར་དབྱེ་བར་བྱ་བའི་ཕྱིར་རོ་སྙམ་པ་དང༌། དོན་འཐོར་བ་རྣམས་བསྡུ་བར་བྱ་བའི་ཕྱིར་རོ་སྙམ་པ་དང༌། དོན་ཟབ་མོ་རྣམས་གསལ་བར་བྱ་བའི་ཕྱིར་རོ་སྙམ་པ་དང༌། ཚིག་འབྲུ་མཛེས་པས་མཛེས་པ་བསྐྱེད་པར་བྱ་བའི་ཕྱིར་རོ་སྙམ་པའོ། །

bstan bcos nye bar sbyor bar 'dod pas rgyu rnam pa drug gis bstan bcos nye bar sbyar bar 'os pa yin te/ chos kyi don mang du byas par 'gyur ro snyam pa dang/ sems can rnams la mos pa sna tshogs yod pa'i phyir de dag kha cig 'dis 'jug par 'gyur ro snyam pa dang/ don nyams pa dang rab tu nyams pa rnam par dbye bar bya ba'i phyir ro snyam pa dang/ don 'thor ba rnams bsdu bar bya ba'i phyir ro snyam pa dang/ don zab mo rnams gsal bar bya ba'i phyir ro snyam pa dang/ tshig 'bru mdzes pas mdzes pa bskyed par bya ba'i phyir ro snyam pa'o/ /

【E3 四德方可造論】

བསྟན་བཅོས་ཉེ་བར་སྦྱོར་བར་འདོད་པས་བདག་ཉིད་ཡོན་ཏན་བཞི་དང་སྦྱར་ནས་བསྟན་བཅོས་ཉེ་བར་སྦྱར་བར་བྱ་སྟེ། སྔོན་གྱི་སློབ་དཔོན་རྣམས་ལ་ང་རྒྱལ་མི་བྱེད་པ་དང༌། སེམས་ཅན་རྣམས་ལ་སྙིང་རྗེ་ཆེ་བ་དང༌། ཆོས་མཐུན་པ་པ་རྣམས་ལ་བྱམས་པ་དང༌། བདག་ཉིད་མི་སྒྲོགས་པའོ། །ཇི་ལྟར་ན་ང་རྒྱལ་མི་བྱེད་པ་ཡིན་ཞེ་ན། སྔོན་གྱི་སློབ་དཔོན་རྣམས་ཀྱིས་ཀྱང་བསྟན་བཅོས་ཉེ་བར་སྦྱོར་བ་བྱས་ན་བདག་གིས་ཀྱང་ཅིའི་ཕྱིར་མི་བྱ་སྙམ་པ་དེ་ལྟ་བུའི་སེམས་ཀྱིས་བསྟན་བཅོས་ཉེ་བར་སྦྱོར་བར་མི་བྱེད་ཀྱི། ང་རྒྱལ་གྱིས་ཁེངས་པའི་ཀུན་ནས་ཉོན་མོངས་པ་ཅན་གྱི་སེམས་རྣམ་པར་སྤངས་ནས་བསྟན་བཅོས་ཉེ་བར་སྦྱོར་བར་བྱེད་པ་ཡིན་ནོ། །ཇི་ལྟར་ན་སེམས་ཅན་རྣམས་ལ་སྙིང་རྗེ་བ་ཡིན་ཞེ་ན། བསྟན་བཅོས་ཉེ་བར་སྦྱོར་བ་མེད་ན་སེམས་ཅན་གྱི་རིས་མང་པོ་དག་འདི་ལྟ་སྟེ། དགེ་བའི་ཆོས་རྣམས་ལས་ཉམས་པ་དང༌། ཡོངས་སུ་ཉམས་པར་འགྱུར་བར་མཐོང་བ་དང༌། ཡང་གཞན་དག་སྐྱེ་བ་དང་རྒ་བ་ཞེས་རྒྱ་ཆེར་འབྱུང་བས་ཉེན་པ་དེ་དག་གིས་ཀྱང་བསྟན་བཅོས་སྦྱར་བ་འདི་ལ་ལེགས་པར་བཤད་པའི་ཚིག་གཅིག་གི་དོན་ཀུན་ཤེས་ཤིང་དེ་ལྟ་དེ་ལྟར་བསྒྲུབ་པར་གྱུར་ན་ཡང༌། དེ་ནི་དེ་དག་གི་ཡུན་རིང་པོའི་དོན་དང༌། ཕན་པ་དང༌། བདེ་བར་འགྱུར་བ་ཡིན་ནོ་སྙམ་པ་དེ་ལྟ་བུ་ཁོ་ནའི་དབང་དུ་བྱས་ནས་བསྟན་བཅོས་སྦྱོར་བར་བྱེད་པ་ཡིན་ནོ། །ཇི་ལྟར་ན་ཆོས་མཐུན་པ་དག་ལ་བྱམས་པ་ཡིན་ཞེ་ན། བསྟན་བཅོས་སྦྱར་བ་མེད་ན་ཆོས་མཐུན་པ་པ་གཞན་གྱི་དོན་བྱེད་འདོད་པ་རྣམས་འདི་ལྟ་སྟེ། གཞན་གྱི་དོན་བྱས་པས་ཉམས་པ་དང༌། ཡོངས་སུ་ཉམས་པར་ཡང་དག་པར་རྗེས་སུ་མཐོང་བས་དེ་དག་ལ་བྱམས་པ་ཁོ་ནའི་དབང་དུ་བྱས་ནས་བསྟན་བཅོས་སྦྱོར་བར་བྱེད་པ་ཡིན་ནོ། །ཇི་ལྟར་ན་བདག་ཉིད་མི་སྒྲོགས་པ་ཡིན་ཞེ་ན། བདག་ལ་གཞན་དག་མཁས་པ་དང༌། གསལ་བ་དང་ཡིད་གཞུངས་པ་དང༌། བསྟན་བཅོས་རྣམས་བྱེད་པ་དང༌། དོན་རྣམས་རབ་ཏུ་བརྗོད་པ་ཡིན་པར་ཡིད་ཆེས་པར་གྱུར་ན་དད་པ་སྐྱེ་ཞིང་དད་པའི་དབང་གིས་འདི་ལྟ་སྟེ། རྙེད་པ་དང་བཀུར་སྟི་དག་འབྱུང་བར་འགྱུར་ན་ཅི་མ་རུང་སྙམ་པ་དེ་ལྟ་བུའི་སེམས་ཀྱིས་བསྟན་བཅོས་སྦྱོར་བར་མི་བྱེད་ཀྱི། ཟང་ཟིང་མེད་པའི་སེམས་ཀྱིས་འདི་ལྟ་སྟེ། བདག་དང་གཞན་དག་གི་དགེ་བའི་རྩ་བ་བསྐྱེད་པའི་ཕྱིར་བསྟན་བཅོས་སྦྱོར་བར་བྱེད་པ་ཡིན་ནོ། །

bstan bcos nye bar sbyor bar 'dod pas bdag nyid yon tan bzhi dang sbyar nas bstan bcos nye bar sbyar bar bya ste/ sngon gyi slob dpon rnams la nga rgyal mi byed pa dang/ sems can rnams la snying rje che ba dang/ chos mthun pa pa rnams la byams pa dang/ bdag nyid mi sgrogs pa'o/ /ji ltar na nga rgyal mi byed pa yin zhe na/ sngon gyi slob dpon rnams kyis kyang bstan bcos nye bar sbyor ba byas na bdag gis kyang ci'i phyir mi bya snyam pa de lta bu'i sems kyis bstan bcos nye bar sbyor bar mi byed kyi/ nga rgyal gyis khengs pa'i kun nas nyon mongs pa can gyi sems rnam par spangs nas bstan bcos nye bar sbyor bar byed pa yin no/ /ji ltar na sems can rnams la snying rje ba yin zhe na/ bstan bcos nye bar sbyor ba med na sems can gyi ris mang po dag 'di lta ste/ dge ba'i chos rnams las nyams pa dang/ yongs su nyams par 'gyur bar mthong ba dang/ yang gzhan dag skye ba dang rga ba zhes rgya cher 'byung bas nyen pa de dag gis kyang bstan bcos sbyar ba 'di la legs par bshad pa'i tshig gcig gi don kun shes shing de lta de ltar bsgrub par gyur na yang/ de ni de dag gi yun ring po'i don dang/ phan pa dang/ bde bar 'gyur ba yin no snyam pa de lta bu kho na'i dbang du byas nas bstan bcos sbyor bar byed pa yin no/ /ji ltar na chos mthun pa dag la byams pa yin zhe na/ bstan bcos sbyar ba med na chos mthun pa pa gzhan gyi don byed 'dod pa rnams 'di lta ste/ gzhan gyi don byas pas nyams pa dang/ yongs su nyams par yang dag par rjes su mthong bas de dag la byams pa kho na'i dbang du byas nas bstan bcos sbyor bar byed pa yin no/ /ji ltar na bdag nyid mi sgrogs pa yin zhe na/ bdag la gzhan dag mkhas pa dang/ gsal ba dang yid gzhungs pa dang/ bstan bcos rnams byed pa dang/ don rnams rab tu brjod pa yin par yid ches par gyur na dad pa skye zhing dad pa'i dbang gis 'di lta ste/ rnyed pa dang bkur sti dag 'byung bar 'gyur na ci ma rung snyam pa de lta bu'i sems kyis bstan bcos sbyor bar mi byed kyi/ zang zing med pa'i sems kyis 'di lta ste/ bdag dang gzhan dag gi dge ba'i rtsa ba bskyed pa'i phyir bstan bcos sbyor bar byed pa yin no/ /

【E4 明造論名莊嚴經】

དེ་ལ་དེ་བཞིན་གཤེགས་པས་གསུངས་པའི་མདོ་སྡེ་རྣམས་ཀྱི་དོན་ཇི་ལྟ་བ་བཞིན་དུ་རྣམ་པར་འགྲེལ་པ་ནི་མདོ་སྡེའི་རྒྱན་ཞེས་བྱ་སྟེ། འདི་ལྟ་སྟེ། དཔེར་ན་པད་མ་ཁ་མ་བྱེ་བ་ནི་ཇི་ལྟར་ཁ་བྱེ་བ་དེ་ལྟར་དགའ་བར་བྱེད་པ་མ་ཡིན་པའི་ཕྱིར་དང༌། འདི་ལྟ་སྟེ་དཔེར་ན་གསེར་བརྡུངས་སུ་མ་བྱས་པ་ནི་ཇི་ལྟར་བརྡུངས་སུ་བྱས་པ་དེ་ལྟར་དགའ་བར་བྱེད་པ་མ་ཡིན་པ་དང༌། འདི་ལྟ་སྟེ། དཔེར་ན་ཁ་ཟས་མ་མྱངས་པ་ནི་ཇི་ལྟར་མྱངས་པ་དེ་ལྟར་དགའ་བར་བྱེད་པ་མ་ཡིན་པ་དང༌། འདི་ལྟ་སྟེ། དཔེར་ན་ཀུན་དགའ་བའི་འཕྲིན་ཡིག་མ་བཀླགས་པ་ནི་ཇི་ལྟར་བཀླགས་པ་དེ་ལྟར་དགའ་བར་བྱེད་པ་མ་ཡིན་པ་དང༌། འདི་ལྟ་སྟེ་དཔེར་ན་ལོངས་སྤྱོད་འདུ་བ་མ་ཐོབ་པ་དག་ནི་ཇི་ལྟར་ཐོབ་ཅིང་བདག་གིར་བྱས་པ་དེ་ལྟར་དགའ་བར་བྱེད་པ་མ་ཡིན་པ་དེ་བཞིན་དུ། དེ་བཞིན་གཤེགས་པས་གསུངས་པའི་མདོ་སྡེ་རྣམས་ཀྱི་དོན་རྣམ་པར་མ་ཕྱེ་བ་ཡང་ཇི་ལྟར་རྣམ་པར་ཕྱེ་བ་དེ་ལྟར་དགའ་བར་བྱེད་པ་མ་ཡིན་པས། དེའི་ཕྱིར་མདོ་སྡེའི་རྒྱན་ཞེས་བྱའོ། །

de la de bzhin gshegs pas gsungs pa'i mdo sde rnams kyi don ji lta ba bzhin du rnam par 'grel pa ni mdo sde'i rgyan zhes bya ste/ 'di lta ste/ dper na pad ma kha ma bye ba ni ji ltar kha bye ba de ltar dga' bar byed pa ma yin pa'i phyir dang/ 'di lta ste dper na gser brdungs su ma byas pa ni ji ltar brdungs su byas pa de ltar dga' bar byed pa ma yin pa dang/ 'di lta ste/ dper na kha zas ma myangs pa ni ji ltar myangs pa de ltar dga' bar byed pa ma yin pa dang/ 'di lta ste/ dper na kun dga' ba'i 'phrin yig ma bklags pa ni ji ltar bklags pa de ltar dga' bar byed pa ma yin pa dang/ 'di lta ste dper na longs spyod 'du ba ma thob pa dag ni ji ltar thob cing bdag gir byas pa de ltar dga' bar byed pa ma yin pa de bzhin du/ de bzhin gshegs pas gsungs pa'i mdo sde rnams kyi don rnam par ma phye ba yang ji ltar rnam par phye ba de ltar dga' bar byed pa ma yin pas/ de'i phyir mdo sde'i rgyan zhes bya'o/ /

【D13 明七種通達】

རྟོགས་པ་ནི་རྣམ་པ་བདུན་ཏེ། ཡི་གེ་རྟོགས་པ་དང༌། ཡི་གེའི་དོན་རྟོགས་པ་དང༌། འཛིན་པ་རྟོགས་པ་དང༌། འཛིན་པའི་དོན་རྟོགས་པ་དང༌། འཆིང་བ་རྟོགས་པ་དང༌། གྲོལ་བ་རྟོགས་པ་དང༌། ཆོས་ཉིད་རྟོགས་པའོ། །དེ་ལ་ཡི་གེ་རྟོགས་པ་ནི་བརྟག་པ་ལས་སོ། །ཡི་གེའི་དོན་རྟོགས་པ་ནི་མི་བརྟག་པ་ལས་སོ། །དེ་ལ་འཛིན་པ་རྟོགས་པ་ནི་དབང་པོ་དང་བཅས་པའི་རྣམ་པར་ཤེས་པ་རྣམ་པར་བཞག་པའམ། རྣམ་པར་མ་བཞག་པའི་བདེན་པ་རྟོགས་པ་གང་ཡིན་པའོ། །འཛིན་པ་རྟོགས་པ་ཇི་ལྟ་བ་བཞིན་དུ་འཛིན་པའི་དོན་རྟོགས་པ་ཡང་དེ་བཞིན་ནོ། །དེ་ལ་འཆིང་བ་རྟོགས་པ་ནི་མཚན་མའི་འཆིང་བའམ། གནས་ངན་ལེན་གྱི་འཆིང་བ་རྟོགས་པ་གང་ཡིན་པའོ༑ །གྲོལ་བ་རྟོགས་པ་ནི་དེ་ལས་བཟློག་པར་རིག་པར་བྱའོ། །དེ་ལ་ཆོས་ཉིད་རྟོགས་པ་ནི་ཆོས་གནས་པའི་ཕྱིར་འདི་ལྟར་ཆོས་ཉིད་འདི་ནི་གནས་པ་ཁོ་ན་སྟེ། དབང་ཕྱུག་ལས་ཀྱང་མ་ཡིན་རང་བཞིན་དང་སྐྱེས་བུའི་བྱེ་བྲག་ལ་སོགས་པ་ལས་ཀྱང་མ་ཡིན་པར་རྟོགས་པ་གང་ཡིན་པའོ། །

rtogs pa ni rnam pa bdun te/ yi ge rtogs pa dang/ yi ge'i don rtogs pa dang/ 'dzin pa rtogs pa dang/ 'dzin pa'i don rtogs pa dang/ 'ching ba rtogs pa dang/ grol ba rtogs pa dang/ chos nyid rtogs pa'o/ /de la yi ge rtogs pa ni brtag pa las so/ /yi ge'i don rtogs pa ni mi brtag pa las so/ /de la 'dzin pa rtogs pa ni dbang po dang bcas pa'i rnam par shes pa rnam par bzhag pa'am/ rnam par ma bzhag pa'i bden pa rtogs pa gang yin pa'o/ /'dzin pa rtogs pa ji lta ba bzhin du 'dzin pa'i don rtogs pa yang de bzhin no/ /de la 'ching ba rtogs pa ni mtshan ma'i 'ching ba'am/ gnas ngan len gyi 'ching ba rtogs pa gang yin pa'o| /grol ba rtogs pa ni de las bzlog par rig par bya'o/ /de la chos nyid rtogs pa ni chos gnas pa'i phyir 'di ltar chos nyid 'di ni gnas pa kho na ste/ dbang phyug las kyang ma yin rang bzhin dang skyes bu'i bye brag la sogs pa las kyang ma yin par rtogs pa gang yin pa'o/ /

【D14 明由十相故具足多聞】

ཐོས་པ་ཕུན་སུམ་ཚོགས་པ་ནི་རྣམ་པ་བཅུར་རིག་པར་བྱ་སྟེ། འདི་ལྟ་སྟེ། ལེགས་པར་སྟོན་པས་བཤད་པ་དང༌། ཚིག་དང་ཡི་གེ་གསལ་བར་བཤད་པ་དང༌། ཇི་སྙེད་པ་ཡོད་པ་དང༌། ཇི་ལྟ་བ་བཞིན་དུ་ཡོད་པའི་དོན་བཤད་པ་དང༌། སྦྱོར་བ་ཐབས་བླ་བ་བཤད་པ་དང༌། སྡུག་བསྔལ་ཐམས་ཅད་ལས་ངེས་པར་འབྱིན་པ་བཤད་པ་སྟེ། ལྔ་པོ་དེ་དག་དང༌། གཞན་ཡང་ལྔ་སྟེ། ཀླན་ཀ་ཚོལ་བའི་བསམ་པ་མེད་པས་ཉན་པ་དང༌། མྱ་ངན་ལས་འདས་པའི་བསམ་པས་ཉན་པ་དང༌། ལེགས་པར་ཉན་པ་དང༌། རབ་ཏུ་ཉན་པ་དང༌། མིང་དང་ཚིག་དང་ཡི་གེའི་ཚོགས་ལ་བརྟེན་པའི་དོན་ལེགས་པར་རྟོགས་པས་སོ། །

thos pa phun sum tshogs pa ni rnam pa bcur rig par bya ste/ 'di lta ste/ legs par ston pas bshad pa dang/ tshig dang yi ge gsal bar bshad pa dang/ ji snyed pa yod pa dang/ ji lta ba bzhin du yod pa'i don bshad pa dang/ sbyor ba thabs bla ba bshad pa dang/ sdug bsngal thams cad las nges par 'byin pa bshad pa ste/ lnga po de dag dang/ gzhan yang lnga ste/ klan ka tshol ba'i bsam pa med pas nyan pa dang/ mya ngan las 'das pa'i bsam pas nyan pa dang/ legs par nyan pa dang/ rab tu nyan pa dang/ ming dang tshig dang yi ge'i tshogs la brten pa'i don legs par rtogs pas so/ /

【B3 餘不復現】

ཐོས་པ་ལས་བྱུང་བའི་སའི་རྣམ་པར་གཏན་ལ་དབབ་པ་སྟེ། རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

thos pa las byung ba'i sa'i rnam par gtan la dbab pa ste/ rnam par gtan la dbab pa'i gzhung lhag ma ni mi snang ngo// //

【A11 思所成慧地】【B1 結前生後】

བསམ་པ་ལས་བྱུང་བའི་སའི་རྣམ་པར་གཏན་ལ་དབབ་པ་ནི།

bsam pa las byung ba'i sa'i rnam par gtan la dbab pa ni/

【B2 正決擇】【C1 以五門雜決擇】【D1 明四種思議】

བསམ་པ་ནི་མདོར་བསྡུ་ན་རྣམ་པ་བཞི་སྟེ། དངོས་པོ་བསམ་པ་དང༌། ཡོད་པ་དང་མེད་པ་བསམ་པ་དང༌། རྒྱུ་དང་འབྲས་བུ་བསམ་པ་དང༌། ཐེག་པ་བསམ་པའོ། །དེ་ལ་དངོས་པོ་བསམ་པ་ནི་འདི་ལྟ་སྟེ། དངོས་པོ་དྲུག་ལས་བརྩམས་ནས་ཕུང་པོའི་དངོས་པོ་ནས་དབང་པོའི་དངོས་པོའི་བར་དག་གོ། །དེ་ལ་ཡོད་པ་དང་མེད་པ་བསམ་པ་ནི་འདི་ལྟ་སྟེ། སའི་དངོས་གཞིར་བསྟན་པ་བཞིན་ནོ། །དེ་ལ་རྒྱུ་དང་འབྲས་བུ་བསམ་པ་ནི་འདི་ལྟ་སྟེ། རྟོག་པ་དང་བཅས། དཔྱོད་པ་དང་བཅས་པའི་སར་བསྟན་པ་བཞིན་ནོ། །དེ་ལ་ཐེག་པ་བསམ་པ་ནི་འདི་ལྟ་སྟེ། ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའི་ས་རྣམས་སོ། །

bsam pa ni mdor bsdu na rnam pa bzhi ste/ dngos po bsam pa dang/ yod pa dang med pa bsam pa dang/ rgyu dang 'bras bu bsam pa dang/ theg pa bsam pa'o/ /de la dngos po bsam pa ni 'di lta ste/ dngos po drug las brtsams nas phung po'i dngos po nas dbang po'i dngos po'i bar dag go/ /de la yod pa dang med pa bsam pa ni 'di lta ste/ sa'i dngos gzhir bstan pa bzhin no/ /de la rgyu dang 'bras bu bsam pa ni 'di lta ste/ rtog pa dang bcas/ dpyod pa dang bcas pa'i sar bstan pa bzhin no/ /de la theg pa bsam pa ni 'di lta ste/ nyan thos dang rang sangs rgyas dang byang chub sems dpa'i sa rnams so/ /

【D2 明二種思議】

ཡང་བསམ་པ་ནི་རྣམ་པ་གཉིས་ཏེ། ཉེས་པར་བསམ་པ་སེམས་པ་དང༌། ལེགས་པར་བསམ་པ་སེམས་པའོ། །དེ་ལ་ཉེས་པར་བསམ་པ་སེམས་པ་ནི་འདི་ལྟ་སྟེ་སའི་དངོས་གཞིར་ནག་པོའི་ཕྱོགས་ཀྱིས་འདི་ལྟར་འདི་ན་ལ་ལ་བསམ་གྱིས་མི་ཁྱབ་པ་ལ་སོགས་པ་ཡོངས་སུ་མ་སྤངས་པར་སེམས་པར་བྱེད་པའོ་ཞེས་བསྟན་པ་ཡིན་ནོ། །དེ་ལས་བཟློག་པ་ནི་ལེགས་པར་བསམ་པ་སེམས་པ་ཡིན་པར་རིག་པར་བྱའོ༑ །ཉེས་པར་བསམ་པ་དང༌། ལེགས་པར་བསམ་པ་ཇི་ལྟ་བ་བཞིན་དུ། ཆོས་མ་ཡིན་པ་དང་ལྡན་པ་དང༌། ཆོས་དང་ལྡན་པ་དང༌། འདུལ་བ་མ་ཡིན་པ་དང་ལྡན་པ་དང༌། འདུལ་བ་དང་ལྡན་པ་དང༌། འཕགས་པ་མ་ཡིན་པ་དང༌། འཕགས་པ་དང༌། མི་དགེ་བ་དང༌། དགེ་བ་དང༌། བསྟེན་པར་མི་བྱ་བ་དང༌། བསྟེན་པར་བྱ་བ་དང༌། མ་ལེགས་པ་དང༌། ལེགས་པ་དང༌། ནག་པོ་དང༌། དཀར་པོ་དང་། དོན་དང་མི་ལྡན་པ་དང༌། དོན་དང་ལྡན་པ་དང༌། ངན་པ་དང༌། གྱ་ནོམ་པ་དང༌། ཁ་ན་མ་ཐོ་བ་དང་བཅས་པ་དང༌། ཁ་ན་མ་ཐོ་བ་མེད་པ་དང༌། ཡོངས་སུ་སྤང་བར་བྱ་བ་དང༌། ཡོངས་སུ་སྤང་བར་བྱ་བ་མ་ཡིན་པ་ཡང་དེ་བཞིན་ནོ། །

yang bsam pa ni rnam pa gnyis te/ nyes par bsam pa sems pa dang/ legs par bsam pa sems pa'o/ /de la nyes par bsam pa sems pa ni 'di lta ste sa'i dngos gzhir nag po'i phyogs kyis 'di ltar 'di na la la bsam gyis mi khyab pa la sogs pa yongs su ma spangs par sems par byed pa'o zhes bstan pa yin no/ /de las bzlog pa ni legs par bsam pa sems pa yin par rig par bya'o| /nyes par bsam pa dang/ legs par bsam pa ji lta ba bzhin du/ chos ma yin pa dang ldan pa dang/ chos dang ldan pa dang/ 'dul ba ma yin pa dang ldan pa dang/ 'dul ba dang ldan pa dang/ 'phags pa ma yin pa dang/ 'phags pa dang/ mi dge ba dang/ dge ba dang/ bsten par mi bya ba dang/ bsten par bya ba dang/ ma legs pa dang/ legs pa dang/ nag po dang/ dkar po dang / don dang mi ldan pa dang/ don dang ldan pa dang/ ngan pa dang/ gya nom pa dang/ kha na ma tho ba dang bcas pa dang/ kha na ma tho ba med pa dang/ yongs su spang bar bya ba dang/ yongs su spang bar bya ba ma yin pa yang de bzhin no/ /

【D3 明有非有】【E1 辨有非有相】【F1 舉經為問】

དེ་ལ་བཅོམ་ལྡན་འདས་ཀྱིས་འདི་ན་འཕགས་པ་ཉན་ཐོས་ནི་ཡོད་པ་ཡང་ཡོད་པར། མེད་པ་ཡང་མེད་པར་ཤེས་སོ་ཞེས་གང་གསུངས་པ་དེ་ལ། འདིར་ཡོད་པ་ནི་གང་ཡིན་མེད་པ་ནི་གང་ཡིན་ཞེ་ན། མདོར་བསྡུ་ན་རྣམ་པ་གཉིས་ཀྱིས་ཡོད་པ་ནི་ཡོད་པར་རིག་པར་བྱ་སྟེ།

de la bcom ldan 'das kyis 'di na 'phags pa nyan thos ni yod pa yang yod par/ med pa yang med par shes so zhes gang gsungs pa de la/ 'dir yod pa ni gang yin med pa ni gang yin zhe na/ mdor bsdu na rnam pa gnyis kyis yod pa ni yod par rig par bya ste/

【F2 對問以辨】【G1 正辨有非有相】【H1 辨有相】

གཉིས་གང་ཞེ་ན། སྐྱེས་པ་བྱུང་བ་ད་ལྟར་ཡོད་པ་གང་ཡིན་པ་དེ་ནི་ཡོད་པ་ཡིན་པར་རིག་པར་བྱ་བ་དང༌། རྫས་དང་དངོས་པོ་དང་དོན་ལས་ཡོངས་སུ་གྲུབ་པ་གང་ཡིན་པ་དེ་ཡང་ཡོད་པ་ཡིན་པར་རིག་པར་བྱའོ། །

gnyis gang zhe na/ skyes pa byung ba da ltar yod pa gang yin pa de ni yod pa yin par rig par bya ba dang/ rdzas dang dngos po dang don las yongs su grub pa gang yin pa de yang yod pa yin par rig par bya'o/ /

【H2 辨假實】

མདོར་ན་རྫས་སུ་ཡོད་པར་རིག་པར་བྱ་བ་ནི་གང༌། བཏགས་པའི་ཡོད་པ་ཡིན་པར་རིག་པར་བྱ་བ་ནི་གང་ཞེ་ན། གང་ཅི་ཡང་རུང་སྟེ་དེ་ལས་གཞན་པ་དག་ལ་མི་ལྟོས་ཤིང་དེ་ལས་གཞན་པ་དག་ལ་མི་བརྟེན་པར་རང་གི་མཚན་ཉིད་འདོགས་པར་བྱེད་པ་དེ་ནི་མདོར་ན་རྫས་སུ་ཡོད་པ་ཡིན་པར་རིག་པར་བྱའོ། །གང་ཅི་ཡང་རུང་སྟེ། དེ་ལས་གཞན་པ་དག་ལ་ལྟོས་ཤིང་དེ་ལས་གཞན་པ་དག་ལ་བརྟེན་ནས་རང་གི་མཚན་ཉིད་འདོགས་པར་བྱེད་པ་དེ་ནི་མདོར་ན་བཏགས་པའི་ཡོད་པ་ཡིན་པར་རིག་པར་བྱའི། རྫས་སུ་ཡོད་པ་ནི་མ་ཡིན་ཏེ། འདི་ལྟ་སྟེ། གཟུགས་ལ་སོགས་པའི་ཕུང་པོའི་མིང་ཅན་གྱི་དངོས་པོ་ལ་བརྟེན་ཞིང་ལྟོས་ཏེ། གནས་ནས་བདག་ཅེས་བྱ་བའམ། སེམས་ཅན་ཞེས་བྱ་བར་རྒྱ་ཆེར་ཉེ་བར་འདོགས་པར་བྱེད་པའོ། །དེ་ལ་གཟུགས་ལ་སོགས་པའི་ཕུང་པོའི་མིང་ཅན་གྱི་དངོས་པོ་ནི་རྫས་སུ་ཡོད་པ་ཡིན་ནོ། །སེམས་ཅན་དང་སྲོག་དང་སྐྱེ་བ་པོ་རྫས་སུ་མེད་པ་ནི་བཏགས་པའི་ཡོད་པ་ཞེས་བྱའོ། །གཟུགས་ལ་སོགས་པའི་ཕུང་པོའི་མིང་ཅན་གྱི་དངོས་པོ་ལས་བདག་ལ་སོགས་པ་ཉེ་བར་འདོགས་པ་བཞིན་དུ། གཟུགས་ལ་སོགས་པའི་མིང་ཅན་གྱི་དངོས་པོ་ཁོ་ན་ལ་ཕུང་པོ་ལ་སོགས་པ་ཉེ་བར་འདོགས་པ་དང༌། གཟུགས་དང་དྲི་དང་རོ་དང་རེག་པ་དག་ལ་བཟའ་བ་དང་བཏུང་བ་དང༌། བཞོན་པ་དང༌། གོས་དང༌། རྒྱན་དང༌། ཁང་ཁྱིམ་དང༌། དམག་དང༌། ནགས་ཚལ་ལ་སོགས་པ་ཉེ་བར་འདོགས་པ་དང༌། འདུས་བྱས་ཀྱི་མིང་ཅན་གྱི་དངོས་པོ་ལ་སྐྱེ་བ་དང༌། རྒ་བ་དང༌། གནས་པ་དང༌། མི་རྟག་པ་དང༌། ས་བོན་དང༌། རྣམ་པར་རིག་བྱེད་དང༌། རྣམ་པར་རིག་བྱེད་མ་ཡིན་པ་དང༌། ཐོབ་པ་དང༌། འཐོབ་པ་མ་ཡིན་པ་དང༌། སྲོག་གི་དབང་པོ་དང༌། རིས་མཐུན་པ་དང༌། མིང་གི་ཚོགས་དང༌། ཚིག་གི་ཚོགས་དང༌། ཡི་གེའི་ཚོགས་རྣམས་དང་སོ་སོའི་སྐྱེ་བོ་ཉིད་དང༌། ཚོགས་པ་དང་མ་ཚོགས་པ་དང༌། འཇུག་པ་དང་སོ་སོར་ངེས་པ་དང༌། སྦྱོར་བ་དང༌། མགྱོགས་པ་དང༌། གོ་རིམས་དང༌། དུས་དང་ཡུལ་དང་གྲངས་ཉེ་བར་འདོགས་པ་དང༌། གཟུགས་ཀྱི་འཇུག་པ་མེད་པ་ཙམ་ལ་གནས་ཏེ་ལྟོས་ཤིང་བརྟེན་ནས་ནམ་མཁའ་ཞེས་ཉེ་བར་འདོགས་ཏེ་ནམ་མཁའ་འདུས་མ་བྱས་ཞེས་གདགས་པ་དང༌། དེའི་མཇུག་ཐོགས་སུ་མིང་གི་འཇུག་པ་ཙམ་ལ་གནས་ཏེ་ལྟོས་ཤིང་བརྟེན་ནས། འདུ་ཤེས་མེད་པའི་སྙོམས་པར་འཇུག་པ་དང༌། འགོག་པའི་སྙོམས་པར་འཇུག་པ་ཉེ་བར་འདོགས་ཤིང་གདགས་པར་བྱེད་པ་ཡང་དེ་དང་འདྲའོ༑ །

mdor na rdzas su yod par rig par bya ba ni gang/ btags pa'i yod pa yin par rig par bya ba ni gang zhe na/ gang ci yang rung ste de las gzhan pa dag la mi ltos shing de las gzhan pa dag la mi brten par rang gi mtshan nyid 'dogs par byed pa de ni mdor na rdzas su yod pa yin par rig par bya'o/ /gang ci yang rung ste/ de las gzhan pa dag la ltos shing de las gzhan pa dag la brten nas rang gi mtshan nyid 'dogs par byed pa de ni mdor na btags pa'i yod pa yin par rig par bya'i/ rdzas su yod pa ni ma yin te/ 'di lta ste/ gzugs la sogs pa'i phung po'i ming can gyi dngos po la brten zhing ltos te/ gnas nas bdag ces bya ba'am/ sems can zhes bya bar rgya cher nye bar 'dogs par byed pa'o/ /de la gzugs la sogs pa'i phung po'i ming can gyi dngos po ni rdzas su yod pa yin no/ /sems can dang srog dang skye ba po rdzas su med pa ni btags pa'i yod pa zhes bya'o/ /gzugs la sogs pa'i phung po'i ming can gyi dngos po las bdag la sogs pa nye bar 'dogs pa bzhin du/ gzugs la sogs pa'i ming can gyi dngos po kho na la phung po la sogs pa nye bar 'dogs pa dang/ gzugs dang dri dang ro dang reg pa dag la bza' ba dang btung ba dang/ bzhon pa dang/ gos dang/ rgyan dang/ khang khyim dang/ dmag dang/ nags tshal la sogs pa nye bar 'dogs pa dang/ 'dus byas kyi ming can gyi dngos po la skye ba dang/ rga ba dang/ gnas pa dang/ mi rtag pa dang/ sa bon dang/ rnam par rig byed dang/ rnam par rig byed ma yin pa dang/ thob pa dang/ 'thob pa ma yin pa dang/ srog gi dbang po dang/ ris mthun pa dang/ ming gi tshogs dang/ tshig gi tshogs dang/ yi ge'i tshogs rnams dang so so'i skye bo nyid dang/ tshogs pa dang ma tshogs pa dang/ 'jug pa dang so sor nges pa dang/ sbyor ba dang/ mgyogs pa dang/ go rims dang/ dus dang yul dang grangs nye bar 'dogs pa dang/ gzugs kyi 'jug pa med pa tsam la gnas te ltos shing brten nas nam mkha' zhes nye bar 'dogs te nam mkha' 'dus ma byas zhes gdags pa dang/ de'i mjug thogs su ming gi 'jug pa tsam la gnas te ltos shing brten nas/ 'du shes med pa'i snyoms par 'jug pa dang/ 'gog pa'i snyoms par 'jug pa nye bar 'dogs shing gdags par byed pa yang de dang 'dra'o| /

【G2 破計我】【H1 略破】

འཐད་པས་བསྒྲུབ་པའི་རིགས་པ་ལས་བརྩམས་ཏེ། གང་གིས་བདག་རྫས་སུ་མེད་དོ་ཞེས་ཁོང་དུ་ཆུད་པར་བྱ་བ་འདི་ལ་རིགས་པ་བརྗོད་པ་གང་ཞེ་ན། འདི་ལྟར་མི་དམིགས་ཤིང་མི་སྣང་བའི་ཕྱིར་རོ། །ཇི་ལྟར་མི་དམིགས་ཤེ་ན། ཕུང་པོ་ལས་མ་གཏོགས་པ་ནང་ངམ་ཕྱི་རོལ་ལམ་གཉི་ག་མེད་པར་ཡང་མི་དམིགས་སོ། །ཇི་ལྟར་མི་སྣང་ཞེ་ན། ཇི་ལྟར་མིག་ལ་སོགས་པའི་སྐྱེ་མཆེད་རྫས་སུ་ཡོད་པ་དག་རང་རང་གི་ལས་ལ་སྣང་བ་དེ་ལྟར་བདག་ནི་རང་གི་ལས་ལ་མི་སྣང་ངོ༌། །དེ་ལྟར་ན་བདག་ནི་རང་གི་མཚན་ཉིད་ལས་མི་དམིགས་པའི་ཕྱིར་དང༌། རང་གི་ལས་ལ་མི་སྣང་བའི་ཕྱིར་རྫས་སུ་མེད་པ་ཁོ་ནར་ཁོང་དུ་ཆུད་པར་བྱའོ༑ །གལ་ཏེ་དེ་ལྟར་བདག་མི་དམིགས་ཤིང་མི་སྣང་བ་ཡིན་ན། ཅིའི་ཕྱིར་གཞན་མུ་སྟེགས་ཅན་ཀུན་དུ་རྒྱུ་དག་གིས་དམིགས་ཤིང་མཐོང་སྟེ། དེས་ན་རྫས་སུ་ཡོད་དོ་ཞེས་འདོད་པར་བྱེད་སྟོན་པར་བྱེད། འདོགས་པར་བྱེད་ཅེ་ན། སྨྲས་པ། མི་དམིགས་ཤིང་མི་མཐོང་མོད་ཀྱི། འོན་ཀྱང་འཇིག་ཚོགས་ལ་ལྟ་བ་དང༌། ངའོ་སྙམ་པའི་ང་རྒྱལ་ལ་བརྟེན་ནས་ལོག་པར་རྟོག་པར་བྱེད་ཅིང༌། ལོག་པར་ཡོངས་སུ་བརྟགས་ནས་ཀྱང་ཚུལ་བཞིན་མ་ཡིན་པས་འདོད་པར་བྱེད་སྟོན་པར་བྱེད་ཟློག་པར་བྱེད་པར་ཟད་དོ། །

'thad pas bsgrub pa'i rigs pa las brtsams te/ gang gis bdag rdzas su med do zhes khong du chud par bya ba 'di la rigs pa brjod pa gang zhe na/ 'di ltar mi dmigs shing mi snang ba'i phyir ro/ /ji ltar mi dmigs she na/ phung po las ma gtogs pa nang ngam phyi rol lam gnyi ga med par yang mi dmigs so/ /ji ltar mi snang zhe na/ ji ltar mig la sogs pa'i skye mched rdzas su yod pa dag rang rang gi las la snang ba de ltar bdag ni rang gi las la mi snang ngo/ /de ltar na bdag ni rang gi mtshan nyid las mi dmigs pa'i phyir dang/ rang gi las la mi snang ba'i phyir rdzas su med pa kho nar khong du chud par bya'o| /gal te de ltar bdag mi dmigs shing mi snang ba yin na/ ci'i phyir gzhan mu stegs can kun du rgyu dag gis dmigs shing mthong ste/ des na rdzas su yod do zhes 'dod par byed ston par byed/ 'dogs par byed ce na/ smras pa/ mi dmigs shing mi mthong mod kyi/ 'on kyang 'jig tshogs la lta ba dang/ nga'o snyam pa'i nga rgyal la brten nas log par rtog par byed cing/ log par yongs su brtags nas kyang tshul bzhin ma yin pas 'dod par byed ston par byed zlog par byed par zad do/ /

【H2 廣破】【I1 問】

དེ་ལ་ཇི་ལྟར་ན་བདག་མེད་པའི་ཕྱིར་དང༌། ཡོད་པ་མ་ཡིན་པ་ཁོ་ནའི་ཕྱིར་དམིགས་ཤིང་མི་སྣང་བར་ཁོང་དུ་ཆུད་པར་བྱ་ཞེ་ན།

de la ji ltar na bdag med pa'i phyir dang/ yod pa ma yin pa kho na'i phyir dmigs shing mi snang bar khong du chud par bya zhe na/

【I2 答】【J1 舉四種計我總以非之】

བདག་ཡོད་ན་རིང་དུ་ཕ་རོལ་དུ་སོང་ཡང་རུང་རྣམ་པ་བཞིས་རྟོག་པར་འགྱུར་ཏེ། ཕུང་པོ་ཙམ་མམ། ཕུང་པོ་རྣམས་ལས་གཞན་ཏེ་ཕུང་པོ་རྣམས་ལ་གནས་པའམ། ཕུང་པོ་ཙམ་ཡང་མ་ཡིན་ཕུང་པོ་རྣམས་ལས་གཞན་ཏེ། ཕུང་པོ་རྣམས་ལ་གནས་པ་ཡང་མ་ཡིན་མོད་ཀྱི་འོན་ཀྱང་ཕུང་པོ་རྣམས་ལས་གཞན་པ་ཕུང་པོ་རྣམས་ལས་དོན་གཞན་དུ་གྱུར་པའི་ཆོས་གང་དག་ཡིན་པ་དེ་དག་ལ་གནས་པའམ། ཕུང་པོ་ཙམ་ཡང་མ་ཡིན་ཕུང་པོ་རྣམས་ལས་གཞན་ཏེ་ཕུང་པོ་རྣམས་ལ་གནས་པ་ཡང་མ་ཡིན་ཕུང་པོ་རྣམས་ལས་གཞན་པ་ཕུང་པོ་ལས་དོན་གཞན་དུ་གྱུར་པའི་ཆོས་གང་དག་ཡིན་པ་དེ་དག་ལ་གནས་པ་མ་ཡིན་མོད་ཀྱི་འོན་ཀྱང་ཕུང་པོ་མེད་པ་ཕུང་པོའི་ཆོས་ཐམས་ཅད་དང་མི་ལྡན་པ་ཞིག་ཡིན་གྲང་སྟེ་བདག་ཡོད་པ་ཉིད་ལས་བརྩམས་ནས་རྟོག་པར་འགྱུར་བ་ནི་རྣམ་པ་བཞི་པོ་དེ་དག་ལས་གོང་ན་ཡང་མེད་ལ་དེ་ལས་ལྷག་པ་ཡང་མེད་དེ། བདག་རྫས་སུ་ཡོད་པ་ཉིད་ནི་རྣམ་པ་ཐམས་ཅད་ཀྱིས་མི་རུང་ངོ༌། །

bdag yod na ring du pha rol du song yang rung rnam pa bzhis rtog par 'gyur te/ phung po tsam mam/ phung po rnams las gzhan te phung po rnams la gnas pa'am/ phung po tsam yang ma yin phung po rnams las gzhan te/ phung po rnams la gnas pa yang ma yin mod kyi 'on kyang phung po rnams las gzhan pa phung po rnams las don gzhan du gyur pa'i chos gang dag yin pa de dag la gnas pa'am/ phung po tsam yang ma yin phung po rnams las gzhan te phung po rnams la gnas pa yang ma yin phung po rnams las gzhan pa phung po las don gzhan du gyur pa'i chos gang dag yin pa de dag la gnas pa ma yin mod kyi 'on kyang phung po med pa phung po'i chos thams cad dang mi ldan pa zhig yin grang ste bdag yod pa nyid las brtsams nas rtog par 'gyur ba ni rnam pa bzhi po de dag las gong na yang med la de las lhag pa yang med de/ bdag rdzas su yod pa nyid ni rnam pa thams cad kyis mi rung ngo/ /

【J2 別破四計】【K1 即蘊計我】

དེ་ཅིའི་ཕྱིར་ཞེ་ན། གལ་ཏེ་བདག་ཕུང་པོ་ཙམ་ཞིག་ཡིན་ན་ནི་ཕུང་པོ་རྣམས་ལས་གཞན་མ་ཡིན་ཏེ། བདག་ཕུང་པོ་རྣམས་ལ་གདགས་པ་ཙམ་དུ་ཟད་པར་དེ་ལྟར་འགྱུར་བའི་རིགས་ན། འདི་ལྟར་ཕུང་པོ་རྣམས་ནི་མི་རྟག་པ་དང་རང་གི་མཚན་ཉིད་གཞན་དང་ལྡན་པ་མ་ཡིན་ཏེ་དེའི་ཕྱིར་དེ་མི་འཐད་དོ། །

de ci'i phyir zhe na/ gal te bdag phung po tsam zhig yin na ni phung po rnams las gzhan ma yin te/ bdag phung po rnams la gdags pa tsam du zad par de ltar 'gyur ba'i rigs na/ 'di ltar phung po rnams ni mi rtag pa dang rang gi mtshan nyid gzhan dang ldan pa ma yin te de'i phyir de mi 'thad do/ /

【K2 破即離蘊計我】

གལ་ཏེ་བདག་ཕུང་པོ་རྣམས་ལས་གཞན་པ་ཞིག་ཡིན་ན་ནི། དེ་ཡང་མི་རྟག་པའམ། རྟག་པ་ཞིག་ཡིན་གྲང་ན། གལ་ཏེ་མི་རྟག་ན་ནི་སྐད་ཅིག་རེ་རེ་ལ་བདག་གཞན་སྐྱེ་ཞིང་གཞན་འགག་པར་འགྱུར་ཏེ། འདིར་གཞན་འཆི་ཞིང་དེར་གཞན་སྐྱེ་བ་དང༌། གཞན་བྱེད་ཅིང་གཞན་གྱིས་མྱོང་བ་དེ་ལྟར་འགྱུར་བའི་རིགས་ན། ཕུང་པོ་རྣམས་ལས་གཞན་པའི་བདག་སྐྱེ་བའམ་འགག་པ་ནི་ནང་ངམ་ཕྱི་རོལ་ལམ་གཉི་ག་མེད་པར་ཡང་ཅི་ཡང་མི་དམིགས་ཏེ། དེའི་ཕྱིར་དེ་མི་འཐད་དོ། །གལ་ཏེ་རྟག་ན་གི་རྟག་པའི་མཚན་ཉིད་ནི་འདི་ཡིན་ཏེ། འགྱུར་བ་མེད་པ་གང་ཡིན་པའོ། །བདག་དེ་འགྱུར་བ་མེད་པ་ཡིན་ན། རྒྱུ་གཉིས་ཀྱིས་འགྱུར་བ་མི་རུང་སྟེ། ཕྱི་མ་ལ་ཡང་མི་རུང་བ་དང༌། ཚེ་འདི་ཉིད་ལ་ཡང་མི་རུང་བའོ། །བདག་འགྱུར་བ་མེད་པ་ཡིན་ན་ཕྱི་མ་ལ་ཡང་སྐྱེ་བར་མི་འགྱུར་རྒ་བར་མི་འགྱུར་འཆི་བར་མི་འགྱུར་གནོད་པར་མི་འགྱུར་བས། རེས་འགའ་ལྷར་སྐྱེ་བ་དང༌། རེས་འགའ་མི་དང༌། རེས་འགའ་དུད་འགྲོ། རེས་འགའ་ཡི་དྭགས་དང༌། རེས་འགའ་སེམས་ཅན་དམྱལ་བར་སྐྱེ་བར་འགྱུར་བ་ཡང་མི་རུང་ངོ༌། །འགྱུར་བ་མེད་པ་ཡིན་ན་ཚེ་འདི་ལ་ཡང་ཡུལ་འདོད་པ་དང་མི་འདོད་པ་དག་གིས་བདེ་བར་ཡང་མི་འགྱུར། སྡུག་བསྔལ་བར་ཡང་མི་འགྱུར་ཆགས་པར་ཡང་མི་འགྱུར་སྡང་བར་ཡང་མི་འགྱུར་རྨོངས་པར་ཡང་མི་འགྱུར་ཏེ། མདོར་ན་བདེ་བ་དང༌། སྡུག་བསྔལ་བ་དག་དང༌། ཉོན་མོངས་པ་དང༌། ཉེ་བའི་ཉོན་མོངས་པ་གང་ཡང་རུང་བ་དག་གིས་ཀྱང་འགྱུར་བར་མི་བྱེད་དོ། །དེ་དེ་ལྟར་འགྱུར་བ་མེད་ཅིང་ཚེ་ཕྱི་མ་དང༌། ཚེ་འདི་ལ་བདེ་བས་ཕན་འདོགས་པ་མེད་ན། དེ་དང་འབྲེལ་བའི་ཉོན་མོངས་པས་ཀྱང་ཉེ་བར་ཉོན་མོངས་པར་མི་འགྱུར་ལ། གཞི་དེས་ཆོས་དང་ཆོས་མ་ཡིན་པ་སྤྱོད་པར་ཡང་མི་འགྱུར་རོ། །དེ་སྡུག་བསྔལ་བས་གནོད་པ་མེད་ན་ཡང༌། དེ་དང་འབྲེལ་བའི་ཉོན་མོངས་པས་ཀྱང་ཉེ་བར་ཉོན་མོངས་པར་མི་འགྱུར་ལ། གཞི་དེས་ཆོས་དང་ཆོས་མ་ཡིན་པ་སྤྱོད་པར་ཡང་མི་འགྱུར་རོ། །དེ་ལྟར་ཚེ་འདི་ལ་ཆོས་དང་ཆོས་མ་ཡིན་པ་དང་མི་ལྡན་པ་དེ༑ ཕྱི་མ་ལ་ཡང་གང་ལ་བརྟེན་ནས་དེ་རྟག་བཞིན་དུ་དེའི་སོ་སོའི་བདག་གི་ལུས་མི་རྟག་པ་འགྱུར་བ་ལས་གྱུར་པ་ཕྱི་མ་ལ་སྐྱེ་བ་དང་རྒ་བ་དང་ན་བ་དང་འཆི་བ་ལ་སོགས་པས་འགྱུར་བར་རྟོགས་པའི་འདོད་པ་དང་མི་འདོད་པའི་ལུས་ཀྱང་རྒྱུ་མེད་པ་ལས་འགྲུབ་པར་མི་འགྱུར་རོ། །དེ་ལྟ་བས་ན་བདག་འདི་སོ་སོའི་བདག་དང་ལུས་ལས་སྐྱེ་བ་ཡང་མེད་ལ་རྒ་བ་དང་ན་བ་དང་འཆི་བ་དང་བདེ་བ་དང་སྡུག་བསྔལ་བ་དང་ཉེ་བར་ཉོན་མོངས་པ་ཡོད་བཞིན་དུ་གཏན་གྲོལ་བ་ཁོ་ནར་འགྱུར་བས་དེའི་ཕྱིར་ཡང་དེ་མི་འཐད་དོ། །

gal te bdag phung po rnams las gzhan pa zhig yin na ni/ de yang mi rtag pa'am/ rtag pa zhig yin grang na/ gal te mi rtag na ni skad cig re re la bdag gzhan skye zhing gzhan 'gag par 'gyur te/ 'dir gzhan 'chi zhing der gzhan skye ba dang/ gzhan byed cing gzhan gyis myong ba de ltar 'gyur ba'i rigs na/ phung po rnams las gzhan pa'i bdag skye ba'am 'gag pa ni nang ngam phyi rol lam gnyi ga med par yang ci yang mi dmigs te/ de'i phyir de mi 'thad do/ /gal te rtag na gi rtag pa'i mtshan nyid ni 'di yin te/ 'gyur ba med pa gang yin pa'o/ /bdag de 'gyur ba med pa yin na/ rgyu gnyis kyis 'gyur ba mi rung ste/ phyi ma la yang mi rung ba dang/ tshe 'di nyid la yang mi rung ba'o/ /bdag 'gyur ba med pa yin na phyi ma la yang skye bar mi 'gyur rga bar mi 'gyur 'chi bar mi 'gyur gnod par mi 'gyur bas/ res 'ga' lhar skye ba dang/ res 'ga' mi dang/ res 'ga' dud 'gro/ res 'ga' yi dwags dang/ res 'ga' sems can dmyal bar skye bar 'gyur ba yang mi rung ngo/ /'gyur ba med pa yin na tshe 'di la yang yul 'dod pa dang mi 'dod pa dag gis bde bar yang mi 'gyur/ sdug bsngal bar yang mi 'gyur chags par yang mi 'gyur sdang bar yang mi 'gyur rmongs par yang mi 'gyur te/ mdor na bde ba dang/ sdug bsngal ba dag dang/ nyon mongs pa dang/ nye ba'i nyon mongs pa gang yang rung ba dag gis kyang 'gyur bar mi byed do/ /de de ltar 'gyur ba med cing tshe phyi ma dang/ tshe 'di la bde bas phan 'dogs pa med na/ de dang 'brel ba'i nyon mongs pas kyang nye bar nyon mongs par mi 'gyur la/ gzhi des chos dang chos ma yin pa spyod par yang mi 'gyur ro/ /de sdug bsngal bas gnod pa med na yang/ de dang 'brel ba'i nyon mongs pas kyang nye bar nyon mongs par mi 'gyur la/ gzhi des chos dang chos ma yin pa spyod par yang mi 'gyur ro/ /de ltar tshe 'di la chos dang chos ma yin pa dang mi ldan pa de| phyi ma la yang gang la brten nas de rtag bzhin du de'i so so'i bdag gi lus mi rtag pa 'gyur ba las gyur pa phyi ma la skye ba dang rga ba dang na ba dang 'chi ba la sogs pas 'gyur bar rtogs pa'i 'dod pa dang mi 'dod pa'i lus kyang rgyu med pa las 'grub par mi 'gyur ro/ /de lta bas na bdag 'di so so'i bdag dang lus las skye ba yang med la rga ba dang na ba dang 'chi ba dang bde ba dang sdug bsngal ba dang nye bar nyon mongs pa yod bzhin du gtan grol ba kho nar 'gyur bas de'i phyir yang de mi 'thad do/ /

【K3 破非即非離蘊計我】

གལ་ཏེ་གང་དག་ལ་བདག་ཕུང་པོ་རྣམས་ལས་གཞན་པ་ཕུང་པོ་ལས་བདག་གཞན་དུ་གྱུར་པའི་ཆོས་གང་དག་ཡིན་པ་དེ་དག་ལ་བདག་གནས་སོ་ཞེ་ན། དེས་ན་ཕུང་པོ་ལས་དོན་གཞན་དུ་གྱུར་པའི་ཆོས་དེ་དག་ནི་རང་གི་མཚན་ཉིད་ཀྱིས་མི་དམིགས་ན་དེ་དག་ལ་བདག་གནས་པར་ལྟ་ག་ལ་འགྱུར་ཏེ། འདི་ལྟ་སྟེ། དཔེར་ན་ལ་ལ་ཞིག་འདི་སྐད་ཅེས་མོ་གཤམ་གྱི་བུའི་མགོ་ལ་ནམ་མཁའི་མེ་ཏོག་གི་ཕྲེང་བ་བཅིངས་པ་བདག་གིས་མཐོང་ངོ་ཞེས་ཟེར་བ་དེ་དང་འདྲ་བར་འདི་ཡང་རྟོགས་པར་བྱ་སྟེ། དེའི་ཕྱིར་དེ་ཡང་མི་འཐད་དོ། །

gal te gang dag la bdag phung po rnams las gzhan pa phung po las bdag gzhan du gyur pa'i chos gang dag yin pa de dag la bdag gnas so zhe na/ des na phung po las don gzhan du gyur pa'i chos de dag ni rang gi mtshan nyid kyis mi dmigs na de dag la bdag gnas par lta ga la 'gyur te/ 'di lta ste/ dper na la la zhig 'di skad ces mo gsham gyi bu'i mgo la nam mkha'i me tog gi phreng ba bcings pa bdag gis mthong ngo zhes zer ba de dang 'dra bar 'di yang rtogs par bya ste/ de'i phyir de yang mi 'thad do/ /

【K4 破第四計我】

གལ་ཏེ་བདག་ཐམས་ཅད་ཀྱི་ཐམས་ཅད་དུ་ཕུང་པོ་ཐམས་ཅད་དང་མི་ལྡན་པའི་ཕྱིར་ཕུང་པོ་མེད་པ་ཡིན་པར་འགྱུར་ན། ད་ཕུང་པོ་མེད་པ་ཡིན་པས་གཟུགས་ཅན་ཡང་མ་ཡིན། ལུས་དང་མི་ལྡན་བདེ་བ་དང་སྡུག་བསྔལ་བ་དག་དང་ཡང་མི་ལྡན། མིང་མང་པོ་རྣམ་པ་སྣ་ཚོགས་དང་ཡང་མི་ལྡན། དགེ་བ་དང་མི་དགེ་བ་དང་ལུང་དུ་མ་བསྟན་པའི་སེམས་པ་དང་ཡང་མི་ལྡན། གཟུགས་ལ་སོགས་པའི་ཡུལ་ལ་ཡོངས་སུ་ལོངས་སྤྱོད་པའི་ཕྱིར་ཡིད་ཀྱི་རྣམ་པར་རྟོག་པ་དག་དང་ཡང་མི་ལྡན་པས། དེ་ལྟར་ན་བདག་ནི་ལུས་མེད་པ་དང༌། ཚོར་བ་མེད་པ་དང༌། མིང་མེད་པ་དང༌། སེམས་པ་མེད་པ་དང༌། རྣམ་པར་རྟོག་པ་མེད་པར་འགྱུར་ཏེ། དེ་ལྟར་ན་ཀུན་ནས་ཉོན་མོངས་པ་ཅན་མ་ཡིན་པས་བདག་ནི་ཚེགས་ཆུང་ངུས་གྲོལ་བ་ཉིད་དུ་འགྱུར་ཏེ། དེའི་ཕྱིར་དེ་ཡང་མི་འཐད་དོ། །

gal te bdag thams cad kyi thams cad du phung po thams cad dang mi ldan pa'i phyir phung po med pa yin par 'gyur na/ da phung po med pa yin pas gzugs can yang ma yin/ lus dang mi ldan bde ba dang sdug bsngal ba dag dang yang mi ldan/ ming mang po rnam pa sna tshogs dang yang mi ldan/ dge ba dang mi dge ba dang lung du ma bstan pa'i sems pa dang yang mi ldan/ gzugs la sogs pa'i yul la yongs su longs spyod pa'i phyir yid kyi rnam par rtog pa dag dang yang mi ldan pas/ de ltar na bdag ni lus med pa dang/ tshor ba med pa dang/ ming med pa dang/ sems pa med pa dang/ rnam par rtog pa med par 'gyur te/ de ltar na kun nas nyon mongs pa can ma yin pas bdag ni tshegs chung ngus grol ba nyid du 'gyur te/ de'i phyir de yang mi 'thad do/ /

【G3 結示正義】

གང་གི་ཕྱིར་དེ་ལྟར་བདག་རྟག་པ་རྣམ་པ་ཐམས་ཅད་ཀྱིས་བརྟགས་ན་མི་འཐད་པ་དེའི་ཕྱིར་བདག་ནི་ཕུང་པོ་རྣམས་ལ་བཏགས་པ་ཙམ་དུ་ཟད་ཀྱི་རྫས་སུ་མེད་པར་ཁོང་དུ་ཆུད་པར་བྱའོ། །གང་གི་ཕྱིར་དེ་ལྟར་བདག་ནི་མེད་ལ་ཕུང་པོ་ཙམ་ནི་ཡོད་ན་ཡང་ཀུན་ནས་ཉོན་མོངས་པ་དང༌། རྣམ་པར་བྱང་བའི་རང་བཞིན་རུང་བར་འགྱུར་ཏེ། འདི་ལྟ་སྟེ་ནང་དང་ཕྱི་རོལ་གྱི་སྐྱེ་མཆེད་བྱུང་ཞིང་སྐྱེས་པ་ཡོད་ན་ཚེ་འདི་ལ་མ་རིག་པའི་འདུས་ཏེ་རེག་པ་ལས་བྱུང་བའི་ཚོར་བ་ལུས་ལ་ཕན་འདོགས་པ་དང༌། གནོད་པ་བྱེད་པ་འབྱུང་བར་འགྱུར་ལ། དེའི་རྐྱེན་གྱིས་ཕྲད་པ་དང༌། འབྲལ་བར་སྲེད་པ་དང༌། དེ་དང་འབྲེལ་པའི་ཉོན་མོངས་པ་དང་ཉེ་བའི་ཉོན་མོངས་པ་རྣམས་འབྱུང་བར་འགྱུར་ཞིང༌། དེའི་དོན་དུ་དགེ་བ་དང་མི་དགེ་བའི་ལས་ཀྱི་འཇུག་པ་ཡང་སྣང་ལ་དེ་ལྟར་ཉོན་མོངས་པ་དང་ལས་གྲུབ་ན་ཕྱི་མ་ལ་སྐྱེ་བ་དང་རྒ་བ་ལ་སོགས་པ་ཡང་འབྱུང་བའི་སྡུག་བསྔལ་གྱི་ཆོས་རྣམས་ཀྱང་འབྱུང་བར་འགྱུར་ཏེ། དེ་ལྟར་ན་རེ་ཞིག་ཕུང་པོ་རྣམས་མི་རྟག་ཅིང་བདག་མེད་ཀྱང་ཀུན་ནས་ཉོན་མོངས་པར་འགྱུར་རོ། །གཞན་གྱི་སྒྲའི་རྒྱུ་ལས་བྱུང་བ་དང༌། བདག་ཉིད་ཀྱི་ཚུལ་བཞིན་ཡིད་ལ་བྱེད་པའི་རྒྱུ་ལས་བྱུང་བས་མ་རིག་པ་འགག་ཅིང་རིག་པ་སྐྱེ་བར་འགྱུར་བས། རྨོངས་པ་མེད་པ་ཚོར་བ་ཐམས་ཅད་སྡུག་བསྔལ་ལས་སོ་སོར་རྟོགས་པ་དེའི་ཚོར་བ་རྣམས་ལ་སྲེད་པ་དང༌། དེ་དང་འབྲེལ་བའི་ཉོན་མོངས་པ་གང་ཡིན་པ་དེ་ཡང་སྤོང་བར་འགྱུར་ལ། གཞི་དེས་ཀྱང་འབྱུང་བ་འཕེལ་བར་བྱེད་པའི་ལས་དགེ་བ་དང༌། མི་དགེ་བ་ཡང་འཇུག་པར་མི་འགྱུར་ཏེ། དེ་ལྟར་ལས་དང་ཉོན་མོངས་པ་སྤངས་པའི་ཕྱིར་ཡང་འབྱུང་བ་སྐྱེ་བ་ལ་སོགས་པའི་སྡུག་བསྔལ་དང་བཅས་ཏེ་འབྱུང་བར་མི་འགྱུར་རོ། །དེ་ལྟར་ན་བདག་མེད་ཅིང་ཕུང་པོ་ཙམ་ཡོད་ན་ཀུན་ནས་ཉོན་མོངས་པ་དང༌། རྣམ་པར་བྱང་བའི་རང་བཞིན་རུང་བར་འགྱུར་རོ། །

gang gi phyir de ltar bdag rtag pa rnam pa thams cad kyis brtags na mi 'thad pa de'i phyir bdag ni phung po rnams la btags pa tsam du zad kyi rdzas su med par khong du chud par bya'o/ /gang gi phyir de ltar bdag ni med la phung po tsam ni yod na yang kun nas nyon mongs pa dang/ rnam par byang ba'i rang bzhin rung bar 'gyur te/ 'di lta ste nang dang phyi rol gyi skye mched byung zhing skyes pa yod na tshe 'di la ma rig pa'i 'dus te reg pa las byung ba'i tshor ba lus la phan 'dogs pa dang/ gnod pa byed pa 'byung bar 'gyur la/ de'i rkyen gyis phrad pa dang/ 'bral bar sred pa dang/ de dang 'brel pa'i nyon mongs pa dang nye ba'i nyon mongs pa rnams 'byung bar 'gyur zhing/ de'i don du dge ba dang mi dge ba'i las kyi 'jug pa yang snang la de ltar nyon mongs pa dang las grub na phyi ma la skye ba dang rga ba la sogs pa yang 'byung ba'i sdug bsngal gyi chos rnams kyang 'byung bar 'gyur te/ de ltar na re zhig phung po rnams mi rtag cing bdag med kyang kun nas nyon mongs par 'gyur ro/ /gzhan gyi sgra'i rgyu las byung ba dang/ bdag nyid kyi tshul bzhin yid la byed pa'i rgyu las byung bas ma rig pa 'gag cing rig pa skye bar 'gyur bas/ rmongs pa med pa tshor ba thams cad sdug bsngal las so sor rtogs pa de'i tshor ba rnams la sred pa dang/ de dang 'brel ba'i nyon mongs pa gang yin pa de yang spong bar 'gyur la/ gzhi des kyang 'byung ba 'phel bar byed pa'i las dge ba dang/ mi dge ba yang 'jug par mi 'gyur te/ de ltar las dang nyon mongs pa spangs pa'i phyir yang 'byung ba skye ba la sogs pa'i sdug bsngal dang bcas te 'byung bar mi 'gyur ro/ /de ltar na bdag med cing phung po tsam yod na kun nas nyon mongs pa dang/ rnam par byang ba'i rang bzhin rung bar 'gyur ro/ /

【D4 明假立一切有情】【E1 以三緣立九有情】

དེ་ལ་སེམས་ཅན་དུ་གདགས་པ་ནི་འདི་ཡིན་ཏེ། འདི་ལྟ་སྟེ། སེམས་ཅན་རྐང་མེད་དང༌། རྐང་གཉིས་པ་དང༌། རྐང་བཞི་པ་དང༌། རྐང་མངས་རྣམས་དང༌། སེམས་ཅན་གཟུགས་ཅན་རྣམས་དང༌། སེམས་ཅན་གཟུགས་ཅན་མ་ཡིན་པ་རྣམས་དང༌། སེམས་ཅན་འདུ་ཤེས་ཅན་རྣམས་དང༌། སེམས་ཅན་འདུ་ཤེས་མེད་པ་རྣམས་དང༌། སེམས་ཅན་འདུ་ཤེས་ཡོད་པ་ཡང་མ་ཡིན་འདུ་ཤེས་མེད་པ་ཡང་མ་ཡིན་པའི་སྐྱེ་གནས་སུ་སྐྱེས་པ་རྣམས་སོ། །དེ་ལ་སེམས་ཅན་དུ་གདགས་པ་རྣམ་པ་དགུ་པོ་དེ་དག་ཐམས་ཅད་ནི་མདོར་བསྡུ་ན་རྒྱུ་གསུམ་གྱི་རིགས་པར་བྱ་སྟེ། འགྲོ་བ་དང༌། ལྡོག་པ་དང༌། ལུས་གཡོ་བའི་རབ་ཏུ་དབྱེ་བས་ནི་རྐང་མེད་རྣམས་ནས་རྐང་མངས་ཀྱི་བར་དག་གི་རྣམ་པར་གཞག་པར་རིག་པར་བྱའོ། །ལུས་ཀྱི་རབ་ཏུ་དབྱེ་བས་ནི་སེམས་ཅན་གཟུགས་ཅན་དང་གཟུགས་ཅན་མ་ཡིན་པ་རྣམས་ཀྱི་གདགས་པར་རིག་པར་བྱའོ། །སེམས་ཀྱི་རབ་ཏུ་དབྱེ་བས་ནི་སེམས་ཅན་འདུ་ཤེས་ཅན་དང༌། འདུ་ཤེས་མེད་པ་དང་འདུ་ཤེས་ཡོད་པ་ཡང་མ་ཡིན་འདུ་ཤེས་མེད་པ་ཡང་མ་ཡིན་པའི་སྐྱེ་གནས་སུ་སྐྱེས་པ་རྣམས་ཀྱི་གདགས་པར་རིག་པར་བྱའོ། །

de la sems can du gdags pa ni 'di yin te/ 'di lta ste/ sems can rkang med dang/ rkang gnyis pa dang/ rkang bzhi pa dang/ rkang mangs rnams dang/ sems can gzugs can rnams dang/ sems can gzugs can ma yin pa rnams dang/ sems can 'du shes can rnams dang/ sems can 'du shes med pa rnams dang/ sems can 'du shes yod pa yang ma yin 'du shes med pa yang ma yin pa'i skye gnas su skyes pa rnams so/ /de la sems can du gdags pa rnam pa dgu po de dag thams cad ni mdor bsdu na rgyu gsum gyi rigs par bya ste/ 'gro ba dang/ ldog pa dang/ lus g.yo ba'i rab tu dbye bas ni rkang med rnams nas rkang mangs kyi bar dag gi rnam par gzhag par rig par bya'o/ /lus kyi rab tu dbye bas ni sems can gzugs can dang gzugs can ma yin pa rnams kyi gdags par rig par bya'o/ /sems kyi rab tu dbye bas ni sems can 'du shes can dang/ 'du shes med pa dang 'du shes yod pa yang ma yin 'du shes med pa yang ma yin pa'i skye gnas su skyes pa rnams kyi gdags par rig par bya'o/ /

【E2 破外計】【F1 敘外執】

རབ་ཏུ་བྱུང་བ་གཅེར་བུ་པ་ཞེས་བྱ་བ་ཡོད་དེ། དེ་ནང་གི་ཆོས་སྲོག་དང་ལྡན་པར་བགྲང་བ་རྣམས་ཀྱི་སྐྱེ་བ་དང་མཐུན་པ་ཉིད་དུ་ཡང་དག་པར་རྗེས་སུ་མཐོང་ནས། འདི་སྐད་ཅེས་ཤིང་ལྗོན་པ་རྣམས་ལ་ཡང་སྲོག་ཡོད་དོ་ཞེས་ཟེར་རོ། །

rab tu byung ba gcer bu pa zhes bya ba yod de/ de nang gi chos srog dang ldan par bgrang ba rnams kyi skye ba dang mthun pa nyid du yang dag par rjes su mthong nas/ 'di skad ces shing ljon pa rnams la yang srog yod do zhes zer ro/ /

【F2 破】【G1 約增長因以破有命】

དེ་ལ་འདི་སྐད་ཅེས་བརྗོད་པར་བྱ་སྟེ། ཅི་ཤིང་ལྗོན་པ་རྣམས་ཀྱི་སྐྱེ་བ་གང་ཡིན་པ་དེ་སྲོག་གི་རྒྱུ་ལས་བྱུང་བ་ཡིན་ནམ། འོན་ཏེ་དེ་ལས་གཞན་པའི་སྐྱེ་བའི་རྒྱུ་ལས་བྱུང་བ་ཡིན་པར་འདོད། གལ་ཏེ་སྲོག་གི་རྒྱུ་ལས་བྱུང་བ་ཡིན་ན་ནི་དེས་ན་དེ་དག་གི་སྲོག་ཉིད་ལྡོག་པར་མི་འགྱུར་བའི་ཕྱིར་ནམ་ཡང་མི་སྐྱེ་བར་མི་འགྱུར་བས་མི་རུང་ངོ༌། །གལ་ཏེ་དེ་ལས་གཞན་པའི་སྐྱེ་བའི་རྒྱུ་ལས་བྱུང་བ་ཡིན་ན་ནི་དེས་ན་སྲོག་ཉིད་མེད་པར་རང་གི་རྒྱུས་སྐྱེ་བ་ཡིན་པས་མི་རུང་ངོ༌། །

de la 'di skad ces brjod par bya ste/ ci shing ljon pa rnams kyi skye ba gang yin pa de srog gi rgyu las byung ba yin nam/ 'on te de las gzhan pa'i skye ba'i rgyu las byung ba yin par 'dod/ gal te srog gi rgyu las byung ba yin na ni des na de dag gi srog nyid ldog par mi 'gyur ba'i phyir nam yang mi skye bar mi 'gyur bas mi rung ngo/ /gal te de las gzhan pa'i skye ba'i rgyu las byung ba yin na ni des na srog nyid med par rang gi rgyus skye ba yin pas mi rung ngo/ /

【G2 約說因有無以破】

དེ་ལ་འདི་སྐད་ཅེས་ཀྱང་བརྗོད་པར་བྱ་སྟེ། ཅི་སྲོག་མེད་པའི་དངོས་པོ་རྣམས་ཀྱི་མི་སྐྱེ་བ་རྒྱུ་དང་བཅས་པར་བརྗོད་དམ། འོན་ཏེ་རྒྱུ་མེད་པར་བརྗོད་པར་འདོད། གལ་ཏེ་རྒྱུ་དང་བཅས་པར་བརྗོད་དུ་ནི་རྒྱུར་བརྗོད་པ་མི་དམིགས་པས་མི་རུང་ངོ༌། །གལ་ཏེ་རྒྱུ་མེད་པར་བརྗོད་ན་ནི། རྒྱུ་མེད་པར་བརྗོད་པས་དེ་ལྟ་བུ་ཡིན་པར་མི་རུང་ངོ༌། །དེ་ལ་འདི་སྐད་ཅེས་ཀྱང་བརྗོད་པར་བྱ་སྟེ། ཅི་ཤིང་ལྗོན་པ་རྣམས་དང་སྲོག་རྣམས་གཅིག་ཏུ་མཐུན་པ་ཡིན་ནམ། འོན་ཏེ་གཅིག་ཏུ་མཐུན་པ་མ་ཡིན་པར་འདོད། གལ་ཏེ་གཅིག་ཏུ་མཐུན་པ་ཡིན་ན་ནི་དེས་ན་ཤིང་ལྗོན་པ་རྣམས་ནི་སའི་འོག་ཏུ་ནུབ་པ་དང་སའི་སྟེང་དུ་སྐྱེ་བ་དང༌། རང་གི་ལུས་ཀྱིས་མི་གཡོ་བ་དང༌། བརྗོད་ན་ཡང་མི་བརྗོད་པ་དང༌། ལེགས་པར་བྱས་པ་དང་ཉེས་པར་བྱས་པའི་ལས་ལ་འཇུག་པར་ཡང་མི་སྣང་བ་དང༌། ཡལ་ག་དང་ཡལ་ག་གྱེས་པ་དག་བཅད་ན་ཡང་དེ་ལས་གཞན་པ་དག་ཏུ་སྐྱེ་བས་མི་རུང་ངོ༌། །

de la 'di skad ces kyang brjod par bya ste/ ci srog med pa'i dngos po rnams kyi mi skye ba rgyu dang bcas par brjod dam/ 'on te rgyu med par brjod par 'dod/ gal te rgyu dang bcas par brjod du ni rgyur brjod pa mi dmigs pas mi rung ngo/ /gal te rgyu med par brjod na ni/ rgyu med par brjod pas de lta bu yin par mi rung ngo/ /de la 'di skad ces kyang brjod par bya ste/ ci shing ljon pa rnams dang srog rnams gcig tu mthun pa yin nam/ 'on te gcig tu mthun pa ma yin par 'dod/ gal te gcig tu mthun pa yin na ni des na shing ljon pa rnams ni sa'i 'og tu nub pa dang sa'i steng du skye ba dang/ rang gi lus kyis mi g.yo ba dang/ brjod na yang mi brjod pa dang/ legs par byas pa dang nyes par byas pa'i las la 'jug par yang mi snang ba dang/ yal ga dang yal ga gyes pa dag bcad na yang de las gzhan pa dag tu skye bas mi rung ngo/ /

【G3 約似不似以破】

གལ་ཏེ་གཅིག་ཏུ་མཐུན་པ་མ་ཡིན་ན་ནི་དེས་ན་མཐུན་ན་ནི་སྲོག་ཡོད་ལ་མི་མཐུན་ན་ནི་སྲོག་མེད་པར་འགྱུར་བས་མི་རུང་ངོ༌། །

gal te gcig tu mthun pa ma yin na ni des na mthun na ni srog yod la mi mthun na ni srog med par 'gyur bas mi rung ngo/ /

【F3 結】

དེ་ལྟར་ན་སྐྱེ་བའི་རྒྱུ་དེ་ལས་གཞན་པ་ཡོད་པའམ་མེད་པ་དང༌། སྲོག་མེད་པ་རྣམས་ཀྱི་མི་སྐྱེ་བའི་རྒྱུར་བརྗོད་པ་ཡོད་པའམ། མེད་པ་དང༌། གཅིག་ཏུ་མཐུན་པའམ་མི་མཐུན་པས་ཀྱང་མི་རུང་ངོ༌། །

de ltar na skye ba'i rgyu de las gzhan pa yod pa'am med pa dang/ srog med pa rnams kyi mi skye ba'i rgyur brjod pa yod pa'am/ med pa dang/ gcig tu mthun pa'am mi mthun pas kyang mi rung ngo/ /

【D5 明色等假實】【E1 問】

ཅིའི་ཕྱིར་གཟུགས་དང་དྲི་དང་རོ་དང་རེག་བྱ་དེ་ལྟ་དེ་ལྟར་སོ་སོར་གྱུར་པ་དག་ལ་བཟའ་བ་དང༌། བཏུང་བ་དང༌། བཞོན་པ་དང༌། གོས་དང༌། རྒྱན་ལ་སོགས་པ་སོ་སོ་བ་ལ་བརྟེན་པ་ནི་འདུས་པ་གཅིག་པའི་མིང་དུ་བཏགས་པ་གང་ཡིན་པ་དེ་དག་བཏགས་པའི་ཡོད་པ་ཡིན་པར་རིག་པར་བྱ་ཞེ་ན།

ci'i phyir gzugs dang dri dang ro dang reg bya de lta de ltar so sor gyur pa dag la bza' ba dang/ btung ba dang/ bzhon pa dang/ gos dang/ rgyan la sogs pa so so ba la brten pa ni 'dus pa gcig pa'i ming du btags pa gang yin pa de dag btags pa'i yod pa yin par rig par bya zhe na/

【E2 答】【F1 辨四塵飲食等物假實之相】

འདི་ལྟར་དེ་དག་གི་མིང་ནི་གཟུགས་ལ་སོགས་པའི་མིང་འདུས་པ་ལ་ལར་ནི་འབྱུང་ལ། ལ་ལར་ནི་ལྡོག་སྟེ། གཟུགས་ལ་སོགས་པའི་མིང་འདུས་པ་གང་ལ་བཟའ་བའི་མིང་འབྱུང་བ་དེ་ལ་བཏུང་བའི་མིང་ལྡོག་ལ། གང་ལ་ལ་བཏུང་བའི་མིང་འབྱུང་བ་དེ་ལ་གོས་ཀྱི་མིང་ལྡོག་པ་དང༌། ལྷག་མ་དག་ལ་ཡང་བརྡར་བཏགས་པའི་མིང་དེ་དག་གི་འཇུག་པ་དང་ལྡོག་པ་དེ་བཞིན་དུ་རིག་པར་བྱའོ། །གཟུགས་དང་དྲི་དང་རོ་དང་རེག་པ་དག་གི་མིང་ནི་བཟའ་བ་དང༌། བཏུང་བ་དང༌། གོས་དང༌། རྒྱན་ལ་སོགས་པའི་མིང་གི་དངོས་པོ་ཐམས་ཅད་ལ་ཁྱད་པར་མེད་པར་འབྱུང་བས། དེའི་ཕྱིར་བཟའ་བ་དང་བཏུང་བ་དང་བཞོན་པ་དང་གོས་དང་རྒྱན་ལ་སོགས་པ་ནི་བཏགས་པའི་ཡོད་པ་ཡིན་ལ། གཟུགས་དང་དྲི་དང་རོ་དང་རེག་བྱ་དག་ནི་རྫས་སུ་ཡོད་པ་ཡིན་པར་རིག་པར་བྱའོ། །

'di ltar de dag gi ming ni gzugs la sogs pa'i ming 'dus pa la lar ni 'byung la/ la lar ni ldog ste/ gzugs la sogs pa'i ming 'dus pa gang la bza' ba'i ming 'byung ba de la btung ba'i ming ldog la/ gang la la btung ba'i ming 'byung ba de la gos kyi ming ldog pa dang/ lhag ma dag la yang brdar btags pa'i ming de dag gi 'jug pa dang ldog pa de bzhin du rig par bya'o/ /gzugs dang dri dang ro dang reg pa dag gi ming ni bza' ba dang/ btung ba dang/ gos dang/ rgyan la sogs pa'i ming gi dngos po thams cad la khyad par med par 'byung bas/ de'i phyir bza' ba dang btung ba dang bzhon pa dang gos dang rgyan la sogs pa ni btags pa'i yod pa yin la/ gzugs dang dri dang ro dang reg bya dag ni rdzas su yod pa yin par rig par bya'o/ /

【F2 辨假有品類差別】

བཏགས་པའི་ཡོད་པའི་ཆོས་རྣམས་ལ་བརྟེན་པའི་མིང་རྣམ་པ་དུ་མ་མང་པོ་སྣ་ཚོགས་དེ་དག་ཀྱང་མདོར་བསྡུ་ན་རྣམ་པ་གཉིས་སུ་རིག་པར་བྱ་སྟེ། འདུས་པ་གཅིག་ལ་བརྟེན་པ་དང༌། འདུས་པ་དུ་མ་ལ་བརྟེན་པའོ། །བཟའ་བ་དང༌། བཏུང་བ་དང༌། བཞོན་པ་དང༌། གོས་དང༌། རྒྱན་ལ་སོགས་པ་སོ་སོ་བ་ལ་བརྟེན་པ་ནི་འདུས་པ་གཅིག་ལ་བརྟེན་པ་ཡིན་ནོ། །རི་མོའི་ལས་དང་འཇིམ་པའི་ལས་དང༌། ཁང་ཁྱིམ་དང་གཞལ་མེད་ཁང་དང་དམག་དང་ནགས་ཚལ་ལ་སོགས་པ་ལ་བརྟེན་པ་ནི་འདུས་པ་དུ་མ་ལ་བརྟེན་པ་ཡིན་ནོ། །

btags pa'i yod pa'i chos rnams la brten pa'i ming rnam pa du ma mang po sna tshogs de dag kyang mdor bsdu na rnam pa gnyis su rig par bya ste/ 'dus pa gcig la brten pa dang/ 'dus pa du ma la brten pa'o/ /bza' ba dang/ btung ba dang/ bzhon pa dang/ gos dang/ rgyan la sogs pa so so ba la brten pa ni 'dus pa gcig la brten pa yin no/ /ri mo'i las dang 'jim pa'i las dang/ khang khyim dang gzhal med khang dang dmag dang nags tshal la sogs pa la brten pa ni 'dus pa du ma la brten pa yin no/ /

【C2 以二十九門分別】【D1 別解】【E1 解有色無色法】【F1 正辨有色無色】【G1 辨有色五相差別】【H1 問】

དེ་ལ་ཆོས་གཟུགས་ཅན་རྣམས་གང་ཞེ་ན།

de la chos gzugs can rnams gang zhe na/

【H2 解】【I1 總標有色列其五相】

མདོར་བསྡུ་ན་སྐྱེ་མཆེད་གཟུགས་ཅན་བཅུ་དང༌། ཆོས་ཀྱི་སྐྱེ་མཆེད་དུ་གཏོགས་པའི་གཟུགས་ཏེ། གཟུགས་ཀྱི་རང་གི་མཚན་ཉིད་དང་ལྡན་པ་ཡིན་པས་དེ་ལ་དེ་ཉིད་ཉེ་བར་གདགས་པ་བྱས་ནས་ཆོས་གཟུགས་ཅན་རྣམས་ཞེས་བྱའོ། །ཆོས་གཟུགས་ཅན་དེ་དག་གི་རབ་ཏུ་དབྱེ་བ་ནི་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། དངོས་པོ་དང༌། རང་གི་མཚན་ཉིད་དང༌། སྤྱིའི་མཚན་ཉིད་དང༌། ཁམས་དང༌། ལས་ཀྱིས་སོ། །

mdor bsdu na skye mched gzugs can bcu dang/ chos kyi skye mched du gtogs pa'i gzugs te/ gzugs kyi rang gi mtshan nyid dang ldan pa yin pas de la de nyid nye bar gdags pa byas nas chos gzugs can rnams zhes bya'o/ /chos gzugs can de dag gi rab tu dbye ba ni rnam pa lngas rnam par gzhag ste/ lnga gang zhe na/ dngos po dang/ rang gi mtshan nyid dang/ spyi'i mtshan nyid dang/ khams dang/ las kyis so/ /

【I2 別解五相】【J1 解事門】

དེ་ལ་གཟུགས་ཀྱི་དངོས་པོ་ནི་མདོར་བསྡུ་ན་གཟུགས་གང་ཡིན་པ་ཅི་ཡང་རུང་སྟེ། དེ་ཐམས་ཅད་འབྱུང་བ་ཆེན་པོ་བཞི་དག་དང༌། འབྱུང་བ་ཆེན་པོ་བཞི་དག་རྒྱུར་བྱས་པའོ་ཞེས་བྱ་བ་དེ་ཡིན་པར་རིག་པར་བྱ་སྟེ། དེ་ལས་གོང་ན་ཡང་མེད་ལ་དེ་ལས་ལྷག་པ་ཡང་མེད་དོ། །

de la gzugs kyi dngos po ni mdor bsdu na gzugs gang yin pa ci yang rung ste/ de thams cad 'byung ba chen po bzhi dag dang/ 'byung ba chen po bzhi dag rgyur byas pa'o zhes bya ba de yin par rig par bya ste/ de las gong na yang med la de las lhag pa yang med do/ /

【J2 解色自相】

གཟུགས་ཀྱི་རང་གི་མཚན་ཉིད་ནི་རྣམ་པ་གསུམ་སྟེ། དང་བ་དང་དང་བའི་གཟུང་བ་དང༌། ཡིད་ཀྱི་གཟུང་བའོ། །དེ་ལ་འབྱུང་བ་ཆེན་པོ་བཞི་རྒྱུར་བྱས་པ་མིག་ལ་སོགས་པའི་སྐྱེ་མཆེད་དུ་གཏོགས་པ་རྣམ་པར་ཤེས་པ་ལྔའི་རྟེན་གྱི་གཟུགས་དང་བ་རྣམ་པ་ལྔ་ནི་གཟུགས་དང་བ་ཞེས་བྱའོ། །མཚུངས་པའི་གཟུགས་དང་བ་ལྔ་པོ་དག་གི་ཡུལ་གཟུགས་ལ་སོགས་པ་ཡུལ་ལྔ་པོ་དག་ནི་དང་བས་གཟུང་བའི་གཟུགས་ཞེས་བྱའོ། །དེ་ལ་རྣམ་པར་ཤེས་པ་དང་བཅས་པའི་གཟུགས་དང་བ་རྣམས་ནི་རྣམ་པར་ཤེས་པ་རྣམས་དང་ཡུལ་མཚུངས་པའི་ཕྱིར་མཚུངས་པ་རྣམས་ཞེས་བྱའོ། །རྣམ་པར་ཤེས་པ་དང་བྲལ་བ་གང་དག་ཡིན་པ་དེ་དག་ནི་རིམ་གྱིས་རང་གི་རྒྱུན་དང་འདྲ་བར་འགྱུར་བའི་ཕྱིར་དེ་དག་དང་མཚུངས་པ་རྣམས་ཞེས་བྱའོ། །ཏིང་ངེ་འཛིན་གྱི་སྤྱོད་ཡུལ་གྱི་གཟུགས་བརྙན་གྱི་གཟུགས་ནི་ཡིད་ཀྱི་སྤྱོད་ཡུལ་གྱི་གཟུགས་ཞེས་བྱའོ། །

gzugs kyi rang gi mtshan nyid ni rnam pa gsum ste/ dang ba dang dang ba'i gzung ba dang/ yid kyi gzung ba'o/ /de la 'byung ba chen po bzhi rgyur byas pa mig la sogs pa'i skye mched du gtogs pa rnam par shes pa lnga'i rten gyi gzugs dang ba rnam pa lnga ni gzugs dang ba zhes bya'o/ /mtshungs pa'i gzugs dang ba lnga po dag gi yul gzugs la sogs pa yul lnga po dag ni dang bas gzung ba'i gzugs zhes bya'o/ /de la rnam par shes pa dang bcas pa'i gzugs dang ba rnams ni rnam par shes pa rnams dang yul mtshungs pa'i phyir mtshungs pa rnams zhes bya'o/ /rnam par shes pa dang bral ba gang dag yin pa de dag ni rim gyis rang gi rgyun dang 'dra bar 'gyur ba'i phyir de dag dang mtshungs pa rnams zhes bya'o/ /ting nge 'dzin gyi spyod yul gyi gzugs brnyan gyi gzugs ni yid kyi spyod yul gyi gzugs zhes bya'o/ /

【J3 解共相】

སྤྱིའི་མཚན་ཉིད་ཀྱང་རྣམ་པ་གསུམ་དུ་རིག་པར་བྱ་སྟེ། གཟུགས་ཐམས་ཅད་ནི་ཡུལ་མནན་ཏེ་གནས་པ་དང༌། ཡུལ་ལས་རྟག་ཏུ་རུང་བ་ཡིན་ནོ་ཞེས་བྱ་བ་ནི་སྤྱིའི་མཚན་ཉིད་དང་པོ་ཡིན་ནོ། །དང་བའི་གཟུགས་དང་དང་བའི་གཟུང་བའི་གཟུགས་འཕེལ་བ་དང་འགྲིབ་པ་དང་ལྡན་པ་ཐམས་ཅད་ནི་སྤྱིའི་མཚན་ཉིད་གཉིས་པ་ཡིན་ནོ། །ལག་པའི་འདུས་ཏེ་རེག་པ་བོང་བ་དང་དབྱུག་པ་དང་མཚོན་ཆ་དང་གྲང་བ་དང་དྲོ་བ་དང་བཀྲེས་པ་དང་སྐོམ་པ་དང་ཤ་སྦྲང་དང་སྦྲང་བུ་མཆུ་རིངས་དང་རླུང་དང་ཉི་མ་དང་སྡིག་སྦྲུལ་གྱི་འདུས་ཏེ་རེག་པའི་རེག་པ་དག་གིས་རེག་པར་བྱར་རུང་བ་དེ་དག་ཐམས་ཅད་ནི་སྤྱིའི་མཚན་ཉིད་གསུམ་པ་ཡིན་པར་རིག་པར་བྱའོ། །

spyi'i mtshan nyid kyang rnam pa gsum du rig par bya ste/ gzugs thams cad ni yul mnan te gnas pa dang/ yul las rtag tu rung ba yin no zhes bya ba ni spyi'i mtshan nyid dang po yin no/ /dang ba'i gzugs dang dang ba'i gzung ba'i gzugs 'phel ba dang 'grib pa dang ldan pa thams cad ni spyi'i mtshan nyid gnyis pa yin no/ /lag pa'i 'dus te reg pa bong ba dang dbyug pa dang mtshon cha dang grang ba dang dro ba dang bkres pa dang skom pa dang sha sbrang dang sbrang bu mchu rings dang rlung dang nyi ma dang sdig sbrul gyi 'dus te reg pa'i reg pa dag gis reg par byar rung ba de dag thams cad ni spyi'i mtshan nyid gsum pa yin par rig par bya'o/ /

【J4 解界門】

དེ་ལ་མཉམ་པར་གཞག་པའི་ས་པའི་གཟུགས་ལ་སྲེད་པ་དང་ལས་ཀྱིས་མངོན་པར་བསྒྲུབས་པའི་གཟུགས་གང་ཡིན་པ་དེ་ནི་གཟུགས་ན་སྤྱོད་པའི་གཟུགས་ཡིན་པར་རིག་པར་བྱའོ། །མཉམ་པར་མ་བཞག་པའི་ས་པའི་གཟུགས་ལ་སྲེད་པ་དང་ལས་ཀྱིས་མངོན་པར་བསྒྲུབས་པའི་གཟུགས་གང་ཡིན་པ་དེ་ནི་འདོད་པ་ན་སྤྱོད་པའི་གཟུགས་ཞེས་བྱའོ། །ཁམས་ལས་གཟུགས་ཀྱི་རབ་ཏུ་དབྱེ་བ་ནི་མདོར་བསྡུ་ན་རྣམ་པ་གཉིས་པོ་དེ་དག་ཡིན་ཏེ། གཟུགས་མེད་པ་ན་སྤྱོད་པ་རྣམས་ལ་ནི་གཟུགས་མེད་དོ། །དེ་ལ་གཟུགས་ཀྱི་སྤྱིའི་མཚན་ཉིད་འདི་ལྟ་སྟེ། ལག་པ་དང་བོང་བ་ལ་སོགས་པའི་འདུས་ཏེ་རེག་པ་དག་གིས་རེག་པར་བྱར་རུང་བ་གང་ཡིན་པའི་སྤྱིའི་མཚན་ཉིད་དེ་ནི་ཐམས་ཅད་དུ་འགྲོ་བ་མ་ཡིན་ཏེ། འདོད་པ་ན་སྤྱོད་པའི་ལྷ་རྣམས་མ་གཏོགས་པ་དེ་ལས་གཞན་པའི་འདོད་པའི་ཁམས་ན་ནི་ཐམས་ཅད་དུ་འགྲོ་བ་ཡིན་ནོ། །འདོད་པ་ན་སྤྱོད་པའི་ལྷ་རྣམས་ཀྱི་གཟུགས་གང་ཡིན་པ་དེ་ནི་ལག་པ་དང་དབྱུག་པ་དང་མཚོན་ཆའི་འདུས་ཏེ་རེག་པ་དག་གིས་རེག་ན་གནོད་པར་ནི་འགྱུར་མོད་ཀྱི། གྲང་བ་དང་ཚ་བ་དང་བཀྲེས་པ་དང་སྐོམ་པ་ལ་སོགས་པའི་འདུས་ཏེ་རེག་པས་ནི་མ་ཡིན་ཏེ། དེ་དག་གི་བཟའ་བ་དང་བཏུང་བ་ལ་སོགས་པ་ཡོ་བྱད་ཐམས་ཅད་ནི་འདུན་པ་བསྐྱེད་པ་ཙམ་གྱིས་ལེགས་པར་འགྲུབ་པར་འགྱུར་པས། དེའི་ཕྱིར་དེ་དག་ལ་བཀྲེས་པ་དང་སྐོམ་པ་དག་འབྱུང་ཡང་གནོད་པར་མི་འགྱུར་རོ། །གཟུགས་ན་སྤྱོད་པའི་གཟུགས་ནི་ལག་པ་དང་དབྱུག་པ་དང༌། མཚོན་ཆའི་འདུས་ཏེ་རེག་པ་དག་གིས་ཀྱང་རེག་ན་ཡང་གནོད་པར་མི་འགྱུར་ལ། དེ་ལས་གཞན་པའི་འདུས་ཏེ་རེག་པ་དག་གིས་ཀྱང་གནོད་པར་མི་འགྱུར་རོ། །

de la mnyam par gzhag pa'i sa pa'i gzugs la sred pa dang las kyis mngon par bsgrubs pa'i gzugs gang yin pa de ni gzugs na spyod pa'i gzugs yin par rig par bya'o/ /mnyam par ma bzhag pa'i sa pa'i gzugs la sred pa dang las kyis mngon par bsgrubs pa'i gzugs gang yin pa de ni 'dod pa na spyod pa'i gzugs zhes bya'o/ /khams las gzugs kyi rab tu dbye ba ni mdor bsdu na rnam pa gnyis po de dag yin te/ gzugs med pa na spyod pa rnams la ni gzugs med do/ /de la gzugs kyi spyi'i mtshan nyid 'di lta ste/ lag pa dang bong ba la sogs pa'i 'dus te reg pa dag gis reg par byar rung ba gang yin pa'i spyi'i mtshan nyid de ni thams cad du 'gro ba ma yin te/ 'dod pa na spyod pa'i lha rnams ma gtogs pa de las gzhan pa'i 'dod pa'i khams na ni thams cad du 'gro ba yin no/ /'dod pa na spyod pa'i lha rnams kyi gzugs gang yin pa de ni lag pa dang dbyug pa dang mtshon cha'i 'dus te reg pa dag gis reg na gnod par ni 'gyur mod kyi/ grang ba dang tsha ba dang bkres pa dang skom pa la sogs pa'i 'dus te reg pas ni ma yin te/ de dag gi bza' ba dang btung ba la sogs pa yo byad thams cad ni 'dun pa bskyed pa tsam gyis legs par 'grub par 'gyur pas/ de'i phyir de dag la bkres pa dang skom pa dag 'byung yang gnod par mi 'gyur ro/ /gzugs na spyod pa'i gzugs ni lag pa dang dbyug pa dang/ mtshon cha'i 'dus te reg pa dag gis kyang reg na yang gnod par mi 'gyur la/ de las gzhan pa'i 'dus te reg pa dag gis kyang gnod par mi 'gyur ro/ /

【J5 解業門】

ལུས་ཀྱི་ལས་དང་ངག་གི་ལས་དགེ་བ་དང་མི་དགེ་བ་དང་ལུང་དུ་མ་བསྟན་པའི་གཟུགས་ཅན་ནི་གཟུགས་ཞེས་བྱ་སྟེ། དེ་ལྟར་ན་དེ་ནི་ལས་ལས་གཟུགས་ཀྱི་རབ་ཏུ་དབྱེ་བ་རྣམ་པར་གཞག་པ་ཡིན་པར་རིག་པར་བྱའོ། །

lus kyi las dang ngag gi las dge ba dang mi dge ba dang lung du ma bstan pa'i gzugs can ni gzugs zhes bya ste/ de ltar na de ni las las gzugs kyi rab tu dbye ba rnam par gzhag pa yin par rig par bya'o/ /

【G2 翻顯無色亦由五相差別建立】

ཆོས་གཟུགས་ཅན་མ་ཡིན་པ་རྣམས་ཀྱི་རབ་ཏུ་དབྱེ་བ་ནི་དེ་ལས་བཟློག་པ་རྣམ་པ་ལྔ་པོ་དེ་དག་ཉིད་ཀྱིས་རྣམ་པར་གཞག་པར་རིག་པར་བྱའོ། །

chos gzugs can ma yin pa rnams kyi rab tu dbye ba ni de las bzlog pa rnam pa lnga po de dag nyid kyis rnam par gzhag par rig par bya'o/ /

【F2 隨難重釋】

གཟུགས་འདུས་པ་ནི་གཟུགས་འདུས་པ་རྣམ་པར་གཞག་པ་ལས་མདོར་བསྡུ་ན་རྣམ་པ་གཉིས་ཏེ། མ་འདྲེས་པའི་འབྱུང་བ་ལས་གྱུར་པ་དང༌། མ་འདྲེས་པ་མ་ཡིན་པའི་འབྱུང་བ་ལས་གྱུར་པའོ། །དེ་ལ་མ་འདྲེས་པའི་འབྱུང་བ་ལས་གྱུར་པ་ནི་གང་ལ་འབྱུང་བ་ཆེན་པོ་གཅིག་ཁོ་ན་དམིགས་པ་ཡིན་ནོ། །མ་འདྲེས་པ་མ་ཡིན་པའི་འབྱུང་བ་ལས་གྱུར་པ་ནི་གང་ལས་འབྱུང་བ་ཆེན་པོ་གཉིས་སམ་དེ་བས་ལྷག་པ་དམིགས་པ་ཡིན་ནོ། །དེ་ལ་མ་འདྲེས་པའི་འབྱུང་བ་ལས་གྱུར་པའི་གཟུགས་འདུས་པ་ལ་ནི་རྡུལ་ཕྲ་རབ་མ་གཏོགས་པར་འབྱུང་བ་རྣམས་འདྲེས་ཤིང་དབྱེར་མེད་པ་ཡིན་པར་རིག་པར་བྱ་སྟེ། འབྱུང་བ་རྣམས་ཀྱི་ཕྱོགས་གཅིག་དབྱེར་མེད་པ་ནི་མེད་པའི་ཕྱིར་རོ། །མ་འདྲེས་པ་མ་ཡིན་པའི་འབྱུང་བ་ལས་གྱུར་པའི་གཟུགས་འདུས་པ་ལ་ནི་རྡུལ་ཕྲ་རབ་གང་ཡིན་པ་དེ་རྒྱུར་བྱས་པའི་གཟུགས་བཞིན་དུ་དེ་ལས་གཞན་པའི་འབྱུང་བ་ཆེན་པོ་རྣམས་དང༌། ཕྱོགས་གཅིག་དབྱེར་མེད་པ་ཡིན་པར་རིག་པར་བྱ་སྟེ། འབྱུང་བ་ཆེན་པོ་དེ་དག་ཀྱང་རྒྱུར་བྱས་པའི་གཟུགས་ཉིད་དུ་མི་འགྱུར་ཏེ། གཅིག་ལ་གཅིག་བརྟེན་ཅིང་འཇུག་པ་ཉིད་མ་ཡིན་པ་དང༌། ཡུལ་ཐ་དད་པ་གནོན་པའི་མཐུ་ཡོད་པའི་ཕྱིར་རོ། །དེ་ལས་འབྱུང་བ་དང་འབྱུང་བ་ལས་གྱུར་པ་རྣམས་ནི་ཕྱོགས་གཅིག་དབྱེར་མེད་པ་ཡིན་པར་བལྟ་བར་བྱ་སྟེ། འདི་ལྟ་སྟེ། དཔེར་ན་ནོར་བུ་འོད་སྔོན་པོ་དང་སེར་པོ་དང་དམར་པོ་དང༌། དཀར་པོ་དང་ལྡན་པ་ཟ་མ་ཏོག་ཏུ་བཅུག་པ་རྣམས་ཀྱི་འོད་སྣ་ཚོགས་དག་དང་འདྲའོ། །དེ་ལ་འདྲེས་ཤིང་དབྱེར་མེད་པ་དང་འདྲ་བར་དཔེའི་དོན་ཡང་སྔ་མ་བཞིན་དུ་རིག་པར་བྱའོ༑ །ཡང་ཏིལ་དང་སྲན་ཆུང་དང༌། མོན་སྲན་གྲེའུ་ལ་སོགས་པ་དང༌། ཕྱེ་མ་ཞིབ་མོ་རྣམས་དང༌། སྦྲང་རྩི་དང་བུ་རམ་ལ་སོགས་པ་བསྲེས་པས་བསྡུས་པའི་འདུས་པ་གང་ཡིན་པ་དེ་ནི་ཕྱོགས་གཅིག་དབྱེར་མེད་པ་ཡང་མ་ཡིན་ལ། འདྲེས་པའི་དངོས་པོས་དབྱེར་མེད་པ་ཡང་མ་ཡིན་པར་བལྟ་བར་བྱ་སྟེ། འོན་ཀྱང་འདུས་པ་དེ་ནི་སྦྱོར་བས་དབྱེར་མེད་པ་ཡིན་པ་དང༌། མང་པོ་འདུས་པ་ལས་བྱུང་བ་ཡིན་པས་འདུས་པ་གཅིག་གི་མཚན་ཉིད་མ་ཡིན་ནོ། །དེ་ལས་གཞན་པ་ནི་འདུས་པ་གཅིག་གི་མཚན་ཉིད་ཡིན་པར་བལྟ་བར་བྱ་སྟེ། ཕྱོགས་གཅིག་དབྱེར་མེད་པ་ལ་བརྟེན་པ་ནི་འདྲེས་པའི་དངོས་པོ་དབྱེར་མེད་པར་ཡང་ཡིན་པར་བལྟ་བར་བྱ་སྟེ། གཞན་དུ་ན་དེ་མི་རུང་བའི་ཕྱིར་རོ། །

gzugs 'dus pa ni gzugs 'dus pa rnam par gzhag pa las mdor bsdu na rnam pa gnyis te/ ma 'dres pa'i 'byung ba las gyur pa dang/ ma 'dres pa ma yin pa'i 'byung ba las gyur pa'o/ /de la ma 'dres pa'i 'byung ba las gyur pa ni gang la 'byung ba chen po gcig kho na dmigs pa yin no/ /ma 'dres pa ma yin pa'i 'byung ba las gyur pa ni gang las 'byung ba chen po gnyis sam de bas lhag pa dmigs pa yin no/ /de la ma 'dres pa'i 'byung ba las gyur pa'i gzugs 'dus pa la ni rdul phra rab ma gtogs par 'byung ba rnams 'dres shing dbyer med pa yin par rig par bya ste/ 'byung ba rnams kyi phyogs gcig dbyer med pa ni med pa'i phyir ro/ /ma 'dres pa ma yin pa'i 'byung ba las gyur pa'i gzugs 'dus pa la ni rdul phra rab gang yin pa de rgyur byas pa'i gzugs bzhin du de las gzhan pa'i 'byung ba chen po rnams dang/ phyogs gcig dbyer med pa yin par rig par bya ste/ 'byung ba chen po de dag kyang rgyur byas pa'i gzugs nyid du mi 'gyur te/ gcig la gcig brten cing 'jug pa nyid ma yin pa dang/ yul tha dad pa gnon pa'i mthu yod pa'i phyir ro/ /de las 'byung ba dang 'byung ba las gyur pa rnams ni phyogs gcig dbyer med pa yin par blta bar bya ste/ 'di lta ste/ dper na nor bu 'od sngon po dang ser po dang dmar po dang/ dkar po dang ldan pa za ma tog tu bcug pa rnams kyi 'od sna tshogs dag dang 'dra'o/ /de la 'dres shing dbyer med pa dang 'dra bar dpe'i don yang snga ma bzhin du rig par bya'o| /yang til dang sran chung dang/ mon sran gre'u la sogs pa dang/ phye ma zhib mo rnams dang/ sbrang rtsi dang bu ram la sogs pa bsres pas bsdus pa'i 'dus pa gang yin pa de ni phyogs gcig dbyer med pa yang ma yin la/ 'dres pa'i dngos pos dbyer med pa yang ma yin par blta bar bya ste/ 'on kyang 'dus pa de ni sbyor bas dbyer med pa yin pa dang/ mang po 'dus pa las byung ba yin pas 'dus pa gcig gi mtshan nyid ma yin no/ /de las gzhan pa ni 'dus pa gcig gi mtshan nyid yin par blta bar bya ste/ phyogs gcig dbyer med pa la brten pa ni 'dres pa'i dngos po dbyer med par yang yin par blta bar bya ste/ gzhan du na de mi rung ba'i phyir ro/ /

【E2 合解有見無見法與有對無對法】【F1 解有見無見門】

དེ་ལ་ཆོས་བསྟན་དུ་ཡོད་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། འདི་ལྟ་སྟེ། ཁ་དོག་དང༌། དབྱིབས་དང༌། རྣམ་པར་རིག་བྱེད་དང༌། མིག་གི་ཡུལ་དང༌། མིག་གི་རྣམ་པར་ཤེས་པའི་དམིགས་པས་སོ། །ཆོས་བསྟན་དུ་མེད་པ་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་གཞག་པར་རིག་པར་བྱའོ། །

de la chos bstan du yod pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ 'di lta ste/ kha dog dang/ dbyibs dang/ rnam par rig byed dang/ mig gi yul dang/ mig gi rnam par shes pa'i dmigs pas so/ /chos bstan du med pa rnams kyi rab tu dbye ba yang de las bzlog pa rnam pa lnga kho nas rnam par gzhag par rig par bya'o/ /

【F2 解有對無對門】

དེ་ལ་ཆོས་ཐོགས་པ་དང་བཅས་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། ཡུལ་མནན་ཏེ་གནས་པ་དང༌། དེ་ལས་གཞན་པའི་གཟུགས་འདུས་པ་འགྲོ་བའི་གོ་སྐབས་ལ་སྒྲིབ་པ་དང༌། ལག་པ་དང་བོང་བ་དང་དབྱུག་པ་ལ་སོགས་པའི་འདུས་ཏེ་རེག་པ་དག་གིས་གཟུགས་སུ་རུང་བ་དང༌། དང་བའི་གཟུགས་ཐམས་ཅད་ཀྱི་གཟུང་བ་ཡིན་པ་དང༌། དང་བའི་གཟུགས་ལ་བརྟེན་པའི་རྣམ་པར་ཤེས་པ་ཐམས་ཅད་ཀྱི་དམིགས་པ་ཡིན་པས་སོ། །ཆོས་ཐོགས་པ་མེད་པ་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་གཞག་པར་རིག་པར་བྱའོ། །

de la chos thogs pa dang bcas pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ yul mnan te gnas pa dang/ de las gzhan pa'i gzugs 'dus pa 'gro ba'i go skabs la sgrib pa dang/ lag pa dang bong ba dang dbyug pa la sogs pa'i 'dus te reg pa dag gis gzugs su rung ba dang/ dang ba'i gzugs thams cad kyi gzung ba yin pa dang/ dang ba'i gzugs la brten pa'i rnam par shes pa thams cad kyi dmigs pa yin pas so/ /chos thogs pa med pa rnams kyi rab tu dbye ba yang de las bzlog pa rnam pa lnga kho nas rnam par gzhag par rig par bya'o/ /

【F3 解無見無對門】

དེ་ལ་ཆོས་བསྟན་དུ་མེད་ལ་ཐོགས་པ་མེད་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་པར་རིག་པར་བྱ་སྟེ། ལྔ་གང་ཞེ་ན། རྒྱུ་དང༌། ཡུལ་གནོན་པ་དང༌། སྣང་བ་དང༌། འགྱུར་བ་མེད་པ་དང༌། དམིགས་པས་སོ། །དེ་ལ་མཐུ་དང་ལྡན་པའི་ཏིང་ངེ་འཛིན་དང་ལྡན་པའི་གཟུགས་ལ་མོས་པ་ནི་བསྟན་དུ་མེད་ལ་ཐོགས་པ་མེད་པའི་གཟུགས་སྐྱེ་བའི་རྒྱུ་ཞེས་བྱའོ། །དེ་སྐྱེས་ན་ཡུལ་ན་གནས་པར་སྣང་བས་དེའི་ཕྱིར་གཟུགས་ཞེས་བྱ་སྟེ། དེ་སྐྱེ་མཆེད་གཟུགས་ཅན་བཅུའི་རང་གི་མཚན་ཉིད་དང་ལྡན་པ་ནི་མ་ཡིན་ནོ། །དེའི་ངོ་བོ་ཉིད་དུ་སྣང་བ་ཡང༌། དེ་ལས་གཞན་པའི་གཟུགས་འདུས་པ་འགྲོ་བའི་ལས་ཀྱི་གོ་སྐབས་ལ་ཡང་སྒྲིབ་པར་མི་གནས་ལ། དང་བའི་གཟུགས་ཐམས་ཅད་དང་། དེ་ལ་བརྟེན་པའི་རྣམ་པར་ཤེས་པ་རྣམས་ཀྱི་ཡུལ་ཡང་མ་ཡིན། དམིགས་པ་ཡང་མ་ཡིན་པས། དེའི་ཕྱིར་བསྟན་དུ་མེད་ལ་ཐོགས་པ་མེད་པ་ཞེས་བྱའོ། །ལག་པ་ལ་སོགས་པའི་འདུས་ཏེ་རེག་པ་དག་གིས་གནོད་པར་བྱར་མེད་པས། དེའི་ཕྱིར་གྱུར་པ་མེད་པ་ཞེས་བྱའོ། །དངོས་གཞིའི་ཏིང་ངེ་འཛིན་ནི་མཐུ་དང་ལྡན་པའི་ཏིང་ངེ་འཛིན་ཞེས་བྱ་སྟེ། གཟུགས་དེ་ནི་དེའི་དམིགས་པ་ཡིན་གྱི་གཞན་ནི་མ་ཡིན་ནོ། །འདི་ལྟ་སྟེ། དཔེར་ན། སེམས་ཐམས་ཅད་ཀྱིས་སྤྲུལ་པ་སྤྲུལ་པར་མི་ནུས་ཀྱི་སེམས་ཅན་གང་མཐུ་དང་ལྡན་པ་དེས་སྤྲུལ་པར་ནུས་པ་དེ་བཞིན་དུ་མཉམ་པར་བཞག་པའི་སེམས་མཐུ་དང་ལྡན་པ་དེ་ལ་བསྟན་ནས། བསྟན་དུ་མེད་ལ་ཐོགས་པ་མེད་པའི་གཟུགས་དེ། སྤྲུལ་པ་ལྟ་བུར་འབྱུང་ཞིང་དེ་ཉིད་དེའི་དམིགས་པ་ཡིན་གྱི། མཉམ་པར་མ་བཞག་པ་མཐུ་དང་མི་ལྡན་པ་ལས་ནི་མ་ཡིན་ནོ། །ཆོས་བསྟན་དུ་ཡོད་ལ་ཐོགས་པ་དང་བཅས་པ་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་གཞག་པར་རིག་པར་བྱའོ།། །།

de la chos bstan du med la thogs pa med pa rnams kyi rab tu dbye ba yang rnam pa lnga kho nas rnam par gzhag par rig par bya ste/ lnga gang zhe na/ rgyu dang/ yul gnon pa dang/ snang ba dang/ 'gyur ba med pa dang/ dmigs pas so/ /de la mthu dang ldan pa'i ting nge 'dzin dang ldan pa'i gzugs la mos pa ni bstan du med la thogs pa med pa'i gzugs skye ba'i rgyu zhes bya'o/ /de skyes na yul na gnas par snang bas de'i phyir gzugs zhes bya ste/ de skye mched gzugs can bcu'i rang gi mtshan nyid dang ldan pa ni ma yin no/ /de'i ngo bo nyid du snang ba yang/ de las gzhan pa'i gzugs 'dus pa 'gro ba'i las kyi go skabs la yang sgrib par mi gnas la/ dang ba'i gzugs thams cad dang / de la brten pa'i rnam par shes pa rnams kyi yul yang ma yin/ dmigs pa yang ma yin pas/ de'i phyir bstan du med la thogs pa med pa zhes bya'o/ /lag pa la sogs pa'i 'dus te reg pa dag gis gnod par byar med pas/ de'i phyir gyur pa med pa zhes bya'o/ /dngos gzhi'i ting nge 'dzin ni mthu dang ldan pa'i ting nge 'dzin zhes bya ste/ gzugs de ni de'i dmigs pa yin gyi gzhan ni ma yin no/ /'di lta ste/ dper na/ sems thams cad kyis sprul pa sprul par mi nus kyi sems can gang mthu dang ldan pa des sprul par nus pa de bzhin du mnyam par bzhag pa'i sems mthu dang ldan pa de la bstan nas/ bstan du med la thogs pa med pa'i gzugs de/ sprul pa lta bur 'byung zhing de nyid de'i dmigs pa yin gyi/ mnyam par ma bzhag pa mthu dang mi ldan pa las ni ma yin no/ /chos bstan du yod la thogs pa dang bcas pa rnams kyi rab tu dbye ba yang de las bzlog pa rnam pa lnga kho nas rnam par gzhag par rig par bya'o// //

【E3 有漏無漏法】【F1 辨有漏】【G1 標列五相】

བམ་པོ་ཉི་ཤུ་རྩ་གསུམ་པ། དེ་ལ་ཆོས་ཟག་པ་དང་བཅས་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། གཞི་དང་བག་ལ་ཉལ་དང་མཚུངས་པར་ལྡན་པ་དང༌། དམིགས་པ་དང༌། མངོན་པར་སྐྱེ་བས་སོ། །

bam po nyi shu rtsa gsum pa/ de la chos zag pa dang bcas pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ gzhi dang bag la nyal dang mtshungs par ldan pa dang/ dmigs pa dang/ mngon par skye bas so/ /

【G2 別解】【H1 有漏事】

ཆོས་ཟག་པ་དང་བཅས་པ་རྣམས་ཀྱི་གཞི་གང་ཞེ་ན། དང་བའི་གཟུགས་དང་དེ་དང་འབྲེལ་པ་དང༌། མ་འབྲེལ་པའི་ཕྱི་རོལ་གྱི་གཟུགས་དང༌། སེམས་དང་སེམས་ལས་བྱུང་བའི་ཆོས་ཉོན་མོངས་པ་ཅན་དང་ཉོན་མོངས་པ་ཅན་མ་ཡིན་པ་རྣམས་དང༌། སེམས་དང་སེམས་ལས་བྱུང་བའི་ཆོས་དགེ་བ་དང་མི་དགེ་བ་དང༌། ལུང་དུ་མ་བསྟན་པ་རྣམས་སོ། །དེ་ལྟར་ཟག་པ་དང་བཅས་པའི་གཞི་དེ་ནི་རྣམ་པ་བཞི་པོ་བག་ལ་ཉལ་དང་མཚུངས་པར་ལྡན་པ་དང༌། དམིགས་པ་དང་མངོན་པར་སྐྱེ་བ་དག་གིས་ཅི་རིགས་པར་ཟག་པ་དང་བཅས་པ་ཡིན་པར་རིག་པར་བྱའོ། །

chos zag pa dang bcas pa rnams kyi gzhi gang zhe na/ dang ba'i gzugs dang de dang 'brel pa dang/ ma 'brel pa'i phyi rol gyi gzugs dang/ sems dang sems las byung ba'i chos nyon mongs pa can dang nyon mongs pa can ma yin pa rnams dang/ sems dang sems las byung ba'i chos dge ba dang mi dge ba dang/ lung du ma bstan pa rnams so/ /de ltar zag pa dang bcas pa'i gzhi de ni rnam pa bzhi po bag la nyal dang mtshungs par ldan pa dang/ dmigs pa dang mngon par skye ba dag gis ci rigs par zag pa dang bcas pa yin par rig par bya'o/ /

【H2 解隨眠】

དེ་ལ་དང་བའི་གཟུགས་དང༌། སེམས་དང་སེམས་ལས་བྱུང་བའི་ཆོས་ཇི་སྐད་བསྟན་པ་ཐམས་ཅད་ལ་ཉོན་མོངས་པའི་ས་བོན་ཡང་དག་པར་མ་བཅོམ་པ་དང༌། མ་སྤངས་པ་གང་ཡིན་པ་དེ་ནི་བག་ལ་ཉལ་ཞེས་བྱ་བ་སྟེ། གནས་ངན་ལེན་ཀྱང་དེ་ཡིན་ནོ། །དེའི་ཕྱིར་ཇི་སྐད་དུ་དེ་མ་ལུས་པར་མ་སྤངས་པའི་བར་དུ་དེས་ན་དེ་དག་བག་ལ་ཉལ་ལས་ཟག་པ་དང་བཅས་པ་ཞེས་བྱའོ། །

de la dang ba'i gzugs dang/ sems dang sems las byung ba'i chos ji skad bstan pa thams cad la nyon mongs pa'i sa bon yang dag par ma bcom pa dang/ ma spangs pa gang yin pa de ni bag la nyal zhes bya ba ste/ gnas ngan len kyang de yin no/ /de'i phyir ji skad du de ma lus par ma spangs pa'i bar du des na de dag bag la nyal las zag pa dang bcas pa zhes bya'o/ /

【H3 解相應】

སེམས་དང་སེམས་ལས་བྱུང་བའི་ཆོས་ཉོན་མོངས་པ་ཅན་གང་དག་ཡིན་པ་དེ་དག་ནི་མཚུངས་པར་ལྡན་པ་ལས་ཀྱང་ཟག་པ་དང་བཅས་པ་ཞེས་བྱའོ། །

sems dang sems las byung ba'i chos nyon mongs pa can gang dag yin pa de dag ni mtshungs par ldan pa las kyang zag pa dang bcas pa zhes bya'o/ /

【H4 解所緣】

དངོས་པོ་ཡོད་པ་དང༌། མངོན་སུམ་གྱི་སྤྱོད་ཡུལ་དང༌། ཟག་པ་དང་བཅས་པའི་དབང་གིས་བྱུང་བ་གང་ཡིན་པ་དེ་ནི་ཟག་པའི་དམིགས་པ་ལས་ཟག་པ་དང་བཅས་པ་ཞེས་བྱའོ། །དེ་ལ་ད་ལྟར་གང་ཡིན་པ་དེ་ནི་ཡོད་པ་ཡིན་ལ་འདས་པ་དང་མ་འོངས་པ་གང་ཡིན་པ་དེ་ནི་མེད་པ་ཡིན་ནོ། །དང་བ་ལ་བརྟེན་པའི་རྣམ་པར་ཤེས་པའི་སྤྱོད་ཡུལ་གང་ཡིན་པ་དེ་ནི་མངོན་སུམ་གྱི་སྤྱོད་ཡུལ་ཡིན་ལ་དེ་ལས་གཞན་པ་གང་ཡིན་པ་དེ་ནི་མངོན་སུམ་གྱི་སྤྱོད་ཡུལ་མ་ཡིན་པར་རིག་པར་བྱའོ། །ཟག་པ་དང་བཅས་པའི་དབང་གིས་བྱུང་བ་འདི་ལྟ་སྟེ། ནང་གི་སྐྱེ་མཆེད་ཀྱི་དབང་གིས་ཕྱི་རོལ་གྱི་སྐྱེ་མཆེད་དག་འབྱུང་བ་གང་ཡིན་པ་དེ་ཡང་དེའི་དམིགས་པ་ཁོ་ན་ལས་ཟག་པ་དང་བཅས་པ་ཡིན་པར་རིག་པར་བྱའོ། །འདི་ལྟར་ཉོན་མོངས་པ་གང་འདས་པ་དང་མ་འོངས་པ་ལ་དམིགས་ནས་བྱུང་བའི་འདས་པ་དང་མ་འོངས་པ་དེ་ནི་མེད་པའི་ཕྱིར་དམིགས་ལ་ལས་ཟག་པ་དང་བཅས་པ་ཞེས་མི་བྱའོ། །ད་ལྟར་གྱི་དངོས་པོ་ཡིན་ཡང་མངོན་སུམ་གྱི་སྤྱོད་ཡུལ་མ་ཡིན་པ་ཡང་ཡོད་དེ། འདི་ལྟ་སྟེ། དང་བའི་གཟུགས་དང༌། སེམས་དང་སེམས་ལས་བྱུང་བའི་ཆོས་ཉོན་མོངས་པ་ཅན་དང༌། དགེ་བ་དང་ལུང་དུ་མ་བསྟན་པ་ཐམས་ཅད་དོ། དེ་དག་ཀྱང་ཉོན་མོངས་པའི་དམིགས་པ་ལས་ཟག་པ་དང་བཅས་པ་ཞེས་མི་བྱ་སྟེ། འདི་ལྟར་རང་གིས་ཡོངས་སུ་བརྟགས་པའི་མཚན་མས་དེ་ལ་ཉོན་མོངས་པ་འབྱུང་བ་དེའི་ཕྱིར་ཏེ། ཆོས་དེ་གསལ་བར་དེའི་སྤྱོད་ཡུལ་དུ་གྱུར་པ་ནི་མ་ཡིན་ནོ། །

dngos po yod pa dang/ mngon sum gyi spyod yul dang/ zag pa dang bcas pa'i dbang gis byung ba gang yin pa de ni zag pa'i dmigs pa las zag pa dang bcas pa zhes bya'o/ /de la da ltar gang yin pa de ni yod pa yin la 'das pa dang ma 'ongs pa gang yin pa de ni med pa yin no/ /dang ba la brten pa'i rnam par shes pa'i spyod yul gang yin pa de ni mngon sum gyi spyod yul yin la de las gzhan pa gang yin pa de ni mngon sum gyi spyod yul ma yin par rig par bya'o/ /zag pa dang bcas pa'i dbang gis byung ba 'di lta ste/ nang gi skye mched kyi dbang gis phyi rol gyi skye mched dag 'byung ba gang yin pa de yang de'i dmigs pa kho na las zag pa dang bcas pa yin par rig par bya'o/ /'di ltar nyon mongs pa gang 'das pa dang ma 'ongs pa la dmigs nas byung ba'i 'das pa dang ma 'ongs pa de ni med pa'i phyir dmigs la las zag pa dang bcas pa zhes mi bya'o/ /da ltar gyi dngos po yin yang mngon sum gyi spyod yul ma yin pa yang yod de/ 'di lta ste/ dang ba'i gzugs dang/ sems dang sems las byung ba'i chos nyon mongs pa can dang/ dge ba dang lung du ma bstan pa thams cad do/ de dag kyang nyon mongs pa'i dmigs pa las zag pa dang bcas pa zhes mi bya ste/ 'di ltar rang gis yongs su brtags pa'i mtshan mas de la nyon mongs pa 'byung ba de'i phyir te/ chos de gsal bar de'i spyod yul du gyur pa ni ma yin no/ /

【H5 解生起】

དེ་ལ་མངོན་པར་སྐྱེ་བ་ལས་ཟག་པ་དང་བཅས་པ་ནི་འདི་ལྟ་སྟེ། བག་ལ་ཉལ་ཡང་མ་སྤངས་ཤིང༌། ཉོན་མོངས་པའི་གནས་དང་མཐུན་པའི་ཡུལ་ཡང་སྣང་བར་འགྱུར་ལ། དེ་ལ་ཚུལ་བཞིན་མ་ཡིན་པ་ཡིད་ལ་བྱེད་པ་ཡང་ཉེ་བར་གནས་པར་གྱུར་ན། རྒྱུ་དེ་དང་རྐྱེན་དེས་ཆོས་གང་ལ་ལ་སྐྱེ་བའམ། སྐྱེས་པའམ། སྐྱེ་བར་འགྱུར་བ་དེ་དག་ཐམས་ཅད་ནི་མངོན་པར་སྐྱེ་བ་ལས་ཟག་པ་དང་བཅས་པ་ཡིན་པར་རིག་པར་བྱའོ། །གཞན་ཡང་མི་དགེ་བའི་ཉོན་མོངས་པ་དག་ལས་རྣམ་པར་སྨིན་པ་དང༌། རྣམ་པར་སྨིན་པའི་དབང་གིས་འབྲས་བུའི་ཕྱི་རོལ་གྱི་དངོས་པོ་གང་དག་མངོན་པར་འགྲུབ་པར་འགྱུར་བ་དེ་དག་ཐམས་ཅད་ཀྱང་མངོན་པར་སྐྱེ་བ་ལས་ཟག་པ་དང་བཅས་པ་ཡིན་པར་བལྟ་བར་བྱའོ། །གཞན་ཡང་ལུང་དུ་མ་བསྟན་པའི་ཉོན་མོངས་པ་གཟུགས་དང་གཟུགས་མེད་པ་དང་ལྡན་པ་དག་གིས་དེར་ཉིང་མཚམས་སྦྱོར་བ་གང་ཡིན་པ་དེ་ཡང་ཉིང་མཚམས་སྦྱོར་ཞིང་མངོན་པར་སྐྱེ་བ་ལས་ཟག་པ་དང་བཅས་པ་ཡིན་པར་རིག་པར་བྱའོ། །

de la mngon par skye ba las zag pa dang bcas pa ni 'di lta ste/ bag la nyal yang ma spangs shing/ nyon mongs pa'i gnas dang mthun pa'i yul yang snang bar 'gyur la/ de la tshul bzhin ma yin pa yid la byed pa yang nye bar gnas par gyur na/ rgyu de dang rkyen des chos gang la la skye ba'am/ skyes pa'am/ skye bar 'gyur ba de dag thams cad ni mngon par skye ba las zag pa dang bcas pa yin par rig par bya'o/ /gzhan yang mi dge ba'i nyon mongs pa dag las rnam par smin pa dang/ rnam par smin pa'i dbang gis 'bras bu'i phyi rol gyi dngos po gang dag mngon par 'grub par 'gyur ba de dag thams cad kyang mngon par skye ba las zag pa dang bcas pa yin par blta bar bya'o/ /gzhan yang lung du ma bstan pa'i nyon mongs pa gzugs dang gzugs med pa dang ldan pa dag gis der nying mtshams sbyor ba gang yin pa de yang nying mtshams sbyor zhing mngon par skye ba las zag pa dang bcas pa yin par rig par bya'o/ /

【G3 結】

དེ་ལྟར་ན་ཆོས་ཟག་པ་དང་བཅས་པ་རྣམས་ཀྱི་རབ་ཏུ་དབྱེ་བ་ནི་རྣམ་པ་ལྔ་པོ་གཞི་དང་བག་ལ་ཉལ་དང༌། མཚུངས་པར་ལྡན་པ་དང༌། དམིགས་པ་དང་སྐྱེས་པ་ཁོ་ནས་རྣམ་པར་གཞག་པར་རིག་པར་བྱའོ། །

de ltar na chos zag pa dang bcas pa rnams kyi rab tu dbye ba ni rnam pa lnga po gzhi dang bag la nyal dang/ mtshungs par ldan pa dang/ dmigs pa dang skyes pa kho nas rnam par gzhag par rig par bya'o/ /

【F2 解無漏】

དེ་ལ་ཆོས་ཟག་པ་མེད་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནར་རྣམ་པར་གཞག་སྟེ། ལྔ་གང་ཞེ་ན། ཀུན་ནས་དཀྲིས་པ་དང་བྲལ་བའི་ཕྱིར་ཟག་པ་མེད་པ་ཞེས་བྱ་བའི་ཆོས་དག་ཀྱང་ཡོད་དེ། འདི་ལྟ་སྟེ། དགེ་བ་དང་ལུང་དུ་མ་བསྟན་པའི་སེམས་དང་སེམས་ལས་བྱུང་བ་ཐམས་ཅད་ཀྱི་གནས་དང་དམིགས་པའི་གཟུགས་དང༌། དགེ་བ་དང་ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་སོ། །བག་ལ་ཉལ་སྤངས་པའི་ཕྱིར་ཟག་པ་མེད་པ་ཞེས་བྱ་བའི་ཆོས་དག་ཀྱང་ཡོད་དེ། འདི་ལྟ་སྟེ། མཐོང་བ་དང༌། བསྒོམ་པས་སྤང་བར་བྱ་བའི་ཉོན་མོངས་པ་ཐམས་ཅད་སྤངས་པའི་དགེ་བ་གང་ཡིན་པ་དང༌། རྒྱུར་བྱས་པའི་གཟུགས་ལུང་དུ་མ་བསྟན་པ་དེ་དག་ལ་ལ་གང་ཡིན་པ་དང༌། འཇིག་རྟེན་པའི་ལུང་དུ་མ་བསྟན་པ་གང་དག་ཡིན་པ་དང༌། སེམས་དང་སེམས་ལས་བྱུང་བའི་ཆོས་དགེ་བ་གང་དག་ཡིན་པ་རྣམས་སོ། །གང་དག་འགག་པའི་ཕྱིར་ཟག་པ་མེད་པ་ཞེས་བྱ་བའི་ཆོས་དག་ཀྱང་ཡོད་དེ། འདི་ལྟ་སྟེ། སེམས་དང་སེམས་ལས་བྱུང་བའི་ཆོས་ཉོན་མོངས་པ་ཅན་དེ་དག་མི་འབྱུང་བས་ཟག་པ་མེད་པ་ཡིན་པ་དང༌། དེ་དག་མི་འབྱུང་བས་རབ་ཏུ་ཕྱེ་བའི་མྱ་ངན་ལས་འདས་པ་སྟེ། མྱ་ངན་ལས་འདས་པ་ཡང་ཟག་པ་མེད་པ་ཡིན་པར་བརྗོད་པར་བྱའོ། །གང་དག་མཐོང་བས་སྤང་བར་བྱ་བ་སྤོང་བའི་གཉེན་པོ་དང༌། ངོ་བོ་ཉིད་ཀྱིས་རྣམ་པར་གྲོལ་བའི་ཕྱིར་ཟག་པ་མེད་པ་ཞེས་བྱ་བའི་ཆོས་དག་ཀྱང་ཡོད་དེ། འདི་ལྟ་སྟེ། མཐོང་བའི་ལམ་ཐམས་ཅད་དོ། །བསྒོམ་པས་སྤང་བར་བྱ་བ་སྤོང་བའི་གཉེན་པོ་དང༌། ངོ་བོ་ཉིད་དང་རྒྱུད་རྣམ་པར་གྲོལ་བའི་ཕྱིར་ཟག་པ་མེད་པ་ཞེས་བྱ་བའི་ཆོས་དག་ཀྱང་ཡོད་དེ། འདི་ལྟ་སྟེ། འཇིག་རྟེན་ལས་འདས་པའི་བསྒོམ་པའི་ལམ་དང་མི་སློབ་པའི་ལམ་སྟེ། ཆོས་ཟག་པ་མེད་པ་རྣམས་ཀྱི་རབ་ཏུ་དབྱེ་བ་ནི་རྣམ་པ་ལྔ་པོ་དེ་དག་གིས་རྣམ་པར་གཞག་པར་རིག་པར་བྱའོ། །

de la chos zag pa med pa rnams kyi rab tu dbye ba yang rnam pa lnga kho nar rnam par gzhag ste/ lnga gang zhe na/ kun nas dkris pa dang bral ba'i phyir zag pa med pa zhes bya ba'i chos dag kyang yod de/ 'di lta ste/ dge ba dang lung du ma bstan pa'i sems dang sems las byung ba thams cad kyi gnas dang dmigs pa'i gzugs dang/ dge ba dang lung du ma bstan pa'i sems dang sems las byung ba'i chos rnams so/ /bag la nyal spangs pa'i phyir zag pa med pa zhes bya ba'i chos dag kyang yod de/ 'di lta ste/ mthong ba dang/ bsgom pas spang bar bya ba'i nyon mongs pa thams cad spangs pa'i dge ba gang yin pa dang/ rgyur byas pa'i gzugs lung du ma bstan pa de dag la la gang yin pa dang/ 'jig rten pa'i lung du ma bstan pa gang dag yin pa dang/ sems dang sems las byung ba'i chos dge ba gang dag yin pa rnams so/ /gang dag 'gag pa'i phyir zag pa med pa zhes bya ba'i chos dag kyang yod de/ 'di lta ste/ sems dang sems las byung ba'i chos nyon mongs pa can de dag mi 'byung bas zag pa med pa yin pa dang/ de dag mi 'byung bas rab tu phye ba'i mya ngan las 'das pa ste/ mya ngan las 'das pa yang zag pa med pa yin par brjod par bya'o/ /gang dag mthong bas spang bar bya ba spong ba'i gnyen po dang/ ngo bo nyid kyis rnam par grol ba'i phyir zag pa med pa zhes bya ba'i chos dag kyang yod de/ 'di lta ste/ mthong ba'i lam thams cad do/ /bsgom pas spang bar bya ba spong ba'i gnyen po dang/ ngo bo nyid dang rgyud rnam par grol ba'i phyir zag pa med pa zhes bya ba'i chos dag kyang yod de/ 'di lta ste/ 'jig rten las 'das pa'i bsgom pa'i lam dang mi slob pa'i lam ste/ chos zag pa med pa rnams kyi rab tu dbye ba ni rnam pa lnga po de dag gis rnam par gzhag par rig par bya'o/ /

【E4 解有諍無諍法】【F1 以五相解有諍】

དེ་ལ་ཆོས་ཉོན་མོངས་པ་དང་བཅས་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་པའང་རྣམ་པ་ལྔས་བལྟ་བར་བྱ་སྟེ། ལྔ་གང་ཞེ་ན། འདི་ལྟ་སྟེ། གནས་དང༌། གཞི་དང༌། ངོ་བོ་ཉིད་དང༌། གྲོགས་དང༌། ཀུན་ནས་སློང་བས་སོ། །དེ་ལ་ཉེ་བར་ལེན་པའི་ཕུང་པོ་ལྔ་པོ་ནི་ཆོས་ཉོན་མོངས་པ་དང་བཅས་པ་རྣམས་ཀྱི་གནས་ཞེས་བྱའོ། །དེ་ལ་རོ་མྱང་བ་ལ་ལྷག་པར་ཆགས་པ་དང༌། རོ་མྱང་བ་ལ་ཡོངས་སུ་ཞེན་པ་གང་ཡིན་པ་དེ་ནི་ཉོན་མོངས་པའི་གཞི་ཞེས་བྱའོ། །དེ་ལ་མི་རྟག་པ་ཉིད་དང༌། སྡུག་བསྔལ་བ་ཉིད་དང༌། འགྱུར་བའི་ཆོས་ཉིད་གང་ཡིན་པ་དེ་ནི་ཉོན་མོངས་པའི་ངོ་བོ་ཉིད་ཅེས་བྱའོ། །ཉོན་མོངས་པ་དེ་ལ་མི་ཤེས་ཤིང་རྨོངས་པ་གང་ཡིན་པ་དེ་ནི་དེའི་གྲོགས་ཞེས་བྱའོ། །དེ་ལ་བརྟེན་ནས་ནག་པོའི་ཕྱོགས་རྣམ་པ་ལྔ་འབྱུང་བ་ནི་དེ་ཀུན་ནས་སློང་བ་ཞེས་བྱ་སྟེ། དེ་ལ་འདོད་པ་དང་ལྟ་བ་ལ་ལྷག་པར་ཞེན་པ་ལས་འཐབ་མོ་དང༌། མཚང་འདྲུ་བ་དང༌། རྩོད་པ་དང༌། འགྱེད་པའམ། གཞན་གང་ཡང་རུང་བ་དག་འབྱུང་བ་ནི་ནག་པོའི་ཕྱོགས་དང་པོ་ཡིན་ནོ། །ཉོན་མོངས་པའི་ཀུན་ནས་དཀྲིས་པ་གང་ཡང་རུང་བས་མི་འཛིམ་ཞིང་དེ་ལ་ཤས་ཆེར་གནས་པ་གང་ཡིན་པ་དེ་ནི་ནག་པོའི་ཕྱོགས་གཉིས་པ་ཡིན་ནོ། །འདི་ལྟ་སྟེ། དཀའ་ཐུབ་དྲག་པོ་པ་རྣམས་སམ། དེ་ལས་གཞན་པའི་དགེ་སྦྱོང་དང༌། བྲམ་ཟེ་ཟས་མི་ཟ་བ་དང༌། མེར་འཇུག་པ་དང༌། གཡང་སར་མཆོད་བ་ལ་སོགས་པ་མོས་པ་རྣམས་ཀྱི་སླུ་བའི་ལམ་གང་ཡིན་པ་དེ་ནི་ནག་པོའི་ཕྱོགས་གསུམ་པ་ཡིན་ནོ། །ལུས་དང་ངག་དང་ཡིད་ཀྱིས་ཉེས་པར་སྤྱོད་པ་གང་ཡིན་པ་དེ་ནི་ནག་པོའི་ཕྱོགས་བཞི་པ་ཡིན་ནོ། །ཡང་སྲིད་པ་འདོད་པ་གང་ཡིན་པ་དེ་ནི་ནག་པོའི་ཕྱོགས་ལྔ་པ་ཡིན་ནོ། །དེ་ལ་དང་པོས་ནི་ཁོན་དང་བཅས་པ་དང༌། ཉེས་རྩོམ་གྱི་སེམས་ཀྱིས་བདེ་བ་ལ་རེག་པར་མི་གནས་པར་བལྟ་བར་བྱའོ། །གཉིས་པས་ནི་ཉོན་མོངས་པའི་ཡོངས་སུ་གདུང་བས་བདག་ཉིད་བདེ་བ་ལ་རེག་པར་མི་གནས་པར་བལྟ་བར་བྱའོ། །གསུམ་པས་ནི་དོན་མེད་པའི་སྡུག་བསྔལ་དང༌། ཡོངས་སུ་ངལ་བ་ཁས་བླང་པས་བདེ་བ་ལ་རེག་པར་མི་གནས་པར་བལྟ་བར་བྱའོ། །བཞི་པས་ནི་ངན་སོང་གི་འགྲོ་བར་སྐྱེ་བས་བདེ་བ་ལ་རེག་པར་མི་གནས་པར་བལྟ་བར་བྱའོ། །ལྔ་པས་ནི་སྐྱེ་བ་དང༌། རྒ་བ་དང་འཆི་བ་ལ་སོགས་པའི་སྡུག་བསྔལ་དང་མི་འབྲལ་བས་བདེ་བ་ལ་རེག་པར་མི་གནས་པར་བལྟ་བར་བྱའོ། །དེ་ལ་ཉེ་བར་ལེན་པའི་ཕུང་པོ་ལྔ་པོ་གནས་སུ་གྱུར་པ་དེ་དག་ནི་གཞི་དང་བཅས་པ་དང༌། གྲོགས་དང་བཅས་པ་དང༌། ཀུན་ནས་སློང་བ་དང་བཅས་པའི་ཉོན་མོངས་པ་དེ་དང་ལྡན་པས་ན་ཆོས་ཉོན་མོངས་པ་དང་བཅས་པ་རྣམས་ཞེས་བྱའོ། །

de la chos nyon mongs pa dang bcas pa rnams kyi rab tu dbye ba yang rnam pa lngas rnam par gzhag pa'ang rnam pa lngas blta bar bya ste/ lnga gang zhe na/ 'di lta ste/ gnas dang/ gzhi dang/ ngo bo nyid dang/ grogs dang/ kun nas slong bas so/ /de la nye bar len pa'i phung po lnga po ni chos nyon mongs pa dang bcas pa rnams kyi gnas zhes bya'o/ /de la ro myang ba la lhag par chags pa dang/ ro myang ba la yongs su zhen pa gang yin pa de ni nyon mongs pa'i gzhi zhes bya'o/ /de la mi rtag pa nyid dang/ sdug bsngal ba nyid dang/ 'gyur ba'i chos nyid gang yin pa de ni nyon mongs pa'i ngo bo nyid ces bya'o/ /nyon mongs pa de la mi shes shing rmongs pa gang yin pa de ni de'i grogs zhes bya'o/ /de la brten nas nag po'i phyogs rnam pa lnga 'byung ba ni de kun nas slong ba zhes bya ste/ de la 'dod pa dang lta ba la lhag par zhen pa las 'thab mo dang/ mtshang 'dru ba dang/ rtsod pa dang/ 'gyed pa'am/ gzhan gang yang rung ba dag 'byung ba ni nag po'i phyogs dang po yin no/ /nyon mongs pa'i kun nas dkris pa gang yang rung bas mi 'dzim zhing de la shas cher gnas pa gang yin pa de ni nag po'i phyogs gnyis pa yin no/ /'di lta ste/ dka' thub drag po pa rnams sam/ de las gzhan pa'i dge sbyong dang/ bram ze zas mi za ba dang/ mer 'jug pa dang/ g.yang sar mchod ba la sogs pa mos pa rnams kyi slu ba'i lam gang yin pa de ni nag po'i phyogs gsum pa yin no/ /lus dang ngag dang yid kyis nyes par spyod pa gang yin pa de ni nag po'i phyogs bzhi pa yin no/ /yang srid pa 'dod pa gang yin pa de ni nag po'i phyogs lnga pa yin no/ /de la dang pos ni khon dang bcas pa dang/ nyes rtsom gyi sems kyis bde ba la reg par mi gnas par blta bar bya'o/ /gnyis pas ni nyon mongs pa'i yongs su gdung bas bdag nyid bde ba la reg par mi gnas par blta bar bya'o/ /gsum pas ni don med pa'i sdug bsngal dang/ yongs su ngal ba khas blang pas bde ba la reg par mi gnas par blta bar bya'o/ /bzhi pas ni ngan song gi 'gro bar skye bas bde ba la reg par mi gnas par blta bar bya'o/ /lnga pas ni skye ba dang/ rga ba dang 'chi ba la sogs pa'i sdug bsngal dang mi 'bral bas bde ba la reg par mi gnas par blta bar bya'o/ /de la nye bar len pa'i phung po lnga po gnas su gyur pa de dag ni gzhi dang bcas pa dang/ grogs dang bcas pa dang/ kun nas slong ba dang bcas pa'i nyon mongs pa de dang ldan pas na chos nyon mongs pa dang bcas pa rnams zhes bya'o/ /

【F2 翻上解無諍】

ཆོས་ཉོན་མོངས་པ་ཅན་མ་ཡིན་པ་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་གཞག་པ་ཡིན་ནོ། །དེ་ལ་ཉེ་བར་ལེན་པ་མ་ཡིན་པའི་ཕུང་པོ་ལྔ་པོ་དག་ནི་གནས་ཡིན་ཏེ། དེ་ལ་གཞི་དང་བཅས་པ་དང༌། གྲོགས་དང་བཅས་པ་དང༌། ཀུན་ནས་སློང་བ་དང་བཅས་པའི་ཉོན་མོངས་པ་དེ་མི་དམིགས་པས། དེའི་ཕྱིར་དེ་དག་ནི་ཆོས་ཉོན་མོངས་པ་ཅན་མ་ཡིན་པ་རྣམས་ཞེས་བྱའོ། །

chos nyon mongs pa can ma yin pa rnams kyi rab tu dbye ba yang de las bzlog pa rnam pa lnga kho nas rnam par gzhag pa yin no/ /de la nye bar len pa ma yin pa'i phung po lnga po dag ni gnas yin te/ de la gzhi dang bcas pa dang/ grogs dang bcas pa dang/ kun nas slong ba dang bcas pa'i nyon mongs pa de mi dmigs pas/ de'i phyir de dag ni chos nyon mongs pa can ma yin pa rnams zhes bya'o/ /

【E5 解有染無染法】

དེ་ལ་ཆོས་ཟང་ཟིང་དང་བཅས་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། གནས་དང་གཞི་ལ་སོགས་པ་རྣམ་པ་ལྔས་ཏེ་སྔ་མ་བཞིན་ནོ། །དེ་ལ་གནས་ནི་ཉེ་བར་ལེན་པའི་ཕུང་པོ་ལྔ་པོ་ཉིད་དོ། །གཞི་ནི་དེ་ཉིད་ལ་བདེ་བ་དང༌། ཡིད་བདེ་བའི་གནས་དང་མཐུན་པ་རོ་མྱང་བའི་གཞིའི་ཆོས་ཡོད་པ་རྣམས་སོ། །ངོ་བོ་ཉིད་ནི་དེ་ལ་བརྟེན་ནས་རོ་མྱང་བས་བསྡུས་པའི་བདེ་བ་སྐྱེ་བ་དང་ཡིད་བདེ་བ་སྐྱེ་བའོ། །གྲོགས་ནི་རོ་མྱང་བ་དེ་ལ་ཀུན་དུ་འདོད་ཆགས་ཤིང་ལྷག་པར་ཞེན་པ་གང་ཡིན་པའོ། །ཀུན་ནས་སློང་བ་ནི་ནག་པོའི་ཕྱོགས་རྣམ་པ་ལྔ་སྟེ། སྔ་མ་ཁོ་ན་བཞིན་དུ་རིག་པར་བྱའོ། །ཉེ་བར་ལེན་པའི་ཕུང་པོ་ལྔ་པོ་གནས་སུ་གྱུར་པ་དེ་དག་ནི་གཞི་དང་གནས་པ་ནས་ཀུན་ནས་སློང་བ་དང་བཅས་པའི་བར་གྱི་ཟང་ཟིང་དེ་དང་ལྡན་པའི་ཕྱིར་ཟང་ཟིང་དང་བཅས་པ་རྣམས་ཞེས་བྱའོ། །ཆོས་ཟང་ཟིང་མེད་པ་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་གཞག་པར་རིག་པར་བྱ་སྟེ། འདི་ལྟ་སྟེ། ཉོན་མོངས་པ་མེད་པ་སྔར་བསྟན་པ་བཞིན་དུ་ཅི་རིགས་པར་སྦྱར་རོ། །

de la chos zang zing dang bcas pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ gnas dang gzhi la sogs pa rnam pa lngas te snga ma bzhin no/ /de la gnas ni nye bar len pa'i phung po lnga po nyid do/ /gzhi ni de nyid la bde ba dang/ yid bde ba'i gnas dang mthun pa ro myang ba'i gzhi'i chos yod pa rnams so/ /ngo bo nyid ni de la brten nas ro myang bas bsdus pa'i bde ba skye ba dang yid bde ba skye ba'o/ /grogs ni ro myang ba de la kun du 'dod chags shing lhag par zhen pa gang yin pa'o/ /kun nas slong ba ni nag po'i phyogs rnam pa lnga ste/ snga ma kho na bzhin du rig par bya'o/ /nye bar len pa'i phung po lnga po gnas su gyur pa de dag ni gzhi dang gnas pa nas kun nas slong ba dang bcas pa'i bar gyi zang zing de dang ldan pa'i phyir zang zing dang bcas pa rnams zhes bya'o/ /chos zang zing med pa rnams kyi rab tu dbye ba yang de las bzlog pa rnam pa lnga kho nas rnam par gzhag par rig par bya ste/ 'di lta ste/ nyon mongs pa med pa sngar bstan pa bzhin du ci rigs par sbyar ro/ /

【E6 解依耽嗜依出離法】

ཆོས་ཞེན་པ་ལ་བརྟེན་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་པར་བལྟ་བར་བྱ་སྟེ། ལྔ་གང་ཞེ་ན། གནས་དང་གཞི་ལ་སོགས་པ་སྔ་མ་བཞིན་ནོ། །དེ་ལ་གནས་ནི་འདོད་པ་དང་ལྡན་པ་ནི་ཉེ་བར་ལེན་པའི་ཕུང་པོ་ལྔ་པོ་དག་གོ། །གཞི་ནི་འདོད་པའི་འདོད་ཆགས་ཀྱི་གནས་དང་མཐུན་པ་འདོད་པའི་ཡོན་ཏན་ལྔ་པོ་དག་གོ། །ཞེན་པའི་ངོ་བོ་ཉིད་ནི་རྐྱེན་དེ་དང་དམིགས་པ་དེ་ལས་བྱུང་བའི་འདོད་པའི་འདོད་ཆགས་སོ། །གྲོགས་ནི་ཚུལ་བཞིན་མ་ཡིན་པ་ཡིད་ལ་བྱེད་པ་དང་ལྡན་པའི་ལོག་པར་སྨོན་པ་འདོད་པ་ལ་ཀུན་དུ་རྟོག་པ་སྟེ། དེ་དང་འགྲོགས་ན་དེ་ཀུན་དུ་རྟོག་པའི་འདོད་ཆགས་ཞེས་བྱའོ། །ཀུན་ནས་སློང་བ་ནི་ནག་པོའི་ཕྱོགས་རྣམ་པ་ལྔ་སྟེ། སྔ་མ་བཞིན་ནོ། །འདོད་ཆགས་པ་དང་ལྡན་པའི་ཉེ་བར་ལེན་པའི་ཕུང་པོ་ལྔ་པོ་དེ་དག་ནི་གཞི་དང་བཅས་པ་དང༌། གྲོགས་དང་བཅས་པ་དང༌། ཀུན་ནས་སློང་བ་དང་བཅས་པའི་ཞེན་པ་དེས་ཡོངས་སུ་ཟིན་པའི་ཕྱིར་ཆོས་ཞེན་པ་ལ་བརྟེན་པ་རྣམས་ཞེས་བྱའོ། །ཆོས་ངེས་པར་འབྱུང་བ་ལ་བརྟེན་པ་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་གཞག་པར་རིག་པར་བྱ་སྟེ། སྔ་མ་བཞིན་ནོ། །

chos zhen pa la brten pa rnams kyi rab tu dbye ba yang rnam pa lnga kho nas rnam par gzhag par blta bar bya ste/ lnga gang zhe na/ gnas dang gzhi la sogs pa snga ma bzhin no/ /de la gnas ni 'dod pa dang ldan pa ni nye bar len pa'i phung po lnga po dag go/ /gzhi ni 'dod pa'i 'dod chags kyi gnas dang mthun pa 'dod pa'i yon tan lnga po dag go/ /zhen pa'i ngo bo nyid ni rkyen de dang dmigs pa de las byung ba'i 'dod pa'i 'dod chags so/ /grogs ni tshul bzhin ma yin pa yid la byed pa dang ldan pa'i log par smon pa 'dod pa la kun du rtog pa ste/ de dang 'grogs na de kun du rtog pa'i 'dod chags zhes bya'o/ /kun nas slong ba ni nag po'i phyogs rnam pa lnga ste/ snga ma bzhin no/ /'dod chags pa dang ldan pa'i nye bar len pa'i phung po lnga po de dag ni gzhi dang bcas pa dang/ grogs dang bcas pa dang/ kun nas slong ba dang bcas pa'i zhen pa des yongs su zin pa'i phyir chos zhen pa la brten pa rnams zhes bya'o/ /chos nges par 'byung ba la brten pa rnams kyi rab tu dbye ba yang de las bzlog pa rnam pa lnga kho nas rnam par gzhag par rig par bya ste/ snga ma bzhin no/ /

【E7 解世間出世間法】

དེ་ལ་ཆོས་འཇིག་རྟེན་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། འཇིག་རྟེན་པའི་དང་བའི་གཟུགས་དང༌། དང་བས་གཟུང་བའི་གཟུགས་ཐམས་ཅད་དང་འཇིག་རྟེན་པའི་སེམས་དང་སེམས་ལས་བྱུང་བའི་ཆོས་ཉོན་མོངས་པ་ཅན་ཐམས་ཅད་དང༌། འཇིག་རྟེན་པའི་སེམས་དང་སེམས་ལས་བྱུང་བའི་ཆོས་ལུང་དུ་མ་བསྟན་པ་ཐམས་ཅད་དང༌། འཇིག་རྟེན་པའི་སེམས་དང་སེམས་ལས་བྱུང་བའི་ཆོས་དགེ་བ་དང་སྤང་བར་བྱ་བ་དང་སྤངས་པ་ཐམས་ཅད་དང༌། འཇིག་རྟེན་པའི་ཏིང་ངེ་འཛིན་གྱི་སྤྱོད་ཡུལ་འཇིག་རྟེན་པའི་གཟུགས་བསྟན་དུ་མེད་ལ་ཐོགས་པ་མེད་པ་ཐམས་ཅད་དོ། །ཆོས་འཇིག་རྟེན་ལས་འདས་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། མཐོང་བས་སྤང་བར་བྱ་བའི་གཉེན་པོ་རྣམས་དང༌། བསྒོམ་པས་སྤང་བར་བྱ་བའི་གཉེན་པོ་རྣམས་དང༌། འདུ་ཤེས་རྣམ་པར་གྲོལ་བས་རྣམ་པར་གྲོལ་བ་འདི་ལྟ་སྟེ། ཉན་ཐོས་དང་རང་སངས་རྒྱས་དང༌། བྱང་ཆུབ་སེམས་དཔའ་རྣམས་ཀྱི་སྤྲོས་པ་མེད་པའི་ཚུལ་ལ་ཞུགས་པའི་ཤེས་རབ་དང༌། དེ་དང་མཚུངས་པར་ལྡན་པའི་སེམས་དང་སེམས་ལས་བྱུང་བའི་ཆོས་རྣམས་དང༌། དེའི་དམིགས་པ་བསྟན་དུ་མེད་ལ་ཐོགས་པ་མེད་པའི་གཟུགས་དང༌། མི་མཐུན་པའི་ཕྱོགས་ཀྱི་ཕྱོགས་གཅིག་རྣམ་པར་གྲོལ་བས་རྣམ་པར་གྲོལ་བ་འདི་ལྟ་སྟེ། སློབ་པ་རྣམས་དང༌། མི་མཐུན་པའི་ཕྱོགས་ཐམས་ཅད་རྣམ་པར་གྲོལ་བས་རྣམ་པར་གྲོལ་བ་འདི་ལྟ་སྟེ། མི་སློབ་པ་རྣམས་སོ། །

de la chos 'jig rten pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ 'jig rten pa'i dang ba'i gzugs dang/ dang bas gzung ba'i gzugs thams cad dang 'jig rten pa'i sems dang sems las byung ba'i chos nyon mongs pa can thams cad dang/ 'jig rten pa'i sems dang sems las byung ba'i chos lung du ma bstan pa thams cad dang/ 'jig rten pa'i sems dang sems las byung ba'i chos dge ba dang spang bar bya ba dang spangs pa thams cad dang/ 'jig rten pa'i ting nge 'dzin gyi spyod yul 'jig rten pa'i gzugs bstan du med la thogs pa med pa thams cad do/ /chos 'jig rten las 'das pa rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ mthong bas spang bar bya ba'i gnyen po rnams dang/ bsgom pas spang bar bya ba'i gnyen po rnams dang/ 'du shes rnam par grol bas rnam par grol ba 'di lta ste/ nyan thos dang rang sangs rgyas dang/ byang chub sems dpa' rnams kyi spros pa med pa'i tshul la zhugs pa'i shes rab dang/ de dang mtshungs par ldan pa'i sems dang sems las byung ba'i chos rnams dang/ de'i dmigs pa bstan du med la thogs pa med pa'i gzugs dang/ mi mthun pa'i phyogs kyi phyogs gcig rnam par grol bas rnam par grol ba 'di lta ste/ slob pa rnams dang/ mi mthun pa'i phyogs thams cad rnam par grol bas rnam par grol ba 'di lta ste/ mi slob pa rnams so/ /

【E8 解墮非墮法】

དེ་ལ་འཇིག་རྟེན་པ་དེ་དག་ཀྱང་འཇིག་རྟེན་རྣམ་པ་ལྔ་ལས་བརྩམས་ནས་དེར་གཏོགས་པ་ཞེས་བྱ་སྟེ། འཇིག་རྟེན་རྣམ་པ་ལྔ་ནི་སེམས་ཅན་གྱི་འཇིག་རྟེན་དང༌། སྣོད་ཀྱི་འཇིག་རྟེན་དང༌། འདོད་པའི་འཇིག་རྟེན་དང༌། གཟུགས་ཀྱི་འཇིག་རྟེན་དང༌། གཟུགས་མེད་པའི་འཇིག་རྟེན་ཡིན་པར་བལྟ་བར་བྱའོ། །འཇིག་རྟེན་ལས་འདས་པའི་ཆོས་གང་དག་ཡིན་པ་དེ་དག་ནི་འཇིག་རྟེན་རྣམ་པ་ལྔ་པོ་དེར་མ་གཏོགས་པ་ཞེས་བྱའོ། །

de la 'jig rten pa de dag kyang 'jig rten rnam pa lnga las brtsams nas der gtogs pa zhes bya ste/ 'jig rten rnam pa lnga ni sems can gyi 'jig rten dang/ snod kyi 'jig rten dang/ 'dod pa'i 'jig rten dang/ gzugs kyi 'jig rten dang/ gzugs med pa'i 'jig rten yin par blta bar bya'o/ /'jig rten las 'das pa'i chos gang dag yin pa de dag ni 'jig rten rnam pa lnga po der ma gtogs pa zhes bya'o/ /

【E9 解有為無為法】【F1 辨有為】

དེ་ལ་ཆོས་འདུས་བྱས་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ཕྱི་མའི་མཐའ་ནས་མི་འབྱུང་བ་དང༌། སྔོན་གྱི་མཐའ་རྣམ་པར་ཞི་བ་དང༌། དབུས་ཀྱི་མཐར་རང་གི་མཚན་ཉིད་ལ་གནས་པ་དང༌། རྒྱུ་དང་རྐྱེན་གྱི་རྒྱུན་དང༌། འབྲས་བུའི་རྒྱུན་གྱིས་སོ། །

de la chos 'dus byas rnams kyi rab tu dbye ba yang rnam pa lnga kho nas rnam par gzhag ste/ phyi ma'i mtha' nas mi 'byung ba dang/ sngon gyi mtha' rnam par zhi ba dang/ dbus kyi mthar rang gi mtshan nyid la gnas pa dang/ rgyu dang rkyen gyi rgyun dang/ 'bras bu'i rgyun gyis so/ /

【F2 辨無為】

ཆོས་འདུས་མ་བྱས་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔ་ཁོ་ནས་རྣམ་པར་གཞག་སྟེ། ལྔ་གང་ཞེ་ན། དེ་ལས་བཟློག་པ་རྣམ་པ་ལྔ་ཁོ་ན་གང་ཡིན་པར་རིག་པར་བྱའོ། །

chos 'dus ma byas rnams kyi rab tu dbye ba yang rnam pa lnga kho nas rnam par gzhag ste/ lnga gang zhe na/ de las bzlog pa rnam pa lnga kho na gang yin par rig par bya'o/ /

【F3 辨涅槃滅以已四句】

མྱ་ངན་ལས་འདས་པ་འདུས་བྱས་འགགས་པ་ལས་གུད་ན་ཡོད་དམ་ཞེས་འདྲི་བ་ཡང་ཚུལ་བཞིན་མ་ཡིན་པ་ཡིན་ལ། ལན་འདེབས་པ་ཡང་ཚུལ་བཞིན་མ་ཡིན་པ་ཡིན། སེམས་པ་ཡང་ཚུལ་བཞིན་མ་ཡིན་པ་ཡིན་པར་རིག་པར་བྱའོ། །གུད་ན་མེད་པ་དང༌། གུད་ན་ཡོད་ཀྱང་ཡོད་ལ་མེད་ཀྱང་མེད་པ་དང༌། གུད་ན་ཡོད་པ་ཡང་མ་ཡིན་མེད་པ་ཡང་མ་ཡིན་ནམ་ཞེས་འདྲི་བ་ཡང་ཚུལ་བཞིན་མ་ཡིན་པ་ཡིན་ལ། ལན་འདེབས་པ་ཡང་ཚུལ་བཞིན་མ་ཡིན་པ་ཡིན། སེམས་པ་ཡང་ཚུལ་བཞིན་མ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་འགོག་པ་ནི་འདུས་བྱས་རྣམ་པར་ཞི་བ་ཙམ་དང༌། འདུས་བྱས་དང་མཚན་ཉིད་མི་འདྲ་བས་རབ་ཏུ་ཕྱེ་བ་ཡིན་པའི་ཕྱིར་ཏེ༑ དེ་ལ་འདུས་བྱས་རྣམ་པར་ཞི་བ་ཙམ་ཡིན་པའི་ཕྱིར་ནི་གུད་ན་ཡོད་དམ་ཞེས་འདྲི་བའམ། ལན་འདེབས་པའམ། སེམས་པ་ནི་མ་སྤྲོས་པ་སྤྲོས་པར་བྱས་པ་ཡིན་ནོ། །འདུས་བྱས་དང་མཚན་ཉིད་མི་འདྲ་བའི་ཕྱིར་ནི་གུད་ན་མེད་དམ་ཞེས་འདྲི་བ་དང༌། ལན་འདེབས་པ་དང༌། སེམས་པ་ཡང་མ་སྤྲོས་པ་ཁོ་ན་སྤྲོས་པར་བྱས་པ་ཡིན་ནོ། །ཇི་སྐད་བསྟན་པའི་རྒྱུ་གཉིས་པོ་འདུས་པ་དེ་གཉིས་ཀྱིས་ནི་གུད་ན་ཡོད་པ་དང་གུད་ན་མེད་པ་ཡིན་ནམ་ཞེས་འདྲི་བ་དང་ལན་འདེབས་པ་དང༌། སེམས་པ་ཉིད་ཀྱང་མི་རུང་ངོ། །མྱ་ངན་ལས་འདས་པ་ནི་ཐམས་ཅད་ཀྱི་ཐམས་ཅད་དུ་མེད་པ་ཡིན་ནོ་ཞེས་གང་འདི་སྙམ་དུ་མྱ་ངན་ལས་འདས་པ་ནི་འདུས་བྱས་འགགས་པ་ལས་གུད་ན་ཡོད་པ་ཡང་མ་ཡིན་མེད་པ་ཡང་མ་ཡིན་ནོ་སྙམ་དུ་སེམས་ཤིང་འདྲི་བ་དང༌། ལན་འདེབས་པ་དང་། སེམས་པ་དེ་ཡང་མི་རུང་སྟེ། མྱ་ངན་ལས་འདས་པའི་དོན་དུ་དཀར་པོའི་ཆོས་ཐམས་ཅད་ལེགས་པར་རྩོམ་པའི་ཕྱིར་རོ། །མྱ་ངན་ལས་འདས་པ་ནི་ཞི་བ་དང་སྤྲོས་པ་མེད་པ་དང༌། སོ་སོ་རང་གི་རིག་པའི་མཚན་ཉིད་དུ་ཡོད་པ་ཡིན་པར་རིག་པར་བྱའོ། །

mya ngan las 'das pa 'dus byas 'gags pa las gud na yod dam zhes 'dri ba yang tshul bzhin ma yin pa yin la/ lan 'debs pa yang tshul bzhin ma yin pa yin/ sems pa yang tshul bzhin ma yin pa yin par rig par bya'o/ /gud na med pa dang/ gud na yod kyang yod la med kyang med pa dang/ gud na yod pa yang ma yin med pa yang ma yin nam zhes 'dri ba yang tshul bzhin ma yin pa yin la/ lan 'debs pa yang tshul bzhin ma yin pa yin/ sems pa yang tshul bzhin ma yin par rig par bya'o/ /de ci'i phyir zhe na/ 'di ltar 'gog pa ni 'dus byas rnam par zhi ba tsam dang/ 'dus byas dang mtshan nyid mi 'dra bas rab tu phye ba yin pa'i phyir te| de la 'dus byas rnam par zhi ba tsam yin pa'i phyir ni gud na yod dam zhes 'dri ba'am/ lan 'debs pa'am/ sems pa ni ma spros pa spros par byas pa yin no/ /'dus byas dang mtshan nyid mi 'dra ba'i phyir ni gud na med dam zhes 'dri ba dang/ lan 'debs pa dang/ sems pa yang ma spros pa kho na spros par byas pa yin no/ /ji skad bstan pa'i rgyu gnyis po 'dus pa de gnyis kyis ni gud na yod pa dang gud na med pa yin nam zhes 'dri ba dang lan 'debs pa dang/ sems pa nyid kyang mi rung ngo/ /mya ngan las 'das pa ni thams cad kyi thams cad du med pa yin no zhes gang 'di snyam du mya ngan las 'das pa ni 'dus byas 'gags pa las gud na yod pa yang ma yin med pa yang ma yin no snyam du sems shing 'dri ba dang/ lan 'debs pa dang / sems pa de yang mi rung ste/ mya ngan las 'das pa'i don du dkar po'i chos thams cad legs par rtsom pa'i phyir ro/ /mya ngan las 'das pa ni zhi ba dang spros pa med pa dang/ so so rang gi rig pa'i mtshan nyid du yod pa yin par rig par bya'o/ /

【E10 所緣法】【F1 先總舉徵到五相】

དེ་ལ་དམིགས་པའི་ཆོས་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། དགེ་བ་ཡིད་ལ་བྱེད་པའི་དམིགས་པའི་ཆོས་དག་ཀྱང་ཡོད༑ མི་དགེ་བ་ཡིད་ལ་བྱེད་པའི་དམིགས་པའི་ཆོས་དག་ཀྱང་ཡོད། ལུང་དུ་མ་བསྟན་པ་ཡིད་ལ་བྱེད་པའི་དམིགས་པའི་ཆོས་དག་ཀྱང་ཡོད། ཁམས་སུ་གཏོགས་པའི་ཡིད་ལ་བྱེད་པའི་དམིགས་པའི་ཆོས་དག་ཀྱང་ཡོད། རྣལ་འབྱོར་དང་ལྡན་པའི་ཡིད་ལ་བྱེད་པའི་དམིགས་པའི་ཆོས་དག་ཀྱང་ཡོད་དོ། །

de la dmigs pa'i chos rnams kyi rab tu dbye ba yang rnam pa lngas rnam par gzhag ste/ lnga gang zhe na/ dge ba yid la byed pa'i dmigs pa'i chos dag kyang yod| mi dge ba yid la byed pa'i dmigs pa'i chos dag kyang yod/ lung du ma bstan pa yid la byed pa'i dmigs pa'i chos dag kyang yod/ khams su gtogs pa'i yid la byed pa'i dmigs pa'i chos dag kyang yod/ rnal 'byor dang ldan pa'i yid la byed pa'i dmigs pa'i chos dag kyang yod do/ /

【F2 次第別解】【G1 解前四相所緣】【H1 正辨所緣】

དེ་ལ་དགེ་བ་ཡིད་ལ་བྱེད་པའི་དམིགས་པ་ནི་དགེ་བ་དང༌། མི་དགེ་བ་དང༌། ལུང་དུ་མ་བསྟན་པའི་ཆོས་རྣམས་ཡིན་ནོ། །དགེ་བ་ཡིད་ལ་བྱེད་པའི་དམིགས་པ་ཇི་ལྟ་བ་བཞིན་དུ་མི་དགེ་བ་ཡིད་ལ་བྱེད་པ་དང༌། ལུང་དུ་མ་བསྟན་པ་ཡིད་ལ་བྱེད་པའི་དམིགས་པ་ཡང་དེ་བཞིན་དུ་བལྟ་བར་བྱའོ། །དེ་ལ་འདོད་པ་དང་ལྡན་པའི་དགེ་བ་དང་ཉོན་མོངས་པ་ཅན་དང༌། ལུང་དུ་བསྟན་པ་ཡིད་ལ་བྱེད་པའི་དམིགས་པ་ནི་ཁམས་གསུམ་པའི་ཆོས་ཐམས་ཅད་དོ། །གཟུགས་དང་ལྡན་པ་དགེ་བ་ཡིད་ལ་བྱེད་པའི་དམིགས་པ་ཡང་ཁམས་གསུམ་ན་སྤྱོད་པའི་ཆོས་ཐམས་ཅད་ཡིན་ནོ། །འདི་ལས་ཕྱི་རོལ་པའི་སོ་སོའི་སྐྱེ་བོ་གཟུགས་མེད་པ་ལ་སྙོམས་པར་ཞུགས་པའམ། སྐྱེས་པ་རྣམས་ཀྱི་གཟུགས་མེད་པ་དང་ལྡན་པའི་དགེ་བ་ཡིད་ལ་བྱེད་པའི་དམིགས་པ་གང་ཡིན་པ་དེ་ནི་རང་གི་ས་པ་ཁོ་ནའི་ཆོས་རྣམས་ཡིན་གྱི་ས་འོག་མ་པ་དག་ནི་མ་ཡིན་ནོ༑ །བྱང་ཆུབ་སེམས་དཔའ་དབང་མ་ཐོབ་པ་ལྷག་མཐོང་གིས་སྤྱོད་པ་གང་དག་ཡིན་པ་དང༌། ཉན་ཐོས་ཀྱི་ཐེག་པ་བྱེ་བྲག་ཕྱེད་པ་རྒྱ་ཆེན་པོ་དང་ལྡན་པ་གང་དག་ཡིན་པ་དང༌། སློབ་པ་གང་དག་ཡིན་པ་དང༌། དགྲ་བཅོམ་པ་གང་དག་ཡིན་པ་དེ་དག་གི་གཟུགས་མེད་པ་དང་ལྡན་པའི་དགེ་བ་ཡིད་ལ་བྱེད་པའི་དམིགས་པ་ནི་ས་འོག་མ་ཐམས་ཅད་ཀྱང་ཡིན་ནོ། །བྱང་ཆུབ་སེམས་དཔའི་དབང་ཐོབ་པ་གང་དག་ཡིན་པ་དེ་དག་ནི་གཟུགས་མེད་པ་རྣམས་སུ་མི་སྐྱེ་སྟེ། དེ་དག་གིས་དེ་ན་སེམས་ཅན་ལ་ཕན་གདགས་པའི་བྱ་བ་དང༌། སངས་རྒྱས་ཀྱི་ཆོས་ཡོངས་སུ་སྨིན་པར་བྱ་བ་དང༌། སེམས་ཅན་ཡོངས་སུ་སྨིན་པར་བྱ་བ་རྒྱ་ཆེན་པོ་མ་མཐོང་བའི་ཕྱིར་ཏེ། དེ་ལྟར་ན་དེ་དག་ནི་ཁམས་སུ་གཏོགས་པའི་ཡིད་ལ་བྱེད་པའི་དམིགས་པའི་ཆོས་རྣམས་ཡིན་པར་རིག་པར་བྱའོ། །

de la dge ba yid la byed pa'i dmigs pa ni dge ba dang/ mi dge ba dang/ lung du ma bstan pa'i chos rnams yin no/ /dge ba yid la byed pa'i dmigs pa ji lta ba bzhin du mi dge ba yid la byed pa dang/ lung du ma bstan pa yid la byed pa'i dmigs pa yang de bzhin du blta bar bya'o/ /de la 'dod pa dang ldan pa'i dge ba dang nyon mongs pa can dang/ lung du bstan pa yid la byed pa'i dmigs pa ni khams gsum pa'i chos thams cad do/ /gzugs dang ldan pa dge ba yid la byed pa'i dmigs pa yang khams gsum na spyod pa'i chos thams cad yin no/ /'di las phyi rol pa'i so so'i skye bo gzugs med pa la snyoms par zhugs pa'am/ skyes pa rnams kyi gzugs med pa dang ldan pa'i dge ba yid la byed pa'i dmigs pa gang yin pa de ni rang gi sa pa kho na'i chos rnams yin gyi sa 'og ma pa dag ni ma yin no| /byang chub sems dpa' dbang ma thob pa lhag mthong gis spyod pa gang dag yin pa dang/ nyan thos kyi theg pa bye brag phyed pa rgya chen po dang ldan pa gang dag yin pa dang/ slob pa gang dag yin pa dang/ dgra bcom pa gang dag yin pa de dag gi gzugs med pa dang ldan pa'i dge ba yid la byed pa'i dmigs pa ni sa 'og ma thams cad kyang yin no/ /byang chub sems dpa'i dbang thob pa gang dag yin pa de dag ni gzugs med pa rnams su mi skye ste/ de dag gis de na sems can la phan gdags pa'i bya ba dang/ sangs rgyas kyi chos yongs su smin par bya ba dang/ sems can yongs su smin par bya ba rgya chen po ma mthong ba'i phyir te/ de ltar na de dag ni khams su gtogs pa'i yid la byed pa'i dmigs pa'i chos rnams yin par rig par bya'o/ /

【H2 因論生論解釋契詮】【I1 引頌而問】

དམིགས་པ་བསམས་པ་ལས་བརྩམས་ནས། མིང་གིས་ཐམས་ཅད་ཟིལ་གྱིས་གནོན། །མིང་ལས་ལྷག་པ་ཡོད་མ་ཡིན། །མིང་ཆོས་གཅིག་གི་དབང་རྗེས་སུ། །ཐམས་ཅད་འགྲོ་བ་ཁོ་ནར་འགྱུར། །ཞེས་གང་གསུངས་པའི་ཚིག་དེའི་དོན་གང་ཡིན་ཞེ་ན།

dmigs pa bsams pa las brtsams nas/ ming gis thams cad zil gyis gnon/ /ming las lhag pa yod ma yin/ /ming chos gcig gi dbang rjes su/ /thams cad 'gro ba kho nar 'gyur/ /zhes gang gsungs pa'i tshig de'i don gang yin zhe na/

【I2 對問以釋】【J1 正釋經頌】

སྨྲས་པ། མདོར་བསྡུ་ན་རྣམ་པར་བྱང་བའི་རྒྱུ་བརྟག་པ་དང༌། རང་གི་མཚན་ཉིད་བརྟག་པ་དང༌། ཀུན་ནས་ཉོན་མོངས་པའི་རྒྱུ་བརྟགས་པས་གང་ཟག་ལ་བདག་མེད་པ་དང༌། ཆོས་ལ་བདག་མེད་པ་དེ་ཡོངས་སུ་བསྟན་པ་ཡིན་ནོ། །དེ་ལ་གང་ཟག་ལ་བདག་མེད་པ་ལས་ནི་མིང་གི་ཕུང་པོ་བཞི་པོ་དག་ཡོངས་སུ་ཤེས་པས་རང་གི་ཡུལ་གྱི་མཚན་མ་ཐམས་ཅད་སྤངས་པས་ཟིལ་གྱིས་གནོན་ལ། ཀུན་བརྟགས་པའི་ངོ་བོ་ཉིད་ཀྱི་ཆོས་ལ་བདག་མེད་པར་ཡོངས་སུ་ཤེས་པ་ལས་ནི་ཐ་སྙད་ལས་འབྱུང་བའི་མིང་ཡོངས་སུ་ཤེས་པས་དེའི་རྟེན་གྱི་མཚན་མ་ཐམས་ཅད་ཟིལ་གྱིས་གནོན་ཏོ། །གཟུགས་ཅན་མ་ཡིན་པའི་ཕུང་པོ་བཞི་པོ་དག་ལས་ལོགས་ཤིག་ན་བདག་གི་མཚན་ཉིད་ཀྱི་དངོས་པོ་མི་དམིགས་ལ། ཐ་སྙད་ལས་བྱུང་བའི་མིང་ལས་ལོགས་ཤིག་ན་ཀུན་བརྟགས་པའི་ངོ་བོ་ཉིད་ཀྱི་མཚན་ཉིད་ཀྱི་དངོས་པོ་ཡང་མི་དམིགས་སོ། །དེ་གཉི་ག་ཡོངས་སུ་མ་ཤེས་ན་ཡུལ་གྱི་མཚན་མ་ཀུན་ནས་ཉོན་མོངས་པ་ཐམས་ཅད་ཀུན་ཏུ་སློང་བ་དང༌། རྗེས་སུ་འཇུག་པར་འགྱུར་ཏེ། ཡུལ་གྱི་མཚན་མའི་ཀུན་ནས་ཉོན་མོངས་པ་ཐམས་ཅད་ནི་དེའི་དབང་གིས་འབྱུང་བ་ཡིན་པའི་ཕྱིར་རོ། །

smras pa/ mdor bsdu na rnam par byang ba'i rgyu brtag pa dang/ rang gi mtshan nyid brtag pa dang/ kun nas nyon mongs pa'i rgyu brtags pas gang zag la bdag med pa dang/ chos la bdag med pa de yongs su bstan pa yin no/ /de la gang zag la bdag med pa las ni ming gi phung po bzhi po dag yongs su shes pas rang gi yul gyi mtshan ma thams cad spangs pas zil gyis gnon la/ kun brtags pa'i ngo bo nyid kyi chos la bdag med par yongs su shes pa las ni tha snyad las 'byung ba'i ming yongs su shes pas de'i rten gyi mtshan ma thams cad zil gyis gnon to/ /gzugs can ma yin pa'i phung po bzhi po dag las logs shig na bdag gi mtshan nyid kyi dngos po mi dmigs la/ tha snyad las byung ba'i ming las logs shig na kun brtags pa'i ngo bo nyid kyi mtshan nyid kyi dngos po yang mi dmigs so/ /de gnyi ga yongs su ma shes na yul gyi mtshan ma kun nas nyon mongs pa thams cad kun tu slong ba dang/ rjes su 'jug par 'gyur te/ yul gyi mtshan ma'i kun nas nyon mongs pa thams cad ni de'i dbang gis 'byung ba yin pa'i phyir ro/ /

【J2 引說重證】

བཅོམ་ལྡན་འདས་ཀྱིས་ཀྱང་དེ་ལས་དགོངས་ནས་ཆོས་ཀྱི་ངོ་བོ་ཉིད་དུ་འཛིན་པ་ལས་ནི་བདག་ཏུ་འཛིན་པ་འབྱུང་བར་འགྱུར་ལ། དེ་རྟོགས་པས་ནི་དེ་ཡང་རྟོགས་པར་འགྱུར་རོ། །དེ་རྟོགས་ན་དེ་ལྡོག་པར་འགྱུར་རོ་ཞེས་གསུངས་སོ། །

bcom ldan 'das kyis kyang de las dgongs nas chos kyi ngo bo nyid du 'dzin pa las ni bdag tu 'dzin pa 'byung bar 'gyur la/ de rtogs pas ni de yang rtogs par 'gyur ro/ /de rtogs na de ldog par 'gyur ro zhes gsungs so/ /

【G2 解第五繫屬瑜伽作意所緣】【H1 總舉列名(指如聲聞地辨)】

རྣལ་འབྱོར་དང་ལྡན་པའི་ཡིད་ལ་བྱེད་པའི་དམིགས་པ་ནི་མདོར་བསྡུ་ན་རྣམ་པ་བཞི་སྟེ། ཁྱབ་པའི་དམིགས་པ་དང༌། སྤྱོད་པ་རྣམ་པར་སྦྱོང་བའི་དམིགས་པ་དང༌། མཁས་པའི་དམིགས་པ་དང༌། ཉོན་མོངས་པ་རྣམ་པར་སྦྱོང་བའི་དམིགས་པའོ། །དམིགས་པ་དེ་དག་གི་རྣམ་པར་དབྱེ་བ་ནི་ཉན་ཐོས་ཀྱི་སར་བཤད་པ་བཞིན་ནོ། །

rnal 'byor dang ldan pa'i yid la byed pa'i dmigs pa ni mdor bsdu na rnam pa bzhi ste/ khyab pa'i dmigs pa dang/ spyod pa rnam par sbyong ba'i dmigs pa dang/ mkhas pa'i dmigs pa dang/ nyon mongs pa rnam par sbyong ba'i dmigs pa'o/ /dmigs pa de dag gi rnam par dbye ba ni nyan thos kyi sar bshad pa bzhin no/ /

【H2 隨難重解】【I1 總標淨惑所緣】

དེ་ལ་ཉོན་མོངས་པ་རྣམ་པར་སྦྱོང་བའི་དམིགས་པ་ནི་བཅོམ་ལྡན་འདས་ཀྱིས་འཕགས་པའི་བདེན་པ་བཞི་དང༌། དེ་བཞིན་ཉིད་ཡིན་པར་གསུངས་སོ། །

de la nyon mongs pa rnam par sbyong ba'i dmigs pa ni bcom ldan 'das kyis 'phags pa'i bden pa bzhi dang/ de bzhin nyid yin par gsungs so/ /

【I2 別辨】【J1 別解四諦】【K1 釋苦諦】

དེ་ལ་སྡུག་བསྔལ་གསུམ་ཞེས་གང་གསུངས་པ་དེ་ལ་འདུ་བྱེད་ཀྱི་སྡུག་བསྔལ་ཉིད་གང་ཞེ་ན། ཡང་འབྱུང་བའི་ལས་དང༌། ཉོན་མོངས་པས་བསྐྱེད་པའི་འདུ་བྱེད་རྣམས་ཀྱི་ལུས་དེ་དང་དེ་དག་ལ་ཉོན་མོངས་པ་དང༌། སྡུག་བསྔལ་ཐམས་ཅད་འབྱུང་བ་དང་མཐུན་པ་ཀུན་དུ་འགྲོ་བའི་གནས་ངན་ལེན་དུ་གཏོགས་པ་གནས་པ་གང་ཡིན་པ་དེ་ནི་གནས་ངན་ལེན་ཞེས་བྱ་སྟེ། དེ་ནི་འདུ་བྱེད་ཀྱི་སྡུག་བསྔལ་ཉིད་ཡིན་ནོ། །འདུ་བྱེད་ཀྱི་སྡུག་བསྔལ་ཉིད་དེའི་དབང་དུ་མཛད་ནས་བཅོམ་ལྡན་འདས་ཀྱིས་མདོར་ན་ཉེ་བར་ལེན་པའི་ཕུང་པོ་ལྔ་པོ་དག་སྡུག་བསྔལ་བ་ཞེས་གསུངས་ཏེ། དེ་ཡང་བདེ་བའི་ཚོར་བ་དང༌། སྡུག་བསྔལ་གྱི་ཚོར་བ་དང༌། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཐམས་ཅད་ཀྱི་རྗེས་སུ་འགྲོ་བ་ཡིན་ནོ། །གནས་ངན་ལེན་དེ་ཡང་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ལ་ནི་གསལ་བ་དང་མངོན་པ་ཡིན་པས་དེའི་ཕྱིར་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ནི་འདུ་བྱེད་ཀྱི་སྡུག་བསྔལ་ཉིད་ཀྱིས་སྡུག་བསྔལ་བ་ཞེས་བྱའོ། །བདེ་བ་དང་སྡུག་བསྔལ་བ་ལ་རྗེས་སུ་ཆགས་པ་དང༌། ཁོང་ཁྲོ་བ་དག་གིས་རྣམ་པར་དཀྲུགས་པའི་སེམས་ཀྱི་གནས་ངན་ལེན་གྱི་སྡུག་བསྔལ་དེ་ནི་ཡོངས་སུ་བཅད་པར་སླ་བ་མ་ཡིན་ཏེ། འདི་ལྟ་སྟེ། དཔེར་ན་ལ་ལ་ཞིག་གིས་འབྲས་ཡོངས་སུ་གདུང་བ་དང་བཅས་པ་ལ༑ བསིལ་བའི་རེག་པ་དང་ཕྲད་པས་ནི་བདེ་བའི་འདུ་ཤེས་སྐྱེད་པར་བྱེད་ལ། འགྱུར་བྱེད་ཀྱི་རེག་པ་དང་ཕྲད་པས་ནི་སྡུག་བསྔལ་གྱི་འདུ་ཤེས་སྐྱེད་པར་བྱེད་དོ། །འབྲས་ཡོངས་སུ་གདུང་བ་དང་བཅས་པ་དེ་ལ་རེག་པ་དེ་གཉི་ག་མེད་ན་ནི། དེའི་ཚེ་ན་འབྲས་དེ་ཉིད་ཀྱི་སྡུག་བསྔལ་ཙམ་གསལ་བ་དང་མངོན་པར་འགྱུར་བ་དེ་བཞིན་དུ་ཉོན་མོངས་པ་དང་ལས་ཀྱིས་བསྐྱེད་པའི་འདུ་བྱེད་གནས་ངན་ལེན་དུ་གཏོགས་པ་གནས་པ་འབྲས་ཡོངས་སུ་གདུང་བའི་གནས་ལྟ་བུ་དེ་ལ་ཡང༌། རེག་པ་བསིལ་བ་དང་ཕྲད་པའི་གནས་ལྟ་བུར་ནི་བདེ་བའི་ཚོར་བར་བལྟ་བར་བྱའོ། །འགྱུར་བྱེད་ཀྱི་རེག་པ་དང་ཕྲད་པའི་གནས་ལྟ་བུར་ནི་སྡུག་བསྔལ་གྱི་ཚོར་བར་བལྟ་བར་བྱའོ། །རེག་པ་དེ་གཉིས་ཀ་མེད་པར་འབྲས་ཙམ་གྱི་གནས་ལྟ་བུར་ནི་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བར་བལྟ་བར་བྱའོ། །དེ་ལ་བདེ་བའི་ཚོར་བ་ལ་ནི་ལྷག་པར་ཆགས་པར་འགྱུར་བས་དེའི་ཕྱིར་དེ་ལ་ནི་འདོད་ཆགས་བག་ལ་ཉལ་ཞེས་བྱའོ། །སྡུག་བསྔལ་གྱི་ཚོར་བ་ལ་ནི་ཀུན་ནས་མནར་སེམས་སུ་འགྱུར་བས་དེའི་ཕྱིར་དེ་ལ་ནི་ཁོང་ཁྲོ་བ་བག་ལ་ཉལ་ཞེས་བྱའོ། །སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པས་རབ་ཏུ་ཕྱེ་བ་གནས་ངན་ལེན་དུ་གཏོགས་པ་འདུ་བྱེད་གནས་པའི་ལུས་མི་རྟག་པ་ལ་རྟག་པར་ཕྱིན་ཅི་ལོག་དང༌། སྡུག་བསྔལ་ལ་བདེ་བ་དང༌། མི་གཙང་བ་ལ་གཙང་བ་དང༌། བདག་མེད་པ་ལ་བདག་ཏུ་ཕྱིན་ཅི་ལོག་ཏུ་འགྱུར་བས། དེའི་ཕྱིར་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ལ་ནི་མ་རིག་པ་བག་ལ་ཉལ་ཞེས་བྱའོ། །དེ་ལ་བདེ་བའི་ཚོར་བ་ལ་ལྷག་པར་ཆགས་པའི་བྱིས་པ་ནི་གཞི་དེས་ཚེ་འདི་ལ་ལུས་ཀྱིས་ཉེས་པར་སྤྱད་པ་དང༌། ངག་དང་ཡིད་ཀྱིས་ཉེས་པར་སྤྱད་པ་སྤྱད་ནས་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་དང༌། ཡང་འབྱུང་བའི་སྲེད་པས་ཕྱི་མ་ལ་སྐྱེ་བ་ལ་སོགས་པའི་སྡུག་བསྔལ་མངོན་པར་འགྲུབ་པར་བྱེད་དེ། དེ་ལྟར་ན་དེ་ནི་བདེ་བའི་ཚོར་བ་ལ་འདོད་ཆགས་ཀུན་དུ་གནས་པས་ཕྱི་མ་ལ་འགྲོ་བ་ལྔར་སྡུག་བསྔལ་སྐྱེད་པར་བྱེད་དོ། །སྡུག་བསྔལ་གྱི་ཚོར་བ་ལ་ཀུན་ནས་མནར་སེམས་ཀྱི་སེམས་དང་ལྡན་པ་ནི་མི་འདོད་པས་རེག་པ་ནས་དེས་མྱ་ངན་བྱེད་སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་པ་ནས་ཀུན་དུ་རྨོངས་པའི་བར་དུ་འགྱུར་ཞིང༌། གཞི་དེས་ཉེས་པར་སྤྱོད་པ་གསུམ་ཆར་སྤྱད་ནས་ངན་སོང་རྣམས་སུ་སྐྱེ་བར་འགྱུར་ཏེ། དེ་ལྟར་ན་དེ་ནི་སྡུག་བསྔལ་གྱི་ཚོར་བ་ལ་ཁོང་ཁྲོ་བ་ཀུན་དུ་གནས་པས་ཚེ་འདི་པ་དང༌། ཚེ་ཕྱི་མ་པའི་སྡུག་བསྔལ་མངོན་པར་འགྲུབ་པར་བྱེད་དོ། །སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ལ་དེ་ལྟར་སེམས་ཕྱིན་ཅི་ལོག་ཏུ་གྱུར་པ་ནི་བདེ་བའི་ཚོར་བ་ལ་འདོད་ཆགས་ཀྱིས་སྐྱེད་པ་དང༌། སྡུག་བསྔལ་གྱི་ཚོར་བ་ལ་ཁོང་ཁྲོ་བས་སྐྱེད་པའི་སྡུག་བསྔལ་རྣམ་པ་གཉིས་པོ་ཡོངས་སུ་མི་གཏོང་བའི་ཕྱིར་སེམས་པ་དང༌། ཡོངས་སུ་མི་གཏོང་བའི་ཕྱིར་ཞུགས་པ་ཡིན་ནོ། །དེའི་ཕྱིར་བཅོམ་ལྡན་འདས་ཀྱིས་ཉོན་མོངས་པ་དང༌། ཉེ་བའི་ཉོན་མོངས་པ་མང་པོ་ཡོད་པ་དེ་དག་གི་རྩ་བ་ནི་འདི་ལྟ་སྟེ། འདོད་ཆགས་དང་ཞེ་སྡང་དང་གཏི་མུག་གསུམ་ཁོ་ན་ཡིན་པར་རྣམ་པར་གཞག་གོ། །དེ་ཉིད་ལས་དགོངས་ནས་བཅོམ་ལྡན་འདས་ཀྱིས་བདེ་བའི་ཚོར་བ་ནི་སྡུག་བསྔལ་དུ་བལྟ་བར་བྱ། སྡུག་བསྔལ་གྱི་ཚོར་བ་ནི་ཟུག་རྔུར་བལྟ་བར་བྱ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ནི་མི་རྟག་པ་དང༌། འགོག་པའི་ཆོས་ཅན་དུ་བལྟ་བར་བྱའོ་ཞེས་གསུངས་སོ། །མི་རྟག་པར་ལྟ་བ་ནི་རིམ་གྱིས་ཕྱིན་ཅི་ལོག་ཐམས་ཅད་སྤོང་བར་འགྱུར་རོ། །དེ་ནི་ཡང་དག་པར་སྡུག་བསྔལ་གྱི་བདེན་པའི་དངོས་པོ་ཡིན་ཏེ། འཕགས་པ་འཕགས་པའི་ཡེ་ཤེས་ཀྱིས་དེ་གཟིགས་པ་རྣམས་ནི་སྲིད་པའི་རྩེ་མོ་པའི་ཕུང་པོ་མཆོག་ཏུ་རབ་ཏུ་ཞི་བ་དག་ལ་ཡང་དགའ་བ་མི་འཐོབ་ན། ཤིན་ཏུ་དམན་པ་དག་ལ་ལྟ་སྨོས་ཀྱང་ཅི་དགོས།

de la sdug bsngal gsum zhes gang gsungs pa de la 'du byed kyi sdug bsngal nyid gang zhe na/ yang 'byung ba'i las dang/ nyon mongs pas bskyed pa'i 'du byed rnams kyi lus de dang de dag la nyon mongs pa dang/ sdug bsngal thams cad 'byung ba dang mthun pa kun du 'gro ba'i gnas ngan len du gtogs pa gnas pa gang yin pa de ni gnas ngan len zhes bya ste/ de ni 'du byed kyi sdug bsngal nyid yin no/ /'du byed kyi sdug bsngal nyid de'i dbang du mdzad nas bcom ldan 'das kyis mdor na nye bar len pa'i phung po lnga po dag sdug bsngal ba zhes gsungs te/ de yang bde ba'i tshor ba dang/ sdug bsngal gyi tshor ba dang/ sdug bsngal yang ma yin bde ba yang ma yin pa'i tshor ba thams cad kyi rjes su 'gro ba yin no/ /gnas ngan len de yang sdug bsngal yang ma yin bde ba yang ma yin pa'i tshor ba la ni gsal ba dang mngon pa yin pas de'i phyir sdug bsngal yang ma yin bde ba yang ma yin pa'i tshor ba ni 'du byed kyi sdug bsngal nyid kyis sdug bsngal ba zhes bya'o/ /bde ba dang sdug bsngal ba la rjes su chags pa dang/ khong khro ba dag gis rnam par dkrugs pa'i sems kyi gnas ngan len gyi sdug bsngal de ni yongs su bcad par sla ba ma yin te/ 'di lta ste/ dper na la la zhig gis 'bras yongs su gdung ba dang bcas pa la| bsil ba'i reg pa dang phrad pas ni bde ba'i 'du shes skyed par byed la/ 'gyur byed kyi reg pa dang phrad pas ni sdug bsngal gyi 'du shes skyed par byed do/ /'bras yongs su gdung ba dang bcas pa de la reg pa de gnyi ga med na ni/ de'i tshe na 'bras de nyid kyi sdug bsngal tsam gsal ba dang mngon par 'gyur ba de bzhin du nyon mongs pa dang las kyis bskyed pa'i 'du byed gnas ngan len du gtogs pa gnas pa 'bras yongs su gdung ba'i gnas lta bu de la yang/ reg pa bsil ba dang phrad pa'i gnas lta bur ni bde ba'i tshor bar blta bar bya'o/ /'gyur byed kyi reg pa dang phrad pa'i gnas lta bur ni sdug bsngal gyi tshor bar blta bar bya'o/ /reg pa de gnyis ka med par 'bras tsam gyi gnas lta bur ni sdug bsngal yang ma yin bde ba yang ma yin pa'i tshor bar blta bar bya'o/ /de la bde ba'i tshor ba la ni lhag par chags par 'gyur bas de'i phyir de la ni 'dod chags bag la nyal zhes bya'o/ /sdug bsngal gyi tshor ba la ni kun nas mnar sems su 'gyur bas de'i phyir de la ni khong khro ba bag la nyal zhes bya'o/ /sdug bsngal yang ma yin bde ba yang ma yin pas rab tu phye ba gnas ngan len du gtogs pa 'du byed gnas pa'i lus mi rtag pa la rtag par phyin ci log dang/ sdug bsngal la bde ba dang/ mi gtsang ba la gtsang ba dang/ bdag med pa la bdag tu phyin ci log tu 'gyur bas/ de'i phyir sdug bsngal yang ma yin bde ba yang ma yin pa'i tshor ba la ni ma rig pa bag la nyal zhes bya'o/ /de la bde ba'i tshor ba la lhag par chags pa'i byis pa ni gzhi des tshe 'di la lus kyis nyes par spyad pa dang/ ngag dang yid kyis nyes par spyad pa spyad nas lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba dang/ yang 'byung ba'i sred pas phyi ma la skye ba la sogs pa'i sdug bsngal mngon par 'grub par byed de/ de ltar na de ni bde ba'i tshor ba la 'dod chags kun du gnas pas phyi ma la 'gro ba lngar sdug bsngal skyed par byed do/ /sdug bsngal gyi tshor ba la kun nas mnar sems kyi sems dang ldan pa ni mi 'dod pas reg pa nas des mya ngan byed sgyid lug par byed/ smre sngags 'don par byed pa nas kun du rmongs pa'i bar du 'gyur zhing/ gzhi des nyes par spyod pa gsum char spyad nas ngan song rnams su skye bar 'gyur te/ de ltar na de ni sdug bsngal gyi tshor ba la khong khro ba kun du gnas pas tshe 'di pa dang/ tshe phyi ma pa'i sdug bsngal mngon par 'grub par byed do/ /sdug bsngal yang ma yin bde ba yang ma yin pa'i tshor ba la de ltar sems phyin ci log tu gyur pa ni bde ba'i tshor ba la 'dod chags kyis skyed pa dang/ sdug bsngal gyi tshor ba la khong khro bas skyed pa'i sdug bsngal rnam pa gnyis po yongs su mi gtong ba'i phyir sems pa dang/ yongs su mi gtong ba'i phyir zhugs pa yin no/ /de'i phyir bcom ldan 'das kyis nyon mongs pa dang/ nye ba'i nyon mongs pa mang po yod pa de dag gi rtsa ba ni 'di lta ste/ 'dod chags dang zhe sdang dang gti mug gsum kho na yin par rnam par gzhag go/ /de nyid las dgongs nas bcom ldan 'das kyis bde ba'i tshor ba ni sdug bsngal du blta bar bya/ sdug bsngal gyi tshor ba ni zug rngur blta bar bya/ sdug bsngal yang ma yin bde ba yang ma yin pa'i tshor ba ni mi rtag pa dang/ 'gog pa'i chos can du blta bar bya'o zhes gsungs so/ /mi rtag par lta ba ni rim gyis phyin ci log thams cad spong bar 'gyur ro/ /de ni yang dag par sdug bsngal gyi bden pa'i dngos po yin te/ 'phags pa 'phags pa'i ye shes kyis de gzigs pa rnams ni srid pa'i rtse mo pa'i phung po mchog tu rab tu zhi ba dag la yang dga' ba mi 'thob na/ shin tu dman pa dag la lta smos kyang ci dgos/

【K2 辨集諦】

ཡང་འབྱུང་པ་བའི་ལས་དང་ཉོན་མོངས་པས་འདུ་བྱེད་དེ་སྐྱེད་པར་བྱེད་པ་གང་དག་ཡིན་པ་དེ་དག་ནི་མཚན་ཉིད་ཀྱི་ཚུལ་གྱིས་ཀུན་འབྱུང་བའི་བདེན་པ་ཡིན་མོད་ཀྱི། བཅོམ་ལྡན་འདས་ཀྱིས་མདོ་སྡེའི་ཚུལ་གྱིས་གཙོར་ནི་སྲིད་པ་ཉིད་ཡིན་པར་བསྟན་ཏོ། །

yang 'byung pa ba'i las dang nyon mongs pas 'du byed de skyed par byed pa gang dag yin pa de dag ni mtshan nyid kyi tshul gyis kun 'byung ba'i bden pa yin mod kyi/ bcom ldan 'das kyis mdo sde'i tshul gyis gtsor ni srid pa nyid yin par bstan to/ /

【K3 辨滅道】

ཉོན་མོངས་པའི་ཕྱོགས་ཀྱི་གནས་ངན་ལེན་དེ་སྤངས་པ་ནི་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབང་དུ་བྱས་ནས་འགོག་པའི་བདེན་པ་ཡིན་ནོ། །མ་འོངས་པ་རྒྱུ་ཡང་དག་པར་ཆད་པ་རྣམས་ཀྱི་མི་འབྱུང་བ་དང༌། ད་ལྟར་བྱུང་བའི་སྔོན་གྱི་རྒྱུ་དང་ལྡན་པ་རྣམས་ཀྱི་རང་གི་ངང་གིས་འགག་པ་ནི་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབང་དུ་བྱས་ནས་འགོག་པའི་བདེན་པ་ཡིན་ནོ། །

nyon mongs pa'i phyogs kyi gnas ngan len de spangs pa ni phung po'i lhag ma dang bcas pa'i mya ngan las 'das pa'i dbang du byas nas 'gog pa'i bden pa yin no/ /ma 'ongs pa rgyu yang dag par chad pa rnams kyi mi 'byung ba dang/ da ltar byung ba'i sngon gyi rgyu dang ldan pa rnams kyi rang gi ngang gis 'gag pa ni phung po'i lhag ma med pa'i mya ngan las 'das pa'i dbang du byas nas 'gog pa'i bden pa yin no/ /

【K4 辨道諦】

དོན་དམ་པ་འཛིན་པར་བྱེད་པའི་ཡང་དག་པའི་ལྟ་བ་དང༌། ཡང་དག་པའི་ལྟ་བ་སྔོན་དུ་བཏང་བའི་འཕགས་པའི་ཡན་ལག་བརྒྱད་པ་ནི་ལམ་གྱི་བདེན་པ་ཡིན་ནོ༑ །

don dam pa 'dzin par byed pa'i yang dag pa'i lta ba dang/ yang dag pa'i lta ba sngon du btang ba'i 'phags pa'i yan lag brgyad pa ni lam gyi bden pa yin no| /

【J2 總辨建立四諦】

བདེན་པ་རྣམ་པར་གཞག་པ་འདི་ནི་སྡུག་བསྔལ་ཡོངས་སུ་ཤེས་པར་བྱ་བ་དང༌། ཀུན་འབྱུང་བ་སྤང་བ་དང༌། འགོག་པ་མངོན་དུ་བྱ་བ་དང༌། ལམ་བསྒོམ་པའི་ཕྱིར་མཚན་ཉིད་བསྡུས་ཏེ་རྣམ་པར་གཞག་པས་རྣམ་པར་གཞག་པ་ཡིན་གྱི། རྒྱ་ཆེར་རྣམ་པར་གཞག་པ་ནི་ཚད་མེད་པར་རིག་པར་བྱའོ། །སྡུག་བསྔལ་གྱི་བདེན་པ་ཡོངས་སུ་ཤེས་པ་རགས་པ་ལ་བརྟེན་ནས་ཆ་ཕྲ་བ་ལ་གཟུད་པའི་ཕྱིར་དང་པོར་སྐྱེ་བ་ལ་སོགས་པ་སྡུག་བསྔལ་ཉིད་དུ་བརྟགས་ཏེ། ཕྱིས་ཉེ་བར་ལེན་པའི་ཕུང་པོ་ལྔ་པོ་དག་བསྟན་ཏོ། །

bden pa rnam par gzhag pa 'di ni sdug bsngal yongs su shes par bya ba dang/ kun 'byung ba spang ba dang/ 'gog pa mngon du bya ba dang/ lam bsgom pa'i phyir mtshan nyid bsdus te rnam par gzhag pas rnam par gzhag pa yin gyi/ rgya cher rnam par gzhag pa ni tshad med par rig par bya'o/ /sdug bsngal gyi bden pa yongs su shes pa rags pa la brten nas cha phra ba la gzud pa'i phyir dang por skye ba la sogs pa sdug bsngal nyid du brtags te/ phyis nye bar len pa'i phung po lnga po dag bstan to/ /

【E11 解任持法】【F1 辨五相立任持】【G1 標列】

གནས་པ་སྒྲུབ་པའི་ཆོས་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། ཁམ་གྱི་ཟས་དང༌། རེག་པའི་ཟས་དང༌། ཡིད་ལ་སེམས་པའི་ཟས་དང༌། རྣམ་པར་ཤེས་པའི་ཟས་དང༌། སྲོག་གི་དབང་པོ་ནི་ལྔ་པ་ཡིན་ནོ། །

gnas pa sgrub pa'i chos rnams kyi rab tu dbye ba yang rnam pa lngas rnam par gzhag ste/ lnga gang zhe na/ kham gyi zas dang/ reg pa'i zas dang/ yid la sems pa'i zas dang/ rnam par shes pa'i zas dang/ srog gi dbang po ni lnga pa yin no/ /

【G2 約趣辨有無】

དེ་ལ་ཁམ་གྱི་ཟས་ནི་རགས་པ་ཡིན་པས་འདོད་པའི་ཁམས་ནི་འགྲོ་བ་ལྔ་ཆར་ན་ཡོད་དེ། ཉི་ཚེ་བའི་སེམས་ཅན་དམྱལ་བ་དེ་དག་ཁ་ཅིག་ན་ཡང་ཡོད་ལ། སེམས་ཅན་དམྱལ་བ་ཆེན་པོ་དག་ན་ནི་མེད་དོ། །ཟས་ལྷག་མ་རྣམས་ནི་ཁམས་གསུམ་ཆར་ན་ཡང་དམིགས་སོ། །སྲོག་གི་དབང་པོ་ནི་འདུ་བྱེད་རྣམས་ལ་སེམས་ཅན་དུ་ཉེ་བར་གདགས་པ་མཛད་ནས་བཅོམ་ལྡན་འདས་ཀྱིས་ཆོས་དེ་དག་ནི་སེམས་ཅན་རྣམས་ཀྱི་གནས་པ་བསྒྲུབ་པའོ་ཞེས་བཀའ་སྩལ་ཏོ། །

de la kham gyi zas ni rags pa yin pas 'dod pa'i khams ni 'gro ba lnga char na yod de/ nyi tshe ba'i sems can dmyal ba de dag kha cig na yang yod la/ sems can dmyal ba chen po dag na ni med do/ /zas lhag ma rnams ni khams gsum char na yang dmigs so/ /srog gi dbang po ni 'du byed rnams la sems can du nye bar gdags pa mdzad nas bcom ldan 'das kyis chos de dag ni sems can rnams kyi gnas pa bsgrub pa'o zhes bka' stsal to/ /

【F2 辨廢立】【G1 問答辨四食癈立】【H1 問】

གང་གི་ཚེ་རྒྱུ་བདུན་གྱིས་འདུ་བྱེད་རྣམས་གནས་པར་འགྱུར་ཏེ། བདུན་གང་ཞེ་ན། རེ་ཞིག་དང་པོ་ཁོ་ནར་སྐྱེ་བ་ནི་འདུ་བྱེད་རྣམས་ཀྱི་གནས་པའི་རྒྱུ་ཡིན་ཏེ། འདི་ལྟར་འདུ་བྱེད་སྐྱེས་ན་གནས་ཀྱི་མ་སྐྱེས་ན་མི་གནས་པའི་ཕྱིར་རོ། །སྲོག་གི་དབང་པོ་དང༌། ཟས་ཀྱང་ཡིན་ནོ། །སེམས་ལ་དབང་བ་རྣམས་ཀྱི་རྫུ་འཕྲུལ་ཡང་ཡིན་ཏེ། འདི་ལྟར་དེ་དག་ནི་ཚེའི་འདུ་བྱེད་བསྲིངས་ནས་བསྐལ་པའམ་བསྐལ་པ་ལས་ལྷག་པར་གནས་པའི་ཕྱིར་རོ། །རྒྱུ་དང་རྐྱེན་ཚོགས་པ་ཡང་གནས་པའི་རྒྱུ་ཡིན་ཏེ། འདི་ལྟར་ཇི་སྲིད་དུ་རྒྱུ་དང༌། རྐྱེན་དང་མ་བྲལ་བ་དེ་སྲིད་དུ། དགེ་བ་དང་མི་དགེ་བ་དང༌། ལུང་དུ་མ་བསྟན་པའི་ཆོས་རྣམས་ཀྱི་གནས་པའི་རྒྱུན་རྒྱུན་མི་འཆད་པའི་ཕྱིར་རོ། །སྔོན་གྱི་ལས་ཀྱི་འཕེན་པ་ཡང་དགེ་བ་དང༌། མི་དགེ་བ་དང༌། ལུང་དུ་མ་བསྟན་པ་ཡིད་ལ་བྱེད་པས་བསྒྲུབས་པའི་འདུ་བྱེད་རྣམས་ཀྱི་གནས་པའི་རྒྱུ་ཡིན་ཏེ། འདི་ལྟར་ཕྱི་རོལ་གྱི་དངོས་པོ་ཐུན་མོང་དང༌། ཐུན་མོང་མ་ཡིན་པའི་ལས་ཀྱིས་བསྐྱེད་པ་རྣམས་ཀྱིའོ། །བར་དུ་གཅོད་པ་མེད་པ་ནི་འདུ་བྱེད་རྣམས་ཀྱི་གནས་པའི་རྒྱུ་བདུན་པ་ཡིན་ཏེ། འདུ་བྱེད་གང་སྐྱེ་བ་ལ་བགེགས་མི་བྱེད་པ་དང༌། སྐྱེས་པའི་འདྲ་བའི་རྒྱུན་དང་མི་མཐུན་པ་མ་ཡིན་པ་འཇིག་པའི་རྒྱུ་མ་ཡིན་པ་དེ་ནི་གནས་པའི་རྒྱུ་ཡིན་པའི་ཕྱིར་ཏེ། གཞན་དུ་ནི་འཇིག་པ་ཁོ་ནར་འགྱུར་བ་ཡིན་ན། ཅིའི་ཕྱིར་བཅོམ་ལྡན་འདས་ཀྱིས་སེམས་ཅན་རྣམས་ཟས་དག་ཁོ་ནས་གནས་པ་ཡིན་པར་གསུངས་ཤེ་ན།

gang gi tshe rgyu bdun gyis 'du byed rnams gnas par 'gyur te/ bdun gang zhe na/ re zhig dang po kho nar skye ba ni 'du byed rnams kyi gnas pa'i rgyu yin te/ 'di ltar 'du byed skyes na gnas kyi ma skyes na mi gnas pa'i phyir ro/ /srog gi dbang po dang/ zas kyang yin no/ /sems la dbang ba rnams kyi rdzu 'phrul yang yin te/ 'di ltar de dag ni tshe'i 'du byed bsrings nas bskal pa'am bskal pa las lhag par gnas pa'i phyir ro/ /rgyu dang rkyen tshogs pa yang gnas pa'i rgyu yin te/ 'di ltar ji srid du rgyu dang/ rkyen dang ma bral ba de srid du/ dge ba dang mi dge ba dang/ lung du ma bstan pa'i chos rnams kyi gnas pa'i rgyun rgyun mi 'chad pa'i phyir ro/ /sngon gyi las kyi 'phen pa yang dge ba dang/ mi dge ba dang/ lung du ma bstan pa yid la byed pas bsgrubs pa'i 'du byed rnams kyi gnas pa'i rgyu yin te/ 'di ltar phyi rol gyi dngos po thun mong dang/ thun mong ma yin pa'i las kyis bskyed pa rnams kyi'o/ /bar du gcod pa med pa ni 'du byed rnams kyi gnas pa'i rgyu bdun pa yin te/ 'du byed gang skye ba la bgegs mi byed pa dang/ skyes pa'i 'dra ba'i rgyun dang mi mthun pa ma yin pa 'jig pa'i rgyu ma yin pa de ni gnas pa'i rgyu yin pa'i phyir te/ gzhan du ni 'jig pa kho nar 'gyur ba yin na/ ci'i phyir bcom ldan 'das kyis sems can rnams zas dag kho nas gnas pa yin par gsungs she na/

【H2 答】【I1 總答】

འདུ་བྱེད་རྣམས་ནི་རྒྱུ་གཞན་བདུན་པོ་དེ་དག་གིས་གནས་པ་ཡང་ཡིན་མོད་ཀྱི། འོན་ཀྱང་གནས་པའི་རྒྱུ་མང་པོ་འདི་ལྟ་སྟེ། ཟས་བཞི་པོ་དེ་དག་ནི་སྒོ་མང་པོ་སྣ་ཚོགས་པ་དག་གིས་འདུ་བྱེད་རྣམས་གནས་པར་བྱེད་པ་ཡིན་པའི་ཕྱིར་དང་།

'du byed rnams ni rgyu gzhan bdun po de dag gis gnas pa yang yin mod kyi/ 'on kyang gnas pa'i rgyu mang po 'di lta ste/ zas bzhi po de dag ni sgo mang po sna tshogs pa dag gis 'du byed rnams gnas par byed pa yin pa'i phyir dang /

【I2 別答有五】

གཞན་ཡང་ཟས་ལས་གྱུར་པའི་གནས་པ་འདི་ནི་བྱིས་པ་གཞོན་ནུ་ཡན་ཆད་ཀྱིས་ཀྱང་གཟུང་སླ་བ་དང༌། འཇུག་སླ་བ་དང༌། རྟོགས་པར་སླ་བ་ཡིན་གྱི། གཞན་དག་ནི་དེ་ལྟ་མ་ཡིན་པའི་ཕྱིར་དང༌། གཞན་ཡང་ཟས་རྣམས་ནི་དབང་པོ་དང༌། འབྱུང་བ་ཆེན་པོ་མ་འཕེལ་བ་རྣམས་འཕེལ་བར་བྱེད་པ་དང༌། ནད་ཀྱིས་ཐེབས་པ་རྣམས་ཀྱང་ནད་མེད་པར་བྱེད་པ་ཡིན་གྱི། གཞན་དག་ནི་དེ་ལྟར་མ་ཡིན་པའི་ཕྱིར་དང༌། གཞན་ཡང་སེམས་ཅན་ཚེ་རིང་པོ་དག་ཀྱང་ཟས་མ་རྙེད་ན་དུས་མ་ཡིན་པར་འཆི་བར་འགྱུར་བའི་ཕྱིར་དང༌། འདི་ལྟ་སྟེ། སེམས་ཅན་ཐམས་ཅད་ཟས་ཀྱིས་གནས་པ་ཡིན་ནོ་ཞེས་བྱ་བའི་ལམ་འདི་ནི། དྲན་པ་ཉེ་བར་གཞག་པ་ལ་སོགས་པ་བསྒོམ་པ་ལ་འཇུག་སླ་བ་ཡིན་པའི་ཕྱིར་ཏེ། དེ་ལྟ་བས་ན་རྒྱུ་ལྔ་པོ་དེ་དག་གིས་ན་སེམས་ཅན་རྣམས་ཟས་དག་གིས་གནས་པ་ཁོ་ན་ཡིན་པར་གསུངས་སོ༑ །

gzhan yang zas las gyur pa'i gnas pa 'di ni byis pa gzhon nu yan chad kyis kyang gzung sla ba dang/ 'jug sla ba dang/ rtogs par sla ba yin gyi/ gzhan dag ni de lta ma yin pa'i phyir dang/ gzhan yang zas rnams ni dbang po dang/ 'byung ba chen po ma 'phel ba rnams 'phel bar byed pa dang/ nad kyis thebs pa rnams kyang nad med par byed pa yin gyi/ gzhan dag ni de ltar ma yin pa'i phyir dang/ gzhan yang sems can tshe ring po dag kyang zas ma rnyed na dus ma yin par 'chi bar 'gyur ba'i phyir dang/ 'di lta ste/ sems can thams cad zas kyis gnas pa yin no zhes bya ba'i lam 'di ni/ dran pa nye bar gzhag pa la sogs pa bsgom pa la 'jug sla ba yin pa'i phyir te/ de lta bas na rgyu lnga po de dag gis na sems can rnams zas dag gis gnas pa kho na yin par gsungs so| /

【G2 辨命根癈立】

ཅིའི་ཕྱིར་སྲོག་གི་དབང་པོའི་དབང་དུ་མཛད་ནས་སེམས་ཅན་རྣམས་འདུ་བྱེད་ཀྱིས་གནས་པར་གསུངས་ཤེ་ན། གནས་གང་ན་ལན་འགའ་ཡང་ཟས་མ་ཚང་བ་མེད་པ་དང༌། གང་ན་ཟས་ཚོགས་ཆེན་པོས་ཡོངས་སུ་བཙལ་མི་དགོས་པ་དེ་ལྟ་བུའི་གནས་ཀྱང་ཡོད་མོད་ཀྱི་གནས་དེ་ན་སྲོག་གི་དབང་པོའི་དབང་ཁོ་ནས་གནས་པར་འགྱུར་ཞིང་། གང་དག་གི་ཚེ་ཇི་ལྟར་འཕངས་པ་དེ་དག་དུས་དེ་སྲིད་དུ་གནས་པར་འགྱུར་བས། དེའི་ཕྱིར་གནས་དེའི་དབང་དུ་མཛད་ནས༑ སྲོག་གི་དབང་པོས་སེམས་ཅན་རྣམས་འདུ་བྱེད་ཀྱིས་གནས་པར་གསུངས་སོ། །

ci'i phyir srog gi dbang po'i dbang du mdzad nas sems can rnams 'du byed kyis gnas par gsungs she na/ gnas gang na lan 'ga' yang zas ma tshang ba med pa dang/ gang na zas tshogs chen pos yongs su btsal mi dgos pa de lta bu'i gnas kyang yod mod kyi gnas de na srog gi dbang po'i dbang kho nas gnas par 'gyur zhing / gang dag gi tshe ji ltar 'phangs pa de dag dus de srid du gnas par 'gyur bas/ de'i phyir gnas de'i dbang du mdzad nas| srog gi dbang pos sems can rnams 'du byed kyis gnas par gsungs so/ /

【F3 辨段食之相】【G1 總標】

དེ་ལ་ཁམ་གྱི་ཟས་ནི་དྲི་དང་རོ་དང༌། རེག་བྱའི་སྐྱེ་མཆེད་རྣམས་ཀྱིས་བསྡུས་པ་ཡིན་པར་བརྗོད་པར་བྱའོ། །

de la kham gyi zas ni dri dang ro dang/ reg bya'i skye mched rnams kyis bsdus pa yin par brjod par bya'o/ /

【G2 別釋所以】【H1 以四塵相對辨食非食】

དེ་ཅིའི་ཕྱིར་ཞེ་ན། འདི་ལྟར་དྲི་དང་རོ་དང་རེག་བྱ་རྣམས་ལེགས་པར་ཞུ་བས་ནི་འཕེལ་བར་བྱེད་ལ་མི་མཐུན་པར་ཞུ་བས་ནི་འགྲིབ་པར་བྱེད་ཀྱི། དེ་དག་ལས་གཞན་པ་གཟུགས་ལ་སོགས་པ་ནི་འཕེལ་བའི་ཕྱིར་ཡང་མི་འཇུག་ལ་འགྲིབ་པའི་ཕྱིར་ཡང་མི་འཇུག་པའི་ཕྱིར་ཏེ། དེ་ལྟ་བས་ན་དེ་དག་ནི་ཁམ་གྱི་ཟས་ཞེས་མི་བྱའོ། །

de ci'i phyir zhe na/ 'di ltar dri dang ro dang reg bya rnams legs par zhu bas ni 'phel bar byed la mi mthun par zhu bas ni 'grib par byed kyi/ de dag las gzhan pa gzugs la sogs pa ni 'phel ba'i phyir yang mi 'jug la 'grib pa'i phyir yang mi 'jug pa'i phyir te/ de lta bas na de dag ni kham gyi zas zhes mi bya'o/ /

【H2 約段物吞時生悅辨食非食】

དེ་ལ་ཁམ་ཟ་བའི་ཚེ་ན་ཡིད་དུ་འོང་བས་ཟ་བ་པོའི་དབང་པོ་རྣམས་ཚིམ་པར་བྱེད་པ་གང་ཡིན་པ་དེ་ནི་ཁམ་གྱི་ཟས་ཞེས་བརྗོད་པར་མི་བྱ་མོད་ཀྱི་འོན་ཀྱང་དེ་ནི་རེག་པའི་ཟས་ཡིན་པར་བརྗོད་པར་བྱའོ། །གལ་ཏེ་དེ་འཕྲོད་པས་བདེ་བ་དང་འཕེལ་བར་འགྱུར་བ་དེ་འཇུ་ན་ནི་དེ་ཞུ་བ་ན་ཁམ་གྱི་ཟས་ཡིན་པར་བརྗོད་པར་བྱའོ། །གལ་ཏེ་ཞུ་ཡང་བདེ་བ་དང་འཕེལ་བར་མི་འགྱུར་ན་ནི་དེ་ཞུར་ཟིན་ཀྱང་ཁམ་གྱི་ཟས་ཡིན་པར་བརྗོད་པར་མི་བྱའོ། །

de la kham za ba'i tshe na yid du 'ong bas za ba po'i dbang po rnams tshim par byed pa gang yin pa de ni kham gyi zas zhes brjod par mi bya mod kyi 'on kyang de ni reg pa'i zas yin par brjod par bya'o/ /gal te de 'phrod pas bde ba dang 'phel bar 'gyur ba de 'ju na ni de zhu ba na kham gyi zas yin par brjod par bya'o/ /gal te zhu yang bde ba dang 'phel bar mi 'gyur na ni de zhur zin kyang kham gyi zas yin par brjod par mi bya'o/ /

【H3 約段物吞不生悅辨食非食】

ཁམ་ཟ་བའི་ཚེ་ན་ཡིད་དུ་མི་འོང་བས་ཟ་བ་པོའི་དབང་པོ་རྣམས་ཚིམ་པར་མི་བྱེད་པ་གང་ཡིན་པ་དེ་ནི་ཟས་འགའ་ཡང་མ་ཡིན་པར་བརྗོད་པར་བྱའོ། །གལ་ཏེ་དེ་ཉིད་འཕྲོད་པས་ཞུ་བ་ན་བདེ་བ་དང་འཕེལ་བར་འགྱུར་ན་ནི་དེ་ཁམ་གྱི་ཟས་ཡིན་པར་བརྗོད་པར་བྱའོ། །གལ་ཏེ་དེ་ཞུ་བ་ན་བདེ་བ་དང་འཕེལ་བར་མི་འགྱུར་ན་ནི་དེ་ཞུར་ཟིན་ཀྱང་ཟས་ཡིན་པར་བརྗོད་པར་མི་བྱའོ། །

kham za ba'i tshe na yid du mi 'ong bas za ba po'i dbang po rnams tshim par mi byed pa gang yin pa de ni zas 'ga' yang ma yin par brjod par bya'o/ /gal te de nyid 'phrod pas zhu ba na bde ba dang 'phel bar 'gyur na ni de kham gyi zas yin par brjod par bya'o/ /gal te de zhu ba na bde ba dang 'phel bar mi 'gyur na ni de zhur zin kyang zas yin par brjod par mi bya'o/ /

【F3 辨四食四句分別】

ཁམ་གང་ཡིན་པ་དེ་ཟས་ཀྱང་ཡིན་ལ། ཟས་གང་ཡིན་པ་དེ་ཡང་ཁམ་ཡིན་ནམ་ཞེ་ན། མུ་བཞིར་ཅི་རིགས་པར་བརྗོད་པར་བྱ་སྟེ། དེ་ལ་ཁམ་ཡིན་ལ་ཟས་མ་ཡིན་པ་ནི་ཁམ་གང་དབང་པོ་དང་འབྱུང་བ་ཆེན་པོ་འཕེལ་བར་མི་འགྱུར་བའོ། །ཟས་ཡིན་ལ་ཁམ་མ་ཡིན་པ་ནི་རེག་པ་དང་ཡིད་ལ་སེམས་པ་དང༌། རྣམ་པར་ཤེས་པ་གང་དབང་པོ་དང་འབྱུང་བ་ཆེན་པོ་འཕེལ་བར་འགྱུར་བའོ། །ཟས་ཀྱང་ཡིན་ལ་ཁམ་ཀྱང་ཡིན་པ་ནི་ཁམ་གང་དབང་པོ་དང་འབྱུང་བ་ཆེན་པོ་འཕེལ་བར་འགྱུར་བའོ། །ཁམ་ཀྱང་མ་ཡིན་ལ་ཟས་ཀྱང་མ་ཡིན་པ་ནི་རེག་པ་དང་ཡིད་ལ་སེམས་པ་དང༌། རྣམ་པར་ཤེས་པ་གང་དབང་པོ་དང་འབྱུང་བ་ཆེན་པོ་འཕེལ་བར་མི་འགྱུར་བའོ། །རེག་བ་ལ་སོགས་པ་ལྷག་མ་རྣམས་ལ་ཡང་མུ་བཞི་དེ་བཞིན་དུ་ཅི་རིགས་པར་བརྗོད་པར་བྱའོ། །

kham gang yin pa de zas kyang yin la/ zas gang yin pa de yang kham yin nam zhe na/ mu bzhir ci rigs par brjod par bya ste/ de la kham yin la zas ma yin pa ni kham gang dbang po dang 'byung ba chen po 'phel bar mi 'gyur ba'o/ /zas yin la kham ma yin pa ni reg pa dang yid la sems pa dang/ rnam par shes pa gang dbang po dang 'byung ba chen po 'phel bar 'gyur ba'o/ /zas kyang yin la kham kyang yin pa ni kham gang dbang po dang 'byung ba chen po 'phel bar 'gyur ba'o/ /kham kyang ma yin la zas kyang ma yin pa ni reg pa dang yid la sems pa dang/ rnam par shes pa gang dbang po dang 'byung ba chen po 'phel bar mi 'gyur ba'o/ /reg ba la sogs pa lhag ma rnams la yang mu bzhi de bzhin du ci rigs par brjod par bya'o/ /

【E12 解有異熟法無異熟法】【F1 辨有異熟等】【G1 總標三句】

དེ་ལ་རྣམ་པར་སྨིན་པ་དང་བཅས་པའི་ཆོས་རྣམས་ཀྱང་རིག་པར་བྱ་སྟེ། རྣམ་པར་སྨིན་པ་ཡང་རིག་པར་བྱ། རྣམ་པར་སྨིན་པ་ལས་སྐྱེས་པའི་ཆོས་རྣམས་ཀྱང་རིག་པར་བྱའོ༑ །

de la rnam par smin pa dang bcas pa'i chos rnams kyang rig par bya ste/ rnam par smin pa yang rig par bya/ rnam par smin pa las skyes pa'i chos rnams kyang rig par bya'o| /

【G2 別解三句】【H1 辨有異熟法】【I1 辨有異熟法】

དེ་ལ་རྣམ་པར་སྨིན་པ་དང་བཅས་པའི་ཆོས་རྣམས་ནི་མདོར་བསྡུ་ན་ཟག་པ་རྣམས་དང༌། ཟག་པ་དང་བཅས་པ་རྣམས་སོ། །དེ་དག་ཀྱང་སྟོབས་དང་ལྡན་པ་དང་ཉམས་པ་དང་མ་སྤྱད་པ་དག་ཡིན་ནོ། །

de la rnam par smin pa dang bcas pa'i chos rnams ni mdor bsdu na zag pa rnams dang/ zag pa dang bcas pa rnams so/ /de dag kyang stobs dang ldan pa dang nyams pa dang ma spyad pa dag yin no/ /

【I2 辨無異熟法】

དེ་ལ་ཟག་པ་རྣམས་ལས་ནི་མི་དགེ་བ་གང་དག་ཡིན་པ་དེ་དག་ནི་སྟོབས་དང་ལྡན་པ་ཞེས་བྱའོ། །བསྒྲིབས་ལ་ལུང་དུ་མ་བསྟན་པ་གང་དག་ཡིན་པ་དེ་དག་ནི་མཐུ་ཆུང་བ་ཡིན་ནོ། །ཟག་པ་དང་བཅས་པ་རྣམས་ལས་ཀྱང་དགེ་བ་དང༌། མི་དགེ་བ་གང་དག་ཡིན་པ་དེ་དག་ནི་སྟོབས་དང་ལྡན་པ་ཡིན་ནོ། །དེ་དག་ལས་གཞན་པ་ནི་མཐུ་ཆུང་བ་ཡིན་ནོ། །ཟག་པ་དང་ཟག་པ་དང་བཅས་པ་གང་དག་འཇིག་རྟེན་པ་དང༌། འཇིག་རྟེན་ལས་འདས་པའི་འདོད་ཆགས་དང་བྲལ་བ་དག་གིས་སྤངས་པ་དེ་དག་ནི་ཉམས་པ་ཞེས་བྱའོ། །དེ་ལས་བཟློག་པ་དག་ནི་མ་ཉམས་པ་ཞེས་བྱའོ། །འདས་པའི་དུས་ལ་བརྟེན་ཏེ་རྣམ་པར་སྨིན་པ་རྣམ་པར་སྨིན་ཟིན་པ་གང་དག་ཡིན་པ་དེ་དག་ནི་སྤྱད་ཟིན་པ་ཞེས་བྱ་སྟེ། འདི་ལྟར་དེ་དག་གི་རྣམ་པར་སྨིན་པ་ནི་འདས་ཟིན་པའི་ཕྱིར་མེད་དོ། །མ་འོངས་པའི་དུས་སུ་རྣམ་པར་སྨིན་པ་འབྱིན་པར་འགྱུར་བ་གང་དག་ཡིན་པ་དང༌། ད་ལྟར་རྣམ་པར་སྨིན་པ་ཉེ་བར་གནས་པ་གང་དག་ཡིན་པ་དེ་དག་ནི་མ་སྤྱད་པ་ཞེས་བྱའོ། །རྣམ་གྲངས་དེས་ན་དགེ་བ་དང་མི་དགེ་བ་ཟག་པ་རྣམས་དང་བཅས་པ་གང་དག་ཡིན་པ་དེ་དག་ནི་ཅི་རིགས་པར་ཟག་པ་དང་བཅས་པ་ཡིན་ཏེ། དེ་དག་ནི་མ་སྤངས་པ་དང༌། དེ་དག་ནི་རྣམ་པར་སྨིན་པ་སྔོན་རྣམ་པར་མ་སྨིན་པ་དང༌། དེ་དག་ནི་རྣམ་པར་སྨིན་པ་དང་བཅས་པ་དག་ཡིན་ནོ། །

de la zag pa rnams las ni mi dge ba gang dag yin pa de dag ni stobs dang ldan pa zhes bya'o/ /bsgribs la lung du ma bstan pa gang dag yin pa de dag ni mthu chung ba yin no/ /zag pa dang bcas pa rnams las kyang dge ba dang/ mi dge ba gang dag yin pa de dag ni stobs dang ldan pa yin no/ /de dag las gzhan pa ni mthu chung ba yin no/ /zag pa dang zag pa dang bcas pa gang dag 'jig rten pa dang/ 'jig rten las 'das pa'i 'dod chags dang bral ba dag gis spangs pa de dag ni nyams pa zhes bya'o/ /de las bzlog pa dag ni ma nyams pa zhes bya'o/ /'das pa'i dus la brten te rnam par smin pa rnam par smin zin pa gang dag yin pa de dag ni spyad zin pa zhes bya ste/ 'di ltar de dag gi rnam par smin pa ni 'das zin pa'i phyir med do/ /ma 'ongs pa'i dus su rnam par smin pa 'byin par 'gyur ba gang dag yin pa dang/ da ltar rnam par smin pa nye bar gnas pa gang dag yin pa de dag ni ma spyad pa zhes bya'o/ /rnam grangs des na dge ba dang mi dge ba zag pa rnams dang bcas pa gang dag yin pa de dag ni ci rigs par zag pa dang bcas pa yin te/ de dag ni ma spangs pa dang/ de dag ni rnam par smin pa sngon rnam par ma smin pa dang/ de dag ni rnam par smin pa dang bcas pa dag yin no/ /

【H2 辨異熟法】

ཟག་པ་མེད་པ་དང༌། ལུང་དུ་མ་བསྟན་པ་དང༌། དགེ་བ་དང་མི་དགེ་བ་ཟག་པ་དང་བཅས་པ་ཟག་པ་རྣམས་དང་བཅས་ཏེ་སྤངས་པ་དང༌། རྣམ་པར་སྨིན་པ་རྣམ་པར་སྨིན་ཟིན་པ་གང་དག་ཡིན་པ་དེ་དག་ནི་རྣམ་པར་སྨིན་པ་མེད་པ་ཡིན་པར་བལྟ་བར་བྱའོ། །

zag pa med pa dang/ lung du ma bstan pa dang/ dge ba dang mi dge ba zag pa dang bcas pa zag pa rnams dang bcas te spangs pa dang/ rnam par smin pa rnam par smin zin pa gang dag yin pa de dag ni rnam par smin pa med pa yin par blta bar bya'o/ /

【H3 辨異熟生法】

དེ་ལ་འཆི་ཀའི་སེམས་ཐ་མ་ནི་རྣམ་པར་སྨིན་པ་ཡིན་ནོ། །ཉིང་མཚམས་སྦྱར་མ་ཐག་པའི་སེམས་ཀྱང་རྣམ་པར་སྨིན་པ་ཡིན་ནོ། །དེ་ཕན་ཆད་རང་བཞིན་དུ་གནས་པའི་སེམས་ཐམས་ཅད་ཀྱང་རྣམ་པར་སྨིན་པ་ཡིན་ནོ། །དེ་ལ་དགེ་བ་དང་ཉོན་མོངས་པ་ཅན་མ་ཡིན་པའི་སེམས་དང༌། ལུང་དུ་མ་བསྟན་པའི་སེམས་མངོན་པར་འདུ་བྱེད་པ་དང་བཅས་པ་མེད་པ་གང་ཡིན་པ་དེ་ནི་རང་བཞིན་དུ་གནས་པ་ཞེས་བྱའོ། །འདོད་ཆགས་དང་བྲལ་བ་ལས་འོག་མ་པའི་དགེ་བའི་སེམས་དང༌། ལུང་དུ་མ་བསྟན་པའི་སེམས་མངོན་པར་འདུ་བྱེད་པ་དང་བཅས་པ་མེད་པ་འབྱུང་བ་གང་ཡིན་པ་དེ་ཡང་རྣམ་པར་སྨིན་པ་ཡིན་པར་རིག་པར་བྱའོ། །རྣམ་པར་སྨིན་པ་དེ་ནི་ཐམས་ཅད་དུ་ཡང་མ་བསྒྲིབས་ལ་ལུང་དུ་མ་བསྟན་པ་ཁོ་ན་ཡིན་པར་བརྗོད་པར་བྱའོ། །རྣམ་པར་སྨིན་པ་ས་བོན་ཐམས་ཅད་པ་དེ་ལས་སྤངས་པ་དང༌། མ་ཐོབ་པ་མ་གཏོགས་པ་དགེ་བའམ། མི་དགེ་བའམ། ལུང་དུ་མ་བསྟན་པའི་ཆོས་གང་དག་རང་གི་ས་བོན་དང་ལྡན་པར་སྐྱེ་བ་དེ་དག་ཐམས་ཅད་ནི་རྣམ་པར་སྨིན་པ་ལས་སྐྱེས་པ་ཡིན་པར་བརྗོད་པར་བྱའོ། །

de la 'chi ka'i sems tha ma ni rnam par smin pa yin no/ /nying mtshams sbyar ma thag pa'i sems kyang rnam par smin pa yin no/ /de phan chad rang bzhin du gnas pa'i sems thams cad kyang rnam par smin pa yin no/ /de la dge ba dang nyon mongs pa can ma yin pa'i sems dang/ lung du ma bstan pa'i sems mngon par 'du byed pa dang bcas pa med pa gang yin pa de ni rang bzhin du gnas pa zhes bya'o/ /'dod chags dang bral ba las 'og ma pa'i dge ba'i sems dang/ lung du ma bstan pa'i sems mngon par 'du byed pa dang bcas pa med pa 'byung ba gang yin pa de yang rnam par smin pa yin par rig par bya'o/ /rnam par smin pa de ni thams cad du yang ma bsgribs la lung du ma bstan pa kho na yin par brjod par bya'o/ /rnam par smin pa sa bon thams cad pa de las spangs pa dang/ ma thob pa ma gtogs pa dge ba'am/ mi dge ba'am/ lung du ma bstan pa'i chos gang dag rang gi sa bon dang ldan par skye ba de dag thams cad ni rnam par smin pa las skyes pa yin par brjod par bya'o/ /

【F2 約受辨異熟法】

ཁམས་གསུམ་ཐམས་ཅད་ན་ཡང་འཆི་ཀའི་སེམས་ཐ་མ་དང༌། ཉིང་མཚམས་སྦྱོར་བའི་སེམས་དང་པོའི་འོག་མ་གཉིས་པ་ནི་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་དང་ལྡན་པ་ཡིན་པར་བལྟ་བར་བྱ་སྟེ། ཉིང་མཚམས་སྦྱོར་བའི་སེམས་དང་པོ་མ་གཏོགས་པ་དེ་དག་ནི་ཐམས་ཅད་དུ་ཡང་རྣམ་པར་སྨིན་པར་བསྡུས་པ་ཡིན་པར་བལྟ་བར་བྱའོ། །དེ་ལས་གཞན་པ་བདེ་བ་དང༌། སྡུག་བསྔལ་གྱི་ཚོར་བ་དག་ནི་རྣམ་པར་སྨིན་པ་ལས་སྐྱེས་པ་ཡིན་པར་རིག་པར་བྱའོ། །དེའི་ས་བོན་རྣམ་པར་སྨིན་པས་བསྡུས་པ་ཅི་འདྲ་བ་དེ་འདྲ་བའི་རྒྱུ་དེ་དག་དང༌། རྐྱེན་དེ་དག་ལ་བརྟེན་ནས་རྣམ་པར་སྨིན་པ་དེ་ལས་སྐྱེའོ། །དེ་ལ་སེམས་ཅན་དམྱལ་བར་སྐྱེས་པའི་སེམས་ཅན་རྣམས་ཀྱི་རྣམ་པར་སྨིན་པའི་མཇུག་ཐོགས་སུ་ནི་རྣམ་པར་སྨིན་པ་ལས་སྐྱེས་པ་སྡུག་བསྔལ་དང༌། ཡིད་མི་བདེ་བའི་རྒྱུན་འབྲེལ་པར་འབྱུང་ངོ༌། །སེམས་ཅན་དམྱལ་བར་སྐྱེས་པ་རྣམས་ལ་ཇི་ལྟ་བ་བཞིན་དུ་ཡི་དྭགས་དེ་དག་ཁ་ཅིག་ལ་ཡང་དེ་དང་འདྲའོ། །ཡི་དྭགས་དེ་དག་ཁ་ཅིག་དང༌། དུད་འགྲོ་རྣམས་དང༌། མི་རྣམས་དང༌། འདོད་པ་ན་སྤྱོད་པའི་ལྷ་རྣམས་ལ་ལ་ནི། རྣམ་པར་སྨིན་པའི་མཇུག་ཐོགས་སུ་རེས་འགའ་ནི་སྡུག་བསྔལ་དང་ཡིད་མི་བདེ་བ་འབྱུང༌། རེས་འགའ་ནི་བདེ་བ་དང༌། ཡིད་བདེ་བ་འབྱུང༌། རེས་འགའ་ནི་སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་འབྱུང་བས་གཅིག་ཏུ་མ་ངེས་སོ། །བསམ་གཏན་དང་པོ་དང་གཉིས་པར་སྐྱེས་པ་རྣམས་ལ་ནི་རྣམ་པར་སྨིན་པའི་མཇུག་ཐོགས་སུ་རྣམ་པར་སྨིན་པ་ལས་སྐྱེས་པའི་ཡིད་བདེ་བ་ཁོ་ན་རྒྱུན་དུ་འབྱུང་ངོ༌། །བསམ་གཏན་གསུམ་པར་སྐྱེས་པ་རྣམས་ལ་ནི་སེམས་ལས་བྱུང་བའི་བདེ་བ་རྒྱུན་དུ་འབྱུང་ངོ༌། །བསམ་གཏན་བཞི་པ་ཡན་ཆད་ནི་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བའི་རྣམ་པར་སྨིན་པ་སྟེ།དེ་ཉིད་དེ་ན་རྣམ་པར་སྨིན་པ་ལས་སྐྱེས་པ་ཡིན་པར་བལྟ་བར་བྱའོ། །དེ་ལ་དགེ་བའི་ཆོས་རྣམས་ནི་བདེ་བ་དང་ཡིད་བདེ་བ་རྒྱ་ཆེན་པོས་ཡོངས་སུ་བསྡུས་པ་ཡིན་པའི་ཕྱིར། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་མངོན་དུ་གྱུར་ཀྱང༌། རྣམ་པར་སྨིན་པ་འདོད་པ་ཞེས་བྱའོ། །དེ་ལས་བཟློག་པ་ནི་མི་འདོད་པ་ཡིན་པར་རིག་པར་བྱའོ། །

khams gsum thams cad na yang 'chi ka'i sems tha ma dang/ nying mtshams sbyor ba'i sems dang po'i 'og ma gnyis pa ni sdug bsngal yang ma yin bde ba yang ma yin pa'i tshor ba dang ldan pa yin par blta bar bya ste/ nying mtshams sbyor ba'i sems dang po ma gtogs pa de dag ni thams cad du yang rnam par smin par bsdus pa yin par blta bar bya'o/ /de las gzhan pa bde ba dang/ sdug bsngal gyi tshor ba dag ni rnam par smin pa las skyes pa yin par rig par bya'o/ /de'i sa bon rnam par smin pas bsdus pa ci 'dra ba de 'dra ba'i rgyu de dag dang/ rkyen de dag la brten nas rnam par smin pa de las skye'o/ /de la sems can dmyal bar skyes pa'i sems can rnams kyi rnam par smin pa'i mjug thogs su ni rnam par smin pa las skyes pa sdug bsngal dang/ yid mi bde ba'i rgyun 'brel par 'byung ngo/ /sems can dmyal bar skyes pa rnams la ji lta ba bzhin du yi dwags de dag kha cig la yang de dang 'dra'o/ /yi dwags de dag kha cig dang/ dud 'gro rnams dang/ mi rnams dang/ 'dod pa na spyod pa'i lha rnams la la ni/ rnam par smin pa'i mjug thogs su res 'ga' ni sdug bsngal dang yid mi bde ba 'byung/ res 'ga' ni bde ba dang/ yid bde ba 'byung/ res 'ga' ni sdug bsngal yang ma yin/ bde ba yang ma yin pa'i tshor ba 'byung bas gcig tu ma nges so/ /bsam gtan dang po dang gnyis par skyes pa rnams la ni rnam par smin pa'i mjug thogs su rnam par smin pa las skyes pa'i yid bde ba kho na rgyun du 'byung ngo/ /bsam gtan gsum par skyes pa rnams la ni sems las byung ba'i bde ba rgyun du 'byung ngo/ /bsam gtan bzhi pa yan chad ni sdug bsngal yang ma yin bde ba yang ma yin pa'i tshor ba'i rnam par smin pa ste/de nyid de na rnam par smin pa las skyes pa yin par blta bar bya'o/ /de la dge ba'i chos rnams ni bde ba dang yid bde ba rgya chen pos yongs su bsdus pa yin pa'i phyir/ sdug bsngal yang ma yin bde ba yang ma yin pa mngon du gyur kyang/ rnam par smin pa 'dod pa zhes bya'o/ /de las bzlog pa ni mi 'dod pa yin par rig par bya'o/ /

【F3 對業辨異熟】

དེ་ལ་ལས་དཀར་བ་རྣམ་པར་སྨིན་པ་དཀར་བའི་རྣམ་པར་སྨིན་པ་ནི་མ་བསྒྲིབས་ལ་ལུང་དུ་མ་བསྟན་པ་ཡིན་ཏེ། གཅིག་ཏུ་འདོད་པའི་ཚོར་བའི་ས་བོན་གྱིས་ཡོངས་སུ་ཟིན་པ་ཡིན་པའི་ཕྱིར་གཅིག་ཏུ་འདོད་པ་དང༌། གཅིག་ཏུ་ཡིད་དུ་འོང་བ་ཡིན་པར་རིག་པར་བྱའོ། །ལས་གནག་པ་རྣམ་པར་སྨིན་པ་གནག་པའི་རྣམ་པར་སྨིན་པ་ནི་དེ་ལས་བཟློག་པར་བལྟ་བར་བྱའོ། །ལས་དཀར་གནག་རྣམ་པར་སྨིན་པ་དཀར་གནག་ཅན་གྱི་རྣམ་པར་སྨིན་པ་ནི་ས་བོན་རྣམ་པ་གཉིས་དང་ལྡན་པ་ཡིན་པས་རྣམ་པར་སྨིན་པ་ལས་སྐྱེས་པའི་ཚོར་བ་ཡང་རྣམ་པ་གཉིས་ཁོ་ནར་བལྟ་བར་བྱའོ། །དེ་ལ་ལས་དཀར་གནག་ནི་རིགས་ཀྱི་དབྱེ་བས་ཀྱང་རྣམ་པར་གཞག་སྟེ། གནས་གང་ན་དཀར་པོ་དང༌། ནག་པོ་གཉིས་ཀ་སྲིད་པའི་གནས་དེ་བའི་ལས་བསྡུས་པ་ནི་དཀར་གནག་ཅེས་བྱ་བར་རྣམ་པར་གཞག་གོ། །དངོས་པོའི་དབྱེ་བས་ཀྱང་རྣམ་པར་གཞག་སྟེ། འདི་ལྟར་འདི་ན་ལ་ལས་དངོས་པོ་གང་ཡང་རུང་བ་ཞིག་ལ། རེས་འགའ་ནི་ཕན་པའི་སེམས་ཉིད་ཉེ་བར་བཞག་ལ་དངོས་པོ་དེ་ཉིད་ལ་རེས་འགའ་ནི་གནོད་པའི་སེམས་ཉིད་ཉེ་བར་གཞག་པ་ལྟ་བུ་དང༌། གཞན་དག་ལས་ཕྲོགས་ཏེ་སྦྱིན་པ་སྦྱིན་པར་བྱེད་པ་དེ་ལྟ་བུའི་དངོས་པོའི་དབྱེ་བས་རྣམ་པར་གཞག་པ་ཡིན་པར་བལྟ་བར་བྱའོ། །ལས་དཀར་གནག་ནི་ངོ་བོ་ཉིད་ལས་ཀྱང་རྣམ་པར་གཞག་སྟེ། འདི་ལྟ་སྟེ། ལ་ལས་གཞན་གང་ཡང་རུང་བ་ཞིག་ལ་ཤེས་བཞིན་དུ་ཕན་པ་བྱས་པས་གཞན་དག་ལ་གནོད་པ་བྱས་པར་འགྱུར་བ་ལྟ་བུ་དང༌། འདི་ལྟར་འདི་ན་ལ་ལས་སྐྱེས་བུ་དྲག་ཤུལ་ཅན་སྡིག་པ་བྱེད་པ་དག་ལ་སྡིག་པ་ལ་དགའ་བར་མ་བྱེད་ཅེས་ཞེ་སྡང་དང་ལྡན་པའི་སེམས་སྐྱེ་ན། སེམས་དེ་ཞེ་སྡང་དང་མཚུངས་པར་ལྡན་པའི་ཕྱིར་ནི་ནག་པོའི་ཆ་ལ་བརྟེན་པ་ཡིན་ལ། སྡིག་པ་ལ་མི་དགའ་བ་དང་མཚུངས་པར་ལྡན་པའི་ཕྱིར་ནི་དཀར་པོའི་ཆ་ལ་བརྟེན་པ་ཡིན་པས་དེའི་ཕྱིར་ལས་དེ་དང༌། གཞན་ཡང་དེ་ལྟ་བུ་དང་མཐུན་པ་དག་ནི་དཀར་གནག་ཡིན་པར་བརྗོད་པར་བྱའོ།། །།

de la las dkar ba rnam par smin pa dkar ba'i rnam par smin pa ni ma bsgribs la lung du ma bstan pa yin te/ gcig tu 'dod pa'i tshor ba'i sa bon gyis yongs su zin pa yin pa'i phyir gcig tu 'dod pa dang/ gcig tu yid du 'ong ba yin par rig par bya'o/ /las gnag pa rnam par smin pa gnag pa'i rnam par smin pa ni de las bzlog par blta bar bya'o/ /las dkar gnag rnam par smin pa dkar gnag can gyi rnam par smin pa ni sa bon rnam pa gnyis dang ldan pa yin pas rnam par smin pa las skyes pa'i tshor ba yang rnam pa gnyis kho nar blta bar bya'o/ /de la las dkar gnag ni rigs kyi dbye bas kyang rnam par gzhag ste/ gnas gang na dkar po dang/ nag po gnyis ka srid pa'i gnas de ba'i las bsdus pa ni dkar gnag ces bya bar rnam par gzhag go/ /dngos po'i dbye bas kyang rnam par gzhag ste/ 'di ltar 'di na la las dngos po gang yang rung ba zhig la/ res 'ga' ni phan pa'i sems nyid nye bar bzhag la dngos po de nyid la res 'ga' ni gnod pa'i sems nyid nye bar gzhag pa lta bu dang/ gzhan dag las phrogs te sbyin pa sbyin par byed pa de lta bu'i dngos po'i dbye bas rnam par gzhag pa yin par blta bar bya'o/ /las dkar gnag ni ngo bo nyid las kyang rnam par gzhag ste/ 'di lta ste/ la las gzhan gang yang rung ba zhig la shes bzhin du phan pa byas pas gzhan dag la gnod pa byas par 'gyur ba lta bu dang/ 'di ltar 'di na la las skyes bu drag shul can sdig pa byed pa dag la sdig pa la dga' bar ma byed ces zhe sdang dang ldan pa'i sems skye na/ sems de zhe sdang dang mtshungs par ldan pa'i phyir ni nag po'i cha la brten pa yin la/ sdig pa la mi dga' ba dang mtshungs par ldan pa'i phyir ni dkar po'i cha la brten pa yin pas de'i phyir las de dang/ gzhan yang de lta bu dang mthun pa dag ni dkar gnag yin par brjod par bya'o// //

【E13 有因果法】【F1 辨有因有果法】【G1 辨有因法】

བམ་པོ་ཉི་ཤུ་རྩ་བཞི་པ། དགེ་བ་དང༌། མི་དགེ་བ་དང་། ལུང་དུ་མ་བསྟན་པའི་ཆོས་གང་དག་གི་ས་བོན་ཡང་དག་པར་མ་བཅོམ་པ་དེ་དག་ཐམས་ཅད་ནི་སྐྱེད་པར་བྱེད་པ་མངོན་པར་འགྲུབ་པའི་རྒྱུ་དེས་རྒྱུ་དང་བཅས་པའི་ཆོས་རྣམས་ཞེས་བྱའོ། །སྔོན་བྱས་པའི་ལས་དང་ཉོན་མོངས་པ་རྣམས་ཀྱི་རྣམ་པར་སྨིན་པ་ཁམས་གསུམ་དུ་རྣམ་པར་སྨིན་པར་འགྱུར་བ་གང་ཡིན་པའི་རྣམ་པར་སྨིན་པ་དེ་ནི་འདྲེན་པའི་རྒྱུར་གྱུར་པ་ལས་དང་པོ་ཉོན་མོངས་པ་དེ་དག་གི་རྒྱུ་དང་བཅས་པ་ཞེས་བྱའོ། །དེ་བཞིན་དུ་མངལ་ནས་སྐྱེ་བའི་སྐྱེ་གནས་སུ་སྐྱེ་བ་གང་ཡིན་པ་དེ་ཡང་འདྲེན་པའི་རྒྱུ་གནས་གསུམ་པོ་མངོན་དུ་གྱུར་པ་དེས་རྒྱུ་དང་བཅས་པ་ཡིན་པར་བལྟ་བར་བྱའོ། །དྲོད་གཤེར་ལས་སྐྱེས་པའི་སྐྱེ་གནས་སུ་སྐྱེ་བ་གང་ཡིན་པ་འདྲེན་པའི་རྒྱུ་དྲོད་གཤེར་ཉེ་བར་གྱུར་པས། རྒྱུ་དང་བཅས་པ་དང༌། སྒོ་ང་ལས་སྐྱེ་བའི་སྐྱེ་གནས་སུ་སྐྱེ་བ་གང་ཡིན་པ་འདྲེན་པའི་རྒྱུ་སྒོ་ངའི་སྦུབས་ཆགས་པས༑ རྒྱུ་དང་བཅས་པ་ཡང་དེ་བཞིན་ནོ། །དེ་བཞིན་དུ་རྣམ་པར་ཤེས་པའི་ཚོགས་དྲུག་པོ་དག་ཀྱང༌། བདག་པོའི་རྐྱེན་དང་ལྷན་ཅིག་བྱེད་པའི་རྒྱུར་གྱུར་པ། མིང་དང་གཟུགས་ལ་སོགས་པ་ནས། ཡིད་དང་ཆོས་རྣམས་ཀྱི་མཐར་ཐུག་པའི་བར་གྱིས་རྒྱུ་དང་བཅས་པ་ཡིན་པར་བལྟ་བར་བྱའོ། །དེ་བཞིན་དུ་སེམས་དང་སེམས་ལས་བྱུང་བའི་ཆོས་ལྷན་ཅིག་སྐྱེས་པ་རྣམས་ཀྱང་གཅིག་ལ་གཅིག་ལྷན་ཅིག་བྱེད་པའི་རྒྱུས་རྒྱུ་དང་བཅས་པ་ཡིན་ནོ། །དེ་བཞིན་དུ་མི་དགེ་བའི་ཆོས་རྣམས་ཀྱང་འདྲེན་པའི་རྒྱུར་གྱུར་པ་སྐྱེས་བུ་དམ་པ་མ་ཡིན་པ་ལ་བརྟེན་པ་དང་། དམ་པའི་ཆོས་མ་ཡིན་པ་ཉན་པ་དང༌། ཚུལ་བཞིན་མ་ཡིན་པ་ཡིད་ལ་བྱེད་པ་དག་གིས་རྒྱུ་དང་བཅས་པ་ཡིན་པར་བརྗོད་པར་བྱའོ། །དགེ་བའི་ཆོས་རྣམས་ཀྱང་འདྲེན་པའི་རྒྱུར་གྱུར་པ་དེ་ལས་བཟློག་པ་གསུམ་པོ་དག་གིས་རྒྱུ་དང་བཅས་པ་ཡིན་པར་བལྟ་བར་བྱའོ། །དེ་བཞིན་དུ་ཀུན་ནས་ཉོན་མོངས་པ་ཅན་དུ་གནས་པ་ལས་བྱུང་བ་དང༌། ལོག་པར་རྩོལ་བའི་ཡོངས་སུ་ངལ་བ་དོན་མེད་པ་ལས་བྱུང་བ་སྡུག་བསྔལ་དང༌། ཡིད་མི་བདེ་བར་གནས་པ་ཡང་འདྲེན་པའི་རྒྱུ་དེས་རྒྱུ་དང་བཅས་པ་ཡིན་ནོ། །དེ་བཞིན་དུ་ཀུན་ནས་ཉོན་མོངས་པ་ཅན་མ་ཡིན་པར་གནས་པ་ལས་བྱུང་བ་དང༌། ཡང་དག་པར་རྩོལ་བའི་ཡོངས་སུ་ངལ་བ་འབྲས་བུ་དང་བཅས་པ་ལས་བྱུང་བ་བདེ་བ་དང་ཡིད་བདེ་བ་དང་གནས་པ་ཡང་འདྲེན་པའི་རྒྱུ་དེས་རྒྱུ་དང་བཅས་པ་ཡིན་པར་བརྗོད་པར་བྱའོ། །འཇིག་རྟེན་པའི་ལམ་གྱིས་འདོད་ཆགས་དང་བྲལ་བར་འགྱུར་བ་དང་། བསམ་གཏན་དང༌། གཟུགས་མེད་པ་མངོན་པར་བསྒྲུབ་པ་གང་ཡིན་པ་དེ་ཡང་འདྲེན་པའི་རྒྱུ་དེས་རྒྱུ་དང་བཅས་པ་ཡིན་ནོ། །ཚེ་འདི་ལ་བསམ་གཏན་དང་གཟུགས་མེད་པའི་སྙོམས་པར་འཇུག་པ་ལ་བརྟེན་ནས། གང་དུ་ཅི་རིགས་པར་སྐྱེ་བ་གང་ཡིན་པ་དེ་ཡང་འདྲེན་པའི་རྒྱུ་དེས་རྒྱུ་དང་བཅས་པ་ཡིན་ནོ། །འཇིག་རྟེན་པའི་ཆོས་ཀྱིས་བསྒྲུབས་པ་འཇིག་རྟེན་ལས་འདས་པའི་ཆོས་གང་དག་ཡིན་པ་དེ་དག་ཀྱང་འདྲེན་པའི་རྒྱུ་དེས་རྒྱུ་དང་བཅས་པ་ཡིན་ནོ། །འཇིག་རྟེན་ལས་འདས་པའི་ཆོས་འཕགས་པའི་ལམ་གྱིས་བསྡུས་པ་གང་དག་གིས་མྱ་ངན་ལས་འདས་པ་མངོན་དུ་བྱེད་པར་འགྱུར་བའི་མྱ་ངན་ལས་འདས་པ་མངོན་དུ་བྱ་བ་དེ་ཡང༌། འདྲེན་པའི་རྒྱུ་དེས་རྒྱུ་དང་བཅས་པ་དག་ཡིན་ཏེ། ཇི་སྐད་བསྟན་པའི་རྣམ་པ་དེ་དག་གིས་ནི་རྒྱུ་དང་བཅས་པའི་ཆོས་རྣམས་ཀྱི་རྣམ་པར་གཞག་པར་རིག་པར་བྱའོ། །

bam po nyi shu rtsa bzhi pa/ dge ba dang/ mi dge ba dang / lung du ma bstan pa'i chos gang dag gi sa bon yang dag par ma bcom pa de dag thams cad ni skyed par byed pa mngon par 'grub pa'i rgyu des rgyu dang bcas pa'i chos rnams zhes bya'o/ /sngon byas pa'i las dang nyon mongs pa rnams kyi rnam par smin pa khams gsum du rnam par smin par 'gyur ba gang yin pa'i rnam par smin pa de ni 'dren pa'i rgyur gyur pa las dang po nyon mongs pa de dag gi rgyu dang bcas pa zhes bya'o/ /de bzhin du mngal nas skye ba'i skye gnas su skye ba gang yin pa de yang 'dren pa'i rgyu gnas gsum po mngon du gyur pa des rgyu dang bcas pa yin par blta bar bya'o/ /drod gsher las skyes pa'i skye gnas su skye ba gang yin pa 'dren pa'i rgyu drod gsher nye bar gyur pas/ rgyu dang bcas pa dang/ sgo nga las skye ba'i skye gnas su skye ba gang yin pa 'dren pa'i rgyu sgo nga'i sbubs chags pas| rgyu dang bcas pa yang de bzhin no/ /de bzhin du rnam par shes pa'i tshogs drug po dag kyang/ bdag po'i rkyen dang lhan cig byed pa'i rgyur gyur pa/ ming dang gzugs la sogs pa nas/ yid dang chos rnams kyi mthar thug pa'i bar gyis rgyu dang bcas pa yin par blta bar bya'o/ /de bzhin du sems dang sems las byung ba'i chos lhan cig skyes pa rnams kyang gcig la gcig lhan cig byed pa'i rgyus rgyu dang bcas pa yin no/ /de bzhin du mi dge ba'i chos rnams kyang 'dren pa'i rgyur gyur pa skyes bu dam pa ma yin pa la brten pa dang / dam pa'i chos ma yin pa nyan pa dang/ tshul bzhin ma yin pa yid la byed pa dag gis rgyu dang bcas pa yin par brjod par bya'o/ /dge ba'i chos rnams kyang 'dren pa'i rgyur gyur pa de las bzlog pa gsum po dag gis rgyu dang bcas pa yin par blta bar bya'o/ /de bzhin du kun nas nyon mongs pa can du gnas pa las byung ba dang/ log par rtsol ba'i yongs su ngal ba don med pa las byung ba sdug bsngal dang/ yid mi bde bar gnas pa yang 'dren pa'i rgyu des rgyu dang bcas pa yin no/ /de bzhin du kun nas nyon mongs pa can ma yin par gnas pa las byung ba dang/ yang dag par rtsol ba'i yongs su ngal ba 'bras bu dang bcas pa las byung ba bde ba dang yid bde ba dang gnas pa yang 'dren pa'i rgyu des rgyu dang bcas pa yin par brjod par bya'o/ /'jig rten pa'i lam gyis 'dod chags dang bral bar 'gyur ba dang / bsam gtan dang/ gzugs med pa mngon par bsgrub pa gang yin pa de yang 'dren pa'i rgyu des rgyu dang bcas pa yin no/ /tshe 'di la bsam gtan dang gzugs med pa'i snyoms par 'jug pa la brten nas/ gang du ci rigs par skye ba gang yin pa de yang 'dren pa'i rgyu des rgyu dang bcas pa yin no/ /'jig rten pa'i chos kyis bsgrubs pa 'jig rten las 'das pa'i chos gang dag yin pa de dag kyang 'dren pa'i rgyu des rgyu dang bcas pa yin no/ /'jig rten las 'das pa'i chos 'phags pa'i lam gyis bsdus pa gang dag gis mya ngan las 'das pa mngon du byed par 'gyur ba'i mya ngan las 'das pa mngon du bya ba de yang/ 'dren pa'i rgyu des rgyu dang bcas pa dag yin te/ ji skad bstan pa'i rnam pa de dag gis ni rgyu dang bcas pa'i chos rnams kyi rnam par gzhag par rig par bya'o/ /

【G2 辨有果法】

དེ་ལ་སྐྱེད་པར་བྱེད་པ་མངོན་པར་འགྲུབ་པའི་རྒྱུ་ཇི་སྐད་བསྟན་པ་གང་ཡིན་པ་དེ་ནི་རང་གི་རྒྱུ་མཐུན་པའི་འབྲས་བུ་དེས་འབྲས་བུ་དང་བཅས་པ་ཡིན་པར་བརྗོད་པར་བྱའོ༑ །ཡང་འབྱུང་བ་པའི་ལས་དང་ཉོན་མོངས་པ་གང་དག་ཡིན་པ་དེ་དག་ནི་རང་གི་རྣམ་པར་སྨིན་པའི་འབྲས་བུ་དེས་འབྲས་བུ་དང་བཅས་པ་ཡིན་པར་བརྗོད་པར་བྱའོ། །གནས་གསུམ་མངོན་དུ་གྱུར་པ་གང་ཡིན་པ་དང༌། དྲོད་གཤེར་ཉེ་བར་གནས་པ་གང་ཡིན་པ་དང༌། སྒོ་ངའི་སྦུབས་ཆགས་པ་གང་ཡིན་པ་དང༌། མིག་དང་གཟུགས་ལ་སོགས་པ་གང་དག་ཡིན་པ་དང༌། སེམས་དང་སེམས་ལས་བྱུང་བའི་ཆོས་ལྷན་ཅིག་སྐྱེས་པ་གང་དག་ཡིན་པ་དང༌། སྐྱེས་བུ་དམ་པ་མ་ཡིན་པ་ལ་བརྟེན་པ་ལ་སོགས་པ་གང་དག་ཡིན་པ་དང༌། སྐྱེས་བུ་དམ་པ་ལ་བརྟེན་པ་ལ་སོགས་པ་ཆོས་གསུམ་པོ་གང་དག་ཡིན་པ་དེ་དག་ཐམས་ཅད་ནི་རང་རང་གི་དབང་གི་འབྲས་བུས་འབྲས་བུ་དང་བཅས་པ་ཡིན་པར་བརྗོད་པར་བྱའོ། །དེ་ལ་ཀུན་ནས་ཉོན་མོངས་པ་ཅན་དུ་གནས་པ་དང༌། ལོག་པར་རྩོལ་བའི་ཡོངས་སུ་ངལ་བ་འབྲས་བུ་མེད་པས་ཚེ་འདི་ལ་སྡུག་བསྔལ་དང༌། ཡིད་མི་བདེ་བར་གནས་པར་བྱེད་པ་གང་ཡིན་པ་དང༌། ཀུན་ནས་ཉོན་མོངས་པ་ཅན་མ་ཡིན་པར་གནས་པ་དང༌། ཡང་དག་པར་རྩོལ་བའི་ཡོངས་སུ་ངལ་བ་འབྲས་བུ་དང་བཅས་པས་ཚེ་འདི་ལ་བདེ་བ་དང་ཡིད་བདེ་བར་གནས་པར་བྱེད་པ་གང་ཡིན་པ་དེ་ནི་སྐྱེས་བུའི་བྱེད་པའི་འབྲས་བུ་དེས་འབྲས་བུ་དང་བཅས་པ་ཡིན་པར་བལྟ་བར་བྱའོ། །འཇིག་རྟེན་པའི་འདོད་ཆགས་དང་བྲལ་བར་སྐྱེ་བར་འགྱུར་བའི་ལམ་ནི་བྲལ་བ་དང༌། དབང་གི་འབྲས་བུ་འབྲས་བུ་དང་བཅས་པ་ཡིན་པར་བལྟ་བར་བྱའོ། །འཇིག་རྟེན་ལས་འདས་པ་འདྲེན་པ་འཇིག་རྟེན་པའི་ལམ་དང༌། མྱ་ངན་ལས་འདས་པ་མངོན་དུ་བྱེད་པའི་འཇིག་རྟེན་ལས་འདས་པའི་འཕགས་པའི་ལམ་ནི་བྲལ་བའི་འབྲས་བུས་འབྲས་བུ་དང་བཅས་པ་ཡིན་པར་བརྗོད་པར་བྱ་སྟེ། འདི་ནི་གཏན་དུ་ཐམས་ཅད་དང་བྲལ་བའི་འབྲས་བུས་འབྲས་བུ་དང་བཅས་པ་ཡིན་ནོ། །འཇིག་རྟེན་པ་ནི་གཏན་དུ་ཐམས་ཅད་དང་བྲལ་བའི་འབྲས་བུས་འབྲས་བུ་དང་བཅས་པ་མ་ཡིན་པར་བལྟ་བར་བྱ་སྟེ། འདིར་དེ་གཉིས་ཀྱི་བྱེ་བྲག་ནི་དེ་ཡོད་དོ། །དེ་ལྟར་ཇི་སྐད་བསྟན་པའི་རྣམ་པ་འདི་ལྟ་སྟེ། རྒྱུ་མཐུན་པའི་འབྲས་བུ་དང༌། རྣམ་པར་སྨིན་པའི་འབྲས་བུ་དང༌། དབང་གི་འབྲས་བུ་དང༌། སྐྱེས་བུའི་བྱེད་པའི་འབྲས་བུ་དང་བྲལ་བའི་འབྲས་བུ་དེ་དག་གིས་ནི་འབྲས་བུ་དང་བཅས་པའི་ཆོས་རྣམས་ཀྱི་རབ་ཏུ་དབྱེ་བ་རྣམ་པར་གཞག་པར་རིག་པར་བྱ་སྟེ། དེ་ཡང་ཅི་རིགས་པར་སྦྱར་རོ། །

de la skyed par byed pa mngon par 'grub pa'i rgyu ji skad bstan pa gang yin pa de ni rang gi rgyu mthun pa'i 'bras bu des 'bras bu dang bcas pa yin par brjod par bya'o| /yang 'byung ba pa'i las dang nyon mongs pa gang dag yin pa de dag ni rang gi rnam par smin pa'i 'bras bu des 'bras bu dang bcas pa yin par brjod par bya'o/ /gnas gsum mngon du gyur pa gang yin pa dang/ drod gsher nye bar gnas pa gang yin pa dang/ sgo nga'i sbubs chags pa gang yin pa dang/ mig dang gzugs la sogs pa gang dag yin pa dang/ sems dang sems las byung ba'i chos lhan cig skyes pa gang dag yin pa dang/ skyes bu dam pa ma yin pa la brten pa la sogs pa gang dag yin pa dang/ skyes bu dam pa la brten pa la sogs pa chos gsum po gang dag yin pa de dag thams cad ni rang rang gi dbang gi 'bras bus 'bras bu dang bcas pa yin par brjod par bya'o/ /de la kun nas nyon mongs pa can du gnas pa dang/ log par rtsol ba'i yongs su ngal ba 'bras bu med pas tshe 'di la sdug bsngal dang/ yid mi bde bar gnas par byed pa gang yin pa dang/ kun nas nyon mongs pa can ma yin par gnas pa dang/ yang dag par rtsol ba'i yongs su ngal ba 'bras bu dang bcas pas tshe 'di la bde ba dang yid bde bar gnas par byed pa gang yin pa de ni skyes bu'i byed pa'i 'bras bu des 'bras bu dang bcas pa yin par blta bar bya'o/ /'jig rten pa'i 'dod chags dang bral bar skye bar 'gyur ba'i lam ni bral ba dang/ dbang gi 'bras bu 'bras bu dang bcas pa yin par blta bar bya'o/ /'jig rten las 'das pa 'dren pa 'jig rten pa'i lam dang/ mya ngan las 'das pa mngon du byed pa'i 'jig rten las 'das pa'i 'phags pa'i lam ni bral ba'i 'bras bus 'bras bu dang bcas pa yin par brjod par bya ste/ 'di ni gtan du thams cad dang bral ba'i 'bras bus 'bras bu dang bcas pa yin no/ /'jig rten pa ni gtan du thams cad dang bral ba'i 'bras bus 'bras bu dang bcas pa ma yin par blta bar bya ste/ 'dir de gnyis kyi bye brag ni de yod do/ /de ltar ji skad bstan pa'i rnam pa 'di lta ste/ rgyu mthun pa'i 'bras bu dang/ rnam par smin pa'i 'bras bu dang/ dbang gi 'bras bu dang/ skyes bu'i byed pa'i 'bras bu dang bral ba'i 'bras bu de dag gis ni 'bras bu dang bcas pa'i chos rnams kyi rab tu dbye ba rnam par gzhag par rig par bya ste/ de yang ci rigs par sbyar ro/ /

【F2 翻顯非有因法及非有果法】

རྒྱུ་དང་བཅས་པ་མ་ཡིན་པ་དང༌། འབྲས་བུ་དང་བཅས་པ་མ་ཡིན་པའི་ཆོས་རྣམས་ནི་དེ་ལས་བཟློག་པ་ཡིན་པར་རིག་པར་བྱའོ༑ །

rgyu dang bcas pa ma yin pa dang/ 'bras bu dang bcas pa ma yin pa'i chos rnams ni de las bzlog pa yin par rig par bya'o| /

【E14 解緣生法】

དེ་ལ་རྟེན་ཅིང་འབྲེལ་པར་འབྱུང་བའི་ཆོས་རྣམས་ཞེས་བྱ་བ་ནི་བདག་པོ་མེད་པ་དང་བྱེད་པ་པོ་མེད་པ་ཞེས་བྱ་བ་འདི་ལྟ་སྟེ། ཡིད་ཀྱིས་རྣམ་པར་གཏན་ལ་དབབ་པའི་རྟེན་ཅིང་འབྲེལ་པར་འབྱུང་བ་ལ་མཁས་པའི་སྐབས་སུ་གང་དག་སྔར་བསྟན་པ་བཞིན་ནོ། །

de la rten cing 'brel par 'byung ba'i chos rnams zhes bya ba ni bdag po med pa dang byed pa po med pa zhes bya ba 'di lta ste/ yid kyis rnam par gtan la dbab pa'i rten cing 'brel par 'byung ba la mkhas pa'i skabs su gang dag sngar bstan pa bzhin no/ /

【E15 解內法】

དེ་ལ་གང་གིས་ནང་རྣམས་ཞེས་བྱ་བའི་ནང་གི་ཆོས་རྣམས་ཀྱི་རབ་ཏུ་དབྱེ་བ་ཡང་མདོར་བསྡུ་ན་རྒྱུ་ལྔས་རྣམ་པར་གཞག་སྟེ། ལྔ་གང་ཞེ་ན། ཉེ་བར་འདོགས་པ་དང༌། མངོན་པར་ཞེན་པ་དང༌། དབང་དང༌། ས་བོན་ཡོངས་སུ་འཛིན་པ་དང༌། དངོས་པོས་སོ། །དེ་ལ་རེ་ཞིག་གང་ལ་འདི་ལྟ་སྟེ། བདག་ཅེའམ། སེམས་ཅན་ཞེའམ། འདི་ལྟར་དེའི་མིང་ནི་འདི་ཞེས་བྱ། རིགས་ནི་འདི་ཞེས་བྱ༑ རུས་ནི་འདི་ཞེས་བྱ་ཞེས་བྱ་བ་ལ་སོགས་པ་ནས། ཚེའི་མཐའ་ནི་འདི་ཙམ་ཞིག་ཏུ་ཐུབ་ཅེས་བྱ་བའི་བར་དུ་དེ་ལྟར་ཉེ་བར་འདོགས་པ་གང་ཡིན་པ་དེ་ནི་ཉེ་བར་འདོགས་པ་ལས་ནང་ཞེས་བྱའོ། །གང་ལ་ལ་འདི་ལྟ་སྟེ་ངར་འཛིན་པ་དང༌། ངའོ་སྙམ་པའི་ང་རྒྱལ་གྱིས་མངོན་པར་ཞེན་པ་དེ་ལྟ་བུའི་མངོན་པར་ཞེན་པ་འབྱུང་བར་འགྱུར་བ་གང་ཡིན་པ་དེ་ནི་མངོན་པར་ཞེན་པ་ལས་ནང་ཞེས་བྱའོ། །གང་གི་དབང་གིས་གཟུགས་དང་སྒྲ་ལ་སོགས་པ་ཕྱི་རོལ་གྱི་སྐྱེ་མཆེད་རྣམས་ཉེ་བར་སྤྱོད་པའི་ཕྱིར་འབྱུང་བར་འགྱུར་བ་གང་ཡིན་པ་དེ་ནི་དབང་ལས་ནང་ཞེས་བྱའོ། །དགེ་བ་དང༌། མི་དགེ་བ་དང༌། ལུང་དུ་མ་བསྟན་པའི་ཆོས་ཐམས་ཅད་ཀྱི་ས་བོན་ཡོངས་སུ་འཛིན་པ་གང་ཡིན་པ་དེ་ནི་ས་བོན་ཡོངས་སུ་འཛིན་པ་ལས་ནང་ཞེས་བྱའོ། །དང་བའི་གཟུགས་རྣམ་པ་ལྔ་པོ་གང་ཡིན་པ་དང༌། སེམས་དང་ཡིད་དང༌། རྣམ་པར་ཤེས་པ་གང་ཡིན་པ་དེ་ནི་དངོས་པོ་ལས་ནང་ཞེས་བྱའོ། །དམིགས་པ་ལས་ནང་ཡིན་པར་བརྡར་བཏགས་པའི་རྣམ་པར་བཞག་པ་གཞན་ཡང་ཡོད་དེ། འདི་ལྟ་སྟེ། ཕྱི་རོལ་གྱི་སྐྱེ་མཆེད་དུ་གཏོགས་པ་ཡིན་ཡང་ནང་ན་དམིགས་པ་གང་ཡིན་པ་དེ་ནི་ནང་ཞེས་བྱ་བ་ལྟ་བུའོ། །

de la gang gis nang rnams zhes bya ba'i nang gi chos rnams kyi rab tu dbye ba yang mdor bsdu na rgyu lngas rnam par gzhag ste/ lnga gang zhe na/ nye bar 'dogs pa dang/ mngon par zhen pa dang/ dbang dang/ sa bon yongs su 'dzin pa dang/ dngos pos so/ /de la re zhig gang la 'di lta ste/ bdag ce'am/ sems can zhe'am/ 'di ltar de'i ming ni 'di zhes bya/ rigs ni 'di zhes bya| rus ni 'di zhes bya zhes bya ba la sogs pa nas/ tshe'i mtha' ni 'di tsam zhig tu thub ces bya ba'i bar du de ltar nye bar 'dogs pa gang yin pa de ni nye bar 'dogs pa las nang zhes bya'o/ /gang la la 'di lta ste ngar 'dzin pa dang/ nga'o snyam pa'i nga rgyal gyis mngon par zhen pa de lta bu'i mngon par zhen pa 'byung bar 'gyur ba gang yin pa de ni mngon par zhen pa las nang zhes bya'o/ /gang gi dbang gis gzugs dang sgra la sogs pa phyi rol gyi skye mched rnams nye bar spyod pa'i phyir 'byung bar 'gyur ba gang yin pa de ni dbang las nang zhes bya'o/ /dge ba dang/ mi dge ba dang/ lung du ma bstan pa'i chos thams cad kyi sa bon yongs su 'dzin pa gang yin pa de ni sa bon yongs su 'dzin pa las nang zhes bya'o/ /dang ba'i gzugs rnam pa lnga po gang yin pa dang/ sems dang yid dang/ rnam par shes pa gang yin pa de ni dngos po las nang zhes bya'o/ /dmigs pa las nang yin par brdar btags pa'i rnam par bzhag pa gzhan yang yod de/ 'di lta ste/ phyi rol gyi skye mched du gtogs pa yin yang nang na dmigs pa gang yin pa de ni nang zhes bya ba lta bu'o/ /

【E16 解名色所攝法】

དེ་ལ་མིང་དང་གཟུགས་ནི་ཕུང་པོ་ལྔ་པོ་དག་གིས་བསྡུས་པ་ཡིན་པར་རིག་པར་བྱ་སྟེ། གཟུགས་ཀྱི་ཕུང་པོ་ནི་ཡུལ་དེ་དང་དེར་སྐྱེ་བ་དང༌། འཕེལ་བར་ཡང་སྣང་ལ། ལག་པ་དང་བོང་བ་ལ་སོགས་པའི་འདུས་ཏེ་རེག་པ་དག་གིས་གཟུགས་སུ་ཡང་རུང་བས། དེའི་ཕྱིར་དེ་ནི་གཟུགས་ཞེས་བྱའོ། །ཕུང་པོ་ལྷག་མ་བཞི་པོ་དག་ནི་སྣ་ཚོགས་སུ་འདོགས་པའི་དབང་དང༌། སྣ་ཚོགས་སུ་འདོགས་པའི་གནས་ཀྱིས་ཕལ་ཆེར་དམིགས་པ་དེ་དང་དེ་ལ་འཇུག་ཅིང་གཞོལ་བར་བྱེད་པས། དེའི་ཕྱིར་ཕུང་པོ་གཟུགས་ཅན་མ་ཡིན་པ་བཞི་པོ་དག་ནི་མིང་ཞེས་བྱའོ། །

de la ming dang gzugs ni phung po lnga po dag gis bsdus pa yin par rig par bya ste/ gzugs kyi phung po ni yul de dang der skye ba dang/ 'phel bar yang snang la/ lag pa dang bong ba la sogs pa'i 'dus te reg pa dag gis gzugs su yang rung bas/ de'i phyir de ni gzugs zhes bya'o/ /phung po lhag ma bzhi po dag ni sna tshogs su 'dogs pa'i dbang dang/ sna tshogs su 'dogs pa'i gnas kyis phal cher dmigs pa de dang de la 'jug cing gzhol bar byed pas/ de'i phyir phung po gzugs can ma yin pa bzhi po dag ni ming zhes bya'o/ /

【E17 解執受非執受】

དེ་ལ་ཟིན་པའི་ཆོས་རྣམས་ཀྱི་རབ་ཏུ་དབྱེ་བ་ཡང་མདོར་བསྡུ་ན། རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། ལྔ་གང་ཞེ་ན། རེ་ཞིག་དང་པོར་གཟུགས་འབའ་ཞིག་ཟིན་པ་ཡིན་པར་བལྟ་བར་བྱ་སྟེ། དེའི་ཕྱིར་དེ་ནི་སེམས་དང་སེམས་ལས་བྱུང་བའི་ཆོས་རྣམས་ཟིན་པ་མ་ཡིན་པར་དེ་དག་བསལ་བར་བྱས་པ་ཡིན་ནོ། །ནང་གི་དབང་པོ་དང་འབྲེལ་པའི་གཟུགས་གང་དག་ཡིན་པ་དེ་ཟིན་པ་ཡིན་པར་བལྟ་བར་བྱ་སྟེ། དེའི་ཕྱིར་དེ་ནི་དབང་པོ་དང་མ་འབྲེལ་པ་ཕྱིར་རོལ་གྱི་གཟུགས་ཟིན་པ་མ་ཡིན་པར་དེ་བསལ་བར་བྱས་པ་ཡིན་ནོ། །སེམས་དང་སེམས་ལས་བྱུང་བའི་ཆོས་རྣམས་ཀྱིས་གནས་སུ་བྱས་ཤིང་མ་སྤངས་པའི་གཟུགས་གང་ཡིན་པ་དེ་ནི་ཟིན་པ་ཡིན་པར་བལྟ་བར་བྱ་སྟེ། དེའི་ཕྱིར་དེས་ནི་དབང་པོ་དང་མ་འབྲེལ་པ་ནང་གི་སྐྲ་དང༌། སྤུ་དང༌། སེན་མོ་དང༌། སོ་ལ་སོགས་པ་དང༌། ཤི་བའི་རོ་དག་ཟིན་པ་མ་ཡིན་པར་དེ་བསལ་བར་བྱས་པ་ཡིན་ནོ། །ཟིན་པའི་གཟུགས་དེ་ཡང་རྒྱུ་བཞིས་རྣམ་པར་འགྱུར་བས་དེའི་ཕྱིར་ཟིན་པ་ཞེས་བྱ་སྟེ། བཞི་གང་ཞེ་ན། ཕྱི་རོལ་གྱི་གཟུགས་ཀྱི་རེག་པ་དང་ཕྲད་པ་དང་ནང་གི་ཁམས་འཁྲུགས་པ་དང་མཉམ་པར་གྱུར་པ་དང༌། འདོད་ཆགས་དང༌། ཞེ་སྡང་ལ་སོགས་པ་ཉོན་མོངས་པ་ཀུན་དུ་འབྱུང་བ་དང་། དམིགས་པ་ལ་ཉེ་བར་གཏོད་པ་སྟེ། འདི་ལྟར་ཟིན་པའི་གཟུགས་ལ་ཕྱི་རོལ་གྱི་གཟུགས་གནོད་པར་བྱེད་པས་གནོད་པར་གྱུར་པ་ན༑ སྡུག་བསྔལ་བ་དང༌། ན་བ་དང༌། གནོད་པར་འགྱུར་ལ། ཕན་འདོགས་པས་རིག་པ་ན་བདེ་བ་དང༌། ཕན་པ་དང༌། མི་གནོད་པར་འགྱུར་བ་དང༌། ཁམས་འཁྲུགས་པས་སྡུག་བསྔལ་བ་དང༌། གནོད་པར་འགྱུར་ལ་སྙོམས་པས་ཕན་པར་འགྱུར་བ་དང༌། འདོད་པ་ལ་འདུན་པ་ལ་སོགས་པ་ཉེ་བའི་ཉོན་མོངས་པ་རྣམས་ཀྱིས་ཀྱང་སྡུག་བསྔལ་བ་དང༌། ཉེས་རྩོམ་དང༌། ཡོངས་སུ་གདུང་བར་འགྱུར་བ་དང༌། དམིགས་པ་ལ་ལོག་པར་ཉེ་བར་གཏོད་པ་དག་གིས་ཀྱང་སྡུག་བསྔལ་བ་དང༌། ཉེས་རྩོམ་དང༌། ཡོངས་སུ་གདུང་བར་འགྱུར་ལ། དམིགས་པ་ལ་ཤིན་ཏུ་སྦྱངས་པས་ཡང་དག་པར་ཉེ་བར་གཏོད་པས་ནི་བདེ་བ་དང་ཕན་པར་འགྱུར་བའི་ཕྱིར་ཏེ་གནོད་པ་དང༌། ཕན་འདོགས་པ་གང་ཡིན་པ་དེ་ནི་འགྱུར་བ་ཞེས་བྱའོ། །དེ་ལྟར་ན་ནང་གི་ཡང་ཡིན་ལ་གཟུགས་ཀྱང་ཡིན་ཞིང༌། སེམས་དང་སེམས་ལས་བྱུང་བས་གནས་སུ་བྱས་པ་དང༌། དེ་ལྟར་འགྱུར་བ་གང་ཡིན་པ་དེ་ནི་ཟིན་པ་ཞེས་བྱའོ། །དེ་ལས་བཟློག་པ་ནི་མ་ཟིན་པའི་ཆོས་རྣམས་ཡིན་པར་རིག་པར་བྱའོ། །

de la zin pa'i chos rnams kyi rab tu dbye ba yang mdor bsdu na/ rnam pa lngas rnam par gzhag par rig par bya ste/ lnga gang zhe na/ re zhig dang por gzugs 'ba' zhig zin pa yin par blta bar bya ste/ de'i phyir de ni sems dang sems las byung ba'i chos rnams zin pa ma yin par de dag bsal bar byas pa yin no/ /nang gi dbang po dang 'brel pa'i gzugs gang dag yin pa de zin pa yin par blta bar bya ste/ de'i phyir de ni dbang po dang ma 'brel pa phyir rol gyi gzugs zin pa ma yin par de bsal bar byas pa yin no/ /sems dang sems las byung ba'i chos rnams kyis gnas su byas shing ma spangs pa'i gzugs gang yin pa de ni zin pa yin par blta bar bya ste/ de'i phyir des ni dbang po dang ma 'brel pa nang gi skra dang/ spu dang/ sen mo dang/ so la sogs pa dang/ shi ba'i ro dag zin pa ma yin par de bsal bar byas pa yin no/ /zin pa'i gzugs de yang rgyu bzhis rnam par 'gyur bas de'i phyir zin pa zhes bya ste/ bzhi gang zhe na/ phyi rol gyi gzugs kyi reg pa dang phrad pa dang nang gi khams 'khrugs pa dang mnyam par gyur pa dang/ 'dod chags dang/ zhe sdang la sogs pa nyon mongs pa kun du 'byung ba dang / dmigs pa la nye bar gtod pa ste/ 'di ltar zin pa'i gzugs la phyi rol gyi gzugs gnod par byed pas gnod par gyur pa na| sdug bsngal ba dang/ na ba dang/ gnod par 'gyur la/ phan 'dogs pas rig pa na bde ba dang/ phan pa dang/ mi gnod par 'gyur ba dang/ khams 'khrugs pas sdug bsngal ba dang/ gnod par 'gyur la snyoms pas phan par 'gyur ba dang/ 'dod pa la 'dun pa la sogs pa nye ba'i nyon mongs pa rnams kyis kyang sdug bsngal ba dang/ nyes rtsom dang/ yongs su gdung bar 'gyur ba dang/ dmigs pa la log par nye bar gtod pa dag gis kyang sdug bsngal ba dang/ nyes rtsom dang/ yongs su gdung bar 'gyur la/ dmigs pa la shin tu sbyangs pas yang dag par nye bar gtod pas ni bde ba dang phan par 'gyur ba'i phyir te gnod pa dang/ phan 'dogs pa gang yin pa de ni 'gyur ba zhes bya'o/ /de ltar na nang gi yang yin la gzugs kyang yin zhing/ sems dang sems las byung bas gnas su byas pa dang/ de ltar 'gyur ba gang yin pa de ni zin pa zhes bya'o/ /de las bzlog pa ni ma zin pa'i chos rnams yin par rig par bya'o/ /

【E18 解大造法】【F1 決擇大造】【G1 總標有色法】

དེ་ལ་འབྱུང་བ་ཆེན་པོ་རྣམས་དང༌། རྒྱུར་བྱས་པའི་ཆོས་རྣམས་ནི་ཆོས་གཟུགས་ཅན་ཁོ་ན་ཡིན་པར་བརྗོད་པར་བྱའོ། །

de la 'byung ba chen po rnams dang/ rgyur byas pa'i chos rnams ni chos gzugs can kho na yin par brjod par bya'o/ /

【G2 明大造之義】

དེ་ལ་ཇི་ལྟར་འབྱུང་བ་ཆེན་པོ་རྣམས་རང་གི་ས་བོན་ལས་སྐྱེས་པ་དེ་བཞིན་དུ་རྒྱུར་བྱས་པའི་གཟུགས་ཀྱང་རང་གི་ས་བོན་ལས་སྐྱེ་བ་ཡིན་ན། ཅིའི་ཕྱིར་རྒྱུར་བྱས་པའི་གཟུགས་འབྱུང་བ་ཆེན་པོ་དག་རྒྱུར་བྱས་པ་ཞེས་བྱ་ཞེ་ན། འབྱུང་བ་ཆེན་པོའི་ས་བོན་དབང་པོ་གཟུགས་ཅན་དང༌། སེམས་དང་ལྡན་པ་གང་དག་ཡིན་པ་དེ་དག་ནི་རྒྱུར་བྱས་པའི་ས་བོན་གཟུགས་ཀྱི་ས་བོན་དག་དང་ལྡན་པ་ཡིན་ཏེ། དེ་དག་གང་གི་ཚེ་འབྲས་བུ་མངོན་པར་འགྲུབ་པར་བྱེད་པ་དེའི་ཚེ་ན། དེ་དག་དང་ལྡན་པ་རྒྱུར་བྱས་པའི་གཟུགས་ཀྱི་ས་བོན་དག་ཀྱང་རང་གི་འབྲས་བུ་ངེས་པར་མངོན་པར་སྒྲུབ་པར་བྱེད་དེ། དེའི་ཕྱིར་རྒྱུར་བྱས་པའི་གཟུགས་དེ་ཡང་འབྱུང་བ་ཆེན་པོ་དག་རྒྱུར་བྱས་པ་ཞེས་བྱའོ། །དེ་ལ་འབྱུང་བ་ཆེན་པོའི་ས་བོན་དབང་པོ་གཟུགས་ཅན་དང་ལྡན་པ་གང་ཡིན་པ་དེ་ནི་ཕྱོགས་དང་བཅས་པ་ཡིན་ལ། དབང་པོ་གཟུགས་ཅན་མ་ཡིན་པ་དང་ལྡན་པ་གང་ཡིན་པ་དེ་ནི་ཕྱོགས་མེད་པ་ཡིན་པར་བརྗོད་པར་བྱའོ། །

de la ji ltar 'byung ba chen po rnams rang gi sa bon las skyes pa de bzhin du rgyur byas pa'i gzugs kyang rang gi sa bon las skye ba yin na/ ci'i phyir rgyur byas pa'i gzugs 'byung ba chen po dag rgyur byas pa zhes bya zhe na/ 'byung ba chen po'i sa bon dbang po gzugs can dang/ sems dang ldan pa gang dag yin pa de dag ni rgyur byas pa'i sa bon gzugs kyi sa bon dag dang ldan pa yin te/ de dag gang gi tshe 'bras bu mngon par 'grub par byed pa de'i tshe na/ de dag dang ldan pa rgyur byas pa'i gzugs kyi sa bon dag kyang rang gi 'bras bu nges par mngon par sgrub par byed de/ de'i phyir rgyur byas pa'i gzugs de yang 'byung ba chen po dag rgyur byas pa zhes bya'o/ /de la 'byung ba chen po'i sa bon dbang po gzugs can dang ldan pa gang yin pa de ni phyogs dang bcas pa yin la/ dbang po gzugs can ma yin pa dang ldan pa gang yin pa de ni phyogs med pa yin par brjod par bya'o/ /

【G3 明種現差別】

འབྱུང་བ་ཆེན་པོ་དེ་དག་ཀྱང་མདོར་བསྡུ་ན་རྣམ་པ་གཉིས་ཏེ། ཁམས་ཙམ་གྱིས་བསྡུས་པ་དག་དང༌། རང་གི་ལས་བྱེད་པ་དག་ཡིན་ནོ། །དེ་ལ་ས་བོན་དུ་གྱུར་པ་གང་ཡིན་པ་དེ་དག་ནི་ཁམས་ཙམ་གྱིས་བསྡུས་པ་དག་ཡིན་ནོ། །རང་གི་ས་བོན་དེ་ལས་གྲུབ་པ་གང་དག་ཡིན་པ་དེ་དག་ནི་རང་གི་ལས་བྱེད་པ་དག་ཡིན་ནོ། །

'byung ba chen po de dag kyang mdor bsdu na rnam pa gnyis te/ khams tsam gyis bsdus pa dag dang/ rang gi las byed pa dag yin no/ /de la sa bon du gyur pa gang yin pa de dag ni khams tsam gyis bsdus pa dag yin no/ /rang gi sa bon de las grub pa gang dag yin pa de dag ni rang gi las byed pa dag yin no/ /

【G4 明大造互不相離】

དེ་དག་ཀྱང་རྒྱུར་བྱས་པའི་གཟུགས་དང་ལྷན་ཅིག་གི་དངོས་པོས་ཐ་མི་དད་པར་འཇུག་པ་དག་ཡིན་ཏེ། དེ་དང་འདྲ་བའི་རྒྱུ་ལས་གྲུབ་པ་ཡིན་པའི་ཕྱིར་རོ། །ཐམས་ཅད་དུ་ཡང་ཐམས་ཅད་འདྲེས་ཤིང་རོ་གཅིག་པའི་གོང་བུ་ལྟ་བུ་ཡིན་གྱི། ཕྱེ་དང་འབྲུ་དང༌། ནོར་བུའི་ཕུང་པོ་ལྟ་བུ་ནི་མ་ཡིན་ནོ། །

de dag kyang rgyur byas pa'i gzugs dang lhan cig gi dngos pos tha mi dad par 'jug pa dag yin te/ de dang 'dra ba'i rgyu las grub pa yin pa'i phyir ro/ /thams cad du yang thams cad 'dres shing ro gcig pa'i gong bu lta bu yin gyi/ phye dang 'bru dang/ nor bu'i phung po lta bu ni ma yin no/ /

【G5 約聚辨業有差別】

འདོད་པའི་ཁམས་ན་ནི་གཟུགས་འདུས་པ་གཅིག་ཏུ་སྲ་བ་གང་ཡིན་པ་དེ་ལ་སའི་ཁམས་དང༌། གཟུགས་དང་དྲི་དང་རོའི་ཁམས་དག་ལས་བྱེད་པ་ཡིན་ནོ༑ །གཟུགས་ཀྱི་ཁམས་ན་ནི་གཟུགས་ཀྱི་ཁམས་ཁོ་ན་ལས་བྱེད་པ་ཡིན་ནོ། །ལྷག་མ་ཆུ་དང༌། མེ་དང༌། རླུང་དང༌། སྒྲའི་ཁམས་ས་བོན་དུ་གྱུར་པ་དེ་དང་འབྲེལ་པ་དག་ནི་རྐྱེན་དག་ལ་ལྟོས་པ་ཡིན་ཏེ། དེ་ལྟར་ན་ཆུ་དང༌། མེ་དང༌། རླུང་གི་མིང་ཅན་འདུས་པ་དག་ལ་གོ་རིམས་ཅི་རིགས་པར་བལྟ་བར་བྱའོ། །དེ་ལ་ནང་གི་གཟུགས་འདུས་པ་ལ་ནི་སྐྲ་དང༌། སྤུ་ལ་སོགས་པའི་རབ་ཏུ་དབྱེ་བས༑ ས་ལ་སོགས་པའི་ཁམས་ཐམས་ཅད་ལས་བྱེད་པ་དང་བཅས་པར་སྣང་སྟེ། མདོ་ལས་ཇི་སྐད་གསུངས་པ་བཞིན་ནོ། །ཕྱི་རོལ་ལ་ནི་ས་ལ་སོགས་པའི་འདུས་པ་སོ་སོར་ཅི་རིགས་པར་བལྟ་བར་བྱའོ། །དེ་དག་ཀྱང་རྐྱེན་ཇི་ལྟ་ཇི་ལྟ་བུ་དག་དང་ཕྲད་པའི་འབྲས་བུ་དེ་ལྟ་དེ་ལྟ་བུའི་རྒྱུར་གྱུར་པ་ཡིན་ཏེ། འདི་ལྟ་སྟེ། དཔེར་ན་ཤིང་སྐམ་པོ་ལེགས་པར་གཙུབས་པ་ལས་མེ་འབྱུང་བ་དང༌། ཚོན་མོ་སྟེང་དང༌། རོ་ཉེ་དང༌། ལྕགས་དང་དངུལ་ལ་སོགས་པ་ཞུ་བར་འགྱུར་བ་ལྟ་བུའོ༑ །

'dod pa'i khams na ni gzugs 'dus pa gcig tu sra ba gang yin pa de la sa'i khams dang/ gzugs dang dri dang ro'i khams dag las byed pa yin no| /gzugs kyi khams na ni gzugs kyi khams kho na las byed pa yin no/ /lhag ma chu dang/ me dang/ rlung dang/ sgra'i khams sa bon du gyur pa de dang 'brel pa dag ni rkyen dag la ltos pa yin te/ de ltar na chu dang/ me dang/ rlung gi ming can 'dus pa dag la go rims ci rigs par blta bar bya'o/ /de la nang gi gzugs 'dus pa la ni skra dang/ spu la sogs pa'i rab tu dbye bas| sa la sogs pa'i khams thams cad las byed pa dang bcas par snang ste/ mdo las ji skad gsungs pa bzhin no/ /phyi rol la ni sa la sogs pa'i 'dus pa so sor ci rigs par blta bar bya'o/ /de dag kyang rkyen ji lta ji lta bu dag dang phrad pa'i 'bras bu de lta de lta bu'i rgyur gyur pa yin te/ 'di lta ste/ dper na shing skam po legs par gtsubs pa las me 'byung ba dang/ tshon mo steng dang/ ro nye dang/ lcags dang dngul la sogs pa zhu bar 'gyur ba lta bu'o| /

【G6 明造觸】

རེག་བྱའི་སྐྱེ་མཆེད་དུ་གཏོགས་པ་འཇམ་པ་ཉིད་དང༌། རྩུབ་པ་ཉིད་ལ་སོགས་པ་གང་དག་རྣམ་པར་ཤེས་པའི་ཚོགས་ལྔ་དང་ལྡན་པའི་སར་ལྔར་ཇི་སྐད་བསྟན་པ་དེ་དག་ཐམས་ཅད་ནི་འབྱུང་བ་ཆེན་པོའི་བྱེ་བྲག་ཁོ་ན་ཡིན་པར་རིག་པར་བྱ་སྟེ། དེ་ལྟ་བུར་གྱུར་པ་དེ་དང་འདྲ་བ་དེའི་གནས་སྐབས་པའི་འབྱུང་བ་ཆེན་པོ་བཞི་པོ་དེ་དག་ནི་ཅི་རིགས་པར་འགྱུར་རོ། །དེ་དག་ལ་འཇམ་པ་ཉིད་ལ་སོགས་པ་གང་དག་ཉེ་བར་གདགས་ཤིང་གདགས་པར་བྱེད་པ་དེ་དག་ནི་བཏགས་པའི་ཡོད་པ་ཡིན་པར་རིག་པར་བྱའོ། །

reg bya'i skye mched du gtogs pa 'jam pa nyid dang/ rtsub pa nyid la sogs pa gang dag rnam par shes pa'i tshogs lnga dang ldan pa'i sar lngar ji skad bstan pa de dag thams cad ni 'byung ba chen po'i bye brag kho na yin par rig par bya ste/ de lta bur gyur pa de dang 'dra ba de'i gnas skabs pa'i 'byung ba chen po bzhi po de dag ni ci rigs par 'gyur ro/ /de dag la 'jam pa nyid la sogs pa gang dag nye bar gdags shing gdags par byed pa de dag ni btags pa'i yod pa yin par rig par bya'o/ /

【G7 釋經密意】

དེ་ལ་བཅོམ་ལྡན་འདས་ཀྱིས་ཕྱི་རོལ་གྱི་རིག་པའི་སྐྱེ་མཆེད་ནི་འབྱུང་བ་ཆེན་པོ་བཞི་པོ་དག་དང༌། འབྱུང་བ་ཆེན་པོ་བཞི་དག་རྒྱུར་བྱས་པ་ཡིན་ནོ་ཞེས་བྱ་བ་དང༌། གཟུགས་བསྟན་དུ་མེད་ལ་ཐོགས་པ་མེད་པ་ཞེས་གང་གཟུགས་དེ་ལ་དགོངས་པ་གང་ཞེ་ན། འདི་ལ་འབྱུང་བ་ཆེན་པོ་རྣམས་ནི་རྒྱུར་བྱས་པའི་གཟུགས་རྣམ་པ་གཉིས་སྐྱེད་པར་བྱེད་དེ༑ རང་གི་རིགས་ཀྱིས་ཁྱད་པར་ཅན་དང༌། གཞན་གྱི་རིགས་ཀྱིས་ཁྱད་པར་ཅན་ནོ། །དེ་ལ་རང་གི་རིགས་ཀྱིས་ཁྱད་པར་ཅན་གྱི་རྒྱུར་བྱས་པའི་གཟུགས་ནི་འབྱུང་བ་ཆེན་པོ་རྣམས་ཀྱི་འཇམ་པ་ཉིད་དང༌། རྩུབ་པ་ཉིད་ལ་སོགས་པ་སྟེ། འདི་ལྟར་གང་དག་ལ་འཇམ་པ་ཉིད་དང༌། རྩུབ་པ་ཉིད་ཅེས་རྒྱ་ཆེར་འབྱུང་བ་ཉེ་བར་གདགས་པའི་འབྱུང་བ་ཆེན་པོ་ཕན་ཚུན་ཁྱད་པར་ཅན་དུ་གྱུར་པ་དེ་དག་ནི་རྒྱུ་དེ་དང་རྐྱེན་དེས་གྲུབ་པ་ཡིན་པའི་ཕྱིར་རོ། །གཞན་གྱི་རིགས་ཀྱིས་ཁྱད་པར་ཅན་གྱི་རྒྱུར་བྱས་པའི་གཟུགས་ནི་མིག་དང་རྣ་བ་ལ་སོགས་པ་ནང་གི་སྐྱེ་མཆེད་ལྔ་དང༌། རེག་བྱའི་སྐྱེ་མཆེད་མ་གཏོགས་པ་ཕྱི་རོལ་གྱི་སྐྱེ་མཆེད་བཞི་དང༌། ཆོས་ཀྱི་སྐྱེ་མཆེད་ཀྱི་ཕྱོགས་ཀྱི་གཟུགས་རྣམས་སོ། །དེ་ལ་བཅོམ་ལྡན་འདས་ཀྱིས་རང་གི་རིགས་ཀྱིས་ཁྱད་པར་ཅན་གྱི་རྒྱུར་བྱས་པའི་གཟུགས་ལས་དགོངས་ནས་འབྱུང་བ་ཆེན་པོ་བཞི་དག་རྒྱུར་བྱས་པ་ཞེས་གསུངས་སོ། །

de la bcom ldan 'das kyis phyi rol gyi rig pa'i skye mched ni 'byung ba chen po bzhi po dag dang/ 'byung ba chen po bzhi dag rgyur byas pa yin no zhes bya ba dang/ gzugs bstan du med la thogs pa med pa zhes gang gzugs de la dgongs pa gang zhe na/ 'di la 'byung ba chen po rnams ni rgyur byas pa'i gzugs rnam pa gnyis skyed par byed de| rang gi rigs kyis khyad par can dang/ gzhan gyi rigs kyis khyad par can no/ /de la rang gi rigs kyis khyad par can gyi rgyur byas pa'i gzugs ni 'byung ba chen po rnams kyi 'jam pa nyid dang/ rtsub pa nyid la sogs pa ste/ 'di ltar gang dag la 'jam pa nyid dang/ rtsub pa nyid ces rgya cher 'byung ba nye bar gdags pa'i 'byung ba chen po phan tshun khyad par can du gyur pa de dag ni rgyu de dang rkyen des grub pa yin pa'i phyir ro/ /gzhan gyi rigs kyis khyad par can gyi rgyur byas pa'i gzugs ni mig dang rna ba la sogs pa nang gi skye mched lnga dang/ reg bya'i skye mched ma gtogs pa phyi rol gyi skye mched bzhi dang/ chos kyi skye mched kyi phyogs kyi gzugs rnams so/ /de la bcom ldan 'das kyis rang gi rigs kyis khyad par can gyi rgyur byas pa'i gzugs las dgongs nas 'byung ba chen po bzhi dag rgyur byas pa zhes gsungs so/ /

【G8 相定境色】

བསྟན་དུ་མེད་ལ་ཐོགས་པ་མེད་པའི་གཟུགས་ཞེས་གང་གསུངས་པ་དེ་འབྱུང་བ་ཆེན་པོ་གང་དག་ལ་བརྟེན་པ་ཡིན་པར་བརྗོད་པར་བྱ་ཞེ་ན། གལ་ཏེ་མཉམ་པར་གཞག་པའི་སེམས་དང་ལྡན་པ་འདོད་པ་ན་སྤྱོད་པའི་ཆོས་གཟུགས་ཅན་ཡིད་ལ་བྱེད་པ་ལ་གཟུགས་བརྙན་སྐྱེ་བར་གྱུར་ན། དེ་ནི་འདོད་པ་ན་སྤྱོད་པའི་འབྱུང་བ་ཆེན་པོ་དག་ལ་བརྟེན་པ་ཡིན་པར་བརྗོད་པར་བྱའོ། །གལ་ཏེ་གཟུགས་ན་སྤྱོད་པའི་ཆོས་གཟུགས་ཅན་ཡིད་ལ་བྱེད་པ་ལ་གཟུགས་བརྙན་སྐྱེ་བར་གྱུར་ན། དེ་ནི་གཟུགས་ན་སྤྱོད་པ་ཁོ་ནའི་འབྱུང་བ་ཆེན་པོ་དག་ལ་བརྟེན་པ་ཡིན་པར་བརྗོད་པར་བྱའོ། །

bstan du med la thogs pa med pa'i gzugs zhes gang gsungs pa de 'byung ba chen po gang dag la brten pa yin par brjod par bya zhe na/ gal te mnyam par gzhag pa'i sems dang ldan pa 'dod pa na spyod pa'i chos gzugs can yid la byed pa la gzugs brnyan skye bar gyur na/ de ni 'dod pa na spyod pa'i 'byung ba chen po dag la brten pa yin par brjod par bya'o/ /gal te gzugs na spyod pa'i chos gzugs can yid la byed pa la gzugs brnyan skye bar gyur na/ de ni gzugs na spyod pa kho na'i 'byung ba chen po dag la brten pa yin par brjod par bya'o/ /

【F2 結餘不現】

འབྱུང་བ་ཆེན་པོ་དག་རྒྱུར་བྱས་པའི་ཆོས་རྣམས་ཀྱི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

'byung ba chen po dag rgyur byas pa'i chos rnams kyi rnam par gtan la dbab pa'i gzhung lhag ma ni mi snang ngo// //

【E19 解有法】

སྲིད་པའི་ཆོས་རྣམས་ནི་འཇིག་རྟེན་པའི་ཆོས་ཐམས་ཅད་ལ་བྱ་སྟེ། གལ་ཏེ་དགྲ་བཅོམ་པའི་འཇིག་རྟེན་པའི་དགེ་བའི་ཆོས་གང་དག་ཡིན་པ་དེ་དག་འཇིག་རྟེན་པ་ཡིན་པའི་ཕྱིར་སྲིད་པར་གཏོགས་པ་ཡིན་པར་གྱུར་ན། ཅིའི་ཕྱིར་ཟག་པ་མེད་པ་རྣམས་ཞེས་བྱ་ཞེ་ན། དེ་དག་ནི་སྲིད་པ་གསུམ་དུ་གཏོགས་པ་ཡིན་པའི་ཕྱིར་སྲིད་པར་གཏོགས་པ་ཞེས་བྱ་བར་ཟད་ཀྱི་དེ་དག་ནི་ཟག་པའི་བག་ལ་ཉལ་ལས་རྣམ་པར་གྲོལ་བ་ཁོ་ནའི་ཕྱིར་ཟག་པ་མེད་པ་ཞེས་བྱའོ། །དེ་ལ་བཅོམ་ལྡན་འདས་ཀྱིས་ཟག་པ་དང་བཅས་པའི་ཆོས་རྣམས་གང་ཞེ་ན། འཇིག་རྟེན་པའི་ཡིད་གང་ཡིན་པ་དང༌། ཆོས་རྣམས་དང༌། ཡིད་ཀྱི་རྣམ་པར་ཤེས་པའོ་ཞེས་གསུངས་པ་དེ་ལ་དགོངས་པ་གང་ཡིན་ཞེ་ན། བཅོམ་ལྡན་འདས་ཀྱིས་འཇིག་རྟེན་པའི་ཡིད་དང༌། ཆོས་རྣམས་དང༌། ཡིད་ཀྱི་རྣམ་པར་ཤེས་པ་སྤང་བར་བྱ་བ་མ་སྤངས་པ་གང་ཡིན་པ་ལས་དགོངས་ཏེ་གསུངས་པ་ཡིན་ནོ། །དེ་ལ་བཅོམ་ལྡན་འདས་ཀྱིས་སྲིད་པ་མང་པོ་འདོད་པའི་སྲིད་པ་དང༌། གཟུགས་ཀྱི་སྲིད་པ་དང༌། གཟུགས་མེད་པའི་སྲིད་པ་ཞེས་གང་གསུངས་པ་དེ་དག་གི་རྣམ་པར་གཞག་པ་ནི་འདི་ལྟ་སྟེ། ཐོས་པ་ལས་བྱུང་བའི་སར་སངས་རྒྱས་ཀྱི་བཀའ་ཤེས་བྱའི་གནས་སུ་བསྟན་པ་བཞིན་ནོ། །

srid pa'i chos rnams ni 'jig rten pa'i chos thams cad la bya ste/ gal te dgra bcom pa'i 'jig rten pa'i dge ba'i chos gang dag yin pa de dag 'jig rten pa yin pa'i phyir srid par gtogs pa yin par gyur na/ ci'i phyir zag pa med pa rnams zhes bya zhe na/ de dag ni srid pa gsum du gtogs pa yin pa'i phyir srid par gtogs pa zhes bya bar zad kyi de dag ni zag pa'i bag la nyal las rnam par grol ba kho na'i phyir zag pa med pa zhes bya'o/ /de la bcom ldan 'das kyis zag pa dang bcas pa'i chos rnams gang zhe na/ 'jig rten pa'i yid gang yin pa dang/ chos rnams dang/ yid kyi rnam par shes pa'o zhes gsungs pa de la dgongs pa gang yin zhe na/ bcom ldan 'das kyis 'jig rten pa'i yid dang/ chos rnams dang/ yid kyi rnam par shes pa spang bar bya ba ma spangs pa gang yin pa las dgongs te gsungs pa yin no/ /de la bcom ldan 'das kyis srid pa mang po 'dod pa'i srid pa dang/ gzugs kyi srid pa dang/ gzugs med pa'i srid pa zhes gang gsungs pa de dag gi rnam par gzhag pa ni 'di lta ste/ thos pa las byung ba'i sar sangs rgyas kyi bka' shes bya'i gnas su bstan pa bzhin no/ /

【E20 解有上無上法】

དེ་ལ་བླ་ན་ཡོད་པའི་ཆོས་རྣམས་ནི་མྱ་ངན་ལས་འདས་པ་མ་གཏོགས་པའི་ཆོས་ཐམས་ཅད་ཡིན་པར་བལྟ་བར་བྱའོ། །མྱ་ངན་ལས་འདས་པ་ནི་རྒྱུ་ལྔས་བླ་ན་མེད་པ་ཡིན་པར་རིག་པར་བྱ་སྟེ། ལྔ་གང་ཞེ་ན། ཀུན་དུ་འབྱུང་བའི་བདེན་པ་ཉེ་བར་ཞི་བ་དང༌། སྡུག་བསྔལ་གྱི་བདེན་པ་ཉེ་བར་ཞི་བ་དང༌། འཇིགས་པ་མེད་པ་དང༌། ཡམས་ཀྱི་ནད་མེད་པ་དང༌། གནོད་པ་མེད་པ་དང༌། འགོ་བའི་ནད་མེད་པས་བདེ་བ་དང༌། ཚེ་འདི་ལ་བདེ་བར་གནས་པ་བླ་ན་མེད་པ་ལ་དམིགས་པ་འདི་ལྟ་སྟེ། མཚན་མ་མེད་པ་ལ་གནས་པའི་ཕྱིར་དང༌། བདེ་བའི་དོན་དང༌། སྐྱིད་པའི་དོན་ལ་རྟག་པར་གཏན་དུ་མི་སླུ་བ་ཉིད་ཀྱི་ཕྱིར་ཏེ། རྒྱུ་ལྔ་པོ་འདུས་པ་དེ་དག་ཡིན་ནོ། །དེ་དག་གང་ལ་ཡོད་པ་ནི་མྱ་ངན་ལས་འདས་པ་ཁོ་ན་ཡིན་པས་དེའི་ཕྱིར་མྱ་ངན་ལས་འདས་པ་ནི་བླ་ན་མེད་པ་ཞེས་བྱའོ། །

de la bla na yod pa'i chos rnams ni mya ngan las 'das pa ma gtogs pa'i chos thams cad yin par blta bar bya'o/ /mya ngan las 'das pa ni rgyu lngas bla na med pa yin par rig par bya ste/ lnga gang zhe na/ kun du 'byung ba'i bden pa nye bar zhi ba dang/ sdug bsngal gyi bden pa nye bar zhi ba dang/ 'jigs pa med pa dang/ yams kyi nad med pa dang/ gnod pa med pa dang/ 'go ba'i nad med pas bde ba dang/ tshe 'di la bde bar gnas pa bla na med pa la dmigs pa 'di lta ste/ mtshan ma med pa la gnas pa'i phyir dang/ bde ba'i don dang/ skyid pa'i don la rtag par gtan du mi slu ba nyid kyi phyir te/ rgyu lnga po 'dus pa de dag yin no/ /de dag gang la yod pa ni mya ngan las 'das pa kho na yin pas de'i phyir mya ngan las 'das pa ni bla na med pa zhes bya'o/ /

【E21 應修法】

བསྒོམ་པར་བྱ་བའི་ཆོས་རྣམས་ནི་འདུས་བྱས་ཀྱི་དགེ་བ་ཐམས་ཅད་ཡིན་པར་རིག་པར་བྱའོ། །དེ་ལ་བསྒོམ་པ་ནི་མདོར་བསྡུ་ན། རྣམ་པ་བཞིར་བལྟ་བར་བྱ་སྟེ། ཐོབ་པ་བསྒོམ་པ་དང༌། བསྟེན་པ་བསྒོམ་པ་དང༌། སྤང་བ་བསྒོམ་པ་དང༌། གཉེན་པོ་བསྒོམ་པའོ། །དེ་ལ་དགེ་བའི་ཆོས་མ་སྐྱེས་པ་རྣམས་སྐྱེད་པའི་ཕྱིར་ཡིད་ལ་བྱེད་པ་བསྒོམ་པ་གང་ཡིན་པ་དེ་ནི་ཐོབ་པ་བསྒོམ་པ་ཞེས་བྱའོ། །དགེ་བའི་ཆོས་སྐྱེས་པ་རྣམས་གནས་པ་དང༌། མི་བརྗེད་པར་བྱ་བའི་ཕྱིར་དང༌། རྒྱ་ཆེར་འབྱུང་བ་ནི་བསྟེན་པ་བསྒོམ་པ་ཞེས་བྱའོ། །སྡིག་པ་མི་དགེ་བའི་ཆོས་སྐྱེས་པ་རྣམས་པ་སྤང་བའི་ཕྱིར་ཡིད་ལ་བྱེད་པ་བསྒོམ་པ་གང་ཡིན་པ་དེ་ནི་སྤང་བ་བསྒོམ་པ་ཞེས་བྱའོ། །སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པའི་ཕྱིར་རྣམ་པར་སུན་འབྱིན་པ་ལ་སོགས་པ་གཉེན་པོ་ཡིད་ལ་བྱ་བ་གོམས་པར་བྱེད་པ་གང་ཡིན་པ་དེ་ནི་གཉེན་པོ་བསྒོམ་པ་ཞེས་བྱའོ། །དེ་ལ་མཚན་ཉིད་སོ་སོར་རིག་པའི་ཡིད་ལ་བྱེད་པ་ནས་བཟུང་སྟེ། མོས་པ་ཡིད་ལ་བྱེད་པའི་བར་ནི་རྣམ་པར་སུན་འབྱིན་པ་གཉེན་པོ་བསྒོམ་པ་ཡིན་པར་རིག་པར་བྱའོ། །རབ་ཏུ་དབེན་པ་ཡིད་ལ་བྱེད་པ་ནས་གཟུང་སྟེ༑ སྦྱོར་བ་མཐར་ཐུག་པ་ཡིད་ལ་བྱེད་པའི་བར་ནི་སྤོང་བ་གཉེན་པོ་བསྒོམ་པ་ཡིན་པར་རིག་པར་བྱའོ། །སྦྱོར་བ་མཐར་ཐུག་པའི་འབྲས་བུ་ཡིད་ལ་བྱེད་པ་ནི་ཀུན་དུ་འཛིན་པ་གཉེན་པོ་བསྒོམ་པ་ཡིན་པར་རིག་པར་བྱའོ། །དེའི་གོང་དུ་ཡིད་ལ་བྱེད་པ་བདུན་པོ་ཁྱད་པར་ཅན་དུ་གཏོགས་པ་གོང་མའི་ས་པ་དེ་དག་ཐམས་ཅད་ནི་ཐག་བསྲིང་བ་གཉེན་པོ་བསྒོམ་པ་ཡིན་པར་རིག་པར་བྱའོ། །བསྒོམ་པ་རྣམ་པ་བཞི་པོ་དེ་དག་ཐམས་ཅད་བསྡུས་ནས་བསྒོམ་པ་རྣམ་པ་གཉིས་སུ་བལྟ་བར་བྱ་སྟེ། སྡོམ་པ་ཡང་དག་པར་བླང་བ་བསྒོམ་པ་དང༌། ཡིད་ལ་བྱེད་པ་བསྒོམ་པའོ༑ །དེ་ལ་ལུས་བསྒོམ་པ་ནི་སྡོམ་པ་བསྒོམ་པའོ། །ཚུལ་ཁྲིམས་བསྒོམ་པ་ནི་ཡང་དག་པར་བླང་བ་བསྒོམ་པའོ། །བསམ་གཏན་གྱི་ས་པའི་ཡིད་ལ་བྱེད་པ་བསྒོམ་པ་དང༌། བདེན་པ་ཤེས་པའི་ས་པའི་ཡིད་ལ་བྱེད་པ་བསྒོམ་པ་ནི་ཡིད་ལ་བྱེད་པ་བསྒོམ་པ་ཡིན་པར་རིག་པར་བྱའོ། །དེ་ལ་ཡིད་ལ་བྱེད་པ་བསྒོམ་པ་དང་པོ་ནི་སེམས་བསྒོམ་པ་ཞེས་བྱའོ། །གཉིས་པ་ནི་ཤེས་རབ་བསྒོམ་པ་ཞེས་བྱའོ། །

bsgom par bya ba'i chos rnams ni 'dus byas kyi dge ba thams cad yin par rig par bya'o/ /de la bsgom pa ni mdor bsdu na/ rnam pa bzhir blta bar bya ste/ thob pa bsgom pa dang/ bsten pa bsgom pa dang/ spang ba bsgom pa dang/ gnyen po bsgom pa'o/ /de la dge ba'i chos ma skyes pa rnams skyed pa'i phyir yid la byed pa bsgom pa gang yin pa de ni thob pa bsgom pa zhes bya'o/ /dge ba'i chos skyes pa rnams gnas pa dang/ mi brjed par bya ba'i phyir dang/ rgya cher 'byung ba ni bsten pa bsgom pa zhes bya'o/ /sdig pa mi dge ba'i chos skyes pa rnams pa spang ba'i phyir yid la byed pa bsgom pa gang yin pa de ni spang ba bsgom pa zhes bya'o/ /sdig pa mi dge ba'i chos ma skyes pa rnams mi skyed pa'i phyir rnam par sun 'byin pa la sogs pa gnyen po yid la bya ba goms par byed pa gang yin pa de ni gnyen po bsgom pa zhes bya'o/ /de la mtshan nyid so sor rig pa'i yid la byed pa nas bzung ste/ mos pa yid la byed pa'i bar ni rnam par sun 'byin pa gnyen po bsgom pa yin par rig par bya'o/ /rab tu dben pa yid la byed pa nas gzung ste| sbyor ba mthar thug pa yid la byed pa'i bar ni spong ba gnyen po bsgom pa yin par rig par bya'o/ /sbyor ba mthar thug pa'i 'bras bu yid la byed pa ni kun du 'dzin pa gnyen po bsgom pa yin par rig par bya'o/ /de'i gong du yid la byed pa bdun po khyad par can du gtogs pa gong ma'i sa pa de dag thams cad ni thag bsring ba gnyen po bsgom pa yin par rig par bya'o/ /bsgom pa rnam pa bzhi po de dag thams cad bsdus nas bsgom pa rnam pa gnyis su blta bar bya ste/ sdom pa yang dag par blang ba bsgom pa dang/ yid la byed pa bsgom pa'o| /de la lus bsgom pa ni sdom pa bsgom pa'o/ /tshul khrims bsgom pa ni yang dag par blang ba bsgom pa'o/ /bsam gtan gyi sa pa'i yid la byed pa bsgom pa dang/ bden pa shes pa'i sa pa'i yid la byed pa bsgom pa ni yid la byed pa bsgom pa yin par rig par bya'o/ /de la yid la byed pa bsgom pa dang po ni sems bsgom pa zhes bya'o/ /gnyis pa ni shes rab bsgom pa zhes bya'o/ /

【E22 三世法】【F1 解過去法】【G1 總辨過去法】

དེ་ལ་དགྲ་བཅོམ་པའི་སེམས་དང་སེམས་ལས་བྱུང་བ་ཐ་མ་མ་གཏོགས་པ་འདས་པའི་ཆོས་རྒྱུ་སྤྱད་ཟིན་པ་ངོ་བོ་ཉིད་ཞིག་པ་དེ་ལས་གཞན་པ་དག་སྐྱེད་པའི་མཇུག་ཐོགས་ཀྱི་རྐྱེན་དུ་གྱུར་པ། སེམས་ཀྱི་རྒྱུད་ལ་ཡོངས་སུ་བསྒོས་པ་གང་དག་ཡིན་པ་དེ་དག་ནི་འགགས་ནས་བསྐལ་པ་བརྒྱ་སྟོང་ལོན་དུ་ཟིན་ཀྱང༌། འདོད་པ་དང་མི་འདོད་པའི་རྣམ་པར་སྨིན་པར་བྱེད་དོ། འདས་པ་ཁ་ཅིག་ནི་ཇི་ལྟར་ཉམས་སུ་མྱོང་བ་དྲན་པ་ཁོ་ན་ཙམ་ཡིན་ལ། ཁ་ཅིག་ནི་མི་དྲན་ལ་འགགས་པས་རབ་ཏུ་ཕྱི་བ་ཁོ་ན་ཙམ་ཡིན་པས་བྱེད་པ་མེད་པ་ཡིན་པར་རིག་པར་བྱ་སྟེ། དེ་ལྟར་ན་དེ་ནི་འདས་པའི་ཆོས་རྣམས་ཀྱི་རབ་ཏུ་དབྱེ་བ་ཡིན་པར་བལྟ་བར་བྱའོ། །

de la dgra bcom pa'i sems dang sems las byung ba tha ma ma gtogs pa 'das pa'i chos rgyu spyad zin pa ngo bo nyid zhig pa de las gzhan pa dag skyed pa'i mjug thogs kyi rkyen du gyur pa/ sems kyi rgyud la yongs su bsgos pa gang dag yin pa de dag ni 'gags nas bskal pa brgya stong lon du zin kyang/ 'dod pa dang mi 'dod pa'i rnam par smin par byed do/ 'das pa kha cig ni ji ltar nyams su myong ba dran pa kho na tsam yin la/ kha cig ni mi dran la 'gags pas rab tu phyi ba kho na tsam yin pas byed pa med pa yin par rig par bya ste/ de ltar na de ni 'das pa'i chos rnams kyi rab tu dbye ba yin par blta bar bya'o/ /

【G2 別顯其事】

འདས་པའི་ཆོས་དེ་དག་གི་དངོས་པོ་རབ་ཏུ་དབྱེ་བ་ཡང་མདོར་བསྡུ་ན། རྣམ་པ་ལྔས་རྣམ་པར་གཞག་པར་བལྟ་བར་བྱ་སྟེ། ལྔ་གང་ཞེ་ན། སྐད་ཅིག་འདས་པའི་ཆོས་ཅན་དག་ཀྱང་ཡོད་དེ། འདི་ལྟ་སྟེ། འདུ་བྱེད་སྐད་ཅིག་པ་ཐམས་ཅད་ཀྱི་ནང་ན། སྐད་ཅིག་ལས་འདས་པའི་འདུ་བྱེད་ཐམས་ཅད་དོ། །ཤི་འཕོས་པས་འདས་པའི་ཆོས་དག་ཀྱང་ཡོད་དེ། འདི་ལྟ་སྟེ། སེམས་ཅན་དེ་དང་དེ་དག་སེམས་ཅན་གྱི་རིགས་དེ་དང་དེ་དག་ནས་ཤི་འཕོས་ཞེས་བྱ་བ་ནས། ཤི་ཞིང་དུས་བྱེད་ཅེས་རྒྱ་ཆེར་འབྱུང་བའི་བར་དག་གོ། །འཇིག་པས་འདས་པའི་ཆོས་དག་ཀྱང་ཡོད་དེ། འདི་ལྟ་སྟེ། སྣོད་ཀྱི་འཇིག་རྟེན་དུ་གཏོགས་པ་དག་མེས་འཇིག་པ་ལ་སོགས་པས་ཞིག་པ་གང་དག་ཡིན་པའོ། །ཆོས་གང་དག་ཡོངས་སུ་ཉམས་པའི་འདས་པས་འདས་པ་དག་ཀྱང་ཡོད་དེ། འདི་ལྟ་སྟེ། ལ་ལ་དགེ་བའི་ཆོས་དང༌། ཡོན་ཏན་དང༌། བདེ་བར་གནས་པ་ཐོབ་པ་ལས་ཡོངས་སུ་ཉམས་པ་ཡིན་ནོ། །འགགས་པའི་འདས་པས་འདས་པའི་ཆོས་དག་ཀྱང་ཡོད་དེ༑ འདི་ལྟ་སྟེ། ཕུང་པོའི་ལྷག་མ་དང་བཅས་པ་དང༌། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འགགས་པའོ། །

'das pa'i chos de dag gi dngos po rab tu dbye ba yang mdor bsdu na/ rnam pa lngas rnam par gzhag par blta bar bya ste/ lnga gang zhe na/ skad cig 'das pa'i chos can dag kyang yod de/ 'di lta ste/ 'du byed skad cig pa thams cad kyi nang na/ skad cig las 'das pa'i 'du byed thams cad do/ /shi 'phos pas 'das pa'i chos dag kyang yod de/ 'di lta ste/ sems can de dang de dag sems can gyi rigs de dang de dag nas shi 'phos zhes bya ba nas/ shi zhing dus byed ces rgya cher 'byung ba'i bar dag go/ /'jig pas 'das pa'i chos dag kyang yod de/ 'di lta ste/ snod kyi 'jig rten du gtogs pa dag mes 'jig pa la sogs pas zhig pa gang dag yin pa'o/ /chos gang dag yongs su nyams pa'i 'das pas 'das pa dag kyang yod de/ 'di lta ste/ la la dge ba'i chos dang/ yon tan dang/ bde bar gnas pa thob pa las yongs su nyams pa yin no/ /'gags pa'i 'das pas 'das pa'i chos dag kyang yod de| 'di lta ste/ phung po'i lhag ma dang bcas pa dang/ phung po'i lhag ma med pa'i mya ngan las 'das pa'i dbyings su 'gags pa'o/ /

【F2 解未來法】

མ་འོངས་པའི་ཆོས་རྒྱུ་མ་སྤྱད་པ། ངོ་བོ་ཉིད་མ་སྤྱད་པ། སྐྱེ་བའི་རྐྱེན་ལ་ལྟོས་པ། སྐྱེ་བ་ལ་མངོན་དུ་ཕྱོགས་པ། སྐྱེ་བ་དང་ཐག་ཉེ་བའམ། སྐྱེ་བ་དང་ཐག་རིང་བ་ཡང་རུང་སྟེ། དེ་དག་གི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་པར་བལྟ་བར་བྱ་སྟེ། སྐད་ཅིག་མ་འོངས་པ་རྣམས་དང༌། སྐྱེ་བ་མ་འོངས་པ་རྣམས་དང༌། འཆགས་པ་མ་འོངས་པ་རྣམས་དང༌། ཀུན་དུ་སྤྱོད་པ་མ་འོངས་པ་རྣམས་དང༌། འཐོབ་པ་མ་འོངས་པ་རྣམས་སོ། །

ma 'ongs pa'i chos rgyu ma spyad pa/ ngo bo nyid ma spyad pa/ skye ba'i rkyen la ltos pa/ skye ba la mngon du phyogs pa/ skye ba dang thag nye ba'am/ skye ba dang thag ring ba yang rung ste/ de dag gi rab tu dbye ba yang rnam pa lngas rnam par gzhag par blta bar bya ste/ skad cig ma 'ongs pa rnams dang/ skye ba ma 'ongs pa rnams dang/ 'chags pa ma 'ongs pa rnams dang/ kun du spyod pa ma 'ongs pa rnams dang/ 'thob pa ma 'ongs pa rnams so/ /

【F3 解現在法】

ད་ལྟར་བྱུང་བའི་ཆོས་རྒྱུ་སྤྱད་ཟིན་པ་ངོ་བོ་ཉིད་མ་སྤྱད་པ། སྐད་ཅིག་གི་འོག་ཏུ་འཇིག་པར་ངེས་པ། ཀུན་ནས་ཉོན་མོངས་པ་ཐམས་ཅད་ཀྱིས་རབ་ཏུ་ཕྱེ་བ་དང༌། དེ་དག་ལས་ཁ་ཅིག་རྣམ་པར་བྱང་བས་རབ་ཏུ་ཕྱེ་བ་ཡང་རུང་སྟེ། དེ་དག་གི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་པར་བལྟ་བར་བྱ་སྟེ། སྐད་ཅིག་ད་ལྟར་བྱུང་བ་རྣམས་དང༌། སྐྱེ་བ་ད་ལྟར་འབྱུང་བ་རྣམས་དང༌། འཆགས་པ་ད་ལྟར་འབྱུང་བ་རྣམས་དང༌། ཀུན་དུ་སྤྱོད་པ་ད་ལྟར་འབྱུང་བ་རྣམས་དང༌། ཐ་མ་ད་ལྟར་འབྱུང་བ་རྣམས་ཏེ། འདི་ལྟ་སྟེ་དཔེར་ན། དགྲ་བཅོམ་པའི་སེམས་དང་སེམས་ལས་བྱུང་བའི་ཆོས་ཐ་མ་དག་ལྟ་བུའོ། །

da ltar byung ba'i chos rgyu spyad zin pa ngo bo nyid ma spyad pa/ skad cig gi 'og tu 'jig par nges pa/ kun nas nyon mongs pa thams cad kyis rab tu phye ba dang/ de dag las kha cig rnam par byang bas rab tu phye ba yang rung ste/ de dag gi rab tu dbye ba yang rnam pa lngas rnam par gzhag par blta bar bya ste/ skad cig da ltar byung ba rnams dang/ skye ba da ltar 'byung ba rnams dang/ 'chags pa da ltar 'byung ba rnams dang/ kun du spyod pa da ltar 'byung ba rnams dang/ tha ma da ltar 'byung ba rnams te/ 'di lta ste dper na/ dgra bcom pa'i sems dang sems las byung ba'i chos tha ma dag lta bu'o/ /

【E23 解三界繫法】

དེ་ལ་འདོད་པ་དང་ལྡན་པའི་ཆོས་རྣམས་གང་ཞེ་ན། འདོད་པའི་ཁམས་སུ་སྐྱེས་ཤིང་བྱུང་བ་འདོད་པ་རྣམས་ལས་འདོད་ཆགས་དང་མ་བྲལ་བ། སེམས་མཉམ་པར་མ་བཞག་པ་དེའི་གནས་སྐབས་ཀྱི་ཆོས་སྐྱེས་ནས་ཐོབ་པ་ལས་སམ། ཡིད་ལ་བྱེད་པ་ལས་སྤྱད་པ་དང་། ཀུན་དུ་སྤྱོད་པ་དང༌། ཀུན་དུ་སྤྱོད་པར་འགྱུར་བ་གང་དག་ཡིན་པ་དེ་དག་ནི་འདོད་པ་དང་ལྡན་པའི་ཆོས་རྣམས་ཞེས་བྱའོ། །གཟུགས་དང་ལྡན་པའི་ཆོས་རྣམས་གང་ཞེ་ན། འདོད་པའི་ཁམས་ཉིད་དུ་སྐྱེས་ཤིང་འབྱུང་བ་བསམ་གཏན་གང་ཡང་རུང་བ་སྙོམས་པར་ཞུགས་པ་འདོད་པ་རྣམས་ལས་འདོད་ཆགས་དང་བྲལ་བ། གཟུགས་རྣམས་ལས་འདོད་ཆགས་དང་མ་བྲལ་བ། དེའི་གོང་དུ་སྦྱོར་བ་མ་བརྩམས་པ། ཏིང་ངེ་འཛིན་དེ་ལས་མ་ལངས་པའི་འཇིག་རྟེན་པའི་ཡིད་ཀྱི་ས་པའི་ཆོས་ཡིད་ལ་བྱེད་པ་ལས་ཀུན་དུ་སྤྱད་པ་དང༌། ཀུན་དུ་སྤྱོད་པ་དང༌། ཀུན་དུ་སྤྱོད་པར་འགྱུར་བ་གང་དག་ཡིན་པ་དེ་དག་ནི་གཟུགས་དང་ལྡན་པའི་ཆོས་རྣམས་ཞེས་བྱའོ། །གཟུགས་ཀྱི་ཁམས་སུ་སྐྱེས་པ་དེ་ལས་འདོད་ཆགས་དང་མ་བྲལ་བ་གོང་དུ་སྦྱོར་བ་མ་བརྩམས་པའི་སྐྱེ་གནས་ཐོབ་པ་ལས་སམ། ཡིད་ལ་བྱེད་པ་ལས་འཇིག་རྟེན་པའི་ཆོས་ཀུན་དུ་སྤྱད་པ་དང་། ཀུན་དུ་སྤྱོད་པ་དང༌། ཀུན་དུ་སྤྱོད་པར་འགྱུར་བ་གང་དག་ཡིན་པ་དེ་དག་ཀྱང་གཟུགས་དང་ལྡན་པའི་ཆོས་རྣམས་ཞེས་བྱའོ། །གཟུགས་དང་ལྡན་པའི་ཆོས་རྣམས་ཇི་ལྟ་བ་དེ་བཞིན་དུ་གཟུགས་མེད་པ་དང་ལྡན་པའི་ཆོས་རྣམས་ཀྱང་ཅི་རིགས་པར་བལྟ་བར་བྱའོ། །

de la 'dod pa dang ldan pa'i chos rnams gang zhe na/ 'dod pa'i khams su skyes shing byung ba 'dod pa rnams las 'dod chags dang ma bral ba/ sems mnyam par ma bzhag pa de'i gnas skabs kyi chos skyes nas thob pa las sam/ yid la byed pa las spyad pa dang / kun du spyod pa dang/ kun du spyod par 'gyur ba gang dag yin pa de dag ni 'dod pa dang ldan pa'i chos rnams zhes bya'o/ /gzugs dang ldan pa'i chos rnams gang zhe na/ 'dod pa'i khams nyid du skyes shing 'byung ba bsam gtan gang yang rung ba snyoms par zhugs pa 'dod pa rnams las 'dod chags dang bral ba/ gzugs rnams las 'dod chags dang ma bral ba/ de'i gong du sbyor ba ma brtsams pa/ ting nge 'dzin de las ma langs pa'i 'jig rten pa'i yid kyi sa pa'i chos yid la byed pa las kun du spyad pa dang/ kun du spyod pa dang/ kun du spyod par 'gyur ba gang dag yin pa de dag ni gzugs dang ldan pa'i chos rnams zhes bya'o/ /gzugs kyi khams su skyes pa de las 'dod chags dang ma bral ba gong du sbyor ba ma brtsams pa'i skye gnas thob pa las sam/ yid la byed pa las 'jig rten pa'i chos kun du spyad pa dang / kun du spyod pa dang/ kun du spyod par 'gyur ba gang dag yin pa de dag kyang gzugs dang ldan pa'i chos rnams zhes bya'o/ /gzugs dang ldan pa'i chos rnams ji lta ba de bzhin du gzugs med pa dang ldan pa'i chos rnams kyang ci rigs par blta bar bya'o/ /

【E24 三性法】【F1 辨名義】

དེ་ལ་ཆོས་དགེ་བ་རྣམས་གང་ཞེ་ན། ཆོས་དགེ་བ་རྣམས་ནི་མདོར་བསྡུ་ན། རྒྱུ་གཉིས་ཀྱིས་དགེ་བ་རྣམས་ཞེས་བྱ་སྟེ། ངོ་བོ་ཉིད་ཀྱིས་ཕྱིན་ཅི་ལོག་ཏུ་གྱུར་པ་མ་ཡིན་ལ། ཕྱིན་ཅི་ལོག་ཏུ་གྱུར་པའི་ཆོས་རྣམས་ཀྱི་གཉེན་པོ་དང་བདེ་བས་ཏེ། འདི་ལྟར་དགེ་བའི་ཆོས་རྣམས་ནི་ངོ་བོ་ཉིད་ཀྱིས་ཕྱིན་ཅི་མ་ལོག་པར་དམིགས་པ་ལ་འཇུག་པ་ཡིན་ཞིང༌། གང་དག་ཕྱིན་ཅི་ལོག་ཏུ་གྱུར་ལ། ཉོན་མོངས་པ་ཅན་དུ་དམིགས་པ་ལ་འཇུག་པ་དེ་དག་གི་གཉེན་པོར་གྱུར་པ་ཡིན་པའི་ཕྱིར་དང༌། བདེ་འགྲོ་དང༌། མྱ་ངན་ལས་འདས་པར་འགྲོ་བ་དང་མཐུན་པ་ཡིན་པའི་ཕྱིར་བདེ་བ་ཡིན་ནོ། །མི་དགེ་བ་རྣམས་ནི་དེ་ལས་བཟློག་པའི་རྒྱུ་གཉིས་ཁོ་ནས་བལྟ་བར་བྱ་སྟེ། ངོ་བོ་ཉིད་ཀྱི་ཕྱིན་ཅི་ལོག་ཏུ་གྱུར་པ་དང་། མི་བདེ་བས་སོ། །ལུང་དུ་མ་བསྟན་པ་རྣམས་ནི་ཕྱིན་ཅི་ལོག་ཏུ་གྱུ་པ་ཡང་མ་ཡིན། ཕྱིན་ཅི་ལོག་གི་གཉེན་པོ་ཡང་མ་ཡིན་པ་དང༌། བདེ་བ་ཡང་མ་ཡིན་མི་བདེ་བ་ཡང་མ་ཡིན་པར་བལྟ་བར་བྱའོ། །

de la chos dge ba rnams gang zhe na/ chos dge ba rnams ni mdor bsdu na/ rgyu gnyis kyis dge ba rnams zhes bya ste/ ngo bo nyid kyis phyin ci log tu gyur pa ma yin la/ phyin ci log tu gyur pa'i chos rnams kyi gnyen po dang bde bas te/ 'di ltar dge ba'i chos rnams ni ngo bo nyid kyis phyin ci ma log par dmigs pa la 'jug pa yin zhing/ gang dag phyin ci log tu gyur la/ nyon mongs pa can du dmigs pa la 'jug pa de dag gi gnyen por gyur pa yin pa'i phyir dang/ bde 'gro dang/ mya ngan las 'das par 'gro ba dang mthun pa yin pa'i phyir bde ba yin no/ /mi dge ba rnams ni de las bzlog pa'i rgyu gnyis kho nas blta bar bya ste/ ngo bo nyid kyi phyin ci log tu gyur pa dang / mi bde bas so/ /lung du ma bstan pa rnams ni phyin ci log tu gyu pa yang ma yin/ phyin ci log gi gnyen po yang ma yin pa dang/ bde ba yang ma yin mi bde ba yang ma yin par blta bar bya'o/ /

【F2 立差別】【G1 善法差別】

དགེ་བ་དེའི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་པར་རིག་པར་བྱ་སྟེ། ཕྱི་མ་ལ་འབྲས་བུ་འདོད་པ་དང༌། ཀུན་ནས་ཉོན་མོངས་པའི་གཉེན་པོ་ནི་འདི་ལྟ་སྟེ། མི་སྡུག་པ་ལ་སོགས་པ་འདོད་ཆགས་ལ་སོགས་པའི་གཉེན་པོ་ཡིན་པ་ནས། འཕགས་པའི་ལམ་ཡན་ལག་བརྒྱད་པ་ཉོན་མོངས་པ་ཐམས་ཅད་ཀྱི་གཉེན་པོ་ཡིན་པའི་བར་དང༌། ཀུན་ནས་ཉོན་མོངས་པ་ཉེ་བར་ཞི་བས་རབ་ཏུ་ཕྱེ་བ་ནི་འདི་ལྟ་སྟེ། མྱ་ངན་ལས་འདས་པའོ། །རྣམ་པར་དག་པའི་གནས་པས་རབ་ཏུ་ཕྱེ་བ་ནི་འདི་ལྟ་སྟེ། འདོད་ཆགས་དང་བྲལ་བ། ཚེ་འདི་ལ་བདེ་བར་གནས་པ་དགེ་བ་འཕགས་པ་ལ་སོགས་པས་གནས་པ་རྣམས་ཀྱིའོ༑ །སེམས་ཅན་ལ་ཕན་འདོགས་པས་རབ་ཏུ་ཕྱེ་བ་ནི་འདི་ལྟ་སྟེ། འདོད་ཆགས་དང་བྲལ་བ་རྣམས་ཁོ་ནའི་སྟེ་གཞན་ལ་སྙིང་བརྩེ་བ་ཅན་གྱི་ཉན་ཐོས་རྣམས་དང༌། བྱང་ཆུབ་སེམས་དཔའ་རྣམས་དང༌། དེ་བཞིན་གཤེགས་པ་རྣམས་ཀྱི་གཞན་གྱི་དོན་སྤྱོད་པའི་དགེ་བ་སྣ་ཚོགས་གང་དག་ཡིན་པ་རྣམས་སོ། །

dge ba de'i rab tu dbye ba yang rnam pa lngas rnam par gzhag par rig par bya ste/ phyi ma la 'bras bu 'dod pa dang/ kun nas nyon mongs pa'i gnyen po ni 'di lta ste/ mi sdug pa la sogs pa 'dod chags la sogs pa'i gnyen po yin pa nas/ 'phags pa'i lam yan lag brgyad pa nyon mongs pa thams cad kyi gnyen po yin pa'i bar dang/ kun nas nyon mongs pa nye bar zhi bas rab tu phye ba ni 'di lta ste/ mya ngan las 'das pa'o/ /rnam par dag pa'i gnas pas rab tu phye ba ni 'di lta ste/ 'dod chags dang bral ba/ tshe 'di la bde bar gnas pa dge ba 'phags pa la sogs pas gnas pa rnams kyi'o| /sems can la phan 'dogs pas rab tu phye ba ni 'di lta ste/ 'dod chags dang bral ba rnams kho na'i ste gzhan la snying brtse ba can gyi nyan thos rnams dang/ byang chub sems dpa' rnams dang/ de bzhin gshegs pa rnams kyi gzhan gyi don spyod pa'i dge ba sna tshogs gang dag yin pa rnams so/ /

【G2 不善法差別】

མི་དགེ་བའི་ཆོས་རྣམས་ཀྱི་རབ་ཏུ་དབྱེ་བ་ཡང་དེ་ལས་བཟློག་པ་རྣམ་པ་ལྔ་ཁོ་ནས་རྣམ་པར་བཞག་པར་རིག་པར་བྱ་སྟེ། ཕྱི་མ་ལ་འབྲས་བུ་མི་འདོད་པ་དང༌། ཀུན་ནས་ཉོན་མོངས་པའི་གཉེན་པོའི་མི་མཐུན་པའི་ཕྱོགས་དང༌། ཀུན་ནས་ཉོན་མོངས་པ་ཉེ་བར་མ་ཞི་བས་རབ་ཏུ་ཕྱེ་བ་དང༌། ཉོན་མོངས་པ་ཅན་གྱི་གནས་པས་རབ་ཏུ་ཕྱེ་བ་དང༌། གཞན་ལ་གནོད་པས་རབ་ཏུ་དབྱེ་བས་སོ། །

mi dge ba'i chos rnams kyi rab tu dbye ba yang de las bzlog pa rnam pa lnga kho nas rnam par bzhag par rig par bya ste/ phyi ma la 'bras bu mi 'dod pa dang/ kun nas nyon mongs pa'i gnyen po'i mi mthun pa'i phyogs dang/ kun nas nyon mongs pa nye bar ma zhi bas rab tu phye ba dang/ nyon mongs pa can gyi gnas pas rab tu phye ba dang/ gzhan la gnod pas rab tu dbye bas so/ /

【G3 由五因緣善法強盛】【H1 總說】

དགེ་བའི་རྒྱུ་ལྔས་སྟོབས་དང་ལྡན་པ་ཡིན་ཏེ། ལྔ་གང་ཞེ་ན། སྦྱོར་བ་དང༌། སྔོན་གོམས་པ་དང་། ཡོན་ཏན་ཁྱད་པར་ཅན་ཡོངས་སུ་འཛིན་པ་དང༌། ཞིང་དང༌། དངོས་པོ་དང༌། གནས་དང༌། ངོ་བོ་ཉིད་ཀྱིས་སོ། །

dge ba'i rgyu lngas stobs dang ldan pa yin te/ lnga gang zhe na/ sbyor ba dang/ sngon goms pa dang / yon tan khyad par can yongs su 'dzin pa dang/ zhing dang/ dngos po dang/ gnas dang/ ngo bo nyid kyis so/ /

【H2 別釋】【I1 由加行善法強盛】

རྟག་ཏུ་སྦྱོར་བ་དང༌། གུས་པར་སྦྱོར་བས་བྱས་པ་དང༌། རྣམ་པ་དུ་མས་བྱས་པ་འདི་ལྟ་སྟེ༑ བདག་གིས་བྱས་པ་དང༌། གཞན་དག་དེ་ཉིད་ཡང་དག་པར་འཛིན་དུ་བཅུག་པ་དང༌། དེའི་བསྔགས་པ་རྣམ་གྲངས་དུ་མར་བརྗོད་པ་དང༌། ཆོས་མཐུན་པ་མཐོང་ན་ཡིད་རབ་ཏུ་དགའ་བ་སྐྱེད་པ་གང་ཡིན་པའི་དགེ་བ་དེ་ནི་སྦྱོར་བས་སྟོབས་དང་ལྡན་པ་ཡིན་པར་རིག་པར་བྱའོ། །

rtag tu sbyor ba dang/ gus par sbyor bas byas pa dang/ rnam pa du mas byas pa 'di lta ste| bdag gis byas pa dang/ gzhan dag de nyid yang dag par 'dzin du bcug pa dang/ de'i bsngags pa rnam grangs du mar brjod pa dang/ chos mthun pa mthong na yid rab tu dga' ba skyed pa gang yin pa'i dge ba de ni sbyor bas stobs dang ldan pa yin par rig par bya'o/ /

【I2 宿習善法強盛】

དེ་ལ་སྔོན་གྱི་ཚེ་རབས་གཞན་དག་ཏུ་དགེ་བ་ཀུན་དུ་བསྟན་བསྒོམས་ལན་མང་དུ་བྱས་པའི་རྒྱུ་དང་རྐྱེན་དེས༑ ད་ལྟར་རང་བཞིན་གྱིས་དགེ་བའི་ཆོས་རྣམས་ལ་སེམས་འཇུག་པ་དང༌། མི་དགེ་བའི་ཆོས་རྣམས་ལ་སེམས་མི་འཇུག་པ་དང༌། མི་དགེ་བའི་ཆོས་རྣམས་དང་མི་མཐུན་པ་ཉིད་དུ་ཀུན་དུ་གནས་པ་གང་ཡིན་པའི་དགེ་བ་དེ་ནི་སྔོན་གོམས་པས་སྟོབས་དང་ལྡན་པ་ཡིན་པར་རིག་པར་བྱའོ། །

de la sngon gyi tshe rabs gzhan dag tu dge ba kun du bstan bsgoms lan mang du byas pa'i rgyu dang rkyen des| da ltar rang bzhin gyis dge ba'i chos rnams la sems 'jug pa dang/ mi dge ba'i chos rnams la sems mi 'jug pa dang/ mi dge ba'i chos rnams dang mi mthun pa nyid du kun du gnas pa gang yin pa'i dge ba de ni sngon goms pas stobs dang ldan pa yin par rig par bya'o/ /

【I3 攝受勝功德善法強盛】

དེ་ལ་འཇིག་རྟེན་པའི་འདོད་ཆགས་དང་བྲལ་བ་རྣམས་དང༌། འཕགས་པ་གཞི་མཐོང་བ་རྣམས་ཀྱིས་དགེ་བ་ས་འོག་མ་པ་དང༌། ཐར་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་པ། ལྟ་བའི་རྣམ་པ་ཐམས་ཅད་དང་བྲལ་བ་གང་ཡིན་པ་དེ་ནི་ཡོན་ཏན་ཁྱད་པར་ཅན་ཡོངས་སུ་འཛིན་པས་སྟོབས་དང་ལྡན་པ་ཡིན་པར་རིག་པར་བྱའོ། །

de la 'jig rten pa'i 'dod chags dang bral ba rnams dang/ 'phags pa gzhi mthong ba rnams kyis dge ba sa 'og ma pa dang/ thar pa'am/ bla na med pa yang dag par rdzogs pa'i byang chub tu yongs su bsngos pa/ lta ba'i rnam pa thams cad dang bral ba gang yin pa de ni yon tan khyad par can yongs su 'dzin pas stobs dang ldan pa yin par rig par bya'o/ /

【I4 由事處善法強盛】

དེ་ལ་སྦྱིན་གནས་ཆེན་པོའི་ཞིང་ལ་དངོས་པོ་གྱ་ནོམ་པ། བླ་མའི་གནས་ཀྱིས་ཕུལ་བ་གང་ཡིན་པའི་དགེ་བ་དེ་ནི་ཞིང་དང༌། དངོས་པོ་དང༌། གནས་ཀྱིས་སྟོབས་དང་ལྡན་པ་ཡིན་པར་རིག་པར་བྱའོ། །

de la sbyin gnas chen po'i zhing la dngos po gya nom pa/ bla ma'i gnas kyis phul ba gang yin pa'i dge ba de ni zhing dang/ dngos po dang/ gnas kyis stobs dang ldan pa yin par rig par bya'o/ /

【I5 由自性善法強盛】

དེ་ལས་སྦྱིན་པ་ལས་བྱུང་བའི་དགེ་བ་གང་ཡིན་པ་དེ་ནི་ངོ་བོ་ཉིད་ཀྱིས་ཚུལ་ཁྲིམས་ལས་བྱུང་བ་དང༌། བསྒོམས་པ་ལས་བྱུང་བ་བས་ཆེས་སྟོབས་ཆུང་བ་ཡིན་ནོ། །ཚུལ་ཁྲིམས་ལས་བྱུང་བ་གང་ཡིན་པ་དེ་ནི་ངོ་བོ་ཉིད་ཀྱིས་སྦྱིན་པ་ལས་བྱུང་བ་བས་ཆེས་སྟོབས་དང་ལྡན་པ་ཡིན་ལ་བསྒོམས་པ་ལས་བྱུང་བ་བས་ནི་ཆེས་སྟོབས་ཆུང་བ་ཡིན་ནོ། །བསྒོམས་པ་ལས་བྱུང་བའི་དགེ་བ་གང་ཡིན་པ་དེ་ནི་ངོ་བོ་ཉིད་ཀྱིས་སྦྱིན་པ་ལས་བྱུང་བ་དང༌། ཚུལ་ཁྲིམས་ལས་བྱུང་བ་བས་ཤིན་ཏུ་སྟོབས་དང་ལྡན་པ་ཡིན་ཏེ། དེ་ལྟར་ན་དགེ་བ་ངོ་བོ་ཉིད་ཀྱིས་སྟོབས་དང་ལྡན་པ་ཡིན་པར་རིག་པར་བྱའོ། །

de las sbyin pa las byung ba'i dge ba gang yin pa de ni ngo bo nyid kyis tshul khrims las byung ba dang/ bsgoms pa las byung ba bas ches stobs chung ba yin no/ /tshul khrims las byung ba gang yin pa de ni ngo bo nyid kyis sbyin pa las byung ba bas ches stobs dang ldan pa yin la bsgoms pa las byung ba bas ni ches stobs chung ba yin no/ /bsgoms pa las byung ba'i dge ba gang yin pa de ni ngo bo nyid kyis sbyin pa las byung ba dang/ tshul khrims las byung ba bas shin tu stobs dang ldan pa yin te/ de ltar na dge ba ngo bo nyid kyis stobs dang ldan pa yin par rig par bya'o/ /

【G4 翻上不善強盛】

མི་དགེ་བ་ཡང་དེ་ལས་བཟློག་པ་རྣམ་པ་ལྔ་པོ་ཁོ་ནས་སྟོབས་དང་ལྡན་པ་ཡིན་པར་རིག་པར་བྱའོ། །

mi dge ba yang de las bzlog pa rnam pa lnga po kho nas stobs dang ldan pa yin par rig par bya'o/ /

【G5 無記法的差別】

ཆོས་ལུང་དུ་མ་བསྟན་པ་རྣམས་ཀྱི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། རྣམ་པར་སྨིན་པ་ལས་སྐྱེས་པ་དང་། སྤྱོད་ལམ་ལས་བྱུང་བ་དང༌། བཟོའི་གནས་ལས་བྱུང་བ་དང༌། སྤྲུལ་པ་ལས་བྱུང་བ་དང༌། ངོ་བོ་ཉིད་ལས་བྱུང་བས་སོ། །དེ་ལ་ངོ་བོ་ཉིད་ལས་བྱུང་བའི་ལུང་དུ་མ་བསྟན་པ་ནི་འདི་ཡིན་ཏེ། རྒྱས་པས་བྱུང་བའི་དངོས་པོ་གཟུགས་ཅན་ལྔ་པོ་གང་དག་ཡིན་པ་དང༌། ཕྱི་རོལ་གྱི་སྐྱེ་མཆེད་གཟུགས་ཅན་རྣམ་པར་སྨིན་པར་མ་བསྡུས་པ་དག་ལས། གཟུགས་ཀྱི་སྐྱེ་མཆེད་དང༌། སྒྲའི་སྐྱེ་མཆེད་དགེ་བ་དང༌། ཉོན་མོངས་པ་ཅན་མ་གཏོགས་པ་གང་དག་ཡིན་པ་རྣམས་སོ། །

chos lung du ma bstan pa rnams kyi rab tu dbye ba yang rnam pa lngas rnam par gzhag ste/ lnga gang zhe na/ rnam par smin pa las skyes pa dang / spyod lam las byung ba dang/ bzo'i gnas las byung ba dang/ sprul pa las byung ba dang/ ngo bo nyid las byung bas so/ /de la ngo bo nyid las byung ba'i lung du ma bstan pa ni 'di yin te/ rgyas pas byung ba'i dngos po gzugs can lnga po gang dag yin pa dang/ phyi rol gyi skye mched gzugs can rnam par smin par ma bsdus pa dag las/ gzugs kyi skye mched dang/ sgra'i skye mched dge ba dang/ nyon mongs pa can ma gtogs pa gang dag yin pa rnams so/ /

【E25 三學法】

དེ་ལ་སློབ་པའི་ཆོས་རྣམས་གང་ཞེ་ན། གང་ཟག་སློབ་པ་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང༌། ཕྱིར་མི་འོང་བའི་ཆོས་འཇིག་རྟེན་ལས་འདས་པ་འདུས་བྱས་དང༌། འཇིག་རྟེན་པའི་དགེ་བ་གང་དག་ཡིན་པ་དེ་དག་ནི་སློབ་པའི་ཆོས་རྣམས་ཞེས་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཆོས་དེ་དག་ལ་བརྟེན་ནས་དུས་དུས་སུ་ལྷག་པའི་ཚུལ་ཁྲིམས་ཀྱི་བསླབ་པ་ལ་ཡང་སློབ་པར་བྱེད། ལྷག་པའི་སེམས་དང༌། ལྷག་པའི་ཤེས་རབ་ལ་ཡང་སློབ་པར་བྱེད་པའི་ཕྱིར་རོ། །མི་སློབ་པའི་ཆོས་རྣམས་གང་ཞེ་ན། དགྲ་བཅོམ་པ་ཟག་པ་ཟད་པའི་ཆོས་འཇིག་རྟེན་ལས་འདས་པ་འདུས་བྱས་དང་འཇིག་རྟེན་པའི་དགེ་བ་གང་དག་ཡིན་པ་དེ་དག་ནི་མི་སློབ་པའི་ཆོས་རྣམས་ཞེས་བྱའོ། །སློབ་པ་ཡང་མ་ཡིན་མི་སློབ་པ་ཡང་མ་ཡིན་པའི་ཆོས་རྣམས་གང་ཞེ་ན། རྒྱུན་དུ་ཞུགས་པ་ལ་སོགས་པ་དགྲ་བཅོམ་པའི་མཐར་ཐུག་པ་རྣམས་ཀྱི་སློབ་པ་དང་མི་སློབ་པའི་ཆོས་ཇི་སྐད་བསྟན་པ་དེ་དག་མ་གཏོགས་པ་གང་དག་དེ་ལས་གཞན་པ་སོ་སོའི་སྐྱེ་བོའི་རྒྱུད་དུ་གཏོགས་པ་དང༌། དེའི་དབང་གིས་བྱུང་བའི་ཆོས་ཐམས་ཅད་ནི་སློབ་པ་ཡང་མ་ཡིན་མི་སློབ་པ་ཡང་མ་ཡིན་པའི་ཆོས་རྣམས་ཡིན་པར་རིག་པར་བྱའོ། །

de la slob pa'i chos rnams gang zhe na/ gang zag slob pa rgyun du zhugs pa dang / lan cig phyir 'ong ba dang/ phyir mi 'ong ba'i chos 'jig rten las 'das pa 'dus byas dang/ 'jig rten pa'i dge ba gang dag yin pa de dag ni slob pa'i chos rnams zhes bya'o/ /de ci'i phyir zhe na/ 'di ltar de ni chos de dag la brten nas dus dus su lhag pa'i tshul khrims kyi bslab pa la yang slob par byed/ lhag pa'i sems dang/ lhag pa'i shes rab la yang slob par byed pa'i phyir ro/ /mi slob pa'i chos rnams gang zhe na/ dgra bcom pa zag pa zad pa'i chos 'jig rten las 'das pa 'dus byas dang 'jig rten pa'i dge ba gang dag yin pa de dag ni mi slob pa'i chos rnams zhes bya'o/ /slob pa yang ma yin mi slob pa yang ma yin pa'i chos rnams gang zhe na/ rgyun du zhugs pa la sogs pa dgra bcom pa'i mthar thug pa rnams kyi slob pa dang mi slob pa'i chos ji skad bstan pa de dag ma gtogs pa gang dag de las gzhan pa so so'i skye bo'i rgyud du gtogs pa dang/ de'i dbang gis byung ba'i chos thams cad ni slob pa yang ma yin mi slob pa yang ma yin pa'i chos rnams yin par rig par bya'o/ /

【E26 三斷法】

དེ་ལ་མཐོང་བས་སྤང་བར་བྱ་བའི་ཆོས་རྣམས་གང་ཞེ་ན། འཇིག་ཚོགས་ལ་ལྟ་བ་ལ་སོགས་པ་ལྟ་བ་ལྔ་དང༌། ལྟ་བ་དེ་དག་ལ་འདོད་ཆགས་དང༌། ཁོང་ཁྲོ་བ་དང༌། ང་རྒྱལ་གང་དག་ཡིན་པ་དང༌། དེ་དག་དང་མཚུངས་པར་ལྡན་པ་དག་དང༌། བདེན་པ་རྣམས་ལ་མ་རིག་པ་མ་འདྲེས་པ་དང༌། བདེན་པ་རྣམས་ལ་ཡིད་གཉིས་དང༌། ངན་སོང་དུ་འགྲོ་བ་དང༌། མཐུན་པའི་ལས་མཐོང་བས་སྤང་བར་བྱ་བ་གང་དག་ཡིན་པ་དེ་དག་ཐམས་ཅད་ནི་མཐོང་བས་སྤང་བར་བྱ་བའི་ཆོས་རྣམས་ཞེས་བྱའོ། །བསྒོམ་པས་སྤང་བར་བྱ་བའི་ཆོས་རྣམས་གང་ཞེ་ན། དགེ་བའི་ཆོས་ཟག་པ་དང་བཅས་པ་ཐམས་ཅད་དང༌། མ་བསྒྲིབས་ལ་ལུང་དུ་མ་བསྟན་པའི་ཆོས་ཐམས་ཅད་དང༌། ཉོན་མོངས་པ་ཅན་གྱི་ཆོས་ཇི་སྐད་བསྟན་པ་རྣམས་མ་གཏོགས་པ་དེ་ལས་གཞན་པའི་ཆོས་ཉོན་མོངས་པ་ཅན་ཐམས་ཅད་ནི་བསྒོམ་པས་སྤང་བར་བྱ་བའི་ཆོས་རྣམས་ཞེས་བྱའོ། །སྤང་བར་བྱ་བ་མ་ཡིན་པའི་ཆོས་རྣམས་གང་ཞེ་ན། འཇིག་རྟེན་ལས་འདས་པ་སློབ་པ་ཐམས་ཅད་དང༌། མི་སློབ་པའི་རྒྱུད་དུ་གཏོགས་པ་ཐམས་ཅད་དེ། དེ་ལ་འཇིག་རྟེན་ལས་འདས་པ་གང་དག་ཡིན་པ་དེ་དག་ནི་དུས་རྟག་པ་ཁོ་ནར་ངོ་བོ་ཉིད་ཀྱིས་རྣམ་པར་དག་པའི་ཕྱིར་སྤང་བར་བྱ་བ་མ་ཡིན་ནོ། །དེ་ལས་གཞན་པ་འཇིག་རྟེན་པ་རྣམས་ནི་སྤངས་ཟིན་པའི་ཕྱིར་སྤང་བར་བྱ་བ་མ་ཡིན་ནོ། །

de la mthong bas spang bar bya ba'i chos rnams gang zhe na/ 'jig tshogs la lta ba la sogs pa lta ba lnga dang/ lta ba de dag la 'dod chags dang/ khong khro ba dang/ nga rgyal gang dag yin pa dang/ de dag dang mtshungs par ldan pa dag dang/ bden pa rnams la ma rig pa ma 'dres pa dang/ bden pa rnams la yid gnyis dang/ ngan song du 'gro ba dang/ mthun pa'i las mthong bas spang bar bya ba gang dag yin pa de dag thams cad ni mthong bas spang bar bya ba'i chos rnams zhes bya'o/ /bsgom pas spang bar bya ba'i chos rnams gang zhe na/ dge ba'i chos zag pa dang bcas pa thams cad dang/ ma bsgribs la lung du ma bstan pa'i chos thams cad dang/ nyon mongs pa can gyi chos ji skad bstan pa rnams ma gtogs pa de las gzhan pa'i chos nyon mongs pa can thams cad ni bsgom pas spang bar bya ba'i chos rnams zhes bya'o/ /spang bar bya ba ma yin pa'i chos rnams gang zhe na/ 'jig rten las 'das pa slob pa thams cad dang/ mi slob pa'i rgyud du gtogs pa thams cad de/ de la 'jig rten las 'das pa gang dag yin pa de dag ni dus rtag pa kho nar ngo bo nyid kyis rnam par dag pa'i phyir spang bar bya ba ma yin no/ /de las gzhan pa 'jig rten pa rnams ni spangs zin pa'i phyir spang bar bya ba ma yin no/ /

【E27 解甚深難見法】

དེ་ལ་ཆོས་ཟབ་མོ་མཐོང་བར་དཀའ་བ་རྣམས་གང་ཞེ་ན། ཆོས་ཐམས་ཅད་ཟབ་མོ་མཐོང་བར་དཀའ་བ་ཡིན་པར་བལྟ་བར་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། བརྗོད་དུ་མེད་པའི་བདག་ཉིད་དང༌། ཚིག་གི་སྤྱོད་ཡུལ་ལས་འདས་པའི་ངོ་བོ་ཉིད་འདི་ནི་མཆོག་ཏུ་ཟབ་པ་ཡིན་ཏེ། ཆོས་ཐམས་ཅད་ཀྱང་བརྗོད་དུ་མེད་པའི་བདག་ཉིད་དང༌། ཚིག་གི་སྤྱོད་ཡུལ་ལས་འདས་པའི་ངོ་བོ་ཉིད་ཡིན་པས༑ དེ་དག་ནི་བརྗོད་པ་ལ་བརྟེན་པས་གཟུང་བར་བྱ་བ་དང༌། བལྟ་བར་བྱ་བ་དང༌། རྟོགས་པར་བྱ་བ་ཡིན་པའི་ཕྱིར་ཏེ། དེ་ལྟ་བས་ན་ཟབ་མོ་མཐོང་བར་དཀའ་བ་ཡིན་པར་རིག་པར་བྱའོ། །

de la chos zab mo mthong bar dka' ba rnams gang zhe na/ chos thams cad zab mo mthong bar dka' ba yin par blta bar bya'o/ /de ci'i phyir zhe na/ 'di lta ste/ brjod du med pa'i bdag nyid dang/ tshig gi spyod yul las 'das pa'i ngo bo nyid 'di ni mchog tu zab pa yin te/ chos thams cad kyang brjod du med pa'i bdag nyid dang/ tshig gi spyod yul las 'das pa'i ngo bo nyid yin pas| de dag ni brjod pa la brten pas gzung bar bya ba dang/ blta bar bya ba dang/ rtogs par bya ba yin pa'i phyir te/ de lta bas na zab mo mthong bar dka' ba yin par rig par bya'o/ /

【D2 總結】

ཆོས་གཟུགས་ཅན་རྣམས་དང༌། གཟུགས་ཅན་མ་ཡིན་པ་རྣམས་དང༌། བསྟན་དུ་ཡོད་པ་རྣམས་དང༌། བསྟན་དུ་མེད་པ་རྣམས་དང༌། ཐོགས་པ་དང་བཅས་པ་རྣམས་དང༌། ཐོགས་པ་མེད་པ་རྣམས་དང༌། བསྟན་དུ་མེད་ལ་ཐོགས་པ་མེད་པ་རྣམས་དང༌། བསྟན་དུ་ཡོད་ལ་ཐོགས་པ་དང་བཅས་པ་རྣམས་དང༌། ཟག་པ་དང་བཅས་པ་རྣམས་དང༌། ཟག་པ་མེད་པ་རྣམས་དང༌། ཉོན་མོངས་པ་དང་བཅས་པ་རྣམས་དང་། ཉོན་མོངས་པ་ཅན་མ་ཡིན་པ་རྣམས་དང༌། ཟང་ཟིང་དང་བཅས་པ་རྣམས་དང༌། ཟང་ཟིང་མེད་པ་རྣམས་དང༌། ཞེན་པ་ལ་བརྟེན་པ་རྣམས་དང༌། མངོན་པར་འབྱུང་བ་ལ་བརྟེན་པ་རྣམས་དང༌། འཇིག་རྟེན་པ་རྣམས་དང༌། འཇིག་རྟེན་ལས་འདས་པ་རྣམས་དང༌། གཏོགས་པ་རྣམས་དང༌། མ་གཏོགས་པ་རྣམས་དང༌། འདུས་བྱས་རྣམས་དང༌། འདུས་མ་བྱས་རྣམས་དང༌། ཤེས་པར་བྱ་བ་རྣམས་དང༌། རྣམ་པར་ཤེས་པར་བྱ་བ་རྣམས་དང༌། དམིགས་པ་དང༌། གནས་པ་འདྲེན་པའི་ཆོས་རྣམས་དང༌། རྣམ་པར་སྨིན་པ་དང་བཅས་པ་རྣམས་དང༌། རྣམ་པར་སྨིན་པ་མེད་པ་རྣམས་དང༌། རྒྱུ་དང་བཅས་པ་རྣམས་དང༌། རྒྱུ་མེད་པ་རྣམས་དང༌། འབྲས་བུ་དང་བཅས་པ་རྣམས་དང༌། འབྲས་བུ་མེད་པ་རྣམས་དང༌། རྟེན་ཅིང་འབྲེལ་པར་འབྱུང་བའི་ཆོས་རྣམས་དང༌། ནང་གི་རྣམས་དང༌། ཕྱི་རོལ་གྱི་རྣམས་དང༌། མིང་དང་གཟུགས་ཀྱིས་བསྡུས་པ་རྣམས་དང༌། ཟིན་པ་རྣམས་དང༌། མ་ཟིན་པ་རྣམས་དང༌། འབྱུང་བ་ཆེན་པོ་རྣམས་རྒྱུར་བྱས་པ་དང༌། འབྱུང་བ་ཆེན་པོ་རྣམས་རྒྱུར་བྱས་པ་མ་ཡིན་པ་དང༌། སྲིད་པ་རྣམས་དང༌། སྲིད་པ་མ་ཡིན་པ་རྣམས་དང༌། བླ་ན་ཡོད་པ་རྣམས་དང༌། བླ་ན་མེད་པ་རྣམས་དང༌། བསྒོམ་པར་བྱ་བ་རྣམས་དང༌། འདས་པ་རྣམས་དང༌། མ་འོངས་པ་རྣམས་དང༌། ད་ལྟར་བྱུང་བ་རྣམས་དང༌། འདོད་པ་དང་ལྡན་པ་རྣམས་དང༌། གཟུགས་དང་ལྡན་པ་རྣམས་དང༌། གཟུགས་མེད་པ་དང་ལྡན་པ་རྣམས་དང༌། དགེ་བ་རྣམས་དང༌། མི་དགེ་བ་རྣམས་དང༌། ལུང་དུ་མ་བསྟན་པ་རྣམས་དང༌། སློབ་པ་རྣམས་དང༌། མི་སློབ་པ་རྣམས་དང༌། སློབ་པ་ཡང་མ་ཡིན་མི་སློབ་པ་ཡང་མ་ཡིན་པ་རྣམས་དང༌། མཐོང་བས་སྤང་བར་བྱ་བ་རྣམས་དང༌། བསྒོམ་པས་སྤང་བར་བྱ་བ་རྣམས་དང༌། སྤང་བར་བྱ་བ་མ་ཡིན་པ་རྣམས་དང༌། ཟབ་མོ་མཐོང་བར་དཀའ་བའི་ཆོས་རྣམས་ཀྱི་དབྱེ་བ་རྣམ་པར་གཞག་པ་ནི་ཇི་སྐད་བསྟན་པ་དེ་དག་ཡིན་ཏེ། ལེགས་པར་བསམས་པ་སེམས་པས་ཚུལ་བཞིན་ལ་རབ་ཏུ་བརྩོན་པས་ནི་དེ་ལྟར་ཆོས་རབ་ཏུ་རྣམ་པར་དབྱེ་བ་ལ་རྣལ་འབྱོར་དུ་བྱའོ། །

chos gzugs can rnams dang/ gzugs can ma yin pa rnams dang/ bstan du yod pa rnams dang/ bstan du med pa rnams dang/ thogs pa dang bcas pa rnams dang/ thogs pa med pa rnams dang/ bstan du med la thogs pa med pa rnams dang/ bstan du yod la thogs pa dang bcas pa rnams dang/ zag pa dang bcas pa rnams dang/ zag pa med pa rnams dang/ nyon mongs pa dang bcas pa rnams dang / nyon mongs pa can ma yin pa rnams dang/ zang zing dang bcas pa rnams dang/ zang zing med pa rnams dang/ zhen pa la brten pa rnams dang/ mngon par 'byung ba la brten pa rnams dang/ 'jig rten pa rnams dang/ 'jig rten las 'das pa rnams dang/ gtogs pa rnams dang/ ma gtogs pa rnams dang/ 'dus byas rnams dang/ 'dus ma byas rnams dang/ shes par bya ba rnams dang/ rnam par shes par bya ba rnams dang/ dmigs pa dang/ gnas pa 'dren pa'i chos rnams dang/ rnam par smin pa dang bcas pa rnams dang/ rnam par smin pa med pa rnams dang/ rgyu dang bcas pa rnams dang/ rgyu med pa rnams dang/ 'bras bu dang bcas pa rnams dang/ 'bras bu med pa rnams dang/ rten cing 'brel par 'byung ba'i chos rnams dang/ nang gi rnams dang/ phyi rol gyi rnams dang/ ming dang gzugs kyis bsdus pa rnams dang/ zin pa rnams dang/ ma zin pa rnams dang/ 'byung ba chen po rnams rgyur byas pa dang/ 'byung ba chen po rnams rgyur byas pa ma yin pa dang/ srid pa rnams dang/ srid pa ma yin pa rnams dang/ bla na yod pa rnams dang/ bla na med pa rnams dang/ bsgom par bya ba rnams dang/ 'das pa rnams dang/ ma 'ongs pa rnams dang/ da ltar byung ba rnams dang/ 'dod pa dang ldan pa rnams dang/ gzugs dang ldan pa rnams dang/ gzugs med pa dang ldan pa rnams dang/ dge ba rnams dang/ mi dge ba rnams dang/ lung du ma bstan pa rnams dang/ slob pa rnams dang/ mi slob pa rnams dang/ slob pa yang ma yin mi slob pa yang ma yin pa rnams dang/ mthong bas spang bar bya ba rnams dang/ bsgom pas spang bar bya ba rnams dang/ spang bar bya ba ma yin pa rnams dang/ zab mo mthong bar dka' ba'i chos rnams kyi dbye ba rnam par gzhag pa ni ji skad bstan pa de dag yin te/ legs par bsams pa sems pas tshul bzhin la rab tu brtson pas ni de ltar chos rab tu rnam par dbye ba la rnal 'byor du bya'o/ /

【B3 餘不復現】

བསམས་པ་ལས་བྱུང་བའི་སའི་རྣམ་པར་གཏན་ལ་དབབ་པ་སྟེ། རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

bsams pa las byung ba'i sa'i rnam par gtan la dbab pa ste/ rnam par gtan la dbab pa'i gzhung lhag ma ni mi snang ngo// //

【A12 修所成慧地】【B1 結前生後】

བམ་པོ་ཉི་ཤུ་རྩ་ལྔ་པ། བསྒོམས་པ་ལས་བྱུང་བའི་སའི་རྣམ་པར་གཏན་ལ་དབབ་པ་ནི་མདོར་བསྡུ་ན་བསྒོམ་པ་རྣམ་པ་བཅུ་དྲུག་ཏུ་རིག་པར་བྱ་སྟེ། འདི་ལྟ་སྟེ།

bam po nyi shu rtsa lnga pa/ bsgoms pa las byung ba'i sa'i rnam par gtan la dbab pa ni mdor bsdu na bsgom pa rnam pa bcu drug tu rig par bya ste/ 'di lta ste/

【B2 正決擇】【C1 列十六種名】

ཉན་ཐོས་ཀྱི་ཐེག་པ་དང་ལྡན་པའི་ཡིད་ལ་བྱེད་པ་བསྒོམ་པ་དང༌། ཐེག་པ་ཆེན་པོ་དང་ལྡན་པའི་ཡིད་ལ་བྱེད་པ་བསྒོམ་པ་དང༌། གཟུགས་བརྙན་བསྒོམ་པ་དང༌། དངོས་པོའི་མཐའ་བསྒོམ་པ་དང༌། དགོས་པ་ཡོངས་སུ་གྲུབ་པ་བསྒོམ་པ་དང༌། འཐོབ་པ་བསྒོམ་པ་དང༌། བསྟེན་པ་བསྒོམ་པ་དང༌། སྤང་བ་བསྒོམ་པ་དང༌། གཉེན་པོ་བསྒོམ་པ་དང༌། ཉི་ཚེ་བསྒོམ་པ་དང༌། ཀུན་དུ་འགྲོ་བ་བསྒོམ་པ་དང༌། གཡོ་བ་ཡོད་པའི་བསྒོམ་པ་དང༌། མངོན་པར་འདུ་བྱེད་པ་དང་བཅས་པ་བསྒོམ་པ་དང༌། གྲུབ་པ་བསྒོམ་པ་དང༌། བསྒོམས་པ་ལས་བྱུང་བ་མ་ཡིན་པའི་ཆོས་བསྒོམ་པ་དང༌། བསྒོམས་པ་ལས་བྱུང་བའི་ཆོས་བསྒོམ་པའོ། །

nyan thos kyi theg pa dang ldan pa'i yid la byed pa bsgom pa dang/ theg pa chen po dang ldan pa'i yid la byed pa bsgom pa dang/ gzugs brnyan bsgom pa dang/ dngos po'i mtha' bsgom pa dang/ dgos pa yongs su grub pa bsgom pa dang/ 'thob pa bsgom pa dang/ bsten pa bsgom pa dang/ spang ba bsgom pa dang/ gnyen po bsgom pa dang/ nyi tshe bsgom pa dang/ kun du 'gro ba bsgom pa dang/ g.yo ba yod pa'i bsgom pa dang/ mngon par 'du byed pa dang bcas pa bsgom pa dang/ grub pa bsgom pa dang/ bsgoms pa las byung ba ma yin pa'i chos bsgom pa dang/ bsgoms pa las byung ba'i chos bsgom pa'o/ /

【C2 次第解】【D1 聲聞乘相應作意修】

དེ་ལ་ཉན་ཐོས་ཀྱི་ཐེག་པ་དང་ལྡན་པའི་ཡིད་ལ་བྱེད་པ་བསྒོམ་པ་གང་ཞེ་ན། སྨྲས་པ། འདི་ལྟར་འདི་ན་ཉན་ཐོས། ཉན་ཐོས་ཀྱི་ཆོས་ཉིད་ལ་གནས་པ། ཡང་དག་པ་ཉིད་དུ་སྐྱོན་མེད་པ་ལ་ཞུགས་པའམ། ཡང་དག་པ་ཉིད་དུ་སྐྱོན་མེད་པ་ལ་མ་ཞུགས་པ། སེམས་ཅན་གྱི་དོན་ལ་མི་ལྟ་བ། བདག་གི་དོན་ལ་ལྟ་བ་ལ་ལ་རྣམ་པར་གཞག་པའི་བདེན་པ་ཡིད་ལ་བྱེད་པའི་སྒོ་ནས༑ དེ་བཞིན་ཉིད་ལ་རྗེས་སུ་ཞུགས་ནས་སོ་སོ་རང་གི་ཆོས་ཀྱི་དམིགས་པ་དཔག་ཏུ་ཡོད་ཅིང་ཡོངས་སུ་ཆད་པ་སྐྱོ་བ་དང༌། འདོད་ཆགས་དང་བྲལ་བ་དང༌། རྣམ་པར་གྲོལ་བའི་རྣམ་པ་ཡིད་ལ་བྱེད་པ་སྲེད་པ་ཟད་པར་བྱ་བའི་ཕྱིར་སྒོམ་པར་བྱེད་པ་དེ་ནི། ཉན་ཐོས་ཀྱི་ཐེག་པ་དང་ལྡན་པའི་ཡིད་ལ་བྱེད་པ་བསྒོམ་པ་ཞེས་བྱའོ༑ །

de la nyan thos kyi theg pa dang ldan pa'i yid la byed pa bsgom pa gang zhe na/ smras pa/ 'di ltar 'di na nyan thos/ nyan thos kyi chos nyid la gnas pa/ yang dag pa nyid du skyon med pa la zhugs pa'am/ yang dag pa nyid du skyon med pa la ma zhugs pa/ sems can gyi don la mi lta ba/ bdag gi don la lta ba la la rnam par gzhag pa'i bden pa yid la byed pa'i sgo nas| de bzhin nyid la rjes su zhugs nas so so rang gi chos kyi dmigs pa dpag tu yod cing yongs su chad pa skyo ba dang/ 'dod chags dang bral ba dang/ rnam par grol ba'i rnam pa yid la byed pa sred pa zad par bya ba'i phyir sgom par byed pa de ni/ nyan thos kyi theg pa dang ldan pa'i yid la byed pa bsgom pa zhes bya'o| /

【D2 大乘相應作意修】

ཐེག་པ་ཆེན་པོ་དང་ལྡན་པའི་ཡིད་ལ་བྱེད་པ་བསྒོམ་པ་གང་ཞེ་ན། སྨྲས་པ། འདི་ལྟར་འདི་ན་བྱང་ཆུབ་སེམས་དཔའ་བྱང་ཆུབ་སེམས་དཔའི་ཆོས་ཉིད་ལ་གནས་པ། ཡང་དག་པ་ཉིད་དུ་སྐྱོན་མེད་པ་ལ་མ་ཞུགས་པའམ། །ཡང་དག་པ་ཉིད་དུ་སྐྱོན་མེད་པ་ལ་ཞུགས་པ། བདག་གི་དོན་དང༌། གཞན་གྱི་དོན་ལ་ལྟ་བ་ལ་ལ་རྣམ་པར་བཞག་པ་དང༌། རྣམ་པར་མ་བཞག་པའི་བདེན་པ་ཡིད་ལ་བྱེད་པའི་སྒོ་ནས། དེ་བཞིན་ཉིད་ལ་རྗེས་སུ་ཞུགས་ནས། སོ་སོ་རང་གི་ཆོས་ཀྱི་དམིགས་པ་དཔག་ཏུ་མེད་ཅིང་ཡོངས་སུ་མ་ཆད་པ། སྙིང་རྗེའི་དབང་དུ་བྱས་ནས་སེམས་ཅན་གྱི་དོན་བྱ་བའི་ཐབས་ཀྱིས་ཡོངས་སུ་ཟིན་པའི་རྣམ་པ་བླ་ན་མེད་པའི་གོ་འཕང་གནོན་པའི་རྒྱུར་གྱུར་པའི་ཡིད་ལ་བྱེད་པ། བདག་དང་གཞན་གྱི་སྲེད་པ་ཟད་པར་བྱ་བའི་ཕྱིར་སྒོམ་པར་བྱེད་པ་དེ་ནི་ཐེག་པ་ཆེན་པོ་དང་ལྡན་པའི་ཡིད་ལ་བྱེད་པ་བསྒོམ་པ་ཞེས་བྱའོ། །

theg pa chen po dang ldan pa'i yid la byed pa bsgom pa gang zhe na/ smras pa/ 'di ltar 'di na byang chub sems dpa' byang chub sems dpa'i chos nyid la gnas pa/ yang dag pa nyid du skyon med pa la ma zhugs pa'am/ /yang dag pa nyid du skyon med pa la zhugs pa/ bdag gi don dang/ gzhan gyi don la lta ba la la rnam par bzhag pa dang/ rnam par ma bzhag pa'i bden pa yid la byed pa'i sgo nas/ de bzhin nyid la rjes su zhugs nas/ so so rang gi chos kyi dmigs pa dpag tu med cing yongs su ma chad pa/ snying rje'i dbang du byas nas sems can gyi don bya ba'i thabs kyis yongs su zin pa'i rnam pa bla na med pa'i go 'phang gnon pa'i rgyur gyur pa'i yid la byed pa/ bdag dang gzhan gyi sred pa zad par bya ba'i phyir sgom par byed pa de ni theg pa chen po dang ldan pa'i yid la byed pa bsgom pa zhes bya'o/ /

【D3 影像修】

གཟུགས་བརྙན་བསྒོམ་པ་གང་ཞེ་ན། ཏིང་ངེ་འཛིན་གྱི་སྤྱོད་ཡུལ་གྱི་གཟུགས་བརྙན་ཤེས་བྱའི་དངོས་པོ་དང་ཆ་མཐུན་པ་རྣམ་པར་རྟོག་པ་དང་བཅས་པ། ལྷག་མཐོང་གི་ཕྱོགས་དང་མཐུན་པ་ཡིད་ལ་བྱེད་པའམ། ཏིང་ངེ་འཛིན་གྱི་སྤྱོད་ཡུལ་གྱི་གཟུགས་བརྙན་ཤེས་བྱའི་དངོས་པོ་དང་ཆ་མཐུན་པ་རྣམ་པར་མི་རྟོག་པ་ཞི་གནས་ཀྱི་ཕྱོགས་དང་མཐུན་པ་ཡིད་ལ་བྱེད་པའི་བསྒོམ་པ་གང་ཡིན་པ་དེ་ནི་གཟུགས་བརྙན་བསྒོམ་པ་ཞེས་བྱའོ། །

gzugs brnyan bsgom pa gang zhe na/ ting nge 'dzin gyi spyod yul gyi gzugs brnyan shes bya'i dngos po dang cha mthun pa rnam par rtog pa dang bcas pa/ lhag mthong gi phyogs dang mthun pa yid la byed pa'am/ ting nge 'dzin gyi spyod yul gyi gzugs brnyan shes bya'i dngos po dang cha mthun pa rnam par mi rtog pa zhi gnas kyi phyogs dang mthun pa yid la byed pa'i bsgom pa gang yin pa de ni gzugs brnyan bsgom pa zhes bya'o/ /

【D4 事邊際修】

དངོས་པོའི་མཐའ་བསྒོམ་པ་གང་ཞེ་ན། ནང་དང་ཕྱི་རོལ་གྱི་ཆོས་འདས་པ་དང༌། མ་འོངས་པ་དང༌། ད་ལྟར་བྱུང་བ་རྣམས་ཀྱི་རགས་པ་དང༌། ཆ་ཕྲ་བ་ཉིད་དང༌། ངན་པ་དང༌། གྱ་ནོམ་པ་ཉིད་དང༌། རྒྱང་རིང་བ་དང༌། ཐག་ཉེ་བ་ཉིད་དམ། དེ་བཞིན་ཉིད་ལ་ཇི་སྙེད་ཡོད་པ་ཉིད་དང༌། ཇི་ལྟ་བ་བཞིན་དུ་ཡོད་པ་ཉིད་ཀྱིས་ཡིད་ལ་བྱེད་པའི་བསྒོམ་པ་གང་ཡིན་པ་དེ་ནི་དངོས་པོའི་མཐའ་བསྒོམ་པ་ཞེས་བྱའོ། །

dngos po'i mtha' bsgom pa gang zhe na/ nang dang phyi rol gyi chos 'das pa dang/ ma 'ongs pa dang/ da ltar byung ba rnams kyi rags pa dang/ cha phra ba nyid dang/ ngan pa dang/ gya nom pa nyid dang/ rgyang ring ba dang/ thag nye ba nyid dam/ de bzhin nyid la ji snyed yod pa nyid dang/ ji lta ba bzhin du yod pa nyid kyis yid la byed pa'i bsgom pa gang yin pa de ni dngos po'i mtha' bsgom pa zhes bya'o/ /

【D5 所作成辦修】

དགོས་པ་ཡོངས་སུ་གྲུབ་པ་བསྒོམ་པ་གང་ཞེ་ན། འཇིག་རྟེན་པ་དང༌། འཇིག་རྟེན་ལས་འདས་པའི་བསམ་གཏན་ནམ། སྙོམས་པར་འཇུག་པའི་དངོས་གཞི་ལ་སྙོམས་པར་ཞུགས་པའི་བསྒོམ་པ་གང་ཡིན་པ་དེ་ནི་དགོས་པ་ཡོངས་སུ་གྲུབ་པ་བསྒོམ་པ་ཞེས་བྱའོ། །

dgos pa yongs su grub pa bsgom pa gang zhe na/ 'jig rten pa dang/ 'jig rten las 'das pa'i bsam gtan nam/ snyoms par 'jug pa'i dngos gzhi la snyoms par zhugs pa'i bsgom pa gang yin pa de ni dgos pa yongs su grub pa bsgom pa zhes bya'o/ /

【D6 得修】

འཐོབ་པ་བསྒོམ་པ་གང་ཞེ་ན། འདི་ལྟར་འདི་ན་ལ་ལ་བསམ་གཏན་དང་པོ་ལ་བརྟེན་ནས། གལ་ཏོ་མ་རྟག་པའི་འདུ་ཤེས་སྒོམ་པར་བྱེད་དམ། གལ་ཏེ་འཆི་བའི་འདུ་ཤེས་ཀྱི་བར་དུ་སྒོམ་པར་བྱེད་པ་དེ། དེ་ལས་གཞན་པ་རང་གི་ས་པའམ། ས་འོག་མ་པའི་འདུ་ཤེས་མངོན་དུ་མ་གྱུར་པ་དག་གམ། དེས་དྲངས་པ་འཇིག་རྟེན་པའམ། འཇིག་རྟེན་ལས་འདས་པའི་ཡོན་ཏན་དེ་ལས་གཞན་པ་དག་གསལ་བ་དང༌། ཆེས་འོད་གསལ་བར་བསྐྱེད་པར་བྱ་བའི་ཕྱིར་སྒོམ་པར་བྱེད་ཅིང༌། དེ་དག་ལ་ཡང་དབང་དང་ལྡན་པ་འཐོབ་པར་འགྱུར་བ་གང་ཡིན་པ་དེ་ནི་འཐོབ་པ་བསྒོམ་པ་ཞེས་བྱའོ། །

'thob pa bsgom pa gang zhe na/ 'di ltar 'di na la la bsam gtan dang po la brten nas/ gal to ma rtag pa'i 'du shes sgom par byed dam/ gal te 'chi ba'i 'du shes kyi bar du sgom par byed pa de/ de las gzhan pa rang gi sa pa'am/ sa 'og ma pa'i 'du shes mngon du ma gyur pa dag gam/ des drangs pa 'jig rten pa'am/ 'jig rten las 'das pa'i yon tan de las gzhan pa dag gsal ba dang/ ches 'od gsal bar bskyed par bya ba'i phyir sgom par byed cing/ de dag la yang dbang dang ldan pa 'thob par 'gyur ba gang yin pa de ni 'thob pa bsgom pa zhes bya'o/ /

【D7 習修】

བསྟན་པ་བསྒོམ་པ་གང་ཞེ་ན། སྨྲས་པ། འདི་ལྟར་འདི་ན་ལ་ལ་མི་རྟག་པ་ལ་སོགས་པ་དགེ་བའི་འདུ་ཤེས་སམ། དགེ་བའི་ཆོས་གང་དང་གང་ཡིད་ལ་བྱེད་པ་དེའི་དེ་བསྟེན་པའི་བསྒོམ་པས་སྒོམ་པར་བྱེད་པ་གང་ཡིན་པ་དེ་ནི་བསྟེན་པ་བསྒོམ་པ་ཞེས་བྱའོ། །

bstan pa bsgom pa gang zhe na/ smras pa/ 'di ltar 'di na la la mi rtag pa la sogs pa dge ba'i 'du shes sam/ dge ba'i chos gang dang gang yid la byed pa de'i de bsten pa'i bsgom pas sgom par byed pa gang yin pa de ni bsten pa bsgom pa zhes bya'o/ /

【D8 除去修】

སྤང་བ་བསྒོམ་པ་གང་ཞེ་ན། སྨྲས་པ། འདི་ལྟར་འདི་ན་ལ་ལ་ཏིང་ངེ་འཛིན་གྱི་སྤྱོད་ཡུལ་གྱི་གཟུགས་བརྙན་གྱི་མཚན་མ་ཡིད་ལ་བྱེད་པས། རང་བཞིན་གྱི་མཚན་མ་ཁྱིའུས་ཁྱིའུ་དབྱུང་བའི་ཚུལ་གྱིས་མངོན་པར་འབྱིན་པར་བྱེད། མངོན་པར་སེལ་བར་བྱེད། མངོན་པར་སྤོང་བར་བྱེད་དེ། འདི་ལྟ་སྟེ། དཔེར་ན་ལ་ལ་ཞིག་གི་ཁྱིའུ་ཆེས་ཕྲ་བས་ཁྱིའུ་ཆེས་སྦོམ་པ་འབྱིན་པར་བྱེད་པ་དེ་བཞིན་དུ། ཤིན་ཏུ་སྦྱངས་པའི་ཚོགས་ཀྱིས་གནས་ངན་ལེན་གྱི་ཚོགས་མངོན་པར་འབྱིན་པར་བྱེད། མངོན་པར་སེལ་བར་བྱེད། མངོན་པར་སྤོང་བར་བྱེད་པ་གང་ཡིན་པ་དེ་ནི་སྤོང་བ་བསྒོམ་པ་ཞེས་བྱའོ། །

spang ba bsgom pa gang zhe na/ smras pa/ 'di ltar 'di na la la ting nge 'dzin gyi spyod yul gyi gzugs brnyan gyi mtshan ma yid la byed pas/ rang bzhin gyi mtshan ma khyi'us khyi'u dbyung ba'i tshul gyis mngon par 'byin par byed/ mngon par sel bar byed/ mngon par spong bar byed de/ 'di lta ste/ dper na la la zhig gi khyi'u ches phra bas khyi'u ches sbom pa 'byin par byed pa de bzhin du/ shin tu sbyangs pa'i tshogs kyis gnas ngan len gyi tshogs mngon par 'byin par byed/ mngon par sel bar byed/ mngon par spong bar byed pa gang yin pa de ni spong ba bsgom pa zhes bya'o/ /

【D9 對治修】

གཉེན་པོ་བསྒོམ་པ་གང་ཞེ་ན། སྨྲས་པ། རྣམ་པར་སུན་འབྱིན་པ་གཉེན་པོའམ་སྤོང་བ་གཉེན་པོའམ་ཀུན་དུ་འཛིན་པ་གཉེན་པོའམ། ཐག་བསྲིང་བ་གཉེན་པོ་ཡིད་ལ་བྱེད་པའི་བསྒོམ་པ་གང་ཡིན་པ་དེ་ནི་གཉེན་པོ་བསྒོམ་པ་ཞེས་བྱའོ། །དེ་ལ་རྣམ་པར་སུན་འབྱིན་པའི་གཉེན་པོ་ནི་ཚད་མེད་པ་དག་མ་གཏོགས་པ་འཇིག་རྟེན་པའི་དགེ་བའི་ལམ་ཐམས་ཅད་དང༌། རྣལ་འབྱོར་པ་རྣམས་ཀྱི་རྣམ་པར་འཕྲུལ་པ་དང་ལྡན་པའི་ཡིད་ལ་བྱེད་པ་གཞན་གང་ཡིན་པའོ། །དེ་ལ་སྤོང་བ་གཉེན་པོ་ནི་དེ་བཞིན་ཉིད་ལ་དམིགས་པ་ཡིད་ལ་བྱེད་པའོ། །དེ་ལ་ཀུན་དུ་འཛིན་པ་གཉེན་པོ་ནི། དེའི་རྗེས་ལས་ཐོབ་པ་འཇིག་རྟེན་པ་དང༌། འཇིག་རྟེན་ལས་འདས་པའི་ལམ་དང༌། རྣམ་པར་གྲོལ་བའི་ལམ་མོ། །དེ་ལ་ཐག་བསྲིང་བ་གཉེན་པོ་ནི་ཉོན་མོངས་པ་རྣམས་སྤངས་པའི་དེའི་གཉེན་པོའི་ལམ་ལན་མང་དུ་བྱེད་པ་དང༌། ས་གོང་མ་པའི་ལམ་ལན་མང་དུ་བྱེད་པ་གང་ཡིན་པའོ༑ །རྣམ་གྲངས་གཞན་ཡང་ཐོས་པ་དང་བསམས་པ་ལས་བྱུང་བའི་ལན་ནི་སུན་འབྱིན་པ་གཉེན་པོ་ཡིན་ནོ། །འཇིག་རྟེན་ལས་འདས་པའི་ལམ་ནི་སྤོང་བ་གཉེན་པོ་ཡིན་ནོ། །འདིའི་འབྲས་བུ་གནས་གྱུར་པ་ནི་ཀུན་དུ་འཛིན་པའི་གཉེན་པོ་ཡིན་ནོ། །འཇིག་རྟེན་པའི་བསྒོམ་པའི་ལམ་ནི་ཐག་བསྲིང་བ་གཉེན་པོ་ཡིན་ནོ། །

gnyen po bsgom pa gang zhe na/ smras pa/ rnam par sun 'byin pa gnyen po'am spong ba gnyen po'am kun du 'dzin pa gnyen po'am/ thag bsring ba gnyen po yid la byed pa'i bsgom pa gang yin pa de ni gnyen po bsgom pa zhes bya'o/ /de la rnam par sun 'byin pa'i gnyen po ni tshad med pa dag ma gtogs pa 'jig rten pa'i dge ba'i lam thams cad dang/ rnal 'byor pa rnams kyi rnam par 'phrul pa dang ldan pa'i yid la byed pa gzhan gang yin pa'o/ /de la spong ba gnyen po ni de bzhin nyid la dmigs pa yid la byed pa'o/ /de la kun du 'dzin pa gnyen po ni/ de'i rjes las thob pa 'jig rten pa dang/ 'jig rten las 'das pa'i lam dang/ rnam par grol ba'i lam mo/ /de la thag bsring ba gnyen po ni nyon mongs pa rnams spangs pa'i de'i gnyen po'i lam lan mang du byed pa dang/ sa gong ma pa'i lam lan mang du byed pa gang yin pa'o| /rnam grangs gzhan yang thos pa dang bsams pa las byung ba'i lan ni sun 'byin pa gnyen po yin no/ /'jig rten las 'das pa'i lam ni spong ba gnyen po yin no/ /'di'i 'bras bu gnas gyur pa ni kun du 'dzin pa'i gnyen po yin no/ /'jig rten pa'i bsgom pa'i lam ni thag bsring ba gnyen po yin no/ /

【D10 少分修】

ཉི་ཚེ་བསྒོམ་པ་གང་ཞེ་ན། སྨྲས་པ། མི་རྟག་པའི་འདུ་ཤེས་ལ་སོགས་པ་དགེ་བའི་ཆོས་རྣམས་གང་ཡང་རུང་བ་ཡིད་ལ་བྱེད་པའི་བསྒོམ་པ་གང་ཡིན་པ་དེ་ནི་ཉི་ཚེ་བསྒོམ་པ་ཞེས་བྱའོ། །

nyi tshe bsgom pa gang zhe na/ smras pa/ mi rtag pa'i 'du shes la sogs pa dge ba'i chos rnams gang yang rung ba yid la byed pa'i bsgom pa gang yin pa de ni nyi tshe bsgom pa zhes bya'o/ /

【D11 遍行】

ཀུན་དུ་འགྲོ་བ་བསྒོམ་པ་གང་ཞེ་ན། སྨྲས་པ། ཆོས་ཐམས་ཅད་ལ་དེ་བཞིན་ཉིད་རོ་གཅིག་པར་ཡིད་ལ་བྱེད་པའི་བསྒོམ་པ་གང་ཡིན་པ་དེ་ནི་ཀུན་དུ་འགྲོ་བ་བསྒོམ་པ་ཞེས་བྱའོ། །

kun du 'gro ba bsgom pa gang zhe na/ smras pa/ chos thams cad la de bzhin nyid ro gcig par yid la byed pa'i bsgom pa gang yin pa de ni kun du 'gro ba bsgom pa zhes bya'o/ /

【D12 動轉修】

གཡོ་བ་ཡོད་པའི་བསྒོམ་པ་གང་ཞེ་ན། མཚན་མ་མེད་པ་བསྒོམ་པ་ལ་ཞུགས་པའི་མཚན་མས་སྐབས་སྐབས་སུ་རྒྱུན་ཆད་པ་དང་བཅས་པའི་བསྒོམ་པ་གང་ཡིན་པ་དེ་ནི་གཡོ་བ་ཡོད་པའི་བསྒོམ་པ་ཞེས་བྱའོ་། །

g.yo ba yod pa'i bsgom pa gang zhe na/ mtshan ma med pa bsgom pa la zhugs pa'i mtshan mas skabs skabs su rgyun chad pa dang bcas pa'i bsgom pa gang yin pa de ni g.yo ba yod pa'i bsgom pa zhes bya'o / /

【D13 有伽行修】

མངོན་པར་འདུ་བྱེད་པ་དང་བཅས་པ་བསྒོམ་པ་གང་ཞེ་ན། སྨྲས་པ། དེ་ཉིད་ལ་ཞུགས་པའི་མངོན་པར་འདུ་བྱེད་པ་ལས་མཚན་མས་རྒྱུན་ཆད་པ་མེད་པར་བསྒོམ་པ་གང་ཡིན་པ་དེ་ནི་མངོན་པར་འདུ་བྱེད་པ་དང་བཅས་པ་བསྒོམ་པ་ཞེས་བྱའོ། །

mngon par 'du byed pa dang bcas pa bsgom pa gang zhe na/ smras pa/ de nyid la zhugs pa'i mngon par 'du byed pa las mtshan mas rgyun chad pa med par bsgom pa gang yin pa de ni mngon par 'du byed pa dang bcas pa bsgom pa zhes bya'o/ /

【D14 已成辦修】

གྲུབ་པ་བསྒོམ་པ་གང་ཞེ་ན། སྨྲས་པ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པའམ། ཐེག་པ་ཆེན་པོས་ཐམས་ཅད་ཀྱི་ཐམས་ཅད་དུ་གནས་གྱུར་པ་ཆོས་ཐམས་ཅད་ལ་དབང་ཐོབ་པའི་བསྒོམ་པ་གང་ཡིན་པ་དེ་ནི་གྲུབ་པ་བསྒོམ་པ་ཞེས་བྱའོ། །

grub pa bsgom pa gang zhe na/ smras pa/ nyan thos kyi theg pa'am/ rang sangs rgyas kyi theg pa'am/ theg pa chen pos thams cad kyi thams cad du gnas gyur pa chos thams cad la dbang thob pa'i bsgom pa gang yin pa de ni grub pa bsgom pa zhes bya'o/ /

【D15 非修所成法修】

བསྒོམས་པ་ལས་བྱུང་བ་མ་ཡིན་པའི་ཆོས་བསྒོམ་པ་གང་ཞེ་ན། སྨྲས་པ། མཉམ་པར་མ་བཞག་པའི་ས་པ་རྣམས་ཀྱི་སྦྱིན་པ་དང་ཚུལ་ཁྲིམས་ལ་སོགས་པ་དགེ་བའི་ཆོས་རྣམས་ཀྱི་བསྒོམ་པ་གང་ཡིན་པ་དེ་ནི། བསྒོམས་པ་ལས་བྱུང་བ་མ་ཡིན་པའི་ཆོས་བསྒོམ་པ་ཞེས་བྱའོ༑ །

bsgoms pa las byung ba ma yin pa'i chos bsgom pa gang zhe na/ smras pa/ mnyam par ma bzhag pa'i sa pa rnams kyi sbyin pa dang tshul khrims la sogs pa dge ba'i chos rnams kyi bsgom pa gang yin pa de ni/ bsgoms pa las byung ba ma yin pa'i chos bsgom pa zhes bya'o| /

【D16 修所成法修】

བསྒོམས་པ་ལས་བྱུང་བའི་ཆོས་བསྒོམ་པ་གང་ཞེ་ན། སྨྲས་པ། མཉམ་པར་བཞག་པའི་ས་པ་རྣམས་ཀྱི་དགེ་བའི་ཆོས་རྣམས་ཀྱི་བསྒོམ་པ་པ་གང་ཡིན་པ་དེ་ནི་བསྒོམས་པ་ལས་བྱུང་བའི་ཆོས་བསྒོམ་པ་ཞེས་བྱའོ། །

bsgoms pa las byung ba'i chos bsgom pa gang zhe na/ smras pa/ mnyam par bzhag pa'i sa pa rnams kyi dge ba'i chos rnams kyi bsgom pa pa gang yin pa de ni bsgoms pa las byung ba'i chos bsgom pa zhes bya'o/ /

【B3 餘不復現】

བསྒོམས་པ་ལས་བྱུང་བའི་སའི་རྣམ་པར་གཏན་ལ་དབབ་པ་སྟེ། རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌།། །།

bsgoms pa las byung ba'i sa'i rnam par gtan la dbab pa ste/ rnam par gtan la dbab pa'i gzhung lhag ma ni mi snang ngo// //

13 攝決擇分中聲聞地之一【B1 結前生後】

ཉན་ཐོས་ཀྱི་སའི་རྣམ་པར་གཏན་ལ་དབབ་པ་ནི་

nyan thos kyi sa'i rnam par gtan la dbab pa ni

【B2 正決擇】【C1 七門分別】【D1 解無性有情(五番難)】【E1 釋無種性難，教理並違答】

སའི་དངོས་གཞིར་གང་ཟག་རིགས་མེད་པ་ལ་གནས་པ་གཏན་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཞེས་གང་བཤད་པ་དེ་ལ་གལ་ཏེ་ལ་ལ་ཇི་ལྟར་གཏན་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཡིན་སྙམ་དུ་ཡིད་གཉིས་དང༌། ཐེ་ཚོམ་སྐྱེ་བར་གྱུར་ན། དེ་ལ་འདི་སྐད་ཅེས་བརྗོད་པར་བྱ་སྟེ། ཅི་སེམས་ཅན་ཁམས་སྣ་ཚོགས་པ་དང༌། ཁམས་དཔག་ཏུ་མེད་པ་དང༌། ཁམས་དམན་པ་པ་དང༌། ཁམས་གྱ་ནོམ་པ་པ་དག་ཡོད་པར་འདོད་དམ། འོན་ཏེ་མི་འདོད། གལ་ཏེ་ཡོད་ན་ནི་དེས་ན་གང་ཟག་གཏན་ཡོངས་སུ་མྱ་ངན་ལས་མི་འདའ་བའི་ཆོས་ཅན་མེད་ཅེས་བྱར་མི་རུང་ངོ༌། །གལ་ཏེ་མེད་ན་ནི་དེས་ན་སེམས་ཅན་ཁམས་སྣ་ཚོགས་པ་ནས་ཁམས་གྱ་ནོམ་པ་པའི་བར་དག་ཡོད་ཅེས་བྱར་ཡང་མི་རུང་ངོ༌། །

sa'i dngos gzhir gang zag rigs med pa la gnas pa gtan yongs su mya ngan las mi 'da' ba'i chos can zhes gang bshad pa de la gal te la la ji ltar gtan yongs su mya ngan las mi 'da' ba'i chos can yin snyam du yid gnyis dang/ the tshom skye bar gyur na/ de la 'di skad ces brjod par bya ste/ ci sems can khams sna tshogs pa dang/ khams dpag tu med pa dang/ khams dman pa pa dang/ khams gya nom pa pa dag yod par 'dod dam/ 'on te mi 'dod/ gal te yod na ni des na gang zag gtan yongs su mya ngan las mi 'da' ba'i chos can med ces byar mi rung ngo/ /gal te med na ni des na sems can khams sna tshogs pa nas khams gya nom pa pa'i bar dag yod ces byar yang mi rung ngo/ /

【E2 釋因無根難，情非有情答】

དེ་སྐད་ལན་བཏབ་ཀྱང་ཡང་ཡོངས་སུ་འདྲི་སྟེ། ཇི་ལྟར་སེམས་ཅན་རྣམས་ལ་ཁམས་སྣ་ཚོགས་པ་ཉིད་ནས། ཁམས་གྱ་ནོམ་པ་པ་ཉིད་ཀྱི་བར་དག་ཡོད་ཀྱང་དབང་པོ་མེད་པའི་སེམས་ཅན་མེད་དེ་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཡང་དེ་བཞིན་ནོ། །ཡང་ན་དབང་པོ་མེད་པ་ཡང་སེམས་ཅན་དུ་ཅིའི་ཕྱིར་མི་འགྱུར་ཞེ་ན། དེ་ལ་འདི་སྐད་ཅེས་བརྗོད་པར་བྱ་སྟེ། ཅི་དབང་པོ་མེད་པ་གང་ཡིན་པ་དེ་ནི་སེམས་ཅན་ཡིན་ནམ། འོན་ཏེ་སེམས་ཅན་མ་ཡིན་པར་འདོད། གལ་ཏེ་སེམས་ཅན་ཡིན་ན་ནི་དེས་ན་ཕྱི་རོལ་གྱི་དངོས་པོ་དབང་པོ་མེད་པ་རྣམས་ཀྱང་སེམས་ཅན་ཡིན་པར་འགྱུར་བས་མི་རུང་ངོ༌། །གལ་ཏེ་སེམས་ཅན་མ་ཡིན་ན་ནི་དེས་ན་དབང་པོ་མེད་པ་ཡང་སེམས་ཅན་དུ་ཅིའི་ཕྱིར་མི་འགྱུར་ཞེས་བྱར་མི་རུང་ངོ༌། །

de skad lan btab kyang yang yongs su 'dri ste/ ji ltar sems can rnams la khams sna tshogs pa nyid nas/ khams gya nom pa pa nyid kyi bar dag yod kyang dbang po med pa'i sems can med de yongs su mya ngan las mi 'da' ba'i chos can yang de bzhin no/ /yang na dbang po med pa yang sems can du ci'i phyir mi 'gyur zhe na/ de la 'di skad ces brjod par bya ste/ ci dbang po med pa gang yin pa de ni sems can yin nam/ 'on te sems can ma yin par 'dod/ gal te sems can yin na ni des na phyi rol gyi dngos po dbang po med pa rnams kyang sems can yin par 'gyur bas mi rung ngo/ /gal te sems can ma yin na ni des na dbang po med pa yang sems can du ci'i phyir mi 'gyur zhes byar mi rung ngo/ /

【E3 釋同四姓難，喻非理乘答】

དེ་སྐད་ལན་བཏབ་ཀྱང་ཡང་ཡོངས་སུ་འདྲི་སྟེ། འདི་ལྟ་སྟེ། དཔེར་ན་རྒྱལ་རིགས་སུ་གྱུར་པ་ལས་རེས་འགའ་བྲམ་ཟེ་དང༌། རྗེའུ་རིགས་དང༌། དམངས་རིགས་སུ་འགྱུར་བ་དང༌། དེ་བཞིན་དུ་དམངས་རིགས་སུ་གྱུར་པ་ལས་རེས་འགའ་རྒྱལ་རིགས་ཀྱི་བར་དུ་འགྱུར་བ་དང༌། སེམས་ཅན་དམྱལ་བ་པར་གྱུར་པ་ལས་རེས་འགའ་ལྷའི་བར་དུ་འགྱུར་བ་དང༌། ལྷར་གྱུར་པ་ལས་རེས་འགའ་སེམས་ཅན་དམྱལ་བ་པའི་བར་དུ་འགྱུར་བ་དེ་བཞིན་དུ། ཡོངས་སུ་མྱ་ངན་ལས་མི་འདའ་བའི་ཆོས་ཅན་དུ་གྱུར་པ་ལས་ཀྱང་རེས་འགའ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་ཅིའི་ཕྱིར་མི་འགྱུར་ཏེ། དེའི་ཕྱིར་གཏན་ཡོངས་སུ་མྱ་ངན་ལས་མི་འདའ་བའི་ཆོས་ཅན་ནི་འགའ་ཡང་མེད་དོ་ཞེ་ན། དེ་ལ་འདི་སྐད་ཅེས་བརྗོད་པར་བྱ་སྟེ། ཅི་རྒྱལ་རིགས་ནས་དམངས་རིགས་ཀྱི་བར་དང༌། སེམས་ཅན་དམྱལ་བ་པ་ནས་ལྷའི་བར་གང་ཡིན་པ་དེ་ཁམས་ཐམས་ཅད་པ་ཡིན་ནམ༑ འོན་ཏེ་ཁམས་རེ་རེ་པ་ཡིན་པར་འདོད། གལ་ཏེ་ཁམས་ཐམས་ཅད་པ་ཡིན་ན་ནི་དེས་ན་དེ་དཔེ་མི་མཐུན་པས་མི་རུང་ངོ༌། །གལ་ཏེ་ཁམས་རེ་རེ་བ་ཡིན་ན་ནི་དེས་ན་རྒྱལ་རིགས་སུ་གྱུར་ནས་རེས་འགའ་དམངས་རིགས་ཀྱི་བར་དུ་འགྱུར་བ་དང༌། སེམས་ཅན་དམྱལ་བ་པར་གྱུར་ནས། རེས་འགའ་ལྷའི་བར་དུ་འགྱུར་རོ་ཞེས་བྱར་མི་རུང་ངོ༌། །

de skad lan btab kyang yang yongs su 'dri ste/ 'di lta ste/ dper na rgyal rigs su gyur pa las res 'ga' bram ze dang/ rje'u rigs dang/ dmangs rigs su 'gyur ba dang/ de bzhin du dmangs rigs su gyur pa las res 'ga' rgyal rigs kyi bar du 'gyur ba dang/ sems can dmyal ba par gyur pa las res 'ga' lha'i bar du 'gyur ba dang/ lhar gyur pa las res 'ga' sems can dmyal ba pa'i bar du 'gyur ba de bzhin du/ yongs su mya ngan las mi 'da' ba'i chos can du gyur pa las kyang res 'ga' yongs su mya ngan las 'da' ba'i chos can du ci'i phyir mi 'gyur te/ de'i phyir gtan yongs su mya ngan las mi 'da' ba'i chos can ni 'ga' yang med do zhe na/ de la 'di skad ces brjod par bya ste/ ci rgyal rigs nas dmangs rigs kyi bar dang/ sems can dmyal ba pa nas lha'i bar gang yin pa de khams thams cad pa yin nam| 'on te khams re re pa yin par 'dod/ gal te khams thams cad pa yin na ni des na de dpe mi mthun pas mi rung ngo/ /gal te khams re re ba yin na ni des na rgyal rigs su gyur nas res 'ga' dmangs rigs kyi bar du 'gyur ba dang/ sems can dmyal ba par gyur nas/ res 'ga' lha'i bar du 'gyur ro zhes byar mi rung ngo/ /

【E4 釋同具界難，違不相違答】

དེ་སྐད་ལན་བཏབ་ཀྱང་ཡང་ཡོངས་སུ་འདྲི་སྟེ། ཇི་ལྟར་རྒྱལ་རིགས་ལ་སོགས་པ་ཁམས་ཐམས་ཅད་པ་དེ་ཁོ་ན་ཡིན་པ་དེ་བཞིན་དུ་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཡང་ཅིའི་ཕྱིར་ཡོངས་སུ་མྱ་ངན་ལས་འདའ་པར་མི་འགྱུར་ཞེ་ན། དེ་ལ་འདི་སྐད་ཅེས་བརྗོད་པར་བྱ་སྟེ། ཅི་ཡོངས་སུ་མྱ་ངན་ལས་མི་འདའ་བའི་ཆོས་ཅན་གྱི་ཁམས་གང་ཡིན་པ་དང༌། ཡོངས་སུ་མྱ་ངན་ལས་འདའ་བའི་ཆོས་ཅན་གྱི་སེམས་ཅན་གང་ཡིན་པའི་ཁམས་དེ་གཉིས་ཕན་ཚུན་མི་མཐུན་པ་ཡིན་ནམ། འོན་ཏེ་མི་མཐུན་པ་མེད་པར་འདོད། གལ་ཏེ་མི་མཐུན་ན་ནི་དེས་ན་ཡོངས་སུ་མྱ་ངན་ལས་མི་འདའ་བའི་ཆོས་ཅན་གྱི་ཁམས་ཅིའི་ཕྱིར་ཡོངས་སུ་མྱ་ངན་ལས་འདའ་བའི་ཆོས་ཅན་གྱི་ཁམས་སུ་མི་འགྱུར་ཞེས་བྱར་མི་རུང་ངོ༌། །གལ་ཏེ་མི་མཐུན་པ་མེད་ན་ནི་གང་ཟག་དེ་ཉིད་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཡང་ཡིན་ལ། དེ་ཉིད་ཡོངས་སུ་མྱ་ངན་ལས་འདའ་བའི་ཆོས་ཅན་ཡང་ཡིན་པར་འགྱུར་ཏེ་མི་རུང་ངོ༌། །

de skad lan btab kyang yang yongs su 'dri ste/ ji ltar rgyal rigs la sogs pa khams thams cad pa de kho na yin pa de bzhin du yongs su mya ngan las mi 'da' ba'i chos can yang ci'i phyir yongs su mya ngan las 'da' par mi 'gyur zhe na/ de la 'di skad ces brjod par bya ste/ ci yongs su mya ngan las mi 'da' ba'i chos can gyi khams gang yin pa dang/ yongs su mya ngan las 'da' ba'i chos can gyi sems can gang yin pa'i khams de gnyis phan tshun mi mthun pa yin nam/ 'on te mi mthun pa med par 'dod/ gal te mi mthun na ni des na yongs su mya ngan las mi 'da' ba'i chos can gyi khams ci'i phyir yongs su mya ngan las 'da' ba'i chos can gyi khams su mi 'gyur zhes byar mi rung ngo/ /gal te mi mthun pa med na ni gang zag de nyid yongs su mya ngan las mi 'da' ba'i chos can yang yin la/ de nyid yongs su mya ngan las 'da' ba'i chos can yang yin par 'gyur te mi rung ngo/ /

【E5 釋同金具界難，法背齊答縱轉成答】

དེ་སྐད་ལན་བཏབ་ཀྱང་ཡང་ཡོངས་སུ་འདྲི་སྟེ། འདི་ལྟ་སྟེ། དཔེར་ན་སའི་ཕྱོགས་ལ་ལ་ནི་རེས་འགའ་གསེར་གྱི་རིགས་མེད་པ་ལས་རེས་འགའ་གསེར་གྱི་རིགས་ཡོད་པ་དང༌། རེས་འགའ་ནོར་བུ་དང་། མུ་ཏིག་དང༌། བཻ་ཌཱུརྱ་ལ་སོགས་པའི་རིགས་མེད་པ་ལས་རེས་འགའ་དེ་དག་གི་རིགས་ཡོད་པ་དང༌། རེས་འགའ་ལན་ཚྭའི་རིགས་མེད་པ་ལས་རེས་འགའ་དེའི་རིགས་ཡོད་པ་དང༌། རེས་འགའ་འབྱུང་ཁུངས་རྣམ་པ་སྣ་ཚོགས་ཀྱི་རིགས་མེད་པ་ལས་རེས་འགའ་དེ་དག་གི་རིགས་ཡོད་པ་དེ་བཞིན་དུ་ཅིའི་ཕྱིར་ཡོངས་སུ་མྱ་ངན་ལས་མི་འདའ་བའི་ཆོས་ཅན་དུ་གྱུར་པ་ལས་རེས་འགའ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་མི་འགྱུར་ཞེ་ན། དེ་ལ་འདི་སྐད་ཅེས་བརྗོད་པར་བྱ་སྟེ། ཅི་དཔེར་ན་སའི་ཕྱོགས་དེ་ན་དེ་དག་གི་རིགས་མེད་པར་གྱུར་པ་ལས་དེ་དག་གི་རིགས་ཡོད་པར་གྱུར་པའམ། དེ་དག་གི་རིགས་ཡོད་པར་གྱུར་པ་ལས་དེ་དག་གི་རིགས་མེད་པར་གྱུར་པ་དེ་བཞིན་དུ། ཉན་ཐོས་ཀྱི་རིགས་སུ་ངེས་པར་གྱུར་པ་ལས་དེའི་རིགས་མེད་པར་གྱུར་པ་ནས། ཐེག་པ་ཆེན་པོའི་རིགས་སུ་ངེས་པར་གྱུར་པ་ལས་དེའི་རིགས་མེད་པར་གྱུར་པ་དང༌། མ་ངེས་པའི་རིགས་སུ་གྱུར་པ་ལས་ངེས་པའི་རིགས་ཀྱི་བར་དུ་གྱུར་པའམ། འོན་ཏེ་དེ་ལྟ་མ་ཡིན་པར་འདོད། གལ་ཏེ་ཡིན་ན་ནི་དེས་ན་ཐར་པའི་ཆ་དང་མཐུན་པའི་དགེ་བའི་རྩ་བ་འབྲས་བུ་མེད་པར་འགྱུར་ཏེ། དེ་ལྟར་ན་རིགས་རྣམ་པར་གཞག་པ་ངེས་པ་མེད་པར་འགྱུར་བས་མི་རུང་ངོ༌། །གལ་ཏེ་མ་ཡིན་ན་ནི་དེས་ན་འདི་ལྟ་སྟེ། དཔེར་ན་སའི་ཕྱོགས་བཞིན་དུ་ཡོངས་སུ་མྱ་ངན་ལས་མི་འདའ་བའི་ཆོས་ཅན་རིགས་མེད་པ་ལ་གནས་པར་གྱུར་ནས། རིགས་ལ་གནས་པར་འགྱུར་བ་དང༌། འདི་ལྟ་སྟེ། དཔེར་ན་སའི་ཕྱོགས་བཞིན་དུ་ཡོངས་སུ་མྱ་ངན་ལས་འདའ་བའི་ཆོས་ཅན་ཡང་རིགས་ལ་གནས་པར་གྱུར་ནས། རིགས་མེད་པ་ལ་གནས་པར་འགྱུར་བས་མི་རུང་ངོ༌། །དེ་ལ་འདི་སྐད་ཅེས་ཀྱང་བརྗོད་པར་བྱ་སྟེ། ཅི་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཁམས་དམན་པ་ཁོ་ན་ལ་གནས་པ་ཚེ་དེ་ཉིད་ལ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་འགྱུར་རམ། འོན་ཏེ་དེའི་འོག་ཏུ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་འདོད། གལ་ཏེ་ཚེ་འདི་ཉིད་ལ་ཡིན་ན་ནི་དེས་ན་ཅི་དེས་སངས་རྒྱས་དང་ཆོས་དང་དགེ་འདུན་ལ་བརྟེན་ནས། ཚེ་དེ་ཉིད་ལ་ཐར་པའི་ཆ་དང་མཐུན་པའི་དགེ་བའི་རྩ་བ་བསྐྱེད་པའི་སྐལ་བ་ཡང་ཡོད་པའམ། འོན་ཏེ་མེད་པར་འདོད། གལ་ཏེ་སྐལ་བ་ཡོད་ན་ནི་དེས་ན་སངས་རྒྱས་དང་ཆོས་དང༌། དགེ་འདུན་ལ་བརྟེན་ཏེ་ཚེ་འདི་ལ་ཐར་པའི་ཆ་དང་མཐུན་པའི་དགེ་བའི་རྩ་བ་བསྐྱེད་པའི་སྐལ་བ་ཡོད་པས་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཞེས་བྱར་མི་རུང་ངོ༌། །གལ་ཏེ་སྐལ་བ་མེད་ན་ནི་དེས་ན་སངས་རྒྱས་དང་ཆོས་དང་དགེ་འདུན་ལ་བརྟེན་ཏེ། ཚེ་འདི་ལ་ཐར་པའི་ཆ་དང་མཐུན་པའི་དགེ་བའི་རྩ་བ་སྐྱེད་པའི་སྐལ་བ་མེད་པས་ཡོངས་སུ་མྱ་ངན་ལས་འདའ་བའི་ཆོས་ཅན་ཞེས་བྱར་མི་རུང་ངོ༌། །གལ་ཏེ་ཕྱི་མའི་ཚེ་རབས་ལ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་གྱུར་ན་ནི་དེས་ན་ཅི་སྔར་དགེ་བའི་རྩ་བ་བསྩགས་ནས། དེའི་ཕྱི་མའི་ཚེ་རབས་ལ་སངས་རྒྱས་དང༌། ཆོས་དང༌། དགེ་འདུན་ལ་བརྟེན་ཏེ། ཐར་པའི་ཆ་དང་མཐུན་པའི་དགེ་བའི་རྩ་བ་སྐྱེད་པའི་སྐལ་བ་ཡོད་པ་ཡིན་ནམ། འོན་ཏེ་སྔར་དགེ་བའི་རྩ་བ་མ་བསྩགས་པར་དེའི་ཕྱི་མའི་ཚེ་རབས་ལ། སངས་རྒྱས་དང༌། ཆོས་དང་དགེ་འདུན་ལ་བརྟེན་ཏེ། ཐར་པའི་ཆ་དང་མཐུན་པའི་དགེ་བའི་རྩ་བ་སྐྱེད་པའི་སྐལ་བ་ཡོད་པར་འདོད། གལ་ཏེ་སྔར་དགེ་བའི་རྩ་བ་བསྩགས་ན་ནི་དེས་ན་ཚེ་འདི་ཉིད་ལ་སངས་རྒྱས་དང༌། ཆོས་དང༌། དགེ་འདུན་ལ་བརྟེན་ཏེ། ཐར་པའི་ཆ་དང་མཐུན་པའི་དགེ་བའི་རྩ་བ་སྐྱེད་ནས་དེའི་ཕྱི་མའི་ཚེ་རབས་ལ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་འགྱུར་ཞེས་བྱར་མི་རུང་སྟེ། འདི་ལྟར་རྒྱུ་མ་ཚང་བའི་ཕྱིར་རོ། །གལ་ཏེ་སྔར་དགེ་བའི་རྩ་བ་མ་བསྩགས་ན་ནི་དེས་ན་སྔོན་དང་ཕྱིས་དགེ་བའི་རྩ་བ་མ་བསྩགས་པར་འདྲ་བས། དེའི་ཕྱི་མའི་ཚེ་རབས་ལ་ཡོངས་སུ་མྱ་ངན་ལས་འདའ་བའི་ཆོས་ཅན་དུ་འགྱུར་ལ། དེ་ཉིད་ལ་མི་འགྱུར་ཞེས་བྱར་མི་རུང་ངོ༌། །

de skad lan btab kyang yang yongs su 'dri ste/ 'di lta ste/ dper na sa'i phyogs la la ni res 'ga' gser gyi rigs med pa las res 'ga' gser gyi rigs yod pa dang/ res 'ga' nor bu dang / mu tig dang/ bai DUr+ya la sogs pa'i rigs med pa las res 'ga' de dag gi rigs yod pa dang/ res 'ga' lan tshwa'i rigs med pa las res 'ga' de'i rigs yod pa dang/ res 'ga' 'byung khungs rnam pa sna tshogs kyi rigs med pa las res 'ga' de dag gi rigs yod pa de bzhin du ci'i phyir yongs su mya ngan las mi 'da' ba'i chos can du gyur pa las res 'ga' yongs su mya ngan las 'da' ba'i chos can du mi 'gyur zhe na/ de la 'di skad ces brjod par bya ste/ ci dper na sa'i phyogs de na de dag gi rigs med par gyur pa las de dag gi rigs yod par gyur pa'am/ de dag gi rigs yod par gyur pa las de dag gi rigs med par gyur pa de bzhin du/ nyan thos kyi rigs su nges par gyur pa las de'i rigs med par gyur pa nas/ theg pa chen po'i rigs su nges par gyur pa las de'i rigs med par gyur pa dang/ ma nges pa'i rigs su gyur pa las nges pa'i rigs kyi bar du gyur pa'am/ 'on te de lta ma yin par 'dod/ gal te yin na ni des na thar pa'i cha dang mthun pa'i dge ba'i rtsa ba 'bras bu med par 'gyur te/ de ltar na rigs rnam par gzhag pa nges pa med par 'gyur bas mi rung ngo/ /gal te ma yin na ni des na 'di lta ste/ dper na sa'i phyogs bzhin du yongs su mya ngan las mi 'da' ba'i chos can rigs med pa la gnas par gyur nas/ rigs la gnas par 'gyur ba dang/ 'di lta ste/ dper na sa'i phyogs bzhin du yongs su mya ngan las 'da' ba'i chos can yang rigs la gnas par gyur nas/ rigs med pa la gnas par 'gyur bas mi rung ngo/ /de la 'di skad ces kyang brjod par bya ste/ ci yongs su mya ngan las mi 'da' ba'i chos can khams dman pa kho na la gnas pa tshe de nyid la yongs su mya ngan las 'da' ba'i chos can du 'gyur ram/ 'on te de'i 'og tu yongs su mya ngan las 'da' ba'i chos can du 'dod/ gal te tshe 'di nyid la yin na ni des na ci des sangs rgyas dang chos dang dge 'dun la brten nas/ tshe de nyid la thar pa'i cha dang mthun pa'i dge ba'i rtsa ba bskyed pa'i skal ba yang yod pa'am/ 'on te med par 'dod/ gal te skal ba yod na ni des na sangs rgyas dang chos dang/ dge 'dun la brten te tshe 'di la thar pa'i cha dang mthun pa'i dge ba'i rtsa ba bskyed pa'i skal ba yod pas yongs su mya ngan las mi 'da' ba'i chos can zhes byar mi rung ngo/ /gal te skal ba med na ni des na sangs rgyas dang chos dang dge 'dun la brten te/ tshe 'di la thar pa'i cha dang mthun pa'i dge ba'i rtsa ba skyed pa'i skal ba med pas yongs su mya ngan las 'da' ba'i chos can zhes byar mi rung ngo/ /gal te phyi ma'i tshe rabs la yongs su mya ngan las 'da' ba'i chos can du gyur na ni des na ci sngar dge ba'i rtsa ba bstsags nas/ de'i phyi ma'i tshe rabs la sangs rgyas dang/ chos dang/ dge 'dun la brten te/ thar pa'i cha dang mthun pa'i dge ba'i rtsa ba skyed pa'i skal ba yod pa yin nam/ 'on te sngar dge ba'i rtsa ba ma bstsags par de'i phyi ma'i tshe rabs la/ sangs rgyas dang/ chos dang dge 'dun la brten te/ thar pa'i cha dang mthun pa'i dge ba'i rtsa ba skyed pa'i skal ba yod par 'dod/ gal te sngar dge ba'i rtsa ba bstsags na ni des na tshe 'di nyid la sangs rgyas dang/ chos dang/ dge 'dun la brten te/ thar pa'i cha dang mthun pa'i dge ba'i rtsa ba skyed nas de'i phyi ma'i tshe rabs la yongs su mya ngan las 'da' ba'i chos can du 'gyur zhes byar mi rung ste/ 'di ltar rgyu ma tshang ba'i phyir ro/ /gal te sngar dge ba'i rtsa ba ma bstsags na ni des na sngon dang phyis dge ba'i rtsa ba ma bstsags par 'dra bas/ de'i phyi ma'i tshe rabs la yongs su mya ngan las 'da' ba'i chos can du 'gyur la/ de nyid la mi 'gyur zhes byar mi rung ngo/ /

【D2 辨聲聞差別】【E1 辨十種聲聞】【F1 總說】

ཉན་ཐོས་རྣམས་ནི་མདོར་བསྡུ་ན་བཅུ་པོ་འདི་དག་ཡིན་ཏེ། བཅུ་གང་ཞེ་ན། དག་པའི་ཁམས་ཅན་དང༌། རྐྱེན་རྙེད་པ་དང༌། ཀུན་ནས་ཉོན་མོངས་པ་ཅན་གྱི་ཁམས་སུ་སྐྱེས་པ་དང༌། དག་པའི་ཁམས་སུ་སྐྱེས་པ་དང༌། དུས་ཀྱི་མཐར་སྐྱེས་པ་དང༌། དུས་བཟང་པོར་སྐྱེས་པ་དང༌། མིག་མ་ཐོབ་པ་དང༌། མིག་ཐོབ་པ་དང༌། མིག་རྣམ་པར་དག་པ་དང༌། མིག་ཤིན་ཏུ་རྣམ་པར་དག་པའོ། །

nyan thos rnams ni mdor bsdu na bcu po 'di dag yin te/ bcu gang zhe na/ dag pa'i khams can dang/ rkyen rnyed pa dang/ kun nas nyon mongs pa can gyi khams su skyes pa dang/ dag pa'i khams su skyes pa dang/ dus kyi mthar skyes pa dang/ dus bzang por skyes pa dang/ mig ma thob pa dang/ mig thob pa dang/ mig rnam par dag pa dang/ mig shin tu rnam par dag pa'o/ /

【F2 別釋】【G1 清淨界聲聞】

དེ་ལ་དང་པོ་ནི་རིགས་ལ་གནས་པའོ༑ །

de la dang po ni rigs la gnas pa'o| /

【G2 已遇緣聲聞】

གཉིས་པ་ནི་ཞུགས་པའོ། །

gnyis pa ni zhugs pa'o/ /

【G3 雜染界生聲聞】

ཉན་ཐོས་གང་འཇིག་རྟེན་གྱི་ཁམས་གང་ན་སྡུག་བསྔལ་མང་བ་སྣ་ཚོགས་དམིགས་པ་དེར་སྐྱེས་ཤིང༌། དེར་ཡང་ཚེའི་སྙིགས་མ་ནས། སེམས་ཅན་གྱི་སྙིགས་མའི་མཐར་ཐུག་པའི་བར་གྱི་སྙིགས་མ་ལྔ་འབྱུང་བའི་གོ་སྐབས་ཡོད་པ་དེ་ནི་ཀུན་ནས་ཉོན་མོངས་པ་ཅན་གྱི་ཁམས་སུ་སྐྱེས་པ་ཞེས་བྱའོ། །

nyan thos gang 'jig rten gyi khams gang na sdug bsngal mang ba sna tshogs dmigs pa der skyes shing/ der yang tshe'i snyigs ma nas/ sems can gyi snyigs ma'i mthar thug pa'i bar gyi snyigs ma lnga 'byung ba'i go skabs yod pa de ni kun nas nyon mongs pa can gyi khams su skyes pa zhes bya'o/ /

【G4 清淨界生聲聞】

དག་པའི་ཁམས་སུ་སྐྱེས་པ་ནི་དེ་ལས་བཟློག་པར་རིག་པར་བྱའོ༑ །

dag pa'i khams su skyes pa ni de las bzlog par rig par bya'o| /

【G5 雜染界生聲聞】

ཉན་ཐོས་དུས་ཀྱི་མཐར་སྐྱེས་པ་ཇི་ལྟར་བལྟ་བར་བྱ་ཞེ་ན། ཉན་ཐོས་དུས་ཀྱི་མཐར་སྐྱེས་པ་རྣམས་ནི་ཕལ་ཆེར་རྙེད་པ་དང་བཀུར་སྟི་ལ་འདུ་བ། ཡང་དག་པར་མགུ་བར་འགྱུར་བའི་ཆོས་རྣམས་ལ་མི་ཕྱོགས་པ། འདོད་ཆགས་དང༌། ཞེ་སྡང་དང༌། གཏི་མུག་དང༌། དམ་པ་མ་ཡིན་པའི་ཆོས་མང་བ། ཕྲག་དོག་དང༌། སེར་སྣའི་ཉེ་བའི་ཉོན་མོངས་པས་སེམས་ཡོངས་སུ་གཏུགས་པ་གནས་ལ་སེར་སྣ་བྱེད་པ། ཁྱིམ་ལ་སེར་སྣ་བྱེད་པ། རྙེད་པ་ལ་སེར་སྣ་བྱེད་པ། བསྔགས་པ་ལ་སེར་སྣ་བྱེད་པ། ཆོས་ལ་སེར་སྣ་བྱེད་པ། གཡོ་དང་སྒྱུ་དང་ལྡན་པ། དཀྱོར་འབྱིན་པ། དོར་བྱེད་པ་ནས། རྒྱས་པར་འཚོ་བའི་བསམ་པས་རབ་ཏུ་བྱུང་གི། མྱ་ངན་ལས་འདས་པའི་བསམ་པས་མ་ཡིན་པའི་བར་དང༌། རྒོད་པ། ཁེངས་པ། མི་བརྟན་པ། མུ་ཅོར་སྨྲ་བ། སྤྱི་རྟོལ་ཆེ་བ། ངན་གཡོ་དང་ལྡན་པ། བརྗེད་ངས་པ། མཉམ་པར་མ་བཞག་པ། སེམས་རྣམ་པར་འཁྲུལ་བ། དབང་པོ་ཡལ་བར་བོར་བ། ཉོན་མོངས་པ་མང་ཡང་ཉོན་མོངས་པ་ཀུན་ནས་འབྱུང་བ་ཡོངས་སུ་གཅོད་པར་མི་བྱེད་པ། སྡུག་བསྔལ་དང་ཡིད་མི་བདེ་བ་མང་ཡང་སྐྱོ་བ་མི་སྐྱེད་པ། ཚོགས་འདུ་བ་མང་བ། བས་མཐའི་གནས་མལ་དགོན་པ་དག་སྤངས་པ། ཚོགས་ཀྱི་ནང་དུ་འོང་བ། གྲོང་དང་ཉེ་བའི་མལ་ཆ་དང༌། སྟན་དག་ལ་བརྟེན་ཅིང་དེ་ལ་ཀུན་དུ་དགའ་བ། དེ་བཞིན་དུ་སྨྲ་བ་ལ་ཀུན་དུ་དགའ་བ། འདུ་འཛིའི་གཏམ་ལ་ཀུན་དུ་དགའ་བ། འདུ་འཛི་ལ་ཀུན་དུ་དགའ་བ་བདག་ཉིད་རབ་ཏུ་འཛིན་པ། བག་མེད་པ། ལུས་མ་བསྒོམས་པ། སེམས་དང་། ཚུལ་ཁྲིམས་དང༌། ཤེས་རབ་མ་བསྒོམས་པ། དེ་བཞིན་གཤེགས་པས་གསུངས་པའི་མདོ་སྡེ་ཆོས་ཟབ་མོ་སྟོང་པ་ཉིད་དང་ལྡན་པ། རྐྱེན་འདི་པ་ཉིད་ཀྱི་རྟེན་ཅིང་འབྲེལ་པར་འབྱུང་བ་དང་མཐུན་པ་གང་དག་ཡིན་པ་དེ་དག་སྤངས་ནས། སྙན་དངགས་མཁན་གྱིས་བྱས་པ་སྙན་དངགས་ཀྱི་ཡུལ་ཡི་གེ་སྣ་ཚོགས་པ། ཚིག་དང་ཡིག་འབྲུ་སྣ་ཚོགས་པ། འཇིག་རྟེན་རྒྱང་འཕེན་པའི་གསང་ཚིག་དང་ལྡན་པ་གང་དག་ཡིན་པ་དེ་དག་གུས་པར་བྱ་སྟེ། ལེན་ཅིང་དེ་ལ་མཆོག་ཏུ་དགའ་བ་སྐྱེད་པ་དམ་པའི་ཆོས་ལྟར་བཅོས་པའི་ཆོས་དག་ལ་ཆོས་སུ་འདུ་ཤེས་ཤིང་། དེ་དག་ལ་དགའ་བ་དང༌། སྟོན་པ་དང༌། རབ་ཏུ་སྟོན་པར་བྱེད་པ། ཆོས་དང་འདུལ་བ་ལ་སྐུར་པ་འདེབས་པ། ཆོས་དང་འདུལ་བ་སྨྲ་བའི་གང་ཟག་རྣམས་ལ་དགྲར་འདུ་ཤེས་པ། ཕལ་ཆེར་ཚུལ་ཁྲིམས་འཆལ་པ། སྡིག་པའི་ཆོས་ཅན་ནང་རུལ་པ། ཉེས་འཛག་ཏུ་གྱུར་པ། ལུང་བོང་ལྟར་ཀུན་དུ་སྤྱོད་པ། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ་བ། ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་བ། བསམས་བཞིན་དུ་ལྟུང་བ་ལྕི་བ་དག་མ་ལུས་པར་འབྱིན་པ། ལྕི་བ་དག་ཀྱང་ལྷག་མ་མ་ལུས་པར་འབྱིན་ན། འབྲིང་དང་ཡང་བདག་ལྟ་སྨོས་ཀྱང་ཅི་དགོས་པ། ལྟུང་བ་བྱུང་ན་ཡང་ཕལ་ཆེར་ཆོས་བཞིན་དུ་ཕྱིར་གསོ་བར་མི་བྱེད་པ། གཞན་གོ་བར་བྱ་བའི་ཕྱིར་འཆགས་ཀྱི། བསམ་པ་ཐག་པ་ནས་མི་བྱེད་པ། མཛའ་བཤེས་ཀྱི་ཁྱིམ་དང༌། སློང་མོ་སྟེར་བའི་ཁྱིམ་དག་ནན་གྱིས་ཡོངས་སུ་འཛིན་པར་བྱེད་པ། ཁྱིམ་ན་གནས་པའི་བྱ་བ་དང༌། ཁྱིམ་ན་གནས་པའི་བྱེད་པ་དོན་མེད་པ་དང་ལྡན་པ་དག་ལ་རྩོལ་བ་མང་དུ་བྱེད་པ་དག་འབྱུང་བར་འགྱུར་ཏེ༑ དེ་དག་ནི་ཁྱིམ་པ་གོས་དཀར་པོ་ཅན་རྣམས་ལ་ཆེས་ཤས་ཆེར་བྱམས་པ་དང༌། མཛའ་བ་དང༌། གུས་པ་དང་། སྙིང་བརྩེ་བའི་སེམས་ཉེ་བར་འཇོག་པར་བྱེད་ཀྱི། ཚངས་པ་མཚུངས་པར་སྤྱོད་པ་རྣམས་ལ་ནི་དེ་ལྟར་མི་བྱེད་དོ། །ཚུལ་འཆོས་པ་ལོག་པས་འཚོ་བར་བྱེད་པའི་ཆོས་རྣམས་ཀྱིས་ཤས་ཆེར་གནས་སོ། །གཅིག་ལ་གཅིག་འཁུ་བའི་སེམས་ཉེ་བར་འཇོག་ཅིང་འཐབ་ཀྲོལ་བྱེད་པ་དང༌། མཚང་འདྲུ་བ་དང༌། རྩོད་པ་དང༌། འགྱེད་པར་བྱེད་དོ། །སྣོད་སྤྱད་དང༌། ཡོ་བྱད་མང་བ་དང༌། སྤྱོད་ཚུལ་ཙམ་ལྷུར་ལེན་པར་བྱེད་དོ། །དེ་དག་གིས་གང་དག་རབ་ཏུ་བྱུང་བ་དང༌། བསྙེན་པར་རྫོགས་པར་བྱས་པ་དེ་དག་ཐམས་ཅད་ཀྱང༌། ཟང་ཟིང་དང་བཅས་པའི་སེམས་ཀྱིས་བསྙེན་བཀུར་དང་ཡོངས་སུ་སྤྱོད་པའི་ཕྱིར་བྱེད་ལ། ཚིག་ཏུ་ནི་སྙིང་བརྩེ་བའི་ཕྱིར་ཁྱེད་རབ་ཏུ་དབྱུང་ངོ༌། །བསྙེན་པར་རྫོགས་པར་བྱའོ་ཞེས་སྒྲོགས་པར་བྱེད་དོ། །དེ་དག་དང་ལྷན་ཅིག་གནས་པ་དང༌། སློབ་མ་གང་དག་ཡིན་པ་དེ་ཡང་རྟག་པར་རྒྱུན་དུ་བསྙེན་བཀུར་དང་། ཡོངས་སུ་སྤྱད་པས་དེ་དག་གི་སེམས་སྲུང་དུ་འཇུག་གོ། །དེ་དག་དེ་གཡེལ་ན་དགའ་བ་དང༌། ཡིད་དུ་འོང་བ་དང༌། ཕན་འདོགས་པར་བྱེད་ལ། མི་གཡེལ་བ་གཞན་དག་ལ་ནི་དེ་ལྟ་མི་བྱེད་དོ། །དེ་དག་དགེ་སློང་གང་རྨད་གྲགས་ཆེ་བ་ཆོས་གོས་ལ་སོགས་པ་རྙེད་པ་དང་ལྡན་པ་དེ་ལ་བསྙེན་བཀུར་བྱེད། བླ་མར་བྱེད། རིམ་གྲོ་བྱེད། མཆོད་པར་བྱེད་ཀྱི། དེ་དག་དགེ་སློང་གང་རྨད་གྲགས་མི་ཆེ་བ་འདོད་པ་ཆུང་བ་ལ་སོགས་པའི་ཡོན་ཏན་དང་ལྡན་པ་དེ་ལ་ནི་བརྙས་པར་བྱེད། ཁྱད་དུ་གསོད་པར་བྱེད་གནོད་པར་བྱེད་དོ། །དགེ་འདུན་གྱིའམ། གང་ཟག་གི་ལོངས་སྤྱོད་ལ་ལོངས་སྤྱོད་པས་འགྱོད་པ་ཆུང་བ་དང༌། གང་ཟག་ཚུལ་ཁྲིམས་འཆལ་པ་དག་ཡོངས་སུ་སྡུད་པ་དང༌། ཕྱོགས་ལ་འཆགས་པར་བྱེད་དོ། །ཁ་ཅིག་ནི་འགྱོད་པ་ཆུང་བ་དང༌། འགྱོད་པ་ཧ་ཅང་ཆེ་བར་བྱེད་དོ། །ཕལ་ཆེར་གྲགས་པ་དང༌། སྒྲ་དང༌། ཚིགས་སུ་བཅད་པ་དང་། རྙེད་པ་དང༌། བཀུར་སྟིའི་དོན་དུ་ཐོས་པ་འཛིན་པར་བྱེད་ཀྱི། བདག་ཉིད་དུལ་བར་བྱ་བའི་དོན་དུ་མ་ཡིན་ཏེ། དུས་ཀྱི་མཐའི་ཉན་ཐོས་རྣམས་ནི་དེ་ལྟར་དེ་ལྟ་བུ་དང་མཐུན་པའི་ཀུན་ནས་ཉོན་མོངས་པའི་ཆོས་རྣམས་དང་ལྡན་པར་འགྱུར་ཏེ། སྟོན་པ་ཡོངས་སུ་མྱ་ངན་ལས་འདས་ཤིང་བསྟན་པ་ནུབ་ཏུ་ཉེ་བའི་དུས་ཀྱི་ཚེ་ན་ནི་ཕལ་ཆེར་ལུས་ཞིགས་ཏེ་ཤི་བའི་འོག་ཏུ་ཡང་ངན་སོང་ངན་འགྲོ་ལོག་པར་ལྟུང་བ། སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ༑ །

nyan thos dus kyi mthar skyes pa ji ltar blta bar bya zhe na/ nyan thos dus kyi mthar skyes pa rnams ni phal cher rnyed pa dang bkur sti la 'du ba/ yang dag par mgu bar 'gyur ba'i chos rnams la mi phyogs pa/ 'dod chags dang/ zhe sdang dang/ gti mug dang/ dam pa ma yin pa'i chos mang ba/ phrag dog dang/ ser sna'i nye ba'i nyon mongs pas sems yongs su gtugs pa gnas la ser sna byed pa/ khyim la ser sna byed pa/ rnyed pa la ser sna byed pa/ bsngags pa la ser sna byed pa/ chos la ser sna byed pa/ g.yo dang sgyu dang ldan pa/ dkyor 'byin pa/ dor byed pa nas/ rgyas par 'tsho ba'i bsam pas rab tu byung gi/ mya ngan las 'das pa'i bsam pas ma yin pa'i bar dang/ rgod pa/ khengs pa/ mi brtan pa/ mu cor smra ba/ spyi rtol che ba/ ngan g.yo dang ldan pa/ brjed ngas pa/ mnyam par ma bzhag pa/ sems rnam par 'khrul ba/ dbang po yal bar bor ba/ nyon mongs pa mang yang nyon mongs pa kun nas 'byung ba yongs su gcod par mi byed pa/ sdug bsngal dang yid mi bde ba mang yang skyo ba mi skyed pa/ tshogs 'du ba mang ba/ bas mtha'i gnas mal dgon pa dag spangs pa/ tshogs kyi nang du 'ong ba/ grong dang nye ba'i mal cha dang/ stan dag la brten cing de la kun du dga' ba/ de bzhin du smra ba la kun du dga' ba/ 'du 'dzi'i gtam la kun du dga' ba/ 'du 'dzi la kun du dga' ba bdag nyid rab tu 'dzin pa/ bag med pa/ lus ma bsgoms pa/ sems dang / tshul khrims dang/ shes rab ma bsgoms pa/ de bzhin gshegs pas gsungs pa'i mdo sde chos zab mo stong pa nyid dang ldan pa/ rkyen 'di pa nyid kyi rten cing 'brel par 'byung ba dang mthun pa gang dag yin pa de dag spangs nas/ snyan dngags mkhan gyis byas pa snyan dngags kyi yul yi ge sna tshogs pa/ tshig dang yig 'bru sna tshogs pa/ 'jig rten rgyang 'phen pa'i gsang tshig dang ldan pa gang dag yin pa de dag gus par bya ste/ len cing de la mchog tu dga' ba skyed pa dam pa'i chos ltar bcos pa'i chos dag la chos su 'du shes shing / de dag la dga' ba dang/ ston pa dang/ rab tu ston par byed pa/ chos dang 'dul ba la skur pa 'debs pa/ chos dang 'dul ba smra ba'i gang zag rnams la dgrar 'du shes pa/ phal cher tshul khrims 'chal pa/ sdig pa'i chos can nang rul pa/ nyes 'dzag tu gyur pa/ lung bong ltar kun du spyod pa/ dge sbyong ma yin par dge sbyong du khas 'che ba/ tshangs par spyod pa ma yin par tshangs par spyod par khas 'che ba/ bsams bzhin du ltung ba lci ba dag ma lus par 'byin pa/ lci ba dag kyang lhag ma ma lus par 'byin na/ 'bring dang yang bdag lta smos kyang ci dgos pa/ ltung ba byung na yang phal cher chos bzhin du phyir gso bar mi byed pa/ gzhan go bar bya ba'i phyir 'chags kyi/ bsam pa thag pa nas mi byed pa/ mdza' bshes kyi khyim dang/ slong mo ster ba'i khyim dag nan gyis yongs su 'dzin par byed pa/ khyim na gnas pa'i bya ba dang/ khyim na gnas pa'i byed pa don med pa dang ldan pa dag la rtsol ba mang du byed pa dag 'byung bar 'gyur te| de dag ni khyim pa gos dkar po can rnams la ches shas cher byams pa dang/ mdza' ba dang/ gus pa dang / snying brtse ba'i sems nye bar 'jog par byed kyi/ tshangs pa mtshungs par spyod pa rnams la ni de ltar mi byed do/ /tshul 'chos pa log pas 'tsho bar byed pa'i chos rnams kyis shas cher gnas so/ /gcig la gcig 'khu ba'i sems nye bar 'jog cing 'thab krol byed pa dang/ mtshang 'dru ba dang/ rtsod pa dang/ 'gyed par byed do/ /snod spyad dang/ yo byad mang ba dang/ spyod tshul tsam lhur len par byed do/ /de dag gis gang dag rab tu byung ba dang/ bsnyen par rdzogs par byas pa de dag thams cad kyang/ zang zing dang bcas pa'i sems kyis bsnyen bkur dang yongs su spyod pa'i phyir byed la/ tshig tu ni snying brtse ba'i phyir khyed rab tu dbyung ngo/ /bsnyen par rdzogs par bya'o zhes sgrogs par byed do/ /de dag dang lhan cig gnas pa dang/ slob ma gang dag yin pa de yang rtag par rgyun du bsnyen bkur dang / yongs su spyad pas de dag gi sems srung du 'jug go/ /de dag de g.yel na dga' ba dang/ yid du 'ong ba dang/ phan 'dogs par byed la/ mi g.yel ba gzhan dag la ni de lta mi byed do/ /de dag dge slong gang rmad grags che ba chos gos la sogs pa rnyed pa dang ldan pa de la bsnyen bkur byed/ bla mar byed/ rim gro byed/ mchod par byed kyi/ de dag dge slong gang rmad grags mi che ba 'dod pa chung ba la sogs pa'i yon tan dang ldan pa de la ni brnyas par byed/ khyad du gsod par byed gnod par byed do/ /dge 'dun gyi'am/ gang zag gi longs spyod la longs spyod pas 'gyod pa chung ba dang/ gang zag tshul khrims 'chal pa dag yongs su sdud pa dang/ phyogs la 'chags par byed do/ /kha cig ni 'gyod pa chung ba dang/ 'gyod pa ha cang che bar byed do/ /phal cher grags pa dang/ sgra dang/ tshigs su bcad pa dang / rnyed pa dang/ bkur sti'i don du thos pa 'dzin par byed kyi/ bdag nyid dul bar bya ba'i don du ma yin te/ dus kyi mtha'i nyan thos rnams ni de ltar de lta bu dang mthun pa'i kun nas nyon mongs pa'i chos rnams dang ldan par 'gyur te/ ston pa yongs su mya ngan las 'das shing bstan pa nub tu nye ba'i dus kyi tshe na ni phal cher lus zhigs te shi ba'i 'og tu yang ngan song ngan 'gro log par ltung ba/ sems can dmyal ba rnams su skye bar 'gyur ro| /

【G6 賢善時生聲聞】

ཉན་ཐོས་དུས་བཟང་པོར་སྐྱེས་པ་ནི་དེ་ལས་བཟློག་པ་ཀུན་ནས་ཉོན་མོངས་པ་མེད་པའི་ཆོས་རྣམས་དང་ལྡན་པར་རིག་པར་བྱ་སྟེ། སྟོན་པ་མངོན་དུ་གྱུར་ཅིང་བསྟན་པ་ལ་ཆུ་བུར་མ་བྱུང་ལ། དེ་བཞིན་གཤེགས་པ་གསར་དུ་བྱུང་བའི་དུས་ཀྱི་ཚེ་ན་ནི་ཕལ་ཆེར་ལུས་ཞིགས་ཏེ་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་ལྷ་དང་མི་རྣམས་ཀྱི་ནང་དུ་སྐྱེ་བར་འགྱུར་རོ། །ཁ་ཅིག་ནི་ཡོངས་སུ་མྱ་ངན་ལས་ཀྱང་འདའོ། །

nyan thos dus bzang por skyes pa ni de las bzlog pa kun nas nyon mongs pa med pa'i chos rnams dang ldan par rig par bya ste/ ston pa mngon du gyur cing bstan pa la chu bur ma byung la/ de bzhin gshegs pa gsar du byung ba'i dus kyi tshe na ni phal cher lus zhigs te shi ba'i 'og tu bde 'gro mtho ris kyi 'jig rten lha dang mi rnams kyi nang du skye bar 'gyur ro/ /kha cig ni yongs su mya ngan las kyang 'da'o/ /

【G7 未得眼聲聞】

སོ་སོའི་སྐྱེ་བོའི་ཉན་ཐོས་ནི་མིག་མ་ཐོབ་པ་ཞེས་བྱའོ། །

so so'i skye bo'i nyan thos ni mig ma thob pa zhes bya'o/ /

【G8 已得眼聲聞】

རྒྱུན་དུ་ཞུགས་པ་དང༌། ལན་ཅིག་ཕྱིར་འོང་བ་དང༌། ཕྱིར་མི་འོང་བ་ནི་མིག་ཐོབ་པ་ཞེས་བྱའོ། །

rgyun du zhugs pa dang/ lan cig phyir 'ong ba dang/ phyir mi 'ong ba ni mig thob pa zhes bya'o/ /

【G9 清淨眼聲聞】

དགྲ་བཅོམ་པ་ཤེས་རབ་རྣམ་པར་གྲོལ་བ་རྣམས་ནི་མིག་རྣམ་པར་དག་པ་ཞེས་བྱའོ། །

dgra bcom pa shes rab rnam par grol ba rnams ni mig rnam par dag pa zhes bya'o/ /

【G10 極清淨眼聲聞】

རིག་པ་གསུམ་དང་ལྡན་པ་དང༌། གཉི་གའི་ཆ་ལས་རྣམ་པར་གྲོལ་བ་དེ་དག་ནི་མིག་ཤིན་ཏུ་རྣམ་པར་དག་པ་ཞེས་བྱའོ། །

rig pa gsum dang ldan pa dang/ gnyi ga'i cha las rnam par grol ba de dag ni mig shin tu rnam par dag pa zhes bya'o/ /

【E2 辨遲速二類聲聞】

ཉན་ཐོས་གང་ཡང་དག་པ་ཇི་ལྟ་བ་བཞིན་དུ་བསལ་ཀྱང༌། ཚེ་འདི་ལ་མིའི་ཆོས་ལས་བླ་མ་མི་འཐོབ་པ་ཡང་ཡོད་དོ། །ཉན་ཐོས་གང་ཚེ་འདི་ལ་མིའི་ཆོས་ལས་བླ་མ་དགེ་སྦྱོང་གི་འབྲས་བུ་འཐོབ་པར་ནུས་ཤིང་མཐུ་ཡོད་ཀྱང༌། བག་མེད་པའི་རྒྱུས་མི་འཐོབ་པ་ཡང་ཡོད་དོ། །

nyan thos gang yang dag pa ji lta ba bzhin du bsal kyang/ tshe 'di la mi'i chos las bla ma mi 'thob pa yang yod do/ /nyan thos gang tshe 'di la mi'i chos las bla ma dge sbyong gi 'bras bu 'thob par nus shing mthu yod kyang/ bag med pa'i rgyus mi 'thob pa yang yod do/ /

【D3 解月喻經具戒等四法】

ཟླ་བ་ལྟ་བུའི་མདོའི་རྣམ་པར་བཤད་པ་ནི་བཞི་པོ་འདི་དག་ནི་ཉན་ཐོས་རྣམས་ལ་དད་པར་འགྱུར་བའི་ཆོས་རྣམས་ཡིན་ཏེ། དེ་དག་སྐྱེ་བོའི་ཚོགས་ཀྱིས་མཐོང་ངམ་ཐོས་ན། ལུས་དང༌། ངག་དང༌། ཡིད་རྣམས་ཀྱིས་བསོད་ནམས་མང་དུ་བསྐྱེད་པར་འགྱུར་རོ། །བཞི་གང་ཞེ་ན། ཚུལ་ཁྲིམས་དང་ལྡན་པར་གནས་པ་དང༌། སོ་སོར་ཐར་པའི་སྡོམ་པས་བསྡམས་པ་དང༌། ཆོ་ག་ཕུན་སུམ་ཚོགས་པ་དང༌། སྤྱོད་ཡུལ་ཕུན་སུམ་ཚོགས་པ་དང༌། ཁ་ན་མ་ཐོ་བ་ཕྲ་རབ་ཙམ་དག་ལ་ཡང་འཇིགས་པར་ལྟ་བ་དང༌། བསླབ་པའི་གཞི་རྣམས་ཡང་དག་པར་བླངས་ཏེ། སློབ་པ་ཞེས་མདོ་ལས་ཇི་སྐད་གསུངས་པ་དེ་ནི་ཆོས་དང་པོ་ཡིན་ནོ། །གཞན་ཡང་འདོད་པ་ཆུང་བ་དང༌། ཆོག་ཤེས་པ་ཞེས་བྱ་བ་ནས། ཟག་པ་ཟད་པ་ཤེས་པ་མངོན་སུམ་དུ་བྱ་བའི་ཕྱིར་བསྔགས་པ་རྗོད་པར་བྱེད་ཅེས་གསུངས་པའི་བར་དེ་ནི་ཆོས་གཉིས་པ་ཡིན་ནོ། །གཞན་ཡང་ངེས་པ་དང༌། འགྲོགས་ན་བདེ་བ་དང༌། ཚངས་པ་མཚུངས་པར་སྤྱོད་པ་མཁས་པ་རྣམས་ལ་མི་འཚེ་བའི་རང་བཞིན་ཅན་དང༌། དགེ་སློང་རྣམས་ཀྱང་དེ་དང་ལྷན་ཅིག་གནས་པར་དགའ་བ་དང༌། ཤེས་ནས་དད་པ་བཞི་དང་ལྡན་པ་ཞེས་གསུངས་པ་དེ་ནི་ཆོས་གསུམ་པ་ཡིན་ནོ། །གཞན་ཡང་རྙེད་པ་ལ་ཆགས་པ་མེད་པ་དང༌། བཀུར་སྟི་ལ་ཆགས་པ་མེད་པ་དང༌། གཞན་ལ་སྙིང་བརྩེ་བ་དང༌། དགེ་བ་མི་སྤྱོམས་པ་དང༌། སྡིག་པ་འཆགས་པ་དང༌། ཡང་དག་པའི་ཡོན་ཏན་ཡོད་པ་དེ་དག་གིས་དེ་གཞན་དག་གིས་བདག་ལ་འདི་ནི་ཡོན་ཏན་དེ་ལྟ་བུ་དང་ལྡན་པ་ཡིན་ནོ་ཞེས་ཤེས་པར་གྱུར་ན་ཅི་མ་རུང་སྙམ་དུ་གཞན་ལས་ཤེས་ཀྱི་ཁེ་ཡོངས་སུ་མི་ཚོལ་བ་ཞེས་གསུངས་པ་ནི། ཆོས་བཞི་པ་ཡིན་ནོ། །

zla ba lta bu'i mdo'i rnam par bshad pa ni bzhi po 'di dag ni nyan thos rnams la dad par 'gyur ba'i chos rnams yin te/ de dag skye bo'i tshogs kyis mthong ngam thos na/ lus dang/ ngag dang/ yid rnams kyis bsod nams mang du bskyed par 'gyur ro/ /bzhi gang zhe na/ tshul khrims dang ldan par gnas pa dang/ so sor thar pa'i sdom pas bsdams pa dang/ cho ga phun sum tshogs pa dang/ spyod yul phun sum tshogs pa dang/ kha na ma tho ba phra rab tsam dag la yang 'jigs par lta ba dang/ bslab pa'i gzhi rnams yang dag par blangs te/ slob pa zhes mdo las ji skad gsungs pa de ni chos dang po yin no/ /gzhan yang 'dod pa chung ba dang/ chog shes pa zhes bya ba nas/ zag pa zad pa shes pa mngon sum du bya ba'i phyir bsngags pa rjod par byed ces gsungs pa'i bar de ni chos gnyis pa yin no/ /gzhan yang nges pa dang/ 'grogs na bde ba dang/ tshangs pa mtshungs par spyod pa mkhas pa rnams la mi 'tshe ba'i rang bzhin can dang/ dge slong rnams kyang de dang lhan cig gnas par dga' ba dang/ shes nas dad pa bzhi dang ldan pa zhes gsungs pa de ni chos gsum pa yin no/ /gzhan yang rnyed pa la chags pa med pa dang/ bkur sti la chags pa med pa dang/ gzhan la snying brtse ba dang/ dge ba mi spyoms pa dang/ sdig pa 'chags pa dang/ yang dag pa'i yon tan yod pa de dag gis de gzhan dag gis bdag la 'di ni yon tan de lta bu dang ldan pa yin no zhes shes par gyur na ci ma rung snyam du gzhan las shes kyi khe yongs su mi tshol ba zhes gsungs pa ni/ chos bzhi pa yin no/ /

【D4 解聲聞欲往他家先應除遣三隨煩惱】【E1 總說】

ཉན་ཐོས་ཁྱིམ་རྣམས་སུ་འགྲོ་བར་འདོད་པས་ནི་ཉེ་བའི་ཉོན་མོངས་པ་གསུམ་སྤངས་པ་ཁྱིམ་རྣམས་སུ་འགྲོ་བར་བྱའོ། །གསུམ་གང་ཞེ་ན། མཛའ་བཤེས་ཀྱི་ཁྱིམ་ཡོངས་སུ་འཛིན་པ་དང༌། ཁྱིམ་ལ་སེར་སྣ་བྱེད་པ་དང༌། ཟང་ཟིང་དང་བཅས་པའི་སེམས་ཀྱིས་ཆོས་སྦྱིན་པའོ། །

nyan thos khyim rnams su 'gro bar 'dod pas ni nye ba'i nyon mongs pa gsum spangs pa khyim rnams su 'gro bar bya'o/ /gsum gang zhe na/ mdza' bshes kyi khyim yongs su 'dzin pa dang/ khyim la ser sna byed pa dang/ zang zing dang bcas pa'i sems kyis chos sbyin pa'o/ /

【E2 別釋】【F1 結親友家隨煩惱】

དེ་ལ་ཉན་ཐོས་ནི་རྣམ་པ་དྲུག་གིས་མཛའ་བཤེས་ཀྱི་ཁྱིམ་ཡོངས་སུ་འཛིན་པའི་ཉེ་བའི་ཉོན་མོངས་པ་སྤངས་ནས་ཁྱིམ་དུ་འགྲོ་བར་བྱེད་དེ། རེས་འགའ་འགྲོ་ཞིང་ཡང་དང་ཡང་དུ་མ་ཡིན་པ་དང༌། ཆགས་པར་འགྱུར་བའི་དངོས་པོ་ལ་ཚུལ་བཞིན་མ་ཡིན་པས་མཚན་མར་གཟུང་བ་ལས་འདོད་ཆགས་སྐྱེས་པས་ངོ་ཚ་བ་དང༌། ལོག་པས་ཆོས་གོས་ལ་སོགས་པ་སློང་ཞིང་ཡོངས་སུ་ཚོལ་བ་ལས་བརྩམས་ནས་སྤྱི་རྟོལ་མེད་པ་དང༌། མུ་ཅོར་མི་སྨྲ་བ་དང༌། ཐུག་ཐུབ་མི་བྱེད་པ་དང༌། ལེགས་པར་བསྡམས་པ་དང༌། ལུས་ལེགས་པར་སྦས་པ་དང༌། ལུས་ཀྱི་རེག་པར་བྱ་བ་མ་ཡིན་པ་ལ་མི་རེག་པ་དང༌། འཇུག་པར་བྱ་བ་མ་ཡིན་པ་ལ་མི་འཇུག་པ་དང༌། བཟའ་བར་བྱ་བ་མ་ཡིན་པར་མི་བཟའ་བ་དང༌། བཏུང་བར་བྱ་བ་མ་ཡིན་པར་མི་འཐུང་བ་དང༌། བླང་བར་བྱ་བ་མ་ཡིན་པར་མི་ལེན་པ་དང༌། དབེན་པ་ལ་གཞོལ་བ་དང༌། དབེན་པ་ལ་འབབ་པ་དང༌། དབེན་པ་ལ་བབ་པའི་སེམས་ཀྱིས་དགེ་བ་རྣམ་པར་བརྟག་པ་ཁོ་ན་ལ་རྣམ་པར་རྟོག་པར་བྱེད་པ་དང༌། རི་ཁྲོད་དང༌། གཅོད་རོང་གི་གནས་ལྟ་བུའི་ཁྱིམ་མ་དད་པ་རྣམས་དད་པར་བྱ་བ་དང༌། ཁྲོན་པ་རྙིང་པའི་གནས་ལྟ་བུའི་ཁྱིམ་དད་པ་རྣམས་ཕྱིར་ཞིང་འཕེལ་བར་བྱ་བའི་ཕྱིར་འགྲོ་བར་བྱེད་དོ། །

de la nyan thos ni rnam pa drug gis mdza' bshes kyi khyim yongs su 'dzin pa'i nye ba'i nyon mongs pa spangs nas khyim du 'gro bar byed de/ res 'ga' 'gro zhing yang dang yang du ma yin pa dang/ chags par 'gyur ba'i dngos po la tshul bzhin ma yin pas mtshan mar gzung ba las 'dod chags skyes pas ngo tsha ba dang/ log pas chos gos la sogs pa slong zhing yongs su tshol ba las brtsams nas spyi rtol med pa dang/ mu cor mi smra ba dang/ thug thub mi byed pa dang/ legs par bsdams pa dang/ lus legs par sbas pa dang/ lus kyi reg par bya ba ma yin pa la mi reg pa dang/ 'jug par bya ba ma yin pa la mi 'jug pa dang/ bza' bar bya ba ma yin par mi bza' ba dang/ btung bar bya ba ma yin par mi 'thung ba dang/ blang bar bya ba ma yin par mi len pa dang/ dben pa la gzhol ba dang/ dben pa la 'bab pa dang/ dben pa la bab pa'i sems kyis dge ba rnam par brtag pa kho na la rnam par rtog par byed pa dang/ ri khrod dang/ gcod rong gi gnas lta bu'i khyim ma dad pa rnams dad par bya ba dang/ khron pa rnying pa'i gnas lta bu'i khyim dad pa rnams phyir zhing 'phel bar bya ba'i phyir 'gro bar byed do/ /

【F2 家慳隨煩惱】

རྣམ་པ་དྲུག་ཁོ་ནས་ཁྱིམ་ལ་སེར་སྣ་བྱེད་པའི་ཉེ་བའི་ཉོན་མོངས་པ་སྤངས་ནས་ཁྱིམ་དུ་འགྲོ་བར་བྱེད་དེ། ཁྱིམ་དུ་སོན་པ་ན་སེམས་ཅན་གྱི་དངོས་པོ་ལ་ཆགས་པ་མེད་ཅིང་ལྷག་པར་ཆགས་པ་མེད་པ་དང༌། སེམས་ཅན་གྱི་དངོས་པོ་ལ་ཇི་ལྟ་བ་བཞིན་དུ། རྙེད་པའི་དངོས་པོ་དང༌། བཀུར་སྟིའི་དངོས་པོ་ལ་ཡང་དེ་བཞིན་པ་དང༌། མ་རྙེད་པས་སྡུག་བསྔལ་བར་མི་འགྱུར་ཞིང༌། ཡིད་མི་བདེ་བར་མི་འགྱུར་བ་དང༌། མ་རྙེད་པ་ལ་ཇི་ལྟ་བ་བཞིན་དུ་བཀུར་སྟི་མེད་པ་ལ་ཡང་དེ་བཞིན་པ་དང༌། བདག་དང་གཞན་གྱི་རྙེད་པ་ལ་སེམས་སྙོམས་པས། བདག་གི་རྙེད་པ་དང༌། བཀུར་སྟིའི་ཕྱིར་བདག་གི་བསྔགས་པ་མི་བརྗོད་པ་དང༌། གཞན་དག་གི་རྙེད་པ་དང༌། བཀུར་སྟིའི་བར་ཆད་བྱ་བའི་ཕྱིར་བསྔགས་པ་མ་ཡིན་པ་མི་བརྗོད་པར་འགྲོ་བའོ། །

rnam pa drug kho nas khyim la ser sna byed pa'i nye ba'i nyon mongs pa spangs nas khyim du 'gro bar byed de/ khyim du son pa na sems can gyi dngos po la chags pa med cing lhag par chags pa med pa dang/ sems can gyi dngos po la ji lta ba bzhin du/ rnyed pa'i dngos po dang/ bkur sti'i dngos po la yang de bzhin pa dang/ ma rnyed pas sdug bsngal bar mi 'gyur zhing/ yid mi bde bar mi 'gyur ba dang/ ma rnyed pa la ji lta ba bzhin du bkur sti med pa la yang de bzhin pa dang/ bdag dang gzhan gyi rnyed pa la sems snyoms pas/ bdag gi rnyed pa dang/ bkur sti'i phyir bdag gi bsngags pa mi brjod pa dang/ gzhan dag gi rnyed pa dang/ bkur sti'i bar chad bya ba'i phyir bsngags pa ma yin pa mi brjod par 'gro ba'o/ /

【F3 有染心而行法施隨煩惱】

རྣམ་པ་དྲུག་ཁོ་ནས་ཟང་ཟིང་དང་བཅས་པའི་སེམས་ཀྱིས་ཆོས་ཀྱི་སྦྱིན་པའི་ཉེ་བའི་ཉོན་མོངས་པ་སྤངས་ནས་ཁྱིམ་དུ་འགྲོ་སྟེ། དད་པར་གྱུར་ནས་ལྷག་པར་བྱེད་པར་རེ་བ་མེད་ཅིང༌། ངེས་པར་འབྱུང་བ་ཉིད་ཀྱི་ཆོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ནས་འགྲོ་བ་དང༌། གཞན་དག་ལ་རྣམ་པ་གསུམ་གྱིས་དགེ་བའི་ཆོས་བསམ་པ་ཉེ་བར་བཞག་ནས་འགྲོ་བར་བྱེད་དེ། གསུམ་གང་ཞེ་ན། བདེ་བ་ཉེ་བར་བསྒྲུབ་པ་དང༌། སྡུག་བསྔལ་བསྩལ་བ་དང༌། གུས་པར་བྱས་ཏེ་ཉན་པ་དང༌། འཛིན་པ་དང༌། ཆོས་ཀྱི་རྗེས་སུ་མཐུན་པའི་ཆོས་སྒྲུབ་པར་འདོད་པ་དང༌། སྐྱེ་བ་ལ་སོགས་པའི་སྡུག་བསྔལ་གྱིས་སྡུག་བསྔལ་བར་གྱུར་པ་རྣམས་སྡུག་བསྔལ་ལས་རྣམ་པར་ཐར་པར་བྱ་བ་དང༌། གྲོལ་བའི་བདག་ཉིད་ཀྱི་ཆོས་ཀྱི་ཆོས་ཉིད་བཟང་པོ་ཁོ་ན་ལ་བརྟེན་ནས་མདོ་སྡེ་དང༌། འདུལ་བ་དང༌། མ་མོར་གཏོགས་པ་བརྡར་བཏགས་པའི་ཆོས་འཛིན་པར་འདོད་པའམ། ཀློག་པར་འདོད་པ་རྣམས་ལ་དམ་པའི་ཆོས་ཡུན་རིང་དུ་གནས་པར་བྱ་བའི་ཕྱིར་སྟོན་པར་བྱེད་པའོ། །དེ་ལ་ཉེ་བའི་ཉོན་མོངས་པ་དང་པོ་སྤངས་པས་ནི་མ་འདྲེས་པར་གནས་པར་འགྱུར་རོ། །གཉིས་པ་སྤངས་པས་ནི་ཟང་ཟིང་གི་ལོངས་སྤྱོད་ལེགས་པར་འཐོབ་པར་འགྱུར་རོ། །གསུམ་པ་སྤངས་པས་ནི་ཆོས་ཀྱི་ལོངས་སྤྱོད་ལེགས་པར་འཐོབ་པར་འགྱུར་རོ། །

rnam pa drug kho nas zang zing dang bcas pa'i sems kyis chos kyi sbyin pa'i nye ba'i nyon mongs pa spangs nas khyim du 'gro ste/ dad par gyur nas lhag par byed par re ba med cing/ nges par 'byung ba nyid kyi chos yang dag pa ji lta ba bzhin du rab tu shes nas 'gro ba dang/ gzhan dag la rnam pa gsum gyis dge ba'i chos bsam pa nye bar bzhag nas 'gro bar byed de/ gsum gang zhe na/ bde ba nye bar bsgrub pa dang/ sdug bsngal bstsal ba dang/ gus par byas te nyan pa dang/ 'dzin pa dang/ chos kyi rjes su mthun pa'i chos sgrub par 'dod pa dang/ skye ba la sogs pa'i sdug bsngal gyis sdug bsngal bar gyur pa rnams sdug bsngal las rnam par thar par bya ba dang/ grol ba'i bdag nyid kyi chos kyi chos nyid bzang po kho na la brten nas mdo sde dang/ 'dul ba dang/ ma mor gtogs pa brdar btags pa'i chos 'dzin par 'dod pa'am/ klog par 'dod pa rnams la dam pa'i chos yun ring du gnas par bya ba'i phyir ston par byed pa'o/ /de la nye ba'i nyon mongs pa dang po spangs pas ni ma 'dres par gnas par 'gyur ro/ /gnyis pa spangs pas ni zang zing gi longs spyod legs par 'thob par 'gyur ro/ /gsum pa spangs pas ni chos kyi longs spyod legs par 'thob par 'gyur ro/ /

【D5 解伐他迦經】【E1 開三章牒以解釋】

བཙྪི་ཀའི་མདོའི་རྣམ་པར་བཤད་པ་ནི་ཉན་ཐོས་ཀུན་ནས་ཉོན་མོངས་པ་དང༌། རྣམ་པར་བྱང་བ་ལ་བརྩོན་པས་ནི་མདོར་བསྡུ་ན་གནས་གསུམ་ཡོངས་སུ་ཤེས་པར་བྱ་སྟེ། ཀུན་ནས་ཉོན་མོངས་པ་དང༌། རྣམ་པར་བྱང་བའི་གནས་ཀུན་ནས་ཉོན་མོངས་པ་དང༌། རྣམ་པར་བྱང་བའི་གནས་ལས་ཡོངས་སུ་ཤེས་པར་བྱ་བ་དང༌། ཀུན་ནས་ཉོན་མོངས་པ་ཀུན་ནས་ཉོན་མོངས་པ་ལས་ཡོངས་སུ་ཤེས་པར་བྱ་བ་དང༌། རྣམ་པར་བྱང་བ་རྣམ་པར་བྱང་བ་ལས་ཡོངས་སུ་ཤེས་པར་བྱ་བའོ། །

bats+tshi ka'i mdo'i rnam par bshad pa ni nyan thos kun nas nyon mongs pa dang/ rnam par byang ba la brtson pas ni mdor bsdu na gnas gsum yongs su shes par bya ste/ kun nas nyon mongs pa dang/ rnam par byang ba'i gnas kun nas nyon mongs pa dang/ rnam par byang ba'i gnas las yongs su shes par bya ba dang/ kun nas nyon mongs pa kun nas nyon mongs pa las yongs su shes par bya ba dang/ rnam par byang ba rnam par byang ba las yongs su shes par bya ba'o/ /

【E2 重辨】【F1 解清淨及與雜染】【G1 廣解】

དེ་ལ་ཀུན་ནས་ཉོན་མོངས་པ་དང༌། རྣམ་པར་བྱང་བའི་གནས་གང་ཞེ་ན། ལུས་འདི་ནི་གཟུགས་ཅན་རགས་པ་འབྱུང་བ་ཆེན་པོའི་རྒྱུ་ལས་བྱུང་བ་ཞེས་རྒྱས་པར་མདོ་ལས་གསུངས་པ་གང་ཡིན་པ་སྟེ། དེ་ནི་བྱིས་པ་མི་མཁས་པ་མ་རིག་པ་དང་ལྡན་པ་རྣམས་ཀྱི་ནི་ཀུན་ནས་ཉོན་མོངས་པའི་གནས་ཡིན་ནོ། །མཛངས་པ་མཁས་པ་རིག་པ་དང་ལྡན་པ་རྣམས་ཀྱི་ནི་རྣམ་པར་བྱང་བའི་གནས་ཡིན་ནོ། །

de la kun nas nyon mongs pa dang/ rnam par byang ba'i gnas gang zhe na/ lus 'di ni gzugs can rags pa 'byung ba chen po'i rgyu las byung ba zhes rgyas par mdo las gsungs pa gang yin pa ste/ de ni byis pa mi mkhas pa ma rig pa dang ldan pa rnams kyi ni kun nas nyon mongs pa'i gnas yin no/ /mdzangs pa mkhas pa rig pa dang ldan pa rnams kyi ni rnam par byang ba'i gnas yin no/ /

【G2 別解】【H1 解雜染】

ཀུན་ནས་ཉོན་མོངས་པ་གང་ཞེ་ན། འདི་ལྟ་སྟེ། བྱིས་པས་དགེ་བ་དང༌། མི་དགེ་བ་བྱ་བའི་ཕྱིར་སྔར་རྗེས་སུ་བརྟགས་ཤིང་བསམས་ནས། ཕྱིས་ལུས་དང༌། ངག་དང་སེམས་ཀྱིས་དགེ་བ་དང་མི་དགེ་བ་བྱེད་པས། འགྲོ་བ་ལྔའི་འཁོར་བར་ལུས་འདོད་པ་དང༌། མི་འདོད་པོ་གནོད་པ་དང་བཅས་པ་དང༌། གནོད་པ་མོད་པ་མངོན་པར་འགྱུར་པར་བྱེད་པའོ། །

kun nas nyon mongs pa gang zhe na/ 'di lta ste/ byis pas dge ba dang/ mi dge ba bya ba'i phyir sngar rjes su brtags shing bsams nas/ phyis lus dang/ ngag dang sems kyis dge ba dang mi dge ba byed pas/ 'gro ba lnga'i 'khor bar lus 'dod pa dang/ mi 'dod po gnod pa dang bcas pa dang/ gnod pa mod pa mngon par 'gyur par byed pa'o/ /

【H2 解清淨】

རྣམ་པར་བྱང་བ་གང་ཞེ་ན། བསླབ་པ་གཉིས་ནི་རྣམ་པར་བྱང་བའི་ཕྱོགས་ལ་གཙོ་བོ་ཡིན་པར་རིག་པ་བྱ་སྟེ། འདི་ལྟར་བསླབ་པ་གཅིག་ནི་དེ་བཞིན་ཉིད་ཀྱི་ཤེས་པའི་རྟེན་གྱི་བྱ་བྱེད་ལ། ཅིག་ཤོས་ནི་ཉོན་མོངས་པ་དང་འདྲལ་བར་བྱེད་པའི་ཕྱིར་རོ། །རྣམ་པར་བྱང་བ་དེ་ཡང་མདོར་བསྡུ་ན། རྒྱ་ལྔས་རབ་ཏུ་དབྱེ་བ་ཡིན་ཏེ། རྒྱུ་ལྔ་གང་ཞེ་ན། སྟོན་པ་དང༌། སྒྲུབ་པ་པོ་དང༌། སྒྲུབ་པ་དང༌། ལྷག་པའི་སེམས་ཀྱི་མི་མཐུན་པའི་ཕྱོགས་ཀྱི་ཉེ་བའི་ཉོན་མོངས་པ་སྤོང་བ་དང༌། ལྷག་པའི་ཤེས་རབ་ཀྱི་མི་མཐུན་པའི་ཕྱོགས་ཀྱི་ཉེ་བའི་ཉོན་མོངས་པ་སྤོང་བས་སོ། །དེ་ལ་སྟོན་པ་ནི་དེ་བཞིན་གཤེགས་པའོ། །སྒྲུབ་པ་པོ་ནི་ཉན་ཐོས་དབང་པོ་ཡོངས་སུ་སྨིན་པའོ། །དེ་ནི་ཤིན་ཏུ་ཡིད་གཞུངས་པ་ཡང་ཡིན་ནོ། །སྒྲུབ་པ་ནི་བདེན་པ་ཞེས་པས་བསྡུས་པའི་ཤེས་རབ་སྟེ། དེ་ནི་ཉོན་མོངས་པ་སྤོང་བའི་གཉེན་པོ་བླ་ན་མེད་པ་ཡིན་པའི་ཕྱིར་རོ། །ཆོས་བཞིན་ནི་ལྷག་པའི་སེམས་ཀྱི་མི་མཐུན་པའི་ཕྱོགས་ཀྱི་ཉེ་བའི་ཉོན་མོངས་པ་ཞེས་བྱ་སྟེ། རབ་ཏུ་དབེན་པ་ན་གནས་པའི་སྒྲིབ་པ་དང༌། གདམས་ངག་དང་རྗེས་སུ་བསྟན་པ་མི་བཟོད་པའི་ཁྲོ་བ་དང༌། འཁྲུག་པ་དང༌། རྙེད་པ་དང༌། བཀུར་སྟི་ལ་ལྷག་པར་ཆགས་པའི་ཕྲག་དོག་དང༌། སེར་སྣ་དང༌། སྔོན་སྤྱད་དེ་མྱོང་བའི་ཡུལ་རྣམས་རྗེས་སུ་དྲན་པའི་ཀུན་དུ་རྟོག་པའི་འདོད་ཆགས་བསླབ་པ་གཏོང་བ་དང་རྗེས་སུ་མཐུན་པའོ། །ལྷག་པའི་ཤེས་རབ་ཀྱི་མི་མཐུན་པའི་ཕྱོགས་ཀྱི་ཉེ་བའི་ཉོན་མོངས་པའི་ཆོས་ནི་གསུམ་སྟེ། དང་པོ་ཁོ་ནར་བརྡའི་ཚུལ་གྱིས་ཆོས་ཀྱི་དོན་མ་རྟོགས་པའི་མ་རིག་པ་དང༌། ཆོས་ཀྱི་དོན་རྟོགས་ཀྱང་སོ་སོའི་སྐྱེ་བོར་གྱུར་པས་བདེན་པ་རྣམས་ལ་སོམ་ཉི་དང༌། ཡིད་གཉིས་དང༌། ཐེ་ཚོམ་མ་སྤངས་པ་གང་ཡིན་པ་དང༌། སློབ་པ་བཞི་མཐོང་བའི་བསྒོམ་པའི་ལམ་གྱིས་བསྡུས་པའི་ཤེས་རབ་ཀྱི་མི་མཐུན་པའི་ཕྱོགས་སུ་གྱུར་པ་ངའོ་སྙམ་པའི་ང་རྒྱལ་ལོ། །ཉེ་བའི་ཉོན་མོངས་པ་དེ་དག་སྤངས་པས། ལྷག་པའི་སེམས་དང༌། ལྷག་པའི་ཤེས་རབ་རྣམ་པར་དག་པས་དགྲ་བཅོམ་པ་ཉིད་ཀྱི་འབྲས་བུ་འཐོབ་པར་རིག་པར་བྱ་སྟེ། དགྲ་བཅོམ་པ་ཉིད་དེ་ནི་རྣམ་པར་བྱང་བའི་མཆོག་ཡིན་པར་བལྟ་བར་བྱའོ། །

rnam par byang ba gang zhe na/ bslab pa gnyis ni rnam par byang ba'i phyogs la gtso bo yin par rig pa bya ste/ 'di ltar bslab pa gcig ni de bzhin nyid kyi shes pa'i rten gyi bya byed la/ cig shos ni nyon mongs pa dang 'dral bar byed pa'i phyir ro/ /rnam par byang ba de yang mdor bsdu na/ rgya lngas rab tu dbye ba yin te/ rgyu lnga gang zhe na/ ston pa dang/ sgrub pa po dang/ sgrub pa dang/ lhag pa'i sems kyi mi mthun pa'i phyogs kyi nye ba'i nyon mongs pa spong ba dang/ lhag pa'i shes rab kyi mi mthun pa'i phyogs kyi nye ba'i nyon mongs pa spong bas so/ /de la ston pa ni de bzhin gshegs pa'o/ /sgrub pa po ni nyan thos dbang po yongs su smin pa'o/ /de ni shin tu yid gzhungs pa yang yin no/ /sgrub pa ni bden pa zhes pas bsdus pa'i shes rab ste/ de ni nyon mongs pa spong ba'i gnyen po bla na med pa yin pa'i phyir ro/ /chos bzhin ni lhag pa'i sems kyi mi mthun pa'i phyogs kyi nye ba'i nyon mongs pa zhes bya ste/ rab tu dben pa na gnas pa'i sgrib pa dang/ gdams ngag dang rjes su bstan pa mi bzod pa'i khro ba dang/ 'khrug pa dang/ rnyed pa dang/ bkur sti la lhag par chags pa'i phrag dog dang/ ser sna dang/ sngon spyad de myong ba'i yul rnams rjes su dran pa'i kun du rtog pa'i 'dod chags bslab pa gtong ba dang rjes su mthun pa'o/ /lhag pa'i shes rab kyi mi mthun pa'i phyogs kyi nye ba'i nyon mongs pa'i chos ni gsum ste/ dang po kho nar brda'i tshul gyis chos kyi don ma rtogs pa'i ma rig pa dang/ chos kyi don rtogs kyang so so'i skye bor gyur pas bden pa rnams la som nyi dang/ yid gnyis dang/ the tshom ma spangs pa gang yin pa dang/ slob pa bzhi mthong ba'i bsgom pa'i lam gyis bsdus pa'i shes rab kyi mi mthun pa'i phyogs su gyur pa nga'o snyam pa'i nga rgyal lo/ /nye ba'i nyon mongs pa de dag spangs pas/ lhag pa'i sems dang/ lhag pa'i shes rab rnam par dag pas dgra bcom pa nyid kyi 'bras bu 'thob par rig par bya ste/ dgra bcom pa nyid de ni rnam par byang ba'i mchog yin par blta bar bya'o/ /

【F2 解依止】【G1 總說】

ཉན་ཐོས་ཀྱི་ཀུན་ནས་ཉོན་མོངས་པ་དང༌། རྣམ་པར་བྱང་བའི་གནས་དེ་ཡང་མདོར་བསྡུ་ན། རྒྱུ་གསུམ་གྱིས་ཡོངས་སུ་ཤེས་པར་བྱ་སྟེ། ངོ་བོ་ཉིད་དང༌། རྒྱུ་དང༌། ཉེས་དམིགས་ཀྱིས་སོ། །

nyan thos kyi kun nas nyon mongs pa dang/ rnam par byang ba'i gnas de yang mdor bsdu na/ rgyu gsum gyis yongs su shes par bya ste/ ngo bo nyid dang/ rgyu dang/ nyes dmigs kyis so/ /

【G2 別釋】【H1 由自性故】

མིའི་ལུས་འདིའི་ངོ་བོ་ཉིད་ནི་མཚན་ཉིད་གཉིས་ཀྱིས་རབ་ཏུ་ཕྱེ་བ་ཡིན་ཏེ། གཟུགས་ཅན་གྱིས་ནི་དེ་ལས་གཞན་པའི་ལུས་ཐམས་ཅད་སྤྱིའི་མཚན་ཉིད་ཀྱིས་རབ་ཏུ་ཕྱེ་བ་ཡིན་ནོ༑ །རགས་པས་ནི་སོ་སོ་རང་གི་མཚན་ཉིད་ཀྱིས་རབ་ཏུ་ཕྱེ་བ་ཡིན་ཏེ། མི་གསལ་བ་ཉིད་ཀྱིས་ལྷའི་ལུས་དང་མི་འདྲ་བའི་ཕྱིར་རོ། །

mi'i lus 'di'i ngo bo nyid ni mtshan nyid gnyis kyis rab tu phye ba yin te/ gzugs can gyis ni de las gzhan pa'i lus thams cad spyi'i mtshan nyid kyis rab tu phye ba yin no| /rags pas ni so so rang gi mtshan nyid kyis rab tu phye ba yin te/ mi gsal ba nyid kyis lha'i lus dang mi 'dra ba'i phyir ro/ /

【H2 由因緣故】

དེའི་རྒྱུ་ཡང་རྣམ་པ་གསུམ་སྟེ། ལུས་ཀྱི་སྤྱིའི་མཚན་ཉིད་ཀྱི་རྒྱུ་ནི་འདི་ལྟ་སྟེ། འབྱུང་བ་ཆེན་པོ་བཞི་པོ་དག་གོ། །མིའི་ལུས་དེའི་སོ་སོའི་རང་གི་མཚན་ཉིད་ཀྱི་རྒྱུ་ནི་རྣམ་པ་གཉིས་ཏེ། མ་སྐྱེས་པ་སྐྱེ་བའི་རྒྱུ་ནི་འདི་ལྟ་སྟེ། ཕ་མའི་མི་གཙང་བ་མེར་མེར་པོའོ༑ །སྐྱེས་པ་གནས་པའི་རྒྱུ་ནི་འདི་ལྟ་སྟེ། འབྲས་ཆན་དང༌། ཟན་དྲོན་ལ་སོགས་པས་རྒྱས་པའོ། །

de'i rgyu yang rnam pa gsum ste/ lus kyi spyi'i mtshan nyid kyi rgyu ni 'di lta ste/ 'byung ba chen po bzhi po dag go/ /mi'i lus de'i so so'i rang gi mtshan nyid kyi rgyu ni rnam pa gnyis te/ ma skyes pa skye ba'i rgyu ni 'di lta ste/ pha ma'i mi gtsang ba mer mer po'o| /skyes pa gnas pa'i rgyu ni 'di lta ste/ 'bras chan dang/ zan dron la sogs pas rgyas pa'o/ /

【H3 由過患故】【I1 總說】

དེའི་ཉེས་དམིགས་ཀྱང་རྣམ་པ་གཉིས་ཏེ། སྡུག་བསྔལ་བ་ཉིད་དང༌། མི་རྟག་པ་ཉིད་དོ། །

de'i nyes dmigs kyang rnam pa gnyis te/ sdug bsngal ba nyid dang/ mi rtag pa nyid do/ /

【I2 別釋】【J1 苦性過患】

དེ་ལ་སྡུག་བསྔལ་བ་ཉིད་གྲང་བའི་ཚེ་ན། གྲང་བའི་སྡུག་བསྔལ་གྱི་གཉེན་པོ་གོས་ཀྱི་གཉེན་པོ་དང་བཅས་པ་དང་། ཚ་བའི་ཚེ་ན་ཚ་བའི་སྡུག་བསྔལ་གྱི་གཉེན་པོ་ཁྲུས་ཀྱི་གཉེན་པོ་དང་བཅས་པ་དང༌། ལམ་དང་ལས་ཀྱི་མཐའ་ཡོངས་སུ་ངལ་བའི་ཚེ་ན། ཡོངས་སུ་ངལ་བའི་སྡུག་བསྔལ་གྱི་གཉེན་པོ་མཉེ་བའི་གཉེན་པོ་དང་བཅས་པས་སྡུག་བསྔལ་ཉིད་ཡིན་པར་རིག་པར་བྱའོ། །

de la sdug bsngal ba nyid grang ba'i tshe na/ grang ba'i sdug bsngal gyi gnyen po gos kyi gnyen po dang bcas pa dang / tsha ba'i tshe na tsha ba'i sdug bsngal gyi gnyen po khrus kyi gnyen po dang bcas pa dang/ lam dang las kyi mtha' yongs su ngal ba'i tshe na/ yongs su ngal ba'i sdug bsngal gyi gnyen po mnye ba'i gnyen po dang bcas pas sdug bsngal nyid yin par rig par bya'o/ /

【J2 無常性過患】

མི་རྟག་པ་ཉིད་ནི་ལག་པ་དང༌། བོང་བ་དང༌། དབྱུག་པའི་འདུས་ཏེ་རེག་པ་དག་གིས་འཇིག་པའི་ཆོས་ཅན་ཡིན་པའི་ཕྱིར་དང༌། མཚོན་ཆའི་འདུས་ཏེ་རེག་པ་དག་གིས་མཆོད་པའི་ཆོས་ཅན་ཡིན་པའི་ཕྱིར་དང༌། འཆི་བའི་དུས་བྱས་པ་ནི་དོང་དུ་གཞུག་པའམ། མེར་བསྲེགས་པའམ། དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་རྣམ་པ་སྣ་ཚོགས་དག་གིས་ཀུན་དུ་བཟའ་བའི་ཕྱིར་དང༌། དེ་ཉིད་ནི་ཉི་མ་དང༌། རླུང་གིས་ཡོངས་སུ་སྐམ་པར་འགྱུར་བའི་ཕྱིར་དང༌། རྣམ་པར་འཐོར་བ་དང༌། རྣམ་པར་འཇིག་པའི་ཆོས་ཉིད་ཡིན་པའི་ཕྱིར་མི་རྟག་པ་ཉིད་ཡིན་པར་རིག་པར་བྱའོ། །དེ་ལ་འདུས་པ་རྣམ་པར་འབྲལ་བ་ནི་རྣམ་པར་འཐོར་བ་ཡིན་ནོ། །རྣམ་པར་འཐོར་བ་ཉིད་གྱུར་ནས། མཐར་ཐམས་ཅད་ཀྱི་ཐམས་ཅད་དུ་རྣམ་པར་བྲལ་བ་ནི་རྣམ་པར་འཇིག་པ་ཡིན་ནོ། །

mi rtag pa nyid ni lag pa dang/ bong ba dang/ dbyug pa'i 'dus te reg pa dag gis 'jig pa'i chos can yin pa'i phyir dang/ mtshon cha'i 'dus te reg pa dag gis mchod pa'i chos can yin pa'i phyir dang/ 'chi ba'i dus byas pa ni dong du gzhug pa'am/ mer bsregs pa'am/ dud 'gro'i skye gnas su skyes pa'i srog chags rnam pa sna tshogs dag gis kun du bza' ba'i phyir dang/ de nyid ni nyi ma dang/ rlung gis yongs su skam par 'gyur ba'i phyir dang/ rnam par 'thor ba dang/ rnam par 'jig pa'i chos nyid yin pa'i phyir mi rtag pa nyid yin par rig par bya'o/ /de la 'dus pa rnam par 'bral ba ni rnam par 'thor ba yin no/ /rnam par 'thor ba nyid gyur nas/ mthar thams cad kyi thams cad du rnam par bral ba ni rnam par 'jig pa yin no/ /

【D6 重明聞慧地決擇】【E1 名映於一切頌文】【F1 牒頌】

དམིགས་པའི་སེམས་ལས་བརྩམས་ནས། མིང་གིས་ཐམས་ཅད་ཟིལ་གྱིས་གནོན༑ །མིང་ལས་ལྷག་པ་ཡོད་མ་ཡིན། །མིང་ཆོས་གཅིག་གི་དབང་རྗེས་སུ། །ཐམས་ཅད་འགྲོ་བ་ཁོ་ནར་འགྱུར། །

dmigs pa'i sems las brtsams nas/ ming gis thams cad zil gyis gnon| /ming las lhag pa yod ma yin/ /ming chos gcig gi dbang rjes su/ /thams cad 'gro ba kho nar 'gyur/ /

【F2 為問下答】【G1 問】

ཞེས་གསུངས་པའི་ཚིག་དེའི་དོན་གང་ཡིན་ཞེ་ན།

zhes gsungs pa'i tshig de'i don gang yin zhe na/

【G2 答】【H1 總舉四因以釋顯義】

སྨྲས་པ། མདོར་བསྡུ་ན་རྣམ་པར་བྱང་བའི་རྒྱུ་བརྟག་པ་དང༌། རང་གི་མཚན་ཉིད་བརྟག་པ་དང༌། ཀུན་ནས་ཉོན་མོངས་པའི་རྒྱུ་བརྟགས་པས་གང་ཟག་ལ་བདག་མེད་པ་དང༌། ཆོས་ལ་བདག་མེད་པ་དེ་ཡོངས་སུ་བསྟན་པ་ཡིན་ནོ། །དེ་ལ་གང་ཟག་ལ་བདག་མེད་པ་ལས་ནི་མིང་གི་ཕུང་པོ་བཞི་པོ་དག་ཡོངས་སུ་ཤེས་པས། རང་གི་ཡུལ་གྱི་མཚན་མ་ཐམས་ཅད་སྤངས་པས་ཟིལ་གྱིས་གནོན་ལ་ཀུན་བརྟགས་པའི་ངོ་བོ་ཉིད་ཀྱི་ཆོས་ལ་བདག་མེད་པར་ཡོངས་སུ་ཤེས་པ་ལས་ནི་ཐ་སྙད་ལས་བྱུང་བའི་མིང་ཡོངས་སུ་ཤེས་པས། དེ་ལ་རྟེན་གྱི་མཚན་མ་ཐམས་ཅད་ཟིལ་གྱིས་གནོན་ཏོ། །གཟུགས་ཅན་མ་ཡིན་པའི་ཕུང་པོ་བཞི་པོ་དག་ལས་ལོགས་ཤིག་ན་བདག་གི་མཚན་ཉིད་ཀྱི་དངོས་པོ་མི་དམིགས་ལ། ཐ་སྙད་ལས་བྱུང་བའི་མིང་ལས་ལོགས་ཤིག་ན་ཀུན་བརྟགས་པའི་ངོ་བོ་ཉིད་ཀྱི་མཚན་ཉིད་ཀྱི་དངོས་པོ་ཡང་མི་དམིགས་སོ། །དེ་གཉིས་ཀ་ཡོངས་སུ་མ་ཤེས་ན་ཡུལ་གྱི་མཚན་མ་ཀུན་ནས་ཉོན་མོངས་པ་ཐམས་ཅད་ཀུན་ནས་ལྡང་བ་དང༌། རྗེས་སུ་འཇུག་པར་འགྱུར་ཏེ། ཡུལ་གྱི་མཚན་མའི་ཀུན་ནས་ཉོན་མོངས་པ་ཐམས་ཅད་ནི་དེའི་དབང་གིས་འབྱུང་བ་ཡིན་པའི་ཕྱིར་རོ། །

smras pa/ mdor bsdu na rnam par byang ba'i rgyu brtag pa dang/ rang gi mtshan nyid brtag pa dang/ kun nas nyon mongs pa'i rgyu brtags pas gang zag la bdag med pa dang/ chos la bdag med pa de yongs su bstan pa yin no/ /de la gang zag la bdag med pa las ni ming gi phung po bzhi po dag yongs su shes pas/ rang gi yul gyi mtshan ma thams cad spangs pas zil gyis gnon la kun brtags pa'i ngo bo nyid kyi chos la bdag med par yongs su shes pa las ni tha snyad las byung ba'i ming yongs su shes pas/ de la rten gyi mtshan ma thams cad zil gyis gnon to/ /gzugs can ma yin pa'i phung po bzhi po dag las logs shig na bdag gi mtshan nyid kyi dngos po mi dmigs la/ tha snyad las byung ba'i ming las logs shig na kun brtags pa'i ngo bo nyid kyi mtshan nyid kyi dngos po yang mi dmigs so/ /de gnyis ka yongs su ma shes na yul gyi mtshan ma kun nas nyon mongs pa thams cad kun nas ldang ba dang/ rjes su 'jug par 'gyur te/ yul gyi mtshan ma'i kun nas nyon mongs pa thams cad ni de'i dbang gis 'byung ba yin pa'i phyir ro/ /

【H2 引經為證】

བཅོམ་ལྡན་འདས་ཀྱིས་ཀྱང་དེ་ལས་དགོངས་ནས། ཆོས་ཀྱི་ངོ་བོ་ཉིད་དུ་འཛིན་པ་ལས་ནི་བདག་ཏུ་འཛིན་པ་འབྱུང་བར་འགྱུར་ལ། དེ་རྟོགས་པས་ནི་དེ་ཡང་རྟོགས་པར་འགྱུར་རོ། །དེ་རྟོགས་ན་དེ་ཡང་ལྡོག་པར་འགྱུར་རོ་ཞེས་གསུངས་སོ།། །།

bcom ldan 'das kyis kyang de las dgongs nas/ chos kyi ngo bo nyid du 'dzin pa las ni bdag tu 'dzin pa 'byung bar 'gyur la/ de rtogs pas ni de yang rtogs par 'gyur ro/ /de rtogs na de yang ldog par 'gyur ro zhes gsungs so// //

【D7 解四諦】【E1 總標舉】

བམ་པོ་ཉི་ཤུ་རྩ་དྲུག་པ། བཅོམ་ལྡན་འདས་ཀྱིས་ཉན་ཐོས་རྣམས་ཀྱི་ཉོན་མོངས་པ་རྣམ་པར་སྦྱོང་བའི་དམིགས་པ་ནི་བདེན་པ་བཞི་པོ་འདི་དག་ཡིན་པར་གསུངས་ཏེ། སྡུག་བསྔལ་ལ་སོགས་པ་སྔ་མ་བཞིན་ནོ། །གལ་ཏེ་བདེན་པ་ཡང་དག་པ་ཉིད་ཡིན་པའི་ཕྱིར་ཕྱིན་ཅི་མ་ལོག་པའི་མཚན་ཉིད་ཡིན་ན། དེ་ལྟར་ན་ཕྱི་རོལ་པ་རྣམས་ཀྱི་ལྟ་བའི་རྣམ་པ་ལོག་པར་མོས་པ་གང་དག་ཡིན་པ་དང༌། ལོག་པར་སྨྲ་བ་གང་དག་ཡིན་པ་དེ་དག་ཡང་དག་པ་མ་ཡིན་པ་དང༌། དེ་ཁོ་ན་མ་ཡིན་པ་དང༌། ལོག་པ་དང༌། ཕྱིན་ཅི་ལོག་ཏུ་གྱུར་པ་ཡིན་པས། དེ་དག་ཇི་ལྟར་ན་བདེན་པས་བསྡུས་པ་ཡིན་པར་རིག་པར་བྱ། གལ་ཏེ་མ་བསྡུས་ན་ནི་དེས་ན་དེ་དག་ཏུ་ཕྱི་མ་ལ་ཡང་འབྱུང་བ་མངོན་པར་འགྲུབ་པར་བྱེད་པ། སྡུག་བསྔལ་གྱི་རྒྱུར་གྱུར་པར་མི་འགྱུར་རོ་ཞེ་ན། འདི་ལྟར་དེ་དག་ནི་ཡང་དག་པ་མ་ཡིན་པ་དང༌། དེ་ཁོ་ན་མ་ཡིན་པ་དང༌། ལོག་པ་དང༌། ཕྱིན་ཅི་ལོག་ཏུ་གྱུར་པ་ཡིན་མོད་ཀྱི་འོན་ཀྱང་དེ་དག་ནི་སྡུག་བསྔལ་དང༌། ཀུན་འབྱུང་བའི་བདེན་པས་བསྡུས་པ་ཡིན་པར་བརྗོད་པར་བྱའོ། །

bam po nyi shu rtsa drug pa/ bcom ldan 'das kyis nyan thos rnams kyi nyon mongs pa rnam par sbyong ba'i dmigs pa ni bden pa bzhi po 'di dag yin par gsungs te/ sdug bsngal la sogs pa snga ma bzhin no/ /gal te bden pa yang dag pa nyid yin pa'i phyir phyin ci ma log pa'i mtshan nyid yin na/ de ltar na phyi rol pa rnams kyi lta ba'i rnam pa log par mos pa gang dag yin pa dang/ log par smra ba gang dag yin pa de dag yang dag pa ma yin pa dang/ de kho na ma yin pa dang/ log pa dang/ phyin ci log tu gyur pa yin pas/ de dag ji ltar na bden pas bsdus pa yin par rig par bya/ gal te ma bsdus na ni des na de dag tu phyi ma la yang 'byung ba mngon par 'grub par byed pa/ sdug bsngal gyi rgyur gyur par mi 'gyur ro zhe na/ 'di ltar de dag ni yang dag pa ma yin pa dang/ de kho na ma yin pa dang/ log pa dang/ phyin ci log tu gyur pa yin mod kyi 'on kyang de dag ni sdug bsngal dang/ kun 'byung ba'i bden pas bsdus pa yin par brjod par bya'o/ /

【E2 分別四種四聖諦】【F1 總辨諦相】

དེ་ཅིའི་ཕྱིར་ཞེ་ན། དེ་དག་ནི་ལོག་པ་ཉིད་ཀྱིས་བསྡུས་པ་ཡིན་མོད་ཀྱི། འོན་ཀྱང་ལོག་པ་ཉིད་ཀྱི་མཚན་ཉིད་དེ་ཁོ་ནས་དེ་དག་ནི་སྡུག་བསྔལ་གྱི་བདག་ཉིད་དང༌། སྡུག་བསྔལ་གྱི་རྒྱུ་ཡིན་པས་ཡང་དག་པ་དང༌། དེ་ཁོ་ན་དང་མ་ལོག་པ་དང༌། ཕྱིན་ཅི་ལོག་ཏུ་མ་གྱུར་པ་ཡིན་ནོ། །

de ci'i phyir zhe na/ de dag ni log pa nyid kyis bsdus pa yin mod kyi/ 'on kyang log pa nyid kyi mtshan nyid de kho nas de dag ni sdug bsngal gyi bdag nyid dang/ sdug bsngal gyi rgyu yin pas yang dag pa dang/ de kho na dang ma log pa dang/ phyin ci log tu ma gyur pa yin no/ /

【F2 別辨四諦】【G1 解苦諦】【H1 四行相等】

མི་རྟག་པའི་དོན་ནི་རྣམ་པ་གཉིས་ཀྱིས་རིག་པར་བྱ་སྟེ། འདི་ལྟ་སྟེ། ཐེག་པ་ཆེན་པོའི་ཚུལ་དང༌། ཉན་ཐོས་ཀྱི་ཐེག་པའི་ཚུལ་ལས་བརྩམས་ནས་མེད་པའི་དོན་དང༌། མཚན་མ་རྣམ་པར་འཇིག་པའི་དོན་གྱིས་སོ། །སྡུག་བསྔལ་གྱི་དོན་ཡང་རྣམ་པ་གཉིས་ཀྱིས་རིག་པར་བྱ་སྟེ། མེད་པ་ལ་མངོན་པར་ཞེན་པའི་བག་ཆགས་ཀྱི་གནས་ངན་ལེན་གྱི་དོན་དང༌། ཚོར་བ་རྣམ་པ་གསུམ་དང༌། རྗེས་སུ་འབྲེལ་པའི་སྐྱེ་བ་ལ་སོགས་པའི་མཚན་མ་འབྱུང་བའི་དོན་གྱིས་སོ། །སྟོང་པའི་དོན་ཀྱང་རྣམ་པ་གཉིས་ཀྱིས་རིག་པར་བྱ་སྟེ། གང་ཟག་གི་ངོ་བོ་ཉིད་དང་བྲལ་བའི་མཚན་མའི་དོན་དང༌། ཆོས་ཀྱི་ངོ་བོ་ཉིད་དང་བྲལ་བའི་མཚན་མའི་དོན་གྱིས་སོ། །བདག་མེད་པའི་དོན་ཀྱང་རྣམ་པ་གཉིས་ཀྱིས་རིག་པར་བྱ་སྟེ། འདི་ལྟ་སྟེ། ཐེག་པ་ཆེན་པོའི་ཚུལ་དང༌། ཉན་ཐོས་ཀྱི་ཐེག་པའི་ཚུལ་ལས་བརྩམས་ནས། ཆོས་ཉིད་ཀྱི་ངོ་བོ་ཉིད་ལ་བདག་མེད་པའི་མཚན་མའི་དོན་དང༌། གང་ཟག་གི་ངོ་བོ་ཉིད་ལ་བདག་མེད་པའི་མཚན་མའི་དོན་གྱིས་སོ། །བསྟན་པ་ནི་རྣམ་པ་གཉིས་ཏེ། མི་རྟག་པར་བསྟན་པ་དང༌། ཐོག་མ་མེད་པར་བསྟན་པའོ། །རྟོགས་པ་ཡང་རྣམ་པ་གཉིས་ཏེ། འདུས་བྱས་ཀྱི་ཁམས་རྟོགས་པ་དང༌། འདུས་མ་བྱས་ཀྱི་ཁམས་རྟོགས་པའོ། །

mi rtag pa'i don ni rnam pa gnyis kyis rig par bya ste/ 'di lta ste/ theg pa chen po'i tshul dang/ nyan thos kyi theg pa'i tshul las brtsams nas med pa'i don dang/ mtshan ma rnam par 'jig pa'i don gyis so/ /sdug bsngal gyi don yang rnam pa gnyis kyis rig par bya ste/ med pa la mngon par zhen pa'i bag chags kyi gnas ngan len gyi don dang/ tshor ba rnam pa gsum dang/ rjes su 'brel pa'i skye ba la sogs pa'i mtshan ma 'byung ba'i don gyis so/ /stong pa'i don kyang rnam pa gnyis kyis rig par bya ste/ gang zag gi ngo bo nyid dang bral ba'i mtshan ma'i don dang/ chos kyi ngo bo nyid dang bral ba'i mtshan ma'i don gyis so/ /bdag med pa'i don kyang rnam pa gnyis kyis rig par bya ste/ 'di lta ste/ theg pa chen po'i tshul dang/ nyan thos kyi theg pa'i tshul las brtsams nas/ chos nyid kyi ngo bo nyid la bdag med pa'i mtshan ma'i don dang/ gang zag gi ngo bo nyid la bdag med pa'i mtshan ma'i don gyis so/ /bstan pa ni rnam pa gnyis te/ mi rtag par bstan pa dang/ thog ma med par bstan pa'o/ /rtogs pa yang rnam pa gnyis te/ 'dus byas kyi khams rtogs pa dang/ 'dus ma byas kyi khams rtogs pa'o/ /

【H2 由五因緣若無常即苦】

གང་མི་རྟག་པ་དེ་ནི་སྡུག་བསྔལ་བའོ་ཞེས་བྱ་བ་ནི། རྒྱུ་ལྔས་རིག་པར་བྱ་སྟེ། ཡོངས་སུ་འཛིན་པ་ལས་ཀྱང་ཡིན་ཏེ། འདུ་བྱེད་མི་རྟག་པ་རྣམས་ཀྱི་གནས་ངན་ལེན་ཡོངས་སུ་འཛིན་པའི་ཕྱིར་རོ། །ཆོས་ཉིད་ལས་ཀྱང་ཡིན་ཏེ། སྐྱེ་བ་ལ་སོགས་པ་སྡུག་བསྔལ་གྱི་ཆོས་ཉིད་ཡིན་པའི་ཕྱིར་རོ། །རྗེས་སུ་འབྲེལ་པ་ལས་ཀྱང་ཡིན་ཏེ། སྡུག་བསྔལ་གསུམ་དང་རྗེས་སུ་འབྲེལ་པ་ཉིད་ཀྱི་ཕྱིར་རོ། །རྒྱུ་ལས་ཀྱང་ཡིན་ཏེ། རྨོངས་པའི་སྤྱོད་པའི་རྒྱུ་ཉིད་ཡིན་པའི་ཕྱིར་རོ། །མངོན་པར་ཞེན་པ་ལས་ཀྱང་ཡིན་ཏེ། ཕྱིན་ཅི་ལོག་ཏུ་དམིགས་པའི་གཞི་ཉིད་ཡིན་པའི་ཕྱིར་རོ། །

gang mi rtag pa de ni sdug bsngal ba'o zhes bya ba ni/ rgyu lngas rig par bya ste/ yongs su 'dzin pa las kyang yin te/ 'du byed mi rtag pa rnams kyi gnas ngan len yongs su 'dzin pa'i phyir ro/ /chos nyid las kyang yin te/ skye ba la sogs pa sdug bsngal gyi chos nyid yin pa'i phyir ro/ /rjes su 'brel pa las kyang yin te/ sdug bsngal gsum dang rjes su 'brel pa nyid kyi phyir ro/ /rgyu las kyang yin te/ rmongs pa'i spyod pa'i rgyu nyid yin pa'i phyir ro/ /mngon par zhen pa las kyang yin te/ phyin ci log tu dmigs pa'i gzhi nyid yin pa'i phyir ro/ /

【H3 由五因緣、若苦即無我】

གང་སྡུག་བསྔལ་བ་དེ་ནི་བདག་མེད་པའོ་ཞེས་བྱ་བ་ཡང་རྒྱུ་ལྔས་རིག་པར་བྱ་སྟེ། འདུ་བྱེད་སྡུག་བསྔལ་བ་དག་ལས་དེ་དོན་གཞན་དུ་གྱུར་པར་མི་དམིགས་པའི་ཕྱིར་དང༌། དེ་དག་གི་རྐྱེན་གཞན་གྱི་དབང་གཞན་ཉིད་ཡིན་པའི་ཕྱིར་དང༌། གཡོ་བ་མེད་པ་ཉིད་ཀྱི་ཕྱིར་དང༌། ཟད་པ་དང་སྐྱེ་བའི་རྒྱུན་གྱི་རྗེས་སུ་འཇུག་པ་ཉིད་ཀྱི་ཕྱིར་དང༌། ཕན་ཚུན་གཞན་གྱི་དབང་ཉིད་ཡིན་པའི་ཕྱིར་རོ། །

gang sdug bsngal ba de ni bdag med pa'o zhes bya ba yang rgyu lngas rig par bya ste/ 'du byed sdug bsngal ba dag las de don gzhan du gyur par mi dmigs pa'i phyir dang/ de dag gi rkyen gzhan gyi dbang gzhan nyid yin pa'i phyir dang/ g.yo ba med pa nyid kyi phyir dang/ zad pa dang skye ba'i rgyun gyi rjes su 'jug pa nyid kyi phyir dang/ phan tshun gzhan gyi dbang nyid yin pa'i phyir ro/ /

【H4 若苦諦攝、皆不可愛等】

གང་སྡུག་བསྔལ་བ་དེ་ཐམས་ཅད་མི་འདོད་པ་དང༌། མི་སྡུག་པ་དང༌། སྡུག་བསྔལ་བ་དང༌། གནོད་པ་དང་མི་མཐུན་པ་ཡིན་ལ། མི་འདོད་པ་དང༌། མི་སྡུག་པ་དང༌། སྡུག་བསྔལ་བ་དང༌། གནོད་པ་དང༌། མི་མཐུན་པ་གང་ཡིན་པ་དེ་ཐམས་ཅད་ཀྱང་སྡུག་བསྔལ་གྱི་བདེན་པ་ཡིན་ནམ་ཞེ་ན། རེ་ཞིག་མི་འདོད་པ་དང༌། མི་སྡུག་པ་དང༌། སྡུག་བསྔལ་བ་དང༌། གནོད་པ་དང༌། མི་མཐུན་པ་གང་ཡིན་པ་དེ་སྡུག་བསྔལ་གྱི་བདེན་པ་ཡང་ཡིན་པར་བལྟ་བར་བྱའོ། །སྡུག་བསྔལ་གྱི་བདེན་པས་བསྡུས་པ་ཡིན་ལ་དེ་མི་འདོད་པ་དང༌།མི་སྡུག་པ་ནས་རྒྱས་པར་མི་མཐུན་པའི་བར་མ་ཡིན་པ་ཡང་ཡོད་དེ། སྡུག་བསྔལ་གྱི་སྡུག་བསྔལ་ཉིད་ཀྱིས་བསྡུས་པའི་འདུ་བྱེད་རྣམས་མ་གཏོགས་པ། དེ་ལས་གཞན་པ་འགྱུར་བའི་སྡུག་བསྔལ་ཉིད་དང༌། འདུ་བྱེད་ཀྱི་སྡུག་བསྔལ་ཉིད་ཀྱིས་བསྡུས་པའི་འདུ་བྱེད་རྣམས་སོ། །

gang sdug bsngal ba de thams cad mi 'dod pa dang/ mi sdug pa dang/ sdug bsngal ba dang/ gnod pa dang mi mthun pa yin la/ mi 'dod pa dang/ mi sdug pa dang/ sdug bsngal ba dang/ gnod pa dang/ mi mthun pa gang yin pa de thams cad kyang sdug bsngal gyi bden pa yin nam zhe na/ re zhig mi 'dod pa dang/ mi sdug pa dang/ sdug bsngal ba dang/ gnod pa dang/ mi mthun pa gang yin pa de sdug bsngal gyi bden pa yang yin par blta bar bya'o/ /sdug bsngal gyi bden pas bsdus pa yin la de mi 'dod pa dang/mi sdug pa nas rgyas par mi mthun pa'i bar ma yin pa yang yod de/ sdug bsngal gyi sdug bsngal nyid kyis bsdus pa'i 'du byed rnams ma gtogs pa/ de las gzhan pa 'gyur ba'i sdug bsngal nyid dang/ 'du byed kyi sdug bsngal nyid kyis bsdus pa'i 'du byed rnams so/ /

【H5 八苦與三苦相攝】

བཅོམ་ལྡན་འདས་ཀྱིས་སྡུག་བསྔལ་གྱི་བདེན་པ་ནི་སྐྱེ་བའི་སྡུག་བསྔལ་དང༌། རྒ་བའི་སྡུག་བསྔལ་ཞེས་བྱ་བ་ནས། རྒྱས་པར་མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་ཞེས་བྱ་བའི་བར་གྱི་རྣམ་པ་བརྒྱད་ཀྱིས་རྣམ་པར་དབྱེ་བ་མཛད་པ་དེ་ལ་རྣམ་པ་དུ་དག་གིས་སྡུག་བསྔལ་གྱི་སྡུག་བསྔལ་ཉིད་ཡོངས་སུ་བསྟན་ལ། དུ་དག་གིས་ནི་འགྱུར་བའི་སྡུག་བསྔལ་ཉིད་ཡོངས་སུ་བསྟན། དུ་དག་གིས་ནི་འདུ་བྱེད་ཀྱི་སྡུག་བསྔལ་ཉིད་ཡོངས་སུ་བསྟན་ཅེ་ན། དང་པོ་ལྔས་ནི་སྡུག་བསྔལ་གྱི་སྡུག་བསྔལ་ཉིད་ཡོངས་སུ་བསྟན་ཏོ། །བར་མ་གཉིས་ཀྱིས་ནི་འགྱུར་བའི་སྡུག་བསྔལ་ཉིད་ཡོངས་སུ་བསྟན་ཏེ། སྡུག་པ་དང་བྲལ་བས་ནི་མི་སྡུག་པ་དང་ཕྲད་པར་འགྱུར་ལ། འདོད་པས་ཕོངས་པ་ནི་མ་ཐོབ་པ་ཉིད་ཀྱིས་འགྱུར་བའི་ཕྱིར་རོ། །ཐ་མ་མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་ཞེས་བྱ་བ་གཅིག་པུས་ནི་འདུ་བྱེད་ཀྱི་སྡུག་བསྔལ་ཉིད་ཡོངས་སུ་བསྟན་ཏོ། །

bcom ldan 'das kyis sdug bsngal gyi bden pa ni skye ba'i sdug bsngal dang/ rga ba'i sdug bsngal zhes bya ba nas/ rgyas par mdor na nye bar len pa'i phung po lnga sdug bsngal ba zhes bya ba'i bar gyi rnam pa brgyad kyis rnam par dbye ba mdzad pa de la rnam pa du dag gis sdug bsngal gyi sdug bsngal nyid yongs su bstan la/ du dag gis ni 'gyur ba'i sdug bsngal nyid yongs su bstan/ du dag gis ni 'du byed kyi sdug bsngal nyid yongs su bstan ce na/ dang po lngas ni sdug bsngal gyi sdug bsngal nyid yongs su bstan to/ /bar ma gnyis kyis ni 'gyur ba'i sdug bsngal nyid yongs su bstan te/ sdug pa dang bral bas ni mi sdug pa dang phrad par 'gyur la/ 'dod pas phongs pa ni ma thob pa nyid kyis 'gyur ba'i phyir ro/ /tha ma mdor na nye bar len pa'i phung po lnga sdug bsngal ba zhes bya ba gcig pus ni 'du byed kyi sdug bsngal nyid yongs su bstan to/ /

【H6 問答無常是苦】

གང་མི་རྟག་པ་དེ་ནི་སྡུག་བསྔལ་ཡང་ཡིན་ལ། གང་སྡུག་བསྔལ་བ་དེ་ཡང་མི་རྟག་པ་ཡིན་ནམ་ཞེ་ན། རེ་ཞིག་སྡུག་བསྔལ་བ་གང་ཡིན་པ་དེ་མི་རྟག་པའང་ཡིན་མོད་ཀྱི། མི་རྟག་པ་ཡིན་ལ་སྡུག་བསྔལ་བ་མ་ཡིན་པ་ཡང་ཡོད་དེ། འདི་ལྟ་སྟེ་ལམ་གྱི་བདེན་པའོ། །འདི་ལྟར་ལམ་ནི་སྡུག་བསྔལ་གྱི་ཚོར་བས་བསྡུས་པ་ཡང་མ་ཡིན་ལ། ལམ་ནི་འགྱུར་བ་ཡང་མ་ཡིན་ན། འགྱུར་བས་སྡུག་བསྔལ་བསྐྱེད་པར་ལྟ་ག་ལ་འགྱུར་བ་དང༌། ལམ་ནི་ཉོན་མོངས་པའི་ཕྱོགས་དང་མཐུན་པའི་གནས་ངན་ལེན་ཐམས་ཅད་ལས་རྣམ་པར་གྲོལ་བ་དང༌། སྐྱེ་བའི་རྒྱུན་ཐམས་ཅད་དང་མི་མཐུན་པ་ཡིན་པས། དེས་ན་འདུ་བྱེད་ཀྱི་སྡུག་བསྔལ་ཉིད་ཀྱིས་སྡུག་བསྔལ་བ་ཡང་མ་ཡིན་པའི་ཕྱིར་རོ། །

gang mi rtag pa de ni sdug bsngal yang yin la/ gang sdug bsngal ba de yang mi rtag pa yin nam zhe na/ re zhig sdug bsngal ba gang yin pa de mi rtag pa'ang yin mod kyi/ mi rtag pa yin la sdug bsngal ba ma yin pa yang yod de/ 'di lta ste lam gyi bden pa'o/ /'di ltar lam ni sdug bsngal gyi tshor bas bsdus pa yang ma yin la/ lam ni 'gyur ba yang ma yin na/ 'gyur bas sdug bsngal bskyed par lta ga la 'gyur ba dang/ lam ni nyon mongs pa'i phyogs dang mthun pa'i gnas ngan len thams cad las rnam par grol ba dang/ skye ba'i rgyun thams cad dang mi mthun pa yin pas/ des na 'du byed kyi sdug bsngal nyid kyis sdug bsngal ba yang ma yin pa'i phyir ro/ /

【H7 問答若無常苦、皆空無我】

གང་མི་རྟག་པ་དང༌། སྡུག་བསྔལ་བ་དེ་ཐམས་ཅད་སྟོང་པ་དང་བདག་མེད་པ་ཡིན་ནམ་ཞེ་ན། དེ་ལྟ་ཡིན་ནོ་ཞེས་བརྗོད་པར་བྱའོ༑ །སྟོང་པ་དང༌། བདག་མེད་པ་གང་ཡིན་པ་དེ་དག་ཐམས་ཅད་མི་རྟག་པ་དང༌། སྡུག་བསྔལ་བ་ཡིན་ནམ་ཞེ་ན། དེ་ལ་ཀུན་འབྱུང་བའི་བདེན་པ་ནི་རྣམ་པ་བཞི་ཆར་རོ། །ལམ་གྱི་བདེན་པ་ཡང་རྣམ་པ་གསུམ་མོ། །འགོག་པའི་བདེན་པ་ནི་རྣམ་པ་གཉིས་ཁོ་ན་སྟེ། མི་རྟག་པ་ཡང་མ་ཡིན་སྡུག་བསྔལ་བ་ཡང་མ་ཡིན་ནོ། །

gang mi rtag pa dang/ sdug bsngal ba de thams cad stong pa dang bdag med pa yin nam zhe na/ de lta yin no zhes brjod par bya'o| /stong pa dang/ bdag med pa gang yin pa de dag thams cad mi rtag pa dang/ sdug bsngal ba yin nam zhe na/ de la kun 'byung ba'i bden pa ni rnam pa bzhi char ro/ /lam gyi bden pa yang rnam pa gsum mo/ /'gog pa'i bden pa ni rnam pa gnyis kho na ste/ mi rtag pa yang ma yin sdug bsngal ba yang ma yin no/ /

【H8 問答若無常苦者；皆無常故、是苦】

མི་རྟག་པ་དང་སྡུག་བསྔལ་བ་གང་ཡིན་པ་དེ་ཐམས་ཅད་ནི་མི་རྟག་པ་ཉིད་ཀྱི་ཕྱིར་སྡུག་བསྔལ་བ་ཡིན་ནམ་ཞེ་ན། མི་རྟག་པ་ཉིད་ཀྱི་ཕྱིར་སྡུག་བསྔལ་བ་ཡང་ཡོད། རང་བཞིན་གྱིས་སྡུག་བསྔལ་བ་ཡང་ཡོད་དེ། །འདུ་བྱེད་གང་དག་འགྱུར་བའི་སྡུག་བསྔལ་ཉིད་ཀྱིས་སྡུག་བསྔལ་བ་དེ་དག་ནི་མི་རྟག་པ་ཉིད་ཀྱི་ཕྱིར་སྡུག་བསྔལ་བ་ཡིན་ནོ། །གང་དག་སྡུག་བསྔལ་གྱི་སྡུག་བསྔལ་ཉིད་དང༌། འདུ་བྱེད་ཀྱི་སྡུག་བསྔལ་ཉིད་ཀྱིས་སྡུག་བསྔལ་བ་དེ་དག་ནི་རང་བཞིན་གྱིས་སྡུག་བསྔལ་བ་ཡིན་ཏེ། གནོད་པའི་བདག་ཉིད་ཡིན་པ་དང༌། སྡུག་བསྔལ་བར་གནས་པ་ཡིན་པའི་ཕྱིར་རོ།

mi rtag pa dang sdug bsngal ba gang yin pa de thams cad ni mi rtag pa nyid kyi phyir sdug bsngal ba yin nam zhe na/ mi rtag pa nyid kyi phyir sdug bsngal ba yang yod/ rang bzhin gyis sdug bsngal ba yang yod de/ /'du byed gang dag 'gyur ba'i sdug bsngal nyid kyis sdug bsngal ba de dag ni mi rtag pa nyid kyi phyir sdug bsngal ba yin no/ /gang dag sdug bsngal gyi sdug bsngal nyid dang/ 'du byed kyi sdug bsngal nyid kyis sdug bsngal ba de dag ni rang bzhin gyis sdug bsngal ba yin te/ gnod pa'i bdag nyid yin pa dang/ sdug bsngal bar gnas pa yin pa'i phyir ro/

【G2 解集諦】【H1 對苦門取惑業為集諦】【I1 初問答】

སྡུག་བསྔལ་གྱི་བདེན་པ་གང་ཡིན་པ་དེ་ཀུན་འབྱུང་བའི་བདེན་པ་ཡང་ཡིན་ལ། ཀུན་འབྱུང་བའི་བདེན་པ་གང་ཡིན་པ་དེ་ཡང་སྡུག་བསྔལ་གྱི་བདེན་པ་ཡིན་ནམ་ཞེ་ན། རེ་ཞིག་ཀུན་འབྱུང་བའི་བདེན་པ་གང་ཡིན་པ་དེ་ནི་སྡུག་བསྔལ་གྱི་བདེན་པ་ཡང་ཡིན་མོད་ཀྱི། སྡུག་བསྔལ་གྱི་བདེན་པ་ཡིན་ལ་དེ་ཀུན་འབྱུང་བའི་བདེན་པ་མ་ཡིན་པ་ཡང་ཡོད་དེ། དགྲ་བཅོམ་པའི་རྒྱུད་རྣམ་པར་དག་པ་ལས་བྱུང་བ་འཇིག་རྟེན་པའི་ཆོས་དགེ་བ་དང༌། ལུང་དུ་མ་བསྟན་པ་ཐམས་ཅད་དང༌། སོ་སོའི་སྐྱེ་བོ་རྣམས་ཀྱི་ལུང་དུ་མ་བསྟན་པའི་ཆོས་འབྲས་བུར་གྱུར་པ་རྣམ་པར་སྨིན་པར་བསྡུས་པ་ཐམས་ཅད་དང༌། ད་ལྟར་བྱུང་བ་སྐྱེས་བུའི་བྱེད་པ་ལས་སྐྱེས་པ་བདེ་བ་དང་སྡུག་བསྔལ་བ་དང༌། སྡུག་བསྔལ་བ་ཡང་མ་ཡིན་བདེ་བ་ཡང་མ་ཡིན་པ་དང་ལྡན་པའི་འདུ་བྱེད་ལུང་དུ་མ་བསྟན་པ་ཐམས་ཅད་དེ། དེ་ལྟར་འདུ་བྱེད་དེ་དག་ཐམས་ཅད་ནི་སྡུག་བསྔལ་གྱི་བདེན་པ་ཁོ་ནས་བསྡུས་པ་ཡིན་པར་བལྟ་བར་བྱའོ། །

sdug bsngal gyi bden pa gang yin pa de kun 'byung ba'i bden pa yang yin la/ kun 'byung ba'i bden pa gang yin pa de yang sdug bsngal gyi bden pa yin nam zhe na/ re zhig kun 'byung ba'i bden pa gang yin pa de ni sdug bsngal gyi bden pa yang yin mod kyi/ sdug bsngal gyi bden pa yin la de kun 'byung ba'i bden pa ma yin pa yang yod de/ dgra bcom pa'i rgyud rnam par dag pa las byung ba 'jig rten pa'i chos dge ba dang/ lung du ma bstan pa thams cad dang/ so so'i skye bo rnams kyi lung du ma bstan pa'i chos 'bras bur gyur pa rnam par smin par bsdus pa thams cad dang/ da ltar byung ba skyes bu'i byed pa las skyes pa bde ba dang sdug bsngal ba dang/ sdug bsngal ba yang ma yin bde ba yang ma yin pa dang ldan pa'i 'du byed lung du ma bstan pa thams cad de/ de ltar 'du byed de dag thams cad ni sdug bsngal gyi bden pa kho nas bsdus pa yin par blta bar bya'o/ /

【I2 第二問答】

འཇིག་རྟེན་པའི་ཆོས་གང་དག་ཡང་འབྱུང་བའི་སྲིད་པ་སུན་འབྱིན་ཅིང༌། དེ་ལ་མི་ཕྱོགས་པའི་འཇིག་རྟེན་ལས་འདས་པའི་ལམ་སྐྱེད་པར་བྱེད་པ་དེ་དག་ཅིའི་ཕྱིར་ཀུན་འབྱུང་བའི་བདེན་པས་བསྡུས་པ་ཡིན་ཞེ་ན། དེ་དག་ནི་ངོ་བོ་ཉིད་ཀྱིས་ཡང་འབྱུང་བའི་སྲིད་པ་ལས་མི་ཕྱོགས་པ་ཡིན་མོད་ཀྱི། འོན་ཀྱང་ཡང་འབྱུང་བ་པའི་ལུས་དང༌། ངག་དང་ཡིད་ཀྱིས་ལེགས་པར་སྤྱད་པ་དང༌། རྗེས་སུ་མཐུན་པ་ཡིན་པས་དེའི་ཕྱིར་དེ་དག་ཀྱང་ཀུན་འབྱུང་བའི་བདེན་པས་བསྡུས་པ་ཡིན་པར་རིག་པར་བྱའོ། །

'jig rten pa'i chos gang dag yang 'byung ba'i srid pa sun 'byin cing/ de la mi phyogs pa'i 'jig rten las 'das pa'i lam skyed par byed pa de dag ci'i phyir kun 'byung ba'i bden pas bsdus pa yin zhe na/ de dag ni ngo bo nyid kyis yang 'byung ba'i srid pa las mi phyogs pa yin mod kyi/ 'on kyang yang 'byung ba pa'i lus dang/ ngag dang yid kyis legs par spyad pa dang/ rjes su mthun pa yin pas de'i phyir de dag kyang kun 'byung ba'i bden pas bsdus pa yin par rig par bya'o/ /

【H2 釋經中愛為集諦】【I1 問】

གང་གི་ཚེ་ཡང་འབྱུང་བ་པའི་ལས་དང་ཉོན་མོངས་པ་ཐམས་ཅད་མཚན་ཉིད་ལས་ཀུན་འབྱུང་བའི་བདེན་པ་ཡིན་པའི་ཚེ་བཅོམ་ལྡན་འདས་ཀྱིས་ཅིའི་ཕྱིར་སྲེད་པ་ཁོ་ན་གདགས་པ་མཛད་ཅེ་ན།

gang gi tshe yang 'byung ba pa'i las dang nyon mongs pa thams cad mtshan nyid las kun 'byung ba'i bden pa yin pa'i tshe bcom ldan 'das kyis ci'i phyir sred pa kho na gdags pa mdzad ce na/

【I2 答】【J1 總舉四因標愛為集】

སྲེད་པ་དེ་ནི་ཉེ་བར་ལེན་པ་ཀུན་ནས་སློང་བར་བྱེད་པ་དང༌། ལས་ཀུན་ནས་སློང་བར་བྱེད་པ་དང༌། དངོས་པོ་ལ་ཁྱབ་པར་བྱེད་པ་ཡང་ཡིན་ལ། དེ་སྐྱེ་བ་ན་གནོད་པ་རྣམ་པ་བཅོ་ལྔ་རྒྱས་པར་བྱེད་པ་ལ་ཡང་ཡིན་པའི་ཕྱིར་རོ། །

sred pa de ni nye bar len pa kun nas slong bar byed pa dang/ las kun nas slong bar byed pa dang/ dngos po la khyab par byed pa yang yin la/ de skye ba na gnod pa rnam pa bco lnga rgyas par byed pa la yang yin pa'i phyir ro/ /

【J2 別釋】【K1 遍諸事】【L1 三愛】

དེ་ལ་ཇི་ལྟར་ཡང་འབྱུང་བ་པ་ཡིན་པ་དང༌། དགའ་བའི་འདོད་ཆགས་དང་ལྡན་པ་དང་དེ་དང་དེར་མངོན་པར་དགའ་བ་ཡང་ཡིན་པ་དེ་ལྟར་དངོས་པོ་ལ་ཁྱབ་པར་བྱེད་པ་ཞེས་བྱའོ། །དེ་ལ་ཡང་འབྱུང་བ་པའི་སྲེད་པ་ནི་རྣམ་པ་གཉིས་ཏེ། ཡང་འབྱུང་བ་ལ་དམིགས་པ་དང༌། ཡང་འབྱུང་བའི་རྒྱུར་གྱུར་པའོ། །དགའ་བའི་འདོད་ཆགས་དང་ལྡན་པའི་སྲེད་པ་ནི་ཡུལ་ཡིད་དུ་འོང་བ་ཐོབ་པ་དག་ལ་ཡོངས་སུ་ལོངས་སྤྱོད་པའམ། མི་འབྲལ་ཞིང་ཡུན་རིང་དུ་གནས་པ་ཉིད་དུ་སྲེད་པ་གང་ཡིན་པའོ། །དེ་དངདེར་མངོན་པར་དགའ་བ་ནི་ཡུལ་མ་འཐོབ་པ་འདོད་པ་དག་དང་ཕྲད་པའམ། ཕྱིར་ཞིང་འབྱུང་བར་སྲེད་པ་གང་ཡིན་པའོ། །

de la ji ltar yang 'byung ba pa yin pa dang/ dga' ba'i 'dod chags dang ldan pa dang de dang der mngon par dga' ba yang yin pa de ltar dngos po la khyab par byed pa zhes bya'o/ /de la yang 'byung ba pa'i sred pa ni rnam pa gnyis te/ yang 'byung ba la dmigs pa dang/ yang 'byung ba'i rgyur gyur pa'o/ /dga' ba'i 'dod chags dang ldan pa'i sred pa ni yul yid du 'ong ba thob pa dag la yongs su longs spyod pa'am/ mi 'bral zhing yun ring du gnas pa nyid du sred pa gang yin pa'o/ /de dngader mngon par dga' ba ni yul ma 'thob pa 'dod pa dag dang phrad pa'am/ phyir zhing 'byung bar sred pa gang yin pa'o/ /

【L2 愛與愛四句分別】

སྲེད་པ་གང་ཡིན་པ་དེ་དག་ཐམས་ཅད་ཡང་འབྱུང་བ་པ་དང༌། དགའ་བའི་འདོད་ཆགས་དང་ལྡན་པ་དང༌། དེ་དང་དེར་མངོན་པར་དགའ་བ་ཡིན་ཞེ་ན། མུ་བཞི་སྟེ། སྲེད་པ་ཡིན་ལ་ཡང་འབྱུང་བ་པ་ཡང་མ་ཡིན། དགའ་བའི་འདོད་ཆགས་དང་ལྡན་པ་ཡང་མ་ཡིན། དེ་དང་དེར་མངོན་པར་དགའ་བ་ཡང་མ་ཡིན་པ་ཡང་ཡོད་དེ། གོང་མའི་རྣམ་པར་ཐར་པ་ལ་འདོད་ཅིང་སྨོན་པ་གང་ཡིན་པའོ། །ཡང་འབྱུང་བ་པ་དང༌། དགའ་བའི་འདོད་ཆགས་དང་ལྡན་པ་དང༌། དེ་དང་དེར་མངོན་པར་དགའ་བ་ཡིན་ལ། སྲེད་པ་མ་ཡིན་པ་ཡང་ཡོད་དེ། ཡང་འབྱུང་བ་པ་དང༌། དགའ་བའི་འདོད་ཆགས་དང་ལྡན་པ་དང༌། དེ་དང་དེར་མངོན་པར་དགའ་བའི་སྲེད་པ་དེ་དང༌། དེ་ལས་གཞན་པའི་ཉོན་མོངས་པ་རྣམས་དང་མཚུངས་པར་ལྡན་པའི་ཚོར་བ་དང༌། འདུ་ཤེས་དང༌། སེམས་པ་དང༌། མ་རིག་པའོ། །སྲེད་པ་དེ་ཉིད་རྣམ་པ་གསུམ་ཡིན་པ་ནི་མུ་གསུམ་པའོ། །རྣམ་པ་དེ་དག་མ་གཏོགས་པ་ནི་མུ་བཞི་པ་ཡིན་པར་བལྟ་བར་བྱའོ།

sred pa gang yin pa de dag thams cad yang 'byung ba pa dang/ dga' ba'i 'dod chags dang ldan pa dang/ de dang der mngon par dga' ba yin zhe na/ mu bzhi ste/ sred pa yin la yang 'byung ba pa yang ma yin/ dga' ba'i 'dod chags dang ldan pa yang ma yin/ de dang der mngon par dga' ba yang ma yin pa yang yod de/ gong ma'i rnam par thar pa la 'dod cing smon pa gang yin pa'o/ /yang 'byung ba pa dang/ dga' ba'i 'dod chags dang ldan pa dang/ de dang der mngon par dga' ba yin la/ sred pa ma yin pa yang yod de/ yang 'byung ba pa dang/ dga' ba'i 'dod chags dang ldan pa dang/ de dang der mngon par dga' ba'i sred pa de dang/ de las gzhan pa'i nyon mongs pa rnams dang mtshungs par ldan pa'i tshor ba dang/ 'du shes dang/ sems pa dang/ ma rig pa'o/ /sred pa de nyid rnam pa gsum yin pa ni mu gsum pa'o/ /rnam pa de dag ma gtogs pa ni mu bzhi pa yin par blta bar bya'o/

【L3 順後有愛與喜貪俱行愛的順前句答】

ཡང་འབྱུང་བ་པའི་སྲིད་པ་གང་ཡིན་པ་དེ་དགའ་བའི་འདོད་ཆགས་དང་ལྡན་པ་ཡང་ཡིན་ལ། དགའ་བའི་འདོད་ཆགས་དང་ལྡན་པ་གང་ཡིན་པ་དེ་ཡང་འབྱུང་བ་པ་ཡིན་ནམ་ཞེ་ན། རེ་ཞིག་དགའ་བའི་འདོད་ཆགས་དང་ལྡན་པ་གང་ཡིན་པ་དེ་ནི་ཡང་འབྱུང་བ་པ་ཡང་ཡིན་མོད་ཀྱི་ཡང་འབྱུང་བ་པ་ཡིན་ལ་དགའ་བའི་འདོད་ཆགས་དང་ལྡན་པ་མ་ཡིན་པ་ཡང་ཡོད་དེ། ཉོན་མོངས་པ་ཅན་དང༌། ཡིད་མི་བདེ་བ་དང་ལྡན་པའི་སྲེད་པ་དང༌། འབྲལ་བར་སྲེད་པ་དང༌། མི་ཕྲད་པར་སྲེད་པ་གང་ཡིན་པའོ། །ཡང་འབྱུང་བ་པའི་སྲེད་པ་གང་ཡིན་པ་དེ་དེ་དང་དེར་མངོན་པར་དགའ་བ་ཡང་ཡིན་ལ་དེ་དང་དེར་མངོན་པར་དགའ་བ་གང་ཡིན་པ་དེ་ཡང༌། ཡང་འབྱུང་བ་པ་ཡིན་ནམ་ཞེ་ན། རེ་ཞིག་དེ་དང་དེར་མངོན་པར་དགའ་བ་གང་ཡིན་པ་དེ་ནི་ཡང་འབྱུང་བ་པ་ཡིན་མོད་ཀྱི་ཡང་འབྱུང་བ་པ་ཡིན་ལ་དེ་དང་དེར་མངོན་པར་དགའ་བ་མ་ཡིན་པ་ཡང་ཡོད་དེ། ཡང་འབྱུང་བ་ལ་དམིགས་པ་གང་ཡིན་པ་དང༌། དགའ་བའི་འདོད་ཆགས་དང་ལྡན་པའི་སྲེད་པ་གང་ཡིན་པའོ། །

yang 'byung ba pa'i srid pa gang yin pa de dga' ba'i 'dod chags dang ldan pa yang yin la/ dga' ba'i 'dod chags dang ldan pa gang yin pa de yang 'byung ba pa yin nam zhe na/ re zhig dga' ba'i 'dod chags dang ldan pa gang yin pa de ni yang 'byung ba pa yang yin mod kyi yang 'byung ba pa yin la dga' ba'i 'dod chags dang ldan pa ma yin pa yang yod de/ nyon mongs pa can dang/ yid mi bde ba dang ldan pa'i sred pa dang/ 'bral bar sred pa dang/ mi phrad par sred pa gang yin pa'o/ /yang 'byung ba pa'i sred pa gang yin pa de de dang der mngon par dga' ba yang yin la de dang der mngon par dga' ba gang yin pa de yang/ yang 'byung ba pa yin nam zhe na/ re zhig de dang der mngon par dga' ba gang yin pa de ni yang 'byung ba pa yin mod kyi yang 'byung ba pa yin la de dang der mngon par dga' ba ma yin pa yang yod de/ yang 'byung ba la dmigs pa gang yin pa dang/ dga' ba'i 'dod chags dang ldan pa'i sred pa gang yin pa'o/ /

【L4 喜貪俱行愛與彼彼喜樂愛四句分答】

དགའ་བའི་འདོད་ཆགས་དང་ལྡན་པའི་སྲེད་པ་གང་ཡིན་པ་དེ། དེ་དང་དེར་མངོན་པར་དགའ་བ་ཡང་ཡིན་ལ་དེ་དང་དེར་མངོན་པར་དགའ་བ་གང་ཡིན་པ་དེ་ཡང༌། དགའ་བའི་འདོད་ཆགས་དང་ལྡན་པ་ཡང་ཡིན་ནམ་ཞེ་ན། མུ་བཞི་སྟེ། ཡུལ་ཡིད་དུ་འོང་བ་ཐོབ་པ་དག་ལ་ཡོངས་སུ་སྤྱོད་པར་སྲེད་པ་ནི་མུ་དང་པོའོ། །ཡིད་དུ་འོང་བ་མ་འོངས་པ་ཐོབ་པར་མ་ངེས་པ་དེ་དག་ཉིད་ལ་སྲེད་པ་ནི་མུ་གཉིས་པའོ༑ །དེ་དག་ཉིད་འཐོབ་པར་ངེས་པ་དག་ལ་སྲེད་པ་ནི་མུ་གསུམ་པའོ། །རྣམ་པ་དེ་དག་ལས་མ་གཏོགས་པ་ནི་མུ་བཞི་པ་ཡིན་པར་བལྟ་བར་བྱའོ། །

dga' ba'i 'dod chags dang ldan pa'i sred pa gang yin pa de/ de dang der mngon par dga' ba yang yin la de dang der mngon par dga' ba gang yin pa de yang/ dga' ba'i 'dod chags dang ldan pa yang yin nam zhe na/ mu bzhi ste/ yul yid du 'ong ba thob pa dag la yongs su spyod par sred pa ni mu dang po'o/ /yid du 'ong ba ma 'ongs pa thob par ma nges pa de dag nyid la sred pa ni mu gnyis pa'o| /de dag nyid 'thob par nges pa dag la sred pa ni mu gsum pa'o/ /rnam pa de dag las ma gtogs pa ni mu bzhi pa yin par blta bar bya'o/ /

【L5 成就欲界繫受與成就色界繫受四句分答】

གང་འདོད་པ་དང་ལྡན་པའི་ཚོར་བ་དང་ལྡན་པ་དེ་གཟུགས་དང་ལྡན་པའི་ཚོར་བ་དང་ལྡན་པ་ཡང་ཡིན་ལ། གང་གཟུགས་དང་ལྡན་པའི་ཚོར་བ་དང་ལྡན་པ་དེ་ཡང་འདོད་པ་དང་ལྡན་པའི་ཚོར་བ་དང་ལྡན་པ་ཡིན་ནམ་ཞེ་ན། མུ་བཞི་སྟེ། འདོད་པ་དང་ལྡན་པའི་ཚོར་བ་དང་ལྡན་ལ། གཟུགས་དང་ལྡན་པའི་ཚོར་བ་དང་མི་ལྡན་པ་ཡང་ཡོད་དེ། འདོད་པའི་ཁམས་སུ་སྐྱེས་ཤིང་བྱུང་བ་དེའི་གཉེན་པོ་གཟུགས་ན་སྤྱོད་པ་མ་ཐོབ་པའོ། །གཟུགས་དང་ལྡན་པའི་ཚོར་བ་དང་ལྡན་ལ། འདོད་པ་དང་ལྡན་པའི་ཚོར་བ་དང་མི་ལྡན་པ་ཡང་ཡོད་དེ། གང་གཟུགས་ཀྱི་ཁམས་སུ་སྐྱེས་ཤིང་འབྱུང་བའོ། །འདོད་པ་དང་ལྡན་པའི་ཚོར་བ་དང་ཡང་ལྡན་ལ། གཟུགས་དང་ལྡན་པའི་ཚོར་བ་དང་ལྡན་པ་ཡང་ཡོད་དེ། འདོད་པའི་ཁམས་སུ་སྐྱེས་ཤིང་འབྱུང་བ་དེའི་གཉེན་པོ་གཟུགས་ན་སྤྱོད་པ་ཐོབ་པའོ༑ །གཉི་ག་དང་མི་ལྡན་པ་ཡང་ཡོད་དེ། གཟུགས་མེད་པའི་ཁམས་སུ་སྐྱེས་པ་དང༌། འཕགས་པ་བྱ་བ་བྱས་པ་འཇིག་རྟེན་ལས་འདས་པའི་ལམ་ལ་གནས་པ། འདོད་པའི་ཁམས་དང༌། གཟུགས་ཀྱི་ཁམས་དག་ཏུ་སྐྱེས་ཤིང་བྱུང་བ་དང༌། འགོག་པ་ལ་སྙོམས་པར་ཞུགས་པའོ། །འདོད་པ་དང་ལྡན་པ་དང༌། གཟུགས་དང་ལྡན་པའི་ཚོར་བ་ནི་མུ་བཞི་ཇི་ལྟ་བ་དེ་བཞིན་དུ་འདོད་པ་དང་ལྡན་པ་དང་། གཟུགས་མེད་པ་དང་ལྡན་པའི་ཚོར་བ་དང༌། འདོད་པ་དང་ལྡན་པ་དང་ལྡན་པ་མ་ཡིན་པའི་ཚོར་བ་དང༌། གཟུགས་དང་ལྡན་པའི་ཚོར་བ་དང༌། གཟུགས་མེད་པ་དང་ལྡན་པའི་ཚོར་བ་དང༌། གཟུགས་མེད་པ་དང་ལྡན་པ་དང་ལྡན་པ་མ་ཡིན་པའི་ཚོར་བའི་མུ་བཞི་ཡང་ཅི་རིགས་པར་རིག་པར་བྱའོ། །

gang 'dod pa dang ldan pa'i tshor ba dang ldan pa de gzugs dang ldan pa'i tshor ba dang ldan pa yang yin la/ gang gzugs dang ldan pa'i tshor ba dang ldan pa de yang 'dod pa dang ldan pa'i tshor ba dang ldan pa yin nam zhe na/ mu bzhi ste/ 'dod pa dang ldan pa'i tshor ba dang ldan la/ gzugs dang ldan pa'i tshor ba dang mi ldan pa yang yod de/ 'dod pa'i khams su skyes shing byung ba de'i gnyen po gzugs na spyod pa ma thob pa'o/ /gzugs dang ldan pa'i tshor ba dang ldan la/ 'dod pa dang ldan pa'i tshor ba dang mi ldan pa yang yod de/ gang gzugs kyi khams su skyes shing 'byung ba'o/ /'dod pa dang ldan pa'i tshor ba dang yang ldan la/ gzugs dang ldan pa'i tshor ba dang ldan pa yang yod de/ 'dod pa'i khams su skyes shing 'byung ba de'i gnyen po gzugs na spyod pa thob pa'o| /gnyi ga dang mi ldan pa yang yod de/ gzugs med pa'i khams su skyes pa dang/ 'phags pa bya ba byas pa 'jig rten las 'das pa'i lam la gnas pa/ 'dod pa'i khams dang/ gzugs kyi khams dag tu skyes shing byung ba dang/ 'gog pa la snyoms par zhugs pa'o/ /'dod pa dang ldan pa dang/ gzugs dang ldan pa'i tshor ba ni mu bzhi ji lta ba de bzhin du 'dod pa dang ldan pa dang / gzugs med pa dang ldan pa'i tshor ba dang/ 'dod pa dang ldan pa dang ldan pa ma yin pa'i tshor ba dang/ gzugs dang ldan pa'i tshor ba dang/ gzugs med pa dang ldan pa'i tshor ba dang/ gzugs med pa dang ldan pa dang ldan pa ma yin pa'i tshor ba'i mu bzhi yang ci rigs par rig par bya'o/ /

【L6 妙欲與過患過失相應欲四句分答】

འདོད་པའི་ཡོན་ཏན་གང་དག་ཡིན་པ་དེ་དག་ཉེས་དམིགས་ཀྱི་སྐྱོན་དང་ལྡན་པའི་འདོད་པ་དག་ཀྱང་ཡིན་ལ། ཉེས་དམིགས་ཀྱི་སྐྱོན་དང་ལྡན་པའི་འདོད་པ་གང་དག་ཡིན་པ་དེ་དག་ཀྱང་འདོད་པའི་ཡོན་ཏན་དག་ཡིན་ནམ་ཞེ་ན༑ སྨྲས་པ། མུ་བཞི་སྟེ། འདོད་པའི་ཡོན་ཏན་ཡིན་ལ་ཉེས་དམིགས་ཀྱི་སྐྱོན་དང་ལྡན་པའི་འདོད་པ་མ་ཡིན་པ་དག་ཀྱང་ཡོད་དེ། གཟུགས་དང༌། སྒྲ་དང༌། དྲི་དང༌། རོ་དང༌། རེག་བྱ་གང་དག་ཀུན་ནས་ཉོན་མོངས་པ་ཅན་མ་ཡིན་པར་ཀུན་དུ་སྤྱོད་ནུས་པའི་འཚོ་བ་དང༌། སྟོབས་དང༌། བདེ་བ་དང༌། ཁ་ན་མ་ཐོ་བ་མེད་པ་དང༌། བདེ་བ་ལ་རེག་པར་གནས་པ་ཉིད་ཀྱིས་ཚངས་པར་སྤྱོད་པ་ལ་ཕན་པ་དང༌། ལམ་གྱི་ཚོགས་དང༌། དགེ་བ་ཉེ་བར་སྩོགས་པའི་ཕྱིར་འཇུག་པར་འགྱུར་བ་དག་གོ། །ཉེས་དམིགས་ཀྱི་སྐྱོན་དང་ལྡན་པ་དག་ཡིན་ལ། འདོད་པའི་ཡོན་ཏན་མ་ཡིན་པ་དག་ཀྱང་ཡོད་དེ། གཟུགས་དང༌། སྒྲ་དང༌། དྲི་དང༌། རོ་དང༌། རེག་བྱ་གང་དག་གཅིག་ཏུ་མི་འདོད་པ་ཉིད་དང༌། མི་སྡུག་པ་ཉིད་དང༌། མི་དགའ་བ་ཉིད་དང༌། ཡིད་དུ་མི་འོང་བ་ཉིད་ཀྱི་ཕྱིར་འཇུག་པར་འགྱུར་བ་རྣམས་དང་། ཉོན་མོངས་པའི་འདོད་པ་གང་དག་ཡིན་པ་རྣམས་སོ། །ཉེས་དམིགས་ཀྱི་སྐྱོན་དང་ལྡན་པ་ཡང་ཡིན་ལ་འདོད་པའི་ཡོན་ཏན་ཡང་ཡིན་པ་དག་ཀྱང་ཡོད་དེ། གཟུགས་དང༌། སྒྲ་དང༌། དྲི་དང༌། རོ་དང༌། རེག་བྱ་གང་དག་ཀུན་ནས་ཉོན་མོངས་པ་ཅན་མ་ཡིན་པར་ཀུན་དུ་སྤྱོད་མི་ནུས་ལ། འདོད་པ་ཉིད་དང༌། སྡུག་པ་ཉིད་དང༌། དགའ་བ་ཉིད་དང༌། ཡིད་དུ་འོང་བ་ཉིད་དུ་འགྱུར་བའོ། །འདོད་པའི་ཡོན་ཏན་ཡང་མ་ཡིན་ལ། ཉེས་དམིགས་ཀྱི་སྐྱོན་དང་ལྡན་པའི་འདོད་པ་མ་ཡིན་པ་དག་ཀྱང་ཡོད་དེ། གཟུགས་དང༌། གཟུགས་མེད་པ་དང་ལྡན་པའི་ཉོན་མོངས་པ་དང༌། གཞི་ཐམས་ཅད་དོ། །བཅོམ་ལྡན་འདས་ཀྱིས་ཉེས་དམིགས་ཀྱི་སྐྱོན་དང་ལྡན་པའི་འདོད་པའི་ཡོན་ཏན་ལས་དགོངས་ནས། ཀུན་རྟོག་འདོད་ཆགས་སྐྱེས་བུའི་འདོད་པ་ཡིན། །ཞེས་གསུངས་སོ། །

'dod pa'i yon tan gang dag yin pa de dag nyes dmigs kyi skyon dang ldan pa'i 'dod pa dag kyang yin la/ nyes dmigs kyi skyon dang ldan pa'i 'dod pa gang dag yin pa de dag kyang 'dod pa'i yon tan dag yin nam zhe na| smras pa/ mu bzhi ste/ 'dod pa'i yon tan yin la nyes dmigs kyi skyon dang ldan pa'i 'dod pa ma yin pa dag kyang yod de/ gzugs dang/ sgra dang/ dri dang/ ro dang/ reg bya gang dag kun nas nyon mongs pa can ma yin par kun du spyod nus pa'i 'tsho ba dang/ stobs dang/ bde ba dang/ kha na ma tho ba med pa dang/ bde ba la reg par gnas pa nyid kyis tshangs par spyod pa la phan pa dang/ lam gyi tshogs dang/ dge ba nye bar stsogs pa'i phyir 'jug par 'gyur ba dag go/ /nyes dmigs kyi skyon dang ldan pa dag yin la/ 'dod pa'i yon tan ma yin pa dag kyang yod de/ gzugs dang/ sgra dang/ dri dang/ ro dang/ reg bya gang dag gcig tu mi 'dod pa nyid dang/ mi sdug pa nyid dang/ mi dga' ba nyid dang/ yid du mi 'ong ba nyid kyi phyir 'jug par 'gyur ba rnams dang / nyon mongs pa'i 'dod pa gang dag yin pa rnams so/ /nyes dmigs kyi skyon dang ldan pa yang yin la 'dod pa'i yon tan yang yin pa dag kyang yod de/ gzugs dang/ sgra dang/ dri dang/ ro dang/ reg bya gang dag kun nas nyon mongs pa can ma yin par kun du spyod mi nus la/ 'dod pa nyid dang/ sdug pa nyid dang/ dga' ba nyid dang/ yid du 'ong ba nyid du 'gyur ba'o/ /'dod pa'i yon tan yang ma yin la/ nyes dmigs kyi skyon dang ldan pa'i 'dod pa ma yin pa dag kyang yod de/ gzugs dang/ gzugs med pa dang ldan pa'i nyon mongs pa dang/ gzhi thams cad do/ /bcom ldan 'das kyis nyes dmigs kyi skyon dang ldan pa'i 'dod pa'i yon tan las dgongs nas/ kun rtog 'dod chags skyes bu'i 'dod pa yin/ /zhes gsungs so/ /

【L7 有愛與受用愛】

སྲེད་པ་གསུམ་པོ་དེ་དག་ཀྱང་མདོར་བསྡུ་ན། རྣམ་པ་གཉིས་སུ་བལྟ་བར་བྱ་སྟེ། དང་པོ་ནི་སྲེད་སྲེད་པའི་སྲེད་པའོ། །གཉིས་ནི་ལོངས་སྤྱོད་ཀྱི་སྲེད་པའོ། །དེ་ལ་ལོངས་སྤྱོད་ཀྱི་སྲེད་པ་ནི་སྲེད་པ་ཉིད་དེ། ལོངས་སྤྱོད་ཐོབ་པ་དང༌། མ་ཐོབ་པའི་གནས་ཀྱི་བྱེ་བྲག་གིས་སོ། །སྲེད་པ་དེ་དག་ཀྱང་ཁམས་ཀྱི་རབ་ཏུ་དབྱེ་བས་ནི་རྣམ་པ་གསུམ་དུ་འགྱུར་ཏེ་འདོད་པའི་སྲེད་པ་དང༌། གཟུགས་ཀྱི་སྲེད་པ་དང༌། གཟུགས་མེད་པའི་སྲིད་པའོ། །འདོད་པའི་ཁམས་སུ་སྐྱེས་པ་འདོད་པ་ན་སྤྱོད་པའི་ཡང་འབྱུང་བ་མངོན་པར་འདོད་པ། ལོངས་སྤྱོད་ཐོབ་པ་དག་གིས་དགའ་བ་མ་ཐོབ་པ་དག་ལ་མངོན་པར་མི་དགའ་བའི་སྲེད་པ་གང་ཡིན་པ་དེ་ནི་འདོད་པའི་སྲེད་པ་ཡིན་ནོ། །འདོད་པའི་ཁམས་སུ་སྐྱེས་པའམ། གཟུགས་ཀྱི་ཁམས་སུ་སྐྱེས་པ་འདོད་པ་རྣམས་ལ་འདོད་ཆགས་དང་བྲལ་བ། གཟུགས་ན་སྤྱོད་པ་ཡང་འབྱུང་བ་མངོན་པར་འདོད་པ་དང༌། གཟུགས་ཀྱི་སྙོམས་པར་འཇུག་པ་ཐོབ་པས་དགའ་བ་དང༌། སྙོམས་པར་འཇུག་པའི་ཁྱད་པར་གཞན་དག་འཐོབ་པ་ལ་མངོན་པར་དགའ་བའི་སྲེད་པ་གང་ཡིན་པ་དེ་ནི་གཟུགས་ཀྱི་སྲེད་པ་ཡིན་ནོ། །གཟུགས་ཀྱི་སྲེད་པ་ཇི་ལྟ་བ་དེ་བཞིན་དུ། གཟུགས་མེད་པའི་སྲེད་པ་ཡང་ཅི་རིགས་པར་རིག་པར་བྱའོ། །ཡང་འབྱུང་བ་པའི་སྲེད་པ་དེ་ཉིད་རྟག་པ་དང་ཆད་པར་ལྟ་བ་ལ་བརྟེན་ནས། འབྱུང་བར་སྲེད་པ་དང༌། འཇིག་པར་སྲེད་པར་འགྱུར་བས། དེའི་ཕྱིར་སྲེད་པ་དེ་ནི་དངོས་པོ་ལ་ཁྱབ་པར་བྱེད་པ་ཞེས་བྱའོ། །

sred pa gsum po de dag kyang mdor bsdu na/ rnam pa gnyis su blta bar bya ste/ dang po ni sred sred pa'i sred pa'o/ /gnyis ni longs spyod kyi sred pa'o/ /de la longs spyod kyi sred pa ni sred pa nyid de/ longs spyod thob pa dang/ ma thob pa'i gnas kyi bye brag gis so/ /sred pa de dag kyang khams kyi rab tu dbye bas ni rnam pa gsum du 'gyur te 'dod pa'i sred pa dang/ gzugs kyi sred pa dang/ gzugs med pa'i srid pa'o/ /'dod pa'i khams su skyes pa 'dod pa na spyod pa'i yang 'byung ba mngon par 'dod pa/ longs spyod thob pa dag gis dga' ba ma thob pa dag la mngon par mi dga' ba'i sred pa gang yin pa de ni 'dod pa'i sred pa yin no/ /'dod pa'i khams su skyes pa'am/ gzugs kyi khams su skyes pa 'dod pa rnams la 'dod chags dang bral ba/ gzugs na spyod pa yang 'byung ba mngon par 'dod pa dang/ gzugs kyi snyoms par 'jug pa thob pas dga' ba dang/ snyoms par 'jug pa'i khyad par gzhan dag 'thob pa la mngon par dga' ba'i sred pa gang yin pa de ni gzugs kyi sred pa yin no/ /gzugs kyi sred pa ji lta ba de bzhin du/ gzugs med pa'i sred pa yang ci rigs par rig par bya'o/ /yang 'byung ba pa'i sred pa de nyid rtag pa dang chad par lta ba la brten nas/ 'byung bar sred pa dang/ 'jig par sred par 'gyur bas/ de'i phyir sred pa de ni dngos po la khyab par byed pa zhes bya'o/ /

【K2 普能發起十五無義】

ཇི་ལྟར་ན་སྲེད་པ་སྐྱེ་བ་ན་གནོད་པ་རྣམ་པ་བཅོ་ལྔ་རྒྱས་པར་བྱེད་ཅེ་ན༑ ངག་ལ་ཉལ་བརྟན་པར་བྱེད་པ་དང༌། ཀུན་ནས་དཀྲིས་པས་སེམས་དང་སེམས་ལས་བྱུང་བའི་ཆོས་རྣམས་ཀུན་ནས་ཉོན་མོངས་པར་བྱེད་པ་དང༌། སེམས་ཀྱི་རྒྱུད་དམིགས་པ་ལ་ཕྱིན་ཅི་ལོག་ཏུ་འཇུག་པར་བྱེད་པ་དང༌། ཉེ་བར་ལེན་པས་བསྡུས་པ་དེ་ལས་གཞན་པའི་ཉོན་མོངས་པ་རྣམས་འདྲེན་པར་བྱེད་པ་དང༌། རང་གི་རྒྱུན་གནས་པར་བྱེད་པ་དང་། སྡིག་པ་མི་དགེ་བའི་ཆོས་མ་སྐྱེས་པ་རྣམས་སྐྱེ་བ་དང་མཐུན་པར་འགྱུར་བ་དང༌། སྡིག་པ་མི་དགེ་བའི་ཆོས་སྐྱེས་པ་རྣམས་འཕེལ་ཞིང་རྒྱས་པ་དང་མཐུན་པར་འགྱུར་བ་དང༌། དགེ་བའི་ཆོས་མ་སྐྱེས་པ་རྣམས་སྐྱེ་བའི་བར་ཆད་བྱེད་པ་དང༌། དགེ་བའི་ཆོས་སྐྱེས་པ་རྣམས་གནས་པ་དང༌། མི་བརྗེད་པ་དང་ཕྱིར་ཞིང་འབྱུང་བ་དང༌། འཕེལ་ཞིང་རྒྱས་པར་འགྱུར་བའི་བར་ཆད་བྱེད་པ་དང༌། ཉེས་པར་སྤྱོད་པ་ཀུན་དུ་སྤྱོད་པས་ངན་སོང་བའི་སྡུག་བསྔལ་དང༌། ཀུན་དུ་སྦྱོར་བར་བྱེད་པ་དང༌། ཡང་འབྱུང་བར་འདོད་པས་སྐྱེ་བ་དང༌། རྒ་བ་དང༌། ན་བའི་སྡུག་བསྔལ་དང་ཀུན་དུ་སྦྱོར་བར་བྱེད་པ་དང༌། མྱ་ངན་ལས་འདས་པ་ལ་སྐྲག་པར་བྱེད་པ་དང༌། འཁོར་བ་ལ་ཡོན་ཏན་དང་ཕན་ཡོན་དུ་ལོག་པར་འཛིན་པས་དགའ་བར་བྱེད་པ་དང༌། འཁོར་བ་ལ་ཇི་ལྟ་བ་བཞིན་དུ་ཡུལ་རྣམས་ལ་ཡང་དེ་བཞིན་པ་དང༌། བདག་ལ་གནོད་པ་དང༌། གཞན་ལ་གནོད་པའི་ཕྱིར་སེམས་པར་བྱེད་པ་ནས་རྒྱས་པར་དེ་དང་འབྱུང་བའི་སེམས་ལས་བྱུང་བའི་ཡིད་མི་བདེ་བ་སོ་སོར་མྱོང་བར་བྱེད་དོ་ཞེས་བྱ་བའི་བར་དུ་མདོ་ལས་ཇི་སྐད་གསུངས་པ་བཞིན་ནོ། །

ji ltar na sred pa skye ba na gnod pa rnam pa bco lnga rgyas par byed ce na| ngag la nyal brtan par byed pa dang/ kun nas dkris pas sems dang sems las byung ba'i chos rnams kun nas nyon mongs par byed pa dang/ sems kyi rgyud dmigs pa la phyin ci log tu 'jug par byed pa dang/ nye bar len pas bsdus pa de las gzhan pa'i nyon mongs pa rnams 'dren par byed pa dang/ rang gi rgyun gnas par byed pa dang / sdig pa mi dge ba'i chos ma skyes pa rnams skye ba dang mthun par 'gyur ba dang/ sdig pa mi dge ba'i chos skyes pa rnams 'phel zhing rgyas pa dang mthun par 'gyur ba dang/ dge ba'i chos ma skyes pa rnams skye ba'i bar chad byed pa dang/ dge ba'i chos skyes pa rnams gnas pa dang/ mi brjed pa dang phyir zhing 'byung ba dang/ 'phel zhing rgyas par 'gyur ba'i bar chad byed pa dang/ nyes par spyod pa kun du spyod pas ngan song ba'i sdug bsngal dang/ kun du sbyor bar byed pa dang/ yang 'byung bar 'dod pas skye ba dang/ rga ba dang/ na ba'i sdug bsngal dang kun du sbyor bar byed pa dang/ mya ngan las 'das pa la skrag par byed pa dang/ 'khor ba la yon tan dang phan yon du log par 'dzin pas dga' bar byed pa dang/ 'khor ba la ji lta ba bzhin du yul rnams la yang de bzhin pa dang/ bdag la gnod pa dang/ gzhan la gnod pa'i phyir sems par byed pa nas rgyas par de dang 'byung ba'i sems las byung ba'i yid mi bde ba so sor myong bar byed do zhes bya ba'i bar du mdo las ji skad gsungs pa bzhin no/ /

【G3 解滅諦】【H1 設問答明滅諦意義】

འདུ་བྱེད་ཉེ་བར་ཞི་བ་གང་ཡིན་པ་དེ་འགོག་པའི་བདེན་པ་ཡང་ཡིན་ལ། འགོག་པའི་བདེན་པ་གང་ཡིན་པ་དེ་ཡང་འདུ་བྱེད་ཉེ་བར་ཞི་བ་ཡིན་ནམ་ཞེ་ན། རེ་ཞིག་འགོག་པའི་བདེན་པ་གང་ཡིན་པ་དེ་འདུ་བྱེད་ཉེ་བར་ཞི་བ་ཡང་ཡིན་མོད་ཀྱི་འདུ་བྱེད་ཉེ་བར་ཞི་བ་ཡིན་ལ། དེ་འགོག་པའི་བདེན་པ་མ་ཡིན་པ་ཡང་ཡོད་དེ། མི་རྟག་པ་ཉིད་ཀྱིས་འགོག་པ་དང༌། སོ་སོར་བརྟགས་པ་མ་ཡིན་པའི་འགོག་པས་འདུ་བྱེད་རྣམས་ཉེ་བར་ཞི་བ་གང་ཡིན་པའོ། །ཆོས་གང་དག་འགོག་པས་འགོག་པའི་བདེན་པ་ཞེས་བྱ་ཞེ་ན། མདོར་བསྡུ་ན་གཉིས་ཀྱིས་ཏེ། ཉོན་མོངས་པ་འགོག་པ་དང༌། ཕུང་པོ་འགོག་པས་སོ། །ཉོན་མོངས་པ་འགོག་པས་ནི་ཕུང་པོའི་ལྷག་མ་དང་བཅས་པའི་འགོག་པའི་བདེན་པ་བསྟན་ལ། ཕུང་པོ་འགོག་པས་ནི་ཕུང་པོའི་ལྷག་མ་མེད་པའི་འགོག་པའི་བདེན་པ་བསྟན་ཏོ། །གལ་ཏེ་འགོག་པའི་བདེན་པ་སྔོན་མ་བྱུང་བ་ལས་ཕྱིས་འབྱུང་བ་ཡིན་ན། ཇི་ལྟར་རྟག་པ་ཡིན་པར་འགྱུར། གལ་ཏེ་དུས་རྟག་པ་ཁོ་ན་ཡོད་པ་ཡིན་ན་ནི་ཅིའི་ཕྱིར་སེམས་ཅན་རྣམས་ཡོངས་སུ་མྱ་ངན་ལས་མ་འདས་ཤེ་ན། འགོག་པའི་བདེན་པ་ནི་འཇུག་པ་མེད་པའི་མཚན་ཉིད་དང༌། རྒྱུ་བ་མེད་པའི་མཚན་ཉིད་ཡིན་པས་དེ་ལ་ནི་སྔོན་མ་བྱུང་བ་ལས་ཕྱིས་འབྱུང་བར་འགྱུར་བ་ཅི་ཡང་མེད་དེ། གང་ལ་འབྱུང་བ་དང༌། འཇིག་པ་མེད་པ་དེ་ནི་རྟག་པ་ཡིན་ནོ། །འགོག་པའི་བདེན་པ་དེ་རྟག་པ་ཡིན་ཡང་གང་དག་གིས་གནས་ངན་ལེན་ཐམས་ཅད་རྒྱུན་བཅད་པས་མངོན་དུ་བྱས་པ་དེ་དག་ནི་ཡོངས་སུ་མྱ་ངན་ལས་འདས་པ་ཡིན་ལ། གང་དག་གིས་མངོན་དུ་མ་བྱས་པ་དེ་དག་ནི་ཡོངས་སུ་མྱ་ངན་ལས་མ་འདས་པ་ཡིན་ནོ། །འགོག་པའི་བདེན་པ་ཡོད་ན་སེམས་ཅན་རྣམས་ཀྱི་མྱ་ངན་ལས་འདས་པ་ནི་དེ་མངོན་དུ་བྱས་པས་རབ་ཏུ་ཕྱེ་བ་ཡིན་གྱི། བསྐྱེད་པས་རབ་ཏུ་ཕྱེ་བ་ནི་མ་ཡིན་ནོ། །

'du byed nye bar zhi ba gang yin pa de 'gog pa'i bden pa yang yin la/ 'gog pa'i bden pa gang yin pa de yang 'du byed nye bar zhi ba yin nam zhe na/ re zhig 'gog pa'i bden pa gang yin pa de 'du byed nye bar zhi ba yang yin mod kyi 'du byed nye bar zhi ba yin la/ de 'gog pa'i bden pa ma yin pa yang yod de/ mi rtag pa nyid kyis 'gog pa dang/ so sor brtags pa ma yin pa'i 'gog pas 'du byed rnams nye bar zhi ba gang yin pa'o/ /chos gang dag 'gog pas 'gog pa'i bden pa zhes bya zhe na/ mdor bsdu na gnyis kyis te/ nyon mongs pa 'gog pa dang/ phung po 'gog pas so/ /nyon mongs pa 'gog pas ni phung po'i lhag ma dang bcas pa'i 'gog pa'i bden pa bstan la/ phung po 'gog pas ni phung po'i lhag ma med pa'i 'gog pa'i bden pa bstan to/ /gal te 'gog pa'i bden pa sngon ma byung ba las phyis 'byung ba yin na/ ji ltar rtag pa yin par 'gyur/ gal te dus rtag pa kho na yod pa yin na ni ci'i phyir sems can rnams yongs su mya ngan las ma 'das she na/ 'gog pa'i bden pa ni 'jug pa med pa'i mtshan nyid dang/ rgyu ba med pa'i mtshan nyid yin pas de la ni sngon ma byung ba las phyis 'byung bar 'gyur ba ci yang med de/ gang la 'byung ba dang/ 'jig pa med pa de ni rtag pa yin no/ /'gog pa'i bden pa de rtag pa yin yang gang dag gis gnas ngan len thams cad rgyun bcad pas mngon du byas pa de dag ni yongs su mya ngan las 'das pa yin la/ gang dag gis mngon du ma byas pa de dag ni yongs su mya ngan las ma 'das pa yin no/ /'gog pa'i bden pa yod na sems can rnams kyi mya ngan las 'das pa ni de mngon du byas pas rab tu phye ba yin gyi/ bskyed pas rab tu phye ba ni ma yin no/ /

【H2 明滅諦遠離四過】

ཉེས་པ་བཞི་རྣམ་པར་སྤངས་པས་འགོག་པའི་བདེན་པའི་ལན་འདེབས་པ་ནི་ཡང་དག་པར་ལན་འདེབས་པ་ཡིན་པར་རིག་པར་བྱ་སྟེ། སྒྲོ་འདོགས་པའི་ཉེས་པ་དང༌། རང་གི་མཚན་ཉིད་ལོག་པར་ཡོངས་སུ་རྟོག་པའི་ཉེས་པ་དང༌། མཚན་ཉིད་འདྲེས་པའི་ཉེས་པ་དང༌། སྐུར་པ་འདེབས་པའི་ཉེས་པ་རྣམ་པར་སྤངས་པས་སོ། །དེ་ལ་འདུ་བྱེད་རྣམས་ཟད་པ་ལས་ལོགས་ཤིག་ན་འགོག་པ་ཡོད་དོ་ཞེས་ཟེར་བ་ནི་སྒྲོ་འདོགས་པའི་ཉེས་པ་ཡིན་ནོ། །ལོགས་ཤིག་ན་མེད་དོ་ཞེས་ཟེར་བ་ནི་རང་གི་མཚན་ཉིད་ལོག་པར་ཡོངས་སུ་རྟོག་པའི་ཉེས་པ་ཡིན་ནོ། །ལོགས་ཤིག་ན་ཡོད་ཀྱང་ཡོད་ལ་མེད་ཀྱང་མེད་ཅེས་ཟེར་བ་ནི་མཚན་ཉིད་འདྲེས་པའི་ཉེས་པ་ཡིན་ནོ། །ལོགས་ཤིག་ན་ཡོད་པ་ཡང་མ་ཡིན་མེད་པ་ཡང་མ་ཡིན་ཞེས་ཟེར་བ་ནི་སྐུར་པ་འདེབས་པའི་ཉེས་པ་ཡིན་ནོ། །

nyes pa bzhi rnam par spangs pas 'gog pa'i bden pa'i lan 'debs pa ni yang dag par lan 'debs pa yin par rig par bya ste/ sgro 'dogs pa'i nyes pa dang/ rang gi mtshan nyid log par yongs su rtog pa'i nyes pa dang/ mtshan nyid 'dres pa'i nyes pa dang/ skur pa 'debs pa'i nyes pa rnam par spangs pas so/ /de la 'du byed rnams zad pa las logs shig na 'gog pa yod do zhes zer ba ni sgro 'dogs pa'i nyes pa yin no/ /logs shig na med do zhes zer ba ni rang gi mtshan nyid log par yongs su rtog pa'i nyes pa yin no/ /logs shig na yod kyang yod la med kyang med ces zer ba ni mtshan nyid 'dres pa'i nyes pa yin no/ /logs shig na yod pa yang ma yin med pa yang ma yin zhes zer ba ni skur pa 'debs pa'i nyes pa yin no/ /

【G4 解道諦】【H1 明見道】【I1 就蘊廢立】

གང་གི་ཚེ་འཇིག་རྟེན་ལས་འདས་པའི་ཕུང་པོ་ལྔ་པོ་ཐམས་ཅད་ལམ་གྱིས་བསྡུས་པ་ཡིན་པའི་ཚེ། ཅིའི་ཕྱིར་ཡང་དག་པའི་ལྟ་བ་སྔོན་དུ་བཏང་བའི་འཕགས་པའི་ལམ་ཡན་ལག་བརྒྱད་པ་ལམ་གྱི་བདེན་པ་ཞེས་བྱ་ཞེ་ན། བསླབ་པ་གསུམ་གྱི་དབང་དུ་བྱས་པའི་ཕྱིར་ཏེ། སློབ་པ་ནི་འདི་ལྟར་དུས་དུས་སུ་ལྷག་པའི་ཚུལ་ཁྲིམས་ཀྱི་བསླབ་པ་ལ་ཡང་སློབ་པར་བྱེད་ཅིང༌། དུས་དུས་སུ་ལྷག་པའི་སེམས་ཀྱི་བསླབ་པ་ལ་ཡང་སློབ་པར་བྱེད། དུས་དུས་སུ་ལྷག་པའི་ཤེས་རབ་ཀྱི་བསླབ་པ་ལ་ཡང་སློབ་པར་བྱེད་ལ། ཕུང་པོ་གསུམ་ནི་འཕགས་པའི་ལམ་ཡན་ལག་བརྒྱད་པ་ཡིན་པས། དེའི་ཕྱིར་ལམ་གྱི་བདེན་པ་ཞེས་བྱའོ། །

gang gi tshe 'jig rten las 'das pa'i phung po lnga po thams cad lam gyis bsdus pa yin pa'i tshe/ ci'i phyir yang dag pa'i lta ba sngon du btang ba'i 'phags pa'i lam yan lag brgyad pa lam gyi bden pa zhes bya zhe na/ bslab pa gsum gyi dbang du byas pa'i phyir te/ slob pa ni 'di ltar dus dus su lhag pa'i tshul khrims kyi bslab pa la yang slob par byed cing/ dus dus su lhag pa'i sems kyi bslab pa la yang slob par byed/ dus dus su lhag pa'i shes rab kyi bslab pa la yang slob par byed la/ phung po gsum ni 'phags pa'i lam yan lag brgyad pa yin pas/ de'i phyir lam gyi bden pa zhes bya'o/ /

【I2 釋經】【J1 問答正語正業為戒蘊】

ཅིའི་ཕྱིར་ཡང་དག་པའི་ངག་དང༌། ལས་ཀྱི་མཐའ་དང༌། འཚོ་བ་དག་ཚུལ་ཁྲིམས་ཀྱི་ཕུང་པོར་རྣམ་པར་གཞག་ཅེ་ན། སྨྲས་པ། ཡང་དག་པའི་ཆོས་ཀྱི་ལོངས་སྤྱོད་དང༌། ཟང་ཟིང་གི་ལོངས་སྤྱོད་ཀྱི་དབང་དུ་བྱས་པའི་རྒྱུ་གཉིས་ཀྱིས་ཏེ། ཡང་དག་པའི་ངག་དང་ཡང་དག་པའི་ལས་ཀྱི་མཐའ་ནི་རྩ་བའི་ཚུལ་ཁྲིམས་ཏེ། ཚུལ་ཁྲིམས་ནི་ཆོས་ཀྱི་ལོངས་སྤྱོད་ཐམས་ཅད་ཀྱི་གཞི་ཡིན་པས་ཡང་དག་པའི་ཆོས་ཀྱི་ལོངས་སྤྱོད་ཀྱི་དབང་དུ་བྱས་པའོ། །ཡང་དག་པའི་འཚོ་བ་ནི་ཚུལ་འཆོས་པ་ལ་སོགས་པ་ལོག་པས་འཚོ་བར་བྱེད་པའི་ཆོས་རྣམས་ལ་མི་བརྟེན་པར་ཆོས་གོས་ལ་སོགས་པ་ཡོངས་སུ་ཚོལ་བའི་རྩ་བ་ཡིན་ཞིང་གཞི་ཡིན་པས་ཡང་དག་པའི་ཟང་ཟིང་གི་ལོངས་སྤྱོད་ཀྱི་དབང་དུ་བྱས་པའོ། །བཅོམ་ལྡན་འདས་ཀྱིས་གང་དུ་ཡིད་ཀྱི་ཀུན་དུ་སྤྱོད་པ་ཡོངས་སུ་དག་པ་ལྷག་པར་གསུངས་པ་དེར་ནི་འདོད་ཆགས་ལ་སོགས་པ་ལ་བརྟེན་ནས་འཆལ་པའི་ཚུལ་ཁྲིམས་ཀྱི་ཕྱིར་སེམས་པ་གང་ཡིན་པ་དང༌། ཚུལ་འཆོས་པ་ལ་སོགས་པ་ལ་བརྟེན་ནས་ཆོས་གོས་ལ་སོགས་པ་ཡོངས་སུ་ཚོལ་བའི་སེམས་པ་གང་ཡིན་པ་དེ་ནི་ཡིད་ཀྱི་ཀུན་དུ་སྤྱོད་པ་ཡོངས་སུ་མ་དག་པ་ཉིད་ཡིན་པར་རིག་པར་བྱའོ། །

ci'i phyir yang dag pa'i ngag dang/ las kyi mtha' dang/ 'tsho ba dag tshul khrims kyi phung por rnam par gzhag ce na/ smras pa/ yang dag pa'i chos kyi longs spyod dang/ zang zing gi longs spyod kyi dbang du byas pa'i rgyu gnyis kyis te/ yang dag pa'i ngag dang yang dag pa'i las kyi mtha' ni rtsa ba'i tshul khrims te/ tshul khrims ni chos kyi longs spyod thams cad kyi gzhi yin pas yang dag pa'i chos kyi longs spyod kyi dbang du byas pa'o/ /yang dag pa'i 'tsho ba ni tshul 'chos pa la sogs pa log pas 'tsho bar byed pa'i chos rnams la mi brten par chos gos la sogs pa yongs su tshol ba'i rtsa ba yin zhing gzhi yin pas yang dag pa'i zang zing gi longs spyod kyi dbang du byas pa'o/ /bcom ldan 'das kyis gang du yid kyi kun du spyod pa yongs su dag pa lhag par gsungs pa der ni 'dod chags la sogs pa la brten nas 'chal pa'i tshul khrims kyi phyir sems pa gang yin pa dang/ tshul 'chos pa la sogs pa la brten nas chos gos la sogs pa yongs su tshol ba'i sems pa gang yin pa de ni yid kyi kun du spyod pa yongs su ma dag pa nyid yin par rig par bya'o/ /

【J2 問答正見正思惟正精進為慧蘊】

ཅིའི་ཕྱིར་ཡང་དག་པའི་ལྟ་བ་གང་ཡིན་པ་དང༌། ཡང་དག་པའི་རྟོག་པ་གང་ཡིན་པ་དང༌། ཡང་དག་པའི་རྩོལ་བ་གང་ཡིན་པ་དེ་དག་ཤེས་རབ་ཀྱི་ཕུང་པོ་ཞེས་བྱ་ཞེ་ན། ཤེས་རབ་ཀྱི་ལས་ནི་མདོར་བསྡུ་ན་རྣམ་པ་གསུམ་ཡོད་ལ། དེ་དག་ནི་ཆོས་གསུམ་པོ་འདི་དག་གིས་ཡོངས་སུ་རྫོགས་པར་བྱེད་པའི་ཕྱིར་ཏེ། ཆོས་ཀྱི་དེ་ཁོ་ནའི་དོན་རྟོགས་པར་བྱེད་པ་ནི་ལས་དང་པོ་ཡིན་ནོ། །དེ་ཁོ་ནའི་དོན་རྟོགས་ནས་དེ་ཁོ་ནའི་དོན་དེ་ཉིད་གཞན་དག་ལ་བརྗོད་པ་དང༌། འདོགས་པ་དང༌། འཇོག་པ་དང༌། རྣམ་པར་འབྱེད་པ་དང༌། རྣམ་པར་འགྲེལ་པ་དང༌། གསལ་བར་བྱེད་པ་ནི་ལས་གཉིས་པ་ཡིན་ནོ། །ཀུན་དུ་སྦྱོར་བ་ལྷག་མ་རྣམས་སྤང་བའི་ཕྱིར་ཆོས་ཀྱི་རྗེས་སུ་མཐུན་པའི་ཆོས་སྒྲུབ་པར་བྱེད་པ་ནི་ལས་གསུམ་པ་ཡིན་ཏེ། ལས་དེ་དག་ནི་ཡང་དག་པའི་ལྟ་བ་དང༌། ཡང་དག་པའི་རྟོག་པ་དང༌། ཡང་དག་པའི་རྩོལ་བ་དག་གིས་གོ་རིམས་བཞིན་དུ་ཡོངས་སུ་རྫོགས་པར་བྱེད་པའི་ཕྱིར་རོ། །

ci'i phyir yang dag pa'i lta ba gang yin pa dang/ yang dag pa'i rtog pa gang yin pa dang/ yang dag pa'i rtsol ba gang yin pa de dag shes rab kyi phung po zhes bya zhe na/ shes rab kyi las ni mdor bsdu na rnam pa gsum yod la/ de dag ni chos gsum po 'di dag gis yongs su rdzogs par byed pa'i phyir te/ chos kyi de kho na'i don rtogs par byed pa ni las dang po yin no/ /de kho na'i don rtogs nas de kho na'i don de nyid gzhan dag la brjod pa dang/ 'dogs pa dang/ 'jog pa dang/ rnam par 'byed pa dang/ rnam par 'grel pa dang/ gsal bar byed pa ni las gnyis pa yin no/ /kun du sbyor ba lhag ma rnams spang ba'i phyir chos kyi rjes su mthun pa'i chos sgrub par byed pa ni las gsum pa yin te/ las de dag ni yang dag pa'i lta ba dang/ yang dag pa'i rtog pa dang/ yang dag pa'i rtsol ba dag gis go rims bzhin du yongs su rdzogs par byed pa'i phyir ro/ /

【J3 問答正念正定為定蘊】

ཅིའི་ཕྱིར་ཡང་དག་པའི་དྲན་པ་དང༌། ཡང་དག་པའི་ཏིང་ངེ་འཛིན་གྱི་ཕུང་པོ་ཞེས་བྱ་ཞེ་ན། སྨྲས་པ། རྣམ་པ་གཉིས་ཀྱིས་ཏེ། ངོ་བོ་ཉིད་དང་རྟེན་གྱིས་སོ། །ཏིང་ངེ་འཛིན་ནི་ངོ་བོ་ཉིད་ཡིན་ནོ། །དྲན་པ་ནི་རྒྱུ་བཞིས་ཏིང་ངེ་འཛིན་གྱི་རྟེན་གྱི་བྱ་བ་བྱེད་པ་ཡིན་ཏེ། དྲན་པ་ཉེ་བར་གཞག་པ་བཞི་པོ་དག་ལ་སེམས་དམིགས་པ་ལ་ཉེ་བར་གཏོད་པར་བྱེད་པ་དང༌། དབང་པོའི་སྒོ་བསྡམ་པ་དང༌། ཤེས་བཞིན་དུ་གནས་པ་དང༌། དགའ་བའི་གནས་ལྟ་བུའི་དྲན་པ་ཡིད་ལ་བྱ་བ་ལ་ཏིང་ངེ་འཛིན་གྱི་རྗེས་སུ་མཐུན་པ་དང༌། སྒྲིབ་པའི་གཉེན་པོ་མི་སྡུག་པ་ལ་སོགས་པ་ཡིད་ལ་བྱེད་པ་དག་ལ་ལམ་ལ་སྒྲིབ་པ་སྤོང་བ་དང༌། རབ་ཏུ་དབེན་པའི་ཞི་གནས་དང༌། རབ་ཏུ་འཛིན་པ་དང༌། བཏང་སྙོམས་ཀྱི་མཚན་མ་རྟག་ཏུ་བྱེད་པ་དང༌། གུས་པར་བྱེད་པའི་སྦྱོར་བ་དག་ལ་མཚན་མ་ཡིད་ལ་བྱེད་པས་ལན་མང་དུ་བྱེད་པ་སྟེ། དེའི་ཕྱིར་དྲན་པ་ནི་ཏིང་ངེ་འཛིན་གྱི་རྟེན་ཡིན་ནོ། །

ci'i phyir yang dag pa'i dran pa dang/ yang dag pa'i ting nge 'dzin gyi phung po zhes bya zhe na/ smras pa/ rnam pa gnyis kyis te/ ngo bo nyid dang rten gyis so/ /ting nge 'dzin ni ngo bo nyid yin no/ /dran pa ni rgyu bzhis ting nge 'dzin gyi rten gyi bya ba byed pa yin te/ dran pa nye bar gzhag pa bzhi po dag la sems dmigs pa la nye bar gtod par byed pa dang/ dbang po'i sgo bsdam pa dang/ shes bzhin du gnas pa dang/ dga' ba'i gnas lta bu'i dran pa yid la bya ba la ting nge 'dzin gyi rjes su mthun pa dang/ sgrib pa'i gnyen po mi sdug pa la sogs pa yid la byed pa dag la lam la sgrib pa spong ba dang/ rab tu dben pa'i zhi gnas dang/ rab tu 'dzin pa dang/ btang snyoms kyi mtshan ma rtag tu byed pa dang/ gus par byed pa'i sbyor ba dag la mtshan ma yid la byed pas lan mang du byed pa ste/ de'i phyir dran pa ni ting nge 'dzin gyi rten yin no/ /

【I3 明正見差別有十一種】【J1 明十一正見配屬四諦】

དེ་ལ་ཡང་དག་པའི་ལྟ་བ་ནི་མདོར་བསྡུ་ན་རྣམ་པ་བཅུ་གཅིག་ཏུ་བལྟ་བར་བྱ་སྟེ། ནང་དུ་ལྟ་བ་དང༌། འབྲས་དང༌། ཟུག་རྔུ་དང༌། སྡིག་པ་དང༌། མི་རྟག་པ་ཉིད་དང༌། སྡུག་བསྔལ་བ་ཉིད་དང༌། སྟོང་པ་ཉིད་དང༌། བདག་མེད་པ་ཉིད་དང༌། ཀུན་དུ་སྦྱོར་བར་བྱེད་པ་དང༌། བྲལ་བ་དང་། འབྲལ་བར་བྱེད་པར་བལྟ་བའོ། །དེ་ལ་འདུ་བྱེད་རྣམ་པ་བཞི་པོ་ཉོན་མོངས་པའི་ཀུན་ནས་དཀྲིས་པ་དང་ལྡན་པ་རྣམས་དང༌། ཉོན་མོངས་པའི་བག་ལ་ཉལ་དང་ལྡན་པ་རྣམས་དང༌། རོ་མྱང་བ་དང་ལྡན་པ་རྣམས་དང༌། ཉེས་དམིགས་དང་ལྡན་པ་རྣམས་ལ་ནི་ཡང་དག་པའི་ལྟ་བ་བཞི་པོ་ནད་དང༌། འབྲས་དང༌། ཟུག་རྔུ་དང༌། སྡིག་པར་ལྟ་བ་དག་གོ་རིམས་བཞིན་དུ་རིག་པར་བྱའོ། །འདུ་བྱེད་རྣམས་ལས་འབྱུང་བ་དང༌། འཇིག་པར་ལྟ་བ་ནི་མི་རྟག་པ་ཉིད་དུ་ལྟ་བ་ཡིན་ནོ། །སྡུག་བསྔལ་གསུམ་དང་རྗེས་སུ་འབྲེལ་པར་ལྟ་བ་ནི་སྡུག་བསྔལ་ཉིད་དུ་ལྟ་བ་ཡིན་ནོ། །དེ་ལས་གཞན་པ་བདག་དང་བདག་གི་དང་བྲལ་བ་ནི་སྟོང་པ་ཉིད་དུ་ལྟ་བ་ཡིན་ནོ། །འདུ་བྱེད་དེ་དག་ཉིད་ལ་བདག་དང་བདག་གིས་མཚན་ཉིད་མེད་པར་ལྟ་བ་ནི་བདག་མེད་པ་ཉིད་དུ་ལྟ་བ་ཡིན་ཏེ། དེ་ལྟར་འདི་ནི་སྡུག་བསྔལ་གྱི་བདེན་པ་ལ་དམིགས་པའི་ཡང་དག་པའི་ལྟ་བ་ཡིན་ནོ། །ཀུན་འབྱུང་བའི་བདེན་པ་ལ་རྒྱུ་དང༌། ཀུན་འབྱུང་བ་དང༌། རབ་ཏུ་སྐྱེ་བ་དང༌། རྐྱེན་དུ་ལྟ་བ་གང་ཡིན་པ་དེ་ནི་ཀུན་དུ་སྦྱོར་བར་བྱེད་པར་ལྟ་བ་ཞེས་བྱ་སྟེ། འདི་ལྟར་ཀུན་འབྱུང་བའི་བདེན་པ་ནི་སྡུག་བསྔལ་གྱི་བདེན་པ་ཀུན་ནས་ཉོན་མོངས་པ་དང༌། ཀུན་དུ་སྦྱོར་བར་བྱེད་པ་ཡིན་པའི་ཕྱིར་རོ། །འགོག་པའི་བདེན་པ་ལ་འགོག་པའི་བདེན་པ་དང༌། ཞི་བ་དང༌། གྱ་ནོམ་པ་དང༌། ངེས་པར་འབྱུང་བར་ལྟ་བ་གང་ཡིན་པ་དེ་ནི་བྲལ་བར་ལྟ་བ་ཞེས་བྱ་སྟེ། འདི་ལྟར་འགོག་པའི་བདེན་པ་ནི་ཉོན་མོངས་པ་དང༌། ཕུང་པོ་ཐམས་ཅད་དང་བྲལ་བས་རབ་ཏུ་ཕྱེ་བ་ཡིན་པའི་ཕྱིར་རོ། །ལམ་གྱི་བདེན་པ་ལ་ལམ་དང༌། རིག་པ་དང༌། བསྒྲུབ་པ་དང༌། ངེས་པར་འབྱིན་པར་ལྟ་བ་གང་ཡིན་པ་དེ་ནི་བྲལ་བར་བྱེད་པར་ལྟ་བ་ཞེས་བྱ་སྟེ། འདི་ལྟར་ལམ་གྱི་བདེན་པ་འབྲལ་བར་བྱ་བའི་ཕྱིར་འགྲོ་བ་ཡིན་པའི་ཕྱིར་རོ། །

de la yang dag pa'i lta ba ni mdor bsdu na rnam pa bcu gcig tu blta bar bya ste/ nang du lta ba dang/ 'bras dang/ zug rngu dang/ sdig pa dang/ mi rtag pa nyid dang/ sdug bsngal ba nyid dang/ stong pa nyid dang/ bdag med pa nyid dang/ kun du sbyor bar byed pa dang/ bral ba dang / 'bral bar byed par blta ba'o/ /de la 'du byed rnam pa bzhi po nyon mongs pa'i kun nas dkris pa dang ldan pa rnams dang/ nyon mongs pa'i bag la nyal dang ldan pa rnams dang/ ro myang ba dang ldan pa rnams dang/ nyes dmigs dang ldan pa rnams la ni yang dag pa'i lta ba bzhi po nad dang/ 'bras dang/ zug rngu dang/ sdig par lta ba dag go rims bzhin du rig par bya'o/ /'du byed rnams las 'byung ba dang/ 'jig par lta ba ni mi rtag pa nyid du lta ba yin no/ /sdug bsngal gsum dang rjes su 'brel par lta ba ni sdug bsngal nyid du lta ba yin no/ /de las gzhan pa bdag dang bdag gi dang bral ba ni stong pa nyid du lta ba yin no/ /'du byed de dag nyid la bdag dang bdag gis mtshan nyid med par lta ba ni bdag med pa nyid du lta ba yin te/ de ltar 'di ni sdug bsngal gyi bden pa la dmigs pa'i yang dag pa'i lta ba yin no/ /kun 'byung ba'i bden pa la rgyu dang/ kun 'byung ba dang/ rab tu skye ba dang/ rkyen du lta ba gang yin pa de ni kun du sbyor bar byed par lta ba zhes bya ste/ 'di ltar kun 'byung ba'i bden pa ni sdug bsngal gyi bden pa kun nas nyon mongs pa dang/ kun du sbyor bar byed pa yin pa'i phyir ro/ /'gog pa'i bden pa la 'gog pa'i bden pa dang/ zhi ba dang/ gya nom pa dang/ nges par 'byung bar lta ba gang yin pa de ni bral bar lta ba zhes bya ste/ 'di ltar 'gog pa'i bden pa ni nyon mongs pa dang/ phung po thams cad dang bral bas rab tu phye ba yin pa'i phyir ro/ /lam gyi bden pa la lam dang/ rig pa dang/ bsgrub pa dang/ nges par 'byin par lta ba gang yin pa de ni bral bar byed par lta ba zhes bya ste/ 'di ltar lam gyi bden pa 'bral bar bya ba'i phyir 'gro ba yin pa'i phyir ro/ /

【J2 舉經中次第為問答】

གང་གི་ཚེ་སྔར་མི་རྟག་པ་དང༌། སྡུག་བསྔལ་བ་དང༌། སྟོང་པ་དང༌། བདག་མེད་པར་ལྟ་བ་སྐྱེ་བ་ལ། ཕྱིས་ནད་དང༌། འབྲས་དང༌། ཟུག་རྔུ་དང༌། སྡིག་པར་ལྟ་བ་སྐྱེ་བར་འགྱུར་བའི་ཚེ་ཅིའི་ཕྱིར་སྔར་ནད་ལ་སོགས་པ་སྟོན་ཅེ་ན། སྨྲས་པ། གང་ཟག་ལམ་ཐོབ་པ་ལས་དགོངས་ནས་ནད་ལ་སོགས་པ་སྔར་སྟོན་ཏེ། འདི་ལྟར་སློབ་པ་ལམ་མཐོང་བ་ནི་ལྷག་པའི་བསམ་པས་ཕུང་པོ་རྣམས་ལ་ནད་དང་སྡིག་པའི་བར་དུ་ལྟ་ལ། དེ་ལྟར་ལྟ་བ་དེའི་ཀུན་དུ་སྦྱོར་བ་ལྷག་མ་རྣམས་སྤང་པའི་ཕྱིར། གོང་དུ་མི་རྟག་པར་ལྟ་བ་དང༌། བདག་མེད་པར་ལྟ་བའི་བར་དག་ཆོས་ཡོངས་སུ་དག་པར་འགྱུར་བའི་ཕྱིར་རོ། །མི་རྟག་པ་ལ་སོགས་པར་ལྟ་བ་དེ་ཡང༌། མདོར་བསྡུ་ན། རྣམ་པ་གཉིས་ཏེ། ནད་ལ་སོགས་པར་ལྟ་བ་མ་ཐོབ་པ་ཐོབ་པར་བྱ་བའི་ཕྱིར་དེའི་སྔོན་དུ་འགྲོ་བ་དང༌། དེ་འདྲེན་པར་བྱེད་པ་ནད་ལ་སོགས་པར་ལྟ་བའི་གནས་སུ་གྱུར་པ་ཡོངས་སུ་མ་དག་པ་དང༌། ནད་ལ་སོགས་པར་ལྟ་བ་ཐོབ་པའི་ཕྱིར་ཞིང་འབྱུང་བ་དང༌། སེམས་ཤིན་ཏུ་རྣམ་པར་གྲོལ་བར་བྱ་བའི་ཕྱིར་ནད་ལ་སོགས་པར་ལྟ་བ་ལ་བརྟེན་པ་ཡོངས་སུ་དག་པའོ། །

gang gi tshe sngar mi rtag pa dang/ sdug bsngal ba dang/ stong pa dang/ bdag med par lta ba skye ba la/ phyis nad dang/ 'bras dang/ zug rngu dang/ sdig par lta ba skye bar 'gyur ba'i tshe ci'i phyir sngar nad la sogs pa ston ce na/ smras pa/ gang zag lam thob pa las dgongs nas nad la sogs pa sngar ston te/ 'di ltar slob pa lam mthong ba ni lhag pa'i bsam pas phung po rnams la nad dang sdig pa'i bar du lta la/ de ltar lta ba de'i kun du sbyor ba lhag ma rnams spang pa'i phyir/ gong du mi rtag par lta ba dang/ bdag med par lta ba'i bar dag chos yongs su dag par 'gyur ba'i phyir ro/ /mi rtag pa la sogs par lta ba de yang/ mdor bsdu na/ rnam pa gnyis te/ nad la sogs par lta ba ma thob pa thob par bya ba'i phyir de'i sngon du 'gro ba dang/ de 'dren par byed pa nad la sogs par lta ba'i gnas su gyur pa yongs su ma dag pa dang/ nad la sogs par lta ba thob pa'i phyir zhing 'byung ba dang/ sems shin tu rnam par grol bar bya ba'i phyir nad la sogs par lta ba la brten pa yongs su dag pa'o/ /

【J3 舉十一正見攝三解脫門】

རྣམ་པ་བཅུ་གཅིག་པོ་དེ་དག་ལས་སྟོང་པ་ཉིད་ཀྱི་རྣམ་པ་དང༌། བདག་མེད་པ་ཉིད་ཀྱི་རྣམ་པ་གཉིས་ནི་སྟོང་པ་ཉིད་ཀྱི་རྣམ་པ་ཡིན་ནོ། །ལྷག་མ་བརྒྱད་ནི་སྨོན་པ་མེད་པའི་རྣམ་པ་ཡིན་ནོ། །འགོག་པའི་བདེན་པ་ལ་བྲལ་བའི་རྣམ་པ་གང་ཡིན་པ་གཅིག་པུ་ནི་མཚན་མ་མེད་པའི་རྣམ་པ་ཡིན་ནོ། །

rnam pa bcu gcig po de dag las stong pa nyid kyi rnam pa dang/ bdag med pa nyid kyi rnam pa gnyis ni stong pa nyid kyi rnam pa yin no/ /lhag ma brgyad ni smon pa med pa'i rnam pa yin no/ /'gog pa'i bden pa la bral ba'i rnam pa gang yin pa gcig pu ni mtshan ma med pa'i rnam pa yin no/ /

【H2 明修道】【I1 初復次】

བསྒོམ་པའི་ལམ་ལ་ནི་འཇིག་རྟེན་ལས་འདས་པའི་ལམ་ཐམས་ཅད་བདེན་པ་བཞི་ལ་དམིགས་པ་ཡིན་དུ་ཟིན་ཀྱང༌། ཁམས་གསུམ་ན་སྤྱོད་པའི་ཉོན་མོངས་པའི་གཉེན་པོ་ཡིན་པར་རིག་པར་བྱ་སྟེ། འདི་ལྟར་སློབ་པ་གཞི་མཐོང་བས་སྔོན་ཆོས་ཤེས་པ་དང༌། རྗེས་སུ་རྟོགས་པའི་ཤེས་པ་གཉིས་ཀྱིས་མངོན་སུམ་དང༌། ལྐོག་ཏུ་གྱུར་པའི་འདུ་བྱེད་ཐམས་ཅད་མངོན་པར་རྟོགས་ནས། བསྒོམ་པའི་ལམ་ལ་འདུ་བྱེད་ཐམས་ཅད་གཅིག་ཏུ་བསྡུས་ཤིང་ཆ་གཅིག་ཏུ་བྱས། ཚོགས་གཅིག་ཏུ་བྱས་ནས། མི་རྟག་པ་ལ་སོགས་པའི་རྣམ་པ་དག་གིས་ལྟ་བར་ཟད་ཀྱི། འདི་དག་ནི་འདོད་པ་ན་སྤྱོད་པའོ། །འདི་དག་ནི་གཟུགས་དང༌། གཟུགས་མེད་པ་ན་སྤྱོད་པའོ། །འདི་དག་ནི་མངོན་སུམ་མོ། །འདི་དག་ནི་ལྐོག་ཏུ་གྱུར་པའོ་ཞེས་རྣམ་པར་རྟོག་པ་མི་བྱེད་དེ། དེ་ལྟ་བས་ན་འཇིག་རྟེན་ལས་འདས་པའི་ལམ་བསྒོམ་པའི་ལམ་གྱིས་བསྡུས་པ་ཐམས་ཅད་ན་ས་འོག་མ་དང༌། ས་གོང་མ་པའི་ཉོན་མོངས་པ་ཐམས་ཅད་ཀྱི་གཉེན་པོ་ཡིན་པར་བལྟ་བར་བྱའོ། །

bsgom pa'i lam la ni 'jig rten las 'das pa'i lam thams cad bden pa bzhi la dmigs pa yin du zin kyang/ khams gsum na spyod pa'i nyon mongs pa'i gnyen po yin par rig par bya ste/ 'di ltar slob pa gzhi mthong bas sngon chos shes pa dang/ rjes su rtogs pa'i shes pa gnyis kyis mngon sum dang/ lkog tu gyur pa'i 'du byed thams cad mngon par rtogs nas/ bsgom pa'i lam la 'du byed thams cad gcig tu bsdus shing cha gcig tu byas/ tshogs gcig tu byas nas/ mi rtag pa la sogs pa'i rnam pa dag gis lta bar zad kyi/ 'di dag ni 'dod pa na spyod pa'o/ /'di dag ni gzugs dang/ gzugs med pa na spyod pa'o/ /'di dag ni mngon sum mo/ /'di dag ni lkog tu gyur pa'o zhes rnam par rtog pa mi byed de/ de lta bas na 'jig rten las 'das pa'i lam bsgom pa'i lam gyis bsdus pa thams cad na sa 'og ma dang/ sa gong ma pa'i nyon mongs pa thams cad kyi gnyen po yin par blta bar bya'o/ /

【I2 第二復次】

འཕགས་པ་ནི་ཕལ་ཆེར་བསྒོམ་པའི་ལམ་ལ་འཇིག་རྟེན་ལས་འདས་པའི་ལམ་གྱིས་རྗེས་སུ་འཇུག་པ་ན། མཚན་མ་མེད་པའི་རྣམ་པ་དག་གིས་མཚན་མ་མེད་པའི་དམིགས་པ་མང་དུ་ཡིད་ལ་བྱེད་དོ། །དེ་ཅིའི་ཕྱིར་ཞེ་ན། ཡིད་ལ་བྱེད་པ་དེ་ནི་ཚེ་འདི་ལ་ཤིན་ཏུ་བདེ་བར་གནས་པར་བྱ་བ་དང༌། ཉོན་མོངས་པ་སྤོང་བར་འགྱུར་བའི་ཕྱིར་རོ། །

'phags pa ni phal cher bsgom pa'i lam la 'jig rten las 'das pa'i lam gyis rjes su 'jug pa na/ mtshan ma med pa'i rnam pa dag gis mtshan ma med pa'i dmigs pa mang du yid la byed do/ /de ci'i phyir zhe na/ yid la byed pa de ni tshe 'di la shin tu bde bar gnas par bya ba dang/ nyon mongs pa spong bar 'gyur ba'i phyir ro/ /

【H3 明無學道】

མངོན་པར་ཤེས་པ་ལྔ་དང༌། ཉོན་མོངས་པ་མེད་པ་དང༌། སྨོན་ནས་ཤེས་པ་དང༌། སོ་སོ་ཡང་དག་པར་རིག་པ་དང༌། དེ་བཞིན་གཤེགས་པའི་སྟོབས་དང༌། མི་འཇིགས་པ་ལ་སོགས་པ་སངས་རྒྱས་ཀྱི་ཆོས་མ་འདྲེས་པ་རྣམས་ནི་ལམ་གྱི་རྗེས་ལས་འཐོབ་ཅིང་རྣམ་པར་དག་པ་དང༌། ལམ་ལ་བརྟེན་པ་ཡིན་མོད་ཀྱི། དེ་དག་ནི་ལམ་གྱི་བདེན་པས་བསྡུས་པ་མ་ཡིན་ནོ། །

mngon par shes pa lnga dang/ nyon mongs pa med pa dang/ smon nas shes pa dang/ so so yang dag par rig pa dang/ de bzhin gshegs pa'i stobs dang/ mi 'jigs pa la sogs pa sangs rgyas kyi chos ma 'dres pa rnams ni lam gyi rjes las 'thob cing rnam par dag pa dang/ lam la brten pa yin mod kyi/ de dag ni lam gyi bden pas bsdus pa ma yin no/ /

【F3 諸門料簡(六門)】【G1 遍知永斷和諦名廢立】

གང་གི་ཚེ་བདེན་པ་བཞི་པོ་ཐམས་ཅད་ཀྱང་ཡོངས་སུ་ཤེས་པར་བྱ་བ་དག་ཡིན་པའི་ཚེ་ཅིའི་ཕྱིར་སྡུག་བསྔལ་གྱི་བདེན་པ་ཁོ་ན་ཡོངས་སུ་ཤེས་པར་བྱ་ཞེས་གསུངས་ཤེ་ན། སྨྲས་པ། འདི་ལྟར་སྡུག་བསྔལ་གྱི་བདེན་པ་ནི་མཚན་ཉིད་གཉིས་ཀྱིས་ཡོངས་སུ་ཤེས་པར་བྱ་བ་ཡིན་ཏེ། རང་གི་མཚན་ཉིད་དང༌། སྤྱིའི་མཚན་ཉིད་ཀྱིས་སོ། །དེ་ལས་གཞན་པ་དག་ནི་རང་གི་མཚན་ཉིད་ཁོ་ནས་ཏེ། ཀུན་འབྱུང་བའི་བདེན་པ་ལ་རྒྱུ་ལ་སོགས་པའི་རྣམ་པ་དག་གིས་ཡོངས་སུ་ཤེས་པར་བྱ་བ་དེ་ཡང་དེའི་རང་གི་མཚན་ཉིད་ཡིན་ལ། འགོག་པའི་བདེན་པ་ལ། འགོག་པ་ལ་སོགས་པའི་རྣམ་པ་དག་གིས་ཡོངས་སུ་ཤེས་པར་བྱ་བ་དེ་ཡང་དེའི་རང་གི་མཚན་ཉིད་ཡིན་ནོ། །ལམ་གྱི་བདེན་པ་ལ་སོགས་པའི་རྣམ་པ་དག་གིས་ཡོངས་སུ་ཤེས་པར་བྱ་བ་དེ་ཡང་དེའི་རང་གི་མཚན་ཉིད་ཡིན་ཏེ། དེའི་ཕྱིར་སྡུག་བསྔལ་གྱི་བདེན་པ་ཁོ་ན་ཡོངས་སུ་ཤེས་པར་བྱ་ཞེས་གསུངས་སོ། །གང་གི་ཚེ་སྡུག་བསྔལ་གྱི་བདེན་པ་ཡང་སྤང་བར་བྱ་བའི་ཚེ་ཅིའི་ཕྱིར་ཀུན་འབྱུང་བའི་བདེན་པ་ཁོ་ན་སྤང་བར་བྱ་ཞེས་གསུངས་ཤེ་ན། སྡུག་བསྔལ་གྱི་བདེན་པ་སྤོང་བ་ནི་ཀུན་འབྱུང་བའི་བདེན་པ་སྤོང་བས་རབ་ཏུ་ཕྱེ་བ་ཡིན་ཏེ། དེའི་ཕྱིར་ཀུན་འབྱུང་བའི་བདེན་པ་ཁོ་ན་སྤོང་བར་བྱ་ཞེས་གསུངས་སོ༑ །

gang gi tshe bden pa bzhi po thams cad kyang yongs su shes par bya ba dag yin pa'i tshe ci'i phyir sdug bsngal gyi bden pa kho na yongs su shes par bya zhes gsungs she na/ smras pa/ 'di ltar sdug bsngal gyi bden pa ni mtshan nyid gnyis kyis yongs su shes par bya ba yin te/ rang gi mtshan nyid dang/ spyi'i mtshan nyid kyis so/ /de las gzhan pa dag ni rang gi mtshan nyid kho nas te/ kun 'byung ba'i bden pa la rgyu la sogs pa'i rnam pa dag gis yongs su shes par bya ba de yang de'i rang gi mtshan nyid yin la/ 'gog pa'i bden pa la/ 'gog pa la sogs pa'i rnam pa dag gis yongs su shes par bya ba de yang de'i rang gi mtshan nyid yin no/ /lam gyi bden pa la sogs pa'i rnam pa dag gis yongs su shes par bya ba de yang de'i rang gi mtshan nyid yin te/ de'i phyir sdug bsngal gyi bden pa kho na yongs su shes par bya zhes gsungs so/ /gang gi tshe sdug bsngal gyi bden pa yang spang bar bya ba'i tshe ci'i phyir kun 'byung ba'i bden pa kho na spang bar bya zhes gsungs she na/ sdug bsngal gyi bden pa spong ba ni kun 'byung ba'i bden pa spong bas rab tu phye ba yin te/ de'i phyir kun 'byung ba'i bden pa kho na spong bar bya zhes gsungs so| /

【G2 明見四諦有二種現觀】

བདེན་པ་རྣམས་ཀྱི་མངོན་པར་རྟོགས་པ་ནི་རྣམ་པ་གཉིས་ཏེ། ཤེས་པ་མངོན་པར་རྟོགས་པ་དང༌། སྤང་བ་མངོན་པར་རྟོགས་པའོ། །དེ་ལ་ཤེས་པ་མངོན་པར་རྟོགས་པ་ནི་བདེན་པ་མཚན་ཉིད་མི་འདྲ་བ་དག་ལ་ཤེས་པ་འབྱུང་བས་གོ་རིམས་སུ་རིམ་གྱིས་འབྱུང་ངོ་། །སྤོང་བ་མངོན་པར་རྟོགས་པ་ཡང་མཐར་གྱིས་འགྱུར་བ་ཉིད་དེ། ཉོན་མོངས་པ་སྤང་བ་མངོན་དུ་བྱ་བ་ནི་ཤེས་པ་འབྱུང་བ་ལ་རག་ལས་པའི་ཕྱིར་རོ།། །།

bden pa rnams kyi mngon par rtogs pa ni rnam pa gnyis te/ shes pa mngon par rtogs pa dang/ spang ba mngon par rtogs pa'o/ /de la shes pa mngon par rtogs pa ni bden pa mtshan nyid mi 'dra ba dag la shes pa 'byung bas go rims su rim gyis 'byung ngo / /spong ba mngon par rtogs pa yang mthar gyis 'gyur ba nyid de/ nyon mongs pa spang ba mngon du bya ba ni shes pa 'byung ba la rag las pa'i phyir ro// //

【G3 明五種正精進緣】

བམ་པོ་ཉི་ཤུ་རྩ་བདུན་པ། ཡང་དག་པར་བརྩོན་འགྲུས་རྩོམ་པའི་རྒྱུ་མཚན་ནི་ལྔ་སྟེ། དམ་པའི་ཆོས་སྟོན་པ་དང༌། རིགས་པ་དང་ལྡན་པ་དང་འགྲོགས་པ་དང༌། ལེ་ལོ་དང་བརྩོན་འགྲུས་རྩོམ་པ་ལ་ཉེས་དམིགས་སུ་ལྟ་བ་དང་ཕན་ཡོན་དུ་ལྟ་བའི་སོ་སོར་རྟོག་པའི་སྟོབས་དང༌། རྒྱུད་ཡོངས་སུ་སྨིན་པ་དང༌། སྔ་ཕྱིའི་ཁྱད་པར་འཐོབ་པའོ། །

bam po nyi shu rtsa bdun pa/ yang dag par brtson 'grus rtsom pa'i rgyu mtshan ni lnga ste/ dam pa'i chos ston pa dang/ rigs pa dang ldan pa dang 'grogs pa dang/ le lo dang brtson 'grus rtsom pa la nyes dmigs su lta ba dang phan yon du lta ba'i so sor rtog pa'i stobs dang/ rgyud yongs su smin pa dang/ snga phyi'i khyad par 'thob pa'o/ /

【G4 明二種證斷】

སྤོང་བ་མངོན་དུ་བྱ་བ་ནི་གཉིས་ཏེ། ས་བོན་ཉམས་པར་བྱེད་པའི་སྤོང་བ་མངོན་དུ་བྱ་བ་དང༌། ས་བོན་གཏན་ནས་འཇོམས་པའི་སྤོང་བ་མངོན་དུ་བྱ་བའོ། །བྲལ་བ་ནི་གཉིས་ཏེ། ཉོན་མོངས་པའི་རྣམ་པ་དང་བྲལ་བ་དང༌། ཉོན་མོངས་པའི་གཞིའི་འཆིང་བ་དང་བྲལ་བའོ། །

spong ba mngon du bya ba ni gnyis te/ sa bon nyams par byed pa'i spong ba mngon du bya ba dang/ sa bon gtan nas 'joms pa'i spong ba mngon du bya ba'o/ /bral ba ni gnyis te/ nyon mongs pa'i rnam pa dang bral ba dang/ nyon mongs pa'i gzhi'i 'ching ba dang bral ba'o/ /

【G5 明諂誑未見諦者有過失】【H1 明諂誑過失】

དགེ་སློང་གཡོ་མེད་པ་དང༌། སྒྱུ་མེད་པ་ཚུར་ཤོག་ཅེས་གང་གསུངས་པ་དེ་ལ། དེ་བཞིན་གཤེགས་པས་གཡོའི་ཉེས་དམིགས་དུ་ཞིག་ཡང་དག་པར་རྗེས་སུ་གཟིགས་ན། གཡོན་ཅན་ལ་ཡང་དག་པར་རྗེས་སུ་སྟོན་པར་མི་མཛད་ཅེ་ན། སྨྲས་པ། བཅུ་གཉིས་ཏེ། གཡོན་ཅན་ནི་གཡོའི་གཞིའི་རྒྱུས་དེ་ཁོ་ནའི་ཤེས་པ་མི་འཐོབ་པ་དང༌། སྙན་པ་ལས་ཡོངས་སུ་ཉམས་པར་འགྱུར་བ་དང་། གཞན་ཡིད་ཆེས་པ་ལས་ཡོངས་སུ་ཉམས་པར་འགྱུར་བ་དང༌། ཡོན་ཏན་བསྩགས་པ་ལས་ཡོངས་སུ་ཉམས་པར་འགྱུར་བ་དང༌། དམ་པ་རྣམས་ལས་ཆོས་མཉན་པ་དང༌། གདམས་ངག་ལས་ཡོངས་སུ་ཉམས་པར་འགྱུར་བ་དང༌། སྡིག་པ་མང་དུ་བྱེད་པ་དང༌། སེམས་ཀྱི་རྒྱུད་དགེ་བ་ལས་ཐག་རིང་དུ་བྱེད་པ་དང༌། གཡོའི་མི་མཉམ་པའི་གནོད་པས་སེམས་སྡུག་བསྔལ་ཞིང་རེག་པར་མི་གནས་པ་དང༌། གཞན་ལས་སྡུག་བསྔལ་གྱི་ཆོས་རྣམས་ཀྱི་དོགས་པ་འབྱུང་བ་དང༌། འཕགས་པའི་ཆོས་རྣམས་ཀྱི་སྣོད་དུ་མི་འགྱུར་བ་དང༌། འགྱོད་བཞིན་དུ་འཆི་བའི་དུས་བྱེད་པར་འགྱུར་བ་དང༌། ལུས་ཞིགས་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་དམྱལ་བ་རྣམས་སུ་སྐྱེ་བར་འགྱུར་བའོ། །

dge slong g.yo med pa dang/ sgyu med pa tshur shog ces gang gsungs pa de la/ de bzhin gshegs pas g.yo'i nyes dmigs du zhig yang dag par rjes su gzigs na/ g.yon can la yang dag par rjes su ston par mi mdzad ce na/ smras pa/ bcu gnyis te/ g.yon can ni g.yo'i gzhi'i rgyus de kho na'i shes pa mi 'thob pa dang/ snyan pa las yongs su nyams par 'gyur ba dang / gzhan yid ches pa las yongs su nyams par 'gyur ba dang/ yon tan bstsags pa las yongs su nyams par 'gyur ba dang/ dam pa rnams las chos mnyan pa dang/ gdams ngag las yongs su nyams par 'gyur ba dang/ sdig pa mang du byed pa dang/ sems kyi rgyud dge ba las thag ring du byed pa dang/ g.yo'i mi mnyam pa'i gnod pas sems sdug bsngal zhing reg par mi gnas pa dang/ gzhan las sdug bsngal gyi chos rnams kyi dogs pa 'byung ba dang/ 'phags pa'i chos rnams kyi snod du mi 'gyur ba dang/ 'gyod bzhin du 'chi ba'i dus byed par 'gyur ba dang/ lus zhigs te shi ba'i 'og tu ngan song ngan 'gro log par ltung ba sems dmyal ba rnams su skye bar 'gyur ba'o/ /

【H2 明八行七事】

གཡོ་ནི་རྣམ་པ་བརྒྱད་དང༌། གཞི་བདུན་དང་ལྡན་པ་ཡིན་པར་རིག་པར་བྱ་སྟེ། དེ་ཡང་འདོད་པ་ན་སྤྱོད་པ་ཡིན་ནོ། །རྣམ་པ་བརྒྱད་གང་ཞེ་ན། རྨོངས་པར་བྱ་བ་གཡོ་བྱེད་པ་དང༌། འཆབ་པ་དང༌། སྒྲོགས་པ་དང༌། འཇོག་པ་དང༌། འདུད་པ་དང༌། འཁུ་བ་དང༌། འདོར་བ་དང༌། སྙིང་རྗེ་བར་སྟོན་པ་ལ་གཡོ་བྱེད་པའོ། །གཞི་བདུན་གང་ཞེ་ན། ཐ་སྙད་ཀྱི་གཞི་དང༌། བསྐུལ་བའི་གཞི་དང༌། རྩོད་པའི་གཞི་དང༌། མཛའ་བཤེས་ཉིད་དུ་སྟོན་པའི་གཞི་དང༌། ཡིད་གཅུགས་པར་སྟོན་པའི་གཞི་དང༌། བྱ་བ་ལ་གཡོ་མེད་པའི་གཞི་དང༌། གནོད་པའི་གཞིའོ། །དེ་ལ་གཞི་དང་པོས་ནི་གཡོན་ཅན་འཇིག་རྟེན་པ་རྣམས་དང་ལྷན་ཅིག་ཐ་སྙད་བྱེད་པ་ན། དོན་མེད་པ་ལ་དོན་དུ་སྟོན་པ་དང༌། དོན་ལ་དོན་མེད་པར་སྟོན་པ་དང༌། དོན་མེད་པ་ལ་དོན་དུ་སྟོན་པ་དང༌། དོན་ལ་དོན་མེད་པར་སྟོན་པ་ཇི་ལྟ་བ་དེ་བཞིན་དུ། དོན་མེད་པ་ལས་ཡོད་པར་སྟོན་པ་དང༌། ཡོད་པ་ལ་མེད་པར་སྟོན་པས་རྨོངས་པར་བྱེད་དོ། །དེ་ལ་གཞི་གཉིས་པས་ནི་གཡོན་ཅན་གཡོའི་སྤྱོད་པས་ཀུན་ནས་བསླང་བའི་ཉེས་པར་སྤྱོད་པའི་ལས་དག་ལ་གཞན་དག་གིས་བསྐུལ་བ་ན་དེ་ཉེས་པ་ཡང་དག་པ་ནི་འཆབ་པར་བྱེད་ལ། ཡོན་ཏན་ཡང་དག་པ་མ་ཡིན་པ་ནི་སྒྲོགས་པར་བྱེད་དོ། །དེ་ལ་གཞི་གསུམ་པས་ནི་གཡོན་ཅན་ཕས་ཀྱི་རྒོལ་བ་པ་དག་དང་ལྷན་ཅིག་ཏུ་ཡོན་ཏན་དང་སྐྱོན་ཡོངས་སུ་བརྟགས་པ་ལས་བརྩམས་ཏེ་རྩོད་པ་ན་ཕྱོགས་བཟང་པོ་མ་ཡིན་པ་ཡང་འཇོག་པར་བྱེད་དོ། །དེ་ལ་གཞི་བཞི་པས་ནི་གཡོན་ཅན་ཆེས་སྟོབས་དང་ལྡན་ཞིང་གཏུམ་པ་གང་ལས་འཇིགས་པ་ཡང་དག་པར་རྗེས་སུ་མཐོང་བ་དེ་ལ་ལུས་དང་ངག་གིས་ཆེས་ཤིན་ཏུ་དམན་པར་བྱེད་ཅིང་འདུད་པ་དེས་མཛའ་བཤེས་ཉིད་དུ་སྟོན་པར་བྱེད་དོ། །དེ་ལ་གཞི་ལྔ་པས་ནི་གཡོན་ཅན་གནམ་པོ་གཡོ་བའི་རང་བཞིན་ཅན་གང་ལས་ཆུང་ཟད་འཁུས་པས་རྙེད་པ་འཐོབ་པ་ཡང་དག་པར་རྗེས་སུ་མཐོང་བ་དེ་ལ་ཡིད་མི་གཅུགས་ཤིང་ཡིད་མི་ཆེས་པ་ཉིད་ཡིན་བཞིན་དུ། འདི་ལྟ་སྟེ། རྣམ་པར་བསྒྲུབ་པའི་རྒྱུ་བ་དང༌། གནས་པ་རྣམ་པར་དག་པ་ཉིད་དུ་བསྟན་པའི་ཕྱིར་བདག་ཉིད་མཆོག་ཏུ་ཡིད་གཅུགས་པ་ཉིད་དང༌། མཆོག་ཏུ་ཡིད་ཆེས་པ་ཉིད་དུ་སྟོན་པར་བྱེད་དོ། །དེ་ལ་གཞི་དྲུག་པས་ནི་གཡོན་ཅན་མཛའ་བཤེས་སྙིང་དུ་སྡུག་པ་ཡིད་གཅུགས་པ་དག་གིས་མ་འོངས་པའི་བྱ་བ་རྒྱ་ཆེན་པོ་དག་ལ་གྲོགས་བྱ་བར་ཁས་བླངས་ལ་བྱ་བ་དེའི་དུས་ལ་བབ་པའི་ཚེ་ན་འདི་ལྟ་སྟེ། བདག་ཉིད་ཡོངས་སུ་ངལ་བ་རྗེས་སུ་བསྲུང་བ་ཉིད་ཀྱི་ཕྱིར་གཡོ་སྣ་ཚོགས་ཉེ་བར་སྟོན་པས་འདོད་པར་བྱེད་དོ། །དེ་ལ་གཞི་བདུན་པས་ནི་གཡོན་ཅན་གནོད་པ་གང་ཡང་རུང་བ་ཞིག་བྱུང་བ་ན། གང་ལས་དེའི་གནོད་པ་འབྱུང་བའི་དགྲ་བོ་དེ་ལ། འདི་ལྟ་སྟེ། མྱ་ངན་དང༌། སྒྱིད་ལུག་པ་དང༌། རྨོངས་པའི་བར་དག་བསྐྱེད་པའི་ཕྱིར་བདག་ཉིད་དེ་ལྟར་ཉམ་ཐག་པ་དང༌། སྡུག་བསྔལ་བ་མ་ཡིན་ཡང་ཅི་ནས་ཀྱང་ཉམ་ཐག་པ་དང༌། སྡུག་བསྔལ་ལྟ་བུར་སྟོན་པར་བྱེད་དོ། །

g.yo ni rnam pa brgyad dang/ gzhi bdun dang ldan pa yin par rig par bya ste/ de yang 'dod pa na spyod pa yin no/ /rnam pa brgyad gang zhe na/ rmongs par bya ba g.yo byed pa dang/ 'chab pa dang/ sgrogs pa dang/ 'jog pa dang/ 'dud pa dang/ 'khu ba dang/ 'dor ba dang/ snying rje bar ston pa la g.yo byed pa'o/ /gzhi bdun gang zhe na/ tha snyad kyi gzhi dang/ bskul ba'i gzhi dang/ rtsod pa'i gzhi dang/ mdza' bshes nyid du ston pa'i gzhi dang/ yid gcugs par ston pa'i gzhi dang/ bya ba la g.yo med pa'i gzhi dang/ gnod pa'i gzhi'o/ /de la gzhi dang pos ni g.yon can 'jig rten pa rnams dang lhan cig tha snyad byed pa na/ don med pa la don du ston pa dang/ don la don med par ston pa dang/ don med pa la don du ston pa dang/ don la don med par ston pa ji lta ba de bzhin du/ don med pa las yod par ston pa dang/ yod pa la med par ston pas rmongs par byed do/ /de la gzhi gnyis pas ni g.yon can g.yo'i spyod pas kun nas bslang ba'i nyes par spyod pa'i las dag la gzhan dag gis bskul ba na de nyes pa yang dag pa ni 'chab par byed la/ yon tan yang dag pa ma yin pa ni sgrogs par byed do/ /de la gzhi gsum pas ni g.yon can phas kyi rgol ba pa dag dang lhan cig tu yon tan dang skyon yongs su brtags pa las brtsams te rtsod pa na phyogs bzang po ma yin pa yang 'jog par byed do/ /de la gzhi bzhi pas ni g.yon can ches stobs dang ldan zhing gtum pa gang las 'jigs pa yang dag par rjes su mthong ba de la lus dang ngag gis ches shin tu dman par byed cing 'dud pa des mdza' bshes nyid du ston par byed do/ /de la gzhi lnga pas ni g.yon can gnam po g.yo ba'i rang bzhin can gang las chung zad 'khus pas rnyed pa 'thob pa yang dag par rjes su mthong ba de la yid mi gcugs shing yid mi ches pa nyid yin bzhin du/ 'di lta ste/ rnam par bsgrub pa'i rgyu ba dang/ gnas pa rnam par dag pa nyid du bstan pa'i phyir bdag nyid mchog tu yid gcugs pa nyid dang/ mchog tu yid ches pa nyid du ston par byed do/ /de la gzhi drug pas ni g.yon can mdza' bshes snying du sdug pa yid gcugs pa dag gis ma 'ongs pa'i bya ba rgya chen po dag la grogs bya bar khas blangs la bya ba de'i dus la bab pa'i tshe na 'di lta ste/ bdag nyid yongs su ngal ba rjes su bsrung ba nyid kyi phyir g.yo sna tshogs nye bar ston pas 'dod par byed do/ /de la gzhi bdun pas ni g.yon can gnod pa gang yang rung ba zhig byung ba na/ gang las de'i gnod pa 'byung ba'i dgra bo de la/ 'di lta ste/ mya ngan dang/ sgyid lug pa dang/ rmongs pa'i bar dag bskyed pa'i phyir bdag nyid de ltar nyam thag pa dang/ sdug bsngal ba ma yin yang ci nas kyang nyam thag pa dang/ sdug bsngal lta bur ston par byed do/ /

【G6 明未見諦者有九種麁語名為麁語聲聞】

ཉན་ཐོས་བཀའ་བློ་མི་བདེ་བ་ནི་རེ་ཞིག་བདེན་པ་རྣམས་ལས་བརྩམས་ནས། གདམས་ངག་དང༌། རྗེས་སུ་བསྟན་པ་ཉིད་འཐོབ་པར་འོས་པ་ཡང་མ་ཡིན་ན། བདེན་པ་རྣམས་མངོན་པར་རྟོགས་པར་འགྱུར་བ་དང༌། རྣམ་པར་བྱང་བར་འགྱུར་བའི་སྐལ་བ་ལྟ་ག་ལ་ཡོད། ཉན་ཐོས་བཀའ་བློ་མི་བདེ་བའི་རྟགས་ནི་དགུ་པོ་འདི་དག་ཡིན་ཏེ། དེ་དག་དང་ལྡན་པའི་ཉན་ཐོས་ནི་ཚིག་མི་བཟོད་པ་དང༌། བཀའ་བློ་མི་བདེ་བ་ཡིན་པར་རིག་པར་བྱའོ། །དགུ་གང་ཞེ་ན། གླེང་བ་པོའི་གང་ཟག་གིས་གླེངས་པ་ན། ཚིག་མི་འཇམ་པ་ཉིད་ལས་བརྩམས་ནས་སྐབས་ལས་བྱུང་བས་ལན་འདེབས་པ་དང༌། མ་འབྲེལ་པ་དང༌། མ་རྫོགས་པ་དང༌། གཞན་དུ་ཡོངས་སུ་བརྟགས་ནས་ལན་འདེབས་པ་དེ་ནི་རྟགས་དང་པོ་ཡིན་ནོ། །རྣམ་པར་གཡེངས་པའི་ཚིག་ཉིད་ལས་བརྩམས་ནས། གཏམ་གཞན་གྱིས་གླེངས་པ་འདོར་བར་བྱེད། སྤོང་བར་བྱེད་པ་འདི་ནི་རྟགས་གཉིས་པ་ཡིན་ནོ། །ཁོང་ཁྲོ་བའི་ཀུན་ནས་དཀྲིས་པས་རང་གི་སེམས་འཁྲུག་པར་བྱེད་པ་དང༌། སློང་བར་བྱེད་པ་དང༌། རྙོག་པ་ཅན་དུ་བྱེད་པ་དེ་ནི་རྟགས་གསུམ་པ་ཡིན་ནོ། །ཁོང་ཁྲོ་བའི་ཀུན་ནས་དཀྲིས་པ་ཉིད་ཀྱིས་མི་མཐུན་པའི་ཚིག་དང༌། ཉེས་རྩོམ་གྱི་ཚིག་དང༌། ངག་རྩུབ་པོའི་ཚིག་རྗོད་པར་བྱེད་པ་དེ་ནི་རྟགས་བཞི་བ་ཡིན་ནོ། །འདི་བདག་ལ་སྨྲ་ན། བདག་གིས་ཀྱང་འདི་ལ་ཅིའི་ཕྱིར་སྨྲ་བར་མི་བྱ་སྙམ་དུ་སེམས་ཁེངས་པས་རྗོད་པར་བྱེད་པ་དེ་ནི་རྟགས་ལྔ་པ་ཡིན་ནོ། །ཁ་ན་མ་ཐོ་བ་འཆབ་པར་བྱེད་པ་དེ་ནི་རྟགས་དྲུག་པ་ཡིན་ནོ། །ཁོན་གྱི་བསམ་པ་འཛིན་པར་བྱེད་པ་དེ་ནི་རྟགས་བདུན་པ་ཡིན་ནོ། །ལན་བྱ་བའི་སེམས་མང་དུ་བྱེད་པ་དེ་ནི་རྟགས་བརྒྱད་པ་ཡིན་ནོ། །གཞན་དག་གིས་གླེང་བ་པོའི་ཡང་དག་པའི་ཡོན་ཏན་དག་བརྗོད་པ་དང༌། ཡང་དག་པར་བཤད་པ་ན་མོས་པར་མི་བྱེད་ཅིང༌། ཕྱིར་བཟློག་པ་དང༌། སྤོང་བ་དང༌། ཕྱིར་གཤེ་བར་བྱེད་པ་དེ་ནི་རྟགས་དགུ་པ་ཡིན་ནོ། །གང་ཟག་གླེང་བ་པོ་ནི་མདོར་བསྡུ་ན་གཉིས་པོ་འདི་དག་ཡིན་ཏེ། བླ་མའི་གནས་ལྟ་བུ་ཡང་ཡིན་ལ་གྲགས་པ་དང༌། བླ་མའི་གནས་ལྟ་བུ་ཡང་མ་ཡིན་ལ་མ་གྲགས་པའོ། །དེ་ལ་རྟགས་དང་པོ་གཉིས་ནི་གླེང་བ་པོའི་གང་ཟག་དང་པོ་ལས་བརྩམས་ཏེ་བལྟ་བར་བྱའོ། །རྟགས་ལྷག་མ་བདུན་ནི་གླེང་བ་པོའི་གང་ཟག་གཉིས་པ་ལས་བརྩམས་ཏེ་བལྟ་བར་བྱའོ། །

nyan thos bka' blo mi bde ba ni re zhig bden pa rnams las brtsams nas/ gdams ngag dang/ rjes su bstan pa nyid 'thob par 'os pa yang ma yin na/ bden pa rnams mngon par rtogs par 'gyur ba dang/ rnam par byang bar 'gyur ba'i skal ba lta ga la yod/ nyan thos bka' blo mi bde ba'i rtags ni dgu po 'di dag yin te/ de dag dang ldan pa'i nyan thos ni tshig mi bzod pa dang/ bka' blo mi bde ba yin par rig par bya'o/ /dgu gang zhe na/ gleng ba po'i gang zag gis glengs pa na/ tshig mi 'jam pa nyid las brtsams nas skabs las byung bas lan 'debs pa dang/ ma 'brel pa dang/ ma rdzogs pa dang/ gzhan du yongs su brtags nas lan 'debs pa de ni rtags dang po yin no/ /rnam par g.yengs pa'i tshig nyid las brtsams nas/ gtam gzhan gyis glengs pa 'dor bar byed/ spong bar byed pa 'di ni rtags gnyis pa yin no/ /khong khro ba'i kun nas dkris pas rang gi sems 'khrug par byed pa dang/ slong bar byed pa dang/ rnyog pa can du byed pa de ni rtags gsum pa yin no/ /khong khro ba'i kun nas dkris pa nyid kyis mi mthun pa'i tshig dang/ nyes rtsom gyi tshig dang/ ngag rtsub po'i tshig rjod par byed pa de ni rtags bzhi ba yin no/ /'di bdag la smra na/ bdag gis kyang 'di la ci'i phyir smra bar mi bya snyam du sems khengs pas rjod par byed pa de ni rtags lnga pa yin no/ /kha na ma tho ba 'chab par byed pa de ni rtags drug pa yin no/ /khon gyi bsam pa 'dzin par byed pa de ni rtags bdun pa yin no/ /lan bya ba'i sems mang du byed pa de ni rtags brgyad pa yin no/ /gzhan dag gis gleng ba po'i yang dag pa'i yon tan dag brjod pa dang/ yang dag par bshad pa na mos par mi byed cing/ phyir bzlog pa dang/ spong ba dang/ phyir gshe bar byed pa de ni rtags dgu pa yin no/ /gang zag gleng ba po ni mdor bsdu na gnyis po 'di dag yin te/ bla ma'i gnas lta bu yang yin la grags pa dang/ bla ma'i gnas lta bu yang ma yin la ma grags pa'o/ /de la rtags dang po gnyis ni gleng ba po'i gang zag dang po las brtsams te blta bar bya'o/ /rtags lhag ma bdun ni gleng ba po'i gang zag gnyis pa las brtsams te blta bar bya'o/ /

【C2 以頌舉十三門復別決擇】【D1 舉頌列十三門】

སའི་དངོས་གཞིར་ཚུལ་ཁྲིམས་ཀྱི་སྡོམ་པ་ལས་བརྩམས་ནས། འདུལ་བ་དང་ལྡན་པའི་རྣམ་པར་གཏན་ལ་དབབ་པའི་སྡོམ་ནི། བསྡུ་དང་བཅས་དང་ཚུལ་ཁྲིམས་དང༌། །བག་ཡོད་སྒྲིབ་དང་སློབ་གཞུག་དང༌། །བརྟག་དང་བརྟེན་དང་བླང་བ་དང༌། །ལོངས་སྤྱོད་དང་ནི་ཟབ་པ་དང༌། །མོས་དང་དཔེ་ཡི་དངོས་པོའོ། །

sa'i dngos gzhir tshul khrims kyi sdom pa las brtsams nas/ 'dul ba dang ldan pa'i rnam par gtan la dbab pa'i sdom ni/ bsdu dang bcas dang tshul khrims dang/ /bag yod sgrib dang slob gzhug dang/ /brtag dang brten dang blang ba dang/ /longs spyod dang ni zab pa dang/ /mos dang dpe yi dngos po'o/ /

【D2 以長行解釋即為十三段】【E1 攝】【F1 總說】

དེ་ལ་འདུལ་བ་དང་བཅས་པའི་སོ་སོར་ཐར་པ་ནི་གནས་བདུན་གྱིས་བསྡུ་བ་ཡིན་ཏེ། གནས་བདུན་གང་ཞེ་ན། སྨྲས་པ། བཀའ་དང་རྗེས་སུ་གནང་བ་དང༌། དགག་པ་དང༌། ལྟུང་བའི་གཞི་དང༌། ལྟུང་བ་དང༌། ལྟུང་བ་མེད་པ་དང༌། ལྟུང་བ་ལས་བསླང་བའོ། །

de la 'dul ba dang bcas pa'i so sor thar pa ni gnas bdun gyis bsdu ba yin te/ gnas bdun gang zhe na/ smras pa/ bka' dang rjes su gnang ba dang/ dgag pa dang/ ltung ba'i gzhi dang/ ltung ba dang/ ltung ba med pa dang/ ltung ba las bslang ba'o/ /

【F2 次第解】【G1 教勅】

དེ་ལ་བཀའ་ནི་བཅོམ་ལྡན་འདས་ཀྱིས་མི་དགེ་བའི་ཆོས་ཡོངས་སུ་ཉམས་པ་དང༌། དགེ་བའི་ཆོས་མངོན་པར་འཕེལ་བར་འགྱུར་བ་གང་ཡིན་པ་དེ་ལ་འདུལ་བར་བཀའ་སྩོལ་པ་སྟེ། དེ་ནི་བཀའི་མཚན་ཉིད་མདོར་བསྡུས་པ་ཡིན་གྱི། རྒྱ་ཆེར་རྣམ་པར་དབྱེ་བ་ནི་དཔག་ཏུ་མེད་དོ། །

de la bka' ni bcom ldan 'das kyis mi dge ba'i chos yongs su nyams pa dang/ dge ba'i chos mngon par 'phel bar 'gyur ba gang yin pa de la 'dul bar bka' stsol pa ste/ de ni bka'i mtshan nyid mdor bsdus pa yin gyi/ rgya cher rnam par dbye ba ni dpag tu med do/ /

【G2 開聽】

དེ་ལ་རྗེས་སུ་གནང་བ་ནི་བཅོམ་ལྡན་འདས་ཀྱིས་ཉེ་བར་སྟོན་པའི་རྒྱུ་དང༌། ཀུན་ནས་ཉོན་མོངས་པ་ཅན་མ་ཡིན་པར་ཀུན་དུ་སྤྱོད་ནུས་པ་གང་ཡིན་པ་དེ་འདུལ་བར་རྗེས་སུ་གནང་བར་མཛད་པའོ། །

de la rjes su gnang ba ni bcom ldan 'das kyis nye bar ston pa'i rgyu dang/ kun nas nyon mongs pa can ma yin par kun du spyod nus pa gang yin pa de 'dul bar rjes su gnang bar mdzad pa'o/ /

【G3 制止】

དེ་ལ་དགག་པ་ནི་བཅོམ་ལྡན་འདས་ཀྱིས་རང་བཞིན་གྱིས་ཁ་ན་མ་ཐོ་བ་དང་བཅས་པ་དང༌། ཁ་ན་མ་ཐོ་བ་མེད་པ་དང་། མི་མཐུན་པ་གང་ཡིན་པ་དེ་འདུལ་བ་ལ་དགག་པ་མཛད་པའོ། །

de la dgag pa ni bcom ldan 'das kyis rang bzhin gyis kha na ma tho ba dang bcas pa dang/ kha na ma tho ba med pa dang / mi mthun pa gang yin pa de 'dul ba la dgag pa mdzad pa'o/ /

【G4 犯處】

དེ་ལ་ལྟུང་བའི་གཞི་ནི་མདོར་བསྡུ་ན། རྣམ་པ་བཅོ་བརྒྱད་དེ་འདི་ལྟ་སྟེ། མི་དགེ་བ་དང༌། དགེ་བ་དང༌། མི་མཐུན་པ་དང༌། ལུས་ཀྱི་ལས་དང༌། ངག་གི་ལས་དང༌། ཡིད་ཀྱི་ལས་དང༌། ཚུལ་ཁྲིམས་ཉམས་པ་དང༌། ལྟ་བ་ཉམས་པ་དང༌། ཆོ་ག་ཉམས་པ་དང༌། འཚོ་བ་ཉམས་པ་དང༌། གཞན་གྱི་སེམས་རྗེས་སུ་བསྲུང་བ་དང༌། གཞན་ལ་གནོད་པ་རྗེས་སུ་བསྲུང་བ་དང༌། ཡིད་མི་ཆེས་པའི་གནས་རྗེས་སུ་བསྲུང་བ་དང༌། འཁྲིག་པ་དང༌། ལྷུང་བཟེད་དང༌། ཆོས་གོས་དང༌། བསོད་སྙོམས་དང༌། མལ་ཆ་དང༌། སྟན་དང༌། ན་བའི་གསོ་སྨན་དང་ཡོ་བྱད་དོ། །དེ་ལ་མི་དགེ་བ་ནི་རང་བཞིན་གྱིས་ཁ་ན་མ་ཐོ་བ་དང་བཅས་པ་གང་ཅི་ཡང་རུང་བའོ། །དེ་ལ་དགེ་བ་དང་མི་མཐུན་པ་ནི་བཅས་པའི་ཁ་ན་མ་ཐོ་བ་དང་བཅས་པ་གང་ཅི་ཡང་རུང་བའོ། །དེ་ལ་ལུས་དང༌། ངག་དང༌། ཡིད་ཀྱི་ལས་ལ་བརྟེན་ནས་ནི། ལྟུང་བ་སྡེ་ལྔ་པོ་ཐམས་ཅད་ཅི་རིགས་པར་རིག་པར་བྱའོ། །དེ་བཞིན་དུ་ལྟུང་བའི་གཞི་དེ་ལས་གཞན་པ་དག་ཀྱང་ལྟུང་བ་སྡེ་ལྔ་པོ་དག་ལ་ཅི་རིགས་པར་རིག་པར་བྱའོ། །

de la ltung ba'i gzhi ni mdor bsdu na/ rnam pa bco brgyad de 'di lta ste/ mi dge ba dang/ dge ba dang/ mi mthun pa dang/ lus kyi las dang/ ngag gi las dang/ yid kyi las dang/ tshul khrims nyams pa dang/ lta ba nyams pa dang/ cho ga nyams pa dang/ 'tsho ba nyams pa dang/ gzhan gyi sems rjes su bsrung ba dang/ gzhan la gnod pa rjes su bsrung ba dang/ yid mi ches pa'i gnas rjes su bsrung ba dang/ 'khrig pa dang/ lhung bzed dang/ chos gos dang/ bsod snyoms dang/ mal cha dang/ stan dang/ na ba'i gso sman dang yo byad do/ /de la mi dge ba ni rang bzhin gyis kha na ma tho ba dang bcas pa gang ci yang rung ba'o/ /de la dge ba dang mi mthun pa ni bcas pa'i kha na ma tho ba dang bcas pa gang ci yang rung ba'o/ /de la lus dang/ ngag dang/ yid kyi las la brten nas ni/ ltung ba sde lnga po thams cad ci rigs par rig par bya'o/ /de bzhin du ltung ba'i gzhi de las gzhan pa dag kyang ltung ba sde lnga po dag la ci rigs par rig par bya'o/ /

【G5 有犯】

དེ་ལ་ལྟུང་བ་ནི་མདོར་བསྡུ་ན་ལྟུང་བ་སྡེ་ལྔ་པོ་དག་གོ། །ལྟུང་བ་སྡེ་ལྔ་པོ་དེ་དག་ལ་ལྟུང་བ་ཇི་ལྟར་འབྱུང་ཞེ་ན། སྨྲས་པ། རྣམ་པ་ལྔ་སྟེ། འདི་ལྟ་སྟེ། གཞི་དང༌། ཀུན་ནས་སློང་བ་དང༌། དངོས་པོ་དང༌། སྦྱོར་བ་དང༌། མཐས་ཏེ༑ དེ་དག་གི་རབ་ཏུ་བྱེད་པ་ནི་གཞི་བསྡུ་བའི་འདུལ་བའི་མ་མོ་ལས་རྒྱ་ཆེར་བཤད་པར་བྱའོ། །ཡང་ལྟུང་བ་ནི་རྣམ་པ་དགུ་སྟེ། དགེ་བསྙེན་གྱི་ལྟུང་བ་དང་། དགེ་བསྙེན་མའི་ལྟུང་བ་དང༌། དགེ་ཚུལ་གྱི་ལྟུང་བ་དང༌། དགེ་ཚུལ་མའི་ལྟུང་བ་དང༌། དགེ་སློབ་མའི་ལྟུང་བ་དང༌། དགེ་སློང་མའི་ལྟུང་བ་དང༌། དགེ་སློང་གི་ལྟུང་བ་དང༌། སོ་སོའི་སྐྱེ་བོའི་ལྟུང་བ་དང༌། སློབ་པའི་ལྟུང་བའོ། །མི་སློབ་པ་ལ་ནི་ལྟུང་བ་མེད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ལ་ནི་བྱ་བ་མེད་པའི་ཕྱིར་ཆོས་ཉིད་ཀྱིས་ཐོབ་པ་ཁོ་ནས་བསླབ་པའི་གཞི་ཕྲན་ཚེགས་ཕྲ་བ་ཐམས་ཅད་རྒྱུན་བཅད་པ་ཡིན་ལ། དེ་ནི་ཉོན་མོངས་པ་ཅན་གྱི་ལྟུང་བ་འབྱིན་མི་སྲིད་པའི་ཕྱིར་རོ། །

de la ltung ba ni mdor bsdu na ltung ba sde lnga po dag go/ /ltung ba sde lnga po de dag la ltung ba ji ltar 'byung zhe na/ smras pa/ rnam pa lnga ste/ 'di lta ste/ gzhi dang/ kun nas slong ba dang/ dngos po dang/ sbyor ba dang/ mthas te| de dag gi rab tu byed pa ni gzhi bsdu ba'i 'dul ba'i ma mo las rgya cher bshad par bya'o/ /yang ltung ba ni rnam pa dgu ste/ dge bsnyen gyi ltung ba dang / dge bsnyen ma'i ltung ba dang/ dge tshul gyi ltung ba dang/ dge tshul ma'i ltung ba dang/ dge slob ma'i ltung ba dang/ dge slong ma'i ltung ba dang/ dge slong gi ltung ba dang/ so so'i skye bo'i ltung ba dang/ slob pa'i ltung ba'o/ /mi slob pa la ni ltung ba med do/ /de ci'i phyir zhe na/ 'di ltar de la ni bya ba med pa'i phyir chos nyid kyis thob pa kho nas bslab pa'i gzhi phran tshegs phra ba thams cad rgyun bcad pa yin la/ de ni nyon mongs pa can gyi ltung ba 'byin mi srid pa'i phyir ro/ /

【G6 無犯】

དེ་ལ་ལྟུང་བ་མེད་པ་ནི་རྣམ་པ་བཞིས་རིག་པར་བྱ་སྟེ། འདི་ལྟ་སྟེ། ལས་དང་པོ་པ་དང༌། སྨྱོས་པ་དང༌། སེམས་རྣམ་པར་གཡེངས་པ་དང༌། ཚོར་བས་ཉེན་པའོ། །

de la ltung ba med pa ni rnam pa bzhis rig par bya ste/ 'di lta ste/ las dang po pa dang/ smyos pa dang/ sems rnam par g.yengs pa dang/ tshor bas nyen pa'o/ /

【G7 出罪】

དེ་ལ་ལྟུང་བ་ལས་བསླང་བ་ནི་རྣམ་པ་ལྔས་རིག་པར་བྱ་སྟེ། འདི་ལྟ་སྟེ། བདག་ལས་དང༌། གཞན་ལས་དང༌། བདག་དང་གཞན་ལས་དང༌། ལུས་གྱུར་པ་ལས་དང༌། ལུས་སྤངས་པ་ལས་སོ། །དེ་ལ་བདག་ལས་ནི་འདི་ལྟ་སྟེ། བསྡམ་པར་བྱ་བ་ལས་སོ། །དེ་ལས་གཞན་པ་ལས་ནི་འདི་ལྟ་སྟེ། བདེན་པ་མཐོང་བའི་ལྟུང་བ་ཉོན་མོངས་པ་ཅན་མ་ཡིན་པ་ལས་སོ། །དེ་ལ་བདག་དང་གཞན་ལས་ནི་འདི་ལྟ་སྟེ། སོ་སོའི་སྐྱེ་བོའི་ལྟུང་བ་ཉོན་མོངས་པ་ཅན་དང༌། ཉོན་མོངས་པ་ཅན་མ་ཡིན་པ་ལས་སོ། །དེ་ལ་ལུས་གྱུར་པ་ལས་ནི་འདི་ལྟ་སྟེ། དགེ་སློང་གི་ལུས་སྤངས་ནས། དགེ་སློང་མའི་ལུས་སུ་གྱུར་པའམ། དགེ་སློང་མའི་ལུས་སྤངས་ནས་དགེ་སློང་གི་ལུས་སུ་གྱུར་པའམ། དེ་བཞིན་དུ་དགེ་སློང་དང༌། དགེ་སློང་མ་གཉི་གའི་ལུས་སྤངས་ནས། དེ་ལས་གཞན་པའི་མཚན་དུ་གྱུར་པའམ། མཚན་མེད་པར་གྱུར་པ་ལས་སོ། །དེ་ལ་ལུས་སྤངས་པ་ལས་ནི་འདི་ལྟ་སྟེ། ཤི་བའི་དུས་བྱས་པའོ། །

de la ltung ba las bslang ba ni rnam pa lngas rig par bya ste/ 'di lta ste/ bdag las dang/ gzhan las dang/ bdag dang gzhan las dang/ lus gyur pa las dang/ lus spangs pa las so/ /de la bdag las ni 'di lta ste/ bsdam par bya ba las so/ /de las gzhan pa las ni 'di lta ste/ bden pa mthong ba'i ltung ba nyon mongs pa can ma yin pa las so/ /de la bdag dang gzhan las ni 'di lta ste/ so so'i skye bo'i ltung ba nyon mongs pa can dang/ nyon mongs pa can ma yin pa las so/ /de la lus gyur pa las ni 'di lta ste/ dge slong gi lus spangs nas/ dge slong ma'i lus su gyur pa'am/ dge slong ma'i lus spangs nas dge slong gi lus su gyur pa'am/ de bzhin du dge slong dang/ dge slong ma gnyi ga'i lus spangs nas/ de las gzhan pa'i mtshan du gyur pa'am/ mtshan med par gyur pa las so/ /de la lus spangs pa las ni 'di lta ste/ shi ba'i dus byas pa'o/ /

【E2 制立】

བསླབ་པའི་གཞི་བཅའ་བ་རྣམ་པར་དག་པ་ནི་བཅུ་པོ་འདི་དག་ཡིན་ཏེ། འདི་ལྟ་སྟེ༑ རིག་པས་རྣམ་པར་དག་པ་དང༌། འབྲས་བུས་རྣམ་པར་དག་པ་དང༌། ཕན་འདོགས་པས་རྣམ་པར་དག་པ་དང༌། ཕྱི་རོལ་གྱིས་རྣམ་པར་དག་པ་དང༌། ནང་གིས་རྣམ་པར་དག་པ་དང༌། མཐའ་དག་གིས་རྣམ་པར་དག་པ་དང༌། བྱམས་ཤིང་གུས་པས་རྣམ་པར་དག་པ་དང༌། རྣམ་པར་གནོན་པའི་གཉེན་པོ་བསྒོམ་པས་རྣམ་པར་དག་པ་དང༌། བག་ལ་ཉལ་སྤང་པའི་གཉེན་པོ་བསྒོམ་པས་རྣམ་པར་དག་པ་དང༌། རྒྱུད་རྒྱུན་མི་འཆད་པས་རྣམ་པར་དག་པའོ། །རྣམ་གྲངས་གཞན་ཡང་གཞི་དང་བཅས་པའི་བསླབ་པའི་གཞི་བཅས་པས་རྣམ་པར་དག་པ་དང༌། འདོད་པའི་བསོད་ཉམས་ཀྱི་རྗེས་སུ་བརྩོན་པའི་མཐའ་ཡོངས་སུ་སྤངས་པས་རྣམ་པར་དག་པ་དང༌། བདག་ཉིད་ངལ་བའི་རྗེས་སུ་བརྩོན་པའི་མཐའ་ཡོངས་སུ་སྤངས་པས་རྣམ་པར་དག་པ་དང༌། ལྷག་པའི་ཆོ་གས་རྣམ་པར་དག་པ་དང༌། ལྷག་པའི་འཚོ་བས་རྣམ་པར་དག་པ་དང༌། ཆོས་མཐུན་པ་དང༌། འགྲོགས་པས་རྣམ་པར་དག་པ་དང༌། འཐབ་པ་མེད་པ་དང༌། རྩོད་པ་མེད་པས་རྣམ་པར་དག་པ་དང༌། ཉོན་མོངས་པ་ཟིལ་གྱིས་མནན་པས་རྣམ་པར་དག་པ་དང༌། ཉོན་མོངས་པ་དང་བྲལ་བས་རྣམ་པར་དག་པ་དང༌། དམ་པའི་ཆོས་ཡང་དག་པར་འཛིན་པས་རྣམ་པར་དག་པའོ། །

bslab pa'i gzhi bca' ba rnam par dag pa ni bcu po 'di dag yin te/ 'di lta ste| rig pas rnam par dag pa dang/ 'bras bus rnam par dag pa dang/ phan 'dogs pas rnam par dag pa dang/ phyi rol gyis rnam par dag pa dang/ nang gis rnam par dag pa dang/ mtha' dag gis rnam par dag pa dang/ byams shing gus pas rnam par dag pa dang/ rnam par gnon pa'i gnyen po bsgom pas rnam par dag pa dang/ bag la nyal spang pa'i gnyen po bsgom pas rnam par dag pa dang/ rgyud rgyun mi 'chad pas rnam par dag pa'o/ /rnam grangs gzhan yang gzhi dang bcas pa'i bslab pa'i gzhi bcas pas rnam par dag pa dang/ 'dod pa'i bsod nyams kyi rjes su brtson pa'i mtha' yongs su spangs pas rnam par dag pa dang/ bdag nyid ngal ba'i rjes su brtson pa'i mtha' yongs su spangs pas rnam par dag pa dang/ lhag pa'i cho gas rnam par dag pa dang/ lhag pa'i 'tsho bas rnam par dag pa dang/ chos mthun pa dang/ 'grogs pas rnam par dag pa dang/ 'thab pa med pa dang/ rtsod pa med pas rnam par dag pa dang/ nyon mongs pa zil gyis mnan pas rnam par dag pa dang/ nyon mongs pa dang bral bas rnam par dag pa dang/ dam pa'i chos yang dag par 'dzin pas rnam par dag pa'o/ /

【E3 尸羅】

ཚུལ་ཁྲིམས་ཀྱི་ཉེས་པ་ནི་བཅུ་སྟེ། བསླབ་པ་དྲལ་བའི་ཉེས་པ་དང༌། མངོན་པར་མི་དགའ་བའི་ཉེས་པ་དང༌། གྲོགས་དང་བྲལ་བའི་ཉེས་པ་དང༌། སྨོན་ལམ་གྱི་ཉེས་པ་དང༌། བག་མེད་པའི་ཉེས་པ་དང༌། མངོན་པའི་ང་རྒྱལ་གྱི་ཉེས་པ་དང༌། བག་ལ་ཉལ་རྣམ་པར་མ་དག་པའི་ཉེས་པ་དང༌། བསམ་པ་རྣམ་པར་མ་དག་པའི་ཉེས་པ་དང༌། ངེས་པར་འབྱིན་པ་མ་ཡིན་པའི་ཉེས་པ་དང༌། བརྟུལ་ཞུགས་ཀྱི་ཉེས་པའོ། །ཚུལ་ཁྲིམས་ཀྱི་ཡོན་ཏན་ནི་བཅུ་སྟེ། མཐུན་པའི་ཚུལ་ཁྲིམས་ཉིད་དང༌། རྒྱུན་ཆགས་ཀྱི་ཚུལ་ཁྲིམས་ཉིད་དང༌། འགྲན་ཟླ་མེད་པའི་ཚུལ་ཁྲིམས་ཉིད་དང༌། གནོད་པ་མེད་པའི་ཚུལ་ཁྲིམས་ཉིད་དང༌། བརྟན་པའི་ཚུལ་ཁྲིམས་ཉིད་དང༌། ངེས་པར་འབྱིན་པའི་ཚུལ་ཁྲིམས་ཉིད་དང༌། མི་མཐུན་པའི་ཕྱོགས་ལས་རྒྱལ་བའི་ཚུལ་ཁྲིམས་ཉིད་དང༌། མི་ལྡོག་པའི་ཚུལ་ཁྲིམས་ཉིད་དང༌། ཐུན་མོང་མ་ཡིན་པའི་ཚུལ་ཁྲིམས་ཉིད་དང༌། བླ་ན་མེད་པའི་ཚུལ་ཁྲིམས་ཉིད་དང༌།

tshul khrims kyi nyes pa ni bcu ste/ bslab pa dral ba'i nyes pa dang/ mngon par mi dga' ba'i nyes pa dang/ grogs dang bral ba'i nyes pa dang/ smon lam gyi nyes pa dang/ bag med pa'i nyes pa dang/ mngon pa'i nga rgyal gyi nyes pa dang/ bag la nyal rnam par ma dag pa'i nyes pa dang/ bsam pa rnam par ma dag pa'i nyes pa dang/ nges par 'byin pa ma yin pa'i nyes pa dang/ brtul zhugs kyi nyes pa'o/ /tshul khrims kyi yon tan ni bcu ste/ mthun pa'i tshul khrims nyid dang/ rgyun chags kyi tshul khrims nyid dang/ 'gran zla med pa'i tshul khrims nyid dang/ gnod pa med pa'i tshul khrims nyid dang/ brtan pa'i tshul khrims nyid dang/ nges par 'byin pa'i tshul khrims nyid dang/ mi mthun pa'i phyogs las rgyal ba'i tshul khrims nyid dang/ mi ldog pa'i tshul khrims nyid dang/ thun mong ma yin pa'i tshul khrims nyid dang/ bla na med pa'i tshul khrims nyid dang/

【E4 無放逸】【F1 總舉十時徵列】

དགེ་སློང་འདུལ་བའི་བསླབ་པ་ལ་བརྩོན་པས་དུས་བཅུ་དག་ཏུ་བག་ཡོད་པར་བྱ་སྟེ། བཅུ་པོ་གང་དག་ཏུ་ཞེ་ན། ལྟུང་བ་ལས་བརྩམས་པ་དང༌། སྙོམས་པར་འཇུག་པ་ལས་བརྩམས་པ་དང༌། སྐྱེ་བ་ལས་བརྩམས་པ་དང༌། བསོད་སྙོམས་སྤྱོད་པ་ལས་བརྩམས་པ་དང༌། འཕྲལ་གྱི་བྱ་བ་ལས་བརྩམས་པ་དང༌། རྙེད་པ་དང་བཀུར་སྟིའི་ལོངས་སྤྱོད་ལས་བརྩམས་པ་དང༌། ཐོས་པ་ཡོངས་སུ་ཚོལ་བ་ལས་བརྩམས་པ་དང༌། དམ་པའི་ཆོས་བསམ་པ་ལས་བརྩམས་པ་དང༌། རབ་ཏུ་དབེན་པ་ལས་བརྩམས་པ་དང༌། རྟོགས་པའི་མཐའ་ལས་བརྩམས་པའི་དུས་སུའོ། །

dge slong 'dul ba'i bslab pa la brtson pas dus bcu dag tu bag yod par bya ste/ bcu po gang dag tu zhe na/ ltung ba las brtsams pa dang/ snyoms par 'jug pa las brtsams pa dang/ skye ba las brtsams pa dang/ bsod snyoms spyod pa las brtsams pa dang/ 'phral gyi bya ba las brtsams pa dang/ rnyed pa dang bkur sti'i longs spyod las brtsams pa dang/ thos pa yongs su tshol ba las brtsams pa dang/ dam pa'i chos bsam pa las brtsams pa dang/ rab tu dben pa las brtsams pa dang/ rtogs pa'i mtha' las brtsams pa'i dus su'o/ /

【F2 次第別解】【G1 依犯解初時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས་ལྟུང་བ་ལས་བརྩམས་ནས༑ དུས་དང་པོ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་སྔོན་གྱི་མཐའ་དང་ལྡན་པ་ཞེས་བྱ་བ་ལ་སོགས་པ་སྔར་བསྟན་པ་ཡན་ལག་ལྔས་བསྡུས་པའི་བག་ཡོད་པ་དང་ལྡན་པ་དེ་ལྟར། དགེ་སློང་འདུལ་བའི་བསླབ་པ་ལ་བརྩོན་པས། ལྟུང་བ་ལས་བརྩམས་ནས། དུས་དང་པོ་འདི་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas ltung ba las brtsams nas| dus dang po 'di la bag yod par bya zhe na/ 'di na dge slong sngon gyi mtha' dang ldan pa zhes bya ba la sogs pa sngar bstan pa yan lag lngas bsdus pa'i bag yod pa dang ldan pa de ltar/ dge slong 'dul ba'i bslab pa la brtson pas/ ltung ba las brtsams nas/ dus dang po 'di la bag yod par bya'o/ /

【G2 依定解第二時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས། སྙོམས་པར་འཇུག་པ་ལས་བརྩམས་ནས། དུས་གཉིས་པ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་དགོན་པ་ན་འདུག་ཀྱང་རུང༌། ཤིང་དྲུང་ན་འདུག་ཀྱང་རུང་སྟེ། འདོད་པ་ལ་འདུན་པའི་སྒྲིབ་པ་ནས། ཐེ་ཚོམ་གྱི་བར་གྱི་སྒྲིབ་པ་བྱུང་ངོ་ཅོག་དང་དུ་མི་ལེན་པར་སྤོང་བར་བྱེད། སེལ་བར་བྱེད། བྱང་བར་བྱེད་ཅིང༌། དེའི་སྒྲིབ་པ་ལྔ་པོ་སེམས་ཉེ་བར་ཉོན་མོངས་པར་བྱེད་པ། མྱ་ངན་ལས་འདའ་བར་མི་འགྱུར་བའི་བར་དག་སྤངས་ནས། དུས་དུས་སུ་ཞི་གནས་ཀྱི་མཚན་མ་ཡང་སྒོམ་པར་བྱེད། དུས་དུས་སུ་རབ་ཏུ་འཛིན་པའི་མཚན་མ་ཡང་སྒོམ་པར་བྱེད། དུས་དུས་སུ་བཏང་སྙོམས་ཀྱི་མཚན་མ་ཡང་སྒོམ་པར་བྱེད་ཅིང༌། དེ་དེ་ལྟར་ཞི་གནས་ཀྱི་མཚན་མ་ལ་མཁས་པ་དང༌། རབ་ཏུ་འཛིན་པའི་མཚན་མ་ལ་མཁས་པ་དང༌། བཏང་སྙོམས་ཀྱི་མཚན་མ་ལ་མཁས་པས་སེམས་ཞུམ་པའམ། ཞུབ་དུ་དོགས་པར་རིག་པ་ན། ལེགས་པ་ཁོ་ནར་རབ་ཏུ་འཛིན་པར་ཡང་བྱེད། སེམས་རྒོད་དམ། རྒོད་དུ་དོགས་པར་རིག་པ་ན། ལེགས་པ་ཁོ་ནར་ནང་དུ་ཡང་དག་པར་ཞི་བར་ཡང་བྱེད། སེམས་མཉམ་པར་གྱུར་པ་ན། བཏང་སྙོམས་སུ་འཇོག་པར་ཡང་བྱེད་པ་དེ་ལྟར་ཏིང་ངེ་འཛིན་ཐོབ་པ་ན། རོ་མྱོང་བར་ཡང་མི་བྱེད་ཅིང༌། མཇུག་སྡུད་པར་ཡང་མི་བྱེད། ལྷག་པར་ཆགས་པར་ཡང་མི་བྱེད། ལྷག་པར་ཆགས་ཤིང་གནས་པར་ཡང་མི་བྱེད་པ། དེ་ལྟར་དགེ་སློང་འདུལ་བའི་བསླབ་པ་ལ་བརྩོན་པས་དུས་གཉིས་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas/ snyoms par 'jug pa las brtsams nas/ dus gnyis pa 'di la bag yod par bya zhe na/ 'di na dge slong dgon pa na 'dug kyang rung/ shing drung na 'dug kyang rung ste/ 'dod pa la 'dun pa'i sgrib pa nas/ the tshom gyi bar gyi sgrib pa byung ngo cog dang du mi len par spong bar byed/ sel bar byed/ byang bar byed cing/ de'i sgrib pa lnga po sems nye bar nyon mongs par byed pa/ mya ngan las 'da' bar mi 'gyur ba'i bar dag spangs nas/ dus dus su zhi gnas kyi mtshan ma yang sgom par byed/ dus dus su rab tu 'dzin pa'i mtshan ma yang sgom par byed/ dus dus su btang snyoms kyi mtshan ma yang sgom par byed cing/ de de ltar zhi gnas kyi mtshan ma la mkhas pa dang/ rab tu 'dzin pa'i mtshan ma la mkhas pa dang/ btang snyoms kyi mtshan ma la mkhas pas sems zhum pa'am/ zhub du dogs par rig pa na/ legs pa kho nar rab tu 'dzin par yang byed/ sems rgod dam/ rgod du dogs par rig pa na/ legs pa kho nar nang du yang dag par zhi bar yang byed/ sems mnyam par gyur pa na/ btang snyoms su 'jog par yang byed pa de ltar ting nge 'dzin thob pa na/ ro myong bar yang mi byed cing/ mjug sdud par yang mi byed/ lhag par chags par yang mi byed/ lhag par chags shing gnas par yang mi byed pa/ de ltar dge slong 'dul ba'i bslab pa la brtson pas dus gnyis pa de la bag yod par bya'o/ /

【G3 依正解第三時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས་སྐྱེ་བ་ལས་བརྩམས་ནས་དུས་གསུམ་པ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་འཆི་བའི་དུས་ལ་བབ་པའི་ཚེ་ན། འདི་ལྟར་མངོན་པར་འདུ་བྱ་བའི་སེམས་དྲག་པོ་མངོན་པར་འདུ་བྱེད་དེ། ཅི་བདག་སངས་རྒྱས་ལ་དམིགས་པའི་དྲན་པས་འཆི་བའི་དུས་བྱེད་པར་འགྱུར་རམ། ཆོས་ལ་དམིགས་པ་དང༌། དགེ་འདུན་ལ་དམིགས་པ་དང༌། དགེ་བ་ལ་དམིགས་པས་དགེ་བའི་སེམས་དང་ལྡན་པའི་འཆི་བའི་དུས་བྱེད་པར་འགྱུར་རམ་སྙམ་དུ་སེམས་མངོན་པར་འདུ་བྱེད་དེ། དེ་ལྟ་དེ་ལྟར་དེའི་སེམས་ཀུན་དུ་བསྲུང་བ་དང༌། དྲན་པ་ཉེ་བར་གནས་པར་འགྱུར་རོ། །གང་གི་ཕྱིར་སངས་རྒྱས་ལ་དམིགས་པའི་དྲན་པས་འཆི་བའི་དུས་བྱེད་པ་ནས། རྒྱས་པར་དགེ་བའི་སེམས་དང་ལྡན་པའི་བར་གྱིས་འཆེ་བའི་དུས་བྱེད་པ་ནི་སངས་རྒྱས་ལ་དམིགས་པའི་དྲན་པས་འཆེ་བའི་དུས་བྱེད་པ་ནས་རྒྱས་པར་དགེ་བའི་སེམས་དང་ལྡན་པའི་བར་གྱིས་འཆི་བའི་དུས་བྱེད་པ་དེའི་འཆི་བ་ནི་བཟང་བ་ཡིན༑ འཆི་བའི་དུས་བྱེད་པ་ཡང་བཟང་བ་ཡིན། ཚེ་ཕྱི་མ་ཡང་བཟང་བ་ཡིན་ཏེ། དེ་ལྟར་དགེ་སློང་འདུལ་བའི་བསླབ་པ་ལ་བརྩོན་པས་དུས་གསུམ་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas skye ba las brtsams nas dus gsum pa 'di la bag yod par bya zhe na/ 'di na dge slong 'chi ba'i dus la bab pa'i tshe na/ 'di ltar mngon par 'du bya ba'i sems drag po mngon par 'du byed de/ ci bdag sangs rgyas la dmigs pa'i dran pas 'chi ba'i dus byed par 'gyur ram/ chos la dmigs pa dang/ dge 'dun la dmigs pa dang/ dge ba la dmigs pas dge ba'i sems dang ldan pa'i 'chi ba'i dus byed par 'gyur ram snyam du sems mngon par 'du byed de/ de lta de ltar de'i sems kun du bsrung ba dang/ dran pa nye bar gnas par 'gyur ro/ /gang gi phyir sangs rgyas la dmigs pa'i dran pas 'chi ba'i dus byed pa nas/ rgyas par dge ba'i sems dang ldan pa'i bar gyis 'che ba'i dus byed pa ni sangs rgyas la dmigs pa'i dran pas 'che ba'i dus byed pa nas rgyas par dge ba'i sems dang ldan pa'i bar gyis 'chi ba'i dus byed pa de'i 'chi ba ni bzang ba yin| 'chi ba'i dus byed pa yang bzang ba yin/ tshe phyi ma yang bzang ba yin te/ de ltar dge slong 'dul ba'i bslab pa la brtson pas dus gsum pa de la bag yod par bya'o/ /

【G4 依乞食解第四時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས། བསོད་སྙོམས་སྤྱོད་པ་ལས་བརྩམས་ནས་དུས་བཞི་པ་འདི་ལ་བག་ཡོད་པར་བྱ་ཞེ་ན༑ འདི་ན་དགེ་སློང་གྲོང་ངམ། གྲོང་རྡལ་གང་ན་ཉེ་བར་བརྟེན་ཅིང་གནས་པའི་གྲོང་ངམ་གྲོང་རྡལ་དེ་ཉིད་དུ་དེ་བསོད་སྙོམས་ཡོངས་སུ་དག་པའི་མདོ་ལས༑ ཇི་སྐད་གསུངས་པ་ཐམས་ཅད་སྤྱོད་པར་བྱེད་པ་དེ་ལྟར། དགེ་སློང་འདུལ་བའི་བསླབ་པ་ལ་བརྩོན་པས་དུས་བཞི་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas/ bsod snyoms spyod pa las brtsams nas dus bzhi pa 'di la bag yod par bya zhe na| 'di na dge slong grong ngam/ grong rdal gang na nye bar brten cing gnas pa'i grong ngam grong rdal de nyid du de bsod snyoms yongs su dag pa'i mdo las| ji skad gsungs pa thams cad spyod par byed pa de ltar/ dge slong 'dul ba'i bslab pa la brtson pas dus bzhi pa de la bag yod par bya'o/ /

【G5 依所作解第五時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས་འཕྲལ་གྱི་བྱ་བ་ལས་བརྩམས་ནས༑ དུས་ལྔ་པ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་ལྷུང་བཟེད་ཀྱི་ལས་དང་ཆོས་གོས་ཀྱི་ལས་དང༌། ཚངས་པ་མཚུངས་པར་སྤྱོད་པ་མཁས་པ་རྣམས་ལ་ཞལ་ཏ་བྱ་བའི་ལས་སམ། འཕྲལ་གྱི་བྱ་བ་གཞན་གང་ཡང་རུང་བ་དེ་ལ་བག་ཡོད་པར་བྱེད་ཅིང༌། ཅི་ནས་ཀྱང་མི་ཚིག་པ་དང༌། མི་རུལ་པ་དང༌། མི་བརླག་པ་དང༌། མི་ཞིགས་པ་དང༌། ཆུད་མི་ཟོས་པར་བྱེད་པ་དང༌། ཧ་ཅང་བྱ་བ་མི་བྱེད་པ་དང༌། ངན་པར་བྱ་བ་མི་བྱེད་པ་དང༌། ཉེས་པར་བྱ་བ་མི་བྱེད་པ་དང༌། ཧ་ཅང་བརྟུན་ཏེ་མི་བྱེད་པ་དང༌། ཧ་ཅང་བརྒྱངས་ཏེ་མི་བྱེད་པ་དང༌། རྒོད་བག་མེད་པ་དང༌། ཉོན་མོངས་པ་ཅན་མ་ཡིན་པ་དང༌། འཇིག་རྟེན་དང་འགལ་བ་དང༌། འདུལ་བ་དང་འགལ་བའི་སྤྱོད་པས་མི་བྱེད་པ་དེ་ལྟར་དགེ་སློང་འདུལ་བའི་བསླབ་པ་ལ་བརྩོན་པས་དུས་ལྔ་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas 'phral gyi bya ba las brtsams nas| dus lnga pa 'di la bag yod par bya zhe na/ 'di na dge slong lhung bzed kyi las dang chos gos kyi las dang/ tshangs pa mtshungs par spyod pa mkhas pa rnams la zhal ta bya ba'i las sam/ 'phral gyi bya ba gzhan gang yang rung ba de la bag yod par byed cing/ ci nas kyang mi tshig pa dang/ mi rul pa dang/ mi brlag pa dang/ mi zhigs pa dang/ chud mi zos par byed pa dang/ ha cang bya ba mi byed pa dang/ ngan par bya ba mi byed pa dang/ nyes par bya ba mi byed pa dang/ ha cang brtun te mi byed pa dang/ ha cang brgyangs te mi byed pa dang/ rgod bag med pa dang/ nyon mongs pa can ma yin pa dang/ 'jig rten dang 'gal ba dang/ 'dul ba dang 'gal ba'i spyod pas mi byed pa de ltar dge slong 'dul ba'i bslab pa la brtson pas dus lnga pa de la bag yod par bya'o/ /

【G6 依受用利養解第六時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས༑ རྙེད་པ་དང་བཀུར་སྟིའི་ལོངས་སྤྱོད་ལས་བརྩམས་ནས། དུས་དྲུག་པ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་རྙེད་པ་དང་བཀུར་སྟི་གང་དང་གང་རྙེད་ཀྱང་རུང་སྟེ། དེ་རྙེད་པ་དེ་ལ་ཆགས་པ་མེད་པར་ཡོངས་སུ་ལོངས་སྤྱོད་པར་བྱེད་པ་དང༌། ཞེན་པ་མེད་པ་དང༌། འཆུམས་པ་མེད་པ་དང༌། མདུད་པ་བོར་བ་མེད་པ་དང༌། བརྒྱལ་བ་མེད་པ་དང༌། ལྷག་པར་ཆགས་པ་མེད་པ་དང༌། ལྷག་པར་ཆགས་ཤིང་གནས་པ་མེད་པ་དང༌། ཉེས་དམིགས་སུ་ལྟ་བ་དང༌། ངེས་པར་འབྱུང་བ་རབ་ཏུ་ཤེས་ཤིང་ཡོངས་སུ་ལོངས་སྤྱོད་པར་བྱེད་པ་དང༌། དེ་རྙེད་པ་དང༌། བཀུར་སྟི་བྱུང་བ་ཟིལ་གྱིས་གནོན་པར་བྱེད་པ་དང༌། རྙེད་པ་དང་བཀུར་སྟིའི་སེམས་སྐྱེས་པས་དེའི་སེམས་ཡོངས་སུ་གཏུགས་ཤིང་མི་གནས་པ་དེ་ལྟར་དགེ་སློང་འདུལ་བའི་བསླབ་པ་ལ་བརྩོན་པས་དུས་དྲུག་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas| rnyed pa dang bkur sti'i longs spyod las brtsams nas/ dus drug pa 'di la bag yod par bya zhe na/ 'di na dge slong rnyed pa dang bkur sti gang dang gang rnyed kyang rung ste/ de rnyed pa de la chags pa med par yongs su longs spyod par byed pa dang/ zhen pa med pa dang/ 'chums pa med pa dang/ mdud pa bor ba med pa dang/ brgyal ba med pa dang/ lhag par chags pa med pa dang/ lhag par chags shing gnas pa med pa dang/ nyes dmigs su lta ba dang/ nges par 'byung ba rab tu shes shing yongs su longs spyod par byed pa dang/ de rnyed pa dang/ bkur sti byung ba zil gyis gnon par byed pa dang/ rnyed pa dang bkur sti'i sems skyes pas de'i sems yongs su gtugs shing mi gnas pa de ltar dge slong 'dul ba'i bslab pa la brtson pas dus drug pa de la bag yod par bya'o/ /

【G7 依求多聞解第七時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས་ཐོས་པ་ཡོངས་སུ་བཙལ་བ་ལས་བརྩམས་ནས་དུས་བདུན་པ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་སྙན་དངགས་མཁན་གྱིས་བྱས་པའམ། སྙན་དངགས་མཁན་གྱིས་བསམས་པའི་ཡི་གེ་སྣ་ཚོགས་པ་ཚིག་དང༌། ཚིག་འབྲུ་སྣ་ཚོགས་པ་འཇིག་རྟེན་རྒྱང་འཕེན་པ་དང་ལྡན་པ་དེ་ལྟ་བུའི་ཐོས་པ་སྤངས་ནས༑ དེ་བཞིན་གཤེགས་པས་གསུངས་པའི་མདོ་སྡེ་ཟབ་པ་ཟབ་པར་སྣང་བ། སྟོང་པ་ཉིད་དང་ལྡན་པ། རྐྱེན་འདི་པ་ཉིད་ཀྱི་རྟེན་ཅིང་འབྲེལ་པར་འབྱུང་བ་དང་མཐུན་པ་གང་དག་ཡིན་པ་དེ་དག་གུས་པར་བྱ་སྟེ། ལེན་པར་བྱེད་ཀུན་ཆུབ་པར་བྱེད་པ་དང༌། དེ་ཀླན་ཀ་དང༌། ཕན་ཡོན་ལ་ལྟ་ཞིང༌། ཆོས་ཀུན་ཆུབ་པར་མི་བྱེད། རྩོད་པ་འདི་ལྟ་བུ་ལས་ཐར་པའི་ཕན་ཡོན་ལ་ལྟ་ཞིང་ཆོས་ཀུན་ཆུབ་པར་མི་བྱེད། རྙེད་པ་དང་བཀུར་སྟིའི་དོན་དུ་ཆོས་ཀུན་ཆུབ་པར་མི་བྱེད་པར་འདི་ལྟ་སྟེ། བདག་ཉིད་དུལ་བར་བྱ་བ་དང༌། བདག་ཉིད་ཞི་བར་བྱ་བ་དང༌། བདག་ཉིད་ཡོངས་སུ་མྱ་ངན་ལས་འདའ་བར་བྱ་བ་དང༌། དགེ་སྦྱོང་གི་ཚུལ་གྱི་དོན་དང༌། བྲམ་ཟེའི་དོན་དང༌། དོན་གྱི་མཆོག་ཐོབ་པར་བྱ་བ་ལས་བརྩམས་ཏེ། ཆོས་ཀུན་ཆུབ་པར་བྱེད་པ་དང༌། དེས་ཆོས་དེ་དག་ལེགས་པར་མཉན་པ་དང༌། ལེགས་པར་བཟུང་བ་དང༌། ཁ་ཏོན་ཡོངས་སུ་བྱང་བ་དང༌། ཡིད་ཀྱིས་རྗེས་སུ་བརྟགས་པ་དང༌། མཐོང་བས་ཤིན་ཏུ་རྟོགས་པར་བྱས་པ་དེ་ལྟར། དགེ་སློང་འདུལ་བའི་བསླབ་པ་ལ་བརྩོན་པས། དུས་བདུན་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas thos pa yongs su btsal ba las brtsams nas dus bdun pa 'di la bag yod par bya zhe na/ 'di na dge slong snyan dngags mkhan gyis byas pa'am/ snyan dngags mkhan gyis bsams pa'i yi ge sna tshogs pa tshig dang/ tshig 'bru sna tshogs pa 'jig rten rgyang 'phen pa dang ldan pa de lta bu'i thos pa spangs nas| de bzhin gshegs pas gsungs pa'i mdo sde zab pa zab par snang ba/ stong pa nyid dang ldan pa/ rkyen 'di pa nyid kyi rten cing 'brel par 'byung ba dang mthun pa gang dag yin pa de dag gus par bya ste/ len par byed kun chub par byed pa dang/ de klan ka dang/ phan yon la lta zhing/ chos kun chub par mi byed/ rtsod pa 'di lta bu las thar pa'i phan yon la lta zhing chos kun chub par mi byed/ rnyed pa dang bkur sti'i don du chos kun chub par mi byed par 'di lta ste/ bdag nyid dul bar bya ba dang/ bdag nyid zhi bar bya ba dang/ bdag nyid yongs su mya ngan las 'da' bar bya ba dang/ dge sbyong gi tshul gyi don dang/ bram ze'i don dang/ don gyi mchog thob par bya ba las brtsams te/ chos kun chub par byed pa dang/ des chos de dag legs par mnyan pa dang/ legs par bzung ba dang/ kha ton yongs su byang ba dang/ yid kyis rjes su brtags pa dang/ mthong bas shin tu rtogs par byas pa de ltar/ dge slong 'dul ba'i bslab pa la brtson pas/ dus bdun pa de la bag yod par bya'o/ /

【G8 依思正法解第八時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས༑ དམ་པའི་ཆོས་བསམ་པ་ལས་བརྩམས་ནས། དུས་བརྒྱད་པ་འདི་ལ་བག་ཡོད་པར་བྱ་ཞེ་ན། འདི་ནི་དགེ་སློང་གཅིག་པུ་དབེན་པར་སོང་སྟེ། ཇི་སྐད་ཐོས་པ་དང༌། ཇི་སྐད་བསྟན་པ་དང༌། ཇི་སྐད་ཀུན་ཆུབ་པར་བྱས་པའི་ཆོས་རྣམས་ཀྱི་དོན་སེམས་པར་བྱེད། འཇལ་བར་བྱེད་ལ། ཉེ་བར་རྟོག་པར་བྱེད་ཅིང༌། དེས་བསམ་པར་བྱ་བ་ནི་སེམས་པར་བྱེད། བསམ་པར་མི་བྱ་བ་ནི་སྤོང་བར་བྱེད། ལ་ལ་ལ་ནི་དད་པས་ཀྱང་མོས་པར་བྱེད། ལ་ལ་ལ་ནི་ཤེས་རབ་ཀྱིས་རྣམ་པར་དཔྱོད་པར་བྱེད་ཅིང༌། དོན་ལ་རྟོན་པ་སེམས་པར་བྱེད་ཀྱི༑ ཚིག་འབྲུ་ལ་རྟོན་པ་སེམས་པར་མི་བྱེད་ལ། ནག་པོ་བསྟན་པ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། ཆེན་པོ་བསྟན་པ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤིང་སྙིང་པོར་སེམས་པར་བྱེད། བསྟན་པར་སེམས་པར་བྱེད། རྒྱས་པར་སེམས་པར་བྱེད་དེ། བསམ་པ་དེ་ཡང་མཐར་ཐུག་པར་བྱེད་ཀྱི་བར་མ་དོར་སྒྱིད་ལུག་པར་མི་བྱེད་པ་དེ་ལྟར། དགེ་སློང་འདུལ་བའི་བསླབ་པ་ལ་བརྩོན་པས། དུས་བརྒྱད་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas| dam pa'i chos bsam pa las brtsams nas/ dus brgyad pa 'di la bag yod par bya zhe na/ 'di ni dge slong gcig pu dben par song ste/ ji skad thos pa dang/ ji skad bstan pa dang/ ji skad kun chub par byas pa'i chos rnams kyi don sems par byed/ 'jal bar byed la/ nye bar rtog par byed cing/ des bsam par bya ba ni sems par byed/ bsam par mi bya ba ni spong bar byed/ la la la ni dad pas kyang mos par byed/ la la la ni shes rab kyis rnam par dpyod par byed cing/ don la rton pa sems par byed kyi| tshig 'bru la rton pa sems par mi byed la/ nag po bstan pa yang yang dag pa ji lta ba bzhin du rab tu shes la/ chen po bstan pa yang yang dag pa ji lta ba bzhin du rab tu shes shing snying por sems par byed/ bstan par sems par byed/ rgyas par sems par byed de/ bsam pa de yang mthar thug par byed kyi bar ma dor sgyid lug par mi byed pa de ltar/ dge slong 'dul ba'i bslab pa la brtson pas/ dus brgyad pa de la bag yod par bya'o/ /

【G9 依遠離解第九時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས། རབ་ཏུ་དབེན་པ་ལས་བརྩམས་ནས༑ དུས་དགུ་པ་འདི་ལ་བག་ཡོད་པར་བྱ་ཞེ་ན། འདི་ན་དགེ་སློང་ཁྱིམ་ན་གནས་པ་དང༌། རབ་ཏུ་བྱུང་བ་རྣམས་དང༌། འདྲེས་པར་མི་གནས་ཤིང་། ལྷན་ཅིག་དགའ་བང་ཡང་མི་བྱེད། ལྷན་ཅིག་མྱ་ངན་ཡང་མི་བྱེད་པ་ནས། རྒྱས་པར་ཇི་ལྟར་བྱ་བ་བྱུང་ངོ་ཅོག་གི་བར་དག་ཡང་དག་པར་བླངས་ཏེ། མཐར་ཐུག་པར་རྗེས་སུ་མི་འཇུག་པ་དང༌། དགོན་པ་ནགས་འདབ་དང༌། བས་མཐའི་གནས་མལ་དག་ཏུ་གནས་པར་བྱེད་པ་དང་། སེམས་ཅན་ལས་དབེན་པ་དང༌། ཡུལ་དང་རྣམ་པར་གཡེང་བ་དང༌། ལེ་ལོ་དང༌། ཞི་གནས་དང༌། ལྷག་མཐོང་དང༌། ཞི་གནས་དང་ལྷག་མཐོང་གི་ཉེ་བའི་ཉོན་མོངས་པ་ལས་དབེན་པར་བྱེད་པ་དེ་ལྟར། དགེ་སློང་འདུལ་བའི་བསླབ་པ་ལ་བརྩོན་པས། དུས་དགུ་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas/ rab tu dben pa las brtsams nas| dus dgu pa 'di la bag yod par bya zhe na/ 'di na dge slong khyim na gnas pa dang/ rab tu byung ba rnams dang/ 'dres par mi gnas shing / lhan cig dga' bang yang mi byed/ lhan cig mya ngan yang mi byed pa nas/ rgyas par ji ltar bya ba byung ngo cog gi bar dag yang dag par blangs te/ mthar thug par rjes su mi 'jug pa dang/ dgon pa nags 'dab dang/ bas mtha'i gnas mal dag tu gnas par byed pa dang / sems can las dben pa dang/ yul dang rnam par g.yeng ba dang/ le lo dang/ zhi gnas dang/ lhag mthong dang/ zhi gnas dang lhag mthong gi nye ba'i nyon mongs pa las dben par byed pa de ltar/ dge slong 'dul ba'i bslab pa la brtson pas/ dus dgu pa de la bag yod par bya'o/ /

【G10 依通達究竟解第十時不放逸】

ཇི་ལྟར་དགེ་སློང་འདུལ་བའི་བསླབ་པ་ལ་བརྩོན་པས་རྟོགས་པའི་མཐའ་ལས་བརྩམས་ནས། དུས་བཅུ་པ་འདི་ལ་བག་ཡོད་པར་བྱ་ཞེ་ན། འདི་ལ་དགེ་སློང་ཡོད་པ་ཡང་ཡོད་པར། མེད་པ་ཡང་མེད་པར། བླ་ན་ཡོད་པར་ཡང་བླ་ན་ཡོད་པར། བླ་ན་མེད་པ་ཡང་བླ་ན་མེད་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། ཡོད་པ་ཡང་ཡོད་པར། མེད་པ་ཡང་མེད་པར། བླ་ན་ཡོད་པ་ཡང་བླ་ན་ཡོད་པར། བླ་ན་མེད་པ་ཡང་བླ་ན་མེད་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ནས་ཀྱང༌། མ་ཐོབ་པ་ལ་ཐོབ་པར་འདུ་ཤེས་མེད་པ་དང༌། མ་རྟོགས་པ་ལ་རྟོགས་པར་འདུ་ཤེས་མེད་པ་དང༌། མངོན་པའི་ང་རྒྱལ་མེད་པ་དང༌། མངོན་པའི་ང་རྒྱལ་གྱིས་ཟིལ་གྱིས་གནོན་པ་མེད་པར། ཤེས་པ་བརྡ་སྤྲོད་པར་བྱེད་པ་དེ་ལྟར་དགེ་སློང་འདུལ་བའི་བསླབ་པ་ལ་བརྩོན་པས། དུས་བཅུ་པ་དེ་ལ་བག་ཡོད་པར་བྱའོ། །

ji ltar dge slong 'dul ba'i bslab pa la brtson pas rtogs pa'i mtha' las brtsams nas/ dus bcu pa 'di la bag yod par bya zhe na/ 'di la dge slong yod pa yang yod par/ med pa yang med par/ bla na yod par yang bla na yod par/ bla na med pa yang bla na med par yang dag pa ji lta ba bzhin du rab tu shes te/ yod pa yang yod par/ med pa yang med par/ bla na yod pa yang bla na yod par/ bla na med pa yang bla na med par yang dag pa ji lta ba bzhin du rab tu shes nas kyang/ ma thob pa la thob par 'du shes med pa dang/ ma rtogs pa la rtogs par 'du shes med pa dang/ mngon pa'i nga rgyal med pa dang/ mngon pa'i nga rgyal gyis zil gyis gnon pa med par/ shes pa brda sprod par byed pa de ltar dge slong 'dul ba'i bslab pa la brtson pas/ dus bcu pa de la bag yod par bya'o/ /

【E5 解障】

རབ་ཏུ་འབྱུང་བའི་སྒྲིབ་པ་ནི་བཞི་པོ་འདི་དག་ཡིན་པར་རིག་པར་བྱ་སྟེ། འདི་ལྟ་སྟེ། བསམ་པའི་སྒྲིབ་པ་དང༌། ལུས་ཀྱི་སྒྲིབ་པ་དང༌། ལས་ཀྱི་སྒྲིབ་པ་དང༌། རང་དབང་མེད་པའི་སྒྲིབ་པའོ། །དེ་ལ་བསམ་པའི་སྒྲིབ་པ་ནི་འདི་ལྟ་སྟེ། རྒྱལ་པོས་གཙེས་པས་རབ་ཏུ་འབྱུང་བར་འདོད་པ་ཡིན་ཞེས་བྱ་བ་ལ་སོགས་པའོ། །དེ་ལ་ལུས་ཀྱི་སྒྲིབ་པ་ནི་འདི་ལྟ་སྟེ། ལོང་བའམ། འོན་པའམ༑ ཟ་མའམ། མ་ནིང་དུ་གྱུར་པའམ། གཡའ་བའམ། མཛེའམ། ཕོལ་མིག་གམ། སྐྱིགས་བུ་ལ་སོགས་པའི་ནད་སྐྱོན་ཆགས་པ་གང་ཡང་རུང་བས་ལུས་ལ་གནོད་པར་གྱུར་པ་ཡིན་ཞེས་བྱ་བ་ལ་སོགས་པའོ། །དེ་ལ་ལས་ཀྱི་སྒྲིབ་པ་ནི་འདི་ལྟ་སྟེ། ཕ་བསད་པ་དང༌། མ་བསད་པ་ཡིན་ཞེས་བྱ་བ་ལ་སོགས་པའོ། །དེ་ལ་རང་དབང་མེད་པའི་སྒྲིབ་པ་ནི་འདི་ལྟ་སྟེ། ཕ་མས་མ་གནང་བ་དང༌། རྒྱལ་པོས་བཀྲབས་པ་དང༌། ཕྲོགས་པ་དང༌། རྙེད་བཙོན་དང༌། རྩོད་པ་ཡོད་པ་ཞེས་བྱ་བ་ལ་སོགས་པའོ། །

rab tu 'byung ba'i sgrib pa ni bzhi po 'di dag yin par rig par bya ste/ 'di lta ste/ bsam pa'i sgrib pa dang/ lus kyi sgrib pa dang/ las kyi sgrib pa dang/ rang dbang med pa'i sgrib pa'o/ /de la bsam pa'i sgrib pa ni 'di lta ste/ rgyal pos gtses pas rab tu 'byung bar 'dod pa yin zhes bya ba la sogs pa'o/ /de la lus kyi sgrib pa ni 'di lta ste/ long ba'am/ 'on pa'am| za ma'am/ ma ning du gyur pa'am/ g.ya' ba'am/ mdze'am/ phol mig gam/ skyigs bu la sogs pa'i nad skyon chags pa gang yang rung bas lus la gnod par gyur pa yin zhes bya ba la sogs pa'o/ /de la las kyi sgrib pa ni 'di lta ste/ pha bsad pa dang/ ma bsad pa yin zhes bya ba la sogs pa'o/ /de la rang dbang med pa'i sgrib pa ni 'di lta ste/ pha mas ma gnang ba dang/ rgyal pos bkrabs pa dang/ phrogs pa dang/ rnyed btson dang/ rtsod pa yod pa zhes bya ba la sogs pa'o/ /

【E6 解學】

དེ་ལ་རབ་ཏུ་བྱུང་བས་འདུལ་བ་ལ་གནས་ལྔ་ངེས་པར་སློབ་ཏུ་གཞུག་པར་བྱ་སྟེ། འདི་ལྟ་སྟེ། ལྟུང་བ་སློབ་ཏུ་གཞུག་པ་དང༌། ལྟུང་བ་མེད་པ་དང༌། ལྕི་བ་དང༌། ཡང་བ་དང༌། སོ་སོར་ཐར་པའི་མདོ་འདོན་པ་སློབ་ཏུ་གཞུག་པའོ༑ །དེ་ལ་ལྟུང་བ་དང༌། ལྟུང་བ་མེད་པ་ནི་སྔ་མ་བཞིན་ནོ། །དེ་ལ་ལྟུང་བ་ལྕི་བ་ནི་བྱེ་བྲག་དྲུག་གིས་འགྱུར་ཏེ། བཅའ་བའི་བྱེ་བྲག་གིས་ལྕི་བ་ནི་འདི་ལྟ་སྟེ། བསླབ་པའི་གཞི་བཅས་པ་ལས་སོ། །དངོས་པོའི་བྱེ་བྲག་གིས་ལྕི་བ་ནི་འདི་ལྟ་སྟེ། ལྟུང་བྱེད་དུ་འདྲ་བ་ལས་སྲོག་གཅོད་པ་ལ་སོགས་པ་རང་བཞིན་གྱིས་ཁ་ན་མ་ཐོ་བ་དང་བཅས་པ་ནི། བཅས་པའི་ཁ་ན་མ་ཐོ་བ་དང་བཅས་པ་ལས་བྱེ་བྲག་ཏུ་གྱུར་པའོ། །ཉེས་པའི་བྱེ་བྲག་གིས་ལྕི་བ་ནི་འདི་ལྟ་སྟེ། ལ་ལ་ཡང་དང་ཡང་དུ་ལྟུང་བ་འབྱིན་པའོ། །ཉོན་མོངས་པའི་བྱེ་བྲག་གིས་ལྕི་བ་ནི་འདི་ལྟ་སྟེ། ལ་ལ་འདོད་ཆགས་དང་། ཞེ་སྡང་དང༌། གཏི་མུག་གི་ཀུན་ནས་དཀྲིས་པ་ཤིན་ཏུ་དྲག་པོས་ལྟུང་བ་འབྱིན་པའོ། །མི་ཤེས་པའི་བྱེ་བྲག་གིས་ལྕི་བ་ནི་འདི་ལྟ་སྟེ། ལ་ལ་དགེ་པའི་ཕྱོགས་ཆུང་བ་དང༌། ཤེས་རབ་ཞེན་པ་དེ་ལ་ནི་ལྟུང་བས་ཆེས་ཤིན་ཏུ་སྒྲིབ་པར་འགྱུར་བ་སྟེ། དེ་ལས་བཟློག་པ་གཞན་ལ་ནི་བཅས་པ་འདྲ་བ་དང༌། དངོས་པོ་འདྲ་བ་དང༌། ཉེས་པ་འདྲ་བ་དང༌། ཉོན་མོངས་པ་འདྲ་བ་ལ་ཡང་ལྟུང་བས་སྒྲིབ་པར་མི་བྱེད་དོ། །འདི་ལྟ་སྟེ། དཔེར་ན་ཆུ་འབབ་པ་ཆུང་ངུ་ནི་རྩྭ་ཙམ་གྱིས་ཀྱང་དགག་པར་ནུས་ལ། རྩྭ་ཙམ་ཡང་དེད་པར་མི་ནུས་ཀྱི། ཆུ་འབབ་པ་ཆེན་པོ་ནི་རྩྭ་ཁུར་དང་ཤིང་ཁུར་གྱིས་ཀྱང་དགག་པར་མི་ནུས་ལ། རྩྭ་དང་ཤིང་མང་པོ་ཡང་དེད་པར་ནུས་པ་བཞིན་དུ། འདི་ལ་ཡང་ཚུལ་དེ་བཞིན་དུ་བལྟ་བར་བྱའོ། །དུས་ཀྱི་བྱེ་བྲག་གིས་ལྕི་བ་ནི་འདི་ལྟ་སྟེ། ལ་ལ་ལྟུང་བ་བྱུང་ནས་མྱུར་བ་མྱུར་བ་ཁོ་ནར་ཆོས་བཞིན་དུ་ཕྱིར་གསོ་བར་མི་བྱེད་པར་དུས་གཞན་དུ་ཡོངས་སུ་གནས་ནས་གསོ་བར་བྱེད་པའོ། །ལྟུང་བ་ཡང་བ་ནི་དེ་དག་ལས་བཟློག་པར་རིག་པར་བྱའོ། །

de la rab tu byung bas 'dul ba la gnas lnga nges par slob tu gzhug par bya ste/ 'di lta ste/ ltung ba slob tu gzhug pa dang/ ltung ba med pa dang/ lci ba dang/ yang ba dang/ so sor thar pa'i mdo 'don pa slob tu gzhug pa'o| /de la ltung ba dang/ ltung ba med pa ni snga ma bzhin no/ /de la ltung ba lci ba ni bye brag drug gis 'gyur te/ bca' ba'i bye brag gis lci ba ni 'di lta ste/ bslab pa'i gzhi bcas pa las so/ /dngos po'i bye brag gis lci ba ni 'di lta ste/ ltung byed du 'dra ba las srog gcod pa la sogs pa rang bzhin gyis kha na ma tho ba dang bcas pa ni/ bcas pa'i kha na ma tho ba dang bcas pa las bye brag tu gyur pa'o/ /nyes pa'i bye brag gis lci ba ni 'di lta ste/ la la yang dang yang du ltung ba 'byin pa'o/ /nyon mongs pa'i bye brag gis lci ba ni 'di lta ste/ la la 'dod chags dang / zhe sdang dang/ gti mug gi kun nas dkris pa shin tu drag pos ltung ba 'byin pa'o/ /mi shes pa'i bye brag gis lci ba ni 'di lta ste/ la la dge pa'i phyogs chung ba dang/ shes rab zhen pa de la ni ltung bas ches shin tu sgrib par 'gyur ba ste/ de las bzlog pa gzhan la ni bcas pa 'dra ba dang/ dngos po 'dra ba dang/ nyes pa 'dra ba dang/ nyon mongs pa 'dra ba la yang ltung bas sgrib par mi byed do/ /'di lta ste/ dper na chu 'bab pa chung ngu ni rtswa tsam gyis kyang dgag par nus la/ rtswa tsam yang ded par mi nus kyi/ chu 'bab pa chen po ni rtswa khur dang shing khur gyis kyang dgag par mi nus la/ rtswa dang shing mang po yang ded par nus pa bzhin du/ 'di la yang tshul de bzhin du blta bar bya'o/ /dus kyi bye brag gis lci ba ni 'di lta ste/ la la ltung ba byung nas myur ba myur ba kho nar chos bzhin du phyir gso bar mi byed par dus gzhan du yongs su gnas nas gso bar byed pa'o/ /ltung ba yang ba ni de dag las bzlog par rig par bya'o/ /

【E7 解觀察】

འདུལ་བ་འཛིན་པས་ལྟུང་བ་བྱུང་བ་ལ་རྣམ་པ་ལྔས་བརྟགས་ནས། ལྟུང་བ་སྦྱིན་པར་བྱ་སྟེ། གཅིག་ཏུ་ཀུན་ནས་ཉོན་མོངས་པ་དང༌། གཅིག་ཏུ་ལྷག་པར་མ་སྤྱད་པ་དང༌། གཞི་ལས་བཅའ་བ་དང༌། དེ་ལ་ཉེས་པ་བྱུང་བ་དང་མ་བྱུང་བ་བསྟན་པ་དང༌། གཅིག་ཏུ་ཀུན་དུ་སྤྱོད་པ་མ་ཡིན་པས་སོ། །དེ་ལ་གཅིག་ཏུ་ཀུན་ནས་ཉོན་མོངས་པ་ཅན་གྱི་ལྟུང་བ་ནི་འདི་ལྟ་སྟེ། རང་བཞིན་གྱིས་ཁ་ན་མ་ཐོ་བ་དང་བཅས་པའོ། །དེ་ལ་གཅིག་ཏུ་ལྟུང་བ་ལྷག་པར་མ་སྤྱད་པ་ལ་ནི་བསྟན་པར་བྱའོ། །ལྟུང་བ་བྱུང་བ་ལ་ནི་ལྟུང་བ་ཕྱིར་གསོ་བའི་ལས་ཅི་རིགས་པར་ཡོངས་སུ་བསྟན་པར་བྱའོ། །དེ་ལ་བཅོམ་ལྡན་འདས་ཀྱིས་གང་ཟག་གང་ལ་བརྟེན་པ་དང༌། ཡུལ་གང་དང་དུས་གང་ལ་བརྟེན་ནས། བཅས་པའི་ཁ་ན་མ་ཐོ་བ་དང་བཅས་པའི་བསླབ་པའི་གཞི་བཅས་པ་ལས། གལ་ཏེ་གང་ཟག་གཞན་ཞིག་ཡུལ་གཞན་དང༌། དུས་གཞན་དུ་ཉེས་པ་དེ་ཉིད་ལ་རྟེན་པར་བྱེད་ན། དེས་དེ་ལ་ཡང་བཅོམ་ལྡན་འདས་ཀྱིས་ཉེས་པ་གང་གཟིགས་ནས་བཅས་པ་དེ་ཁོ་ན་བཞིན་དུ་ལྟུང་བ་ཕྱིར་གསོ་བའི་ལས་ཡོངས་སུ་བསྟན་པར་བྱའོ། །གལ་ཏེ་ཉེས་པ་དེ་ལ་རྟེན་པར་མི་བྱེད་ན་ནི་དེ་ལ་ལྟུང་བ་སྦྱིན་པར་མི་བྱ་སྟེ། ཕྱིར་གསོ་བའི་ལས་ཀྱང་ཡོངས་སུ་བསྟན་པར་མི་བྱའོ། །དེ་ལྟར་དེ་ནི་ལྟུང་བ་ཡོངས་སུ་བརྟག་པ་མདོར་བསྟན་པ་ཡིན་པར་རིག་པར་བྱའོ། །

'dul ba 'dzin pas ltung ba byung ba la rnam pa lngas brtags nas/ ltung ba sbyin par bya ste/ gcig tu kun nas nyon mongs pa dang/ gcig tu lhag par ma spyad pa dang/ gzhi las bca' ba dang/ de la nyes pa byung ba dang ma byung ba bstan pa dang/ gcig tu kun du spyod pa ma yin pas so/ /de la gcig tu kun nas nyon mongs pa can gyi ltung ba ni 'di lta ste/ rang bzhin gyis kha na ma tho ba dang bcas pa'o/ /de la gcig tu ltung ba lhag par ma spyad pa la ni bstan par bya'o/ /ltung ba byung ba la ni ltung ba phyir gso ba'i las ci rigs par yongs su bstan par bya'o/ /de la bcom ldan 'das kyis gang zag gang la brten pa dang/ yul gang dang dus gang la brten nas/ bcas pa'i kha na ma tho ba dang bcas pa'i bslab pa'i gzhi bcas pa las/ gal te gang zag gzhan zhig yul gzhan dang/ dus gzhan du nyes pa de nyid la rten par byed na/ des de la yang bcom ldan 'das kyis nyes pa gang gzigs nas bcas pa de kho na bzhin du ltung ba phyir gso ba'i las yongs su bstan par bya'o/ /gal te nyes pa de la rten par mi byed na ni de la ltung ba sbyin par mi bya ste/ phyir gso ba'i las kyang yongs su bstan par mi bya'o/ /de ltar de ni ltung ba yongs su brtag pa mdor bstan pa yin par rig par bya'o/ /

【E8 解依止】

དགེ་སློང་འདུལ་བའི་བསླབ་པ་ལ་བརྩོན་པས་གནས་བདུན་ལ་བརྟེན་ནས། གནས་དྲུག་ལ་བརྩོན་པར་བྱ་སྟེ། གནས་བདུན་པོ་གང་དག་ལ་བརྟེན་ནས། གནས་དྲུག་པོ་གང་དག་ལ་བརྩོན་པར་བྱ་ཞེ་ན། སྨྲས་པ། སྟོན་པ་ལ་བརྟེན་པ་དང༌། མཁན་པོ་དང༌། སློབ་དཔོན་དང༌། ཆོས་གོས་དང་། བསོད་སྙོམས་དང༌། མལ་ཆ་དང༌། སྟན་དང༌། ན་བའི་གསོས་སྨན་ཡོ་བྱད་ལ་བརྟེན་ནས། ཆོས་ལ་བརྩོན་པར་བྱ་བ་དང༌། བསླབ་པ་དང༌། གདམས་ཤིང་རྗེས་སུ་བསྟན་པ་དང༌། ཏིང་ངེ་འཛིན་དང༌། བགོ་བཤའ་དང༌། བག་ཡོད་པ་ལ་བརྩོན་པར་བྱའོ། །དེ་ལ་ཆོས་ནི་སོ་སོར་ཐར་པའི་མདོ་དང༌། དེ་རྣམ་པར་འབྱེད་པའོ། །དེ་ལ་བསླབ་པ་ནི་ལྷག་པའི་ཚུལ་ཁྲིམས་ཀྱི་བསླབ་པ་དང༌། ལྷག་པའི་སེམས་དང༌། ལྷག་པའི་ཤེས་རབ་ཀྱི་བསླབ་པའོ། །དེ་ལ་གདམས་ཤིང་རྗེས་སུ་བསྟན་པ་ནི་ལྷག་པའི་ཚུལ་ཁྲིམས་ཀྱི་བསླབ་པ་ལ་གདམས་ཤིང་རྗེས་སུ་བསྟན་པ་དང༌། ལྷག་པའི་སེམས་དང༌། ལྷག་པའི་ཤེས་རབ་ཀྱི་བསླབ་པ་ལ་གདམས་ཤིང་རྗེས་སུ་བསྟན་པའོ། །དེ་ལ་ཏིང་ངེ་འཛིན་ནི་མཐར་གྱིས་གནས་པའི་སྙོམས་པར་འཇུག་པ་དགུའོ། །དེ་ལ་བགོ་བཤའ་ནི་ཟང་ཟིང་གི་བགོ་བཤའ་དང༌། ཆོས་ཀྱི་བགོ་བཤའོ། །དེ་ལ་ཟང་ཟིང་གི་བགོ་བཤའ་ནི་ཡང་དག་པར་མགུ་བར་འགྱུར་བའི་ཆོས་དྲུག་ལས་གཅིག་གིས་སོ། །ཆོས་ཀྱི་བགོ་བཤའ་ནི་ལྷག་མ་ལྔས་སོ། །དེ་ལ་བག་ཡོད་པ་ནི་མཁས་པ་ལྔ་པོ་ཕུང་པོ་ལ་མཁས་པ་ནས༌། གནས་དང་གནས་མ་ཡིན་པའི་བར་དག་ལ་རྟག་ཏུ་བྱེད་པ་དང༌། བསྒོམ་པའི་རྗེས་སུ་བརྩོན་པ་གང་ཡིན་པའོ། །

dge slong 'dul ba'i bslab pa la brtson pas gnas bdun la brten nas/ gnas drug la brtson par bya ste/ gnas bdun po gang dag la brten nas/ gnas drug po gang dag la brtson par bya zhe na/ smras pa/ ston pa la brten pa dang/ mkhan po dang/ slob dpon dang/ chos gos dang / bsod snyoms dang/ mal cha dang/ stan dang/ na ba'i gsos sman yo byad la brten nas/ chos la brtson par bya ba dang/ bslab pa dang/ gdams shing rjes su bstan pa dang/ ting nge 'dzin dang/ bgo bsha' dang/ bag yod pa la brtson par bya'o/ /de la chos ni so sor thar pa'i mdo dang/ de rnam par 'byed pa'o/ /de la bslab pa ni lhag pa'i tshul khrims kyi bslab pa dang/ lhag pa'i sems dang/ lhag pa'i shes rab kyi bslab pa'o/ /de la gdams shing rjes su bstan pa ni lhag pa'i tshul khrims kyi bslab pa la gdams shing rjes su bstan pa dang/ lhag pa'i sems dang/ lhag pa'i shes rab kyi bslab pa la gdams shing rjes su bstan pa'o/ /de la ting nge 'dzin ni mthar gyis gnas pa'i snyoms par 'jug pa dgu'o/ /de la bgo bsha' ni zang zing gi bgo bsha' dang/ chos kyi bgo bsha'o/ /de la zang zing gi bgo bsha' ni yang dag par mgu bar 'gyur ba'i chos drug las gcig gis so/ /chos kyi bgo bsha' ni lhag ma lngas so/ /de la bag yod pa ni mkhas pa lnga po phung po la mkhas pa nas/ gnas dang gnas ma yin pa'i bar dag la rtag tu byed pa dang/ bsgom pa'i rjes su brtson pa gang yin pa'o/ /

【E9 解攝受】

འདུལ་བ་ལ་བླང་བ་ནི་ལྔ་པོ་འདི་དག་ཡིན་ཏེ། བདག་གིར་བྱ་བ་བླང་བ་དང༌། བྱིན་ལེན་བླང་བ་དང༌། གཏམས་པ་བླང་བ་དང་དབུལ་བ་བླང་བ་དང༌། གཞན་གྱི་ཕྱིར་བླང་བའོ། །དེ་ལ་བདག་གིར་བྱ་བ་བླང་བ་ནི་རྒྱུ་གཉིས་ཀྱིས་ཡོངས་སུ་མ་དག་པ་ཡིན་ཏེ། ལྷག་པར་ཆགས་པ་དང༌། སོག་འཇོག་བྱེད་པ་ལ་གདུ་བའོ། །དེ་ལས་བཟློག་པས་ནི་ཡོངས་སུ་དག་པ་ཡིན་ནོ། །བྱིན་ལེན་བླང་བ་ཡང་རྒྱུ་གཉིས་ཀྱིས་ཡོངས་སུ་མ་དག་པ་ཡིན་ཏེ། གནས་མ་ཡིན་པ་ལས་ལེན་པ་དང༌། ཚོད་མ་ཟིན་པ་དང༌། ཆོས་བཞིན་མ་ཡིན་པར་ལེན་པས་སོ༑ །དེ་ལས་བཟློག་པས་ནི་ཡོངས་སུ་དག་པ་ཡིན་ནོ། །གཏམས་པ་བླང་བ་ཡང་རྒྱུ་གཉིས་ཀྱིས་ཡོངས་སུ་མ་དག་པ་ཡིན་ཏེ། གང་ཟག་མ་བརྟགས་པ་ལ་གཏམས་པ་དང༌། རུང་བ་མ་ཡིན་པའི་དངོས་པོ་དང༌། འབྲེལ་པའི་སེམས་ཀྱིས་སོ། །དེ་ལས་བཟློག་པས་ནི་ཡོངས་སུ་དག་པ་ཡིན་ནོ། །དབུལ་བ་བླང་བ་ཡང་རྒྱུ་གཉིས་ཀྱིས་ཡོངས་སུ་མ་དག་པ་ཡིན་ཏེ། ཞིང་ངན་པ་ལ་དབུལ་བ་བླང་བ་དང༌། མི་ལྟོས་པ་མ་ཡིན་པར་དབུལ་བ་བླང་བས་སོ། །དེ་ལ་ཞིང་གསུམ་པོ་ཡོན་ཏན་གྱི་ཞིང་དང༌། སྙིང་བརྩེ་བའི་ཞིང་དང༌། ཕན་འདོགས་པའི་ཞིང་མ་གཏོགས་པ་དེ་ལས་གཞན་པའི་ཞིང་དག་ནི་ཞིང་ངན་པ་ཡིན་པར་རིག་པར་བྱའོ། ། དེ་ལས་བཟློག་པས་ནི་ཡོངས་སུ་དག་པ་ཡིན་ནོ། །གཞན་གྱི་ཕྱིར་བླང་བ་ཡང་རྒྱུ་གཉིས་ཀྱིས་ཡོངས་སུ་མ་དག་པ་ཡིན་ཏེ། མ་འདྲིས་པའམ་མ་བཅོལ་བའམ། ངོ་མི་ཤེས་པའི་ཕྱིར་ལེན་པ་དང་། ཟང་ཟིང་དང་བཅས་པའི་སེམས་ཀྱིས་ལེན་པས་སོ། །དེ་ལས་བཟློག་པས་ནི་ཡོངས་སུ་དག་པ་ཡིན་ནོ། །

'dul ba la blang ba ni lnga po 'di dag yin te/ bdag gir bya ba blang ba dang/ byin len blang ba dang/ gtams pa blang ba dang dbul ba blang ba dang/ gzhan gyi phyir blang ba'o/ /de la bdag gir bya ba blang ba ni rgyu gnyis kyis yongs su ma dag pa yin te/ lhag par chags pa dang/ sog 'jog byed pa la gdu ba'o/ /de las bzlog pas ni yongs su dag pa yin no/ /byin len blang ba yang rgyu gnyis kyis yongs su ma dag pa yin te/ gnas ma yin pa las len pa dang/ tshod ma zin pa dang/ chos bzhin ma yin par len pas so| /de las bzlog pas ni yongs su dag pa yin no/ /gtams pa blang ba yang rgyu gnyis kyis yongs su ma dag pa yin te/ gang zag ma brtags pa la gtams pa dang/ rung ba ma yin pa'i dngos po dang/ 'brel pa'i sems kyis so/ /de las bzlog pas ni yongs su dag pa yin no/ /dbul ba blang ba yang rgyu gnyis kyis yongs su ma dag pa yin te/ zhing ngan pa la dbul ba blang ba dang/ mi ltos pa ma yin par dbul ba blang bas so/ /de la zhing gsum po yon tan gyi zhing dang/ snying brtse ba'i zhing dang/ phan 'dogs pa'i zhing ma gtogs pa de las gzhan pa'i zhing dag ni zhing ngan pa yin par rig par bya'o/ / de las bzlog pas ni yongs su dag pa yin no/ /gzhan gyi phyir blang ba yang rgyu gnyis kyis yongs su ma dag pa yin te/ ma 'dris pa'am ma bcol ba'am/ ngo mi shes pa'i phyir len pa dang / zang zing dang bcas pa'i sems kyis len pas so/ /de las bzlog pas ni yongs su dag pa yin no/ /

【E10 解受用事】

འདུལ་བ་ལ་དངོས་པོའི་ལོངས་སྤྱོད་ནི་རྒྱུ་ལྔས་རུང་བ་མ་ཡིན་ཏེ། རང་བཞིན་གྱིས་ཁ་ན་མ་ཐོ་བ་དང་བཅས་པ་དང༌། རྐྱེན་དུ་འབབ་པ་མ་ཡིན་པ་དང༌། ལོངས་སྤྱོད་པར་འོས་པ་མ་ཡིན་པ་དང༌། གཏོགས་པ་མ་ཡིན་པ་དང༌། རུང་བ་མ་བྱས་པས་སོ། །དེ་ལ་རང་བཞིན་གྱིས་ཁ་ན་མ་ཐོ་བ་དང་བཅས་པ་ནི་འདི་ལྟ་སྟེ། བླུགས་གཞལ་ལ་སྒྱུ་བྱེད་པ་དང༌། སྲང་ལ་སྒྱུ་བྱེད་པ་དང༌། གཞལ་བ་ལ་སྒྱུ་བྱེད་པ་དང༌། བསད་པ་དང༌། བཅིང་བ་དང༌། བཅད་པ་དང་། བརྡེག་པ་དང༌། ནན་གྱིས་གནོད་པ་མཆོག་ཏུ་འཛིན་པ་ལ་སོགས་པ་ལ་བརྟེན་ནས་དངོས་པོའི་ལོངས་སྤྱོད་ཐོབ་པ་གང་ཡིན་པ་དེ་ནི་རུང་བ་མ་ཡིན་ནོ༑ །དེ་ལ་རྐྱེན་དུ་འབབ་པ་མ་ཡིན་པ་ནི་ཞིང་གི་དངོས་པོ་དང༌། ཁང་ཁྱིམ་གྱི་དངོས་པོ་དང༌། ཚོང་ཁང་གི་དངོས་པོ་ཡོངས་སུ་འཛིན་པའི་ལོངས་སྤྱོད་དང༌། རྟ་དང༌། གླང་པོ་ཆེ་དང༌། བ་ལང་དང༌། ལུག་དང༌། བྱ་གག་དང༌། ཕག་ཡོངས་སུ་འཛིན་པའི་ལོངས་སྤྱོད་དང༌། བུད་མེད་དང༌། སྐྱེས་པ་དང༌། ཁེའུ་དང༌། བུ་མོ་ཡོངས་སུ་འཛིན་པའི་ལོངས་སྤྱོད་དང༌། བྲན་དང༌། བྲན་མོ་དང༌། ལས་བྱེད་པ་དང༌། ཞོ་ཤས་འཚོ་བ་ཡོངས་སུ་འཛིན་པའི་ལོངས་སྤྱོད་དང༌། གསེར་དང་དངུལ་ཡོངས་སུ་འཛིན་པའི་ལོངས་སྤྱོད་དང༌། འབྲུ་བརྩམ་པ་ཡོངས་སུ་འཛིན་པའི་ལོངས་སྤྱོད་ལ་སོགས་པའོ། །དེ་ལ་ལོངས་སྤྱོད་པར་འོས་པ་མ་ཡིན་པ་ནི་འདི་ལྟ་སྟེ། བཤང་བ་ལས་བྱས་པའམ། གཅི་བ་ལས་བྱས་པའམ། མཆིལ་མ་ལས་བྱས་པའམ། སྣབས་ལས་བྱས་པའམ། ཁྲག་གིས་གོས་པའམ༑ རྣག་གིས་གོས་པའམ། རྣག་ཁྲག་གིས་གོས་པའམ། ཞག་དང་ཆུ་སེར་ལ་སོགས་པས་གོས་པའམ། གཞན་ཡང་གང་དེ་ལྟ་བུ་དང་མཐུན་པ་དང༌། བཅོམ་ལྡན་འདས་ཀྱིས་བཤང་གཅི་ལ་སོགས་པའི་བུམ་པ་ནི་ལོངས་སྤྱོད་པར་རུང་བ་མ་ཡིན་ནོ་ཞེས་ཇི་སྐད་གསུངས་པ་དག་གོ། །དེ་ལ་གཏོགས་པ་མ་ཡིན་པ་ནི་འདི་ལྟ་སྟེ༑ དགེ་འདུན་གྱི་ལོངས་སྤྱོད་མ་བསྒོ་བ་དང༌། ལྷུང་བཟེད་དུ་མ་ཆུད་ཅིང༌། ལྟུང་བཟེད་དུ་མ་གཏོགས་པ་དང༌། གང་ཟག་གི་ལོངས་སྤྱོད་མ་བྱིན་པ་དང༌། མ་བཏང་བ་དང༌། ལྷུག་པར་མ་བྱས་པ་དང༌། ཡིད་གཅུགས་པའི་གནས་མ་ཡིན་པ་དང༌། ཚོད་མ་ཟིན་པས་སོ། །དེ་ལ་རུང་བར་མ་བྱས་པ་ནི་རུང་བ་རྣམ་པ་ལྔས་རུང་བར་མ་བྱས་པ་སྟེ། རུང་བ་ལྔ་གང་ཞེ་ན། འདི་ལྟ་སྟེ། བྱིན་ལེན་གྱིས་རུང་བ་དང་། ཉམས་པར་བྱས་པས་རུང་བ་དང༌། གཞག་པས་རུང་བ་དང༌། དུས་ཀྱི་ཆོ་གས་རུང་བ་དང༌། རྣམ་པར་རྟོག་པ་གཏན་སྤང་བས་རུང་བའོ། །དེ་ལས་བཟློག་པ་ནི་རུང་བ་མ་ཡིན་ནོ།། །།

'dul ba la dngos po'i longs spyod ni rgyu lngas rung ba ma yin te/ rang bzhin gyis kha na ma tho ba dang bcas pa dang/ rkyen du 'bab pa ma yin pa dang/ longs spyod par 'os pa ma yin pa dang/ gtogs pa ma yin pa dang/ rung ba ma byas pas so/ /de la rang bzhin gyis kha na ma tho ba dang bcas pa ni 'di lta ste/ blugs gzhal la sgyu byed pa dang/ srang la sgyu byed pa dang/ gzhal ba la sgyu byed pa dang/ bsad pa dang/ bcing ba dang/ bcad pa dang / brdeg pa dang/ nan gyis gnod pa mchog tu 'dzin pa la sogs pa la brten nas dngos po'i longs spyod thob pa gang yin pa de ni rung ba ma yin no| /de la rkyen du 'bab pa ma yin pa ni zhing gi dngos po dang/ khang khyim gyi dngos po dang/ tshong khang gi dngos po yongs su 'dzin pa'i longs spyod dang/ rta dang/ glang po che dang/ ba lang dang/ lug dang/ bya gag dang/ phag yongs su 'dzin pa'i longs spyod dang/ bud med dang/ skyes pa dang/ khe'u dang/ bu mo yongs su 'dzin pa'i longs spyod dang/ bran dang/ bran mo dang/ las byed pa dang/ zho shas 'tsho ba yongs su 'dzin pa'i longs spyod dang/ gser dang dngul yongs su 'dzin pa'i longs spyod dang/ 'bru brtsam pa yongs su 'dzin pa'i longs spyod la sogs pa'o/ /de la longs spyod par 'os pa ma yin pa ni 'di lta ste/ bshang ba las byas pa'am/ gci ba las byas pa'am/ mchil ma las byas pa'am/ snabs las byas pa'am/ khrag gis gos pa'am| rnag gis gos pa'am/ rnag khrag gis gos pa'am/ zhag dang chu ser la sogs pas gos pa'am/ gzhan yang gang de lta bu dang mthun pa dang/ bcom ldan 'das kyis bshang gci la sogs pa'i bum pa ni longs spyod par rung ba ma yin no zhes ji skad gsungs pa dag go/ /de la gtogs pa ma yin pa ni 'di lta ste| dge 'dun gyi longs spyod ma bsgo ba dang/ lhung bzed du ma chud cing/ ltung bzed du ma gtogs pa dang/ gang zag gi longs spyod ma byin pa dang/ ma btang ba dang/ lhug par ma byas pa dang/ yid gcugs pa'i gnas ma yin pa dang/ tshod ma zin pas so/ /de la rung bar ma byas pa ni rung ba rnam pa lngas rung bar ma byas pa ste/ rung ba lnga gang zhe na/ 'di lta ste/ byin len gyis rung ba dang / nyams par byas pas rung ba dang/ gzhag pas rung ba dang/ dus kyi cho gas rung ba dang/ rnam par rtog pa gtan spang bas rung ba'o/ /de las bzlog pa ni rung ba ma yin no// //

【E11 解甚深】【F1 辨真制立】【G1 開五門】

བམ་པོ་ཉི་ཤུ་རྩ་བརྒྱད་པ། འདུལ་བ་ནི་བཅའ་བ་ལྔས་ཟབ་པར་རིག་པར་བྱ་སྟེ། བཅའ་བ་ལྔ་གང་ཞེ་ན། བསླབ་པ་བཅའ་བ་དང༌། ལྟུང་བ་བཅའ་བ་དང༌། ངེས་པར་འབྱུང་བ་བཅའ་བ་དང༌། བག་ཡངས་བཅའ་བ་དང༌། ལས་བཅའ་བས་སོ། །

bam po nyi shu rtsa brgyad pa/ 'dul ba ni bca' ba lngas zab par rig par bya ste/ bca' ba lnga gang zhe na/ bslab pa bca' ba dang/ ltung ba bca' ba dang/ nges par 'byung ba bca' ba dang/ bag yangs bca' ba dang/ las bca' bas so/ /

【G2 依門辨】【H1 辨學制立】

དེ་ལ་བསླབ་པ་བཅའ་བ་ནི་གནས་ལྔས་ཟབ་པར་རིག་པར་བྱ་སྟེ། རང་དབང་ཡོད་པ་དང༌། རང་དབང་མེད་པ་དང༌། ཚུལ་ཁྲིམས་ཉམས་པའི་ཉེས་པ་ཡང་དག་པར་བསྟན་པ་དང༌། ལས་ངན་པ་ལ་མངོན་པར་དགའ་བའི་ཉེས་པ་ཡང་དག་པར་བསྟན་པ་དང༌། དེ་གཉིས་ཀའི་ཉེས་པ་ལྷག་པར་སྤྱད་པ་དང་ལྷག་པར་མ་སྤྱད་པས་སོ། །དེ་ལ་རང་དབང་ཡོད་པ་ནི་འདི་ཡིན་ཏེ། གང་གི་ཚེ་འདུལ་བ་རྣམས་ཉོན་མོངས་པའི་དབང་དུ་མ་སོང་ཞིང༌། ཉོན་མོངས་པ་རྣམས་ཀྱིས་རང་དབང་མེད་པར་མ་བྱས་པ་དེའི་ཚེ། འདུལ་བ་རང་དབང་ཅན་དེ་ལྟ་བུ་དག་བསླབ་པ་ལྷག་པར་སྤྱད་པ་ལ་རང་དབང་ཡོད་པ་ཁོ་ནར་མཛད་པའོ། །དེ་ལ་རང་དབང་མེད་པ་ནི་འདི་ཡིན་ཏེ། གང་གི་ཚེ་འདུལ་བ་རྣམས་ཉོན་མོངས་པའི་དབང་དུ་སོང་ཞིང༌། ཉོན་མོངས་པ་རྣམས་ཀྱིས་རང་དབང་མེད་པར་བྱས་པ་དེའི་ཚེ། འདུལ་བ་རང་དབང་མེད་པ་དེ་ལྟ་བུ་དག་བསླབ་པ་ལྷག་པར་སྤྱད་པ་ལ་རང་དབང་མེད་པར་མཛད་ཅིང་བསླབ་པའི་གཞི་འཆའ་བར་མཛད་པའོ། །དེ་ལ་ཚུལ་ཁྲིམས་ཉམས་པའི་ཉེས་པ་ཡང་དག་པར་སྟོན་པ་ནི་འདི་ཡིན་ཏེ། དགེ་བའི་རང་བཞིན་གྱིས་ཁ་ན་མ་ཐོ་བ་དང་བཅས་པ་གང་ཡིན་པ་དེ་གཅིག་ཏུ་ལྷག་པར་སྤྱད་པར་མི་བྱའོ་ཞེས་ཡང་དག་པར་གཟིགས་ནས། ཚུལ་ཁྲིམས་རྗེས་སུ་བསྲུང་བའི་ཕྱིར་བསླབ་པའི་གཞི་འཆའ་བར་མཛད་པའོ། །དེ་ལ་ལས་ངན་པ་ལ་མངོན་པར་དགའ་བའི་ཉེས་པ་ཡང་དག་པར་སྟོན་པ་ནི་འདི་ཡིན་ཏེ། དགེ་བའི་ཕྱོགས་ལ་མངོན་པར་བརྩོན་པའི་གགས་སུ་ཡང་དག་པར་གཟིགས་པ་གང་ཡིན་པ་དེའི་གཉེན་པོར་བཅས་པའི་ཁ་ན་མ་ཐོ་བ་དང་བཅས་པའི་བསླབ་པའི་གཞི་འཆའ་བར་མཛད་པའོ། །དེ་ལ་དེ་གཉི་གའི་ཉེས་པ་ལྷག་པར་སྤྱད་པ་དང༌། མ་སྤྱད་པ་ནི་འདི་ཡིན་ཏེ། དེ་བཞིན་གཤེགས་པས་རང་དབང་ཡོད་པ་དག་ལ་ནི་ཉེས་པ་དེ་ལྷག་པར་མི་སྤྱོད་པར་གཟིགས་ནས། བསླབ་པའི་གཞི་འཆའ་བར་མི་མཛད་ལ། རང་དབང་མེད་པ་དག་ལ་ནི་ཉེས་པ་དེ་ལྷག་པར་སྤྱོད་པར་གཟིགས་ནས་བསླབ་པའི་གཞི་འཆའ་བར་མཛད་པ་གང་ཡིན་པའོ། །

de la bslab pa bca' ba ni gnas lngas zab par rig par bya ste/ rang dbang yod pa dang/ rang dbang med pa dang/ tshul khrims nyams pa'i nyes pa yang dag par bstan pa dang/ las ngan pa la mngon par dga' ba'i nyes pa yang dag par bstan pa dang/ de gnyis ka'i nyes pa lhag par spyad pa dang lhag par ma spyad pas so/ /de la rang dbang yod pa ni 'di yin te/ gang gi tshe 'dul ba rnams nyon mongs pa'i dbang du ma song zhing/ nyon mongs pa rnams kyis rang dbang med par ma byas pa de'i tshe/ 'dul ba rang dbang can de lta bu dag bslab pa lhag par spyad pa la rang dbang yod pa kho nar mdzad pa'o/ /de la rang dbang med pa ni 'di yin te/ gang gi tshe 'dul ba rnams nyon mongs pa'i dbang du song zhing/ nyon mongs pa rnams kyis rang dbang med par byas pa de'i tshe/ 'dul ba rang dbang med pa de lta bu dag bslab pa lhag par spyad pa la rang dbang med par mdzad cing bslab pa'i gzhi 'cha' bar mdzad pa'o/ /de la tshul khrims nyams pa'i nyes pa yang dag par ston pa ni 'di yin te/ dge ba'i rang bzhin gyis kha na ma tho ba dang bcas pa gang yin pa de gcig tu lhag par spyad par mi bya'o zhes yang dag par gzigs nas/ tshul khrims rjes su bsrung ba'i phyir bslab pa'i gzhi 'cha' bar mdzad pa'o/ /de la las ngan pa la mngon par dga' ba'i nyes pa yang dag par ston pa ni 'di yin te/ dge ba'i phyogs la mngon par brtson pa'i gags su yang dag par gzigs pa gang yin pa de'i gnyen por bcas pa'i kha na ma tho ba dang bcas pa'i bslab pa'i gzhi 'cha' bar mdzad pa'o/ /de la de gnyi ga'i nyes pa lhag par spyad pa dang/ ma spyad pa ni 'di yin te/ de bzhin gshegs pas rang dbang yod pa dag la ni nyes pa de lhag par mi spyod par gzigs nas/ bslab pa'i gzhi 'cha' bar mi mdzad la/ rang dbang med pa dag la ni nyes pa de lhag par spyod par gzigs nas bslab pa'i gzhi 'cha' bar mdzad pa gang yin pa'o/ /

【H2 辨犯制立】【I1 約障辨犯不犯】【J1 總標犯制立為甚深】

དེ་ལ་ལྟུང་བ་བཅའ་བ་ཡང་གནས་ལྔས་ཟབ་པར་རིག་པར་བྱ་སྟེ། དེ་ལ་ལྟུང་བ་གང་ཞེ་ན། དགེ་བའི་ཆོས་རྣམས་སྐྱེ་བ་ལ་སྒྲིབ་པ་གང་ཡིན་པའོ། །སྒྲིབ་པ་དེ་ཡང་རྣམ་པ་ལྔ་སྟེ། ལྷོད་པའི་སྒྲིབ་པ་དང༌། ཁ་ན་མ་ཐོ་བའི་སྒྲིབ་པ་དང༌། ཁྱད་དུ་གསོད་པའི་སྒྲིབ་པ་དང༌། འགྱོད་པའི་སྒྲིབ་པ་དང༌། ཤེས་བྱའི་སྒྲིབ་པའོ། །

de la ltung ba bca' ba yang gnas lngas zab par rig par bya ste/ de la ltung ba gang zhe na/ dge ba'i chos rnams skye ba la sgrib pa gang yin pa'o/ /sgrib pa de yang rnam pa lnga ste/ lhod pa'i sgrib pa dang/ kha na ma tho ba'i sgrib pa dang/ khyad du gsod pa'i sgrib pa dang/ 'gyod pa'i sgrib pa dang/ shes bya'i sgrib pa'o/ /

【J2 別解釋】【K1 明障】【L1 解五障】【M1 慢緩障】

དེ་ལ་ལྷོད་པའི་སྒྲིབ་པ་ནི་དགེ་བའི་ཆོས་རྣམས་ལ་ལེ་ལོ་བྱེད་ཅིང་མངོན་པར་མི་བརྩོན་པ་གང་ཡིན་པའོ། །

de la lhod pa'i sgrib pa ni dge ba'i chos rnams la le lo byed cing mngon par mi brtson pa gang yin pa'o/ /

【M2 有罪障】

དེ་ལ་ཁ་ན་མ་ཐོ་བའི་སྒྲིབ་པ་ནི་འདི་ལྟར་འདི་ན་ལ་ལ་འདོད་ཆགས་ཀྱི་ཀུན་ནས་དཀྲིས་པའམ། ཞེ་སྡང་གི་ཀུན་ནས་དཀྲིས་པའམ། གཏི་མུག་གི་ཀུན་ནས་དཀྲིས་པའམ། སེམས་ལས་བྱུང་བའི་ཉེ་བའི་ཉོན་མོངས་པ་གང་ཡང་རུང་བས་ཉེ་བར་ཉོན་མོངས་པ་ཅན་དུ་གྱུར་པ་ན། དེ་ཉོན་མོངས་པ་དང་ཉེ་བའི་ཉོན་མོངས་པའི་ཀུན་ནས་དཀྲིས་པ་སྐྱེད་པ་དེ་དང་དུ་ལེན་པར་བྱེད་པའོ། །

de la kha na ma tho ba'i sgrib pa ni 'di ltar 'di na la la 'dod chags kyi kun nas dkris pa'am/ zhe sdang gi kun nas dkris pa'am/ gti mug gi kun nas dkris pa'am/ sems las byung ba'i nye ba'i nyon mongs pa gang yang rung bas nye bar nyon mongs pa can du gyur pa na/ de nyon mongs pa dang nye ba'i nyon mongs pa'i kun nas dkris pa skyed pa de dang du len par byed pa'o/ /

【M3 輕慢障】

དེ་ལ་ཁྱད་དུ་གསོད་པའི་སྒྲིབ་པ་ནི་འདི་ལྟར་འདི་ན་ལ་ལས་བསླབ་པ་ལ་མི་འདུ་ཞིང་བསླབ་པ་ལ་གུས་པ་དྲག་པོ་མེད་པ་དང༌། ལྟུང་བ་ལ་འཇིགས་པར་མི་ལྟ་ཞིང་ལྷག་པར་འབྱིན་པ་དང༌། ལྷག་པར་བྱུང་ན་ཡང་ཕྱིར་ཆགས་པར་མི་བྱེད་པ་དང༌། སྟོན་པ་དང་བསླབ་པ་ལ་མི་གུས་པའི་རང་བཞིན་ཅན་ཡིན་ནོ། །

de la khyad du gsod pa'i sgrib pa ni 'di ltar 'di na la las bslab pa la mi 'du zhing bslab pa la gus pa drag po med pa dang/ ltung ba la 'jigs par mi lta zhing lhag par 'byin pa dang/ lhag par byung na yang phyir chags par mi byed pa dang/ ston pa dang bslab pa la mi gus pa'i rang bzhin can yin no/ /

【M4 惡作障】

དེ་ལ་འགྱོད་པའི་སྒྲིབ་པ་ནི་འདི་ལྟར་འདི་ན་ལ་ལ་ཉོན་མོངས་པ་ཅན་གྱི་འགྱོད་པའི་རྒྱུན་གྱིས་རེག་ཅིང༌། འགྱོད་པ་དེ་ཡང་ལེགས་པར་རབ་ཏུ་སེལ་བར་མི་ནུས་ལ། ཀུན་དུ་འགྱོད་པ་དང་བཅས༑ རྣམ་པར་འགྱོད་པ་དང་བཅས། ཡིད་ལ་གཅགས་པ་དང་བཅས་པའོ༑ །

de la 'gyod pa'i sgrib pa ni 'di ltar 'di na la la nyon mongs pa can gyi 'gyod pa'i rgyun gyis reg cing/ 'gyod pa de yang legs par rab tu sel bar mi nus la/ kun du 'gyod pa dang bcas| rnam par 'gyod pa dang bcas/ yid la gcags pa dang bcas pa'o| /

【M5 所知障】

དེ་ལ་ཤེས་བྱའི་སྒྲིབ་པ་ནི་འདི་ཡིན་ཏེ། འདི་ལྟར་འདི་ནི་ཡིད་ལ་བཅགས་པ་དང་བཅས་པ་ལ་ལ་བསླབ་པ་རྣམ་པར་མ་དག་པའི་གཞིའི་རྒྱུས་མཆོག་ཏུ་དགའ་བ་མི་སྐྱེ་ལ། རབ་ཏུ་དགའ་བ་མི་སྐྱེ། རབ་ཏུ་མི་དགའ་བ་ལ་ནི་དགའ་བ་མི་སྐྱེ་བ་ནས། སེམས་མཉམ་པར་འཇོག་པའི་བར་དུ་མི་འགྱུར་ཏེ། སེམས་མཉམ་པར་མ་བཞག་ན་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཤིང་ཡང་དག་པ་ཇི་ལྟ་བ་བཞིན་དུ་མི་མཐོང་བས། དེའི་ཕྱིར་ཤེས་བྱའི་སྒྲིབ་པ་ཞེས་བྱའོ༑ །

de la shes bya'i sgrib pa ni 'di yin te/ 'di ltar 'di ni yid la bcags pa dang bcas pa la la bslab pa rnam par ma dag pa'i gzhi'i rgyus mchog tu dga' ba mi skye la/ rab tu dga' ba mi skye/ rab tu mi dga' ba la ni dga' ba mi skye ba nas/ sems mnyam par 'jog pa'i bar du mi 'gyur te/ sems mnyam par ma bzhag na yang dag pa ji lta ba bzhin rab tu mi shes shing yang dag pa ji lta ba bzhin du mi mthong bas/ de'i phyir shes bya'i sgrib pa zhes bya'o| /

【L2 明五障相生次第】

དེ་ལ་ལྷོད་པའི་སྒྲིབ་པས་རེག་པ་ནི་ཉོན་མོངས་པ་དང༌། ཉེ་བའི་ཉོན་མོངས་པ་དང་དུ་ལེན་པའི་རང་བཞིན་ཅན་དུ་འགྱུར་ལ། དང་དུ་ལེན་པའི་རང་བཞིན་ཅན་ནི་ཁ་ན་མ་ཐོ་བའི་སྒྲིབ་པས་རེག་པར་འགྱུར་རོ། །ཁ་ན་མ་ཐོ་བའི་སྒྲིབ་པས་རེག་ན། བསླབ་པ་དག་ལ་གུས་པ་དྲག་པོ་མེད་ཅིང་ལྟུང་བ་འབྱིན་འདོད་པར་འགྱུར་ལ། དེ་ལྟར་ལྟུང་བ་འབྱིན་འདོད་པ་ནི་ཁྱད་དུ་གསོད་པའི་སྒྲིབ་པས་རེག་པར་འགྱུར་རོ། །ཁྱད་དུ་གསོད་པའི་སྒྲིབ་པས་རེག་ན་ཉོན་མོངས་པ་ཅན་གྱི་ཡིད་ལ་གཅགས་པ་སྐྱེད་ཅིང༌། ཡིད་ལ་གཅགས་པ་སྐྱེས་པ་སེལ་བར་ཡང་མི་ནུས་པར་འགྱུར་བས་དེ་ནི་འགྱོད་པའི་སྒྲིབ་པས་རེག་པར་འགྱུར་རོ། །འགྱོད་པའི་སྒྲིབ་པས་རེག་པ་ནི་ཡིད་ལ་གཅགས་པ་དང་བཅས་པ་ཡིན་པས་དེས་ན་དེའི་སེམས་མཉམ་པར་འཇོག་པའི་བར་དུ་མི་འགྱུར་ལ། སེམས་མཉམ་པར་མ་བཞག་པ་ཤེས་བྱའི་སྒྲིབ་པས་རེག་པར་འགྱུར་ཏེ། དེ་ནི་སྒྲིབ་པ་དེ་དག་གི་གོ་རིམས་ཡིན་ནོ། །

de la lhod pa'i sgrib pas reg pa ni nyon mongs pa dang/ nye ba'i nyon mongs pa dang du len pa'i rang bzhin can du 'gyur la/ dang du len pa'i rang bzhin can ni kha na ma tho ba'i sgrib pas reg par 'gyur ro/ /kha na ma tho ba'i sgrib pas reg na/ bslab pa dag la gus pa drag po med cing ltung ba 'byin 'dod par 'gyur la/ de ltar ltung ba 'byin 'dod pa ni khyad du gsod pa'i sgrib pas reg par 'gyur ro/ /khyad du gsod pa'i sgrib pas reg na nyon mongs pa can gyi yid la gcags pa skyed cing/ yid la gcags pa skyes pa sel bar yang mi nus par 'gyur bas de ni 'gyod pa'i sgrib pas reg par 'gyur ro/ /'gyod pa'i sgrib pas reg pa ni yid la gcags pa dang bcas pa yin pas des na de'i sems mnyam par 'jog pa'i bar du mi 'gyur la/ sems mnyam par ma bzhag pa shes bya'i sgrib pas reg par 'gyur te/ de ni sgrib pa de dag gi go rims yin no/ /

【K2 翻顯無障】

དེ་དག་ལས་བཟློག་པ་སྒྲིབ་པ་མེད་པ་ལྔས་ནི་ལྷོད་པའི་སྒྲིབ་པ་མེད་པ་དང༌། ཁ་ན་མ་ཐོ་བའི་སྒྲིབ་པ་མེད་པ་དང༌། ཁྱད་དུ་གསོད་པའི་སྒྲིབ་པ་མེད་པ་དང༌། འགྱོད་པའི་སྒྲིབ་པ་མེད་པ་དང༌། ཤེས་བྱའི་སྒྲིབ་པ་མེད་པ་ཡིན་པར་རིག་པར་བྱའོ། །

de dag las bzlog pa sgrib pa med pa lngas ni lhod pa'i sgrib pa med pa dang/ kha na ma tho ba'i sgrib pa med pa dang/ khyad du gsod pa'i sgrib pa med pa dang/ 'gyod pa'i sgrib pa med pa dang/ shes bya'i sgrib pa med pa yin par rig par bya'o/ /

【I2 約意樂辨犯不犯】

དེ་ལ་ལྷག་པའི་བསམ་པ་ཉམས་པས་ནི་རེ་ཞིག་ལྟུང་བ་ལ་སློང་བར་ཡང་མི་འགྱུར་ན། ལྟུང་བ་མེད་པར་ལྟ་ག་ལ་འགྱུར། ལྷག་པའི་བསམ་པ་ཉམས་པ་གང་ཞེ་ན། དེ་ཡང་རྣམ་པ་ལྔར་བལྟ་བར་བྱ་སྟེ། བརྩོན་འགྲུས་རྩོམ་མི་འདོད་པ་ཡིན། ཉོན་མོངས་པ་དང་དུ་ལེན་འདོད་པ་ཡིན། ལྟུང་བ་ལྷག་པར་འབྱིན་འདོད་པ་ཡིན། འགྱོད་པ་སེལ་བར་མི་འདོད་པ་ཡིན། ཏིང་ངེ་འཛིན་སྒྲུབ་པར་མི་འདོད་པ་ཡིན་ནོ། །ལྷག་པའི་བསམ་པ་ཕུན་སུམ་ཚོགས་པ་ལ་ནི་ལྟུང་བ་ཡང་མེད་ན། ལྟུང་བ་ལས་བསླང་བ་ལྟ་སྨོད་ཀྱང་ཅི་དགོས། ལྷག་པའི་བསམ་པ་ཕུན་སུམ་ཚོགས་པ་གང་ཞེ་ན། དེ་ཡང་རྣམ་པ་ལྔར་བལྟ་བར་བྱ་སྟེ། བརྩོན་འགྲུས་རྩོམ་འདོད་པ་ཡིན། ཉོན་མོངས་པ་དང་དུ་ལེན་མི་འདོད་པ་ཡིན། ལྟུང་བ་འབྱིན་མི་འདོད་པ་ཡིན། འགྱོད་པ་སེལ་འདོད་པ་ཡིན༑ ཏིང་ངེ་འཛིན་བསྒྲུབ་པར་འདོད་པ་ཡིན་ནོ། །བཅོམ་ལྡན་འདས་ཀྱིས་ང་ནི་བསམ་པ་ཐག་པས་ལྟུང་བ་ལས་ལྡང་བར་སྨྲ་བའི་ཆད་པའི་ལས་ཀྱིས་ནི་མ་ཡིན་ནོ་ཞེས་ཇི་སྐད་གསུངས་པ་

de la lhag pa'i bsam pa nyams pas ni re zhig ltung ba la slong bar yang mi 'gyur na/ ltung ba med par lta ga la 'gyur/ lhag pa'i bsam pa nyams pa gang zhe na/ de yang rnam pa lngar blta bar bya ste/ brtson 'grus rtsom mi 'dod pa yin/ nyon mongs pa dang du len 'dod pa yin/ ltung ba lhag par 'byin 'dod pa yin/ 'gyod pa sel bar mi 'dod pa yin/ ting nge 'dzin sgrub par mi 'dod pa yin no/ /lhag pa'i bsam pa phun sum tshogs pa la ni ltung ba yang med na/ ltung ba las bslang ba lta smod kyang ci dgos/ lhag pa'i bsam pa phun sum tshogs pa gang zhe na/ de yang rnam pa lngar blta bar bya ste/ brtson 'grus rtsom 'dod pa yin/ nyon mongs pa dang du len mi 'dod pa yin/ ltung ba 'byin mi 'dod pa yin/ 'gyod pa sel 'dod pa yin| ting nge 'dzin bsgrub par 'dod pa yin no/ /bcom ldan 'das kyis nga ni bsam pa thag pas ltung ba las ldang bar smra ba'i chad pa'i las kyis ni ma yin no zhes ji skad gsungs pa

【I3 明由十處思求所犯】

དེ་ལ་ལྟུང་བ་ནི་གནས་བཅུ་ལས་ཡོངས་སུ་བཙལ་བར་བྱ་སྟེ། སོ་སོར་ཐར་པའི་ཆོས་དང༌། དེ་རྣམ་པར་འབྱེད་པའི་འདུལ་བ་དང༌། ལྟུང་བ་སྡེ་ལྔ་པོ་དག་གི་ལྟུང་བ་ཡང་བའི་མཚན་ཉིད་དང༌། ལྕི་བའི་མཚན་ཉིད་ཀྱི་བྱེ་བྲག་དྲུག་པོ་བཅའ་བའི་བྱེ་བྲག་དང༌། དངོས་པོའི་བྱེ་བྲག་དང༌། ཉོན་མོངས་པའི་བྱེ་བྲག་དང༌། ཉེས་པའི་བྱེ་བྲག་དང༌། གང་ཟག་གི་བྱེ་བྲག་དང༌། དུས་ཀྱི་བྱེ་བྲག་དང༌། འཛེམ་པ་མེད་པའི་ཕན་པ་མ་གཏོགས་པར། དེ་ལས་གཞན་པ་ལྷག་མ་དང་བཅས་པའི་མཚན་ཉིད་དང༌། ལས་དང་པོ་པ་དང་ལས་དང་པོ་པ་མ་ཡིན་པ་ལྷག་པར་སྤྱོད་པ་དང༌། ལྷག་པར་སྤྱོད་པ་དེ་དགེ་སློང་རྣམས་ཀྱིས་སྟོན་པ་ལ་བསྙད་པ་དང༌། བསྙད་ནས་སྟོན་པས་ལྟུང་བ་བཅའ་བའི་ཕྱིར་དགེ་འདུན་བསྡུ་བ་དང༌། བསྡུས་ནས་དགེ་འདུན་ལ་ལྟུང་བ་བྱས་པ་དང༌། ལྟུང་བ་བཅས་པ་ལ་ཕྱིས་རྗེས་སུ་གནང་བ་དང༌། བཀག་པ་ལས་སོ། །

de la ltung ba ni gnas bcu las yongs su btsal bar bya ste/ so sor thar pa'i chos dang/ de rnam par 'byed pa'i 'dul ba dang/ ltung ba sde lnga po dag gi ltung ba yang ba'i mtshan nyid dang/ lci ba'i mtshan nyid kyi bye brag drug po bca' ba'i bye brag dang/ dngos po'i bye brag dang/ nyon mongs pa'i bye brag dang/ nyes pa'i bye brag dang/ gang zag gi bye brag dang/ dus kyi bye brag dang/ 'dzem pa med pa'i phan pa ma gtogs par/ de las gzhan pa lhag ma dang bcas pa'i mtshan nyid dang/ las dang po pa dang las dang po pa ma yin pa lhag par spyod pa dang/ lhag par spyod pa de dge slong rnams kyis ston pa la bsnyad pa dang/ bsnyad nas ston pas ltung ba bca' ba'i phyir dge 'dun bsdu ba dang/ bsdus nas dge 'dun la ltung ba byas pa dang/ ltung ba bcas pa la phyis rjes su gnang ba dang/ bkag pa las so/ /

【H3 辨出離制立】

དེ་ལ་ངེས་པར་འབྱུང་བ་བཅས་པ་ཡང་གནས་ལྔས་ཟབ་པར་རིག་པར་བྱ་སྟེ། ཀུན་ནས་ཉོན་མོངས་པ་མེད་པས་ངེས་པར་འབྱུང་བ་དང༌། གནོད་པས་ངེས་པར་འབྱུང་བ་དང༌། བར་ཆད་ཀྱིས་ངེས་པར་འབྱུང་བ་དང༌། གཉེན་པོ་མེད་པས་ངེས་པར་འབྱུང་བ་དང༌། བཤགས་པས་ངེས་པར་འབྱུང་བས་སོ། །དེ་ལ་ཀུན་ནས་ཉོན་མོངས་པ་མེད་པས་ངེས་པར་འབྱུང་བ་ནི་འདི་ལྟར་འདི་ན་ལྟུང་བའི་གནས་དང་མཐུན་པའི་ཆོས་ཕྲན་ཚེགས་ཕྲ་བ་གང་ཡང་རུང་བ་ལྷག་པར་སྤྱད་པ་ལ་ལ་ཞིག་ལ་གལ་ཏེ་དགེ་བའི་ཆོས་རྣམས་ནི་མངོན་པར་འཕེལ་ལ། མི་དགེ་བའི་ཆོས་རྣམས་ནི་ཡོངས་སུ་ཉམས་པར་འགྱུར་ན། དེས་དེ་ཀུན་ནས་ཉོན་མོངས་པར་ཡང་མི་འགྱུར་ཏེ། དེ་ལ་ཀུན་ནས་ཉོན་མོངས་པ་མེད་པ་ཉིད་ངེས་པར་འབྱུང་བའི་ཕྱིར། དེ་ནི་དེའི་ཀུན་ནས་ཉོན་མོངས་པ་མེད་པས་ངེས་པར་འབྱུང་བ་ཡིན་ནོ། །དེ་ལ་གནོད་པས་ངེས་པར་འབྱུང་བ་ནི་གལ་ཏེ་གནོད་པ་དང༌། སྡུག་བསྔལ་བ་དང༌། ནད་ཚབས་ཆེ་བས། རང་བཞིན་གྱིས་ཁ་ན་མ་ཐོ་བ་དང་བཅས་པའི་ཆོས་རྣམས་མ་གཏོགས་པའི་ལྟུང་བའི་གནས་དང་མཐུན་པའི་ཆོས་གཞན་དག་ལྷག་པར་སྤྱོད་ན། དེ་ལ་གནོད་པ་ཁོ་ནས་ངེས་པར་འབྱུང་བའི་ཕྱིར་དེ་ནི་དེའི་གནོད་པས་ངེས་པར་འབྱུང་བ་ཡིན་ནོ། །དེ་ལ་བར་ཆད་ཀྱིས་ངེས་པར་འབྱུང་བ་ནི་གལ་ཏེ་སྲོག་གི་བར་ཆད་དམ། ཚངས་པར་སྤྱོད་པའི་བར་ཆད་མཐོང་ནས་ལྟུང་བའི་གནས་དང་མཐུན་པའི་ཆོས་ཕྲན་ཚེགས་ཕྲ་བ་གང་ཡང་རུང་བའི་ལྟུང་བ་བྱུང་བར་གྱུར་ན། དེ་ལ་བར་ཆད་ཁོ་ནས་ངེས་པར་འབྱུང་བའི་ཕྱིར་དེ་ནི་དེའི་བར་ཆད་ཀྱིས་ངེས་པར་འབྱུང་བ་ཡིན་ནོ། །དེ་ལ་གཉེན་པོ་མེད་པས་ངེས་པར་འབྱུང་བ་ནི་གལ་ཏེ་གུས་པའི་རང་བཞིན་ཅན་ཡུལ་གཞན་ན་འདུག་གམ། འབྲོག་དགོན་པ་ན་འདུག་པ་ཞིག་གིས་ཡོངས་སུ་ལོངས་སྤྱད་པར་བྱ་བའི་དངོས་པོ་གང་ཡང་རུང་བ་ཞིག་ལ་ཡོངས་སུ་ལོངས་སྤྱོད་པའི་ཆོ་ག་མ་རྙེད་དམ། བར་ཆད་ཀྱི་གནས་ལྟ་བུའི་ཆོས་གང་ཡང་རུང་བས། དངོས་པོ་དེ་ཡོངས་སུ་ལོངས་སྤྱོད་དེ། ལྟུང་བའི་གནས་དང་མཐུན་པའི་ཆོས་ཕྲན་ཚེགས་ཕྲ་བའི་ལྟུང་བ་བྱུང་བར་གྱུར་ན། དེ་ལ་གཉེན་པོ་མེད་པ་ཁོ་ནས་ངེས་པར་འབྱུང་བའི་ཕྱིར། དེ་ནི་དེའི་གཉེན་པོ་མེད་པས་ངེས་པར་འབྱུང་བ་ཡིན་ནོ། །དེ་ལ་བཤགས་པས་ངེས་པར་འབྱུང་བ་ནི་འདི་ལྟར་འདི་ན་ལ་ལ་ལྟུང་བ་སྟེ་ལྔ་པོ་དག་ལས་ལྷག་མ་དང་བཅས་པའི་ལྟུང་བ་བྱུང་བ་ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་མདུན་དུ་འདུལ་བའི་གསང་བས་འཆགས་པར་བྱེད། མཐོལ་བར་བྱེད༑ ཆོས་བཞིན་དུ་ཕྱིར་གསོ་བར་བྱེད་པའོ། །དེ་ལ་ལྟུང་བ་ཕྲན་ཚེགས་ཕྲ་བ་ཞེས་བྱ་བ་ནི་རང་བཞིན་གྱིས་ཁ་ན་མ་ཐོ་བ་དང་བཅས་པ་མ་གཏོགས་པའོ། །

de la nges par 'byung ba bcas pa yang gnas lngas zab par rig par bya ste/ kun nas nyon mongs pa med pas nges par 'byung ba dang/ gnod pas nges par 'byung ba dang/ bar chad kyis nges par 'byung ba dang/ gnyen po med pas nges par 'byung ba dang/ bshags pas nges par 'byung bas so/ /de la kun nas nyon mongs pa med pas nges par 'byung ba ni 'di ltar 'di na ltung ba'i gnas dang mthun pa'i chos phran tshegs phra ba gang yang rung ba lhag par spyad pa la la zhig la gal te dge ba'i chos rnams ni mngon par 'phel la/ mi dge ba'i chos rnams ni yongs su nyams par 'gyur na/ des de kun nas nyon mongs par yang mi 'gyur te/ de la kun nas nyon mongs pa med pa nyid nges par 'byung ba'i phyir/ de ni de'i kun nas nyon mongs pa med pas nges par 'byung ba yin no/ /de la gnod pas nges par 'byung ba ni gal te gnod pa dang/ sdug bsngal ba dang/ nad tshabs che bas/ rang bzhin gyis kha na ma tho ba dang bcas pa'i chos rnams ma gtogs pa'i ltung ba'i gnas dang mthun pa'i chos gzhan dag lhag par spyod na/ de la gnod pa kho nas nges par 'byung ba'i phyir de ni de'i gnod pas nges par 'byung ba yin no/ /de la bar chad kyis nges par 'byung ba ni gal te srog gi bar chad dam/ tshangs par spyod pa'i bar chad mthong nas ltung ba'i gnas dang mthun pa'i chos phran tshegs phra ba gang yang rung ba'i ltung ba byung bar gyur na/ de la bar chad kho nas nges par 'byung ba'i phyir de ni de'i bar chad kyis nges par 'byung ba yin no/ /de la gnyen po med pas nges par 'byung ba ni gal te gus pa'i rang bzhin can yul gzhan na 'dug gam/ 'brog dgon pa na 'dug pa zhig gis yongs su longs spyad par bya ba'i dngos po gang yang rung ba zhig la yongs su longs spyod pa'i cho ga ma rnyed dam/ bar chad kyi gnas lta bu'i chos gang yang rung bas/ dngos po de yongs su longs spyod de/ ltung ba'i gnas dang mthun pa'i chos phran tshegs phra ba'i ltung ba byung bar gyur na/ de la gnyen po med pa kho nas nges par 'byung ba'i phyir/ de ni de'i gnyen po med pas nges par 'byung ba yin no/ /de la bshags pas nges par 'byung ba ni 'di ltar 'di na la la ltung ba ste lnga po dag las lhag ma dang bcas pa'i ltung ba byung ba tshangs pa mtshungs par spyod pa mkhas pa rnams kyi mdun du 'dul ba'i gsang bas 'chags par byed/ mthol bar byed| chos bzhin du phyir gso bar byed pa'o/ /de la ltung ba phran tshegs phra ba zhes bya ba ni rang bzhin gyis kha na ma tho ba dang bcas pa ma gtogs pa'o/ /

【H4 辨止息制立】

དེ་ལ་བག་ཡངས་བཅའ་བ་ཡང་གནས་ལྔས་ཟབ་པར་རིག་པར་བྱ་སྟེ། རྣམ་པར་དག་པ་དང༌། དབྱེན་སྤང་བ་དང༌། གང་ཟག་རླབས་པོ་ཆེ་དོན་ཆེན་པོ་དང་ལྡན་པ་གཞུག་པ་དང༌། བསྟན་པ་འཕེལ་བར་བྱ་བ་དང༌། དཀའ་བས་འཚོ་བ་སྤང་བས་སོ། །དེ་ལ་རྣམ་པར་དག་པ་ནི་འདི་ཡིན་ཏེ། དགྲ་བཅོམ་པ་དག་བྱ་བ་བྱས་པ་རྣམས་ཀྱི་དགེ་འདུན་དུ་གྱུར་ན། དེ་དག་གི་བསླབ་པའི་གཞི་ཕྲན་ཚེགས་ཕྲ་བ་ཐམས་ཅད་ནི་རྣམ་པར་དག་པ་དེས་བ་ཡངས་སུ་གྱུར་པ་ཡིན་པར་རིག་པར་བྱའོ། །དེ་ལ་དབྱེན་སྤང་བ་ནི་འདི་ཡིན་ཏེ། དགེ་འདུན་གྱི་ནང་ན་དགེ་སློང་ཁ་ཅིག་ནི་ལྟུང་བ་བྱུང་བ་ལ་མ་བྱུང་བར་འདུ་ཤེས་པ་དང་། ལྟུང་བ་མ་བྱུང་བ་ལ་བྱུང་བར་འདུ་ཤེས་ལ། ཁ་ཅིག་ནི་ལྟུང་བ་བྱུང་ལ་བྱུང་བར་འདུ་ཤེས་པ་དང༌། ལྟུང་བ་མ་བྱུང་ལ་མ་བྱུང་བར་འདུ་ཤེས་པས། གཞི་དེས་འཐབ་མོ་དང་། མཚང་འདྲུ་བ་དང༌། རྩོད་པ་དང་། འགྱེད་པ་འབྱུང་བར་འགྱུར་ཞིང་དེས་དགེ་འདུན་མི་བདེ་བར་འགྱུར་བ་དང༌། དེའི་ཕྱིར་རྩོད་པ་དེ་ཉིད་ཞི་བར་བྱེད་པའི་ཕྱིར་དགེ་འདུན་མཐུན་པས་གསོལ་བ་དང་བཞིའི་ལས་ཀྱིས་བསླབ་པའི་གཞི་ཕྲན་ཚོགས་ཕྲ་བ་བག་ཡངས་སུ་བྱེད་པའོ། །དེ་ལ་གང་ཟག་རླབས་པོ་ཆེ་དོན་ཆེན་པོ་དང་ལྡན་པ་གཞུག་པ་ནི་འདི་ཡིན་ཏེ་འདི་ལྟ་སྟེ། དགེ་འདུན་གྱིས་གང་ཟག་རིགས་མཐོན་པོ་བསྟན་པ་ལ་གཅེས་སྤྲས་བྱེད་པ་ཞིག་རྙེད་ལ། དེ་ཡང་དེ་ལྟར་མ་བྱས་ན་འཇུག་པར་མི་འགྱུར་ན། དེ་གཞུག་པའི་དོན་དུ་དགེ་འདུན་མཐུན་པས་གསོལ་བ་དང་བཞིའི་ལས་ཀྱིས་བསླབ་པའི་གཞི་ཕྲན་ཚེགས་ཕྲ་བ་བག་ཡངས་སུ་བྱེད་པའོ། །དེ་ལ་བསྟན་པ་འཕེལ་བར་བྱ་བ་ནི་འདི་ཡིན་ཏེ། དུས་ཀྱི་མཐའ་རྩོད་པའི་དུས་ཀྱི་དུས་ངན་པ་བྱུང་བའི་ཚེ། སེམས་ཅན་དག་བསླབ་པའི་གཞི་ཕྲན་ཚེགས་ཕྲ་བ་མང་པོ་དག་ལ་སློབ་པར་མི་འདོད་ཅིང༌། མ་ཞུགས་པ་ནི་མི་འཇུག་ལ། ཞུགས་པ་ནི་སྒྱིད་ལུག་པར་འགྱུར་ཏེ། དེས་བསྟན་པ་ཡོངས་སུ་ཉམས་པར་འགྱུར་ཞིང་འཕེལ་བར་མི་འགྱུར་བས། གཞི་དེའི་ཕྱིར་དགེ་འདུན་པས་བསྟན་པ་འཕེལ་བར་བྱ་བའི་ཕྱིར་གསོལ་བ་དང་བཞིའི་ལས་ཀྱིས་བསླབ་པའི་གཞི་ཕྲན་ཚེགས་ཕྲ་བ་བག་ཡངས་སུ་བྱེད་པ་པོ། དེ་ལ་དཀའ་བས་འཚོ་བ་སྤང་བ་ནི་འདི་ཡིན་ཏེ། དུས་ཀྱི་མཐའ་རྩོད་པའི་དུས་ཀྱི་དུས་ངན་པ་འབྱུང་བའི་ཚེ། དགེ་སློང་དག་བསླབ་པའི་གཞི་ཕྲན་ཚེགས་ཕྲ་བའི་རྒྱུས་དཀའ་བས་འཚོ་བར་བྱེད་པས་དེའི་ཕྱིར་དཀའ་བས་འཚོ་བ་དེ་ཉིད་བག་ཡངས་སུ་བྱ་བའི་ཕྱིར་དགེ་འདུན་མཐུན་པས་གསོལ་བ་དང་བཞིའི་ལས་ཀྱིས་བསླབ་པའི་གཞི་ཕྲན་ཚེགས་ཕྲ་བ་བག་ཡངས་སུ་བྱེད་པའོ། །

de la bag yangs bca' ba yang gnas lngas zab par rig par bya ste/ rnam par dag pa dang/ dbyen spang ba dang/ gang zag rlabs po che don chen po dang ldan pa gzhug pa dang/ bstan pa 'phel bar bya ba dang/ dka' bas 'tsho ba spang bas so/ /de la rnam par dag pa ni 'di yin te/ dgra bcom pa dag bya ba byas pa rnams kyi dge 'dun du gyur na/ de dag gi bslab pa'i gzhi phran tshegs phra ba thams cad ni rnam par dag pa des ba yangs su gyur pa yin par rig par bya'o/ /de la dbyen spang ba ni 'di yin te/ dge 'dun gyi nang na dge slong kha cig ni ltung ba byung ba la ma byung bar 'du shes pa dang / ltung ba ma byung ba la byung bar 'du shes la/ kha cig ni ltung ba byung la byung bar 'du shes pa dang/ ltung ba ma byung la ma byung bar 'du shes pas/ gzhi des 'thab mo dang / mtshang 'dru ba dang/ rtsod pa dang / 'gyed pa 'byung bar 'gyur zhing des dge 'dun mi bde bar 'gyur ba dang/ de'i phyir rtsod pa de nyid zhi bar byed pa'i phyir dge 'dun mthun pas gsol ba dang bzhi'i las kyis bslab pa'i gzhi phran tshogs phra ba bag yangs su byed pa'o/ /de la gang zag rlabs po che don chen po dang ldan pa gzhug pa ni 'di yin te 'di lta ste/ dge 'dun gyis gang zag rigs mthon po bstan pa la gces spras byed pa zhig rnyed la/ de yang de ltar ma byas na 'jug par mi 'gyur na/ de gzhug pa'i don du dge 'dun mthun pas gsol ba dang bzhi'i las kyis bslab pa'i gzhi phran tshegs phra ba bag yangs su byed pa'o/ /de la bstan pa 'phel bar bya ba ni 'di yin te/ dus kyi mtha' rtsod pa'i dus kyi dus ngan pa byung ba'i tshe/ sems can dag bslab pa'i gzhi phran tshegs phra ba mang po dag la slob par mi 'dod cing/ ma zhugs pa ni mi 'jug la/ zhugs pa ni sgyid lug par 'gyur te/ des bstan pa yongs su nyams par 'gyur zhing 'phel bar mi 'gyur bas/ gzhi de'i phyir dge 'dun pas bstan pa 'phel bar bya ba'i phyir gsol ba dang bzhi'i las kyis bslab pa'i gzhi phran tshegs phra ba bag yangs su byed pa po/ de la dka' bas 'tsho ba spang ba ni 'di yin te/ dus kyi mtha' rtsod pa'i dus kyi dus ngan pa 'byung ba'i tshe/ dge slong dag bslab pa'i gzhi phran tshegs phra ba'i rgyus dka' bas 'tsho bar byed pas de'i phyir dka' bas 'tsho ba de nyid bag yangs su bya ba'i phyir dge 'dun mthun pas gsol ba dang bzhi'i las kyis bslab pa'i gzhi phran tshegs phra ba bag yangs su byed pa'o/ /

【H5 辨羯磨制立】

ལས་བཅའ་བ་ནི་ལས་བཅུ་ལ་གང་ཟག་ལྔས་ཟབ་པར་རིག་པར་བྱ་སྟེ། ལས་བཅུ་གང་ཞེ་ན། བསྙེན་པར་རྫོགས་པའི་ལས་དང༌། ས་ཚིགས་ཀྱི་ལས་དང༌། གསོ་སྦྱོང་གི་ལས་དང༌། གནང་བའི་ལས་དང༌། གནས་པར་ཁས་བླང་བ་དང༌། དགག་དབྱེའི་ལས་དང༌། ཆད་པའི་ལས་དང༌། ཕན་གདགས་པའི་ལས་དང་། གསོལ་བ་དང༌། གསོལ་བ་དང་གཉིས་ཀྱི་ལས་དང༌། གསོལ་བ་དང་བཞིའི་ལས་སོ། །གང་ཟག་ལྔ་གང་ཞེ་ན། གང་ཟག་ཅང་ཤེས་ལྟ་བུ་དང༌། གང་ཟག་ནེ་ཙོ་ལྟ་བུ་དང༌། གང་ཟག་སྐར་མདའ་ལྟ་བུ་དང༌། གང་ཟག་གློག་ལྟ་བུ་དང༌། གང་ཟག་རི་མོ་བྲི་བ་ལྟ་བུའོ། །གང་ཟག་ཅང་ཤེས་ལྟ་བུ་གང་ཞེ་ན། ལས་བཅུ་པོ་དེ་དག་ལ་དོན་ལ་རྟོན་པ་ཡིན་གྱི། ཚིག་འབྲུ་ལ་རྟོན་པ་མ་ཡིན་གྱི་དང༌། དོན་ལ་རྟོན་ནས་འཇུག་པར་བྱེད་ཀྱི། སྒྲ་ལ་མ་ཡིན་པ་དང༌། ཚིག་གི་ལས་དེ་མ་བྱས་ཀྱང་དོན་གང་ལ་ཚིག་དེ་འཇུག་པའི་དོན་དེ་ཀུན་དུ་སྤྱོད་པ་གང་ཡིན་པའོ། གང་ཟག་ནེ་ཙོ་ལྟ་བུ་གང་ཞེ་ན། ཚིག་འབྲུ་ལ་རྟོན་པ་ཡིན་གྱི། དོན་ལ་རྟོན་པ་མ་ཡིན་པ་དང༌། ཚིག་འབྲུ་ལ་བརྟེན་ནས་འཇུག་པར་བྱེད་ཀྱི། དོན་གང་ལ་ཚིག་དེ་འཇུག་པ་ལ་མི་འཇུག་པ་མི་ཤེས་པའོ། །གང་ཟག་སྐར་མདའ་ལྟ་བུ་གང་ཞེ་ན། འདི་ལྟར་འདི་ན་གང་ཟག་ལ་ལ་ལས་ཀྱི་གཞི་ཆུང་ངུ་ཞིག་དང་ཕྲད་ན་ཡང་སྒྲོ་འདོགས་པ་མང་དུ་བྱས་ནས་ཀུན་དུ་སྤྱོད་པར་བྱེད་པ་སྟེ། དཔེར་ན་སྐར་མདའ་ལྟ་བུའོ། །གང་ཟག་གློག་ལྟ་བུ་གང་ཞེ་ན། འདི་ལྟར་འདི་ན་གང་ཟག་ལ་ལ་རེས་འགའ་ནི་ལས་ལེགས་པར་བསླབ་པར་ཀུན་དུ་སྣང་ལ། རེས་འགའ་ནི་ཀུན་དུ་མི་སྣང་བ་སྟེ། དཔེར་ན་གློག་ལྟ་བུའོ། །གང་ཟག་རི་མོ་བྲི་བ་ལྟ་བུ་གང་ཞེ་ན། འདི་ལྟར་འདི་ན་གང་ཟག་ལ་ལ་ཇི་སྐད་སྨྲས་པའི་ལས་ལ་དེ་ཁོ་ན་བཞིན་དུ་འཇུག་པར་བྱེད་ཅིང༌། ལྷག་ཆད་མེད་པར་བྱེད་པ་སྟེ། དཔེར་ན་རི་མོ་བྲི་བ་ལྟ་བུའོ། །

las bca' ba ni las bcu la gang zag lngas zab par rig par bya ste/ las bcu gang zhe na/ bsnyen par rdzogs pa'i las dang/ sa tshigs kyi las dang/ gso sbyong gi las dang/ gnang ba'i las dang/ gnas par khas blang ba dang/ dgag dbye'i las dang/ chad pa'i las dang/ phan gdags pa'i las dang / gsol ba dang/ gsol ba dang gnyis kyi las dang/ gsol ba dang bzhi'i las so/ /gang zag lnga gang zhe na/ gang zag cang shes lta bu dang/ gang zag ne tso lta bu dang/ gang zag skar mda' lta bu dang/ gang zag glog lta bu dang/ gang zag ri mo bri ba lta bu'o/ /gang zag cang shes lta bu gang zhe na/ las bcu po de dag la don la rton pa yin gyi/ tshig 'bru la rton pa ma yin gyi dang/ don la rton nas 'jug par byed kyi/ sgra la ma yin pa dang/ tshig gi las de ma byas kyang don gang la tshig de 'jug pa'i don de kun du spyod pa gang yin pa'o/ gang zag ne tso lta bu gang zhe na/ tshig 'bru la rton pa yin gyi/ don la rton pa ma yin pa dang/ tshig 'bru la brten nas 'jug par byed kyi/ don gang la tshig de 'jug pa la mi 'jug pa mi shes pa'o/ /gang zag skar mda' lta bu gang zhe na/ 'di ltar 'di na gang zag la la las kyi gzhi chung ngu zhig dang phrad na yang sgro 'dogs pa mang du byas nas kun du spyod par byed pa ste/ dper na skar mda' lta bu'o/ /gang zag glog lta bu gang zhe na/ 'di ltar 'di na gang zag la la res 'ga' ni las legs par bslab par kun du snang la/ res 'ga' ni kun du mi snang ba ste/ dper na glog lta bu'o/ /gang zag ri mo bri ba lta bu gang zhe na/ 'di ltar 'di na gang zag la la ji skad smras pa'i las la de kho na bzhin du 'jug par byed cing/ lhag chad med par byed pa ste/ dper na ri mo bri ba lta bu'o/ /

【F2 辨偽制立】

འདུལ་བ་ལྷད་ཅན་གང་ཞེ་ན། ལྷད་ཅན་ནི་ལྔ་སྟེ། བསླབ་པའི་གཞི་བཅའ་བ་ལྷད་ཅན་དང༌། ལྟུང་བ་བཅའ་བ་ལྷད་ཅན་དང༌། ངེས་པར་འབྱུང་བ་བཅའ་བ་ལྷན་ཅན་དང༌། བག་ཡངས་བཅའ་བ་ལྷད་ཅན་དང༌། ལས་བཅའ་བ་ལྷན་ཅན་ནོ། །བསླབ་པའི་གཞི་བཅའ་བ་ལྷད་ཅན་གང་ཞེ་ན། བསླབ་པའི་གཞི་བཅའ་བ་མདོ་སྡེ་ལ་ཡང་མི་འཇུག །འདུལ་བ་ལ་ཡང་མི་སྣང་ཆོས་ཉིད་དང་ཡང་མི་མཐུན་པའོ། །དེ་ལ་ཆོས་ཉིད་དང་མི་མཐུན་པ་ནི་འདི་ཡིན་ཏེ། མི་དགེ་བའི་ཆོས་རྣམས་ནི་མངོན་པར་འཕེལ་བར་བྱེད་ལ། དགེ་བའི་ཆོས་རྣམས་ནི་ཡོངས་སུ་ཉམས་པར་བྱེད་པ་གང་ཡིན་པའོ། །ལྟུང་བ་བཅའ་བ་ལྷད་ཅན་གང་ཞེ་ན། འདི་ལྟར་འདིར་ན་ལ་ལ་ལྟུང་བ་ནི་ལྟུང་བ་མ་ཡིན་པར་འཆའ་བར་བྱེད་ལ། ལྟུང་བ་མ་ཡིན་པ་ནི་ལྟུང་བར་འཆའ་བར་བྱེད་པའོ༑ །ངེས་པར་འབྱུང་བ་བཅའ་བ་ལྷད་ཅན་གང་ཞེ་ན། འདི་ལྟར་འདི་ན་ལ་ལ་ངེས་པར་འབྱུང་བ་མ་ཡིན་པ་ནི་ངེས་པར་འབྱུང་བར་འཆའ་བར་བྱེད་ལ་ངེས་པར་འབང་བ་ནི་ངེས་པར་འབྱུང་བ་མ་ཡིན་པར་འཆའ་བར་བྱེད་པའོ། །བག་ཡངས་བཅའ་བ་ལྷད་ཅན་གང་ཞེ་ན། འདི་ལྟར་འདི་ན་ལ་ལ་བག་ཡངས་མ་ཡིན་པ་ནི་བག་ཡངས་སུ་འཆའ་བར་བྱེད་ལ། བག་ཡངས་ནི་བག་ཡངས་མ་ཡིན་པར་འཆའ་བར་བྱེད་པའོ། །ལས་བཅའ་བ་ལྷད་ཅན་གང་ཞེ་ན། འདི་ལྟར་འདི་ན་ལ་ལ་ཆོས་མ་ཡིན་པའི་ལས་ནི་ཆོས་ཀྱི་ལས་སུ་འཆའ་བར་བྱེད་ལ། ཆོས་ཀྱི་ལས་ནི་ཆོས་མ་ཡིན་པའི་ལས་སུ་འཆའ་བར་བྱེད་པའོ། །

'dul ba lhad can gang zhe na/ lhad can ni lnga ste/ bslab pa'i gzhi bca' ba lhad can dang/ ltung ba bca' ba lhad can dang/ nges par 'byung ba bca' ba lhan can dang/ bag yangs bca' ba lhad can dang/ las bca' ba lhan can no/ /bslab pa'i gzhi bca' ba lhad can gang zhe na/ bslab pa'i gzhi bca' ba mdo sde la yang mi 'jug /'dul ba la yang mi snang chos nyid dang yang mi mthun pa'o/ /de la chos nyid dang mi mthun pa ni 'di yin te/ mi dge ba'i chos rnams ni mngon par 'phel bar byed la/ dge ba'i chos rnams ni yongs su nyams par byed pa gang yin pa'o/ /ltung ba bca' ba lhad can gang zhe na/ 'di ltar 'dir na la la ltung ba ni ltung ba ma yin par 'cha' bar byed la/ ltung ba ma yin pa ni ltung bar 'cha' bar byed pa'o| /nges par 'byung ba bca' ba lhad can gang zhe na/ 'di ltar 'di na la la nges par 'byung ba ma yin pa ni nges par 'byung bar 'cha' bar byed la nges par 'bang ba ni nges par 'byung ba ma yin par 'cha' bar byed pa'o/ /bag yangs bca' ba lhad can gang zhe na/ 'di ltar 'di na la la bag yangs ma yin pa ni bag yangs su 'cha' bar byed la/ bag yangs ni bag yangs ma yin par 'cha' bar byed pa'o/ /las bca' ba lhad can gang zhe na/ 'di ltar 'di na la la chos ma yin pa'i las ni chos kyi las su 'cha' bar byed la/ chos kyi las ni chos ma yin pa'i las su 'cha' bar byed pa'o/ /

【E12 解說】

བཞི་བཅུ་མ་གཏོགས་པ་དགེ་སློང་གི་ཚུལ་ཁྲིམས་ཉམས་པ་དང༌། ལྟ་བ་ཉམས་པ་དང༌། ཆོ་ག་ཉམས་པ་དང་། འཚོ་བ་ཉམས་པ་དགེ་སློང་གིས་གཞན་དག་ལ་རྗོད་པར་བྱེད༑ སྟོན་པར་བྱེད། རབ་ཏུ་སྟོན་པར་བྱེད་ན། རྗོད་པ་ཡོངས་སུ་མ་དག་པ་ཡིན་པར་བརྗོད་པར་བྱའོ། །བཞི་བཅུ་གང་ཞེ་ན། སངས་རྒྱས་དཀོན་མཆོག་ལ་བསྣུན་པར་འདོད་པའམ། རྐུ་བར་འདོད་པ་དང༌། སངས་རྒྱས་དཀོན་མཆོག་ལ་ཇི་ལྟ་བ་བཞིན་དུ་ཆོས་དཀོན་མཆོག་དང༌། དགེ་འདུན་དཀོན་མཆོག་ལ་ཡང་དེ་བཞིན་པ་དང༌། ཚུལ་ཁྲིམས་ཉམས་པའི་ཕྱོགས་སམ། ལྟ་བ་དང༌། ཆོ་ག་དང༌། འཚོ་བ་ཉམས་པའི་ཕྱོགས་འཕེལ་ཞིང་རྒྱས་པ་དང༌། ཡངས་པར་འགྱུར་བར་མཐོང་ངམ། ཐོས་སམ། དོགས་པ་དང༌། ཚུལ་ཁྲིམས་ཉམས་པའམ། ལྟ་བ་དང་ཆོ་ག་དང༌། འཚོ་བ་ཉམས་པ་དམ་པའི་ཆོས་མ་ཡིན་པ་སྟོན་པར་མཐོང་ངམ། ཐོས་སམ། དོགས་པ་དང༌། ཚུལ་ཁྲིམས་ཉམས་པའམ། ལྟ་བ་དང༌། ཆོ་ག་དང༌། འཚོ་བ་ཉམས་པ་མི་དགེ་བའི་གནས་ནས་བསླངས་ཏེ། དགེ་བའི་གནས་སུ་གཞག་པར་འདོད་པ་དང༌། དགེ་སློང་ཚུལ་ཁྲིམས་ཉམས་པའམ། ལྟ་བ་དང་ཆོ་ག་དང༌། འཚོ་བ་ཉམས་པ་འཆབ་པར་བྱེད་པ་དག་གཞན་གྱིས་ཤེས་པར་གྱུར་ན་མི་རུང་ངོ་སྙམ་ནས་གཞན་དག་གི་སེམས་རྗེས་སུ་བསྲུང་བའི་ཕྱིར་དང༌། སྦྱིན་བདག་དགེ་བསྙེན་གཙུག་ལག་ཁང་གི་བདག་པོས་དགེ་འདུན་ལ་བདག་གི་ནི་དགེ་སློང་ཚུལ་ཁྲིམས་ཉམས་པའམ༑ ལྟ་བ་དང༌། ཆོ་ག་དང༌། འཚོ་བ་ཉམས་པ་འདིར་གནས་པར་མོས་པ་མ་མཆིས་ཀྱི་ཁྱེད་ཅག་ལས་གང་གིས་སུའི་ཚུལ་ཁྲིམས་ཉམས་པའམ། །ལྟ་བ་དང༌། ཆོ་ག་དང༌། འཚོ་བ་ཉམས་པར་མཁྱེན་པ་དེས་བདག་ལ་མོས་པར་མཛོད་ཅིག་ཅེས་མཁྱེན་པར་གསོལ་ལ། དགེ་འདུན་གྱིས་ཀྱང་དེའི་ལྟར་མཉན་པ་དང༌། མཚམས་ཀྱི་ནང་དུ་གཞན་དག་ལ་གནོད་པ་སྐྱེད་པར་འདོད་པར་མཐོང་ངམ། ཐོས་སམ། དོགས་པ་དང༌། དགེ་འདུན་གྱིས་ཚུལ་ཁྲིམས་ཉམས་པའམ། ལྟ་བ་དང༌། ཆོ་ག་དང༌། འཚོ་བ་ཉམས་པ་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ། དེ་ཆད་པས་བཅད་པའམ། སྤང་བར་མི་ནུས་པའོ། །གང་གིས་བརྗོད་པ་ཡོངས་སུ་མ་དག་པར་འགྱུར་བའི་རྒྱུ་གཅིག་དང༌། རྐྱེན་གཅིག་ཁོ་ན་ཡང་ཡོད་དེ། གལ་ཏེ་ཕྲག་དོག་གི་ཕྱིར་རམ། ཞེ་སྡང་གི་ཕྱིར་རམ། ཟང་ཟིང་གི་ཕྱིར་སྨད་པའམ། འཁོད་པའམ། ཉམས་པར་འགྱུར་བ་དེ་ལྟ་བུའི་རྐྱེན་ཉིད་ཀྱི་དབང་དུ་བྱས་ནས། བརྗོད་པ་དེ་ནི་རྗོད་པ་ཡོངས་སུ་མ་དག་པ་ཡིན་པར་བརྗོད་པར་བྱའོ། །

bzhi bcu ma gtogs pa dge slong gi tshul khrims nyams pa dang/ lta ba nyams pa dang/ cho ga nyams pa dang / 'tsho ba nyams pa dge slong gis gzhan dag la rjod par byed| ston par byed/ rab tu ston par byed na/ rjod pa yongs su ma dag pa yin par brjod par bya'o/ /bzhi bcu gang zhe na/ sangs rgyas dkon mchog la bsnun par 'dod pa'am/ rku bar 'dod pa dang/ sangs rgyas dkon mchog la ji lta ba bzhin du chos dkon mchog dang/ dge 'dun dkon mchog la yang de bzhin pa dang/ tshul khrims nyams pa'i phyogs sam/ lta ba dang/ cho ga dang/ 'tsho ba nyams pa'i phyogs 'phel zhing rgyas pa dang/ yangs par 'gyur bar mthong ngam/ thos sam/ dogs pa dang/ tshul khrims nyams pa'am/ lta ba dang cho ga dang/ 'tsho ba nyams pa dam pa'i chos ma yin pa ston par mthong ngam/ thos sam/ dogs pa dang/ tshul khrims nyams pa'am/ lta ba dang/ cho ga dang/ 'tsho ba nyams pa mi dge ba'i gnas nas bslangs te/ dge ba'i gnas su gzhag par 'dod pa dang/ dge slong tshul khrims nyams pa'am/ lta ba dang cho ga dang/ 'tsho ba nyams pa 'chab par byed pa dag gzhan gyis shes par gyur na mi rung ngo snyam nas gzhan dag gi sems rjes su bsrung ba'i phyir dang/ sbyin bdag dge bsnyen gtsug lag khang gi bdag pos dge 'dun la bdag gi ni dge slong tshul khrims nyams pa'am| lta ba dang/ cho ga dang/ 'tsho ba nyams pa 'dir gnas par mos pa ma mchis kyi khyed cag las gang gis su'i tshul khrims nyams pa'am/ /lta ba dang/ cho ga dang/ 'tsho ba nyams par mkhyen pa des bdag la mos par mdzod cig ces mkhyen par gsol la/ dge 'dun gyis kyang de'i ltar mnyan pa dang/ mtshams kyi nang du gzhan dag la gnod pa skyed par 'dod par mthong ngam/ thos sam/ dogs pa dang/ dge 'dun gyis tshul khrims nyams pa'am/ lta ba dang/ cho ga dang/ 'tsho ba nyams pa khyim sun 'byin pa sdig pa'i chos kun du spyod pa/ de chad pas bcad pa'am/ spang bar mi nus pa'o/ /gang gis brjod pa yongs su ma dag par 'gyur ba'i rgyu gcig dang/ rkyen gcig kho na yang yod de/ gal te phrag dog gi phyir ram/ zhe sdang gi phyir ram/ zang zing gi phyir smad pa'am/ 'khod pa'am/ nyams par 'gyur ba de lta bu'i rkyen nyid kyi dbang du byas nas/ brjod pa de ni rjod pa yongs su ma dag pa yin par brjod par bya'o/ /

【E13 解喻事】【F1 總說】

འདུལ་བ་ལ་ཆོས་དང་དོན་ཡོངས་སུ་བྱང་བར་བྱེད་པའི་དཔེའི་དངོས་པོ་ནི་ལྔ་པོ་འདི་དག་ཡིན་ཏེ། འདི་ལྟ་སྟེ། སྐྱེས་པའི་རབས་དང༌། བྱུང་བ་དང༌། འདྲ་བ་དང༌། སྦྱར་བ་དང༌། རྟོགས་པ་བརྗོད་པའོ། །

'dul ba la chos dang don yongs su byang bar byed pa'i dpe'i dngos po ni lnga po 'di dag yin te/ 'di lta ste/ skyes pa'i rabs dang/ byung ba dang/ 'dra ba dang/ sbyar ba dang/ rtogs pa brjod pa'o/ /

【F2 別釋】【G1 本生事】

དེ་ལ་སྐྱེས་པའི་རབས་ནི་བྱང་ཆུབ་སེམས་དཔའི་སྔོན་གྱི་སྤྱོད་པ་ལས་བརྩམས་པའོ། །

de la skyes pa'i rabs ni byang chub sems dpa'i sngon gyi spyod pa las brtsams pa'o/ /

【G2 本事事】

དེ་ལས་བྱུང་བ་ནི་སྔོན་གྱི་ཚུལ་དང་ལྡན་པ་གང་ཅི་ཡང་རུང་བའོ། །

de las byung ba ni sngon gyi tshul dang ldan pa gang ci yang rung ba'o/ /

【G3 影像事】

དེ་ལ་འདྲ་བ་ནི་འདི་ལྟ་སྟེ། འོ་མ་དང༌། ཞོ་དང༌། མར་སར་དང་། མར་དང་། མར་གྱི་སྙིང་ཁུའི་དཔེས་གང་ཟག་མཆོག་དང་འདྲ་བ་དང༌། འཇིག་རྟེན་པའི་གང་ཟག་གི་ཆུ་བདུན་གྱི་དཔེས་ཆོས་འདི་པའི་གང་ཟག་བདུན་དང་འདྲ་བ་དང༌། དེ་ལྟ་བུ་དང་མཐུན་པ་འདྲ་བ་གཞན་དག་ཀྱང་རིག་པར་བྱའོ། །

de la 'dra ba ni 'di lta ste/ 'o ma dang/ zho dang/ mar sar dang / mar dang / mar gyi snying khu'i dpes gang zag mchog dang 'dra ba dang/ 'jig rten pa'i gang zag gi chu bdun gyi dpes chos 'di pa'i gang zag bdun dang 'dra ba dang/ de lta bu dang mthun pa 'dra ba gzhan dag kyang rig par bya'o/ /

【G4 假合事】

དེ་ལ་སྦྱར་བ་ནི་འདི་ལྟ་སྟེ། གཞུ་ཆེན་པོའི་དཔེ་དང༌། སྨན་པའི་དཔེ་དང༌། དེ་ལྟ་བུ་དང་མཐུན་པའི་དཔེ་གཞན་གྱིས་ཀུན་ནས་ཉོན་མོངས་པ་དང༌། རྣམ་པར་བྱང་བ་དང༌། རྗེས་སུ་མཐུན་པར་སྦྱར་བ་དང༌། འཇིག་རྟེན་པའི་དཔེ་མཐོང་བའི་འབྲེལ་བ་གང་ཡང་རུང་བས་ཀུན་ནས་ཉོན་མོངས་པའི་ཕྱོགས་དང༌། རྣམ་པར་བྱང་བའི་ཕྱོགས་དང་མཐུན་པར་སྦྱར་བའོ། །

de la sbyar ba ni 'di lta ste/ gzhu chen po'i dpe dang/ sman pa'i dpe dang/ de lta bu dang mthun pa'i dpe gzhan gyis kun nas nyon mongs pa dang/ rnam par byang ba dang/ rjes su mthun par sbyar ba dang/ 'jig rten pa'i dpe mthong ba'i 'brel ba gang yang rung bas kun nas nyon mongs pa'i phyogs dang/ rnam par byang ba'i phyogs dang mthun par sbyar ba'o/ /

【G5 譬喻事】

དེ་ལ་རྟོགས་པ་བརྗོད་པ་ནི་ཡ་མཚན་ཆེ་ཞིང༌། རྒྱ་ཆེ་བ་མང་བའི་དཔེ་གང་ཡིན་པ་དེའང་འདི་ལྟ་སྟེ། རིང་པོ་ལེན་གྱི་རྟོགས་པ་བརྗོད་པ་དང༌། གཞན་ཡང་དེ་ལྟ་བུ་དང་མཐུན་པ་དག་གོ། །

de la rtogs pa brjod pa ni ya mtshan che zhing/ rgya che ba mang ba'i dpe gang yin pa de'ang 'di lta ste/ ring po len gyi rtogs pa brjod pa dang/ gzhan yang de lta bu dang mthun pa dag go/ /

【C3 廣以六十四門雜決擇】【D1 明所知法】【E1 明由五相立所知差別】【F1 標列五相次第解釋】

ཤེས་བྱའི་ཆོས་རྣམས་ཀྱི་རབ་ཏུ་དབྱེ་བ་ནི་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། དངོས་པོ་དང༌། རྣམ་པའི་ལས་ཀྱི་རབ་ཏུ་དབྱེ་བ་དང༌། ཤེས་པའི་རྟེན་དང༌། ཤེས་པའི་རབ་ཏུ་དབྱེ་བ་དང༌། དེ་ལས་གཞན་པའི་ཤེས་པ་བསྡུས་པས་སོ། །

shes bya'i chos rnams kyi rab tu dbye ba ni rnam pa lngas rnam par gzhag ste/ lnga gang zhe na/ dngos po dang/ rnam pa'i las kyi rab tu dbye ba dang/ shes pa'i rten dang/ shes pa'i rab tu dbye ba dang/ de las gzhan pa'i shes pa bsdus pas so/ /

【F2 別釋】【G1 由事故】

དེ་ལ་མདོར་བསྡུ་ན། འདུས་བྱས་དང་འདུས་མ་བྱས་ནི་ཤེས་བྱའི་དངོས་པོ་ཞེས་བྱའོ། །

de la mdor bsdu na/ 'dus byas dang 'dus ma byas ni shes bya'i dngos po zhes bya'o/ /

【G2 由品業差別】

དེ་ཡང་རྣམ་པ་ལྔ་སྟེ། ཤེས་བྱ་རྣམ་པ་ལྔ་པོ་དེའི་ལས་ཀྱང་རྣམ་པ་ལྔར་བལྟ་བར་བྱའོ། །ཤེས་བྱ་རྣམ་པ་ལྔ་གང་ཞེ་ན། ཤེས་བྱ་ནི་བཏགས་པ་ལས་ཤེས་བྱ་ཡང་ཡོད་དོ། །དོན་དམ་པ་ལས་ཤེས་བྱ་ཡང་ཡོད་དོ། །བྱ་བའི་མཐའ་ལས་ཤེས་བྱ་ཡང་ཡོད་དོ། །གཞན་དག་གི་སེམས་ཀྱི་རྒྱུ་བ་དགེ་བ་དང༌། མི་དགེ་བ་ལས་ཤེས་བྱ་ཡང་ཡོང་དོ། །རྣམ་པ་ཐམས་ཅད་ལས་ཤེས་བྱ་ཡང་ཡོད་དོ། །དེ་ལ་ཀུན་རྫོབ་ཤེས་པ་ནི་བཏགས་པ་ལས་ཤེས་བྱ་རབ་ཏུ་ཤེས་ཤིང༌། བཏགས་པ་ལས་རབ་ཏུ་ཤེས་ནས་ཀྱང་བརྡའི་ཚུལ་གྱིས་ཆོས་དགེ་བ་དང༌། མི་དགེ་བ་དང༌། ཁ་ན་མ་ཐོ་བ་དང་བཅས་པ་དང༌། ཁ་ན་མ་ཐོ་བ་མེད་པ་ནས་རྒྱས་པར་རྟེན་ཅིང་འབྲེལ་པར་འབྱུང་བའི་བར་གྱི་ཆོས་རྣམས་ཀྱང༌། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤིང་ཁ་ཅིག་ནི་ཡོངས་སུ་སྤོང་བར་བྱེད། ཁ་ཅིག་ལ་ནི་སོ་སོར་རྟེན་པར་བྱེད་དོ། །དེ་བཞིན་དུ་འཇིག་རྟེན་གྱི་ཐ་སྙད་ཀྱང་རབ་ཏུ་ཤེས་ཏེ། འཇིག་རྟེན་པའི་སྤྱོད་པས་རྒྱུ་ཇི་ལྟ་བ་དང༌། རྐྱེན་ཇི་ལྟ་བ་བཞིན་དུ་སྒྲུབ་པར་ཡང་བྱེད་དོ། །ཆོས་ཤེས་པ་དང༌། རྗེས་སུ་རྟོགས་པའི་ཤེས་པ་དང༌། སྡུག་བསྔལ་བ་དང༌། ཀུན་འབྱུང་བ་དང༌། འགོག་པ་དང༌། ལམ་ཤེས་པ་དག་གིས་ནི་དོན་དམ་པ་རབ་ཏུ་ཤེས་ཤིང༌། དོན་དམ་པ་རབ་ཏུ་ཤེས་ནས་ཀྱང༌། མཐོང་བ་དང་བསྒོམ་པས་སྤང་བར་བྱ་བའི་ཆོས་རྣམས་ཀྱི་སྤོང་བ་མངོན་སུམ་དུ་བྱེད་དོ། །ཟད་པ་དང་མི་སྐྱེ་བ་ཤེས་པ་གཉིས་ཀྱིས་ནི་བྱ་བའི་མཐའ་རབ་ཏུ་ཤེས་སོ། །བྱ་བའི་མཐའ་རབ་ཏུ་ཤེས་ནས་ཀྱང་ངེས་པ་དང༌། ཐེ་ཚོམ་མེད་པ་དང༌། རང་གི་སྤངས་པ་ལ་མངོན་པའི་ང་རྒྱལ་མེད་དོ། །ཕ་རོལ་གྱི་སེམས་ཤེས་པས་ནི་གཞན་དག་གི་སེམས་ཀྱི་རྒྱུ་བ་དགེ་བ་དང་མི་དགེ་བ་རབ་ཏུ་ཤེས་སོ། །དེ་རབ་ཏུ་ཤེས་ནས་ཀྱང་གཞན་དག་གི་བསམ་པ་དང་ཁམས་དང་བག་ལ་ཉལ་ཤེས་སོ། །སྟོབས་བཅུའི་ཤེས་པས་ནི་ཤེས་བྱའི་རྣམ་པ་ཐམས་ཅད་རབ་ཏུ་ཤེས་སོ། །དེ་རབ་ཏུ་ཤེས་ནས་ཀྱང་གཞན་དག་ལ་ཡང་དག་པར་གདམས་ཤིང་རྗེས་སུ་བསྟན་པ་རྣམ་པ་ཐམས་ཅད་འཇུག་པར་བྱེད་ཅིང་སེམས་ཅན་ཐམས་ཅད་ཀྱི་སོམ་ཉི་ཐམས་ཅད་ཀྱི་སོམ་ཉི་མཐས་ཅད་ཀྱིས་གཅོད་པར་བྱེད། སེམས་ཅན་རྣམས་མཐོ་རིས་དང་བདེ་བའི་འབྲས་བུ་ལ་འགོད་པར་བྱེད་ཅིང༌། སེམས་ཅན་ཐམས་ཅད་ཀྱི་བྱ་བ་ཐམས་ཅད་ལ་མཐུ་ཡོད་པ་ཡིན་ཏེ། དེ་ནི་ཤེས་བྱ་རྣམ་པ་ལྔ་པོ་དེའི་ལས་རྣམ་པ་ལྔ་ཡིན་ནོ། །

de yang rnam pa lnga ste/ shes bya rnam pa lnga po de'i las kyang rnam pa lngar blta bar bya'o/ /shes bya rnam pa lnga gang zhe na/ shes bya ni btags pa las shes bya yang yod do/ /don dam pa las shes bya yang yod do/ /bya ba'i mtha' las shes bya yang yod do/ /gzhan dag gi sems kyi rgyu ba dge ba dang/ mi dge ba las shes bya yang yong do/ /rnam pa thams cad las shes bya yang yod do/ /de la kun rdzob shes pa ni btags pa las shes bya rab tu shes shing/ btags pa las rab tu shes nas kyang brda'i tshul gyis chos dge ba dang/ mi dge ba dang/ kha na ma tho ba dang bcas pa dang/ kha na ma tho ba med pa nas rgyas par rten cing 'brel par 'byung ba'i bar gyi chos rnams kyang/ yang dag pa ji lta ba bzhin du rab tu shes shing kha cig ni yongs su spong bar byed/ kha cig la ni so sor rten par byed do/ /de bzhin du 'jig rten gyi tha snyad kyang rab tu shes te/ 'jig rten pa'i spyod pas rgyu ji lta ba dang/ rkyen ji lta ba bzhin du sgrub par yang byed do/ /chos shes pa dang/ rjes su rtogs pa'i shes pa dang/ sdug bsngal ba dang/ kun 'byung ba dang/ 'gog pa dang/ lam shes pa dag gis ni don dam pa rab tu shes shing/ don dam pa rab tu shes nas kyang/ mthong ba dang bsgom pas spang bar bya ba'i chos rnams kyi spong ba mngon sum du byed do/ /zad pa dang mi skye ba shes pa gnyis kyis ni bya ba'i mtha' rab tu shes so/ /bya ba'i mtha' rab tu shes nas kyang nges pa dang/ the tshom med pa dang/ rang gi spangs pa la mngon pa'i nga rgyal med do/ /pha rol gyi sems shes pas ni gzhan dag gi sems kyi rgyu ba dge ba dang mi dge ba rab tu shes so/ /de rab tu shes nas kyang gzhan dag gi bsam pa dang khams dang bag la nyal shes so/ /stobs bcu'i shes pas ni shes bya'i rnam pa thams cad rab tu shes so/ /de rab tu shes nas kyang gzhan dag la yang dag par gdams shing rjes su bstan pa rnam pa thams cad 'jug par byed cing sems can thams cad kyi som nyi thams cad kyi som nyi mthas cad kyis gcod par byed/ sems can rnams mtho ris dang bde ba'i 'bras bu la 'god par byed cing/ sems can thams cad kyi bya ba thams cad la mthu yod pa yin te/ de ni shes bya rnam pa lnga po de'i las rnam pa lnga yin no/ /

【G3 由智依處差別】

དེ་ལ་ཤེས་པའི་རྟེན་ནི་རྣམ་པ་གཉིས་ཏེ། རང་ལ་ཕན་པ་བསྒྲུབ་པ་དང༌། གཞན་ལ་ཕན་པ་བསྒྲུབ་པའོ། །དེ་ལ་སྤོང་བ་དང་རྗེས་སུ་མཐུན་པ་ཀུན་རྫོབ་ཤེས་པ་གང་ཡིན་པ་དང༌། སྤོང་བ་ལ་དོན་དམ་པ་ཤེས་པ་གང་ཡིན་པ་དང༌། སྤོང་བ་ལ་བྱ་བའི་མཐའ་ཤེས་པ་གང་ཡིན་པ་དེ་དག་ནི་རང་ལ་ཕན་པའི་རྟེན་དང་ལྡན་པ་ཡིན་པར་རིག་པར་བྱའོ། །དེ་ལ་གཞན་དག་གི་བསམ་པ་དང༌། ཁམས་དང༌། བག་ལ་ཉལ་དག་ལ་ཕ་རོལ་གྱི་སེམས་ཤེས་པ་གང་ཡིན་པ་དང༌། ཤེས་བྱ་རྣམ་པ་ཐམས་ཅད་ལ་སྟོབས་བཅུའི་ཤེས་པ་གང་ཡིན་པའི་ཤེས་པ་དེ་གཉིས་ནི་གཞན་ལ་ཕན་པའི་རྟེན་དང་ལྡན་པ་ཡིན་པར་བལྟ་བར་བྱ་སྟེ། དེ་ནི་ཤེས་པའི་རྟེན་གྱི་རབ་ཏུ་དབྱེ་བ་ནི་འདི་ཡིན་པར་རིག་པར་བྱའོ། །

de la shes pa'i rten ni rnam pa gnyis te/ rang la phan pa bsgrub pa dang/ gzhan la phan pa bsgrub pa'o/ /de la spong ba dang rjes su mthun pa kun rdzob shes pa gang yin pa dang/ spong ba la don dam pa shes pa gang yin pa dang/ spong ba la bya ba'i mtha' shes pa gang yin pa de dag ni rang la phan pa'i rten dang ldan pa yin par rig par bya'o/ /de la gzhan dag gi bsam pa dang/ khams dang/ bag la nyal dag la pha rol gyi sems shes pa gang yin pa dang/ shes bya rnam pa thams cad la stobs bcu'i shes pa gang yin pa'i shes pa de gnyis ni gzhan la phan pa'i rten dang ldan pa yin par blta bar bya ste/ de ni shes pa'i rten gyi rab tu dbye ba ni 'di yin par rig par bya'o/ /

【G4 由智差別】

ཤེས་པའི་རབ་ཏུ་དབྱེ་བས་ཀུན་རྫོབ་ཤེས་པ་ནི་དགེ་བ་དང༌། མི་དགེ་བ་དང༌། ལུང་དུ་མ་བསྟེན་པ་དང༌། ཟག་པ་དང༌བཅས་པ་དང༌། ཟག་པ་མེད་པ་དང༌འཇིག་རྟེན་པ་ཡིན་པར་བལྟ་བར་བྱའོ། །དེ་ལ་ཟག་པ་མེད་པ་ནི་སྤངས་པ་མི་སློབ་པའི་རྒྱུད་ལ་དམིགས་པ་གང་ཡིན་པ་སྟེ། དེ་དང་གཞན་དེ་དག་ཐམས་ཅད་ནི་ཀུན་རྫོབ་ཤེས་པ་འཇིག་རྟེན་པ་ཡིན་པར་བརྗོད་པར་བྱའོ། །ལྷག་མ་ཆོས་དང་རྗེས་སུ་རྟོགས་པའི་ཤེས་པ་ལ་སོགས་པ་ནི་འཇིག་རྟེན་ལས་འདས་པ་དང༌། ཟག་པ་མེད་པ་ཡིན་པར་རིག་པར་བྱའོ། །ཟད་པ་ཤེས་པ་དང་མི་སྐྱེ་བ་ཤེས་པ་ཡང་ཟག་པ་ཟད་པ་དག་ལ་སྐྱེ་ཞིང༌། བདག་གི་ཟག་པ་རྣམས་ནི་ཟད་དོ། །བདག་ལ་ནི་ཚེ་ཕྱི་མར་སྡུག་བསྔལ་མངོན་པར་འགྲུབ་པར་མི་འགྱུར་རོ་སྙམ་དུ་ཟད་པ་དང་མི་སྐྱེ་བ་དེ་ལ་ལོངས་སུ་གཅོད་པར་མི་བྱེད་པ་གང་ཡིན་པ་དེ་ནི་ཟག་པ་མེད་པ་དང༌། འཇིག་རྟེན་ལས་འདས་པ་ཡིན་ནོ། །ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ཟག་པ་མེད་པ་ཁོ་ན་ཡིན་ཏེ། དེ་ནི་འཇིག་རྟེན་པ་སྟེ། ཀུན་རྫོབ་ཤེས་པས་བསྡུས་པ་ཡིན་ནོ། །མ་འདྲེས་པ་ཡིན་ཞིང་དགྲ་བཅོམ་པའི་རྒྱུད་ལ་ཡོད་པ་ཡིན་པར་ཡང་བལྟ་བར་བྱའོ། །ཕ་རོལ་གྱི་སེམས་ཤེས་པ་ནི་འཇིག་རྟེན་པ་ཁོ་ན་སྟེ། སོ་སོའི་སྐྱེ་བོ་དང་སློབ་པའི་རྒྱུད་ལ་ཡོད་པ་གང་ཡིན་པ་དེ་ནི་ཟག་པ་དང་བཅས་པ་ཡིན་ནོ། །མི་སློབ་པའི་རྒྱུད་ལ་ཡོད་པ་གང་ཡིན་པ་དེ་ནི་ཟག་པ་མེད་པ་ཡིན་ནོ། །ཅིའི་ཕྱིར་ཀུན་རྫོབ་ཤེས་པ་དག་པའི་རྒྱུད་ལ་ཡོད་པ་གང་ཡིན་པ་དེ་ཟག་པ་མེད་པ་ཞེས་བྱ་ཞེ་ན། འདི་ལྟར་དེ་དག་གིས་ཟག་པའི་བག་ལ་ཉལ་གང་ཡིན་པ་དེ་ཡང་དག་པར་བཅོམ་པ་དང༌། ཤེས་པ་དེ་ཡང་ཕ་རོལ་གྱི་སེམས་ཤེས་པ་ཁོ་ནའི་མངོན་སུམ་གྱི་སྤྱོད་ཡུལ་ཡིན་ལ། ཕ་རོལ་གྱི་སེམས་ཤེས་པ་དེ་ཡང་ཉོན་མོངས་པ་ཅན་མ་ཡིན་ཏེ། དེ་ནི་ཉོན་མོངས་པ་ཅན་གཞན་གྱི་སྤྱོད་ཡུལ་མ་ཡིན་པ་དང༌། དེ་ནི་རང་བཞིན་གྱིས་ཀྱང་ཉོན་མོངས་པ་རྣམས་དང་མཚུངས་པར་ལྡན་པ་མ་ཡིན་པའི་ཕྱིར་ཏེ། དེ་ལྟ་བས་ན་དེ་ནི་བག་ལ་ཉལ་དང༌། དམིགས་པ་དང་མཚུངས་པར་ལྡན་པ་ལས་ཀྱང་ཟག་པ་མེད་པ་ཡིན་པར་རིག་པར་བྱའོ། །སྟོབས་བཅུའི་ཤེས་པ་ནི་དེ་བཞིན་གཤེགས་པའི་ཐུགས་ཀྱི་རྒྱུད་ལ་མངའ་བའི་མཁྱེན་པ་མ་འདྲེས་པ་དང༌། ཟག་པ་མེད་པ་དང༌། འཇིག་རྟེན་པ་ཡིན་པར་བལྟ་བར་བྱ་སྟེ༑ འདི་ལྟར་ཤེས་པ་དེ་དག་ཐམས་ཅད་ནི་སྤྲོས་པ་དང་བཅས་པར་རྒྱུ་བ་ཡིན་པའི་ཕྱིར་རོ། །

shes pa'i rab tu dbye bas kun rdzob shes pa ni dge ba dang/ mi dge ba dang/ lung du ma bsten pa dang/ zag pa dangbcas pa dang/ zag pa med pa dang'jig rten pa yin par blta bar bya'o/ /de la zag pa med pa ni spangs pa mi slob pa'i rgyud la dmigs pa gang yin pa ste/ de dang gzhan de dag thams cad ni kun rdzob shes pa 'jig rten pa yin par brjod par bya'o/ /lhag ma chos dang rjes su rtogs pa'i shes pa la sogs pa ni 'jig rten las 'das pa dang/ zag pa med pa yin par rig par bya'o/ /zad pa shes pa dang mi skye ba shes pa yang zag pa zad pa dag la skye zhing/ bdag gi zag pa rnams ni zad do/ /bdag la ni tshe phyi mar sdug bsngal mngon par 'grub par mi 'gyur ro snyam du zad pa dang mi skye ba de la longs su gcod par mi byed pa gang yin pa de ni zag pa med pa dang/ 'jig rten las 'das pa yin no/ /yongs su gcod par byed pa gang yin pa de ni zag pa med pa kho na yin te/ de ni 'jig rten pa ste/ kun rdzob shes pas bsdus pa yin no/ /ma 'dres pa yin zhing dgra bcom pa'i rgyud la yod pa yin par yang blta bar bya'o/ /pha rol gyi sems shes pa ni 'jig rten pa kho na ste/ so so'i skye bo dang slob pa'i rgyud la yod pa gang yin pa de ni zag pa dang bcas pa yin no/ /mi slob pa'i rgyud la yod pa gang yin pa de ni zag pa med pa yin no/ /ci'i phyir kun rdzob shes pa dag pa'i rgyud la yod pa gang yin pa de zag pa med pa zhes bya zhe na/ 'di ltar de dag gis zag pa'i bag la nyal gang yin pa de yang dag par bcom pa dang/ shes pa de yang pha rol gyi sems shes pa kho na'i mngon sum gyi spyod yul yin la/ pha rol gyi sems shes pa de yang nyon mongs pa can ma yin te/ de ni nyon mongs pa can gzhan gyi spyod yul ma yin pa dang/ de ni rang bzhin gyis kyang nyon mongs pa rnams dang mtshungs par ldan pa ma yin pa'i phyir te/ de lta bas na de ni bag la nyal dang/ dmigs pa dang mtshungs par ldan pa las kyang zag pa med pa yin par rig par bya'o/ /stobs bcu'i shes pa ni de bzhin gshegs pa'i thugs kyi rgyud la mnga' ba'i mkhyen pa ma 'dres pa dang/ zag pa med pa dang/ 'jig rten pa yin par blta bar bya ste| 'di ltar shes pa de dag thams cad ni spros pa dang bcas par rgyu ba yin pa'i phyir ro/ /

【G5 由攝餘智差別】

དེ་ལ་དེ་ལས་གཞན་པའི་ཤེས་པ་བསྡུས་པའི་རབ་ཏུ་དབྱེ་བ་གང་ཡིན་ན། མངོན་པར་ཤེས་པའི་ཤེས་པ་དང༌། རྣམ་པར་ཐར་པའི་སྒོའི་ཤེས་པ་དང༌། སོ་སོ་ཡང་དག་པར་རིག་པའི་ཤེས་པ་དང༌། ཉོན་མོངས་པ་མེད་པའི་ཤེས་པ་དང༌། སྨོན་ནས་ཤེས་པ་དང༌། སངས་རྒྱས་ཀྱི་ཆོས་མ་འདྲེས་པ་དང༌། སྟོབས་དང༌། མི་འཇིགས་པ་དང༌། དྲན་པ་ཉེ་བར་གཞག་པ་དང༌། རྣམ་པ་ཐམས་ཅད་མཁྱེན་པ་དག་སྟེ། ཤེས་པ་དེ་དག་ཀྱང་སྔར་བསྟན་པའི་ཤེས་པ་རྣམས་ཀྱིས་ཅི་རིགས་པར་བསྡུས་པར་རིག་པར་བྱའོ། །དེ་ལ་མངོན་པར་ཤེས་པ་ལྔ་ནི་ཀུན་རྫོབ་ཤེས་པས་བསྡུས་ཏེ། སོ་སོའི་སྐྱེ་བོའི་རྒྱུད་ལ་ཡོད་པ་དང༌། སློབ་པའི་རྒྱུད་ལ་ཡོད་པ་དག་ནི་ཟག་པ་དང་བཅས་པས་བསྡུས་སོ། །མི་སློབ་པའི་རྒྱུད་ལ་ཡོད་པ་དག་ནི་ཟག་པ་མེད་པས་བསྡུས་སོ། །མངོན་པར་ཤེས་པ་དྲུག་པ་ནི་ཟད་པ་དང༌། མི་སྐྱེ་བ་ཤེས་པ་གཉིས་ཀྱིས་བསྡུས་ཏེ། ཟད་པ་དང༌མི་སྐྱེ་བ་ཤེས་པ་དེ་གཉིས་ནི་སྔ་མ་ཁོ་ན་བཞིན་དུ་རིག་པར་བྱའོ། །རྣམ་པར་ཐར་པའི་སྒོ་སྟོང་པ་ཉིད་ཀྱི་ཤེས་པ་ནི་ཤེས་པ་བརྒྱད་ཀྱིས་བསྡུས་ཏེ། ཆོས་དང་རྗེས་སུ་རྟོགས་པའི་ཤེས་པ་དང༌། སྡུག་བསྔལ་དང༌། ཀུན་འབྱུང་བ་དང༌། འགོག་པ་དང༌། ལམ་ཤེས་པ་རྣམས་དང༌། ཟད་པ་དང་མི་སྐྱེ་བ་ཤེས་པ་འཇིག་རྟེན་ལས་འདས་པ་དག་གིས་བསྡུས་སོ། །རྣམ་པར་ཐར་པའི་སྒོ་སྨོན་པ་མེད་པའི་ཤེས་པ་ནི་ཤེས་པ་དྲུག་གིས་བསྡུས་ཏེ། ཆོས་ཤེས་པ་དང༌། རྗེས་སུ་རྟོགས་པ་དང༌། སྡུག་བསྔལ་དང༌། ཀུན་འབྱུང་བ་དང༌། ཟད་པ་དང༌། མི་སྐྱེ་བ་ཤེས་པ་རྣམས་ཀྱིས་སོ། །རྣམ་པར་ཐར་པའི་སྒོ་མཚན་མ་མེད་པའི་ཤེས་པ་ནི་ཤེས་པ་ལྔས་བསྡུས་ཏེ། ཆོས་ཤེས་པ་དང༌། རྗེས་སུ་རྟོགས་པ་ཤེས་པ་དང༌། འགོག་པ་ཤེས་པ་དང༌། ཟད་པ་དང་མི་སྐྱེ་བ་ཤེས་པ་རྣམས་ཀྱིས་སོ། །སོ་སོ་ཡང་དག་པར་རིག་པའི་ཤེས་པ་དང༌། ཉོན་མོངས་པ་མེད་པ་དང༌། སྨོན་ནས་ཤེས་པ་དང༌། མ་འདྲེས་པ་དང་སྟོབས་བཅུ་ལ་སོགས་པའི་ཤེས་པ་ཐམས་ཅད་ནི་ཀུན་རྫོབ་ཤེས་པས་བསྡུས་པ། དགྲ་བཅོམ་པ་ཉིད་དང་། དེ་བཞིན་གཤེགས་པས་ཐུགས་ཀྱི་རྒྱུད་ལ་མངའ་བ་དག་ནི་ཟག་པ་མེད་པ་ཡིན་པར་རིག་པར་བལྟ་བར་བྱའོ། །

de la de las gzhan pa'i shes pa bsdus pa'i rab tu dbye ba gang yin na/ mngon par shes pa'i shes pa dang/ rnam par thar pa'i sgo'i shes pa dang/ so so yang dag par rig pa'i shes pa dang/ nyon mongs pa med pa'i shes pa dang/ smon nas shes pa dang/ sangs rgyas kyi chos ma 'dres pa dang/ stobs dang/ mi 'jigs pa dang/ dran pa nye bar gzhag pa dang/ rnam pa thams cad mkhyen pa dag ste/ shes pa de dag kyang sngar bstan pa'i shes pa rnams kyis ci rigs par bsdus par rig par bya'o/ /de la mngon par shes pa lnga ni kun rdzob shes pas bsdus te/ so so'i skye bo'i rgyud la yod pa dang/ slob pa'i rgyud la yod pa dag ni zag pa dang bcas pas bsdus so/ /mi slob pa'i rgyud la yod pa dag ni zag pa med pas bsdus so/ /mngon par shes pa drug pa ni zad pa dang/ mi skye ba shes pa gnyis kyis bsdus te/ zad pa dangmi skye ba shes pa de gnyis ni snga ma kho na bzhin du rig par bya'o/ /rnam par thar pa'i sgo stong pa nyid kyi shes pa ni shes pa brgyad kyis bsdus te/ chos dang rjes su rtogs pa'i shes pa dang/ sdug bsngal dang/ kun 'byung ba dang/ 'gog pa dang/ lam shes pa rnams dang/ zad pa dang mi skye ba shes pa 'jig rten las 'das pa dag gis bsdus so/ /rnam par thar pa'i sgo smon pa med pa'i shes pa ni shes pa drug gis bsdus te/ chos shes pa dang/ rjes su rtogs pa dang/ sdug bsngal dang/ kun 'byung ba dang/ zad pa dang/ mi skye ba shes pa rnams kyis so/ /rnam par thar pa'i sgo mtshan ma med pa'i shes pa ni shes pa lngas bsdus te/ chos shes pa dang/ rjes su rtogs pa shes pa dang/ 'gog pa shes pa dang/ zad pa dang mi skye ba shes pa rnams kyis so/ /so so yang dag par rig pa'i shes pa dang/ nyon mongs pa med pa dang/ smon nas shes pa dang/ ma 'dres pa dang stobs bcu la sogs pa'i shes pa thams cad ni kun rdzob shes pas bsdus pa/ dgra bcom pa nyid dang / de bzhin gshegs pas thugs kyi rgyud la mnga' ba dag ni zag pa med pa yin par rig par blta bar bya'o/ /

【E2 辨諸智差別】【F1 舉解脫門及不共法無礙解等，指前已說】

དེ་ལ་རྣམ་པར་ཐར་པའི་སྒོ་རྣམས་ནི་སའི་དངོས་གཞིར་མཚན་ཉིད་རྣམ་པར་གཞག་པ་ལས་བསྟན་ཟིན་ཏོ། །སངས་རྒྱས་ཀྱི་ཆོས་མ་འདྲེས་པ་རྣམས་དང༌། སོ་སོ་ཡང་དག་པར་རིག་པ་ཡང་བྱང་ཆུབ་སེམས་དཔའི་སར་བསྟན་ཟིན་ཏོ། །

de la rnam par thar pa'i sgo rnams ni sa'i dngos gzhir mtshan nyid rnam par gzhag pa las bstan zin to/ /sangs rgyas kyi chos ma 'dres pa rnams dang/ so so yang dag par rig pa yang byang chub sems dpa'i sar bstan zin to/ /

【F2 明諸通智】【G1 明六通智之名義】

དེ་ལ་རྫུ་འཕྲུལ་གྱི་ཡུལ་ནི་གང་རྫུ་འཕྲུལ་གྱི་ཡུལ་ཤེས་པ་ནི་གང་རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བ་ནི་གང་ཞེ་ན། གཅིག་ཏུ་གྱུར་ནས་མང་པོར་འགྱུར་ཞེས་བྱ་བ་ལ་སོགས་པ་ནས། རྒྱས་པར་ཚངས་པའི་འཇིག་རྟེན་གྱི་བར་དུ་ལུས་ཀྱིས་དབར་སྒྱུར་བར་བྱེད་དོ་ཞེས་བྱ་བ་གང་ཡིན་པ་དེ་ནི་རྫུ་འཕྲུལ་གྱི་ཡུལ་ཞེས་བྱ་སྟེ། རྫུ་འཕྲུལ་གྱི་ཡུལ་ཤེས་པ་དེས་ཡུལ་དེ་ཉམས་སུ་མྱོང་བ་དང༌། ཉེ་བར་སྟོན་པར་བྱེད་པས་ན་དེའི་ཕྱིར་རྫུ་འཕྲུལ་གྱི་ཡུལ་ཞེས་བྱའོ། །མཐུ་དེ་དང་ལྡན་པའི་ཤེས་པ་བསྒོམས་པ་ལས་བྱུང་བ་བསྒོམས་པའི་འབྲས་བུ་གང་ཡིན་པ་དེ་ནི་རྫུ་འཕྲུལ་གྱི་ཡུལ་ཤེས་པ་ཞེས་བྱ་སྟེ་ཤེས་པ་དེ་ནི་ཡུལ་དེ་ཉམས་སུ་མྱོང་བ་དང༌། ཉེ་བར་སྟོན་པར་འགྱུར་བས་ན་དེའི་ཕྱིར་དེ་ནི་རྫུ་འཕྲུལ་གྱི་ཡུལ་ཤེས་པ་ཞེས་བྱའོ། །ཤེས་པ་དེ་ཉིད་ཀྱིས་ས་བོན་སྐྱེ་བའི་རྐྱེན་གྱིས་ཡོངས་སུ་ཟིན་ཅིང༌། ཡོངས་སུ་བརྟས་པ་དེའི་རྒྱུད་ཀྱི་རྗེས་སུ་འཇུག་པ་གང་ཡིན་པ་དེ་ནི་རྫུ་འཕྲུལ་གྱི་ཡུལ་ཤེས་པ་མངོན་དུ་བྱ་བ་ཞེས་བྱ་སྟེ། དེ་དག་ཐམས་ཅད་གཅིག་ཏུ་བསྡུས་པ་ནི་རྫུ་འཕྲུལ་གྱི་ཡུལ་ཤེས་པ་མངོན་དུ་བྱ་བའི་མངོན་པར་ཤེས་པ་ཞེས་བྱའོ། །དེ་ལ་ལྷའི་རྣ་བ་ནི་གང༌། ལྷའི་རྣ་བའི་ཤེས་པ་ནི་གང༌། ལྷའི་རྣ་བའི་ཤེས་པ་མངོན་དུ་བྱ་བ་ནི་གང་ཞེ་ན། དེ་ལ་བསྒོམས་པའི་འབྲས་བུ་རྣམས་བསྡུས་པའི་གཟུགས་དང་བ་གང་ཡིན་པ་དེ་ནི་ལྷའི་རྣ་བ་ཞེས་བྱའོ། །རྣ་བ་དེ་ལ་བརྟེན་པའི་རྣམ་པར་ཤེས་པ་དང་མཚུངས་པར་ལྡན་པའི་ཤེས་པ་གང་ཡིན་པ་དེ་ནི་ལྷའི་རྣ་བའི་ཤེས་པ་ཞེས་བྱའོ། །ཤེས་པ་དེ་མངོན་དུ་བྱ་བ་ནི་སྔ་མ་བཞིན་དུ་རིག་པར་བྱ་སྟེ། དེ་དག་ཐམས་ཅད་གཅིག་ཏུ་བསྡུས་པ་ནི་ལྷའི་རྣ་བའི་ཤེས་པ་མངོན་དུ་བྱ་བའི་མངོན་པར་ཤེས་པ་ཞེས་བྱའོ། །ཚུལ་དེ་ཉིད་ཀྱིས་མངོན་པར་ཤེས་པ་ལྷག་མ་ཐམས་ཅད་ཀྱི་བསྟན་པ་ཡང་རིག་པར་བྱའོ། །བཤད་པ་ནི་ཅི་རིགས་པར་བརྗོད་པར་བྱ་སྟེ། གཞན་གྱི་སེམས་འདོད་ཆགས་ལ་སོགས་པ་དང་བཅས་པར་འཇུག་པ་གང་ཡིན་པ་དེ་ནི་སེམས་ཀྱི་རྣམ་གྲངས་ཞེས་བྱའོ། །དེ་ལ་དམིགས་པའི་ཤེས་པ་མཐུ་དང་ལྡན་པ་བསྒོམས་པ་ལས་བྱུང་བ་བསྒོམས་པའི་འབྲས་བུ་གང་ཡིན་པ་དེ་ནི་སེམས་ཀྱི་རྣམ་གྲངས་ཤེས་པ་ཞེས་བྱའོ། །ཤེས་པ་དེ་མངོན་དུ་བྱ་བ་ནི་སྔ་མ་བཞིན་དུ་བལྟ་བར་བྱ་སྟེ། དེ་དག་ཐམས་ཅད་གཅིག་ཏུ་བསྡུས་པ་ནི་སེམས་ཀྱི་རྣམ་གྲངས་ཤེས་པའི་མངོན་པར་ཤེས་པ་ཞེས་བྱའོ། །འདས་པའི་ཚེ་རབས་དག་གི་ལུས་ཀྱི་རྣམ་པ་མངོན་པར་བརྗོད་པ་ནི་སྔོན་གྱི་སྐྱེ་བ་རྗེས་སུ་དྲན་པ་ཞེས་བྱའོ། །དེ་ལ་རྟེན་ཅིང་དེ་དང་མཚུངས་པར་ལྡན་པའི་ཤེས་པ་མཐུ་དང་ལྡན་པ་བསྒོམས་པ་ལས་བྱུང་བ། བསྒོམས་པའི་འབྲས་བུ་གང་གིས་དེ་ལ་དྲན་པ་འཇུག་པ་དེ་ནི་སྔོན་གྱི་སྐྱེ་བ་རྗེས་སུ་དྲན་པ་ཤེས་པ་ཞེས་བྱའོ། །ལྷག་མ་ནི་སྔ་མ་བཞིན་ནོ། །དེ་ལ་སེམས་ཅན་རྣམས་ཀྱི་ཁ་དོག་བཟང་བ་དང༌། ཁ་དོག་ངན་པ་ལ་སོགས་པའི་རབ་ཏུ་དབྱེ་བས་སེམས་ཅན་གྱི་རིས་དེ་ནས་ཤེ་འཕོས་ནས། སེམས་ཅན་གྱི་རིས་དེ་ལས་གཞན་པར་སྐྱེ་བ་ནི་འཆི་འཕོ་དང་སྐྱེ་བ་ཞེས་བྱའོ། །འཆི་འཕོ་དང་སྐྱེ་བ་ལ་དམིགས་པའི་ཤེས་པ་མིག་གི་གཟུགས་རབ་ཏུ་དང་བ་ལ་བརྟེན་པ་བསྒོམས་པའི་འབྲས་བུ་དེ་དང་མཚུངས་པར་ལྡན་པའི་ཤེས་པ་གང་ཡིན་པ་དེ་ནི་འཆི་འཕོ་དང་སྐྱེ་བ་ཤེས་པ་ཞེས་བྱའོ། །ལྷག་མ་ནི་སྔ་མ་བཞིན་ནོ། །ཀུན་དུ་སྦྱོར་བ་མ་ལུས་པར་ཡོངས་སུ་གཏུགས་པ་གང་ཡིན་པ་དེ་ནི་ཟག་པ་ཟད་པ་ཞེས་བྱའོ། །འཇིག་རྟེན་པའི་ཟད་པ་ཤེས་པ་དང༌། མི་སྐྱེ་བ་ཤེས་པ་དེ་ཤེས་པ་གང་ཡིན་པ་དེ་ནི་ཟག་པ་ཟད་པ་ཤེས་པ་ཞེས་བྱའོ། །ལྷག་མ་ནི་སྔ་མ་ཁོ་ན་བཞིན་དུ་བལྟ་བར་བྱའོ། །

de la rdzu 'phrul gyi yul ni gang rdzu 'phrul gyi yul shes pa ni gang rdzu 'phrul gyi yul shes pa mngon sum du bya ba ni gang zhe na/ gcig tu gyur nas mang por 'gyur zhes bya ba la sogs pa nas/ rgyas par tshangs pa'i 'jig rten gyi bar du lus kyis dbar sgyur bar byed do zhes bya ba gang yin pa de ni rdzu 'phrul gyi yul zhes bya ste/ rdzu 'phrul gyi yul shes pa des yul de nyams su myong ba dang/ nye bar ston par byed pas na de'i phyir rdzu 'phrul gyi yul zhes bya'o/ /mthu de dang ldan pa'i shes pa bsgoms pa las byung ba bsgoms pa'i 'bras bu gang yin pa de ni rdzu 'phrul gyi yul shes pa zhes bya ste shes pa de ni yul de nyams su myong ba dang/ nye bar ston par 'gyur bas na de'i phyir de ni rdzu 'phrul gyi yul shes pa zhes bya'o/ /shes pa de nyid kyis sa bon skye ba'i rkyen gyis yongs su zin cing/ yongs su brtas pa de'i rgyud kyi rjes su 'jug pa gang yin pa de ni rdzu 'phrul gyi yul shes pa mngon du bya ba zhes bya ste/ de dag thams cad gcig tu bsdus pa ni rdzu 'phrul gyi yul shes pa mngon du bya ba'i mngon par shes pa zhes bya'o/ /de la lha'i rna ba ni gang/ lha'i rna ba'i shes pa ni gang/ lha'i rna ba'i shes pa mngon du bya ba ni gang zhe na/ de la bsgoms pa'i 'bras bu rnams bsdus pa'i gzugs dang ba gang yin pa de ni lha'i rna ba zhes bya'o/ /rna ba de la brten pa'i rnam par shes pa dang mtshungs par ldan pa'i shes pa gang yin pa de ni lha'i rna ba'i shes pa zhes bya'o/ /shes pa de mngon du bya ba ni snga ma bzhin du rig par bya ste/ de dag thams cad gcig tu bsdus pa ni lha'i rna ba'i shes pa mngon du bya ba'i mngon par shes pa zhes bya'o/ /tshul de nyid kyis mngon par shes pa lhag ma thams cad kyi bstan pa yang rig par bya'o/ /bshad pa ni ci rigs par brjod par bya ste/ gzhan gyi sems 'dod chags la sogs pa dang bcas par 'jug pa gang yin pa de ni sems kyi rnam grangs zhes bya'o/ /de la dmigs pa'i shes pa mthu dang ldan pa bsgoms pa las byung ba bsgoms pa'i 'bras bu gang yin pa de ni sems kyi rnam grangs shes pa zhes bya'o/ /shes pa de mngon du bya ba ni snga ma bzhin du blta bar bya ste/ de dag thams cad gcig tu bsdus pa ni sems kyi rnam grangs shes pa'i mngon par shes pa zhes bya'o/ /'das pa'i tshe rabs dag gi lus kyi rnam pa mngon par brjod pa ni sngon gyi skye ba rjes su dran pa zhes bya'o/ /de la rten cing de dang mtshungs par ldan pa'i shes pa mthu dang ldan pa bsgoms pa las byung ba/ bsgoms pa'i 'bras bu gang gis de la dran pa 'jug pa de ni sngon gyi skye ba rjes su dran pa shes pa zhes bya'o/ /lhag ma ni snga ma bzhin no/ /de la sems can rnams kyi kha dog bzang ba dang/ kha dog ngan pa la sogs pa'i rab tu dbye bas sems can gyi ris de nas she 'phos nas/ sems can gyi ris de las gzhan par skye ba ni 'chi 'pho dang skye ba zhes bya'o/ /'chi 'pho dang skye ba la dmigs pa'i shes pa mig gi gzugs rab tu dang ba la brten pa bsgoms pa'i 'bras bu de dang mtshungs par ldan pa'i shes pa gang yin pa de ni 'chi 'pho dang skye ba shes pa zhes bya'o/ /lhag ma ni snga ma bzhin no/ /kun du sbyor ba ma lus par yongs su gtugs pa gang yin pa de ni zag pa zad pa zhes bya'o/ /'jig rten pa'i zad pa shes pa dang/ mi skye ba shes pa de shes pa gang yin pa de ni zag pa zad pa shes pa zhes bya'o/ /lhag ma ni snga ma kho na bzhin du blta bar bya'o/ /

【G2 明具神通人】

དེ་དག་དང་ལྡན་པའི་རྣལ་འབྱོར་པ་ནི་དུས་ལ་བབ་ན་ཉེ་བར་སྟོན་པའམ།གནས་པའམ། གཞན་དག་གི་དོན་ཀུན་དུ་སྤྱད་པའམ། དེ་ལ་དྲི་བ་དྲིས་པའི་ལན་གདབ་པ་མངོན་པར་ཤེས་པར་འགྱུར་བས་ན། དེའི་ཕྱིར་མངོན་པར་ཤེས་པ་ཞེས་བྱའོ། །

de dag dang ldan pa'i rnal 'byor pa ni dus la bab na nye bar ston pa'am/gnas pa'am/ gzhan dag gi don kun du spyad pa'am/ de la dri ba dris pa'i lan gdab pa mngon par shes par 'gyur bas na/ de'i phyir mngon par shes pa zhes bya'o/ /

【G3 通明對辯】

དེ་ལ་མངོན་པར་ཤེས་པ་དང་པོ་གསུམ་ནི་མངོན་པར་ཤེས་པ་ཁོ་ན་ཡིན་གྱི་རིག་པ་ནི་མ་ཡིན་ནོ། །ཐ་མ་གསུམ་ནི་མངོན་པར་ཤེས་པ་ཡང་ཡིན་ལ་རིག་པ་ཡང་ཡིན་ཏེ། དུས་གསུམ་ལ་ཀུན་དུ་རྨོངས་པའི་གཉེན་པོར་གྱུར་པའི་ཕྱིར་རོ། དེ་ལ་དང་པོས་ནི་གཞན་དག་འདུན་པར་བྱེད་དེ། བདག་ལ་གཞན་དག་གུས་པ་དང༌། རི་མོ་ཆེར་སྐྱེད་པར་ཡང་བྱེད་དོ། །གཉིས་པས་ནི་གཞན་དག་གི་ངག་གི་སྤྱོད་པ་དགེ་བ་དང་མི་དགེ་བ་ཤེས་ཏེ། དེ་ལ་སྐུལ་བར་བྱེད། རངས་པར་བྱེད་དོ། གསུམ་པས་ནི་གཞན་དག་གི་སེམས་ཀྱི་རྒྱུ་བ་དགེ་བ་དང་། མི་དགེ་བ་ཀུན་ཤེས་པར་བྱས་ནས། ལེགས་པར་འདོམས་པར་བྱེད་དོ། །ཐ་མ་གསུམ་གྱིས་ནི་རྟག་པའི་མཐའ་དང༌། ཆད་པའི་མཐའ་སྤངས་ནས་ཟག་པ་ཟད་པ་ལ་མངོན་པའི་ང་རྒྱལ་མེད་པ་དབུ་མའི་ལམ་ལེགས་པར་སྟོན་ཅིང༌། དེ་ལ་འདོམས་པར་ཡང་བྱེད་དོ། །

de la mngon par shes pa dang po gsum ni mngon par shes pa kho na yin gyi rig pa ni ma yin no/ /tha ma gsum ni mngon par shes pa yang yin la rig pa yang yin te/ dus gsum la kun du rmongs pa'i gnyen por gyur pa'i phyir ro/ de la dang pos ni gzhan dag 'dun par byed de/ bdag la gzhan dag gus pa dang/ ri mo cher skyed par yang byed do/ /gnyis pas ni gzhan dag gi ngag gi spyod pa dge ba dang mi dge ba shes te/ de la skul bar byed/ rangs par byed do/ gsum pas ni gzhan dag gi sems kyi rgyu ba dge ba dang / mi dge ba kun shes par byas nas/ legs par 'doms par byed do/ /tha ma gsum gyis ni rtag pa'i mtha' dang/ chad pa'i mtha' spangs nas zag pa zad pa la mngon pa'i nga rgyal med pa dbu ma'i lam legs par ston cing/ de la 'doms par yang byed do/ /

【F3 明無諍願智】【G1 無諍】【H1 明三種因緣修無諍定】

དགེ་སློང་དགྲ་བཅོམ་པ་གཉིས་ཀའི་ཆ་ལས་རྣམ་པར་གྲོལ་བ་དབང་པོ་རྣོན་པོ་ནི་དོན་གྱི་དབང་གསུམ་ཡང་དག་པར་རྗེས་སུ་མཐོང་ནས། ཉོན་མོངས་པ་མེད་པ་ལ་གནས་པར་འགྱུར་ཏེ། དེས་སྔོན་ཉོན་མོངས་པ་མེད་པའི་ཏིང་ངེ་འཛིན་གྱི་ཕན་ཡོན་དག་རྣམ་གྲངས་དུ་མར་ཐོས་ཤིང་ཡིད་ཆེས་པར་ཡང་གྱུར་ནས། དེས་བསམ་པ་དྲག་པོས་དེ་ལ་དམིགས་པའི་སྨོན་ལམ་ཡང་དང་ཡང་དུ་ཡོངས་སུ་བསྒོམས་པས་རྒྱུ་དེ་དང་རྐྱེན་དེས་ན་དགྲ་བཅོམ་པ་ཉིད་ཐོབ་པ་དེའི་སེམས་དེ་ཉིད་ལ་འཇུག་པར་འགྱུར་བས། དེའི་ཕྱིར་ཉོན་མོངས་པ་མེད་པ་ལ་གནས་པར་འགྱུར་པ་དང༌། གཞན་ཡང་འདི་ན་ལ་ལ་ནི་སྔོན་སོ་སོའི་སྐྱེ་བོར་གྱུར་པ་ན་སེམས་ཅན་མང་པོ་དག་ལ་ཉོན་མོངས་པ་སྐྱེད་ཅིང༌། རྣམ་པར་འཚེ་བ་དང༌། གནོད་སེམས་ཀྱང་སྐྱེད་པ་ཡིན་པས། དེ་ནི་དགྲ་བཅོམ་པ་ཉིད་ཐོབ་པ་ན། སྔོན་གྱི་བྱིས་པའི་སྤྱོད་པ་དེས་ངོ་ཚ་བས་ཉོན་མོངས་པ་མེད་པ་ལ་གནས་པར་འགྱུར་པ་དང༌། གཞན་ཡང་འདི་ན་ལ་ལ་ནི་དགྲ་བཅོམ་པ་ཉིད་ཐོབ་པ་ན། སྐྱེ་བོའི་ཚོགས་མང་པོ་ཚེ་འདི་ལ་འབྲས་བུ་འདོད་པ་མྱོང་བར་འགྱུར་བའི་ལས་བྱེད་དུ་གཞུག་པར་འདོད་པ་དང༌། ཚེ་འདིའི་འབྲས་བུ་འདོད་པ་ལ་ཡང་དག་པར་སྦྱར་བར་འདོད་པས། དེའི་ཕྱིར་ཉོན་མོངས་པ་མེད་པ་ལ་གནས་པར་འགྱུར་བའོ། །

dge slong dgra bcom pa gnyis ka'i cha las rnam par grol ba dbang po rnon po ni don gyi dbang gsum yang dag par rjes su mthong nas/ nyon mongs pa med pa la gnas par 'gyur te/ des sngon nyon mongs pa med pa'i ting nge 'dzin gyi phan yon dag rnam grangs du mar thos shing yid ches par yang gyur nas/ des bsam pa drag pos de la dmigs pa'i smon lam yang dang yang du yongs su bsgoms pas rgyu de dang rkyen des na dgra bcom pa nyid thob pa de'i sems de nyid la 'jug par 'gyur bas/ de'i phyir nyon mongs pa med pa la gnas par 'gyur pa dang/ gzhan yang 'di na la la ni sngon so so'i skye bor gyur pa na sems can mang po dag la nyon mongs pa skyed cing/ rnam par 'tshe ba dang/ gnod sems kyang skyed pa yin pas/ de ni dgra bcom pa nyid thob pa na/ sngon gyi byis pa'i spyod pa des ngo tsha bas nyon mongs pa med pa la gnas par 'gyur pa dang/ gzhan yang 'di na la la ni dgra bcom pa nyid thob pa na/ skye bo'i tshogs mang po tshe 'di la 'bras bu 'dod pa myong bar 'gyur ba'i las byed du gzhug par 'dod pa dang/ tshe 'di'i 'bras bu 'dod pa la yang dag par sbyar bar 'dod pas/ de'i phyir nyon mongs pa med pa la gnas par 'gyur ba'o/ /

【H2 釋無諍名】

དེ་ཡང་བསམ་གཏན་བཞི་པའི་མཐའ་ཡོངས་སུ་བསྒོམས་པ་ལ་བརྟེན་ནས་ཉོན་མོངས་པ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་ཅིང༌། ཅི་ནས་ཀྱང་དེ་ལས་གཞན་དག་ཉོན་མོངས་པའི་ཉོན་མོངས་པ་ཇི་ལྟར་ཡང་རྣམ་པ་ཐམས་ཅད་དུ་སྐྱེད་པར་མི་འགྱུར་བར་གཞན་དག་གི་སེམས་རྗེས་སུ་སྲུང་བར་བྱེད་པས་ན། དེའི་ཕྱིར་ཉོན་མོངས་པ་མེད་པ་ཞེས་བྱའོ། །

de yang bsam gtan bzhi pa'i mtha' yongs su bsgoms pa la brten nas nyon mongs pa med pa zhes bya ba'i ting nge 'dzin la snyoms par 'jug cing/ ci nas kyang de las gzhan dag nyon mongs pa'i nyon mongs pa ji ltar yang rnam pa thams cad du skyed par mi 'gyur bar gzhan dag gi sems rjes su srung bar byed pas na/ de'i phyir nyon mongs pa med pa zhes bya'o/ /

【H3 明修無諍時事中將護】

དེ་ནི་འདི་ལྟར་སེམས་རྗེས་སུ་སྲུང་བར་བྱེད་དེ། དེ་གྲོང་ངམ། གྲོང་རྡལ་གང་དང་གང་ན་ཉེ་བར་རྟེན་ཅིང་གནས་པའི་གྲོང་དང༌། གྲོང་རྡལ་དེ་ན་གནས་པ་ཐམས་ཅད་ཀྱི་སེམས་དག་ལ་མཐར་གྱིས་རྣམ་པར་ལྟ་བར་བྱེད་ཅིང༌། འདི་ལྟར་ལམ་པོ་ཆེ་ཐམས་ཅད་དང༌། ཁྱིམ་ཐམས་ཅད་ཀྱི་སོ་སོའི་གང་ཟག་རྣམས་ཀྱི་མ་འོངས་པའི་སེམས་དག་ལ་ཡང་རྣམ་པར་ལྟ་བར་བྱེད་དེ། དེ་ལྟར་རྣམ་པར་ལྟ་བར་བྱེད་པ་ན། གལ་ཏེ་གྲོང་འདི་དང་གྲོང་རྡལ་འདི་དང༌། སྲང་འདི་དང༌། ཁྱིམ་འདིའི་གང་ཟག་འདིས་བདག་མཐོང་བ་ཙམ་གྱིས་ཉོན་མོངས་པ་སྐྱེད་པར་འགྱུར་རམ། གལ་ཏེ་མཐོང་བ་ཙམ་གྱིས་མ་ཡིན་ན་ཡང་རྗེས་སུ་བསྒྲུབ་པས་ཉོན་མོངས་པ་སྐྱེད་པར་འགྱུར་བར་ཤེས་ན། དེ་སེམས་ཅན་དེ་དག་གིས་མཐོང་བ་ཐམས་ཅད་ཀྱི་ཐམས་ཅད་དུ་ཡོངས་སུ་སྤོང་བར་བྱེད་དོ། །གལ་ཏེ་དེའི་རྗེས་སུ་བསྒྲུབ་པ་རུང་བར་མཐོང་ན་ནི་དེ་དེའི་ཚེ་གཞི་དེས་སེམས་ཅན་དེ་དག་གིས་ཏེ་པོར་མཐོང་བར་རྗེས་སུ་སྒྲུབ་པར་བྱེད་དོ། །གལ་ཏེ་དེའི་རྗེས་སུ་སྒྲུབ་པ་མི་རུང་བར་མཐོང་ཞིང་སྒྲུབ་པ་བྱས་ན། གཞན་གྱི་རྒྱུད་ལ་ཉོན་མོངས་པ་སྐྱེ་བར་མཐོང་ན་ནི་དེ་དེའི་ཚེ་ན་གཞི་དེས་སེམས་ཅན་དེ་དག་གིས་ཡེ་མི་མཐོང་བར་བྱེད་དོ། །ངག་ཀུན་དུ་བརྗོད་པ་ཇི་ལྟ་བུ་དང་། སྤྱོད་ལམ་ཇི་ལྟ་བུ་དང༌། ཆོས་གོས་ལ་སོགས་པ་བླང་བའི་ལོངས་སྤྱོད་ཇི་ལྟ་བུ་དང༌། ཆོས་སྟོན་པ་ཇི་ལྟ་བུ་དང༌། ཡང་དག་པར་འཛིན་དུ་གཞུག་པ་ཇི་ལྟ་བུས་གཞན་དག་གི་རྒྱུད་ལ་ཉོན་མོངས་པ་སྐྱེ་བར་མཐོང་བའི་ཚིག་བརྗོད་པ་དེ་ལྟ་བུ་ནས་རྒྱས་པར་ཡང་དག་པར་འཛིན་དུ་གཞུག་པ་དེ་ལྟ་བུའི་བར་དག་ཀྱང༌། ཡོངས་སུ་སྤོང་བར་བྱེད་པ་དེ་ལྟར་གཞན་དག་གི་སེམས་རྗེས་སུ་སྲུང་བར་བྱེད་དེ། ཤས་ཆེར་དེ་ལྟར་གནས་ཤིང་དེ་ལྟར་སྤྱོད་པས་ན། དེའི་ཕྱིར་ཉོན་མོངས་པ་མེད་པར་གནས་པ་ཞེས་བྱའོ། །

de ni 'di ltar sems rjes su srung bar byed de/ de grong ngam/ grong rdal gang dang gang na nye bar rten cing gnas pa'i grong dang/ grong rdal de na gnas pa thams cad kyi sems dag la mthar gyis rnam par lta bar byed cing/ 'di ltar lam po che thams cad dang/ khyim thams cad kyi so so'i gang zag rnams kyi ma 'ongs pa'i sems dag la yang rnam par lta bar byed de/ de ltar rnam par lta bar byed pa na/ gal te grong 'di dang grong rdal 'di dang/ srang 'di dang/ khyim 'di'i gang zag 'dis bdag mthong ba tsam gyis nyon mongs pa skyed par 'gyur ram/ gal te mthong ba tsam gyis ma yin na yang rjes su bsgrub pas nyon mongs pa skyed par 'gyur bar shes na/ de sems can de dag gis mthong ba thams cad kyi thams cad du yongs su spong bar byed do/ /gal te de'i rjes su bsgrub pa rung bar mthong na ni de de'i tshe gzhi des sems can de dag gis te por mthong bar rjes su sgrub par byed do/ /gal te de'i rjes su sgrub pa mi rung bar mthong zhing sgrub pa byas na/ gzhan gyi rgyud la nyon mongs pa skye bar mthong na ni de de'i tshe na gzhi des sems can de dag gis ye mi mthong bar byed do/ /ngag kun du brjod pa ji lta bu dang / spyod lam ji lta bu dang/ chos gos la sogs pa blang ba'i longs spyod ji lta bu dang/ chos ston pa ji lta bu dang/ yang dag par 'dzin du gzhug pa ji lta bus gzhan dag gi rgyud la nyon mongs pa skye bar mthong ba'i tshig brjod pa de lta bu nas rgyas par yang dag par 'dzin du gzhug pa de lta bu'i bar dag kyang/ yongs su spong bar byed pa de ltar gzhan dag gi sems rjes su srung bar byed de/ shas cher de ltar gnas shing de ltar spyod pas na/ de'i phyir nyon mongs pa med par gnas pa zhes bya'o/ /

【G2 明願智】

དེ་ལ་སྨོན་ནས་ཤེས་པ་གང་ཞེ་ན། འདི་ན་དགེ་སློང་དགྲ་བཅོམ་པ་གཉི་གའི་ཆ་ལས་རྣམ་པར་གྲོལ་བ། དབང་པོ་རྣོན་པོས་བསམ་གཏན་བཞི་པའི་མཐའ་ཡོངས་སུ་བསྒོམས་པ་ལ་བརྟེན་ནས། ཉན་ཐོས་ཀྱིས་ཉན་ཐོས་ཀྱི་ཤེས་པའི་སྤྱོད་ཡུལ་ཇི་ཙམ་པ་དང༌། རང་སངས་རྒྱས་ཀྱིས་རང་སངས་རྒྱས་ཀྱི་ཤེས་པའི་སྤྱོད་ཡུལ་ཇི་ཙམ་པའི་ཤེས་བྱ་དེ་ལ་འདི་ལྟ་འདི་ལྟར་ཤེས་པར་བྱའོ་ཞེས་སྨོན་ལམ་བཏབ་ནས། བསམ་གཏན་བཞི་པའི་མཐའ་ཡོངས་སུ་བསྒོམས་པ་དེ་ལ་སྙོམས་པར་འཇུག་པར་བྱེད་ཅིང༌། དེ་ལྟར་སྙོམས་པར་ཞུགས་པས་ཇི་ལྟར་སྨོན་ལམ་བཏབ་པ་བཞིན་ཐམས་ཅད་ཤེས་པའོ། །དེ་བཞིན་གཤེགས་པ་རྣམས་ཀྱི་མཁྱེན་པ་ནི་ཤེས་བྱ་ཐམས་ཅད་ལ་ཐོགས་པ་མི་མངའོ། །

de la smon nas shes pa gang zhe na/ 'di na dge slong dgra bcom pa gnyi ga'i cha las rnam par grol ba/ dbang po rnon pos bsam gtan bzhi pa'i mtha' yongs su bsgoms pa la brten nas/ nyan thos kyis nyan thos kyi shes pa'i spyod yul ji tsam pa dang/ rang sangs rgyas kyis rang sangs rgyas kyi shes pa'i spyod yul ji tsam pa'i shes bya de la 'di lta 'di ltar shes par bya'o zhes smon lam btab nas/ bsam gtan bzhi pa'i mtha' yongs su bsgoms pa de la snyoms par 'jug par byed cing/ de ltar snyoms par zhugs pas ji ltar smon lam btab pa bzhin thams cad shes pa'o/ /de bzhin gshegs pa rnams kyi mkhyen pa ni shes bya thams cad la thogs pa mi mnga'o/ /

【G3 明佛不數入無諍定】

དེ་བཞིན་གཤེགས་པ་རྣམས་ནི་ཉོན་མོངས་པ་མེད་པའི་ཏིང་ངེ་འཛིན་ལ་ཡང་སྙོམས་པར་མི་འཇུག་སྟེ། འདི་ལྟར་དེ་བཞིན་གཤེགས་པ་རྣམས་ལ་ཉོན་མོངས་པ་སྐྱེ་བ་དང་བཅས་པས་སེམས་ཅན་གྱི་དོན་དུ་འགྱུར་བ་ཡང་ཡོད་པས་དེ་ནི་དེ་བཞིན་གཤེགས་པས་བཏང་སྙོམས་སུ་བཞག་པར་མི་རིགས་པའི་ཕྱིར་རོ། །

de bzhin gshegs pa rnams ni nyon mongs pa med pa'i ting nge 'dzin la yang snyoms par mi 'jug ste/ 'di ltar de bzhin gshegs pa rnams la nyon mongs pa skye ba dang bcas pas sems can gyi don du 'gyur ba yang yod pas de ni de bzhin gshegs pas btang snyoms su bzhag par mi rigs pa'i phyir ro/ /

【F4 明依定引發諸智差別】

ཇི་ལྟར་ཉོན་མོངས་པ་མེད་པ་དང༌། སྨོན་ནས་ཤེས་པ་དག་བསམ་གཏན་བཞི་པའི་མཐའ་ཡོངས་སུ་བསྒོམས་པ་ལ་བརྟེན་ནས་མངོན་པར་བསྒྲུབ་དགོས་པ་བཞིན་དུ༑ དེ་བཞིན་གཤེགས་པའི་མཁྱེན་པ་མ་འདྲེས་པ་རྣམས་ཀྱང་དེ་བཞིན་དུ་བལྟ་བར་བྱའོ། །མངོན་པར་ཤེས་པ་ལ་སོགས་པ་ལྷག་མ་རྣམས་ནི་བསམ་གཏན་ཐམས་ཅད་ལ་བརྟེན་ནས་ཀྱང༌། མངོན་པར་བསྒྲུབ་ཏུ་རུང་བར་རིག་པར་བྱའོ། །

ji ltar nyon mongs pa med pa dang/ smon nas shes pa dag bsam gtan bzhi pa'i mtha' yongs su bsgoms pa la brten nas mngon par bsgrub dgos pa bzhin du| de bzhin gshegs pa'i mkhyen pa ma 'dres pa rnams kyang de bzhin du blta bar bya'o/ /mngon par shes pa la sogs pa lhag ma rnams ni bsam gtan thams cad la brten nas kyang/ mngon par bsgrub tu rung bar rig par bya'o/ /

【F5 明唯依五地最初入聖】

བདེན་པ་མངོན་པར་རྟོགས་པ་ནི་བསམ་གཏན་རྣམས་ཁོ་ན་དང༌། བསམ་གཏན་དང་པོའི་ཉེར་བསྡོགས་མི་ལྕོགས་པ་མེད་པ་ལ་བརྟེན་ནས་ཀྱང་མངོན་པར་རྟོགས་པར་འགྱུར་གྱི། གཟུགས་མེད་པའི་སྙོམས་པར་འཇུག་པ་རྣམས་ལས་ནི་མ་ཡིན་ཏེ། འདི་ལྟར་གཟུགས་མེད་པའི་སྙོམས་པར་འཇུག་པའི་ལམ་ནི་ཞི་གནས་ཤས་ཆེ་བ་ཡིན་ལ། ལྷག་མཐོང་ཆུང་བ་ཡིན་པས། ལྷག་མཐོང་ཆུང་བའི་ལམ་གྱིས་ནི་བདེན་པ་རྣམས་མངོན་པར་རྟོགས་པར་མི་ནུས་པའི་ཕྱིར་རོ། །གཟུགས་ཀྱི་ཁམས་སམ། གཟུགས་མེད་པའི་ཁམས་གོང་མར་སྐྱེས་པས་ཀྱང་དང་པོར་བདེན་པ་རྣམས་མངོན་པར་མི་རྟོགས་ཏེ། འདི་ལྟར་གནས་དེ་དག་ནི་སྐྱོ་བར་འགྱུར་དཀའ་བ་ཡིན་པས། རེ་ཞིག་སྐྱོ་བ་ཆུང་ངུས་ཀྱང་བདེན་པ་རྣམས་མངོན་པར་མི་རྟོགས་ན། གང་ན་སྐྱོ་བ་ཆུང་ངུ་ཡང་ཐམས་ཅད་ཀྱི་ཐམས་ཅད་དུ་མེད་པས་ལྟ་སྨོས་ཀྱང་ཅི་དགོས་པའི་ཕྱིར་རོ།། །།

bden pa mngon par rtogs pa ni bsam gtan rnams kho na dang/ bsam gtan dang po'i nyer bsdogs mi lcogs pa med pa la brten nas kyang mngon par rtogs par 'gyur gyi/ gzugs med pa'i snyoms par 'jug pa rnams las ni ma yin te/ 'di ltar gzugs med pa'i snyoms par 'jug pa'i lam ni zhi gnas shas che ba yin la/ lhag mthong chung ba yin pas/ lhag mthong chung ba'i lam gyis ni bden pa rnams mngon par rtogs par mi nus pa'i phyir ro/ /gzugs kyi khams sam/ gzugs med pa'i khams gong mar skyes pas kyang dang por bden pa rnams mngon par mi rtogs te/ 'di ltar gnas de dag ni skyo bar 'gyur dka' ba yin pas/ re zhig skyo ba chung ngus kyang bden pa rnams mngon par mi rtogs na/ gang na skyo ba chung ngu yang thams cad kyi thams cad du med pas lta smos kyang ci dgos pa'i phyir ro// //

【F6 明世出世智三際差別】【G1 總標起】

བམ་པོ་ཉི་ཤུ་རྩ་དགུ་པ། འདི་མན་ཆད་ནི་ཀུན་རྫོབ་ཤེས་པ་དང༌། འཇིག་རྟེན་ལས་འདས་པ་ཟག་པ་མེད་པའི་ཤེས་པ་དང་པོ་དང༌། བར་མ་དང༌། ཐ་མ་དག་ཏུ་ཇི་ལྟར་འགྱུར་བ་དེ་ལྟར་བརྗོད་པར་བྱའོ། །

bam po nyi shu rtsa dgu pa/ 'di man chad ni kun rdzob shes pa dang/ 'jig rten las 'das pa zag pa med pa'i shes pa dang po dang/ bar ma dang/ tha ma dag tu ji ltar 'gyur ba de ltar brjod par bya'o/ /

【G2 正辨】【H1 明世智】【I1 明二乘三際世智】

དང་པོར་སོ་སོའི་སྐྱེ་བོར་གྱུར་པའི་ཉོན་མོངས་པ་ཅན་གྱི་ལྟ་བ་ལྔ་པོ་ཇི་སྐད་བསྟན་པ་དག་དང་། འདོད་ཆགས་ལ་སོགས་པ་དང་མཚུངས་པར་ལྡན་པའི་ལོག་པའི་ཤེས་པ་གང་ཡིན་པ་དེ་ནི་ཀུན་རྫོབ་ཤེས་པ་ཉོན་མོངས་པ་ཅན་ཡིན་ཏེ། སྤང་བར་བྱ་བ་དང༌། ཡོངས་སུ་ཤེས་པར་བྱ་བ་ཡིན་ནོ། །དེའི་གཉེན་པོ་བསེད་པའི་ཕྱིར་འཇིག་རྟེན་པའི་ཡང་དག་པའི་ལྟ་བ་དད་པ་ལ་སོགས་པས་ཡོངས་སུ་ཟིན་པ་སྐྱེད་པར་བྱེད་དེ། དེ་ནི་ཀུན་རྫོབ་ཤེས་པ་དགེ་བ་ཟག་པ་དང་བཅས་པ་ཡིན་ནོ། །དེ་ཡང་དག་པའི་ལྟ་བ་དེ་ལ་བརྟེན་ནས་ཐོས་པ་དང༌། བསམས་པ་ལས་བྱུང་བའི་ཤེས་རབ་ཀྱིས་དྲན་པ་ཉེ་བར་གཞག་པ་དག་ལ་བརྩོན་པར་བྱེད་དེ། དེ་ཡང་ཀུན་རྫོབ་ཤེས་པ་དགེ་བ་ཟག་པ་དང་བཅས་པ་ཡིན་ནོ། །དེ་དེ་ལ་བརྟེན་ནས་ངེས་པར་འབྱེད་པའི་ཆ་དང་མཐུན་པའི་སྦྱོར་བ་བསྒོམས་པ་ལས་བྱུང་བའི་དྲན་པ་ཉེ་བར་གཞག་པ་དག་ལ་བརྩོན་པར་བྱེད་དེ། དེ་ཡང་ཀུན་རྫོབ་ཤེས་པ་དགེ་བ་ཟག་པ་དང་བཅས་པ་ཡིན་ནོ། །དེ་དེ་ལ་བརྟེན་ནས་མཐོང་བའི་ལམ་གྱི་སྦྱོར་བ་ངེས་པར་འབྱེད་པའི་ཆ་དང་མཐུན་པ་དང་ལྡན་པའི་དྲན་པ་ཉེ་བར་གཞག་པ་དག་ལ་བརྩོན་པར་བྱེད་དེ། དེ་ཡང་ཀུན་རྫོབ་ཤེས་པ་དགེ་བ་ཟག་པ་དང་བཅས་པ་ཡིན་ནོ། །དེ་དེ་ལ་བརྟེན་ནས་མཐོང་བའི་ལམ་གྱི་བར་ཆད་མེད་པའི་ལམ་གྱིས་བསྡུས་པ་འཇིག་རྟེན་པའི་ཆོས་ཀྱི་མཆོག་སྐྱེད་པར་བྱེད་དེ། དེ་ཡང་ཀུན་རྫོབ་ཤེས་པ་དགེ་བ་ཟག་པ་དང་བཅས་པ་ཡིན་ནོ། །དེ་ནི་རེ་ཞིག་དང་པོར་སོ་སོའི་སྐྱེ་བོའི་ས་ལ་ཀུན་རྫོབ་ཤེས་པའི་གོ་རིམས་ཡིན་པར་རིག་པར་བྱའོ། །དེ་ལ་འཇིག་རྟེན་པའི་ཆོས་ཀྱི་མཆོག་གིས་བསྡུས་པའི་ཀུན་རྫོབ་ཤེས་པ་དེ་ཉིད་ལ་བརྟེན་ནས་མཐོང་བའི་ལམ་ལ་འཇུག་པར་བྱེད་ཅིང༌། མཐོང་བའི་ལམ་ལ་ཡང་དག་པར་ཞུགས་པ་དེ་ས་བོན་རྣམ་པར་དག་པས་ཀུན་རྫོབ་ཤེས་པ་དགེ་བ་ཟག་པ་དང་བཅས་པ་སྔར་ཡོངས་སུ་བསྒོམས་པ་དེ་ཉིད་སྒོམ་པར་བྱེད་དོ། །མངོན་པར་རྟོགས་པའི་མཐའ་ལ་མཐོང་བའི་ལམ་ལས་ལངས་པ་དེའི་མཐོང་བས་སྤང་བར་བྱ་བའི་ཆོས་གང་དག་ལས་སྔོན་རྣམ་པར་གྲོལ་བར་མ་གྱུར་པ་དེ་དག་ལས་རྣམ་པར་གྲོལ་བ་གང་ཡིན་པ་དེ་ཡང་སྐྱེ་བར་འགྱུར་རོ། །དེ་སྐྱེས་པས་འཕགས་པའི་གང་ཟག་དེ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ལ་ཡོངས་སུ་གཅོད་པར་བྱེད་དོ། །བདག་གི་སེམས་ཅན་དམྱལ་བ་རྣམས་དང༌། ངན་སོང་གི་བར་དག་ནི་ཟད་དེ། བདག་ནི་རྒྱུན་དུ་ཞུགས་པ་ཡིན་ནོ་སྙམ་དུ་ཡང་ཡང་དག་པར་རིག་པར་བྱེད་དོ། །བདག་གི་ཉོན་མོངས་པ་རྣམས་ནི་འདི་ལྟ་འདི་ལྟར་སྤངས་སོ་སྙམ་དུ་ཡང་ཡང་དག་པར་རིག་པར་བྱེད་དོ། །འདོད་ན་གཞན་དག་ལ་ཡང་ཇི་ལྟར་ལན་གདབ་པར་བྱ་བ་དེ་ལྟར་འདོགས་པར་བྱེད་ཅིང་ལེགས་པར་བརྟགས་ནས་ལན་འདེབས་པར་ཡང་བྱེད་དོ། །བདེན་པ་རྣམས་མངོན་པར་རྟོགས་པ་དེ་ཡང་ཤེས་རབ་ཀྱིས་རྣམ་པར་འཇོག་པར་བྱེད་དོ། །དེ་འཇིག་རྟེན་པའི་ལམ་གྱིས་དེའི་གོང་དུ་གང་དང་གང་ལས་འདོད་ཆགས་དང་མ་བྲལ་བ་དེ་དང་དེ་ལས་འདོད་ཆགས་དང་བྲལ་བར་བྱ་བའི་ཕྱིར་བརྩོན་པར་བྱེད་ཅིང༌། ཅི་ཡང་མེད་པའི་སྐྱེ་མཆེད་ཀྱི་བར་ལས་འདོད་ཆགས་དང་བྲལ་བར་ཡང་མངོན་དུ་བྱེད་དོ། །འཕགས་པའི་གང་ཟག་གིས་འཇིག་རྟེན་ལས་འདས་པའི་ཤེས་པའི་རྗེས་ལས་ཐོབ་པ་ཀུན་རྫོབ་ཤེས་པའི་ཚུལ་དེས་འདོད་ཆགས་དང་བྲལ་བར་བྱེད་པ་གང་ཡིན་པ་དེ་དང༌། འཕགས་པ་མ་ཡིན་པའི་ལམ་གྱིས་འདོད་ཆགས་དང་བྲལ་བར་བྱས་པ་གང་ཡིན་པ་དེ་ནི་མཚུངས་པར་རིག་པར་བྱ་སྟེ། ཉོན་མོངས་པའི་ས་བོན་ཉམས་པར་ནི་བྱེད་ལ། ཡང་དག་པར་འཇོམས་པར་ནི་མི་བྱེད་པ་ཡང་དེ་ཁོ་ན་བཞིན་ནོ། །ཀུན་རྫོབ་ཤེས་པ་དེ་ཡང་འཇིག་རྟེན་ལས་འདས་པའི་ཤེས་པའི་རྗེས་ལས་ཐོབ་པ་གང་ཡིན་པ་དེ་ནི་འཇིག་རྟེན་པ་དང༌། འཇིག་རྟེན་ལས་འདས་པ་ཡིན་པར་བརྗོད་པར་བྱའི། གཅིག་ཏུ་འཇིག་རྟེན་པ་ནི་མ་ཡིན་ནོ། །དེ་ལ་བརྩོན་པ་དེའི་ལམ་ནི་བཞི་ཡོད་པར་རིག་པར་བྱ་སྟེ། སྦྱོར་བའི་ལམ་དང༌། བར་ཆད་མེད་པའི་ལམ་དང༌། རྣམ་པར་གྲོལ་བའི་ལམ་དང༌། ཁྱད་པར་གྱི་ལམ་རྣམས་སོ། །དེ་ལས་ཐམས་ཅད་དུ་གཏོགས་པའི་བསྒོམ་པས་སྤང་བར་བྱ་བའི་ཉོན་མོངས་པ་ཆུང་ངུ་དང༌། འབྲིང་དང༌། ཆེན་པོའི་བྱེ་བྲག་རྣམ་པ་དགུ་པོ་དག་ལས་རྣམ་པ་གང་ཡང་རུང་བ་སྤོང་བ་དང་རྗེས་སུ་མཐུན་པ་ནི་ལམ་དང་པོ་ཡིན་ནོ། །དེ་མ་ཐག་ཏུ་སྤོང་བ་ནི་ལམ་གཉིས་པ་ཡིན་ནོ། །སྤངས་མ་ཐག་པ་ནི་ལམ་གསུམ་པ་ཡིན་ནོ། །དེའི་འོག་ཏུ་སྤངས་པ་ནི་ལམ་བཞི་པ་ཡིན་ནོ། །ཁྱད་པར་གྱི་ལམ་དེ་ཡང་རྣམ་པ་གཉིས་ཏེ། རེས་འགའ་གལ་ཏེ་དེ་མ་ཐག་ཏུ་རྣམ་པ་གཞན་སྤང་བའི་ཕྱིར་བརྩོན་པར་བྱེད་ན་ནི་རྣམ་པ་གཞན་གྱི་སྦྱོར་བའི་ལམ་གང་ཡིན་པ་དེ་སྔ་མའི་ཁྱད་པར་གྱི་ལམ་ཡིན་ནོ། །ལན་འགའ་གལ་ཏེ་དེ་མ་ཐག་ཏུ་དེ་ཙམ་གྱིས་ཆོག་པར་འཛིན་ཅིང་གོང་དུ་རྩོལ་བར་མི་བྱེད་དམ། བག་མེད་པར་གནས་སམ། སྤོང་བ་དེ་ཉིད་ལ་སོ་སོར་རྟོགས་པའི་ཤེས་པས། སོ་སོར་རྟོག་པར་བྱེད་དམ། དཔྱོད་པའི་ཡིད་ལ་བྱེད་པས་དཔྱོད་པར་བྱེད་ན་ནི་ཁྱད་པར་གྱི་ལམ་ཁོ་ན་ཡིན་ནོ། །དེའི་མི་ལྕོགས་པ་མེད་པ་མ་གཏོགས་པ་ཉེར་བསྡོགས་ཐམས་ཅད་ལ་ནི་ཀུན་རྫོབ་ཤེས་པ་ཁོ་ན་ཡིན་གྱི། འཇིག་རྟེན་ལས་འདས་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་མི་ལྕོགས་པ་མེད་པ་ནི་སེམས་མཉམ་པར་གཞག་པ་དང་པོ་ཡིན་ལ༑ བསམ་གཏན་དང་པོ་ཡན་ཆད་ཀྱི་བསམ་གཏན་དང༌། ཏིང་ངེ་འཛིན་དེ་ནི་ཏིང་ངེ་འཛིན་སྔོན་དུ་བཏང་བ་ཡིན་པའི་ཕྱིར་ཏེ། དེ་ལྟ་བས་ན་འཕགས་པ་ཉན་ཐོས་ནི་དེ་ཡན་ཆད་དངོས་གཞི་ལས་བྱུང་བའི་འཇིག་རྟེན་ལས་འདས་པའི་ཤེས་པ་ཁོ་ནས་བརྩོན་པར་བྱེད་ཀྱི། ཉེར་བསྡོགས་ལས་བྱུང་བས་ནི་མ་ཡིན་ནོ། །སྲིད་པའི་རྩེ་མོ་པའི་ཤེས་པ་ཡང་གཅིག་ཏུ་ཀུན་རྫོབ་ཤེས་པས་བསྡུས་པ་ཡིན་ནོ། །དེ་ཅིའི་ཕྱིར་ཞེ་ན། གནས་དེ་ལ་ཡིད་ལ་བྱེད་པ་ནི་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་རྣམ་པ་ཉིད་ཡིན་པས། འཇིག་རྟེན་ལས་འདས་པའི་ཡིད་ལ་བྱེད་པ་དང་ཆ་མི་མཐུན་པ་ཡིན་ལ། འཇིག་རྟེན་ལས་འདས་པའི་ཡིད་ལ་བྱེད་པ་ནི་འདུ་ཤེས་ལ་སྙོམས་པར་འཇུག་པས་བསྡུས་པ་ཡིན་པའི་ཕྱིར་ཏེ། དེ་ནི་སློབ་པའི་ས་ལས་བརྩམས་ནས་ཀུན་རྫོབ་ཤེས་པ་བར་གྱི་མཐའ་དང་ལྡན་པ་ཡིན་པར་བལྟ་བར་བྱའོ། །དགྲ་བཅོམ་པའི་རྒྱུད་ལ་ཡོད་པ་ཟད་པ་ཤེས་པ་དང༌། མི་སྐྱེ་བ་ཤེས་པ་ནས་བཟུང་སྟེ། ཀུན་རྫོབ་ཤེས་པས་བསྡུས་པ། མངོན་པར་ཤེས་པ་ལ་སོགས་པའི་ཡོན་ཏན་ཐམས་ཅད་ཀྱི་བར་ནི་དུས་ཕྱི་མའི་མཐས་ཤིན་ཏུ་རྣམ་པར་དག་པ་ཟག་པ་མེད་པ་ཀུན་དུ་སྦྱོར་བ་ཐམས་ཅད་ལས་རྣམ་པར་གྲོལ་བ་འཇིག་རྟེན་པ་ཡིན་ནོ། །

dang por so so'i skye bor gyur pa'i nyon mongs pa can gyi lta ba lnga po ji skad bstan pa dag dang / 'dod chags la sogs pa dang mtshungs par ldan pa'i log pa'i shes pa gang yin pa de ni kun rdzob shes pa nyon mongs pa can yin te/ spang bar bya ba dang/ yongs su shes par bya ba yin no/ /de'i gnyen po bsed pa'i phyir 'jig rten pa'i yang dag pa'i lta ba dad pa la sogs pas yongs su zin pa skyed par byed de/ de ni kun rdzob shes pa dge ba zag pa dang bcas pa yin no/ /de yang dag pa'i lta ba de la brten nas thos pa dang/ bsams pa las byung ba'i shes rab kyis dran pa nye bar gzhag pa dag la brtson par byed de/ de yang kun rdzob shes pa dge ba zag pa dang bcas pa yin no/ /de de la brten nas nges par 'byed pa'i cha dang mthun pa'i sbyor ba bsgoms pa las byung ba'i dran pa nye bar gzhag pa dag la brtson par byed de/ de yang kun rdzob shes pa dge ba zag pa dang bcas pa yin no/ /de de la brten nas mthong ba'i lam gyi sbyor ba nges par 'byed pa'i cha dang mthun pa dang ldan pa'i dran pa nye bar gzhag pa dag la brtson par byed de/ de yang kun rdzob shes pa dge ba zag pa dang bcas pa yin no/ /de de la brten nas mthong ba'i lam gyi bar chad med pa'i lam gyis bsdus pa 'jig rten pa'i chos kyi mchog skyed par byed de/ de yang kun rdzob shes pa dge ba zag pa dang bcas pa yin no/ /de ni re zhig dang por so so'i skye bo'i sa la kun rdzob shes pa'i go rims yin par rig par bya'o/ /de la 'jig rten pa'i chos kyi mchog gis bsdus pa'i kun rdzob shes pa de nyid la brten nas mthong ba'i lam la 'jug par byed cing/ mthong ba'i lam la yang dag par zhugs pa de sa bon rnam par dag pas kun rdzob shes pa dge ba zag pa dang bcas pa sngar yongs su bsgoms pa de nyid sgom par byed do/ /mngon par rtogs pa'i mtha' la mthong ba'i lam las langs pa de'i mthong bas spang bar bya ba'i chos gang dag las sngon rnam par grol bar ma gyur pa de dag las rnam par grol ba gang yin pa de yang skye bar 'gyur ro/ /de skyes pas 'phags pa'i gang zag de mthong bas spang bar bya ba'i nyon mongs pa rnams spangs pa la yongs su gcod par byed do/ /bdag gi sems can dmyal ba rnams dang/ ngan song gi bar dag ni zad de/ bdag ni rgyun du zhugs pa yin no snyam du yang yang dag par rig par byed do/ /bdag gi nyon mongs pa rnams ni 'di lta 'di ltar spangs so snyam du yang yang dag par rig par byed do/ /'dod na gzhan dag la yang ji ltar lan gdab par bya ba de ltar 'dogs par byed cing legs par brtags nas lan 'debs par yang byed do/ /bden pa rnams mngon par rtogs pa de yang shes rab kyis rnam par 'jog par byed do/ /de 'jig rten pa'i lam gyis de'i gong du gang dang gang las 'dod chags dang ma bral ba de dang de las 'dod chags dang bral bar bya ba'i phyir brtson par byed cing/ ci yang med pa'i skye mched kyi bar las 'dod chags dang bral bar yang mngon du byed do/ /'phags pa'i gang zag gis 'jig rten las 'das pa'i shes pa'i rjes las thob pa kun rdzob shes pa'i tshul des 'dod chags dang bral bar byed pa gang yin pa de dang/ 'phags pa ma yin pa'i lam gyis 'dod chags dang bral bar byas pa gang yin pa de ni mtshungs par rig par bya ste/ nyon mongs pa'i sa bon nyams par ni byed la/ yang dag par 'joms par ni mi byed pa yang de kho na bzhin no/ /kun rdzob shes pa de yang 'jig rten las 'das pa'i shes pa'i rjes las thob pa gang yin pa de ni 'jig rten pa dang/ 'jig rten las 'das pa yin par brjod par bya'i/ gcig tu 'jig rten pa ni ma yin no/ /de la brtson pa de'i lam ni bzhi yod par rig par bya ste/ sbyor ba'i lam dang/ bar chad med pa'i lam dang/ rnam par grol ba'i lam dang/ khyad par gyi lam rnams so/ /de las thams cad du gtogs pa'i bsgom pas spang bar bya ba'i nyon mongs pa chung ngu dang/ 'bring dang/ chen po'i bye brag rnam pa dgu po dag las rnam pa gang yang rung ba spong ba dang rjes su mthun pa ni lam dang po yin no/ /de ma thag tu spong ba ni lam gnyis pa yin no/ /spangs ma thag pa ni lam gsum pa yin no/ /de'i 'og tu spangs pa ni lam bzhi pa yin no/ /khyad par gyi lam de yang rnam pa gnyis te/ res 'ga' gal te de ma thag tu rnam pa gzhan spang ba'i phyir brtson par byed na ni rnam pa gzhan gyi sbyor ba'i lam gang yin pa de snga ma'i khyad par gyi lam yin no/ /lan 'ga' gal te de ma thag tu de tsam gyis chog par 'dzin cing gong du rtsol bar mi byed dam/ bag med par gnas sam/ spong ba de nyid la so sor rtogs pa'i shes pas/ so sor rtog par byed dam/ dpyod pa'i yid la byed pas dpyod par byed na ni khyad par gyi lam kho na yin no/ /de'i mi lcogs pa med pa ma gtogs pa nyer bsdogs thams cad la ni kun rdzob shes pa kho na yin gyi/ 'jig rten las 'das pa ni ma yin no/ /de ci'i phyir zhe na/ 'di ltar mi lcogs pa med pa ni sems mnyam par gzhag pa dang po yin la| bsam gtan dang po yan chad kyi bsam gtan dang/ ting nge 'dzin de ni ting nge 'dzin sngon du btang ba yin pa'i phyir te/ de lta bas na 'phags pa nyan thos ni de yan chad dngos gzhi las byung ba'i 'jig rten las 'das pa'i shes pa kho nas brtson par byed kyi/ nyer bsdogs las byung bas ni ma yin no/ /srid pa'i rtse mo pa'i shes pa yang gcig tu kun rdzob shes pas bsdus pa yin no/ /de ci'i phyir zhe na/ gnas de la yid la byed pa ni 'du shes med 'du shes med min skye mched kyi rnam pa nyid yin pas/ 'jig rten las 'das pa'i yid la byed pa dang cha mi mthun pa yin la/ 'jig rten las 'das pa'i yid la byed pa ni 'du shes la snyoms par 'jug pas bsdus pa yin pa'i phyir te/ de ni slob pa'i sa las brtsams nas kun rdzob shes pa bar gyi mtha' dang ldan pa yin par blta bar bya'o/ /dgra bcom pa'i rgyud la yod pa zad pa shes pa dang/ mi skye ba shes pa nas bzung ste/ kun rdzob shes pas bsdus pa/ mngon par shes pa la sogs pa'i yon tan thams cad kyi bar ni dus phyi ma'i mthas shin tu rnam par dag pa zag pa med pa kun du sbyor ba thams cad las rnam par grol ba 'jig rten pa yin no/ /

【I2 明菩薩三際世智】

བྱང་ཆུབ་སེམས་དཔའ་རྣམས་ཀྱིས་མོས་པས་སྤྱོད་པའི་ས་ནས་བཟུང་སྟེ། མཐར་ཐུག་པའི་འགྲོ་བའི་སའི་བར་དུ་དང་པོ་དང༌། བར་མ་དང༌། ཐ་མ་དག་ལ་ནི་ཐམས་ཅད་དུ་ཡང་ཀུན་རྫོབ་ཤེས་པ་ཁོ་ན་ཡིན་པར་རིག་པར་བྱའོ། །དེ་ལ་དང་པོས་ནི་མོས་པས་སྤྱོད་པའི་སའོ། །བར་མ་ནི་ལྷག་པའི་བསམ་པ་དག་པའི་ས་ནས་བཟུང་སྟེ། སྤྱོད་པ་ངེས་པའི་སའི་བར་རོ། །ཐ་མ་ནི་མཐར་ཐུག་པར་འགྲོ་བའི་སའོ། །ས་དེ་དག་ལ་བྱང་ཆུབ་སེམས་དཔའ་རྣམས་ཀྱི་ཤེས་པ་རྣམ་པ་གཉིས་འབྱུང་སྟེ། སྤྲོས་པ་དང་བཅས་པའི་འདུ་ཤེས་ཀྱིས་སྤྱོད་པའི་རྣམ་པ་དང༌། སྤྲོས་པ་མེད་པའི་འདུ་ཤེས་ཀྱིས་སྤྱོད་པའི་རྣམ་པའོ། །དེ་ཤིན་ཏུ་ཡོངས་སུ་བསྒོམས་པའི་ཕྱིར་དེ་བཞིན་གཤེགས་པར་གྱུར་ནས་ནི་དེའི་རྗེས་ལ་འཇིག་རྟེན་ལས་འདས་པ་དང་འདྲ་བའི་སྒྲིབ་པ་མི་མངའ་བའི་མཁྱེན་པ་ཀུན་རྫོབ་ཤེས་པས་བསྡུས་པ་བརྙེས་པར་འགྱུར་རོ། །བྱང་ཆུབ་སེམས་དཔའ་རྣམས་ལ་ཡང་སྨོན་ནས་ཤེས་པ་དང་འདྲ་བའི་ཤེས་པ་ཡོད་དེ། དེ་ཡང་ཉན་ཐོས་དང་རང་སངས་རྒྱས་ཐམས་ཅད་ཀྱི་སྨོན་ནས་ཤེས་པ་ལས་ཁྱད་པར་དུ་འཕགས་པ་ཡིན་ནོ། །མངོན་པར་ཤེས་པ་ལ་སོགས་པ་དང༌། སྟོང་པ་ཉིད་ལ་སོགས་པའི་ཤེས་པ་ལ་སོགས་པ་ཡང་དེ་བཞིན་དུ་རིག་པར་བྱ་སྟེ། བྱང་ཆུབ་སེམས་དཔའ་རྣམས་ནི་སྟོབས་བཅུའི་རིགས་དག་ལ་འཇུག་གི། །ཉན་ཐོས་དང་རང་སངས་རྒྱས་རྣམས་ནི་མ་ཡིན་པའི་ཕྱིར་རོ། །

byang chub sems dpa' rnams kyis mos pas spyod pa'i sa nas bzung ste/ mthar thug pa'i 'gro ba'i sa'i bar du dang po dang/ bar ma dang/ tha ma dag la ni thams cad du yang kun rdzob shes pa kho na yin par rig par bya'o/ /de la dang pos ni mos pas spyod pa'i sa'o/ /bar ma ni lhag pa'i bsam pa dag pa'i sa nas bzung ste/ spyod pa nges pa'i sa'i bar ro/ /tha ma ni mthar thug par 'gro ba'i sa'o/ /sa de dag la byang chub sems dpa' rnams kyi shes pa rnam pa gnyis 'byung ste/ spros pa dang bcas pa'i 'du shes kyis spyod pa'i rnam pa dang/ spros pa med pa'i 'du shes kyis spyod pa'i rnam pa'o/ /de shin tu yongs su bsgoms pa'i phyir de bzhin gshegs par gyur nas ni de'i rjes la 'jig rten las 'das pa dang 'dra ba'i sgrib pa mi mnga' ba'i mkhyen pa kun rdzob shes pas bsdus pa brnyes par 'gyur ro/ /byang chub sems dpa' rnams la yang smon nas shes pa dang 'dra ba'i shes pa yod de/ de yang nyan thos dang rang sangs rgyas thams cad kyi smon nas shes pa las khyad par du 'phags pa yin no/ /mngon par shes pa la sogs pa dang/ stong pa nyid la sogs pa'i shes pa la sogs pa yang de bzhin du rig par bya ste/ byang chub sems dpa' rnams ni stobs bcu'i rigs dag la 'jug gi/ /nyan thos dang rang sangs rgyas rnams ni ma yin pa'i phyir ro/ /

【H2 明出世智】

དེ་ནི་རེ་ཞིག་ཀུན་རྫོབ་ཤེས་པ་དང་པོ་དང༌། བར་མ་དང༌། ཐ་མ་དག་ཏུ་འབྱུང་བ་ཡིན་པར་བལྟ་བར་བྱའོ། །འཇིག་རྟེན་ལས་འདས་པའི་ཤེས་པའི་དང་པོ་དང༌། བར་མ་དང༌། ཐ་མ་དག་ནི་མཐོང་བའི་ལམ་དང༌། བསྒོམ་པའི་ལམ་དང་། སློབ་པའི་ལམ་མོ། །དེ་ལ་མཐོང་བའི་ལམ་གྱི་ཆོས་ཤེས་པའི་ཕྱོགས་དང་མཐུན་པ་ནི་འདོད་པ་ན་སྤྱོད་པའི་མཐོང་བས་སྤང་བར་བྱ་བ་རྣམས་ཀྱི་གཉེན་པོ་ཡིན་ནོ། །རྗེས་སུ་རྟོགས་པའི་ཤེས་པའི་ཕྱོགས་དང་མཐུན་པ་ནི་གཟུགས་དང༌། གཟུགས་མེད་པ་ན་སྤྱོད་པའི་མཐོང་བས་སྤང་བར་བྱ་བ་རྣམས་ཀྱི་གཉེན་པོ་ཡིན་ནོ། །གང་ལ་རྗེས་སུ་རྟོགས་པའི་ཤེས་པ་མངོན་དུ་བྱེད་པ་དེ་ཐམས་ཅད་ཤེས་པ་དེས་གཟུགས་དང༌། གཟུགས་མེད་པའི་ཁམས་དག་ལ་རྟོགས་པར་བྱེད་དམ་ཞེ་ན། སྨྲས་པ། དེས་གལ་ཏེ་སྔོན་གཟུགས་དང༌། གཟུགས་མེད་པ་དག་ཐོས་པ་དང༌། བསམ་པ་དང༌། གཟུང་བར་འགྱུར་ན་ནི་རྟོགས་པར་བྱེད་དོ། །དེ་ལྟ་མ་ཡིན་ན་རྟོགས་པར་མི་བྱེད་དོ། །ཤེས་པ་ལྷག་མ་རྣམས་ནི་ལྷག་མཐོང་གི་ཕྱོགས་དང་ཞི་གནས་ཀྱི་ཕྱོགས་ལ་ཆོས་ཤེས་པ་དང་རྗེས་སུ་རྟོགས་པའི་ཤེས་པའི་ཕྱོགས་དང་མཐུན་པ་དག་ཡིན་པར་རིག་པར་བྱའོ། །དེ་ལ་མཐོང་བའི་ལམ་གྱི་ཤེས་པ་དང་པོ་སྐྱེས་ན་དེ་ལས་གཞན་པའི་ཤེས་པ་རྣམས་ཀྱི་སྐྱེ་བའི་རྐྱེན་ཡོངས་སུ་ཟིན་པ་དང༌། རྒྱུ་ཡོངས་སུ་བརྟས་པར་འགྱུར་ཞིང༌། སྐད་ཅིག་དེ་ཉིད་ལ་མཐོང་བའི་ལམ་ཐམས་ཅད་ཀྱང་ཐོབ་པར་འགྱུར་རོ། །ཐོབ་ནས་དེའི་རིམ་གྱིས་མངོན་དུ་འགྱུར་བར་བལྟ་བར་བྱ་སྟེ། མཐོང་བའི་ལམ་དེ་ནི་མྱུར་དུ་འགྲོ་བ་ཡིན་པར་རིག་པར་བྱའོ། །བསྒོམ་པའི་ལམ་ནི་གལ་ཏེ་འཇིག་རྟེན་ལས་འདས་པའི་ལམ་གྱིས་འདོད་ཆགས་དང་བྲལ་བར་བྱ་བའི་ཕྱིར་བརྩོན་པར་བྱེད་ན་སྟེ། དེའི་འཇིག་རྟེན་ལས་འདས་པ་དག་ནི་སྦྱོར་བའི་ལམ་ལ་སོགས་པ་སྔ་མ་བཞིན་དུ་བལྟ་བར་བྱའོ། །དེ་ལ་སྡུག་བསྔལ་ལ་སོགས་པའི་བདེན་པ་དག་ལ་སྤྲོས་པ་དང་བཅས་པའི་འདུ་ཤེས་ཀྱིས་སྤྱོད་ན་ནི་ཀུན་རྫོབ་ཤེས་པ་འབྱུང་ལ། སྤྲོས་པ་མེད་པའི་འདུ་ཤེས་ཀྱིས་སྤྱོད་ན་ནི་འཇིག་རྟེན་ལས་འདས་པའི་ཤེས་པ་འབྱུང་ངོ༌། །མཚན་མ་དང་བཅས་པའི་འདུ་ཤེས་ཀྱིས་ནི་བདེན་པ་ཇི་ལྟར་མཐོང་བ་དང་། ཇི་ལྟར་རྟོགས་པ་རྣམས་ཀྱི་མཚན་མ་ལེགས་པར་ཟིན་པར་འགྱུར་ཞིང༌། ཤེས་པ་སྣ་ཚོགས་ལ་གོམས་ཤིང་མཁས་པར་ཡང་འགྱུར་རོ། །འཇིག་རྟེན་པའི་སྐྱོ་བའི་རྣམ་པ་དག་གིས་སེམས་སྐྱོ་བར་ཡང་འགྱུར་ཞིང༌། ཆོས་ཀྱི་ལོངས་སྤྱོད་སྣ་ཚོགས་བྱས་པར་ཡང་འགྱུར་ཏེ། དེའི་ཕྱིར་འཕགས་པའི་གང་ཟག་ནི་འཇིག་རྟེན་པའི་ལམ་གྱིས་ཀྱང་འདོད་ཆགས་དང་བྲལ་བར་བྱ་བའི་ཕྱིར་བརྩོན་པར་བྱེད་དོ། །མི་སློབ་པའི་ས་ལ་འཇིག་རྟེན་ལས་འདས་པའི་ཤེས་པ་དེ་ཉིད་བསྒོམ་པས་སྤང་བར་བྱ་བའི་ཉོན་མོངས་པ་ལས་རྣམ་པར་གྲོལ་བའི་ཕྱིར་ཤིན་ཏུ་རྣམ་པར་དག་པ་དང༌། འཇིག་རྟེན་པའི་ཡོན་ཏན་ཐམས་ཅད་ཀྱི་གནས་དང་གཞིར་གྱུར་པ་དང༌། ས་འོག་མ་དང༌། ས་གོང་མ་པའི་ཡོན་ཏན་ཐམས་ཅད་ལ་དབང་སྒྱུར་བར་བྱེད་པ་དེ་ནི་འཇིག་རྟེན་ལས་འདས་པའི་ཤེས་པ་ཡིན་ཏེ། དེ་ལྟར་འཇིག་རྟེན་ལས་འདས་པའི་ཤེས་པ་དང་པོ་དང༌། བར་དང༌། ཐ་མ་དག་ཏུ་འབྱུང་བ་ཡིན་པར་བལྟ་བར་བྱའོ། །

de ni re zhig kun rdzob shes pa dang po dang/ bar ma dang/ tha ma dag tu 'byung ba yin par blta bar bya'o/ /'jig rten las 'das pa'i shes pa'i dang po dang/ bar ma dang/ tha ma dag ni mthong ba'i lam dang/ bsgom pa'i lam dang / slob pa'i lam mo/ /de la mthong ba'i lam gyi chos shes pa'i phyogs dang mthun pa ni 'dod pa na spyod pa'i mthong bas spang bar bya ba rnams kyi gnyen po yin no/ /rjes su rtogs pa'i shes pa'i phyogs dang mthun pa ni gzugs dang/ gzugs med pa na spyod pa'i mthong bas spang bar bya ba rnams kyi gnyen po yin no/ /gang la rjes su rtogs pa'i shes pa mngon du byed pa de thams cad shes pa des gzugs dang/ gzugs med pa'i khams dag la rtogs par byed dam zhe na/ smras pa/ des gal te sngon gzugs dang/ gzugs med pa dag thos pa dang/ bsam pa dang/ gzung bar 'gyur na ni rtogs par byed do/ /de lta ma yin na rtogs par mi byed do/ /shes pa lhag ma rnams ni lhag mthong gi phyogs dang zhi gnas kyi phyogs la chos shes pa dang rjes su rtogs pa'i shes pa'i phyogs dang mthun pa dag yin par rig par bya'o/ /de la mthong ba'i lam gyi shes pa dang po skyes na de las gzhan pa'i shes pa rnams kyi skye ba'i rkyen yongs su zin pa dang/ rgyu yongs su brtas par 'gyur zhing/ skad cig de nyid la mthong ba'i lam thams cad kyang thob par 'gyur ro/ /thob nas de'i rim gyis mngon du 'gyur bar blta bar bya ste/ mthong ba'i lam de ni myur du 'gro ba yin par rig par bya'o/ /bsgom pa'i lam ni gal te 'jig rten las 'das pa'i lam gyis 'dod chags dang bral bar bya ba'i phyir brtson par byed na ste/ de'i 'jig rten las 'das pa dag ni sbyor ba'i lam la sogs pa snga ma bzhin du blta bar bya'o/ /de la sdug bsngal la sogs pa'i bden pa dag la spros pa dang bcas pa'i 'du shes kyis spyod na ni kun rdzob shes pa 'byung la/ spros pa med pa'i 'du shes kyis spyod na ni 'jig rten las 'das pa'i shes pa 'byung ngo/ /mtshan ma dang bcas pa'i 'du shes kyis ni bden pa ji ltar mthong ba dang / ji ltar rtogs pa rnams kyi mtshan ma legs par zin par 'gyur zhing/ shes pa sna tshogs la goms shing mkhas par yang 'gyur ro/ /'jig rten pa'i skyo ba'i rnam pa dag gis sems skyo bar yang 'gyur zhing/ chos kyi longs spyod sna tshogs byas par yang 'gyur te/ de'i phyir 'phags pa'i gang zag ni 'jig rten pa'i lam gyis kyang 'dod chags dang bral bar bya ba'i phyir brtson par byed do/ /mi slob pa'i sa la 'jig rten las 'das pa'i shes pa de nyid bsgom pas spang bar bya ba'i nyon mongs pa las rnam par grol ba'i phyir shin tu rnam par dag pa dang/ 'jig rten pa'i yon tan thams cad kyi gnas dang gzhir gyur pa dang/ sa 'og ma dang/ sa gong ma pa'i yon tan thams cad la dbang sgyur bar byed pa de ni 'jig rten las 'das pa'i shes pa yin te/ de ltar 'jig rten las 'das pa'i shes pa dang po dang/ bar dang/ tha ma dag tu 'byung ba yin par blta bar bya'o/ /

【F7 得通差別】

དེ་ལ་རྫུ་འཕྲུལ་གྱི་ཡུལ་ཤེས་པ་ནི་སྦྱོར་བ་ལས་བྱུང་བ་ཡང་ཡོད། སྐྱེས་ནས་ཐོས་པ་ཡང་ཡོད་དོ། །དེ་ལ་སྦྱོར་བ་ལས་བྱུང་བ་ནི་འདི་ལྟ་སྟེ། འདིར་སྐྱེས་པའི་སོ་སོའི་སྐྱེ་བོ་རྣམས་དང༌། སློབ་པ་རྣམས་དང༌། མི་སློབ་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་བསྒོམས་པའི་འབྲས་བུ་ཡིན་ནོ། །སྐྱེས་ནས་ཐོབ་པ་ནི་གཟུགས་ཀྱི་ཁམས་སུ་སྐྱེས་པ་རྣམས་ཀྱི་སྔོན་བསྒོམས་པ་ལ་བརྟེན་ནས་ཕྱིས་སྐྱེས་ནས་ཐོབ་པ་གང་ཡིན་པ་དང༌། འདོད་པ་ན་སྤྱོད་པའི་ལྷ་རྣམས་དང༌། མི་ཁ་ཅིག་གིས་བསོད་ནམས་ཀྱི་སྟོབས་ཀྱིས་ཐོབ་པ་གང་ཡིན་པ་སྟེ། འདི་ལྟ་སྟེ། དཔེར་ན་རྒྱལ་པོ་ང་ལས་ནུའི་ལྟ་བུའོ། །རྫུ་འཕྲུལ་ནི་རིས་མཐུན་པས་བསྡུས་པའི་བྱ་རྣམས་དང༌། ཡི་དྭགས་ཁ་ཅིག་གི་ཡང་ཡིན་ནོ། །ནོར་བུ་དང༌། གསང་སྔགས་དང༌། སྨན་དག་གི་མཐུ་ཡང་འདི་ལྟ་སྟེ། གཤེད་བྱེད་དང་བྱད་སྟེམས་དང༌། རོ་ལངས་དང་རོ་ལངས་ཕྱེད་པ་ལ་སོགས་པ་ལ་རྫུ་འཕྲུལ་ཞེས་བྱའོ། །རབ་ཏུ་དབྱེ་བའི་ཚུལ་དེ་ཉིད་ཀྱིས་དེ་ལས་གཞན་པའི་མངོན་པར་ཤེས་པ་བཞི་པོ་འདི་དག་གི་མཐུ་ཡང་ཅི་རིགས་པར་རིག་པར་བྱའོ། །

de la rdzu 'phrul gyi yul shes pa ni sbyor ba las byung ba yang yod/ skyes nas thos pa yang yod do/ /de la sbyor ba las byung ba ni 'di lta ste/ 'dir skyes pa'i so so'i skye bo rnams dang/ slob pa rnams dang/ mi slob pa rnams dang / byang chub sems dpa' rnams kyi bsgoms pa'i 'bras bu yin no/ /skyes nas thob pa ni gzugs kyi khams su skyes pa rnams kyi sngon bsgoms pa la brten nas phyis skyes nas thob pa gang yin pa dang/ 'dod pa na spyod pa'i lha rnams dang/ mi kha cig gis bsod nams kyi stobs kyis thob pa gang yin pa ste/ 'di lta ste/ dper na rgyal po nga las nu'i lta bu'o/ /rdzu 'phrul ni ris mthun pas bsdus pa'i bya rnams dang/ yi dwags kha cig gi yang yin no/ /nor bu dang/ gsang sngags dang/ sman dag gi mthu yang 'di lta ste/ gshed byed dang byad stems dang/ ro langs dang ro langs phyed pa la sogs pa la rdzu 'phrul zhes bya'o/ /rab tu dbye ba'i tshul de nyid kyis de las gzhan pa'i mngon par shes pa bzhi po 'di dag gi mthu yang ci rigs par rig par bya'o/ /

【D2 明所識法】【E1 開五門】

དེ་ལ་རྣམ་པར་ཤེས་པར་བྱ་བའི་ཆོས་རྣམས་ནི་ཆོས་ཐམས་ཅད་ཡིན་པར་བལྟ་བར་བྱ་སྟེ། དེ་དག་ཀྱང་རྣམ་པར་ཤེས་པས་ཅི་རིགས་པར་རྣམ་པར་ཤེས་པར་བྱ་བ་དག་ཡིན་ནོ། །རྣམ་པར་ཤེས་པར་བྱ་བའི་ཆོས་རྣམས་རྣམ་པར་ཤེས་པར་བྱ་བའི་ཕྱིར། རྣམ་པར་ཤེས་པའི་རབ་ཏུ་དབྱེ་བ་ཡང་རྣམ་པ་ལྔས་རྣམ་པར་གཞག་སྟེ། ལྔ་གང་ཞེ་ན། གནས་དང་དམིགས་པའི་རབ་ཏུ་དབྱེ་བ་དང༌། ཡོངས་སུ་ཉམས་པ་དང་ཡོངས་སུ་མ་ཉམས་པའི་རབ་ཏུ་དབྱེ་བ་དང༌། དམན་པ་དང༌། གྱ་ནོམ་པའི་རབ་ཏུ་དབྱེ་བ་དང༌། སེམས་ལས་བྱུང་བའི་ཆོས་ཀྱི་རབ་ཏུ་དབྱེ་བ་དང༌། མི་མཐུན་པའི་ཕྱོགས་དང༌། གཉེན་པོ་དང༌། སྐྱེ་བའི་རབ་ཏུ་དབྱེ་བས་སོ། །

de la rnam par shes par bya ba'i chos rnams ni chos thams cad yin par blta bar bya ste/ de dag kyang rnam par shes pas ci rigs par rnam par shes par bya ba dag yin no/ /rnam par shes par bya ba'i chos rnams rnam par shes par bya ba'i phyir/ rnam par shes pa'i rab tu dbye ba yang rnam pa lngas rnam par gzhag ste/ lnga gang zhe na/ gnas dang dmigs pa'i rab tu dbye ba dang/ yongs su nyams pa dang yongs su ma nyams pa'i rab tu dbye ba dang/ dman pa dang/ gya nom pa'i rab tu dbye ba dang/ sems las byung ba'i chos kyi rab tu dbye ba dang/ mi mthun pa'i phyogs dang/ gnyen po dang/ skye ba'i rab tu dbye bas so/ /

【E2 依門釋】【F1 依緣差別】

དེ་ལ་གནས་དང་དམིགས་པའི་རབ་ཏུ་དབྱེ་བས་ནི་མིག་གི་རྣམ་པར་ཤེས་པ་ལ་སོགས་པ་རྣམ་པར་ཤེས་པ་དྲུག་པོ་དག་ཡིན་ཏེ། དེ་ལ་མིག་གི་རྣམ་པར་ཤེས་པས་ནི་གཟུགས་དག་རྣམ་པར་ཤེས་པར་བྱེད་དོ། །ལྷག་མ་རྣམས་ཀྱིས་ཀྱང་རང་རང་གི་ཡུལ་སོ་སོར་རྣམ་པར་ཤེས་པར་བྱེད་དོ། །ཡིད་ཀྱི་རྣམ་པར་ཤེས་པས་ནི་མིག་དང་གཟུགས་རྣམས་ནས། རྒྱས་པར་ཡིད་དང་ཆོས་རྣམས་ཀྱི་བར་ཡང་རྣམ་པར་ཤེས་པར་བྱེད་དོ། །

de la gnas dang dmigs pa'i rab tu dbye bas ni mig gi rnam par shes pa la sogs pa rnam par shes pa drug po dag yin te/ de la mig gi rnam par shes pas ni gzugs dag rnam par shes par byed do/ /lhag ma rnams kyis kyang rang rang gi yul so sor rnam par shes par byed do/ /yid kyi rnam par shes pas ni mig dang gzugs rnams nas/ rgyas par yid dang chos rnams kyi bar yang rnam par shes par byed do/ /

【F2 欣慼差別】

དེ་ལ་སྡུག་བསྔལ་གྱི་ཚོར་བ་དང་མཚུངས་པར་ལྡན་པའི་རྣམ་པར་ཤེས་པ་གང་ཡིན་པ་དེ་ནི་ཡོངས་སུ་ཉམས་པ་ཞེས་བྱ་སྟེ། དེས་ན་སྡུག་བསྔལ་དང་ཡིད་མི་བདེ་བའི་གནས་ལྟ་བུའི་ཆོས་ཡིད་དུ་མི་འོང་བ་རྣམས་རྣམ་པར་ཤེས་པར་བྱེད་དོ། །བདེ་བའི་ཚོར་བ་དང་མཚུངས་པར་ལྡན་པའི་རྣམ་པར་ཤེས་པ་གང་ཡིན་པ་དེ་ནི་ཡོངས་སུ་མ་ཉམས་པ་ཞེས་བྱ་སྟེ། དེས་ནི་བདེ་བ་དང་ཡིད་བདེ་བའི་གནས་ལྟ་བུའི་ཆོས་ཡིད་དུ་འོང་བ་རྣམས་རྣམ་པར་ཤེས་པར་བྱེད་དོ། །སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་དང་མཚུངས་པར་ལྡན་པའི་རྣམ་པར་ཤེས་པ་གང་ཡིན་པ་དེ་ནི་ཡོངས་སུ་ཉམས་པ་ཡང་མ་ཡིན་ཡོངས་སུ་མ་ཉམས་པ་ཡང་མ་ཡིན་པ་ཞེས་བྱ་སྟེ། དེས་ནི་བཏང་སྙོམས་ཀྱི་གནས་ལྟ་བུའི་ཆོས་རྣམས་རྣམ་པར་ཤེས་པར་བྱེད་དེ། དེ་ལྟར་དེ་ནི་ཡོངས་སུ་ཉམས་པ་དང༌། ཡོངས་སུ་མ་ཉམས་པའི་རབ་ཏུ་དབྱེ་བ་ཡིན་ནོ། །

de la sdug bsngal gyi tshor ba dang mtshungs par ldan pa'i rnam par shes pa gang yin pa de ni yongs su nyams pa zhes bya ste/ des na sdug bsngal dang yid mi bde ba'i gnas lta bu'i chos yid du mi 'ong ba rnams rnam par shes par byed do/ /bde ba'i tshor ba dang mtshungs par ldan pa'i rnam par shes pa gang yin pa de ni yongs su ma nyams pa zhes bya ste/ des ni bde ba dang yid bde ba'i gnas lta bu'i chos yid du 'ong ba rnams rnam par shes par byed do/ /sdug bsngal yang ma yin/ bde ba yang ma yin pa'i tshor ba dang mtshungs par ldan pa'i rnam par shes pa gang yin pa de ni yongs su nyams pa yang ma yin yongs su ma nyams pa yang ma yin pa zhes bya ste/ des ni btang snyoms kyi gnas lta bu'i chos rnams rnam par shes par byed de/ de ltar de ni yongs su nyams pa dang/ yongs su ma nyams pa'i rab tu dbye ba yin no/ /

【F3 勝劣差別】

དེ་ལ་མི་དགེ་བའི་ཆོས་རྣམས་སམ། བསྒྲིབས་པའི་ཆོས་རྣམས་དང་མཚུངས་པར་ལྡན་པའི་རྣམ་པར་ཤེས་པ་གང་ཡིན་པ་དེ་ནི་དམན་པ་ཞེས་བྱ་སྟེ། དེས་ནི་ཉོན་མོངས་པ་ཅན་གྱི་རྣམ་པར་ཤེས་པའི་སྤྱོད་ཡུལ་གྱི་ཆོས་རྣམས་རྣམ་པར་ཤེས་པར་བྱེད་དོ། །དགེ་བའི་ཆོས་རྣམས་དང་མཚུངས་པར་ལྡན་པའི་རྣམ་པར་ཤེས་པ་གང་ཡིན་པ་དེ་ནི་གྱ་ནོམ་པ་ཞེས་བྱ་སྟེ། དེས་ནི་དགེ་བ་དང་ལྡན་པའི་རྣམ་པར་ཤེས་པའི་སྤྱོད་ཡུལ་གྱི་ཆོས་རྣམས་རྣམ་པར་ཤེས་པར་བྱེད་དོ། །ལུང་དུ་མ་བསྟན་པའི་ཆོས་རྣམས་དང་མཚུངས་པར་ལྡན་པའི་རྣམ་པར་ཤེས་པ་གང་ཡིན་པ་དེ་ནི་དམན་པ་ཡང་མ་ཡིན། གྱ་ནོམ་པ་ཡང་མ་ཡིན་པ་ཞེས་བྱ་སྟེ། དེས་ཀྱང་དེའི་སྤྱོད་ཡུལ་གྱི་ཆོས་རྣམས་རྣམ་པར་ཤེས་པར་བྱེད་དེ། དེ་ལྟར་དེ་ནི་རྣམ་པར་ཤེས་པའི་དམན་པ་དང༌། གྱ་ནོམ་པའི་རབ་ཏུ་དབྱེ་བ་ཡིན་ནོ། །

de la mi dge ba'i chos rnams sam/ bsgribs pa'i chos rnams dang mtshungs par ldan pa'i rnam par shes pa gang yin pa de ni dman pa zhes bya ste/ des ni nyon mongs pa can gyi rnam par shes pa'i spyod yul gyi chos rnams rnam par shes par byed do/ /dge ba'i chos rnams dang mtshungs par ldan pa'i rnam par shes pa gang yin pa de ni gya nom pa zhes bya ste/ des ni dge ba dang ldan pa'i rnam par shes pa'i spyod yul gyi chos rnams rnam par shes par byed do/ /lung du ma bstan pa'i chos rnams dang mtshungs par ldan pa'i rnam par shes pa gang yin pa de ni dman pa yang ma yin/ gya nom pa yang ma yin pa zhes bya ste/ des kyang de'i spyod yul gyi chos rnams rnam par shes par byed de/ de ltar de ni rnam par shes pa'i dman pa dang/ gya nom pa'i rab tu dbye ba yin no/ /

【F4 心所差別】

སེམས་ཐམས་ཅད་དང་འབྱུང་བའི་སེམས་ལས་བྱུང་བ་རྣམས་དང༌། དགེ་བའི་སེམས་ཐམས་ཅད་དང་འབྱུང་བ་རྣམས་ནི་སེམས་ལས་བྱུང་བའི་ཆོས་ཀྱི་རབ་ཏུ་དབྱེ་བ་ཞེས་བྱའོ། །ལྷག་མ་ནི་འདི་ལྟ་སྟེ། ཟག་པ་དང་བཅས་པའི་ཆོས་རྣམས་ཀྱི་སྐབས་སུ་སྔར་བསྟན་པ་བཞིན་དུ་བལྟ་བར་བྱའོ། །དེ་ལ་སེམས་ཐམས་ཅད་དང་འབྱུང་བ་ནི་ལྔ་སྟེ། ཡིད་ལ་བྱེད་པ་དང༌། རེག་པ་དང༌། ཚོར་བ་དང༌། འདུ་ཤེས་དང༌། སེམས་པའོ། །དེ་དག་གི་མཚན་ཉིད་ནི་ཡིད་ཀྱི་སར་བསྟན་ཟིན་ཏོ། །དགེ་བའི་སེམས་ཐམས་ཅད་དང༌། འབྱུང་བ་ནི་བཅུ་སྟེ། འདི་ལྟ་སྟེ་ངོ་ཚ་ཤེས་པ་དང༌། ཁྲེལ་ཡོད་པ་དང༌། མ་ཆགས་པ་དང༌། ཞེ་སྡང་མེད་པ་དང༌། གཏི་མུག་མེད་པ་དང༌། དད་པ་དང༌། བརྩོན་འགྲུས་དང༌། བག་ཡོད་པ་དང༌། རྣམ་པར་མི་འཚེ་བ་དང༌། བཏང་སྙོམས་སོ། །དེ་དག་ནི་མཉམ་པར་བཞག་པའི་ས་པའི་སེམས་ལ་ཡང་འབྱུང༌། མཉམ་པར་མ་བཞག་པའི་ས་པའི་སེམས་ལ་ཡང་འབྱུང་སྟེ། མཉམ་པར་བཞག་པའི་ས་པའི་སེམས་ལ་ནི་ཤིན་ཏུ་སྦྱངས་པར་ལྷག་པར་རིག་པར་བྱའོ། །དེ་ལ་བག་ཡོད་པ་ནི་བཏགས་པའི་ཆོས་ཡིན་པར་བལྟ་བར་བྱའོ། །དེ་དག་དང་མཚུངས་པར་ལྡན་པའི་རྣམ་པར་ཤེས་པས་ནི་ཆོས་ཐམས་ཅད་རྣམ་པར་ཤེས་པར་བྱེད་དེ། དེ་ལྟར་དེ་ནི་སེམས་ལས་བྱུང་བའི་ཆོས་ལས་གྱུར་པའི་རྣམ་པར་ཤེས་པར་བྱ་བའི་ཆོས་ཀྱི་རབ་ཏུ་དབྱེ་བ་ཡིན་ནོ། །

sems thams cad dang 'byung ba'i sems las byung ba rnams dang/ dge ba'i sems thams cad dang 'byung ba rnams ni sems las byung ba'i chos kyi rab tu dbye ba zhes bya'o/ /lhag ma ni 'di lta ste/ zag pa dang bcas pa'i chos rnams kyi skabs su sngar bstan pa bzhin du blta bar bya'o/ /de la sems thams cad dang 'byung ba ni lnga ste/ yid la byed pa dang/ reg pa dang/ tshor ba dang/ 'du shes dang/ sems pa'o/ /de dag gi mtshan nyid ni yid kyi sar bstan zin to/ /dge ba'i sems thams cad dang/ 'byung ba ni bcu ste/ 'di lta ste ngo tsha shes pa dang/ khrel yod pa dang/ ma chags pa dang/ zhe sdang med pa dang/ gti mug med pa dang/ dad pa dang/ brtson 'grus dang/ bag yod pa dang/ rnam par mi 'tshe ba dang/ btang snyoms so/ /de dag ni mnyam par bzhag pa'i sa pa'i sems la yang 'byung/ mnyam par ma bzhag pa'i sa pa'i sems la yang 'byung ste/ mnyam par bzhag pa'i sa pa'i sems la ni shin tu sbyangs par lhag par rig par bya'o/ /de la bag yod pa ni btags pa'i chos yin par blta bar bya'o/ /de dag dang mtshungs par ldan pa'i rnam par shes pas ni chos thams cad rnam par shes par byed de/ de ltar de ni sems las byung ba'i chos las gyur pa'i rnam par shes par bya ba'i chos kyi rab tu dbye ba yin no/ /

【F5 障治生差別】【G1 障治別】【H1 辨障治】

དེ་ལ་མི་མཐུན་པའི་ཕྱོགས་སུ་གྱུར་པ་ནི་སེམས་བཅོ་ལྔ་སྟེ། འདོད་པ་དང་ལྡན་པའི་སྡུག་བསྔལ་དང༌། ཀུན་འབྱུང་བ་དང༌། འགོག་པ་དང༌། ལམ་མཐོང་བ་དང༌། བསྒོམ་པས་སྤང་བར་བྱ་བ་ལྔ་དང༌། འདོད་པ་དང་ལྡན་པ་ཇི་ལྟ་བ་དེ་བཞིན་དུ། གཟུགས་དང་ལྡན་པ་ལྔ་དང༌། གཟུགས་མེད་པ་དང་ལྡན་པ་ལྔའོ། །

de la mi mthun pa'i phyogs su gyur pa ni sems bco lnga ste/ 'dod pa dang ldan pa'i sdug bsngal dang/ kun 'byung ba dang/ 'gog pa dang/ lam mthong ba dang/ bsgom pas spang bar bya ba lnga dang/ 'dod pa dang ldan pa ji lta ba de bzhin du/ gzugs dang ldan pa lnga dang/ gzugs med pa dang ldan pa lnga'o/ /

【H2 辨諸心相差別】

གཉེན་པོར་གྱུར་པ་ནི་སེམས་བཅུ་དྲུག་པ་སྟེ། ཟག་པ་མེད་པ་དང༌། སློབ་པ་དང༌། མི་སློབ་པའིའོ༑ །

gnyen por gyur pa ni sems bcu drug pa ste/ zag pa med pa dang/ slob pa dang/ mi slob pa'i'o| /

【H3 總結】

མི་མཐུན་པའི་ཕྱོགས་དང་གཉེན་པོར་གྱུར་པའི་རྣམ་པར་ཤེས་པ་དེ་དག་གིས་ཀྱང་སྤྱོད་ཡུལ་ཇི་ལྟ་བའི་ཆོས་རྣམས་རྣམ་པར་ཤེས་པར་བྱེད་དོ། །

mi mthun pa'i phyogs dang gnyen por gyur pa'i rnam par shes pa de dag gis kyang spyod yul ji lta ba'i chos rnams rnam par shes par byed do/ /

【G2 解生差別】

སྐྱེ་བའི་རབ་ཏུ་དབྱེ་བ་ནི་མདོར་བསྡུ་ན་རྣམ་པ་ལྔ་སྟེ། འདོད་པར་སྐྱེ་བའི་རྒྱུ་བ་དང༌། གཟུགས་སུ་སྐྱེ་བའི་རྒྱུ་བ་དང༌། གཟུགས་མེད་པར་སྐྱེ་བའི་རྒྱུ་བ་དང༌། གང་དུ་འགྲོ་བ་དང༌། འོག་ཏུ་ཕྱིར་འོང་བའོ། །དེ་ལ་འདོད་པ་དང་ལྡན་པའི་སེམས་དགེ་བ་དང༌། ཉོན་མོངས་པ་ཅན་དང༌། མ་བསྒྲིབས་ལ་ལུང་དུ་མ་བསྟན་པ་རྣམས་ཀྱི་མཇུག་ཐོགས་སུ་འདོད་པ་དང་ལྡན་པ་ཐམས་ཅད་འབྱུང་སྟེ། དེ་ལྟར་དེ་ནི་འདོད་པར་སྐྱེ་བའི་རྒྱུ་བ་ལས་རྣམ་པར་ཤེས་པ་རྣམས་ཀྱི་སྐྱེ་བའི་རབ་ཏུ་དབྱེ་བ་ཡིན་ནོ། །འདོད་པ་དང་ལྡན་པ་རྣམས་ཇི་ལྟ་བ་བཞིན་དུ་གཟུགས་དང་ལྡན་པ་དང་གཟུགས་མེད་པ་དང་ལྡན་པའི་རང་རང་གི་ས་པའི་རྣམ་པར་ཤེས་པ་གསུམ་པོ་དག་གི་མཇུག་ཐོགས་སུ་ཡང་རང་རང་གི་ས་པའི་སེམས་གསུམ་པོ་ཐམས་ཅད་འབྱུང་ངོ༌། །སྔོན་བསམ་གཏན་དང༌། གཟུགས་མེད་པ་དག་མ་སྐྱེས་པ་སྐྱེད་པར་བྱེད་པ་ལ་ནི་འདོད་པ་ན་སྤྱོད་པའི་དགེ་བའི་སེམས་ཀྱི་མཇུག་ཐོགས་སུ་བསམ་གཏན་དང་པོའི་ས་པའི་དགེ་བའི་སེམས་འབྱུང་ཞིང༌། བསམ་གཏན་དང་པོའི་ས་པའི་དགེ་བའི་སེམས་ཀྱི་མཇུག་ཐོགས་སུ་ཡང་བསམ་གཏན་གཉིས་པའི་ས་པའི་དགེ་བའི་སེམས་འབྱུང་ལ། དེ་བཞིན་དུ་ཅི་ཡང་མེད་པའི་སྐྱེ་མཆེད་ཀྱི་ས་པའི་དགེ་བའི་སེམས་ཀྱི་མཇུག་ཐོགས་སུ་སྲིད་པའི་རྩེ་མོ་པའི་དགེ་བའི་སེམས་ཀྱི་བར་དུ་འབྱུང་བར་འགྱུར་རོ། །གཟུགས་ན་སྤྱོད་པའི་དགེ་བའི་སེམས་ཀྱི་མཇུག་ཐོགས་སུ་མི་སློབ་པའི་སེམས་ཀྱང་འབྱུང་ལ། སློབ་པའི་སེམས་ཀྱི་མཇུག་ཐོགས་སུ་མི་སློབ་པའི་སེམས་ཀྱང་འབྱུང་ངོ༌། །གལ་ཏེ་དེས་སྔོན་བསམ་གཏན་དང༌། གཟུགས་མེད་པ་དག་སྐྱེད་ན་ནི་དེ་དག་ལས་ཡོངས་སུ་ཉམས་པར་ཡང་མི་འགྱུར་ལ། དེ་འདོད་པ་ན་སྤྱོད་པའི་དགེ་བའི་སེམས་ཀྱི་མཇུག་ཐོགས་སུ་ས་གོང་མ་པ་དང༌། སློབ་པ་དང་མི་སློབ་པའི་གཞི་སེམས་གང་དང་གང་མངོན་དུ་བྱེད་པར་འདོད་པ་དེ་ལ། རྣམ་པ་དང་མཚན་མ་དག་ལེགས་པར་གཟུང་བའི་ཕྱིར་རྣམ་པར་ཤེས་པ་དེ་དང་དེ་ཉིད་སྐྱེད་པར་བྱེད་དོ། །དེ་བཞིན་དུ་ས་གོང་མ་ས་ལྷག་མ་རྣམས་ཀྱི་དགེ་བའི་སེམས་ཀྱི་མཇུག་ཐོགས་སུ་ས་གོང་མ་པའི་སེམས་དག་ཀྱང་སྐྱེ་བར་བལྟ་བར་བྱའོ། །འདོད་པ་ན་སྤྱོད་པའི་ལུང་དུ་མ་བསྟན་པའི་སེམས་ཀྱི་མཇུག་ཐོགས་སུ་ཡང་གཟུགས་ན་སྤྱོད་པའི་དགེ་བའི་སེམས་འབྱུང་སྟེ། འདི་ལྟ་སྟེ། འདོད་པ་ན་སྤྱོད་པའི་སྤྲུལ་པའི་སེམས་གཟུགས་ན་སྤྱོད་པའི་འབྲས་བུ་དང་ལྡན་པའི་མཇུག་ཐོགས་ལྟ་བུའོ། །གཟུགས་ན་སྤྱོད་པའི་དགེ་བའི་སེམས་དེའི་མཇུག་ཐོགས་སུ་ཡང་འདོད་པ་ན་སྤྱོད་པའི་ལུང་དུ་མ་བསྟན་པའི་སེམས་འབྱུང་བར་རིག་པར་བྱའོ། །དེ་ནི་འདོད་པ་ན་སྤྱོད་པ་ཉིད་ཡིན་པར་རིག་པར་བྱ་སྟེ། དེའི་གཟུགས་བརྙན་གྱི་རིགས་འདྲ་བ་ཉིད་ཀྱི་ཕྱིར་ཡིན་གྱི། ངོ་བོ་ཉིད་ལ་ནི་མ་ཡིན་པའི་ཕྱིར་རོ། །འདོད་པ་ན་སྤྱོད་པའི་སེམས་དགེ་བ་དང༌། ལུང་དུ་མ་བསྟན་པ་དང་ལྡན་པ་འདི་ནས་ཤི་འཕོས་པའི་མཇུག་ཐོགས་སུ་གོང་དུ་བསམ་གཏན་དང་པོར་སྐྱེ་བ་ནས་སྲིད་པའི་རྩེ་མོའི་བར་དུ་སྐྱེ་བ་ལ་ནི་གོང་མའི་ས་པའི་ཉོན་མོངས་པ་ཅན་གྱི་སེམས་འབྱུང་སྟེ། འདི་ལྟར་ཐམས་ཅད་དུ་ཡང་ཉོན་མོངས་པ་ཅན་གྱི་སེམས་ཀྱིས་ཉིང་མཚམས་སྦྱོར་བར་བྱེད་པའི་ཕྱིར་རོ། །དེ་ལྟར་དེ་ནི་གང་དུ་འགྲོ་བ་ལས་རྣམ་པར་ཤེས་པ་རང་གི་སྦྱོང་ཡུལ་ངེས་པ་རྣམས་ཀྱི་སྐྱེ་བའི་རབ་ཏུ་དབྱེ་བ་ཡིན་པར་བལྟ་བར་བྱའོ། །སོ་སོའི་སྐྱེ་བོ་འཇིག་རྟེན་པའི་བསམ་གཏན་དང༌། གཟུགས་མེད་པ་དག་ལས་ཡོངས་སུ་ཉམས་པ་ན་ཉོན་མོངས་པ་ཅན་གྱི་སེམས་ཀྱིས་ཡོངས་སུ་ཉམས་པར་འགྱུར་ཏེ། ས་གོང་མ་པའི་དགེ་བ་དང་ཉོན་མོངས་པ་ཅན་གྱི་སེམས་དེའི་མཇུག་ཐོགས་སུ་ས་འོག་མ་པའི་ཉོན་མོངས་པ་ཅན་གྱི་སེམས་དེ་འབྱུང་ངོ༌། །ས་གོང་མ་པ་དག་ནས་ཤི་འཕོས་ནས་ས་འོག་མ་དག་ཏུ་སྐྱེ་བ་ལ་ནི་ས་གོང་མ་པའི་དགེ་བ་དང༌། ཉོན་མོངས་པ་ཅན་དང་ལུང་དུ་མ་བསྟན་པའི་སེམས་ཐམས་ཅད་ཀྱི་མཇུག་ཐོགས་སུ་ས་འོག་མ་པའི་ཉོན་མོངས་པ་ཅན་གྱི་སེམས་ཁོ་ན་འབྱུང་སྟེ། དེ་ལྟར་དེ་ནི་འོག་ཏུ་ཕྱིར་འོང་བ་ལས་རྣམ་པར་ཤེས་པ་རྣམས་ཀྱི་སྐྱེ་བའི་རབ་ཏུ་དབྱེ་བ་ཡིན་པར་རིག་པར་བྱའོ། །དེ་ལྟར་མི་མཐུན་པའི་ཕྱོགས་དང༌། གཉེན་པོ་དང༌། སྐྱེ་བའི་རབ་ཏུ་དབྱེ་བ་ལས་རྣམ་པར་ཤེས་པས་རང་གི་སྤྱོད་ཡུལ་དུ་ངེས་པའི་ཆོས་རྣམ་པར་ཤེས་པར་བྱ་བ་རྣམས་རྣམ་པར་ཤེས་པར་བྱེད་དོ། །

skye ba'i rab tu dbye ba ni mdor bsdu na rnam pa lnga ste/ 'dod par skye ba'i rgyu ba dang/ gzugs su skye ba'i rgyu ba dang/ gzugs med par skye ba'i rgyu ba dang/ gang du 'gro ba dang/ 'og tu phyir 'ong ba'o/ /de la 'dod pa dang ldan pa'i sems dge ba dang/ nyon mongs pa can dang/ ma bsgribs la lung du ma bstan pa rnams kyi mjug thogs su 'dod pa dang ldan pa thams cad 'byung ste/ de ltar de ni 'dod par skye ba'i rgyu ba las rnam par shes pa rnams kyi skye ba'i rab tu dbye ba yin no/ /'dod pa dang ldan pa rnams ji lta ba bzhin du gzugs dang ldan pa dang gzugs med pa dang ldan pa'i rang rang gi sa pa'i rnam par shes pa gsum po dag gi mjug thogs su yang rang rang gi sa pa'i sems gsum po thams cad 'byung ngo/ /sngon bsam gtan dang/ gzugs med pa dag ma skyes pa skyed par byed pa la ni 'dod pa na spyod pa'i dge ba'i sems kyi mjug thogs su bsam gtan dang po'i sa pa'i dge ba'i sems 'byung zhing/ bsam gtan dang po'i sa pa'i dge ba'i sems kyi mjug thogs su yang bsam gtan gnyis pa'i sa pa'i dge ba'i sems 'byung la/ de bzhin du ci yang med pa'i skye mched kyi sa pa'i dge ba'i sems kyi mjug thogs su srid pa'i rtse mo pa'i dge ba'i sems kyi bar du 'byung bar 'gyur ro/ /gzugs na spyod pa'i dge ba'i sems kyi mjug thogs su mi slob pa'i sems kyang 'byung la/ slob pa'i sems kyi mjug thogs su mi slob pa'i sems kyang 'byung ngo/ /gal te des sngon bsam gtan dang/ gzugs med pa dag skyed na ni de dag las yongs su nyams par yang mi 'gyur la/ de 'dod pa na spyod pa'i dge ba'i sems kyi mjug thogs su sa gong ma pa dang/ slob pa dang mi slob pa'i gzhi sems gang dang gang mngon du byed par 'dod pa de la/ rnam pa dang mtshan ma dag legs par gzung ba'i phyir rnam par shes pa de dang de nyid skyed par byed do/ /de bzhin du sa gong ma sa lhag ma rnams kyi dge ba'i sems kyi mjug thogs su sa gong ma pa'i sems dag kyang skye bar blta bar bya'o/ /'dod pa na spyod pa'i lung du ma bstan pa'i sems kyi mjug thogs su yang gzugs na spyod pa'i dge ba'i sems 'byung ste/ 'di lta ste/ 'dod pa na spyod pa'i sprul pa'i sems gzugs na spyod pa'i 'bras bu dang ldan pa'i mjug thogs lta bu'o/ /gzugs na spyod pa'i dge ba'i sems de'i mjug thogs su yang 'dod pa na spyod pa'i lung du ma bstan pa'i sems 'byung bar rig par bya'o/ /de ni 'dod pa na spyod pa nyid yin par rig par bya ste/ de'i gzugs brnyan gyi rigs 'dra ba nyid kyi phyir yin gyi/ ngo bo nyid la ni ma yin pa'i phyir ro/ /'dod pa na spyod pa'i sems dge ba dang/ lung du ma bstan pa dang ldan pa 'di nas shi 'phos pa'i mjug thogs su gong du bsam gtan dang por skye ba nas srid pa'i rtse mo'i bar du skye ba la ni gong ma'i sa pa'i nyon mongs pa can gyi sems 'byung ste/ 'di ltar thams cad du yang nyon mongs pa can gyi sems kyis nying mtshams sbyor bar byed pa'i phyir ro/ /de ltar de ni gang du 'gro ba las rnam par shes pa rang gi sbyong yul nges pa rnams kyi skye ba'i rab tu dbye ba yin par blta bar bya'o/ /so so'i skye bo 'jig rten pa'i bsam gtan dang/ gzugs med pa dag las yongs su nyams pa na nyon mongs pa can gyi sems kyis yongs su nyams par 'gyur te/ sa gong ma pa'i dge ba dang nyon mongs pa can gyi sems de'i mjug thogs su sa 'og ma pa'i nyon mongs pa can gyi sems de 'byung ngo/ /sa gong ma pa dag nas shi 'phos nas sa 'og ma dag tu skye ba la ni sa gong ma pa'i dge ba dang/ nyon mongs pa can dang lung du ma bstan pa'i sems thams cad kyi mjug thogs su sa 'og ma pa'i nyon mongs pa can gyi sems kho na 'byung ste/ de ltar de ni 'og tu phyir 'ong ba las rnam par shes pa rnams kyi skye ba'i rab tu dbye ba yin par rig par bya'o/ /de ltar mi mthun pa'i phyogs dang/ gnyen po dang/ skye ba'i rab tu dbye ba las rnam par shes pas rang gi spyod yul du nges pa'i chos rnam par shes par bya ba rnams rnam par shes par byed do/ /

【D3 明智光明勝利】【E1 辨智光有五勝利】

ཤེས་པའི་སྣང་བ་ལ་ཕན་ཡོན་ལྔ་ཡོད་དེ། ཤེས་བྱ་ལ་ལས་མུན་པ་ཐམས་ཅད་སེལ་བར་བྱེད་པ་དང༌། འཇིག་རྟེན་པ་དང༌། འཇིག་རྟེན་ལས་འདས་པའི་ཡོན་ཏན་དག་གིས་ལུས་ལ་ཕན་འདོགས་ཤིང་ཚིམ་པར་བྱེད་པ་དང༌། དོན་མ་མཐོང་བ་སྟོན་པར་བྱེད་པ་དང༌། ཚེ་འདི་ལ་དགའ་བ་མཆོག་སྦྱིན་པར་བྱེད་པ་དང༌། ལུས་ཞིག་ནས་གོ་འཕང་མཆོག་སྦྱིན་པར་བྱེད་དོ། །

shes pa'i snang ba la phan yon lnga yod de/ shes bya la las mun pa thams cad sel bar byed pa dang/ 'jig rten pa dang/ 'jig rten las 'das pa'i yon tan dag gis lus la phan 'dogs shing tshim par byed pa dang/ don ma mthong ba ston par byed pa dang/ tshe 'di la dga' ba mchog sbyin par byed pa dang/ lus zhig nas go 'phang mchog sbyin par byed do/ /

【E2 辨智光有十五德】

ཤེས་པའི་སྣང་བའི་ཡོན་ཏན་ནི་རྣམ་པ་བཅོ་ལྔས་ཕྱི་རོལ་གྱི་སྣང་བ་ལས་ཁྱད་པར་དུ་འཕགས་པར་རིག་པར་བྱ་སྟེ། བཅོ་ལྔ་གང་ཞེ་ན། ཕྱི་རོལ་པའི་སྣང་བ་ནི་གཟུགས་ཀྱི་རང་བཞིན་ཡིན་ལ། ཤེས་པའི་སྣང་བ་ནི་ཤེས་རབ་ཀྱི་རང་བཞིན་ཡིན་པ་དང༌། ཕྱི་རོལ་པའི་སྣང་བ་ནི་ཕྱི་རོལ་གྱི་རབ་རིབ་འཇོམས་པ་ཡིན་ལ། ཤེས་པའི་སྣང་བ་ནི་ནང་གི་རབ་རིབ་འཇོམས་པ་དང༌། དེ་བཞིན་དུ་རྟག་ཏུ་དགའ་བ་མ་ཡིན་པ་དང༌། རྟག་ཏུ་དགའ་བ་དང་། སེམས་ཅན་རྣམས་ལ་ཡང་དག་པར་རབ་ཏུ་མི་འབྱེད་པ་དང༌། སེམས་ཅན་རྣམས་ལ་ཡང་དག་པར་རབ་ཏུ་འབྱེད་པ་དང༌། ཤར་ནས་ནུབ་པར་འགྱུར་བ་དང༌། ཤར་ནས་ནུབ་པར་མི་འགྱུར་བ་དང༌། གཟུགས་ཅན་དང་གཟུགས་ཅན་མ་ཡིན་པ་དང༌། རགས་པ་དང༌། ཆ་ཕྲ་བ་དང་། དགྲ་བོ་མུན་པ་ཡོད་པ་དང༌། དགྲ་བོ་མེད་པ་དང༌། གཡོ་བ་དང༌། མི་གཡོ་བ་དང༌། སེམས་ཅན་ཐམས་ཅད་ཀྱི་དོན་མི་བྱེད་པ་དང༌། སེམས་ཅན་ཐམས་ཅད་ཀྱི་དོན་བྱེད་པ་དང༌། འདྲིས་པའི་གནས་སུ་ཁྲིད་པ་དང༌། མ་འདྲིས་པའི་གནས་སུ་ཁྲིད་པ་དང༌། སྒྲིབ་པ་ཐམས་ཅད་སེལ་བར་མི་བྱེད་པ་དང༌། སྒྲིབ་པ་ཐམས་ཅད་སེལ་བར་བྱེད་པ་དང༌། ཆོད་པ་སེལ་བར་མི་བྱེད་པ་དང༌། ཆོད་པ་སེལ་བར་བྱེད་པ་དང༌། ཚད་མེད་པ་སྣང་བར་མི་བྱེད་པ་དང༌། ཚད་མེད་པ་སྣང་བར་བྱེད་པ་དང༌། མཐོང་བ་དང་མི་མཐུན་པ་དང༌། མཐོང་བ་དང་མཐུན་པས་སོ། །

shes pa'i snang ba'i yon tan ni rnam pa bco lngas phyi rol gyi snang ba las khyad par du 'phags par rig par bya ste/ bco lnga gang zhe na/ phyi rol pa'i snang ba ni gzugs kyi rang bzhin yin la/ shes pa'i snang ba ni shes rab kyi rang bzhin yin pa dang/ phyi rol pa'i snang ba ni phyi rol gyi rab rib 'joms pa yin la/ shes pa'i snang ba ni nang gi rab rib 'joms pa dang/ de bzhin du rtag tu dga' ba ma yin pa dang/ rtag tu dga' ba dang / sems can rnams la yang dag par rab tu mi 'byed pa dang/ sems can rnams la yang dag par rab tu 'byed pa dang/ shar nas nub par 'gyur ba dang/ shar nas nub par mi 'gyur ba dang/ gzugs can dang gzugs can ma yin pa dang/ rags pa dang/ cha phra ba dang / dgra bo mun pa yod pa dang/ dgra bo med pa dang/ g.yo ba dang/ mi g.yo ba dang/ sems can thams cad kyi don mi byed pa dang/ sems can thams cad kyi don byed pa dang/ 'dris pa'i gnas su khrid pa dang/ ma 'dris pa'i gnas su khrid pa dang/ sgrib pa thams cad sel bar mi byed pa dang/ sgrib pa thams cad sel bar byed pa dang/ chod pa sel bar mi byed pa dang/ chod pa sel bar byed pa dang/ tshad med pa snang bar mi byed pa dang/ tshad med pa snang bar byed pa dang/ mthong ba dang mi mthun pa dang/ mthong ba dang mthun pas so/ /

【D4 明六種三法】

དུལ་བ་ཉིད་ནི་རྣམ་པ་གསུམ་སྟེ། རྩེ་འཇིལ་བ་དང༌། རྣམ་པར་གནོན་པ་དང༌། བག་ལ་ཉལ་ཡང་དག་པར་འཇོམས་པ་ལས་སོ། །ཞི་བ་ཉིད་ཀྱང་རྣམ་པ་གསུམ་སྟེ། རྣམ་པར་རྟོག་པའི་ཀུན་དུ་འཁྲུག་པ་མེད་པ་དང༌། མཚན་མའི་ཀུན་དུ་འཁྲུག་པ་མེད་པ་དང༌། རང་གི་ངང་གིས་ནང་དུ་མངོན་པར་དགའ་བ་ལས་སོ། །ལེགས་པར་སྡོམ་པ་ཡང་རྣམ་པ་གསུམ་སྟེ། ལུས་ལེགས་པར་སྡོམ་པ་དང༌། ངག་ལེགས་པར་སྡོམ་པ་དང༌། ཡིད་ལེགས་པར་སྡོམ་པ་ལས་སོ། །བྲམ་ཟེའི་ཚུལ་ཡང་རྣམ་པ་གསུམ་སྟེ། ཞུགས་པ་བྲམ་ཟེའི་ཚུལ་དང༌། འབྲས་བུ་ལ་གནས་པ་བྲམ་ཟེའི་ཚུལ་དང༌། མཐར་ཐུག་པ་བྲམ་ཟེའི་ཚུལ་ལོ། །དགེ་སྦྱོང་གི་ཚུལ་ཡང་རྣམ་པ་གསུམ་སྟེ། ཞུགས་པ་དགེ་སྦྱོང་གི་ཚུལ་དང༌། འབྲས་བུ་ལ་གནས་པ་དགེ་སྦྱོང་གི་ཚུལ་དང༌། མཐར་ཐུག་པ་དགེ་སྦྱོང་གི་ཚུལ་ལོ། །བྲམ་ཟེ་ཡང་རྣམ་པ་གསུམ་སྟེ། མིང་བྲམ་ཟེ་དང༌། རིགས་བྲམ་ཟེ་དང༌། སྒྲུབ་པ་བྲམ་ཟེའོ། །

dul ba nyid ni rnam pa gsum ste/ rtse 'jil ba dang/ rnam par gnon pa dang/ bag la nyal yang dag par 'joms pa las so/ /zhi ba nyid kyang rnam pa gsum ste/ rnam par rtog pa'i kun du 'khrug pa med pa dang/ mtshan ma'i kun du 'khrug pa med pa dang/ rang gi ngang gis nang du mngon par dga' ba las so/ /legs par sdom pa yang rnam pa gsum ste/ lus legs par sdom pa dang/ ngag legs par sdom pa dang/ yid legs par sdom pa las so/ /bram ze'i tshul yang rnam pa gsum ste/ zhugs pa bram ze'i tshul dang/ 'bras bu la gnas pa bram ze'i tshul dang/ mthar thug pa bram ze'i tshul lo/ /dge sbyong gi tshul yang rnam pa gsum ste/ zhugs pa dge sbyong gi tshul dang/ 'bras bu la gnas pa dge sbyong gi tshul dang/ mthar thug pa dge sbyong gi tshul lo/ /bram ze yang rnam pa gsum ste/ ming bram ze dang/ rigs bram ze dang/ sgrub pa bram ze'o/ /

【D5 明尸羅壞具】【E1 明由四緣令尸羅壞】

ཚུལ་ཁྲིམས་ཉམས་པ་ནི་རྒྱུ་བཞིས་འགྱུར་ཏེ། ཉམས་པ་དེ་ཡང་ཚུལ་ཁྲིམས་ལ་བརྟེན་ནས། དགེ་བ་སྐྱེད་པར་འགྱུར་བ་གང་ཡིན་པ་དེ་མི་སྐྱེད་པ་སྟེ། ལྟུང་བ་ལྷག་མ་མ་ལུས་པར་འབྱིན་པ་དང༌། ལྷག་མ་དང་བཅས་པ་མི་འཆགས་པ་དང༌། ལྟུང་བ་བྱུང་བ་བརྗེད་པ་དང༌། ལྟུང་བ་མེད་པ་ལ་ལྟུང་བར་མངོན་པར་ཞེན་ལ་ལྟུང་བ་ལ་ལྟུང་བ་མེད་པར་མངོན་པར་ཞེན་པས་སོ། །དེ་ལས་བཟློག་པའི་རྒྱུ་བཞིས་ནི་ཚུལ་ཁྲིམས་ཕུན་སུམ་ཚོགས་པར་རིག་པར་བྱའོ། །

tshul khrims nyams pa ni rgyu bzhis 'gyur te/ nyams pa de yang tshul khrims la brten nas/ dge ba skyed par 'gyur ba gang yin pa de mi skyed pa ste/ ltung ba lhag ma ma lus par 'byin pa dang/ lhag ma dang bcas pa mi 'chags pa dang/ ltung ba byung ba brjed pa dang/ ltung ba med pa la ltung bar mngon par zhen la ltung ba la ltung ba med par mngon par zhen pas so/ /de las bzlog pa'i rgyu bzhis ni tshul khrims phun sum tshogs par rig par bya'o/ /

【E2 明具足】

ཚུལ་ཁྲིམས་ཡང་དག་པར་བླང་བ་ནི་རྒྱུ་གཉིས་ཀྱིས་རྣམ་པར་དག་པ་དང༌། ཕུན་སུམ་ཚོགས་པར་རིག་པར་བྱ་སྟེ། གྲོགས་རྣམ་པར་དག་པ་དང༌། ངོ་བོ་ཉིད་རྣམ་པར་དག་པས་སོ། །གྲོགས་རྣམ་པར་དག་པ་གང་ཞེ་ན། ལྟ་བ་རྣམ་པར་དག་པ་དང༌། ཆོ་ག་རྣམ་པར་དག་པ་དང༌། འཚོ་བ་རྣམ་པར་དག་པའོ། །ངོ་བོ་ཉིད་རྣམ་པར་དག་པ་གང་ཞེ་ན། གུས་པར་རྗེས་སུ་སློབ་པ་དང༌། མཐའ་དག་ལ་རྗེས་སུ་སློབ་པའོ། །རྣམ་གྲངས་གཞན་ཡང་ཚུལ་ཁྲིམས་ཡང་དག་པར་བླང་བ་ནི། རྒྱུ་གསུམ་གྱིས་རྣམ་པར་དག་པ་དང༌། ཕུན་སུམ་ཚོགས་པར་རིག་པར་བྱ་སྟེ། བསམ་པ་རྣམ་པར་དག་པ་དང༌། འཚོ་བ་རྣམ་པར་དག་པ་དང༌། སྒྲུབ་པ་རྣམ་པར་དག་པས་སོ། །བསམ་པ་རྣམ་པར་དག་པ་གང་ཞེ་ན། ཐར་པའི་ཕྱིར་ཚངས་པར་སྤྱད་པ་སྤྱོད་པར་བྱེད་ཀྱི། མཐོ་རིས་ཀྱི་ཕྱིར་ཡང་མ་ཡིན་པའོ། །འཚོ་བ་རྣམ་པར་དག་པ་གང་ཞེ་ན། ཚུལ་དང་མཐུན་པར་ཡོངས་སུ་ཚོལ་བར་བྱེད་དེ། ཇི་ལྟར་ཡོངས་སུ་བཙལ་བར་བྱ་བ་དང༌། གང་ནས་ཡོངས་སུ་བཙལ་བར་བྱ་བ་དེ་ལྟར་དེ་ནས་ཡོངས་སུ་བཙལ་ཏེ། འཚོ་བར་བྱེད་པ་གང་ཡིན་པའོ། །དེ་ལ་ཇི་ལྟར་ཡོངས་སུ་བཙལ་བར་བྱ་ཞེ་ན། ཚུལ་འཆོས་པས་ཡོངས་སུ་ཚོལ་བར་མི་བྱེད་པ་དང༌། ཁ་གསག་གིས་མི་བྱེད་པ་དང༌། གཞོགས་སློང་གིས་མི་བྱེད་པ་དང༌། ཐོབ་ཀྱིས་འཇལ་གྱིས་མི་བྱེད་པ་དང༌། རྙེད་པས་རྙེད་པར་བྱེད་འདོད་པས་ཡོངས་སུ་ཚོལ་བར་མི་བྱེད་པ་དེ་ལྟར་ཡོངས་སུ་བཙལ་བར་བྱའོ། །གང་ནས་ཡོངས་སུ་བཙལ་བར་བྱ་ཞེ་ན། སྤྱོད་ཡུལ་མ་ཡིན་པ་ལྔ་མ་གཏོགས་པ་ནས་ཡོངས་སུ་བཙལ་བར་བྱའོ། །སྒྲུབ་པ་རྣམ་པར་དག་པ་གང་ཞེ་ན། ལྟུང་བའི་འབྲས་བུ་མི་འདོད་པ་ལ་མངོན་པར་ཡིད་ཆེས་པས་རྒྱུ་གང་ཡང་རུང་གནས་ཀྱང་རུང་སྟེ། བསམས་བཞིན་དུ་ལྟུང་བ་མི་འབྱིན་པ་དང༌། བྱུང་ན་ཡང་གཞན་ལས་ཕྱིན་ཆད་སྡོམ་པ་ཡང་དག་པར་ལེན་པ་དང༌། ཆོས་བཞིན་དུ་ཕྱིར་བྱེད་པའོ། །

tshul khrims yang dag par blang ba ni rgyu gnyis kyis rnam par dag pa dang/ phun sum tshogs par rig par bya ste/ grogs rnam par dag pa dang/ ngo bo nyid rnam par dag pas so/ /grogs rnam par dag pa gang zhe na/ lta ba rnam par dag pa dang/ cho ga rnam par dag pa dang/ 'tsho ba rnam par dag pa'o/ /ngo bo nyid rnam par dag pa gang zhe na/ gus par rjes su slob pa dang/ mtha' dag la rjes su slob pa'o/ /rnam grangs gzhan yang tshul khrims yang dag par blang ba ni/ rgyu gsum gyis rnam par dag pa dang/ phun sum tshogs par rig par bya ste/ bsam pa rnam par dag pa dang/ 'tsho ba rnam par dag pa dang/ sgrub pa rnam par dag pas so/ /bsam pa rnam par dag pa gang zhe na/ thar pa'i phyir tshangs par spyad pa spyod par byed kyi/ mtho ris kyi phyir yang ma yin pa'o/ /'tsho ba rnam par dag pa gang zhe na/ tshul dang mthun par yongs su tshol bar byed de/ ji ltar yongs su btsal bar bya ba dang/ gang nas yongs su btsal bar bya ba de ltar de nas yongs su btsal te/ 'tsho bar byed pa gang yin pa'o/ /de la ji ltar yongs su btsal bar bya zhe na/ tshul 'chos pas yongs su tshol bar mi byed pa dang/ kha gsag gis mi byed pa dang/ gzhogs slong gis mi byed pa dang/ thob kyis 'jal gyis mi byed pa dang/ rnyed pas rnyed par byed 'dod pas yongs su tshol bar mi byed pa de ltar yongs su btsal bar bya'o/ /gang nas yongs su btsal bar bya zhe na/ spyod yul ma yin pa lnga ma gtogs pa nas yongs su btsal bar bya'o/ /sgrub pa rnam par dag pa gang zhe na/ ltung ba'i 'bras bu mi 'dod pa la mngon par yid ches pas rgyu gang yang rung gnas kyang rung ste/ bsams bzhin du ltung ba mi 'byin pa dang/ byung na yang gzhan las phyin chad sdom pa yang dag par len pa dang/ chos bzhin du phyir byed pa'o/ /

【D6 明密護根門】

དགེ་སློང་དབང་པོ་རྣམས་ཀྱི་སྒོ་བསྡམ་པ་ཉིད་ལ་བརྩོན་པས་དྲན་པའི་སྐྱོན་རྣམ་པ་བཞི་དང༌། ཚུལ་བཞིན་མ་ཡིན་པ་ཡིད་ལ་བྱེད་པ་རྣམ་པ་བཞི་ཡོངས་སུ་ཤེས་པར་བྱ་སྟེ། དྲན་པའི་སྐྱོན་རྣམ་པ་བཞི་གང་ཞེ་ན། དྲན་པ་མེད་པ་དང༌། དྲན་པ་མཐུ་ཆུང་བ་དང༌། བརྗེད་ངས་པ་དང༌། དྲན་པ་འཁྲུལ་པའོ། །དེ་ལ་དྲན་པ་མེད་པ་ནི་དབང་པོ་རྣམས་ཀྱི་སྒོ་བསྡམ་པ་ཉིད་ལས་བརྩམས་ནས་ཆོས་མ་མཉན་པ་དང༌། མ་བཟུང་བ་དང༌། མ་བརྟགས་པའོ། །དེ་ལ་དྲན་པ་མཐུ་ཆུང་བ་ནི་ཐོས་པ་དང༌། བཟུང་བ་དང༌། བརྟགས་སུ་ཟིན་ཀྱང༌། རྟག་ཏུ་བྱེད་པ་དང༌། གུས་པར་བྱེད་པའི་སྦྱོར་བས་ཀུན་དུ་མ་བརྟེན་ཅིང༌། གོམས་པར་མ་བྱས། ལན་མང་དུ་མ་བྱས་པའོ། །དེ་ལ་བརྗེད་ངས་པ་ནི་འདི་ལྟ་སྟེ། ཀུན་དུ་བརྟེན་ཅིང་གོམས་པར་བྱས། ལན་མང་དུ་བྱས་ཀྱང༌། བརྒྱ་ལ་བརྒྱ་ལམ་ན་ཤེས་བཞིན་མེད་པར་སྤྱོད་པར་འགྱུར་བའོ། །དེ་ལ་དྲན་པ་འཁྲུལ་པ་ནི་འདི་ལྟ་སྟེ། ཀུན་ནས་ཉོན་མོངས་པ་མ་ཡིན་པ་ལ་ཀུན་ནས་ཉོན་མོངས་པར་འདུ་ཤེས་པ་དང༌། ཀུན་ནས་ཉོན་མོངས་པ་ལ་ཀུན་ནས་ཉོན་མོངས་པ་མ་ཡིན་པར་འདུ་ཤེས་པའོ། །ཚུལ་བཞིན་མ་ཡིན་པ་ཡིད་ལ་བྱེད་པ་རྣམ་པ་བཞི་གང་ཞེ་ན། ཉོན་མོངས་པ་སྐྱེ་བའི་རྒྱུ་མཚན་དང༌། ཀུན་ནས་ཉོན་མོངས་པ་སྐྱེ་བ་དང་མཚུངས་པར་ལྡན་པ་དང༌། འཛེམ་པ་ཉམས་པ་དང༌། ལྟུང་བ་དང་འཁྲུལ་པ་ཀུན་ནས་སློང་བར་བྱེད་པའོ། །དེ་ལ་ཉོན་མོངས་པ་སྐྱེ་བའི་རྒྱུ་མཚན་ནི་འདི་ལྟ་སྟེ། མཚན་མར་འཛིན་པ་དང༌། མངོན་རྟགས་སུ་འཛིན་པའི་གཞི་དེ་ལས་དེའི་སེམས་ཀྱི་རྗེས་སུ་སྡིག་པ་མི་དགེ་བའི་ཆོས་རྣམས་ཟག་པར་འགྱུར་བའོ། །དེ་ལ་ཀུན་ནས་ཉོན་མོངས་པ་སྐྱེ་བ་དང་མཚུངས་པར་ལྡན་པ་ནི་སྡིག་པ་མི་དགེ་བའི་ཆོས་དེ་དག་ཉིད་དང༌། ཀུན་དུ་སྤྱོད་པ་ལས་ལྡན་པ་གང་ཡིན་པའོ། །དེ་ལ་འཛེམ་པ་ཉམས་པ་ནི་འདི་ལྟ་སྟེ། བཟློག་པར་བྱ་བས་ཟློག་པར་མི་བྱེད་པ་སྟེ། སྡིག་པ་མི་དགེ་བའི་ཆོས་དེ་དག་ཉིད་ཀུན་དུ་སྤྱོད་པས་མི་བཟློགས་པའོ། །དེ་ལ་ལྟུང་བ་དང་འཁྲུལ་པ་ཀུན་ནས་སློང་བར་བྱེད་པ་ནི་འདི་ལྟ་སྟེ། འཛེམ་པ་མེད་པའི་གཞིའི་རྒྱུས་ལྟུང་བ་འབྱིན་པར་བྱེད་པ་དང་བསླབ་པ་འདུལ་བར་སེམས་པའོ། །

dge slong dbang po rnams kyi sgo bsdam pa nyid la brtson pas dran pa'i skyon rnam pa bzhi dang/ tshul bzhin ma yin pa yid la byed pa rnam pa bzhi yongs su shes par bya ste/ dran pa'i skyon rnam pa bzhi gang zhe na/ dran pa med pa dang/ dran pa mthu chung ba dang/ brjed ngas pa dang/ dran pa 'khrul pa'o/ /de la dran pa med pa ni dbang po rnams kyi sgo bsdam pa nyid las brtsams nas chos ma mnyan pa dang/ ma bzung ba dang/ ma brtags pa'o/ /de la dran pa mthu chung ba ni thos pa dang/ bzung ba dang/ brtags su zin kyang/ rtag tu byed pa dang/ gus par byed pa'i sbyor bas kun du ma brten cing/ goms par ma byas/ lan mang du ma byas pa'o/ /de la brjed ngas pa ni 'di lta ste/ kun du brten cing goms par byas/ lan mang du byas kyang/ brgya la brgya lam na shes bzhin med par spyod par 'gyur ba'o/ /de la dran pa 'khrul pa ni 'di lta ste/ kun nas nyon mongs pa ma yin pa la kun nas nyon mongs par 'du shes pa dang/ kun nas nyon mongs pa la kun nas nyon mongs pa ma yin par 'du shes pa'o/ /tshul bzhin ma yin pa yid la byed pa rnam pa bzhi gang zhe na/ nyon mongs pa skye ba'i rgyu mtshan dang/ kun nas nyon mongs pa skye ba dang mtshungs par ldan pa dang/ 'dzem pa nyams pa dang/ ltung ba dang 'khrul pa kun nas slong bar byed pa'o/ /de la nyon mongs pa skye ba'i rgyu mtshan ni 'di lta ste/ mtshan mar 'dzin pa dang/ mngon rtags su 'dzin pa'i gzhi de las de'i sems kyi rjes su sdig pa mi dge ba'i chos rnams zag par 'gyur ba'o/ /de la kun nas nyon mongs pa skye ba dang mtshungs par ldan pa ni sdig pa mi dge ba'i chos de dag nyid dang/ kun du spyod pa las ldan pa gang yin pa'o/ /de la 'dzem pa nyams pa ni 'di lta ste/ bzlog par bya bas zlog par mi byed pa ste/ sdig pa mi dge ba'i chos de dag nyid kun du spyod pas mi bzlogs pa'o/ /de la ltung ba dang 'khrul pa kun nas slong bar byed pa ni 'di lta ste/ 'dzem pa med pa'i gzhi'i rgyus ltung ba 'byin par byed pa dang bslab pa 'dul bar sems pa'o/ /

【D7 明於食知量斷除八處】

ཟས་ཀྱི་ཚོད་རིག་པ་ཉིད་ལ་བརྩོན་པའི་ཟས་ཀྱི་ཚོད་རིག་པ་ཉིད་ནི་གནས་བརྒྱད་སྤངས་པས་ཕུན་སུམ་ཚོགས་པ་ཡིན་ཏེ། བརྒྱད་གང་ཞེ་ན། ཟས་ལ་ལྷག་པར་ཆགས་པ་དང༌། ལུས་ལ་ལྷག་པར་ཆགས་པ་དང༌། སྲོག་གི་དབང་པོ་འགག་པ་དང༌། བཀྲེས་ཤིང་ཉམ་ཆུང་བ་དང༌། ལུས་ལྕི་བ་དང༌། ནད་མེད་པ་མ་ཡིན་པ་དང༌། འཚོ་བ་ཡོངས་སུ་མ་དག་པ་དང༌། བྱ་བ་མང་པོ་ལ་རྣམ་པར་གཡེང་བ་ཉིད་དོ། །

zas kyi tshod rig pa nyid la brtson pa'i zas kyi tshod rig pa nyid ni gnas brgyad spangs pas phun sum tshogs pa yin te/ brgyad gang zhe na/ zas la lhag par chags pa dang/ lus la lhag par chags pa dang/ srog gi dbang po 'gag pa dang/ bkres shing nyam chung ba dang/ lus lci ba dang/ nad med pa ma yin pa dang/ 'tsho ba yongs su ma dag pa dang/ bya ba mang po la rnam par g.yeng ba nyid do/ /

【D8 明覺悟瑜伽】

མི་ཉལ་བར་སྦྱོར་བའི་རྗེས་སུ་བརྩོན་པ་ནི་མི་ཉལ་བར་སྤྱོར་བའི་རྗེས་སུ་བརྩོན་པ་ཡང་གནས་བརྒྱད་སྤངས་པས་ཕུན་སུམ་ཚོགས་པ་ཡིན་ཏེ། བརྒྱད་གང་ཞེ་ན། སྤྱོད་ལམ་གྱིས་ལུས་ངལ་བ་ཉིད་དང༌། གཉིད་དང་གློས་འབེབས་པ་དང་ཉལ་བའི་བདེ་བའི་རོ་མྱང་བ་དང༌། ཀུན་ནས་ཉོན་མོངས་པའི་རྒྱུ་མཚན་གྱི་རྗེས་སུ་འབྲང་བ་དང༌། ཀུན་ནས་ཉོན་མོངས་པའི་གཉེན་པོ་བསྒོམ་པ་ལ་མི་བརྩོན་པ་དང༌། དུས་མ་ཡིན་པར་མི་ཉལ་བ་དང༌། དོན་མེད་པར་མི་ཉལ་བ་དང༌། དུས་མ་ཡིན་པར་ཉལ་བ་དང༌། དོན་མེད་པར་ཉལ་བའོ། །

mi nyal bar sbyor ba'i rjes su brtson pa ni mi nyal bar spyor ba'i rjes su brtson pa yang gnas brgyad spangs pas phun sum tshogs pa yin te/ brgyad gang zhe na/ spyod lam gyis lus ngal ba nyid dang/ gnyid dang glos 'bebs pa dang nyal ba'i bde ba'i ro myang ba dang/ kun nas nyon mongs pa'i rgyu mtshan gyi rjes su 'brang ba dang/ kun nas nyon mongs pa'i gnyen po bsgom pa la mi brtson pa dang/ dus ma yin par mi nyal ba dang/ don med par mi nyal ba dang/ dus ma yin par nyal ba dang/ don med par nyal ba'o/ /

【D9 明六出離】

མངོན་པར་འབྱུང་བའི་ས་ནི་མངོན་པར་འབྱུང་བ་རྣམ་པ་དྲུག་གི་དབང་དུ་བྱས་ནས། རྣམ་པར་གཞག་པར་རིག་པར་བྱའོ། །མི་མཐུན་པ་ལས་མངོན་པར་འབྱུང་བ་དང༌། མེད་པ་ལས་མངོན་པར་འབྱུང་བ་དང༌། ཁྱིམ་ནས་མངོན་པར་འབྱུང་བ་དང༌། མ་རྫོགས་པ་ལས་མངོན་པར་འབྱུང་བ་དང༌། ས་འོག་མ་པ་ལས་མངོན་པར་འབྱུང་བ་དང༌། འཇིག་ཚོགས་ལས་མངོན་པར་འབྱུང་བའོ། །དེ་ལ་ལུས་ཀྱི་མི་མཐུན་པ་ནི་རྣམ་པ་ལྔར་རིག་པར་བྱ་སྟེ། འགྲོ་བ་དང་མི་མཐུན་པ་དང༌། སྐྱེ་བ་དང་མི་མཐུན་པ་དང༌། བརྩོན་འགྲུས་རྩོམ་པ་དང་མི་མཐུན་པ་དང༌། སྒྲིབ་པ་མེད་པ་དང་མི་མཐུན་པ་དང༌། འདོད་པ་དང་མི་མཐུན་པའོ། །རྐྱེན་མེད་པ་ནི་རྣམ་པ་བཞི་སྟེ། བཤེས་གཉེན་མེད་པ་དང༌། མཉན་པ་མེད་པ་དང༌། ལུང་དང༌། རྟོགས་པ་ནུབ་པའི་ཕྱིར་ནུབ་པས་མེད་པ་དང༌། སྦྱིན་བདག་དང༌། མལ་ཆ་དང་སྟན་མེད་པའོ། །

mngon par 'byung ba'i sa ni mngon par 'byung ba rnam pa drug gi dbang du byas nas/ rnam par gzhag par rig par bya'o/ /mi mthun pa las mngon par 'byung ba dang/ med pa las mngon par 'byung ba dang/ khyim nas mngon par 'byung ba dang/ ma rdzogs pa las mngon par 'byung ba dang/ sa 'og ma pa las mngon par 'byung ba dang/ 'jig tshogs las mngon par 'byung ba'o/ /de la lus kyi mi mthun pa ni rnam pa lngar rig par bya ste/ 'gro ba dang mi mthun pa dang/ skye ba dang mi mthun pa dang/ brtson 'grus rtsom pa dang mi mthun pa dang/ sgrib pa med pa dang mi mthun pa dang/ 'dod pa dang mi mthun pa'o/ /rkyen med pa ni rnam pa bzhi ste/ bshes gnyen med pa dang/ mnyan pa med pa dang/ lung dang/ rtogs pa nub pa'i phyir nub pas med pa dang/ sbyin bdag dang/ mal cha dang stan med pa'o/ /

【D10 明由四力生善法欲】

དགེ་བའི་ཆོས་ལ་འདུན་པ་ནི་སྟོབས་བཞིས་རིག་པར་བྱ་སྟེ། རྐྱེན་གྱི་སྟོབས་དང༌། རྒྱུའི་སྟོབས་དང༌། ཤེས་པའི་སྟོབས་དང༌། སྒྲུབ་པའི་སྟོབས་ཀྱིས་སོ། །

dge ba'i chos la 'dun pa ni stobs bzhis rig par bya ste/ rkyen gyi stobs dang/ rgyu'i stobs dang/ shes pa'i stobs dang/ sgrub pa'i stobs kyis so/ /

【D11 明出家圓滿】

ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་ནི་ཕུན་སུམ་ཚོགས་པ་བཞིས་ཕུན་སུམ་ཚོགས་པར་རིག་པར་བྱ་སྟེ། ཀུན་ནས་ཉོན་མོངས་པ་མེད་ཅིང་ཡོངས་སུ་ཉོན་མོངས་པ་དང་མི་མཐུན་པའི་ཕྱིར་རྟགས་ཕུན་སུམ་ཚོགས་པ་དང༌། སངས་རྒྱས་ཀྱིས་གསུངས་པའི་བསྒྲུབ་པ་རྗེས་སུ་བསྒྲུབ་པའི་ཕྱིར་ལས་ཕུན་སུམ་ཚོགས་པ་དང༌། བསམ་པ་ཕུན་སུམ་ཚོགས་པ་དང༌། འགྲོགས་པ་ཕུན་སུམ་ཚོགས་པའོ། །

legs par gsungs pa'i chos 'dul ba la rab tu 'byung ba ni phun sum tshogs pa bzhis phun sum tshogs par rig par bya ste/ kun nas nyon mongs pa med cing yongs su nyon mongs pa dang mi mthun pa'i phyir rtags phun sum tshogs pa dang/ sangs rgyas kyis gsungs pa'i bsgrub pa rjes su bsgrub pa'i phyir las phun sum tshogs pa dang/ bsam pa phun sum tshogs pa dang/ 'grogs pa phun sum tshogs pa'o/ /

【D12 明尸羅圓滿】

ཚུལ་ཁྲིམས་ཀྱི་སྡོམ་པ་ཡང་རྒྱུ་ལྔས་ཕུན་སུམ་ཚོགས་པར་རིག་པར་བྱ་སྟེ། ལོག་པར་མི་ལྟུང་བ་དང༌། ངེས་པར་འབྱིན་པ་དང༌། མི་ཁྲོ་བ་དང༌། སྐྱོན་མེད་པ་དང༌། ཆོག་མི་ཤེས་པས་སོ། །

tshul khrims kyi sdom pa yang rgyu lngas phun sum tshogs par rig par bya ste/ log par mi ltung ba dang/ nges par 'byin pa dang/ mi khro ba dang/ skyon med pa dang/ chog mi shes pas so/ /

【D13 明二力、四根律儀】

གཉེན་པོ་རྣམ་པ་གཉིས་ལ་བརྟེན་ནས། དབང་པོ་སྡོམ་པ་རྣམ་པ་བཞི་འབྱུང་བར་རིག་པར་བྱ་སྟེ། གཉེན་པོ་རྣམ་པ་གཉིས་གང་ཞེ་ན། སོ་སོར་རྟོགས་པའི་སྟོབས་དང༌། བསྒོམས་པའི་སྟོབས་སོ། །དབང་པོ་སྡོམ་པ་རྣམ་པ་བཞི་གང་ཞེ་ན། ཡུལ་སྡོམ་པ་དང༌། ཀུན་ནས་ཉོན་མོངས་པ་སྡོམ་པ་དང༌། ཀུན་ནས་དཀྲིས་པ་སྡོམ་པ་དང༌། བག་ལ་ཉལ་སྡོམ་པའོ། །དེ་ལ་ཡུལ་སྡོམ་པ་ནི་ནང་དུ་ཡང་དག་འཇོག་ལ་བརྩོན་པར་དྲན་པས་ཡིད་ཀུན་དུ་བསྲུངས་བ་ཉིད་ཡིན་ཏེ། ཡུལ་རྣམས་ལ་མི་འཕྲོ་བའི་ཕྱིར་རོ། །ཀུན་ནས་ཉོན་མོངས་པ་སྡོམ་པ་ནི་རྒྱུ་བར་གྱུར་པ་གནས་སྐབས་མཉམ་པར་སྤྱོད་པ་ཉིད་ཡིན་ཏེ། ཡུལ་རྣམ་ལ་བརྣབ་སེམས་དང༌། ཡིད་མི་བདེ་བ་ཡོངས་སུ་སྤངས་པའི་ཕྱིར་རོ། །དེ་ཉིད་ཀྱི་རྣམ་པར་དབྱེ་བ་ནི། མཚན་མར་མི་འཛིན་པ་ནས། དེའི་སེམས་ཀྱི་རྗེས་སུ་སྡིག་པ་མི་དགེ་བའི་ཆོས་རྣམས་ཟག་པར་མི་འགྱུར་བའི་བར་དང༌། མཚན་མར་བཟུང་བ་ལ་རྗེས་སུ་རྟོགས་པས། དེའི་ཚེ་མངོན་རྟགས་སུ་འཛིན་པ་དེ་དག་བསྡམ་པའི་ཕྱིར་སྒྲུབ་པར་བྱེད་ཅེས་བྱ་བ་ཡིན་ནོ། །ཀུན་ནས་དཀྲིས་པ་སྡོམ་པ་ནི་བསྒོམ་པའི་སྟོབས་ཀྱིས་མིག་གི་དབང་པོ་སྲུང་བར་བྱེད་ཅེས་བྱ་བ་ཡིན་ནོ། །བག་ལ་ཉལ་སྡོམ་པ་ནི་མིག་གི་དབང་པོས་སྡོམ་པ་སྒྲུབ་པར་བྱེད་ཅེས་བྱ་བ་ཡིན་ནོ། །

gnyen po rnam pa gnyis la brten nas/ dbang po sdom pa rnam pa bzhi 'byung bar rig par bya ste/ gnyen po rnam pa gnyis gang zhe na/ so sor rtogs pa'i stobs dang/ bsgoms pa'i stobs so/ /dbang po sdom pa rnam pa bzhi gang zhe na/ yul sdom pa dang/ kun nas nyon mongs pa sdom pa dang/ kun nas dkris pa sdom pa dang/ bag la nyal sdom pa'o/ /de la yul sdom pa ni nang du yang dag 'jog la brtson par dran pas yid kun du bsrungs ba nyid yin te/ yul rnams la mi 'phro ba'i phyir ro/ /kun nas nyon mongs pa sdom pa ni rgyu bar gyur pa gnas skabs mnyam par spyod pa nyid yin te/ yul rnam la brnab sems dang/ yid mi bde ba yongs su spangs pa'i phyir ro/ /de nyid kyi rnam par dbye ba ni/ mtshan mar mi 'dzin pa nas/ de'i sems kyi rjes su sdig pa mi dge ba'i chos rnams zag par mi 'gyur ba'i bar dang/ mtshan mar bzung ba la rjes su rtogs pas/ de'i tshe mngon rtags su 'dzin pa de dag bsdam pa'i phyir sgrub par byed ces bya ba yin no/ /kun nas dkris pa sdom pa ni bsgom pa'i stobs kyis mig gi dbang po srung bar byed ces bya ba yin no/ /bag la nyal sdom pa ni mig gi dbang pos sdom pa sgrub par byed ces bya ba yin no/ /

【D14 明於食知量圓滿】

ཟས་ཀྱི་ཚོད་རིག་པ་ཉིད་ཀྱང་རྒྱུ་ལྔས་ཕུན་སུམ་ཚོགས་པར་རིག་པར་བྱ་སྟེ། གཉེན་པོ་ལ་བརྟེན་པ་དང༌། མི་མཐུན་པའི་ཕྱོགས་སྤོང་བ་དང༌། རང་གི་ལས་བྱེད་པ་དང༌། གཏོགས་པ་དང༌། དེ་རྣམ་པར་འབྱེད་པས་སོ། །ཚོར་བ་ཉིད་རྣམས་ནི་བཀྲེས་པས་ཀུན་ནས་བསླང་བའམ། ཟས་ཀྱིས་ཀུན་ནས་བསླང་བའི་སྡུག་བསྔལ་གྱི་ཚོར་བའོ། །འཚོ་བ་ནི་ཚངས་པར་སྤྱོད་པ་འཕེལ་བའོ། །སྟོབས་ནི་མི་མཐུན་པའི་ཕྱོགས་འཇོམས་པར་ནུས་པའོ། །བདེ་བ་ནི་ཚེ་འདི་ལ་བདེ་བར་གནས་པའོ། །ཁ་ན་མ་ཐོ་བ་མེད་པ་ནི་ཡོན་ཡོངས་སུ་སྦྱོང་བའོ། །བདེ་བ་ལ་རེག་པར་གནས་པ་ནི་ཉོན་མོངས་པ་དང་སྡུག་བསྔལ་སྤོང་བ་མངོན་དུ་བྱེད་པའོ། །མི་ཉལ་བ་ནི་རྟག་ཏུ་བྱེད་པ་དང༌། གུས་པར་བྱེད་པའི་སྦྱོར་བ་དག་གིས་བརྩོན་འགྲུས་བརྩམས་པ་ཉིད་ཀྱིས་ཕུན་སུམ་ཚོགས་པར་རིག་པར་བྱའོ། །དེ་ལ་གུས་པར་བྱེད་པའི་སྦྱོར་བ་ནི་འཆག་པ་དང༌། འདུག་པའི་དུས་ན་དེའི་རྗེས་སུ་བསྒྲུབ་པ་ལས་རིག་པར་བྱ་སྟེ། འདུག་པའི་དུས་ན་ནི་སྒྲིབ་པ་དང་པོ་དང༌། གཉིས་པ་དང༌། བཞི་པ་དག་ལའོ། །འཆག་པའི་དུས་ན་ནི་གསུམ་པ་ལའོ། །གཉིས་ཀའི་དུས་ན་ནི་ལྔ་པ་ལའོ། །རྟག་ཏུ་བྱེད་པའི་སྦྱོར་བ་ནི་ཉིན་མོ་དང༌། མཚན་མོ་ཐུན་གཉིས་ལ་མི་ཉལ་བའི་ཕྱིར་དང༌། གུང་ཐུན་ལ་སྲོག་ཆགས་སེང་གེ་དང༌། ཆོས་མཐུན་པས་ལེགས་པར་ཉལ་བའི་ཕྱིར་རོ། །ཡུན་རིང་བ་དང༌། ལྷུན་སྟུག་པ་དང༌། བརྗེད་ངས་པ་དང༌། རྒྱུན་ཆགས་པའི་གཉིད་སྤང་བའི་ཕྱིར་རྐང་པའི་སྟེང་དུ་རྐང་པ་གཞག་པ་ནས། ལྡང་བའི་འདུ་ཤེས་ཡིད་ལ་བྱེད་པའི་བར་དུ་རིག་པར་བྱའོ། །

zas kyi tshod rig pa nyid kyang rgyu lngas phun sum tshogs par rig par bya ste/ gnyen po la brten pa dang/ mi mthun pa'i phyogs spong ba dang/ rang gi las byed pa dang/ gtogs pa dang/ de rnam par 'byed pas so/ /tshor ba nyid rnams ni bkres pas kun nas bslang ba'am/ zas kyis kun nas bslang ba'i sdug bsngal gyi tshor ba'o/ /'tsho ba ni tshangs par spyod pa 'phel ba'o/ /stobs ni mi mthun pa'i phyogs 'joms par nus pa'o/ /bde ba ni tshe 'di la bde bar gnas pa'o/ /kha na ma tho ba med pa ni yon yongs su sbyong ba'o/ /bde ba la reg par gnas pa ni nyon mongs pa dang sdug bsngal spong ba mngon du byed pa'o/ /mi nyal ba ni rtag tu byed pa dang/ gus par byed pa'i sbyor ba dag gis brtson 'grus brtsams pa nyid kyis phun sum tshogs par rig par bya'o/ /de la gus par byed pa'i sbyor ba ni 'chag pa dang/ 'dug pa'i dus na de'i rjes su bsgrub pa las rig par bya ste/ 'dug pa'i dus na ni sgrib pa dang po dang/ gnyis pa dang/ bzhi pa dag la'o/ /'chag pa'i dus na ni gsum pa la'o/ /gnyis ka'i dus na ni lnga pa la'o/ /rtag tu byed pa'i sbyor ba ni nyin mo dang/ mtshan mo thun gnyis la mi nyal ba'i phyir dang/ gung thun la srog chags seng ge dang/ chos mthun pas legs par nyal ba'i phyir ro/ /yun ring ba dang/ lhun stug pa dang/ brjed ngas pa dang/ rgyun chags pa'i gnyid spang ba'i phyir rkang pa'i steng du rkang pa gzhag pa nas/ ldang ba'i 'du shes yid la byed pa'i bar du rig par bya'o/ /

【D15 明正知而住】

ཤེས་བཞིན་དུ་སྤྱོད་པ་ཉིད་ནི་གནས་ལྔ་ལ་ཚོད་རན་པ་ཉིད་ཀྱི་དབང་དུ་བྱས་ནས། ཕུན་སུམ་ཚོགས་པར་རིག་པར་བྱ་སྟེ། ལྔ་གང་ཞེ་ན། འགྲོ་བ་དང༌། བལྟ་བ་དང༌། རྙེད་པ་དང་བཀུར་སྟི་བདག་གིར་བྱ་བ་དང༌། ཡོ་བྱད་ལ་ལོངས་སྤྱོད་པ་དང༌། དགེ་བའི་ཕྱོགས་ལ་སྦྱོར་བའོ། །དང་པོས་ནི་སྤྱོད་ཡུལ་མ་ཡིན་པར་ཡེ་མི་འགྲོ་བ་དང་། སྤྱོད་ཡུལ་དུ་ཡང་ཤིན་ཏུ་ནམ་སྲོས་ནས་ལྡོག་པར་མི་བྱེད་དོ། །གཉིས་པས་ནི་བློ་སྔོན་དུ་མ་བཏང་བའི་ལྟ་བ་ལ་ནི་དབང་པོ་ཕྱིར་རློན་པར་བྱེད་ལ། བློ་སྔོན་དུ་བཏང་བའི་ལྟ་བ་ལ་ནི། དྲན་པ་ཉེ་བར་འཇོག་པར་བྱེད་དེ། གསུམ་པས་ནི་བསླང་བ་དང༌། ཕྱག་འཚལ་བ་དག་ལ་ལག་པ་དང༌། རྐང་པ་ཧ་ཅང་བརྐྱང་བ་དང༌། ཧ་ཅང་བསྐུམ་པར་མི་བྱེད་དོ། །བཞི་པས་ནི་ཆོས་གོས་དང༌། ལྟུང་བཟེད་དང༌། བསོད་སྙོམས་ཀྱི་ལོངས་སྤྱོད་ལ་ཚོང་རིག་པར་བྱེད་དོ། །ལྔ་པས་ནི་ནང་དུ་ཡང་དག་འཇོག་ལ་བརྩོན་པས་ཉིན་མོ་འཆག་པ་དང༌། འདུག་པ་དག་གིས་འགྲོ་པ་དང་། འགྲེང་བ་དང༌། འདུག་པ་དང༌། མི་ཉལ་བ་དང༌། མཚན་མོ་ཉལ་བ་ལ་ཚོད་ཤེས་པར་བྱེད་པ་དང༌། འབྲེལ་བའི་གཏམ་རྣམ་པར་གཏན་ལ་འབེབས་པ་ལ་བརྩོན་པས་སྨྲ་བ་དང༌། མི་སྨྲ་བ་ལ་ཚོད་ཤེས་པར་བྱེད་པ་དང༌། དེ་གཉི་ག་ལ་ལུས་ལས་སུ་རུང་བར་བྱ་བའི་ཕྱིར་གཉིད་ཀྱི་སྙོམ་པ་བསང་བ་ལ་ཚོད་ཤེས་པར་བྱེད་དོ།། །།

shes bzhin du spyod pa nyid ni gnas lnga la tshod ran pa nyid kyi dbang du byas nas/ phun sum tshogs par rig par bya ste/ lnga gang zhe na/ 'gro ba dang/ blta ba dang/ rnyed pa dang bkur sti bdag gir bya ba dang/ yo byad la longs spyod pa dang/ dge ba'i phyogs la sbyor ba'o/ /dang pos ni spyod yul ma yin par ye mi 'gro ba dang / spyod yul du yang shin tu nam sros nas ldog par mi byed do/ /gnyis pas ni blo sngon du ma btang ba'i lta ba la ni dbang po phyir rlon par byed la/ blo sngon du btang ba'i lta ba la ni/ dran pa nye bar 'jog par byed de/ gsum pas ni bslang ba dang/ phyag 'tshal ba dag la lag pa dang/ rkang pa ha cang brkyang ba dang/ ha cang bskum par mi byed do/ /bzhi pas ni chos gos dang/ ltung bzed dang/ bsod snyoms kyi longs spyod la tshong rig par byed do/ /lnga pas ni nang du yang dag 'jog la brtson pas nyin mo 'chag pa dang/ 'dug pa dag gis 'gro pa dang / 'greng ba dang/ 'dug pa dang/ mi nyal ba dang/ mtshan mo nyal ba la tshod shes par byed pa dang/ 'brel ba'i gtam rnam par gtan la 'bebs pa la brtson pas smra ba dang/ mi smra ba la tshod shes par byed pa dang/ de gnyi ga la lus las su rung bar bya ba'i phyir gnyid kyi snyom pa bsang ba la tshod shes par byed do// //

【D16 明四支攝八斷行】

བམ་པོ་སུམ་ཅུ་པ། དགེ་སློང་རྫུ་འཕྲུལ་གྱི་རྐང་པ་བསྒོམ་པ་ལ་བརྩོན་པའི་སྤོང་བའི་འདུ་བྱེད་ནི་ཡན་ལག་བཞིས་བསྡུས་པ་ཡིན་ཏེ། བསྒོམ་པའི་ཡན་ལག་དང༌། ཁྱད་པར་རྟོགས་པའི་ཡན་ལག་དང༌། ཉེ་བའི་ཉོན་མོངས་པ་རྗེས་སུ་བསྲུང་བ་རྫོགས་པའི་ཡན་ལག་དང༌། ཉེ་བའི་ཉོན་མོངས་པ་རྣམ་པར་དག་པའི་ཕྱིར་སྡུད་པའི་ཡན་ལག་གིས་སོ། །དེ་ལ་བསྒོམ་པའི་ཡན་ལག་ནི་འདུན་པ་དང་རྩོལ་བ་སྟེ། འདི་ལྟར་འདུན་པ་དང༌། རྩོལ་བ་གཉིས་ལ་བརྟེན་ནས་རྫུ་འཕྲུལ་གྱི་རྐང་པ་སྒོམ་པར་བྱེད་དོ། །ཁྱད་པར་རྟོགས་པའི་ཡན་ལག་ནི་དད་པ་དང་ཤིན་ཏུ་སྦྱངས་པ་སྟེ། འདི་ལྟར་དད་པས་ནི་ཁྱད་པར་རྟོགས་ནས་གོང་མའི་རྣམ་པར་ཐར་པ་ལ་མངོན་པར་དད་པར་བྱེད་ལ། ཤིན་ཏུ་སྦྱངས་པས་ནི་ལུས་དང་སེམས་ཀྱི་གནས་ངན་ལེན་ཤིན་ཏུ་སྦྱོང་བར་བྱེད་དོ། །ཉེ་བའི་ཉོན་མོངས་པ་རྗེས་སུ་བསྲུང་བ་རྟོགས་པའི་ཡན་ལག་ནི་དྲན་པ་དང་ཤེས་བཞིན་ཏེ། འདི་ལྟར་དྲན་པས་ནི་ཞི་གནས་དང་ལྷག་མཐོང་གི་ཉེ་བའི་ཉོན་མོངས་པ་མ་བྱུང་བ་སྲུང་བར་བྱེད་ལ། ཤེས་བཞིན་གྱིས་ནི་བྱུང་བ་རྟོགས་པར་བྱེད་དོ། །ཉེ་བའི་ཉོན་མོངས་པ་རྣམ་པར་དག་པའི་ཕྱིར་སྡུད་པའི་ཡན་ལག་ནི་སེམས་པ་དང་བཏང་སྙོམས་ཏེ། འདི་ལྟར་སེམས་པས་ནི་སེམས་ཞུམ་པ་ཕྱིར་འཛིན་པར་བྱེད་ལ། བཏང་སྙོམས་ཀྱིས་ནི་རྒོད་པ་ནང་དུ་སྡུད་པར་བྱེད་དོ། །

bam po sum cu pa/ dge slong rdzu 'phrul gyi rkang pa bsgom pa la brtson pa'i spong ba'i 'du byed ni yan lag bzhis bsdus pa yin te/ bsgom pa'i yan lag dang/ khyad par rtogs pa'i yan lag dang/ nye ba'i nyon mongs pa rjes su bsrung ba rdzogs pa'i yan lag dang/ nye ba'i nyon mongs pa rnam par dag pa'i phyir sdud pa'i yan lag gis so/ /de la bsgom pa'i yan lag ni 'dun pa dang rtsol ba ste/ 'di ltar 'dun pa dang/ rtsol ba gnyis la brten nas rdzu 'phrul gyi rkang pa sgom par byed do/ /khyad par rtogs pa'i yan lag ni dad pa dang shin tu sbyangs pa ste/ 'di ltar dad pas ni khyad par rtogs nas gong ma'i rnam par thar pa la mngon par dad par byed la/ shin tu sbyangs pas ni lus dang sems kyi gnas ngan len shin tu sbyong bar byed do/ /nye ba'i nyon mongs pa rjes su bsrung ba rtogs pa'i yan lag ni dran pa dang shes bzhin te/ 'di ltar dran pas ni zhi gnas dang lhag mthong gi nye ba'i nyon mongs pa ma byung ba srung bar byed la/ shes bzhin gyis ni byung ba rtogs par byed do/ /nye ba'i nyon mongs pa rnam par dag pa'i phyir sdud pa'i yan lag ni sems pa dang btang snyoms te/ 'di ltar sems pas ni sems zhum pa phyir 'dzin par byed la/ btang snyoms kyis ni rgod pa nang du sdud par byed do/ /

【D17 明四法於所得定為增上緣】

ཏིང་ངེ་འཛིན་ཐོབ་པ་ལ་དབང་བྱེད་པའི་ཆོས་ནི་བཞི་སྟེ། རྣ་བ་གཏོད་པ་དང༌། ལེགས་པར་འདོམས་པ་དང༌། སྔོན་གོམས་པ་དང་། མང་དུ་ཐོས་པའོ། །དེ་ལ་རྣ་བ་གཏོད་པ་ནི་འདི་ཡིན་ཏེ། འདུན་པ་སྐྱེས་ཤིང་དད་པ་སྐྱེས་ནས་དམ་པའི་ཆོས་ཉན་པར་བྱེད་པ་སྟེ། དེས་རྒྱུ་དེ་དང་རྐྱེན་དེས་སེམས་རྩེ་གཅིག་པ་ཉིད་ཐོབ་པར་འགྱུར་རོ། །དེ་ལ་ལེགས་པར་འདོམས་པ་ནི་འདི་ཡིན་ཏེ། གོ་རིམས་བཞིན་དུ་འདོམས་པ་དང༌། ཕྱིན་ཅི་མ་ལོག་པར་འདོམས་པ་ལ་བརྟེན་ནས། བརྩོན་འགྲུས་བརྩམས་ཏེ་གནས་ཤིང་བརྩོན་པས། རྫོགས་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ལ་རྒྱུན་དུ་ཆུད་པ་དང༌། རྟག་འགྲུས་ཀྱིས་སྒོམ་པར་སྦྱོར་བའི་རྗེས་སུ་བརྩོན་པར་གནས་པ་སྟེ། དེས་རྒྱུ་དེ་དང་རྐྱེན་དེས་ཀྱང་སེམས་རྩེ་གཅིག་པ་ཉིད་འཐོབ་པར་འགྱུར་རོ། །དེ་ལ་སྔོན་གོམས་པ་ནི་འདི་ཡིན་ཏེ༑ བསམ་གཏན་དང་སྙོམས་པར་འཇུག་པ་དག་ལ་དུས་ཉེ་བ་དང༌། ཁད་ཉེ་བར་སྙོམས་པར་ཞུགས་པ་ཡིན་ཏེ། དེས་རྒྱུ་དེ་དང་རྐྱེན་དེས་ཀྱང་སེམས་རྩེ་གཅིག་པ་ཉིད་འཐོབ་པར་འགྱུར་རོ། །དེ་ལ་མང་དུ་ཐོས་པ་ནི་འདི་ཡིན་ཏེ། ཐོས་པ་མང་བ་དང༌། ཐོས་པ་འཛིན་པ་དང༌། ཐོས་པ་བསགས་པ་ཡིན་ཞིང༌། དེ་གཅིག་པུ་དབེན་པར་སོང་ནས་ཆོས་དེ་དག་ལ་སེམས་པར་བྱེད། འཇལ་བར་བྱེད་ཉེ་བར་རྟོགས་པར་བྱེད་པ་དེ་དེས་རྒྱུ་དེ་དང་རྐྱེན་དེས་ཀྱང་སེམས་རྩེ་གཅིག་པ་ཉིད་འཐོབ་པར་འགྱུར་རོ། །

ting nge 'dzin thob pa la dbang byed pa'i chos ni bzhi ste/ rna ba gtod pa dang/ legs par 'doms pa dang/ sngon goms pa dang / mang du thos pa'o/ /de la rna ba gtod pa ni 'di yin te/ 'dun pa skyes shing dad pa skyes nas dam pa'i chos nyan par byed pa ste/ des rgyu de dang rkyen des sems rtse gcig pa nyid thob par 'gyur ro/ /de la legs par 'doms pa ni 'di yin te/ go rims bzhin du 'doms pa dang/ phyin ci ma log par 'doms pa la brten nas/ brtson 'grus brtsams te gnas shing brtson pas/ rdzogs pa'i byang chub kyi phyogs dang mthun pa'i chos rnams la rgyun du chud pa dang/ rtag 'grus kyis sgom par sbyor ba'i rjes su brtson par gnas pa ste/ des rgyu de dang rkyen des kyang sems rtse gcig pa nyid 'thob par 'gyur ro/ /de la sngon goms pa ni 'di yin te| bsam gtan dang snyoms par 'jug pa dag la dus nye ba dang/ khad nye bar snyoms par zhugs pa yin te/ des rgyu de dang rkyen des kyang sems rtse gcig pa nyid 'thob par 'gyur ro/ /de la mang du thos pa ni 'di yin te/ thos pa mang ba dang/ thos pa 'dzin pa dang/ thos pa bsags pa yin zhing/ de gcig pu dben par song nas chos de dag la sems par byed/ 'jal bar byed nye bar rtogs par byed pa de des rgyu de dang rkyen des kyang sems rtse gcig pa nyid 'thob par 'gyur ro/ /

【D18 明七法】

ཏིང་ངེ་འཛིན་ཐོབ་པར་བྱ་བ་ལ་བརྩོན་པས་ཆོས་བདུན་རིག་པར་བྱ་སྟེ། ནང་གི་ཏིང་ངེ་འཛིན་ཉམས་པའི་རྒྱུ་དང༌། ཕྱི་རོལ་གྱི་ཏིང་ངེ་འཛིན་ཉམས་པའི་རྒྱུ་དང༌། ནང་གི་ཏིང་ངེ་འཛིན་ཉམས་པ་དང༌། ཕྱི་རོལ་གྱི་ཏིང་ངེ་འཛིན་ཉམས་པ་དང༌། ནང་གི་ཏིང་ངེ་འཛིན་རྒྱུ་དང་བཅས་པ་ཉམས་པའི་གཉེན་པོ་དང༌། ཕྱི་རོལ་གྱི་ཏིང་ངེ་འཛིན་རྒྱུ་དང་བཅས་པ་ཉམས་པའི་གཉེན་པོ་དང༌། དེ་གཉི་གའི་གཉེན་པོའི་གཞིའོ། །དེ་ལ་ནང་གི་ཏིང་ངེ་འཛིན་ཉམས་པའི་རྒྱུ་ནི་ལེ་ལོའོ། །དེ་ལ་ཕྱི་རོལ་གྱི་ཏིང་ངེ་འཛིན་ཉམས་པའི་རྒྱུ་ནི་རྒོད་པའོ། །དེ་ལ་ནང་གི་ཏིང་ངེ་འཛིན་ཉམས་པ་ནི་རྨུགས་པ་དང་གཉིད་དོ༑ །དེ་ལ་ཕྱི་རོལ་གྱི་ཏིང་ངེ་འཛིན་ཉམས་པ་ནི་འདོད་པའི་ཡོན་ཏན་ལྔ་པོ་དག་ལ་རྗེས་སུ་རྣམ་པར་གཡེང་བའོ། །དེ་ལ་ནང་གི་ཏིང་ངེ་འཛིན་རྒྱུ་དང་བཅས་པ་ཉམས་པའི་གཉེན་པོ་ནི་སོ་སོར་རྟོག་པའི་མཚན་མ་ལེགས་པར་གཟུང་བ་ཉིད་དོ། །དེ་ལ་ཕྱི་རོལ་གྱི་ཏིང་ངེ་འཛིན་རྒྱུ་དང་བཅས་པ་ཉམས་པའི་གཉེན་པོ་ནི་ལུས་འདི་ཉིད་ལ་མི་སྡུག་པར་སོ་སོར་རྟོག་པའོ། །དེ་ལ་གཉི་གའི་གཉེན་པོ་གཞི་ནི་སྣང་བའི་འདུ་ཤེས་སོ། །

ting nge 'dzin thob par bya ba la brtson pas chos bdun rig par bya ste/ nang gi ting nge 'dzin nyams pa'i rgyu dang/ phyi rol gyi ting nge 'dzin nyams pa'i rgyu dang/ nang gi ting nge 'dzin nyams pa dang/ phyi rol gyi ting nge 'dzin nyams pa dang/ nang gi ting nge 'dzin rgyu dang bcas pa nyams pa'i gnyen po dang/ phyi rol gyi ting nge 'dzin rgyu dang bcas pa nyams pa'i gnyen po dang/ de gnyi ga'i gnyen po'i gzhi'o/ /de la nang gi ting nge 'dzin nyams pa'i rgyu ni le lo'o/ /de la phyi rol gyi ting nge 'dzin nyams pa'i rgyu ni rgod pa'o/ /de la nang gi ting nge 'dzin nyams pa ni rmugs pa dang gnyid do| /de la phyi rol gyi ting nge 'dzin nyams pa ni 'dod pa'i yon tan lnga po dag la rjes su rnam par g.yeng ba'o/ /de la nang gi ting nge 'dzin rgyu dang bcas pa nyams pa'i gnyen po ni so sor rtog pa'i mtshan ma legs par gzung ba nyid do/ /de la phyi rol gyi ting nge 'dzin rgyu dang bcas pa nyams pa'i gnyen po ni lus 'di nyid la mi sdug par so sor rtog pa'o/ /de la gnyi ga'i gnyen po gzhi ni snang ba'i 'du shes so/ /

【D19 明釋經修念住觀九句】

ཇི་ལྟར་ན་ལུས་ལ་ཀུན་འབྱུང་བའི་ཆོས་ཅན་དུ་རྗེས་སུ་ལྟ་ཞིང་གནས་ཤེ་ན། ད་ལྟར་གྱི་ལུས་ནི་འདས་པའི་དུས་ནས་ཟས་ལས་ཀུན་དུ་འབྱུང་བ་ཉིད་དུ་ཡང་དག་པར་རྗེས་སུ་བལྟ་བའོ། །ཇི་ལྟར་ལུས་ལ་འཇིག་པའི་ཆོས་ཅན་དུ་རྗེས་སུ་ལྟ་ཞིང་གནས་ཤེ་ན། ད་ལྟར་གྱི་ལུས་ནི་མ་འོངས་པའི་དུས་སུ་འཆི་བའི་ཆོས་ཉིད་ཡང་དག་པར་རྗེས་སུ་བལྟ་བའོ། །ཇི་ལྟར་ལུས་ལ་ཀུན་འབྱུང་བ་དང༌། འཇིག་པའི་ཆོས་ཅན་དུ་རྗེས་སུ་ལྟ་ཞིང་གནས་ཤེ་ན། ལུས་ཟས་ཀྱི་རྐྱེན་ལས་བྱུང་བ་ནི་ད་ལྟར་གྱི་དུས་སུ་གནས་པ་དང༌། འཇིག་པ་དང༌། ཉམས་པ་དང༌། ཡང་འབྱུང་བ་ཉིད་དུ་ཡང་དག་པར་བལྟ་བའོ། །ལུས་ཡོད་པར་དེའི་དྲན་པ་ཤིན་ཏུ་ཉེ་བར་གཞག་པ་ཡིན་ནོ་ཞེས་བྱ་བ་ནི། དེ་བཞིན་ཉིད་ཀྱི་ལུས་ལ་འཇིག་རྟེན་ལས་འདས་པའི་དྲན་པའོ། །ཤེས་པ་ཙམ་ཞེས་བྱ་བ་ནི་སོ་སོར་ནང་གི་ཞི་གནས་ཀྱི་ལམ་གྱིས་སོ། །མཐོང་བ་ཙམ་ཞེས་བྱ་བ་ནི་ལྷག་མཐོང་གི་ལམ་གྱིས་སོ། །ཡང་དྲན་པ་ཙམ་ཞེས་བྱ་བ་ནི་དེའི་རྗེས་ལས་ཐོབ་པ་འཇིག་རྟེན་པ་དང་། འཇིག་རྟེན་ལས་འདས་པའི་ལམ་གྱིས་སོ། །ཇི་ལྟར་ལུས་ལ་མི་བརྟེན་པར་གནས་ཤེ་ན། སྙོམས་པར་འཇུག་པ་གང་ལ་བརྟེན་ནས། དྲན་པ་ཉེ་བར་གཞག་པ་དག་སྒོམ་པར་བྱེད་པའི་སྙོམས་པར་འཇུག་པ་དེ་ལ་རོ་མྱོང་བར་མི་བྱེད་པ་ནས། ལྷག་པར་ཆགས་ཤིང་མི་གནས་པའི་བར་རོ། །ཇི་ལྟར་འཇིག་རྟེན་ལ་ཅི་ཡང་མི་འཛིན་པ་ཡིན་ཞེ་ན། ཕྱིན་ཅི་ལོག་བཞི་སྤངས་པ་ཡིན་ཏེ། དེ་དག་སྤངས་པའི་ཕྱིར་ལུས་ལ་སོགས་པ་གཙང་བའམ། བདེ་བའམ་བདག་གམ། རྟག་པར་མི་འཛིན་པའོ། །

ji ltar na lus la kun 'byung ba'i chos can du rjes su lta zhing gnas she na/ da ltar gyi lus ni 'das pa'i dus nas zas las kun du 'byung ba nyid du yang dag par rjes su blta ba'o/ /ji ltar lus la 'jig pa'i chos can du rjes su lta zhing gnas she na/ da ltar gyi lus ni ma 'ongs pa'i dus su 'chi ba'i chos nyid yang dag par rjes su blta ba'o/ /ji ltar lus la kun 'byung ba dang/ 'jig pa'i chos can du rjes su lta zhing gnas she na/ lus zas kyi rkyen las byung ba ni da ltar gyi dus su gnas pa dang/ 'jig pa dang/ nyams pa dang/ yang 'byung ba nyid du yang dag par blta ba'o/ /lus yod par de'i dran pa shin tu nye bar gzhag pa yin no zhes bya ba ni/ de bzhin nyid kyi lus la 'jig rten las 'das pa'i dran pa'o/ /shes pa tsam zhes bya ba ni so sor nang gi zhi gnas kyi lam gyis so/ /mthong ba tsam zhes bya ba ni lhag mthong gi lam gyis so/ /yang dran pa tsam zhes bya ba ni de'i rjes las thob pa 'jig rten pa dang / 'jig rten las 'das pa'i lam gyis so/ /ji ltar lus la mi brten par gnas she na/ snyoms par 'jug pa gang la brten nas/ dran pa nye bar gzhag pa dag sgom par byed pa'i snyoms par 'jug pa de la ro myong bar mi byed pa nas/ lhag par chags shing mi gnas pa'i bar ro/ /ji ltar 'jig rten la ci yang mi 'dzin pa yin zhe na/ phyin ci log bzhi spangs pa yin te/ de dag spangs pa'i phyir lus la sogs pa gtsang ba'am/ bde ba'am bdag gam/ rtag par mi 'dzin pa'o/ /

【D20 明依上施設立五種人】

མཆོག་ཏུ་གདགས་པ་ལས་བརྩམས་ནས་གང་ཟག་ལྔ་རྣམ་པར་གཞག་པར་རིག་པར་བྱ་སྟེ། གང་ཟག་ལྔ་གང་ཞེ་ན། སོ་སོའི་སྐྱེ་བོ་དགའ་བ་དང་བདེ་བ་ལ་མངོན་པར་དགའ་བ་དང༌། གཞི་མཐོང་བ་ལ་ཞུགས་པ་སྒྲིབ་པ་སྤངས་པ་ལ་མངོན་པར་དགའ་བ་དང༌། ལྟ་བའི་རྣམ་པ་ལ་ཞུགས་པ་ཐར་པ་ལ་མངོན་པར་དགའ་བ་དང༌། ལྟ་བའི་རྣམ་པ་ལ་ཞུགས་པ་མཐར་ཐུག་པར་འགྱུར་བ་དང༌། གཞི་མཐོང་བ་ལ་ཞུགས་པ་མཐར་ཐུག་པར་འགྱུར་བའོ། །དེ་ལ་གང་ཟག་སོ་སོའི་སྐྱེ་བོ་དགའ་བ་དང༌། བདེ་བ་ལ་མངོན་པར་དགའ་བ་གང་ཞེ་ན། དེ་ནི་གསུམ་དུ་བལྟ་བར་བྱ་སྟེ༑ འདོད་པ་ལས་སྐྱེས་པའི་དགའ་བ་དང༌། བདེ་བ་ལ་མངོན་པར་དགའ་བ་དང༌། རྟོག་པ་དང་བཅས་དཔྱོད་པ་དང་བཅས་པའི་ཏིང་ངེ་འཛིན་ལས་སྐྱེས་པའི་དགའ་བ་དང༌། བདེ་བ་ལ་མངོན་པར་དགའ་བ་དང༌། རྟོག་པ་མེད་ཅིང་དཔྱོད་པ་མེད་པའི་ཏིང་ངེ་འཛིན་ལས་སྐྱེས་པའི་དགའ་བ་དང༌། བདེ་བ་ལ་མངོན་པར་དགའ་བའོ། །གང་ཟག་གཞི་མཐོང་བ་ལ་ཞུགས་པ་སྒྲིབ་པ་སྤང་བ་ལ་མངོན་པར་དགའ་བ་གང་ཞེ་ན། དེ་ནི་གཉིས་སུ་བལྟ་བར་བྱ་སྟེ། ཉོན་མོངས་པའི་སྒྲིབ་པ་སྤང་བ་ལ་མངོན་པར་དགའ་བ་དང༌། སྙོམས་པར་འཇུག་པའི་སྒྲིབ་པ་སྤང་བ་ལ་མངོན་པར་དགའ་བའོ། །དེ་ལ་གང་ཟག་ཉོན་མོངས་པའི་སྒྲིབ་པ་སྤང་བ་ལ་མངོན་པར་དགའ་བ་ནི་ཚེ་འདི་ལ་བདེ་བར་གནས་པ་རྣམས་མ་ཐོབ་པ་དང༌། ཐོབ་པ་དང༌། འདུ་ཤེས་ཀྱི་སྙོམས་པར་འཇུག་པ་རྣམ་པ་ཐམས་ཅད་མ་ཐོབ་པ་དང༌། ཐོབ་པ་སྟེ། འདི་ལྟ་སྟེ། གནས་པ་ལས་བརྩམས་པ་དང༌། ཤེས་བྱ་ཡོངས་སུ་བརྟགས་པ་ལས་བརྩམས་ནས་སོ། །དེ་ལ་གང་ཟག་སྙོམས་པར་འཇུག་པའི་སྒྲིབ་པ་སྤང་བ་ལ་མངོན་པར་དགའ་བ་ནི། ཟིལ་གྱིས་གནོན་པའི་སྐྱེ་མཆེད་ཐམས་ཅད་ཐོབ་པ་དང་མ་ཐོབ་པ་དང༌། ཟད་པར་གྱི་སྐྱེ་མཆེད་ཐམས་ཅད་མ་ཐོབ་པ་དང༌།ཐོབ་པའོ། །དེ་ལ་གང་ཟག་ལྟ་བའི་རྣམ་པ་ལ་ཞུགས་པ་ཐར་པ་ལ་མངོན་པར་དགའ་བ་གང་ཞེ་ན། འདི་ལས་ཕྱི་རོལ་པའི་མུ་སྟེགས་ཅན་བདག་མེད་དོ། །བདག་གི་མེད་དོ། །བདག་འབྱུང་བར་མི་འགྱུར་རོ། །བདག་གི་འབྱུང་བར་མི་འགྱུར་རོ་སྙམ་པ་སྟེ། དེ་ཡང་མ་ཐོབ་པ་དང་ཐོབ་པ་ཡིན་ནོ། །དེ་ལ་གང་ཟག་ལྟ་བའི་རྣམ་པ་ལ་ཞུགས་པ་མཐར་ཐུག་པར་འགྱུར་བ་གང་ཞེ་ན། འདུ་ཤེས་མེད་འདུ་ཤེས་མེད་མིན་སྐྱེ་མཆེད་མ་ཐོབ་པ་དང་ཐོབ་པའོ། །དེ་ལ་གང་ཟག་གཞི་མཐོང་བ་ལ་ཞུགས་པ་མཐར་ཐུག་པར་གྱུར་པ་གང་ཞེ་ན། རེག་པའི་སྐྱེ་མཆེད་དྲུག་པོ་དག་མ་ལུས་པར་སྤངས་པ་མྱོང་བར་བྱེད་པ་གང་ཡིན་པ་སྟེ། མཆོག་ཏུ་གདགས་པ་ལས་བརྩམས་ནས། གང་ཟག་ལྔ་པོ་དེ་དག་རྣམ་པར་གཞག་པ་ཡིན་ནོ། །

mchog tu gdags pa las brtsams nas gang zag lnga rnam par gzhag par rig par bya ste/ gang zag lnga gang zhe na/ so so'i skye bo dga' ba dang bde ba la mngon par dga' ba dang/ gzhi mthong ba la zhugs pa sgrib pa spangs pa la mngon par dga' ba dang/ lta ba'i rnam pa la zhugs pa thar pa la mngon par dga' ba dang/ lta ba'i rnam pa la zhugs pa mthar thug par 'gyur ba dang/ gzhi mthong ba la zhugs pa mthar thug par 'gyur ba'o/ /de la gang zag so so'i skye bo dga' ba dang/ bde ba la mngon par dga' ba gang zhe na/ de ni gsum du blta bar bya ste| 'dod pa las skyes pa'i dga' ba dang/ bde ba la mngon par dga' ba dang/ rtog pa dang bcas dpyod pa dang bcas pa'i ting nge 'dzin las skyes pa'i dga' ba dang/ bde ba la mngon par dga' ba dang/ rtog pa med cing dpyod pa med pa'i ting nge 'dzin las skyes pa'i dga' ba dang/ bde ba la mngon par dga' ba'o/ /gang zag gzhi mthong ba la zhugs pa sgrib pa spang ba la mngon par dga' ba gang zhe na/ de ni gnyis su blta bar bya ste/ nyon mongs pa'i sgrib pa spang ba la mngon par dga' ba dang/ snyoms par 'jug pa'i sgrib pa spang ba la mngon par dga' ba'o/ /de la gang zag nyon mongs pa'i sgrib pa spang ba la mngon par dga' ba ni tshe 'di la bde bar gnas pa rnams ma thob pa dang/ thob pa dang/ 'du shes kyi snyoms par 'jug pa rnam pa thams cad ma thob pa dang/ thob pa ste/ 'di lta ste/ gnas pa las brtsams pa dang/ shes bya yongs su brtags pa las brtsams nas so/ /de la gang zag snyoms par 'jug pa'i sgrib pa spang ba la mngon par dga' ba ni/ zil gyis gnon pa'i skye mched thams cad thob pa dang ma thob pa dang/ zad par gyi skye mched thams cad ma thob pa dang/thob pa'o/ /de la gang zag lta ba'i rnam pa la zhugs pa thar pa la mngon par dga' ba gang zhe na/ 'di las phyi rol pa'i mu stegs can bdag med do/ /bdag gi med do/ /bdag 'byung bar mi 'gyur ro/ /bdag gi 'byung bar mi 'gyur ro snyam pa ste/ de yang ma thob pa dang thob pa yin no/ /de la gang zag lta ba'i rnam pa la zhugs pa mthar thug par 'gyur ba gang zhe na/ 'du shes med 'du shes med min skye mched ma thob pa dang thob pa'o/ /de la gang zag gzhi mthong ba la zhugs pa mthar thug par gyur pa gang zhe na/ reg pa'i skye mched drug po dag ma lus par spangs pa myong bar byed pa gang yin pa ste/ mchog tu gdags pa las brtsams nas/ gang zag lnga po de dag rnam par gzhag pa yin no/ /

【D21 明近事三德】

དགེ་བསྙེན་གྱི་ཡོན་ཏན་ནི་གསུམ་སྟེ། དག་པ་དང༌། བྱེད་པ་དང༌། བསྒྲུབ་པ་ཡིན་ནོ། །དེ་ལ་དག་པ་ནི་བསམ་པ་དག་པ་དང༌། ཚུལ་དག་པ་དང༌། རྟོགས་པ་དག་པའོ། །དེ་ལ་བསམ་པ་དག་པ་ནི་སངས་རྒྱས་ལ་སོགས་པ་ལ་ཐེ་ཚོམ་མེད་པ་དང༌། ངོ་མཚར་དང་བཀྲ་ཤིས་དང་ལྡན་པ་ཡིན་པའོ། །དེ་ལ་ཚུལ་དག་པ་ནི་བསླབ་པ་དག་ཡོངས་སུ་རྫོགས་པར་བྱེད་པ་ཡིན་ནོ། །དེ་ལ་རྟོགས་པ་དག་པ་ནི་འཇིག་རྟེན་པ་དང་འཇིག་རྟེན་ལས་འདས་པའི་རྣམ་པར་དག་པ་རྟོགས་པའི་ཕྱིར་རོ། །དེ་ལ་བྱེད་པ་ནི་དཀོན་མཆོག་གསུམ་གྱི་བྱ་བ་བྱེད་པའི་ཕྱིར་རོ། །དེ་ལ་བསྒྲུབ་པ་ནི་ཆོས་མཐུན་པ་པ་དང༌། ཆོས་མཐུན་པ་པ་མ་ཡིན་པ་རྣམས་ལ་ཤེས་པ་ཉེ་བར་བསྒྲུབ་པའི་ཕྱིར་རོ། །

dge bsnyen gyi yon tan ni gsum ste/ dag pa dang/ byed pa dang/ bsgrub pa yin no/ /de la dag pa ni bsam pa dag pa dang/ tshul dag pa dang/ rtogs pa dag pa'o/ /de la bsam pa dag pa ni sangs rgyas la sogs pa la the tshom med pa dang/ ngo mtshar dang bkra shis dang ldan pa yin pa'o/ /de la tshul dag pa ni bslab pa dag yongs su rdzogs par byed pa yin no/ /de la rtogs pa dag pa ni 'jig rten pa dang 'jig rten las 'das pa'i rnam par dag pa rtogs pa'i phyir ro/ /de la byed pa ni dkon mchog gsum gyi bya ba byed pa'i phyir ro/ /de la bsgrub pa ni chos mthun pa pa dang/ chos mthun pa pa ma yin pa rnams la shes pa nye bar bsgrub pa'i phyir ro/ /

【D22 明聞法等三法】【E1 總標三法】

དེ་ལ་ཆོས་ནི་རྣམ་པ་གསུམ་སྟེ། མཉན་པའི་ཆོས་དང༌། བསྒྲུབ་པའི་ཆོས་དང་མཐར་ཐུག་པའི་ཆོས་སོ། །

de la chos ni rnam pa gsum ste/ mnyan pa'i chos dang/ bsgrub pa'i chos dang mthar thug pa'i chos so/ /

【E2 對邪顯正】

ཕྱི་རོལ་པ་རྣམས་ཀྱི་བསྟན་པ་ནི་ཕྱིན་ཅི་ལོག་པ་ཡིན་ཏེ། སྨོན་ནས་ཚངས་པར་སྤྱོད་པ་ལ་གནས་པའི་ཕྱིར། །ཚུལ་ཁྲིམས་ཡང་དག་པར་མཐོང་བ་མ་ཡིན་པ་དང༌། སྙོམས་པར་འཇུག་པའི་རིམས་ནད་དང་བཅས་པ་དང༌། ངེས་པར་འབྱུང་བ་མ་ཡིན་པའི་ཕྱིར་གཏན་དུ་ཉེ་བར་གཏོད་པ་མ་ཡིན་པ་དང༌། དེ་ལས་གཞན་པའི་མུ་སྟེགས་ཅན་དང་ཐུན་མོང་བ་དང་སོ་སོའི་སྐྱེ་བོ་དང་ཐུན་མོང་བ་ཡིན་ནོ། །ལེགས་པར་གསུངས་པའི་ཆོས་འདི་ནི་དེ་ལས་བཟློག་པ་ཡིན་པས་ཡང་དག་པར་མཐོང་བ་ནས། མཁས་པ་རྣམས་ཀྱི་སོ་སོར་རང་གིས་རིག་པའི་བར་དག་ཡིན་ནོ། །

phyi rol pa rnams kyi bstan pa ni phyin ci log pa yin te/ smon nas tshangs par spyod pa la gnas pa'i phyir/ /tshul khrims yang dag par mthong ba ma yin pa dang/ snyoms par 'jug pa'i rims nad dang bcas pa dang/ nges par 'byung ba ma yin pa'i phyir gtan du nye bar gtod pa ma yin pa dang/ de las gzhan pa'i mu stegs can dang thun mong ba dang so so'i skye bo dang thun mong ba yin no/ /legs par gsungs pa'i chos 'di ni de las bzlog pa yin pas yang dag par mthong ba nas/ mkhas pa rnams kyi so sor rang gis rig pa'i bar dag yin no/ /

【D23 明染淨得捨】【E1 辨五欲得捨次第】【F1 由施戒生在天上受用五欲名得】

འདོད་པ་རྣམས་ཀྱིས་འཐོབ་པ་དང༌། གཏོང་བའི་གོ་རིམས་ནི་སྔར་བྱས་པའི་གཏམ་གྱིས་ཏེ། གང་གིས་འཐོབ་ཅེ་ན། སྦྱིན་པ་དང་ཚུལ་ཁྲིམས་ཀྱིས་སོ། །གང་དུ་ཞེ་ན། མཐོ་རིས་སུའོ། །གང་གིས་ལོངས་སྤྱོད་ཅེ་ན། རོ་མྱང་བས་སོ། །

'dod pa rnams kyis 'thob pa dang/ gtong ba'i go rims ni sngar byas pa'i gtam gyis te/ gang gis 'thob ce na/ sbyin pa dang tshul khrims kyis so/ /gang du zhe na/ mtho ris su'o/ /gang gis longs spyod ce na/ ro myang bas so/ /

【F2 由過患捨於二欲】

གང་གིས་གཏོང་ཞེ་ན། ཉེས་དམིགས་ཀྱིས་སོ། །ཇི་ལྟར་དངོས་པོའི་འདོད་པ་དང༌། ཉོན་མོངས་པའི་འདོད་པ་གཏོང་ཞེ་ན། མངོན་པར་འབྱུང་བ་དང༌། རབ་ཏུ་དབེན་པའི་ཕན་ཡོན་དང༌། རྣམ་པར་བྱང་བའི་ཕྱོགས་དང་མཐུན་པའི་ཆོས་རྣམས་ཀྱིས་དེ་ཡོངས་སུ་བསྟན་ཏོ། །

gang gis gtong zhe na/ nyes dmigs kyis so/ /ji ltar dngos po'i 'dod pa dang/ nyon mongs pa'i 'dod pa gtong zhe na/ mngon par 'byung ba dang/ rab tu dben pa'i phan yon dang/ rnam par byang ba'i phyogs dang mthun pa'i chos rnams kyis de yongs su bstan to/ /

【E2 辨淨法決宗無退】

དགེ་སྦྱོང་གི་ཚུལ་གྱི་འབྲས་བུ་བཞི་པོ་དག་ནི་ཡང་དག་ཕུལ་ཡིན་ཏེ། དེ་དག་ལས་ལྟུང་བ་མེད་པའི་ཕྱིར་དང༌། འཇིག་རྟེན་ལས་འདས་པ་ཡིན་པའི་ཕྱིར་རོ། །

dge sbyong gi tshul gyi 'bras bu bzhi po dag ni yang dag phul yin te/ de dag las ltung ba med pa'i phyir dang/ 'jig rten las 'das pa yin pa'i phyir ro/ /

【D24 明由三緣擯犯戒】

ཚངས་པ་མཚུངས་པར་སྤྱོད་པ་རྣམས་ཀྱིས་ཚོགས་པའི་རྒྱུ་གསུམ་གྱིས་ཚུལ་ཁྲིམས་འཆལ་པ་བསྐྲད་པར་བྱ་སྟེ། གཞན་རྗེས་སུ་བསྲུང་བ་ཉིད་ཀྱི་ཕྱིར་དང༌། བླ་མའི་སྣོད་མ་ཡིན་པ་ཉིད་ཀྱི་ཕྱིར་དང༌། དགེ་འདུན་མི་བརྗོད་པ་ཉིད་ཀྱི་ཕྱིར་རོ། །

tshangs pa mtshungs par spyod pa rnams kyis tshogs pa'i rgyu gsum gyis tshul khrims 'chal pa bskrad par bya ste/ gzhan rjes su bsrung ba nyid kyi phyir dang/ bla ma'i snod ma yin pa nyid kyi phyir dang/ dge 'dun mi brjod pa nyid kyi phyir ro/ /

【D25 明由四因緣令尸羅深生愛樂】

རྒྱུ་བཞིས་ཚུལ་ཁྲིམས་ལ་མངོན་པར་དགའ་བ་སྐྱེ་སྟེ། སྟོན་པ་ལས་ནི་མཐའ་གཉིས་ཡོངས་སུ་སྤངས་པའི་བསླབ་པ་བཅས་པའི་ཕྱིར་རོ། །བདག་ཉིད་ལས་ནི་འདོད་ཆགས་ལ་སོགས་པ་ཤས་མི་ཆེ་བའི་རང་བཞིན་ཅན་ཡིན་པའི་ཕྱིར་རོ། །གྲོགས་ལས་ནི་དེ་དག་དེས་པ་དང་འགྲོགས་ན་བདེ་བ་ཡིན་པའི་ཕྱིར་རོ། །མངོན་པར་བརྩོན་པ་ལས་ནི་ལེ་ལོ་མེད་པར་གནས་པའི་ཕྱིར་རོ། །

rgyu bzhis tshul khrims la mngon par dga' ba skye ste/ ston pa las ni mtha' gnyis yongs su spangs pa'i bslab pa bcas pa'i phyir ro/ /bdag nyid las ni 'dod chags la sogs pa shas mi che ba'i rang bzhin can yin pa'i phyir ro/ /grogs las ni de dag des pa dang 'grogs na bde ba yin pa'i phyir ro/ /mngon par brtson pa las ni le lo med par gnas pa'i phyir ro/ /

【D26 明四種觀察尸羅】

ཚུལ་ཁྲིམས་བརྟག་པ་ནི་རྣམ་པ་བཞི་སྟེ། འགྲོགས་པས་ཡོད་པ་ཉིད་དུ་ཡིད་ཆེས་པ་དང༌། ཕོངས་པ་ན་ཡང་བསྟན་པས་ཡིད་ཆེས་པ་དང༌། ཐ་སྙད་ལ་སྐྱོན་མེད་པས་ཡིད་ཆེས་པ་དང༌། གཏམ་དང་འབེལ་བའི་གཏམ་རྣམ་པར་གཏན་ལ་དབབ་པས་མ་ཉམས་པར་ཡིད་ཆེས་པ་སྟེ། ལྟ་བ་མ་ཉམས་པའི་ཕྱིར་རོ། །མི་དགེ་བ་ལས་བཟློག་པའི་ཚེ་ནི་ཚར་གཅད་དཀའོ། །དགེ་བ་ལ་བཞག་པའི་ཚེ་ནི་མྱུར་དུ་ཡོངས་སུ་འགྱུར་རོ། །རྩེ་གཅིག་པ་ཉིད་ལ་གཞག་པའི་ཚེ་ནི་གང་དུ་འདོད་པར་འགྲོའོ། །ཡང་མི་དགེ་བ་སྐྱེས་པ་སྤང་བ་དང༌། དགེ་བ་མ་སྐྱེས་པ་བསྐྱེད་པའི་ཕྱིར་སྦྱོར་བའི་ཚེ་དང༌། མི་དགེ་བ་མ་སྐྱེས་པ་མི་བསྐྱེད་པ་དང༌། དགེ་བ་སྐྱེས་པ་གནས་པར་བྱ་བའི་ཕྱིར་སྦྱོར་བའི་ཚེ་དང༌། མཉམ་པར་གཞག་པའི་དགེ་བ་མ་སྐྱེས་པ་བསྐྱེད་པའི་ཕྱིར་སྦྱོར་བའི་ཚེ་ནའོ། །ཡང་ཚུལ་ཁྲིམས་ལ་བརྩོན་པ་རྣམས་ཀྱི་དང༌། ཐོས་པ་དང༌། བསམ་པ་ལ་བརྩོན་པ་རྣམས་ཀྱི་དང༌། བསྒོམ་པ་ལ་བརྩོན་པ་རྣམས་ཀྱིའོ། །ཡང་རབ་ཏུ་འབྱུང་བ་དང༌། མངོན་པར་དགའ་བ་དང༌། རྟག་ཏུ་བསྒོམ་པ་ལ་བར་ཆད་བྱེད་པའི་ཕྱིར་རོ། །དུལ་བ་ནི་དེ་ལས་ཟློག་པར་བྱེད་པ་སྟེ། དེའི་གནས་ཀྱི་ཉོན་མོངས་པ་སྤོང་བའི་ཕྱིར་རོ། །ལེགས་པ་ཞེས་བྱ་བ་ནི་དུལ་བའི་བསྔགས་པ་བསྟན་པའོ། །བདེ་བ་སྐྱེད་པ་ཞེས་བྱ་བ་ནི་བཤད་པ་ཡིན་ནོ། །

tshul khrims brtag pa ni rnam pa bzhi ste/ 'grogs pas yod pa nyid du yid ches pa dang/ phongs pa na yang bstan pas yid ches pa dang/ tha snyad la skyon med pas yid ches pa dang/ gtam dang 'bel ba'i gtam rnam par gtan la dbab pas ma nyams par yid ches pa ste/ lta ba ma nyams pa'i phyir ro/ /mi dge ba las bzlog pa'i tshe ni tshar gcad dka'o/ /dge ba la bzhag pa'i tshe ni myur du yongs su 'gyur ro/ /rtse gcig pa nyid la gzhag pa'i tshe ni gang du 'dod par 'gro'o/ /yang mi dge ba skyes pa spang ba dang/ dge ba ma skyes pa bskyed pa'i phyir sbyor ba'i tshe dang/ mi dge ba ma skyes pa mi bskyed pa dang/ dge ba skyes pa gnas par bya ba'i phyir sbyor ba'i tshe dang/ mnyam par gzhag pa'i dge ba ma skyes pa bskyed pa'i phyir sbyor ba'i tshe na'o/ /yang tshul khrims la brtson pa rnams kyi dang/ thos pa dang/ bsam pa la brtson pa rnams kyi dang/ bsgom pa la brtson pa rnams kyi'o/ /yang rab tu 'byung ba dang/ mngon par dga' ba dang/ rtag tu bsgom pa la bar chad byed pa'i phyir ro/ /dul ba ni de las zlog par byed pa ste/ de'i gnas kyi nyon mongs pa spong ba'i phyir ro/ /legs pa zhes bya ba ni dul ba'i bsngags pa bstan pa'o/ /bde ba skyed pa zhes bya ba ni bshad pa yin no/ /

【D27 釋三心趣】【E1 初番】

ཇི་ལྟར་སེམས་དབེན་པ་ལ་གཞོལ་བ་ཡིན་ཞེ་ན། གནས་པ་ལ་འདུ་འཛི་དང་ལྡན་པའིའོ། །ཇི་ལྟར་སེམས་མངོན་པར་འབྱུང་བ་ལ་གཞོལ་བ་ཡིན་ཞེ་ན། གྲོང་དུ་རྒྱུ་བ་དང་ལྡན་པའིའོ། །ཇི་ལྟར་སེམས་མྱ་ངན་ལས་འདས་པ་ལ་གཞོལ་བ་ཡིན་ཞེ་ན། ནང་དུ་ཡང་དག་འཇོག་ལ་ཞི་གནས་ལ་སོགས་པའི་མཚན་མ་དང་ལྡན་པའིའོ། །

ji ltar sems dben pa la gzhol ba yin zhe na/ gnas pa la 'du 'dzi dang ldan pa'i'o/ /ji ltar sems mngon par 'byung ba la gzhol ba yin zhe na/ grong du rgyu ba dang ldan pa'i'o/ /ji ltar sems mya ngan las 'das pa la gzhol ba yin zhe na/ nang du yang dag 'jog la zhi gnas la sogs pa'i mtshan ma dang ldan pa'i'o/ /

【E2 第二番】

རྣམ་གྲངས་གཞན་ཡང་ཉོན་མོངས་པ་ལས་དབེན་པ་ལས་བརྩམས་ནས་ནི་དབེན་པ་ལ་གཞོལ་བ་ཡིན་ནོ། །འཁོར་བ་ལས་ངེས་པར་འབྱུང་བ་ལས་བརྩམས་ནས་ནི་མངོན་པར་འབྱུང་བ་ལ་གཞོལ་བ་ཡིན་ནོ། །མྱ་ངན་ལས་འདས་པའི་གྲོང་ཁྱེར་དུ་འཇུག་པ་ལས་བརྩམས་ནས་ནི་མྱ་ངན་ལས་འདས་པ་ལ་གཞོལ་བ་ཡིན་ནོ། །ཚོར་བ་ཉིང་མཚམས་སྦྱོར་བ་དང་བཅས་པ་ཐམས་ཅད་འགགས་པའི་ཕྱིར་གྲིབ་མ་མེད་པ་དང༌། མྱ་ངན་ལས་འདས་པ་ཡིན་ནོ། །སྡུག་བསྔལ་གསུམ་དང་གཏན་བྲལ་བའི་ཕྱིར་ཞི་བ་ཡིན་ནོ། །ཉོན་མོངས་པའི་རིམས་ནད་ཀྱི་གདུང་བ་དང་གཏན་བྲལ་བའི་ཕྱིར་བསིལ་བར་གྱུར་པ་ཡིན་ནོ། །བླ་ན་མེད་པའི་གོ་འཕང་ཐོབ་པའི་ཕྱིར་ཚངས་པར་གྱུར་པ་ཡིན་ནོ། །

rnam grangs gzhan yang nyon mongs pa las dben pa las brtsams nas ni dben pa la gzhol ba yin no/ /'khor ba las nges par 'byung ba las brtsams nas ni mngon par 'byung ba la gzhol ba yin no/ /mya ngan las 'das pa'i grong khyer du 'jug pa las brtsams nas ni mya ngan las 'das pa la gzhol ba yin no/ /tshor ba nying mtshams sbyor ba dang bcas pa thams cad 'gags pa'i phyir grib ma med pa dang/ mya ngan las 'das pa yin no/ /sdug bsngal gsum dang gtan bral ba'i phyir zhi ba yin no/ /nyon mongs pa'i rims nad kyi gdung ba dang gtan bral ba'i phyir bsil bar gyur pa yin no/ /bla na med pa'i go 'phang thob pa'i phyir tshangs par gyur pa yin no/ /

【D28 明由三過不能無倒聽聞】

དམ་པའི་ཆོས་ཉན་པའི་སྐྱོན་ནི་གསུམ་སྟེ། རྣམ་པར་གཡེང་བ་དང༌། རྨོངས་པ་དང་མི་གུས་པའོ། །

dam pa'i chos nyan pa'i skyon ni gsum ste/ rnam par g.yeng ba dang/ rmongs pa dang mi gus pa'o/ /

【D29 明有五相為聞修器】

ཉན་པའི་སྣོད་ནི་རྣམ་པ་ལྔ་སྟེ། དམན་པའི་སེམས་ཉིད་དང༌། ཀུན་ནས་ཤེས་པའི་མཚན་ཉིད་དང༌། དོན་གཟུང་བའི་སེམས་ཉིད་དང༌། དོན་ལེགས་པར་གཟུང་བའི་སེམས་ཉིད་དང༌། གུས་པའི་སེམས་ཉིད་དོ། །

nyan pa'i snod ni rnam pa lnga ste/ dman pa'i sems nyid dang/ kun nas shes pa'i mtshan nyid dang/ don gzung ba'i sems nyid dang/ don legs par gzung ba'i sems nyid dang/ gus pa'i sems nyid do/ /

【D30 明五種師德】

ལེགས་པར་གསུངས་པའི་ཆོས་འདུལ་བ་ལ་སྟོན་པའི་ཡོན་ཏན་ནི་ལྔ་པོ་འདི་དག་ཡིན་ཏེ། དེ་དག་དང་ལྡན་པའི་སྟོན་པ་ནི་འདི་ལས་ཕྱི་རོལ་པའི་དགེ་སྦྱོང་དང༌། བྲམ་ཟེ་རྣམས་ཟིལ་གྱིས་ནོན་པ་ཡིན་ནོ། །ལྔ་གང་ཞེ་ན། ཚུལ་འཁྲུག་པ་མེད་པར་ཀུན་དུ་སྤྱོད་པ་དང༌། ཆོས་ཉིད་ལེགས་པར་བཅས་པ་དང༌། བསླབ་པ་ལེགས་པར་བཅས་པ་དང༌། ཆོས་ལེགས་པར་བཅས་པ་དང༌། བསླབ་པ་ལེགས་པར་བཅས་པ་དག་ལ་ཐེ་ཚོམ་སྐྱེས་སོ་ཅོག་གཅོད་པ་ཉིད་དང༌། ངེས་པར་འབྱིན་པ་ཉིད་འདོམས་པའོ། །

legs par gsungs pa'i chos 'dul ba la ston pa'i yon tan ni lnga po 'di dag yin te/ de dag dang ldan pa'i ston pa ni 'di las phyi rol pa'i dge sbyong dang/ bram ze rnams zil gyis non pa yin no/ /lnga gang zhe na/ tshul 'khrug pa med par kun du spyod pa dang/ chos nyid legs par bcas pa dang/ bslab pa legs par bcas pa dang/ chos legs par bcas pa dang/ bslab pa legs par bcas pa dag la the tshom skyes so cog gcod pa nyid dang/ nges par 'byin pa nyid 'doms pa'o/ /

【D31 明無我見能得出離】

ལམ་འདི་ཉིད་ནི་རྒྱུ་གསུམ་གྱིས་ངེས་པར་འབྱིན་པ་ཡིན་ཏེ། འདི་ལྟ་སྟེ། བདག་མེད་པར་ལྟ་བས་འདྲིས་པ་མ་ཡིན་པའི་ཕྱིར་དང༌། འཕྲལ་དུ་ཉོན་མོངས་པའི་གཉེན་པོ་ཡིན་པའི་ཕྱིར་དང༌། འཕྲལ་དུ་ཐར་པས་སྐྲག་པར་མི་བྱེད་པའི་ཕྱིར་རོ། །

lam 'di nyid ni rgyu gsum gyis nges par 'byin pa yin te/ 'di lta ste/ bdag med par lta bas 'dris pa ma yin pa'i phyir dang/ 'phral du nyon mongs pa'i gnyen po yin pa'i phyir dang/ 'phral du thar pas skrag par mi byed pa'i phyir ro/ /

【D32 明四善引四樂】

དགའ་བ་ནི་རྣམ་པ་བཞི་སྟེ། ཡོ་བྱད་བསྙུངས་པའི་དགའ་བ་དང༌། ཚངས་པར་སྤྱོད་པ་ལ་གནས་པའི་དགའ་བ་དང༌། ཡིད་ལ་གཅགས་པ་མེད་པའི་དགའ་བ་དང༌། སྤོང་བ་བསྒོམ་པ་ཉིད་ཀྱི་དགའ་བ་ལ་དགའ་བའོ། །དགའ་བ་དང་པོས་ནི་སྙིང་ལས་ཆུང་བ་ཉིད་ཀྱི་བདེ་བ་འདྲེན་པར་བྱེད་དོ། །གཉིས་པས་ནི་མངོན་པར་འབྱུང་བའི་བདེ་བའོ། །གསུམ་པས་ནི་ཏིང་ངེ་འཛིན་གྱི་བདེ་བའོ། །བཞི་པས་ནི་རྫོགས་པའི་བྱང་ཆུབ་ཀྱི་བདེ་བ་འདྲེན་པར་བྱེད་དོ། །

dga' ba ni rnam pa bzhi ste/ yo byad bsnyungs pa'i dga' ba dang/ tshangs par spyod pa la gnas pa'i dga' ba dang/ yid la gcags pa med pa'i dga' ba dang/ spong ba bsgom pa nyid kyi dga' ba la dga' ba'o/ /dga' ba dang pos ni snying las chung ba nyid kyi bde ba 'dren par byed do/ /gnyis pas ni mngon par 'byung ba'i bde ba'o/ /gsum pas ni ting nge 'dzin gyi bde ba'o/ /bzhi pas ni rdzogs pa'i byang chub kyi bde ba 'dren par byed do/ /

【D33 明佛法名為善說】

བཅོམ་ལྡན་འདས་ཀྱིས་ཆོས་ནི་རྒྱུ་གཉིས་ཀྱིས་ལེགས་པར་གསུངས་པ་ཡིན་ཏེ། ཚིག་འབྲུ་ལེགས་པར་རྣམ་པར་ཕྱེ་བ་ཉིད་དང༌། ལེགས་པར་རབ་ཏུ་རྟོགས་པ་ཉིད་ཀྱིས་སོ། །རྒྱུ་གཉིས་ཀྱིས་ཚིག་འབྲུའི་དོན་ལེགས་པར་རྟོགས་པ་ཡིན་ཏེ། ལེགས་པར་མངོན་པར་རྫོགས་པར་རྟོགས་པ་ཉིད་དང༌། ངེས་པར་འབྱིན་པ་མངོན་པར་རྫོགས་པར་རྟོགས་པས་སོ། །རྒྱུ་གཉིས་ཀྱིས་ངེས་པར་འབྱིན་པ་ཡིན་ཏེ༑ བདེ་འགྲོར་འགྲོ་བས་ངེས་པར་འབྱིན་པ་ཉིད་དང༌། རྫོགས་པའི་བྱང་ཆུབ་ཏུ་འགྲོ་བས་ངེས་པར་འབྱིན་པ་ཉིད་དོ། །རྒྱུ་གཉིས་ཀྱིས་རྫོགས་པའི་བྱང་ཆུབ་ཏུ་འགྲོ་བ་ཡིན་ཏེ། སོམ་ཉི་མེད་པ་དང་མི་ཕྱེད་པས་སོ། །རྒྱུ་གཉིས་ཀྱིས་མི་ཕྱེད་པ་ཡིན་ཏེ། ལྟ་བ་མི་ཕྱེད་པ་དང༌། འདུས་པ་དང་ལྡན་པས་སོ། །རྒྱུ་གཉིས་ཀྱིས་འདུས་པ་དང་ལྡན་པ་ཡིན་ཏེ། རྟོགས་པ་བརྟན་པ་དང༌། རྟོན་པ་ཡོད་པས་སོ། །རྒྱུ་གཉིས་ཀྱིས་རྟོན་པ་ཡོད་པ་ཡིན་ཏེ། ཡེ་ཤེས་ལ་རྟོན་གྱི་རྣམ་པར་ཤེས་པ་ལ་མི་རྟོན་པ་དང༌། རྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་པས་སོ། །རྒྱུ་གཉིས་ཀྱིས་རྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་ཏེ། སོམ་ཉི་ཐམས་ཅད་གཅོད་པ་དང༌། ལོག་པར་བསྒྲུབ་པ་མི་དམིགས་པས་སོ། །

bcom ldan 'das kyis chos ni rgyu gnyis kyis legs par gsungs pa yin te/ tshig 'bru legs par rnam par phye ba nyid dang/ legs par rab tu rtogs pa nyid kyis so/ /rgyu gnyis kyis tshig 'bru'i don legs par rtogs pa yin te/ legs par mngon par rdzogs par rtogs pa nyid dang/ nges par 'byin pa mngon par rdzogs par rtogs pas so/ /rgyu gnyis kyis nges par 'byin pa yin te| bde 'gror 'gro bas nges par 'byin pa nyid dang/ rdzogs pa'i byang chub tu 'gro bas nges par 'byin pa nyid do/ /rgyu gnyis kyis rdzogs pa'i byang chub tu 'gro ba yin te/ som nyi med pa dang mi phyed pas so/ /rgyu gnyis kyis mi phyed pa yin te/ lta ba mi phyed pa dang/ 'dus pa dang ldan pas so/ /rgyu gnyis kyis 'dus pa dang ldan pa yin te/ rtogs pa brtan pa dang/ rton pa yod pas so/ /rgyu gnyis kyis rton pa yod pa yin te/ ye shes la rton gyi rnam par shes pa la mi rton pa dang/ rton pa de bzhin gshegs pa dgra bcom pa yang dag par rdzogs pa'i sangs rgyas yin pas so/ /rgyu gnyis kyis rton pa de bzhin gshegs pa dgra bcom pa yang dag par rdzogs pa'i sangs rgyas yin te/ som nyi thams cad gcod pa dang/ log par bsgrub pa mi dmigs pas so/ /

【D34 明四種能障斷法】

སྤོང་བའི་གགས་ཀྱི་ཆོས་ནི་བཞི་སྟེ། སྐྱོ་བ་མེད་པ་དང༌། ཤེས་པ་ཡོངས་སུ་མ་སྨིན་པ་དང༌། རྣམ་པར་གཡེང་བ་དང་བྱིང་བའོ། །སྡིག་པ་བྱེད་པ་དག་ལ་ནི་ཤེས་རབ་ཀྱི་མིག་ལྡོངས་པར་རིག་པར་བྱའོ། །བསོད་ནམས་བྱེད་པ་དག་ལ་ནི་དྲི་མ་ཅན་དུའོ། །གཞན་མུ་སྟེགས་ཅན་ལ་ནི་རབ་རིབ་ཅན་དུའོ། །

spong ba'i gags kyi chos ni bzhi ste/ skyo ba med pa dang/ shes pa yongs su ma smin pa dang/ rnam par g.yeng ba dang bying ba'o/ /sdig pa byed pa dag la ni shes rab kyi mig ldongs par rig par bya'o/ /bsod nams byed pa dag la ni dri ma can du'o/ /gzhan mu stegs can la ni rab rib can du'o/ /

【D35 明修法念住】

ཆོས་དྲན་པ་ཉེ་བར་གཞག་པ་བསྒོམ་པས་ནི་ཀུན་ནས་ཉོན་མོངས་པའི་ཆོས་བཅུ་གཅིག་ཡོངས་སུ་ཤེས་པར་བྱ་སྟེ། འདོད་ཆགས་དང༌། ཞེ་སྡང་དང༌། གཏི་མུག་དང༌། སྡུད་པ་དང༌། རྣམ་པར་གཡེང་བ་དང༌། བྱིང་བ་དང༌། རྒོད་པ་དང༌། ཉེ་བའི་ཉོན་མོངས་པའི་རྒྱུ་མཚན་དང༌། རབ་ཏུ་དབེན་པ་ལ་མངོན་པར་མི་དགའ་བ་དང༌། རོ་མྱོང་བར་མི་བྱེད་པ་དང༌། མངོན་པའི་ང་རྒྱལ་ལོ། །

chos dran pa nye bar gzhag pa bsgom pas ni kun nas nyon mongs pa'i chos bcu gcig yongs su shes par bya ste/ 'dod chags dang/ zhe sdang dang/ gti mug dang/ sdud pa dang/ rnam par g.yeng ba dang/ bying ba dang/ rgod pa dang/ nye ba'i nyon mongs pa'i rgyu mtshan dang/ rab tu dben pa la mngon par mi dga' ba dang/ ro myong bar mi byed pa dang/ mngon pa'i nga rgyal lo/ /

【D36 明出世道用世道為助】

འཇིག་རྟེན་པའི་ལམ་ནི་རྒྱུ་བཞིས་འཇིག་རྟེན་ལས་འདས་པའི་ལམ་གྱི་གྲོགས་ཀྱི་བྱ་བ་བྱེད་དེ། སྒྲིབ་པ་སེལ་བ་དང༌། ཐག་བསྲིང་བས་རྣམ་པར་གནོན་པ་དང༌། སྐྱོ་བས་ཤིག་ཤིག་པོར་བྱེད་པ་དང༌། ཆོས་ཀྱི་ཤུགས་ཀྱིས་མངོན་པར་རླན་པར་བྱེད་པས་སོ། །

'jig rten pa'i lam ni rgyu bzhis 'jig rten las 'das pa'i lam gyi grogs kyi bya ba byed de/ sgrib pa sel ba dang/ thag bsring bas rnam par gnon pa dang/ skyo bas shig shig por byed pa dang/ chos kyi shugs kyis mngon par rlan par byed pas so/ /

【D37 明如來天眼遍行一切境】

དེ་བཞིན་གཤེགས་པའི་ལྷའི་སྤྱན་ནི་རྒྱུ་བཞིས་སེམས་ཅན་གྱི་དོན་ཐམས་ཅད་ཀྱི་སྤྱོད་ཡུལ་ཅན་ཡིན་པར་རིག་པར་བྱ་སྟེ། འགྲོ་བ་ཐམས་ཅད་འགྲུབ་པ་དང༌། མཐུན་པའི་ལམ་མངོན་པར་འདུ་བྱེད་པ་ལ་གནས་པའི་སེམས་ཅན་ཀུན་དུ་གཟིགས་པ་དང༌། སྐྱེ་བའི་གནས་སྣ་ཚོགས་མང་པོ་ན་གནས་པའི་སེམས་ཅན་ཀུན་དུ་གཟིགས་པ་དང༌། བར་མ་དོའི་སྲིད་པ་དང་བཅས་པའི་འཆི་འཕོ་དང༌། སྐྱེ་བ་དང་ལྡན་པའི་སེམས་ཅན་ཀུན་དུ་གཟིགས་པ་དང༌། བར་མ་དོའི་སྲིད་པ་མེད་པའི་འཆི་འཕོ་དང༌། སྐྱེ་བ་དང་ལྡན་པའི་སེམས་ཅན་ཀུན་དུ་གཟིགས་པས་སོ། །

de bzhin gshegs pa'i lha'i spyan ni rgyu bzhis sems can gyi don thams cad kyi spyod yul can yin par rig par bya ste/ 'gro ba thams cad 'grub pa dang/ mthun pa'i lam mngon par 'du byed pa la gnas pa'i sems can kun du gzigs pa dang/ skye ba'i gnas sna tshogs mang po na gnas pa'i sems can kun du gzigs pa dang/ bar ma do'i srid pa dang bcas pa'i 'chi 'pho dang/ skye ba dang ldan pa'i sems can kun du gzigs pa dang/ bar ma do'i srid pa med pa'i 'chi 'pho dang/ skye ba dang ldan pa'i sems can kun du gzigs pas so/ /

【D38 明七漸次證達諸法】

རྣལ་འབྱོར་པ་ཆོས་རྟོགས་པར་བྱ་བ་དང༌། ཆོས་རབ་ཏུ་རྟོགས་པར་བྱ་བ་ལ་བརྩོན་པའི་ཆོས་རྟོགས་པར་བྱ་བ་དང༌། ཆོས་རབ་ཏུ་རྟོགས་པར་བྱ་བའི་གོ་རིམས་ནི་བདུན་སྟེ། འདི་ལྟ་སྟེ། སྟོན་པ་པོ་ལ་གུས་ཤིང་བསྙེན་བཀུར་བྱ་བ་དང༌། བསྙེན་བཀུར་བྱས་ནས་རྣ་བ་གཏོད་པ་དང༌། རྣ་བ་གཏད་ནས་ཆོས་ཀྱི་རྗེས་སུ་མཐུན་པའི་ཆོས་བསྒྲུབ་པ་དང༌། ཆོས་ཀྱི་རྗེས་སུ་མཐུན་པའི་ཆོས་བསྒྲུབས་ནས་སེམས་གནས་པར་བྱ་བའི་ཕྱིར་ཡང་དག་པའི་ཐབས་ཡོངས་སུ་གཟུང་བ་དང༌། ཐབས་ཡོངས་སུ་བཟུང་ནས་བརྩོན་འགྲུས་བརྩམ་པ་དང༌། བརྩོན་འགྲུས་བརྩམས་ནས་ནང་དང་ཕྱི་རོལ་ལ་སེམས་མི་མཉམ་པ་སྐྱེ་བའི་གཞི་སོ་སོར་སྤང་བའི་ཚུལ་གྱིས་ཟང་ཟིང་དང༌། ཆོས་ཀྱི་སྒྲིབ་པ་རྣམ་པར་དག་པར་བྱེད་པ་དང་། སྒྲིབ་པ་རྣམ་པར་དག་ནས་ཏིང་ངེ་འཛིན་གྱི་རོ་མྱོང་བར་མི་བྱེད་ཅིང་མངོན་པའི་ང་རྒྱལ་མེད་པའོ། །

rnal 'byor pa chos rtogs par bya ba dang/ chos rab tu rtogs par bya ba la brtson pa'i chos rtogs par bya ba dang/ chos rab tu rtogs par bya ba'i go rims ni bdun ste/ 'di lta ste/ ston pa po la gus shing bsnyen bkur bya ba dang/ bsnyen bkur byas nas rna ba gtod pa dang/ rna ba gtad nas chos kyi rjes su mthun pa'i chos bsgrub pa dang/ chos kyi rjes su mthun pa'i chos bsgrubs nas sems gnas par bya ba'i phyir yang dag pa'i thabs yongs su gzung ba dang/ thabs yongs su bzung nas brtson 'grus brtsam pa dang/ brtson 'grus brtsams nas nang dang phyi rol la sems mi mnyam pa skye ba'i gzhi so sor spang ba'i tshul gyis zang zing dang/ chos kyi sgrib pa rnam par dag par byed pa dang / sgrib pa rnam par dag nas ting nge 'dzin gyi ro myong bar mi byed cing mngon pa'i nga rgyal med pa'o/ /

【D39 為治九種所治修四念住】

མི་མཐུན་པའི་ཕྱོགས་རྣམ་པ་དགུའི་གཉེན་པོར་དྲན་པ་ཉེ་བར་གཞག་པ་བཞི་བསྒོམ་པར་བྱ་སྟེ། དགུ་གང་ཞེ་ན། དེ་ནི་སྐྱོ་བ་མེད་པ་དང༌། ཡིད་ལ་བྱེད་པ་མེད་པ་དང༌། ཞི་གནས་དང་ལྷག་མཐོང་གི་ཉེ་བའི་ཉོན་མོངས་པ་དང༌། བྱིང་བ་དང་འཁྲུག་པ་ལ་མི་མཇེད་པ་མེད་པ་ཉིད་དང༌། ངན་ངོན་ཙམ་གྱིས་ཆོག་པར་འཛིན་པ་དང༌། གདམས་ངག་བརྗེད་པ་དང༌། ལྟུང་བ་དང༌། བརྩོན་པ་བཏང་བ་ཉིད་དོ། །

mi mthun pa'i phyogs rnam pa dgu'i gnyen por dran pa nye bar gzhag pa bzhi bsgom par bya ste/ dgu gang zhe na/ de ni skyo ba med pa dang/ yid la byed pa med pa dang/ zhi gnas dang lhag mthong gi nye ba'i nyon mongs pa dang/ bying ba dang 'khrug pa la mi mjed pa med pa nyid dang/ ngan ngon tsam gyis chog par 'dzin pa dang/ gdams ngag brjed pa dang/ ltung ba dang/ brtson pa btang ba nyid do/ /

【D40 明出家在家各有五失】

ཁྱིམ་མེད་པའི་སྐྱོན་ནི་ལྔ་སྟེ། མངོན་པར་མི་དགའ་བའི་སྐྱོན་དང་། རྙེད་པ་དང༌། བཀུར་སྟི་ལ་ལྷག་པར་ཆགས་པའི་སྐྱོན་དང༌། ཤེས་ཀྱི་ཁེ་ཚོལ་བའི་སྐྱོན་དང༌། ཁྱད་དུ་གསོད་པའི་སྐྱོན་དང༌། མངོན་པའི་ང་རྒྱལ་གྱི་སྐྱོན་ནོ། །ཁྱིམ་པའི་སྐྱོན་ཡང་ལྔ་སྟེ། ལྷག་པར་ཆགས་པའི་སྐྱོན་དང༌། བར་དུ་གཅོད་པའི་འདོད་པ་བསྟེན་པའི་སྐྱོན་དང༌། ཡོངས་སུ་འཛིན་པའི་སྐྱོན་དང༌། ཉེས་པར་སྤྱོད་པ་ལ་སྦྱོར་བའི་སྐྱོན་དང༌། ལེགས་པར་སྤྱོད་པ་ལ་མི་སྦྱོར་བའི་སྐྱོན་ནོ། །

khyim med pa'i skyon ni lnga ste/ mngon par mi dga' ba'i skyon dang / rnyed pa dang/ bkur sti la lhag par chags pa'i skyon dang/ shes kyi khe tshol ba'i skyon dang/ khyad du gsod pa'i skyon dang/ mngon pa'i nga rgyal gyi skyon no/ /khyim pa'i skyon yang lnga ste/ lhag par chags pa'i skyon dang/ bar du gcod pa'i 'dod pa bsten pa'i skyon dang/ yongs su 'dzin pa'i skyon dang/ nyes par spyod pa la sbyor ba'i skyon dang/ legs par spyod pa la mi sbyor ba'i skyon no/ /

【D41 明愚夫之相】

བྱིས་པའི་རྟགས་ནི་བཞི་པོ་འདི་དག་ཡིན་ཏེ། ལེགས་པར་བྱ་བ་མི་བྱེད་པ་དང༌། ཉེས་པར་བྱ་བ་བྱེད་པ་དང༌། འདྲེན་མར་བྱེད་པ་དང༌། གཅིག་ཏུ་ལེགས་པར་བྱ་བ་དེ་ཉིད་ཡང་དག་པ་ཇི་ལྟ་བ་བཞིན་དུ་ཡོངས་སུ་མི་ཤེས་པའོ། །གཞན་ཡང་བྱིས་པའི་རྟགས་བཞི་སྟེ། འདི་ལྟ་སྟེ། བློ་གྲོས་མ་ངེས་པ་དང༌། བློ་གྲོས་ལོག་པར་རྣམ་པར་ངེས་པ་དང༌། སྦྱོར་བ་མི་རྩོམ་པ་དང༌། ཚུལ་འཆོས་པའོ། །གཞན་ཡང་བྱིས་པའི་རྟགས་བཞི་སྟེ། འདི་ལྟ་སྟེ། གནས་མ་ཡིན་པ་ལ་དགའ་བ་དང༌། གནས་མ་ཡིན་པ་ལ་མྱ་ངན་བྱེད་པ་དང༌། ཞུགས་པ་ལ་ངེས་པ་དང༌། དང་པོ་ནས་མི་རྟོག་པའོ། །གཞན་ཡང་བྱིས་པའི་རྟགས་ལྔ་སྟེ། ལོག་པར་མངོན་པར་རྟོགས་པ་དང༌། ལོག་པར་རྩོམ་པ་དང༌། དེའི་ངལ་བ་ཕལ་ཆེར་འབྲས་བུ་མེད་པ་དང༌། དེས་མྱ་ངན་བྱེད་པ་དང༌། བྱིས་པ་ཕལ་ཆེར་བསོད་ནམས་ཆུང་ཞིང་ཁ་རྗེ་ཆུང་བའོ། །

byis pa'i rtags ni bzhi po 'di dag yin te/ legs par bya ba mi byed pa dang/ nyes par bya ba byed pa dang/ 'dren mar byed pa dang/ gcig tu legs par bya ba de nyid yang dag pa ji lta ba bzhin du yongs su mi shes pa'o/ /gzhan yang byis pa'i rtags bzhi ste/ 'di lta ste/ blo gros ma nges pa dang/ blo gros log par rnam par nges pa dang/ sbyor ba mi rtsom pa dang/ tshul 'chos pa'o/ /gzhan yang byis pa'i rtags bzhi ste/ 'di lta ste/ gnas ma yin pa la dga' ba dang/ gnas ma yin pa la mya ngan byed pa dang/ zhugs pa la nges pa dang/ dang po nas mi rtog pa'o/ /gzhan yang byis pa'i rtags lnga ste/ log par mngon par rtogs pa dang/ log par rtsom pa dang/ de'i ngal ba phal cher 'bras bu med pa dang/ des mya ngan byed pa dang/ byis pa phal cher bsod nams chung zhing kha rje chung ba'o/ /

【D42 明生死似海】

འཁོར་བ་ནི་རྒྱ་མཚོ་དང་ཆོས་མཐུན་པ་ལྔས་རྒྱ་མཚོའི་མིང་འཐོབ་སྟེ། སྤྱོད་ཡུལ་ཚད་མེད་པར་ཆོས་མཐུན་པ་དང༌། ཟབ་པར་ཆོས་མཐུན་པ་དང༌། གཏིང་སླེབས་དཀའ་བར་ཆོས་མཐུན་པ་དང༌། བཏུང་དུ་མི་རུང་བར་ཆོས་མཐུན་པ་དང༌། རིན་པོ་ཆེ་ཆེན་པོའི་གནས་ཡིན་པར་ཆོས་མཐུན་པས་སོ། །

'khor ba ni rgya mtsho dang chos mthun pa lngas rgya mtsho'i ming 'thob ste/ spyod yul tshad med par chos mthun pa dang/ zab par chos mthun pa dang/ gting slebs dka' bar chos mthun pa dang/ btung du mi rung bar chos mthun pa dang/ rin po che chen po'i gnas yin par chos mthun pas so/ /

【D43 明於諸財施法施為勝】

ཆོས་ཀྱི་སྦྱིན་པ་ནི་རྒྱུ་ལྔས་ཟང་ཟིང་གི་སྦྱིན་པ་ལས་ཁྱད་པར་དུ་འཕགས་པ་ཡིན་ཏེ། ཟང་ཟིང་གི་སྦྱིན་པ་ནི་གཞན་གྱི་སེམས་ཀྱི་རྒྱུད་ལ་ཉེས་པར་སྤྱོད་པ་ཀུན་ནས་སློང་བར་བྱེད་པ་ཡིན་གྱི་ཆོས་ཀྱི་སྦྱིན་པ་ནི་ལེགས་པར་སྤྱོད་པ་ངེས་པར་ཀུན་ནས་སློང་བར་བྱེད་པའི་ཕྱིར་དང༌། ཟང་ཟིང་གི་སྦྱིན་པ་ནི་གཞན་གྱི་སེམས་ཀྱི་རྒྱུད་ལ་ཉོན་མོངས་པ་ཀུན་ནས་སློང་བར་བྱེད་པ་ཡིན་གྱི། ཆོས་ཀྱི་སྦྱིན་པ་ནི་ཉོན་མོངས་པའི་གཉེན་པོ་ཡིན་པའི་ཕྱིར་དང༌། ཟང་ཟིང་གི་སྦྱིན་པ་ནི་གཞན་གྱི་སེམས་ཀྱི་རྒྱུད་ལ་རྒྱུན་དུ་ཁ་ན་མ་ཐོ་བ་དང་བཅས་པའི་བདེ་བ་སྐྱེད་པར་བྱེད་པ་ཡིན་གྱི་ཆོས་ཀྱི་སྦྱིན་པ་ནི་རྒྱུན་དུ་ཁ་ན་མ་ཐོ་བ་མེད་པའི་བདེ་བ་བསྐྱེད་པའི་ཕྱིར་དང༌། ཟང་ཟིང་གི་སྦྱིན་པ་ནི་སངས་རྒྱས་རྣམས་འབྱུང་བ་ཡོད་ཀྱང་རུང༌། མེད་ཀྱང་རུང་མོད་པ་ཡིན་གྱི་ཆོས་ཀྱི་སྦྱིན་པ་ནི་སངས་རྒྱས་འབྱུང་བ་མེད་ན་དཀོན་པའི་ཕྱིར་དང༌། ཟང་ཟིང་གི་སྦྱིན་པ་ནི་བྱིན་ན་ཟད་པའི་ཆོས་ཅན་ཡིན་གྱི། ཆོས་ཀྱི་སྦྱིན་པ་ནི་བྱིན་ན་མི་ཟད་པའི་ཆོས་ཅན་ཡིན་པའི་ཕྱིར་རོ། །

chos kyi sbyin pa ni rgyu lngas zang zing gi sbyin pa las khyad par du 'phags pa yin te/ zang zing gi sbyin pa ni gzhan gyi sems kyi rgyud la nyes par spyod pa kun nas slong bar byed pa yin gyi chos kyi sbyin pa ni legs par spyod pa nges par kun nas slong bar byed pa'i phyir dang/ zang zing gi sbyin pa ni gzhan gyi sems kyi rgyud la nyon mongs pa kun nas slong bar byed pa yin gyi/ chos kyi sbyin pa ni nyon mongs pa'i gnyen po yin pa'i phyir dang/ zang zing gi sbyin pa ni gzhan gyi sems kyi rgyud la rgyun du kha na ma tho ba dang bcas pa'i bde ba skyed par byed pa yin gyi chos kyi sbyin pa ni rgyun du kha na ma tho ba med pa'i bde ba bskyed pa'i phyir dang/ zang zing gi sbyin pa ni sangs rgyas rnams 'byung ba yod kyang rung/ med kyang rung mod pa yin gyi chos kyi sbyin pa ni sangs rgyas 'byung ba med na dkon pa'i phyir dang/ zang zing gi sbyin pa ni byin na zad pa'i chos can yin gyi/ chos kyi sbyin pa ni byin na mi zad pa'i chos can yin pa'i phyir ro/ /

【D44 應令五心隨己而轉不隨心轉】

སེམས་ལྔ་ལ་ནི་དབང་བསྒྱུར་བར་བྱའི་སེམས་དེ་དག་གི་དབང་དུ་ནི་མི་འགྱུར་བར་བྱ་བ་ཡིན་ཏེ། ཉེས་པར་སྤྱོད་པའི་སྦྱོར་བ་ལས་བྱུང་བའི་སེམས་ཉེས་པར་སྤྱོད་པ་ལ་འཇུག་པ་དང༌། ལེགས་པར་སྤྱོད་པའི་སྦྱོར་བ་ལས་བྱུང་བའི་སེམས་ལེགས་པར་སྤྱོད་པ་ལ་མི་འཇུག་པ་དང༌། འདོད་པ་ཡོངས་སུ་ཚོལ་བའི་སྦྱོར་བ་ལས་བྱུང་བའི་སེམས་ཆོས་མ་ཡིན་པས་བབ་ཅོལ་དུ་འདོད་པ་ཡོངས་སུ་ཚོལ་བ་ལ་འཇུག་པ་དང༌། འདོད་པ་ལ་ལོངས་སྤྱོད་པའི་སྦྱོར་བ་ལས་བྱུང་བའི་སེམས་ཆགས་པ་ནས་ཉེས་དམིགས་སུ་མི་ལྟ་བ་དང༌། ངེས་པར་འབྱུང་བ་རབ་ཏུ་མི་ཤེས་པའི་བར་གྱིས་ལོངས་སྤྱོད་པ་ལ་འཇུག་པ་དང༌། མངོན་པར་འབྱུང་བ་དང༌། རབ་ཏུ་དབེན་པའི་སྦྱོར་བ་ལས་བྱུང་བའི་སེམས་མངོན་པར་འབྱུང་བ་དང༌། རབ་ཏུ་དབེན་པ་ལས་ཕྱིར་ལྡོག་ཅིང་འདོད་པ་རྣམས་དང༌། བསམ་གཏན་གྱི་རོ་མྱང་བ་ལ་འཇུག་པའོ། །

sems lnga la ni dbang bsgyur bar bya'i sems de dag gi dbang du ni mi 'gyur bar bya ba yin te/ nyes par spyod pa'i sbyor ba las byung ba'i sems nyes par spyod pa la 'jug pa dang/ legs par spyod pa'i sbyor ba las byung ba'i sems legs par spyod pa la mi 'jug pa dang/ 'dod pa yongs su tshol ba'i sbyor ba las byung ba'i sems chos ma yin pas bab col du 'dod pa yongs su tshol ba la 'jug pa dang/ 'dod pa la longs spyod pa'i sbyor ba las byung ba'i sems chags pa nas nyes dmigs su mi lta ba dang/ nges par 'byung ba rab tu mi shes pa'i bar gyis longs spyod pa la 'jug pa dang/ mngon par 'byung ba dang/ rab tu dben pa'i sbyor ba las byung ba'i sems mngon par 'byung ba dang/ rab tu dben pa las phyir ldog cing 'dod pa rnams dang/ bsam gtan gyi ro myang ba la 'jug pa'o/ /

【D45 明煩惱魅勝於鬼魅】

ཉོན་མོངས་པའི་གདོན་ནི་རྒྱུ་ལྔས་འབྱུང་པོའི་གདོན་ལས་ཁྱད་པར་དུ་འཕགས་པ་ཡིན་ཏེ། འབྱུང་པོའི་གདོན་གྱིས་ཟིན་པ་ནི་གཅིག་ལ་གདོན་གཅིག་གིས་ཟིན་པ་ཡིན་གྱི། ཉོན་མོངས་པའི་གདོན་གྱིས་ཟིན་པ་ནི་གཅིག་ལ་ཉོན་མོངས་པའི་གདོན་དུ་མས་ཟིན་པ་ཡིན་པ་དང༌། གཞན་ཡང་འབྱུང་པོའི་གདོན་གྱིས་ཟིན་པའི་འབྱུང་པོའི་གདོན་ནི་གསང་སྔགས་དག་གམ་སྨན་དག་གམ། ཡོ་བྱད་དག་གིས་བསྒྲུབ་སླ་བ་ཡིན་གྱི་ཉོན་མོངས་པའི་གདོན་གྱིས་ཟིན་པའི་ཉོན་མོངས་པའི་གདོན་ནི་བསྒྲུབ་ཏུ་མི་རུང་བ་ཡིན་པ་དང༌། གཞན་ཡང་འབྱུང་པོའི་གདོན་གྱིས་ཟིན་པའི་འབྱུང་པོའི་གདོན་ནི་ཟིན་པ་ཙམ་ཁོ་ནས་བྱིས་པ་དང་ཁྱེའུ་དག་ཡན་ཆད་ཀྱིས་ཀྱང་རྣམ་པར་ཤེས་པ་སླ་བ་ཡིན་གྱི། ཉོན་མོངས་པའི་གདོན་གྱིས་ཟིན་པའི་ཉོན་མོངས་པའི་གདོན་ནི་འཇིག་རྟེན་གྱི་མཁས་པ་རྣམས་ཀྱིས་ཀྱང་རྣམ་པར་ཤེས་པ་དཀའ་བ་ཡིན་པ་དང༌། གཞན་ཡང་འབྱུང་པོའི་གདོན་གྱིས་ཟིན་པའི་འབྱུང་པོའི་གདོན་ནི་གློ་བུར་བ་སྟེ། ལྷན་ཅིག་སྐྱེས་པ་མ་ཡིན་པ་དང༌། དེས་དེའི་ངང་ཚུལ་དུ་མི་འགྱུར་བ་ཡིན་གྱི། ཉོན་མོངས་པའི་གདོན་གྱིས་ཟིན་པའི་ཉོན་མོངས་པའི་གདོན་ནི་གློ་བུར་བ་མ་ཡིན་པ་སྟེ། ལྷན་ཅིག་སྐྱེས་པ་དང༌། དེས་དའི་ངང་ཚུལ་དུ་འགྱུར་བ་དང༌། གཞན་ཡང་འབྱུང་པོའི་གདོན་གྱིས་ཟིན་པའི་འབྱུང་པོའི་གདོན་ནི་དེ་ལས་གཞན་པའི་སེམས་ཅན་ཐམས་ཅད་དང་ཐུན་མོང་མ་ཡིན་པ་ཡིན་གྱི། ཉོན་མོངས་པའི་གདོན་གྱིས་ཟིན་པའི་ཉོན་མོངས་པའི་གདོན་ནི་དེ་ལས་གཞན་པའི་སེམས་ཅན་ཐམས་ཅད་དང་ཐུན་མོང་ཡིན་པས་སོ། །

nyon mongs pa'i gdon ni rgyu lngas 'byung po'i gdon las khyad par du 'phags pa yin te/ 'byung po'i gdon gyis zin pa ni gcig la gdon gcig gis zin pa yin gyi/ nyon mongs pa'i gdon gyis zin pa ni gcig la nyon mongs pa'i gdon du mas zin pa yin pa dang/ gzhan yang 'byung po'i gdon gyis zin pa'i 'byung po'i gdon ni gsang sngags dag gam sman dag gam/ yo byad dag gis bsgrub sla ba yin gyi nyon mongs pa'i gdon gyis zin pa'i nyon mongs pa'i gdon ni bsgrub tu mi rung ba yin pa dang/ gzhan yang 'byung po'i gdon gyis zin pa'i 'byung po'i gdon ni zin pa tsam kho nas byis pa dang khye'u dag yan chad kyis kyang rnam par shes pa sla ba yin gyi/ nyon mongs pa'i gdon gyis zin pa'i nyon mongs pa'i gdon ni 'jig rten gyi mkhas pa rnams kyis kyang rnam par shes pa dka' ba yin pa dang/ gzhan yang 'byung po'i gdon gyis zin pa'i 'byung po'i gdon ni glo bur ba ste/ lhan cig skyes pa ma yin pa dang/ des de'i ngang tshul du mi 'gyur ba yin gyi/ nyon mongs pa'i gdon gyis zin pa'i nyon mongs pa'i gdon ni glo bur ba ma yin pa ste/ lhan cig skyes pa dang/ des da'i ngang tshul du 'gyur ba dang/ gzhan yang 'byung po'i gdon gyis zin pa'i 'byung po'i gdon ni de las gzhan pa'i sems can thams cad dang thun mong ma yin pa yin gyi/ nyon mongs pa'i gdon gyis zin pa'i nyon mongs pa'i gdon ni de las gzhan pa'i sems can thams cad dang thun mong yin pas so/ /

【D46 明立我過失】

དགེ་སློང་ཚུལ་བཞིན་མ་ཡིན་པ་སེམས་པ་ལ་ཞུགས་པ་བདེན་པ་དང༌། གནས་པ་ལས་བདག་ཉིད་དམིགས་ནས། འདོགས་པར་བྱེད་པའི་སླུ་བ་ནི་རྣམ་པ་ལྔར་རིག་པར་བྱ་སྟེ། མུ་སྟེགས་ཅན་གྱི་བསྟན་པ་ལ་འཇུག་ཅིང༌། མུ་སྟེགས་ཅན་གྱི་ལྟ་བ་འཛིན་པ་དང༌། གལ་ཏེ་མི་འཇུག་ན་ཡང་མུ་སྟེགས་ཅན་རྣམས་དང་ཆོས་མཐུན་པར་འགྱུར་བ་དང༌། ཞུགས་ན་ཡང་ངེས་པར་འབྱིན་པ་མ་ཡིན་པའི་ལམ་དུ་ཞུགས་པར་འགྱུར་བ་དང༌། མ་ཞུགས་ན་ཡང་རྒྱུ་གཉིས་ཀྱིས་ཏེ། ཆོས་འདི་པ་རྣམས་དང་རིས་མི་མཐུན་པའི་ཆོས་ཅན་དུ་འགྱུར་བ་སྟེ། བདེན་པ་མངོན་པར་རྟོགས་པའི་གཞི་ལོག་པར་བསྒྲུབ་པ་དང༌། བདེན་པ་མངོན་པར་རྟོགས་པ་ལོག་པར་བསྒྲུབ་པས་སོ། །

dge slong tshul bzhin ma yin pa sems pa la zhugs pa bden pa dang/ gnas pa las bdag nyid dmigs nas/ 'dogs par byed pa'i slu ba ni rnam pa lngar rig par bya ste/ mu stegs can gyi bstan pa la 'jug cing/ mu stegs can gyi lta ba 'dzin pa dang/ gal te mi 'jug na yang mu stegs can rnams dang chos mthun par 'gyur ba dang/ zhugs na yang nges par 'byin pa ma yin pa'i lam du zhugs par 'gyur ba dang/ ma zhugs na yang rgyu gnyis kyis te/ chos 'di pa rnams dang ris mi mthun pa'i chos can du 'gyur ba ste/ bden pa mngon par rtogs pa'i gzhi log par bsgrub pa dang/ bden pa mngon par rtogs pa log par bsgrub pas so/ /

【D47 約三行辨能所治】

འདོད་པ་སྤྱོད་པ་དང༌། བསོད་ནམས་སྤྱོད་པ་དང༌། ཕན་ཚུན་གནས་པའི་སྤྱོད་པ་ལས་བརྩམས་ནས། རྗེས་སུ་ཆགས་པ་དང༌། ཁོང་ཁྲོ་བའི་ཀུན་ནས་ཉོན་མོངས་པ་རྣམ་པ་དྲུག་དང༌། གཞི་བཞི་དང༌། གཉེན་པོ་རྣམ་པ་ལྔ་ཡོད་པར་རིག་པར་བྱ་སྟེ། རྗེས་སུ་ཆགས་པ་དང༌། ཁོང་ཁྲོ་བའི་ཀུན་ནས་ཉོན་མོངས་པ་རྣམ་པ་དྲུག་གང་ཞེ་ན། ཡུལ་ལ་འདོད་ཆགས་པ་སྟེ༑ དེས་བར་དུ་གཅོད་པའི་འདོད་པ་རྣམས་སྟེན་པར་བྱེད་པ་དང༌། དགྲ་ལ་ཞེ་སྡང་བ་སྟེ། དེས་གནོད་པར་བྱེད་པའི་སེམས་ཅན་རྣམས་ལ་གནོད་སེམས་སྒྲུབ་པར་འགྱུར་བ་དང༌། ངག་ལ་འདོད་ཆགས་པ་སྟེ། དེས་ངག་གིས་ཡོངས་སུ་བསྡུས་པའི་སེམས་ཅན་གཞན་གྱི་དབང་དུ་གྱུར་པ་སྡུག་བསྔལ་བ་རྣམས་ལ་རྣམ་པར་འཚེ་བ་དང༌། རྣམ་པར་ཐོ་འཚམས་པ་སྒྲུབ་པར་བྱེད་པ་དང༌། ལྷག་པ་ལ་ཞེ་སྡང་བ་སྟེ། དེས་བདེ་བ་ལྷག་པ་དང༌། དགའ་བ་ལྷག་པའི་སེམས་ཅན་རྣམས་ལ་འབྱོར་པ་དེ་མི་འདོད་ཅིང་བདག་ཉིད་འདོད་པས་ཕྲག་དོག་གི་རང་བཞིན་གྱིས་མི་དགའ་བ་དང༌། མངོན་པར་འདྲེ་བར་བྱེད་པ་དང༌། ཡོན་ཏན་དང་ལྡན་པ་ལ་འདོད་ཆགས་པ་དང༌། སྐྱོན་དང་ལྡན་པ་ལ་ཞེ་སྡང་བ་སྟེ། དེས་སེམས་མི་མཉམ་པས་དགེ་འདུན་ལ་སྦྱིན་པ་དག་སྦྱིན་ཞིང༌། བསོད་ནམས་དག་བྱེད་པ་དང༌། གཅིག་ལ་གཅིག་ལོགས་པར་བྱས་པ་དང༌། ཉེས་པར་བྱས་པ་དང༌། མ་བྱས་པ་ལ་ཀླན་ཀ་ཚོལ་བས་སྡུག་བསྔལ་བ་དང༌། བདེ་བ་ལ་རེག་པར་མི་གནས་པའོ། །གཞི་བཞི་གང་ཞེ་ན། རྣམ་པ་དང་པོའི་གཞི་ནི་ཡུལ་ཡིན་ནོ། །རྣམ་པ་ལྷག་མ་རྣམས་ཀྱི་གཞི་ནི་སེམས་ཅན་ཡིན་ནོ། །རྣམ་པ་དང་པོ་གཉིས་ཀྱི་གཞི་ནི་ཀུན་ནས་ཉོན་མོངས་པ་ཆ་གཅིག་པ་ཉིད་ཡིན་ནོ། །རྣམ་པ་ལྷག་མ་རྣམས་ཀྱི་གཞི་ནི་ཀུན་ནས་ཉོན་མོངས་པ་ཆ་གཉིས་པ་ཉིད་ཡིན་ནོ། །གཉེན་པོ་རྣམ་པ་ལྔ་གང་ཞེ་ན། མི་སྡུག་པ་དང༌། བྱམས་པ་དང༌། སྙིང་རྗེ་དང༌། དགའ་བ་དང༌། བཏང་སྙོམས་སོ། །རྣམ་གྲངས་གཞན་ཡང་རྗེས་སུ་ཆགས་པ་དང༌། ཁོང་ཁྲོ་བའི་ཀུན་ནས་ཉོན་མོངས་པ་རྣམ་པ་དྲུག་དང༌། གཉེན་པོ་རྣམ་པ་ལྔ་ཡོད་པར་རིག་པར་བྱ་སྟེ། རྣམ་པ་དྲུག་གང་ཞེ་ན། འདོད་ཆགས་ཀྱི་དངོས་པོ་དང༌། ཞེ་སྡང་གི་དངོས་པོ་དང༌། འདོད་ཆགས་དང༌། ཞེ་སྡང་དང༌། གཏི་མུག་གི་ཀུན་ནས་ཉོན་མོངས་པ་ལ་འདོད་ཆགས་པ་དང༌། ཀུན་དུ་འདོད་ཆགས་པ་མེད་པ་དང༌། ཀུན་དུ་ཞེ་སྡང་བ་མེད་པ་དང༌། ཀུན་དུ་གཏི་མུག་པ་མེད་པའི་ཀུན་ནས་ཉོན་མོངས་པ་མེད་པ་ལ་འདོད་ཆགས་པ་དང༌། ཀུན་དུ་འདོད་ཆགས་པ་མེད་པ་དང༌། ཀུན་དུ་ཞེ་སྡང་བ་མེད་པ་དང༌། ཀུན་དུ་གཏི་མུག་པ་མེད་པའི་ཀུན་ནས་ཉོན་མོངས་པ་མེད་པ་ལ་ཞེ་སྡང་བ་དང༌། འདོད་ཆགས་དང༌། ཞེ་སྡང་དང༌། གཏི་མུག་གི་ཀུན་ནས་ཉོན་མོངས་པ་ལ་ཞེ་སྡང་བའོ། །གཉེན་པོ་རྣམ་པ་ལྔ་གང་ཞེ་ན། མི་སྡུག་པ་དང༌། བྱམས་པ་དང༌། ཡིད་ལ་བྱེད་པ་གསུམ་སྟེ། ཀུན་ནས་ཉོན་མོངས་པ་ཕྱིན་ཅི་ལོག་པར་ཡིད་ལ་བྱེད་པ་དང༌། ཀུན་ནས་ཉོན་མོངས་པ་མེད་པ་ཕྱིན་ཅི་མ་ལོག་པར་ཡིད་ལ་བྱེད་པ་དང༌། ཀུན་ནས་ཉོན་མོངས་པ་དང༌། ཀུན་ནས་ཉོན་མོངས་པ་མེད་པ་གཉིས་ལ་སེམས་ཕྱིན་ཅི་ལོག་ཏུ་མ་གྱུར་པ་དེ་ལ་འདོད་ཆགས་དང༌། ཞེ་སྡང་ཡལ་བར་འདོར་བ་ཡིད་ལ་བྱེད་པའོ། །

'dod pa spyod pa dang/ bsod nams spyod pa dang/ phan tshun gnas pa'i spyod pa las brtsams nas/ rjes su chags pa dang/ khong khro ba'i kun nas nyon mongs pa rnam pa drug dang/ gzhi bzhi dang/ gnyen po rnam pa lnga yod par rig par bya ste/ rjes su chags pa dang/ khong khro ba'i kun nas nyon mongs pa rnam pa drug gang zhe na/ yul la 'dod chags pa ste| des bar du gcod pa'i 'dod pa rnams sten par byed pa dang/ dgra la zhe sdang ba ste/ des gnod par byed pa'i sems can rnams la gnod sems sgrub par 'gyur ba dang/ ngag la 'dod chags pa ste/ des ngag gis yongs su bsdus pa'i sems can gzhan gyi dbang du gyur pa sdug bsngal ba rnams la rnam par 'tshe ba dang/ rnam par tho 'tshams pa sgrub par byed pa dang/ lhag pa la zhe sdang ba ste/ des bde ba lhag pa dang/ dga' ba lhag pa'i sems can rnams la 'byor pa de mi 'dod cing bdag nyid 'dod pas phrag dog gi rang bzhin gyis mi dga' ba dang/ mngon par 'dre bar byed pa dang/ yon tan dang ldan pa la 'dod chags pa dang/ skyon dang ldan pa la zhe sdang ba ste/ des sems mi mnyam pas dge 'dun la sbyin pa dag sbyin zhing/ bsod nams dag byed pa dang/ gcig la gcig logs par byas pa dang/ nyes par byas pa dang/ ma byas pa la klan ka tshol bas sdug bsngal ba dang/ bde ba la reg par mi gnas pa'o/ /gzhi bzhi gang zhe na/ rnam pa dang po'i gzhi ni yul yin no/ /rnam pa lhag ma rnams kyi gzhi ni sems can yin no/ /rnam pa dang po gnyis kyi gzhi ni kun nas nyon mongs pa cha gcig pa nyid yin no/ /rnam pa lhag ma rnams kyi gzhi ni kun nas nyon mongs pa cha gnyis pa nyid yin no/ /gnyen po rnam pa lnga gang zhe na/ mi sdug pa dang/ byams pa dang/ snying rje dang/ dga' ba dang/ btang snyoms so/ /rnam grangs gzhan yang rjes su chags pa dang/ khong khro ba'i kun nas nyon mongs pa rnam pa drug dang/ gnyen po rnam pa lnga yod par rig par bya ste/ rnam pa drug gang zhe na/ 'dod chags kyi dngos po dang/ zhe sdang gi dngos po dang/ 'dod chags dang/ zhe sdang dang/ gti mug gi kun nas nyon mongs pa la 'dod chags pa dang/ kun du 'dod chags pa med pa dang/ kun du zhe sdang ba med pa dang/ kun du gti mug pa med pa'i kun nas nyon mongs pa med pa la 'dod chags pa dang/ kun du 'dod chags pa med pa dang/ kun du zhe sdang ba med pa dang/ kun du gti mug pa med pa'i kun nas nyon mongs pa med pa la zhe sdang ba dang/ 'dod chags dang/ zhe sdang dang/ gti mug gi kun nas nyon mongs pa la zhe sdang ba'o/ /gnyen po rnam pa lnga gang zhe na/ mi sdug pa dang/ byams pa dang/ yid la byed pa gsum ste/ kun nas nyon mongs pa phyin ci log par yid la byed pa dang/ kun nas nyon mongs pa med pa phyin ci ma log par yid la byed pa dang/ kun nas nyon mongs pa dang/ kun nas nyon mongs pa med pa gnyis la sems phyin ci log tu ma gyur pa de la 'dod chags dang/ zhe sdang yal bar 'dor ba yid la byed pa'o/ /

【D48 明出家五德】

གང་ཟག་བཞིའི་རབ་ཏུ་འབྱུང་བ་ལ་ཡོན་ཏན་ལྔ་ཡོད་པར་རིག་པར་བྱ་སྟེ། གང་ཟག་བཞི་གང་ཞེ་ན། རང་དབང་ཅན་དང༌། གཞན་གྱི་དབང་དུ་གྱུར་པ་དང༌། ཡོངས་སུ་སྨིན་པ་དང༌། ཡོངས་སུ་མ་སྨིན་པའོ། །རབ་ཏུ་འབྱུང་བའི་ཡོན་ཏན་ལྔ་ཇི་ལྟར་རིག་པར་བྱ་ཞེ་ན། གང་ཟག་རང་དབང་ཅན་རབ་ཏུ་བྱུང་ན་རྒྱལ་པོ་ལ་སོགས་པ་དང༌། ཐུན་མོང་བའི་ལོངས་སྤྱོད་དག་སྤངས་ནས། དེ་དག་དང་ཐུན་མོང་མ་ཡིན་པའི་ཚུལ་ཁྲིམས་དག་ལ་གནས་པར་འགྱུར་ཏེ། དེ་ནི་ཡོན་ཏན་དང་པོ་ཡིན་ནོ། །གང་ཟག་གཞན་གྱི་དབང་དུ་གྱུར་པ་རབ་ཏུ་བྱུང་ན་གཞན་གྱི་དབང་དང༌། ཚིག་འོག་ན་འདུག་པ་སྤངས་ནས། དབང་དང་ཚིག་འོག་ན་འདུག་པ་ལ་རང་དབང་ཡོད་པར་ཁས་བླངས་པར་འགྱུར་ཏེ། དེ་ནི་ཡོན་ཏན་གཉིས་པ་ཡིན་ནོ། །གང་ཟག་ཡོངས་སུ་སྨིན་པ་རབ་ཏུ་བྱུང་ན། གལ་ཏེ་ཀུན་དུ་སྦྱོར་བ་ལྷག་མ་མ་ལུས་ཤིང་སྡུག་བསྔལ་ཐམས་ཅད་ཀྱི་མཐར་ཕྱིན་པ་ཐོབ་པར་གྱུར་ན། དེ་ནི་ཡོན་ཏན་གསུམ་པ་ཡིན་ནོ། །གལ་ཏེ་ཀུན་དུ་སྦྱོར་བ་ལྷག་མ་དང་བཅས་ཤིང༌། ངན་སོང་བའི་སྡུག་བསྔལ་གྱི་མཐར་ཕྱིན་པ་རྗེས་སུ་ཐོབ་པར་གྱུར་ན། དེ་ནི་ཡོན་ཏན་བཞི་པ་ཡིན་ནོ། །གང་ཟག་ཡོངས་སུ་མ་སྨིན་པ་རབ་ཏུ་བྱུང་ན་ཚེ་འདི་ལ་ཁྱིམ་གྱི་གནོད་པ་དང༌། སྡུག་བསྔལ་རྣམ་པ་དུ་མ་དག་ལས་ཡོངས་སུ་གྲོལ་ཞིང་འདི་ལྟ་སྟེ། ཕྱི་མ་ལ་རྒྱུད་ཡོངས་སུ་སྨིན་པར་འགྱུར་བའི་ཐར་པའི་ཆ་དང་མཐུན་པའི་དགེ་བའི་རྩ་བ་རྣམ་པ་དུ་མ་དག་སོགས་པར་འགྱུར་ཏེ། དེ་ནི་ཡོན་ཏན་ལྔ་པ་ཡིན་ནོ། །

gang zag bzhi'i rab tu 'byung ba la yon tan lnga yod par rig par bya ste/ gang zag bzhi gang zhe na/ rang dbang can dang/ gzhan gyi dbang du gyur pa dang/ yongs su smin pa dang/ yongs su ma smin pa'o/ /rab tu 'byung ba'i yon tan lnga ji ltar rig par bya zhe na/ gang zag rang dbang can rab tu byung na rgyal po la sogs pa dang/ thun mong ba'i longs spyod dag spangs nas/ de dag dang thun mong ma yin pa'i tshul khrims dag la gnas par 'gyur te/ de ni yon tan dang po yin no/ /gang zag gzhan gyi dbang du gyur pa rab tu byung na gzhan gyi dbang dang/ tshig 'og na 'dug pa spangs nas/ dbang dang tshig 'og na 'dug pa la rang dbang yod par khas blangs par 'gyur te/ de ni yon tan gnyis pa yin no/ /gang zag yongs su smin pa rab tu byung na/ gal te kun du sbyor ba lhag ma ma lus shing sdug bsngal thams cad kyi mthar phyin pa thob par gyur na/ de ni yon tan gsum pa yin no/ /gal te kun du sbyor ba lhag ma dang bcas shing/ ngan song ba'i sdug bsngal gyi mthar phyin pa rjes su thob par gyur na/ de ni yon tan bzhi pa yin no/ /gang zag yongs su ma smin pa rab tu byung na tshe 'di la khyim gyi gnod pa dang/ sdug bsngal rnam pa du ma dag las yongs su grol zhing 'di lta ste/ phyi ma la rgyud yongs su smin par 'gyur ba'i thar pa'i cha dang mthun pa'i dge ba'i rtsa ba rnam pa du ma dag sogs par 'gyur te/ de ni yon tan lnga pa yin no/ /

【D49 明三苦九相】

ཟག་པ་དང་བཅས་པའི་འདུ་བྱེད་ཐམས་ཅད་ནི་སྡུག་བསྔལ་ཉིད་རྣམ་པ་གསུམ་གྱི་རྣམ་པ་དགུ་དང༌། རྗེས་སུ་འབྲེལ་པར་རིག་པར་བྱ་སྟེ། སྡུག་བསྔལ་ཉིད་རྣམ་པ་གསུམ་གང་ཞེ་ན། སྡུག་བསྔལ་གྱི་སྡུག་བསྔལ་ཉིད་དང༌། འདུ་བྱེད་ཀྱི་སྡུག་བསྔལ་ཉིད་དང༌། འགྱུར་བའི་སྡུག་བསྔལ་ཉིད་དོ། །རྣམ་པ་དགུ་གང་ཞེ་ན། སྡུག་བསྔལ་ཉིད་གསུམ་པོ་རེ་རེའི་རྣམ་པ་གསུམ་གསུམ་དང༌། ཟག་པ་དང་བཅས་པའི་འདུ་བྱེད་ཐམས་ཅད་རྗེས་སུ་འབྲེལ་པར་གྱུར་པ་དེ་དག་ནི་རྣམ་པ་དགུ་ཡིན་ཏེ། འཆི་འཕོ་དང་རྗེས་སུ་འབྲེལ་པ་དང༌། ངན་སོང་བའི་རྒྱུ་ཀུན་ནས་སློང་བ་དང་རྗེས་སུ་འབྲེལ་པ་དང༌། ངན་སོང་དུ་སྐྱེ་བ་དང་རྗེས་སུ་འབྲེལ་པ་དང༌། མི་རྟག་པའི་ཆོས་ཉིད་ཀྱིས་མི་རྟག་པ་དང་རྗེས་སུ་འབྲེལ་པ་དང༌། སྡུག་བསྔལ་གྱི་ཆོས་ཉིད་ཀྱིས་སྡུག་བསྔལ་དང་རྗེས་སུ་འབྲེལ་པ་དང་བདག་མེད་པའི་ཆོས་ཉིད་ཀྱིས་བདག་མེད་པ་དང་རྗེས་སུ་འབྲེལ་པ་དང༌། རོ་མྱང་བའི་གནས་ལྟ་བུའི་འདུ་བྱེད་རྣམས་ཀྱི་བདེ་བ་འབྱུང་བ་དང༌། གནས་པ་དང་རྗེས་སུ་འབྲེལ་དང་། འགྱུར་བའི་སྡུག་བསྔལ་ཉིད་དང་རྗེས་སུ་འབྲེལ་པ་དང༌། འགྱུར་བའི་སྡུག་བསྔལ་དེ་ཉིད་ལ་བརྟེན་ནས་མཁས་པ་རྣམས་ཀྱིས་ཀྱང་ངེས་པར་འབྱུང་བ་ཡོངས་སུ་མ་ཟིན་པ་ཉིད་དང་རྗེས་སུ་འབྲེལ་པའོ། །

zag pa dang bcas pa'i 'du byed thams cad ni sdug bsngal nyid rnam pa gsum gyi rnam pa dgu dang/ rjes su 'brel par rig par bya ste/ sdug bsngal nyid rnam pa gsum gang zhe na/ sdug bsngal gyi sdug bsngal nyid dang/ 'du byed kyi sdug bsngal nyid dang/ 'gyur ba'i sdug bsngal nyid do/ /rnam pa dgu gang zhe na/ sdug bsngal nyid gsum po re re'i rnam pa gsum gsum dang/ zag pa dang bcas pa'i 'du byed thams cad rjes su 'brel par gyur pa de dag ni rnam pa dgu yin te/ 'chi 'pho dang rjes su 'brel pa dang/ ngan song ba'i rgyu kun nas slong ba dang rjes su 'brel pa dang/ ngan song du skye ba dang rjes su 'brel pa dang/ mi rtag pa'i chos nyid kyis mi rtag pa dang rjes su 'brel pa dang/ sdug bsngal gyi chos nyid kyis sdug bsngal dang rjes su 'brel pa dang bdag med pa'i chos nyid kyis bdag med pa dang rjes su 'brel pa dang/ ro myang ba'i gnas lta bu'i 'du byed rnams kyi bde ba 'byung ba dang/ gnas pa dang rjes su 'brel dang / 'gyur ba'i sdug bsngal nyid dang rjes su 'brel pa dang/ 'gyur ba'i sdug bsngal de nyid la brten nas mkhas pa rnams kyis kyang nges par 'byung ba yongs su ma zin pa nyid dang rjes su 'brel pa'o/ /

【D50 明眾生四支】【E1 標】

དགེ་སློང་འཁོར་གྱི་ནང་དུ་རྒྱུ་བ་ནི་ཡན་ལག་བཞི་དང་ལྡན་ན། འཁོར་ལ་ཡང་དག་པར་རྗེས་སུ་སྟོན་པ་དང༌། འཁོར་ཡོངས་སུ་སྡུད་པར་འོས་པ་དང༌། བདག་ལ་ཕན་པ་དང༌། གཞན་ལ་ཕན་པའི་ཕྱིར་ཞུགས་པ་ཡིན་ཏེ། བཞི་གང་ཞེ་ན། ཉེ་བའི་ཉོན་མོངས་པས་དབེན་པ་དང༌། ཤེས་པས་མི་དབེན་པ་དང༌། དགེ་བའི་ཆོས་སྐྱེས་པ་རྣམས་གནས་པ་དང་མི་བརྗེད་པ་དང༌། བསྒོམ་པ་ཡོངས་སུ་རྫོགས་པར་བྱ་བ་དང༌། ཕྱིར་ཞིང་འཕེལ་བ་དང༌། ཡངས་པར་བྱ་བའི་ཕྱིར་ཉེ་བར་རྟེན་པ་ཉེ་བར་བསྒྲུབ་པ་དང༌། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་ཉེ་བར་རྟེན་པ་བསྒྲུབ་པའོ། །

dge slong 'khor gyi nang du rgyu ba ni yan lag bzhi dang ldan na/ 'khor la yang dag par rjes su ston pa dang/ 'khor yongs su sdud par 'os pa dang/ bdag la phan pa dang/ gzhan la phan pa'i phyir zhugs pa yin te/ bzhi gang zhe na/ nye ba'i nyon mongs pas dben pa dang/ shes pas mi dben pa dang/ dge ba'i chos skyes pa rnams gnas pa dang mi brjed pa dang/ bsgom pa yongs su rdzogs par bya ba dang/ phyir zhing 'phel ba dang/ yangs par bya ba'i phyir nye bar rten pa nye bar bsgrub pa dang/ dge ba'i chos ma skyes pa rnams bskyed pa'i phyir nye bar rten pa bsgrub pa'o/ /

【E2 釋】【F1 解脫隨煩惱】【G1 總說】

ཇི་ལྟར་ན་དགེ་སློང་ཉེ་བའི་ཉོན་མོངས་པ་རྣམས་ཀྱིས་དབེན་པ་ཡིན་ཞེ་ན། ཉེ་བའི་ཉོན་མོངས་པ་ནི་ལྔ་པོ་འདི་དག་ཡིན་ཏེ། ཁྱིམ་ན་འདུག་ན་ཆགས་པ་དང༌། ཚུལ་ཁྲིམས་ཉམས་པ་དང༌། སྔོན་ཉམས་སུ་མྱོང་བ་རྗེས་སུ་དྲན་པའི་ཀུན་དུ་རྟོག་པ་དང་ལྡན་པའི་ཚུལ་བཞིན་མ་ཡིན་པ་ཡིད་ལ་བྱེད་པ་དང༌། མ་འོངས་པའི་ཡུལ་ལ་ཡོངས་སུ་འཆུམས་པའི་བརྣབ་སེམས་དང༌། ཡིད་མི་བདེ་བ་དང༌། ཆོས་ལ་སེར་སྣ་བྱེད་པའོ། །

ji ltar na dge slong nye ba'i nyon mongs pa rnams kyis dben pa yin zhe na/ nye ba'i nyon mongs pa ni lnga po 'di dag yin te/ khyim na 'dug na chags pa dang/ tshul khrims nyams pa dang/ sngon nyams su myong ba rjes su dran pa'i kun du rtog pa dang ldan pa'i tshul bzhin ma yin pa yid la byed pa dang/ ma 'ongs pa'i yul la yongs su 'chums pa'i brnab sems dang/ yid mi bde ba dang/ chos la ser sna byed pa'o/ /

【G2 別釋】【H1 思慕居家】

བྱིས་པ་བྱུང་བ་དང༌། འབྱུང་བ་ལས་གྱུར་པའི་གཟུགས་རང་གི་མཚན་ཉིད་ལས་ཡང་དག་པ་ཇི་ལྟ་བ་བཞིན་མི་ཤེས་པ་གང་ཡིན་པ་ནི་ཕ་དང༌། མ་དང༌། བུ་དང༌། ཆུང་མ་ནས། མཛའ་བཤེས་དང༌། གྲོས་གྲོགས་དང༌། ཉེ་དུ་དང་རྒྱན་རབས་ཀྱི་བར་དག་གི་ཁ་དོག་ཙམ་དང་དབྱིབས་ཙམ་དང༌། བགད་པ་དང་རྩེས་པ་ལ་སོགས་པ་ལུས་དང་ངག་གི་བྱ་བ་ཙམ་ལ་སེམས་ཅན་དུ་འདུ་ཤེས་པ་དང་ལྡན་པའི་ཡིད་ལ་བྱེད་པ་ལས་ལོག་པར་ཡོངས་སུ་བརྟགས་ནས་བདག་གི་ཕ་དང་མ་དང་བུ་དང་ཆུང་མ་ནས་མཛའ་བཤེས་དང་གྲོས་གྲོགས་དང༌། ཉེ་དུ་དང༌། རྒན་རབས་ཀྱི་བར་དག་ཡིན་སྙམ་དུ་རློམ་སེམས་བྱེད་པས། གཞི་དེས་ཁྱིམ་ན་འདུག་ན་ཆགས་པ་སྐྱེད་པར་བྱེད་དོ། །མཁས་པ་གཟུགས་རང་གི་མཚན་ཉིད་ཙམ་དུ་ཤེས་པ་སེམས་ཅན་གྱི་འདུ་ཤེས་མེད་པ་ལ་ནི་དེ་མི་འབྱུང་སྟེ། དེ་ལྟ་བས་ན་དེ་ནི་ཉེ་བའི་ཉོན་མོངས་པ་དང་པོ་དེས་དབེན་པ་ཡིན་ཏེ། འདི་ལྟར་གཟུགས་ཀྱི་རང་བཞིན་རྣམ་པར་གཞག་པ་སོ་སོར་གནས་པ་རྣམ་པ་སྣ་ཚོགས་ལ་བརྟེན་ནས། ཤིན་ཏུ་ཡུན་རིང་བར་མཐོང་ངམ༑ གཞན་དག་དང་འདྲེས་པར་མཐོང་ནས་འདི་སྙམ་དུ་སེམས་ཏེ། བདག་གི་ཕ་དང་མ་དང་བུ་དང་ཆུང་མ་ནས་རྒྱས་པར་མཛའ་བཤེས་དང༌། གྲོས་གྲོགས་དང༌། ཉེ་དུ་དང༌། རྒྱན་རབས་ཀྱི་བར་དག་ནི་གཞན་ཡིན་ནོ་སྙམ་པ་དང༌། གཟུགས་མེད་པར་སྐྱེས་པའི་སེམས་ཅན་རྣམས་ལ་ནི་མེད་དོ་སྙམ་དུ་སེམས་པའི་ཕྱིར་རོ། །

byis pa byung ba dang/ 'byung ba las gyur pa'i gzugs rang gi mtshan nyid las yang dag pa ji lta ba bzhin mi shes pa gang yin pa ni pha dang/ ma dang/ bu dang/ chung ma nas/ mdza' bshes dang/ gros grogs dang/ nye du dang rgyan rabs kyi bar dag gi kha dog tsam dang dbyibs tsam dang/ bgad pa dang rtses pa la sogs pa lus dang ngag gi bya ba tsam la sems can du 'du shes pa dang ldan pa'i yid la byed pa las log par yongs su brtags nas bdag gi pha dang ma dang bu dang chung ma nas mdza' bshes dang gros grogs dang/ nye du dang/ rgan rabs kyi bar dag yin snyam du rlom sems byed pas/ gzhi des khyim na 'dug na chags pa skyed par byed do/ /mkhas pa gzugs rang gi mtshan nyid tsam du shes pa sems can gyi 'du shes med pa la ni de mi 'byung ste/ de lta bas na de ni nye ba'i nyon mongs pa dang po des dben pa yin te/ 'di ltar gzugs kyi rang bzhin rnam par gzhag pa so sor gnas pa rnam pa sna tshogs la brten nas/ shin tu yun ring bar mthong ngam| gzhan dag dang 'dres par mthong nas 'di snyam du sems te/ bdag gi pha dang ma dang bu dang chung ma nas rgyas par mdza' bshes dang/ gros grogs dang/ nye du dang/ rgyan rabs kyi bar dag ni gzhan yin no snyam pa dang/ gzugs med par skyes pa'i sems can rnams la ni med do snyam du sems pa'i phyir ro/ /

【H2 毀犯禁戒】

གཞན་ཡང་བྱིས་པ་ནི་བྱིས་པའི་མཚན་ཉིད་ཀྱང་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ལ། མཁས་པའི་མཚན་ཉིད་ཀྱང་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཏེ། དེས་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་པས། ཉེས་པར་བསམ་པ་སེམས་པ་དང༌། ཉེས་པར་སྨྲ་བ་བརྗོད་པ་དང༌། ཉེས་པར་བྱ་བའི་ལས་བྱེད་པ་དང༌། ལུས་དང་ངག་དང་ཡིད་ཀྱི་ཀུན་དུ་སྤྱོད་པ་ཡོངས་སུ་མ་དག་པ་དང༌། ཚུལ་ཁྲིམས་དང་འཚོ་བ་ཡོངས་སུ་མ་དག་པ་ཡིན་གྱི་མཁས་པས་ནི་དེ་དག་ཡང་དག་པ་ཇི་ལྟ་བ་བཞིན་རབ་ཏུ་ཤེས་པས་དེ་ལས་བཟློག་པ་ཡིན་པར་རིག་པར་བྱ་སྟེ། དེ་ལྟ་བས་ན་དེ་ནི་ཉེ་བའི་ཉོན་མོངས་པ་གཉིས་པ་དེས་དབེན་པ་ཡིན་ནོ། །

gzhan yang byis pa ni byis pa'i mtshan nyid kyang yang dag pa ji lta ba bzhin rab tu mi shes la/ mkhas pa'i mtshan nyid kyang yang dag pa ji lta ba bzhin rab tu mi shes te/ des de dag yang dag pa ji lta ba bzhin rab tu mi shes pas/ nyes par bsam pa sems pa dang/ nyes par smra ba brjod pa dang/ nyes par bya ba'i las byed pa dang/ lus dang ngag dang yid kyi kun du spyod pa yongs su ma dag pa dang/ tshul khrims dang 'tsho ba yongs su ma dag pa yin gyi mkhas pas ni de dag yang dag pa ji lta ba bzhin rab tu shes pas de las bzlog pa yin par rig par bya ste/ de lta bas na de ni nye ba'i nyon mongs pa gnyis pa des dben pa yin no/ /

【H3 憶先所受、分別俱行不正作意】

གཞན་ཡང་བྱིས་པ་ནི་ཚུལ་བཞིན་མ་ཡིན་པ་ཡང་ཚུལ་བཞིན་མ་ཡིན་པར་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་པ་ལ། ཚུལ་བཞིན་ཡང་ཚུལ་བཞིན་དུ་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་པས། འདོད་པའི་འདོད་ཆགས་ཀྱི་གནས་ལྟ་བུའི་ཆོས་ཡིད་དུ་མི་འོང་བ་སྔོན་ཉམས་སུ་མྱོང་བ་དག་ལ་ཚུལ་བཞིན་མ་ཡིན་པར་ཡིད་ལ་བྱེད་ཅིང་འདོད་པའི་རྣམ་པར་རྟོག་པས་རྣམ་པར་རྟོག་པར་བྱེད་དང་དུ་ལེན་པར་བྱེད་དེ། སྤོང་བར་མི་བྱེད་སེལ་བར་མི་བྱེད་བྱང་བར་མི་བྱེད་པ་དང༌། གནོད་སེམས་ཀྱི་གནས་ལྟ་བུའི་ཡིད་དུ་མི་འོང་བ་དག་ལ་གནོད་སེམས་ཀྱི་རྣམ་པར་རྟོག་པས་རྣམ་པར་རྟོག་པ་དང༌། རྣམ་པར་འཚེ་བའི་གནས་ལྟ་བུ་ཡིད་དུ་མི་འོང་བ་དག་ལ་རྣམ་པར་འཚེ་བའི་རྣམ་པར་རྟོག་པས་རྣམ་པར་རྟོག་པར་བྱེད་དེ། ལྷག་མ་རྣམས་ནི་སྔ་མ་བཞིན་དུ་ཤེས་པར་བྱ་སྟེ། མཁས་པ་ནི་ཚུལ་བཞིན་མ་ཡིན་པ་ཡང་ཚུལ་བཞིན་མ་ཡིན་པར་ཡང་དག་པ་ཇི་ལྟ་བ་བཞིན་རབ་ཏུ་ཤེས་ལ། ཚུལ་བཞིན་ཡང་ཚུལ་བཞིན་དུ་ཡང་དག་པ་ཇི་ལྟ་བ་བཞིན་རབ་ཏུ་ཤེས་པས། ཇི་སྐད་བསྟན་པའི་ཆོས་སྔོན་ཉམས་སུ་མྱོང་བ་དེ་དག་རྗེས་སུ་དྲན་པར་ཡང་མི་བྱེད་ལ་ཚུལ་བཞིན་དུ་ཡང་ཡིད་ལ་བྱེད་དོ། །བརྗེད་ངས་པས་བརྒྱ་ལ་འདོད་པའི་རྣམ་པར་རྟོག་པ་ནས་རྣམ་པར་འཚེ་བའི་རྣམ་པར་རྟོག་པའི་བར་གང་ཡིན་པ་དེ་ལ་དམིགས་པ་སྐྱེས་ན་ཡང་དང་དུ་མི་ལེན་པར་སྤོང་བར་བྱེད། སེལ་བར་བྱེད་བྱང་བར་བྱེད་དོ། །དེ་ལྟ་བས་ན་དེ་ནི་ཉེ་བའི་ཉོན་མོངས་པ་གསུམ་པ་དེས་དབེན་པ་ཡིན་ནོ། །

gzhan yang byis pa ni tshul bzhin ma yin pa yang tshul bzhin ma yin par yang dag pa ji lta ba bzhin rab tu mi shes pa la/ tshul bzhin yang tshul bzhin du yang dag pa ji lta ba bzhin rab tu mi shes pas/ 'dod pa'i 'dod chags kyi gnas lta bu'i chos yid du mi 'ong ba sngon nyams su myong ba dag la tshul bzhin ma yin par yid la byed cing 'dod pa'i rnam par rtog pas rnam par rtog par byed dang du len par byed de/ spong bar mi byed sel bar mi byed byang bar mi byed pa dang/ gnod sems kyi gnas lta bu'i yid du mi 'ong ba dag la gnod sems kyi rnam par rtog pas rnam par rtog pa dang/ rnam par 'tshe ba'i gnas lta bu yid du mi 'ong ba dag la rnam par 'tshe ba'i rnam par rtog pas rnam par rtog par byed de/ lhag ma rnams ni snga ma bzhin du shes par bya ste/ mkhas pa ni tshul bzhin ma yin pa yang tshul bzhin ma yin par yang dag pa ji lta ba bzhin rab tu shes la/ tshul bzhin yang tshul bzhin du yang dag pa ji lta ba bzhin rab tu shes pas/ ji skad bstan pa'i chos sngon nyams su myong ba de dag rjes su dran par yang mi byed la tshul bzhin du yang yid la byed do/ /brjed ngas pas brgya la 'dod pa'i rnam par rtog pa nas rnam par 'tshe ba'i rnam par rtog pa'i bar gang yin pa de la dmigs pa skyes na yang dang du mi len par spong bar byed/ sel bar byed byang bar byed do/ /de lta bas na de ni nye ba'i nyon mongs pa gsum pa des dben pa yin no/ /

【H4 耽著未來所有境界、發起貪憂】

གཞན་ཡང་བྱིས་པ་ནི་དབང་པོ་སྡོམ་པའི་ཕན་ཡོན་ཡང་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ལ། མ་བསྡམས་པའི་ཉེས་དམིགས་ཀྱང་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་པས། སོ་སོའི་ཡུལ་ད་ལྟར་བྱུང་བ་མངོན་དུ་གྱུར་པ་ལ་རྗེས་སུ་ཆགས་པ་དང་ཁོང་ཁྲོ་བ་དག་གིས་སེམས་ཀུན་ནས་ཉོན་མོངས་པ་ཅན་དུ་འགྱུར་བ་དང༌། གཟུགས་ལ་སོགས་པ་ཡུལ་ཡིད་དུ་འོང་བ་དག་ལ་ལྟ་བར་འདོད་པ་དེ་ལ་ཡིད་དུ་མི་འོང་བ་ནི་མི་མཐུན་པ་ཡིན་པས་དེ་ལྟར་ཡིད་དུ་འོང་བ་འདོད་པ་གང་ཡིན་པ་དེ་ནི་དེའི་བརྣབ་སེམས་ཡིན་པར་རིག་པར་བྱ་ལ། དེ་ལྟར་བརྣབ་སེམས་དང་ལྡན་པ་ནི་ཡུལ་གཞན་ཉེ་བར་གྱུར་པ་ན་ཡིད་མི་དགའ་བས་ཡིད་མི་བདེ་བར་ཡང་འགྱུར་གྱི། མཁས་པ་ནི་དེ་ལས་བཟློག་པས་སྔ་མའི་ཚུལ་བཞིན་དུ་བལྟ་བར་བྱ་སྟེ། དེ་ལྟ་བས་ན་དེ་ནི་ཉེ་བའི་ཉོན་མོངས་པ་བཞི་པ་དེས་དབེན་པ་ཡིན་ནོ། །

gzhan yang byis pa ni dbang po sdom pa'i phan yon yang yang dag pa ji lta ba bzhin rab tu mi shes la/ ma bsdams pa'i nyes dmigs kyang yang dag pa ji lta ba bzhin rab tu mi shes pas/ so so'i yul da ltar byung ba mngon du gyur pa la rjes su chags pa dang khong khro ba dag gis sems kun nas nyon mongs pa can du 'gyur ba dang/ gzugs la sogs pa yul yid du 'ong ba dag la lta bar 'dod pa de la yid du mi 'ong ba ni mi mthun pa yin pas de ltar yid du 'ong ba 'dod pa gang yin pa de ni de'i brnab sems yin par rig par bya la/ de ltar brnab sems dang ldan pa ni yul gzhan nye bar gyur pa na yid mi dga' bas yid mi bde bar yang 'gyur gyi/ mkhas pa ni de las bzlog pas snga ma'i tshul bzhin du blta bar bya ste/ de lta bas na de ni nye ba'i nyon mongs pa bzhi pa des dben pa yin no/ /

【H5 於法慳悋】

གཞན་ཡང་བྱིས་པ་ནི་ཆགས་པ་དམ་པ་མ་ཡིན་པའི་ཆོས་ཀྱི་ཉེས་དམིགས་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཤིང༌། དེ་ལས་གཞན་པའི་སེར་སྣ་བཞིས་དེད་པ་ན་ཆོས་ལ་ཡང་སེར་སྣ་བྱེད་པ་ཡིན་གྱི། མཁས་པས་ནི་དེའི་ཉེས་དམིགས་ཡང་དག་པ་ཇི་ལྟ་བ་བཞིན་རབ་ཏུ་ཤེས་པ་དེ་ལས་གཞན་པའི་སེར་སྣ་བཞི་སྐྱེས་ན་ཡང་དང་དུ་མི་ལེན་ན། ཆོས་ལ་སེར་སྣ་བྱེད་པར་ལྟ་ག་ལ་འགྱུར་ཏེ། དེ་ལྟར་ཆོས་ལ་སེར་སྣ་དང་བྲལ་བ་དེ་ནི་གང་ཟག་ཆོས་འདོད་པ་རྣམས་ལ་སྟོན་པའི་བསྟན་པ་མདོ་སྡེ་དང་འདུལ་བ་དང་མ་མོ་དང་ལྡན་པའི་ལུང་འབོགས་པར་བྱེད། འཛིན་དུ་འཇུག་པར་བྱེད་པ་ནས་རྒྱས་པར་རྒྱུན་མི་འཆད་པར་སྟོན་པའི་བར་དུ་བྱེད་ཅིང༌། སློབ་དཔོན་གྱི་དཔེ་མཁྱུད་ཀྱང་མི་བྱེད་དེ། དེ་ལྟ་བས་ན་དེ་ནི་ཉེ་བའི་ཉོན་མོངས་པ་ལྔ་པོ་དེས་དབེན་པ་ཡིན་ནོ། །དེ་ལྟར་ན་དགེ་སློང་ཉེ་བའི་ཉོན་མོངས་པས་དབེན་པའི་ཡན་ལག་དང་པོ་དང་ལྡན་པ་ཡིན་ནོ།། །།

gzhan yang byis pa ni chags pa dam pa ma yin pa'i chos kyi nyes dmigs yang dag pa ji lta ba bzhin rab tu mi shes shing/ de las gzhan pa'i ser sna bzhis ded pa na chos la yang ser sna byed pa yin gyi/ mkhas pas ni de'i nyes dmigs yang dag pa ji lta ba bzhin rab tu shes pa de las gzhan pa'i ser sna bzhi skyes na yang dang du mi len na/ chos la ser sna byed par lta ga la 'gyur te/ de ltar chos la ser sna dang bral ba de ni gang zag chos 'dod pa rnams la ston pa'i bstan pa mdo sde dang 'dul ba dang ma mo dang ldan pa'i lung 'bogs par byed/ 'dzin du 'jug par byed pa nas rgyas par rgyun mi 'chad par ston pa'i bar du byed cing/ slob dpon gyi dpe mkhyud kyang mi byed de/ de lta bas na de ni nye ba'i nyon mongs pa lnga po des dben pa yin no/ /de ltar na dge slong nye ba'i nyon mongs pas dben pa'i yan lag dang po dang ldan pa yin no// //

【F2 苾芻不離正智】

བམ་པོ་སུམ་ཅུ་རྩ་གཅིག་པ། ཇི་ལྟར་ན་དགེ་སློང་ཤེས་པ་རྣམས་ཀྱིས་མི་དབེན་པ་ཡིན་ཞེ་ན། ཤེས་པ་ནི་བཞི་པོ་འདི་དག་ཡིན་ཏེ། བཞི་གང་ཞེ་ན། དང་པོར་ཉེ་བའི་ཉོན་མོངས་པ་ཅན་མ་ཡིན་པའི་སེམས་ཀྱི་རྒྱུད་ཀྱིས་འཕགས་པའི་ལམ་ཡན་ལག་བརྒྱད་པ་རྟོགས་པ་ལ་བརྩམས་ནས་ཤེས་པ་དང་པོའོ། །འཕགས་པའི་ལམ་ཡན་ལག་བརྒྱད་པ་ཐོབ་པར་བྱ་ཞིང་གྲུབ་པར་བྱ་བ་ལས་བརྩམས་ནས་ཤེས་པ་གཞན་གསུམ་མོ། །དགེ་སློང་སོ་སོའི་སྐྱེ་བོར་གྱུར་པ་ཉིད་ན་འདི་སྙམ་དུ་སེམས་ཏེ། འཕགས་པའི་ལམ་ཡན་ལག་བརྒྱད་པ་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་འདུལ་བ་འཕགས་པ་འདི་ལ་ཡོད་ཀྱི་འདི་ལས་ཕྱི་རོལ་པ་མུ་སྟེགས་ཅན་ཐམས་ཅད་ཀྱི་གནས་ཀྱི་གཞུང་རྣམས་ལ་ནི་མེད་དོ། །གང་ལ་འཕགས་པའི་ལམ་ཡན་ལག་བརྒྱད་པ་ཡོད་པ་དེ་ལ་ནི་དགེ་སྦྱོང་གི་ཚུལ་གྱི་འབྲས་བུ་དང༌། དགེ་སྦྱོང་གི་ཚུལ་དང༌། དགེ་སྦྱོང་གི་ཚུལ་གྱི་དོན་མྱ་ངན་ལས་འདའ་བ་ཡང་ཡོད་པ་བདག་གི་དགེ་སྦྱོང་གི་ཚུལ་གྱི་འབྲས་བུ་དང༌། དགེ་སྦྱོང་གི་ཚུལ་དང༌། དགེ་སྦྱོང་གི་ཚུལ་གྱི་དོན་རྣམས་ཐོབ་པར་བྱ་བའི་ཕྱིར་འཕགས་པའི་ལམ་ཡན་ལག་བརྒྱད་པ་བསྐྱེད་པར་བྱ་ཞིང་རྣམ་པར་སྦྱང་བར་བྱ་གོར་མ་ཆག་སྙམ་དུ་སེམས་ཏེ། དེས་རྣམ་པ་དེ་དག་གིས་འཕགས་པའི་ལམ་ཡན་ལག་བརྒྱད་པ་ཤེས་པ་གང་ཡིན་པ་དེ་ནི་འཕགས་པའི་ལམ་ཡན་ལག་བརྒྱད་པ་རྟོགས་པ་ལས་བརྩམས་ནས་ཤེས་པ་དང་པོའོ་ཞེས་བྱའོ། །དེས་ཤེས་པ་དེ་ཉིད་ལ་བརྟེན་ཅིང་གནས་ནས་འཕགས་པའི་ལམ་ཡན་ལག་བརྒྱད་པ་དེ་ལྟར་རིག་པ་དེ་ཐོབ་པར་བྱ་ཞིང་གྲུབ་པར་བྱ་བའི་ཕྱིར་ཤེས་པ་གཞན་གསུམ་པོ་ཐོས་པ་ལས་བྱུང་བའི་ཤེས་པ་དང༌། བསམས་པ་ལས་བྱུང་བའི་ཤེས་པ་དང༌། བསྒོམ་པ་ལས་བྱུང་བའི་ཤེས་པ་དག་གིས་སྤྲོ་བར་བྱེད། རྩོལ་བར་བྱེད། འབད་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྩོན་པར་བྱེད་པ་ནས། ཐོས་པ་ལས་བྱུང་བའི་ཤེས་པ་རྣམ་པར་དག་པར་བྱ་བའི་ཕྱིར། དེ་བཞིན་གཤེགས་པས་གསུངས་པའི་ཆོས་འདུལ་བ་ལ་རྟོན་པའི་ཚེ། དམ་པའི་ཆོས་མཉན་པའི་སྐབས་སུ་བབ་པ་ན་སོང་ཞིང་སོང་ཞིང་བསྙེན་བཀུར་བྱས་ཏེ་ཉན་པར་བྱེད་ཅིང༌། དགའ་བ་དང་མཆོག་ཏུ་དགའ་བ་རྒྱ་ཆེན་པོ་དགེ་བ་མངོན་པར་འབྱུང་བ་དང་ལྡན་པ་ཐོབ་པར་བྱེད་དོ། །དེ་ལ་རང་གི་མཚན་ཉིད་མཆོག་ཡིན་པས་ན་རྒྱ་ཆེ་བའོ། །ཁ་ན་མ་ཐོ་བ་མེད་པས་ན། དགེ་བའོ། །མྱ་ངན་ལས་འདས་པ་དང་ལྡན་པས་ན་མངོན་པར་འབྱུང་བ་དང་ལྡན་པ་ཡིན་ནོ། །བསམས་པ་ལས་བྱུང་བའི་ཤེས་པས་བརྩོན་པར་བྱེད་པའི་ཚེ་ན་ནི། བསམས་པ་ལས་བྱུང་བའི་ཤེས་པ་ཉིད་རྣམ་པར་དག་པར་བྱ་བའི་ཕྱིར་གང་ན་དགེ་སློང་མདོ་སྡེ་དང་འདུལ་བ་དང་མ་མོ་འཛིན་པ། མདོ་སྡེ་དང་འདུལ་བ་དང་མ་མོའི་འབྲེལ་པའི་གཏམ་རྣམ་པར་གཏན་ལ་འབེབས་པར་བྱེད་པ་དག་འདུས་ཏེ་འཁོད་པར་གྱུར་པ་དེར་སོང་ཞིང་དེ་དག་ལ་བདེན་པ་དག་ལས་བརྩམས་ཏེ་ཡོངས་སུ་འདྲི་བར་བྱེད་དོ། །དེ་དག་གིས་ཀྱང་དེ་ལ་བདེན་པ་དེ་དག་གི་མཚན་ཉིད་རྟོགས་པར་བྱ་བའི་ཐབས་རྣམ་པར་གཞག་པ་ལས་དང་པོ་ཁོ་ནར་མ་རྟོགས་པ་རྣམས་ནི་རྟོགས་པར་བྱེད་ལ་རྟོགས་པ་རྣམས་ནི་མི་བརྗོད་པར་བྱ་བའི་ཕྱིར་དོན་གཅིག་གིས་ཚིག་འབྲུ་ཐ་དད་པ་བྱེ་བྲག་ཏུ་རྟོགས་པར་བྱ་བས་ཡོངས་སུ་བྱང་བར་བྱེད་ཅིང༌། བདག་མེད་པ་དང་ལྡན་པ་བདེན་པ་ལ་མངོན་པར་རྟོགས་པར་བྱེད་པ་དོན་གྱི་ཚིག་ཟབ་པ་ཤེས་རབ་ཀྱིས་རྟོགས་པར་བྱས་ནས། དེ་བཞིན་གཤེགས་པས་གསུངས་པའི་ཆོས་དང་ཚིག་སྟོང་པ་ཉིད་དང་ལྡན་པ་ཡང་སྟོན་པར་བྱེད་དོ། །དེ་ཐོས་པ་ལས་བྱུང་བ་དང༌། བསམས་པ་ལས་བྱུང་བའི་ཤེས་པ་རྣམ་པར་དག་པའི་ཕྱིར། བསྒོམས་པ་ལས་བྱུང་བའི་ཤེས་པ་ཡང་དག་པར་བརྩམས་པའི་ཕྱིར་དང༌། རྣམ་པར་དག་པར་བྱ་བའི་ཕྱིར་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ནས་རྒྱས་པར་དྲན་པ་ཉེ་བར་གཞག་པ་བཞིའི་བར་དག་བསྒོམ་པར་རིག་པར་བྱ་སྟེ། འཕགས་པའི་ལམ་ཡན་ལག་བརྒྱད་པ་ཐོབ་པར་བྱ་ཞིང་གྲུབ་པར་བྱ་བ་ལས་བརྩམ་ནས་ཤེས་པ་གསུམ་པོ་དེ་དག་ཡིན་ཏེ། དེ་ལྟར་ན་དགེ་སློང་ཤེས་པ་རྣམས་ཀྱིས་མི་དབེན་པ་ཡིན་ནོ། །

bam po sum cu rtsa gcig pa/ ji ltar na dge slong shes pa rnams kyis mi dben pa yin zhe na/ shes pa ni bzhi po 'di dag yin te/ bzhi gang zhe na/ dang por nye ba'i nyon mongs pa can ma yin pa'i sems kyi rgyud kyis 'phags pa'i lam yan lag brgyad pa rtogs pa la brtsams nas shes pa dang po'o/ /'phags pa'i lam yan lag brgyad pa thob par bya zhing grub par bya ba las brtsams nas shes pa gzhan gsum mo/ /dge slong so so'i skye bor gyur pa nyid na 'di snyam du sems te/ 'phags pa'i lam yan lag brgyad pa ni sangs rgyas bcom ldan 'das rnams kyi chos 'dul ba 'phags pa 'di la yod kyi 'di las phyi rol pa mu stegs can thams cad kyi gnas kyi gzhung rnams la ni med do/ /gang la 'phags pa'i lam yan lag brgyad pa yod pa de la ni dge sbyong gi tshul gyi 'bras bu dang/ dge sbyong gi tshul dang/ dge sbyong gi tshul gyi don mya ngan las 'da' ba yang yod pa bdag gi dge sbyong gi tshul gyi 'bras bu dang/ dge sbyong gi tshul dang/ dge sbyong gi tshul gyi don rnams thob par bya ba'i phyir 'phags pa'i lam yan lag brgyad pa bskyed par bya zhing rnam par sbyang bar bya gor ma chag snyam du sems te/ des rnam pa de dag gis 'phags pa'i lam yan lag brgyad pa shes pa gang yin pa de ni 'phags pa'i lam yan lag brgyad pa rtogs pa las brtsams nas shes pa dang po'o zhes bya'o/ /des shes pa de nyid la brten cing gnas nas 'phags pa'i lam yan lag brgyad pa de ltar rig pa de thob par bya zhing grub par bya ba'i phyir shes pa gzhan gsum po thos pa las byung ba'i shes pa dang/ bsams pa las byung ba'i shes pa dang/ bsgom pa las byung ba'i shes pa dag gis spro bar byed/ rtsol bar byed/ 'bad par byed de/ des thos pa las byung ba'i shes pas brtson par byed pa nas/ thos pa las byung ba'i shes pa rnam par dag par bya ba'i phyir/ de bzhin gshegs pas gsungs pa'i chos 'dul ba la rton pa'i tshe/ dam pa'i chos mnyan pa'i skabs su bab pa na song zhing song zhing bsnyen bkur byas te nyan par byed cing/ dga' ba dang mchog tu dga' ba rgya chen po dge ba mngon par 'byung ba dang ldan pa thob par byed do/ /de la rang gi mtshan nyid mchog yin pas na rgya che ba'o/ /kha na ma tho ba med pas na/ dge ba'o/ /mya ngan las 'das pa dang ldan pas na mngon par 'byung ba dang ldan pa yin no/ /bsams pa las byung ba'i shes pas brtson par byed pa'i tshe na ni/ bsams pa las byung ba'i shes pa nyid rnam par dag par bya ba'i phyir gang na dge slong mdo sde dang 'dul ba dang ma mo 'dzin pa/ mdo sde dang 'dul ba dang ma mo'i 'brel pa'i gtam rnam par gtan la 'bebs par byed pa dag 'dus te 'khod par gyur pa der song zhing de dag la bden pa dag las brtsams te yongs su 'dri bar byed do/ /de dag gis kyang de la bden pa de dag gi mtshan nyid rtogs par bya ba'i thabs rnam par gzhag pa las dang po kho nar ma rtogs pa rnams ni rtogs par byed la rtogs pa rnams ni mi brjod par bya ba'i phyir don gcig gis tshig 'bru tha dad pa bye brag tu rtogs par bya bas yongs su byang bar byed cing/ bdag med pa dang ldan pa bden pa la mngon par rtogs par byed pa don gyi tshig zab pa shes rab kyis rtogs par byas nas/ de bzhin gshegs pas gsungs pa'i chos dang tshig stong pa nyid dang ldan pa yang ston par byed do/ /de thos pa las byung ba dang/ bsams pa las byung ba'i shes pa rnam par dag pa'i phyir/ bsgoms pa las byung ba'i shes pa yang dag par brtsams pa'i phyir dang/ rnam par dag par bya ba'i phyir nang gi lus la lus kyi rjes su lta zhing gnas pa nas rgyas par dran pa nye bar gzhag pa bzhi'i bar dag bsgom par rig par bya ste/ 'phags pa'i lam yan lag brgyad pa thob par bya zhing grub par bya ba las brtsam nas shes pa gsum po de dag yin te/ de ltar na dge slong shes pa rnams kyis mi dben pa yin no/ /

【F3 苾芻為令已生所有善法堅住不忘、廣說乃至攝受任持】

དགེ་བའི་ཆོས་སྐྱེས་པ་རྣམས་གནས་པར་བྱ་བ་དང༌། བསྒོམ་པ་ཡོངས་སུ་རྫོགས་པར་བྱ་བ་དང༌། ཕྱིར་ཞིང་འཕེལ་བ་དང༌། ཡངས་པར་བྱ་བའི་ཕྱིར་ཉེ་བར་རྟོན་པ་གང་ཞེ་ན། ཟང་ཟིང་གི་ལོངས་སྤྱོད་ལས་བརྩམས་ནས༑ སྦྱིན་པ་པོ་དང་སྦྱིན་བདག་དད་པ་ཅན་དག་ལས་ཆོས་གོས་ལ་སོགས་པ་བླང་བ་ལ་ཚོད་རིག་པ་གང་ཡིན་པ་དེ་ནི་བདག་གི་ཉེ་བར་རྟོན་པ་ཞེས་བྱའོ། །དེ་ཅིའི་ཕྱིར་ཞེ་ན། འདི་ལྟར་གཞི་དེས་དགེ་སློང་ལུས་མི་ངལ་བ་དང་། སེམས་ལས་སུ་རུང་བ་དང༌། ཀུན་ནས་ཉོན་མོངས་པ་ཅན་མ་ཡིན་པའི་སེམས་སྐྱེ་བར་འགྱུར་ལ། དགེ་བའི་ཆོས་དེ་དག་ལས་ཀྱང་ཡོངས་སུ་ཉམས་པར་མི་འགྱུར་ཞིང༌། མངོན་པར་འཕེལ་བར་འགྱུར་བའི་ཕྱིར་རོ། །

dge ba'i chos skyes pa rnams gnas par bya ba dang/ bsgom pa yongs su rdzogs par bya ba dang/ phyir zhing 'phel ba dang/ yangs par bya ba'i phyir nye bar rton pa gang zhe na/ zang zing gi longs spyod las brtsams nas| sbyin pa po dang sbyin bdag dad pa can dag las chos gos la sogs pa blang ba la tshod rig pa gang yin pa de ni bdag gi nye bar rton pa zhes bya'o/ /de ci'i phyir zhe na/ 'di ltar gzhi des dge slong lus mi ngal ba dang / sems las su rung ba dang/ kun nas nyon mongs pa can ma yin pa'i sems skye bar 'gyur la/ dge ba'i chos de dag las kyang yongs su nyams par mi 'gyur zhing/ mngon par 'phel bar 'gyur ba'i phyir ro/ /

【F4 苾芻為令未生一切善法得生起故攝受任持】

དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་ཉེ་བར་རྟོན་པ་གང་ཞེན། དགེ་སློང་ན་སོ་རྒྱན་པ་ཚུལ་ཁྲིམས་ཀྱིས་རྒྱན་པ། དགའ་བ་ཐམས་ཅད་ཀྱི་ནང་ན་མྱ་ངན་ལས་འདས་པ་ལ་དགའ་བ་མཆོག་ཡིན་པར་ཤེས་པ། ལམ་ཤིན་དུ་བསྒོམ་པ། མངོན་པའི་ང་རྒྱལ་མེད་པ་གང་དག་ཡིན་པ་དེ་དག་ལ་འདུད་པ་དང༌། རིམ་གྲོ་བྱེད་པ་དང༌། ལེགས་པར་སྨྲས་པའི་རྗེས་སུ་ཡི་རང་བས་བྱེད་པ་དང༌། གཡོ་མི་བྱེད་པ་དང་ཀླན་ཀ་ཚོལ་བའི་སེམས་མེད་པ་ཉིད་གང་ཡིན་པ་དེ་ནི་དེ་དག་བསྐྱེད་པའི་ཕྱིར་ཉེ་བར་རྟོན་པ་ཞེས་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ལ་དེ་ལྟར་ལེགས་པར་འཇུག་པའི་དགེ་སློང་ནི་དེ་དག་ལས་དགེ་བའི་ཆོས་བྱང་ཆུབ་ཀྱི་ཕྱོགས་དང་མཐུན་པ་མ་སྐྱེས་པ་རྣམས་མྱུར་བ་ཁོ་ནར་བསྐྱེད་པར་བྱ་བའི་ཕྱིར་དུས་དུས་སུ་རྗེས་སུ་མཐུན་པའི་གདམས་ངག་དང་རྗེས་སུ་མཐུན་པ་ཐོབ་པར་འགྱུར་བའི་ཕྱིར་རོ། །

dge ba'i chos ma skyes pa rnams bskyed pa'i phyir nye bar rton pa gang zhen/ dge slong na so rgyan pa tshul khrims kyis rgyan pa/ dga' ba thams cad kyi nang na mya ngan las 'das pa la dga' ba mchog yin par shes pa/ lam shin du bsgom pa/ mngon pa'i nga rgyal med pa gang dag yin pa de dag la 'dud pa dang/ rim gro byed pa dang/ legs par smras pa'i rjes su yi rang bas byed pa dang/ g.yo mi byed pa dang klan ka tshol ba'i sems med pa nyid gang yin pa de ni de dag bskyed pa'i phyir nye bar rton pa zhes bya'o/ /de ci'i phyir zhe na/ 'di ltar de dag la de ltar legs par 'jug pa'i dge slong ni de dag las dge ba'i chos byang chub kyi phyogs dang mthun pa ma skyes pa rnams myur ba kho nar bskyed par bya ba'i phyir dus dus su rjes su mthun pa'i gdams ngag dang rjes su mthun pa thob par 'gyur ba'i phyir ro/ /

【E3 結】

དེ་ལྟར་ན་ཡན་ལག་བཞི་པོ་དེ་དག་ཡོད་ན་བཅུ་གཅིག་ཏུ་འགྱུར་ལ༑ བཅུ་གཅིག་ཡོད་ན་ཡང་བཞིར་འགྱུར།

de ltar na yan lag bzhi po de dag yod na bcu gcig tu 'gyur la| bcu gcig yod na yang bzhir 'gyur/

【D51 明七義及七喜】

དོན་ནི་རྣམ་པ་བདུན་ཏེ། རྣམ་པར་དཔྱད་པར་བྱ་བ་དང༌། བླང་བར་བྱ་བ་དང༌། གསལ་བར་བྱ་བ་དང༌། བསྒྲུབ་པར་བྱ་བ་དང༌། བཟློག་པར་བྱ་བ་དང༌། ཀུན་དུ་གཟུང་བར་བྱ་བ་དང༌། བསྡུ་བར་བྱ་བའོ། །ཡིད་བདེ་བ་ནི་རྣམ་པ་བདུན་ཏེ། ཐོས་པ་ལས་བྱུང་བ་དང༌། བསམས་པ་ལས་བྱུང་བ་དང༌། བསྒོམས་པ་ལས་བྱུང་བ་དང༌། བསྒྲིབ་པ་མེད་པ་ལས་བྱུང་བ་དང་འབྲེལ་པའི་གཏམ་ལས་བྱུང་བ་དང༌། རང་གི་ཡོན་ཏན་རྗེས་སུ་དྲན་པ་ལས་བྱུང་བ་དང༌། དམན་པས་ཆོག་མི་ཤེས་པ་ལས་བྱུང་བའོ། །

don ni rnam pa bdun te/ rnam par dpyad par bya ba dang/ blang bar bya ba dang/ gsal bar bya ba dang/ bsgrub par bya ba dang/ bzlog par bya ba dang/ kun du gzung bar bya ba dang/ bsdu bar bya ba'o/ /yid bde ba ni rnam pa bdun te/ thos pa las byung ba dang/ bsams pa las byung ba dang/ bsgoms pa las byung ba dang/ bsgrib pa med pa las byung ba dang 'brel pa'i gtam las byung ba dang/ rang gi yon tan rjes su dran pa las byung ba dang/ dman pas chog mi shes pa las byung ba'o/ /

【D52 五種法】

ཆོས་ནི་རྣམ་པ་ལྔ་སྟེ། བཤད་པའི་ཆོས་དང༌། ཚུལ་གྱི་ཆོས་དང༌། གཟུང་བའི་ཆོས་དང༌། ལོངས་སྤྱོད་ཀྱི་ཆོས་དང༌། ཐོབ་པའི་ཆོས་སོ། །

chos ni rnam pa lnga ste/ bshad pa'i chos dang/ tshul gyi chos dang/ gzung ba'i chos dang/ longs spyod kyi chos dang/ thob pa'i chos so/ /

【D53 明善射三德】

མདའ་འཕང་བ་ནི་ཡོན་ཏན་གསུམ་གྱིས་ཕུན་སུམ་ཚོགས་པ་ཡིན་ཏེ། གཞུའི་ཡོན་ཏན་དང༌། མདའི་ཡོན་ཏན་དང༌། འཕེན་པའི་ཡོན་ཏན་གྱིས་སོ། །དེ་ལ་གཞུའི་ཡོན་ཏན་ནི་གཉིས་ཏེ། རྒྱུ་བཟང་པོ་དང་ལྡན་པ་དང༌། ལེགས་པར་མཐར་ཕྱིན་པར་བྱས་པའོ། །མདའི་ཡོན་ཏན་ནི་གཅིག་སྟེ། ལེགས་པར་མཐར་ཕྱིན་པར་བྱས་པ་ཉིད་དོ། །འཕེན་པའི་ཡོན་ཏན་ནི་གསུམ་སྟེ། འཕོང་མཐར་ཕྱིན་པ་དང༌། འཕོང་ལ་གོམས་པ་དང༌། འཕོང་སློབ་དཔོན་ལས་བསླབ་པའོ། །

mda' 'phang ba ni yon tan gsum gyis phun sum tshogs pa yin te/ gzhu'i yon tan dang/ mda'i yon tan dang/ 'phen pa'i yon tan gyis so/ /de la gzhu'i yon tan ni gnyis te/ rgyu bzang po dang ldan pa dang/ legs par mthar phyin par byas pa'o/ /mda'i yon tan ni gcig ste/ legs par mthar phyin par byas pa nyid do/ /'phen pa'i yon tan ni gsum ste/ 'phong mthar phyin pa dang/ 'phong la goms pa dang/ 'phong slob dpon las bslab pa'o/ /

【D54 明佛教差別及理趣】

དེ་བཞིན་གཤེགས་པ་ཆོས་སྟོན་པ་ནི་རྣམ་པ་གསུམ་སྟེ། དུས་ཡུན་རིང་དུ་སྟོན་པ་དང༌། རྒྱུན་མི་འཆད་པར་སྟོན་པ་དང༌། མི་ཟློས་པར་སྟོན་པའོ། །དེ་བཞིན་གཤེགས་པ་རྣམས་ཀྱི་ཆོས་སྟོན་པ་ནི་ཚུལ་གསུམ་གྱིས་དཔག་ཏུ་མེད་པ་ཡིན་ཏེ། དོན་སྣ་ཚོགས་པ་ཉིད་ཀྱི་ཚུལ་དང༌། ཚིག་འབྲུ་སྣ་ཚོགས་པ་ཉིད་ཀྱི་ཚུལ་དང༌། རྒོལ་བའི་ལན་སྣ་ཚོགས་པ་ཉིད་ཀྱི་ཚུལ་གྱིས་སོ། །

de bzhin gshegs pa chos ston pa ni rnam pa gsum ste/ dus yun ring du ston pa dang/ rgyun mi 'chad par ston pa dang/ mi zlos par ston pa'o/ /de bzhin gshegs pa rnams kyi chos ston pa ni tshul gsum gyis dpag tu med pa yin te/ don sna tshogs pa nyid kyi tshul dang/ tshig 'bru sna tshogs pa nyid kyi tshul dang/ rgol ba'i lan sna tshogs pa nyid kyi tshul gyis so/ /

【D55 明涉道五治喻及尸羅二相能往善趣】

ལམ་དུ་ཞུགས་པའི་གཉེན་པོ་ནི་རྣམ་པ་ལྔར་རིག་པར་བྱ་སྟེ། ཉི་མའི་གཉེན་པོ་དང༌། བགྲོད་དཀའ་བའི་གཉེན་པོ་དང༌། ཆུ་ཀླུང་གི་གཉེན་པོ་དང༌། སྐོམ་པའི་གཉེན་པོ་དང༌། ལུས་ངལ་བའི་གཉེན་པོ་པོའོ། །ཚུལ་ཁྲིམས་རྣམ་པ་གཉིས་ནི་བདེ་འགྲོར་འགྲོ་བར་འགྱུར་བ་ཡིན་ཏེ། ཚུལ་ཁྲིམས་ཡང་དག་པར་བླངས་པ་ཉིད་དང༌། ཚུལ་ཁྲིམས་མ་རལ་བ་ཉིད་དོ། །

lam du zhugs pa'i gnyen po ni rnam pa lngar rig par bya ste/ nyi ma'i gnyen po dang/ bgrod dka' ba'i gnyen po dang/ chu klung gi gnyen po dang/ skom pa'i gnyen po dang/ lus ngal ba'i gnyen po po'o/ /tshul khrims rnam pa gnyis ni bde 'gror 'gro bar 'gyur ba yin te/ tshul khrims yang dag par blangs pa nyid dang/ tshul khrims ma ral ba nyid do/ /

【D56 明受欲及變壞】

འདོད་པ་ལ་ལོངས་སྤྱོད་པའི་ཚེ་འདིའི་དོན་ནི་གསུམ་སྟེ། ལོངས་སྤྱོད་རྣམས་བསྒྲུབ་པ་དང༌། ཀུན་དུ་བསྲུང་བ་དང༌། ལོངས་སྤྱོད་དེ་ལ་ཆགས་པ་མེད་པའོ། །ཚེའི་ཚད་ནི་རྣམ་པ་གཉིས་ཏེ། རིང་བ་དང་ཐུང་བའོ། །གནས་སྐབས་འགྱུར་བ་ཡང་རྣམ་པ་གཉིས་ཏེ། རགས་པ་དང་ཆ་ཕྲ་བའོ། །

'dod pa la longs spyod pa'i tshe 'di'i don ni gsum ste/ longs spyod rnams bsgrub pa dang/ kun du bsrung ba dang/ longs spyod de la chags pa med pa'o/ /tshe'i tshad ni rnam pa gnyis te/ ring ba dang thung ba'o/ /gnas skabs 'gyur ba yang rnam pa gnyis te/ rags pa dang cha phra ba'o/ /

【D57 明智有二德】

ཤེས་པའི་ཡོན་ཏན་ཡང་གཉིས་ཏེ། དོན་ཡང་དག་པར་རྟོགས་པའི་ཡོན་ཏན་དང༌། ངོ་བོ་ཉིད་ཀྱི་ཡོན་ཏན་ནོ། །དེ་ལ་དོན་ཡང་དག་པར་རྟོགས་པའི་ཡོན་ཏན་ནི་མྱུར་དུ་ཡང་དག་པར་རྟོགས་པ་དང༌། ངེས་པར་ཡང་དག་པར་རྟོགས་པ་དང༌། ཆ་ཕྲ་བ་ཡང་དག་པར་རྟོགས་པའོ། །དེ་ལ་ངོ་བོ་ཉིད་ཀྱི་ཡོན་ཏན་ནི་མཉམ་པར་གཞག་པའི་ས་པ་དང༌། ཡོངས་སུ་མི་ཉམས་པ་དང༌། འཇིག་རྟེན་ལས་འདས་པ་དང་། ལེགས་པར་བསྒོམས་པ་དང༌། རང་གི་སྤྱོད་ཡུལ་ལ་ཉམས་པ་མེད་པ་དང༌། རང་གི་རིགས་དང་མཐུན་པའི་དགེ་བའི་རྩ་བས་ཁྱད་པར་དུ་འཕགས་པ་དང༌། གཞན་གྱི་རིགས་དང་མཐུན་པའི་དགེ་བའི་རྩ་བས་ཁྱད་པར་དུ་འཕགས་པའོ། །

shes pa'i yon tan yang gnyis te/ don yang dag par rtogs pa'i yon tan dang/ ngo bo nyid kyi yon tan no/ /de la don yang dag par rtogs pa'i yon tan ni myur du yang dag par rtogs pa dang/ nges par yang dag par rtogs pa dang/ cha phra ba yang dag par rtogs pa'o/ /de la ngo bo nyid kyi yon tan ni mnyam par gzhag pa'i sa pa dang/ yongs su mi nyams pa dang/ 'jig rten las 'das pa dang / legs par bsgoms pa dang/ rang gi spyod yul la nyams pa med pa dang/ rang gi rigs dang mthun pa'i dge ba'i rtsa bas khyad par du 'phags pa dang/ gzhan gyi rigs dang mthun pa'i dge ba'i rtsa bas khyad par du 'phags pa'o/ /

【E58 四念住對治三顧戀】

ལྟོས་པ་རྣམ་པ་གསུམ་གྱི་གཉེན་པོ་ནི་དྲན་པ་ཉེ་བར་གཞག་པ་བཞི་བསྒོམ་པ་སྟེ། གྲོགས་ལ་ལྟོས་པ་དང༌། རྙེད་པ་ལ་ལྟོས་པ་དང༌། ཡང་འབྱུང་བའི་སྲིད་པ་གཞན་ལ་ལྟོས་པའོ། །

ltos pa rnam pa gsum gyi gnyen po ni dran pa nye bar gzhag pa bzhi bsgom pa ste/ grogs la ltos pa dang/ rnyed pa la ltos pa dang/ yang 'byung ba'i srid pa gzhan la ltos pa'o/ /

【E59 釋加行等三句】

སྦྱོར་བ་དང་མངོན་པར་རྟོགས་པ་དང༌། རྒྱུད་ལས་ཏེ། འདོད་པའི་འདོད་ཆགས་དང༌། མ་རིག་པའི་གཉེན་པོས་སྦྱོར་བ་དང༌། རྣམ་པར་མ་བཞག་པ་དང༌། རྣམ་པར་བཞག་པའི་བདེན་པ་རྣམས་མངོན་པར་རྟོགས་པ་དང༌། འདོད་ཆགས་དང་བྲལ་བ་དང༌། འདོད་ཆགས་དང་མ་བྲལ་བ་རྣམས་ཀྱི་རྒྱུད་དོ། །ལུས་དང་ས་དང་གཉེན་པོ་ལས་ཏེ། ཏིང་ངེ་འཛིན་ལ་མི་བརྩོན་པ་དང༌། བརྩོན་པ་དང་ཐོབ་པ་དང༌། མ་ཐོབ་པ་ལས་ལུས་རྣམ་པར་དག་པ་ལ་སྒྲིབ་པ་དང༌། ཡིད་ལ་བྱེད་པ་རྣམ་པར་དག་པ་ལ་སྒྲིབ་པ་དང༌། དེ་ལ་སྒྲིབ་པའི་གཉེན་པོ་ལས་སོ། །

sbyor ba dang mngon par rtogs pa dang/ rgyud las te/ 'dod pa'i 'dod chags dang/ ma rig pa'i gnyen pos sbyor ba dang/ rnam par ma bzhag pa dang/ rnam par bzhag pa'i bden pa rnams mngon par rtogs pa dang/ 'dod chags dang bral ba dang/ 'dod chags dang ma bral ba rnams kyi rgyud do/ /lus dang sa dang gnyen po las te/ ting nge 'dzin la mi brtson pa dang/ brtson pa dang thob pa dang/ ma thob pa las lus rnam par dag pa la sgrib pa dang/ yid la byed pa rnam par dag pa la sgrib pa dang/ de la sgrib pa'i gnyen po las so/ /

【E60 六種現觀】【F1 牒前略標六種現觀】

མངོན་པར་རྟོགས་པ་རྣམ་པ་དྲུག་པོ་བསམ་པ་མངོན་པར་རྟོགས་པ་ནས་མཐར་ཐུག་པའི་མངོན་པར་རྟོགས་པའི་བར་དུ་གང་གསུངས་པ་དེ་ལ།

mngon par rtogs pa rnam pa drug po bsam pa mngon par rtogs pa nas mthar thug pa'i mngon par rtogs pa'i bar du gang gsungs pa de la/

【F2 問答廣釋有二十三門】【G1 辨共相】

བསམ་པ་མངོན་པར་རྟོགས་པའི་རྟགས་གང་ཞེ་ན། སྨྲས་པ༑ བསམ་པ་མངོན་པར་རྟོགས་པ་དང་ལྡན་པ་ནི་སོ་སོའི་སྐྱེ་པོར་གྱུར་པ་ཉིད་ནས་འདུ་བྱེད་ཐམས་ཅད་མི་རྟག་པ་དང༌། འདུ་བྱེད་ཐམས་ཅད་སྡུག་བསྔལ་བ་དང༌། ཆོས་ཐམས་ཅད་བདག་མེད་པ་དང༌། མྱ་ངན་ལས་འདས་པ་ཞི་བའོ་ཞེས་བྱ་བ་ལ། ཇི་ནས་ཀྱང་དེ་ལས་གཞན་པའི་དགེ་སྦྱོང་ངམ་བྲམ་ཟེའམ་ལྷའམ་བདུད་དམ་ཚངས་པའམ་སུས་ཀྱང་འཇིག་རྟེན་ན་ཆོས་དང་མཐུན་པས་མི་འཕྲོགས་པ་དེ་ལྟར་ངེས་པར་གྱུར་པ་ཡིན་ནོ། །དད་པ་མངོན་པར་རྟོགས་པའི་བརྟགས་གང་ཞེ་ན། སྨྲས་པ། དད་པ་མངོན་པར་རྟོགས་པ་དང་ལྡན་པ་ནི་སོ་སོའི་སྐྱེ་བོར་གྱུར་པ་ཡང་རུང༌། སོ་སོའི་སྐྱེ་བོར་གྱུར་པ་མ་ཡིན་པ་ཡང་རུང་སྟེ། ཚེ་འདིའམ་ཚེ་འདི་དང་ཚེ་ཕྱི་མ་ལ་སྟོན་པ་གཞན་དང་ལེགས་པར་གསུངས་པའི་ཆོས་གཞན་དང་དགེ་འདུན་ལེགས་པར་ཞུགས་པ་གཞན་ཡོད་དོ་ཞེས་ཐ་སྙད་འདོགས་མི་སྲིད་པ་ཡིན་ནོ། །ཚུལ་ཁྲིམས་མངོན་པར་རྟོགས་པའི་རྟགས་གང་ཞེ་ན༑ སྨྲས་པ། ཚུལ་ཁྲིམས་མངོན་པར་རྟོགས་པ་དང་ལྡན་པ་ནི་བསམས་བཞིན་དུ་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་ཀྱི་སྲོག་གཅོད་པ་དང༌། མ་བྱིན་པར་ལེན་པ་དང༌། འདོད་པ་རྣམས་ལ་ལོག་པར་གཡེམ་པ་དང༌། ཤེས་བཞིན་དུ་བརྫུན་དུ་སྨྲ་བ་དང༌། ཆང་དང་བཅོས་པའི་ཆང་དང་། སྦྱར་བའི་ཆང་དང༌། བག་མེད་པའི་གནས་ལ་བརྟེན་མི་སྲིད་པ་ཡིན་ནོ། །མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པའི་རྟགས་གང་ཞེ་ན། སྨྲས་པ། མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་དང་ལྡན་པ་ནི་ལྟ་བའི་གནས་བྱེད་པ་དང༌། རང་གི་རྟོགས་པ་ལ་སོམ་ཉི་དང་ཐེ་ཚོམ་ཟ་བ་དང༌། སྐྱེ་བའི་གནས་ཐམས་ཅད་ལ་དགའ་བ་དང༌། མཚན་མ་སྤྱོད་པས་རྣམ་པར་དག་པར་ཡིད་ཆེས་པ་དང༌། ཉན་ཐོས་ཀྱི་ཐེག་པའམ་རང་སངས་རྒྱས་ཀྱི་ཐེག་པའམ་ཐེག་པ་ཆེན་པོ་ལ་སྐུར་པ་འདེབས་ཤིང་སྤོང་བ་དང་། ངན་སོང་བའི་ལས་བྱེད་པར་ཡང་མི་སྲིད་པ་ཡིན་ན། ཕ་དང་མ་གསོད་པ་ལ་སོགས་པ་མཚམས་མེད་པར་བྱེད་པ་ལྟ་ག་ལ་སྲིད་དེ། སྲིད་པ་བརྒྱད་པ་མངོན་པར་བསྒྲུབ་པའི་བར་དུ་མི་སྲིད་པ་ཡིན་ནོ། །མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པའི་རྟགས་གང་ཞེ་ན། སྨྲས་པ། མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པ་དང་ལྡན་པ་ནི་དེ་ལ་དྲི་བ་དྲིས་པ་ན། འཇིགས་པ་དང་བག་ཚ་བ་སྐྱེད་མི་སྲིད་པ་ཡིན་ནོ། །མཐར་ཐུག་པའི་མངོན་པར་རྟོགས་པའི་རྟགས་གང་ཞེ་ན། སྨྲས་པ༑ མཐར་ཐུག་པའི་མངོན་པར་རྟོགས་པ་དང་ལྡན་པ་ནི་གནས་ལྔ་ལ་སྤྱོད་མི་སྲིད་པ་ཡིན་ཏེ། བསམས་བཞིན་དུ་སྲོག་ཆགས་ཀྱི་སྲོག་གཅོད་པ་དང༌། མ་བྱིན་པར་ལེན་པ་དང༌། མི་ཚངས་པར་སྤྱོད་པ་འཁྲིག་པའི་ཆོས་ལ་བརྟེན་པ་དང༌། ཤེས་བཞིན་དུ་བརྫུན་གྱི་ཚིག་སྨྲ་བ་དང༌། སོག་འཇོག་གི་ལོངས་སྤྱོད་ཀྱིས་འདོད་པ་རྣམས་ལ་ལོངས་སྤྱོད་པ་དང༌། ལུང་དུ་མ་བསྟན་པའི་དངོས་པོ་དག་གིས་སྐྲག་པ་དང༌། བདེ་བ་དང་སྡུག་བསྔལ་རང་གིས་བྱས་པའམ་གཞན་གྱིས་བྱས་པའམ། རང་དང་གཞན་གྱིས་བྱས་པར་ཡིད་ཆེས་པ་དང༌། བདེ་བ་དང་སྡུག་བསྔལ་རང་གིས་ཀྱང་མ་བྱས་གཞན་གྱིས་ཀྱང་མ་བྱས་པར་རྒྱུ་མེད་པ་ལས་བྱུང་བར་ཡིད་ཆེས་མི་སྲིད་པ་ཡིན་ཏེ། དེ་ལྟར་དེ་ལྟ་བུ་དང་མཐུན་པ་དག་ནི་མངོན་པར་རྟོགས་པ་དེ་དག་གི་རྟགས་དག་ཡིན་པར་རིག་པར་བྱའོ། །

bsam pa mngon par rtogs pa'i rtags gang zhe na/ smras pa| bsam pa mngon par rtogs pa dang ldan pa ni so so'i skye por gyur pa nyid nas 'du byed thams cad mi rtag pa dang/ 'du byed thams cad sdug bsngal ba dang/ chos thams cad bdag med pa dang/ mya ngan las 'das pa zhi ba'o zhes bya ba la/ ji nas kyang de las gzhan pa'i dge sbyong ngam bram ze'am lha'am bdud dam tshangs pa'am sus kyang 'jig rten na chos dang mthun pas mi 'phrogs pa de ltar nges par gyur pa yin no/ /dad pa mngon par rtogs pa'i brtags gang zhe na/ smras pa/ dad pa mngon par rtogs pa dang ldan pa ni so so'i skye bor gyur pa yang rung/ so so'i skye bor gyur pa ma yin pa yang rung ste/ tshe 'di'am tshe 'di dang tshe phyi ma la ston pa gzhan dang legs par gsungs pa'i chos gzhan dang dge 'dun legs par zhugs pa gzhan yod do zhes tha snyad 'dogs mi srid pa yin no/ /tshul khrims mngon par rtogs pa'i rtags gang zhe na| smras pa/ tshul khrims mngon par rtogs pa dang ldan pa ni bsams bzhin du dud 'gro'i skye gnas su skyes pa'i srog chags kyi srog gcod pa dang/ ma byin par len pa dang/ 'dod pa rnams la log par g.yem pa dang/ shes bzhin du brdzun du smra ba dang/ chang dang bcos pa'i chang dang / sbyar ba'i chang dang/ bag med pa'i gnas la brten mi srid pa yin no/ /mngon par rtogs pa'i shes pa bden pa mngon par rtogs pa'i rtags gang zhe na/ smras pa/ mngon par rtogs pa'i shes pa bden pa mngon par rtogs pa dang ldan pa ni lta ba'i gnas byed pa dang/ rang gi rtogs pa la som nyi dang the tshom za ba dang/ skye ba'i gnas thams cad la dga' ba dang/ mtshan ma spyod pas rnam par dag par yid ches pa dang/ nyan thos kyi theg pa'am rang sangs rgyas kyi theg pa'am theg pa chen po la skur pa 'debs shing spong ba dang / ngan song ba'i las byed par yang mi srid pa yin na/ pha dang ma gsod pa la sogs pa mtshams med par byed pa lta ga la srid de/ srid pa brgyad pa mngon par bsgrub pa'i bar du mi srid pa yin no/ /mngon par rtogs pa'i mtha' las byung ba'i shes pa bden pa mngon par rtogs pa'i rtags gang zhe na/ smras pa/ mngon par rtogs pa'i mtha' las byung ba'i shes pa bden pa mngon par rtogs pa dang ldan pa ni de la dri ba dris pa na/ 'jigs pa dang bag tsha ba skyed mi srid pa yin no/ /mthar thug pa'i mngon par rtogs pa'i rtags gang zhe na/ smras pa| mthar thug pa'i mngon par rtogs pa dang ldan pa ni gnas lnga la spyod mi srid pa yin te/ bsams bzhin du srog chags kyi srog gcod pa dang/ ma byin par len pa dang/ mi tshangs par spyod pa 'khrig pa'i chos la brten pa dang/ shes bzhin du brdzun gyi tshig smra ba dang/ sog 'jog gi longs spyod kyis 'dod pa rnams la longs spyod pa dang/ lung du ma bstan pa'i dngos po dag gis skrag pa dang/ bde ba dang sdug bsngal rang gis byas pa'am gzhan gyis byas pa'am/ rang dang gzhan gyis byas par yid ches pa dang/ bde ba dang sdug bsngal rang gis kyang ma byas gzhan gyis kyang ma byas par rgyu med pa las byung bar yid ches mi srid pa yin te/ de ltar de lta bu dang mthun pa dag ni mngon par rtogs pa de dag gi rtags dag yin par rig par bya'o/ /

【G2 辨體性】

བསམ་པ་མངོན་པར་རྟོགས་པའི་ངོ་བོ་ཉིད་གང་ཞེ་ན། སྨྲས་པ། བསམས་པ་ལས་བྱུང་བའི་ཤེས་རབ་ཆེན་པོའི་ངོ་བོ་ཉིད་དང༌། དེ་དང་ལྡན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་ངོ་བོ་ཉིད་ཡིན་ནོ། །དད་པ་མངོན་པར་རྟོགས་པའི་ངོ་བོ་ཉིད་གང་ཞེ་ན། སྨྲས་པ། འཇིག་རྟེན་པ་དང་འཇིག་རྟེན་ལས་འདས་པའི་དད་པ་ཆེན་པོ་དཀོན་མཆོག་ལ་དམིགས་པའི་ངོ་བོ་ཉིད་དང༌། དེ་དང་ལྡན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་ངོ་བོ་ཉིད་ཡིན་ནོ། །ཚུལ་ཁྲིམས་མངོན་པར་རྟོགས་པའི་ངོ་བོ་ཉིད་གང་ཞེ་ན། སྨྲས་པ། འཕགས་པ་དགྱེས་པའི་ལུས་དང་ངག་གི་ལས་ཀྱི་ངོ་བོ་ཉིད་དང༌། དེ་དང་ལྡན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་ངོ་བོ་ཉིད་ཡིན་ནོ། །མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པའི་ངོ་བོ་ཉིད་གང་ཞེ་ན། སྨྲས་པ། རྣམ་པར་མ་བཞག་པའི་བདེན་པ་ལ་དམིགས་པའི་ཤེས་རབ་ཀྱི་ངོ་བོ་ཉིད་དང༌། དེ་དང་ལྡན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་ངོ་བོ་ཉིད་ཡིན་ནོ། །མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པའི་ངོ་བོ་ཉིད་གང་ཞེ་ན། སྨྲས་པ། རྣམ་པར་བཞག་པའི་བདེན་པ་ལ་དམིགས་པའི་ཤེས་རབ་ཀྱི་ངོ་བོ་ཉིད་དང༌། དེ་དང་ལྡན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་ངོ་བོ་ཉིད་ཡིན་ནོ། །མཐར་ཐུག་པའི་མངོན་པར་རྟོགས་པའི་ངོ་བོ་ཉིད་གང་ཞེ་ན། སྨྲས་པ། ཟད་པ་དང་མི་སྐྱེ་བ་ཤེས་པའི་ངོ་བོ་ཉིད་དང༌། དེ་དང་ལྡན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་ངོ་བོ་ཉིད་ཡིན་ཏེ། དེ་ལྟར་དེ་ནི་མངོན་པར་རྟོགས་པ་དེ་དག་གི་ངོ་བོ་ཉིད་ཡིན་པར་རིག་པར་བྱའོ། །

bsam pa mngon par rtogs pa'i ngo bo nyid gang zhe na/ smras pa/ bsams pa las byung ba'i shes rab chen po'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /dad pa mngon par rtogs pa'i ngo bo nyid gang zhe na/ smras pa/ 'jig rten pa dang 'jig rten las 'das pa'i dad pa chen po dkon mchog la dmigs pa'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /tshul khrims mngon par rtogs pa'i ngo bo nyid gang zhe na/ smras pa/ 'phags pa dgyes pa'i lus dang ngag gi las kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /mngon par rtogs pa'i shes pa bden pa mngon par rtogs pa'i ngo bo nyid gang zhe na/ smras pa/ rnam par ma bzhag pa'i bden pa la dmigs pa'i shes rab kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /mngon par rtogs pa'i mtha' las byung ba'i shes pa bden pa mngon par rtogs pa'i ngo bo nyid gang zhe na/ smras pa/ rnam par bzhag pa'i bden pa la dmigs pa'i shes rab kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /mthar thug pa'i mngon par rtogs pa'i ngo bo nyid gang zhe na/ smras pa/ zad pa dang mi skye ba shes pa'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin te/ de ltar de ni mngon par rtogs pa de dag gi ngo bo nyid yin par rig par bya'o/ /

【G3 明繫不繫】

མངོན་པར་རྟོགས་པ་དྲུག་པོ་དེ་དག་ལས། དུ་ནི་འདོད་པ་དང་ལྡན་པ་ཡིན། དུ་ནི་གཟུགས་དང་ལྡན་པ་ཡང་ཡིན། དུ་ནི་གཟུགས་མེད་པ་དང་ལྡན་པ་ཡང་ཡིན༑ དུ་ནི་ལྡན་པ་མ་ཡིན་པ་ཡིན་ཞེ་ན། སྨྲས་པ། གཅིག་ནི་འདོད་པ་དང་ལྡན་པ་ཡིན་ནོ། །གཅིག་གི་ཕྱོགས་གཅིག་ནི་འདོད་པ་དང་ལྡན་པ་ཡང་ཡིན། གཟུགས་དང་ལྡན་པ་ཡང་ཡིན། གཟུགས་མེད་པ་དང་ལྡན་པ་ཡང་ཡིན། ལྡན་པ་མ་ཡིན་པ་ཡང་མ་ཡིན་ནོ། །གཅིག་པོ་ངོ་བོ་ཉིད་ཀྱི་ཕྱོགས་གཅིག་དང་ལྷག་མ་གསུམ་ནི་ལྡན་པ་མ་ཡིན་པ་ཡང་ཡིན་ནོ། །གཅིག་ནི་ལྡན་པ་ཡང་མ་ཡིན་མི་ལྡན་པ་ཡང་མ་ཡིན་ནོ། །

mngon par rtogs pa drug po de dag las/ du ni 'dod pa dang ldan pa yin/ du ni gzugs dang ldan pa yang yin/ du ni gzugs med pa dang ldan pa yang yin| du ni ldan pa ma yin pa yin zhe na/ smras pa/ gcig ni 'dod pa dang ldan pa yin no/ /gcig gi phyogs gcig ni 'dod pa dang ldan pa yang yin/ gzugs dang ldan pa yang yin/ gzugs med pa dang ldan pa yang yin/ ldan pa ma yin pa yang ma yin no/ /gcig po ngo bo nyid kyi phyogs gcig dang lhag ma gsum ni ldan pa ma yin pa yang yin no/ /gcig ni ldan pa yang ma yin mi ldan pa yang ma yin no/ /

【G4 明依地】

མངོན་པར་རྟོགས་པ་དྲུག་པོ་དེ་དག་ལས་དུ་ནི་མི་ལྕོགས་པ་མེད་པའི་གནས་ལ་བརྟེན་ཏེ་དམིགས་པ་ཡིན། དུ་ནི་ཅི་ཡང་མེད་པའི་སྐྱེ་མཆེད་ཀྱི་བར་གྱི་གནས་ལ་བརྟེན་ཏེ། དམིགས་པ་ཡིན་ཞེ་ན། སྨྲས་པ་གཅིག་ནི་གནས་གང་ལ་ཡང་མི་བརྟེན་པ་དམིགས་པ་ཡིན་ནོ། །ལྷག་མ་རྣམས་ནི་གནས་ཐམས་ཅད་ལ་བརྟེན་ནས་དམིགས་པ་ཡིན་ཏེ། གསུམ་དང་གཅིག་གི་ཕྱོགས་གཅིག་ནི་གནས་ལྔ་ལ་བརྟེན་ཏེ་སྐྱེའོ། །གལ་ཏེ་མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་མཚན་མ་མེད་པའི་ཕྱིར་རྣམ་པར་མི་རྟོག་པ་ཡིན་ན། ཇི་ལྟར་རྟོག་པ་དང་བཅས་དཔྱོད་པ་དང་བཅས་པའི་གནས་ལ་བརྟེན་ཏེ་དམིགས་པ་ཡིན་ཞེ་ན། སྨྲས་པ། རྟོག་པ་དང་དཔྱོད་པ་ལ་སོགས་པ་བསམ་གཏན་མཐའ་དག་ཏུ་དེ་བཞིན་ཉིད་ཡིད་ལ་བྱེད་པ་ན་སྙོམས་པར་འཇུག་སྟེ། དེའི་ཕྱིར་རྟོག་པ་དང་བཅས་དཔྱོད་པ་དང་བཅས་པའི་བསམ་གཏན་ལ་བརྟེན་ཏེ་དམིགས་པ་ཡིན་ལ། དེའི་མཚན་མས་མཚན་མ་མེད་པ་དང་རྣམ་པར་རྟོག་པ་མེད་པ་ཡིན་པར་ཡང་རིག་པར་བྱའོ། །

mngon par rtogs pa drug po de dag las du ni mi lcogs pa med pa'i gnas la brten te dmigs pa yin/ du ni ci yang med pa'i skye mched kyi bar gyi gnas la brten te/ dmigs pa yin zhe na/ smras pa gcig ni gnas gang la yang mi brten pa dmigs pa yin no/ /lhag ma rnams ni gnas thams cad la brten nas dmigs pa yin te/ gsum dang gcig gi phyogs gcig ni gnas lnga la brten te skye'o/ /gal te mngon par rtogs pa'i shes pa bden pa mngon par rtogs pa mtshan ma med pa'i phyir rnam par mi rtog pa yin na/ ji ltar rtog pa dang bcas dpyod pa dang bcas pa'i gnas la brten te dmigs pa yin zhe na/ smras pa/ rtog pa dang dpyod pa la sogs pa bsam gtan mtha' dag tu de bzhin nyid yid la byed pa na snyoms par 'jug ste/ de'i phyir rtog pa dang bcas dpyod pa dang bcas pa'i bsam gtan la brten te dmigs pa yin la/ de'i mtshan mas mtshan ma med pa dang rnam par rtog pa med pa yin par yang rig par bya'o/ /

【G5 明緣諦】

མངོན་པར་རྟོགས་པ་དེ་དག་ལས་དུ་ནི་ཀུན་རྫོབ་ཀྱི་བདེན་པ་ལ་དམིགས་པ་ཡིན། དུ་ནི་དོན་དམ་པའི་བདེན་པ་ལ་དམིགས་པ་ཡིན་ཞེ་ན། སྨྲས་པ། གཅིག་དང་གཅིག་གི་ཕྱོགས་གཅིག་ནི་ཀུན་རྫོབ་ལ་དམིགས་པ་ཡིན་ནོ། །གཅིག་ནི་དམིགས་པ་མེད་པ་ཡིན་ནོ། །གཉིས་དང་གཅིག་གི་ཕྱོགས་གཅིག་ནི་རྣམ་པར་བཞག་པའི་དོན་དམ་པའི་བདེན་པ་ལ་དམིགས་པ་ཡིན་ནོ། །གཅིག་ནི་རྣམ་པར་མ་བཞག་པའི་དོན་དམ་པའི་བདེན་པ་ལ་དམིགས་པ་ཡིན་ནོ། །

mngon par rtogs pa de dag las du ni kun rdzob kyi bden pa la dmigs pa yin/ du ni don dam pa'i bden pa la dmigs pa yin zhe na/ smras pa/ gcig dang gcig gi phyogs gcig ni kun rdzob la dmigs pa yin no/ /gcig ni dmigs pa med pa yin no/ /gnyis dang gcig gi phyogs gcig ni rnam par bzhag pa'i don dam pa'i bden pa la dmigs pa yin no/ /gcig ni rnam par ma bzhag pa'i don dam pa'i bden pa la dmigs pa yin no/ /

【G6 明有相無相】

མངོན་པར་རྟོགས་པ་དེ་དག་ལས་དུ་ནི་མཚན་མ་དང་བཅས་པ་ཡིན། དུ་ནི་མཚན་མ་མེད་པ་ཡིན་ཞེ་ན། སྨྲས་པ། བཞི་ནི་མཚན་མ་དང་བཅས་པ་ཡིན་ནོ། །གཅིག་ནི་མཚན་མ་མེད་པ་ཡིན་ནོ། །གཅིག་ནི་མཚན་མ་དང་བཅས་པ་དང་མཚན་མ་མེད་པ་ཡིན་ནོ། །

mngon par rtogs pa de dag las du ni mtshan ma dang bcas pa yin/ du ni mtshan ma med pa yin zhe na/ smras pa/ bzhi ni mtshan ma dang bcas pa yin no/ /gcig ni mtshan ma med pa yin no/ /gcig ni mtshan ma dang bcas pa dang mtshan ma med pa yin no/ /

【G7 明有分別無分別】

མངོན་པར་རྟོགས་པ་དེ་དག་ལས་དུ་ནི་རྣམ་པར་རྟོག་པ་དང་བཅས་པ་ཡིན། དུ་ནི་རྣམ་པར་རྟོག་པ་མེད་པ་ཡིན་ཞེ་ན། སྨྲས་པ། མཚན་མ་དང་བཅས་པ་དང༌། མཚན་མ་མེད་པ་དག་ཇི་ལྟ་བ་བཞིན་དུ་རྣམ་པར་རྟོག་པ་དང་བཅས་པ་དང་རྣམ་པར་རྟོག་པ་མེད་པ་དག་ཀྱང་དེ་བཞིན་དུ་རིག་པར་བྱའོ། །

mngon par rtogs pa de dag las du ni rnam par rtog pa dang bcas pa yin/ du ni rnam par rtog pa med pa yin zhe na/ smras pa/ mtshan ma dang bcas pa dang/ mtshan ma med pa dag ji lta ba bzhin du rnam par rtog pa dang bcas pa dang rnam par rtog pa med pa dag kyang de bzhin du rig par bya'o/ /

【G8 辨喜樂捨俱行】

མངོན་པར་རྟོགས་པ་དེ་དག་ལས་དུ་ནི་ཡིད་བདེ་བ་དང་ལྡན་པ་ཡིན། དུ་ནི་བདེ་བ་དང་ལྡན་པ་ཡིན། དུ་ནི་བཏང་སྙོམས་དང་ལྡན་པ་ཡིན་ཞེ་ན། སྨྲས་པ། དང་པོ་ནི་ཡིད་བདེ་བ་དང་ལྡན་པ་ཁོ་ན་ཡིན་ནོ། །ལྷག་མ་རྣམས་ནི་ཡིད་བདེ་བ་དང༌། བདེ་བ་དང་། བཏང་སྙོམས་དང་ལྡན་པ་ཡིན་ནོ། །

mngon par rtogs pa de dag las du ni yid bde ba dang ldan pa yin/ du ni bde ba dang ldan pa yin/ du ni btang snyoms dang ldan pa yin zhe na/ smras pa/ dang po ni yid bde ba dang ldan pa kho na yin no/ /lhag ma rnams ni yid bde ba dang/ bde ba dang / btang snyoms dang ldan pa yin no/ /

【G9 辨四對治】

མངོན་པར་རྟོགས་པ་དེ་དག་ལས་དུ་ནི་རྣམ་པར་སུན་འབྱིན་པ་གཉེན་པོ་ཡིན། དུ་ནི་སྤོངས་པ་གཉེན་པོ་ཡིན། དུ་ནི་ཀུན་འཛིན་པ་གཉེན་པོ་ཡིན། དུ་ནི་ཐག་བསྲིང་བ་གཉེན་པོ་ཡིན་ཞེ་ན། སྨྲས་པ། གཉིས་ནི་རྣམ་པར་སུན་འབྱིན་པ་གཉེན་པོ་ཁོ་ན་ཡིན་ནོ། །གཅིག་ནི་སྤོང་བ་དང་ཀུན་འཛིན་པ་དང་ཐག་བསྲིང་བ་གཉེན་པོ་ཡིན་ནོ། །གཅིག་ནི་ཀུན་འཛིན་པ་དང་ཐག་བསྲིང་བ་གཉེན་པོ་ཡིན་ནོ། །གཉིས་ནི་གཉེན་པོ་མ་ཡིན་ནོ། །

mngon par rtogs pa de dag las du ni rnam par sun 'byin pa gnyen po yin/ du ni spongs pa gnyen po yin/ du ni kun 'dzin pa gnyen po yin/ du ni thag bsring ba gnyen po yin zhe na/ smras pa/ gnyis ni rnam par sun 'byin pa gnyen po kho na yin no/ /gcig ni spong ba dang kun 'dzin pa dang thag bsring ba gnyen po yin no/ /gcig ni kun 'dzin pa dang thag bsring ba gnyen po yin no/ /gnyis ni gnyen po ma yin no/ /

【G10 辨二對治】

མངོན་པར་རྟོགས་པ་དེ་དག་ལས་དུ་ནི་ཀུན་ནས་དཀྲིས་པ་རྣམ་པར་གནོན་པའི་གཉེན་པོ་ཡིན། །དུ་ནི་བག་ལ་ཉལ་ཡང་དག་པར་འཇོམས་པའི་གཉེན་པོ་ཡིན་ཞེ་ན། སྨྲས་པ། གསུམ་ནི་ཀུན་ནས་དཀྲིས་པ་རྣམ་པར་གནོན་པའི་གཉེན་པོ་ཡིན་ནོ། །གཅིག་ནི་དེ་གཉིས་ཀའི་གཉེན་པོ་ཡིན་ནོ། །གཉིས་ནི་དེ་གཉི་གའི་གཉེན་པོ་མ་ཡིན་ནོ། །

mngon par rtogs pa de dag las du ni kun nas dkris pa rnam par gnon pa'i gnyen po yin/ /du ni bag la nyal yang dag par 'joms pa'i gnyen po yin zhe na/ smras pa/ gsum ni kun nas dkris pa rnam par gnon pa'i gnyen po yin no/ /gcig ni de gnyis ka'i gnyen po yin no/ /gnyis ni de gnyi ga'i gnyen po ma yin no/ /

【G11 辨三品惑】

མངོན་པར་རྟོགས་པ་དེ་དག་ལས་དུ་ཞིག་ས་དང་ས་ལ་ཉོན་མོངས་པ་ཆུང་ངུ་དང་འབྲིང་དང་ཆེན་པོ་སྤང་བའི་གཉེན་པོ་ཡིན་ཞེ་ན། སྨྲས་པ། གཅིག་གོ། །ལྷག་མ་རྣམས་ནི་དེ་དང་མཐུན་པ་དང་དེའི་གྲོགས་དག་ཡིན་གྱི་སྤོང་བའི་གཉེན་པོ་ནི་མ་ཡིན་ནོ། །

mngon par rtogs pa de dag las du zhig sa dang sa la nyon mongs pa chung ngu dang 'bring dang chen po spang ba'i gnyen po yin zhe na/ smras pa/ gcig go/ /lhag ma rnams ni de dang mthun pa dang de'i grogs dag yin gyi spong ba'i gnyen po ni ma yin no/ /

【G12 明得遍知果】

མངོན་པར་རྟོགས་པ་དྲུག་དང་ཡོངས་སུ་ཤེས་པ་དགུ་ལ། ཡོངས་སུ་ཤེས་པ་དགུ་གང་ཞེ་ན། འདོད་པ་དང་ལྡན་པའི་སྡུག་བསྔལ་དང༌། ཀུན་འབྱུང་བ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནི་ཡོངས་སུ་ཤེས་པ་དང་པོའོ། །གཟུགས་དང་གཟུགས་མེད་པ་དང་ལྡན་པའི་སྡུག་བསྔལ་དང་ཀུན་འབྱུང་བ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནི་ཡོངས་སུ་ཤེས་པ་གཉིས་པའོ། །འདོད་པ་དང་ལྡན་པའི་འགོག་པ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནི་ཡོངས་སུ་ཤེས་པ་གསུམ་པའོ། །འདོད་པ་དང་ལྡན་པའི་ལམ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནི་ཡོངས་སུ་ཤེས་པ་བཞི་པའོ། །གཟུགས་དང་གཟུགས་མེད་པ་དང་ལྡན་པའི་འགོག་པ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནི་ཡོངས་སུ་ཤེས་པ་ལྔ་པའོ། །གཟུགས་དང་གཟུགས་མེད་པ་དང་ལྡན་པའི་ལམ་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནི་ཡོངས་སུ་ཤེས་པ་དྲུག་པའོ། །ཐ་མའི་ཆ་དང་མཐུན་པའི་ཀུན་དུ་སྦྱོར་བ་སྤངས་པ་ནི་ཡོངས་སུ་ཤེས་པ་བདུན་པའོ། །གཟུགས་ཀྱི་འདོད་ཆགས་སྤངས་པ་ནི་ཡོངས་སུ་ཤེས་པ་བརྒྱད་པའོ། །གཟུགས་མེད་པའི་འདོད་ཆགས་སྤངས་པ་ནི་ཡོངས་སུ་ཤེས་པ་དགུ་པའོ། །མངོན་པར་རྟོགས་པ་དྲུག་པོ་དེ་དག་ལས་དུ་ཞིག་ཡོངས་སུ་ཤེས་པ་གང་གི་འབྲས་བུ་ཡིན་ཞེ་ན། སྨྲས་པ༑ གཅིག་ནི་ཡོངས་སུ་ཤེས་པ་དགུའི་འབྲས་བུ་ཡིན་ནོ། །ལྷག་མ་རྣམས་ནི་འབྲས་བུ་མ་ཡིན་ནོ། །

mngon par rtogs pa drug dang yongs su shes pa dgu la/ yongs su shes pa dgu gang zhe na/ 'dod pa dang ldan pa'i sdug bsngal dang/ kun 'byung ba mthong bas spang bar bya ba'i nyon mongs pa rnams spangs pa ni yongs su shes pa dang po'o/ /gzugs dang gzugs med pa dang ldan pa'i sdug bsngal dang kun 'byung ba mthong bas spang bar bya ba'i nyon mongs pa rnams spangs pa ni yongs su shes pa gnyis pa'o/ /'dod pa dang ldan pa'i 'gog pa mthong bas spang bar bya ba'i nyon mongs pa rnams spangs pa ni yongs su shes pa gsum pa'o/ /'dod pa dang ldan pa'i lam mthong bas spang bar bya ba'i nyon mongs pa rnams spangs pa ni yongs su shes pa bzhi pa'o/ /gzugs dang gzugs med pa dang ldan pa'i 'gog pa mthong bas spang bar bya ba'i nyon mongs pa rnams spangs pa ni yongs su shes pa lnga pa'o/ /gzugs dang gzugs med pa dang ldan pa'i lam mthong bas spang bar bya ba'i nyon mongs pa rnams spangs pa ni yongs su shes pa drug pa'o/ /tha ma'i cha dang mthun pa'i kun du sbyor ba spangs pa ni yongs su shes pa bdun pa'o/ /gzugs kyi 'dod chags spangs pa ni yongs su shes pa brgyad pa'o/ /gzugs med pa'i 'dod chags spangs pa ni yongs su shes pa dgu pa'o/ /mngon par rtogs pa drug po de dag las du zhig yongs su shes pa gang gi 'bras bu yin zhe na/ smras pa| gcig ni yongs su shes pa dgu'i 'bras bu yin no/ /lhag ma rnams ni 'bras bu ma yin no/ /

【G13 明斷惑時分】

མངོན་པར་རྟོགས་པ་དེ་དག་ལས་སྤོང་བ་གཉེན་པོ་གང་ཡིན་པ་དེ་ཅི་སྐྱེས་ནས་སྤོང་བ་གཉེན་པོ་ཡིན་ནམ། འོན་ཏེ་མ་སྐྱེས་པས་ཡིན་ཞེ་ན༑ སྨྲས་པ། མ་སྐྱེས་པས་མ་ཡིན་ནོ། །སྐྱེས་ན་ཡང་དུས་ཕྱི་མ་ནི་མ་ཡིན་ཏེ། འདི་ལྟར་ཉོན་མོངས་པ་སྤོང་བ་དང་གཉེན་པོ་སྐྱེ་བ་ནི་མགོ་མཉམ་དུ་བལྟ་བར་བྱའོ། །དེ་ལ་གཉེན་པོ་སྐྱེས་པས་ཉོན་མོངས་པ་སྤོང་ངོ་ཞེས་བྱ་བ་ནི་ཉེ་བར་གདགས་པ་དང་ཐ་སྙད་གདགས་པ་དང༌། བརྡར་གདགས་པ་ལས་བྱ་བ་ཡིན་ནོ། །

mngon par rtogs pa de dag las spong ba gnyen po gang yin pa de ci skyes nas spong ba gnyen po yin nam/ 'on te ma skyes pas yin zhe na| smras pa/ ma skyes pas ma yin no/ /skyes na yang dus phyi ma ni ma yin te/ 'di ltar nyon mongs pa spong ba dang gnyen po skye ba ni mgo mnyam du blta bar bya'o/ /de la gnyen po skyes pas nyon mongs pa spong ngo zhes bya ba ni nye bar gdags pa dang tha snyad gdags pa dang/ brdar gdags pa las bya ba yin no/ /

【G14 明得四果】

མངོན་པར་རྟོགས་པ་དེ་དག་ལས་དུ་དག་གིས་འབྲས་བུ་གང་འཐོབ་ཅེ་ན། སྨྲས་པ། གཅིག་གིས་ནི་འབྲས་བུ་བཞི་པོ་ཐམས་ཅད་འཐོབ་བོ། །གཅིག་ནི་དགེ་སྦྱོང་གི་ཚུལ་གྱི་འབྲས་བུ་ཐོབ་པ་ཡོངས་སུ་རྫོགས་པའི་ཚེ་འབྱུང་ངོ༌། །ལྷག་མ་རྣམས་ནི་གཅིག་པོ་འཐོབ་པའི་གྲོགས་ཡིན་ཏེ། འཐོབ་པའི་སྔོན་དུ་འགྲོ་བ་ཡིན་ནོ། །

mngon par rtogs pa de dag las du dag gis 'bras bu gang 'thob ce na/ smras pa/ gcig gis ni 'bras bu bzhi po thams cad 'thob bo/ /gcig ni dge sbyong gi tshul gyi 'bras bu thob pa yongs su rdzogs pa'i tshe 'byung ngo/ /lhag ma rnams ni gcig po 'thob pa'i grogs yin te/ 'thob pa'i sngon du 'gro ba yin no/ /

【G15 明轉根】

མངོན་པར་རྟོགས་པ་དེ་དག་ལས་དུ་དག་གིས་དབང་པོ་རྣམས་འཕོ་བར་བྱེད་ཅེ་ན། སྨྲས་པ། གཅིག་མ་གཏོགས་པ་ལྷག་མ་ཐམས་ཅད་ཀྱིས་སོ༑ །

mngon par rtogs pa de dag las du dag gis dbang po rnams 'pho bar byed ce na/ smras pa/ gcig ma gtogs pa lhag ma thams cad kyis so| /

【G16 明引神通等勝德】

མངོན་པར་རྟོགས་པ་དེ་དག་ལས་དུ་དག་གིས་མངོན་པར་ཤེས་པ་ལ་སོགས་པ་ཡོན་ཏན་ཁྱད་པར་ཅན་དག་མངོན་པར་སྒྲུབ་པར་བྱེད་ཅེ་ན། སྨྲས་པ། གཅིག་མ་གཏོགས་པ་ལྷག་མ་ཐམས་ཅད་ཀྱིས་སོ། །

mngon par rtogs pa de dag las du dag gis mngon par shes pa la sogs pa yon tan khyad par can dag mngon par sgrub par byed ce na/ smras pa/ gcig ma gtogs pa lhag ma thams cad kyis so/ /

【G17 明作業】

དེ་ལ་བསམ་པ་མངོན་པར་རྟོགས་པ་ཅིའི་ལས་ཅན་དུ་བརྗོད་པར་བྱ། དེ་བཞིན་དུ་མཐར་ཐུག་པའི་མངོན་པར་རྟོགས་པའི་བར་ཡང་ཅིའི་ལས་ཅན་དུ་བརྗོད་པར་བྱ་ཞེ་ན། སྨྲས་པ༑ བསམ་པ་མངོན་པར་རྟོགས་པ་ནི་ཡང་དག་པར་རྟོགས་པས། བསྡུས་པ་རྣམ་པར་བྱང་བའི་ཕྱོགས་དང་མཐུན་པའི་དགེ་བའི་ཆོས་སྐྱེད་པའི་ལས་ཅན་དང་ཁ་ན་མ་ཐོ་བ་མེད་པའི་དགའ་བ་དང་མཆོག་ཏུ་དགའ་བ་སྐྱེད་པའི་ལས་ཅན་དང༌། ཐེ་ཚོམ་རྣམ་པར་ཟློག་པའི་ལས་ཅན་དང༌། བསྒོམ་པའི་རྗེས་སུ་འཇུག་པའི་ལས་ཅན་དང༌། དེ་ལས་གཞན་པའི་མངོན་པར་རྟོགས་པ་དག་སྐྱེད་པའི་ལས་ཅན་དང་། བདེ་འགྲོར་འགྲོ་བའི་ལས་ཅན་ཡིན་པར་རིག་པར་བྱའོ། །དད་པ་མངོན་པར་རྟོགས་པ་ནི་དཀོན་མཆོག་རྣམས་ལ་བསམ་པ་དག་པ་ནས་མོས་པ་མི་གཡོ་བ་སྐྱེད་པའི་ལས་ཅན་དང༌། ཡང་དག་པར་རྟོགས་པས་རྣམ་པར་བྱང་བར་བྱེད་པའི་ལས་ཅན་དང༌། དེ་དག་ལས་ལ་ལ་བདེ་འགྲོར་འགྲོ་བར་བྱེད་པའི་ལས་ཅན་ཡིན་ནོ། །ཚུལ་ཁྲིམས་མངོན་པར་རྟོགས་པ་ནི་ངན་སོང་བའི་སྡུག་བསྔལ་ལས་རྣམ་པར་ཐར་བར་བྱེད་པའི་ལས་ཅན་ཡིན་ནོ། །མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་ནི་དགེ་སྦྱོང་གི་ཚུལ་གྱིས་འབྲས་བུ་ཐམས་ཅད་འཐོབ་པ་དང་ཡོན་ཏན་ཐམས་ཅད་མངོན་པར་བསྒྲུབ་པས་རྣམ་པར་བྱང་བར་བྱེད་པའི་ལས་ཅན་དང༌། དེ་ལས་གཞན་པའི་མངོན་པར་རྟོགས་པ་དག་སྐྱེད་པའི་ལས་ཅན་དང་བདེ་འགྲོར་རྣམ་པར་སྨིན་པའི་འབྲས་བུ་ཆེས་འོད་གསལ་བ་མངོན་པར་འགྲུབ་པར་བྱེད་པའི་ལས་ཅན་ཡིན་ནོ། །མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པ་ནི་རྣམ་པར་གཞག་པའི་བདེན་པ་དག་ལ་དྲིས་པའི་ལན་གདབ་པ་ལ་མཁས་པའི་ལས་ཅན་དང༌། མངོན་པར་ཤེས་པ་མྱུར་བ་ཉིད་ཀྱི་ལས་ཅན་དང༌། དེའི་གོང་མའི་མངོན་པར་རྟོགས་པ་དག་སྐྱེད་པའི་ལས་ཅན་ཡིན་ནོ། །མཐར་ཐུག་པའི་མངོན་པར་རྟོགས་པ་ནི་ཚེ་འདི་ལ་མཆོག་ཏུ་བདེ་བར་གནས་པ་སྐྱེད་པའི་ལས་ཅན་དང༌། སྡུག་བསྔལ་ཐམས་ཅད་ལས་རྣམ་པར་ཐར་པར་བྱེད་པའི་ལས་ཅན་དང༌། ལུས་ཐ་མ་འཛིན་པའི་ལས་ཅན་ཡིན་ནོ། །

de la bsam pa mngon par rtogs pa ci'i las can du brjod par bya/ de bzhin du mthar thug pa'i mngon par rtogs pa'i bar yang ci'i las can du brjod par bya zhe na/ smras pa| bsam pa mngon par rtogs pa ni yang dag par rtogs pas/ bsdus pa rnam par byang ba'i phyogs dang mthun pa'i dge ba'i chos skyed pa'i las can dang kha na ma tho ba med pa'i dga' ba dang mchog tu dga' ba skyed pa'i las can dang/ the tshom rnam par zlog pa'i las can dang/ bsgom pa'i rjes su 'jug pa'i las can dang/ de las gzhan pa'i mngon par rtogs pa dag skyed pa'i las can dang / bde 'gror 'gro ba'i las can yin par rig par bya'o/ /dad pa mngon par rtogs pa ni dkon mchog rnams la bsam pa dag pa nas mos pa mi g.yo ba skyed pa'i las can dang/ yang dag par rtogs pas rnam par byang bar byed pa'i las can dang/ de dag las la la bde 'gror 'gro bar byed pa'i las can yin no/ /tshul khrims mngon par rtogs pa ni ngan song ba'i sdug bsngal las rnam par thar bar byed pa'i las can yin no/ /mngon par rtogs pa'i shes pa bden pa mngon par rtogs pa ni dge sbyong gi tshul gyis 'bras bu thams cad 'thob pa dang yon tan thams cad mngon par bsgrub pas rnam par byang bar byed pa'i las can dang/ de las gzhan pa'i mngon par rtogs pa dag skyed pa'i las can dang bde 'gror rnam par smin pa'i 'bras bu ches 'od gsal ba mngon par 'grub par byed pa'i las can yin no/ /mngon par rtogs pa'i mtha' las byung ba'i shes pa bden pa mngon par rtogs pa ni rnam par gzhag pa'i bden pa dag la dris pa'i lan gdab pa la mkhas pa'i las can dang/ mngon par shes pa myur ba nyid kyi las can dang/ de'i gong ma'i mngon par rtogs pa dag skyed pa'i las can yin no/ /mthar thug pa'i mngon par rtogs pa ni tshe 'di la mchog tu bde bar gnas pa skyed pa'i las can dang/ sdug bsngal thams cad las rnam par thar par byed pa'i las can dang/ lus tha ma 'dzin pa'i las can yin no/ /

【G18 明差別】

བསམ་པ་མངོན་པར་རྟོགས་པ་ལ་རྣམ་པ་དུ་ཡོད། དེ་བཞིན་དུ་མཐར་ཐུག་པའི་མངོན་པར་རྟོགས་པའི་བར་ལ་ཡང་རྣམ་པ་དུ་ཡོད་ཅེ་ན། སྨྲས་པ། བསམ་པ་མངོན་པར་རྟོགས་པ་རྣམ་པ་དུ་མ་ཡོད་དེ༑ འདི་ལྟ་སྟེ། མདོའི་སྡེ་ལ་སེམས་པ་དང༌། དབྱངས་ཀྱིས་བསྙད་པའི་སྡེ་དང༌། ལུང་དུ་བསྟན་པའི་སྡེ་ནས་ཤིན་ཏུ་རྒྱས་པའི་སྡེ་དང༌། རྨད་དུ་བྱུང་བའི་ཆོས་ཀྱི་སྡེ་དང༌། གཏན་ལ་ཕབ་པར་བསྟན་པའི་སྡེའི་བར་ལ་སེམས་པ་དང༌། སྡུག་བསྔལ་ལ་སེམས་པ་དང༌། ཀུན་འབྱུང་བ་དང་འགོག་པ་དང༌། ལམ་ལ་སེམས་པ་དང༌། དེ་བཞིན་ཉིད་དང་ཡང་དག་པའི་མཐའ་དང༌། ཆོས་ཀྱི་དབྱིངས་ལ་སེམས་པ་དང༌། ཕུང་པོ་དང་ཁམས་དང་སྐྱེ་མཆེད་ལ་སོགས་པ་ལ་སེམས་པ་དང༌། ཉན་ཐོས་ཀྱི་ཐེག་པ་ལ་སེམས་པ་དང༌། རང་སངས་རྒྱས་ཀྱི་ཐེག་པ་ལ་སེམས་པ་དང༌། ཐེག་པ་ཆེན་པོ་ལ་སེམས་པ་དང༌། དེ་ལྟར་དེ་ལྟ་བུ་དང༌། མཐུན་པ་ལ་སེམས་པ་དཔག་ཏུ་མེད་པར་རིག་པར་བྱའོ། །དད་པ་མངོན་པར་རྟོགས་པ་ནི་འདས་པའི་ཡང་དག་པར་རྫོགས་པའི་སངས་རྒྱས་རྣམས་དང་དེ་དག་གི་ཆོས་དང་དེ་དག་གི་དགེ་འདུན་ཡང་དག་པར་རྗེས་སུ་དྲན་པ་དང༌། འདས་པའི་ཇི་ལྟ་བ་དེ་བཞིན་དུ་མ་འོངས་པ་དང༌། ད་ལྟར་བྱུང་བ་དང༌། འཇིག་རྟེན་གྱི་ཁམས་འདི་དང་དེ་ལས་གཞན་པ་ཕྱོགས་བཅུའི་འཇིག་རྟེན་གྱི་ཁམས་དག་གི་ཡང་དག་པར་རྫོགས་པའི་སངས་རྒྱས་རྣམས་དང༌། དེ་དག་གི་ཆོས་དང་དེ་དག་གི་དགེ་འདུན་ཡང་དག་པར་རྗེས་སུ་དྲན་པའི་དད་པ་མངོན་པར་རྟོགས་པ་གང་ཡིན་པའོ། །ཚུལ་ཁྲིམས་མངོན་པར་རྟོགས་པ་ནི་རང་བཞིན་གྱིས་མི་དགེ་བའི་ལས་ཀྱི་ལམ་བཅུ་སྤང་བའི་རབ་ཏུ་དབྱེ་བ་དང༌། དེ་བཞིན་དུ་སེམས་ཀྱི་རྒྱུད་ཀྱི་རབ་ཏུ་དབྱེ་བ་རྒྱུན་དུ་ཞུགས་པའི་སེམས་ཀྱི་རྒྱུད་ནས། དགྲ་བཅོམ་པ་ཉིད་ཀྱི་བར་གྱི་སེམས་ཀྱི་རྒྱུད་དང༌། རང་སངས་རྒྱས་དང༌། བྱང་ཆུབ་སེམས་དཔའ་དང༌། དེ་བཞིན་གཤེགས་པའི་སེམས་ཀྱི་རྒྱུད་ཀྱི་རབ་ཏུ་དབྱེ་བས་རྣམ་པ་དུ་མ་ཡོད་དོ། །མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་ནི་དྲན་པ་ཉེ་བར་གཞག་པ་དང༌། ཡང་དག་པའི་སྤོང་བ་དང༌། རྫུ་འཕྲུལ་གྱི་རྐང་པ་དང༌། དབང་པོ་དང༌། སྟོབས་དང༌། བྱང་ཆུབ་ཀྱི་ཡན་ལག་དང་ལམ་གྱི་ཡན་ལག་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཀྱི་རབ་ཏུ་དབྱེ་བས་རྣམ་པ་དུ་མ་ཡོད་དོ། །མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་ཇི་ལྟ་བ་བཞིན་དུ། མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པ་དང༌། མཐར་ཐུག་པའི་མངོན་པར་རྟོགས་པ་ཡང་དེ་བཞིན་དུ་རིག་པར་བྱའོ། །

bsam pa mngon par rtogs pa la rnam pa du yod/ de bzhin du mthar thug pa'i mngon par rtogs pa'i bar la yang rnam pa du yod ce na/ smras pa/ bsam pa mngon par rtogs pa rnam pa du ma yod de| 'di lta ste/ mdo'i sde la sems pa dang/ dbyangs kyis bsnyad pa'i sde dang/ lung du bstan pa'i sde nas shin tu rgyas pa'i sde dang/ rmad du byung ba'i chos kyi sde dang/ gtan la phab par bstan pa'i sde'i bar la sems pa dang/ sdug bsngal la sems pa dang/ kun 'byung ba dang 'gog pa dang/ lam la sems pa dang/ de bzhin nyid dang yang dag pa'i mtha' dang/ chos kyi dbyings la sems pa dang/ phung po dang khams dang skye mched la sogs pa la sems pa dang/ nyan thos kyi theg pa la sems pa dang/ rang sangs rgyas kyi theg pa la sems pa dang/ theg pa chen po la sems pa dang/ de ltar de lta bu dang/ mthun pa la sems pa dpag tu med par rig par bya'o/ /dad pa mngon par rtogs pa ni 'das pa'i yang dag par rdzogs pa'i sangs rgyas rnams dang de dag gi chos dang de dag gi dge 'dun yang dag par rjes su dran pa dang/ 'das pa'i ji lta ba de bzhin du ma 'ongs pa dang/ da ltar byung ba dang/ 'jig rten gyi khams 'di dang de las gzhan pa phyogs bcu'i 'jig rten gyi khams dag gi yang dag par rdzogs pa'i sangs rgyas rnams dang/ de dag gi chos dang de dag gi dge 'dun yang dag par rjes su dran pa'i dad pa mngon par rtogs pa gang yin pa'o/ /tshul khrims mngon par rtogs pa ni rang bzhin gyis mi dge ba'i las kyi lam bcu spang ba'i rab tu dbye ba dang/ de bzhin du sems kyi rgyud kyi rab tu dbye ba rgyun du zhugs pa'i sems kyi rgyud nas/ dgra bcom pa nyid kyi bar gyi sems kyi rgyud dang/ rang sangs rgyas dang/ byang chub sems dpa' dang/ de bzhin gshegs pa'i sems kyi rgyud kyi rab tu dbye bas rnam pa du ma yod do/ /mngon par rtogs pa'i shes pa bden pa mngon par rtogs pa ni dran pa nye bar gzhag pa dang/ yang dag pa'i spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang lam gyi yan lag byang chub kyi phyogs dang mthun pa'i chos kyi rab tu dbye bas rnam pa du ma yod do/ /mngon par rtogs pa'i shes pa bden pa mngon par rtogs pa ji lta ba bzhin du/ mngon par rtogs pa'i mtha' las byung ba'i shes pa bden pa mngon par rtogs pa dang/ mthar thug pa'i mngon par rtogs pa yang de bzhin du rig par bya'o/ /

【G19 明約名言安立以辨自性】

མངོན་པར་རྟོགས་པ་དེ་དག་མིང་གང་དང་མངོན་པར་བརྗོད་པ་གང་གིས་རྣམ་པར་འཇོག་པ་དེའི་ངོ་བོ་ཉིད་ཡིན་པར་བརྗོད་པར་བྱའམ། འོན་ཏེ་དེའི་ངོ་བོ་ཉིད་མ་ཡིན་པར་བརྗོད་པར་བྱ་ཞེ་ན། སྨྲས་པ། ཐ་སྙད་ལས་ནི་དེའི་ངོ་བོ་ཉིད་ཡིན་པར་བརྗོད་པར་བྱའོ། །དོན་དམ་པར་ནི་དེའི་ངོ་བོ་ཉིད་མ་ཡིན་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཉིད་ཀྱིས་ཆོས་ཐམས་ཅད་ཀྱི་དོན་བརྗོད་དུ་མེད་པ་ཉིད་ཡིན་པའི་ཕྱིར་རོ། །

mngon par rtogs pa de dag ming gang dang mngon par brjod pa gang gis rnam par 'jog pa de'i ngo bo nyid yin par brjod par bya'am/ 'on te de'i ngo bo nyid ma yin par brjod par bya zhe na/ smras pa/ tha snyad las ni de'i ngo bo nyid yin par brjod par bya'o/ /don dam par ni de'i ngo bo nyid ma yin par brjod par bya'o/ /de ci'i phyir zhe na/ 'di ltar chos nyid kyis chos thams cad kyi don brjod du med pa nyid yin pa'i phyir ro/ /

【G20 明因果】

དེ་ལ་བསམ་པ་མངོན་པར་རྟོགས་པ་རྒྱུ་གང་ལས་བྱུང༌། འབྲས་བུ་གང་ཡིན། དེ་བཞིན་དུ་མཐར་ཐུག་པའི་མངོན་པར་རྟོགས་པའི་བར་ཡང་རྒྱུ་གང་ལས་བྱུང་འབྲས་བུ་གང་ཡིན་ཞེ་ན། སྨྲས་པ། བསམ་པ་མངོན་པར་རྟོགས་པ་ནི་སངས་རྒྱས་འབྱུང་བ་དང༌། སྐྱེས་བུ་དམ་པ་ལ་བརྟེན་པ་དང༌། དམ་པའི་ཆོས་ཉན་པ་དང༌། སེམས་ཀྱི་རྒྱུད་ཡོངས་སུ་སྨིན་པ་དང་། ཚུལ་བཞིན་ཡིད་ལ་བྱེད་པའི་རྒྱུ་ལས་བྱུང་བ་ཡིན་ནོ། །ལས་གང་དང་ལྡན་པ་དེའི་འབྲས་བུ་ཅན་ཡིན་ནོ། །བསམ་པ་མངོན་པར་རྟོགས་པ་ཇི་ལྟ་བ་བཞིན་དུ་མངོན་པར་རྟོགས་པ་ཐམས་ཅད་ཀྱང་དེ་བཞིན་དུ་རིག་པར་བྱའོ། །དེ་ལ་བྱེ་བྲག་ནི་འདི་ཡོད་དེ། དད་པ་མངོན་པར་རྟོགས་པ་ནི་དེ་ལས་གཞན་པའི་མངོན་པར་རྟོགས་པའི་རྒྱུ་ལས་བྱུང་བ་ཡང་ཡིན་ནོ། །དེ་བཞིན་དུ་ཚུལ་ཁྲིམས་མངོན་པར་རྟོགས་པ་དང༌། མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པ་ཡང་བསམ་པ་མངོན་པར་རྟོགས་པའི་རྒྱུ་ལས་བྱུང་བ་ཡང་ཡིན་ལ། ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བའི་རྒྱུ་ལས་བྱུང་བ་ཡང་ཡིན། རང་གི་རིགས་ཀྱི་རྒྱུ་ལས་བྱུང་བ་ཡང་ཡིན་ནོ། །དེ་བཞིན་དུ་མངོན་པར་རྟོགས་པའི་མཐའ་ལས་བྱུང་བའི་ཤེས་པ་བདེན་པ་མངོན་པར་རྟོགས་པ་ཡང་མངོན་པར་རྟོགས་པའི་ཤེས་པ་བདེན་པ་མངོན་པར་རྟོགས་པའི་རྒྱུ་ལས་བྱུང་བ་ཡང་ཡིན་ནོ། །མཐར་ཐུག་པའི་མངོན་པར་རྟོགས་པ་ཡང་དེ་བཞིན་ནོ། །

de la bsam pa mngon par rtogs pa rgyu gang las byung/ 'bras bu gang yin/ de bzhin du mthar thug pa'i mngon par rtogs pa'i bar yang rgyu gang las byung 'bras bu gang yin zhe na/ smras pa/ bsam pa mngon par rtogs pa ni sangs rgyas 'byung ba dang/ skyes bu dam pa la brten pa dang/ dam pa'i chos nyan pa dang/ sems kyi rgyud yongs su smin pa dang / tshul bzhin yid la byed pa'i rgyu las byung ba yin no/ /las gang dang ldan pa de'i 'bras bu can yin no/ /bsam pa mngon par rtogs pa ji lta ba bzhin du mngon par rtogs pa thams cad kyang de bzhin du rig par bya'o/ /de la bye brag ni 'di yod de/ dad pa mngon par rtogs pa ni de las gzhan pa'i mngon par rtogs pa'i rgyu las byung ba yang yin no/ /de bzhin du tshul khrims mngon par rtogs pa dang/ mngon par rtogs pa'i shes pa bden pa mngon par rtogs pa yang bsam pa mngon par rtogs pa'i rgyu las byung ba yang yin la/ nges par 'byed pa'i cha dang mthun pa'i dge ba'i rtsa ba'i rgyu las byung ba yang yin/ rang gi rigs kyi rgyu las byung ba yang yin no/ /de bzhin du mngon par rtogs pa'i mtha' las byung ba'i shes pa bden pa mngon par rtogs pa yang mngon par rtogs pa'i shes pa bden pa mngon par rtogs pa'i rgyu las byung ba yang yin no/ /mthar thug pa'i mngon par rtogs pa yang de bzhin no/ /

【G21 與七作意相攝】

མངོན་པར་རྟོགས་པ་དྲུག་དང༌། མཚན་ཉིད་སོ་སོར་རིག་པ་ལ་སོགས་པའི་ཡིད་ལ་བྱེད་པ་བདུན་པོ་དག་ཅི་མངོན་པར་རྟོགས་པ་དྲུག་གིས་ཡིད་ལ་བྱེད་པ་བདུན་བསྡུས་སམ། འོན་ཏེ་ཡིད་ལ་བྱེད་པ་བདུན་གྱིས་མངོན་པར་རྟོགས་པ་དྲུག་བསྡུས་ཤེ་ན། སྨྲས་པ། མངོན་པར་རྟོགས་པ་གཉིས་ནི་ཡིད་ལ་བྱེད་པ་གང་གིས་ཀྱང་མ་བསྡུས་སོ། །གཅིག་གི་དགའ་བ་སྡུད་པས་བསྡུས་སོ། །གཅིག་ནི་དགའ་བ་སྡུད་པ་དང༌། དཔྱོད་པའི་ཡིད་ལ་བྱེད་པས་བསྡུས་སོ། །གཅིག་ནི་རབ་ཏུ་དབེན་པ་ལས་བྱུང་བ་དང༌། དགའ་བ་སྡུད་པ་དང༌། སྦྱོར་བ་མཐར་ཐུག་པས་བསྡུས་སོ། །གཅིག་ནི་སྦྱོར་བ་མཐར་ཐུག་པའི་འབྲས་བུས་བསྡུས་སོ། །ཡིད་ལ་བྱེད་པ་ལྷག་མ་འདི་ལྟ་སྟེ་མཚན་ཉིད་སོ་སོར་རིག་པའི་ཡིད་ལ་བྱེད་པ་དང༌། མོས་པ་ལས་བྱུང་བའི་ཡིད་ལ་བྱེད་པ་ནི་མངོན་པར་རྟོགས་པའི་རྒྱུ་མཐུན་པས་བསྡུས་པ་ཡིན་པས་མངོན་པར་རྟོགས་པས་མ་བསྡུས་པར་རིག་པར་བྱའོ། །

mngon par rtogs pa drug dang/ mtshan nyid so sor rig pa la sogs pa'i yid la byed pa bdun po dag ci mngon par rtogs pa drug gis yid la byed pa bdun bsdus sam/ 'on te yid la byed pa bdun gyis mngon par rtogs pa drug bsdus she na/ smras pa/ mngon par rtogs pa gnyis ni yid la byed pa gang gis kyang ma bsdus so/ /gcig gi dga' ba sdud pas bsdus so/ /gcig ni dga' ba sdud pa dang/ dpyod pa'i yid la byed pas bsdus so/ /gcig ni rab tu dben pa las byung ba dang/ dga' ba sdud pa dang/ sbyor ba mthar thug pas bsdus so/ /gcig ni sbyor ba mthar thug pa'i 'bras bus bsdus so/ /yid la byed pa lhag ma 'di lta ste mtshan nyid so sor rig pa'i yid la byed pa dang/ mos pa las byung ba'i yid la byed pa ni mngon par rtogs pa'i rgyu mthun pas bsdus pa yin pas mngon par rtogs pas ma bsdus par rig par bya'o/ /

【G22 明現觀等流】

ཤེས་པ་མཐའ་ཡས་པ་དང༌། ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བ་གང་དག་མངོན་པར་རྟོགས་པ་གང་གིས་བསྡུས་ཤེ་ན། སྨྲས་པ། གང་གིས་ཀྱང་མ་བསྡུས་ཏེ། དེ་དག་ཀྱང་མངོན་པར་རྟོགས་པའི་རྒྱུ་མཐུན་པ་ཡིན་པར་རིག་པར་བྱའོ། །

shes pa mtha' yas pa dang/ nges par 'byed pa'i cha dang mthun pa'i dge ba'i rtsa ba gang dag mngon par rtogs pa gang gis bsdus she na/ smras pa/ gang gis kyang ma bsdus te/ de dag kyang mngon par rtogs pa'i rgyu mthun pa yin par rig par bya'o/ /

【G23 辨諸句】

བསམ་པ་མངོན་པར་རྟོགས་པ་གང་ཡིན་པ་དེ་དད་པ་མངོན་པར་རྟོགས་པ་ཡང་ཡིན་ལ། དད་པ་མངོན་པར་རྟོགས་པ་གང་ཡིན་པ་དེ་ཡང་བསམ་པ་མངོན་པར་རྟོགས་པ་ཡིན་ནམ་ཞེ་ན། སྨྲས་པ། མུ་བཞི་སྟེ། དེ་ལ་བསམ་པ་མངོན་པར་རྟོགས་པ་ཡིན་ལ་དད་པ་མངོན་པར་རྟོགས་པ་མ་ཡིན་པ་ནི་དཀོན་མཆོག་ལ་དམིགས་པའི་ངེས་པར་སེམས་པ་མ་གཏོགས་པ། དེ་ལས་གཞན་པ་ལ་དམིགས་པའི་ངེས་པར་སེམས་པའོ། །དད་པ་མངོན་པར་རྟོགས་པ་ཡིན་ལ་བསམ་པ་མངོན་པར་རྟོགས་པ་མ་ཡིན་པ་ནི་དཀོན་མཆོག་ལ་དམིགས་པའི་དད་པ་ཐོས་པ་དང་བསྒོམས་པ་ལས་བྱུང་བ་གང་ཡིན་པའོ། བསམ་པ་མངོན་པར་རྟོགས་པ་ཡང་ཡིན་ལ་དད་པ་མངོན་པར་རྟོགས་པ་ཡང་ཡིན་པ་ནི་དཀོན་མཆོག་ལ་དམིགས་པའི་ངེས་པར་སེམས་པ་གང་ཡིན་པའོ། །རྣམ་པ་དེ་དག་མ་གཏོགས་པ་ནི་མུ་བཞི་པ་ཡིན་ནོ། །ཚུལ་དེ་ཉིད་ཀྱིས་དེ་ལས་གཞན་པའི་མུ་བཞི་དག་ཀྱང་རིག་པར་བྱ་སྟེ། ཉན་ཐོས་ཀྱི་ས་ལས་བརྩམས་ནས། རྣམ་པར་གཏན་ལ་དབབ་པའི་ལམ་ལ་གཅིག་པུ་སྤྱོད་པ་དང༌། ཚིག་གོང་མ་དང་སྦྱོར་བ་དང༌། ཚིག་འོག་མ་དང་སྦྱོར་བ་དང་། མུ་བཞིའི་ཚུལ་ནི་དཔག་ཏུ་མེད་པར་རིག་པར་བྱའོ། །

bsam pa mngon par rtogs pa gang yin pa de dad pa mngon par rtogs pa yang yin la/ dad pa mngon par rtogs pa gang yin pa de yang bsam pa mngon par rtogs pa yin nam zhe na/ smras pa/ mu bzhi ste/ de la bsam pa mngon par rtogs pa yin la dad pa mngon par rtogs pa ma yin pa ni dkon mchog la dmigs pa'i nges par sems pa ma gtogs pa/ de las gzhan pa la dmigs pa'i nges par sems pa'o/ /dad pa mngon par rtogs pa yin la bsam pa mngon par rtogs pa ma yin pa ni dkon mchog la dmigs pa'i dad pa thos pa dang bsgoms pa las byung ba gang yin pa'o/ bsam pa mngon par rtogs pa yang yin la dad pa mngon par rtogs pa yang yin pa ni dkon mchog la dmigs pa'i nges par sems pa gang yin pa'o/ /rnam pa de dag ma gtogs pa ni mu bzhi pa yin no/ /tshul de nyid kyis de las gzhan pa'i mu bzhi dag kyang rig par bya ste/ nyan thos kyi sa las brtsams nas/ rnam par gtan la dbab pa'i lam la gcig pu spyod pa dang/ tshig gong ma dang sbyor ba dang/ tshig 'og ma dang sbyor ba dang / mu bzhi'i tshul ni dpag tu med par rig par bya'o/ /

【E61 明慳與垢】

སེར་སྣ་དང་དྲི་མ་དེ་གཉིས་ཀ་ལ་སེར་སྣའི་དྲི་མ་ཞེས་བྱ་སྟེ། དྲི་མ་ནི་བརྒྱད་དེ། དེ་དག་གིས་དྲི་མ་ཅན་དུ་གྱུར་པའི་སེམས་ཀྱི་རྒྱུད་ནི་སེར་སྣའི་གཞིའི་གནས་སུ་གྱུར་པ་ཡིན་པས། དེའི་ཕྱིར་དེ་དག་ནི་སེར་སྣའི་དྲི་མ་ཞེས་བྱའོ། །བརྒྱད་གང་ཞེ་ན། སྔོན་སྦྱིན་པ་ལ་མ་གོམས་པས་ཚེ་འདི་ལ་ཟང་ཟིང་ལ་གདུ་བ་ཉིད་དང༌། ལུས་དང་སྲོག་ལ་ཤས་ཆེར་ལྟ་ཞིང་འཇིག་རྟེན་ཕ་རོལ་ལ་མི་ལྟ་བ་ཉིད་དང༌། གང་ཟག་སེར་སྣ་ཅན་རྣམས་དང་ལྷན་ཅིག་འགྲོགས་ཤིང་དེ་དག་གི་རྗེས་སུ་འཇུག་པ་ཉིད་དང༌། ཞིང་མི་མཐུན་པར་ལྟ་ཞིང་ཞིང་ཡོངས་སུ་ཚོལ་བ་ཉིད་དང༌། སྔོན་སྙིང་རྗེ་ལ་མ་གོམས་ཤིང་དེ་ལ་ཕན་ཡོན་དུ་ལྟ་བ་ཉིད་དང༌། ཚོགས་ཆེན་པོས་ལོངས་སྤྱོད་བསྒྲུབས་ཤིང་དེ་ལ་ཡོངས་སུ་གོམས་པའི་འདུ་ཤེས་ཀྱིས་ལེ་ལོ་དང་སྙོམ་ལས་བྱེད་པ་ཉིད་དང༌། ལྟ་བ་མཆོག་ཏུ་འཛིན་ཞིང་གཏོང་བ་ལ་ཀུན་ནས་ཉོན་མོངས་པ་དང་བཅས་པ་ཉིད་དང༌། ལོངས་སྤྱོད་ཀྱི་བསམ་པས་སྦྱིན་ཞིང་དེར་ཡོངས་སུ་བསྔོ་བ་ཉིད་དོ། །

ser sna dang dri ma de gnyis ka la ser sna'i dri ma zhes bya ste/ dri ma ni brgyad de/ de dag gis dri ma can du gyur pa'i sems kyi rgyud ni ser sna'i gzhi'i gnas su gyur pa yin pas/ de'i phyir de dag ni ser sna'i dri ma zhes bya'o/ /brgyad gang zhe na/ sngon sbyin pa la ma goms pas tshe 'di la zang zing la gdu ba nyid dang/ lus dang srog la shas cher lta zhing 'jig rten pha rol la mi lta ba nyid dang/ gang zag ser sna can rnams dang lhan cig 'grogs shing de dag gi rjes su 'jug pa nyid dang/ zhing mi mthun par lta zhing zhing yongs su tshol ba nyid dang/ sngon snying rje la ma goms shing de la phan yon du lta ba nyid dang/ tshogs chen pos longs spyod bsgrubs shing de la yongs su goms pa'i 'du shes kyis le lo dang snyom las byed pa nyid dang/ lta ba mchog tu 'dzin zhing gtong ba la kun nas nyon mongs pa dang bcas pa nyid dang/ longs spyod kyi bsam pas sbyin zhing der yongs su bsngo ba nyid do/ /

【E62 明調善】【F1 明調善有五】

དགེ་ལེགས་ཀྱི་ལམ་ནི་རྣམ་པ་ལྔ་སྟེ་ལོངས་སྤྱོད་འགྲུབ་པ་དང༌། བདེ་འགྲོ་འགྲུབ་པ་དང༌། སྡུག་བསྔལ་མེད་པ་འགྲུབ་པ་དང༌། བདག་གི་དོན་འགྲུབ་པ་དང༌། སེམས་ཅན་གྱི་དོན་འགྲུབ་པའོ། །དེ་ལ་ལོངས་སྤྱོད་འགྲུབ་པ་ནི་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོའོ། །དེ་ལ་བདེ་འགྲོ་འགྲུབ་པ་ནི་ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོའོ། །དེ་ལ་སྡུག་བསྔལ་མེད་པ་འགྲུབ་པ་ནི་བསྒོམས་པ་ལས་བྱུང་བའི་བསོད་ནམས་བྱ་བའི་དངོས་པོའོ༑ །དེ་ལ་བདག་གི་དོན་འགྲུབ་པ་ནི་ཉན་ཐོས་དང་རང་སངས་རྒྱས་ཀྱི་ལམ་མོ༑ །དེ་ལ་སེམས་ཅན་གྱི་དོན་འགྲུབ་པ་ནི་བྱང་ཆུབ་སེམས་དཔའི་ལམ་མོ། །

dge legs kyi lam ni rnam pa lnga ste longs spyod 'grub pa dang/ bde 'gro 'grub pa dang/ sdug bsngal med pa 'grub pa dang/ bdag gi don 'grub pa dang/ sems can gyi don 'grub pa'o/ /de la longs spyod 'grub pa ni sbyin pa las byung ba'i bsod nams bya ba'i dngos po'o/ /de la bde 'gro 'grub pa ni tshul khrims las byung ba'i bsod nams bya ba'i dngos po'o/ /de la sdug bsngal med pa 'grub pa ni bsgoms pa las byung ba'i bsod nams bya ba'i dngos po'o| /de la bdag gi don 'grub pa ni nyan thos dang rang sangs rgyas kyi lam mo| /de la sems can gyi don 'grub pa ni byang chub sems dpa'i lam mo/ /

【F2 明五相】

དེ་ཐོབ་པར་བྱ་བའི་ཕྱིར་འདུ་ཤེས་ལྔ་བསྒོམ་པར་བྱ་སྟེ། འདོད་པ་རྣམ་ལ་མི་གཙང་བའི་འདུ་ཤེས་དང༌། ལུས་རྣམས་ལ་འཚོ་བ་ངན་པའི་འདུ་ཤེས་དང༌། འདོད་པའི་ཁམས་ལ་འཇིག་པ་དང་བཅས་པའི་འདུ་ཤེས་དང༌། འདུས་བྱས་ཐམས་ཅད་ལ་མི་རྟག་པའི་འདུ་ཤེས་དང༌། སེམས་ཅན་ཐམས་ཅད་ལས་སྙིང་བརྩེ་བའི་འདུ་ཤེས་སོ། །མར་གྱི་ཉིང་ཁུ་ལྟ་བུའི་མདོའི་རྣམ་པར་བཤད་པ་ཡིན་ནོ།། །།

de thob par bya ba'i phyir 'du shes lnga bsgom par bya ste/ 'dod pa rnam la mi gtsang ba'i 'du shes dang/ lus rnams la 'tsho ba ngan pa'i 'du shes dang/ 'dod pa'i khams la 'jig pa dang bcas pa'i 'du shes dang/ 'dus byas thams cad la mi rtag pa'i 'du shes dang/ sems can thams cad las snying brtse ba'i 'du shes so/ /mar gyi nying khu lta bu'i mdo'i rnam par bshad pa yin no// //

【E63 釋經中七善】【F1 知法】

བམ་པོ་སུམ་ཅུ་རྩ་གཉིས་པ། ཇི་ལྟར་མདོའི་སྡེ་དང༌། རྨད་དུ་བྱུང་བའི་ཆོས་ཀྱི་སྡེ་དང༌། གཏན་ལ་བབ་པར་བསྟན་པའི་སྡེའི་བར་དག་རབ་ཏུ་ཤེས་ཤེ་ན། མདོར་བསྡུ་ན་རྣམ་པ་ལྔ་སྟེ། བརྡ་དང༌། གཟུང་བ་དང༌། གོ་རིམས་དང༌། ལུང་དང༌། བྱེད་པས་སོ། །ཇི་ལྟར་བརྡ་ལས་རབ་ཏུ་ཤེས་ཤེ་ན། ཆོས་ཀྱི་རྣམ་གྲངས་གང་གི་མིང་དང༌། བརྡར་གདགས་པ་གང་ཡིན་པ་དེ་དག་རབ་ཏུ་ཤེས་པ་ཡིན་ནོ། །ཇི་ལྟར་གཟུང་བ་ལས་རབ་ཏུ་ཤེས་ཤེ་ན། མིང་གི་ཚོགས་དང༌། ཚིག་གི་ཚོགས་དང༌། ཡི་གེའི་ཚོགས་གང་དག་གིས། དེས་ཆོས་ཀྱི་རྣམ་གྲངས་དེ་དག་བསྟན་པ་དེ་དག་རབ་ཏུ་ཤེས་པ་ཡིན་ནོ། །ཇི་ལྟར་གོ་རིམས་ལས་རབ་ཏུ་ཤེས་ཤེ་ན། ཆོས་ཀྱི་རྣམ་གྲངས་ཀྱིས་ཆོས་ཀྱི་རྣམ་གྲངས་དང༌། ཚིག་གིས་ཚིག་གི་གོ་རིམས་རབ་ཏུ་ཤེས་པ་ཡིན་ནོ། །ཇི་ལྟར་ལུང་ལས་རབ་ཏུ་ཤེས་ཤེ་ན། འདི་ལྟར་ཆོས་ཀྱི་རྣམ་གྲངས་འདི་དག་ནི་དེ་བཞིན་གཤེགས་པས་གསུངས་པའམ། ཉན་ཐོས་ཀྱིས་བཤད་པའམ། ཁྱིམ་པས་བཤད་པའམ། རབ་ཏུ་བྱུང་བས་བཤད་དོ་ཞེས་རབ་ཏུ་ཤེས་པའོ། །ཇི་ལྟར་བྱེད་པ་ལས་རབ་ཏུ་ཤེས་ཤེ་ན། འདི་ལྟར་ཆོས་ཀྱི་རྣམ་གྲངས་འདི་དག་ནི་བདག་ལ་ཕན་པ་དང༌། གཞན་ལ་ཕན་པ་དང༌། ལྷ་དང་མི་རྣམས་ལ་ཕན་པའི་བར་གྱི་ཕྱིར་བཤད་དོ་ཞེས་རབ་ཏུ་ཤེས་པ་སྟེ། རྣམ་པ་ལྔ་པོ་དེ་དག་གིས་མདོའི་སྡེ་ཡང་རབ་ཏུ་ཤེས་ལ། གཏན་ལ་དབབ་པར་བསྟན་པའི་སྡེའི་བར་ཡང་རབ་ཏུ་ཤེས་སོ། །

bam po sum cu rtsa gnyis pa/ ji ltar mdo'i sde dang/ rmad du byung ba'i chos kyi sde dang/ gtan la bab par bstan pa'i sde'i bar dag rab tu shes she na/ mdor bsdu na rnam pa lnga ste/ brda dang/ gzung ba dang/ go rims dang/ lung dang/ byed pas so/ /ji ltar brda las rab tu shes she na/ chos kyi rnam grangs gang gi ming dang/ brdar gdags pa gang yin pa de dag rab tu shes pa yin no/ /ji ltar gzung ba las rab tu shes she na/ ming gi tshogs dang/ tshig gi tshogs dang/ yi ge'i tshogs gang dag gis/ des chos kyi rnam grangs de dag bstan pa de dag rab tu shes pa yin no/ /ji ltar go rims las rab tu shes she na/ chos kyi rnam grangs kyis chos kyi rnam grangs dang/ tshig gis tshig gi go rims rab tu shes pa yin no/ /ji ltar lung las rab tu shes she na/ 'di ltar chos kyi rnam grangs 'di dag ni de bzhin gshegs pas gsungs pa'am/ nyan thos kyis bshad pa'am/ khyim pas bshad pa'am/ rab tu byung bas bshad do zhes rab tu shes pa'o/ /ji ltar byed pa las rab tu shes she na/ 'di ltar chos kyi rnam grangs 'di dag ni bdag la phan pa dang/ gzhan la phan pa dang/ lha dang mi rnams la phan pa'i bar gyi phyir bshad do zhes rab tu shes pa ste/ rnam pa lnga po de dag gis mdo'i sde yang rab tu shes la/ gtan la dbab par bstan pa'i sde'i bar yang rab tu shes so/ /

【F2 知義】

ཇི་ལྟར་བཤད་པ་དེའི་དོན་རབ་ཏུ་ཤེས་ཤེ་ན། རྣམ་པ་ལྔ་ཁོ་ནས་ཏེ་ཀུན་ནས་སློང་བ་དང་། ཚིག་རབ་ཏུ་དབྱེ་བ་དང༌། མཚམས་སྦྱར་བ་དང༌། རིགས་པ་དང༌། དོན་མདོར་བསྡུ་བས་སོ། །ཇི་ལྟར་ཀུན་ནས་སློང་བ་ལས་རབ་ཏུ་ཤེས་ཤེ་ན། གདུལ་བ་དེ་དག་ཁ་ཅིག་ལ་ཡང་དག་པར་བསྟན་པ་དང༌། དེ་དག་ཁ་ཅིག་ཡང་དག་པར་རབ་ཏུ་དགའ་བར་བྱ་བའི་བར་གྱི་ཕྱིར་བཤད་པ་རབ་ཏུ་ཤེས་པའོ། །ཇི་ལྟར་ཚིག་རབ་ཏུ་དབྱེ་བ་ལས་རབ་ཏུ་ཤེས་ཤེ་ན། རྣམ་གྲངས་དང་མཚན་ཉིད་དང་ངེས་པའི་ཚིག་དང་རྣམ་པར་དབྱེ་བ་རབ་ཏུ་ཤེས་པའོ། །ཇི་ལྟར་མཚམས་སྦྱར་བ་ལས་རབ་ཏུ་ཤེས་ཤེ་ན། རྣམ་པར་བཤད་པའི་མཚམས་སྦྱར་བ་དང༌། བསྒྲུབ་པའི་མཚམས་སྦྱར་བ་དང༌། ཡོངས་སུ་རྫོགས་པའི་མཚམས་སྦྱར་བ་རབ་ཏུ་ཤེས་པའོ། །ཇི་ལྟར་རིགས་པ་ལས་རབ་ཏུ་ཤེས་ཤེ་ན། རིགས་པ་བཞི་པོ་ལྟོས་པའི་རིགས་པ་དང༌། འཐད་པས་བསྒྲུབ་པའི་རིགས་པ་དང༌། བྱ་བ་བྱེད་པའི་རིགས་པ་དང༌། ཆོས་ཉིད་ཀྱི་རིགས་པས་རབ་ཏུ་ཤེས་པའོ། །ཇི་ལྟར་དོན་མདོར་བསྡུ་བ་ལས་རབ་ཏུ་ཤེས་ཤེ་ན། འདི་ནི་ཕུང་པོ་དང་ལྡན་པའི་གཏམ་མོ། །འདི་ནི་ཁམས་དང་སྐྱེ་མཆེད་དང༌། རྟེན་ཅིང་འབྲེལ་པར་འབྱུང་བ་དང༌། གནས་དང་གནས་མ་ཡིན་པ་དང༌། བདེན་པ་དང་ལྡན་པའི་གཏམ་མོ། །འདི་ནི་དྲན་པ་ཉེ་བར་གཞག་པ་ལ་སོགས་པ་དང་ལྡན་པ་ནས། འཕགས་པའི་ལམ་ཡན་ལག་བརྒྱད་པ་དང་ལྡན་པའི་བར་གྱི་གཏམ་མོ། །འདི་ནི་ལས་དང་ལྡན་པའི་གཏམ་མོ། །འདི་ནི་ཉོན་མོངས་པ་དང་ལྡན་པའི་གཏམ་མོ། །འདི་ནི་ལྷག་པའི་ཚུལ་ཁྲིམས་ལ་སོགས་པའི་བསླབ་པ་དང་ལྡན་པའི་གཏམ་མོ་ཞེས་རབ་ཏུ་ཤེས་པའོ། །

ji ltar bshad pa de'i don rab tu shes she na/ rnam pa lnga kho nas te kun nas slong ba dang / tshig rab tu dbye ba dang/ mtshams sbyar ba dang/ rigs pa dang/ don mdor bsdu bas so/ /ji ltar kun nas slong ba las rab tu shes she na/ gdul ba de dag kha cig la yang dag par bstan pa dang/ de dag kha cig yang dag par rab tu dga' bar bya ba'i bar gyi phyir bshad pa rab tu shes pa'o/ /ji ltar tshig rab tu dbye ba las rab tu shes she na/ rnam grangs dang mtshan nyid dang nges pa'i tshig dang rnam par dbye ba rab tu shes pa'o/ /ji ltar mtshams sbyar ba las rab tu shes she na/ rnam par bshad pa'i mtshams sbyar ba dang/ bsgrub pa'i mtshams sbyar ba dang/ yongs su rdzogs pa'i mtshams sbyar ba rab tu shes pa'o/ /ji ltar rigs pa las rab tu shes she na/ rigs pa bzhi po ltos pa'i rigs pa dang/ 'thad pas bsgrub pa'i rigs pa dang/ bya ba byed pa'i rigs pa dang/ chos nyid kyi rigs pas rab tu shes pa'o/ /ji ltar don mdor bsdu ba las rab tu shes she na/ 'di ni phung po dang ldan pa'i gtam mo/ /'di ni khams dang skye mched dang/ rten cing 'brel par 'byung ba dang/ gnas dang gnas ma yin pa dang/ bden pa dang ldan pa'i gtam mo/ /'di ni dran pa nye bar gzhag pa la sogs pa dang ldan pa nas/ 'phags pa'i lam yan lag brgyad pa dang ldan pa'i bar gyi gtam mo/ /'di ni las dang ldan pa'i gtam mo/ /'di ni nyon mongs pa dang ldan pa'i gtam mo/ /'di ni lhag pa'i tshul khrims la sogs pa'i bslab pa dang ldan pa'i gtam mo zhes rab tu shes pa'o/ /

【F3 知時】

ཇི་ལྟར་དུས་ཤེས་པ་ཡིན་ཞེ་ན། རྣམ་པ་ལྔ་ཁོ་ནས་ཏེ། ཀུན་ནས་ཉོན་མོངས་པ་མངོན་དུ་གྱུར་པ་རབ་ཏུ་རྟོགས་པ་དང༌། ཀུན་ནས་ཉོན་མོངས་པ་མངོན་དུ་ཕྱོགས་པ་རབ་ཏུ་རྟོགས་པ་དང༌། ཀུན་ནས་ཉོན་མོངས་པ་ཅན་མ་ཡིན་པའི་གནས་སྐབས་རབ་ཏུ་རྟོགས་པ་དང༌། གཉེན་པོ་ཡིད་ལ་བྱེད་པ་སྐྱེད་པ་དང༌། གཉེན་པོ་ཡིད་ལ་བྱེད་པས་སོ། །

ji ltar dus shes pa yin zhe na/ rnam pa lnga kho nas te/ kun nas nyon mongs pa mngon du gyur pa rab tu rtogs pa dang/ kun nas nyon mongs pa mngon du phyogs pa rab tu rtogs pa dang/ kun nas nyon mongs pa can ma yin pa'i gnas skabs rab tu rtogs pa dang/ gnyen po yid la byed pa skyed pa dang/ gnyen po yid la byed pas so/ /

【F4 知量】【G1 略釋二種】

ཇི་ལྟར་ཚོད་ཤེས་པ་ཡིན་ཞེ་ན། བཟའ་བ་དང༌། བཏུང་བ་ལ་སོགས་པ་རྒྱས་པར་བྱ་སྟེ། དེ་ཡང་མདོར་བསྡུ་ན་སྤོང་བ་དང༌། རྗེས་སུ་མཐུན་པ་རྣམ་པ་གཉིས་སུ་རིག་པར་བྱ་སྟེ། ཉེ་བར་སྟོན་པ་དང་རྗེས་སུ་མཐུན་པ་དང༌། བརྩོན་འགྲུས་བརྩམས་པ་དང་རྗེས་སུ་མཐུན་པའོ། །

ji ltar tshod shes pa yin zhe na/ bza' ba dang/ btung ba la sogs pa rgyas par bya ste/ de yang mdor bsdu na spong ba dang/ rjes su mthun pa rnam pa gnyis su rig par bya ste/ nye bar ston pa dang rjes su mthun pa dang/ brtson 'grus brtsams pa dang rjes su mthun pa'o/ /

【G2 廣辨二種】

དེ་ལ་ཉེ་བར་སྟོན་པ་དང་རྗེས་སུ་མཐུན་པ་ནི། བཟའ་བ་དང༌། བཏུང་བ་དང༌། བཅའ་བ་དང༌། མྱང་བའི་ཚོད་ཤེས་པར་བྱེད་པ་གང་ཡིན་པའོ། །བརྩོན་འགྲུས་བརྩམས་པ་དང་རྗེས་སུ་མཐུན་པ་ནི་འགྲོ་བ་དང་སྡོད་པ་ལ་སོགས་པའི་ཚོད་ཤེས་པར་བྱེད་པ་གང་ཡིན་པའོ། །དེ་ལ་ཇི་ལྟར་བཟའ་བ་ལ་སོགས་པའི་ཚོད་ཤེས་པར་བྱེད་ཅེ་ན། འདི་ལྟ་སྟེ། བླང་བ་དང༌། ཡོངས་སུ་ལོངས་སྤྱོད་པའི་ཚོད་ཤེས་པ་སྟེ། དེ་ལ་བླང་བའི་ཚོད་ཤེས་པ་ནི་དུས་གང་གི་ཚེ་བླང་བར་བྱ་བ་དང་། གང་ནས་བླང་བར་བྱ་བ་དང༌། གང་བླང་བར་བྱ་བ་དང༌། ཅི་ཙམ་བླང་བར་བྱ་བའི་ཚོད་ཤེས་པའོ། །དུས་གང་གི་ཚེ་བླང་བར་བྱ་ཞེ་ན། སྔ་དྲོ་ཡོངས་སུ་ལོངས་སྤྱོད་པའི་དུས་གང་ཡིན་པ་དེའི་ཚེའོ། །གང་ནས་བླང་བར་བྱ་ཞེ་ན། སྤྱོད་ཡུལ་མ་ཡིན་པ་ལྔ་མ་གཏོགས་པ་ནས་སོ། །གང་བླང་བར་བྱ་ཞེ་ན། དེ་བཞིན་གཤེགས་པས་རྗེས་སུ་གནང་བ་ཆང་ལ་སོགས་པ་བཏུང་བ་མ་ཡིན་པ་དང༌། བཟའ་བ་མ་ཡིན་པ་མ་གཏོགས་པ་རུང་བའོ། །ཅི་ཙམ་བླང་བར་བྱ་ཞེ་ན། བདག་ཉིད་ལ་མི་གནོད་པ་དང་གཞན་ལ་མི་གནོད་པར་བླང་བར་བྱ་བའི་ཚོད་རན་པ་གང་ཡིན་པའོ། །དེ་ལ་ཡོངས་སུ་ལོངས་སྤྱོད་པའི་ཚོད་ཤེས་པ་ཡང་དུས་གང་གི་ཚེ་ཡོངས་སུ་ལོངས་སྤྱོད་པར་བྱ་བ་དང༌། གང་དུ་ཡོངས་སུ་ལོངས་སྤྱད་པར་བྱ་བ་དང༌། གང་ཡོངས་སུ་ལོངས་སྤྱོད་པར་བྱ་བ་དང༌། ཅི་ཙམ་ཡོངས་སུ་ལོངས་སྤྱད་པར་བྱ་བའོ། །དེ་ལ་དུས་གང་གི་ཚེ་ཡོངས་སུ་ལོངས་སྤྱད་པར་བྱ་ཞེ་ན༑ སྔ་མ་བཞིན་དུ་སྔ་དྲོ་ཡོངས་སུ་ལོངས་སྤྱད་པའི་དུས་གང་ཡིན་པ་དེའི་ཚེའོ། །གང་དུ་ཡོངས་སུ་ལོངས་སྤྱད་པར་བྱ་ཞེ་ན། གཙུག་ལག་ཁང་ངམ། གྲོང་ཁྱེར་དུ་འབབ་པའི་ཕྱོགས་སུའོ། །གང་ཡོངས་སུ་ལོངས་སྤྱད་པར་བྱ་ཞེ་ན། སྔ་མ་བཞིན་དུ་རུང་བའོ། །ཇི་ཙམ་ཡོངས་སུ་ལོངས་སྤྱད་པར་བྱ་ཞེ་ན། གང་གིས་བཀྲེས་པར་མི་འགྱུར་བ་དང༌། སྤོང་བ་མི་བཟོད་པར་མི་འགྱུར་བ་དང༌། ཁམས་མི་མཉམ་པ་སྐྱེ་བར་མི་འགྱུར་བར་དྲོད་རན་པར་ཡོངས་སུ་ལོངས་སྤྱད་པར་བྱའོ། །དེ་ལ་བརྩོན་འགྲུས་བརྩམས་པ་ཚོད་ཤེས་པ་ཡང་དུས་གང་གི་ཚེ་བརྩོན་འགྲུས་བརྩམ་པར་བྱ་བ་དང༌། གང་དུ་དང༌། གང་དང༌། ཇི་ཙམ་བརྩམ་པར་བྱ་བའོ། །དེ་ལ་དུས་གང་གི་ཚེ་བརྩོན་འགྲུས་བརྩམ་པར་བྱ་ཞེ་ན། འགྲོ་བའི་དུས་སུ་འགྲོ་བ་དང༌། གཉིད་ཀྱི་སྙོམ་པ་བསང་བར་བྱ་བའི་དུས་ཀྱི་བར་དུ་གཉིད་ཀྱི་སྙོམ་པ་བསང་བར་བྱ་བའི་དུས་སུའོ། །གང་དུ་བཙམ་པར་བྱ་ཞེ་ན། ཀུན་དགའི་ར་བའམ། གཙུག་ལག་ཁང་ངམ། ཁང་ཁྱིམ་མམ། འཆག་སར་རོ། །གང་བརྩམ་པར་བྱ་ཞེ་ན། འགྲོ་བ་དང་སྡོད་པ་ནས། གཉིད་ཀྱི་སྙོམ་པ་བསང་བར་བྱ་བའི་བར་དག་བརྩམ་པར་བྱའོ། །ཇི་ཙམ་བརྩམ་པར་བྱ་ཞེ་ན། གང་གིས་བརྩོན་འགྲུས་ཧ་ཅང་ཞུམ་པར་ཡང་མི་འགྱུར་ལ༑ ཧ་ཅང་རབ་ཏུ་འཛིན་པར་ཡང་མི་འགྱུར་བར་དྲོད་རན་པར་བརྩམ་པར་བྱའོ༑ །

de la nye bar ston pa dang rjes su mthun pa ni/ bza' ba dang/ btung ba dang/ bca' ba dang/ myang ba'i tshod shes par byed pa gang yin pa'o/ /brtson 'grus brtsams pa dang rjes su mthun pa ni 'gro ba dang sdod pa la sogs pa'i tshod shes par byed pa gang yin pa'o/ /de la ji ltar bza' ba la sogs pa'i tshod shes par byed ce na/ 'di lta ste/ blang ba dang/ yongs su longs spyod pa'i tshod shes pa ste/ de la blang ba'i tshod shes pa ni dus gang gi tshe blang bar bya ba dang / gang nas blang bar bya ba dang/ gang blang bar bya ba dang/ ci tsam blang bar bya ba'i tshod shes pa'o/ /dus gang gi tshe blang bar bya zhe na/ snga dro yongs su longs spyod pa'i dus gang yin pa de'i tshe'o/ /gang nas blang bar bya zhe na/ spyod yul ma yin pa lnga ma gtogs pa nas so/ /gang blang bar bya zhe na/ de bzhin gshegs pas rjes su gnang ba chang la sogs pa btung ba ma yin pa dang/ bza' ba ma yin pa ma gtogs pa rung ba'o/ /ci tsam blang bar bya zhe na/ bdag nyid la mi gnod pa dang gzhan la mi gnod par blang bar bya ba'i tshod ran pa gang yin pa'o/ /de la yongs su longs spyod pa'i tshod shes pa yang dus gang gi tshe yongs su longs spyod par bya ba dang/ gang du yongs su longs spyad par bya ba dang/ gang yongs su longs spyod par bya ba dang/ ci tsam yongs su longs spyad par bya ba'o/ /de la dus gang gi tshe yongs su longs spyad par bya zhe na| snga ma bzhin du snga dro yongs su longs spyad pa'i dus gang yin pa de'i tshe'o/ /gang du yongs su longs spyad par bya zhe na/ gtsug lag khang ngam/ grong khyer du 'bab pa'i phyogs su'o/ /gang yongs su longs spyad par bya zhe na/ snga ma bzhin du rung ba'o/ /ji tsam yongs su longs spyad par bya zhe na/ gang gis bkres par mi 'gyur ba dang/ spong ba mi bzod par mi 'gyur ba dang/ khams mi mnyam pa skye bar mi 'gyur bar drod ran par yongs su longs spyad par bya'o/ /de la brtson 'grus brtsams pa tshod shes pa yang dus gang gi tshe brtson 'grus brtsam par bya ba dang/ gang du dang/ gang dang/ ji tsam brtsam par bya ba'o/ /de la dus gang gi tshe brtson 'grus brtsam par bya zhe na/ 'gro ba'i dus su 'gro ba dang/ gnyid kyi snyom pa bsang bar bya ba'i dus kyi bar du gnyid kyi snyom pa bsang bar bya ba'i dus su'o/ /gang du btsam par bya zhe na/ kun dga'i ra ba'am/ gtsug lag khang ngam/ khang khyim mam/ 'chag sar ro/ /gang brtsam par bya zhe na/ 'gro ba dang sdod pa nas/ gnyid kyi snyom pa bsang bar bya ba'i bar dag brtsam par bya'o/ /ji tsam brtsam par bya zhe na/ gang gis brtson 'grus ha cang zhum par yang mi 'gyur la| ha cang rab tu 'dzin par yang mi 'gyur bar drod ran par brtsam par bya'o| /

【F5 知眾】

ཇི་ལྟར་རྒྱལ་རིགས་ཀྱི་འཁོར་རབ་ཏུ་ཤེས་ཤེ་ན། རྒྱལ་རིགས་ཀྱི་འཁོར་འདིའི་མིང་ནི་འདི་ཞེས་བྱ། རུས་ནི་འདི་ཞེས་བྱ། རིགས་ནི་འདི་ཞེས་བྱ། ཟས་ནི་འདི་ལྟ་བུ་ཞིག་ཟ་ཟ། ཚེའི་མཐའ་ནི་འདི་ཙམ་ཞིག་ཐུབ་ཅེས་བྱ་བར་རབ་ཏུ་ཤེས་པའོ། །ཁྱིམ་བདག་གི་འཁོར་གྱི་བར་དུ་ཡང་དེ་བཞིན་དུ་རབ་ཏུ་ཤེས་སོ། །

ji ltar rgyal rigs kyi 'khor rab tu shes she na/ rgyal rigs kyi 'khor 'di'i ming ni 'di zhes bya/ rus ni 'di zhes bya/ rigs ni 'di zhes bya/ zas ni 'di lta bu zhig za za/ tshe'i mtha' ni 'di tsam zhig thub ces bya bar rab tu shes pa'o/ /khyim bdag gi 'khor gyi bar du yang de bzhin du rab tu shes so/ /

【F6 知高卑】

ཇི་ལྟར་དགེ་སྦྱོང་གི་འཁོར་རབ་ཏུ་ཤེས་ཤེ་ན། མིང་ཤེས་པ་དང༌། འདི་དག་ནི་གསར་བུའོ། །འདི་དག་ནི་བར་མའོ། །འདི་དག་ནི་རྒན་རབས་སོ། །འདི་དག་ནི་མདོ་སྡེ་འཛིན་པའོ། །འདི་དག་ནི་འདུལ་བ་འཛིན་པའོ། །འདི་དག་ནི་མ་མོ་འཛིན་པའོ། །འདི་དག་ནི་རྣལ་འབྱོར་སྤྱོད་པའོ་ཞེས་རབ་ཏུ་ཤེས་པའོ། །

ji ltar dge sbyong gi 'khor rab tu shes she na/ ming shes pa dang/ 'di dag ni gsar bu'o/ /'di dag ni bar ma'o/ /'di dag ni rgan rabs so/ /'di dag ni mdo sde 'dzin pa'o/ /'di dag ni 'dul ba 'dzin pa'o/ /'di dag ni ma mo 'dzin pa'o/ /'di dag ni rnal 'byor spyod pa'o zhes rab tu shes pa'o/ /

【F7 自知】【G1 明善知往詣等】

བདག་འདིར་ཇི་ལྟར་འགྲོ་བར་བྱ་བ་ནས། ཇི་ལྟར་མི་སྨྲ་བར་བྱ་བའི་བར་དུ་རབ་ཏུ་ཤེས་པ་ནི་མདོར་བསྡུ་ན། གང་གི་དོན་དང༌། ཇི་ལྟར་འགྲོ་བར་བྱ་བ་ནས་མི་སྨྲ་བར་བྱ་བའི་བར་རོ། །དེ་ལ་གང་གི་དོན་དུ་ཞེ་ན། ཁྱིམ་པའི་ཕྱོགས་སུ་འགྲོ་བ་དང༌། ཡོ་བྱད་ཀྱི་དོན་དང༌། མ་དད་པ་རྣམས་དད་པར་བྱ་བ་དང༌། དད་པ་རྣམས་ཕྱིར་ཞིང་འཕེལ་བར་བྱ་བ་དང༌། ནད་པ་དང་ནད་ཚབས་ཆེ་བ་རྣམས་ཡོངས་སུ་དྲི་བ་དང༌། སྡུག་བསྔལ་བར་གནས་པ་རྣམས་ཀྱི་མྱ་ངན་བསང་བ་དང༌། ཕན་ཚུན་འཁུ་ཞིང་མི་མཐུན་པར་གནས་པ་རྣམས་མཐུན་པར་བྱ་བ་དང༌། གཞན་གྱི་བྱ་བ་དང་རྗེས་སུ་མཐུན་པའི་དོན་དང༌། གཞན་གྱི་གསོལ་བ་བཏབ་པ་དང༌། མཁན་པོ་དང་སློབ་དཔོན་དང༌། ཚངས་པ་མཚུངས་པར་སྤྱོད་པའི་རྗེས་སུ་བསྒྲུབ་པའི་དོན་དང༌། དགེ་འདུན་གྱི་བྱ་བའི་དོན་དུ་འགྲོ་བ་ནས་མི་སྨྲ་བའི་བར་དུ་བྱེད་པའོ། །ཇི་ལྟར་འགྲོ་བར་བྱེད་ཅེ་ན། ཉན་ཐོས་ཀྱི་སར་ཇི་སྐད་བསྟན་པ་བཞིན་ནོ། །ཇི་ལྟར་སྡོད་ཅེ་ན། སོང་ནས་ཁང་ཁྱིམ་དེར་ཚམ་ཚོམ་མེད་པར་མི་འཇུག་པར་ང་རྒྱལ་མེད་པ་དང༌། ཡོངས་སུ་ཡི་ཆད་པ་མེད་པ་དང༌། འཁྲུག་པ་མེད་པར་སྒོ་དྲུང་ན་སྡོད་པ་དང༌། ཁང་ཁྱིམ་གྱི་ནང་དུ་ཞུགས་ནས་ཀྱང༌། མངོན་དུ་ཕྱོགས་པ་དང༌། གསོང་པོར་སྨྲ་བ་དང༌། འཛུམ་པ་སྔར་གཏོང་བ་དང༌། ཁྲོ་གཉེར་མེད་པ་དང༌། སྙན་པར་སྨྲ་ཞིང་སྡོད་པར་བྱེད་པའོ། །ཇི་ལྟར་འདུག་པར་བྱ་བ་ལ་རབ་ཏུ་ཤེས་ཤེ་ན། བསྒོ་བས་སྟན་ཅི་བཏིང་བ་ལ་ཚུལ་དང་མཐུན་པའི་སྤྱོད་ལམ་གྱིས་འདུག་པའོ། །ཇི་ལྟར་དེ་ལྟར་སྨྲ་བར་བྱ་བ་རབ་ཏུ་ཤེས་ཤེ་ན། དུས་སུ་དང༌། རིགས་པ་དང༌། རན་པ་དང༌། ཞི་བ་དང༌། གནམ་པར་སྨྲ་བར་བྱ་བ་རབ་ཏུ་ཤེས་པའོ། །དེ་ལ་དུས་ནི་གསུམ་སྟེ། ཉན་འདོད་ཅིང་ཉན་མི་འདོད་པ་མ་ཡིན་པ་སྟེ། དེ་ལ་ཉན་མི་འདོད་པ་ནི་འདི་ཡིན་ཏེ༑ འདི་ལྟར་འདི་ན་ལ་ལ་བཀྲེས་པའམ། སྐོམ་པའམ། །ལུས་ཆད་པ་དང༌། ངལ་བའམ། རླུང་དང༌། ཉི་མས་ཡོངས་སུ་གདུངས་པ་སྟེ། དེ་ནི་དུས་དང་པོ་ཡིན་ནོ། །སྤྱོད་ལམ་གྱི་གནས་ཀྱི་སྤྱོད་ལམ་མ་ཡིན་པས་མི་གནས་པ་ཡིན་ནོ། །འདི་ན་ལ་ལ་ཉན་འདོད་ཀྱང་སྤྱོད་ལམ་མ་ཡིན་པས་གནས་སོ། །དེ་ལ་སྤྱོད་ལམ་མ་ཡིན་པ་ནི་འདི་ཡིན་ཏེ། མི་ན་བར་འདུག་པ་ལ་འགྲེང་སྟེ་ཆོས་བཤད་པར་མི་བྱའོ་ཞེས་སོ་སོར་ཐར་པའི་མདོ་ལས་ཇི་སྐད་གསུངས་པ་ལྟ་བུ་སྟེ། དེ་ནི་དུས་གཉིས་པ་ཡིན་ནོ། །ཀུན་ནས་ཉོན་མོངས་པ་ཅན་མ་ཡིན་པའི་སེམས་དང་ལྡན་པ་ཡིན་གྱི། ཀུན་ནས་ཉོན་མོངས་པ་ཅན་གྱི་སེམས་དང་ལྡན་པ་མ་ཡིན་ཏེ། དེ་ལ་ཀུན་ནས་ཉོན་མོངས་པ་ཅན་གྱི་སེམས་ནི་འདི་ཡིན་ཏེ། འདི་ལྟ་སྟེ་འབྲེལ་པའམ༑ འཕྲལ་གྱི་བྱ་བ་དེ་དང་དེ་དག་ལ་ཤས་ཆེར་བརྩོན་པ་དང༌། བྲན་དང༌། ལས་མིའམ། གསོད་པའམ། ཕྱིར་རྒོལ་བའམ། དགྲ་བོས་སེམས་འཁྲུགས་པའམ། ཁྲོས་པའམ། རྙོག་མ་ཅན་དུ་གྱུར་པ་སྟེ། དེ་ནི་དུས་གསུམ་པ་ཡིན་ནོ། དེ་ལ་རིགས་པ་ཡང་རྣམ་པ་གསུམ་སྟེ། སློང་བ་ན་རུང་བ་སློང་བ་དང༌། ཚོད་རན་པར་སློང་བ་དང༌། གཏམ་ཟེར་བ་ན་ཆོས་ཀྱི་གཏམ་དོན་དང་ལྡན་པ་ཟེར་བའོ། །དེ་ལ་རན་པ་ཡང་རྣམ་པ་གསུམ་གྱིས་རིག་པར་བྱ་སྟེ། རྣམ་པར་འཁྲུགས་པ་མ་ཡིན་པ་དང༌། ཚིག་དང་ཡི་གེ་འདུས་པ་དག་གིས་རྣམ་པར་མ་འཕྲོས་པར་ཆོས་སྟོན་པ་དང༌། ཟློས་བུ་མ་ཡིན་པར་སྨྲ་བ་སྟེ། ཚིག་ཟློས་བུ་དགོས་པ་མེད་པ་དོན་དང་མི་ལྡན་པ་ནི་ཆུང་ཟད་ཙམ་ཡང་བརྗོད་པར་མི་བྱེད་ན། མང་པོ་ལྟ་སྨོས་ཀྱང་ཅི་དགོས། དེ་ལ་ཞི་བ་ཡང་རྣམ་པ་གསུམ་སྟེ། སྤྱོད་ལམ་ཞི་བ་དང༌། སྒྲ་ཞི་བ་དང༌། སེམས་ཞི་བའོ། །དེ་ལ་སྤྱོད་ལམ་ཞི་བ་ནི་འདི་ཡིན་ཏེ། དབང་པོ་རྣམས་རབ་ཏུ་ཞི་བ་དང༌། མི་གཡོ་བ་དང༌། མི་རྒོད་པ་དང༌། ཡན་ལག་དང་ཉིང་ལག་དག་མི་འགྱུར་བས་གཏམ་ཟེར་བའོ། །དེ་ལ་སྒྲ་ཞི་བ་ནི་འདི་ཡིན་ཏེ། ཧ་ཅང་སྐད་ཆེན་པོ་མ་ཡིན་པ་དང༌། བརྟད་པ་མ་ཡིན་པར་ཚིག་རྗོད་པར་བྱེད་པའོ། །དེ་ལ་སེམས་ཞི་བ་ནི་འདི་ཡིན་ཏེ། གནོད་པ་བྱས་ཀྱང་མི་འཁྲུགས་པར་ཚིག་སྨྲ་ན། གནོད་པ་མ་བྱས་ན་ལྟ་སྨོས་ཀྱང་ཅི་དགོས་པ་དང༌། ཟང་ཟིང་མེད་པའི་སེམས་ཀྱིས་སྨྲ་བའོ། །དེ་ལ་ཚིག་གནམ་པ་ཡང་རྣམ་པ་གསུམ་སྟེ། དུས་སུ་སྨྲ་བ་ནས་ཞི་བའི་བར་དུ་སྨྲ་བ་ན་སྔོན་གོམས་པའི་ཚུལ་གྱིས་སམ། ཚེ་འདི་ལ་གོམས་པའི་ཚུལ་གྱིས་ཐ་མལ་པར་སྨྲ་བ་དང༌། ཚིག་དེ་ལ་བསླབ་པར་འདོད་པས་སོ་སོར་རྟོགས་པའི་སྟོབས་ཀྱིས་ཟིན་པ་དང༌། དེའི་ཚིག་དེ་ལྐོག་གམ། མིག་སྔར་དེ་ཐམས་ཅད་དུ་མི་སླུ་བ་ཡིན་པའོ། །དེ་ལ་ཇི་ལྟར་མི་སྨྲ་བར་བྱ་ཞེ་ན། དུས་ལྔར་ཏེ། གལ་ཏེ་གཏམ་ཟེར་བ་ན་ཉན་པ་པོ་མི་ཉན་ཅིང་གཏམ་རླུང་སྐུར་བ་དང༌། རྣམ་པར་གཡེང་བ་སྟོན་པར་བྱེད་ན། དེ་ལ་སྨྲ་བ་པོས་མི་སྨྲ་བར་བྱ་ཞེ་ན། གལ་ཏེ་གཏམ་ཟེར་བ་ན་ཉན་པ་པོ་ཆོག་གི་མི་ཉན་ཏོ་ཞེས་གཏམ་སྤོང་བར་བྱེད་ན། དེ་ལ་ཡང་སྨྲ་བ་པོས་མི་སྨྲ་བར་བྱ་བ་དང༌། གལ་ཏེ་གཏམ་ཟེར་བ་ན་ཉན་པ་པོ་སྨྲ་བ་པོ་ལ་ཀླན་ཀ་ཚོལ་བའི་སེམས་ཀྱིས་རྩོད་པ་དང༌། ཉེས་རྩོམ་གྱི་ཚིག་གིས་ཉེ་བར་གནས་ན། དེ་ལ་ཡང་སྨྲ་བ་པོས་མི་སྨྲ་བར་བྱ་བ་དང༌། སྦྱིན་པ་པོ་དང་སྦྱིན་བདག་གིས་ཆོས་གོས་དང་བསོད་སྙོམས་ལ་སོགས་པས་མགྲོན་དུ་བོས་པ་ན་ཡང་མི་སྨྲ་བས་མགྲོན་དུ་བོས་པ་བདག་གིར་བྱ་བ་དང༌། ཕས་ཀྱི་རྒོལ་བ་ཉེ་བར་འོངས་ཏེ་གཏམ་ཟེར་བ་ན། སྨྲ་བ་པོས་གཏམ་མཇུག་ཏུ་མ་ཕྱིན་གྱི་བར་དུ་ཡང་མི་སྨྲ་བར་བྱའོ། །

bdag 'dir ji ltar 'gro bar bya ba nas/ ji ltar mi smra bar bya ba'i bar du rab tu shes pa ni mdor bsdu na/ gang gi don dang/ ji ltar 'gro bar bya ba nas mi smra bar bya ba'i bar ro/ /de la gang gi don du zhe na/ khyim pa'i phyogs su 'gro ba dang/ yo byad kyi don dang/ ma dad pa rnams dad par bya ba dang/ dad pa rnams phyir zhing 'phel bar bya ba dang/ nad pa dang nad tshabs che ba rnams yongs su dri ba dang/ sdug bsngal bar gnas pa rnams kyi mya ngan bsang ba dang/ phan tshun 'khu zhing mi mthun par gnas pa rnams mthun par bya ba dang/ gzhan gyi bya ba dang rjes su mthun pa'i don dang/ gzhan gyi gsol ba btab pa dang/ mkhan po dang slob dpon dang/ tshangs pa mtshungs par spyod pa'i rjes su bsgrub pa'i don dang/ dge 'dun gyi bya ba'i don du 'gro ba nas mi smra ba'i bar du byed pa'o/ /ji ltar 'gro bar byed ce na/ nyan thos kyi sar ji skad bstan pa bzhin no/ /ji ltar sdod ce na/ song nas khang khyim der tsham tshom med par mi 'jug par nga rgyal med pa dang/ yongs su yi chad pa med pa dang/ 'khrug pa med par sgo drung na sdod pa dang/ khang khyim gyi nang du zhugs nas kyang/ mngon du phyogs pa dang/ gsong por smra ba dang/ 'dzum pa sngar gtong ba dang/ khro gnyer med pa dang/ snyan par smra zhing sdod par byed pa'o/ /ji ltar 'dug par bya ba la rab tu shes she na/ bsgo bas stan ci bting ba la tshul dang mthun pa'i spyod lam gyis 'dug pa'o/ /ji ltar de ltar smra bar bya ba rab tu shes she na/ dus su dang/ rigs pa dang/ ran pa dang/ zhi ba dang/ gnam par smra bar bya ba rab tu shes pa'o/ /de la dus ni gsum ste/ nyan 'dod cing nyan mi 'dod pa ma yin pa ste/ de la nyan mi 'dod pa ni 'di yin te| 'di ltar 'di na la la bkres pa'am/ skom pa'am/ /lus chad pa dang/ ngal ba'am/ rlung dang/ nyi mas yongs su gdungs pa ste/ de ni dus dang po yin no/ /spyod lam gyi gnas kyi spyod lam ma yin pas mi gnas pa yin no/ /'di na la la nyan 'dod kyang spyod lam ma yin pas gnas so/ /de la spyod lam ma yin pa ni 'di yin te/ mi na bar 'dug pa la 'greng ste chos bshad par mi bya'o zhes so sor thar pa'i mdo las ji skad gsungs pa lta bu ste/ de ni dus gnyis pa yin no/ /kun nas nyon mongs pa can ma yin pa'i sems dang ldan pa yin gyi/ kun nas nyon mongs pa can gyi sems dang ldan pa ma yin te/ de la kun nas nyon mongs pa can gyi sems ni 'di yin te/ 'di lta ste 'brel pa'am| 'phral gyi bya ba de dang de dag la shas cher brtson pa dang/ bran dang/ las mi'am/ gsod pa'am/ phyir rgol ba'am/ dgra bos sems 'khrugs pa'am/ khros pa'am/ rnyog ma can du gyur pa ste/ de ni dus gsum pa yin no/ de la rigs pa yang rnam pa gsum ste/ slong ba na rung ba slong ba dang/ tshod ran par slong ba dang/ gtam zer ba na chos kyi gtam don dang ldan pa zer ba'o/ /de la ran pa yang rnam pa gsum gyis rig par bya ste/ rnam par 'khrugs pa ma yin pa dang/ tshig dang yi ge 'dus pa dag gis rnam par ma 'phros par chos ston pa dang/ zlos bu ma yin par smra ba ste/ tshig zlos bu dgos pa med pa don dang mi ldan pa ni chung zad tsam yang brjod par mi byed na/ mang po lta smos kyang ci dgos/ de la zhi ba yang rnam pa gsum ste/ spyod lam zhi ba dang/ sgra zhi ba dang/ sems zhi ba'o/ /de la spyod lam zhi ba ni 'di yin te/ dbang po rnams rab tu zhi ba dang/ mi g.yo ba dang/ mi rgod pa dang/ yan lag dang nying lag dag mi 'gyur bas gtam zer ba'o/ /de la sgra zhi ba ni 'di yin te/ ha cang skad chen po ma yin pa dang/ brtad pa ma yin par tshig rjod par byed pa'o/ /de la sems zhi ba ni 'di yin te/ gnod pa byas kyang mi 'khrugs par tshig smra na/ gnod pa ma byas na lta smos kyang ci dgos pa dang/ zang zing med pa'i sems kyis smra ba'o/ /de la tshig gnam pa yang rnam pa gsum ste/ dus su smra ba nas zhi ba'i bar du smra ba na sngon goms pa'i tshul gyis sam/ tshe 'di la goms pa'i tshul gyis tha mal par smra ba dang/ tshig de la bslab par 'dod pas so sor rtogs pa'i stobs kyis zin pa dang/ de'i tshig de lkog gam/ mig sngar de thams cad du mi slu ba yin pa'o/ /de la ji ltar mi smra bar bya zhe na/ dus lngar te/ gal te gtam zer ba na nyan pa po mi nyan cing gtam rlung skur ba dang/ rnam par g.yeng ba ston par byed na/ de la smra ba pos mi smra bar bya zhe na/ gal te gtam zer ba na nyan pa po chog gi mi nyan to zhes gtam spong bar byed na/ de la yang smra ba pos mi smra bar bya ba dang/ gal te gtam zer ba na nyan pa po smra ba po la klan ka tshol ba'i sems kyis rtsod pa dang/ nyes rtsom gyi tshig gis nye bar gnas na/ de la yang smra ba pos mi smra bar bya ba dang/ sbyin pa po dang sbyin bdag gis chos gos dang bsod snyoms la sogs pas mgron du bos pa na yang mi smra bas mgron du bos pa bdag gir bya ba dang/ phas kyi rgol ba nye bar 'ongs te gtam zer ba na/ smra ba pos gtam mjug tu ma phyin gyi bar du yang mi smra bar bya'o/ /

【G2 明信不信等相】【H1 明自知自信】

བདག་གི་དད་པ་ནས་རིགས་ཀྱི་བུ་ཉིད་ཇི་ཙམ་པ་ནི་རྒྱུ་གསུམ་གྱིས་རིག་པར་བྱ་སྟེ། གནས་དང་ངོ་བོ་ཉིད་དང་དུས་ཀྱིས་སོ། །དེ་ལ་ཇི་ལྟར་གནས་ལས་དད་པ་རིག་པར་བྱ་ཞེ་ན། དད་པའི་གནས་ཀྱི་དངོས་པོ་གང་ཡིན་པ་དང༌། དམིགས་པ་གང་ལས་དད་པ་སྐྱེ་བ་ན། བདག་གི་དད་པ་ནི་འདི་ཙམ་མོ། །དད་པའི་གནས་ནི་འདི་ཡིན་ནོ་ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པའོ། །ཇི་ལྟར་ངོ་བོ་ཉིད་ལས་དད་པ་རིག་པར་བྱ་ཞེ་ན། དད་པ་ཆུང་ངུ་དང༌། འབྲིང་དང་ཆེན་པོ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པའོ། །ཇི་ལྟར་དུས་ལས་དད་པ་རིག་པར་བྱ་ཞེ་ན། བདག་གིས་དད་པ་ནི་དུས་འདི་ཙམ་ནས་སྐྱེས་སོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་པའོ། །དད་པ་ཇི་ལྟ་བ་བཞིན་དུ་ཚུལ་ཁྲིམས་ལ་སོགས་པ་ནས། སྤོབས་པའི་མཐར་ཐུག་པའི་བར་ཡང་དེ་བཞིན་དུ་རིག་པར་བྱའོ། །དེ་ལ་དད་པ་ནི་འཇུག་པའི་ཡན་ལག་ཡིན་ནོ། །ཚུལ་ཁྲིམས་ནི་ཞུགས་པའི་ཞི་གནས་ཀྱི་ཡན་ལག་ཡིན་ནོ། །ཐོས་པ་ནི་ལྷག་མཐོང་གི་ཡན་ལག་ཡིན་ནོ། །གཏོང་བ་ནི་ཞི་གནས་དང་ལྷག་མཐོང་གི་ཚོགས་ཀྱི་ཡན་ལག་ཡིན་ནོ། །བདག་ཉིད་ཀྱི་བསམ་པ་ལས་བྱུང་བའི་ཤེས་རབ་དང་གཞན་ལས་རྗེས་སུ་མཐུན་པའི་གདམས་ངག་རྗེས་སུ་བསྟན་པ་ནི་ཞི་གནས་དང་ལྷག་མཐོང་སྡུད་པའི་ཡན་ལག་ཡིན་ནོ། །དེ་ལ་བརྟེན་ནས་ཞི་གནས་དང༌། ལྷག་མཐོང་ཐོབ་པ་དང༌། དགེ་སྦྱོང་གི་ཚུལ་གྱི་འབྲས་བུ་ཡང་ཐོབ་པར་འགྱུར་བའི་ཕྱིར་རོ། །བདག་གི་དོན་རྟོགས་ན་ཤེས་པར་འདོད་པ་ཐེ་ཚོམ་ཅན་རྣམས་ཀྱིས་ཇི་ལྟར་རྟོགས་པ་ལ་ཐེ་ཚོམ་རྣམ་པར་བཟློག་པའི་ཕྱིར་སྤོབས་སོ། །རིགས་ཀྱི་བུ་འདི་ཉིད་ནི་རྒོལ་བ་མི་མཐུན་པ་ལུས་དང་ངག་གིས་ལོག་པར་བསྒྲུབ་པ་དག་ལ་བཟོད་པ་དང་དེས་པས་བསྡུས་པ་ཡིན་ནོ། །

bdag gi dad pa nas rigs kyi bu nyid ji tsam pa ni rgyu gsum gyis rig par bya ste/ gnas dang ngo bo nyid dang dus kyis so/ /de la ji ltar gnas las dad pa rig par bya zhe na/ dad pa'i gnas kyi dngos po gang yin pa dang/ dmigs pa gang las dad pa skye ba na/ bdag gi dad pa ni 'di tsam mo/ /dad pa'i gnas ni 'di yin no zhes yang dag pa ji lta ba bzhin du rab tu shes pa'o/ /ji ltar ngo bo nyid las dad pa rig par bya zhe na/ dad pa chung ngu dang/ 'bring dang chen po nyid yang dag pa ji lta ba bzhin du rab tu shes pa'o/ /ji ltar dus las dad pa rig par bya zhe na/ bdag gis dad pa ni dus 'di tsam nas skyes so zhes yang dag pa ji lta ba bzhin rab tu shes pa'o/ /dad pa ji lta ba bzhin du tshul khrims la sogs pa nas/ spobs pa'i mthar thug pa'i bar yang de bzhin du rig par bya'o/ /de la dad pa ni 'jug pa'i yan lag yin no/ /tshul khrims ni zhugs pa'i zhi gnas kyi yan lag yin no/ /thos pa ni lhag mthong gi yan lag yin no/ /gtong ba ni zhi gnas dang lhag mthong gi tshogs kyi yan lag yin no/ /bdag nyid kyi bsam pa las byung ba'i shes rab dang gzhan las rjes su mthun pa'i gdams ngag rjes su bstan pa ni zhi gnas dang lhag mthong sdud pa'i yan lag yin no/ /de la brten nas zhi gnas dang/ lhag mthong thob pa dang/ dge sbyong gi tshul gyi 'bras bu yang thob par 'gyur ba'i phyir ro/ /bdag gi don rtogs na shes par 'dod pa the tshom can rnams kyis ji ltar rtogs pa la the tshom rnam par bzlog pa'i phyir spobs so/ /rigs kyi bu 'di nyid ni rgol ba mi mthun pa lus dang ngag gis log par bsgrub pa dag la bzod pa dang des pas bsdus pa yin no/ /

【H2 明不信等相】【I1 舉十種三緣以辨黑品】

དེ་ལ་མ་དད་པ་ནི་རྒྱུ་གསུམ་གྱིས་འགྱུར་ཏེ། དཀོན་མཆོག་གསུམ་གྱི་ཡོན་ཏན་མི་ཤེས་པ་དང༌། མུ་སྟེགས་ཅན་གྱི་ལྟ་བ་སྤྱོད་པ་དང༌། སངས་རྒྱས་རྣམས་སམ་སངས་རྒྱས་ཀྱི་ཉན་ཐོས་རྣམས་ཀྱིས་ཆོ་འཕྲུལ་གསུམ་པོ་གང་ཡང་རུང་བས་མ་བཏུལ་བས་སོ། །ཡང་དང་ཡང་དུ་ཀུན་དགའི་ར་བར་མི་འགྲོ་བ་ནི་རྒྱུ་གསུམ་གྱིས་ཏེ། བག་མེད་པ་དང༌། ལེ་ལོའི་དབང་དུ་སོང་བ་དང༌། བྱ་བ་མང་བ་དང༌། གང་ཟག་ལ་མངོན་པར་དད་པས་སོ། །ཉེ་བར་མི་འགྲོ་བའི་རང་བཞིན་ཅན་དང་རྒྱུ་གསུམ་གྱིས་ཏེ། རང་བཞིན་གྱིས་མི་འཇིགས་པ་དང༌། ང་རྒྱལ་གྱིས་ཁེངས་པ་དང༌། ཚིག་འབྲུ་ལ་རྟོན་པས་སོ། །བསྙེན་བཀུར་མི་བྱེད་པའི་རང་བཞིན་ཅན་ཡང་རྒྱུ་གསུམ་གྱིས་ཏེ། མི་མཁས་པ་དང༌། མཐུན་པར་མི་བྱེད་པ་དང༌། འདུན་པ་དྲག་པོ་མེད་པས་སོ། །ཡོངས་སུ་མི་འདྲི་བའི་རང་བཞིན་ཅན་ཡང་རྒྱུ་གསུམ་གྱིས་ཏེ། ཆོས་ལ་མི་མཁས་པ་དང༌། དོན་ལ་མི་མཁས་པ་དང༌། དེ་གཉི་ག་ལ་མི་མཁས་པས་སོ། །རྣ་མི་གཏོད་པ་ཡང་རྒྱུ་གསུམ་གྱིས་ཏེ་རྣམ་པར་རྟོག་པ་སྤྱོད་པ་དང༌། འདུ་འཛི་མང་བ་དང༌། སྒྲིབ་པ་དག་གིས་སེམས་ཀུན་ནས་ཉོན་མོངས་པ་ཅན་དུ་གྱུར་པའོ། །མི་འཛིན་པའི་རང་བཞིན་ཅན་ཡང་རྒྱུ་གསུམ་གྱིས་ཏེ། མི་ཉན་པ་དང༌། ངན་པར་ཉན་པ་དང༌། ཤེས་རབ་མ་རྒྱས་ཤིང་ཤེས་རབ་ཞུམ་པས་སོ། །ཆོས་ལ་མི་རྟོག་པ་ཡང་རྒྱུ་གསུམ་གྱིས་ཏེ། སྨྲ་བ་ལ་དགའ་བ་དང༌། འདུ་འཛི་ལ་དགའ་བ་དང༌། དཔྱོད་པའི་ཤེས་རབ་དང་མི་ལྡན་པས་སོ། །ཆོས་ཀྱི་རྗེས་སུ་མཐུན་པའི་ཆོས་མི་སྒྲུབ་པ་ཡང་རྒྱུ་གསུམ་གྱིས་ཏེ། ལུས་དང་སྲོག་ལ་ལྟ་བ་དང་། དེ་ཉིད་ཀྱི་དབང་དུ་བྱས་ནས་རྙེད་པ་འདོད་པ་དང༌། བཀུར་སྟི་འདོད་པས་སོ། །གཞན་ལ་ཕན་པའི་ཕྱིར་མ་ཞུགས་པ་ཡང་རྒྱུ་གསུམ་གྱིས་ཏེ། རང་བཞིན་གྱིས་རིགས་དམན་པ་དང༌། སྙིང་རྗེ་ཆུང་བ་དང༌། མཐུ་མེད་པས་སོ། །

de la ma dad pa ni rgyu gsum gyis 'gyur te/ dkon mchog gsum gyi yon tan mi shes pa dang/ mu stegs can gyi lta ba spyod pa dang/ sangs rgyas rnams sam sangs rgyas kyi nyan thos rnams kyis cho 'phrul gsum po gang yang rung bas ma btul bas so/ /yang dang yang du kun dga'i ra bar mi 'gro ba ni rgyu gsum gyis te/ bag med pa dang/ le lo'i dbang du song ba dang/ bya ba mang ba dang/ gang zag la mngon par dad pas so/ /nye bar mi 'gro ba'i rang bzhin can dang rgyu gsum gyis te/ rang bzhin gyis mi 'jigs pa dang/ nga rgyal gyis khengs pa dang/ tshig 'bru la rton pas so/ /bsnyen bkur mi byed pa'i rang bzhin can yang rgyu gsum gyis te/ mi mkhas pa dang/ mthun par mi byed pa dang/ 'dun pa drag po med pas so/ /yongs su mi 'dri ba'i rang bzhin can yang rgyu gsum gyis te/ chos la mi mkhas pa dang/ don la mi mkhas pa dang/ de gnyi ga la mi mkhas pas so/ /rna mi gtod pa yang rgyu gsum gyis te rnam par rtog pa spyod pa dang/ 'du 'dzi mang ba dang/ sgrib pa dag gis sems kun nas nyon mongs pa can du gyur pa'o/ /mi 'dzin pa'i rang bzhin can yang rgyu gsum gyis te/ mi nyan pa dang/ ngan par nyan pa dang/ shes rab ma rgyas shing shes rab zhum pas so/ /chos la mi rtog pa yang rgyu gsum gyis te/ smra ba la dga' ba dang/ 'du 'dzi la dga' ba dang/ dpyod pa'i shes rab dang mi ldan pas so/ /chos kyi rjes su mthun pa'i chos mi sgrub pa yang rgyu gsum gyis te/ lus dang srog la lta ba dang / de nyid kyi dbang du byas nas rnyed pa 'dod pa dang/ bkur sti 'dod pas so/ /gzhan la phan pa'i phyir ma zhugs pa yang rgyu gsum gyis te/ rang bzhin gyis rigs dman pa dang/ snying rje chung ba dang/ mthu med pas so/ /

【I2 翻顯白品】

དཀར་པོའི་ཕྱོགས་ནི་དེ་ལས་བཟློག་པ་ལས་རིག་པར་བྱའོ། །

dkar po'i phyogs ni de las bzlog pa las rig par bya'o/ /

【G3 明遊觀】

ཉན་ཐོས་རྣམས་ལ་སྤྱོད་པ་རྣམ་པ་མང་པོ་སྣ་ཚོགས་དམིགས་ཏེ། འདི་ལྟ་སྟེ། ཆུ་ཀླུང་གི་སྤྱོད་པ་དང༌། རིའི་སྤྱོད་པ་དང༌། རི་དྭགས་ཀྱི་སྤྱོད་པ་དང༌། དེ་ལྟ་བུའི་སྤྱོད་པ་དག་དམིགས་པ་དེ་ལ་ཅིའི་ཕྱིར་ཉན་ཐོས་མངོན་པར་ཤེས་པ་ཐོབ་པ་ཡི་དྭགས་རྣམས་ཀྱི་སྤྱད་པ་སྤྱོད་པ་ན། ཡི་དྭགས་རྣམས་ཀྱི་བདག་ཉིད་སྔོན་གྱི་ལས་ཀྱི་རྣམ་པར་སྨིན་པ་ཡོངས་སུ་འདྲི་བར་བྱེད། ཡོངས་སུ་ཞུ་བར་བྱེད། ཅི་བདག་ཉིད་ཀྱི་ངོ་མཚར་ཙམ་བསལ་བར་བྱ་བའི་ཕྱིར་རམ། འོན་ཏེ་སེམས་ཅན་ལ་ཕན་གདགས་པའི་ཕྱིར་ཡིན། གལ་ཏེ་བདག་ཉིད་ཀྱི་ངོ་མཚར་ཙམ་བསལ་བའི་ཕྱིར་ཞེས་བྱར་ནི་མངོན་པར་ཤེས་པ་ཐོབ་པ་ལ་དེ་མི་རུང་ངོ༌། །གལ་ཏེ་སེམས་ཅན་ལ་ཕན་གདགས་པའི་ཕྱིར་ཡིན་ན་ནི་དེས་ན་ཇི་ལྟར་སེམས་ཅན་ལ་ཕན་འདོགས་པར་བྱེད་པ་བརྗོད་དགོས་སོ་ཞེ་ན། །སྨྲས་པ། སེམས་ཅན་ལ་ཕན་གདགས་པའི་ཕྱིར་ཡིན་ཏེ། དེ་དག་དང་སེམས་ཅན་གཞན་དག་ལ་ཕན་གདགས་པའི་ཕྱིར་ཏེ། འདི་ལྟར་དེས་རང་གི་མངོན་པར་ཤེས་པའི་སྟོབས་ཀྱིས་ཡི་དྭགས་དེ་དག་གི་སྔོན་གྱི་གནས་རྗེས་སུ་དྲན་པར་བྱེད་ཅིང་དེས་ན་དེ་དག་གིས་བདག་ཉིད་ཀྱི་སྔོན་ཉེས་པར་བྱ་བའི་ལས་དྲན་ནས། སྟོན་པ་དང༌། སྐྱོ་བར་བྱེད་ལ་ཆོས་བསྟན་པ་ལ་ཡང་སེམས་གཏོད་པར་བྱེད་དེ། རྒྱུ་དེས་མྱུར་བ་མྱུར་བ་ཁོ་ནར་ཡི་དྭགས་ཀྱི་སྐྱེ་གནས་ལས་ཡོངས་སུ་ཐར་བར་འགྱུར་བའི་ཕྱིར་ཏེ་དེ་ལྟར་དེ་ནི་ཡི་དྭགས་དེ་དག་ལ་ཕན་འདོགས་པར་བྱེད་པ་ཡིན་ནོ། །དེ་དག་གི་སྔོན་གྱི་ལས་ཀྱི་འབྲས་བུ་མི་འདོད་པ་སྣ་ཚོགས་བསྟན་པ་དེ་དག་ཐོས་ནས། ཉན་ཐོས་མངོན་པར་ཤེས་པ་ཐོབ་པ་དེས་གཞན་དག་ཀྱང་མོས་པར་བྱེད་ཅིང༌། གཞན་དག་གིས་ཀྱང་དེ་དེ་ལས་ཐོས་ནས་ཡིད་སྐྱོ་ཞིང་མི་དགེ་བ་སྤངས་ནས། དགེ་བ་ཡང་དག་པར་བླང་བ་ལ་འཇུག་པར་འགྱུར་ཏེ། དེ་ལྟར་དེ་ནི་དེ་ལས་གཞན་པའི་སེམས་ཅན་རྣམས་ལ་ཕན་འདོགས་པར་བྱེད་པ་ཡིན་ནོ། །

nyan thos rnams la spyod pa rnam pa mang po sna tshogs dmigs te/ 'di lta ste/ chu klung gi spyod pa dang/ ri'i spyod pa dang/ ri dwags kyi spyod pa dang/ de lta bu'i spyod pa dag dmigs pa de la ci'i phyir nyan thos mngon par shes pa thob pa yi dwags rnams kyi spyad pa spyod pa na/ yi dwags rnams kyi bdag nyid sngon gyi las kyi rnam par smin pa yongs su 'dri bar byed/ yongs su zhu bar byed/ ci bdag nyid kyi ngo mtshar tsam bsal bar bya ba'i phyir ram/ 'on te sems can la phan gdags pa'i phyir yin/ gal te bdag nyid kyi ngo mtshar tsam bsal ba'i phyir zhes byar ni mngon par shes pa thob pa la de mi rung ngo/ /gal te sems can la phan gdags pa'i phyir yin na ni des na ji ltar sems can la phan 'dogs par byed pa brjod dgos so zhe na/ /smras pa/ sems can la phan gdags pa'i phyir yin te/ de dag dang sems can gzhan dag la phan gdags pa'i phyir te/ 'di ltar des rang gi mngon par shes pa'i stobs kyis yi dwags de dag gi sngon gyi gnas rjes su dran par byed cing des na de dag gis bdag nyid kyi sngon nyes par bya ba'i las dran nas/ ston pa dang/ skyo bar byed la chos bstan pa la yang sems gtod par byed de/ rgyu des myur ba myur ba kho nar yi dwags kyi skye gnas las yongs su thar bar 'gyur ba'i phyir te de ltar de ni yi dwags de dag la phan 'dogs par byed pa yin no/ /de dag gi sngon gyi las kyi 'bras bu mi 'dod pa sna tshogs bstan pa de dag thos nas/ nyan thos mngon par shes pa thob pa des gzhan dag kyang mos par byed cing/ gzhan dag gis kyang de de las thos nas yid skyo zhing mi dge ba spangs nas/ dge ba yang dag par blang ba la 'jug par 'gyur te/ de ltar de ni de las gzhan pa'i sems can rnams la phan 'dogs par byed pa yin no/ /

【E64 六種相】

འདོད་པ་ན་སྤྱོད་པའི་གཟུགས་ནི་རྣམ་པ་དྲུག་གིས་རགས་པ་ཉིད་ཡིན་པར་བལྟ་བར་བྱ་སྟེ། རགས་པ་ཉིད་རྣམ་པ་དྲུག་གང་ཞེ་ན། མང་བ་ཉིད་ཀྱིས་རགས་པ་ཉིད་དང༌། མི་གཙང་བ་ཉིད་ཀྱིས་རགས་པ་ཉིད་དང༌། རྩུབ་པ་ཉིད་ཀྱིས་རགས་པ་ཉིད་དང༌། ལྕི་བ་ཉིད་ཀྱིས་རགས་པ་ཉིད་དང༌། འགྱུར་བ་ཉིད་ཀྱིས་རགས་པ་ཉིད་དང༌། སེམས་ཀྱི་རྗེས་སུ་མི་འཇུག་པ་ཉིད་ཀྱིས་རགས་པ་ཉིད་དོ། །

'dod pa na spyod pa'i gzugs ni rnam pa drug gis rags pa nyid yin par blta bar bya ste/ rags pa nyid rnam pa drug gang zhe na/ mang ba nyid kyis rags pa nyid dang/ mi gtsang ba nyid kyis rags pa nyid dang/ rtsub pa nyid kyis rags pa nyid dang/ lci ba nyid kyis rags pa nyid dang/ 'gyur ba nyid kyis rags pa nyid dang/ sems kyi rjes su mi 'jug pa nyid kyis rags pa nyid do/ /

【C3 餘不復現】

ཉན་ཐོས་ཀྱི་སའི་རྣམ་པར་གཏན་ལ་དབབ་པ་རྫོགས་ཏེ། རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

nyan thos kyi sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo/ /

【A14 獨覺地】

རང་སངས་རྒྱས་ཀྱི་སའི་རྣམ་པར་གཏན་ལ་དབབ་པའི་གཞུང་ནི་མི་སྣང་ངོ༌། །

rang sangs rgyas kyi sa'i rnam par gtan la dbab pa'i gzhung ni mi snang ngo/ /

【A15 菩薩地】【B1 結前生後】

【B2 正決擇】【C1 次第決擇三持】【D1 決擇持瑜伽處】【E1 解種姓持】【F1 決擇種性品】

བྱང་ཆུབ་སེམས་དཔའི་སའི་རྣམ་པར་གཏན་ལ་དབབ་པ་ཉན་ཐོས་ཀྱི་རིགས་སྒྲུབ་པ་བཞིན་དུ་བྱང་ཆུབ་སེམས་དཔའི་རིགས་ཀྱང་འགྲུབ་པར་རིག་པར་བྱའོ། །

byang chub sems dpa'i sa'i rnam par gtan la dbab pa nyan thos kyi rigs sgrub pa bzhin du byang chub sems dpa'i rigs kyang 'grub par rig par bya'o/ /

【E2 解發心持】【F2 決擇發心品】【G1 辨十種發心】【H1 總說】

སེམས་བསྐྱེད་པ་ནི་རྣམ་པ་བཅུ་སྟེ། འདི་ལྟ་སྟེ་ཡང་དག་པར་བླང་བ་བརྡ་ལས་བྱུང་བ་དང༌། ཆོས་ཉིད་ཀྱིས་ཐོབ་པ་དང་། མ་ངེས་པ་དང༌། ངེས་པ་དང༌། ཡོངས་སུ་མ་དག་པ་དང༌། ཡོངས་སུ་དག་པ་དང༌། སྟོབས་ཆུང་བ་དང༌། སྟོབས་དང་ལྡན་པ་དང་འབྲས་བུ་ཡོངས་སུ་མ་གྲུབ་པ་དང༌། འབྲས་བུ་ཡོངས་སུ་གྲུབ་པའོ། །

sems bskyed pa ni rnam pa bcu ste/ 'di lta ste yang dag par blang ba brda las byung ba dang/ chos nyid kyis thob pa dang / ma nges pa dang/ nges pa dang/ yongs su ma dag pa dang/ yongs su dag pa dang/ stobs chung ba dang/ stobs dang ldan pa dang 'bras bu yongs su ma grub pa dang/ 'bras bu yongs su grub pa'o/ /

【H2 別釋】【I1 發心有十即為五對】【J1 第一對】【K1 世俗受發心】

དེ་ལ་ཡང་དག་པར་བླང་བ་བརྡ་ལས་བྱུང་བ་ནི་བྱང་ཆུབ་སེམས་དཔའི་ཡང་དག་པ་ཉིད་དུ་སྐྱོན་མེད་པ་ལ་ཡང་མ་ཞུགས་པ་ཐམས་ཅད་ཀྱིའོ། །

de la yang dag par blang ba brda las byung ba ni byang chub sems dpa'i yang dag pa nyid du skyon med pa la yang ma zhugs pa thams cad kyi'o/ /

【K2 得法性發心】

དེ་ལ་ཆོས་ཉིད་ཀྱིས་ཐོབ་པ་ནི་བྱང་ཆུབ་སེམས་དཔའ་ཡང་དག་པ་ཉིད་དུ་སྐྱོན་མེད་པ་ལ་ཞུགས་པ་རྣམས་དང༌། ཉན་ཐོས་བྱང་ཆུབ་ཏུ་ཡོངས་སུ་འགྱུར་བ་རྣམས་ཀྱི།

de la chos nyid kyis thob pa ni byang chub sems dpa' yang dag pa nyid du skyon med pa la zhugs pa rnams dang/ nyan thos byang chub tu yongs su 'gyur ba rnams kyi/

【J2 第二對】【K3 不決定發心】

མ་ངེས་པ་ནི་དེའི་མ་ཡིན་པ་རྣམས་དང༌། དེའི་རིགས་ཅན་སེམས་བསྐྱེད་པ་ལས་ཕྱིར་ལྡོག་པའི་ཆོས་ཅན་རྣམས་ཀྱི་གང་ཡིན་པའོ། །

ma nges pa ni de'i ma yin pa rnams dang/ de'i rigs can sems bskyed pa las phyir ldog pa'i chos can rnams kyi gang yin pa'o/ /

【K4 決定發心】

སེམས་བསྐྱེད་པ་ངེས་པ་ནི་དེ་ལས་བཟློག་པ་ལས་རིག་པར་བྱའོ། །

sems bskyed pa nges pa ni de las bzlog pa las rig par bya'o/ /

【J3 第三對】【K5 不清淨發心】

དེ་ལ་ཡོངས་སུ་མ་དག་པ་འདི་ལྟར་འདི་ན་ལ་ལ་གཞན་གྱི་རྗེས་སུ་ཞུགས་པའམ། རྒྱལ་པོས་འཇིགས་པའམ། རྐུན་པོས་འཛིན་པའམ། འཛིན་ཁྲིས་འཇིགས་པའམ། ཆུ་ཀླུང་གིས་འཇིགས་པའམ། འཚོ་བའི་ཕྱིར་རམ། རྙེད་པ་དང་བཀུར་སྟིའི་ཕྱིར་རམ། ཁ་གསག་དང༌། གཞོགས་སློང་གི་ཕྱིར་ངེས་པར་མ་བརྟགས། ཡོངས་སུ་མ་བརྟགས། གཟུ་ལུམས་སུ་སེམས་སྐྱེད་པར་བྱེད་པ་དང༌། དེ་ལྟ་བུ་དང་མཐུན་པར་སེམས་སྐྱེད་པར་བྱེད་པ་གང་ཡིན་པ་དེ་ནི་ཡོངས་སུ་མ་དག་པ་ཡིན་པར་རིག་པར་བྱའོ། །

de la yongs su ma dag pa 'di ltar 'di na la la gzhan gyi rjes su zhugs pa'am/ rgyal pos 'jigs pa'am/ rkun pos 'dzin pa'am/ 'dzin khris 'jigs pa'am/ chu klung gis 'jigs pa'am/ 'tsho ba'i phyir ram/ rnyed pa dang bkur sti'i phyir ram/ kha gsag dang/ gzhogs slong gi phyir nges par ma brtags/ yongs su ma brtags/ gzu lums su sems skyed par byed pa dang/ de lta bu dang mthun par sems skyed par byed pa gang yin pa de ni yongs su ma dag pa yin par rig par bya'o/ /

【K6 清淨發心果】

ཡོངས་སུ་དག་པ་ནི་དེ་ལས་བཟློག་པ་ལས་རིག་པར་བྱའོ༑ །

yongs su dag pa ni de las bzlog pa las rig par bya'o| /

【J4 第四對】【K7 羸劣發心】

དེ་ལ་སྟོབས་ཆུང་བ་ནི་འདི་ལྟར་འདི་ན་བྱང་ཆུབ་སེམས་དཔའ་ལ་ལ་སེམས་བསྐྱེད་པ་ལས་འདོད་ཆགས་དང་ཞེ་སྡང་དང༌། གཏི་མུག་གིས་ཀུན་ནས་དཀྲིས་པ་དག་གིས་ཟིལ་གྱིས་གནོན་པར་བྱེད་ཅིང༌། ཡང་དག་པའི་སྒྲུབ་པ་ལས་རབ་ཏུ་ཉམས་པར་བྱས་ནས། ལོག་པའི་སྒྲུབ་པ་ལ་ཀུན་དུ་སྦྱོར་བར་བྱེད་པའོ༑ །

de la stobs chung ba ni 'di ltar 'di na byang chub sems dpa' la la sems bskyed pa las 'dod chags dang zhe sdang dang/ gti mug gis kun nas dkris pa dag gis zil gyis gnon par byed cing/ yang dag pa'i sgrub pa las rab tu nyams par byas nas/ log pa'i sgrub pa la kun du sbyor bar byed pa'o| /

【K8 強盛發心】

སྟོབས་དང་ལྡན་པ་ནི་དེ་ལས་བཟློག་པ་ལས་རིག་པར་བྱའོ། །

stobs dang ldan pa ni de las bzlog pa las rig par bya'o/ /

【J5 第五對】【K9 未成果發心】

དེ་ལ་འབྲས་བུ་ཡོངས་སུ་མ་གྲུབ་པ་ནི་མོས་པས་སྤྱོད་པའི་ས་ནས་བཟུང་སྟེ། ས་བཅུ་པའི་བར་གྱིའོ། །

de la 'bras bu yongs su ma grub pa ni mos pas spyod pa'i sa nas bzung ste/ sa bcu pa'i bar gyi'o/ /

【K10 已成果發心】

དེ་ལ་འབྲས་བུ་ཡོངས་སུ་གྲུབ་པ་ལ་དེ་བཞིན་གཤེགས་པའི་ས་ལ་སྟེ།

de la 'bras bu yongs su grub pa la de bzhin gshegs pa'i sa la ste/

【I2 引經答】

བཅོམ་ལྡན་འདས་ཀྱིས་ང་ནི་དཀའ་བ་སྤྱོད་པ་དེ་ལས་ཐར་ཅིང༌། བདག་ཉིད་ཀྱི་ཡང་དག་པའི་སྨོན་ལམ་དང༌། བྱང་ཆུབ་དམ་པ་ཡང་ཐོབ་པ་ཡིན་ནོ་ཞེས་ཇི་སྐད་གསུངས་པ་ལྟ་བུའོ། །སེམས་བསྐྱེད་པ་བཅུ་པོ་དེ་དག་ལས་དུ་ནི་ཉོན་མོངས་པ་ཅན་ཡིན། དུ་ནི་ཉོན་མོངས་པ་ཅན་མ་ཡིན་པ་དང༌། དེ་ལྟ་བུ་ལ་སོགས་པའི་རྣམ་པར་གཏན་པ་དབབ་པའི་གཞུང་ནི་མི་སྣང་ངོ༌། །

bcom ldan 'das kyis nga ni dka' ba spyod pa de las thar cing/ bdag nyid kyi yang dag pa'i smon lam dang/ byang chub dam pa yang thob pa yin no zhes ji skad gsungs pa lta bu'o/ /sems bskyed pa bcu po de dag las du ni nyon mongs pa can yin/ du ni nyon mongs pa can ma yin pa dang/ de lta bu la sogs pa'i rnam par gtan pa dbab pa'i gzhung ni mi snang ngo/ /

【G2 明四常護心】

བྱང་ཆུབ་སེམས་དཔའི་སེམས་བཞི་ནི་རྟག་ཏུ་རྒྱུན་མི་འཆད་པར་རྗེས་སུ་བསྲུང་བར་བྱ་བ་ཡིན་ཏེ། ཐོས་པ་དང་བསམས་པ་ལས་བྱུང་བ་དང༌། སྙིང་རྗེའི་སེམས་དང༌། ཚོགས་སུ་འགྱུར་བ་དང༌། བསྒོམས་པ་ལས་བྱུང་བའོ། །

byang chub sems dpa'i sems bzhi ni rtag tu rgyun mi 'chad par rjes su bsrung bar bya ba yin te/ thos pa dang bsams pa las byung ba dang/ snying rje'i sems dang/ tshogs su 'gyur ba dang/ bsgoms pa las byung ba'o/ /

【E3 解行方便持(下十六品解行方便持)】【F3 決擇自利利他品】【G1 明九正行】

བྱང་ཆུབ་སེམས་དཔའ་བདག་གི་དོན་དང་གཞན་གྱི་དོན་ལས་བརྩམས་ནས་བསྒྲུབ་པ་ནི་དགུ་པོ་འདི་དག་ཡིན་ཏེ། འཁོར་བ་ལ་སྒྲུབ་པ་དང༌། སེམས་ཅན་རྣམས་ལ་སྒྲུབ་པ་དང༌། བདག་ཉིད་ལ་སྒྲུབ་པ་དང༌། འདོད་པ་རྣམས་ལ་སྒྲུབ་པ་དང༌། ལུས་དང་ངག་དང་ཡིད་ཀྱི་ལས་ལ་སྒྲུབ་པ་དང༌། སེམས་ཅན་རྣམས་ལ་ཐོ་མི་འཚམས་པར་སྒྲུབ་པ་དང༌། དགེ་བའི་ཆོས་རྣམས་རྟག་ཏུ་སྒོམ་པ་ལ་སྒྲུབ་པ་དང༌། ནང་གི་སེམས་ཀྱི་ཞི་གནས་ལ་སྒྲུབ་པ་དང༌། ལྷག་པའི་ཤེས་རབ་ཆོས་རྣམ་པར་མཐོང་བ་ལ་སྒྲུབ་པའོ། །བྱང་ཆུབ་སེམས་དཔས་འཁོར་བ་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་ནད་པས་སྨན་ཚ་བ་ལ་བྱ་བ་ལྟར་རོ། །སེམས་ཅན་རྣམས་ལ་ཇི་ལྟར་བསྒྲུབ་པར་བྱ་ཞེ་ན༑ འདི་ལྟ་སྟེ། དཔེར་ན་སྨན་པས་ནད་པ་ལ་བྱ་བ་ལྟར་རོ། །བདག་ཉིད་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་རྗེ་བོ་མཁས་པས་བྲན་ཡོངས་སུ་མ་བྱང་བ་ལ་བྱ་བ་ལྟ་རོ། །འདོད་པ་རྣམས་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་ཚོང་པ་ཚོང་པའི་ལམ་དུ་རྒྱུ་བས་ཟོང་ལ་བྱ་བ་ལྟར་རོ། །ལུས་དང་ངག་དང་ཡིད་ཀྱི་ལས་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་བཙོ་བླག་མཁན་གྱིས་གོས་ལ་བྱ་བ་ལྟར་རོ། །སེམས་ཅན་རྣམས་ལ་ཐོ་མི་འཚམས་པར་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་ཕས་བུ་གཞོན་ནུ་པང་བར་བཤད་གཅི་བོར་བ་ལ་བྱ་བ་ལྟར་རོ། །དགེ་བའི་ཆོས་རྟག་ཏུ་བསྒོམ་པ་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་མེ་འདོད་པ་ལས་གཙུབ་ཤིང་གཙུབས་པ་ལ་བྱ་བ་ལྟར་རོ། །ནང་གི་སེམས་ཞི་གནས་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་རྗེ་བོས་ཡིད་གཅུགས་པ་ནོར་དབུལ་བ་ལ་བྱ་བ་ལྟར་རོ། །ལྷག་པའི་ཤེས་རབ་ཆོས་རྣམ་པར་མཐོང་བ་ལ་ཇི་ལྟར་བསྒྲུབ་པར་བྱ་ཞེ་ན། འདི་ལྟ་སྟེ། དཔེར་ན་སྒྱུ་མ་མཁན་མཁས་པས་སྒྱུ་མའི་བྱ་བ་ལ་བྱ་བ་ལྟར་རོ། །རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

byang chub sems dpa' bdag gi don dang gzhan gyi don las brtsams nas bsgrub pa ni dgu po 'di dag yin te/ 'khor ba la sgrub pa dang/ sems can rnams la sgrub pa dang/ bdag nyid la sgrub pa dang/ 'dod pa rnams la sgrub pa dang/ lus dang ngag dang yid kyi las la sgrub pa dang/ sems can rnams la tho mi 'tshams par sgrub pa dang/ dge ba'i chos rnams rtag tu sgom pa la sgrub pa dang/ nang gi sems kyi zhi gnas la sgrub pa dang/ lhag pa'i shes rab chos rnam par mthong ba la sgrub pa'o/ /byang chub sems dpas 'khor ba la ji ltar bsgrub par bya zhe na/ 'di lta ste/ dper na nad pas sman tsha ba la bya ba ltar ro/ /sems can rnams la ji ltar bsgrub par bya zhe na| 'di lta ste/ dper na sman pas nad pa la bya ba ltar ro/ /bdag nyid la ji ltar bsgrub par bya zhe na/ 'di lta ste/ dper na rje bo mkhas pas bran yongs su ma byang ba la bya ba lta ro/ /'dod pa rnams la ji ltar bsgrub par bya zhe na/ 'di lta ste/ dper na tshong pa tshong pa'i lam du rgyu bas zong la bya ba ltar ro/ /lus dang ngag dang yid kyi las la ji ltar bsgrub par bya zhe na/ 'di lta ste/ dper na btso blag mkhan gyis gos la bya ba ltar ro/ /sems can rnams la tho mi 'tshams par ji ltar bsgrub par bya zhe na/ 'di lta ste/ dper na phas bu gzhon nu pang bar bshad gci bor ba la bya ba ltar ro/ /dge ba'i chos rtag tu bsgom pa la ji ltar bsgrub par bya zhe na/ 'di lta ste/ dper na me 'dod pa las gtsub shing gtsubs pa la bya ba ltar ro/ /nang gi sems zhi gnas la ji ltar bsgrub par bya zhe na/ 'di lta ste/ dper na rje bos yid gcugs pa nor dbul ba la bya ba ltar ro/ /lhag pa'i shes rab chos rnam par mthong ba la ji ltar bsgrub par bya zhe na/ 'di lta ste/ dper na sgyu ma mkhan mkhas pas sgyu ma'i bya ba la bya ba ltar ro/ /rnam par gtan la dbab pa'i gzhung lhag ma ni mi snang ngo/ /

【G2 明邪行】【H1 舉五種有性可解】

སེམས་ཅན་གྱི་རིགས་ལྔ་ལ་ལོག་པར་སྒྲུབ་པ་ནི་སྙིང་རྗེ་མེད་པ་དང༌། སྙིང་བརྩེ་བ་མེད་པ་དང༌། རྗེས་སུ་བརྩེ་བ་མེད་པ་ཡིན་པར་བརྗོད་པར་བྱའོ། །ལྔ་གང་ཞེ་ན། འདོད་པ་དང༌། ཕོངས་པ་དང༌། ཕན་འདོགས་པར་འདོད་པ་དང༌། བདེ་བ་འདོད་པ་དང༌། ཆོས་འདོད་པ་ལའོ། །དེ་ལ་འདོད་པ་ནི་ལྔ་སྟེ། ཟས་འདོད་པ་དང༌། གོས་འདོད་པ་དང༌། གནས་འདོད་པ་དང༌། ན་བའི་གསོས་སྨན་དང༌། ཡོ་བྱད་འདོད་པ་དང༌། སྐྱབས་འདོད་པའོ་ཕོངས་པ་ཡང་ལྔ་སྟེ། སྡུག་བསྔལ་བར་གནས་པ་དང༌། འཁྲུལ་པ་དང༌། སྐྱབས་སུ་འོངས་པ་དང༌། ཡིད་བརྟན་པ་དང༌། རབ་ཏུ་བཏུད་པའོ། །ཕན་འདོགས་པ་ཡང་ལྔ་སྟེ། ཕ་མ་དང༌། བུ་དང༌། ཆུང་མ་དང༌། བྲན་དང༌། བྲན་མོ་དང༌། ལས་བྱེད་པ་དང༌། ཞོ་ཤས་འཚོ་བ་དང༌། མཛའ་བཤེས་དང༌། གྲོས་གྲོགས་དང༌། ཉེ་དུ་དང་སྣག་གི་གཉེན་མཚམས་སུའོ། །བདེ་བ་འདོད་པ་ཡང་ལྔ་སྟེ། ལས་ཀྱི་མཐའ་འབྱོར་པའི་བདེ་བ་འདོད་པ་དང༌། ལས་ཀྱི་མཐའ་འབྱོར་པ་དང་མི་འབྲལ་པའི་བདེ་བ་འདོད་པ་དང༌། དུས་ཚིགས་འགྱུར་བ་ལས་བྱུང་བའི་སྡུག་བསྔལ་དང་འབྲལ་བའི་བདེ་བ་འདོད་པ་དང༌། ངལ་བསོ་བའི་བདེ་བ་འདོད་པ་དང༌། ཁྱད་པར་བསྒྲུབ་པའི་བདེ་བ་འདོད་པའོ། །ཆོས་འདོད་པ་ཡང་ལྔ་སྟེ༑ དམ་པའི་ཆོས་སྟོན་པར་འདོད་པ་དང༌། ལུང་མནོད་པ་དང༌། ཁ་ཏོན་འདོད་པ་དང༌། འབེལ་པའི་གཏམ་རྣམ་པར་གཏན་ལ་དབབ་པར་འདོད་པ་དང༌། གདམས་ངག་དང་རྗེས་སུ་སྟོན་པར་འདོད་པ་དང༌། ཆོས་ཀྱི་རྗེས་སུ་མཐུན་པའི་ཆོས་སྒྲུབ་པར་འདོད་པའོ། །

sems can gyi rigs lnga la log par sgrub pa ni snying rje med pa dang/ snying brtse ba med pa dang/ rjes su brtse ba med pa yin par brjod par bya'o/ /lnga gang zhe na/ 'dod pa dang/ phongs pa dang/ phan 'dogs par 'dod pa dang/ bde ba 'dod pa dang/ chos 'dod pa la'o/ /de la 'dod pa ni lnga ste/ zas 'dod pa dang/ gos 'dod pa dang/ gnas 'dod pa dang/ na ba'i gsos sman dang/ yo byad 'dod pa dang/ skyabs 'dod pa'o phongs pa yang lnga ste/ sdug bsngal bar gnas pa dang/ 'khrul pa dang/ skyabs su 'ongs pa dang/ yid brtan pa dang/ rab tu btud pa'o/ /phan 'dogs pa yang lnga ste/ pha ma dang/ bu dang/ chung ma dang/ bran dang/ bran mo dang/ las byed pa dang/ zho shas 'tsho ba dang/ mdza' bshes dang/ gros grogs dang/ nye du dang snag gi gnyen mtshams su'o/ /bde ba 'dod pa yang lnga ste/ las kyi mtha' 'byor pa'i bde ba 'dod pa dang/ las kyi mtha' 'byor pa dang mi 'bral pa'i bde ba 'dod pa dang/ dus tshigs 'gyur ba las byung ba'i sdug bsngal dang 'bral ba'i bde ba 'dod pa dang/ ngal bso ba'i bde ba 'dod pa dang/ khyad par bsgrub pa'i bde ba 'dod pa'o/ /chos 'dod pa yang lnga ste| dam pa'i chos ston par 'dod pa dang/ lung mnod pa dang/ kha ton 'dod pa dang/ 'bel pa'i gtam rnam par gtan la dbab par 'dod pa dang/ gdams ngag dang rjes su ston par 'dod pa dang/ chos kyi rjes su mthun pa'i chos sgrub par 'dod pa'o/ /

【H2 明起於邪行】

དེ་ལ་ལོག་པར་སྒྲུབ་པ་ནི་བྱེད་པའི་སྦྱོར་བ་ལས་སམ། མི་བྱེད་པའི་སྦྱོར་བ་ལས་སམ། གནོད་པ་བྱེད་པའི་སྦྱོར་བ་ལས་སམ། ཐ་མལ་པའི་སྦྱོར་བ་ལས་རིག་པར་བྱའོ། །

de la log par sgrub pa ni byed pa'i sbyor ba las sam/ mi byed pa'i sbyor ba las sam/ gnod pa byed pa'i sbyor ba las sam/ tha mal pa'i sbyor ba las rig par bya'o/ /

【G3 明不堪任性】【H1 辨不堪任】

སེམས་ཅན་རྣམས་ལ་སྐལ་བ་མེད་པ་ཉིད་ནི་རྣམ་པ་ལྔ་སྟེ། དེ་དང་ལྡན་པའི་སེམས་ཅན་རྣམས་ནི་དེ་བཞིན་གཤེགས་པ་རྣམས་ཀྱིས་ཀྱང་གདུལ་བར་དཀའ་བ་ཡིན་ན། བྱང་ཆུབ་སེམས་དཔའ་རྣམས་སམ། དེ་ལས་གཞན་པ་དག་གིས་ལྟ་སྨོས་ཀྱང་ཅི་དགོས་ཏེ། དེ་དག་ལ་ནི་དེ་བཞིན་གཤེགས་པ་དོན་དུ་བཞེད་པ། ཕན་པར་བཞེད་པ། བདེ་བར་བཞེད་པ་རྣམས་ཀྱིས་ཀྱང་དོན་དང༌། ཕན་པ་དང༌། བདེ་བའི་བྱ་བ་དེ་དག་སྐུ་ཉམས་སུ་བསྟར་བར་མི་འགྱུར་ཞིང༌། དེ་ལ་རྩོམ་པ་ཡང་ཉམས་པར་འགྱུར་བ་ཡིན་ན། །བྱང་ཆུབ་སེམས་དཔའ་རྣམས་སམ། དེ་ལས་གཞན་པ་དག་གིས་ལྟ་སྨོས་ཀྱང་ཅི་དགོས། ལྔ་གང་ཞེ་ན། རྣམ་པར་དག་པའི་སྐལ་བ་མེད་པ་ཉིད་དང༌། སྦྱོར་བའི་སྐལ་བ་མེད་པ་ཉིད་དང༌། དེའི་འབྲས་བུ་ཡོངས་སུ་གྲུབ་པའི་སྐལ་བ་མེད་པ་ཉིད་དང༌། སྦྱོར་བ་དང་དེའི་འབྲས་བུ་ཡོངས་སུ་བསྒྲུབ་པའི་སྐལ་བ་མེད་པ་ཉིད་དང༌། ཕན་གདགས་པའི་སྐལ་བ་མེད་པ་ཉིད་དོ། །དེ་ལ་རྣམ་པར་དག་པའི་སྐལ་བ་མེད་པ་ཉིད་ནི་འདི་ཡིན་ཏེ། འདི་ལྟར་འདི་ན་ལ་ལ་རང་བཞིན་གྱིས་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཉིད་ཡིན་པའོ། །དེ་ལ་སྦྱོར་བའི་སྐལ་བ་མེད་པ་ཉིད་ནི་འདི་ཡིན་ཏེ༑ འདི་ལྟར་འདི་ན་ལ་ལ་ཡོངས་སུ་མྱ་ངན་ལས་འདའ་བའི་ཆོས་ཅན་ཉིད་ཡིན་ཞིང༌། སེམས་ཀྱི་རྒྱུད་ཀྱང་ཡོངས་སུ་སྨིན་པ་ཡིན་མོད་ཀྱི། དེས་དེའི་མོད་ལ་ཡང་དག་པའི་སྦྱོར་བ་ལ་སྒྲིབ་པར་འགྱུར་བའི་ལས་བྱས་ཤིང་བསགས་པར་གྱུར་པས་དེས་ཚེ་འདི་ལ་སྦྱོར་བའི་སྐལ་བ་མེད་པ་ཡིན་པའོ། །དེ་ལ་དེའི་འབྲས་བུ་ཡོངས་སུ་འགྲུབ་པའི་སྐལ་བ་མེད་པ་ཉིད་ནི་འདི་ཡིན་ཏེ། འདི་ལྟར་འདི་ན་ལ་ལ་ཡོངས་སུ་མྱ་ངན་ལས་འདས་པའི་ཆོས་ཅན་ཡིན་ཡང༌། སེམས་ཀྱི་རྒྱུད་ཡོངས་སུ་མ་སྨིན་པ་ཡིན་པས། དེས་ཡང་དག་པའི་སྦྱོར་བ་ལ་སྒྲིབ་པར་འགྱུར་བའི་ལས་བྱས་ཤིང་བསགས་པ་མ་ཡིན་ཡང༌། དེས་ན་དེའི་འབྲས་བུ་ཡོངས་སུ་འགྲུབ་པའི་སྐལ་བ་མེད་པ་ཡིན་པའོ། །དེ་ལ་སྦྱོར་བ་དང་དེའི་འབྲས་བུ་ཡོངས་སུ་འགྲུབ་པའི་སྐལ་བ་མེད་པ་ཉིད་ནི་འདི་ཡིན་ཏེ། འདི་ལྟར་འདི་ན་ལ་ལ་རྒྱུད་ཡོངས་སུ་མྱ་ངན་ལས་འདའ་བའི་ཆོས་ཅན་ཉིད་ཡིན་ཡང༌། རྒྱུད་ཡོངས་སུ་སྨིན་པ་ཡང་མ་ཡིན་ལ། དེས་དེའི་མོད་ལ་ཡང་དག་པའི་སྦྱོར་བ་ལ་སྒྲིབ་པར་འགྱུར་བའི་ལས་ཀྱང་བྱས་ཤིང་བསགས་པས། དེས་གཉིས་ཀའི་སྐལ་བ་མེད་པ་ཡིན་ནོ། །དེ་ལ་ཕན་གདགས་པའི་སྐལ་བ་མེད་པ་ཉིད་ནི་འདི་ཡིན་ཏེ། འདི་ལྟར་འདི་ན་ལ་ལས་དེའི་མོད་ལ་དབུལ་པོར་འགྱུར་བའམ། ཕོངས་པར་འགྱུར་བའམ། སྡུག་བསྔལ་བར་འགྱུར་བ་ངེས་པར་མྱོང་བར་འགྱུར་བའི་ལས་བྱས་ཤིང་བསགས་པས། དེས་ན་དེའི་ཚེ་འདི་ལ་ཕྱུག་པོ་ཉིད་དམ། འབྱོར་པའམ། བདེ་བར་འགྱུར་བའི་སྐལ་བ་མེད་པ་ཡིན་ནོ། །

sems can rnams la skal ba med pa nyid ni rnam pa lnga ste/ de dang ldan pa'i sems can rnams ni de bzhin gshegs pa rnams kyis kyang gdul bar dka' ba yin na/ byang chub sems dpa' rnams sam/ de las gzhan pa dag gis lta smos kyang ci dgos te/ de dag la ni de bzhin gshegs pa don du bzhed pa/ phan par bzhed pa/ bde bar bzhed pa rnams kyis kyang don dang/ phan pa dang/ bde ba'i bya ba de dag sku nyams su bstar bar mi 'gyur zhing/ de la rtsom pa yang nyams par 'gyur ba yin na/ /byang chub sems dpa' rnams sam/ de las gzhan pa dag gis lta smos kyang ci dgos/ lnga gang zhe na/ rnam par dag pa'i skal ba med pa nyid dang/ sbyor ba'i skal ba med pa nyid dang/ de'i 'bras bu yongs su grub pa'i skal ba med pa nyid dang/ sbyor ba dang de'i 'bras bu yongs su bsgrub pa'i skal ba med pa nyid dang/ phan gdags pa'i skal ba med pa nyid do/ /de la rnam par dag pa'i skal ba med pa nyid ni 'di yin te/ 'di ltar 'di na la la rang bzhin gyis yongs su mya ngan las mi 'da' ba'i chos can nyid yin pa'o/ /de la sbyor ba'i skal ba med pa nyid ni 'di yin te| 'di ltar 'di na la la yongs su mya ngan las 'da' ba'i chos can nyid yin zhing/ sems kyi rgyud kyang yongs su smin pa yin mod kyi/ des de'i mod la yang dag pa'i sbyor ba la sgrib par 'gyur ba'i las byas shing bsags par gyur pas des tshe 'di la sbyor ba'i skal ba med pa yin pa'o/ /de la de'i 'bras bu yongs su 'grub pa'i skal ba med pa nyid ni 'di yin te/ 'di ltar 'di na la la yongs su mya ngan las 'das pa'i chos can yin yang/ sems kyi rgyud yongs su ma smin pa yin pas/ des yang dag pa'i sbyor ba la sgrib par 'gyur ba'i las byas shing bsags pa ma yin yang/ des na de'i 'bras bu yongs su 'grub pa'i skal ba med pa yin pa'o/ /de la sbyor ba dang de'i 'bras bu yongs su 'grub pa'i skal ba med pa nyid ni 'di yin te/ 'di ltar 'di na la la rgyud yongs su mya ngan las 'da' ba'i chos can nyid yin yang/ rgyud yongs su smin pa yang ma yin la/ des de'i mod la yang dag pa'i sbyor ba la sgrib par 'gyur ba'i las kyang byas shing bsags pas/ des gnyis ka'i skal ba med pa yin no/ /de la phan gdags pa'i skal ba med pa nyid ni 'di yin te/ 'di ltar 'di na la las de'i mod la dbul por 'gyur ba'am/ phongs par 'gyur ba'am/ sdug bsngal bar 'gyur ba nges par myong bar 'gyur ba'i las byas shing bsags pas/ des na de'i tshe 'di la phyug po nyid dam/ 'byor pa'am/ bde bar 'gyur ba'i skal ba med pa yin no/ /

【H2 翻顯堪任】

སྐལ་བ་ཡོད་པ་ཉིད་རྣམ་པ་ལྔ་ནི་དེ་ལས་བཟློག་པ་ལས་རིག་པར་བྱའོ། །

skal ba yod pa nyid rnam pa lnga ni de las bzlog pa las rig par bya'o/ /

【F4 決擇真實義品】【G1 約五事以辨真實義】【H1 略標五事以顯實義】

དེ་ཁོ་ནའི་དོན་རྣམ་པར་ཤེས་པར་འདོད་པས་མདོར་བསྡུ་ན་དངོས་པོ་ལྔ་རྣམ་པར་ཤེས་པར་བྱ་བའི་སྡོམ་ནི།

de kho na'i don rnam par shes par 'dod pas mdor bsdu na dngos po lnga rnam par shes par bya ba'i sdom ni/

【H2 正釋五事】【I1 第一頌有十門】【J1 舉頌】

བསྟན་དང་མཉམ་པར་དབྱེ་བ་དང༌། །ཡོད་དང་རྫས་དང་ཀུན་རྫོབ་དང༌། །རབ་ཏུ་སྐྱེ་དང་གཞན་ཉིད་དང༌། །མཚན་ཉིད་རྣམ་པ་གཟུགས་ཅན་ཡིན། །

bstan dang mnyam par dbye ba dang/ /yod dang rdzas dang kun rdzob dang/ /rab tu skye dang gzhan nyid dang/ /mtshan nyid rnam pa gzugs can yin/ /

【J2 長行依門次第解釋】【K1 總舉門】

དངོས་པོ་ལྔ་གང་ཞེ་ན། རྒྱུ་མཚན་དང༌། མིང་དང༌། རྣམ་པར་རྟོག་པ་དང༌། དེ་བཞིན་ཉིད་དང༌། ཡང་དག་པའི་ཤེས་པའོ། །

dngos po lnga gang zhe na/ rgyu mtshan dang/ ming dang/ rnam par rtog pa dang/ de bzhin nyid dang/ yang dag pa'i shes pa'o/ /

【K2 別分別門】【L2 隨文(缺解1辨體名)】【M1 相】

རྒྱུ་མཚན་གང་ཞེ་ན། མདོར་བསྡུ་ན། མངོན་པར་བརྗོད་པའི་ཚིག་གི་གཞིའི་གནས་སུ་གྱུར་པའི་དངོས་པོ་གང་ཡིན་པའོ། །

rgyu mtshan gang zhe na/ mdor bsdu na/ mngon par brjod pa'i tshig gi gzhi'i gnas su gyur pa'i dngos po gang yin pa'o/ /

【M2 名】

མིང་གང་ཞེ་ན། རྒྱུ་མཚན་དེ་ཉིད་ལ་ཚིག་བླ་དྭགས་གང་ཡིན་པའོ། །

ming gang zhe na/ rgyu mtshan de nyid la tshig bla dwags gang yin pa'o/ /

【M3 分別】

རྣམ་པར་རྟོག་པ་གང་ཞེ་ན། ཁམས་གསུམ་ན་སྤྱོད་པའི་སེམས་དང་སེམས་ལས་བྱུང་བའི་ཆོས་རྣམས་སོ། །

rnam par rtog pa gang zhe na/ khams gsum na spyod pa'i sems dang sems las byung ba'i chos rnams so/ /

【M4 真如】

དེ་བཞིན་ཉིད་གང་ཞེ་ན། ཆོས་བདག་མེད་པས་རབ་ཏུ་ཕྱེ་བ། འཕགས་པའི་ཡེ་ཤེས་ཀྱི་སྤྱོད་ཡུལ། མངོན་པར་བརྗོད་པ་ཚིག་ཐམས་ཅད་ཀྱི་གཞིའི་གནས་སུ་མ་གྱུར་པའི་དངོས་པོ་གང་ཡིན་པའོ། །

de bzhin nyid gang zhe na/ chos bdag med pas rab tu phye ba/ 'phags pa'i ye shes kyi spyod yul/ mngon par brjod pa tshig thams cad kyi gzhi'i gnas su ma gyur pa'i dngos po gang yin pa'o/ /

【M5 正智】【N1 開章問答分別】【O1 總說】

ཡང་དག་པའི་ཤེས་པ་གང་ཞེ་ན། དེ་ནི་མདོར་བསྡུ་ན་རྒྱུ་གཉིས་སུ་བལྟ་བར་བྱ་སྟེ། གཅིག་ཏུ་འཇིག་རྟེན་ལས་འདས་པ་དང༌། འཇིག་རྟེན་པ་དང་འཇིག་རྟེན་ལས་འདས་པའོ། །

yang dag pa'i shes pa gang zhe na/ de ni mdor bsdu na rgyu gnyis su blta bar bya ste/ gcig tu 'jig rten las 'das pa dang/ 'jig rten pa dang 'jig rten las 'das pa'o/ /

【O2 別釋】【P1 唯出世間正智】

ཡང་དག་པའི་ཤེས་པ་གཅིག་ཏུ་འཇིག་རྟེན་ལས་འདས་པ་གང་ཞེ་ན། གང་གིས་ཉན་ཐོས་དང༌། རང་སངས་རྒྱས་དང༌། བྱང་ཆུབ་སེམས་དཔའ་རྣམས་ཀྱིས་དེ་བཞིན་ཉིད་རབ་ཏུ་རྟོགས་པར་བྱེད་པའོ། །དེས་བྱང་ཆུབ་སེམས་དཔའ་རྣམས་རིག་པའི་གནས་ལྔ་པོ་དག་ལ་སྦྱོར་བར་བྱེད་པ་ན། དེ་བཞིན་ཉིད་ཤེས་པ་ཐམས་ཅད་དུ་འགྲོ་བས་དེ་ལ་ལན་མང་དུ་གནས་ཤིང་ཤེས་བྱའི་སྒྲིབ་པ་རྣམ་པར་དག་པ་ཡང་དག་པར་འཐོབ་པར་བྱེད་པའོ། །

yang dag pa'i shes pa gcig tu 'jig rten las 'das pa gang zhe na/ gang gis nyan thos dang/ rang sangs rgyas dang/ byang chub sems dpa' rnams kyis de bzhin nyid rab tu rtogs par byed pa'o/ /des byang chub sems dpa' rnams rig pa'i gnas lnga po dag la sbyor bar byed pa na/ de bzhin nyid shes pa thams cad du 'gro bas de la lan mang du gnas shing shes bya'i sgrib pa rnam par dag pa yang dag par 'thob par byed pa'o/ /

【P2 世間出世間正智】

ཡང་དག་པའི་ཤེས་པ་འཇིག་རྟེན་པ་དང་འཇིག་རྟེན་ལས་འདས་པ་གང་ཞེ་ན། གང་གིས་ཉན་ཐོས་དང་རང་སངས་རྒྱས་རྣམས་ཀྱིས་ཡང་དག་པའི་ཤེས་པ་དང་པོས་དེ་བཞིན་ཉིད་རབ་ཏུ་རྟོགས་ནས། འཇིག་རྟེན་ལས་འདས་པའི་ཤེས་པ་དང་པོའི་རྗེས་ལས་འཐོབ་པ་འཇིག་རྟེན་པ་དང་འཇིག་རྟེན་ལས་འདས་པས་རྣམ་པར་གཞག་པའི་བདེན་པ་དག་ལ་ཁམས་གསུམ་པ་ལས་ཡིད་སྐྲག་པར་བྱེད་པ་དང༌། ཁམས་གསུམ་པ་རབ་ཏུ་ཞི་བའི་རོ་མྱོང་བར་བྱེད་ཅིང་དེ་ལ་ལན་མང་དུ་གནས་པ་ཉིད་ཀྱིས་མྱུར་བ་མྱུར་བ་ཁོ་ནར་ཉོན་མོངས་པའི་སྒྲིབ་པ་རྣམ་པར་དག་པར་འཐོབ་པར་བྱེད་པའོ། །དེ་ཡང་མ་འདྲིས་པའི་དོན་གྱིས་ནི་འཇིག་རྟེན་ལས་འདས་པ་ཡིན་ལ། ཐ་སྙད་ཀྱི་མཚན་མ་ལ་དམིགས་པའི་དོན་གྱིས་འཇིག་རྟེན་པ་ཡིན་པས། དེའི་ཕྱིར་འཇིག་རྟེན་པ་དང་འཇིག་རྟེན་ལས་འདས་པ་ཞེས་བྱའོ། །

yang dag pa'i shes pa 'jig rten pa dang 'jig rten las 'das pa gang zhe na/ gang gis nyan thos dang rang sangs rgyas rnams kyis yang dag pa'i shes pa dang pos de bzhin nyid rab tu rtogs nas/ 'jig rten las 'das pa'i shes pa dang po'i rjes las 'thob pa 'jig rten pa dang 'jig rten las 'das pas rnam par gzhag pa'i bden pa dag la khams gsum pa las yid skrag par byed pa dang/ khams gsum pa rab tu zhi ba'i ro myong bar byed cing de la lan mang du gnas pa nyid kyis myur ba myur ba kho nar nyon mongs pa'i sgrib pa rnam par dag par 'thob par byed pa'o/ /de yang ma 'dris pa'i don gyis ni 'jig rten las 'das pa yin la/ tha snyad kyi mtshan ma la dmigs pa'i don gyis 'jig rten pa yin pas/ de'i phyir 'jig rten pa dang 'jig rten las 'das pa zhes bya'o/ /

【N2 引說證成屬當其義】

བཅོམ་ལྡན་འདས་ཀྱིས་ཀྱང་དེ་ལས་དགོངས་ནས་ངས་ནི་འཇིག་རྟེན་པའི་ཤེས་པ་ཡང་ཡོད་པར་གསུངས་སོ༑ །ངས་ནི་འཇིག་རྟེན་ལས་འདས་པའི་ཤེས་པ་ཡང་ཡོད་པར་གསུངས་སོ། །ངས་ནི་འཇིག་རྟེན་པ་དང་འཇིག་རྟེན་ལས་འདས་པའི་ཤེས་པ་ཡང་ཡོད་པར་གསུངས་སོ་ཞེས་བཀའ་སྩལ་ཏོ། །དེ་ལ་རྣམ་པར་རྟོག་པས་བསྡུས་པའི་ཤེས་པ་གང་ཡིན་པ་དེ་ནི་འཇིག་རྟེན་པ་ཁོ་ན་ཡིན་ནོ། །ཡང་དག་པའི་ཤེས་པ་དང་པོས་བསྡུས་པ་གང་ཡིན་པ་དེ་ནི་འཇིག་རྟེན་ལས་འདས་པ་ཁོ་ན་ཡིན་ནོ། །ཡང་དག་པའི་ཤེས་པ་གཉིས་པས་བསྡུས་པ་གང་ཡིན་པ་དེ་ནི་འཇིག་རྟེན་པ་དང༌། འཇིག་རྟེན་ལས་འདས་པ་ཡིན་ནོ། །

bcom ldan 'das kyis kyang de las dgongs nas ngas ni 'jig rten pa'i shes pa yang yod par gsungs so| /ngas ni 'jig rten las 'das pa'i shes pa yang yod par gsungs so/ /ngas ni 'jig rten pa dang 'jig rten las 'das pa'i shes pa yang yod par gsungs so zhes bka' stsal to/ /de la rnam par rtog pas bsdus pa'i shes pa gang yin pa de ni 'jig rten pa kho na yin no/ /yang dag pa'i shes pa dang pos bsdus pa gang yin pa de ni 'jig rten las 'das pa kho na yin no/ /yang dag pa'i shes pa gnyis pas bsdus pa gang yin pa de ni 'jig rten pa dang/ 'jig rten las 'das pa yin no/ /

【K3 有無門】

རྒྱུ་མཚན་ཡོད་པར་བརྗོད་པར་བྱའམ་མེད་པར་བརྗོད་པར་བྱ་ཞེ་ན། སྨྲས་པ། ཡོད་པར་བརྗོད་པར་བྱའོ། །ཅི་ངོ་བོ་ཉིད་དང་བྱེ་བྲག་གདགས་པ་ལས་འདོགས་པ་ཇི་ལྟ་བ་དེ་ལྟར་ཡོད་པར་བརྗོད་པར་བྱའམ་ཞེ་ན། སྨྲས་པ། དེ་ལྟར་མེད་པར་བརྗོད་པར་བྱའོ། །ཅི་རྣམ་པར་རྟོག་པའི་སྤྱོད་ཡུལ་ཇི་ལྟ་བ་དེ་ལྟར་ཡོད་པར་བརྗོད་པར་བྱའམ་ཞེ་ན། སྨྲས་པ། དེ་ལྟར་ཡོད་པར་བརྗོད་པར་བྱའོ། །རྒྱུ་མཚན་དེ་ལྟར་ཡོད་པ་ཉིད་ལ་མཁས་པའི་བྱང་ཆུབ་སེམས་དཔའ་ནི་རྒྱུ་མཚན་ཡོད་པར་ལན་འདེབས་པ་ལ་ཡང་མཁས་པ་ཡིན་ལ་མེད་པར་ལན་འདེབས་པ་ལ་ཡང་མཁས་པ་ཡིན། ཡོད་པ་ཡང་མེད་པར་ལན་འདེབས་པ་ལ་ཡང་མཁས་པ་ཡིན། ཡོད་པ་ཡང་མ་ཡིན་མེད་པ་ཡང་མ་ཡིན་པར་ལན་འདེབས་པ་ལ་ཡང་མཁས་པ་ཡིན་ནོ། །དེ་ལྟར་ལན་འདེབས་པ་ལ་ཡང་མཁས་པ་དེ་ནི་སྒྲོ་འདོགས་པའི་མཐའ་དང་སྐུར་པ་འདེབས་པའི་མཐའ་སྤངས་ནས། དབུ་མའི་ལམ་གྱིས་ཆོས་ཀྱི་དབྱིངས་སྟོན་པར་བྱེད་དོ། །ཅི་རྒྱུ་མཚན་བརྗོད་པའི་དོན་གྱིས་ཡོད་པར་བརྗོད་པར་བྱའམ། བརྗོད་དུ་མེད་པའི་དོན་གྱིས་ཡོད་པར་བརྗོད་པར་བྱ་ཞེ་ན། སྨྲས་པ། གཉིས་ཀ་ལྟར་ཡོད་པར་བརྗོད་པར་བྱའོ། །ཅིའི་ཕྱིར་ཞེ་ན། ཇི་ལྟར་བརྗོད་པའི་གཞིའི་གནས་སུ་གྱུར་པ་དེ་ལྟར་གནས་པ་བརྗོད་པའི་དོན་གྱིས་ནི་ཡོད་པར་བརྗོད་པར་བྱ་ལ། ཇི་ལྟར་ངོ་བོ་ཉིད་དང་བྱེ་བྲག་ཏུ་འདོགས་པ་ཡོངས་སུ་མ་གྲུབ་པ་དེ་ལྟར་ནི་བརྗོད་དུ་མེད་པའི་དོན་གྱིས་ནི་མེད་པར་བརྗོད་པར་བྱ་བའི་ཕྱིར་རོ། །རྒྱུ་མཚན་ཇི་ལྟ་བ་བཞིན་དུ་མིང་དང་རྣམ་པར་རྟོག་པ་དང་དེ་བཞིན་ཉིད་དང༌། ཡང་དག་པའི་ཤེས་པ་ཡང་དེ་བཞིན་དུ་ཡོད་པར་བརྗོད་པར་བྱའམ་ཞེ་ན། སྨྲས་པ། དེ་བཞིན་དུ་ཡོད་པར་བརྗོད་པར་བྱའོ། །

rgyu mtshan yod par brjod par bya'am med par brjod par bya zhe na/ smras pa/ yod par brjod par bya'o/ /ci ngo bo nyid dang bye brag gdags pa las 'dogs pa ji lta ba de ltar yod par brjod par bya'am zhe na/ smras pa/ de ltar med par brjod par bya'o/ /ci rnam par rtog pa'i spyod yul ji lta ba de ltar yod par brjod par bya'am zhe na/ smras pa/ de ltar yod par brjod par bya'o/ /rgyu mtshan de ltar yod pa nyid la mkhas pa'i byang chub sems dpa' ni rgyu mtshan yod par lan 'debs pa la yang mkhas pa yin la med par lan 'debs pa la yang mkhas pa yin/ yod pa yang med par lan 'debs pa la yang mkhas pa yin/ yod pa yang ma yin med pa yang ma yin par lan 'debs pa la yang mkhas pa yin no/ /de ltar lan 'debs pa la yang mkhas pa de ni sgro 'dogs pa'i mtha' dang skur pa 'debs pa'i mtha' spangs nas/ dbu ma'i lam gyis chos kyi dbyings ston par byed do/ /ci rgyu mtshan brjod pa'i don gyis yod par brjod par bya'am/ brjod du med pa'i don gyis yod par brjod par bya zhe na/ smras pa/ gnyis ka ltar yod par brjod par bya'o/ /ci'i phyir zhe na/ ji ltar brjod pa'i gzhi'i gnas su gyur pa de ltar gnas pa brjod pa'i don gyis ni yod par brjod par bya la/ ji ltar ngo bo nyid dang bye brag tu 'dogs pa yongs su ma grub pa de ltar ni brjod du med pa'i don gyis ni med par brjod par bya ba'i phyir ro/ /rgyu mtshan ji lta ba bzhin du ming dang rnam par rtog pa dang de bzhin nyid dang/ yang dag pa'i shes pa yang de bzhin du yod par brjod par bya'am zhe na/ smras pa/ de bzhin du yod par brjod par bya'o/ /

【K4 假實門】

རྒྱུ་མཚན་རྫས་སུ་ཡོད་པར་བརྗོད་པར་བྱའམ༑ བཏགས་པའི་ཡོད་པར་བརྗོད་པར་བྱ་ཞེ་ན། སྨྲས་པ། འདུ་བྱེད་རྫས་སུ་ཡོད་པ་རྣམས་ཀྱི་མཚན་མ་ནི་རྫས་སུ་ཡོད་པར་བརྗོད་པར་བྱའོ། །བཏགས་པའི་ཡོད་པ་རྣམས་ཀྱི་ནི་བཏགས་པའི་ཡོད་པར་བརྗོད་པར་བྱ་སྟེ། རྒྱུ་མཚན་ཡོད་པར་འདུ་བྱེད་གང་དག་ཡིན་པ་དེ་དག་ཀྱང་རྣམ་པ་གཉིས་སོ། །མིང་རྫས་སུ་ཡོད་པར་བརྗོད་པར་བྱའམ། བཏགས་པའི་ཡོད་པར་བརྗོད་པར་བྱ་ཞེ་ན། སྨྲས་པ། བཏགས་པའི་ཡོད་པར་བརྗོད་པར་བྱ་སྟེ། དེ་ནི་རྒྱུ་མཚན་ཙམ་ལ་ཉེ་བར་བཏགས་པ་ཙམ་ཡིན་པའི་ཕྱིར་རོ། །རྣམ་པར་རྟོག་པ་རྫས་སུ་ཡོད་པར་བརྗོད་པར་བྱའམ། བཏགས་པའི་ཡོད་པར་བརྗོད་པར་བྱ་ཞེ་ན། སྨྲས་པ། གཉི་གར་བརྗོད་པར་བྱའོ། །དེ་བཞིན་ཉིད་རྫས་སུ་ཡོད་པར་བརྗོད་པར་བྱའམ། བཏགས་པའི་ཡོད་པར་བརྗོད་པར་བྱ་ཞེ་ན། སྨྲས་པ། རྫས་སུ་ཡོད་པར་བརྗོད་པར་བྱ་སྟེ། དོན་དམ་པས་བསྡུས་པ་ཡིན་པའི་ཕྱིར་རོ། །ཡང་དག་པའི་ཤེས་པ་རྫས་སུ་ཡོད་པར་བརྗོད་པར་བྱའམ། བཏགས་པའི་ཡོད་པར་བརྗོད་པར་བྱ་ཞེ་ན། སྨྲས་པ། གཉི་གར་བརྗོད་པར་བྱ་སྟེ། ཇི་ལྟར་ཤེས་པ་གང་ཡིན་པ་དེ་ནི་རྫས་སུ་ཡོད་པ་ཡིན་ལ༑ ཤེས་པའི་འཁོར་སེམས་དང་སེམས་ལས་བྱུང་བའི་ཆོས་གང་དག་ཡིན་པ་དེ་དག་ཡང་དག་པའི་ཤེས་པ་ཡིན་པའི་ཕྱིར་རྣམ་པ་གཉིས་སོ། །

rgyu mtshan rdzas su yod par brjod par bya'am| btags pa'i yod par brjod par bya zhe na/ smras pa/ 'du byed rdzas su yod pa rnams kyi mtshan ma ni rdzas su yod par brjod par bya'o/ /btags pa'i yod pa rnams kyi ni btags pa'i yod par brjod par bya ste/ rgyu mtshan yod par 'du byed gang dag yin pa de dag kyang rnam pa gnyis so/ /ming rdzas su yod par brjod par bya'am/ btags pa'i yod par brjod par bya zhe na/ smras pa/ btags pa'i yod par brjod par bya ste/ de ni rgyu mtshan tsam la nye bar btags pa tsam yin pa'i phyir ro/ /rnam par rtog pa rdzas su yod par brjod par bya'am/ btags pa'i yod par brjod par bya zhe na/ smras pa/ gnyi gar brjod par bya'o/ /de bzhin nyid rdzas su yod par brjod par bya'am/ btags pa'i yod par brjod par bya zhe na/ smras pa/ rdzas su yod par brjod par bya ste/ don dam pas bsdus pa yin pa'i phyir ro/ /yang dag pa'i shes pa rdzas su yod par brjod par bya'am/ btags pa'i yod par brjod par bya zhe na/ smras pa/ gnyi gar brjod par bya ste/ ji ltar shes pa gang yin pa de ni rdzas su yod pa yin la| shes pa'i 'khor sems dang sems las byung ba'i chos gang dag yin pa de dag yang dag pa'i shes pa yin pa'i phyir rnam pa gnyis so/ /

【K5 二諦分別門】

རྒྱུ་མཚན་ཀུན་རྫོབ་ཏུ་ཡོད་པར་བརྗོད་པར་བྱའམ། དོན་དམ་པར་ཡོད་པར་བརྗོད་པར་བྱ་ཞེ་ན༑ སྨྲས་པ། ཀུན་རྫོབ་ཏུ་ཡོད་པར་བྱའོ། །རྒྱུ་གཉིས་ཀྱིས་ཏེ། ཀུན་ནས་ཉོན་མོངས་པ་ཀུན་ནས་སློང་བའི་ཕྱིར་དང་། གདགས་པའི་གཞི་ཡིན་པའི་ཕྱིར་རོ། །མིང་ཀུན་རྫོབ་ཏུ་ཡོད་པར་བརྗོད་པར་བྱའམ། དོན་དམ་པར་ཡོད་པར་བརྗོད་པར་བྱ་ཞེ་ན། སྨྲས་པ། ཀུན་རྫོབ་ཏུ་ཡོད་པར་བརྗོད་པར་བྱའོ། །རྒྱུ་གསུམ་གྱིས་ཏེ། ཀུན་ནས་ཉོན་མོངས་པ་ཀུན་ནས་སློང་བའི་ཕྱིར་དང་། གདགས་པའི་གཞི་ཡིན་པའི་ཕྱིར་དང་། ཐ་སྙད་ཀྱི་གནས་ཡིན་པའི་ཕྱིར་རོ། །རྣམ་པར་རྟོག་པ་ཀུན་རྫོབ་ཏུ་ཡོད་པར་བྱའམ། དོན་དམ་པར་ཡོད་པར་བརྗོད་པར་བྱ་ཞེ་ན། སྨྲས་པ། ཀུན་རྫོབ་ཏུ་ཡོད་པར་བརྗོད་པར་བྱའོ། །སྨྲས་པ། རྒྱུ་བཞི་སྟེ། ཀུན་ནས་ཉོན་མོངས་པ་ཀུན་ནས་སློང་བའི་ཕྱིར་དང་། གདགས་པའི་གཞི་ཡིན་པའི་ཕྱིར་དང་། ཐ་སྙད་བག་ལ་ཉལ་བའི་ཕྱིར་དང་། ཐ་སྙད་རྗེས་སུ་སད་པའི་ཕྱིར་དང་། དེ་བཞིན་ཉིད་ཀུན་རྫོབ་ཏུ་ཡོད་པའི་ཕྱིར་བརྗོད་པར་བྱའམ། དོན་དམ་པར་ཡོད་པར་བརྗོད་པར་བྱ་ཞེ་ན། སྨྲས་པ། དོན་དམ་པར་ཡོད་པར་བརྗོད་པར་བྱ་སྟེ། རྣམ་པར་གདགས་པའི་ཕྱིར་དམིགས་པའི་དངོས་པོ་ཡིན་པའི་ཕྱིར་རོ། །ཡང་དག་པའི་ཤེས་པ་ཀུན་རྫོབ་ཏུ་ཡོད་པར་བརྗོད་པར་བྱའམ། དོན་དམ་པར་ཡོད་པར་བརྗོད་པར་བྱ་ཞེ་ན། སྨྲས་པ། དང་པོར་ནི་དོན་དམ་པར་ཡོད་པར་བརྗོད་པར་བྱའོ། །གཉིས་པ་ནི་གཉི་གར་བརྗོད་པར་བྱའོ། །

rgyu mtshan kun rdzob tu yod par brjod par bya'am/ don dam par yod par brjod par bya zhe na| smras pa/ kun rdzob tu yod par bya'o/ /rgyu gnyis kyis te/ kun nas nyon mongs pa kun nas slong ba'i phyir dang / gdags pa'i gzhi yin pa'i phyir ro/ /ming kun rdzob tu yod par brjod par bya'am/ don dam par yod par brjod par bya zhe na/ smras pa/ kun rdzob tu yod par brjod par bya'o/ /rgyu gsum gyis te/ kun nas nyon mongs pa kun nas slong ba'i phyir dang / gdags pa'i gzhi yin pa'i phyir dang / tha snyad kyi gnas yin pa'i phyir ro/ /rnam par rtog pa kun rdzob tu yod par bya'am/ don dam par yod par brjod par bya zhe na/ smras pa/ kun rdzob tu yod par brjod par bya'o/ /smras pa/ rgyu bzhi ste/ kun nas nyon mongs pa kun nas slong ba'i phyir dang / gdags pa'i gzhi yin pa'i phyir dang / tha snyad bag la nyal ba'i phyir dang / tha snyad rjes su sad pa'i phyir dang / de bzhin nyid kun rdzob tu yod pa'i phyir brjod par bya'am/ don dam par yod par brjod par bya zhe na/ smras pa/ don dam par yod par brjod par bya ste/ rnam par gdags pa'i phyir dmigs pa'i dngos po yin pa'i phyir ro/ /yang dag pa'i shes pa kun rdzob tu yod par brjod par bya'am/ don dam par yod par brjod par bya zhe na/ smras pa/ dang por ni don dam par yod par brjod par bya'o/ /gnyis pa ni gnyi gar brjod par bya'o/ /

【K6 能生所生門】

རྒྱུ་མཚན་གང་ལས་རབ་ཏུ་སྐྱེ་བར་བརྗོད་པར་བྱ་ཞེ་ན། སྨྲས་པ། རྒྱུ་མཚན་ལས་རབ་ཏུ་སྐྱེ་བ་དང་། སྔོན་གྱི་རྣམ་པར་རྟོག་པ་ལས་རབ་ཏུ་སྐྱེ་བ་ཡིན་ནོ། །མིང་གང་ལས་རབ་ཏུ་སྐྱེ་བར་བརྗོད་པར་བྱ་ཞེ་ན། སྨྲས་པ། གང་ཟག་གི་འདུན་པ་ལས་རབ་ཏུ་སྐྱེ་བ་ཡིན་ནོ། །རྣམ་པར་རྟོག་པ་གང་ལས་རབ་ཏུ་སྐྱེ་བར་བརྗོད་པར་བྱ་ཞེ་ན། སྨྲས་པ། རྣམ་པར་རྟོག་པ་ལས་རབ་ཏུ་སྐྱེ་བ་དང་། རྒྱུ་མཚན་ལས་རབ་ཏུ་སྐྱེ་བ་ཡིན་ནོ། །དེ་བཞིན་ཉིད་གང་ལས་རབ་ཏུ་སྐྱེ་བར་བརྗོད་པར་བྱ་ཞེ་ན། སྨྲས་པ། སྐྱེ་བ་མེད་པར་བརྗོད་པར་བྱའོ། །ཡང་དག་པའི་ཤེས་པ་གང་ལས་རབ་ཏུ་སྐྱེ་བར་བརྗོད་པར་བྱ་ཞེ་ན། སྨྲས་པ། ཡང་དག་པའི་ཤེས་པ་དང་། དམ་པའི་ཆོས་མཉན་པ་དང་། ཚུལ་བཞིན་ཡིད་ལ་བྱེད་པ་ལས་རབ་ཏུ་སྐྱེ་བ་ཡིན་ན་ནོ།། །།

rgyu mtshan gang las rab tu skye bar brjod par bya zhe na/ smras pa/ rgyu mtshan las rab tu skye ba dang / sngon gyi rnam par rtog pa las rab tu skye ba yin no/ /ming gang las rab tu skye bar brjod par bya zhe na/ smras pa/ gang zag gi 'dun pa las rab tu skye ba yin no/ /rnam par rtog pa gang las rab tu skye bar brjod par bya zhe na/ smras pa/ rnam par rtog pa las rab tu skye ba dang / rgyu mtshan las rab tu skye ba yin no/ /de bzhin nyid gang las rab tu skye bar brjod par bya zhe na/ smras pa/ skye ba med par brjod par bya'o/ /yang dag pa'i shes pa gang las rab tu skye bar brjod par bya zhe na/ smras pa/ yang dag pa'i shes pa dang / dam pa'i chos mnyan pa dang / tshul bzhin yid la byed pa las rab tu skye ba yin na no// //

【K7 異不異門】

༄༅། །རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ།༄༅༅། །རྣམ་པར་གཏན་ལ་དབབ་པ་བསྡུ་བ། བམ་པོ་སུམ་ཅུ་གསུམ་པ། རྒྱུ་མཚན་ལས་མིང་གཞན་དུ་བརྗོད་པར་བྱ་བའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཉི་གར་ཡང་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། གཉི་གར་ཡང་སྐྱོན་དུ་ཐལ་བར་འགྱུར་བའི་ཕྱིར་རོ། །གཞན་ཉིད་ཡིན་ན་སྐྱོན་ཅི་ཡོད་ཅེ་ན། མིང་རྫས་སུ་ཡོད་པར་འགྱུར་བའོ། །གཞན་མ་ཡིན་པ་ཉིད་ཡིན་ན་སྐྱོན་ཅི་ཡོད་ཅེ་ན། རྒྱུ་མཚན་གཟུང་བ་ན་མིང་ཡང་ཟིན་པར་འགྱུར་བའོ། །རྒྱུ་མཚན་ལས་རྣམ་པར་རྟོག་པ་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཉི་གར་ཡང་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། གཉི་གར་ཡང་སྐྱོན་དུ་ཐལ་བར་འགྱུར་བའི་ཕྱིར་རོ། །གཞན་ཉིད་ཡིན་ན་སྐྱོན་ཅི་ཡོད་ཅེ་ན། རྣམ་པར་རྟོག་པ་རྣམས་རྒྱུ་མཚན་གྱི་བདག་ཉིད་མ་ཡིན་པར་འགྱུར་བའོ། །གཞན་མ་ཡིན་པ་ཉིད་ཡིན་ན་སྐྱོན་ཅི་ཡོད་ཅེ་ན། རྣམ་པར་རྟོག་པ་དང་བྲལ་བའི་རྒྱུ་མཚན་རྣམས་ཀྱང་རྣམ་པར་རྟོག་པའི་བདག་ཉིད་ཁོ་ནར་འགྱུར་བའོ། །རྒྱུ་མཚན་ལས་དེ་བཞིན་ཉིད་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཉི་གར་ཡང་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། གཉི་གར་ཡང་སྐྱོན་དུ་འགྱུར་བར་ཐལ་བར་འགྱུར་བའི་ཕྱིར་རོ། །གཞན་ཉིད་ཡིན་ན་སྐྱོན་ཅི་ཡོད་ཅེ་ན། རྒྱུ་མཚན་གྱི་དོན་དམ་པ་ཉིད་དེ་དེ་བཞིན་ཉིད་དུ་མི་འགྱུར་བ་དང༌། རྣལ་འབྱོར་པ་རྒྱུ་མཚན་ལ་མི་ལྟོས་པར་དེ་བཞིན་ཉིད་ཡོངས་སུ་ཚོལ་བར་འགྱུར་བ་དང༌། དེ་བཞིན་ཉིད་མངོན་པར་རྫོགས་པར་སངས་རྒྱས་ན་ཡང་རྒྱུ་མཚན་མངོན་པར་རྫོགས་པར་སངས་རྒྱས་པར་མི་འགྱུར་བའོ། །གཞན་མ་ཡིན་པ་ཉིད་ཡིན་ན་སྐྱོན་ཅི་ཡོད་ཅེ་ན། དེ་བཞིན་ཉིད་ལ་བྱེ་བྲག་མེད་པ་བཞིན་དུ་རྒྱུ་མཚན་ཐམས་ཅད་ལ་ཡང་བྱེ་བྲག་མེད་པར་འགྱུར་བ་དང༌། རྒྱུ་མཚན་དམིགས་པ་ན་དེ་བཞིན་ཉིད་ཀྱང་དམིགས་པར་འགྱུར་བ་དང༌། དེ་བཞིན་ཉིད་དམིགས་ཀྱང་རྒྱུ་མཚན་བཞིན་དུ་རྣམ་པར་དག་པར་མི་འགྱུར་བ་སྟེ། འདི་ལྟ་སྟེ། དཔེར་ན་འདུ་བྱེད་རྣམས་ལ་སྤྱིའི་མཚན་ཉིད་མི་རྟག་པ་དང༌། སྡུག་བསྔལ་བ་དང༌། བདག་མེད་པ་ཡོད་ཀྱང་དེ་དག་ལས་གཞན་པའམ། གཞན་མ་ཡིན་པར་བརྗོད་པར་མི་བྱ་བ་དང༌། ལུས་དང་སེམས་ལ་གནས་ངན་ལེན་དང་ཤིན་ཏུ་སྦྱངས་པ་དག་ཡོད་ཀྱང༌། ལུས་དང་སེམས་ལས་དེ་དག་གཞན་པའམ༑ གཞན་མ་ཡིན་པ་བརྗོད་པར་མི་བྱ་བ་དང༌། དགེ་བ་དང༌། མི་དགེ་བ་དང༌། ལུང་དུ་མ་བསྟན་པའི་ཆོས་རྣམས་ལ་ས་བོན་ཡོད་ཀྱང༌། དེ་དག་ལས་གཞན་པའམ། གཞན་མ་ཡིན་པར་བརྗོད་པར་མི་བྱ་སྟེ། གཉི་ག་སྐྱོན་དུ་ཐལ་བར་འགྱུར་བའི་ཕྱིར་དང༌། འདི་ལྟ་སྟེ། དཔེར་ན་ནམ་མཁའ་ནི་ཐམས་ཅད་དུ་སོང་བ་ཡིན་པས་གཟུགས་ཀྱི་ཕྱོགས་ན་ནམ་མཁའ་ཡོད་ཀྱང༌། དེ་ལས་དེ་གཞན་པའམ། གཞན་མ་ཡིན་པར་བརྗོད་པར་མི་བྱ་སྟེ། དེ་ཅིའི་ཕྱིར་ཞེ་ན། གཉི་གར་ཡང་སྐྱོན་དུ་ཐལ་བར་འགྱུར་བའི་ཕྱིར་རོ། །གཞན་ཉིད་ཡིན་ན་སྐྱོན་ཅི་ཡོད་ཅེ་ན། ནམ་མཁའ་ཐམས་ཅད་དུ་སོང་བ་མ་ཡིན་པའི་ཕྱིར་མི་རྟག་པར་འགྱུར་བའོ། །གཞན་མ་ཡིན་པ་ཉིད་ཡིན་ན་སྐྱོན་ཅི་ཡོད་ཅེ་ན། གཟུགས་ཀྱི་ཕྱོགས་ལས་ནམ་མཁའ་གཞན་དུ་མི་འགྱུར་བ་སྟེ། དེ་བཞིན་དུ་འདིར་ཡང་ཚུལ་ཅི་རིགས་པར་བལྟ་བར་བྱའོ། །བཅོམ་ལྡན་འདས་ཀྱིས་ཉན་ཐོས་ཀྱི་ཐེག་པ་ལས་བརྩམས་ནས་ཀྱང༌། ལ་ལར་འདུ་བྱེད་རྣམས་ལས་གཞན་པ་ཡང་མ་ཡིན། གཞན་མ་ཡིན་པ་ཡང་མ་ཡིན་པར་ལན་གདབ་པའི་ཚུལ་འདི་ཡོངས་སུ་བསྟན་ཏེ། ཇི་སྐད་དུ། དགེ་སློང་དག་ཕུང་པོ་རྣམས་ཉིད་ཀྱང་ཉེ་བར་ལེན་པ་མ་ཡིན་ལ། ཕུང་པོ་རྣམས་ལས་ལོགས་ཤིག་ན་ཡང་ཉེ་བར་ལེན་པ་མེད་མོད་ཀྱི། འོན་ཀྱང་འདི་ལ་འདུན་པའི་འདོད་ཆགས་གང་ཡིན་པ་དེ་འདིར་ཉེ་བར་ལེན་པ་ཡིན་ནོ་ཞེས་གསུངས་པ་ལྟ་བུའོ། །དེ་ལ་གཞན་པ་ཉིད་མ་ཡིན་ན་སྐྱོན་ཅི་ཡོད་ཅེ་ན། སྨྲས་པ། ཕུང་པོ་རྣམས་ཀྱི་དགེ་བ་དང༌། ལུང་དུ་མ་བསྟན་པ་ལ་སྐུར་པ་དང༌། རྣམ་པར་མི་འདག་པའི་སྐྱོན་ནོ། །གཞན་ཉིད་ཡིན་ན་སྐྱོན་ཅི་ཡོད་ཅེ་ན། སྨྲས་པ། ཉེ་བར་ལེན་པ་རྟག་པ་ཉིད་དུ་སྒྲོ་བཏགས་པ་དང༌། རྣམ་པར་མི་འདག་པ་ཉིད་ཀྱི་སྐྱོན་ནོ། །རྒྱུ་མཚན་དང་དེ་བཞིན་ཉིད་ཇི་ལྟ་བ་བཞིན་དུ། མིང་དང༌། རྣམ་པར་རྟོག་པ་དང༌། ཡང་དག་པའི་ཤེས་པ་ཡང་དེ་བཞིན་དུ་བལྟ་བར་བྱའོ། །རྒྱུ་མཚན་ལས་ཡང་དག་པའི་ཤེས་པ་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། རྣམ་པར་རྟོག་པ་བཞིན་དུ་གཉི་གར་ཡང་བརྗོད་པར་མི་བྱའོ། །མིང་ལས་རྣམ་པར་རྟོག་པ་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཞན་དུ་བརྗོད་པར་བྱའོ། །མིང་ལས་ཡང་དག་པའི་ཤེས་པ་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཞན་དུ་བརྗོད་པར་བྱའོ། །རྣམ་པར་རྟོག་པ་ལས་ཡང་དག་པའི་ཤེས་པ་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཞན་དུ་བརྗོད་པར་བྱའོ། །

rnal 'byor spyod pa'i sa rnam par gtan la dbab pa bsdu ba/rnam par gtan la dbab pa bsdu ba/ bam po sum cu gsum pa/ rgyu mtshan las ming gzhan du brjod par bya ba'am/ gzhan ma yin par brjod par bya zhe na/ smras pa/ gnyi gar yang brjod par mi bya'o/ /de ci'i phyir zhe na/ gnyi gar yang skyon du thal bar 'gyur ba'i phyir ro/ /gzhan nyid yin na skyon ci yod ce na/ ming rdzas su yod par 'gyur ba'o/ /gzhan ma yin pa nyid yin na skyon ci yod ce na/ rgyu mtshan gzung ba na ming yang zin par 'gyur ba'o/ /rgyu mtshan las rnam par rtog pa gzhan du brjod par bya'am/ gzhan ma yin par brjod par bya zhe na/ smras pa/ gnyi gar yang brjod par mi bya'o/ /de ci'i phyir zhe na/ gnyi gar yang skyon du thal bar 'gyur ba'i phyir ro/ /gzhan nyid yin na skyon ci yod ce na/ rnam par rtog pa rnams rgyu mtshan gyi bdag nyid ma yin par 'gyur ba'o/ /gzhan ma yin pa nyid yin na skyon ci yod ce na/ rnam par rtog pa dang bral ba'i rgyu mtshan rnams kyang rnam par rtog pa'i bdag nyid kho nar 'gyur ba'o/ /rgyu mtshan las de bzhin nyid gzhan du brjod par bya'am/ gzhan ma yin par brjod par bya zhe na/ smras pa/ gnyi gar yang brjod par mi bya'o/ /de ci'i phyir zhe na/ gnyi gar yang skyon du 'gyur bar thal bar 'gyur ba'i phyir ro/ /gzhan nyid yin na skyon ci yod ce na/ rgyu mtshan gyi don dam pa nyid de de bzhin nyid du mi 'gyur ba dang/ rnal 'byor pa rgyu mtshan la mi ltos par de bzhin nyid yongs su tshol bar 'gyur ba dang/ de bzhin nyid mngon par rdzogs par sangs rgyas na yang rgyu mtshan mngon par rdzogs par sangs rgyas par mi 'gyur ba'o/ /gzhan ma yin pa nyid yin na skyon ci yod ce na/ de bzhin nyid la bye brag med pa bzhin du rgyu mtshan thams cad la yang bye brag med par 'gyur ba dang/ rgyu mtshan dmigs pa na de bzhin nyid kyang dmigs par 'gyur ba dang/ de bzhin nyid dmigs kyang rgyu mtshan bzhin du rnam par dag par mi 'gyur ba ste/ 'di lta ste/ dper na 'du byed rnams la spyi'i mtshan nyid mi rtag pa dang/ sdug bsngal ba dang/ bdag med pa yod kyang de dag las gzhan pa'am/ gzhan ma yin par brjod par mi bya ba dang/ lus dang sems la gnas ngan len dang shin tu sbyangs pa dag yod kyang/ lus dang sems las de dag gzhan pa'am| gzhan ma yin pa brjod par mi bya ba dang/ dge ba dang/ mi dge ba dang/ lung du ma bstan pa'i chos rnams la sa bon yod kyang/ de dag las gzhan pa'am/ gzhan ma yin par brjod par mi bya ste/ gnyi ga skyon du thal bar 'gyur ba'i phyir dang/ 'di lta ste/ dper na nam mkha' ni thams cad du song ba yin pas gzugs kyi phyogs na nam mkha' yod kyang/ de las de gzhan pa'am/ gzhan ma yin par brjod par mi bya ste/ de ci'i phyir zhe na/ gnyi gar yang skyon du thal bar 'gyur ba'i phyir ro/ /gzhan nyid yin na skyon ci yod ce na/ nam mkha' thams cad du song ba ma yin pa'i phyir mi rtag par 'gyur ba'o/ /gzhan ma yin pa nyid yin na skyon ci yod ce na/ gzugs kyi phyogs las nam mkha' gzhan du mi 'gyur ba ste/ de bzhin du 'dir yang tshul ci rigs par blta bar bya'o/ /bcom ldan 'das kyis nyan thos kyi theg pa las brtsams nas kyang/ la lar 'du byed rnams las gzhan pa yang ma yin/ gzhan ma yin pa yang ma yin par lan gdab pa'i tshul 'di yongs su bstan te/ ji skad du/ dge slong dag phung po rnams nyid kyang nye bar len pa ma yin la/ phung po rnams las logs shig na yang nye bar len pa med mod kyi/ 'on kyang 'di la 'dun pa'i 'dod chags gang yin pa de 'dir nye bar len pa yin no zhes gsungs pa lta bu'o/ /de la gzhan pa nyid ma yin na skyon ci yod ce na/ smras pa/ phung po rnams kyi dge ba dang/ lung du ma bstan pa la skur pa dang/ rnam par mi 'dag pa'i skyon no/ /gzhan nyid yin na skyon ci yod ce na/ smras pa/ nye bar len pa rtag pa nyid du sgro btags pa dang/ rnam par mi 'dag pa nyid kyi skyon no/ /rgyu mtshan dang de bzhin nyid ji lta ba bzhin du/ ming dang/ rnam par rtog pa dang/ yang dag pa'i shes pa yang de bzhin du blta bar bya'o/ /rgyu mtshan las yang dag pa'i shes pa gzhan du brjod par bya'am/ gzhan ma yin par brjod par bya zhe na/ smras pa/ rnam par rtog pa bzhin du gnyi gar yang brjod par mi bya'o/ /ming las rnam par rtog pa gzhan du brjod par bya'am/ gzhan ma yin par brjod par bya zhe na/ smras pa/ gzhan du brjod par bya'o/ /ming las yang dag pa'i shes pa gzhan du brjod par bya'am/ gzhan ma yin par brjod par bya zhe na/ smras pa/ gzhan du brjod par bya'o/ /rnam par rtog pa las yang dag pa'i shes pa gzhan du brjod par bya'am/ gzhan ma yin par brjod par bya zhe na/ smras pa/ gzhan du brjod par bya'o/ /

【K8 五事相狀門】

རྒྱུ་མཚན་གྱི་མཚན་ཉིད་གང་ཞེ་ན། སྨྲས་པ། རྣམ་པར་རྟོག་པའི་སྤྱོད་ཡུལ་གྱི་མཚན་ཉིད་དོ། །མིང་གི་མཚན་ཉིད་གང་ཞེ་ན། སྨྲས་པ། ཐ་སྙད་ཀྱི་གནས་ཀྱི་མཚན་ཉིད་དོ། །རྣམ་པར་རྟོག་པའི་མཚན་ཉིད་གང་ཞེ་ན། སྨྲས་པ། རྒྱུ་མཚན་སྤྱོད་ཡུལ་པའི་མཚན་ཉིད་དོ། །དེ་བཞིན་ཉིད་ཀྱི་མཚན་ཉིད་གང་ཞེ་ན། སྨྲས་པ། ཡང་དག་པའི་ཤེས་པའི་སྤྱོད་ཡུལ་གྱི་མཚན་ཉིད་དོ། །ཡང་དག་པའི་ཤེས་པའི་མཚན་ཉིད་གང་ཞེ་ན། སྨྲས་པ། དེ་བཞིན་ཉིད་ལ་སྤྱོད་ཡུལ་པའི་མཚན་ཉིད་དོ། །

rgyu mtshan gyi mtshan nyid gang zhe na/ smras pa/ rnam par rtog pa'i spyod yul gyi mtshan nyid do/ /ming gi mtshan nyid gang zhe na/ smras pa/ tha snyad kyi gnas kyi mtshan nyid do/ /rnam par rtog pa'i mtshan nyid gang zhe na/ smras pa/ rgyu mtshan spyod yul pa'i mtshan nyid do/ /de bzhin nyid kyi mtshan nyid gang zhe na/ smras pa/ yang dag pa'i shes pa'i spyod yul gyi mtshan nyid do/ /yang dag pa'i shes pa'i mtshan nyid gang zhe na/ smras pa/ de bzhin nyid la spyod yul pa'i mtshan nyid do/ /

【K9 五事行相等門】【L1 行相】【M1 問】

རྒྱུ་མཚན་གྱི་རྣམ་པ་གང་ཞེ་ན།

rgyu mtshan gyi rnam pa gang zhe na/

【M2 答】

སྨྲས་པ། རྣམ་པར་རྟོག་པ་རྣམས་ཀྱི་རྣམ་པ་སྣ་ཚོགས་དཔག་ཏུ་མེད་པའི་ཕྱིར། དེའི་རྣམ་པ་ཡང་སྣ་ཚོགས་དཔག་ཏུ་མེད་པ་ཡིན་པར་རིག་པར་བྱ་སྟེ། འདི་ལྟ་སྟེ། གཟུགས་རྒྱུ་མཚན་དང༌། སེམས་རྒྱུ་མཚན་དང༌། སེམས་ལས་བྱུང་བ་རྒྱུ་མཚན་དང༌། སེམས་དང་ལྡན་པ་མ་ཡིན་པ་རྒྱུ་མཚན་དང༌། འདུས་མ་བྱས་རྒྱུ་མཚན་དང༌། འདུས་བྱས་རྒྱུ་མཚན་དང༌། ཕུང་པོ་རྒྱུ་མཚན་དང༌། སྐྱེ་མཆེད་རྒྱུ་མཚན་དང༌། ཁམས་རྒྱུ་མཚན་དང༌། རྟེན་ཅིང་འབྲེལ་པར་འབྱུང་བ་རྒྱུ་མཚན་དང༌། གནས་དང་གནས་མ་ཡིན་པ་རྒྱུ་མཚན་དང༌། དབང་པོ་རྒྱུ་མཚན་དང༌། བདེན་པ་རྒྱུ་མཚན་དང༌། དྲན་པ་ཉེ་བར་གཞག་པ་རྒྱུ་མཚན་དང༌། ཡང་དག་པའི་སྤོང་བ་དང༌། རྫུ་འཕྲུལ་གྱི་རྐང་པ་དང༌། དབང་པོ་དང༌། སྟོབས་དང༌། བྱང་ཆུབ་ཀྱི་ཡན་ལག་དང༌། ལམ་གྱི་ཡན་ལག་རྒྱུ་མཚན་དང༌། ལམ་རྒྱུ་མཚན་དང༌། ཆོས་ཀྱི་གཞི་རྒྱུ་མཚན་དང༌། ཞི་གནས་རྒྱུ་མཚན་དང༌། ལྷག་མཐོང་རྒྱུ་མཚན་དང༌། རབ་ཏུ་འཛིན་པ་རྒྱུ་མཚན་དང༌། བཏང་སྙོམས་རྒྱུ་མཚན་དང༌། རྐྱེན་རྒྱུ་མཚན་དང༌། སྟོན་པ་རྒྱུ་མཚན་དང༌། ས་རྒྱུ་མཚན་དང༌། ཆུ་རྒྱུ་མཚན་དང༌། མེ་རྒྱུ་མཚན་དང༌། རླུང་རྒྱུ་མཚན་དང༌། ནམ་མཁའ་རྒྱུ་མཚན་དང༌། རྣམ་པར་ཤེས་པ་རྒྱུ་མཚན་དང༌། འཇིག་རྟེན་འདི་རྒྱུ་མཚན་དང༌། འཇིག་རྟེན་ཕ་རོལ་རྒྱུ་མཚན་དང༌། ཉི་མ་རྒྱུ་མཚན་དང༌། ཟླ་བ་རྒྱུ་མཚན་དང༌། སེམས་ཅན་དམྱལ་བ་རྒྱུ་མཚན་དང༌། དུད་འགྲོ་དང༌། ཡི་དྭགས་དང༌། ལྷ་དང༌། མི་རྒྱུ་མཚན་དང༌། རྒྱལ་ཆེན་བཞིའི་རིས་ཀྱི་ལྷའི་རྒྱུ་མཚན་དང༌། སུམ་ཅུ་རྩ་གསུམ་དང༌། འཐབ་བྲལ་དང༌། དགའ་ལྡན་དང༌། འཕྲུལ་དགའ་དང༌། གཞན་འཕྲུལ་དབང་བྱེད་ཀྱི་ལྷ་རྒྱུ་མཚན་དང༌། བསམ་གཏན་དང་པོ་རྒྱུ་མཚན་དང༌། བསམ་གཏན་གཉིས་པ་དང་། གསུམ་པ་དང༌། བཞི་པ་རྒྱུ་མཚན་དང༌། ནམ་མཁའ་མཐའ་ཡས་སྐྱེ་མཆེད་རྒྱུ་མཚན་དང༌། རྣམ་ཤེས་མཐའ་ཡས་སྐྱེ་མཆེད་དང༌། ཅི་ཡང་མེད་པའི་སྐྱེ་མཆེད་དང༌། འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྒྱུ་མཚན་དང༌། འབྱུང་བ་རྒྱུ་མཚན་དང༌། འཇིག་པ་རྒྱུ་མཚན་དང༌། དངོས་པོ་རྒྱུ་མཚན་དང༌། དངོས་པོ་མེད་པ་རྒྱུ་མཚན་དང༌། ཀུན་ནས་ཉོན་མོངས་པ་རྒྱུ་མཚན་དང༌། རྣམ་པར་བྱང་བ་རྒྱུ་མཚན་དང༌། མཐོང་བ་དང༌། ཐོས་པ་དང༌། བྱེ་བྲག་ཕྱེད་པ་དང༌། རྣམ་པར་ཤེས་པ་དང༌། ཐོས་པ་དང༌། ཡོངས་སུ་བཙལ་བ་རྒྱུ་མཚན་དང་། ཡིད་ཀྱིས་རྗེས་སུ་བརྟགས་པ་དང༌། རྗེས་སུ་དཔྱད་པ་རྒྱུ་མཚན་དང༌། དེ་ལྟར་དེ་ལྟ་བུ་དང་མཐུན་པ་རྒྱུ་མཚན་གཞན་གང་ཡིན་པ་དང༌། གཞན་ཡང་རྒྱུ་མཚན་དྲུག་སྟེ། མཚན་མ་དང་བཅས་པ་རྒྱུ་མཚན་དང༌། མཚན་མ་མེད་པ་རྒྱུ་མཚན་དང༌། ཆུང་ངུ་རྒྱུ་མཚན་དང་། ཆེན་པོར་གྱུར་པ་རྒྱུ་མཚན་དང༌། ཚད་མེད་པ་རྒྱུ་མཚན་དང༌། ཅི་ཡང་མེད་པ་རྒྱུ་མཚན་ནོ། །མཚན་མ་དང་བཅས་པ་རྒྱུ་མཚན་གང་ཞེ་ན། དངོས་པོ་རྟོགས་པའི་མིང་ལ་རྣམ་པར་རྟོག་པའི་མཚན་མ་གང་ཡིན་པའོ། །མཚན་མ་མེད་པ་རྒྱུ་མཚན་གང་ཞེ་ན། དངོས་པོ་མ་རྟོགས་པའི་མིང་ལ་རྣམ་པར་རྟོག་པའི་མཚན་མ་གང་ཡིན་པའོ། །ཆུང་ངུ་རྒྱུ་མཚན་གང་ཞེ་ན། འདོད་པའི་ཁམས་ཀྱི་དངོས་པོ་ལ་རྣམ་པར་རྟོག་པའི་མཚན་མ་གང་ཡིན་པའོ། །ཆེན་པོར་གྱུར་པ་རྒྱུ་མཚན་གང་ཞེ་ན། གཟུགས་ཀྱི་ཁམས་ཀྱི་དངོས་པོ་ལ་རྣམ་པར་རྟོག་པའི་མཚན་མ་གང་ཡིན་པའོ། །ཚད་མེད་པ་རྒྱུ་མཚན་གང་ཞེ་ན། གཟུགས་མེད་པའི་ཁམས་ཀྱི་དངོས་པོ་ནམ་མཁའ་མཐའ་ཡས་སྐྱེ་མཆེད་དང༌། རྣམ་ཤེས་མཐའ་ཡས་སྐྱེད་མཆེད་ལ་རྣམ་པར་རྟོག་པའི་མཚན་མ་གང་ཡིན་པའོ། །ཅི་ཡང་མེད་པ་རྒྱུ་མཚན་གང་ཞེ་ན། གཟུགས་མེད་པའི་ཁམས་ཀྱི་དངོས་པོ་ཅི་ཡང་མེད་པའི་སྐྱེ་མཆེད་ལ་རྣམ་པར་རྟོག་པའི་མཚན་མ་གང་ཡིན་པའོ། །གཞན་ཡང་རྒྱུ་མཚན་ལྔ་སྟེ། རྒྱུ་མཚན་རྒྱུ་མཚན་དང༌། མིང་རྒྱུ་མཚན་དང༌། རྣམ་པར་རྟོག་པ་རྒྱུ་མཚན་དང༌། དེ་བཞིན་ཉིད་རྒྱུ་མཚན་དང༌། ཡང་དག་པའི་ཤེས་པ་རྒྱུ་མཚན་ནོ། །ཡང་རྒྱུ་མཚན་གཞན་གཉིས་ཏེ། རང་བཞིན་རྒྱུ་མཚན་དང༌། གཟུགས་བརྙན་རྒྱུ་མཚན་ནོ། །རང་བཞིན་རྒྱུ་མཚན་གང་ཞེ་ན། སྔོན་གྱི་རྣམ་པར་རྟོག་པས་བསྐྱེད་པའི་མཚན་མ་དང༌། མཚན་མས་བསྐྱེད་པ་གྲགས་པའི་མཚན་མའོ། །གཟུགས་བརྙན་རྒྱུ་མཚན་གང་ཞེ་ན། ཀུན་བརྟགས་པ་གང་ཡིན་པ་དེ་ནི་མོས་པས་སྣང་བ་ཡིན་གྱི། རང་བཞིན་དུ་གནས་པ་ནི་མ་ཡིན་ནོ། །མིང་གི་རྣམ་པ་གང་ཞེ་ན། དེ་ཡང་རྒྱུ་མཚན་གྱི་དབང་གིས་རྣམ་པ་སྣ་ཚོགས་དཔག་ཏུ་མེད་དོ། །དེ་ཡང་མདོར་བསྡུ་ན་རྣམ་པ་བཅུ་གཉིས་ཏེ། ཐ་སྙད་ལས་བྱུང་བ་དང༌། ཡང་དག་པའི་དངོས་པོ་དང༌། རིགས་དང་འབྲེལ་བ་དང༌། སོ་སོ་དང་འབྲེལ་པ་དང༌། ཡོན་ཏན་ལས་བྱུང་བ་དང༌། ཉེ་བར་བརྟགས་པ་དང༌། གྲགས་པ་དང༌། མ་གྲགས་པ་དང༌། གསལ་བ་དང༌། མི་གསལ་བ་དང༌། བསྡུས་པ་དང༌། ཐ་དད་པའོ། །རྣམ་པར་རྟོག་པའི་རྣམ་པ་གང་ཞེ་ན། དེ་ཡང་རྒྱུ་མཚན་དང༌། མིང་གི་དབང་གིས་རྣམ་པ་སྣ་ཚོགས་དཔག་ཏུ་མེད་དོ། །དེ་ཡང་མདོར་བསྡུ་ན་རྣམ་པ་བདུན་དུ་རིག་པར་བྱ་སྟེ། མཚན་མ་ལས་བྱུང་བ་དང༌། མཚན་མ་མེད་པ་ལས་བྱུང་བ་དང༌། ཡུལ་ལ་རང་གི་ངང་གིས་འཇུག་པ་དང༌། ཚོལ་བ་པ་དང༌། སོ་སོར་རྟོག་པ་དང༌། ཉོན་མོངས་པ་ཅན་དང༌། ཉོན་མོངས་པ་ཅན་མ་ཡིན་པའོ། །དེ་བཞིན་ཉིད་ཀྱི་རྣམ་པ་གང་ཞེ་ན། སྨྲས་པ། བརྗོད་དུ་མེད་པའི་རྣམ་པ་ཡིན་ནོ། །ཡང་དག་པའི་ཤེས་པའི་རྣམ་པ་གང་ཞེ་ན། སྨྲས་པ། འཇིག་རྟེན་ལས་འདས་པ་གང་ཡིན་པ་དེ་ནི་བརྗོད་དུ་མེད་པའི་རྣམ་པ་ཡིན་ནོ། །འཇིག་རྟེན་པ་དང་འཇིག་རྟེན་ལས་འདས་པ་གང་ཡིན་པ་དེ་ནི་རྣམ་པར་གཞག་པའི་བདེན་པ་འཛིན་པའི་རྣམ་པ་ཡིན་ནོ། །

smras pa/ rnam par rtog pa rnams kyi rnam pa sna tshogs dpag tu med pa'i phyir/ de'i rnam pa yang sna tshogs dpag tu med pa yin par rig par bya ste/ 'di lta ste/ gzugs rgyu mtshan dang/ sems rgyu mtshan dang/ sems las byung ba rgyu mtshan dang/ sems dang ldan pa ma yin pa rgyu mtshan dang/ 'dus ma byas rgyu mtshan dang/ 'dus byas rgyu mtshan dang/ phung po rgyu mtshan dang/ skye mched rgyu mtshan dang/ khams rgyu mtshan dang/ rten cing 'brel par 'byung ba rgyu mtshan dang/ gnas dang gnas ma yin pa rgyu mtshan dang/ dbang po rgyu mtshan dang/ bden pa rgyu mtshan dang/ dran pa nye bar gzhag pa rgyu mtshan dang/ yang dag pa'i spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam gyi yan lag rgyu mtshan dang/ lam rgyu mtshan dang/ chos kyi gzhi rgyu mtshan dang/ zhi gnas rgyu mtshan dang/ lhag mthong rgyu mtshan dang/ rab tu 'dzin pa rgyu mtshan dang/ btang snyoms rgyu mtshan dang/ rkyen rgyu mtshan dang/ ston pa rgyu mtshan dang/ sa rgyu mtshan dang/ chu rgyu mtshan dang/ me rgyu mtshan dang/ rlung rgyu mtshan dang/ nam mkha' rgyu mtshan dang/ rnam par shes pa rgyu mtshan dang/ 'jig rten 'di rgyu mtshan dang/ 'jig rten pha rol rgyu mtshan dang/ nyi ma rgyu mtshan dang/ zla ba rgyu mtshan dang/ sems can dmyal ba rgyu mtshan dang/ dud 'gro dang/ yi dwags dang/ lha dang/ mi rgyu mtshan dang/ rgyal chen bzhi'i ris kyi lha'i rgyu mtshan dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed kyi lha rgyu mtshan dang/ bsam gtan dang po rgyu mtshan dang/ bsam gtan gnyis pa dang / gsum pa dang/ bzhi pa rgyu mtshan dang/ nam mkha' mtha' yas skye mched rgyu mtshan dang/ rnam shes mtha' yas skye mched dang/ ci yang med pa'i skye mched dang/ 'du shes med 'du shes med min skye mched rgyu mtshan dang/ 'byung ba rgyu mtshan dang/ 'jig pa rgyu mtshan dang/ dngos po rgyu mtshan dang/ dngos po med pa rgyu mtshan dang/ kun nas nyon mongs pa rgyu mtshan dang/ rnam par byang ba rgyu mtshan dang/ mthong ba dang/ thos pa dang/ bye brag phyed pa dang/ rnam par shes pa dang/ thos pa dang/ yongs su btsal ba rgyu mtshan dang / yid kyis rjes su brtags pa dang/ rjes su dpyad pa rgyu mtshan dang/ de ltar de lta bu dang mthun pa rgyu mtshan gzhan gang yin pa dang/ gzhan yang rgyu mtshan drug ste/ mtshan ma dang bcas pa rgyu mtshan dang/ mtshan ma med pa rgyu mtshan dang/ chung ngu rgyu mtshan dang / chen por gyur pa rgyu mtshan dang/ tshad med pa rgyu mtshan dang/ ci yang med pa rgyu mtshan no/ /mtshan ma dang bcas pa rgyu mtshan gang zhe na/ dngos po rtogs pa'i ming la rnam par rtog pa'i mtshan ma gang yin pa'o/ /mtshan ma med pa rgyu mtshan gang zhe na/ dngos po ma rtogs pa'i ming la rnam par rtog pa'i mtshan ma gang yin pa'o/ /chung ngu rgyu mtshan gang zhe na/ 'dod pa'i khams kyi dngos po la rnam par rtog pa'i mtshan ma gang yin pa'o/ /chen por gyur pa rgyu mtshan gang zhe na/ gzugs kyi khams kyi dngos po la rnam par rtog pa'i mtshan ma gang yin pa'o/ /tshad med pa rgyu mtshan gang zhe na/ gzugs med pa'i khams kyi dngos po nam mkha' mtha' yas skye mched dang/ rnam shes mtha' yas skyed mched la rnam par rtog pa'i mtshan ma gang yin pa'o/ /ci yang med pa rgyu mtshan gang zhe na/ gzugs med pa'i khams kyi dngos po ci yang med pa'i skye mched la rnam par rtog pa'i mtshan ma gang yin pa'o/ /gzhan yang rgyu mtshan lnga ste/ rgyu mtshan rgyu mtshan dang/ ming rgyu mtshan dang/ rnam par rtog pa rgyu mtshan dang/ de bzhin nyid rgyu mtshan dang/ yang dag pa'i shes pa rgyu mtshan no/ /yang rgyu mtshan gzhan gnyis te/ rang bzhin rgyu mtshan dang/ gzugs brnyan rgyu mtshan no/ /rang bzhin rgyu mtshan gang zhe na/ sngon gyi rnam par rtog pas bskyed pa'i mtshan ma dang/ mtshan mas bskyed pa grags pa'i mtshan ma'o/ /gzugs brnyan rgyu mtshan gang zhe na/ kun brtags pa gang yin pa de ni mos pas snang ba yin gyi/ rang bzhin du gnas pa ni ma yin no/ /ming gi rnam pa gang zhe na/ de yang rgyu mtshan gyi dbang gis rnam pa sna tshogs dpag tu med do/ /de yang mdor bsdu na rnam pa bcu gnyis te/ tha snyad las byung ba dang/ yang dag pa'i dngos po dang/ rigs dang 'brel ba dang/ so so dang 'brel pa dang/ yon tan las byung ba dang/ nye bar brtags pa dang/ grags pa dang/ ma grags pa dang/ gsal ba dang/ mi gsal ba dang/ bsdus pa dang/ tha dad pa'o/ /rnam par rtog pa'i rnam pa gang zhe na/ de yang rgyu mtshan dang/ ming gi dbang gis rnam pa sna tshogs dpag tu med do/ /de yang mdor bsdu na rnam pa bdun du rig par bya ste/ mtshan ma las byung ba dang/ mtshan ma med pa las byung ba dang/ yul la rang gi ngang gis 'jug pa dang/ tshol ba pa dang/ so sor rtog pa dang/ nyon mongs pa can dang/ nyon mongs pa can ma yin pa'o/ /de bzhin nyid kyi rnam pa gang zhe na/ smras pa/ brjod du med pa'i rnam pa yin no/ /yang dag pa'i shes pa'i rnam pa gang zhe na/ smras pa/ 'jig rten las 'das pa gang yin pa de ni brjod du med pa'i rnam pa yin no/ /'jig rten pa dang 'jig rten las 'das pa gang yin pa de ni rnam par gzhag pa'i bden pa 'dzin pa'i rnam pa yin no/ /

【L2 五法眾名的差別】

དེ་ལ་མཚན་མ་དང༌། གཟུགས་བརྙན་དང༌། མིག་ཡོར་དང༌། སྲིད་པ་དང༌། སྤྲོས་པ་དང༌། འཇིག་ཚོགས་དང༌། འདུས་བྱས་དང༌། བསམས་པ་དང༌། རྟེན་ཅིང་འབྲེལ་བར་འབྱུང་བ་དང༌། དེ་ལྟ་བུ་ལ་སོགས་པ་ནི་རྒྱུ་མཚན་གྱི་རྣམ་གྲངས་ཡིན་ནོ། །དེ་ལ་མིང་དང༌། བརྡ་དང༌། གདགས་པ་དང༌། ཐ་སྙད་དང༌། ཀུན་རྫོབ་དང༌། ཉེ་བར་འདོགས་པ་དང༌། བརྗོད་པ་དང༌། དེ་ལྟ་བུ་ལ་སོགས་པ་ནི་མིང་གི་རྣམ་གྲངས་ཡིན་ནོ། དེ་ལ་རྣམ་པར་རྟོག་པ་དང༌། ཀུན་དུ་རྟོག་པ་དང༌། ཡོངས་སུ་རྟོག་པ་དང༌། ལོག་པའི་ལམ་དང༌། ལོག་པའི་སྒྲུབ་པ་དང༌། རྒྱུན་གོལ་བ་དང༌། ཡང་དག་པར་འཛིན་པ་མ་ཡིན་པ་དང༌། དེ་ལྟ་བུ་ལ་སོགས་པ་ནི་རྣམ་པར་རྟོག་པའི་རྣམ་གྲངས་ཡིན་ནོ། །དེ་ལ་དེ་བཞིན་ཉིད་དང༌། ཡང་དག་པ་ཉིད་དང༌། བདེན་པ་ཉིད་དང༌། མ་ནོར་བ་ཉིད་དང༌། ཕྱིན་ཅི་ལོག་པ་ཉིད་དང༌། སྤྲོས་པ་མེད་པའི་དབྱིངས་དང༌། མཚན་མ་མེད་པའི་དབྱིངས་དང༌། ཆོས་ཀྱི་དབྱིངས་དང༌། ཡང་དག་པའི་མཐའ་དང༌། དེ་ལྟ་བུ་ལ་སོགས་པ་ནི་དེ་བཞིན་ཉིད་ཀྱི་རྣམ་གྲངས་ཡིན་ནོ། །དེ་ལ་ཡང་དག་པའི་ཤེས་པ་དང༌། ཡང་དག་པའི་ཤེས་རབ་དང༌། ཡང་དག་པའི་རྟོགས་པ་དང༌། ཡང་དག་པའི་ལམ་དང༌། ཡང་དག་པའི་སྒྲུབ་པ་དང༌། ཡང་དག་པའི་རྒྱུན་དང༌། ཡང་དག་པར་འཛིན་པ་དང༌། དེ་ལྟ་བུ་ལ་སོགས་པ་ནི་ཡང་དག་པའི་ཤེས་པའི་རྣམ་གྲངས་ཡིན་ནོ། །

de la mtshan ma dang/ gzugs brnyan dang/ mig yor dang/ srid pa dang/ spros pa dang/ 'jig tshogs dang/ 'dus byas dang/ bsams pa dang/ rten cing 'brel bar 'byung ba dang/ de lta bu la sogs pa ni rgyu mtshan gyi rnam grangs yin no/ /de la ming dang/ brda dang/ gdags pa dang/ tha snyad dang/ kun rdzob dang/ nye bar 'dogs pa dang/ brjod pa dang/ de lta bu la sogs pa ni ming gi rnam grangs yin no/ de la rnam par rtog pa dang/ kun du rtog pa dang/ yongs su rtog pa dang/ log pa'i lam dang/ log pa'i sgrub pa dang/ rgyun gol ba dang/ yang dag par 'dzin pa ma yin pa dang/ de lta bu la sogs pa ni rnam par rtog pa'i rnam grangs yin no/ /de la de bzhin nyid dang/ yang dag pa nyid dang/ bden pa nyid dang/ ma nor ba nyid dang/ phyin ci log pa nyid dang/ spros pa med pa'i dbyings dang/ mtshan ma med pa'i dbyings dang/ chos kyi dbyings dang/ yang dag pa'i mtha' dang/ de lta bu la sogs pa ni de bzhin nyid kyi rnam grangs yin no/ /de la yang dag pa'i shes pa dang/ yang dag pa'i shes rab dang/ yang dag pa'i rtogs pa dang/ yang dag pa'i lam dang/ yang dag pa'i sgrub pa dang/ yang dag pa'i rgyun dang/ yang dag par 'dzin pa dang/ de lta bu la sogs pa ni yang dag pa'i shes pa'i rnam grangs yin no/ /

【K10 色心等門】【L1 五位分別門】

དངོས་པོ་ལྔ་པོ་གང་དག་ཡིན་པ་དེ་དག་ལས་དུ་ཞིག་གཟུགས་ཡིན། དུ་ཞིག་སེམས་ཡིན། དུ་ཞིག་སེམས་ལས་བྱུང་བ་དག་ཡིན། དུ་ཞིག་སེམས་དང་མི་ལྡན་པ་དག་ཡིན། དུ་ཞིག་འདུས་མ་བྱས་པ་དག་ཡིན་ཞེ་ན། སྨྲས་པ། རྒྱུ་མཚན་ནི་རྣམ་པ་ལྔ་ཚར་ཡིན་ནོ། །མིང་ནི་སེམས་དང་མི་ལྡན་པ་ཡིན་ནོ། །རྣམ་པར་རྟོག་པ་དང་ཡང་དག་པའི་ཤེས་པ་ནི། སེམས་དང་སེམས་ལས་བྱུང་བ་དག་ཡིན་ནོ། །དེ་བཞིན་ཉིད་ནི་འདུས་མ་བྱས་ཡིན་ནོ། །

dngos po lnga po gang dag yin pa de dag las du zhig gzugs yin/ du zhig sems yin/ du zhig sems las byung ba dag yin/ du zhig sems dang mi ldan pa dag yin/ du zhig 'dus ma byas pa dag yin zhe na/ smras pa/ rgyu mtshan ni rnam pa lnga tshar yin no/ /ming ni sems dang mi ldan pa yin no/ /rnam par rtog pa dang yang dag pa'i shes pa ni/ sems dang sems las byung ba dag yin no/ /de bzhin nyid ni 'dus ma byas yin no/ /

【L2 七善巧攝門】

དུ་ཞིག་ཕུང་པོས་བསྡུས་པ་དག་ཡིན། དུ་ཞིག་མ་བསྡུས་པ་དག་ཡིན་ཞེ་ན། སྨྲས་པ། གསུམ་ནི་ཕུང་པོས་བསྡུས་པ་དག་ཡིན་ནོ། །རྒྱུ་མཚན་ནི་བསྡུས་པ་དང་མ་བསྡུས་པ་ཡིན་ནོ། །དེ་བཞིན་ཉིད་ནི་མ་བསྡུས་པ་ཡིན་ནོ། །དུ་ཞིག་ཁམས་དང་སྐྱེ་མཆེད་ཀྱིས་བསྡུས་པ་དག་ཡིན། དུ་ཞིག་མ་བསྡུས་པ་དག་ཡིན་ཞེ་ན། སྨྲས་པ། ཐམས་ཅད་ཀྱང་བསྡུས་པ་དག་ཡིན་ནོ། དུ་ཞིག་རྟེན་ཅིང་འབྲེལ་པར་འབྱུང་བས་བསྡུས་པ་དག་ཡིན། དུ་ཞིག་མ་བསྡུས་པ་དག་ཡིན་ཞེ་ན། སྨྲས་པ། གསུམ་ནི་བསྡུས་པ་ཡིན་ནོ། །རྒྱུ་མཚན་ནི་བསྡུས་པ་དང་མ་བསྡུས་པ་ཡིན་ནོ། །དེ་བཞིན་ཉིད་ནི་མ་བསྡུས་པ་ཡིན་ནོ། །རྟེན་ཅིང་འབྲེལ་པར་འབྱུང་བས་བསྡུས་པ་དང་མ་བསྡུས་པ་དག་ཇི་ལྟ་བ་བཞིན་དུ། གནས་དང་གནས་མ་ཡིན་པ་དང༌། དབང་པོས་བསྡུས་པ་དང་མ་བསྡུས་པ་དག་ཀྱང་དེ་བཞིན་དུ་བལྟ་བར་བྱའོ། །དུ་ཞིག་བདེན་པས་བསྡུས་པ་དག་ཡིན། དུ་ཞིག་མ་བསྡུས་པ་དག་ཡིན་ཞེ་ན། སྨྲས་པ། བདེན་པ་ནི་རྣམ་པ་གཉིས་ཏེ། རྣམ་པར་བཞག་པ་དང༌། རྣམ་པར་མ་བཞག་པའོ། །དེ་ལ་འཕགས་པའི་བདེན་པ་བཞི་ནི་རྣམ་པར་བཞག་པའི་བདེན་པ་ཡིན་ནོ། །དེ་བཞིན་ཉིད་ནི་རྣམ་པར་མ་བཞག་པའི་བདེན་པ་ཡིན་ནོ། །དེ་ལ་གསུམ་ནི་རྣམ་པར་བཞག་པའི་བདེན་པས་བསྡུས་པ་ཡིན་ནོ། །རྒྱུ་མཚན་ནི་བསྡུས་པ་དང་མ་བསྡུས་པ་ཡིན་ནོ། །དེ་བཞིན་ཉིད་ནི་རྣམ་པར་མ་བཞག་པའི་བདེན་པས་བསྡུས་པ་ཁོ་ན་ཡིན་ནོ། །

du zhig phung pos bsdus pa dag yin/ du zhig ma bsdus pa dag yin zhe na/ smras pa/ gsum ni phung pos bsdus pa dag yin no/ /rgyu mtshan ni bsdus pa dang ma bsdus pa yin no/ /de bzhin nyid ni ma bsdus pa yin no/ /du zhig khams dang skye mched kyis bsdus pa dag yin/ du zhig ma bsdus pa dag yin zhe na/ smras pa/ thams cad kyang bsdus pa dag yin no/ du zhig rten cing 'brel par 'byung bas bsdus pa dag yin/ du zhig ma bsdus pa dag yin zhe na/ smras pa/ gsum ni bsdus pa yin no/ /rgyu mtshan ni bsdus pa dang ma bsdus pa yin no/ /de bzhin nyid ni ma bsdus pa yin no/ /rten cing 'brel par 'byung bas bsdus pa dang ma bsdus pa dag ji lta ba bzhin du/ gnas dang gnas ma yin pa dang/ dbang pos bsdus pa dang ma bsdus pa dag kyang de bzhin du blta bar bya'o/ /du zhig bden pas bsdus pa dag yin/ du zhig ma bsdus pa dag yin zhe na/ smras pa/ bden pa ni rnam pa gnyis te/ rnam par bzhag pa dang/ rnam par ma bzhag pa'o/ /de la 'phags pa'i bden pa bzhi ni rnam par bzhag pa'i bden pa yin no/ /de bzhin nyid ni rnam par ma bzhag pa'i bden pa yin no/ /de la gsum ni rnam par bzhag pa'i bden pas bsdus pa yin no/ /rgyu mtshan ni bsdus pa dang ma bsdus pa yin no/ /de bzhin nyid ni rnam par ma bzhag pa'i bden pas bsdus pa kho na yin no/ /

【L3 四緣相攝門】

དུ་ཞིག་རྒྱུའི་རྐྱེན་གྱིས་བསྡུས་པ་དག་ཡིན་ནོ། །དུ་ཞིག་མཚུངས་པ་དེ་མ་ཐག་པ་དང༌། དམིགས་པ་དང༌། བདག་པོའི་རྐྱེན་གྱིས་བསྡུས་པ་དག་ཡིན་ཞེ་ན། སྨྲས་པ། རྒྱུ་མཚན་ནི་ཐམས་ཅད་ཀྱིས་བསྡུས་པ་དག་ཡིན་ནོ། །མིང་ནི་མཚུངས་པ་དེ་མ་ཐག་པའི་རྐྱེན་གྱིས་མ་བསྡུས་པ་ཡིན་ནོ། །རྣམ་པར་རྟོག་པ་དང༌། ཡང་དག་པའི་ཤེས་པ་ནི་བཞི་ཆར་གྱིས་བསྡུས་པ་ཡིན་ནོ། །དེ་བཞིན་ཉིད་ནི་དམིགས་པའི་རྐྱེན་གྱིས་བསྡུས་པ་ཁོ་ན་ཡིན་ནོ། །

du zhig rgyu'i rkyen gyis bsdus pa dag yin no/ /du zhig mtshungs pa de ma thag pa dang/ dmigs pa dang/ bdag po'i rkyen gyis bsdus pa dag yin zhe na/ smras pa/ rgyu mtshan ni thams cad kyis bsdus pa dag yin no/ /ming ni mtshungs pa de ma thag pa'i rkyen gyis ma bsdus pa yin no/ /rnam par rtog pa dang/ yang dag pa'i shes pa ni bzhi char gyis bsdus pa yin no/ /de bzhin nyid ni dmigs pa'i rkyen gyis bsdus pa kho na yin no/ /

【L4 四依相攝門】

དུ་ཞིག་ཆོས་ལ་རྟོན་པས་བསྡུས་པ་དག་ཡིན་ནོ། །དུ་ཞིག་དོན་དང༌། ངེས་པའི་དོན་གྱི་མདོ་སྡེ་དང༌། ཡེ་ཤེས་ལ་རྟོན་པས་བསྡུས་པ་དག་ཡིན་ཞེ་ན། སྨྲས་པ། རྒྱུ་མཚན་ནི་རྟོག་པ་གསུམ་གྱིས་བསྡུས་པ་ཡིན་ནོ། །མིང་ནི་ཆོས་ལ་རྟོན་པས་བསྡུས་པ་ཁོ་ན་ཡིན་ནོ། །རྒྱུ་མཚན་ཇི་ལྟ་བ་བཞིན་དུ་རྣམ་པར་རྟོག་པ་ཡང་དེ་བཞིན་ནོ། །དེ་བཞིན་ཉིད་ནི་ཡེ་ཤེས་ཀྱི་སྤྱོད་ཡུལ་ཡིན་པས་དོན་ལ་རྟོན་པས་བསྡུས་པ་ཡིན་ནོ། །ཡང་དག་པའི་ཤེས་པ་ནི་ཡེ་ཤེས་ལ་རྟོན་པ་ཁོ་ནས་བསྡུས་པ་ཡིན་ནོ། །

du zhig chos la rton pas bsdus pa dag yin no/ /du zhig don dang/ nges pa'i don gyi mdo sde dang/ ye shes la rton pas bsdus pa dag yin zhe na/ smras pa/ rgyu mtshan ni rtog pa gsum gyis bsdus pa yin no/ /ming ni chos la rton pas bsdus pa kho na yin no/ /rgyu mtshan ji lta ba bzhin du rnam par rtog pa yang de bzhin no/ /de bzhin nyid ni ye shes kyi spyod yul yin pas don la rton pas bsdus pa yin no/ /yang dag pa'i shes pa ni ye shes la rton pa kho nas bsdus pa yin no/ /

【L5 有色無色等三對門】

དུ་ཞིག་གཟུགས་ཅན་དག་ཡིན༑ དུ་ཞིག་གཟུགས་ཅན་མ་ཡིན་པ་དག་ཡིན་ཞེ་ན། སྨྲས་པ། རྒྱུ་མཚན་ནི་རྣམ་པ་གཉི་ག་ཡིན་ནོ། །རྣམ་པར་རྟོག་པ་དང་ཡང་དག་པའི་ཤེས་པ་ནི་གཟུགས་ཅན་མ་ཡིན་པ་ཡིན་ནོ། །མིང་དང་དེ་བཞིན་ཉིད་ནི་གཉི་ག་མ་ཡིན་ཏེ༑ བརྟགས་པའི་ཡོད་པ་ཡིན་པའི་ཕྱིར་དང༌། བརྗོད་དུ་མེད་པ་ཡིན་པའི་ཕྱིར་རོ། །གཟུགས་ཅན་དང༌། གཟུགས་ཅན་མ་ཡིན་པ་དག་ཇི་ལྟ་བ་བཞིན་དུ་བསྟན་དུ་ཡོད་པ་དང༌། བསྟན་དུ་མེད་པ་དང༌། ཐོགས་པ་དང་བཅས་པ་དང༌། ཐོགས་པ་མེད་པ་དག་ཀྱང་དེ་བཞིན་དུ་བལྟ་བར་བྱའོ། །

du zhig gzugs can dag yin| du zhig gzugs can ma yin pa dag yin zhe na/ smras pa/ rgyu mtshan ni rnam pa gnyi ga yin no/ /rnam par rtog pa dang yang dag pa'i shes pa ni gzugs can ma yin pa yin no/ /ming dang de bzhin nyid ni gnyi ga ma yin te| brtags pa'i yod pa yin pa'i phyir dang/ brjod du med pa yin pa'i phyir ro/ /gzugs can dang/ gzugs can ma yin pa dag ji lta ba bzhin du bstan du yod pa dang/ bstan du med pa dang/ thogs pa dang bcas pa dang/ thogs pa med pa dag kyang de bzhin du blta bar bya'o/ /

【L6 漏無漏門】

དུ་ཞིག་ཟག་པ་དང་བཅས་པ་དག་ཡིན། དུ་ཞིག་ཟག་པ་མེད་པ་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། གཉིས་ནི་ཟག་པ་དང་བཅས་པ་ཡིན་ནོ། །གཉིས་ནི་ཟག་པ་མེད་པ་ཡིན་ཏེ། དེ་བཞིན་ཉིད་ནི་ཟག་པ་མེད་པའི་དམིགས་པའི་དོན་གྱིས་ཟག་པ་མེད་པ་ཡིན་གྱི། ཟག་པ་ཟད་པའི་མཚན་ཉིད་ཀྱི་དོན་གྱིས་ནི་མ་ཡིན་ནོ། །ཡང་དག་པའི་ཤེས་པ་ནི་ཟག་པ་ཟད་པར་བྱ་བའི་ཕྱིར་གཉེན་པོའི་དོན་གྱིས་ཟག་པ་མེད་པ་ཡིན་ནོ།

du zhig zag pa dang bcas pa dag yin/ du zhig zag pa med pa dag yin zhe na/ smras pa/ rgyu mtshan ni gnyi ga yin no/ gnyis ni zag pa dang bcas pa yin no/ /gnyis ni zag pa med pa yin te/ de bzhin nyid ni zag pa med pa'i dmigs pa'i don gyis zag pa med pa yin gyi/ zag pa zad pa'i mtshan nyid kyi don gyis ni ma yin no/ /yang dag pa'i shes pa ni zag pa zad par bya ba'i phyir gnyen po'i don gyis zag pa med pa yin no/

【L7 有為無為門】

དུ་ཞིག་འདུས་བྱས་དག་ཡིན༑ དུ་ཞིག་འདུས་མ་བྱས་པ་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །གསུམ་ནི་འདུས་བྱས་ཡིན་ནོ། །དེ་བཞིན་ཉིད་ནི་འདུས་མ་བྱས་ཡིན་ཏེ། འདུས་བྱས་ཉེ་བར་ཞི་བའི་དམིགས་པའི་དོན་གྱིས་ཡིན་གྱི༑ འདུས་བྱས་ཉེ་བར་ཞི་བའི་མཚན་ཉིད་ཀྱི་དོན་གྱིས་ནི་མ་ཡིན་ནོ། །

du zhig 'dus byas dag yin| du zhig 'dus ma byas pa dag yin zhe na/ smras pa/ rgyu mtshan ni gnyi ga yin no/ /gsum ni 'dus byas yin no/ /de bzhin nyid ni 'dus ma byas yin te/ 'dus byas nye bar zhi ba'i dmigs pa'i don gyis yin gyi| 'dus byas nye bar zhi ba'i mtshan nyid kyi don gyis ni ma yin no/ /

【L8 有諍無諍門】

དུ་ཞིག་ཉོན་མོངས་པ་དང་བཅས་པ་དག་ཡིན། དུ་ཞིག་ཉོན་མོངས་པ་མེད་པ་དག་ཡིན་ཞེ་ན༑ སྨྲས་པ། རྒྱུ་མཚན་ནི་གཉི་ག་ཡིན་ནོ། །གཉིས་ནི་ཉོན་མོངས་པ་དང་བཅས་པ་ཡིན་ནོ། །གཉིས་ནི་ཉོན་མོངས་པ་མེད་པ་ཡིན་ཏེ། འདིར་ཡང་ཟག་པ་དང་བཅས་པ་དང༌། ཟག་པ་མེད་པའི་ཚུལ་བཞིན་དུ་བལྟ་བར་བྱའོ། །ཉོན་མོངས་པ་དང་བཅས་པ་དང༌། ཉོན་མོངས་པ་མེད་པ་དག་ཇི་ལྟ་བ་བཞིན་དུ། ཟང་ཟིང་དང་བཅས་པ་དང༌། ཟང་ཟིང་མེད་པ་དག་དང༌། ཞེན་པ་ལ་བརྟེན་པ་དང༌། མངོན་པར་འབྱུང་བ་ལ་བརྟེན་པ་དག་ཀྱང་དེ་བཞིན་དུ་བལྟ་བར་བྱའོ། །

du zhig nyon mongs pa dang bcas pa dag yin/ du zhig nyon mongs pa med pa dag yin zhe na| smras pa/ rgyu mtshan ni gnyi ga yin no/ /gnyis ni nyon mongs pa dang bcas pa yin no/ /gnyis ni nyon mongs pa med pa yin te/ 'dir yang zag pa dang bcas pa dang/ zag pa med pa'i tshul bzhin du blta bar bya'o/ /nyon mongs pa dang bcas pa dang/ nyon mongs pa med pa dag ji lta ba bzhin du/ zang zing dang bcas pa dang/ zang zing med pa dag dang/ zhen pa la brten pa dang/ mngon par 'byung ba la brten pa dag kyang de bzhin du blta bar bya'o/ /

【L9 世間出世間等二對門】

དུ་ཞིག་འཇིག་རྟེན་པ་དག་ཡིན། དུ་ཞིག་འཇིག་རྟེན་ལས་འདས་པ་དག་ཡིན་ཞེ་ན། སྨྲས་པ། གསུམ་པ་ནི་འཇིག་རྟེན་པ་ཡིན་ནོ། །དེ་བཞིན་ཉིད་ནི་འཇིག་རྟེན་ལས་འདས་པ་ཡིན་ནོ། །ཡང་དག་པའི་ཤེས་པའི་ཕྱོགས་གཅིག་ནི་འཇིག་རྟེན་ལས་འདས་པ་ཡིན་ནོ། །ཕྱོགས་གཅིག་ནི་འཇིག་རྟེན་པ་དང་འཇིག་རྟེན་ལས་འདས་པ་ཡིན་ནོ། །དེ་བཞིན་ཉིད་ཀྱང་ཐ་སྙད་དང་སྤྲོས་པ་ཐམས་ཅད་ཉེ་བར་ཞི་བའི་དམིགས་པའི་དོན་གྱིས་འཇིག་རྟེན་ལས་འདས་པ་ཡིན་གྱི། ཐ་སྙད་དང་སྤྲོས་པ་ཐམས་ཅད་ལས་ཡང་དག་པའི་འདས་པའི་མཚན་ཉིད་ཀྱི་དོན་གྱིས་ནི་མ་ཡིན་ནོ། །འཇིག་རྟེན་པ་དང་འཇིག་རྟེན་ལས་འདས་པ་དག་ཇི་ལྟ་བ་བཞིན་དུ་གཏོགས་པ་དང༌། མ་གཏོགས་པ་དག་ཀྱང་དེ་བཞིན་དུ་བལྟ་བར་བྱའོ། །

du zhig 'jig rten pa dag yin/ du zhig 'jig rten las 'das pa dag yin zhe na/ smras pa/ gsum pa ni 'jig rten pa yin no/ /de bzhin nyid ni 'jig rten las 'das pa yin no/ /yang dag pa'i shes pa'i phyogs gcig ni 'jig rten las 'das pa yin no/ /phyogs gcig ni 'jig rten pa dang 'jig rten las 'das pa yin no/ /de bzhin nyid kyang tha snyad dang spros pa thams cad nye bar zhi ba'i dmigs pa'i don gyis 'jig rten las 'das pa yin gyi/ tha snyad dang spros pa thams cad las yang dag pa'i 'das pa'i mtshan nyid kyi don gyis ni ma yin no/ /'jig rten pa dang 'jig rten las 'das pa dag ji lta ba bzhin du gtogs pa dang/ ma gtogs pa dag kyang de bzhin du blta bar bya'o/ /

【L10 內外等四對分別門】

དུ་ཞིག་ནང་གི་དག་ཡིན། དུ་ཞིག་ཕྱི་རོལ་གྱི་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །མིང་ནི་ཕྱི་རོལ་ཡིན་ནོ། །རྣམ་པར་རྟོག་པ་ནི་སྐྱེ་བར་གཏོགས་པ་ལས་ནི་གཉི་ག་ཡིན་ནོ། །དེ་བཞིན་ཉིད་ནི་གཉི་ག་མ་ཡིན་ནོ། །རྣམ་པར་རྟོག་པ་ཇི་ལྟ་བ་བཞིན་དུ། ཡང་དག་པའི་ཤེས་པ་ཡང་དེ་བཞིན་ནོ། །དུ་ཞིག་རགས་པ་དག་ཡིན། དུ་ཞིག་ཕྲ་བ་དག་ཡིན་ཞེ་ན། སྨྲས་པ། གསུམ་ནི་རྣམ་པ་གཉི་གར་ཡིན་ནོ། །དེ་བཞིན་ཉིད་ནི་ཕྲ་བ་ཡིན་ཏེ། རྣམ་པར་ཤེས་པར་དཀའ་བའི་དོན་གྱིས་ཡིན་གྱི། མཚན་མ་ཉིད་དབྲི་ཞིང་བསྐྱུང་བའི་དོན་གྱིས་ནི་མ་ཡིན་ནོ། །ཡང་དག་པའི་ཤེས་པ་ཡང་ཕྲ་བ་ཉིད་ཡིན་ཏེ། དོན་ཆ་ཕྲ་བ་རྟོགས་པར་བྱེད་པའི་ཕྱིར་རོ། །དུ་ཞིག་དམན་པ་དག་ཡིན། དུ་ཞིག་གྱ་ནོམ་པ་དག་ཡིན་ཞེ་ན། སྨྲས་པ། གསུམ་ནི་གཉི་ག་ཡིན་ནོ། །དེ་བཞིན་ཉིད་ནི་གྱ་ནོམ་པ་ཡིན་ཏེ། རྣམ་པར་དག་པའི་དམིགས་པའི་དོན་གྱིས་ཡིན་གྱི། ཉམས་པ་དང༌། ཁྱད་པར་དུ་འགྲོ་བའི་བདག་ཉིད་ཀྱི་དོན་གྱིས་ནི་མ་ཡིན་ནོ། །ཡང་དག་པའི་ཤེས་པ་ཡང་གྱ་ནོམ་པ་ཡིན་ཏེ། དེ་བཞིན་ཉིད་ཀྱི་སྤྱོད་ཡུལ་པའི་དོན་གྱིས་སོ། །དུ་ཞིག་ཐག་རིང་བ་དག་ཡིན། དུ་ཞིག་ཐག་ཉེ་བ་དག་ཡིན་ཞེ་ན༑ སྨྲས་པ། གཅིག་ནི་ཡུལ་ཐག་རིང་བ་དང༌། དུས་ཐག་རིང་བས་གཉི་ག་ཡིན་ནོ། །མིང་དང་རྣམ་པར་རྟོག་པ་དང༌། ཡང་དག་པའི་ཤེས་པ་ནི་དུས་ཐག་རིང་བ་ཁོ་ནས་གཉི་ག་ཡིན་ནོ། །དེ་བཞིན་ཉིད་ནི་གཉི་གས་གཉི་ག་མ་ཡིན་ཏེ། འདུས་མ་བྱས་པའི་ཕྱིར་རོ། །

du zhig nang gi dag yin/ du zhig phyi rol gyi dag yin zhe na/ smras pa/ rgyu mtshan ni gnyi ga yin no/ /ming ni phyi rol yin no/ /rnam par rtog pa ni skye bar gtogs pa las ni gnyi ga yin no/ /de bzhin nyid ni gnyi ga ma yin no/ /rnam par rtog pa ji lta ba bzhin du/ yang dag pa'i shes pa yang de bzhin no/ /du zhig rags pa dag yin/ du zhig phra ba dag yin zhe na/ smras pa/ gsum ni rnam pa gnyi gar yin no/ /de bzhin nyid ni phra ba yin te/ rnam par shes par dka' ba'i don gyis yin gyi/ mtshan ma nyid dbri zhing bskyung ba'i don gyis ni ma yin no/ /yang dag pa'i shes pa yang phra ba nyid yin te/ don cha phra ba rtogs par byed pa'i phyir ro/ /du zhig dman pa dag yin/ du zhig gya nom pa dag yin zhe na/ smras pa/ gsum ni gnyi ga yin no/ /de bzhin nyid ni gya nom pa yin te/ rnam par dag pa'i dmigs pa'i don gyis yin gyi/ nyams pa dang/ khyad par du 'gro ba'i bdag nyid kyi don gyis ni ma yin no/ /yang dag pa'i shes pa yang gya nom pa yin te/ de bzhin nyid kyi spyod yul pa'i don gyis so/ /du zhig thag ring ba dag yin/ du zhig thag nye ba dag yin zhe na| smras pa/ gcig ni yul thag ring ba dang/ dus thag ring bas gnyi ga yin no/ /ming dang rnam par rtog pa dang/ yang dag pa'i shes pa ni dus thag ring ba kho nas gnyi ga yin no/ /de bzhin nyid ni gnyi gas gnyi ga ma yin te/ 'dus ma byas pa'i phyir ro/ /

【L11 有執無執門】

དུ་ཞིག་ཟིན་པ་དག་ཡིན། དུ་ཞིག་མ་ཟིན་པ་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །མིང་དང་རྣམ་པར་རྟོག་པ་དང༌། ཡང་དག་པའི་ཤེས་པ་ནི་མ་ཟིན་པ་ཡིན་ནོ། །དེ་བཞིན་ཉིད་ནི་གཉི་ག་མ་ཡིན་ནོ། །

du zhig zin pa dag yin/ du zhig ma zin pa dag yin zhe na/ smras pa/ rgyu mtshan ni gnyi ga yin no/ /ming dang rnam par rtog pa dang/ yang dag pa'i shes pa ni ma zin pa yin no/ /de bzhin nyid ni gnyi ga ma yin no/ /

【L12 同分彼同分門】

དུ་ཞིག་མཚུངས་པ་དག་ཡིན། དུ་ཞིག་དེ་དག་དང་མཚུངས་པ་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །ལྷག་མ་རྣམས་ནི་གཉི་ག་མ་ཡིན་ཏེ། མཚུངས་པར་ལྡན་པ་དེ་དག་དང་མཚུངས་པ་ནི་དབང་པོ་གཟུགས་ཅན་རྣམས་ལ་རྣམ་པར་གཞག་པ་ཡིན་པའི་ཕྱིར་རོ༑ །

du zhig mtshungs pa dag yin/ du zhig de dag dang mtshungs pa dag yin zhe na/ smras pa/ rgyu mtshan ni gnyi ga yin no/ /lhag ma rnams ni gnyi ga ma yin te/ mtshungs par ldan pa de dag dang mtshungs pa ni dbang po gzugs can rnams la rnam par gzhag pa yin pa'i phyir ro| /

【L13 因非因等六對門門】

དུ་ཞིག་རྒྱུ་ཡིན། དུ་ཞིག་རྒྱུ་མ་ཡིན་ཞེ་ན། སྨྲས་པ། བཞི་ནི་རྒྱུ་ཡིན་ནོ། །དེ་བཞིན་ཉིད་ནི་རྒྱུ་མ་ཡིན་ནོ། །རྒྱུ་དང་རྒྱུ་མ་ཡིན་པ་ཇི་ལྟ་བ་བཞིན་དུ། འབྲས་བུ་དང༌། འབྲས་བུ་མ་ཡིན་པ་དང༌། རྒྱུ་དང་བཅས་པ་དང༌། རྒྱུ་དང་བཅས་པ་མ་ཡིན་པ་དང༌། འབྲས་བུ་དང་བཅས་པ་དང༌། འབྲས་བུ་དང་བཅས་པ་མ་ཡིན་པ་དག་ཀྱང་དེ་བཞིན་དུ་བལྟ་བར་བྱའོ། །དུ་ཞིག་རྣམ་པར་སྨིན་པ་ཡིན། དུ་ཞིག་རྣམ་པར་སྨིན་པ་མ་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །མིང་ནི་རྣམ་པར་སྨིན་པ་མ་ཡིན་ནོ། །རྣམ་པར་རྟོག་པ་ཡང་གཉི་ག་ཡིན་ནོ། །དེ་བཞིན་ཉིད་ནི་གཉི་ག་མ་ཡིན་ནོ། །ཡང་དག་པའི་ཤེས་པ་ཡང་རྣམ་པར་སྨིན་པ་མ་ཡིན་ནོ། །དུ་ཞིག་རྣམ་པར་སྨིན་པ་དང་བཅས་པ་དག་ཡིན། དུ་ཞིག་རྣམ་པར་སྨིན་པ་མེད་པ་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །མིང་ནི་རྣམ་པར་སྨིན་པ་མེད་པ་ཡིན་ནོ། །རྣམ་པར་རྟོག་པ་ཡང་གཉི་ག་ཡིན་ནོ། །དེ་བཞིན་ཉིད་ནི་གཉི་ག་མ་ཡིན་ནོ། །ཡང་དག་པའི་ཤེས་པ་ནི་རྣམ་པར་སྨིན་པ་མེད་པ་ཁོ་ན་ཡིན་ནོ། །

du zhig rgyu yin/ du zhig rgyu ma yin zhe na/ smras pa/ bzhi ni rgyu yin no/ /de bzhin nyid ni rgyu ma yin no/ /rgyu dang rgyu ma yin pa ji lta ba bzhin du/ 'bras bu dang/ 'bras bu ma yin pa dang/ rgyu dang bcas pa dang/ rgyu dang bcas pa ma yin pa dang/ 'bras bu dang bcas pa dang/ 'bras bu dang bcas pa ma yin pa dag kyang de bzhin du blta bar bya'o/ /du zhig rnam par smin pa yin/ du zhig rnam par smin pa ma yin zhe na/ smras pa/ rgyu mtshan ni gnyi ga yin no/ /ming ni rnam par smin pa ma yin no/ /rnam par rtog pa yang gnyi ga yin no/ /de bzhin nyid ni gnyi ga ma yin no/ /yang dag pa'i shes pa yang rnam par smin pa ma yin no/ /du zhig rnam par smin pa dang bcas pa dag yin/ du zhig rnam par smin pa med pa dag yin zhe na/ smras pa/ rgyu mtshan ni gnyi ga yin no/ /ming ni rnam par smin pa med pa yin no/ /rnam par rtog pa yang gnyi ga yin no/ /de bzhin nyid ni gnyi ga ma yin no/ /yang dag pa'i shes pa ni rnam par smin pa med pa kho na yin no/ /

【L14 有所緣無所緣等四對門】

དུ་ཞིག་དམིགས་པ་དང་བཅས་པ་དག་ཡིན། དུ་ཞིག་དམིགས་པ་མེད་པ་དག་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །མིང་ནི་དམིགས་པ་མེད་པ་ཡིན་ནོ། །རྣམ་པར་རྟོག་པ་དང་ཡང་དག་པའི་ཤེས་པ་ནི་དམིགས་པ་དང་བཅས་པ་ཡིན་ནོ། །དེ་བཞིན་ཉིད་ནི་གཉི་ག་མ་ཡིན་ནོ། །དམིགས་པ་དང་བཅས་པ་དང་དམིགས་པ་མེད་པ་དག་ཇི་ལྟ་བ་བཞིན་དུ། མཚུངས་པར་ལྡན་པ་དང༌། མཚུངས་པར་ལྡན་པ་མ་ཡིན་པ་དག་དང༌། རྣམ་པ་དང་བཅས་པ་དང་རྣམ་པ་མེད་པ་དག་དང༌། གནས་དང་བཅས་པ་དང་གནས་མེད་པ་དག་ཀྱང་དེ་བཞིན་དུ་བལྟ་བར་བྱའོ། །

du zhig dmigs pa dang bcas pa dag yin/ du zhig dmigs pa med pa dag yin zhe na/ smras pa/ rgyu mtshan ni gnyi ga yin no/ /ming ni dmigs pa med pa yin no/ /rnam par rtog pa dang yang dag pa'i shes pa ni dmigs pa dang bcas pa yin no/ /de bzhin nyid ni gnyi ga ma yin no/ /dmigs pa dang bcas pa dang dmigs pa med pa dag ji lta ba bzhin du/ mtshungs par ldan pa dang/ mtshungs par ldan pa ma yin pa dag dang/ rnam pa dang bcas pa dang rnam pa med pa dag dang/ gnas dang bcas pa dang gnas med pa dag kyang de bzhin du blta bar bya'o/ /

【L15 有上無上門】

དུ་ཞིག་བླ་ན་ཡོད་པ་དག་ཡིན། དུ་ཞིག་བླ་ན་མེད་པ་དག་ཡིན་ཞེ་ན། སྨྲས་པ༑ བཞི་ནི་བླ་ན་ཡོད་པ་ཡིན་ནོ། །དེ་བཞིན་ཉིད་ནི་བླ་ན་མེད་པ་ཡིན་ཏེ། འདུས་མ་བྱས་དང་རྣམ་པར་དག་པའི་དམིགས་པའི་དོན་གྱིས་སོ། །

du zhig bla na yod pa dag yin/ du zhig bla na med pa dag yin zhe na/ smras pa| bzhi ni bla na yod pa yin no/ /de bzhin nyid ni bla na med pa yin te/ 'dus ma byas dang rnam par dag pa'i dmigs pa'i don gyis so/ /

【L16 三世非世門】

དུ་ཞིག་འདས་པ་དང༌། མ་འོངས་པ་དང༌། ད་ལྟར་བྱུང་བ་དག་ཡིན། དུ་ཞིག་འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་པ་དག་ཡིན་ཞེ་ན། སྨྲས་པ། བཞི་ནི་རྣམ་པ་གསུམ་ཅར་ཡིན་ནོ། །དེ་བཞིན་ཉིད་ནི་རྣམ་པ་གསུམ་ཆར་མ་ཡིན་ནོ། །

du zhig 'das pa dang/ ma 'ongs pa dang/ da ltar byung ba dag yin/ du zhig 'das pa yang ma yin/ ma 'ongs pa yang ma yin/ da ltar byung ba yang ma yin pa dag yin zhe na/ smras pa/ bzhi ni rnam pa gsum car yin no/ /de bzhin nyid ni rnam pa gsum char ma yin no/ /

【L17 三界繫門】

དུ་ཞིག་འདོད་པ་དང་ལྡན་པ་ཡིན་ཞེ་ན། སྨྲས་པ། གསུམ་མོ། དུ་ཞིག་གཟུགས་དང་ལྡན་པ་དག་ཡིན་ཞེ་ན༑ སྨྲས་པ། གསུམ་ཁོ་ནའོ། །གཟུགས་མེད་པ་དང་ལྡན་དག་ཀྱང་དེ་ཁོ་ན་བཞིན་ནོ། །དུ་ཞིག་ལྡན་པ་མ་ཡིན་དག་ཡིན་ཞེ་ན། སྨྲས་པ། གཅིག་སྟེ། ཡང་དག་པའི་ཤེས་པ་འཇིག་རྟེན་ལས་འདས་པ་གང་ཡིན་པའོ། །ཡང་དག་པའི་ཤེས་པ་འཇིག་རྟེན་པ་དང་འཇིག་རྟེན་ལས་འདས་པ་གང་ཡིན་པ་དེ་ནི་ལྡན་པ་དང་མི་ལྡན་པ་ཡིན་ནོ། །དེ་བཞིན་ཉིད་ནི་གཉི་ག་མ་ཡིན་ནོ། །

du zhig 'dod pa dang ldan pa yin zhe na/ smras pa/ gsum mo/ du zhig gzugs dang ldan pa dag yin zhe na| smras pa/ gsum kho na'o/ /gzugs med pa dang ldan dag kyang de kho na bzhin no/ /du zhig ldan pa ma yin dag yin zhe na/ smras pa/ gcig ste/ yang dag pa'i shes pa 'jig rten las 'das pa gang yin pa'o/ /yang dag pa'i shes pa 'jig rten pa dang 'jig rten las 'das pa gang yin pa de ni ldan pa dang mi ldan pa yin no/ /de bzhin nyid ni gnyi ga ma yin no/ /

【L18 三性分別門】

དུ་ཞིག་དགེ་བ་དག་ཡིན། དུ་ཞིག་མི་དགེ་བ་དག་ཡིན། དུ་ཞིག་ལུང་དུ་མ་བསྟན་པ་དག་ཡིན་ཞེ་ན། སྨྲས་པ། རྒྱུ་མཚན་དང་རྣམ་པར་རྟོག་པ་ནི་རྣམ་པ་གསུམ་ཅར་ཡིན་ནོ། །མིང་ནི་ལུང་དུ་མ་བསྟན་པ་ཡིན་ནོ། །དེ་བཞིན་ཉིད་ནི་དགེ་བ་ཡིན་ཏེ། རྣམ་པར་དག་པ་དགེ་བའི་དམིགས་པའི་དོན་གྱིས་ཡིན་གྱི༑ འདོད་པའི་ཡོན་ཏན་འབྲས་བུ་ཡོངས་སུ་འཛིན་པ་འབྱུང་བའི་མཚན་ཉིད་ཀྱི་དོན་གྱིས་ནི་མ་ཡིན་ནོ། །ཡང་དག་པའི་ཤེས་པ་ནི་དགེ་བ་ཁོ་ན་ཡིན་ནོ། །

du zhig dge ba dag yin/ du zhig mi dge ba dag yin/ du zhig lung du ma bstan pa dag yin zhe na/ smras pa/ rgyu mtshan dang rnam par rtog pa ni rnam pa gsum car yin no/ /ming ni lung du ma bstan pa yin no/ /de bzhin nyid ni dge ba yin te/ rnam par dag pa dge ba'i dmigs pa'i don gyis yin gyi| 'dod pa'i yon tan 'bras bu yongs su 'dzin pa 'byung ba'i mtshan nyid kyi don gyis ni ma yin no/ /yang dag pa'i shes pa ni dge ba kho na yin no/ /

【L19 三慧境行門】

དུ་ཞིག་ཐོས་པ་ལས་བྱུང་བ་དང༌། དུ་ཞིག་ཐོས་པ་ལས་བྱུང་བའི་སྤྱོད་ཡུལ་དག་ཡིན༑ དུ་ཞིག་བསམས་པ་ལས་བྱུང་བ་དང༌། བསྒོམས་པ་ལས་བྱུང་བ་དང༌། བསམས་པ་ལས་བྱུང་བ་དང༌། བསྒོམས་པ་ལས་བྱུང་བའི་སྤྱོད་ཡུལ་དག་ཡིན་ཞེ་ན༑ སྨྲས་པ། རྒྱུ་མཚན་དང་རྣམ་པར་རྟོག་པ་ནི། རྣམ་པ་གསུམ་ཆར་ཡིན་ལ། རྣམ་པ་གསུམ་ཆར་གྱི་སྤྱོད་ཡུལ་ཡང་ཡིན་ནོ། །མིང་ནི་ཐོས་པ་དང་བསམས་པ་ལས་བྱུང་བ་ཡིན་ལ། རྣམ་པ་གསུམ་ཆར་གྱི་སྤྱོད་ཡུལ་ཡང་ཡིན་ནོ། །དེ་བཞིན་ཉིད་ནི་རྣམ་པ་གསུམ་ཆར་མ་ཡིན་ལ། བསྒོམས་པ་ལས་བྱུང་བའི་སྤྱོད་ཡུལ་ཁོ་ན་ཡིན་ནོ། །ཡང་དག་པའི་ཤེས་པ་ནི་བསྒོམས་པ་ལས་བྱུང་བ་ཡིན་ལ། རྣམ་པ་གསུམ་ཆར་གྱི་སྤྱོད་ཡུལ་ཡིན་ནོ། །

du zhig thos pa las byung ba dang/ du zhig thos pa las byung ba'i spyod yul dag yin| du zhig bsams pa las byung ba dang/ bsgoms pa las byung ba dang/ bsams pa las byung ba dang/ bsgoms pa las byung ba'i spyod yul dag yin zhe na| smras pa/ rgyu mtshan dang rnam par rtog pa ni/ rnam pa gsum char yin la/ rnam pa gsum char gyi spyod yul yang yin no/ /ming ni thos pa dang bsams pa las byung ba yin la/ rnam pa gsum char gyi spyod yul yang yin no/ /de bzhin nyid ni rnam pa gsum char ma yin la/ bsgoms pa las byung ba'i spyod yul kho na yin no/ /yang dag pa'i shes pa ni bsgoms pa las byung ba yin la/ rnam pa gsum char gyi spyod yul yin no/ /

【L20 三三昧行境門】

དུ་ཞིག་སྟོང་པ་ཉིད་དང༌། སྟོང་པ་ཉིད་ཀྱི་སྤྱོད་ཡུལ་དག་ཡིན། དུ་ཞིག་སྨོན་པ་མེད་པ་དང༌། མཚན་མ་མེད་པ་དང༌། སྨོན་པ་མེད་པ་དང༌། མཚན་མ་མེད་པའི་སྤྱོད་ཡུལ་དག་ཡིན་ཞེ་ན། སྨྲས་པ། རྒྱུ་མཚན་ནི་རྣམ་པ་གསུམ་ཆར་ཡིན་ལ། རྣམ་པ་གསུམ་ཆར་གྱི་སྤྱོད་ཡུལ་ཡང་ཡིན། མིང་ནི་རྣམ་པ་གསུམ་ཆར་མ་ཡིན་ལ། རྣམ་པ་གཉིས་ཀྱི་སྤྱོད་ཡུལ་ཡིན་ནོ། །རྣམ་པར་རྟོག་པ་ནི་རྣམ་པ་གསུམ་ཆར་ཡིན་ལ། རྣམ་པ་གཉིས་ཀྱི་སྤྱོད་ཡུལ་ཡིན་ནོ། །དེ་བཞིན་ཉིད་ནི་རྣམ་པ་གསུམ་ཆར་ཡང་མ་ཡིན་ལ། སྟོང་པ་ཉིད་ཀྱི་སྤྱོད་ཡུལ་དང༌། མཚན་མ་མེད་པའི་སྤྱོད་ཡུལ་ཡིན་ནོ། །ཡང་དག་པའི་ཤེས་པ་ནི་རྣམ་པ་གསུམ་ཆར་ཡིན་ལ། སྟོང་པ་ཉིད་ཀྱི་སྤྱོད་ཡུལ་ཡིན་ནོ། །གང་དུ་སྟོང་པ་ཉིད་དང༌། སྨོན་པ་མེད་པ་དང༌། མཚན་མ་མེད་པ་བྱེ་བྲག་མེད་པར་གསུངས་པ་དེར་ནི་དེ་དག་ཐོས་པ་དང༌། བསམས་པ་དང༌། བསྒོམས་པ་ལས་བྱུང་བ་ཉིད་ཡིན་པར་བལྟ་བར་བྱའོ། །གང་དུ་དེ་དག་ཏིང་ངེ་འཛིན་གྱི་སྒྲ་ཁོ་ནར་གསུངས་པ་དེར་ནི་དེ་དག་བསྒོམས་པ་ལས་བྱུང་བ་འཇིག་རྟེན་པ་དང༌། འཇིག་རྟེན་ལས་འདས་པ་ཡིན་པར་བལྟ་བར་བྱའོ། །གང་དུ་དེ་དག་རྣམ་པར་ཐར་པའི་སྒོའི་སྒྲ་ཁོ་ནར་གསུངས་པ་དེར་ནི་དེ་དག་འཇིག་རྟེན་ལས་འདས་པ་ཉིད་ཡིན་པར་བལྟ་བར་བྱའོ། །

du zhig stong pa nyid dang/ stong pa nyid kyi spyod yul dag yin/ du zhig smon pa med pa dang/ mtshan ma med pa dang/ smon pa med pa dang/ mtshan ma med pa'i spyod yul dag yin zhe na/ smras pa/ rgyu mtshan ni rnam pa gsum char yin la/ rnam pa gsum char gyi spyod yul yang yin/ ming ni rnam pa gsum char ma yin la/ rnam pa gnyis kyi spyod yul yin no/ /rnam par rtog pa ni rnam pa gsum char yin la/ rnam pa gnyis kyi spyod yul yin no/ /de bzhin nyid ni rnam pa gsum char yang ma yin la/ stong pa nyid kyi spyod yul dang/ mtshan ma med pa'i spyod yul yin no/ /yang dag pa'i shes pa ni rnam pa gsum char yin la/ stong pa nyid kyi spyod yul yin no/ /gang du stong pa nyid dang/ smon pa med pa dang/ mtshan ma med pa bye brag med par gsungs pa der ni de dag thos pa dang/ bsams pa dang/ bsgoms pa las byung ba nyid yin par blta bar bya'o/ /gang du de dag ting nge 'dzin gyi sgra kho nar gsungs pa der ni de dag bsgoms pa las byung ba 'jig rten pa dang/ 'jig rten las 'das pa yin par blta bar bya'o/ /gang du de dag rnam par thar pa'i sgo'i sgra kho nar gsungs pa der ni de dag 'jig rten las 'das pa nyid yin par blta bar bya'o/ /

【L21 戒定慧三學伴境門】

དུ་ཞིག་ལྷག་པའི་ཚུལ་ཁྲིམས་དང༌། ལྷག་པའི་ཚུལ་ཁྲིམས་ཀྱི་འཁོར་དག་ཡིན། དུ་ཞིག་ལྷག་པའི་སེམས་དང༌། ལྷག་པའི་ཤེས་རབ་དང༌། ལྷག་པའི་སེམས་དང༌། ལྷག་པའི་ཤེས་རབ་ཀྱི་སྤྱོད་ཡུལ་དག་ཡིན་ཞེ་ན། སྨྲས་པ། རྒྱུ་མཚན་ནི་ལྷག་པའི་ཚུལ་ཁྲིམས་ཀྱང་ཡིན། ལྷག་པའི་ཚུལ་ཁྲིམས་ཀྱི་འཁོར་ཀྱང་ཡིན། །ལྷག་པའི་སེམས་དང༌། ལྷག་པའི་ཤེས་རབ་ཀྱང་ཡིན། དེ་དག་གི་སྤྱོད་ཡུལ་ཡང་ཡིན་ནོ། །མིང་ནི་ལྷག་པའི་ཚུལ་ཁྲིམས་ཀྱི་འཁོར་དང༌། ལྷག་པའི་སེམས་དང༌། ལྷག་པའི་ཤེས་རབ་ཀྱི་སྤྱོད་ཡུལ་ཡིན་ནོ། །རྣམ་པར་རྟོག་པ་ནི་ལྷག་པའི་སེམས་དང༌། ལྷག་པའི་ཤེས་རབ་ཡིན་ལ། དེ་དག་གི་སྤྱོད་ཡུལ་དང་ལྷག་པའི་ཚུལ་ཁྲིམས་ཀྱི་འཁོར་ཀྱང་ཡིན་ནོ། །དེ་བཞིན་ཉིད་ནི་རྣམ་པ་གསུམ་ཆར་མ་ཡིན་ལ། ལྷག་པའི་སེམས་དང༌། ལྷག་པའི་ཤེས་རབ་ཀྱི་སྤྱོད་ཡུལ་ཡིན་ནོ། །ཡང་དག་པའི་ཤེས་པ་ནི་ལྷག་པའི་སེམས་དང༌། ལྷག་པའི་ཤེས་རབ་ཡིན་ལ། དེ་གཉིས་ཀྱི་སྤྱོད་ཡུལ་དང་ལྷག་པའི་ཚུལ་ཁྲིམས་ཀྱི་འཁོར་ཀྱང་ཡིན་ནོ། །

du zhig lhag pa'i tshul khrims dang/ lhag pa'i tshul khrims kyi 'khor dag yin/ du zhig lhag pa'i sems dang/ lhag pa'i shes rab dang/ lhag pa'i sems dang/ lhag pa'i shes rab kyi spyod yul dag yin zhe na/ smras pa/ rgyu mtshan ni lhag pa'i tshul khrims kyang yin/ lhag pa'i tshul khrims kyi 'khor kyang yin/ /lhag pa'i sems dang/ lhag pa'i shes rab kyang yin/ de dag gi spyod yul yang yin no/ /ming ni lhag pa'i tshul khrims kyi 'khor dang/ lhag pa'i sems dang/ lhag pa'i shes rab kyi spyod yul yin no/ /rnam par rtog pa ni lhag pa'i sems dang/ lhag pa'i shes rab yin la/ de dag gi spyod yul dang lhag pa'i tshul khrims kyi 'khor kyang yin no/ /de bzhin nyid ni rnam pa gsum char ma yin la/ lhag pa'i sems dang/ lhag pa'i shes rab kyi spyod yul yin no/ /yang dag pa'i shes pa ni lhag pa'i sems dang/ lhag pa'i shes rab yin la/ de gnyis kyi spyod yul dang lhag pa'i tshul khrims kyi 'khor kyang yin no/ /

【L22 學等三門】

དུ་ཞིག་སློབ་པ་དག་ཡིན། དུ་ཞིག་མི་སློབ་པ་དག་ཡིན། དུ་ཞིག་སློབ་པ་ཡང་མ་ཡིན། མི་སློབ་པ་ཡང་མ་ཡིན་པ་དག་ཡིན་ཞེ་ན། སྨྲས་པ། རྒྱུ་མཚན་དང༌། རྣམ་པར་རྟོག་པ་ནི་རྣམ་པ་གསུམ་ཆར་ཡིན་ནོ། །མིང་ནི་སློབ་པ་ཡང་མ་ཡིན་མི་སློབ་པ་ཡང་མ་ཡིན་ནོ། །དེ་བཞིན་ཉིད་ཀྱང་སློབ་པ་ཡང་མ་ཡིན་མི་སློབ་པ་ཡང་མ་ཡིན་ཏེ། འདུས་མ་བྱས་པའི་ཕྱིར་རོ། །ཡང་དག་པའི་ཤེས་པ་ནི་སློབ་པ་དང་མི་སློབ་པ་ཡིན་ནོ། །

du zhig slob pa dag yin/ du zhig mi slob pa dag yin/ du zhig slob pa yang ma yin/ mi slob pa yang ma yin pa dag yin zhe na/ smras pa/ rgyu mtshan dang/ rnam par rtog pa ni rnam pa gsum char yin no/ /ming ni slob pa yang ma yin mi slob pa yang ma yin no/ /de bzhin nyid kyang slob pa yang ma yin mi slob pa yang ma yin te/ 'dus ma byas pa'i phyir ro/ /yang dag pa'i shes pa ni slob pa dang mi slob pa yin no/ /

【L23 三斷分別門】

དུ་ཞིག་མཐོང་བས་སྤང་བར་བྱ་བ་དག་ཡིན། དུ་ཞིག་བསྒོམས་པས་སྤང་བར་བྱ་བ་དག་ཡིན། དུ་ཞིག་སྤང་བར་བྱ་བ་མ་ཡིན་པ་དག་ཡིན་ཞེ་ན། སྨྲས་པ། རྒྱུ་མཚན་ནི་རྣམ་པ་ཐམས་ཅད་ཡིན་ནོ། །མིང་ནི་བསྒོམས་པས་སྤང་བར་བྱ་བ་ཡིན་ནོ། །རྣམ་པར་རྟོག་པ་ནི་མཐོང་བས་སྤང་བར་བྱ་བ་དང༌། བསྒོམས་པས་སྤང་བར་བྱ་བ་ཡིན་ནོ། །དེ་བཞིན་ཉིད་ནི་སྤང་བར་བྱ་བ་མ་ཡིན་ནོ༑ །ཡང་དག་པའི་ཤེས་པ་ནི་སྤང་བར་བྱ་བ་ཡིན་པ་ཁོ་ན་ཡིན་ནོ། །

du zhig mthong bas spang bar bya ba dag yin/ du zhig bsgoms pas spang bar bya ba dag yin/ du zhig spang bar bya ba ma yin pa dag yin zhe na/ smras pa/ rgyu mtshan ni rnam pa thams cad yin no/ /ming ni bsgoms pas spang bar bya ba yin no/ /rnam par rtog pa ni mthong bas spang bar bya ba dang/ bsgoms pas spang bar bya ba yin no/ /de bzhin nyid ni spang bar bya ba ma yin no| /yang dag pa'i shes pa ni spang bar bya ba yin pa kho na yin no/ /

【L24 四念住境門】

རྒྱུ་མཚན་ལ་དམིགས་ནས་དྲན་པ་ཉེ་བར་གཞག་པ་དུ་ཞིག་སྒོམ་པར་བྱེད་ཅེ་ན། སྨྲས་པ། བཞི་ཆར་རོ། །མིང་ལ་དམིགས་ནས་དུ་ཞིག་ཅེ་ན། སྨྲས་པ། གཅིག་སྟེ། ཆོས་དྲན་པ་ཉེ་བར་གཞག་པའོ། །རྣམ་པར་རྟོག་པ་ལ་དམིགས་ནས་དུ་ཞིག་ཅེ་ན། སྨྲས་པ། གསུམ་སྟེ། ཚོར་བ་དང༌། སེམས་དང༌། ཆོས་དྲན་པ་ཉེ་བར་གཞག་པའོ། །དེ་བཞིན་ཉིད་ལ་དམིགས་ནས་དུ་ཞིག་ཅེ་ན། སྨྲས་པ། གཅིག་སྟེ། ཆོས་དྲན་པ་ཉེ་བར་གཞག་པའོ། །ལུས་ཀྱི་མཚན་མའི་དེ་བཞིན་ཉིད་ཡིད་ལ་བྱེད་པ་ན་ཡང་འདྲེས་པ་ལ་དམིགས་པའི་ཆོས་དྲན་པ་ཉེ་བར་གཞག་པ་སྒོམ་པར་བྱེད་དོ། །ཆོར་བ་དང༌། སེམས་དང༌། ཆོས་ཀྱིས་མཚན་ཉིད་དག་ལ་ཡང་དེ་བཞིན་ནོ། །ཡང་དག་པའི་ཤེས་པ་ལ་དམིགས་ནས་དུ་ཞིག་ཅེ་ན། སྨྲས་པ། གསུམ་ཁོ་ན་སྟེ་རྣམ་པར་རྟོག་པ་བཞིན་ནོ། །

rgyu mtshan la dmigs nas dran pa nye bar gzhag pa du zhig sgom par byed ce na/ smras pa/ bzhi char ro/ /ming la dmigs nas du zhig ce na/ smras pa/ gcig ste/ chos dran pa nye bar gzhag pa'o/ /rnam par rtog pa la dmigs nas du zhig ce na/ smras pa/ gsum ste/ tshor ba dang/ sems dang/ chos dran pa nye bar gzhag pa'o/ /de bzhin nyid la dmigs nas du zhig ce na/ smras pa/ gcig ste/ chos dran pa nye bar gzhag pa'o/ /lus kyi mtshan ma'i de bzhin nyid yid la byed pa na yang 'dres pa la dmigs pa'i chos dran pa nye bar gzhag pa sgom par byed do/ /chor ba dang/ sems dang/ chos kyis mtshan nyid dag la yang de bzhin no/ /yang dag pa'i shes pa la dmigs nas du zhig ce na/ smras pa/ gsum kho na ste rnam par rtog pa bzhin no/ /

【L25 為境捨戒門】

རྒྱུ་མཚན་ལ་དམིགས་ནས་སྡིག་པ་མི་དགེ་བའི་ཆོས་སྐྱེས་སོ་ཅོག་སྤོང་བར་བརྗོད་པར་བྱའམ༑ མི་སྤོང་བར་བརྗོད་པར་བྱ་ཞེ་ན། སྨྲས་པ། རྣམ་པར་གནོན་པའི་སྤོང་བས་སྤོང་བར་བརྗོད་པར་བྱའི། བག་ལ་ཉལ་ཡང་དག་པར་འཇོམས་པའི་སྤོང་བས་ནི་མ་ཡིན་ནོ། །རྒྱུ་མཚན་ལ་ཇི་ལྟ་བ་བཞིན་དུ་མིང་དང་རྣམ་པར་རྟོག་པ་ཡང་དེ་བཞིན་ནོ། །དེ་བཞིན་ཉིད་ལ་དམིགས་པ་དང༌། ཡང་དག་པར་ཤེས་པ་ལ་དམིགས་པ་དང༌། བག་ལ་ཉལ་ཡང་དག་པར་འཇོམས་པའི་སྤོང་བས་ཀྱང་སྤོང་བར་བརྗོད་པར་བྱའོ། །

rgyu mtshan la dmigs nas sdig pa mi dge ba'i chos skyes so cog spong bar brjod par bya'am| mi spong bar brjod par bya zhe na/ smras pa/ rnam par gnon pa'i spong bas spong bar brjod par bya'i/ bag la nyal yang dag par 'joms pa'i spong bas ni ma yin no/ /rgyu mtshan la ji lta ba bzhin du ming dang rnam par rtog pa yang de bzhin no/ /de bzhin nyid la dmigs pa dang/ yang dag par shes pa la dmigs pa dang/ bag la nyal yang dag par 'joms pa'i spong bas kyang spong bar brjod par bya'o/ /

【L26 入境定門】【M1 辨入有漏定境】

དངོས་པོ་ལྔ་པོ་དེ་དག་ལས་དངོས་པོ་དུ་ཞིག་ཡིད་ལ་བྱེད་པ་ན་འཇིག་རྟེན་པའི་བསམ་གཏན་དང་པོ་ལ་སྙོམས་པར་འཇུག་ཅེ་ན། སྨྲས་པ། འདོད་པ་དང་ལྡན་པ་དང༌། བསམ་གཏན་དང་པོའི་ས་པ་དང་ལྡན་པའི་རྒྱུ་མཚན་དང༌། མིང་དང་རྣམ་པར་རྟོག་པ་ཡིད་ལ་བྱེད་པ་ནའོ། །དེ་བཞིན་དུ་ས་འོག་མ་པ་དང༌། བསམ་གཏན་གཉིས་པའི་ས་པ་དང་ལྡན་པའི་རྒྱུ་མཚན་དང༌། མིང་དང༌། རྣམ་པར་རྟོག་པ་ཡིད་ལ་བྱེད་པ་ན་འཇིག་རྟེན་པའི་བསམ་གཏན་གཉིས་པ་ལ་སྙོམས་པར་འཇུག་གོ། །བསམ་གཏན་དང༌། གཟུགས་མེད་པའི་སྙོམས་པར་འཇུག་པ་ལྷག་མ་རྣམས་ལ་ཡང་དེ་བཞིན་དུ་ཅི་རིགས་པར་རིག་པར་བྱའོ། །

dngos po lnga po de dag las dngos po du zhig yid la byed pa na 'jig rten pa'i bsam gtan dang po la snyoms par 'jug ce na/ smras pa/ 'dod pa dang ldan pa dang/ bsam gtan dang po'i sa pa dang ldan pa'i rgyu mtshan dang/ ming dang rnam par rtog pa yid la byed pa na'o/ /de bzhin du sa 'og ma pa dang/ bsam gtan gnyis pa'i sa pa dang ldan pa'i rgyu mtshan dang/ ming dang/ rnam par rtog pa yid la byed pa na 'jig rten pa'i bsam gtan gnyis pa la snyoms par 'jug go/ /bsam gtan dang/ gzugs med pa'i snyoms par 'jug pa lhag ma rnams la yang de bzhin du ci rigs par rig par bya'o/ /

【M2 辨入無漏定境】【N1 約七定辨入】

དངོས་པོ་དུ་ཞིག་ཡིད་ལ་བྱེད་པ་ན་འཇིག་རྟེན་ལས་འདས་པའི་བསམ་གཏན་དང་པོ་ལ་སྙོམས་པར་འཇུག་ཅེ་ན། སྨྲས་པ། འདོད་པ་དང་ལྡན་པ་དང༌། བསམ་གཏན་དང་པོའི་ས་པ་དང་ལྡན་པའི་རྒྱུ་མཚན་དང༌། མིང་དང་རྣམ་པར་རྟོག་པ་དེ་དག་ཉིད་ཀྱི་དེ་བཞིན་ཉིད་ཡིད་ལ་བྱེད་པ་ནའོ། །ཅི་ཡང་མེད་པའི་སྐྱེ་མཆེད་ཀྱི་བར་དུ་ཡང་དེ་བཞིན་དུ་ཅི་རིགས་པར་རིག་པར་བྱའོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་ནི་ངེས་པར་འཇིག་རྟེན་པ་ཁོ་ནས་སོ། །

dngos po du zhig yid la byed pa na 'jig rten las 'das pa'i bsam gtan dang po la snyoms par 'jug ce na/ smras pa/ 'dod pa dang ldan pa dang/ bsam gtan dang po'i sa pa dang ldan pa'i rgyu mtshan dang/ ming dang rnam par rtog pa de dag nyid kyi de bzhin nyid yid la byed pa na'o/ /ci yang med pa'i skye mched kyi bar du yang de bzhin du ci rigs par rig par bya'o/ /'du shes med 'du shes med min skye mched la ni nges par 'jig rten pa kho nas so/ /

【N2 辨有頂無出世定】

འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང་ལྡན་པའི་རྒྱུ་མཚན། ཅི་རྒྱུ་མཚན་དུ་བརྗོད་པར་བྱའམ་ཞེ་ན། སྨྲས་པ། མཚན་མ་མེད་པ་རྒྱུ་མཚན་དང༌། ཆ་ཕྲ་བ་རྒྱུ་མཚན་དུ་བརྗོད་པར་བྱའོ། །

'du shes med 'du shes med min skye mched dang ldan pa'i rgyu mtshan/ ci rgyu mtshan du brjod par bya'am zhe na/ smras pa/ mtshan ma med pa rgyu mtshan dang/ cha phra ba rgyu mtshan du brjod par bya'o/ /

【L27 根力覺支等門】

དངོས་པོ་ལྔ་པོ་དེ་དག་ལ་དད་པ་ལ་སོགས་པའི་ཆོས་གང་དག་ཡིན་པ་དེ་དག་ངོ་བོ་ཉིད་གང་དག་དང༌། དམིགས་པ་གང་དག་དང༌། བདག་པོ་གང་དག་གིས་དབང་པོའི་མིང་འཐོབ་ཅེ་ན། སྨྲས་པ། རྣམ་པར་རྟོག་པའི་ངོ་བོ་ཉིད་དང༌། མིང་དང་རྒྱུ་མཚན་ལ་དམིགས་པ་དང༌། དེ་བཞིན་ཉིད་དང་ཡང་དག་པའི་ཤེས་པའི་བདག་པོས་སོ། །དབང་པོའི་མིང་ཇི་ལྟ་བ་བཞིན་དུ་སྟོབས་རྣམས་ཀྱི་མིང་ཡང་དེ་བཞིན་ནོ། །གནས་སྐབས་གང་ལ་སྟོབས་ཀྱི་མིང་འཐོབ་ཅེ་ན། སྨྲས་པ། གང་གི་ཚེ་དད་པ་ལ་སོགས་པའི་དབང་པོ་དེ་དག་ཉིད་མ་དད་པ་ལ་སོགས་པ་དང་མ་འདྲེས་ཤིང་མ་འདྲེས་པའི་ཆོས་ཉིད་དུ་གྱུར་པ་ནའོ། །དབང་པོ་དང༌། སྟོབས་དག་ཇི་ལྟ་བ་བཞིན་དུ་འཇིག་རྟེན་པའི་བྱང་ཆུབ་ཀྱི་ཡན་ལག་དྲན་པ་ལ་སོགས་པ་གང་དག་ཡིན་པ་དེ་དག་ཀྱང་བྱང་ཆུབ་ཀྱི་ཕྱིར་ཡན་ལག་ཡིན་པས་རྣམ་པར་རྟོག་པའི་ངོ་བོ་ཉིད་ཡིན་པར་བལྟ་བར་བྱའོ། །འཇིག་རྟེན་ལས་འདས་པའི་བྱང་ཆུབ་ཀྱི་ཡན་ལག་དྲན་པ་ལ་སོགས་པ་གང་དག་ཡིན་པ་དེ་དག་ནི་བྱང་ཆུབ་ཀྱི་ཡན་ལག་ཡིན་པས་ཡང་དག་པའི་ཤེས་པའི་ངོ་བོ་ཉིད་དང༌། དེ་བཞིན་ཉིད་ལ་དམིགས་པ་དང༌། རྣམ་པར་གཞག་པའི་བདེན་པ་རྟོག་པའི་བདག་པོ་ཡིན་པར་བལྟ་བར་བྱའོ། །ཡང་དག་པའི་ལྟ་བ་ལ་སོགས་པ་ལམ་གྱི་ཡན་ལག་རྣམས་ཀྱང་གང་དག་འཇིག་རྟེན་པ་ཡིན་པ་དེ་དག་ནི་སྔ་མ་བཞིན་དུ་བལྟ་བར་བྱའོ། །གང་དག་འཇིག་རྟེན་ལས་འདས་པ་དེ་དག་ནི་ཡང་དག་པའི་ཤེས་པ་ལས་ཚུལ་ཁྲིམས་ཀྱི་ཡན་ལག་མ་རྟོགས་པའི་ངོ་བོ་ཉིད་དང༌། རྣམ་པར་མ་བཞག་པའི་བདེན་པ་དང༌། རྣམ་པར་བཞག་པའི་དེ་བཞིན་ཉིད་ལ་དམིགས་པ་དང༌། ཟག་པ་ཐམས་ཅད་ཟད་པ་མངོན་དུ་བྱ་བ་དང༌། ཚེ་འདི་ལ་བདེ་བར་གནས་པའི་བདག་པོ་ཡིན་ནོ། །ལམ་གྱི་ཡན་ལག་རྣམས་ཇི་ལྟ་བ་བཞིན་དུ། ལམ་དང༌། ཆོས་ཀྱི་གཞི་དང༌། ཞི་གནས་དང༌། ལྷག་མཐོང་ཡང་དེ་བཞིན་དུ་བལྟ་བར་བྱའོ། །དེ་ལ་ལམ་ནི། དབང་པོ་རྟུལ་པོ་དང༌། རྣོན་པོ་དང༌། རྣམ་པར་གཞག་པ་དང༌། ཚེ་འདི་ལ་བདེ་བར་གནས་པ་ཐོབ་པ་དང༌། མ་ཐོབ་པ་ལས་རྣམ་པར་གཞག་གོ། །ཆོས་ཀྱི་གཞི་རྣམས་ནི་བརྡར་བཏགས་པ་དང༌། དོན་དམ་པ་པའི་ཆོས་འཛིན་པ་ལས་རྣམ་པར་གཞག་སྟེ། ལྷག་པའི་ཚུལ་ཁྲིམས་ཀྱི་བརྡར་བཏགས་པའི་དམ་པའི་ཆོས་འཛིན་པ་ལས་ནི་དང་པོ་གཉིས་རྣམ་པར་གཞག་གོ། །ལྷག་པའི་སེམས་དང༌། ལྷག་པའི་ཤེས་རབ་ཀྱི་དོན་དམ་པ་པའི་ཆོས་འཛིན་པ་ལས་ནི་ཐ་མ་གཉིས་རྣམ་པར་གཞག་གོ། །ཞི་གནས་དང༌། ལྷག་མཐོང་ནི་དམིགས་པ་ལས་མི་གཡོ་བ་དང༌། དེ་ལ་ཡོངས་སུ་རྟོག་པའི་དོན་གྱིས་རྣམ་པར་གཞག་གོ། །

dngos po lnga po de dag la dad pa la sogs pa'i chos gang dag yin pa de dag ngo bo nyid gang dag dang/ dmigs pa gang dag dang/ bdag po gang dag gis dbang po'i ming 'thob ce na/ smras pa/ rnam par rtog pa'i ngo bo nyid dang/ ming dang rgyu mtshan la dmigs pa dang/ de bzhin nyid dang yang dag pa'i shes pa'i bdag pos so/ /dbang po'i ming ji lta ba bzhin du stobs rnams kyi ming yang de bzhin no/ /gnas skabs gang la stobs kyi ming 'thob ce na/ smras pa/ gang gi tshe dad pa la sogs pa'i dbang po de dag nyid ma dad pa la sogs pa dang ma 'dres shing ma 'dres pa'i chos nyid du gyur pa na'o/ /dbang po dang/ stobs dag ji lta ba bzhin du 'jig rten pa'i byang chub kyi yan lag dran pa la sogs pa gang dag yin pa de dag kyang byang chub kyi phyir yan lag yin pas rnam par rtog pa'i ngo bo nyid yin par blta bar bya'o/ /'jig rten las 'das pa'i byang chub kyi yan lag dran pa la sogs pa gang dag yin pa de dag ni byang chub kyi yan lag yin pas yang dag pa'i shes pa'i ngo bo nyid dang/ de bzhin nyid la dmigs pa dang/ rnam par gzhag pa'i bden pa rtog pa'i bdag po yin par blta bar bya'o/ /yang dag pa'i lta ba la sogs pa lam gyi yan lag rnams kyang gang dag 'jig rten pa yin pa de dag ni snga ma bzhin du blta bar bya'o/ /gang dag 'jig rten las 'das pa de dag ni yang dag pa'i shes pa las tshul khrims kyi yan lag ma rtogs pa'i ngo bo nyid dang/ rnam par ma bzhag pa'i bden pa dang/ rnam par bzhag pa'i de bzhin nyid la dmigs pa dang/ zag pa thams cad zad pa mngon du bya ba dang/ tshe 'di la bde bar gnas pa'i bdag po yin no/ /lam gyi yan lag rnams ji lta ba bzhin du/ lam dang/ chos kyi gzhi dang/ zhi gnas dang/ lhag mthong yang de bzhin du blta bar bya'o/ /de la lam ni/ dbang po rtul po dang/ rnon po dang/ rnam par gzhag pa dang/ tshe 'di la bde bar gnas pa thob pa dang/ ma thob pa las rnam par gzhag go/ /chos kyi gzhi rnams ni brdar btags pa dang/ don dam pa pa'i chos 'dzin pa las rnam par gzhag ste/ lhag pa'i tshul khrims kyi brdar btags pa'i dam pa'i chos 'dzin pa las ni dang po gnyis rnam par gzhag go/ /lhag pa'i sems dang/ lhag pa'i shes rab kyi don dam pa pa'i chos 'dzin pa las ni tha ma gnyis rnam par gzhag go/ /zhi gnas dang/ lhag mthong ni dmigs pa las mi g.yo ba dang/ de la yongs su rtog pa'i don gyis rnam par gzhag go/ /

【L28 解脫勝處遍處門】【M1 問】

མཚན་མ་དང་གནས་ངན་ལེན་གྱི་འཆིང་བ་གཉིས་ལས་རྣམ་པར་གྲོལ་བའི་དབང་གིས་རྣམ་པར་ཐར་པ་བརྒྱད་དེ། དངོས་པོ་ལྔ་པོ་དེ་དག་ལ་རྣམ་པར་ཐར་པ་བརྒྱད་ཀྱི་ངོ་བོ་ཉིད་ནི་གང་དག་ཡིན། དམིགས་པ་ནི་གང་དག་ཡིན། བདག་པོ་ནི་གང་དག་ཡིན་ཞེ་ན།

mtshan ma dang gnas ngan len gyi 'ching ba gnyis las rnam par grol ba'i dbang gis rnam par thar pa brgyad de/ dngos po lnga po de dag la rnam par thar pa brgyad kyi ngo bo nyid ni gang dag yin/ dmigs pa ni gang dag yin/ bdag po ni gang dag yin zhe na/

【M2 答】【N1 八解脫】

སྨྲས་པ། འཇིག་རྟེན་པ་དང༌། འཇིག་རྟེན་ལས་འདས་པའི་ཡང་དག་པའི་ཤེས་པའི་ངོ་བོ་ཉིད་དོ། །དང་པོ་དང་གཉིས་པ་ནི་གཟུགས་ཀྱི་ཁ་དོག་གི་མཚན་མ་དང༌། དེ་བཞིན་ཉིད་ལ་དམིགས་པ་ཡིན་ནོ། །གསུམ་པ་ནི་གཟུགས་ཉིད་ཀྱི་ཕན་འདོགས་པའི་མཚན་མ་དང༌། དེའི་དེ་བཞིན་ཉིད་ཀྱི་མཚན་མ་ལ་དམིགས་པ་ཡིན་ནོ། །བཞི་ནི་རང་གི་མཚན་མ་ལ་དམིགས་པ་དང༌། དེ་དག་གི་དེ་བཞིན་ཉིད་ཀྱི་མཚན་མ་ལ་དམིགས་པ་ཡིན་ནོ། །ཐ་མ་ནི་དམིགས་པ་མེད་པ་ཡིན་ནོ། །ཐམས་ཅད་ཀྱང་འཕགས་པའི་རྫུ་འཕྲུལ་གྱི་ཡོན་ཏན་མངོན་པར་སྒྲུབ་པ་ལ་བདག་པོ་ཡིན་ནོ། །དེ་དག་ཀྱང་གཟུགས་ཀྱི་མཚན་མ་དང༌། གཟུགས་མེད་པའི་མཚན་མ་ལ་དབང་པོའི་སྒྲིབ་པས་བསྒྲིབས་པའི་རྣལ་འབྱོར་པས་སྒྲིབ་པ་དེ་དག་སྤང་བའི་ཕྱིར་རྩོམ་པར་བྱེད་དོ། །

smras pa/ 'jig rten pa dang/ 'jig rten las 'das pa'i yang dag pa'i shes pa'i ngo bo nyid do/ /dang po dang gnyis pa ni gzugs kyi kha dog gi mtshan ma dang/ de bzhin nyid la dmigs pa yin no/ /gsum pa ni gzugs nyid kyi phan 'dogs pa'i mtshan ma dang/ de'i de bzhin nyid kyi mtshan ma la dmigs pa yin no/ /bzhi ni rang gi mtshan ma la dmigs pa dang/ de dag gi de bzhin nyid kyi mtshan ma la dmigs pa yin no/ /tha ma ni dmigs pa med pa yin no/ /thams cad kyang 'phags pa'i rdzu 'phrul gyi yon tan mngon par sgrub pa la bdag po yin no/ /de dag kyang gzugs kyi mtshan ma dang/ gzugs med pa'i mtshan ma la dbang po'i sgrib pas bsgribs pa'i rnal 'byor pas sgrib pa de dag spang ba'i phyir rtsom par byed do/ /

【N2 八勝處】

ཟིལ་གྱིས་གནོན་པའི་སྐྱེ་མཆེད་བརྒྱད་ཀྱི། དང་པོ་བཞི་ནི་འདི་ལྟ་སྟེ། དཔེར་ན་རྣམ་པར་ཐར་པ་དང་པོ་གཉིས་དང་འདྲའོ། །ཐ་མ་བཞི་ནི་འདི་ལྟ་སྟེ། དཔེར་ན་རྣམ་པར་ཐར་པ་གསུམ་པ་དང་འདྲའོ། །གཟུགས་ཟིལ་གྱིས་གནོན་པར་དཀའ་བའི་ཕྱིར་གཟུགས་དེ་ཟིལ་གྱིས་ནོན་ན། གཟུགས་མེད་པ་ཟིལ་གྱིས་གནོན་པའི་དབང་ཡང་འཐོབ་པའི་ཕྱིར་རོ། །ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་བར་བྱེད་དོ་ཞེས་གང་གསུངས་པ་དེ་ལ། འཕགས་པས་ནི་གཟུགས་ཀྱི་མཚན་མ་དང༌། དེ་བཞིན་ཉིད་ཡིད་ལ་བྱེད་པས་ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་ངོ༌། །སོ་སོའི་སྐྱེ་བོའི་ནི་དེ་ལྟ་མ་ཡིན་ནོ། །སོ་སོ་སྐྱེ་བོས་ཇི་ལྟར་ཟིལ་གྱིས་གནོན་ཞེ་ན། སྨྲས་པ། འདུ་ཤེས་གསུམ་གྱིས་ཏེ། གཟུགས་སྡུག་པ་དང༌། མི་སྡུག་པ་ལ་གཅིག་ལ་གཅིག་ལྟོས་པའི་འདུ་ཤེས་དང༌། གཅིག་ལ་གཅིག་ལྟོས་པའི་ཕྱིར་གཅིག་ལ་གཅིག་འབྲེལ་པའི་འདུ་ཤེས་དང༌། གཅིག་ལ་གཅིག་འབྲེལ་པའི་ཕྱིར་གཟུགས་སྡུག་པ་དང་མི་སྡུག་པ་ལ་སྡུག་པར་རོ་གཅིག་པའི་འདུ་ཤེས་ཀྱིས་སོ། །དེ་ལྟར་སོ་སོའི་སྐྱེ་བོ་རྣམས་ཀྱི་ཟིལ་གྱིས་གནོན་པ་ཐ་མ་དེ་ནི་འཕགས་པ་རྣམས་དང་ཐུན་མོང་བ་ཡང་ཡིན་ནོ། །

zil gyis gnon pa'i skye mched brgyad kyi/ dang po bzhi ni 'di lta ste/ dper na rnam par thar pa dang po gnyis dang 'dra'o/ /tha ma bzhi ni 'di lta ste/ dper na rnam par thar pa gsum pa dang 'dra'o/ /gzugs zil gyis gnon par dka' ba'i phyir gzugs de zil gyis non na/ gzugs med pa zil gyis gnon pa'i dbang yang 'thob pa'i phyir ro/ /zil gyis mnan nas shes/ zil gyis mnan nas mthong bar byed do zhes gang gsungs pa de la/ 'phags pas ni gzugs kyi mtshan ma dang/ de bzhin nyid yid la byed pas zil gyis mnan nas shes/ zil gyis mnan nas mthong ngo/ /so so'i skye bo'i ni de lta ma yin no/ /so so skye bos ji ltar zil gyis gnon zhe na/ smras pa/ 'du shes gsum gyis te/ gzugs sdug pa dang/ mi sdug pa la gcig la gcig ltos pa'i 'du shes dang/ gcig la gcig ltos pa'i phyir gcig la gcig 'brel pa'i 'du shes dang/ gcig la gcig 'brel pa'i phyir gzugs sdug pa dang mi sdug pa la sdug par ro gcig pa'i 'du shes kyis so/ /de ltar so so'i skye bo rnams kyi zil gyis gnon pa tha ma de ni 'phags pa rnams dang thun mong ba yang yin no/ /

【N3 十遍處】

ཟད་པར་གྱི་སྐྱེ་མཆེད་བཅུ་ནི་ཟིལ་གྱིས་གནོན་པའི་སྐྱེ་མཆེད་ཀྱི་སྟོབས་ཀྱིས་བལྟ་བར་བྱའོ། །དེ་ལ་བྱེ་བྲག་ནི་འདི་ཡོད་དེ། འབྱུང་བའི་མཚན་མ་ལ་དམིགས་པ་དང༌། དེ་དག་གིས་དེ་བཞིན་ཉིད་ཀྱི་མཚན་མ་ལ་དམིགས་པ་གང་དག་ཡིན་པ་དང༌། ནམ་མཁའ་དང་རྣམ་ཤེས་མཐའ་ཡས་སྐྱེ་མཆེད་ཀྱི་མཚན་མ་ལ་དམིགས་པ་དང༌། དེ་དག་གི་དེ་བཞིན་ཉིད་ཀྱི་མཚན་མ་ལ་དམིགས་པ་ཡིན་ནོ། །གཞན་དུ་ན་གནས་མ་ཁྱབ་པར་གནས་པ་ཁྱབ་པར་མི་འགྱུར་ཏེ། དམིགས་པ་དེ་ནི་དེ་བཞིན་ཉིད་ཀྱི་མཚན་མ་ཡིད་ལ་བྱེད་པས་ཟད་པར་ལས་ཁྱབ་པར་བརྗོད་པར་བྱའོ། །ཟིལ་གྱིས་གནོན་པ་དང་ཟད་པར་ཁྱད་པར་བྱེད་པ་འདི་གཉིས་ཀྱིས་ནི་རྣམ་པར་ཐར་པར་རྣམ་པར་དག་པ་དང་། འཕགས་པའི་རྫུ་འཕྲུལ་གྱི་ཡོན་ཏན་མངོན་པར་སྒྲུབ་པར་བྱེད་དོ།། །།

zad par gyi skye mched bcu ni zil gyis gnon pa'i skye mched kyi stobs kyis blta bar bya'o/ /de la bye brag ni 'di yod de/ 'byung ba'i mtshan ma la dmigs pa dang/ de dag gis de bzhin nyid kyi mtshan ma la dmigs pa gang dag yin pa dang/ nam mkha' dang rnam shes mtha' yas skye mched kyi mtshan ma la dmigs pa dang/ de dag gi de bzhin nyid kyi mtshan ma la dmigs pa yin no/ /gzhan du na gnas ma khyab par gnas pa khyab par mi 'gyur te/ dmigs pa de ni de bzhin nyid kyi mtshan ma yid la byed pas zad par las khyab par brjod par bya'o/ /zil gyis gnon pa dang zad par khyad par byed pa 'di gnyis kyis ni rnam par thar par rnam par dag pa dang / 'phags pa'i rdzu 'phrul gyi yon tan mngon par sgrub par byed do// //

【I2 第二頌有十一門】【J1 舉一頌列其十一門】

བམ་པོ་སུམ་ཅུ་བཞི་པ།སྡོམ་ནི། བསྡུ་དང་ངོ་བོ་ཉིད་དང་ནི། །གཟུང་དང་འཇིག་ཚོགས་སྲིད་པ་དང༌། །འཇིག་རྟེན་དེ་ཉིད་ཡོངས་ཚོལ་དང༌། །ཡང་དག་དགོངས་དང་གོ་རིམས་སོ། །

bam po sum cu bzhi pa/sdom ni/ bsdu dang ngo bo nyid dang ni/ /gzung dang 'jig tshogs srid pa dang/ /'jig rten de nyid yongs tshol dang/ /yang dag dgongs dang go rims so/ /

【J2 依門次第解】【K1 思攝門】【L1 明四諦相攝】

རྒྱུ་མཚན་བདེན་པ་དུ་དག་གིས་བསྡུས་ཤེ་ན༑ སྨྲས་པ། རྣམ་པར་གཞག་པའི་བདེན་པ་བཞིས་སོ། །མིང་ནི་གཅིག་གིས་ཏེ། སྡུག་བསྔལ་གྱི་བདེན་པས་སོ། །རྣམ་པར་རྟོག་པ་ནི་འགོག་པའི་བདེན་པ་མ་གཏོགས་པ་གསུམ་གྱིས་སོ། །དེ་བཞིན་ཉིད་ནི་རྣམ་པར་མ་བཞག་པའི་བདེན་པ་བཞིས་སོ། །ཡང་དག་པའི་ཤེས་པ་ནི་རྣམ་པར་མ་བཞག་པ་དང༌། རྣམ་པར་བཞག་པའི་བདེན་པ་ལ་དམིགས་པའི་ལམ་གྱི་བདེན་པས་བསྡུས་སོ། །

rgyu mtshan bden pa du dag gis bsdus she na| smras pa/ rnam par gzhag pa'i bden pa bzhis so/ /ming ni gcig gis te/ sdug bsngal gyi bden pas so/ /rnam par rtog pa ni 'gog pa'i bden pa ma gtogs pa gsum gyis so/ /de bzhin nyid ni rnam par ma bzhag pa'i bden pa bzhis so/ /yang dag pa'i shes pa ni rnam par ma bzhag pa dang/ rnam par bzhag pa'i bden pa la dmigs pa'i lam gyi bden pas bsdus so/ /

【L2 依句數分別】【M1 初問答】

རྒྱུ་མཚན་གང་ཡིན་པ་དེ་མིང་ཡང་ཡིན་ལ། མིང་གང་ཡིན་པ་དེ་ཡང་རྒྱུ་མཚན་ཡིན་ནམ་ཞེ་ན། རེ་ཞིག་མིང་གང་ཡིན་པ་དེ་ནི་རྒྱུ་མཚན་ཡིན་ནོ། །རྒྱུ་མཚན་ཡིན་ལ་མིང་མ་ཡིན་པ་ཡང་ཡོད་དེ། མིང་རྒྱུ་མཚན་མ་གཏོགས་པ་དེ་ལས་གཞན་པའི་རྒྱུ་མཚན་བཞི་པོ་དག་གོ། །ལྷག་མ་རྣམས་ཀྱང་དེ་བཞིན་དུ་ཅི་རིགས་པར་རིག་པར་བྱའོ། །

rgyu mtshan gang yin pa de ming yang yin la/ ming gang yin pa de yang rgyu mtshan yin nam zhe na/ re zhig ming gang yin pa de ni rgyu mtshan yin no/ /rgyu mtshan yin la ming ma yin pa yang yod de/ ming rgyu mtshan ma gtogs pa de las gzhan pa'i rgyu mtshan bzhi po dag go/ /lhag ma rnams kyang de bzhin du ci rigs par rig par bya'o/ /

【M2 第二問答】

རྒྱུ་མཚན་གང་ཡིན་པ་དེ་ཐམས་ཅད་རྒྱུ་མཚན་རྒྱུ་མཚན་ཡང་ཡིན་ལ། རྒྱུ་མཚན་རྒྱུ་མཚན་གང་ཡིན་པ་དེ་ཐམས་ཅད་ཀྱང་རྒྱུ་མཚན་ཡིན་ནམ་ཞེ་ན། རེ་ཞིག་རྒྱུ་མཚན་རྒྱུ་མཚན་གང་ཡིན་པ་དེ་ནི་རྒྱུ་མཚན་ཡིན་ནོ། །རྒྱུ་མཚན་ཡིན་ལ་རྒྱུ་མཚན་རྒྱུ་མཚན་མ་ཡིན་པ་ཡང་ཡོད་དེ། མིང་རྒྱུ་མཚན་ལ་སོགས་པ་བཞི་པོ་དག་གོ། །

rgyu mtshan gang yin pa de thams cad rgyu mtshan rgyu mtshan yang yin la/ rgyu mtshan rgyu mtshan gang yin pa de thams cad kyang rgyu mtshan yin nam zhe na/ re zhig rgyu mtshan rgyu mtshan gang yin pa de ni rgyu mtshan yin no/ /rgyu mtshan yin la rgyu mtshan rgyu mtshan ma yin pa yang yod de/ ming rgyu mtshan la sogs pa bzhi po dag go/ /

【M3 第三問答】

རྒྱུ་མཚན་རྒྱུ་མཚན་ལ་རྣམ་པར་རྟོག་པར་བྱེད་པ་གང་ཡིན་པ་དེ་ཐམས་ཅད་མིང་དང་རྒྱུ་མཚན་དང་ལྡན་པའི་འབྲེལ་པ་ལ་རྣམ་པར་རྟོག་པར་བྱེད་པ་ཡིན་ནམ། མིང་རྒྱུ་མཚན་ལ་རྣམ་པར་རྟོག་པར་བྱེད་པ་གང་ཡིན་པ་དེ་ཐམས་ཅད་རྒྱུ་མཚན་རྒྱུ་མཚན་དང་ལྡན་པའི་འབྲེལ་པ་ལ་རྣམ་པར་རྟོག་པར་བྱེད་པ་ཡིན་ནམ་ཞེ་ན། མུ་བཞི་སྟེ། རྒྱུ་མཚན་རྒྱུ་མཚན་ལ་རྣམ་པར་རྟོག་པར་བྱེད་ལ། མིང་རྒྱུ་མཚན་དང་ལྡན་པའི་འབྲེལ་པ་ལ་རྣམ་པར་རྟོག་པར་བྱེད་པ་མ་ཡིན་པ་ཡང་ཡོད་དེ། མིང་མ་རྟོགས་པའི་རྒྱུ་མཚན་ལ་རྣམ་པར་རྟོག་པའི་རྒྱུ་མཚན་དང༌། མིང་གི་བག་ལ་ཉལ་བསལ་བ་གང་ཡིན་པའོ༑ །མིང་རྒྱུ་མཚན་ལ་རྣམ་པར་རྟོག་པར་བྱེད་པ་རྒྱུ་མཚན་རྒྱུ་མཚན་དང་ལྡན་པའི་འབྲེལ་པ་ལ་རྣམ་པར་རྟོག་པར་མི་བྱེད་པ་ཡང་ཡོད་དེ། དངོས་པོ་མ་རྟོགས་པའི་མིང་ལ་རྣམ་པར་རྟོག་པའི་རྒྱུ་མཚན་གང་ཡིན་པའོ། །དེ་ལས་བཟློག་པ་ནི་གཉི་ག་ཡིན་ནོ། །རྣམ་པ་དེ་དག་མ་གཏོགས་པ་ནི་གཉི་ག་མ་ཡིན་ནོ། །

rgyu mtshan rgyu mtshan la rnam par rtog par byed pa gang yin pa de thams cad ming dang rgyu mtshan dang ldan pa'i 'brel pa la rnam par rtog par byed pa yin nam/ ming rgyu mtshan la rnam par rtog par byed pa gang yin pa de thams cad rgyu mtshan rgyu mtshan dang ldan pa'i 'brel pa la rnam par rtog par byed pa yin nam zhe na/ mu bzhi ste/ rgyu mtshan rgyu mtshan la rnam par rtog par byed la/ ming rgyu mtshan dang ldan pa'i 'brel pa la rnam par rtog par byed pa ma yin pa yang yod de/ ming ma rtogs pa'i rgyu mtshan la rnam par rtog pa'i rgyu mtshan dang/ ming gi bag la nyal bsal ba gang yin pa'o| /ming rgyu mtshan la rnam par rtog par byed pa rgyu mtshan rgyu mtshan dang ldan pa'i 'brel pa la rnam par rtog par mi byed pa yang yod de/ dngos po ma rtogs pa'i ming la rnam par rtog pa'i rgyu mtshan gang yin pa'o/ /de las bzlog pa ni gnyi ga yin no/ /rnam pa de dag ma gtogs pa ni gnyi ga ma yin no/ /

【M4 第四問答】

དེ་བཞིན་ཉིད་ཡིད་ལ་བྱེད་པ་གང་ཡིན་པ་དེས་དེ་བཞིན་ཉིད་ཁོ་ན་མཐོང་བར་འགྱུར་རམ། དེ་བཞིན་ཉིད་མཐོང་བར་འགྱུར་བ་གང་ཡིན་པ་དེ་དེ་བཞིན་ཉིད་ཁོ་ན་ཡིད་ལ་བྱེད་པ་ཡིན་ཞེ་ན། མུ་བཞི་སྟེ། དེ་བཞིན་ཉིད་ཡིད་ལ་བྱེད་ལ་དེ་བཞིན་ཉིད་མཐོང་བར་མི་འགྱུར་བ་ཡང་ཡོད་དེ། རྣམ་པར་རྟོག་པས་བསྡུས་པའི་ཡིད་ལ་བྱེད་པས་དེ་བཞིན་ཉིད་ཡིད་ལ་བྱེད་པ་ན། ཇི་སྲིད་དུ་མ་རྟོགས་ཀྱི་བར་དུ་དེ་བཞིན་ཉིད་ཀྱི་མཚན་མ་ནི་མཐོང་བར་འགྱུར། དེ་བཞིན་ཉིད་ནི་མཐོང་བར་མི་འགྱུར་ཞིང་རྟོགས་པར་མི་འགྱུར་བའི་བར་དང༌། རྟོགས་པར་གྱུར་ན་ཡང་དེའི་འོག་ཏུ་རྣམ་པར་གཞག་པའི་དེ་བཞིན་ཉིད་ཡིད་ལ་བྱེད་པའོ། །དེ་བཞིན་ཉིད་མཐོང་བར་འགྱུར་བ་ལ་དེ་བཞིན་ཉིད་ཡིད་ལ་མི་བྱེད་པ་ཡང་ཡོད་དེ༑ དེ་བཞིན་ཉིད་རྟོགས་པར་བྱེད་པའི་ཚེ་ན་དོན་དམ་པར་མཚན་མ་མེད་པ་ཡིད་ལ་བྱེད་པའོ། །དེ་བཞིན་ཉིད་ཀྱང་མཐོང་ལ་དེ་བཞིན་ཉིད་ཁོ་ན་ཡིད་ལ་བྱེད་པར་འགྱུར་བ་ཡང་ཡོད་དེ། རྟོག་པའི་འོག་ཏུ་རྣམ་པར་མ་བཞག་པའི་དེ་བཞིན་ཉིད་རྒྱུན་དུ་ཡིད་ལ་བྱེད་པའོ། །དེ་བཞིན་ཉིད་ཀྱང་མི་མཐོང་བ་དེ་བཞིན་ཉིད་ཡིད་ལ་བྱེད་པར་ཡང་མི་འགྱུར་བ་ཡང་ཡོད་དེ། རིགས་པས་བསྐྱེད་པ་མེད་པའི་ཡིད་ལ་བྱེད་པས་མཚན་མ་ཡིད་ལ་བྱེད་པའོ། །

de bzhin nyid yid la byed pa gang yin pa des de bzhin nyid kho na mthong bar 'gyur ram/ de bzhin nyid mthong bar 'gyur ba gang yin pa de de bzhin nyid kho na yid la byed pa yin zhe na/ mu bzhi ste/ de bzhin nyid yid la byed la de bzhin nyid mthong bar mi 'gyur ba yang yod de/ rnam par rtog pas bsdus pa'i yid la byed pas de bzhin nyid yid la byed pa na/ ji srid du ma rtogs kyi bar du de bzhin nyid kyi mtshan ma ni mthong bar 'gyur/ de bzhin nyid ni mthong bar mi 'gyur zhing rtogs par mi 'gyur ba'i bar dang/ rtogs par gyur na yang de'i 'og tu rnam par gzhag pa'i de bzhin nyid yid la byed pa'o/ /de bzhin nyid mthong bar 'gyur ba la de bzhin nyid yid la mi byed pa yang yod de| de bzhin nyid rtogs par byed pa'i tshe na don dam par mtshan ma med pa yid la byed pa'o/ /de bzhin nyid kyang mthong la de bzhin nyid kho na yid la byed par 'gyur ba yang yod de/ rtog pa'i 'og tu rnam par ma bzhag pa'i de bzhin nyid rgyun du yid la byed pa'o/ /de bzhin nyid kyang mi mthong ba de bzhin nyid yid la byed par yang mi 'gyur ba yang yod de/ rigs pas bskyed pa med pa'i yid la byed pas mtshan ma yid la byed pa'o/ /

【M5 第五問答】

མཚན་མ་ཡིད་ལ་བྱེད་པ་གང་ཡིན་པ་དེས། མཚན་མ་ཉིད་ཡང་དག་པར་རྗེས་སུ་མཐོང་བར་འགྱུར་རམ། མཚན་མ་ཡང་དག་པར་རྗེས་སུ་མཐོང་བ་དེས་མཚན་མ་ཉིད་ཡིད་ལ་བྱེད་ཅེ་ན། མུ་བཞི་སྟེ། མཚན་མ་ཡིད་ལ་བྱེད་ལ་མཚན་མ་མཐོང་བར་མི་འགྱུར་བ་ཡང་ཡོད་དེ། འདི་ལྟ་སྟེ། དཔེར་ན་མུ་གཉིས་པ་ལྟ་བུའོ། །མཚན་མ་མཐོང་ལ་མཚན་མ་ཡིད་ལ་བྱེད་པར་མི་འགྱུར་བ་ཡང་ཡོད་དེ། འདི་ལྟ་སྟེ། དཔེར་ན་མུ་དང་པོ་ལྟ་བུའོ། །མཚན་མ་ཡང་ཡིད་ལ་བྱེད་ལ་མཚན་མ་ཉིད་མཐོང་བར་འགྱུར་བ་ཡང་ཡོད་དེ། འདི་ལྟ་སྟེ། དཔེར་ན་མུ་བཞི་པ་ལྟ་བུའོ། །མཚན་མ་ཡང་ཡིད་ལ་བྱེད་ལ་མཚན་མ་མཐོང་བར་མི་འགྱུར་བ་ཡང་ཡོད་དེ། འདི་ལྟ་སྟེ། དཔེར་ན་མུ་གསུམ་པ་ལྟ་བུའོ། །

mtshan ma yid la byed pa gang yin pa des/ mtshan ma nyid yang dag par rjes su mthong bar 'gyur ram/ mtshan ma yang dag par rjes su mthong ba des mtshan ma nyid yid la byed ce na/ mu bzhi ste/ mtshan ma yid la byed la mtshan ma mthong bar mi 'gyur ba yang yod de/ 'di lta ste/ dper na mu gnyis pa lta bu'o/ /mtshan ma mthong la mtshan ma yid la byed par mi 'gyur ba yang yod de/ 'di lta ste/ dper na mu dang po lta bu'o/ /mtshan ma yang yid la byed la mtshan ma nyid mthong bar 'gyur ba yang yod de/ 'di lta ste/ dper na mu bzhi pa lta bu'o/ /mtshan ma yang yid la byed la mtshan ma mthong bar mi 'gyur ba yang yod de/ 'di lta ste/ dper na mu gsum pa lta bu'o/ /

【K2 自性門】【L1 立宗】【M1 第一問答辨五事攝法】

ཅི་དངོས་པོ་ལྔ་པོ་དེ་དག་གིས་ཆོས་ཐམས་ཅད་བསྡུས་པ་ཡིན་ནམ། འོན་ཏེ་མ་ཡིན་ཞེ་ན། སྨྲས་པ་ཡིན་ནོ། །

ci dngos po lnga po de dag gis chos thams cad bsdus pa yin nam/ 'on te ma yin zhe na/ smras pa yin no/ /

【M2 第二問答正辨自性】

ཆོས་དེ་དག་གིས་ངོ་བོ་ཉིད་གང་ཡིན་པར་བརྗོད་པར་བྱ་ཞེ་ན། སྨྲས་པ༑ བརྗོད་དུ་མེད་པའི་ངོ་བོ་ཡིད་ཡིན་ནོ། །

chos de dag gis ngo bo nyid gang yin par brjod par bya zhe na/ smras pa| brjod du med pa'i ngo bo yid yin no/ /

【M3 第三問答觀五事相】

དེ་དག་གི་མཚན་ཉིད་ཇི་ལྟ་བུ་ཡིན་པར་བལྟ་བར་བྱ་ཞེ་ན། སྨྲས་པ། སྒྱུ་མ་ལྟ་བུའི་མཚན་ཉིད་ཡིན་གྱི། མེད་པ་ཉིད་ནི་མ་ཡིན་ཏེ། འདི་ལྟ་སྟེ། དཔེར་ན་སྒྱུ་མའི་ལས་ཉིད་ཀྱིས་ནི་ཡོད་ལ། རྟ་དང་། གླང་པོ་ཆེ་དང༌། ཤིང་རྟ་དང༌། དཔུང་བུ་ཆུང་དང༌། ནོར་བུ་དང༌། མུ་ཏིག་དང༌། གསེར་དང་། དངུལ་ལ་སོགས་པའི་ངོ་བོ་ཉིད་དུ་ནི་ཡོད་པ་མ་ཡིན་པ་དེ་བཞིན་དུ་ངོ་བོ་ཉིད་ཀྱང་མིང་དང་མཚན་མ་ཙམ་ཉིད་དུ་ནི་ཡོད་ལ། ངོ་བོ་ཉིད་དང༌། ཁྱད་པར་དུ་གདགས་པར་སྣང་བའི་དངོས་པོར་ནི་ཡོད་པ་མ་ཡིན་ནོ། །རྒྱུ་མཚན་རྒྱུ་མཚན་ཞེས་བྱ་བའི་མིང་དེས་རྒྱུ་མཚན་གྱིས་ངོ་བོ་ཉིད་དམིགས་སུ་མེད་དོ། །རྒྱུ་མཚན་ཇི་ལྟ་བ་དེ་བཞིན་དུ་མིང་གིས་མིང་གི་ངོ་བོ་ཉིད་དང༌། རྣམ་པར་རྟོག་པས་རྣམ་པར་རྟོག་པའི་ངོ་བོ་ཉིད་དང༌། དེ་བཞིན་ཉིད་ཀྱིས་དེ་བཞིན་ཉིད་ཀྱི་ངོ་བོ་ཉིད་དང༌། ཡང་དག་པའི་ཤེས་པས་ཡང་དག་པའི་ཤེས་པ་ཞེས་བྱ་བའི་མིང་དེས་ཡང་དག་པའི་ཤེས་པའི་ངོ་བོ་ཉིད་དམིགས་སུ་མེད་དོ། །དེ་ཅིའི་ཕྱིར་ཞེ་ན། དེའི་ངོ་བོ་ཉིད་རྣམ་པ་ཐམས་ཅད་དུ་མི་འཐད་པའི་ཕྱིར་རོ། །

de dag gi mtshan nyid ji lta bu yin par blta bar bya zhe na/ smras pa/ sgyu ma lta bu'i mtshan nyid yin gyi/ med pa nyid ni ma yin te/ 'di lta ste/ dper na sgyu ma'i las nyid kyis ni yod la/ rta dang / glang po che dang/ shing rta dang/ dpung bu chung dang/ nor bu dang/ mu tig dang/ gser dang / dngul la sogs pa'i ngo bo nyid du ni yod pa ma yin pa de bzhin du ngo bo nyid kyang ming dang mtshan ma tsam nyid du ni yod la/ ngo bo nyid dang/ khyad par du gdags par snang ba'i dngos por ni yod pa ma yin no/ /rgyu mtshan rgyu mtshan zhes bya ba'i ming des rgyu mtshan gyis ngo bo nyid dmigs su med do/ /rgyu mtshan ji lta ba de bzhin du ming gis ming gi ngo bo nyid dang/ rnam par rtog pas rnam par rtog pa'i ngo bo nyid dang/ de bzhin nyid kyis de bzhin nyid kyi ngo bo nyid dang/ yang dag pa'i shes pas yang dag pa'i shes pa zhes bya ba'i ming des yang dag pa'i shes pa'i ngo bo nyid dmigs su med do/ /de ci'i phyir zhe na/ de'i ngo bo nyid rnam pa thams cad du mi 'thad pa'i phyir ro/ /

【L2 破外執】【M1 破外計】【N1 破薩婆多部見】【O1 正破】

གལ་ཏེ་ངོ་བོ་ཉིད་གང་གིས་རྒྱུ་མཚན་རྣམ་པར་གཞག་པ་དེ་ལ་དེ་དང་མཐུན་པ་ཉིད་ཀྱི་མིང་ཉེ་བར་འདོགས་པར་བྱེད་པའི་ཕྱིར་ཉེ་བར་འདོགས་པ་ནི་རྒྱུ་མཚན་ལ་རག་ལས་པ་ཡིན་ནོ་ཞེ་ན། དེས་ན་ཉེ་བར་འདོགས་པའི་སྔོན་རོལ་ན། ཇི་ལྟར་མིང་རྣམ་པར་གཞག་པ་བཞིན་དུ་རྒྱུ་མཚན་ལ་དེའི་བློ་འབྱུང་བར་འགྱུར་བ་དང༌།

gal te ngo bo nyid gang gis rgyu mtshan rnam par gzhag pa de la de dang mthun pa nyid kyi ming nye bar 'dogs par byed pa'i phyir nye bar 'dogs pa ni rgyu mtshan la rag las pa yin no zhe na/ des na nye bar 'dogs pa'i sngon rol na/ ji ltar ming rnam par gzhag pa bzhin du rgyu mtshan la de'i blo 'byung bar 'gyur ba dang/

【O2 重破】

རྒྱུ་མཚན་གཅིག་ལ་ཡང་ཉེ་བར་འདོགས་པ་མང་བའི་ཕྱིར་དང༌། སྣ་ཚོགས་པའི་ཕྱིར་བདག་ཉིད་མང་པོ་འཐོབ་པར་འགྱུར་བས།དེའི་ཕྱིར་ཉེ་བར་འདོགས་པ་རྒྱུ་མཚན་ལ་རག་ལས་པར་མི་རུང་ངོ༌། །

rgyu mtshan gcig la yang nye bar 'dogs pa mang ba'i phyir dang/ sna tshogs pa'i phyir bdag nyid mang po 'thob par 'gyur bas/de'i phyir nye bar 'dogs pa rgyu mtshan la rag las par mi rung ngo/ /

【N2 破一說部見】

གལ་ཏེ་ཇི་ལྟར་རྒྱུ་མཚན་ལ་མིང་རྣམ་པར་འཇོག་པར་བྱེད་པ་དེ་བཞིན་དུ་མིང་གི་དབང་གིས་རྒྱུ་མཚན་གྱི་ངོ་བོ་དེ་ཉིད་འབྱུང་བར་འགྱུར་རོ་ཞེ་ན། དེས་ན་ཉེ་བར་འདོགས་པའི་སྔོན་རོལ་ན་རྒྱུ་མཚན་གྱི་ངོ་པོ་ཉིད་མེད་པར་འགྱུར་ཏེ། དེ་མེད་ན་ཉེ་བར་འདོགས་པ་ཡང་མེད་པར་འགྱུར་བས་དེའི་ཕྱིར་དེ་གཉི་ག་ཡང་མེད་པར་ཐལ་བར་འགྱུར་བ་དང༌། ཉེ་བར་འདོགས་པ་མང་བའི་ཕྱིར་དང༌། སྣ་ཚོགས་པའི་ཕྱིར་བདག་ཉིད་མང་པོ་ཉིད་དང༌། གཞན་གྱི་དབང་དུ་འགྱུར་བའི་སྐྱོན་དུ་ཡང་འགྱུར་རོ། །གཞན་གྱི་དབང་དུ་འགྱུར་བ་ནི་རྒྱུ་མཚན་ལ་ཉེ་བར་འདོགས་པས་དེའི་ཕྱིར་ཉེ་བར་འདོགས་པ་ཐམས་ཅད་ཀྱིས། དེའི་བདག་ཉིད་ཀྱི་ངོ་བོ་ཉིད་ཡིན་པར་མི་རུང་སྟེ། སྒྱུ་མའི་སྐྱེས་བུའི་ལུས་སྣ་ཚོགས་གྲུབ་པ་དང་འདྲ་སྟེ། འདི་ལྟ་སྟེ། དཔེར་ན་སྒྱུ་མ་མཁན་གྱིས་སྐྱེས་པ་དང༌། བུད་མེད་དང༌། གླང་པོ་ཆེ་དང༌། རྟ་དང༌། དོམ་དང༌། དྲེད་ཀྱི་ལུས་ལ་སོགས་པའི་ལུས་སྣ་ཚོགས་ཀྱིས་སྒྱུ་མའི་སྐྱེས་བུ་མངོན་པར་འདུ་བྱེད་པ་དེ་ནི་ལུས་གང་གི་བདག་ཉིད་ཀྱང་མ་ཡིན་པ་དེ་བཞིན་དུ། རྒྱུ་མཚན་ཡང་ཉེ་བར་འདོགས་པ་ཐམས་ཅད་ཀྱིས་དེའི་བདག་ཉིད་མ་ཡིན་པར་བལྟ་བར་བྱའོ། །

gal te ji ltar rgyu mtshan la ming rnam par 'jog par byed pa de bzhin du ming gi dbang gis rgyu mtshan gyi ngo bo de nyid 'byung bar 'gyur ro zhe na/ des na nye bar 'dogs pa'i sngon rol na rgyu mtshan gyi ngo po nyid med par 'gyur te/ de med na nye bar 'dogs pa yang med par 'gyur bas de'i phyir de gnyi ga yang med par thal bar 'gyur ba dang/ nye bar 'dogs pa mang ba'i phyir dang/ sna tshogs pa'i phyir bdag nyid mang po nyid dang/ gzhan gyi dbang du 'gyur ba'i skyon du yang 'gyur ro/ /gzhan gyi dbang du 'gyur ba ni rgyu mtshan la nye bar 'dogs pas de'i phyir nye bar 'dogs pa thams cad kyis/ de'i bdag nyid kyi ngo bo nyid yin par mi rung ste/ sgyu ma'i skyes bu'i lus sna tshogs grub pa dang 'dra ste/ 'di lta ste/ dper na sgyu ma mkhan gyis skyes pa dang/ bud med dang/ glang po che dang/ rta dang/ dom dang/ dred kyi lus la sogs pa'i lus sna tshogs kyis sgyu ma'i skyes bu mngon par 'du byed pa de ni lus gang gi bdag nyid kyang ma yin pa de bzhin du/ rgyu mtshan yang nye bar 'dogs pa thams cad kyis de'i bdag nyid ma yin par blta bar bya'o/ /

【N3 破勝論外道見】

གལ་ཏེ་རྒྱུ་མཚན་དང་ཉེ་བར་འདོགས་པ་གཉི་ག་འདུས་པས་དེ་དང་བྲལ་བའི་ངོ་བོ་ཉིད་སྐྱེད་པར་བྱེད་ན་ནི་དེས་ན་དེའི་རྒྱུ་མཚན་ནམ༑ མིང་ངམ། དེ་གཉི་གའམ། བར་མདོ་ཞིག་ཡིན་པར་དམིགས་པའི་རིགས་ནི་མི་དམིགས་ཏེ། དེའི་ཕྱིར་དེ་ཡང་མི་རུང་ངོ༌། །དེ་ལྟ་བས་ན་ངོ་བོ་ཉིད་ནི་ཐ་སྙད་ལས་བྱུང་བ་ཡིན་ནོ། །

gal te rgyu mtshan dang nye bar 'dogs pa gnyi ga 'dus pas de dang bral ba'i ngo bo nyid skyed par byed na ni des na de'i rgyu mtshan nam| ming ngam/ de gnyi ga'am/ bar mdo zhig yin par dmigs pa'i rigs ni mi dmigs te/ de'i phyir de yang mi rung ngo/ /de lta bas na ngo bo nyid ni tha snyad las byung ba yin no/ /

【N4 破數論外道見】

གལ་ཏེ་ཉེ་བར་འདོགས་པ་ནི་ངོ་བོ་ཉིད་རྣམས་ཀྱི་མངོན་པར་གསལ་བར་བྱེད་པ་ཡིན་པར་འདོད་ན། དེ་ལྟར་ཡང་མི་རུང་སྟེ། བཟུང་ནས་སམ། མ་བཟུང་བར་ཉེ་བར་འདོགས་པའི་སྐྱོན་དུ་འགྱུར་བའི་ཕྱིར་རོ། །གལ་ཏེ་རྒྱུ་མཚན་བཟུང་ནས་ཉེ་བར་འདོགས་པར་བྱེད་ན་ནི་མངོན་པར་གསལ་བར་བྱེད་པ་ཡིན་པར་མི་རུང་ངོ༌། །ཇི་སྟེ་རྒྱུ་མཚན་མ་བཟུང་བར་ཉེ་བར་འདོགས་པར་བྱེད་ན་ནི་གཞི་མེད་པར་ཉེ་བར་འདོགས་པ་མི་རུང་ངོ༌། །སྔ་མ་བཞིན་དུ་བདག་ཉིད་དུ་མ་ཡིན་པའི་སྐྱོན་དུ་ཡང་འགྱུར་ཏེ། ཉེ་བར་འདོགས་པ་རྣམས་ནི་མང་པོ་སྣ་ཚོགས་ཡིན་པའི་ཕྱིར་རོ། །གསལ་བར་བྱེད་པའི་དཔེ་ནི་མི་མཐུན་པ་ཡིན་པས་མི་རུང་སྟེ། དེ་ལ་མི་མཐུན་པ་ནི་འདི་ཡིན་ཏེ། སྣང་ཞིང་མངོན་པར་གསལ་བར་བྱེད་པའི་རྒྱུ་ནི་ཐམས་ཅད་ལ་བྱེ་བྲག་མེད་པ་དང༌། སྣ་ཚོགས་པ་ཡང་ཡིན་ལ་ཉེ་བར་འདོགས་པ་ནི་དེ་ལྟར་འཛིན་པའི་རྒྱུ་ནི་དེ་ལྟ་མ་ཡིན་པའོ། །

gal te nye bar 'dogs pa ni ngo bo nyid rnams kyi mngon par gsal bar byed pa yin par 'dod na/ de ltar yang mi rung ste/ bzung nas sam/ ma bzung bar nye bar 'dogs pa'i skyon du 'gyur ba'i phyir ro/ /gal te rgyu mtshan bzung nas nye bar 'dogs par byed na ni mngon par gsal bar byed pa yin par mi rung ngo/ /ji ste rgyu mtshan ma bzung bar nye bar 'dogs par byed na ni gzhi med par nye bar 'dogs pa mi rung ngo/ /snga ma bzhin du bdag nyid du ma yin pa'i skyon du yang 'gyur te/ nye bar 'dogs pa rnams ni mang po sna tshogs yin pa'i phyir ro/ /gsal bar byed pa'i dpe ni mi mthun pa yin pas mi rung ste/ de la mi mthun pa ni 'di yin te/ snang zhing mngon par gsal bar byed pa'i rgyu ni thams cad la bye brag med pa dang/ sna tshogs pa yang yin la nye bar 'dogs pa ni de ltar 'dzin pa'i rgyu ni de lta ma yin pa'o/ /

【M2 通外難】【N1 初問答】

གང་གི་ཕྱིར་བརྗོད་དུ་མེད་པར་བརྗོད་པ་ཡང་བརྗོད་དུ་མེད་པ་ཞེས་བྱ་བར་བརྗོད་པར་སྣང་བ་དེའི་ཕྱིར། བརྗོད་དུ་མེད་པ་ཞེས་བྱ་བར་མི་རུང་ལ། སྒྱུ་མའི་སྐྱེས་བུ་ལུས་སྣ་ཚོགས་སུ་གྲུབ་པ་དེ་དག་གིས་དེའི་བདག་ཉིད་མ་ཡིན་ཡང༌། སྒྱུ་མའི་སྐྱེས་བུ་ལུས་སྣ་ཚོགས་སུ་གྲུབ་པ་དེའི་བདག་ཉིད་ཡིན་པས། དེའི་ཕྱིར་ཡང་དཔེ་མི་མཐུན་པ་ཡིན་ནོ་ཞེ་ན། སྨྲས་པ། བརྗོད་དུ་མེད་པ་དེ་བརྗོད་དུ་མེད་དོ་ཞེས་དམ་བཅས་པའི་ཚེ་ཁོ་ན་ན་དགག་པ་བྱས་ཟིན་པས་དེ་ལ་ཉེས་པ་མེད་དོ། །དོན་དེ་ཉིད་རྟོགས་པར་བྱ་བའི་ཕྱིར་སྦྱོར་བར་བྱེད་པ་ཡིན་ནོ། །འདྲ་བའི་ཕྱིར་དཔེ་མི་མཐུན་པ་ཡང་མ་ཡིན་ལ་ཉེ་བར་འདོགས་པ་དག་གིས་དེའི་བདག་ཉིད་ཀྱང་མ་ཡིན་ཞིང༌། བརྗོད་དུ་མེད་པའི་དོན་མེད་པ་ཡང་མ་ཡིན་ནོ། །

gang gi phyir brjod du med par brjod pa yang brjod du med pa zhes bya bar brjod par snang ba de'i phyir/ brjod du med pa zhes bya bar mi rung la/ sgyu ma'i skyes bu lus sna tshogs su grub pa de dag gis de'i bdag nyid ma yin yang/ sgyu ma'i skyes bu lus sna tshogs su grub pa de'i bdag nyid yin pas/ de'i phyir yang dpe mi mthun pa yin no zhe na/ smras pa/ brjod du med pa de brjod du med do zhes dam bcas pa'i tshe kho na na dgag pa byas zin pas de la nyes pa med do/ /don de nyid rtogs par bya ba'i phyir sbyor bar byed pa yin no/ /'dra ba'i phyir dpe mi mthun pa yang ma yin la nye bar 'dogs pa dag gis de'i bdag nyid kyang ma yin zhing/ brjod du med pa'i don med pa yang ma yin no/ /

【N2 第二問答】

གལ་ཏེ་མིང་གིས་ཉེ་བར་འདོགས་པར་བྱེད་ན་ནི་རྒྱུ་མཚན་གྱི་དངོས་པོ་སྲིད་པར་འགྱུར་ལ། མི་བྱེད་ན་ནི་མི་སྲིད་པར་འགྱུར་ན་ནི་དེ་ལྟ་ན་ཆོས་མཐུན་པའི་དཔེ་ཡང་རུང་བར་འགྱུར་ལ། བརྗོད་དུ་མེད་པར་རྟོག་པ་ཡང་རིགས་པར་འགྱུར་རོ། །གལ་ཏེ་དེ་ལྟ་མ་ཡིན་ན། དེའི་ཕྱིར་བརྗོད་དུ་མེད་པར་རྟོག་པ་ནི་དོན་མེད་པ་ཡིན་ནོ་ཞེ་ན། སྨྲས་པ། སའི་དངོས་གཞིར་རྣམ་པར་རྟོག་པ་སྔ་མ་རྣམ་པ་བརྒྱད་ལས་ད་ལྟར་བྱུང་བའི་དངོས་པོ་རྣམ་པ་གསུམ་འབྱུང་བར་འགྱུར་རོ་ཞེས་ཇི་སྐད་བསྟན་པ་ཡིན་ཏེ། འབྱུང་བའི་དངོས་པོ་རྣམ་པ་གསུམ་པོ་དེ་ཡང་རྣམ་པར་རྟོག་པ་རྣམས་ཀུན་ཏུ་སྐྱེད་པའི་ཕྱིར་འབྱུང་བ་ཡིན་ཏེ། དེ་ལྟར་འབྲེལ་པའི་ཚུལ་གྱིས་ཀུན་ནས་ཉོན་མོངས་པ་རྒྱུན་མི་འཆད་པར་འགྱུར་བས་དེའི་ཕྱིར་དཔེ་ནི་ཆོས་མཐུན་པ་ཡིན་ནོ། རྣམ་པར་རྟོག་པའི་ཉེ་བར་འདོགས་པ་སྤངས་ན། ཀུན་ནས་ཉོན་མོངས་པ་ལྡོག་པ་ཡང་རུང་སྟེ། དེ་ནི་འཕགས་པའི་ཡེ་ཤེས་ཀྱིས་དམིགས་པ་ཡིན་པས། དེ་ཡང་ཚད་མ་ཡིན་ཏེ། དེའི་ཕྱིར་བརྗོད་དུ་མེད་པར་རྟོག་པ་དོན་མེད་པ་མ་ཡིན་ནོ། །

gal te ming gis nye bar 'dogs par byed na ni rgyu mtshan gyi dngos po srid par 'gyur la/ mi byed na ni mi srid par 'gyur na ni de lta na chos mthun pa'i dpe yang rung bar 'gyur la/ brjod du med par rtog pa yang rigs par 'gyur ro/ /gal te de lta ma yin na/ de'i phyir brjod du med par rtog pa ni don med pa yin no zhe na/ smras pa/ sa'i dngos gzhir rnam par rtog pa snga ma rnam pa brgyad las da ltar byung ba'i dngos po rnam pa gsum 'byung bar 'gyur ro zhes ji skad bstan pa yin te/ 'byung ba'i dngos po rnam pa gsum po de yang rnam par rtog pa rnams kun tu skyed pa'i phyir 'byung ba yin te/ de ltar 'brel pa'i tshul gyis kun nas nyon mongs pa rgyun mi 'chad par 'gyur bas de'i phyir dpe ni chos mthun pa yin no/ rnam par rtog pa'i nye bar 'dogs pa spangs na/ kun nas nyon mongs pa ldog pa yang rung ste/ de ni 'phags pa'i ye shes kyis dmigs pa yin pas/ de yang tshad ma yin te/ de'i phyir brjod du med par rtog pa don med pa ma yin no/ /

【N3 第三問答】

གལ་ཏེ་རྒྱུ་མཚན་གྱི་དངོས་པོ་རྣམ་པར་གཞག་པའི་ཕྱིར་རྣམ་པར་རྟོག་པའི་ཉེ་བར་འདོགས་པ་སྤོང་བ་ཡིན་ན། དེ་ལྟ་ན་འཕགས་པའི་ཡེ་ཤེས་གང་ཡང་རུང་བ་གཅིག་གིས་རྒྱུ་མཚན་དང་རྣམ་པར་རྟོག་པས་བསྡུས་པའི་སེམས་ཅན་དང༌། སེམས་ཅན་དུ་བགྲང་བ་མ་ཡིན་པའི་དངོས་པོ་ཐམས་ཅད་འགོག་པར་ཐལ་བར་འགྱུར་ཏེ། འདི་ལྟ་སྟེ། དཔེར་ན་སྒྱུ་མ་མཁན་དང་སྒྱུ་མའི་ལས་བཞིན་ནོ་ཞེ་ན། སྨྲས་པ། དངོས་པོ་ནི་རྣམ་པར་རྟོག་པ་ཐུན་མོང་མ་ཡིན་པའི་རྒྱུ་ལས་བྱུང་བ་དང༌། རྣམ་པར་རྟོག་པ་ཐུན་མོང་བའི་རྒྱུ་ལས་བྱུང་བ་ཡིན་པས། རྣམ་པར་རྟོག་པ་ཐུན་མོང་མ་ཡིན་པའི་རྒྱུ་ལས་བྱུང་བ་རྣམ་པར་བརྟགས་པ་གང་ཡིན་པ་དེ་ནི་འགོག་པར་འགྱུར་ལ། རྣམ་པར་རྟོག་པ་ཐུན་མོང་བའི་རྒྱུ་ལས་བྱུང་བ་རྣམ་པར་མ་བརྟགས་པ་གང་ཡིན་པ་དེ་ནི་གཞན་གྱི་རྣམ་པར་རྟོག་པས་ཟིན་པ་ཡིན་པས་མི་འགོག་སྟེ། གཞན་དུ་ན་གཞན་གྱི་རྣམ་པར་རྟོག་པ་དོན་མེད་པར་འགྱུར་རོ། །དེ་མ་འགགས་ན་ཡང་རྣམ་པར་དག་པའི་བདག་ཉིད་ཅན་གྱི་མཐོང་བ་རྣམ་པར་དག་པར་འགྱུར་བར་ཁོང་དུ་ཆུད་པར་བྱ་སྟེ། འདི་ལྟ་སྟེ། དཔེར་ན་རྣལ་འབྱོར་པ་རབ་ཏུ་མང་པོས་དངོས་པོ་གཅིག་ལ་མཉམ་པར་གཞག་པའི་ཤེས་པས་སྣ་ཚོགས་སུ་མོས་པར་བྱེད་པ་དག་ལ་མཐོང་བ་སྣ་ཚོགས་དག་དམིགས་པར་འགྱུར་བ་དེ་དང་འདྲའོ། །

gal te rgyu mtshan gyi dngos po rnam par gzhag pa'i phyir rnam par rtog pa'i nye bar 'dogs pa spong ba yin na/ de lta na 'phags pa'i ye shes gang yang rung ba gcig gis rgyu mtshan dang rnam par rtog pas bsdus pa'i sems can dang/ sems can du bgrang ba ma yin pa'i dngos po thams cad 'gog par thal bar 'gyur te/ 'di lta ste/ dper na sgyu ma mkhan dang sgyu ma'i las bzhin no zhe na/ smras pa/ dngos po ni rnam par rtog pa thun mong ma yin pa'i rgyu las byung ba dang/ rnam par rtog pa thun mong ba'i rgyu las byung ba yin pas/ rnam par rtog pa thun mong ma yin pa'i rgyu las byung ba rnam par brtags pa gang yin pa de ni 'gog par 'gyur la/ rnam par rtog pa thun mong ba'i rgyu las byung ba rnam par ma brtags pa gang yin pa de ni gzhan gyi rnam par rtog pas zin pa yin pas mi 'gog ste/ gzhan du na gzhan gyi rnam par rtog pa don med par 'gyur ro/ /de ma 'gags na yang rnam par dag pa'i bdag nyid can gyi mthong ba rnam par dag par 'gyur bar khong du chud par bya ste/ 'di lta ste/ dper na rnal 'byor pa rab tu mang pos dngos po gcig la mnyam par gzhag pa'i shes pas sna tshogs su mos par byed pa dag la mthong ba sna tshogs dag dmigs par 'gyur ba de dang 'dra'o/ /

【K3 取門】【L1 總判五事能取所取】

དངོས་པོ་ལྔ་པོ་དེ་དག་ལས་དུ་ཞིག་གཟུང་བ་དག་ཡིན། དུ་ཞིག་འཛིན་པ་དག་ཡིན་ཞེ་ན། སྨྲས་པ། གསུམ་ནི་གཟུང་བ་ཡིན་ནོ། །རྣམ་པར་རྟོག་པ་དང་ཡང་དག་པའི་ཤེས་པ་ནི་འཛིན་པ་ཡང་ཡིན། གཟུང་བ་ཡང་ཡིན་ནོ། །

dngos po lnga po de dag las du zhig gzung ba dag yin/ du zhig 'dzin pa dag yin zhe na/ smras pa/ gsum ni gzung ba yin no/ /rnam par rtog pa dang yang dag pa'i shes pa ni 'dzin pa yang yin/ gzung ba yang yin no/ /

【L2 別辨三取所行】【M1 正辨三取所行】

དངོས་པོ་ལྔ་པོ་དག་ལ་མདོར་བསྡུ་ན་རྣམ་པ་དུ་ཞིག་འཛིན་པའི་སྤྱོད་ཡུལ་གྱི་དོན་ཡིན་པར་བལྟ་བར་བྱ་ཞེ་ན། སྨྲས་པ། རྣམ་པ་གསུམ་སྟེ། བརྗོད་པ་དང་བཅས་ཤིང་མཚན་མ་དང་བཅས་པའི་འཛིན་པའི་སྤྱོད་ཡུལ་དང༌། བརྗོད་དུ་མེད་ལ་མཚན་མ་དང་བཅས་པའི་འཛིན་པའི་སྤྱོད་ཡུལ་དང༌། མཚན་མ་མེད་པ་འཛིན་པའི་སྤྱོད་ཡུལ་ལོ། །དེ་ལ་དང་པོ་ནི་ཐ་སྙད་རྗེས་སུ་སད་པའི་འཛིན་པའི་སྤྱོད་ཡུལ་ལོ། །གཉིས་པ་ནི་ཐ་སྙད་བག་ལ་ཉལ་བའི་འཛིན་པའི་སྤྱོད་ཡུལ་ལོ། །གསུམ་པ་ནི་ཐ་སྙད་བག་ལ་ཉལ་བ་མ་ཡིན་པའི་འཛིན་པའི་སྤྱོད་ཡུལ་ལོ། །དང་པོ་གཉིས་ནི་ཀུན་རྫོབ་ཀྱི་བདེན་པ་འཛིན་པ་ཡིན་ནོ། །ཐ་མ་ནི་དོན་དམ་པའི་བདེན་པ་འཛིན་པ་ཡིན་ནོ། །གཞན་ཡང་བག་ལ་ཉལ་མེད་པ་དེའི་རྗེས་ལས་ཐོབ་པའི་འཛིན་པ་ཡང་ཡོད་དེ། དེའི་སྤྱོད་ཡུལ་ནི་བདེན་པ་གཉིས་ཀར་གཏོགས་པའི་གཟུང་བ་ཡིན་ཏེ། འདི་ལྟ་སྟེ། འཇིག་རྟེན་པ་དང་འཇིག་རྟེན་ལས་འདས་པའི་ཤེས་པའོ། །དེའི་སྤྱོད་ཡུལ་ནི་རྣམ་པར་གཞག་པའི་བདེན་པ་ཡིན་པའི་ཕྱིར་དེའི་སྤྱོད་ཡུལ་བདེན་པ་གཉི་གར་གཏོགས་པ་ཡིན་པར་རྣམ་པར་གཞག་གོ༑ འཇིག་རྟེན་པ་དང་འཇིག་རྟེན་ལས་འདས་པའི་འཛིན་པ་དེ་གཉིས་ཀྱང་རྒྱུ་གཉིས་ཀྱིས་རྣམ་པར་ཤེས་པར་བྱ་སྟེ། འདྲིས་པ་དང་མ་འདྲིས་པའི་ཕྱིར་དང༌། ཐ་སྙད་དང་ཐ་སྙད་མ་ཡིན་པ་ལ་བརྟེན་པའི་ཕྱིར་རོ། །

dngos po lnga po dag la mdor bsdu na rnam pa du zhig 'dzin pa'i spyod yul gyi don yin par blta bar bya zhe na/ smras pa/ rnam pa gsum ste/ brjod pa dang bcas shing mtshan ma dang bcas pa'i 'dzin pa'i spyod yul dang/ brjod du med la mtshan ma dang bcas pa'i 'dzin pa'i spyod yul dang/ mtshan ma med pa 'dzin pa'i spyod yul lo/ /de la dang po ni tha snyad rjes su sad pa'i 'dzin pa'i spyod yul lo/ /gnyis pa ni tha snyad bag la nyal ba'i 'dzin pa'i spyod yul lo/ /gsum pa ni tha snyad bag la nyal ba ma yin pa'i 'dzin pa'i spyod yul lo/ /dang po gnyis ni kun rdzob kyi bden pa 'dzin pa yin no/ /tha ma ni don dam pa'i bden pa 'dzin pa yin no/ /gzhan yang bag la nyal med pa de'i rjes las thob pa'i 'dzin pa yang yod de/ de'i spyod yul ni bden pa gnyis kar gtogs pa'i gzung ba yin te/ 'di lta ste/ 'jig rten pa dang 'jig rten las 'das pa'i shes pa'o/ /de'i spyod yul ni rnam par gzhag pa'i bden pa yin pa'i phyir de'i spyod yul bden pa gnyi gar gtogs pa yin par rnam par gzhag go| 'jig rten pa dang 'jig rten las 'das pa'i 'dzin pa de gnyis kyang rgyu gnyis kyis rnam par shes par bya ste/ 'dris pa dang ma 'dris pa'i phyir dang/ tha snyad dang tha snyad ma yin pa la brten pa'i phyir ro/ /

【M2 重問答分別】【N1 取因緣】

འཇིག་རྟེན་ན་མཚན་མ་དང་བཅས་པ་ལ་འཛིན་པར་ནི་གྲགས་ཀྱི། མཚན་མ་མེད་པ་ལ་འཛིན་པར་ནི་མ་གྲགས་པས། རྒྱུ་མེད་པ་དང་རྐྱེན་མེད་པར་ནི་མི་རུང་ན། དེའི་རྒྱུ་ནི་གང་རྐྱེན་ནི་གང་ཞེ་ན། སྨྲས་པ། ཐ་སྙད་ཀྱིས་ཡོངས་སུ་བསྒོས་པའི་འཛིན་པའི་འབྲས་བུ་ནི་མཚན་མ་དང་བཅས་པ་ལ་འཛིན་པར་གྲགས་པ་ཡིན་ཏེ། ཀུན་ནས་ཉོན་མོངས་པར་འགྱུར་བའོ། །དོན་དམ་པའི་ཤེས་པས་ཡོངས་སུ་བསྒོས་པའི་འཛིན་པའི་འབྲས་བུ་ནི་མཚན་མ་མེད་པ་ལ་འཛིན་པ་ཡིན་ཏེ། རྣམ་པར་བྱང་བར་འགྱུར་བའོ། །དེའི་ཕྱིར་དེ་གཉི་ག་ཡང་རྒྱུ་དང་བཅས་པ་དང༌། རྐྱེན་དང་བཅས་པ་ཡིན་ཏེ། མིག་ལ་རབ་རིབ་ཀྱི་སྐྱོན་ཡོད་པ་ལ་སྐྲ་ཤད་འཛིངས་པ་ལ་སོགས་པ་རབ་རིབ་ཀྱི་མཚན་མ་དམིགས་པ་ལྟ་བུ་དང༌། སྐྱོན་མེད་པ་ལ་དེ་མི་དམིགས་ཤིང༌། ཐ་མལ་པར་སྣང་བ་ལྟ་བུའོ། །

'jig rten na mtshan ma dang bcas pa la 'dzin par ni grags kyi/ mtshan ma med pa la 'dzin par ni ma grags pas/ rgyu med pa dang rkyen med par ni mi rung na/ de'i rgyu ni gang rkyen ni gang zhe na/ smras pa/ tha snyad kyis yongs su bsgos pa'i 'dzin pa'i 'bras bu ni mtshan ma dang bcas pa la 'dzin par grags pa yin te/ kun nas nyon mongs par 'gyur ba'o/ /don dam pa'i shes pas yongs su bsgos pa'i 'dzin pa'i 'bras bu ni mtshan ma med pa la 'dzin pa yin te/ rnam par byang bar 'gyur ba'o/ /de'i phyir de gnyi ga yang rgyu dang bcas pa dang/ rkyen dang bcas pa yin te/ mig la rab rib kyi skyon yod pa la skra shad 'dzings pa la sogs pa rab rib kyi mtshan ma dmigs pa lta bu dang/ skyon med pa la de mi dmigs shing/ tha mal par snang ba lta bu'o/ /

【N2 明無明無相取名義(有六問答)】

གལ་ཏེ་མཚན་མ་མེད་པའི་དབྱིངས་ལ་མཚན་མར་འཛིན་ན་ནི་མཚན་མ་མེད་པ་འཛིན་པར་མི་འགྱུར་རོ། །གལ་ཏེ་མི་འཛིན་ན་ནི་དེ་ལྟ་ན་ཡང་མཚན་མ་མེད་པ་འཛིན་པར་མི་འགྱུར་རོ་ཞེ་ན། སྨྲས་པ། འཛིན་པ་ནི་ཐ་སྙད་བག་ལ་ཉལ་མེད་པའི་ཕྱིར་མཚན་མ་མེད་པའི་དབྱིངས་ལ་འཛིན་པ་ན་ཡང༌། དེ་ལ་མཚན་མར་མི་འཛིན་པས་མཚན་མ་མེད་པ་འཛིན་པར་འཐད་དོ། །མཚན་མར་མི་འཛིན་པས་དེ་ཇི་ལྟར་འཛིན་ཞེ་ན། དེའི་མཚན་མ་བཤིག་པའི་ཕྱིར་དང༌། མངོན་རྟགས་སུ་འཛིན་པར་སྒྲོ་འདོགས་པ་མེད་པས་སོ། །ཇི་སྟེ་མཚན་མར་མི་འཛིན་ན་ཡང་མངོན་རྟགས་སུ་འཛིན་པར་སྒྲོ་འདོགས་པ་མེད་ན། མཚན་མ་ཉིད་ཅི་འདྲ་བར་རིག་པར་བྱ་ཞེ་ན། སྨྲས་པ། དོན་དམ་པ་འཛིན་པའི་ཕྱིར་དང་། མཚན་མ་མེད་པ་འཛིན་པ་མ་ཡིན་པའི་ཕྱིར་དང༌། དངོས་པོ་ལྔ་པོ་ལ་མཚན་མ་ཐམས་ཅད་མི་སྣང་བའི་མཚན་ཉིད་ཡིན་ནོ། །གལ་ཏེ་མི་གསལ་བར་འཛིན་པར་རྣམ་པར་བཞག་ན། འཛིན་པ་དེ་འགོག་པ་ཁོ་ན་ཡིན་པར་ཅིའི་ཕྱིར་མི་རྟག་ཅེ་ན། སྨྲས་པ། འགོག་པར་ནི་མངོན་པར་འདུ་བྱ་བ་མ་ཡིན་པའི་ཕྱིར་རྣལ་འབྱོར་པ་ནི་དེ་འགོག་པའི་ཕྱིར་མངོན་པར་འདུ་མི་བྱེད་དོ། །དེའི་མཚན་ཉིད་ཇི་ལྟར་སོ་སོར་རིག་པར་བྱ་ཞེ་ན། སྨྲས་པ། སོ་སོ་རང་རིག་པའི་ཡེ་ཤེས་ཀྱིས་སོ། །དེ་ཇི་ལྟར་སོ་སོར་རིག་པར་བྱེད་པ་དེ་ལྟར་ཅིའི་ཕྱིར་ལན་འདེབས་པར་མི་བྱེད་ཅེ་ན། སྨྲས་པ། སོ་སོར་རིག་པ་དེ་ནི་བརྗོད་པའི་གཞིའི་གནས་མ་ཡིན་པའི་ཕྱིར་རོ། །

gal te mtshan ma med pa'i dbyings la mtshan mar 'dzin na ni mtshan ma med pa 'dzin par mi 'gyur ro/ /gal te mi 'dzin na ni de lta na yang mtshan ma med pa 'dzin par mi 'gyur ro zhe na/ smras pa/ 'dzin pa ni tha snyad bag la nyal med pa'i phyir mtshan ma med pa'i dbyings la 'dzin pa na yang/ de la mtshan mar mi 'dzin pas mtshan ma med pa 'dzin par 'thad do/ /mtshan mar mi 'dzin pas de ji ltar 'dzin zhe na/ de'i mtshan ma bshig pa'i phyir dang/ mngon rtags su 'dzin par sgro 'dogs pa med pas so/ /ji ste mtshan mar mi 'dzin na yang mngon rtags su 'dzin par sgro 'dogs pa med na/ mtshan ma nyid ci 'dra bar rig par bya zhe na/ smras pa/ don dam pa 'dzin pa'i phyir dang / mtshan ma med pa 'dzin pa ma yin pa'i phyir dang/ dngos po lnga po la mtshan ma thams cad mi snang ba'i mtshan nyid yin no/ /gal te mi gsal bar 'dzin par rnam par bzhag na/ 'dzin pa de 'gog pa kho na yin par ci'i phyir mi rtag ce na/ smras pa/ 'gog par ni mngon par 'du bya ba ma yin pa'i phyir rnal 'byor pa ni de 'gog pa'i phyir mngon par 'du mi byed do/ /de'i mtshan nyid ji ltar so sor rig par bya zhe na/ smras pa/ so so rang rig pa'i ye shes kyis so/ /de ji ltar so sor rig par byed pa de ltar ci'i phyir lan 'debs par mi byed ce na/ smras pa/ so sor rig pa de ni brjod pa'i gzhi'i gnas ma yin pa'i phyir ro/ /

【N3 明熏辨取因果(有三問答)】【O1 初問答】

གལ་ཏེ་ཤེས་པ་དང་པོ་མཚན་མ་མེད་པ་མ་ཡིན་ན་ནི། དེ་མེད་པའི་ཕྱིར་མཚན་མ་མེད་པའི་ཤེས་པ་གོམས་པ་ཡང་མེད་པར་འགྱུར་ལ། དེ་ལ་གོམས་པ་མེད་ན་ནི་མཚན་མ་མེད་པ་རྒྱུ་མེད་པ་ལས་སྐྱེ་བར་མི་རུང་ངོ་ཞེ་ན། སྨྲས་པ། མཚན་མ་དང་བཅས་པ་ཡང་མཚན་མ་མེད་པའི་རྒྱུ་རུང་སྟེ། དེ་དང་མཐུན་པའི་ཕྱིར་རོ། །འདི་ལྟ་སྟེ། དཔེར་ན་འཇིག་རྟེན་པ་ལ་བརྟེན་ནས་འཇིག་རྟེན་ལས་འདས་པ་སྐྱེ་བ་དང༌། ཟག་པ་དང་བཅས་པ་ལ་བརྟེན་ནས་ཟག་པ་མེད་པ་དང༌།སེམས་ཡོད་པའི་སྙོམས་པར་འཇུག་པ་ལ་བརྟེན་ནས་སེམས་མེད་པ་སྐྱེ་བ་དང་འདྲའོ༑ །

gal te shes pa dang po mtshan ma med pa ma yin na ni/ de med pa'i phyir mtshan ma med pa'i shes pa goms pa yang med par 'gyur la/ de la goms pa med na ni mtshan ma med pa rgyu med pa las skye bar mi rung ngo zhe na/ smras pa/ mtshan ma dang bcas pa yang mtshan ma med pa'i rgyu rung ste/ de dang mthun pa'i phyir ro/ /'di lta ste/ dper na 'jig rten pa la brten nas 'jig rten las 'das pa skye ba dang/ zag pa dang bcas pa la brten nas zag pa med pa dang/sems yod pa'i snyoms par 'jug pa la brten nas sems med pa skye ba dang 'dra'o| /

【O2 第二問答】

བཅོམ་ལྡན་འདས་ཀྱིས་རྣམ་པར་དག་པའི་རྒྱུར་སྡུག་བསྔལ་ལ་སོགས་པ་ཤེས་པ་གསུངས་པ་ལ། གལ་ཏེ་སྡུག་བསྔལ་ལ་སོགས་པ་ཤེས་པས་སྡུག་བསྔལ་ལ་སོགས་པའི་བདེན་པ་དག་སྡུག་བསྔལ་ལ་སོགས་པར་ཡོངས་སུ་རྟོག་པར་བྱེད་ན་ནི། དེ་ན་མཚན་མ་དང་བཅས་པར་འགྱུར་རོ། །ཇི་སྟེ་ཡོངས་སུ་རྟོག་པར་མི་བྱེད་ན་ནི་སྡུག་བསྔལ་ལ་སོགས་པ་ཤེས་པར་མི་འགྱུར་བས། དེ་མེད་ན་ཇི་ལྟར་རྣམ་པར་དག་པར་འགྱུར་ཞེ་ན། སྨྲས་པ། བདེན་པ་རྣམས་ལ་འཇིག་རྟེན་པ་དང་འཇིག་རྟེན་ལས་འདས་པའི་ཤེས་པ་རྣམ་པར་དག་པ་ནི་མཚན་མ་མེད་པའི་ཤེས་པའི་དབང་གིས་བྱུང་བ་ཡིན་པའི་ཕྱིར། དེ་ཉིད་ཀྱིས་ཉོན་མོངས་པ་རྣམ་པར་སྤངས་པས་ན། མཚན་མ་མེད་པའི་ཤེས་པ་སྡུག་བསྔལ་ལ་སོགས་པའི་ཤེས་པའི་རྒྱུ་གྱུར་པ་ཉོན་མོངས་པ་སྤོང་བར་བྱེད་པ་གང་ཡིན་པ་དེ་ཉིད་ལ་རྒྱུ་ལ་འབྲས་བུ་གདགས་པ་བྱས་ནས་སྡུག་བསྔལ་ལ་སོགས་པ་ཤེས་པས་ཉེ་བར་གདགས་པས་ཉེས་པ་མེད་དོ།

bcom ldan 'das kyis rnam par dag pa'i rgyur sdug bsngal la sogs pa shes pa gsungs pa la/ gal te sdug bsngal la sogs pa shes pas sdug bsngal la sogs pa'i bden pa dag sdug bsngal la sogs par yongs su rtog par byed na ni/ de na mtshan ma dang bcas par 'gyur ro/ /ji ste yongs su rtog par mi byed na ni sdug bsngal la sogs pa shes par mi 'gyur bas/ de med na ji ltar rnam par dag par 'gyur zhe na/ smras pa/ bden pa rnams la 'jig rten pa dang 'jig rten las 'das pa'i shes pa rnam par dag pa ni mtshan ma med pa'i shes pa'i dbang gis byung ba yin pa'i phyir/ de nyid kyis nyon mongs pa rnam par spangs pas na/ mtshan ma med pa'i shes pa sdug bsngal la sogs pa'i shes pa'i rgyu gyur pa nyon mongs pa spong bar byed pa gang yin pa de nyid la rgyu la 'bras bu gdags pa byas nas sdug bsngal la sogs pa shes pas nye bar gdags pas nyes pa med do/

【O3 第三問答】

སྔར་བཟུང་བ་ནི་འཛིན་པའི་འབྲས་བུ་ཅན་ཡིན་ནོ་ཞེས་བསྟན་ན་འཛིན་པ་དེའི་འབྲས་བུ་གང་ཡིན་པར་བརྗོད་པར་བྱ་ཞེ་ན། །སྨྲས་པ། གཉི་ག་གཅིག་གི་འབྲས་བུ་གཅིག་ཡིན་ནོ། །

sngar bzung ba ni 'dzin pa'i 'bras bu can yin no zhes bstan na 'dzin pa de'i 'bras bu gang yin par brjod par bya zhe na/ /smras pa/ gnyi ga gcig gi 'bras bu gcig yin no/ /

【N4 明行者除遣有相轉得無相(有七問答)】【O1 初問答明得定現影除遣轉滅】

གང་གི་ཚེ་ཤེས་བྱ་མི་རྟག་པ་འདྲིས་པ་བརྟེན་པ་དང་དཔག་ཏུ་མེད་པ། ཕལ་ཆེར་ལྐོག་ཏུ་གྱུར་པ་ཡིན་པའི་ཚེ། རྣལ་འབྱོར་པ་དེས་ཇི་ལྟར་དེ་ལ་དམིགས་པར་བྱེད་ཅིང་རྣམ་པར་ཟློག་པར་ཡང་བྱེད་ཅེ་ན། སྨྲས་པ། ཐོས་པ་དང་བསམ་པའི་དབང་གིས་ཏིང་ངེ་འཛིན་ཐོབ་པར་འགྱུར་ལ། དེས་ཤེས་བྱ་རྣམ་པ་ལྔའི་ཏིང་ངེ་འཛིན་གྱི་གཟུགས་བརྙན་མངོན་དུ་བྱས་ནས། ཤེས་བྱ་དེ་ལ་དམིགས་པར་བྱེད་དོ། །ཟིལ་གྱིས་གནོན་པས་ནི་རྣམ་པར་ཟློག་པར་བྱེད་དོ། །

gang gi tshe shes bya mi rtag pa 'dris pa brten pa dang dpag tu med pa/ phal cher lkog tu gyur pa yin pa'i tshe/ rnal 'byor pa des ji ltar de la dmigs par byed cing rnam par zlog par yang byed ce na/ smras pa/ thos pa dang bsam pa'i dbang gis ting nge 'dzin thob par 'gyur la/ des shes bya rnam pa lnga'i ting nge 'dzin gyi gzugs brnyan mngon du byas nas/ shes bya de la dmigs par byed do/ /zil gyis gnon pas ni rnam par zlog par byed do/ /

【O2 第二問答除遣之相】

ཤེས་བྱ་རྣམ་པ་ལྔས་ཟིལ་གྱིས་གནོན་པའི་མཚན་ཉིད་ཇི་ལྟ་བུ་ཡིན་པར་བརྗོད་པར་བྱ་ཞེ་ན། སྨྲས་པ། གནས་པར་གྱུར་པ། འདུས་མ་བྱས་པ་མྱ་ངན་ལས་འདས་པའི་མཚན་ཉིད་བླ་ན་མེད་པ་ཡིན་ནོ༑ །མྱ་ངན་ལས་འདས་པ་གང་ཞེ་ན། ཆོས་ཀྱི་དབྱིངས་རྣམ་པར་དག་པ་གང་ཡིན་པ་སྟེ། ཉོན་མོངས་པ་དང་སྡུག་བསྔལ་ཉེ་བར་ཞི་བའི་དོན་གྱིས་ཡིན་གྱི། མེད་པའི་དོན་གྱིས་ནི་མ་ཡིན་ནོ། །

shes bya rnam pa lngas zil gyis gnon pa'i mtshan nyid ji lta bu yin par brjod par bya zhe na/ smras pa/ gnas par gyur pa/ 'dus ma byas pa mya ngan las 'das pa'i mtshan nyid bla na med pa yin no| /mya ngan las 'das pa gang zhe na/ chos kyi dbyings rnam par dag pa gang yin pa ste/ nyon mongs pa dang sdug bsngal nye bar zhi ba'i don gyis yin gyi/ med pa'i don gyis ni ma yin no/ /

【O3 第三問答以喻顯彼涅槃，非無法界清淨】【P1 問】

གང་གི་ཚེ་ཉོན་མོངས་པ་དང་སྡུག་བསྔལ་ཉེ་བར་ཞི་བ་ཙམ་ལ་མྱ་ངན་ལས་འདས་པ་ཞེས་བྱ་བའི་ཚེ། ཅིའི་ཕྱིར་དེ་མེད་པའི་དོན་གྱིས་མ་ཡིན་ཞེ་ན།

gang gi tshe nyon mongs pa dang sdug bsngal nye bar zhi ba tsam la mya ngan las 'das pa zhes bya ba'i tshe/ ci'i phyir de med pa'i don gyis ma yin zhe na/

【P2 答】【Q1 舉三喻顯其有餘無餘涅槃非滅無義】

སྨྲས་པ། འདི་ལྟ་སྟེ། དཔེར་ན་ཆུའི་ཁམས་ལ་རྙོག་པ་དྭངས་པ་ཙམ་གསལ་བ་ཡིན་ཡང་རྙོག་པ་དྭངས་པར་གྱུར་པས་གསལ་བ་ཉིད་མེད་པ་མ་ཡིན་པ་དང༌། གསེར་སྐྱོན་དང་བྲལ་བ་ཙམ་བཟང་བ་ཉིད་ཡིན་ཡང་དེ་དང་བྲལ་བས་བཟང་བ་ཉིད་མེད་པ་མ་ཡིན་པ་དང༌། ནམ་མཁའ་སྤྲིན་དང༌། ཁུག་རྣ་ལ་སོགས་པ་དང་བྲལ་བ་ཙམ་རྣམ་པར་དག་པ་ཉིད་ཡིན་ཡང་དེ་དང་བྲལ་བས་རྣམ་པར་དག་པ་ཉིད་མེད་པ་མ་ཡིན་པ་བཞིན་དུ། འདི་ལ་ཡང་ཚུལ་དེ་བཞིན་དུ་བལྟ་བར་བྱའོ། །

smras pa/ 'di lta ste/ dper na chu'i khams la rnyog pa dwangs pa tsam gsal ba yin yang rnyog pa dwangs par gyur pas gsal ba nyid med pa ma yin pa dang/ gser skyon dang bral ba tsam bzang ba nyid yin yang de dang bral bas bzang ba nyid med pa ma yin pa dang/ nam mkha' sprin dang/ khug rna la sogs pa dang bral ba tsam rnam par dag pa nyid yin yang de dang bral bas rnam par dag pa nyid med pa ma yin pa bzhin du/ 'di la yang tshul de bzhin du blta bar bya'o/ /

【Q2 法喻以顯除相法界清淨】

ཆོས་ཀྱི་དབྱིངས་རྣམ་པར་དག་པ་གང་ཞེ་ན། ཡང་དག་པའི་ཤེས་པ་བསྒོམ་པ་ལ་བརྟེན་ནས་མཚན་མ་ཐམས་ཅད་བསལ་བས་དེ་བཞིན་ཉིད་གང་ཡིན་པ་སྟེ། འདི་ལྟ་སྟེ། དཔེར་ན་མི་ལ་ལ་ཞིག་གཉིད་ལོག་པའི་ཚེ་བདག་ཉིད་ཆུ་བོའི་ཆུས་ཁྱེར་བར་རྨིས་ནས་དེ་ཆུ་བོ་དེ་ལས་རྒལ་བར་བྱ་བའི་ཕྱིར་བརྩོན་འགྲུས་ཆེན་པོ་ལ་རྩོམ་པར་གྱུར་པ་ལས། བརྩོན་འགྲུས་བརྩོམ་པ་དེ་ཉིད་ཀྱིས་སད་པར་གྱུར་ཅིང༌། སད་ནས་ཀྱང་ཆུ་བོའི་ཆུ་དེ་ཉིད་མི་སྣང་བར་གྱུར་པ་དེ་བཞིན་དུ་མཚན་མ་སེལ་བ་འདི་ལ་ཡང་ཚུལ་དེ་བཞིན་དུ་བལྟ་བར་བྱའོ། །

chos kyi dbyings rnam par dag pa gang zhe na/ yang dag pa'i shes pa bsgom pa la brten nas mtshan ma thams cad bsal bas de bzhin nyid gang yin pa ste/ 'di lta ste/ dper na mi la la zhig gnyid log pa'i tshe bdag nyid chu bo'i chus khyer bar rmis nas de chu bo de las rgal bar bya ba'i phyir brtson 'grus chen po la rtsom par gyur pa las/ brtson 'grus brtsom pa de nyid kyis sad par gyur cing/ sad nas kyang chu bo'i chu de nyid mi snang bar gyur pa de bzhin du mtshan ma sel ba 'di la yang tshul de bzhin du blta bar bya'o/ /

【O4 第四問答法喻以明斷遣時等】

ཅིག་གང་གི་ཚེ་ཐ་སྙད་ཀྱི་བག་ལ་ཉལ་སྤོང་བར་བྱེད་པ་དེ་ཉིད་ཀྱི་ཚེ་ན། མཚན་མ་རྣམ་པར་འཇིག་པར་བྱེད་དམ། འོན་ཏེ་སྤངས་པའི་འོག་ཏུ་དུས་གཞན་གྱི་ཚེ་ན་རྣམ་པར་འཇིག་པར་བྱེད་ཅེ་ན། སྨྲས་པ། དེ་སྤོང་བར་བྱེད་པ་དང༌། དེ་རྣམ་པར་འཇིག་པར་བྱེད་པ་ནི་སྲང་མདའི་མཐོན་དམན་གྱི་ཚུལ་བཞིན་དུ་མགོ་མཉམ་ཞིང་དུས་གཅིག་ཏུ་སྟེ། འདི་ལྟ་སྟེ། དཔེར་ན་རི་མོའི་དབྱིབས་ལ་ཚོན་རྩི་བྱེད་པ་ན། དབྱིབས་ཀྱང་བྱེད་པར་འགྱུར་བ་དང༌། རབ་རིབ་ཀྱི་སྐྱོན་བསལ་བ་ན་སྐྲ་ཤད་འཛིངས་པ་ལ་སོགས་པ་རབ་རིབ་ཀྱང་བསལ་བར་མགོ་མཉམ་པ་བཞིན་དུ། འདི་ལ་ཡང་ཚུལ་དེ་བཞིན་དུ་བལྟ་བར་བྱའོ༑ །

cig gang gi tshe tha snyad kyi bag la nyal spong bar byed pa de nyid kyi tshe na/ mtshan ma rnam par 'jig par byed dam/ 'on te spangs pa'i 'og tu dus gzhan gyi tshe na rnam par 'jig par byed ce na/ smras pa/ de spong bar byed pa dang/ de rnam par 'jig par byed pa ni srang mda'i mthon dman gyi tshul bzhin du mgo mnyam zhing dus gcig tu ste/ 'di lta ste/ dper na ri mo'i dbyibs la tshon rtsi byed pa na/ dbyibs kyang byed par 'gyur ba dang/ rab rib kyi skyon bsal ba na skra shad 'dzings pa la sogs pa rab rib kyang bsal bar mgo mnyam pa bzhin du/ 'di la yang tshul de bzhin du blta bar bya'o| /

【O5 第五問答明轉得無相有其五位】

རྣལ་འབྱོར་པས་ཇི་ལྟར་དམིགས་པ་ཟིལ་གྱིས་གནོན་ཞེ་ན། སྨྲས་པ། སེམས་མཉམ་པར་གཞག་པ་ལ་ཤེས་བྱའི་གཟུགས་བརྙན་བྱུང་བ་ན། སྔར་དོན་དམ་པ་ལེགས་པར་རྟོགས་པ་ཡིད་ལ་བྱེད་པས་མཚན་མ་དང་བཅས་པ་ཉིད་ནི་རྣམ་པར་ལྡོག །མཚན་མ་མེད་པ་ཉིད་དུ་འགྱུར་རོ། །མཚན་མ་མེད་པ་ཉིད་དུ་འགྱུར་བ་དེ་ཡང་གནས་སྐབས་ལྔ་སྟེ། ཉི་ཚེ་བ་དང༌། ཐམས་ཅད་དུ་འགྲོ་བ་དང༌། གཡོ་བ་དང༌། མངོན་པར་འདུ་བྱེད་པ་དང་བཅས་པ་དང༌། གྲུབ་པའོ༑ །

rnal 'byor pas ji ltar dmigs pa zil gyis gnon zhe na/ smras pa/ sems mnyam par gzhag pa la shes bya'i gzugs brnyan byung ba na/ sngar don dam pa legs par rtogs pa yid la byed pas mtshan ma dang bcas pa nyid ni rnam par ldog /mtshan ma med pa nyid du 'gyur ro/ /mtshan ma med pa nyid du 'gyur ba de yang gnas skabs lnga ste/ nyi tshe ba dang/ thams cad du 'gro ba dang/ g.yo ba dang/ mngon par 'du byed pa dang bcas pa dang/ grub pa'o| /

【O6 第六問答明成滿位相離三成三】

གྲུབ་པ་དེ་ཡང་མཚན་ཉིད་ཇི་ལྟ་བུ་ཡིན་ཞེ་ན། ཉོན་མོངས་པ་ཐམས་ཅད་དང༌། གནོད་པ་ཐམས་ཅད་ཀྱིས་མི་བརྫི་བའི་ཕྱིར། གཏན་དུ་གནོད་པ་བྱར་མེད་པ་ཡིན་པས་ན་གནས་གྲུབ་པ་ཞེས་བྱ་སྟེ། དེ་ཡང་དེ་ཁོ་ནའི་དོན་ཤིན་ཏུ་རྣམ་པར་དག་པ་སྤྱོད་ཡུལ་བ་དང༌། ཐམས་ཅད་མངོན་སུམ་གྱི་སྤྱོད་ཡུལ་བ་དང་། ཐམས་ཅད་ལ་དབང་སྒྱུར་བའི་སྤྱོད་ཡུལ་བའོ། །

grub pa de yang mtshan nyid ji lta bu yin zhe na/ nyon mongs pa thams cad dang/ gnod pa thams cad kyis mi brdzi ba'i phyir/ gtan du gnod pa byar med pa yin pas na gnas grub pa zhes bya ste/ de yang de kho na'i don shin tu rnam par dag pa spyod yul ba dang/ thams cad mngon sum gyi spyod yul ba dang / thams cad la dbang sgyur ba'i spyod yul ba'o/ /

【O7 第七問答明隨根立乘】【P1 明立乘頭數證得時量】

གྲུབ་པ་དེ་ཡང་ཐེག་པ་དུས་རྣམ་པར་འཇོག་པར་བྱེད་ཅིང༌། དུས་ཇི་ཙམ་གྱིས་འཐོབ་ཅེ་ན། སྨྲས་པ། དབང་པོ་རྣམ་པ་གསུམ་ཡོད་པའི་ཕྱིར་ཐེག་པ་གསུམ་གྱིས་རྣམ་པར་འཇོག་སྟེ། ཐེག་པ་གཉིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཐེག་པའི་རྩ་བ་ཅན་ཡིན་པའི་ཕྱིར་རོ། །གཉིས་ཀྱིས་ནི་དུས་ངེས་པ་མེད་པ་འཐོབ་སྟེ། རྐྱེན་ཇི་ལྟ་བ་དང༌། ཇི་ལྟར་ཡོངས་སུ་སྨིན་པས་སོ། །ཐ་མས་ནི་གནས་ངན་ལེན་གསུམ་གྱི་དབང་དུ་བྱས་ནས་བསྐལ་པ་གྲངས་མེད་པ་གསུམ་གྱི་དུས་ཀྱིས་འཐོབ་པར་འགྱུར་རོ། །གནས་ངན་ལེན་རྣམ་པ་གསུམ་གང་ཞེ་ན། ངན་སོང་ལ་མི་དགའ་བའི་ཕྱོགས་དང་མཐུན་པ་ལྤགས་ཤུན་ལ་ཡོད་པ་ལྟ་བུ་གང་སྤངས་པས་ངན་སོང་དུ་འགྲོ་བར་མི་འགྱུར་ཞིང༌། སྦྱོར་བ་བྱེད་པས་ན་ཡང་མི་དགའ་བ་དང་འདྲེ་བར་མི་འགྱུར་བ་དང༌། ཉོན་མོངས་པའི་སྒྲིབ་པའི་ཕྱོགས་དང་མཐུན་པ་ཕྲ་མོ་ཡོད་པ་ལྟ་བུ་གང་ཡང་སྤངས་པས་རྣམ་པ་ཐམས་ཅད་དུ་ཉོན་མོངས་པ་ཤིན་ཏུ་ཕྲ་མོ་ཡང་ཀུན་ཏུ་མི་འབྱུང་ཞིང༌། བག་ལ་ཉལ་ཡང་དག་པར་འཇོམས་པར་ནི་མི་འགྱུར་བ་དང༌། ཤེས་བྱའི་སྒྲིབ་པའི་ཕྱོགས་དང་མཐུན་པ་སྙིང་པོ་ལ་ཡོད་པ་ལྟ་བུ་གང་ཡང་སྤངས་པས་མི་ཤེས་པའི་བག་ལ་ཉལ་ཡང་དག་པར་འཇོམས་ཤིང་ཤེས་བྱ་ཐམས་ཅད་ལ་སྒྲིབ་པ་མེད་པའི་ཡེ་ཤེས་འཇུག་པར་འགྱུར་རོ། །

grub pa de yang theg pa dus rnam par 'jog par byed cing/ dus ji tsam gyis 'thob ce na/ smras pa/ dbang po rnam pa gsum yod pa'i phyir theg pa gsum gyis rnam par 'jog ste/ theg pa gnyis kyang bla na med pa yang dag par rdzogs pa'i byang chub kyi theg pa'i rtsa ba can yin pa'i phyir ro/ /gnyis kyis ni dus nges pa med pa 'thob ste/ rkyen ji lta ba dang/ ji ltar yongs su smin pas so/ /tha mas ni gnas ngan len gsum gyi dbang du byas nas bskal pa grangs med pa gsum gyi dus kyis 'thob par 'gyur ro/ /gnas ngan len rnam pa gsum gang zhe na/ ngan song la mi dga' ba'i phyogs dang mthun pa lpags shun la yod pa lta bu gang spangs pas ngan song du 'gro bar mi 'gyur zhing/ sbyor ba byed pas na yang mi dga' ba dang 'dre bar mi 'gyur ba dang/ nyon mongs pa'i sgrib pa'i phyogs dang mthun pa phra mo yod pa lta bu gang yang spangs pas rnam pa thams cad du nyon mongs pa shin tu phra mo yang kun tu mi 'byung zhing/ bag la nyal yang dag par 'joms par ni mi 'gyur ba dang/ shes bya'i sgrib pa'i phyogs dang mthun pa snying po la yod pa lta bu gang yang spangs pas mi shes pa'i bag la nyal yang dag par 'joms shing shes bya thams cad la sgrib pa med pa'i ye shes 'jug par 'gyur ro/ /

【P2 明立乘明因緣】

ཇི་ལྟར་ཉན་ཐོས་རྣམ་པར་གཞག་ཅེ་ན། སྨྲས་པ། རྒྱུ་གསུམ་གྱིས་ཏེ། སྤྲུལ་པ་དང༌། སྨོན་ལམ་དང༌། ཆོས་ཉིད་ཀྱིས་སོ། །དེ་ལ་སྤྲུལ་པ་ནི་འདུལ་བའི་དབང་གིས་དེ་བཞིན་གཤེགས་པས་དེ་དང་དེར་ཉན་ཐོས་སྤྲུལ་པ་སྤྲུལ་པར་མཛད་པ་གང་ཡིན་པའོ། །དེ་ལ་སྨོན་ལམ་ནི་གང་ཟག་ཉན་ཐོས་ཀྱི་ཐེག་པ་པར་སྨོན་ལམ་བཏབ་པ། ཉན་ཐོས་ཞེས་བྱ་བར་རྣམ་པར་འཇོག་པར་མཛད་པ་གང་ཡིན་པའོ། །དེ་ལ་ཆོས་ཉིད་ནི་གང་ཟག་གང་རང་བཞིན་གྱིས་སྙིང་རྗེ་ཆུང་བ་དང༌། སྡུག་བསྔལ་གྱིས་འཇིགས་པ་དེ་རྒྱུ་དེ་གཉིས་ཀྱིས་གཞན་གྱི་དོན་ཀྱང་མི་འདོད་ལ། གཞན་དག་གི་དོན་དུ་འཁོར་བ་ཡང་མི་འདོད་པས་དེ་ལ་ཆོས་ཉིད་དེས་ཉན་ཐོས་སུ་འདོགས་པར་མཛད་པ་སྟེ། དེ་མངོན་པར་རྫོགས་པར་བྱང་ཆུབ་པའི་ཆོས་ཅན་ཡིན་ཡང་རྣམ་པར་གཞག་པའི་བདེན་པ་དག་ལ་སྐྲག་པའི་རྣམ་པས་ཤས་ཆེར་འཇུག་པས་དེས་ན་དེ་ཡང་དག་པར་འགྲུབ་པར་བྱེད་དོ། །ཉན་ཐོས་ཇི་ལྟ་བ་བཞིན་དུ་རང་སངས་རྒྱས་རྣམས་ཀྱང་དེ་བཞིན་ཏེ། དེ་ནི་སངས་རྒྱས་རྣམས་འབྱུང་བ་མེད་ཀྱང་མངོན་པར་རྫོགས་པར་བྱང་ཆུབ་པར་འགྱུར་བས༑ ཁྱད་པར་དུ་འཕགས་པ་ཡིན་ནོ། །བྱང་ཆུབ་སེམས་དཔའ་ནི་དེ་ལས་བཟློག་པའི་རྒྱུ་གསུམ་ཁོ་ནས་བལྟ་བར་བྱའོ། །

ji ltar nyan thos rnam par gzhag ce na/ smras pa/ rgyu gsum gyis te/ sprul pa dang/ smon lam dang/ chos nyid kyis so/ /de la sprul pa ni 'dul ba'i dbang gis de bzhin gshegs pas de dang der nyan thos sprul pa sprul par mdzad pa gang yin pa'o/ /de la smon lam ni gang zag nyan thos kyi theg pa par smon lam btab pa/ nyan thos zhes bya bar rnam par 'jog par mdzad pa gang yin pa'o/ /de la chos nyid ni gang zag gang rang bzhin gyis snying rje chung ba dang/ sdug bsngal gyis 'jigs pa de rgyu de gnyis kyis gzhan gyi don kyang mi 'dod la/ gzhan dag gi don du 'khor ba yang mi 'dod pas de la chos nyid des nyan thos su 'dogs par mdzad pa ste/ de mngon par rdzogs par byang chub pa'i chos can yin yang rnam par gzhag pa'i bden pa dag la skrag pa'i rnam pas shas cher 'jug pas des na de yang dag par 'grub par byed do/ /nyan thos ji lta ba bzhin du rang sangs rgyas rnams kyang de bzhin te/ de ni sangs rgyas rnams 'byung ba med kyang mngon par rdzogs par byang chub par 'gyur bas| khyad par du 'phags pa yin no/ /byang chub sems dpa' ni de las bzlog pa'i rgyu gsum kho nas blta bar bya'o/ /

【P3 明失壞經律】【Q1 聲聞失壞經律】

ཇི་ལྟར་ཉན་ཐོས་ཆོས་འདུལ་བ་ལས་རབ་ཏུ་ཉམས་པ་ཡིན་པར་བལྟ་བར་བྱ་ཞེ་ན། གལ་ཏེ་ཉོན་མོངས་པའི་རིམས་ནད་མེད་པ་ཙམ་འགོག་པ་ཡིན་པར་ཡོངས་སུ་རྟོག་པ་ན། བདག་ཆད་པར་འགྱུར་རོ། །ཆུད་ཟོས་པར་འགྱུར་རོ། །མི་འབྱུང་བར་འགྱུར་རོ་སྙམ་དུ་སྐྲག་པ་སྐྱེ་བར་འགྱུར་བ་སྟེ། འདི་ལྟ་སྟེ། དཔེར་ན་མི་ལ་ལ་ཞིག་རིམས་ཀྱིས་བཏབ་པར་གྱུར་པ་ན། དེ་རིམས་ནད་བྱུང་ན་རྣམ་ས་ཐམས་ཅད་དུ་ནད་མེད་པར་འགྱུར་བ་མི་ཤེས་པས་ལུས་ཐམས་ཅད་འགག་པར་འགྱུར་བར་ཡོངས་སུ་རྟོག་ཅིང་སྐྲག་པར་གྱུར་པ་ན། རིམས་ཀྱི་ནད་ལས་ཡོངས་སུ་ཐར་བར་མི་འགྱུར་བས༑ དེ་ལྟར་དེ་རབ་ཏུ་ཉམས་པར་འགྱུར་བ་དང་འདྲ་བར་ཉན་ཐོས་ཀྱང་དེ་བཞིན་དུ་བལྟ་བར་བྱའོ། །

ji ltar nyan thos chos 'dul ba las rab tu nyams pa yin par blta bar bya zhe na/ gal te nyon mongs pa'i rims nad med pa tsam 'gog pa yin par yongs su rtog pa na/ bdag chad par 'gyur ro/ /chud zos par 'gyur ro/ /mi 'byung bar 'gyur ro snyam du skrag pa skye bar 'gyur ba ste/ 'di lta ste/ dper na mi la la zhig rims kyis btab par gyur pa na/ de rims nad byung na rnam sa thams cad du nad med par 'gyur ba mi shes pas lus thams cad 'gag par 'gyur bar yongs su rtog cing skrag par gyur pa na/ rims kyi nad las yongs su thar bar mi 'gyur bas| de ltar de rab tu nyams par 'gyur ba dang 'dra bar nyan thos kyang de bzhin du blta bar bya'o/ /

【Q2 菩薩失壞大乘】

ཇི་ལྟར་ན་བྱང་ཆུབ་སེམས་དཔའ་ཐེག་པ་ཆེན་པོ་ལས་རབ་ཏུ་ཉམས་པ་ཡིན་ཞེ་ན། གལ་ཏེ་ཆོས་རྣམས་ཀྱི་ཟབ་པ་དང་ངོ་བོ་ཉིད་མེད་པ་ཐོས་ནས་རང་བཞིན་གྱིས་ཉོན་མོངས་པའི་རིམས་ནད་མེད་པར་ཡོངས་སུ་རྟོག་ཅིང༌། བདག་ཉིད་ནད་མེད་པར་རློམ་པར་བྱེད་པ་སྟེ། འདི་ལྟ་སྟེ། དཔེར་ན་མི་རིམས་ཀྱིས་བཏབ་པར་གྱུར་པ་དེ་ཉིད་བདག་ཉིད་ནད་མེད་པར་རློམ་པར་བྱེད་པ་ན། རིམས་ཀྱི་ནད་ལས་ཡོངས་སུ་ཐར་བར་མི་འགྱུར་ཞིང༌། རབ་ཏུ་ཉམས་པར་འགྱུར་བ་དང༌འདྲ་བར་བྱང་ཆུབ་སེམས་དཔའ་དེ་ཡང་དེ་བཞིན་དུ་བལྟ་བར་བྱའོ། །

ji ltar na byang chub sems dpa' theg pa chen po las rab tu nyams pa yin zhe na/ gal te chos rnams kyi zab pa dang ngo bo nyid med pa thos nas rang bzhin gyis nyon mongs pa'i rims nad med par yongs su rtog cing/ bdag nyid nad med par rlom par byed pa ste/ 'di lta ste/ dper na mi rims kyis btab par gyur pa de nyid bdag nyid nad med par rlom par byed pa na/ rims kyi nad las yongs su thar bar mi 'gyur zhing/ rab tu nyams par 'gyur ba dang'dra bar byang chub sems dpa' de yang de bzhin du blta bar bya'o/ /

【K4 薩迦耶有及世間門】

དངོས་པོ་ལྔ་པོ་དེ་དག་ལས་དུ་ཞིག་འཇིག་ཚོགས་ཡིན། དུ་ཞིག་འཇིག་ཚོགས་མ་ཡིན་ཞེ་ན། སྨྲས་པ། རྒྱུ་མཚན་ནི་གཉི་ག་ཡིན་ནོ། །གཉིས་ནི་འཇིག་ཚོགས་ཡིན་ནོ། །གཅིག་ནི་འཇིག་ཚོགས་མ་ཡིན་ནོ། །དེ་བཞིན་ཉིད་ནི་གཉི་ག་ཡང་མ་ཡིན་པར་བརྗོད་པར་བྱའོ། །འཇིག་ཚོགས་ཇི་ལྟ་བ་བཞིན་དུ་སྲིད་པ་དང༌། འཇིག་རྟེན་པ་ཡང་དེ་བཞིན་དུ་བལྟ་བར་བྱའོ། །

dngos po lnga po de dag las du zhig 'jig tshogs yin/ du zhig 'jig tshogs ma yin zhe na/ smras pa/ rgyu mtshan ni gnyi ga yin no/ /gnyis ni 'jig tshogs yin no/ /gcig ni 'jig tshogs ma yin no/ /de bzhin nyid ni gnyi ga yang ma yin par brjod par bya'o/ /'jig tshogs ji lta ba bzhin du srid pa dang/ 'jig rten pa yang de bzhin du blta bar bya'o/ /

【K5 真實門】

དེ་ཁོ་ན་བཞི་དང་དངོས་པོ་ལྔ་པོ་དག་ལས་དངོས་པོ་ལྔས་དེ་ཁོ་ན་དུ་དག་བསྡུས་ཤེ་ན། སྨྲས་པ། འཇིག་རྟེན་གྱི་གྲགས་པའི་དེ་ཁོ་ན་དང༌། རིགས་པས་གྲགས་པའི་དེ་ཁོ་ན་ནི་དངོས་པོ་གསུམ་གྱིས་བསྡུས་སོ། །ཉོན་མོངས་པའི་སྒྲིབ་པ་རྣམ་པར་དག་པའི་ཡེ་ཤེས་ཀྱི་སྤྱོད་ཡུལ་གྱི་དེ་ཁོ་ན་དང༌། ཤེས་བྱའི་སྒྲིབ་པ་རྣམ་པར་དག་པའི་ཡེ་ཤེས་ཀྱི་སྤྱོད་ཡུལ་གྱི་དེ་ཁོ་ན་ནི་དངོས་པོ་གཉིས་ཀྱིས་བསྡུས་སོ། །

de kho na bzhi dang dngos po lnga po dag las dngos po lngas de kho na du dag bsdus she na/ smras pa/ 'jig rten gyi grags pa'i de kho na dang/ rigs pas grags pa'i de kho na ni dngos po gsum gyis bsdus so/ /nyon mongs pa'i sgrib pa rnam par dag pa'i ye shes kyi spyod yul gyi de kho na dang/ shes bya'i sgrib pa rnam par dag pa'i ye shes kyi spyod yul gyi de kho na ni dngos po gnyis kyis bsdus so/ /

【K6 四種尋思門】

ཡོངས་སུ་ཚོལ་བ་བཞི་དང་དངོས་པོ་ལྔ་པོ་དག་ལས། དངོས་པོ་ལྔས་ཡོངས་སུ་ཚོལ་བ་དུ་དག་བསྡུས་ཤེ་ན། སྨྲས་པ། རྣམ་པར་རྟོག་པ་ཚུལ་བཞིན་ཡིད་ལ་བྱེད་པ་དང་ལྡན་པས་ཡོངས་སུ་ཚོལ་བ་བཞི་པོ་ཐམས་ཅད་བསྡུས་སོ། །

yongs su tshol ba bzhi dang dngos po lnga po dag las/ dngos po lngas yongs su tshol ba du dag bsdus she na/ smras pa/ rnam par rtog pa tshul bzhin yid la byed pa dang ldan pas yongs su tshol ba bzhi po thams cad bsdus so/ /

【K7 如實遍智門】

ཡང་དག་པ་ཇི་ལྟ་བ་བཞིན་ཡོངས་སུ་ཤེས་པ་བཞི་དང་དངོས་པོ་ལྔ་པོ་དག་ལས་དངོས་པོ་དུ་དག་གིས་ཡང་དག་པ་ཇི་ལྟ་བ་བཞིན་ཡོངས་སུ་ཤེས་པ་དུ་དག་བསྡུས་ཤེ་ན། སྨྲས་པ། ཡང་དག་པའི་ཤེས་པས་བཞི་པོ་ཐམས་ཅད་བསྡུས་སོ། །

yang dag pa ji lta ba bzhin yongs su shes pa bzhi dang dngos po lnga po dag las dngos po du dag gis yang dag pa ji lta ba bzhin yongs su shes pa du dag bsdus she na/ smras pa/ yang dag pa'i shes pas bzhi po thams cad bsdus so/ /

【K8 密意門(十四種密經)】【L1 第一密意】

བཅོམ་ལྡན་འདས་ཀྱིས་ཇི་ལས་དགོངས་ནས་ཆོས་ཐམས་ཅད་གཉིས་སུ་མེད་པ་ཞེས་གསུངས་ཤེ་ན། སྨྲས་པ། དངོས་པོ་ལྔ་པོ་དེ་དག་ཉིད་ལ་ཐ་སྙད་ལས་བྱུང་བའི་ངོ་བོ་ཉིད་ཀྱིས་ངོ་བོ་ཉིད་མེད་པ་ཉིད་དང༌། རང་རང་གི་མཚན་ཉིད་ཀྱིས་ངོ་བོ་ཉིད་དང་བཅས་པ་ཉིད་ལས་དགོངས་ཏེ་གསུངས་སོ། །

bcom ldan 'das kyis ji las dgongs nas chos thams cad gnyis su med pa zhes gsungs she na/ smras pa/ dngos po lnga po de dag nyid la tha snyad las byung ba'i ngo bo nyid kyis ngo bo nyid med pa nyid dang/ rang rang gi mtshan nyid kyis ngo bo nyid dang bcas pa nyid las dgongs te gsungs so/ /

【L2 第二密意】

བཅོམ་ལྡན་འདས་ཀྱིས་ཇི་ལས་དགོངས་ནས་ཆོས་ཐམས་ཅད་ངོ་བོ་ཉིད་མེད་པ་ཞེས་གསུངས་ཤེ་ན། སྨྲས་པ། འདུལ་བའི་དབང་གིས་དེ་དང་དེར་ངོ་བོ་ཉིད་མེད་པ་ཉིད་རྣམ་པ་གསུམ་ལས་དགོངས་ནས་གསུངས་ཏེ། མཚན་ཉིད་ངོ་བོ་ཉིད་མེད་པ་ཉིད་དང༌། སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་དོ། །མཚན་ཉིད་ངོ་བོ་ཉིད་མེད་པ་ཉིད་གང་ཞེ་ན། འདི་ལྟ་སྟེ། ཆོས་རྣམས་ཀྱི་ཐ་སྙད་ལས་བྱུང་བའི་ངོ་བོ་ཉིད་དོ། །སྐྱེ་བ་ངོ་བོ་ཉིད་མེད་པ་ཉིད་གང་ཞེ་ན། འདི་ལྟ་སྟེ། འདུ་བྱེད་རྣམས་ནི་རྟེན་ཅིང་འབྲེལ་པར་འབྱུང་བ་ཡིན་པའི་ཕྱིར་རྐྱེན་གྱི་སྟོབས་ཀྱིས་སྐྱེ་བ་ཡིན་གྱི། རང་མི་སྐྱེ་བ་ནི་སྐྱེ་བ་ངོ་བོ་ཉིད་མེད་པ་ཉིད་ཅེས་བྱའོ། །དོན་དམ་པ་ངོ་བོ་ཉིད་མེད་པ་ཉིད་གང་ཞེ་ན། དེ་ཁོ་ནའི་དོན་གྱིས་མཚན་ཉིད་དང་བྲལ་བའི་ཆོས་གང་ཡིན་པ་དེ་ནི་དོན་དམ་པ་ངོ་བོ་ཉིད་མེད་པ་ཞེས་བྱ་སྟེ། དཔེར་ན་དགེ་སློང་རྣལ་འབྱོར་སྤྱོད་པས་རུས་པའི་ཀེང་རུས་མང་པོ་ལ་མོས་པར་བྱས་ནས་རྣམ་པར་འཇིག་པར་མ་ནུས་པ་ན། རུས་པའི་ཀེང་རུས་དེ་ལ་རྟག་ཏུ་རྒྱུན་མི་འཆད་པར་དོན་དམ་པའི་ངོ་བོ་ཉིད་མེད་པའི་འདུ་ཤེས་འབྱུང་བ་དང་འདྲ་བར། དོན་དམ་པ་ངོ་བོ་ཉིད་མེད་པ་ཉིད་ཀྱང༌། དེ་བཞིན་དུ་བལྟ་བར་བྱའོ། །དེ་ལ་དངོས་པོ་ལྔ་པོ་དག་ནི་མཚན་ཉིད་ངོ་བོ་ཉིད་མེད་པས། ངོ་བོ་ཉིད་མེད་པ་མ་ཡིན་པ་ཡང༌། སྐྱེ་བ་ངོ་བོ་ཉིད་མེད་པ་ཉིད་དང་དོན་དམ་པ་ངོ་བོ་ཉིད་མེད་པ་ཉིད་ཀྱིས་ངོ་བོ་ཉིད་མེད་པ་ཡིན་ཏེ། དེ་ཡང་ཅི་རིགས་པར་འགྱུར་རོ། །དེ་ལ་རྒྱུ་མཚན་དང་མིང་དང་རྣམ་པར་རྟོག་པ་དང་ཡང་དག་པའི་ཤེས་པ་ནི་གཉིས་ཀྱིས་སོ། །དེ་བཞིན་ཉིད་ནི་ངོ་བོ་ཉིད་མེད་པ་ཉིད་གང་གིས་ཀྱང་ངོ་བོ་ཉིད་མེད་པ་མ་ཡིན་ཏེ། བཅོམ་ལྡན་འདས་ཀྱིས་དེ་ལས་དགོངས་ནས་བདེན་པ་གཅིག་སྟེ་གཉིས་པ་མེད་པར་སྨྲས་ཞེས་ཚིགས་སུ་བཅད་པ་ལས་ཇི་སྐད་གསུངས་པ་ལྟ་བུའོ། །

bcom ldan 'das kyis ji las dgongs nas chos thams cad ngo bo nyid med pa zhes gsungs she na/ smras pa/ 'dul ba'i dbang gis de dang der ngo bo nyid med pa nyid rnam pa gsum las dgongs nas gsungs te/ mtshan nyid ngo bo nyid med pa nyid dang/ skye ba ngo bo nyid med pa nyid dang/ don dam pa ngo bo nyid med pa nyid do/ /mtshan nyid ngo bo nyid med pa nyid gang zhe na/ 'di lta ste/ chos rnams kyi tha snyad las byung ba'i ngo bo nyid do/ /skye ba ngo bo nyid med pa nyid gang zhe na/ 'di lta ste/ 'du byed rnams ni rten cing 'brel par 'byung ba yin pa'i phyir rkyen gyi stobs kyis skye ba yin gyi/ rang mi skye ba ni skye ba ngo bo nyid med pa nyid ces bya'o/ /don dam pa ngo bo nyid med pa nyid gang zhe na/ de kho na'i don gyis mtshan nyid dang bral ba'i chos gang yin pa de ni don dam pa ngo bo nyid med pa zhes bya ste/ dper na dge slong rnal 'byor spyod pas rus pa'i keng rus mang po la mos par byas nas rnam par 'jig par ma nus pa na/ rus pa'i keng rus de la rtag tu rgyun mi 'chad par don dam pa'i ngo bo nyid med pa'i 'du shes 'byung ba dang 'dra bar/ don dam pa ngo bo nyid med pa nyid kyang/ de bzhin du blta bar bya'o/ /de la dngos po lnga po dag ni mtshan nyid ngo bo nyid med pas/ ngo bo nyid med pa ma yin pa yang/ skye ba ngo bo nyid med pa nyid dang don dam pa ngo bo nyid med pa nyid kyis ngo bo nyid med pa yin te/ de yang ci rigs par 'gyur ro/ /de la rgyu mtshan dang ming dang rnam par rtog pa dang yang dag pa'i shes pa ni gnyis kyis so/ /de bzhin nyid ni ngo bo nyid med pa nyid gang gis kyang ngo bo nyid med pa ma yin te/ bcom ldan 'das kyis de las dgongs nas bden pa gcig ste gnyis pa med par smras zhes tshigs su bcad pa las ji skad gsungs pa lta bu'o/ /

【L3 第三密意】

བཅོམ་ལྡན་འདས་ཀྱིས་ཇི་ལས་དགོངས་ནས། ཆོས་ཐམས་ཅད་མ་སྐྱེས་པ་དང༌། མ་འགགས་པ་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཞེས་གསུངས་ཤེ་ན། སྨྲས་པ། མཚན་ཉིད་ངོ་བོ་ཉིད་མེད་པ་ཉིད་ཁོ་ན་ལས་དགོངས་ཏེ་གསུངས་སོ། །

bcom ldan 'das kyis ji las dgongs nas/ chos thams cad ma skyes pa dang/ ma 'gags pa dang/ gzod ma nas zhi ba dang/ rang bzhin gyis yongs su mya ngan las 'das pa zhes gsungs she na/ smras pa/ mtshan nyid ngo bo nyid med pa nyid kho na las dgongs te gsungs so/ /

【L4 第四密意】

བཅོམ་ལྡན་འདས་ཀྱིས་ཇི་ལས་དགོངས་ནས། ཆོས་ཐམས་ཅད་ནམ་མཁའ་ལྟ་བུ་ཞེས་གསུངས་ཤེ་ན། སྨྲས་པ། མཚན་ཉིད་ངོ་བོ་ཉིད་མེད་པ་ཉིད་དེ་ཁོ་ན་ལས་དགོངས་ཏེ་གསུངས་སོ། །

bcom ldan 'das kyis ji las dgongs nas/ chos thams cad nam mkha' lta bu zhes gsungs she na/ smras pa/ mtshan nyid ngo bo nyid med pa nyid de kho na las dgongs te gsungs so/ /

【L5 第五密意】

བཅོམ་ལྡན་འདས་ཀྱིས་ཅི་ལས་དགོངས་ནས། ཆོས་ཐམས་ཅད་སྒྱུ་མ་ལྟ་བུ་ཞེས་གསུངས་ཤེ་ན། སྨྲས་པ༑ སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ལས་དགོངས་ཏེ་གསུངས་སོ། །

bcom ldan 'das kyis ci las dgongs nas/ chos thams cad sgyu ma lta bu zhes gsungs she na/ smras pa| skye ba ngo bo nyid med pa nyid dang/ don dam pa ngo bo nyid med pa nyid las dgongs te gsungs so/ /

【L6 第六密意】

བཅོམ་ལྡན་འདས་ཀྱིས་ཇེ་ལས་དགོངས་ནས། གཟུགས་ན་ཡོད་དོ། །རྣམ་པར་ཤེས་པའི་བར་ཡང་ཡོད་དེ། མི་རྟག་པར་ཡང་དག་པར་རྗེས་སུ་མཐོང་ངོ་ཞེས་གསུངས་ཤེ་ན། སྨྲས་པ། མཚན་ཉིད་ངོ་བོ་ཉིད་མེད་པ་ཉིད་ལས་དགོངས་ཏེ་གསུངས་སོ། །དེ་ཅིའི་ཕྱིར་ཞེ་ན། འདི་ལྟར་རྟག་པ་མེད་པར་ཡང་དག་པར་རྗེས་སུ་མཐོང་ངོ་ཞེས་གང་གསུངས་པ་དེ་ནི་མི་རྟག་པར་ཡོད་པར་ཡང་དག་པར་རྗེས་སུ་མཐོང་ངོ་ཞེས་གསུངས་པ་ཡིན་པའི་ཕྱིར་རོ། །

bcom ldan 'das kyis je las dgongs nas/ gzugs na yod do/ /rnam par shes pa'i bar yang yod de/ mi rtag par yang dag par rjes su mthong ngo zhes gsungs she na/ smras pa/ mtshan nyid ngo bo nyid med pa nyid las dgongs te gsungs so/ /de ci'i phyir zhe na/ 'di ltar rtag pa med par yang dag par rjes su mthong ngo zhes gang gsungs pa de ni mi rtag par yod par yang dag par rjes su mthong ngo zhes gsungs pa yin pa'i phyir ro/ /

【L7 第七密意】

བཅོམ་ལྡན་འདས་ཀྱིས་ཇི་ལས་དགོངས་ནས། གཟུགས་ནི་ཡོད་དོ། །རྣམ་པར་ཤེས་པའི་བར་ཡང་ཡོད་དེ། སྡུག་བསྔལ་བར་ཡང་དག་པར་རྗེས་སུ་མཐོང་ངོ་ཞེས་གསུངས་ཤེ་ན། སྨྲས་པ། སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ལས་དགོངས་ཏེ་གསུངས་སོ། །

bcom ldan 'das kyis ji las dgongs nas/ gzugs ni yod do/ /rnam par shes pa'i bar yang yod de/ sdug bsngal bar yang dag par rjes su mthong ngo zhes gsungs she na/ smras pa/ skye ba ngo bo nyid med pa nyid dang/ don dam pa ngo bo nyid med pa nyid las dgongs te gsungs so/ /

【L8 第八密意】

བཅོམ་ལྡན་འདས་ཀྱིས་ཇི་ལས་དགོངས་ནས། གཟུགས་ནི་ཡོད་དོ། །རྣམ་པར་ཤེས་པའི་བར་ཡང་ཡོད་དེ། སྟོང་པར་ཡང་དག་པར་རྗེས་སུ་མཐོང་ངོ་ཞེས་གསུངས་ཤེ་ན། སྨྲས་པ། ཆོས་རྣམས་ཀྱི་མཚན་ཉིད་ངོ་བོ་ཉིད་དང་བྲལ་བ་ཉིད་དང༌། དེ་དག་ཉིད་ཀྱི་སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ལས་དགོངས་ཏེ་གསུངས་སོ། །བྲལ་བ་ཉིད་ཇི་ལྟ་བ་དེ་བཞིན་དུ་མཚན་ཉིད་མི་འདྲ་བ་ཉིད་ལས་དགོངས་ནས་བདག་མེད་པར་གསུངས་པར་བལྟ་བར་བྱའོ། །

bcom ldan 'das kyis ji las dgongs nas/ gzugs ni yod do/ /rnam par shes pa'i bar yang yod de/ stong par yang dag par rjes su mthong ngo zhes gsungs she na/ smras pa/ chos rnams kyi mtshan nyid ngo bo nyid dang bral ba nyid dang/ de dag nyid kyi skye ba ngo bo nyid med pa nyid dang/ don dam pa ngo bo nyid med pa nyid las dgongs te gsungs so/ /bral ba nyid ji lta ba de bzhin du mtshan nyid mi 'dra ba nyid las dgongs nas bdag med par gsungs par blta bar bya'o/ /

【L9 第九密意】

བཅོམ་ལྡན་འདས་ཀྱིས་ཇི་ལས་དགོངས་ནས། གཟུགས་དང་རྣམ་པར་ཤེས་པའི་བར་ལ་ཚུལ་བཞིན་དུ་ལྟ་བ་དང་ངེས་པར་རྟོག་པ་དང༌། ཉེ་བར་རྟོག་པའི་བར་དུ་བྱེད་པ་དེ་ལ་ནི་ཚུལ་བཞིན་དུ་སྣང་ཞིང༌། དེ་ལ་མེད་པར་ཡང་སྣང་ངོ་ཞེས་གསུངས་ཤེ་ན། སྨྲས་པ། མཚན་ཉིད་ངོ་བོ་ཉིད་མེད་པ་ཉིད་ལས་དགོངས་ཏེ་གསུངས་སོ། །

bcom ldan 'das kyis ji las dgongs nas/ gzugs dang rnam par shes pa'i bar la tshul bzhin du lta ba dang nges par rtog pa dang/ nye bar rtog pa'i bar du byed pa de la ni tshul bzhin du snang zhing/ de la med par yang snang ngo zhes gsungs she na/ smras pa/ mtshan nyid ngo bo nyid med pa nyid las dgongs te gsungs so/ /

【L10 第十密意】

བཅོམ་ལྡན་འདས་ཀྱིས་ཇི་ལས་དགོངས་ནས། དེ་ལ་གསོག་དང་གསོབ་དང་སྙིང་པོ་མེད་པར་ཡང་སྣང་ངོ་ཞེས་གསུངས་ཤེ་ན། སྨྲས་པ། སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ལས་དགོངས་ཏེ་གསུངས་སོ། །

bcom ldan 'das kyis ji las dgongs nas/ de la gsog dang gsob dang snying po med par yang snang ngo zhes gsungs she na/ smras pa/ skye ba ngo bo nyid med pa nyid dang/ don dam pa ngo bo nyid med pa nyid las dgongs te gsungs so/ /

【L11 第十一密意】

བཅོམ་ལྡན་འདས་ཀྱིས་ཇི་ལས་དགོངས་ནས། དེ་ལྟ་བས་ན་གང་ལ་མིག་ཀྱང་འགག་ཅིང་ཁ་དོག་གི་འདུ་ཤེས་དང་བྲལ་བར་འགྱུར་བ་དང༌། ཡིད་ཀྱི་བར་ཡང་འགག་ཅིང་ཆོས་ཀྱི་འདུ་ཤེས་དང་བྲལ་བར་འགྱུར་བའི་གནས་དེ་རིག་པར་བྱའོ་ཞེས་གསུངས་ཤེ་ན། སྨྲས་པ། ངོ་བོ་ཉིད་མེད་པ་ཉིད་གང་ལས་ཀྱང་མ་དགོངས་པར་གསུངས་སོ། །

bcom ldan 'das kyis ji las dgongs nas/ de lta bas na gang la mig kyang 'gag cing kha dog gi 'du shes dang bral bar 'gyur ba dang/ yid kyi bar yang 'gag cing chos kyi 'du shes dang bral bar 'gyur ba'i gnas de rig par bya'o zhes gsungs she na/ smras pa/ ngo bo nyid med pa nyid gang las kyang ma dgongs par gsungs so/ /

【L12 第十二密意】

བཅོམ་ལྡན་འདས་ཀྱིས་ཇི་ལས་དགོངས་ནས། གང་གི་ཕྱིར་ཐམས་ཅད་དུ་སེམས་ཀྱི་འདུ་ཤེས་ཐམས་ཅད་རྣམ་པར་བཤིག་པར་གྱུར་པ་དེ་ཅི་ལ་བསྟེན་ཅིང་བསམ་གཏན་བྱེད་པ་ནི་དབང་པོ་དང་བཅས་པའི་ལྷ་རྣམས་ཀྱིས་ཀྱང་མི་ཤེས་སོ་ཞེས་གསུངས་ཤེ་ན། སྨྲས་པ། ངོ་བོ་ཉིད་མེད་པ་ཉིད་གང་ལས་ཀྱང་མ་དགོངས་པར་གསུངས་སོ། །

bcom ldan 'das kyis ji las dgongs nas/ gang gi phyir thams cad du sems kyi 'du shes thams cad rnam par bshig par gyur pa de ci la bsten cing bsam gtan byed pa ni dbang po dang bcas pa'i lha rnams kyis kyang mi shes so zhes gsungs she na/ smras pa/ ngo bo nyid med pa nyid gang las kyang ma dgongs par gsungs so/ /

【L13 第十三密意】

བཅོམ་ལྡན་འདས་ཀྱིས་ཇི་ལས་དགོངས་ནས། མིག་གིས་རྣམ་པར་ཤེས་པར་བྱ་བའི་གཟུགས་དང༌། ཡིད་ཀྱིས་རྣམ་པར་ཤེས་པར་བྱ་བའི་བར་གྱི་ཆོས་ཡིད་བདེ་བ་དང༌། ཡིད་མི་བདེ་བ་དང༌། བཏང་སྙོམས་ཀྱི་གནས་ལྟ་བུ་དག་ལ་ཡང་དག་པ་ཉིད་དམ། བདེན་པ་ཉིད་དམ། མ་ནོར་བ་ཉིད་དམ། ཕྱིན་ཅི་མ་མ་ལོག་པ་ཉིད་མེད་དོ་ཞེས་ཀྱང་གསུངས་ལ། འཕགས་པ་འཇིག་རྟེན་ལས་འདས་པ་ནི། བདེན་པ་ཡིན་པར་བཀའ་སྩལ་ཏོ་ཞེས་གསུངས་ཤེ་ན། སྨྲས་པ། ངོ་བོ་ཉིད་མེད་པ་ཉིད་ཐམས་ཅད་ལས་དགོངས་ཏེ་གསུངས་པ་དང༌། ངོ་བོ་ཉིད་མེད་པ་ཉིད་གང་ལས་ཀྱང་མ་དགོངས་པར་གསུངས་སོ། །

bcom ldan 'das kyis ji las dgongs nas/ mig gis rnam par shes par bya ba'i gzugs dang/ yid kyis rnam par shes par bya ba'i bar gyi chos yid bde ba dang/ yid mi bde ba dang/ btang snyoms kyi gnas lta bu dag la yang dag pa nyid dam/ bden pa nyid dam/ ma nor ba nyid dam/ phyin ci ma ma log pa nyid med do zhes kyang gsungs la/ 'phags pa 'jig rten las 'das pa ni/ bden pa yin par bka' stsal to zhes gsungs she na/ smras pa/ ngo bo nyid med pa nyid thams cad las dgongs te gsungs pa dang/ ngo bo nyid med pa nyid gang las kyang ma dgongs par gsungs so/ /

【L14 第十四密意】

བཅོམ་ལྡན་འདས་ཀྱིས་ཇི་ལས་དགོངས་ནས། བསམ་གཏན་པ་རྣམས་ཀྱི་བསམ་གཏན་གྱི་ཡུལ་དང༌། སངས་རྒྱས་རྣམས་ཀྱི་སངས་རྒྱས་ཀྱི་ཡུལ་བསམ་གྱིས་མི་ཁྱབ་པོ་ཞེས་གསུངས་ཤེ་ན། སྨྲས་པ། ངོ་བོ་ཉིད་མེད་པ་ཉིད་ཐམས་ཅད་ལས་དགོངས་ཏེ་གསུངས་པའམ། ཡང་ན་ངོ་བོ་ཉིད་མེད་པ་ཉིད་གང་ལས་ཀྱང་མ་དགོངས་པར་གསུངས་སོ། །

bcom ldan 'das kyis ji las dgongs nas/ bsam gtan pa rnams kyi bsam gtan gyi yul dang/ sangs rgyas rnams kyi sangs rgyas kyi yul bsam gyis mi khyab po zhes gsungs she na/ smras pa/ ngo bo nyid med pa nyid thams cad las dgongs te gsungs pa'am/ yang na ngo bo nyid med pa nyid gang las kyang ma dgongs par gsungs so/ /

【K9 次第門】【L1 問】

དངོས་པོ་ལྔ་པོ་དེ་དག་ལས་ཅིའི་ཕྱིར་དང་པོ་ཁོ་ནར་རྒྱུ་མཚན་གདགས་པ་ལ་སོགས་པ་གོ་རིམས་དེ་ལྟར་གདགས་པ་མཛད་ཅེ་ན།

dngos po lnga po de dag las ci'i phyir dang po kho nar rgyu mtshan gdags pa la sogs pa go rims de ltar gdags pa mdzad ce na/

【L2 答】【M1 約雜染品辨前三事次第】

སྨྲས་པ། གཞི་མེད་པ་ལ་མིང་གདགས་སུ་མི་རུང་བས་དེའི་ཕྱིར་དང་པོར་རྒྱུ་མཚན་གདགས་པ་མཛད་དོ། །དེའི་འོག་ཏུ་གང་གིས་ངོ་བོ་ཉིད་དུ་འདོགས་པའམ། བྱེ་བྲག་ཏུ་འདོགས་པར་ལས་དེ་འདོགས་པ་བྱེད་པས། དེའི་ཕྱིར་མིང་གདགས་པ་མཛད་དོ། །དེའི་འོག་ཏུ་གང་གིས་རྒྱུ་མཚན་ནམ། མིང་ངམ། དེ་གཉི་ག་ལ་རྣམ་པར་རྟོག་པར་བྱེད་པའི་རྣམ་པར་རྟོག་པ་འབྱུང་བས། དེའི་ཕྱིར་རྣམ་པར་རྟོག་པ་གདགས་པ་མཛད་དོ། །དེ་ལྟར་ཆོས་གསུམ་པོ་དེ་དག་གིས་ཀུན་ནས་ཉོན་མོངས་པའི་ཕྱོགས་ཡོངས་སུ་རྫོགས་པའི་གོ་རིམས་ཡོངས་སུ་བསྟན་པ་ཡིན་ནོ། །དེའི་འོག་ཏུ་རྣམ་པར་བྱང་བའི་ཕྱོགས་ཀྱི་སྐབས་ཡིན་ཏེ། །ཀུན་ནས་ཉོན་མོངས་པའི་ཆོས་དེ་དག་གིས་དེ་བཞིན་ཉིད་མཐོང་བ་དང༌། ཡང་དག་པའི་ཤེས་པ་མཐོང་ན་རྣམ་པར་དག་པར་འགྱུར་བས།

smras pa/ gzhi med pa la ming gdags su mi rung bas de'i phyir dang por rgyu mtshan gdags pa mdzad do/ /de'i 'og tu gang gis ngo bo nyid du 'dogs pa'am/ bye brag tu 'dogs par las de 'dogs pa byed pas/ de'i phyir ming gdags pa mdzad do/ /de'i 'og tu gang gis rgyu mtshan nam/ ming ngam/ de gnyi ga la rnam par rtog par byed pa'i rnam par rtog pa 'byung bas/ de'i phyir rnam par rtog pa gdags pa mdzad do/ /de ltar chos gsum po de dag gis kun nas nyon mongs pa'i phyogs yongs su rdzogs pa'i go rims yongs su bstan pa yin no/ /de'i 'og tu rnam par byang ba'i phyogs kyi skabs yin te/ /kun nas nyon mongs pa'i chos de dag gis de bzhin nyid mthong ba dang/ yang dag pa'i shes pa mthong na rnam par dag par 'gyur bas/

【M2 約清淨品辨後二事次第】

དེའི་ཕྱིར་དེ་གཉིས་ཀྱིས་ནི་རྣམ་པར་བྱང་བའི་ཕྱོགས་ཡོངས་སུ་རྫོགས་པའི་གོ་རིམས་ཡོངས་སུ་བསྟན་པ་ཡིན་ཏེ། དེ་ལྟར་ན་དེ་ནི་དེ་དག་གི་གོ་རིམས་ཡིན་ནོ། །

de'i phyir de gnyis kyis ni rnam par byang ba'i phyogs yongs su rdzogs pa'i go rims yongs su bstan pa yin te/ de ltar na de ni de dag gi go rims yin no/ /

【G2 約三性以辨真實義】【H1 結上生下】

དེ་ཁོ་ནའི་དོན་གྱི་ལེའུའི་དངོས་པོའི་རྣམ་པར་གཏན་ལ་དབབ་པ་རྫོགས་སོ།། །།དེ་ཁོ་ནའི་དོན་རྣམ་པར་ཤེས་པར་འདོད་པས། ངོ་བོ་ཉིད་གསུམ་ལ་བརྩོན་པར་བྱ་བའི་

de kho na'i don gyi le'u'i dngos po'i rnam par gtan la dbab pa rdzogs so// //de kho na'i don rnam par shes par 'dod pas/ ngo bo nyid gsum la brtson par bya ba'i

【H2 舉頌解釋】【I1 第一頌有七門】【J1 頌列七門】

སྡོམ་ནི། རྟེན་དང་རྣམ་པར་དབྱེ་བ་དང༌། །རྟེན་དང་རབ་དབྱེ་བརྟེན་པ་དང༌། །ཕྲ་ལ་མངོན་པར་ཞེན་པ་དང༌། །མིང་བརྗོད་ཇི་བཞིན་མངོན་པར་ཞེན། །

sdom ni/ rten dang rnam par dbye ba dang/ /rten dang rab dbye brten pa dang/ /phra la mngon par zhen pa dang/ /ming brjod ji bzhin mngon par zhen/ /

【J2 依門釋】【K1 總舉門】

ངོ་བོ་ཉིད་གསུམ་གང་ཞེ་ན། ཀུན་བརྟགས་པའི་ངོ་བོ་ཉིད་དང༌། གཞན་གྱི་དབང་གི་ངོ་བོ་ཉིད་དང༌། ཡོངས་སུ་གྲུབ་པའི་ངོ་བོ་ཉིད་དོ། །

ngo bo nyid gsum gang zhe na/ kun brtags pa'i ngo bo nyid dang/ gzhan gyi dbang gi ngo bo nyid dang/ yongs su grub pa'i ngo bo nyid do/ /

【K2 別分別門】

ཀུན་བརྟགས་པའི་ངོ་བོ་ཉིད་གང་ཞེ་ན། ཇི་ཙམ་དུ་རྗེས་སུ་ཐ་སྙད་གདགས་པའི་ཕྱིར་མིང་དང་བརྡ་ལས་བྱུང་བའི་ངོ་བོ་ཉིད་གང་ཡིན་པའོ། །གཞན་གྱི་དབང་གིས་ངོ་བོ་ཉིད་གང་ཞེ་ན། རྟེན་ཅིང་འབྲེལ་པར་འབྱུང་བའི་ངོ་བོ་ཉིད་གང་ཡིན་པའོ། །ཡོངས་སུ་གྲུབ་པའི་ངོ་བོ་ཉིད་གང་ཞེ་ན། འདི་ལྟ་སྟེ༑ རྣམ་པར་དག་པར་བྱ་བའི་ཕྱིར་དང༌། མཚན་མ་དང༌། གནས་ངན་ལེན་གྱི་འཆིང་བ་ཐམས་ཅད་ལས་རྣམ་པར་ཐར་བར་བྱ་བའི་ཕྱིར་དང༌། ཡོན་ཏན་ཐམས་ཅད་མངོན་པར་བསྒྲུབ་པར་བྱ་བའི་ཕྱིར་ཆོས་རྣམས་ཀྱི་དེ་བཞིན་ཉིད་འཕགས་པའི་ཡེ་ཤེས་ཀྱི་སྤྱོད་ཡུལ། འཕགས་པའི་ཡེ་ཤེས་ཀྱི་དམིགས་པ་གང་ཡིན་པའོ། །

kun brtags pa'i ngo bo nyid gang zhe na/ ji tsam du rjes su tha snyad gdags pa'i phyir ming dang brda las byung ba'i ngo bo nyid gang yin pa'o/ /gzhan gyi dbang gis ngo bo nyid gang zhe na/ rten cing 'brel par 'byung ba'i ngo bo nyid gang yin pa'o/ /yongs su grub pa'i ngo bo nyid gang zhe na/ 'di lta ste| rnam par dag par bya ba'i phyir dang/ mtshan ma dang/ gnas ngan len gyi 'ching ba thams cad las rnam par thar bar bya ba'i phyir dang/ yon tan thams cad mngon par bsgrub par bya ba'i phyir chos rnams kyi de bzhin nyid 'phags pa'i ye shes kyi spyod yul/ 'phags pa'i ye shes kyi dmigs pa gang yin pa'o/ /

【K3 緣門】

ཀུན་བརྟགས་པའི་ངོ་བོ་ཉིད་གང་ལ་བརྟེན་ནས་རབ་ཏུ་ཤེས་ཤེ་ན། སྨྲས་པ། རྒྱུ་མཚན་དང་མིང་འབྲེལ་པ་ལ་བརྟེན་ནས་རབ་ཏུ་ཤེས་སོ། །གཞན་གྱི་དབང་གི་ངོ་བོ་ཉིད་གང་ལ་བརྟེན་ནས་རབ་ཏུ་ཤེས་ཤེ་ན། སྨྲས་པ། ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པ་ལ་བརྟེན་ནས་རབ་ཏུ་ཤེས་སོ། །ཡོངས་སུ་གྲུབ་པའི་ངོ་བོ་ཉིད་གང་ལ་བརྟེན་ནས་རབ་ཏུ་ཤེས་ཤེ་ན། སྨྲས་པ། གཞན་གྱི་དབང་གི་ངོ་བོ་ཉིད་ལ་ཀུན་བརྟགས་པའི་ངོ་བོ་ཉིད་དེ་གཏན་ཡོངས་སུ་མ་གྲུབ་པ་ལ་བརྟེན་ནས་རབ་ཏུ་ཤེས་སོ། །དེ་ལ་བཅོམ་ལྡན་འདས་ཀྱིས་མདོ་སྡེ་ལས་ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པ་ལ་བརྟེན་ནས་ཤེས་པར་འགྱུར་རོ་ཞེས་གང་གསུངས་པ་དེར་ནི་དེའི་རྣམ་པར་དག་པ་འཐོབ་པ་ལས་དགོངས་ཏེ་གསུངས་པ་ཡིན་གྱི། དེའི་མཚན་ཉིད་ལས་ནི་མ་ཡིན་ནོ། །དོན་འདིར་ནི་དེའི་མཚན་ཉིད་ཡིན་པར་བལྟ་བར་བྱའོ། །

kun brtags pa'i ngo bo nyid gang la brten nas rab tu shes she na/ smras pa/ rgyu mtshan dang ming 'brel pa la brten nas rab tu shes so/ /gzhan gyi dbang gi ngo bo nyid gang la brten nas rab tu shes she na/ smras pa/ kun brtags pa'i ngo bo nyid la mngon par zhen pa la brten nas rab tu shes so/ /yongs su grub pa'i ngo bo nyid gang la brten nas rab tu shes she na/ smras pa/ gzhan gyi dbang gi ngo bo nyid la kun brtags pa'i ngo bo nyid de gtan yongs su ma grub pa la brten nas rab tu shes so/ /de la bcom ldan 'das kyis mdo sde las kun brtags pa'i ngo bo nyid la mngon par zhen pa la brten nas shes par 'gyur ro zhes gang gsungs pa der ni de'i rnam par dag pa 'thob pa las dgongs te gsungs pa yin gyi/ de'i mtshan nyid las ni ma yin no/ /don 'dir ni de'i mtshan nyid yin par blta bar bya'o/ /

【K4 差別門】【L1 問答舉列】【M1 問】

དེ་ལས་ཀུན་བརྟགས་པའི་ངོ་བོ་ཉིད་ལ་རྣམ་པ་དུ་ཡོད་ཅེ་ན།

de las kun brtags pa'i ngo bo nyid la rnam pa du yod ce na/

【M2 答】

སྨྲས་པ། མདོར་བསྡུ་ན་རྣམ་པ་ལྔ་སྟེ། དོན་གྱི་ངོ་བོ་ཉིད་དུ་ཡོངས་སུ་རྟོག་པ་དང༌། མིང་གི་ངོ་བོ་ཉིད་དུ་ཡོངས་སུ་རྟོག་པ་དང༌། ཀུན་ནས་ཉོན་མོངས་པའི་ངོ་བོ་ཉིད་དུ་ཡོངས་སུ་རྟོག་པ་དང༌། རྣམ་པར་བྱང་བའི་ངོ་བོ་ཉིད་དུ་ཡོངས་སུ་རྟོག་པ་དང༌། ཀུན་ནས་ཉོན་མོངས་པ་ཡང་མ་ཡིན། རྣམ་པར་བྱང་བ་ཡང་མ་ཡིན་པའི་ངོ་བོ་ཉིད་དུ་ཡོངས་སུ་རྟོག་པའོ། །

smras pa/ mdor bsdu na rnam pa lnga ste/ don gyi ngo bo nyid du yongs su rtog pa dang/ ming gi ngo bo nyid du yongs su rtog pa dang/ kun nas nyon mongs pa'i ngo bo nyid du yongs su rtog pa dang/ rnam par byang ba'i ngo bo nyid du yongs su rtog pa dang/ kun nas nyon mongs pa yang ma yin/ rnam par byang ba yang ma yin pa'i ngo bo nyid du yongs su rtog pa'o/ /

【L2 徵問別解】【M1 遍計義自性】【N1 舉列】

དེ་ལ་དོན་གྱི་ངོ་བོ་ཉིད་དུ་ཡོངས་སུ་རྟོག་པ་ནི་རྣམ་པ་བཞི་སྟེ། ངོ་བོ་ཉིད་ཀྱི་མཚན་ཉིད་དུ་ཡོངས་སུ་རྟོག་པ་དང༌། བྱེ་བྲག་གི་མཚན་ཉིད་དུ་ཡོངས་སུ་རྟོག་པ་དང༌། གཟུང་བའི་མཚན་ཉིད་དུ་ཡོངས་སུ་རྟོག་པ་དང༌། འཛིན་པའི་མཚན་ཉིད་དུ་ཡོངས་སུ་རྟོག་པའོ། །

de la don gyi ngo bo nyid du yongs su rtog pa ni rnam pa bzhi ste/ ngo bo nyid kyi mtshan nyid du yongs su rtog pa dang/ bye brag gi mtshan nyid du yongs su rtog pa dang/ gzung ba'i mtshan nyid du yongs su rtog pa dang/ 'dzin pa'i mtshan nyid du yongs su rtog pa'o/ /

【N2 列解】【O1 遍計自相】

དེ་ལ་ངོ་བོ་ཉིད་ཀྱི་མཚན་ཉིད་དུ་ཡོངས་སུ་རྟོག་པ་ནི་འདི་ལྟ་སྟེ། དངོས་པོ་འདི་ནི་གཟུགས་ཀྱི་ངོ་བོ་ཉིད་དོ། །དངོས་པོ་འདི་ནི་རྣམ་པར་ཤེས་པའི་བར་གྱི་ངོ་བོ་ཉིད་དོ། །དངོས་པོ་འདི་ནི་མིག་གི་ངོ་བོ་ཉིད་དོ། །དངོས་པོ་འདི་ནི་ཆོས་ཀྱི་བར་གྱི་ངོ་བོ་ཉིད་དོ་ཞེས་བྱ་བ་ལ་སོགས་པར་ཡོངས་སུ་རྟོག་པའོ། །

de la ngo bo nyid kyi mtshan nyid du yongs su rtog pa ni 'di lta ste/ dngos po 'di ni gzugs kyi ngo bo nyid do/ /dngos po 'di ni rnam par shes pa'i bar gyi ngo bo nyid do/ /dngos po 'di ni mig gi ngo bo nyid do/ /dngos po 'di ni chos kyi bar gyi ngo bo nyid do zhes bya ba la sogs par yongs su rtog pa'o/ /

【O2 遍計差別相】

དེ་ལ་བྱེ་བྲག་གི་མཚན་ཉིད་དུ་ཡོངས་སུ་རྟོག་པ་ནི། འདི་ལྟ་སྟེ། གཟུགས་འདི་ནི་ཡིད་དུ་འོང་བའོ། །འདི་ནི་ཡིད་དུ་མི་འོང་བའོ། །འདི་ནི་ཡིད་དུ་འོང་བ་ཡང་མ་ཡིན་ཡིད་དུ་མི་འོང་བ་ཡང་མ་ཡིན་པའོ། །འདི་ནི་བསྟན་དུ་ཡོད་པའོ། །འདི་ནི་བསྟན་དུ་མེད་པའོ། །འདི་ནི་ཐོགས་པ་དང་བཅས་པའོ། །འདི་ནི་ཐོགས་པ་མེད་པའོ། །འདི་ནི་ཟག་པ་དང་བཅས་པའོ། །འདི་ནི་ཟག་པ་མེད་པའོ། །འདི་ནི་འདུས་བྱས་སོ། །འདི་ནི་འདུས་མ་བྱས་སོ་ཞེས་བྱ་བ་ལ་སོགས་པ་རབ་ཏུ་དབྱེ་བའི་ཚུལ་གྱིས་གཟུགས་དེ་གཅིག་པུའི་བྱེ་བྲག་ལ་ཡོངས་སུ་རྟོག་པ་གང་ཡིན་པ་སྟེ༑ གཟུགས་ལ་ཇི་ལྟ་བ་བཞིན་དུ། ཕུང་པོ་ལྷག་མ་རྣམས་དང་སྐྱེ་མཆེད་ཐམས་ཅད་ལ་ཡང་དེ་བཞིན་དུ་བལྟ་བར་བྱའོ། །

de la bye brag gi mtshan nyid du yongs su rtog pa ni/ 'di lta ste/ gzugs 'di ni yid du 'ong ba'o/ /'di ni yid du mi 'ong ba'o/ /'di ni yid du 'ong ba yang ma yin yid du mi 'ong ba yang ma yin pa'o/ /'di ni bstan du yod pa'o/ /'di ni bstan du med pa'o/ /'di ni thogs pa dang bcas pa'o/ /'di ni thogs pa med pa'o/ /'di ni zag pa dang bcas pa'o/ /'di ni zag pa med pa'o/ /'di ni 'dus byas so/ /'di ni 'dus ma byas so zhes bya ba la sogs pa rab tu dbye ba'i tshul gyis gzugs de gcig pu'i bye brag la yongs su rtog pa gang yin pa ste| gzugs la ji lta ba bzhin du/ phung po lhag ma rnams dang skye mched thams cad la yang de bzhin du blta bar bya'o/ /

【O3 遍計所取相】

དེ་ལ་གཟུང་བའི་མཚན་ཉིད་དུ་ཡོངས་སུ་རྟོག་པ་ནི་འདི་ལྟ་སྟེ། གཟུགས་འདི་ནི་མིག་གི་གཟུང་བའོ། །འདི་ནི་རྣ་བ་དང༌། སྣ་དང་། ལྕེ་དང༌། ལུས་དང༌། ཡིད་ཀྱི་གཟུང་བའོ་ཞེས་བྱ་བར་ཡོངས་སུ་རྟོག་པ་གང་ཡིན་པ་དང༌། ཚོར་བ་དང༌། འདུ་ཤེས་དང༌། འདུ་བྱེད་འདི་དག་དང༌། རྣམ་པར་ཤེས་པ་འདི་ནི་འདོད་པ་ན་སྤྱོད་པའི་ཡིད་ཀྱི་གཟུང་བའོ། །འདི་ནི་གཟུགས་ན་སྤྱོད་པའི་ཡིད་ཀྱི་གཟུང་བའོ། །འདི་ནི་གཟུགས་མེད་པ་ན་སྤྱོད་པའི་ཡིད་ཀྱི་གཟུང་བའོ། །འདི་ནི་ལྡན་པ་མ་ཡིན་པའི་ཡིད་ཀྱི་གཟུང་བའོ་ཞེས་བྱ་བར་ཡོངས་སུ་རྟོག་པ་གང་ཡིན་པའོ༑ །

de la gzung ba'i mtshan nyid du yongs su rtog pa ni 'di lta ste/ gzugs 'di ni mig gi gzung ba'o/ /'di ni rna ba dang/ sna dang / lce dang/ lus dang/ yid kyi gzung ba'o zhes bya bar yongs su rtog pa gang yin pa dang/ tshor ba dang/ 'du shes dang/ 'du byed 'di dag dang/ rnam par shes pa 'di ni 'dod pa na spyod pa'i yid kyi gzung ba'o/ /'di ni gzugs na spyod pa'i yid kyi gzung ba'o/ /'di ni gzugs med pa na spyod pa'i yid kyi gzung ba'o/ /'di ni ldan pa ma yin pa'i yid kyi gzung ba'o zhes bya bar yongs su rtog pa gang yin pa'o| /

【O4 遍計能取相】

དེ་ལ་འཛིན་པའི་མཚན་ཉིད་དུ་ཡོངས་སུ་རྟོག་པ་ནི་འདི་ལྟ་སྟེ། གཟུགས་འདི་ནི་གཟུགས་འཛིན་པའོ། །གཟུགས་འདི་ནི་སྒྲ་དང༌། དྲི་དང༌། རོ་དང༌། རེག་བྱ་དང༌། ཆོས་འཛིན་པའོ་ཞེས་བྱ་བར་ཡོངས་སུ་རྟོག་པ་གང་ཡིན་པ་དང༌། ཚོར་བ་དང༌། འདུ་ཤེས་དང༌། འདུ་བྱེད་འདི་དག་དང༌། རྣམ་པར་ཤེས་པ་འདི་ནི་གཟུགས་འཛིན་པའོ། །འདི་ནི་སྒྲ་དང༌། དྲི་དང༌། རོ་དང༌། རེག་བྱ་དང༌། ཆོས་འཛིན་པའོ་ཞེས་བྱ་བར་ཡོངས་སུ་རྟོག་པ་གང་ཡིན་པའོ། །

de la 'dzin pa'i mtshan nyid du yongs su rtog pa ni 'di lta ste/ gzugs 'di ni gzugs 'dzin pa'o/ /gzugs 'di ni sgra dang/ dri dang/ ro dang/ reg bya dang/ chos 'dzin pa'o zhes bya bar yongs su rtog pa gang yin pa dang/ tshor ba dang/ 'du shes dang/ 'du byed 'di dag dang/ rnam par shes pa 'di ni gzugs 'dzin pa'o/ /'di ni sgra dang/ dri dang/ ro dang/ reg bya dang/ chos 'dzin pa'o zhes bya bar yongs su rtog pa gang yin pa'o/ /

【M2 遍計名自性】【N1 總說】

དེ་ལ་མིང་གི་ངོ་བོ་ཉིད་དུ་ཡོངས་སུ་རྟོག་པ་ནི་རྣམ་པ་གཉིས་ཏེ། བྱེ་བྲག་མེད་པ་དང༌། བྱེ་བྲག་ཅན་ནོ། །

de la ming gi ngo bo nyid du yongs su rtog pa ni rnam pa gnyis te/ bye brag med pa dang/ bye brag can no/ /

【N2 別釋】【O1 無差別】

དེ་ལ་བྱེ་བྲག་མེད་པ་ནི་ཆོས་ཐམས་ཅད་ཅེས་བྱ་བའི་མིང་གང་ཡིན་པའོ། །

de la bye brag med pa ni chos thams cad ces bya ba'i ming gang yin pa'o/ /

【O2 有差別】

དེ་ལ་བྱེ་བྲག་ཅན་ནི་འདི་ལྟ་སྟེ། གཟུགས་ཞེས་བྱ་བ་དང༌། ཚོར་བ་ཞེས་བྱ་བ་དང༌། འདུ་ཤེས་ཞེས་བྱ་བ་དང༌། འདུ་བྱེད་རྣམས་ཞེས་བྱ་བ་དང༌། རྣམ་པར་ཤེས་པ་ཞེས་བྱ་བ་དང་། དེ་ལྟ་བུ་དང་མཐུན་པའི་མིང་རབ་ཏུ་དབྱེ་བའི་ཆོས་སོ་སོ་བ་དེ་དག་ལ་མིང་ཚད་མེད་གྲངས་མེད་པར་ཡོངས་སུ་རྟོག་པ་གང་ཡིན་པའོ། །

de la bye brag can ni 'di lta ste/ gzugs zhes bya ba dang/ tshor ba zhes bya ba dang/ 'du shes zhes bya ba dang/ 'du byed rnams zhes bya ba dang/ rnam par shes pa zhes bya ba dang / de lta bu dang mthun pa'i ming rab tu dbye ba'i chos so so ba de dag la ming tshad med grangs med par yongs su rtog pa gang yin pa'o/ /

【M3 遍計雜染自性】

དེ་ལ་ཀུན་ནས་ཉོན་མོངས་པའི་ངོ་བོ་ཉིད་དུ་ཡོངས་སུ་རྟོག་པ་ནི་འདི་ལྟ་སྟེ། གཟུགས་འདི་ནི་འདོད་ཆགས་དང་བཅས་པ་དང༌། ཞེ་སྡང་དང་བཅས་པ་དང་། གཏི་མུག་དང་བཅས་པ་དང༌། འདོད་ཆགས་དང༌། ཞེ་སྡང་དང༌། གཏི་མུག་དང་མ་བྲལ་པ་དང༌། དད་པ་ལ་སོགས་པ་དགེ་བའི་ཆོས་རྣམས་དང་བྲལ་བའོ་ཞེས་བྱ་བར་ཡོངས་སུ་རྟོག་པ་གང་ཡིན་པ་དང༌། ཚོར་བ་དང༌། འདུ་ཤེས་དང༌། འདུ་བྱེད་འདི་དག་དང༌། རྣམ་པར་ཤེས་པ་འདི་དག་ནི་འདོད་ཆགས་དང་བཅས་པ་དང༌། ཞེ་སྡང་དང་བཅས་པ་དང༌། གཏི་མུག་དང་བཅས་པ་དང༌། འདོད་ཆགས་དང༌། ཞེ་སྡང་དང༌། གཏི་མུག་དག་དང་མ་བྲལ་བ་དང༌། དད་པ་ལ་སོགས་པའི་དགེ་བའི་ཆོས་རྣམས་དང་བྲལ་བའོ་ཞེས་བྱ་བར་ཡོངས་སུ་རྟོག་པ་གང་ཡིན་པའོ། །

de la kun nas nyon mongs pa'i ngo bo nyid du yongs su rtog pa ni 'di lta ste/ gzugs 'di ni 'dod chags dang bcas pa dang/ zhe sdang dang bcas pa dang / gti mug dang bcas pa dang/ 'dod chags dang/ zhe sdang dang/ gti mug dang ma bral pa dang/ dad pa la sogs pa dge ba'i chos rnams dang bral ba'o zhes bya bar yongs su rtog pa gang yin pa dang/ tshor ba dang/ 'du shes dang/ 'du byed 'di dag dang/ rnam par shes pa 'di dag ni 'dod chags dang bcas pa dang/ zhe sdang dang bcas pa dang/ gti mug dang bcas pa dang/ 'dod chags dang/ zhe sdang dang/ gti mug dag dang ma bral ba dang/ dad pa la sogs pa'i dge ba'i chos rnams dang bral ba'o zhes bya bar yongs su rtog pa gang yin pa'o/ /

【M4 遍計清淨自性】

དེ་ལ་རྣམ་པར་བྱང་བའི་ངོ་བོ་ཉིད་དུ་ཡོངས་སུ་རྟོག་པ་ནི་དེ་ལས་བཟློག་པ་ལས་རིག་པར་བྱའོ། །

de la rnam par byang ba'i ngo bo nyid du yongs su rtog pa ni de las bzlog pa las rig par bya'o/ /

【M5 遍計非雜染清淨自性】

དེ་ལ་ཀུན་ནས་ཉོན་མོངས་པ་ཅན་ཡང་མ་ཡིན། རྣམ་པར་བྱང་བ་ཡང་མ་ཡིན་པའི་ངོ་བོ་ཉིད་དུ་ཡོངས་སུ་རྟོག་པ་ནི་འདི་ལྟ་སྟེ། གཟུགས་འདི་ནི་གཟུང་བའོ། །འདི་ནི་འཛིན་པའོ། །ཆོར་བ་དང༌། འདུ་ཤེས་དང༌། འདུ་བྱེད་འདི་དག་དང༌། རྣམ་པར་ཤེས་པ་འདི་ནི་གཟུང་བའོ། །འདི་ནི་འཛིན་པའོ་ཞེས་བྱ་བར་ཡོངས་སུ་རྟོག་པ་གང་ཡིན་པ་དང༌། གཞན་ཡང་ལུང་དུ་མ་བསྟན་པའི་ཆོས་རྣམས་ལ་ལུང་དུ་མ་བསྟན་པའི་ཆོས་རྣམས་སོ་ཞེས་བྱ་བར་ཡོངས་སུ་རྟོག་པ་གང་ཡིན་པའོ། །

de la kun nas nyon mongs pa can yang ma yin/ rnam par byang ba yang ma yin pa'i ngo bo nyid du yongs su rtog pa ni 'di lta ste/ gzugs 'di ni gzung ba'o/ /'di ni 'dzin pa'o/ /chor ba dang/ 'du shes dang/ 'du byed 'di dag dang/ rnam par shes pa 'di ni gzung ba'o/ /'di ni 'dzin pa'o zhes bya bar yongs su rtog pa gang yin pa dang/ gzhan yang lung du ma bstan pa'i chos rnams la lung du ma bstan pa'i chos rnams so zhes bya bar yongs su rtog pa gang yin pa'o/ /

【K5 依止門】【L1 辨五依】【M1 總說】

ཡང་ངོ་བོ་ཉིད་དུ་རྣམ་པར་རྟོག་པ་ནི་རྣམ་པ་ལྔར་རིག་པར་བྱ་སྟེ། མིང་ལ་བརྟེན་པའི་དོན་གྱི་ངོ་བོ་ཉིད་ལ་ཡོངས་སུ་རྟོག་པ་དང༌། དོན་ལ་བརྟེན་པའི་མིང་གི་ངོ་བོ་ཉིད་ལ་ཡོངས་སུ་རྟོག་པ་དང༌། མིང་ལ་བརྟེན་པའི་མིང་གི་ངོ་བོ་ཉིད་ལ་ཡོངས་སུ་རྟོག་པ་དང༌། དོན་ལ་བརྟེན་པའི་དོན་གྱི་ངོ་བོ་ཉིད་ལ་ཡོངས་སུ་རྟོག་པ་དང༌། དེ་གཉི་ག་ལ་བརྟེན་པའི་དེ་གཉི་གའི་་བོ་ཉིད་ལ་ཡོངས་སུ་རྟོག་པའོ། །

yang ngo bo nyid du rnam par rtog pa ni rnam pa lngar rig par bya ste/ ming la brten pa'i don gyi ngo bo nyid la yongs su rtog pa dang/ don la brten pa'i ming gi ngo bo nyid la yongs su rtog pa dang/ ming la brten pa'i ming gi ngo bo nyid la yongs su rtog pa dang/ don la brten pa'i don gyi ngo bo nyid la yongs su rtog pa dang/ de gnyi ga la brten pa'i de gnyi ga'i bo nyid la yongs su rtog pa'o/ /

【M2 別釋】【N1 依名遍計義自性】

དེ་ལ་མིང་ལ་བརྟེན་པའི་དོན་གྱི་ངོ་བོ་ཉིད་ལ་ཡོངས་སུ་རྟོག་པ་ནི་འདི་ལྟ་སྟེ། གཟུགས་ཀྱི་དངོས་པོ་འདི་ནི་གཟུགས་ཀྱི་བདག་ཉིད་ཀྱིས་ཡོངས་སུ་གྲུབ་པ་ཡིན་ནོ་ཞེས་ཡོངས་སུ་རྟོག་པ་གང་ཡིན་པ་དང༌། ཚོར་བ་དང༌། འདུ་ཤེས་དང༌། འདུ་བྱེད་རྣམས་ཀྱི་དངོས་པོ་འདི་དང༌། རྣམ་པར་ཤེས་པའི་དངོས་པོ་འདི་ནི་རྣམ་པར་ཤེས་པའི་བདག་ཉིད་ཀྱིས་ཡོངས་སུ་གྲུབ་པ་ཡིན་ནོ་ཞེས་བྱ་བར་ཡོངས་སུ་རྟོག་པ་གང་ཡིན་པའོ། །

de la ming la brten pa'i don gyi ngo bo nyid la yongs su rtog pa ni 'di lta ste/ gzugs kyi dngos po 'di ni gzugs kyi bdag nyid kyis yongs su grub pa yin no zhes yongs su rtog pa gang yin pa dang/ tshor ba dang/ 'du shes dang/ 'du byed rnams kyi dngos po 'di dang/ rnam par shes pa'i dngos po 'di ni rnam par shes pa'i bdag nyid kyis yongs su grub pa yin no zhes bya bar yongs su rtog pa gang yin pa'o/ /

【N2 依義遍計名自性】

དེ་ལ་དོན་ལ་བརྟེན་པའི་མིང་གི་ངོ་བོ་ཉིད་ལ་ཡོངས་སུ་རྟོག་པ་ནི་འདི་ལྟ་སྟེ། དངོས་པོ་འདིའི་མིང་ནི་གཟུགས་ཞེས་བྱའི༑ དངོས་པོ་འདི་ནི་གཟུགས་མ་ཡིན་ནོ་ཞེས་ཡོངས་སུ་རྟོག་པ་གང་ཡིན་པ་དང༌། དངོས་པོ་འདིའི་མིང་ནི་ཚོར་བ་དང༌། འདུ་ཤེས་དང༌། འདུ་བྱེད་རྣམས་དང༌། རྣམ་པར་ཤེས་པ་ཞེས་བྱའི། །དངོས་པོ་འདི་ནི་རྣམ་པར་ཤེས་པ་མ་ཡིན་ནོ་ཞེས་བྱ་བར་ཡོངས་སུ་རྟོག་པ་གང་ཡིན་པའོ། །

de la don la brten pa'i ming gi ngo bo nyid la yongs su rtog pa ni 'di lta ste/ dngos po 'di'i ming ni gzugs zhes bya'i| dngos po 'di ni gzugs ma yin no zhes yongs su rtog pa gang yin pa dang/ dngos po 'di'i ming ni tshor ba dang/ 'du shes dang/ 'du byed rnams dang/ rnam par shes pa zhes bya'i/ /dngos po 'di ni rnam par shes pa ma yin no zhes bya bar yongs su rtog pa gang yin pa'o/ /

【N3 依名遍計名自性】

དེ་ལ་མིང་ལ་བརྟེན་པའི་མིང་གི་ངོ་བོ་ཉིད་ལ་ཡོངས་སུ་རྟོག་པ་ནི། འདི་ལྟ་སྟེ། དངོས་པོ་མ་རྟོགས་པའི་མིང་གཟུགས་ཞེས་རྣམ་པར་རྟོག་པར་བྱེད་པའི་ཡོངས་སུ་རྟོག་པ་གང་ཡིན་པ་དང༌། དངོས་པོ་མ་རྟོགས་པའི་མིང་ཚོར་བ་དང༌། འདུ་ཤེས་དང༌། འདུ་བྱེད་རྣམས་དང་། རྣམ་པར་ཤེས་པ་ཞེས་རྣམ་པར་རྟོག་པར་བྱེད་པའི་ཡོངས་སུ་རྟོག་པ་གང་ཡིན་པའོ། །

de la ming la brten pa'i ming gi ngo bo nyid la yongs su rtog pa ni/ 'di lta ste/ dngos po ma rtogs pa'i ming gzugs zhes rnam par rtog par byed pa'i yongs su rtog pa gang yin pa dang/ dngos po ma rtogs pa'i ming tshor ba dang/ 'du shes dang/ 'du byed rnams dang / rnam par shes pa zhes rnam par rtog par byed pa'i yongs su rtog pa gang yin pa'o/ /

【N4 依義遍計義自性】

དེ་ལ་དོན་ལ་བརྟེན་པའི་དོན་གྱི་ངོ་བོ་ཉིད་ལ་ཡོངས་སུ་རྟོག་པ་ནི་འདི་ལྟ་སྟེ། མིང་ལས་མ་གཏོགས་པའི་གཟུགས་ཀྱི་དངོས་པོ་ལ་མིང་དམིགས་ཀྱིས་མ་བསལ་བར་རྣམ་པར་རྟོག་པར་བྱེད་པའི་ཡོངས་སུ་རྟོག་པ་གང་ཡིན་པ་དང༌། མིང་མ་གཏོགས་པའི་ཚོར་བ་དང༌། འདུ་ཤེས་དང༌། འདུ་བྱེད་རྣམས་ཀྱི་དངོས་པོ་དང༌། མིང་མ་གཏོགས་པའི་རྣམ་པར་ཤེས་པའི་དངོས་པོ་ལ་མིང་དམིགས་ཀྱིས་མ་བསལ་བར་རྣམ་པར་རྟོག་པར་བྱེད་པའི་ཡོངས་སུ་རྟོག་པ་གང་ཡིན་པའོ། །

de la don la brten pa'i don gyi ngo bo nyid la yongs su rtog pa ni 'di lta ste/ ming las ma gtogs pa'i gzugs kyi dngos po la ming dmigs kyis ma bsal bar rnam par rtog par byed pa'i yongs su rtog pa gang yin pa dang/ ming ma gtogs pa'i tshor ba dang/ 'du shes dang/ 'du byed rnams kyi dngos po dang/ ming ma gtogs pa'i rnam par shes pa'i dngos po la ming dmigs kyis ma bsal bar rnam par rtog par byed pa'i yongs su rtog pa gang yin pa'o/ /

【N5 依二遍計二自性】

དེ་ལ་དེ་གཉི་ག་ལ་བརྟེན་པའི་དེ་གཉི་གའི་ངོ་བོ་ཉིད་ལ་ཡོངས་སུ་རྟོག་པ་ནི་འདི་ལྟ་སྟེ། གཟུགས་ཀྱི་བདག་ཉིད་ཀྱི་དངོས་པོ་འདིའི་མིང་ནི་གཟུགས་ཞེས་བྱའོ་ཞེས་ཡོངས་སུ་རྟོག་པ་གང་ཡིན་པ་དང༌། ཚོར་བ་དང་། འདུ་ཤེས་དང༌། འདུ་བྱེད་རྣམས་དང༌། རྣམ་པར་ཤེས་པའི་བདག་ཉིད་ཀྱི་དངོས་པོ་འདིའི་མིང་ནི་རྣམ་པར་ཤེས་པ་ཞེས་བྱའོ་ཞེས་ཡོངས་སུ་རྟོག་པ་གང་ཡིན་པའོ། །

de la de gnyi ga la brten pa'i de gnyi ga'i ngo bo nyid la yongs su rtog pa ni 'di lta ste/ gzugs kyi bdag nyid kyi dngos po 'di'i ming ni gzugs zhes bya'o zhes yongs su rtog pa gang yin pa dang/ tshor ba dang / 'du shes dang/ 'du byed rnams dang/ rnam par shes pa'i bdag nyid kyi dngos po 'di'i ming ni rnam par shes pa zhes bya'o zhes yongs su rtog pa gang yin pa'o/ /

【L2 明二執】

ཀུན་བརྟགས་པའི་ངོ་བོ་ཉིད་དུ་འཛིན་པ་ནི་མདོར་བསྡུ་ན། རྣམ་པ་གཉིས་སུ་རིག་པར་བྱ་སྟེ། མངོན་པར་འདུ་བྱེད་པས་འཛིན་པ་དང༌། མིང་གི་བརྡས་འཛིན་པའོ། །དེ་ལ་མངོན་པར་འདུ་བྱེད་པས་འཛིན་པ་ནི་རྣམ་པ་ལྔར་རིག་པར་བྱ་སྟེ། རྗེས་སུ་ཆགས་པའི་མངོན་པར་འདུ་བྱེད་པ་དང༌། ཁོང་ཁྲོ་བའི་མངོན་པར་འདུ་བྱེད་པ་དང༌། ཕྲད་པའི་མངོན་པར་འདུ་བྱེད་པ་དང༌། འབྲལ་བའི་མངོན་པར་འདུ་བྱེད་པ་དང༌། བཏང་སྙོམས་སུ་འཇོག་པའི་མངོན་པར་འདུ་བྱེད་པའོ། །དེ་ལ་མིང་གི་བརྡས་འཛིན་པ་ནི་རྣམ་པ་གཉིས་སུ་རིག་པར་བྱ་སྟེ། ཡི་གེ་མེད་པ་ལས་གྱུར་པ་དང༌། ཡི་གེ་ལས་གྱུར་པའོ། །དེ་ལ་ཡི་གེ་མེད་པ་ལས་གྱུར་པ་ནི་འདི་ལྟ་སྟེ། འདི་ཅི་ཡིན། འདི་ཅི་ལྟ་བུ་ཡིན་ཞེས་བྱ་བར་འཛིན་པ་གང་ཡིན་པའོ། །དེ་ལ་ཡི་གེ་ལས་གྱུར་པ་ནི་འདི་ལྟ་སྟེ། འདི་ནི་འདི་དང་འདི་ལྟ་བུ་ཡིན་ཏེ། གཟུགས་ཞེས་བྱ་བའམ། རྣམ་པར་ཤེས་པའི་བར་ཞེས་བའམ། འདུས་བྱས་ཞེས་བྱ་བའམ། འདུས་མ་བྱས་ཞེས་བྱ་བའམ༑ རྟག་ཅེས་བྱ་བའམ། མི་རྟག་ཅེས་བྱ་བའམ། དགེ་ཞེས་བྱ་བའམ། མི་དགེ་ཞེས་བྱ་བའམ། ལུང་དུ་མ་བསྟན་པ་ཞེས་བྱ་བའམ། དེ་ལྟ་དེ་ལྟ་བུ་ལ་སོགས་པར་འཛིན་པ་གང་ཡིན་པའོ། །

kun brtags pa'i ngo bo nyid du 'dzin pa ni mdor bsdu na/ rnam pa gnyis su rig par bya ste/ mngon par 'du byed pas 'dzin pa dang/ ming gi brdas 'dzin pa'o/ /de la mngon par 'du byed pas 'dzin pa ni rnam pa lngar rig par bya ste/ rjes su chags pa'i mngon par 'du byed pa dang/ khong khro ba'i mngon par 'du byed pa dang/ phrad pa'i mngon par 'du byed pa dang/ 'bral ba'i mngon par 'du byed pa dang/ btang snyoms su 'jog pa'i mngon par 'du byed pa'o/ /de la ming gi brdas 'dzin pa ni rnam pa gnyis su rig par bya ste/ yi ge med pa las gyur pa dang/ yi ge las gyur pa'o/ /de la yi ge med pa las gyur pa ni 'di lta ste/ 'di ci yin/ 'di ci lta bu yin zhes bya bar 'dzin pa gang yin pa'o/ /de la yi ge las gyur pa ni 'di lta ste/ 'di ni 'di dang 'di lta bu yin te/ gzugs zhes bya ba'am/ rnam par shes pa'i bar zhes ba'am/ 'dus byas zhes bya ba'am/ 'dus ma byas zhes bya ba'am| rtag ces bya ba'am/ mi rtag ces bya ba'am/ dge zhes bya ba'am/ mi dge zhes bya ba'am/ lung du ma bstan pa zhes bya ba'am/ de lta de lta bu la sogs par 'dzin pa gang yin pa'o/ /

【K6 微細執著門】

ཕྲ་པ་ལ་མངོན་པར་ཞེན་པ་ཕྲ་བ་ནི་ལྔ་པོ་འདི་དག་ཡིན་པར་རིག་པར་བྱ་སྟེ། མི་རྟག་པ་ལ་རྟག་པར་མངོན་པར་ཞེན་པ་དང༌། སྡུག་བསྔལ་བ་ལ་བདེ་བར་མངོན་པར་ཞེན་པ་དང༌། མི་གཙང་བ་ལ་གཙང་བར་མངོན་པར་ཞེན་པ་དང༌། བདག་མེད་པ་ལ་བདག་ཏུ་མངོན་པར་ཞེན་པ་དང༌། མཚན་མ་ལ་ཀུན་བརྟགས་པའི་ངོ་བོ་ཉིད་དུ་མངོན་པར་ཞེན་པའོ།། །།

phra pa la mngon par zhen pa phra ba ni lnga po 'di dag yin par rig par bya ste/ mi rtag pa la rtag par mngon par zhen pa dang/ sdug bsngal ba la bde bar mngon par zhen pa dang/ mi gtsang ba la gtsang bar mngon par zhen pa dang/ bdag med pa la bdag tu mngon par zhen pa dang/ mtshan ma la kun brtags pa'i ngo bo nyid du mngon par zhen pa'o// //

【K7 如名等執性門】【L1 總標舉】

བམ་པོ་སུམ་ཅུ་ལྔ་པ། དེ་ལ་བྱིས་པ་རྣམས་ནི་བརྗོད་པར་བྱ་བའི་དངོས་པོ་ལ་རྒྱུ་ལྔས་མིང་ཇི་ལྟ་བ་དང་བརྗོད་པ་ཇི་ལྟ་བ་བཞིན་དུ་ངོ་བོ་ཉིད་དུ་མངོན་པར་ཞེན་པར་རིག་པར་བྱ་སྟེ།

bam po sum cu lnga pa/ de la byis pa rnams ni brjod par bya ba'i dngos po la rgyu lngas ming ji lta ba dang brjod pa ji lta ba bzhin du ngo bo nyid du mngon par zhen par rig par bya ste/

【L2 別解】【M1 舉前四因即舉外執】【N1 先舉四因】【O1 第一因】

འདི་ལྟར་འདིའི་དངོས་པོ་དེའི་ངོ་བོ་ཉིད་གང་ཡིན་ཞེས་དྲིས་ན། ངོ་བོ་ཉིད་གཟུགས་ཡིན་ནོ་ཞེས་ལན་འདེབས་པར་བྱེད་ཀྱི། མིང་གཟུགས་ཡིན་ནོ་ཞེས་ལན་འདེབས་པར་མི་བྱེད་པ་དང༌། ངོ་བོ་ཉིད་ཚོར་བ་དང༌། འདུ་ཤེས་དང༌། འདུ་བྱེད་རྣམས་དང༌། རྣམ་པར་ཤེས་པ་ཡིན་ནོ་ཞེས་ལན་འདེབས་པར་བྱེད་ཀྱི། མིང་རྣམ་པར་ཤེས་པ་ཡིན་ནོ་ཞེས་ལན་འདེབས་པར་མི་བྱེད་པ་དང༌།

'di ltar 'di'i dngos po de'i ngo bo nyid gang yin zhes dris na/ ngo bo nyid gzugs yin no zhes lan 'debs par byed kyi/ ming gzugs yin no zhes lan 'debs par mi byed pa dang/ ngo bo nyid tshor ba dang/ 'du shes dang/ 'du byed rnams dang/ rnam par shes pa yin no zhes lan 'debs par byed kyi/ ming rnam par shes pa yin no zhes lan 'debs par mi byed pa dang/

【O2 第二因】

གཞན་ཡང་གཅིག་པུ་དབེན་པར་སོང་སྟེ། ཆོས་རྣམས་ཀྱི་རང་གི་མཚན་ཉིད་དང༌། སྤྱིའི་མཚན་ཉིད་ཡོངས་སུ་བརྟགས་པ་ལ་ཞུགས་པ་ན། དངོས་པོ་འདིའི་མཚན་ཉིད་ནི་གཟུགས་ཡིན་གྱི། །མིང་ནི་གཟུགས་མ་ཡིན་ནོ་ཞེས་ཡོངས་སུ་ཚོལ་བར་བྱེད་པ་དང༌། དངོས་པོ་འདིའི་མཚན་ཉིད་ནི་ཚོར་བ་དང༌། འདུ་ཤེས་དང༌། འདུ་བྱེད་རྣམས་དང༌། རྣམ་པར་ཤེས་པ་ཡིན་གྱི། མིང་ནི་རྣམ་པར་ཤེས་པ་མ་ཡིན་ནོ་ཞེས་ཡོངས་སུ་ཚོལ་བར་བྱེད་པ་དང༌།

gzhan yang gcig pu dben par song ste/ chos rnams kyi rang gi mtshan nyid dang/ spyi'i mtshan nyid yongs su brtags pa la zhugs pa na/ dngos po 'di'i mtshan nyid ni gzugs yin gyi/ /ming ni gzugs ma yin no zhes yongs su tshol bar byed pa dang/ dngos po 'di'i mtshan nyid ni tshor ba dang/ 'du shes dang/ 'du byed rnams dang/ rnam par shes pa yin gyi/ ming ni rnam par shes pa ma yin no zhes yongs su tshol bar byed pa dang/

【O3 第三因】

གཞན་ཡང་གཟུགས་ཀྱི་དངོས་པོ་དེའི་མཚན་ཉིད་གཟུགས་ཡིན་པར་ཡོངས་སུ་ཚོལ་བར་བྱེད་པའི་ཚེ། མ་རྙེད་པ་ན་མི་དགའ་ལ། མིང་གཟུགས་ཡིན་པར་ཡོངས་སུ་ཚོལ་བར་བྱེད་པའི་ཚེ། མ་རྙེད་པ་ནི་མི་དགའ་བ་མེད་པ་དང༌། ཚོར་བ་དང༌། འདུ་ཤེས་དང༌། འདུ་བྱེད་རྣམས་དང༌། རྣམ་པར་ཤེས་པའི་དངོས་པོ་དེའི་མཚན་ཉིད་རྣམ་པརཤེས་པ་ཡིན་པར་ཡོངས་སུ་ཚོལ་བར་བྱེད་པའི་ཚེ། མ་རྙེད་པ་ལ་མི་དགའ་ལ། རྣམ་པར་ཤེས་པ་ཡིན་པར་ཡོངས་སུ་ཚོལ་བར་བྱེད་པའི་ཚེ། མ་རྙེད་ན་ནི་མི་དགའ་བ་མེད་པ་དང༌།

gzhan yang gzugs kyi dngos po de'i mtshan nyid gzugs yin par yongs su tshol bar byed pa'i tshe/ ma rnyed pa na mi dga' la/ ming gzugs yin par yongs su tshol bar byed pa'i tshe/ ma rnyed pa ni mi dga' ba med pa dang/ tshor ba dang/ 'du shes dang/ 'du byed rnams dang/ rnam par shes pa'i dngos po de'i mtshan nyid rnam parashes pa yin par yongs su tshol bar byed pa'i tshe/ ma rnyed pa la mi dga' la/ rnam par shes pa yin par yongs su tshol bar byed pa'i tshe/ ma rnyed na ni mi dga' ba med pa dang/

【O4 第四因】【P1 外人立宗】

གཞན་ཡང་ཚིག་ནི་མིང་ལ་འཇུག་ལ་མིང་ནི་དོན་ལ་འཇུག་སྟེ། དེ་ལ་མིང་གང་རང་གི་མཚན་ཉིད་ཀྱི་དོན་གསལ་བར་བྱེད་པ་དེ་ནི་བྱེ་བྲག་གི་མཚན་ཉིད་ཀྱི་དོན་གསལ་བར་བྱེད་པ་ཡང་མ་ཡིན། གཟུང་བའི་མཚན་ཉིད་ཀྱི་དོན་གསལ་བར་བྱེད་པ་ཡང་མ་ཡིན། འཛིན་པའི་མཚན་ཉིད་ཀྱི་དོན་གསལ་བར་བྱེད་པ་ཡང་མ་ཡིན་ལ། མིང་གང་འཛིན་པའི་མཚན་ཉིད་ཀྱི་བར་གྱི་དོན་གསལ་བར་བྱེད་པ་དེ་ནི་རང་གི་མཚན་ཉིད་ཀྱི་དོན་གྱི་བར་གསལ་བར་བྱེད་པ་ཡང་མ་ཡིན་ནོ། །གལ་ཏེ་མིང་གང་རང་གི་མཚན་ཉིད་ཀྱི་དོན་ལ་འཇུག་པར་འགྱུར་བ་དེ་འཛིན་པའི་མཚན་ཉིད་ཀྱི་བར་གྱི་དོན་ལ་ཡང་འཇུག་པར་འགྱུར་ན་ནི་དེས་ན་དེ་ལས་གཞན་པའི་མིང་རྣམས་ཀྱི་དོན་སོ་སོ་ཐ་དད་པའི་རྗེས་སུ་འཇུག་པར་འགྱུར་བ་མི་དམིགས་པར་མི་རུང་ངོ༌། །

gzhan yang tshig ni ming la 'jug la ming ni don la 'jug ste/ de la ming gang rang gi mtshan nyid kyi don gsal bar byed pa de ni bye brag gi mtshan nyid kyi don gsal bar byed pa yang ma yin/ gzung ba'i mtshan nyid kyi don gsal bar byed pa yang ma yin/ 'dzin pa'i mtshan nyid kyi don gsal bar byed pa yang ma yin la/ ming gang 'dzin pa'i mtshan nyid kyi bar gyi don gsal bar byed pa de ni rang gi mtshan nyid kyi don gyi bar gsal bar byed pa yang ma yin no/ /gal te ming gang rang gi mtshan nyid kyi don la 'jug par 'gyur ba de 'dzin pa'i mtshan nyid kyi bar gyi don la yang 'jug par 'gyur na ni des na de las gzhan pa'i ming rnams kyi don so so tha dad pa'i rjes su 'jug par 'gyur ba mi dmigs par mi rung ngo/ /

【P2 論主破之】

དེ་ལྟར་སོ་སོའི་དོན་ཐ་དད་པ་ལ་འཇུག་པའི་མིང་དེ་དག་ལས་མིང་གང་རང་གི་མཚན་ཉིད་ཀྱི་དོན་ལ་འཇུག་པ་དང༌། མིང་གང་འཛིན་པའི་མཚན་ཉིད་ཀྱི་བར་གྱི་དོན་ལ་ཡང་འཇུག་པར་འགྱུར་བ་དེ། དེ་ལྟར་ཡོད་པའི་དོན་ལ་འཇུག་པར་འགྱུར་རམ། འོན་ཏེ་མེད་པའི་དོན་ལ་འཇུག་པར་འགྱུར། རེ་ཞིག་ཡོད་པའི་དོན་ལ་འཇུག་པར་ནི་མི་རུང་སྟེ། ཇི་ལྟར་མི་རུང་བ་དེ་ལྟར་ནི་སྔར་དངོས་པོ་བརྟགས་པའི་སྐབས་སུ་བསྟན་ཟིན་ཏོ། །གལ་ཏེ་དེ་ལྟར་ཡོད་པ་མ་ཡིན་པའི་དོན་ལ་འཇུག་པར་འགྱུར་ན་ནི་དེས་ན་མཚན་ཉིད་མེད་པའི་དོན་ལ་འཇུག་པར་འགྱུར་བ་དེ་ལྟ་བུར་འགྱུར་ཏེ། གང་མཚན་ཉིད་མེད་པའི་དོན་ལ་འཇུག་པར་འགྱུར་བ་དེའི་དོན་ནི་དེ་ལྟར་ཡོད་པ་མ་ཡིན་ལ། དེ་ལྟར་གསལ་བར་བྱེད་པ་དེ་ཡང་སྒྲོ་འདོགས་པར་བྱེད་པ་ཡིན་ནོ། །

de ltar so so'i don tha dad pa la 'jug pa'i ming de dag las ming gang rang gi mtshan nyid kyi don la 'jug pa dang/ ming gang 'dzin pa'i mtshan nyid kyi bar gyi don la yang 'jug par 'gyur ba de/ de ltar yod pa'i don la 'jug par 'gyur ram/ 'on te med pa'i don la 'jug par 'gyur/ re zhig yod pa'i don la 'jug par ni mi rung ste/ ji ltar mi rung ba de ltar ni sngar dngos po brtags pa'i skabs su bstan zin to/ /gal te de ltar yod pa ma yin pa'i don la 'jug par 'gyur na ni des na mtshan nyid med pa'i don la 'jug par 'gyur ba de lta bur 'gyur te/ gang mtshan nyid med pa'i don la 'jug par 'gyur ba de'i don ni de ltar yod pa ma yin la/ de ltar gsal bar byed pa de yang sgro 'dogs par byed pa yin no/ /

【N2 結成所說道理成就】

གང་སྒྲོ་འདོགས་ཤིང་འཛིན་པར་བྱེད་པ་དེ་ནི་མངོན་པར་ཞེན་པ་ཡིན་པས་དེའི་ཕྱིར་མིང་ཇི་ལྟ་བ་དང༌། བརྗོད་པ་ཇི་ལྟ་བ་བཞིན་དུ་དངོས་པོ་ལ་ངོ་བོ་ཉིད་དུ་མངོན་པར་ཞེན་པར་རབ་ཏུ་གྲུབ་པ་ཡིན་པ་དང༌།

gang sgro 'dogs shing 'dzin par byed pa de ni mngon par zhen pa yin pas de'i phyir ming ji lta ba dang/ brjod pa ji lta ba bzhin du dngos po la ngo bo nyid du mngon par zhen par rab tu grub pa yin pa dang/

【M5 辨第五因直舉理教，明諸愚夫為名言所縛】【N1 總標於相名言所縛，故知如名妄執自性】【O1 總問答顯】

གཞན་ཡང་བྱིས་པ་ཐམས་ཅད་ནི་མཚན་མ་ལ་བརྗོད་པས་བཅིངས་པ་ཡིན་པའི་ཕྱིར་མིང་ཇི་ལྟ་བ་དང༌། བརྗོད་པ་ཇི་ལྟ་བ་བཞིན་དུ། དངོས་པོ་ལ་ངོ་བོ་ཉིད་དུ་མངོན་པར་ཞེན་པ་ཡིན་པར་བལྟ་བར་བྱ་སྟེ། ཅིའི་ཕྱིར་མཚན་མ་ལ་བརྗོད་པས་བཅིངས་པ་ཉིད་དུ་རིག་པར་བྱ་ཞེ་ན། སྨྲས་པ། རིགས་པ་དང་ལུང་གིས་རིག་པར་བྱ་སྟེ།

gzhan yang byis pa thams cad ni mtshan ma la brjod pas bcings pa yin pa'i phyir ming ji lta ba dang/ brjod pa ji lta ba bzhin du/ dngos po la ngo bo nyid du mngon par zhen pa yin par blta bar bya ste/ ci'i phyir mtshan ma la brjod pas bcings pa nyid du rig par bya zhe na/ smras pa/ rigs pa dang lung gis rig par bya ste/

【O2 別釋】【P1 釋其理有三】

རིགས་པ་གང་ཞེ་ན། སྨྲས་པ། བརྗོད་པ་མེད་པ་ན་དངོས་པོ་ལ་མངོན་པར་དགའ་བ་མི་དམིགས་པ་དང༌། བརྗོད་པ་དང་བཅས་པ་ན་དེ་ལ་མངོན་པར་དགའ་བ་མི་དམིགས་པའི་ཕྱིར་ཏེ། དེ་ནི་རྒྱུ་ཅིག་ཡིན་ནོ། །གཞན་ཡང་གཅིག་གི་སྐྱེ་བའི་གནས་གཅིག་ཡིན་པའི་ཕྱིར་ཏེ། འདི་ལྟར་དངོས་པོ་ལ་བརྟེན་ནས་བརྗོད་པ་སྐྱེ་བ་ཡང་དམིགས་ལ། བརྗོད་པ་ལ་བརྟེན་ནས་ཀྱང་དངོས་པོ་སྐྱེ་བ་དམིགས་པའི་ཕྱིར་ཏེ་འདི་ལྟ་སྟེ། དཔེར་ན་འཇིག་རྟེན་པ་དག་དངོས་པོ་ཡོད་ན། མིང་དུ་ཡང་བརྗོད་པས་རབ་ཏུ་རྟོག་པར་བྱེད་ཀྱི། དངོས་པོ་མེད་པ་ལ་ནི་ཡོངས་སུ་རྟོག་པར་མི་ནུས་པས། དེ་ལྟར་ན་དངོས་པོ་ལ་བརྟེན་ནས་མིང་དང་བརྗོད་པ་སྐྱེ་བར་དམིགས་པ་ཡིན་ནོ། །འདི་ལྟ་སྟེ། དཔེར་ན་བསམ་གཏན་པ་སོ་སོའི་བདག་ཉིད་ལ་བསམ་གཏན་བྱེད་པ་ན། ཇི་ལྟ་ཇི་ལྟར་ཡིད་ལ་བརྗོད་པའི་ཡིད་ལ་བྱེད་པ་དེ་ལྟ་དེ་ལྟར་སེམས་ཀྱི་རྒྱུད་དུ་གཏོགས་པའི་ཤེས་བྱའི་དངོས་པོ་དང་ཆ་མཐུན་པའི་གཟུགས་བརྙན་དག་སྣང་བར་འགྱུར་བའི་ཚུལ་གྱིས་འབྱུང་བར་འགྱུར་བས། དེ་ལྟར་ན་བརྗོད་པ་ལ་བརྟེན་ནས་དངོས་པོ་སྐྱེ་བ་ཡང་དམིགས་པ་ཡིན་ནོ། །གཞན་ཡང་བརྗོད་པའི་གཉེན་པོ་མཚན་མ་མེད་པའི་དབྱིངས་ལ་སེམས་ཉེ་བར་གཏོད་པའི་མཚན་མ་ཐམས་ཅད་ནི་མི་སྣང་བར་འགྱུར་ལ། ཉེ་བར་མི་གཏོད་པའི་སེམས་ནི་མི་འདོད་པ་བཞིན་དུ་མཚན་མ་རྣམས་ཀྱིས་ཁྲིད་པར་འགྱུར་བས། རྣམ་གྲངས་དེས་ཀྱང་མཚན་མ་ལ་བརྗོད་པས་བཅིངས་པ་ཉིད་ཡིན་པར་རིག་པར་བྱའོ། །

rigs pa gang zhe na/ smras pa/ brjod pa med pa na dngos po la mngon par dga' ba mi dmigs pa dang/ brjod pa dang bcas pa na de la mngon par dga' ba mi dmigs pa'i phyir te/ de ni rgyu cig yin no/ /gzhan yang gcig gi skye ba'i gnas gcig yin pa'i phyir te/ 'di ltar dngos po la brten nas brjod pa skye ba yang dmigs la/ brjod pa la brten nas kyang dngos po skye ba dmigs pa'i phyir te 'di lta ste/ dper na 'jig rten pa dag dngos po yod na/ ming du yang brjod pas rab tu rtog par byed kyi/ dngos po med pa la ni yongs su rtog par mi nus pas/ de ltar na dngos po la brten nas ming dang brjod pa skye bar dmigs pa yin no/ /'di lta ste/ dper na bsam gtan pa so so'i bdag nyid la bsam gtan byed pa na/ ji lta ji ltar yid la brjod pa'i yid la byed pa de lta de ltar sems kyi rgyud du gtogs pa'i shes bya'i dngos po dang cha mthun pa'i gzugs brnyan dag snang bar 'gyur ba'i tshul gyis 'byung bar 'gyur bas/ de ltar na brjod pa la brten nas dngos po skye ba yang dmigs pa yin no/ /gzhan yang brjod pa'i gnyen po mtshan ma med pa'i dbyings la sems nye bar gtod pa'i mtshan ma thams cad ni mi snang bar 'gyur la/ nye bar mi gtod pa'i sems ni mi 'dod pa bzhin du mtshan ma rnams kyis khrid par 'gyur bas/ rnam grangs des kyang mtshan ma la brjod pas bcings pa nyid yin par rig par bya'o/ /

【P2 引三頌辨其由教】

ལུང་གང་ཞེ་ན། བཅོམ་ལྡན་འདས་ཀྱིས། །བྱིས་པ་རྨོངས་པའི་སེམས་ལྡན་པ། །མཚན་མ་དག་ལ་བརྗོད་པས་བཅིངས། །བརྗོད་པའི་འཆིང་ལས་རྣམ་གྲོལ་བ། །མཚན་མའི་དབང་ལྡན་ཐུབ་པ་ཡིན། །ཡང་དག་མཐོང་བའི་རྣལ་འབྱོར་པ། །ཡང་དག་ཤེས་ལ་རབ་ཏུ་གནས། །ངོ་བོ་ཉིད་ཀྱང་མི་དམིགས་ཤིང༌། །དེ་ཡི་གནས་ཀྱང་མཐོང་མི་འགྱུར། །ཡང་དག་ཤེས་པ་རྣམ་དག་དེ། །དེས་ན་ཡང་དག་པ་རིག་ཅེས་བྱ། །འཛིན་པ་གཉིས་དང་རྣམ་བྲལ་བ། །དེས་ན་གཉིས་སུ་མེད་ཅེས་བྱ། །ཞེས་ཇི་སྐད་གསུངས་པ་ལྟ་བུ་སྟེ།

lung gang zhe na/ bcom ldan 'das kyis/ /byis pa rmongs pa'i sems ldan pa/ /mtshan ma dag la brjod pas bcings/ /brjod pa'i 'ching las rnam grol ba/ /mtshan ma'i dbang ldan thub pa yin/ /yang dag mthong ba'i rnal 'byor pa/ /yang dag shes la rab tu gnas/ /ngo bo nyid kyang mi dmigs shing/ /de yi gnas kyang mthong mi 'gyur/ /yang dag shes pa rnam dag de/ /des na yang dag pa rig ces bya/ /'dzin pa gnyis dang rnam bral ba/ /des na gnyis su med ces bya/ /zhes ji skad gsungs pa lta bu ste/

【N2 引喻例】

འདི་ལྟ་སྟེ། དཔེར་ན་སོ་སོའི་སྐྱེ་བོ་ཕུང་པོ་རྣམས་ལ་བདག་མེད་པ་ལ་མཁས་པ་ནི་ཕུང་པོ་ཙམ་ལ་བདག་ཏུ་ཉེ་བར་འདོགས་པ་ཙམ་ཉིད་དུ་ལྟ་ཡང༌། དེའི་བདག་ལ་ཉལ་མ་སྤངས་པའི་ཕྱིར། དེ་ལ་བདག་ཏུ་མངོན་པར་ཞེན་པ་མི་འབྱུང་བ་ཡང་མ་ཡིན་པ་བཞིན་དུ་འདིར་ཡང་ཚུལ་དེ་བཞིན་དུ་བལྟ་བར་བྱའོ། །

'di lta ste/ dper na so so'i skye bo phung po rnams la bdag med pa la mkhas pa ni phung po tsam la bdag tu nye bar 'dogs pa tsam nyid du lta yang/ de'i bdag la nyal ma spangs pa'i phyir/ de la bdag tu mngon par zhen pa mi 'byung ba yang ma yin pa bzhin du 'dir yang tshul de bzhin du blta bar bya'o/ /

【I2 第二頌有九門】【J1 頌列九門】

སྡོམ་ནི། བསྡུ་དང་ངོ་བོ་ཉིད་དང་ནི། །ཡོངས་སུ་ཤེས་དང་དགོངས་པ་དང༌། །སྤྱོད་ཡུལ་རྟོག་དང་རྗེས་འཇུག་དང༌། །རྣམ་པར་རྟེན་ནི་ཐ་མ་ཡིན། །

sdom ni/ bsdu dang ngo bo nyid dang ni/ /yongs su shes dang dgongs pa dang/ /spyod yul rtog dang rjes 'jug dang/ /rnam par rten ni tha ma yin/ /

【J2 依門釋】【K1 攝門】【L1 正辨攝】

ངོ་བོ་ཉིད་གསུམ་དང་རྒྱུ་མཚན་དང༌། མིང་དང་རྣམ་པར་རྟོག་པ་ལ་སོགས་པ་ཆོས་ལྔ་པོ་དག་ལས་ངོ་བོ་ཉིད་དང་པོ་ཆོས་ལྔ་པོ་དེ་དག་ལས་དུ་དག་གིས་བསྡུས་ཤེ་ན༑ སྨྲས་པ། གང་གིས་ཀྱང་མ་བསྡུས་སོ། །ངོ་བོ་ཉིད་གཉིས་པ་དུ་དག་གིས་བསྡུས་ཤེ་ན། སྨྲས་པ། བཞིས་སོ། །ངོ་བོ་ཉིད་གསུམ་པ་དུ་དག་གིས་བསྡུས་ཤེ་ན། སྨྲས་པ། གཅིག་གིས་སོ། །

ngo bo nyid gsum dang rgyu mtshan dang/ ming dang rnam par rtog pa la sogs pa chos lnga po dag las ngo bo nyid dang po chos lnga po de dag las du dag gis bsdus she na| smras pa/ gang gis kyang ma bsdus so/ /ngo bo nyid gnyis pa du dag gis bsdus she na/ smras pa/ bzhis so/ /ngo bo nyid gsum pa du dag gis bsdus she na/ smras pa/ gcig gis so/ /

【L2 問答辨正智是依他所以】

གལ་ཏེ་གཞན་གྱི་དབང་གི་ངོ་བོ་ཉིད་ཡང་དག་པའི་ཤེས་པས་བསྡུས་པ་ཡང་ཡིན་ན། དེས་ན་གཞན་གྱི་དབང་གི་ངོ་བོ་ཉིད་ནི་ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པ་ལ་བརྟེན་ནས་ཤེས་པར་འགྱུར་རོ་ཞེ་གང་སྨྲས་པ་དེ་ཇི་ལྟ་བུ་ཞེ་ན། སྨྲས་པ། དེར་ནི་ཀུན་ནས་ཉོན་མོངས་པར་འགྱུར་བའི་གཞན་གྱི་དབང་གི་ངོ་བོ་ཉིད་ལ་བསམས་པ་ཡིན་གྱི། རྣམ་པར་བྱང་བར་འགྱུར་བ་ལས་ནི་མ་ཡིན་ཏེ། རྣམ་པར་བྱང་བར་འགྱུར་བ་ནི། དེ་ལ་མངོན་པར་མ་ཞེན་པ་ལ་བརྟེན་ནས་ཤེས་པར་འགྱུར་བ་ཡིན་པར་རིག་པར་བྱའོ། །

gal te gzhan gyi dbang gi ngo bo nyid yang dag pa'i shes pas bsdus pa yang yin na/ des na gzhan gyi dbang gi ngo bo nyid ni kun brtags pa'i ngo bo nyid la mngon par zhen pa la brten nas shes par 'gyur ro zhe gang smras pa de ji lta bu zhe na/ smras pa/ der ni kun nas nyon mongs par 'gyur ba'i gzhan gyi dbang gi ngo bo nyid la bsams pa yin gyi/ rnam par byang bar 'gyur ba las ni ma yin te/ rnam par byang bar 'gyur ba ni/ de la mngon par ma zhen pa la brten nas shes par 'gyur ba yin par rig par bya'o/ /

【K2 無性門】【L1 約彼三性辨三無性】

ངོ་བོ་ཉིད་གསུམ་དང༌། ངོ་བོ་ཉིད་མེད་པ་ཉིད་གསུམ་པོ་མཚན་ཉིད་ངོ་བོ་ཉིད་མེད་པ་ཉིད་དང༌། སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་

ngo bo nyid gsum dang/ ngo bo nyid med pa nyid gsum po mtshan nyid ngo bo nyid med pa nyid dang/ skye ba ngo bo nyid med pa nyid dang/ don dam pa ngo bo nyid med pa nyid

【L2 釋所以】

དེ་ལ། མཚན་ཉིད་ངོ་བོ་ཉིད་མེད་པ་ཉིད་ཀྱིས་ནི་ཀུན་བརྟགས་པའི་ངོ་བོ་ཉིད་ངོ་བོ་ཉིད་མེད་པ་ཡིན་ནོ། །དེ་ལ་སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ཀྱིས་ནི། །གཞན་གྱི་དབང་གི་ངོ་བོ་ཉིད་ངོ་བོ་ཉིད་མེད་པ་ཡིན་ཏེ། རང་མི་སྐྱེ་བ་ཉིད་ཀྱི་ཕྱིར་དང༌། རྣམ་པར་དག་པའི་དམིགས་པ་ཉིད་མ་ཡིན་པའི་ཕྱིར་རོ། །དོན་དམ་པ་ངོ་བོ་ཉིད་མེད་པ་ཉིད་ཁོ་ནས་ནི་ཡོངས་སུ་གྲུབ་པའི་ངོ་བོ་ཉིད་ངོ་བོ་ཉིད་མེད་པ་ཡིན་ཏེ། དེ་ཅིའི་ཕྱིར་ཞེ་ན། ཆོས་ཐམས་ཅད་ཀྱི་དོན་དམ་པ་ཡིན་པ་དང༌། ངོ་བོ་ཉིད་མེད་པ་ཉིད་ཀྱིས་རབ་ཏུ་ཕྱེ་བ་ཡིན་པའི་ཕྱིར་རོ། །

de la/ mtshan nyid ngo bo nyid med pa nyid kyis ni kun brtags pa'i ngo bo nyid ngo bo nyid med pa yin no/ /de la skye ba ngo bo nyid med pa nyid dang/ don dam pa ngo bo nyid med pa nyid kyis ni/ /gzhan gyi dbang gi ngo bo nyid ngo bo nyid med pa yin te/ rang mi skye ba nyid kyi phyir dang/ rnam par dag pa'i dmigs pa nyid ma yin pa'i phyir ro/ /don dam pa ngo bo nyid med pa nyid kho nas ni yongs su grub pa'i ngo bo nyid ngo bo nyid med pa yin te/ de ci'i phyir zhe na/ chos thams cad kyi don dam pa yin pa dang/ ngo bo nyid med pa nyid kyis rab tu phye ba yin pa'i phyir ro/ /

【K3 遍智等門】

ངོ་བོ་ཉིད་གསུམ་པོ་དེ་དག་ལས་དུ་ཞིག་ཡོངས་སུ་ཤེས་པར་བྱ་བ་དག་ཡིན་ཞེ་ན། སྨྲས་པ། ཐམས་ཅད་དོ། །དུ་ཞིག་སྤང་བར་བྱ་བ་དག་ཡིན་ཞེ་ན། སྨྲས་པ། གཅིག་གོ། །དུ་ཞིག་ཐོབ་པར་བྱ་བ་དག་ཡིན་ཞེ་ན། སྨྲས་པ། གཅིག་གོ། །

ngo bo nyid gsum po de dag las du zhig yongs su shes par bya ba dag yin zhe na/ smras pa/ thams cad do/ /du zhig spang bar bya ba dag yin zhe na/ smras pa/ gcig go/ /du zhig thob par bya ba dag yin zhe na/ smras pa/ gcig go/ /

【K4 密意等門】【L1 總標舉不了義經】

ངོ་བོ་ཉིད་གསུམ་པོ་དེ་དག་གིས་དྲང་བའི་དོན་གྱི་མདོ་སྡེ་ཐམས་ཅད་ཀྱི་དོན་ཀྱང་དྲང་བར་བྱའོ། །ངོ་བོ་ཉིད་གསུམ་པོ་དེ་དག་གིས་དེ་བཞིན་གཤེགས་པས་དགོངས་ཏེ་གསུངས་པ་ཚད་མེད་པ་བརྟན་པ་དང་ལྡན་པ་དག་དང་བྱང་ཆུབ་སེམས་དཔས་དགོངས་ཏེ་བཤད་པ་དག་གི་དོན་ཀྱང་རྗེས་སུ་རྟོགས་པར་བྱའོ། །

ngo bo nyid gsum po de dag gis drang ba'i don gyi mdo sde thams cad kyi don kyang drang bar bya'o/ /ngo bo nyid gsum po de dag gis de bzhin gshegs pas dgongs te gsungs pa tshad med pa brtan pa dang ldan pa dag dang byang chub sems dpas dgongs te bshad pa dag gi don kyang rjes su rtogs par bya'o/ /

【L2 略解二門】【M1 舉經說三種無生忍】

མི་སྐྱེ་བའི་ཆོས་ལ་བཟོད་པ་ཞེས་ཇི་སྐད་གསུངས་པ་དེའི་རྣམ་པར་གཞག་པ་ཇི་ལྟ་བུ་ཡིན་ཞེ་ན། སྨྲས་པ། ངོ་བོ་ཉིད་གསུམ་གྱིས་ཏེ། ཀུན་བརྟགས་པའི་ངོ་བོ་ཉིད་ལ་བརྟེན་ནས་ནི། གཟོད་མ་ནས་མི་སྐྱེ་བ་ལ་བཟོད་པ་རྣམ་པར་གཞག་གོ། །གཞན་གྱི་དབང་གི་ངོ་བོ་ཉིད་ལ་བརྟེན་ནས་ནི། རང་མི་སྐྱེ་བ་ལ་བཟོད་པ་རྣམ་པར་གཞག་གོ། །ཡོངས་སུ་གྲུབ་པའི་ངོ་བོ་ཉིད་ལ་བརྟེན་ནས་ནི་ཉོན་མོངས་པ་དང༌། སྡུག་བསྔལ་གྱི་དྲི་མ་མི་སྐྱེ་བ་ལ་བཟོད་པ་རྣམ་པར་གཞག་སྟེ། དེ་ནི་ཕྱིར་མི་ལྡོག་པ་ཡིན་པར་རིག་པར་བྱའོ། །

mi skye ba'i chos la bzod pa zhes ji skad gsungs pa de'i rnam par gzhag pa ji lta bu yin zhe na/ smras pa/ ngo bo nyid gsum gyis te/ kun brtags pa'i ngo bo nyid la brten nas ni/ gzod ma nas mi skye ba la bzod pa rnam par gzhag go/ /gzhan gyi dbang gi ngo bo nyid la brten nas ni/ rang mi skye ba la bzod pa rnam par gzhag go/ /yongs su grub pa'i ngo bo nyid la brten nas ni nyon mongs pa dang/ sdug bsngal gyi dri ma mi skye ba la bzod pa rnam par gzhag ste/ de ni phyir mi ldog pa yin par rig par bya'o/ /

【M2 舉三解脫不了義經】

རྣམ་པར་ཐར་པའི་སྒོ་གསུམ་པོ་འདི་དག་ནི། ངོ་བོ་ཉིད་གསུམ་ལ་བརྟེན་ནས་རྣམ་པར་གཞག་སྟེ། ཀུན་བརྟགས་པའི་ངོ་བོ་ཉིད་ལ་བརྟེན་ནས་ནི་རྣམ་པར་ཐར་པའི་སྒོ་སྟོང་པ་ཉིད་རྣམ་པར་གཞག་གོ། །གཞན་གྱི་དབང་གི་ངོ་བོ་ཉིད་ལ་བརྟེན་ནས་ནི་རྣམ་པར་ཐར་པའི་སྒོ་སྨོན་པ་མེད་པ་རྣམ་པར་གཞག་གོ། །ཡོངས་སུ་གྲུབ་པའི་ངོ་བོ་ཉིད་ལ་བརྟེན་ནས་ནི་རྣམ་པར་ཐར་པའི་སྒོ་མཚན་མ་མེད་པ་རྣམ་པར་གཞག་གོ། །

rnam par thar pa'i sgo gsum po 'di dag ni/ ngo bo nyid gsum la brten nas rnam par gzhag ste/ kun brtags pa'i ngo bo nyid la brten nas ni rnam par thar pa'i sgo stong pa nyid rnam par gzhag go/ /gzhan gyi dbang gi ngo bo nyid la brten nas ni rnam par thar pa'i sgo smon pa med pa rnam par gzhag go/ /yongs su grub pa'i ngo bo nyid la brten nas ni rnam par thar pa'i sgo mtshan ma med pa rnam par gzhag go/ /

【K5 所行門】

ཀུན་བརྟགས་པའི་ངོ་བོ་ཉིད་བྱིས་པའི་ཤེས་པའམ། འཕགས་པའི་ཡེ་ཤེས་སམ། ཤེས་པ་གང་གི་སྤྱོད་ཡུལ་ནི་མ་ཡིན་ཞེ་ན། སྨྲས་པ། གང་གི་སྤྱོད་ཡུལ་ཡང་མ་ཡིན་ཏེ། མཚན་ཉིད་མེད་པ་ཉིད་ཡིན་པའི་ཕྱིར་རོ། །གཞན་གྱི་དབང་གི་ངོ་བོ་ཉིད་ཤེས་པ་གང་གི་སྤྱོད་ཡུལ་ཡིན་ཞེ་ན། སྨྲས་པ། དེ་གཉི་གའི་སྤྱོད་ཡུལ་ནི་ཡིན་མོད་ཀྱི། འཕགས་པའི་ཡེ་ཤེས་འཇིག་རྟེན་ལས་འདས་པའི་སྤྱོད་ཡུལ་ནི་མ་ཡིན་ནོ། །ཡོངས་སུ་གྲུབ་པའི་ངོ་བོ་ཉིད་ཤེས་པ་གང་གི་སྤྱོད་ཡུལ་ཡིན་ཞེ་ན། སྨྲས་པ། འཕགས་པའི་ཡེ་ཤེས་ཁོ་ནའི་སྤྱོད་ཡུལ་ཡིན་ནོ། །

kun brtags pa'i ngo bo nyid byis pa'i shes pa'am/ 'phags pa'i ye shes sam/ shes pa gang gi spyod yul ni ma yin zhe na/ smras pa/ gang gi spyod yul yang ma yin te/ mtshan nyid med pa nyid yin pa'i phyir ro/ /gzhan gyi dbang gi ngo bo nyid shes pa gang gi spyod yul yin zhe na/ smras pa/ de gnyi ga'i spyod yul ni yin mod kyi/ 'phags pa'i ye shes 'jig rten las 'das pa'i spyod yul ni ma yin no/ /yongs su grub pa'i ngo bo nyid shes pa gang gi spyod yul yin zhe na/ smras pa/ 'phags pa'i ye shes kho na'i spyod yul yin no/ /

【K6 通達門】

ཀུན་བརྟགས་པའི་ངོ་བོ་ཉིད་རྟོགས་པའི་རྣལ་འབྱོར་པ་མཚན་མ་ལ་སྤྱོད་པར་བརྗོད་པར་བྱ་བའམ། མཚན་མ་མེད་པ་ལ་སྤྱོད་པར་བརྗོད་པར་བྱ་ཞེ་ན། སྨྲས་པ། འཇིག་རྟེན་པའི་ཤེས་པས་རྟོགས་པ་ནི་མཚན་མ་ལ་སྤྱོད་པར་བརྗོད་པར་བྱའོ། །འཇིག་རྟེན་ལས་འདས་པའི་ཤེས་པས་རྟོགས་པ་ནི་མཚན་མ་མེད་པ་ལ་སྤྱོད་པར་བརྗོད་པར་བྱའོ། །ཀུན་བརྟགས་པའི་ངོ་བོ་ཉིད་ཇི་ལྟ་བ་བཞིན་དུ་གཞན་གྱི་དབང་གི་ངོ་བོ་ཉིད་དང༌། ཡོངས་སུ་གྲུབ་པའི་ངོ་བོ་ཉིད་ཀྱང་དེ་བཞིན་དུ་བལྟ་བར་བྱའོ། །

kun brtags pa'i ngo bo nyid rtogs pa'i rnal 'byor pa mtshan ma la spyod par brjod par bya ba'am/ mtshan ma med pa la spyod par brjod par bya zhe na/ smras pa/ 'jig rten pa'i shes pas rtogs pa ni mtshan ma la spyod par brjod par bya'o/ /'jig rten las 'das pa'i shes pas rtogs pa ni mtshan ma med pa la spyod par brjod par bya'o/ /kun brtags pa'i ngo bo nyid ji lta ba bzhin du gzhan gyi dbang gi ngo bo nyid dang/ yongs su grub pa'i ngo bo nyid kyang de bzhin du blta bar bya'o/ /

【K7 隨入門】

ཀུན་བརྟགས་པའི་ངོ་བོ་ཉིད་ལ་ཡང་དག་པར་ཞུགས་པའི་རྣལ་འབྱོར་པ་ངོ་བོ་ཉིད་གང་གི་རྗེས་སུ་འཇུག་ཅེ་ན། སྨྲས་པ། ཡོངས་སུ་གྲུབ་པའི་ངོ་བོ་ཉིད་ཀྱི་རྗེས་སུ་འཇུག་གོ །ཡོངས་སུ་གྲུབ་པའི་ངོ་བོ་ཉིད་ཀྱི་རྗེས་སུ་ཞུགས་པའི་རྣལ་འབྱོར་པ་ངོ་བོ་ཉིད་གང་རྣམ་པར་འཇིག་པར་བྱེད་ཅེ་ན། སྨྲས་པ༑ གཞན་གྱི་དབང་གི་ངོ་བོ་ཉིད་རྣམ་པར་འཇིག་པར་བྱེད་དོ། །

kun brtags pa'i ngo bo nyid la yang dag par zhugs pa'i rnal 'byor pa ngo bo nyid gang gi rjes su 'jug ce na/ smras pa/ yongs su grub pa'i ngo bo nyid kyi rjes su 'jug go /yongs su grub pa'i ngo bo nyid kyi rjes su zhugs pa'i rnal 'byor pa ngo bo nyid gang rnam par 'jig par byed ce na/ smras pa| gzhan gyi dbang gi ngo bo nyid rnam par 'jig par byed do/ /

【K8 差別門(有三問答)】【L1 初問答遍計差別】

ཀུན་བརྟགས་པའི་ངོ་བོ་ཉིད་ལ་རྣམ་པ་དུ་ཡོད་ཅེ་ན། སྨྲས་པ། ཇི་ཙམ་དུ་གཞན་གྱི་དབང་གི་ངོ་བོ་ཉིད་ལ་ངོ་བོ་ཉིད་དང༌། བྱེ་བྲག་ཏུ་འདོགས་པ་རྣམ་པར་འཇོག་པ་དེ་ཙམ་དུ་ཀུན་བརྟགས་པའི་ངོ་བོ་ཉིད་ཡིན་པའི་ཕྱིར། ཀུན་བརྟགས་པའི་ངོ་བོ་ཉིད་ཀྱི་རབ་ཏུ་དབྱེ་བ་ནི་དཔག་ཏུ་མེད་པར་རིག་པར་བྱའོ། །གཞན་ཡང་གཞན་གྱི་དབང་གི་ངོ་བོ་ཉིད་ལ་ཀུན་བརྟགས་པའི་ངོ་བོ་ཉིད་དུ་མངོན་པར་ཞེན་པ་ནི་རྣམ་པ་གཉིས་སུ་རིག་པར་བྱ་སྟེ། སད་པ་དང༌། དེ་ལ་གོམས་པའི་བག་ཆགས་བག་ལ་ཉལ་བའོ། །

kun brtags pa'i ngo bo nyid la rnam pa du yod ce na/ smras pa/ ji tsam du gzhan gyi dbang gi ngo bo nyid la ngo bo nyid dang/ bye brag tu 'dogs pa rnam par 'jog pa de tsam du kun brtags pa'i ngo bo nyid yin pa'i phyir/ kun brtags pa'i ngo bo nyid kyi rab tu dbye ba ni dpag tu med par rig par bya'o/ /gzhan yang gzhan gyi dbang gi ngo bo nyid la kun brtags pa'i ngo bo nyid du mngon par zhen pa ni rnam pa gnyis su rig par bya ste/ sad pa dang/ de la goms pa'i bag chags bag la nyal ba'o/ /

【L2 第二問答辨依他差別】

གཞན་གྱི་དབང་གི་ངོ་བོ་ཉིད་ལ་རྣམ་པ་དུ་ཡོད་ཅེ་ན། སྨྲས་པ། འདིའི་རྣམ་པ་རབ་ཏུ་དབྱེ་བ་ནི་རྒྱུ་མཚན་བཞིན་དུ་བལྟ་བར་བྱའོ། །གཞན་ཡང་གཞན་གྱི་དབང་གི་ངོ་བོ་ཉིད་ནི་རྣམ་པ་གཉིས་ཏེ། ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པས་ཀུན་ནས་བསླང་བ་དང༌། དེ་ལ་མངོན་པར་ཞེན་པ་མེད་པས་ཀུན་ནས་བསླང་བའོ། །

gzhan gyi dbang gi ngo bo nyid la rnam pa du yod ce na/ smras pa/ 'di'i rnam pa rab tu dbye ba ni rgyu mtshan bzhin du blta bar bya'o/ /gzhan yang gzhan gyi dbang gi ngo bo nyid ni rnam pa gnyis te/ kun brtags pa'i ngo bo nyid la mngon par zhen pas kun nas bslang ba dang/ de la mngon par zhen pa med pas kun nas bslang ba'o/ /

【L3 第三問答辨圓成一味無多品數】

ཡོངས་སུ་གྲུབ་པའི་ངོ་བོ་ཉིད་ལ་རྣམ་པ་དུ་ཡོད་ཅེ་ན། སྨྲས་པ། ཡོངས་སུ་གྲུབ་པའི་ངོ་བོ་ཉིད་ནི་ཐམས་ཅད་དུ་རོ་གཅིག་པ་ཡིན་པའི་ཕྱིར་དང༌། དེ་ལ་རྣམ་པ་རབ་ཏུ་དབྱེ་བ་རྣམ་པར་གཞག་པ་མེད་དོ། །

yongs su grub pa'i ngo bo nyid la rnam pa du yod ce na/ smras pa/ yongs su grub pa'i ngo bo nyid ni thams cad du ro gcig pa yin pa'i phyir dang/ de la rnam pa rab tu dbye ba rnam par gzhag pa med do/ /

【K9 依止門】

ཀུན་བརྟགས་པའི་ངོ་བོ་ཉིད་གང་ལ་བརྟེན་པར་བརྗོད་པར་བྱ་ཞེ་ན། སྨྲས་པ། དངོས་པོ་གསུམ་ལ་སྟེ། རྒྱུ་མཚན་དང་མིང་དང་རྣམ་པར་རྟོག་པ་ལའོ། །གཞན་གྱི་དབང་གི་ངོ་བོ་ཉིད་གང་ལ་བརྟེན་པར་བརྗོད་པར་བྱ་ཞེ་ན། སྨྲས་པ། ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པ་དེ་ཉིད་དང༌། བདག་གི་རྒྱུ་མཚན་མཐུན་པ་ལའོ། །ཡོངས་སུ་གྲུབ་པའི་ངོ་བོ་ཉིད་གང་ལ་བརྟེན་པར་བརྗོད་པར་བྱ་ཞེ་ན། མི་གནས་པ་དང༌། མི་རྟེན་པར་བརྗོད་པར་བྱའོ། །

kun brtags pa'i ngo bo nyid gang la brten par brjod par bya zhe na/ smras pa/ dngos po gsum la ste/ rgyu mtshan dang ming dang rnam par rtog pa la'o/ /gzhan gyi dbang gi ngo bo nyid gang la brten par brjod par bya zhe na/ smras pa/ kun brtags pa'i ngo bo nyid la mngon par zhen pa de nyid dang/ bdag gi rgyu mtshan mthun pa la'o/ /yongs su grub pa'i ngo bo nyid gang la brten par brjod par bya zhe na/ mi gnas pa dang/ mi rten par brjod par bya'o/ /

【I3 第三頌有十一門】【J1 頌列十一門】

སྡོམ་ནི། མེད་དང་ལས་དང་ཕྲ་སོགས་དང༌། ལུས་མེད་སྐྱེ་དང་མངོན་ཞེན་དང༌། །ཡོངས་སུ་ཤེས་དང་ཀུན་ཉོན་མོངས། །སྡུག་བསྔལ་འདྲ་དང་བརྟེན་པ་ཡིན། །

sdom ni/ med dang las dang phra sogs dang/ lus med skye dang mngon zhen dang/ /yongs su shes dang kun nyon mongs/ /sdug bsngal 'dra dang brten pa yin/ /

【J2 依門釋】【K1 無有門】

གལ་ཏེ་ཀུན་བརྟགས་པའི་ངོ་བོ་ཉིད་མེད་ན་ཉེས་པ་ཅིར་འགྱུར་ཞེ་ན། སྨྲས་པ། གཞན་གྱི་དབང་གི་ངོ་བོ་ཉིད་ལ་ཐ་སྙད་མེད་པ་དང༌། ཐ་སྙད་ལ་མངོན་པར་ཞེན་པ་མེད་པར་འགྱུར་ཏེ། དེ་མེད་ན་ཀུན་ནས་ཉོན་མོངས་པ་ཡང་མེད་ལ། རྣམ་པར་བྱང་བ་ཡང་མེད་པར་འགྱུར་རོ། །གལ་ཏེ་གཞན་གྱི་དབང་གི་ངོ་བོ་ཉིད་མེད་ན་ཉེས་པ་ཅིར་འགྱུར་ཞེ་ན། སྨྲས་པ། ཐམས་ཅད་ཀྱི་ཐམས་ཅད་དུ་བསྩལ་མི་དགོས་པར་ཀུན་ནས་ཉོན་མོངས་པ་མེད་པ་ཁོ་ནར་འགྱུར་ཏེ། དེ་མེད་ན་རྣམ་པར་བྱང་བ་ཡང་མེད་པ་ཁོ་ནར་འགྱུར་རོ། །གལ་ཏེ་ཡོངས་སུ་གྲུབ་པའི་ངོ་བོ་ཉིད་མེད་ན་ཉེས་པ་ཅིར་འགྱུར་ཞེ་ན། སྨྲས་པ། ཐམས་ཅད་ཀྱི་ཐམས་ཅད་དུ་རྣམ་པར་བྱང་བ་མེད་པར་འགྱུར་རོ། །

gal te kun brtags pa'i ngo bo nyid med na nyes pa cir 'gyur zhe na/ smras pa/ gzhan gyi dbang gi ngo bo nyid la tha snyad med pa dang/ tha snyad la mngon par zhen pa med par 'gyur te/ de med na kun nas nyon mongs pa yang med la/ rnam par byang ba yang med par 'gyur ro/ /gal te gzhan gyi dbang gi ngo bo nyid med na nyes pa cir 'gyur zhe na/ smras pa/ thams cad kyi thams cad du bstsal mi dgos par kun nas nyon mongs pa med pa kho nar 'gyur te/ de med na rnam par byang ba yang med pa kho nar 'gyur ro/ /gal te yongs su grub pa'i ngo bo nyid med na nyes pa cir 'gyur zhe na/ smras pa/ thams cad kyi thams cad du rnam par byang ba med par 'gyur ro/ /

【K2 作業門】

ཀུན་བརྟགས་པའི་ངོ་བོ་ཉིད་ལས་དུ་དག་བྱེད་ཅེ་ན། སྨྲས་པ། ལྔ་སྟེ། གཞན་གྱི་དབང་གི་ངོ་བོ་ཉིད་སྐྱེད་པར་བྱེད་པ་དང༌། དེ་ཉིད་ལ་ཐ་སྙད་འཇུག་པར་བྱེད་པ་དང༌། གང་ཟག་ལ་མངོན་པར་ཞེན་པ་སྐྱེད་པར་བྱེད་པ་དང༌། ཆོས་ལ་མངོན་པར་ཞེན་པ་སྐྱེད་པར་བྱེད་པ་དང༌། དེ་གཉི་ག་ལ་མངོན་པར་ཞེན་པའི་བག་ཆགས་གནས་ངན་ལེན་ཡོངས་སུ་འཛིན་པར་བྱེད་པའོ། །གཞན་གྱི་དབང་གི་ངོ་བོ་ཉིད་ལས་དུ་དག་བྱེད་ཅེ་ན། སྨྲས་པ། ལྔ་ཁོ་ན་སྟེ། ཀུན་ནས་ཉོན་མོངས་པའི་བདག་ཉིད་དུ་སྐྱེ་བར་བྱེད་པ་དང༌། ཀུན་བརྟགས་པའི་ངོ་བོ་ཉིད་དང་ཡོངས་སུ་གྲུབ་པའི་ངོ་བོ་ཉིད་ཀྱི་རྟེན་བྱེད་པ་དང༌། གང་ཟག་ལ་མངོན་པར་ཞེན་པའི་རྟེན་བྱེད་པ་དང༌། ཆོས་ལ་མངོན་པར་ཞེན་པའི་རྟེན་བྱེད་པ་དང༌། དེ་གཉི་ག་ལ་མངོན་པར་ཞེན་པའི་བག་ཆགས་གནས་ངན་ལེན་གྱི་རྟེན་བྱེད་པའོ། །ཡོངས་སུ་གྲུབ་པའི་ངོ་བོ་ཉིད་ལས་དུ་དག་བྱེད་ཅེ་ན། སྨྲས་པ། ལྔ་སྟེ། དེ་གཉི་གའི་ལས་རྣམ་པ་ལྔ་པོ་དག་གི་གཉེན་པོ་སྐྱེ་བའི་དམིགས་པའི་དངོས་པོ་ཡིན་པའི་ཕྱིར་རོ། །

kun brtags pa'i ngo bo nyid las du dag byed ce na/ smras pa/ lnga ste/ gzhan gyi dbang gi ngo bo nyid skyed par byed pa dang/ de nyid la tha snyad 'jug par byed pa dang/ gang zag la mngon par zhen pa skyed par byed pa dang/ chos la mngon par zhen pa skyed par byed pa dang/ de gnyi ga la mngon par zhen pa'i bag chags gnas ngan len yongs su 'dzin par byed pa'o/ /gzhan gyi dbang gi ngo bo nyid las du dag byed ce na/ smras pa/ lnga kho na ste/ kun nas nyon mongs pa'i bdag nyid du skye bar byed pa dang/ kun brtags pa'i ngo bo nyid dang yongs su grub pa'i ngo bo nyid kyi rten byed pa dang/ gang zag la mngon par zhen pa'i rten byed pa dang/ chos la mngon par zhen pa'i rten byed pa dang/ de gnyi ga la mngon par zhen pa'i bag chags gnas ngan len gyi rten byed pa'o/ /yongs su grub pa'i ngo bo nyid las du dag byed ce na/ smras pa/ lnga ste/ de gnyi ga'i las rnam pa lnga po dag gi gnyen po skye ba'i dmigs pa'i dngos po yin pa'i phyir ro/ /

【K3 麁細門】

ཀུན་བརྟགས་པའི་ངོ་བོ་ཉིད་ཕྲ་བར་བརྗོད་པར་བྱའམ། རགས་པར་བརྗོད་པར་བྱ་ཞེ་ན། སྨྲས་པ། ཕྲ་བར་བརྗོད་པར་བྱའོ། །ཕྲ་བ་ཇི་ལྟ་བ་བཞིན་དུ་མཐོང་བར་དཀའ་བ་དང༌། ཉེ་བར་མཚོན་དཀའ་བ་ཡང་དེ་བཞིན་ནོ། །གཞན་གྱི་དབང་གི་ངོ་བོ་ཉིད་ཕྲ་བར་བརྗོད་པར་བྱའམ། རགས་པར་བརྗོད་པར་བྱ་ཞེ་ན། སྨྲས་པ། རགས་པར་བརྗོད་པར་བྱ་སྟེ། འོན་ཀྱང་མཐོང་བར་དཀའ་བ་དང༌། ཉེ་བར་མཚོན་པར་དཀའ་བ་ཡིན་ནོ། །ཡོངས་སུ་གྲུབ་པའི་ངོ་བོ་ཉིད་ཕྲ་བར་བརྗོད་པར་བྱའམ། རགས་པར་བརྗོད་པར་བྱ་ཞེ་ན། སྨྲས་པ། མཆོག་ཏུ་ཕྲ་བར་བརྗོད་པར་བྱའོ། །མཆོག་ཏུ་ཕྲ་བ་ཇི་ལྟ་བ་བཞིན་དུ་མཆོག་ཏུ་མཐོང་བར་དཀའ་བ་དང༌། མཆོག་ཏུ་ཉེ་བར་མཚོན་པར་དཀའ་བ་ཡང་དེ་བཞིན་ནོ། །

kun brtags pa'i ngo bo nyid phra bar brjod par bya'am/ rags par brjod par bya zhe na/ smras pa/ phra bar brjod par bya'o/ /phra ba ji lta ba bzhin du mthong bar dka' ba dang/ nye bar mtshon dka' ba yang de bzhin no/ /gzhan gyi dbang gi ngo bo nyid phra bar brjod par bya'am/ rags par brjod par bya zhe na/ smras pa/ rags par brjod par bya ste/ 'on kyang mthong bar dka' ba dang/ nye bar mtshon par dka' ba yin no/ /yongs su grub pa'i ngo bo nyid phra bar brjod par bya'am/ rags par brjod par bya zhe na/ smras pa/ mchog tu phra bar brjod par bya'o/ /mchog tu phra ba ji lta ba bzhin du mchog tu mthong bar dka' ba dang/ mchog tu nye bar mtshon par dka' ba yang de bzhin no/ /

【K4 無體門】

ངོ་བོ་ཉིད་གསུམ་པོ་དེ་དག་ལས་དུ་ཞིག་ལུས་མེད་པ་ཡིན་ལ། ལུས་དང་བཅས་པ་འཇུག་པར་བྱེད་པ་དག་ཡིན་ཞེ་ན། སྨྲས་པ། གཅིག་གོ། །

ngo bo nyid gsum po de dag las du zhig lus med pa yin la/ lus dang bcas pa 'jug par byed pa dag yin zhe na/ smras pa/ gcig go/ /

【K5 生不生門】

དུ་ཞིག་ལུས་དང་བཅས་པ་ཡིན་ལ། ལུས་དང་བཅས་པ་དང༌། ལུས་མེད་པར་འཇུག་པར་བྱེད་པ་དག་ཡིན་ཞེ་ན། སྨྲས་པ། གཅིག་གོ། །དུ་ཞིག་ལུས་དང་བཅས་པ་ཡིན་ལ། འཇུག་པར་བྱེད་པ་མ་ཡིན་པ་དག་ཡིན་ཞེ་ན། སྨྲས་པ། གཅིག་གོ། །དུ་ཞིག་མ་སྐྱེས་པ་ཡིན་ལ། སྐྱེས་པ་སྐྱེད་པར་བྱེད་པ་དག་ཡིན་ཞེ་ན། སྨྲས་པ། གཅིག་གོ། །དུ་ཞིག་སྐྱེས་པ་ཡིན་ལ། སྐྱེས་པ་དང་མ་སྐྱེས་པ་སྐྱེད་པར་བྱེད་པ་དག་ཡིན་ཞེ་ན། སྨྲས་པ། གཅིག་གོ། །དུ་ཞིག་སྐྱེས་པ་མ་ཡིན་ལ། སྐྱེས་པ་དང་མ་སྐྱེས་པ་དག་སྐྱེས་པར་མི་བྱེད་པ་དག་ཡིན་ཞེ་ན། སྨྲས་པ། གཅིག་གོ། །

du zhig lus dang bcas pa yin la/ lus dang bcas pa dang/ lus med par 'jug par byed pa dag yin zhe na/ smras pa/ gcig go/ /du zhig lus dang bcas pa yin la/ 'jug par byed pa ma yin pa dag yin zhe na/ smras pa/ gcig go/ /du zhig ma skyes pa yin la/ skyes pa skyed par byed pa dag yin zhe na/ smras pa/ gcig go/ /du zhig skyes pa yin la/ skyes pa dang ma skyes pa skyed par byed pa dag yin zhe na/ smras pa/ gcig go/ /du zhig skyes pa ma yin la/ skyes pa dang ma skyes pa dag skyes par mi byed pa dag yin zhe na/ smras pa/ gcig go/ /

【K6 執無執門】【L1 明遍計所執自性有執無執相】

ཀུན་བརྟགས་པའི་ངོ་བོ་ཉིད་ལ། མངོན་པར་ཞེན་པ་དང༌། དེ་ལ་མངོན་པར་ཞེན་པ་མེད་པའི་མཚན་ཉིད་ཇི་ལྟ་བུར་བལྟ་བར་བྱ་ཞེ་ན། སྨྲས་པ། དེ་ནི་རྣམ་པ་གཉིས་སུ་བལྟ་བར་བྱ་སྟེ། དེ་སད་པ་ལ་མངོན་པར་ཞེན་པའམ། དེ་ལ་མངོན་པར་ཞེན་པ་མེད་པ་དང༌། དེ་བག་ལ་ཉལ་བ་ལ་མངོན་པར་ཞེན་པའམ། དེ་ལ་མངོན་པར་ཞེན་པ་མེད་པའོ། །དེ་ལ་ཐ་སྙད་ཀྱི་བརྡ་ལས་བྱུང་བའི་མིང་ལ་ཆོས་ཀྱི་ངོ་བོ་ཉིད་ཡོངས་སུ་རྟོག་པར་བྱེད་པ་ཡིན། དེ་སད་པ་ཡིན་པར་རིག་པར་བྱའོ། །དེ་ལ་མིང་ཙམ་ལ་མཁས་པ་འདི་ནི་མིང་ཙམ་ཡིན་གྱི། འདི་ནི་ཆོས་ཀྱི་ངོ་བོ་ཉིད་དུ་མ་ཡིན་ནོ་སྙམ་པ་ནི་དེ་ལ་མངོན་པར་ཞེན་པ་མེད་པར་ཡིན་པར་རིག་པར་བྱའོ༑ །བག་ཆགས་བག་ལ་ཉལ་དེ་མ་སྤངས་པའི་ཕྱིར་ཇི་སྲིད་དུ་བག་ཆགས་གནས་ངན་ལེན་དེ་སྤོངས་པར་མི་བྱེད་པ་དེ་སྲིད་དུ་ནི་དེ་བག་ལ་ཉལ་ལ་མངོན་པར་ཞེན་པ་ཡིན་ནོ། །སྤངས་པ་ནི་དེ་ལ་མངོན་པར་ཞེན་པ་མེད་པ་ཡིན་པར་རིག་པར་བྱའོ། །

kun brtags pa'i ngo bo nyid la/ mngon par zhen pa dang/ de la mngon par zhen pa med pa'i mtshan nyid ji lta bur blta bar bya zhe na/ smras pa/ de ni rnam pa gnyis su blta bar bya ste/ de sad pa la mngon par zhen pa'am/ de la mngon par zhen pa med pa dang/ de bag la nyal ba la mngon par zhen pa'am/ de la mngon par zhen pa med pa'o/ /de la tha snyad kyi brda las byung ba'i ming la chos kyi ngo bo nyid yongs su rtog par byed pa yin/ de sad pa yin par rig par bya'o/ /de la ming tsam la mkhas pa 'di ni ming tsam yin gyi/ 'di ni chos kyi ngo bo nyid du ma yin no snyam pa ni de la mngon par zhen pa med par yin par rig par bya'o| /bag chags bag la nyal de ma spangs pa'i phyir ji srid du bag chags gnas ngan len de spongs par mi byed pa de srid du ni de bag la nyal la mngon par zhen pa yin no/ /spangs pa ni de la mngon par zhen pa med pa yin par rig par bya'o/ /

【L2 明依他自性有執無執相】【M1 問】

གཞན་གྱི་དབང་གི་ངོ་བོ་ཉིད་ལ་མངོན་པར་ཞེན་པ་དང༌། དེ་ལ་མངོན་པར་ཞེན་པ་མེད་པའི་མཚན་ཉིད་ཇི་ལྟ་བུར་བལྟ་བར་བྱ་ཞེ་ན།

gzhan gyi dbang gi ngo bo nyid la mngon par zhen pa dang/ de la mngon par zhen pa med pa'i mtshan nyid ji lta bur blta bar bya zhe na/

【M2 答】【N1 明依他有執無執】

སྨྲས་པ། ཀུན་བརྟགས་པའི་ངོ་བོ་ཉིད་སད་པས། དེའི་རང་བཞིན་དང་དེའི་ངོ་བོ་ཉིད་དུ་ཡོངས་སུ་རྟོག་པར་བྱེད་པ་ནི་དང་པོའི་དེ་ལ་མངོན་པར་ཞེན་པ་ཡིན་ནོ། །མཚན་མ་ཙམ་སྟེ་དེའི་རང་བཞིན་དང་དེའི་ངོ་བོ་ཉིད་མ་ཡིན་པར་ཡོངས་སུ་རྟོག་པར་བྱེད་པ་ནི་དེ་ལ་མངོན་པར་ཞེན་པ་མེད་པ་ཡིན་ནོ། །མཚན་མའི་འཆིང་བ་མ་སྤངས་པ་མཚན་མ་ལ་དམིགས་པ་ནི་གཉིས་པའི་དེ་ལ་མངོན་པར་ཞེན་པ་ཡིན་ནོ། །

smras pa/ kun brtags pa'i ngo bo nyid sad pas/ de'i rang bzhin dang de'i ngo bo nyid du yongs su rtog par byed pa ni dang po'i de la mngon par zhen pa yin no/ /mtshan ma tsam ste de'i rang bzhin dang de'i ngo bo nyid ma yin par yongs su rtog par byed pa ni de la mngon par zhen pa med pa yin no/ /mtshan ma'i 'ching ba ma spangs pa mtshan ma la dmigs pa ni gnyis pa'i de la mngon par zhen pa yin no/ /

【N2 明無執】

མཚན་མའི་འཆིང་བ་སྤངས་པ་མཚན་མ་མེད་པའི་དབྱིངས་རབ་ཏུ་ཤེས་པ་མཚན་མར་མི་དམིགས་པ་དང༌། དེའི་འོག་ཏུ་ཇི་ལྟ་བ་བཞིན་དུ་དམིགས་པ་ནི་དེ་ལ་མངོན་པར་ཞེན་པ་མེད་པ་ཡིན་པར་རིག་པར་བྱའོ། །

mtshan ma'i 'ching ba spangs pa mtshan ma med pa'i dbyings rab tu shes pa mtshan mar mi dmigs pa dang/ de'i 'og tu ji lta ba bzhin du dmigs pa ni de la mngon par zhen pa med pa yin par rig par bya'o/ /

【L3 明圓成實自性有執無執相】

ཡོངས་སུ་གྲུབ་པའི་ངོ་བོ་ཉིད་ལ་མངོན་པར་ཞེན་པ་དང༌། དེ་ལ་མངོན་པར་ཞེན་པ་མེད་པའི་མཚན་ཉིད་ཇི་ལྟ་བུར་བལྟ་བར་བྱ་ཞེ་ན། སྨྲས་པ། ཡོངས་སུ་གྲུབ་པའི་ངོ་བོ་ཉིད་ལ་ནི་མངོན་པར་ཞེན་པ་མེད་པ་ཁོ་ན་ཡིན་ཏེ། དབྱིངས་དེ་ནི་མངོན་པར་ཞེན་པའི་གཞིའི་གནས་སུ་གྱུར་པ་མ་ཡིན་པའི་ཕྱིར་རོ། །དེ་མཐོང་བ་དང༌། རེག་པ་དང༌། མངོན་དུ་མ་བྱས་པ་ལ་མངོན་དུ་བྱས་པར་མངོན་པའི་ང་རྒྱལ་དང་མངོན་པར་ཞེན་པ་གང་ཡིན་པ་དེ་ནི་ཀུན་བརྟགས་པའི་ངོ་བོ་ཉིད་དང༌། གཞན་གྱི་དབང་གི་ངོ་བོ་ཉིད་ལ་མངོན་པར་ཞེན་པ་ཁོ་ན་ཡིན་པར་བལྟ་བར་བྱའོ། །

yongs su grub pa'i ngo bo nyid la mngon par zhen pa dang/ de la mngon par zhen pa med pa'i mtshan nyid ji lta bur blta bar bya zhe na/ smras pa/ yongs su grub pa'i ngo bo nyid la ni mngon par zhen pa med pa kho na yin te/ dbyings de ni mngon par zhen pa'i gzhi'i gnas su gyur pa ma yin pa'i phyir ro/ /de mthong ba dang/ reg pa dang/ mngon du ma byas pa la mngon du byas par mngon pa'i nga rgyal dang mngon par zhen pa gang yin pa de ni kun brtags pa'i ngo bo nyid dang/ gzhan gyi dbang gi ngo bo nyid la mngon par zhen pa kho na yin par blta bar bya'o/ /

【K7 了知門】【L1 明了知遍計所執有十一相】

ཀུན་བརྟགས་པའི་ངོ་བོ་ཉིད་ཇི་ལྟར་ཡོངས་སུ་ཤེས་པར་བྱ་ཞེ་ན། སྨྲས་པ། ཀུན་བརྟགས་པའི་ངོ་བོ་ཉིད་ནི་མིང་ཙམ་དུ་ཡོངས་སུ་ཤེས་པར་བྱ་སྟེ། ཀུན་བརྟགས་པ་ཙམ་དང༌། མཚན་ཉིད་མེད་པ་དང༌། ངོ་བོ་ཉིད་མེད་པ་དང༌། མ་སྐྱེས་པ་དང༌། མ་འགགས་པ་དང༌། ཀུན་ནས་ཉོན་མོངས་པ་ཅན་མ་ཡིན་པ་དང༌། རྣམ་པར་བྱང་བ་མ་ཡིན་པ་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་དང༌། འདས་པ་མ་ཡིན་པ་དང༌། མ་འོངས་པ་མ་ཡིན་པ་དང༌། ད་ལྟར་བྱུང་བ་མ་ཡིན་པ་དང༌། ལྡན་པ་མ་ཡིན་པ་དང༌། མི་ལྡན་པ་མ་ཡིན་པ་དང༌། མ་བཅིངས་པ་དང༌། མ་གྲོལ་བ་དང༌། བདེ་བ་མ་ཡིན་པ་དང༌། སྡུག་བསྔལ་བ་མ་ཡིན་པ་དང༌། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་མ་ཡིན་པ་དང༌། ཐམས་ཅད་དུ་ནམ་མཁའ་ལྟར་རོ་གཅིག་པ་དང༌། དེ་ལྟ་བུ་ལ་སོགས་པའི་རྣམ་པ་དག་གིས་ཡོངས་སུ་ཤེས་པར་བྱའོ། །

kun brtags pa'i ngo bo nyid ji ltar yongs su shes par bya zhe na/ smras pa/ kun brtags pa'i ngo bo nyid ni ming tsam du yongs su shes par bya ste/ kun brtags pa tsam dang/ mtshan nyid med pa dang/ ngo bo nyid med pa dang/ ma skyes pa dang/ ma 'gags pa dang/ kun nas nyon mongs pa can ma yin pa dang/ rnam par byang ba ma yin pa dang/ gzod ma nas zhi ba dang/ rang bzhin gyis yongs su mya ngan las 'das pa dang/ 'das pa ma yin pa dang/ ma 'ongs pa ma yin pa dang/ da ltar byung ba ma yin pa dang/ ldan pa ma yin pa dang/ mi ldan pa ma yin pa dang/ ma bcings pa dang/ ma grol ba dang/ bde ba ma yin pa dang/ sdug bsngal ba ma yin pa dang/ sdug bsngal yang ma yin/ bde ba yang ma yin pa ma yin pa dang/ thams cad du nam mkha' ltar ro gcig pa dang/ de lta bu la sogs pa'i rnam pa dag gis yongs su shes par bya'o/ /

【L2 明了知依他名字所詮一切有為事攝】【M1 問】

གཞན་གྱི་དབང་གི་ངོ་བོ་ཉིད་ཇི་ལྟར་ཡོངས་སུ་ཤེས་པར་བྱ་ཞེ་ན།

gzhan gyi dbang gi ngo bo nyid ji ltar yongs su shes par bya zhe na/

【M2 答】【N1 總標】

སྨྲས་པ། བརྗོད་པར་བྱ་བ་འདུས་བྱས་ཀྱི་དངོས་པོ་ཐམས་ཅད་བསྡུས་པ་ལས་ཡོངས་སུ་ཤེས་པར་བྱ་སྟེ།

smras pa/ brjod par bya ba 'dus byas kyi dngos po thams cad bsdus pa las yongs su shes par bya ste/

【N2 別釋】【O1 約法相有五十八】

བརྗོད་པར་བྱ་བའི་དངོས་པོ་ཐམས་ཅད་གང་ཞེ་ན། འདི་ལྟ་སྟེ། ཕུང་པོའི་དངོས་པོ་དང༌། ཁམས་ཀྱི་དངོས་པོ་དང༌། སྐྱེ་མཆེད་ཀྱི་དངོས་པོ་དང༌། རྟེན་ཅིང་འབྲེལ་པར་འབྱུང་བའི་དངོས་པོ་དང༌། གནས་དང་གནས་མ་ཡིན་པའི་དངོས་པོ་དང༌། དབང་པོའི་དངོས་པོ་དང༌། ལས་ཀྱི་དངོས་པོ་དང༌། ཉོན་མོངས་པའི་དངོས་པོ་དང༌། ཉེ་བའི་ཉོན་མོངས་པའི་དངོས་པོ་དང༌། སྐྱེ་བའི་དངོས་པོ་དང༌། ངན་འགྲོའི་དངོས་པོ་དང༌། བདེ་འགྲོའི་དངོས་པོ་དང༌། སྐྱེ་གནས་ཀྱི་དངོས་པོ་དང༌། རིགས་ཀྱི་དངོས་པོ་དང༌། སེམས་ཅན་དམྱལ་བའི་དངོས་པོ་དང༌། དུད་འགྲོའི་དངོས་པོ་དང༌། ཡི་དྭགས་ཀྱི་དངོས་པོ་དང༌། གླིང་གི་དངོས་པོ་དང༌། རྒྱལ་ཆེན་བཞིའི་རིས་ཀྱི་དངོས་པོ་དང༌། གཞན་འཕྲུལ་དབང་བྱེད་ཀྱི་བར་གྱི་དངོས་པོ་དང་། ཚངས་རིས་ཀྱི་དངོས་པོ་དང༌། འོག་མིན་གྱི་བར་གྱི་དངོས་པོ་དང༌། ནམ་མཁའ་མཐའ་ཡས་སྐྱེ་མཆེད་ཀྱི་དངོས་པོ་དང༌། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་གྱི་དངོས་པོ་དང༌། དད་པས་རྗེས་སུ་འབྲང་བའི་དངོས་པོ་དང༌། ཆོས་ཀྱིས་རྗེས་སུ་འབྲང་བའི་དངོས་པོ་དང༌། ངེས་པར་འབྱེད་པའི་ཆ་དང་མཐུན་པའི་དགེ་བའི་རྩ་བའི་དངོས་པོ་དང༌། མཐོང་བའི་ལམ་གྱི་དངོས་པོ་དང༌། བསྒོམ་པའི་ལམ་གྱི་དངོས་པོ་དང༌། རྒྱུད་དུ་ཞུགས་པའི་འབྲས་བུའི་དངོས་པོ་དང༌། དགྲ་བཅོམ་པ་ཉིད་ཀྱི་བར་གྱི་དངོས་པོ་དང༌། རང་བྱང་ཆུབ་ཀྱི་དངོས་པོ་དང༌། ཡང་དག་པར་རྫོགས་པའི་བྱང་ཆུབ་ཀྱི་དངོས་པོ་དང༌། འདུ་ཤེས་དང་ཚོར་བ་འགོག་པའི་དངོས་པོ་དང༌། ཕ་རོལ་ཏུ་ཕྱིན་པའི་དངོས་པོ་དང༌། དྲན་པ་ཉེ་བར་གཞག་པའི་དངོས་པོ་དང༌། ལམ་གྱི་ཡན་ལག་གི་བར་གྱི་དངོས་པོ་དང༌། བསམ་གཏན་དང༌། ཚད་མེད་པ་དང༌། གཟུགས་མེད་པའི་སྙོམས་པར་འཇུག་པའི་དངོས་པོ་དང༌། འདུ་ཤེས་བསྒོམ་པའི་དངོས་པོ་དང༌། རྗེས་སུ་དྲན་པ་བསྒོམ་པའི་དངོས་པོ་དང༌། རྣམ་པར་ཐར་པ་དང༌། ཟིལ་གྱིས་གནོན་པའི་སྐྱེ་མཆེད་དང༌། ཟད་པར་གྱི་སྐྱེ་མཆེད་བསྒོམ་པའི་དངོས་པོ་དང༌། སྟོབས་དང༌། མི་འཇིགས་པ་དང༌། སྨོན་ནས་ཤེས་པ་དང༌། བསྲུངས་པ་མེད་པ་དང༌། དྲན་པ་ཉེ་བར་གཞག་པ་དང༌། ཐུགས་རྗེ་ཆེན་པོ་དང༌། བག་ཆགས་ཡང་དག་པར་བཅོམ་པ་དང༌། མཚན་དང༌། དཔེ་བྱད་དང༌། རྣམ་པ་ཐམས་ཅད་དང༌། མཆོག་མཁྱེན་པ་དང༌། སངས་རྒྱས་ཀྱི་ཆོས་མ་འདྲེས་པ་ཐམས་ཅད་ཀྱི་དངོས་པོ་སྟེ།

brjod par bya ba'i dngos po thams cad gang zhe na/ 'di lta ste/ phung po'i dngos po dang/ khams kyi dngos po dang/ skye mched kyi dngos po dang/ rten cing 'brel par 'byung ba'i dngos po dang/ gnas dang gnas ma yin pa'i dngos po dang/ dbang po'i dngos po dang/ las kyi dngos po dang/ nyon mongs pa'i dngos po dang/ nye ba'i nyon mongs pa'i dngos po dang/ skye ba'i dngos po dang/ ngan 'gro'i dngos po dang/ bde 'gro'i dngos po dang/ skye gnas kyi dngos po dang/ rigs kyi dngos po dang/ sems can dmyal ba'i dngos po dang/ dud 'gro'i dngos po dang/ yi dwags kyi dngos po dang/ gling gi dngos po dang/ rgyal chen bzhi'i ris kyi dngos po dang/ gzhan 'phrul dbang byed kyi bar gyi dngos po dang / tshangs ris kyi dngos po dang/ 'og min gyi bar gyi dngos po dang/ nam mkha' mtha' yas skye mched kyi dngos po dang/ 'du shes med 'du shes med min skye mched kyi bar gyi dngos po dang/ dad pas rjes su 'brang ba'i dngos po dang/ chos kyis rjes su 'brang ba'i dngos po dang/ nges par 'byed pa'i cha dang mthun pa'i dge ba'i rtsa ba'i dngos po dang/ mthong ba'i lam gyi dngos po dang/ bsgom pa'i lam gyi dngos po dang/ rgyud du zhugs pa'i 'bras bu'i dngos po dang/ dgra bcom pa nyid kyi bar gyi dngos po dang/ rang byang chub kyi dngos po dang/ yang dag par rdzogs pa'i byang chub kyi dngos po dang/ 'du shes dang tshor ba 'gog pa'i dngos po dang/ pha rol tu phyin pa'i dngos po dang/ dran pa nye bar gzhag pa'i dngos po dang/ lam gyi yan lag gi bar gyi dngos po dang/ bsam gtan dang/ tshad med pa dang/ gzugs med pa'i snyoms par 'jug pa'i dngos po dang/ 'du shes bsgom pa'i dngos po dang/ rjes su dran pa bsgom pa'i dngos po dang/ rnam par thar pa dang/ zil gyis gnon pa'i skye mched dang/ zad par gyi skye mched bsgom pa'i dngos po dang/ stobs dang/ mi 'jigs pa dang/ smon nas shes pa dang/ bsrungs pa med pa dang/ dran pa nye bar gzhag pa dang/ thugs rje chen po dang/ bag chags yang dag par bcom pa dang/ mtshan dang/ dpe byad dang/ rnam pa thams cad dang/ mchog mkhyen pa dang/ sangs rgyas kyi chos ma 'dres pa thams cad kyi dngos po ste/

【O2 舉喻相】

དེ་དག་ཀྱང་སྒྱུ་མ་དང༌། རྨི་ལམ་དང༌། མིག་ཡོར་དང༌། བྲག་ཅ་དང༌། ཆུ་ཟླ་དང༌། གཟུགས་བརྙན་དང༌། སྤྲུལ་པ་ལྟ་བུར་ཤེས་པར་བྱའོ། །དབུ་བ་རྡོས་པ་ལྟ་བུ་དང༌། ཆུའི་ཆུ་བུར་ལྟ་བུ་དང༌། སྨིག་རྒྱུ་ལྟ་བུ་དང་། ཆུ་ཤིང་གི་སྡོང་པོ་ལྟ་བུ་དང༌། སྨྱོན་པ་ལྟ་བུ་དང༌། མྱོས་པ་ལྟ་བུ་དང༌། གཤེད་མ་ལྟ་བུ་དང༌། གཅིན་ལྡུད་པའི་དགྲ་བོ་ལྟ་བུ་དང༌། གཞན་གྱི་བུ་ལྟ་བུ་དང༌། སྤྲུལ་གྱི་པྲོག་མ་ལྟ་བུ་དང༌།

de dag kyang sgyu ma dang/ rmi lam dang/ mig yor dang/ brag ca dang/ chu zla dang/ gzugs brnyan dang/ sprul pa lta bur shes par bya'o/ /dbu ba rdos pa lta bu dang/ chu'i chu bur lta bu dang/ smig rgyu lta bu dang / chu shing gi sdong po lta bu dang/ smyon pa lta bu dang/ myos pa lta bu dang/ gshed ma lta bu dang/ gcin ldud pa'i dgra bo lta bu dang/ gzhan gyi bu lta bu dang/ sprul gyi prog ma lta bu dang/

【O3 當體辨相六句】

སྟོང་པ་དང༌། སྨོན་པ་མེད་པ་དང༌། དབེན་པ་དང༌། གཟུང་བ་མེད་པ་དང༌། གསོག་དང༌། གསོབ་དང༌། སྙིང་པོ་མེད་པ་དང༌། དེ་ལྟ་བུ་ལ་སོགས་པའི་རྣམ་གྲངས་དག་གིས་ཡོངས་སུ་ཤེས་པར་བྱའོ། །

stong pa dang/ smon pa med pa dang/ dben pa dang/ gzung ba med pa dang/ gsog dang/ gsob dang/ snying po med pa dang/ de lta bu la sogs pa'i rnam grangs dag gis yongs su shes par bya'o/ /

【L3 明了知圓成實】

ཡོངས་སུ་གྲུབ་པའི་ངོ་བོ་ཉིད་ཇི་ལྟར་ཡོངས་སུ་ཤེས་པར་བྱ་ཞེ་ན། སྨྲས་པ། སྔར་བསྟན་པའི་རྣམ་གྲངས་འདི་ལྟ་སྟེ། དེ་བཞིན་ཉིད་དང༌། ཡང་དག་པའི་མཐའ་དང༌། ཆོས་ཀྱི་དབྱིངས་ཤེས་པར་བྱ་བ་ལ་སོགས་པ་དང༌། གཞན་ཡང་འདི་ལྟ་སྟེ། གཟུགས་མེད་པ་དང༌། བསྟན་དུ་མེད་པ་དང༌། གནས་མེད་པ་དང༌། གཞི་མེད་པ་དང༌། སྣང་བ་མེད་པ་དང༌། རྣམ་པར་རིག་པ་མེད་པ་དང༌། རྟེན་མེད་པ་དང༌། བརྗོད་དུ་མེད་པ་དང༌། སྤྲོས་པ་མེད་པ་དང༌། བླང་བ་མེད་པ་དང༌། དོར་བ་མེད་པ་དང༌། དེ་ལྟ་བུ་ལ་སོགས་པའི་རྣམ་གྲངས་དག་གིས་ཡོངས་སུ་ཤེས་པར་བྱའོ། །

yongs su grub pa'i ngo bo nyid ji ltar yongs su shes par bya zhe na/ smras pa/ sngar bstan pa'i rnam grangs 'di lta ste/ de bzhin nyid dang/ yang dag pa'i mtha' dang/ chos kyi dbyings shes par bya ba la sogs pa dang/ gzhan yang 'di lta ste/ gzugs med pa dang/ bstan du med pa dang/ gnas med pa dang/ gzhi med pa dang/ snang ba med pa dang/ rnam par rig pa med pa dang/ rten med pa dang/ brjod du med pa dang/ spros pa med pa dang/ blang ba med pa dang/ dor ba med pa dang/ de lta bu la sogs pa'i rnam grangs dag gis yongs su shes par bya'o/ /

【K8 染門與苦門】【L1 辨其染】

ངོ་བོ་ཉིད་གསུམ་པོ་དེ་དག་ལས་དུ་ཞིག་བདག་ཉིད་ཀུན་ནས་ཉོན་མོངས་པ་ཅན་མ་ཡིན་ལ། གཞན་ཀུན་ནས་ཉོན་མོངས་པར་བྱེད་པ་དག་ཡིན་ཞེ་ན། སྨྲས་པ། གཅིག་གོ། །

ngo bo nyid gsum po de dag las du zhig bdag nyid kun nas nyon mongs pa can ma yin la/ gzhan kun nas nyon mongs par byed pa dag yin zhe na/ smras pa/ gcig go/ /

【L2 類於苦】

དུ་ཞིག་བདག་ཉིད་ཀུན་ནས་ཉོན་མོངས་པ་ཅན་ཁོ་ན་ཡིན་ཞེ་ན། སྨྲས་པ། གཅིག་གོ། །དུ་ཞིག་བདག་ཉིད་རྣམ་པར་དག་པ་ཡིན་ལ༑ རྣམ་པར་བྱང་བའི་ཕྱིར་འཇུག་པ་དག་ཡིན་ཞེ་ན། སྨྲས་པ། གཅིག་གོ༑ །ཀུན་ནས་ཉོན་མོངས་པ་ཅན་ཇི་ལྟ་བ་བཞིན་དུ་སྡུག་བསྔལ་བ་ཡང་དེ་བཞིན་དུ་རིག་པར་བྱའོ། །ཀུན་བརྟགས་པའི་ངོ་བོ་ཉིད་ཇི་འདྲ་བ་ཡིན་ཞེ་ན། སྨྲས་པ། ནམ་མཁའ་དང་འདྲའོ། །གཞན་གྱི་དབང་གི་ངོ་བོ་ཉིད་ཇི་འདྲ་བ་ཡིན་ཞེ་ན། སྨྲས་པ། གཤེད་མ་དང༌། ཕྱིར་རྒོལ་བ་དང་འདྲའོ། །

du zhig bdag nyid kun nas nyon mongs pa can kho na yin zhe na/ smras pa/ gcig go/ /du zhig bdag nyid rnam par dag pa yin la| rnam par byang ba'i phyir 'jug pa dag yin zhe na/ smras pa/ gcig go| /kun nas nyon mongs pa can ji lta ba bzhin du sdug bsngal ba yang de bzhin du rig par bya'o/ /kun brtags pa'i ngo bo nyid ji 'dra ba yin zhe na/ smras pa/ nam mkha' dang 'dra'o/ /gzhan gyi dbang gi ngo bo nyid ji 'dra ba yin zhe na/ smras pa/ gshed ma dang/ phyir rgol ba dang 'dra'o/ /

【K9 譬喻門】

ཡོངས་སུ་གྲུབ་པའི་ངོ་བོ་ཉིད་ཇི་འདྲ་བ་ཡིན་ཞེ་ན། སྨྲས་པ། མི་ཟད་པའི་གཏེར་ཆེན་པོ་དང་འདྲའོ། །

yongs su grub pa'i ngo bo nyid ji 'dra ba yin zhe na/ smras pa/ mi zad pa'i gter chen po dang 'dra'o/ /

【K10 分別門】【L1 解三性各有所由】

ཀུན་བརྟགས་པའི་ངོ་བོ་ཉིད་ཇི་ལ་བརྟེན་ནས་ཡོངས་སུ་བརྟག་པར་བྱ་བ་ཡིན་ཞེ་ན། སྨྲས་པ། གཞན་གྱི་དབང་གི་ངོ་བོ་ཉིད་ལ་བརྟེན་ནས་སོ། །གཞན་གྱི་དབང་གི་ངོ་བོ་ཉིད་ཇི་ལ་བརྟེན་ནས་གཞན་གྱི་དབང་ཡིན་ཞེ་ན། སྨྲས་པ། རྒྱུ་དང་རྐྱེན་ལ་བརྟེན་ནས་སོ། །ཡོངས་སུ་གྲུབ་པའི་ངོ་བོ་ཉིད་ཇི་ལ་བརྟེན་ནས་ཡོངས་སུ་གྲུབ་པ་ཡིན་ཞེ་ན། སྨྲས་པ། ཉོན་མོངས་པ་དང་སྡུག་བསྔལ་ཐམས་ཅད་ཀྱི་ཀུན་ནས་ཉོན་མོངས་པ་མེད་པ་ཉིད་དང༌། རྟག་པ་ཉིད་ལ་བརྟེན་ནས་སོ། །

kun brtags pa'i ngo bo nyid ji la brten nas yongs su brtag par bya ba yin zhe na/ smras pa/ gzhan gyi dbang gi ngo bo nyid la brten nas so/ /gzhan gyi dbang gi ngo bo nyid ji la brten nas gzhan gyi dbang yin zhe na/ smras pa/ rgyu dang rkyen la brten nas so/ /yongs su grub pa'i ngo bo nyid ji la brten nas yongs su grub pa yin zhe na/ smras pa/ nyon mongs pa dang sdug bsngal thams cad kyi kun nas nyon mongs pa med pa nyid dang/ rtag pa nyid la brten nas so/ /

【L2 因言長辨無分別智】

དེ་ཁོ་ནའི་དོན་འཛིན་པའི་ཤེས་རབ་ནི་རྣམ་པར་མི་རྟོག་པ་ཡིན་ནོ་ཞེས་གང་གསུངས་པ་དེ་ཇི་ལྟར་རྣམ་པར་མི་རྟོག་པ་ཡིན་པར་རིག་པར་བྱ། ཅི་ཡིད་ལ་མི་བྱེད་པ་ལས་སམ། ཡང་དག་པར་འདས་པ་ལས་སམ། དངོས་པོ་མེད་པ་ལས་སམ། རང་བཞིན་ལས་སམ། དམིགས་པ་ལ་མངོན་པར་འདུ་བྱེད་པ་ལས་རྣམ་པར་མི་རྟོག་པ་ཡིན། གལ་ཏེ་ཡིད་ལ་མི་བྱེད་པ་ལས་ཡིན་ན་ནི་དེས་ན་ཚུལ་བཞིན་ཡིད་ལ་བྱེད་པ་དང་ལྡན་པ་ཞེས་བྱར་མི་རུང་སྟེ། གཉིད་ལོག་པ་དང༌། མྱོས་པ་དང༌། རབ་ཏུ་མྱོས་པ་རྣམས་ལ་ཡང་དེ་ཐལ་བར་འགྱུར་རོ། །གལ་ཏེ་ཡང་དག་པར་འདས་པ་ལས་ཡིན་ན་ནི་དེས་ན་ཁམས་གསུམ་པའི་སེམས་དང༌། སེམས་ལས་བྱུང་བའི་ཆོས་རྣམས་ནི་རྣམ་པར་རྟོག་པ་ཡིན་ནོ་ཞེས་གང་གསུངས་པའི་གཞུང་དང་ཇི་ལྟར་འགལ་བར་མི་འགྱུར༑ གལ་ཏེ་དངོས་པོ་མེད་པ་ལས་ཡིན་ན་ནི་དེས་ན་ཤེས་རབ་སེམས་ལས་བྱུང་བའི་ཆོས་སུ་མི་འགྱུར་རོ། །གལ་ཏེ་རང་བཞིན་ལས་ཡིན་ན་ནི་དེས་ན་ཤེས་རབ་ངོ་བོ་ཉིད་དང༌། ཡང་དག་པར་རྙོག་པ་མེད་པའི་མཚན་ཉིད་དུ་ཇི་ལྟར་མི་འགྱུར། གལ་ཏེ་དམིགས་པ་ལ་མངོན་པར་འདུ་བྱེད་པ་ལ་ཡིན་ན་ནི་ནི་དེས་ན་རྣམ་པར་མི་རྟོག་པའི་ཤེས་རབ་མངོན་པར་འདུ་བྱེད་པ་མེད་པ་ཉིད་ལ་ཇི་ལྟར་སྐུར་པ་བཏབ་པར་མི་འགྱུར། དེ་ལྟར་རྣམ་པ་དེ་དག་མི་རིགས་པ་ཡིན་ན། ཇི་ལྟར་ཤེས་རབ་དེ་རྣམ་པར་མི་རྟོག་པ་ཡིན་པར་བལྟ་བར་བྱ་ཞེ་ན། སྨྲས་པ། དེ་ནི་དམིགས་པ་ལ་མངོན་པར་འདུ་བྱེད་པ་མེད་པའི་ཕྱིར་ཏེ། དེའི་དམིགས་པ་ནི་དངོས་པོ་དང་དངོས་པོ་མེད་པ་དང་མི་མཐུན་པའི་ཆོས་དེ་བཞིན་ཉིད་ཡིན་ལ། དེ་ཡང་རྣམ་པར་མི་རྟོག་པ་ཡིན་ནོ། །དེ་ནི་མངོན་པར་འདུ་བྱེད་པ་མེད་ཀྱང་སྔོན་གྱི་ཤུགས་ཀྱིས་གང་གི་ཚེ་དེ་བཞིན་ཉིད་ཀྱི་ཏིང་ངེ་འཛིན་དང་ལྡན་པའི་ཤེས་རབ་སྐྱེ་བར་འགྱུར་བའི་ཚེ། དམིགས་པའི་མཚན་མ་དེས་མངོན་སུམ་དུ་འཛིན་པར་བྱེད་དེ། དེ་ནི་རྣམ་པར་མི་རྟོག་པ་ཞེས་བྱའོ། །

de kho na'i don 'dzin pa'i shes rab ni rnam par mi rtog pa yin no zhes gang gsungs pa de ji ltar rnam par mi rtog pa yin par rig par bya/ ci yid la mi byed pa las sam/ yang dag par 'das pa las sam/ dngos po med pa las sam/ rang bzhin las sam/ dmigs pa la mngon par 'du byed pa las rnam par mi rtog pa yin/ gal te yid la mi byed pa las yin na ni des na tshul bzhin yid la byed pa dang ldan pa zhes byar mi rung ste/ gnyid log pa dang/ myos pa dang/ rab tu myos pa rnams la yang de thal bar 'gyur ro/ /gal te yang dag par 'das pa las yin na ni des na khams gsum pa'i sems dang/ sems las byung ba'i chos rnams ni rnam par rtog pa yin no zhes gang gsungs pa'i gzhung dang ji ltar 'gal bar mi 'gyur| gal te dngos po med pa las yin na ni des na shes rab sems las byung ba'i chos su mi 'gyur ro/ /gal te rang bzhin las yin na ni des na shes rab ngo bo nyid dang/ yang dag par rnyog pa med pa'i mtshan nyid du ji ltar mi 'gyur/ gal te dmigs pa la mngon par 'du byed pa la yin na ni ni des na rnam par mi rtog pa'i shes rab mngon par 'du byed pa med pa nyid la ji ltar skur pa btab par mi 'gyur/ de ltar rnam pa de dag mi rigs pa yin na/ ji ltar shes rab de rnam par mi rtog pa yin par blta bar bya zhe na/ smras pa/ de ni dmigs pa la mngon par 'du byed pa med pa'i phyir te/ de'i dmigs pa ni dngos po dang dngos po med pa dang mi mthun pa'i chos de bzhin nyid yin la/ de yang rnam par mi rtog pa yin no/ /de ni mngon par 'du byed pa med kyang sngon gyi shugs kyis gang gi tshe de bzhin nyid kyi ting nge 'dzin dang ldan pa'i shes rab skye bar 'gyur ba'i tshe/ dmigs pa'i mtshan ma des mngon sum du 'dzin par byed de/ de ni rnam par mi rtog pa zhes bya'o/ /

【F5 決擇威力品】【G1 結前】

དེ་ཁོ་ནའི་དོན་གྱི་ལེའུའི་རྣམ་པར་གཏན་ལ་དབབ་པ་རྫོགས་སོ།། །།

de kho na'i don gyi le'u'i rnam par gtan la dbab pa rdzogs so// //

【G2 舉數生後】

བྱང་ཆུབ་སེམས་དཔའ་རྣམས་ཀྱི་མཐུ་བསམ་གྱིས་མི་ཁྱབ་པ་ནི་རྒྱུ་ལྔས་རིག་པར་བྱ་སྟེ། ལྔ་གང་ཞེ་ན། རྟོག་གེ་ཐམས་ཅད་ལས་ཡང་དག་པར་འདས་པ་ཉིད་ཀྱི་ཕྱིར་དང༌། འཇིག་རྟེན་ན་དཔེ་དམིགས་སུ་མེད་པ་ཉིད་ཀྱི་ཕྱིར་དང༌། མཐུ་དེ་སེམས་ཤིན་ཏུ་སྦྱང་བ་བྱས་པ་ཁོ་ན་དང་འབྲེལ་པ་ཉིད་ཀྱི་ཕྱིར་དང༌། མཉམ་པར་མ་བཞག་པའི་ས་པའི་སེམས་དང་གཅིག་ཏུ་ཆ་མི་མཐུན་པ་ཉིད་ཡིན་པའི་ཕྱིར་དང༌། དེ་མཉམ་པར་གཞག་པའི་ས་པའི་སེམས་དང་འབྲེལ་པ་ཉིད་ཡིན་པའི་ཕྱིར་རོ། །

byang chub sems dpa' rnams kyi mthu bsam gyis mi khyab pa ni rgyu lngas rig par bya ste/ lnga gang zhe na/ rtog ge thams cad las yang dag par 'das pa nyid kyi phyir dang/ 'jig rten na dpe dmigs su med pa nyid kyi phyir dang/ mthu de sems shin tu sbyang ba byas pa kho na dang 'brel pa nyid kyi phyir dang/ mnyam par ma bzhag pa'i sa pa'i sems dang gcig tu cha mi mthun pa nyid yin pa'i phyir dang/ de mnyam par gzhag pa'i sa pa'i sems dang 'brel pa nyid yin pa'i phyir ro/ /

【F6 決擇成熟品】

ཐེག་པ་ཆེན་པོ་ལ་བྱང་ཆུབ་སེམས་དཔའ་རྣམས་ཀྱི་ཆོས་སྤྱོད་པ་བཅུ་པོ་འདི་དག་ནི་སེམས་ཅན་ཡོངས་སུ་སྨིན་པར་བྱེད་པར་འགྱུར་བ་ཡིན་ཏེ། བཅུ་གང་ཞེ་ན། འདི་ལྟ་སྟེ། ཐེག་པ་ཆེན་པོ་དང་ལྡན་པའི་མདོ་སྡེ་ལ་སོགས་པའི་ཆོས་བྱང་ཆུབ་སེམས་དཔའི་སྡེ་སྣོད་ཀྱིས་བསྡུས་པ་དག་ཡི་གེར་འདྲིར་བཅུག་སྟེ་འཛིན་པ་དང༌། དེ་བཞིན་དུ་མཆོད་པ་དང༌། གཞན་དག་ལ་སྦྱིན་པ་དང༌། སྟོན་པ་ན་གུས་པར་བྱས་ཏེ་ཉན་པ་དང༌། བདག་ཉིད་ཀློག་པ་དང༌། དེ་བཞིན་དུ་ཀུན་ཆུབ་པར་ལུང་ནོད་པ་དང༌། ལུང་ཕོག་པ་རྣམས་རྒྱ་ཆེར་དབྱངས་ཀྱིས་ཁ་ཏོན་བྱེད་པ་དང༌། གཞན་དག་ལ་རྒྱ་ཆེར་ཡང་དག་པར་སྟོན་པ་དང༌། གཅིག་པུ་དབེན་པར་སོང་སྟེ་སེམས་པ་དང༌། འཇལ་བ་དང༌། ཉེ་བར་རྟོག་པར་བྱེད་པ་དང༌། བསྒོམ་པའི་རྣམ་པས་རྗེས་སུ་འཇུག་པར་བྱེད་པའོ། །ཆོས་སྤྱོད་པ་བཅུ་པོ་དེ་དག་ལས་དུ་ཞིག་བསོད་ནམས་རྒྱ་ཆེན་པོ་སྐྱེ་བའི་ལམ་ཡིན་ཞེ་ན། སྨྲས་པ། ཐམས་ཅད་དོ། །དུ་ཞིག་སྦྱོར་བའི་ལམ་ཡིན་ཞེ་ན། སྨྲས་པ། གཅིག་སྟེ་དགུ་པའོ། །དུ་ཞིག་སྒྲིབ་པའི་རྣམ་པར་དག་པའི་ལམ་ཡིན་ཞེ་ན། སྨྲས་པ། གཅིག་སྟེ་བཅུ་པའོ། །དེ་ལྟ་བུ་དང་མཐུན་པའི་རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

theg pa chen po la byang chub sems dpa' rnams kyi chos spyod pa bcu po 'di dag ni sems can yongs su smin par byed par 'gyur ba yin te/ bcu gang zhe na/ 'di lta ste/ theg pa chen po dang ldan pa'i mdo sde la sogs pa'i chos byang chub sems dpa'i sde snod kyis bsdus pa dag yi ger 'drir bcug ste 'dzin pa dang/ de bzhin du mchod pa dang/ gzhan dag la sbyin pa dang/ ston pa na gus par byas te nyan pa dang/ bdag nyid klog pa dang/ de bzhin du kun chub par lung nod pa dang/ lung phog pa rnams rgya cher dbyangs kyis kha ton byed pa dang/ gzhan dag la rgya cher yang dag par ston pa dang/ gcig pu dben par song ste sems pa dang/ 'jal ba dang/ nye bar rtog par byed pa dang/ bsgom pa'i rnam pas rjes su 'jug par byed pa'o/ /chos spyod pa bcu po de dag las du zhig bsod nams rgya chen po skye ba'i lam yin zhe na/ smras pa/ thams cad do/ /du zhig sbyor ba'i lam yin zhe na/ smras pa/ gcig ste dgu pa'o/ /du zhig sgrib pa'i rnam par dag pa'i lam yin zhe na/ smras pa/ gcig ste bcu pa'o/ /de lta bu dang mthun pa'i rnam par gtan la dbab pa'i gzhung lhag ma ni mi snang ngo/ /

【F7 決擇菩提品】【G1 舉略標許今當釋】

ཐོས་པ་ལས་བྱུང་བའི་སར་ཐེག་པ་ཆེན་པོ་བསྡུས་པའི་སྐབས་སུ་བྱང་ཆུབ་ནི་རྣམ་པ་ལྔ་པོ་ངོ་བོ་ཉིད་དང༌། མཐུ་དང༌། ཐབས་དང༌། འཇུག་པ་དང༌། ལྡོག་པ་ལས་རིག་པར་བྱའོ་ཞེས་ཇི་སྐད་བསྟན་པ་དེའི་རབ་ཏུ་དབྱེ་བ་གང་ཡིན།

thos pa las byung ba'i sar theg pa chen po bsdus pa'i skabs su byang chub ni rnam pa lnga po ngo bo nyid dang/ mthu dang/ thabs dang/ 'jug pa dang/ ldog pa las rig par bya'o zhes ji skad bstan pa de'i rab tu dbye ba gang yin/

【G2 次第解釋菩提釋五相】【H1 解自性】【I1 標自性】

བྱང་ཆུབ་ཆེན་པོའི་ངོ་བོ་ཉིད་གང་ཞེ་ན། ཉན་ཐོས་དང༌། རང་སངས་རྒྱས་ལས་ཁྱད་པར་དུ་འཕགས་པའི་གནས་གྱུར་པ་གང་ཡིན་པའོ། །

byang chub chen po'i ngo bo nyid gang zhe na/ nyan thos dang/ rang sangs rgyas las khyad par du 'phags pa'i gnas gyur pa gang yin pa'o/ /

【I2 辨轉依有四種相】【J1 舉數列名】

དེ་ཡང་རྣམ་པ་བཞིས་རིག་པར་བྱ་སྟེ། འཇུག་པའི་གནས་དང༌། མི་འཇུག་པའི་གནས་དང༌། ཤེས་བྱ་ལེགས་པར་ཡོངས་སུ་བརྟགས་པའི་འབྲས་བུ་དང༌། ཆོས་ཀྱི་དབྱིངས་རྣམ་པར་དག་པའི་མཚན་ཉིད་ཀྱིས་སོ། །

de yang rnam pa bzhis rig par bya ste/ 'jug pa'i gnas dang/ mi 'jug pa'i gnas dang/ shes bya legs par yongs su brtags pa'i 'bras bu dang/ chos kyi dbyings rnam par dag pa'i mtshan nyid kyis so/ /

【J2 別解釋】【K1 釋生轉所依相】【L1 順釋意欲辨佛身一切】

དེ་ལ་འཇུག་པའི་གནས་ནི་སངས་རྒྱས་ཀྱི་རྒྱུད་ལ་མངའ་བ་འཇིག་རྟེན་ལས་འདས་པའི་ལམ་གྱི་འཇུག་པའི་གནས་ཡིན་པའི་ཕྱིར་ཏེ།

de la 'jug pa'i gnas ni sangs rgyas kyi rgyud la mnga' ba 'jig rten las 'das pa'i lam gyi 'jug pa'i gnas yin pa'i phyir te/

【L2 約果反釋】

དེ་དེ་ལྟ་མ་ཡིན་དུ་ཟིན་ཏེ་གནས་གྱུར་པ་དེ་ལ་མ་བརྟེན་པར་ལམ་སྐྱེ་བར་མི་འགྱུར་ཞིང་འཇུག་པར་མི་འགྱུར་རོ། །

de de lta ma yin du zin te gnas gyur pa de la ma brten par lam skye bar mi 'gyur zhing 'jug par mi 'gyur ro/ /

【L3 約因反難】

གལ་ཏེ་གནས་གྱུར་པ་མེད་ཀྱང༌། འཇུག་པར་གྱུར་ན་ནི་དང་པོ་ཉིད་ནས་འཇུག་པར་འགྱུར་རོ། །

gal te gnas gyur pa med kyang/ 'jug par gyur na ni dang po nyid nas 'jug par 'gyur ro/ /

【K2 釋不生轉所依相】【L1 順釋】

དེ་ལ་མི་འཇུག་པའི་གནས་ནི་བག་ཆགས་དང་བཅས་པའི་ཉོན་མོངས་པ་རྣམས་མི་འཇུག་པའི་གནས་ཡིན་པའི་ཕྱིར་ཏེ།

de la mi 'jug pa'i gnas ni bag chags dang bcas pa'i nyon mongs pa rnams mi 'jug pa'i gnas yin pa'i phyir te/

【L2 反釋】

དེ་དེ་ལྟ་མ་ཡིན་དུ་ཟིན་ཏེ་གནས་གྱུར་པ་དེ་ལ་མ་བརྟེན་པར་རྐྱེན་ཚོགས་ཀྱང་བག་ཆགས་དང་བཅས་པའི་ཉོན་མོངས་པ་རྣམས་མི་འཇུག་པ་དམིགས་པར་མི་འགྱུར་རོ། །

de de lta ma yin du zin te gnas gyur pa de la ma brten par rkyen tshogs kyang bag chags dang bcas pa'i nyon mongs pa rnams mi 'jug pa dmigs par mi 'gyur ro/ /

【K3 釋善觀察所知果相】【L1 順釋】

དེ་ལ་ཤེས་བྱ་ལེགས་པར་ཡོངས་སུ་བརྟགས་པའི་འབྲས་བུ་ནི་ཤེས་བྱའི་དེ་ཁོ་ན་ཤེས་བྱའི་དེ་བཞིན་ཉིད་ལེགས་པར་རྟོག་པའི་འབྲས་བུ་ནི་གནས་གྱུར་པ་དེ་ཡིན་པའི་ཕྱིར་ཏེ།

de la shes bya legs par yongs su brtags pa'i 'bras bu ni shes bya'i de kho na shes bya'i de bzhin nyid legs par rtog pa'i 'bras bu ni gnas gyur pa de yin pa'i phyir te/

【L2 反難釋】

དེ་དེ་ལྟ་མ་ཡིན་དུ་ཟིན་ན་སངས་རྒྱས་རྣམས་ཀྱི་ཆོས་ཀྱི་ངོ་བོ་ཉིད་ཀྱང་ཡོངས་སུ་ཤེས་པར་བྱ་བ་དང༌། སྤང་བར་བྱ་བ་དང༌། དགག་པར་བྱ་དགོས་པར་འགྱུར་རོ། །

de de lta ma yin du zin na sangs rgyas rnams kyi chos kyi ngo bo nyid kyang yongs su shes par bya ba dang/ spang bar bya ba dang/ dgag par bya dgos par 'gyur ro/ /

【K4 釋法界清淨相】【L1 略辨相】

དེ་ལ་ཆོས་ཀྱི་དབྱིངས་རྣམ་པར་དག་པའི་མཚན་ཉིད་ནི་མཚན་མ་ཐམས་ཅད་ཟིལ་གྱིས་མནན་པའི་ཕྱིར་གནས་གྱུར་པ་དེ་ནི་ཆོས་ཀྱི་དབྱིངས་ཤིན་ཏུ་རྣམ་པར་ངག་པས་རབ་ཏུ་ཕྱེ་བ་ཡིན་ནོ། །དེ་དེ་ལྟ་བུ་མ་ཡིན་དུ་ཟིན་ན་མི་རྟག་པ་དང་བསམ་དུ་རུང་བར་འགྱུར་བ་ཞིག་ན། དེ་ནི་རྟག་པའི་མཚན་ཉིད་དང་བསམ་གྱིས་མི་ཁྱབ་པའི་མཚན་ཉིད་ཀྱིས་གཉིས་སུ་མེད་པར་བསྟན་པ་ཡིན་ནོ། །

de la chos kyi dbyings rnam par dag pa'i mtshan nyid ni mtshan ma thams cad zil gyis mnan pa'i phyir gnas gyur pa de ni chos kyi dbyings shin tu rnam par ngag pas rab tu phye ba yin no/ /de de lta bu ma yin du zin na mi rtag pa dang bsam du rung bar 'gyur ba zhig na/ de ni rtag pa'i mtshan nyid dang bsam gyis mi khyab pa'i mtshan nyid kyis gnyis su med par bstan pa yin no/ /

【L2 廣分別不可思議】【M1 約無二辨不思議】【N1 總標舉列其五種】

བསམ་གྱིས་མི་ཁྱབ་པ་དེ་ཡང་རྣམ་པ་ལྔས་རིག་པར་བྱ་སྟེ། ངོ་བོ་ཉིད་དང༌། ཡུལ་དང༌། གནས་པ་དང༌། གཅིག་པ་ཉིད་དང༌། ཐ་དད་པ་ཉིད་དང༌། བྱ་བ་བསྒྲུབ་པས་སོ། །

bsam gyis mi khyab pa de yang rnam pa lngas rig par bya ste/ ngo bo nyid dang/ yul dang/ gnas pa dang/ gcig pa nyid dang/ tha dad pa nyid dang/ bya ba bsgrub pas so/ /

【N2 次第別釋】【O1 由自性故】

དེ་ལ་ཇི་ལྟར་ངོ་བོ་ཉིད་ལས་བསམ་གྱིས་མི་ཁྱབ་པ་ཡིན་ཞེ་ན། གཟུགས་སམ། གཟུགས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། ཚོར་བ་དང༌། འདུ་ཤེས་དང༌། འདུ་བྱེད་རྣམས་དང༌། རྣམ་པར་ཤེས་པའམ། རྣམ་པར་ཤེས་པ་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། སའི་ཁམས་སམ། སའི་ཁམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། ཆུའི་ཁམས་དང༌། མེའི་ཁམས་དང༌། རླུང་གི་ཁམས་སམ། རླུང་གི་ཁམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། མིག་གི་སྐྱེ་མཆེད་དམ། མིག་གི་སྐྱེ་མཆེད་ལས་གཞན་ཞེས་བྱ་བ་དེ་ལྟ་བུར་བསམ་གྱིས་མི་ཁྱབ་པ་དང༌། རྣ་བ་དང༌། སྣ་དང༌། ལྕེ་དང༌། ལུས་དང༌། ཡིད་ཀྱི་སྐྱེ་མཆེད་དམ། ཡིད་ཀྱི་སྐྱེ་མཆེད་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། དངོས་པོའམ། དངོས་པོ་མེད་པ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་ཡིན་ནོ། །

de la ji ltar ngo bo nyid las bsam gyis mi khyab pa yin zhe na/ gzugs sam/ gzugs las gzhan zhes bya ba de ltar bsam gyis mi khyab pa dang/ tshor ba dang/ 'du shes dang/ 'du byed rnams dang/ rnam par shes pa'am/ rnam par shes pa las gzhan zhes bya ba de ltar bsam gyis mi khyab pa dang/ sa'i khams sam/ sa'i khams las gzhan zhes bya ba de ltar bsam gyis mi khyab pa dang/ chu'i khams dang/ me'i khams dang/ rlung gi khams sam/ rlung gi khams las gzhan zhes bya ba de ltar bsam gyis mi khyab pa dang/ mig gi skye mched dam/ mig gi skye mched las gzhan zhes bya ba de lta bur bsam gyis mi khyab pa dang/ rna ba dang/ sna dang/ lce dang/ lus dang/ yid kyi skye mched dam/ yid kyi skye mched las gzhan zhes bya ba de ltar bsam gyis mi khyab pa dang/ dngos po'am/ dngos po med pa zhes bya ba de ltar bsam gyis mi khyab pa yin no/ /

【O2 由處故】

དེ་ལ་ཇི་ལྟར་ཡུལ་ལས་བསམ་གྱིས་མི་ཁྱབ་པ་ཡིན་ཞེ་ན། འདོད་པའི་ཁམས་སམ། འདོད་པའི་ཁམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། གཟུགས་ཀྱི་ཁམས་སམ། གཟུགས་ཀྱི་ཁམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། གཟུགས་མེད་པའི་ཁམས་སམ། གཟུགས་མེད་པའི་ཁམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། མི་རྣམས་སམ། མི་རྣམས་ལས་གཞན་ནམ། ལྷ་རྣམས་སམ། ལྷ་རྣམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། ཤར་ཕྱོགས་སམ། ཤར་ཕྱོགས་ལས་གཞན་ནམ། ལྷོ་དང༌། ནུབ་དང༌། བྱང་དང་། འོག་དང༌། སྟེང་དང༌། ཕྱོགས་མཚམས་རྣམས་སམ། ཕྱོགས་མཚམས་རྣམས་ལས་གཞན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་ཡིན་ནོ། །

de la ji ltar yul las bsam gyis mi khyab pa yin zhe na/ 'dod pa'i khams sam/ 'dod pa'i khams las gzhan zhes bya ba de ltar bsam gyis mi khyab pa dang/ gzugs kyi khams sam/ gzugs kyi khams las gzhan zhes bya ba de ltar bsam gyis mi khyab pa dang/ gzugs med pa'i khams sam/ gzugs med pa'i khams las gzhan zhes bya ba de ltar bsam gyis mi khyab pa dang/ mi rnams sam/ mi rnams las gzhan nam/ lha rnams sam/ lha rnams las gzhan zhes bya ba de ltar bsam gyis mi khyab pa dang/ shar phyogs sam/ shar phyogs las gzhan nam/ lho dang/ nub dang/ byang dang / 'og dang/ steng dang/ phyogs mtshams rnams sam/ phyogs mtshams rnams las gzhan zhes bya ba de ltar bsam gyis mi khyab pa yin no/ /

【O3 由住故】

དེ་ལ་ཇི་ལྟར་གནས་པ་ལས་བསམ་གྱིས་མི་ཁྱབ་པ་ཡིན་ཞེ་ན། །བདེ་བར་གནས་པ་འདི་དང་འདི་ལྟ་བུས་གནས་སོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། ཞི་བར་གནས་པ་འདི་དང་འདི་ལྟ་བུས་གནས་སོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། སེམས་དང་བཅས་པའི་གནས་པ་འདི་དང༌། འདི་ལྟ་བུས་གནས་སོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། སེམས་མེད་པའི་གནས་པ་འདི་དང་འདི་ལྟ་བུས་གནས་སོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། ལྷ་དང་ཚངས་པའི་གནས་པ་འདི་དང་འདི་ལྟ་བུས་གནས་སོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་དང༌། འཕགས་པའི་གནས་པ་འདི་དང་འདི་ལྟ་བུས་གནས་སོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་ཡིན་ནོ། །

de la ji ltar gnas pa las bsam gyis mi khyab pa yin zhe na/ /bde bar gnas pa 'di dang 'di lta bus gnas so zhes bya ba de ltar bsam gyis mi khyab pa dang/ zhi bar gnas pa 'di dang 'di lta bus gnas so zhes bya ba de ltar bsam gyis mi khyab pa dang/ sems dang bcas pa'i gnas pa 'di dang/ 'di lta bus gnas so zhes bya ba de ltar bsam gyis mi khyab pa dang/ sems med pa'i gnas pa 'di dang 'di lta bus gnas so zhes bya ba de ltar bsam gyis mi khyab pa dang/ lha dang tshangs pa'i gnas pa 'di dang 'di lta bus gnas so zhes bya ba de ltar bsam gyis mi khyab pa dang/ 'phags pa'i gnas pa 'di dang 'di lta bus gnas so zhes bya ba de ltar bsam gyis mi khyab pa yin no/ /

【O4 由一性異性故】

དེ་ལ་ཇི་ལྟར་གཅིག་པ་ཉིད་དང༌། ཐ་དད་པ་ཉིད་ལས་བསམ་གྱིས་མི་ཁྱབ་པ་ཡིན་ཞེ་ན། འདི་ལྟ་སྟེ། ཟག་པ་མེད་པའི་དབྱིངས་གཅིག་ལ་གནས་པའི་སངས་རྒྱས་རྣམས་ཅི་གཅིག་པ་ཉིད་ཡིན་ནམ། ཐ་དད་པ་ཉིད་ཡིན་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་ཡིན་ནོ། །

de la ji ltar gcig pa nyid dang/ tha dad pa nyid las bsam gyis mi khyab pa yin zhe na/ 'di lta ste/ zag pa med pa'i dbyings gcig la gnas pa'i sangs rgyas rnams ci gcig pa nyid yin nam/ tha dad pa nyid yin zhes bya ba de ltar bsam gyis mi khyab pa yin no/ /

【O5 由成所作故】

དེ་ལ་ཇི་ལྟར་བྱ་བ་བསྒྲུབ་པ་ལས་བསམ་གྱིས་མི་ཁྱབ་པ་ཡིན་ཞེ་ན། དེ་བཞིན་གཤེགས་པ་ཁམས་མཉམ་པ་དང༌། ཡེ་ཤེས་དང༌། མགྱོགས་པ་དང༌། སྟོབས་དང༌། ཕ་རོལ་གནོན་པ་མཉམ་པ་ཟག་པ་མེད་པའི་དབྱིངས་ལ་གནས་པ་རྣམས་གནས་གྱུར་པ་དེ་ཉིད་ལ་བརྟེན་ནས་འདི་ལྟ་འདི་ལྟར་སེམས་ཅན་གྱི་དོན་དང་སེམས་ཅན་གྱི་བྱ་བ་མཛད་དོ་ཞེས་བྱ་བ་དེ་ལྟར་བསམ་གྱིས་མི་ཁྱབ་པ་ཡིན་ནོ། །

de la ji ltar bya ba bsgrub pa las bsam gyis mi khyab pa yin zhe na/ de bzhin gshegs pa khams mnyam pa dang/ ye shes dang/ mgyogs pa dang/ stobs dang/ pha rol gnon pa mnyam pa zag pa med pa'i dbyings la gnas pa rnams gnas gyur pa de nyid la brten nas 'di lta 'di ltar sems can gyi don dang sems can gyi bya ba mdzad do zhes bya ba de ltar bsam gyis mi khyab pa yin no/ /

【M2 約二因辨不思議】

དེ་ཡང་རྒྱུ་གཉིས་ཀྱིས་བསམ་གྱིས་མི་ཁྱབ་པ་ཉིད་དུ་བལྟ་བར་བྱ་སྟེ། བརྗོད་དུ་མེད་པའི་དོན་གྱིས་ཚིག་གི་སྤྱོད་ཡུལ་ལས་འདས་པས་དེའི་ཕྱིར་བསམ་གྱིས་མི་ཁྱབ་པ་དང༌། འཇིག་རྟེན་ལས་འདས་པ་ཉིད་ཀྱིས་འཇིག་རྟེན་ན་དེའི་དཔེ་མེད་པས་དེའི་ཕྱིར་བསམ་གྱིས་མི་ཁྱབ་པ་ཡིན་ནོ། །

de yang rgyu gnyis kyis bsam gyis mi khyab pa nyid du blta bar bya ste/ brjod du med pa'i don gyis tshig gi spyod yul las 'das pas de'i phyir bsam gyis mi khyab pa dang/ 'jig rten las 'das pa nyid kyis 'jig rten na de'i dpe med pas de'i phyir bsam gyis mi khyab pa yin no/ /

【H2 解功能】

མཐུ་གང་ཞེ་ན། མདོར་བསྡུ་ན་དབང་བཅུ་ལ་མཐུ་ཞེས་བྱ་སྟེ། ཚེ་ལ་དབང་བ་ལ་སོགས་པ་འདི་ལྟ་སྟེ། སའི་དངོས་གཞིར་བསྟན་པ་ཡིན་ནོ། །

mthu gang zhe na/ mdor bsdu na dbang bcu la mthu zhes bya ste/ tshe la dbang ba la sogs pa 'di lta ste/ sa'i dngos gzhir bstan pa yin no/ /

【H3 解方便】

ཐབས་གང་ཞེ་ན། མདོར་བསྡུ་ན་སྤྲུལ་པ་རྣམ་པ་བཞི་ནི་ཐབས་ཞེས་བྱ་སྟེ། སེམས་ཅན་ཡོངས་སུ་མ་སྨིན་པ་རྣམས་ཡོངས་སུ་སྨིན་པར་བྱ་བའི་ཕྱིར། བྱང་ཆུབ་སེམས་དཔའི་སྤྱོད་པ་སྤྲུལ་པ་དང༌། སེམས་ཅན་ཡོངས་སུ་སྨིན་པ་རྣམས་རྣམ་པར་གྲོལ་བར་བྱ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་འཛམ་བུའི་གླིང་བྱེ་བ་ཕྲག་བརྒྱར་ཅིག་ཅར་དུ་དེ་བཞིན་གཤེགས་པའི་སྐུ་སྤྲུལ་པའི་ཐབས་ཡོངས་སུ་འཛིན་པ་དང༌། ཉན་ཐོས་ཀྱིས་འདུལ་བ་རྣམས་ལ་དེ་སྤྲུལ་པ་དང༌། རང་སངས་རྒྱས་ཀྱིས་འདུལ་བ་རྣམས་ལ་དེ་སྤྲུལ་པ་སྟེ། སངས་རྒྱས་བཅོམ་ལྡན་འདས་རྣམས་ནི་ཕྱོགས་བཅུར་སྤྲུལ་པ་རྣམ་པ་བཞི་པོ་དེ་དག་ལ་ཐོགས་པ་མེད་པའི་མཐུ་དང་ལྡན་པ་ཡིན་པར་བལྟ་བར་བྱའོ། །

thabs gang zhe na/ mdor bsdu na sprul pa rnam pa bzhi ni thabs zhes bya ste/ sems can yongs su ma smin pa rnams yongs su smin par bya ba'i phyir/ byang chub sems dpa'i spyod pa sprul pa dang/ sems can yongs su smin pa rnams rnam par grol bar bya ba'i phyir stong gsum gyi stong chen po'i 'jig rten gyi khams kyi 'dzam bu'i gling bye ba phrag brgyar cig car du de bzhin gshegs pa'i sku sprul pa'i thabs yongs su 'dzin pa dang/ nyan thos kyis 'dul ba rnams la de sprul pa dang/ rang sangs rgyas kyis 'dul ba rnams la de sprul pa ste/ sangs rgyas bcom ldan 'das rnams ni phyogs bcur sprul pa rnam pa bzhi po de dag la thogs pa med pa'i mthu dang ldan pa yin par blta bar bya'o/ /

【H4 解轉】

དེ་ལ་འཇུག་པ་གང་ཞེ་ན། དེ་ཡང་རྣམ་པ་གཉིས་སུ་བལྟ་བར་བྱ་སྟེ། དེའི་མོད་ལ་འཇུག་པ་དང༌། དེ་གཏན་དུ་འཇུག་པའོ། །དེ་ལ་དེའི་མོད་ལ་འཇུག་པ་ནི་ཇི་སྲིད་དུ་སེམས་ཅན་རྣམས་ཡོངས་སུ་མ་སྨིན་ཞིང་རྣམ་པར་མ་གྲོལ་བ་དེ་སྲིད་དུ་སངས་རྒྱས་རྣམས་ཀྱི་སྤྲུལ་པ་འཇུག་པའོ། །དེ་ལ་དེ་གཏན་དུ་འཇུག་པ་ནི་ཇི་ལྟར་སངས་རྒྱས་རྣམས་ཀྱི་ངོ་བོ་ཉིད་མི་ཟང་ཅིང་བསམ་གྱིས་མི་ཁྱབ་པ། འཇིག་རྟེན་ཇི་སྲིད་ཡོད་ཀྱི་བར་དུ་སེམས་ཅན་རྣམས་ཀྱི་བྱ་བ་བསྒྲུབ་པ་ལ་རྗེས་སུ་འཇུག་པའི་ཕྱིར་འཇུག་པར་མཛད་པའོ། །

de la 'jug pa gang zhe na/ de yang rnam pa gnyis su blta bar bya ste/ de'i mod la 'jug pa dang/ de gtan du 'jug pa'o/ /de la de'i mod la 'jug pa ni ji srid du sems can rnams yongs su ma smin zhing rnam par ma grol ba de srid du sangs rgyas rnams kyi sprul pa 'jug pa'o/ /de la de gtan du 'jug pa ni ji ltar sangs rgyas rnams kyi ngo bo nyid mi zang cing bsam gyis mi khyab pa/ 'jig rten ji srid yod kyi bar du sems can rnams kyi bya ba bsgrub pa la rjes su 'jug pa'i phyir 'jug par mdzad pa'o/ /

【H5 解還】

དེ་ལ་ལྡོག་པ་གང་ཞེ་ན། དེ་ཡང་རྣམ་པ་གཉིས་སུ་བལྟ་བར་བྱ་སྟེ། དེའི་མོད་ལ་ལྡོག་པ་དང༌། དེ་གཏན་ལྡོག་པའོ། །དེ་ལ་དེའི་མོད་ལ་ལྡོག་པ་ནི་སེམས་ཅན་རྣམས་ཡོངས་སུ་སྨིན་ཅིང་རྣམ་པར་གྲོལ་བར་གྱུར་པ་ནི་དེའི་མོད་ལ་སངས་རྒྱས་རྣམས་ཡོངས་སུ་མྱ་ངན་ལས་འདས་པས་ལྡོག་པར་མཛད་དོ། །དེ་ལ་དེ་གཏན་ལྡོག་པ་ནི་བག་ཆགས་དང་བཅས་པའི་ཉོན་མོངས་པ་རྣམས་དང་སྡུག་བསྔལ་གནས་དང་བཅས་པ་གཏན་ཟད་པ་ལས་རིག་པར་བྱའོ། །

de la ldog pa gang zhe na/ de yang rnam pa gnyis su blta bar bya ste/ de'i mod la ldog pa dang/ de gtan ldog pa'o/ /de la de'i mod la ldog pa ni sems can rnams yongs su smin cing rnam par grol bar gyur pa ni de'i mod la sangs rgyas rnams yongs su mya ngan las 'das pas ldog par mdzad do/ /de la de gtan ldog pa ni bag chags dang bcas pa'i nyon mongs pa rnams dang sdug bsngal gnas dang bcas pa gtan zad pa las rig par bya'o/ /

【F8 決擇力種性品】【G1 明讚歎如來生大福聚】【H1 明能讚嘆者能作饒益】

ཇི་ལྟར་ན་བསྟོད་པ་བྱེད་པ་དེ་བཞིན་གཤེགས་པ་ལ་ཕན་འདོགས་པ་ཡིན་ཞེ་ན། ཇི་ལྟར་བསྟོད་ན་བདག་ཉིད་ལ་ཕན་པར་སྤྱོད་པས་ཡིན་གྱི། བསྟོད་པ་དག་གིས་ནི་མ་ཡིན་ནོ། །གཞན་དུ་ན་དེ་བཞིན་གཤེགས་པ་ནི་བསྟོད་པ་དག་གིས་གཡོ་བར་མཛད་དེ། འདི་ལྟར་དེ་བཞིན་གཤེགས་པ་ནི་དགེ་བ་མི་སྤྱོམས་པ་དང༌། མཆོག་ཏུ་འདོད་ཆེན་ཆུང་བ་ཡིན་པའི་ཕྱིར་རོ། །

ji ltar na bstod pa byed pa de bzhin gshegs pa la phan 'dogs pa yin zhe na/ ji ltar bstod na bdag nyid la phan par spyod pas yin gyi/ bstod pa dag gis ni ma yin no/ /gzhan du na de bzhin gshegs pa ni bstod pa dag gis g.yo bar mdzad de/ 'di ltar de bzhin gshegs pa ni dge ba mi spyoms pa dang/ mchog tu 'dod chen chung ba yin pa'i phyir ro/ /

【H2 明讚嘆如來有二種奇法】

དེ་བཞིན་གཤེགས་པ་ལ་བསྟོད་པ་མངོན་པར་བརྗོད་པ་ལ་ངོ་མཚར་རྨད་དུ་བྱུང་བའི་ཆོས་ནི་གཉིས་པོ་འདི་དག་ཡིན་ཏེ། བསྟོད་པ་བྱེད་པ་བདག་ཉིད་ཁོ་ན་འབའ་ཞིག་ལ་ཕན་པར་ཀུན་ཏུ་སྤྱོད་པ་ན་བསོད་ནམས་དཔག་ཏུ་མེད་པ་སྐྱེ་བར་འགྱུར་བ་གང་ཡིན་པ་དང༌། དེ་བཞིན་གཤེགས་པ་བཞེད་པ་ཐམས་ཅད་དང་བྲལ་བ་ལ་ཕན་གདགས་པར་འགྱུར་བ་གང་ཡིན་པ་སྟེ། ཇི་ལྟ་ཇི་ལྟར་དེ་བཞིན་གཤེགས་པ་ལ་བསྟོད་པ་བྱེད་པ་དེ་ལྟ་དེ་ལྟར་བདག་ཉིད་ལ་ཕན་པ་སྒྲུབ་པར་བྱེད་པ་ཡིན་ལ། ཇི་ལྟ་ཇི་ལྟར་བདག་ཉིད་ལ་ཕན་པ་སྒྲུབ་པར་བྱེད་པ་དེ་ལྟ་དེ་ལྟར་དེ་བཞིན་གཤེགས་པ་ལ་མཆོད་པས་ཕན་འདོགས་པར་བྱེད་པ་ཡིན་པས། དེའི་ཕྱིར་དངོས་པོ་གཉིས་དང་ལྡན་པའི་བསོད་ནམས་ཤིན་ཏུ་རྒྱ་ཆེ་ཞིང་མི་ཟད་པ་སྐྱེ་བར་འགྱུར་ཏེ།

de bzhin gshegs pa la bstod pa mngon par brjod pa la ngo mtshar rmad du byung ba'i chos ni gnyis po 'di dag yin te/ bstod pa byed pa bdag nyid kho na 'ba' zhig la phan par kun tu spyod pa na bsod nams dpag tu med pa skye bar 'gyur ba gang yin pa dang/ de bzhin gshegs pa bzhed pa thams cad dang bral ba la phan gdags par 'gyur ba gang yin pa ste/ ji lta ji ltar de bzhin gshegs pa la bstod pa byed pa de lta de ltar bdag nyid la phan pa sgrub par byed pa yin la/ ji lta ji ltar bdag nyid la phan pa sgrub par byed pa de lta de ltar de bzhin gshegs pa la mchod pas phan 'dogs par byed pa yin pas/ de'i phyir dngos po gnyis dang ldan pa'i bsod nams shin tu rgya che zhing mi zad pa skye bar 'gyur te/

【H3 明因言長辨佛有二事】

དེ་བཞིན་གཤེགས་པ་བཞེད་པའི་དངོས་པོ་དང་ལྡན་པ་དང༌། མི་བཞེད་པའི་དངོས་པོ་དང་ལྡན་པའོ། །

de bzhin gshegs pa bzhed pa'i dngos po dang ldan pa dang/ mi bzhed pa'i dngos po dang ldan pa'o/ /

【G2 明由六種相略攝佛德】【H1 舉數列名】

དེ་བཞིན་གཤེགས་པའི་ཡོན་ཏན་ནི་རྣམ་པ་དྲུག་གིས་བསྡུས་པར་རིག་པར་བྱ་སྟེ། མཐའ་དག་དང༌། དྲི་མ་མེད་པ་དག་དང༌། མི་གཡོ་བ་དང༌། མི་མཉམ་པ་དང༌། སེམས་ཅན་གྱི་དོན་གྱི་ལས་ཅན་དང༌། མཐུས་སོ། །

de bzhin gshegs pa'i yon tan ni rnam pa drug gis bsdus par rig par bya ste/ mtha' dag dang/ dri ma med pa dag dang/ mi g.yo ba dang/ mi mnyam pa dang/ sems can gyi don gyi las can dang/ mthus so/ /

【H2 次第釋】【I1 圓滿】

དེ་ལ་ཇི་ལྟར་མཐའ་དག་གིས་ཤེ་ན། འདི་ལ་དེ་བཞིན་གཤེགས་པ་ནི་ཁམས་གསུམ་ན་སྤྱོད་པ་འཇིག་རྟེན་པ་དང༌། འཇིག་རྟེན་ལས་འདས་པའི་ཡོན་ཏན་ཐམས་ཅད་དང་ལྡན་པ་ཡིན་ཏེ། འཇིག་རྟེན་ལས་འདས་པའི་ཡོན་ཏན་དེ་དག་ཀྱང༌། ངག་གི་སྤྱོད་ཡུལ་ལས་ཡང་དག་པར་འདས་པ་ཡིན་པས། གང་གི་ཕྱིར་དེ་བཞིན་གཤེགས་པ་བསྟོད་པ་ཐམས་ཅད་ལས་ཡང་དག་པར་འདས་པ་དེའི་ཕྱིར་བསྟོད་པར་འོས་པ་ཁོ་ན་ཡིན་ནོ། །

de la ji ltar mtha' dag gis she na/ 'di la de bzhin gshegs pa ni khams gsum na spyod pa 'jig rten pa dang/ 'jig rten las 'das pa'i yon tan thams cad dang ldan pa yin te/ 'jig rten las 'das pa'i yon tan de dag kyang/ ngag gi spyod yul las yang dag par 'das pa yin pas/ gang gi phyir de bzhin gshegs pa bstod pa thams cad las yang dag par 'das pa de'i phyir bstod par 'os pa kho na yin no/ /

【I2 無垢】

ཇི་ལྟར་དྲི་མ་མེད་པ་ཡིན་ཞེ་ན། ཡོན་ཏན་གྱི་དྲི་མ་ནི་བདུན་པོ་འདི་དག་ཡིན་ཏེ། འདོད་པ་དང་། ལྟ་བ་དང༌། ཡིད་གཉིས་དང༌། ང་རྒྱལ་དང༌། རྒྱགས་པ་དང༌། བག་ལ་ཉལ་དང༌། སེར་སྣའོ། །དེ་བཞིན་གཤེགས་པ་ལ་ནི་དེ་དག་རྣམ་པ་ཐམས་ཅད་ཀྱི་ཐམས་ཅད་དུ་མི་མངའ་སྟེ། འདི་ལྟར་དེ་བཞིན་གཤེགས་པ་ནི་བདག་ལ་གཞན་དག་གིས་འདི་ནི་ཡོན་ཏན་དང༌ལྡན་པ་ཡིན་ནོ་ཞེས་ཤེས་པར་གྱུར་ན་ཅི་མ་རུང་སྙམ་དུ་ཡོན་ཏན་དག་གིས་གཞན་ལས་ཤེས་ཀྱི་ཁེ་ཚོལ་བར་མི་མཛད་པ་དང༌། ཡོན་ཏན་དེ་དག་ལ་བལྟ་བས་མངོན་པར་ཞེན་པར་མི་མཛད་པ་དང༌། ཡོན་ཏན་དེ་དག་ལ་འདི་དག་ཡོན་ཏན་ཡིན་ནམ་སྐྱོན་ཡིན་སྙམ་དུ་ཡིད་གཉིས་མི་མངའ་བ་དང་། ཡོན་ཏན་དེ་དག་གིས་བདག་ཉིད་གཞན་དག་དང་བསྐྲུན་ཅིང་ཡོངས་སུ་འཇལ་བར་མི་མཛད་པ་དང༌། བདག་ཉིད་ཀྱི་ཡོན་ཏན་རྗེས་སུ་གཟིགས་པ་ན་རྒྱགས་པ་དང༌། རྒོད་པ་དང༌། དགའ་བ་སྐྱེ་བ་དང༌། ཡིད་བདེ་བ་སྐྱེ་བར་མི་འགྱུར་བ་དང༌། ཡོན་ཏན་དེ་དག་བག་ཆགས་དང་བཅས་པའི་ཉོན་མོངས་པ་ཐམས་ཅད་ཡང་དག་པར་བཅོམ་པའི་ཕྱིར་ཉོན་མོངས་པའི་བག་ལ་ཉལ་དང་མི་ལྡན་པ་དང༌། ཡོན་ཏན་དེ་དག་ལ་གཞན་གྱིས་རྟོགས་པར་འགྱུར་ན་མི་རུང་ངོ་སྙམ་དུ་སེམས་ཤིན་ཏུ་ཀུན་ཏུ་འཛིན་པའི་སེམས་མི་མངའ་བའི་ཕྱིར་རོ། །

ji ltar dri ma med pa yin zhe na/ yon tan gyi dri ma ni bdun po 'di dag yin te/ 'dod pa dang / lta ba dang/ yid gnyis dang/ nga rgyal dang/ rgyags pa dang/ bag la nyal dang/ ser sna'o/ /de bzhin gshegs pa la ni de dag rnam pa thams cad kyi thams cad du mi mnga' ste/ 'di ltar de bzhin gshegs pa ni bdag la gzhan dag gis 'di ni yon tan dangldan pa yin no zhes shes par gyur na ci ma rung snyam du yon tan dag gis gzhan las shes kyi khe tshol bar mi mdzad pa dang/ yon tan de dag la blta bas mngon par zhen par mi mdzad pa dang/ yon tan de dag la 'di dag yon tan yin nam skyon yin snyam du yid gnyis mi mnga' ba dang / yon tan de dag gis bdag nyid gzhan dag dang bskrun cing yongs su 'jal bar mi mdzad pa dang/ bdag nyid kyi yon tan rjes su gzigs pa na rgyags pa dang/ rgod pa dang/ dga' ba skye ba dang/ yid bde ba skye bar mi 'gyur ba dang/ yon tan de dag bag chags dang bcas pa'i nyon mongs pa thams cad yang dag par bcom pa'i phyir nyon mongs pa'i bag la nyal dang mi ldan pa dang/ yon tan de dag la gzhan gyis rtogs par 'gyur na mi rung ngo snyam du sems shin tu kun tu 'dzin pa'i sems mi mnga' ba'i phyir ro/ /

【I3 不動】

ཇི་ལྟར་མི་གཡོ་བས་ཤེ་ན། དེ་བཞིན་གཤེགས་པའི་ཡོན་ཏན་མི་ཟད་པ་རྣམས་ནི་མུ་སྟེགས་ཅན་རྣམས་ཀྱིས་མི་བསྐྱོད་པའི་ཕྱིར་དང༌། བདུད་རྣམས་ཀྱིས་མི་བསྐྱོད་པའི་ཕྱིར་དང༌། ཆོམ་རྐུན་པ་དག་གིས་མི་འཕྲོགས་པའི་ཕྱིར་དང༌། ཉེ་དུ་རྣམས་ཀྱིས་མི་བསྐྱོད་པའི་ཕྱིར་དང༌། རྒྱལ་པོ་རྣམས་ཀྱིས་མི་བསྐྱོད་པའི་ཕྱིར་དང༌། འབྱུང་བ་ཆེན་པོས་དང༌། ཆུ་དང༌། མེ་དང༌། རླུང་གིས་མི་བསྐྱོད་པའི་ཕྱིར་དང༌། ཚེ་ཟད་པ་ལས་ཡོངས་སུ་ཉམས་པར་མི་འགྱུར་བའི་ཕྱིར་དེ་བཞིན་གཤེགས་པའི་ཡོན་ཏན་དེ་དག་མི་ཟད་པ་སྟེ། དེས་ན་དེ་དག་མི་གཡོ་བའོ༑ །

ji ltar mi g.yo bas she na/ de bzhin gshegs pa'i yon tan mi zad pa rnams ni mu stegs can rnams kyis mi bskyod pa'i phyir dang/ bdud rnams kyis mi bskyod pa'i phyir dang/ chom rkun pa dag gis mi 'phrogs pa'i phyir dang/ nye du rnams kyis mi bskyod pa'i phyir dang/ rgyal po rnams kyis mi bskyod pa'i phyir dang/ 'byung ba chen pos dang/ chu dang/ me dang/ rlung gis mi bskyod pa'i phyir dang/ tshe zad pa las yongs su nyams par mi 'gyur ba'i phyir de bzhin gshegs pa'i yon tan de dag mi zad pa ste/ des na de dag mi g.yo ba'o| /

【I4 無等】

ཇི་ལྟར་མི་མཉམ་པས་ཤེ་ན། མཐུ་རྒྱ་ཆེན་པོ་ཕུལ་དུ་ཕྱིན་པ་སྣ་ཚོགས་དག་གིས་སེམས་ཅན་དག་པ་དང་མ་དག་པ་རྣམས་དང་མི་མཉམ་པའི་ཕྱིར་ཏེ༑ དེས་ན་དེ་དག་མི་མཉམ་པ་ཡིན་ནོ། །

ji ltar mi mnyam pas she na/ mthu rgya chen po phul du phyin pa sna tshogs dag gis sems can dag pa dang ma dag pa rnams dang mi mnyam pa'i phyir te| des na de dag mi mnyam pa yin no/ /

【I5 能作有情利益事業】

ཇི་ལྟར་སེམས་ཅན་གྱི་དོན་གྱི་ལས་ཅན་གྱིས་ཤེ་ན། ཁ་ན་མ་ཐོ་བ་མེད་པའི་བདེ་བ་རྒྱ་ཆེན་པོ་བརྙེས་པ་སྤངས་ནས༑ གཞན་གྱི་དོན་ལ་སྦྱོར་བ་ཡང་དག་པར་སྟོན་པར་མཛད་པའི་ཕྱིར་ཏེ། དེས་ན་དེ་དག་སེམས་ཅན་གྱི་དོན་གྱི་ལས་ཅན་ཡིན་ནོ། །

ji ltar sems can gyi don gyi las can gyis she na/ kha na ma tho ba med pa'i bde ba rgya chen po brnyes pa spangs nas| gzhan gyi don la sbyor ba yang dag par ston par mdzad pa'i phyir te/ des na de dag sems can gyi don gyi las can yin no/ /

【I6 功能】

ཇི་ལྟར་མཐུས་ཤེ་ན། སེམས་ཅན་གྱི་དོན་བྱ་བའི་སྨོན་ལམ་ཡང་དག་པར་གྲུབ་པའི་ཕྱིར་དང༌། དེའི་ཐབས་ཤེས་པས་ཡོངས་སུ་བསྐོར་བའི་ཕྱིར་དང༌། དེ་དང་འབྲེལ་པ་ལ་ཡང་དག་པར་གཏོད་པའི་ཕྱིར་རོ། །

ji ltar mthus she na/ sems can gyi don bya ba'i smon lam yang dag par grub pa'i phyir dang/ de'i thabs shes pas yongs su bskor ba'i phyir dang/ de dang 'brel pa la yang dag par gtod pa'i phyir ro/ /

【G3 明由五因緣天非所歸】【H1 舉教徵列】

དེ་བཞིན་གཤེགས་པ་རྣམས་ནི་སྐྱབས་ཀྱི་འོས་ཡིན་ལ༑ ལྷ་རྣམས་སྐྱབས་ཀྱི་འོས་མ་ཡིན་པ་ནི་རྒྱུ་ལྔས་རིག་པར་བྱ་བ་སྟེ། ལྔ་གང་ཞེ་ན། རྟགས་དང༌། ངོ་བོ་ཉིད་དང༌། ལས་དང༌། ཆོས་དང༌། རྒྱུ་དང་འབྲས་བུས་སོ། །

de bzhin gshegs pa rnams ni skyabs kyi 'os yin la| lha rnams skyabs kyi 'os ma yin pa ni rgyu lngas rig par bya ba ste/ lnga gang zhe na/ rtags dang/ ngo bo nyid dang/ las dang/ chos dang/ rgyu dang 'bras bus so/ /

【H2 次第別解】【I1 辨形相】【J1 舉五因辨天非歸】

དེ་ལ་ཇི་ལྟར་རྟགས་ལས་ཤེ་ན། ལྷ་རྣམས་ནི་བལྟར་མི་སྣང་བའི་ཕྱིར་ཀུན་ཏུ་ཐ་སྙད་བྱར་མེད་པ་དང༌། དྲག་པོ་ཆ་བྱད་ཅན་ཡིན་པའི་ཕྱིར་འཇིགས་པ་དང་བཅས་པ་དང༌། བག་མེད་པ་ལ་བརྟེན་པའི་ཕྱིར་སྲེད་པ་དང་བཅས་པ་དང༌། གཞན་གྱི་དོན་ལ་མི་བལྟ་བའི་ཕྱིར་སྙིང་རྗེ་མེད་པ་དང༌། བྱས་པ་དང་མ་བྱས་པ་མི་ཤེས་པའི་ཕྱིར་དང༌། དེ་ཁོ་ནའི་དོན་མ་རྟོགས་པའི་ཕྱིར་རོ། །

de la ji ltar rtags las she na/ lha rnams ni bltar mi snang ba'i phyir kun tu tha snyad byar med pa dang/ drag po cha byad can yin pa'i phyir 'jigs pa dang bcas pa dang/ bag med pa la brten pa'i phyir sred pa dang bcas pa dang/ gzhan gyi don la mi blta ba'i phyir snying rje med pa dang/ byas pa dang ma byas pa mi shes pa'i phyir dang/ de kho na'i don ma rtogs pa'i phyir ro/ /

【J2 對顯佛是真歸依處】【K1 翻前天相舉佛五因】

དེ་བཞིན་གཤེགས་པ་ཇི་ལྟར་རྟགས་ལས་སྐྱབས་ཀྱི་འོས་ཡིན་པར་རིག་པར་བྱ་ཞེ་ན། བལྟར་སྣང་བའི་ཕྱིར་ཀུན་ཏུ་ཐ་སྙད་བྱར་ཡོད་པ་དང༌། རབ་ཏུ་ཞི་བའི་ཆ་བྱད་མངའ་བའི་ཕྱིར་འཇིགས་པ་དང་བྲལ་བ་དང༌། བག་ཡོད་པའི་ཕྱིར་སྲེད་པ་མི་མངའ་བ་དང༌། གཞན་གྱི་དོན་ལ་གཟིགས་པའི་ཕྱིར་ཐུགས་རྗེ་དང་བཅས་པ་དང༌། བྱས་པ་དང་མ་བྱས་པ་མཁྱེན་པའི་ཕྱིར་དང་དེ་ཁོ་ནའི་དོན་རྟོགས་པའི་ཕྱིར་རོ། །

de bzhin gshegs pa ji ltar rtags las skyabs kyi 'os yin par rig par bya zhe na/ bltar snang ba'i phyir kun tu tha snyad byar yod pa dang/ rab tu zhi ba'i cha byad mnga' ba'i phyir 'jigs pa dang bral ba dang/ bag yod pa'i phyir sred pa mi mnga' ba dang/ gzhan gyi don la gzigs pa'i phyir thugs rje dang bcas pa dang/ byas pa dang ma byas pa mkhyen pa'i phyir dang de kho na'i don rtogs pa'i phyir ro/ /

【K2 列舉五相辨佛是依】

གཞན་ཡང་དེ་བཞིན་གཤེགས་པ་ནི་རྟགས་ལྔས་སྐྱབས་ཀྱི་འོས་ཁོ་ན་ཡིན་པར་རིག་པར་བྱ་སྟེ། ལྔ་གང་ཞེ་ན། སེམས་ཅན་གྱི་དོན་གྱི་ཕྱིར་བྱང་ཆུབ་ཡང་དག་པར་བསྒྲུབས་པ་དང༌། རྗེས་སུ་ཆགས་པ་དང༌། ཁོང་ཁྲོ་བ་དང་བྲལ་ཞིང་བསྙེངས་པ་མི་མངའ་བའི་ཕྱིར་ཆོས་ཀྱི་ཚུལ་ཡང་དག་པར་རྗེས་སུ་འཇུག་པར་མཛད་པ་དང༌། ཕན་འདོགས་པ་དང་གནོད་པ་བྱེད་པའི་སེམས་ཅན་རྣམས་ལ་མཉམ་པར་ཕན་པའི་ཐུགས་མངའ་བ་དང༌། ཕོ་བྲང་དང་བཙུན་མོ་དང་སྲས་དང་ཡོངས་སུ་གཟུང་བ་ལ་ཆགས་པ་ཡོངས་སུ་བཏང་བས་དབང་པོ་ཞི་བ་དང༌། སེམས་ཅན་ཐམས་ཅད་ཀྱི་ཐེ་ཚོམ་ངེས་པར་འགྲེལ་པར་མཛད་པས་སོ། །

gzhan yang de bzhin gshegs pa ni rtags lngas skyabs kyi 'os kho na yin par rig par bya ste/ lnga gang zhe na/ sems can gyi don gyi phyir byang chub yang dag par bsgrubs pa dang/ rjes su chags pa dang/ khong khro ba dang bral zhing bsnyengs pa mi mnga' ba'i phyir chos kyi tshul yang dag par rjes su 'jug par mdzad pa dang/ phan 'dogs pa dang gnod pa byed pa'i sems can rnams la mnyam par phan pa'i thugs mnga' ba dang/ pho brang dang btsun mo dang sras dang yongs su gzung ba la chags pa yongs su btang bas dbang po zhi ba dang/ sems can thams cad kyi the tshom nges par 'grel par mdzad pas so/ /

【I2 辨自性】

ཇི་ལྟར་ངོ་བོ་ཉིད་ལས་ཤེ་ན། དེ་བཞིན་གཤེགས་པ་རྣམས་ནི་ཟག་པ་ཐམས་ཅད་དང་བྲལ་པའི་ཕྱིར་བདག་ཉིད་ཀྱང་དུལ་བ་ཡིན་ལ་འདུལ་བར་མཛད་པ་ཡིན་པར་ཡང་འོས་ཀྱི། ལྷ་རྣམས་ནི་ཟག་པ་དང་ལྡན་པ་ཡིན་པས་གདུལ་བར་བྱ་བ་ཡིན་ཏེ་འདུལ་བར་བྱེད་པའི་འོས་མ་ཡིན་ནོ། །

ji ltar ngo bo nyid las she na/ de bzhin gshegs pa rnams ni zag pa thams cad dang bral pa'i phyir bdag nyid kyang dul ba yin la 'dul bar mdzad pa yin par yang 'os kyi/ lha rnams ni zag pa dang ldan pa yin pas gdul bar bya ba yin te 'dul bar byed pa'i 'os ma yin no/ /

【I3 辨作業】

ཇི་ལྟར་ལས་ལས་ཤེ་ན། དེ་བཞིན་གཤེགས་པ་རྣམས་ནི་བསམ་གཏན་ཡངས་ཤིང་རྒྱ་ཆེ་བ་ལ་གནས་པར་མཛད་པའི་ཕྲིན་ལས་ཅན་དང༌། སེམས་ཅན་གྱི་དོན་མཛད་པའི་ཕྲིན་ལས་ཅན་ཡིན་གྱི་ལྷ་རྣམས་ནི་འདོད་པའི་ལོངས་སྤྱོད་ལ་གནས་པར་བྱེད་པའི་ལས་ཅན་དང༌། སེམས་ཅན་རྣམས་ལ་རྣམ་པར་འཚེ་བའི་ལས་ཅན་ཡིན་པར་སྣང་ངོ༌། །

ji ltar las las she na/ de bzhin gshegs pa rnams ni bsam gtan yangs shing rgya che ba la gnas par mdzad pa'i phrin las can dang/ sems can gyi don mdzad pa'i phrin las can yin gyi lha rnams ni 'dod pa'i longs spyod la gnas par byed pa'i las can dang/ sems can rnams la rnam par 'tshe ba'i las can yin par snang ngo/ /

【I4 辨法爾】

ཇི་ལྟར་ཆོས་ལས་ཤེ་ན། འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་ནི་རང་གི་སྐྱེས་བུའི་བྱེད་པ་ལ་རག་ལས་པ་ཡིན་པའི་ཕྱིར་སྐྱེས་བུའི་བྱེད་པ་མེད་ན་ལྷ་རྣམས་ལ་གུས་པ་དམ་པོས་ཞེན་པ་རྣམས་ཀྱིས་ཀྱང་འཐོབ་པར་མི་འགྱུར་ལ། སྐྱེས་བུའི་བྱེད་པ་དང་ལྡན་པ་དེ་ལ་གུས་པ་མེད་པ་རྣམས་ཀྱིས་ཀྱང་དེ་འཐོབ་པར་འགྱུར་བའི་ཕྱིར་རོ། །

ji ltar chos las she na/ 'jig rten dang 'jig rten las 'das pa'i phun sum tshogs pa thams cad ni rang gi skyes bu'i byed pa la rag las pa yin pa'i phyir skyes bu'i byed pa med na lha rnams la gus pa dam pos zhen pa rnams kyis kyang 'thob par mi 'gyur la/ skyes bu'i byed pa dang ldan pa de la gus pa med pa rnams kyis kyang de 'thob par 'gyur ba'i phyir ro/ /

【I5 辨因果】

ཇི་ལྟར་རྒྱུ་དང་འབྲས་བུ་ལས་ཤེ་ན། འདི་ལ་ལྷ་ཉིད་ནི་ལྷ་ཉིད་དུ་འགྱུར་བའི་ལས་ཀྱིས་སམ༑ དེ་ཉིད་ལ་མཆོད་པས་སམ། རྒྱུ་མེད་པས་འཐོབ་པར་འགྱུར་གྲང་ན། གལ་ཏེ་ལྷ་ཉིད་དུ་འགྱུར་བའི་ལས་ཀྱིས་ཡིན་ན་ནི་དེས་ན་རང་གི་ལས་ཉིད་སྐྱབས་ཀྱི་འོས་ཡིན་གྱི། ལྷ་རྣམས་ནི་མ་ཡིན་ནོ། །གལ་ཏེ་རྒྱུ་མེད་པས་ཡིན་ན་ནི་དེས་ན་རྒྱུ་མེད་པ་ཉིད་སྐྱབས་ཀྱི་འོས་ཡིན་གྱི། ལྷ་རྣམས་ནི་མ་ཡིན་ནོ། །གལ་ཏེ་ལྷ་མཆོད་པས་ཡིན་ན་ནི་དེས་ན་ལྷ་ཉིད་ཀྱི་རྒྱུ་མཆོད་པ་ཉིད་དམ་ལྷ་ཉིད་དམ་དེ་གཉི་ག་ཡིན་པར་འགྱུར་གྲང་ན། གལ་ཏེ་མཆོད་པ་ཉིད་ཡིན་ན་ནི་དེས་ན་མཆོད་པ་གང་ཡང་རུང་བས་ལྷ་ཉིད་དུ་འགྱུར་བས་ལྷ་ཉིད་དོན་མེད་པར་འགྱུར་རོ། །གལ་ཏེ་ལྷ་ཉིད་ཀྱིས་ཡིན་ན་ནི་དེས་ན་ལྷ་མཆོད་པ་མེད་པར་ཡང་ལྷ་ཉིད་ཀྱིས་ལྷ་ཉིད་དུ་འགྱུར་བར་བྱེད་པའི་ཕྱིར། །ལྷ་མཆོད་པ་དོན་མེད་པར་འགྱུར་རོ། །གལ་ཏེ་དེ་གཉི་གས་ཡིན་ན་ནི་དེས་ན་མཆོད་པས་ཕན་བཏགས་པའི་ལྷ་ཉིད་གང་སེམས་པར་བྱེད་པ་དེ་ནི་ཡང་དག་པར་འགྲུབ་པར་འགྱུར་བའི་ཕྱིར། དེས་ན་ལྷ་དེས་བསམ་པ་རྣམ་པ་བདུན་ཡང་དག་པར་འགྲུབ་པར་འཁྲུལ་པ་ཁོ་ནར་འགྱུར་བས་དེ་ཡང་མི་འཐད་དེ། མཆོད་པའི་རྐྱེན་གྱིས་ཕན་བཏགས་པ་དང༌། མོས་པའི་རྐྱེན་གྱིས་ཕན་བཏགས་པ་དང༌། དེ་ལ་མ་མོས་པ་རྣམས་མོས་པར་བྱེད་པ་དང༌། ཁྱད་པར་དུ་འཕགས་པའི་ལྷ་ཉིད་ཁས་བླངས་པ་དང༌། ལོངས་སྤྱོད་ཤིན་ཏུ་ཁྱད་པར་དུ་འཕགས་པ་ཡང་དག་པར་འགྲུབ་པ་དང༌། ལྷ་མ་ཡིན་པ་ལ་སོགས་པ་མི་མཐུན་པའི་ཕྱོགས་འཇིག་པ་དང༌། འཆི་འཕོ་ལ་བསམ་པ་ཡང་དག་པར་འགྲུབ་པར་འཁྲུལ་པར་འགྱུར་རོ། །

ji ltar rgyu dang 'bras bu las she na/ 'di la lha nyid ni lha nyid du 'gyur ba'i las kyis sam| de nyid la mchod pas sam/ rgyu med pas 'thob par 'gyur grang na/ gal te lha nyid du 'gyur ba'i las kyis yin na ni des na rang gi las nyid skyabs kyi 'os yin gyi/ lha rnams ni ma yin no/ /gal te rgyu med pas yin na ni des na rgyu med pa nyid skyabs kyi 'os yin gyi/ lha rnams ni ma yin no/ /gal te lha mchod pas yin na ni des na lha nyid kyi rgyu mchod pa nyid dam lha nyid dam de gnyi ga yin par 'gyur grang na/ gal te mchod pa nyid yin na ni des na mchod pa gang yang rung bas lha nyid du 'gyur bas lha nyid don med par 'gyur ro/ /gal te lha nyid kyis yin na ni des na lha mchod pa med par yang lha nyid kyis lha nyid du 'gyur bar byed pa'i phyir/ /lha mchod pa don med par 'gyur ro/ /gal te de gnyi gas yin na ni des na mchod pas phan btags pa'i lha nyid gang sems par byed pa de ni yang dag par 'grub par 'gyur ba'i phyir/ des na lha des bsam pa rnam pa bdun yang dag par 'grub par 'khrul pa kho nar 'gyur bas de yang mi 'thad de/ mchod pa'i rkyen gyis phan btags pa dang/ mos pa'i rkyen gyis phan btags pa dang/ de la ma mos pa rnams mos par byed pa dang/ khyad par du 'phags pa'i lha nyid khas blangs pa dang/ longs spyod shin tu khyad par du 'phags pa yang dag par 'grub pa dang/ lha ma yin pa la sogs pa mi mthun pa'i phyogs 'jig pa dang/ 'chi 'pho la bsam pa yang dag par 'grub par 'khrul par 'gyur ro/ /

【G4 明四清淨】

རྣམ་པར་དག་པ་ནི་བཞི་སྟེ། མིང་རྣམ་པར་དག་པ་དང༌། ངག་རྣམ་པར་དག་པ་དང༌། ངོ་བོ་ཉིད་རྣམ་པར་དག་པ་དང༌། རྟགས་རྣམ་པར་དག་པའོ། །དེ་ལ་རྟགས་ནི་མཐུ་དང༌། ཐེ་ཚོམ་གཅོད་པ་དང༌། ལུང་སྟོན་པ་དང༌། གདུལ་དཀའ་བ་འདུལ་བ་དང༌།ལྷ་དང་མི་རྣམས་མངོན་པར་འདུ་བྱ་བ་དང༌། ངེས་པར་འབྱིན་པའི་གདམས་ངག་སྟོན་པ་དང༌། མུ་སྟེགས་ཅན་ཕམ་པར་བྱེད་པའོ། །

rnam par dag pa ni bzhi ste/ ming rnam par dag pa dang/ ngag rnam par dag pa dang/ ngo bo nyid rnam par dag pa dang/ rtags rnam par dag pa'o/ /de la rtags ni mthu dang/ the tshom gcod pa dang/ lung ston pa dang/ gdul dka' ba 'dul ba dang/lha dang mi rnams mngon par 'du bya ba dang/ nges par 'byin pa'i gdams ngag ston pa dang/ mu stegs can pham par byed pa'o/ /

【G5 明三性假實】【H1 問】

ཇི་ལྟར་གཟུགས་ལ་སོགས་པ་མིང་ཅན་གྱི་དངོས་པོ་ལ། གཟུགས་ལ་སོགས་པར་འདོགས་པ་བཏགས་པ་ལས་ཡོད་པ་ཡིན་གྱི། རྫས་ལས་མ་ཡིན་པར་ཁོང་དུ་ཆུད་པར་བྱ་ཞེ་ན།

ji ltar gzugs la sogs pa ming can gyi dngos po la/ gzugs la sogs par 'dogs pa btags pa las yod pa yin gyi/ rdzas las ma yin par khong du chud par bya zhe na/

【H2 答】【I1 略答】

མངོན་པར་བརྗོད་པ་ལ་ཡོངས་སུ་གོམས་པའི་མིང་ལ་གནས་པའི་རྣམ་པར་ཤེས་པའི་དམིགས་པ་གཟུགས་ལ་སོགས་པའི་མིང་ཅན་གྱི་དངོས་པོ་གཟུགས་ལ་སོགས་པའི་བདག་ཉིད་གང་གིས་ཡོད་པ་དེ་ནི་བདག་ཉིད་དེས་རྫས་དང་དོན་དམ་པ་གཉི་གར་ཡང་མེད་དོ། །དེ་ལྟ་བས་ན་གཟུགས་ལ་སོགས་པའི་མིང་ཅན་གྱི་ཆོས་དེ་དག་གི་ངོ་བོ་ཉིད་ཡོད་པ་མ་ཡིན་པ་ལས་དེས་ཀུན་བརྟགས་པ་གང་ཡིན་པ་དེ་ནི་བཏགས་པ་ལས་ཡོད་པ་ཡིན་པར་རིག་པར་བྱའོ། །མངོན་པར་བརྗོད་པ་ལ་ཡོངས་སུ་གོམས་པ་རྣམ་པར་བསྩལ་བའི་མིང་ཅན་གྱི་རྣམ་པར་ཤེས་པའི་དམིགས་པ་གཟུགས་ལ་སོགས་པའི་མིང་ཅན་གྱི་དངོས་པོ་བརྗོད་དུ་མེད་པའི་བདག་ཉིད་གང་གིས་ཡོད་པ་དེ་ནི་རྫས་དང་དོན་དམ་པ་གཉི་གར་ཡང་དེ་བཞིན་དུ་ཡོད་པར་རིག་པར་བྱའོ། །དེ་ལ་དེ་རབ་ཏུ་གྲུབ་པར་བྱ་བའི་རིགས་པ་བརྗོད་པ་པ་ནི་འདི་ལྟ་སྟེ། བྱང་ཆུབ་སེམས་དཔའི་སར་བསྟན་པ་དེ་བཞིན་དུ་རིག་པར་བྱའོ། །

mngon par brjod pa la yongs su goms pa'i ming la gnas pa'i rnam par shes pa'i dmigs pa gzugs la sogs pa'i ming can gyi dngos po gzugs la sogs pa'i bdag nyid gang gis yod pa de ni bdag nyid des rdzas dang don dam pa gnyi gar yang med do/ /de lta bas na gzugs la sogs pa'i ming can gyi chos de dag gi ngo bo nyid yod pa ma yin pa las des kun brtags pa gang yin pa de ni btags pa las yod pa yin par rig par bya'o/ /mngon par brjod pa la yongs su goms pa rnam par bstsal ba'i ming can gyi rnam par shes pa'i dmigs pa gzugs la sogs pa'i ming can gyi dngos po brjod du med pa'i bdag nyid gang gis yod pa de ni rdzas dang don dam pa gnyi gar yang de bzhin du yod par rig par bya'o/ /de la de rab tu grub par bya ba'i rigs pa brjod pa pa ni 'di lta ste/ byang chub sems dpa'i sar bstan pa de bzhin du rig par bya'o/ /

【I2 廣答】

དེ་ལ་མངོན་པར་བརྗོད་པ་ལ་ཡོངས་སུ་གོམས་པའི་མིང་ལ་བརྟེན་པའི་རྣམ་པར་ཤེས་པའི་དམིགས་པ་ཀུན་བརྟགས་པའི་ངོ་བོ་ཉིད་གང་ཡིན་པ་དེ་ནི། ནང་ན་ཡང་མི་དམིགས། ཕྱི་རོལ་ན་ཡང་མི་དམིགས། གཉི་ག་མེད་པར་ཡང་མི་དམིགས་ཏེ། མ་སྐྱེས་པ་དང༌། མི་སྐྱེ་བ་དང༌། སྐྱེ་བར་མི་འགྱུར་བ་དང༌། མ་འགགས་པ། མི་འགག་པ། འགག་པར་མི་འགྱུར་བ། གཟོད་མ་ནས་ཞི་བ་རང་བཞིན་གྱིས་ཡོངས་སུ་མྱ་ངན་ལས་འདས་པ་ཞེས་བྱ་སྟེ། འདི་ལྟར་འདི་ནི་བཏགས་པའི་ཡོད་པ་ཡིན་གྱི། དོན་དམ་པར་ཡོད་པ་མ་ཡིན་པའི་ཕྱིར་རོ། །བརྗོད་དུ་མེད་པའི་བདག་ཉིད་ཀྱི་ངོ་བོ་ཉིད་གང་ཡིན་པ་དེ་ནི་བྱིས་པས་བསྐྱེད་པའི་ལོག་པར་ཡོངས་སུ་རྟོགས་པ་ལ་བརྟེན་ནས་ནི་སྐྱེས་པ་དང༌། སྐྱེ་བ་དང༌། སྐྱེ་བར་འགྱུར་བ་དང༌། འགག་པ་དང་། འགག་པར་འགྱུར་བ་ཡང་ཡིན་ཏེ། དེ་མ་སྤངས་ཤིང་ཡོངས་སུ་མ་ཤེས་པས་ནི་ཀུན་ནས་ཉོན་མོངས་པ་རབ་ཏུ་ཕྱེ་བ་ཡིན་ལ། དེ་སྤངས་ཤིང་ཡོངས་སུ་ཤེས་པས་ནི་རྣམ་པར་བྱང་བ་རབ་ཏུ་ཕྱེ་བ་ཡིན་ནོ།། །།

de la mngon par brjod pa la yongs su goms pa'i ming la brten pa'i rnam par shes pa'i dmigs pa kun brtags pa'i ngo bo nyid gang yin pa de ni/ nang na yang mi dmigs/ phyi rol na yang mi dmigs/ gnyi ga med par yang mi dmigs te/ ma skyes pa dang/ mi skye ba dang/ skye bar mi 'gyur ba dang/ ma 'gags pa/ mi 'gag pa/ 'gag par mi 'gyur ba/ gzod ma nas zhi ba rang bzhin gyis yongs su mya ngan las 'das pa zhes bya ste/ 'di ltar 'di ni btags pa'i yod pa yin gyi/ don dam par yod pa ma yin pa'i phyir ro/ /brjod du med pa'i bdag nyid kyi ngo bo nyid gang yin pa de ni byis pas bskyed pa'i log par yongs su rtogs pa la brten nas ni skyes pa dang/ skye ba dang/ skye bar 'gyur ba dang/ 'gag pa dang / 'gag par 'gyur ba yang yin te/ de ma spangs shing yongs su ma shes pas ni kun nas nyon mongs pa rab tu phye ba yin la/ de spangs shing yongs su shes pas ni rnam par byang ba rab tu phye ba yin no// //

【G6 明四法能令攝正多聞】

བམ་པོ་སུམ་ཅུ་དྲུག་པ། བྱང་ཆུབ་སེམས་དཔའི་མང་དུ་ཐོས་པ་ཡང་དག་པར་འཛིན་པར་འགྱུར་བའི་ཆོས་ནི་བཞི་སྟེ། འདི་ལྟ་སྟེ། མང་དུ་ཐོས་པའི་གཞི་དང༌། མང་དུ་ཐོས་པ་ཡང་དག་པར་འགྲུབ་པ་དང༌། མང་དུ་ཐོས་པའི་འབྲས་བུ་དང༌། མང་དུ་ཐོས་པ་རྣམ་པར་དག་པའོ། །དེ་དག་ཀྱང་བྱང་ཆུབ་ཀྱི་སྨོན་ལམ་དང༌། སྐྱེས་བུ་དམ་པ་ལ་བརྟེན་པ་དང༌། སོ་སོར་རྟོག་པའི་སྟོབས་དང༌། རབ་ཏུ་དབེན་པར་གནས་པ་དང་གོ་རིམས་བཞིན་ནོ། །

bam po sum cu drug pa/ byang chub sems dpa'i mang du thos pa yang dag par 'dzin par 'gyur ba'i chos ni bzhi ste/ 'di lta ste/ mang du thos pa'i gzhi dang/ mang du thos pa yang dag par 'grub pa dang/ mang du thos pa'i 'bras bu dang/ mang du thos pa rnam par dag pa'o/ /de dag kyang byang chub kyi smon lam dang/ skyes bu dam pa la brten pa dang/ so sor rtog pa'i stobs dang/ rab tu dben par gnas pa dang go rims bzhin no/ /

【G7 明菩薩意樂等七法】【H1 初三約信辨意樂】

བྱང་ཆུབ་སེམས་དཔའ་རྣམས་ཀྱི་བསམ་པའི་ཁམས་གང་ཞེ་ན། སྨྲས་པ། སངས་རྒྱས་ཀྱི་ཆོས་རྣམས་ལ་ཡོད་པ་ཉིད་དུ་ཡིད་ཆེས་པས་རབ་ཏུ་ཕྱེ་བ་གང་ཡིན་པའོ། །བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པའི་ཁམས་གང་ཞེ་ན། སྨྲས་པ། སངས་རྒྱས་ཀྱི་ཆོས་རྣམས་ལ་ཡོན་ཏན་དང་ལྡན་པ་ཉིད་དུ་ཡིད་ཆེས་པས་རབ་ཏུ་ཕྱེ་བ་གང་ཡིན་པའོ། །བྱང་ཆུབ་སེམས་དཔའ་རྣམས་ཀྱི་མོས་པའི་ཁམས་གང་ཞེ་ན༑ སྨྲས་པ། སངས་རྒྱས་ཀྱི་ཆོས་རྣམས་ལ་ཐོབ་པར་ནུས་པར་ཡིད་ཆེས་པས་རབ་ཏུ་ཕྱེ་བ་གང་ཡིན་པའོ། །

byang chub sems dpa' rnams kyi bsam pa'i khams gang zhe na/ smras pa/ sangs rgyas kyi chos rnams la yod pa nyid du yid ches pas rab tu phye ba gang yin pa'o/ /byang chub sems dpa' rnams kyi lhag pa'i bsam pa'i khams gang zhe na/ smras pa/ sangs rgyas kyi chos rnams la yon tan dang ldan pa nyid du yid ches pas rab tu phye ba gang yin pa'o/ /byang chub sems dpa' rnams kyi mos pa'i khams gang zhe na| smras pa/ sangs rgyas kyi chos rnams la thob par nus par yid ches pas rab tu phye ba gang yin pa'o/ /

【H2 後四明慧智差別】

བྱང་ཆུབ་སེམས་དཔའ་རྣམས་ཀྱི་སྙིང་བརྩེ་བ་གང་ཞེ་ན། སྨྲས་པ། སྡུག་བསྔལ་བར་གནས་པའི་སེམས་ཅན་རྣམས་ལ་རྗེས་སུ་སྙིང་བརྩེ་བ་གང་ཡིན་པའོ། །བྱང་ཆུབ་སེམས་དཔའ་རྣམས་ཀྱི་སྙིང་རྗེ་གང་ཞེ་ན༑ སྨྲས་པ། སྡུག་བསྔལ་གྱི་རྒྱུ་ལ་གནས་པའི་སེམས་ཅན་རྣམས་ལ་རྗེས་སུ་སྙིང་བརྩེ་བ་གང་ཡིན་པའོ། །བྱང་ཆུབ་སེམས་དཔའ་རྣམས་ཀྱི་ཤེས་རབ་གང་ཞེ་ན༑ སྨྲས་པ། ཤེས་བྱ་བ་ལ་ཇི་ལྟ་བ་བཞིན་དུ་ཡོད་པ་ཉིད་ཀྱིས་རྟོགས་པ་ཡང་གང་ཡིན་པའོ། །བྱང་ཆུབ་སེམས་དཔའ་རྣམས་ཀྱི་ཡེ་ཤེས་གང་ཞེ་ན། སྨྲས་པ། ཤེས་བྱ་ལ་ཇི་སྙེད་ཡོད་པ་ཉིད་ཀྱིས་རྟོགས་པ་གང་ཡིན་པའོ། །

byang chub sems dpa' rnams kyi snying brtse ba gang zhe na/ smras pa/ sdug bsngal bar gnas pa'i sems can rnams la rjes su snying brtse ba gang yin pa'o/ /byang chub sems dpa' rnams kyi snying rje gang zhe na| smras pa/ sdug bsngal gyi rgyu la gnas pa'i sems can rnams la rjes su snying brtse ba gang yin pa'o/ /byang chub sems dpa' rnams kyi shes rab gang zhe na| smras pa/ shes bya ba la ji lta ba bzhin du yod pa nyid kyis rtogs pa yang gang yin pa'o/ /byang chub sems dpa' rnams kyi ye shes gang zhe na/ smras pa/ shes bya la ji snyed yod pa nyid kyis rtogs pa gang yin pa'o/ /

【G8 明三種思惟過患】

སེམས་པའི་སྐྱོན་ནི་གསུམ་སྟེ། སེམས་པ་ལྷུར་ལེན་པ་དང༌། གནས་པ་མ་ཡིན་པ་ལ་སེམས་པ་དང༌། ལོག་པར་སེམས་པའོ། །

sems pa'i skyon ni gsum ste/ sems pa lhur len pa dang/ gnas pa ma yin pa la sems pa dang/ log par sems pa'o/ /

【F9 決擇施等六品】【G1 別決擇施戒二品】【H1 施品】【I1 開七種二依】

བྱང་ཆུབ་སེམས་དཔའ་ཇི་ལྟར་སྦྱིན་པ་སྦྱིན་པ་དེ་ལ་བརྟེན་ནས་སྦྱིན་པ་ཡོངས་སུ་དག་པ་རྣམ་པ་བདུན་དུ་རིག་པར་བྱ་སྟེ། སྦྱིན་པར་བྱ་བའི་དངོས་པོ་ཡོངས་སུ་དག་པ་དང༌། ཚུལ་ཁྲིམས་ཡོངས་སུ་དག་པ་དང༌། ལྟ་བ་ཡོངས་སུ་དག་པ་དང༌། སེམས་ཡོངས་སུ་དག་པ་དང༌། ངག་ཡོངས་སུ་དག་པ་དང་། ཤེས་པ་ཡོངས་སུ་དག་པ་དང༌། དྲི་མ་ཡོངས་སུ་དག་པ་སྟེ། ཡོངས་སུ་དག་པ་དེ་དག་ཐམས་ཅད་ཀྱང་རྣམ་པ་བཅུ་བཅུར་རིག་པར་བྱའོ། །

byang chub sems dpa' ji ltar sbyin pa sbyin pa de la brten nas sbyin pa yongs su dag pa rnam pa bdun du rig par bya ste/ sbyin par bya ba'i dngos po yongs su dag pa dang/ tshul khrims yongs su dag pa dang/ lta ba yongs su dag pa dang/ sems yongs su dag pa dang/ ngag yongs su dag pa dang / shes pa yongs su dag pa dang/ dri ma yongs su dag pa ste/ yongs su dag pa de dag thams cad kyang rnam pa bcu bcur rig par bya'o/ /

【I2 別釋七種二依】【J1 施物清淨十相】

དེ་ལ་སྦྱིན་པར་བྱ་བའི་དངོས་པོ་ཡོངས་སུ་དག་པ་རྣམ་པ་བཅུ་ནི་འདི་ལྟ་སྟེ། མང་པོ་དང་སྣ་ཚོགས་པ་ཉིད་ཀྱིས་འདི་ལྟར་རྒྱ་ཆེན་པོ་སྦྱིན་པར་བྱེད་པ་དང༌། མི་མང་མི་ཉུང་བ་ཉིད་ཀྱིས་མཚུངས་པར་སྦྱིན་པར་བྱེད་པ་དང༌། འདོད་པའི་དུས་ཉིད་ཀྱིས་དུས་སུ་སྦྱིན་པར་བྱེད་པ་དང༌། ཁ་དོག་ལ་སོགས་པ་ཕུན་སུམ་ཚོགས་པ་ཉིད་ཀྱིས་གྱ་ནོམ་པ་སྦྱིན་པར་བྱེད་པ་དང༌། མི་གཙང་བའི་དངོས་པོ་དང་མ་འདྲེས་པ་ཉིད་ཀྱིས་གཙང་བ་སྦྱིན་པར་བྱེད་པ་དང༌། ཁ་ན་མ་ཐོ་བ་མེད་པ་དང་ལྡན་པ་ཉིད་ཀྱིས་རུང་བ་སྦྱིན་པར་བྱེད་པ་དང༌། སློང་མོ་པའི་བསམ་པ་ཉིད་ཀྱིས་ཅི་འདོད་པ་སྦྱིན་པར་བྱེད་པ་དང༌། འཕྲོད་པ་ཉིད་ཀྱིས་ཕན་པ་སྦྱིན་པར་བྱེད་པ་དང༌། སློང་མོ་པ་ལ་ལྟོས་པ་ཉིད་ཅིག་ཅར་རམ་རིམ་གྱིས་སྦྱིན་པར་བྱེད་པ་དང༌། རྒྱུན་མི་འཆད་པ་ཉིད་ཀྱིས་རྟག་ཏུ་སྦྱིན་པར་བྱེད་པའོ། །

de la sbyin par bya ba'i dngos po yongs su dag pa rnam pa bcu ni 'di lta ste/ mang po dang sna tshogs pa nyid kyis 'di ltar rgya chen po sbyin par byed pa dang/ mi mang mi nyung ba nyid kyis mtshungs par sbyin par byed pa dang/ 'dod pa'i dus nyid kyis dus su sbyin par byed pa dang/ kha dog la sogs pa phun sum tshogs pa nyid kyis gya nom pa sbyin par byed pa dang/ mi gtsang ba'i dngos po dang ma 'dres pa nyid kyis gtsang ba sbyin par byed pa dang/ kha na ma tho ba med pa dang ldan pa nyid kyis rung ba sbyin par byed pa dang/ slong mo pa'i bsam pa nyid kyis ci 'dod pa sbyin par byed pa dang/ 'phrod pa nyid kyis phan pa sbyin par byed pa dang/ slong mo pa la ltos pa nyid cig car ram rim gyis sbyin par byed pa dang/ rgyun mi 'chad pa nyid kyis rtag tu sbyin par byed pa'o/ /

【J2 戒清淨十相】

དེ་ལ་ཚུལ་ཁྲིམས་རྣམ་པར་དག་པ་རྣམ་པ་བཅུ་ནི་འདི་ལྟ་སྟེ། བསྒྲུབ་པའི་བརྩོན་འགྲུས་ཀྱིས་ཐོབ་པའི་ལོངས་སྤྱོད་རྣམས་སྦྱིན་པར་བྱེད་པ་དང༌། རང་གི་ཞོ་ཤས་བསྒྲུབས་པ་དག་སྦྱིན་པར་བྱེད་པ་དང༌། རྟུལ་ཞིང་དྲི་མ་ཆགས་ཆགས་སུ་བསྒྲུབས་པ་དག་སྦྱིན་པར་བྱེད་པ་དང༌། ཆོས་རྣམས་ཀྱིས་ཆོས་བཞིན་དུ་ཐོབ་པ་དག་སྦྱིན་པར་བྱེད་པ་དང༌། སྡིག་པ་ལས་ལོག་པ་དག་སྦྱིན་པར་བྱེད་པ་དང༌། དབང་པོ་ཐུལ་བས་སྦྱིན་པར་བྱེད་པ་དང༌། གུས་པར་བྱས་ཏེ་སྦྱིན་པར་བྱེད་པ་དང༌། རབ་ཏུ་བཏུད་དེ་སྦྱིན་པར་བྱེད་པ་དང༌། རང་གི་ལག་ནས་སྦྱིན་པར་བྱེད་པ་དང༌། དང་པོར་རང་རང་གི་ཚལ་ཟའི་འཁོར་རྣམས་ལ་ལེགས་པར་རི་མོར་བྱས་ལེགས་པར་མཆོད་པར་བྱས་ནས་དེའི་འོག་ཏུ་སློང་མོ་པ་གཞན་དག་ལ་སྦྱིན་པར་བྱེད་པའོ། །

de la tshul khrims rnam par dag pa rnam pa bcu ni 'di lta ste/ bsgrub pa'i brtson 'grus kyis thob pa'i longs spyod rnams sbyin par byed pa dang/ rang gi zho shas bsgrubs pa dag sbyin par byed pa dang/ rtul zhing dri ma chags chags su bsgrubs pa dag sbyin par byed pa dang/ chos rnams kyis chos bzhin du thob pa dag sbyin par byed pa dang/ sdig pa las log pa dag sbyin par byed pa dang/ dbang po thul bas sbyin par byed pa dang/ gus par byas te sbyin par byed pa dang/ rab tu btud de sbyin par byed pa dang/ rang gi lag nas sbyin par byed pa dang/ dang por rang rang gi tshal za'i 'khor rnams la legs par ri mor byas legs par mchod par byas nas de'i 'og tu slong mo pa gzhan dag la sbyin par byed pa'o/ /

【J3 見清淨十相】

དེ་ལ་ལྟ་བ་རྣམ་པར་དག་པ་རྣམ་པ་བཅུ་ནི་འདི་ལྟ་སྟེ། །བདག་ནི་སྦྱིན་པར་བྱེད་པའོ་བདག་གི་སྦྱིན་པའོ་སྙམ་དུ་རློམ་སེམས་མེད་པར་སྦྱིན་པར་བྱེད་པ་དང༌། བདག་ཉིད་གཞན་དག་དང་མི་སྒྲུན་པར་སྦྱིན་པར་བྱེད་པ་དང༌། བདག་ཉིད་གཞན་དག་ལས་ཆེ་བའམ། མཉམ་པའམ། ཆུང་ངོ་སྙམ་དུ་མི་སེམས་པར་སྦྱིན་པར་བྱེད་པ་དང༌། གཞན་དག་ལ་ལན་དུ་ཕན་འདོགས་པ་ལ་མི་ལྟ་བར་སྦྱིན་པ་སྦྱིན་པར་བྱེད་པ་དང༌། ཕྱི་མ་ལ་སྲིད་པ་ཁྱད་པར་ཅན་ལོངས་སྤྱོད་ཁྱད་པར་ཅན་ལ་མི་ལྟ་བར་སྦྱིན་པ་སྦྱིན་པར་བྱེད་པ་དང༌། སྦྱིན་པའི་འབྲས་བུ་མེད་དོ་སྙམ་དུ་མི་ལྟ་བར་སྦྱིན་པ་སྦྱིན་པར་བྱེད་པ་དང༌། འབྲས་བུ་ཚུལ་དང་མི་མཐུན་པ་དང་འབྲས་བུ་ཕྱིན་ཅི་ལོག་ཡིན་ནོ་སྙམ་དུ་མི་ལྟ་བར་སྦྱིན་པ་སྦྱིན་པར་བྱེད་པ་དང༌། འཚེ་བ་དང་བཅས་པ་ནི་དགེ་བའོ་སྙམ་དུ་མི་ལྟ་བར་སྦྱིན་པ་སྦྱིན་པར་བྱེད་པ་དང༌། ངོ་མཚར་དང་བཀྲ་ཤིས་སུ་མི་ལྟ་བར་སྦྱིན་པ་སྦྱིན་པར་བྱེད་པ་དང༌། གྲགས་པ་དང་སྒྲ་དང་ཚིགས་སུ་བཅད་པ་ལ་མི་ལྟ་བར་སྦྱིན་པ་སྦྱིན་པར་བྱེད་པའོ། །

de la lta ba rnam par dag pa rnam pa bcu ni 'di lta ste/ /bdag ni sbyin par byed pa'o bdag gi sbyin pa'o snyam du rlom sems med par sbyin par byed pa dang/ bdag nyid gzhan dag dang mi sgrun par sbyin par byed pa dang/ bdag nyid gzhan dag las che ba'am/ mnyam pa'am/ chung ngo snyam du mi sems par sbyin par byed pa dang/ gzhan dag la lan du phan 'dogs pa la mi lta bar sbyin pa sbyin par byed pa dang/ phyi ma la srid pa khyad par can longs spyod khyad par can la mi lta bar sbyin pa sbyin par byed pa dang/ sbyin pa'i 'bras bu med do snyam du mi lta bar sbyin pa sbyin par byed pa dang/ 'bras bu tshul dang mi mthun pa dang 'bras bu phyin ci log yin no snyam du mi lta bar sbyin pa sbyin par byed pa dang/ 'tshe ba dang bcas pa ni dge ba'o snyam du mi lta bar sbyin pa sbyin par byed pa dang/ ngo mtshar dang bkra shis su mi lta bar sbyin pa sbyin par byed pa dang/ grags pa dang sgra dang tshigs su bcad pa la mi lta bar sbyin pa sbyin par byed pa'o/ /

【J4 心清淨十相】

དེ་ལ་སེམས་རྣམ་པར་དག་པ་རྣམ་པ་བཅུ་ནི་འདི་ལྟ་སྟེ། རང་བཞིན་གྱིས་སེམས་ཅན་ཐམས་ཅད་ལ་བྱམས་པའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། སྦྱིན་པ་ལ་རིན་པོ་ཆེའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། མཛའ་བཤེས་དང༌། དགྲ་བོ་དང༌། ཐ་མལ་པ་དག་ལ་སྙོམས་པའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། སེར་སྣའི་དྲི་མ་དང༌། སོགས་འཇོག་གི་དྲི་མ་གཞན་ལ་མི་གཏོང་བས་སེར་སྣའི་དྲི་མ་དང༌། བདག་ཉིད་ཡོངས་སུ་ལོངས་སྤྱོད་པར་མི་བྱེད་པ་ལས་སོགས་འཇོག་གི་དྲི་མར་རིག་པར་བྱ་བའི་དྲི་མ་བསྩལ་བའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། མངོན་པར་དགའ་བ་རྣམ་པ་བདུན་པོ་སློང་མོ་པ་མ་འོངས་པ་ནས་སེམས་མངོན་པར་དགའ་བ་དང༌། སློང་མོ་འོངས་པ་ན་མཐོང་མ་ཐག་ཏུ་སེམས་རབ་ཏུ་དགའ་བ་དང༌། སྦྱིན་པ་སྦྱིན་པར་བྱེད་པ་ན་ཡིད་བདེ་བའི་སེམས་དང༌། མཉམ་པར་གཞག་པའི་སེམས་དང༌། ངོམས་མི་ཤེས་པའི་སེམས་དང༌། རྣམ་པར་འཚེ་བའི་བསམ་པ་མེད་པའི་སེམས་དང༌། བྱིན་ནས་འགྱོད་པ་མེད་པའི་སེམས་ཀྱིས༑ སེམས་མངོན་པར་དགའ་བས་སྦྱིན་པ་སྦྱིན་པར་བྱེད་པ་དང༌། སློང་མོ་པའི་དངན་དུས་ལ་བཟོད་པ་དང་སྐྱོ་བ་མེད་པའི་ཕྱིར་བཟོད་པའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། རྣམ་པར་འཚེ་བ་རྣམས་ལ་བྱམས་པའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། སྡུག་བསྔལ་བ་རྣམས་ལ་སྙིང་རྗེ་བའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། ཡོན་ཏན་དང་ལྡན་པ་རྣམས་ལ་དགའ་བའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། མཛའ་བཤེས་རྣམས་ལ་བཏང་སྙོམས་ཀྱི་སེམས་ཀྱིས་སྦྱིན་པ་སྦྱིན་པར་བྱེད་པའོ། །

de la sems rnam par dag pa rnam pa bcu ni 'di lta ste/ rang bzhin gyis sems can thams cad la byams pa'i sems kyis sbyin pa sbyin par byed pa dang/ 'di lta ste/ sbyin pa la rin po che'i sems kyis sbyin pa sbyin par byed pa dang/ 'di lta ste/ mdza' bshes dang/ dgra bo dang/ tha mal pa dag la snyoms pa'i sems kyis sbyin pa sbyin par byed pa dang/ 'di lta ste/ ser sna'i dri ma dang/ sogs 'jog gi dri ma gzhan la mi gtong bas ser sna'i dri ma dang/ bdag nyid yongs su longs spyod par mi byed pa las sogs 'jog gi dri mar rig par bya ba'i dri ma bstsal ba'i sems kyis sbyin pa sbyin par byed pa dang/ 'di lta ste/ mngon par dga' ba rnam pa bdun po slong mo pa ma 'ongs pa nas sems mngon par dga' ba dang/ slong mo 'ongs pa na mthong ma thag tu sems rab tu dga' ba dang/ sbyin pa sbyin par byed pa na yid bde ba'i sems dang/ mnyam par gzhag pa'i sems dang/ ngoms mi shes pa'i sems dang/ rnam par 'tshe ba'i bsam pa med pa'i sems dang/ byin nas 'gyod pa med pa'i sems kyis| sems mngon par dga' bas sbyin pa sbyin par byed pa dang/ slong mo pa'i dngan dus la bzod pa dang skyo ba med pa'i phyir bzod pa'i sems kyis sbyin pa sbyin par byed pa dang/ rnam par 'tshe ba rnams la byams pa'i sems kyis sbyin pa sbyin par byed pa dang/ sdug bsngal ba rnams la snying rje ba'i sems kyis sbyin pa sbyin par byed pa dang/ yon tan dang ldan pa rnams la dga' ba'i sems kyis sbyin pa sbyin par byed pa dang/ mdza' bshes rnams la btang snyoms kyi sems kyis sbyin pa sbyin par byed pa'o/ /

【J5 語清淨十相】

དེ་ལ་ངག་རྣམ་པར་དག་པ་རྣམ་པ་བཅུ་ནི་འདི་ལྟ་སྟེ། སྦྱིན་པའི་སྔ་རོལ་ནས་སྦྱིན་པའི་སྐབས་འབྱེད་པ་དང༌། འོངས་པ་ན་ཚུར་ཤོག་ལེགས་པར་འོངས་སོ་ཞེས་སྨྲ་བ་དང༌། ཁྲོ་གཉེར་མེད་ཅིང་བཞིན་གྱི་མདོག་གསལ་ལ་འཛུམ་པ་སྔར་གཏོང་ཞིང་ཚིག་གི་ལམ་འཇམ་པོ་དག་གིས་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ཀུན་དགའ་བར་བྱེད་པ་དང༌། སློང་མོ་པ་རྣམས་ཀྱི་མཇུག་ཐོགས་སུ་སྦྱིན་པར་བྱའོ་སྙམ་དུ་སེམས་ཤིང་སྦྱིན་པར་བྱ་བའི་དངོས་པོས་ཀུན་ཏུ་དགའ་བར་བྱེད་པ་དང༌། ད་ནི་ཁྱོད་ལ་སྦྱིན་པར་བྱེད་པ་ཡིན་ནོ་ཞེས་བྱ་བ་ཚིག་ཀུན་ཏུ་རྗོད་པར་བྱེད་པ་དང༌། དངན་དུས་བྱེད་པ་ན་ཁྲོ་བས་ཀུན་ནས་སློང་བའི་ཚིག་རྩུབ་པོ་རྗོད་པར་མི་བྱེད་པ་དང༌། སློང་མོ་པ་ལ་མངོན་སུམ་དང་ལྐོག་ནས་མི་སྨོད་མི་སྒྲོགས་པ་དང༌། སྦྱིན་པར་བྱ་བའི་ཆོས་མི་འདོགས་ན་ཡང་ལེགས་པར་ཤད་ཀྱིས་སྦྱངས་ཏེ་གཏོང་བར་བྱེད་པ་དང༌། སློང་མོ་པ་ལ་མངོན་སུམ་དུ་སྨོད་པར་མི་བྱེད། ཁྱད་དུ་གསོད་པར་མི་བྱེད། བསྟིང་བར་མི་བྱེད། ཅོ་འདྲི་བར་མི་བྱེད་པ་དང༌། སྨ་འབེབས་པ་ཉེ་བར་སྒྲུབ་པར་མི་བྱེད་པའོ། །

de la ngag rnam par dag pa rnam pa bcu ni 'di lta ste/ sbyin pa'i snga rol nas sbyin pa'i skabs 'byed pa dang/ 'ongs pa na tshur shog legs par 'ongs so zhes smra ba dang/ khro gnyer med cing bzhin gyi mdog gsal la 'dzum pa sngar gtong zhing tshig gi lam 'jam po dag gis gtam 'dre bar byed/ phebs par smra bar byed/ kun dga' bar byed pa dang/ slong mo pa rnams kyi mjug thogs su sbyin par bya'o snyam du sems shing sbyin par bya ba'i dngos pos kun tu dga' bar byed pa dang/ da ni khyod la sbyin par byed pa yin no zhes bya ba tshig kun tu rjod par byed pa dang/ dngan dus byed pa na khro bas kun nas slong ba'i tshig rtsub po rjod par mi byed pa dang/ slong mo pa la mngon sum dang lkog nas mi smod mi sgrogs pa dang/ sbyin par bya ba'i chos mi 'dogs na yang legs par shad kyis sbyangs te gtong bar byed pa dang/ slong mo pa la mngon sum du smod par mi byed/ khyad du gsod par mi byed/ bsting bar mi byed/ co 'dri bar mi byed pa dang/ sma 'bebs pa nye bar sgrub par mi byed pa'o/ /

【J6 智清淨十相】【K1 徵列十相】

དེ་ལ་ཤེས་པ་རྣམ་པར་དག་པ་རྣམ་པ་བཅུ་ནི་འདི་ལྟ་སྟེ། སྦྱིན་པ་ལ་བརྟེན་པའི་ཤེས་པ་རྣམ་པར་དག་པ་དང༌། སློང་མོ་པ་ལ་བརྟེན་པའི་ཤེས་པ་རྣམ་པར་དག་པ་དང༌། སྦྱིན་པར་བྱ་བའི་ཆོས་ལ་བརྟེན་པའི་ཤེས་པ་རྣམ་པར་དག་པ་དང༌། སྦྱིན་པའི་སྦྱོར་བ་ལ་བརྟེན་པའི་ཤེས་པ་རྣམ་པར་དག་པ་དང༌། སྦྱིན་པས་སེམས་ཅན་ཡོངས་སུ་སྨིན་པར་བྱ་བ་ལ་བརྟེན་པའི་ཤེས་པ་རྣམ་པར་དག་པ་དང༌། ཐབས་ལ་མཁས་པ་ལ་བརྟེན་པའི་ཤེས་པ་རྣམ་པར་དག་པ་དང༌། འདོད་པ་རྣམས་ཀྱི་ཉེས་དམིགས་ལ་བརྟེན་པའི་ཤེས་པ་རྣམ་པར་དག་པ་དང༌། དྲི་མ་བསལ་བ་ལ་བརྟེན་པའི་ཤེས་པ་རྣམ་པར་དག་པ་དང༌། སྡིག་པའི་གྲོགས་པོ་ཡོངས་སུ་སྤོང་བ་དང་དགེ་བའི་བཤེས་གཉེན་ཡོངས་སུ་གཟུང་བ་ལ་བརྟེན་པའི་ཤེས་པ་རྣམ་པར་དག་པ་དང༌། ཕྱོགས་དྲུག་གིས་བཀབ་པ་ཉིད་ལ་བརྟེན་པའི་ཤེས་པ་རྣམ་པར་དག་པའོ།

de la shes pa rnam par dag pa rnam pa bcu ni 'di lta ste/ sbyin pa la brten pa'i shes pa rnam par dag pa dang/ slong mo pa la brten pa'i shes pa rnam par dag pa dang/ sbyin par bya ba'i chos la brten pa'i shes pa rnam par dag pa dang/ sbyin pa'i sbyor ba la brten pa'i shes pa rnam par dag pa dang/ sbyin pas sems can yongs su smin par bya ba la brten pa'i shes pa rnam par dag pa dang/ thabs la mkhas pa la brten pa'i shes pa rnam par dag pa dang/ 'dod pa rnams kyi nyes dmigs la brten pa'i shes pa rnam par dag pa dang/ dri ma bsal ba la brten pa'i shes pa rnam par dag pa dang/ sdig pa'i grogs po yongs su spong ba dang dge ba'i bshes gnyen yongs su gzung ba la brten pa'i shes pa rnam par dag pa dang/ phyogs drug gis bkab pa nyid la brten pa'i shes pa rnam par dag pa'o/

【K2 次第別解】【L1 由惠施智清淨】

དེ་ལ་ཤེས་པ་རྣམ་པར་དག་པ་དང་པོས་ནི་སྦྱིན་པའི་རྣམ་གྲངས་ཀྱང་ཡང་དག་པ་ཇི་ལྟ་བ་བཞིན་རབ་ཏུ་ཤེས་ལ། སྦྱིན་པའི་མཚན་ཉིད་དང༌། ངེས་པའི་ཚིག་དང༌། རབ་ཏུ་དབྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །

de la shes pa rnam par dag pa dang pos ni sbyin pa'i rnam grangs kyang yang dag pa ji lta ba bzhin rab tu shes la/ sbyin pa'i mtshan nyid dang/ nges pa'i tshig dang/ rab tu dbye ba yang dag pa ji lta ba bzhin du rab tu shes so/ /

【L2 由求者智清淨】

དེ་ལ་གཉིས་པས་ནི་སེམས་ཅན་དམན་པ་དང༌། གྱ་ནོམ་པ་དང༌། སྐྱོན་དང་། ཡོན་ཏན་དང་ལྡན་པ་དང༌། གནོད་པ་བྱེད་པ་དང་ཕན་འདོགས་པ་ཐམས་ཅད་ལ་སྦྱིན་གནས་ཀྱི་བློ་ཉེ་བར་འཇོག་པར་བྱེད་པ་དང༌། སློང་མོ་པའི་འདོད་པ་ཉིད་ཀྱང་ཟུར་ཙམ་གྱིས་ཤེས་པ་དང༌། སྦྱིན་པའི་སྔ་རོལ་ཉིད་ནས་སྦྱིན་པར་བྱ་བའི་ཆོས་ཐམས་ཅད་སེམས་ཅན་ཐམས་ཅད་ལ་བསམ་པ་ཐག་པ་ནས་ལེགས་པར་གཏོང་བར་བྱེད་པ་དང༌། སློང་མོ་པ་རང་གིས་ཐུག་ཐུབ་དུ་བླངས་པ་ཐམས་ཅད་ལ་ཡང་རྗེས་སུ་གནང་བར་བྱེད་དོ། །

de la gnyis pas ni sems can dman pa dang/ gya nom pa dang/ skyon dang / yon tan dang ldan pa dang/ gnod pa byed pa dang phan 'dogs pa thams cad la sbyin gnas kyi blo nye bar 'jog par byed pa dang/ slong mo pa'i 'dod pa nyid kyang zur tsam gyis shes pa dang/ sbyin pa'i snga rol nyid nas sbyin par bya ba'i chos thams cad sems can thams cad la bsam pa thag pa nas legs par gtong bar byed pa dang/ slong mo pa rang gis thug thub du blangs pa thams cad la yang rjes su gnang bar byed do/ /

【L3 由施物智清淨】

དེ་ལ་གསུམ་པས་ནི་བཟོ་དང་ལས་ཀྱི་གནས་ཤེས་པ་གང་ཡིན་པ་དེ་དག་ཐམས་ཅད་ལ་མཁས་པས་མྱུར་བ་མྱུར་བར་ལོངས་སྤྱོད་རྣམས་ཡང་དག་པར་བསྒྲུབས་ནས་སྦྱིན་པ་སྦྱིན་པར་བྱེད་པ་དང༌། དགེ་བའི་རྩ་བ་ཡོངས་སུ་གཟུང་བ་ལས་ཀྱང་འདི་ལྟ་སྟེ། ཚེ་སྔ་མའམ། ཚེ་འདི་ལ་མྱོང་བར་འགྱུར་བའམ། རྫུ་འཕྲུལ་མངོན་པར་འགྲུབ་པར་འགྱུར་བའམ། ཆོས་ཡང་དག་པར་བླང་བ་ལས་ཀྱང་སྦྱིན་པ་སྦྱིན་པར་བྱེད་དོ། །གཞན་དག་གིས་བསྒྲུབས་པའི་ལོངས་སྤྱོད་རྣམས་ཀྱིས་ཀྱང་སྦྱིན་པ་སྦྱིན་པར་བྱེད་དེ། འདི་ལྟ་སྟེ། གཞན་དག་དེ་ཡང་དག་པར་འཛིན་དུ་བཅུག་ནས་དེ་དག་ལ་བྱ་བའི་གྲོགས་སུ་འགྲོའོ༑ །

de la gsum pas ni bzo dang las kyi gnas shes pa gang yin pa de dag thams cad la mkhas pas myur ba myur bar longs spyod rnams yang dag par bsgrubs nas sbyin pa sbyin par byed pa dang/ dge ba'i rtsa ba yongs su gzung ba las kyang 'di lta ste/ tshe snga ma'am/ tshe 'di la myong bar 'gyur ba'am/ rdzu 'phrul mngon par 'grub par 'gyur ba'am/ chos yang dag par blang ba las kyang sbyin pa sbyin par byed do/ /gzhan dag gis bsgrubs pa'i longs spyod rnams kyis kyang sbyin pa sbyin par byed de/ 'di lta ste/ gzhan dag de yang dag par 'dzin du bcug nas de dag la bya ba'i grogs su 'gro'o| /

【L4 由施加行智清淨】

དེ་ལ་བཞི་པས་ནི་ཅི་ནས་ཀྱང་སློང་མོ་པ་ལ་ཡང་ཀུན་ནས་ཉོན་མོངས་པར་མི་འགྱུར་བ་དང༌། བདག་ཉིད་ཀྱང་ཀུན་ནས་ཉོན་མོངས་པ་ཅན་མ་ཡིན་པའི་སེམས་ཀྱིས་སྦྱིན་པ་སྦྱིན་པར་བྱེད་པ་དང༌། རབ་ཏུ་ཕྱེ་ཞིང་དོན་དུ་གཉེར་བ་རྣམས་དང༌། ཕོངས་པ་རྣམས་དང༌། སྟོན་པ་མེད་པ་རྣམས་དང༌། ཉེས་པར་སྤྱད་པ་སྤྱོད་པ་རྣམས་དང༌། ལེགས་པར་སྤྱད་པ་སྤྱོད་པ་རྣམས་དང༌། རང་གི་ཚལ་ཟ་རྣམས་ལ་འདི་ལྟ་སྟེ། དབུལ་པོའམ། ལོངས་སྤྱོད་འབྲིང་ངམ། ལོངས་སྤྱོད་ཆེ་བས་སྦྱིན་པར་བྱེད་པ་དང༌། ཆོ་ག་ཅི་རིགས་པས་སྦྱིན་པར་བྱེད་ཅིང༌། ཆོ་ག་མ་ཡིན་པས་མ་ཡིན་པ་དེ་ལྟར་སྦྱིན་པར་བྱ་བ་ཤེས་པར་བྱེད་དོ། །

de la bzhi pas ni ci nas kyang slong mo pa la yang kun nas nyon mongs par mi 'gyur ba dang/ bdag nyid kyang kun nas nyon mongs pa can ma yin pa'i sems kyis sbyin pa sbyin par byed pa dang/ rab tu phye zhing don du gnyer ba rnams dang/ phongs pa rnams dang/ ston pa med pa rnams dang/ nyes par spyad pa spyod pa rnams dang/ legs par spyad pa spyod pa rnams dang/ rang gi tshal za rnams la 'di lta ste/ dbul po'am/ longs spyod 'bring ngam/ longs spyod che bas sbyin par byed pa dang/ cho ga ci rigs pas sbyin par byed cing/ cho ga ma yin pas ma yin pa de ltar sbyin par bya ba shes par byed do/ /

【L5 由施成熟有情智清淨】

དེ་ལ་ལྔ་པས་ནི་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྦྱིན་པ་ཤེས་པར་བྱས་ཤིང་སྦྱིན་པར་བྱེད་པ་དང༌། སྦྱིན་པ་སྦྱིན་པ་ན་སྐྱེ་བོ་ཕལ་པོ་ཆེ་དང་ལྷན་ཅིག་ཏུ་སྦྱིན་པ་སྦྱིན་པར་བྱེད་ཅིང་ཇི་ནས་ཀྱང་སྐྱེ་བོ་ཕལ་པོ་ཆེ་དག་བསོད་ནམས་ཆེན་པོ་བསྐྱེད་པར་འགྱུར་བ་དེ་ལྟར་བྱེད་པ་དང༌། དབུལ་པོ་སྦྱིན་པར་བྱེད་འདོད་པ་དག་ལ་ལོངས་སྤྱོད་ཀྱི་བགོ་བཤའ་བྱེད་པ་དང༌། དབུལ་པོ་མ་ཡིན་པ་སེར་སྣ་ཅན་རྣམས་དང༌། སེར་སྣ་མེད་པ་སྦྱིན་པ་བྱེད་འདོད་པ་རྣམས་ལ་ནི་རང་གི་ལོངས་སྤྱོད་ཀྱི་བགོ་བཤའ་མི་བྱེད་པར་དེ་ལ་གྲོགས་བྱེད་དུ་འགྲོ་བ་དང༌། སངས་རྒྱས་དང༌། ཆོས་དང༌། དགེ་འདུན་གྱི་བྱ་བ་བྱེད་འདོད་པ་གཞན་དག་ལ་སྦྱིན་པར་བྱའི་ཆོས་དག་བྱིན་ནས། ཇི་ནས་ཀྱང་སྒོ་གཉི་ག་ནས་བསོད་ནམས་སྐྱེ་བར་འགྱུར་བ་དེ་ལྟར་གཞན་དག་ཀྱང་བྱེད་དུ་འཇུག་པར་བྱེད་དོ། །

de la lnga pas ni sems can yongs su smin par bya ba'i phyir sbyin pa shes par byas shing sbyin par byed pa dang/ sbyin pa sbyin pa na skye bo phal po che dang lhan cig tu sbyin pa sbyin par byed cing ji nas kyang skye bo phal po che dag bsod nams chen po bskyed par 'gyur ba de ltar byed pa dang/ dbul po sbyin par byed 'dod pa dag la longs spyod kyi bgo bsha' byed pa dang/ dbul po ma yin pa ser sna can rnams dang/ ser sna med pa sbyin pa byed 'dod pa rnams la ni rang gi longs spyod kyi bgo bsha' mi byed par de la grogs byed du 'gro ba dang/ sangs rgyas dang/ chos dang/ dge 'dun gyi bya ba byed 'dod pa gzhan dag la sbyin par bya'i chos dag byin nas/ ji nas kyang sgo gnyi ga nas bsod nams skye bar 'gyur ba de ltar gzhan dag kyang byed du 'jug par byed do/ /

【L6 由方便善巧智清淨】

དེ་ལ་དྲུག་པས་ནི་བཤད་པས་ཀྱང་སྦྱིན་པ་སྦྱིན་པར་བྱེད་ལ་མཐུས་ཀྱང་སྦྱིན་པ་སྦྱིན་པར་བྱེད༑ ལན་མནོད་པ་ལས་ཀྱང་སྦྱིན་པ་སྦྱིན་པར་བྱེད། སྐྱེ་བ་དང་མཐུས་ཀྱང་སྦྱིན་པ་སྦྱིན་པར་བྱེད་དོ། །

de la drug pas ni bshad pas kyang sbyin pa sbyin par byed la mthus kyang sbyin pa sbyin par byed| lan mnod pa las kyang sbyin pa sbyin par byed/ skye ba dang mthus kyang sbyin pa sbyin par byed do/ /

【L7 由諸欲過患智清淨】

དེ་ལ་བདུན་པས་ནི་འདོད་པ་རྣམས་ཀྱི་ཉེས་དམིགས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ནས་སྦྱིན་པ་སྦྱིན་པར་བྱེད་དོ། །དེ་ལ་ཉེས་དམིགས་རྣམ་པ་གཉིས་ཀྱང་ཤེས་ཏེ། འདི་ལྟ་སྟེ། ཚེ་འདི་པ་དང༌། ཚེ་ཕྱི་མ་པ་སྟེ། འདི་ལྟ་སྟེ། སྡུག་བསྔལ་གྱི་ཕུང་པོའི་མདོ་ལས་བྱུང་བ་བཞིན་ནོ༑ །རྣམ་པ་ལྔ་ཡང་ཤེས་ཏེ། འདི་ལྟ་སྟེ། ཉེས་དམིགས་ལྔ་པའི་མདོ་ལས་བྱུང་བ་བཞིན་ནོ། །རྣམ་པ་དྲུག་ཀྱང་ཤེས་ཏེ། འདི་ལྟ་སྟེ། འཇིགས་པ་ཞེས་བྱ་བ་དེ་ནི་འདོད་པ་རྣམས་ཀྱི་ཚིག་བླ་དྭགས་ཡིན་ནོ་ཞེས་བྱ་བ་ལ་སོགས་པ་བསྟན་པའི་མདོ་ལས་བྱུང་བ་བཞིན་ནོ། །རྣམ་པ་བདུན་ཡང་ཤེས་ཏེ། འདི་ལྟ་སྟེ། འདོད་པ་རྣམས་ནི་མི་རྟག་པ་དང༌། གསོག་དང༌། གསོབ་དང༌། བརྫུན་པ་དང༌། བསླུ་བའི་ཆོས་ཅན་དང༌། སྒྱུ་མ་ལྟ་བུ་དང༌། བྱིས་པ་འདྲིད་པའོ་ཞེས་གསུངས་པ་བཞིན་ནོ། །རྣམ་པ་བརྒྱད་ཀྱང་ཤེས་ཏེ། འདི་ལྟ་སྟེ། རུས་པའི་ཀེང་རུས་ལྟ་བུའོ་ཞེས་བྱ་བ་ནས། རྒྱས་པར་ཤིང་ལྗོན་པའི་འབྲས་བུ་ལྟ་བུའོ་ཞེས་བྱ་བའི་བར་དུ་མདོ་ལས་ཇི་སྐད་གསུངས་པ་བཞིན་ནོ། །

de la bdun pas ni 'dod pa rnams kyi nyes dmigs yang dag pa ji lta ba bzhin du rab tu shes nas sbyin pa sbyin par byed do/ /de la nyes dmigs rnam pa gnyis kyang shes te/ 'di lta ste/ tshe 'di pa dang/ tshe phyi ma pa ste/ 'di lta ste/ sdug bsngal gyi phung po'i mdo las byung ba bzhin no| /rnam pa lnga yang shes te/ 'di lta ste/ nyes dmigs lnga pa'i mdo las byung ba bzhin no/ /rnam pa drug kyang shes te/ 'di lta ste/ 'jigs pa zhes bya ba de ni 'dod pa rnams kyi tshig bla dwags yin no zhes bya ba la sogs pa bstan pa'i mdo las byung ba bzhin no/ /rnam pa bdun yang shes te/ 'di lta ste/ 'dod pa rnams ni mi rtag pa dang/ gsog dang/ gsob dang/ brdzun pa dang/ bslu ba'i chos can dang/ sgyu ma lta bu dang/ byis pa 'drid pa'o zhes gsungs pa bzhin no/ /rnam pa brgyad kyang shes te/ 'di lta ste/ rus pa'i keng rus lta bu'o zhes bya ba nas/ rgyas par shing ljon pa'i 'bras bu lta bu'o zhes bya ba'i bar du mdo las ji skad gsungs pa bzhin no/ /

【L8 由除垢智清淨】

དེ་ལ་བརྒྱད་པས་ནི་ལས་ཀྱི་མཐའ་དྲི་མ་ཅན་རྣམ་པ་བཅུ་བཞི་དང་བྲལ་བ་ཡང་དག་པ་ཇི་ལྟ་བ་བཞིན་ཤེས་ནས་སྦྱིན་པ་སྦྱིན་པར་བྱེད་དེ། དེ་དག་ཀྱང་འདི་ལྟ་སྟེ། གཙུག་ཕུད་ལེན་གྱི་མདོ་ལས་གསུངས་པ་བཞིན་ནོ། །

de la brgyad pas ni las kyi mtha' dri ma can rnam pa bcu bzhi dang bral ba yang dag pa ji lta ba bzhin shes nas sbyin pa sbyin par byed de/ de dag kyang 'di lta ste/ gtsug phud len gyi mdo las gsungs pa bzhin no/ /

【L9 由於友遠離攝受智清淨】

དེ་ལ་དགུ་པས་ནི་སྡིག་པའི་གྲོགས་པོ་བཞི་ཡོངས་སུ་སྤངས་ཤིང་དགེ་བའི་བཤེས་གཉེན་བཞི་ཡོངས་སུ་བཟུང་ནས་སྦྱིན་པ་སྦྱིན་པར་བྱེད་དེ། དེ་དག་ཀྱང་འདི་ལྟ་སྟེ། ཙུག་ཕུད་ལེན་གྱི་མདོ་དེ་ཉིད་ལས་གསུངས་པ་བཞིན་ནོ། །

de la dgu pas ni sdig pa'i grogs po bzhi yongs su spangs shing dge ba'i bshes gnyen bzhi yongs su bzung nas sbyin pa sbyin par byed de/ de dag kyang 'di lta ste/ tsug phud len gyi mdo de nyid las gsungs pa bzhin no/ /

【L10 由隱覆六方智清淨】

དེ་ལ་ཤེས་པ་རྣམ་པར་དག་པ་བཅུ་པས་ནི་ཕྱོགས་དྲུག་གིས་བཀག་ནས་སྦྱིན་པ་སྦྱིན་པར་བྱེད་དེ། དེ་དག་ཀྱང་འདི་ལྟ་སྟེ། གཙུག་ཕུད་ལེན་གྱི་མདོ་དེ་ཉིད་ལས་གསུངས་པ་བཞིན་ནོ། །

de la shes pa rnam par dag pa bcu pas ni phyogs drug gis bkag nas sbyin pa sbyin par byed de/ de dag kyang 'di lta ste/ gtsug phud len gyi mdo de nyid las gsungs pa bzhin no/ /

【J7 垢清淨十相】

དེ་ལ་དྲི་མ་རྣམ་པར་དག་པ་རྣམ་པ་བཅུ་ནི་འདི་ལྟ་སྟེ། ནང་ཡང་རུང༌། ཕྱི་རོལ་ཡང་རུང༌། རྒྱང་རིང་ཡང་རུང༌། ཐག་ཉེ་ཡང་རུང༌། ལུས་ངལ་ཡང་རུང༌། ལུས་ངལ་བ་མེད་ཀྱང་རུང༌། ལུས་ཉམ་ཆུང་ཡང་རུང༌། ལུས་ཉམ་ཆུང་བ་མ་ཡིན་པ་ཡང་རུང་སྟེ། ལེ་ལོའི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། ལོངས་སྤྱོད་རྣམས་ལ་ཆགས་པའི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། སློང་མོ་པ་རྣམས་ལ་ཞེ་སྡང་གི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། རྒྱུ་དང་འབྲས་བུ་ལ་གཏི་མུག་གི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། གགས་བཞི་པོ་དེ་དག་གིས་གགས་ཀྱི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་སྟེ༑ དེ་ལ་གགས་བཞིའི་དྲི་མ་ནི་འདི་དག་ཡིན་ཏེ། འདི་ལྟ་སྟེ། མ་གོམས་པ་དང༌། རྒུད་པ་དང༌། ཆགས་པ་དང༌། འབྲས་བུ་མ་མཐོང་བའོ། །འདི་ལྟ་སྟེ། དབུལ་པོས་རང་གི་ཚལ་ཟ་རྣམས་དང༌། ལོངས་སྤྱོད་འབྲིང་པོས་དེ་དག་དང་སྡུག་བསྔལ་བ་རྣམས་དང༌། ལོངས་སྤྱོད་ཆེན་པོས་དེ་དག་དང་དེ་ལས་གཞན་པའི་སློང་མོ་པ་རྣམས་ལ་ཤིན་ཏུ་རྣམ་པར་ཕྱེ་ཞིང་མི་རིགས་པའི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། དངོས་པོ་ཡོངས་སུ་རྫོགས་པ་དང༌། བསམ་པ་ཡོངས་སུ་རྫོགས་པ་ལས་ཡོངས་སུ་རྫོགས་ཤིང་ཉུང་བའི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་དེ། དེ་ལ་དངོས་པོ་ཡོངས་སུ་རྫོགས་པ་ནི་རྣམ་པ་བདུན་ཏེ། ཡོ་བྱད་ཀྱི་དངོས་པོ་ཡང་སྦྱིན་པར་བྱེད་པ་དང༌། ཡུལ་གྱི་དངོས་པོ་དང༌། སེམས་ཅན་གྱི་དངོས་པོ་དང༌། རྒྱན་གྱི་དངོས་པོ་དང༌། གནས་ཀྱི་དངོས་པོ་དང༌། དེའི་གནས་པའི་དངོས་པོ་དང༌། ནང་གི་དངོས་པོ་ཡང་སྦྱིན་པ་སྦྱིན་པར་བྱེད་པའོ། །དེ་ལ་བསམ་པ་ཡོངས་སུ་རྫོགས་པ་ནི་ནང་གི་ལུས་དང་ལོངས་སྤྱོད་དག་ལ་རང་བཞིན་གྱིས་ཆགས་པ་མེད་པའི་བསམ་པ་ཉིད་ཐོབ་པ་གང་ཡིན་པའོ། །འདི་ལྟ་སྟེ། ཡོངས་སུ་དག་པ་རྣམ་པ་བཅུ་པོ་འདི་ལྟ་སྟེ། ཆགས་པ་མེད་པ་དང༌། ནག་ནོག་མེད་པ་ལ་སོགས་པ་སའི་དངོས་གཞིར་བསྟན་པ་དག་གིས་ཡོངས་སུ་དག་ཅིང༌། རྣམ་པར་མ་དག་པའི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་དང༌། འདི་ལྟ་སྟེ། སྦྱིན་པར་བྱ་བའི་དངོས་པོ་ཡོངས་སུ་བརྟག་པ་དང༌། བསམ་པ་ཡོངས་སུ་བརྟག་པ་དང༌། ཞིང་ཡོངས་སུ་བརྟགས་པ་ཡོངས་སུ་བརྟགས་ཤིང་འཆལ་པའི་ཤེས་རབ་ཀྱི་དྲི་མ་དང་བྲལ་བའི་སྦྱིན་པ་སྦྱིན་པར་བྱེད་པ་སྟེ། དེ་ལ་སྦྱིན་པར་བྱ་བའི་དངོས་པོ་ཡོངས་སུ་བརྟག་པ་ནི་སྩོགས་འཇོག་པས་ཡོངས་སུ་ལོངས་སྤྱོད་པ་ཆེས་ཁྱད་པར་དུ་འཕགས་པ་དང༌། ཡོངས་སུ་ལོངས་སྤྱོད་པ་པས་སྦྱིན་པ་ཆེས་ཁྱད་པར་དུ་འཕགས་པ་གང་ཡིན་པའོ། །དེ་ཅིའི་ཕྱིར་ཞེ་ན། འདི་ལྟར་སྩོགས་འཇོག་འབའ་ཞིག་ནི་བདག་ལ་ཡང་ཕན་པར་མི་འགྱུར། གཞན་ལ་ཕན་པར་ཡང་མི་འགྱུར། ཚེ་འདི་ལ་ཕན་པར་ཡང་མི་འགྱུར། ཚེ་ཕྱི་མ་ལ་ཕན་པར་ཡང་མི་འགྱུར་བ་ཡིན་ལ། བྱང་ཆུབ་སེམས་དཔའི་ཡོངས་སུ་ལོངས་སྤྱོད་པ་ནི་བདག་ལ་ཕན་པ་དང༌། ཚེ་འདི་ལ་ཕན་པར་འགྱུར་བ་ཡིན་ཡང༌། གཞན་ལ་ཕན་པ་ཡང་མ་ཡིན། ཚེ་ཕྱི་མ་ལ་ཡང་ཕན་པ་ཡང་མ་ཡིན་པ་དང༌། བྱང་ཆུབ་སེམས་དཔའི་དགའ་བ་དང༌། མཆོག་ཏུ་དགའ་བ་རྒྱ་ཆེན་པོ་སྐྱེས་ཤིང་སྦྱིན་པར་བྱེད་པའི་སྦྱིན་པ་ནི་བདག་ལ་ཕན་པ་དང༌། གཞན་ལ་ཕན་པ་དང༌། ཚེ་འདི་ལ་ཕན་པ་དང༌། ཚེ་ཕྱི་མ་ལ་ཕན་པར་འགྱུར་བ་ཡིན་པའི་ཕྱིར་རོ། །དེ་ལ་བསམ་པ་ཡོངས་སུ་བརྟག་པ་ནི་རྣམ་པ་བཞིར་རིག་པར་བྱ་སྟེ། རྒྱུ་ལ་ཕྱིན་ཅི་མ་ལོག་པའི་བསམ་པ་དང་། འབྲས་བུ་ལ་ཆགས་པ་མེད་པའི་བསམ་པ་དང༌། སེམས་ཅན་རྣམས་ལ་སྙིང་རྗེ་བའི་བསམ་པ་དང༌། ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱ་བའི་བསམ་པས་སྦྱིན་པ་སྦྱིན་པར་བྱེད་པའོ། །དེ་ལ་ཞིང་ཡོངས་སུ་བརྟག་པ་ནི་རྣམ་པ་ལྔས་རིག་པར་བྱ་སྟེ། གང་ལ་དོན་དུ་གཉེར་བ་ཉིད་དམིགས་པ་དང༌། གང་ལ་དོན་དུ་གཉེར་བ་ཡང་ཡིན་ལ་ཕོངས་པ་ཡང་ཡིན་པ་དང༌། ཕོངས་པ་ཡང་ཡིན་ལ་རྟོན་པ་མེད་པ་གང་ཡིན་པ་དང༌། རྟོན་པ་མེད་པ་ཡང་ཡིན་ལ་ཉེས་པར་སྤྱོད་པ་ལས་ལྡོག་པར་ནུས་པ་ཉིད་ཀྱང་དམིགས་པ་དེ་ནི་ཞིང་ཡིན་ནོ། །དེ་དག་མེད་ན་ཡང་གང་ལ་ལེགས་པར་སྤྱོད་པ་དང༌། ཡོན་ཏན་ཁྱད་པར་དུ་འཕགས་པ་དམིགས་པ་དེ་ནི་ཞིང་ལྔ་པ་ཡིན་པར་རིག་པར་བྱའོ༑ །ཞིང་མ་ཡིན་པ་ནི་རྣམ་པ་བདུན་གྱིས་རིག་པར་བྱ་སྟེ། སློང་མོ་པ་གཏུམ་པ་དང༌། ཕྱིར་རྒོལ་བ་ལ་སྐྱབས་སུ་སོང་བ་ཕྱིར་རྒོལ་བར་གྱུར་ནས་སློང་བར་བྱེད་པ་དང༌། དགེ་བའི་རྩ་བ་ཡང་དག་པར་འཛིན་དུ་གཞུག་པ་ན་དབང་དུ་མི་འགྱུར་བ་དང༌། ཉོན་མོངས་པ་ཅན་གྱི་སེམས་སམ་ཀུན་ནས་ཉོན་མོངས་པའི་བསམ་པས་སློང་བར་བྱེད་པ་དང༌། བདུད་དམ་བདུད་ཀྱིས་བརླམས་པར་གྱུར་ནས་ཐོ་འཚམས་པའི་ཕྱིར་སློང་བར་བྱེད་པ་དང༌། གནས་མ་ཡིན་པ་སློང་བར་བྱེད་དེ་ཕ་མའམ། གཞན་གང་ཡང་རུང་བ་སྦྱིན་པར་བྱ་བ་མ་ཡིན་པའི་དངོས་པོ་སློང་བར་བྱེད་པ་དང༌། དོན་དུ་གཉེར་བ་མ་ཡིན་པ་སྟེ། དེ་ལྟར་རྣམ་པ་དེ་དག་གིས་ནི་ཞིང་མ་ཡིན་པ་ཡོངས་སུ་བརྟག་པ་ཡིན་པར་རིག་པར་བྱའོ། །ཐབས་མ་ཡིན་པའི་ཉེས་པ་དང་བྲལ་ཞིང་ཐབས་ཀྱི་ཡོན་ཏན་དང་ལྡན་པའི་སྦྱིན་པ་སྦྱིན་པར་བྱེད་དེ། དེ་ལ་ཐབས་ནི་འདི་ཡིན་ཏེ། འདི་ལྟ་སྟེ། སྦྱིན་པ་ལ་གོམས་པ་དང༌། ལུས་དང་སྲོག་ལ་མི་ལྟ་བ་དང༌། སེམས་ཅན་ལ་སྙིང་བརྩེ་བ་དང༌། དེ་ཁོ་ནའི་དོན་ཤེས་པ་དང༌། བླ་ན་མེད་པའི་བྱང་ཆུབ་ལ་མོས་པ་དང༌། བཤད་པ་དང༌། ནན་གྱིས་གནོན་པ་དང༌། ཕན་བཏགས་པའི་ལན་དུ་ཕན་འདོགས་པར་སྦྱོར་བ་དང༌། སྐྱེ་བ་དང་མཐུའོ། །

de la dri ma rnam par dag pa rnam pa bcu ni 'di lta ste/ nang yang rung/ phyi rol yang rung/ rgyang ring yang rung/ thag nye yang rung/ lus ngal yang rung/ lus ngal ba med kyang rung/ lus nyam chung yang rung/ lus nyam chung ba ma yin pa yang rung ste/ le lo'i dri ma dang bral ba'i sbyin pa sbyin par byed pa dang/ 'di lta ste/ longs spyod rnams la chags pa'i dri ma dang bral ba'i sbyin pa sbyin par byed pa dang/ 'di lta ste/ slong mo pa rnams la zhe sdang gi dri ma dang bral ba'i sbyin pa sbyin par byed pa dang/ 'di lta ste/ rgyu dang 'bras bu la gti mug gi dri ma dang bral ba'i sbyin pa sbyin par byed pa dang/ 'di lta ste/ gags bzhi po de dag gis gags kyi dri ma dang bral ba'i sbyin pa sbyin par byed pa ste| de la gags bzhi'i dri ma ni 'di dag yin te/ 'di lta ste/ ma goms pa dang/ rgud pa dang/ chags pa dang/ 'bras bu ma mthong ba'o/ /'di lta ste/ dbul pos rang gi tshal za rnams dang/ longs spyod 'bring pos de dag dang sdug bsngal ba rnams dang/ longs spyod chen pos de dag dang de las gzhan pa'i slong mo pa rnams la shin tu rnam par phye zhing mi rigs pa'i dri ma dang bral ba'i sbyin pa sbyin par byed pa dang/ 'di lta ste/ dngos po yongs su rdzogs pa dang/ bsam pa yongs su rdzogs pa las yongs su rdzogs shing nyung ba'i dri ma dang bral ba'i sbyin pa sbyin par byed de/ de la dngos po yongs su rdzogs pa ni rnam pa bdun te/ yo byad kyi dngos po yang sbyin par byed pa dang/ yul gyi dngos po dang/ sems can gyi dngos po dang/ rgyan gyi dngos po dang/ gnas kyi dngos po dang/ de'i gnas pa'i dngos po dang/ nang gi dngos po yang sbyin pa sbyin par byed pa'o/ /de la bsam pa yongs su rdzogs pa ni nang gi lus dang longs spyod dag la rang bzhin gyis chags pa med pa'i bsam pa nyid thob pa gang yin pa'o/ /'di lta ste/ yongs su dag pa rnam pa bcu po 'di lta ste/ chags pa med pa dang/ nag nog med pa la sogs pa sa'i dngos gzhir bstan pa dag gis yongs su dag cing/ rnam par ma dag pa'i dri ma dang bral ba'i sbyin pa sbyin par byed pa dang/ 'di lta ste/ sbyin par bya ba'i dngos po yongs su brtag pa dang/ bsam pa yongs su brtag pa dang/ zhing yongs su brtags pa yongs su brtags shing 'chal pa'i shes rab kyi dri ma dang bral ba'i sbyin pa sbyin par byed pa ste/ de la sbyin par bya ba'i dngos po yongs su brtag pa ni stsogs 'jog pas yongs su longs spyod pa ches khyad par du 'phags pa dang/ yongs su longs spyod pa pas sbyin pa ches khyad par du 'phags pa gang yin pa'o/ /de ci'i phyir zhe na/ 'di ltar stsogs 'jog 'ba' zhig ni bdag la yang phan par mi 'gyur/ gzhan la phan par yang mi 'gyur/ tshe 'di la phan par yang mi 'gyur/ tshe phyi ma la phan par yang mi 'gyur ba yin la/ byang chub sems dpa'i yongs su longs spyod pa ni bdag la phan pa dang/ tshe 'di la phan par 'gyur ba yin yang/ gzhan la phan pa yang ma yin/ tshe phyi ma la yang phan pa yang ma yin pa dang/ byang chub sems dpa'i dga' ba dang/ mchog tu dga' ba rgya chen po skyes shing sbyin par byed pa'i sbyin pa ni bdag la phan pa dang/ gzhan la phan pa dang/ tshe 'di la phan pa dang/ tshe phyi ma la phan par 'gyur ba yin pa'i phyir ro/ /de la bsam pa yongs su brtag pa ni rnam pa bzhir rig par bya ste/ rgyu la phyin ci ma log pa'i bsam pa dang / 'bras bu la chags pa med pa'i bsam pa dang/ sems can rnams la snying rje ba'i bsam pa dang/ thams cad mkhyen pa'i ye shes yongs su rdzogs par bya ba'i bsam pas sbyin pa sbyin par byed pa'o/ /de la zhing yongs su brtag pa ni rnam pa lngas rig par bya ste/ gang la don du gnyer ba nyid dmigs pa dang/ gang la don du gnyer ba yang yin la phongs pa yang yin pa dang/ phongs pa yang yin la rton pa med pa gang yin pa dang/ rton pa med pa yang yin la nyes par spyod pa las ldog par nus pa nyid kyang dmigs pa de ni zhing yin no/ /de dag med na yang gang la legs par spyod pa dang/ yon tan khyad par du 'phags pa dmigs pa de ni zhing lnga pa yin par rig par bya'o| /zhing ma yin pa ni rnam pa bdun gyis rig par bya ste/ slong mo pa gtum pa dang/ phyir rgol ba la skyabs su song ba phyir rgol bar gyur nas slong bar byed pa dang/ dge ba'i rtsa ba yang dag par 'dzin du gzhug pa na dbang du mi 'gyur ba dang/ nyon mongs pa can gyi sems sam kun nas nyon mongs pa'i bsam pas slong bar byed pa dang/ bdud dam bdud kyis brlams par gyur nas tho 'tshams pa'i phyir slong bar byed pa dang/ gnas ma yin pa slong bar byed de pha ma'am/ gzhan gang yang rung ba sbyin par bya ba ma yin pa'i dngos po slong bar byed pa dang/ don du gnyer ba ma yin pa ste/ de ltar rnam pa de dag gis ni zhing ma yin pa yongs su brtag pa yin par rig par bya'o/ /thabs ma yin pa'i nyes pa dang bral zhing thabs kyi yon tan dang ldan pa'i sbyin pa sbyin par byed de/ de la thabs ni 'di yin te/ 'di lta ste/ sbyin pa la goms pa dang/ lus dang srog la mi lta ba dang/ sems can la snying brtse ba dang/ de kho na'i don shes pa dang/ bla na med pa'i byang chub la mos pa dang/ bshad pa dang/ nan gyis gnon pa dang/ phan btags pa'i lan du phan 'dogs par sbyor ba dang/ skye ba dang mthu'o/ /

【H2 戒品】【I1 總標】

འདུལ་བ་ནི་བསྡུ་ན་རྣམ་པ་གསུམ་དུ་རིག་པར་བྱ་སྟེ། རེ་ཞིག་བཅོམ་ལྡན་འདས་ཀྱིས་ཉན་ཐོས་རྣམས་ཀྱི་འདུལ་བ་ལ།

'dul ba ni bsdu na rnam pa gsum du rig par bya ste/ re zhig bcom ldan 'das kyis nyan thos rnams kyi 'dul ba la/

【I2 別解】【J1 正辨戒相】【K1 辨律儀戒】

དང་པོར་སྡོམ་པའི་ཚུལ་ཁྲིམས་ཀྱི་འདུལ་བ་ཇི་ལྟར་བསྡུས་པ་དེ་ནི་འདུལ་བ་བསྡུས་པ་ཡིན་པར་བལྟ་བར་བྱའོ། །

dang por sdom pa'i tshul khrims kyi 'dul ba ji ltar bsdus pa de ni 'dul ba bsdus pa yin par blta bar bya'o/ /

【K2 辨攝善戒】

དགེ་བའི་ཆོས་སྡུད་པའི་ཚུལ་ཁྲིམས་ཀྱི་འདུལ་བ་བསྡུས་པ་གང་ཞེ་ན། དགེ་བའི་ཆོས་སྡུད་པའི་ཚུལ་ཁྲིམས་ལ་བརྩོན་པའི་བྱང་ཆུབ་སེམས་དཔས་མདོར་བསྡུ་ན་སེམས་དྲུག་ལ་སོ་སོར་བརྟག་པར་བྱ་སྟེ། དྲུག་གང་ཞེ་ན། ཁྱད་དུ་གསོད་པའི་སེམས་དང༌། ལེ་ལོ་དང་ལྡན་པའི་སེམས་དང༌། བསྒྲིབས་པའི་སེམས་དང༌། བརྩལ་བ་ལས་ཡོངས་སུ་སྐྱོ་བའི་སེམས་དང༌། གནོད་པ་དང་ལྡན་པའི་སེམས་དང༌། བར་ཆད་དང་ལྡན་པའི་སེམས་སོ། དེ་ལ་བྱང་ཆུབ་སེམས་དཔའི་དགེ་བའི་ཆོས་རྣམས་ལ་སྤོང་བར་སེམས་པ་ཉིད་དང༌། མི་མོས་པའི་སེམས་ཉིད་དང༌། བརྙས་པའི་སེམས་ཉིད་གང་ཡིན་པ་དེ་ནི་ཁྱད་དུ་གསོད་པའི་སེམས་ཞེས་བྱའོ། །ལེ་ལོ་དང་གླག་དལ་དང་གླག་དལ་དང་བག་མེད་པས་ཀུན་ནས་དཀྲིས་པའི་སེམས་ནི་ལེ་ལོ་དང་ལྡན་པའི་སེམས་ཞེས་བྱའོ། །འདོད་པ་ལ་འདུན་པ་ལ་སོགས་པ་ཉོན་མོངས་པ་དང་ཉེ་བའི་ཉོན་མོངས་པའི་སྒྲིབ་པ་གང་ཡང་རུང་བས་ཀུན་ནས་དཀྲིས་པའི་སེམས་ནི་བསྒྲིབས་པའི་སེམས་ཞེས་བྱའོ། །བརྩོན་འགྲུས་བརྩམས་ཤིང་གནས་པའི་ལུས་ཀྱི་ངལ་བ་དང་སེམས་ཀྱིས་འཁྲུག་པས་ཟིལ་གྱིས་གནོན་པའི་སེམས་ནི་བརྩལ་བས་ཡོངས་སུ་ངལ་བའི་སེམས་ཞེས་བྱའོ། །གནོད་པ་གང་ཡང་རུང་བས་ཟིལ་གྱིས་ནོན་པའི་སེམས་སྦྱོར་བར་བཟོད་པའི་མཐུ་མེད་པ་དེ་ནི་གནོད་པ་དང་ལྡན་པའི་སེམས་ཞེས་བྱའོ། །སྨྲ་བ་ལ་དགའ་བ་ལ་སོགས་པ་བར་ཆད་དང་ལྡན་པའི་སེམས་ནི་བར་ཆད་དང་ལྡན་པའི་སེམས་ཞེས་བྱའོ། །བྱང་ཆུབ་སེམས་དཔའ་སེམས་དྲུག་པོ་དེ་དག་ལ་འདི་ལྟར་སོ་སོར་བརྟག་པར་བྱ་སྟེ། ཅི་བདག་གི་སེམས་ལ་སེམས་དྲུག་པོ་དེ་དག་ལས་གང་ཡང་རུང་བ་རབ་ཏུ་སྤྱོད་པ་ཡོད་དམ། འོན་ཏེ་མེད་སྙམ་དུ་སོ་སོར་རྟོག་པར་བྱའོ། །དེ་ལ་བྱང་ཆུབ་སེམས་དཔའ་སེམས་དང་པོ་གསུམ་པོ་དག་ནི་སྐྱེས་སོ་ཅོག་གཅིག་ཏུ་དང་དུ་མི་བླང་བར་བྱ་སྟེ། གལ་ཏེ་དང་དུ་ལེན་པར་བྱེད་ཅིང་སྤོང་བར་མི་བྱེད་ན། ཐམས་ཅད་དུ་ཁ་ན་མ་ཐོ་བ་དང་བཅས་པར་འགྱུར་རོ། །བརྩལ་བས་ཡོངས་སུ་སྐྱོ་བའི་སེམས་ནི་སྐྱེས་པ་ན། གལ་ཏེ་འདི་ལྟ་བུའི་སེམས་ཀྱིས་དགེ་བའི་ཆོས་རྣམས་ལ་སྦྱོར་བ་གཏོང་བར་བྱེད་དེ། ཇི་ནས་ཀྱང་ལུས་དང་སེམས་ངལ་ཞིང་འཁྲུག་པར་བྱེད་པ་འདི་སོ་སོར་བསལ་ནས། ཡང་དགེ་བའི་ཆོས་རྣམས་ལ་སྦྱར་བར་བྱའོ་སྙམ་དུ་སེམས་ན་ནི་ཁ་ན་མ་ཐོ་བ་མེད་པར་འགྱུར་རོ། །གལ་ཏེ་བདག་ལ་དགེ་བ་ལ་སྦྱོར་བ་གང་གིས་བདག་ཚེ་འདི་ལ་སྡུག་བསྔལ་བར་འགྱུར་བ་འདི་ལྟ་བུས་ཇི་ཞིག་བྱ་སྙམ་དུ་སེམས་ཤིང་ཐམས་ཅད་ཀྱི་ཐམས་ཅད་དུ་གཏན་སྤོང་བར་བྱེད་ན་ནི་དེ་ལ་ཁ་ན་མ་ཐོ་བ་དང་བཅས་པར་འགྱུར་རོ། །གནོད་པ་དང་ལྡན་པའི་སེམས་ནི་ཉེ་བར་གནས་པར་གྱུར་པ་ན། བྱང་ཆུབ་སེམས་དཔའི་དགེ་བའི་སྦྱོར་བ་ལ་འདོད་དགུར་བྱར་མེད་པ་ཡིན་པས་དེ་དང་དུ་བླངས་ནས་ཡང་ཁ་ན་མ་ཐོ་བ་མེད་དོ། །བར་ཆད་དང་ལྡན་པའི་སེམས་ནི་ཉེ་བར་གནས་པར་གྱུར་པ་ན། གལ་ཏེ་འདོད་དགུར་བྱར་མེད་དམ་དོན་ཆེས་ཆེན་པོ་ཞིག་ཡང་དག་པར་རྗེས་སུ་མཐོང་ནས་དང་དུ་ལེན་པར་བྱེད་ན་ནི་ཁ་ན་མ་ཐོ་བ་མེད་དོ། །གལ་ཏེ་དེ་ལ་འདོད་དགུར་བྱར་ཡོད་དམ། དོན་མེད་པའམ༑ དོན་ཆེས་ཆུང་བ་ཞིག་ཡང་དག་པར་རྗེས་སུ་མཐོང་ནས་དང་དུ་ལེན་པར་བྱེད་ན་ནི་ཁ་ན་མ་ཐོ་བ་དང་བཅས་པར་འགྱུར་རོ། །སེམས་དྲུག་པོ་དེ་དག་ལས་སེམས་སྔ་མ་གསུམ་པོ་དག་གིས་བྱུང་བ་དང་དུ་བླངས་སོ་ཅོག་ནི་གཅིག་ཏུ་ཁ་ན་མ་ཐོ་བ་དང་བཅས་པར་འགྱུར་རོ། །གནོད་པ་དང་ལྡན་པའི་སེམས་གཅིག་པུ་ནི་དང་དུ་བླངས་ཀྱང་གཅིག་ཏུ་ཁ་ན་མ་ཐོ་བ་མེད་དོ། །སེམས་ལྷག་མ་གཉིས་ཀྱི་བྱུང་བ་དང་དུ་བླངས་སོ་ཅོག་ནི་རྣམ་གྲངས་ཀྱི་ཁ་ན་མ་ཐོ་བ་དང་བཅས་པ་དང༌། ཁ་ན་མ་ཐོ་བ་མེད་པར་འགྱུར་རོ། །

dge ba'i chos sdud pa'i tshul khrims kyi 'dul ba bsdus pa gang zhe na/ dge ba'i chos sdud pa'i tshul khrims la brtson pa'i byang chub sems dpas mdor bsdu na sems drug la so sor brtag par bya ste/ drug gang zhe na/ khyad du gsod pa'i sems dang/ le lo dang ldan pa'i sems dang/ bsgribs pa'i sems dang/ brtsal ba las yongs su skyo ba'i sems dang/ gnod pa dang ldan pa'i sems dang/ bar chad dang ldan pa'i sems so/ de la byang chub sems dpa'i dge ba'i chos rnams la spong bar sems pa nyid dang/ mi mos pa'i sems nyid dang/ brnyas pa'i sems nyid gang yin pa de ni khyad du gsod pa'i sems zhes bya'o/ /le lo dang glag dal dang glag dal dang bag med pas kun nas dkris pa'i sems ni le lo dang ldan pa'i sems zhes bya'o/ /'dod pa la 'dun pa la sogs pa nyon mongs pa dang nye ba'i nyon mongs pa'i sgrib pa gang yang rung bas kun nas dkris pa'i sems ni bsgribs pa'i sems zhes bya'o/ /brtson 'grus brtsams shing gnas pa'i lus kyi ngal ba dang sems kyis 'khrug pas zil gyis gnon pa'i sems ni brtsal bas yongs su ngal ba'i sems zhes bya'o/ /gnod pa gang yang rung bas zil gyis non pa'i sems sbyor bar bzod pa'i mthu med pa de ni gnod pa dang ldan pa'i sems zhes bya'o/ /smra ba la dga' ba la sogs pa bar chad dang ldan pa'i sems ni bar chad dang ldan pa'i sems zhes bya'o/ /byang chub sems dpa' sems drug po de dag la 'di ltar so sor brtag par bya ste/ ci bdag gi sems la sems drug po de dag las gang yang rung ba rab tu spyod pa yod dam/ 'on te med snyam du so sor rtog par bya'o/ /de la byang chub sems dpa' sems dang po gsum po dag ni skyes so cog gcig tu dang du mi blang bar bya ste/ gal te dang du len par byed cing spong bar mi byed na/ thams cad du kha na ma tho ba dang bcas par 'gyur ro/ /brtsal bas yongs su skyo ba'i sems ni skyes pa na/ gal te 'di lta bu'i sems kyis dge ba'i chos rnams la sbyor ba gtong bar byed de/ ji nas kyang lus dang sems ngal zhing 'khrug par byed pa 'di so sor bsal nas/ yang dge ba'i chos rnams la sbyar bar bya'o snyam du sems na ni kha na ma tho ba med par 'gyur ro/ /gal te bdag la dge ba la sbyor ba gang gis bdag tshe 'di la sdug bsngal bar 'gyur ba 'di lta bus ji zhig bya snyam du sems shing thams cad kyi thams cad du gtan spong bar byed na ni de la kha na ma tho ba dang bcas par 'gyur ro/ /gnod pa dang ldan pa'i sems ni nye bar gnas par gyur pa na/ byang chub sems dpa'i dge ba'i sbyor ba la 'dod dgur byar med pa yin pas de dang du blangs nas yang kha na ma tho ba med do/ /bar chad dang ldan pa'i sems ni nye bar gnas par gyur pa na/ gal te 'dod dgur byar med dam don ches chen po zhig yang dag par rjes su mthong nas dang du len par byed na ni kha na ma tho ba med do/ /gal te de la 'dod dgur byar yod dam/ don med pa'am| don ches chung ba zhig yang dag par rjes su mthong nas dang du len par byed na ni kha na ma tho ba dang bcas par 'gyur ro/ /sems drug po de dag las sems snga ma gsum po dag gis byung ba dang du blangs so cog ni gcig tu kha na ma tho ba dang bcas par 'gyur ro/ /gnod pa dang ldan pa'i sems gcig pu ni dang du blangs kyang gcig tu kha na ma tho ba med do/ /sems lhag ma gnyis kyi byung ba dang du blangs so cog ni rnam grangs kyi kha na ma tho ba dang bcas pa dang/ kha na ma tho ba med par 'gyur ro/ /

【K3 攝眾生戒】

སེམས་ཅན་གྱི་དོན་བྱ་བའི་ཚུལ་ཁྲིམས་ལ་བརྩོན་པའི་བྱང་ཆུབ་སེམས་དཔའ་ནི་རྣམ་པར་རྟོག་པའི་གནས་དྲུག་ལ་སོ་སོར་བརྟག་པར་བྱ་སྟེ། བདག་དང༌། གཞན་དང༌། ཟང་ཟིང་གིས་ཕོངས་པ་དང༌། ཟང་ཟིང་གིས་འབྱོར་པ་དང༌། ཆོས་ཀྱིས་ཕོངས་པ་དང༌། ཆོས་ཀྱིས་འབྱོར་པ་ནི་གནས་དྲུག་པ་ཡིན་ནོ། །དེ་ལ་ཟང་ཟིང་གིས་ཕོངས་པ་ཞེས་བྱ་བ་ནི། ཆོས་གོས་དང་བསོད་སྙོམས་ལ་སོགས་པ་མ་རྙེད་པ་རྣམས་མི་རྙེད་པ་དང༌། རྙེད་ཅིང་འཇུག་པ་རྣམས་རྒྱུན་འཆད་པར་འགྱུར་བའོ། །ཟང་ཟིང་གིས་འབྱོར་པ་ནི་དེ་ལས་བཟློག་པ་ལས་རིག་པར་བྱའོ། །ཆོས་ཀྱིས་ཕོངས་པ་ཞེས་བྱ་བ་ནི་བསླབ་པ་ཉམས་པ་དང་དེ་བཞིན་གཤེགས་པས་གསུངས་པ་དོན་དམ་པའི་ཆོས་ཀྱི་ཚིག་སྔོན་མ་ཐོས་པ་མཉན་དུ་མེད་པ་དང༌། སྔོན་མ་ཐོས་པ་ཇི་ལྟ་བ་བཞིན་དུ་སྔོན་མ་བསམས་པ་བསམ་དུ་མེད་པ་དང༌། ཐོས་པའི་བར་ཆད་དང༌། བསམ་པའི་བར་ཆད་དང༌། ཐོས་པ་དང་བསམས་པ་བརྗོད་པ་དང༌། བསྒོམས་པ་ལས་བྱུང་བའི་དགེ་བ་མ་ཐོབ་པ་མི་ཐོབ་པ་དང༌། ཐོབ་པ་ཡོངས་སུ་ཉམས་པར་འགྱུར་བའོ། །ཆོས་འབྱོར་པ་ནི་དེ་ལས་བཟློག་པ་ལས་རིག་པར་བྱའོ། །དེ་ལ་བྱང་ཆུབ་སེམས་དཔས་བདག་ཉིད་ཀྱི་ཆོས་ཀྱིས་ཕོངས་པས་གཞན་དག་གི་ཟང་ཟིང་འབྱོར་པར་བྱ་བའི་ཕྱིར་སྦྱོར་བར་མི་བྱའོ། །ཟང་ཟིང་འབྱོར་པར་བྱ་བའི་ཕྱིར་ཇི་ལྟ་བ་བཞིན་དུ་ཆོས་འབྱོར་པར་བྱ་བའི་ཕྱིར་ཡང་དེ་བཞིན་ནོ། །དོན་གྱི་སྐབས་འདིར་ཆོས་ཀྱིས་ཕོངས་པ་ཞེས་བྱ་བ་ནི་བསླབ་པ་ཉམས་པས་བསྡུས་པ་དང༌། བསླབ་པ་ཉམས་པ་དང་རྗེས་སུ་མཐུན་པས་བསྡུས་པ་དང༌། ཐོབ་པའི་ཆོས་ཡོངས་སུ་ཉམས་པས་བསྡུས་པ་ཡིན་པར་རིག་པར་བྱའོ། །བདག་ཉིད་ཀྱི་ཟང་ཟིང་གིས་ཕོངས་པས་གཞན་དག་གི་ཟང་ཟིང་འབྱོར་པར་བྱ་བའི་ཕྱིར་ནི་བརྩོན་པར་བྱ་སྟེ། ཟང་ཟིང་འབྱོར་པ་དེ་ཡང་གལ་ཏེ་ཆོས་ཀྱིས་ཕོངས་པ་སྐྱེད་པར་མི་བྱེད་ནའོ། །གལ་ཏེ་ཆོས་ཀྱིས་ཕོངས་པ་སྐྱེད་པར་བྱེད་ན་ནི་བརྩོན་པར་མི་བྱའོ། །ཟང་ཟིང་འབྱོར་པར་བྱ་བའི་ཕྱིར་ཇི་ལྟ་བ་བཞིན་དུ་ཆོས་འབྱོར་པར་བྱ་བའི་ཕྱིར་ཡང་དེ་བཞིན་ནོ། །བདག་ཉིད་ཀྱི་ཟང་ཟིང་འབྱོར་པས་གཞན་དག་གི་ཟང་ཟིང་འབྱོར་པར་བྱ་བའི་ཕྱིར་ཡང་བརྩོན་པར་བྱའོ། །ཟང་ཟིང་འབྱོར་པར་བྱ་བའི་ཕྱིར་ཇི་ལྟ་བ་བཞིན་དུ། ཆོས་འབྱོར་པར་བྱ་བའི་ཕྱིར་ཡང་དེ་བཞིན་ནོ། །བདག་ཉིད་ཀྱི་ཆོས་འབྱོར་པས་གཞན་དག་གི་ཟང་ཟིང་འབྱོར་པར་བྱ་བའི་ཕྱིར་ཡང་བརྩོན་པར་བྱའོ༑ །ཟང་ཟིང་འབྱོར་པར་བྱ་བའི་ཕྱིར་ཇི་ལྟ་བ་བཞིན་དུ་ཆོས་འབྱོར་པར་བྱ་བའི་ཕྱིར་ཡང་དེ་བཞིན་ནོ། །དེ་ལྟར་སྦྱོར་བར་མི་བྱེད་ན་ནི་ཁ་ན་མ་ཐོ་བ་དང་བཅས་པར་འགྱུར་ལ། སྦྱོར་བར་བྱེད་ན་ནི་ཁ་ན་མ་ཐོ་བ་མེད་པར་འགྱུར་རོ། །

sems can gyi don bya ba'i tshul khrims la brtson pa'i byang chub sems dpa' ni rnam par rtog pa'i gnas drug la so sor brtag par bya ste/ bdag dang/ gzhan dang/ zang zing gis phongs pa dang/ zang zing gis 'byor pa dang/ chos kyis phongs pa dang/ chos kyis 'byor pa ni gnas drug pa yin no/ /de la zang zing gis phongs pa zhes bya ba ni/ chos gos dang bsod snyoms la sogs pa ma rnyed pa rnams mi rnyed pa dang/ rnyed cing 'jug pa rnams rgyun 'chad par 'gyur ba'o/ /zang zing gis 'byor pa ni de las bzlog pa las rig par bya'o/ /chos kyis phongs pa zhes bya ba ni bslab pa nyams pa dang de bzhin gshegs pas gsungs pa don dam pa'i chos kyi tshig sngon ma thos pa mnyan du med pa dang/ sngon ma thos pa ji lta ba bzhin du sngon ma bsams pa bsam du med pa dang/ thos pa'i bar chad dang/ bsam pa'i bar chad dang/ thos pa dang bsams pa brjod pa dang/ bsgoms pa las byung ba'i dge ba ma thob pa mi thob pa dang/ thob pa yongs su nyams par 'gyur ba'o/ /chos 'byor pa ni de las bzlog pa las rig par bya'o/ /de la byang chub sems dpas bdag nyid kyi chos kyis phongs pas gzhan dag gi zang zing 'byor par bya ba'i phyir sbyor bar mi bya'o/ /zang zing 'byor par bya ba'i phyir ji lta ba bzhin du chos 'byor par bya ba'i phyir yang de bzhin no/ /don gyi skabs 'dir chos kyis phongs pa zhes bya ba ni bslab pa nyams pas bsdus pa dang/ bslab pa nyams pa dang rjes su mthun pas bsdus pa dang/ thob pa'i chos yongs su nyams pas bsdus pa yin par rig par bya'o/ /bdag nyid kyi zang zing gis phongs pas gzhan dag gi zang zing 'byor par bya ba'i phyir ni brtson par bya ste/ zang zing 'byor pa de yang gal te chos kyis phongs pa skyed par mi byed na'o/ /gal te chos kyis phongs pa skyed par byed na ni brtson par mi bya'o/ /zang zing 'byor par bya ba'i phyir ji lta ba bzhin du chos 'byor par bya ba'i phyir yang de bzhin no/ /bdag nyid kyi zang zing 'byor pas gzhan dag gi zang zing 'byor par bya ba'i phyir yang brtson par bya'o/ /zang zing 'byor par bya ba'i phyir ji lta ba bzhin du/ chos 'byor par bya ba'i phyir yang de bzhin no/ /bdag nyid kyi chos 'byor pas gzhan dag gi zang zing 'byor par bya ba'i phyir yang brtson par bya'o| /zang zing 'byor par bya ba'i phyir ji lta ba bzhin du chos 'byor par bya ba'i phyir yang de bzhin no/ /de ltar sbyor bar mi byed na ni kha na ma tho ba dang bcas par 'gyur la/ sbyor bar byed na ni kha na ma tho ba med par 'gyur ro/ /

【J2 明護非護】【K1 業前所說令修學】

དེ་ལྟར་ན་དེ་ནི་རེ་ཞིག་བྱང་ཆུབ་སེམས་དཔའ་སྡོམ་པ་ཡང་དག་པར་བླངས་པའི་འདུལ་བ་བསྡུས་པ་ཡིན་ནོ། །དེ་ལ་བྱང་ཆུབ་སེམས་དཔའ་དུས་རྟག་ཏུ་ཡིད་ལ་བྱ་ཞིང་བསླབ་པར་བྱའོ། །

de ltar na de ni re zhig byang chub sems dpa' sdom pa yang dag par blangs pa'i 'dul ba bsdus pa yin no/ /de la byang chub sems dpa' dus rtag tu yid la bya zhing bslab par bya'o/ /

【K2 正辨護不護相】【L1 辨闕一不護】

བྱང་ཆུབ་སེམས་དཔའི་ཚུལ་ཁྲིམས་རྣམ་པ་གསུམ་པོ་གང་ཡིན་པ་དེ་ལས་གང་ཡང་རུང་བ་ཞིག་མ་ཚང་ན། བྱང་ཆུབ་སེམས་དཔའི་སྡོམ་པས་བསྡམས་པ་ཡིན་པར་བརྗོད་པར་བྱའམ། །བསྡམས་པ་མ་ཡིན་པར་བརྗོད་པར་བྱ་ཞེ་ན། བསྡམས་པ་མ་ཡིན་པར་བརྗོད་པར་བྱའོ། །

byang chub sems dpa'i tshul khrims rnam pa gsum po gang yin pa de las gang yang rung ba zhig ma tshang na/ byang chub sems dpa'i sdom pas bsdams pa yin par brjod par bya'am/ /bsdams pa ma yin par brjod par bya zhe na/ bsdams pa ma yin par brjod par bya'o/ /

【L2 辨假實防護】

ཚུལ་ཁྲིམས་རྣམ་པ་གསུམ་པོ་དེ་དག་ལས་འདི་ལྟ་སྟེ། སྡོམ་པའི་ཚུལ་ཁྲིམས་འདི་ནི་སྡུད་པར་བྱེད་པ་དང༌། འབྱོར་པར་བྱེད་པ་ཡིན་ཏེ། དེ་བསྡམས་ཤིང་བསྲུངས་ན་དེ་ལས་གཞན་པ་དག་ཀྱང་བསྡམས་ཤིང་བསྲུངས་པར་གྱུར་ལ། དེ་མ་བསྡམས་ཤིང་མ་བསྲུངས་ན་དེ་ལས་གཞན་པ་དག་ཀྱང་མ་བསྡམས་ཤིང་མ་བསྲུངས་པར་འགྱུར་བས། དེའི་ཕྱིར་བྱང་ཆུབ་སེམས་དཔའ་སྡོམ་པའི་ཚུལ་ཁྲིམས་ཉམས་ན་སྡོམ་པ་ཐམས་ཅད་ཉམས་པ་ཡིན་པར་བརྗོད་པར་བྱའོ། །གང་གཞན་ལ་གྲགས་པར་བྱ་བའི་ཕྱིར་དང༌། གཞན་གྱི་ངོ་བྱ་བའི་ཕྱིར་དང༌། གཞན་གྱིས་ཡང་དག་པར་ལེན་དུ་བཅུག་པ་ན། དེ་ལེན་པར་བྱེད་པར་ཟད་ཀྱི། རང་གི་དད་པས་བསམ་པ་ཐག་པ་ནས་རྗེས་སུ་བརྟགས་ཤིང༌། སེམས་ཅན་རྣམས་ལ་སྙིང་རྗེའི་སེམས་ཉེ་བར་གཞག་སྟེ། དགེ་བ་འདོད་པས་ལེན་པར་མི་བྱེད་པ་དེ་ཡང་བསྡམས་པ་མ་ཡིན་པར་བརྗོད་པར་བྱ་སྟེ། དེ་ནི་དེས་དགེ་བ་ཡོངས་སུ་རྫོགས་པ་དང་སྦྱོར་བར་ཡང་མི་འགྱུར་ལ། དེའི་འབྲས་བུའི་ཕན་ཡོན་ཡང་འཐོབ་པར་མི་འགྱུར་རོ། །དེ་ལས་བཟློག་པས་ནི་སྡོམ་པས་བསྡམས་པ་དང༌། དགེ་བ་ཡོངས་སུ་རྫོགས་པ་དང་སྦྱོར་བར་འགྱུར་བ་དང༌། དེའི་འབྲས་བུ་ཕན་ཡོན་ཡང་འཐོབ་པར་འགྱུར་བར་རིག་པར་བྱའོ། །

tshul khrims rnam pa gsum po de dag las 'di lta ste/ sdom pa'i tshul khrims 'di ni sdud par byed pa dang/ 'byor par byed pa yin te/ de bsdams shing bsrungs na de las gzhan pa dag kyang bsdams shing bsrungs par gyur la/ de ma bsdams shing ma bsrungs na de las gzhan pa dag kyang ma bsdams shing ma bsrungs par 'gyur bas/ de'i phyir byang chub sems dpa' sdom pa'i tshul khrims nyams na sdom pa thams cad nyams pa yin par brjod par bya'o/ /gang gzhan la grags par bya ba'i phyir dang/ gzhan gyi ngo bya ba'i phyir dang/ gzhan gyis yang dag par len du bcug pa na/ de len par byed par zad kyi/ rang gi dad pas bsam pa thag pa nas rjes su brtags shing/ sems can rnams la snying rje'i sems nye bar gzhag ste/ dge ba 'dod pas len par mi byed pa de yang bsdams pa ma yin par brjod par bya ste/ de ni des dge ba yongs su rdzogs pa dang sbyor bar yang mi 'gyur la/ de'i 'bras bu'i phan yon yang 'thob par mi 'gyur ro/ /de las bzlog pas ni sdom pas bsdams pa dang/ dge ba yongs su rdzogs pa dang sbyor bar 'gyur ba dang/ de'i 'bras bu phan yon yang 'thob par 'gyur bar rig par bya'o/ /

【J3 明轉捨因緣】

སྡོམ་པ་དེ་མ་བཏང་ན་ནི་ཚེ་རབས་གཞན་དུ་ཡང་རྗེས་སུ་འཇུག་པར་རིག་པར་བྱའོ། །གལ་ཏེ་བཏང་ན་ནི་མ་ཡིན་ནོ། །དེ་གཏོང་བ་ནི་མདོར་བསྡུ་ན་རྒྱུ་བཞིས་འགྱུར་ཏེ། ཡང་དག་པར་ལེན་པའི་སེམས་ཀྱིས་མི་འདྲ་བར་ངེས་པའི་སེམས་སྐྱེད་པར་བྱེད་པ་དང༌། མི་བརྡ་ཕྲད་པའི་དྲུང་དུ་འབུལ་བ་དང་ལྡན་པའི་ཚིག་རྗོད་པར་བྱེད་པ་དང༌། ཕམ་པའི་གནས་ལྟ་བུའི་ཆོས་བཞི་པོ་དེ་དག་ལས་ཐམས་ཅད་དམ། རེ་རེའི་ཉེས་པ་འབྱིན་པ་དང༌། ཕམ་པའི་གནས་ལྟ་བུའི་ཆོས་བཞི་པོ་ཐམས་ཅད་དམ་རེ་རེ་ལ་ཀུན་ནས་དཀྲིས་པ་ཆེན་པོས་ཉེས་པ་འབྱིན་པར་བྱེད་ན་བྱང་ཆུབ་སེམས་དཔའ་སྡོམ་པ་བཏང་བར་བརྗོད་པར་བྱའོ། །གལ་ཏེ་ཕྱིར་བླང་བའི་སེམས་ཡོངས་སུ་དག་པ་ཐོབ་པར་གྱུར་ན་ཡང་ཕྱིར་བླང་བར་ཡང་བྱའོ། །

sdom pa de ma btang na ni tshe rabs gzhan du yang rjes su 'jug par rig par bya'o/ /gal te btang na ni ma yin no/ /de gtong ba ni mdor bsdu na rgyu bzhis 'gyur te/ yang dag par len pa'i sems kyis mi 'dra bar nges pa'i sems skyed par byed pa dang/ mi brda phrad pa'i drung du 'bul ba dang ldan pa'i tshig rjod par byed pa dang/ pham pa'i gnas lta bu'i chos bzhi po de dag las thams cad dam/ re re'i nyes pa 'byin pa dang/ pham pa'i gnas lta bu'i chos bzhi po thams cad dam re re la kun nas dkris pa chen pos nyes pa 'byin par byed na byang chub sems dpa' sdom pa btang bar brjod par bya'o/ /gal te phyir blang ba'i sems yongs su dag pa thob par gyur na yang phyir blang bar yang bya'o/ /

【J4 略解犯之相】【K1 解】【L1 施物通塞】

བྱང་ཆུབ་སེམས་དཔའ་རབ་ཏུ་བྱུང་བས་ཆོས་གོས་གསུམ་མ་གཏོགས་པ་ཡོ་བྱད་ལྷག་པ། སངས་རྒྱས་ཀྱིས་རྗེས་སུ་གནང་བ་ལུས་ཀྱི་ལོངས་སྤྱོད་དང་བདེ་བ་ལ་རེག་པར་གནས་པའི་རྗེས་སུ་མཐུན་པར་གྱུར་པ་དག །གལ་ཏེ་སློང་མོ་པ་འདོད་པ་རྣམས་ལ་སོ་སོར་བརྟགས་ཏེ་སྦྱིན་པར་བྱེད་ན་ཁ་ན་མ་ཐོ་བ་མེད་དོ། །གལ་ཏེ་དགེ་བའི་ཕྱོགས་ལ་ལྟོས་པའི་ཕྱིར་ཡིན་གྱི། འདོད་པའི་ཁོངས་སུ་གཏོགས་པ་མ་ཡིན་པས་སྦྱིན་པར་མི་བྱེད་ན་ཡང་ཁ་ན་མ་ཐོ་བ་མེད་པ་ཁོ་ན་ཡིན་ནོ། །གལ་ཏེ་ཆོས་ཀྱི་གླེགས་བམ་བྲིས་ཟིན་པ་སློང་མོ་པ་བྱིས་པའི་ཤེས་རབ་ཅན་རྣམས་ལ་སྦྱིན་པར་བྱེད་ན་ཁ་ན་མ་ཐོ་བ་དང་བཅས་པར་འགྱུར་རོ། །དེ་དག་ལ་སྦྱིན་པའི་ཕྱིར་གཞན་དག་ལ་སློང་བར་བྱེད་ན་ཡང་ཁ་ན་མ་ཐོ་བ་དང་བཅས་པར་འགྱུར་རོ། །གལ་ཏེ་བདག་གིས་འདི་ཆོས་ཟབ་མོ་རྣམས་འཛིན་དུ་གཞུག་པ་དང་མོས་པར་བྱ་ནུས་སོ་སྙམ་པ་དེ་ལྟ་བུ་ཁོ་ནའི་སེམས་ཀྱིས་སྦྱིན་པར་བྱེད་ན་ནི་ཁ་ན་མ་ཐོ་བ་མེད་དོ༑ །གལ་ཏེ་དམ་པའི་ཆོས་ལྟར་བཅོས་པའི་གླེགས་བམ་མམ་མུ་སྟེགས་ཅན་གྱི་བསྟན་བཅོས་ཀྱི་གླེགས་བམ་ལ་དད་པའི་སེམས་ཅན་རྣམས་ལ་དེ་ཡི་གེར་འདྲིར་བཅུག་ནས་སམ། བྲིས་ཟིན་པ་ལག་ན་བདོག་པ་སྦྱིན་པར་བྱེད་དམ། གཞན་ལས་བསླངས་ཏེ་སྦྱིན་པར་བྱེད་ན་ཁ་ན་མ་ཐོ་བ་དང་བཅས་པར་འགྱུར་རོ། །བྱང་ཆུབ་སེམས་དཔས་གླེགས་བམ་བྲིས་ཟིན་པ་ལག་ན་བདོག་པ་དེ་ཡང་ཕྱིས་ཏེ། སངས་རྒྱས་ཀྱི་གསུང་རབ་ཡི་གེར་འདྲིར་གཞུག་པའམ། བདག་ཉིད་ཀྱིས་ཀྱང་སྙིང་པོ་མེད་པ་ཁོ་ནར་ཡོངས་སུ་ཤེས་པར་བྱ་ཞིང༌། གཞན་དག་ལ་ཡང་ལེགས་པ་ཁོ་ནར་བསྒྲག་པར་བྱའོ། །གལ་ཏེ་གླེགས་བམ་མ་བྲིས་པ་སློང་བ་ཞིག་འོངས་ན་བྱང་ཆུབ་སེམས་དཔའ་དེ་ལ་འདིས་ཁྱོད་ལ་ཇི་ཞིག་བྱ་ཞེས་ཡོངས་སུ་དྲི་བར་བྱ་སྟེ། གལ་ཏེ་བཙོངས་ལ་ཡོངས་སུ་ལོངས་སྤྱོད་པར་བྱའོ་ཞེས་ཟེར་ན། བྱང་ཆུབ་སེམས་དཔའ་གལ་ཏེ་གླེགས་བམ་དེ་ཆོས་ཀྱི་དོན་དུ་སྟ་གོན་བྱས་པ་ཞིག་ཡིན་ན་ནི། དེ་ལ་སྦྱིན་པར་མི་བྱ་བར། རིན་བདོག་ན་རིན་སྦྱིན་པར་བྱའོ། །གལ་ཏེ་རིན་མི་བདོག་ན་གཉི་ག་མ་བྱིན་ན་ཡང་ཁ་ན་མ་ཐོ་བ་མེད་དོ། །གལ་ཏེ་ཆོས་ཀྱི་དོན་དུ་སྟ་གོན་བྱས་པ་མ་ཡིན་ན་ནི་ཇི་ནས་ཀྱང་བདེ་བར་ཡོངས་སུ་ལོངས་སྤྱོད་པར་བྱ་བའི་ཕྱིར། གླེགས་བམ་དེ་ཉིད་སྦྱིན་པར་བྱའོ། །དེ་བཞིན་དུ་གལ་ཏེ་གཞུང་ཤིན་ཏུ་ངན་པ་འདྲི་བར་འདོད་པའི་ཕྱིར་སློང་བ་ལ་མ་བྱིན་ན་ཡང་ཁ་ན་མ་ཐོ་བ་མེད་དོ། །གཞུང་ཤིན་ཏུ་ངན་པ་འདྲི་བར་འདོད་པ་ལ་ཇི་ལྟ་བ་བཞིན་དུ་གཞུང་འབྲིང་འདྲི་བར་འདོད་པ་ལ་ཡང་དེ་བཞིན་ནོ། །གཞུང་ཁྱད་པར་དུ་འཕགས་པ་འདྲི་བར་འདོད་པའི་ཕྱིར་སློང་བ་ལ་མ་བྱིན་ན་ནི་ཁ་ན་མ་ཐོ་བ་དང་བཅས་པར་རིག་པར་བྱའོ། །

byang chub sems dpa' rab tu byung bas chos gos gsum ma gtogs pa yo byad lhag pa/ sangs rgyas kyis rjes su gnang ba lus kyi longs spyod dang bde ba la reg par gnas pa'i rjes su mthun par gyur pa dag /gal te slong mo pa 'dod pa rnams la so sor brtags te sbyin par byed na kha na ma tho ba med do/ /gal te dge ba'i phyogs la ltos pa'i phyir yin gyi/ 'dod pa'i khongs su gtogs pa ma yin pas sbyin par mi byed na yang kha na ma tho ba med pa kho na yin no/ /gal te chos kyi glegs bam bris zin pa slong mo pa byis pa'i shes rab can rnams la sbyin par byed na kha na ma tho ba dang bcas par 'gyur ro/ /de dag la sbyin pa'i phyir gzhan dag la slong bar byed na yang kha na ma tho ba dang bcas par 'gyur ro/ /gal te bdag gis 'di chos zab mo rnams 'dzin du gzhug pa dang mos par bya nus so snyam pa de lta bu kho na'i sems kyis sbyin par byed na ni kha na ma tho ba med do| /gal te dam pa'i chos ltar bcos pa'i glegs bam mam mu stegs can gyi bstan bcos kyi glegs bam la dad pa'i sems can rnams la de yi ger 'drir bcug nas sam/ bris zin pa lag na bdog pa sbyin par byed dam/ gzhan las bslangs te sbyin par byed na kha na ma tho ba dang bcas par 'gyur ro/ /byang chub sems dpas glegs bam bris zin pa lag na bdog pa de yang phyis te/ sangs rgyas kyi gsung rab yi ger 'drir gzhug pa'am/ bdag nyid kyis kyang snying po med pa kho nar yongs su shes par bya zhing/ gzhan dag la yang legs pa kho nar bsgrag par bya'o/ /gal te glegs bam ma bris pa slong ba zhig 'ongs na byang chub sems dpa' de la 'dis khyod la ji zhig bya zhes yongs su dri bar bya ste/ gal te btsongs la yongs su longs spyod par bya'o zhes zer na/ byang chub sems dpa' gal te glegs bam de chos kyi don du sta gon byas pa zhig yin na ni/ de la sbyin par mi bya bar/ rin bdog na rin sbyin par bya'o/ /gal te rin mi bdog na gnyi ga ma byin na yang kha na ma tho ba med do/ /gal te chos kyi don du sta gon byas pa ma yin na ni ji nas kyang bde bar yongs su longs spyod par bya ba'i phyir/ glegs bam de nyid sbyin par bya'o/ /de bzhin du gal te gzhung shin tu ngan pa 'dri bar 'dod pa'i phyir slong ba la ma byin na yang kha na ma tho ba med do/ /gzhung shin tu ngan pa 'dri bar 'dod pa la ji lta ba bzhin du gzhung 'bring 'dri bar 'dod pa la yang de bzhin no/ /gzhung khyad par du 'phags pa 'dri bar 'dod pa'i phyir slong ba la ma byin na ni kha na ma tho ba dang bcas par rig par bya'o/ /

【L2 攝眾通塞】【M1 約親怨中人以辨】

འདི་ནི་བྱང་ཆུབ་སེམས་དཔའ་ཕན་འདོགས་པའི་སེམས་ཅན་རྣམས་ལ་ཕན་འདོགས་པའི་མཚན་མའི་རྗེས་སུ་འབྲང་ཞིང་ཟང་ཟིང་དང་བཅས་པའི་སེམས་དང་ཕྱོགས་ཡོངས་སུ་གཟུང་བའི་ཚུལ་གྱིས་མཛའ་བཤེས་ཀྱི་བསམ་པ་སྐྱེད་པར་བྱེད་ན་ཁ་ན་མ་ཐོ་བ་དང་བཅས་པར་འགྱུར་རོ། །གནོད་པ་བྱེད་པའི་སེམས་ཅན་རྣམས་ལ་གནོད་པ་བྱེད་པའི་མཚན་མའི་རྗེས་སུ་འབྲང་ཞིང་རྙོག་པའི་སེམས་དང༌། དགྲ་བོར་ཡོངས་སུ་གཟུང་བའི་སེམས་ཀྱིས་དགྲ་བོའི་བསམ་པ་སྐྱེད་པར་བྱེད་ན་ཁ་ན་མ་ཐོ་བ་དང་བཅས་པར་འགྱུར་རོ། །གནོད་པ་བྱེད་པ་ཡང་མ་ཡིན་ཕན་པ་བྱེད་པ་ཡང་མ་ཡིན་པའི་སེམས་ཅན་རྣམས་ལ་ཐ་མལ་པའི་བསམ་པ་དང༌། བཏང་སྙོམས་ཀྱི་བསམ་པ་སྐྱེད་པར་བྱེད་ན་ཁ་ན་མ་ཐོ་བ་དང་བཅས་པར་འགྱུར་རོ། །

'di ni byang chub sems dpa' phan 'dogs pa'i sems can rnams la phan 'dogs pa'i mtshan ma'i rjes su 'brang zhing zang zing dang bcas pa'i sems dang phyogs yongs su gzung ba'i tshul gyis mdza' bshes kyi bsam pa skyed par byed na kha na ma tho ba dang bcas par 'gyur ro/ /gnod pa byed pa'i sems can rnams la gnod pa byed pa'i mtshan ma'i rjes su 'brang zhing rnyog pa'i sems dang/ dgra bor yongs su gzung ba'i sems kyis dgra bo'i bsam pa skyed par byed na kha na ma tho ba dang bcas par 'gyur ro/ /gnod pa byed pa yang ma yin phan pa byed pa yang ma yin pa'i sems can rnams la tha mal pa'i bsam pa dang/ btang snyoms kyi bsam pa skyed par byed na kha na ma tho ba dang bcas par 'gyur ro/ /

【M2 攝眾通塞】

གལ་ཏེ་རབ་ཏུ་འབྱུང་བའི་ཕྱིར་གསོལ་བ་འདེབས་པ་ཞིག་འོངས་ན། དུས་ཀྱི་སྐྱོན་དང་དུས་ཐ་མའི་སྐྱོན་གྱི་རྗེས་སུ་འབྲང་ཞིང་རབ་ཏུ་འབྱིན་པར་མི་བྱེད་ན་ནི་ཁ་ན་མ་ཐོ་བ་མེད་དོ། །གལ་ཏེ་སྙིང་བརྩེ་བའི་སེམས་ཉེ་བར་གཞག་སྟེ་རབ་ཏུ་འབྱིན་པར་བྱེད་ན་ཡང་ཁ་ན་མ་ཐོ་བ་མེད་དོ། །རབ་ཏུ་འབྱིན་པ་ཇི་ལྟ་བ་བཞིན་དུ་བསྙེན་པར་རྫོགས་པར་བྱེད་པ་དང༌། གནས་སྦྱིན་པར་བྱེད་པ་དང༌། འཁོར་སྡུད་པར་བྱེད་པ་ཡང་དེ་བཞིན་དུ་རིག་པར་བྱ་སྟེ།

gal te rab tu 'byung ba'i phyir gsol ba 'debs pa zhig 'ongs na/ dus kyi skyon dang dus tha ma'i skyon gyi rjes su 'brang zhing rab tu 'byin par mi byed na ni kha na ma tho ba med do/ /gal te snying brtse ba'i sems nye bar gzhag ste rab tu 'byin par byed na yang kha na ma tho ba med do/ /rab tu 'byin pa ji lta ba bzhin du bsnyen par rdzogs par byed pa dang/ gnas sbyin par byed pa dang/ 'khor sdud par byed pa yang de bzhin du rig par bya ste/

【K2 結】

རྣམ་པ་དེ་དག་གིས་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕུང་པོ་དེ་གསུམ་ཡོངས་སུ་རྫོགས་པར་རིག་པར་བྱའོ། །

rnam pa de dag gis byang chub sems dpa'i tshul khrims kyi phung po de gsum yongs su rdzogs par rig par bya'o/ /

【G2 總決擇施等六品】【H1 牒前廣說】

དེ་ལ་སྦྱིན་པ་ལ་སོགས་པ་རྒྱ་ཆེར་བསྟན་པ་རྣམས་ཀྱི་མདོར་བསྡུ་བ་བསྟན་པར་བྱ་སྟེ།

de la sbyin pa la sogs pa rgya cher bstan pa rnams kyi mdor bsdu ba bstan par bya ste/

【H2 正辨】【I1 約五德通六度】

དེ་ལ་བྱང་ཆུབ་སེམས་དཔའ་རྣམས་ཀྱི་སྦྱིན་པ་ནི་མདོར་བསྡུ་ན་ཡོན་ཏན་ལྔ་དང་ལྡན་ན་སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོ་སྟེ། ལྔ་གང་ཞེ་ན། འདི་ལྟ་སྟེ། ཆགས་པ་མེད་པ་ཉིད་དང༌། མི་ལྟ་བ་ཉིད་དང༌། ཁ་ན་མ་ཐོ་བ་མེད་པ་ཉིད་དང༌། རྣམ་པར་རྟོག་པ་མེད་པ་ཉིད་དང༌། ཡོངས་སུ་བསྔོ་བ་ཉིད་ཀྱིས་སོ། །སྦྱིན་པ་ལ་ཇི་ལྟ་བ་བཞིན་དུ་ཚུལ་ཁྲིམས་ལ་སོགས་པ་ལ་ཡང་དེ་བཞིན་དུ་རིག་པར་བྱའོ༑ །དེ་ལ་ཆགས་པ་མེད་པ་ཉིད་ནི་སྦྱིན་པ་ལ་སོགས་པའི་གགས་སུ་གྱུར་པའི་ཆོས་རྣམ་པ་ཐམས་ཅད་ལ་ཆགས་པ་མེད་པ་གང་ཡིན་པའོ། །དེ་ལ་མི་ལྟ་བ་ཉིད་ནི་ཟང་ཟིང་དང་དེའི་འབྲས་བུ་ལ་སེམས་འབྲེལ་པ་མེད་པ་གང་ཡིན་པའོ། །དེ་ལ་ཁ་ན་མ་ཐོ་བ་མེད་པ་ཉིད་ནི་སྦྱིན་པ་ལ་སོགས་པའི་ཉེ་བའི་ཉོན་མོངས་པ་རྣམ་པ་ཐམས་ཅད་རྣམ་པར་སྤངས་པ་ཉིད་གང་ཡིན་པའོ། །དེ་ལ་རྣམ་པར་རྟོག་པ་མེད་པ་ཉིད་ནི་སྦྱིན་པ་ལ་སོགས་པ་ལ་ཀུན་བརྟགས་པའི་ངོ་བོ་ཉིད་དུ་མི་ལྟ་བ་གང་ཡིན་པའོ། །དེ་ལ་ཡོངས་སུ་བསྔོ་བ་ཉིད་ནི་སྦྱིན་པ་ལ་སོགས་པ་ཐམས་ཅད་ཀྱི་འབྲས་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་སྨོན་ལམ་འདེབས་པ་གང་ཡིན་པའོ། །དེ་ལ་དེ་ལྟར་བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་ཡོན་ཏན་རྣམ་པ་ལྔས་ཡོངས་སུ་ཟིན་པ་དེ་དག་ནི་བྱང་ཆུབ་སེམས་དཔའི་སྦྱིན་པ་ཞེས་ཀྱང་བྱ། བྱང་ཆུབ་སེམས་དཔའི་ཤེས་རབ་ཀྱི་བར་ཞེས་ཀྱང་བྱའོ། །ཐམས་ཅད་ཀྱི་སྦྱིན་པ་ཞེས་ཀྱང་བྱ། ཤེས་རབ་ཐམས་ཅད་ཀྱི་བར་ཞེས་ཀྱང་བྱའོ། །དཀའ་བ་སྦྱིན་པ་ཞེས་ཀྱང་བྱ། དཀའ་བའི་ཤེས་རབ་ཀྱི་བར་ཞེས་ཀྱང་བྱ་སྟེ། རྒྱས་པར་སའི་དངོས་གཞིར་བསྟན་པའི་སྡོམ་གྱི་ཚིགས་སུ་བཅད་པ་ཐམས་ཅད་རྗེས་སུ་རྟོགས་པར་བྱའོ། །

de la byang chub sems dpa' rnams kyi sbyin pa ni mdor bsdu na yon tan lnga dang ldan na sbyin pa'i pha rol tu phyin pa zhes bya ba'i grangs su 'gro ste/ lnga gang zhe na/ 'di lta ste/ chags pa med pa nyid dang/ mi lta ba nyid dang/ kha na ma tho ba med pa nyid dang/ rnam par rtog pa med pa nyid dang/ yongs su bsngo ba nyid kyis so/ /sbyin pa la ji lta ba bzhin du tshul khrims la sogs pa la yang de bzhin du rig par bya'o| /de la chags pa med pa nyid ni sbyin pa la sogs pa'i gags su gyur pa'i chos rnam pa thams cad la chags pa med pa gang yin pa'o/ /de la mi lta ba nyid ni zang zing dang de'i 'bras bu la sems 'brel pa med pa gang yin pa'o/ /de la kha na ma tho ba med pa nyid ni sbyin pa la sogs pa'i nye ba'i nyon mongs pa rnam pa thams cad rnam par spangs pa nyid gang yin pa'o/ /de la rnam par rtog pa med pa nyid ni sbyin pa la sogs pa la kun brtags pa'i ngo bo nyid du mi lta ba gang yin pa'o/ /de la yongs su bsngo ba nyid ni sbyin pa la sogs pa thams cad kyi 'bras bu bla na med pa yang dag par rdzogs pa'i byang chub 'thob par smon lam 'debs pa gang yin pa'o/ /de la de ltar byang chub sems dpa' rnams kyi pha rol tu phyin pa yon tan rnam pa lngas yongs su zin pa de dag ni byang chub sems dpa'i sbyin pa zhes kyang bya/ byang chub sems dpa'i shes rab kyi bar zhes kyang bya'o/ /thams cad kyi sbyin pa zhes kyang bya/ shes rab thams cad kyi bar zhes kyang bya'o/ /dka' ba sbyin pa zhes kyang bya/ dka' ba'i shes rab kyi bar zhes kyang bya ste/ rgyas par sa'i dngos gzhir bstan pa'i sdom gyi tshigs su bcad pa thams cad rjes su rtogs par bya'o/ /

【I2 別約清淨施即六度】【J1 施度清淨】

སྦྱིན་པའི་ཕ་རོལ་ཏུ་ཕྱིན་པའི་ཉེ་བའི་ཉོན་མོངས་པ་ནང་དང་ཕྱི་རོལ་ལ་བརྟེན་པ་རྣམ་པ་བཅུ་ཡོད་དེ། དེ་དག་གི་གཉེན་པོར་བྱང་ཆུབ་སེམས་དཔའི་སར་སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པ་རྣམ་པ་བཅུ་བསྟན་པ་རྣམས་གཅིག་ལས་འཕྲོས་པའི་གོ་རིམས་བཞིན་དུ་རིག་པར་བྱའོ། །དེ་ལ་ཕྱི་རོལ་ལ་བརྟེན་པའི་ཉེ་བའི་ཉོན་མོངས་པ་ནི་རྣམ་པ་ལྔ་སྟེ། ཡོངས་སུ་ཉོན་མོངས་པ་དང༌། སྤོངས་པ་དང༌། བྱམས་པས་ཞེན་པ་མེད་པ་དང༌། ཡིད་ལ་བསམ་པ་ཡོངས་སུ་རྫོགས་པ་དང༌། ཡོངས་སུ་མ་སྨིན་པའོ། །ནང་ལ་བརྟེན་པའི་ཉེ་བའི་ཉོན་མོངས་པ་ཡང་རྣམ་པ་ལྔ་སྟེ། ངེས་པར་འབྱིན་པ་མ་ཡིན་པ་ཉིད་དང༌། ཀུན་ནས་ཉོན་མོངས་པ་ཅན་ཉིད་དང༌། སྟོབས་དང་མི་ལྡན་པ་ཉིད་དང༌། ཕྱོགས་སུ་ལྷུང་བ་དང་བཅས་པ་ཉིད་དང༌། ཟད་པའི་ཆོས་ཅན་ཉིད་དོ། །

sbyin pa'i pha rol tu phyin pa'i nye ba'i nyon mongs pa nang dang phyi rol la brten pa rnam pa bcu yod de/ de dag gi gnyen por byang chub sems dpa'i sar sbyin pa'i pha rol tu phyin pa rnam par dag pa rnam pa bcu bstan pa rnams gcig las 'phros pa'i go rims bzhin du rig par bya'o/ /de la phyi rol la brten pa'i nye ba'i nyon mongs pa ni rnam pa lnga ste/ yongs su nyon mongs pa dang/ spongs pa dang/ byams pas zhen pa med pa dang/ yid la bsam pa yongs su rdzogs pa dang/ yongs su ma smin pa'o/ /nang la brten pa'i nye ba'i nyon mongs pa yang rnam pa lnga ste/ nges par 'byin pa ma yin pa nyid dang/ kun nas nyon mongs pa can nyid dang/ stobs dang mi ldan pa nyid dang/ phyogs su lhung ba dang bcas pa nyid dang/ zad pa'i chos can nyid do/ /

【J2 戒度清淨】

ཚུལ་ཁྲིམས་ཀྱི་ལེའུར་ཚུལ་ཁྲིམས་རྣམ་པར་དག་པ་རྣམ་པ་བཅུ་བསྟན་པ་ལ། རྣམ་པ་གཅིག་གིས་ནི་བསམ་པ་རྣམ་པར་དག་པ་བསྟན་ཏོ། །ལྷག་མ་རྣམས་ཀྱིས་ནི་སྦྱོར་བ་རྣམ་པར་དག་པ་བསྟན་པར་རིག་པར་བྱའོ༑ །དེ་ལ་སྦྱོར་བ་ནི་རྣམ་པ་ལྔ་སྟེ། རྒྱུན་མི་འཆད་པའི་སྦྱོར་བ་དང༌། ཡོངས་སུ་སྦྱོང་བའི་སྦྱོར་བ་དང༌། ཡོངས་སུ་བསྔོ་བའི་སྦྱོར་བ་དང༌། གྲོགས་ཀྱི་སྦྱོར་བ་དང༌། བསྲུང་བའི་སྦྱོར་བའོ། །དེ་ཡང་རྣམ་པ་གཉིས་པ་དང༌། གསུམ་པ་གཉིས་ཀྱིས་ནི་སྦྱོར་བ་དང་པོ་བསྟན་ཏོ། །བཞི་པས་ནི་གཉིས་པའོ། །ལྔ་པས་ནི་གསུམ་པའོ། །དྲུག་པ་དང༌། བདུན་པ་དང༌། བརྒྱད་པ་དང༌། དགུ་པ་རྣམས་ཀྱིས་ནི་བཞི་པའོ། །བཅུ་པས་ནི་སྦྱོར་བ་ལྔ་པ་བསྟན་པར་རིག་པར་བྱའོ། །

tshul khrims kyi le'ur tshul khrims rnam par dag pa rnam pa bcu bstan pa la/ rnam pa gcig gis ni bsam pa rnam par dag pa bstan to/ /lhag ma rnams kyis ni sbyor ba rnam par dag pa bstan par rig par bya'o| /de la sbyor ba ni rnam pa lnga ste/ rgyun mi 'chad pa'i sbyor ba dang/ yongs su sbyong ba'i sbyor ba dang/ yongs su bsngo ba'i sbyor ba dang/ grogs kyi sbyor ba dang/ bsrung ba'i sbyor ba'o/ /de yang rnam pa gnyis pa dang/ gsum pa gnyis kyis ni sbyor ba dang po bstan to/ /bzhi pas ni gnyis pa'o/ /lnga pas ni gsum pa'o/ /drug pa dang/ bdun pa dang/ brgyad pa dang/ dgu pa rnams kyis ni bzhi pa'o/ /bcu pas ni sbyor ba lnga pa bstan par rig par bya'o/ /

【J3 忍度清淨】

བཟོད་པ་རྣམ་པར་དག་པའི་རྣམ་པ་བཅུ་ལ་རྣམ་པར་དག་པ་རྣམ་པ་གཉིས་སུ་རིག་པར་བྱ་སྟེ། སོ་སོར་རྟོག་པའི་སྟོབས་ཀྱིས་རྣམ་པར་དག་པ་ནི་དགུས་བསྟན་ཏོ། །བསྒོམས་པའི་སྟོབས་ཀྱིས་རྣམ་པར་དག་པ་ནི་བཅུ་པས་བསྟན་ཏོ། །སོ་སོར་རྟོག་པའི་སྟོབས་ཀྱིས་རྣམ་པར་དག་པ་དེ་ཡང་རྣམ་པ་བཞིར་རིག་པར་བྱ་སྟེ། ཁ་ན་མ་ཐོ་བ་སྐྱེ་བ་ཡོངས་སུ་སྤོང་བས་རྣམ་པར་དག་པ་དང༌། དེ་ཀུན་དུ་མི་སྤྱོད་པས་རྣམ་པར་དག་པ་དང༌། ཁ་ན་མ་ཐོ་བ་མེད་པ་སྐྱེ་བས་རྣམ་པར་དག་པ་དང༌། དེའི་རྒྱུ་ཡོངས་སུ་མི་སྤོང་བས་རྣམ་པར་དག་པ་སྟེ༑ རྣམ་པ་གཅིག་དང༌། གཉིས་དང༌། གསུམ་དང༌། གོ་རིམས་བཞིན་ནོ། །མི་བཟོད་པའི་རྒྱུ་ནི་རྣམ་པ་གསུམ་དུ་རིག་པར་བྱ་སྟེ། ངོ་ཚ་བ་མེད་པ་དང༌། ཁྲེལ་མེད་པ་དང༌། སྙིང་རྗེས་མེད་པའོ། །

bzod pa rnam par dag pa'i rnam pa bcu la rnam par dag pa rnam pa gnyis su rig par bya ste/ so sor rtog pa'i stobs kyis rnam par dag pa ni dgus bstan to/ /bsgoms pa'i stobs kyis rnam par dag pa ni bcu pas bstan to/ /so sor rtog pa'i stobs kyis rnam par dag pa de yang rnam pa bzhir rig par bya ste/ kha na ma tho ba skye ba yongs su spong bas rnam par dag pa dang/ de kun du mi spyod pas rnam par dag pa dang/ kha na ma tho ba med pa skye bas rnam par dag pa dang/ de'i rgyu yongs su mi spong bas rnam par dag pa ste| rnam pa gcig dang/ gnyis dang/ gsum dang/ go rims bzhin no/ /mi bzod pa'i rgyu ni rnam pa gsum du rig par bya ste/ ngo tsha ba med pa dang/ khrel med pa dang/ snying rjes med pa'o/ /

【J4 精進度清淨】

བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ཡང་རྣམ་པ་བཅུས་རྣམ་པར་དག་པར་རིག་པར་བྱ་སྟེ། རྣམ་པར་སྦྱོར་བས་རྣམ་པར་དག་པ་དང༌། ཡོངས་སུ་འདྲིས་པས་རྣམ་པར་དག་པ་དང༌། རྩོམ་པས་རྣམ་པར་དག་པ་དང༌། ཐབས་ཀྱིས་རྣམ་པར་དག་པ་དང༌། དུས་འབྲས་བུ་ཡོད་པར་གནས་པས་རྣམ་པར་དག་པ་དང༌། ཚེགས་མེད་པར་གནས་པས་རྣམ་པར་དག་པ་དང༌། ངེས་པར་འབྱུང་བས་རྣམ་པར་དག་པ་དང༌། གྲོགས་ཀྱིས་ཡོངས་སུ་ཟིན་པས་རྣམ་པར་དག་པ་དང༌། མངོན་པར་ཤེས་པ་མྱུར་བ་ཉིད་ཀྱིས་རྣམ་པར་དག་པ་དང༌། མི་ཟད་པ་ཉིད་ཀྱིས་རྣམ་པར་དག་པའོ། །

brtson 'grus kyi pha rol tu phyin pa rnam par dag pa yang rnam pa bcus rnam par dag par rig par bya ste/ rnam par sbyor bas rnam par dag pa dang/ yongs su 'dris pas rnam par dag pa dang/ rtsom pas rnam par dag pa dang/ thabs kyis rnam par dag pa dang/ dus 'bras bu yod par gnas pas rnam par dag pa dang/ tshegs med par gnas pas rnam par dag pa dang/ nges par 'byung bas rnam par dag pa dang/ grogs kyis yongs su zin pas rnam par dag pa dang/ mngon par shes pa myur ba nyid kyis rnam par dag pa dang/ mi zad pa nyid kyis rnam par dag pa'o/ /

【J5 靜慮度清淨】

བསམ་གཏན་གྱི་ཕ་རོལ་ཏུ་ཕྱིན་པ་ཡང་རྣམ་པར་དག་པ་རྣམ་པ་བཅུས་རྣམ་པར་དག་པ་ཡིན་ཏེ། དག་པ་དེ་ཉིད་ཀྱིས་རྣམ་པར་དག་པ་དང༌། ཟག་པ་མེད་པས་རྣམ་པར་དག་པ་དང༌། དངོས་གཞིའི་ཐབས་ཀྱིས་རྣམ་པར་དག་པ་དང༌། དངོས་གཞི་ཐོབ་པས་རྣམ་པར་དག་པ་དང༌། དབང་གི་ཐབས་ཀྱིས་རྣམ་པར་དག་པ་དང༌། གནས་པ་ལ་དབང་བས་རྣམ་པར་དག་པ་དང༌། མངོན་པར་ཤེས་པ་བསྒྲུབ་པ་ལ་དབང་བས་རྣམ་པར་དག་པ་དང༌། སེམས་ཅན་ཡོངས་སུ་སྨིན་པར་བྱ་བ་ལ་དབང་བས་རྣམ་པར་དག་པ་དང༌། མུ་སྟེགས་ཅན་ཚར་གཅད་པ་ལ་དབང་བས་རྣམ་པར་དག་པ་དང༌། འབྲལ་བ་བླ་ན་མེད་པས་རྣམ་པར་དག་པའོ། །

bsam gtan gyi pha rol tu phyin pa yang rnam par dag pa rnam pa bcus rnam par dag pa yin te/ dag pa de nyid kyis rnam par dag pa dang/ zag pa med pas rnam par dag pa dang/ dngos gzhi'i thabs kyis rnam par dag pa dang/ dngos gzhi thob pas rnam par dag pa dang/ dbang gi thabs kyis rnam par dag pa dang/ gnas pa la dbang bas rnam par dag pa dang/ mngon par shes pa bsgrub pa la dbang bas rnam par dag pa dang/ sems can yongs su smin par bya ba la dbang bas rnam par dag pa dang/ mu stegs can tshar gcad pa la dbang bas rnam par dag pa dang/ 'bral ba bla na med pas rnam par dag pa'o/ /

【J6 慧度清淨】

ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ནི་རྣམ་པ་ལྔ་སྟེ། མཚན་ཉིད་རྟོགས་པས་རྣམ་པར་དག་པ་དང༌། རྟེན་ཅིང་འབྲེལ་པར་འབྱུང་བ་རྟོགས་པས་རྣམ་པར་དག་པ་དང༌། ལུང་འབོགས་པ་རྟོགས་པས་རྣམ་པར་དག་པ་དང༌། སྐྱེས་བུའི་བྱེད་པ་རྟོགས་པས་རྣམ་པར་དག་པ་དང༌། འཐོབ་པ་རྟོགས་པས་རྣམ་པར་དག་པའོ། །

shes rab kyi pha rol tu phyin pa rnam par dag pa ni rnam pa lnga ste/ mtshan nyid rtogs pas rnam par dag pa dang/ rten cing 'brel par 'byung ba rtogs pas rnam par dag pa dang/ lung 'bogs pa rtogs pas rnam par dag pa dang/ skyes bu'i byed pa rtogs pas rnam par dag pa dang/ 'thob pa rtogs pas rnam par dag pa'o/ /

【F10 決擇菩提分品】【G1 辨三十七品能治】【H1 明四念住】

བྱང་ཆུབ་སེམས་དཔའ་ཇི་ལྟར་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཤེ་ན། སྨྲས་པ། མཚན་མའི་ལུས་ལ་དེ་བཞིན་ཉིད་ཀྱི་ལུས་ཀྱི་རྗེས་སུ་ལྟ་ཞིང་གནས་སོ། །ལུས་ལ་ཇི་ལྟ་བ་དེ་བཞིན་དུ། ཚོར་བ་དང༌། སེམས་དང༌། ཆོས་རྣམས་ལ་ཡང་ཅི་རིགས་པར་རིག་པར་བྱའོ། །བྱང་ཆུབ་སེམས་དཔའ་སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་སྐྱེད་པར་བྱེད་དོ་ཞེས་རྒྱས་པར་བྱ་བ་དེ་དག་གང་ཞེ་ན། སྨྲས་པ། དེ་དེ་ལྟར་དེ་བཞིན་ཉིད་ཀྱི་དམིགས་པ་ལ་ཉེ་བར་གནས་པའི་སེམས་ལ་མཚན་མ་དང༌། གནས་ངན་ལེན་མི་སྣང་བར་གྱུར་པ་ཐམས་ཅད་དང༌། ནང་དུ་ཡང་དག་པར་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་སྐྱེད་པར་བྱེད་དོ་ཞེས་རྒྱས་པར་བྱའོ། །མ་སྐྱེས་པ་རྣམས་མི་བསྐྱེད་པའི་ཕྱིར་ཇི་ལྟ་བ་བཞིན་དུ་སྐྱེས་པ་སྣང་བར་གྱུར་པ་རྣམས་དང༌། ནང་དུ་ཡང་དག་པར་སྐྱེས་པ་རྣམས་སྤང་བར་བྱ་བའི་ཕྱིར་དང༌། དེའི་གཉེན་པོ་དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་དང༌། སྐྱེས་པ་རྣམས་གནས་པར་བྱ་བའི་ཕྱིར་འདུན་པ་སྐྱེད་པར་བྱེད་དོ་ཞེས་རྒྱས་པར་བྱ་བ་ཡང་དེ་བཞིན་དུ་རིག་པར་བྱའོ། །

byang chub sems dpa' ji ltar lus la lus kyi rjes su lta zhing gnas she na/ smras pa/ mtshan ma'i lus la de bzhin nyid kyi lus kyi rjes su lta zhing gnas so/ /lus la ji lta ba de bzhin du/ tshor ba dang/ sems dang/ chos rnams la yang ci rigs par rig par bya'o/ /byang chub sems dpa' sdig pa mi dge ba'i chos ma skyes pa rnams mi bskyed pa'i phyir 'dun pa skyed par byed do zhes rgyas par bya ba de dag gang zhe na/ smras pa/ de de ltar de bzhin nyid kyi dmigs pa la nye bar gnas pa'i sems la mtshan ma dang/ gnas ngan len mi snang bar gyur pa thams cad dang/ nang du yang dag par ma skyes pa rnams mi bskyed pa'i phyir 'dun pa skyed par byed do zhes rgyas par bya'o/ /ma skyes pa rnams mi bskyed pa'i phyir ji lta ba bzhin du skyes pa snang bar gyur pa rnams dang/ nang du yang dag par skyes pa rnams spang bar bya ba'i phyir dang/ de'i gnyen po dge ba'i chos ma skyes pa rnams bskyed pa'i phyir dang/ skyes pa rnams gnas par bya ba'i phyir 'dun pa skyed par byed do zhes rgyas par bya ba yang de bzhin du rig par bya'o/ /

【H2 辨次第】

དེ་ལ་དང་པོར་དྲན་པ་ཉེ་བར་གཞག་པ་དག་ལ་ནི་དམིགས་པ་ལ་སེམས་ཉེ་བར་གཏོད་པར་རིག་པར་བྱའོ། །དེའི་འོག་ཏུ་དམིགས་པ་དེ་ཉིད་ལ་སེམས་གནས་པར་བྱ་བའི་ཕྱིར་ཡང་དག་པའི་སྤོང་བ་རྣམས་ཀྱིས་རྩོལ་བར་རིག་པར་བྱའོ། །དེའི་འོག་ཏུ་ཏིང་ངེ་འཛིན་ཐོབ་པའི་ཏིང་ངེ་འཛིན་ཡོངས་སུ་རྫོགས་པར་བྱ་བའི་ཕྱིར་རྫུ་འཕྲུལ་གྱི་རྐང་པ་ལ་སྦྱོར་བར་རིག་པར་བྱའོ། །དེའི་འོག་ཏུ་ཏིང་ངེ་འཛིན་ཡོངས་སུ་རྫོགས་པའི་མཚན་མ་དང་གནས་ངན་ལེན་ཐམས་ཅད་དང་བྲལ་བར་བྱ་བའི་ཕྱིར་དབང་པོ་རྣམས་དང༌། སྟོབས་རྣམས་ཀྱིས་ལམ་ཡང་དག་པར་རྩོམ་པར་རིག་པར་བྱ་སྟེ། དེ་ལ་དབང་པོ་རྣམས་ཀྱིས་ནི་སྦྱོར་བའི་ལམ་ཆུང་ངུ་ཡང་དག་པར་རྩོམ་པར་རིག་པར་བྱེད་དོ། །སྟོབས་རྣམས་ཀྱིས་ནི་ཆེན་པོའོ། །དེའི་འོག་ཏུ་སྦྱོར་བ་ཡང་དག་པར་བརྩམས་པའི་བྱང་ཆུབ་ཀྱི་ཡན་ལག་རྣམས་ཀྱིས་ཡང་དག་པའི་མཐའ་རྟོགས་པར་བྱེད་པར་རིག་པར་བྱའོ། །དེའི་འོག་ཏུ་ཡང་དག་པའི་མཐའ་རྟོགས་པས་འདི་ལྟ་སྟེ། སྒྲིབ་པ་ཐམས་ཅད་ལས་རྣམ་པར་ཐར་བར་བྱ་བའི་ཕྱིར་ལམ་གྱི་ཡན་ལག་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་རྗེས་སུ་འཐོབ་པར་རིག་པར་བྱའོ། །

de la dang por dran pa nye bar gzhag pa dag la ni dmigs pa la sems nye bar gtod par rig par bya'o/ /de'i 'og tu dmigs pa de nyid la sems gnas par bya ba'i phyir yang dag pa'i spong ba rnams kyis rtsol bar rig par bya'o/ /de'i 'og tu ting nge 'dzin thob pa'i ting nge 'dzin yongs su rdzogs par bya ba'i phyir rdzu 'phrul gyi rkang pa la sbyor bar rig par bya'o/ /de'i 'og tu ting nge 'dzin yongs su rdzogs pa'i mtshan ma dang gnas ngan len thams cad dang bral bar bya ba'i phyir dbang po rnams dang/ stobs rnams kyis lam yang dag par rtsom par rig par bya ste/ de la dbang po rnams kyis ni sbyor ba'i lam chung ngu yang dag par rtsom par rig par byed do/ /stobs rnams kyis ni chen po'o/ /de'i 'og tu sbyor ba yang dag par brtsams pa'i byang chub kyi yan lag rnams kyis yang dag pa'i mtha' rtogs par byed par rig par bya'o/ /de'i 'og tu yang dag pa'i mtha' rtogs pas 'di lta ste/ sgrib pa thams cad las rnam par thar bar bya ba'i phyir lam gyi yan lag rnams kyis bla na med pa yang dag par rdzogs pa'i byang chub kyi bar du rjes su 'thob par rig par bya'o/ /

【G2 辨所治十四種縛】

མཚན་མ་དང་གནས་ངན་ལེན་གྱི་འཆིང་བ་ནི་རྣམ་པ་བཅུ་བཞིར་རིག་པར་བྱ་སྟེ།དབང་པོའི་འཆིང་བ་དང༌། ཡུལ་གྱི་འཆིང་བ་དང༌། སེམས་ཅན་གཅིག་ལ་གཅིག་ཆགས་པའི་འཆིང་བ་དང༌། གནས་ཀྱི་འཆིང་བ་དང༌། ཤེས་པ་མི་ཤེས་པའི་འཆིང་བ་དང༌། ཤེས་བྱ་མི་ཤེས་པའི་འཆིང་བ་དང༌། ཡང་འབྱུང་བ་ལ་སྲེད་པའི་འཆིང་བ་དང༌། འཇིག་པ་ལ་སྲེད་པའི་འཆིང་བ་དང༌། རྒྱུ་མི་མཐུན་པ་དང༌། རྒྱུ་མེད་པ་ལ་མངོན་པར་ཞེན་པའི་འཆིང་བ་དང༌། ཐོབ་པར་མངོན་པའི་ང་རྒྱལ་གྱི་འཆིང་བ་དང༌། ཀུན་བརྟགས་པའི་ངོ་བོ་ཉིད་ལ་མངོན་པར་ཞེན་པའི་འཆིང་བ་དང༌། གང་ཟག་གི་ངོ་བོ་ཉིད་ལ་མངོན་པར་ཞེན་པའི་འཆིང་བ་དང༌། གང་ཟག་ཡོངས་སུ་ཤེས་པར་མངོན་པའི་ང་རྒྱལ་གྱི་འཆིང་བ་དང༌། ཆོས་ཡོངས་སུ་ཤེས་པར་མངོན་པའི་ང་རྒྱལ་གྱི་འཆིང་བའོ། །

mtshan ma dang gnas ngan len gyi 'ching ba ni rnam pa bcu bzhir rig par bya ste/dbang po'i 'ching ba dang/ yul gyi 'ching ba dang/ sems can gcig la gcig chags pa'i 'ching ba dang/ gnas kyi 'ching ba dang/ shes pa mi shes pa'i 'ching ba dang/ shes bya mi shes pa'i 'ching ba dang/ yang 'byung ba la sred pa'i 'ching ba dang/ 'jig pa la sred pa'i 'ching ba dang/ rgyu mi mthun pa dang/ rgyu med pa la mngon par zhen pa'i 'ching ba dang/ thob par mngon pa'i nga rgyal gyi 'ching ba dang/ kun brtags pa'i ngo bo nyid la mngon par zhen pa'i 'ching ba dang/ gang zag gi ngo bo nyid la mngon par zhen pa'i 'ching ba dang/ gang zag yongs su shes par mngon pa'i nga rgyal gyi 'ching ba dang/ chos yongs su shes par mngon pa'i nga rgyal gyi 'ching ba'o/ /

【G3 辨依定修觀解脫想縛】【H1 辨解脫想縛】

དེ་ལ་གནས་ནི་འདི་ཡིན་ཏེ། སྣོད་ཀྱི་འཇིག་རྟེན་གང་ཡིན་པ་སྟེ། དེ་ལ་བརྟེན་ནས་དབང་པོ་རྣམས་འབྱུང་བར་འགྱུར་བའི་ཕྱིར་རོ། །སྟོང་པ་ཉིད་ལ་བརྟེན་ནས་དྲན་པ་ཉེ་བར་གཞག་པ་བསྒོམ་པ་ལ་བརྩོན་པའི་བྱང་ཆུབ་སེམས་དཔའ་ནི་མདོར་བསྡུ་ན་འདུ་ཤེས་ཀྱི་འཆིང་བ་རྣམ་པ་དྲུག་ལས་སེམས་རྣམ་པར་གྲོལ་བར་བྱ་སྟེ། འདུ་ཤེས་ཀྱི་འཆིང་བ་རྣམ་པ་དྲུག་གང་ཞེ་ན། ལུས་དང་ཆོས་རྣམས་ཀྱི་བར་ལ་ནང་དུ་འདུ་ཤེས་པ་གང་ཡིན་པ་དེ་ནི་འདུ་ཤེས་ཀྱི་འཆིང་བ་དང་པོའོ། །དེ་དག་ཉིད་ལ་ཕྱི་རོལ་དུ་འདུ་ཤེས་པ་གང་ཡིན་པ་དེ་ནི་གཉིས་པའོ། །དེ་དག་ཉིད་ལ་ནང་དང་ཕྱི་རོལ་དུ་འདུ་ཤེས་པ་གང་ཡིན་པ་དེ་ནི་གསུམ་པའོ། །ཕྱོགས་བཅུའི་སེམས་ཅན་གྱི་ཁམས་གྲངས་མེད་དཔག་ཏུ་མེད་པ་དེ་དག་རྣམ་པར་ཐར་བར་བྱ་བའི་ཕྱིར་སྨོན་ལམ་བཏབ་ནས་དྲན་པ་ཉེ་བར་གཞག་པ་དག་སྒོམ་པར་བྱེད་པ་དེ་ལ་འདུ་ཤེས་པ་གང་ཡིན་པ་དེ་ནི་བཞི་པའོ། །གང་གི་ལུས་ལ་སོགས་པ་ལ་རྗེས་སུ་ལྟ་ཞིང་གནས་པ་དེ་ལ་འདུ་ཤེས་པ་གང་ཡིན་པ་དེ་ནི་ལྔ་པའོ། །ལུས་ལ་སོགས་པ་དེ་དག་ཉིད་ལ་རྣམ་པར་ལྟ་ཞིང་གནས་པ་དེ་ལ་འདུ་ཤེས་པ་གང་ཡིན་པ་དེ་ནི་འདུ་ཤེས་ཀྱི་འཆིང་བ་དྲུག་པ་ཡིན་ནོ། །

de la gnas ni 'di yin te/ snod kyi 'jig rten gang yin pa ste/ de la brten nas dbang po rnams 'byung bar 'gyur ba'i phyir ro/ /stong pa nyid la brten nas dran pa nye bar gzhag pa bsgom pa la brtson pa'i byang chub sems dpa' ni mdor bsdu na 'du shes kyi 'ching ba rnam pa drug las sems rnam par grol bar bya ste/ 'du shes kyi 'ching ba rnam pa drug gang zhe na/ lus dang chos rnams kyi bar la nang du 'du shes pa gang yin pa de ni 'du shes kyi 'ching ba dang po'o/ /de dag nyid la phyi rol du 'du shes pa gang yin pa de ni gnyis pa'o/ /de dag nyid la nang dang phyi rol du 'du shes pa gang yin pa de ni gsum pa'o/ /phyogs bcu'i sems can gyi khams grangs med dpag tu med pa de dag rnam par thar bar bya ba'i phyir smon lam btab nas dran pa nye bar gzhag pa dag sgom par byed pa de la 'du shes pa gang yin pa de ni bzhi pa'o/ /gang gi lus la sogs pa la rjes su lta zhing gnas pa de la 'du shes pa gang yin pa de ni lnga pa'o/ /lus la sogs pa de dag nyid la rnam par lta zhing gnas pa de la 'du shes pa gang yin pa de ni 'du shes kyi 'ching ba drug pa yin no/ /

【H2 辨解脫十一後後想縛】

དེ་ལ་ལྟ་བའི་གོང་ནས་གོང་དུ་འདུ་ཤེས་ཀྱི་འཆིང་བ་རྣམ་པ་བཅུ་གཅིག་ཡོད་པར་རིག་པར་བྱ་སྟེ། གོང་ནས་གོང་དུ་འདུ་ཤེས་ཀྱི་འཆིང་བ་རྣམ་པ་བཅུ་གཅིག་གང་ཞེ་ན། ལུས་ལ་སོགས་པ་ལ་ལུས་ལ་སོགས་པར་རྗེས་སུ་ལྟ་ཞིང་གནས་པའི་ཀུན་ནས་ཉོན་མོངས་པ་དང༌། རྣམ་པར་བྱང་བའི་བདེན་པ་ལ་དོན་གྱི་མཆོག་ཏུ་འདུ་ཤེས་པ་གང་ཡིན་པ་དེ་ནི་དང་པོའོ༑ །ཀུན་ནས་ཉོན་མོངས་པའི་དོན་གྱི་མཆོག་དེ་ཉིད་ལ་བྱས་པར་འདུ་ཤེས་པ་གང་ཡིན་པ་དེ་ནི་གཉིས་པའོ། །རྣམ་པར་བྱད་བ་པའི་དོན་གྱི་མཆོགདེ་ཉིད་ལ་མ་བྱས་པར་འདུ་ཤེས་པ་གང་ཡིན་པ་དེ་ནི་གསུམ་པའོ། །མ་བྱས་པའི་དོན་གྱི་མཆོག་དེ་ཉིད་ལ་རྟག་པར་འདུ་ཤེས་པ་གང་ཡིན་པ་དེ་ནི་བཞི་པའོ། །ཀུན་ནས་ཉོན་མོངས་པ་བྱས་པ་ལ་རྒྱུན་དུ་འཇུག་པར་འདུ་ཤེས་པ་གང་ཡིན་པ་དེ་ནི་ལྔ་པའོ། །རྟག་པ་ཉིད་ལ་འགྱུར་བ་མེད་པར་འདུ་ཤེས་པ་གང་ཡིན་པ་དེ་ནི་དྲུག་པའོ། །རྒྱུན་དུ་འཇུག་པ་དེ་ཉིད་ལ་སྡུག་བསྔལ་དང་འགྱུར་བ་དང་བཅས་པས་སྡུག་བསྔལ་གྱི་རང་བཞིན་ཅན་དུ་འདུ་ཤེས་པ་གང་ཡིན་པ་དེ་ནི་བདུན་པའོ། །དེ་ཉིད་ལ་སྐྱེ་བ་དང༌། འཇིག་པ་དང༌། གནས་པ་དང༌། གཞན་དུ་འགྱུར་བ་ཉིད་ཀྱིས་རང་གི་མཚན་ཉིད་ཀྱིས་འགྱུར་བ་དང་བཅས་པ་ཉིད་ཀྱིས་དེའི་རང་གི་མཚན་ཉིད་དུ་འདུ་ཤེས་པ་གང་ཡིན་པ་དེ་ནི་བརྒྱད་པའོ། །འགྱུར་བ་མེད་པ་དང་འགྱུར་བ་དང་བཅས་པའི་དོན་གྱི་མཆོག་དེ་ཉིད་ལ་ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་ཐམས་ཅད་འདུས་པར་འདུ་ཤེས་པ་གང་ཡིན་པ་དེ་ནི་དགུ་པའོ། །ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་དེ་དག་ཐམས་ཅད་ལས་ཀུན་ནས་ཉོན་མོངས་པ་དང་རྣམ་པར་བྱང་བའི་བདག་ཉིད་མེད་པར་འདུ་ཤེས་པ་གང་ཡིན་པ་དེ་ནི་བཅུ་པའོ། །ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་དེ་དག་ཉིད་ལ་ངོ་བོ་ཉིད་མེད་པའི་རང་གི་མཚན་ཉིད་དུ་འདུ་ཤེས་པ་གང་ཡིན་པ་དེ་ནི་བཅུ་གཅིག་པ་སྟེ། དེ་ལྟར་གོང་ནས་གོང་དུ་འདུ་ཤེས་ཀྱི་འཆིང་བའི་རྣམ་པ་དེ་དག་ཤེས་ཤིང་མཐོང་བས། དེའི་ཕྱིར་བྱང་ཆུབ་སེམས་དཔའ་སྟོང་པ་ཉིད་ལ་བརྟེན་ནས་དྲན་པ་ཉེ་བར་གཞག་པ་དག་སྒོམ་པར་བྱེད་ཅིང་སེམས་ཀྱང་རྣམ་པར་གྲོལ་བར་བྱེད་དེ། འདུ་ཤེས་ཀྱི་འཆིང་བ་དེ་ལས་རྣམ་པར་གྲོལ་ན། འདུ་ཤེས་ཀྱི་འཆིང་བ་ཐམས་ཅད་ལས་ཀྱང་རྣམ་པར་གྲོལ་བར་འགྱུར་རོ། །

de la lta ba'i gong nas gong du 'du shes kyi 'ching ba rnam pa bcu gcig yod par rig par bya ste/ gong nas gong du 'du shes kyi 'ching ba rnam pa bcu gcig gang zhe na/ lus la sogs pa la lus la sogs par rjes su lta zhing gnas pa'i kun nas nyon mongs pa dang/ rnam par byang ba'i bden pa la don gyi mchog tu 'du shes pa gang yin pa de ni dang po'o| /kun nas nyon mongs pa'i don gyi mchog de nyid la byas par 'du shes pa gang yin pa de ni gnyis pa'o/ /rnam par byad ba pa'i don gyi mchogade nyid la ma byas par 'du shes pa gang yin pa de ni gsum pa'o/ /ma byas pa'i don gyi mchog de nyid la rtag par 'du shes pa gang yin pa de ni bzhi pa'o/ /kun nas nyon mongs pa byas pa la rgyun du 'jug par 'du shes pa gang yin pa de ni lnga pa'o/ /rtag pa nyid la 'gyur ba med par 'du shes pa gang yin pa de ni drug pa'o/ /rgyun du 'jug pa de nyid la sdug bsngal dang 'gyur ba dang bcas pas sdug bsngal gyi rang bzhin can du 'du shes pa gang yin pa de ni bdun pa'o/ /de nyid la skye ba dang/ 'jig pa dang/ gnas pa dang/ gzhan du 'gyur ba nyid kyis rang gi mtshan nyid kyis 'gyur ba dang bcas pa nyid kyis de'i rang gi mtshan nyid du 'du shes pa gang yin pa de ni brgyad pa'o/ /'gyur ba med pa dang 'gyur ba dang bcas pa'i don gyi mchog de nyid la kun nas nyon mongs pa dang rnam par byang ba'i chos thams cad 'dus par 'du shes pa gang yin pa de ni dgu pa'o/ /kun nas nyon mongs pa dang rnam par byang ba'i chos de dag thams cad las kun nas nyon mongs pa dang rnam par byang ba'i bdag nyid med par 'du shes pa gang yin pa de ni bcu pa'o/ /kun nas nyon mongs pa dang rnam par byang ba'i chos de dag nyid la ngo bo nyid med pa'i rang gi mtshan nyid du 'du shes pa gang yin pa de ni bcu gcig pa ste/ de ltar gong nas gong du 'du shes kyi 'ching ba'i rnam pa de dag shes shing mthong bas/ de'i phyir byang chub sems dpa' stong pa nyid la brten nas dran pa nye bar gzhag pa dag sgom par byed cing sems kyang rnam par grol bar byed de/ 'du shes kyi 'ching ba de las rnam par grol na/ 'du shes kyi 'ching ba thams cad las kyang rnam par grol bar 'gyur ro/ /

【F11 決擇功德品】【G1 隨義難彼】【H1 破初學大乘惡取空者】【I1 舉邪執】

ཐེག་པ་ཆེན་པོ་པ་ལ་ལ་རང་གི་ཉེ་བར་བཟུང་ནས་འདི་སྐད་ཅེས་ཀུན་རྫོབ་ཏུ་ནི་ཐམས་ཅད་ཡོད་ལ། དོན་དམ་པར་ནི་ཐམས་ཅད་མེད་དོ་ཞེས་ཟེར་རོ། །

theg pa chen po pa la la rang gi nye bar bzung nas 'di skad ces kun rdzob tu ni thams cad yod la/ don dam par ni thams cad med do zhes zer ro/ /

【I2 正徵破】

དེ་ལ་འདི་སྐད་ཅེས་ཚེ་དང་ལྡན་པ་དོན་དམ་པ་ནི་གང་ཡིན། ཀུན་རྫོབ་ནི་གང་ཡིན་ཞེས་བརྗོད་པར་བྱའོ། །དེ་སྐད་ཅེས་དྲིས་པ་ན། གལ་ཏེ་དེ་འདི་སྐད་ཅེས་ཆོས་ཐམས་ཅད་ཀྱི་ངོ་བོ་ཉིད་མེད་པ་གང་ཡིན་པ་དེ་ནི་དོན་དམ་པ་ཡིན་ལ། ངོ་བོ་ཉིད་མེད་པའི་ཆོས་དེ་དག་ལ་ངོ་བོ་ཉིད་དུ་དམིགས་པ་གང་ཡིན་པ་དེ་ནི་ཀུན་རྫོབ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཡོད་པ་མ་ཡིན་པ་དག་ལ་ཀུན་རྫོབ་ཏུ་བྱེད་པ་དང༌། འདོགས་པ་དང༌། མངོན་པར་བརྗོད་པ་དང༌། ཐ་སྙད་དུ་བྱེད་པའི་ཕྱིར་རོ་ཞེས་ལན་འདེབས་པར་གྱུར་ན། དེ་ལ་འདི་སྐད་ཅེས་བརྗོད་པར་བྱའོ། །ཅི་ངོ་བོ་ཉིད་དུ་དམིགས་པ་དེ་མངོན་པར་བརྗོད་པ་དང་ཀུན་རྫོབ་ཀྱི་རྒྱུ་ལས་བྱུང་བ་ཡིན་པར་འདོད་དམ། འོན་ཏེ་མངོན་པར་བརྗོད་པ་དང༌། ཀུན་རྫོབ་ཙམ་ཞིག་ཡིན་པར་འདོད། གལ་ཏེ་མངོན་པར་བརྗོད་པ་དང༌། ཀུན་རྫོབ་ཀྱི་རྒྱུ་ལས་བྱུང་བ་ཡིན་ན་ནི་དེས་ན་མངོན་པར་བརྗོད་པ་དང༌། ཀུན་རྫོབ་ཀྱི་རྒྱུ་ལས་བྱུང་བ་ཡིན་པས་ཡོད་པ་མ་ཡིན་པ་ཞེས་བྱར་མི་རུང་ངོ༌། །གལ་ཏེ་མངོན་པར་བརྗོད་པ་དང༌། ཀུན་རྫོབ་ཙམ་ཞིག་ཡིན་ན་ནི་དེས་ན་གཞི་མེད་པར་མངོན་པར་བརྗོད་པ་དང༌། ཀུན་རྫོབ་ཅེས་བྱར་མི་རུང་ངོ༌། །དེ་ལ་འདི་སྐད་ཅེས་ཚེ་དང་ལྡན་པ་ཅིའི་ཕྱིར་ན་གང་དམིགས་པ་དེ་མེད་པ་ཡིན་ཞེས་ཀྱང་བརྗོད་པར་བྱའོ། །དེ་སྐད་དྲིས་པ་ན། གལ་ཏེ་དེ་འདི་སྐད་ཅེས་ཕྱིན་ཅི་ལོག་གི་དངོས་པོ་ཡིན་པའི་ཕྱིར་རོ་ཞེས་ལན་འདེབས་པར་གྱུར་ན། དེ་ལ་འདི་སྐད་ཅེས་བརྗོད་པར་བྱ་སྟེ། ཅི་ཕྱིན་ཅི་ལོག་དེ་ཡོད་པར་འདོད་དམ་འོན་ཏེ་མེད་པར་འདོད། གལ་ཏེ་ཡོད་ན་ནི་དེས་ན་ཆོས་ཐམས་ཅད་ཀྱི་ངོ་བོ་ཉིད་མེད་པ་ཉིད་ནི་དོན་དམ་པའོ་ཞེས་བྱར་མི་རུང་ངོ༌། །གལ་ཏེ་མེད་ན་ནི་དེས་ན་ཕྱིན་ཅི་ལོག་གི་དངོས་པོ་ཡིན་པའི་ཕྱིར་གང་དམིགས་པ་དེ་ངོ་བོ་ཉིད་མེད་དོ་ཞེས་བྱར་མི་རུང་ངོ༌། །

de la 'di skad ces tshe dang ldan pa don dam pa ni gang yin/ kun rdzob ni gang yin zhes brjod par bya'o/ /de skad ces dris pa na/ gal te de 'di skad ces chos thams cad kyi ngo bo nyid med pa gang yin pa de ni don dam pa yin la/ ngo bo nyid med pa'i chos de dag la ngo bo nyid du dmigs pa gang yin pa de ni kun rdzob yin no/ /de ci'i phyir zhe na/ 'di ltar de ni yod pa ma yin pa dag la kun rdzob tu byed pa dang/ 'dogs pa dang/ mngon par brjod pa dang/ tha snyad du byed pa'i phyir ro zhes lan 'debs par gyur na/ de la 'di skad ces brjod par bya'o/ /ci ngo bo nyid du dmigs pa de mngon par brjod pa dang kun rdzob kyi rgyu las byung ba yin par 'dod dam/ 'on te mngon par brjod pa dang/ kun rdzob tsam zhig yin par 'dod/ gal te mngon par brjod pa dang/ kun rdzob kyi rgyu las byung ba yin na ni des na mngon par brjod pa dang/ kun rdzob kyi rgyu las byung ba yin pas yod pa ma yin pa zhes byar mi rung ngo/ /gal te mngon par brjod pa dang/ kun rdzob tsam zhig yin na ni des na gzhi med par mngon par brjod pa dang/ kun rdzob ces byar mi rung ngo/ /de la 'di skad ces tshe dang ldan pa ci'i phyir na gang dmigs pa de med pa yin zhes kyang brjod par bya'o/ /de skad dris pa na/ gal te de 'di skad ces phyin ci log gi dngos po yin pa'i phyir ro zhes lan 'debs par gyur na/ de la 'di skad ces brjod par bya ste/ ci phyin ci log de yod par 'dod dam 'on te med par 'dod/ gal te yod na ni des na chos thams cad kyi ngo bo nyid med pa nyid ni don dam pa'o zhes byar mi rung ngo/ /gal te med na ni des na phyin ci log gi dngos po yin pa'i phyir gang dmigs pa de ngo bo nyid med do zhes byar mi rung ngo/ /

【H2 成立大乘教起因緣】

ཐེག་པ་ཆེན་པོའི་མདོ་སྡེ་དོན་རབ་ཏུ་དབྱེ་བའི་རྒྱུ་བསྟན་པ་ནི་རྣམ་པ་ལྔས་རིག་པར་བྱ་སྟེ། སྟོན་པ་ལ་གུས་པ་བསྐྱེད་པ་ཉིད་ཀྱི་ཕྱིར་བཤད་པ་ནི་དང་པོའོ། །འཁོར་ཡང་དག་པར་བསྡུ་བ་ཉིད་ཀྱི་ཕྱིར་བཤད་པ་ནི་གཉིས་པའོ། །ཆོས་ལ་རིམ་གྲོ་ཆེར་བསྐྱེད་པ་ཉིད་ཀྱི་ཕྱིར་བཤད་པ་ནི་གསུམ་པའོ། །དངོས་པོ་ཉེ་བར་དགོད་པ་ཉིད་ཀྱི་ཕྱིར་བཤད་པ་ནི་བཞི་པའོ། །དེ་ཁོ་ནའི་དོན་མང་དུ་བསྟན་པ་ཉིད་ཀྱི་ཕྱིར་བཤད་པ་ནི་ལྔ་པའོ། །

theg pa chen po'i mdo sde don rab tu dbye ba'i rgyu bstan pa ni rnam pa lngas rig par bya ste/ ston pa la gus pa bskyed pa nyid kyi phyir bshad pa ni dang po'o/ /'khor yang dag par bsdu ba nyid kyi phyir bshad pa ni gnyis pa'o/ /chos la rim gro cher bskyed pa nyid kyi phyir bshad pa ni gsum pa'o/ /dngos po nye bar dgod pa nyid kyi phyir bshad pa ni bzhi pa'o/ /de kho na'i don mang du bstan pa nyid kyi phyir bshad pa ni lnga pa'o/ /

【H3 明自共相觀能證佛法】

རང་གི་མཚན་ཉིད་ཡོངས་སུ་བརྟགས་པ་དང༌། སྤྱིའི་མཚན་ཉིད་ཡོངས་སུ་བརྟགས་པ་ལས་བརྩམས་ནས། སྐྱེ་མཆེད་བཅུ་གཉིས་པོ་དག་ལ། སངས་རྒྱས་ཀྱི་ཆོས་མ་འདྲེས་པ་ཐོབ་པར་བྱ་བའི་ཕྱིར་ཕྱིན་ཅི་མ་ལོག་པའི་ལམ་རྣམ་པ་བཅུ་ཡོད་པར་རིག་པར་བྱ་སྟེ། དེ་ལ་རྣམ་པ་དྲུག་གིས་ནི་སྐྱེ་མཆེད་བཅུ་གཉིས་པོ་དག་ལ་རང་གི་མཚན་ཉིད་ཡོངས་སུ་བརྟགས་པ་ཡིན་ལ། རྣམ་པ་བཞིས་ནི་སྤྱིའི་མཚན་ཉིད་ཡོངས་སུ་བརྟགས་པ་ཡིན་པར་རིག་པར་བྱ་སྟེ། མིག་ལ་སོགས་པའི་མིང་དང་བརྡ་རྣམ་པར་གཞག་པའི་མཚན་ཉིད་ལ་སྒྲ་ཙམ་གྱི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་སངས་རྒྱས་ཀྱི་ཆོས་མ་འདྲེས་པ་ཐོབ་པར་བྱ་བའི་ཕྱིར་ཕྱིན་ཅི་མ་ལོག་པའི་ལམ་དང་པོའོ། །གཞན་ཡང་སྐྱེ་མཆེད་བཅུ་གཉིས་པོ་དག་ལ་ལོག་པར་ཡོངས་སུ་རྟོགས་པས་སྐྱེ་བ་སྣ་ཚོགས་ཡོངས་སུ་འཛིན་པའི་མཚན་ཉིད་ཡོངས་སུ་ཤེས་པ་གང་ཡིན་པ་དེ་ནི་གཉིས་པའོ། །གཞན་ཡང་སྐྱེ་མཆེད་བཅུ་གཉིས་པོ་དག་ལ་རྒྱུ་ལ་བརྟེན་ཏེ་འཇུག་པའི་མཚན་ཉིད་ཡོངས་སུ་ཤེས་པ་གང་ཡིན་པ་དེ་ནི་གསུམ་པའོ། །གཞན་ཡང་སྐྱེ་མཆེད་བཅུ་གཉིས་པོ་དག་ལ་སྐད་ཅིག་ལ་འཇིག་ཅིང་འཇུག་པའི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་བཞི་པའོ། །གཞན་ཡང་སྐྱེ་མཆེད་བཅུ་གཉིས་པོ་དག་ལ་རྣམ་པར་དག་པར་འཇུག་པའི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་ལྔ་པའོ། དེ་ལ་ལས་རྣམ་པ་གཉིས་ལ་བརྟེན་ནས་རྣམ་པར་དག་པ་རྣམ་པ་གཉིས་སུ་རིག་པར་བྱ་སྟེ། མངོན་པར་གྲུབ་པའི་རྣམ་པར་དག་པ་དང༌། ཉེ་བར་ཞི་བའི་རྣམ་པར་དག་པའོ། །གཞན་ཡང་སྐྱེ་མཆེད་བཅུ་གཉིས་པོ་དག་ལ་མངོན་པར་བརྗོད་པའི་གཞིའི་གནས་ཀྱི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་དྲུག་པ་སྟེ། རྣམ་པ་དྲུག་པོ་དེ་དག་གིས་ནི་རང་གི་མཚན་ཉིད་ཡོངས་སུ་ཤེས་པར་རིག་པར་རིག་པར་བྱའོ། །སྐྱེ་མཆེད་བཅུ་གཉིས་པོ་དེ་དག་ཉིད་ལ་སྤྱིའི་མཚན་ཉིད་ངོ་བོ་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་བདུན་པའོ། །གཞན་ཡང་སྐྱེ་མཆེད་བཅུ་གཉིས་པོ་དེ་དག་ཉིད་ལ་སྤྱིའི་མཚན་ཉིད་རྣམ་པར་མི་རྟོག་པའི་སྤྱོད་ཡུལ་གྱི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་བརྒྱད་པའོ། །གཞན་ཡང་སྐྱེ་མཆེད་བཅུ་གཉིས་པོ་དེ་དག་ཉིད་ལ་སྤྱིའི་མཚན་ཉིད་འཇིག་རྟེན་ལས་འདས་པའི་ཆོས་ཀྱི་སྤྱོད་ཡུལ་གྱི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི་དགུ་པའོ། །གཞན་ཡང་སྐྱེ་མཆེད་བཅུ་གཉིས་པོ་དེ་དག་ཉིད་ལ་སྤྱིའི་མཚན་ཉིད་རྣམ་པར་དག་པའི་རྒྱུའི་མཚན་ཉིད་དུ་ཡོངས་སུ་ཤེས་པ་གང་ཡིན་པ་དེ་ནི། སངས་རྒྱས་ཀྱི་ཆོས་མ་འདྲེས་པ་ཐོབ་པར་བྱ་བའི་ཕྱིར་ཕྱིན་ཅི་མ་ལོག་པའི་ལམ་བཅུ་པ་ཡིན་ཏེ། རྣམ་པ་བཞི་པོ་དེ་དག་གིས་ནི་སྤྱིའི་མཚན་ཉིད་ཡོངས་སུ་བརྟགས་པར་རིག་པར་བྱའོ། །

rang gi mtshan nyid yongs su brtags pa dang/ spyi'i mtshan nyid yongs su brtags pa las brtsams nas/ skye mched bcu gnyis po dag la/ sangs rgyas kyi chos ma 'dres pa thob par bya ba'i phyir phyin ci ma log pa'i lam rnam pa bcu yod par rig par bya ste/ de la rnam pa drug gis ni skye mched bcu gnyis po dag la rang gi mtshan nyid yongs su brtags pa yin la/ rnam pa bzhis ni spyi'i mtshan nyid yongs su brtags pa yin par rig par bya ste/ mig la sogs pa'i ming dang brda rnam par gzhag pa'i mtshan nyid la sgra tsam gyi mtshan nyid du yongs su shes pa gang yin pa de ni sangs rgyas kyi chos ma 'dres pa thob par bya ba'i phyir phyin ci ma log pa'i lam dang po'o/ /gzhan yang skye mched bcu gnyis po dag la log par yongs su rtogs pas skye ba sna tshogs yongs su 'dzin pa'i mtshan nyid yongs su shes pa gang yin pa de ni gnyis pa'o/ /gzhan yang skye mched bcu gnyis po dag la rgyu la brten te 'jug pa'i mtshan nyid yongs su shes pa gang yin pa de ni gsum pa'o/ /gzhan yang skye mched bcu gnyis po dag la skad cig la 'jig cing 'jug pa'i mtshan nyid du yongs su shes pa gang yin pa de ni bzhi pa'o/ /gzhan yang skye mched bcu gnyis po dag la rnam par dag par 'jug pa'i mtshan nyid du yongs su shes pa gang yin pa de ni lnga pa'o/ de la las rnam pa gnyis la brten nas rnam par dag pa rnam pa gnyis su rig par bya ste/ mngon par grub pa'i rnam par dag pa dang/ nye bar zhi ba'i rnam par dag pa'o/ /gzhan yang skye mched bcu gnyis po dag la mngon par brjod pa'i gzhi'i gnas kyi mtshan nyid du yongs su shes pa gang yin pa de ni drug pa ste/ rnam pa drug po de dag gis ni rang gi mtshan nyid yongs su shes par rig par rig par bya'o/ /skye mched bcu gnyis po de dag nyid la spyi'i mtshan nyid ngo bo nyid du yongs su shes pa gang yin pa de ni bdun pa'o/ /gzhan yang skye mched bcu gnyis po de dag nyid la spyi'i mtshan nyid rnam par mi rtog pa'i spyod yul gyi mtshan nyid du yongs su shes pa gang yin pa de ni brgyad pa'o/ /gzhan yang skye mched bcu gnyis po de dag nyid la spyi'i mtshan nyid 'jig rten las 'das pa'i chos kyi spyod yul gyi mtshan nyid du yongs su shes pa gang yin pa de ni dgu pa'o/ /gzhan yang skye mched bcu gnyis po de dag nyid la spyi'i mtshan nyid rnam par dag pa'i rgyu'i mtshan nyid du yongs su shes pa gang yin pa de ni/ sangs rgyas kyi chos ma 'dres pa thob par bya ba'i phyir phyin ci ma log pa'i lam bcu pa yin te/ rnam pa bzhi po de dag gis ni spyi'i mtshan nyid yongs su brtags par rig par bya'o/ /

【H4 明由八殊勝諸地轉】

གནས་པ་དང་ས་རྣམས་ཀྱི་གོང་ནས་གོང་མའི་ཁྱད་པར་ནི་ཁྱད་པར་རྣམ་པ་བརྒྱད་ཀྱིས་རིག་པར་བྱ་སྟེ། བསམ་པའི་ཁྱད་པར་དང༌། སེམས་རྣམ་པར་དག་པའི་ཁྱད་པར་དང༌། སྙིང་རྗེའི་ཁྱད་པར་དང༌། ཕ་རོལ་དུ་ཕྱིན་པའི་ཁྱད་པར་དང༌། སེམས་ཅན་ཡོངས་སུ་སྨིན་པའི་ཁྱད་པར་དང༌། སངས་རྒྱས་སྣང་བར་འགྱུར་བ་དང༌། མཆོད་པ་དང་བསྙེན་བཀུར་བྱེད་པའི་ཁྱད་པར་དང༌། སྐྱེ་བའི་ཁྱད་པར་དང༌། མཐུའི་ཁྱད་པར་གྱིས་སོ།། །།

gnas pa dang sa rnams kyi gong nas gong ma'i khyad par ni khyad par rnam pa brgyad kyis rig par bya ste/ bsam pa'i khyad par dang/ sems rnam par dag pa'i khyad par dang/ snying rje'i khyad par dang/ pha rol du phyin pa'i khyad par dang/ sems can yongs su smin pa'i khyad par dang/ sangs rgyas snang bar 'gyur ba dang/ mchod pa dang bsnyen bkur byed pa'i khyad par dang/ skye ba'i khyad par dang/ mthu'i khyad par gyis so// //

【G2 引解深密經以辨七義】【H1 如理請問菩薩等問勝義】【I1 開五門】

བམ་པོ་སུམ་ཅུ་བདུན་པ། དོན་དམ་པ་ནི་མཚན་ཉིད་ལྔ་དང་ལྡན་པ་ཡིན་ཏེ་བརྗོད་དུ་མེད་པའི་མཚན་ཉིད་དང༌། གཉིས་སུ་མེད་པའི་མཚན་ཉིད་དང༌། རྟོག་གེའི་སྤྱོད་ཡུལ་ལས་ཡང་དག་པར་འདས་པའི་མཚན་ཉིད་དང་། ཐ་དད་པ་དང༌། ཐ་དད་པ་མ་ཡིན་པ་ཉིད་ལས་ཡང་དག་པར་འདས་པའི་མཚན་ཉིད་དང༌། ཐམས་ཅད་དུ་རོ་གཅིག་པའི་མཚན་ཉིད་དོ། །

bam po sum cu bdun pa/ don dam pa ni mtshan nyid lnga dang ldan pa yin te brjod du med pa'i mtshan nyid dang/ gnyis su med pa'i mtshan nyid dang/ rtog ge'i spyod yul las yang dag par 'das pa'i mtshan nyid dang / tha dad pa dang/ tha dad pa ma yin pa nyid las yang dag par 'das pa'i mtshan nyid dang/ thams cad du ro gcig pa'i mtshan nyid do/ /

【I2 依門解釋】【J1 解二離言二門】【K1 總牒指經】

དེ་ལ་བརྗོད་དུ་མེད་པའི་མཚན་ཉིད་དང༌། གཉིས་སུ་མེད་པའི་མཚན་ཉིད་ནི། དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ། བྱང་ཆུབ་སེམས་དཔའ་ཚུལ་བཞིན་ཀུན་འདྲིས། བྱང་ཆུབ་སེམས་དཔའ་དོན་ཟབ་དགོངས་པ་ངེས་པར་འགྲེལ་ལ་དྲི་བ་དྲིས་པ།

de la brjod du med pa'i mtshan nyid dang/ gnyis su med pa'i mtshan nyid ni/ dgongs pa nges par 'grel pa'i mdo las ji skad 'byung ba bzhin blta bar bya ste/ byang chub sems dpa' tshul bzhin kun 'dris/ byang chub sems dpa' don zab dgongs pa nges par 'grel la dri ba dris pa/

【K2 別引其文】【L1 長行廣辨(有三問答)】【M1 初問答】

ཀྱེ་རྒྱལ་བའི་སྲས་ཆོས་ཐམས་ཅད་གཉིས་སུ་མེད་པ། ཆོས་ཐམས་ཅད་གཉིས་སུ་མེད་པ་ཞེས་བྱ་ན། ཆོས་ཐམས་ཅད་ནི་གང་། ཇི་ལྟར་ན་གཉིས་སུ་མེད་པ་ཡིན། རིགས་ཀྱི་བུ་ཆོས་ཐམས་ཅད་ཆོས་ཐམས་ཅད་ཅེས་བྱ་བ་ནི་གཉིས་ཇི་ཙམ་པ་སྟེ། འདུས་བྱས་དང༌། འདུས་མ་བྱས་སོ། །དེ་ལ་འདུས་བྱས་ནི་འདུས་བྱས་ཀྱང་མ་ཡིན། འདུས་མ་བྱས་ཀྱང་མ་ཡིན་ནོ། །འདུས་མ་བྱས་ཀྱང་འདུས་མ་བྱས་ཀྱང་མ་ཡིན། འདུས་བྱས་ཀྱང་མ་ཡིན་ནོ། །

kye rgyal ba'i sras chos thams cad gnyis su med pa/ chos thams cad gnyis su med pa zhes bya na/ chos thams cad ni gang / ji ltar na gnyis su med pa yin/ rigs kyi bu chos thams cad chos thams cad ces bya ba ni gnyis ji tsam pa ste/ 'dus byas dang/ 'dus ma byas so/ /de la 'dus byas ni 'dus byas kyang ma yin/ 'dus ma byas kyang ma yin no/ /'dus ma byas kyang 'dus ma byas kyang ma yin/ 'dus byas kyang ma yin no/ /

【M2 第二問答】

སྨྲས་པ། ཀྱེ་རྒྱལ་བའི་སྲས་ཇི་ལྟར་ན་འདུས་བྱས་ནི་འདུས་བྱས་ཀྱང་མ་ཡིན། འདུས་མ་བྱས་ཀྱང་མ་ཡིན་ལ། འདུས་མ་བྱས་ཀྱང་འདུས་མ་བྱས་ཀྱང་མ་ཡིན། འདུས་བྱས་ཀྱང་མ་ཡིན། རིགས་ཀྱི་བུ་འདུས་བྱས་ཞེས་བྱ་བ་དེ་ནི་སྟོན་པས་བཏགས་པའི་ཚིག་ཡིན་ཏེ། སྟོན་པས་བཏགས་པའི་ཚིག་གང་ཡིན་པ་དེ་ནི་ཀུན་ཏུ་རྟོག་པ་ལས་བྱུང་བ། ཐ་སྙད་དུ་བརྗོད་པ་ཡིན་ལ། ཀུན་ཏུ་རྟོག་པ་ལས་བྱུང་བ་ཐ་སྙད་དུ་བརྗོད་པ་གང་ཡིན་པ་དེ་ནི། ཀུན་ཏུ་རྟོག་པ་སྣ་ཚོགས་ཀྱི་ཐ་སྙད་དུ་བརྗོད་པ་གཏན་ཡོངས་སུ་མ་གྲུབ་པའི་ཕྱིར་འདུས་བྱས་མ་ཡིན་ནོ། །རིགས་ཀྱི་བུ་འདུས་མ་བྱས་ཞེས་བྱ་བ་དེ་ཡང་ཐ་སྙད་ཀྱི་ཁོངས་སུ་གཏོགས་པ་ཡིན་ལ༑ འདུས་བྱས་དང༌། འདུས་མ་བྱས་སུ་མ་གཏོགས་པ་གང་ཅི་བརྗོད་ཀྱང་དེ་ཡང་དེ་དང་འདྲ་བ་ཉིད་དུ་འགྱུར། །དེ་ཡང་དེ་དང་འདྲ་བ་ཉིད་དུ་འགྱུར་རོ། །བརྗོད་པ་ནི་དངོས་པོ་མེད་པ་ཅན་ཡང་མ་ཡིན་ཏེ། དངོས་པོ་དེ་ཡང་གང་ཡིན། འཕགས་པ་རྣམས་ཀྱིས་འཕགས་པའི་ཡེ་ཤེས་དང༌། འཕགས་པའི་མཐོང་བས་བརྗོད་དུ་མེད་པར་མངོན་པར་རྫོགས་པར་སངས་རྒྱས་པ་གང་ཡིན་པ་སྟེ། བརྗོད་དུ་མེད་པའི་ཆོས་ཉིད་དེ་ཉིད་མངོན་པར་རྫོགས་པར་བྱང་ཆུབ་པར་བྱ་བའི་ཕྱིར་འདུས་བྱས་ཞེས་མིང་དུ་བཏགས་སོ། །རིགས་ཀྱི་བུ་འདུས་མ་བྱས་ཞེས་བྱ་བ་དེ་ཡང་སྟོན་པས་བཏགས་པའི་ཚིག་གང་ཡིན་པ་དེ་ནི། ཀུན་ཏུ་རྟོག་པ་ལས་བྱུང་བ་ཐ་སྙད་དུ་བརྗོད་པ་ཡིན་ལ། ཀུན་ཏུ་རྟོག་པ་ལས་བྱུང་བ་ཐ་སྙད་དུ་བརྗོད་པ་གང་ཡིན་པ་དེ་ནི་ཀུན་ཏུ་རྟོག་པ་སྣ་ཚོགས་ཀྱི་ཐ་སྙད་དུ་བརྗོད་པ་གཏན་ཡོངས་སུ་མ་གྲུབ་པའི་ཕྱིར་འདུས་མ་བྱས་པ་ཡིན་ནོ། །རིགས་ཀྱི་བུ་འདུས་བྱས་ཞེས་བྱ་བ་དེ་ཡང་ཐ་སྙད་ཀྱི་ཁོངས་སུ་གཏོགས་པ་ཡིན་ལ། འདུས་བྱས་དང་འདུས་མ་བྱས་སུ་རྟོགས་པ་གང་ཅི་བརྗོད་ཀྱང་དེ་ཡང་དེ་དང་འདྲ་བ་ཉིད་དུ་འགྱུར། དེ་ཡང་དེ་དང་འདྲ་བ་ཉིད་དུ་འགྱུར་རོ། །བརྗོད་པ་ནི་དངོས་པོ་མེད་པ་ཅན་ཡང་མ་ཡིན་ཏེ། དངོས་པོ་དེ་ཡང་གང་ཞེ་ན། འཕགས་པ་རྣམས་ཀྱིས་འཕགས་པའི་ཡེ་ཤེས་དང་འཕགས་པའི་མཐོང་བས་བརྗོད་དུ་མེད་པར་མངོན་པར་རྫོགས་པར་སངས་རྒྱས་པ་གང་ཡིན་པ་སྟེ། བརྗོད་དུ་མེད་པའི་ཆོས་ཉིད་དེ་ཉིད་མངོན་པར་རྫོགས་པར་རྟོགས་པར་བྱ་བའི་ཕྱིར་འདུས་མ་བྱས་ཞེས་མིང་དུ་བཏགས་སོ། །

smras pa/ kye rgyal ba'i sras ji ltar na 'dus byas ni 'dus byas kyang ma yin/ 'dus ma byas kyang ma yin la/ 'dus ma byas kyang 'dus ma byas kyang ma yin/ 'dus byas kyang ma yin/ rigs kyi bu 'dus byas zhes bya ba de ni ston pas btags pa'i tshig yin te/ ston pas btags pa'i tshig gang yin pa de ni kun tu rtog pa las byung ba/ tha snyad du brjod pa yin la/ kun tu rtog pa las byung ba tha snyad du brjod pa gang yin pa de ni/ kun tu rtog pa sna tshogs kyi tha snyad du brjod pa gtan yongs su ma grub pa'i phyir 'dus byas ma yin no/ /rigs kyi bu 'dus ma byas zhes bya ba de yang tha snyad kyi khongs su gtogs pa yin la| 'dus byas dang/ 'dus ma byas su ma gtogs pa gang ci brjod kyang de yang de dang 'dra ba nyid du 'gyur/ /de yang de dang 'dra ba nyid du 'gyur ro/ /brjod pa ni dngos po med pa can yang ma yin te/ dngos po de yang gang yin/ 'phags pa rnams kyis 'phags pa'i ye shes dang/ 'phags pa'i mthong bas brjod du med par mngon par rdzogs par sangs rgyas pa gang yin pa ste/ brjod du med pa'i chos nyid de nyid mngon par rdzogs par byang chub par bya ba'i phyir 'dus byas zhes ming du btags so/ /rigs kyi bu 'dus ma byas zhes bya ba de yang ston pas btags pa'i tshig gang yin pa de ni/ kun tu rtog pa las byung ba tha snyad du brjod pa yin la/ kun tu rtog pa las byung ba tha snyad du brjod pa gang yin pa de ni kun tu rtog pa sna tshogs kyi tha snyad du brjod pa gtan yongs su ma grub pa'i phyir 'dus ma byas pa yin no/ /rigs kyi bu 'dus byas zhes bya ba de yang tha snyad kyi khongs su gtogs pa yin la/ 'dus byas dang 'dus ma byas su rtogs pa gang ci brjod kyang de yang de dang 'dra ba nyid du 'gyur/ de yang de dang 'dra ba nyid du 'gyur ro/ /brjod pa ni dngos po med pa can yang ma yin te/ dngos po de yang gang zhe na/ 'phags pa rnams kyis 'phags pa'i ye shes dang 'phags pa'i mthong bas brjod du med par mngon par rdzogs par sangs rgyas pa gang yin pa ste/ brjod du med pa'i chos nyid de nyid mngon par rdzogs par rtogs par bya ba'i phyir 'dus ma byas zhes ming du btags so/ /

【M3 第三問答】【N1 問】

ཀྱེ་རྒྱལ་བའི་སྲས་ཇི་ལྟར་ན་འཕགས་པ་རྣམས་ཀྱི་དངོས་པོ་དེ་འཕགས་པའི་ཡེ་ཤེས་དང་འཕགས་པའི་མཐོང་བས་བརྗོད་དུ་མེད་པར་མངོན་པར་རྫོགས་པར་སངས་རྒྱས་ཤིང་བརྗོད་དུ་མེད་པའི་ཆོས་ཉིད་དེ་ཉིད་མངོན་པར་རྫོགས་པར་རྟོགས་པར་བྱ་བའི་ཕྱིར་འདུས་བྱས་དང་འདུས་མ་བྱས་ཞེས་མིང་དུ་བཏགས་པ་ཡིན།

kye rgyal ba'i sras ji ltar na 'phags pa rnams kyi dngos po de 'phags pa'i ye shes dang 'phags pa'i mthong bas brjod du med par mngon par rdzogs par sangs rgyas shing brjod du med pa'i chos nyid de nyid mngon par rdzogs par rtogs par bya ba'i phyir 'dus byas dang 'dus ma byas zhes ming du btags pa yin/

【N2 答】【O1 喻】【P1 舉愚者執幻事為實】

རིགས་ཀྱི་བུ་འདི་ལྟ་སྟེ་དཔེར་ན་སྒྱུ་མ་མཁན་ནམ་སྒྱུ་མ་མཁན་གྱི་སློབ་པ་མཁས་པ་ཞིག་ལམ་པོ་ཆེའི་བཞི་མདོར་འདུག་སྟེ། རྩྭ་དག་གམ། ལོ་མ་དག་གམ། ཤིང་དག་གམ། གསེག་མ་དག་གམ། གྱོ་དུམ་དག་གཅིག་ཏུ་བསྡུས་ནས་སྒྱུར་མའི་ལས་སྣ་ཚོགས་འདི་ལྟ་སྟེ། གླང་པོ་ཆེའི་ཚོགས་དང༌། རྟ་བའི་ཚོགས་དང༌། ཤིང་རྟའི་ཚོགས་དང༌། དཔུང་བུ་ཆུང་གི་ཚོགས་དང༌། ནོར་བུ་དང༌། མུ་ཏིག་དང༌། བཻ་ཌཱུརྱ་དང༌། དུང་དང་། མན་ཤེལ་དང༌། བྱུ་རུའི་ཚོགས་དང༌། ནོར་དང༌། འབྲུ་དང༌། མཛོད་དང༌། བང་བའི་ཚོགས་དག་རྣམ་པར་བསྟན་ན། དེ་ལ་སེམས་ཅན་གང་དག་བྱིས་པའི་རང་བཞིན་ཅན། རྨོངས་པའི་རང་བཞིན་ཅན། ཤེས་རབ་འཆལ་པའི་རང་བཞིན་ཅན༑ རྩྭ་དང༌། ལོ་མ་དང༌། ཤིང་དང༌། གསེག་མ་དང༌། གྱོ་དུམ་དེ་དག་མི་ཤེས་པ་དེ་དག་ནི་དེ་མཐོང་ངམ་ཐོས་ན་འདི་སྙམ་དུ་སེམས་ཏེ། གླང་པོ་ཆེའི་ཚོགས་སྣང་བ་གང་ཡིན་པ་འདི་ནི་ཡོད་དོ། །རྟ་པའི་ཚོགས་དང༌། ཤིང་རྟའི་ཚོགས་དང༌། དཔུང་བུ་ཆུང་གི་ཚོགས་དང༌། ནོར་བུ་དང༌། མུ་ཏིག་དང༌། བཻ་ཌཱུརྱ་དང་། དུང་དང༌། མན་ཤེལ་དང༌། བྱུ་རུའི་ཚོགས་དང༌། ནོར་དང༌། འབྲུ་དང༌། མཛོད་དང༌། བང་བའི་ཚོགས་སྣང་བ་གང་ཡིན་པ་འདི་ནི་ཡོད་དོ་སྙམ་དུ་སེམས་ཤིང༌། དེ་དག་ཇི་ལྟར་མཐོང་བ་དང༌། ཇི་ལྟར་ཐོས་པ་བཞིན་དུ་དེ་དག་ལ་ནན་གྱིས་མཆོག་ཏུ་གཟུང་ཞིང༌། མངོན་པར་ཞེན་ནས༑ འདི་ནི་བདེན་གྱི། གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་ཡང་བྱེད་དེ། དེ་ནི་དེ་དག་གིས་ཕྱིས་ཉེ་བར་བརྟག་པར་བྱ་དགོས་པ་ཡིན་ནོ། །

rigs kyi bu 'di lta ste dper na sgyu ma mkhan nam sgyu ma mkhan gyi slob pa mkhas pa zhig lam po che'i bzhi mdor 'dug ste/ rtswa dag gam/ lo ma dag gam/ shing dag gam/ gseg ma dag gam/ gyo dum dag gcig tu bsdus nas sgyur ma'i las sna tshogs 'di lta ste/ glang po che'i tshogs dang/ rta ba'i tshogs dang/ shing rta'i tshogs dang/ dpung bu chung gi tshogs dang/ nor bu dang/ mu tig dang/ bai DUr+ya dang/ dung dang / man shel dang/ byu ru'i tshogs dang/ nor dang/ 'bru dang/ mdzod dang/ bang ba'i tshogs dag rnam par bstan na/ de la sems can gang dag byis pa'i rang bzhin can/ rmongs pa'i rang bzhin can/ shes rab 'chal pa'i rang bzhin can| rtswa dang/ lo ma dang/ shing dang/ gseg ma dang/ gyo dum de dag mi shes pa de dag ni de mthong ngam thos na 'di snyam du sems te/ glang po che'i tshogs snang ba gang yin pa 'di ni yod do/ /rta pa'i tshogs dang/ shing rta'i tshogs dang/ dpung bu chung gi tshogs dang/ nor bu dang/ mu tig dang/ bai DUr+ya dang / dung dang/ man shel dang/ byu ru'i tshogs dang/ nor dang/ 'bru dang/ mdzod dang/ bang ba'i tshogs snang ba gang yin pa 'di ni yod do snyam du sems shing/ de dag ji ltar mthong ba dang/ ji ltar thos pa bzhin du de dag la nan gyis mchog tu gzung zhing/ mngon par zhen nas| 'di ni bden gyi/ gzhan ni brdzun pa'o zhes rjes su tha snyad 'dogs par yang byed de/ de ni de dag gis phyis nye bar brtag par bya dgos pa yin no/ /

【P2 明智者了幻事非實】

དེ་ལ་སེམས་ཅན་གང་དག་བྱིས་པའི་རང་བཞིན་ཅན་མ་ཡིན་པ། རྨོངས་པའི་རང་བཞིན་ཅན་མ་ཡིན་པ། ཤེས་རབ་དང་ལྡན་པའི་རང་བཞིན་ཅན། རྩྭ་དང་། ལོ་མ་དང༌། ཤིང་དང༌། གསེག་མ་དང༌། གྱོ་དུམ་དེ་དག་ནི་མཐོང་ངམ་ཐོས་ནས་འདི་སྙམ་དུ་སེམས་ཏེ། གླང་པོ་ཆེའི་ཚོགས་སྣང་བ་གང་ཡིན་པ་འདི་ནི་མེད་དོ། །རྟ་པའི་ཚོགས་དང༌། ཤིང་རྟ་པའི་ཚོགས་དང༌། དཔུང་བུ་ཆུང་གི་ཚོགས་དང༌། ནོར་བུ་དང༌། མུ་ཏིག་དང༌། བཻ་ཌཱུརྱ་དང༌། དུང་དང༌། མན་ཤེལ་དང༌། བྱུ་རུའི་ཚོགས་དང༌། ནོར་དང༌། འབྲུ་དང༌། མཛོད་དང༌། བང་བའི་ཚོགས་སྣང་བ་གང་ཡིན་པ་འདི་ནི་མེད་ཀྱི། གང་ལ་གླང་པོ་ཆེའི་ཚོགས་ཀྱི་འདུ་ཤེས་དང༌། གླང་པོ་ཆེའི་ཚོགས་ཀྱི་རྣམ་གྲངས་ཀྱི་འདུ་ཤེས་འབྱུང་བ་དང༌། ནོར་དང༌། འབྲུ་དང༌། མཛོད་དང༌། བང་བའི་ཚོགས་ཀྱི་བར་གྱི་འདུ་ཤེས་དང༌། དེ་དག་གི་རྣམ་གྲངས་ཀྱི་འདུ་ཤེས་འབྱུང་བའི་སྒྱུ་མ་བྱས་པ་འདི་ནི་ཡོད་དོ། །མིག་སླུ་བར་བྱེད་པ་འདི་ནི་ཡོད་དོ་སྙམ་དུ་སེམས་ཤིང༌། དེ་དག་ཇི་ལྟར་མཐོང་བ་དང༌། ཇི་ལྟར་ཐོས་པ་བཞིན་དུ་དེ་དག་ལ་ནན་གྱིས་མཆོག་ཏུ་གཟུང་ཞིང་མངོན་པར་ཞེན་ནས། འདི་ནི་བདེན་གྱི་གཞན་ནི་བརྫུན་ནོ་ཞེས་རྗེས་སུ་ཐ་སྙད་མི་འདོགས་ཀྱི། འདི་ལྟར་དོན་རྣམ་པར་རིག་པར་བྱ་བའི་ཕྱིར་རྗེས་སུ་ཐ་སྙད་འདོགས་པར་བྱེད་དེ། དེ་ནི་དེ་དག་གིས་ཕྱིས་ཉེ་བར་བརྟག་པར་བྱ་མི་དགོས་པ་ཡིན་ནོ། །

de la sems can gang dag byis pa'i rang bzhin can ma yin pa/ rmongs pa'i rang bzhin can ma yin pa/ shes rab dang ldan pa'i rang bzhin can/ rtswa dang / lo ma dang/ shing dang/ gseg ma dang/ gyo dum de dag ni mthong ngam thos nas 'di snyam du sems te/ glang po che'i tshogs snang ba gang yin pa 'di ni med do/ /rta pa'i tshogs dang/ shing rta pa'i tshogs dang/ dpung bu chung gi tshogs dang/ nor bu dang/ mu tig dang/ bai DUr+ya dang/ dung dang/ man shel dang/ byu ru'i tshogs dang/ nor dang/ 'bru dang/ mdzod dang/ bang ba'i tshogs snang ba gang yin pa 'di ni med kyi/ gang la glang po che'i tshogs kyi 'du shes dang/ glang po che'i tshogs kyi rnam grangs kyi 'du shes 'byung ba dang/ nor dang/ 'bru dang/ mdzod dang/ bang ba'i tshogs kyi bar gyi 'du shes dang/ de dag gi rnam grangs kyi 'du shes 'byung ba'i sgyu ma byas pa 'di ni yod do/ /mig slu bar byed pa 'di ni yod do snyam du sems shing/ de dag ji ltar mthong ba dang/ ji ltar thos pa bzhin du de dag la nan gyis mchog tu gzung zhing mngon par zhen nas/ 'di ni bden gyi gzhan ni brdzun no zhes rjes su tha snyad mi 'dogs kyi/ 'di ltar don rnam par rig par bya ba'i phyir rjes su tha snyad 'dogs par byed de/ de ni de dag gis phyis nye bar brtag par bya mi dgos pa yin no/ /

【O2 合】【P1 合凡愚】

དེ་བཞིན་དུ་སེམས་ཅན་གང་དག་བྱིས་པའི་རང་བཞིན་ཅན། སོ་སོའི་སྐྱེ་བོར་གྱུར་བ། ཤེས་རབ་འཕགས་པ་འཇིག་རྟེན་ལས་འདས་པ་མ་ཐོབ་པ་ཆོས་ཐམས་ཅད་ཀྱི་བརྗོད་དུ་མེད་པའི་ཆོས་ཉིད་མངོན་པར་མི་ཤེས་པ་དེ་དག་ནི་འདུས་བྱས་དང་འདུས་མ་བྱས་དེ་དག་མཐོང་ངམ་ཐོས་ནས་འདི་སྙམ་དུ་སེམས་ཏེ། འདུས་བྱས་དང་འདུས་མ་བྱས་སྣང་བ་གང་ཡིན་པ་འདི་ནི་ཡོད་དོ་སྙམ་དུ་སེམས་ཤིང་དེ་དག་ཇི་ལྟར་མཐོང་བ་དང༌། ཇི་ལྟར་ཐོས་པ་བཞིན་དུ་དེ་དག་ལ་ནན་གྱིས་མཆོག་ཏུ་གཟུང་ཞིང་མངོན་པར་ཞེན་ནས་འདི་ནི་བདེན་གྱི། གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་ཡང་བྱེད་དོ། །དེ་ནི་དེ་དག་གིས་ཕྱིས་ཉེ་བར་བརྟག་པར་བྱ་དགོས་པ་ཡིན་ནོ༑ །

de bzhin du sems can gang dag byis pa'i rang bzhin can/ so so'i skye bor gyur ba/ shes rab 'phags pa 'jig rten las 'das pa ma thob pa chos thams cad kyi brjod du med pa'i chos nyid mngon par mi shes pa de dag ni 'dus byas dang 'dus ma byas de dag mthong ngam thos nas 'di snyam du sems te/ 'dus byas dang 'dus ma byas snang ba gang yin pa 'di ni yod do snyam du sems shing de dag ji ltar mthong ba dang/ ji ltar thos pa bzhin du de dag la nan gyis mchog tu gzung zhing mngon par zhen nas 'di ni bden gyi/ gzhan ni brdzun pa'o zhes rjes su tha snyad 'dogs par yang byed do/ /de ni de dag gis phyis nye bar brtag par bya dgos pa yin no| /

【P2 合聖智】

དེ་ལ་སེམས་ཅན་གང་དག་བྱིས་པའི་རང་བཞིན་ཅན་མ་ཡིན་པ། བདེན་པ་མཐོང་བ། ཤེས་རབ་འཕགས་པ་འཇིག་རྟེན་ལས་འདས་པ་ཐོབ་པ། ཆོས་ཐམས་ཅད་ཀྱི་བརྗོད་དུ་མེད་པའི་ཆོས་ཉིད་མངོན་པར་ཤེས་པ་དེ་དག་ནི་འདུས་བྱས་དང་འདུས་མ་བྱས་དེ་དག་མཐོང་ངམ་ཐོས་ན་འདི་སྙམ་དུ་སེམས་ཏེ། འདུས་བྱས་དང་འདུས་མ་བྱས་སྣང་བ་གང་ཡིན་པ་དེ་ནི་མེད་ཀྱི། གང་ལ་འདུས་བྱས་དང་འདུས་མ་བྱས་ཀྱི་འདུ་ཤེས་དང༌། འདུས་བྱས་དང་འདུས་མ་བྱས་ཀྱི་རྣམ་གྲངས་ཀྱི་འདུ་ཤེས་འབྱུང་བ། རྣམ་པར་རྟོག་པ་ལས་བྱུང་བ་འདུ་བྱེད་ཀྱི་མཚན་མ་སྒྱུ་མ་ལྟ་བུ་འདི་ནི་ཡོད་དོ། །བློ་རྣམ་པར་རྨོངས་པར་བྱེད་པ་འདི་ནི་ཡོད་དོ་སྙམ་དུ་སེམས་ཤིང༌། དེ་དག་ཇི་ལྟར་མཐོང་བ་དང༌། ཇི་ལྟར་ཐོས་པ་བཞིན་དུ། དེ་ལ་ནན་གྱིས་མཆོག་ཏུ་གཟུང་ཞིང་མངོན་པར་ཞེན་པ་འདི་ནི་བདེན་གྱི། གཞན་ནི་བརྫུན་པའོ་ཞེས་རྗེས་སུ་ཐ་སྙད་མི་འདོགས་ཀྱི། འདི་ལྟར་དོན་རྣམ་པར་རིག་པར་བྱ་བའི་ཕྱིར་རྗེས་སུ་ཐ་སྙད་འདོགས་པར་བྱེད་དེ། དེ་ནི་དེ་དག་གིས་ཕྱིས་ཉེ་བར་བརྟག་པར་བྱ་མི་དགོས་པ་ཡིན་ནོ། །རིགས་ཀྱི་བུ་དེ་ལྟར་ན་འཕགས་པ་རྣམས་ཀྱི་དངོས་པོ་དེ་འཕགས་པའི་ཡེ་ཤེས་དང་འཕགས་པའི་མཐོང་བས་རྗེས་སུ་བརྗོད་དུ་མེད་པར་མངོན་པར་རྫོགས་པར་སངས་རྒྱས་ཤིང༌། །བརྗོད་དུ་མེད་པའི་ཆོས་ཉིད་དེ་ཉིད་མངོན་པར་རྫོགས་པར་རྟོགས་པར་བྱ་བའི་ཕྱིར་འདུས་བྱས་དང་འདུས་མ་བྱས་ཞེས་མིང་དུ་བཏགས་པ་ཡིན་ནོ། །

de la sems can gang dag byis pa'i rang bzhin can ma yin pa/ bden pa mthong ba/ shes rab 'phags pa 'jig rten las 'das pa thob pa/ chos thams cad kyi brjod du med pa'i chos nyid mngon par shes pa de dag ni 'dus byas dang 'dus ma byas de dag mthong ngam thos na 'di snyam du sems te/ 'dus byas dang 'dus ma byas snang ba gang yin pa de ni med kyi/ gang la 'dus byas dang 'dus ma byas kyi 'du shes dang/ 'dus byas dang 'dus ma byas kyi rnam grangs kyi 'du shes 'byung ba/ rnam par rtog pa las byung ba 'du byed kyi mtshan ma sgyu ma lta bu 'di ni yod do/ /blo rnam par rmongs par byed pa 'di ni yod do snyam du sems shing/ de dag ji ltar mthong ba dang/ ji ltar thos pa bzhin du/ de la nan gyis mchog tu gzung zhing mngon par zhen pa 'di ni bden gyi/ gzhan ni brdzun pa'o zhes rjes su tha snyad mi 'dogs kyi/ 'di ltar don rnam par rig par bya ba'i phyir rjes su tha snyad 'dogs par byed de/ de ni de dag gis phyis nye bar brtag par bya mi dgos pa yin no/ /rigs kyi bu de ltar na 'phags pa rnams kyi dngos po de 'phags pa'i ye shes dang 'phags pa'i mthong bas rjes su brjod du med par mngon par rdzogs par sangs rgyas shing/ /brjod du med pa'i chos nyid de nyid mngon par rdzogs par rtogs par bya ba'i phyir 'dus byas dang 'dus ma byas zhes ming du btags pa yin no/ /

【L2 以頌敘】

དེ་ནས་བྱང་ཆུབ་སེམས་དཔའ་དོན་ཟབ་དགོངས་པ་ངེས་པར་འགྲེལ་གྱིས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཟབ་མོ་བྱིས་པའི་སྤྱོད་ཡུལ་མ་ཡིན་པ། །བརྗོད་མེད་གཉིས་མིན་རྒྱལ་བས་བསྟན་མཛད་ཀྱང༌། །བྱིས་པ་གཏི་མུག་རྨོངས་པ་འདི་དག་ནི། །སྨྲ་བའི་སྤྲོས་ལ་དགའ་ཞིང་གཉིས་ལ་གནས། །མ་རྟོགས་པ་འམ་ལོག་པར་རྟོག་པ་དག །ལུག་དང་བ་ལང་དག་ཏུ་ཡང་སྐྱེ་ཞིང༌། །དེ་དག་ཤེས་པའི་སྨྲ་བ་དེ་བོར་ནས། །ཤིན་ཏུ་ཡུན་རིང་འཁོར་བ་འདིར་འཁོར་འགྱུར། །ཞེས་གསུངས་སོ། །

de nas byang chub sems dpa' don zab dgongs pa nges par 'grel gyis de'i tshe tshigs su bcad pa 'di dag smras so/ /zab mo byis pa'i spyod yul ma yin pa/ /brjod med gnyis min rgyal bas bstan mdzad kyang/ /byis pa gti mug rmongs pa 'di dag ni/ /smra ba'i spros la dga' zhing gnyis la gnas/ /ma rtogs pa 'am log par rtog pa dag /lug dang ba lang dag tu yang skye zhing/ /de dag shes pa'i smra ba de bor nas/ /shin tu yun ring 'khor ba 'dir 'khor 'gyur/ /zhes gsungs so/ /

【J2 解超尋思所行相】【K1 總牒指經】

དེ་ལ་རྟོག་གེའི་སྤྱོད་ཡུལ་ལས་ཡང་དག་པར་འདས་པའི་མཚན་ཉིད་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་གསུངས་པ་བཞིན་བལྟ་བར་བྱ་སྟེ།

de la rtog ge'i spyod yul las yang dag par 'das pa'i mtshan nyid ni dgongs pa nges par 'grel pa'i mdo las ji skad gsungs pa bzhin blta bar bya ste/

【K2 別引其文】【L1 法涌菩薩請問】

བཅོམ་ལྡན་འདས་ལ་བྱང་ཆུབ་སེམས་དཔའ་ཆོས་འཕགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་སྔོན་གྱི་དུས་རྣམས་ཀྱི་ཤིན་ཏུ་སྔ་བ་ཞིག་ན། འདི་ནས་འཇིག་རྟེན་གྱི་ཁམས་གང་གྰའི་ཀླུང་བདུན་ཅུ་རྩ་བདུན་གྱི་བྱེ་མ་སྙེད་འདས་པ་ན། དེ་བཞིན་གཤེགས་པ་གྲགས་པ་རྒྱ་ཆེན་གྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་གྲགས་པ་ཅན་ཞེས་བགྱི་བ་དེར་བདག་མཆིས་པའི་ཚེ། དེ་ན་བདག་གིས་མུ་སྟེགས་ཅན་རང་རང་གི་སྟོན་པ་ལ་སོགས་པ་འབུམ་ཕྲག་བདུན་ཅུ་རྩ་བདུན་འདི་ལྟ་སྟེ། ཆོས་རྣམས་ཀྱི་དོན་དམ་པའི་མཚན་ཉིད་བསམས་པ་ལས་བརྩམས་ནས། ས་ཕྱོགས་ཞིག་ན་མཆིས་ཤིང་འདུས་ནས། དེ་དག་ཆོས་རྣམས་ཀྱི་དོན་དམ་པའི་མཚན་ཉིད་སེམས་པར་བགྱིད། །འཇལ་པར་བགྱིད༑ ཉེ་བར་རྟོག་པར་བགྱིད། ཡོངས་སུ་ཚོལ་བར་བགྱིད་ཀྱང་མ་རྟོགས་ནས༑ བློ་གྲོས་ཐ་དད་པ། ཡིད་གཉིས་ཅན། བློ་གྲོས་ངན་པ། རྩོད་པ་དང༌། འགྱེད་པར་གྱུར་པ་དག །གཅིག་ལ་གཅིག་ཁ་སྟོབས་ཀྱིས་གནོད་པ་བགྱིས༑ ཞེར་འདེབས་པ་བགྱིས། །གབ་གབ་ཀྱིས་གནོན་པ་བགྱིས། ཚར་གཅད་པར་བགྱིད་དེ། སོ་སོར་མཆིས་པ་དག་ཅིག་མཐོང་ནས། བཅོམ་ལྡན་འདས་བདག་འདི་སྙམ་བགྱིད་དེ། ཀྱེ་མ་དེ་བཞིན་གཤེགས་པ་རྣམས་འཇིག་རྟེན་དུ་འབྱུང་ཞིང༌། །དེ་དག་བྱུང་བས་དོན་དམ་པ་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་འདི་ལྟ་བུ་རྟོག་པ་དང་མངོན་སུམ་དུ་བགྱི་བ་མཆིས་པ་ནི་ངོ་མཚར་རྨད་དུ་བྱུང་བ་ལགས་སོ་སྙམ་བགྱིད་ལགས་སོ། །

bcom ldan 'das la byang chub sems dpa' chos 'phags kyis 'di skad ces gsol to/ /bcom ldan 'das sngon gyi dus rnams kyi shin tu snga ba zhig na/ 'di nas 'jig rten gyi khams gang g+'a'i klung bdun cu rtsa bdun gyi bye ma snyed 'das pa na/ de bzhin gshegs pa grags pa rgya chen gyi sangs rgyas kyi zhing 'jig rten gyi khams grags pa can zhes bgyi ba der bdag mchis pa'i tshe/ de na bdag gis mu stegs can rang rang gi ston pa la sogs pa 'bum phrag bdun cu rtsa bdun 'di lta ste/ chos rnams kyi don dam pa'i mtshan nyid bsams pa las brtsams nas/ sa phyogs zhig na mchis shing 'dus nas/ de dag chos rnams kyi don dam pa'i mtshan nyid sems par bgyid/ /'jal par bgyid| nye bar rtog par bgyid/ yongs su tshol bar bgyid kyang ma rtogs nas| blo gros tha dad pa/ yid gnyis can/ blo gros ngan pa/ rtsod pa dang/ 'gyed par gyur pa dag /gcig la gcig kha stobs kyis gnod pa bgyis| zher 'debs pa bgyis/ /gab gab kyis gnon pa bgyis/ tshar gcad par bgyid de/ so sor mchis pa dag cig mthong nas/ bcom ldan 'das bdag 'di snyam bgyid de/ kye ma de bzhin gshegs pa rnams 'jig rten du 'byung zhing/ /de dag byung bas don dam pa rtog ge thams cad las yang dag par 'das pa'i mtshan nyid 'di lta bu rtog pa dang mngon sum du bgyi ba mchis pa ni ngo mtshar rmad du byung ba lags so snyam bgyid lags so/ /

【L2 佛答】【M1 長行廣辨】【N1 法】【O1 標】

དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས། བྱང་ཆུབ་སེམས་དཔའ་ཆོས་འཕགས་ལ་འདི་སྐད་ཅེས་བཀའ་སྩལ་ཏོ། །ཆོས་འཕགས་དེ་དེ་བཞིན་ནོ། །དེ་དེ་བཞིན་ཏེ། ངས་ནི་དོན་དམ་པ་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་མངོན་པར་རྫོགས་པར་སངས་རྒྱས་ཏེ། མངོན་པར་རྫོགས་པར་སངས་རྒྱས་ནས་ཀྱང་བསྙད་ཅིང་གསལ་བར་བྱས། །རྣམ་པར་ཕྱེ། གདགས་པ་བྱས། རབ་ཏུ་བསྟན་ཏོ། །

de skad ces gsol pa dang/ bcom ldan 'das kyis/ byang chub sems dpa' chos 'phags la 'di skad ces bka' stsal to/ /chos 'phags de de bzhin no/ /de de bzhin te/ ngas ni don dam pa rtog ge thams cad las yang dag par 'das pa'i mtshan nyid mngon par rdzogs par sangs rgyas te/ mngon par rdzogs par sangs rgyas nas kyang bsnyad cing gsal bar byas/ /rnam par phye/ gdags pa byas/ rab tu bstan to/ /

【O2 釋】【P1 初復次】

དེ་ཅིའི་ཕྱིར་ཞེ་ན། དོན་དམ་པ་ནི་འཕགས་པ་རྣམས་ཀྱི་སོ་སོ་རང་གིས་རིག་པ་ཡིན་པར་ངས་བཤད་ལ། སོ་སོའི་སྐྱེ་བོ་རྣམས་ཀྱི་ཕན་ཚུན་རིག་པར་བྱ་བ་ནི་རྟོག་གེའི་སྤྱོད་ཡུལ་ཡིན་པའི་ཕྱིར་ཏེ། ཆོས་འཕགས་དེའི་ཕྱིར་རྣམ་གྲངས་དེས་ན་ཁྱོད་ཀྱིས་འདི་ལྟར་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་གང་ཡིན་པ་དེ་ན་དོན་དམ་པ་ཡིན་པར་རིག་པར་བྱའོ། །

de ci'i phyir zhe na/ don dam pa ni 'phags pa rnams kyi so so rang gis rig pa yin par ngas bshad la/ so so'i skye bo rnams kyi phan tshun rig par bya ba ni rtog ge'i spyod yul yin pa'i phyir te/ chos 'phags de'i phyir rnam grangs des na khyod kyis 'di ltar rtog ge thams cad las yang dag par 'das pa'i mtshan nyid gang yin pa de na don dam pa yin par rig par bya'o/ /

【P2 第二復次】

ཆོས་འཕགས་གཞན་ཡང་དོན་དམ་པ་ནི་མཚན་མ་མེད་པའི་སྤྱོད་ཡུལ་ཡིན་པར་ངས་བཤད་ལ། རྟོག་གེ་ནི་མཚན་མའི་སྤྱོད་ཡུལ་ཡིན་ཏེ། ཆོས་འཕགས་དེའི་ཕྱིར་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

chos 'phags gzhan yang don dam pa ni mtshan ma med pa'i spyod yul yin par ngas bshad la/ rtog ge ni mtshan ma'i spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /

【P3 第三復次】

ཆོས་འཕགས་གཞན་ཡང་དོན་དམ་པ་ནི་བརྗོད་དུ་མེད་པ་ཡིན་པར་ངས་བཤད་ལ། རྟོག་གེ་ནི་བརྗོད་པའི་སྤྱོད་ཡུལ་ཡིན་ཏེ། ཆོས་འཕགས་དེའི་ཕྱིར་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

chos 'phags gzhan yang don dam pa ni brjod du med pa yin par ngas bshad la/ rtog ge ni brjod pa'i spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /

【P4 第四復次】

ཆོས་འཕགས་གཞན་ཡང་དོན་དམ་པ་ནི་ཐ་སྙད་ཐམས་ཅད་ཡང་དག་པར་ཆད་པ་ཡིན་པར་ངས་བཤད་ལ། རྟོག་གེ་ནི་ཐ་སྙད་ཀྱི་སྤྱོད་ཡུལ་ཡིན་ཏེ། ཆོས་འཕགས་དེའི་ཕྱིར་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

chos 'phags gzhan yang don dam pa ni tha snyad thams cad yang dag par chad pa yin par ngas bshad la/ rtog ge ni tha snyad kyi spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /

【P5 第五復次】

ཆོས་འཕགས་གཞན་ཡང་དོན་དམ་པ་ནི་རྩོད་པ་ཐམས་ཅད་ཡང་དག་པར་ཆད་པ་ཡིན་པར་ངས་བཤད་ལ། རྟོག་གེ་ནི་རྩོད་པའི་སྤྱོད་ཡུལ་ཡིན་ཏེ། ཆོས་འཕགས་དེའི་ཕྱིར་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

chos 'phags gzhan yang don dam pa ni rtsod pa thams cad yang dag par chad pa yin par ngas bshad la/ rtog ge ni rtsod pa'i spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /

【N2 譬】【O1 初番】

ཆོས་འཕགས་འདི་ལྟ་སྟེ། དཔེར་ན་སྐྱེས་བུ་གང་ཟག་ཇི་སྲིད་འཚོའི་བར་དུ་ཚ་བ་དང་ཁ་བའི་རོ་བསྟེན་བསྟེན་པས་ནི་སྤྲང་རྩིའི་རོའམ། ཤ་ཁ་རའི་རོ་བརྟག་པའམ། རྗེས་སུ་དཔག་པའམ༑ མོས་པར་མི་ནུས་སོ། །

chos 'phags 'di lta ste/ dper na skyes bu gang zag ji srid 'tsho'i bar du tsha ba dang kha ba'i ro bsten bsten pas ni sprang rtsi'i ro'am/ sha kha ra'i ro brtag pa'am/ rjes su dpag pa'am| mos par mi nus so/ /

【O2 第二番】

ཡུན་རིང་པོ་ནས་འདོད་པའི་འདོད་ཆགས་ལ་མོས་པ་དང་འདོད་པའི་ཡོངས་སུ་གདུང་བ་དག་གིས་ཡོངས་སུ་གདུངས་པས་ནི་ནང་གི་རབ་ཏུ་དབེན་པའི་བདེ་བ་གཟུགས་དང༌། སྒྲ་དང༌། དྲི་དང༌། རོ་དང༌། རེག་བྱའི་མཚན་མ་ཐམས་ཅད་དང་བྲལ་བ་ལ་བརྟག་པའམ། རྗེས་སུ་དཔག་པའམ། མོས་པར་མི་ནུས་སོ། །

yun ring po nas 'dod pa'i 'dod chags la mos pa dang 'dod pa'i yongs su gdung ba dag gis yongs su gdungs pas ni nang gi rab tu dben pa'i bde ba gzugs dang/ sgra dang/ dri dang/ ro dang/ reg bya'i mtshan ma thams cad dang bral ba la brtag pa'am/ rjes su dpag pa'am/ mos par mi nus so/ /

【O3 第三番】

ཡུན་རིང་པོ་ནས་ཀུན་ཏུ་སྨྲ་བ་ལ་མོས་པ་ཀུན་ཏུ་སྨྲ་བ་ལ་མངོན་པར་དགའ་བས་ནི་ནང་གི་མི་སྨྲ་བ་འཕགས་པའི་བདེན་པ་ལ་བརྟག་པའམ། རྗེས་སུ་དཔག་པའམ། མོས་པར་མི་ནུས་སོ། །

yun ring po nas kun tu smra ba la mos pa kun tu smra ba la mngon par dga' bas ni nang gi mi smra ba 'phags pa'i bden pa la brtag pa'am/ rjes su dpag pa'am/ mos par mi nus so/ /

【O4 第四番】

ཡུན་རིང་པོ་ནས་མཐོང་བ་དང༌། ཐོས་པ་དང༌། བྱེ་བྲག་ཕྱེད་པ་དང༌། རྣམ་པར་ཤེས་པའི་ཐ་སྙད་ལ་མོས་པ། ཐ་སྙད་ལ་མངོན་པར་དགའ་བས་ནི་ཐ་སྙད་ཐམས་ཅད་ཡང་དག་པར་ཆད་པ་འཇིག་ཚོགས་ལ་འགོག་པའི་མྱ་ངན་ལས་འདས་པ་ལ་བརྟག་པའམ། རྗེས་སུ་དཔག་པའམ། མོས་པར་མི་ནུས་སོ། །

yun ring po nas mthong ba dang/ thos pa dang/ bye brag phyed pa dang/ rnam par shes pa'i tha snyad la mos pa/ tha snyad la mngon par dga' bas ni tha snyad thams cad yang dag par chad pa 'jig tshogs la 'gog pa'i mya ngan las 'das pa la brtag pa'am/ rjes su dpag pa'am/ mos par mi nus so/ /

【O5 第五番】

ཆོས་འཕགས་འདི་ལྟ་སྟེ། དཔེར་ན་ཡུན་རིང་པོ་ནས་བདག་གིར་ཡོངས་སུ་འཛིན་པ་ཉིད་ཀྱིས་རྩོད་པ་ལ་བརྩོན་པ། རྩོད་པ་ལ་མངོན་པར་དགའ་བས་ནི་བྱང་གི་སྒྲ་མི་སྙན་པ་དག་གིས་བདག་གིར་ཡོངས་སུ་འཛིན་པ་མེད་པ་ཉིད་དང༌། རྩོད་པ་མེད་པ་ཉིད་ལ་བརྟག་པའམ། རྗེས་སུ་དཔག་པའམ། མོས་པར་མི་ནུས་སོ། །

chos 'phags 'di lta ste/ dper na yun ring po nas bdag gir yongs su 'dzin pa nyid kyis rtsod pa la brtson pa/ rtsod pa la mngon par dga' bas ni byang gi sgra mi snyan pa dag gis bdag gir yongs su 'dzin pa med pa nyid dang/ rtsod pa med pa nyid la brtag pa'am/ rjes su dpag pa'am/ mos par mi nus so/ /

【N3 合】

ཆོས་འཕགས་དེ་བཞིན་དུ་རྟོག་གེ་པ་ཐམས་ཅད་ཀྱིས་ཀྱང་དོན་དམ་པ་རྟོག་གེ་ཐམས་ཅད་ལས་ཡང་དག་པར་འདས་པའི་མཚན་ཉིད་ལ་བརྟག་པའམ། རྗེས་སུ་དཔག་པའམ། །མོས་པར་མི་ནུས་སོ། །

chos 'phags de bzhin du rtog ge pa thams cad kyis kyang don dam pa rtog ge thams cad las yang dag par 'das pa'i mtshan nyid la brtag pa'am/ rjes su dpag pa'am/ /mos par mi nus so/ /

【M2 以頌敘】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །སོ་སོ་རང་རིག་མཚན་མེད་སྤྱོད་ཡུལ་ཏེ། །བརྗོད་དུ་མེད་ཅིང་ཐ་སྙད་ཡོངས་ཆད་པ། །རྩོད་དང་བྲལ་བ་དོན་དམ་ཆོས་ཡིན་ཏེ། །དེ་ནི་རྟོག་གེ་ཀུན་ལས་འདས་མཚན་ཉིད། །ཅེས་གསུངས་པའོ། །

de nas bcom ldan 'das kyis de'i tshe tshigs su bcad pa 'di bka' stsal to/ /so so rang rig mtshan med spyod yul te/ /brjod du med cing tha snyad yongs chad pa/ /rtsod dang bral ba don dam chos yin te/ /de ni rtog ge kun las 'das mtshan nyid/ /ces gsungs pa'o/ /

【J3 解超過諸法一異性相】【K1 牒指經說】

དེ་ལ་ཐ་དད་པ་དང༌། ཐ་དད་པ་མ་ཡིན་པ་ཉིད་ལས་ཡང་དག་པར་འདས་པའི་མཚན་ཉིད་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ། །

de la tha dad pa dang/ tha dad pa ma yin pa nyid las yang dag par 'das pa'i mtshan nyid ni dgongs pa nges par 'grel pa'i mdo las ji skad 'byung ba bzhin blta bar bya ste/ /

【K2 正引其文】【L1 善清淨慧菩薩問】

བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་ཤིན་ཏུ་རྣམ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ཀྱིས་གང་གི་སླད་དུ་འདི་སྐད་ཅེས་དོན་དམ་པ་ནི་ཕྲ་བ་ཟབ་པ་ཐ་དད་པ་དང་ཐ་དད་པ་ཉིད་མ་ཡིན་པ་ཉིད་ལས་ཡང་དག་པར་འདས་པའི་མཚན་ཉིད་རྟོགས་པར་དཀའ་བ་ཡིན་ནོ་ཞེས་བཀའ་སྩལ་ཏེ། ཇི་ཙམ་དུ་བཅོམ་ལྡན་འདས་ཀྱིས་ལེགས་པར་གསུངས་པ་དེ་ནི་ངོ་མཚར་ལགས་སོ། །བཅོམ་ལྡན་འདས་འདི་ན་བདག་གི་ས་ཕྱོགས་ཤིག་ན། བྱང་ཆུབ་སེམས་དཔའ་མོས་པས་སྤྱོད་པའི་ས་ལ་བཞུགས་པ་རབ་ཏུ་མང་པོ་དག་ཅིག་འདི་ལྟ་སྟེ། འདུ་བྱེད་རྣམས་དང༌། དོན་དམ་པ་ཐ་དད་པ་དང་ཐ་དད་པ་མ་ལགས་པ་ཉིད་བསམས་པ་ལས་བརྩམས་ཏེ། ཕན་ཚུན་ནས་མཆིས་ཤིང་མཆིས་ནས་འདུས་ཏེ་མཆིས་ནས། དེ་ན་བྱང་ཆུབ་སེམས་དཔའ་ཁ་ཅིག་འདི་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ལགས་སོ་ཞེས་མཆི། ཁ་ཅིག་ནི་འདི་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་དང་ཐ་དད་པ་མ་ལགས་པ་མ་ལགས་ཀྱི། །འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་ལགས་སོ་ཞེས་མཆི། ཐེ་ཚོམ་དུ་གྱུར་པའི་བློ་གྲོས་ཅན་ཡིད་གཉིས་སུ་གྱུར་པ་ཁ་ཅིག་ནི་འདི་སྐད་དུ། །གང་དག་དེ་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་ལགས་སོ་ཞེས་མཆི་བ་དང༌། གང་དག་དེ་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ལགས་སོ་ཞེས་མཆི་བའི་བྱང་ཆུབ་སེམས་དཔའ་དེ་དག་ལ་གང་ནི་མེད་པར་མཆི་བ་ལགས། །གང་ནི་ཤོ་བེ་མཆི་བ་ལགས། །གང་ནི་ཚུལ་བཞིན་དུ་ཞུགས་པ་ལགས། །གང་ནི་ཚུལ་བཞིན་མ་ལགས་པར་ཞུགས་པ་ལགས་ཞེས་མཆི་བ་དག་ཅིག་མཐོང་ལགས་སོ། །བཅོམ་ལྡན་འདས་མཐོང་ནས་ཀྱང་བདག་འདི་སྙམ་བགྱིད་དེ། རིགས་ཀྱི་བུ་འདི་དག་ཐམས་ཅད་ནི་འདི་ལྟར་དོན་དམ་པ་འདུ་བྱེད་རྣམས་དང་ཐ་དད་པ་དང་ཐ་དད་པ་མ་ལགས་པ་ཉིད་ལས་ཡང་དག་པར་འདས་པའི་མཚན་ཉིད་ཕྲ་བ་མ་འཚལ་བ། །བྱིས་པ་རྨོངས་པ་མི་གསལ་བ༑ མི་མཁས་པ། ཚུལ་བཞིན་མ་ལགས་པར་ཞུགས་པ་ཤ་སྟག་ལགས་སོ་སྙམ་བགྱིད་ལགས་སོ། །

bcom ldan 'das la byang chub sems dpa' blo gros shin tu rnam dag gis 'di skad ces gsol to/ /bcom ldan 'das bcom ldan 'das kyis gang gi slad du 'di skad ces don dam pa ni phra ba zab pa tha dad pa dang tha dad pa nyid ma yin pa nyid las yang dag par 'das pa'i mtshan nyid rtogs par dka' ba yin no zhes bka' stsal te/ ji tsam du bcom ldan 'das kyis legs par gsungs pa de ni ngo mtshar lags so/ /bcom ldan 'das 'di na bdag gi sa phyogs shig na/ byang chub sems dpa' mos pas spyod pa'i sa la bzhugs pa rab tu mang po dag cig 'di lta ste/ 'du byed rnams dang/ don dam pa tha dad pa dang tha dad pa ma lags pa nyid bsams pa las brtsams te/ phan tshun nas mchis shing mchis nas 'dus te mchis nas/ de na byang chub sems dpa' kha cig 'di skad ces 'du byed kyi mtshan nyid dang don dam pa'i mtshan nyid tha dad pa ma lags so zhes mchi/ kha cig ni 'di skad ces 'du byed kyi mtshan nyid dang don dam pa'i mtshan nyid tha dad pa dang tha dad pa ma lags pa ma lags kyi/ /'du byed kyi mtshan nyid dang don dam pa'i mtshan nyid tha dad pa lags so zhes mchi/ the tshom du gyur pa'i blo gros can yid gnyis su gyur pa kha cig ni 'di skad du/ /gang dag de skad ces 'du byed kyi mtshan nyid dang don dam pa'i mtshan nyid tha dad pa lags so zhes mchi ba dang/ gang dag de skad ces 'du byed kyi mtshan nyid dang don dam pa'i mtshan nyid tha dad pa ma lags so zhes mchi ba'i byang chub sems dpa' de dag la gang ni med par mchi ba lags/ /gang ni sho be mchi ba lags/ /gang ni tshul bzhin du zhugs pa lags/ /gang ni tshul bzhin ma lags par zhugs pa lags zhes mchi ba dag cig mthong lags so/ /bcom ldan 'das mthong nas kyang bdag 'di snyam bgyid de/ rigs kyi bu 'di dag thams cad ni 'di ltar don dam pa 'du byed rnams dang tha dad pa dang tha dad pa ma lags pa nyid las yang dag par 'das pa'i mtshan nyid phra ba ma 'tshal ba/ /byis pa rmongs pa mi gsal ba| mi mkhas pa/ tshul bzhin ma lags par zhugs pa sha stag lags so snyam bgyid lags so/ /

【L2 佛答】【M1 長行廣辨】【N1 法】【O1 述成總說】

དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་ཤིན་ཏུ་རྣམ་དག་ལ་འདི་སྐད་ཅེས་བཀའ་སྩལ་ཏོ། །བློ་གྲོས་ཤིན་ཏུ་རྣམ་དག་དེ་དེ་བཞིན་ནོ། །དེ་དེ་བཞིན་ཏེ། རིགས་ཀྱི་བུ་དེ་དག་ཐམས་ཅད་ནི་འདི་ལྟར་དོན་དམ་པ་འདུ་བྱེད་རྣམས་དང་ཐ་དད་པ་དང་ཐ་དད་པ་མ་ཡིན་པ་ཉིད་ལས་ཡང་དག་པར་འདས་པའི་མཚན་ཉིད་ཕྲ་བ་མི་ཤེས་པ། བྱིས་པ། རྨོངས་པ། མི་གསལ་བ། མི་མཁས་པ། ཚུལ་བཞིན་མ་ཡིན་པར་ཞུགས་པ་ཤ་སྟག་ཡིན་ནོ། །

de skad ces gsol pa dang/ bcom ldan 'das kyis byang chub sems dpa' blo gros shin tu rnam dag la 'di skad ces bka' stsal to/ /blo gros shin tu rnam dag de de bzhin no/ /de de bzhin te/ rigs kyi bu de dag thams cad ni 'di ltar don dam pa 'du byed rnams dang tha dad pa dang tha dad pa ma yin pa nyid las yang dag par 'das pa'i mtshan nyid phra ba mi shes pa/ byis pa/ rmongs pa/ mi gsal ba/ mi mkhas pa/ tshul bzhin ma yin par zhugs pa sha stag yin no/ /

【O2 別釋其義】【P1 初復次】

དེ་ཅིའི་ཕྱིར་ཞེ་ན། བློ་གྲོས་ཤིན་ཏུ་རྣམ་དག་འདུ་བྱེད་རྣམས་ལ་དེ་ལྟར་སོ་སོར་རྟོག་པ་དག་ནི་དོན་དམ་པ་རྟོག་པའམ། དོན་དམ་པ་མངོན་སུམ་དུ་བྱེད་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། བློ་གྲོས་ཤིན་ཏུ་རྣམ་དག་གལ་ཏེ་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་པར་གྱུར་ན་ནི་དེས་ན་བྱིས་པ་སོ་སོའི་སྐྱེ་བོ་ཐམས་ཅད་བདེན་པ་མཐོང་བ་ཡིན་པར་ཡང་འགྱུར། །སོ་སོའི་སྐྱེ་བོ་ཁོ་ནར་འགྱུར་བཞིན་དུ་གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་འཐོབ་པར་ཡང་འགྱུར། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། །གལ་ཏེ་འདུ་བྱེད་ཀྱི་མཚན་ཉིད་ལས་དོན་དམ་པའི་མཚན་ཉིད་ཐ་དད་པ་ཡིན་པར་གྱུར་ན་ནི་དེས་ན་བདེན་པ་མཐོང་བ་རྣམས་ཀྱང༌། །འདུ་བྱེད་ཀྱི་མཚན་མ་དང་མ་བྲལ་བར་འགྱུར། །འདུ་བྱེད་ཀྱི་མཚན་མ་དང་མ་བྲལ་བའི་ཕྱིར་བདེན་པ་མཐོང་བ་ཡང་མཚན་མའི་འཆིང་བ་ལས་རྣམ་པར་གྲོལ་བར་ཡང་མི་འགྱུར། མཚན་མའི་འཆིང་བ་ལས་རྣམ་པར་མ་གྲོལ་ན་གནས་ངན་ལེན་གྱི་འཆིང་བ་ལས་ཀྱང་རྣམ་པར་མ་གྲོལ་བར་འགྱུར། །འཆིང་བ་དེ་གཉིས་ལས་མ་གྲོལ་ན་བདེན་བ་མཐོང་བས་གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་འཐོབ་པར་ཡང་མི་འགྱུར། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་མི་འགྱུར་རོ། །བློ་གྲོས་ཤིན་ཏུ་རྣམ་དག་གང་གི་ཕྱིར་སོ་སོའི་སྐྱེ་བོ་བདེན་པ་མཐོང་བ་མ་ཡིན། །སོ་སོའི་སྐྱེ་བོ་ཁོ་ནར་འགྱུར་བཞིན་དུ་གྲུབ་པ་དང༌། བདེ་བ་བླ་ན་མེད་པའི་མྱ་ངན་ལས་འདས་པ་འཐོབ་པར་ཡང་མི་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་མི་འགྱུར་བ་དེའི་ཕྱིར༑ །འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་ཞེས་བྱར་མི་རུང་སྟེ། དེ་ལ་གང་དག་དེ་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་ཞེས་ཟེར་བ་དེ་དག་ནི་རྣམ་གྲངས་དེས་ན། ཁྱོད་ཀྱིས་འདི་ལྟར་ཚུལ་བཞིན་མ་ཡིན་པར་ཞུགས་པ་ཡིན་གྱི། །ཚུལ་བཞིན་དུ་ཞུགས་པ་མ་ཡིན་པར་རིག་པར་བྱའོ། །བློ་གྲོས་ཤིན་ཏུ་རྣམ་དག་གང་གི་ཕྱིར་བདེན་པ་མཐོང་བ་རྣམས་འདུ་བྱེད་ཀྱི་མཚན་མ་དང་བྲལ་བ་མ་ཡིན་གྱི། བྲལ་བ་ཁོ་ན་ཡིན་པ་དང༌། བདེན་པ་མཐོང་བ་མཚན་མའི་འཆིང་བ་ལས་རྣམ་པར་མ་གྲོལ་བ་མ་ཡིན་གྱི། །རྣམ་པར་གྲོལ་བ་ཡིན་པ་དང༌། བདེན་པ་མཐོང་བ་གནས་ངན་ལེན་གྱི་འཆིང་བ་ལས་རྣམ་པར་མ་གྲོལ་བ་མ་ཡིན་གྱི། རྣམ་པར་གྲོལ་བ་ཡིན་པ་དང༌། འཆིང་བ་དེ་གཉི་ག་ལས་རྣམ་པར་གྲོལ་ན་གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་འཐོབ་པར་འགྱུར་བ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་བ་དེའི་ཕྱིར། །འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་ཞེས་བྱར་མི་རུང་སྟེ། དེ་ལ་གང་དག་དེ་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་ཞེས་ཟེར་བ་དེ་དག་ནི་རྣམ་གྲངས་དེས་ན། ཁྱོད་ཀྱིས་འདི་ལྟར་ཚུལ་བཞིན་མ་ཡིན་པར་ཞུགས་པ་ཡིན་གྱི། ཚུལ་བཞིན་དུ་ཞུགས་པ་མ་ཡིན་པར་རིག་པར་བྱའོ། །

de ci'i phyir zhe na/ blo gros shin tu rnam dag 'du byed rnams la de ltar so sor rtog pa dag ni don dam pa rtog pa'am/ don dam pa mngon sum du byed pa ma yin pa'i phyir ro/ /de ci'i phyir zhe na/ blo gros shin tu rnam dag gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni des na byis pa so so'i skye bo thams cad bden pa mthong ba yin par yang 'gyur/ /so so'i skye bo kho nar 'gyur bzhin du grub pa dang bde ba bla na med pa'i mya ngan las 'das pa 'thob par yang 'gyur/ /bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /gal te 'du byed kyi mtshan nyid las don dam pa'i mtshan nyid tha dad pa yin par gyur na ni des na bden pa mthong ba rnams kyang/ /'du byed kyi mtshan ma dang ma bral bar 'gyur/ /'du byed kyi mtshan ma dang ma bral ba'i phyir bden pa mthong ba yang mtshan ma'i 'ching ba las rnam par grol bar yang mi 'gyur/ mtshan ma'i 'ching ba las rnam par ma grol na gnas ngan len gyi 'ching ba las kyang rnam par ma grol bar 'gyur/ /'ching ba de gnyis las ma grol na bden ba mthong bas grub pa dang bde ba bla na med pa'i mya ngan las 'das pa 'thob par yang mi 'gyur/ /bla na med pa yang dag par rdzogs pa'i byang chub mngon par rdzogs par 'tshang rgya bar yang mi 'gyur ro/ /blo gros shin tu rnam dag gang gi phyir so so'i skye bo bden pa mthong ba ma yin/ /so so'i skye bo kho nar 'gyur bzhin du grub pa dang/ bde ba bla na med pa'i mya ngan las 'das pa 'thob par yang mi 'gyur/ bla na med pa yang dag par rdzogs pa'i byang chub mngon par rdzogs par 'tshang rgya bar yang mi 'gyur ba de'i phyir| /'du byed kyi mtshan nyid dang don dam pa'i mtshan nyid tha dad pa ma yin zhes byar mi rung ste/ de la gang dag de skad ces 'du byed kyi mtshan nyid dang don dam pa'i mtshan nyid tha dad pa ma yin zhes zer ba de dag ni rnam grangs des na/ khyod kyis 'di ltar tshul bzhin ma yin par zhugs pa yin gyi/ /tshul bzhin du zhugs pa ma yin par rig par bya'o/ /blo gros shin tu rnam dag gang gi phyir bden pa mthong ba rnams 'du byed kyi mtshan ma dang bral ba ma yin gyi/ bral ba kho na yin pa dang/ bden pa mthong ba mtshan ma'i 'ching ba las rnam par ma grol ba ma yin gyi/ /rnam par grol ba yin pa dang/ bden pa mthong ba gnas ngan len gyi 'ching ba las rnam par ma grol ba ma yin gyi/ rnam par grol ba yin pa dang/ 'ching ba de gnyi ga las rnam par grol na grub pa dang bde ba bla na med pa'i mya ngan las 'das pa 'thob par 'gyur ba dang/ bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ba de'i phyir/ /'du byed kyi mtshan nyid dang don dam pa'i mtshan nyid tha dad pa zhes byar mi rung ste/ de la gang dag de skad ces 'du byed kyi mtshan nyid dang don dam pa'i mtshan nyid tha dad pa zhes zer ba de dag ni rnam grangs des na/ khyod kyis 'di ltar tshul bzhin ma yin par zhugs pa yin gyi/ tshul bzhin du zhugs pa ma yin par rig par bya'o/ /

【P2 第二復次】

བློ་གྲོས་ཤིན་ཏུ་རྣམ་དག་གཞན་ཡང་གལ་ཏེ་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་པར་གྱུར་ན་ནི། །དེས་ན་ཇི་ལྟར་འདུ་བྱེད་ཀྱི་མཚན་ཉིད་ཀྱང་ཀུན་ནས་ཉོན་མོངས་པའི་མཚན་ཉིད་དུ་གཏོགས་པ་དེ་བཞིན་དུ་དོན་དམ་པའི་མཚན་ཉིད་ཀྱང་ཀུན་ནས་ཉོན་མོངས་པའི་མཚན་ཉིད་དུ་གཏོགས་པར་འགྱུར་རོ། །བློ་གྲོས་ཤིན་ཏུ་རྣམ་དག་གལ་ཏེ་འདུ་བྱེད་ཀྱི་མཚན་ཉིད་དང༌། དོན་དམ་པའི་མཚན་ཉིད་ཐ་དད་པ་ཡིན་པར་གྱུར་ན་ཡང་དེས་ན་འདུ་བྱེད་ཀྱི་མཚན་ཉིད་ཐམས་ཅད་ལ་དོན་དམ་པའི་མཚན་ཉིད་ནི་སྤྱིའི་མཚན་ཉིད་དུ་གྱུར་པ་མ་ཡིན་པར་འགྱུར་རོ། །བློ་གྲོས་ཤིན་ཏུ་རྣམ་དག་གང་གི་ཕྱིར་དོན་དམ་པའི་མཚན་ཉིད་ཀུན་ནས་ཉོན་མོངས་པའི་མཚན་ཉིད་དུ་གཏོགས་པ་མ་ཡིན་པ་དང༌། འདུ་བྱེད་ཀྱི་མཚན་ཉིད་ཐམས་ཅད་ལ་དོན་དམ་པའི་མཚན་ཉིད་སྤྱིའི་མཚན་ཉིད་དུ་གྱུར་པ་དེའི་ཕྱིར། །འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་ཞེས་བྱར་ཡང་མི་རུང་ལ། དོན་དམ་པའི་མཚན་ཉིད་ཐ་དད་པ་ཞེས་བྱར་ཡང་མི་རུང་སྟེ། དེ་ལ་གང་དག་དེ་སྐད་ཅེས་འདུ་བྱེད་ཀྱི་མཚན་ཉིད་དང༌། དོན་དམ་པའི་མཚན་ཉིད་ཐ་དད་པ་མ་ཡིན་ཞེས་ཟེར་བ་དང༌། དོན་དམ་པའི་མཚན་ཉིད་ཐ་དད་པ་ཞེས་ཟེར་བ་དེ་དག་ནི་རྣམ་གྲངས་དེས་ན། ཁྱོད་ཀྱིས་འདི་ལྟར་ཚུལ་བཞིན་མ་ཡིན་པར་ཞུགས་པ་ཡིན་གྱི། །ཚུལ་བཞིན་དུ་ཞུགས་པ་ནི་མ་ཡིན་པར་རིག་པར་བྱའོ། །

blo gros shin tu rnam dag gzhan yang gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni/ /des na ji ltar 'du byed kyi mtshan nyid kyang kun nas nyon mongs pa'i mtshan nyid du gtogs pa de bzhin du don dam pa'i mtshan nyid kyang kun nas nyon mongs pa'i mtshan nyid du gtogs par 'gyur ro/ /blo gros shin tu rnam dag gal te 'du byed kyi mtshan nyid dang/ don dam pa'i mtshan nyid tha dad pa yin par gyur na yang des na 'du byed kyi mtshan nyid thams cad la don dam pa'i mtshan nyid ni spyi'i mtshan nyid du gyur pa ma yin par 'gyur ro/ /blo gros shin tu rnam dag gang gi phyir don dam pa'i mtshan nyid kun nas nyon mongs pa'i mtshan nyid du gtogs pa ma yin pa dang/ 'du byed kyi mtshan nyid thams cad la don dam pa'i mtshan nyid spyi'i mtshan nyid du gyur pa de'i phyir/ /'du byed kyi mtshan nyid dang don dam pa'i mtshan nyid tha dad pa ma yin zhes byar yang mi rung la/ don dam pa'i mtshan nyid tha dad pa zhes byar yang mi rung ste/ de la gang dag de skad ces 'du byed kyi mtshan nyid dang/ don dam pa'i mtshan nyid tha dad pa ma yin zhes zer ba dang/ don dam pa'i mtshan nyid tha dad pa zhes zer ba de dag ni rnam grangs des na/ khyod kyis 'di ltar tshul bzhin ma yin par zhugs pa yin gyi/ /tshul bzhin du zhugs pa ni ma yin par rig par bya'o/ /

【P3 第三復次】

བློ་གྲོས་ཤིན་ཏུ་རྣམ་དག་གཞན་ཡང་གལ་ཏེ་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་པར་གྱུར་ན་ནི། དེས་ན་ཇི་ལྟར་དོན་དམ་པའི་མཚན་ཉིད་ཐམས་ཅད་ལ་བྱེ་བྲག་མེད་པ་དེ་བཞིན་དུ༑ །འདུ་བྱེད་ཀྱི་མཚན་ཉིད་ཐམས་ཅད་ཀྱང་བྱེ་བྲག་མེད་པར་འགྱུར་བ་དང༌། རྣལ་འབྱོར་པ་དག་འདུ་བྱེད་རྣམས་ལ་ཇི་ལྟར་མཐོང་བ་དང༌། ཇི་ལྟར་ཐོས་པ་དང༌། ཇི་ལྟར་བྱེ་བྲག་ཕྱེད་པ་དང༌། ཇི་ལྟར་རྣམ་པར་ཤེས་པ་ལས་གོང་དུ་དོན་དམ་པ་ཡོངས་སུ་ཚོལ་བར་ཡང་མི་འགྱུར་རོ། །གལ་ཏེ་འདུ་བྱེད་ཀྱི་མཚན་ཉིད་དང༌། དོན་དམ་པའི་མཚན་ཉིད་ཐ་དད་པ་ཡིན་པར་གྱུར་ན་ནི་དེས་ན་འདུ་བྱེད་རྣམས་ཀྱི་བདག་མེད་པ་ཙམ་དང༌། ངོ་བོ་ཉིད་མེད་པ་ཙམ་ཉིད་དོན་དམ་པའི་མཚན་ཉིད་ཡིན་པར་ཡང་མི་འགྱུར། །ཀུན་ནས་ཉོན་མོངས་པའི་མཚན་ཉིད་དང༌། རྣམ་པར་བྱང་བའི་མཚན་ཉིད་ཀྱང་དུས་གཅིག་ཏུ་མཚན་ཉིད་ཐ་དད་དུ་གྲུབ་པར་འགྱུར་རོ། །བློ་གྲོས་ཤིན་ཏུ་རྣམ་དག་གང་གི་ཕྱིར་འདུ་བྱེད་ཀྱི་མཚན་ཉིད་རྣམས་ནི་བྱེ་བྲག་ཡོད་པ་ཡིན་ཏེ། བྱེ་བྲག་མེད་པ་མ་ཡིན་པ་དང༌། རྣལ་འབྱོར་པ་དག་འདུ་བྱེད་རྣམས་ལ་ཇི་ལྟར་མཐོང་བ་དང༌། ཐོས་པ་དང༌། བྱེ་བྲག་ཕྱེད་པ་དང༌། རྣམ་པར་ཤེས་པ་ལས་གོང་དུ་དོན་དམ་པ་ཡོངས་སུ་ཚོལ་བར་བྱེད་པ་དང༌། དོན་དམ་པ་ནི་འདུ་བྱེད་རྣམས་ཀྱི་བདག་མེད་པས་རབ་ཏུ་ཕྱེ་བ་ཡིན་པ་དང༌། ཀུན་ནས་ཉོན་མོངས་པ་དང༌། རྣམ་པར་བྱང་བའི་མཚན་ཉིད་ཀྱང་དུས་གཅིག་ཏུ་མཚན་ཉིད་ཐ་དད་དུ་གྲུབ་པ་མེད་པ་དེའི་ཕྱིར། འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པའམ། ཐ་དད་པ་མ་ཡིན་པ་ཞེས་བྱར་མི་རུང་ངོ༌། །དེ་ལ་གང་དག་འདི་སྐད་ཅེས་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཐ་དད་པ་མ་ཡིན་པའམ། ཐ་དད་པ་ཞེས་ཟེར་བ་དེ་དག་ནི་རྣམ་གྲངས་དེས་ན། ཁྱོད་ཀྱིས་འདི་ལྟར་ཚུལ་བཞིན་མ་ཡིན་པར་ཞུགས་པ་ཡིན་གྱི། །ཚུལ་བཞིན་དུ་ཞུགས་པ་མ་ཡིན་པར་རིག་པར་བྱའོ། །

blo gros shin tu rnam dag gzhan yang gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni/ des na ji ltar don dam pa'i mtshan nyid thams cad la bye brag med pa de bzhin du| /'du byed kyi mtshan nyid thams cad kyang bye brag med par 'gyur ba dang/ rnal 'byor pa dag 'du byed rnams la ji ltar mthong ba dang/ ji ltar thos pa dang/ ji ltar bye brag phyed pa dang/ ji ltar rnam par shes pa las gong du don dam pa yongs su tshol bar yang mi 'gyur ro/ /gal te 'du byed kyi mtshan nyid dang/ don dam pa'i mtshan nyid tha dad pa yin par gyur na ni des na 'du byed rnams kyi bdag med pa tsam dang/ ngo bo nyid med pa tsam nyid don dam pa'i mtshan nyid yin par yang mi 'gyur/ /kun nas nyon mongs pa'i mtshan nyid dang/ rnam par byang ba'i mtshan nyid kyang dus gcig tu mtshan nyid tha dad du grub par 'gyur ro/ /blo gros shin tu rnam dag gang gi phyir 'du byed kyi mtshan nyid rnams ni bye brag yod pa yin te/ bye brag med pa ma yin pa dang/ rnal 'byor pa dag 'du byed rnams la ji ltar mthong ba dang/ thos pa dang/ bye brag phyed pa dang/ rnam par shes pa las gong du don dam pa yongs su tshol bar byed pa dang/ don dam pa ni 'du byed rnams kyi bdag med pas rab tu phye ba yin pa dang/ kun nas nyon mongs pa dang/ rnam par byang ba'i mtshan nyid kyang dus gcig tu mtshan nyid tha dad du grub pa med pa de'i phyir/ 'du byed kyi mtshan nyid dang don dam pa'i mtshan nyid tha dad pa'am/ tha dad pa ma yin pa zhes byar mi rung ngo/ /de la gang dag 'di skad ces 'du byed kyi mtshan nyid dang don dam pa'i mtshan nyid tha dad pa ma yin pa'am/ tha dad pa zhes zer ba de dag ni rnam grangs des na/ khyod kyis 'di ltar tshul bzhin ma yin par zhugs pa yin gyi/ /tshul bzhin du zhugs pa ma yin par rig par bya'o/ /

【N2 喻】【O1 初螺貝喻】

བློ་གྲོས་ཤིན་ཏུ་རྣམ་དག་འདི་ལྟ་སྟེ། དཔེར་ན་དུང་གི་དཀར་པོ་ཉིད་ནི་དུང་དང་མཚན་ཉིད་ཐ་དད་པ་མ་ཡིན་པའམ། །མཚན་ཉིད་ཐ་དད་དུ་གདགས་པར་སླ་བ་མ་ཡིན་ནོ། །

blo gros shin tu rnam dag 'di lta ste/ dper na dung gi dkar po nyid ni dung dang mtshan nyid tha dad pa ma yin pa'am/ /mtshan nyid tha dad du gdags par sla ba ma yin no/ /

【O2 第二螺貝喻】

དུང་གི་དཀར་པོ་ཉིད་ཇི་ལྟ་བ་བཞིན་དུ། གསེར་གྱི་སེར་པོ་ཉིད་ཀྱང་དེ་བཞིན་ནོ། །

dung gi dkar po nyid ji lta ba bzhin du/ gser gyi ser po nyid kyang de bzhin no/ /

【O3 第三箜篌聲喻】

པི་ཝང་གི་སྒྲའི་སྙན་པ་ཉིད་ཀྱང་པི་ཝང་གི་སྒྲ་ཉིད་དང་མཚན་ཉིད་ཐ་དད་པ་མ་ཡིན་པའམ། །མཚན་ཉིད་ཐ་དད་པར་གདགས་པར་སླ་བ་མ་ཡིན་ནོ། །

pi wang gi sgra'i snyan pa nyid kyang pi wang gi sgra nyid dang mtshan nyid tha dad pa ma yin pa'am/ /mtshan nyid tha dad par gdags par sla ba ma yin no/ /

【O4 第四黑沈香喻】

ཨ་ཀ་རུ་ནག་པོའི་དྲི་ཞིམ་པོ་ཉིད་ཀྱང་ཨ་ཀ་རུ་ནག་པོ་དང་མཚན་ཉིད་ཐ་དད་པ་མ་ཡིན་པའམ། མཚན་ཉིད་ཐ་དད་དུ་གདགས་པར་སླ་བ་མ་ཡིན་ནོ། །

a ka ru nag po'i dri zhim po nyid kyang a ka ru nag po dang mtshan nyid tha dad pa ma yin pa'am/ mtshan nyid tha dad du gdags par sla ba ma yin no/ /

【O5 第五胡椒喻】

ན་ལེ་ཤམ་གྱི་ཚ་བ་ཉིད་ཀྱང་ན་ལེ་ཤམ་དང་མཚན་ཉིད་ཐ་དད་པ་མ་ཡིན་པའམ། །མཚན་ཉིད་ཐ་དད་དུ་གདགས་པར་སླ་བ་མ་ཡིན་ནོ། །

na le sham gyi tsha ba nyid kyang na le sham dang mtshan nyid tha dad pa ma yin pa'am/ /mtshan nyid tha dad du gdags par sla ba ma yin no/ /

【O6 第六胡椒喻】

ན་ལེ་ཤམ་གྱི་ཚ་བ་ཉིད་ཇི་ལྟར་བ་བཞིན་དུ་ཨ་རུ་རའི་བསྐ་བ་ཉིད་ཀྱང་དེ་བཞིན་ནོ། །

na le sham gyi tsha ba nyid ji ltar ba bzhin du a ru ra'i bska ba nyid kyang de bzhin no/ /

【O7 第七蠹羅綿喻】

འདི་ལྟ་སྟེ། དཔེར་ན་ཤིང་བལ་གྱི་འདའ་བའི་འཇམ་པ་ཉིད་ཀྱང་ཤིང་བལ་གྱི་འདའ་བ་དང་མཚན་ཉིད་ཐ་དད་པ་མ་ཡིན་པའམ། མཚན་ཉིད་ཐ་དད་པར་གདགས་པར་སླ་བ་མ་ཡིན་ནོ། །

'di lta ste/ dper na shing bal gyi 'da' ba'i 'jam pa nyid kyang shing bal gyi 'da' ba dang mtshan nyid tha dad pa ma yin pa'am/ mtshan nyid tha dad par gdags par sla ba ma yin no/ /

【O8 第八熟喻酥】

འདི་ལྟ་སྟེ། དཔེར་ན་མར་ལ་མར་གྱི་སྙིང་ཁུ་ཡང་མར་དང་མཚན་ཉིད་ཐ་དད་པ་མ་ཡིན་པའམ། མཚན་ཉིད་ཐ་དད་པར་གདགས་པར་སླ་བ་མ་ཡིན་ནོ། །

'di lta ste/ dper na mar la mar gyi snying khu yang mar dang mtshan nyid tha dad pa ma yin pa'am/ mtshan nyid tha dad par gdags par sla ba ma yin no/ /

【O9-11 第九至第十二無常、苦、無我喻】

འདི་ལྟ་སྟེ། དཔེར་ན་འདུ་བྱེད་ཐམས་ཅད་ལ་མི་རྟག་པ་ཉིད་དང༌། ཟག་པ་དང་བཅས་པ་ཐམས་ཅད་ལ་སྡུག་བསྔལ་བ་ཉིད་དང༌། ཆོས་ཐམས་ཅད་ལ་གང་ཟག་གི་བདག་མེད་པ་ཉིད་ཀྱང་དེ་དག་དང་མཚན་ཉིད་ཐ་དད་པ་མ་ཡིན་པའམ། །མཚན་ཉིད་ཐ་དད་དུ་གདགས་པར་སླ་བ་མ་ཡིན་ནོ།

'di lta ste/ dper na 'du byed thams cad la mi rtag pa nyid dang/ zag pa dang bcas pa thams cad la sdug bsngal ba nyid dang/ chos thams cad la gang zag gi bdag med pa nyid kyang de dag dang mtshan nyid tha dad pa ma yin pa'am/ /mtshan nyid tha dad du gdags par sla ba ma yin no/

【O12-14 第十二至十四貪、瞋、癡喻】

བློ་གྲོས་ཤིན་ཏུ་རྣམ་དག་འདི་ལྟ་སྟེ། དཔེར་ན་འདོད་ཆགས་ཀྱི་མ་ཞི་བའི་མཚན་ཉིད་དང༌། ཀུན་ནས་ཉོན་མོངས་པའི་མཚན་ཉིད་ཀྱང་འདོད་ཆགས་དང་མཚན་ཉིད་ཐ་དད་པ་མ་ཡིན་པའམ། མཚན་ཉིད་ཐ་དད་དུ་གདགས་པར་སླ་བ་མ་ཡིན་པ་དང༌། འདོད་ཆགས་ཀྱི་ཇི་ལྟ་བ་བཞིན་དུ་ཞེ་སྡང་དང་གཏི་མུག་གི་ཡང་དེ་བཞིན་དུ་རིག་པར་བྱའོ། །

blo gros shin tu rnam dag 'di lta ste/ dper na 'dod chags kyi ma zhi ba'i mtshan nyid dang/ kun nas nyon mongs pa'i mtshan nyid kyang 'dod chags dang mtshan nyid tha dad pa ma yin pa'am/ mtshan nyid tha dad du gdags par sla ba ma yin pa dang/ 'dod chags kyi ji lta ba bzhin du zhe sdang dang gti mug gi yang de bzhin du rig par bya'o/ /

【N3 合】【O1 合】

བློ་གྲོས་ཤིན་ཏུ་རྣམ་དག་དེ་བཞིན་དུ་འདུ་བྱེད་ཀྱི་མཚན་ཉིད་དང་དོན་དམ་པའི་མཚན་ཉིད་ཀྱང་མཚན་ཉིད་ཐ་དད་པ་མ་ཡིན་པའམ། །མཚན་ཉིད་ཐ་དད་དུ་གདགས་པར་མི་བཟོད་དོ། །

blo gros shin tu rnam dag de bzhin du 'du byed kyi mtshan nyid dang don dam pa'i mtshan nyid kyang mtshan nyid tha dad pa ma yin pa'am/ /mtshan nyid tha dad du gdags par mi bzod do/ /

【O2 結歸本宗】

བློ་གྲོས་ཤིན་ཏུ་རྣམ་དག་ངས་ནི་དེ་ལྟར་དོན་དམ་པ། ཕྲ་བ། མཆོག་ཏུ་ཕྲ་བ། ཟབ་པ། མཆོག་ཏུ་ཟབ་པ། རྟོགས་པར་དཀའ་བ༑ མཆོག་ཏུ་རྟོགས་པར་དཀའ་བ་ཐ་དད་པ་དང་ཐ་དད་པ་མ་ཡིན་པ་ཉིད་ལས་ཡང་དག་པར་འདས་པའི་མཚན་ཉིད་མངོན་པར་རྫོགས་པར་སངས་རྒྱས་ཏེ། མངོན་པར་རྫོགས་པར་སངས་རྒྱས་ནས་ཀྱང་བསྙད་ཅིང་གསལ་བར་བྱས། རྣམ་པར་ཕྱེ། གདགས་པ་བྱས། རབ་ཏུ་བསྟན་ཏོ། །

blo gros shin tu rnam dag ngas ni de ltar don dam pa/ phra ba/ mchog tu phra ba/ zab pa/ mchog tu zab pa/ rtogs par dka' ba| mchog tu rtogs par dka' ba tha dad pa dang tha dad pa ma yin pa nyid las yang dag par 'das pa'i mtshan nyid mngon par rdzogs par sangs rgyas te/ mngon par rdzogs par sangs rgyas nas kyang bsnyad cing gsal bar byas/ rnam par phye/ gdags pa byas/ rab tu bstan to/ /

【M2 以頌敘】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། འདུ་བྱེད་ཁམས་དང་དོན་དམ་མཚན་ཉིད་ནི། །གཅིག་དང་ཐ་དད་བྲལ་བའི་མཚན་ཉིད་དེ༑ །གཅིག་དང་ཐ་དད་ཉིད་དུ་གང་རྟོག་པ། དེ་དག་ཚུལ་བཞིན་མ་ཡིན་ཞུགས་པ་ཡིན། །སྐྱེ་བ་པོ་ཡིས་ལྷག་མཐོང་དང༌། ཞི་གནས་གོམས་པར་བྱས་ནས་ནི། །གནས་ངན་ལེན་གྱི་མཆིང་བ་དང༌། མཚན་མའི་འཆིང་ལས་རྣམ་གྲོལ་འགྱུར། །ཞེས་གསུངས་སོ། །

de nas bcom ldan 'das kyis de'i tshe tshigs su bcad pa 'di dag bka' stsal to/ 'du byed khams dang don dam mtshan nyid ni/ /gcig dang tha dad bral ba'i mtshan nyid de| /gcig dang tha dad nyid du gang rtog pa/ de dag tshul bzhin ma yin zhugs pa yin/ /skye ba po yis lhag mthong dang/ zhi gnas goms par byas nas ni/ /gnas ngan len gyi mching ba dang/ mtshan ma'i 'ching las rnam grol 'gyur/ /zhes gsungs so/ /

【J4 解其第五遍一切一味相】【K1 牒指經說】

དེ་ལ་ཐམས་ཅད་དུ་རོ་གཅིག་པའི་མཚན་ཉིད་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ།

de la thams cad du ro gcig pa'i mtshan nyid ni dgongs pa nges par 'grel pa'i mdo las ji skad 'byung ba bzhin blta bar bya ste/

【K2 正引其文】【L1 長行廣辨】【M1 佛問善現知幾有情有慢】

བཅོམ་ལྡན་འདས་ཀྱིས་ཚེ་དང་ལྡན་པ་རབ་འབོར་ལ་བཀའ་སྩལ་པ། རབ་འབྱོར་ཁྱོད་ཀྱིས་སེམས་ཅན་གྱི་ཁམས་ན། གང་དག་མངོན་པའི་ང་རྒྱལ་མངོན་པའི་ང་རྒྱལ་གྱིས་མངོན་དུ་ཟིན་ཅིང༌། །ཤེས་པ་བརྡ་སྤྲོད་པར་བྱེད་པའི་སེམས་ཅན་ནི་ཇི་ཙམ་ཞིག་ཡོད་པར་ཤེས། །ཁྱོད་ཀྱིས་སེམས་ཅན་གྱི་ཁམས་ན༑ གང་དག་མངོན་པའི་ང་རྒྱལ་མེད་པར་ཤེས་པ་བརྡ་སྤྲོད་པར་བྱེད་པའི་སེམས་ཅན་ཇི་ཙམ་ཞིག་ཡོད་པར་ཤེས།

bcom ldan 'das kyis tshe dang ldan pa rab 'bor la bka' stsal pa/ rab 'byor khyod kyis sems can gyi khams na/ gang dag mngon pa'i nga rgyal mngon pa'i nga rgyal gyis mngon du zin cing/ /shes pa brda sprod par byed pa'i sems can ni ji tsam zhig yod par shes/ /khyod kyis sems can gyi khams na| gang dag mngon pa'i nga rgyal med par shes pa brda sprod par byed pa'i sems can ji tsam zhig yod par shes/

【M2 善現仰諮世尊】

རབ་འབྱོར་གྱིས་གསོལ་པ། །བཅོམ་ལྡན་འདས་བདག་གིས་སེམས་ཅན་གྱི་ཁམས་ན་གང་དག་མངོན་པའི་ང་རྒྱལ་མ་མཆིས་པར་ཤེས་པ་བརྡ་སྤྲོད་པར་བགྱིད་པའི་སེམས་ཅན་ནི་ཉུང་ཤས་ཅིག་མཆིས་པར་འཚལ་བ་ལགས་ཀྱི། །བཅོམ་ལྡན་འདས་བདག་གིས་སེམས་ཅན་གྱི་ཁམས་ན། གང་དག་མངོན་པའི་ང་རྒྱལ་ཅན། མངོན་པའི་ང་རྒྱལ་གྱིས་མངོན་དུ་ཟིན་ཅིང་ཤེས་པ་བརྡ་སྤྲོད་པར་བྱེད་པའི་སེམས་ཅན་ནི་ཚད་མ་མཆིས། གྲངས་མ་མཆིས༑ །བརྗོད་དུ་མ་མཆིས་པ་སྙེད་ཅིག་མཆིས་པར་འཚལ་ལགས་ཏེ། བཅོམ་ལྡན་འདས་བདག་དུས་གཅིག་ཅིག་ན། དགོན་པ་ནགས་ཁྲོད་ཆེན་པོ་ཞིག་ན་མཆིས་པའི་ཚེ། དེ་ན་བདག་གི་ཉེ་འཁོར་ན་དགེ་སློང་རབ་ཏུ་མང་པོ་དག་ཅིག་ཀྱང་དགོན་པ་ནགས་ཁྲོད་ཆེན་པོ་ན་བརྟེན་ཅིང་གནས་ལགས་ཏེ། བདག་གིས་སྔ་དྲོའི་དུས་ཀྱི་ཚེ། །དགེ་སློང་དེ་དག་ཕན་ཚུན་ནས་མཆིས་ཤིང་མཇལ་ནས་ཆོས་རྣམ་པ་སྣ་ཚོགས་དམིགས་པའི་མངོན་པར་རྟོགས་པ་སྟོན་པས་ཤེས་པ་བརྡ་སྤྲོད་པར་བགྱིད་དེ། །དེ་ན་ཁ་ཅིག་ནི་ཕུང་པོ་དམིགས་པ་དང༌། ཕུང་པོའི་མཚན་མ་དམིགས་པ་དང༌། ཕུང་པོའི་སྐྱེ་བ་དམིགས་པ་དང༌། ཕུང་པོའི་འཇིག་པ་དམིགས་པ་དང༌། ཕུང་པོ་འགོག་པ་དམིགས་པ་དང༌། ཕུང་པོ་འགོག་པ་མངོན་དུ་བགྱི་བ་དམིགས་པས་ཤེས་པ་བརྡ་སྤྱོད་པར་བགྱིད། །ཁ་ཅིག་ཕུང་པོའི་དམིགས་པ་ཇི་ལྟ་བ་དེ་བཞིན་དུ། ཁ་ཅིག་ནི་སྐྱེ་མཆེད་དམིགས་པས། ཁ་ཅིག་ནི་རྟེན་ཅིང་འབྲེལ་པར་འབྱུང་བ་དམིགས་པས་ཤེས་པ་བརྡ་སྤྲོད་པར་བགྱིད༑ ཁ་ཅིག་ནི་ཟས་དམིགས་པ་དང༌། ཟས་ཀྱི་མཚན་མ་དམིགས་པ་དང༌། ཟས་ཀྱི་སྐྱེ་བ་དམིགས་པ་དང༌། ཟས་ཀྱི་འཇིག་པ་དམིགས་པ་དང༌། ཟས་འགོག་པ་དམིགས་པ་དང༌། ཟས་འགོག་པ་མངོན་དུ་བགྱི་བ་དམིགས་པས་ཤེས་པ་བརྡ་སྤྲོད་པར་བགྱིད། ཁ་ཅིག་ནི་བདེན་པ་དམིགས་པ་དང༌། བདེན་པའི་མཚན་མ་དམིགས་པ་དང༌། བདེན་པ་ཡོངས་སུ་ཤེས་པ་དམིགས་པ་དང༌། བདེན་པ་སྤང་བ་དམིགས་པ་དང༌། བདེན་པ་མངོན་དུ་བགྱིད་པ་དམིགས་པ་དང༌། བདེན་པ་བསྒོམ་པ་དམིགས་པས་ཤེས་པ་བརྡ་སྤྲོད་པར་བགྱིད། ཁ་ཅིག་ནི་ཁམས་དམིགས་པ་དང༌། ཁམས་ཀྱི་མཚན་མ་དམིགས་པ་དང༌། ཁམས་སྣ་ཚོགས་པ་ཉིད་དམིགས་པ་དང༌། ཁམས་དུ་མ་པ་དམིགས་པ་དང༌། ཁམས་འགོག་པ་དམིགས་པ་དང༌། ཁམས་འགོག་པ་མངོན་དུ་བགྱིད་པ་དམིགས་པས་ཤེས་པ་བརྡ་སྤྲོད་པར་བགྱིད། ཁ་ཅིག་ནི་དྲན་པ་ཉེ་བར་གཞག་པ་དམིགས་པ་དང༌། དྲན་པ་ཉེ་བར་གཞག་པའི་མཚན་མ་དམིགས་པ་དང༌། དྲན་པ་ཉེ་བར་གཞག་པའི་མི་མཐུན་པའི་ཕྱོགས་དང་གཉེན་པོ་དམིགས་པ་དང༌། དྲན་པ་ཉེ་བར་གཞག་པའི་བསྒོམ་པ་དམིགས་པ་དང༌། དྲན་པ་ཉེ་བར་གཞག་པ་མ་སྐྱེས་པ་སྐྱེ་བ་དམིགས་པ་དང༌། དྲན་པ་ཉེ་བར་གཞག་པ་སྐྱེས་པ་གནས་པ་དང༌། མ་བསྐྱུད་པ་དང༌། སླར་ཞིང་འབྱུང་བ་དང༌། འཕེལ་ཞིང་རྒྱས་པ་དམིགས་པས་ཤེས་པ་བརྡ་སྤྲོད་པར་བགྱིད། ཁ་ཅིག་ནི་དྲན་པ་ཉེ་བར་གཞག་པ་རྣམས་ཇི་ལྟ་བ་དེ་བཞིན་དུ། ཁ་ཅིག་ནི་ཡང་དག་པར་སྤོང་བ་རྣམས་དང༌། རྫུ་འཕྲུལ་གྱི་རྐང་པ་རྣམས་དང༌། དབང་པོ་རྣམས་དང༌། སྟོབས་རྣམས་དང༌། བྱང་ཆུབ་ཀྱི་ཡན་ལག་རྣམས་དང༌། ཁ་ཅིག་ནི་འཕགས་པའི་ལམ་ཡན་ལག་བརྒྱད་པ་དམིགས་པ་དང༌། འཕགས་པའི་ལམ་ཡན་ལག་བརྒྱད་པའི་མཚན་མ་དམིགས་པ་དང༌། འཕགས་པའི་ལམ་ཡན་ལག་བརྒྱད་པའི་མི་མཐུན་པའི་ཕྱོགས་ཀྱི་གཉེན་པོ་དམིགས་པ་དང༌། འཕགས་པའི་ལམ་ཡན་ལག་བརྒྱད་པ་བསྒོམ་པ་དམིགས་པ་དང༌། འཕགས་པའི་ལམ་ཡན་ལག་བརྒྱད་པ་མ་སྐྱེས་པ་སྐྱེ་བ་དམིགས་པ་དང༌། འཕགས་པའི་ལམ་ཡན་ལག་བརྒྱད་པ་སྐྱེས་པ་གནས་པ་དང༌། མ་བསྐྱུད་པ་དང༌། སླར་ཞིང་འབྱུང་བ་དང༌། འཕེལ་ཞིང་རྒྱས་པ་དམིགས་པས་ཤེས་པ་བརྡ་སྤྲོད་པར་རིག་པ་དག་མཐོང་ལགས་སོ། །མཐོང་ནས་ཀྱང་བདག་འདི་སྙམ་བགྱིད་དེ། ཚེ་དང་ལྡན་པ་འདི་དག་ནི་ཆོས་རྣམ་པ་སྣ་ཚོགས་དམིགས་པའི་མངོན་པར་རྟོགས་པ་སྟོན་པས་ཤེས་པ་བརྡ་སྤྲོད་པར་བགྱིད་ཅིང༌། འདི་ལྟར་དོན་དམ་པ་ཐམས་ཅད་དུ་རོ་གཅིག་པའི་མཚན་ཉིད་མ་འཚལ་བས་ཚེ་དང་ལྡན་པ་འདི་དག་ཐམས་ཅད་ནི་མངོན་པའི་ང་རྒྱལ་ཅན། མངོན་པའི་ང་རྒྱལ་གྱིས་མངོན་དུ་ཟིན་ཅིང༌། ཤེས་པ་བརྡ་སྤྲོད་པར་བགྱིད་པ་ཤ་སྟག་ལགས་སོ་སྙམ་བགྱིད་ལགས་སོ། །བཅོམ་ལྡན་འདས་བཅོམ་ལྡན་འདས་ཀྱིས་གང་གི་སླད་དུ་འདི་སྐད་ཅེས། དོན་དམ་པ་ནི་ཕྲ་བ། ཟབ་པ། རྟོགས་པར་དཀའ་བ། མཆོག་ཏུ་རྟོགས་པར་དཀའ་བ། ཐམས་ཅད་དུ་རོ་གཅིག་པའི་མཚན་ཉིད་ཡིན་ནོ་ཞེས་བཀའ་སྩལ་པ། ཇི་ཙམ་དུ་བཅོམ་ལྡན་འདས་ཀྱིས་ལེགས་པར་གསུངས་པ་དེ་ནི་ངོ་མཚར་ལགས་ཏེ། བཅོམ་ལྡན་འདས་དོན་དམ་པ་ཐམས་ཅད་དུ་རོ་གཅིག་པའི་མཚན་ཉིད་ནི་བཅོམ་ལྡན་འདས་ཀྱི་བསྟན་པ་འདི་ཉིད་ལ་ཞུགས་པ་དང༌། དགེ་སློང་དུ་གྱུར་པའི་སེམས་ཅན་རྣམས་ཀྱིས་ཀྱང་དེ་ལྟར་རྟོགས་པར་དཀའ་བ་ལགས་ན། འདི་ལས་སླད་རོལ་པའི་མུ་སྟེགས་ཅན་རྣམས་ཀྱིས་ལྟ་སྨོས་ཀྱང་ཅི་འཚལ།

rab 'byor gyis gsol pa/ /bcom ldan 'das bdag gis sems can gyi khams na gang dag mngon pa'i nga rgyal ma mchis par shes pa brda sprod par bgyid pa'i sems can ni nyung shas cig mchis par 'tshal ba lags kyi/ /bcom ldan 'das bdag gis sems can gyi khams na/ gang dag mngon pa'i nga rgyal can/ mngon pa'i nga rgyal gyis mngon du zin cing shes pa brda sprod par byed pa'i sems can ni tshad ma mchis/ grangs ma mchis| /brjod du ma mchis pa snyed cig mchis par 'tshal lags te/ bcom ldan 'das bdag dus gcig cig na/ dgon pa nags khrod chen po zhig na mchis pa'i tshe/ de na bdag gi nye 'khor na dge slong rab tu mang po dag cig kyang dgon pa nags khrod chen po na brten cing gnas lags te/ bdag gis snga dro'i dus kyi tshe/ /dge slong de dag phan tshun nas mchis shing mjal nas chos rnam pa sna tshogs dmigs pa'i mngon par rtogs pa ston pas shes pa brda sprod par bgyid de/ /de na kha cig ni phung po dmigs pa dang/ phung po'i mtshan ma dmigs pa dang/ phung po'i skye ba dmigs pa dang/ phung po'i 'jig pa dmigs pa dang/ phung po 'gog pa dmigs pa dang/ phung po 'gog pa mngon du bgyi ba dmigs pas shes pa brda spyod par bgyid/ /kha cig phung po'i dmigs pa ji lta ba de bzhin du/ kha cig ni skye mched dmigs pas/ kha cig ni rten cing 'brel par 'byung ba dmigs pas shes pa brda sprod par bgyid| kha cig ni zas dmigs pa dang/ zas kyi mtshan ma dmigs pa dang/ zas kyi skye ba dmigs pa dang/ zas kyi 'jig pa dmigs pa dang/ zas 'gog pa dmigs pa dang/ zas 'gog pa mngon du bgyi ba dmigs pas shes pa brda sprod par bgyid/ kha cig ni bden pa dmigs pa dang/ bden pa'i mtshan ma dmigs pa dang/ bden pa yongs su shes pa dmigs pa dang/ bden pa spang ba dmigs pa dang/ bden pa mngon du bgyid pa dmigs pa dang/ bden pa bsgom pa dmigs pas shes pa brda sprod par bgyid/ kha cig ni khams dmigs pa dang/ khams kyi mtshan ma dmigs pa dang/ khams sna tshogs pa nyid dmigs pa dang/ khams du ma pa dmigs pa dang/ khams 'gog pa dmigs pa dang/ khams 'gog pa mngon du bgyid pa dmigs pas shes pa brda sprod par bgyid/ kha cig ni dran pa nye bar gzhag pa dmigs pa dang/ dran pa nye bar gzhag pa'i mtshan ma dmigs pa dang/ dran pa nye bar gzhag pa'i mi mthun pa'i phyogs dang gnyen po dmigs pa dang/ dran pa nye bar gzhag pa'i bsgom pa dmigs pa dang/ dran pa nye bar gzhag pa ma skyes pa skye ba dmigs pa dang/ dran pa nye bar gzhag pa skyes pa gnas pa dang/ ma bskyud pa dang/ slar zhing 'byung ba dang/ 'phel zhing rgyas pa dmigs pas shes pa brda sprod par bgyid/ kha cig ni dran pa nye bar gzhag pa rnams ji lta ba de bzhin du/ kha cig ni yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ kha cig ni 'phags pa'i lam yan lag brgyad pa dmigs pa dang/ 'phags pa'i lam yan lag brgyad pa'i mtshan ma dmigs pa dang/ 'phags pa'i lam yan lag brgyad pa'i mi mthun pa'i phyogs kyi gnyen po dmigs pa dang/ 'phags pa'i lam yan lag brgyad pa bsgom pa dmigs pa dang/ 'phags pa'i lam yan lag brgyad pa ma skyes pa skye ba dmigs pa dang/ 'phags pa'i lam yan lag brgyad pa skyes pa gnas pa dang/ ma bskyud pa dang/ slar zhing 'byung ba dang/ 'phel zhing rgyas pa dmigs pas shes pa brda sprod par rig pa dag mthong lags so/ /mthong nas kyang bdag 'di snyam bgyid de/ tshe dang ldan pa 'di dag ni chos rnam pa sna tshogs dmigs pa'i mngon par rtogs pa ston pas shes pa brda sprod par bgyid cing/ 'di ltar don dam pa thams cad du ro gcig pa'i mtshan nyid ma 'tshal bas tshe dang ldan pa 'di dag thams cad ni mngon pa'i nga rgyal can/ mngon pa'i nga rgyal gyis mngon du zin cing/ shes pa brda sprod par bgyid pa sha stag lags so snyam bgyid lags so/ /bcom ldan 'das bcom ldan 'das kyis gang gi slad du 'di skad ces/ don dam pa ni phra ba/ zab pa/ rtogs par dka' ba/ mchog tu rtogs par dka' ba/ thams cad du ro gcig pa'i mtshan nyid yin no zhes bka' stsal pa/ ji tsam du bcom ldan 'das kyis legs par gsungs pa de ni ngo mtshar lags te/ bcom ldan 'das don dam pa thams cad du ro gcig pa'i mtshan nyid ni bcom ldan 'das kyi bstan pa 'di nyid la zhugs pa dang/ dge slong du gyur pa'i sems can rnams kyis kyang de ltar rtogs par dka' ba lags na/ 'di las slad rol pa'i mu stegs can rnams kyis lta smos kyang ci 'tshal/

【M3 佛現本宗】【N1 法】【O1 標】

བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། ངས་ནི་དོན་དམ་པ་ཐམས་ཅད་དུ་རོ་གཅིག་པའི་མཚན་ཉིད་ཕྲ་བ། མཆོག་ཏུ་ཕྲ་བ། ཟབ་པ། མཆོག་ཏུ་ཟབ་པ། རྟོགས་པར་དཀའ་བ། མཆོག་ཏུ་རྟོགས་པར་དཀའ་བ། མངོན་པར་རྫོགས་པར་སངས་རྒྱས་ཏེ། མངོན་པར་རྫོགས་པར་སངས་རྒྱས་ནས་ཀྱང་བསྙད་ཅིང་གསལ་བར་བྱས། རྣམ་པར་ཕྱེ། གདགས་པ་བྱས། རབ་ཏུ་བསྟན་ཏོ། །

bcom ldan 'das kyis bka' stsal pa/ rab 'byor de de bzhin no/ /de de bzhin te/ ngas ni don dam pa thams cad du ro gcig pa'i mtshan nyid phra ba/ mchog tu phra ba/ zab pa/ mchog tu zab pa/ rtogs par dka' ba/ mchog tu rtogs par dka' ba/ mngon par rdzogs par sangs rgyas te/ mngon par rdzogs par sangs rgyas nas kyang bsnyad cing gsal bar byas/ rnam par phye/ gdags pa byas/ rab tu bstan to/ /

【O2 釋】【P1 初復次】

དེ་ཅིའི་ཕྱིར་ཞེ་ན། རབ་འབྱོར་ཕུང་པོ་རྣམས་ལ་རྣམ་པར་དག་པའི་དམིགས་པ་གང་ཡིན་པ་དེ་ནི་ངས་དོན་དམ་པ་ཡིན་པར་ཡོངས་སུ་བསྟན་ཅིང་རབ་འབྱོར་སྐྱེ་མཆེད་རྣམས་དང༌། རྟེན་ཅིང་འབྲེལ་པར་འབྱུང་བ་དང༌། ཟས་རྣམས་དང༌། བདེན་པ་རྣམས་དང༌། ཁམས་རྣམས་དང༌། དྲན་པ་ཉེ་བར་གཞག་པ་རྣམས་དང༌། ཡང་དག་པའི་སྤོང་བ་རྣམས་དང༌། རྫུ་འཕྲུལ་གྱི་རྐང་པ་རྣམས་དང༌། དབང་པོ་རྣམས་དང༌། སྟོབས་རྣམས་དང༌། བྱང་ཆུབ་ཀྱི་ཡན་ལག་རྣམས་དང༌། རབ་འབྱོར་འཕགས་པའི་ལམ་ཡན་ལག་བརྒྱད་པ་ལ་རྣམ་པར་དག་པའི་དམིགས་པ་གང་ཡིན་པ་དེ་ནི། ངས་དོན་དམ་པ་ཡིན་པར་ཡོངས་སུ་བསྟན་པའི་ཕྱིར་རོ། །ཕུང་པོ་རྣམས་ལ་རྣམ་པར་དག་པའི་དམིགས་པ་དེ་ཡང་ཐམས་ཅད་དུ་རོ་གཅིག་པ་སྟེ། མཚན་ཉིད་ཐ་དད་པ་མ་ཡིན་ནོ༑ །ཕུང་པོ་རྣམས་ལ་ཇི་ལྟ་བ་བཞིན་དུ། སྐྱེ་མཆེད་རྣམས་དང༌། འཕགས་པའི་ལམ་ཡན་ལག་བརྒྱད་པའི་བར་ལ་རྣམ་པར་དག་པའི་དམིགས་པ་དེ་ཡང་ཐམས་ཅད་དུ་རོ་གཅིག་པ་སྟེ། མཚན་ཉིད་ཐ་དད་པ་མ་ཡིན་ནོ། །རབ་འབྱོར་རྣམ་གྲངས་དེས་ན། ཁྱོད་ཀྱིས་འདི་ལྟར་ཐམས་ཅད་དུ་རོ་གཅིག་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

de ci'i phyir zhe na/ rab 'byor phung po rnams la rnam par dag pa'i dmigs pa gang yin pa de ni ngas don dam pa yin par yongs su bstan cing rab 'byor skye mched rnams dang/ rten cing 'brel par 'byung ba dang/ zas rnams dang/ bden pa rnams dang/ khams rnams dang/ dran pa nye bar gzhag pa rnams dang/ yang dag pa'i spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ rab 'byor 'phags pa'i lam yan lag brgyad pa la rnam par dag pa'i dmigs pa gang yin pa de ni/ ngas don dam pa yin par yongs su bstan pa'i phyir ro/ /phung po rnams la rnam par dag pa'i dmigs pa de yang thams cad du ro gcig pa ste/ mtshan nyid tha dad pa ma yin no| /phung po rnams la ji lta ba bzhin du/ skye mched rnams dang/ 'phags pa'i lam yan lag brgyad pa'i bar la rnam par dag pa'i dmigs pa de yang thams cad du ro gcig pa ste/ mtshan nyid tha dad pa ma yin no/ /rab 'byor rnam grangs des na/ khyod kyis 'di ltar thams cad du ro gcig pa'i mtshan nyid gang yin pa de ni don dam pa yin par rig par bya'o/ /

【P2 第二復次】

རབ་འབྱོར་གཞན་ཡང་དགེ་སློང་རྣལ་འབྱོར་སྤྱོད་པ་ནི་ཕུང་པོ་གཅིག་གི་དེ་བཞིན་ཉིད་དོན་དམ་པ་ཆོས་བདག་མེད་པ་རབ་ཏུ་རྟོགས་ནས། ཡང་དེ་ལས་གཞན་པའི་ཕུང་པོ་རྣམས་དང༌། ཁམས་རྣམས་དང༌། སྐྱེ་མཆེད་རྣམས་དང༌། རྟེན་ཅིང་འབྲེལ་པར་འབྱུང་བ་རྣམས་དང༌། ཟས་རྣམས་དང༌། བདེན་པ་རྣམས་དང༌། དྲན་པ་ཉེ་བར་གཞག་པ་རྣམས་དང༌། ཡང་དག་པའི་སྤོང་བ་རྣམས་དང༌། རྫུ་འཕྲུལ་གྱི་རྐང་པ་རྣམས་དང༌། དབང་པོ་རྣམས་དང༌། སྟོབས་རྣམས་དང༌། བྱང་ཆུབ་ཀྱི་ཡན་ལག་རྣམས་སོ་སོ་དང༌། འཕགས་པའི་ལམ་ཡན་ལག་བརྒྱད་པ་སོ་སོ་ལ་དེ་བཞིན་ཉིད་དོན་དམ་པ་ཆོས་བདག་མེད་པ་ཡོངས་སུ་ཚོལ་བར་མི་བྱེད་ཀྱི༑ དེ་བཞིན་ཉིད་ཀྱི་རྗེས་སུ་འབྲང་བ་གཉིས་སུ་མེད་པའི་ཤེས་པ་ལ་བརྟེན་པ་དེ་ཉིད་ཀྱིས། དོན་དམ་པ་ཐམས་ཅད་དུ་རོ་གཅིག་པའི་མཚན་ཉིད་ངེས་པར་འཛིན་པ་དང༌། མངོན་པར་རྟོགས་པ་ཁོ་ནར་བྱེད་དེ། རབ་འབྱོར་རྣམས་གྲངས་དེས་ཀྱང་ཁྱོད་ཀྱིས་འདི་ལྟར་ཐམས་ཅད་དུ་རོ་གཅིག་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

rab 'byor gzhan yang dge slong rnal 'byor spyod pa ni phung po gcig gi de bzhin nyid don dam pa chos bdag med pa rab tu rtogs nas/ yang de las gzhan pa'i phung po rnams dang/ khams rnams dang/ skye mched rnams dang/ rten cing 'brel par 'byung ba rnams dang/ zas rnams dang/ bden pa rnams dang/ dran pa nye bar gzhag pa rnams dang/ yang dag pa'i spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams so so dang/ 'phags pa'i lam yan lag brgyad pa so so la de bzhin nyid don dam pa chos bdag med pa yongs su tshol bar mi byed kyi| de bzhin nyid kyi rjes su 'brang ba gnyis su med pa'i shes pa la brten pa de nyid kyis/ don dam pa thams cad du ro gcig pa'i mtshan nyid nges par 'dzin pa dang/ mngon par rtogs pa kho nar byed de/ rab 'byor rnams grangs des kyang khyod kyis 'di ltar thams cad du ro gcig pa'i mtshan nyid gang yin pa de ni don dam pa yin par rig par bya'o/ /

【P3 第三復次】

རབ་འབྱོར་གཞན་ཡང་ཇི་ལྟར་ཕུང་པོ་དང༌། སྐྱེ་མཆེད་དང༌། རྟེན་ཅིང་འབྲེལ་པར་འབྱུང་བ་དང༌། ཟས་དང༌། བདེན་པ་དང༌། ཁམས་དང༌། དྲན་པ་ཉེ་བར་གཞག་པ་དང༌། ཡང་དག་པའི་སྤོང་བ་དང༌། རྫུ་འཕྲུལ་གྱི་རྐང་པ་དང༌། དབང་པོ་དང༌། སྟོབས་དང༌། བྱང་ཆུབ་ཀྱི་ཡན་ལག་འདི་དག་ཕན་ཚུན་མཚན་ཉིད་ཐ་དད་པ་དང༌། ཇི་ལྟར་འཕགས་པའི་ལམ་ཡན་ལག་བརྒྱད་པ་ཕན་ཚུན་མཚན་ཉིད་ཐ་དད་པ་ཡིན་པ་དེ་བཞིན་དུ། གལ་ཏེ་ཆོས་དེ་དག་གི་དེ་བཞིན་ཉིད་དོན་དམ་པ་ཆོས་བདག་མེད་པ་ཡང་མཚན་ཉིད་ཐ་དད་པ་ཡིན་པར་གྱུར་ན་ནི་དེས་ན་དེ་བཞིན་ཉིད་དོན་དམ་པ་ཆོས་བདག་མེད་པ་ཡང་རྒྱུ་དང་བཅས་པ་ཡིན་ཞིང་མཚན་ཉིད་རྒྱུ་ལས་བྱུང་བ་ཡིན་པར་འགྱུར་རོ། །རྒྱུ་ལས་བྱུང་བ་ཉིད་ཡིན་ན་ནི་འདུས་བྱས་ཡིན་པར་འགྱུར་རོ། །འདུས་བྱས་ཉིད་ཡིན་ན་ནི་དོན་དམ་པ་ཡིན་པར་མི་འགྱུར་རོ། །དོན་དམ་པ་མ་ཡིན་ན་ནི་དོན་དམ་པ་གཞན་ཞིག་ཡོངས་སུ་བཙལ་དགོས་པར་འགྱུར་རོ། །རབ་འབྱོར་གང་གི་ཕྱིར་དེ་བཞིན་ཉིད་དོན་དམ་པ་ཆོས་བདག་མེད་པ་རྒྱུ་ལས་བྱུང་བ་མ་ཡིན་པ་དང༌། འདུས་བྱས་མ་ཡིན་པ་དང༌། དོན་དམ་པ་མ་ཡིན་པ་དང༌། དོན་དམ་པ་དེའི་དོན་དམ་པ་གཞན་ཡོངས་སུ་བཙལ་བར་བྱ་མི་དགོས་ཀྱི། དེ་བཞིན་གཤེགས་པ་རྣམས་བྱུང་ཡང་རུང༌། མ་བྱུང་ཡང་རུང་སྟེ། རྟག་པ་རྟག་པའི་དུས་དང་། ཐེར་ཟུག་ཐེར་ཟུག་གི་དུས་སུ་ཆོས་གནས་པར་བབྱ་བའི་ཕྱིར། ཆོས་རྣམས་ཀྱི་ཆོས་ཉིད་དབྱིངས་དེ་ནི་རྣམ་པར་གནས་པ་ཁོ་ན་ཡིན་པ་དེའི་ཕྱིར། རབ་འབྱོར་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་ཐམས་ཅད་དུ་རོ་གཅིག་པའི་མཚན་ཉིད་གང་ཡིན་པ་དེ་ནི་དོན་དམ་པ་ཡིན་པར་རིག་པར་བྱའོ། །

rab 'byor gzhan yang ji ltar phung po dang/ skye mched dang/ rten cing 'brel par 'byung ba dang/ zas dang/ bden pa dang/ khams dang/ dran pa nye bar gzhag pa dang/ yang dag pa'i spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag 'di dag phan tshun mtshan nyid tha dad pa dang/ ji ltar 'phags pa'i lam yan lag brgyad pa phan tshun mtshan nyid tha dad pa yin pa de bzhin du/ gal te chos de dag gi de bzhin nyid don dam pa chos bdag med pa yang mtshan nyid tha dad pa yin par gyur na ni des na de bzhin nyid don dam pa chos bdag med pa yang rgyu dang bcas pa yin zhing mtshan nyid rgyu las byung ba yin par 'gyur ro/ /rgyu las byung ba nyid yin na ni 'dus byas yin par 'gyur ro/ /'dus byas nyid yin na ni don dam pa yin par mi 'gyur ro/ /don dam pa ma yin na ni don dam pa gzhan zhig yongs su btsal dgos par 'gyur ro/ /rab 'byor gang gi phyir de bzhin nyid don dam pa chos bdag med pa rgyu las byung ba ma yin pa dang/ 'dus byas ma yin pa dang/ don dam pa ma yin pa dang/ don dam pa de'i don dam pa gzhan yongs su btsal bar bya mi dgos kyi/ de bzhin gshegs pa rnams byung yang rung/ ma byung yang rung ste/ rtag pa rtag pa'i dus dang / ther zug ther zug gi dus su chos gnas par babya ba'i phyir/ chos rnams kyi chos nyid dbyings de ni rnam par gnas pa kho na yin pa de'i phyir/ rab 'byor rnam grangs des kyang khyod kyis 'di ltar thams cad du ro gcig pa'i mtshan nyid gang yin pa de ni don dam pa yin par rig par bya'o/ /

【N2-3 喻與合】

རབ་འབྱོར་འདི་ལྟ་སྟེ། དཔེར་ན་ནམ་མཁའ་ནི་གཟུགས་ཀྱི་རྣམ་པ་སྣ་ཚོགས་དུ་མ་མཚན་ཉིད་ཐ་དད་པ་ལ། མཚན་མ་མེད་པ་རྣམ་པར་རྟོག་པ་མེད་པ་འགྱུར་བ་མེད་པ་སྟེ། ཐམས་ཅད་དུ་རོ་གཅིག་པའི་མཚན་ཉིད་ཡིན་ནོ། །རབ་འབྱོར་དེ་བཞིན་དུ་དོན་དམ་པ་ཡང་མཚན་ཉིད་ཐ་དད་པའི་ཆོས་རྣམས་ལ་ཐམས་ཅད་དུ་རོ་གཅིག་པའི་མཚན་ཉིད་ཡིན་པར་བལྟ་བར་བྱའོ། །

rab 'byor 'di lta ste/ dper na nam mkha' ni gzugs kyi rnam pa sna tshogs du ma mtshan nyid tha dad pa la/ mtshan ma med pa rnam par rtog pa med pa 'gyur ba med pa ste/ thams cad du ro gcig pa'i mtshan nyid yin no/ /rab 'byor de bzhin du don dam pa yang mtshan nyid tha dad pa'i chos rnams la thams cad du ro gcig pa'i mtshan nyid yin par blta bar bya'o/ /

【L2 以頌敘】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །དོན་དམ་དེ་ནི་ཐ་དད་པ་མ་ཡིན་ཏེ། །ཀུན་ཏུ་རོ་གཅིག་མཚན་ཉིད་སངས་རྒྱས་གསུངས། །དེ་ལ་གང་དག་ཐ་དད་ཀུན་རྟོག་པ། །དེ་དག་ང་རྒྱལ་གནས་པ་རྨོངས་པ་ཡིན། །ཞེས་གསུངས་པའོ།། །།

de nas bcom ldan 'das kyis de'i tshe tshigs su bcad pa 'di bka' stsal to/ /don dam de ni tha dad pa ma yin te/ /kun tu ro gcig mtshan nyid sangs rgyas gsungs/ /de la gang dag tha dad kun rtog pa/ /de dag nga rgyal gnas pa rmongs pa yin/ /zhes gsungs pa'o// //

【H2 廣慧菩薩問心意識義】【I1 問】【J1 第一問】

བམ་པོ་སུམ་ཅུ་བརྒྱད་པ། དེ་ལ་སེམས་ཀྱི་མཚན་ཉིད་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ། བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་ཡངས་པས་ཞུ་བ་ཞུས་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པ། བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པ་ཞེས་བགྱི་ན། བཅོམ་ལྡན་འདས་ཇི་ཙམ་གྱིས་ན་བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པ་ལགས།

bam po sum cu brgyad pa/ de la sems kyi mtshan nyid ni dgongs pa nges par 'grel pa'i mdo las ji skad 'byung ba bzhin blta bar bya ste/ bcom ldan 'das la byang chub sems dpa' blo gros yangs pas zhu ba zhus pa/ bcom ldan 'das byang chub sems dpa' sems dang/ yid dang/ rnam par shes pa'i gsang ba la mkhas pa/ byang chub sems dpa' sems dang/ yid dang/ rnam par shes pa'i gsang ba la mkhas pa zhes bgyi na/ bcom ldan 'das ji tsam gyis na byang chub sems dpa' sems dang/ yid dang/ rnam par shes pa'i gsang ba la mkhas pa lags/

【J2 第二問】

དེ་བཞིན་གཤེགས་པ་བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པར་ཡང་དག་པར་འདོགས་ན་ཡང་ཇི་ཙམ་གྱིས་འདོགས་ལགས།

de bzhin gshegs pa byang chub sems dpa' sems dang/ yid dang/ rnam par shes pa'i gsang ba la mkhas par yang dag par 'dogs na yang ji tsam gyis 'dogs lags/

【I2 答】【J1 長行廣辨】【K1 釋】【L1 讚其問勅聽許說】

དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་ཡངས་པ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་ཡངས་པ་ཁྱོད་དེ་ལྟར་སྐྱེ་བོ་མང་པོ་ལ་ཕན་པ་དང༌། སྐྱེ་བོ་མང་པོ་ལ་བདེ་བ་དང༌། འཇིག་རྟེན་ལ་སྙིང་བརྩེ་བ་དང༌། ལྷ་དང་མིར་བཅས་པའི་སྐྱེ་དགུའི་དོན་དང༌། ཕན་པ་དང་བདེ་བའི་ཕྱིར་ཞུགས་ཏེ༑ དེ་བཞིན་གཤེགས་པ་ལ་ཁྱོད་དོན་འདི་ཉིད་འདྲི་བར་སེམས་པ་ནི་ལེགས་སོ། །ལེགས་སོ། །

de skad ces gsol pa dang/ bcom ldan 'das kyis byang chub sems dpa' blo gros yangs pa la 'di skad ces bka' stsal to/ /blo gros yangs pa khyod de ltar skye bo mang po la phan pa dang/ skye bo mang po la bde ba dang/ 'jig rten la snying brtse ba dang/ lha dang mir bcas pa'i skye dgu'i don dang/ phan pa dang bde ba'i phyir zhugs te| de bzhin gshegs pa la khyod don 'di nyid 'dri bar sems pa ni legs so/ /legs so/ /

【L2 正解釋】

བློ་གྲོས་ཡངས་པ་དེའི་ཕྱིར་ཉོན་ཅིག་དང༌། སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པ་ཁྱོད་ལ་བཤད་པར་བྱའོ། །

blo gros yangs pa de'i phyir nyon cig dang/ sems dang/ yid dang/ rnam par shes pa'i gsang ba la mkhas pa khyod la bshad par bya'o/ /

【L1 就賴耶解心意識】

བློ་གྲོས་ཡངས་པ་ཁྱོད་འགྲོ་བ་དྲུག་གི་འཁོར་བ་འདི་ན་སེམས་ཅན་གང་དང་གང་དག་སེམས་ཅན་གྱི་རིགས་གང་དང་གང་དུ་ཡང་སྒོ་ང་ལས་སྐྱེ་བའི་སྐྱེ་གནས་སམ། ཡང་ན་མངལ་ནས་སྐྱེ་བའམ། ཡང་ན་དྲོད་གཤེར་ལས་སྐྱེ་བའམ། ཡང་ན་རྫུས་ཏེ་སྐྱེ་བའི་སྐྱེ་གནས་སུ་ལུས་མངོན་པར་འགྲུབ་ཅིང་འབྱུང་བར་འགྱུར་བ་དེར་དང་པོར་འདི་ལྟར་ལེན་པ་རྣམ་པ་གཉིས་པོ་གནས་དང་བཅས་པའི་དབང་པོ་གཟུགས་ཅན་ལེན་པ་དང༌། མཚན་མ་དང༌། མིང་དང༌། རྣམ་པར་རྟོག་པ་ལ་ཐ་སྙད་འདོགས་པའི་སྤྲོས་པའི་བག་ཆགས་ལེན་པ་ལ་བརྟེན་ནས། ས་བོན་ཐམས་ཅད་པའི་སེམས་རྣམ་པར་སྨིན་ཅིང་འཇུག་ལ། རྒྱས་ཤིང་འཕེལ་བ་དང༌། ཡངས་པར་འགྱུར་རོ། །དེ་ལ་གཟུགས་ཅན་གྱི་ཁམས་ན་ནི་ལེན་པ་གཉི་ག་ཡོད་ལ༑ གཟུགས་ཅན་མ་ཡིན་པའི་ཁམས་ན་ནི་ལེན་པ་གཉིས་སུ་མེད་དོ། །

blo gros yangs pa khyod 'gro ba drug gi 'khor ba 'di na sems can gang dang gang dag sems can gyi rigs gang dang gang du yang sgo nga las skye ba'i skye gnas sam/ yang na mngal nas skye ba'am/ yang na drod gsher las skye ba'am/ yang na rdzus te skye ba'i skye gnas su lus mngon par 'grub cing 'byung bar 'gyur ba der dang por 'di ltar len pa rnam pa gnyis po gnas dang bcas pa'i dbang po gzugs can len pa dang/ mtshan ma dang/ ming dang/ rnam par rtog pa la tha snyad 'dogs pa'i spros pa'i bag chags len pa la brten nas/ sa bon thams cad pa'i sems rnam par smin cing 'jug la/ rgyas shing 'phel ba dang/ yangs par 'gyur ro/ /de la gzugs can gyi khams na ni len pa gnyi ga yod la| gzugs can ma yin pa'i khams na ni len pa gnyis su med do/ /

【L2 解眾名】

བློ་གྲོས་ཡངས་པ་རྣམ་པར་ཤེས་པ་དེ་ནི་ལེན་པའི་རྣམ་པར་ཤེས་པ་ཞེས་ཀྱང་བྱ་སྟེ། འདི་ལྟར་དེས་ལུས་འདི་བཟུང་ཞིང་བླངས་པའི་ཕྱིར་རོ། །ཀུན་གཞི་རྣམ་པར་ཤེས་པ་ཞེས་ཀྱང་བྱ་སྟེ། འདི་ལྟར་དེ་ལུས་འདི་ལ་གྲུབ་པ་དང་བདེ་བ་གཅིག་པའི་དོན་གྱིས་ཀུན་ཏུ་སྦྱོར་བ་དང༌། རབ་ཏུ་སྦྱོར་བར་བྱེད་པའི་ཕྱིར་རོ། །སེམས་ཞེས་ཀྱང་བྱ་སྟེ། འདི་ལྟར་དེ་ནི་གཟུགས་དང༌། སྒྲ་དང༌། དྲི་དང༌། རོ་དང༌། རེག་བྱ་དང༌། ཆོས་རྣམས་ཀྱིས་ཀྱང་ཀུན་ཏུ་བསགས་པ་དང༌། ཉེ་བར་བསགས་པ་ཡིན་པའི་ཕྱིར་རོ། །

blo gros yangs pa rnam par shes pa de ni len pa'i rnam par shes pa zhes kyang bya ste/ 'di ltar des lus 'di bzung zhing blangs pa'i phyir ro/ /kun gzhi rnam par shes pa zhes kyang bya ste/ 'di ltar de lus 'di la grub pa dang bde ba gcig pa'i don gyis kun tu sbyor ba dang/ rab tu sbyor bar byed pa'i phyir ro/ /sems zhes kyang bya ste/ 'di ltar de ni gzugs dang/ sgra dang/ dri dang/ ro dang/ reg bya dang/ chos rnams kyis kyang kun tu bsags pa dang/ nye bar bsags pa yin pa'i phyir ro/ /

【L3 明阿陀那識為依建立六識】【M1 法】

བློ་གྲོས་ཡངས་པ་ལེན་པའི་རྣམ་པར་ཤེས་པ་དེ་ལ་བརྟེན་ཅིང་གནས་ནས། རྣམ་པར་ཤེས་པའི་ཚོགས་དྲུག་པོ་འདི་ལྟ་སྟེ། མིག་གི་རྣམ་པར་ཤེས་པ་དང༌། རྣ་བ་དང༌། སྣ་དང༌། ལྕེ་དང༌། ལུས་དང༌། ཡིད་ཀྱི་རྣམ་པར་ཤེས་པ་དག་འབྱུང་ངོ༌། །དེ་ལ་རྣམ་པར་ཤེས་པ་དང་བཅས་པའི་མིག་དང་གཟུགས་རྣམས་ལ་བརྟེན་ནས། མིག་གི་རྣམ་པར་ཤེས་པ་འབྱུང་སྟེ། མིག་གི་རྣམ་པར་ཤེས་པ་དེ་དང་ལྷན་ཅིག་རྗེས་སུ་འཇུག་པ། དུས་མཚུངས་པ། སྤྱོད་ཡུལ་མཚུངས་པ། རྣམ་པར་རྟོག་པའི་ཡིད་ཀྱི་རྣམ་པར་ཤེས་པ་ཡང་འབྱུང་ངོ༌། །བློ་གྲོས་ཡངས་པ་དེ་ལ་རྣམ་པར་ཤེས་པ་དང་བཅས་པའི་རྣ་བ་དང༌། སྣ་དང༌། ལྕེ་དང༌། རྣམ་པར་ཤེས་པ་དང་བཅས་པའི་ལུས་དང༌། རེག་བྱ་རྣམས་ལ་བརྟེན་ནས་ལུས་ཀྱི་རྣམ་པར་ཤེས་པ་འབྱུང་སྟེ། ལུས་ཀྱི་རྣམ་པར་ཤེས་པ་དེ་དང་ལྷན་ཅིག་རྗེས་སུ་འཇུག་པ། དུས་མཚུངས་པ། སྤྱོད་ཡུལ་མཚུངས་པ། རྣམ་པར་རྟོག་པའི་ཡིད་ཀྱི་རྣམ་པར་ཤེས་པ་ཡང་འབྱུང་ངོ༌། །གལ་ཏེ་མིག་གི་རྣམ་པར་ཤེས་པ་གཅིག་ལན་ཅིག་འབྱུང་ན་ནི། མིག་གི་རྣམ་པར་ཤེས་པ་དང་སྤྱོད་ཡུལ་མཚུངས་པ། རྣམ་པར་རྟོག་པའི་ཡིད་ཀྱི་རྣམ་པར་ཤེས་པ་ཡང་གཅིག་ཁོ་ན་ལན་ཅིག་འབྱུང་ངོ༌། །གལ་ཏེ་རྣམ་པར་ཤེས་པའི་ཚོགས་གཉིས་སམ། གསུམ་མམ་བཞི་ལན་ཅིག་གམ། ལྔ་ཆར་ལན་ཅིག་འབྱུང་ན་ཡང༌། དེར་རྣམ་པར་ཤེས་པའི་ཚོགས་ལྔ་པོ་དག་དང་སྤྱོད་ཡུལ་མཚུངས་པ། རྣམ་པར་རྟོག་པའི་ཡིད་ཀྱི་རྣམ་པར་ཤེས་པ་ཡང་གཅིག་ཁོ་ན་ལན་ཅིག་འབྱུང་ངོ༌། །

blo gros yangs pa len pa'i rnam par shes pa de la brten cing gnas nas/ rnam par shes pa'i tshogs drug po 'di lta ste/ mig gi rnam par shes pa dang/ rna ba dang/ sna dang/ lce dang/ lus dang/ yid kyi rnam par shes pa dag 'byung ngo/ /de la rnam par shes pa dang bcas pa'i mig dang gzugs rnams la brten nas/ mig gi rnam par shes pa 'byung ste/ mig gi rnam par shes pa de dang lhan cig rjes su 'jug pa/ dus mtshungs pa/ spyod yul mtshungs pa/ rnam par rtog pa'i yid kyi rnam par shes pa yang 'byung ngo/ /blo gros yangs pa de la rnam par shes pa dang bcas pa'i rna ba dang/ sna dang/ lce dang/ rnam par shes pa dang bcas pa'i lus dang/ reg bya rnams la brten nas lus kyi rnam par shes pa 'byung ste/ lus kyi rnam par shes pa de dang lhan cig rjes su 'jug pa/ dus mtshungs pa/ spyod yul mtshungs pa/ rnam par rtog pa'i yid kyi rnam par shes pa yang 'byung ngo/ /gal te mig gi rnam par shes pa gcig lan cig 'byung na ni/ mig gi rnam par shes pa dang spyod yul mtshungs pa/ rnam par rtog pa'i yid kyi rnam par shes pa yang gcig kho na lan cig 'byung ngo/ /gal te rnam par shes pa'i tshogs gnyis sam/ gsum mam bzhi lan cig gam/ lnga char lan cig 'byung na yang/ der rnam par shes pa'i tshogs lnga po dag dang spyod yul mtshungs pa/ rnam par rtog pa'i yid kyi rnam par shes pa yang gcig kho na lan cig 'byung ngo/ /

【M2 喻】

བློ་གྲོས་ཡངས་པ་འདི་ལྟ་སྟེ་དཔེར་ན་ཆུ་ཀླུང་ཆེན་པོ་འབབ་པ་ལ། གལ་ཏེ་རླབས་གཅིག་འབྱུང་བའི་རྐྱེན་ཉེ་བར་གནས་པར་གྱུར་ན། རླབས་ཀྱང་གཅིག་ཁོ་ན་འབྱུང་ངོ༌། །གལ་ཏེ་རླབས་གཉིས་སམ། གལ་ཏེ་རབ་ཏུ་མང་པོ་དག་འབྱུང་བའི་རྐྱེན་ཉེ་བར་གནས་པར་གྱུར་ན། རླབས་ཀྱང་གཉིས་སམ་རབ་ཏུ་མང་པོ་དག་འབྱུང་ཞིང༌། ཆུའི་ཀླུང་དེ་རང་གི་རྒྱུན་གྱིས་རྒྱུན་འཆད་པར་ཡང་མི་འགྱུར་ལ། ཡོངས་སུ་ཟད་པར་ཡང་མི་འགྱུར་རོ། །མེ་ལོང་གི་དཀྱིལ་འཁོར་ཤིན་ཏུ་ཡོངས་སུ་དག་པ་ལ་ཡང༌། གལ་ཏེ་གཟུགས་བརྙན་གཅིག་འབྱུང་བའི་རྐྱེན་ཉེ་བར་གནས་པར་གྱུར་ན། གཟུགས་བརྙན་ཡང་གཅིག་ཁོ་ན་འབྱུང་ངོ༌། །གལ་ཏེ་གཟུགས་བརྙན་གཉིས་སམ། གལ་ཏེ་གཟུགས་བརྙན་རབ་ཏུ་མང་པོ་དག་འབྱུང་བའི་རྐྱེན་ཉེ་བར་གནས་པར་གྱུར་ན། གཟུགས་བརྙན་ཡང་གཉིས་སམ་རབ་ཏུ་མང་པོ་དག་འབྱུང་ཞིང༌། མེ་ལོང་གི་དཀྱིལ་འཁོར་དེ་གཟུགས་བརྙན་གྱི་དངོས་པོར་ཡོངས་སུ་འགྱུར་བ་ཡང་མ་ཡིན་ན། ཡོངས་སུ་སྦྱོར་བར་ཡང་མི་མངོན་ནོ། །

blo gros yangs pa 'di lta ste dper na chu klung chen po 'bab pa la/ gal te rlabs gcig 'byung ba'i rkyen nye bar gnas par gyur na/ rlabs kyang gcig kho na 'byung ngo/ /gal te rlabs gnyis sam/ gal te rab tu mang po dag 'byung ba'i rkyen nye bar gnas par gyur na/ rlabs kyang gnyis sam rab tu mang po dag 'byung zhing/ chu'i klung de rang gi rgyun gyis rgyun 'chad par yang mi 'gyur la/ yongs su zad par yang mi 'gyur ro/ /me long gi dkyil 'khor shin tu yongs su dag pa la yang/ gal te gzugs brnyan gcig 'byung ba'i rkyen nye bar gnas par gyur na/ gzugs brnyan yang gcig kho na 'byung ngo/ /gal te gzugs brnyan gnyis sam/ gal te gzugs brnyan rab tu mang po dag 'byung ba'i rkyen nye bar gnas par gyur na/ gzugs brnyan yang gnyis sam rab tu mang po dag 'byung zhing/ me long gi dkyil 'khor de gzugs brnyan gyi dngos por yongs su 'gyur ba yang ma yin na/ yongs su sbyor bar yang mi mngon no/ /

【M3 合】

བློ་གྲོས་ཡངས་པ་དེ་བཞིན་དུ་ཆུ་ཀླུང་ལྟ་བུ་དང༌། མེ་ལོང་ལྟ་བུའི་ལེན་པའི་རྣམ་པར་ཤེས་པ་དེ་ལ་བརྟེན་ཅིང་གནས་ནས། གལ་ཏེ་མིག་གི་རྣམ་པར་ཤེས་པ་གཅིག་ལན་ཅིག་འབྱུང་བའི་རྐྱེན་ཉེ་བར་གནས་པར་གྱུར་ན་ཡང་མིག་གི་རྣམ་པར་ཤེས་པ་གཅིག་ཁོ་ན་ལན་ཅིག་འབྱུང་ངོ༌། །གལ་ཏེ་རྣམ་པར་ཤེས་པའི་ཚོགས་ལྔ་ཆར་གྱི་བར་དག་ལན་ཅིག་འབྱུང་བའི་རྐྱེན་ཉེ་བར་གནས་པར་གྱུར་ན་ཡང་རྣམ་པར་ཤེས་པའི་ཚོགས་ལྔ་ཆར་ལན་ཅིག་འབྱུང་ངོ༌། །

blo gros yangs pa de bzhin du chu klung lta bu dang/ me long lta bu'i len pa'i rnam par shes pa de la brten cing gnas nas/ gal te mig gi rnam par shes pa gcig lan cig 'byung ba'i rkyen nye bar gnas par gyur na yang mig gi rnam par shes pa gcig kho na lan cig 'byung ngo/ /gal te rnam par shes pa'i tshogs lnga char gyi bar dag lan cig 'byung ba'i rkyen nye bar gnas par gyur na yang rnam par shes pa'i tshogs lnga char lan cig 'byung ngo/ /

【L4 辨菩薩於心意識有巧不巧】

བློ་གྲོས་ཡངས་པ་དེ་ལྟར་བྱང་ཆུབ་སེམས་དཔའ་ཆོས་ཀྱི་ལུགས་ཤེས་པ་ལ་བརྟེན་ཅིང༌། ཆོས་ཀྱི་ལུགས་ཤེས་པ་ལ་གནས་ནས། སེམས་དང་ཡིད་དང་རྣམ་པར་ཤེས་པའི་གསང་བ་ལ་མཁས་པ་ཡིན་ཡང༌། དེ་བཞིན་གཤེགས་པ་ནི་བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པར་འདོགས་ན། དེ་ཙམ་གྱིས་ཐམས་ཅད་ཀྱི་ཐམས་ཅད་དུ་མི་འདོགས་སོ། །བློ་གྲོས་ཡངས་པ་གང་གི་ཕྱིར་བྱང་ཆུབ་སེམས་དཔའ་ནང་གི་སོ་སོ་རང་གི་ལེན་པ་མི་མཐོང༌། །ལེན་པའི་རྣམ་པར་ཤེས་པ་ཡང་མི་མཐོང་ལ། དེ་ཡང་ཡང་དག་པ་ཇི་ལྟ་བ་བཞིན་དུ་ཡིན་པ་དང༌། ཀུན་གཞི་ཡང་མི་མཐོང༌། ཀུན་གཞིའི་རྣམ་པར་ཤེས་པ་ཡང་མི་མཐོང༌། བསྩགས་པ་ཡང་མི་མཐོང༌། སེམས་ཀྱང་མི་མཐོང༌། མིག་ཀྱང་མི་མཐོང༌། གཟུགས་ཀྱང་མི་མཐོང༌། མིག་གི་རྣམ་པར་ཤེས་པ་ཡང་མི་མཐོང༌། རྣ་བ་ཡང་མི་མཐོང༌། སྒྲ་ཡང་མི་མཐོང༌། རྣ་བའི་རྣམ་པར་ཤེས་པ་ཡང་མི་མཐོང༌། སྣ་ཡང་མི་མཐོང༌། དྲི་ཡང་མི་མཐོང༌། སྣའི་རྣམ་པར་ཤེས་པ་ཡང་མི་མཐོང༌། ལྕེ་ཡང་མི་མཐོང༌། རོ་ཡང་མི་མཐོང༌། ལྕེའི་རྣམ་པར་ཤེས་པ་ཡང་མི་མཐོང༌། ལུས་ཀྱང་མི་མཐོང༌། རེག་བྱ་ཡང་མི་མཐོང༌། ལུས་ཀྱི་རྣམ་པར་ཤེས་པ་ཡང་མི་མཐོང་ཞིང༌། བློ་གྲོས་ཡངས་པ་གང་གི་ཕྱིར་བྱང་ཆུབ་སེམས་དཔའ་ནང་གི་སོ་སོ་རང་གི་ཡིད་ཀྱང་མི་མཐོང༌། ཆོས་རྣམས་ཀྱང་མི་མཐོང༌། ཡིད་ཀྱི་རྣམ་པར་ཤེས་པ་ཡང་མི་མཐོང་ལ། དེ་ཡང་ཡང་དག་པ་ཇི་ལྟ་བ་བཞིན་དུ་ཡིན་ན། དེ་ནི་བྱང་ཆུབ་སེམས་དཔའ་དོན་དམ་པ་ལ་མཁས་པ་ཞེས་བྱ་སྟེ། དེ་བཞིན་གཤེགས་པ་ཡང་བྱང་ཆུབ་སེམས་དཔའ་དོན་དམ་པ་ལ་མཁས་པ་ནི་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པ་ཡིན་པར་འདོགས་སོ། །

blo gros yangs pa de ltar byang chub sems dpa' chos kyi lugs shes pa la brten cing/ chos kyi lugs shes pa la gnas nas/ sems dang yid dang rnam par shes pa'i gsang ba la mkhas pa yin yang/ de bzhin gshegs pa ni byang chub sems dpa' sems dang/ yid dang/ rnam par shes pa'i gsang ba la mkhas par 'dogs na/ de tsam gyis thams cad kyi thams cad du mi 'dogs so/ /blo gros yangs pa gang gi phyir byang chub sems dpa' nang gi so so rang gi len pa mi mthong/ /len pa'i rnam par shes pa yang mi mthong la/ de yang yang dag pa ji lta ba bzhin du yin pa dang/ kun gzhi yang mi mthong/ kun gzhi'i rnam par shes pa yang mi mthong/ bstsags pa yang mi mthong/ sems kyang mi mthong/ mig kyang mi mthong/ gzugs kyang mi mthong/ mig gi rnam par shes pa yang mi mthong/ rna ba yang mi mthong/ sgra yang mi mthong/ rna ba'i rnam par shes pa yang mi mthong/ sna yang mi mthong/ dri yang mi mthong/ sna'i rnam par shes pa yang mi mthong/ lce yang mi mthong/ ro yang mi mthong/ lce'i rnam par shes pa yang mi mthong/ lus kyang mi mthong/ reg bya yang mi mthong/ lus kyi rnam par shes pa yang mi mthong zhing/ blo gros yangs pa gang gi phyir byang chub sems dpa' nang gi so so rang gi yid kyang mi mthong/ chos rnams kyang mi mthong/ yid kyi rnam par shes pa yang mi mthong la/ de yang yang dag pa ji lta ba bzhin du yin na/ de ni byang chub sems dpa' don dam pa la mkhas pa zhes bya ste/ de bzhin gshegs pa yang byang chub sems dpa' don dam pa la mkhas pa ni sems dang/ yid dang/ rnam par shes pa'i gsang ba la mkhas pa yin par 'dogs so/ /

【J2 結】

བློ་གྲོས་ཡངས་པ་དེ་ཙམ་གྱིས་ན་བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པ་ཡིན་ལ། དེ་བཞིན་གཤེགས་པ་བྱང་ཆུབ་སེམས་དཔའ་སེམས་དང༌། ཡིད་དང༌། རྣམ་པར་ཤེས་པའི་གསང་བ་ལ་མཁས་པར་འདོགས་ན་ཡང་དེ་ཙམ་གྱིས་འདོགས་སོ། །

blo gros yangs pa de tsam gyis na byang chub sems dpa' sems dang/ yid dang/ rnam par shes pa'i gsang ba la mkhas pa yin la/ de bzhin gshegs pa byang chub sems dpa' sems dang/ yid dang/ rnam par shes pa'i gsang ba la mkhas par 'dogs na yang de tsam gyis 'dogs so/ /

【I2 重頌】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །ལེན་པའི་རྣམ་པར་ཤེས་པ་ཟབ་ཅིང་ཕྲ༑ །ས་བོན་ཐམས་ཅད་ཆུ་བོའི་ཀླུང་ལྟར་འབབ། །བདག་ཏུ་རྟོག་པར་གྱུར་ན་མི་རུང་ཞེས། །བྱིས་པ་རྣམས་ལ་ངས་ནི་དེ་མ་བསྟན། །ཞེས་གསུངས་སོ། །

de nas bcom ldan 'das kyis de'i tshe tshigs su bcad pa 'di bka' stsal to/ /len pa'i rnam par shes pa zab cing phra| /sa bon thams cad chu bo'i klung ltar 'bab/ /bdag tu rtog par gyur na mi rung zhes/ /byis pa rnams la ngas ni de ma bstan/ /zhes gsungs so/ /

【G3 德本菩薩問三性之義】【H1 二問】

དེ་ལ་ཆོས་རྣམས་ཀྱི་མཚན་ཉིད་ནི། དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ། བཅོམ་ལྡན་འདས་ལ་བྱང་ཆུབ་སེམས་དཔའ་ཡོན་ཏན་འབྱུང་གནས་ཀྱིས་ཞུ་བ་ཞུས་པ། བཅོམ་ལྡན་འདས་བྱང་ཆུབ་སེམས་དཔའ་ཆོས་རྣམས་ཀྱི་མཚན་ཉིད་ལ་མཁས་པ། བྱང་ཆུབ་སེམས་དཔའ་ཆོས་རྣམས་ཀྱི་མཚན་ཉིད་ལ་མཁས་པ་ཞེས་བགྱི་ན། བཅོམ་ལྡན་འདས་ཇི་ཙམ་གྱིས་ན་བྱང་ཆུབ་སེམས་དཔའ་ཆོས་རྣམས་ཀྱི་མཚན་ཉིད་ལ་མཁས་པ་ལགས། དེ་བཞིན་གཤེགས་པ་བྱང་ཆུབ་སེམས་དཔའ་ཆོས་རྣམས་ཀྱི་མཚན་ཉིད་ལ་མཁས་པར་འདོགས་ན་ཡང་ཇི་ཙམ་གྱིས་འདོགས་ལགས།

de la chos rnams kyi mtshan nyid ni/ dgongs pa nges par 'grel pa'i mdo las ji skad 'byung ba bzhin blta bar bya ste/ bcom ldan 'das la byang chub sems dpa' yon tan 'byung gnas kyis zhu ba zhus pa/ bcom ldan 'das byang chub sems dpa' chos rnams kyi mtshan nyid la mkhas pa/ byang chub sems dpa' chos rnams kyi mtshan nyid la mkhas pa zhes bgyi na/ bcom ldan 'das ji tsam gyis na byang chub sems dpa' chos rnams kyi mtshan nyid la mkhas pa lags/ de bzhin gshegs pa byang chub sems dpa' chos rnams kyi mtshan nyid la mkhas par 'dogs na yang ji tsam gyis 'dogs lags/

【H2 答】【I1 長行廣辯】【J1 釋】【K1 讚問許說】

དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཡོན་ཏན་འབྱུང་གནས་ལ་འདི་སྐད་ཅེས་བཀའ་སྩལ་ཏོ། །ཡོན་ཏན་འབྱུང་གནས་ཁྱོད་དེ་ལྟར་སྐྱེ་བོ་མང་པོ་ལ་ཕན་པ་དང༌། སྐྱེ་བོ་མང་པོ་ལ་བདེ་བ་དང༌། འཇིག་རྟེན་ལ་སྙིང་བརྩེ་བ་དང༌། ལྷ་དང་མིར་བཅས་པའི་སྐྱེ་དགུའི་དོན་དང༌། ཕན་པ་དང༌། བདེ་བའི་ཕྱིར་ཞུགས་ཏེ། དེ་བཞིན་གཤེགས་པ་ལ་ཁྱོད་དོན་འདི་ཉིད་འདྲི་བར་སེམས་པ་ནི་ལེགས་སོ། །ལེགས་སོ། །ཡོན་ཏན་འབྱུང་གནས་དེའི་ཕྱིར་ཉོན་ཅིག་དང༌། ཆོས་རྣམས་ཀྱི་མཚན་ཉིད་ལ་མཁས་པ་ཁྱོད་ལ་བཤད་པར་བྱའོ། །

de skad ces gsol pa dang/ bcom ldan 'das kyis byang chub sems dpa' yon tan 'byung gnas la 'di skad ces bka' stsal to/ /yon tan 'byung gnas khyod de ltar skye bo mang po la phan pa dang/ skye bo mang po la bde ba dang/ 'jig rten la snying brtse ba dang/ lha dang mir bcas pa'i skye dgu'i don dang/ phan pa dang/ bde ba'i phyir zhugs te/ de bzhin gshegs pa la khyod don 'di nyid 'dri bar sems pa ni legs so/ /legs so/ /yon tan 'byung gnas de'i phyir nyon cig dang/ chos rnams kyi mtshan nyid la mkhas pa khyod la bshad par bya'o/ /

【K2 正解釋】【L1 初復次明諸法相有三相】

ཡོན་ཏན་འབྱུང་གནས་ཆོས་རྣམས་ཀྱི་མཚན་ཉིད་ནི་གསུམ་པོ་འདི་དག་ཡིན་ཏེ། གསུམ་གང་ཞེ་ན། ཀུན་བརྟགས་པའི་མཚན་ཉིད་དང༌། གཞན་གྱི་དབང་གི་མཚན་ཉིད་དང༌། ཡོངས་སུ་གྲུབ་པའི་མཚན་ཉིད་དོ། །ཡོན་ཏན་འབྱུང་གནས་དེ་ལ་ཆོས་རྣམས་ཀྱི་ཀུན་བརྟགས་པའི་མཚན་ཉིད་གང་ཞེ་ན། ཇི་ཙམ་དུ་རྗེས་སུ་ཐ་སྙད་གདགས་པའི་ཕྱིར། མིད་དང་བརྡས་ཆོས་རྣམས་ཀྱི་ངོ་བོ་ཉིད་དམ་བྱེ་བྲག་ཏུ་མིང་དང་བརྡར་རྣམ་པར་གཞག་པ་གང་ཡིན་པའོ། །ཡོན་ཏན་འབྱུང་གནས་ཆོས་རྣམས་ཀྱི་གཞན་གྱི་དབང་གི་མཚན་ཉིད་གང་ཞེ་ན། ཆོས་རྣམས་ཀྱི་རྟེན་ཅིང་འབྲེལ་པར་འབྱུང་བ་ཉིད་དེ། འདི་ལྟ་སྟེ། འདི་ཡོད་པས་འདི་འབྱུང་ལ། འདི་སྐྱེས་པའི་ཕྱིར་འདི་སྐྱེ་བ་འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ནས་དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་འདི་འབྱུང་བར་འགྱུར་རོ་ཞེས་བྱ་བའི་བར་གང་ཡིན་པའོ། །ཡོན་ཏན་འབྱུང་གནས་ཆོས་རྣམས་ཀྱི་ཡོངས་སུ་གྲུབ་པའི་མཚན་ཉིད་གང་ཞེ་ན། ཆོས་རྣམས་ཀྱི་དེ་བཞིན་ཉིད་གང་ཡིན་པ་སྟེ། བྱང་ཆུབ་སེམས་དཔའ་རྣམས་ཀྱི་བརྟུན་པའི་རྒྱུ་དང༌། ལེགས་པར་ཚུལ་བཞིན་ཡིད་ལ་བྱས་པའི་རྒྱུས་དེ་རྟོགས་ཤིང༌། དེ་རྟོགས་པ་གོམས་པར་བྱས་པ་ཡང་དག་པར་གྲུབ་པས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཡང་དག་པར་འགྲུབ་པ་གང་ཡིན་པའོ། །

yon tan 'byung gnas chos rnams kyi mtshan nyid ni gsum po 'di dag yin te/ gsum gang zhe na/ kun brtags pa'i mtshan nyid dang/ gzhan gyi dbang gi mtshan nyid dang/ yongs su grub pa'i mtshan nyid do/ /yon tan 'byung gnas de la chos rnams kyi kun brtags pa'i mtshan nyid gang zhe na/ ji tsam du rjes su tha snyad gdags pa'i phyir/ mid dang brdas chos rnams kyi ngo bo nyid dam bye brag tu ming dang brdar rnam par gzhag pa gang yin pa'o/ /yon tan 'byung gnas chos rnams kyi gzhan gyi dbang gi mtshan nyid gang zhe na/ chos rnams kyi rten cing 'brel par 'byung ba nyid de/ 'di lta ste/ 'di yod pas 'di 'byung la/ 'di skyes pa'i phyir 'di skye ba 'di lta ste/ ma rig pa'i rkyen gyis 'du byed rnams zhes bya ba nas de ltar na sdug bsngal gyi phung po chen po 'ba' zhig 'di 'byung bar 'gyur ro zhes bya ba'i bar gang yin pa'o/ /yon tan 'byung gnas chos rnams kyi yongs su grub pa'i mtshan nyid gang zhe na/ chos rnams kyi de bzhin nyid gang yin pa ste/ byang chub sems dpa' rnams kyi brtun pa'i rgyu dang/ legs par tshul bzhin yid la byas pa'i rgyus de rtogs shing/ de rtogs pa goms par byas pa yang dag par grub pas kyang bla na med pa yang dag par rdzogs pa'i byang chub kyi bar du yang dag par 'grub pa gang yin pa'o/ /

【L2 第二復次約眩[醫-酉+目]喻】

ཡོན་ཏན་འབྱུང་གནས་འདི་ལྟ་སྟེ། དཔེར་ན་སྐྱེས་བུ་གང་ཟག་རབ་རིབ་ཅན་གྱི་མིག་ལ་རབ་རིབ་ཀྱི་སྐྱོན་ཆགས་པ་དེ་ལྟ་བུར་ནི་ཀུན་བརྟགས་པའི་མཚན་ཉིད་བལྟ་བར་བྱའོ༑ །ཡོན་ཏན་འབྱུང་གནས་འདི་ལྟ་སྟེ། དཔེར་ན་དེ་ཉིད་ལ་རབ་རིབ་ཀྱི་མཚན་མ་སྐྲ་ཤད་འཛིངས་པའམ། སྦྲང་མའམ། ཏིལ་གྱི་འབྲུའམ། སྔོན་པོའི་མཚན་མའམ། སེར་པོའི་མཚན་མའམ། དམར་པོའི་མཚན་མའམ། དཀར་པོའི་མཚན་མ་སྣང་བར་གྱུར་པ་དེ་ལྟ་བུར་ནི་གཞན་གྱི་དབང་གི་མཚན་ཉིད་བལྟ་བར་བྱའོ། །ཡོན་ཏན་འབྱུང་གནས་འདི་ལྟ་སྟེ། དཔེར་ན་སྐྱེས་བུ་གང་ཟག་དེ་ཉིད་ཀྱི་མིག་ཡོངས་སུ་དག་ཅིང་མིག་ལ་རབ་རིབ་ཀྱི་སྐྱོན་ཆགས་པ་དང་བྲལ་བར་གྱུར་པ་ན། མིག་དེ་ཉིད་ཀྱི་རང་བཞིན་གྱི་སྤྱོད་ཡུལ་མ་ནོར་བའི་སྤྱོད་ཡུལ་དེ་ལྟ་བུར་ནི་ཡོངས་སུ་གྲུབ་པའི་མཚན་ཉིད་བལྟ་བར་བྱའོ། །

yon tan 'byung gnas 'di lta ste/ dper na skyes bu gang zag rab rib can gyi mig la rab rib kyi skyon chags pa de lta bur ni kun brtags pa'i mtshan nyid blta bar bya'o| /yon tan 'byung gnas 'di lta ste/ dper na de nyid la rab rib kyi mtshan ma skra shad 'dzings pa'am/ sbrang ma'am/ til gyi 'bru'am/ sngon po'i mtshan ma'am/ ser po'i mtshan ma'am/ dmar po'i mtshan ma'am/ dkar po'i mtshan ma snang bar gyur pa de lta bur ni gzhan gyi dbang gi mtshan nyid blta bar bya'o/ /yon tan 'byung gnas 'di lta ste/ dper na skyes bu gang zag de nyid kyi mig yongs su dag cing mig la rab rib kyi skyon chags pa dang bral bar gyur pa na/ mig de nyid kyi rang bzhin gyi spyod yul ma nor ba'i spyod yul de lta bur ni yongs su grub pa'i mtshan nyid blta bar bya'o/ /

【L3 第三復次約頗胝迦喻】

ཡོན་ཏན་འབྱུང་གནས་འདི་ལྟ་སྟེ་དཔེར་ན་ཤེལ་ཤིན་ཏུ་གསལ་བ་ནི་གང་གི་ཚེ་ཚོན་སྔོན་པོ་དང་ཕྲད་པར་གྱུར་པ་དེའི་ཚེ་ནི། ནོར་བུ་རིན་པོ་ཆེ་ཨན་ད་རྙིལ་དང༌། མཐོན་ཀ་ཆེན་པོ་ལྟ་བུར་སྣང་བར་འགྱུར་ཞིང༌། ནོར་བུ་རིན་པོ་ཆེ་ཨན་ད་རྙིལ་དང༌། མཐོན་ཀ་ཆེན་པོར་ལོག་པར་འཛིན་པས་ཀྱང་སེམས་ཅན་རྣམས་རྣམ་པར་རྨོངས་པར་བྱེད་དོ། །གང་གི་ཚེ་ཚོན་དམར་པོ་དང་ཕྲད་པར་གྱུར་པ་དེའི་ཚེ་ནི། ནོར་བུ་རིན་པོ་ཆེ་པདྨ་རཱ་ག་ལྟ་བུར་སྣང་བར་འགྱུར་ཞིང༌། ནོར་བུ་རིན་པོ་ཆེ་པདྨ་རཱ་གར་ལོག་པར་འཛིན་པས་ཀྱང་སེམས་ཅན་རྣམས་རྣམ་པར་རྨོངས་པར་བྱེད་དོ། །གང་གི་ཚེ་ཚོན་ལྗང་གུ་དང་ཕྲད་པར་གྱུར་པ་དེའི་ཚེ་ནི། ནོར་བུ་རིན་པོ་ཆེ་མརྐ་ཏ་ལྟ་བུར་སྣང་བར་འགྱུར་ཞིང༌། ནོར་བུ་རིན་པོ་ཆེ་མརྐཏ་དུ་ལོག་པར་འཛིན་པས་ཀྱང་སེམས་ཅན་རྣམས་རྣམ་པར་རྨོངས་པར་བྱེད་དོ༑ །གང་གི་ཚེ་ཚོན་སེར་པོ་དང་ཕྲད་པར་གྱུར་པ་དེའི་ཚེ་ནི། གསེར་ལྟ་བུར་སྣང་བར་འགྱུར་ཞིང༌། གསེར་དུ་ལོག་པར་འཛིན་པས་ཀྱང་སེམས་ཅན་རྣམས་རྣམ་པར་རྨོངས་པར་བྱེད་དོ། །ཡོན་ཏན་འབྱུང་གནས་འདི་ལྟ་སྟེ་དཔེར་ན་ཤེལ་ཤིན་ཏུ་གསལ་བ་ཚོན་དང་ཕྲད་པ་དེ་ལྟ་བུར་ནི་གཞན་གྱི་དབང་གི་མཚན་ཉིད་ལ། ཀུན་བརྟགས་པའི་མཚན་ཉིད་ཀྱི་ཐ་སྙད་ཀྱི་བག་ཆགས་བལྟ་བར་བྱའོ། །འདི་ལྟ་སྟེ་དཔེར་ན་ཤེལ་ཤིན་ཏུ་གསལ་བ་ལ་ནོར་བུ་རིན་པོ་ཆེ་ཨན་ད་རྙིལ་དང༌། མཐོན་ཀ་ཆེན་པོ་དང༌། པདྨ་རཱ་ག་དང༌། མརྐཏ་དང༌། གསེར་དུ་ལོག་པར་འཛིན་པ་དེ་ལྟ་བུར་ནི་གཞན་གྱི་དབང་གི་མཚན་ཉིད་ལ། ཀུན་བརྟགས་པའི་མཚན་ཉིད་དུ་འཛིན་པར་བལྟ་བར་བྱའོ། །ཡོན་ཏན་འབྱུང་གནས་འདི་ལྟ་སྟེ་དཔེར་ན། ཤེལ་ཤིན་ཏུ་གསལ་བ་ཉིད་ལྟ་བུར་ནི་གཞན་གྱི་དབང་གི་མཚན་ཉིད་བལྟ་བར་བྱའོ། །འདི་ལྟ་སྟེ་དཔེར་ན། ཤེལ་ཤིན་ཏུ་གསལ་བ་དེ་ཉིད་ནོར་བུ་རིན་པོ་ཆེ་ཨན་ད་རྙིལ་དང༌། མཐོན་ཀ་ཆེན་པོ་དང༌། པདྨ་རཱ་ག་དང༌། མརྐཏ་དང༌། གསེར་གྱི་མཚན་ཉིད་དེར་རྟག་པ་རྟག་པའི་དུས་དང༌། ཐེར་ཟུག་ཐེར་ཟུག་གི་དུས་ཡོངས་སུ་མ་གྲུབ་ཅིང༌། ངོ་བོ་ཉིད་མེད་པ་དེ་ལྟ་བུར་ནི་གཞན་གྱི་དབང་གི་མཚན་ཉིད་དེ། ཀུན་བརྟགས་པའི་མཚན་ཉིད་དེར་རྟག་པ་རྟག་པའི་དུས་དང༌། ཐེར་ཟུག་ཐེར་ཟུག་གི་དུས་སུ་ཡོངས་སུ་མ་གྲུབ་ཅིང༌། ངོ་བོ་ཉིད་མེད་པ་ཉིད་ཀྱིས་ཡོངས་སུ་གྲུབ་པའི་མཚན་ཉིད་བལྟ་བར་བྱའོ། །

yon tan 'byung gnas 'di lta ste dper na shel shin tu gsal ba ni gang gi tshe tshon sngon po dang phrad par gyur pa de'i tshe ni/ nor bu rin po che an da rnyil dang/ mthon ka chen po lta bur snang bar 'gyur zhing/ nor bu rin po che an da rnyil dang/ mthon ka chen por log par 'dzin pas kyang sems can rnams rnam par rmongs par byed do/ /gang gi tshe tshon dmar po dang phrad par gyur pa de'i tshe ni/ nor bu rin po che pad+ma rA ga lta bur snang bar 'gyur zhing/ nor bu rin po che pad+ma rA gar log par 'dzin pas kyang sems can rnams rnam par rmongs par byed do/ /gang gi tshe tshon ljang gu dang phrad par gyur pa de'i tshe ni/ nor bu rin po che marka ta lta bur snang bar 'gyur zhing/ nor bu rin po che markata du log par 'dzin pas kyang sems can rnams rnam par rmongs par byed do| /gang gi tshe tshon ser po dang phrad par gyur pa de'i tshe ni/ gser lta bur snang bar 'gyur zhing/ gser du log par 'dzin pas kyang sems can rnams rnam par rmongs par byed do/ /yon tan 'byung gnas 'di lta ste dper na shel shin tu gsal ba tshon dang phrad pa de lta bur ni gzhan gyi dbang gi mtshan nyid la/ kun brtags pa'i mtshan nyid kyi tha snyad kyi bag chags blta bar bya'o/ /'di lta ste dper na shel shin tu gsal ba la nor bu rin po che an da rnyil dang/ mthon ka chen po dang/ pad+ma rA ga dang/ markata dang/ gser du log par 'dzin pa de lta bur ni gzhan gyi dbang gi mtshan nyid la/ kun brtags pa'i mtshan nyid du 'dzin par blta bar bya'o/ /yon tan 'byung gnas 'di lta ste dper na/ shel shin tu gsal ba nyid lta bur ni gzhan gyi dbang gi mtshan nyid blta bar bya'o/ /'di lta ste dper na/ shel shin tu gsal ba de nyid nor bu rin po che an da rnyil dang/ mthon ka chen po dang/ pad+ma rA ga dang/ markata dang/ gser gyi mtshan nyid der rtag pa rtag pa'i dus dang/ ther zug ther zug gi dus yongs su ma grub cing/ ngo bo nyid med pa de lta bur ni gzhan gyi dbang gi mtshan nyid de/ kun brtags pa'i mtshan nyid der rtag pa rtag pa'i dus dang/ ther zug ther zug gi dus su yongs su ma grub cing/ ngo bo nyid med pa nyid kyis yongs su grub pa'i mtshan nyid blta bar bya'o/ /

【L4 第四復次以相名相應為執得所執相】

ཡོན་ཏན་འབྱུང་གནས་དེ་ལ་མིང་དང་འབྲེལ་པའི་མཚན་མ་ལ་བརྟེན་ནས་ནི་ཀུན་བརྟགས་པའི་མཚན་ཉིད་རབ་ཏུ་ཤེས་སོ། །གཞན་གྱི་དབང་གི་མཚན་ཉིད་ལ་ཀུན་བརྟགས་པའི་མཚན་ཉིད་དུ་མངོན་པར་ཞེན་པ་ལ་བརྟེན་ནས་ནི་གཞན་གྱི་དབང་གི་མཚན་ཉིད་རབ་ཏུ་ཤེས་སོ། །གཞན་གྱི་དབང་གི་མཚན་ཉིད་ལ་ཀུན་བརྟགས་པའི་མཚན་ཉིད་དུ་མངོན་པར་ཞེན་པ་མེད་པ་ལ་བརྟེན་ནས་ནི་ཡོངས་སུ་གྲུབ་པའི་མཚན་ཉིད་རབ་ཏུ་ཤེས་སོ། །

yon tan 'byung gnas de la ming dang 'brel pa'i mtshan ma la brten nas ni kun brtags pa'i mtshan nyid rab tu shes so/ /gzhan gyi dbang gi mtshan nyid la kun brtags pa'i mtshan nyid du mngon par zhen pa la brten nas ni gzhan gyi dbang gi mtshan nyid rab tu shes so/ /gzhan gyi dbang gi mtshan nyid la kun brtags pa'i mtshan nyid du mngon par zhen pa med pa la brten nas ni yongs su grub pa'i mtshan nyid rab tu shes so/ /

【L5 第五復次知三性明勝利】

ཡོན་ཏན་འབྱུང་གནས་དེ་ལ་བྱང་ཆུབ་སེམས་དཔའ་ཆོས་རྣམས་ཀྱི་གཞན་གྱི་དབང་གི་མཚན་ཉིད་ལ་ཀུན་བརྟགས་པའི་མཚན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ན། མཚན་ཉིད་མེད་པའི་ཆོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཡོན་ཏན་འབྱུང་གནས་དེ་ལ་བྱང་ཆུབ་སེམས་དཔས་གཞན་གྱི་དབང་གི་མཚན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ན། ཀུན་ནས་ཉོན་མོངས་པའི་མཚན་ཉིད་ཀྱི་ཆོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཡོན་ཏན་འབྱུང་གནས་དེ་ལ་བྱང་ཆུབ་སེམས་དཔས་ཡོངས་སུ་གྲུབ་པའི་མཚན་ཉིད་ཡང་དག་པ་ཇི་ལྟ་བ་བཞིན་རབ་ཏུ་ཤེས་ན། རྣམ་པར་བྱང་བའི་མཚན་ཉིད་ཀྱི་ཆོས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །

yon tan 'byung gnas de la byang chub sems dpa' chos rnams kyi gzhan gyi dbang gi mtshan nyid la kun brtags pa'i mtshan nyid yang dag pa ji lta ba bzhin du rab tu shes na/ mtshan nyid med pa'i chos yang dag pa ji lta ba bzhin du rab tu shes so/ /yon tan 'byung gnas de la byang chub sems dpas gzhan gyi dbang gi mtshan nyid yang dag pa ji lta ba bzhin du rab tu shes na/ kun nas nyon mongs pa'i mtshan nyid kyi chos yang dag pa ji lta ba bzhin du rab tu shes so/ /yon tan 'byung gnas de la byang chub sems dpas yongs su grub pa'i mtshan nyid yang dag pa ji lta ba bzhin rab tu shes na/ rnam par byang ba'i mtshan nyid kyi chos yang dag pa ji lta ba bzhin rab tu shes so/ /

【L6 第六復次斷證勝利】

ཡོན་ཏན་འབྱུང་གནས་དེ་ལ་བྱང་ཆུབ་སེམས་དཔས་གཞན་གྱི་དབང་གི་མཚན་ཉིད་ལ་མཚན་ཉིད་མེད་པའི་ཆོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ན། ཀུན་ནས་ཉོན་མོངས་པའི་མཚན་ཉིད་ཀྱི་ཆོས་རབ་ཏུ་སྤོང་ངོ༌། །ཀུན་ནས་ཉོན་མོངས་པའི་མཚན་ཉིད་ཀྱི་ཆོས་རབ་ཏུ་སྤངས་ན། རྣམ་པར་བྱང་བའི་མཚན་ཉིད་ཀྱི་ཆོས་འཐོབ་པར་འགྱུར་ཏེ།

yon tan 'byung gnas de la byang chub sems dpas gzhan gyi dbang gi mtshan nyid la mtshan nyid med pa'i chos yang dag pa ji lta ba bzhin du rab tu shes na/ kun nas nyon mongs pa'i mtshan nyid kyi chos rab tu spong ngo/ /kun nas nyon mongs pa'i mtshan nyid kyi chos rab tu spangs na/ rnam par byang ba'i mtshan nyid kyi chos 'thob par 'gyur te/

【J2 結】

ཡོན་ཏན་འབྱུང་གནས་གང་གི་ཕྱིར་བྱང་ཆུབ་སེམས་དཔའ་དེ་ལྟར་ན། ཆོས་རྣམས་ཀྱི་ཀུན་བརྟགས་པའི་མཚན་ཉིད་དང༌། གཞན་གྱི་དབང་གི་མཚན་ཉིད་དང༌། ཡོངས་སུ་གྲུབ་པའི་མཚན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤིང༌། མཚན་ཉིད་མེད་པ་དང༌། ཀུན་ནས་ཉོན་མོངས་པའི་མཚན་ཉིད་དང༌། རྣམ་པར་བྱང་བའི་མཚན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། མཚན་ཉིད་མེད་པའི་ཆོས་ཡང་དག་པ་ཇི་ལྟ་བ་བཞིན་རབ་ཏུ་ཤེས་ནས། ཀུན་ནས་ཉོན་མོངས་པའི་མཚན་ཉིད་ཀྱི་ཆོས་རབ་ཏུ་སྤོང་ཞིང༌། ཀུན་ནས་ཉོན་མོངས་པའི་མཚན་ཉིད་ཀྱི་ཆོས་རབ་ཏུ་སྤངས་ནས། རྣམ་པར་བྱང་བའི་མཚན་ཉིད་ཀྱི་ཆོས་འཐོབ་པར་འགྱུར་བ་དེ་ཙམ་གྱིས་ན། བྱང་ཆུབ་སེམས་དཔའ་ཆོས་རྣམས་ཀྱི་མཚན་ཉིད་ལ་མཁས་པ་ཡིན་ལ། དེ་བཞིན་གཤེགས་པ་བྱང་ཆུབ་སེམས་དཔའ་ཆོས་རྣམས་ཀྱི་མཚན་ཉིད་ལ་མཁས་པར་འདོགས་པར་མཛད་པ་ན་ཡང་དེ་ཙམ་གྱིས་འདོགས་པར་མཛད་དོ། །

yon tan 'byung gnas gang gi phyir byang chub sems dpa' de ltar na/ chos rnams kyi kun brtags pa'i mtshan nyid dang/ gzhan gyi dbang gi mtshan nyid dang/ yongs su grub pa'i mtshan nyid yang dag pa ji lta ba bzhin du rab tu shes shing/ mtshan nyid med pa dang/ kun nas nyon mongs pa'i mtshan nyid dang/ rnam par byang ba'i mtshan nyid yang dag pa ji lta ba bzhin du rab tu shes la/ mtshan nyid med pa'i chos yang dag pa ji lta ba bzhin rab tu shes nas/ kun nas nyon mongs pa'i mtshan nyid kyi chos rab tu spong zhing/ kun nas nyon mongs pa'i mtshan nyid kyi chos rab tu spangs nas/ rnam par byang ba'i mtshan nyid kyi chos 'thob par 'gyur ba de tsam gyis na/ byang chub sems dpa' chos rnams kyi mtshan nyid la mkhas pa yin la/ de bzhin gshegs pa byang chub sems dpa' chos rnams kyi mtshan nyid la mkhas par 'dogs par mdzad pa na yang de tsam gyis 'dogs par mdzad do/ /

【I2 重頌】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མཚན་ཉིད་མེད་པའི་ཆོས་ནི་རབ་ཤེས་ན། །ཀུན་ནས་ཉོན་མོངས་མཚན་ཉིད་ཆོས་སྤོང་འགྱུར། །ཀུན་ནས་ཉོན་མོངས་ཆོས་ནི་རབ་སྤངས་ན། །ཤིན་ཏུ་རྣམ་དག་མཚན་ཉིད་ཆོས་འཐོབ་འགྱུར། །སྐྱེ་བོ་བག་མེད་ཉེས་རྩོམ་ལེ་ལོ་ཅན། །འདུ་བྱེད་སྐྱོན་ལ་རྟོག་པར་མི་བྱེད་པ། །བརྟན་མེད་གཡོ་བ་མེད་པའི་ཆོས་རྣམས་ལ། །རབ་ཏུ་ཉམས་པས་སྙིང་བརྩེར་བྱས་པ་ཡིན། །ཞེས་གསུངས་པའོ། །

de nas bcom ldan 'das kyis de'i tshe tshigs su bcad pa 'di dag bka' stsal to/ /mtshan nyid med pa'i chos ni rab shes na/ /kun nas nyon mongs mtshan nyid chos spong 'gyur/ /kun nas nyon mongs chos ni rab spangs na/ /shin tu rnam dag mtshan nyid chos 'thob 'gyur/ /skye bo bag med nyes rtsom le lo can/ /'du byed skyon la rtog par mi byed pa/ /brtan med g.yo ba med pa'i chos rnams la/ /rab tu nyams pas snying brtser byas pa yin/ /zhes gsungs pa'o/ /

【G4 勝義生菩薩請問三無性義】【H1 問答辨三無性之義】【I1 菩薩發問】

དེ་ལ་ཆོས་རྣམས་ཀྱི་ངོ་བོ་ཉིད་མེད་པའི་མཚན་ཉིད་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ། བཅོམ་ལྡན་འདས་ལ་བྱང་ཆུབ་སེམས་དཔའ་དོན་དམ་ཡང་དག་འཕགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ན་བདག་གཅིག་པུ་དབེན་པ་ཞིག་ན་མཆིས་པའི་ཚེ། སེམས་ཀྱི་ཡོངས་སུ་རྟོག་པ་འདི་ལྟ་བུ་སྐྱེས་ལགས་ཏེ། བཅོམ་ལྡན་འདས་ཀྱིས་རྣམ་གྲངས་དུ་མར་ཕུང་པོ་རྣམས་ཀྱི་རང་གི་མཚན་ཉིད་ཀྱང་བཀའ་སྩལ། སྐྱེ་བའི་མཚན་ཉིད་དང༌། འཇིག་པའི་མཚན་ཉིད་དང༌། སྤང་བ་དང༌། ཡོངས་སུ་ཤེས་པ་ཡང་བཀའ་སྩལ། ཕུང་པོ་རྣམས་ཀྱི་ཇི་ལྟ་བ་དེ་བཞིན་དུ་སྐྱེ་མཆེད་རྣམས་དང༌། རྟེན་ཅིང་འབྲེལ་པར་འབྱུང་བ་དང༌། ཟས་རྣམས་ཀྱི་ཡང་བཀའ་སྩལ༑ བཅོམ་ལྡན་འདས་ཀྱིས་རྣམ་གྲངས་དུ་མར་བདེན་པ་རྣམས་ཀྱི་རང་གི་མཚན་ཉིད་ཀྱང་བཀའ་སྩལ། ཡོངས་སུ་ཤེས་པ་དང༌། སྤང་བ་དང༌། མངོན་དུ་བགྱི་བ་དང༌། བསྒོམ་པ་ཡང་བཀའ་སྩལ། བཅོམ་ལྡན་འདས་ཀྱིས་རྣམ་གྲངས་དུ་མར་ཁམས་རྣམས་ཀྱི་རང་གི་མཚན་ཉིད་ཀྱང་བཀའ་སྩལ། ཁམས་སྣ་ཚོགས་པ་ཉིད་དང༌། ཁམས་དུ་མ་བ་ཉིད་དང༌། སྤང་བ་དང༌། ཡོངས་སུ་ཤེས་པ་ཡང་བཀའ་སྩལ། བཅོམ་ལྡན་འདས་ཀྱིས་རྣམ་གྲངས་དུ་མར་དྲན་པ་ཉེ་བར་གཞག་པ་རྣམས་ཀྱི་རང་གི་མཚན་ཉིད་ཀྱང་བཀའ་སྩལ། མི་མཐུན་པའི་ཕྱོགས་དང༌། གཉེན་པོ་དང༌། མ་སྐྱེས་པ་རྣམས་སྐྱེ་བ་དང༌། སྐྱེས་པ་རྣམས་གནས་པ་དང༌། མི་བསྐྱད་པ་དང༌། སླར་ཞིང་འབྱུང་བ་དང༌། འཕེལ་ཞིང་ཡངས་པ་ཉིད་ཀྱང་བཀའ་སྩལ། དྲན་པ་ཉེ་བར་གཞག་པ་རྣམས་ཀྱི་ཇི་ལྟ་བ་བཞིན་དུ་ཡང་དག་པའི་སྤོང་བ་རྣམས་དང༌། རྫུ་འཕྲུལ་གྱི་རྐང་པ་རྣམས་དང༌། དབང་པོ་རྣམས་དང༌། སྟོབས་རྣམས་དང༌། བྱང་ཆུབ་ཀྱི་ཡན་ལག་རྣམས་ཀྱི་ཡང་བཀའ་སྩལ། བཅོམ་ལྡན་འདས་ཀྱིས་རྣམ་གྲངས་དུ་མར་འཕགས་པའི་ལམ་ཡན་ལག་བརྒྱད་པའི་རང་གི་མཚན་ཉིད་ཀྱང་བཀའ་སྩལ། མི་མཐུན་པའི་ཕྱོགས་དང༌། གཉེན་པོ་དང༌། བསྒོམ་པ་དང༌། མ་སྐྱེས་པ་རྣམས་སྐྱེ་བ་དང༌། སྐྱེས་པ་རྣམས་གནས་པ་དང༌། མི་བསྐྱད་པ་དང༌། སླར་ཞིང་འབྱུང་བ་དང༌། འཕེལ་ཞིང་ཡངས་པ་ཉིད་ཀྱང་བཀའ་སྩལ། བཅོམ་ལྡན་འདས་ཀྱིས་ཆོས་ཐམས་ཅད་ངོ་བོ་ཉིད་མ་མཆིས་པ། ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ་རང་བཞིན་གྱིས་ཡོངས་སུ་མྱ་ངན་ལས་འདས་པ་ཞེས་ཀྱང་བཀའ་སྩལ་ལགས་ན། བཅོམ་ལྡན་འདས་ཀྱིས་ཅི་ལས་དགོངས་ནས། ཆོས་ཐམས་ཅད་ངོ་བོ་ཉིད་མ་མཆིས་པ། ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པ་ཞེས་བཀའ་སྩལ་སྙམ་བགྱིད་ལགས་ཏེ། བཅོམ་ལྡན་འདས་ཀྱིས་ཅི་ལས་དགོངས་ནས་ཆོས་ཐམས་ཅད་ངོ་བོ་ཉིད་མ་མཆིས་པ། ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པ་ཞེས་བཀའ་སྩལ་བའི་དོན་དེ་ཉིད། བཅོམ་ལྡན་འདས་ལ་བདག་ཡོངས་སུ་ཞུ་ལགས་སོ། །

de la chos rnams kyi ngo bo nyid med pa'i mtshan nyid ni dgongs pa nges par 'grel pa'i mdo las ji skad 'byung ba bzhin blta bar bya ste/ bcom ldan 'das la byang chub sems dpa' don dam yang dag 'phags kyis 'di skad ces gsol to/ /bcom ldan 'das 'di na bdag gcig pu dben pa zhig na mchis pa'i tshe/ sems kyi yongs su rtog pa 'di lta bu skyes lags te/ bcom ldan 'das kyis rnam grangs du mar phung po rnams kyi rang gi mtshan nyid kyang bka' stsal/ skye ba'i mtshan nyid dang/ 'jig pa'i mtshan nyid dang/ spang ba dang/ yongs su shes pa yang bka' stsal/ phung po rnams kyi ji lta ba de bzhin du skye mched rnams dang/ rten cing 'brel par 'byung ba dang/ zas rnams kyi yang bka' stsal| bcom ldan 'das kyis rnam grangs du mar bden pa rnams kyi rang gi mtshan nyid kyang bka' stsal/ yongs su shes pa dang/ spang ba dang/ mngon du bgyi ba dang/ bsgom pa yang bka' stsal/ bcom ldan 'das kyis rnam grangs du mar khams rnams kyi rang gi mtshan nyid kyang bka' stsal/ khams sna tshogs pa nyid dang/ khams du ma ba nyid dang/ spang ba dang/ yongs su shes pa yang bka' stsal/ bcom ldan 'das kyis rnam grangs du mar dran pa nye bar gzhag pa rnams kyi rang gi mtshan nyid kyang bka' stsal/ mi mthun pa'i phyogs dang/ gnyen po dang/ ma skyes pa rnams skye ba dang/ skyes pa rnams gnas pa dang/ mi bskyad pa dang/ slar zhing 'byung ba dang/ 'phel zhing yangs pa nyid kyang bka' stsal/ dran pa nye bar gzhag pa rnams kyi ji lta ba bzhin du yang dag pa'i spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams kyi yang bka' stsal/ bcom ldan 'das kyis rnam grangs du mar 'phags pa'i lam yan lag brgyad pa'i rang gi mtshan nyid kyang bka' stsal/ mi mthun pa'i phyogs dang/ gnyen po dang/ bsgom pa dang/ ma skyes pa rnams skye ba dang/ skyes pa rnams gnas pa dang/ mi bskyad pa dang/ slar zhing 'byung ba dang/ 'phel zhing yangs pa nyid kyang bka' stsal/ bcom ldan 'das kyis chos thams cad ngo bo nyid ma mchis pa/ chos thams cad ma skyes pa/ ma 'gags pa/ gzod ma nas zhi ba rang bzhin gyis yongs su mya ngan las 'das pa zhes kyang bka' stsal lags na/ bcom ldan 'das kyis ci las dgongs nas/ chos thams cad ngo bo nyid ma mchis pa/ chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa zhes bka' stsal snyam bgyid lags te/ bcom ldan 'das kyis ci las dgongs nas chos thams cad ngo bo nyid ma mchis pa/ chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa zhes bka' stsal ba'i don de nyid/ bcom ldan 'das la bdag yongs su zhu lags so/ /

【I2 佛答】【J1 讚為問是善敕聽許說】

དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བྱང་ཆུབ་སེམས་དཔའ་དོན་དམ་ཡང་དག་འཕགས་ལ་འདི་སྐད་ཅེས་བཀའ་སྩལ་ཏོ། །དོན་དམ་ཡང་དག་འཕགས། ཁྱོད་ཀྱི་སེམས་ཀྱི་ཡོངས་སུ་རྟོག་པ་དགེ་བ་ཚུལ་བཞིན་སྐྱེས་པ་ལེགས་སོ། །ལེགས་སོ། །དོན་དམ་ཡང་དག་འཕགས་ཁྱོད་དེ་ལྟར་སྐྱེ་བོ་མང་པོ་ལ་ཕན་པ་དང༌། སྐྱེ་བོ་མང་པོ་ལ་བདེ་བ་དང༌། འཇིག་རྟེན་ལ་སྙིང་བརྩེ་བ་དང༌། ལྷ་དང་མིར་བཅས་པའི་སྐྱེ་དགུའི་དོན་དང༌། ཕན་པ་དང་བདེ་བའི་ཕྱིར་ཞུགས་ཏེ། དེ་བཞིན་གཤེགས་པ་ལ་ཁྱོད་དོན་འདི་ཉིད་འདྲི་བར་སེམས་པ་ནི་ཡང་ཁྱོད་ལེགས་སོ། །དོན་དམ་ཡང་དག་འཕགས་དེའི་ཕྱིར་ཁྱོད་ཉོན་ཅིག་དང༌། ངས་ཅི་ལས་དགོངས་ནས་ཆོས་ཐམས་ཅད་ངོ་བོ་ཉིད་མེད་པ། ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པ་ཞེས་གསུངས་པ་ཁྱོད་ལ་བཤད་པར་བྱའོ། །

de skad ces gsol pa dang/ bcom ldan 'das kyis byang chub sems dpa' don dam yang dag 'phags la 'di skad ces bka' stsal to/ /don dam yang dag 'phags/ khyod kyi sems kyi yongs su rtog pa dge ba tshul bzhin skyes pa legs so/ /legs so/ /don dam yang dag 'phags khyod de ltar skye bo mang po la phan pa dang/ skye bo mang po la bde ba dang/ 'jig rten la snying brtse ba dang/ lha dang mir bcas pa'i skye dgu'i don dang/ phan pa dang bde ba'i phyir zhugs te/ de bzhin gshegs pa la khyod don 'di nyid 'dri bar sems pa ni yang khyod legs so/ /don dam yang dag 'phags de'i phyir khyod nyon cig dang/ ngas ci las dgongs nas chos thams cad ngo bo nyid med pa/ chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa zhes gsungs pa khyod la bshad par bya'o/ /

【J2 正答】【K1 長行】【L1 解諸法皆無自性無生滅等】【M1 辨無自性】【N1 總申說意】

དོན་དམ་ཡང་དག་འཕགས་ངས་ཆོས་རྣམས་ཀྱི་ངོ་བོ་ཉིད་མེད་པ་ཉིད་རྣམ་པ་གསུམ་པོ་འདི་ལྟ་སྟེ། མཚན་ཉིད་ངོ་བོ་ཉིད་མེད་པ་ཉིད་དང༌། སྐྱེ་བ་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ལས་དགོངས་ནས་ཆོས་ཐམས་ཅད་ངོ་བོ་ཉིད་མེད་པའོ་ཞེས་བསྟན་ཏོ། །

don dam yang dag 'phags ngas chos rnams kyi ngo bo nyid med pa nyid rnam pa gsum po 'di lta ste/ mtshan nyid ngo bo nyid med pa nyid dang/ skye ba ngo bo nyid med pa nyid dang/ don dam pa ngo bo nyid med pa nyid las dgongs nas chos thams cad ngo bo nyid med pa'o zhes bstan to/ /

【N2 問答解釋】【O1 法說】

དོན་དམ་ཡང་དག་འཕགས་དེ་ལ་ཆོས་རྣམས་ཀྱི་མཚན་ཉིད་ངོ་བོ་ཉིད་མེད་པ་ཉིད་གང་ཞེ་ན། ཀུན་བརྟགས་པའི་མཚན་ཉིད་གང་ཡིན་པའོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་མིང་དང་བརྡར་རྣམ་པར་གཞག་པའི་མཚན་ཉིད་ཡིན་གྱི་རང་གི་མཚན་ཉིད་ཀྱིས་རྣམ་པར་གནས་པ་ནི་མ་ཡིན་པས། དེའི་ཕྱིར་དེ་ནི་མཚན་ཉིད་ངོ་བོ་ཉིད་མེད་པ་ཉིད་ཅེས་བྱའོ། །དོན་དམ་ཡང་དག་འཕགས་ཆོས་རྣམས་ཀྱི་སྐྱེ་བ་ངོ་བོ་ཉིད་མེད་པ་ཉིད་གང་ཞེ་ན། ཆོས་རྣམས་ཀྱི་གཞན་གྱི་དབང་གི་མཚན་ཉིད་གང་ཡིན་པའོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་རྐྱེན་གཞན་གྱི་སྟོབས་ཀྱིས་བྱུང་བ་ཡིན་གྱི་བདག་ཉིད་ཀྱིས་ནི་མ་ཡིན་པས་དེའི་ཕྱིར་དེ་ནི་སྐྱེ་བ་ངོ་བོ་ཉིད་མེད་པ་ཉིད་ཅེས་བྱའོ། །དོན་དམ་ཡང་དག་འཕགས་ཆོས་རྣམས་ཀྱི་དོན་དམ་པ་ངོ་བོ་ཉིད་མེད་པ་ཉིད་གང་ཞེ་ན། རྟེན་ཅིང་འབྲེལ་བར་འབྱུང་བའི་ཆོས་གང་དག་སྐྱེ་བ་ངོ་བོ་ཉིད་མེད་པ་ཉིད་ཀྱིས་ངོ་བོ་ཉིད་མེད་པ་དེ་དག་ནི་དོན་དམ་པ་ངོ་བོ་ཉིད་མེད་པ་ཉིད་ཀྱིས་ངོ་བོ་ཉིད་མེད་པ་ཡང་ཡིན་ནོ། །དེ་ཅིའི་ཕྱིར་ཞེ་ན། དོན་དམ་ཡང་དག་འཕགས་ཆོས་རྣམས་ལ་རྣམ་པར་དག་པའི་དམིགས་པ་གང་ཡིན་པ་དེ་ནི་ངས་དོན་དམ་པ་ཡིན་པར་ཡོངས་སུ་བསྟན་ལ། གཞན་གྱི་དབང་གི་མཚན་ཉིད་དེ་ནི་རྣམ་པར་དག་པའི་དམིགས་པ་མ་ཡིན་པས། དེའི་ཕྱིར་དོན་དམ་པ་ངོ་བོ་ཉིད་མེད་པ་ཉིད་ཅེས་བྱའོ། །དོན་དམ་ཡང་དག་འཕགས་གཞན་ཡང་ཆོས་རྣམས་ཀྱི་ཡོངས་སུ་གྲུབ་པའི་མཚན་ཉིད་གང་ཡིན་པ་དེ་ཡང་དོན་དམ་པ་ངོ་བོ་ཉིད་མེད་པ་ཉིད་ཅེས་བྱའོ། །དེ་ཅིའི་ཕྱིར་ཞེ་ན། དོན་དམ་ཡང་དག་འཕགས་ཆོས་རྣམས་ཀྱི་ཆོས་བདག་མེད་པ་གང་ཡིན་པ་དེ་ནི་དེ་དག་གི་ངོ་བོ་ཉིད་མེད་པ་ཉིད་ཅེས་བྱ་སྟེ། དེ་ནི་དོན་དམ་པ་ཡིན་ལ། དོན་དམ་པ་ནི་ཆོས་ཐམས་ཅད་ཀྱི་ངོ་བོ་ཉིད་མེད་པ་ཉིད་ཀྱིས་རབ་ཏུ་ཕྱེ་བ་ཡིན་པས། དེའི་ཕྱིར་དོན་དམ་པ་ངོ་བོ་ཉིད་ཅེས་བྱའོ། །

don dam yang dag 'phags de la chos rnams kyi mtshan nyid ngo bo nyid med pa nyid gang zhe na/ kun brtags pa'i mtshan nyid gang yin pa'o/ /de ci'i phyir zhe na/ 'di ltar de ni ming dang brdar rnam par gzhag pa'i mtshan nyid yin gyi rang gi mtshan nyid kyis rnam par gnas pa ni ma yin pas/ de'i phyir de ni mtshan nyid ngo bo nyid med pa nyid ces bya'o/ /don dam yang dag 'phags chos rnams kyi skye ba ngo bo nyid med pa nyid gang zhe na/ chos rnams kyi gzhan gyi dbang gi mtshan nyid gang yin pa'o/ /de ci'i phyir zhe na/ 'di ltar de ni rkyen gzhan gyi stobs kyis byung ba yin gyi bdag nyid kyis ni ma yin pas de'i phyir de ni skye ba ngo bo nyid med pa nyid ces bya'o/ /don dam yang dag 'phags chos rnams kyi don dam pa ngo bo nyid med pa nyid gang zhe na/ rten cing 'brel bar 'byung ba'i chos gang dag skye ba ngo bo nyid med pa nyid kyis ngo bo nyid med pa de dag ni don dam pa ngo bo nyid med pa nyid kyis ngo bo nyid med pa yang yin no/ /de ci'i phyir zhe na/ don dam yang dag 'phags chos rnams la rnam par dag pa'i dmigs pa gang yin pa de ni ngas don dam pa yin par yongs su bstan la/ gzhan gyi dbang gi mtshan nyid de ni rnam par dag pa'i dmigs pa ma yin pas/ de'i phyir don dam pa ngo bo nyid med pa nyid ces bya'o/ /don dam yang dag 'phags gzhan yang chos rnams kyi yongs su grub pa'i mtshan nyid gang yin pa de yang don dam pa ngo bo nyid med pa nyid ces bya'o/ /de ci'i phyir zhe na/ don dam yang dag 'phags chos rnams kyi chos bdag med pa gang yin pa de ni de dag gi ngo bo nyid med pa nyid ces bya ste/ de ni don dam pa yin la/ don dam pa ni chos thams cad kyi ngo bo nyid med pa nyid kyis rab tu phye ba yin pas/ de'i phyir don dam pa ngo bo nyid ces bya'o/ /

【O2 喻況】

དོན་དམ་ཡང་དག་འཕགས་དེ་ལ་འདི་ལྟ་སྟེ། དཔེར་ན་ནམ་མཁའི་མེ་ཏོག་ཇི་ལྟ་བ་དེ་ལྟ་བུར་ནི་མཚན་ཉིད་ངོ་བོ་ཉིད་མེད་པ་ཉིད་བལྟ་བར་བྱའོ། །དོན་དམ་ཡང་དག་འཕགས་དེ་ལ་འདི་ལྟ་སྟེ། དཔེར་ན་སྒྱུ་མ་བྱས་པ་ཇི་ལྟ་བ་དེ་ལྟ་བུར་ནི་སྐྱེ་བ་ངོ་བོ་ཉིད་མེད་པ་ཉིད་ཀྱང་བལྟ་བར་བྱའོ། །དོན་དམ་པ་ངོ་བོ་ཉིད་མེད་པ་ཉིད་དེ་ལས་ཀྱང་གཅིག་བལྟ་བར་བྱའོ། །དོན་དམ་ཡང་དག་འཕགས་དེ་ལ་འདི་ལྟ་སྟེ་དཔེར་ན་ནམ་མཁའ་གཟུགས་ཀྱི་ངོ་བོ་ཉིད་མེད་པ་ཉིད་ཙམ་གྱིས་རབ་ཏུ་ཕྱེ་བ་དང༌། ཐམས་ཅད་དུ་སོང་བ་ཇི་ལྟ་བ་དེ་ལྟ་བུར་ནི་དོན་དམ་པ་ངོ་བོ་ཉིད་མེད་པ་ཉིད་དེ་ལས་ཆོས་བདག་མེད་པར་རབ་ཏུ་ཕྱེ་བ་དང༌། ཐམས་ཅད་དུ་སོང་བ་གཅིག་བལྟ་བར་བྱ་སྟེ།

don dam yang dag 'phags de la 'di lta ste/ dper na nam mkha'i me tog ji lta ba de lta bur ni mtshan nyid ngo bo nyid med pa nyid blta bar bya'o/ /don dam yang dag 'phags de la 'di lta ste/ dper na sgyu ma byas pa ji lta ba de lta bur ni skye ba ngo bo nyid med pa nyid kyang blta bar bya'o/ /don dam pa ngo bo nyid med pa nyid de las kyang gcig blta bar bya'o/ /don dam yang dag 'phags de la 'di lta ste dper na nam mkha' gzugs kyi ngo bo nyid med pa nyid tsam gyis rab tu phye ba dang/ thams cad du song ba ji lta ba de lta bur ni don dam pa ngo bo nyid med pa nyid de las chos bdag med par rab tu phye ba dang/ thams cad du song ba gcig blta bar bya ste/

【O3 結答前問】

དོན་དམ་ཡང་དག་འཕགས་ངས་ངོ་བོ་ཉིད་མེད་པ་ཉིད་རྣམ་པ་གསུམ་པོ་དེ་དག་ལས་དགོངས་ནས་ཆོས་ཐམས་ཅད་ངོ་བོ་ཉིད་མེད་པའོ་ཞེས་བསྟན་ཏོ། །

don dam yang dag 'phags ngas ngo bo nyid med pa nyid rnam pa gsum po de dag las dgongs nas chos thams cad ngo bo nyid med pa'o zhes bstan to/ /

【M2 辨無生滅等】【N1 約遍計所執解】

དོན་དམ་ཡང་དག་འཕགས་དེ་ལ་མཚན་ཉིད་ངོ་བོ་ཉིད་མེད་པ་ཉིད་ལས་དགོངས་ནས། ངས་ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པའོ་ཞེས་བསྟན་ཏོ། །དེ་ཅིའི་ཕྱིར་ཞེ་ན། དོན་དམ་ཡང་དག་འཕགས་འདི་ལྟར་རང་གི་མཚན་ཉིད་ཀྱིས་མེད་པ་གང་ཡིན་པ་དེ་ནི་མ་སྐྱེས་པ་ཡིན། མ་སྐྱེས་པ་གང་ཡིན་པ་དེ་ནི་མ་འགགས་པ་ཡིན། མ་སྐྱེས་པ་དང་མ་འགགས་པ་གང་ཡིན་པ་དེ་ནི་གཟོད་མ་ནས་ཞི་བ་ཡིན། གཟོད་མ་ནས་ཞི་བ་གང་ཡིན་པ་དེ་ནི་རང་བཞིན་གྱིས་ཡོངས་སུ་མྱ་ངན་ལས་འདས་པ་ཡིན། རང་བཞིན་གྱིས་ཡོངས་སུ་མྱ་ངན་ལས་འདས་པ་གང་ཡིན་པ་དེ་ལ་ནི་ཡོངས་སུ་མྱ་ངན་ལས་འདའ་བར་བྱ་བ་ཅུང་ཟད་ཀྱང་མེད་དོ། །དེའི་ཕྱིར་མཚན་ཉིད་ངོ་བོ་ཉིད་མེད་པ་ཉིད་ལས་དགོངས་ནས། ངས་ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པའོ་ཞེས་བསྟན་ཏོ། །

don dam yang dag 'phags de la mtshan nyid ngo bo nyid med pa nyid las dgongs nas/ ngas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes bstan to/ /de ci'i phyir zhe na/ don dam yang dag 'phags 'di ltar rang gi mtshan nyid kyis med pa gang yin pa de ni ma skyes pa yin/ ma skyes pa gang yin pa de ni ma 'gags pa yin/ ma skyes pa dang ma 'gags pa gang yin pa de ni gzod ma nas zhi ba yin/ gzod ma nas zhi ba gang yin pa de ni rang bzhin gyis yongs su mya ngan las 'das pa yin/ rang bzhin gyis yongs su mya ngan las 'das pa gang yin pa de la ni yongs su mya ngan las 'da' bar bya ba cung zad kyang med do/ /de'i phyir mtshan nyid ngo bo nyid med pa nyid las dgongs nas/ ngas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes bstan to/ /

【N2 就圓成實解】

དོན་དམ་ཡང་དག་འཕགས་ཡང་དོན་དམ་པ་ངོ་བོ་ཉིད་མེད་པ་ཉིད་ཆོས་བདག་མེད་པས་རབ་ཏུ་ཕྱེ་བ་ལས་དགོངས་ནས། ངས་ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པའོ་ཞེས་བསྟན་ཏོ། །དེ་ཅིའི་ཕྱིར་ཞེ་ན། འདི་ལྟར་དོན་དམ་པ་ངོ་བོ་ཉིད་མེད་པ་ཉིད་ཆོས་བདག་མེད་པས་རབ་ཏུ་ཕྱེ་བ་ནི་རྟག་པ་རྟག་པའི་དུས་དང༌། ཐེར་ཟུག་ཐེར་ཟུག་གི་དུས་སུ་རྣམ་པར་གནས་པ་ཁོ་ན་ཡིན་ལ། དེ་ནི་ཆོས་རྣམས་ཀྱི་ཆོས་ཉིད་འདུས་མ་བྱས་པ་ཉོན་མོངས་པ་ཐམས་ཅད་དང་བྲལ་བ་ཡིན་ཏེ། རྟག་པ་རྟག་པའི་དུས་དང༌། ཐེར་ཟུག་ཐེར་ཟུག་གི་དུས་སུ་ཆོས་ཉིད་དེ་ཉིད་ཀྱིས་རྣམ་པར་གནས་པ། འདུས་མ་བྱས་པ་གང་ཡིན་པ་དེ་ནི་འདུས་མ་བྱས་པའི་ཕྱིར་མ་སྐྱེས་པ་དང༌། མ་འགགས་པ་ཡིན་ལ། དེ་ནི་ཉོན་མོངས་པ་ཐམས་ཅད་དང་བྲལ་བའི་ཕྱིར། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཡིན་ཏེ། དེའི་ཕྱིར་དོན་དམ་པ་ངོ་བོ་ཉིད་མེད་པ་ཉིད་ཆོས་བདག་མེད་པས་རབ་ཏུ་ཕྱེ་བ་ལས་དགོངས་ནས། ངས་ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པའོ་ཞེས་བསྟན་ཏོ། །

don dam yang dag 'phags yang don dam pa ngo bo nyid med pa nyid chos bdag med pas rab tu phye ba las dgongs nas/ ngas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes bstan to/ /de ci'i phyir zhe na/ 'di ltar don dam pa ngo bo nyid med pa nyid chos bdag med pas rab tu phye ba ni rtag pa rtag pa'i dus dang/ ther zug ther zug gi dus su rnam par gnas pa kho na yin la/ de ni chos rnams kyi chos nyid 'dus ma byas pa nyon mongs pa thams cad dang bral ba yin te/ rtag pa rtag pa'i dus dang/ ther zug ther zug gi dus su chos nyid de nyid kyis rnam par gnas pa/ 'dus ma byas pa gang yin pa de ni 'dus ma byas pa'i phyir ma skyes pa dang/ ma 'gags pa yin la/ de ni nyon mongs pa thams cad dang bral ba'i phyir/ gzod ma nas zhi ba dang/ rang bzhin gyis yongs su mya ngan las 'das pa yin te/ de'i phyir don dam pa ngo bo nyid med pa nyid chos bdag med pas rab tu phye ba las dgongs nas/ ngas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes bstan to/ /

【L2 解建立三種無性因緣】

དོན་དམ་ཡང་དག་འཕགས་ང་ནི་སེམས་ཅན་གྱི་ཁམས་ན་སེམས་ཅན་རྣམས་ཀྱི་ཀུན་བརྟགས་པའི་ངོ་བོ་ཉིད་ངོ་བོ་ཉིད་ཀྱིས་ཐ་དད་པར་མཐོང་ཞིང༌། གཞན་གྱི་དབང་གི་ངོ་བོ་ཉིད་དང༌། ཡོངས་སུ་གྲུབ་པའི་ངོ་བོ་ཉིད་ཀྱང་ངོ་བོ་ཉིད་ཀྱིས་ཐ་དད་པར་མཐོང་བ་དེའི་ཕྱིར་ངོ་བོ་ཉིད་མེད་པ་ཉིད་རྣམ་པ་གསུམ་མི་འདོགས་ཀྱི། སེམས་ཅན་རྣམས་གཞན་གྱི་དབང་དང༌། ཡོངས་སུ་གྲུབ་པའི་ངོ་བོ་ཉིད་ལ། ཀུན་བརྟགས་པའི་ངོ་བོ་ཉིད་དུ་སྒྲོ་བཏགས་ནས། གཞན་གྱི་དབང་དང་ཡོངས་སུ་གྲུབ་པའི་ངོ་བོ་ཉིད་ལ། ཀུན་བརྟགས་པའི་ངོ་བོ་ཉིད་ཀྱི་མཚན་ཉིད་དུ་རྗེས་སུ་ཐ་སྙད་འདོགས་ཏེ། ཇི་ལྟ་ཇི་ལྟར་རྗེས་སུ་ཐ་སྙད་འདོགས་པ་དེ་ལྟ་དེ་ལྟར་རྗེས་སུ་ཐ་སྙད་བཏགས་པས་ཡོངས་སུ་བསྒོས་པའི་སེམས་ཐ་སྙད་བཏགས་པ་དང་རྗེས་སུ་འབྲེལ་པའམ། ཐ་སྙད་བཏགས་པ་བག་ལ་ཉལ་གྱིས་གཞན་གྱི་དབང་དང་ཡོངས་སུ་གྲུབ་པའི་ངོ་བོ་ཉིད་ལ། ཀུན་བརྟགས་པའི་ངོ་བོ་ཉིད་ཀྱི་མཚན་ཉིད་དུ་མངོན་པར་ཞེན་ཏོ། །ཇི་ལྟ་ཇི་ལྟར་མངོན་པར་ཞེན་པ་དེ་ལྟ་དེ་ལྟར་གཞན་གྱི་དབང་གི་ངོ་བོ་ཉིད་ལ། ཀུན་བརྟགས་པའི་ངོ་བོ་ཉིད་དུ་མངོན་པར་ཞེན་པའི་རྒྱུ་དེ་དང་རྐྱེན་དེས་ཕྱི་མ་ལ་གཞན་གྱི་དབང་གི་ངོ་བོ་ཉིད་ཀུན་ཏུ་སྐྱེད་དེ། གཞི་དེས་ན་ཉོན་མོངས་པའི་ཀུན་ནས་ཉོན་མོངས་པས་ཀྱང་ཀུན་ནས་ཉོན་མོངས་པར་འགྱུར༑ ལས་ཀྱི་ཀུན་ནས་ཉོན་མོངས་པ་དང༌། སྐྱེ་བའི་ཀུན་ནས་ཉོན་མོངས་པས་ཀྱང་ཀུན་ནས་ཉོན་མོངས་པར་འགྱུར་ཞིང༌། ཡུན་རིང་པོར་ཡང་ན་སེམས་ཅན་དམྱལ་བ་རྣམས་སམ། ཡང་ན་དུད་འགྲོ་རྣམས་སམ། ཡང་ན་ཡི་དྭགས་རྣམས་སམ། ཡང་ན་ལྷ་རྣམས་སམ། ཡང་ན་ལྷ་མ་ཡིན་རྣམས་སམ། ཡང་ན་མི་རྣམས་ཀྱི་ནང་དུ་ཀུན་ཏུ་རྒྱུག་ཅིང་འཁོར་བར་འགྱུར་ཏེ། འཁོར་བ་ལས་མི་འདའ་བའི་ཕྱིར་རོ། །

don dam yang dag 'phags nga ni sems can gyi khams na sems can rnams kyi kun brtags pa'i ngo bo nyid ngo bo nyid kyis tha dad par mthong zhing/ gzhan gyi dbang gi ngo bo nyid dang/ yongs su grub pa'i ngo bo nyid kyang ngo bo nyid kyis tha dad par mthong ba de'i phyir ngo bo nyid med pa nyid rnam pa gsum mi 'dogs kyi/ sems can rnams gzhan gyi dbang dang/ yongs su grub pa'i ngo bo nyid la/ kun brtags pa'i ngo bo nyid du sgro btags nas/ gzhan gyi dbang dang yongs su grub pa'i ngo bo nyid la/ kun brtags pa'i ngo bo nyid kyi mtshan nyid du rjes su tha snyad 'dogs te/ ji lta ji ltar rjes su tha snyad 'dogs pa de lta de ltar rjes su tha snyad btags pas yongs su bsgos pa'i sems tha snyad btags pa dang rjes su 'brel pa'am/ tha snyad btags pa bag la nyal gyis gzhan gyi dbang dang yongs su grub pa'i ngo bo nyid la/ kun brtags pa'i ngo bo nyid kyi mtshan nyid du mngon par zhen to/ /ji lta ji ltar mngon par zhen pa de lta de ltar gzhan gyi dbang gi ngo bo nyid la/ kun brtags pa'i ngo bo nyid du mngon par zhen pa'i rgyu de dang rkyen des phyi ma la gzhan gyi dbang gi ngo bo nyid kun tu skyed de/ gzhi des na nyon mongs pa'i kun nas nyon mongs pas kyang kun nas nyon mongs par 'gyur| las kyi kun nas nyon mongs pa dang/ skye ba'i kun nas nyon mongs pas kyang kun nas nyon mongs par 'gyur zhing/ yun ring por yang na sems can dmyal ba rnams sam/ yang na dud 'gro rnams sam/ yang na yi dwags rnams sam/ yang na lha rnams sam/ yang na lha ma yin rnams sam/ yang na mi rnams kyi nang du kun tu rgyug cing 'khor bar 'gyur te/ 'khor ba las mi 'da' ba'i phyir ro/ /

【L3 解觀機說三無性】【M1 約四十心辨三無性】

དོན་དམ་ཡང་དག་འཕགས་དེ་ལ་སེམས་ཅན་གང་དག་དང་པོ་ཉིད་ནས། དགེ་བའི་རྩ་བ་མ་བསྐྱེད་པ། སྒྲིབ་པ་ཡོངས་སུ་མ་དག་པ། རྒྱུད་ཡོངས་སུ་མ་སྨིན་པ། མོས་པ་མི་མང་བ། བསོད་ནམས་དང་ཡེ་ཤེས་ཀྱི་ཚོགས་ཡང་དག་པར་མ་གྲུབ་པ་དེ་དག་ལ་ནི་ང་སྐྱེ་བ་ངོ་བོ་ཉིད་མེད་པ་ཉིད་ལས་བརྩམས་ནས་ཆོས་སྟོན་ཏེ། །དེ་དག་གིས་ཆོས་དེ་ཐོས་ནས་རྟེན་ཅིང་འབྲེལ་པར་འབྱུང་བའི་འདུ་བྱེད་རྣམས་ལ་མི་རྟག་པ་ཉིད་དུ་འདུ་ཤེས་ཤིང༌། མི་བརྟན་པ་ཉིད་དང༌། ཡིད་བརྟན་དུ་མི་རུང་བ་ཉིད་དང༌། འགྱུར་བའི་ཆོས་ཅན་ཉིད་དུ་ཤེས་ནས། འདུ་བྱེད་ཐམས་ཅད་ལ་ཡིད་དང་བར་བྱེད་དོ། །སྐྱོ་བར་བྱེད་དོ། །ཡིད་དང་བར་བྱས། སྐྱོ་བར་བྱས་ནས་སྡིག་པ་ལས་ཕྱིར་ལྡོག་སྟེ། དེ་དག་སྡིག་པ་གང་ཡིན་པ་དེ་མི་བྱེད་ཅིང་དགེ་བ་ལ་རྟེན་པར་བྱེད་དོ༑ །དགེ་བ་ལ་བརྟེན་པའི་རྒྱུས་དགེ་བའི་རྩ་བ་མ་བསྐྱེད་པ་རྣམས་ནི་སྐྱེད་དོ། །སྒྲིབ་པ་ཡོངས་སུ་མ་བྱང་བ་རྣམས་ཀྱང་ཡོངས་སུ་སྦྱོང་ངོ༌། །རྒྱུད་ཡོངས་སུ་མ་སྨིན་པ་ཡང་ཡོངས་སུ་སྨིན་པར་བྱེད་དོ། །གཞི་དེས་མོས་པ་མང་ཞིང་བསོད་ནམས་དང་ཡེ་ཤེས་ཀྱི་ཚོགས་ཡང་དག་པར་འགྲུབ་པར་འགྱུར་རོ། །

don dam yang dag 'phags de la sems can gang dag dang po nyid nas/ dge ba'i rtsa ba ma bskyed pa/ sgrib pa yongs su ma dag pa/ rgyud yongs su ma smin pa/ mos pa mi mang ba/ bsod nams dang ye shes kyi tshogs yang dag par ma grub pa de dag la ni nga skye ba ngo bo nyid med pa nyid las brtsams nas chos ston te/ /de dag gis chos de thos nas rten cing 'brel par 'byung ba'i 'du byed rnams la mi rtag pa nyid du 'du shes shing/ mi brtan pa nyid dang/ yid brtan du mi rung ba nyid dang/ 'gyur ba'i chos can nyid du shes nas/ 'du byed thams cad la yid dang bar byed do/ /skyo bar byed do/ /yid dang bar byas/ skyo bar byas nas sdig pa las phyir ldog ste/ de dag sdig pa gang yin pa de mi byed cing dge ba la rten par byed do| /dge ba la brten pa'i rgyus dge ba'i rtsa ba ma bskyed pa rnams ni skyed do/ /sgrib pa yongs su ma byang ba rnams kyang yongs su sbyong ngo/ /rgyud yongs su ma smin pa yang yongs su smin par byed do/ /gzhi des mos pa mang zhing bsod nams dang ye shes kyi tshogs yang dag par 'grub par 'gyur ro/ /

【M2 約四善根位以辨】

དེ་དག་དེ་ལྟར་དགེ་བའི་རྩ་བ་སྐྱེད་པ་ནས། བསོད་ནམས་དང་ཡེ་ཤེས་ཀྱི་ཚོགས་ཀྱི་བར་དུ་ཡང་དག་པར་འགྲུབ་མོད་ཀྱི། འོན་ཀྱང་སྐྱེ་བ་ངོ་བོ་ཉིད་མེད་པ་དེ་ལ་མཚན་ཉིད་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་རྣམ་པ་གཉིས་ཡང་དག་པ་ཇི་ལྟ་བ་བཞིན་དུ་མི་ཤེས་པས། འདུ་བྱེད་ཐམས་ཅད་ལ་ཡང་དག་པར་སྐྱོ་བར་མི་འགྱུར། ཡང་དག་པར་འདོད་ཆགས་དང་བྲལ་བར་མི་འགྱུར༑ ཡང་དག་པར་རྣམ་པར་གྲོལ་བར་མི་འགྱུར་ཞིང༌། ཉོན་མོངས་པའི་ཀུན་ནས་ཉོན་མོངས་པ་ལས་ཀྱང་ཡོངས་སུ་གྲོལ་བར་མི་འགྱུར། ལས་ཀྱི་ཀུན་ནས་ཉོན་མོངས་པ་ལས་ཀྱང་ཡོངས་སུ་གྲོལ་བར་མི་འགྱུར། སྐྱེ་བའི་ཀུན་ནས་ཉོན་མོངས་པ་ལས་ཀྱང་ཡོངས་སུ་གྲོལ་བར་མི་འགྱུར་བས། དེ་བཞིན་གཤེགས་པ་ཡང་དེ་དག་ལ་འདི་ལྟ་སྟེ། མཚན་ཉིད་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་ལས་བརྩམས་ནས། འདི་ལྟར་འདུ་བྱེད་ཐམས་ཅད་ལས་ཡང་དག་པར་སྐྱོ་བར་བྱ་བ་དང༌། འདོད་ཆགས་དང་བྲལ་བར་བྱ་བ་དང༌། རྣམ་པར་གྲོལ་བར་བྱ་བ་དང༌། ཉོན་མོངས་པའི་ཀུན་ནས་ཉོན་མོངས་པ་ལས་ཡང་དག་པར་བཟླ་བ་དང༌། ལས་ཀྱི་ཀུན་ནས་ཉོན་མོངས་པ་ལས་ཡང་དག་པར་བཟླ་བ་དང༌། སྐྱེ་བའི་ཀུན་ནས་ཉོན་མོངས་པ་ལས་ཡང་དག་པར་བཟླ་བའི་ཕྱིར་ཆོས་སྟོན་ཏོ། །དེ་དག་གིས་ཆོས་དེ་ཐོས་ནས་གཞན་གྱི་དབང་གི་ངོ་བོ་ཉིད་ལ་ཀུན་བརྟགས་པའི་ངོ་བོ་ཉིད་ཀྱི་མཚན་ཉིད་དུ་མངོན་པར་ཞེན་པ་མེད་པས། སྐྱེ་བ་ངོ་བོ་ཉིད་མེད་པ་ཉིད་དེ་ལ་མཚན་ཉིད་ངོ་བོ་ཉིད་མེད་པ་ཉིད་དང༌། དོན་དམ་པ་ངོ་བོ་ཉིད་མེད་པ་ཉིད་དུ་མོས་པར་བྱེད། རབ་ཏུ་རྣམ་པར་འབྱེད་པར་བྱེད༑ ཇི་ལྟ་བ་བཞིན་དུ་རྟོགས་པར་བྱེད་ཅིང༌།

de dag de ltar dge ba'i rtsa ba skyed pa nas/ bsod nams dang ye shes kyi tshogs kyi bar du yang dag par 'grub mod kyi/ 'on kyang skye ba ngo bo nyid med pa de la mtshan nyid ngo bo nyid med pa nyid dang/ don dam pa ngo bo nyid med pa nyid rnam pa gnyis yang dag pa ji lta ba bzhin du mi shes pas/ 'du byed thams cad la yang dag par skyo bar mi 'gyur/ yang dag par 'dod chags dang bral bar mi 'gyur| yang dag par rnam par grol bar mi 'gyur zhing/ nyon mongs pa'i kun nas nyon mongs pa las kyang yongs su grol bar mi 'gyur/ las kyi kun nas nyon mongs pa las kyang yongs su grol bar mi 'gyur/ skye ba'i kun nas nyon mongs pa las kyang yongs su grol bar mi 'gyur bas/ de bzhin gshegs pa yang de dag la 'di lta ste/ mtshan nyid ngo bo nyid med pa nyid dang/ don dam pa ngo bo nyid med pa nyid las brtsams nas/ 'di ltar 'du byed thams cad las yang dag par skyo bar bya ba dang/ 'dod chags dang bral bar bya ba dang/ rnam par grol bar bya ba dang/ nyon mongs pa'i kun nas nyon mongs pa las yang dag par bzla ba dang/ las kyi kun nas nyon mongs pa las yang dag par bzla ba dang/ skye ba'i kun nas nyon mongs pa las yang dag par bzla ba'i phyir chos ston to/ /de dag gis chos de thos nas gzhan gyi dbang gi ngo bo nyid la kun brtags pa'i ngo bo nyid kyi mtshan nyid du mngon par zhen pa med pas/ skye ba ngo bo nyid med pa nyid de la mtshan nyid ngo bo nyid med pa nyid dang/ don dam pa ngo bo nyid med pa nyid du mos par byed/ rab tu rnam par 'byed par byed| ji lta ba bzhin du rtogs par byed cing/

【M3 約地上以辨】

འདི་ལྟ་སྟེ། ཐ་སྙད་བཏགས་པས་ཡོངས་སུ་མ་བསྒོས་པའི་ཤེས་པ་ཐ་སྙད་བཏགས་པ་དང་རྗེས་སུ་འབྲེལ་པ་མེད་ཅིང༌། ཐ་སྙད་བཏགས་པ་བག་ལ་ཉལ་བ་མེད་པའི་ཤེས་པས་གཞན་གྱི་དབང་གི་མཚན་ཉིད་དེ་ཚེ་འདི་ལ་ཤེས་པའི་སྟོབས་སྐྱེད་པ་དང༌། ཕྱི་མ་ལ་རྒྱུ་ཡང་དག་པར་ཆད་པས་འགོག་པར་བྱེད་དེ། གཞི་དེས་འདུ་བྱེད་ཐམས་ཅད་ལ་ཡང་དག་པར་སྐྱོ་བ་དང༌། ཡང་དག་པར་འདོད་ཆགས་ཐམས་ཅད་དང་བྲལ་བ་དང༌། ཡང་དག་པར་རྣམ་པར་གྲོལ་བར་འགྱུར་ཞིང་། ཉོན་མོངས་པའི་ཀུན་ནས་ཉོན་མོངས་པ་དང༌། ལས་ཀྱི་ཀུན་ནས་ཉོན་མོངས་པ་དང༌། སྐྱེ་བའི་ཀུན་ནས་ཉོན་མོངས་པ་ལས་ཀྱང་ཡོངས་སུ་གྲོལ་བར་འགྱུར་རོ། །

'di lta ste/ tha snyad btags pas yongs su ma bsgos pa'i shes pa tha snyad btags pa dang rjes su 'brel pa med cing/ tha snyad btags pa bag la nyal ba med pa'i shes pas gzhan gyi dbang gi mtshan nyid de tshe 'di la shes pa'i stobs skyed pa dang/ phyi ma la rgyu yang dag par chad pas 'gog par byed de/ gzhi des 'du byed thams cad la yang dag par skyo ba dang/ yang dag par 'dod chags thams cad dang bral ba dang/ yang dag par rnam par grol bar 'gyur zhing / nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa las kyang yongs su grol bar 'gyur ro/ /

【L4 就祕密說一乘意】【M1 說一乘意】

དོན་དམ་ཡང་དག་འཕགས་དེ་ལ་སེམས་ཅན་ཉན་ཐོས་ཀྱི་ཐེག་པའི་རིགས་ཅན་རྣམས་ཀྱིས་ཀྱང་ལམ་འདི་ཉིད་དང༌། བསྒྲུབ་པ་འདི་ཉིད་ཀྱིས་གྲུབ་པ་དང༌། བདེ་བ་བླ་ན་མེད་པའི་མྱ་ངན་ལས་འདས་པ་འཐོབ་པར་འགྱུར་ལ། སེམས་ཅན་རང་སངས་རྒྱས་ཀྱི་ཐེག་པའི་རིགས་ཅན་རྣམས་དང༌། དེ་བཞིན་གཤེགས་པའི་རིགས་ཅན་རྣམས་ཀྱིས་ཀྱང་ལམ་འདི་ཉིད་དང༌། བསྒྲུབ་པ་འདི་ཉིད་ཀྱིས་གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་ཐོབ་པར་འགྱུར་བས། འདི་ནི་ཉན་ཐོས་དང༌། རང་སངས་རྒྱས་དང༌། བྱང་ཆུབ་སེམས་དཔའ་རྣམས་ཀྱི་རྣམ་པར་དག་པའི་ལམ་གཅིག་པ་ཡིན་ལ། རྣམ་པར་དག་པ་ཡང་གཅིག་སྟེ། གཉིས་པ་གང་ཡང་མེད་པས། ངས་དེ་ལས་དགོངས་ནས་ཐེག་པ་གཅིག་ཏུ་བསྟན་ཏེ།

don dam yang dag 'phags de la sems can nyan thos kyi theg pa'i rigs can rnams kyis kyang lam 'di nyid dang/ bsgrub pa 'di nyid kyis grub pa dang/ bde ba bla na med pa'i mya ngan las 'das pa 'thob par 'gyur la/ sems can rang sangs rgyas kyi theg pa'i rigs can rnams dang/ de bzhin gshegs pa'i rigs can rnams kyis kyang lam 'di nyid dang/ bsgrub pa 'di nyid kyis grub pa dang bde ba bla na med pa'i mya ngan las 'das pa thob par 'gyur bas/ 'di ni nyan thos dang/ rang sangs rgyas dang/ byang chub sems dpa' rnams kyi rnam par dag pa'i lam gcig pa yin la/ rnam par dag pa yang gcig ste/ gnyis pa gang yang med pas/ ngas de las dgongs nas theg pa gcig tu bstan te/

【M2 辨根性差別非無】

སེམས་ཅན་གྱི་ཁམས་ན་སེམས་ཅན་རང་བཞིན་གྱིས་དབང་པོ་རྟུལ་བ་རྣམས་དང༌། དབང་པོ་འབྲིང་རྣམས་དང༌། དབང་པོ་རྣོན་པོ་རྣམས་ཀྱི་རིགས་སྣ་ཚོགས་དག་ཀྱང་མེད་པ་ནི་མ་ཡིན་ནོ། །དོན་དམ་ཡང་དག་འཕགས་ཉན་ཐོས་ཀྱི་རིགས་ཀྱི་གང་ཟག་ཞི་བའི་བགྲོད་པ་གཅིག་པུ་པ་ནི་སངས་རྒྱས་ཐམས་ཅད་བརྩོན་པ་དང་ལྡན་པར་གྱུར་ཀྱང༌། བྱང་ཆུབ་ཀྱི་སྙིང་པོ་ལ་ཞུགས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བྱར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་སྙིང་རྗེ་ཤིན་ཏུ་ཆུང་བ་དང༌། སྡུག་བསྔལ་གྱིས་ཤིན་ཏུ་འཇིགས་པའི་ཕྱིར་རང་བཞིན་གྱིས་རིགས་དམན་པ་ཁོ་ན་ཡིན་པའི་ཕྱིར་རོ། དེ་ཇི་ལྟ་ཇི་ལྟར་སྙིང་རྗེ་ཤིན་ཏུ་ཆུང་བ་དེ་བཞིན་དུ་སེམས་ཅན་གྱི་དོན་བྱ་བ་ལ་ཤིན་ཏུ་མི་ཕྱོགས་པར་འགྱུར་རོ། །ཇི་ལྟར་སྡུག་བསྔལ་གྱིས་ཤིན་ཏུ་འཇིགས་པ་དེ་བཞིན་དུ་འདུ་བྱེད་མངོན་པར་འདུ་བྱ་བ་ཐམས་ཅད་ལ་ཤིན་ཏུ་མི་ཕྱོགས་པར་འགྱུར་རོ། །སེམས་ཅན་གྱི་དོན་བྱ་བ་ལ་ཤིན་ཏུ་མི་ཕྱོགས་པ་དང༌། འདུ་བྱེད་མངོན་པར་འདུ་བྱ་བ་ཐམས་ཅད་ལ་ཤིན་ཏུ་མི་ཕྱོགས་པ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངས་མ་བསྟན་ཏེ། དེའི་ཕྱིར་ཞི་བའི་བགྲོད་པ་གཅིག་པུ་པ་ཞེས་བྱའོ། །ཉན་ཐོས་བྱང་ཆུབ་ཏུ་ཡོངས་སུ་འགྱུར་བ་དེ་གང་ཡིན་པ་དེ་ནི་ངས་རྣམ་གྲངས་ཀྱིས་བྱང་ཆུབ་སེམས་དཔའ་ཡིན་པར་བསྟན་ཏེ། འདི་ལྟར་དེ་ནི་ཉོན་མོངས་པའི་སྒྲིབ་པ་ལས་རྣམ་པར་གྲོལ་ནས། དེ་བཞིན་གཤེགས་པ་རྣམས་ཀྱིས་བསྐུལ་ན་ཤེས་བྱའི་སྒྲིབ་པ་ལས་སེམས་རྣམ་པར་གྲོལ་བར་བྱེད་པའི་ཕྱིར་རོ། །དེ་ནི་དང་པོར་བདག་གི་དོན་ལ་སྦྱོར་བའི་རྣམ་པས་ཉོན་མོངས་པའི་སྒྲིབ་པ་ལས་རྣམ་པར་གྲོལ་ཏེ། དེའི་ཕྱིར་དེ་བཞིན་གཤེགས་པས་ཉན་ཐོས་ཀྱི་རིགས་སུ་འདོགས་སོ། །

sems can gyi khams na sems can rang bzhin gyis dbang po rtul ba rnams dang/ dbang po 'bring rnams dang/ dbang po rnon po rnams kyi rigs sna tshogs dag kyang med pa ni ma yin no/ /don dam yang dag 'phags nyan thos kyi rigs kyi gang zag zhi ba'i bgrod pa gcig pu pa ni sangs rgyas thams cad brtson pa dang ldan par gyur kyang/ byang chub kyi snying po la zhugs te bla na med pa yang dag par rdzogs pa'i byang chub thob par byar mi nus so/ /de ci'i phyir zhe na/ 'di ltar de ni snying rje shin tu chung ba dang/ sdug bsngal gyis shin tu 'jigs pa'i phyir rang bzhin gyis rigs dman pa kho na yin pa'i phyir ro/ de ji lta ji ltar snying rje shin tu chung ba de bzhin du sems can gyi don bya ba la shin tu mi phyogs par 'gyur ro/ /ji ltar sdug bsngal gyis shin tu 'jigs pa de bzhin du 'du byed mngon par 'du bya ba thams cad la shin tu mi phyogs par 'gyur ro/ /sems can gyi don bya ba la shin tu mi phyogs pa dang/ 'du byed mngon par 'du bya ba thams cad la shin tu mi phyogs pa ni bla na med pa yang dag par rdzogs pa'i byang chub tu ngas ma bstan te/ de'i phyir zhi ba'i bgrod pa gcig pu pa zhes bya'o/ /nyan thos byang chub tu yongs su 'gyur ba de gang yin pa de ni ngas rnam grangs kyis byang chub sems dpa' yin par bstan te/ 'di ltar de ni nyon mongs pa'i sgrib pa las rnam par grol nas/ de bzhin gshegs pa rnams kyis bskul na shes bya'i sgrib pa las sems rnam par grol bar byed pa'i phyir ro/ /de ni dang por bdag gi don la sbyor ba'i rnam pas nyon mongs pa'i sgrib pa las rnam par grol te/ de'i phyir de bzhin gshegs pas nyan thos kyi rigs su 'dogs so/ /

【L5 明四種有情於佛密說有了不了】【M1 總標】

དོན་དམ་ཡང་དག་འཕགས་འདི་ལྟར་ངའི་ཆོས་འདུལ་བ་ལེགས་པར་གསུངས་པ་ཤིན་ཏུ་གྱ་ནོམ་པ། བསམ་པ་ཤིན་ཏུ་རྣམ་པར་དག་པ་སྟོན་པ། ཆོས་ལེགས་པར་བསྟན་པ་ལ་ནི་སེམས་ཅན་རྣམས་ཀྱི་མོས་པའི་རིམ་པ་ཡང་སྣང་སྟེ། དོན་དམ་ཡང་དག་འཕགས་འདི་ལ་དེ་བཞིན་གཤེགས་པ་ནི་ངོ་བོ་ཉིད་མེད་པ་ཉིད་རྣམ་པ་གསུམ་པོ་དེ་དག་ཉིད་ལས་དགོངས་ནས་དྲང་བའི་དོན་གྱི་མདོ་བརྗོད་པའི་རྣམ་པ་འདི་ལྟ་སྟེ། ཆོས་ཐམས་ཅད་ངོ་བོ་ཉིད་མེད་པ། ཆོས་ཐམས་ཅད་མ་སྐྱེས་པ། མ་འགགས་པ། གཟོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པའོ་ཞེས་ཆོས་སྟོན་ཏོ། །

don dam yang dag 'phags 'di ltar nga'i chos 'dul ba legs par gsungs pa shin tu gya nom pa/ bsam pa shin tu rnam par dag pa ston pa/ chos legs par bstan pa la ni sems can rnams kyi mos pa'i rim pa yang snang ste/ don dam yang dag 'phags 'di la de bzhin gshegs pa ni ngo bo nyid med pa nyid rnam pa gsum po de dag nyid las dgongs nas drang ba'i don gyi mdo brjod pa'i rnam pa 'di lta ste/ chos thams cad ngo bo nyid med pa/ chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes chos ston to/ /

【M2 別釋】【N1 明第一人】

དེ་ལ་སེམས་ཅན་གང་དག་དགེ་བའི་རྩ་བ་ཆེན་པོ་བསྐྱེད་པ། སྒྲིབ་པ་ཡོངས་སུ་དག་པ། རྒྱུད་ཡོངས་སུ་སྨིན་པ། མོས་པ་མང་བ། བསོད་ནམས་དང་ཡེ་ཤེས་ཀྱི་ཚོགས་ཆེན་པོ་ཡང་དག་པར་གྲུབ་པ་དེ་དག་གིས་ནི་ཆོས་དེ་ཐོས་ན། ངའི་དགོངས་ཏེ་བཤད་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤིང༌། ཆོས་དེ་ལ་ཡང་མོས་པར་འགྱུར་ལ། དོན་དེ་ཡང་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་རྟོགས་པར་འགྱུར་ཞིང་དེ་རྟོགས་པ་གོམས་པས་ཀྱང་མྱུར་བ་མྱུར་བ་ཁོ་ནར་ཤིན་ཏུ་མཐར་ཐུག་པ་དེ་ཉིད་རྗེས་སུ་འཐོབ་པར་འགྱུར་ཏེ། ང་ལ་ཡང་ཨ་ལ་ལ་བཅོམ་ལྡན་འདས་དེ་ནི་ཡང་དག་པར་རྫོགས་པའི་སངས་རྒྱས་ཡིན་ཏེ། དེས་ནི་ཆོས་ཐམས་ཅད་ལེགས་པར་མངོན་པར་རྫོགས་པར་སངས་རྒྱས་སོ་ཞེས་དད་པ་འཐོབ་པར་འགྱུར་རོ། །

de la sems can gang dag dge ba'i rtsa ba chen po bskyed pa/ sgrib pa yongs su dag pa/ rgyud yongs su smin pa/ mos pa mang ba/ bsod nams dang ye shes kyi tshogs chen po yang dag par grub pa de dag gis ni chos de thos na/ nga'i dgongs te bshad pa yang dag pa ji lta ba bzhin du rab tu shes shing/ chos de la yang mos par 'gyur la/ don de yang shes rab kyis yang dag pa ji lta ba bzhin du rtogs par 'gyur zhing de rtogs pa goms pas kyang myur ba myur ba kho nar shin tu mthar thug pa de nyid rjes su 'thob par 'gyur te/ nga la yang a la la bcom ldan 'das de ni yang dag par rdzogs pa'i sangs rgyas yin te/ des ni chos thams cad legs par mngon par rdzogs par sangs rgyas so zhes dad pa 'thob par 'gyur ro/ /

【N2 明第二人】

དེ་ལ་སེམས་ཅན་གང་དག་དགེ་བའི་རྩ་བ་བསྐྱེད་པ་དང༌། སྒྲིབ་པ་ཡོངས་སུ་དག་པ་དང༌། རྒྱུད་ཡོངས་སུ་སྨིན་པ་དང༌། མོས་པ་ཆེན་པོ་མ་ཡིན་པ། བསོད་ནམས་དང་ཡེ་ཤེས་ཀྱི་ཚོགས་ཆེན་པོ་ཡང་དག་པར་མ་གྲུབ་པ། དྲང་པོ་དྲང་པོའི་རང་བཞིན་ཅན། རྟོག་པ་སེལ་མི་ནུས་པ། རང་གི་ལྟ་བ་མཆོག་ཏུ་འཛིན་པར་མི་གནས་པ་དེ་དག་གིས་ནི་ཆོས་དེ་ཐོས་ན་ངས་དགོངས་ཏེ་བཤད་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མི་ཤེས་མོད་ཀྱི། འོན་ཀྱང་ཆོས་དེ་ལ་མོས་པར་བྱེད་ཅིང་དད་པ་ཡང་འཐོབ་སྟེ། མདོ་སྡེ་འདི་དག་ནི་དེ་བཞིན་གཤེགས་པས་གསུངས་པ། ཟབ་པ། ཟབ་པར་སྣང་བ་སྟོང་པ་ཉིད་དང་ལྡན་པ། མཐོང་བར་དཀའ་བ། རྟོགས་པར་དཀའ་བ། བརྟག་མི་ནུས་པ། རྟོག་གེ་པའི་སྤྱོད་པ་མ་ཡིན་པ། ཞིབ་མོ་བརྟགས་པ་མཁས་པ། མཛངས་པས་རིག་པ་ཡིན་ནོ་ཞེས་མོས་པར་བྱེད་དོ། །མདོ་སྡེ་དེ་དག་གི་དོན་བསྟན་པ་དག་ལ་བདག་མི་ཤེས་སོ་སྙམ་ནས་འདུག་སྟེ། འདི་སྐད་ཅེས་སངས་རྒྱས་ཀྱི་བྱང་ཆུབ་ནི་ཟབ། ཆོས་རྣམས་ཀྱི་ཆོས་ཉིད་ཀྱང་ཟབ་སྟེ། དེ་བཞིན་གཤེགས་པ་ཉིད་ཀྱིས་མཁྱེན་གྱི། བདག་ཅག་གིས་ནི་ཇེ་མི་ཤེས་སོ། །དེ་བཞིན་གཤེགས་པ་རྣམས་ཀྱིས་ཆོས་བསྟན་པ་ནི་སེམས་ཅན་རྣམས་ལ་མོས་པ་སྣ་ཚོགས་ཀྱིས་འཇུག་པ་ཡིན་ཏེ། དེ་བཞིན་གཤེགས་པ་རྣམས་ནི་མཁྱེན་པ་དང༌། གཟིགས་པ་མཐའ་ཡས་པ་ཡིན། བདག་ཅག་གིས་ཤེས་པ་དང་མཐོང་བ་ནི་བ་ལང་གི་རྗེས་ཙམ་མོ་སྙམ་ནས། དེ་དག་མདོ་སྡེ་དེ་རྣམས་ལ་གུས་པར་བྱས་ཏེ། ཡི་གེར་འདྲི་བ་ཡང་བྱེད། ཡི་གེར་བྲིས་ནས་འཆང་བར་ཡང་བྱེད། ཀློག་པར་ཡང་བྱེད། ཡང་དག་པར་འགྱེད་པར་ཡང་བྱེད། མཆོད་པར་ཡང་བྱེད། ལུང་ནོད་པར་ཡང་བྱེད། འདོན་པར་ཡང་བྱེད། ཁ་ཏོན་དུ་ཡང་བྱེད་མོད་ཀྱི༑ འདི་ལྟར་ངའི་དགོངས་ཏེ་བཤད་པ་ཟབ་མོ་འདི་མ་རྟོགས་པའི་ཕྱིར་བསྒོམ་པའི་རྣམ་པར་སྦྱོར་བར་མི་ནུས་སོ། །དེ་དག་གཞི་དེས་ན་བསོད་ནམས་ཀྱི་ཚོགས་ཀྱིས་ཀྱང་འཕེལ་བར་འགྱུར། ཡེ་ཤེས་ཀྱི་ཚོགས་ཀྱིས་ཀྱང་འཕེལ་བར་འགྱུར་ལ། གང་དུ་ཡང་རྒྱུད་ཡོངས་སུ་མ་སྨིན་པ་དག་ཀྱང་སྨིན་པར་བྱེད་དོ། །

de la sems can gang dag dge ba'i rtsa ba bskyed pa dang/ sgrib pa yongs su dag pa dang/ rgyud yongs su smin pa dang/ mos pa chen po ma yin pa/ bsod nams dang ye shes kyi tshogs chen po yang dag par ma grub pa/ drang po drang po'i rang bzhin can/ rtog pa sel mi nus pa/ rang gi lta ba mchog tu 'dzin par mi gnas pa de dag gis ni chos de thos na ngas dgongs te bshad pa yang dag pa ji lta ba bzhin du rab tu mi shes mod kyi/ 'on kyang chos de la mos par byed cing dad pa yang 'thob ste/ mdo sde 'di dag ni de bzhin gshegs pas gsungs pa/ zab pa/ zab par snang ba stong pa nyid dang ldan pa/ mthong bar dka' ba/ rtogs par dka' ba/ brtag mi nus pa/ rtog ge pa'i spyod pa ma yin pa/ zhib mo brtags pa mkhas pa/ mdzangs pas rig pa yin no zhes mos par byed do/ /mdo sde de dag gi don bstan pa dag la bdag mi shes so snyam nas 'dug ste/ 'di skad ces sangs rgyas kyi byang chub ni zab/ chos rnams kyi chos nyid kyang zab ste/ de bzhin gshegs pa nyid kyis mkhyen gyi/ bdag cag gis ni je mi shes so/ /de bzhin gshegs pa rnams kyis chos bstan pa ni sems can rnams la mos pa sna tshogs kyis 'jug pa yin te/ de bzhin gshegs pa rnams ni mkhyen pa dang/ gzigs pa mtha' yas pa yin/ bdag cag gis shes pa dang mthong ba ni ba lang gi rjes tsam mo snyam nas/ de dag mdo sde de rnams la gus par byas te/ yi ger 'dri ba yang byed/ yi ger bris nas 'chang bar yang byed/ klog par yang byed/ yang dag par 'gyed par yang byed/ mchod par yang byed/ lung nod par yang byed/ 'don par yang byed/ kha ton du yang byed mod kyi| 'di ltar nga'i dgongs te bshad pa zab mo 'di ma rtogs pa'i phyir bsgom pa'i rnam par sbyor bar mi nus so/ /de dag gzhi des na bsod nams kyi tshogs kyis kyang 'phel bar 'gyur/ ye shes kyi tshogs kyis kyang 'phel bar 'gyur la/ gang du yang rgyud yongs su ma smin pa dag kyang smin par byed do/ /

【N3 明第三人】

ཇི་སྟེ་སེམས་ཅན་དེ་དག་ལས་སེམས་ཅན་གང་དག་བསོད་ནམས་དང་ཡེ་ཤེས་ཀྱི་ཚོགས་ཆེན་པོའི་བར་དུ་ཡང་དག་པར་གྲུབ་པ་མ་ཡིན་ལ། དྲང་པོ་དྲང་པོའི་རང་བཞིན་ཅན་ནི་མ་ཡིན་མོད་ཀྱི། འོན་ཀྱང་རྟོག་པ་སེལ་ནུས་པ། རང་གི་ལྟ་བ་མཆོག་ཏུ་འཛིན་པར་གནས་པ་དེ་དག་གིས་ནི་ཆོས་དེ་ཐོས་ན། ངའི་དགོངས་ཏེ་བཤད་པ་ཟབ་མོ་ཡང་དག་པ་ཇི་ལྟ་བ་བཞིན་དུ་རབ་ཏུ་མི་ཤེས་ཏེ། ཆོས་དེ་ལ་མོས་ཀྱང་ཆོས་འདི་དག་ཐམས་ཅད་ནི་ངོ་བོ་ཉིད་མེད་པ་ཁོ་ན་ཡིན་ནོ། །ཆོས་འདི་དག་ཐམས་ཅད་ནི་མ་སྐྱེས་པ་ཁོ་ནའོ། །མ་འགགས་པ་ཁོ་ནའོ། །གཟོད་མ་ནས་ཞི་བ་ཁོ་ནའོ། །རང་བཞིན་གྱིས་ཡོངས་སུ་མྱ་ངན་ལས་འདས་པ་ཁོ་ནའོ་ཞེས་ཆོས་ཀྱི་དོན་ལ་སྒྲ་ཇི་བཞིན་ཁོ་ནར་མངོན་པར་ཞེན་པར་བྱེད་དེ། དེ་དག་གཞི་དེས་ན་ཆོས་ཐམས་ཅད་ལ་མེད་པར་ལྟ་བ་དང་མཚན་ཉིད་མེད་པར་ལྟ་བ་འཐོབ་པར་འགྱུར་ཏེ། མེད་པར་ལྟ་བ་དང༌། མཚན་ཉིད་མེད་པར་ལྟ་བ་ཐོབ་ནས་ཀྱང་ཐམས་ཅད་ལ་མཚན་ཉིད་ཐམས་ཅད་ཀྱིས་སྐུར་པ་འདེབས་ཏེ། ཆོས་རྣམས་ཀྱི་ཀུན་བརྟགས་པའི་མཚན་ཉིད་ལ་ཡང་སྐུར་པ་འདེབས། ཆོས་རྣམས་ཀྱི་གཞན་གྱི་དབང་གི་མཚན་ཉིད་དང༌། ཡོངས་སུ་གྲུབ་པའི་མཚན་ཉིད་ལ་ཡང་སྐུར་པ་འདེབས་སོ། །དེ་ཅིའི་ཕྱིར་ཞེ་ན། དོན་དམ་ཡང་དག་འཕགས་འདི་ལྟར་གཞན་གྱི་དབང་གི་མཚན་ཉིད་དང་ཡོངས་སུ་གྲུབ་པའི་མཚན་ཉིད་ཡོད་ན་ནི་ཀུན་བརྟགས་པའི་མཚན་ཉིད་ཀྱང་རབ་ཏུ་ཤེས་པར་འགྱུར་ན། དེ་ལ་གང་དག་གཞན་གྱི་དབང་གི་མཚན་ཉིད་དང༌། ཡོངས་སུ་གྲུབ་པའི་མཚན་ཉིད་ལ་མཚན་ཉིད་མེད་པར་མཐོང་བ་དེ་དག་གིས་ནི་ཀུན་བརྟགས་པའི་མཚན་ཉིད་ལ་ཡང་སྐུར་པ་བཏབ་པ་ཡིན་པའི་ཕྱིར་ཏེ། དེ་ལྟ་བས་ན་དེ་དག་ནི་མཚན་ཉིད་རྣམ་པ་གསུམ་ཆར་ལ་ཡང་སྐུར་པ་འདེབས་པ་ཞེས་བྱའོ། །དེ་དག་ནི་ངའི་ཆོས་ལ་ཆོས་སུ་འདུ་ཤེས་པ་དང༌། དོན་མ་ཡིན་པ་ལ་དོན་དུ་འདུ་ཤེས་པ་ཡིན་ཏེ། ངའི་ཆོས་ལ་ཆོས་སུ་འདུ་ཤེས་པ་དང༌། དོན་མ་ཡིན་པ་ལ་དོན་དུ་འདུ་ཤེས་པ་དེ་དག་ཆོས་ལ་ཡང་ཆོས་སུ་འཛིན། དོན་མ་ཡིན་པ་ལ་དོན་དུ་འཛིན་ཏོ། །དེ་དག་ཆོས་ལ་མོས་པས་དགེ་བའི་ཆོས་རྣམས་ཀྱིས་འཕེལ་མོད་ཀྱི། འོན་ཀྱང་དོན་དམ་པ་མ་ཡིན་པ་ལ་མངོན་པར་ཞེན་པས་ཤེས་རབ་ལས་ཡོངས་སུ་ཉམས་པ་ཡིན་ཏེ༑ ཤེས་རབ་ལས་ཡོངས་སུ་ཉམས་ན། དགེ་བའི་ཆོས་ཤིན་ཏུ་རྒྱ་ཆེ་བ་དང༌། ཤིན་ཏུ་དཔག་ཏུ་མེད་པ་རྣམས་ལས་ཀྱང་ཡོངས་སུ་ཉམས་པར་འགྱུར་རོ། །གཞན་དག་དེ་དག་ལས་ཆོས་ལ་ཆོས་སུ་དང༌། དོན་མ་ཡིན་པ་ལ་དོན་དུ་ཐོས་ནས༑ གང་དག་ལྟ་བ་ལ་དགའ་བར་བྱེད་པ་དེ་དག་ནི་ཆོས་ལ་ཆོས་སུ་འདུ་ཤེས་པ་དང༌། དོན་མ་ཡིན་པ་ལ་དོན་དུ་འདུ་ཤེས་པས། ཆོས་ལ་ཆོས་སུ་ཤེས་པ་དང༌། དོན་མ་ཡིན་པ་དོན་དུ་མངོན་པར་ཞེན་པར་འགྱུར་ཏེ། དེ་དག་ཀྱང་གཞི་དེས་ན་དེ་བཞིན་དུ་དགེ་བའི་ཆོས་ལས་ཡོངས་སུ་ཉམས་པར་རིག་པར་བྱའོ། །གང་དག་ལྟ་བའི་རྗེས་སུ་དགའ་བར་མི་བྱེད་པ་དེ་དག་ལས་ཆོས་རྣམས་ཀྱི་ངོ་བོ་ཉིད་མེད་པ་ཉིད་ཐོས་ཤིང༌། ཆོས་རྣམས་ཀྱི་སྐྱེ་བ་མེད་པ་དང༌། འགགས་པ་མེད་པ་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཐོས་ནས་སྐྲག་ཅིང་དངང་ལ། ཀུན་ཏུ་དངང་བར་འགྱུར་ཞིང༌། འདི་སྐད་ཅེས་འདི་ནི་སངས་རྒྱས་བཅོམ་ལྡན་འདས་ཀྱི་བཀའ་མ་ཡིན་གྱི། འདི་ནི་བདུད་ཀྱིས་སྨྲས་པ་ཡིན་ནོ་ཞེས་ཀྱང་ཟེར་ཞིང༌། དེ་ལྟར་རིག་ནས་མདོ་སྡེ་དེ་དག་ལ་སྐུར་པ་འདེབས་པར་བྱེད། སྤོང་བར་བྱེད། མི་བསྔགས་པ་རྗོད་པར་བྱེད༑ ངན་དུ་རྗོད་པར་བྱེད་དེ། གཞི་དེས་ན་ཕོངས་པ་ཆེན་པོ་ཐོབ་པར་འགྱུར་ཞིང༌། ལས་ཀྱི་སྒྲིབ་པ་ཆེན་པོས་ཀྱང་རེག་པར་འགྱུར་རོ། །གཞི་དེས་ཀྱང་གང་དག་སྐྱེ་བོ་ཕལ་པོ་ཆེ་ལ་ལས་ཀྱི་སྒྲིབ་པ་ཆེན་པོ་འཐོབ་པས་སླུ་བར་བྱེད་པ༑ མཚན་ཉིད་ཐམས་ཅད་མེད་པར་ལྟ་ཞིང་དོན་མ་ཡིན་པ་དོན་དུ་སྟོན་པར་བྱེད་པ་དེ་དག་ནི་ལས་ཀྱི་སྒྲིབ་པ་རྒྱ་ཆེན་པོ་དང་ལྡན་པར་ང་སྨྲའོ། །

ji ste sems can de dag las sems can gang dag bsod nams dang ye shes kyi tshogs chen po'i bar du yang dag par grub pa ma yin la/ drang po drang po'i rang bzhin can ni ma yin mod kyi/ 'on kyang rtog pa sel nus pa/ rang gi lta ba mchog tu 'dzin par gnas pa de dag gis ni chos de thos na/ nga'i dgongs te bshad pa zab mo yang dag pa ji lta ba bzhin du rab tu mi shes te/ chos de la mos kyang chos 'di dag thams cad ni ngo bo nyid med pa kho na yin no/ /chos 'di dag thams cad ni ma skyes pa kho na'o/ /ma 'gags pa kho na'o/ /gzod ma nas zhi ba kho na'o/ /rang bzhin gyis yongs su mya ngan las 'das pa kho na'o zhes chos kyi don la sgra ji bzhin kho nar mngon par zhen par byed de/ de dag gzhi des na chos thams cad la med par lta ba dang mtshan nyid med par lta ba 'thob par 'gyur te/ med par lta ba dang/ mtshan nyid med par lta ba thob nas kyang thams cad la mtshan nyid thams cad kyis skur pa 'debs te/ chos rnams kyi kun brtags pa'i mtshan nyid la yang skur pa 'debs/ chos rnams kyi gzhan gyi dbang gi mtshan nyid dang/ yongs su grub pa'i mtshan nyid la yang skur pa 'debs so/ /de ci'i phyir zhe na/ don dam yang dag 'phags 'di ltar gzhan gyi dbang gi mtshan nyid dang yongs su grub pa'i mtshan nyid yod na ni kun brtags pa'i mtshan nyid kyang rab tu shes par 'gyur na/ de la gang dag gzhan gyi dbang gi mtshan nyid dang/ yongs su grub pa'i mtshan nyid la mtshan nyid med par mthong ba de dag gis ni kun brtags pa'i mtshan nyid la yang skur pa btab pa yin pa'i phyir te/ de lta bas na de dag ni mtshan nyid rnam pa gsum char la yang skur pa 'debs pa zhes bya'o/ /de dag ni nga'i chos la chos su 'du shes pa dang/ don ma yin pa la don du 'du shes pa yin te/ nga'i chos la chos su 'du shes pa dang/ don ma yin pa la don du 'du shes pa de dag chos la yang chos su 'dzin/ don ma yin pa la don du 'dzin to/ /de dag chos la mos pas dge ba'i chos rnams kyis 'phel mod kyi/ 'on kyang don dam pa ma yin pa la mngon par zhen pas shes rab las yongs su nyams pa yin te| shes rab las yongs su nyams na/ dge ba'i chos shin tu rgya che ba dang/ shin tu dpag tu med pa rnams las kyang yongs su nyams par 'gyur ro/ /gzhan dag de dag las chos la chos su dang/ don ma yin pa la don du thos nas| gang dag lta ba la dga' bar byed pa de dag ni chos la chos su 'du shes pa dang/ don ma yin pa la don du 'du shes pas/ chos la chos su shes pa dang/ don ma yin pa don du mngon par zhen par 'gyur te/ de dag kyang gzhi des na de bzhin du dge ba'i chos las yongs su nyams par rig par bya'o/ /gang dag lta ba'i rjes su dga' bar mi byed pa de dag las chos rnams kyi ngo bo nyid med pa nyid thos shing/ chos rnams kyi skye ba med pa dang/ 'gags pa med pa dang/ gzod ma nas zhi ba dang/ rang bzhin gyis yongs su mya ngan las 'das pa thos nas skrag cing dngang la/ kun tu dngang bar 'gyur zhing/ 'di skad ces 'di ni sangs rgyas bcom ldan 'das kyi bka' ma yin gyi/ 'di ni bdud kyis smras pa yin no zhes kyang zer zhing/ de ltar rig nas mdo sde de dag la skur pa 'debs par byed/ spong bar byed/ mi bsngags pa rjod par byed| ngan du rjod par byed de/ gzhi des na phongs pa chen po thob par 'gyur zhing/ las kyi sgrib pa chen pos kyang reg par 'gyur ro/ /gzhi des kyang gang dag skye bo phal po che la las kyi sgrib pa chen po 'thob pas slu bar byed pa| mtshan nyid thams cad med par lta zhing don ma yin pa don du ston par byed pa de dag ni las kyi sgrib pa rgya chen po dang ldan par nga smra'o/ /

【N4 明第四人】

དོན་དམ་ཡང་དག་འཕགས་དེ་ལ་སེམས་ཅན་གང་དག་དགེ་བའི་རྩ་བ་མ་བསྐྱེད། སྒྲིབ་པ་ཡོངས་སུ་མ་དག །རྒྱུད་ཡོངས་སུ་མ་སྨིན། མོས་པ་མི་མང༌། བསོད་ནམས་དང་ཡེ་ཤེས་ཀྱི་ཚོགས་ཡང་དག་པར་མ་གྲུབ་ཅིང་དྲང་པོ་མ་ཡིན་ལ་དྲང་པོའི་རང་བཞིན་ཅན་མ་ཡིན་ཡང༌། རྟོག་པ་སེལ་ནུས་ལ། རང་གི་ལྟ་བ་མཆོག་ཏུ་འཛིན་པར་གནས་པ་དེ་དག་གིས་ནི་ཆོས་དེ་ཐོས་ན། ངའི་དགོངས་ཏེ་བཤད་པ་ཡང༌། ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཤིང༌། ཆོས་དེ་ལ་མོས་པར་ཡང་མི་འགྱུར་ལ། དེ་དག་ཆོས་ལ་ཆོས་མ་ཡིན་པར་འདུ་ཤེས་ཤིང༌། དོན་ལ་དོན་མ་ཡིན་པར་འདུ་ཤེས་ལ། ཆོས་ལ་ཡང་ཆོས་མ་ཡིན་པ་དང༌། དོན་ལ་ཡང་དོན་མ་ཡིན་པར་མངོན་པར་ཞེན་ནས། འདི་སྐད་ཅེས་འདི་ནི་སངས་རྒྱས་ཀྱི་བཀའ་མ་ཡིན་གྱི། འདི་ནི་བདུད་ཀྱིས་སྨྲས་པ་ཡིན་ནོ་ཞེས་ཀྱང་ཟེར་ཞིང༌། དེ་ལྟར་རིག་ནས་མདོ་སྡེ་དེ་དག་ལ་སྐུར་པ་འདེབས་པར་བྱེད། སྤོང་བར་བྱེད། མི་བསྔགས་པ་རྗོད་པར་བྱེད། ངན་དུ་རྗོད་པར་བྱེད་ཅིང་ལྷད་ཀྱང་འཇུག་པར་བྱེད་དེ། རྣམ་གྲངས་དུ་མར་མདོ་སྡེ་དེ་དག་སྤང་བ་དང༌། ཆུད་གཟན་པ་དང༌། རྣམ་པར་གཞིག་པའི་ཕྱིར་ཞུགས་ཤིང༌། དེ་ལ་མོས་པའི་གང་ཟག་རྣམས་ལ་ཡང་དགྲར་འདུ་ཤེས་པར་འགྱུར་རོ། །དེ་དག་ནི་དང་པོ་ཉིད་ནས་ཀྱང་ལས་ཀྱི་སྒྲིབ་པ་བསྒྲིབས་པ་ཡིན་ལ། གཞི་དེས་ཀྱང་ལས་ཀྱི་སྒྲིབ་པ་དེ་ལྟ་བུས་སྒྲིབ་པར་བྱེད་དེ། ལས་ཀྱི་སྒྲིབ་པ་དེའི་དང་པོ་ནི་གདགས་པར་སླའི་བསྐལ་པ་བྱེ་བ་ཁྲག་ཁྲིག་འབུམ་ཕྲག་འདི་སྙེད་ཀྱི་བར་གྱིས་འབྱུང་བར་འགྱུར་རོ་ཞེས་གདགས་པར་དཀའོ། །

don dam yang dag 'phags de la sems can gang dag dge ba'i rtsa ba ma bskyed/ sgrib pa yongs su ma dag /rgyud yongs su ma smin/ mos pa mi mang/ bsod nams dang ye shes kyi tshogs yang dag par ma grub cing drang po ma yin la drang po'i rang bzhin can ma yin yang/ rtog pa sel nus la/ rang gi lta ba mchog tu 'dzin par gnas pa de dag gis ni chos de thos na/ nga'i dgongs te bshad pa yang/ yang dag pa ji lta ba bzhin rab tu mi shes shing/ chos de la mos par yang mi 'gyur la/ de dag chos la chos ma yin par 'du shes shing/ don la don ma yin par 'du shes la/ chos la yang chos ma yin pa dang/ don la yang don ma yin par mngon par zhen nas/ 'di skad ces 'di ni sangs rgyas kyi bka' ma yin gyi/ 'di ni bdud kyis smras pa yin no zhes kyang zer zhing/ de ltar rig nas mdo sde de dag la skur pa 'debs par byed/ spong bar byed/ mi bsngags pa rjod par byed/ ngan du rjod par byed cing lhad kyang 'jug par byed de/ rnam grangs du mar mdo sde de dag spang ba dang/ chud gzan pa dang/ rnam par gzhig pa'i phyir zhugs shing/ de la mos pa'i gang zag rnams la yang dgrar 'du shes par 'gyur ro/ /de dag ni dang po nyid nas kyang las kyi sgrib pa bsgribs pa yin la/ gzhi des kyang las kyi sgrib pa de lta bus sgrib par byed de/ las kyi sgrib pa de'i dang po ni gdags par sla'i bskal pa bye ba khrag khrig 'bum phrag 'di snyed kyi bar gyis 'byung bar 'gyur ro zhes gdags par dka'o/ /

【M3 釋已結】

དོན་དམ་ཡང་དག་འཕགས་དེ་ལྟར་ན་ངའི་ཆོས་འདུལ་བ་ལེགས་པར་གསུངས་པ། ཤིན་ཏུ་གྱ་ནོམ་པ། བསམ་པ་ཤིན་ཏུ་རྣམ་པར་དག་པ་སྟོན་པ། ཆོས་ལེགས་པར་བསྟན་པ་ལ། སེམས་ཅན་རྣམས་ཀྱི་མོས་པའི་རིམ་པ་དེ་ལྟ་བུ་དག་ཀྱང་སྣང་ངོ༌། །

don dam yang dag 'phags de ltar na nga'i chos 'dul ba legs par gsungs pa/ shin tu gya nom pa/ bsam pa shin tu rnam par dag pa ston pa/ chos legs par bstan pa la/ sems can rnams kyi mos pa'i rim pa de lta bu dag kyang snang ngo/ /

【K2 重頌】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཆོས་རྣམས་ངོ་བོ་ཉིད་མེད་ཆོས་རྣམས་མ་སྐྱེས་དང༌། ཆོས་རྣམས་མ་འགགས་ཆོས་རྣམས་གཟོད་ནས་ཞི་བ་དང༌། །ཆོས་རྣམས་ཐམས་ཅད་རང་བཞིན་མྱ་ངན་འདས་པར་ནི༑ །དགོངས་པ་མེད་པར་མཁས་པ་སུ་ཞིག་སྨྲ་བར་བྱེད། །མཚན་ཉིད་ངོ་བོ་ཉིད་མེད་སྐྱེ་བ་ངོ་བོ་མེད། །དོན་དམ་ངོ་བོ་ཉིད་མེད་དོ་ཞེས་ངས་བཤད་དོ། །འདི་ལ་མཁས་པ་གང་ཞིག་དགོངས་པ་ཤེས་པ་ནི། །རབ་ཏུ་ཉམས་པར་འགྱུར་བའི་ལམ་དུ་དེ་མི་འགྲོ། །ཀུན་གྱི་རྣམ་དག་ལམ་ནི་གཅིག་པུ་འདི་ཡིན་ཏེ། །རྣམ་པར་དག་པའང་གཅིག་སྟེ་གཉིས་པ་གང་ཡང་མེད། །དེ་ཕྱིར་ཐེག་པ་གཅིག་པ་འདི་ནི་འདོགས་བྱེད་ཀྱང༌། །སེམས་ཅན་རིགས་ནི་རྣམ་པ་སྣ་ཚོགས་མེད་མ་ཡིན༑ །སེམས་ཅན་ཁམས་འདི་ན་ནི་གང་དག་བདག་གཅིག་པུ། །མྱ་ངན་འདའ་བར་བྱེད་པའི་སེམས་ཅན་དཔག་ཏུ་མེད། །གང་དག་མྱ་ངན་འདས་ཀྱང་སེམས་ཅན་མི་གཏོང་བའི། །བསྟན་པ་སྙིང་རྗེ་ལྡན་པ་དེ་དག་ཤིན་ཏུ་དཀོན། །གང་གྲོལ་དེ་དག་རྣམས་ཀྱི་ཟག་པ་མེད་པའི་དབྱིངས། །ཕྲ་ཞིང་བསམ་གྱིས་མི་ཁྱབ་མཉམ་ཞིང་བྱེ་བྲག་མེད། །ཐམས་ཅད་དོན་གྲུབ་སྡུག་བསྔལ་ཉོན་མོངས་སྤངས་པ་སྟེ། །གཉིས་སུ་བརྗོད་པ་མ་ཡིན་བདེ་ཞིང་བརྟན་པ་ཡིན། །

de nas bcom ldan 'das kyis de'i tshe tshigs su bcad pa 'di dag bka' stsal to/ /chos rnams ngo bo nyid med chos rnams ma skyes dang/ chos rnams ma 'gags chos rnams gzod nas zhi ba dang/ /chos rnams thams cad rang bzhin mya ngan 'das par ni| /dgongs pa med par mkhas pa su zhig smra bar byed/ /mtshan nyid ngo bo nyid med skye ba ngo bo med/ /don dam ngo bo nyid med do zhes ngas bshad do/ /'di la mkhas pa gang zhig dgongs pa shes pa ni/ /rab tu nyams par 'gyur ba'i lam du de mi 'gro/ /kun gyi rnam dag lam ni gcig pu 'di yin te/ /rnam par dag pa'ang gcig ste gnyis pa gang yang med/ /de phyir theg pa gcig pa 'di ni 'dogs byed kyang/ /sems can rigs ni rnam pa sna tshogs med ma yin| /sems can khams 'di na ni gang dag bdag gcig pu/ /mya ngan 'da' bar byed pa'i sems can dpag tu med/ /gang dag mya ngan 'das kyang sems can mi gtong ba'i/ /bstan pa snying rje ldan pa de dag shin tu dkon/ /gang grol de dag rnams kyi zag pa med pa'i dbyings/ /phra zhing bsam gyis mi khyab mnyam zhing bye brag med/ /thams cad don grub sdug bsngal nyon mongs spangs pa ste/ /gnyis su brjod pa ma yin bde zhing brtan pa yin/ /

【H2 領解讚嘆】【I1 菩薩領解】【J1 讚世尊】

དེ་ནས་དེའི་ཚེ་བཅོམ་ལྡན་འདས་ལ། བྱང་ཆུབ་སེམས་དཔའ་དོན་དམ་ཡང་དག་འཕགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ཙམ་དུ་སངས་རྒྱས་བཅོམ་ལྡན་འདས་རྣམས་ཀྱིས་དགོངས་ཏེ་གསུངས་པ། ཕྲ་བ། མཆོག་ཏུ་ཕྲ་བ། ཟབ་པ། མཆོག་ཏུ་ཟབ་པ། རྟོགས་པར་དཀའ་བ། མཆོག་ཏུ་རྟོགས་པར་དཀའ་བ་ནི་ངོ་མཚར་རྨད་དུ་བྱུང་བ་ལགས་སོ། །

de nas de'i tshe bcom ldan 'das la/ byang chub sems dpa' don dam yang dag 'phags kyis 'di skad ces gsol to/ /bcom ldan 'das ji tsam du sangs rgyas bcom ldan 'das rnams kyis dgongs te gsungs pa/ phra ba/ mchog tu phra ba/ zab pa/ mchog tu zab pa/ rtogs par dka' ba/ mchog tu rtogs par dka' ba ni ngo mtshar rmad du byung ba lags so/ /

【J2 領解】【K1 法說】【L1 舉色蘊解三無性】

བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་འདི་ལྟར་འཚལ་ཏེ། རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་ལ། གཟུགས་ཀྱི་ཕུང་པོ་ཞེས་ངོ་བོ་ཉིད་ཀྱི་མཚན་ཉིད་དམ། བྱེ་བྲག་གི་མཚན་ཉིད་དུ་མིང་དང་བརྡར་རྣམ་པར་གཞག་པ་དང་གཟུགས་ཀྱི་ཕུང་པོ་སྐྱེའོ་ཞེའམ། འགག་གོ་ཞེའམ། གཟུགས་ཀྱི་ཕུང་པོ་སྤང་བ་དང༌། ཡོངས་སུ་ཤེས་པ་ཞེས་ངོ་བོ་ཉིད་ཀྱི་མཚན་ཉིད་དམ། བྱེ་བྲག་གི་མཚན་ཉིད་ཀྱི་གནས་འདུ་བྱེད་ཀྱི་མཚན་མ་གང་ལགས་པ་དེ་ནི་ཀུན་བརྟགས་པའི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་ཆོས་རྣམས་ཀྱི་མཚན་ཉིད་ངོ་བོ་ཉིད་མ་མཆིས་པ་ཉིད་འདོགས་པར་མཛད་ལགས་སོ། །རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་གང་ལགས་པ་དེ་ནི་གཞན་གྱི་དབང་གི་མཚན་ཉིད་ལགས་སོ། །དེ་ལ་བརྟེན་ནས་བཅོམ་ལྡན་འདས་ཆོས་རྣམས་ཀྱི་སྐྱེ་བ་ངོ་བོ་དེ་མ་མཆིས་པ་ཉིད་དང༌། དེ་ལས་ཅིག་ཤོས་དོན་དམ་པ་ངོ་བོ་ཉིད་མ་མཆིས་པ་ཉིད་ཀྱང་འདོགས་པར་མཛད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་འདི་ལྟར་འཚལ་ཏེ། རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་དེ་ཉིད་ཀུན་བརྟགས་པའི་མཚན་ཉིད་དེར་ཡོངས་སུ་མ་གྲུབ་ཅིང་ངོ་བོ་ཉིད་དེ་ཁོ་ནས་ངོ་བོ་ཉིད་མ་མཆིས་པ་ཉིད་ཆོས་ལ་བདག་མ་མཆིས་པ། དེ་བཞིན་ཉིད་རྣམ་པར་དག་པའི་དམིགས་པ་གང་ལགས་པ་དེ་ནི་ཡོངས་སུ་གྲུབ་པའི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་ཀྱིས། དེ་ལས་ཅིག་ཤོས་དོན་དམ་པ་ངོ་བོ་ཉིད་མ་མཆིས་པ་ཉིད་ལས་གཅིག་འདོགས་པར་མཛད་ལགས་སོ། །གཟུགས་ཀྱི་ཕུང་པོ་ཇི་ལྟ་བ་བཞིན་དུ། ཕུང་པོ་ལྷག་མ་རྣམས་ལ་ཡང་དེ་བཞིན་དུ་སྦྱར་བར་བགྱི་ལགས་སོ། །ཕུང་པོ་རྣམས་ལ་ཇི་ལྟ་བ་བཞིན་དུ་སྐྱེ་མཆེད་བཅུ་གཉིས་པོ་དག་གི་སྐྱེ་མཆེད་རེ་རེ་ལ་ཡང་དེ་བཞིན་དུ་ལགས་སོ། །སྲིད་པའི་ཡན་ལག་བཅུ་གཉིས་པོ་དག་གི་སྲིད་པའི་ཡན་ལག་རེ་རེ་ལ་ཡང་དེ་བཞིན་ལགས་སོ། །ཟས་བཞི་པོ་དག་གི་ཟས་རེ་རེ་ལ་ཡང་དེ་བཞིན་ལགས་སོ། །ཁམས་དྲུག་པོ་དང༌། ཁམས་བཅོ་བརྒྱད་པོ་དག་གི་ཁམས་རེ་རེ་ལ་ཡང་དེ་བཞིན་ལགས་སོ། །

bcom ldan 'das bcom ldan 'das kyis bka' stsal pa'i don bdag gis 'di ltar 'tshal te/ rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma la/ gzugs kyi phung po zhes ngo bo nyid kyi mtshan nyid dam/ bye brag gi mtshan nyid du ming dang brdar rnam par gzhag pa dang gzugs kyi phung po skye'o zhe'am/ 'gag go zhe'am/ gzugs kyi phung po spang ba dang/ yongs su shes pa zhes ngo bo nyid kyi mtshan nyid dam/ bye brag gi mtshan nyid kyi gnas 'du byed kyi mtshan ma gang lags pa de ni kun brtags pa'i mtshan nyid lags te/ de la brten nas bcom ldan 'das chos rnams kyi mtshan nyid ngo bo nyid ma mchis pa nyid 'dogs par mdzad lags so/ /rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma gang lags pa de ni gzhan gyi dbang gi mtshan nyid lags so/ /de la brten nas bcom ldan 'das chos rnams kyi skye ba ngo bo de ma mchis pa nyid dang/ de las cig shos don dam pa ngo bo nyid ma mchis pa nyid kyang 'dogs par mdzad lags so/ /bcom ldan 'das kyis bka' stsal pa'i don bdag gis 'di ltar 'tshal te/ rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma de nyid kun brtags pa'i mtshan nyid der yongs su ma grub cing ngo bo nyid de kho nas ngo bo nyid ma mchis pa nyid chos la bdag ma mchis pa/ de bzhin nyid rnam par dag pa'i dmigs pa gang lags pa de ni yongs su grub pa'i mtshan nyid lags te/ de la brten nas bcom ldan 'das kyis/ de las cig shos don dam pa ngo bo nyid ma mchis pa nyid las gcig 'dogs par mdzad lags so/ /gzugs kyi phung po ji lta ba bzhin du/ phung po lhag ma rnams la yang de bzhin du sbyar bar bgyi lags so/ /phung po rnams la ji lta ba bzhin du skye mched bcu gnyis po dag gi skye mched re re la yang de bzhin du lags so/ /srid pa'i yan lag bcu gnyis po dag gi srid pa'i yan lag re re la yang de bzhin lags so/ /zas bzhi po dag gi zas re re la yang de bzhin lags so/ /khams drug po dang/ khams bco brgyad po dag gi khams re re la yang de bzhin lags so/ /

【L2 舉苦諦三無性】

བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་འདི་ལྟར་འཚལ་ཏེ། རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་ལ་སྡུག་བསྔལ་གྱི་བདེན་པ་དང༌། སྡུག་བསྔལ་གྱི་བདེན་པ་ཡོངས་སུ་ཤེས་པ་ཞེས་ངོ་བོ་ཉིད་ཀྱི་མཚན་ཉིད་དམ། བྱེ་བྲག་གི་མཚན་ཉིད་དུ་མིང་དང་བརྡར་རྣམ་པར་གཞག་པ་གང་ལགས་པ་དེ་ནི་ཀུན་བརྟགས་པའི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་ཆོས་རྣམས་ཀྱི་མཚན་ཉིད་ངོ་བོ་ཉིད་མ་མཆིས་པ་ཉིད་འདོགས་པར་མཛད་ལགས་སོ། །རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། །འདུ་བྱེད་ཀྱི་མཚན་མ་གང་ལགས་པ་དེ་ནི་གཞན་གྱི་དབང་གི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་ཆོས་རྣམས་ཀྱི་སྐྱེ་བ་ངོ་བོ་ཉིད་མ་མཆིས་པ་ཉིད་དང༌། དེ་ལས་ཅིག་ཤོས་དོན་དམ་པ་ངོ་བོ་ཉིད་མ་མཆིས་པ་ཉིད་ཀྱང་འདོགས་པར་མཛད་ལགས་སོ། །བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པའི་དོན་འདི་ལྟར་བདག་གིས་འཚལ་ཏེ། རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་དེ་ཉིད་ཀུན་བརྟགས་པའི་མཚན་ཉིད་དེར་ཡོངས་སུ་མ་གྲུབ་ཅིང༌། ངོ་བོ་ཉིད་དེ་ཁོ་ནས་ངོ་བོ་ཉིད་མ་མཆིས་པ་ཉིད་ཆོས་ལ་བདག་མ་མཆིས་པ་དེ་བཞིན་ཉིད་རྣམ་པར་དག་པའི་དམིགས་པ་གང་ལགས་པ་དེ་ནི་ཡོངས་སུ་གྲུབ་པའི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་དེ་ལས་ཅིག་ཤོས་ཆོས་རྣམས་ཀྱི་དོན་དམ་པ་ངོ་བོ་ཉིད་མ་མཆིས་པ་ཉིད་འདོགས་པར་མཛད་ལགས་སོ༑ །སྡུག་བསྔལ་འཕགས་པའི་བདེན་པ་ལ་ཇི་ལྟ་བ་བཞིན་དུ་བདེན་པ་ལྷག་མ་རྣམས་ལ་ཡང་དེ་བཞིན་དུ་སྦྱར་བར་བགྱི་ལགས་སོ། །བདེན་པ་རྣམས་ལ་ཇི་ལྟ་བ་དེ་བཞིན་དུ་དྲན་པ་ཉེ་བར་གཞག་པ་རྣམས་དང༌། ཡང་དག་པའི་སྤོང་བ་རྣམས་དང༌། རྫུ་འཕྲུལ་གྱི་རྐང་པ་རྣམས་དང༌། དབང་པོ་རྣམས་དང༌། སྟོབས་རྣམས་དང༌། བྱང་ཆུབ་ཀྱི་ཡན་ལག་རྣམས་དང༌། ལམ་གྱི་ཡན་ལག་རྣམས་ཀྱི་ཡན་ལག་རེ་རེ་ལ་ཡང་དེ་བཞིན་དུ་སྦྱར་བར་བགྱི་ལགས་སོ། །

bcom ldan 'das bcom ldan 'das kyis bka' stsal pa'i don bdag gis 'di ltar 'tshal te/ rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma la sdug bsngal gyi bden pa dang/ sdug bsngal gyi bden pa yongs su shes pa zhes ngo bo nyid kyi mtshan nyid dam/ bye brag gi mtshan nyid du ming dang brdar rnam par gzhag pa gang lags pa de ni kun brtags pa'i mtshan nyid lags te/ de la brten nas bcom ldan 'das chos rnams kyi mtshan nyid ngo bo nyid ma mchis pa nyid 'dogs par mdzad lags so/ /rnam par rtog pa'i spyod yul kun brtags pa'i mtshan nyid kyi gnas/ /'du byed kyi mtshan ma gang lags pa de ni gzhan gyi dbang gi mtshan nyid lags te/ de la brten nas bcom ldan 'das chos rnams kyi skye ba ngo bo nyid ma mchis pa nyid dang/ de las cig shos don dam pa ngo bo nyid ma mchis pa nyid kyang 'dogs par mdzad lags so/ /bcom ldan 'das bcom ldan 'das kyis bka' stsal pa'i don 'di ltar bdag gis 'tshal te/ rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma de nyid kun brtags pa'i mtshan nyid der yongs su ma grub cing/ ngo bo nyid de kho nas ngo bo nyid ma mchis pa nyid chos la bdag ma mchis pa de bzhin nyid rnam par dag pa'i dmigs pa gang lags pa de ni yongs su grub pa'i mtshan nyid lags te/ de la brten nas bcom ldan 'das de las cig shos chos rnams kyi don dam pa ngo bo nyid ma mchis pa nyid 'dogs par mdzad lags so| /sdug bsngal 'phags pa'i bden pa la ji lta ba bzhin du bden pa lhag ma rnams la yang de bzhin du sbyar bar bgyi lags so/ /bden pa rnams la ji lta ba de bzhin du dran pa nye bar gzhag pa rnams dang/ yang dag pa'i spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ lam gyi yan lag rnams kyi yan lag re re la yang de bzhin du sbyar bar bgyi lags so/ /

【L3 八正道中越就第八正定辨解三種無性】

བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་འདི་ལྟར་འཚལ་ལགས་ཏེ། རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས༑ འདུ་བྱེད་ཀྱི་མཚན་མ་ལ་ཡང་དག་པའི་ཏིང་ངེ་འཛིན་ཞེའམ། ཏིང་ངེ་འཛིན་གྱི་མི་མཐུན་པའི་ཕྱོགས་དང་གཉེན་པོ་ཞེའམ། ཏིང་ངེ་འཛིན་བསྒོམ་པ་ཞེའམ། མ་སྐྱེས་པ་སྐྱེ་བ་ཞེའམ། སྐྱེས་པ་གནས་པ་དང༌། མི་བསྐྱུད་པ་དང༌། སླར་ཞིང་འབྱུང་བ་དང༌། འཕེལ་ཞིང་རྒྱས་པ་ཉིད་ཅེས་ངོ་བོ་ཉིད་ཀྱི་མཚན་ཉིད་དམ། བྱེ་བྲག་གི་མཚན་ཉིད་དུ་མིང་དང་བརྡར་རྣམ་པར་གཞག་པ་གང་ལགས་པ་དེ་ནི་ཀུན་བརྟགས་པའི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་ཆོས་རྣམས་ཀྱི་མཚན་ཉིད་ངོ་བོ་ཉིད་མ་མཆིས་པ་ཉིད་འདོགས་པར་མཛད་ལགས་སོ། །རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་གང་ལགས་པ་དེ་ནི་གཞན་གྱི་དབང་གི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་ཆོས་རྣམས་ཀྱི་སྐྱེ་བ་ངོ་བོ་ཉིད་མ་མཆིས་པ་ཉིད་དང༌། དེ་ལས་ཅིག་ཤོས་དོན་དམ་པ་ངོ་བོ་ཉིད་མ་མཆིས་པ་ཉིད་ཀྱང་འདོགས་པར་མཛད་ལགས་སོ། །བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་འདི་ལྟར་འཚལ་ཏེ། རྣམ་པར་རྟོག་པའི་སྤྱོད་ཡུལ་ཀུན་བརྟགས་པའི་མཚན་ཉིད་ཀྱི་གནས། འདུ་བྱེད་ཀྱི་མཚན་མ་དེ་ཉིད་ཀུན་བརྟགས་པའི་མཚན་ཉིད་དེར་ཡོངས་སུ་མ་གྲུབ་ཅིང༌། ངོ་བོ་ཉིད་དེ་ཁོ་ནས་ངོ་བོ་ཉིད་མ་མཆིས་པ་ཉིད་ཆོས་ལ་བདག་མ་མཆིས་པ། དེ་བཞིན་ཉིད་རྣམ་པར་དག་པའི་དམིགས་པ་གང་ལགས་པ་དེ་ནི་ཡོངས་སུ་གྲུབ་པའི་མཚན་ཉིད་ལགས་ཏེ། དེ་ལ་བརྟེན་ནས་བཅོམ་ལྡན་འདས་དེ་ལས་ཅིག་ཤོས་ཆོས་རྣམས་ཀྱི་དོན་དམ་པ་ངོ་བོ་ཉིད་མ་མཆིས་པ་ཉིད་འདོགས་པར་མཛད་ལགས་སོ། །

bcom ldan 'das bcom ldan 'das kyis bka' stsal pa'i don bdag gis 'di ltar 'tshal lags te/ rnam par rtog pa'i spyod yul kun brtags pa'i mtshan nyid kyi gnas| 'du byed kyi mtshan ma la yang dag pa'i ting nge 'dzin zhe'am/ ting nge 'dzin gyi mi mthun pa'i phyogs dang gnyen po zhe'am/ ting nge 'dzin bsgom pa zhe'am/ ma skyes pa skye ba zhe'am/ skyes pa gnas pa dang/ mi bskyud pa dang/ slar zhing 'byung ba dang/ 'phel zhing rgyas pa nyid ces ngo bo nyid kyi mtshan nyid dam/ bye brag gi mtshan nyid du ming dang brdar rnam par gzhag pa gang lags pa de ni kun brtags pa'i mtshan nyid lags te/ de la brten nas bcom ldan 'das chos rnams kyi mtshan nyid ngo bo nyid ma mchis pa nyid 'dogs par mdzad lags so/ /rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma gang lags pa de ni gzhan gyi dbang gi mtshan nyid lags te/ de la brten nas bcom ldan 'das chos rnams kyi skye ba ngo bo nyid ma mchis pa nyid dang/ de las cig shos don dam pa ngo bo nyid ma mchis pa nyid kyang 'dogs par mdzad lags so/ /bcom ldan 'das bcom ldan 'das kyis bka' stsal pa'i don bdag gis 'di ltar 'tshal te/ rnam par rtog pa'i spyod yul kun brtags pa'i mtshan nyid kyi gnas/ 'du byed kyi mtshan ma de nyid kun brtags pa'i mtshan nyid der yongs su ma grub cing/ ngo bo nyid de kho nas ngo bo nyid ma mchis pa nyid chos la bdag ma mchis pa/ de bzhin nyid rnam par dag pa'i dmigs pa gang lags pa de ni yongs su grub pa'i mtshan nyid lags te/ de la brten nas bcom ldan 'das de las cig shos chos rnams kyi don dam pa ngo bo nyid ma mchis pa nyid 'dogs par mdzad lags so/ /

【K2 喻況】【L1 舉毘濕縛藥】

བཅོམ་ལྡན་འདས་འདི་ལྟ་སྟེ་དཔེར་བགྱི་ན། བཅའ་སྒའི་ཕྱེ་མའི་སྨན་སྦྱར་བ་དང༌། བཅུད་ཀྱིས་ལེན་སྦྱར་བ་ཐམས་ཅད་དུ་བསྩལ་བར་བགྱི་བ་ལགས་སོ། །དེ་བཞིན་དུ་བཅོམ་ལྡན་འདས་ཀྱིས་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་ལས་བརྩམས་ཏེ། སྐྱེ་བ་མ་མཆིས་པ་དང༌། འགག་པ་མ་མཆིས་པ་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ལས་བརྩམས་ནས། བཅོམ་ལྡན་འདས་ཀྱིས་ངེས་པའི་དོན་བསྟན་པ་འདི་ཡང་དྲང་བའི་དོན་གྱི་མདོ་སྡེ་ཐམས་ཅད་དུ་བསྩལ་བར་བགྱི་བ་ལགས་སོ། །

bcom ldan 'das 'di lta ste dper bgyi na/ bca' sga'i phye ma'i sman sbyar ba dang/ bcud kyis len sbyar ba thams cad du bstsal bar bgyi ba lags so/ /de bzhin du bcom ldan 'das kyis chos rnams kyi ngo bo nyid ma mchis pa nyid las brtsams te/ skye ba ma mchis pa dang/ 'gag pa ma mchis pa dang/ gzod ma nas zhi ba dang/ rang bzhin gyis yongs su mya ngan las 'das pa nyid las brtsams nas/ bcom ldan 'das kyis nges pa'i don bstan pa 'di yang drang ba'i don gyi mdo sde thams cad du bstsal bar bgyi ba lags so/ /

【L2 舉書喻】

བཅོམ་ལྡན་འདས་འདི་ལྟ་སྟེ་དཔེར་བགྱི་ན་རི་མོ་བྲི་བའི་གཞི་ནི་སྔོན་པོའམ། སེར་པོའམ། དཀར་པོའམ། དམར་པོའམ། རི་མོར་བགྱི་བ་ཐམས་ཅད་ལ་རོ་གཅིག་པ་ལགས་ཤིང༌། རི་མོ་བྲིས་པ་དེ་ཡང་ཤིན་ཏུ་གསལ་བར་བགྱིད་པ་ལགས་སོ། །དེ་བཞིན་དུ་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ཀྱི་བར་ལས་བརྩམས་ནས། བཅོམ་ལྡན་འདས་ཀྱིས་ངེས་པའི་དོན་བསྟན་པ་འདི་ནི་དྲང་བའི་དོན་གྱི་མདོ་སྡེ་ཐམས་ཅད་ལ་རོ་གཅིག་པ་དང༌། དྲང་བའི་དོན་དེ་དག་ཤིན་ཏུ་གསལ་བར་བགྱིད་པ་ལགས་སོ། །

bcom ldan 'das 'di lta ste dper bgyi na ri mo bri ba'i gzhi ni sngon po'am/ ser po'am/ dkar po'am/ dmar po'am/ ri mor bgyi ba thams cad la ro gcig pa lags shing/ ri mo bris pa de yang shin tu gsal bar bgyid pa lags so/ /de bzhin du chos rnams kyi ngo bo nyid ma mchis pa nyid dang/ rang bzhin gyis yongs su mya ngan las 'das pa nyid kyi bar las brtsams nas/ bcom ldan 'das kyis nges pa'i don bstan pa 'di ni drang ba'i don gyi mdo sde thams cad la ro gcig pa dang/ drang ba'i don de dag shin tu gsal bar bgyid pa lags so/ /

【L3 舉熟蘇喻】

བཅོམ་ལྡན་འདས་འདི་ལྟ་སྟེ་དཔེར་བགྱི་ན་ཆབ་མར་ནི་སྣོད་དུ་བསྒྲལ་བ་དང༌། ཤ་གཡོས་པ་དང༌། བག་ཆོས་ཀྱི་རྣམ་པ་སྣ་ཚོགས་ལ། ཆབ་མར་བསྩལ་ན་ཤིན་ཏུ་འདའ་བར་འགྱུར་ལགས་སོ། །དེ་བཞིན་དུ་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ཀྱི་བར་ལས་བརྩམས་ནས། བཅོམ་ལྡན་འདས་ཀྱིས་ངེས་པའི་དོན་བསྟན་པ་འདི་ནི་དྲང་བའི་དོན་གྱི་མདོ་སྡེ་ཐམས་ཅད་དུ་བསྩལ་ན། དགའ་བ་དང་མཆོག་ཏུ་དགའ་བ་ཆེན་པོར་འགྱུར་ལགས་སོ། །

bcom ldan 'das 'di lta ste dper bgyi na chab mar ni snod du bsgral ba dang/ sha g.yos pa dang/ bag chos kyi rnam pa sna tshogs la/ chab mar bstsal na shin tu 'da' bar 'gyur lags so/ /de bzhin du chos rnams kyi ngo bo nyid ma mchis pa nyid dang/ rang bzhin gyis yongs su mya ngan las 'das pa nyid kyi bar las brtsams nas/ bcom ldan 'das kyis nges pa'i don bstan pa 'di ni drang ba'i don gyi mdo sde thams cad du bstsal na/ dga' ba dang mchog tu dga' ba chen por 'gyur lags so/ /

【L4 舉譬虛空】

བཅོམ་ལྡན་འདས་འདི་ལྟ་སྟེ་དཔེར་བགྱི་ན་ནམ་མཁའ་ནི་ཐམས་ཅད་ལ་རོ་གཅིག་པ་དང༌། བསྩལ་བ་ཐམས་ཅད་ལ་སྒྲིབ་པར་མི་འགྱུར་ལགས་སོ། །དེ་བཞིན་དུ་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ཀྱི་བར་ལས་བརྩམས་ནས། བཅོམ་ལྡན་འདས་ཀྱིས་ངེས་པའི་དོན་བསྟན་པ་འདི་ནི་དྲང་བའི་དོན་གྱི་མདོ་སྡེ་ཐམས་ཅད་ལ་རོ་གཅིག་པ་དང༌། ཉན་ཐོས་ཀྱི་ཐེག་པ་དང༌། རང་སངས་རྒྱས་ཀྱི་ཐེག་པ་དང༌། ཐེག་པ་ཆེན་པོ་ལས་བསྩལ་བ་ཐམས་ཅད་ལ་བསྒྲིབ་པར་མི་འགྱུར་བ་ལགས་སོ། །

bcom ldan 'das 'di lta ste dper bgyi na nam mkha' ni thams cad la ro gcig pa dang/ bstsal ba thams cad la sgrib par mi 'gyur lags so/ /de bzhin du chos rnams kyi ngo bo nyid ma mchis pa nyid dang/ rang bzhin gyis yongs su mya ngan las 'das pa nyid kyi bar las brtsams nas/ bcom ldan 'das kyis nges pa'i don bstan pa 'di ni drang ba'i don gyi mdo sde thams cad la ro gcig pa dang/ nyan thos kyi theg pa dang/ rang sangs rgyas kyi theg pa dang/ theg pa chen po las bstsal ba thams cad la bsgrib par mi 'gyur ba lags so/ /

【I2 如來讚嘆】

དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བྱང་ཆུབ་སེམས་དཔའ་དོན་དམ་ཡང་དག་འཕགས་ལ་ལེགས་སོ་ཞེས་བྱ་བ་བྱིན་ཏེ། དོན་དམ་ཡང་དག་འཕགས་ལེགས་སོ་ལེགས་སོ། །དོན་དམ་ཡང་དག་འཕགས་ཁྱོད་ཀྱིས་དེ་བཞིན་གཤེགས་པའི་དགོངས་ཏེ་བཤད་པ་ཤེས་ཏེ། དོན་དེ་ལ་འདི་ལྟ་སྟེ་བཅའ་སྒ་དང༌། རི་མོ་བྲི་བའི་གཞི་དང༌། མར་གྱིས་གདབ་པ་དང༌། ནམ་མཁའི་དཔེ་ལེགས་པར་བྱས་པ་དེ་ནི། དོན་དམ་ཡང་དག་འཕགས་དེ་དེ་བཞིན་ཏེ། གཞན་དུ་མ་ཡིན་གྱི་དེ་ནི་དེ་བཞིན་དུ་ཟུང་ཤིག །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་དོན་དམ་ཡང་དག་འཕགས་ཀྱིས་འདི་སྐད་ཅེས་གསོལ་ཏོ། །

de skad ces gsol pa dang/ bcom ldan 'das kyis byang chub sems dpa' don dam yang dag 'phags la legs so zhes bya ba byin te/ don dam yang dag 'phags legs so legs so/ /don dam yang dag 'phags khyod kyis de bzhin gshegs pa'i dgongs te bshad pa shes te/ don de la 'di lta ste bca' sga dang/ ri mo bri ba'i gzhi dang/ mar gyis gdab pa dang/ nam mkha'i dpe legs par byas pa de ni/ don dam yang dag 'phags de de bzhin te/ gzhan du ma yin gyi de ni de bzhin du zung shig /de nas bcom ldan 'das la byang chub sems dpa' don dam yang dag 'phags kyis 'di skad ces gsol to/ /

【H3 辨教優劣持經功德】【I1 定三時教體優劣】

བཅོམ་ལྡན་འདས་ཀྱིས་དང་པོར་ཡུལ་ཝཱ་རཱ་ཎ་སཱི་དྲང་སྲོང་སྨྲ་བ་རི་དྭགས་ཀྱི་ནགས་སུ་ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་རྣམས་ལ། འཕགས་པའི་བདེན་པ་བཞི་རྣམ་པར་བསྟན་པས་ཆོས་ཀྱི་འཁོར་ལོ་ངོ་མཚར་རྨད་དུ་བྱུང་བ༑ སྔོན་ལྷར་གྱུར་པའམ། མིར་གྱུར་པ་སུས་ཀྱང་ཆོས་དང་མཐུན་པར་འཇིག་རྟེན་དུ་མ་བསྐོར་བ་ཅིག་རབ་ཏུ་བསྐོར་ཏེ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བ་དེ་ཡང་བླ་ན་མཆིས་པ། སྐབས་མཆིས་པ། དྲང་བའི་དོན་རྩོད་པའི་གཞིའི་གནས་སུ་གྱུར་པ་ལགས་ལ། བཅོམ་ལྡན་འདས་ཀྱིས་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་ལས་བརྩམས་ཏེ། སྐྱེ་བ་མ་མཆིས་པ་དང༌། འགག་པ་མ་མཆིས་པ་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ལས་བརྩམས་ནས། ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ། སྟོང་པ་ཉིད་སྨོས་པའི་རྣམ་པས་ཆེས་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གཉིས་པ་བསྐོར་ཏེ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བ་དེ་ཡང་བླ་ན་མཆིས་པ། སྐབས་མཆིས་པ། དྲང་བའི་དོན་རྩོད་པའི་གཞིའི་གནས་སུ་གྱུར་པ་ལགས་ཀྱི། བཅོམ་ལྡན་འདས་ཀྱིས་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་ལས་བརྩམས་ཏེ། སྐྱེ་བ་མ་མཆིས་པ་ཉིད་དང༌། འགག་པ་མ་མཆིས་པ་ཉིད་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ལས་བརྩམས་ནས། ཐེག་པ་ཐམས་ཅད་ལ་ཡང་དག་པར་ཞུགས་པ་རྣམས་ལ། ལེགས་པར་རྣམ་པར་ཕྱེ་བ་དང་ལྡན་པ་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གསུམ་པ་བསྐོར་ཏེ། བཅོམ་ལྡན་འདས་ཀྱིས་ཆོས་ཀྱི་འཁོར་ལ་བསྐོར་བ་འདི་ནི་བླ་ན་མ་མཆིས་པ། སྐབས་མ་མཆིས་པ། ངེས་པའི་དོན་ལགས་ཏེ། རྩོད་པའི་གཞིའི་གནས་སུ་གྱུར་པ་མ་ལགས་སོ། །བཅོམ་ལྡན་འདས་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་ལས་བརྩམས། །རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ཀྱི་བར་ལས་བརྩམས་ནས། །

bcom ldan 'das kyis dang por yul wA rA Na sI drang srong smra ba ri dwags kyi nags su nyan thos kyi theg pa la yang dag par zhugs pa rnams la/ 'phags pa'i bden pa bzhi rnam par bstan pas chos kyi 'khor lo ngo mtshar rmad du byung ba| sngon lhar gyur pa'am/ mir gyur pa sus kyang chos dang mthun par 'jig rten du ma bskor ba cig rab tu bskor te/ bcom ldan 'das kyis chos kyi 'khor lo bskor ba de yang bla na mchis pa/ skabs mchis pa/ drang ba'i don rtsod pa'i gzhi'i gnas su gyur pa lags la/ bcom ldan 'das kyis chos rnams kyi ngo bo nyid ma mchis pa nyid las brtsams te/ skye ba ma mchis pa dang/ 'gag pa ma mchis pa dang/ gzod ma nas zhi ba dang/ rang bzhin gyis yongs su mya ngan las 'das pa nyid las brtsams nas/ theg pa chen po la yang dag par zhugs pa rnams la/ stong pa nyid smos pa'i rnam pas ches ngo mtshar rmad du byung ba'i chos kyi 'khor lo gnyis pa bskor te/ bcom ldan 'das kyis chos kyi 'khor lo bskor ba de yang bla na mchis pa/ skabs mchis pa/ drang ba'i don rtsod pa'i gzhi'i gnas su gyur pa lags kyi/ bcom ldan 'das kyis chos rnams kyi ngo bo nyid ma mchis pa nyid las brtsams te/ skye ba ma mchis pa nyid dang/ 'gag pa ma mchis pa nyid dang/ gzod ma nas zhi ba dang/ rang bzhin gyis yongs su mya ngan las 'das pa nyid las brtsams nas/ theg pa thams cad la yang dag par zhugs pa rnams la/ legs par rnam par phye ba dang ldan pa ngo mtshar rmad du byung ba'i chos kyi 'khor lo gsum pa bskor te/ bcom ldan 'das kyis chos kyi 'khor la bskor ba 'di ni bla na ma mchis pa/ skabs ma mchis pa/ nges pa'i don lags te/ rtsod pa'i gzhi'i gnas su gyur pa ma lags so/ /bcom ldan 'das chos rnams kyi ngo bo nyid ma mchis pa nyid las brtsams/ /rang bzhin gyis yongs su mya ngan las 'das pa nyid kyi bar las brtsams nas/ /

【I2 明持經福利】

བཅོམ་ལྡན་འདས་ཀྱིས་ངེས་པའི་དོན་བསྟན་པ་འདི་རིགས་ཀྱི་བུའམ། །རིགས་ཀྱི་བུ་མོ་གང་གིས་ཐོས་ནས་མོས་པར་བགྱིད་པ་དང༌། ཡི་གེར་འདྲིར་སྩོལ་བ་དང༌། ཡི་གེར་བྲིས་ནས་ཀྱང་འཆང་བ་དང༌། ཀློག་པ་དང༌། མཆོད་པ་དང༌། ཡང་དག་པར་འགེད་པ་དང༌། ལུང་ནོད་པ་དང༌། ཁ་ཏོན་བགྱིད་པ་དང༌། སེམས་པ་དང༌། སྒོམ་པའི་རྣམ་པས་སྦྱོར་བར་བགྱིད་པ་དེ་བསོད་ནམས་ཇི་ཙམ་ཞིག་བསྐྱེད་པར་འགྱུར་ལགས། །དེ་སྐད་ཅེས་གསོལ་པ་དང༌། བཅོམ་ལྡན་འདས་ཀྱིས་བྱང་ཆུབ་སེམས་དཔའ་དོན་དམ་ཡང་དག་འཕགས་ལ་འདི་སྐད་ཅེས་བཀའ་སྩལ་ཏོ། །དོན་དམ་ཡང་དག་འཕགས་རིགས་ཀྱི་བུའམ། །རིགས་ཀྱི་བུ་མོ་དེ་ནི་བསོད་ནམས་དཔག་ཏུ་མེད། གྲངས་མེད་པ་བསྐྱེད་དེ། དེའི་བདེ་བྱ་བར་སླ་བ་མ་ཡིན་མོད་ཀྱི། །འོན་ཀྱང་མདོར་བསྡུས་ཏེ་ཁྱོད་ལ་བཤད་པར་བྱའོ། །དོན་དམ་ཡང་དག་འཕགས་འདི་ལྟ་སྟེ་དཔེར་ན། སེན་མོའི་རྩེ་མོ་ལ་གནས་པའི་སའི་རྡུལ་གང་དག་ཡིན་པ་དེ་དག་ནི་ས་ལ་གནས་པའི་སའི་རྡུལ་རྣམས་དང་བསྒྲུན་ན། བརྒྱའི་ཆར་ཡང་ཉེ་བར་མི་འགྲོ་བ་ནས། །སྟོང་གི་ཆ་དང༌། འབུམ་གྱི་ཆ་དང༌། གྲངས་དང༌། ཆ་དང༌། བགྲང་བ་དང༌། དཔེ་དང༌། རྒྱུར་ཡང་ཉེ་བར་མི་འགྲོའོ། །བ་ལང་གི་རྗེས་ཀྱི་ཆུ་ནི་རྒྱ་མཚོ་ཆེན་པོ་བཞིའི་ཆུ་དང་བསྒྲུན་ན། བརྒྱའི་ཆར་ཡང་ཉེ་བར་མི་འགྲོ་བ་ནས། རྒྱུའི་བར་དུ་ཡང་ཉེ་བར་མི་འགྲོའོ། །དེ་བཞིན་དུ་དོན་དམ་ཡང་དག་འཕགས་ངས་དྲང་བའི་དོན་གྱི་མདོ་སྡེ་ལ་མོས་པ་ནས། །བསྒོམ་པའི་རྣམ་པས་སྦྱོར་བར་བྱེད་པའི་བར་གྱི་བསོད་ནམས་གང་བཤད་པ་དེ་ནི། ངེས་པའི་དོན་བསྟན་པ་ལ་མོས་པ་ལས་ཡང་དག་པར་གྲུབ་པ་ནས། བསྒོམ་པའི་རྣམ་པས་སྦྱོར་བ་ལས་ཡང་དག་པར་གྲུབ་པའི་བར་གྱི་བསོད་ནམས་འདི་དང་བསྒྲུན་ན། བརྒྱའི་ཆར་ཡང་ཉེ་བར་མི་འགྲོ་བ་ནས༑ རྒྱུའི་བར་དུ་ཡང་ཉེ་བར་མི་འགྲོའོ། །

bcom ldan 'das kyis nges pa'i don bstan pa 'di rigs kyi bu'am/ /rigs kyi bu mo gang gis thos nas mos par bgyid pa dang/ yi ger 'drir stsol ba dang/ yi ger bris nas kyang 'chang ba dang/ klog pa dang/ mchod pa dang/ yang dag par 'ged pa dang/ lung nod pa dang/ kha ton bgyid pa dang/ sems pa dang/ sgom pa'i rnam pas sbyor bar bgyid pa de bsod nams ji tsam zhig bskyed par 'gyur lags/ /de skad ces gsol pa dang/ bcom ldan 'das kyis byang chub sems dpa' don dam yang dag 'phags la 'di skad ces bka' stsal to/ /don dam yang dag 'phags rigs kyi bu'am/ /rigs kyi bu mo de ni bsod nams dpag tu med/ grangs med pa bskyed de/ de'i bde bya bar sla ba ma yin mod kyi/ /'on kyang mdor bsdus te khyod la bshad par bya'o/ /don dam yang dag 'phags 'di lta ste dper na/ sen mo'i rtse mo la gnas pa'i sa'i rdul gang dag yin pa de dag ni sa la gnas pa'i sa'i rdul rnams dang bsgrun na/ brgya'i char yang nye bar mi 'gro ba nas/ /stong gi cha dang/ 'bum gyi cha dang/ grangs dang/ cha dang/ bgrang ba dang/ dpe dang/ rgyur yang nye bar mi 'gro'o/ /ba lang gi rjes kyi chu ni rgya mtsho chen po bzhi'i chu dang bsgrun na/ brgya'i char yang nye bar mi 'gro ba nas/ rgyu'i bar du yang nye bar mi 'gro'o/ /de bzhin du don dam yang dag 'phags ngas drang ba'i don gyi mdo sde la mos pa nas/ /bsgom pa'i rnam pas sbyor bar byed pa'i bar gyi bsod nams gang bshad pa de ni/ nges pa'i don bstan pa la mos pa las yang dag par grub pa nas/ bsgom pa'i rnam pas sbyor ba las yang dag par grub pa'i bar gyi bsod nams 'di dang bsgrun na/ brgya'i char yang nye bar mi 'gro ba nas| rgyu'i bar du yang nye bar mi 'gro'o/ /

【H4 請立經名時眾得益】【I1 請立名】

དེ་སྐད་ཅེས་བཀའ་སྩལ་པ་དང༌། བཅོམ་ལྡན་འདས་ལ་བྱང་ཆུབ་སེམས་དཔའ་དོན་དམ་ཡང་དག་འཕགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དགོངས་པ་ངེས་པར་འགྲེལ་པའི་ཆོས་ཀྱི་རྣམ་གྲངས་འདིར་བསྟན་པ་འདིའི་མིང་ཅི་ལགས། །འདི་ཇི་ལྟར་གཟུང་བར་བགྱི། །

de skad ces bka' stsal pa dang/ bcom ldan 'das la byang chub sems dpa' don dam yang dag 'phags kyis 'di skad ces gsol to/ /bcom ldan 'das kyis dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ /'di ji ltar gzung bar bgyi/ /

【I2 辨時益】

བཅོམ་ལྡན་འདས་ཀྱིས་བཀའ་སྩལ་པ། །དོན་དམ་ཡང་དག་འཕགས་འདི་ནི་དོན་དམ་པ་ངེས་པའི་དོན་བསྟན་པ་ཡིན་ཏེ། འདི་ནི་དོན་དམ་པ་ངེས་པའི་དོན་བསྟན་པ་ཞེས་བྱ་བར་ཟུང་ཤིག །དོན་དམ་པ་ངེས་པའི་དོན་བསྟན་པ་འདི་བཤད་པ་ན། སྲོག་ཆགས་དྲུག་འབུམ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །ཉན་ཐོས་སུམ་འབུམ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །ཉན་ཐོས་འབུམ་ལྔ་ཁྲི་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །བྱང་ཆུབ་སེམས་དཔའ་བདུན་ཁྲི་ལྔ་སྟོང་གིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ་ཞེས་གསུངས་སོ།། །།

bcom ldan 'das kyis bka' stsal pa/ /don dam yang dag 'phags 'di ni don dam pa nges pa'i don bstan pa yin te/ 'di ni don dam pa nges pa'i don bstan pa zhes bya bar zung shig /don dam pa nges pa'i don bstan pa 'di bshad pa na/ srog chags drug 'bum ni bla na med pa yang dag par rdzogs pa'i byang chub tu sems skyes so/ /nyan thos sum 'bum ni chos rnams la chos kyi mig rdul med cing dri ma dang bral ba rnam par dag go/ /nyan thos 'bum lnga khri ni len pa med par zag pa rnams las sems rnam par grol lo/ /byang chub sems dpa' bdun khri lnga stong gis ni mi skye ba'i chos la bzod pa thob par gyur to zhes gsungs so// //

【G5 慈氏菩薩請問止觀義】【H1 標宗指經】

བམ་པོ་སུམ་ཅུ་དགུ་པ། ཆོས་གདགས་པ་རྣམ་པར་དགོད་པ་ལས་བརྩམས་ནས། རྣལ་འབྱོར་གྱིས་ཡོངས་སུ་བསྡུས་པའི་ཞི་གནས་དང་ལྷག་མཐོང་གི་ལམ་གྱི་རབ་ཏུ་དབྱེ་བ་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་བྱུང་བ་བཞིན་རིག་པར་བྱ་སྟེ།

bam po sum cu dgu pa/ chos gdags pa rnam par dgod pa las brtsams nas/ rnal 'byor gyis yongs su bsdus pa'i zhi gnas dang lhag mthong gi lam gyi rab tu dbye ba ni dgongs pa nges par 'grel pa'i mdo las ji skad byung ba bzhin rig par bya ste/

【H2 正引其文】【I1 問答正辨止觀之義】【J1 長行廣辯】【K1 問答廣辨】【L1 依住門】

བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་ཞུ་བ་ཞུས་པ། བཅོམ་ལྡན་འདས་བྱང་ཆུབ་སེམས་དཔའི་ཅི་ལ་གནས། ཅི་ལ་བརྟེན་ཏེ། ཐེག་པ་ཆེན་པོ་ལ་ཞི་གནས་དང་ལྷག་མཐོང་བསྒོམ་པར་བགྱིད་ལགས༑ བཅོམ་ལྡན་འདས་ཀྱིས་བཀའ་སྩལ་པ། བྱམས་པ་ཆོས་གདགས་པ་རྣམ་པར་གཞག་པ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་མི་གཏོང་བ་ལ་གནས་ཤིང་བརྟེན་ནས་སོ། །

bcom ldan 'das la byang chub sems dpa' byams pas zhu ba zhus pa/ bcom ldan 'das byang chub sems dpa'i ci la gnas/ ci la brten te/ theg pa chen po la zhi gnas dang lhag mthong bsgom par bgyid lags| bcom ldan 'das kyis bka' stsal pa/ byams pa chos gdags pa rnam par gzhag pa dang/ bla na med pa yang dag par rdzogs pa'i byang chub tu smon lam mi gtong ba la gnas shing brten nas so/ /

【L2 所緣門】

བཅོམ་ལྡན་འདས་ཀྱིས་ཞི་གནས་དང༌། ལྷག་མཐོང་གི་དམིགས་པའི་དངོས་པོ་བཞི་པོ་འདི་ལྟ་སྟེ། རྣམ་པར་རྟོག་པ་དང་བཅས་པའི་གཟུགས་བརྙན་དང༌། རྣམ་པར་མི་རྟོག་པའི་གཟུགས་བརྙན་དང༌། དངོས་པོའི་མཐའ་དང༌། དགོངས་པ་ཡོངས་སུ་གྲུབ་པ་ཞེས་གང་དག་བསྟན་པ་དེ་ལ། བཅོམ་ལྡན་འདས་དུ་ཞིག་ཞི་གནས་ཀྱི་དམིགས་པ་ལགས། བཀའ་སྩལ་བ། གཅིག་སྟེ། འདི་ལྟ་སྟེ། རྣམ་པར་མི་རྟོག་པའི་གཟུགས་བརྙན་ནོ། །དུ་ཞིག་ལྷག་མཐོང་གི་དམིགས་པ་ལགས། བཀའ་སྩལ་པ། གཅིག་ཁོ་ན་སྟེ། རྣམ་པར་རྟོག་པ་དང་བཅས་པའི་གཟུགས་བརྙན་ནོ། །དུ་ཞིག་དེ་གཉི་གའི་དམིགས་པ་ལགས། བཀའ་སྩལ་པ། གཉིས་ཏེ། འདི་ལྟ་སྟེ། དངོས་པོའི་མཐའ་དང༌། དགོས་པ་ཡོངས་སུ་གྲུབ་པའོ༑ །

bcom ldan 'das kyis zhi gnas dang/ lhag mthong gi dmigs pa'i dngos po bzhi po 'di lta ste/ rnam par rtog pa dang bcas pa'i gzugs brnyan dang/ rnam par mi rtog pa'i gzugs brnyan dang/ dngos po'i mtha' dang/ dgongs pa yongs su grub pa zhes gang dag bstan pa de la/ bcom ldan 'das du zhig zhi gnas kyi dmigs pa lags/ bka' stsal ba/ gcig ste/ 'di lta ste/ rnam par mi rtog pa'i gzugs brnyan no/ /du zhig lhag mthong gi dmigs pa lags/ bka' stsal pa/ gcig kho na ste/ rnam par rtog pa dang bcas pa'i gzugs brnyan no/ /du zhig de gnyi ga'i dmigs pa lags/ bka' stsal pa/ gnyis te/ 'di lta ste/ dngos po'i mtha' dang/ dgos pa yongs su grub pa'o| /

【L3 求善止觀門】

བཅོམ་ལྡན་འདས་བྱང་ཆུབ་སེམས་དཔའ་ཞི་གནས་དང་ལྷག་མཐོང་གི་དམིགས་པའི་དངོས་པོ་བཞི་པོ་དེ་དག་ལ་བརྟེན་ཅིང་གནས་ནས། ཇི་ལྟར་ཞི་གནས་ཡོངས་སུ་ཚོལ་བར་བགྱི་བ་དང༌། ལྷག་མཐོང་ལ་མཁས་པ་ལགས། བཀའ་སྩལ་པ། བྱམས་པ་ངས་ཆོས་གདགས་པ་རྣམ་པར་གཞག་པ་འདི་ལྟ་སྟེ། མདོའི་སྡེ་དང༌། དབྱངས་ཀྱིས་བསྙད་པའི་སྡེ་དང༌། ལུང་དུ་བསྟན་པའི་སྡེ་དང༌། ཚིགས་སུ་བཅད་པའི་སྡེ་དང༌། ཆེད་དུ་བརྗོད་པའི་སྡེ་དང་། གླིང་གཞིའི་སྡེ་དང༌། རྟོགས་པ་བརྗོད་པའི་སྡེ་དང༌། དེ་ལྟ་བུ་བྱུང་བའི་སྡེ་དང༌། སྐྱེས་པ་རབས་ཀྱི་སྡེ་དང༌། ཤིན་ཏུ་རྒྱས་པའི་སྡེ་དང༌། རྨད་དུ་བྱུང་བའི་ཆོས་ཀྱི་སྡེ་དང༌། གཏན་ལ་ཕབ་པར་བསྟན་པའི་སྡེ་གང་དག་བྱང་ཆུབ་སེམས་དཔའ་རྣམས་ལ་བཤད་པ་དེ་དག་བྱང་ཆུབ་སེམས་དཔས་ལེགས་པར་ཐོས། །ལེགས་པར་བཟུང༌། །ཁ་ཏོན་བྱང་བར་བྱས། །ཡིད་ཀྱིས་ལེགས་པར་བརྟགས། །མཐོང་བས་ཤིན་ཏུ་རྟོགས་པར་བྱས་ནས་དེ་གཅིག་པུ་དབེན་པར་འདུག་སྟེ་ནང་དུ་ཡང་དག་བཞག་ནས། ཇི་ལྟར་ལེགས་པར་བསམས་པའི་ཆོས་དེ་དག་ཉིད་ཡིད་ལ་བྱེད་ཅིང༌། སེམས་གང་གིས་ཡིད་ལ་བྱེད་པའི་སེམས་དེ་ནང་དུ་རྒྱུན་ཆགས་སུ་ཡིད་ལ་བྱེད་པས་ཡིད་ལ་བྱེད་དོ། །དེ་ལྟར་ཞུགས་ཤིང་དེ་ལ་ལན་མང་དུ་གནས་པ་དེ་ལ་ལུས་ཤིན་ཏུ་སྦྱངས་པ་དང༌། སེམས་ཤིན་ཏུ་སྦྱངས་པ་འབྱུང་བ་གང་ཡིན་པ་དེ་ནི་ཞི་གནས་ཞེས་བྱ་སྟེ། དེ་ལྟར་ན་བྱང་ཆུབ་སེམས་དཔའ་ཞི་གནས་ཡོངས་སུ་ཚོལ་བར་བྱེད་པ་ཡིན་ནོ། །དེ་ལ་ལུས་ཤིན་ཏུ་སྦྱངས་པ་དང༌། སེམས་ཅན་ཤིན་ཏུ་སྦྱངས་པ་དེ་ཐོབ་ནས། །དེ་ཉིད་ལ་གནས་ཏེ་བསམས་པའི་རྣམ་པ་སྤངས་ནས། །ཇི་ལྟར་བསམས་པའི་ཆོས་དེ་དག་ཉིད་ནང་དུ་ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་དུ་སོ་སོར་རྟོག་པར་བྱེད། །མོས་པར་བྱེད་དོ། །དེ་ལྟར་ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་དེ་དག་ལ་ཤེས་བྱའི་དོན་དེ་རྣམ་པར་འབྱེད་པ་དང༌། རབ་ཏུ་རྣམ་པར་འབྱེད་པ་དང༌། ཡོངས་སུ་རྟོག་པ་དང༌། ཡོངས་སུ་དཔྱོད་པ་དང༌། བཟོད་པ་དང༌། འདོད་པ་དང་། བྱེ་བྲག་འབྱེད་པ་དང༌། ལྟ་བ་དང༌། རྟོག་པ་གང་ཡིན་པ་དེ་ནི་ལྷག་མཐོང་ཞེས་བྱ་སྟེ། དེ་ལྟར་ན་བྱང་ཆུབ་སེམས་དཔའ་ལྷག་མཐོང་ལ་མཁས་པ་ཡིན་ནོ། །

bcom ldan 'das byang chub sems dpa' zhi gnas dang lhag mthong gi dmigs pa'i dngos po bzhi po de dag la brten cing gnas nas/ ji ltar zhi gnas yongs su tshol bar bgyi ba dang/ lhag mthong la mkhas pa lags/ bka' stsal pa/ byams pa ngas chos gdags pa rnam par gzhag pa 'di lta ste/ mdo'i sde dang/ dbyangs kyis bsnyad pa'i sde dang/ lung du bstan pa'i sde dang/ tshigs su bcad pa'i sde dang/ ched du brjod pa'i sde dang / gling gzhi'i sde dang/ rtogs pa brjod pa'i sde dang/ de lta bu byung ba'i sde dang/ skyes pa rabs kyi sde dang/ shin tu rgyas pa'i sde dang/ rmad du byung ba'i chos kyi sde dang/ gtan la phab par bstan pa'i sde gang dag byang chub sems dpa' rnams la bshad pa de dag byang chub sems dpas legs par thos/ /legs par bzung/ /kha ton byang bar byas/ /yid kyis legs par brtags/ /mthong bas shin tu rtogs par byas nas de gcig pu dben par 'dug ste nang du yang dag bzhag nas/ ji ltar legs par bsams pa'i chos de dag nyid yid la byed cing/ sems gang gis yid la byed pa'i sems de nang du rgyun chags su yid la byed pas yid la byed do/ /de ltar zhugs shing de la lan mang du gnas pa de la lus shin tu sbyangs pa dang/ sems shin tu sbyangs pa 'byung ba gang yin pa de ni zhi gnas zhes bya ste/ de ltar na byang chub sems dpa' zhi gnas yongs su tshol bar byed pa yin no/ /de la lus shin tu sbyangs pa dang/ sems can shin tu sbyangs pa de thob nas/ /de nyid la gnas te bsams pa'i rnam pa spangs nas/ /ji ltar bsams pa'i chos de dag nyid nang du ting nge 'dzin gyi spyod yul gzugs brnyan du so sor rtog par byed/ /mos par byed do/ /de ltar ting nge 'dzin gyi spyod yul gzugs brnyan de dag la shes bya'i don de rnam par 'byed pa dang/ rab tu rnam par 'byed pa dang/ yongs su rtog pa dang/ yongs su dpyod pa dang/ bzod pa dang/ 'dod pa dang / bye brag 'byed pa dang/ lta ba dang/ rtog pa gang yin pa de ni lhag mthong zhes bya ste/ de ltar na byang chub sems dpa' lhag mthong la mkhas pa yin no/ /

【L4 止觀方便門】【M1 問答辨求止方便】

བཅོམ་ལྡན་འདས་བྱང་ཆུབ་སེམས་དཔའ་དེ་ཇི་སྲིད་དུ་སེམས་ལ་དམིགས་པའི་སེམས་ནང་དུ་ཡིད་ལ་བགྱིད་པ་ན། ཇི་སྲིད་དུ་ལུས་ཤིན་ཏུ་སྦྱངས་པ་དང༌། སེམས་ཤིན་ཏུ་སྦྱངས་པ་མ་ཐོབ་པ་དེའི་བར་དུ། ཡིད་ལ་བགྱིད་པ་དེ་ལ་ཅི་ཞེས་བགྱི༑ བྱམས་པ་ཞི་གནས་ནི་མ་ཡིན་ཏེ། ཞི་གནས་ཀྱི་རྗེས་སུ་མཐུན་པའི་མོས་པ་དང་མཚུངས་པར་ལྡན་པ་ཡིན་པར་བརྗོད་པར་བྱའོ། །

bcom ldan 'das byang chub sems dpa' de ji srid du sems la dmigs pa'i sems nang du yid la bgyid pa na/ ji srid du lus shin tu sbyangs pa dang/ sems shin tu sbyangs pa ma thob pa de'i bar du/ yid la bgyid pa de la ci zhes bgyi| byams pa zhi gnas ni ma yin te/ zhi gnas kyi rjes su mthun pa'i mos pa dang mtshungs par ldan pa yin par brjod par bya'o/ /

【M2 問答辨求觀方便】

བཅོམ་ལྡན་འདས་བྱང་ཆུབ་སེམས་དཔའ་དེ་ཇི་སྲིད་དུ། ལུས་ཤིན་ཏུ་སྦྱངས་པ་དང༌། སེམས་ཤིན་ཏུ་སྦྱངས་པ་ཐོབ་ཀྱི་བར་དུ། ཇི་ལྟར་ལེགས་པར་བསམས་པའི་ཆོས་དེ་དག་ནང་དུ། ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་ནང་དུ་ཡིད་ལ་བྱེད་པའི་ཡིད་ལ་བགྱིད་པ་དེ་ལ་ཅི་ཞིག་བགྱི། བྱམས་པ་ལྷག་མཐོང་ནི་མ་ཡིན་ཏེ། ལྷག་མཐོང་དང་རྗེས་སུ་མཐུན་པའི་མོས་པ་དང་མཚུངས་པར་ལྡན་པ་ཡིན་པར་བརྗོད་པར་བྱའོ། །

bcom ldan 'das byang chub sems dpa' de ji srid du/ lus shin tu sbyangs pa dang/ sems shin tu sbyangs pa thob kyi bar du/ ji ltar legs par bsams pa'i chos de dag nang du/ ting nge 'dzin gyi spyod yul gzugs brnyan nang du yid la byed pa'i yid la bgyid pa de la ci zhig bgyi/ byams pa lhag mthong ni ma yin te/ lhag mthong dang rjes su mthun pa'i mos pa dang mtshungs par ldan pa yin par brjod par bya'o/ /

【L5 一異門】【M1 明止觀一異】

བཅོམ་ལྡན་འདས་ཞི་གནས་ཀྱི་ལམ་དང༌། ལྷག་མཐོང་གི་ལམ་ཐ་དད་ཅེས་བགྱིའམ། ཐ་དད་པ་མ་ལགས་ཞེས་བགྱི། བཀའ་སྩལ་པ། བྱམས་པ་ཐ་དད་པ་ཡང་མ་ཡིན། །ཐ་དད་པ་མ་ཡིན་པ་ཡང་མ་ཡིན་ཞེས་བྱའོ། །ཅིའི་ཕྱིར་ཐ་དད་པ་མ་ཡིན་ཞེ་ན། ལྷག་མཐོང་གི་དམིགས་པའི་སེམས་ལ་དམིགས་པའི་ཕྱིར་རོ། །ཅིའི་ཕྱིར་ཐ་དད་པ་མ་ཡིན་པ་ཡང་མ་ཡིན་ཞེ་ན། རྣམ་པར་རྟོག་པ་དང་བཅས་པའི་གཟུགས་བརྙན་ལ་རྟོག་པའི་ཕྱིར་རོ། །

bcom ldan 'das zhi gnas kyi lam dang/ lhag mthong gi lam tha dad ces bgyi'am/ tha dad pa ma lags zhes bgyi/ bka' stsal pa/ byams pa tha dad pa yang ma yin/ /tha dad pa ma yin pa yang ma yin zhes bya'o/ /ci'i phyir tha dad pa ma yin zhe na/ lhag mthong gi dmigs pa'i sems la dmigs pa'i phyir ro/ /ci'i phyir tha dad pa ma yin pa yang ma yin zhe na/ rnam par rtog pa dang bcas pa'i gzugs brnyan la rtog pa'i phyir ro/ /

【M2 明見相一異】

བཅོམ་ལྡན་འདས་རྣམ་པར་ལྟ་བར་བགྱིད་པའི་ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་གང་ལགས་པ་དེ་ཅི་ལགས། །དེ་སེམས་དེ་དང་ཐ་དད་པ་ཞེས་བགྱིའམ། ཐ་དད་པ་མ་ལགས་ཞེས་བགྱི། བྱམས་པ་ཐ་དད་པ་མ་ཡིན་ཞེས་བྱའོ། །ཅིའི་ཕྱིར་ཐ་དད་པ་མ་ཡིན་ཞེ་ན། གཟུགས་བརྙན་དེ་རྣམ་པར་རིག་པ་ཙམ་དུ་ཟད་པའི་ཕྱིར་ཏེ། བྱམས་པ་རྣམ་པར་ཤེས་པ་ནི་དམིགས་པ་རྣམ་པར་རིག་པ་ཙམ་གྱིས་རབ་ཏུ་ཕྱེ་བ་ཡིན་ནོ་ཞེས་ངས་བཤད་དོ། །བཅོམ་ལྡན་འདས་ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་ཏེ། གལ་ཏེ་སེམས་དེ་ལས་ཐ་དད་པ་མ་ལགས་ན། སེམས་དེ་ཉིད་ཀྱིས་སེམས་དེ་ཉིད་ལ་ཇི་ལྟར་རྟོག་པར་བགྱིད་ལགས། བཀའ་སྩལ་པ། བྱམས་པ་དེ་ལ་གང་ཡང་ཆོས་གང་ལ་ཡང་རྟོག་པར་མི་བྱེད་མོད་ཀྱི། །འོན་ཀྱང་དེ་ལྟར་སྐྱེས་པའི་སེམས་གང་ཡིན་པ་དང་ལྟར་སྣང་ངོ༌། །བྱམས་པ་འདི་ལྟ་སྟེ་དཔེར་ན་གཟུགས་ལ་བརྟེན་ནས་མེ་ལོང་གི་དཀྱིལ་འཁོར་ཤིན་ཏུ་ཡོངས་སུ་དག་པ་ལ་གཟུགས་ཉིད་མཐོང་ཡང༌། །གཟུགས་བརྙན་མཐོང་ངོ་སྙམ་དུ་སེམས་ཏེ་དེ་ལ། གཟུགས་དེ་ལ་གཟུགས་བརྙན་སྣང་བ་དེ་དོན་ཐ་དད་པར་སྣང་ངོ༌། །དེ་བཞིན་དུ་དེ་ལྟར་སྐྱེས་པའི་སེམས་དེ་དང༌། ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་ཞེས་བྱ་བ་གང་ཡིན་པ་དེའང་དེ་ལས་དོན་གཞན་ཡིན་པ་ལྟ་བུར་སྣང་ངོ༌། །བཅོམ་ལྡན་འདས་སེམས་ཅན་རྣམས་ཀྱི་གཟུགས་ལ་སོགས་པར་སྣང་བའི་སེམས་ཀྱི། །གཟུགས་བརྙན་རང་བཞིན་དུ་གནས་པ་གང་ལགས་པ་དེ་ཡང༌། སེམས་དེ་དང་ཐ་དད་པ་མ་ལགས་པ་ཞེས་བགྱིའམ༑ བཀའ་སྩལ་པ། བྱམས་པ་ཐ་དད་པ་མ་ཡིན་པ་ཞེས་བྱ་སྟེ། བྱིས་པ་ཕྱིན་ཅི་ལོག་གི་བློ་ཅན་རྣམས་ལ་ནི། གཟུགས་བརྙན་དེ་དག་ལ་རྣམ་པར་རིག་པ་ཙམ་དེ་ཉིད་ཡང་དག་པ་ཇི་ལྟ་བ་བཞིན་མི་ཤེས་པས་ཕྱིན་ཅི་ལོག་ཏུ་སེམས་སོ༑ །

bcom ldan 'das rnam par lta bar bgyid pa'i ting nge 'dzin gyi spyod yul gzugs brnyan gang lags pa de ci lags/ /de sems de dang tha dad pa zhes bgyi'am/ tha dad pa ma lags zhes bgyi/ byams pa tha dad pa ma yin zhes bya'o/ /ci'i phyir tha dad pa ma yin zhe na/ gzugs brnyan de rnam par rig pa tsam du zad pa'i phyir te/ byams pa rnam par shes pa ni dmigs pa rnam par rig pa tsam gyis rab tu phye ba yin no zhes ngas bshad do/ /bcom ldan 'das ting nge 'dzin gyi spyod yul gzugs brnyan te/ gal te sems de las tha dad pa ma lags na/ sems de nyid kyis sems de nyid la ji ltar rtog par bgyid lags/ bka' stsal pa/ byams pa de la gang yang chos gang la yang rtog par mi byed mod kyi/ /'on kyang de ltar skyes pa'i sems gang yin pa dang ltar snang ngo/ /byams pa 'di lta ste dper na gzugs la brten nas me long gi dkyil 'khor shin tu yongs su dag pa la gzugs nyid mthong yang/ /gzugs brnyan mthong ngo snyam du sems te de la/ gzugs de la gzugs brnyan snang ba de don tha dad par snang ngo/ /de bzhin du de ltar skyes pa'i sems de dang/ ting nge 'dzin gyi spyod yul gzugs brnyan zhes bya ba gang yin pa de'ang de las don gzhan yin pa lta bur snang ngo/ /bcom ldan 'das sems can rnams kyi gzugs la sogs par snang ba'i sems kyi/ /gzugs brnyan rang bzhin du gnas pa gang lags pa de yang/ sems de dang tha dad pa ma lags pa zhes bgyi'am| bka' stsal pa/ byams pa tha dad pa ma yin pa zhes bya ste/ byis pa phyin ci log gi blo can rnams la ni/ gzugs brnyan de dag la rnam par rig pa tsam de nyid yang dag pa ji lta ba bzhin mi shes pas phyin ci log tu sems so| /

【L6 單雙門】

བཅོམ་ལྡན་འདས་བྱང་ཆུབ་སེམས་དཔའ་ཇི་ཙམ་གྱིས་ན་གཅིག་ཏུ་ལྷག་མཐོང་སྒོམ་པ་ལགས། བཀའ་སྩལ་པ། གང་གི་ཚེ་རྒྱུན་ཆགས་སུ་ཡིད་ལ་བྱེད་པས༑ སེམས་ཀྱི་མཚན་མ་ཉིད་ཡིད་ལ་བྱེད་པའོ། །ཅི་ཙམ་གྱིས་ན་གཅིག་ཏུ་ཞི་གནས་སྒོམ་པ་ལགས། །བཀའ་སྩལ་པ། །གང་གི་ཚེ་རྒྱུན་ཆགས་སུ་ཡིད་ལ་བྱེད་པས་བར་ཆད་མེད་པའི་སེམས་ཉིད་ཡིད་ལ་བྱེད་པའོ། །ཇི་ཙམ་གྱིས་ན་ཞི་གནས་དང་ལྷག་མཐོང་གཉིས་འདྲེས་པར་གྱུར་ཏེ། མཉམ་པར་ཟུང་དུ་འཇུག་པ་ལགས༑ བཀའ་སྩལ་པ། གང་གི་ཚེ་སེམས་རྩེ་གཅིག་པ་ཉིད་ཡིད་ལ་བྱེད་པའོ༑ །བཅོམ་ལྡན་འདས་སེམས་ཀྱི་མཚན་མ་གང་ལགས། བྱམས་པ་ལྷག་མཐོང་གི་དམིགས་པ་ཏིང་ངེ་འཛིན་གྱི་སྤྱོད་ཡུལ་རྣམ་པར་རྟོག་པ་དང་བཅས་པའི་གཟུགས་བརྙན་གང་ཡིན་པའོ། །བར་ཆད་མ་མཆིས་པའི་སེམས་གང་ལགས། བྱམས་པ་ཞི་གནས་ཀྱི་དམིགས་པ་གཟུགས་བརྙན་ལ་དམིགས་པའི་སེམས་གང་ཡིན་པའོ༑ །སེམས་རྩེ་གཅིག་པ་ཉིད་གང་ལགས། ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་དེ་ལ་འདི་ནི་རྣམ་པར་རིག་པ་ཙམ་ཡིན་ནོ་ཞེས་བྱ་བར་རྟོགས་ཏེ། དེ་རྟོགས་ནས་ཀྱང་དེ་བཞིན་ཉིད་དུ་ཡིད་ལ་བྱེད་པ་གང་ཡིན་པའོ། །

bcom ldan 'das byang chub sems dpa' ji tsam gyis na gcig tu lhag mthong sgom pa lags/ bka' stsal pa/ gang gi tshe rgyun chags su yid la byed pas| sems kyi mtshan ma nyid yid la byed pa'o/ /ci tsam gyis na gcig tu zhi gnas sgom pa lags/ /bka' stsal pa/ /gang gi tshe rgyun chags su yid la byed pas bar chad med pa'i sems nyid yid la byed pa'o/ /ji tsam gyis na zhi gnas dang lhag mthong gnyis 'dres par gyur te/ mnyam par zung du 'jug pa lags| bka' stsal pa/ gang gi tshe sems rtse gcig pa nyid yid la byed pa'o| /bcom ldan 'das sems kyi mtshan ma gang lags/ byams pa lhag mthong gi dmigs pa ting nge 'dzin gyi spyod yul rnam par rtog pa dang bcas pa'i gzugs brnyan gang yin pa'o/ /bar chad ma mchis pa'i sems gang lags/ byams pa zhi gnas kyi dmigs pa gzugs brnyan la dmigs pa'i sems gang yin pa'o| /sems rtse gcig pa nyid gang lags/ ting nge 'dzin gyi spyod yul gzugs brnyan de la 'di ni rnam par rig pa tsam yin no zhes bya bar rtogs te/ de rtogs nas kyang de bzhin nyid du yid la byed pa gang yin pa'o/ /

【L7 幾種門】

བཅོམ་ལྡན་འདས་ལྷག་མཐོང་ལ་རྣམ་པ་དུ་མཆིས། །བྱམས་པ་རྣམ་པ་གསུམ་སྟེ། མཚན་མ་ལས་བྱུང་བ་དང༌། ཡོངས་སུ་ཚོལ་བ་ལས་བྱུང་བ་དང༌། སོ་སོར་རྟོག་པ་ལས་བྱུང་བའོ། །མཚན་མ་ལས་བྱུང་བ་གང་ཞེ་ན། ཏིང་ངེ་འཛིན་གྱི་སྤྱོད་ཡུལ་རྣམ་པར་རྟོག་པ་དང་བཅས་པའི་གཟུགས་བརྙན་འབའ་ཞིག་ཡིད་ལ་བྱེད་པའི་ལྷག་མཐོང་གང་ཡིན་པའོ། །ཡོངས་སུ་ཚོལ་བ་ལས་བྱུང་བ་གང་ཞེ་ན། དེ་དང་དེར་ཤེས་རབ་ཀྱིས་ཤིན་ཏུ་ལེགས་པར་མ་རྟོགས་པའི་ཆོས་དེ་དག་ཉིད་ཤིན་ཏུ་ལེགས་པར་རྟོགས་པར་བྱ་བའི་ཕྱིར། ཡིད་ལ་བྱེད་པའི་ལྷག་མཐོང་གང་ཡིན་པའོ༑ །སོ་སོར་རྟོག་པ་ལས་བྱུང་བ་གང་ཞེ་ན། དེ་དང་དེར་ཤེས་རབ་ཀྱིས་ཤིན་ཏུ་ལེགས་པར་རྟོགས་པའི་ཆོས་རྣམས་ལ་རྣམ་པར་གྲོལ་བས་ཤིན་ཏུ་ལེགས་པར་བདེ་བ་ལ་རེག་པར་བྱ་བའི་ཕྱིར་ཡིད་ལ་བྱེད་པའི་ལྷག་མཐོང་གང་ཡིན་པའོ། །ཞི་གནས་ལ་རྣམ་པ་དུ་མཆིས། །བཀའ་སྩལ་པ། བར་ཆད་མེད་པའི་སེམས་དེའི་རྗེས་སུ་འབྲང་བས་དེ་ཡང་རྣམ་པ་གསུམ་དུ་བརྗོད་པར་བྱའོ། །བྱམས་པ་ཡང་ཞི་གནས་ནི་རྣམ་པ་བརྒྱད་དེ། བསམ་གཏན་དང་པོ་དང༌། གཉིས་པ་དང༌། གསུམ་པ་དང༌། བསམ་གཏན་བཞི་པ་དང༌། ནམ་མཁའ་མཐའ་ཡས་སྐྱེ་མཆེད་དང༌། རྣམ་ཤེས་མཐའ་ཡས་སྐྱེ་མཆེད་དང༌། ཅི་ཡང་མེད་པའི་སྐྱེ་མཆེད་དང༌། འདུ་ཤེས་མེད་འདུ་ཤེས་མེད་མིན་སྐྱེ་མཆེད་པའོ། །ཡང་རྣམ་པ་བཞི་སྟེ། བྱམས་པ་ཚད་མེད་པ་དང༌། སྙིང་རྗེ་དང༌། དགའ་བ་དང༌། བཏང་སྙོམས་ཚད་མེད་པའོ། །

bcom ldan 'das lhag mthong la rnam pa du mchis/ /byams pa rnam pa gsum ste/ mtshan ma las byung ba dang/ yongs su tshol ba las byung ba dang/ so sor rtog pa las byung ba'o/ /mtshan ma las byung ba gang zhe na/ ting nge 'dzin gyi spyod yul rnam par rtog pa dang bcas pa'i gzugs brnyan 'ba' zhig yid la byed pa'i lhag mthong gang yin pa'o/ /yongs su tshol ba las byung ba gang zhe na/ de dang der shes rab kyis shin tu legs par ma rtogs pa'i chos de dag nyid shin tu legs par rtogs par bya ba'i phyir/ yid la byed pa'i lhag mthong gang yin pa'o| /so sor rtog pa las byung ba gang zhe na/ de dang der shes rab kyis shin tu legs par rtogs pa'i chos rnams la rnam par grol bas shin tu legs par bde ba la reg par bya ba'i phyir yid la byed pa'i lhag mthong gang yin pa'o/ /zhi gnas la rnam pa du mchis/ /bka' stsal pa/ bar chad med pa'i sems de'i rjes su 'brang bas de yang rnam pa gsum du brjod par bya'o/ /byams pa yang zhi gnas ni rnam pa brgyad de/ bsam gtan dang po dang/ gnyis pa dang/ gsum pa dang/ bsam gtan bzhi pa dang/ nam mkha' mtha' yas skye mched dang/ rnam shes mtha' yas skye mched dang/ ci yang med pa'i skye mched dang/ 'du shes med 'du shes med min skye mched pa'o/ /yang rnam pa bzhi ste/ byams pa tshad med pa dang/ snying rje dang/ dga' ba dang/ btang snyoms tshad med pa'o/ /

【L8 隨信法行門】

བཅོམ་ལྡན་འདས་ཞི་གནས་དང་ལྷག་མཐོང་ནི་ཆོས་ལ་གནས་པ་ཞེས་ཀྱང་བགྱི། ཆོས་ལ་མི་གནས་པ་ཞེས་ཀྱང་བགྱི་ན། ཆོས་ལ་གནས་པ་ནི་གང་ལགས། །ཆོས་ལ་མི་གནས་པ་ནི་གང་ལགས། །བྱམས་པ་ཇི་ལྟར་གཟུང་བ་དང༌། བསམས་པའི་ཆོས་ཀྱི་མཚན་མའི་རྗེས་སུ་འབྲང་བས་དོན་ལ་ཞི་གནས་དང་ལྷག་མཐོང་གང་ཡིན་པ་དེ་ནི་ཆོས་ལ་གནས་པ་ཡིན་ནོ། །གཟུང་བ་དང་བསམས་པའི་ཆོས་ལ་མི་ལྟོས་པར་གཞན་གྱི་གདམས་ངག་དང་རྗེས་སུ་བསྟན་པ་ལ་བརྟེན་ནས་དོན་ལ་ཞི་གནས་དང་ལྷག་མཐོང་གང་ཡིན་པ་འདི་ལྟ་སྟེ། རྣམ་པར་བསྔོས་པའམ། །རྣམ་པར་རྣགས་པའམ། །དེ་ལྟ་བུ་དང་མཐུན་པ་རྣམས་སམ། །འདུ་བྱེད་ཐམས་ཅད་མི་རྟག་པ་ཞེས་བྱ་བའམ། སྡུག་བསྔལ་བ་ཞེས་བྱ་བའམ། །ཆོས་ཐམས་ཅད་བདག་མེད་པ་ཞེས་བྱ་བའམ། མྱ་ངན་ལས་འདས་པ་ཞི་བ་ཞེས་བྱ་བའམ། དེ་ལྟ་བུ་དང་མཐུན་པའི་ཞི་གནས་དང་ལྷག་མཐོང་དེ་ནི་ཆོས་ལ་མི་གནས་པ་ཡིན་པར་རིག་པར་བྱའོ། །བྱམས་པ་དེ་ལ་ང་ནི་ཆོས་ལ་གནས་པའི་ཞི་གནས་དང་ལྷག་མཐོང་ལ་བརྟེན་ནས། །བྱང་ཆུབ་སེམས་དཔའ་ཆོས་ཀྱི་རྗེས་སུ་འབྲང་བ་དབང་པོ་རྣོན་པོར་འདོགས་སོ། །ཆོས་ལ་མི་གནས་པ་ལ་བརྟེན་ནས། །དད་པས་རྗེས་སུ་འབྲང་བ་དབང་པོ་རྟུལ་པོར་འདོགས་སོ། །

bcom ldan 'das zhi gnas dang lhag mthong ni chos la gnas pa zhes kyang bgyi/ chos la mi gnas pa zhes kyang bgyi na/ chos la gnas pa ni gang lags/ /chos la mi gnas pa ni gang lags/ /byams pa ji ltar gzung ba dang/ bsams pa'i chos kyi mtshan ma'i rjes su 'brang bas don la zhi gnas dang lhag mthong gang yin pa de ni chos la gnas pa yin no/ /gzung ba dang bsams pa'i chos la mi ltos par gzhan gyi gdams ngag dang rjes su bstan pa la brten nas don la zhi gnas dang lhag mthong gang yin pa 'di lta ste/ rnam par bsngos pa'am/ /rnam par rnags pa'am/ /de lta bu dang mthun pa rnams sam/ /'du byed thams cad mi rtag pa zhes bya ba'am/ sdug bsngal ba zhes bya ba'am/ /chos thams cad bdag med pa zhes bya ba'am/ mya ngan las 'das pa zhi ba zhes bya ba'am/ de lta bu dang mthun pa'i zhi gnas dang lhag mthong de ni chos la mi gnas pa yin par rig par bya'o/ /byams pa de la nga ni chos la gnas pa'i zhi gnas dang lhag mthong la brten nas/ /byang chub sems dpa' chos kyi rjes su 'brang ba dbang po rnon por 'dogs so/ /chos la mi gnas pa la brten nas/ /dad pas rjes su 'brang ba dbang po rtul por 'dogs so/ /

【L9 緣法總別門】【M1 明緣總別】

བཅོམ་ལྡན་འདས་ཞི་གནས་དང་ལྷག་མཐོང་ནི་མ་འདྲེས་པའི་ཆོས་ལ་དམིགས་པ་ཞེས་ཀྱང་བགྱི། འདྲེས་པའི་ཆོས་ལ་དམིགས་པ་ཞེས་ཀྱང་བགྱི་ན། མ་འདྲེས་པའི་ཆོས་ལ་དམིགས་པ་ནི་གང་ལགས། །འདྲེས་པའི་ཆོས་ལ་དམིགས་པ་ནི་གང་ལགས། བྱམས་པ་གལ་ཏེ་བྱང་ཆུབ་སེམས་དཔའ་ཇི་ལྟར་གཟུང་བ་དང༌། བསམས་པའི་ཆོས་རྣམས་ལས་མདོའི་སྡེ་ལ་སོགས་པའི་ཆོས་སོ་སོ་ལ་དམིགས་པའི་ཞི་གནས་དང་ལྷག་མཐོང་སྒོམ་པར་བྱེད་པ་དེ་ནི་མ་འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་ཡིན་ནོ། །གལ་ཏེ་མདོའི་སྡེ་ལ་སོགས་པའི་ཆོས་དེ་དག་ཉིད་གཅིག་ཏུ་བཟླུམ་པ་དང༌། གཅིག་ཏུ་བསྡུ་བ་དང༌། གཅིག་ཏུ་བཏུལ་བ་དང༌། ཕུང་པོ་གཅིག་ཏུ་བྱས་ཏེ། ཆོས་འདི་དག་ཐམས་ཅད་ནི་དེ་བཞིན་ཉིད་ལ་གཞོལ་བ། དེ་བཞིན་ཉིད་ལ་འབབ་པ། དེ་བཞིན་ཉིད་ལ་བབ་པ། བྱང་ཆུབ་ལ་གཞོལ་བ། །བྱང་ཆུབ་ལ་འབབ་པ། བྱང་ཆུབ་ལ་བབ་པ། མྱ་ངན་ལས་འདས་པ་ལ་གཞོལ་བ། མྱ་ངན་ལས་འདས་པ་ལ་འབབ་པ། མྱ་ངན་འདས་པ་ལ་བབ་པ། གནས་གྱུར་པ་ལ་གཞོལ་བ། གནས་གྱུར་པ་ལ་འབབ་པ། གནས་གྱུར་པ་ལ་བབ་པ་དག་སྟེ། ཆོས་འདི་དག་ཐམས་ཅད་ནི་དགེ་བའི་ཆོས་དཔག་ཏུ་མེད་པ། གྲངས་མེད་པ་དག་མངོན་པར་བརྗོད་པས་མངོན་པར་བརྗོད་པ་ཡིན་ནོ་སྙམ་དུ་ཡིད་ལ་བྱེད་པ་དེ་ནི། འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་ཡིན་ནོ། །

bcom ldan 'das zhi gnas dang lhag mthong ni ma 'dres pa'i chos la dmigs pa zhes kyang bgyi/ 'dres pa'i chos la dmigs pa zhes kyang bgyi na/ ma 'dres pa'i chos la dmigs pa ni gang lags/ /'dres pa'i chos la dmigs pa ni gang lags/ byams pa gal te byang chub sems dpa' ji ltar gzung ba dang/ bsams pa'i chos rnams las mdo'i sde la sogs pa'i chos so so la dmigs pa'i zhi gnas dang lhag mthong sgom par byed pa de ni ma 'dres pa'i chos la dmigs pa'i zhi gnas dang lhag mthong yin no/ /gal te mdo'i sde la sogs pa'i chos de dag nyid gcig tu bzlum pa dang/ gcig tu bsdu ba dang/ gcig tu btul ba dang/ phung po gcig tu byas te/ chos 'di dag thams cad ni de bzhin nyid la gzhol ba/ de bzhin nyid la 'bab pa/ de bzhin nyid la bab pa/ byang chub la gzhol ba/ /byang chub la 'bab pa/ byang chub la bab pa/ mya ngan las 'das pa la gzhol ba/ mya ngan las 'das pa la 'bab pa/ mya ngan 'das pa la bab pa/ gnas gyur pa la gzhol ba/ gnas gyur pa la 'bab pa/ gnas gyur pa la bab pa dag ste/ chos 'di dag thams cad ni dge ba'i chos dpag tu med pa/ grangs med pa dag mngon par brjod pas mngon par brjod pa yin no snyam du yid la byed pa de ni/ 'dres pa'i chos la dmigs pa'i zhi gnas dang lhag mthong yin no/ /

【M2 明小大無量】

བཅོམ་ལྡན་འདས་ཞི་གནས་དང་ལྷག་མཐོང་ནི་འདྲེས་པ་ཆུང་ངུའི་ཆོས་ལ་དམིགས་པ་ཞེས་ཀྱང་བགྱི། འདྲེས་པ་ཆེན་པོར་གྱུར་པའི་ཆོས་ལ་དམིགས་པ་ཞེས་ཀྱང་བགྱི། འདྲེས་པ་ཚད་མ་མཆིས་པའི་ཆོས་ལ་དམིགས་པ་ཞེས་ཀྱང་བགྱི་ན། འདྲེས་པ་ཆུང་དུའི་ཆོས་ལ་དམིགས་པ་ནི་གང་ལགས། འདྲེས་པ་ཆེན་པོར་འགྱུར་བའི་ཆོས་ལ་དམིགས་པ་ནི་གང་ལགས། འདྲེས་པ་ཚད་མ་མཆིས་པའི་ཆོས་ལ་དམིགས་པ་ནི་གང་ལགས། །བྱམས་པ་མདོའི་སྡེ་ནས། ཤིན་ཏུ་རྒྱས་པའི་སྡེ་དང༌། རྨད་དུ་བྱུང་བའི་ཆོས་ཀྱི་སྡེ་དང༌། གཏན་ལ་བབ་པར་བསྟན་པའི་སྡེའི་བར་དག་སོ་སོར་གཅིག་ཏུ་བཟླུམས་ཏེ། ཡིད་ལ་བྱེད་པའི་ཞི་གནས་དང༌། ལྷག་མཐོང་ནི་འདྲེས་པ་ཆུང་ངུའི་ཆོས་ལ་དམིགས་པ་ཡིན་པར་རིག་པར་བྱའོ། །མདོའི་སྡེ་ལ་སོགས་པ་དེ་དག་ཉིད་ཇི་སྙེད་གཟུང་བ་དང༌། བསམས་པ་སོ་སོར་གཅིག་ཏུ་བཟླུམས་ཏེ། ཡིད་ལ་བྱེད་པ་ནི་འདྲེས་པ་རྒྱ་ཆེན་པོར་གྱུར་པའི་ཆོས་ལ་དམིགས་པ་ཡིན་པར་རིག་པར་བྱའོ། །དེ་བཞིན་གཤེགས་པ་རྣམས་ཀྱི་ཆོས་བསྟན་པ་ཚད་མེད་པ་རྣམས་དང༌། ཆོས་ཀྱི་ཚིག་དང་ཡི་གེ་ཚད་མེད་པ་རྣམས་དང༌། གོང་ནས་གོང་དུ་ཤེས་རབ་དང་སྤོབས་པ་ཚད་མེད་པ་རྣམས་གཅིག་ཏུ་བཟླུམས་ཏེ། ཡིད་ལ་བྱེད་པ་ནི་འདྲེས་པ་ཚད་མེད་པའི་ཆོས་ལ་དམིགས་པ་ཡིན་པར་རིག་པར་བྱའོ། །

bcom ldan 'das zhi gnas dang lhag mthong ni 'dres pa chung ngu'i chos la dmigs pa zhes kyang bgyi/ 'dres pa chen por gyur pa'i chos la dmigs pa zhes kyang bgyi/ 'dres pa tshad ma mchis pa'i chos la dmigs pa zhes kyang bgyi na/ 'dres pa chung du'i chos la dmigs pa ni gang lags/ 'dres pa chen por 'gyur ba'i chos la dmigs pa ni gang lags/ 'dres pa tshad ma mchis pa'i chos la dmigs pa ni gang lags/ /byams pa mdo'i sde nas/ shin tu rgyas pa'i sde dang/ rmad du byung ba'i chos kyi sde dang/ gtan la bab par bstan pa'i sde'i bar dag so sor gcig tu bzlums te/ yid la byed pa'i zhi gnas dang/ lhag mthong ni 'dres pa chung ngu'i chos la dmigs pa yin par rig par bya'o/ /mdo'i sde la sogs pa de dag nyid ji snyed gzung ba dang/ bsams pa so sor gcig tu bzlums te/ yid la byed pa ni 'dres pa rgya chen por gyur pa'i chos la dmigs pa yin par rig par bya'o/ /de bzhin gshegs pa rnams kyi chos bstan pa tshad med pa rnams dang/ chos kyi tshig dang yi ge tshad med pa rnams dang/ gong nas gong du shes rab dang spobs pa tshad med pa rnams gcig tu bzlums te/ yid la byed pa ni 'dres pa tshad med pa'i chos la dmigs pa yin par rig par bya'o/ /

【M3 明齊何名得】

བཅོམ་ལྡན་འདས་བྱང་ཆུབ་སེམས་དཔའ་ཇི་ཙམ་གྱིས་ན། འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་ཐོབ་པར་འགྱུར་ལགས། བྱམས་པ་དེ་ནི་རྒྱུ་ལྔས་ཐོབ་པར་འགྱུར་བར་རིག་པར་བྱ་སྟེ། འདི་ལྟ་སྟེ་ཡིད་ལ་བྱེད་པའི་ཚེ་སྐད་ཅིག་སྐད་ཅིག་ལ་གནས་ངན་ལེན་གྱི་རྟེན་ཐམས་ཅད་འཇིག་པར་བྱེད་པ་དང༌། འདུ་ཤེས་སྣ་ཚོགས་རྣམས་པར་སྤངས་ཏེ། ཆོས་ཀྱི་ཀུན་དགའ་ལ་དགའ་བ་འཐོབ་པ་དང༌། ཆོས་ཀྱི་སྣང་བ་ཕྱོགས་བཅུར་ཚད་མེད་ཅིང་རྣམ་པ་ཡོངས་སུ་མ་ཆད་པ་ཡང་དག་པར་ཤེས་པ་དང༌། དགོས་པ་ཡོངས་སུ་གྲུབ་པ་དང་ལྡན་པ་རྣམ་པར་དག་པའི་ཆ་དང་མཐུན་པའི་མཚན་མ་རྣམ་པར་མ་བརྟགས་པ་རྣམས་དེ་ལ་ཀུན་ཏུ་འབྱུང་བ་དང༌། ཆོས་ཀྱི་སྐུ་ཐོབ་པ་དང༌། ཡོངས་སུ་རྫོགས་པ་དང༌། ཡོངས་སུ་འགྲུབ་པར་བྱ་བའི་ཕྱིར་རྒྱུ་གོང་མ་བས་ཆེས་གོང་མ་བཟང་པོ་བས་ཆེས་བཟང་པོ་ཡང་དག་པར་ཡོངས་སུ་འཛིན་པར་བྱེད་པའོ། །

bcom ldan 'das byang chub sems dpa' ji tsam gyis na/ 'dres pa'i chos la dmigs pa'i zhi gnas dang lhag mthong thob par 'gyur lags/ byams pa de ni rgyu lngas thob par 'gyur bar rig par bya ste/ 'di lta ste yid la byed pa'i tshe skad cig skad cig la gnas ngan len gyi rten thams cad 'jig par byed pa dang/ 'du shes sna tshogs rnams par spangs te/ chos kyi kun dga' la dga' ba 'thob pa dang/ chos kyi snang ba phyogs bcur tshad med cing rnam pa yongs su ma chad pa yang dag par shes pa dang/ dgos pa yongs su grub pa dang ldan pa rnam par dag pa'i cha dang mthun pa'i mtshan ma rnam par ma brtags pa rnams de la kun tu 'byung ba dang/ chos kyi sku thob pa dang/ yongs su rdzogs pa dang/ yongs su 'grub par bya ba'i phyir rgyu gong ma bas ches gong ma bzang po bas ches bzang po yang dag par yongs su 'dzin par byed pa'o/ /

【M4 明通達及得】

བཅོམ་ལྡན་འདས་འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་དེ་གང་ལ་རྟོགས་ཤིང༌། གང་ལ་འཐོབ་པར་འཚལ་བར་བགྱི་ལགས། །བཀའ་སྩལ་པ། བྱམས་པ་ས་དང་པོ་རབ་ཏུ་དགའ་བ་ལ་ནི་རྟོགས་པ་ཡིན་ལ། ས་གསུམ་པ་འོད་བྱེད་པ་ལ་ནི་ཐོབ་པར་རིག་པར་བྱ་སྟེ། བྱམས་པ་དེ་ལྟ་མོད་ཀྱི་བྱང་ཆུབ་སེམས་དཔའ་ལས་དང་པོ་པས་ཀྱང་དེ་ལ་རྗེས་སུ་བསླབ་ཅིང་ཡིད་ལ་བྱ་བ་མི་གཏང་བར་བྱའོ། །

bcom ldan 'das 'dres pa'i chos la dmigs pa'i zhi gnas dang lhag mthong de gang la rtogs shing/ gang la 'thob par 'tshal bar bgyi lags/ /bka' stsal pa/ byams pa sa dang po rab tu dga' ba la ni rtogs pa yin la/ sa gsum pa 'od byed pa la ni thob par rig par bya ste/ byams pa de lta mod kyi byang chub sems dpa' las dang po pas kyang de la rjes su bslab cing yid la bya ba mi gtang bar bya'o/ /

【L10 三地門】【M1 初復次】

བཅོམ་ལྡན་འདས་ཇི་ལྟར་ན་ཞི་གནས་དང༌། ལྷག་མཐོང་རྟོག་པ་དང་བཅས་ཤིང་དཔྱོད་པ་དང་བཅས་པའི་ཏིང་ངེ་འཛིན་དུ་འགྱུར་བ་ལགས། །ཇི་ལྟར་ན་རྟོག་པ་མ་མཆིས་ཤིང་དཔྱོད་པ་ཙམ་དུ་འགྱུར་བ་ལགས། །ཇི་ལྟར་ན་རྟོག་པ་མ་མཆིས་པ་དང༌། དཔྱོད་པ་མ་མཆིས་པར་འགྱུར་བ་ལགས། །བྱམས་པ་ཇི་ལྟར་གཟུང་ཞིང་བརྟགས་པ་དང་དཔྱད་པའི་ཆོས་རྣམས་ལ་དེ་དག་གི་མཚན་མ་གསལ་ཞིང་རགས་པ་མྱོང་བའི་རྗེས་སུ་དཔྱོད་པའི་ཞི་གནས་དང་ལྷག་མཐོང་གང་ཡིན་པ་དེ་ནི། རྟོག་པ་དང་བཅས་ཤིང་དཔྱོད་པ་དང་བཅས་པའི་ཏིང་ངེ་འཛིན་ཡིན་ནོ། །དེ་དག་ཉིད་ཀྱི་མཚན་མ་གསལ་ཞིང་རགས་པ་མྱོང་བའི་རྗེས་སུ་དཔྱོད་པ་མ་ཡིན་མོད་ཀྱི། འོན་ཀྱང་དེ་སྣང་བ་འོལ་སྤྱིའི་དྲན་པ་ཙམ་ཕྲ་མོ་མྱོང་བའི་རྗེས་སུ་དཔྱོད་པའི་ཞི་གནས་དང་ལྷག་མཐོང་གང་ཡིན་པ་དེ་ནི། །རྟོག་པ་མེད་ཅིང་དཔྱོད་པ་ཙམ་གྱི་ཏིང་ངེ་འཛིན་ཡིན་ནོ། །དེ་དག་གི་མཚན་མ་ལ་ཐམས་ཅད་ཀྱི་ཐམས་ཅད་དུ་ལྷུན་གྱིས་གྲུབ་པར་ཆོས་མྱོང་བ་ཡིད་ལ་བྱེད་པས། །རྣམ་པར་སྤྱོད་པའི་ཞི་གནས་དང་ལྷག་མཐོང་གང་ཡིན་པ་དེ་ནི་རྟོག་པ་མེད་པ་དང༌། དཔྱོད་པ་མེད་པའི་ཏིང་ངེ་འཛིན་ཡིན་ནོ། །

bcom ldan 'das ji ltar na zhi gnas dang/ lhag mthong rtog pa dang bcas shing dpyod pa dang bcas pa'i ting nge 'dzin du 'gyur ba lags/ /ji ltar na rtog pa ma mchis shing dpyod pa tsam du 'gyur ba lags/ /ji ltar na rtog pa ma mchis pa dang/ dpyod pa ma mchis par 'gyur ba lags/ /byams pa ji ltar gzung zhing brtags pa dang dpyad pa'i chos rnams la de dag gi mtshan ma gsal zhing rags pa myong ba'i rjes su dpyod pa'i zhi gnas dang lhag mthong gang yin pa de ni/ rtog pa dang bcas shing dpyod pa dang bcas pa'i ting nge 'dzin yin no/ /de dag nyid kyi mtshan ma gsal zhing rags pa myong ba'i rjes su dpyod pa ma yin mod kyi/ 'on kyang de snang ba 'ol spyi'i dran pa tsam phra mo myong ba'i rjes su dpyod pa'i zhi gnas dang lhag mthong gang yin pa de ni/ /rtog pa med cing dpyod pa tsam gyi ting nge 'dzin yin no/ /de dag gi mtshan ma la thams cad kyi thams cad du lhun gyis grub par chos myong ba yid la byed pas/ /rnam par spyod pa'i zhi gnas dang lhag mthong gang yin pa de ni rtog pa med pa dang/ dpyod pa med pa'i ting nge 'dzin yin no/ /

【M2 第二復次】

བྱམས་པ་ཡང་ཆོས་ཡོངས་སུ་ཚོལ་བ་ལས་བྱུང་བའི་ཞི་གནས་དང་ལྷག་མཐོང་གང་ཡིན་པ་དེ་ནི། །རྟོག་པ་དང་བཅས་ཤིང་དཔྱོད་པ་དང་བཅས་པའི་ཏིང་ངེ་འཛིན་ཡིན་ནོ། །སོ་སོར་རྟོག་པ་ལས་བྱུང་བའི་གང་ཡིན་པ་དེ་ནི། རྟོག་པ་མེད་ཅིང་དཔྱོད་པ་ཙམ་གྱི་ཏིང་ངེ་འཛིན་ཡིན་ནོ། །འདྲེས་པའི་ཆོས་ལ་དམིགས་པ་གང་ཡིན་པ་དེ་ནི་རྟོག་པ་མེད་པ་དང་དཔྱོད་པ་མེད་པའི་ཏིང་ངེ་འཛིན་ཡིན་ནོ། །

byams pa yang chos yongs su tshol ba las byung ba'i zhi gnas dang lhag mthong gang yin pa de ni/ /rtog pa dang bcas shing dpyod pa dang bcas pa'i ting nge 'dzin yin no/ /so sor rtog pa las byung ba'i gang yin pa de ni/ rtog pa med cing dpyod pa tsam gyi ting nge 'dzin yin no/ /'dres pa'i chos la dmigs pa gang yin pa de ni rtog pa med pa dang dpyod pa med pa'i ting nge 'dzin yin no/ /

【L11 三相門】

བཅོམ་ལྡན་འདས་ཞི་གནས་ཀྱི་རྒྱུ་མཚན་ནི་གང་ལགས། རབ་ཏུ་འཛིན་པའི་རྒྱུ་མཚན་ནི་གང་ལགས། བཏང་སྙོམས་ཀྱི་རྒྱུ་མཚན་ནི་གང་ལགས༑ བྱམས་པ་སེམས་རྒོད་པའམ་རྒོད་དུ་དོགས་པ་ན་ཀུན་ཏུ་སྐྱོ་བར་འགྱུར་བ་དང་མཐུན་པའི་ཆོས་རྣམས་དང༌། བར་ཆད་མེད་པའི་སེམས་དེ་ཡིད་ལ་བྱེད་པ་གང་ཡིན་པ་དེ་ནི་ཞི་གནས་ཀྱི་རྒྱུ་མཚན་ཞེས་བྱའོ། །བྱམས་པ་སེམས་བྱིང་ངམ། བྱིང་དུ་དོགས་པ་ན་མངོན་པར་དགའ་བར་འགྱུར་བ་དང་མཐུན་པའི་ཆོས་རྣམས་དང༌། སེམས་ཀྱི་མཚན་མ་དེ་ཡིད་ལ་བྱེད་པ་གང་ཡིན་པ་དེ་ནི་རབ་ཏུ་འཛིན་པའི་རྒྱུ་མཚན་ཞེས་བྱའོ། །བྱམས་པ་ཞི་གནས་ལ་གཅིག་ཏུ་ངེས་པའམ༑ ལྷག་མཐོང་ལ་གཅིག་ཏུ་ངེས་པའམ། ཟུང་དུ་འབྲེལ་པའི་ལམ་ཡང་རུང་སྟེ། དེ་གཉི་གའི་ཉེ་བའི་ཉོན་མོངས་པས་ཉེ་བར་ཉོན་མོངས་པར་བྱེད་པ་ལ། སེམས་རང་གི་ངང་གིས་འཇུག་པ་ན། ཡིད་ལ་བྱེད་པ་ལྷུན་གྱིས་གྲུབ་པ་གང་ཡིན་པ་དེ་ནི་བཏང་སྙོམས་ཀྱི་རྒྱུ་མཚན་ཞེས་བྱའོ། །

bcom ldan 'das zhi gnas kyi rgyu mtshan ni gang lags/ rab tu 'dzin pa'i rgyu mtshan ni gang lags/ btang snyoms kyi rgyu mtshan ni gang lags| byams pa sems rgod pa'am rgod du dogs pa na kun tu skyo bar 'gyur ba dang mthun pa'i chos rnams dang/ bar chad med pa'i sems de yid la byed pa gang yin pa de ni zhi gnas kyi rgyu mtshan zhes bya'o/ /byams pa sems bying ngam/ bying du dogs pa na mngon par dga' bar 'gyur ba dang mthun pa'i chos rnams dang/ sems kyi mtshan ma de yid la byed pa gang yin pa de ni rab tu 'dzin pa'i rgyu mtshan zhes bya'o/ /byams pa zhi gnas la gcig tu nges pa'am| lhag mthong la gcig tu nges pa'am/ zung du 'brel pa'i lam yang rung ste/ de gnyi ga'i nye ba'i nyon mongs pas nye bar nyon mongs par byed pa la/ sems rang gi ngang gis 'jug pa na/ yid la byed pa lhun gyis grub pa gang yin pa de ni btang snyoms kyi rgyu mtshan zhes bya'o/ /

【L12 知法知義門】【M1 問】

བཅོམ་ལྡན་འདས་བྱང་ཆུབ་སེམས་དཔའ་ཞི་གནས་དང་ལྷག་མཐོང་སྒོམ་པ་ཆོས་སོ་སོ་ཡང་དག་པར་རིག་པ་དང༌། དོན་སོ་སོ་ཡང་དག་པར་རིག་པ་ལགས་ན། ཇི་ལྟར་ཆོས་སོ་སོ་ཡང་དག་པར་རིག་པ་ལགས། ཇི་ལྟར་དོན་སོ་སོ་ཡང་དག་པར་རིག་པ་ལགས།

bcom ldan 'das byang chub sems dpa' zhi gnas dang lhag mthong sgom pa chos so so yang dag par rig pa dang/ don so so yang dag par rig pa lags na/ ji ltar chos so so yang dag par rig pa lags/ ji ltar don so so yang dag par rig pa lags/

【M2 答】【N1 辨知法】

བྱམས་པ་རྣམ་པ་ལྔས་ཆོས་སོ་སོ་ཡང་དག་པར་རིག་པ་ཡིན་ཏེ། མིང་དང༌། ཚིག་དང༌། ཡི་གེ་དང༌། སོ་སོ་བ་དང༌། བསྡུས་པས་སོ། །མིང་གང་ཞེ་ན། ཀུན་ནས་ཉོན་མོངས་པ་དང༌། རྣམ་པར་བྱང་བའི་ཆོས་རྣམས་ལ། ངོ་བོ་ཉིད་དང་བྱེ་བྲག་གི་མིང་དུ་བྱ་བར་བཏགས་པ་གང་ཡིན་པའོ། །ཚིག་གང་ཞེ་ན། ཀུན་ནས་ཉོན་མོངས་པ་དང་རྣམ་པར་བྱང་བའི་དོན་རྗེས་སུ་ཐ་སྙད་གདགས་པའི་ཕྱིར། གནས་དང༌། རྟེན་དང༌། མིང་དེ་དག་ཉིད་ཀྱི་ཚོགས་ལ་བརྟེན་པ་གང་ཡིན་པའོ། །ཡི་གེ་གང་ཞེ་ན། དེ་གཉི་གའི་གནས་ཀྱི་ཡིག་འབྲུ་གང་ཡིན་པའོ། །དེ་དག་སོ་སོ་ལས་སོ་སོ་ཡང་དག་པར་རིག་པ་གང་ཞེ་ན། མ་འདྲེས་པ་ལ་དམིགས་པའི་ཡིད་ལ་བྱེད་པས་སོ་སོར་ཡང་དག་པར་རིག་པ་གང་ཡིན་པའོ། །བསྡུས་པ་ལས་སོ་སོ་ཡང་དག་པར་རིག་པ་གང་ཞེ་ན། འདྲེས་པ་ལ་དམིགས་པའི་ཡིད་ལ་བྱེད་པས་སོ་སོ་ཡང་དག་པར་རིག་པ་གང་ཡིན་པའོ། །དེ་དག་ཐམས་ཅད་གཅིག་ཏུ་བསྡུས་ནས་ཆོས་སོ་སོ་ཡང་དག་པར་རིག་པ་ཞེས་བྱ་སྟེ༑ དེ་ལྟར་ན་ཆོས་སོ་སོ་ཡང་དག་པར་རིག་པ་ཡིན་ནོ། །

byams pa rnam pa lngas chos so so yang dag par rig pa yin te/ ming dang/ tshig dang/ yi ge dang/ so so ba dang/ bsdus pas so/ /ming gang zhe na/ kun nas nyon mongs pa dang/ rnam par byang ba'i chos rnams la/ ngo bo nyid dang bye brag gi ming du bya bar btags pa gang yin pa'o/ /tshig gang zhe na/ kun nas nyon mongs pa dang rnam par byang ba'i don rjes su tha snyad gdags pa'i phyir/ gnas dang/ rten dang/ ming de dag nyid kyi tshogs la brten pa gang yin pa'o/ /yi ge gang zhe na/ de gnyi ga'i gnas kyi yig 'bru gang yin pa'o/ /de dag so so las so so yang dag par rig pa gang zhe na/ ma 'dres pa la dmigs pa'i yid la byed pas so sor yang dag par rig pa gang yin pa'o/ /bsdus pa las so so yang dag par rig pa gang zhe na/ 'dres pa la dmigs pa'i yid la byed pas so so yang dag par rig pa gang yin pa'o/ /de dag thams cad gcig tu bsdus nas chos so so yang dag par rig pa zhes bya ste| de ltar na chos so so yang dag par rig pa yin no/ /

【N2 辨知義】【O1 由十種相了知於義】

བྱང་ཆུབ་སེམས་དཔའ་རྣམ་པ་བཅུས་དོན་སོ་སོ་ཡང་དག་པར་རིག་པ་ཡིན་ཏེ། ཇི་སྙེད་ཡོད་པ་ཉིད་དང༌། ཇི་ལྟ་བ་བཞིན་དུ་ཡོད་པ་ཉིད་དང༌། འཛིན་པའི་དོན་དང༌། གཟུང་བའི་དོན་དང༌། གནས་ཀྱི་དོན་དང༌། ལོངས་སྤྱོད་ཀྱི་དོན་དང༌། ཕྱིན་ཅི་ལོག་གི་དོན་དང༌། ཕྱིན་ཅི་མ་ལོག་པའི་དོན་དང༌། ཀུན་ནས་ཉོན་མོངས་པའི་དོན་དང༌། རྣམ་པར་བྱང་བའི་དོན་གྱིས་སོ། །བྱམས་པ་དེ་ལ་ཀུན་ནས་ཉོན་མོངས་པ་པ་དང་རྣམ་པར་བྱང་བའི་ཆོས་རྣམས་ལ་རྣམ་པར་རབ་ཏུ་དབྱེ་བ་ཐམས་ཅད་ཀྱི་མཐར་ཐུག་པ་གང་ཡིན་པ་དེ་ནི། ཇི་སྙེད་ཡོད་པ་ཉིད་ཡིན་ཏེ། འདི་ལྟ་སྟེ། ཕུང་པོ་རྣམས་ཀྱི་གྲངས་ནི་ལྔས་སོ། །ནང་གི་སྐྱེ་མཆེད་རྣམས་ཀྱི་གྲངས་ནི་དྲུག་གིས་སོ། །ཕྱི་རོལ་གྱི་སྐྱེ་མཆེད་རྣམས་ཀྱི་ཡང་གྲངས་དྲུག་ཁོ་ནས་སོ་ཞེས་བྱ་བ་ལ་སོགས་པའོ། །བྱམས་པ་དེ་ལ་ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་དེ་དག་ཉིད་ཀྱི་དེ་བཞིན་ཉིད་གང་ཡིན་པ་དེ་ནི་ཇི་ལྟ་བ་བཞིན་དུ་ཡོད་པ་ཉིད་ཡིན་ཏེ། དེ་ཡང་རྣམ་པ་བདུན་ཏེ། འབྱུང་བའི་དེ་བཞིན་ཉིད་ནི་འདུ་བྱེད་རྣམས་ཀྱི་ཐོག་མ་དང་ཐ་མ་མེད་པ་ཉིད་གང་ཡིན་པའོ། །མཚན་ཉིད་ཀྱི་དེ་བཞིན་ཉིད་ནི་ཆོས་ཐམས་ཅད་ཀྱི་གང་ཟག་ལ་བདག་མེད་པ་དང་ཆོས་ལ་བདག་མེད་པ་ཉིད་གང་ཡིན་པའོ། །རྣམ་པར་རིག་པའི་དེ་བཞིན་ཉིད་ནི་འདུ་བྱེད་རྣམས་རྣམ་པར་རིག་པ་ཙམ་ཉིད་གང་ཡིན་པའོ༑ །གནས་པའི་དེ་བཞིན་ཉིད་ནི་ངས་སྡུག་བསྔལ་གྱི་བདེན་པ་བསྟན་པ་གང་ཡིན་པའོ། །ལོག་པར་བསྒྲུབ་པའི་དེ་བཞིན་ཉིད་ནི་ངས་ཀུན་འབྱུང་བའི་བདེན་པ་བསྟན་པ་གང་ཡིན་པའོ། །རྣམ་པར་དག་པའི་དེ་བཞིན་ཉིད་ནི་ངས་འགོག་པའི་བདེན་པ་བསྟན་པ་གང་ཡིན་པའོ། །ཡང་དག་པར་བསྒྲུབ་པའི་དེ་བཞིན་ཉིད་ནི་ངས་ལམ་གྱི་བདེན་པ་བསྟན་པ་གང་ཡིན་པའོ། །བྱམས་པ་དེ་ལ་འབྱུང་བའི་དེ་བཞིན་ཉིད་གང་ཡིན་པ་དེ་དང༌། གནས་པའི་དེ་བཞིན་ཉིད་གང་ཡིན་པ་དེ་དང༌། ལོག་པར་བསྒྲུབ་པའི་དེ་བཞིན་ཉིད་གང་ཡིན་པ་དེས་ནི་སེམས་ཅན་ཐམས་ཅད་མཚུངས་ཤིང་མཉམ་མོ། །བྱམས་པ་དེ་ལ་མཚན་ཉིད་ཀྱི་དེ་བཞིན་ཉིད་གང་ཡིན་པ་དེ་དང༌། རྣམ་པར་རིག་པའི་དེ་བཞིན་ཉིད་གང་ཡིན་པ་དེས་ནི་ཆོས་ཐམས་ཅད་མཚུངས་ཤིང་མཉམ་མོ། །བྱམས་པ་དེ་ལ་རྣམ་པར་དག་པའི་དེ་བཞིན་ཉིད་གང་ཡིན་པ་དེ་ནི་ཉན་ཐོས་ཀྱི་བྱང་ཆུབ་གང་ཡིན་པ་དང༌། རང་སངས་རྒྱས་ཀྱི་བྱང་ཆུབ་གང་ཡིན་པ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་གང་ཡིན་པ་དེའི་བྱང་ཆུབ་ཐམས་ཅད་མཚུངས་ཤིང་མཉམ་མོ། །བྱམས་པ་དེ་ལ་ཡང་དག་པར་བསྒྲུབ་པའི་དེ་བཞིན་ཉིད་གང་ཡིན་པ་དེས་ནི་ཐོས་པ་ཐམས་ཅད་འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་གིས་བསྡུས་པའི་ཤེས་རབ་མཚུངས་ཤིང་མཉམ་མོ། །བྱམས་པ་དེ་ལ་འཛིན་པའི་དོན་ནི་སྐྱེ་མཆེད་གཟུགས་ཅན་ལྔ་དང༌། སེམས་དང༌། ཡིད་དང༌། རྣམ་པར་ཤེས་པ་དང༌། སེམས་ལས་བྱུང་བའི་ཆོས་རྣམས་དང༌། བྱམས་པ་དེ་གཟུང་བའི་དོན་ནི་ཕྱི་རོལ་གྱི་སྐྱེ་མཆེད་དྲུག་པོ་དག་ཡིན་ནོ། །བྱམས་པ་ཡང་འཛིན་པའི་དོན་གང་ཡིན་པ་དེ་ནི་གཟུང་བའི་དོན་ཀྱང་ཡིན་ནོ། །བྱམས་པ་དེ་ལ་གནས་ཀྱི་དོན་ནི་འཇིག་རྟེན་གྱི་ཁམས་གང་ཡིན་པ་སྟེ། གང་ལ་གནས་ན་སེམས་ཅན་གྱི་ཁམས་སྣང་བའོ། །འདི་ལྟ་སྟེ། གྲོང་ཚིག་དང༌། གྲོང་ཚིག་བརྒྱ་དང༌། དེ་སྟོང་དང༌། དེ་འབུམ་དང༌། རྒྱ་མཚོ་ལ་ཐུག་པའི་ས་དང༌། དེ་བརྒྱ་དང༌། དེ་སྟོང་དང༌། དེ་འབུམ་དང༌། འཛམ་བུའི་གླིང་དང༌། དེ་བརྒྱ་དང༌། དེ་སྟོང་དང༌། དེ་འབུམ་དང༌། གླིང་བཞི་དང༌། དེ་བརྒྱ་དང༌། དེ་སྟོང་དང༌། དེ་འབུམ་དང༌། སྟོང་གི་འཇིག་རྟེན་གྱི་ཁམས་དང༌། དེ་བརྒྱ་དང༌། དེ་སྟོང་དང༌། དེ་འབུམ་དང༌། སྟོང་གཉིས་པ་བར་མའི་འཇིག་རྟེན་གྱི་ཁམས་དང༌། དེ་བརྒྱ་དང༌། དེ་སྟོང་དང༌། དེ་འབུམ་དང༌། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང༌། དེ་བརྒྱ་དང༌། དེ་སྟོང་དང༌། དེ་འབུམ་དང༌། དེ་བྱེ་བ་དང༌། དེ་བྱེ་བ་ཕྲག་བརྒྱ་དང༌། དེ་བྱེ་བ་ཕྲག་སྟོང་དང༌། དེ་བྱེ་བ་ཕྲག་འབུམ་དང༌། དེ་གྲངས་མེད་པ་དང༌། དེ་གྲངས་མེད་པ་ཕྲག་བརྒྱ་དང༌། དེ་གྲངས་མེད་པ་ཕྲག་སྟོང་དང༌། དེ་གྲངས་མེད་པ་ཕྲག་འབུམ་དང༌། ཕྱོགས་བཅུ་དག་གི་འཇིག་རྟེན་གྱི་ཁམས་དཔག་ཏུ་མེད་པ་གྲངས་མེད་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲངས་མེད་པ་ཕྲག་འབུམ་གྱི་རྡུལ་ཕྲ་རབ་ཀྱི་རྡུལ་སྙེད་དག་གོ། །བྱམས་པ་དེ་ལ་ལོངས་སྤྱོད་ཀྱི་དོན་ནི་ཡོངས་སུ་སྤྱད་པའི་ཕྱིར། ངས་སེམས་ཅན་རྣམས་ཀྱི་ཡོངས་སུ་གཟུང་བ་དང་ཡོ་བྱད་བསྟན་པ་གང་དག་ཡིན་པ་རྣམས་སོ། །བྱམས་པ་དེ་ལ་ཕྱིན་ཅི་ལོག་གི་དོན་ནི་འཛིན་པ་ལ་སོགས་པའི་དོན་དེ་དག་ཉིད་ལ། མི་རྟག་པ་ལ་རྟག་པར་འདུ་ཤེས་ཕྱིན་ཅི་ལོག་དང༌། སེམས་ཕྱིན་ཅི་ལོག་དང༌། ལྟ་བ་ཕྱིན་ཅི་ལོག་དང༌། སྡུག་བསྔལ་ལ་བདེ་བ་དང༌། མི་གཙང་བ་ལ་གཙང་བ་དང༌། བདག་མེད་པ་ལ་བདག་ཏུ་འདུ་ཤེས་ཕྱིན་ཅི་ལོག་དང༌། སེམས་ཕྱིན་ཅི་ལོག་དང༌། ལྟ་བ་ཕྱིན་ཅི་ལོག་གང་ཡིན་པའོ། །བྱམས་པ་དེ་ལ་ཕྱིན་ཅི་མ་ལོག་པའི་དོན་ནི་དེ་ལས་བཟློག་པ་སྟེ། དེའི་གཉེན་པོ་ཡིན་པར་རིག་པར་བྱའོ། །བྱམས་པ་དེ་ལ་ཀུན་ནས་ཉོན་མོངས་པའི་དོན་ནི་རྣམ་པ་གསུམ་སྟེ། ཁམས་གསུམ་པའི་ཉོན་མོངས་པའི་ཀུན་ནས་ཉོན་མོངས་པ་དང༌། ལས་ཀྱི་ཀུན་ནས་ཉོན་མོངས་པ་དང༌། སྐྱེ་བའི་ཀུན་ནས་ཉོན་མོངས་པའོ། །བྱམས་པ་དེ་ལ་རྣམ་པར་བྱང་བའི་དོན་ནི་ཀུན་ནས་ཉོན་མོངས་པ་རྣམ་པ་གསུམ་པོ་དེ་དག་ཉིད་དང་བྲལ་བར་བྱ་བའི་ཕྱིར་བྱང་ཆུབ་ཀྱི་ཕྱོགས་དང་མཐུན་པའི་ཆོས་གང་དག་ཡིན་པ་རྣམས་སོ། །བྱམས་པ་རྣམ་པ་བཅུ་པོ་དེ་དག་གིས་དོན་ཐམས་ཅད་བསྡུས་པར་རིག་པར་བྱའོ། །

byang chub sems dpa' rnam pa bcus don so so yang dag par rig pa yin te/ ji snyed yod pa nyid dang/ ji lta ba bzhin du yod pa nyid dang/ 'dzin pa'i don dang/ gzung ba'i don dang/ gnas kyi don dang/ longs spyod kyi don dang/ phyin ci log gi don dang/ phyin ci ma log pa'i don dang/ kun nas nyon mongs pa'i don dang/ rnam par byang ba'i don gyis so/ /byams pa de la kun nas nyon mongs pa pa dang rnam par byang ba'i chos rnams la rnam par rab tu dbye ba thams cad kyi mthar thug pa gang yin pa de ni/ ji snyed yod pa nyid yin te/ 'di lta ste/ phung po rnams kyi grangs ni lngas so/ /nang gi skye mched rnams kyi grangs ni drug gis so/ /phyi rol gyi skye mched rnams kyi yang grangs drug kho nas so zhes bya ba la sogs pa'o/ /byams pa de la kun nas nyon mongs pa dang rnam par byang ba'i chos de dag nyid kyi de bzhin nyid gang yin pa de ni ji lta ba bzhin du yod pa nyid yin te/ de yang rnam pa bdun te/ 'byung ba'i de bzhin nyid ni 'du byed rnams kyi thog ma dang tha ma med pa nyid gang yin pa'o/ /mtshan nyid kyi de bzhin nyid ni chos thams cad kyi gang zag la bdag med pa dang chos la bdag med pa nyid gang yin pa'o/ /rnam par rig pa'i de bzhin nyid ni 'du byed rnams rnam par rig pa tsam nyid gang yin pa'o| /gnas pa'i de bzhin nyid ni ngas sdug bsngal gyi bden pa bstan pa gang yin pa'o/ /log par bsgrub pa'i de bzhin nyid ni ngas kun 'byung ba'i bden pa bstan pa gang yin pa'o/ /rnam par dag pa'i de bzhin nyid ni ngas 'gog pa'i bden pa bstan pa gang yin pa'o/ /yang dag par bsgrub pa'i de bzhin nyid ni ngas lam gyi bden pa bstan pa gang yin pa'o/ /byams pa de la 'byung ba'i de bzhin nyid gang yin pa de dang/ gnas pa'i de bzhin nyid gang yin pa de dang/ log par bsgrub pa'i de bzhin nyid gang yin pa des ni sems can thams cad mtshungs shing mnyam mo/ /byams pa de la mtshan nyid kyi de bzhin nyid gang yin pa de dang/ rnam par rig pa'i de bzhin nyid gang yin pa des ni chos thams cad mtshungs shing mnyam mo/ /byams pa de la rnam par dag pa'i de bzhin nyid gang yin pa de ni nyan thos kyi byang chub gang yin pa dang/ rang sangs rgyas kyi byang chub gang yin pa dang/ bla na med pa yang dag par rdzogs pa'i byang chub gang yin pa de'i byang chub thams cad mtshungs shing mnyam mo/ /byams pa de la yang dag par bsgrub pa'i de bzhin nyid gang yin pa des ni thos pa thams cad 'dres pa'i chos la dmigs pa'i zhi gnas dang lhag mthong gis bsdus pa'i shes rab mtshungs shing mnyam mo/ /byams pa de la 'dzin pa'i don ni skye mched gzugs can lnga dang/ sems dang/ yid dang/ rnam par shes pa dang/ sems las byung ba'i chos rnams dang/ byams pa de gzung ba'i don ni phyi rol gyi skye mched drug po dag yin no/ /byams pa yang 'dzin pa'i don gang yin pa de ni gzung ba'i don kyang yin no/ /byams pa de la gnas kyi don ni 'jig rten gyi khams gang yin pa ste/ gang la gnas na sems can gyi khams snang ba'o/ /'di lta ste/ grong tshig dang/ grong tshig brgya dang/ de stong dang/ de 'bum dang/ rgya mtsho la thug pa'i sa dang/ de brgya dang/ de stong dang/ de 'bum dang/ 'dzam bu'i gling dang/ de brgya dang/ de stong dang/ de 'bum dang/ gling bzhi dang/ de brgya dang/ de stong dang/ de 'bum dang/ stong gi 'jig rten gyi khams dang/ de brgya dang/ de stong dang/ de 'bum dang/ stong gnyis pa bar ma'i 'jig rten gyi khams dang/ de brgya dang/ de stong dang/ de 'bum dang/ stong gsum gyi stong chen po'i 'jig rten gyi khams dang/ de brgya dang/ de stong dang/ de 'bum dang/ de bye ba dang/ de bye ba phrag brgya dang/ de bye ba phrag stong dang/ de bye ba phrag 'bum dang/ de grangs med pa dang/ de grangs med pa phrag brgya dang/ de grangs med pa phrag stong dang/ de grangs med pa phrag 'bum dang/ phyogs bcu dag gi 'jig rten gyi khams dpag tu med pa grangs med pa/ stong gsum gyi stong chen po'i 'jig rten gyi khams grangs med pa phrag 'bum gyi rdul phra rab kyi rdul snyed dag go/ /byams pa de la longs spyod kyi don ni yongs su spyad pa'i phyir/ ngas sems can rnams kyi yongs su gzung ba dang yo byad bstan pa gang dag yin pa rnams so/ /byams pa de la phyin ci log gi don ni 'dzin pa la sogs pa'i don de dag nyid la/ mi rtag pa la rtag par 'du shes phyin ci log dang/ sems phyin ci log dang/ lta ba phyin ci log dang/ sdug bsngal la bde ba dang/ mi gtsang ba la gtsang ba dang/ bdag med pa la bdag tu 'du shes phyin ci log dang/ sems phyin ci log dang/ lta ba phyin ci log gang yin pa'o/ /byams pa de la phyin ci ma log pa'i don ni de las bzlog pa ste/ de'i gnyen po yin par rig par bya'o/ /byams pa de la kun nas nyon mongs pa'i don ni rnam pa gsum ste/ khams gsum pa'i nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa'o/ /byams pa de la rnam par byang ba'i don ni kun nas nyon mongs pa rnam pa gsum po de dag nyid dang bral bar bya ba'i phyir byang chub kyi phyogs dang mthun pa'i chos gang dag yin pa rnams so/ /byams pa rnam pa bcu po de dag gis don thams cad bsdus par rig par bya'o/ /

【O2 知五種義】

བྱམས་པ་བྱང་ཆུབ་སེམས་དཔའ་རྣམ་པ་ལྔས་དོན་སོ་སོ་ཡང་དག་པར་རིག་པ་ཡིན་ཏེ། དོན་རྣམ་པ་ལྔ་གང་ཞེ་ན། ཡོངས་སུ་ཤེས་པར་བྱ་བའི་དངོས་པོ་དང༌། ཡོངས་སུ་ཤེས་པར་བྱ་བའི་དོན་དང༌། ཡོངས་སུ་ཤེས་པ་དང༌། ཡོངས་སུ་ཤེས་པའི་འབྲས་བུ་འཐོབ་པ་དང༌། དེ་རབ་ཏུ་རིག་པར་བྱེད་པའོ། །བྱམས་པ་དེ་ལ་ཡོངས་སུ་ཤེས་པར་བྱ་བའི་དངོས་པོ་ནི་ཤེས་བྱ་ཐམས་ཅད་ཡིན་པར་བལྟ་བར་བྱ་སྟེ། འདི་ལྟ་སྟེ། ཕུང་པོ་རྣམས་ཞེས་བྱ་བའམ་ནང་གི་སྐྱེ་མཆེད་རྣམས་ཞེས་བྱ་བའམ། ཕྱི་རོལ་གྱི་སྐྱེ་མཆེད་རྣམས་ཞེས་བྱ་བའམ། དེ་ལྟ་བུ་ལ་སོགས་པ་དག་གོ། །བྱམས་པ་དེ་ལ་ཡོངས་སུ་ཤེས་པར་བྱ་བའི་དོན་ནི་རྣམ་པ་ཇི་སྙེད་ཀྱིས་ཤེས་བྱ་དེ་ཇི་ལྟ་བ་བཞིན་དུ་ཤེས་པར་བྱ་བ་སྟེ། འདི་ལྟ་སྟེ། ཀུན་རྫོབ་དང༌། དོན་དམ་པ་དང༌། སྐྱོན་དང༌། ཡོན་ཏན་དང༌། རྐྱེན་དང༌། དུས་དང༌། སྐྱེ་བ་དང༌། གནས་པ་དང་། འཇིག་པའི་མཚན་ཉིད་དང༌། ནད་ལ་སོགས་པ་དང༌། སྡུག་བསྔལ་བ་དང༌། ཀུན་འབྱུང་བ་ལ་སོགས་པ་དང༌། དེ་བཞིན་ཉིད་དང༌། ཡང་དག་པའི་མཐའ་དང༌། ཆོས་ཀྱི་དབྱིངས་དང༌། བསྡུ་བ་དང༌། དབྱེ་བ་དང༌། མགོ་གཅིག་ཏུ་ལན་གདབ་པ་དང༌། རྣམ་པར་དབྱེ་བ་དང༌། དྲིས་ཏེ་ལན་གདབ་པ་དང༌། གཞག་པ་དང༌། གསང་བ་དང༌། བསྒྲགས་པ་དང༌། དེ་ལྟ་བུ་དང་མཐུན་པ་ནི་ཡོངས་སུ་ཤེས་པར་བྱ་བའི་དོན་ཡིན་པར་རིག་པར་བྱའོ། །བྱམས་པ་དེ་ལ་ཡོངས་སུ་ཤེས་པ་དེ་ནི། དེ་གཉི་ག་འཛིན་པར་བྱེད་པ་བྱང་ཆུབ་ཀྱི་ཕྱོགས་དང་མཐུན་པའི་ཆོས་གང་ཡིན་པ་དག་སྟེ། འདི་ལྟ་སྟེ། དྲན་པ་ཉེ་བར་གཞག་པ་རྣམས་དང༌། ཡང་དག་པའི་སྤོང་བ་རྣམས་དང༌། དེ་ལ་སོགས་པའོ། །བྱམས་པ་དེ་ལ་ཡོངས་སུ་ཤེས་པའི་འབྲས་བུ་འཐོབ་པ་ནི་འདི་ལྟ་སྟེ། འདོད་ཆགས་དང༌། ཞེ་སྡང་དང༌། གཏི་མུག་འདུལ་བ་དང༌། འདོད་ཆགས་དང༌། ཞེ་སྡང་དང༌། གཏི་མུག་མ་ལུས་པར་སྤོང་བ་དང༌། དགེ་སྦྱོང་ཉིད་ཀྱི་འབྲས་བུ་རྣམས་དང༌། ངས་ཉན་ཐོས་དང༌། དེ་བཞིན་གཤེགས་པའི་ཡོན་ཏན་འཇིག་རྟེན་པ་དང༌། འཇིག་རྟེན་ལས་འདས་པ་ཐུན་མོང་དང༌། ཐུན་མོང་མ་ཡིན་པ་གང་དག་བསྟན་པ་དེ་དག་མངོན་དུ་བྱ་བ་གང་ཡིན་པའོ། །བྱམས་པ་དེ་ལ་རབ་ཏུ་རིག་པར་བྱེད་པ་ནི་མངོན་སུམ་དུ་བྱ་བའི་ཆོས་དེ་དག་ཉིད་ལ་རྣམ་པར་གྲོལ་བར་ཤེས་པ་དང༌། གཞན་དག་ལ་ཡང་རྒྱ་ཆེར་སྟོན་པ་དང༌། ཡང་དག་པར་སྟོན་པ་གང་ཡིན་པ་སྟེ། བྱམས་པ་དོན་ལྔ་པོ་དེ་དག་གིས་ཀྱང་དོན་ཐམས་ཅད་བསྡུས་པར་རིག་པར་བྱའོ། །

byams pa byang chub sems dpa' rnam pa lngas don so so yang dag par rig pa yin te/ don rnam pa lnga gang zhe na/ yongs su shes par bya ba'i dngos po dang/ yongs su shes par bya ba'i don dang/ yongs su shes pa dang/ yongs su shes pa'i 'bras bu 'thob pa dang/ de rab tu rig par byed pa'o/ /byams pa de la yongs su shes par bya ba'i dngos po ni shes bya thams cad yin par blta bar bya ste/ 'di lta ste/ phung po rnams zhes bya ba'am nang gi skye mched rnams zhes bya ba'am/ phyi rol gyi skye mched rnams zhes bya ba'am/ de lta bu la sogs pa dag go/ /byams pa de la yongs su shes par bya ba'i don ni rnam pa ji snyed kyis shes bya de ji lta ba bzhin du shes par bya ba ste/ 'di lta ste/ kun rdzob dang/ don dam pa dang/ skyon dang/ yon tan dang/ rkyen dang/ dus dang/ skye ba dang/ gnas pa dang / 'jig pa'i mtshan nyid dang/ nad la sogs pa dang/ sdug bsngal ba dang/ kun 'byung ba la sogs pa dang/ de bzhin nyid dang/ yang dag pa'i mtha' dang/ chos kyi dbyings dang/ bsdu ba dang/ dbye ba dang/ mgo gcig tu lan gdab pa dang/ rnam par dbye ba dang/ dris te lan gdab pa dang/ gzhag pa dang/ gsang ba dang/ bsgrags pa dang/ de lta bu dang mthun pa ni yongs su shes par bya ba'i don yin par rig par bya'o/ /byams pa de la yongs su shes pa de ni/ de gnyi ga 'dzin par byed pa byang chub kyi phyogs dang mthun pa'i chos gang yin pa dag ste/ 'di lta ste/ dran pa nye bar gzhag pa rnams dang/ yang dag pa'i spong ba rnams dang/ de la sogs pa'o/ /byams pa de la yongs su shes pa'i 'bras bu 'thob pa ni 'di lta ste/ 'dod chags dang/ zhe sdang dang/ gti mug 'dul ba dang/ 'dod chags dang/ zhe sdang dang/ gti mug ma lus par spong ba dang/ dge sbyong nyid kyi 'bras bu rnams dang/ ngas nyan thos dang/ de bzhin gshegs pa'i yon tan 'jig rten pa dang/ 'jig rten las 'das pa thun mong dang/ thun mong ma yin pa gang dag bstan pa de dag mngon du bya ba gang yin pa'o/ /byams pa de la rab tu rig par byed pa ni mngon sum du bya ba'i chos de dag nyid la rnam par grol bar shes pa dang/ gzhan dag la yang rgya cher ston pa dang/ yang dag par ston pa gang yin pa ste/ byams pa don lnga po de dag gis kyang don thams cad bsdus par rig par bya'o/ /

【O3 知四種義】

བྱམས་པ་ཡང་བྱང་ཆུབ་སེམས་དཔས་རྣམ་པ་བཞིས་དོན་སོ་སོ་ཡང་དག་པར་རིག་པ་ཡིན་ཏེ། དོན་རྣམ་པ་བཞི་གང་ཞེ་ན། སེམས་ཀྱི་ལེན་པའི་དོན་དང༌། མྱོང་བའི་དོན་དང༌། རྣམ་པར་རིག་པའི་དོན་དང༌། ཀུན་ནས་ཉོན་མོངས་པ་དང་རྣམ་པར་བྱང་བའི་དོན་གྱིས་ཏེ། བྱམས་པ་དོན་རྣམ་པ་བཞི་པོ་དེ་དག་གིས་ཀྱང་དོན་ཐམས་ཅད་བསྡུས་པར་རིག་པར་བྱའོ། །

byams pa yang byang chub sems dpas rnam pa bzhis don so so yang dag par rig pa yin te/ don rnam pa bzhi gang zhe na/ sems kyi len pa'i don dang/ myong ba'i don dang/ rnam par rig pa'i don dang/ kun nas nyon mongs pa dang rnam par byang ba'i don gyis te/ byams pa don rnam pa bzhi po de dag gis kyang don thams cad bsdus par rig par bya'o/ /

【O4 知三種義】

བྱམས་པ་ཡང་བྱང་ཆུབ་སེམས་དཔས་རྣམ་པ་གསུམ་གྱིས་དོན་སོ་སོ་ཡང་དག་པར་རིག་པ་ཡིན་ཏེ། དོན་རྣམ་པ་གསུམ་གང་ཞེ་ན། ཚིག་འབྲུའི་དོན་དང༌། དོན་གྱི་དོན་དང༌། ཁམས་ཀྱི་དོན་གྱིས་སོ། །བྱམས་པ་དེ་ལ་ཚིག་འབྲུའི་དོན་ནི་མིང་གི་ཚོགས་ལ་སོགས་པ་ཡིན་པར་བལྟ་བར་བྱའོ། །བྱམས་པ་དེ་ལ་དོན་གྱི་དོན་ནི་རྣམ་པ་བཅུར་རིག་པར་བྱ་སྟེ། དེ་ཁོ་ནའི་མཚན་ཉིད་དང༌། ཡོངས་སུ་ཤེས་པའི་མཚན་ཉིད་དང༌། སྤང་བའི་མཚན་ཉིད་དང༌། མངོན་དུ་བྱ་བའི་མཚན་ཉིད་དང༌། བསྒོམ་པའི་མཚན་ཉིད་དང༌། དེ་ཁོ་ནའི་མཚན་ཉིད་ལ་སོགས་པ་དེ་དག་ཉིད་ཀྱི་རྣམ་པ་རབ་ཏུ་དབྱེ་བའི་མཚན་ཉིད་དང༌། གནས་དང་གནས་པར་འབྲེལ་པའི་མཚན་ཉིད་དང༌། ཡོངས་སུ་ཤེས་པ་ལ་སོགས་པའི་བར་དུ་གཅོད་པའི་ཆོས་ཀྱི་མཚན་ཉིད་དང༌། རྗེས་སུ་མཐུན་པའི་ཆོས་ཀྱི་མཚན་ཉིད་དང༌། ཡོངས་སུ་མི་ཤེས་པ་ལ་སོགས་པ་དང༌། ཡོངས་སུ་ཤེས་པ་ལ་སོགས་པའི་ཉེས་དམིགས་དང༌། ཕན་ཡོན་གྱི་མཚན་ཉིད་དོ། །བྱམས་པ་དེ་ལ་ཁམས་ཀྱི་དོན་ནི་ཁམས་ལྔ་སྟེ། འཇིག་རྟེན་གྱི་ཁམས་དང༌། སེམས་ཅན་གྱི་ཁམས་དང༌། ཆོས་ཀྱི་ཁམས་དང༌། གདུལ་བའི་ཁམས་དང༌། གདུལ་བའི་ཐབས་ཀྱི་ཁམས་ཏེ། བྱམས་པ་དོན་རྣམ་པ་གསུམ་པོ་དེ་དག་གིས་ཀྱང་དོན་ཐམས་ཅད་བསྡུས་པར་རིག་པར་བྱའོ། །

byams pa yang byang chub sems dpas rnam pa gsum gyis don so so yang dag par rig pa yin te/ don rnam pa gsum gang zhe na/ tshig 'bru'i don dang/ don gyi don dang/ khams kyi don gyis so/ /byams pa de la tshig 'bru'i don ni ming gi tshogs la sogs pa yin par blta bar bya'o/ /byams pa de la don gyi don ni rnam pa bcur rig par bya ste/ de kho na'i mtshan nyid dang/ yongs su shes pa'i mtshan nyid dang/ spang ba'i mtshan nyid dang/ mngon du bya ba'i mtshan nyid dang/ bsgom pa'i mtshan nyid dang/ de kho na'i mtshan nyid la sogs pa de dag nyid kyi rnam pa rab tu dbye ba'i mtshan nyid dang/ gnas dang gnas par 'brel pa'i mtshan nyid dang/ yongs su shes pa la sogs pa'i bar du gcod pa'i chos kyi mtshan nyid dang/ rjes su mthun pa'i chos kyi mtshan nyid dang/ yongs su mi shes pa la sogs pa dang/ yongs su shes pa la sogs pa'i nyes dmigs dang/ phan yon gyi mtshan nyid do/ /byams pa de la khams kyi don ni khams lnga ste/ 'jig rten gyi khams dang/ sems can gyi khams dang/ chos kyi khams dang/ gdul ba'i khams dang/ gdul ba'i thabs kyi khams te/ byams pa don rnam pa gsum po de dag gis kyang don thams cad bsdus par rig par bya'o/ /

【L13 三慧門】

བཅོམ་ལྡན་འདས་ཐོས་པ་ལས་བྱུང་བའི་ཤེས་རབ་ཀྱིས་ནི་དོན་སོ་སོ་ཡང་དག་པར་རིག་པ་གང་ལགས་པ་དང༌། བསམས་པ་ལས་བྱུང་བའི་ཤེས་རབ་ཀྱིས་དོན་སོ་སོ་ཡང་དག་པར་རིག་པ་གང་ལགས་པ་དང༌། བཅོམ་ལྡན་འདས་ཞི་གནས་དང་ལྷག་མཐོང་བསྒོམས་པ་ལས་བྱུང་བའི་ཤེས་རབ་ཀྱིས་དོན་སོ་སོ་ཡང་དག་པར་རིག་པ་གང་ལགས་པ་དེ་དག་ལ་ཐ་དད་དུ་བགྱི་བ་ཅི་མཆིས་ལགས། བཀའ་སྩལ་པ། བྱམས་པ་བྱང་ཆུབ་སེམས་དཔས་ཐོས་པ་ལས་བྱུང་བའི་ཤེས་རབ་ཀྱིས་ནི་ཚིག་འབྲུ་ལ་གནས་པ་དང༌། སྒྲ་ཇི་བཞིན་པ་དང༌། དགོངས་པ་མེད་པ། མངོན་དུ་མ་གྱུར་པ། རྣམ་པར་ཐར་པའི་རྗེས་སུ་མཐུན་པ་དང༌། རྣམ་པར་ཐར་པར་བྱེད་པ་མ་ཡིན་པའི་དོན་སོ་སོ་ཡང་དག་པར་རིག་པར་བྱེད་དོ། །བྱམས་པ་བསམས་པ་ལས་བྱུང་བའི་ཤེས་རབ་ཀྱིས་ནི་ཚིག་འབྲུ་ལ་གནས་པ་ཁོ་ན་ཡིན་ལ། སྒྲ་ཇི་བཞིན་མ་ཡིན་པ། དགོངས་པ་ཅན་མངོན་དུ་མ་གྱུར་པ། རྣམ་པར་ཐར་པ་དང་ཆོས་རྗེས་སུ་མཐུན་པ། རྣམ་པར་ཐར་བར་བྱེད་པ་མ་ཡིན་པའི་དོན་སོ་སོ་ཡང་དག་པར་རིག་པར་བྱེད་དོ། །བྱམས་པ་བྱང་ཆུབ་སེམས་དཔས་བསྒོམས་པ་ལས་བྱུང་བའི་ཤེས་རབ་ཀྱིས་ནི་ཚིག་འབྲུ་ལ་གནས་པ་དང༌། ཚིག་འབྲུ་ལ་གནས་པ་མ་ཡིན་པ་དང༌། སྒྲ་ཇི་བཞིན་པ་དང༌། དགོངས་པ་ཅན་དང༌། ཤེས་བྱའི་དངོས་པོ་དང་ཆ་མཐུན་པའི་ཏིང་ངེ་འཛིན་གྱི་སྤྱོད་ཡུལ་གྱི་གཟུགས་བརྙན་གྱིས་མངོན་དུ་གྱུར་པ་རྣམ་པར་ཐར་པ་དང༌། ཆོས་ཤིན་ཏུ་རྗེས་སུ་མཐུན་པ་དང༌། རྣམ་པར་ཐར་པར་བྱེད་པའི་དོན་ཀྱང་སོ་སོ་ཡང་དག་པར་རིག་པར་བྱེད་དོ། །བྱམས་པ་དེ་དག་གི་ཐ་དད་དུ་བྱ་བ་ནི་དེ་ཡིན་ནོ་ཞེས་བཅོམ་ལྡན་འདས་ཀྱིས་བཀའ་སྩལ་ཏོ། །

bcom ldan 'das thos pa las byung ba'i shes rab kyis ni don so so yang dag par rig pa gang lags pa dang/ bsams pa las byung ba'i shes rab kyis don so so yang dag par rig pa gang lags pa dang/ bcom ldan 'das zhi gnas dang lhag mthong bsgoms pa las byung ba'i shes rab kyis don so so yang dag par rig pa gang lags pa de dag la tha dad du bgyi ba ci mchis lags/ bka' stsal pa/ byams pa byang chub sems dpas thos pa las byung ba'i shes rab kyis ni tshig 'bru la gnas pa dang/ sgra ji bzhin pa dang/ dgongs pa med pa/ mngon du ma gyur pa/ rnam par thar pa'i rjes su mthun pa dang/ rnam par thar par byed pa ma yin pa'i don so so yang dag par rig par byed do/ /byams pa bsams pa las byung ba'i shes rab kyis ni tshig 'bru la gnas pa kho na yin la/ sgra ji bzhin ma yin pa/ dgongs pa can mngon du ma gyur pa/ rnam par thar pa dang chos rjes su mthun pa/ rnam par thar bar byed pa ma yin pa'i don so so yang dag par rig par byed do/ /byams pa byang chub sems dpas bsgoms pa las byung ba'i shes rab kyis ni tshig 'bru la gnas pa dang/ tshig 'bru la gnas pa ma yin pa dang/ sgra ji bzhin pa dang/ dgongs pa can dang/ shes bya'i dngos po dang cha mthun pa'i ting nge 'dzin gyi spyod yul gyi gzugs brnyan gyis mngon du gyur pa rnam par thar pa dang/ chos shin tu rjes su mthun pa dang/ rnam par thar par byed pa'i don kyang so so yang dag par rig par byed do/ /byams pa de dag gi tha dad du bya ba ni de yin no zhes bcom ldan 'das kyis bka' stsal to/ /

【L14 智見差別門】

བཅོམ་ལྡན་འདས་བྱང་ཆུབ་སེམས་དཔའ་ཞི་གནས་དང་ལྷག་མཐོང་བསྒོམ་པ་ཆོས་སོ་སོ་ཡང་དག་པར་རིག་པ་དང༌། དོན་སོ་སོ་ཡང་དག་པར་རིག་པའི་ཤེས་པ་ནི་གང་ལགས། མཐོང་བ་ནི་གང་ལགས། བྱམས་པ་ང་ནི་ཤེས་པ་དང་མཐོང་བ་རྣམ་གྲངས་དུ་མས་སྟོན་པར་བྱེད་མོད་ཀྱི། འོན་ཀྱང་མདོར་བསྡུས་ཏེ་བཤད་པར་བྱའོ། །འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་གི་ཤེས་རབ་གང་ཡིན་པ་དེ་ནི་ཤེས་པ་ཡིན་ནོ། །མ་འདྲེས་པའི་ཆོས་ལ་དམིགས་པའི་ཞི་གནས་དང་ལྷག་མཐོང་གི་ཤེས་རབ་གང་ཡིན་པ་དེ་ནི་མཐོང་བ་ཡིན་ནོ། །

bcom ldan 'das byang chub sems dpa' zhi gnas dang lhag mthong bsgom pa chos so so yang dag par rig pa dang/ don so so yang dag par rig pa'i shes pa ni gang lags/ mthong ba ni gang lags/ byams pa nga ni shes pa dang mthong ba rnam grangs du mas ston par byed mod kyi/ 'on kyang mdor bsdus te bshad par bya'o/ /'dres pa'i chos la dmigs pa'i zhi gnas dang lhag mthong gi shes rab gang yin pa de ni shes pa yin no/ /ma 'dres pa'i chos la dmigs pa'i zhi gnas dang lhag mthong gi shes rab gang yin pa de ni mthong ba yin no/ /

【L15 遣相方門】【M1 明作意除相】

བཅོམ་ལྡན་འདས་བྱང་ཆུབ་སེམས་དཔའ་ཞི་གནས་དང་ལྷག་མཐོང་བསྒོམ་པས་ཡིད་ལ་བགྱིད་པ་གང་གིས་མཚན་མ་གང་ཇི་ལྟར་རྣམ་པར་སེལ་བར་བགྱིད་ལགས། བྱམས་པ་དེ་བཞིན་ཉིད་ཡིད་ལ་བྱེད་པས་ཆོས་ཀྱི་མཚན་མ་དང༌། དོན་གྱི་མཚན་མ་རྣམ་པར་སེལ་བར་བྱེད་དེ། མིང་ལ་མིང་གི་ངོ་བོ་ཉིད་ཀྱང་མི་དམིགས་ཤིང༌། དེའི་གནས་ཀྱི་མཚན་མ་ཡང་ཡང་དག་པར་རྗེས་སུ་མི་མཐོང་བས་རྣམ་པར་སེལ་ཏོ། །མིང་ལ་ཇི་ལྟ་བ་བཞིན་དུ་ཚིག་དང༌། ཡི་གེ་དང༌། དོན་ཐམས་ཅད་ལ་ཡང་དེ་བཞིན་དུ་རིག་པར་བྱའོ། །བྱམས་པ་ཁམས་ཀྱི་བར་ལ་ཁམས་ཀྱི་ངོ་བོ་ཉིད་ཀྱང་མི་དམིགས་ཤིང༌། དེའི་གནས་ཀྱི་མཚན་མ་ཡང་ཡན་དག་པར་རྗེས་སུ་མི་མཐོང་བས་རྣམ་པར་སེལ་ཏོ། །

bcom ldan 'das byang chub sems dpa' zhi gnas dang lhag mthong bsgom pas yid la bgyid pa gang gis mtshan ma gang ji ltar rnam par sel bar bgyid lags/ byams pa de bzhin nyid yid la byed pas chos kyi mtshan ma dang/ don gyi mtshan ma rnam par sel bar byed de/ ming la ming gi ngo bo nyid kyang mi dmigs shing/ de'i gnas kyi mtshan ma yang yang dag par rjes su mi mthong bas rnam par sel to/ /ming la ji lta ba bzhin du tshig dang/ yi ge dang/ don thams cad la yang de bzhin du rig par bya'o/ /byams pa khams kyi bar la khams kyi ngo bo nyid kyang mi dmigs shing/ de'i gnas kyi mtshan ma yang yan dag par rjes su mi mthong bas rnam par sel to/ /

【M2 明真如無相，故無所遣】

བཅོམ་ལྡན་འདས་ཅི་ལགས། དེ་བཞིན་ཉིད་ཀྱི་དོན་སོ་སོ་ཡང་དག་པར་རིག་པའི་མཚན་མ་གང་ལགས་པ་དེ་ཡང་རྣམ་པར་སེལ་བར་བགྱིད་ལགས་སམ། བྱམས་པ་དེ་བཞིན་ཉིད་ཀྱི་དོན་སོ་སོ་ཡང་དག་པར་རིག་པ་ལ་ནི་མཚན་མ་མེད་དེ། མི་དམིགས་ན། དེ་ལ་ཅི་ཞིག་རྣམ་པར་སེལ་བར་འགྱུར་ཏེ། བྱམས་པ་དེ་བཞིན་ཉིད་ཀྱི་དོན་སོ་སོ་ཡང་དག་པར་རིག་པས་ནི། ཆོས་དང༌། དོན་གྱི་མཚན་མ་ཐམས་ཅད་ཟིལ་གྱིས་ནོན་གྱི། དེ་ནི་གང་གིས་ཀྱང་ཟིལ་གྱིས་མནན་པར་བྱ་བ་ཡིན་པར་ང་མི་སྨྲའོ། །

bcom ldan 'das ci lags/ de bzhin nyid kyi don so so yang dag par rig pa'i mtshan ma gang lags pa de yang rnam par sel bar bgyid lags sam/ byams pa de bzhin nyid kyi don so so yang dag par rig pa la ni mtshan ma med de/ mi dmigs na/ de la ci zhig rnam par sel bar 'gyur te/ byams pa de bzhin nyid kyi don so so yang dag par rig pas ni/ chos dang/ don gyi mtshan ma thams cad zil gyis non gyi/ de ni gang gis kyang zil gyis mnan par bya ba yin par nga mi smra'o/ /

【M3 釋通經文】

བཅོམ་ལྡན་འདས་བཅོམ་ལྡན་འདས་ཀྱིས་ཆབ་རྙོག་མ་ཅན་མཆིས་པའི་སྣོད་ཀྱི་དཔེ་དང༌། མེ་ལོང་ཡོངས་སུ་མ་དག་པའི་དཔེ་དང༌། མཚེའུ་འཁྲུགས་པའི་དཔེས་ཇི་ལྟར་རང་གི་བཞིན་གྱི་མཚན་མ་བརྟག་པར་མི་ནུས་ལ། དེ་ལས་བཟློག་པས་ནི་ནུས་པ་དེ་བཞིན་དུ། མ་བསྒོམས་པའི་སེམས་ཀྱིས་ཡང་དག་པ་ཇི་ལྟ་བ་བཞིན་ཤེས་པར་མི་ནུས་ཀྱི། བསྒོམས་པས་ནི་ནུས་སོ་ཞེས་གང་བཀའ་སྩལ་པ་དེ་ལ་སེམས་ཀྱི་སོ་སོར་བརྟགས་པ་ནི་གང་ལགས། དེ་བཞིན་ཉིད་ནི་གང་ལ་དགོངས་ཏེ་བཀའ་སྩལ་པ་ལགས། བཀའ་སྩལ་པ། བྱམས་པ་སེམས་ཀྱིས་སོ་སོར་བརྟག་པ་རྣམ་པ་གསུམ་གྱི་ཕྱིར་ཏེ། ཐོས་པ་ལས་བྱུང་བའི་སེམས་ཀྱིས་སོ་སོར་བརྟག་པ་དང༌། བསམས་པ་ལས་བྱུང་བའི་སེམས་ཀྱིས་སོ་སོར་བརྟག་པ་དང༌། བསྒོམས་པ་ལས་བྱུང་བའི་སེམས་ཀྱིས་སོ་སོར་བརྟག་པའོ། །རྣམ་པར་རིག་པའི་དེ་བཞིན་ཉིད་ལས་དགོངས་ཏེ། ཡོངས་སུ་བསྟན་པ་ཡིན་ནོ། །

bcom ldan 'das bcom ldan 'das kyis chab rnyog ma can mchis pa'i snod kyi dpe dang/ me long yongs su ma dag pa'i dpe dang/ mtshe'u 'khrugs pa'i dpes ji ltar rang gi bzhin gyi mtshan ma brtag par mi nus la/ de las bzlog pas ni nus pa de bzhin du/ ma bsgoms pa'i sems kyis yang dag pa ji lta ba bzhin shes par mi nus kyi/ bsgoms pas ni nus so zhes gang bka' stsal pa de la sems kyi so sor brtags pa ni gang lags/ de bzhin nyid ni gang la dgongs te bka' stsal pa lags/ bka' stsal pa/ byams pa sems kyis so sor brtag pa rnam pa gsum gyi phyir te/ thos pa las byung ba'i sems kyis so sor brtag pa dang/ bsams pa las byung ba'i sems kyis so sor brtag pa dang/ bsgoms pa las byung ba'i sems kyis so sor brtag pa'o/ /rnam par rig pa'i de bzhin nyid las dgongs te/ yongs su bstan pa yin no/ /

【L16 依空遣相門】【M1 明十相空觀除遣】【N1 明十七空除遣十相】

བཅོམ་ལྡན་འདས་བྱང་ཆུབ་སེམས་དཔའ་དེ་ལྟར་ཆོས་དང་དོན་སོ་སོ་ཡང་དག་པར་རིག་པ་དང༌། མཚན་མ་རྣམ་པར་སེལ་བ་ལ་ཞུགས་པའི་མཚན་མ་དུ་ཞིག་ནི་རྣམ་པར་བསལ་བཀའ་བ་ལགས༑ གང་གིས་ནི་དེ་དག་རྣམ་པར་སེལ་ལགས། བྱམས་པ་བཅུ་སྟེ། དེ་དག་ནི་སྟོང་པ་ཉིད་ཀྱིས་རྣམ་པར་སེལ་ཏོ། །བཅུ་གང་ཞེ་ན། ཆོས་ཀྱི་དོན་སོ་སོ་ཡང་དག་པར་རིག་པར་བྱེད་པ་ན། ཚིག་དང་ཡི་གེའི་མཚན་མ་སྣ་ཚོགས་གང་ཡིན་པ་དེ་ནི་ཆོས་ཐམས་ཅད་སྟོང་པ་ཉིད་ཀྱིས་རྣམ་པར་སེལ་ཏོ། །གནས་པའི་དེ་བཞིན་ཉིད་ཀྱི་དོན་སོ་སོར་ཡང་དག་པར་རིག་པར་བྱེད་པ་ན། སྐྱེ་བ་དང༌། འཇིག་པ་དང༌། གནས་པ་དང༌། གཞན་དུ་འགྱུར་བ་ཉིད་ཀྱི་རྒྱུན་གྱི་རྗེས་སུ་འཇུག་པའི་མཚན་མ་གང་ཡིན་པ་དེ་ནི་མཚན་ཉིད་སྟོང་པ་ཉིད་ཀྱིས་ཀྱང་རྣམ་པར་སེལ་ལ། དེ་ནི་ཐོག་མ་དང་ཐ་མ་མེད་པ་སྟོང་པ་ཉིད་ཀྱིས་ཀྱང་རྣམ་པར་སེལ་ཏོ། །འཛིན་པའི་དོན་སོ་སོར་ཡང་དག་པར་རིག་པར་བྱེད་པའི་འཇིག་ཚོགས་ལ་ལྟ་བའི་མཚན་མ་དང༌། ངའོ་སྙམ་པའི་མཚན་མ་གང་ཡིན་པ་དེ་ནི་ནང་སྟོང་པ་ཉིད་དང༌། མི་དམིགས་པ་སྟོང་པ་ཉིད་ཀྱིས་རྣམ་པར་སེལ་ཏོ། །གཟུང་བའི་དོན་སོ་སོ་ཡང་དག་པར་རིག་པར་བྱེད་པའི་ལོངས་སྤྱོད་ལ་ལྟ་བའི་མཚན་མ་གང་ཡིན་པ་དེ་ནི་ཕྱི་སྟོང་པ་ཉིད་ཀྱིས་རྣམ་པར་སེལ་ཏོ། །ཡོངས་སུ་ལོངས་སྤྱོད་པའི་དོན་དུ་སྐྱེས་པ་དང༌། བུད་མེད་ཀྱི་བསྙེན་བཀུར་དང༌། ཡོ་བྱད་དང་ལྡན་པ་སོ་སོ་ཡང་དག་པར་རིག་པར་བྱེད་པ་ན། ནང་གི་བདེ་བའི་མཚན་མ་དང༌། ཕྱི་རོལ་གྱི་སྡུག་པའི་མཚན་མ་གང་ཡིན་པ་དེ་ནི། ཕྱི་ནང་སྟོང་པ་ཉིད་དང༌། རང་བཞིན་གྱིས་སྟོང་པ་ཉིད་ཀྱིས་རྣམ་པར་སེལ་ཏོ། །གནས་ཀྱི་དོན་སོ་སོ་ཡང་དག་པར་རིག་པར་བྱེད་པ་ན། ཚད་མེད་པའི་མཚན་མ་གང་ཡིན་པ་དེ་ནི་ཆེན་པོ་སྟོང་པ་ཉིད་ཀྱིས་རྣམ་པར་སེལ་ཏོ། །གཟུགས་མེད་པ་ལ་བརྟེན་ཏེ། གང་གི་ཞི་བ་ལ་རྣམ་པར་ཐར་པའི་མཚན་མ་གང་ཡིན་པ་དེ་ནི་འདུས་བྱས་སྟོང་པ་ཉིད་ཀྱིས་རྣམ་པར་སེལ་ཏོ། །མཚན་ཉིད་ཀྱི་དེ་བཞིན་ཉིད་ཀྱི་དོན་སོ་སོ་ཡང་དག་པར་རིག་པར་བྱེད་པ་ན། གང་ཟག་བདག་མེད་པའི་མཚན་མ་དང༌། ཆོས་ལ་བདག་མེད་པའི་མཚན་མ་དང༌། རྣམ་པར་རིག་པ་ཙམ་གྱི་མཚན་མ་དང༌། དོན་དམ་པའི་མཚན་མ་གང་ཡིན་པ་དེ་ནི་མཐའ་ལས་འདས་པ་སྟོང་པ་ཉིད་དང༌། དངོས་པོ་མེད་པ་སྟོང་པ་ཉིད་དང༌། དངོས་པོ་མེད་པའི་ངོ་བོ་ཉིད་སྟོང་པ་ཉིད་དང༌། དོན་དམ་པ་སྟོང་པ་ཉིད་ཀྱིས་རྣམ་པར་སེལ་ཏོ། །རྣམ་པར་དག་པའི་དེ་བཞིན་ཉིད་ཀྱི་དོན་སོ་སོ་ཡང་དག་པར་རིག་པར་བྱེད་པ་ན། འདུས་མ་བྱས་ཀྱི་མཚན་མ་དང༌། འགྱུར་བ་མེད་པའི་མཚན་མ་གང་ཡིན་པ་དེ་ནི་འདུས་མ་བྱས་སྟོང་པ་ཉིད་དང༌། དོར་བ་མེད་པ་སྟོང་པ་ཉིད་ཀྱིས་རྣམ་པར་སེལ་ཏོ། །མཚན་མ་དེའི་གཉེན་པོ་སྟོང་པ་ཉིད་དེ་དག་ཡིད་ལ་བྱེད་པའི་སྟོང་པ་ཉིད་ཀྱི་མཚན་མ་གང་ཡིན་པ་དེ་ནི། སྟོང་པ་ཉིད་སྟོང་པ་ཉིད་ཀྱིས་རྣམ་པར་སེལ་ཏོ། །

bcom ldan 'das byang chub sems dpa' de ltar chos dang don so so yang dag par rig pa dang/ mtshan ma rnam par sel ba la zhugs pa'i mtshan ma du zhig ni rnam par bsal bka' ba lags| gang gis ni de dag rnam par sel lags/ byams pa bcu ste/ de dag ni stong pa nyid kyis rnam par sel to/ /bcu gang zhe na/ chos kyi don so so yang dag par rig par byed pa na/ tshig dang yi ge'i mtshan ma sna tshogs gang yin pa de ni chos thams cad stong pa nyid kyis rnam par sel to/ /gnas pa'i de bzhin nyid kyi don so sor yang dag par rig par byed pa na/ skye ba dang/ 'jig pa dang/ gnas pa dang/ gzhan du 'gyur ba nyid kyi rgyun gyi rjes su 'jug pa'i mtshan ma gang yin pa de ni mtshan nyid stong pa nyid kyis kyang rnam par sel la/ de ni thog ma dang tha ma med pa stong pa nyid kyis kyang rnam par sel to/ /'dzin pa'i don so sor yang dag par rig par byed pa'i 'jig tshogs la lta ba'i mtshan ma dang/ nga'o snyam pa'i mtshan ma gang yin pa de ni nang stong pa nyid dang/ mi dmigs pa stong pa nyid kyis rnam par sel to/ /gzung ba'i don so so yang dag par rig par byed pa'i longs spyod la lta ba'i mtshan ma gang yin pa de ni phyi stong pa nyid kyis rnam par sel to/ /yongs su longs spyod pa'i don du skyes pa dang/ bud med kyi bsnyen bkur dang/ yo byad dang ldan pa so so yang dag par rig par byed pa na/ nang gi bde ba'i mtshan ma dang/ phyi rol gyi sdug pa'i mtshan ma gang yin pa de ni/ phyi nang stong pa nyid dang/ rang bzhin gyis stong pa nyid kyis rnam par sel to/ /gnas kyi don so so yang dag par rig par byed pa na/ tshad med pa'i mtshan ma gang yin pa de ni chen po stong pa nyid kyis rnam par sel to/ /gzugs med pa la brten te/ gang gi zhi ba la rnam par thar pa'i mtshan ma gang yin pa de ni 'dus byas stong pa nyid kyis rnam par sel to/ /mtshan nyid kyi de bzhin nyid kyi don so so yang dag par rig par byed pa na/ gang zag bdag med pa'i mtshan ma dang/ chos la bdag med pa'i mtshan ma dang/ rnam par rig pa tsam gyi mtshan ma dang/ don dam pa'i mtshan ma gang yin pa de ni mtha' las 'das pa stong pa nyid dang/ dngos po med pa stong pa nyid dang/ dngos po med pa'i ngo bo nyid stong pa nyid dang/ don dam pa stong pa nyid kyis rnam par sel to/ /rnam par dag pa'i de bzhin nyid kyi don so so yang dag par rig par byed pa na/ 'dus ma byas kyi mtshan ma dang/ 'gyur ba med pa'i mtshan ma gang yin pa de ni 'dus ma byas stong pa nyid dang/ dor ba med pa stong pa nyid kyis rnam par sel to/ /mtshan ma de'i gnyen po stong pa nyid de dag yid la byed pa'i stong pa nyid kyi mtshan ma gang yin pa de ni/ stong pa nyid stong pa nyid kyis rnam par sel to/ /

【N2 明空所得果】

བཅོམ་ལྡན་འདས་མཚན་མ་རྣམ་པ་བཅུ་རྣམ་པར་སེལ་བར་བགྱིད་པ་ན། མཚན་མ་གང་རྣམ་པར་སེལ་བར་བགྱིད་ཅིང༌། མཚན་མའི་འཆིང་བ་གང་ལས་རྣམ་པར་གྲོལ་བར་འགྱུར་ལགས། བྱམས་པ་ཏིང་ངེ་འཛིན་གྱི་སྤྱོད་ཡུལ་གཟུགས་བརྙན་གྱི་མཚན་མ་རྣམ་པར་སེལ་བར་བྱེད་ཅིང༌། ཀུན་ནས་ཉོན་མོངས་པའི་འཆིང་བའི་མཚན་མ་ལས་ཡོངས་སུ་གྲོལ་བར་འགྱུར་ལ། དེ་ཡང་རྣམ་པར་སེལ་ཏོ། །

bcom ldan 'das mtshan ma rnam pa bcu rnam par sel bar bgyid pa na/ mtshan ma gang rnam par sel bar bgyid cing/ mtshan ma'i 'ching ba gang las rnam par grol bar 'gyur lags/ byams pa ting nge 'dzin gyi spyod yul gzugs brnyan gyi mtshan ma rnam par sel bar byed cing/ kun nas nyon mongs pa'i 'ching ba'i mtshan ma las yongs su grol bar 'gyur la/ de yang rnam par sel to/ /

【N3 明空觀除相道理】

བྱམས་པ་སྟོང་པ་ཉིད་དེ་དག་ནི་དངོས་སུ་ན་མཚན་མ་དེ་དག་གི་གཉེན་པོར་གྱུར་པ་ཡིན་པར་རིག་པར་བྱའོ། །རེ་རེ་ཡང་མཚན་མ་ཐམས་ཅད་ཀྱི་གཉེན་པོར་མི་འགྱུར་བ་ནི་མ་ཡིན་ནོ། །བྱམས་པ་འདི་ལྟ་སྟེ་དཔེར་ན། མ་རིག་པ་ནི་རྒ་ཤིའི་བར་གྱི་ཀུན་ནས་ཉོན་མོངས་པ་འགྲུབ་པར་མི་བྱེད་པ་མ་ཡིན་མོད་ཀྱི། ཉེ་བ་དང༌། ཤིན་ཏུ་ཉེ་བའི་རྐྱེན་ཉིད་ཡིན་པའི་ཕྱིར་དངོས་སུ་ན་འདུ་བྱེད་འགྲུབ་པར་བྱེད་པ་ཡིན་པར་བསྟན་པ་བཞིན་དུ་འདི་ལ་ཡང་ཚུལ་དེ་བཞིན་དུ་བལྟ་བར་བྱའོ། །

byams pa stong pa nyid de dag ni dngos su na mtshan ma de dag gi gnyen por gyur pa yin par rig par bya'o/ /re re yang mtshan ma thams cad kyi gnyen por mi 'gyur ba ni ma yin no/ /byams pa 'di lta ste dper na/ ma rig pa ni rga shi'i bar gyi kun nas nyon mongs pa 'grub par mi byed pa ma yin mod kyi/ nye ba dang/ shin tu nye ba'i rkyen nyid yin pa'i phyir dngos su na 'du byed 'grub par byed pa yin par bstan pa bzhin du 'di la yang tshul de bzhin du blta bar bya'o/ /

【M2 辨總空性相】【N1 問】

བཅོམ་ལྡན་འདས་ཐེག་པ་ཆེན་པོ་ལ་བྱང་ཆུབ་སེམས་དཔའ་རྣམས་ཀྱིས་གང་རྟོགས་ན་སྟོང་པ་ཉིད་ཀྱི་མཚན་ཉིད་ལ་

bcom ldan 'das theg pa chen po la byang chub sems dpa' rnams kyis gang rtogs na stong pa nyid kyi mtshan nyid la

【N2 答】【O1 讚問許說】

མངོན་པའི་ང་རྒྱལ་མ་མཆིས་པས་རབ་ཏུ་ཉམས་པར་མི་འགྱུར་བའི་སྟོང་པ་ཉིད་ཀྱི་མཚན་ཉིད་བསྡུས་པ་གང་ལགས། །

mngon pa'i nga rgyal ma mchis pas rab tu nyams par mi 'gyur ba'i stong pa nyid kyi mtshan nyid bsdus pa gang lags/ /

【O2 上答問】

དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་ལེགས་སོ་ལེགས་སོ་ཞེས་བྱ་བ་བྱིན་ཏེ། བྱམས་པ་ཁྱོད་དེ་ལྟར་བྱང་ཆུབ་སེམས་དཔའ་རྣམས་སྟོང་པ་ཉིད་ལས་རབ་ཏུ་ཉམས་པར་མི་འགྱུར་བར་བྱ་བའི་ཕྱིར་དེ་བཞིན་གཤེགས་པ་ལ་ཁྱོད་དོན་འདི་ཉིད་འདྲི་བ་ལེགས་སོ་ལེགས་སོ། །དེ་ཅིའི་ཕྱིར་ཞེ་ན། བྱམས་པ་བྱང་ཆུབ་སེམས་དཔའ་སྟོང་པ་ཉིད་ལས་རབ་ཏུ་ཉམས་པ་ནི་ཐེག་པ་ཆེན་པོ་མཐའ་དག་ལས་ཀྱང་རབ་ཏུ་ཉམས་པར་འགྱུར་བའི་ཕྱིར་རོ། །བྱམས་པ་དེའི་ཕྱིར་ཉོན་ཅིག་དང༌། སྟོང་པ་ཉིད་ཀྱི་མཚན་ཉིད་བསྡུས་པ་ཁྱོད་ལ་བཤད་པར་བྱའོ། །བྱམས་པ་གཞན་གྱི་དབང་གི་མཚན་ཉིད་དང༌། ཡོངས་སུ་གྲུབ་པའི་མཚན་ཉིད་རྣམ་པ་ཐམས་ཅད་དུ་ཀུན་ནས་ཉོན་མོངས་པ་དང༌། རྣམ་པར་བྱང་བ་པའི་ཀུན་བརྟགས་པའི་མཚན་ཉིད་དང་ཤིན་ཏུ་རྣམ་པར་བྲལ་བ་ཉིད་དང་། དེ་དེ་ལ་མི་དམིགས་པ་གང་ཡིན་པ་དེ་ནི་ཐེག་པ་ཆེན་པོ་ལ་སྟོང་པ་ཉིད་ཀྱི་མཚན་ཉིད་བསྡུས་པ་ཞེས་བྱའོ། །

de nas bcom ldan 'das kyis byang chub sems dpa' byams pa la legs so legs so zhes bya ba byin te/ byams pa khyod de ltar byang chub sems dpa' rnams stong pa nyid las rab tu nyams par mi 'gyur bar bya ba'i phyir de bzhin gshegs pa la khyod don 'di nyid 'dri ba legs so legs so/ /de ci'i phyir zhe na/ byams pa byang chub sems dpa' stong pa nyid las rab tu nyams pa ni theg pa chen po mtha' dag las kyang rab tu nyams par 'gyur ba'i phyir ro/ /byams pa de'i phyir nyon cig dang/ stong pa nyid kyi mtshan nyid bsdus pa khyod la bshad par bya'o/ /byams pa gzhan gyi dbang gi mtshan nyid dang/ yongs su grub pa'i mtshan nyid rnam pa thams cad du kun nas nyon mongs pa dang/ rnam par byang ba pa'i kun brtags pa'i mtshan nyid dang shin tu rnam par bral ba nyid dang / de de la mi dmigs pa gang yin pa de ni theg pa chen po la stong pa nyid kyi mtshan nyid bsdus pa zhes bya'o/ /

【L17 攝幾門】

བཅོམ་ལྡན་འདས་ཞི་གནས་དང་ལྷག་མཐོང་དག་གིས་ཏིང་ངེ་འཛིན་དུ་ཞིག་བསྡུས་ལགས། བཀའ་སྩལ་པ། བྱམས་པ་ངས་ཉན་ཐོས་རྣམས་དང༌། བྱང་ཆུབ་སེམས་དཔའ་རྣམས་དང༌། དེ་བཞིན་གཤེགས་པ་རྣམས་ཀྱི་ཏིང་ངེ་འཛིན་རྣམ་པ་དུ་མ་བསྟན་པ་གང་དག་ཡིན་པ་དེ་དག་ཐམས་ཅད་བསྡུས་པར་རིག་པར་བྱའོ༑ །

bcom ldan 'das zhi gnas dang lhag mthong dag gis ting nge 'dzin du zhig bsdus lags/ bka' stsal pa/ byams pa ngas nyan thos rnams dang/ byang chub sems dpa' rnams dang/ de bzhin gshegs pa rnams kyi ting nge 'dzin rnam pa du ma bstan pa gang dag yin pa de dag thams cad bsdus par rig par bya'o| /

【L18 因果門】

བཅོམ་ལྡན་འདས་ཞི་གནས་དང་ལྷག་མཐོང་རྒྱུ་གང་ལས་བྱུང་བ་ལགས། བྱམས་པ་ཚུལ་ཁྲིམས་རྣམ་པར་དག་པའི་རྒྱུ་ལས་བྱུང་བ་དང༌། ཐོས་པ་དང༌། བསམས་པ་ལས་བྱུང་བའི་ལྟ་བ་རྣམ་པར་དག་པའི་རྒྱུ་ལས་བྱུང་བ་ཡིན་ནོ། །བཅོམ་ལྡན་འདས་དེ་དག་གི་འབྲས་བུ་གང་ལགས་པར་བརྗོད་པར་བགྱི། བྱམས་པ་སེམས་རྣམ་པར་དག་པ་ནི་འབྲས་བུ་ཡིན། ཤེས་རབ་རྣམ་པར་དག་པ་ནི་འབྲས་བུ་ཡིན་ནོ། །བྱམས་པ་ཡང་ཉན་ཐོས་རྣམས་ཀྱིའམ། བྱང་ཆུབ་སེམས་དཔའ་རྣམས་ཀྱིའམ། དེ་བཞིན་གཤེགས་པ་རྣམས་ཀྱི་དགེ་བའི་ཆོས་འཇིག་རྟེན་པ་དང༌། འཇིག་རྟེན་ལས་འདས་པ་ཐམས་ཅད་ཀྱང་ཞི་གནས་དང་ལྷག་མཐོང་གི་འབྲས་བུ་ཡིན་པར་རིག་པར་བྱའོ། །

bcom ldan 'das zhi gnas dang lhag mthong rgyu gang las byung ba lags/ byams pa tshul khrims rnam par dag pa'i rgyu las byung ba dang/ thos pa dang/ bsams pa las byung ba'i lta ba rnam par dag pa'i rgyu las byung ba yin no/ /bcom ldan 'das de dag gi 'bras bu gang lags par brjod par bgyi/ byams pa sems rnam par dag pa ni 'bras bu yin/ shes rab rnam par dag pa ni 'bras bu yin no/ /byams pa yang nyan thos rnams kyi'am/ byang chub sems dpa' rnams kyi'am/ de bzhin gshegs pa rnams kyi dge ba'i chos 'jig rten pa dang/ 'jig rten las 'das pa thams cad kyang zhi gnas dang lhag mthong gi 'bras bu yin par rig par bya'o/ /

【L19 作業門】

བཅོམ་ལྡན་འདས་ཞི་གནས་དང་ལྷག་མཐོང་གི་ལས་ཅི་ལགས། །བྱམས་པ་འཆིང་བ་རྣམ་པ་གཉིས་པོ་མཚན་མའི་འཆིང་བ་དང༌། གནས་ངན་ལེན་གྱི་འཆིང་བ་ལས་རྣམ་པར་ཐར་བར་བྱེད་པ་ཡིན་ནོ། །

bcom ldan 'das zhi gnas dang lhag mthong gi las ci lags/ /byams pa 'ching ba rnam pa gnyis po mtshan ma'i 'ching ba dang/ gnas ngan len gyi 'ching ba las rnam par thar bar byed pa yin no/ /

【L20 止觀障門】【M1 辨五繫】

བཅོམ་ལྡན་འདས་བཅོམ་ལྡན་འདས་ཀྱིས་གགས་རྣམ་པ་ལྔ་གསུངས་པ་གང་དག་ལགས་པ་དེ་དག་ལས། དུ་ནི་ཞི་གནས་ཀྱི་གགས་དག་ལགས། དུ་ནི་ལྷག་མཐོང་གི་གགས་དག་ལགས། དུ་ནི་གཉི་གའི་གགས་དག་ལགས། བྱམས་པ་ལུས་དང་ལོངས་སྤྱོད་ལ་ལྟ་བ་ནི་ཞི་གནས་ཀྱི་གགས་ཡིན་ནོ། །འཕགས་པའི་གཏམ་འདོད་པ་བཞིན་མ་ཐོབ་པ་ནི་ལྷག་མཐོང་གི་གགས་ཡིན་ནོ། །འདྲེས་པར་གནས་པ་དང༌། ཅུང་ཟད་ཙམ་གྱིས་ཆོག་པར་འཛིན་པ་ནི་དེ་གཉི་གའི་གགས་ཡིན་ཏེ། དེ་ལ་ཡང་གཅིག་གིས་ནི་སྦྱོར་བར་མི་བྱེད་དོ། །ཅིག་ཤོས་ཀྱིས་ནི་སྦྱོར་བ་མཐར་ཐུག་པར་མི་འགྱུར་རོ། །

bcom ldan 'das bcom ldan 'das kyis gags rnam pa lnga gsungs pa gang dag lags pa de dag las/ du ni zhi gnas kyi gags dag lags/ du ni lhag mthong gi gags dag lags/ du ni gnyi ga'i gags dag lags/ byams pa lus dang longs spyod la lta ba ni zhi gnas kyi gags yin no/ /'phags pa'i gtam 'dod pa bzhin ma thob pa ni lhag mthong gi gags yin no/ /'dres par gnas pa dang/ cung zad tsam gyis chog par 'dzin pa ni de gnyi ga'i gags yin te/ de la yang gcig gis ni sbyor bar mi byed do/ /cig shos kyis ni sbyor ba mthar thug par mi 'gyur ro/ /

【M2 辨五蓋】

བཅོམ་ལྡན་འདས་སྒྲིབ་པ་ལྔ་པོ་གང་དག་ལགས་པ་དེ་དག་ལས། དུ་ནི་ཞི་གནས་ཀྱི་སྒྲིབ་པ་དག་ལགས། དུ་ནི་ལྷག་མཐོང་གི་སྒྲིབ་པ་དག་ལགས། དུ་ནི་གཉི་གའི་སྒྲིབ་པ་དག་ལགས། བྱམས་པ་རྒོད་པ་དང་། འགྱོད་པ་ནི་ཞི་གནས་ཀྱི་སྒྲིབ་པ་ཡིན་ནོ། །རྨུགས་པ་དང༌། གཉིད་དང༌། ཐེ་ཚོམ་ནི་ལྷག་མཐོང་གི་སྒྲིབ་པ་ཡིན་ནོ། །འདོད་པ་ལ་འདུན་པ་དང༌། གནོད་སེམས་ནི་དེ་གཉི་གའི་སྒྲིབ་པ་ཡིན་ནོ། །

bcom ldan 'das sgrib pa lnga po gang dag lags pa de dag las/ du ni zhi gnas kyi sgrib pa dag lags/ du ni lhag mthong gi sgrib pa dag lags/ du ni gnyi ga'i sgrib pa dag lags/ byams pa rgod pa dang / 'gyod pa ni zhi gnas kyi sgrib pa yin no/ /rmugs pa dang/ gnyid dang/ the tshom ni lhag mthong gi sgrib pa yin no/ /'dod pa la 'dun pa dang/ gnod sems ni de gnyi ga'i sgrib pa yin no/ /

【L21 圓滿清淨門】

བཅོམ་ལྡན་འདས་ཇི་ཙམ་གྱིས་ན་ཞི་གནས་ཀྱི་ལམ་ཡོངས་སུ་དག་པ་ལགས། བྱམས་པ་གང་གི་ཚེ་རྨུགས་པ་དང༌། གཉིད་ལེགས་པར་རབ་ཏུ་ཆོམས་པར་གྱུར་བའོ། །བཅོམ་ལྡན་འདས་ཇི་ཙམ་གྱིས་ན་ལྷག་མཐོང་གི་ལམ་ཡངས་སུ་དག་པ་ལགས། བྱམས་པ་གང་གི་ཚེ་རྒོད་པ་དང་འགྱོད་པ་ལེགས་པར་རབ་ཏུ་ཆོམས་པར་གྱུར་པའོ། །

bcom ldan 'das ji tsam gyis na zhi gnas kyi lam yongs su dag pa lags/ byams pa gang gi tshe rmugs pa dang/ gnyid legs par rab tu choms par gyur ba'o/ /bcom ldan 'das ji tsam gyis na lhag mthong gi lam yangs su dag pa lags/ byams pa gang gi tshe rgod pa dang 'gyod pa legs par rab tu choms par gyur pa'o/ /

【L22 散動門】

བཅོམ་ལྡན་འདས་བྱང་ཆུབ་སེམས་དཔའ་ཞི་གནས་དང་ལྷག་མཐོང་ལ་ཞུགས་པས་རྣམ་པ་དུ་དག་གིས་སེམས་རྣམ་པར་གཡེང་བ་ཡོངས་སུ་འཚལ་བར་བགྱི་ལགས༑ བཀའ་སྩལ་པ། བྱམས་པ་རྣམ་པ་ལྔ་སྟེ། ཡིད་ལ་བྱེད་པའི་རྣམ་པར་གཡེང་བ་དང༌། ཕྱི་རོལ་དུ་སེམས་རྣམ་པར་གཡེང་བ་དང༌། ནང་དུ་སེམས་རྣམ་པར་གཡེང་བ་དང༌། མཚན་མའི་རྣམ་པར་གཡེང་བ་དང༌། གནས་ངན་ལེན་གྱི་རྣམ་པར་གཡེང་བའོ། །བྱམས་པ་གལ་ཏེ་བྱང་ཆུབ་སེམས་དཔའ་ཐེག་པ་ཆེན་པོ་དང་ལྡན་པའི་ཡིད་ལ་བྱེད་པ་བཏང་སྟེ། ཉན་ཐོས་དང་། རང་སངས་རྒྱས་དང་ལྡན་པའི་ཡིད་ལ་བྱེད་པར་རབ་ཏུ་ལྷུང་ན། དེ་ནི་ཡིད་ལ་བྱེད་པའི་རྣམ་པར་གཡེང་བ་ཡིན་ནོ། །གལ་ཏེ་ཕྱི་རོལ་གྱི་འདོད་པའི་ཡོན་ཏན་ལྔ་པོ་དག་དང༌། འདུ་འཛི་དང༌། མཚན་མ་དང༌། རྣམ་པར་རྟོག་པ་དང༌། ཉོན་མོངས་པ་དང༌། ཉེ་བའི་ཉོན་མོངས་པ་དང༌། ཕྱི་རོལ་གྱི་དམིགས་པ་རྣམས་ལ་སེམས་རྣམ་པར་འཕྲོ་བར་གཏོང་ན་དེའི་ཕྱི་རོལ་དུ་སེམས་རྣམ་པར་གཡེང་བ་ཡིན་ནོ། །གལ་ཏེ་རྨུགས་པ་དང༌། གཉིད་ཀྱིས་བྱིང་བའམ། སྙོམས་པར་འཇུག་པའི་རོ་མྱང་བའམ། སྙོམས་པར་འཇུག་པའི་ཉེ་བའི་ཉོན་མོངས་པ་གང་ཡང་རུང་བས་ཉོན་མོངས་པར་གྱུར་ན། དེ་ནི་ནང་དུ་སེམས་རྣམ་པར་གཡེང་བ་ཡིན་ནོ། །གལ་ཏེ་ཕྱི་རོལ་གྱི་མཚན་མ་ལ་བརྟེན་ནས་ནང་གི་ཏིང་ངེ་འཛིན་གྱི་སྤྱོད་ཡུལ་གྱི་མཚན་མ་ཡིད་ལ་བྱེད་ན། དེ་ནི་མཚན་མའི་རྣམ་པར་གཡེང་བ་ཡིན་ནོ། །གལ་ཏེ་ནང་གི་ཡིད་ལ་བྱེད་པ་ལ་བརྟེན་ནས་བྱུང་བའི་ཚོར་བ་ལ་གནས་ངན་ལེན་གྱི་ཚོགས་ཀྱིས་ངའོ་སྙམ་དུ་རློམ་སེམས་སུ་བྱེད་ན། དེ་ནི་གནས་ངན་ལེན་གྱི་རྣམ་པར་གཡེང་བ་ཡིན་ནོ། །

bcom ldan 'das byang chub sems dpa' zhi gnas dang lhag mthong la zhugs pas rnam pa du dag gis sems rnam par g.yeng ba yongs su 'tshal bar bgyi lags| bka' stsal pa/ byams pa rnam pa lnga ste/ yid la byed pa'i rnam par g.yeng ba dang/ phyi rol du sems rnam par g.yeng ba dang/ nang du sems rnam par g.yeng ba dang/ mtshan ma'i rnam par g.yeng ba dang/ gnas ngan len gyi rnam par g.yeng ba'o/ /byams pa gal te byang chub sems dpa' theg pa chen po dang ldan pa'i yid la byed pa btang ste/ nyan thos dang / rang sangs rgyas dang ldan pa'i yid la byed par rab tu lhung na/ de ni yid la byed pa'i rnam par g.yeng ba yin no/ /gal te phyi rol gyi 'dod pa'i yon tan lnga po dag dang/ 'du 'dzi dang/ mtshan ma dang/ rnam par rtog pa dang/ nyon mongs pa dang/ nye ba'i nyon mongs pa dang/ phyi rol gyi dmigs pa rnams la sems rnam par 'phro bar gtong na de'i phyi rol du sems rnam par g.yeng ba yin no/ /gal te rmugs pa dang/ gnyid kyis bying ba'am/ snyoms par 'jug pa'i ro myang ba'am/ snyoms par 'jug pa'i nye ba'i nyon mongs pa gang yang rung bas nyon mongs par gyur na/ de ni nang du sems rnam par g.yeng ba yin no/ /gal te phyi rol gyi mtshan ma la brten nas nang gi ting nge 'dzin gyi spyod yul gyi mtshan ma yid la byed na/ de ni mtshan ma'i rnam par g.yeng ba yin no/ /gal te nang gi yid la byed pa la brten nas byung ba'i tshor ba la gnas ngan len gyi tshogs kyis nga'o snyam du rlom sems su byed na/ de ni gnas ngan len gyi rnam par g.yeng ba yin no/ /

【L23 治障門】

བཅོམ་ལྡན་འདས་ཞི་གནས་དང་ལྷག་མཐོང་དག་བྱང་ཆུབ་སེམས་དཔའི་ས་དང་པོ་ནས་བཟུང་སྟེ། དེ་བཞིན་གཤེགས་པའི་སའི་བར་ལ་གང་གི་གཉེན་པོ་ལགས། བྱམས་པ་ཞི་གནས་དང་ལྷག་མཐོང་གི་ས་དང་པོ་ལ་ནི་ངན་སོང་བའི་ཉོན་མོངས་པ་དང༌། ལས་དང༌། སྐྱེ་བའི་ཀུན་ནས་ཉོན་མོངས་པའི་གཉེན་པོ་ཡིན་ནོ། །གཉིས་པ་ལ་ནི་ལྟུང་བ་ཕྲ་མོའི་འཁྲུལ་པ་ཀུན་ཏུ་འབྱུང་བ་རྣམས་ཀྱིའོ། །གསུམ་པ་ལ་ནི་འདོད་པའི་འདོད་ཆགས་ཀྱིའོ། །བཞི་པ་ལ་ནི་སྙོམས་པར་འཇུག་པ་ལ་སྲེད་པ་དང་ཆོས་ལ་སྲེད་པའིའོ། །ལྔ་པ་ལ་ནི་འཁོར་བ་དང༌། མྱ་ངན་ལས་འདས་པ་དག་ལ་གཅིག་ཏུ་མི་ཕྱོགས་པ་ཉིད་དང༌། མངོན་དུ་ཕྱོགས་པ་ཉིད་ཀྱིའོ། །དྲུག་པ་ལ་ནི་མཚན་མ་མང་པོ་ཀུན་ཏུ་འབྱུང་བའིའོ། །བདུན་པ་ལ་ནི་མཚན་མ་ཕྲ་མོ་ཀུན་ཏུ་འབྱུང་བའིའོ། །བརྒྱད་པ་ལ་ནི་མཚན་མ་མེད་པ་ལ་རྩོལ་བ་དང༌། མཚན་མ་ལ་དབང་དུ་མ་གྱུར་བའིའོ། །དགུ་པ་ལ་ནི་རྣམ་པ་ཐམས་ཅད་དུ་ཆོས་སྟོན་པ་ལ་དབང་དུ་མ་གྱུར་པའིའོ། །བཅུ་པ་ལ་ནི་ཆོས་ཀྱི་སྐུ་ཡོངས་སུ་རྫོགས་པ་སོ་སོ་ཡང་དག་པར་རིག་པ་ནི་མི་འཐོབ་པའི་འོ། །བྱམས་པ་ཞི་གནས་དང་ལྷག་མཐོང་དེ་བཞིན་གཤེགས་པའི་ས་ལ་ནི་ཉོན་མོངས་པ་དང་ཤེས་བྱའི་སྒྲིབ་པ་ཤིན་ཏུ་ཕྲ་བ། མཆོག་ཏུ་ཆེས་ཤིན་ཏུ་ཕྲ་བའི་གཉེན་པོ་ཡིན་ཏེ། དེ་ལེགས་པར་བཅོམ་པས་ཆོས་ཀྱི་སྐུ་ཤིན་ཏུ་རྣམ་པར་དག་པ་ལ་གནས་པ་ན། དགོས་པ་ཡོངས་སུ་གྲུབ་པའི་དམིགས་པ་ལ། ཐམས་ཅད་དུ་ཆགས་པ་མེད་པ་དང༌། ཐོགས་པ་མེད་པའི་ཤེས་པ་དང་མཐོང་བ་ཐོབ་པོ། །

bcom ldan 'das zhi gnas dang lhag mthong dag byang chub sems dpa'i sa dang po nas bzung ste/ de bzhin gshegs pa'i sa'i bar la gang gi gnyen po lags/ byams pa zhi gnas dang lhag mthong gi sa dang po la ni ngan song ba'i nyon mongs pa dang/ las dang/ skye ba'i kun nas nyon mongs pa'i gnyen po yin no/ /gnyis pa la ni ltung ba phra mo'i 'khrul pa kun tu 'byung ba rnams kyi'o/ /gsum pa la ni 'dod pa'i 'dod chags kyi'o/ /bzhi pa la ni snyoms par 'jug pa la sred pa dang chos la sred pa'i'o/ /lnga pa la ni 'khor ba dang/ mya ngan las 'das pa dag la gcig tu mi phyogs pa nyid dang/ mngon du phyogs pa nyid kyi'o/ /drug pa la ni mtshan ma mang po kun tu 'byung ba'i'o/ /bdun pa la ni mtshan ma phra mo kun tu 'byung ba'i'o/ /brgyad pa la ni mtshan ma med pa la rtsol ba dang/ mtshan ma la dbang du ma gyur ba'i'o/ /dgu pa la ni rnam pa thams cad du chos ston pa la dbang du ma gyur pa'i'o/ /bcu pa la ni chos kyi sku yongs su rdzogs pa so so yang dag par rig pa ni mi 'thob pa'i 'o/ /byams pa zhi gnas dang lhag mthong de bzhin gshegs pa'i sa la ni nyon mongs pa dang shes bya'i sgrib pa shin tu phra ba/ mchog tu ches shin tu phra ba'i gnyen po yin te/ de legs par bcom pas chos kyi sku shin tu rnam par dag pa la gnas pa na/ dgos pa yongs su grub pa'i dmigs pa la/ thams cad du chags pa med pa dang/ thogs pa med pa'i shes pa dang mthong ba thob po/ /

【L24 修證菩提門】

བཅོམ་ལྡན་འདས་བྱང་ཆུབ་སེམས་དཔའ་ཞི་གནས་དང་ལྷག་མཐོང་ལ་ཇི་ལྟར་བསྒྲུབ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། བྱམས་པ་འདི་ལ་བྱང་ཆུབ་སེམས་དཔའ་ཞི་གནས་དང་ལྷག་མཐོང་ཐོབ་ནས། དེ་བཞིན་ཉིད་རྣམ་པ་བདུན་ལས་བརྩམས་ཏེ་ཇི་ལྟར་ཐོས་པ་དང་བསམས་པའི་ཆོས་རྣམས་ལ་མཉམ་པར་གཞག་པའི་སེམས་ཀྱིས་ལེགས་པར་གཟུང་བ་དང༌། ལེགས་པར་བསམས་པ་དང༌། ལེགས་པར་རྣམ་པར་གཞག་པའི་དེ་བཞིན་ཉིད་དེ་ཉིད་ནང་དུ་ཡིད་ལ་བྱེད་དེ། དེ་ལྟར་ན་དེ་དེ་བཞིན་ཉིད་ཡིད་ལ་བྱེད་པ་ན། མཚན་མ་ཕྲ་མོ་ཀུན་ཏུ་འབྱུང་བ་ཐམས་ཅད་ལ་ཡང་རེ་ཞིག་སེམས་ལྷག་པར་བཏང་སྙོམས་སུ་འཇོག་ན། རགས་པ་དག་ལ་ལྟ་སྨོས་ཀྱང་ཅི་དགོས། བྱམས་པ་དེ་ལ་མཚན་མ་ཕྲ་མོ་ནི་འདི་དག་ཡིན་ཏེ། སེམས་ཀྱི་ལེན་པའི་མཚན་མའམ། མྱོང་བའི་མཚན་མའམ། རྣམ་པར་རིག་པའི་མཚན་མའམ། ཀུན་ནས་ཉོན་མོངས་པ་དང་རྣམ་པར་བྱང་བའི་མཚན་མའམ༑ ནང་གི་མཚན་མའམ། ཕྱི་རོལ་གྱི་མཚན་མའམ། དེ་གཉི་གའི་མཚན་མའམ། སེམས་ཅན་ཐམས་ཅད་ཀྱི་དོན་ལ་སྦྱར་བར་བྱའོ་སྙམ་པའི་མཚན་མའམ༑ ཤེས་པའི་མཚན་མའམ། དེ་བཞིན་ཉིད་དང༌། སྡུག་བསྔལ་དང༌། ཀུན་འབྱུང་བ་དང༌། འགོག་པ་དང༌། ལམ་གྱི་མཚན་མའམ། འདུས་བྱས་ཀྱི་མཚན་མའམ། འདུས་མ་བྱས་ཀྱི་མཚན་མའམ། རྟག་པའི་མཚན་མའམ། མི་རྟག་པའི་མཚན་མའམ། སྡུག་བསྔལ་དང་འགྱུར་བ་དང་བཅས་པའི་རང་བཞིན་གྱི་མཚན་མའམ། དེ་མི་འགྱུར་བའི་རང་བཞིན་གྱི་མཚན་མའམ། འདུས་བྱས་ཀྱི་མཚན་ཉིད་མི་འདྲ་བའི་མཚན་མའམ། དེའི་རང་གི་མཚན་ཉིད་ཀྱི་མཚན་མའམ། ཐམས་ཅད་ཐམས་ཅད་ཅེས་བྱ་བར་རིག་ནས་ཐམས་ཅད་ཀྱི་མཚན་མའམ། གང་ཟག་ལ་བདག་མེད་པའི་མཚན་མའམ། ཆོས་ལ་བདག་མེད་པའི་མཚན་མ་གང་དག་ཡིན་པ་སྟེ། དེ་དག་ཀུན་ཏུ་འབྱུང་བ་ལ་སེམས་ལྷག་པར་བཏང་སྙོམས་སུ་འཇོག་གོ། །དེ་ལྟར་ཞུགས་ཤིང་དེ་ལ་ལན་མང་དུ་གནས་པ་དུས་དུས་སུ་གགས་དང༌། སྒྲིབ་པ་དང༌། རྣམ་པར་གཡེང་བ་དག་ལས་སེམས་རྣམ་པར་སྤྱོད་བར་བྱེད་པ་དེ་ལ། ནང་གི་སོ་སོའི་བདག་ཉིད་ལ་སོ་སོ་རང་གིས་རིག་པ་དེ་བཞིན་ཉིད་རྣམ་པ་བདུན་སོ་སོར་རྟོགས་པའི་ཤེས་པ་རྣམ་པ་བདུན་སྐྱེ་བར་འགྱུར་ཏེ། དེ་ནི་དེའི་མཐོང་བའི་ལམ་ཡིན་ནོ། །དེ་ཐོབ་པས་བྱང་ཆུབ་སེམས་དཔའ་ཡང་དག་པ་ཉིད་སྐྱོན་མེད་པ་ལ་ཞུགས་པ་ཡིན། དེ་བཞིན་གཤེགས་པའི་རིགས་སུ་སྐྱེས་པ་ཡིན། ས་དང་པོ་ཐོབ་པ་དང༌། ས་དེའི་ཕན་ཡོན་ཡང་ཉམས་སུ་མྱོང་བ་ཡིན་ནོ། །དེས་སྔར་ཞི་གནས་དང་ལྷག་མཐོང་ཐོབ་པས་ནི་རྣམ་པར་རྟོག་པ་དང་བཅས་པའི་གཟུགས་བརྙན་དང༌། རྣམ་པར་མི་རྟོག་པའི་གཟུགས་བརྙན་གྱི་དམིགས་པ་རྣམ་པ་གཉིས་ཐོབ་པ་ཡིན་ནོ། །དེ་ལྟར་མཐོང་བའི་ལམ་ཐོབ་པས་དངོས་པོའི་མཐའི་དམིགས་པ་ཐོབ་པ་ཡིན་ཏེ། དེས་ས་གོང་མ་གོང་མ་རྣམས་སུ་བསྒོམ་པའི་ལམ་ལ་ཞུགས་ཤིང་དམིགས་པ་རྣམ་པ་གསུམ་པོ་དེ་དག་ཉིད་ཡིད་ལ་བྱེད་པ་ན། འདི་ལྟ་སྟེ། དཔེར་ན་ལ་ལ་ཞིག་ཁྱེའུ་ཆེས་ཕྲ་མོས་ཁྱེའུ་ཆེས་སྦོམ་པོ་འབྱིན་པར་བྱེད་པ་དེ་བཞིན་དུ། དེ་ཡང་ཁྱེའུས་ཁྱེའུ་དབྱུང་བའི་ཚུལ་དུ་ནང་གི་མཚན་མ་རྣམ་པར་སེལ་བ་ཉིད་ཀྱིས་ཀུན་ནས་ཉོན་མོངས་པའི་ཆ་དང་མཐུན་པའི་མཚན་མ་ཐམས་ཅད་རྣམ་པར་སེལ་བར་བྱེད་དེ། མཚན་མ་རྣམས་རྣམ་པར་སེལ་བ་ན་གནས་ངན་ལེན་རྣམས་ཀྱང་རྣམ་པར་སེལ་བར་བྱེད་དོ། །མཚན་མ་དང་གནས་ངན་ལེན་ཐམས་ཅད་ལེགས་པར་བཅོམ་པས་རིམ་གྱིས་ས་གོང་མ་གོང་མ་རྣམས་སུ་གསེར་ལྟ་བུར་སེམས་རྣམ་པར་སྦྱོང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་མངོན་པར་རྫོགས་པར་འཚང་རྒྱ་ཞིང༌། དགོས་པ་ཡོངས་སུ་གྲུབ་པའི་དམིགས་པ་ཡང་འཐོབ་སྟེ། བྱམས་པ་དེ་ལྟར་ན་བྱང་ཆུབ་སེམས་དཔའ་ཞི་གནས་དང་ལྷག་མཐོང་ལ་དེ་ལྟར་བསྒྲུབ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །

bcom ldan 'das byang chub sems dpa' zhi gnas dang lhag mthong la ji ltar bsgrub na/ bla na med pa yang dag par rdzogs pa'i byang chub mngon par 'tshang rgya bar 'gyur ba lags/ bcom ldan 'das kyis bka' stsal pa/ byams pa 'di la byang chub sems dpa' zhi gnas dang lhag mthong thob nas/ de bzhin nyid rnam pa bdun las brtsams te ji ltar thos pa dang bsams pa'i chos rnams la mnyam par gzhag pa'i sems kyis legs par gzung ba dang/ legs par bsams pa dang/ legs par rnam par gzhag pa'i de bzhin nyid de nyid nang du yid la byed de/ de ltar na de de bzhin nyid yid la byed pa na/ mtshan ma phra mo kun tu 'byung ba thams cad la yang re zhig sems lhag par btang snyoms su 'jog na/ rags pa dag la lta smos kyang ci dgos/ byams pa de la mtshan ma phra mo ni 'di dag yin te/ sems kyi len pa'i mtshan ma'am/ myong ba'i mtshan ma'am/ rnam par rig pa'i mtshan ma'am/ kun nas nyon mongs pa dang rnam par byang ba'i mtshan ma'am| nang gi mtshan ma'am/ phyi rol gyi mtshan ma'am/ de gnyi ga'i mtshan ma'am/ sems can thams cad kyi don la sbyar bar bya'o snyam pa'i mtshan ma'am| shes pa'i mtshan ma'am/ de bzhin nyid dang/ sdug bsngal dang/ kun 'byung ba dang/ 'gog pa dang/ lam gyi mtshan ma'am/ 'dus byas kyi mtshan ma'am/ 'dus ma byas kyi mtshan ma'am/ rtag pa'i mtshan ma'am/ mi rtag pa'i mtshan ma'am/ sdug bsngal dang 'gyur ba dang bcas pa'i rang bzhin gyi mtshan ma'am/ de mi 'gyur ba'i rang bzhin gyi mtshan ma'am/ 'dus byas kyi mtshan nyid mi 'dra ba'i mtshan ma'am/ de'i rang gi mtshan nyid kyi mtshan ma'am/ thams cad thams cad ces bya bar rig nas thams cad kyi mtshan ma'am/ gang zag la bdag med pa'i mtshan ma'am/ chos la bdag med pa'i mtshan ma gang dag yin pa ste/ de dag kun tu 'byung ba la sems lhag par btang snyoms su 'jog go/ /de ltar zhugs shing de la lan mang du gnas pa dus dus su gags dang/ sgrib pa dang/ rnam par g.yeng ba dag las sems rnam par spyod bar byed pa de la/ nang gi so so'i bdag nyid la so so rang gis rig pa de bzhin nyid rnam pa bdun so sor rtogs pa'i shes pa rnam pa bdun skye bar 'gyur te/ de ni de'i mthong ba'i lam yin no/ /de thob pas byang chub sems dpa' yang dag pa nyid skyon med pa la zhugs pa yin/ de bzhin gshegs pa'i rigs su skyes pa yin/ sa dang po thob pa dang/ sa de'i phan yon yang nyams su myong ba yin no/ /des sngar zhi gnas dang lhag mthong thob pas ni rnam par rtog pa dang bcas pa'i gzugs brnyan dang/ rnam par mi rtog pa'i gzugs brnyan gyi dmigs pa rnam pa gnyis thob pa yin no/ /de ltar mthong ba'i lam thob pas dngos po'i mtha'i dmigs pa thob pa yin te/ des sa gong ma gong ma rnams su bsgom pa'i lam la zhugs shing dmigs pa rnam pa gsum po de dag nyid yid la byed pa na/ 'di lta ste/ dper na la la zhig khye'u ches phra mos khye'u ches sbom po 'byin par byed pa de bzhin du/ de yang khye'us khye'u dbyung ba'i tshul du nang gi mtshan ma rnam par sel ba nyid kyis kun nas nyon mongs pa'i cha dang mthun pa'i mtshan ma thams cad rnam par sel bar byed de/ mtshan ma rnams rnam par sel ba na gnas ngan len rnams kyang rnam par sel bar byed do/ /mtshan ma dang gnas ngan len thams cad legs par bcom pas rim gyis sa gong ma gong ma rnams su gser lta bur sems rnam par sbyong la/ bla na med pa yang dag par rdzogs pa'i byang chub kyi bar du mngon par rdzogs par 'tshang rgya zhing/ dgos pa yongs su grub pa'i dmigs pa yang 'thob ste/ byams pa de ltar na byang chub sems dpa' zhi gnas dang lhag mthong la de ltar bsgrub na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /

【L25 引發威德門】

བྱང་ཆུབ་སེམས་དཔའ་ཇི་ལྟར་སྒྲུབ་པར་བགྱིད་ན། བྱང་ཆུབ་སེམས་དཔའ་མཐུ་ཆེན་པོ་མངོན་པར་བསྒྲུབ་པ་ལགས། བྱམས་པ་བྱང་ཆུབ་སེམས་དཔའ་གནས་དྲུག་ལ་མཁས་པ་ནི་བྱང་ཆུབ་སེམས་དཔའི་མཐུ་ཆེན་པོ་མངོན་པར་བསྒྲུབ་པ་ཡིན་ཏེ། སེམས་ཀྱི་སྐྱེ་བ་ལ་མཁས་པ་དང༌། གནས་པ་ལ་མཁས་པ་དང༌། བསླང་བ་ལ་མཁས་པ་དང༌། འཕེལ་བ་ལ་མཁས་པ་དང་། འགྲིབ་པ་ལ་མཁས་པ་དང༌། ཐབས་ལ་མཁས་པའོ༑ །ཇི་ལྟར་ན་སེམས་ཀྱི་སྐྱེ་བ་ལ་མཁས་པ་ཡིན་ཞེ་ན། སེམས་ཀྱི་སྐྱེ་བ་རྣམ་པ་བཅུ་དྲུག་ཤེས་ན། སེམས་ཀྱི་སྐྱེ་བ་ལ་ཡང་དག་པ་ཇི་ལྟ་བ་བཞིན་དུ་མཁས་པ་ཡིན་ཏེ། དེ་ལ་སེམས་ཀྱི་སྐྱེ་བ་རྣམ་པ་བཅུ་དྲུག་ནི། བརྟན་པ་དང༌། སྣོད་ཀྱི་རྣམ་པར་རིག་པ་ནི་འདི་ལྟ་སྟེ། ལེན་པའི་རྣམ་པར་ཤེས་པའིའོ། །དམིགས་པ་རྣམ་པ་སྣ་ཚོགས་རྣམ་པར་རིག་པ་ནི་འདི་ལྟ་སྟེ། རྣམ་པར་རྟོག་པའི་ཡིད་ཀྱི་རྣམ་པར་ཤེས་པ་གཟུགས་ལ་སོགས་པ་ཡུལ་ཅིག་ཅར་འཛིན་པ། ཕྱི་རོལ་དང༌། ནང་གི་ཡུལ་ཅིག་ཅར་འཛིན་པ་དང༌། སྐད་ཅིག་དང༌། ཐང་ཅིག་དང༌། ཡུད་ཙམ་ཅིག་ལ། ཅིག་ཅར་ཏིང་ངེ་འཛིན་མང་པོ་ལ་སྙོམས་པ་འཇུག་པ། སངས་རྒྱས་ཀྱི་ཞིང་མང་པོ་མཐོང་བ། དེ་བཞིན་གཤེགས་པ་མང་པོ་མཐོང་བ། རྣམ་པར་རྟོག་པའི་ཡིད་ཀྱི་རྣམ་པར་ཤེས་པ་ཁོ་ནའིའོ། །དམིགས་པའི་མཚན་མ་ཆུང་ངུ་རྣམ་པར་རིག་པའི་ནི་འདི་ལྟ་སྟེ། འདོད་པ་དང་ལྡན་པའིའོ། །དམིགས་པའི་མཚན་མ་རྒྱ་ཆེན་པོར་གྱུར་པ་རྣམ་པར་རིག་པའི་ནི་འདི་ལྟ་སྟེ། གཟུགས་དང་ལྡན་པའིའོ། །དམིགས་པའི་མཚན་མ་ཚད་མེད་པ་རྣམ་པར་རིག་པའི་ནི་འདི་ལྟ་སྟེ། ནམ་མཁའ་དང༌། རྣམ་ཤེས་མཐའ་ཡས་སྐྱེ་མཆེད་དང་ལྡན་པའིའོ། །དམིགས་པའི་མཚན་མ་ཕྲ་མོ་རྣམ་པར་རིག་པའི་ནི་འདི་ལྟ་སྟེ། ཅི་ཡང་མེད་པའི་སྐྱེ་མཆེད་དང་ལྡན་པའིའོ། །དམིགས་པའི་མཚན་མ་མཐར་ཐུག་པ་རྣམ་པར་རིག་པའི་ནི་འདི་ལྟ་སྟེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང་ལྡན་པའིའོ། །མཚན་མ་མེད་པ་རྣམ་པར་རིག་པའི་ནི་འདི་ལྟ་སྟེ། འཇིག་རྟེན་ལས་འདས་པ་དང༌། འགོག་པ་ལ་དམིགས་པའིའོ། །སྡུག་བསྔལ་དང་ལྡན་པའི་ནི་འདི་ལྟ་སྟེ། སེམས་ཅན་དམྱལ་པའིའོ། །ཚོར་བ་འདྲེན་མ་དང་ལྡན་པའི་ནི་འདི་ལྟ་སྟེ། འདོད་པ་ན་སྤྱོད་པའིའོ། །དགའ་བ་དང་ལྡན་པའི་ནི་འདི་ལྟ་སྟེ། བསམ་གཏན་དང་པོ་དང་གཉིས་པའིའོ། །བདེ་བ་དང་ལྡན་པའི་ནི་འདི་ལྟ་སྟེ། བསམ་གཏན་གསུམ་པའིའོ། །སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་དང་ལྡན་པའི་ནི་འདི་ལྟ་སྟེ། བསམ་གཏན་བཞི་པ་དང༌། འདུ་ཤེས་མེད་འདུ་ཤེས་མེད་མིན་སྐྱེ་མཆེད་པའི་བར་གྱིའོ༑ །ཉོན་མོངས་པ་ཅན་དང་ལྡན་པའི་ནི་འདི་ལྟ་སྟེ། ཉོན་མོངས་པ་དང༌། ཉེ་བའི་ཉོན་མོངས་པ་དང་ལྡན་པའིའོ། །དགེ་བ་དང་ལྡན་པའི་ནི་འདི་ལྟ་སྟེ། དད་པ་ལ་སོགས་པ་དང་ལྡན་པའིའོ། །ལུང་དུ་མ་བསྟན་པ་དང་ལྡན་པའི་ནི་འདི་ལྟ་སྟེ། གཉི་ག་དང་མི་ལྡན་པའིའོ། །ཇི་ལྟར་ན་གནས་པ་ལ་མཁས་པ་ཡིན་ཞེ་ན། གལ་ཏེ་རྣམ་པར་རིག་པའི་དེ་བཞིན་ཉིད་ཡང་དག་པ་ཇི་ལྟ་བ་བཞིན་རབ་ཏུ་ཤེས་པའོ། །ཇི་ལྟར་ན་བསླང་བ་ལ་མཁས་པ་ཡིན་ཞེ་ན། གལ་ཏེ་འཆིང་བ་རྣམ་པ་གཉིས་པོ་མཚན་མའི་འཆིང་བ་དང༌། གནས་ངན་ལེན་གྱི་འཆིང་བ་ཡང་དག་པ་ཇི་ལྟ་བ་བཞིན་རབ་ཏུ་ཤེས་ཏེ། དེ་རབ་ཏུ་ཤེས་ནས་དེ་ལས་སེམས་འདི་བསླང་བར་བྱའོ་ཞེས་བྱ་བ་ལ་མཁས་པ་ཡིན་ནོ། །ཇི་ལྟར་ན་འཕེལ་བ་ལ་མཁས་པ་ཡིན་ཞེ་ན། གལ་ཏེ་མཚན་མ་དང་གནས་ངན་ལེན་གྱི་གཉེན་པོའི་སེམས་གང་ཡིན་པ་དེ་སྐྱེ་བ་དང་འཕེལ་བའི་ཚེ་སྐྱེའོ། །འཕེལ་ལོ་ཞེས་འཕེལ་བ་ལ་མཁས་པ་ཡིན་ནོ། །ཇི་ལྟར་ན་འགྲིབ་པ་ལ་མཁས་པ་ཡིན་ཞེ་ན། གལ་ཏེ་དེ་དང་མི་མཐུན་པའི་ཕྱོགས་སུ་གྱུར་པ་མཚན་མ་དང༌། གནས་ངན་ལེན་གྱིས་ཀུན་ནས་ཉོན་མོངས་པ་ཅན་དུ་གྱུར་པའི་སེམས་དེ་འགྲིབ་ཅིང་འབྲི་བར་གྱུར་པ་ན། འགྲིབ་ཅིང་འབྲིའོ་ཞེས་འགྲིབ་པ་ལ་མཁས་པ་ཡིན་ནོ། །ཇི་ལྟར་ན་ཐབས་ལ་མཁས་པ་ཡིན་ཞེ་ན། གལ་ཏེ་རྣམ་པར་ཐར་པ་དང༌། ཟིལ་གྱིས་གནོན་པའི་སྐྱེ་མཆེད་དང༌། ཟད་པར་གྱི་སྐྱེ་མཆེད་དག་སྒོམ་པར་བྱེད་པ་སྟེ། བྱམས་པ་དེ་ལྟར་ན་བྱང་ཆུབ་སེམས་དཔའ་རྣམས་ལ་བྱང་ཆུབ་སེམས་དཔའི་མཐུ་ཆེན་པོ་མངོན་པར་བསྒྲུབས་པ་དང༌། མངོན་པར་སྒྲུབ་པར་འགྱུར་བ་དང་། མངོན་པར་སྒྲུབ་པར་བྱེད་པ་ཡིན་ནོ། །

byang chub sems dpa' ji ltar sgrub par bgyid na/ byang chub sems dpa' mthu chen po mngon par bsgrub pa lags/ byams pa byang chub sems dpa' gnas drug la mkhas pa ni byang chub sems dpa'i mthu chen po mngon par bsgrub pa yin te/ sems kyi skye ba la mkhas pa dang/ gnas pa la mkhas pa dang/ bslang ba la mkhas pa dang/ 'phel ba la mkhas pa dang / 'grib pa la mkhas pa dang/ thabs la mkhas pa'o| /ji ltar na sems kyi skye ba la mkhas pa yin zhe na/ sems kyi skye ba rnam pa bcu drug shes na/ sems kyi skye ba la yang dag pa ji lta ba bzhin du mkhas pa yin te/ de la sems kyi skye ba rnam pa bcu drug ni/ brtan pa dang/ snod kyi rnam par rig pa ni 'di lta ste/ len pa'i rnam par shes pa'i'o/ /dmigs pa rnam pa sna tshogs rnam par rig pa ni 'di lta ste/ rnam par rtog pa'i yid kyi rnam par shes pa gzugs la sogs pa yul cig car 'dzin pa/ phyi rol dang/ nang gi yul cig car 'dzin pa dang/ skad cig dang/ thang cig dang/ yud tsam cig la/ cig car ting nge 'dzin mang po la snyoms pa 'jug pa/ sangs rgyas kyi zhing mang po mthong ba/ de bzhin gshegs pa mang po mthong ba/ rnam par rtog pa'i yid kyi rnam par shes pa kho na'i'o/ /dmigs pa'i mtshan ma chung ngu rnam par rig pa'i ni 'di lta ste/ 'dod pa dang ldan pa'i'o/ /dmigs pa'i mtshan ma rgya chen por gyur pa rnam par rig pa'i ni 'di lta ste/ gzugs dang ldan pa'i'o/ /dmigs pa'i mtshan ma tshad med pa rnam par rig pa'i ni 'di lta ste/ nam mkha' dang/ rnam shes mtha' yas skye mched dang ldan pa'i'o/ /dmigs pa'i mtshan ma phra mo rnam par rig pa'i ni 'di lta ste/ ci yang med pa'i skye mched dang ldan pa'i'o/ /dmigs pa'i mtshan ma mthar thug pa rnam par rig pa'i ni 'di lta ste/ 'du shes med 'du shes med min skye mched dang ldan pa'i'o/ /mtshan ma med pa rnam par rig pa'i ni 'di lta ste/ 'jig rten las 'das pa dang/ 'gog pa la dmigs pa'i'o/ /sdug bsngal dang ldan pa'i ni 'di lta ste/ sems can dmyal pa'i'o/ /tshor ba 'dren ma dang ldan pa'i ni 'di lta ste/ 'dod pa na spyod pa'i'o/ /dga' ba dang ldan pa'i ni 'di lta ste/ bsam gtan dang po dang gnyis pa'i'o/ /bde ba dang ldan pa'i ni 'di lta ste/ bsam gtan gsum pa'i'o/ /sdug bsngal yang ma yin/ bde ba yang ma yin pa dang ldan pa'i ni 'di lta ste/ bsam gtan bzhi pa dang/ 'du shes med 'du shes med min skye mched pa'i bar gyi'o| /nyon mongs pa can dang ldan pa'i ni 'di lta ste/ nyon mongs pa dang/ nye ba'i nyon mongs pa dang ldan pa'i'o/ /dge ba dang ldan pa'i ni 'di lta ste/ dad pa la sogs pa dang ldan pa'i'o/ /lung du ma bstan pa dang ldan pa'i ni 'di lta ste/ gnyi ga dang mi ldan pa'i'o/ /ji ltar na gnas pa la mkhas pa yin zhe na/ gal te rnam par rig pa'i de bzhin nyid yang dag pa ji lta ba bzhin rab tu shes pa'o/ /ji ltar na bslang ba la mkhas pa yin zhe na/ gal te 'ching ba rnam pa gnyis po mtshan ma'i 'ching ba dang/ gnas ngan len gyi 'ching ba yang dag pa ji lta ba bzhin rab tu shes te/ de rab tu shes nas de las sems 'di bslang bar bya'o zhes bya ba la mkhas pa yin no/ /ji ltar na 'phel ba la mkhas pa yin zhe na/ gal te mtshan ma dang gnas ngan len gyi gnyen po'i sems gang yin pa de skye ba dang 'phel ba'i tshe skye'o/ /'phel lo zhes 'phel ba la mkhas pa yin no/ /ji ltar na 'grib pa la mkhas pa yin zhe na/ gal te de dang mi mthun pa'i phyogs su gyur pa mtshan ma dang/ gnas ngan len gyis kun nas nyon mongs pa can du gyur pa'i sems de 'grib cing 'bri bar gyur pa na/ 'grib cing 'bri'o zhes 'grib pa la mkhas pa yin no/ /ji ltar na thabs la mkhas pa yin zhe na/ gal te rnam par thar pa dang/ zil gyis gnon pa'i skye mched dang/ zad par gyi skye mched dag sgom par byed pa ste/ byams pa de ltar na byang chub sems dpa' rnams la byang chub sems dpa'i mthu chen po mngon par bsgrubs pa dang/ mngon par sgrub par 'gyur ba dang / mngon par sgrub par byed pa yin no/ /

【L26 涅槃受門】

བཅོམ་ལྡན་འདས་བཅོམ་ལྡན་འདས་ཀྱིས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཚོར་བ་ཐམས་ཅད་མ་ལུས་པར་འགག་གོ་ཞེས་གང་གསུངས་པ་དེ་ལ། བཅོམ་ལྡན་འདས་གང་དག་འགག་པའི་ཚོར་བ་དེ་དག་གང་ལགས། བྱམས་པ་མདོར་བསྡུ་ན་ཚོར་བ་རྣམ་པ་གཉིས་འགགས་ཏེ། གནས་ཀྱི་གནས་ངན་ལེན་རིག་པ་དང༌། དེའི་འབྲས་བུ་ནི་ཡུལ་རིག་པའོ། །དེ་ལ་གནས་ཀྱི་གནས་ངན་ལེན་རིག་པ་ནི་རྣམ་པ་བཞིར་རིག་པར་བྱ་སྟེ། གཟུགས་ཀྱི་གནས་ངན་ལེན་རིག་པ་དང་། གཟུགས་མེད་པའི་གནས་ངན་ལེན་རིག་པ་དང༌། འབྲས་བུ་གྲུབ་པའི་གནས་ངན་ལེན་རིག་པ་དང༌། འབྲས་བུ་མ་གྲུབ་པའི་གནས་ངན་ལེན་རིག་པའོ། །དེ་ལ་འབྲས་བུ་གྲུབ་པ་ནི་ད་ལྟར་གྱི་གང་ཡིན་པའོ། །འབྲས་བུ་མ་གྲུབ་པ་ནི་མ་འོངས་པའི་རྒྱུར་གྱུར་པ་གང་ཡིན་པའོ། །ཡུལ་རིག་པ་ཡང་རྣམ་པ་བཞིར་རིག་པར་བྱ་སྟེ། གནས་རིག་པ་དང༌། ཡོ་བྱད་རིག་པ་དང༌། ལོངས་སྤྱོད་རིག་པ་དང༌། ལྟོས་པ་རིག་པའོ། །དེ་ཡང་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ནའོ། །འབྲས་བུ་མ་གྲུབ་པའི་རིག་པའི་འདུས་ཏེ་རེག་པ་ལས་བྱུང་བའི་ཚོར་བ་མྱོང་བའི་ནི་དེའི་མི་མཐུན་པའི་ཕྱོགས་ཐམས་ཅད་ཀྱི་ཐམས་ཅད་དུ་འགག་པ་མ་ཡིན་ཏེ། འདྲེན་མར་མྱོང་ངོ༌། །འབྲས་བུ་གྲུབ་པའི་མྱོང་བ་ཡིན་ན་ནི་ཚོར་བ་རྣམ་པ་དེ་གཉི་ག་ཐམས་ཅད་ཀྱི་ཐམས་ཅད་དུ་འགགས་ཏེ། རིག་པའི་འདུས་ཏེ་རེག་པ་ལས་བྱུང་བའི་ཚོར་བ་འབའ་ཞིག་མྱོང་ངོ༌། །ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བ་ན་དེ་ཡང་འགག་པར་འགྱུར་ཏེ། དེའི་ཕྱིར་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཚོར་བ་ཐམས་ཅད་འགག་ཅེས་བྱའོ། །

bcom ldan 'das bcom ldan 'das kyis phung po'i lhag ma med pa'i mya ngan las 'das pa'i dbyings su tshor ba thams cad ma lus par 'gag go zhes gang gsungs pa de la/ bcom ldan 'das gang dag 'gag pa'i tshor ba de dag gang lags/ byams pa mdor bsdu na tshor ba rnam pa gnyis 'gags te/ gnas kyi gnas ngan len rig pa dang/ de'i 'bras bu ni yul rig pa'o/ /de la gnas kyi gnas ngan len rig pa ni rnam pa bzhir rig par bya ste/ gzugs kyi gnas ngan len rig pa dang / gzugs med pa'i gnas ngan len rig pa dang/ 'bras bu grub pa'i gnas ngan len rig pa dang/ 'bras bu ma grub pa'i gnas ngan len rig pa'o/ /de la 'bras bu grub pa ni da ltar gyi gang yin pa'o/ /'bras bu ma grub pa ni ma 'ongs pa'i rgyur gyur pa gang yin pa'o/ /yul rig pa yang rnam pa bzhir rig par bya ste/ gnas rig pa dang/ yo byad rig pa dang/ longs spyod rig pa dang/ ltos pa rig pa'o/ /de yang phung po'i lhag ma dang bcas pa'i mya ngan las 'das pa'i dbyings na'o/ /'bras bu ma grub pa'i rig pa'i 'dus te reg pa las byung ba'i tshor ba myong ba'i ni de'i mi mthun pa'i phyogs thams cad kyi thams cad du 'gag pa ma yin te/ 'dren mar myong ngo/ /'bras bu grub pa'i myong ba yin na ni tshor ba rnam pa de gnyi ga thams cad kyi thams cad du 'gags te/ rig pa'i 'dus te reg pa las byung ba'i tshor ba 'ba' zhig myong ngo/ /phung po'i lhag ma med pa'i mya ngan las 'das pa'i dbyings su yongs su mya ngan las 'da' ba na de yang 'gag par 'gyur te/ de'i phyir phung po'i lhag ma med pa'i mya ngan las 'das pa'i dbyings su tshor ba thams cad 'gag ces bya'o/ /

【K2 述讚勸學】

དེ་སྐད་ཅེས་བཀའ་སྩལ་ནས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། །བྱམས་པ་ཁྱོད་ཀྱིས་རྣལ་འབྱོར་གྱི་ལམ་ཡོངས་སུ་རྫོགས་པ་དང༌། ཤིན་ཏུ་ཡོངས་སུ་དག་པ་ལས་བརྩམས་ནས་འདི་ལྟ་སྟེ། རྣལ་འབྱོར་ལ་ཤིན་ཏུ་རྣམ་པར་ངེས་ཤིང་མཁས་པས་དེ་བཞིན་གཤེགས་པ་ལ་དྲི་བ་དྲིས་པ་ལེགས་སོ་ལེགས་སོ། །ངས་ཀྱང་རྣལ་འབྱོར་གྱི་ལམ་དེ་ཡོངས་སུ་རྫོགས་པ་དང༌། ཡོངས་སུ་དག་པར་བསྟན་ཏེ། འདས་པ་དང༌། མ་འོངས་པའི་ཡང་དག་པར་རྫོགས་པའི་སངས་རྒྱས་གང་དག་ཡིན་པ་དེ་དག་ཐམས་ཅད་ཀྱིས་ཀྱང་དེ་ལྟར་བསྟན་ཅིང་སྟོན་པར་འགྱུར་རོ། རིགས་ཀྱི་བུ་རྣམས་དང༌། རིགས་ཀྱི་བུ་མོ་དག་གིས་འདི་ལ་ཤིན་ཏུ་བརྩོན་པར་བྱ་བའི་རིགས་སོ། །

de skad ces bka' stsal nas/ bcom ldan 'das kyis byang chub sems dpa' byams pa la bka' stsal pa/ /byams pa khyod kyis rnal 'byor gyi lam yongs su rdzogs pa dang/ shin tu yongs su dag pa las brtsams nas 'di lta ste/ rnal 'byor la shin tu rnam par nges shing mkhas pas de bzhin gshegs pa la dri ba dris pa legs so legs so/ /ngas kyang rnal 'byor gyi lam de yongs su rdzogs pa dang/ yongs su dag par bstan te/ 'das pa dang/ ma 'ongs pa'i yang dag par rdzogs pa'i sangs rgyas gang dag yin pa de dag thams cad kyis kyang de ltar bstan cing ston par 'gyur ro/ rigs kyi bu rnams dang/ rigs kyi bu mo dag gis 'di la shin tu brtson par bya ba'i rigs so/ /

【J2 重頌】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཆོས་རྣམས་གདགས་པ་རྣམ་གཞག་གང་ཡིན་པ། །དེ་ནི་རྣལ་འབྱོར་བག་ཡོད་དོན་ཆེན་ཡིན། །གང་དག་ཆོས་དེར་བརྟེན་ནས་རྣལ་འབྱོར་འདིར༑ །ཡང་དག་བརྩོན་པ་དེ་དག་བྱང་ཆུབ་འཐོབ། །གང་དག་གླགས་ལྟ་དེ་སྐད་རྒོལ་བ་ལས། །ཐར་པར་ལྟ་བས་ཆོས་ཀུན་ཆུབ་བྱེད་པ། །བྱམས་པ་དེ་དག་རྣལ་འབྱོར་འདི་ལས་ནི། །ཐག་རིང་གནམ་ས་རིང་བ་དེ་བཞིན་ནོ། །བློ་ལྡན་སེམས་ཅན་དོན་ཅེས་དེ་དག་ལས། །ལན་བྱེད་རིག་ནས་སེམས་ཅན་དོན་བརྩོན་མིན། །ལན་དེར་རྟོགས་ན་ཀུན་གྱི་དམ་པ་དང༌། །ཟང་ཟིང་མེད་པའི་དགའ་བ་འཐོབ་མི་འགྱུར། །གང་དག་འདོད་ཕྱིར་ཆོས་ཀྱི་ལུང་འབོགས་པ། །དེ་དག་འདོད་པ་སྤངས་པ་ཕྱིར་ལེན་ཏེ། །རྨོངས་པ་དེ་དག་ཆོས་ཀྱི་རིན་པོ་ཆེ། །རིན་ཐང་མེད་པ་རྙེད་ཀྱང་སྤོང་ཞིང་རྒྱུ། །དེ་ཕྱིར་བརྩོད་དང་འདུ་འཛི་སྤྲོས་ལྡན་པ། །རྣམ་པར་སྤོང་ལ་བརྩོན་འགྲུས་མཆོག་བྱོས་ཏེ། ལྷར་བཅས་འཇིག་རྟེན་བསྒྲལ་བར་བྱ་བའི་ཕྱིར། །རྣལ་འབྱོར་འདི་ལ་རབ་ཏུ་བརྩོན་པར་གྱིས༑ །

de nas bcom ldan 'das kyis de'i tshe tshigs su bcad pa 'di dag bka' stsal to/ /chos rnams gdags pa rnam gzhag gang yin pa/ /de ni rnal 'byor bag yod don chen yin/ /gang dag chos der brten nas rnal 'byor 'dir| /yang dag brtson pa de dag byang chub 'thob/ /gang dag glags lta de skad rgol ba las/ /thar par lta bas chos kun chub byed pa/ /byams pa de dag rnal 'byor 'di las ni/ /thag ring gnam sa ring ba de bzhin no/ /blo ldan sems can don ces de dag las/ /lan byed rig nas sems can don brtson min/ /lan der rtogs na kun gyi dam pa dang/ /zang zing med pa'i dga' ba 'thob mi 'gyur/ /gang dag 'dod phyir chos kyi lung 'bogs pa/ /de dag 'dod pa spangs pa phyir len te/ /rmongs pa de dag chos kyi rin po che/ /rin thang med pa rnyed kyang spong zhing rgyu/ /de phyir brtsod dang 'du 'dzi spros ldan pa/ /rnam par spong la brtson 'grus mchog byos te/ lhar bcas 'jig rten bsgral bar bya ba'i phyir/ /rnal 'byor 'di la rab tu brtson par gyis| /

【I2 請立經名時得益】

དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་དགོངས་པ་ངེས་པར་འགྲེལ་པའི་ཆོས་ཀྱི་རྣམ་གྲངས་འདིར་བསྟན་པ་འདིའི་མིང་ཅི་ལགས། །འདི་ཇི་ལྟར་གཟུང་བར་བགྱི༑ བཅོམ་ལྡན་འདས་ཀྱིས་དེ་ལ་བཀའ་སྩལ་པ། བྱམས་པ་འདི་ནི་རྣལ་འབྱོར་ངེས་པའི་དོན་བསྟན་པ་ཡིན་ཏེ། འདི་ནི་རྣལ་འབྱོར་ངེས་པའི་དོན་བསྟན་པ་ཞེས་བྱ་བར་ཟུང་ཤིག །རྣལ་འབྱོར་ངེས་པའི་དོན་བསྟན་པ་འདི་བཤད་པ་ན་སྲོག་ཆགས་དྲུག་འབུམ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །ཉན་ཐོས་སུམ་འབུམ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །ཉན་ཐོས་འབུམ་ལྔ་ཁྲི་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །བྱང་ཆུབ་སེམས་དཔའ་བདུན་ཁྲི་ལྔ་སྟོང་གིས་ནི་རྣལ་འབྱོར་ཆེན་པོ་ཡིད་ལ་བྱེད་པ་ཐོབ་པར་གྱུར་ཏོ་ཞེས་གསུངས་པའོ།། །།

de nas bcom ldan 'das la byang chub sems dpa' byams pas 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ /'di ji ltar gzung bar bgyi| bcom ldan 'das kyis de la bka' stsal pa/ byams pa 'di ni rnal 'byor nges pa'i don bstan pa yin te/ 'di ni rnal 'byor nges pa'i don bstan pa zhes bya bar zung shig /rnal 'byor nges pa'i don bstan pa 'di bshad pa na srog chags drug 'bum ni bla na med pa yang dag par rdzogs pa'i byang chub tu sems skyes so/ /nyan thos sum 'bum ni chos rnams la chos kyi mig rdul med cing dri ma dang bral ba rnam par dag go/ /nyan thos 'bum lnga khri ni len pa med par zag pa rnams las sems rnam par grol lo/ /byang chub sems dpa' bdun khri lnga stong gis ni rnal 'byor chen po yid la byed pa thob par gyur to zhes gsungs pa'o// //

【G6 觀自在菩薩問諸地義】【H1 標宗指經】

བམ་པོ་བཞི་བཅུ་པ། ཐེག་པ་རྣམ་པར་གཞག་པ་ལས་བརྩམས་ནས། ཐེག་པའི་རྣམ་པར་དབྱེ་བ་ཇི་ལྟ་བ་བཞིན་བསྟན་པ་ནི་དགོངས་པ་ངེས་པར་འགྲེལ་པའི་མདོ་ལས་ཇི་སྐད་འབྱུང་བ་བཞིན་བལྟ་བར་བྱ་སྟེ།

bam po bzhi bcu pa/ theg pa rnam par gzhag pa las brtsams nas/ theg pa'i rnam par dbye ba ji lta ba bzhin bstan pa ni dgongs pa nges par 'grel pa'i mdo las ji skad 'byung ba bzhin blta bar bya ste/

【H2 正引其文】【I1 問答正辨諸地之義】【J1 長行廣辯】【K1 辨地義】【L1 辨攝義】【M1 問】

བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཞུ་བ་ཞུས་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ས་བཅུ་གང་ལགས་པ་དེ་དག་ནི་འདི་ལྟ་སྟེ། བྱང་ཆུབ་སེམས་དཔའི་ས་རབ་ཏུ་དགའ་བ་ཞེས་བགྱི་བ་དང༌། དྲི་མ་མེད་པ་དང༌། འོད་བྱེད་པ་དང༌། འོད་འཕྲོ་བ་ཅན་དང༌། ཤིན་ཏུ་སྦྱང་དཀའ་བ་དང༌། མངོན་དུ་གྱུར་པ་དང༌། རིང་དུ་སོང་བ་དང༌། མི་གཡོ་བ་དང༌། ལེགས་པའི་བློ་གྲོས་དང༌། ཆོས་ཀྱི་སྤྲིན་ལགས། སངས་རྒྱས་ཀྱི་ས་ནི་བཅུ་གཅིག་པ་ལགས་ན། ས་དེ་དག་རྣམ་པར་དག་པ་དུ་དག་དང༌། ཡན་ལག་དུ་དག་གིས་བསྡུས་པ་ལགས། །

bcom ldan 'das la byang chub sems dpa' spyan ras gzigs dbang phyug gis zhu ba zhus pa/ bcom ldan 'das byang chub sems dpa' rnams kyi sa bcu gang lags pa de dag ni 'di lta ste/ byang chub sems dpa'i sa rab tu dga' ba zhes bgyi ba dang/ dri ma med pa dang/ 'od byed pa dang/ 'od 'phro ba can dang/ shin tu sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi sprin lags/ sangs rgyas kyi sa ni bcu gcig pa lags na/ sa de dag rnam par dag pa du dag dang/ yan lag du dag gis bsdus pa lags/ /

【M2 答】【N1 總答】

བཅོམ་ལྡན་འདས་ཀྱིས་བཀའ་སྩལ་པ། སྤྱན་རས་གཟིགས་དབང་ཕྱུག་ས་དེ་དག་ནི་རྣམ་པར་དག་པ་བཞི་དང༌། ཡན་ལག་བཅུ་གཅིག་གིས་བསྡུས་པར་རིག་པར་བྱའོ། །

bcom ldan 'das kyis bka' stsal pa/ spyan ras gzigs dbang phyug sa de dag ni rnam par dag pa bzhi dang/ yan lag bcu gcig gis bsdus par rig par bya'o/ /

【N2 徵問別解】【O1 釋四種清淨】

སྤྱན་རས་གཟིགས་དབང་ཕྱུག་དེ་ལ་ས་དང་པོ་ནི་བསམ་པ་རྣམ་པར་དག་པས་བསྡུས་སོ། །ས་གཉིས་པ་ནི་ལྷག་པའི་ཚུལ་ཁྲིམས་རྣམ་པར་དག་པས་སོ། །ས་གསུམ་པ་ནི་ལྷག་པའི་སེམས་རྣམ་པར་དག་པས་སོ། །ས་བཞི་པ་ནས་བཟུང་སྟེ་སངས་རྒྱས་ཀྱི་སའི་བར་ནི་ལྷག་པའི་ཤེས་རབ་རྣམ་པར་དག་པ་གོང་ནས་གོང་དུ་གྱ་ནོམ་པ་བས་ཀྱང་ཆེས་གྱ་ནོམ་པས་བསྡུས་པར་རིག་པར་བྱ་སྟེ། ས་དེ་དག་ནི་རྣམ་པར་དག་པ་བཞི་པོ་དེ་དག་གིས་བསྡུས་པ་ཡིན་ནོ། །

spyan ras gzigs dbang phyug de la sa dang po ni bsam pa rnam par dag pas bsdus so/ /sa gnyis pa ni lhag pa'i tshul khrims rnam par dag pas so/ /sa gsum pa ni lhag pa'i sems rnam par dag pas so/ /sa bzhi pa nas bzung ste sangs rgyas kyi sa'i bar ni lhag pa'i shes rab rnam par dag pa gong nas gong du gya nom pa bas kyang ches gya nom pas bsdus par rig par bya ste/ sa de dag ni rnam par dag pa bzhi po de dag gis bsdus pa yin no/ /

【O2 釋十一分攝】

ཡན་ལག་བཅུ་གཅིག་གང་ཞེ་ན། སྤྱན་རས་གཟིགས་དབང་ཕྱུག་མོས་པས་སྤྱོད་པའི་ས་ལ་བྱང་ཆུབ་སེམས་དཔའ་ཆོས་སྤྱད་པ་རྣམ་པ་བཅུ་པོ་དག་ལ་མོས་པ་ཤིན་ཏུ་བསྒོམས་པའི་ཕྱིར་བཟོད་པས་ས་དེ་ལས་ཡང་དག་པར་འདས་ནས། བྱང་ཆུབ་སེམས་དཔའི་ཡང་དག་པ་ཉིད་སྐྱོན་མེད་པ་ལ་འཇུག་གོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། ལྟུང་བ་ཕྲ་མོའི་འཁྲུལ་པ་ཀུན་ཏུ་འབྱུང་བ་དག་ལ་ཤེས་བཞིན་དུ་སྤྱོད་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེ་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། །དེ་ཡན་ལག་དེ་ཡོངས་སུ་རྫོགས་པ་ཡིན་ཡང༌། འཇིག་རྟེན་པའི་ཏིང་ངེ་འཛིན་ཡོངས་སུ་རྫོགས་པ་ལ་སྙོམས་པར་འཇུག་པ་དང༌། ཐོས་པའི་གཟུངས་ཡོངས་སུ་རྫོགས་པ་ཐོབ་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེ་ཡོངས་སུ་རྫོགས་པར་བྱ་བའི་ཕྱིར། འབད་པས་དེ་ཡང་འཐོབ་པོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། བྱང་ཆུབ་ཀྱི་ཕྱོགས་དང་མཐུན་པའི་ཆོས་ཇི་ལྟར་ཐོབ་པ་དེ་དག་གིས་དེ་ལན་མང་དུ་གནས་པར་བྱ་བ་དང༌། སྙོམས་པར་འཇུག་པ་ལ་སྲེད་པ་དང༌། ཆོས་ལ་སྲེག་པ་ལས་སེམས་ལྷག་པར་བཏང་སྙོམས་སུ་འཇོག་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། བདེན་པ་རྣམས་རྣམ་པར་དཔྱད་པ་དང༌། འཁོར་བ་དང་མྱ་ངན་ལས་འདས་པ་དག་ལ་གཅིག་ཏུ་མི་ཕྱོགས་པ་ཉིད་དང༌། མངོན་དུ་ཕྱོགས་པའི་ཡིད་ལ་བྱེད་པ་ལྷག་པར་བཏང་སྙོམས་སུ་གཞག་པ་དང༌། ཐབས་ཀྱིས་ཡོངས་སུ་ཟིན་པའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་བསྒོམ་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ༑ དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་བོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། འདུ་བྱེད་ཀྱི་འཇུག་པ་ཇི་ལྟ་བ་བཞིན་མངོན་སུམ་དུ་བྱས་ནས་དེ་ལ་སྤྱོ་བ་མང་བ་དང༌། མཚན་མ་མེད་པ་ཡིད་ལ་བྱེད་པས་ལན་མང་དུ་གནས་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། བར་ཆད་མེད་པ་དང༌། རྒྱུན་མི་འཆད་པར་མཚན་མ་མེད་པའི་ཡིད་ལ་བྱེད་པས་མང་དུ་གནས་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། དེ་ཡན་ལག་དེས་ཡོངས་སུ་རྫོགས་པ་ཡིན་ཡང་མཚན་མ་མེད་པར་གནས་པ་དེ་ལ་རྩོལ་བ་ལྷག་པར་བཏང་སྙོམས་སུ་གཞག་པ་དང༌། མཚན་མ་དབང་ཐོབ་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། རྣམ་གྲངས་དང༌། མཚན་ཉིད་ངེས་པའི་ཚིག་དང༌། རབ་ཏུ་དབྱེ་བ་རྣམ་པ་ཐམས་ཅད་དུ་ཆོས་སྟོན་པ་ལ་དབང་ཐོབ་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། ཆོས་ཀྱི་སྐུ་ཡོངས་སུ་རྫོགས་པ་སོ་སོར་ཡང་དག་པར་རིག་པ་འཐོབ་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ༑ དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་པོ། །དེ་ཡན་ལག་དེས་ཡོངས་སུ་རྫོགས་པ་ཡིན་ཡང༌། ཤེས་བྱ་ཐམས་ཅད་ལ་ཆགས་པ་མེད་པ་དང༌། ཐོགས་པ་མེད་པའི་ཤེས་པ་དང༌། མཐོང་བ་འཐོབ་པར་མི་ནུས་པས། དེ་ཡན་ལག་དེས་ཡོངས་སུ་མ་རྫོགས་པ་ཡིན་ཏེ། དེ་ཡན་ལག་དེས་ཡོངས་སུ་རྫོགས་པར་བྱ་བའི་ཕྱིར་འབད་པས་དེ་ཡང་འཐོབ་སྟེ། དེ་ཡན་ལག་དེས་ཡོངས་སུ་རྫོགས་པ་ཡིན་ནོ། །དེ་ཡན་ལག་དེས་ཡོངས་སུ་རྫོགས་པའི་ཕྱིར་ཡན་ལག་ཐམས་ཅད་ཡོངས་སུ་རྫོགས་པ་ཡིན་ཏེ། །སྤྱན་རས་གཟིགས་དབང་ཕྱུག་ས་དེ་དག་ན། ཡན་ལག་བཅུ་གཅིག་པོ་དེ་དག་གིས་བསྡུས་པར་རིག་པར་བྱའོ། །

yan lag bcu gcig gang zhe na/ spyan ras gzigs dbang phyug mos pas spyod pa'i sa la byang chub sems dpa' chos spyad pa rnam pa bcu po dag la mos pa shin tu bsgoms pa'i phyir bzod pas sa de las yang dag par 'das nas/ byang chub sems dpa'i yang dag pa nyid skyon med pa la 'jug go/ /de yan lag des yongs su rdzogs pa yin yang/ ltung ba phra mo'i 'khrul pa kun tu 'byung ba dag la shes bzhin du spyod par mi nus pas/ de yan lag des yongs su ma rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob po/ /de yan lag de yongs su rdzogs pa yin yang/ 'jig rten pa'i ting nge 'dzin yongs su rdzogs pa la snyoms par 'jug pa dang/ thos pa'i gzungs yongs su rdzogs pa thob par mi nus pas/ de yan lag des yongs su ma rdzogs pa yin te/ de yan lag de yongs su rdzogs par bya ba'i phyir/ 'bad pas de yang 'thob po/ /de yan lag des yongs su rdzogs pa yin yang/ byang chub kyi phyogs dang mthun pa'i chos ji ltar thob pa de dag gis de lan mang du gnas par bya ba dang/ snyoms par 'jug pa la sred pa dang/ chos la sreg pa las sems lhag par btang snyoms su 'jog mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bad pas de yang 'thob po/ /de yan lag des yongs su rdzogs pa yin yang/ bden pa rnams rnam par dpyad pa dang/ 'khor ba dang mya ngan las 'das pa dag la gcig tu mi phyogs pa nyid dang/ mngon du phyogs pa'i yid la byed pa lhag par btang snyoms su gzhag pa dang/ thabs kyis yongs su zin pa'i byang chub kyi phyogs dang mthun pa'i chos rnams bsgom par mi nus pas/ de yan lag des yongs su ma rdzogs pa yin te| de yan lag des yongs su rdzogs par bya ba'i phyir 'bad pas de yang 'thob bo/ /de yan lag des yongs su rdzogs pa yin yang/ 'du byed kyi 'jug pa ji lta ba bzhin mngon sum du byas nas de la spyo ba mang ba dang/ mtshan ma med pa yid la byed pas lan mang du gnas par mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bad pas de yang 'thob po/ /de yan lag des yongs su rdzogs pa yin yang/ bar chad med pa dang/ rgyun mi 'chad par mtshan ma med pa'i yid la byed pas mang du gnas par mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bad pas de yang 'thob po/ de yan lag des yongs su rdzogs pa yin yang mtshan ma med par gnas pa de la rtsol ba lhag par btang snyoms su gzhag pa dang/ mtshan ma dbang thob par mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bad pas de yang 'thob po/ /de yan lag des yongs su rdzogs pa yin yang/ rnam grangs dang/ mtshan nyid nges pa'i tshig dang/ rab tu dbye ba rnam pa thams cad du chos ston pa la dbang thob par mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bad pas de yang 'thob po/ /de yan lag des yongs su rdzogs pa yin yang/ chos kyi sku yongs su rdzogs pa so sor yang dag par rig pa 'thob par mi nus pas/ de yan lag des yongs su ma rdzogs pa yin te| de yan lag des yongs su rdzogs par bya ba'i phyir 'bad pas de yang 'thob po/ /de yan lag des yongs su rdzogs pa yin yang/ shes bya thams cad la chags pa med pa dang/ thogs pa med pa'i shes pa dang/ mthong ba 'thob par mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bad pas de yang 'thob ste/ de yan lag des yongs su rdzogs pa yin no/ /de yan lag des yongs su rdzogs pa'i phyir yan lag thams cad yongs su rdzogs pa yin te/ /spyan ras gzigs dbang phyug sa de dag na/ yan lag bcu gcig po de dag gis bsdus par rig par bya'o/ /

【L2 釋地名】

བཅོམ་ལྡན་འདས་ཅིའི་སླད་དུ། ས་དང་པོ་ལ་རབ་ཏུ་དགའ་བ་ཞེས་བགྱི། ཅིའི་སླད་དུ་སངས་རྒྱས་ཀྱི་སའི་བར་ལ་སངས་རྒྱས་ཀྱི་ས་ཞེས་བགྱི་ལགས། ས་དང་པོ་ནི་དོན་ཆེ་བ་འདྲིས་པ་མ་ཡིན་པ་འཇིག་རྟེན་ལས་འདས་པའི་སེམས་ཐོབ་པས་དགའ་བ་དང༌། མཆོག་ཏུ་དགའ་བ་རྒྱ་ཆེ་བའི་ཕྱིར་རབ་ཏུ་དགའ་བ་ཞེས་བྱའོ། །ས་གཉིས་པ་ནི་ལྟུང་བ་ཕྲ་མོ་དང་འཆལ་པའི་ཚུལ་ཁྲིམས་ཀྱི་དྲི་མ་ཐམས་ཅད་དང་བྲལ་བ་ཉིད་ཀྱི་ཕྱིར་དྲི་མ་མེད་པ་ཞེས་བྱའོ། །ས་གསུམ་པ་ནི་ཏིང་ངེ་འཛིན་དེ་དང་ཐོས་པའི་གཟུངས་དེ་ཤེས་པའི་སྣང་བ་ཚད་མེད་པའི་གནས་ཉིད་ཡིན་པའི་ཕྱིར་འོད་བྱེད་པ་ཞེས་བྱའོ། །ས་བཞི་པ་ནི་ཉོན་མོངས་པའི་ཤིང་བསྲེག་པའི་ཕྱིར། བྱང་ཆུབ་ཀྱི་ཕྱོགས་དང་མཐུན་པའི་ཆོས་བསྒོམས་པ་དེ་ཡེ་ཤེས་ཀྱི་མེའི་འོད་འཕྲོ་བར་གྱུར་པའི་ཕྱིར་འོད་འཕྲོ་བ་ཅན་ཞེས་བྱའོ༑ །ས་ལྔ་པ་ནི་བྱང་ཆུབ་ཀྱི་ཕྱོགས་དང་མཐུན་པའི་ཆོས་དེ་དག་ཉིད་ཐབས་ཀྱིས་བསྒོམ་པ་དེ་ལ་དབང་བྱ་བར་དཀའ་བ་ཉིད་ཀྱི་ཕྱིར་ཤིན་ཏུ་སྦྱང་དཀའ་ཞེས་བྱའོ༑ །ས་དྲུག་པ་ནི་འདུ་བྱེད་ཀྱི་འཇུག་པ་མངོན་སུམ་དུ་གྱུར་པ་ཉིད་དང༌། མཚན་མ་མེད་པ་ལ་ལན་མང་དུ་ཡིད་ལ་བྱེད་པ་མངོན་དུ་གྱུར་པའི་ཕྱིར་མངོན་དུ་གྱུར་པ་ཞེས་བྱའོ། །ས་བདུན་པ་ནི་མཚན་མ་མེད་པ་ཡིད་ལ་བྱེད་པ་ལ་བར་ཆད་མེད་ཅིང་རྒྱུན་མི་འཆད་པ་རིང་དུ་རྗེས་སུ་ཞུགས་པ་དང༌། རྣམ་པར་དག་པའི་ས་དང་རྗེས་སུ་འབྲེལ་པ་ཉིད་ཀྱི་ཕྱིར་རིང་དུ་སོང་བ་ཞེས་བྱའོ། །ས་བརྒྱད་པ་ནི་མཚན་མ་མེད་པ་ལ་ལྷུན་གྱིས་གྲུབ་པ་ཉིད་དང༌། མཚན་མའི་ཉོན་མོངས་པ་ཀུན་དུ་འབྱུང་བས་མི་བསྐྱོད་པ་ཉིད་ཀྱི་ཕྱིར་མི་གཡོ་བ་ཞེས་བྱའོ། །ས་དགུ་པ་ནི་རྣམ་པ་ཐམས་ཅད་དུ་ཆོས་སྟོན་པའི་དབང་ལ་ཁ་ན་མ་ཐོ་བ་མེད་པའི་བློ་གྲོས་ཤིན་ཏུ་ཡངས་པ་ཐོབ་པ་ཉིད་ཀྱི་ཕྱིར་ལེགས་པའི་བློ་གྲོས་ཞེས་བྱའོ། །ས་བཅུ་པ་ནི་གནས་ངན་ལེན་གྱི་ལུས་ནམ་མཁའ་ལྟ་བུ་ལ་ཆོས་ཀྱི་སྐུ་སྤྲིན་ཆེན་པོ་ལྟ་བུས་ཁྱབ་ཅིང་ཁེབས་པའི་ཕྱིར་ཆོས་ཀྱི་སྤྲིན་ཞེས་བྱའོ། །ས་བཅུ་གཅིག་པ་ནི་ཉོན་མོངས་པ་དང་ཤེས་བྱའི་སྒྲིབ་པ་ཤིན་ཏུ་ཕྲ་མོ་སྤངས་པས། ཆགས་པ་མེད་ཅིང་ཐོགས་པ་མེད་པར་ཤེས་བྱའི་རྣམ་པ་ཐམས་ཅད་མངོན་པར་རྫོགས་པར་བྱང་ཆུབ་པ་ཉིད་ཀྱི་ཕྱིར་སངས་རྒྱས་ཀྱི་ས་ཞེས་བྱའོ། །

bcom ldan 'das ci'i slad du/ sa dang po la rab tu dga' ba zhes bgyi/ ci'i slad du sangs rgyas kyi sa'i bar la sangs rgyas kyi sa zhes bgyi lags/ sa dang po ni don che ba 'dris pa ma yin pa 'jig rten las 'das pa'i sems thob pas dga' ba dang/ mchog tu dga' ba rgya che ba'i phyir rab tu dga' ba zhes bya'o/ /sa gnyis pa ni ltung ba phra mo dang 'chal pa'i tshul khrims kyi dri ma thams cad dang bral ba nyid kyi phyir dri ma med pa zhes bya'o/ /sa gsum pa ni ting nge 'dzin de dang thos pa'i gzungs de shes pa'i snang ba tshad med pa'i gnas nyid yin pa'i phyir 'od byed pa zhes bya'o/ /sa bzhi pa ni nyon mongs pa'i shing bsreg pa'i phyir/ byang chub kyi phyogs dang mthun pa'i chos bsgoms pa de ye shes kyi me'i 'od 'phro bar gyur pa'i phyir 'od 'phro ba can zhes bya'o| /sa lnga pa ni byang chub kyi phyogs dang mthun pa'i chos de dag nyid thabs kyis bsgom pa de la dbang bya bar dka' ba nyid kyi phyir shin tu sbyang dka' zhes bya'o| /sa drug pa ni 'du byed kyi 'jug pa mngon sum du gyur pa nyid dang/ mtshan ma med pa la lan mang du yid la byed pa mngon du gyur pa'i phyir mngon du gyur pa zhes bya'o/ /sa bdun pa ni mtshan ma med pa yid la byed pa la bar chad med cing rgyun mi 'chad pa ring du rjes su zhugs pa dang/ rnam par dag pa'i sa dang rjes su 'brel pa nyid kyi phyir ring du song ba zhes bya'o/ /sa brgyad pa ni mtshan ma med pa la lhun gyis grub pa nyid dang/ mtshan ma'i nyon mongs pa kun du 'byung bas mi bskyod pa nyid kyi phyir mi g.yo ba zhes bya'o/ /sa dgu pa ni rnam pa thams cad du chos ston pa'i dbang la kha na ma tho ba med pa'i blo gros shin tu yangs pa thob pa nyid kyi phyir legs pa'i blo gros zhes bya'o/ /sa bcu pa ni gnas ngan len gyi lus nam mkha' lta bu la chos kyi sku sprin chen po lta bus khyab cing khebs pa'i phyir chos kyi sprin zhes bya'o/ /sa bcu gcig pa ni nyon mongs pa dang shes bya'i sgrib pa shin tu phra mo spangs pas/ chags pa med cing thogs pa med par shes bya'i rnam pa thams cad mngon par rdzogs par byang chub pa nyid kyi phyir sangs rgyas kyi sa zhes bya'o/ /

【L3 辨地中所對除法】

བཅོམ་ལྡན་འདས་ས་དེ་དག་ལ་ཀུན་ཏུ་རྨོངས་པ་ནི་དུ་མཆིས། གནས་ངན་ལེན་གྱི་མི་མཐུན་པའི་ཕྱོགས་ནི་དུ་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ། སྤྱན་རས་གཟིགས་དབང་ཕྱུག་ཀུན་ཏུ་རྨོངས་པ་ཉིད་ཤུ་རྩ་གཉིས་དང༌། གནས་ངན་ལེན་མི་མཐུན་པའི་ཕྱོགས་བཅུ་གཅིག་སྟེ། ས་དང་པོ་ལ་ནི་གང་ཟག་དང་ཆོས་ལ་མངོན་པར་ཞེན་པ་ཀུན་ཏུ་རྨོངས་པ་དང༌། ངན་སོང་བའི་ཉོན་མོངས་པ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །ས་གཉིས་པ་ལ་ནི་ལྟུང་བ་ཕྲ་མོའི་འཁྲུལ་པ་ཀུན་ཏུ་རྨོངས་པ་དང༌། ལས་ཀྱི་རྣམ་པ། རྣམ་པ་སྣ་ཚོགས་ལ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །གསུམ་པ་ལ་ནི་འདོད་པའི་འདོད་ཆགས་ཀྱིས་ཀུན་ཏུ་རྨོངས་པ་དང༌། ཐོས་པའི་གཟུངས་ཡོངས་སུ་རྫོགས་པ་ལ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །བཞི་པ་ལ་ནི་སྙོམས་པར་འཇུག་པ་ལ་སྲེད་པ་ཀུན་ཏུ་རྨོངས་པ་དང༌། ཆོས་ལ་སྲེད་པ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །ལྔ་པ་ལ་ནི་འཁོར་བ་ལ་གཅིག་ཏུ་མི་ཕྱོགས་པ་ཉིད་དང༌། མངོན་དུ་ཕྱོགས་པ་དེ་ཉིད་ཡིད་ལ་བྱེད་པ་ཀུན་ཏུ་རྨོངས་པ་དང༌། མྱ་ངན་ལས་འདས་པ་ལ་གཅིག་ཏུ་མི་ཕྱོགས་པ་ཉིད་དང༌། མངོན་དུ་ཕྱོགས་པ་ཉིད་ཡིད་ལ་བྱེད་པ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །དྲུག་པ་ལ་ནི་འདུ་བྱེད་ཀྱི་འཇུག་པ་མངོན་སུམ་དུ་བྱས་པ་ཉིད་ལ་ཀུན་ཏུ་རྨོངས་པ་དང༌། མཚན་མ་མང་པོ་ཀུན་ཏུ་འབྱུང་བ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །བདུན་པ་ལ་ནི་མཚན་མ་ཕྲ་མོ་ཀུན་ཏུ་འབྱུང་བ་ཀུན་ཏུ་རྨོངས་པ་དང༌། མཚན་མ་མེད་པ་གཅིག་ཏུ་ཡིད་ལ་བྱེད་པའི་ཐབས་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །བརྒྱད་པ་ལ་ནི་མཚན་མ་མེད་པ་ལ་རྩོད་པ་ཀུན་ཏུ་རྨོངས་པ་དང༌། མཚན་མ་རྣམས་ལ་མི་དབང་བ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །དགུ་པ་ལ་ནི་ཆོས་བསྟན་པ་དཔག་ཏུ་མེད་པ་དང༌། ཆོས་ཀྱི་ཚིག་དང༌། ཡི་གེ་དཔག་ཏུ་མེད་པ་དང༌། གོང་ནས་གོང་དུ་ཤེས་རབ་དང༌། སྤོབས་པ་ལ་གཟུངས་ཀྱི་དབང་བ་ཀུན་ཏུ་རྨོངས་པ་དང༌། སྤོབས་པའི་དབང་ལ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། ས་བཅུ་པ་ལ་ནི་མངོན་པར་ཤེས་པ་ཆེན་པོ་ལ་ཀུན་ཏུ་རྨོངས་པ་དང༌། གསང་བ་དང་ཕྲ་བའི་རྗེས་སུ་འཇུག་པ་ལ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །སངས་རྒྱས་ཀྱི་ས་ལ་ནི་ཤེས་བྱ་ཐམས་ཅད་ལ་ཆགས་པ་ཤིན་ཏུ་ཕྲ་མོ་ཀུན་ཏུ་རྨོངས་པ་དང༌། ཐོགས་པ་ཀུན་ཏུ་རྨོངས་པ་དང༌། དེའི་གནས་ངན་ལེན་མི་མཐུན་པའི་ཕྱོགས་སོ། །སྤྱན་རས་གཟིགས་དབང་ཕྱུག་ས་དེ་དག་ནི་ཀུན་ཏུ་རྨོངས་པ་ཉི་ཤུ་རྩ་གཉིས་དང༌། གནས་ངན་ལེན་བཅུ་གཅིག་པོ་དེ་ངག་གི་རྣམ་པར་གཞག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་མི་ལྡན་པ་ཡིན་ནོ། །བཅོམ་ལྡན་འདས་གང་ལ་ད་ལྟར་བྱང་ཆུབ་སེམས་དཔའ་རྣམས་དེ་ལྟར་ཀུན་ཏུ་རྨོངས་པའི་དྲ་བ་ཆེན་པོ་རབ་ཏུ་དྲལ་ཅིང་དེའི་གནས་ངན་ལེན་ཐིབས་པོ་ཆེན་པོ་ལས་ཡང་དག་པར་འདས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཅི་ཙམ་དུ་ཕན་ཡོན་ཆེ་ཞིང༌། འབྲས་བུ་ཆེ་བ་ནི་ངོ་མཚར་ལགས་སོ། །

bcom ldan 'das sa de dag la kun tu rmongs pa ni du mchis/ gnas ngan len gyi mi mthun pa'i phyogs ni du mchis lags/ bcom ldan 'das kyis bka' stsal pa/ spyan ras gzigs dbang phyug kun tu rmongs pa nyid shu rtsa gnyis dang/ gnas ngan len mi mthun pa'i phyogs bcu gcig ste/ sa dang po la ni gang zag dang chos la mngon par zhen pa kun tu rmongs pa dang/ ngan song ba'i nyon mongs pa kun tu rmongs pa dang/ de'i gnas ngan len mi mthun pa'i phyogs so/ /sa gnyis pa la ni ltung ba phra mo'i 'khrul pa kun tu rmongs pa dang/ las kyi rnam pa/ rnam pa sna tshogs la kun tu rmongs pa dang/ de'i gnas ngan len mi mthun pa'i phyogs so/ /gsum pa la ni 'dod pa'i 'dod chags kyis kun tu rmongs pa dang/ thos pa'i gzungs yongs su rdzogs pa la kun tu rmongs pa dang/ de'i gnas ngan len mi mthun pa'i phyogs so/ /bzhi pa la ni snyoms par 'jug pa la sred pa kun tu rmongs pa dang/ chos la sred pa kun tu rmongs pa dang/ de'i gnas ngan len mi mthun pa'i phyogs so/ /lnga pa la ni 'khor ba la gcig tu mi phyogs pa nyid dang/ mngon du phyogs pa de nyid yid la byed pa kun tu rmongs pa dang/ mya ngan las 'das pa la gcig tu mi phyogs pa nyid dang/ mngon du phyogs pa nyid yid la byed pa kun tu rmongs pa dang/ de'i gnas ngan len mi mthun pa'i phyogs so/ /drug pa la ni 'du byed kyi 'jug pa mngon sum du byas pa nyid la kun tu rmongs pa dang/ mtshan ma mang po kun tu 'byung ba kun tu rmongs pa dang/ de'i gnas ngan len mi mthun pa'i phyogs so/ /bdun pa la ni mtshan ma phra mo kun tu 'byung ba kun tu rmongs pa dang/ mtshan ma med pa gcig tu yid la byed pa'i thabs kun tu rmongs pa dang/ de'i gnas ngan len mi mthun pa'i phyogs so/ /brgyad pa la ni mtshan ma med pa la rtsod pa kun tu rmongs pa dang/ mtshan ma rnams la mi dbang ba kun tu rmongs pa dang/ de'i gnas ngan len mi mthun pa'i phyogs so/ /dgu pa la ni chos bstan pa dpag tu med pa dang/ chos kyi tshig dang/ yi ge dpag tu med pa dang/ gong nas gong du shes rab dang/ spobs pa la gzungs kyi dbang ba kun tu rmongs pa dang/ spobs pa'i dbang la kun tu rmongs pa dang/ de'i gnas ngan len mi mthun pa'i phyogs so/ sa bcu pa la ni mngon par shes pa chen po la kun tu rmongs pa dang/ gsang ba dang phra ba'i rjes su 'jug pa la kun tu rmongs pa dang/ de'i gnas ngan len mi mthun pa'i phyogs so/ /sangs rgyas kyi sa la ni shes bya thams cad la chags pa shin tu phra mo kun tu rmongs pa dang/ thogs pa kun tu rmongs pa dang/ de'i gnas ngan len mi mthun pa'i phyogs so/ /spyan ras gzigs dbang phyug sa de dag ni kun tu rmongs pa nyi shu rtsa gnyis dang/ gnas ngan len bcu gcig po de ngag gi rnam par gzhag ste/ bla na med pa yang dag par rdzogs pa'i byang chub ni mi ldan pa yin no/ /bcom ldan 'das gang la da ltar byang chub sems dpa' rnams de ltar kun tu rmongs pa'i dra ba chen po rab tu dral cing de'i gnas ngan len thibs po chen po las yang dag par 'das te/ bla na med pa yang dag par rdzogs pa'i byang chub mngon par rdzogs par 'tshang rgya ba'i bla na med pa yang dag par rdzogs pa'i byang chub ci tsam du phan yon che zhing/ 'bras bu che ba ni ngo mtshar lags so/ /

【L4 辨諸地清淨通德】【M1 辨諸地清淨通德】

བཅོམ་ལྡན་འདས་ས་དེ་དག་རྣམ་པར་དག་པ་དུ་དག་གིས་རྣམ་པར་གཞག་ལགས། སྤྱན་རས་གཟིགས་དབང་ཕྱུག་བརྒྱད་ཀྱིས་ཏེ། ལྷག་པའི་བསམ་པ་རྣམ་པར་དག་པ་དང༌། སེམས་རྣམ་པར་དག་པ་དང༌། སྙིང་རྗེ་རྣམ་པར་དག་པ་དང༌། ཕ་རོལ་ཏུ་ཕྱིན་པ་རྣམ་པར་དག་པ་དང༌། སངས་རྒྱས་མཐོང་ཞིང་བསྙེན་བཀུར་བྱེད་པ་རྣམ་པར་དག་པ་དང༌། སེམས་ཅན་ཡོངས་སུ་སྨིན་པར་བྱེད་པ་རྣམ་པར་དག་པ་དང༌། སྐྱེ་བ་རྣམ་པར་དག་པ་དང༌། མཐུ་རྣམ་པར་དག་པས་སོ། །སྤྱན་རས་གཟིགས་དབང་ཕྱུག་ས་དང་པོ་ལ་ལྷག་པའི་བསམ་པ་རྣམ་པར་དག་པ་ནས། མཐུ་རྣམ་པར་དག་པའི་བར་གང་ཡིན་པ་དང༌། ས་གོང་མ་གོང་མ་རྣམས་དང༌། སངས་རྒྱས་ཀྱི་སའི་བར་ལ་ལྷག་པའི་བསམ་པ་རྣམ་པར་དག་པ་ནས། མཐུ་རྣམ་པར་དག་པའི་བར་གང་ཡིན་པ་དེ་ནི་ཆེས་རྣམ་པར་དག་པ་དང༌། ཆེས་ཤིན་ཏུ་རྣམ་པར་དག་པ་ཡིན་པར་རིག་པར་བྱའོ། །དེ་ལ་སངས་རྒྱས་ཀྱི་ས་ལ་སྐྱེ་བ་རྣམ་པར་དག་པ་མ་རྟོགས་པ་དང༌།

bcom ldan 'das sa de dag rnam par dag pa du dag gis rnam par gzhag lags/ spyan ras gzigs dbang phyug brgyad kyis te/ lhag pa'i bsam pa rnam par dag pa dang/ sems rnam par dag pa dang/ snying rje rnam par dag pa dang/ pha rol tu phyin pa rnam par dag pa dang/ sangs rgyas mthong zhing bsnyen bkur byed pa rnam par dag pa dang/ sems can yongs su smin par byed pa rnam par dag pa dang/ skye ba rnam par dag pa dang/ mthu rnam par dag pas so/ /spyan ras gzigs dbang phyug sa dang po la lhag pa'i bsam pa rnam par dag pa nas/ mthu rnam par dag pa'i bar gang yin pa dang/ sa gong ma gong ma rnams dang/ sangs rgyas kyi sa'i bar la lhag pa'i bsam pa rnam par dag pa nas/ mthu rnam par dag pa'i bar gang yin pa de ni ches rnam par dag pa dang/ ches shin tu rnam par dag pa yin par rig par bya'o/ /de la sangs rgyas kyi sa la skye ba rnam par dag pa ma rtogs pa dang/

【M2 明有上無上】

ས་དང་པོའི་ཡོན་ཏན་གང་དག་ཡིན་པ་དེ་དག་གིས་དེའི་གོང་མའི་ས་རྣམས་དེའི་ཡོན་ཏན་དང་ཡང་མཉམ་ལ། རང་གི་སའི་ཡོན་ཏན་གྱིས་ཀྱང་ཁྱད་པར་དུ་འཕགས་པར་ཡང་རིག་པར་བྱའོ། །བྱང་ཆུབ་སེམས་དཔའི་ས་བཅུ་པོ་ཐམས་ཅད་ནི་ཡོན་ཏན་བླ་ན་ཡོད་པ་དག་ཡིན་ལ། སངས་རྒྱས་ཀྱི་ས་ནི་ཡོན་ཏན་བླ་ན་མེད་པ་ཡིན་པར་རིག་པར་བྱའོ། །

sa dang po'i yon tan gang dag yin pa de dag gis de'i gong ma'i sa rnams de'i yon tan dang yang mnyam la/ rang gi sa'i yon tan gyis kyang khyad par du 'phags par yang rig par bya'o/ /byang chub sems dpa'i sa bcu po thams cad ni yon tan bla na yod pa dag yin la/ sangs rgyas kyi sa ni yon tan bla na med pa yin par rig par bya'o/ /

【L5 四緣故菩薩生勝】

བཅོམ་ལྡན་འདས་ཅིའི་སླད་དུ་སྲིད་པར་སྐྱེ་བ་ཐམས་ཅད་ཀྱི་ནང་ན། བྱང་ཆུབ་སེམས་དཔའི་སྐྱེ་བ་བར་མཆོག་ཅེས་བགྱི་ལགས། སྤྱན་རས་གཟིགས་དབང་ཕྱུག་རྣམ་པ་བཞིའི་ཕྱིར་ཏེ། དགེ་བའི་རྩ་བ་ཤིན་ཏུ་རྣམ་པར་དག་པ་ཡང་དག་པར་འགྲུབ་པ་ཉིད་ཀྱི་ཕྱིར་དང༌། སོ་སོར་བརྟགས་ཏེ་ལེན་པ་ཉིད་ཀྱི་ཕྱིར་དང༌། འགྲོ་བ་ཐམས་ཅད་ཡོངས་སུ་བསྐྱབ་པའི་ཕྱིར་སྙིང་རྗེ་དང་ལྡན་པ་ཉིད་ཀྱི་ཕྱིར་དང༌། བདག་ཉིད་ཀུན་ནས་ཉོན་མོངས་པ་ཅན་མ་ཡིན་པ་ཉིད་དང༌། གཞན་གྱི་ཀུན་ནས་ཉོན་མོངས་པ་རྣམ་པར་ཟློག་པར་བྱེད་པ་ཉིད་ཀྱི་ཕྱིར་རོ། །

bcom ldan 'das ci'i slad du srid par skye ba thams cad kyi nang na/ byang chub sems dpa'i skye ba bar mchog ces bgyi lags/ spyan ras gzigs dbang phyug rnam pa bzhi'i phyir te/ dge ba'i rtsa ba shin tu rnam par dag pa yang dag par 'grub pa nyid kyi phyir dang/ so sor brtags te len pa nyid kyi phyir dang/ 'gro ba thams cad yongs su bskyab pa'i phyir snying rje dang ldan pa nyid kyi phyir dang/ bdag nyid kun nas nyon mongs pa can ma yin pa nyid dang/ gzhan gyi kun nas nyon mongs pa rnam par zlog par byed pa nyid kyi phyir ro/ /

【L6 辨菩薩行諸大願】

བཅོམ་ལྡན་འདས་ཅིའི་སླད་དུ། བྱང་ཆུབ་སེམས་དཔའ་རྣམས་སྨོན་ལམ་རྒྱ་ཆེན་པོས་མཆི་བ་དང་སྨོན་ལམ་གྱ་ནོམ་པ་དང་ལྡན་པ་དང༌། སྨོན་ལམ་གྱི་སྟོབས་ཅན་ལགས། སྤྱན་རས་གཟིགས་དབང་ཕྱུག་རྣམ་པ་བཞིའི་ཕྱིར་ཏེ། འདི་ལྟར་བྱང་ཆུབ་སེམས་དཔའ་རྣམས་ནི་མྱ་ངན་ལས་འདས་པའི་བདེ་བ་ལ་གནས་པར་མཁས་པ་དང༌། དེ་མྱུར་དུ་འཐོབ་པར་ནུས་པ་དང༌། མྱུར་དུ་འཐོབ་པ་དེ་དང༌། བདེ་བར་གནས་པ་དེ་ཡང་སྤངས་ཏེ། སེམས་ཅན་གྱི་དོན་རྒྱུ་མེད་པ། དགོས་པ་མེད་པ། སྡུག་བསྔལ་མང་པོ་སྣ་ཚོགས་ཡུན་རིང་པོ་འབྱུང་བ་ལ་ཡིད་ཀྱིས་སྨོན་པར་བྱེད་པ་སྟེ། དེའི་ཕྱིར་སྨོན་ལམ་རྒྱ་ཆེན་པོས་འགྲོ་བ་དང༌། སྨོན་ལམ་གྱ་ནོམ་པ་དང་ལྡན་པ་དང༌། སྨོན་ལམ་གྱི་སྟོབས་ཅན་རྣམས་ཞེས་བྱའོ། །

bcom ldan 'das ci'i slad du/ byang chub sems dpa' rnams smon lam rgya chen pos mchi ba dang smon lam gya nom pa dang ldan pa dang/ smon lam gyi stobs can lags/ spyan ras gzigs dbang phyug rnam pa bzhi'i phyir te/ 'di ltar byang chub sems dpa' rnams ni mya ngan las 'das pa'i bde ba la gnas par mkhas pa dang/ de myur du 'thob par nus pa dang/ myur du 'thob pa de dang/ bde bar gnas pa de yang spangs te/ sems can gyi don rgyu med pa/ dgos pa med pa/ sdug bsngal mang po sna tshogs yun ring po 'byung ba la yid kyis smon par byed pa ste/ de'i phyir smon lam rgya chen pos 'gro ba dang/ smon lam gya nom pa dang ldan pa dang/ smon lam gyi stobs can rnams zhes bya'o/ /

【K2 辨地中所應學法】【L1 舉六度為所學事】

བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་བསླབ་པའི་གཞི་དུ་མཆིས་ལགས། སྤྱན་རས་གཟིགས་དབང་ཕྱུག་དྲུག་སྟེ། སྦྱིན་པ་དང༌། ཚུལ་ཁྲིམས་དང༌། བཟོད་པ་དང༌། བརྩོན་འགྲུས་དང༌། བསམ་གཏན་དང༌། ཤེས་རབ་པོ། །

bcom ldan 'das byang chub sems dpa' rnams kyi bslab pa'i gzhi du mchis lags/ spyan ras gzigs dbang phyug drug ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab po/ /

【L2 以三學攝六度】

བཅོམ་ལྡན་འདས་བསླབ་པའི་གཞི་དྲུག་པོ་དེ་དག་ལས། དུ་ནི་ལྷག་པའི་ཚུལ་ཁྲིམས་ཀྱི་བསླབ་པ་ལགས། དུ་ནི་ལྷག་པའི་སེམས་ཀྱི་བསླབ་པ་ལགས། དུ་ནི་ལྷག་པའི་ཤེས་རབ་ཀྱི་བསླབ་པ་ལགས། སྤྱན་རས་གཟིགས་དབང་ཕྱུག་དང་པོ་གསུམ་ནི་ལྷག་པའི་ཚུལ་ཁྲིམས་ཀྱི་བསླབ་པ་ཡིན་པར་རིག་པར་བྱའོ། །བསམ་གཏན་ནི་ལྷག་པའི་སེམས་ཀྱི་བསླབ་པ་ཡིན་ནོ། །ཤེས་རབ་ནི་ལྷག་པའི་ཤེས་རབ་ཀྱི་བསླབ་པ་ཡིན་ནོ། །བརྩོན་འགྲུས་ནི་ཀུན་ཏུ་འགྲོ་བ་ཡིན་པར་ང་སྨྲའོ། །

bcom ldan 'das bslab pa'i gzhi drug po de dag las/ du ni lhag pa'i tshul khrims kyi bslab pa lags/ du ni lhag pa'i sems kyi bslab pa lags/ du ni lhag pa'i shes rab kyi bslab pa lags/ spyan ras gzigs dbang phyug dang po gsum ni lhag pa'i tshul khrims kyi bslab pa yin par rig par bya'o/ /bsam gtan ni lhag pa'i sems kyi bslab pa yin no/ /shes rab ni lhag pa'i shes rab kyi bslab pa yin no/ /brtson 'grus ni kun tu 'gro ba yin par nga smra'o/ /

【L3 以三種資糧攝六度】

བཅོམ་ལྡན་འདས་བསླབ་པའི་གཞི་དྲུག་པོ་དེ་དག་ལས། དུ་ནི་བསོད་ནམས་ཀྱི་ཚོགས་ལགས། དུ་ནི་ཡེ་ཤེས་ཀྱི་ཚོགས་ལགས། སྤྱན་རས་གཟིགས་དབང་ཕུག་ལྷག་པའི་ཚུལ་ཁྲིམས་ཀྱི་བསླབ་པ་གང་ཡིན་པ་དེ་ནི་བསོད་ནམས་ཀྱི་ཚོགས་ཡིན་ནོ། །ལྷག་པའི་ཤེས་རབ་ཀྱི་བསླབ་པ་གང་ཡིན་པ་དེ་ནི་ཡེ་ཤེས་ཀྱི་ཚོགས་ཡིན་ནོ། །བརྩོན་འགྲུས་དང་བསམ་གཏན་ནི་ཀུན་ཏུ་འགྲོ་བ་ཡིན་པར་ང་སྨྲའོ། །

bcom ldan 'das bslab pa'i gzhi drug po de dag las/ du ni bsod nams kyi tshogs lags/ du ni ye shes kyi tshogs lags/ spyan ras gzigs dbang phug lhag pa'i tshul khrims kyi bslab pa gang yin pa de ni bsod nams kyi tshogs yin no/ /lhag pa'i shes rab kyi bslab pa gang yin pa de ni ye shes kyi tshogs yin no/ /brtson 'grus dang bsam gtan ni kun tu 'gro ba yin par nga smra'o/ /

【L4 辨五相修於施等】

བཅོམ་ལྡན་འདས་བསླབ་པའི་གཞི་དྲུག་པོ་དེ་དག་ལ། བྱང་ཆུབ་སེམས་དཔའ་ཇི་ལྟར་བསླབ་པར་བགྱི་ལགས། སྤྱན་རས་གཟིགས་དབང་ཕྱུག་རྣམ་པ་ལྔ་སྟེ། ཕ་རོལ་ཏུ་ཕྱིན་པ་དང་ལྡན་པའི་དམ་པའི་ཆོས་བསྟན་པ་བྱང་ཆུབ་སེམས་དཔའི་སྡེ་སྣོད་ལ་ཐོག་མ་ཁོ་ནར་ཤིན་ཏུ་མོས་པ་དང༌། དེའི་འོག་ཏུ་ཆོས་སྤྱོད་པ་བཅུ་པོ་དག་གིས་ཐོས་པ་དང་བསམས་པ་དང༌། བསྒོམས་པ་ལས་བྱུང་བའི་ཤེས་པས་བསྒྲུབ་པ་དང༌། བྱང་ཆུབ་ཀྱི་སེམས་རྗེས་སུ་བསྲུང་བ་དང༌། དགེ་བའི་བཤེས་གཉེན་ལ་བསྟེན་པ་དང༌། རྒྱུན་མི་འཆད་པར་དགེ་བའི་ཕྱོགས་ལ་སྦྱོར་བས་བསླབ་པར་བྱའོ། །

bcom ldan 'das bslab pa'i gzhi drug po de dag la/ byang chub sems dpa' ji ltar bslab par bgyi lags/ spyan ras gzigs dbang phyug rnam pa lnga ste/ pha rol tu phyin pa dang ldan pa'i dam pa'i chos bstan pa byang chub sems dpa'i sde snod la thog ma kho nar shin tu mos pa dang/ de'i 'og tu chos spyod pa bcu po dag gis thos pa dang bsams pa dang/ bsgoms pa las byung ba'i shes pas bsgrub pa dang/ byang chub kyi sems rjes su bsrung ba dang/ dge ba'i bshes gnyen la bsten pa dang/ rgyun mi 'chad par dge ba'i phyogs la sbyor bas bslab par bya'o/ /

【L5 釋成六數】

བཅོམ་ལྡན་འདས་ཅིའི་སླད་དུ་བསླབ་པའི་གཞི་དེ་དག་རྣམ་གྲངས་དྲུག་ཏུ་གདགས་པར་རིག་པར་བགྱི་ལགས། སྤྱན་རས་གཟིགས་དབང་ཕྱུག་རྣམ་པ་གཉིས་ཀྱི་ཕྱིར་ཏེ། སེམས་ཅན་ལ་ཕན་གདགས་པ་དང༌། ཉོན་མོངས་པའི་གཉེན་པོ་ཉིད་ཀྱི་ཕྱིར་རོ། །དེ་ལ་གསུམ་ནི་སེམས་ཅན་ལ་ཕན་གདགས་པ་ཡིན་ལ། གསུམ་ནི་ཉོན་མོངས་པའི་གཉེན་པོ་ཡིན་པར་རིག་པར་བྱའོ། །དེ་ལ་བྱང་ཆུབ་སེམས་དཔའ་སྦྱིན་པས་ནི་སེམས་ཅན་རྣམས་ལ་ཡོ་བྱད་ཉེ་བར་བསྒྲུབ་པས་ཕན་འདོགས་པས་ཕན་འདོགས་སོ། །ཚུལ་ཁྲིམས་ཀྱིས་ནི་ཕོངས་པ་དང༌། གནོད་པ་དང་རྣམ་པར་ཐོ་འཚམས་པ་ཉེ་བར་ནི་སྒྲུབ་པའི་ཕན་འདོགས་པས་ཕན་འདོགས་སོ། །བཟོད་པས་ནི་ཕོངས་པ་དང༌། གནོད་པ་དང་རྣམ་པར་ཐོ་འཚམས་པར་ཇི་མི་སྙམ་པས་ཕན་འདོགས་ཏེ། དེ་གསུམ་གྱིས་ནི་སེམས་ཅན་ལ་ཕན་འདོགས་སོ། །བརྩོན་འགྲུས་ཀྱིས་ནི་ཉོན་མོངས་པ་རྣམ་པར་མ་བཅིལ་བ་དང༌། ཉོན་མོངས་པ་ཡང་དག་པར་མ་བཅོམ་པས་དགེ་བའི་ཕྱོགས་ལ་སྦྱོར་བར་བྱེད་དེ། དེ་ནི་ཉོན་མོངས་པས་དགེ་བའི་ཕྱོགས་ལ་སྦྱོར་བ་ལས་བསྐྱོད་པར་མི་ནུས་སོ། །བསམ་གཏན་གྱིས་ནི་ཉོན་མོངས་པ་རྣམས་རྣམ་པར་གནོན་ཏོ། །ཤེས་རབ་ཀྱིས་ནི་བག་ལ་ཉལ་ཡང་དག་པར་འཇོམས་པར་བྱེད་དེ༑ དེ་གསུམ་ནི་ཉོན་མོངས་པའི་གཉེན་པོ་ཡིན་ནོ། །

bcom ldan 'das ci'i slad du bslab pa'i gzhi de dag rnam grangs drug tu gdags par rig par bgyi lags/ spyan ras gzigs dbang phyug rnam pa gnyis kyi phyir te/ sems can la phan gdags pa dang/ nyon mongs pa'i gnyen po nyid kyi phyir ro/ /de la gsum ni sems can la phan gdags pa yin la/ gsum ni nyon mongs pa'i gnyen po yin par rig par bya'o/ /de la byang chub sems dpa' sbyin pas ni sems can rnams la yo byad nye bar bsgrub pas phan 'dogs pas phan 'dogs so/ /tshul khrims kyis ni phongs pa dang/ gnod pa dang rnam par tho 'tshams pa nye bar ni sgrub pa'i phan 'dogs pas phan 'dogs so/ /bzod pas ni phongs pa dang/ gnod pa dang rnam par tho 'tshams par ji mi snyam pas phan 'dogs te/ de gsum gyis ni sems can la phan 'dogs so/ /brtson 'grus kyis ni nyon mongs pa rnam par ma bcil ba dang/ nyon mongs pa yang dag par ma bcom pas dge ba'i phyogs la sbyor bar byed de/ de ni nyon mongs pas dge ba'i phyogs la sbyor ba las bskyod par mi nus so/ /bsam gtan gyis ni nyon mongs pa rnams rnam par gnon to/ /shes rab kyis ni bag la nyal yang dag par 'joms par byed de| de gsum ni nyon mongs pa'i gnyen po yin no/ /

【L6 明立後四度意】

བཅོམ་ལྡན་འདས་ཅིའི་སླད་དུ་ཕ་རོལ་ཏུ་ཕྱིན་པ་གཞན་དག་གྲངས་བཞིར་གདགས་པར་རིག་པར་བགྱི་ལགས། སྤྱན་རས་གཟིགས་དབང་ཕྱུག་ཕ་རོལ་ཏུ་ཕྱིན་པ་དྲུག་པ་དེ་དག་ཉིད་ཀྱི་གྲོགས་སུ་གྱུར་པ་ཉིད་ཡིན་པའི་ཕྱིར་ཏེ། དེ་ལ་ཕ་རོལ་ཏུ་ཕྱིན་པ་གསུམ་གྱིས་སེམས་ཅན་རྣམས་ལ་ཕན་བཏགས་ནས། བྱང་ཆུབ་སེམས་དཔས་བསྡུ་བའི་དངོས་པོས་ཟིན་པའི་ཐབས་ལ་མཁས་པས་དགེ་བ་ལ་འཇོག་པར་བྱེད་དོ། །དེའི་ཕྱིར་ངས་ཐབས་ལ་མཁས་པའི་ཕ་རོལ་ཏུ་ཕྱིན་པ་ནི་གསུམ་པོ་འདི་དག་གི་གྲོགས་སུ་གྱུར་པ་ཡིན་པར་ཡོངས་སུ་བསྟན་ཏོ། །སྤྱན་རས་གཟིགས་དབང་ཕྱུག་གལ་ཏེ་བྱང་ཆུབ་སེམས་དཔའ་ཚེ་འདི་ལ་ཉོན་མོངས་པ་མང་བས་རྟག་ཏུ་བསྒོམ་མི་ནུས་པ་དང༌། ཁམས་དང་མོས་པ་དམན་པའི་ཕྱིར་ལྷག་པའི་བསམ་པ་སྟོབས་ཆུང་བས་སེམས་ནང་དུ་འཇོག་མི་ནུས་པ་དང༌། བྱང་ཆུབ་སེམས་དཔའི་སྡེ་སྣོད་ཐོས་པའི་དམིགས་པ་ལ་བསམ་གཏན་ཡོངས་སུ་མ་བསྒོམས་པས་འཇིག་རྟེན་ལས་འདས་པའི་ཤེས་རབ་མངོན་པར་སྒྲུབ་མི་ནུས་པ་ཡིན་ན། དེ་བསོད་ནམས་ཀྱི་ཚོགས་ཆུང་ངུ་ཡང་ཡང་དག་པར་བླངས་ཏེ་གནས་ཤིང་ཕྱི་མ་ལ་ཉོན་མོངས་པ་ཆུང་བ་ཉིད་དུ་ཡིད་ཀྱིས་སྨོན་པར་བྱེད་པ་དེ་ནི་དེའི་སྨོན་ལམ་གྱི་ཕ་རོལ་ཏུ་ཕྱིན་པ་ཡིན་ཏེ། དེས་ཉོན་མོངས་པ་ཆུང་བ་དང༌། བརྩོན་འགྲུས་རྩོམ་ནུས་པར་འགྱུར་བས། དེའི་ཕྱིར་སྨོན་ལམ་གྱི་ཕ་རོལ་ཏུ་ཕྱིན་པ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་གྲོགས་སུ་གྱུར་པ་ཡིན་ནོ། །དེས་སྐྱེས་བུ་དམ་པ་ལ་ཡང་ཡང་དག་པར་བསྟེན་པ་དང༌། དམ་པའི་ཆོས་མཉན་པ་ལ་བརྟེན་ནས། ཚུལ་བཞིན་ཡིད་ལ་བྱེད་པ་ཐོབ་ཅིང་ལྷག་པའི་བསམ་པ་སྟོབས་ཆུང་བ་ཉིད་རྣམ་པར་བཟློག་ནས༑ ཁམས་གྱ་ནོམ་པ་ལས་བསམ་པའི་སྟོབས་འཐོབ་པར་འགྱུར་བ་དེ་ནི་དེའི་སྟོབས་ཀྱི་ཕ་རོལ་ཏུ་ཕྱིན་པ་ཡིན་ཏེ། དེས་སེམས་ནང་དུ་འཇོག་ནུས་པས་དེའི་ཕྱིར་སྟོབས་ཀྱི་ཕ་རོལ་ཏུ་ཕྱིན་པ་ནི་བསམ་གཏན་གྱི་ཕ་རོལ་ཏུ་ཕྱིན་པའི་གྲོགས་སུ་གྱུར་པ་ཡིན་ནོ། །དེ་བྱང་ཆུབ་སེམས་དཔའི་སྡེ་སྣོད་ཐོས་པའི་དམིགས་པ་ཡོངས་སུ་བསྒོམས་པ་ལ་བསམ་གཏན་བྱེད་དེ། དེ་ནི་དེའི་ཡེ་ཤེས་ཀྱི་ཕ་རོལ་ཏུ་ཕྱིན་པ་ཡིན་ཏེ། དེས་འཇིག་རྟེན་ལས་འདས་པའི་ཤེས་རབ་མངོན་པར་བསྒྲུབ་ནུས་པར་འགྱུར་བས། དེའི་ཕྱིར་ངས་ཡེ་ཤེས་ཀྱི་ཕ་རོལ་ཏུ་ཕྱིན་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པའི་གྲོགས་སུ་གྱུར་པ་ཡིན་པར་ཡོངས་སུ་བསྟན་ཏོ། །

bcom ldan 'das ci'i slad du pha rol tu phyin pa gzhan dag grangs bzhir gdags par rig par bgyi lags/ spyan ras gzigs dbang phyug pha rol tu phyin pa drug pa de dag nyid kyi grogs su gyur pa nyid yin pa'i phyir te/ de la pha rol tu phyin pa gsum gyis sems can rnams la phan btags nas/ byang chub sems dpas bsdu ba'i dngos pos zin pa'i thabs la mkhas pas dge ba la 'jog par byed do/ /de'i phyir ngas thabs la mkhas pa'i pha rol tu phyin pa ni gsum po 'di dag gi grogs su gyur pa yin par yongs su bstan to/ /spyan ras gzigs dbang phyug gal te byang chub sems dpa' tshe 'di la nyon mongs pa mang bas rtag tu bsgom mi nus pa dang/ khams dang mos pa dman pa'i phyir lhag pa'i bsam pa stobs chung bas sems nang du 'jog mi nus pa dang/ byang chub sems dpa'i sde snod thos pa'i dmigs pa la bsam gtan yongs su ma bsgoms pas 'jig rten las 'das pa'i shes rab mngon par sgrub mi nus pa yin na/ de bsod nams kyi tshogs chung ngu yang yang dag par blangs te gnas shing phyi ma la nyon mongs pa chung ba nyid du yid kyis smon par byed pa de ni de'i smon lam gyi pha rol tu phyin pa yin te/ des nyon mongs pa chung ba dang/ brtson 'grus rtsom nus par 'gyur bas/ de'i phyir smon lam gyi pha rol tu phyin pa ni brtson 'grus kyi pha rol tu phyin pa'i grogs su gyur pa yin no/ /des skyes bu dam pa la yang yang dag par bsten pa dang/ dam pa'i chos mnyan pa la brten nas/ tshul bzhin yid la byed pa thob cing lhag pa'i bsam pa stobs chung ba nyid rnam par bzlog nas| khams gya nom pa las bsam pa'i stobs 'thob par 'gyur ba de ni de'i stobs kyi pha rol tu phyin pa yin te/ des sems nang du 'jog nus pas de'i phyir stobs kyi pha rol tu phyin pa ni bsam gtan gyi pha rol tu phyin pa'i grogs su gyur pa yin no/ /de byang chub sems dpa'i sde snod thos pa'i dmigs pa yongs su bsgoms pa la bsam gtan byed de/ de ni de'i ye shes kyi pha rol tu phyin pa yin te/ des 'jig rten las 'das pa'i shes rab mngon par bsgrub nus par 'gyur bas/ de'i phyir ngas ye shes kyi pha rol tu phyin pa ni/ shes rab kyi pha rol tu phyin pa'i grogs su gyur pa yin par yongs su bstan to/ /

【L7 辨次第】

བཅོམ་ལྡན་འདས་ཅིའི་སླད་དུ་ཕ་རོལ་ཏུ་ཕྱིན་པ་དྲུག་པོ་དེ་དག་གི་གོ་རིམས་དེ་ལྟར་བསྟན་པར་རིག་པར་བགྱི་ལགས། སྤྱན་རས་གཟིགས་དབང་ཕྱུག་དེ་དག་གོང་ནས་གོང་དུ་འགྲུབ་པའི་རྟེན་ཉིད་ཡིན་པའི་ཕྱིར་ཏེ། བྱང་ཆུབ་སེམས་དཔའ་ལུས་དང་ལོངས་སྤྱོད་ལ་མི་ལྟ་ན་ཚུལ་ཁྲིམས་ཡང་དག་པར་ལེན་པར་བྱེད་དོ། །ཚུལ་ཁྲིམས་རྗེས་སུ་བསྲུངས་ན་བཟོད་པ་དང་ལྡན་པར་འགྱུར་རོ། །བཟོད་པ་དང་ལྡན་བརྩོན་འགྲུས་བརྩམ་པར་འགྱུར་རོ། །བརྩོན་འགྲུས་བརྩམས་ན་བསམ་གཏན་བསྒྲུབ་པར་འགྱུར་རོ། །བསམ་གཏན་གྲུབ་ན་འཇིག་རྟེན་ལས་འདས་པའི་ཤེས་རབ་འཐོབ་བོ། །

bcom ldan 'das ci'i slad du pha rol tu phyin pa drug po de dag gi go rims de ltar bstan par rig par bgyi lags/ spyan ras gzigs dbang phyug de dag gong nas gong du 'grub pa'i rten nyid yin pa'i phyir te/ byang chub sems dpa' lus dang longs spyod la mi lta na tshul khrims yang dag par len par byed do/ /tshul khrims rjes su bsrungs na bzod pa dang ldan par 'gyur ro/ /bzod pa dang ldan brtson 'grus brtsam par 'gyur ro/ /brtson 'grus brtsams na bsam gtan bsgrub par 'gyur ro/ /bsam gtan grub na 'jig rten las 'das pa'i shes rab 'thob bo/ /

【L8 辨品類】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་རྣམ་པ་དུར་རབ་ཏུ་དབྱེ་ལགས། སྤྱན་རས་གཟིགས་དབང་ཕྱུག་རྣམ་པ་གསུམ་དུ་སྟེ། སྦྱིན་པ་རྣམ་པ་གསུམ་ནི་ཆོས་སྦྱིན་པ་དང༌། ཟང་ཟིང་སྦྱིན་པ་དང༌། མི་འཇིགས་པ་སྦྱིན་པའོ། །ཚུལ་ཁྲིམས་རྣམ་པ་གསུམ་ནི་མི་དགེ་བ་ལས་ལྡོག་པའི་ཚུལ་ཁྲིམས་དང༌། དགེ་བ་ལ་འཇུག་པའི་ཚུལ་ཁྲིམས་དང༌། སེམས་ཅན་གྱི་དོན་ལ་འཇུག་པའི་ཚུལ་ཁྲིམས་སོ། །བཟོད་པ་རྣམ་པ་གསུམ་ནི། གནོད་པ་བྱེད་པ་ལ་མི་མཇེད་པའི་བཟོད་པ་དང༌། སྡུག་བསྔལ་ལ་ཇི་མི་སྙམ་པའི་བཟོད་པ་དང༌། ཆོས་ལ་ངེས་པར་རྟོག་པའི་བཟོད་པའོ། །བརྩོན་འགྲུས་རྣམ་པ་གསུམ་ནི་གོ་ཆའི་བརྩོན་འགྲུས་དང༌། དགེ་བ་ལ་སྦྱོར་བའི་བརྩོན་འགྲུས་དང༌། སེམས་ཅན་གྱི་དོན་ལ་སྦྱོར་བའི་བརྩོན་འགྲུས་སོ། །བསམ་གཏན་རྣམ་པ་གསུམ་ནི་རྣམ་པར་མི་རྟོག་ཅིང་ཞི་ལ་རབ་ཏུ་ཞི་བས་ཉོན་མོངས་པ་དང༌། སྡུག་བསྔལ་གྱི་གཉེན་པོ་བདེ་བར་གནས་པའི་བསམ་གཏན་དང༌། ཡོན་ཏན་མངོན་པར་སྒྲུབ་པའི་བསམ་གཏན་དང༌། སེམས་ཅན་གྱི་དོན་མངོན་པར་སྒྲུབ་པའི་བསམ་གཏན་ནོ། །ཤེས་རབ་རྣམ་པ་གསུམ་ནི་ཀུན་རྫོབ་ཀྱི་བདེན་པ་ལ་དམིགས་པ་དང༌། དོན་དམ་པའི་བདེན་པ་ལ་དམིགས་པ་དང༌། སེམས་ཅན་གྱི་དོན་ལ་དམིགས་པའོ༑ །

bcom ldan 'das pha rol tu phyin pa de dag rnam pa dur rab tu dbye lags/ spyan ras gzigs dbang phyug rnam pa gsum du ste/ sbyin pa rnam pa gsum ni chos sbyin pa dang/ zang zing sbyin pa dang/ mi 'jigs pa sbyin pa'o/ /tshul khrims rnam pa gsum ni mi dge ba las ldog pa'i tshul khrims dang/ dge ba la 'jug pa'i tshul khrims dang/ sems can gyi don la 'jug pa'i tshul khrims so/ /bzod pa rnam pa gsum ni/ gnod pa byed pa la mi mjed pa'i bzod pa dang/ sdug bsngal la ji mi snyam pa'i bzod pa dang/ chos la nges par rtog pa'i bzod pa'o/ /brtson 'grus rnam pa gsum ni go cha'i brtson 'grus dang/ dge ba la sbyor ba'i brtson 'grus dang/ sems can gyi don la sbyor ba'i brtson 'grus so/ /bsam gtan rnam pa gsum ni rnam par mi rtog cing zhi la rab tu zhi bas nyon mongs pa dang/ sdug bsngal gyi gnyen po bde bar gnas pa'i bsam gtan dang/ yon tan mngon par sgrub pa'i bsam gtan dang/ sems can gyi don mngon par sgrub pa'i bsam gtan no/ /shes rab rnam pa gsum ni kun rdzob kyi bden pa la dmigs pa dang/ don dam pa'i bden pa la dmigs pa dang/ sems can gyi don la dmigs pa'o| /

【L9 釋到彼岸義】

བཅོམ་ལྡན་འདས་ཅིའི་སླད་དུ་ཕ་རོལ་ཏུ་ཕྱིན་པ་དེ་དག་ཕ་རོལ་ཏུ་ཕྱིན་པ་རྣམས་ཞེས་བགྱི་ལགས། སྤྱན་རས་གཟིགས་དབང་ཕྱུག་ལྔའི་ཕྱིར་ཏེ། ཆགས་པ་མེད་པ་ཉིད་དང༌། མི་ལྟ་བ་ཉིད་དང༌། ཁ་ན་མ་ཐོ་བ་མེད་པ་ཉིད་དང༌། རྣམ་པར་མི་རྟོག་པ་ཉིད་དང༌། ཡོངས་སུ་བསྔོ་བ་ཉིད་ཀྱི་ཕྱིར་རོ། །དེ་ལ་ཆགས་པ་མེད་པ་ཉིད་ནི་ཕ་རོལ་ཏུ་ཕྱིན་པ་དང་མི་མཐུན་པའི་དངོས་པོ་ལ་ལྷག་པར་ཆགས་པ་མེད་པ་གང་ཡིན་པའོ། །དེ་ལ་མི་ལྟ་བ་ཉིད་ནི་ཕ་རོལ་ཏུ་ཕྱིན་པའི་འབྲས་བུ་རྣམ་པར་སྨིན་པ་དང༌། ལན་དུ་ཕན་ཐོགས་པ་དང༌། འབྲེལ་པའི་སེམས་མེད་པ་གང་ཡིན་པའོ། །དེ་ལ་ཁ་ན་མ་ཐོ་བ་མེད་པ་ཉིད་ནི་ཕ་རོལ་ཏུ་ཕྱིན་པ་དེ་དག་ཀུན་ནས་ཉོན་མོངས་པ་ཅན་གྱི་ཆོས་དང་མ་འདྲེས་ཤིང༌། ཐབས་མ་ཡིན་པ་རྣམ་པར་སྤངས་པ་གང་ཡིན་པའོ། །དེ་ལ་རྣམ་པར་མི་རྟོག་པ་ཉིད་ནི་ཕ་རོལ་ཏུ་ཕྱིན་པ་དེ་དག་གི་རང་གི་མཚན་ཉིད་ལ་སྒྲ་ཇི་བཞིན་དུ་མངོན་པར་ཞེན་པ་མེད་པ་གང་ཡིན་པའོ། །དེ་ལ་ཡོངས་སུ་བསྔོ་བ་ཉིད་ནི་ཕ་རོལ་ཏུ་ཕྱིན་པ་དེ་དག་ཉིད་བྱས་ཤིང་བསྩགས་པ་བྱང་ཆུབ་ཆེན་པོའི་འབྲས་བུར་སྨོན་པ་གང་ཡིན་པའོ། །

bcom ldan 'das ci'i slad du pha rol tu phyin pa de dag pha rol tu phyin pa rnams zhes bgyi lags/ spyan ras gzigs dbang phyug lnga'i phyir te/ chags pa med pa nyid dang/ mi lta ba nyid dang/ kha na ma tho ba med pa nyid dang/ rnam par mi rtog pa nyid dang/ yongs su bsngo ba nyid kyi phyir ro/ /de la chags pa med pa nyid ni pha rol tu phyin pa dang mi mthun pa'i dngos po la lhag par chags pa med pa gang yin pa'o/ /de la mi lta ba nyid ni pha rol tu phyin pa'i 'bras bu rnam par smin pa dang/ lan du phan thogs pa dang/ 'brel pa'i sems med pa gang yin pa'o/ /de la kha na ma tho ba med pa nyid ni pha rol tu phyin pa de dag kun nas nyon mongs pa can gyi chos dang ma 'dres shing/ thabs ma yin pa rnam par spangs pa gang yin pa'o/ /de la rnam par mi rtog pa nyid ni pha rol tu phyin pa de dag gi rang gi mtshan nyid la sgra ji bzhin du mngon par zhen pa med pa gang yin pa'o/ /de la yongs su bsngo ba nyid ni pha rol tu phyin pa de dag nyid byas shing bstsags pa byang chub chen po'i 'bras bur smon pa gang yin pa'o/ /

【L10 明所治六弊】

བཅོམ་ལྡན་འདས་ཕ་རོལ་ཏུ་ཕྱིན་པ་དང་མི་མཐུན་པའི་དངོས་པོ་གང་ལགས། སྤྱན་རས་གཟིགས་དབང་ཕྱུག་དེ་དག་ནི་དངོས་པོ་དྲུག་ཏུ་རིག་པར་བྱ་སྟེ། འདོད་པའི་དགའ་བ་དང༌། ལོངས་སྤྱོད་དང༌། དབང་ཕྱུག་དང༌། བདག་ཉིད་ཀྱི་བསོད་ནམས་ལ་ཡོན་ཏན་གྱི་ཕན་ཡོན་དུ་ལྟ་བ་དང༌། ལུས་དང་ངག་དང་ཡིད་ཅི་འདོད་དགུར་ཀུན་ཏུ་སྤྱོད་པ་དང༌། བརྙས་པ་མི་བཟོད་པ་དང༌། མི་བརྩོན་པའི་བསོད་ཉམས་དང༌། འདུ་འཛི་དང༌། འཇིག་རྟེན་གྱི་སྣ་ཚོགས་དང༌། རྣམ་པར་གཡེང་བ་ལ་འཇུག་པ་དང༌། མཐོང་བ་དང༌། ཐོས་པ་དང༌། བྱེ་བྲག་ཕྱེ་བ་དང༌། རྣམ་པར་ཤེས་པའི་ཐ་སྙད་ཀྱི་སྤྲོས་པ་དག་ལ་ཡོན་ཏན་གྱི་ཕན་ཡོན་དུ་བལྟ་བའོ། །

bcom ldan 'das pha rol tu phyin pa dang mi mthun pa'i dngos po gang lags/ spyan ras gzigs dbang phyug de dag ni dngos po drug tu rig par bya ste/ 'dod pa'i dga' ba dang/ longs spyod dang/ dbang phyug dang/ bdag nyid kyi bsod nams la yon tan gyi phan yon du lta ba dang/ lus dang ngag dang yid ci 'dod dgur kun tu spyod pa dang/ brnyas pa mi bzod pa dang/ mi brtson pa'i bsod nyams dang/ 'du 'dzi dang/ 'jig rten gyi sna tshogs dang/ rnam par g.yeng ba la 'jug pa dang/ mthong ba dang/ thos pa dang/ bye brag phye ba dang/ rnam par shes pa'i tha snyad kyi spros pa dag la yon tan gyi phan yon du blta ba'o/ /

【L11 明得果】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་གི་རྣམ་པར་སྨིན་པའི་འབྲས་བུ་གང་ལགས། སྤྱན་རས་གཟིགས་དབང་ཕྱུག་དེ་ཡང་རྣམ་པ་དྲུག་ཏུ་རིག་པར་བྱ་སྟེ། ལོངས་སྤྱོད་ཆེན་པོ་ཉིད་དང༌། བདེ་འགྲོར་འགྲོ་བ་དང༌། ཁོན་མེད་ཅིང་དབྱེན་མེད་ལ་བདེ་བ་དང༌། ཡིད་བདེ་བ་མང་བ་དང༌། སེམས་ཅན་གྱི་བདག་པོ་དང༌། ལུས་ལ་གནོད་པ་མེད་པ་དང༌། དབང་ཆེ་བར་གྲགས་པའོ། །

bcom ldan 'das pha rol tu phyin pa de dag gi rnam par smin pa'i 'bras bu gang lags/ spyan ras gzigs dbang phyug de yang rnam pa drug tu rig par bya ste/ longs spyod chen po nyid dang/ bde 'gror 'gro ba dang/ khon med cing dbyen med la bde ba dang/ yid bde ba mang ba dang/ sems can gyi bdag po dang/ lus la gnod pa med pa dang/ dbang che bar grags pa'o/ /

【L12 明與施等間雜染法】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་ལ་ཀུན་ནས་ཉོན་མོངས་པ་ཅན་གྱི་ཆོས་དང་འདྲེས་པ་གང་ལགས། སྤྱན་རས་གཟིགས་དབང་ཕྱུག་དེ་ནི་སྦྱོར་བ་བཞིས་རིག་པར་བྱ་སྟེ། སྙིང་རྗེ་མེད་པའི་སྦྱོར་བ་དང༌། ཚུལ་བཞིན་མ་ཡིན་པའི་སྦྱོར་བ་དང༌། རྟག་ཏུ་མི་བྱེད་པའི་སྦྱོར་བ་དང༌། གུས་པར་མི་བྱེད་པའི་སྦྱོར་བས་སོ། །དེ་ལ་ཚུལ་བཞིན་མ་ཡིན་པའི་སྦྱོར་བ་ནི་འདི་ཡིན་ཏེ། དེ་ལས་གཞན་པའི་ཕ་རོལ་ཏུ་ཕྱིན་པ་དག་ལ་དེ་ལས་གཞན་པའི་ཕ་རོལ་ཏུ་ཕྱིན་པའི་ཐབས་དང་བྲལ་ཞིང་བསྒོམ་པ་ཉམས་པ་གང་ཡིན་པའོ། །

bcom ldan 'das pha rol tu phyin pa de dag la kun nas nyon mongs pa can gyi chos dang 'dres pa gang lags/ spyan ras gzigs dbang phyug de ni sbyor ba bzhis rig par bya ste/ snying rje med pa'i sbyor ba dang/ tshul bzhin ma yin pa'i sbyor ba dang/ rtag tu mi byed pa'i sbyor ba dang/ gus par mi byed pa'i sbyor bas so/ /de la tshul bzhin ma yin pa'i sbyor ba ni 'di yin te/ de las gzhan pa'i pha rol tu phyin pa dag la de las gzhan pa'i pha rol tu phyin pa'i thabs dang bral zhing bsgom pa nyams pa gang yin pa'o/ /

【L13 辨非方便】

བཅོམ་ལྡན་འདས་ཐབས་མ་ལགས་པ་གང་ལགས། སྤྱན་རས་གཟིགས་དབང་ཕྱུག་བྱང་ཆུབ་སེམས་དཔའ་ཕ་རོལ་ཏུ་ཕྱིན་པ་དེ་དག་གིས་སེམས་ཅན་རྣམས་ལ་ཕན་འདོགས་པ་ན། གལ་ཏེ་ཟང་ཟིང་གིས་ཕན་འདོགས་པ་ཉེ་བར་བསྒྲུབ་པ་ཙམ་གྱིས་ཆོག་པར་འཛིན་ཅིང༌། མི་དགེ་བའི་གནས་ནས་བསླངས་ཏེ་དགེ་བའི་གནས་སུ་འཇོག་པར་མི་བྱེད་ན། དེ་ནི་ཐབས་མ་ཡིན་པ་ཡིན་ནོ། །དེ་ཅིའི་ཕྱིར་ཞེ་ན། སྤྱན་རས་གཟིགས་དབང་ཕྱུག་དེ་ཙམ་གྱིས་ན་སེམས་ཅན་ལ་ཕན་བཏགས་པ་མ་ཡིན་པའི་ཕྱིར་ཏེ། འདི་ལྟ་སྟེ་དཔེར་ན། མི་གཙང་བ་ནི་ཆེ་ཡང་རུང་ཆུང་ཡང་རུང་སྟེ་རྣམ་གྲངས་གང་གིས་ཀྱང་དྲི་ཞིམ་པོར་བྱ་བར་མི་ནུས་སོ། །དེ་བཞིན་དུ་འདུ་བྱེད་ཀྱི་སྡུག་བསྔལ་ཉིད་ཀྱིས་རང་བཞིན་གྱིས་སྡུག་བསྔལ་བར་གྱུར་པའི་སེམས་ཅན་རྣམས་ཀྱང་ཟང་ཟིང་གིས་ཕན་བཏགས་པ་ཉེ་བར་བསྒྲུབ་པ་ཙམ་གྱིས་རྣམ་གྲངས་གང་གིས་ཀྱང་བདེ་བར་བྱ་མི་ནུས་ཀྱི། དགེ་བ་ལ་འཇོག་པ་གང་ཡིན་པ་དེ་ནི་དེ་དག་ལ་ཕན་འདོགས་པའི་མཆོག་ཁོ་ན་ཡིན་ནོ། །

bcom ldan 'das thabs ma lags pa gang lags/ spyan ras gzigs dbang phyug byang chub sems dpa' pha rol tu phyin pa de dag gis sems can rnams la phan 'dogs pa na/ gal te zang zing gis phan 'dogs pa nye bar bsgrub pa tsam gyis chog par 'dzin cing/ mi dge ba'i gnas nas bslangs te dge ba'i gnas su 'jog par mi byed na/ de ni thabs ma yin pa yin no/ /de ci'i phyir zhe na/ spyan ras gzigs dbang phyug de tsam gyis na sems can la phan btags pa ma yin pa'i phyir te/ 'di lta ste dper na/ mi gtsang ba ni che yang rung chung yang rung ste rnam grangs gang gis kyang dri zhim por bya bar mi nus so/ /de bzhin du 'du byed kyi sdug bsngal nyid kyis rang bzhin gyis sdug bsngal bar gyur pa'i sems can rnams kyang zang zing gis phan btags pa nye bar bsgrub pa tsam gyis rnam grangs gang gis kyang bde bar bya mi nus kyi/ dge ba la 'jog pa gang yin pa de ni de dag la phan 'dogs pa'i mchog kho na yin no/ /

【L14 解釋總別清淨】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་གི་རྣམ་པར་དག་པ་དུ་མཆིས་ལགས། སྤྱན་རས་གཟིགས་དབང་ཕྱུག་ང་ནི་རྣམ་པ་ལྔ་པོ་དེ་དག་མ་གཏོགས་པར་ཕ་རོལ་ཏུ་ཕྱིན་པ་རྣམས་ཀྱི་རྣམ་པར་དག་པ་གཞན་ཡོད་པར་མི་སྨྲ་མོད་ཀྱི་འོན་ཀྱང་དེ་དག་ཉིད་ལ་བརྟེན་ནས། ཕ་རོལ་ཏུ་ཕྱིན་པ་རྣམས་ཀྱི་རྣམ་པར་དག་པ་བསྡུས་པ་དང་སོ་སོར་ཕྱེ་བ་ཁྱོད་ལ་བཤད་པར་བྱའོ༑ །དེ་ལ་ཕ་རོལ་ཏུ་ཕྱིན་པ་ཐམས་ཅད་ཀྱི་རྣམ་པར་དག་པ་བསྡུས་པ་ནི་རྣམ་པ་བདུན་གྱིས་རིག་པར་བྱ་སྟེ། བདུན་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་ཆོས་དེ་དག་གིས་གཞན་ལས་ཤེས་ཀྱི་ཁེ་ཡོངས་སུ་མི་ཚོལ་བ་དང༌། ཆོས་དེ་དག་ལ་ལྟ་བས་མངོན་པར་ཞེན་པར་མི་བྱེད་པ་དང༌། ཆོས་འདི་དག་ཀྱང་བྱང་ཆུབ་ཏུ་ངེས་པར་འབྱིན་པ་ཡིན་ནམ་མ་ཡིན་སྙམ་དུ་ཡིད་གཉིས་དང་ཐེ་ཚོམ་སྐྱེད་པར་མི་བྱེད་པ་དང༌། བདག་ལ་མི་བསྟོད་གཞན་ལ་མི་སྨོད་ཅིང་བརྙས་པར་མི་བྱེད་པ་དང༌། དྲེགས་པར་མི་བྱེད་ཅིང་བག་མེད་པར་མི་བྱེད་པ་དང༌། ཅུང་ཟད་ཙམ་དང༌། ངན་ངོན་ཙམ་གྱིས་ཆོག་པར་མི་འཛིན་པ་དང༌། ཆོས་དེ་དག་གིས་སེར་སྣ་མེད་ཅིང་གཞན་དག་ལ་ཕྲག་དོག་མི་བྱེད་པ་ཡིན་ནོ། །ཕ་རོལ་ཏུ་ཕྱིན་པའི་རྣམ་པར་དག་པ་སོ་སོ་ཐ་དད་པ་དེ་ཡང་རྣམ་པ་བདུན་ཁོ་ནར་རིག་པར་བྱ་སྟེ། ཐ་དད་པ་རྣམ་པ་བདུན་གང་ཞེ་ན། འདི་ལྟ་སྟེ། སྦྱིན་པ་རྣམ་པར་དག་པ་བདུན་པོ་སྦྱིན་པར་བྱ་བའི་དངོས་པོ་རྣམ་པར་དག་པས་སྦྱིན་པ་རྣམ་པར་དག་པ་སྦྱིན་པར་བྱེད་པ་དང༌། ཚུལ་ཁྲིམས་རྣམ་པར་དག་པ་དང༌། ལྟ་བ་རྣམ་པར་དག་པ་དང༌། སེམས་རྣམ་པར་དག་པ་དང༌། ངག་རྣམ་པར་དག་པ་དང༌། ཤེས་པ་རྣམ་པར་དག་པ་དང༌། དྲི་མ་རྣམ་པར་དག་པས་སྦྱིན་པ་རྣམ་པར་དག་པ་སྦྱིན་པར་བྱེད་དོ་ཞེས་ངས་བསྟན་པ་གང་ཡིན་པ་དེ་དག་བྱང་ཆུབ་སེམས་དཔས་ཡང་དག་པར་བླངས་ཏེ་གནས་པ་དེ་ནི་སྦྱིན་པ་རྣམ་པར་དག་པ་རྣམ་པ་བདུན་ཡིན་ནོ། །འདི་ལྟ་སྟེ། བྱང་ཆུབ་སེམས་དཔའ་སྡོམ་པ་བཅས་པ་ལ་བསླབ་པའི་གཞི་རྣམ་པ་ཐམས་ཅད་ལ་མཁས་པ་དང༌། ལྟུང་བ་ལས་བསླང་བ་ལ་མཁས་པ་དང༌། དེ་ལ་ངེས་པའི་ཚུལ་ཁྲིམས་ཅན་དང༌། བརྟན་པའི་ཚུལ་ཁྲིམས་ཅན་དང༌། རྟག་ཏུ་བྱེད་པ་དང༌། རྟག་ཏུ་འཇུག་པ་དང༌། བསླབ་པའི་གཞི་རྣམས་ཡང་དག་པར་བླངས་ཏེ། སློབ་པར་བྱེད་པ་དེ་ནི་ཚུལ་ཁྲིམས་རྣམ་པར་དག་པ་རྣམ་པ་བདུན་ཡིན་ནོ། །འདི་ལྟ་སྟེ། ཐམས་ཅད་ལས་གནོད་པ་ཐམས་ཅད་ཉེ་བར་གནས་པ་ན་བདག་ཉིད་ཀྱི་ལས་ཀྱི་རྣམ་པར་སྨིན་པ་ལ་རྟོན་པས་མི་འཁྲུག་པ་དང༌། ལན་བྱ་བའི་ཕྱིར་སླར་སྤྱོ་བ་དང༌། གཤེ་བ་དང༌། རྡེག་པ་དང༌། བསྡིགས་པ་དང༌། མཚང་འདྲུ་བའི་གནོད་པ་དག་གིས་སྦྱོར་བར་མི་བྱེད་པ་དང༌། ཁོན་གྱི་བསམ་པ་མི་འཛིན་པ་དང༌། ཤད་ཀྱིས་འཆགས་པ་ན་ཡོངས་སུ་ཉོན་མོངས་པར་མི་བྱེད་པ་དང༌། ཤད་ཀྱིས་འཆགས་པ་ལ་མི་སྡོད་པ་དང༌། འཇིགས་པ་དང༌། ཟང་ཟིང་གི་སེམས་ཀྱིས་བཟོད་པར་བྱེད་པ་མ་ཡིན་པ་དང༌། ཕན་གདགས་པར་བྱ་བ་ལ་ཡལ་བར་མི་འདོར་བ་དེ་ནི་བཟོད་པ་རྣམ་པར་དག་པ་རྣམ་པ་བདུན་ཡིན་ནོ། །འདི་ལྟ་སྟེ། བརྩོན་འགྲུས་ཀྱི་རྣམ་པ་མཉམ་པ་ཉིད་རབ་ཏུ་ཤེས་པ་དང༌། བརྩོན་འགྲུས་བརྩམས་པ་དེས་བདག་ལ་མི་སྟོད་ཅིང་གཞན་ལ་མི་སྣོད་པ་དང༌། མཐུ་དང་ལྡན་པ་དང༌། བརྩོན་འགྲུས་དང་ལྡན་པ་དང༌། སྤྲོ་བ་དང་ལྡན་པ་དང༌། རྟུལ་བ་བརྟན་པ་དང༌། དགེ་བའི་ཆོས་རྣམས་ལ་བརྩོན་པ་མ་བཏང་བ་དེ་ནི་བརྩོན་འགྲུས་རྣམ་པར་དག་པ་རྣམ་པ་བདུན་ཡིན་ནོ། །འདི་ལྟ་སྟེ། མཚན་མ་ལེགས་པར་རྟོགས་པའི་ཏིང་ངེ་འཛིན་ལ་བསམ་གཏན་པ་དང༌། ཡོངས་སུ་རྫོགས་པའི་ཏིང་ངེ་འཛིན་ལ་བསམ་གཏན་པ་དང༌། གཉི་གའི་ཆའི་ཏིང་ངེ་འཛིན་ལ་བསམ་གཏན་པ་དང༌། ཤུགས་ཀྱིས་འབྱུང་བའི་ཏིང་ངེ་འཛིན་ལ་བསམ་གཏན་པ་དང༌། མི་གནས་པའི་ཏིང་ངེ་འཛིན་ལ་བསམ་གཏན་པ་དང༌། ཤིན་ཏུ་སྦྱང་བ་བྱས་པའི་ཏིང་ངེ་འཛིན་ལ་བསམ་གཏན་པ་དང༌། ཡོངས་སུ་རྫོགས་པའི་བྱང་ཆུབ་སེམས་དཔའི་སྡེ་སྣོད་ཀྱི་དམིགས་པ་ཡོངས་སུ་བསྒོམ་པ་དཔག་ཏུ་མེད་པའི་ཏིང་ངེ་འཛིན་ལ་བསམ་གཏན་པ་དེ་ནི་བསམ་གཏན་རྣམ་པར་དག་པ་རྣམ་པ་བདུན་པ་ཡིན་ནོ། །འདི་ལྟ་སྟེ། དེའི་ཤེས་རབ་དེ་སྒྲོ་འདོགས་པའི་མཐའ་དང༌། སྐུར་བ་འདེབས་པའི་མཐའ་རྣམ་པར་སྤངས་ཏེ། དབུ་མའི་ལམ་གྱིས་ངེས་པར་འབྱུང་བ་དང༌། ཤེས་རབ་དེས་སྟོང་པ་ཉིད་དང༌། སྨོན་པ་མེད་པ་ཉིད་དང༌། མཚན་མ་མེད་པ་རྣམ་པར་ཐར་པའི་སྒོ་གསུམ་པོ་དག་ལ་རྣམ་པར་ཐར་པའི་སྒོའི་དོན་ཀྱང་ཡང་དག་པ་ཇི་ལྟ་བ་བཞིན་རབ་ཏུ་ཤེས་པ་དང༌། ཀུན་བརྟགས་པ་དང༌། གཞན་གྱི་དབང་དང༌། ཡོངས་སུ་གྲུབ་པའི་ངོ་བོ་ཉིད་གསུམ་པོ་དག་ལ་ངོ་བོ་ཉིད་ཀྱི་དོན་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། མཚན་ཉིད་དང་སྐྱེ་བ་དང་དོན་དམ་པ་ངོ་བོ་ཉིད་མེད་པ་གསུམ་པོ་དག་ལ་ངོ་བོ་ཉིད་མེད་པའི་དོན་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། རིག་པའི་གནས་ལྔ་པོ་དག་ལ་ཀུན་རྫོབ་ཀྱི་བདེན་པའི་དོན་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། དེ་བཞིན་ཉིད་རྣམ་པ་བདུན་ལ། དོན་དམ་པའི་བདེན་པའི་དོན་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང༌། རྣམ་པར་མི་རྟོག་ཅིང་སྤྲོས་པ་མེད་ལ། ཚུལ་གཅིག་ཏུ་དེ་ལ་མང་དུ་གནས་པ་དང་འདྲེས་པ་ཚད་མེད་པའི་ཆོས་ལ་དམིགས་པ་མེད་པའི་ལྷག་མཐོང་གིས་ཆོས་ཀྱི་རྗེས་སུ་མཐུན་པའི་ཆོས་བསྒྲུབ་པ་ཡང་དག་པར་སྒྲུབ་པར་བྱེད་པ་དེ་ནི་ཤེས་རབ་རྣམ་པར་དག་པ་རྣམ་པ་བདུན་ཡིན་པར་རིག་པར་བྱའོ། །

bcom ldan 'das pha rol tu phyin pa de dag gi rnam par dag pa du mchis lags/ spyan ras gzigs dbang phyug nga ni rnam pa lnga po de dag ma gtogs par pha rol tu phyin pa rnams kyi rnam par dag pa gzhan yod par mi smra mod kyi 'on kyang de dag nyid la brten nas/ pha rol tu phyin pa rnams kyi rnam par dag pa bsdus pa dang so sor phye ba khyod la bshad par bya'o| /de la pha rol tu phyin pa thams cad kyi rnam par dag pa bsdus pa ni rnam pa bdun gyis rig par bya ste/ bdun gang zhe na/ 'di lta ste/ byang chub sems dpa' chos de dag gis gzhan las shes kyi khe yongs su mi tshol ba dang/ chos de dag la lta bas mngon par zhen par mi byed pa dang/ chos 'di dag kyang byang chub tu nges par 'byin pa yin nam ma yin snyam du yid gnyis dang the tshom skyed par mi byed pa dang/ bdag la mi bstod gzhan la mi smod cing brnyas par mi byed pa dang/ dregs par mi byed cing bag med par mi byed pa dang/ cung zad tsam dang/ ngan ngon tsam gyis chog par mi 'dzin pa dang/ chos de dag gis ser sna med cing gzhan dag la phrag dog mi byed pa yin no/ /pha rol tu phyin pa'i rnam par dag pa so so tha dad pa de yang rnam pa bdun kho nar rig par bya ste/ tha dad pa rnam pa bdun gang zhe na/ 'di lta ste/ sbyin pa rnam par dag pa bdun po sbyin par bya ba'i dngos po rnam par dag pas sbyin pa rnam par dag pa sbyin par byed pa dang/ tshul khrims rnam par dag pa dang/ lta ba rnam par dag pa dang/ sems rnam par dag pa dang/ ngag rnam par dag pa dang/ shes pa rnam par dag pa dang/ dri ma rnam par dag pas sbyin pa rnam par dag pa sbyin par byed do zhes ngas bstan pa gang yin pa de dag byang chub sems dpas yang dag par blangs te gnas pa de ni sbyin pa rnam par dag pa rnam pa bdun yin no/ /'di lta ste/ byang chub sems dpa' sdom pa bcas pa la bslab pa'i gzhi rnam pa thams cad la mkhas pa dang/ ltung ba las bslang ba la mkhas pa dang/ de la nges pa'i tshul khrims can dang/ brtan pa'i tshul khrims can dang/ rtag tu byed pa dang/ rtag tu 'jug pa dang/ bslab pa'i gzhi rnams yang dag par blangs te/ slob par byed pa de ni tshul khrims rnam par dag pa rnam pa bdun yin no/ /'di lta ste/ thams cad las gnod pa thams cad nye bar gnas pa na bdag nyid kyi las kyi rnam par smin pa la rton pas mi 'khrug pa dang/ lan bya ba'i phyir slar spyo ba dang/ gshe ba dang/ rdeg pa dang/ bsdigs pa dang/ mtshang 'dru ba'i gnod pa dag gis sbyor bar mi byed pa dang/ khon gyi bsam pa mi 'dzin pa dang/ shad kyis 'chags pa na yongs su nyon mongs par mi byed pa dang/ shad kyis 'chags pa la mi sdod pa dang/ 'jigs pa dang/ zang zing gi sems kyis bzod par byed pa ma yin pa dang/ phan gdags par bya ba la yal bar mi 'dor ba de ni bzod pa rnam par dag pa rnam pa bdun yin no/ /'di lta ste/ brtson 'grus kyi rnam pa mnyam pa nyid rab tu shes pa dang/ brtson 'grus brtsams pa des bdag la mi stod cing gzhan la mi snod pa dang/ mthu dang ldan pa dang/ brtson 'grus dang ldan pa dang/ spro ba dang ldan pa dang/ rtul ba brtan pa dang/ dge ba'i chos rnams la brtson pa ma btang ba de ni brtson 'grus rnam par dag pa rnam pa bdun yin no/ /'di lta ste/ mtshan ma legs par rtogs pa'i ting nge 'dzin la bsam gtan pa dang/ yongs su rdzogs pa'i ting nge 'dzin la bsam gtan pa dang/ gnyi ga'i cha'i ting nge 'dzin la bsam gtan pa dang/ shugs kyis 'byung ba'i ting nge 'dzin la bsam gtan pa dang/ mi gnas pa'i ting nge 'dzin la bsam gtan pa dang/ shin tu sbyang ba byas pa'i ting nge 'dzin la bsam gtan pa dang/ yongs su rdzogs pa'i byang chub sems dpa'i sde snod kyi dmigs pa yongs su bsgom pa dpag tu med pa'i ting nge 'dzin la bsam gtan pa de ni bsam gtan rnam par dag pa rnam pa bdun pa yin no/ /'di lta ste/ de'i shes rab de sgro 'dogs pa'i mtha' dang/ skur ba 'debs pa'i mtha' rnam par spangs te/ dbu ma'i lam gyis nges par 'byung ba dang/ shes rab des stong pa nyid dang/ smon pa med pa nyid dang/ mtshan ma med pa rnam par thar pa'i sgo gsum po dag la rnam par thar pa'i sgo'i don kyang yang dag pa ji lta ba bzhin rab tu shes pa dang/ kun brtags pa dang/ gzhan gyi dbang dang/ yongs su grub pa'i ngo bo nyid gsum po dag la ngo bo nyid kyi don kyang yang dag pa ji lta ba bzhin du rab tu shes pa dang/ mtshan nyid dang skye ba dang don dam pa ngo bo nyid med pa gsum po dag la ngo bo nyid med pa'i don kyang yang dag pa ji lta ba bzhin du rab tu shes pa dang/ rig pa'i gnas lnga po dag la kun rdzob kyi bden pa'i don kyang yang dag pa ji lta ba bzhin du rab tu shes pa dang/ de bzhin nyid rnam pa bdun la/ don dam pa'i bden pa'i don kyang yang dag pa ji lta ba bzhin du rab tu shes pa dang/ rnam par mi rtog cing spros pa med la/ tshul gcig tu de la mang du gnas pa dang 'dres pa tshad med pa'i chos la dmigs pa med pa'i lhag mthong gis chos kyi rjes su mthun pa'i chos bsgrub pa yang dag par sgrub par byed pa de ni shes rab rnam par dag pa rnam pa bdun yin par rig par bya'o/ /

【L15 釋前五緣總有五業】

བཅོམ་ལྡན་འདས་རྣམ་པ་ལྔ་པོ་དེ་དག་གི་སོ་སོའི་ལས་གང་ལགས། སྤྱན་རས་གཟིགས་དབང་ཕྱུག་དེ་དག་གི་ལས་ཀྱང་རྣམ་པ་ལྔར་རིག་པར་བྱ་སྟེ། ཆགས་པ་མེད་པ་ཉིད་ཀྱིས་ནི་བྱང་ཆུབ་སེམས་དཔའ་ཚེ་འདི་ལ་ཕ་རོལ་ཏུ་ཕྱིན་པ་རྣམས་ལ་རྟག་ཏུ་བྱེད་པ་དང་གུས་པར་བྱེད་པའི་སྦྱོར་བས་བག་ཡོད་པར་བྱེད་དོ། །མི་ལྟ་བ་ཉིད་ཀྱིས་ནི་ཕྱི་མ་ལ་དེ་དག་ལ་བག་ཡོད་པའི་རྒྱུ་ཡོངས་སུ་འཛིན་པར་བྱེད་དོ། །ཁ་ན་མ་ཐོ་བ་མེད་པ་ཉིད་ཀྱིས་ནི་ཕ་རོལ་ཏུ་ཕྱིན་པ་ཤིན་ཏུ་ཡོངས་སུ་རྫོགས་པ་དང༌། ཡོངས་སུ་དག་པ་དང༌། ཡོངས་སུ་སྦྱང་བ་དག་སྒོམ་པར་བྱེད་དོ། །རྣམ་པར་མི་རྟོག་པ་ཉིད་ཀྱིས་ནི་ཐབས་ལ་མཁས་པ་དེས་མྱུར་དུ་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ཡོངས་སུ་བསྔོ་བ་ཉིད་ཀྱིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཚེ་རབས་ཐམས་ཅད་དུ་རྣམ་པར་སྨིན་པའི་འབྲས་བུ་འདོད་པ་དང་བཅས་པའི་ཕ་རོལ་ཏུ་ཕྱིན་པ་མི་ཟད་པ་ཉིད་ཐོབ་པར་བྱེད་དོ།

bcom ldan 'das rnam pa lnga po de dag gi so so'i las gang lags/ spyan ras gzigs dbang phyug de dag gi las kyang rnam pa lngar rig par bya ste/ chags pa med pa nyid kyis ni byang chub sems dpa' tshe 'di la pha rol tu phyin pa rnams la rtag tu byed pa dang gus par byed pa'i sbyor bas bag yod par byed do/ /mi lta ba nyid kyis ni phyi ma la de dag la bag yod pa'i rgyu yongs su 'dzin par byed do/ /kha na ma tho ba med pa nyid kyis ni pha rol tu phyin pa shin tu yongs su rdzogs pa dang/ yongs su dag pa dang/ yongs su sbyang ba dag sgom par byed do/ /rnam par mi rtog pa nyid kyis ni thabs la mkhas pa des myur du pha rol tu phyin pa yongs su rdzogs par byed do/ /yongs su bsngo ba nyid kyis ni bla na med pa yang dag par rdzogs pa'i byang chub kyi bar du tshe rabs thams cad du rnam par smin pa'i 'bras bu 'dod pa dang bcas pa'i pha rol tu phyin pa mi zad pa nyid thob par byed do/

【L16 約五義分別施等】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་གི་རྒྱ་ཆེ་བ་ཉིད་གང་ལགས། སྤྱན་རས་གཟིགས་དབང་ཕྱུག་ཆགས་པ་མེད་པ་ཉིད་དང༌། མི་ལྟ་བ་ཉིད་དང༌། ཡོངས་སུ་བསྔོ་བ་ཉིད་གང་ཡིན་པའོ། །ཀུན་ནས་ཉོན་མོངས་པ་མ་མཆིས་པ་ཉིད་གང་ལགས། ཁ་ན་མ་ཐོ་བ་མེད་པ་ཉིད་དང༌། རྣམ་པར་མི་རྟོག་པ་ཉིད་གང་ཡིན་པའོ། །གསལ་བ་ཉིད་གང་ལགས། སོ་སོར་རྟོག་ཅིང་བྱ་བ་ཉིད་གང་ཡིན་པའོ། །མི་གཡོ་བ་ཉིད་གང་ལགས། སར་ཆུད་པ་རྣམས་ཀྱི་ཡོངས་སུ་མི་མཉམ་པའི་ཆོས་ཉིད་གང་ཡིན་པའོ། །ཤིན་ཏུ་རྣམ་པར་དག་པ་ཉིད་གང་ལགས། སྤྱན་རས་གཟིགས་དབང་ཕྱུག་ས་བཅུ་པར་གཏོགས་པ་ཉིད་དང༌། སངས་རྒྱས་ཀྱི་སར་གཏོགས་པ་ཉིད་གང་ཡིན་པའོ། །

bcom ldan 'das pha rol tu phyin pa de dag gi rgya che ba nyid gang lags/ spyan ras gzigs dbang phyug chags pa med pa nyid dang/ mi lta ba nyid dang/ yongs su bsngo ba nyid gang yin pa'o/ /kun nas nyon mongs pa ma mchis pa nyid gang lags/ kha na ma tho ba med pa nyid dang/ rnam par mi rtog pa nyid gang yin pa'o/ /gsal ba nyid gang lags/ so sor rtog cing bya ba nyid gang yin pa'o/ /mi g.yo ba nyid gang lags/ sar chud pa rnams kyi yongs su mi mnyam pa'i chos nyid gang yin pa'o/ /shin tu rnam par dag pa nyid gang lags/ spyan ras gzigs dbang phyug sa bcu par gtogs pa nyid dang/ sangs rgyas kyi sar gtogs pa nyid gang yin pa'o/ /

【L17 辨因果無盡】

བཅོམ་ལྡན་འདས་ཅིའི་སླད་དུ་བྱང་ཆུབ་སེམས་དཔའ་རྣམས་རྟག་ཏུ་ཕ་རོལ་ཏུ་ཕྱིན་པའི་རྣམ་པར་སྨིན་པའི་འབྲས་བུ་འདོད་པ་བས་མ་འཆལ་བ་དང་། ཕ་རོལ་ཏུ་ཕྱིན་པའི་ས་མ་འཚལ་བ་དང་ལྡན་པ་ལགས། སྤྱན་རས་གཟིགས་དབང་ཕྱུག་གཅིག་ལ་གཅིག་བརྟེན་ནས་འགྲུབ་པ་བསྒོམ་པ་ཉིད་ཀྱི་ཕྱིར་རོ། །

bcom ldan 'das ci'i slad du byang chub sems dpa' rnams rtag tu pha rol tu phyin pa'i rnam par smin pa'i 'bras bu 'dod pa bas ma 'chal ba dang / pha rol tu phyin pa'i sa ma 'tshal ba dang ldan pa lags/ spyan ras gzigs dbang phyug gcig la gcig brten nas 'grub pa bsgom pa nyid kyi phyir ro/ /

【L18 明深樂施等】

བཅོམ་ལྡན་འདས་ཅིའི་སླད་དུ་བྱང་ཆུབ་སེམས་དཔའ་རྣམས་ཕ་རོལ་ཏུ་ཕྱིན་པ་རྣམས་ལ་ཇི་ལྟ་བ་དེ་ལྟར་ཕ་རོལ་ཏུ་ཕྱིན་པའི་རྣམ་པར་སྨིན་པའི་འབྲས་བུ་འདོད་པ་ལ་དད་པས་གནས་པ་མ་ལགས། སྤྱན་རས་གཟིགས་དབང་ཕྱུག་རྒྱུ་ལྔའི་ཕྱིར་ཏེ། ཕ་རོལ་ཏུ་ཕྱིན་པ་རྣམས་ནི་ཆེས་ལྷག་པར་བདེ་བ་དང༌། ཡིད་བདེ་བའི་རྒྱུ་ཡིན་པའི་ཕྱིར་དང༌། བདག་དང་གཞན་ལ་ཕན་འདོགས་པའི་རྒྱུ་ཡིན་པའི་ཕྱིར་དང༌། ཕྱི་མ་ལ་དེའི་རྣམ་པར་སྨིན་པའི་འབྲས་བུ་འདོད་པའི་རྒྱུ་ཡིན་པའི་ཕྱིར་དང༌། ཀུན་ནས་ཉོན་མོངས་པ་མེད་པའི་གཞི་ཡིན་པའི་ཕྱིར་དང༌། མི་འགྱུར་བའི་ཆོས་ཉིད་ཡིན་པའི་ཕྱིར་རོ། །

bcom ldan 'das ci'i slad du byang chub sems dpa' rnams pha rol tu phyin pa rnams la ji lta ba de ltar pha rol tu phyin pa'i rnam par smin pa'i 'bras bu 'dod pa la dad pas gnas pa ma lags/ spyan ras gzigs dbang phyug rgyu lnga'i phyir te/ pha rol tu phyin pa rnams ni ches lhag par bde ba dang/ yid bde ba'i rgyu yin pa'i phyir dang/ bdag dang gzhan la phan 'dogs pa'i rgyu yin pa'i phyir dang/ phyi ma la de'i rnam par smin pa'i 'bras bu 'dod pa'i rgyu yin pa'i phyir dang/ kun nas nyon mongs pa med pa'i gzhi yin pa'i phyir dang/ mi 'gyur ba'i chos nyid yin pa'i phyir ro/ /

【L19 明施等威德】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་གི་སོ་སོའི་མཐུ་གང་ལགས། སྤྱན་རས་གཟིགས་དབང་ཕྱུག་དེ་དག་གི་སོ་སོའི་མཐུ་ནི་རྣམ་པ་བཞིར་རིག་པར་བྱ་སྟེ། ཕ་རོལ་ཏུ་ཕྱིན་པ་བསྒོམ་པ་ན། མི་མཐུན་པའི་ཕྱོགས་སེར་སྣ་དང༌། འཆལ་པའི་ཚུལ་ཁྲིམས་དང༌། སེམས་འཁྲུལ་པ་དང༌། ལེ་ལོ་དང༌། རྣམ་པར་གཡེང་བ་དང༌། ལྟ་བའི་རྣམ་པ་རབ་ཏུ་སྤོང་བ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཚོགས་སུ་འགྱུར་བ་དང༌། ཚེ་འདི་ལ་བདག་དང་སེམས་ཅན་ཐམས་ཅད་ལ་ཕན་འདོགས་པར་འགྱུར་བ་དང༌། ཚེ་ཕྱི་མ་ལ་རྣམ་པར་སྨིན་པའི་འབྲས་བུ་འདོད་པ་རྒྱ་ཆེན་པོ་ཟད་མི་ཤེས་པ་འཐོབ་པར་འགྱུར་བའོ༑ །

bcom ldan 'das pha rol tu phyin pa de dag gi so so'i mthu gang lags/ spyan ras gzigs dbang phyug de dag gi so so'i mthu ni rnam pa bzhir rig par bya ste/ pha rol tu phyin pa bsgom pa na/ mi mthun pa'i phyogs ser sna dang/ 'chal pa'i tshul khrims dang/ sems 'khrul pa dang/ le lo dang/ rnam par g.yeng ba dang/ lta ba'i rnam pa rab tu spong ba dang/ bla na med pa yang dag par rdzogs pa'i byang chub kyi tshogs su 'gyur ba dang/ tshe 'di la bdag dang sems can thams cad la phan 'dogs par 'gyur ba dang/ tshe phyi ma la rnam par smin pa'i 'bras bu 'dod pa rgya chen po zad mi shes pa 'thob par 'gyur ba'o| /

【L20 明因果義】

བཅོམ་ལྡན་འདས་ཕ་རོལ་ཏུ་ཕྱིན་པ་དེ་དག་རྒྱུ་གང་ལས་བྱུང་བ་དང༌། འབྲས་བུ་གང་དང་ལྡན་པ་དང༌། དོན་གང་དང་ལྡན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། སྤྱན་རས་གཟིགས་དབང་ཕྱུག་ཕ་རོལ་ཏུ་ཕྱིན་པ་རྣམས་ནི་སྙིང་རྗེའི་རྒྱུ་ལས་བྱུང་བ་དང༌། རྣམ་པར་སྨིན་པའི་འབྲས་བུ་འདོད་པ་དང་། སེམས་ཅན་ལ་ཕན་འདོགས་པའི་འབྲས་བུ་དང་ལྡན་པ་དང༌། བྱང་ཆུབ་ཆེན་པོ་ཡོངས་སུ་རྫོགས་པར་བྱེད་པའི་དོན་ཆེན་པོ་དང་ལྡན་པ་ཡིན་ནོ། །

bcom ldan 'das pha rol tu phyin pa de dag rgyu gang las byung ba dang/ 'bras bu gang dang ldan pa dang/ don gang dang ldan pa lags/ bcom ldan 'das kyis bka' stsal pa/ spyan ras gzigs dbang phyug pha rol tu phyin pa rnams ni snying rje'i rgyu las byung ba dang/ rnam par smin pa'i 'bras bu 'dod pa dang / sems can la phan 'dogs pa'i 'bras bu dang ldan pa dang/ byang chub chen po yongs su rdzogs par byed pa'i don chen po dang ldan pa yin no/ /

【L21 以菩薩具財為眾生貧窮意】

བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་རྣམས་ལོངས་སྤྱོད་པས་མ་འཚལ་བ་དང་ལྡན་པ་དང༌། སྙིང་རྗེ་ཅན་ལགས་ན། ཅིའི་སླད་དུ་འཇིག་རྟེན་ན་དབུལ་པོ་གདའ་ལགས། སྤྱན་རས་གཟིགས་དབང་ཕྱུག་དེ་ནི་སེམས་ཅན་རྣམས་ཀྱི་རང་གི་ལས་ཀྱི་ཉེས་པ་ཁོ་ན་ཡིན་ནོ། །དེ་ལྟ་མ་ཡིན་ཏེ། གལ་ཏེ་སེམས་ཅན་རྣམས་ཀྱི་རང་གིས་ཉེས་པར་བྱས་པ་དེའི་གགས་སུ་གྱུར་པ་མ་ཡིན་དུ་ཟིན་ན། དེ་དག་ལ་རྟག་ཏུ་བྱ་བ་ཉིད་ལ་ཞུགས་པ་དང༌། ལོངས་སྤྱོད་མི་ཟད་པ་ཉིད་ཡོད་བཞིན་དུ་འཇིག་རྟེན་ན་སྡུག་བསྔལ་བ་ལྟ་སྣང་བར་ག་ལ་འགྱུར། སྤྱན་རས་གཟིགས་དབང་ཕྱུག །འདི་ལྟ་སྟེ་དཔེར་ན། ཡི་དྭགས་ལུས་སྐོམ་པས་གདུངས་པ་རྣམས་ཀྱིས་རྒྱ་མཚོའི་ཆུ་སྐམས་པར་མཐོང་བ་དེ་ནི། རྒྱ་མཚོ་དག་གི་ཉེས་པ་མ་ཡིན་གྱི་ཡི་དྭགས་དེ་དག་ཉིད་ཀྱི་རང་གི་ལས་ཀྱི་འབྲས་བུའི་ཉེས་པ་ཡིན་ནོ། །དེ་བཞིན་དུ་འབྲས་བུ་མེད་པར་གྱུར་པ་གང་ཡིན་པ་དེ་ནི། བྱང་ཆུབ་སེམས་དཔའ་སྦྱིན་པ་དག་གིས་རྒྱ་མཚོ་ལྟ་བུར་གྱུར་པ་རྣམས་ཀྱི་ཉེས་པ་མ་ཡིན་གྱི། སེམས་ཅན་རང་གིས་ཉེས་པ་བྱས་པ་ཡི་དྭགས་ལྟ་བུ་རྣམས་ཀྱི་རང་གི་ལས་ཀྱི་ཉེས་པ་ཡིན་ནོ། །

bcom ldan 'das gal te byang chub sems dpa' rnams longs spyod pas ma 'tshal ba dang ldan pa dang/ snying rje can lags na/ ci'i slad du 'jig rten na dbul po gda' lags/ spyan ras gzigs dbang phyug de ni sems can rnams kyi rang gi las kyi nyes pa kho na yin no/ /de lta ma yin te/ gal te sems can rnams kyi rang gis nyes par byas pa de'i gags su gyur pa ma yin du zin na/ de dag la rtag tu bya ba nyid la zhugs pa dang/ longs spyod mi zad pa nyid yod bzhin du 'jig rten na sdug bsngal ba lta snang bar ga la 'gyur/ spyan ras gzigs dbang phyug /'di lta ste dper na/ yi dwags lus skom pas gdungs pa rnams kyis rgya mtsho'i chu skams par mthong ba de ni/ rgya mtsho dag gi nyes pa ma yin gyi yi dwags de dag nyid kyi rang gi las kyi 'bras bu'i nyes pa yin no/ /de bzhin du 'bras bu med par gyur pa gang yin pa de ni/ byang chub sems dpa' sbyin pa dag gis rgya mtsho lta bur gyur pa rnams kyi nyes pa ma yin gyi/ sems can rang gis nyes pa byas pa yi dwags lta bu rnams kyi rang gi las kyi nyes pa yin no/ /

【L22 明般若能取諸法無性】

བཅོམ་ལྡན་འདས་བྱང་ཆུབ་སེམས་དཔའ་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད། ཕ་རོལ་ཏུ་ཕྱིན་པ་གང་གིས་འཛིན་པ་ལགས། སྤྱན་རས་གཟིགས་དབང་ཕྱུག་ཤེས་རབ་ཀྱི་ཕ་རོལ་ཏུ་ཕྱིན་པས་འཛིན་ཏོ། །བཅོམ་ལྡན་འདས་གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པས་ངོ་བོ་ཉིད་མ་མཆིས་པ་ཉིད་འཛིན་ན༑ ངོ་བོ་ཉིད་དང་བཅས་པ་ཉིད་ཀྱང་ཅིའི་སླད་དུ་མི་འཛིན་པ་ལགས། སྤྱན་རས་གཟིགས་དབང་ཕྱུག །ང་ནི་ངོ་བོ་ཉིད་མེད་པ་ཉིད་ཀྱིས་ངོ་བོ་ཉིད་འཛིན་པར་མི་སྨྲ་མོད་ཀྱི་འོན་ཀྱང་ཡི་གེས་བསྟན་པ་མེད་པར་ངོ་བོ་ཉིད་མེད་པ་ཡི་གེ་མེད་པ། སོ་སོ་རང་གིས་རིག་པ་དེ་བསྟན་པར་མི་ནུས་པས་དེའི་ཕྱིར་ངོ་བོ་ཉིད་མེད་པ་ཉིད་འཛིན་ཏོ་ཞེས་དེ་སྐད་བརྗོད་དོ། །

bcom ldan 'das byang chub sems dpa' chos rnams kyi ngo bo nyid ma mchis pa nyid/ pha rol tu phyin pa gang gis 'dzin pa lags/ spyan ras gzigs dbang phyug shes rab kyi pha rol tu phyin pas 'dzin to/ /bcom ldan 'das gal te shes rab kyi pha rol tu phyin pas ngo bo nyid ma mchis pa nyid 'dzin na| ngo bo nyid dang bcas pa nyid kyang ci'i slad du mi 'dzin pa lags/ spyan ras gzigs dbang phyug /nga ni ngo bo nyid med pa nyid kyis ngo bo nyid 'dzin par mi smra mod kyi 'on kyang yi ges bstan pa med par ngo bo nyid med pa yi ge med pa/ so so rang gis rig pa de bstan par mi nus pas de'i phyir ngo bo nyid med pa nyid 'dzin to zhes de skad brjod do/ /

【L23 明三祇中所修施等三名差別】

བཅོམ་ལྡན་འདས་ཕ་རོལ་ཏུ་ཕྱིན་པ་ཞེས་ཀྱང་བགྱི། ཉེ་བའི་ཕ་རོལ་ཏུ་ཕྱིན་པ་ཞེས་ཀྱང་བགྱི། ཕ་རོལ་ཏུ་ཕྱིན་པ་ཆེན་པོ་ཞེས་ཀྱང་བགྱི་ལགས་ན། བཅོམ་ལྡན་འདས་ཕ་རོལ་ཏུ་ཕྱིན་པ་ནི་གང་ལགས། ཉེ་བའི་ཕ་རོལ་ཏུ་ཕྱིན་པ་ནི་གང་ལགས། ཕ་རོལ་ཏུ་ཕྱིན་པ་ཆེན་པོ་ནི་གང་ལགས། སྤྱན་རས་གཟིགས་དབང་ཕྱུག་འདི་ལ་བྱང་ཆུབ་སེམས་དཔའ་དུས་དཔག་ཏུ་མེད་པ་ནས། ཡོངས་སུ་བསྒོམས་པའི་སྦྱིན་པ་ལ་སོགས་པ་དགེ་བའི་ཆོས་རྣམས་དང་ལྡན་པ་ཡང་ཡིན་ལ། དེ་ལ་ཉོན་མོངས་པ་ཡང་ཀུན་ཏུ་འབྱུང་ཞིང་དེ་ཟིལ་གྱིས་གནོན་པར་ནི་མི་ནུས་ཀྱི། དེས་ཟིལ་གྱིས་ནོན་པར་འགྱུར་བ་འདི་ལྟ་སྟེ། མོས་པས་སྤྱོད་པའི་ས་ལ་མོས་པ་ཆུང་ངུ་དང༌། འབྲིང་ལ་ཞུགས་པ་དེ་ནི་ཕ་རོལ་ཏུ་ཕྱིན་པ་ཞེས་བྱའོ། །ཡང་དུས་དཔག་ཏུ་མེད་པ་ནས་ཆེས་ཡོངས་སུ་བསྒོམས་པའི་དགེ་བའི་ཆོས་དེ་དག་ཉིད་དང་ལྡན་ཞིང་དེ་ལ་ཉོན་མོངས་པ་ཡང་ཀུན་ཏུ་འབྱུང་ལ། དེ་ཟིལ་གྱིས་གནོན་ཅིག་དེས་ཟིལ་གྱིས་གནོན་པར་མི་འགྱུར་བ་འདི་ལྟ་སྟེ། ས་དང་པོ་ནས་གཟུང་བ་དེ་ནི་ཉེ་བའི་ཕ་རོལ་ཏུ་ཕྱིན་པ་ཞེས་བྱའོ། །ཡང་དུས་དཔག་ཏུ་མེད་པ་ནས་ཆེས་ཤིན་ཏུ་ཡོངས་སུ་བསྒོམས་པའི་དགེ་བའི་ཆོས་དེ་དག་ཉིད་དང་ལྡན་ཞིང༌། དེ་ལ་ཐམས་ཅད་ཀྱི་ཐམས་ཅད་དུ་ཉོན་མོངས་པ་ཀུན་ཏུ་མི་འབྱུང་བའི་ཆོས་ཅན་དུ་གྱུར་པ་འདི་ལྟ་སྟེ། ས་བརྒྱད་པ་ནས་གཟུང་བ་དེ་ནི་ཕ་རོལ་ཏུ་ཕྱིན་པ་ཆེན་པོ་ཞེས་བྱའོ། །

bcom ldan 'das pha rol tu phyin pa zhes kyang bgyi/ nye ba'i pha rol tu phyin pa zhes kyang bgyi/ pha rol tu phyin pa chen po zhes kyang bgyi lags na/ bcom ldan 'das pha rol tu phyin pa ni gang lags/ nye ba'i pha rol tu phyin pa ni gang lags/ pha rol tu phyin pa chen po ni gang lags/ spyan ras gzigs dbang phyug 'di la byang chub sems dpa' dus dpag tu med pa nas/ yongs su bsgoms pa'i sbyin pa la sogs pa dge ba'i chos rnams dang ldan pa yang yin la/ de la nyon mongs pa yang kun tu 'byung zhing de zil gyis gnon par ni mi nus kyi/ des zil gyis non par 'gyur ba 'di lta ste/ mos pas spyod pa'i sa la mos pa chung ngu dang/ 'bring la zhugs pa de ni pha rol tu phyin pa zhes bya'o/ /yang dus dpag tu med pa nas ches yongs su bsgoms pa'i dge ba'i chos de dag nyid dang ldan zhing de la nyon mongs pa yang kun tu 'byung la/ de zil gyis gnon cig des zil gyis gnon par mi 'gyur ba 'di lta ste/ sa dang po nas gzung ba de ni nye ba'i pha rol tu phyin pa zhes bya'o/ /yang dus dpag tu med pa nas ches shin tu yongs su bsgoms pa'i dge ba'i chos de dag nyid dang ldan zhing/ de la thams cad kyi thams cad du nyon mongs pa kun tu mi 'byung ba'i chos can du gyur pa 'di lta ste/ sa brgyad pa nas gzung ba de ni pha rol tu phyin pa chen po zhes bya'o/ /

【K3 辨地中所有煩惱】【L1 明頭數】

བཅོམ་ལྡན་འདས་ས་དེ་དག་ལ་ཉོན་མོངས་པའི་བག་ལ་ཉལ་རྣམ་པ་དུ་མཆིས་ལགས། སྤྱན་རས་གཟིགས་ཕྱུག །རྣམ་པ་གསུམ་སྟེ། སྤྱན་རས་གཟིགས་དབང་ཕྱུག་གྲོགས་ཡང་དག་པར་བཅོམ་པ་ནི་འདི་ལྟ་སྟེ། ས་ལྔ་པོ་དག་ལ་ཉོན་མོངས་པ་ལྷན་ཅིག་སྐྱེས་པ་ཀུན་ཏུ་འབྱུང་བའི་གྲོགས་ཉོན་མོངས་པ་ལྷན་ཅིག་སྐྱེས་པ་མ་ཡིན་པ་ཀུན་ཏུ་འབྱུང་བ་དེའི་ཚེ་ལ་དེ་མེད་པས་དེའི་ཕྱིར་གྲོགས་ཡང་དག་པར་བཅོམ་པ་ཞེས་བྱའོ། །བག་ལ་ཉལ་སྟོབས་ཆུང་བ་ནི་འདི་ལྟ་སྟེ། ས་དྲུག་པ་དང༌། བདུན་པ་ལ་ཆ་ཕྲ་མོ་ཀུན་ཏུ་འབྱུང་བ་ཉིད་དང༌། བསྒོམ་པས་མནན་པས་ཀུན་ཏུ་འབྱུང་བ་ཉིད་ཀྱི་ཕྱིར་རོ། །བག་ལ་ཉལ་ཕྲ་མོ་ནི་འདི་ལྟ་སྟེ། ས་བརྒྱད་པ་དང༌། དེའི་གོང་མ་རྣམས་ལ་ཉོན་མོངས་པ་ཐམས་ཅད་ཀྱི་ཐམས་ཅད་དུ་ཀུན་ཏུ་མི་འབྱུང་བ་དང༌། ཤེས་བྱའི་སྒྲིབ་པ་ཙམ་ལ་གནས་པ་ཉིད་ཀྱི་ཕྱིར་རོ། །

bcom ldan 'das sa de dag la nyon mongs pa'i bag la nyal rnam pa du mchis lags/ spyan ras gzigs phyug /rnam pa gsum ste/ spyan ras gzigs dbang phyug grogs yang dag par bcom pa ni 'di lta ste/ sa lnga po dag la nyon mongs pa lhan cig skyes pa kun tu 'byung ba'i grogs nyon mongs pa lhan cig skyes pa ma yin pa kun tu 'byung ba de'i tshe la de med pas de'i phyir grogs yang dag par bcom pa zhes bya'o/ /bag la nyal stobs chung ba ni 'di lta ste/ sa drug pa dang/ bdun pa la cha phra mo kun tu 'byung ba nyid dang/ bsgom pas mnan pas kun tu 'byung ba nyid kyi phyir ro/ /bag la nyal phra mo ni 'di lta ste/ sa brgyad pa dang/ de'i gong ma rnams la nyon mongs pa thams cad kyi thams cad du kun tu mi 'byung ba dang/ shes bya'i sgrib pa tsam la gnas pa nyid kyi phyir ro/ /

【L2 辨皮膚骨麁重】

བཅོམ་ལྡན་འདས་བག་ལ་ཉལ་དེ་དག་གནས་ངན་ལེན་སྤངས་པ་རྣམ་པ་དུས་རབ་ཏུ་ཕྱེ་བ་ལགས། སྤྱན་རས་གཟིགས་དབང་ཕྱུག་རྣམ་པ་གཉིས་ཀྱི་ཕྱིར་ཏེ། གནས་ངན་ལེན་སྤགས་ཤུན་ལ་ཡོད་པ་ལྟ་བུ་སྤངས་པས་ནི་དང་པོ་དང་གཉིས་པ་རབ་ཏུ་ཕྱེ་བ་ཡིན་ནོ། །སྤྲེ་ལ་ཡོད་པ་ལྟ་བུ་སྤངས་པས་ནི་གསུམ་པའོ། །གནས་ངན་ལེན་སྙིང་པོ་ལ་ཡོད་པ་ལྟ་བུ་སྤངས་པ་གང་ཡིན་པ་དེ་ནི་ཐམས་ཅད་ཀྱི་ཐམས་ཅད་དུ་བག་ལ་ཉལ་མེད་པའི་གནས་སྐབས་ཡིན་ཏེ། སངས་རྒྱས་ཀྱི་ས་ཡིན་པར་ངས་ཡོངས་སུ་བསྟན་ཏོ། །

bcom ldan 'das bag la nyal de dag gnas ngan len spangs pa rnam pa dus rab tu phye ba lags/ spyan ras gzigs dbang phyug rnam pa gnyis kyi phyir te/ gnas ngan len spags shun la yod pa lta bu spangs pas ni dang po dang gnyis pa rab tu phye ba yin no/ /spre la yod pa lta bu spangs pas ni gsum pa'o/ /gnas ngan len snying po la yod pa lta bu spangs pa gang yin pa de ni thams cad kyi thams cad du bag la nyal med pa'i gnas skabs yin te/ sangs rgyas kyi sa yin par ngas yongs su bstan to/ /

【L3 辨能斷劫數】

བཅོམ་ལྡན་འདས་གནས་ངན་ལེན་དེ་དག་བསྐལ་པ་གྲངས་མ་མཆིས་པ་དུ་དག་གིས་སྤོང་བར་འགྱུར་ལགས། སྤྱན་རས་གཟིགས་དབང་ཕྱུག་གྲངས་མེད་པ་གསུམ་གྱིས་སམ། དུས་ཚིགས་དང༌། ཟླ་བ་དང༌། ཟླ་བ་ཕྱེད་དང༌། ཞག་དང༌། ཉི་མ་དང༌། ཐུན་དང༌། ཐུན་ཕྱེད་དང༌། སྐད་ཅིག་དང༌། ཐང་ཅིག་དང་། ཡུད་ཙམ་དང༌། བསྐལ་པ་དཔག་ཏུ་མེད་པ་དག་གིས་སྤོང་ངོ༌། །

bcom ldan 'das gnas ngan len de dag bskal pa grangs ma mchis pa du dag gis spong bar 'gyur lags/ spyan ras gzigs dbang phyug grangs med pa gsum gyis sam/ dus tshigs dang/ zla ba dang/ zla ba phyed dang/ zhag dang/ nyi ma dang/ thun dang/ thun phyed dang/ skad cig dang/ thang cig dang / yud tsam dang/ bskal pa dpag tu med pa dag gis spong ngo/ /

【L4 辨地中生煩惱相】

བཅོམ་ལྡན་འདས་དེ་དག་ལ་བྱང་ཆུབ་སེམས་དཔའ་རྣམས་ཀྱི་ཉོན་མོངས་པ་སྐྱེ་བའི་མཚན་ཉིད་ནི་གང་ལགས། སྐྱོན་ནི་གང་ལགས། ཡོན་ཏན་ནི་གང་ལགས་པར་རིག་པར་བགྱི། སྤྱན་རས་གཟིགས་དབང་ཕྱུག་བྱང་ཆུབ་སེམས་དཔའ་རྣམས་ཀྱི་ཉོན་མོངས་པ་སྐྱེ་བ་ནི་ཀུན་ནས་ཉོན་མོངས་པ་ཅན་མ་ཡིན་པའི་མཚན་ཉིད་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ས་དང་པོ་ལ་སོ་སོར་ངེས་པ་ཁོ་ནས། ཆོས་ཀྱི་དབྱིངས་ཐམས་ཅད་རབ་ཏུ་རྟོགས་པའི་ཕྱིར་ཏེ། དེས་ན་བྱང་ཆུབ་སེམས་དཔའི་ཉོན་མོངས་པ་ནི་ཤེས་བཞིན་ཁོ་ནར་སྐྱེ་བ་ཡིན་གྱི། མི་ཤེས་པར་མ་ཡིན་པས། དེའི་ཕྱིར་ཀུན་ནས་ཉོན་མོངས་པ་ཅན་མ་ཡིན་པའི་མཚན་ཉིད་ཡིན་ནོ། །རང་གི་རྒྱུད་ལ་སྡུག་བསྔལ་བསྐྱེད་པར་མི་ནུས་པ་ཉིད་ཀྱི་ཕྱིར་སྐྱོན་མེད་པ་ཡིན་ནོ། །སེམས་ཅན་གྱི་ཁམས་ཀྱི་སྡུག་བསྔལ་རྣམ་པར་བཟློག་པའི་རྒྱུ་ཉིད་ཡིན་པའི་ཕྱིར་ཡོན་ཏན་དཔག་ཏུ་མེད་པ་ཡིན་ནོ། །བཅོམ་ལྡན་འདས་གང་ལ་ད་ལྟར་བྱང་ཆུབ་སེམས་དཔའ་རྣམས་ཀྱི་ཉོན་མོངས་པ་སྐྱེ་བ་དག་གིས་ཀྱང༌། ཇི་ཙམ་དུ་སེམས་ཅན་དང༌། ཉན་ཐོས་དང་། རང་སངས་རྒྱས་ཐམས་ཅད་ཀྱི་དགེ་བའི་རྩ་བ་རྣམས་དེ་ཙམ་དུ་ཟིལ་གྱིས་གནོན་པར་བགྱིད་ན། དེ་ལས་གཞན་པའི་ཡོན་ཏན་རྣམས་ལྟ་སྨོས་ཀྱང་ཅི་འཚལ་བའི་བྱང་ཆུབ་དེ་ཙམ་དུ་དོན་ཆེ་བ་ནི་ངོ་མཚར་ལགས་སོ། །

bcom ldan 'das de dag la byang chub sems dpa' rnams kyi nyon mongs pa skye ba'i mtshan nyid ni gang lags/ skyon ni gang lags/ yon tan ni gang lags par rig par bgyi/ spyan ras gzigs dbang phyug byang chub sems dpa' rnams kyi nyon mongs pa skye ba ni kun nas nyon mongs pa can ma yin pa'i mtshan nyid yin no/ /de ci'i phyir zhe na/ byang chub sems dpa' sa dang po la so sor nges pa kho nas/ chos kyi dbyings thams cad rab tu rtogs pa'i phyir te/ des na byang chub sems dpa'i nyon mongs pa ni shes bzhin kho nar skye ba yin gyi/ mi shes par ma yin pas/ de'i phyir kun nas nyon mongs pa can ma yin pa'i mtshan nyid yin no/ /rang gi rgyud la sdug bsngal bskyed par mi nus pa nyid kyi phyir skyon med pa yin no/ /sems can gyi khams kyi sdug bsngal rnam par bzlog pa'i rgyu nyid yin pa'i phyir yon tan dpag tu med pa yin no/ /bcom ldan 'das gang la da ltar byang chub sems dpa' rnams kyi nyon mongs pa skye ba dag gis kyang/ ji tsam du sems can dang/ nyan thos dang / rang sangs rgyas thams cad kyi dge ba'i rtsa ba rnams de tsam du zil gyis gnon par bgyid na/ de las gzhan pa'i yon tan rnams lta smos kyang ci 'tshal ba'i byang chub de tsam du don che ba ni ngo mtshar lags so/ /

【K4 辨說一乘意】

བཅོམ་ལྡན་འདས་བཅོམ་ལྡན་འདས་ཀྱི་ས་ཉན་ཐོས་ཀྱི་ཐེག་པ་གང་ཡིན་པ་དང༌། ཐེག་པ་ཆེན་པོ་གང་ཡིན་པ་དེ་ནི་ཐེག་པ་གཅིག་གོ་ཞེས་བཀའ་སྩལ་པ་དེ་ལ་དགོངས་པ་གང་ལགས། སྤྱན་རས་གཟིགས་དབང་ཕྱུག་ངས་ཉན་ཐོས་ཀྱི་ཐེག་པར་ཆོས་སྣ་ཚོགས་ཀྱི་ངོ་བོ་ཉིད་འདི་ལྟ་སྟེ། ཕུང་པོ་ལྔ་དང༌། ནང་གི་སྐྱེ་མཆེད་དྲུག་དང་ཕྱི་རོལ་གྱི་སྐྱེ་མཆེད་དྲུག་དང༌། དེ་དག་ལ་སོགས་པ་གང་དག་བསྟན་པ་དེ་དག་ཉིད་ངས་ཐེག་པ་ཆེན་པོར་ཆོས་ཀྱི་དབྱིངས་ཚུལ་གཅིག་པར་བསྟན་པས་བཤད་དེ། དེའི་ཕྱིར་ང་ནི་ཐེག་པ་ཐ་དད་པར་མི་སྨྲའོ། །དེ་ལ་གང་དག་དོན་ལ་སྒྲ་ཇི་བཞིན་ཁོ་ནར་རྣམ་པར་རྟོག་པ་ཁ་ཅིག་ནི་སྒྲོ་འདོགས་པར་བྱེད། ཁ་ཅིག་ནི་སྐུར་པ་འདེབས་པར་བྱེད་ཅིང༌། ཐེག་པ་ཐ་དད་པ་ཉིད་དུ་རྣམ་པར་རྟོག་པར་ཡང་བྱེད་དེ། དེ་གཉིས་མི་མཐུན་པར་སེམས་ཤིང༌། ཕན་ཚུན་རྩོད་པར་ཟད་དེ། དེ་ལ་དགོངས་པ་ནི་དེ་ཡིན་ནོ། །

bcom ldan 'das bcom ldan 'das kyi sa nyan thos kyi theg pa gang yin pa dang/ theg pa chen po gang yin pa de ni theg pa gcig go zhes bka' stsal pa de la dgongs pa gang lags/ spyan ras gzigs dbang phyug ngas nyan thos kyi theg par chos sna tshogs kyi ngo bo nyid 'di lta ste/ phung po lnga dang/ nang gi skye mched drug dang phyi rol gyi skye mched drug dang/ de dag la sogs pa gang dag bstan pa de dag nyid ngas theg pa chen por chos kyi dbyings tshul gcig par bstan pas bshad de/ de'i phyir nga ni theg pa tha dad par mi smra'o/ /de la gang dag don la sgra ji bzhin kho nar rnam par rtog pa kha cig ni sgro 'dogs par byed/ kha cig ni skur pa 'debs par byed cing/ theg pa tha dad pa nyid du rnam par rtog par yang byed de/ de gnyis mi mthun par sems shing/ phan tshun rtsod par zad de/ de la dgongs pa ni de yin no/ /

【J2 重頌】

དེ་ལ་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཐེག་པ་ཆེ་དང་ཐེག་པ་དམན་པ་ལ། །རང་བཞིན་སྣ་ཚོགས་ཆོས་རྣམས་གང་བསྟན་པ། །དེ་དག་ཉིད་ནི་ཚུལ་གཅིག་ཡང་བསྟན་ཏེ། །དེ་ཕྱིར་ཐེག་པ་ཐ་དད་ང་མི་སྨྲ། །དོན་ལ་སྒྲ་བཞིན་རྣམ་པར་རྟོག་བྱེད་པ། །སྒྲོ་བཏགས་བྱས་ཤིང་བཀུར་པ་བཏབ་བྱས་ནས། །དེ་དག་འགལ་བ་སྙམ་དུ་སེམས་པ་ནི། །རྣམ་པར་རྨོངས་ནས་བློ་གྲོས་སྣ་ཚོགས་འགྱུར། །ས་རྣམས་བསྡུས་དང་མིང་དང་མི་མཐུན་ཕྱོགས། །ཁྱད་པར་སྐྱེ་དང་སྨོན་ལམ་བསླབ་པ་རྣམས། །དེ་ནི་སངས་རྒྱས་རྣམས་ཀྱིས་ཐེག་ཆེན་བཤད། །འདི་ལ་གང་བརྩོན་དེ་དག་སངས་རྒྱས་འགྱུར། །

de la bcom ldan 'das kyis de'i tshe tshigs su bcad pa 'di dag bka' stsal to/ /theg pa che dang theg pa dman pa la/ /rang bzhin sna tshogs chos rnams gang bstan pa/ /de dag nyid ni tshul gcig yang bstan te/ /de phyir theg pa tha dad nga mi smra/ /don la sgra bzhin rnam par rtog byed pa/ /sgro btags byas shing bkur pa btab byas nas/ /de dag 'gal ba snyam du sems pa ni/ /rnam par rmongs nas blo gros sna tshogs 'gyur/ /sa rnams bsdus dang ming dang mi mthun phyogs/ /khyad par skye dang smon lam bslab pa rnams/ /de ni sangs rgyas rnams kyis theg chen bshad/ /'di la gang brtson de dag sangs rgyas 'gyur/ /

【I2 請立經名及時眾得益】

དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགོངས་པ་ངེས་པར་འགྲེལ་པའི་ཆོས་ཀྱི་རྣམ་གྲངས་འདིར་བསྟན་པ་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་དེ་ལ་བཀའ་སྩལ་པ། སྤྱན་རས་གཟིགས་དབང་ཕྱུག་འདི་ནི་ས་དང་ཕ་རོལ་ཏུ་ཕྱིན་པའི་ངེས་པའི་དོན་བསྟན་པ་ཡིན་ཏེ། འདི་ས་དང་ཕ་རོལ་ཏུ་ཕྱིན་པའི་ངེས་པའི་དོན་བསྟན་པ་ཞེས་བྱ་བར་ཟུང་ཤིག །ས་དང་ཕ་རོལ་ཏུ་ཕྱིན་པའི་ངེས་པའི་དོན་བསྟན་པ་འདི་བཤད་པ་ན། བྱང་ཆུབ་སེམས་དཔའ་བདུན་ཁྲི་ལྔ་སྟོང་གིས། བྱང་ཆུབ་སེམས་དཔའི་ཏིང་ངེ་འཛིན་ཐེག་པ་ཆེན་པོ་སྣང་བ་ཐོབ་པར་གྱུར་ཏོ་ཞེས་གསུངས་སོ། །

de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis de la bka' stsal pa/ spyan ras gzigs dbang phyug 'di ni sa dang pha rol tu phyin pa'i nges pa'i don bstan pa yin te/ 'di sa dang pha rol tu phyin pa'i nges pa'i don bstan pa zhes bya bar zung shig /sa dang pha rol tu phyin pa'i nges pa'i don bstan pa 'di bshad pa na/ byang chub sems dpa' bdun khri lnga stong gis/ byang chub sems dpa'i ting nge 'dzin theg pa chen po snang ba thob par gyur to zhes gsungs so/ /

【G7 曼殊室利菩薩請問三身義】【H1 標宗指經】

ཐེག་པ་རྣམ་པར་གཞག་པ་ཁོ་ན་ལས་བརྩམས་ནས། དེ་བཞིན་གཤེགས་པའི་བྱ་བ་བསྒྲུབ་པའི་རབ་ཏུ་དབྱེ་བ་ནི། དགོངས་པ་ངེས་པར་འགྲེལ་པའི་མདོ་ལས༑ ཇི་སྐད་འབྱུང་བ་བཞིན་བལྟ་བར་བྱ་སྟེ།

theg pa rnam par gzhag pa kho na las brtsams nas/ de bzhin gshegs pa'i bya ba bsgrub pa'i rab tu dbye ba ni/ dgongs pa nges par 'grel pa'i mdo las| ji skad 'byung ba bzhin blta bar bya ste/

【H2 正引經文】【I1 問答正辨】【J1 問答辨法身之相】

བཅོམ་ལྡན་འདས་ལ་བྱང་ཆུབ་སེམས་དཔའ་འཇམ་དཔལ་གྱིས་ཞུ་བ་ཞུས་པ། བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུ་ཞེས་བགྱི་ན། བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུའི་མཚན་ཉིད་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བཞིན་གཤེགས་པ་རྣམས་ཀྱི་ཆོས་སྐུའི་མཚན་ཉིད་ནི་ས་དང་ཕ་རོལ་ཏུ་ཕྱིན་པ་བསྒོམས་པའི་ངེས་པར་འབྱུང་བས་གནས་གྱུར་པ་ཡང་དག་པར་གྲུབ་པ་ཡིན་ནོ། །དེ་ཡང་རྒྱུ་གཉིས་ཀྱིས་བསམ་གྱིས་མི་ཁྱབ་པའི་མཚན་ཉིད་དུ་རིག་པར་བྱ་སྟེ། དེ་ནི་སྤྲོས་པ་མེད་ཅིང་མངོན་པར་འདུ་བྱ་བ་མེད་པ་ཉིད་ཀྱི་ཕྱིར་དང༌། སེམས་ཅན་རྣམས་ནི་སྤྲོས་པ་དང་མངོན་པར་འདུ་བྱ་བ་ལ་མངོན་པར་ཞེན་པ་ཉིད་ཀྱི་ཕྱིར་རོ། །

bcom ldan 'das la byang chub sems dpa' 'jam dpal gyis zhu ba zhus pa/ bcom ldan 'das de bzhin gshegs pa rnams kyi chos kyi sku zhes bgyi na/ bcom ldan 'das de bzhin gshegs pa rnams kyi chos kyi sku'i mtshan nyid ji lta bu lags/ bcom ldan 'das kyis bka' stsal pa/ 'jam dpal de bzhin gshegs pa rnams kyi chos sku'i mtshan nyid ni sa dang pha rol tu phyin pa bsgoms pa'i nges par 'byung bas gnas gyur pa yang dag par grub pa yin no/ /de yang rgyu gnyis kyis bsam gyis mi khyab pa'i mtshan nyid du rig par bya ste/ de ni spros pa med cing mngon par 'du bya ba med pa nyid kyi phyir dang/ sems can rnams ni spros pa dang mngon par 'du bya ba la mngon par zhen pa nyid kyi phyir ro/ /

【J2 明二乘轉依不名法身】

བཅོམ་ལྡན་འདས་ཅི་ལགས་ཉན་ཐོས་དང༌། རང་སངས་རྒྱས་རྣམས་ཀྱི་གནས་གྱུར་པ་གང་ལགས་པ་དེ་ཡང་ཆོས་ཀྱི་སྐུ་ལགས་པར་བརྗོད་པར་བགྱིའམ། འཇམ་དཔལ་བརྗོད་པར་མི་བྱའོ། །བཅོམ་ལྡན་འདས་འོ་ན་ཅིའི་ལུས་ལགས་པར་བརྗོད་པར་བགྱི། །འཇམ་དཔལ་རྣམ་པར་གྲོལ་བའི་ལུས་ཡིན་ཏེ་འཇམ་དཔལ་རྣམ་པར་གྲོལ་བའི་ལུས་ཀྱིས་ནི་དེ་བཞིན་གཤེགས་པ་རྣམས་དང༌། ཉན་ཐོས་དང༌། རང་སངས་རྒྱས་རྣམས་ཀྱང་མཚུངས་ཤིང་མཉམ་མོ། །ཆོས་ཀྱི་སྐུས་ནི་ཁྱད་པར་དུ་འཕགས་ཏེ། ཆོས་ཀྱི་སྐུས་ཁྱད་པར་དུ་འཕགས་ན། ཡོན་ཏན་གྱི་ཁྱད་པར་དཔག་ཏུ་མེད་པས་ཀྱང་ཁྱད་པར་དུ་འཕགས་པ་ཡིན་ཏེ། དེ་ལ་ནི་དཔེ་བྱ་བར་ཡང་སླ་བ་མ་ཡིན་ནོ། །

bcom ldan 'das ci lags nyan thos dang/ rang sangs rgyas rnams kyi gnas gyur pa gang lags pa de yang chos kyi sku lags par brjod par bgyi'am/ 'jam dpal brjod par mi bya'o/ /bcom ldan 'das 'o na ci'i lus lags par brjod par bgyi/ /'jam dpal rnam par grol ba'i lus yin te 'jam dpal rnam par grol ba'i lus kyis ni de bzhin gshegs pa rnams dang/ nyan thos dang/ rang sangs rgyas rnams kyang mtshungs shing mnyam mo/ /chos kyi skus ni khyad par du 'phags te/ chos kyi skus khyad par du 'phags na/ yon tan gyi khyad par dpag tu med pas kyang khyad par du 'phags pa yin te/ de la ni dpe bya bar yang sla ba ma yin no/ /

【J3 諸如來化身作業】

བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་སྐྱེ་བ་འབྱུང་བའི་མཚན་ཉིད་ནི་ཇི་ལྟ་བུར་རིག་པར་བགྱི་ལགས༑ འཇམ་དཔལ་སྤྲུལ་པའི་སྐུའི་མཚན་ཉིད་དེ་འཇིག་རྟེན་གྱི་ཁམས་འབྱུང་བ་དང་འདྲའོ། །སྤྲུལ་པའི་སྐུའི་མཚན་ཉིད་འབྱུང་བ་ལ་དེ་བཞིན་གཤེགས་པའི་ཡོན་ཏན་བཀོད་པའི་རྒྱུད་ཀྱི་རྣམ་པ་ཐམས་ཅད་ཀྱིས་བྱིན་གྱིས་བརླབས་པའི་མཚན་ཉིད་དུ་བལྟ་བར་བྱའོ། །ཆོས་ཀྱི་སྐུ་ལ་ནི་སྐྱེ་བ་འབྱུང་བ་མེད་དོ། །

bcom ldan 'das de bzhin gshegs pa rnams kyi skye ba 'byung ba'i mtshan nyid ni ji lta bur rig par bgyi lags| 'jam dpal sprul pa'i sku'i mtshan nyid de 'jig rten gyi khams 'byung ba dang 'dra'o/ /sprul pa'i sku'i mtshan nyid 'byung ba la de bzhin gshegs pa'i yon tan bkod pa'i rgyud kyi rnam pa thams cad kyis byin gyis brlabs pa'i mtshan nyid du blta bar bya'o/ /chos kyi sku la ni skye ba 'byung ba med do/ /

【J4 明化身身方便善巧】

བཅོམ་ལྡན་འདས་སྤྲུལ་པའི་སྐུ་སྟོན་པའི་ཐབས་ལ་མཁས་པ་གང་ལགས་པར་བལྟ་བར་བགྱི་ལགས། འཇམ་དཔལ་སྤྲུལ་པའི་སྐུ་སྟོན་པའི་ཐབས་ལ་མཁས་པ་ནི་སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་ཐམས་ཅད་དུ་བདག་པོར་གྲགས་པའམ། སྦྱིན་གནས་སུ་གྲགས་པའི་ཁྱིམ་དུ་མངལ་དུ་འཇུག་པ་དང༌། བཙས་པ་དང༌། སྐྱེ་བ་དང༌། འདོད་པ་ལ་ལོངས་སྤྱོད་པ་དང༌། མངོན་པར་འབྱུང་བ་དང༌། དཀའ་བ་སྤྱོད་པ་ཅིག་ཅར་ཀུན་ཏུ་སྟོན་པ་དང༌། དེ་གཏོང་པ་དང༌། མངོན་པར་རྫོགས་པར་བྱང་ཆུབ་པའི་རིམ་པ་ཀུན་ཏུ་སྟོན་པ་ཡིན་པར་བལྟ་བར་བྱའོ། །

bcom ldan 'das sprul pa'i sku ston pa'i thabs la mkhas pa gang lags par blta bar bgyi lags/ 'jam dpal sprul pa'i sku ston pa'i thabs la mkhas pa ni stong gsum gyi stong chen po'i sangs rgyas kyi zhing thams cad du bdag por grags pa'am/ sbyin gnas su grags pa'i khyim du mngal du 'jug pa dang/ btsas pa dang/ skye ba dang/ 'dod pa la longs spyod pa dang/ mngon par 'byung ba dang/ dka' ba spyod pa cig car kun tu ston pa dang/ de gtong pa dang/ mngon par rdzogs par byang chub pa'i rim pa kun tu ston pa yin par blta bar bya'o/ /

【J5 明如來言音差別】【K1 問答總標】

བཅོམ་ལྡན་འདས་དེ་བཞིན་གཤེགས་པ་དེ་བཞིན་གཤེགས་པའི་བྱིན་གྱི་རླབས་ཀྱི་སྐུས་གསུང་གང་དག་བརྗོད་པས་གདུལ་བའི་ཁམས་ཡོངས་སུ་མ་སྨིན་པ་ནི་ཡོངས་སུ་སྨིན་པར་མཛད་ལ། ཡོངས་སུ་སྨིན་པ་ནི་དམིགས་པ་དེ་ཉིད་ཀྱིས་རྣམ་པར་གྲོལ་བར་མཛད་པའི་གསུང་བརྗོད་པ་དུ་ཞིག་བརྗོད་པར་མཛད་ལགས། འཇམ་དཔལ་དེ་བཞིན་གཤེགས་པའི་གསུང་བརྗོད་པ་ནི་གསུམ་པོ་འདི་དག་ཡིན་ཏེ། མདོ་སྡེ་བརྗོད་པ་དང༌། འདུལ་བ་བརྗོད་པ་དང༌། མ་མོ་བརྗོད་པའོ། །

bcom ldan 'das de bzhin gshegs pa de bzhin gshegs pa'i byin gyi rlabs kyi skus gsung gang dag brjod pas gdul ba'i khams yongs su ma smin pa ni yongs su smin par mdzad la/ yongs su smin pa ni dmigs pa de nyid kyis rnam par grol bar mdzad pa'i gsung brjod pa du zhig brjod par mdzad lags/ 'jam dpal de bzhin gshegs pa'i gsung brjod pa ni gsum po 'di dag yin te/ mdo sde brjod pa dang/ 'dul ba brjod pa dang/ ma mo brjod pa'o/ /

【K2 別釋三藏】【L1 別作三問】

བཅོམ་ལྡན་འདས་མདོ་སྡེ་ནི་གང་ལགས། འདུལ་བ་ནི་གང་ལགས། མ་མོ་ནི་གང་ལགས།

bcom ldan 'das mdo sde ni gang lags/ 'dul ba ni gang lags/ ma mo ni gang lags/

【L2 次第解】【M1 契經】

འཇམ་དཔལ་འདི་ལྟ་སྟེ། དངོས་པོ་བཞིའམ། དགུའམ། ཉི་ཤུ་རྩ་དགུའི་དབང་དུ་བྱས་ནས། ཆོས་རྣམས་ཀྱི་དངོས་པོའི་བསྡུ་བ་ཙམ་ངས་གོང་དུ་བསྟན་པ་དེ་ནི་མདོ་སྡེ་ཡིན་ནོ། །དངོས་པོ་བཞི་གང་ཞེ་ན། འདི་ལྟ་སྟེ། ཐོས་པའི་དངོས་པོ་དང༌། སྐྱབས་སུ་འགྲོ་བའི་དངོས་པོ་དང༌། བསླབ་པའི་དངོས་པོ་དང༌། བྱང་ཆུབ་ཀྱི་དངོས་པོའོ༑ །དངོས་པོ་དགུ་གང་ཞེ་ན། སེམས་ཅན་དུ་གདགས་པའི་དངོས་པོ་དང༌། དེའི་ལོངས་སྤྱོད་ཀྱི་དངོས་པོ་དང༌། དེ་འབྱུང་བའི་དངོས་པོ་དང༌། དེ་འབྱུང་བ་ལ་གནས་པའི་དངོས་པོ་དང༌། དེའི་ཀུན་ནས་ཉོན་མོངས་པ་དང༌། རྣམ་པར་བྱང་བའི་དངོས་པོ་དང༌། དེའི་སྣ་ཚོགས་ཀྱི་དངོས་པོ་དང༌། སྟོན་པའི་དངོས་པོ་དང༌། བསྟན་པར་བྱ་བའི་དངོས་པོ་དང༌། འཁོར་གྱི་དངོས་པོའོ༑ །དངོས་པོ་ཉི་ཤུ་རྩ་དགུ་གང་ཞེ་ན། ཀུན་ནས་ཉོན་མོངས་པའི་ཕྱོགས་ནས་བརྩམས་ཏེ། འདུ་བྱེད་བསྡུ་བའི་དངོས་པོ་དང༌། དེའི་གོ་རིམས་རྗེས་སུ་འཇུག་པའི་དངོས་པོ་དང༌། དེ་དག་ཉིད་ལ་གང་ཟག་གི་མིང་དུ་བྱས་ནས། ཕྱི་མར་འབྱུང་བའི་རྒྱུའི་དངོས་པོ་དང༌། ཆོས་ཀྱི་མིང་དུ་བྱས་ནས་ཕྱི་མར་འབྱུང་བའི་རྒྱུའི་དངོས་པོ་དང༌། རྣམ་པར་བྱང་བའི་ཕྱོགས་ལས་བརྩམས་ཏེ། དམིགས་པ་ལ་ཉེ་བར་གཏོད་པའི་དངོས་པོ་དང༌། དེ་ཉིད་ལ་རྩོལ་བའི་དངོས་པོ་དང༌། སེམས་གནས་པའི་དངོས་པོ་དང༌། ཚེ་འདི་ལ་བདེ་བར་གནས་པའི་དངོས་པོ་དང༌། སྡུག་བསྔལ་ཐམས་ཅད་ལས་ཡང་དག་པར་འདས་པའི་དམིགས་པའི་ཐབས་ཀྱི་དངོས་པོ་དང༌། དེ་ཡོངས་སུ་ཤེས་པའི་དངོས་པོ་ནི་ཕྱིན་ཅི་ལོག་ཡོངས་སུ་ཤེས་པའི་གནས་དང༌། སེམས་ཅན་དུ་འདུ་ཤེས་པ་ལས་བརྩམས་ཏེ། ཕྱི་རོལ་གྱི་སེམས་ཅན་རྣམས་ལ་ལོག་པར་སྒྲུབ་པ་ཡོངས་སུ་ཤེས་པའི་གནས་དང༌། ནང་ལ་མངོན་པའི་ང་རྒྱལ་མེད་པ་ཡོངས་སུ་ཤེས་པའི་གནས་ཀྱིས་ས་དེ་ཡང་རྣམ་པ་གསུམ་དང༌། སྒོམ་པའི་གནས་ཀྱི་དངོས་པོ་དང༌། མངོན་དུ་བྱ་བའི་དངོས་པོ་དང༌། བསྒོམས་པའི་དངོས་པོ་དང༌། དེ་སྙིང་པོར་བྱ་བའི་དངོས་པོ་དང༌། དེའི་རྣམ་པའི་དངོས་པོ་དང༌། དེའི་དམིགས་པའི་དངོས་པོ་དང༌། སྤངས་པ་དང༌། མ་སྤངས་པ་སྤྱོད་པ་ལ་མཁས་པའི་དངོས་པོ་དང༌། དེ་ལས་རྣམ་པར་མི་གཡེང་བའི་དངོས་པོ་དང༌། རྣམ་པར་མི་གཡེང་བའི་གནས་ཀྱི་དངོས་པོ་དང༌། བསྒོམ་པ་ལ་ཡོངས་སུ་སྐྱོ་བའི་སྦྱོར་བ་བསལ་བའི་དངོས་པོ་དང༌། བསྒོམ་པའི་ཕན་ཡོན་གྱི་དངོས་པོ་དང༌། དེ་བརྟེན་པའི་དངོས་པོ་དང༌། འཕགས་པའི་དབང་ཕྱུག་བསྡུ་བའི་དངོས་པོ་དང༌། འཕགས་པའི་ཕྱོགས་དང་གཡོག་འཁོར་བསྡུ་བའི་དངོས་པོ་དང༌། དེ་ཁོ་ན་རབ་ཏུ་རྟོགས་པའི་དངོས་པོ་དང༌། མྱ་ངན་ལས་འདས་པ་ཡང་དག་པར་ཐོབ་པའི་དངོས་པོ་དང༌། ལེགས་པར་གསུངས་པའི་ཆོས་འདུལ་བ་ལ། འཇིག་རྟེན་པའི་ཡང་དག་པའི་ལྟ་བ་འདི་ལས་ཕྱི་རོལ་པ་ཐམས་ཅད་ཀྱི་ཡང་དག་པའི་ལྟ་བ་དག་ལས་སྤྱི་བོར་གྱུར་པ་ཉིད་ཀྱི་དངོས་པོ་དང༌། དེ་མི་བསྒོམ་པས་ཡོངས་སུ་ཉམས་པའི་དངོས་པོ་སྟེ། འཇམ་དཔལ་འདི་ལྟར་ལེགས་པར་གསུངས་པའི་ཆོས་འདུལ་བ་ལ་ནི་མི་བསྒོམ་པས་ཡོངས་སུ་ཉམས་པར་འགྱུར་ཞིང༌། ལྟ་བའི་ཉེས་པས་ནི་མ་ཡིན་ནོ། །

'jam dpal 'di lta ste/ dngos po bzhi'am/ dgu'am/ nyi shu rtsa dgu'i dbang du byas nas/ chos rnams kyi dngos po'i bsdu ba tsam ngas gong du bstan pa de ni mdo sde yin no/ /dngos po bzhi gang zhe na/ 'di lta ste/ thos pa'i dngos po dang/ skyabs su 'gro ba'i dngos po dang/ bslab pa'i dngos po dang/ byang chub kyi dngos po'o| /dngos po dgu gang zhe na/ sems can du gdags pa'i dngos po dang/ de'i longs spyod kyi dngos po dang/ de 'byung ba'i dngos po dang/ de 'byung ba la gnas pa'i dngos po dang/ de'i kun nas nyon mongs pa dang/ rnam par byang ba'i dngos po dang/ de'i sna tshogs kyi dngos po dang/ ston pa'i dngos po dang/ bstan par bya ba'i dngos po dang/ 'khor gyi dngos po'o| /dngos po nyi shu rtsa dgu gang zhe na/ kun nas nyon mongs pa'i phyogs nas brtsams te/ 'du byed bsdu ba'i dngos po dang/ de'i go rims rjes su 'jug pa'i dngos po dang/ de dag nyid la gang zag gi ming du byas nas/ phyi mar 'byung ba'i rgyu'i dngos po dang/ chos kyi ming du byas nas phyi mar 'byung ba'i rgyu'i dngos po dang/ rnam par byang ba'i phyogs las brtsams te/ dmigs pa la nye bar gtod pa'i dngos po dang/ de nyid la rtsol ba'i dngos po dang/ sems gnas pa'i dngos po dang/ tshe 'di la bde bar gnas pa'i dngos po dang/ sdug bsngal thams cad las yang dag par 'das pa'i dmigs pa'i thabs kyi dngos po dang/ de yongs su shes pa'i dngos po ni phyin ci log yongs su shes pa'i gnas dang/ sems can du 'du shes pa las brtsams te/ phyi rol gyi sems can rnams la log par sgrub pa yongs su shes pa'i gnas dang/ nang la mngon pa'i nga rgyal med pa yongs su shes pa'i gnas kyis sa de yang rnam pa gsum dang/ sgom pa'i gnas kyi dngos po dang/ mngon du bya ba'i dngos po dang/ bsgoms pa'i dngos po dang/ de snying por bya ba'i dngos po dang/ de'i rnam pa'i dngos po dang/ de'i dmigs pa'i dngos po dang/ spangs pa dang/ ma spangs pa spyod pa la mkhas pa'i dngos po dang/ de las rnam par mi g.yeng ba'i dngos po dang/ rnam par mi g.yeng ba'i gnas kyi dngos po dang/ bsgom pa la yongs su skyo ba'i sbyor ba bsal ba'i dngos po dang/ bsgom pa'i phan yon gyi dngos po dang/ de brten pa'i dngos po dang/ 'phags pa'i dbang phyug bsdu ba'i dngos po dang/ 'phags pa'i phyogs dang g.yog 'khor bsdu ba'i dngos po dang/ de kho na rab tu rtogs pa'i dngos po dang/ mya ngan las 'das pa yang dag par thob pa'i dngos po dang/ legs par gsungs pa'i chos 'dul ba la/ 'jig rten pa'i yang dag pa'i lta ba 'di las phyi rol pa thams cad kyi yang dag pa'i lta ba dag las spyi bor gyur pa nyid kyi dngos po dang/ de mi bsgom pas yongs su nyams pa'i dngos po ste/ 'jam dpal 'di ltar legs par gsungs pa'i chos 'dul ba la ni mi bsgom pas yongs su nyams par 'gyur zhing/ lta ba'i nyes pas ni ma yin no/ /

【M2 解調伏】

འཇམ་དཔལ་ངས་གང་དུ་ཉན་ཐོས་རྣམས་དང་བྱང་ཆུབ་སེམས་དཔའ་རྣམས་ཀྱི་སོ་སོར་ཐར་པའམ་སོ་སོར་ཐར་པ་དང་ལྡན་པ་ཡོངས་སུ་བསྟན་པ་གང་ཡིན་པ་དེ་ནི་འདུལ་བའི་དངོས་པོ་ཡིན་ནོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་སོ་སོར་ཐར་པ་རྣམ་པ་དུས་བསྡུས་པར་རིག་པར་བགྱི་ལགས། འཇམ་དཔལ་རྣམ་པ་བདུན་གྱིས་ཏེ། ཡང་དག་པར་བླངས་པའི་ཆོ་ག་བསྟན་པ་དང༌། ཕམ་པའི་གནས་ལྟ་བུའི་དངོས་པོ་བསྟན་པ་དང༌། ལྟུང་བའི་གནས་ལྟ་བུའི་དངོས་པོ་བསྟན་པ་དང༌། ལྟུང་བའི་ངོ་བོ་ཉིད་བསྟན་པ་དང༌། ལྟུང་བ་མ་ཡིན་པའི་ངོ་བོ་ཉིད་བསྟན་པ་དང༌། ལྟུང་བ་ལས་འབྱུང་བ་བསྟན་པ་དང༌། སྡོམ་པ་གཏོང་བ་བསྟན་པས་སོ། །

'jam dpal ngas gang du nyan thos rnams dang byang chub sems dpa' rnams kyi so sor thar pa'am so sor thar pa dang ldan pa yongs su bstan pa gang yin pa de ni 'dul ba'i dngos po yin no/ /bcom ldan 'das byang chub sems dpa' rnams kyi so sor thar pa rnam pa dus bsdus par rig par bgyi lags/ 'jam dpal rnam pa bdun gyis te/ yang dag par blangs pa'i cho ga bstan pa dang/ pham pa'i gnas lta bu'i dngos po bstan pa dang/ ltung ba'i gnas lta bu'i dngos po bstan pa dang/ ltung ba'i ngo bo nyid bstan pa dang/ ltung ba ma yin pa'i ngo bo nyid bstan pa dang/ ltung ba las 'byung ba bstan pa dang/ sdom pa gtong ba bstan pas so/ /

【M3 解本母】【N1 總標列十一種相】

འཇམ་དཔལ་ངས་གོང་དུ་མཚན་ཉིད་རྣམ་པ་བཅུ་གཅིག་བཤད་པ་དང༌། རྣམ་པར་ཕྱེ་བ་དང༌། བསྟན་པ་གང་ཡིན་པ་དེ་ནི་མ་མོའོ་ཞེས་བྱའོ། །དེ་ལ་མཚན་ཉིད་རྣམ་པ་བཅུ་གཅིག་གང་ཞེ་ན། ཀུན་རྫོབ་ཀྱི་མཚན་ཉིད་དང༌། དོན་དམ་པའི་མཚན་ཉིད་དང༌། བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ཀྱི་དམིགས་པའི་མཚན་ཉིད་དང༌། རྣམ་པའི་མཚན་ཉིད་དང༌། ངོ་བོ་ཉིད་ཀྱི་མཚན་ཉིད་དང༌། དེའི་འབྲས་བུའི་མཚན་ཉིད་དང༌། དེ་མྱོང་བ་རྣམ་པར་བསྙད་པའི་མཚན་ཉིད་དང༌། དེའི་བར་དུ་གཅོད་པའི་ཆོས་ཀྱི་མཚན་ཉིད་དང་། དེ་དང་རྗེས་སུ་མཐུན་པའི་ཆོས་ཀྱི་མཚན་ཉིད་དང༌། དེའི་ཉེས་དམིགས་ཀྱི་མཚན་ཉིད་དང༌། དེའི་ཕན་ཡོན་གྱི་མཚན་ཉིད་དོ། །

'jam dpal ngas gong du mtshan nyid rnam pa bcu gcig bshad pa dang/ rnam par phye ba dang/ bstan pa gang yin pa de ni ma mo'o zhes bya'o/ /de la mtshan nyid rnam pa bcu gcig gang zhe na/ kun rdzob kyi mtshan nyid dang/ don dam pa'i mtshan nyid dang/ byang chub kyi phyogs dang mthun pa'i chos rnams kyi dmigs pa'i mtshan nyid dang/ rnam pa'i mtshan nyid dang/ ngo bo nyid kyi mtshan nyid dang/ de'i 'bras bu'i mtshan nyid dang/ de myong ba rnam par bsnyad pa'i mtshan nyid dang/ de'i bar du gcod pa'i chos kyi mtshan nyid dang / de dang rjes su mthun pa'i chos kyi mtshan nyid dang/ de'i nyes dmigs kyi mtshan nyid dang/ de'i phan yon gyi mtshan nyid do/ /

【N2 次第解】【O1 明世俗相】

འཇམ་དཔལ་དེ་ལ་ཀུན་རྫོབ་ཀྱི་མཚན་ཉིད་ནི་རྣམ་པ་གསུམ་སྟེ། གང་ཟག་བསྟན་པ་དང༌། ཀུན་བརྟགས་པའི་ངོ་བོ་ཉིད་བསྟན་པ་དང༌། ཆོས་རྣམས་ཀྱི་བྱེད་པ་དང༌། གཡོ་བ་དང་ལས་བྱེད་པ་བསྟན་པས་བལྟ་བར་བྱའོ། །

'jam dpal de la kun rdzob kyi mtshan nyid ni rnam pa gsum ste/ gang zag bstan pa dang/ kun brtags pa'i ngo bo nyid bstan pa dang/ chos rnams kyi byed pa dang/ g.yo ba dang las byed pa bstan pas blta bar bya'o/ /

【O2 明勝義相】

དེ་ལ་དོན་དམ་པའི་མཚན་ཉིད་ནི་དེ་བཞིན་ཉིད་རྣམ་པ་བདུན་བསྟན་པ་ཡིན་པར་བལྟ་བར་བྱའོ༑ །

de la don dam pa'i mtshan nyid ni de bzhin nyid rnam pa bdun bstan pa yin par blta bar bya'o| /

【O3 明菩提分法所緣相】

དམིགས་པའི་མཚན་ཉིད་ནི་ཤེས་བྱའི་དངོས་པོ་རྣམ་པ་ཐམས་ཅད་བསྟན་པས་བལྟ་བར་བྱའོ། །

dmigs pa'i mtshan nyid ni shes bya'i dngos po rnam pa thams cad bstan pas blta bar bya'o/ /

【O4 明行相】【P1 總釋】

རྣམ་པའི་མཚན་ཉིད་ནི་བརྟགས་པ་རྣམ་པ་བརྒྱད་བསྟན་པས་བལྟ་བར་བྱ་སྟེ། བརྟགས་པ་རྣམ་པ་བརྒྱད་གང་ཞེ་ན། བདེན་པ་དང༌། གནས་པ་དང༌། སྐྱོན་དང༌། ཡོན་ཏན་དང༌། ཚུལ་དང༌། འཇུག་པ་དང༌། རིགས་པ་དང༌། བསྡུ་བ་དང༌། རྒྱས་པས་སོ། །

rnam pa'i mtshan nyid ni brtags pa rnam pa brgyad bstan pas blta bar bya ste/ brtags pa rnam pa brgyad gang zhe na/ bden pa dang/ gnas pa dang/ skyon dang/ yon tan dang/ tshul dang/ 'jug pa dang/ rigs pa dang/ bsdu ba dang/ rgyas pas so/ /

【P2 別釋】【Q1 諦實】

དེ་ལ་བདེན་པ་ནི་དེ་བཞིན་ཉིད་གང་ཡིན་པའོ། །

de la bden pa ni de bzhin nyid gang yin pa'o/ /

【Q2 安住】

གནས་པ་ནི་གང་ཟག་རྣམ་པར་གཞག་པའམ། ཀུན་བརྟགས་པའི་ངོ་བོ་ཉིད་རྣམ་པར་གཞག་པའམ། མགོ་གཅིག་དང༌། རྣམ་པར་དབྱེ་བ་དང༌། དྲིས་ཏེ་ལན་གདབ་པ་རྣམ་པར་གཞག་པའམ༑ གཞག་པ་རྣམ་པར་གཞག་པའམ། གསང་བ་དང༌། རྣམ་པར་དབྱེ་བ་བསྟན་པ་རྣམ་པར་གཞག་པ་གང་ཡིན་པའོ། །

gnas pa ni gang zag rnam par gzhag pa'am/ kun brtags pa'i ngo bo nyid rnam par gzhag pa'am/ mgo gcig dang/ rnam par dbye ba dang/ dris te lan gdab pa rnam par gzhag pa'am| gzhag pa rnam par gzhag pa'am/ gsang ba dang/ rnam par dbye ba bstan pa rnam par gzhag pa gang yin pa'o/ /

【Q3 過失】

སྐྱོན་རྣམས་ནི་ངས་ཀུན་ནས་ཉོན་མོངས་པའི་ཆོས་རྣམས་ཀྱི་ཉེས་དམིགས་རྣམ་གྲངས་དུ་མར་བསྟན་པ་གང་ཡིན་པ་དག་གོ། །

skyon rnams ni ngas kun nas nyon mongs pa'i chos rnams kyi nyes dmigs rnam grangs du mar bstan pa gang yin pa dag go/ /

【Q4 功德】

ཡོན་ཏན་རྣམས་ནི་ངས་རྣམ་པར་བྱང་བའི་ཆོས་རྣམས་ཀྱི་ཕན་ཡོན་རྣམ་གྲངས་དུ་མར་བསྟན་པ་གང་ཡིན་པ་དག་གོ། །

yon tan rnams ni ngas rnam par byang ba'i chos rnams kyi phan yon rnam grangs du mar bstan pa gang yin pa dag go/ /

【Q5 理趣】

ཚུལ་ནི་རྣམ་པ་དྲུག་ཏུ་རིག་པར་བྱ་སྟེ། དེ་ཁོ་ནའི་དོན་གྱི་ཚུལ་དང༌། འཐོབ་པའི་ཚུལ་དང༌། བཤད་པའི་ཚུལ་དང༌། མཐའ་གཉིས་རྣམ་པར་སྤངས་པའི་ཚུལ་དང་། བསམ་གྱིས་མི་ཁྱབ་པའི་ཚུལ་དང༌། དགོངས་པའི་ཚུལ་ལོ། །

tshul ni rnam pa drug tu rig par bya ste/ de kho na'i don gyi tshul dang/ 'thob pa'i tshul dang/ bshad pa'i tshul dang/ mtha' gnyis rnam par spangs pa'i tshul dang / bsam gyis mi khyab pa'i tshul dang/ dgongs pa'i tshul lo/ /

【Q6 流轉】

འཇུག་པ་ནི་དུས་གསུམ་དང༌། འདུས་བྱས་ཀྱི་མཚན་ཉིད་གསུམ་དང༌། རྐྱེན་བཞི་པོ་དག་གོ༑ །

'jug pa ni dus gsum dang/ 'dus byas kyi mtshan nyid gsum dang/ rkyen bzhi po dag go| /

【Q7 道理】【R1 總說】

རིགས་པ་ནི་རྣམ་པ་བཞིར་རིག་པར་བྱ་སྟེ། ལྟོས་པའི་རིགས་པ་དང༌།བྱ་བ་བྱེད་པའི་རིགས་པ་དང་། འཐད་པས་བསྒྲུབ་པའི་རིགས་པ་དང༌། ཆོས་ཉིད་ཀྱི་རིགས་པའོ། །

rigs pa ni rnam pa bzhir rig par bya ste/ ltos pa'i rigs pa dang/bya ba byed pa'i rigs pa dang / 'thad pas bsgrub pa'i rigs pa dang/ chos nyid kyi rigs pa'o/ /

【R2 別釋】【S1 觀待道理】

དེ་ལ་ལྟོས་པའི་རིགས་པ་ནི་འདུ་བྱེད་རྣམས་འབྱུང་བ་དང༌། རྗེས་སུ་ཐ་སྙད་གདགས་པའི་རྒྱུ་གང་དག་ཡིན་པ་དང༌། རྐྱེན་གང་དག་ཡིན་པ་སྟེ། དེ་ནི་ལྟོས་པའི་རིགས་པ་ཡིན་ནོ། །

de la ltos pa'i rigs pa ni 'du byed rnams 'byung ba dang/ rjes su tha snyad gdags pa'i rgyu gang dag yin pa dang/ rkyen gang dag yin pa ste/ de ni ltos pa'i rigs pa yin no/ /

【S2 作用道理】

ཆོས་རྣམས་འཐོབ་པའམ། འགྲུབ་པའམ། སྐྱེས་པ་རྣམས་ལས་བྱེད་པས་འགྱུར་བའི་རྒྱུ་གང་དག་ཡིན་པ་དང༌། རྐྱེན་གང་དག་ཡིན་པ་དེ་ནི་བྱ་བ་བྱེད་པའི་རིགས་པ་ཡིན་ནོ། །

chos rnams 'thob pa'am/ 'grub pa'am/ skyes pa rnams las byed pas 'gyur ba'i rgyu gang dag yin pa dang/ rkyen gang dag yin pa de ni bya ba byed pa'i rigs pa yin no/ /

【S3 證成道理】

སོ་སོའི་ཤེས་པ་དང༌། བཤད་པ་དང༌། སྨྲས་པའི་དོན་བསྡུས་པ་དང༌། ལེགས་པར་ཁོང་དུ་ཆུད་པར་བྱ་བའི་རྒྱུ་གང་དག་ཡིན་པ་དང༌། རྐྱེན་གང་དག་ཡིན་པ་དེ་ནི་འཐད་པས་བསྒྲུབ་པའི་རིགས་པ་ཡིན་ནོ། །དེ་ཡང་མདོར་བསྡུ་ན་རྣམ་པ་གཉིས་ཏེ། ཡོངས་སུ་དག་པ་དང༌། ཡོངས་སུ་མ་དག་པའོ། །དེ་ལ་ཡོངས་སུ་དག་པའི་མཚན་ཉིད་ནི་ལྔའོ། །ཡོངས་སུ་མ་དག་པའི་མཚན་ཉིད་ནི་བདུན་ནོ། །དེ་ལ་ཡོངས་སུ་དག་པའི་མཚན་ཉིད་ལྔ་པོ་དག་གང་ཞེ་ན། དེ་ལ་མངོན་སུམ་དུ་དམིགས་པའི་མཚན་ཉིད་དང༌། དེ་ལ་གནས་པ་མངོན་སུམ་དུ་དམིགས་པའི་མཚན་ཉིད་དང༌། རང་གི་ལས་ཀྱི་དཔེ་ཉེ་བར་སྦྱར་བའི་མཚན་ཉིད་དང༌། ཡོངས་སུ་གྲགས་པའི་མཚན་ཉིད་དང༌། ལུང་ཤིན་ཏུ་རྣམ་པར་དག་པ་གཏན་ལ་དབབ་པར་བསྟན་པའི་མཚན་ཉིད་དོ། །དེ་འདུ་བྱེད་ཐམས་ཅད་མི་རྟག་པ་ཉིད་དང༌། འདུ་བྱེད་ཐམས་ཅད་སྡུག་བསྔལ་བ་ཉིད་དང༌། ཆོས་ཐམས་ཅད་བདག་མེད་པ་ཉིད་འཇིག་རྟེན་ན་མངོན་སུམ་དུ་དམིགས་པ་དང༌། དེ་ལྟ་བུ་དང་མཐུན་པ་གང་ཡིན་པ་དེ་ནི་མངོན་སུམ་དུ་དམིགས་པའི་མཚན་ཉིད་ཡིན་ནོ། །འདུ་བྱེད་ཐམས་ཅད་སྐད་ཅིག་མ་ཉིད་དང༌། འཇིག་རྟེན་ཕ་རོལ་དུ་ཡོད་པ་ཉིད་དང༌། ལས་དགེ་བ་དང༌། མི་དགེ་བ་ཆུད་མི་ཟ་བ་དེ་ལ་གནས་པའི་མི་རྟག་པ་རགས་པ་ཉིད་མངོན་སུམ་དུ་དམིགས་པ་གང་ཡིན་པ་དང༌། སེམས་ཅན་སྣ་ཚོགས་ལས་སྣ་ཚོགས་ལ་གནས་པ་མངོན་སུམ་དུ་དམིགས་པ་གང་ཡིན་པ་དང༌། སེམས་ཅན་བདེ་བ་དང་སྡུག་བསྔལ་བ་ལས་དགེ་བ་དང་མི་དགེ་བ་ལ་གནས་པ་མངོན་སུམ་དུ་དམིགས་པ་གང་ཡིན་པ་དང༌། གང་གིས་མངོན་སུམ་དུ་མ་གྱུར་པ་ལ་རྗེས་སུ་དཔག་པར་བྱ་བ་དང༌། དེ་ལྟ་བུ་དང་མཐུན་པ་གང་ཡིན་པ་དེ་ནི་དེ་ལ་གནས་པ་མངོན་སུམ་དུ་དམིགས་པའི་མཚན་ཉིད་ཡིན་ནོ། །ནང་དང་ཕྱི་རོལ་གྱི་འདུ་བྱེད་རྣམས་ལ། འཇིག་རྟེན་ཐམས་ཅད་ལ་གྲགས་པའི་འཆི་འཕོ་དང༌། སྐྱེ་བ་དམིགས་པ་ཉེ་བར་སྦྱར་བ་དང༌། སྐྱེ་བ་ལ་སོགས་པའི་སྡུག་བསྔལ་དམིགས་པ་ཉེ་བར་སྦྱར་བ་དང༌། རང་དབང་མེད་པ་དམིགས་པ་ཉེ་བར་སྦྱར་བ་དང༌། ཕྱི་རོལ་དག་ལ་ཡང་འཇིག་རྟེན་ཐམས་ཅད་ལ་གྲགས་པའི་འབྱོར་པ་དང་རྒུད་པ་དམིགས་པ་ཉེ་བར་སྦྱར་བ་དང༌། དེ་ལྟ་བུ་དང་མཐུན་པ་གང་ཡིན་པ་དེ་ནི་རང་གི་རིགས་ཀྱི་དཔེ་ཉེ་བར་སྦྱར་བའི་མཚན་ཉིད་ཡིན་པར་རིག་པར་བྱའོ། དེ་ལྟར་དེ་ལ་མངོན་སུམ་དུ་དམིགས་པའི་མཚན་ཉིད་དང༌། དེ་ལ་གནས་པ་མངོན་སུམ་དུ་དམིགས་པའི་མཚན་ཉིད་དང༌། རང་གི་རིགས་ཀྱི་དཔེ་ཉེ་བར་སྦྱར་བའི་མཚན་ཉིད་གང་ཡིན་པ་དེ་ནི་དེ་གྲུབ་པར་བྱ་བ་ལ་གཅིག་ཏུ་ངེས་པའི་ཕྱིར་ཡོངས་སུ་གྲགས་པའི་མཚན་ཉིད་ཡིན་པར་རིག་པར་བྱའོ། །འཇམ་དཔལ་གཏན་ལ་དབབ་པར་བསྟན་པ་ཐམས་ཅད་མཁྱེན་པས་གསུངས་པ་འདི་ལྟ་སྟེ། མྱ་ངན་ལས་འདས་པ་ནི་ཞི་བའོ་ཞེས་བྱ་བ་དང༌། དེ་ལྟ་བུ་དང་མཐུན་པ་གང་ཡིན་པ་དེ་ནི་ལུང་ཤིན་ཏུ་རྣམ་པར་དག་པ་གཏན་ལ་དབབ་པར་བསྟན་པའི་མཚན་ཉིད་ཡིན་པར་རིག་པར་བྱའོ། །དེ་ལྟ་བས་ན་མཚན་ཉིད་རྣམ་པ་ལྔ་པོ་དེ་དག་གི་རིགས་པས་བརྟགས་པ་ཡོངས་སུ་དག་པ་ཡིན་ཏེ། ཡོངས་སུ་དག་པའི་ཕྱིར་བསྟན་པར་བྱའོ། །བཅོམ་ལྡན་འདས་ཐམས་ཅད་མཁྱེན་པའི་མཚན་ཉིད་རྣམ་པ་དུས་རྟོགས་པར་བགྱི་ལགས། འཇམ་དཔལ་ལྔས་ཏེ། གང་སུ་ཡང་རུང་བ་ཞིག་བྱུང་ན་འཇིག་རྟེན་དུ་ཐམས་ཅད་མཁྱེན་པ་ཉིད་དུ་སྒྲ་རྣམ་པར་གྲགས་པ་དང༌། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་དང༌། སྟོབས་བཅུས་སེམས་ཅན་ཐམས་ཅད་ཀྱི་ཐེ་ཚོམ་ཐམས་ཅད་གཅོད་པ་དང༌། མི་འཇིག་པ་བཞིས་ཆོས་སྟོན་པས། དེའི་ཚིག་ལ་ཕས་ཀྱི་རྒོལ་བ་ཐམས་ཅད་ཀྱིས་བརྒལ་དུ་མེད་ཅིང་བརྩད་དུ་མེད་པ་གང་ཡིན་པ་དང༌། སུའི་ཆོས་འདུལ་བ་ལ་འཕགས་པའི་ལམ་ཡན་ལག་བརྒྱད་པ་སྣང་ཞིང་དགེ་སྦྱོང་རྣམ་བཞི་སྣང་བ་ཡིན་ཏེ། དེ་ལྟར་ན་འབྱུང་བ་དང༌། མཚན་དང༌། ཐེ་ཚོམ་གཅོད་པ་དང༌། བརྒལ་དུ་མེད་ཅིང་བརྩད་དུ་མེད་པ་དང༌། དགེ་སྦྱོང་དམིགས་པས་ཐམས་ཅད་མཁྱེན་པའི་མཚན་ཉིད་ལྔར་རིག་པར་བྱའོ། །དེ་ལྟར་ན་འཐད་པས་བསྒྲུབ་པའི་རིགས་པ་དེ་ནི་མངོན་སུམ་གྱི་ཚད་མ་དང༌། རྗེས་སུ་དཔག་པའི་ཚད་མ་དང༌། ཡིད་ཆེས་པའི་ལུང་གི་ཚད་མས་མཚན་ཉིད་ལྔ་པོ་དག་གིས་ཡོངས་སུ་དག་པ་ཡིན་ནོ། །ཡོངས་སུ་མ་དག་པའི་མཚན་ཉིད་རྣམ་པ་བདུན་གང་ཞེ་ན། དེ་ལས་གཞན་པ་དང་མཐུན་པར་དམིགས་པའི་མཚན་ཉིད་དང༌། དེ་ལས་གཞན་དང་མི་མཐུན་པར་དམིགས་པའི་མཚན་ཉིད་དང༌། ཐམས་ཅད་མཐུན་པར་དམིགས་པའི་མཚན་ཉིད་དང༌། ཐམས་ཅད་མི་མཐུན་པར་དམིགས་པའི་མཚན་ཉིད་དང༌། གཞན་གྱི་རིགས་ཀྱི་དཔེ་ཉེ་བར་སྦྱར་བའི་མཚན་ཉིད་དང༌། ཡོངས་སུ་མ་གྲགས་པའི་མཚན་ཉིད་དང༌། ལུང་ཤིན་ཏུ་རྣམ་པར་མ་དག་པ་བསྟན་པའི་མཚན་ཉིད་དོ། །དེ་ལ་ཆོས་ཐམས་ཅད་ཡིད་ཀྱི་རྣམ་པར་ཤེས་པས་རྣམ་པར་ཤེས་པར་བྱ་བ་གང་ཡིན་པ་དེ་ནི་ཐམས་ཅད་མཐུན་པར་དམིགས་པའི་མཚན་ཉིད་ཡིན་ནོ། །རྟགས་དང༌། ངོ་བོ་ཉིད་དང༌། ལས་དང༌། ཆོས་དང༌། རྒྱུ་དང༌། འབྲས་བུའི་མཚན་ཉིད་མི་མཐུན་པ་རྣམས་ཀྱི་མཚན་ཉིད་མི་མཐུན་པ་གང་ཡང་རུང་བས། ཕན་ཚུན་མཚན་ཉིད་མི་མཐུན་པར་ངེས་པ་ཉིད་གང་ཡིན་པ་དེ་ནི་ཐམས་ཅད་མི་མཐུན་པར་དམིགས་པའི་མཚན་ཉིད་ཡིན་ནོ། །འཇམ་དཔལ་དེ་ལ་དཔེ་གཞན་ཉིད་དང་མཐུན་པར་དམིགས་པའི་མཚན་ཉིད་དཔེ་དང་བཅས་པ་ལ། ཐམས་ཅད་མི་མཐུན་པར་དམིགས་པའི་མཚན་ཉིད་ཡོད་པའི་ཕྱིར་གང་གིས་དེ་གྲུབ་པར་བྱ་བ་ལ་གཅིག་ཏུ་མ་ངེས་པའི་ཕྱིར་དེ་ནི་ཡོངས་སུ་མ་གྲགས་པའི་མཚན་ཉིད་ཅེས་བྱའོ། །དེ་ལས་གཞན་དང་མི་མཐུན་པར་དམིགས་པའི་མཚན་ཉིད་དཔེ་དང་བཅས་པ་ཉིད་ལ་ཡང་ཐམས་ཅད་མཐུན་པར་དམིགས་པའི་མཚན་ཉིད་ཡོད་པས་གང་གིས་དེ་གྲུབ་པར་བྱ་བ་ལ་གཅིག་ཏུ་མ་ངེས་པའི་ཕྱིར་དེ་ཡང་ཡོངས་སུ་མ་གྲགས་པའི་མཚན་ཉིད་ཅེས་བྱའོ། །ཡོངས་སུ་མ་གྲགས་པའི་ཕྱིར་རིགས་པས་བརྟགས་པ་ཡོངས་སུ་མ་དག་པ་ཡིན་ཏེ། ཡོངས་སུ་མ་དག་པའི་ཕྱིར་བརྟེན་པར་མི་བྱའོ། །དེ་ལ་ལུང་ཤིན་ཏུ་རྣམ་པར་མ་དག་པ་བསྟན་པའི་མཚན་ཉིད་ནི་རང་བཞིན་ཉིད་ཀྱིས་ཡོངས་སུ་མ་དག་པ་ཡིན་པར་རིག་པར་བྱའོ། །

so so'i shes pa dang/ bshad pa dang/ smras pa'i don bsdus pa dang/ legs par khong du chud par bya ba'i rgyu gang dag yin pa dang/ rkyen gang dag yin pa de ni 'thad pas bsgrub pa'i rigs pa yin no/ /de yang mdor bsdu na rnam pa gnyis te/ yongs su dag pa dang/ yongs su ma dag pa'o/ /de la yongs su dag pa'i mtshan nyid ni lnga'o/ /yongs su ma dag pa'i mtshan nyid ni bdun no/ /de la yongs su dag pa'i mtshan nyid lnga po dag gang zhe na/ de la mngon sum du dmigs pa'i mtshan nyid dang/ de la gnas pa mngon sum du dmigs pa'i mtshan nyid dang/ rang gi las kyi dpe nye bar sbyar ba'i mtshan nyid dang/ yongs su grags pa'i mtshan nyid dang/ lung shin tu rnam par dag pa gtan la dbab par bstan pa'i mtshan nyid do/ /de 'du byed thams cad mi rtag pa nyid dang/ 'du byed thams cad sdug bsngal ba nyid dang/ chos thams cad bdag med pa nyid 'jig rten na mngon sum du dmigs pa dang/ de lta bu dang mthun pa gang yin pa de ni mngon sum du dmigs pa'i mtshan nyid yin no/ /'du byed thams cad skad cig ma nyid dang/ 'jig rten pha rol du yod pa nyid dang/ las dge ba dang/ mi dge ba chud mi za ba de la gnas pa'i mi rtag pa rags pa nyid mngon sum du dmigs pa gang yin pa dang/ sems can sna tshogs las sna tshogs la gnas pa mngon sum du dmigs pa gang yin pa dang/ sems can bde ba dang sdug bsngal ba las dge ba dang mi dge ba la gnas pa mngon sum du dmigs pa gang yin pa dang/ gang gis mngon sum du ma gyur pa la rjes su dpag par bya ba dang/ de lta bu dang mthun pa gang yin pa de ni de la gnas pa mngon sum du dmigs pa'i mtshan nyid yin no/ /nang dang phyi rol gyi 'du byed rnams la/ 'jig rten thams cad la grags pa'i 'chi 'pho dang/ skye ba dmigs pa nye bar sbyar ba dang/ skye ba la sogs pa'i sdug bsngal dmigs pa nye bar sbyar ba dang/ rang dbang med pa dmigs pa nye bar sbyar ba dang/ phyi rol dag la yang 'jig rten thams cad la grags pa'i 'byor pa dang rgud pa dmigs pa nye bar sbyar ba dang/ de lta bu dang mthun pa gang yin pa de ni rang gi rigs kyi dpe nye bar sbyar ba'i mtshan nyid yin par rig par bya'o/ de ltar de la mngon sum du dmigs pa'i mtshan nyid dang/ de la gnas pa mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid gang yin pa de ni de grub par bya ba la gcig tu nges pa'i phyir yongs su grags pa'i mtshan nyid yin par rig par bya'o/ /'jam dpal gtan la dbab par bstan pa thams cad mkhyen pas gsungs pa 'di lta ste/ mya ngan las 'das pa ni zhi ba'o zhes bya ba dang/ de lta bu dang mthun pa gang yin pa de ni lung shin tu rnam par dag pa gtan la dbab par bstan pa'i mtshan nyid yin par rig par bya'o/ /de lta bas na mtshan nyid rnam pa lnga po de dag gi rigs pas brtags pa yongs su dag pa yin te/ yongs su dag pa'i phyir bstan par bya'o/ /bcom ldan 'das thams cad mkhyen pa'i mtshan nyid rnam pa dus rtogs par bgyi lags/ 'jam dpal lngas te/ gang su yang rung ba zhig byung na 'jig rten du thams cad mkhyen pa nyid du sgra rnam par grags pa dang/ skyes bu chen po'i mtshan sum cu rtsa gnyis dang ldan pa dang/ stobs bcus sems can thams cad kyi the tshom thams cad gcod pa dang/ mi 'jig pa bzhis chos ston pas/ de'i tshig la phas kyi rgol ba thams cad kyis brgal du med cing brtsad du med pa gang yin pa dang/ su'i chos 'dul ba la 'phags pa'i lam yan lag brgyad pa snang zhing dge sbyong rnam bzhi snang ba yin te/ de ltar na 'byung ba dang/ mtshan dang/ the tshom gcod pa dang/ brgal du med cing brtsad du med pa dang/ dge sbyong dmigs pas thams cad mkhyen pa'i mtshan nyid lngar rig par bya'o/ /de ltar na 'thad pas bsgrub pa'i rigs pa de ni mngon sum gyi tshad ma dang/ rjes su dpag pa'i tshad ma dang/ yid ches pa'i lung gi tshad mas mtshan nyid lnga po dag gis yongs su dag pa yin no/ /yongs su ma dag pa'i mtshan nyid rnam pa bdun gang zhe na/ de las gzhan pa dang mthun par dmigs pa'i mtshan nyid dang/ de las gzhan dang mi mthun par dmigs pa'i mtshan nyid dang/ thams cad mthun par dmigs pa'i mtshan nyid dang/ thams cad mi mthun par dmigs pa'i mtshan nyid dang/ gzhan gyi rigs kyi dpe nye bar sbyar ba'i mtshan nyid dang/ yongs su ma grags pa'i mtshan nyid dang/ lung shin tu rnam par ma dag pa bstan pa'i mtshan nyid do/ /de la chos thams cad yid kyi rnam par shes pas rnam par shes par bya ba gang yin pa de ni thams cad mthun par dmigs pa'i mtshan nyid yin no/ /rtags dang/ ngo bo nyid dang/ las dang/ chos dang/ rgyu dang/ 'bras bu'i mtshan nyid mi mthun pa rnams kyi mtshan nyid mi mthun pa gang yang rung bas/ phan tshun mtshan nyid mi mthun par nges pa nyid gang yin pa de ni thams cad mi mthun par dmigs pa'i mtshan nyid yin no/ /'jam dpal de la dpe gzhan nyid dang mthun par dmigs pa'i mtshan nyid dpe dang bcas pa la/ thams cad mi mthun par dmigs pa'i mtshan nyid yod pa'i phyir gang gis de grub par bya ba la gcig tu ma nges pa'i phyir de ni yongs su ma grags pa'i mtshan nyid ces bya'o/ /de las gzhan dang mi mthun par dmigs pa'i mtshan nyid dpe dang bcas pa nyid la yang thams cad mthun par dmigs pa'i mtshan nyid yod pas gang gis de grub par bya ba la gcig tu ma nges pa'i phyir de yang yongs su ma grags pa'i mtshan nyid ces bya'o/ /yongs su ma grags pa'i phyir rigs pas brtags pa yongs su ma dag pa yin te/ yongs su ma dag pa'i phyir brten par mi bya'o/ /de la lung shin tu rnam par ma dag pa bstan pa'i mtshan nyid ni rang bzhin nyid kyis yongs su ma dag pa yin par rig par bya'o/ /

【S4 法爾道理】

དེ་ལ་དེ་བཞིན་གཤེགས་པ་རྣམས་བྱུང་ཡང་རུང༌། མ་བྱུང་ཡང་རུང་སྟེ། ཆོས་གནས་པར་བྱ་བའི་ཕྱིར་ཆོས་ཉིད་དབྱིངས་གནས་པ་ཉིད་གང་ཡིན་པ་དེ་ནི་ཆོས་ཉིད་ཀྱི་རིགས་པ་ཡིན་ནོ། །

de la de bzhin gshegs pa rnams byung yang rung/ ma byung yang rung ste/ chos gnas par bya ba'i phyir chos nyid dbyings gnas pa nyid gang yin pa de ni chos nyid kyi rigs pa yin no/ /

【Q8 總別】

དེ་ལ་བསྡུས་པ་དང༌། རྒྱས་པ་ནི་མདོར་བསྡུས་ཏེ། ཚིག་གཅིག་གིས་བསྟན་པའི་ཆོས་ཚིག་ཕྱི་མ་ཕྱི་མ་དག་གིས་རབ་ཏུ་ཕྱེ་སྟེ། མཐར་ཐུག་པར་བྱེད་པ་གང་ཡིན་པའོ༑ །

de la bsdus pa dang/ rgyas pa ni mdor bsdus te/ tshig gcig gis bstan pa'i chos tshig phyi ma phyi ma dag gis rab tu phye ste/ mthar thug par byed pa gang yin pa'o| /

【O5 明自性相】

ངས་རྣམ་པ་དང་བཅས་པའི་དམིགས་པ་འཛིན་པ་བྱང་ཆུབ་ཀྱི་ཕྱོགས་དང་མཐུན་པའི་ཆོས་དྲན་པ་ཉེ་བར་གཞག་པ་ལ་སོགས་པ་གང་དག་བསྟན་པ་ནི་དེ་དག་གི་ངོ་བོ་ཉིད་ཀྱི་མཚན་ཉིད་ཡིན་ནོ། །

ngas rnam pa dang bcas pa'i dmigs pa 'dzin pa byang chub kyi phyogs dang mthun pa'i chos dran pa nye bar gzhag pa la sogs pa gang dag bstan pa ni de dag gi ngo bo nyid kyi mtshan nyid yin no/ /

【O6 明果相】

འཇིག་རྟེན་པ་དང་འཇིག་རྟེན་ལས་འདས་པར་བཅས་པའི་ཉོན་མོངས་པ་སྤོང་བས་དེའི་འབྲས་བུ་འཇིག་རྟེན་པ་དང་འཇིག་རྟེན་ལས་འདས་པའི་ཡོན་ཏན་མངོན་པར་བསྒྲུབ་པ་གང་དག་ཡིན་པ་དེ་ནི་དེའི་འབྲས་བུ་ཐོབ་པའི་མཚན་ཉིད་ཡིན་ནོ། །

'jig rten pa dang 'jig rten las 'das par bcas pa'i nyon mongs pa spong bas de'i 'bras bu 'jig rten pa dang 'jig rten las 'das pa'i yon tan mngon par bsgrub pa gang dag yin pa de ni de'i 'bras bu thob pa'i mtshan nyid yin no/ /

【O7 明彼領受開示相】

དེ་ཉིད་རྣམ་པར་གྲོལ་བའི་ཤེས་པས་སོ་སོ་ཡང་དག་པར་རིག་པ་གང་ཡིན་པ་གཞན་དག་ལ་ཡང་རྒྱ་ཆེར་སྒྲོགས་པ་དང༌། འཆད་པ་དང་ཡང་དག་པར་སྟོན་པ་དེ་ནི་དེ་མྱོང་བ་རྣམ་པར་བསྙད་པའི་མཚན་ཉིད་ཡིན་ནོ། །

de nyid rnam par grol ba'i shes pas so so yang dag par rig pa gang yin pa gzhan dag la yang rgya cher sgrogs pa dang/ 'chad pa dang yang dag par ston pa de ni de myong ba rnam par bsnyad pa'i mtshan nyid yin no/ /

【O8 明彼障礙法相】

བྱང་ཆུབ་ཀྱི་ཕྱོགས་དང་མཐུན་པའི་ཆོས་དེ་དག་ཉིད་བསྒོམ་པ་ལ་བར་ཆད་བྱེད་པའི་གནས་ལྟ་བུ་ཉོན་མོངས་པ་ཅན་གྱི་ཆོས་གང་དག་ཡིན་པ་དེ་ནི་དེའི་བར་དུ་གཅོད་པའི་ཆོས་ཀྱི་མཚན་ཉིད་ཡིན་ནོ། །

byang chub kyi phyogs dang mthun pa'i chos de dag nyid bsgom pa la bar chad byed pa'i gnas lta bu nyon mongs pa can gyi chos gang dag yin pa de ni de'i bar du gcod pa'i chos kyi mtshan nyid yin no/ /

【O9 明彼隨順法相】

དེ་དག་ཉིད་ལ་གཅེས་སྤྲས་བྱེད་པའི་ཆོས་གང་དག་ཡིན་པ་དེ་ནི་དེ་དང་རྗེས་སུ་མཐུན་པའི་ཆོས་ཀྱི་མཚན་ཉིད་ཡིན་ནོ། །

de dag nyid la gces spras byed pa'i chos gang dag yin pa de ni de dang rjes su mthun pa'i chos kyi mtshan nyid yin no/ /

【O10 明彼過患相】

བར་དུ་གཅོད་པ་རྣམས་ཀྱི་སྐྱོན་གང་ཡིན་པ་དེ་ནི་ཉེས་དམིགས་ཀྱི་མཚན་ཉིད་ཡིན་ནོ། །

bar du gcod pa rnams kyi skyon gang yin pa de ni nyes dmigs kyi mtshan nyid yin no/ /

【O11 明勝利相】

འཇམ་དཔལ་རྗེས་སུ་མཐུན་པ་རྣམས་ཀྱི་ཡོན་ཏན་གང་ཡིན་པ་དེ་ནི་ཕན་ཡོན་གྱི་མཚན་ཉིད་ཡིན་པར་རིག་པར་བྱའོ། །

'jam dpal rjes su mthun pa rnams kyi yon tan gang yin pa de ni phan yon gyi mtshan nyid yin par rig par bya'o/ /

【J6 明不共陀羅尼義】【K1 請】

དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འཇམ་དཔལ་གྱིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་ཀྱི་དོན་གང་གིས་བྱང་ཆུབ་སེམས་དཔའ་རྣམས་དེ་བཞིན་གཤེགས་པས་གསུངས་པའི་ཆོས་ཟབ་མོ་རྣམས་ཀྱི་ལྡོམ་པོར་དགོངས་པའི་རྗེས་སུ་འཇུག་པར་འགྱུར་བ་བྱང་ཆུབ་སེམས་དཔའ་རྣམས་ཀྱི་མདོ་སྡེ་དང༌། འདུལ་བ་དང་མ་མོ་དག་གིས་གཟུངས་ཀྱི་དོན་མ་ལུས་པ་འདི་ལས་སླད་རོལ་པ་རྣམས་དང་ཐུན་མོང་མ་ལགས་པ་བཤད་དུ་གསོལ། །

de nas bcom ldan 'das la byang chub sems dpa' 'jam dpal gyis yang 'di skad ces gsol to/ /bcom ldan 'das gzungs kyi don gang gis byang chub sems dpa' rnams de bzhin gshegs pas gsungs pa'i chos zab mo rnams kyi ldom por dgongs pa'i rjes su 'jug par 'gyur ba byang chub sems dpa' rnams kyi mdo sde dang/ 'dul ba dang ma mo dag gis gzungs kyi don ma lus pa 'di las slad rol pa rnams dang thun mong ma lags pa bshad du gsol/ /

【K2 答】【L1 長行廣辨】【M1 敕聽許說】

འཇམ་དཔལ་དེའི་ཕྱིར་ཉོན་ཅིག་དང༌། འདི་ལྟར་བྱང་ཆུབ་སེམས་དཔའ་རྣམས་ངའི་ལྡེམ་པོ་ངག་ལ་འཇུག་པར་བྱ་བའི་ཕྱིར་གཟུངས་ཀྱི་དོན་ལ་ལུས་པ་ཁྱོད་ལ་བཤད་པར་བྱའོ། །

'jam dpal de'i phyir nyon cig dang/ 'di ltar byang chub sems dpa' rnams nga'i ldem po ngag la 'jug par bya ba'i phyir gzungs kyi don la lus pa khyod la bshad par bya'o/ /

【M2 正解】【N1 初句】

འཇམ་དཔལ་ཀུན་ནས་ཉོན་མོངས་པའི་ཆོས་གང་དག་ཡིན་པ་དང༌། རྣམ་པར་བྱང་བའི་ཆོས་གང་དག་ཡིན་པ་དེ་དག་ཐམས་ཅད་ནི་གཡོ་བ་མེད་པ་གང་ཟག་མེད་པ་ཡིན་ཏེ་དེའི་ཕྱིར་ངས་ཆོས་རྣམས་རྣམ་པ་ཐམས་ཅད་དུ་བྱེད་པ་མེད་པར་བསྟན་ཏོ། །ཀུན་ནས་ཉོན་མོངས་པའི་ཆོས་རྣམས་ཀྱང་སྔོན་ཀུན་ནས་ཉོན་མོངས་པ་ཅན་དུ་གྱུར་ལ། ཕྱིས་རྣམ་པར་བྱང་བར་འགྱུར་བ་མ་ཡིན་རྣམ་པར་བྱང་བའི་ཆོས་རྣམས་ཀྱང་ཕྱིས་རྣམ་པར་བྱད་ལ། སྔོན་ཀུན་ནས་ཉོན་མོངས་པ་ཅན་དུ་གྱུར་པ་མ་ཡིན་པ་ཡིན་ན།

'jam dpal kun nas nyon mongs pa'i chos gang dag yin pa dang/ rnam par byang ba'i chos gang dag yin pa de dag thams cad ni g.yo ba med pa gang zag med pa yin te de'i phyir ngas chos rnams rnam pa thams cad du byed pa med par bstan to/ /kun nas nyon mongs pa'i chos rnams kyang sngon kun nas nyon mongs pa can du gyur la/ phyis rnam par byang bar 'gyur ba ma yin rnam par byang ba'i chos rnams kyang phyis rnam par byad la/ sngon kun nas nyon mongs pa can du gyur pa ma yin pa yin na/

【N2 第二句】

དེ་ལ་བྱིས་པ་སོ་སོའི་སྐྱེ་བོ་རྣམས་གནས་ངན་ལེན་གྱི་ལུས་ལ་ཆོས་དང་གང་ཟག་གི་ངོ་བོ་ཉིད་དུ་མངོན་པར་ཞེན་པའི་བག་ལ་ཉལ་གྱི་ལྟ་བ་ལ་བརྟེན་ནས་བདག་གམ། བདག་གིར་འཛིན་ཅིང༌། དེས་ན་མཐོང་ངོ༌། །ཐོས་སོ། །སྣོམ་མོ། །མྱོང་ངོ༌། །རེག་གོ། །རྣམ་པར་ཤེས་སོ། །ཟའོ། །བྱེད་དོ། །ཀུན་ནས་ཉོན་མོངས་སོ། །རྣམ་པར་བྱང་ངོ་ཞེས་ལོག་པར་མངོན་པར་འདུ་བྱེད་པ་འབྱུང་ངོ༌། །

de la byis pa so so'i skye bo rnams gnas ngan len gyi lus la chos dang gang zag gi ngo bo nyid du mngon par zhen pa'i bag la nyal gyi lta ba la brten nas bdag gam/ bdag gir 'dzin cing/ des na mthong ngo/ /thos so/ /snom mo/ /myong ngo/ /reg go/ /rnam par shes so/ /za'o/ /byed do/ /kun nas nyon mongs so/ /rnam par byang ngo zhes log par mngon par 'du byed pa 'byung ngo/ /

【N3 第三句】

གང་ལ་ལས་དེ་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དེ་ནི་གནས་ངན་ལེན་གྱི་ལུས་རབ་ཏུ་སྤོང་ཞིང་ཉོན་མོངས་པ་ཐམས་ཅད་ཀྱི་གནས་མ་ཡིན་པ་ཤིན་ཏུ་རྣམ་པར་དག་པ། སྤྲོས་པ་མེད་པ། འདུས་མ་བྱས་པ་མངོན་པར་འདུ་བྱ་བ་མེད་པའི་ལུས་འཐོབ་པར་འགྱུར་ཏེ།

gang la las de ltar yang dag pa ji lta ba bzhin du rab tu shes pa de ni gnas ngan len gyi lus rab tu spong zhing nyon mongs pa thams cad kyi gnas ma yin pa shin tu rnam par dag pa/ spros pa med pa/ 'dus ma byas pa mngon par 'du bya ba med pa'i lus 'thob par 'gyur te/

【M3 略結】

འཇམ་དཔལ་དེ་ནི་གཟུངས་ཀྱི་དོན་མ་ལུས་པ་ཡིན་པར་རིག་པར་བྱའོ། །

'jam dpal de ni gzungs kyi don ma lus pa yin par rig par bya'o/ /

【L2 重頌】

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཀུན་ནས་ཉོན་མོངས་ཆོས་དང་རྣམ་པར་བྱང་བའི་ཆོས༑ །ཐམས་ཅད་བྱེད་པ་མེད་ཅིང་གང་ཟག་མེད་པ་ཡིན། །དེ་ཕྱིར་དེ་དག་བྱེད་པ་མེད་པར་ངས་བཤད་དོ། །དེ་དག་སྔ་ཕྱིར་རྣམ་པར་དག་དང་ཉོན་མོངས་མིན༑ །གནས་ངན་ལེན་གྱི་ལུས་ལ་བག་ལ་ཉལ་བ་ཡི། །ལྟ་ལ་བརྟེན་ནས་བདག་དང་བདག་གིར་འཛིན་བྱེད་དེ། །དེས་ན་མཐོང་ངོ་ཟའོ་བྱེད་ཅེས་བྱ་བ་དང༌། ཉོན་མོངས་རྣམ་པར་བྱང་བར་འགྱུར་རོ་སྙམ་པའང་འབྱུང༌། །གང་གིས་དེ་ལྟར་ཡང་དག་ཇི་ལྟར་བཞིན་རབ་ཤེས་པ། །དེ་ནི་གནས་ངན་ལེན་ལུས་རབ་ཏུ་སྤོང་བྱེད་ཅིང༌། །ཉོན་མོངས་གནས་མིན་ཤིན་ཏུ་རྣམ་པར་དག་པའི་ལུས། །སྤྲོས་པ་མེད་ཅིང་འདུས་མ་བྱས་པ་ཐོབ་པར་འགྱུར། །

de nas bcom ldan 'das kyis de'i tshe tshigs su bcad pa 'di dag bka' stsal to/ /kun nas nyon mongs chos dang rnam par byang ba'i chos| /thams cad byed pa med cing gang zag med pa yin/ /de phyir de dag byed pa med par ngas bshad do/ /de dag snga phyir rnam par dag dang nyon mongs min| /gnas ngan len gyi lus la bag la nyal ba yi/ /lta la brten nas bdag dang bdag gir 'dzin byed de/ /des na mthong ngo za'o byed ces bya ba dang/ nyon mongs rnam par byang bar 'gyur ro snyam pa'ang 'byung/ /gang gis de ltar yang dag ji ltar bzhin rab shes pa/ /de ni gnas ngan len lus rab tu spong byed cing/ /nyon mongs gnas min shin tu rnam par dag pa'i lus/ /spros pa med cing 'dus ma byas pa thob par 'gyur/ /

【J7 受用身的心生起相】

བཅོམ་ལྡན་འདས་དེ་བཞིན་གཤེགས་པའི་སེམས་འབྱུང་བའི་མཚན་ཉིད་ཇི་ལྟ་བུར་རིག་པར་བགྱི་ལགས། འཇམ་དཔལ་དེ་བཞིན་གཤེགས་པ་རྣམས་ཀྱི་སེམས་དང༌། ཡིད་དང་རྣམ་པར་ཤེས་པས་རབ་ཏུ་ཕྱེ་བ་མ་ཡིན་མོད་ཀྱི། འོན་ཀྱང་དེ་བཞིན་གཤེགས་པའི་སེམས་ནི་མངོན་པར་འདུ་བྱ་བ་མེད་པ་འབྱུང་སྟེ། སྤྲུལ་པ་ལྟ་བུར་རིག་པར་བྱའོ། །བཅོམ་ལྡན་འདས་གལ་ཏེ་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུ་མངོན་པར་འདུ་བགྱི་བ་ཐམས་ཅད་དང་བྲལ་བ་ལགས་ན། འོ་ན་མངོན་པར་འདུ་བགྱི་བ་མ་མཆིས་པར་སེམས་འབྱུང་བར་འགྱུར་ལགས། འཇམ་དཔལ་སྔོན་ཐབས་དང་ཤེས་རབ་བསྒོམ་པ་མངོན་པར་འདུས་བྱས་པའི་ཕྱིར་ཏེ། འཇམ་དཔལ་འདི་ལྟ་སྟེ་དཔེར་ན་གཉིད་ལོག་པ་སེམས་མེད་པ་ལ་ཕྱིར་སད་པར་མངོན་པར་འདུ་བྱ་བ་མེད་ཀྱང༌། སྔོན་མངོན་པར་འདུ་བྱས་པའི་དབང་གིས་ཕྱིར་སད་པར་འགྱུར་བ་དང༌། འགོག་པ་ལ་སྙོམས་པར་ཞུགས་པ་ལ་ལྡང་བར་མངོན་པར་འདུ་བྱ་བ་མེད་ཀྱང༌། སྔོན་མངོན་པར་འདུ་བྱས་པའི་དབང་ཁོ་ནས་ལྡང་བར་འགྱུར་ཏེ། གཉིད་ལོག་པ་དང༌། འགོག་པ་ལ་སྙོམས་པར་ཞུགས་པ་དག་གིས་སེམས་འབྱུང་བ་ཇི་ལྟ་བ་དེ་བཞིན་དུ། དེ་བཞིན་གཤེགས་པའི་སེམས་འབྱུང་བ་ཡང་སྔོན་ཐབས་དང་ཤེས་རབ་བསྒོམ་པ་མངོན་པར་འདུ་བྱས་པ་ལས་རིག་པར་བྱའོ། །

bcom ldan 'das de bzhin gshegs pa'i sems 'byung ba'i mtshan nyid ji lta bur rig par bgyi lags/ 'jam dpal de bzhin gshegs pa rnams kyi sems dang/ yid dang rnam par shes pas rab tu phye ba ma yin mod kyi/ 'on kyang de bzhin gshegs pa'i sems ni mngon par 'du bya ba med pa 'byung ste/ sprul pa lta bur rig par bya'o/ /bcom ldan 'das gal te de bzhin gshegs pa rnams kyi chos kyi sku mngon par 'du bgyi ba thams cad dang bral ba lags na/ 'o na mngon par 'du bgyi ba ma mchis par sems 'byung bar 'gyur lags/ 'jam dpal sngon thabs dang shes rab bsgom pa mngon par 'dus byas pa'i phyir te/ 'jam dpal 'di lta ste dper na gnyid log pa sems med pa la phyir sad par mngon par 'du bya ba med kyang/ sngon mngon par 'du byas pa'i dbang gis phyir sad par 'gyur ba dang/ 'gog pa la snyoms par zhugs pa la ldang bar mngon par 'du bya ba med kyang/ sngon mngon par 'du byas pa'i dbang kho nas ldang bar 'gyur te/ gnyid log pa dang/ 'gog pa la snyoms par zhugs pa dag gis sems 'byung ba ji lta ba de bzhin du/ de bzhin gshegs pa'i sems 'byung ba yang sngon thabs dang shes rab bsgom pa mngon par 'du byas pa las rig par bya'o/ /

【J8 明化心有心無心義】

བཅོམ་ལྡན་འདས་ཅི་དེ་བཞིན་གཤེགས་པས་སྤྲུལ་པ་སེམས་མཆིས་སམ་མ་མཆིས་ཞེས་བགྱི། །འཇམ་དཔལ་སེམས་ཡོད་པའང་མ་ཡིན་སེམས་མེད་པ་ཡང་མ་ཡིན་ཏེ༑ སེམས་རང་དབང་མེད་པ་ཉིད་དང༌། སེམས་གཞན་གྱི་དབང་ཉིད་ཡིན་པའི་ཕྱིར་རོ། །

bcom ldan 'das ci de bzhin gshegs pas sprul pa sems mchis sam ma mchis zhes bgyi/ /'jam dpal sems yod pa'ang ma yin sems med pa yang ma yin te| sems rang dbang med pa nyid dang/ sems gzhan gyi dbang nyid yin pa'i phyir ro/ /

【J9 明如來所行如來境界二差別相】

བཅོམ་ལྡན་འདས་དེ་བཞིན་གཤེགས་པའི་སྤྱོད་ཡུལ་གང་ལགས་པ་དང༌། དེ་བཞིན་གཤེགས་པའི་ཡུལ་གང་ལགས་པ་དེ་གཉིས་ལ་ཐ་དད་དུ་བགྱི་བ་ཅི་མཆིས་ལགས། འཇམ་དཔལ་དེ་བཞིན་གཤེགས་པའི་སྤྱོད་ཡུལ་ནི་དེ་བཞིན་གཤེགས་པ་ཐམས་ཅད་ཀྱི་ཐུན་མོང་བ། ཡོན་ཏན་བསམ་གྱིས་མི་ཁྱབ་པ་དང༌། ཚད་མེད་པའི་རྒྱན་བཀོད་པའི་སངས་རྒྱས་ཀྱི་ཞིང་ཡོངས་སུ་དག་པ་གང་ཡིན་པའོ། །དེ་བཞིན་གཤེགས་པའི་ཡུལ་ནི་ཁམས་ལྔ་པོ་སེམས་ཅན་གྱི་ཁམས་དང༌། འཇིག་རྟེན་གྱི་ཁམས་དང༌། ཆོས་ཀྱི་ཁམས་དང༌། འདུལ་བའི་ཁམས་དང༌། འདུལ་བའི་ཐབས་ཀྱི་ཁམས་རྣམ་པ་ཐམས་ཅད་དེ། དེ་གཉིས་ལ་ཐ་དད་དུ་བྱ་བ་ནི་དེ་ཡོད་དོ། །

bcom ldan 'das de bzhin gshegs pa'i spyod yul gang lags pa dang/ de bzhin gshegs pa'i yul gang lags pa de gnyis la tha dad du bgyi ba ci mchis lags/ 'jam dpal de bzhin gshegs pa'i spyod yul ni de bzhin gshegs pa thams cad kyi thun mong ba/ yon tan bsam gyis mi khyab pa dang/ tshad med pa'i rgyan bkod pa'i sangs rgyas kyi zhing yongs su dag pa gang yin pa'o/ /de bzhin gshegs pa'i yul ni khams lnga po sems can gyi khams dang/ 'jig rten gyi khams dang/ chos kyi khams dang/ 'dul ba'i khams dang/ 'dul ba'i thabs kyi khams rnam pa thams cad de/ de gnyis la tha dad du bya ba ni de yod do/ /

【J10 明八相中成正覺轉法輪大涅槃三種皆無二相】

བཅོམ་ལྡན་འདས་དེ་བཞིན་གཤེགས་པའི་མངོན་པར་རྫོགས་པར་བྱང་ཆུབ་པ་གང་ལགས་པ་དང༌། ཆོས་ཀྱི་འཁོར་ལོ་བསྐོར་བ་གང་ལགས་པ་དང༌། ཡོངས་སུ་མྱ་ངན་ལས་འདས་པ་ཆེན་པོ་གང་ལགས་པ་དེ་དག་གི་མཚན་ཉིད་ཇི་ལྟ་བུར་རིག་པར་བགྱི་ལགས། འཇམ་དཔལ་གཉིས་སུ་མེད་པའི་མཚན་ཉིད་ཡིན་ཏེ། མངོན་པར་རྫོགས་པར་བྱང་ཆུབ་པ་ཡང་མ་ཡིན། མངོན་པར་རྫོགས་པར་བྱང་མ་ཆུབ་པ་ཡང་མ་ཡིན། ཆོས་ཀྱི་འཁོར་ལོ་བསྐོར་བ་ཡང་མ་ཡིན། ཆོས་ཀྱི་འཁོར་ལོ་མ་བསྐོར་བ་ཡང་མ་ཡིན། ཡོངས་སུ་མྱ་ངན་ལས་འདས་པ་ཆེན་པོ་ཡང་མ་ཡིན། ཡོངས་སུ་མྱ་ངན་ལས་འདས་པ་ཆེན་པོ་མེད་པ་ཡང་མ་ཡིན་ཏེ། ཆོས་ཀྱི་སྐུ་ཤིན་ཏུ་རྣམ་པར་དག་པ་ཉིད་ཀྱི་ཕྱིར་དང༌། སྤྲུལ་པའི་སྐུ་ཀུན་ཏུ་སྟོན་པ་ཉིད་ཀྱི་ཕྱིར་དང༌།

bcom ldan 'das de bzhin gshegs pa'i mngon par rdzogs par byang chub pa gang lags pa dang/ chos kyi 'khor lo bskor ba gang lags pa dang/ yongs su mya ngan las 'das pa chen po gang lags pa de dag gi mtshan nyid ji lta bur rig par bgyi lags/ 'jam dpal gnyis su med pa'i mtshan nyid yin te/ mngon par rdzogs par byang chub pa yang ma yin/ mngon par rdzogs par byang ma chub pa yang ma yin/ chos kyi 'khor lo bskor ba yang ma yin/ chos kyi 'khor lo ma bskor ba yang ma yin/ yongs su mya ngan las 'das pa chen po yang ma yin/ yongs su mya ngan las 'das pa chen po med pa yang ma yin te/ chos kyi sku shin tu rnam par dag pa nyid kyi phyir dang/ sprul pa'i sku kun tu ston pa nyid kyi phyir dang/

【J11 明佛變德遠生他福】

བཅོམ་ལྡན་འདས་སྤྲུལ་པའི་སྐུ་ལ་བལྟ་བ་དང༌། ཉན་པ་དང༌། བསྙེན་བཀུར་བགྱིད་པ་དག་གིས་སེམས་ཅན་རྣམས་བསོད་ནམས་སྐྱེད་པ་དེ་ཅིའི་སླད་དུ་དེ་བཞིན་གཤེགས་པ་ལས་བྱུང་བར་རིག་པར་བགྱི་ལགས། འཇམ་དཔལ་དེ་བཞིན་གཤེགས་པ་ལ་ལྷག་པར་དམིགས་པའི་བྱ་བ་ཉིད་ཡིན་པའི་ཕྱིར་དང༌། སྤྲུལ་པའི་སྐུ་ཡང་དེ་བཞིན་གཤེགས་པའི་བྱིན་གྱི་རླབས་ཉིད་ཡིན་པའི་ཕྱིར་རོ། །

bcom ldan 'das sprul pa'i sku la blta ba dang/ nyan pa dang/ bsnyen bkur bgyid pa dag gis sems can rnams bsod nams skyed pa de ci'i slad du de bzhin gshegs pa las byung bar rig par bgyi lags/ 'jam dpal de bzhin gshegs pa la lhag par dmigs pa'i bya ba nyid yin pa'i phyir dang/ sprul pa'i sku yang de bzhin gshegs pa'i byin gyi rlabs nyid yin pa'i phyir ro/ /

【J12 明如來法身對彼二乘之身辨其差別解脫】

བཅོམ་ལྡན་འདས་མངོན་པར་འདུ་བགྱི་བ་མ་མཆིས་པར་འདྲ་ལགས་ན། ཅིའི་སླད་དུ་དེ་བཞིན་གཤེགས་པའི་ཆོས་ཀྱི་སྐུ་ཁོ་ན་ལས་སེམས་ཅན་རྣམས་ལ་ཡེ་ཤེས་ཀྱི་སྣང་བ་ཆེན་པོ་འདི་འབྱུང་ཞིང༌། སྤྲུལ་པའི་གཟུགས་བརྙན་དཔག་ཏུ་མ་མཆིས་པ་དག་ཀྱང་འབྱུང་ལ། ཉན་ཐོས་དང༌། རང་སངས་རྒྱས་རྣམས་ཀྱི་རྣམ་པར་གྲོལ་བའི་ལུས་ལས་ནི་མི་འབྱུང་ལགས། འཇམ་དཔལ་འདི་ལྟ་སྟེ་དཔེར་ན་མངོན་པར་འདུ་བྱེད་པ་མེད་པར་འདྲ་བ་ཡང་འདི་ལྟ་སྟེ། སེམས་ཅན་མཐུ་ཆེན་པོའི་བྱིན་གྱི་རླབས་ཉིད་དང༌། སེམས་ཅན་གྱི་ལས་ཀྱི་དབང་ཉིད་ཀྱི་ཕྱིར་ཟླ་བ་དང་ཉི་མའི་དཀྱིལ་འཁོར་གྱི་ཆུ་ཤེལ་དང་མེ་ཤེལ་ཁོ་ན་ལས་སེམས་ཅན་རྣམས་ལ་སྣང་བ་ཆེན་པོ་འབྱུང་ལ་དེ་ལས་གཞན་གྱི་ཆུ་ཤེལ་དང་མེ་ཤེལ་དག་ལས་ནི་མི་འབྱུང་བ་དང༌། ནོར་བུ་རིན་པོ་ཆེ་རིགས་དང་ལྡན་པ་ལས་ལེགས་པར་བྱི་དོར་བྱས་པ་ལས་རྒྱའི་གཟུགས་བརྙན་འབྱུང་ལ། དེ་ལས་གཞན་པ་བྱི་དོར་མ་བྱས་པ་དག་ལས་ནི་མི་འབྱུང་བ་དེ་བཞིན་དུ། དེ་བཞིན་གཤེགས་པའི་ཆོས་ཀྱི་སྐུ་ཡང་ཆོས་ཀྱི་དབྱིངས་དཔག་ཏུ་མེད་པ་ལ་དམིགས་པའི་ཐབས་དང་ཤེས་རབ་བསྒོམས་པས་ཤིན་ཏུ་སྦྱང་བ་བྱས་པ་ལས་ཡང་དག་པར་གྲུབ་པ་ཡིན་པའི་ཕྱིར། དེ་ལས་སེམས་ཅན་རྣམས་ལ་ཡེ་ཤེས་ཀྱི་སྣང་བ་ཆེན་པོ་དང༌། སྤྲུལ་པའི་གཟུགས་བརྙན་དཔག་ཏུ་མེད་པ་དག་འབྱུང་གི་རྣམ་པར་གྲོལ་བའི་ལུས་འབའ་ཞིག་དག་ལས་ནི་མི་འབྱུང་ངོ༌། །

bcom ldan 'das mngon par 'du bgyi ba ma mchis par 'dra lags na/ ci'i slad du de bzhin gshegs pa'i chos kyi sku kho na las sems can rnams la ye shes kyi snang ba chen po 'di 'byung zhing/ sprul pa'i gzugs brnyan dpag tu ma mchis pa dag kyang 'byung la/ nyan thos dang/ rang sangs rgyas rnams kyi rnam par grol ba'i lus las ni mi 'byung lags/ 'jam dpal 'di lta ste dper na mngon par 'du byed pa med par 'dra ba yang 'di lta ste/ sems can mthu chen po'i byin gyi rlabs nyid dang/ sems can gyi las kyi dbang nyid kyi phyir zla ba dang nyi ma'i dkyil 'khor gyi chu shel dang me shel kho na las sems can rnams la snang ba chen po 'byung la de las gzhan gyi chu shel dang me shel dag las ni mi 'byung ba dang/ nor bu rin po che rigs dang ldan pa las legs par byi dor byas pa las rgya'i gzugs brnyan 'byung la/ de las gzhan pa byi dor ma byas pa dag las ni mi 'byung ba de bzhin du/ de bzhin gshegs pa'i chos kyi sku yang chos kyi dbyings dpag tu med pa la dmigs pa'i thabs dang shes rab bsgoms pas shin tu sbyang ba byas pa las yang dag par grub pa yin pa'i phyir/ de las sems can rnams la ye shes kyi snang ba chen po dang/ sprul pa'i gzugs brnyan dpag tu med pa dag 'byung gi rnam par grol ba'i lus 'ba' zhig dag las ni mi 'byung ngo/ /

【J13 明佛菩薩威德住持】

བཅོམ་ལྡན་འདས་དེ་བཞིན་གཤེགས་པ་དང༌། བྱང་ཆུབ་སེམས་དཔའི་བྱིན་གྱི་རླབས་ཀྱི་མཐུས། འདོད་པའི་ཁམས་ཀྱི་མིའི་ལུས་ཕུན་སུམ་ཚོགས་པ་རྒྱལ་རིགས་དང༌། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་རྣམས་དང༌། འདོད་པ་ན་སྤྱོད་པའི་ལྷའི་ལུས་ཕུན་སུམ་ཚོགས་པ་ཐམས་ཅད་དང༌། གཟུགས་ན་སྤྱོད་པའི་ལྷའི་ལུས་ཕུན་སུམ་ཚོགས་པ་ཐམས་ཅད་དང༌།གཟུགས་མ་མཆིས་པ་ན་སྤྱོད་པའི་ལྷའི་ལུས་ཕུན་སུམ་ཚོགས་པ་ཐམས་ཅད་གདའོ་ཞེས་བགྱི་བ་དེ་ལ། བཅོམ་ལྡན་འདས་དགོངས་པ་གང་ལགས། འཇམ་དཔལ་འདི་ལ་དེ་བཞིན་གཤེགས་པ་རྣམས་ནི་དེ་བཞིན་གཤེགས་པས་བྱིན་གྱིས་བརླབས་ནས། ལམ་གང་དང༌། བསྒྲུབ་པ་གནག་གིས་ཐམས་ཅད་དུ་ལུས་ཕུན་སུམ་ཚོགས་པ་ཐམས་ཅད་ཐོབ་པར་འགྱུར་བའི་ལམ་དེ་ཡང༌། བསྒྲུབ་པ་དེ་ཇི་ལྟ་བ་བཞིན་དུ་སྟོན་ཏེ། གང་དག་ལམ་དེ་དང༌། བསྒྲུབ་པ་དེ་སྒྲུབ་པར་བྱེད་པ་དེ་དག་ནི་ཐམས་ཅད་དུ་ལུས་ཕུན་སུམ་ཚོགས་པ་ཐམས་ཅད་འཐོབ་པར་འགྱུར་ལ། གང་དག་ལམ་དེ་དང་བསྒྲུབ་པ་དེ་ཕྱིར་སྤོང་ཞིང་མི་སྙན་པར་བརྗོད་ལ། ང་ལ་ཡང་ཀུན་ནས་མནར་སེམས་ཀྱི་སེམས་དང༌། ཁོང་ཁྲོ་བའི་སེམས་དང་ལྡན་ཞིང་འཆི་བའི་དུས་བྱེད་པ་དེ་དག་ནི་ཐམས་ཅད་དུ་ལུས་ངན་པ་ཐམས་ཅད་འཐོབ་པར་འགྱུར་ཏེ། འཇམ་དཔལ་རྣམ་གྲངས་དེས་ན་ཁྱོད་ཀྱིས་འདི་ལྟར་ལུས་ཕུན་སུམ་ཚོགས་པ་འབའ་ཞིག །དེ་བཞིན་གཤེགས་པའི་བྱིན་གྱི་རླབས་ཀྱི་མཐུ་ལས་འབྱུང་བ་མ་ཡིན་གྱི། ལུས་ངན་པར་སྐྱེ་བ་ཡང་དེ་བཞིན་གཤེགས་པའི་བྱིན་གྱི་རླབས་ཀྱི་མཐུ་ལས་འབྱུང་བར་རིག་པར་བྱའོ། །

bcom ldan 'das de bzhin gshegs pa dang/ byang chub sems dpa'i byin gyi rlabs kyi mthus/ 'dod pa'i khams kyi mi'i lus phun sum tshogs pa rgyal rigs dang/ bram ze'i rigs shing sA la chen po lta bu rnams dang/ 'dod pa na spyod pa'i lha'i lus phun sum tshogs pa thams cad dang/ gzugs na spyod pa'i lha'i lus phun sum tshogs pa thams cad dang/gzugs ma mchis pa na spyod pa'i lha'i lus phun sum tshogs pa thams cad gda'o zhes bgyi ba de la/ bcom ldan 'das dgongs pa gang lags/ 'jam dpal 'di la de bzhin gshegs pa rnams ni de bzhin gshegs pas byin gyis brlabs nas/ lam gang dang/ bsgrub pa gnag gis thams cad du lus phun sum tshogs pa thams cad thob par 'gyur ba'i lam de yang/ bsgrub pa de ji lta ba bzhin du ston te/ gang dag lam de dang/ bsgrub pa de sgrub par byed pa de dag ni thams cad du lus phun sum tshogs pa thams cad 'thob par 'gyur la/ gang dag lam de dang bsgrub pa de phyir spong zhing mi snyan par brjod la/ nga la yang kun nas mnar sems kyi sems dang/ khong khro ba'i sems dang ldan zhing 'chi ba'i dus byed pa de dag ni thams cad du lus ngan pa thams cad 'thob par 'gyur te/ 'jam dpal rnam grangs des na khyod kyis 'di ltar lus phun sum tshogs pa 'ba' zhig /de bzhin gshegs pa'i byin gyi rlabs kyi mthu las 'byung ba ma yin gyi/ lus ngan par skye ba yang de bzhin gshegs pa'i byin gyi rlabs kyi mthu las 'byung bar rig par bya'o/ /

【J14 明穢土八事易得，二事難得】

བཅོམ་ལྡན་འདས་འཇིག་རྟེན་གྱི་ཁམས་ཡོངས་སུ་མ་དག་པ་དག་ན་གང་ནི་མོད་པ་ལགས༑ གང་ནི་དཀོན་པ་ལགས། ཡོངས་སུ་དག་པ་དག་ན་གང་ནི་མོད་པ་ལགས༑ གང་ནི་དཀོན་པ་ལགས། འཇམ་དཔལ་འཇིག་རྟེན་གྱི་ཁམས་ཡོངས་སུ་མ་དག་པ་དག་ན་དངོས་པོ་བརྒྱད་ནི་མོད་ལ། གཉིས་ནི་དཀོན་ཏེ། འདི་ལྟ་སྟེ། མུ་སྟེགས་ཅན་རྣམས་དང༌། སེམས་ཅན་སྡུག་བསྔལ་བ་རྣམས་དང༌། རིགས་དང༌། རུས་དང༌། ཚེ་རིགས་འབྱོར་པ་དང༌། རྒུད་པ་ཐ་དད་པ་རྣམས་དང༌། ཉེས་པར་སྤྱད་པ་སྤྱོད་པ་རྣམས་དང༌། ཚུལ་ཁྲིམས་རལ་པ་རྣམས་དང༌། ངན་སོང་རྣམས་དང༌། ཐེག་པ་དམན་པ་རྣམས་དང༌། བྱང་ཆུབ་སེམས་དཔའ་བསམ་པ་དང༌། སྦྱོར་བ་དམན་པ་རྣམས་ནི་མོད་པ་ཡིན་ལ། བྱང་ཆུབ་སེམས་དཔའ་བསམ་པ་དང་སྦྱོར་བ་མཆོག་དང་ལྡན་པ་རྣམས་ཀྱི་སྤྱོད་པ་དང༌། དེ་བཞིན་གཤེགས་པ་རྣམས་འབྱུང་བ་ནི་དཀོན་པ་ཡིན་ནོ། །འཇམ་དཔལ་འཇིག་རྟེན་གྱི་ཁམས་ཡོངས་སུ་དག་པ་དག་ན་ནི་དེ་ལས་བཟློག་པས། དངོས་པོ་བརྒྱད་ནི་དཀོན་ལ། གཉིས་ནི་མོད་པར་རིག་པར་བྱའོ། །

bcom ldan 'das 'jig rten gyi khams yongs su ma dag pa dag na gang ni mod pa lags| gang ni dkon pa lags/ yongs su dag pa dag na gang ni mod pa lags| gang ni dkon pa lags/ 'jam dpal 'jig rten gyi khams yongs su ma dag pa dag na dngos po brgyad ni mod la/ gnyis ni dkon te/ 'di lta ste/ mu stegs can rnams dang/ sems can sdug bsngal ba rnams dang/ rigs dang/ rus dang/ tshe rigs 'byor pa dang/ rgud pa tha dad pa rnams dang/ nyes par spyad pa spyod pa rnams dang/ tshul khrims ral pa rnams dang/ ngan song rnams dang/ theg pa dman pa rnams dang/ byang chub sems dpa' bsam pa dang/ sbyor ba dman pa rnams ni mod pa yin la/ byang chub sems dpa' bsam pa dang sbyor ba mchog dang ldan pa rnams kyi spyod pa dang/ de bzhin gshegs pa rnams 'byung ba ni dkon pa yin no/ /'jam dpal 'jig rten gyi khams yongs su dag pa dag na ni de las bzlog pas/ dngos po brgyad ni dkon la/ gnyis ni mod par rig par bya'o/ /

【I2 立名時益】

དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འཇམ་དཔལ་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགོངས་པ་ངེས་པར་འགྲེལ་པའི་ཆོས་ཀྱི་རྣམ་གྲངས་འདིར་བསྟན་པ་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་དེ་ལ་བཀའ་སྩལ་པ། འཇམ་དཔལ་འདི་ནི་དེ་བཞིན་གཤེགས་པའི་བྱ་བ་བསྒྲུབ་པ་ངེས་པའི་དོན་བསྟན་པ་ཡིན་ཏེ། འདི་ནི་དེ་བཞིན་གཤེགས་པའི་བྱ་བ་བསྒྲུབ་པ་ངེས་པའི་དོན་བསྟན་པ་ཞེས་བྱ་བར་ཟུང་ཤིག །དེ་བཞིན་གཤེགས་པའི་བྱ་བ་བསྒྲུབ་པ་ངེས་པའི་དོན་བསྟན་པ་འདི་བཤད་པ་ན། བྱང་ཆུབ་སེམས་དཔའ་བདུན་ཁྲི་ལྔ་སྟོང་གིས་ཆོས་ཀྱི་སྐུ་ཡོངས་སུ་རྫོགས་པ་སོ་སོར་ཡང་དག་པར་རིག་པ་ཐོབ་པར་འགྱུར་ཏོ་ཞེས་གསུངས་སོ། །

de nas bcom ldan 'das la byang chub sems dpa' 'jam dpal gyis 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis de la bka' stsal pa/ 'jam dpal 'di ni de bzhin gshegs pa'i bya ba bsgrub pa nges pa'i don bstan pa yin te/ 'di ni de bzhin gshegs pa'i bya ba bsgrub pa nges pa'i don bstan pa zhes bya bar zung shig /de bzhin gshegs pa'i bya ba bsgrub pa nges pa'i don bstan pa 'di bshad pa na/ byang chub sems dpa' bdun khri lnga stong gis chos kyi sku yongs su rdzogs pa so sor yang dag par rig pa thob par 'gyur to zhes gsungs so/ /

【D2 決擇持隨法瑜伽處】【E1 牒前已訖】

ཡོན་ཏན་གྱི་ལེའུ་རྣམ་པར་གཏན་ལ་དབབ་པ་རྫོགས་སོ།། །།

yon tan gyi le'u rnam par gtan la dbab pa rdzogs so// //

【E2 正決擇】【F1 明世界差別】

བམ་པོ་བཞི་བཅུ་གཅིག་པ། སེམས་ཅན་གྱི་ཁམས་དཔག་ཏུ་མེད་པ་ལ་སོགས་པ་དཔག་ཏུ་མེད་པ་ལྔ་ཞེས་གང་གསུངས་པ་དེ་ལ་ཅི་འཇིག་རྟེན་གྱི་ཁམས་ཐམས་ཅད་མཚུངས་ཤིང་མཉམ་པ་ཡིན་ནམ། འོན་ཏེ་བྱེ་བྲག་ཡོད་པར་བརྗོད་པར་བྱ་ཞེ་ན་སྨྲས་པ། བྱེ་བྲག་ཡོད་པར་བརྗོད་པར་བྱའོ། །དེ་དག་ཀྱང་ཡོངས་སུ་དག་པ་དང༌། ཡོངས་སུ་མ་དག་པ་སྟེ། དེ་ལ་འཇིག་རྟེན་གྱི་ཁམས་ཡོངས་སུ་དག་པ་དག་ན་ནི་སེམས་ཅན་དམྱལ་བ་རྣམས་ཀྱང་མེད། དུད་འགྲོ་རྣམས་ཀྱང་མེད། ཡི་དྭགས་རྣམས་ཀྱང་མེད། འདོད་པའི་ཁམས་ཀྱང་མེད། གཟུགས་ཀྱི་ཁམས་ཀྱང་མེད། གཟུགས་མེད་པའི་ཁམས་ཀྱང་མེད། སྡུག་བསྔལ་གྱི་ཚོར་བ་ཡང་མེད་ལ། དེ་དག་ན་བྱང་ཆུབ་སེམས་དཔའི་དགེ་འདུན་འབའ་ཞིག་གནས་པས་ན། དེའི་ཕྱིར་འཇིག་རྟེན་གྱི་ཁམས་དེ་དག་ཡོངས་སུ་དག་པ་ཞེས་བྱ་སྟེ། དེ་དག་ཏུ་བྱང་ཆུབ་སེམས་དཔའ་ས་གསུམ་པར་ཆུད་པ་རྣམས་སྨོན་ལམ་གྱི་དབང་གིས་སྐྱེའི། དེ་དག་ན་སོ་སོའི་སྐྱེ་བོའམ། སོ་སོའི་སྐྱེ་བོ་མ་ཡིན་པའི་ཉན་ཐོས་རྣམས་ཀྱི་སྐྱེ་བ་མེད་དོ། །གལ་ཏེ་དེ་དག་ན་སོ་སོའི་སྐྱེ་བོའི་བྱང་ཆུབ་སེམས་དཔའ་རྣམས་དང༌། སོ་སོའི་སྐྱེ་བོ་མ་ཡིན་པའི་ཉན་ཐོས་རྣམས་ཀྱི་སྐྱེ་བ་མེད་ན། བྱང་ཆུབ་སེམས་དཔའ་རྣམས་སྨྲས་པ་ན། བྱང་ཆུབ་སེམས་དཔའ་གང་སུ་དག་དེ་དག་ཏུ་ཡིད་ཀྱིས་སྨོན་པར་བྱེད་པ་དེ་དག་ཐམས་ཅད་ནི་དེ་དག་ཏུ་སྐྱེ་བར་འགྱུར་རོ་ཞེས་ཅིའི་ཕྱིར་སྨྲ་ཞེ་ན། སྨྲས་པ། གདུལ་བྱ་ལེ་ལོ་དང་ལྡན་པའི་རང་བཞིན་ཅན་དགེ་བའི་རྩ་བ་མ་བསགས་པ་རྣམས་ལ་བསམས་ནས་སྨྲ་བ་ཡིན་ཏེ། འདི་ལྟར་དེ་དག་ཉིད་སྤྲོ་བར་གྱུར་ན། ལེ་ལོ་སྤངས་ཏེ་དགེ་བའི་ཆོས་རྣམས་ལ་བརྩོན་འགྲུས་རྩོམ་པར་བྱེད་ཅིང༌། དེས་རིམ་གྱིས་དེ་དག་ཏུ་སྐྱེ་བའི་ཆོས་ཉིད་ཐོབ་པའི་སྐལ་བ་ཅན་དུ་འགྱུར་བའི་ཕྱིར་ཏེ། དེ་ལྟར་ན་འདི་ལ་བསམ་པ་ན་དེ་ཡིན་པར་རིག་པར་བྱའོ། །

bam po bzhi bcu gcig pa/ sems can gyi khams dpag tu med pa la sogs pa dpag tu med pa lnga zhes gang gsungs pa de la ci 'jig rten gyi khams thams cad mtshungs shing mnyam pa yin nam/ 'on te bye brag yod par brjod par bya zhe na smras pa/ bye brag yod par brjod par bya'o/ /de dag kyang yongs su dag pa dang/ yongs su ma dag pa ste/ de la 'jig rten gyi khams yongs su dag pa dag na ni sems can dmyal ba rnams kyang med/ dud 'gro rnams kyang med/ yi dwags rnams kyang med/ 'dod pa'i khams kyang med/ gzugs kyi khams kyang med/ gzugs med pa'i khams kyang med/ sdug bsngal gyi tshor ba yang med la/ de dag na byang chub sems dpa'i dge 'dun 'ba' zhig gnas pas na/ de'i phyir 'jig rten gyi khams de dag yongs su dag pa zhes bya ste/ de dag tu byang chub sems dpa' sa gsum par chud pa rnams smon lam gyi dbang gis skye'i/ de dag na so so'i skye bo'am/ so so'i skye bo ma yin pa'i nyan thos rnams kyi skye ba med do/ /gal te de dag na so so'i skye bo'i byang chub sems dpa' rnams dang/ so so'i skye bo ma yin pa'i nyan thos rnams kyi skye ba med na/ byang chub sems dpa' rnams smras pa na/ byang chub sems dpa' gang su dag de dag tu yid kyis smon par byed pa de dag thams cad ni de dag tu skye bar 'gyur ro zhes ci'i phyir smra zhe na/ smras pa/ gdul bya le lo dang ldan pa'i rang bzhin can dge ba'i rtsa ba ma bsags pa rnams la bsams nas smra ba yin te/ 'di ltar de dag nyid spro bar gyur na/ le lo spangs te dge ba'i chos rnams la brtson 'grus rtsom par byed cing/ des rim gyis de dag tu skye ba'i chos nyid thob pa'i skal ba can du 'gyur ba'i phyir te/ de ltar na 'di la bsam pa na de yin par rig par bya'o/ /

【F2 明菩薩依四住能成四事】

བྱང་ཆུབ་སེམས་དཔའི་གནས་པ་བཞི་ལ་བརྟེན་ནས་བྱ་བ་བཞི་སྒྲུབ་པར་བྱེད་དེ། རབ་ཏུ་དགའ་བ་ལ་གནས་པ་དང༌། ལྷག་པའི་ཚུལ་ཁྲིམས་ལ་གནས་པ་དང༌། ལྷག་པའི་སེམས་ལ་གནས་པ་དང༌། ལྷག་པའི་ཤེས་རབ་ལ་གནས་པའོ། །རབ་ཏུ་དགའ་བ་ལ་གནས་པ་གང་ཞེ་ན། བྱང་ཆུབ་སེམས་དཔའ་གང་ལ་གནས་ན་ལྷག་པའི་བསམ་པ་དག་པའི་སར་ཆུད་པས། བྱང་ཆུབ་ཀྱི་སྙིང་པོ་ལ་འདུག་གི་བར་དུ་དཀོན་མཆོག་གསུམ་པོ་དག་ལ་གཞན་གྱི་དྲིང་མི་འཇོག་པའི་བསམ་པ་དང་ལྡན་པ་ཡིན་ནོ། །ལྷག་པའི་ཚུལ་ཁྲིམས་ལ་གནས་པ་གང་ཞེ་ན། བྱང་ཆུབ་སེམས་དཔའ་རབ་ཏུ་དགའ་བ་ལ་གནས་པ་དེ་ཉིད་ལ་བརྟེན་ནས་གང་ལ་གནས་ན་གོང་དུ་རང་བཞིན་གྱི་ཚུལ་ཁྲིམས་ཅན་དང༌། འཆལ་བའི་ཚུལ་ཁྲིམས་དང༌། སེར་སྣའི་དྲི་མ་དང་བྲལ་ཞིང་ཚུལ་ཁྲིམས་དང༌། གཏོང་བ་ཕུན་སུམ་ཚོགས་པ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་པའོ༑ །ལྷག་པའི་སེམས་ལ་གནས་པ་གང་ཞེ་ན། བྱང་ཆུབ་སེམས་དཔའ་ལྷག་པའི་ཚུལ་ཁྲིམས་ལ་གནས་པ་དེ་ཉིད་ལ་བརྟེན་ནས་གང་ལ་གནས་ན་གོང་དུ་རང་བཞིན་གྱི་བསམ་གཏན་ལ་བརྟེན་ནས། འདོད་པ་རྣམས་ལས་འདོད་ཆགས་དང་བྲལ་བར་འགྱུར་བ་དང༌། བསམ་གཏན་དང་སྙོམས་པར་འཇུག་པ་རྣམས་འཐོབ་པ་དང་བྱམས་པ་དང་སྙིང་རྗེའི་གནས་པ་དང་ལྡན་པས་སེམས་ཅན་རྣམས་ལ་ཅི་ནུས་ཅི་ལྕོགས་ཀྱིས་དེ་བཞིན་ཉིད་དུ་སྒྲུབ་པར་བྱེད་པ་ཡིན་ནོ། །ལྷག་པའི་ཤེས་རབ་ལ་གནས་པ་གང་ཞེ་ན། བྱང་ཆུབ་སེམས་དཔའ་ལྷག་པའི་སེམས་ལ་གནས་པ་དེ་ཉིད་ལ་བརྟེན་ནས། གང་ལ་གནས་ན་གོང་དུ་བྱང་ཆུབ་ཀྱི་ཕྱོགས་དང་མཐུན་པའི་ཆོས་ལ་མཁས་པ་དང༌། བདེན་པ་ལ་མཁས་པ་དང༌། རྟེན་ཅིང་འབྲེལ་པར་འབྱུང་བ་ལ་མཁས་པ་དང༌། ཉན་ཐོས་དང་རང་སངས་རྒྱས་རྣམས་དང་ཐུན་མོང་མ་ཡིན་པའི་ཆོས་རྣམ་པར་གཞག་པའི་ཤེས་པ་ལ་མཁས་པ་དང༌། དེ་དག་ཉིད་དང་ཐུན་མོང་པའི་རྟོགས་པའི་ཤེས་པས་ངེས་པར་འབྱུང་བ་ལ་མཁས་པ་སྟེ་དེ་ལ་ཐུན་མོང་མ་ཡིན་པའི་ཆོས་རྣམ་པར་གཞག་པའི་ཤེས་པ་ནི་འདི་ཡིན་ཏེ། འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཀྱི་དགོངས་པའི་ཚིག་ཤེས་པ་དང༌། རྣམ་པར་མ་བཞག་པའི་བདེན་པ་ཤེས་པ་དང༌། རྣམ་པར་གཞག་པའི་བདེན་པ་ཤེས་པའོ། །དེ་ལ་ཐུན་མོང་བའི་ཤེས་པ་ནི་འདི་ཡིན་ཏེ། འདི་ལྟ་སྟེ། རྟེན་ཅིང་འབྲེལ་བར་འབྱུང་བ་ལས་བརྩམས་ནས། རྟོགས་པའི་ཤེས་པའོ། །གནས་པ་བཞི་པོ་དེ་དག་ལ་བརྟེན་ནས་བྱ་བ་བཞི་སྒྲུབ་པར་བྱེད་དེ་གནས་པ་དང་པོ་ལ་བརྟེན་ནས་ནི་བྱང་ཆུབ་ཀྱི་སྙིང་པོ་ལ་འདུག་གི་བར་དུ་བྱང་ཆུབ་ཀྱི་སེམས་གཏོང་བར་མི་བྱེད་དོ། །གནས་པ་གཉིས་པ་ལ་བརྟེན་ནས་ནི་བྱང་ཆུབ་ཀྱི་སྙིང་པོ་ལ་འདུག་གི་བར་དུ་ཕྱི་མ་ལ་ལུས་འཕེལ་བ་དང༌། ལོངས་སྤྱོད་འཕེལ་བ་དང༌། དགེ་བའི་ཕྱོགས་འཕེལ་བས་རྣམ་པར་འཕེལ་བར་བྱེད་དོ། །གནས་པ་གསུམ་པ་ལ་བརྟེན་ནས་ནི་བསམ་གཏན་རྣམས་རྣམ་པར་བསྒྱུར་ནས་སྨོན་ལམ་གྱིས་སེམས་ཅན་གྱི་དོན་བྱ་བའི་ཕྱིར་འདོད་པའི་ཁམས་སུ་སྐྱེ་ཞིང༌། འདོད་པ་ན་སྤྱོད་པའི་ཉོན་མོངས་པ་རྣམས་ཀྱིས་ཀྱང་ཀུན་ནས་ཉོན་མོངས་པ་མེད་པར་བྱེད་དེ། གནས་པ་བཞི་པ་ལ་བརྟེན་ནས་ནི་ཆོས་རྣམ་པར་གཞག་པ་ཐམས་ཅད་རྟོགས་པ་ལ་མཁས་པས་སེམས་ཅན་གྱི་ཆེད་དུ་འཁོར་བ་ཁས་ལེན་པར་བྱེད་པ་དང༌། དེ་ཁས་བླངས་པའི་རྒྱུས་ཚོགས་ཆེན་པོ་ཡང་དག་པར་བསགས་པ་དང༌། གནས་པ་དེ་ཉིད་ཡོངས་སུ་དག་པའི་རྒྱུས་གནས་པ་གཞན་ལ་མི་ལྟོས་པ་དང༌། གཞན་གྱི་གདམས་ངག་དང་རྗེས་སུ་བསྟན་པ་ལ་མི་བརྟེན་པར་མྱུར་བ་ཁོ་ནར་དེ་བཞིན་གཤེགས་པའི་ཡེ་ཤེས་འཐོབ་པར་བྱེད་དོ། །

byang chub sems dpa'i gnas pa bzhi la brten nas bya ba bzhi sgrub par byed de/ rab tu dga' ba la gnas pa dang/ lhag pa'i tshul khrims la gnas pa dang/ lhag pa'i sems la gnas pa dang/ lhag pa'i shes rab la gnas pa'o/ /rab tu dga' ba la gnas pa gang zhe na/ byang chub sems dpa' gang la gnas na lhag pa'i bsam pa dag pa'i sar chud pas/ byang chub kyi snying po la 'dug gi bar du dkon mchog gsum po dag la gzhan gyi dring mi 'jog pa'i bsam pa dang ldan pa yin no/ /lhag pa'i tshul khrims la gnas pa gang zhe na/ byang chub sems dpa' rab tu dga' ba la gnas pa de nyid la brten nas gang la gnas na gong du rang bzhin gyi tshul khrims can dang/ 'chal ba'i tshul khrims dang/ ser sna'i dri ma dang bral zhing tshul khrims dang/ gtong ba phun sum tshogs pa de dag bla na med pa yang dag par rdzogs pa'i byang chub tu yongs su sngo bar byed pa'o| /lhag pa'i sems la gnas pa gang zhe na/ byang chub sems dpa' lhag pa'i tshul khrims la gnas pa de nyid la brten nas gang la gnas na gong du rang bzhin gyi bsam gtan la brten nas/ 'dod pa rnams las 'dod chags dang bral bar 'gyur ba dang/ bsam gtan dang snyoms par 'jug pa rnams 'thob pa dang byams pa dang snying rje'i gnas pa dang ldan pas sems can rnams la ci nus ci lcogs kyis de bzhin nyid du sgrub par byed pa yin no/ /lhag pa'i shes rab la gnas pa gang zhe na/ byang chub sems dpa' lhag pa'i sems la gnas pa de nyid la brten nas/ gang la gnas na gong du byang chub kyi phyogs dang mthun pa'i chos la mkhas pa dang/ bden pa la mkhas pa dang/ rten cing 'brel par 'byung ba la mkhas pa dang/ nyan thos dang rang sangs rgyas rnams dang thun mong ma yin pa'i chos rnam par gzhag pa'i shes pa la mkhas pa dang/ de dag nyid dang thun mong pa'i rtogs pa'i shes pas nges par 'byung ba la mkhas pa ste de la thun mong ma yin pa'i chos rnam par gzhag pa'i shes pa ni 'di yin te/ 'di lta ste/ byang chub sems dpa'i sde snod kyi dgongs pa'i tshig shes pa dang/ rnam par ma bzhag pa'i bden pa shes pa dang/ rnam par gzhag pa'i bden pa shes pa'o/ /de la thun mong ba'i shes pa ni 'di yin te/ 'di lta ste/ rten cing 'brel bar 'byung ba las brtsams nas/ rtogs pa'i shes pa'o/ /gnas pa bzhi po de dag la brten nas bya ba bzhi sgrub par byed de gnas pa dang po la brten nas ni byang chub kyi snying po la 'dug gi bar du byang chub kyi sems gtong bar mi byed do/ /gnas pa gnyis pa la brten nas ni byang chub kyi snying po la 'dug gi bar du phyi ma la lus 'phel ba dang/ longs spyod 'phel ba dang/ dge ba'i phyogs 'phel bas rnam par 'phel bar byed do/ /gnas pa gsum pa la brten nas ni bsam gtan rnams rnam par bsgyur nas smon lam gyis sems can gyi don bya ba'i phyir 'dod pa'i khams su skye zhing/ 'dod pa na spyod pa'i nyon mongs pa rnams kyis kyang kun nas nyon mongs pa med par byed de/ gnas pa bzhi pa la brten nas ni chos rnam par gzhag pa thams cad rtogs pa la mkhas pas sems can gyi ched du 'khor ba khas len par byed pa dang/ de khas blangs pa'i rgyus tshogs chen po yang dag par bsags pa dang/ gnas pa de nyid yongs su dag pa'i rgyus gnas pa gzhan la mi ltos pa dang/ gzhan gyi gdams ngag dang rjes su bstan pa la mi brten par myur ba kho nar de bzhin gshegs pa'i ye shes 'thob par byed do/ /

【F3 明菩薩苦樂作意與住】

བྱང་ཆུབ་སེམས་དཔའ་རྣམས་སྡུག་བསྔལ་གང་དང་ལྡན་པར་བརྗོད་པར་བྱ་ཞེ་ན། སྨྲས་པ། སེམས་ཅན་ལ་གནོད་པའི་སྡུག་བསྔལ་རྣམས་དང་ངོ༌། །བྱང་ཆུབ་སེམས་དཔའ་རྣམས་བདེ་བ་གང་དང་ལྡན་པར་བརྗོད་པར་བྱ་ཞེ་ན། སྨྲས་པ། སེམས་ཅན་ལ་ཕན་པའི་བདེ་བ་རྣམས་དང་ངོ༌། །བྱང་ཆུབ་སེམས་དཔའ་རྣམས་ཡིད་ལ་བྱེད་པ་གང་དང་ལྡན་པར་བརྗོད་པར་བ་ཞེ་ན། སྨྲས་པ། ཤེས་བྱའི་མཐར་འཇུག་པ་དང༌། སེམས་ཅན་གྱི་དོན་བྱ་བའི་ཡིད་ལ་བྱེད་པ་རྣམས་དང་ངོ༌། །བྱང་ཆུབ་སེམས་དཔའ་རྣམས་གནས་པ་གང་དང་ལྡན་པར་བརྗོད་པར་བྱ་ཞེ་ན༑ སྨྲས་པ། རྣམ་པར་མི་རྟོག་པའི་གནས་པ་རྣམས་དང༌ངོ་།

byang chub sems dpa' rnams sdug bsngal gang dang ldan par brjod par bya zhe na/ smras pa/ sems can la gnod pa'i sdug bsngal rnams dang ngo/ /byang chub sems dpa' rnams bde ba gang dang ldan par brjod par bya zhe na/ smras pa/ sems can la phan pa'i bde ba rnams dang ngo/ /byang chub sems dpa' rnams yid la byed pa gang dang ldan par brjod par ba zhe na/ smras pa/ shes bya'i mthar 'jug pa dang/ sems can gyi don bya ba'i yid la byed pa rnams dang ngo/ /byang chub sems dpa' rnams gnas pa gang dang ldan par brjod par bya zhe na| smras pa/ rnam par mi rtog pa'i gnas pa rnams dangngo /

【F4 明四上品障及除此障法】

བྱང་ཆུབ་སེམས་དཔའ་རྣམས་ཀྱི་སྒྲིབ་པ་ཆེན་པོ་ནི་བཞི་པོ་འདི་དག་ཡིན་ཏེ། དེ་དག་རྣམ་པར་མ་སྦྱངས་ན་བྱང་ཆུབ་སེམས་དཔའ་རྣམས་སར་འཇུག་པ་དང༌། ས་གནོན་པའི་སྐལ་བ་མེད་པ་ཡིན་ནོ། །བཞི་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའི་འདུལ་བ་ལ་ཉོན་མོངས་པ་ཅན་གྱི་ལྟུང་བ་དང༌། ཐེག་པ་ཆེན་པོ་དང་ལྡན་པའི་ཆོས་སྤོང་ཞིང་སྐུར་པ་འདེབས་པ་དང༌། དགེ་བའི་རྩ་བ་མ་བསགས་པ་དང་ཟང་ཟིང་དང་བཅས་པའི་སེམས་དང་ལྡན་པའོ། །སྒྲིབ་པ་ཆེན་པོ་བཞི་པོ་དེ་དག་གི་གཉེན་པོར་སྒྲིབ་པ་རྣམ་པར་སྦྱོང་བར་བྱེད་པའི་ཆོས་རྣམ་པ་བཞིར་རིག་པར་བྱ་སྟེ་བཞི་གང་ཞེ་ན། འདི་ལྟ་སྟེ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཉེས་པ་བཤགས་པར་བྱ་བ་དང༌། ཕྱོགས་བཅུའི་སེམས་ཅན་ཐམས་ཅད་ཀྱི་དོན་དུ་ཆོས་བཤད་པར་བྱ་བའི་ཕྱིར་དེ་བཞིན་གཤེགས་པ་ཐམས་ཅད་གསོལ་བ་གདབ་པར་བྱ་བ་དང༌། ཕྱོགས་བཅུའི་སེམས་ཅན་ཐམས་ཅད་ཀྱི་བསོད་ནམས་ཐམས་ཅད་ལ་རྗེས་སུ་ཡི་རང་བར་བྱ་བ་དང༌། དགེ་བའི་རྩ་བ་བྱས་པ་དང་མ་བྱས་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བའོ། །

byang chub sems dpa' rnams kyi sgrib pa chen po ni bzhi po 'di dag yin te/ de dag rnam par ma sbyangs na byang chub sems dpa' rnams sar 'jug pa dang/ sa gnon pa'i skal ba med pa yin no/ /bzhi gang zhe na/ 'di lta ste/ byang chub sems dpa'i 'dul ba la nyon mongs pa can gyi ltung ba dang/ theg pa chen po dang ldan pa'i chos spong zhing skur pa 'debs pa dang/ dge ba'i rtsa ba ma bsags pa dang zang zing dang bcas pa'i sems dang ldan pa'o/ /sgrib pa chen po bzhi po de dag gi gnyen por sgrib pa rnam par sbyong bar byed pa'i chos rnam pa bzhir rig par bya ste bzhi gang zhe na/ 'di lta ste/ phyogs bcu'i de bzhin gshegs pa thams cad kyi spyan sngar nyes pa bshags par bya ba dang/ phyogs bcu'i sems can thams cad kyi don du chos bshad par bya ba'i phyir de bzhin gshegs pa thams cad gsol ba gdab par bya ba dang/ phyogs bcu'i sems can thams cad kyi bsod nams thams cad la rjes su yi rang bar bya ba dang/ dge ba'i rtsa ba byas pa dang ma byas pa thams cad bla na med pa yang dag par rdzogs pa'i byang chub tu yongs su bsngo ba'o/ /

【F5 明大地菩薩斷除四種微細隨惑】

བྱང་ཆུབ་སེམས་དཔའ་སར་ཆུད་པ་རྣམས་ཀྱིས་ཀྱང་ཡོངས་སུ་ཤེས་པར་དཀའ་ཞིང༌། སྤང་བར་དཀའ་བའི་ཉེ་བའི་ཉོན་མོངས་པ་ཕྲ་མོ་ནི་བཞི་པོ་འདི་དག་ཡིན་ཏེ། བྱང་ཆུབ་སེམས་དཔའ་དེ་དག་ཡོངས་སུ་ཤེས་པར་བྱས་ཤིང༌། ཡོངས་སུ་ཤེས་པར་བྱས་ནས་སྤང་བར་བྱའོ། །བཞི་གང་ཞེ་ན་འདི་ལྟ་སྟེ། ཆོས་ལ་ཟད་པ་དང༌། ཉན་ཐོས་དང་རང་སངས་རྒྱས་དང་ལྡན་པའི་ཡིད་ལ་བྱེད་པ་དང༌། སྙོམས་པར་འཇུག་པའི་རོ་མྱང་བ་དང༌། བདུད་ཀྱི་ལས་སོ། །དེ་ལ་བདུད་ཀྱི་ལས་ནི་མཚན་མ་ལས་སེམས་རྣམ་པར་འཕྲོ་བ་གང་ཅི་ཡང་རུང་བ་ཡིན་པར་རིག་པར་བྱའོ། །

byang chub sems dpa' sar chud pa rnams kyis kyang yongs su shes par dka' zhing/ spang bar dka' ba'i nye ba'i nyon mongs pa phra mo ni bzhi po 'di dag yin te/ byang chub sems dpa' de dag yongs su shes par byas shing/ yongs su shes par byas nas spang bar bya'o/ /bzhi gang zhe na 'di lta ste/ chos la zad pa dang/ nyan thos dang rang sangs rgyas dang ldan pa'i yid la byed pa dang/ snyoms par 'jug pa'i ro myang ba dang/ bdud kyi las so/ /de la bdud kyi las ni mtshan ma las sems rnam par 'phro ba gang ci yang rung ba yin par rig par bya'o/ /

【F6 釋十一地相】

བྱང་ཆུབ་སེམས་དཔའ་ས་དང་པོར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། སོ་སོའི་སྐྱེ་བོའི་ས་ཐམས་ཅད་ལས་རྣམ་པར་འདས་པ་དང༌། བྱང་ཆུབ་སེམས་དཔའི་ཡང་དག་པ་ཉིད་ཀྱི་སྐྱོན་མེད་པ་ལ་ཞུགས་པ་དང༌། དེར་ཞུགས་པའི་ཕྱིར་སོ་སོའི་སྐྱེ་བོ་མ་ཡིན་པ་དང༌། འཇིགས་པ་ཐམས་ཅད་ལས་ཡང་དག་པར་འདས་པ་དང༌། བླ་ན་མེད་པའི་ཆོས་མ་འདྲེས་པ་ཐོབ་པའི་ཕྱིར་རྟག་ཏུ་རབ་ཏུ་དགའ་བར་གནས་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་གཉིས་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། འདུལ་བ་ལ་ཆོས་ཉིད་ཀྱིས་ཐོབ་པ་ཁོ་ནས་ཉན་ཐོས་ཀྱི་བསླབ་པ་བག་ཡངས་སུ་བྱས་ཏེ། རང་བཞིན་གྱིས་ལུས་དང་ངག་དང་ཡིད་ཀྱི་ཀུན་ཏུ་སྤྱོད་པ་ཡོངས་སུ་དག་པའི་ཕྱིར་ཚུལ་ཁྲིམས་འཆལ་པའི་དྲི་མ་དང་བྲལ་བ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་གསུམ་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། ནང་གི་ཞི་གནས་ཀྱི་ལམ་སྟོབས་དང་ལྡན་པ་ཐོབ་པས་ཤེས་བྱ་སྣང་བ་ཐོབ་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་བཞི་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། ནང་གི་ལྷག་མཐོང་གི་ལམ་སྟོབས་དང་ལྡན་པ་ཐོབ་པས་ཉོན་མོངས་པ་སྲོག་པར་བྱེད་པའི་ཡེ་ཤེས་ཀྱི་འོད་འཕྲོ་བ་ལ་རབ་ཏུ་གནས་པའི་ཕྱིར་བྱང་ཆུབ་ཀྱི་ཕྱོགས་དང་མཐུན་པའི་ཆོས་ཇི་ལྟར་རྟོགས་པ་ཉིད་རྣམ་པར་འཇོག་པ་ལ་མཁས་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་ལྔ་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། འཇིག་རྟེན་པའི་ཤེས་པ་ཐམས་ཅད་ལས་ཡང་དག་པར་འདས་པའི་ཕྱིར་དང༌། ཉན་ཐོས་དང་རང་སངས་རྒྱས་ཀྱི་ཤེས་པ་ཐམས་ཅད་ལས་ཡང་དག་པར་འདས་པའི་ཕྱིར་བདེན་པ་བསམ་གྱིས་མི་ཁྱབ་པ་ལ་རྗེས་སུ་ཞུགས་པས་ཤིན་ཏུ་སྦྱང་བར་དཀའ་བའི་ལམ་ལ་ཡང་དག་པར་ཞུགས་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་དྲུག་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། རྟེན་ཅིང་འབྲེལ་པར་འབྱུང་བ་ཟབ་མོའི་ཚུལ་ལ་ཞུགས་པའི་ཕྱིར་འདུ་བྱེད་ཐམས་ཅད་ལ་མི་མཐུན་པའི་འདུ་ཤེས་ལ་གནས་པ་དང༌། མཚན་མ་མེད་པའི་དབྱིངས་ཉིད་ཡིན་ལ་བྱ་བ་མངོན་དུ་བྱ་བ་དེ་ལ་མང་དུ་གནས་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་བདུན་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། མངོན་པར་འདུ་བྱེད་པ་དང་བཅས་པས་རྟག་ཏུ་མཚན་མ་མེད་པའི་དབྱིངས་ཡིད་ལ་བྱེད་པས་ཤིན་ཏུ་རིང་དུ་རྗེས་སུ་ཞུགས་པ་དང༌། སྦྱོར་བའི་ལམ་གྱི་མཐར་ཐུག་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་བརྒྱད་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། མངོན་པར་འདུ་བྱེད་པ་མེད་ཅིང་རྩོལ་བ་མེད་པས་མཚན་མ་མེད་པའི་དབྱིངས་ཡིད་ལ་བྱེད་པ་ཇི་ལྟར་འདོད་པ་བཞིན་ཐོབ་པས་མི་གཡོ་བ་དང༌། མཚན་མ་ཐམས་ཅད་ལ་དབང་ཐོབ་པ་དང༌། དག་པའི་ས་ལ་གནས་པ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་དགུ་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། མིང་གི་ཚོགས་དང༌། ཚིག་གི་ཚོགས་དང༌། ཡི་གེའི་ཚོགས་རྣམས་ལ་དབང་ཐོབ་པའི་ཕྱིར། བློ་གྲོས་ཁ་ན་མ་ཐོ་བ་མེད་པ། ཚད་མེད་པ་རྒྱ་ཆེན་པོས་སེམས་ཅན་ཐམས་ཅད་ཀྱི་སེམས་ཀུན་ཏུ་མགུ་བར་བྱ་བའི་ཕྱིར། སོ་སོ་ཡང་དག་པར་རིག་པ་ཆེན་པོ་ཐོབ་པ་དང༌། ཆོས་སྨྲ་བ་ཆེན་པོ་ཡིན་པར་བརྗོད་པར་བྱའོ། །བྱང་ཆུབ་སེམས་དཔའ་ས་བཅུ་པར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ། སངས་རྒྱས་ཐམས་ཅད་ཀྱི་དབང་བསྐུར་བ་ཆེན་པོ་ཐོབ་པའི་ཕྱིར། སྤྲིན་ཆེན་པོ་ལྟ་བུའི་ཆོས་ཀྱི་སྐུ་ཐོབ་པ་དང༌། མངོན་པར་ཤེས་པ་ཆེན་པོ་ཐོབ་པ་དང༌། དེ་བཞིན་གཤེགས་པ་ཡིན་པར་ཡང་བརྗོད་པར་བྱའོ། །བྱང་ཆུབ་སེམས་དཔའ་དེ་བཞིན་གཤེགས་པའི་སར་ཆུད་པ་ཇི་ལྟ་བུར་གྱུར་པ་ཡིན་པར་བརྗོད་པར་བྱ་ཞེ་ན། སྨྲས་པ༑ ཆོས་ཀྱི་སྐུ་ཐོབ་པ་དེ་ཉིད་ཤིན་ཏུ་རྣམ་པར་དག་པ་ཉིད་ཀྱི་ཕྱིར་དང༌། ཡོངས་སུ་གྲུབ་པ་ཉིད་ཀྱི་ཕྱིར་རྣམ་པ་ཐམས་ཅད་དུ་ཉོན་མོངས་པ་དང༌། ཤེས་བྱའི་སྒྲིབ་པ་རྣམ་པར་དག་པའི་ཡེ་ཤེས་དང༌། མཐོང་བ་རྣམ་པར་དག་པ་ཡིན་པར་བརྗོད་པར་བྱའོ།

byang chub sems dpa' sa dang por chud pa ji lta bur gyur pa yin par brjod par bya zhe na/ smras pa/ so so'i skye bo'i sa thams cad las rnam par 'das pa dang/ byang chub sems dpa'i yang dag pa nyid kyi skyon med pa la zhugs pa dang/ der zhugs pa'i phyir so so'i skye bo ma yin pa dang/ 'jigs pa thams cad las yang dag par 'das pa dang/ bla na med pa'i chos ma 'dres pa thob pa'i phyir rtag tu rab tu dga' bar gnas pa yin par brjod par bya'o/ /byang chub sems dpa' sa gnyis par chud pa ji lta bur gyur pa yin par brjod par bya zhe na/ smras pa/ 'dul ba la chos nyid kyis thob pa kho nas nyan thos kyi bslab pa bag yangs su byas te/ rang bzhin gyis lus dang ngag dang yid kyi kun tu spyod pa yongs su dag pa'i phyir tshul khrims 'chal pa'i dri ma dang bral ba yin par brjod par bya'o/ /byang chub sems dpa' sa gsum par chud pa ji lta bur gyur pa yin par brjod par bya zhe na/ smras pa/ nang gi zhi gnas kyi lam stobs dang ldan pa thob pas shes bya snang ba thob pa yin par brjod par bya'o/ /byang chub sems dpa' sa bzhi par chud pa ji lta bur gyur pa yin par brjod par bya zhe na/ smras pa/ nang gi lhag mthong gi lam stobs dang ldan pa thob pas nyon mongs pa srog par byed pa'i ye shes kyi 'od 'phro ba la rab tu gnas pa'i phyir byang chub kyi phyogs dang mthun pa'i chos ji ltar rtogs pa nyid rnam par 'jog pa la mkhas pa yin par brjod par bya'o/ /byang chub sems dpa' sa lnga par chud pa ji lta bur gyur pa yin par brjod par bya zhe na/ smras pa/ 'jig rten pa'i shes pa thams cad las yang dag par 'das pa'i phyir dang/ nyan thos dang rang sangs rgyas kyi shes pa thams cad las yang dag par 'das pa'i phyir bden pa bsam gyis mi khyab pa la rjes su zhugs pas shin tu sbyang bar dka' ba'i lam la yang dag par zhugs pa yin par brjod par bya'o/ /byang chub sems dpa' sa drug par chud pa ji lta bur gyur pa yin par brjod par bya zhe na/ smras pa/ rten cing 'brel par 'byung ba zab mo'i tshul la zhugs pa'i phyir 'du byed thams cad la mi mthun pa'i 'du shes la gnas pa dang/ mtshan ma med pa'i dbyings nyid yin la bya ba mngon du bya ba de la mang du gnas pa yin par brjod par bya'o/ /byang chub sems dpa' sa bdun par chud pa ji lta bur gyur pa yin par brjod par bya zhe na/ smras pa/ mngon par 'du byed pa dang bcas pas rtag tu mtshan ma med pa'i dbyings yid la byed pas shin tu ring du rjes su zhugs pa dang/ sbyor ba'i lam gyi mthar thug pa yin par brjod par bya'o/ /byang chub sems dpa' sa brgyad par chud pa ji lta bur gyur pa yin par brjod par bya zhe na/ smras pa/ mngon par 'du byed pa med cing rtsol ba med pas mtshan ma med pa'i dbyings yid la byed pa ji ltar 'dod pa bzhin thob pas mi g.yo ba dang/ mtshan ma thams cad la dbang thob pa dang/ dag pa'i sa la gnas pa yin par brjod par bya'o/ /byang chub sems dpa' sa dgu par chud pa ji lta bur gyur pa yin par brjod par bya zhe na/ smras pa/ ming gi tshogs dang/ tshig gi tshogs dang/ yi ge'i tshogs rnams la dbang thob pa'i phyir/ blo gros kha na ma tho ba med pa/ tshad med pa rgya chen pos sems can thams cad kyi sems kun tu mgu bar bya ba'i phyir/ so so yang dag par rig pa chen po thob pa dang/ chos smra ba chen po yin par brjod par bya'o/ /byang chub sems dpa' sa bcu par chud pa ji lta bur gyur pa yin par brjod par bya zhe na/ smras pa/ sangs rgyas thams cad kyi dbang bskur ba chen po thob pa'i phyir/ sprin chen po lta bu'i chos kyi sku thob pa dang/ mngon par shes pa chen po thob pa dang/ de bzhin gshegs pa yin par yang brjod par bya'o/ /byang chub sems dpa' de bzhin gshegs pa'i sar chud pa ji lta bur gyur pa yin par brjod par bya zhe na/ smras pa| chos kyi sku thob pa de nyid shin tu rnam par dag pa nyid kyi phyir dang/ yongs su grub pa nyid kyi phyir rnam pa thams cad du nyon mongs pa dang/ shes bya'i sgrib pa rnam par dag pa'i ye shes dang/ mthong ba rnam par dag pa yin par brjod par bya'o/

【F7 明諸地修得等流成滿】

ས་དེ་དག་གིས་ཡང་དག་པར་རྩོམ་པ་ཇི་ལྟ་བུ་ཡིན་ཞེ་ན། སྨྲས་པ། བྱང་ཆུབ་སེམས་དཔའ་གང་གི་ཚེ་འདི་ལྟ་སྟེ། ས་བཅུ་ལས་བརྩམས་ནས་མོས་པས་སྤྱོད་པའི་ས་ལ་ཆོས་སྤྱོད་པ་བཅུ་ལ་ཞུགས་པ་ཡིན་ནོ། །ས་དེ་དག་གི་འཐོབ་པ་ཇི་ལྟ་ཡིན་ཞེ་ན། སྨྲས་པ། བྱང་ཆུབ་སེམས་དཔའ་གང་གི་ཚེ་བྱང་ཆུབ་སེམས་དཔའི་ཡང་དག་པ་ཉིད་ཀྱི་སྐྱོན་མེད་པ་ལ་འཇུག་ཅིང༌། བསམ་པ་རྣམ་པར་དག་པ་ཡང་འཐོབ་པ་དེའི་ཚེ་ན་ས་ཐམས་ཅད་ཅིག་ཅར་འཐོབ་པ་ཡིན་ནོ། །ས་དེ་དག་གི་རྒྱུ་མཐུན་པ་གང་ཡིན་ཞེ་ན། སྨྲས་པ། ཐོབ་པའི་འོག་ཏུ་ས་ཐམས་ཅད་ལ་མཐུའི་ལམ་སྦྱོར་བ་ལས་བྱུང་བ་གང་ཡིན་པའོ། །ས་དེ་དག་གི་ཡོངས་སུ་འགྲུབ་པ་ཇི་ལྟ་བུ་ཡིན་ཞེ་ན། སྨྲས་པ། བྱང་ཆུབ་སེམས་དཔའ་ས་དེ་དག་གང་གི་ཚེ་ས་རེར་ལ་ཡང་བསྐལ་པ་འབུམ་ཕྲག་དུ་མ་དག་གིས་ས་དེ་དག་ཏུ་མཐུ་གང་བརྗོད་པའི་མཐུ་དེ་ཅི་འདོད་པ་བཞིན་འཐོབ་པ་ཡིན་ནོ། །

sa de dag gis yang dag par rtsom pa ji lta bu yin zhe na/ smras pa/ byang chub sems dpa' gang gi tshe 'di lta ste/ sa bcu las brtsams nas mos pas spyod pa'i sa la chos spyod pa bcu la zhugs pa yin no/ /sa de dag gi 'thob pa ji lta yin zhe na/ smras pa/ byang chub sems dpa' gang gi tshe byang chub sems dpa'i yang dag pa nyid kyi skyon med pa la 'jug cing/ bsam pa rnam par dag pa yang 'thob pa de'i tshe na sa thams cad cig car 'thob pa yin no/ /sa de dag gi rgyu mthun pa gang yin zhe na/ smras pa/ thob pa'i 'og tu sa thams cad la mthu'i lam sbyor ba las byung ba gang yin pa'o/ /sa de dag gi yongs su 'grub pa ji lta bu yin zhe na/ smras pa/ byang chub sems dpa' sa de dag gang gi tshe sa rer la yang bskal pa 'bum phrag du ma dag gis sa de dag tu mthu gang brjod pa'i mthu de ci 'dod pa bzhin 'thob pa yin no/ /

【F8 明聲聞菩薩證法界別】

སྐྱོན་མེད་པ་ལ་ཞུགས་པ་ལྔ་ཞེས་གང་གསུངས་པ་དེ་ལ་ཉན་ཐོས་ཀྱི་སྐྱོན་མེད་པར་ཞུགས་པ་གང་ཡིན་པ་དང༌། བྱང་ཆུབ་སེམས་དཔའི་སྐྱོན་མེད་པར་ཞུགས་པ་གང་ཡིན་པ་དེ་ལ། ཆོས་ཀྱི་དབྱིངས་རྟོགས་པར་འདྲ་ན། དེ་དག་ལ་ཐ་དད་དུ་བྱ་བ་ཅི་ཡོད་པར་བལྟ་བར་བྱ་ཞེ་ན། སྨྲས་པ། ཆོས་ཀྱི་དབྱིངས་ཀྱི་མཚན་ཉིད་ནི་མདོར་བསྡུ་ན་རྣམ་པ་གཉིས་ཏེ། བྱེ་བྲག་གི་མཚན་ཉིད་དང༌། རང་གི་མཚན་ཉིད་དོ། །དེ་ལ་བྱེ་བྲག་གི་མཚན་ཉིད་ནི། དེ་ལ་རྟག་པའི་མཚན་ཉིད་དང༌། ཞི་བའི་མཚན་ཉིད་གང་ཡིན་པའོ། །དེ་ལ་རྟག་པའི་མཚན་ཉིད་ནི་དེ་ལ་གཟོད་མ་ནས་སྐྱེ་བ་མེད་པའི་ཆོས་ཉིད་དང༌། མི་ཟད་པའི་ཆོས་ཉིད་གང་ཡིན་པའོ། །དེ་ལ་ཞི་བའི་མཚན་ཉིད་ནི་ཉོན་མོངས་པ་དང༌། སྡུག་བསྔལ་དང་བྲལ་བའི་ཆོས་ཉིད་གང་ཡིན་པའོ། །དེ་ལ་རང་གི་མཚན་ཉིད་ནི་རྒྱུ་མཚན་དང༌། མིང་དང༌། རྣམ་པར་རྟོག་པ་དང༌། དེ་བཞིན་ཉིད་དང༌། ཡང་དག་པའི་ཤེས་པས་བསྡུས་པའི་ཆོས་ཐམས་ཅད་ལ་ཀུན་བརྟགས་པའི་ངོ་བོ་ཉིད་ཀྱིས་ངོ་བོ་ཉིད་ཡོངས་སུ་མ་གྲུབ་པ་ཆོས་ལ་བདག་མེད་པ་གང་ཡིན་པའོ། །དེ་ལ་ཉན་ཐོས་ནི་བྱེ་བྲག་གི་མཚན་ཉིད་ཀྱིས་ཆོས་ཀྱི་དབྱིངས་རྟོགས་ནས་ཡང་དག་པ་ཉིད་ཀྱི་སྐྱོན་མེད་པ་ལ་འཇུག་པར་བྱེད་ཀྱི། རང་གི་མཚན་ཉིད་ཀྱིས་ནི་མ་ཡིན་ནོ། །དེ་རྟོགས་པའི་ཕྱིར་མི་འཆི་བའི་འདུ་ཤེས་དང་། བདེ་བའི་འདུ་ཤེས་ཀྱིས་ཆོས་ཀྱི་དབྱིངས་ལ་ཞི་བའི་འདུ་ཤེས་དང༌། འདུ་བྱེད་ཐམས་ཅད་ལ་མི་མཐུན་པའི་འདུ་ཤེས་གཅིག་ཏུ་ངེས་པ་འཐོབ་ཀྱི། རྒྱུ་མཚན་ལ་སོགས་པས་བསྡུས་པའི་ཆོས་དེ་དག་གི་ངོ་བོ་ཉིད་ཡོངས་སུ་མ་གྲུབ་པ། ཆོས་ལ་བདག་མེད་པ་གང་ཡིན་པ་དེ་ནི་ཡང་དག་པ་ཇི་ལྟ་བ་བཞིན་དུ་རབ་ཏུ་མི་ཤེས་ཏེ། ཆོས་ཀྱི་དབྱིངས་ལ་ཞུགས་པ་དེ་ནི་ཆོས་ཀྱི་དབྱིངས་ཀྱི་བྱེ་བྲག་ལ་དམིགས་པའི་ཡིད་ལ་བྱེད་པས་སེམས་ཀྱི་སྤྱོད་པ་མཚན་མ་མེད་པ་ཁོ་ན་ཡིན་གྱི། རང་གི་མཚན་ཉིད་ལ་དམིགས་པས་ནི་མ་ཡིན་ནོ། །གཞན་ལས་ཆོས་ཀྱི་དབྱིངས་ཀྱི་རང་གི་མཚན་ཉིད་བསྟན་པ་ཐོས་ན་ཡང་དེ་ལས་ཉན་ཐོས་ལ་ལ་བྱང་ཆུབ་ཏུ་ཡོངས་སུ་འགྱུར་བ་གང་ཡིན་པ་དེ་ནི་ཚེགས་ཆེན་པོས་འཇུག་ཅིང༌། དེས་སྦྱོར་བར་ཡང་བྱེད་དོ། །དེ་ལས་ཞི་པའི་བགྲོད་པ་གཅིག་པ་གང་ཡིན་པ་དེ་ནི་ཚེགས་ཆེན་པོས་འཇུག་ཅིང་དེས་སྦྱོར་བར་ནི་མི་བྱེད་དོ། །བྱང་ཆུབ་སེམས་དཔའ་ནི་མཚན་ཉིད་དེ་གཉི་གས་ཆོས་ཀྱི་དབྱིངས་རྟོགས་ནས་ཡང་དག་པ་ཉིད་སྐྱོན་མེད་པ་ལ་འཇུག་ཅིང་སྐྱོན་མེད་པ་ལ་ཞུགས་ནས་ཀྱང་ཆོས་ཀྱི་དབྱིངས་ཀྱི་རང་གི་མཚན་ཉིད་ལ་དམིགས་པའི་ཡིད་ལ་བྱེད་པས་དེ་ལ་མང་དུ་གནས་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཀྱི་དབྱིངས་ཀྱི་བྱེ་བྲག་གི་མཚན་ཉིད་ལ་དམིགས་པའི་ཡིད་ལ་བྱེད་པ་མང་དུ་བྱེད་ན་མྱུར་དུ་ཡོངས་སུ་མྱ་ངན་ལས་འདའ་བར་འགྱུར་བའི་ཕྱིར་ཏེ། དེ་ལྟ་བས་ན་དེ་ལ་ལན་མང་དུ་གནས་པ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཐབས་མ་ཡིན་ཏེ། ཆོས་ཀྱི་དབྱིངས་རྟོགས་པར་འདྲ་ཡང་དེ་དག་གི་ཐ་དད་དུ་བྱ་བ་ནི་དེ་ཡིན་པར་རིག་པར་བྱའོ། །

skyon med pa la zhugs pa lnga zhes gang gsungs pa de la nyan thos kyi skyon med par zhugs pa gang yin pa dang/ byang chub sems dpa'i skyon med par zhugs pa gang yin pa de la/ chos kyi dbyings rtogs par 'dra na/ de dag la tha dad du bya ba ci yod par blta bar bya zhe na/ smras pa/ chos kyi dbyings kyi mtshan nyid ni mdor bsdu na rnam pa gnyis te/ bye brag gi mtshan nyid dang/ rang gi mtshan nyid do/ /de la bye brag gi mtshan nyid ni/ de la rtag pa'i mtshan nyid dang/ zhi ba'i mtshan nyid gang yin pa'o/ /de la rtag pa'i mtshan nyid ni de la gzod ma nas skye ba med pa'i chos nyid dang/ mi zad pa'i chos nyid gang yin pa'o/ /de la zhi ba'i mtshan nyid ni nyon mongs pa dang/ sdug bsngal dang bral ba'i chos nyid gang yin pa'o/ /de la rang gi mtshan nyid ni rgyu mtshan dang/ ming dang/ rnam par rtog pa dang/ de bzhin nyid dang/ yang dag pa'i shes pas bsdus pa'i chos thams cad la kun brtags pa'i ngo bo nyid kyis ngo bo nyid yongs su ma grub pa chos la bdag med pa gang yin pa'o/ /de la nyan thos ni bye brag gi mtshan nyid kyis chos kyi dbyings rtogs nas yang dag pa nyid kyi skyon med pa la 'jug par byed kyi/ rang gi mtshan nyid kyis ni ma yin no/ /de rtogs pa'i phyir mi 'chi ba'i 'du shes dang / bde ba'i 'du shes kyis chos kyi dbyings la zhi ba'i 'du shes dang/ 'du byed thams cad la mi mthun pa'i 'du shes gcig tu nges pa 'thob kyi/ rgyu mtshan la sogs pas bsdus pa'i chos de dag gi ngo bo nyid yongs su ma grub pa/ chos la bdag med pa gang yin pa de ni yang dag pa ji lta ba bzhin du rab tu mi shes te/ chos kyi dbyings la zhugs pa de ni chos kyi dbyings kyi bye brag la dmigs pa'i yid la byed pas sems kyi spyod pa mtshan ma med pa kho na yin gyi/ rang gi mtshan nyid la dmigs pas ni ma yin no/ /gzhan las chos kyi dbyings kyi rang gi mtshan nyid bstan pa thos na yang de las nyan thos la la byang chub tu yongs su 'gyur ba gang yin pa de ni tshegs chen pos 'jug cing/ des sbyor bar yang byed do/ /de las zhi pa'i bgrod pa gcig pa gang yin pa de ni tshegs chen pos 'jug cing des sbyor bar ni mi byed do/ /byang chub sems dpa' ni mtshan nyid de gnyi gas chos kyi dbyings rtogs nas yang dag pa nyid skyon med pa la 'jug cing skyon med pa la zhugs nas kyang chos kyi dbyings kyi rang gi mtshan nyid la dmigs pa'i yid la byed pas de la mang du gnas pa yin no/ /de ci'i phyir zhe na/ 'di ltar chos kyi dbyings kyi bye brag gi mtshan nyid la dmigs pa'i yid la byed pa mang du byed na myur du yongs su mya ngan las 'da' bar 'gyur ba'i phyir te/ de lta bas na de la lan mang du gnas pa ni bla na med pa yang dag par rdzogs pa'i byang chub kyi thabs ma yin te/ chos kyi dbyings rtogs par 'dra yang de dag gi tha dad du bya ba ni de yin par rig par bya'o/ /

【F9 明三世輪清淨】

དུས་གསུམ་གྱི་དཀྱིལ་འཁོར་ཡོངས་སུ་དག་པ་ཞེས་གང་གསུངས་པ་དེ་ལ་དུས་གསུམ་གྱི་དཀྱིལ་འཁོར་ཡོངས་སུ་དག་པ་གང་ཞེ་ན། སྨྲས་པ། ཀུན་བརྟགས་པའི་ངོ་བོ་ཉིད་ཀྱིས་འདས་པ་དང༌། མ་འོངས་པ་དང༌། ད་ལྟར་བྱུང་བའི་ཆོས་རྣམས་མཚུངས་ཤིང་མཉམ་པར་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་བའི་འདས་པ་དང༌། མ་འོངས་པ་དང༌། ད་ལྟར་བྱུང་བའི་ཆོས་རྣམས་ལ་མི་ལྟ་བ་དང༌། མངོན་པར་དགའ་བ་མེད་པ་དང༌། ལྷག་པར་ཆགས་པ་མེད་པ་གང་ཡིན་པ་དེ་ནི་དུས་གསུམ་གྱི་དཀྱིལ་འཁོར་ཡོངས་སུ་དག་པ་ཞེས་བྱའོ། །

dus gsum gyi dkyil 'khor yongs su dag pa zhes gang gsungs pa de la dus gsum gyi dkyil 'khor yongs su dag pa gang zhe na/ smras pa/ kun brtags pa'i ngo bo nyid kyis 'das pa dang/ ma 'ongs pa dang/ da ltar byung ba'i chos rnams mtshungs shing mnyam par shes rab kyis yang dag pa ji lta ba bzhin du mthong ba'i 'das pa dang/ ma 'ongs pa dang/ da ltar byung ba'i chos rnams la mi lta ba dang/ mngon par dga' ba med pa dang/ lhag par chags pa med pa gang yin pa de ni dus gsum gyi dkyil 'khor yongs su dag pa zhes bya'o/ /

【D3 決擇持究竟瑜伽處】【E1 作二問答】

སངས་རྒྱས་ཀྱི་ཆོས་མ་འདྲེས་པ་བརྒྱ་བཞི་བཅུ་ཞེས་གང་གསུངས་ན། བཅོམ་ལྡན་འདས་ཀྱིས་མདོ་སྡེ་ལས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་བསྟན་པ་གང་དག་ཡིན་པ་དེ་དག་གི་རྣམ་པར་གཞག་པ་ནི་ཇི་ལྟ་བུ་ཡིན། དུ་དག་གིས་ནི་བསྡུས་ཤེ་ན།

sangs rgyas kyi chos ma 'dres pa brgya bzhi bcu zhes gang gsungs na/ bcom ldan 'das kyis mdo sde las sangs rgyas kyi chos ma 'dres pa bco brgyad yongs su bstan pa gang dag yin pa de dag gi rnam par gzhag pa ni ji lta bu yin/ du dag gis ni bsdus she na/

【E2 答】【F1 辨安立以答前問】【G1 釋】

སྨྲས་པ། འདི་ལྟ་སྟེ། དགེ་སློང་དགྲ་བཅོམ་པ། ཟག་པ་ཟད་པ། གྲོང་དུ་བསོད་སྙོམས་ཀྱི་ཕྱིར་རྒྱུ་བ་ན་ལན་འགའ་གླང་པོ་ཆེ་གཏུམ་པོ་དང་ལྷན་ཅིག་འགྲོ་བ་དང༌། གླང་པོ་ཆེ་གཏུམ་པོ་དང་ཇི་ལྟ་བ་བཞིན་དུ་རྟ་རྨུ་རྒོད་དང༌། གནག་རྡུང་ཀུས་དང༌། ཁྱི་ཟ་བ་དང་ལྷན་ཅིག་འགྲོ་བ་དང༌། ཚེར་ཐགས་སྟུག་པོའི་སྟེང་དུ་རྫི་བ་དང༌། རྐང་པ་གཉིས་ཀྱིས་སྤྲུལ་ཤིན་ཏུ་སྒྲ་འབྱིན་པ་རྫི་བ་དང༌། དེ་གང་དུ་བུད་མེད་ཀྱིས་མི་རིགས་པས་སྐྱེད་པས་མགྲོན་དུ་གཉེར་བ་དེ་ལྟ་བུའི་ཁྱིམ་དུ་འཇུག་པ་དང༌། དགོན་པར་ལམ་བོར་ཏེ་ལམ་ངན་པར་འགྲོ་བ་དང༌། ཆོམ་རྐུན་པ་རྣམས་དང༌། མི་རྒོད་པ་རྣམས་དང་ལྷན་ཅིག་འགྲོ་བ་དང༌། སེང་གེ་རྣམས་དང༌། སྟག་རྣམས་དང༌། གཟིག་རྣམས་དང་ལྷན་ཅིག་འགྲོ་བ་དང༌། དེ་ལྟར་དགྲ་བཅོམ་པའི་འཁྲུལ་པ་དེ་ལྟ་བུ་དང་མཐུན་པ་གང་ཡིན་པ་དེ། དེ་བཞིན་གཤེགས་པ་ལ་ཐམས་ཅད་ཀྱི་ཐམས་ཅད་དུ་མེད་པ་དང༌། གཞན་ཡང་དགྲ་བཅོམ་པ་ལན་འགའ་ཡང་དགོན་པ་ནགས་ཁྲོད་ཆེན་པོར་འཁྱམས་ཤིང༌། ལམ་སྟོར་ནས་ཁྱིམ་སྟོང་པར་ཞུགས་ཏེ་དགྲ་འབྱིན་པར་བྱེད། ཀུ་ཅོ་འདོན་པར་བྱེད། ཅ་ཅོ་ཆེན་པོ་འབྱིན་པར་བྱེད་པ་དང༌། བག་ཆགས་ཀྱི་ཉེས་པ་ལ་བརྟེན་ཏེ། ཀུན་ནས་ཉོན་མོངས་པ་ཅན་མ་ཡིན་པའི་རྟ་གད་ཆེན་པོས་དགོད་ཅིང་སོ་སྟོན་པ་དང༌། ཕྱས་ལོང་སྟོན་པར་བྱེད་པ་དང༌། དགྲ་བཅོམ་པའི་ཅ་ཅོ་དེ་ལྟ་བུ་དང་མཐུན་པ་གང་ཡིན་པ་དེ་དེ་བཞིན་གཤེགས་པ་ལ་ཐམས་ཅད་ཀྱི་ཐམས་ཅད་དུ་མེད་པ་དང༌། གཞན་ཡང་དགྲ་བཅོམ་པ་ལ་ལན་འགའ་བརྗེད་ངས་པས་བདག་ཉིད་ཀྱི་བྱ་བ་མ་ཡིན་པ་བྱེད་པ་གང་ཡིན་པ་དེ་དེ་བཞིན་གཤེགས་པ་ལ་མེད་པ་དང༌། གཞན་ཡང་དགྲ་བཅོམ་པ་གཅིག་ཏུ་ཕུང་པོ་ལ་མི་མཐུན་པར་འདུ་ཤེས་ལ། འགོག་པ་མྱ་ངན་ལས་འདས་པ་ལ་ཞི་བར་འདུ་ཤེས་པ་གང་ཡིན་པའི་ཕུང་པོ་དང་མྱ་ངན་ལས་འདས་པ་ལ་ཐ་དད་པར་འདུ་ཤེས་པ་དེས། དེ་བཞིན་གཤེགས་པ་བཏང་སྙོམས་དམ་པ་ལ་ཞུགས་པའི་ཕྱིར་མེད་པ་དང༌། གཞན་ཡང་དགྲ་བཅོམ་པ་ནི་སྙོམས་པར་ཞུགས་ན་མཉམ་པར་གཞག་པ་ཡིན་ལ། ལངས་ན་མཉམ་པར་མ་བཞག་པ་ཡིན་གྱི། དེ་བཞིན་གཤེགས་པ་ལ་ནི་གནས་སྐབས་ཐམས་ཅད་དུ་སེམས་མཉམ་པར་མ་བཞག་པ་མེད་པ་དང༌། གཞན་ཡང་དགྲ་བཅོམ་པ་ནི་སོ་སོར་མ་བརྟགས་པར་སེམས་ཅན་གྱི་དོན་བྱ་བ་བཏང་སྙོམས་སུ་འཇོག་གི། །དེ་བཞིན་གཤེགས་པ་ལ་ནི་དེ་ལྟ་བུ་དང་མཐུན་པའི་སོ་སོར་མ་བརྟགས་པའི་བཏང་སྙོམས་མེད་པ་དང༌། གཞན་ཡང་དགྲ་བཅོམ་པ་ལ་ནི་ཤེས་བྱའི་སྒྲིབ་པ་རྣམ་པར་སྦྱངས་པ་ལས་བརྩམས་ནས༑ མ་ཐོབ་པའི་ཡོངས་སུ་ཉམས་པས་འདུན་པ་ལས་ཀྱང་ཡོངས་སུ་ཉམས་པར་འགྱུར། བརྩོན་འགྲུས་དང༌། དྲན་པ་དང༌། ཏིང་ངེ་འཛིན་དང༌། ཤེས་རབ་དང༌། རྣམ་པར་གྲོལ་བ་དང༌། རྣམ་པར་གྲོལ་བའི་ཡེ་ཤེས་དང་མཐོང་བ་ལས་ཀྱང་ཡོངས་སུ་ཉམས་པར་འགྱུར་བ་ཡོད་ཀྱི། དེ་བཞིན་གཤེགས་པ་ལ་ནི་ཡོངས་སུ་ཉམས་པ་རྣམ་པ་བདུན་པོ་དེ་དག་མེད་པ་དང༌། གཞན་ཡང་དགྲ་བཅོམ་པ་ནི་ལན་འགའ་ནི་ལུས་ཀྱི་ལས་དགེ་བ་ལ་ཡང་འཇུག །ལན་འགའ་ནི་ལུང་དུ་མ་བསྟན་པ་ལ་ཡང་འཇུག་སྟེ། ལུས་ཀྱི་ལས་ཇི་ལྟ་བ་དེ་བཞིན་དུ། ངག་གི་ལས་དང༌། ཡིད་ཀྱི་ལས་ལ་ཡང་དེ་བཞིན་པ་ཡིན་གྱི། དེ་བཞིན་གཤེགས་པའི་ཕྲིན་ལས་དེ་གསུམ་ནི་ཡེ་ཤེས་སྔོན་དུ་འགྲོ་བའི་ཕྱིར་དང༌། ཡེ་ཤེས་ཀྱི་རྗེས་སུ་འབྲང་བའི་ཕྱིར་སྐུ་དང༌། གསུང་དང༌། ཐུགས་ཀྱི་ཕྲིན་ལས་ལུང་དུ་མ་བསྟན་པ་མེད་དེ། དེ་ལ་ཡེ་ཤེས་ཀྱིས་ཀུན་ནས་བསླང་བ་ཉིད་ཡིན་པའི་ཕྱིར་ཡེ་ཤེས་སྔོན་དུ་འགྲོ་བ་ཡིན་ནོ། །ཡེ་ཤེས་དང་ལྷན་ཅིག་རྒྱུ་བ་ཉིད་ཡིན་པའི་ཕྱིར་ཡེ་ཤེས་ཀྱི་རྗེས་སུ་འབྲང་བ་ཡིན་ནོ། །གཞན་ཡང་དགྲ་བཅོམ་པས་ནི་དུས་གསུམ་གྱི་ཤེས་བྱའི་དངོས་པོ་ལ་བརྩལ་བ་ཙམ་གྱིས་མི་རྟོགས་པས། དེའི་ཕྱིར་དེའི་ཡེ་ཤེས་དང་མཐོང་བ་ཆགས་པ་མེད་པ་ཡང་མ་ཡིན་ལ། ཐམས་ཅད་ཀྱང་མི་རྟོགས་པས་དེའི་ཕྱིར་དེའི་ཡེ་ཤེས་དང་མཐོང་བ་ཐོགས་པ་མེད་པ་ཡང་མ་ཡིན་གྱི་དེ་བཞིན་གཤེགས་པས་ནི་དུས་གསུམ་གྱི་ཤེས་བྱའི་དངོས་པོ་ལ་བརྩལ་བ་ཙམ་གྱིས་ཐམས་ཅད་རྟོགས་པས།

smras pa/ 'di lta ste/ dge slong dgra bcom pa/ zag pa zad pa/ grong du bsod snyoms kyi phyir rgyu ba na lan 'ga' glang po che gtum po dang lhan cig 'gro ba dang/ glang po che gtum po dang ji lta ba bzhin du rta rmu rgod dang/ gnag rdung kus dang/ khyi za ba dang lhan cig 'gro ba dang/ tsher thags stug po'i steng du rdzi ba dang/ rkang pa gnyis kyis sprul shin tu sgra 'byin pa rdzi ba dang/ de gang du bud med kyis mi rigs pas skyed pas mgron du gnyer ba de lta bu'i khyim du 'jug pa dang/ dgon par lam bor te lam ngan par 'gro ba dang/ chom rkun pa rnams dang/ mi rgod pa rnams dang lhan cig 'gro ba dang/ seng ge rnams dang/ stag rnams dang/ gzig rnams dang lhan cig 'gro ba dang/ de ltar dgra bcom pa'i 'khrul pa de lta bu dang mthun pa gang yin pa de/ de bzhin gshegs pa la thams cad kyi thams cad du med pa dang/ gzhan yang dgra bcom pa lan 'ga' yang dgon pa nags khrod chen por 'khyams shing/ lam stor nas khyim stong par zhugs te dgra 'byin par byed/ ku co 'don par byed/ ca co chen po 'byin par byed pa dang/ bag chags kyi nyes pa la brten te/ kun nas nyon mongs pa can ma yin pa'i rta gad chen pos dgod cing so ston pa dang/ phyas long ston par byed pa dang/ dgra bcom pa'i ca co de lta bu dang mthun pa gang yin pa de de bzhin gshegs pa la thams cad kyi thams cad du med pa dang/ gzhan yang dgra bcom pa la lan 'ga' brjed ngas pas bdag nyid kyi bya ba ma yin pa byed pa gang yin pa de de bzhin gshegs pa la med pa dang/ gzhan yang dgra bcom pa gcig tu phung po la mi mthun par 'du shes la/ 'gog pa mya ngan las 'das pa la zhi bar 'du shes pa gang yin pa'i phung po dang mya ngan las 'das pa la tha dad par 'du shes pa des/ de bzhin gshegs pa btang snyoms dam pa la zhugs pa'i phyir med pa dang/ gzhan yang dgra bcom pa ni snyoms par zhugs na mnyam par gzhag pa yin la/ langs na mnyam par ma bzhag pa yin gyi/ de bzhin gshegs pa la ni gnas skabs thams cad du sems mnyam par ma bzhag pa med pa dang/ gzhan yang dgra bcom pa ni so sor ma brtags par sems can gyi don bya ba btang snyoms su 'jog gi/ /de bzhin gshegs pa la ni de lta bu dang mthun pa'i so sor ma brtags pa'i btang snyoms med pa dang/ gzhan yang dgra bcom pa la ni shes bya'i sgrib pa rnam par sbyangs pa las brtsams nas| ma thob pa'i yongs su nyams pas 'dun pa las kyang yongs su nyams par 'gyur/ brtson 'grus dang/ dran pa dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes dang mthong ba las kyang yongs su nyams par 'gyur ba yod kyi/ de bzhin gshegs pa la ni yongs su nyams pa rnam pa bdun po de dag med pa dang/ gzhan yang dgra bcom pa ni lan 'ga' ni lus kyi las dge ba la yang 'jug /lan 'ga' ni lung du ma bstan pa la yang 'jug ste/ lus kyi las ji lta ba de bzhin du/ ngag gi las dang/ yid kyi las la yang de bzhin pa yin gyi/ de bzhin gshegs pa'i phrin las de gsum ni ye shes sngon du 'gro ba'i phyir dang/ ye shes kyi rjes su 'brang ba'i phyir sku dang/ gsung dang/ thugs kyi phrin las lung du ma bstan pa med de/ de la ye shes kyis kun nas bslang ba nyid yin pa'i phyir ye shes sngon du 'gro ba yin no/ /ye shes dang lhan cig rgyu ba nyid yin pa'i phyir ye shes kyi rjes su 'brang ba yin no/ /gzhan yang dgra bcom pas ni dus gsum gyi shes bya'i dngos po la brtsal ba tsam gyis mi rtogs pas/ de'i phyir de'i ye shes dang mthong ba chags pa med pa yang ma yin la/ thams cad kyang mi rtogs pas de'i phyir de'i ye shes dang mthong ba thogs pa med pa yang ma yin gyi de bzhin gshegs pas ni dus gsum gyi shes bya'i dngos po la brtsal ba tsam gyis thams cad rtogs pas/

【G2 結】

དེའི་ཕྱིར་དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱའོ།

de'i phyir de dag ni sangs rgyas kyi chos ma 'dres pa bco brgyad ces bya'o/

【F2 辨相攝以答後問】

དེ་ལ་དང་པོ་བཞི་ནི་བསྙེལ་བ་མི་མངའ་བའི་ཆོས་ཉིད་དང༌། བག་ཆགས་ལེགས་པར་བཅོམ་པས་བསྡུས་སོ། །གཅིག་ནི་ཐུགས་རྗེ་ཆེན་པོས་བསྡུས་སོ། །ལྷག་མ་རྣམས་ནི་རྣམ་པ་ཐམས་ཅད་དང་མཆོག་མཁྱེན་པས་བསྡུས་པར་རིག་པར་བྱའོ། །བཅོམ་ལྡན་འདས་ཀྱིས་མདོ་སྡེ་ལས་དཔེ་བྱད་བཟང་པོ་གང་དག་ཡོངས་སུ་བསྟན་པ་དེ་དག་ནི་གདུལ་བྱ་དང་བ་བསྐྱེད་པ་ལས་ལྟོས་ཏེ་ཡོངས་སུ་བསྟན་པ་ཡིན་གྱི། མཚན་ཉིད་རྣམ་པར་གཞག་པ་ནི་མ་ཡིན་ནོ། །མཚན་ཉིད་རྣམ་པར་གཞག་པ་ནི་རབ་ཏུ་གནས་པའི་ལེའུར་ཇི་སྐད་ཡོངས་སུ་བསྟན་པ་ཡིན་ཏེ། དཔེ་བྱད་བཟང་པོ་དེ་དག་ལས་དཔེ་བྱད་བཟང་པོ་དེ་དག་ཕྱུང་བར་རིག་པར་བྱའོ། །

de la dang po bzhi ni bsnyel ba mi mnga' ba'i chos nyid dang/ bag chags legs par bcom pas bsdus so/ /gcig ni thugs rje chen pos bsdus so/ /lhag ma rnams ni rnam pa thams cad dang mchog mkhyen pas bsdus par rig par bya'o/ /bcom ldan 'das kyis mdo sde las dpe byad bzang po gang dag yongs su bstan pa de dag ni gdul bya dang ba bskyed pa las ltos te yongs su bstan pa yin gyi/ mtshan nyid rnam par gzhag pa ni ma yin no/ /mtshan nyid rnam par gzhag pa ni rab tu gnas pa'i le'ur ji skad yongs su bstan pa yin te/ dpe byad bzang po de dag las dpe byad bzang po de dag phyung bar rig par bya'o/ /

【C2 引寶積經釋十六法門】【D1 列十六法門】

གཞན་ཡང་བྱང་ཆུབ་སེམས་དཔའི་ལོག་པར་སྒྲུབ་པ་ཡང་རིག་པར་བྱ། ཡང་དག་པའི་སྒྲུབ་པ་ཡང་རིག་པར་བྱ༑ ཡང་དག་པའི་བསྒྲུབས་པའི་ཕན་ཡོན་ཡང་རིག་པར་བྱ། ཡང་དག་པར་སྒྲུབ་པ་ལ་རྣམ་པར་གནས་པའི་བྱང་ཆུབ་སེམས་དཔའི་ཆོས་སྤྱོད་པ་དང༌། སྙོམས་པར་སྤྱོད་པ་དང་དགེ་བ་སྤྱོད་པ་དང་ཆོས་ལ་གནས་པའི་རྣམ་པ་ཡང་རིག་པར་བྱ། བྱང་ཆུབ་སེམས་དཔའ་ལ་དད་པ་སྐྱེད་པའི་དཔེ་དག་ཀྱང་རིག་པར་བྱ། ཡང་དག་པའི་སྒྲུབ་པ་ལ་རྣམ་པར་གནས་པའི་བྱང་ཆུབ་སེམས་དཔའི་བསླབ་པ་ཡང་རིག་པར་བྱ། ཉན་ཐོས་ཀྱི་བསླབ་པ་དང༌། བྱང་ཆུབ་སེམས་དཔའི་བསླབ་པའི་ཁྱད་པར་ཡང་རིག་པར་བྱ། བྱང་ཆུབ་སེམས་དཔའི་བསླབ་པ་ལ་ལེགས་པར་བསླབ་པའི་བྱང་ཆུབ་སེམས་དཔའི་འཇིག་རྟེན་པ་དང་འཇིག་རྟེན་ལས་འདས་པའི་ཤེས་པ་དག་གིས་གཞན་གྱི་དོན་བྱ་བ་ཡང་རིག་པར་བྱ། བྱང་ཆུབ་སེམས་དཔའི་གདམས་ངག་འདི་ལ་ཉན་ཐོས་ཀྱི་བསླབ་པ་ཡང་རིག་པར་བྱ། ལེགས་པར་མ་བསླབས་པའི་དགེ་སྦྱོང་ཡང་རིག་པར་བྱ། ལེགས་པར་བསླབས་པའི་དགེ་སྦྱོང་ཡང་རིག་པར་བྱ། བརྡར་བཏགས་པའི་སྡོམ་པ་ལ་གནས་པ་ཡང་རིག་པར་བྱ། དོན་དམ་པའི་སྡོམ་པ་ལ་གནས་པ་ཡང་རིག་པར་བྱ། དེ་བཞིན་གཤེགས་པའི་འདུལ་བ་ཡང་རིག་པར་བྱ། དེ་བཞིན་གཤེགས་པའི་འདུལ་བའི་ཐབས་ཀྱང་རིག་པར་བྱ། དགོངས་ཏེ་གསུངས་པ་ཡང་རིག་པར་བྱའོ༑ །བྱང་ཆུབ་སེམས་དཔའི་སྡེ་སྣོད་ཀྱི་གདམས་ངག་ལ་མོས་པའི་ཕན་ཡོན་ཡང་རིག་པར་བྱ་སྟེ། དེ་ནི་བྱང་ཆུབ་སེམས་དཔའི་སྡེ་སྣོད་ཀྱི་གདམས་ངག་མདོར་བསྟན་པ་ཡིན་ནོ། །

gzhan yang byang chub sems dpa'i log par sgrub pa yang rig par bya/ yang dag pa'i sgrub pa yang rig par bya| yang dag pa'i bsgrubs pa'i phan yon yang rig par bya/ yang dag par sgrub pa la rnam par gnas pa'i byang chub sems dpa'i chos spyod pa dang/ snyoms par spyod pa dang dge ba spyod pa dang chos la gnas pa'i rnam pa yang rig par bya/ byang chub sems dpa' la dad pa skyed pa'i dpe dag kyang rig par bya/ yang dag pa'i sgrub pa la rnam par gnas pa'i byang chub sems dpa'i bslab pa yang rig par bya/ nyan thos kyi bslab pa dang/ byang chub sems dpa'i bslab pa'i khyad par yang rig par bya/ byang chub sems dpa'i bslab pa la legs par bslab pa'i byang chub sems dpa'i 'jig rten pa dang 'jig rten las 'das pa'i shes pa dag gis gzhan gyi don bya ba yang rig par bya/ byang chub sems dpa'i gdams ngag 'di la nyan thos kyi bslab pa yang rig par bya/ legs par ma bslabs pa'i dge sbyong yang rig par bya/ legs par bslabs pa'i dge sbyong yang rig par bya/ brdar btags pa'i sdom pa la gnas pa yang rig par bya/ don dam pa'i sdom pa la gnas pa yang rig par bya/ de bzhin gshegs pa'i 'dul ba yang rig par bya/ de bzhin gshegs pa'i 'dul ba'i thabs kyang rig par bya/ dgongs te gsungs pa yang rig par bya'o| /byang chub sems dpa'i sde snod kyi gdams ngag la mos pa'i phan yon yang rig par bya ste/ de ni byang chub sems dpa'i sde snod kyi gdams ngag mdor bstan pa yin no/ /

【D2 依門解釋】【E1 解邪行門】【F1 列八種前能引後】

དེ་ལ་ལོག་པར་སྒྲུབ་པ་གང་ཞེ་ན། དེ་ནི་མདོར་བསྡུ་ན་གོང་ནས་གོང་དུ་མངོན་པར་སྒྲུབ་པ་ལས་རྣམ་པ་བརྒྱད་དུ་རིག་པར་བྱ་སྟེ། ཡེ་ཤེས་ཀྱི་ཚོགས་ཡོངས་སུ་ཉམས་པར་འགྱུར་བའི་ལོག་པར་སྒྲུབ་པ་དང༌། ཡེ་ཤེས་ཀྱི་ཚོགས་ཡོངས་སུ་ཉམས་པའི་དྲན་པ་བརྗེད་པར་འགྱུར་བའི་ལོག་པར་སྒྲུབ་པ་དང༌། དྲན་པ་བརྗོད་པའི་དཀར་པོའི་ཆོས་ཡོངས་སུ་གཏུགས་པར་འགྱུར་བའི་ལོག་པར་སྒྲུབ་པ་དང༌། དཀར་པོའི་ཆོས་ཡོངས་སུ་གཏུགས་པའི་བྱང་ཆུབ་སེམས་དཔའི་ཆ་མ་ཡིན་པ་མི་མཐུན་པར་ཡིད་ཀྱིས་ཀུན་ཏུ་སྤྱོད་པར་འགྱུར་བའི་ལོག་པར་སྒྲུབ་པ་དང༌། མི་མཐུན་པར་ཡིད་ཀྱིས་ཀུན་ཏུ་སྤྱོད་པའི་གདུལ་དཀའ་བར་འགྱུར་བའི་ལོག་པར་སྒྲུབ་པ་དང༌། གདུལ་དཀའ་བའི་ལམ་ངན་པར་འགྲོ་བར་འགྱུར་བའི་ལོག་པར་སྒྲུབ་པ་དང༌། ལམ་ངན་པར་སོང་བའི་དམ་པ་མ་ཡིན་པ་དང་འགྲོགས་པར་འགྱུར་བའི་ལོག་པར་སྒྲུབ་པ་དང༌། དམ་པ་མ་ཡིན་པ་དང་འགྲོགས་པའི་དོན་ཇི་ལྟ་བ་བཞིན་མ་ཡིན་པའི་བྱང་ཆུབ་སེམས་དཔའ་ཉིད་དུ་འགྱུར་བའི་ལོག་པར་སྒྲུབ་པ་སྟེ།

de la log par sgrub pa gang zhe na/ de ni mdor bsdu na gong nas gong du mngon par sgrub pa las rnam pa brgyad du rig par bya ste/ ye shes kyi tshogs yongs su nyams par 'gyur ba'i log par sgrub pa dang/ ye shes kyi tshogs yongs su nyams pa'i dran pa brjed par 'gyur ba'i log par sgrub pa dang/ dran pa brjod pa'i dkar po'i chos yongs su gtugs par 'gyur ba'i log par sgrub pa dang/ dkar po'i chos yongs su gtugs pa'i byang chub sems dpa'i cha ma yin pa mi mthun par yid kyis kun tu spyod par 'gyur ba'i log par sgrub pa dang/ mi mthun par yid kyis kun tu spyod pa'i gdul dka' bar 'gyur ba'i log par sgrub pa dang/ gdul dka' ba'i lam ngan par 'gro bar 'gyur ba'i log par sgrub pa dang/ lam ngan par song ba'i dam pa ma yin pa dang 'grogs par 'gyur ba'i log par sgrub pa dang/ dam pa ma yin pa dang 'grogs pa'i don ji lta ba bzhin ma yin pa'i byang chub sems dpa' nyid du 'gyur ba'i log par sgrub pa ste/

【F2 別解八種即為八段】【G1 解退智資糧】【H1 總】

བྱང་ཆུབ་ནི་ཤེས་རབ་ཀྱི་རང་བཞིན་ཡིན་ལ། ཤེས་རབ་ཀྱིས་ནི་དེ་ལས་གཞན་པའི་ཕ་རོལ་ཏུ་ཕྱིན་པ་རྣམས་སྒྲུབ་སྟེ། དེའི་ཕྱིར་བྱང་ཆུབ་སེམས་དཔའ་ཤེས་རབ་ལ་ལོག་པར་སྒྲུབ་པར་བྱེད་ན། བྱང་ཆུབ་དང་བྱང་ཆུབ་འདྲེན་པར་བྱེད་པའི་ཆོས་རྣམས་ལ་ལོག་པར་ཞུགས་པ་ཡིན་ནོ། །

byang chub ni shes rab kyi rang bzhin yin la/ shes rab kyis ni de las gzhan pa'i pha rol tu phyin pa rnams sgrub ste/ de'i phyir byang chub sems dpa' shes rab la log par sgrub par byed na/ byang chub dang byang chub 'dren par byed pa'i chos rnams la log par zhugs pa yin no/ /

【H2 別】【I1 明四種退法】

བྱང་ཆུབ་སེམས་དཔའི་ཡེ་ཤེས་ཀྱི་ཚོགས་ཡོངས་སུ་ཉམས་པར་འགྱུར་བའི་ཆོས་ནི་བཞི་སྟེ༑ བཞི་གང་ཞེ་ན། མི་ཉན་པ་དང༌། ཉན་དུ་མི་འཇུག་པ་དང༌། ཉན་པའི་སྒྲིབ་པ་དང༌། ལོག་པར་མངོན་པར་ཞེན་པ་ཉན་དུ་འཇུག་པའོ། །

byang chub sems dpa'i ye shes kyi tshogs yongs su nyams par 'gyur ba'i chos ni bzhi ste| bzhi gang zhe na/ mi nyan pa dang/ nyan du mi 'jug pa dang/ nyan pa'i sgrib pa dang/ log par mngon par zhen pa nyan du 'jug pa'o/ /

【I2 因退法復生四種智相違法】【J1 總舉徵】

ཡེ་ཤེས་ཀྱི་ཚོགས་ཡོངས་སུ་ཉམས་པར་འགྱུར་བའི་ཆོས་བཞི་པོ་དེ་དག་ལ་བརྟེན་ནས། ཚེ་འདི་དང་ཚེ་ཕྱི་མ་ལ་ཡེ་ཤེས་དང༌། མི་མཐུན་པའི་ཆོས་གཞན་བཞི་སྐྱེ་སྟེ།

ye shes kyi tshogs yongs su nyams par 'gyur ba'i chos bzhi po de dag la brten nas/ tshe 'di dang tshe phyi ma la ye shes dang/ mi mthun pa'i chos gzhan bzhi skye ste/

【J2 屬當前四法】

བཞི་གང་ཞེ་ན། བྱེ་བྲག་ཏུ་མི་རྟོག་པ་དང༌། རྐྱེན་མེད་པ་དང༌། གཏི་མུག་ཏུ་འགྱུར་བའི་བསོད་ནམས་མ་ཡིན་པ་སྐྱེ་བ་དང༌། ཕྱིན་ཅི་ལོག་གོ། །དེ་ལ་མི་ཉན་པ་ལ་བརྟེན་ནས་ནི་ཚེ་འདི་ལ་བྱེ་གྲུབ་ཏུ་མི་རྟོག་པ་སྐྱེའོ། །ཉན་དུ་མི་འཇུག་པ་ལ་བརྟེན་ནས་ནི་ཚེ་ཕྱི་མ་ལ་རྐྱེན་མེད་པ་སྐྱེའོ། །ཉན་པའི་སྒྲིབ་པ་ལ་བརྟེན་ནས་ནི་ཚེ་ཕྱི་མ་ལ་གཏི་མུག་ཏུ་འགྱུར་བའི་བསོད་ནམས་མ་ཡིན་པ་སྐྱེའོ། །ལོག་པར་མངོན་པར་ཞེན་པ་ཉན་དུ་འཇུག་པ་ལ་བརྟེན་ནས་ནི་ཚེ་ཕྱི་མ་ལ་ཕྱིན་ཅི་ལོག་སྐྱེའོ། །

bzhi gang zhe na/ bye brag tu mi rtog pa dang/ rkyen med pa dang/ gti mug tu 'gyur ba'i bsod nams ma yin pa skye ba dang/ phyin ci log go/ /de la mi nyan pa la brten nas ni tshe 'di la bye grub tu mi rtog pa skye'o/ /nyan du mi 'jug pa la brten nas ni tshe phyi ma la rkyen med pa skye'o/ /nyan pa'i sgrib pa la brten nas ni tshe phyi ma la gti mug tu 'gyur ba'i bsod nams ma yin pa skye'o/ /log par mngon par zhen pa nyan du 'jug pa la brten nas ni tshe phyi ma la phyin ci log skye'o/ /

【I3 出四種退法體相】【J1 別釋四法體相】

དེ་ལ་མི་ཉན་པ་ནི་ཆོས་ལ་ཞེ་འགྲས་པ་དང༌། གང་ཟག་ལ་ཞེ་འགྲས་པ་དང༌། དེ་གཉི་ག་ལ་ཞེ་འགྲས་པས་ཀྱང་མི་ཉན་ཏོ། །ཉན་དུ་མི་འཇུག་པ་ནི་གཞན་པས་ཤེས་པ་ཧ་ཅང་ལྷག་པར་རློམ་པ་དང༌། གཞན་གྱི་བརྙས་ཀྱིས་འཇིགས་པས་ཀྱང་ཉན་དུ་མི་འཇུག་གོ། །ཉན་པའི་སྒྲིབ་པ་ནི་ཆོས་དང་གང་ཟག་ལ་མི་བསྔགས་པ་བརྗོད་པ་དང༌། འགྱོད་པ་དང༌། རྣམ་པར་གཡེང་བ་ཉེ་བར་སྒྲུབ་པ་དང༌། མི་སྨྲ་བ་དང༌། གསོལ་བ་མི་འདེབས་པ་དང༌། སྐབས་མི་འབྱེད་པ་དང༌། ཉན་པ་ལ་མི་བསྔགས་པ་བརྗོད་པ་ལས་ཀྱང་འགྱུར་རོ། །ལོག་པར་མངོན་པར་ཞེན་པ་ཉན་དུ་མི་འཇུག་པ་ནི་རང་གིས་ཉེས་པར་རྟོགས་པ་དང༌། བསྒོམས་པ་དང༌། བཤད་པ་ལ་ལེགས་པར་རྟོགས་པ་དང༌། བསྒོམས་པ་དང༌། བཤད་པ་དང་མངོན་པར་ཞེན་པ་དང༌། གཞན་དག་གིས་ལེགས་པར་རྟོགས་པ་དང༌། བསྒོམས་པ་དང༌། བཤད་པ་ལ་ཉེ་བར་རྟོགས་པ་དང༌། བསྒོམས་པ་དང༌། བཤད་པར་མངོན་པར་ཞེན་པ་ལས་ཀྱང་འགྱུར་རོ། །

de la mi nyan pa ni chos la zhe 'gras pa dang/ gang zag la zhe 'gras pa dang/ de gnyi ga la zhe 'gras pas kyang mi nyan to/ /nyan du mi 'jug pa ni gzhan pas shes pa ha cang lhag par rlom pa dang/ gzhan gyi brnyas kyis 'jigs pas kyang nyan du mi 'jug go/ /nyan pa'i sgrib pa ni chos dang gang zag la mi bsngags pa brjod pa dang/ 'gyod pa dang/ rnam par g.yeng ba nye bar sgrub pa dang/ mi smra ba dang/ gsol ba mi 'debs pa dang/ skabs mi 'byed pa dang/ nyan pa la mi bsngags pa brjod pa las kyang 'gyur ro/ /log par mngon par zhen pa nyan du mi 'jug pa ni rang gis nyes par rtogs pa dang/ bsgoms pa dang/ bshad pa la legs par rtogs pa dang/ bsgoms pa dang/ bshad pa dang mngon par zhen pa dang/ gzhan dag gis legs par rtogs pa dang/ bsgoms pa dang/ bshad pa la nye bar rtogs pa dang/ bsgoms pa dang/ bshad par mngon par zhen pa las kyang 'gyur ro/ /

【J2 屬當三慧以辨退失】

དེ་ལ་མི་ཉན་པ་གང་ཡིན་པ་དང༌། ཉན་དུ་མི་འཇུག་པ་གང་ཡིན་པ་དང༌། ཉན་པའི་སྒྲིབ་པ་གང་ཡིན་པའི་ཆོས་དེ་གསུམ་ནི་ཤས་ཆེར་ཐོས་པ་ལས་བྱུང་བའི་ཡེ་ཤེས་ཀྱི་ཆོགས་ཡོངས་སུ་ཉམས་པར་འགྱུར་བ་ཡིན་ནོ། །ལོག་པར་མངོན་པར་ཞེན་པ་ཉན་དུ་འཇུག་པ་གང་ཡིན་པའི་ཆོས་དེ་ནི་ཤས་ཆེར་བསམས་པ་ལས་བྱུང་བ་དང༌། བསྒོམས་པ་ལས་བྱུང་བའི་ཡེ་ཤེས་ཀྱི་ཚོགས་ཡོངས་སུ་ཉམས་པར་འགྱུར་བ་ཡིན་ནོ། །

de la mi nyan pa gang yin pa dang/ nyan du mi 'jug pa gang yin pa dang/ nyan pa'i sgrib pa gang yin pa'i chos de gsum ni shas cher thos pa las byung ba'i ye shes kyi chogs yongs su nyams par 'gyur ba yin no/ /log par mngon par zhen pa nyan du 'jug pa gang yin pa'i chos de ni shas cher bsams pa las byung ba dang/ bsgoms pa las byung ba'i ye shes kyi tshogs yongs su nyams par 'gyur ba yin no/ /

【G2 解忘失正念】

བྱང་ཆུབ་སེམས་དཔའི་དྲན་པ་བརྗེད་པར་འགྱུར་བའི་ཆོས་ཀྱང་བཞི་སྟེ། བཞི་གང་ཞེ་ན། གང་ཟག་བཞི་ལ་གནས་བཞིས་རྣམ་པར་རྨོངས་པར་བྱེད་པ་སྟེ། གླེང་བ་པོ་རྣམས་དང༌། ལུང་འབོགས་པ་རྣམས་དང༌། ཕན་པར་འདོད་པ་རྣམས་དང༌། ཡོན་ཏན་དང་ལྡན་པ་རྣམས་ལ་བདག་ཉིད་ཀྱི་འགལ་བར་རྣམ་པར་རྨོངས་པར་བྱེད་པ་དང༌། ཚངས་པ་མཚུངས་པར་སྤྱོད་པ་བསླབ་པ་ལ་ལེགས་པར་གནས་པ་རྣམས་ལ་བསླབ་པ་ལ་བཞིས་རྣམ་པར་རྨོངས་པར་བྱེད་པ་དང༌། ཐེག་པ་ཆེན་པོ་ལ་མོས་པར་འདོད་པ་དང༌། སྒྲུབ་པར་འདོད་པ་རྣམས་དང་། མ་བརྗོད་པ་དང༌། བརྗོད་པ་དང༌། རྣམ་པར་བྱང་བའི་སྐྱོན་ཡོངས་སུ་སྟོན་པས་དེ་ལ་མོས་པ་དང༌། སྒྲུབ་པ་རྣམ་པར་རྨོངས་པར་བྱེད་པ་དང༌། ཆོས་སྨྲ་བའི་གང་ཟག་རྣམས་ལ་གསང་བའི་གནས་རྣམ་པར་དབྱེ་བའི་ཕྱིར་རྣམ་པར་རྨོངས་པར་བྱེད་པའོ། །

byang chub sems dpa'i dran pa brjed par 'gyur ba'i chos kyang bzhi ste/ bzhi gang zhe na/ gang zag bzhi la gnas bzhis rnam par rmongs par byed pa ste/ gleng ba po rnams dang/ lung 'bogs pa rnams dang/ phan par 'dod pa rnams dang/ yon tan dang ldan pa rnams la bdag nyid kyi 'gal bar rnam par rmongs par byed pa dang/ tshangs pa mtshungs par spyod pa bslab pa la legs par gnas pa rnams la bslab pa la bzhis rnam par rmongs par byed pa dang/ theg pa chen po la mos par 'dod pa dang/ sgrub par 'dod pa rnams dang / ma brjod pa dang/ brjod pa dang/ rnam par byang ba'i skyon yongs su ston pas de la mos pa dang/ sgrub pa rnam par rmongs par byed pa dang/ chos smra ba'i gang zag rnams la gsang ba'i gnas rnam par dbye ba'i phyir rnam par rmongs par byed pa'o/ /

【G3 解壞白法】

བྱང་ཆུབ་སེམས་དཔའི་དཀར་པོའི་ཆོས་ཡོངས་སུ་གཏུགས་པར་འགྱུར་བའི་ཆོས་ཀྱང་བཞི་སྟེ། གཞན་ལ་སྟོན་པའི་དབང་དུ་བྱས་ནས། དཀར་པོའི་ཆོས་རྣམས་ཀྱི་གནས་མ་ཡིན་པ་ལ་སྦྱོར་བ་དང༌། དཀར་པོའི་ཆོས་རྣམས་ཀྱི་གནས་མ་ཡིན་པ་ལ་སྦྱོར་བ་ལ་ལོག་པར་སྒྲུབ་པའི་ཉེས་པ་རྣམ་པ་གསུམ་སྟེ། ཟང་ཟིང་གི་ཉེས་པ་དང༌། ལྟ་བའི་ཉེས་པ་དང༌། སྟོན་པའི་ཉེས་པའོ། །དེ་ལ་ཟང་ཟིང་གི་ཉེས་པ་ནི་རྒྱུ་གཉིས་ཀྱིས་རིག་པར་བྱ་སྟེ། ལོག་པའི་ལོངས་སྤྱོད་དང༌། འདུ་འཛི་མང་བས་སོ། །ལྟ་བའི་ཉེས་པ་ཡང་རྒྱུ་གཉིས་ཀྱིས་རིག་པར་བྱ་སྟེ། དམ་པའི་ཆོས་དང་གང་ཟག་སྤོང་བ་དང༌། དམ་པ་མ་ཡིན་པའི་ཆོས་དམ་པའི་ཆོས་སུ་སྟོན་པ་ལ་མངོན་པར་ཞེན་པས་སོ། །སྟོན་པའི་ཉེས་པ་ཡང་རྒྱུ་གཉིས་ཀྱིས་རིག་པར་བྱ་སྟེ། དྲང་བའི་དོན་གྱི་མདོ་སྡེ་ཆུང་དུ་འབའ་ཞིག་སྟོན་པ་དང༌། ངེས་པའི་དོན་གྱི་མདོ་སྡེ་རྣ་ལམ་དུ་མ་གྲགས་ཤིང་མ་བཟུང་བ་རྣམས་སྤོང་བས་སོ། །

byang chub sems dpa'i dkar po'i chos yongs su gtugs par 'gyur ba'i chos kyang bzhi ste/ gzhan la ston pa'i dbang du byas nas/ dkar po'i chos rnams kyi gnas ma yin pa la sbyor ba dang/ dkar po'i chos rnams kyi gnas ma yin pa la sbyor ba la log par sgrub pa'i nyes pa rnam pa gsum ste/ zang zing gi nyes pa dang/ lta ba'i nyes pa dang/ ston pa'i nyes pa'o/ /de la zang zing gi nyes pa ni rgyu gnyis kyis rig par bya ste/ log pa'i longs spyod dang/ 'du 'dzi mang bas so/ /lta ba'i nyes pa yang rgyu gnyis kyis rig par bya ste/ dam pa'i chos dang gang zag spong ba dang/ dam pa ma yin pa'i chos dam pa'i chos su ston pa la mngon par zhen pas so/ /ston pa'i nyes pa yang rgyu gnyis kyis rig par bya ste/ drang ba'i don gyi mdo sde chung du 'ba' zhig ston pa dang/ nges pa'i don gyi mdo sde rna lam du ma grags shing ma bzung ba rnams spong bas so/ /

【G4 解惡意】

བྱང་ཆུབ་སེམས་དཔའ་བྱང་ཆུབ་སེམས་དཔའི་ཆ་མ་ཡིན་པ་མི་མཐུན་པར་ཡིད་ཀྱིས་ཀུན་ཏུ་སྤྱོད་པ་ཡང་བཞི་པོ་འདི་དག་ཡིན་ཏེ། སྟོན་པ་ལ་ཡིད་མི་ཆེས་པར་གྱུར་ཅིང༌། བསླབ་པ་ལ་གུས་པ་དང་མི་མཐུན་པ་དང༌། ཚངས་པ་མཚུངས་པར་སྤྱོད་པ་གྲོགས་རྣམས་དང༌། གླེང་བ་པོ་རྣམས་དང༌། རྗེས་སུ་སྟོན་པ་རྣམས་ལ་བདག་ཉིད་ཇི་ལྟར་གྱུར་པ་བརྗོད་པ་དང༌། མི་མཐུན་པ་དང༌། ཤེས་པ་བསོད་ནམས་ཆེན་པོ་རྣམས་ལ་དགེ་བའི་བརྩོན་འགྲུས་རྩོམ་པ་དང་མི་མཐུན་པ་དང་ཟབ་ཅིང་རྒྱ་ཆེ་བ་ལ་མོས་པ་རྣམས་དང༌། བདག་ཉིད་ཀྱི་སྒྲིབ་པ་རྣམ་པར་དག་པ་དང་མི་མཐུན་པའོ། །དེ་ལ་སྟོན་པ་ལ་ཡིད་མི་ཆེས་པ་ནི་རྣམ་པ་གསུམ་གྱིས་རིག་པར་བྱ་སྟེ། ཡོད་པ་ཉིད་དང༌། བདག་ཉིད་ཆེ་བ་དང༌། ཡེ་ཤེས་བརྙེས་པ་དག་ལ་ཡིད་མི་ཆེས་པའོ། །བདག་ཉིད་ཇི་ལྟར་གྱུར་པ་མི་བརྗོད་པ་ཡང་རྣམ་པ་གསུམ་གྱིས་རིག་པར་བྱ་སྟེ། བདག་ཉིད་ལ་ཆེ་བའི་བདག་ཉིད་ཡོད་དོ་སྙམ་དུ་ལོག་པར་ཁེངས་ཤིང༌། དེས་སེམས་ཡོངས་སུ་གཏུགས་པས་སེམས་ཅན་གྲོགས་པོ་རྣམས་ལ་དེ་ཡོངས་སུ་སྟོན་པ་དང༌། སེམས་ཅན་གླེང་བ་པོ་རྣམས་ལ་ལྟུང་བ་འཆབ་པ་དང༌། སེམས་ཅན་རྗེས་སུ་སྟོན་པ་རྣམས་ལ་སྨད་པའི་དབང་དུ་བྱས་ནས་རྙོག་པ་ཅན་གྱིས་དེ་ལ་ཐོ་འཚམས་པས་མངོན་པར་འདུ་བྱེད་པས་སོ། །དགེ་བ་ལ་བརྩོན་འགྲུས་མི་རྩོམ་པ་ནི་རྣམ་པ་གཉིས་ཀྱིས་རིག་པར་བྱ་སྟེ༑ སེམས་ཅན་ཤེས་པ་བསོད་ནམས་ཆེན་པོ་རྣམས་ཀྱི་རྙེད་པ་དང༌། བཀུར་སྟི་ལ་དགའ་བར་མི་བྱེད་པ་དང་དེ་ལ་མངོན་པར་དགའ་བས་སོ། །

byang chub sems dpa' byang chub sems dpa'i cha ma yin pa mi mthun par yid kyis kun tu spyod pa yang bzhi po 'di dag yin te/ ston pa la yid mi ches par gyur cing/ bslab pa la gus pa dang mi mthun pa dang/ tshangs pa mtshungs par spyod pa grogs rnams dang/ gleng ba po rnams dang/ rjes su ston pa rnams la bdag nyid ji ltar gyur pa brjod pa dang/ mi mthun pa dang/ shes pa bsod nams chen po rnams la dge ba'i brtson 'grus rtsom pa dang mi mthun pa dang zab cing rgya che ba la mos pa rnams dang/ bdag nyid kyi sgrib pa rnam par dag pa dang mi mthun pa'o/ /de la ston pa la yid mi ches pa ni rnam pa gsum gyis rig par bya ste/ yod pa nyid dang/ bdag nyid che ba dang/ ye shes brnyes pa dag la yid mi ches pa'o/ /bdag nyid ji ltar gyur pa mi brjod pa yang rnam pa gsum gyis rig par bya ste/ bdag nyid la che ba'i bdag nyid yod do snyam du log par khengs shing/ des sems yongs su gtugs pas sems can grogs po rnams la de yongs su ston pa dang/ sems can gleng ba po rnams la ltung ba 'chab pa dang/ sems can rjes su ston pa rnams la smad pa'i dbang du byas nas rnyog pa can gyis de la tho 'tshams pas mngon par 'du byed pas so/ /dge ba la brtson 'grus mi rtsom pa ni rnam pa gnyis kyis rig par bya ste| sems can shes pa bsod nams chen po rnams kyi rnyed pa dang/ bkur sti la dga' bar mi byed pa dang de la mngon par dga' bas so/ /

【G5 能令菩薩難可調伏的邪行】

བྱང་ཆུབ་སེམས་དཔའི་གདུལ་དཀའ་བར་འགྱུར་བའི་ཆོས་ཀྱང་བཞི་སྟེ། འདི་ལྟ་སྟེ་བསྒོམ་པའི་སྒྲིབ་པ་བཞི་པོ་དག་སྟེ། ཐོས་པ་ལྷུར་ལེན་པ་དང༌། གདམས་ངག་ལ་ལོག་པར་འཛིན་པ་དང༌། ཚུལ་ཁྲིམས་དག་ལ་གནས་པར་མི་བྱེད་པས་འགྱོད་པ་དང༌། རང་གི་ལྟ་བ་མཆོག་ཏུ་འཛིན་ཅིང་གནས་པའོ། །དེ་ལ་ཐོས་པ་ལ་སེམས་ཉེ་བར་མ་ཞི་བས་ཐོས་པ་ལྷུར་ལེན་པ་ཡིན་ནོ། །རྗེས་སུ་བསྟན་པ་ལ་ལོག་པར་རྣམ་པར་རྟོག་པས་གདམས་ངག་ལ་ལོག་པར་འཛིན་པ་ཡིན་ནོ། །ཚུལ་ཁྲིམས་དག་ལ་སྐྱོན་ཡོད་ལ་དད་པས་བྱིན་པ་ཡོངས་སུ་ལོངས་སྤྱོད་པས་འགྱོད་པ་ཡིན་ནོ། །སེམས་ཅན་དབང་པོ་དུལ་བས་ཁྱད་པར་དུ་འཕགས་པ་རྣམས་དང༌། སྤོང་བས་ཁྱད་པར་དུ་འཕགས་པ་ཁྱད་པར་ཅན་རྣམས་ལ་འགྲོན་པར་བྱེད་པས་རང་གི་ལྟ་བ་མཆོག་ཏུ་འཛིན་ཅིང་གནས་པ་ཡིན་ནོ། །

byang chub sems dpa'i gdul dka' bar 'gyur ba'i chos kyang bzhi ste/ 'di lta ste bsgom pa'i sgrib pa bzhi po dag ste/ thos pa lhur len pa dang/ gdams ngag la log par 'dzin pa dang/ tshul khrims dag la gnas par mi byed pas 'gyod pa dang/ rang gi lta ba mchog tu 'dzin cing gnas pa'o/ /de la thos pa la sems nye bar ma zhi bas thos pa lhur len pa yin no/ /rjes su bstan pa la log par rnam par rtog pas gdams ngag la log par 'dzin pa yin no/ /tshul khrims dag la skyon yod la dad pas byin pa yongs su longs spyod pas 'gyod pa yin no/ /sems can dbang po dul bas khyad par du 'phags pa rnams dang/ spong bas khyad par du 'phags pa khyad par can rnams la 'gron par byed pas rang gi lta ba mchog tu 'dzin cing gnas pa yin no/ /

【G6 行於非道的邪行】

བྱང་ཆུབ་སེམས་དཔའི་སེམས་ཅན་རྣམས་ལ་ལམ་ངན་པར་འགྲོ་བ་ཡང་བཞི་པོ་འདི་དག་ཡིན་ཏེ། སེམས་ཅན་དད་པས་ཞུགས་པ་མ་ཡིན་པ་རྣམས་ལ་སྟོན་པ་དང༌། སེམས་ཅན་ཐེག་པ་དམན་པ་ཐེག་པ་ཆེན་པོ་འདོད་པ་རྣམས་ལ་མི་འཚམ་པ་སྟོན་པ་དང༌། སེམས་ཅན་ཐེག་པ་ཆེན་པོ་ཐེག་པ་དམན་པ་འདོད་པ་རྣམས་ལ་མི་མཐུན་པ་སྟོན་པ་དང༌། སེམས་ཅན་ཚུལ་ཁྲིམས་ལ་གནས་པ་དང་ཚུལ་ཁྲིམས་ལ་མི་གནས་པ་རྣམས་ལ་ཕྱོགས་ཀྱི་འདོད་ཆགས་ཀྱིས་མི་འདྲ་བར་སྟོན་པའོ། །དེ་ལ་ཚུལ་ཁྲིམས་ལ་གནས་པ་ནི་རྣམ་པ་གསུམ་གྱིས་རིག་པར་བྱ་སྟེ། ལམ་གྱི་མཐའ་ལ་ཉེས་པ་མེད་པ་དང༌། ཚུལ་ཁྲིམས་ལ་སྐྱོན་མེད་པ་དང༌། བསླབ་པ་ལ་གུས་པས་སོ། །ཚུལ་ཁྲིམས་ལ་མི་གནས་པ་ནི་རྣམ་པ་གཉིས་ཀྱིས་རིག་པར་བྱ་སྟེ། ཚུལ་ཁྲིམས་ལ་སྐྱོན་བྱུང་བ་དང༌། བསླབ་པ་ལ་མི་གུས་པས་སོ། །

byang chub sems dpa'i sems can rnams la lam ngan par 'gro ba yang bzhi po 'di dag yin te/ sems can dad pas zhugs pa ma yin pa rnams la ston pa dang/ sems can theg pa dman pa theg pa chen po 'dod pa rnams la mi 'tsham pa ston pa dang/ sems can theg pa chen po theg pa dman pa 'dod pa rnams la mi mthun pa ston pa dang/ sems can tshul khrims la gnas pa dang tshul khrims la mi gnas pa rnams la phyogs kyi 'dod chags kyis mi 'dra bar ston pa'o/ /de la tshul khrims la gnas pa ni rnam pa gsum gyis rig par bya ste/ lam gyi mtha' la nyes pa med pa dang/ tshul khrims la skyon med pa dang/ bslab pa la gus pas so/ /tshul khrims la mi gnas pa ni rnam pa gnyis kyis rig par bya ste/ tshul khrims la skyon byung ba dang/ bslab pa la mi gus pas so/ /

【G7 親近不賢良的邪行】

བྱང་ཆུབ་སེམས་དཔའ་དམ་པ་མ་ཡིན་པ་དང་འགྲོགས་པ་ལ་བརྟེན་ན་རྣམ་པ་བཞི་ཡོངས་སུ་ཉམས་པར་འགྱུར་ཏེ། ཐེག་པ་ཡོངས་སུ་ཉམས་པ་དང༌། སེམས་ཅན་གྱི་དོན་གྱི་སྦྱོར་བ་ཡོངས་སུ་ཉམས་པ་དང༌། བསྟན་པ་ཡོངས་སུ་ཉམས་པ་དང༌། དགེ་བའི་ཆོས་རྣམས་ལ་རྟག་ཏུ་སྒོམ་པ་ཡོངས་སུ་ཉམས་པའོ། །

byang chub sems dpa' dam pa ma yin pa dang 'grogs pa la brten na rnam pa bzhi yongs su nyams par 'gyur te/ theg pa yongs su nyams pa dang/ sems can gyi don gyi sbyor ba yongs su nyams pa dang/ bstan pa yongs su nyams pa dang/ dge ba'i chos rnams la rtag tu sgom pa yongs su nyams pa'o/ /

【G8 菩薩不如其義的邪行】

བྱང་ཆུབ་སེམས་དཔའ་བཞི་པོ་ཆོས་འཛིན་པ་དང༌། དགོན་པ་པ་དང༌། བསོད་ནམས་བྱ་བ་ལ་བརྩོན་པ་དང༌། འཁོར་དང་སྤྱོད་པ་དེ་དག་ལ་བྱང་ཆུབ་སེམས་དཔའ་དང་བའི་བྱ་བ་འདོད་པ་ནི་ཆོས་འཛིན་པ་ཡིན་ཡང་དོན་ཇི་ལྟ་བ་བཞིན་མ་ཡིན་པ་ཡིན་གྱི༑ དོན་ཇི་ལྟ་བ་བཞིན་མ་ཡིན་ནོ། །བྱང་ཆུབ་སེམས་དཔའ་སྒྲ་འདོད་པ་ནི་དགོན་པ་པ་ཡིན་ཡང་དོན་ཇི་ལྟ་བ་བཞིན་མ་ཡིན་པ་ཡིན་གྱི། དོན་ཇི་ལྟ་བ་བཞིན་མ་ཡིན་ནོ། །བྱང་ཆུབ་སེམས་དཔའ་ཟང་ཟིང་གི་འབྲས་བུ་དང་འབྲེལ་བའི་སེམས་དང་ལྡན་པ་ནི་བསོད་ནམས་བྱ་བ་ལ་བརྩོན་པ་དེ་ཡིན་ཡང་དོན་ཇི་ལྟ་བ་བཞིན་མ་ཡིན་པ་ཡིན་གྱི། དོན་ཇི་ལྟ་བ་བཞིན་མ་ཡིན་ནོ། །བྱང་ཆུབ་སེམས་དཔའ་བསྙེན་བཀུར་དང་ཡོངས་སུ་སྤྱད་པ་དང༌། གྲགས་པ་དང་འབྲེལ་པའི་སེམས་དང་ལྡན་པ་ནི་འཁོར་དང་ལོངས་སྤྱོད་ཀྱང་ཇི་ལྟ་བ་བཞིན་མ་ཡིན་པ་ཡིན་གྱི་དོན་ཇི་ལྟ་བ་བཞིན་མ་ཡིན་ནོ། །

byang chub sems dpa' bzhi po chos 'dzin pa dang/ dgon pa pa dang/ bsod nams bya ba la brtson pa dang/ 'khor dang spyod pa de dag la byang chub sems dpa' dang ba'i bya ba 'dod pa ni chos 'dzin pa yin yang don ji lta ba bzhin ma yin pa yin gyi| don ji lta ba bzhin ma yin no/ /byang chub sems dpa' sgra 'dod pa ni dgon pa pa yin yang don ji lta ba bzhin ma yin pa yin gyi/ don ji lta ba bzhin ma yin no/ /byang chub sems dpa' zang zing gi 'bras bu dang 'brel ba'i sems dang ldan pa ni bsod nams bya ba la brtson pa de yin yang don ji lta ba bzhin ma yin pa yin gyi/ don ji lta ba bzhin ma yin no/ /byang chub sems dpa' bsnyen bkur dang yongs su spyad pa dang/ grags pa dang 'brel pa'i sems dang ldan pa ni 'khor dang longs spyod kyang ji lta ba bzhin ma yin pa yin gyi don ji lta ba bzhin ma yin no/ /

【E2 辨正行門】【F1 總標】

ཡང་དག་པའི་སྒྲུབ་པ་གང་ཞེ་ན། ཡང་དག་པའི་སྒྲུབ་པ་ནི་དེ་ལས་བཟློག་པ་སྟེ། སྐྱོན་ཁྱད་པར་ཅན་ཡོངས་སུ་སྤངས་པ་དང༌། གཉེན་པོ་བསྟན་པས་གོང་ནས་གོང་དུ་བསྒྲུབས་པས་རྣམ་པ་བརྒྱད་ཀྱིས་རིག་པར་བྱའོ། །

yang dag pa'i sgrub pa gang zhe na/ yang dag pa'i sgrub pa ni de las bzlog pa ste/ skyon khyad par can yongs su spangs pa dang/ gnyen po bstan pas gong nas gong du bsgrubs pas rnam pa brgyad kyis rig par bya'o/ /

【F2 別辨八種正行】【G1 解退失】

གང་གི་ཕྱིར་མི་ཉན་པ་ཡེ་ཤེས་ཡོངས་སུ་ཉམས་པར་འགྱུར་བ་ཡིན་པར་སྨྲས་ན། ཅིའི་ཕྱིར་ཆོས་དང་གང་ཟག་ལ་མི་གུས་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ་མི་བྱེད་ན་ཡང་མ་མོས་པས་ཡོངས་སུ་ཉམས་པར་འགྱུར་བའི་ཕྱིར་རོ། །གང་གི་ཕྱིར་ཉན་དུ་མི་འཇུག་པ་ཡེ་ཤེས་ཡོངས་སུ་ཉམས་པར་འགྱུར་བ་ཡིན་པར་སྨྲས་ན་ཅིའི་ཕྱིར་དང་བའི་བྱ་བ་འདོད་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ་མི་བྱེད་ན་ཡང་ལོག་པའི་ཆོས་ཡོངས་སུ་བསྔོ་བས་ཡོངས་སུ་ཉམས་པར་འགྱུར་བའི་ཕྱིར་རོ། །གང་གི་ཕྱིར་ཉན་པའི་སྒྲིབ་པ་ཡེ་ཤེས་ཡོངས་སུ་ཉམས་པར་འགྱུར་བ་ཡིན་པར་སྨྲས་ན། ཅིའི་ཕྱིར་འདུན་པ་མེད་པའི་མི་ཉན་པ་དང༌། མི་འཛིན་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། མི་བྱེད་ན་ཡང་ལེ་ལོས་ཡོངས་སུ་ཉམས་པར་འགྱུར་བའི་ཕྱིར་རོ། །གང་གི་ཕྱིར་ལོག་པར་མངོན་པར་ཞེན་པ་ཉན་དུ་འཇུག་པ་ཡེ་ཤེས་ཡོངས་སུ་ཉམས་པར་འགྱུར་བ་ཡིན་པར་སྨྲས་ན། ཅིའི་ཕྱིར་སྒོམ་པ་ལ་ཡོན་ཏན་དུ་མི་ལྟ་བ་དང༌། ཐོས་པ་དང༌། སྨྲ་བ་ལྷུར་ལེན་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། མི་བྱེད་ན་ཡང་ཡེ་ཤེས་ཡོངས་སུ་མི་འགྲུབ་པས་ཡོངས་སུ་ཉམས་པར་འགྱུར་བའི་ཕྱིར་རོ། །

gang gi phyir mi nyan pa ye shes yongs su nyams par 'gyur ba yin par smras na/ ci'i phyir chos dang gang zag la mi gus pa yang yongs su bstan ce na/ des kyang de byed la mi byed na yang ma mos pas yongs su nyams par 'gyur ba'i phyir ro/ /gang gi phyir nyan du mi 'jug pa ye shes yongs su nyams par 'gyur ba yin par smras na ci'i phyir dang ba'i bya ba 'dod pa nyid kyang yongs su bstan ce na/ des kyang de byed la mi byed na yang log pa'i chos yongs su bsngo bas yongs su nyams par 'gyur ba'i phyir ro/ /gang gi phyir nyan pa'i sgrib pa ye shes yongs su nyams par 'gyur ba yin par smras na/ ci'i phyir 'dun pa med pa'i mi nyan pa dang/ mi 'dzin pa yang yongs su bstan ce na/ des kyang de byed la/ mi byed na yang le los yongs su nyams par 'gyur ba'i phyir ro/ /gang gi phyir log par mngon par zhen pa nyan du 'jug pa ye shes yongs su nyams par 'gyur ba yin par smras na/ ci'i phyir sgom pa la yon tan du mi lta ba dang/ thos pa dang/ smra ba lhur len pa nyid kyang yongs su bstan ce na/ des kyang de byed la/ mi byed na yang ye shes yongs su mi 'grub pas yongs su nyams par 'gyur ba'i phyir ro/ /

【G2 解忘失正念】

གང་གི་ཕྱིར་གླེང་བ་པོ་རྣམས་ལ་བདག་ཉིད་ཀྱི་འགལ་བས་རྣམ་པར་རྨོངས་པར་བྱེད་པ་དྲན་པ་བརྗེད་པར་འགྱུར་བ་ཡིན་པར་སྨྲས་ན། ཅིའི་ཕྱིར་དངོས་པོ་ལྕི་བའི་ལྟུང་བས་འཇིགས་པ་དང༌། དངོས་པོ་ཡང་བ་ཁྱད་དུ་གསད་པའི་ཕྱིར་བརྫུན་སྨྲ་བ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་ལས་ཀྱི་སྒྲིབ་པས་རབ་ཏུ་བརྗེད་པར་འགྱུར་བ་དང༌། མི་བྱེད་ན་ཡང་ལྟུང་བའི་སྒྲིབ་པས་རབ་ཏུ་བརྗེད་པར་འགྱུར་བའི་ཕྱིར་རོ། །གང་གི་ཕྱིར་བསླབ་པའི་གཞིས་རྣམ་པར་རྨོངས་པར་བྱེད་པ། དྲན་པ་བརྗེད་པར་འགྱུར་བ་ཡིན་པར་སྨྲས་ན། ཅིའི་ཕྱིར་ངོ་བོ་ཉིད་ཀྱི་རྗེས་སུ་མི་འཇུག་པ་དང་ལོག་པར་ལྟ་བ་དང༌། གྱ་གྱུ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ་དེས་ལས་ཀྱི་སྒྲིབ་པས་རབ་ཏུ་བརྗེད་པར་འགྱུར་བ་དང༌། མི་བྱེད་ན་ཡང་ལྟུང་བའི་སྒྲིབ་པས་རབ་ཏུ་བརྗེད་པར་འགྱུར་བའི་ཕྱིར་རོ། །གང་གི་ཕྱིར་ཐེག་པ་ཆེན་པོ་ལ་མོས་པ་དང༌། སྒྲུབ་པས་རྣམ་པར་རྨོངས་པར་བྱེད་པ་དྲན་པ་བརྗེད་པར་འགྱུར་བ་ཡིན་པར་སྨྲས་ན། ཅིའི་ཕྱིར་བྱང་ཆུབ་སེམས་དཔའ་རྣམས་ལ་གུས་པ་མི་སྐྱེད་པ་དང༌། ཡང་དག་པའི་ཡོན་ཏན་འཆབ་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་ལས་ཀྱི་སྒྲིབ་པས་རབ་ཏུ་བརྗེད་པར་འགྱུར་བ་དང༌། མི་བྱེད་ན་ཡང་ལྟུང་བའི་སྒྲིབ་པས་རབ་ཏུ་བརྗེད་པར་འགྱུར་བའི་ཕྱིར་རོ། །གང་གི་ཕྱིར་གསང་བའི་གནས་རྣམ་པར་དབྱེ་བའི་ཕྱིར་རྨོངས་པར་བྱེད་པ། དྲན་པ་བརྗེད་པར་འགྱུར་བ་ཡིན་པར་སྨྲས་ན། ཅིའི་ཕྱིར་ཐེག་པ་ཆེན་པོ་ལས་འདུན་པ་བཟློག་པར་འདོད་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་ལས་ཀྱི་སྒྲིབ་པས་རབ་ཏུ་བརྗེད་པར་འགྱུར་བ་དང༌། མི་བྱེད་ན་ཡང་ལྟུང་བའི་སྒྲིབ་པས་རབ་ཏུ་བརྗེད་པར་འགྱུར་བའི་ཕྱིར་རོ༑ །

gang gi phyir gleng ba po rnams la bdag nyid kyi 'gal bas rnam par rmongs par byed pa dran pa brjed par 'gyur ba yin par smras na/ ci'i phyir dngos po lci ba'i ltung bas 'jigs pa dang/ dngos po yang ba khyad du gsad pa'i phyir brdzun smra ba yang yongs su bstan ce na/ des kyang de byed la/ des las kyi sgrib pas rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro/ /gang gi phyir bslab pa'i gzhis rnam par rmongs par byed pa/ dran pa brjed par 'gyur ba yin par smras na/ ci'i phyir ngo bo nyid kyi rjes su mi 'jug pa dang log par lta ba dang/ gya gyu nyid kyang yongs su bstan ce na/ des kyang de byed la des las kyi sgrib pas rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro/ /gang gi phyir theg pa chen po la mos pa dang/ sgrub pas rnam par rmongs par byed pa dran pa brjed par 'gyur ba yin par smras na/ ci'i phyir byang chub sems dpa' rnams la gus pa mi skyed pa dang/ yang dag pa'i yon tan 'chab pa yang yongs su bstan ce na/ des kyang de byed la/ des las kyi sgrib pas rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro/ /gang gi phyir gsang ba'i gnas rnam par dbye ba'i phyir rmongs par byed pa/ dran pa brjed par 'gyur ba yin par smras na/ ci'i phyir theg pa chen po las 'dun pa bzlog par 'dod pa nyid kyang yongs su bstan ce na/ des kyang de byed la/ des las kyi sgrib pas rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro| /

【G3 解令壞白法】

གང་གི་ཕྱིར་གནས་མ་ཡིན་པ་ལ་སྦྱོར་བ་དཀར་པོའི་ཆོས་ཡོངས་སུ་གཏུགས་པར་འགྱུར་བ་ཡིན་པར་སྨྲས་ན། ཅིའི་ཕྱིར་བདག་ལ་ཕན་པར་འདོད་པ་ཉུང་བ་དང༌། མ་ཞུགས་པ་དང༌། ཐེག་པ་དམན་པ་ཉན་པ་དང༌། སེམས་ཅན་དམན་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་དཀར་པོའི་ཆོས་མ་ཐོབ་པ་རྣམས་ནི་མི་འཐོབ་ལ། བཟུང་བ་དང་ཉན་པ་ལྷོད་པས་ཐོབ་པ་རྣམས་ལས་ཀྱང་ཡོངས་སུ་ཉམས་པར་འགྱུར་པའི་ཕྱིར་རོ། །གང་གི་ཕྱིར་ཟང་ཟིང་གི་ཉེས་པ་དཀར་པོའི་ཆོས་ཡོངས་སུ་གཏུགས་པར་འགྱུར་བ་ཡིན་པར་སྨྲས་ན། ཅིའི་ཕྱིར་ལེགས་པར་ཐོབ་པའི་རྙེད་པས་ཆོག་མི་ཤེས་པ་དང༌། ཚུལ་འཆོས་པ་ལ་སོགས་པའི་ཆོས་རྣམས་དང༌། ཡོངས་སུ་གདུང་བ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་མ་ཐོས་པ་མི་ཉན་པ་དང༌། དོན་དང་བྱ་བ་ལ་འཕྱར་གཡེང་མང་བས་ཏིང་ངེ་འཛིན་མི་རྟོགས་པའི་ཕྱིར་རོ། །གང་གི་ཕྱིར་ལྟ་བའི་ཉེས་པ་དཀར་པོའི་ཆོས་ཡོངས་སུ་གཏུགས་པར་འགྱུར་བ་ཡིན་པར་སྨྲས་ན། ཅིའི་ཕྱིར་གཞན་གྱི་སྐྱོན་ལ་ལྟ་བ་དང༌། ཉན་ཐོས་དང་ཐེག་པ་ཆེན་པོའི་བསླབ་པ་ལ་ཕྱིན་ཅི་ལོག་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་ཡང་དག་པའི་སྒྲུབ་པ་ལས་ཉམས་པར་འགྱུར་བ་དང༌། གཞན་ལ་སླུ་བས་ཉམས་པར་ཡང་འགྱུར་པའི་ཕྱིར་རོ། །གང་གི་ཕྱིར་སྟོན་པའི་ཉེས་པ་དཀར་པོའི་ཆོས་ཡོངས་སུ་གཏུགས་པར་འགྱུར་བ་ལེན་པར་སྨྲས་ན། ཅིའི་ཕྱིར་དེ་བཞིན་གཤེགས་པའི་ཡེ་ཤེས་ཀྱི་དགོངས་པ་ཤེས་སོ་ཞེས་ཁྱད་དུ་གསོད་པར་བྱེད་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དེས་དམ་པའི་ཆོས་ལ་སྐུར་པ་འདེབས་པས་ཉམས་པར་འགྱུར་བ་དང༌། དེ་བཞིན་གཤེགས་པའི་ཡེ་ཤེས་ཀྱི་དགོངས་པ་ལ་ལོག་པར་ཡོངས་སུ་འཛིན་པས་ཉམས་པར་འགྱུར་བའི་ཕྱིར་རོ། །

gang gi phyir gnas ma yin pa la sbyor ba dkar po'i chos yongs su gtugs par 'gyur ba yin par smras na/ ci'i phyir bdag la phan par 'dod pa nyung ba dang/ ma zhugs pa dang/ theg pa dman pa nyan pa dang/ sems can dman pa nyid kyang yongs su bstan ce na/ des kyang de byed la/ des dkar po'i chos ma thob pa rnams ni mi 'thob la/ bzung ba dang nyan pa lhod pas thob pa rnams las kyang yongs su nyams par 'gyur pa'i phyir ro/ /gang gi phyir zang zing gi nyes pa dkar po'i chos yongs su gtugs par 'gyur ba yin par smras na/ ci'i phyir legs par thob pa'i rnyed pas chog mi shes pa dang/ tshul 'chos pa la sogs pa'i chos rnams dang/ yongs su gdung ba yang yongs su bstan ce na/ des kyang de byed la/ des ma thos pa mi nyan pa dang/ don dang bya ba la 'phyar g.yeng mang bas ting nge 'dzin mi rtogs pa'i phyir ro/ /gang gi phyir lta ba'i nyes pa dkar po'i chos yongs su gtugs par 'gyur ba yin par smras na/ ci'i phyir gzhan gyi skyon la lta ba dang/ nyan thos dang theg pa chen po'i bslab pa la phyin ci log pa yang yongs su bstan ce na/ des kyang de byed la/ des yang dag pa'i sgrub pa las nyams par 'gyur ba dang/ gzhan la slu bas nyams par yang 'gyur pa'i phyir ro/ /gang gi phyir ston pa'i nyes pa dkar po'i chos yongs su gtugs par 'gyur ba len par smras na/ ci'i phyir de bzhin gshegs pa'i ye shes kyi dgongs pa shes so zhes khyad du gsod par byed pa nyid kyang yongs su bstan ce na/ des kyang de byed la/ des dam pa'i chos la skur pa 'debs pas nyams par 'gyur ba dang/ de bzhin gshegs pa'i ye shes kyi dgongs pa la log par yongs su 'dzin pas nyams par 'gyur ba'i phyir ro/ /

【G4 解惡意現行】

གང་གི་ཕྱིར་བསླབ་པ་ལ་ཤས་ཆེར་མི་གུས་པ་མི་མཐུན་པར་ཡིད་ཀྱིས་ཀུན་ཏུ་སྤྱོད་པར་འགྱུར་བ་ཡིན་པར་སྨྲས་ན། ཅིའི་ཕྱིར་ལྟུང་བ་རྣམ་པར་མི་འབྱེད་པ་དང༌། མི་འཆགས་པ་དང༌། འགྱོད་པ་མི་སེལ་བ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་ཀུན་ཏུ་སྤྱོད་ལ། དམིགས་པ་ལ་རྣམ་པར་གཡེང་བས་ཀྱང་གྱ་གྱུ་ལ་ཞུགས་པར་འགྱུར་བའི་ཕྱིར་རོ། །གང་གི་ཕྱིར་བདག་ཉིད་ཇི་ལྟར་གྱུར་པ་བཞིན་མི་བརྗོད་པ་མི་མཐུན་པར་ཡིད་ཀྱིས་ཀུན་ཏུ་སྤྱོད་པར་འགྱུར་བ་ཡིན་པར་སྨྲས་ན། ཅིའི་ཕྱིར་བདག་ཉིད་དང་ལོངས་སྤྱོད་ལ་ལྟ་བ་དང༌། བདེན་པའི་ཚིག་སྦེད་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་ཀུན་ཏུ་སྤྱོད་ལ། བསྟན་པ་ལས་རྣམ་པར་གཡེང་བས་ཀྱང་གྱ་གྱུ་ལ་ཞུགས་པར་འགྱུར་བའི་ཕྱིར་རོ། །གང་གི་ཕྱིར་བརྩོན་འགྲུས་འདོར་བར་བྱེད་པ་མི་མཐུན་པར་ཡིད་ཀྱིས་ཀུན་ཏུ་སྤྱོད་པར་འགྱུར་བ་ཡིན་པར་ཀུན་ཏུ་སྨྲས་ན། ཅིའི་ཕྱིར་མི་བཟོད་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་ཀུན་ཏུ་སྤྱོད་ལ། སྡུག་བསྔལ་མི་བཟོད་པ་དང༌། དགེ་བ་ལས་རྣམ་པར་གཡེང་བས་ཀྱང་གྱ་གྱུ་ལ་ཞུགས་པར་འགྱུར་བའི་ཕྱིར་རོ། །གང་གི་ཕྱིར་སྒྲིབ་པ་རྣམ་པར་མ་དག་པའི་རྒྱུས་མི་མཐུན་པར་ཡིད་ཀྱིས་ཀུན་ཏུ་སྤྱོད་པར་འགྱུར་བ་ཡིན་པར་སྨྲས་ན། ཅིའི་ཕྱིར་ཐེག་པ་ཆེན་པོ་ལ་ལྷག་པའི་བསམ་པས་མོས་པ་མེད་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་ཀུན་ཏུ་སྤྱོད་ལ། ཐེག་པ་ཆེན་པོ་ལ་རྣམ་པར་གཡེང་བས་ཀྱང་གྱ་གྱུ་ལ་ཞུགས་པར་འགྱུར་བའི་ཕྱིར་རོ། །

gang gi phyir bslab pa la shas cher mi gus pa mi mthun par yid kyis kun tu spyod par 'gyur ba yin par smras na/ ci'i phyir ltung ba rnam par mi 'byed pa dang/ mi 'chags pa dang/ 'gyod pa mi sel ba nyid kyang yongs su bstan ce na/ des kyang de kun tu spyod la/ dmigs pa la rnam par g.yeng bas kyang gya gyu la zhugs par 'gyur ba'i phyir ro/ /gang gi phyir bdag nyid ji ltar gyur pa bzhin mi brjod pa mi mthun par yid kyis kun tu spyod par 'gyur ba yin par smras na/ ci'i phyir bdag nyid dang longs spyod la lta ba dang/ bden pa'i tshig sbed pa nyid kyang yongs su bstan ce na/ des kyang de kun tu spyod la/ bstan pa las rnam par g.yeng bas kyang gya gyu la zhugs par 'gyur ba'i phyir ro/ /gang gi phyir brtson 'grus 'dor bar byed pa mi mthun par yid kyis kun tu spyod par 'gyur ba yin par kun tu smras na/ ci'i phyir mi bzod pa yang yongs su bstan ce na/ des kyang de kun tu spyod la/ sdug bsngal mi bzod pa dang/ dge ba las rnam par g.yeng bas kyang gya gyu la zhugs par 'gyur ba'i phyir ro/ /gang gi phyir sgrib pa rnam par ma dag pa'i rgyus mi mthun par yid kyis kun tu spyod par 'gyur ba yin par smras na/ ci'i phyir theg pa chen po la lhag pa'i bsam pas mos pa med pa yang yongs su bstan ce na/ des kyang de kun tu spyod la/ theg pa chen po la rnam par g.yeng bas kyang gya gyu la zhugs par 'gyur ba'i phyir ro/ /

【G5 解難調伏】

གང་གི་ཕྱིར་བསྒོམ་པའི་སྒྲིབ་པ་ཐོས་པ་ལྷུར་ལེན་པ་གདུལ་དཀའ་བར་འགྱུར་བ་ཡིན་པར་སྨྲས་ན། ཅིའི་ཕྱིར་ཀླན་ཀ་དང༌། དེ་སྐད་རྒོལ་བ་ལས་ཐར་པའི་ཕན་ཡོན་དུ་ལྟ་བས་ཉན་པ་ཡང་ཡོངས་སུ་བསྟན་ཅེ་ན༑ དེས་ཀྱང་དེ་བྱེད་ལ་དགེ་བའི་བཤེས་གཉེན་ཆོས་འཛིན་པ་ལ་ཡང་སླུ་བར་བྱེད་པའི་ཕྱིར་རོ། །གང་གི་ཕྱིར་བསྒོམ་པའི་སྒྲིབ་པ་གདམས་ངག་ལ་ལོག་པར་འཛིན་པ་གདུལ་དཀའ་བར་འགྱུར་བ་ཡིན་པར་སྨྲས་ན། ཅིའི་ཕྱིར་ཚིག་མི་བཟོད་པ་ཉིད་དང༌། ལྟུང་བ་འཛིན་པ་ཉིད་དང༌། གདམས་ངག་ལ་མི་གུས་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དགེ་བའི་བཤེས་གཉེན་དགོན་པ་པ་ལ་ཡང་སླུ་བར་བྱེད་པའི་ཕྱིར་རོ། །གང་གི་ཕྱིར་བསྒོམ་པའི་སྒྲིབ་པ་ཚུལ་ཁྲིམས་དག་ལ་གནས་པར་མི་བྱེད་པ་འགྱོད་པ་གདུལ་དཀའ་བར་འགྱུར་བ་ཡིན་པར་སྨྲས་ན། ཅིའི་ཕྱིར་བསླབ་པ་དག་ལ་ཤས་ཆེར་མི་གུས་ལ། དད་པས་བྱིན་པ་ཡོངས་སུ་ལོངས་སྤྱོད་པ་ཡང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དགེ་བའི་བཤེས་གཉེན་བསོད་ནམས་བྱ་བ་ལ་བརྩོན་པ་ལ་ཡང་སླུ་བར་བྱེད་པའི་ཕྱིར་རོ། །གང་གི་ཕྱིར་བསྒོམ་པའི་སྒྲིབ་པ་རང་གི་ལྟ་བ་མཆོག་ཏུ་འཛིན་ཅིང་གནས་པ། གདུལ་དཀའ་བར་འགྱུར་བ་ཡིན་པར་སྨྲས་ན། ཅིའི་ཕྱིར་བྱང་ཆུབ་སེམས་དཔའ་ཕ་རོལ་ཏུ་ཕྱིན་པ་རྣམ་པར་དག་པ་རྣམས་ལ་མི་གུས་པ་དང༌། མི་ལྟ་བ་དང༌། བསྙེན་བཀུར་མི་བྱེད་པ་དང༌། མི་ཉན་པ་དང༌། རྗེས་སུ་མི་མཐུན་པའི་ཆོས་བསྒྲུབ་པར་འདོད་པ་ཉིད་ཀྱང་ཡོངས་སུ་བསྟན་ཅེ་ན། དེས་ཀྱང་དེ་བྱེད་ལ། དགེ་བའི་བཤེས་གཉེན་འཁོར་དང་སྤྱོད་པ་ལ་ཡང་སླུ་བར་བྱེད་པའི་ཕྱིར་རོ། །

gang gi phyir bsgom pa'i sgrib pa thos pa lhur len pa gdul dka' bar 'gyur ba yin par smras na/ ci'i phyir klan ka dang/ de skad rgol ba las thar pa'i phan yon du lta bas nyan pa yang yongs su bstan ce na| des kyang de byed la dge ba'i bshes gnyen chos 'dzin pa la yang slu bar byed pa'i phyir ro/ /gang gi phyir bsgom pa'i sgrib pa gdams ngag la log par 'dzin pa gdul dka' bar 'gyur ba yin par smras na/ ci'i phyir tshig mi bzod pa nyid dang/ ltung ba 'dzin pa nyid dang/ gdams ngag la mi gus pa nyid kyang yongs su bstan ce na/ des kyang de byed la/ dge ba'i bshes gnyen dgon pa pa la yang slu bar byed pa'i phyir ro/ /gang gi phyir bsgom pa'i sgrib pa tshul khrims dag la gnas par mi byed pa 'gyod pa gdul dka' bar 'gyur ba yin par smras na/ ci'i phyir bslab pa dag la shas cher mi gus la/ dad pas byin pa yongs su longs spyod pa yang yongs su bstan ce na/ des kyang de byed la/ dge ba'i bshes gnyen bsod nams bya ba la brtson pa la yang slu bar byed pa'i phyir ro/ /gang gi phyir bsgom pa'i sgrib pa rang gi lta ba mchog tu 'dzin cing gnas pa/ gdul dka' bar 'gyur ba yin par smras na/ ci'i phyir byang chub sems dpa' pha rol tu phyin pa rnam par dag pa rnams la mi gus pa dang/ mi lta ba dang/ bsnyen bkur mi byed pa dang/ mi nyan pa dang/ rjes su mi mthun pa'i chos bsgrub par 'dod pa nyid kyang yongs su bstan ce na/ des kyang de byed la/ dge ba'i bshes gnyen 'khor dang spyod pa la yang slu bar byed pa'i phyir ro/ /

【G6 解行於非道】

གང་གི་ཕྱིར་མི་སྟོན་པ་དང༌། མི་འཚལ་བ་སྟོན་པ་དང༌། མི་མཐུན་པ་སྟོན་པ་དང༌། མི་འདྲ་བར་སྟོན་པ་ལམ་ལོག་པར་འགྲོ་བར་འགྱུར་བ་ཡིན་པར་སྨྲས་ན། ཅིའི་ཕྱིར་ཡང་དང་ཡང་དུ་སྟོན་པས་ཡོངས་སུ་སྐྱོ་ཞིང༌། སེམས་མི་མཉམ་པ་ཉིད་དང༌། སྟོན་པའི་ཐབས་མི་ཤེས་པ་ཉིད་དང༌། ཐེག་པ་དམན་པ་ལ་མོས་པ་ཉིད་དང༌། ཟང་ཟིང་དང་བཅས་པའི་སེམས་ཀྱིས་འཁོར་ལ་རྗེས་སུ་སྟོན་པར་སྦྱོར་བ་ཉིད་ཀྱང་ཡོངས་སུ་བསྟན་ཅེ་ན། དེ་དག་གིས་ཀྱང་དེ་དག་བྱེད་ལ། དགེ་བའི་རྩ་བ་ཡོངས་སུ་མ་རྫོགས་པ་དང༌། དགེ་བའི་རྩ་བ་རྒྱ་ཆེན་པོ་ཡོངས་སུ་མི་འཛིན་པ་དང༌། དགེ་བའི་རྩ་བ་རྒྱ་ཆེན་པོ་ཡོངས་སུ་གཏོང་བ་དང༌། བསོད་ནམས་མ་ཡིན་པ་སྐྱེ་བས་ཀྱང་གདུལ་བ་ལ་སླུ་བར་བྱེད་པའི་ཕྱིར་རོ། །

gang gi phyir mi ston pa dang/ mi 'tshal ba ston pa dang/ mi mthun pa ston pa dang/ mi 'dra bar ston pa lam log par 'gro bar 'gyur ba yin par smras na/ ci'i phyir yang dang yang du ston pas yongs su skyo zhing/ sems mi mnyam pa nyid dang/ ston pa'i thabs mi shes pa nyid dang/ theg pa dman pa la mos pa nyid dang/ zang zing dang bcas pa'i sems kyis 'khor la rjes su ston par sbyor ba nyid kyang yongs su bstan ce na/ de dag gis kyang de dag byed la/ dge ba'i rtsa ba yongs su ma rdzogs pa dang/ dge ba'i rtsa ba rgya chen po yongs su mi 'dzin pa dang/ dge ba'i rtsa ba rgya chen po yongs su gtong ba dang/ bsod nams ma yin pa skye bas kyang gdul ba la slu bar byed pa'i phyir ro/ /

【G7 解近不賢良】

གང་གི་ཕྱིར་དམ་པ་མ་ཡིན་པ་དང༌། འགྲོགས་པ་རྣམ་པ་བཞི་སྤོང༌། དངོས་པོ་རྣམ་པ་བཞི་ཡོངས་སུ་ཉམས་པར་འགྱུར་བ་ཡིན་པར་སྨྲས་ན། ཅིའི་ཕྱིར་སེར་སྣ་དང༌། ཐོས་པ་ཉུང་བ་དང༌། བསྟན་པ་ལ་ལེགས་པར་མ་ཞུགས་པ་དང༌། སངས་རྒྱས་ཀྱི་བཀའ་མི་ཉན་པ་ཡང་ཡོངས་སུ་བསྟན་ཅེ་ན། དེ་དག་གིས་ཀྱང་དེ་དག་བྱེད་ལ། དགེ་བའི་རྩ་བ་མ་བྱས་པའི་ཕྱིར་འཁོར་བའི་སྡུག་བསྔལ་གྱིས་འཇིགས་པ་དང༌། གཞན་གྱི་དོན་བྱེད་མི་ནུས་པ་དང༌། དགེ་བའི་རྩ་བ་ཆུང་བ་དང༌། ཆོས་རྣམས་ལ་ཡིད་གཉིས་དང༌། ཐེ་ཚོམ་ཟ་བས་ཀྱང་ཡོངས་སུ་ཉམས་པར་འགྱུར་བའི་ཕྱིར་རོ། །

gang gi phyir dam pa ma yin pa dang/ 'grogs pa rnam pa bzhi spong/ dngos po rnam pa bzhi yongs su nyams par 'gyur ba yin par smras na/ ci'i phyir ser sna dang/ thos pa nyung ba dang/ bstan pa la legs par ma zhugs pa dang/ sangs rgyas kyi bka' mi nyan pa yang yongs su bstan ce na/ de dag gis kyang de dag byed la/ dge ba'i rtsa ba ma byas pa'i phyir 'khor ba'i sdug bsngal gyis 'jigs pa dang/ gzhan gyi don byed mi nus pa dang/ dge ba'i rtsa ba chung ba dang/ chos rnams la yid gnyis dang/ the tshom za bas kyang yongs su nyams par 'gyur ba'i phyir ro/ /

【G8 解不如其義】

གང་གི་ཕྱིར་བྱང་ཆུབ་སེམས་དཔའ་བཞི་ལ་དང་བའི་བྱ་བ་འདོད་པ་དང༌། སྒྲ་འདོད་པ་དང༌། ཟང་ཟིང་གི་འབྲས་བུ་འདོད་པ་དང༌། བསྙེན་བཀུར་དང་ཡོངས་སུ་སྤྱད་པ་དང་གྲགས་པ་འདོད་པ་དོན་ཇི་ལྟ་བ་བཞིན་མ་ཡིན་པའི་བྱང་ཆུབ་སེམས་དཔར་འགྱུར་བ་ཡིན་པར་སྨྲས་ན། ཅིའི་ཕྱིར་བདག་ལ་ཆགས་པ་དང་བཅས་པ་ལ་ཁ་ན་མ་ཐོ་བ་ཕྲ་རབ་ཙམ་དག་ལ་འཇིགས་པར་མི་ལྟ་བ་དང༌། བདག་མེད་པ་ལ་མོས་པ་མེད་པ་དང་བཅས་པ་ལ་གཞན་གྱི་དོན་ལ་མི་ལྟ་བ་དང༌། འཁོར་བ་དང་མྱ་ངན་ལས་འདས་པ་དག་ལ་གཅིག་ཏུ་ཡོན་ཏན་དུ་ལྟ་བ་དང༌། ཚེ་འདི་ལ་འདུ་འཛི་འདོད་པ་དང༌། ཕྱི་མ་ལ་དབང་ཕྱུག་འདོད་པ་ཆོས་དང་ཟང་ཟིང་འདོད་པ་ཡང་ཡོངས་སུ་བསྟན་ཅེ་ན། དེ་དག་གིས་ཀྱང་དེ་དག་བྱེད་ལ། ཆོས་འཛིན་པ་ཉིད་ནས་འཁོར་དང་སྤྱོད་པའི་བར་གྱིས་ཀྱང་བདག་ཉིད་ལ་སླུ་བར་བྱེད་པའི་ཕྱིར་རོ།། །།

gang gi phyir byang chub sems dpa' bzhi la dang ba'i bya ba 'dod pa dang/ sgra 'dod pa dang/ zang zing gi 'bras bu 'dod pa dang/ bsnyen bkur dang yongs su spyad pa dang grags pa 'dod pa don ji lta ba bzhin ma yin pa'i byang chub sems dpar 'gyur ba yin par smras na/ ci'i phyir bdag la chags pa dang bcas pa la kha na ma tho ba phra rab tsam dag la 'jigs par mi lta ba dang/ bdag med pa la mos pa med pa dang bcas pa la gzhan gyi don la mi lta ba dang/ 'khor ba dang mya ngan las 'das pa dag la gcig tu yon tan du lta ba dang/ tshe 'di la 'du 'dzi 'dod pa dang/ phyi ma la dbang phyug 'dod pa chos dang zang zing 'dod pa yang yongs su bstan ce na/ de dag gis kyang de dag byed la/ chos 'dzin pa nyid nas 'khor dang spyod pa'i bar gyis kyang bdag nyid la slu bar byed pa'i phyir ro// //

【E3 解正行勝利】【F1 標四句】

བམ་པོ་བཞི་བཅུ་གཉིས་པ། ཡང་དག་པའི་སྒྲུབ་པའི་ཕན་ཡོན་གང་ཞེ་ན། དེ་ཡང་གོང་ནས་གོང་དུ་རྣམ་པ་བཞིར་རིག་པར་བྱ་སྟེ། བྱང་ཆུབ་སེམས་དཔའ་དེ་ལྟར་ཡང་དག་པར་ཞུགས་པ་ལ་བསོད་ནམས་དང༌། ཡེ་ཤེས་ཀྱི་ཚོགས་བསགས་པ་དང༌། དེ་ལ་བརྟེན་ནས་སྒྲིབ་པ་རྣམ་པར་དག་པ་དང༌། དེ་ལ་བརྟེན་ནས་སྒོ་ཐམས་ཅད་ནས་དཀར་པོའི་ཆོས་ཡང་དག་པར་འགྲུབ་པ་དང༌། དེ་ལ་བརྟེན་ནས་སེམས་ཅན་ཐམས་ཅད་ཀྱི་དོན་རྣམ་པ་ཐམས་ཅད་ལ་སྦྱོར་བ་དང༌། བསོད་ནམས་དཔག་ཏུ་མེད་པ་སྐྱེ་བའོ། །

bam po bzhi bcu gnyis pa/ yang dag pa'i sgrub pa'i phan yon gang zhe na/ de yang gong nas gong du rnam pa bzhir rig par bya ste/ byang chub sems dpa' de ltar yang dag par zhugs pa la bsod nams dang/ ye shes kyi tshogs bsags pa dang/ de la brten nas sgrib pa rnam par dag pa dang/ de la brten nas sgo thams cad nas dkar po'i chos yang dag par 'grub pa dang/ de la brten nas sems can thams cad kyi don rnam pa thams cad la sbyor ba dang/ bsod nams dpag tu med pa skye ba'o/ /

【F2 次第解釋】

བསོད་ནམས་དང་ཡེ་ཤེས་ཀྱི་ཚོགས་སོགས་པར་འགྱུར་བའི་ཆོས་ནི་བཞི་སྟེ། ཡང་དག་པའི་བསྒྲུབ་པ་ཉིད་དུ་དེ་བཞིན་གཤེགས་པ་ལ་མཆོད་པ་དང་རིམ་གྲོ་བྱེད་པ་དང༌། ཐོས་པ་རྣམ་པར་དག་པ་དང༌། བསམ་པ་རྣམ་པར་དག་པ་དང༌། བསྒོམ་པ་རྣམ་པར་དག་པའོ། །སྒྲིབ་པ་རྣམ་པར་དག་པར་འགྱུར་བའི་ཆོས་ནི་བཞི་སྟེ། ཐེག་པ་ལས་རྣམ་པར་མི་གཡོ་བ་དང༌། རང་གིས་གཞན་དག་ལ་མི་སྒྲུབ་པའི་རྒྱུ་ཡོངས་སུ་སྤོང་བ་ཉིད་དང༌། ལོག་པར་སྒྲུབ་པའི་རྒྱུ་ཡོངས་སུ་སྤོང་བ་ཉིད་དང༌། ཡང་དག་པའི་སྒྲུབ་པ་ཡོངས་སུ་མི་རྫོགས་པའི་རྒྱུ་ཡོངས་སུ་སྤོང་བ་ཉིད་དོ། །སྒོ་ཐམས་ཅད་ནས་དཀར་པོའི་ཆོས་ཡང་དག་པར་འགྲུབ་པར་འགྱུར་བའི་ཆོས་བཞི་སྟེ། བསྒོམ་པ་ནི་བསྒོམ་པའི་རྒྱུ་ལས་བྱུང་བའི་དང་སེམས་ཅན་ཡོངས་སུ་སྨིན་པར་བྱེད་པ་ནི་དེའི་རྒྱུ་ལས་བྱུང་བའི་དང༌། སྡུག་བསྔལ་བཟོད་པ་ཉིད་ནི་དེའི་རྒྱུ་ལས་བྱུང་བའི་དང༌། ཉན་པ་དང༌། སེམས་པས་མི་ངོམས་པ་ཉིད་ནི་དེའི་རྒྱུ་ལས་བྱུང་བའིའོ། །སེམས་ཅན་གྱི་དོན་གྱི་རྣམ་པ་ཐམས་ཅད་བྱེད་པར་འགྱུར་བའི་ཆོས་བཞི་སྟེ་སེམས་ཅན་རྣམས་གནས་བཞི་ལས་རྣམ་པར་སློང་བར་བྱེད་པ་སྟེ། སོམ་ཉི་དང་ཡིད་གཉིས་དང༌། ཐེ་ཚོམ་ལས་རྣམ་པར་སློང་བར་བྱེད་པ་དང༌། ངན་སོང་ངན་འགྲོ་ལོག་པར་ལྟུང་བ་ལས་རྣམ་པར་སློང་བར་བྱེད་པ་དང༌། ཐེག་པ་དམན་པ་ལ་མོས་པ་ལས་རྣམ་པར་སློང་བར་བྱེད་པ་དང༌། བསྟན་པ་ལ་ཀུན་ནས་མནར་སེམས་དང༌། ཁོང་ཁྲོ་བའི་སེམས་ལས་རྣམ་པར་སློང་བར་བྱེད་པ་པའོ༑ །

bsod nams dang ye shes kyi tshogs sogs par 'gyur ba'i chos ni bzhi ste/ yang dag pa'i bsgrub pa nyid du de bzhin gshegs pa la mchod pa dang rim gro byed pa dang/ thos pa rnam par dag pa dang/ bsam pa rnam par dag pa dang/ bsgom pa rnam par dag pa'o/ /sgrib pa rnam par dag par 'gyur ba'i chos ni bzhi ste/ theg pa las rnam par mi g.yo ba dang/ rang gis gzhan dag la mi sgrub pa'i rgyu yongs su spong ba nyid dang/ log par sgrub pa'i rgyu yongs su spong ba nyid dang/ yang dag pa'i sgrub pa yongs su mi rdzogs pa'i rgyu yongs su spong ba nyid do/ /sgo thams cad nas dkar po'i chos yang dag par 'grub par 'gyur ba'i chos bzhi ste/ bsgom pa ni bsgom pa'i rgyu las byung ba'i dang sems can yongs su smin par byed pa ni de'i rgyu las byung ba'i dang/ sdug bsngal bzod pa nyid ni de'i rgyu las byung ba'i dang/ nyan pa dang/ sems pas mi ngoms pa nyid ni de'i rgyu las byung ba'i'o/ /sems can gyi don gyi rnam pa thams cad byed par 'gyur ba'i chos bzhi ste sems can rnams gnas bzhi las rnam par slong bar byed pa ste/ som nyi dang yid gnyis dang/ the tshom las rnam par slong bar byed pa dang/ ngan song ngan 'gro log par ltung ba las rnam par slong bar byed pa dang/ theg pa dman pa la mos pa las rnam par slong bar byed pa dang/ bstan pa la kun nas mnar sems dang/ khong khro ba'i sems las rnam par slong bar byed pa pa'o| /

【E4 解具法行等】【F1 總標列四句】

བྱང་ཆུབ་སེམས་དཔའ་ཡང་དག་པའི་སྒྲུབ་པ་ལ་ཞུགས་པ་ཇི་ལྟར་གྱུར་ན། ཕན་ཡོན་དེ་དག་ཐོབ་ཅེ་ན། ཆོས་སྤྱོད་པ་དང༌། སྙོམས་པར་སྤྱོད་པ་དང༌། དགེ་བ་སྤྱོད་པ་དང༌། ཆོས་ལ་གནས་པར་གྱུར་ནའོ། །

byang chub sems dpa' yang dag pa'i sgrub pa la zhugs pa ji ltar gyur na/ phan yon de dag thob ce na/ chos spyod pa dang/ snyoms par spyod pa dang/ dge ba spyod pa dang/ chos la gnas par gyur na'o/ /

【F2 次第別解】【G1 具法行】

ཇི་ལྟར་ན་ཆོས་སྤྱོད་པ་ཡིན། དེ་ལ་རྣམ་པ་ནི་དུ་ཡོད་ཅེ་ན། བྱང་ཆུབ་སེམས་དཔའི་ཆོས་ལས་མ་འདས་པར་སྤྱོད་དེ། དེའི་ཕྱིར་ཆོས་སྤྱོད་པ་ཡིན་ནོ། །དེ་ཡང་རྣམ་པ་ལྔར་རིག་པར་བྱ་སྟེ། སེམས་ཅན་གནོད་བ་བྱེད་པ་དང༌། སྡིག་པ་བྱེད་པ་རྣམས་ལ་དགེ་བ་ལ་གཞུག་པ་དང་ཕན་གདགས་པར་འདོད་པ་ཉིད་ཀྱི་ཕྱིར་སྙིང་བརྩེ་བ་ཉིད་དང༌། རིགས་ལ་གནས་པ་རྐྱེན་མེད་པ་རྣམས་ལ་བྱང་ཆུབ་ཀྱི་སེམས་སྟོན་པ་ཉིད་དང༌། ཕ་རོལ་ཏུ་ཕྱིན་པ་ཁྱད་པར་དུ་འཕགས་པ་རྣམས་ལ་བདག་ཉིད་ཤེས་པ་ཉིད་དང༌། བླ་མ་ལྟ་བུ་རྣམས་ལ་གུས་པ་དང་རབ་ཏུ་འདུད་པས་སྦྱོར་བར་བྱེད་པ་ཉིད་དང༌། མི་མཐུན་པར་གྱུར་པ་མུ་སྟེགས་ཅན་རྣམས་ལ་བསྟན་པ་ལས་རྣམ་པར་མི་གཡོ་བ་ཉིད་དོ། །

ji ltar na chos spyod pa yin/ de la rnam pa ni du yod ce na/ byang chub sems dpa'i chos las ma 'das par spyod de/ de'i phyir chos spyod pa yin no/ /de yang rnam pa lngar rig par bya ste/ sems can gnod ba byed pa dang/ sdig pa byed pa rnams la dge ba la gzhug pa dang phan gdags par 'dod pa nyid kyi phyir snying brtse ba nyid dang/ rigs la gnas pa rkyen med pa rnams la byang chub kyi sems ston pa nyid dang/ pha rol tu phyin pa khyad par du 'phags pa rnams la bdag nyid shes pa nyid dang/ bla ma lta bu rnams la gus pa dang rab tu 'dud pas sbyor bar byed pa nyid dang/ mi mthun par gyur pa mu stegs can rnams la bstan pa las rnam par mi g.yo ba nyid do/ /

【G2 具平等行】

ཇི་ལྟར་ན་སྙོམས་པར་སྤྱོད་པ་ཡིན། དེ་ལ་རྣམ་པ་ནི་དུ་ཡོད་ཅེ་ན། སེམས་ཅན་ཐམས་ཅད་ཀྱི་དོན་ལ་སྙོམས་པར་ཀུན་ཏུ་སྤྱོད་དེ་དེའི་ཕྱིར་སྙོམས་པར་སྤྱོད་པ་ཡིན་ནོ། །དེ་ནི་རྣམ་པ་བརྒྱད་དུ་རིག་པར་བྱ་སྟེ། སེམས་ཅན་ཐམས་ཅད་ལ་མཉམ་པར་བྱམས་པར་བྱེད་པ་ཉིད་དང༌། སེམས་ཅན་ཐམས་ཅད་ལ་ཉོན་མོངས་པ་ཅན་མ་ཡིན་པ་ཉིད་དང༌། དུས་ཐ་དད་པ་མེད་པ་ཉིད་དང༌། སེམས་ཀྱི་རྒྱུད་ཐ་དད་པ་མེད་པའི་བྱམས་པས་མཉམ་པར་སོ་སོར་ཀུན་དགའ་བར་བྱེད་པ་ཉིད་དང༌། འདུ་འཛིའི་གཏམ་སྤངས་ཏེ་དགའ་བའི་བཞིན་དུ་བྱས་ནས་ཁུར་བླངས་པ་ཉམས་སུ་ལོན་པར་བྱེད་པ་ཉིད་དང༌། མཉམ་པར་ཁུར་མ་བླངས་པ་ལེན་པར་བྱེད་པ་ཉིད་དང༌། མཉམ་པར་སྡུག་བསྔལ་ཐམས་ཅད་བཟོད་པར་བྱེད་པ་ཉིད་དང་། མཉམ་པར་གདུལ་བ་དཔག་ཏུ་མེད་པའི་ཐབས་ཡོངས་སུ་ཚོལ་བ་ཉིད་དང༌། མཉམ་པར་ཕན་ཚུན་ཚིག་ཡང་དག་པར་བཟོད་པའི་ཚིག་དང་ལྡན་པ་ཉིད་དང༌། མཉམ་པར་དགེ་བའི་རྩ་བ་ཐམས་ཅད་བྱང་ཆུབ་ཏུ་ཡོངས་སུ་བསྔོ་བ་ཉིད་དོ། །

ji ltar na snyoms par spyod pa yin/ de la rnam pa ni du yod ce na/ sems can thams cad kyi don la snyoms par kun tu spyod de de'i phyir snyoms par spyod pa yin no/ /de ni rnam pa brgyad du rig par bya ste/ sems can thams cad la mnyam par byams par byed pa nyid dang/ sems can thams cad la nyon mongs pa can ma yin pa nyid dang/ dus tha dad pa med pa nyid dang/ sems kyi rgyud tha dad pa med pa'i byams pas mnyam par so sor kun dga' bar byed pa nyid dang/ 'du 'dzi'i gtam spangs te dga' ba'i bzhin du byas nas khur blangs pa nyams su lon par byed pa nyid dang/ mnyam par khur ma blangs pa len par byed pa nyid dang/ mnyam par sdug bsngal thams cad bzod par byed pa nyid dang / mnyam par gdul ba dpag tu med pa'i thabs yongs su tshol ba nyid dang/ mnyam par phan tshun tshig yang dag par bzod pa'i tshig dang ldan pa nyid dang/ mnyam par dge ba'i rtsa ba thams cad byang chub tu yongs su bsngo ba nyid do/ /

【G3 具善行】

ཇི་ལྟར་ན་བྱང་ཆུབ་སེམས་དཔའ་དགེ་བ་སྤྱོད་པ་ཡིན། དེ་ལ་རྣམ་པ་ནི་དུ་ཡོད་ཅེ་ན། ནང་གི་སངས་རྒྱས་ཀྱི་ཆོས་ཡོངས་སུ་སྨིན་པ་དང༌། ཕྱི་རོལ་གྱི་སེམས་ཅན་ཡོངས་སུ་སྨིན་པར་བྱ་བ་ལ་བརྟེན་ནས། དགེ་བ་ཀུན་ཏུ་སྤྱོད་པར་བྱེད་དེ། དེའི་ཕྱིར་དགེ་བ་སྤྱོད་པ་ཡིན་ནོ། །དེ་ནི་རྣམ་པ་བདུན་དུ་རིག་པར་བྱ་སྟེ། མི་གནས་པའི་སྦྱིན་པ་ཉིད་དང༌། མི་གནས་པའི་ཚུལ་ཁྲིམས་ཉིད་དང༌། སྙིང་བརྩེ་བའི་བཟོད་པ་ཉིད་དང༌། ཉི་ཚེ་བ་མ་ཡིན་པའི་བརྩོན་འགྲུས་ཉིད་དང༌། སེམས་ཅན་གྱི་དོན་བྱ་བའི་གནས་ཀྱི་བསམ་གཏན་ཉིད་དང༌། ལྟ་བ་དང་བྲལ་བའི་ཤེས་རབ་ཉིད་དང༌། ཡོངས་སུ་སྨིན་པར་བྱ་བའི་ཐབས་ལ་མཁས་པ་ཉིད་དོ། །

ji ltar na byang chub sems dpa' dge ba spyod pa yin/ de la rnam pa ni du yod ce na/ nang gi sangs rgyas kyi chos yongs su smin pa dang/ phyi rol gyi sems can yongs su smin par bya ba la brten nas/ dge ba kun tu spyod par byed de/ de'i phyir dge ba spyod pa yin no/ /de ni rnam pa bdun du rig par bya ste/ mi gnas pa'i sbyin pa nyid dang/ mi gnas pa'i tshul khrims nyid dang/ snying brtse ba'i bzod pa nyid dang/ nyi tshe ba ma yin pa'i brtson 'grus nyid dang/ sems can gyi don bya ba'i gnas kyi bsam gtan nyid dang/ lta ba dang bral ba'i shes rab nyid dang/ yongs su smin par bya ba'i thabs la mkhas pa nyid do/ /

【G4 具法住行】

ཇི་ལྟར་ན་བྱང་ཆུབ་སེམས་དཔའ་ཆོས་ལ་གནས་པ་ཡིན། དེ་ལ་རྣམ་པ་ནི་དུ་ཡོད་ཅེ་ན། ཀུན་ཆུབ་པ་ལྷུར་མི་ལེན་པ་དང༌། ཁ་ཏོན་ལྷུར་མི་ལེན་པ་དང༌། འཆད་པ་ལྷུར་མི་ལེན་པ་དང༌། རྣམ་པར་རྟོག་པ་ལྷུར་མི་ལེན་པར་ནང་གི་སེམས་ཀྱི་ཞི་གནས་སྒོམ་པ་ལ་སྦྱོར་བ་རྩོམ་ཞིང༌། ཡང་དག་པར་སྒྲུབ་པར་བྱེད་དོ། །དེའི་ཕྱིར་ཆོས་ལ་གནས་པ་ཡིན་ནོ། །དེ་ནི་རྣམ་པ་བཅུ་གཉིས་སུ་རིག་པར་བྱ་སྟེ། གདམས་ངག་སྟོན་པ་ལ་ཚུལ་ཁྲིམས་ལ་གནས་པ་ངང་ཚུལ་ཁྲིམས་ལ་གནས་པ་མ་ཡིན་པར་རྣམ་པར་མི་རྟོག་པ་ཉིད་དང༌། དེ་ལ་བརྟེན་ནས་གུས་པར་བྱས་ཏེ་གདམས་ངག་ལེན་པར་བྱེད་པ་ཉིད་དང༌། དེ་ལ་བརྟེན་ནས་ལུས་དབེན་པ་ཉིད་དང༌། དེ་ལ་བརྟེན་ནས་སེམས་དབེན་པ་ཉིད་དང༌། དེ་ལ་བརྟེན་ནས་ཉན་ཐོས་ཀྱི་ཐེག་པ་དང་ལྡན་པའི་ཡིད་ལ་བྱེད་པ་ལས་ཡང་དག་པར་འདས་ཏེ། ཐེག་པ་ཆེན་པོ་དང་ལྡན་པའི་ཡིད་ལ་བྱེད་པ་ཡིད་ལ་བྱེད་པ་ཉིད་དང༌། དེ་ལ་བརྟེན་ནས་རབ་ཏུ་དབེན་པ་ན་སེམས་ཅན་བརྩོན་པ་བཏང་བ་རྣམས་དང༌། མི་འགྲོགས་པར་དེ་ལས་གཞན་པ་རྣམས་དང་འགྲོགས་པ་ཉིད་དང༌། དེ་ལ་བརྟེན་ནས་རྣམ་པར་དག་པ་འཇིག་རྟེན་པའི་ཤེས་པ་བསོད་ནམས་ཀྱི་ཆོགས་ཆེན་པོ་དང་མཐུ་བསྒོམ་པའི་འབྲས་བུ་སོ་སོར་མྱོང་བ་ཉིད་དང༌། འཇིག་རྟེན་པའི་ཤེས་པས་ཆོག་པར་མི་འཛིན་པར་འཇིག་རྟེན་ལས་འདས་པའི་ཤེས་པ་ཡོངས་སུ་ཚོལ་ཞིང་རྣམ་པར་སྦྱོར་བ་ཉིད་དང༌། ཤེས་པ་རྣམ་པར་དག་པའི་ཉེས་པ་བཞི་སྤངས་ཏེ་ཚོགས་ཡོངས་སུ་སྡུད་པ་ཉིད་དེ། གནོད་པ་མི་བཟོད་པའི་ཉེས་པ་དང༌། མ་ངེས་པར་སྟོན་ཅིང་འདོམས་པའི་ཉེས་པ་དང༌། ཇི་སྐད་སྨྲས་པ་དེ་བཞིན་མི་བྱེད་པའི་ཉེས་པ་དང༌། ཟང་ཟིང་དང་བཅས་པའི་སེམས་ཀྱི་ཉེས་པས་ཏེ༑ རྣམ་པ་བཞི་པོ་དེ་དག་དང༌། སྔ་མ་རྣམ་པ་བརྒྱད་པོ་དག་ནི་རྣམ་པ་བཅུ་གཉིས་ཡིན་ནོ། །

ji ltar na byang chub sems dpa' chos la gnas pa yin/ de la rnam pa ni du yod ce na/ kun chub pa lhur mi len pa dang/ kha ton lhur mi len pa dang/ 'chad pa lhur mi len pa dang/ rnam par rtog pa lhur mi len par nang gi sems kyi zhi gnas sgom pa la sbyor ba rtsom zhing/ yang dag par sgrub par byed do/ /de'i phyir chos la gnas pa yin no/ /de ni rnam pa bcu gnyis su rig par bya ste/ gdams ngag ston pa la tshul khrims la gnas pa ngang tshul khrims la gnas pa ma yin par rnam par mi rtog pa nyid dang/ de la brten nas gus par byas te gdams ngag len par byed pa nyid dang/ de la brten nas lus dben pa nyid dang/ de la brten nas sems dben pa nyid dang/ de la brten nas nyan thos kyi theg pa dang ldan pa'i yid la byed pa las yang dag par 'das te/ theg pa chen po dang ldan pa'i yid la byed pa yid la byed pa nyid dang/ de la brten nas rab tu dben pa na sems can brtson pa btang ba rnams dang/ mi 'grogs par de las gzhan pa rnams dang 'grogs pa nyid dang/ de la brten nas rnam par dag pa 'jig rten pa'i shes pa bsod nams kyi chogs chen po dang mthu bsgom pa'i 'bras bu so sor myong ba nyid dang/ 'jig rten pa'i shes pas chog par mi 'dzin par 'jig rten las 'das pa'i shes pa yongs su tshol zhing rnam par sbyor ba nyid dang/ shes pa rnam par dag pa'i nyes pa bzhi spangs te tshogs yongs su sdud pa nyid de/ gnod pa mi bzod pa'i nyes pa dang/ ma nges par ston cing 'doms pa'i nyes pa dang/ ji skad smras pa de bzhin mi byed pa'i nyes pa dang/ zang zing dang bcas pa'i sems kyi nyes pas te| rnam pa bzhi po de dag dang/ snga ma rnam pa brgyad po dag ni rnam pa bcu gnyis yin no/ /

【E5 解生淨信譬喻(十九喻)】

བྱང་ཆུབ་སེམས་དཔའ་ལ་དད་པ་སྐྱེད་པའི་དཔེ་དག་གང་ཞེ་ན། བྱང་ཆུབ་སེམས་དཔའ་སེམས་དང་པོ་བསྐྱེད་པ་ནས་བཟུང་སྟེ། ཐོག་མ་དང༌། བར་དང༌། ཐ་མ་དག་ཏུ་སེམས་ཅན་ཐམས་ཅད་ཀྱི་དགེ་བའི་རྩ་བ་མངོན་པར་བསྒྲུབ་པའི་གནས་སུ་གྱུར་པ་ཉིད་ཡིན་པས་གནོད་པ་བྱེད་པ་དང༌། ལན་བྱེད་པ་ཐམས་ཅད་ཀྱི་སེམས་ཡོངས་སུ་མ་གཏུགས་པའི་ཕྱིར་ས་ལྟ་བུ་ཡིན་ནོ༑ །དེ་ལྟ་མོད་ཀྱི་ཇི་ལྟར་ཐ་མལ་པར་གནས་པའི་ས་ལ་བརྟེན་ནས་སེམས་ཅན་རྣམས་རང་གི་སྐྱེས་བུའི་བྱེད་པས་དེ་ལ་ཉེ་བར་འཚེ་བར་བྱེད་པ་ལྟར་བྱང་ཆུབ་སེམས་དཔའ་ནི་དེ་ལྟ་མ་ཡིན་ཏེ། དགེ་བའི་རྩ་བ་བསྐྱེད་པའི་ཕྱིར་རབ་ཏུ་དང་བ་དང༌། མཆོག་ཏུ་དགའ་བས་མངོན་པར་རླན་པར་བྱེད་པས་ཆུ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་ཆུའི་ལོ་ཏོག་ཡོངས་སུ་སྨྱིན་པར་བྱེད་པ་དང་མི་མཐུན་པ་ལྟར་དེ་ནི་དེ་ལྟ་མ་ཡིན་ཏེ། དགེ་བའི་རྩ་བ་ཡོངས་སུ་སྨིན་པར་བྱ་བའི་ཕྱིར་ཀུན་ཏུ་སྐྱོ་བར་འགྱུར་བའི་ཆོས་རྣམས་ལ། ཀུན་ཏུ་སྐྱོ་ཞིང་ཀུན་ཏུ་གདུང་བར་བྱེད་པའི་ཕྱིར་མི་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་མེ་སངས་རྒྱས་ཀྱི་ཞིང་རྣམ་པར་བསྒྲུབས་པ་དང་མི་མཐུན་པ་ལྟར་དེ་ནི་དེ་ལྟ་མ་ཡིན་ཏེ། དགེ་བའི་རྩ་བ་ཡོངས་སུ་སྨིན་པ་རྣམས་ཀྱི་རྣམ་པར་གྲོལ་བ་ལ་རེག་པར་བྱ་བ་ཉིད་མངོན་པར་སྒྲུབ་པ་རྣམ་པར་སྒྲུབ་པའི་ཕྱིར་ཡང་དག་པའི་གདམས་ངག་ཉེ་བར་སྒྲུབ་པས་རླུང་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་རླུང་མངོན་པར་བསྒྲུབས་ནས་ཉེ་བར་སྦྱོར་བར་འགྱུར་བ་ལྟར་དེ་ནི་དེ་ལྟ་མ་ཡིན་ཏེ། རང་གི་དཀར་པོའི་ཆོས་མངོན་པར་འཕེལ་བའི་ཕྱིར་ཟླ་བ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་ཟླ་བ་ཡར་གྱི་ངོ་ཁོ་ན་ལ་སྣང་བར་བྱེད་ཀྱི། མར་གྱི་ངོ་ལ་མ་ཡིན་པ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་སྤྱིའི་མཚན་ཉིད་ཀྱིས་ནག་པོ་དང་དཀར་པོའི་ཕྱོགས་ཀྱི་ཆོས་ཐམས་ཅད་ལ་ཤེས་པ་སྣང་བའི་ཕྱིར་ཉི་མ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་ཉི་མ་གཟའ་སྒྲ་གཅན་གྱིས་འཇིགས་པས་ཡོངས་སུ་རྒྱུ་བ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་འགྲོ་བ་རྣམས་སུ་ཉོན་མོངས་པའི་གཟའ་ཐམས་ཅད་ཀྱིས་མི་འཇིགས་པར་འཇུག་པའི་ཕྱིར་སེང་གེ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་སེང་གེ་ཁལ་ཆེན་པོས་སྒྱིད་ལུག་པར་འགྱུར་བ་ལྟར་དེ་ནི་དེ་ལྟ་མ་ཡིན་ཏེ། སྡུག་བསྔལ་གྱི་ཁུར་ཐམས་ཅད་ཁྱེར་བའི་ཕྱིར་གླང་པོ་ཆེ་དུལ་བ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་གླང་པོ་ཆེ་རྙེད་པ་དང༌། མ་རྙེད་པ་དང༌། ཚིག་འཇམ་པ་དང༌། མི་འཇམ་པ་དང༌། བདེ་བ་དང༌།སྡུག་བསྔལ་གྱི་སྤྱོད་པ་དག་གིས་རྗེས་སུ་ཆགས་པ་དང༌། ཁོང་ཁྲོ་བ་དག་གིས་གོས་པར་འགྱུར་བ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་འཇིག་རྟེན་གྱི་ཆོས་ཐམས་ཅད་ལ་རྗེས་སུ་ཆགས་པ་དང༌། ཁོང་ཁྲོ་བ་དག་གིས་མི་གོས་པའི་ཕྱིར་པདྨ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་པདྨ་སྡོང་བུ་ལས་བཅད་ན་མི་སྐྱེ་བའི་ཆོས་ཅན་ཡིན་པ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་ཉོན་མོངས་པ་བཅོམ་ཡང་དགེ་བའི་རྩ་བའི་སྟོབས་སྐྱེད་པས་ཡང་འཁོར་བར་སྐྱེ་བའི་ཕྱིར་རྩ་བ་མ་ཉམས་པའི་ཤིན་ལྗོན་པ་ལྟ་བུ་ཡང་ཡིན་ནོ༑ །དེ་ལྟ་མོད་ཀྱི་ཇི་ལྟར་ཤིན་ལྗོན་པ་ཐ་མར་རྩ་བ་རབ་ཏུ་འཇིག་པར་འགྱུར་བ་ལྟ་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་མྱ་ངན་ལས་འདས་པ་དང༌། བྱང་ཆུབ་ཆེན་པོར་དགེ་བའི་རྩ་བ་ཡོངས་སུ་བསྔོ་བའི་ཕྱིར་ཆུའི་རྒྱུན་རྒྱ་མཚོར་བབ་པ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་ཆུའི་རྒྱུན་རྒྱ་མཆོར་བབ་ན་རྒྱ་མཚོ་ཉིད་དུ་འགྱུར་བ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་མྱ་ངན་ལས་འདས་པ་དང་བྱང་ཆུབ་ཆེན་པོ་ལ་བརྟེན་པའི་དགེ་བའི་རྩ་བ་དག་གིས་རྣམ་པར་རྩེ་བའི་ཕྱིར་རི་རབ་ལ་གནས་པའི་ལྷ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་རི་རབ་ལ་གནས་པའི་ལྷ་རྣམས་རང་གི་བྱ་བ་ལ་བག་མེད་པར་དགའ་བ་མང་བ་ལྟར་དེ་ནི་དེ་ལྟ་མ་ཡིན་ཏེ། ཐབས་དང་ཤེས་རབ་ཀྱིས་ཡོངས་སུ་ཟིན་པ་དང་སངས་རྒྱས་ཀྱི་མཛད་པ་སྒྲུབ་པར་བྱེད་པའི་ཕྱིར་བློན་པོས་ཡོངས་སུ་ཟིན་པའི་རྒྱལ་པོ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་བློན་པོས་ཡོངས་སུ་ཟིན་པའི་རྒྱལ་པོ་བདག་ཉིད་ཀྱི་དོན་ཁོ་ནའི་ཕྱིར་སྐྱེ་དགུ་སྐྱོང་བར་བྱེད་པ་ལྟར་དེ་ནི་དེ་ལྟ་མ་ཡིན་ཏེ། བདག་ཉིད་ཀྱི་དོན་ལ་མི་ལྟ་བར་སྐྱེ་དགུ་སྐྱོང་བར་བྱེད་པའི་ཕྱིར་སྤྲིན་ཆེན་པོ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་སྤྲིན་ཆེན་པོ་ལོ་ཏོག་བསྒྲུབ་པ་ལ་གཏན་དུ་བ་མ་ཡིན་པ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་གཏན་དུ་བྱང་ཆུབ་ཀྱི་ཕྱོགས་དང་མཐུན་པའི་ཆོས་སྐྱེད་པའི་ཕྱིར་འཁོར་ལོས་སྒྱུར་བ་འབྱུང་བ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་འཁོར་ལོས་སྒྱུར་བ་སྐྱེས་བུ་ཆེན་པོ་དག་དང་ཟླ་མེད་པ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་རྣམ་པར་གྲོལ་བ་ཐུན་མོང་དུ་གྱུར་པའི་དགེ་བའི་རྩ་བ་བསྐྱེད་པའི་ཕྱིར་ནོར་བུ་རིན་པོ་ཆེ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་ནོར་བུ་རིན་པོ་ཆེ་ཀཱརྵྰ་པ་ཎ་དང་ཤིན་ཏུ་མི་མཉམ་པ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་ཟག་པ་མེད་པའི་དབྱིངས་སུ་ཞུགས་པས་བྱ་བ་མཉམ་ཞིང་བདེ་བའི་ལོངས་སྤྱོད་མཉམ་པའི་ཕྱིར་འདྲེས་པའི་ཚལ་དུ་ཞུགས་པ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་འདྲེས་པའི་ཚལ་དུ་ཞུགས་པའི་ལྷ་རྣམས་ཉོན་མོངས་པ་རྣམ་པར་སྤེལ་ནས་ཕྱི་མ་ལ་ལོག་པར་ལྟུང་བར་འགྱུར་བ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་ཉོན་མོངས་པ་བཅོམ་པས་ལོག་པར་མི་ལྟུང་བའི་ཕྱིར་ཉོན་མོངས་པའི་དུག་བཅོམ་པ་ལྟ་བུ་ཡང་ཡིན་ནོ། །དེ་ལྟ་མོད་ཀྱི་ཇི་ལྟར་དགུ་བཅོམ་པ་གནོད་པ་མི་བྱེད་པ་འབའ་ཞིག་ཏུ་ཟད་ཀྱི། གང་ལ་ཡང་ཡོན་ཏན་དུ་མ་འགྱུར་བ་ལྟར་དེ་ནི་དེ་ལྟ་མ་ཡིན་ཏེ། བྱང་ཆུབ་སེམས་དཔའ་ནི་རང་གི་ཉོན་མོངས་པས་སེམས་ཅན་ཐམས་ཅད་ལ་ཕན་འདོགས་པའི་ཕྱིར་ཉོན་མོངས་པ་གྲོང་ཁྱེར་ཆེན་པོའི་ལྗན་ལྗིན་ལྟ་བུ་ཡང་ཡིན་ནོ། །དེ་ལྟར་བྱང་ཆུབ་སེམས་དཔའི་ཡོན་ཏན་གྱི་དཔེ་འཇིག་རྟེན་ན་གྲགས་པའི་དངོས་པོ་དེ་ལྟ་བུ་དང༌། དེ་དག་པས་ཁྱད་པར་དུ་འཕགས་པའི་ཡོན་ཏན་དང་ལྡན་པས་ཡོན་ཏན་དཔེ་མེད་པ་ཡིན་ནོ༑ །དེ་ལྟར་ན་བྱང་ཆུབ་སེམས་དཔའ་ནི་ཡོན་ཏན་དཔེ་མེད་པ་དང་ལྡན་པ་ཡིན་པར་རིག་པར་བྱའོ། །

byang chub sems dpa' la dad pa skyed pa'i dpe dag gang zhe na/ byang chub sems dpa' sems dang po bskyed pa nas bzung ste/ thog ma dang/ bar dang/ tha ma dag tu sems can thams cad kyi dge ba'i rtsa ba mngon par bsgrub pa'i gnas su gyur pa nyid yin pas gnod pa byed pa dang/ lan byed pa thams cad kyi sems yongs su ma gtugs pa'i phyir sa lta bu yin no| /de lta mod kyi ji ltar tha mal par gnas pa'i sa la brten nas sems can rnams rang gi skyes bu'i byed pas de la nye bar 'tshe bar byed pa ltar byang chub sems dpa' ni de lta ma yin te/ dge ba'i rtsa ba bskyed pa'i phyir rab tu dang ba dang/ mchog tu dga' bas mngon par rlan par byed pas chu lta bu yang yin no/ /de lta mod kyi ji ltar chu'i lo tog yongs su smyin par byed pa dang mi mthun pa ltar de ni de lta ma yin te/ dge ba'i rtsa ba yongs su smin par bya ba'i phyir kun tu skyo bar 'gyur ba'i chos rnams la/ kun tu skyo zhing kun tu gdung bar byed pa'i phyir mi lta bu yang yin no/ /de lta mod kyi ji ltar me sangs rgyas kyi zhing rnam par bsgrubs pa dang mi mthun pa ltar de ni de lta ma yin te/ dge ba'i rtsa ba yongs su smin pa rnams kyi rnam par grol ba la reg par bya ba nyid mngon par sgrub pa rnam par sgrub pa'i phyir yang dag pa'i gdams ngag nye bar sgrub pas rlung lta bu yang yin no/ /de lta mod kyi ji ltar rlung mngon par bsgrubs nas nye bar sbyor bar 'gyur ba ltar de ni de lta ma yin te/ rang gi dkar po'i chos mngon par 'phel ba'i phyir zla ba lta bu yang yin no/ /de lta mod kyi ji ltar zla ba yar gyi ngo kho na la snang bar byed kyi/ mar gyi ngo la ma yin pa ltar de ni de lta ma yin te/ byang chub sems dpa' ni spyi'i mtshan nyid kyis nag po dang dkar po'i phyogs kyi chos thams cad la shes pa snang ba'i phyir nyi ma lta bu yang yin no/ /de lta mod kyi ji ltar nyi ma gza' sgra gcan gyis 'jigs pas yongs su rgyu ba ltar de ni de lta ma yin te/ byang chub sems dpa' ni 'gro ba rnams su nyon mongs pa'i gza' thams cad kyis mi 'jigs par 'jug pa'i phyir seng ge lta bu yang yin no/ /de lta mod kyi ji ltar seng ge khal chen pos sgyid lug par 'gyur ba ltar de ni de lta ma yin te/ sdug bsngal gyi khur thams cad khyer ba'i phyir glang po che dul ba lta bu yang yin no/ /de lta mod kyi ji ltar glang po che rnyed pa dang/ ma rnyed pa dang/ tshig 'jam pa dang/ mi 'jam pa dang/ bde ba dang/sdug bsngal gyi spyod pa dag gis rjes su chags pa dang/ khong khro ba dag gis gos par 'gyur ba ltar de ni de lta ma yin te/ byang chub sems dpa' ni 'jig rten gyi chos thams cad la rjes su chags pa dang/ khong khro ba dag gis mi gos pa'i phyir pad+ma lta bu yang yin no/ /de lta mod kyi ji ltar pad+ma sdong bu las bcad na mi skye ba'i chos can yin pa ltar de ni de lta ma yin te/ byang chub sems dpa' ni nyon mongs pa bcom yang dge ba'i rtsa ba'i stobs skyed pas yang 'khor bar skye ba'i phyir rtsa ba ma nyams pa'i shin ljon pa lta bu yang yin no| /de lta mod kyi ji ltar shin ljon pa tha mar rtsa ba rab tu 'jig par 'gyur ba lta de ni de lta ma yin te/ byang chub sems dpa' ni mya ngan las 'das pa dang/ byang chub chen por dge ba'i rtsa ba yongs su bsngo ba'i phyir chu'i rgyun rgya mtshor bab pa lta bu yang yin no/ /de lta mod kyi ji ltar chu'i rgyun rgya mchor bab na rgya mtsho nyid du 'gyur ba ltar de ni de lta ma yin te/ byang chub sems dpa' ni mya ngan las 'das pa dang byang chub chen po la brten pa'i dge ba'i rtsa ba dag gis rnam par rtse ba'i phyir ri rab la gnas pa'i lha lta bu yang yin no/ /de lta mod kyi ji ltar ri rab la gnas pa'i lha rnams rang gi bya ba la bag med par dga' ba mang ba ltar de ni de lta ma yin te/ thabs dang shes rab kyis yongs su zin pa dang sangs rgyas kyi mdzad pa sgrub par byed pa'i phyir blon pos yongs su zin pa'i rgyal po lta bu yang yin no/ /de lta mod kyi ji ltar blon pos yongs su zin pa'i rgyal po bdag nyid kyi don kho na'i phyir skye dgu skyong bar byed pa ltar de ni de lta ma yin te/ bdag nyid kyi don la mi lta bar skye dgu skyong bar byed pa'i phyir sprin chen po lta bu yang yin no/ /de lta mod kyi sprin chen po lo tog bsgrub pa la gtan du ba ma yin pa ltar de ni de lta ma yin te/ byang chub sems dpa' ni gtan du byang chub kyi phyogs dang mthun pa'i chos skyed pa'i phyir 'khor los sgyur ba 'byung ba lta bu yang yin no/ /de lta mod kyi ji ltar 'khor los sgyur ba skyes bu chen po dag dang zla med pa ltar de ni de lta ma yin te/ byang chub sems dpa' ni rnam par grol ba thun mong du gyur pa'i dge ba'i rtsa ba bskyed pa'i phyir nor bu rin po che lta bu yang yin no/ /de lta mod kyi ji ltar nor bu rin po che kAr+Sh+'a pa Na dang shin tu mi mnyam pa ltar de ni de lta ma yin te/ byang chub sems dpa' ni zag pa med pa'i dbyings su zhugs pas bya ba mnyam zhing bde ba'i longs spyod mnyam pa'i phyir 'dres pa'i tshal du zhugs pa lta bu yang yin no/ /de lta mod kyi ji ltar 'dres pa'i tshal du zhugs pa'i lha rnams nyon mongs pa rnam par spel nas phyi ma la log par ltung bar 'gyur ba ltar de ni de lta ma yin te/ byang chub sems dpa' ni nyon mongs pa bcom pas log par mi ltung ba'i phyir nyon mongs pa'i dug bcom pa lta bu yang yin no/ /de lta mod kyi ji ltar dgu bcom pa gnod pa mi byed pa 'ba' zhig tu zad kyi/ gang la yang yon tan du ma 'gyur ba ltar de ni de lta ma yin te/ byang chub sems dpa' ni rang gi nyon mongs pas sems can thams cad la phan 'dogs pa'i phyir nyon mongs pa grong khyer chen po'i ljan ljin lta bu yang yin no/ /de ltar byang chub sems dpa'i yon tan gyi dpe 'jig rten na grags pa'i dngos po de lta bu dang/ de dag pas khyad par du 'phags pa'i yon tan dang ldan pas yon tan dpe med pa yin no| /de ltar na byang chub sems dpa' ni yon tan dpe med pa dang ldan pa yin par rig par bya'o/ /

【E6 解安立所學】【F1 總問答標列十三中道行】

ཡང་དག་པའི་སྒྲུབ་པ་ལ་རྣམ་པར་གནས་པའི་བྱང་ཆུབ་སེམས་དཔའི་བསླབ་པ་གང་ཞེ་ན། བྱང་ཆུབ་སེམས་དཔའི་ཆོས་ལ་གནས་པ་ཉན་ཐོས་ཀྱི་ཐེག་པ་དང་ལྡན་པའི་མདོ་སྡེ་ཀུན་རྫོབ་ཀྱི་བདེན་པའི་ཚུལ་བཤད་པ། དྲང་བའི་དོན་བསྟན་པར་བྱ་བ་མ་ཡིན་པ་ལས་ཤིན་ཏུ་འདས་ནས། དེ་ལ་ལྷག་པར་བྱ་བ་བྱས་ཤིང་དགེ་བའི་རྩ་བ་བྱས་པ། ཐེག་པ་ཆེན་པོ་དང་ལྡན་པའི་མདོ་སྡེ་ཟབ་མོ་སྟོང་པ་ཉིད་དང་ལྡན་པ། ཀུན་རྫོབ་དང་དོན་དམ་པའི་བདེན་པའི་ཚུལ་བཤད་པ། ངེས་པའི་དོན་བསྟན་པར་བྱ་བ་ལ་བརྩོན་པར་བྱེད་པ་ན་ཚུལ་བཞིན་ལ་བརྩོན་པ་ཞེས་བྱའོ། །ཚུལ་བཞིན་ལ་བརྩོན་པ་དང་དབུ་མའི་ལམ་དུ་ཞུགས་པ་ཡིན་ཏེ། འདི་ལྟར་ཆོས་དེ་ནི་དབུ་མའི་ལམ་རྣམ་པ་བཅུ་གསུམ་སྨོས་པར་བྱེད་པ་ཡིན་པའི་ཕྱིར་ཏེ། གང་ཟག་སྟོང་པ་ཉིད་སྨོས་པར་བྱེད་པ་དང༌། གང་ཟག་ལ་བདག་མེད་པ་དང༌། ཆོས་སྟོང་པ་ཉིད་དང༌། ཆོས་ལ་བདག་མེད་པ་དང༌། སྒྲོ་འདོགས་པའི་མཐའ་དང༌། སྐུར་པ་འདེབས་པའི་མཐའ་དང༌། ཆོས་མངོན་པར་རྟོགས་པ་དང༌། དེ་ཉིད་བྱང་ཆུབ་ཆེན་པོར་ཡོངས་སུ་བསྔོ་བ་ཉིད་དང༌། ད་ལྟར་ཞུགས་པའི་སེམས་ཉོན་མོངས་པ་དང་སྡུག་བསྔལ་དག་གིས་ཡོངས་སུ་མ་གཏུགས་པ་ཉིད་དང༌། བདག་མེད་པ་གཉིས་ལ་མོས་པའི་ཁྱད་པར་དང༌། བདག་མེད་པ་སྔ་མ་ཤོས་ཕྱི་མའི་རྒྱུ་ཉིད་ཡིན་པ་དང༌། མཐར་ཐུག་པའི་སྟོང་པ་ཉིད་དང༌། དེ་ཉིད་ཀྱེ་མཐུ་སྨོས་པར་བྱེད་དོ། །

yang dag pa'i sgrub pa la rnam par gnas pa'i byang chub sems dpa'i bslab pa gang zhe na/ byang chub sems dpa'i chos la gnas pa nyan thos kyi theg pa dang ldan pa'i mdo sde kun rdzob kyi bden pa'i tshul bshad pa/ drang ba'i don bstan par bya ba ma yin pa las shin tu 'das nas/ de la lhag par bya ba byas shing dge ba'i rtsa ba byas pa/ theg pa chen po dang ldan pa'i mdo sde zab mo stong pa nyid dang ldan pa/ kun rdzob dang don dam pa'i bden pa'i tshul bshad pa/ nges pa'i don bstan par bya ba la brtson par byed pa na tshul bzhin la brtson pa zhes bya'o/ /tshul bzhin la brtson pa dang dbu ma'i lam du zhugs pa yin te/ 'di ltar chos de ni dbu ma'i lam rnam pa bcu gsum smos par byed pa yin pa'i phyir te/ gang zag stong pa nyid smos par byed pa dang/ gang zag la bdag med pa dang/ chos stong pa nyid dang/ chos la bdag med pa dang/ sgro 'dogs pa'i mtha' dang/ skur pa 'debs pa'i mtha' dang/ chos mngon par rtogs pa dang/ de nyid byang chub chen por yongs su bsngo ba nyid dang/ da ltar zhugs pa'i sems nyon mongs pa dang sdug bsngal dag gis yongs su ma gtugs pa nyid dang/ bdag med pa gnyis la mos pa'i khyad par dang/ bdag med pa snga ma shos phyi ma'i rgyu nyid yin pa dang/ mthar thug pa'i stong pa nyid dang/ de nyid kye mthu smos par byed do/ /

【F2 徵問別解】【G1 解人空】

ཇི་ལྟར་གང་ཟག་སྟོང་པ་ཉིད་སྨོས་པར་བྱེད་ཅེ་ན། རྣམ་པ་གཅིག་གིས་མི་དམིགས་པ་ཡོངས་སུ་བསྟན་པ་ལས་ཏེ། དེ་ལ་མི་དམིགས་པ་ནི་འདི་ཡིན་ཏེ། དངོས་པོ་གསུམ་པོ་སེམས་ཅན་གྱི་དངོས་པོ་དང༌། དེའི་སྣ་ཚོགས་ཀྱི་དངོས་པོ་དང༌། དེའི་ལོངས་སྤྱོད་ཀྱི་དངོས་པོ་ལ་བྱིས་པ་རྣམས་ཀྱིས་ཀུན་ཏུ་བརྟགས་པའི་བདག་ནང་དང་ཕྱི་རོལ་དང་གཉི་ག་མེད་པར་ཡང་མི་དམིགས་པའོ། །

ji ltar gang zag stong pa nyid smos par byed ce na/ rnam pa gcig gis mi dmigs pa yongs su bstan pa las te/ de la mi dmigs pa ni 'di yin te/ dngos po gsum po sems can gyi dngos po dang/ de'i sna tshogs kyi dngos po dang/ de'i longs spyod kyi dngos po la byis pa rnams kyis kun tu brtags pa'i bdag nang dang phyi rol dang gnyi ga med par yang mi dmigs pa'o/ /

【G2 解人無我】

ཇི་ལྟར་གང་ཟག་ལ་བདག་མེད་པ་སྨོས་པར་བྱེད་ཅེ་ན། རྣམ་པ་གཅིག་ཁོ་ནས་དམིགས་པ་ཡོངས་སུ་བསྟན་པ་ལས་ཏེ། དེ་ལ་དམིགས་པ་ནི་འདི་ཡིན་ཏེ། དངོས་པོ་གསུམ་པོ་རྟེན་ཅིང་འབྲེལ་པར་འབྱུང་བ་དེ་ཉིད་ལ་རྟག་པ་ཉིད་མི་དམིགས་པས་བྱིས་པས་ཀུན་བརྟགས་པའི་བདག་དང་མཚན་ཉིད་མི་འདྲ་བ་དམིགས་པའོ། །

ji ltar gang zag la bdag med pa smos par byed ce na/ rnam pa gcig kho nas dmigs pa yongs su bstan pa las te/ de la dmigs pa ni 'di yin te/ dngos po gsum po rten cing 'brel par 'byung ba de nyid la rtag pa nyid mi dmigs pas byis pas kun brtags pa'i bdag dang mtshan nyid mi 'dra ba dmigs pa'o/ /

【G3 解法空】

ཇི་ལྟར་ཆོས་སྟོང་པ་ཉིད་སྨོས་པར་བྱེད་ཅེ་ན། རྣམ་པ་གཅིག་ཁོ་ནས་མི་དམིགས་པ་ཡོངས་སུ་བསྟན་པ་ལས་ཏེ། དེ་ལ་མི་དམིགས་པ་ནི་འདི་ཡིན་ཏེ། དངོས་པོ་གསུམ་པོ་མི་རྟག་པས་བསྡུས་པ་དེ་ཉིད་ལ་བྱིས་པས་ཀུན་བརྟགས་པ་ཐ་སྙད་ལས་བྱུང་བའི་ངོ་བོ་ཉིད་ནང་དང་ཕྱི་རོལ་དང་གཉི་ག་མ་གཏོགས་པར་མི་དམིགས་པའོ། །

ji ltar chos stong pa nyid smos par byed ce na/ rnam pa gcig kho nas mi dmigs pa yongs su bstan pa las te/ de la mi dmigs pa ni 'di yin te/ dngos po gsum po mi rtag pas bsdus pa de nyid la byis pas kun brtags pa tha snyad las byung ba'i ngo bo nyid nang dang phyi rol dang gnyi ga ma gtogs par mi dmigs pa'o/ /

【G4 解法無我】

ཇི་ལྟར་ཆོས་བདག་མེད་པ་སྨོས་པར་བྱེད་ཅེ་ན། རྣམ་པ་གཅིག་ཁོ་ནས་དམིགས་པ་ཡོངས་སུ་བསྟན་པ་ལས་ཏེ། དེ་ལ་དམིགས་པ་ནི་འདི་ཡིན་ཏེ། དངོས་པོ་དེ་ཉིད་ལ་འཕགས་པའི་ཡེ་ཤེས་ཀྱི་སྤྱོད་ཡུལ་དེ་དག་ཉིད་ཀྱི་སོ་སོ་རང་གི་རིག་པ་དང་མཐུན་པ། གཞན་དག་ལ་ཡང་བརྗོད་དུ་མེད་པ་གང་ཡིན་པ་དམིགས་པ་སྟེ། དེ་ལ་ཡང་རྣམ་པ་དྲུག་གིས་བྱིས་པས་ཀུན་བརྟགས་པ་ཐ་སྙད་ལས་བྱུང་བའི་ངོ་བོ་ཉིད་དང་མཚན་ཉིད་མི་འདྲ་བ་དམིགས་ཏེ། རྣམ་པ་དྲུག་གང་ཞེ་ན། བདག་གིས་བརྟག་པར་མི་ནུས་པ་དང༌། གཞན་དག་ལ་བསྟན་དུ་མེད་པ་དང༌། དབང་པོ་གཟུགས་ཅན་གྱི་སྤྱོད་ཡུལ་ལས་ཡང་དག་པར་འདས་པ་དང༌། མཚན་མ་ཐམས་ཅད་ལས་ཡང་དག་པར་འདས་པ་དང༌། རྣམ་པར་ཤེས་པའི་སྤྱོད་ཡུལ་ལས་ཡང་དག་པར་འདས་པ་དང༌། ཉོན་མོངས་པའི་སྤྱོད་ཡུལ་ལས་ཡང་དག་པར་འདས་པའོ། །

ji ltar chos bdag med pa smos par byed ce na/ rnam pa gcig kho nas dmigs pa yongs su bstan pa las te/ de la dmigs pa ni 'di yin te/ dngos po de nyid la 'phags pa'i ye shes kyi spyod yul de dag nyid kyi so so rang gi rig pa dang mthun pa/ gzhan dag la yang brjod du med pa gang yin pa dmigs pa ste/ de la yang rnam pa drug gis byis pas kun brtags pa tha snyad las byung ba'i ngo bo nyid dang mtshan nyid mi 'dra ba dmigs te/ rnam pa drug gang zhe na/ bdag gis brtag par mi nus pa dang/ gzhan dag la bstan du med pa dang/ dbang po gzugs can gyi spyod yul las yang dag par 'das pa dang/ mtshan ma thams cad las yang dag par 'das pa dang/ rnam par shes pa'i spyod yul las yang dag par 'das pa dang/ nyon mongs pa'i spyod yul las yang dag par 'das pa'o/ /

【G5 解增益】【H1 增益差別】

ཇི་ལྟར་སྒྲོ་འདོགས་པའི་མཐའ་སྨོས་པར་བྱེད་ཅེ་ན། རྣམ་པ་གཉིས་ཀྱིས་ཏེ། བྱེ་བྲག་ཏུ་སྒྲོ་འདོགས་པ་ཡོངས་སུ་བསྟན་པ་དང༌། ངོ་བོ་ཉིད་དུ་སྒྲོ་འདོགས་པ་ཡོངས་སུ་བསྟན་པ་ལས་སོ། །དེ་ལ་བྱེ་བྲག་ཏུ་སྒྲོ་འདོགས་པ་གང་ཞེ་ན། གོང་ནས་གོང་དུ་རྣམ་པ་བརྒྱད་དེ། དངོས་པོ་དེ་ཉིད་ལ་རྟག་པར་འཛིན་པས་སྒྲོ་འདོགས་པ་དང༌། མི་རྟག་པར་འཛིན་པས་སྒྲོ་འདོགས་པ་དང༌། རྟག་པར་འཛིན་པས་སྒྲོ་འདོགས་པ་ལ་བརྟེན་ནས་བདག་ཏུ་འཛིན་པས་སྒྲོ་འདོགས་པ་དང༌། མི་རྟག་པར་འཛིན་པས་སྒྲོ་འདོགས་པ་ལ་བརྟེན་ནས་བདག་མེད་པར་འཛིན་པས་སྒྲོ་འདོགས་པ་དང༌། བདག་མེད་པར་འཛིན་པས་སྒྲོ་འདོགས་པ་ལ་བརྟེན་ནས་ཡང་དག་པའི་སེམས་སུ་འཛིན་པས་སྒྲོ་འདོགས་པ་དང༌། བདག་ཏུ་འཛིན་པས་སྒྲོ་འདོགས་པ་ལ་བརྟེན་ནས་ཡང་དག་པ་མ་ཡིན་པའི་སེམས་སུ་འཛིན་པས་སྒྲོ་འདོགས་པ་དང༌། དེ་ཡང་སེམས་མེད་པ་དང་ཚོལ་བ་པའོ། །ཚོལ་བ་པ་ཡང་དེས་ཀུན་བརྟགས་པའི་གནས་དང༌། དེས་ཀུན་བརྟགས་པ་དང༌། མཚུངས་པར་ལྡན་པ་སྟེ། མི་མཐུན་པའི་ཕྱོགས་ཀུན་ནས་ཉོན་མོངས་པ་ཅན་གྱི་ཆོས་རྣམས་ལ་ཉེས་པ་ལྔ་དང་མཚུངས་པར་ལྡན་ཏེ། ཕྱིན་ཅི་ལོག་གི་ཉེས་པ་དང༌། སྤྲོས་པའི་ཉེས་པ་དང༌། ཉེས་པར་སྤྱོད་པའི་ཀུན་ནས་སློང་བའི་ཉེས་པ་དང༌། གནས་ངན་ལེན་གྱི་ཉེས་པ་དང༌། མི་རྟག་པ་ཉིད་ཀྱི་ཉེས་པ་དང་ངོ༌། །དེའི་གཉེན་པོ་རྣམ་པར་བྱང་བ་དག་ལ་ཡང་དག་པའི་སེམས་སུ་འཛིན་པས་སྒྲོ་འདོགས་པ་ལ་བརྟེན་ནས། དགེ་བ་ལ་སོགས་པར་འཛིན་པས་སྒྲོ་འདོགས་པ་ནས་རྣམ་པར་བྱང་བའི་བར་དུ་འཛིན་པས་སྒྲོ་འདོགས་པ་དང༌། ཡང་དག་པ་མ་ཡིན་པའི་སེམས་སུ་འཛིན་པས་སྒྲོ་འདོགས་པ་ལ་བརྟེན་ནས༑ མི་དགེ་བ་ལ་སོགས་པར་འཛིན་པས་སྒྲོ་འདོགས་པ་ནས། ཀུན་ནས་ཉོན་མོངས་པའི་བར་དུ་འཛིན་པས་སྒྲོ་འདོགས་པ་སྟེ། དེ་དག་ནི་བྱེ་བྲག་ཏུ་སྒྲོ་འདོགས་པ་བརྒྱད་ཡིན་ཏེ། དེ་ལ་བྱང་ཆུབ་སེམས་དཔའ་ནི་སྒྲོ་འདོགས་པ་དེ་དག་ལ་མངོན་པར་ཞེན་པར་ཡང་མི་བྱེད་ལ། གཞན་དག་ལ་ཡང་དག་པར་འཛིན་དུ་ཡང་མི་འཇུག་བསྔགས་པ་རྗོད་པར་ཡང་མི་བྱེད་དོ། །

ji ltar sgro 'dogs pa'i mtha' smos par byed ce na/ rnam pa gnyis kyis te/ bye brag tu sgro 'dogs pa yongs su bstan pa dang/ ngo bo nyid du sgro 'dogs pa yongs su bstan pa las so/ /de la bye brag tu sgro 'dogs pa gang zhe na/ gong nas gong du rnam pa brgyad de/ dngos po de nyid la rtag par 'dzin pas sgro 'dogs pa dang/ mi rtag par 'dzin pas sgro 'dogs pa dang/ rtag par 'dzin pas sgro 'dogs pa la brten nas bdag tu 'dzin pas sgro 'dogs pa dang/ mi rtag par 'dzin pas sgro 'dogs pa la brten nas bdag med par 'dzin pas sgro 'dogs pa dang/ bdag med par 'dzin pas sgro 'dogs pa la brten nas yang dag pa'i sems su 'dzin pas sgro 'dogs pa dang/ bdag tu 'dzin pas sgro 'dogs pa la brten nas yang dag pa ma yin pa'i sems su 'dzin pas sgro 'dogs pa dang/ de yang sems med pa dang tshol ba pa'o/ /tshol ba pa yang des kun brtags pa'i gnas dang/ des kun brtags pa dang/ mtshungs par ldan pa ste/ mi mthun pa'i phyogs kun nas nyon mongs pa can gyi chos rnams la nyes pa lnga dang mtshungs par ldan te/ phyin ci log gi nyes pa dang/ spros pa'i nyes pa dang/ nyes par spyod pa'i kun nas slong ba'i nyes pa dang/ gnas ngan len gyi nyes pa dang/ mi rtag pa nyid kyi nyes pa dang ngo/ /de'i gnyen po rnam par byang ba dag la yang dag pa'i sems su 'dzin pas sgro 'dogs pa la brten nas/ dge ba la sogs par 'dzin pas sgro 'dogs pa nas rnam par byang ba'i bar du 'dzin pas sgro 'dogs pa dang/ yang dag pa ma yin pa'i sems su 'dzin pas sgro 'dogs pa la brten nas| mi dge ba la sogs par 'dzin pas sgro 'dogs pa nas/ kun nas nyon mongs pa'i bar du 'dzin pas sgro 'dogs pa ste/ de dag ni bye brag tu sgro 'dogs pa brgyad yin te/ de la byang chub sems dpa' ni sgro 'dogs pa de dag la mngon par zhen par yang mi byed la/ gzhan dag la yang dag par 'dzin du yang mi 'jug bsngags pa rjod par yang mi byed do/ /

【H2 自性增益】

དེ་ལ་ངོ་བོ་ཉིད་དུ་སྒྲོ་འདོགས་པ་ནི་བྱེ་བྲག་ཏུ་སྒྲོ་འདོགས་པའི་གནས་གང་ཡིན་པ་སྟེ། དངོས་པོ་དེ་ཉིད་ལ་བྱིས་པས་ཀུན་བརྟགས་པ་ཐ་སྙད་ལས་བྱུང་བའི་ངོ་བོ་ཉིད་དུ་སྒྲོ་འདོགས་པ་ཡོད་དོ་ཞེས་སྒྲོ་འདོགས་པའོ། །

de la ngo bo nyid du sgro 'dogs pa ni bye brag tu sgro 'dogs pa'i gnas gang yin pa ste/ dngos po de nyid la byis pas kun brtags pa tha snyad las byung ba'i ngo bo nyid du sgro 'dogs pa yod do zhes sgro 'dogs pa'o/ /

【G6 解損減】

ཇི་ལྟར་སྐུར་པ་འདེབས་པའི་མཐའ་སྨོས་པར་བྱེད་ཅེ་ན། རྣམ་པ་གཅིག་གིས་ཡོད་པའི་དངོས་པོ་ལ་སྐུར་པ་འདེབས་པ་ཡོངས་སུ་བསྟན་པ་ལས་ཏེ་དེ་ལ་ཡོད་པའི་དངོས་པོ་ལ་སྐུར་པ་འདེབས་པ་ནི་འདི་ཡིན་ཏེ། འདི་ལྟ་སྟེ། ལོག་པར་ཆོས་བདག་མེད་པ་ལ་མོས་པ་རྣམ་པ་ཐམས་ཅད་དུ་ཆོས་ཀྱི་མཚན་ཉིད་དུ་ཐམས་ཅད་མེད་པ་ཉིད་དུ་མངོན་པར་ཞེན་པ་ཡིན་ནོ། །

ji ltar skur pa 'debs pa'i mtha' smos par byed ce na/ rnam pa gcig gis yod pa'i dngos po la skur pa 'debs pa yongs su bstan pa las te de la yod pa'i dngos po la skur pa 'debs pa ni 'di yin te/ 'di lta ste/ log par chos bdag med pa la mos pa rnam pa thams cad du chos kyi mtshan nyid du thams cad med pa nyid du mngon par zhen pa yin no/ /

【G7 解法現觀】

ཇི་ལྟར་ཆོས་མངོན་པར་རྟོགས་པ་སྨོས་པར་བྱེད་ཅེ་ན། རྣམ་པ་གསུམ་གྱིས་ཏེ། དངོས་པོ་དེ་ཉིད་དང༌། བཞི་པ་སྐྱེ་བའི་དངོས་པོ་མི་མཐུན་པའི་ཕྱོགས་དང་གཉེན་པོ་དང༌། འདུས་བྱས་དང༌། འདུས་མ་བྱས་སུ་རྣམ་པར་གནས་པ་ལ་ངོ་བོ་ཉིད་མི་དམིགས་པ་ཡོངས་སུ་བསྟན་པ་དང་བྱེ་བྲག་མི་དམིགས་པ་ཡོངས་སུ་བསྟན་པ་དང༌། དེ་གོམས་པར་བྱས་པས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་རྟོགས་པ་ཡོངས་སུ་བསྟན་པས་སོ། །དེ་ལ་ངོ་བོ་ཉིད་མི་དམིགས་པ་ནི་འདི་ཡིན་ཏེ། བྱིས་པས་ཀུན་བརྟགས་པའི་ངོ་བོ་ཉིད་ཀྱིས་མི་དམིགས་པ་གང་ཡིན་པའོ། །དེ་ལ་བྱེ་བྲག་མི་དམིགས་པ་ནི་འདི་ཡིན་ཏེ། ངོ་བོ་ཉིད་དེ་ཉིད་ལ་སྐྱེ་བ་དང་འགག་པ་ཡང་དག་པར་འགྲུབ་པ་གཉིས་སུ་མེད་པས་མི་དམིགས་པ་གང་ཡིན་པའོ། །དེ་ལ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་རྟོགས་པ་ནི་འདི་ཡིན་ཏེ། དེའི་ངོ་བོ་ཉིད་དང་དེའི་མཚན་མ་ཡིད་ལ་མི་བྱེད་ཅིང་ཡང་དག་པར་མི་སྣང་བའི་སྦྱོར་བས་སོ་སོ་རང་རིག་པ་དང་མཐུན་པའི་ཤེས་པ་རབ་ཏུ་རྟོགས་པ་གང་ཡིན་པའོ། །

ji ltar chos mngon par rtogs pa smos par byed ce na/ rnam pa gsum gyis te/ dngos po de nyid dang/ bzhi pa skye ba'i dngos po mi mthun pa'i phyogs dang gnyen po dang/ 'dus byas dang/ 'dus ma byas su rnam par gnas pa la ngo bo nyid mi dmigs pa yongs su bstan pa dang bye brag mi dmigs pa yongs su bstan pa dang/ de goms par byas pas shes pa yang dag pa ji lta ba bzhin rab tu rtogs pa yongs su bstan pas so/ /de la ngo bo nyid mi dmigs pa ni 'di yin te/ byis pas kun brtags pa'i ngo bo nyid kyis mi dmigs pa gang yin pa'o/ /de la bye brag mi dmigs pa ni 'di yin te/ ngo bo nyid de nyid la skye ba dang 'gag pa yang dag par 'grub pa gnyis su med pas mi dmigs pa gang yin pa'o/ /de la shes pa yang dag pa ji lta ba bzhin rab tu rtogs pa ni 'di yin te/ de'i ngo bo nyid dang de'i mtshan ma yid la mi byed cing yang dag par mi snang ba'i sbyor bas so so rang rig pa dang mthun pa'i shes pa rab tu rtogs pa gang yin pa'o/ /

【G8 解迴向大菩提性】

ཇི་ལྟར་ཆོས་མངོན་པར་རྟོགས་པ་བྱང་ཆུབ་ཆེན་པོར་ཡོངས་སུ་བསྔོ་བ་སྨོས་པར་བྱེད་ཅེ་ན། རྣམ་པ་གཅིག་གིས་སོ་སོར་བརྟགས་ཏེ། གཉེན་པོ་ཐོབ་པས་མི་མཐུན་པའི་ཕྱོགས་མི་སྤོང་བ་ལས་ཏེ། དེ་ལ་གཉེན་པོ་དང་མི་མཐུན་པ་ནི་འདི་ཡིན་ཏེ། སྟོང་པ་ཉིད་ནི་ཉོན་མོངས་པའི་གཉེན་པོའོ། །སྨོན་པ་མེད་པ་ནི་སྲིད་པར་སྨོན་པའིའོ། །མཚན་མ་མེད་པ་ནི་མཚན་མ་རྣམས་ཀྱི་སྟེ། དེ་དག་ཐམས་ཅད་ཀྱང་མངོན་པར་འདུ་བྱེད་པ་མེད་པ་ཞེས་བྱའོ། །དེ་ཡང་ཡང་སྲིད་པ་འབྱུང་བར་བྱེད་པའི་ལས་གཉེན་པོ་དང༌། སྐྱེ་བའི་རྒྱུན་དང་། སྐད་ཅིག་སྐྱེ་བའི་རྒྱུན་གྱི་གཉེན་པོ་ཡིན་ནོ། །འགོག་པ་མྱ་ངན་ལས་འདས་པ་ནི་འདུ་བྱེད་ཐམས་ཅད་ཀྱི་ངོ་བོ་ཉིད་མེད་པ་ཉིད་ཅེས་བྱ་སྟེ། དེའི་མི་མཐུན་པའི་ཕྱོགས་ནི་འཁོར་བའི་རྒྱུན་ཡིན་ནོ། །བྱང་ཆུབ་སེམས་དཔའི་གཉེན་པོ་དེས་སོ་སོར་བརྟགས་ཏེ་མི་མཐུན་པའི་ཕྱོགས་མི་སྤོངས་པ་གང་ཡིན་པ་དེ་ནི་སེམས་ཅན་ལ་སྙིང་བརྩེ་བ་ལས་བརྟེན་ཏེ་བྱང་ཆུབ་ཆེན་པོ་འདོད་པ་ཡིན་ནོ། །

ji ltar chos mngon par rtogs pa byang chub chen por yongs su bsngo ba smos par byed ce na/ rnam pa gcig gis so sor brtags te/ gnyen po thob pas mi mthun pa'i phyogs mi spong ba las te/ de la gnyen po dang mi mthun pa ni 'di yin te/ stong pa nyid ni nyon mongs pa'i gnyen po'o/ /smon pa med pa ni srid par smon pa'i'o/ /mtshan ma med pa ni mtshan ma rnams kyi ste/ de dag thams cad kyang mngon par 'du byed pa med pa zhes bya'o/ /de yang yang srid pa 'byung bar byed pa'i las gnyen po dang/ skye ba'i rgyun dang / skad cig skye ba'i rgyun gyi gnyen po yin no/ /'gog pa mya ngan las 'das pa ni 'du byed thams cad kyi ngo bo nyid med pa nyid ces bya ste/ de'i mi mthun pa'i phyogs ni 'khor ba'i rgyun yin no/ /byang chub sems dpa'i gnyen po des so sor brtags te mi mthun pa'i phyogs mi spongs pa gang yin pa de ni sems can la snying brtse ba las brten te byang chub chen po 'dod pa yin no/ /

【G9 解如是行】

ཇི་ལྟར་དེ་ལྟར་ཞུགས་པའི་སེམས་ཉོན་མོངས་པ་དང་སྡུག་བསྔལ་དག་གིས་ཡོངས་སུ་མ་གཏུགས་པ་ཉིད་སྨོས་པར་བྱེད་ཅེ་ན། རྣམ་པ་གཅིག་གིས་མི་མཐུན་པའི་ཕྱོགས་མ་སྤངས་པའི་ཆོས་རྣམས་ཡང་དག་པ་ཇི་ལྟ་བ་བཞིན་རབ་ཏུ་རྟོགས་པ་ལས་ཏེ༑ དེ་ལ་ཡང་དག་པ་ཇི་ལྟ་བ་བཞིན་དུ་རབ་ཏུ་རྟོགས་པ་ནི་འདི་ཡིན་ཏེ། ཆོས་ལ་བདག་མེད་པའི་སྦྱོར་བས་ཆོས་དེ་དག་ཉིད་ལ་རང་བཞིན་གྱིས་ཀུན་ནས་ཉོན་མོངས་པ་མེད་པ་དང༌། སྡུག་བསྔལ་མེད་པར་ཡང་དག་པར་རྗེས་སུ་མཐོང་བའོ༑ །

ji ltar de ltar zhugs pa'i sems nyon mongs pa dang sdug bsngal dag gis yongs su ma gtugs pa nyid smos par byed ce na/ rnam pa gcig gis mi mthun pa'i phyogs ma spangs pa'i chos rnams yang dag pa ji lta ba bzhin rab tu rtogs pa las te| de la yang dag pa ji lta ba bzhin du rab tu rtogs pa ni 'di yin te/ chos la bdag med pa'i sbyor bas chos de dag nyid la rang bzhin gyis kun nas nyon mongs pa med pa dang/ sdug bsngal med par yang dag par rjes su mthong ba'o| /

【G10 解二無我勝解差別】

ཇི་ལྟར་བྱེ་བྲག་སྨོས་པར་བྱེད་ཅེ་ན། རྣམ་པ་བཞི་སྟེ། ལྟ་བའི་བྱེ་བྲག་ཡོངས་སུ་བསྟན་པ་དང༌། དེ་ཉིད་ཁྱད་ཆེས་དམན་པའི་བྱེ་བྲག་ཡོངས་སུ་བསྟན་པ་དང༌། སྤོང་བ་ལ་རྣམ་པར་འཁྲུལ་པའི་བྱེ་བྲག་ཡོངས་སུ་བསྟན་པ་དང་། སེམས་རྣམ་པར་འཁྲུལ་པའི་བྱེ་བྲག་ཡོངས་སུ་བསྟན་པ་ལས་སོ། །དེ་ལྟ་བའི་བྱེ་བྲག་ནི་འདི་ཡིན་ཏེ། གང་ཟག་ལ་བདག་མེད་པ་ལ་གནས་པ་ནི་མྱ་ངན་ལས་འདས་པ་ལ་ཕྱི་མར་བདག་ཉིད་ཆད་པར་མངོན་པའི་ང་རྒྱལ་ཅན་དུ་འགྱུར་བ་དང༌། གཟུང་བ་ཡོངས་སུ་བརྟགས་པའི་ཕྱིར་དང༌། འཛིན་པ་གཏན་དུ་ཐ་སྙད་ལས་བྱུང་བའི་ངོ་བོ་ཉིད་དང་བྲལ་བ་སྟོང་པ་ཉིད་ཀྱིས་བསྡུས་པ་ཡོངས་སུ་མ་བརྟགས་པའི་ཕྱིར་ཤེས་བྱ་ཤིན་ཏུ་མ་རྟོགས་པས་ཆོས་ཀྱི་བདག་ཉིད་ལ་མངོན་པར་ཞེན་པ་དེས་ཉོན་མོངས་པ་སྤོང་བ་ལ་སོགས་པ་སྤོང་བ་ཡོངས་སུ་ཚོལ་བར་བྱེད་ཀྱི། བྱང་ཆུབ་སེམས་དཔའ་ནི་དེ་ལྟ་མ་ཡིན་ནོ། །དེ་ལ་དེ་ཉིད་ཁྱད་ཆེས་དམན་པའི་བྱེ་བྲག་ནི་འདི་ཡིན་ཏེ། གང་ཟག་ལ་བདག་མེད་པ་ལ་གནས་པ་ནི་རྒྱུ་གཉིས་པོ་སྡུག་བསྔལ་བར་གནས་པ་དང༌། རིམ་གྱིས་འཛིན་པ་གཉིས་ཀྱིས་ཉམས་པས་སྡུག་བསྔལ་ལས་རྣམ་པར་མ་ཐར་བའི་ཕྱིར་སོ་སོའི་སྐྱེ་བོ་བདག་ཏུ་ལྟ་བ་དང་ལྡན་པ་བས་ཀྱང་ཆེས་དམན་པ་བས་དམན་པ་ཡིན་གྱི། བྱང་ཆུབ་སེམས་དཔའ་ནི་དེ་ལྟ་མ་ཡིན་པའོ། །དེ་ལ་སྤོང་བ་ལ་རྣམ་པར་འཁྲུལ་པའི་བྱེ་བྲག་ནི་འདི་ཡིན་ཏེ། གང་ཟག་ལ་བདག་མེད་པ་ལ་གནས་པ་ནི་ཆོས་བདག་མེད་པ་ལ་མེད་པ་ཉིད་དུ་མངོན་པར་ཞེན་པས་སྐྲག་ཅིང༌། ཐ་སྙད་ལས་བྱུང་བའི་ངོ་བོ་ཉིད་ཡོད་པ་ལ་ཆད་པ་ཡོངས་སུ་མི་ཚོལ་གྱི། བྱང་ཆུབ་སེམས་དཔའ་ནི་དེ་ལྟ་མ་ཡིན་པའོ། །དེ་ལ་སེམས་རྣམ་པར་འཁྲུལ་པའི་བྱེ་བྲག་ནི་འདི་ཡིན་ཏེ། གང་ཟག་ལ་བདག་མེད་པ་ལ་གནས་པ་དེ་ལྟར་སྤོང་བ་ལ་རྣམ་པར་འཁྲུལ་པ་ནི་རང་གི་ཀུན་ཏུ་རྟོག་པ་ལས་བྱུང་བའི་ཡུལ་རྣམས་ལ་འདུ་ཤེས་ཕྱིན་ཅི་ལོག་ལ་སོགས་པས་ཕྱིན་ཅི་ལོག་ཏུ་འགྱུར་གྱི། བྱང་ཆུབ་སེམས་དཔའ་ནི་དེ་ལྟ་མ་ཡིན་པའོ། །

ji ltar bye brag smos par byed ce na/ rnam pa bzhi ste/ lta ba'i bye brag yongs su bstan pa dang/ de nyid khyad ches dman pa'i bye brag yongs su bstan pa dang/ spong ba la rnam par 'khrul pa'i bye brag yongs su bstan pa dang / sems rnam par 'khrul pa'i bye brag yongs su bstan pa las so/ /de lta ba'i bye brag ni 'di yin te/ gang zag la bdag med pa la gnas pa ni mya ngan las 'das pa la phyi mar bdag nyid chad par mngon pa'i nga rgyal can du 'gyur ba dang/ gzung ba yongs su brtags pa'i phyir dang/ 'dzin pa gtan du tha snyad las byung ba'i ngo bo nyid dang bral ba stong pa nyid kyis bsdus pa yongs su ma brtags pa'i phyir shes bya shin tu ma rtogs pas chos kyi bdag nyid la mngon par zhen pa des nyon mongs pa spong ba la sogs pa spong ba yongs su tshol bar byed kyi/ byang chub sems dpa' ni de lta ma yin no/ /de la de nyid khyad ches dman pa'i bye brag ni 'di yin te/ gang zag la bdag med pa la gnas pa ni rgyu gnyis po sdug bsngal bar gnas pa dang/ rim gyis 'dzin pa gnyis kyis nyams pas sdug bsngal las rnam par ma thar ba'i phyir so so'i skye bo bdag tu lta ba dang ldan pa bas kyang ches dman pa bas dman pa yin gyi/ byang chub sems dpa' ni de lta ma yin pa'o/ /de la spong ba la rnam par 'khrul pa'i bye brag ni 'di yin te/ gang zag la bdag med pa la gnas pa ni chos bdag med pa la med pa nyid du mngon par zhen pas skrag cing/ tha snyad las byung ba'i ngo bo nyid yod pa la chad pa yongs su mi tshol gyi/ byang chub sems dpa' ni de lta ma yin pa'o/ /de la sems rnam par 'khrul pa'i bye brag ni 'di yin te/ gang zag la bdag med pa la gnas pa de ltar spong ba la rnam par 'khrul pa ni rang gi kun tu rtog pa las byung ba'i yul rnams la 'du shes phyin ci log la sogs pas phyin ci log tu 'gyur gyi/ byang chub sems dpa' ni de lta ma yin pa'o/ /

【G11 解因性】

ཇི་ལྟར་རྒྱུ་ཉིད་སྨོས་པར་བྱེད་ཅེ་ན། རྣམ་པ་གཉིས་ཀྱིས་ཏེ། འཛིན་པ་ལ་སོ་སོར་རྟོག་པ་ཡོངས་སུ་བསྟན་པ་དང་། དེ་ཡང་དག་པ་ཇི་ལྟ་བ་བཞིན་རབ་ཏུ་རྟོགས་པ་ཡོངས་སུ་བསྟན་པ་ལས་ཏེ། དེ་ལ་འཛིན་པ་ལ་སོ་སོར་རྟོག་པ་ནི་འདི་ཡིན་ཏེ། བདག་མེད་པའི་ཤེས་པ་དེ་ཉིད་ལ་ཐ་སྙད་ལས་བྱུང་བའི་ངོ་བོ་ཉིད་དང་བྲལ་བ་ཉིད་དང་དེས་ཀུན་བརྟགས་པ་དང་བྲལ་བ་ཉིད་དང༌། མཚན་ཉིད་མེད་པ་ཉིད་དང༌། སྐད་ཅིག་མ་ཉིད་ཀྱིས་བཏང་བར་བྱ་བ་ཡིན་པར་སོ་སོར་རྟོག་པ་གང་ཡིན་པའོ། །དེ་ལ་དེ་ཡང་དག་པ་ཇི་ལྟ་བ་བཞིན་རབ་ཏུ་རྟོགས་པ་ནི་འདི་ཡིན་ཏེ། གཟུང་བ་དང་འཛིན་པ་ལ་ཡོངས་སུ་རྟོག་པར་བྱེད་པའི་ཚུལ་བཞིན་ཡིད་ལ་བྱེད་པ་དག་ཡིད་ལ་བྱས་པའི་རྒྱུས་སོ་སོ་རང་རིག་པ་དང་མཐུན་པའི་ཤེས་པ་ངེས་པ་སྐྱེས་པ་གང་ཡིན་པའོ། །

ji ltar rgyu nyid smos par byed ce na/ rnam pa gnyis kyis te/ 'dzin pa la so sor rtog pa yongs su bstan pa dang / de yang dag pa ji lta ba bzhin rab tu rtogs pa yongs su bstan pa las te/ de la 'dzin pa la so sor rtog pa ni 'di yin te/ bdag med pa'i shes pa de nyid la tha snyad las byung ba'i ngo bo nyid dang bral ba nyid dang des kun brtags pa dang bral ba nyid dang/ mtshan nyid med pa nyid dang/ skad cig ma nyid kyis btang bar bya ba yin par so sor rtog pa gang yin pa'o/ /de la de yang dag pa ji lta ba bzhin rab tu rtogs pa ni 'di yin te/ gzung ba dang 'dzin pa la yongs su rtog par byed pa'i tshul bzhin yid la byed pa dag yid la byas pa'i rgyus so so rang rig pa dang mthun pa'i shes pa nges pa skyes pa gang yin pa'o/ /

【G12 解邊際空性】

ཇི་ལྟར་མཐར་ཐུག་པའི་སྟོང་པ་ཉིད་སྨོས་པར་བྱེད་ཅེ་ན། རྣམ་པ་གཅིག་གིས་ཆོས་བདག་མེད་པའི་ཤེས་པ་དེ་ཡང་དག་པ་ཇི་ལྟ་བ་བཞིན་མཐོང་བ་ལས་ཏེ། དེ་ལ་ཡང་དག་པ་ཇི་ལྟ་བ་བཞིན་མཐོང་བ་ནི་འདི་ཡིན་ཏེ། ལས་དང་ཉོན་མོངས་པ་མཚན་ཉིད་འདྲ་བར་མཐོང་བའི་ཕྱིར་བརྗོད་དུ་མེད་པའི་ཆོས་ཉིད་གང་ཡིན་པ་དང༌། ཐ་སྙད་ལས་བྱུང་བའི་ངོ་བོ་ཉིད་དང་བྲལ་བའི་ཕྱིར་དང༌། དེ་ལྟར་མངོན་པར་ཞེན་པར་བྱར་མེད་པའི་ཕྱིར་དང༌། སྐད་ཅིག་པ་ཉིད་ཡིན་པའི་ཕྱིར་རོ། །

ji ltar mthar thug pa'i stong pa nyid smos par byed ce na/ rnam pa gcig gis chos bdag med pa'i shes pa de yang dag pa ji lta ba bzhin mthong ba las te/ de la yang dag pa ji lta ba bzhin mthong ba ni 'di yin te/ las dang nyon mongs pa mtshan nyid 'dra bar mthong ba'i phyir brjod du med pa'i chos nyid gang yin pa dang/ tha snyad las byung ba'i ngo bo nyid dang bral ba'i phyir dang/ de ltar mngon par zhen par byar med pa'i phyir dang/ skad cig pa nyid yin pa'i phyir ro/ /

【G13 解空性威德】

ཇི་ལྟར་སྟོང་པ་ཉིད་དེ་ཉིད་ཀྱི་མཐུ་སྨོས་པར་བྱེད་ཅེ་ན། རྣམ་པ་གཅིག་གིས་ལས་དང་ཉོན་མོངས་པ་སྤོང་བའི་གཉེན་པོ་ཡོངས་སུ་བསྟན་པ་ལས་ཏེ། དེ་ལ་སྤོང་བ་ནི་འདི་ཡིན་ཏེ། ཤེས་པའི་སྣང་བ་དེ་སྐད་ཅིག་དེ་ཉིད་ལ་སྐྱེས་པས་ཐོག་མ་མེད་པའི་དུས་ནས་བྱུང་བའི་ལས་དང་ཉོན་མོངས་པ་ཐམས་ཅད་སྤོང་བར་བྱེད་པའོ། །

ji ltar stong pa nyid de nyid kyi mthu smos par byed ce na/ rnam pa gcig gis las dang nyon mongs pa spong ba'i gnyen po yongs su bstan pa las te/ de la spong ba ni 'di yin te/ shes pa'i snang ba de skad cig de nyid la skyes pas thog ma med pa'i dus nas byung ba'i las dang nyon mongs pa thams cad spong bar byed pa'o/ /

【E7 解彼聲聞菩薩所學殊勝差別】【F1 略舉數】

ཉན་ཐོས་ནི་དུ། ཉན་ཐོས་ཀྱི་བསླབ་པ་དང་བྱང་ཆུབ་སེམས་དཔའི་བསླབ་པ་ལ་བྱེ་བྲག་ནི་ཅི་ཡོད་ཅེ་ན། ཉན་ཐོས་ནི་རྣམ་པ་བཞིའོ། །ཉན་ཐོས་ཀྱི་བསླབ་པ་དང་བྱང་ཆུབ་སེམས་དཔའི་བསླབ་པའི་བྱེ་བྲག་ནི་རྣམ་པ་བཅུ་གསུམ་གྱིས་རིག་པར་བྱའོ། །

nyan thos ni du/ nyan thos kyi bslab pa dang byang chub sems dpa'i bslab pa la bye brag ni ci yod ce na/ nyan thos ni rnam pa bzhi'o/ /nyan thos kyi bslab pa dang byang chub sems dpa'i bslab pa'i bye brag ni rnam pa bcu gsum gyis rig par bya'o/ /

【F2 正解釋】【G1 解四種聲聞】【H1 徵列四名】

སྤྲུལ་པའི་ཉན་ཐོས་དང༌། མངོན་པའི་ང་རྒྱལ་ཅན་གྱི་ཉན་ཐོས་པ་དང༌། བྱང་ཆུབ་ཏུ་ཡོངས་སུ་གྱུར་པའི་ཉན་ཐོས་དང༌། ཞི་བའི་བགྲོད་པ་གཅིག་པའི་ཉན་ཐོས་སོ། །

sprul pa'i nyan thos dang/ mngon pa'i nga rgyal can gyi nyan thos pa dang/ byang chub tu yongs su gyur pa'i nyan thos dang/ zhi ba'i bgrod pa gcig pa'i nyan thos so/ /

【H2 牒名解釋】

དེ་ལ་སྤྲུལ་པའི་ཉན་ཐོས་ནི་བྱང་ཆུབ་སེམས་དཔས་སེམས་ཅན་རྣམས་གདུལ་བའི་ཕྱིར་སྤྲུལ་པ་གང་ཡིན་པའོ། །དེ་ལ་མངོན་པའི་ང་རྒྱལ་ཅན་གྱི་ཉན་ཐོས་ནི་གང་ཟག་ལ་བདག་མེད་པའི་ཤེས་པ་ཙམ་དང༌། ཆོས་ལ་བདག་མེད་པ་ལ་ལོག་པར་མངོན་པར་ཞེན་པའི་ཤེས་པས་ཡང་དག་པར་རྟོག་པ་གང་ཡིན་པའོ། །དེ་ལ་བྱང་ཆུབ་ཏུ་ཡོངས་སུ་འགྱུར་བའི་ཉན་ཐོས་ནི་དང་པོ་ཉིད་ནས་སྙིང་རྗེ་ཤིན་ཏུ་ཆུང་བའི་རིགས་ཅན་དུ་གྱུར་པ་ལས། དེ་བཞིན་གཤེགས་པ་དང་ཉེ་བར་གནས་པས་སངས་རྒྱས་ཀྱི་ཆོས་རྒྱ་ཆེན་པོ་དག་ལ་ཡོན་ཏན་དུ་ཤེས་པ་ཡོངས་སུ་བསྒོམས་པའི་རྒྱུད་ཅན་དུ་གྱུར་པས། དེ་མཐར་ཐུག་པར་གྱུར་ཅིང་ཟག་པ་མེད་པའི་དབྱིངས་ལ་གནས་ཀྱང་སངས་རྒྱས་རྣམས་ཀྱིས་ཡང་དག་པར་སྐུལ་བར་མཛད་འཇུག་པར་མཛད་ཅིང་ཐབས་ཉེ་བར་སྟོན་པར་ཡང་མཛད་དེ། དེ་རྒྱུ་དེས་ན་བྱང་ཆུབ་ཆེན་པོ་མངོན་པར་སྒྲུབ་པར་བྱེད་པ་གང་ཡིན་པའོ། །དེ་དེ་ལྟར་བྱང་ཆུབ་ཆེན་པོ་མངོན་པར་སྒྲུབ་པར་བྱེད་མོད་ཀྱི། ཞི་བ་ལ་མངོན་པར་དགའ་བ་ཉིད་ཀྱི་ཕྱིར་དེ་སྦྱོར་བ་དེ་ལ་རྟོགས་པ་ཤིན་ཏུ་དུལ་བར་འགྱུར་ཏེ། སངས་རྒྱས་ཀྱི་རིགས་ཅན་དང་པོ་སེམས་བསྐྱེད་པ་ཡང་དེ་ལྟ་བུར་ནི་མི་འགྱུར་རོ། །དེ་ལ་ཞི་བའི་བགྲོད་པ་གཅིག་པའི་ཉན་ཐོས་ནི་དང་པོ་ཉིད་ནས་སྙིང་རྗེ་ཤིན་ཏུ་ཆུང་བའི་རིགས་ཅན་ཡིན་པའི་ཕྱིར་དང༌། གཅིག་ཏུ་སེམས་ཅན་གྱི་དོན་ལ་མི་ཕྱོགས་པའི་ཕྱིར་དང༌། སྡུག་བསྔལ་གྱིས་འཇིགས་པའི་ཕྱིར་མྱ་ངན་ལས་འདས་པ་ལ་གནས་པའི་བསམ་པ་ཅན་ཁོ་ནར་འགྱུར་ཞིང༌། བྱང་ཆུབ་ཆེན་པོ་མངོན་པར་བསྒྲུབ་པའི་སྐལ་བ་མེད་པ་གང་ཡིན་པའོ། །འདི་ལྟ་སྟེ་དཔེར་ན་རྒྱལ་པོའི་བུ་གནས་མཚུངས་པར་སྐྱེས་ཤིང༌། རྒྱལ་པོའི་བདེ་བའི་ལོངས་སྤྱོད་ཀྱིས་མཚུངས་མཉམ་པར་གྱུར་པ་གཉིས་ཤིག་ཡོད་པ་ལས། དེ་ལ་གཅིག་ནི་རྒྱལ་པོའི་བྱ་བ་དང༌། བསྟན་བཅོས་དང༌། བཟོའི་གནས་ལ་མཁས་པ་ཡིན་ལ། ཅིག་ཤོས་ནི་དེ་ལྟ་མ་ཡིན་ན། དེ་གཉིས་ནི་ཡན་ལག་དེས་བྱེ་བྲག་ཏུ་གྱུར་པར་ཟད་ཀྱི། རྒྱལ་པོའི་བདེ་བའི་ལོངས་སྤྱོད་ཀྱིས་བྱེ་བྲག་ཏུ་གྱུར་པ་ནི་མ་ཡིན་པ་དེ་བཞིན་དུ་ཟག་པ་མེད་པའི་དབྱིངས་ན་བྱང་ཆུབ་སེམས་དཔའ་དང་ཞི་བའི་བགྲོད་པ་གཅིག་པའི་ཉན་ཐོས་ཀྱི་བྱེ་བྲག་ཀྱང་རིག་པར་བྱ་སྟེ།

de la sprul pa'i nyan thos ni byang chub sems dpas sems can rnams gdul ba'i phyir sprul pa gang yin pa'o/ /de la mngon pa'i nga rgyal can gyi nyan thos ni gang zag la bdag med pa'i shes pa tsam dang/ chos la bdag med pa la log par mngon par zhen pa'i shes pas yang dag par rtog pa gang yin pa'o/ /de la byang chub tu yongs su 'gyur ba'i nyan thos ni dang po nyid nas snying rje shin tu chung ba'i rigs can du gyur pa las/ de bzhin gshegs pa dang nye bar gnas pas sangs rgyas kyi chos rgya chen po dag la yon tan du shes pa yongs su bsgoms pa'i rgyud can du gyur pas/ de mthar thug par gyur cing zag pa med pa'i dbyings la gnas kyang sangs rgyas rnams kyis yang dag par skul bar mdzad 'jug par mdzad cing thabs nye bar ston par yang mdzad de/ de rgyu des na byang chub chen po mngon par sgrub par byed pa gang yin pa'o/ /de de ltar byang chub chen po mngon par sgrub par byed mod kyi/ zhi ba la mngon par dga' ba nyid kyi phyir de sbyor ba de la rtogs pa shin tu dul bar 'gyur te/ sangs rgyas kyi rigs can dang po sems bskyed pa yang de lta bur ni mi 'gyur ro/ /de la zhi ba'i bgrod pa gcig pa'i nyan thos ni dang po nyid nas snying rje shin tu chung ba'i rigs can yin pa'i phyir dang/ gcig tu sems can gyi don la mi phyogs pa'i phyir dang/ sdug bsngal gyis 'jigs pa'i phyir mya ngan las 'das pa la gnas pa'i bsam pa can kho nar 'gyur zhing/ byang chub chen po mngon par bsgrub pa'i skal ba med pa gang yin pa'o/ /'di lta ste dper na rgyal po'i bu gnas mtshungs par skyes shing/ rgyal po'i bde ba'i longs spyod kyis mtshungs mnyam par gyur pa gnyis shig yod pa las/ de la gcig ni rgyal po'i bya ba dang/ bstan bcos dang/ bzo'i gnas la mkhas pa yin la/ cig shos ni de lta ma yin na/ de gnyis ni yan lag des bye brag tu gyur par zad kyi/ rgyal po'i bde ba'i longs spyod kyis bye brag tu gyur pa ni ma yin pa de bzhin du zag pa med pa'i dbyings na byang chub sems dpa' dang zhi ba'i bgrod pa gcig pa'i nyan thos kyi bye brag kyang rig par bya ste/

【G2 解差別】【H1 舉差別列有十三】

དེ་གཉིས་ཀྱི་བྱེ་བྲག་ནི་བསམ་པ་དང༌། དཀར་པོའི་ཆོས་ཡང་དག་པར་འགྲུབ་པ་དང་། ཤེས་པ་ཡང་དག་པར་སྒྲུབ་པ་དང༌། རྗེས་སུ་འགྲོ་བ་དང༌། རིགས་དང༌། གདུང་ཡང་དག་པར་འཛིན་པ་དང༌། སྦྱོར་བ་དང༌། མཐུ་དང༌། སྒྲུབ་པ་དང༌། སྦྱིན་གནས་ཀྱི་འོས་ཉིད་དང༌། ཁྱད་པར་ཅན་ལས་ཁྱད་པར་དུ་འཕགས་པ་དང༌། རྒྱུ་དང་འབྲས་བུ་དང༌། འབྱུང་བའི་རྟེན་ལས་ཀྱང་རིག་པར་བྱའོ། །

de gnyis kyi bye brag ni bsam pa dang/ dkar po'i chos yang dag par 'grub pa dang / shes pa yang dag par sgrub pa dang/ rjes su 'gro ba dang/ rigs dang/ gdung yang dag par 'dzin pa dang/ sbyor ba dang/ mthu dang/ sgrub pa dang/ sbyin gnas kyi 'os nyid dang/ khyad par can las khyad par du 'phags pa dang/ rgyu dang 'bras bu dang/ 'byung ba'i rten las kyang rig par bya'o/ /

【H2 別解釋】

ཉན་ཐོས་ནི་འདུ་བྱེད་དང་ཉོན་མོངས་པ་དང༌། སེམས་ཅན་གྱི་དོན་ལ་མི་ཕྱོགས་པའི་ཕྱིར་གཅིག་ཏུ་ཞི་བར་གནས་པའི་བསམས་པ་ཅན་ཡིན་གྱི། བྱང་ཆུབ་སེམས་དཔའ་ནི་ཞི་བ་ཐོབ་ཀྱང་དེ་ལས་བཟློག་པ་ཡིན་ནོ། །ཉན་ཐོས་ནི་བདག་ཉིད་ཀྱི་བདེ་བ་ཡང་དག་པར་འཕེལ་བར་བྱེད་པ་དཀར་པོའི་ཆོས་ཆུང་ངུ་དག་དང་ལྡན་པ་ཡིན་གྱི། བྱང་ཆུབ་སེམས་དཔའ་ནི་སེམས་ཅན་ཐམས་ཅད་ཀྱི་བདེ་བ་ཡང་དག་པར་འཕེལ་བར་བྱེད་པ་དཀར་པོའི་ཆོས་ཚད་མེད་པ་དང་ལྡན་པ་ཡིན་ནོ། །ཉན་ཐོས་ནི་འདུས་མ་བྱས་ཀྱི་ཤེས་པས་བདག་ཉིད་ཉོན་མོངས་པ་རྣམས་ཀྱིས་གསོག་དང་གསོབ་ཏུ་བྱེད་པར་ཟད་ཀྱི། བྱང་ཆུབ་སེམས་དཔའ་ནི་ཕྱོགས་བཞིའི་སེམས་ཅན་ཐམས་ཅད་དོ། །ཉན་ཐོས་ནི་རྣམ་པར་གྲོལ་བའི་ཆོས་མཆོག་ལ་དམིགས་པའི་ཡིད་ལ་བྱེད་པ་ལས་ཡང་དག་པར་གྲུབ་ཀྱང་སངས་རྒྱས་ཀྱི་སྲས་སུ་མི་འགྱུར་གྱི། བྱང་ཆུབ་སེམས་དཔའ་ནི་འདུ་བྱེད་དང༌། སེམས་ཅན་དང༌། ཆོས་ངན་པ་ལ་དམིགས་པའི་ཡིད་ལ་བྱེད་པ་ལས་ཡང་དག་པར་གྲུབ་ཀྱང་སངས་རྒྱས་ཀྱི་སྲས་སུ་གྱུར་པ་ཡིན་ནོ། །ཉན་ཐོས་ནི་བརྩོན་འགྲུས་བརྩམས་ཤིང་བདེན་པ་ལ་མཁས་པ་དང༌། །སེམས་ལེགས་པར་མཉམ་པར་གཞག་ཀྱང་སངས་རྒྱས་ཀྱི་རིགས་ཀྱི་མཚན་ཉིད་དང་མི་ལྡན་པའི་ཕྱིར་བྱང་ཆུབ་སེམས་དཔའ་ལྟར་སངས་རྒྱས་རྣམས་ཀྱིས་ཡོངས་སུ་མི་གཟུང་གི །བྱང་ཆུབ་སེམས་དཔའ་ནི་དེ་ལས་བཟློག་པ་ཡིན་ནོ། །ཉན་ཐོས་ནི་མཐར་ཐུག་པར་གྱུར་པ་ཡིན་པའི་ཕྱིར་དབང་པོ་ཡོངས་སུ་སྨིན་པ་ཡིན་ཡང་ཕྱིས་སངས་རྒྱས་ཀྱི་མཛད་པ་བྱེད་མི་ནུས་པ་ཡིན་གྱི། བྱང་ཆུབ་སེམས་དཔའ་ནི་སྐད་ཅིག་དེ་ལ་དང་པོ་སེམས་བསྐྱེད་པས་ཀྱང་ནུས་སོ། །ཉན་ཐོས་ནི་མཐར་ཐུག་པར་གྱུར་ཀྱང་ཇི་ལྟར་བྱང་ཆུབ་སེམས་དཔའ་ལས་དང་པོ་པའི་སྦྱོར་བ་ལ་ཞུགས་པ་དེ་ལྟར་ལྷ་དང་མི་རྣམས་ཀྱིས་མཆོད་པར་བྱ་བ་དང་བསྟོད་པར་བྱ་བའི་འོས་མ་ཡིན་གྱི། བྱང་ཆུབ་སེམས་དཔའ་ནི་ཡིན་ནོ། །བྱང་ཆུབ་སེམས་དཔའ་ནི་མཐར་ཐུག་པར་གྱུར་པ་མ་ཡིན་ཡང་མཐུ་དང་ཤེས་པ་དག་གིས་ཉན་ཐོས་དང་རང་སངས་རྒྱས་ཐམས་ཅད་ཟིལ་གྱིས་གནོན་པ་ཡིན་ནོ། །ཉན་ཐོས་ནི་ཉོན་མོངས་པའི་ནད་ཞི་བར་བྱེད་པ་ཡེ་ཤེས་ཀྱི་སྨན་ཡོངས་སུ་གྲུབ་པ་ཡིན་ཡང་སེམས་ཅན་རྣམས་ཀྱི་ཉོན་མོངས་པའི་ནད་ཞི་བར་བྱེད་པ་མ་ཡིན་གྱི། བྱང་ཆུབ་སེམས་དཔའ་ནི་གཞན་གྱི་དོན་ལ་ཞུགས་པའི་ཕྱིར་དེ་ལས་བཟློག་པ་ཡིན་ནོ། །ཉན་ཐོས་ནི་མཐར་ཐུག་པར་གྱུར་པ་ཡིན་ཡང་ཇི་ལྟར་བྱང་ཆུབ་སེམས་དཔའི་ཉོན་མོངས་པ་ཟད་པ་སེམས་ཅན་རྣམས་ལ་ཡེ་ཤེས་ཀྱི་སྣང་བ་བྱེད་པའི་ཕྱིར་ལྷ་དང་བཅས་པའི་འཇིག་རྟེན་གྱི་སྦྱིན་གནས་ཀྱི་འོས་ཉིད་དུ་གྱུར་པ་དེ་ལྟ་བུ་མ་ཡིན་གྱི། བྱང་ཆུབ་སེམས་དཔའ་ནི་ཡིན་ནོ། །དེ་བཞིན་གཤེགས་པ་རྣམས་ནི་དུས་རྟག་ཏུ་ཉན་ཐོས་པས་ཆེས་ཁྱད་པར་དུ་འཕགས་པ་ཡིན་ལ། དེ་དག་བས་ཀྱང་བྱང་ཆུབ་སེམས་དཔའ་རྣམས་ཆེས་ཤིན་ཏུ་ཁྱད་པར་དུ་འཕགས་པ་ཡིན་ཏེ། དེ་དག་ལས་དེ་དག་ཡང་དག་པར་འགྲུབ་པའི་ཕྱིར་རོ། །དེ་དག་ནི་རྒྱུ་གཉིས་ན་ཆེས་ཤིན་ཏུ་ཁྱད་པར་དུ་འཕགས་པ་ཡིན་པར་རིག་པར་བྱ་སྟེ། འདི་ལྟར་དེ་དག་གིས་སེམས་ཅན་ཡོངས་སུ་སྨིན་པར་བྱས་པ་དང༌། སངས་རྒྱས་ཀྱི་ཆོས་ཡོངས་སུ་སྨིན་པར་བྱས་པའི་ཕྱིར་ཏེ། དེ་ལས་བྱང་ཆུབ་ཀྱི་འབྲས་བུ་བརྙེས་པ་དང༌། ཇི་ལྟར་ན་ཡོངས་སུ་སྨིན་པར་བྱས་པའི་སེམས་ཅན་རྣམས་རྣམ་པར་གྲོལ་བར་མཛད་དེ། འདི་ལྟ་སྟེ་དཔེར་ན་སྒྲུབ་པ་པོ་དང་གཡོས་མཁན་ལ་ངོ་མཚར་གྱི་བློ་འབྱུང་བ་ལྟར། ཟ་བ་པོ་ལ་དེ་ལྟ་མ་ཡིན་པ་དེ་བཞིན་དུ་འདི་ལ་ཡང་རིག་པར་བྱའོ། །ཉན་ཐོས་ནི་གཅིག་ཏུ་རྣམ་པར་དག་པའི་ཆོས་ཀྱི་རྒྱུ་ཡང་དག་པར་བླངས་ཏེ་གནས་ཤིང་དགེ་བའི་བཤེས་གཉེན་དུ་མས་ཡོངས་སུ་གཟུང་ཡང༌། བྱང་ཆུབ་ཆེན་པོའི་འབྲས་བུ་མངོན་པར་འགྲུབ་པར་མི་འགྱུར་གྱི། བྱང་ཆུབ་སེམས་དཔའ་ནི་དེ་ལས་བཟློག་པས་ཀྱང་འགྲུབ་པར་བྱེད་དོ། །བྱང་ཆུབ་སེམས་དཔའ་ལ་བརྟེན་ནས་ནི་ཉན་ཐོས་རྣམས་འབྱུང་བར་འགྱུར་གྱི། ཉན་ཐོས་ལ་བརྟེན་ནས་ནི་བྱང་ཆུབ་སེམས་དཔའ་རྣམས་མི་འབྱུང་ངོ༌། །

nyan thos ni 'du byed dang nyon mongs pa dang/ sems can gyi don la mi phyogs pa'i phyir gcig tu zhi bar gnas pa'i bsams pa can yin gyi/ byang chub sems dpa' ni zhi ba thob kyang de las bzlog pa yin no/ /nyan thos ni bdag nyid kyi bde ba yang dag par 'phel bar byed pa dkar po'i chos chung ngu dag dang ldan pa yin gyi/ byang chub sems dpa' ni sems can thams cad kyi bde ba yang dag par 'phel bar byed pa dkar po'i chos tshad med pa dang ldan pa yin no/ /nyan thos ni 'dus ma byas kyi shes pas bdag nyid nyon mongs pa rnams kyis gsog dang gsob tu byed par zad kyi/ byang chub sems dpa' ni phyogs bzhi'i sems can thams cad do/ /nyan thos ni rnam par grol ba'i chos mchog la dmigs pa'i yid la byed pa las yang dag par grub kyang sangs rgyas kyi sras su mi 'gyur gyi/ byang chub sems dpa' ni 'du byed dang/ sems can dang/ chos ngan pa la dmigs pa'i yid la byed pa las yang dag par grub kyang sangs rgyas kyi sras su gyur pa yin no/ /nyan thos ni brtson 'grus brtsams shing bden pa la mkhas pa dang/ /sems legs par mnyam par gzhag kyang sangs rgyas kyi rigs kyi mtshan nyid dang mi ldan pa'i phyir byang chub sems dpa' ltar sangs rgyas rnams kyis yongs su mi gzung gi /byang chub sems dpa' ni de las bzlog pa yin no/ /nyan thos ni mthar thug par gyur pa yin pa'i phyir dbang po yongs su smin pa yin yang phyis sangs rgyas kyi mdzad pa byed mi nus pa yin gyi/ byang chub sems dpa' ni skad cig de la dang po sems bskyed pas kyang nus so/ /nyan thos ni mthar thug par gyur kyang ji ltar byang chub sems dpa' las dang po pa'i sbyor ba la zhugs pa de ltar lha dang mi rnams kyis mchod par bya ba dang bstod par bya ba'i 'os ma yin gyi/ byang chub sems dpa' ni yin no/ /byang chub sems dpa' ni mthar thug par gyur pa ma yin yang mthu dang shes pa dag gis nyan thos dang rang sangs rgyas thams cad zil gyis gnon pa yin no/ /nyan thos ni nyon mongs pa'i nad zhi bar byed pa ye shes kyi sman yongs su grub pa yin yang sems can rnams kyi nyon mongs pa'i nad zhi bar byed pa ma yin gyi/ byang chub sems dpa' ni gzhan gyi don la zhugs pa'i phyir de las bzlog pa yin no/ /nyan thos ni mthar thug par gyur pa yin yang ji ltar byang chub sems dpa'i nyon mongs pa zad pa sems can rnams la ye shes kyi snang ba byed pa'i phyir lha dang bcas pa'i 'jig rten gyi sbyin gnas kyi 'os nyid du gyur pa de lta bu ma yin gyi/ byang chub sems dpa' ni yin no/ /de bzhin gshegs pa rnams ni dus rtag tu nyan thos pas ches khyad par du 'phags pa yin la/ de dag bas kyang byang chub sems dpa' rnams ches shin tu khyad par du 'phags pa yin te/ de dag las de dag yang dag par 'grub pa'i phyir ro/ /de dag ni rgyu gnyis na ches shin tu khyad par du 'phags pa yin par rig par bya ste/ 'di ltar de dag gis sems can yongs su smin par byas pa dang/ sangs rgyas kyi chos yongs su smin par byas pa'i phyir te/ de las byang chub kyi 'bras bu brnyes pa dang/ ji ltar na yongs su smin par byas pa'i sems can rnams rnam par grol bar mdzad de/ 'di lta ste dper na sgrub pa po dang g.yos mkhan la ngo mtshar gyi blo 'byung ba ltar/ za ba po la de lta ma yin pa de bzhin du 'di la yang rig par bya'o/ /nyan thos ni gcig tu rnam par dag pa'i chos kyi rgyu yang dag par blangs te gnas shing dge ba'i bshes gnyen du mas yongs su gzung yang/ byang chub chen po'i 'bras bu mngon par 'grub par mi 'gyur gyi/ byang chub sems dpa' ni de las bzlog pas kyang 'grub par byed do/ /byang chub sems dpa' la brten nas ni nyan thos rnams 'byung bar 'gyur gyi/ nyan thos la brten nas ni byang chub sems dpa' rnams mi 'byung ngo/ /

【E8 世出世間智作利他事】【F1 總】

འཇིག་རྟེན་པ་དང་འཇིག་རྟེན་ལས་འདས་པའི་ཤེས་པ་དག་གིས་གཞན་གྱི་དོན་བྱ་བ་གང་ཞེ་ན། འདི་ལ་བྱང་ཆུབ་སེམས་དཔའ་ཕྱོགས་ཐམས་ཅད་དུ་ཁམས་འཕོ་ཡང་རུང༌། ཡུལ་གཞན་དུ་འཕོ་ཡང་རུང༌། སྐྱེ་བ་གཞན་དུ་འཕོ་ཡང་རུང༌། གཞན་གྱིས་གསོལ་བ་བཏབ་ཀྱང་རུང་སྟེ། ཉོན་མོངས་པའི་འབྱུང་པོའི་གདོན་གྱིས་བརླམས་པའི་སེམས་ཅན་རྣམས་ལ། བསླབ་པ་གསུམ་གྱི་ལམ་རྣམ་པར་དག་པ་ཉེ་བར་སྟོན་པས་གསོ་བར་བྱེད་པ་ན་སྨན་པ་བླ་ན་མེད་པ་ཡིན་ནོ། །

'jig rten pa dang 'jig rten las 'das pa'i shes pa dag gis gzhan gyi don bya ba gang zhe na/ 'di la byang chub sems dpa' phyogs thams cad du khams 'pho yang rung/ yul gzhan du 'pho yang rung/ skye ba gzhan du 'pho yang rung/ gzhan gyis gsol ba btab kyang rung ste/ nyon mongs pa'i 'byung po'i gdon gyis brlams pa'i sems can rnams la/ bslab pa gsum gyi lam rnam par dag pa nye bar ston pas gso bar byed pa na sman pa bla na med pa yin no/ /

【F2 別】【G1 明世間智】

འཇིག་རྟེན་པའི་ཤེས་པ་གང་ཞེ་ན། ཀུན་ནས་ཉོན་མོངས་པ་རགས་པ་སེལ་བའི་གཉེན་པོ་དང༌། འབྲིང་རྣམ་པར་གནོན་པའི་གཉེན་པོ་གང་ཡིན་པའོ། །ཀུན་ནས་ཉོན་མོངས་པ་རགས་པ་གང་ཞེ་ན། ཁྱིམ་པ་རྣམས་ཀྱི་འདོད་ཆགས་དང༌། ཞེ་སྡང་དང༌། གཏི་མུག་སྤྱད་པ་ཉིད་དང་རབ་ཏུ་བྱུང་བ་རྣམས་ཀྱི་ལྟ་བ་ལ་བརྟེན་པ་ཉིད་དང༌། དེའི་གནས་ཚུལ་བཞིན་མ་ཡིན་པ་ཡིན་ལ་བྱེད་པ་ལ་བརྟེན་པ་ཉིད་དང༌། ཡང་སྲིད་པར་སྨོན་པ་ལ་བརྟེན་པ་ཉིད་དང༌། ཕྱིན་ཅི་ལོག་བཞི་པོ་བསྡུས་པ་དང༌། རེ་རེ་དག་གིས་ཐར་པ་མ་ཡིན་པ་ལ་ཐར་པར་མངོན་པར་ཞེན་པ་ལ་བརྟེན་པ་ཉིད་གང་ཡིན་པའོ། །ཀུན་ནས་ཉོན་མོངས་པ་འབྲིང་གང་ཞེ་ན། རང་རང་གི་གཉེན་པོ་ལ་བརྟེན་པས་ཀུན་ནས་ཉོན་མོངས་པ་རགས་པ་བསྩལ་བའི་ཡུལ་ལ་འདོད་ཆགས་དང༌། ཞེ་སྡང་དང༌། གཏི་མུག་གིས་ཀུན་ནས་དཀྲིས་པའི་གནས་ཉིད་གང་ཡིན་པའོ། །དམིགས་པ་ལ་ཡང་དག་པར་གཏང་པས་མཉམ་པར་མ་བཞག་པའི་སེམས་མཉམ་པར་གཞག་པའི་ཕྱིར་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ཀྱིས་བརྩོན་པར་བྱེད་པ་ན། དེ་རྣམ་པར་གནོན་པར་བྱེད་ཅིང༌། བསྒོམ་པ་དེས་བདག་ཉིད་རབ་ཏུ་འཛིན་པར་ཡང་མི་བྱེད་པར་དམིགས་པ་ལ་སེམས་ཉེ་བར་གཏད་དེ་གནས་པར་བྱ་བའི་ཕྱིར་འབད་པར་བྱེད་དོ། །དེའི་འོག་ཏུ་གནས་པ་རབ་ཏུ་འཛིན་པར་བྱེད་དེ། དེ་རབ་ཏུ་བཟུང་བས་ལུས་ལ་རིལ་པོར་འཛིན་པ་གང་གིས་ཀུན་ནས་དཀྲིས་པ་འབྲིང་འབྱུང་བར་འགྱུར་བ་དེ་རྣམ་པར་གནོན་པར་འགྱུར་རོ། །དེའི་འོག་ཏུ་འཇིག་རྟེན་ལས་འདས་པའི་ཆོས་ཀྱི་མི་མཐུན་པའི་ཕྱོགས་སྤངས་ཏེ། གཉེན་པོ་ལ་གནས་པར་འགྱུར་ཞིང་དེ་ཉིད་བརྟན་པར་བྱེད་དོ། །དེའི་འོག་ཏུ་རྟེན་ཅིང་འབྲེལ་བར་འབྱུང་བ་ལ་ཀུན་ཏུ་རྨོངས་པ་དང༌། གང་ཟག་ལ་བདག་མེད་པ་ལ་ཀུན་ཏུ་རྨོངས་པ་དང༌། ཆོས་ལ་བདག་མེད་པ་ལ་ཀུན་ཏུ་རྨོངས་པ་རྣམ་པར་གནོན་པར་བྱེད་དོ། །དེའི་འོག་ཏུ་ལམ་ངན་པ་དང་ལམ་ལ་ངེས་པར་འགྱུར་ཏེ། དེ་ལྟར་རྣམ་པ་དེ་དག་གིས་ཀུན་ནས་ཉོན་མོངས་པ་རགས་པ་དང་འབྲིང་སེལ་བ་དང་རྣམ་པར་གནོན་པའི་གཉེན་པོར་གྱུར་པའི་ཤེས་པ་གང་ཡིན་པ་དེ་ནི་འཇིག་རྟེན་པའི་ཤེས་པ་ཞེས་བྱའོ། །

'jig rten pa'i shes pa gang zhe na/ kun nas nyon mongs pa rags pa sel ba'i gnyen po dang/ 'bring rnam par gnon pa'i gnyen po gang yin pa'o/ /kun nas nyon mongs pa rags pa gang zhe na/ khyim pa rnams kyi 'dod chags dang/ zhe sdang dang/ gti mug spyad pa nyid dang rab tu byung ba rnams kyi lta ba la brten pa nyid dang/ de'i gnas tshul bzhin ma yin pa yin la byed pa la brten pa nyid dang/ yang srid par smon pa la brten pa nyid dang/ phyin ci log bzhi po bsdus pa dang/ re re dag gis thar pa ma yin pa la thar par mngon par zhen pa la brten pa nyid gang yin pa'o/ /kun nas nyon mongs pa 'bring gang zhe na/ rang rang gi gnyen po la brten pas kun nas nyon mongs pa rags pa bstsal ba'i yul la 'dod chags dang/ zhe sdang dang/ gti mug gis kun nas dkris pa'i gnas nyid gang yin pa'o/ /dmigs pa la yang dag par gtang pas mnyam par ma bzhag pa'i sems mnyam par gzhag pa'i phyir byang chub kyi phyogs dang mthun pa'i chos rnams kyis brtson par byed pa na/ de rnam par gnon par byed cing/ bsgom pa des bdag nyid rab tu 'dzin par yang mi byed par dmigs pa la sems nye bar gtad de gnas par bya ba'i phyir 'bad par byed do/ /de'i 'og tu gnas pa rab tu 'dzin par byed de/ de rab tu bzung bas lus la ril por 'dzin pa gang gis kun nas dkris pa 'bring 'byung bar 'gyur ba de rnam par gnon par 'gyur ro/ /de'i 'og tu 'jig rten las 'das pa'i chos kyi mi mthun pa'i phyogs spangs te/ gnyen po la gnas par 'gyur zhing de nyid brtan par byed do/ /de'i 'og tu rten cing 'brel bar 'byung ba la kun tu rmongs pa dang/ gang zag la bdag med pa la kun tu rmongs pa dang/ chos la bdag med pa la kun tu rmongs pa rnam par gnon par byed do/ /de'i 'og tu lam ngan pa dang lam la nges par 'gyur te/ de ltar rnam pa de dag gis kun nas nyon mongs pa rags pa dang 'bring sel ba dang rnam par gnon pa'i gnyen por gyur pa'i shes pa gang yin pa de ni 'jig rten pa'i shes pa zhes bya'o/ /

【G2 明出世間智】【H1 明能治微細隨眠】

འཇིག་རྟེན་ལས་འདས་པའི་ཤེས་པ་གང་ཞེ་ན། དེ་ལྟར་འདོད་ཆགས་དང༌། ཞེ་སྡང་དང༌། གཏི་མུག་གིས་ཀུན་ནས་དཀྲིས་པའི་ཀུན་ནས་ཉོན་མོངས་པ་རྣམ་པར་མནན་པའི་ཀུན་ནས་ཉོན་མོངས་པའི་བག་ལ་ཉལ་ཕྲ་མོའི་གཉེན་པོར་གྱུར་པའི་ཤེས་པ་གང་ཡིན་པའོ། །དེ་ཡང་གང་ཞེ་ན། རྣམ་པར་གནོན་པའི་གཉེན་པོ་དེ་ལ་གནས་གསུམ་ལ་མཁས་པ༑ རྟེན་ཅིང་འབྲེལ་པར་འབྱུང་བ་ལ་མཁས་པ་དང༌། གང་ཟག་ལ་བདག་མེད་པར་མོས་པ་དང༌། ཆོས་ལ་བདག་མེད་པར་མོས་པའི་

'jig rten las 'das pa'i shes pa gang zhe na/ de ltar 'dod chags dang/ zhe sdang dang/ gti mug gis kun nas dkris pa'i kun nas nyon mongs pa rnam par mnan pa'i kun nas nyon mongs pa'i bag la nyal phra mo'i gnyen por gyur pa'i shes pa gang yin pa'o/ /de yang gang zhe na/ rnam par gnon pa'i gnyen po de la gnas gsum la mkhas pa| rten cing 'brel par 'byung ba la mkhas pa dang/ gang zag la bdag med par mos pa dang/ chos la bdag med par mos pa'i

【H2 明修道】【I1 總標】

ཀུན་ནས་ཉོན་མོངས་པ་མ་ལུས་པ་ལས་ཡང་དག་པར་འདའ་བར་བྱ་བའི་ཕྱིར་མི་ཤེས་པ་རྣམ་པ་བཞིའོ། །

kun nas nyon mongs pa ma lus pa las yang dag par 'da' bar bya ba'i phyir mi shes pa rnam pa bzhi'o/ /

【I2 別解釋】【J1 列四名】

སྤྱིའི་མཚན་ཉིད་མི་ཤེས་པ་དང༌། རང་གི་མཚན་ཉིད་མི་ཤེས་པ་དང༌། ཀུན་ནས་ཉོན་མོངས་པའི་མཚན་ཉིད་མི་ཤེས་པ་དང༌། རྣམ་པར་བྱང་བའི་མཚན་ཉིད་མི་ཤེས་པའི་གཉེན་པོས་ལུང་ནོད་པ་ལ་མི་ལྟོས་པར་སོ་སོའི་བདག་ཉིད་ཀྱི་སེམས་ལ་སོ་སོར་རྟོག་ཅིང་འབད་པ་གང་ཡིན་པའོ། །

spyi'i mtshan nyid mi shes pa dang/ rang gi mtshan nyid mi shes pa dang/ kun nas nyon mongs pa'i mtshan nyid mi shes pa dang/ rnam par byang ba'i mtshan nyid mi shes pa'i gnyen pos lung nod pa la mi ltos par so so'i bdag nyid kyi sems la so sor rtog cing 'bad pa gang yin pa'o/ /

【J2 次第解】【K1 由三種相應知心共相】

དེ་ལ་སེམས་ཀྱི་སྤྱིའི་མཚན་ཉིད་ནི་རྣམ་པ་གསུམ་གྱིས་རིག་པར་བྱ་སྟེ། རྟེན་ཅིང་འབྲེལ་བར་འབྱུང་བ་ལྐོག་ན་གཡོ་བ་མེད་པ་ཉིད་དང༌། དེ་ལྟར་གྱི་སྐད་ཅིག་པ་གཡོ་བ་མེད་པ་ཉིད་དང༌། འདོད་ཆགས་ལ་སོགས་པ་རྐྱེན་ལས་བྱུང་བའི་སེམས་ཀྱིས་མ་བྱས་པ་ཉིད་ཀྱིས་སོ། །

de la sems kyi spyi'i mtshan nyid ni rnam pa gsum gyis rig par bya ste/ rten cing 'brel bar 'byung ba lkog na g.yo ba med pa nyid dang/ de ltar gyi skad cig pa g.yo ba med pa nyid dang/ 'dod chags la sogs pa rkyen las byung ba'i sems kyis ma byas pa nyid kyis so/ /

【K2 由三種相應知自相】

སེམས་ཀྱི་རང་གི་མཚན་ཉིད་ཀྱང་རྣམ་པ་གསུམ་གྱིས་རིག་པར་བྱ་སྟེ། སྔ་མ་བཞིན་དུ་ཐ་སྙད་ལས་བྱུང་བའི་ངོ་བོ་ཉིད་ཀྱིས་མི་དམིགས་པ་དང༌། སྔ་མ་བཞིན་དུ་རྣམ་པ་དྲུག་གིས་དེ་བཞིན་ཉིད་མི་དམིགས་པ་དང༌། འཕགས་པ་ཐམས་ཅད་ཀྱི་བྱེ་བྲག་མེད་པའི་ཤེས་པ་མི་དམིགས་པས་སོ། །

sems kyi rang gi mtshan nyid kyang rnam pa gsum gyis rig par bya ste/ snga ma bzhin du tha snyad las byung ba'i ngo bo nyid kyis mi dmigs pa dang/ snga ma bzhin du rnam pa drug gis de bzhin nyid mi dmigs pa dang/ 'phags pa thams cad kyi bye brag med pa'i shes pa mi dmigs pas so/ /

【K3 由三種相應知心雜染相】

སེམས་ཀྱི་ཀུན་ནས་ཉོན་མོངས་པའི་མཚན་ཉིད་ཀྱང་རྣམ་པ་གསུམ་གྱིས་རིག་པར་བྱ་སྟེ། འགྲུབ་པ་དང༌། འཇུག་པ་དང༌། རྒྱུ་བས་ཏེ། འགྲོ་བ་རྣམས་སུ་ལུས་སྣ་ཚོགས་འགྲུབ་པ་ལས་ནི་ཀུན་ནས་ཉོན་མོངས་པ་འགྲུབ་པ་ཡིན་ནོ། །དེ་ལྟར་འགྲུབ་པ་རང་གི་སྐད་ཅིག་གི་རྒྱུན་གྱིས་འཇུག་པ་དང༌། དམིགས་པ་ཐམས་ཅད་ལ་གཟུང་དཀའ་བར་འཇུག་པ་དང༌། སྲེད་པའི་བག་ཆགས་པས་དབང་བསྒྱུར་བས་འཇུག་པ་ལས་ནི་ཀུན་ནས་ཉོན་མོངས་པ་འཇུག་པ་ཡིན་ནོ། །གང་དུ་རྒྱུ་བ་དང་ཇི་ལྟར་རྒྱུ་བ་ལས་ནི་ཀུན་ནས་ཉོན་མོངས་པ་རྒྱུ་བ་ཡིན་ཏེ། རེས་འགའ་ནི་མི་དགེ་བ་ལ། རེས་འགའ་ནི་དགེ་བ་ལ། རེས་འགའ་ནི་ཡུལ་ལ། རེས་འགའ་ནི་ལས་མངོན་པར་འདུ་བྱ་བ་ལའོ། །རེས་འགའ་ནི་ཉོན་མོངས་པ་རྣམས་ལ་སྟེ། ཉོན་མོངས་པ་རྣམས་ལ་རྒྱུ་བ་ན་ཡང་འདོད་ཆགས་དང་ཞེ་སྡང་ལ་སོགས་པ་ངེས་པར་མི་གནས་པ་དེ་ཉིད་འདོད་ཆགས་དང་བཅས་པར་གྱུར་ནས། འདོད་ཆགས་དང་བྲལ་བར་འགྱུར་བ་དང༌། འདོད་ཆགས་དང་བྲལ་བར་གྱུར་ནས༑ འདོད་ཆགས་དང་བཅས་པར་འགྱུར་བ་དང༌། དེ་ལྟ་བུ་ལ་སོགས་པ་མ་ཡིན་པ་ལ་རྒྱུ་བ་དང༌། བདེ་བ་ལ་སོགས་པའི་གནས་ལྟ་བུའི་ཆོས་རྣམས་ལ་དབང་ཕྱུག་ཐོབ་ཅིང་རྒྱུ་བ་དང༌། བདག་ཉིད་ཀྱི་བདེ་བ་སྤངས་ཏེ་སྡུག་བསྔལ་ཀུན་ཏུ་སྐྱེད་པར་བྱེད་པ་དང༌། དེ་ཡང་མངོན་པར་ཞེན་པ་ལས་མ་ཡིན་གྱི། ཕྱིན་ཅི་ལོག་ལས་ཡིན་པ་དང་དེ་དག་གིས་བདག་ཉིད་ལ་སྡུག་བསྔལ་ཉེ་བར་བསྒྲུབ་པ་དག་གིས་རྣམ་པར་མི་ངོམས་པར་བྱེད་པ་དང༌། དགེ་བ་རྣམས་ལ་ངེས་པར་སྦྱར་བ་ན་དེ་སྤང་བའི་ཕྱིར་སྐབས་ཡོངས་སུ་ཚོལ་བར་བྱེད་པ་དང༌། མི་དགེ་བ་ཡང་དག་པར་བླང་བའི་ཕྱིར་སྐྱོན་ཡོངས་སུ་ཚོལ་བར་བྱེད་པ་དང༌། འབྱོར་པ་དང༌། རྒུད་པ་དག་ལ་རྗེས་སུ་ཆགས་པ་དང་ཁོང་ཁྲོ་བ་དག་གིས་བཅོམ་པར་འགྱུར་བ་དང་། བག་མེད་པའི་དབང་དུ་སོང་ཞིང་དགེ་བའི་རྩ་བ་བྱས་པ་དང་མ་བྱས་པ་ཐམས་ཅད་ཟད་པར་བྱེད་པ་དང༌། གཟུགས་ལ་སོགས་པ་ཡུལ་ལ་མངོན་པར་དགའ་བའི་ཕྱིར། གཏན་དུ་ཕན་པ་འཆི་བ་མེད་པའི་དབྱིངས་ལ་སོ་སོར་བརྟགས་ཤིང་སོ་སོར་ཉེས་པར་རྣམ་པར་འཇོག་པར་བྱེད་པ་སྟེ། དེ་ལྟར་དོན་དེ་ཀུན་ཏུ་སྟོན་པར་བྱེད་པ་ཉོན་མོངས་པ་ཅན་གྱིས་བསྡུས་པའི་དཔེའི་དངོས་པོ་དག་ཀྱང་རིག་པར་བྱའོ། །

sems kyi kun nas nyon mongs pa'i mtshan nyid kyang rnam pa gsum gyis rig par bya ste/ 'grub pa dang/ 'jug pa dang/ rgyu bas te/ 'gro ba rnams su lus sna tshogs 'grub pa las ni kun nas nyon mongs pa 'grub pa yin no/ /de ltar 'grub pa rang gi skad cig gi rgyun gyis 'jug pa dang/ dmigs pa thams cad la gzung dka' bar 'jug pa dang/ sred pa'i bag chags pas dbang bsgyur bas 'jug pa las ni kun nas nyon mongs pa 'jug pa yin no/ /gang du rgyu ba dang ji ltar rgyu ba las ni kun nas nyon mongs pa rgyu ba yin te/ res 'ga' ni mi dge ba la/ res 'ga' ni dge ba la/ res 'ga' ni yul la/ res 'ga' ni las mngon par 'du bya ba la'o/ /res 'ga' ni nyon mongs pa rnams la ste/ nyon mongs pa rnams la rgyu ba na yang 'dod chags dang zhe sdang la sogs pa nges par mi gnas pa de nyid 'dod chags dang bcas par gyur nas/ 'dod chags dang bral bar 'gyur ba dang/ 'dod chags dang bral bar gyur nas| 'dod chags dang bcas par 'gyur ba dang/ de lta bu la sogs pa ma yin pa la rgyu ba dang/ bde ba la sogs pa'i gnas lta bu'i chos rnams la dbang phyug thob cing rgyu ba dang/ bdag nyid kyi bde ba spangs te sdug bsngal kun tu skyed par byed pa dang/ de yang mngon par zhen pa las ma yin gyi/ phyin ci log las yin pa dang de dag gis bdag nyid la sdug bsngal nye bar bsgrub pa dag gis rnam par mi ngoms par byed pa dang/ dge ba rnams la nges par sbyar ba na de spang ba'i phyir skabs yongs su tshol bar byed pa dang/ mi dge ba yang dag par blang ba'i phyir skyon yongs su tshol bar byed pa dang/ 'byor pa dang/ rgud pa dag la rjes su chags pa dang khong khro ba dag gis bcom par 'gyur ba dang / bag med pa'i dbang du song zhing dge ba'i rtsa ba byas pa dang ma byas pa thams cad zad par byed pa dang/ gzugs la sogs pa yul la mngon par dga' ba'i phyir/ gtan du phan pa 'chi ba med pa'i dbyings la so sor brtags shing so sor nyes par rnam par 'jog par byed pa ste/ de ltar don de kun tu ston par byed pa nyon mongs pa can gyis bsdus pa'i dpe'i dngos po dag kyang rig par bya'o/ /

【K4 由三種相應知心清淨相】

སེམས་ཀྱི་རྣམ་པར་བྱང་བའི་མཚན་ཉིད་ཀྱང་རྣམ་པ་གསུམ་གྱིས་རིག་པར་བྱ་སྟེ། མི་རྟོགས་པ་དང་རྟོགས་པའི་མཚན་ཉིད་དང༌། འདུས་མ་བྱས་ཀྱི་མཚན་ཉིད་དང༌། རིགས་ཀྱི་མཚན་ཉིད་ཀྱིས་ཏེ། དེ་ལས་གཞན་དུ་ཚུལ་བཞིན་མ་ཡིན་པར་བརྩོན་པས་ནི་སེམས་རྣམ་པར་དག་པ་སྒྲུབ་པར་བྱེད་ཀྱང་མི་རྟོགས་ཀྱི། དེ་ལྟར་ཚུལ་བཞིན་དུ་བརྩོན་པར་བྱེད་པས་ནི་རྟོགས་པར་འགྱུར་ཏེ། དེ་ཡང་ཐ་སྙད་ལས་བྱུང་བའི་ངོ་བོ་ཉིད་དུ་ནི་མི་མཐོང་ལ། དེ་བཞིན་ཉིད་ཀྱི་མཚན་ཉིད་དུ་མཐོང་བ་ན་མཐོང་ངོ༌། །འདུས་མ་བྱས་ཀྱི་མཚན་ཉིད་དེ་ནི་རྣམ་པ་དགུས་བལྟ་བར་བྱ་སྟེ། དུས་རྣམས་སུ་རྒྱུ་བ་མེད་པ་དང༌། ཇི་ལྟར་འགོག་པའི་སྙོམས་པར་འཇུག་པ་ལ་ཐ་སྙད་ལས་བྱུང་བའི་ངོ་བོ་ཉིད་ཀྱིས་དམིགས་སུ་མེད་ལ་དེ་བཞིན་ཉིད་ཀྱི་མཚན་ཉིད་ཀྱིས་དམིགས་སུ་ཡོད་པ་ལྟ་བུ་མ་ཡིན་པའི་ཕྱིར། གཉིས་སུ་མེད་པའི་མཚན་ཉིད་དང༌། སྐྱེ་བ་མེད་པའི་མཚན་ཉིད་དང༌། སྐྱེ་བའི་རྒྱུའི་ངོ་བོ་ཉིད་ལས་ཡང་དག་པར་འདས་པའི་མཚན་ཉིད་དང༌། ཕྱི་མར་སྐྱེ་བ་ལས་ཡང་དག་པར་འདས་པ་དང༌། འཆི་འཕོ་བ་ལས་ཡང་དག་པར་འདས་པ་དང༌། སྐད་ཅིག་གཅིག་ནས་གཅིག་ཏུ་འབྲལ་བ་ལས་ཡང་དག་པར་འདས་པ་དང༌། འགྲོ་བ་འགྱུར་བ་ལས་ཡང་དག་པར་འདས་པ་དང༌། ལས་ཀྱིས་ཀུན་ནས་ཉོན་མོངས་པའི་འདུ་བྱེད་ལས་ཡང་དག་པར་འདས་པ་ཉིད་ཀྱིས་སོ། །དེ་ལ་རིགས་ཀྱི་མཚན་ཉིད་ནི་མི་སློབ་པའི་ཁམས་ཀྱི་མཚན་ཉིད་ཡིན་པར་བལྟ་བར་བྱ་སྟེ། ཚེ་འདི་ལ་དངོས་པོ་ལྔ་ལས་ཡང་དག་པར་འདས་པ་ཡང་ཡིན་ཏེ། བྱ་བ་ལས་ཡང་དག་པར་འདས་པ་དང༌། བྱ་བ་མེད་པ་ལས་ཡང་དག་པར་འདས་པ་དང༌། བྱ་བའི་སྦྱོར་བ་ལས་ཡང་དག་པར་འདས་པ་དང༌། བྱ་བའི་སྦྱོར་བ་མེད་པ་ལས་ཡང་དག་པར་འདས་པ་དང༌། བྱ་བ་མེད་པའི་སྦྱོར་བ་ལས་ཡང་དག་པར་འདས་པའོ། །ཚེ་ཕྱི་མ་ལ་དངོས་པོ་དྲུག་ལས་ཡང་དག་པར་འདས་པ་ཡང་ཡིན་ཏེ། ཚེ་ཕྱི་མ་ལ་ཡང་སྲིད་པ་འབྱུང་བའི་འདུ་བྱེད་ཀུན་ནས་སློང་བར་བྱེད་པ་ལས་ཡང་དག་པར་འདས་པ་དང༌། དེ་འདུ་བྱེད་པ་ལས་ཡང་དག་པར་འདས་པ་དང༌། དེའི་འབྲས་བུ་འགྲུབ་པ་ལས་ཡང་དག་པར་འདས་པ་དང༌། དེ་ལ་བརྟེན་པའི་འབྱོར་བ་དང་རྒུད་པ་ལས་ཡང་དག་པར་འདས་པ་དང༌། དེའི་གནས་ལུང་དུ་མ་བསྟན་པ་ཡོངས་སུ་གཡོ་བ་ཐམས་ཅད་ལ་སློབ་པ་དང་སྨོས་པ་དང་རྗེས་སུ་སྦྱོར་བ་ལས་ཡང་དག་པར་འདས་པ་དང༌། དེའི་གནས་ལུས་སྣ་ཚོགས་ལས་ཡང་དག་པར་འདས་པའོ། །རིགས་ཀྱི་མཚན་ཉིད་དེ་ཡང་གནས་སྐབས་བཞིར་རྣམ་པ་དགུར་རིག་པར་བྱ་སྟེ། རྣམ་པར་མ་དག་པའི་གནས་སྐབས་དང༌། རྣམ་པར་དག་པའི་གནས་སྐབས་དང༌། སོ་སོར་རྟོགས་པའི་གནས་སྐབས་དང༌། ཡོངས་སུ་གཏུགས་པའི་གནས་སྐབས་སོ། །རྣམ་པར་མ་དག་པའི་གནས་སྐབས་ནི་མཚན་མ་ཐམས་ཅད་ལ་ཡང་དག་པར་རྗེས་སུ་སོང་བའི་ཕྱིར་ནམ་མཁའ་ལྟ་བུ་ཡིན་ནོ། །རྣམ་པར་དག་པའི་གནས་སྐབས་ནི་རོ་གཅིག་པ་དང༌། ལུས་དང་སེམས་དབེན་པ་ཡིན་ནོ། །སོ་སོར་རྟོགས་པའི་གནས་སྐབས་ནི་མཐར་ཐུག་པར་འགྲོ་བའི་རྗེས་སུ་མཐུན་པ་དང༌། ཉོན་མོངས་པའི་རང་བཞིན་ཐམས་ཅད་དང་བྲལ་ཞིང་དྲི་མ་མེད་པ་དང༌། འཇིག་ཚོགས་ལ་ལྟ་བ་ལས་ཡང་དག་པར་འདས་པ་དང༌། དེའི་རྩ་བ་ལས་བྱུང་བ་མི་མཐུན་པར་ལྟ་བའི་རྣམ་པ་ལས་ཡང་དག་པར་འདས་པ་ཡིན་ནོ། །ཡོངས་སུ་གཏུགས་པའི་གནས་སྐབས་ནི་ཡོངས་སུ་གྲུབ་པའི་བདེ་བ་དང༌། འགྱུར་བ་རྣམ་པ་གསུམ་ལས་ཡང་དག་པར་འདས་པ་ཡིན་ཏེ། དེ་ལ་འགྱུར་བ་རྣམ་པ་གསུམ་ནི་འདི་དག་ཡིན་ཏེ། རྒ་ཤི་ལ་སོགས་པའི་འགྱུར་བ་དང༌། ཕྱིན་ཅི་ལོག་གི་གནས་ཀྱི་འགྱུར་བ་དང༌། རྣམ་པར་དག་པ་ལས་ཡོངས་སུ་ཉམས་པའི་འགྱུར་བའོ།། །།

sems kyi rnam par byang ba'i mtshan nyid kyang rnam pa gsum gyis rig par bya ste/ mi rtogs pa dang rtogs pa'i mtshan nyid dang/ 'dus ma byas kyi mtshan nyid dang/ rigs kyi mtshan nyid kyis te/ de las gzhan du tshul bzhin ma yin par brtson pas ni sems rnam par dag pa sgrub par byed kyang mi rtogs kyi/ de ltar tshul bzhin du brtson par byed pas ni rtogs par 'gyur te/ de yang tha snyad las byung ba'i ngo bo nyid du ni mi mthong la/ de bzhin nyid kyi mtshan nyid du mthong ba na mthong ngo/ /'dus ma byas kyi mtshan nyid de ni rnam pa dgus blta bar bya ste/ dus rnams su rgyu ba med pa dang/ ji ltar 'gog pa'i snyoms par 'jug pa la tha snyad las byung ba'i ngo bo nyid kyis dmigs su med la de bzhin nyid kyi mtshan nyid kyis dmigs su yod pa lta bu ma yin pa'i phyir/ gnyis su med pa'i mtshan nyid dang/ skye ba med pa'i mtshan nyid dang/ skye ba'i rgyu'i ngo bo nyid las yang dag par 'das pa'i mtshan nyid dang/ phyi mar skye ba las yang dag par 'das pa dang/ 'chi 'pho ba las yang dag par 'das pa dang/ skad cig gcig nas gcig tu 'bral ba las yang dag par 'das pa dang/ 'gro ba 'gyur ba las yang dag par 'das pa dang/ las kyis kun nas nyon mongs pa'i 'du byed las yang dag par 'das pa nyid kyis so/ /de la rigs kyi mtshan nyid ni mi slob pa'i khams kyi mtshan nyid yin par blta bar bya ste/ tshe 'di la dngos po lnga las yang dag par 'das pa yang yin te/ bya ba las yang dag par 'das pa dang/ bya ba med pa las yang dag par 'das pa dang/ bya ba'i sbyor ba las yang dag par 'das pa dang/ bya ba'i sbyor ba med pa las yang dag par 'das pa dang/ bya ba med pa'i sbyor ba las yang dag par 'das pa'o/ /tshe phyi ma la dngos po drug las yang dag par 'das pa yang yin te/ tshe phyi ma la yang srid pa 'byung ba'i 'du byed kun nas slong bar byed pa las yang dag par 'das pa dang/ de 'du byed pa las yang dag par 'das pa dang/ de'i 'bras bu 'grub pa las yang dag par 'das pa dang/ de la brten pa'i 'byor ba dang rgud pa las yang dag par 'das pa dang/ de'i gnas lung du ma bstan pa yongs su g.yo ba thams cad la slob pa dang smos pa dang rjes su sbyor ba las yang dag par 'das pa dang/ de'i gnas lus sna tshogs las yang dag par 'das pa'o/ /rigs kyi mtshan nyid de yang gnas skabs bzhir rnam pa dgur rig par bya ste/ rnam par ma dag pa'i gnas skabs dang/ rnam par dag pa'i gnas skabs dang/ so sor rtogs pa'i gnas skabs dang/ yongs su gtugs pa'i gnas skabs so/ /rnam par ma dag pa'i gnas skabs ni mtshan ma thams cad la yang dag par rjes su song ba'i phyir nam mkha' lta bu yin no/ /rnam par dag pa'i gnas skabs ni ro gcig pa dang/ lus dang sems dben pa yin no/ /so sor rtogs pa'i gnas skabs ni mthar thug par 'gro ba'i rjes su mthun pa dang/ nyon mongs pa'i rang bzhin thams cad dang bral zhing dri ma med pa dang/ 'jig tshogs la lta ba las yang dag par 'das pa dang/ de'i rtsa ba las byung ba mi mthun par lta ba'i rnam pa las yang dag par 'das pa yin no/ /yongs su gtugs pa'i gnas skabs ni yongs su grub pa'i bde ba dang/ 'gyur ba rnam pa gsum las yang dag par 'das pa yin te/ de la 'gyur ba rnam pa gsum ni 'di dag yin te/ rga shi la sogs pa'i 'gyur ba dang/ phyin ci log gi gnas kyi 'gyur ba dang/ rnam par dag pa las yongs su nyams pa'i 'gyur ba'o// //

【E9 解於菩薩教授中聲聞所學】

བམ་པོ་བཞི་བཅུ་གསུམ་པ་སྟེ་ཐ་མའོ། ། བྱང་ཆུབ་སེམས་དཔའ་གདམས་ངག་ལ་ཉན་ཐོས་ཀྱི་བསླབ་པ་གང་ཞེ་ན། འདི་ལྟ་སྟེ་བརྣབ་སེམས་དང༌། ཡིད་ཀྱི་མི་བདེ་བ་འདུལ་བས་ལྷག་པའི་ཚུལ་ཁྲིམས་ཀྱི་བསླབ་པ་ལ་སྦྱོར་བ་དང༌། ཀུན་ཏུ་སྐྱོ་བ་ཡིད་ལ་བྱེད་པས་ལྷག་པའི་སེམས་ཀྱི་བསླབ་པ་ལ་སྦྱོར་བ་དང༌། གང་ཟག་ལ་བདག་མེད་པ་དང༌། ཆོས་ལ་བདག་མེད་པས་ལྷག་པའི་ཤེས་རབ་ཀྱི་བསླབ་པ་ལ་སྦྱོར་བའོ། །དེ་ལ་ལྟུང་བ་ཀུན་ནས་སློང་བར་བྱེད་པ་བརྣབ་སེམས་དང་ཡིད་མི་བདེ་བ་ནི་ཇི་ལྟར་སེལ་བར་མི་བྱེད་པ་དང༌། ཇི་ལྟར་མ་བསྩལ་བ་དང༌། ཇི་ལྟར་སེལ་བར་བྱེད་པ་དང༌། ཇི་ལྟར་བསྩལ་བའི་རྣམ་པ་དེ་བཞིས་རིག་པར་བྱ་སྟེ། རང་གི་སེམས་ཀྱི་ཚུལ་བཞིན་མ་ཡིན་པ་ཡིད་ལ་བྱེད་པས་ཀུན་ནས་བསློངས་པའི་བརྣབ་སེམས་དང༌། འཇིག་ཚོགས་ལ་ལྟ་བ་དང༌། གནོད་སེམས་ལ་གལ་ཏེ་ཡུལ་ལས་སམ། གཞན་ལས་བྱུང་བར་སེམས་ན། དེ་ནི་སེལ་བར་མི་བྱེད་པ་ཡིན་ནོ། །གལ་ཏེ་ཡུལ་གྱིས་སམ། གཞན་ལ་གནོད་པ་བྱེད་པའི་སྦྱོར་བས་འཕྲོགས་པར་འགྱུར་ན་དེ་ནི་མ་བསལ་བ་ཡིན་ནོ། །གཅིག་ལ་བསལ་ན་གཅིག་ཀྱང་མ་བསལ་བར་བལྟ་བར་བྱ་ལ། གཅིག་བསལ་ན་གཅིག་ཀྱང་བསལ་བར་བལྟ་བར་བྱ་སྟེ། མ་བསལ་བས་ནི་སྡོམ་པ་ལ་གནས་པ་ཡང་ལྷག་པའི་ཚུལ་ཁྲིམས་ལས་ཉམས་པར་འགྱུར་ན། སྡོམ་པ་ལ་གནས་པ་མ་ཡིན་པ་ལྟ་སྨོས་ཀྱང་ཅི་དགོས། ལྷག་པའི་སེམས་ཀྱི་བསླབ་པའི་གགས་ནི་དམིགས་པ་ལས་རྣམ་པར་གཡེང་བའི་འཁྲུལ་པ་ཡིན་ནོ། །གང་ཟག་ལ་བདག་མེད་པ་ལས་བརྩམས་ནས་ལྷག་པའི་ཤེས་རབ་ལ་བརྩོན་པའི་གགས་ནི་འཇིག་ཚོགས་ལ་ལྟ་བ་ཡིན་ནོ། །ཆོས་ལ་བདག་མེད་པ་ལས་བརྩམས་ནས་ལྷག་པའི་ཤེས་རབ་ལ་བརྩོན་པའི་གགས་ནི་ངོ་བོ་ཉིད་དང་བྱེ་བྲག་ཏུ་རྟོགས་པ་དང་རྣམ་པར་རྟོག་པའི་འཆིང་བ་ཡིན་ནོ། །བསླབ་པ་གསུམ་པོ་དེ་དག་རྣམ་པར་བསྒོམ་པ་ལ་བསླབ་པ་དང་མི་མཐུན་པའི་ཆོས་བརྒྱད་དང་བསླབ་པ་དང་རྗེས་སུ་མཐུན་པའི་ཆོས་བརྒྱད་ཡོད་དེ། དོན་མེད་པ་ལ་ཡོངས་སུ་ཞེན་པ་དང༌། ཡོངས་སུ་ཞེན་པ་ལས་འཆིང་བ་དང༌། འཆིང་བ་ལས་བར་ཆད་དང༌། བར་ཆད་ལས་དྲི་མ་དང༌། དྲི་མ་ལས་ཐོག་ཐོག་དང༌། ཐོག་ཐོག་ལས་རྨ་དང༌། རྨ་ལས་ལོངས་སུ་གདུང་བ་དང་། ཡོངས་སུ་གདུང་བ་ལས་ཉོན་མོངས་པའི་ནད་གསོ་དཀའ་བ་འབྱུང་བའོ། །བསླབ་པ་དང་རྗེས་སུ་མཐུན་པའི་ཆོས་བརྒྱད་ནི་དེ་དག་ལས་བཟློག་པ་ཁོ་ན་ལས་རིག་པར་བྱའོ། །

bam po bzhi bcu gsum pa ste tha ma'o/ / byang chub sems dpa' gdams ngag la nyan thos kyi bslab pa gang zhe na/ 'di lta ste brnab sems dang/ yid kyi mi bde ba 'dul bas lhag pa'i tshul khrims kyi bslab pa la sbyor ba dang/ kun tu skyo ba yid la byed pas lhag pa'i sems kyi bslab pa la sbyor ba dang/ gang zag la bdag med pa dang/ chos la bdag med pas lhag pa'i shes rab kyi bslab pa la sbyor ba'o/ /de la ltung ba kun nas slong bar byed pa brnab sems dang yid mi bde ba ni ji ltar sel bar mi byed pa dang/ ji ltar ma bstsal ba dang/ ji ltar sel bar byed pa dang/ ji ltar bstsal ba'i rnam pa de bzhis rig par bya ste/ rang gi sems kyi tshul bzhin ma yin pa yid la byed pas kun nas bslongs pa'i brnab sems dang/ 'jig tshogs la lta ba dang/ gnod sems la gal te yul las sam/ gzhan las byung bar sems na/ de ni sel bar mi byed pa yin no/ /gal te yul gyis sam/ gzhan la gnod pa byed pa'i sbyor bas 'phrogs par 'gyur na de ni ma bsal ba yin no/ /gcig la bsal na gcig kyang ma bsal bar blta bar bya la/ gcig bsal na gcig kyang bsal bar blta bar bya ste/ ma bsal bas ni sdom pa la gnas pa yang lhag pa'i tshul khrims las nyams par 'gyur na/ sdom pa la gnas pa ma yin pa lta smos kyang ci dgos/ lhag pa'i sems kyi bslab pa'i gags ni dmigs pa las rnam par g.yeng ba'i 'khrul pa yin no/ /gang zag la bdag med pa las brtsams nas lhag pa'i shes rab la brtson pa'i gags ni 'jig tshogs la lta ba yin no/ /chos la bdag med pa las brtsams nas lhag pa'i shes rab la brtson pa'i gags ni ngo bo nyid dang bye brag tu rtogs pa dang rnam par rtog pa'i 'ching ba yin no/ /bslab pa gsum po de dag rnam par bsgom pa la bslab pa dang mi mthun pa'i chos brgyad dang bslab pa dang rjes su mthun pa'i chos brgyad yod de/ don med pa la yongs su zhen pa dang/ yongs su zhen pa las 'ching ba dang/ 'ching ba las bar chad dang/ bar chad las dri ma dang/ dri ma las thog thog dang/ thog thog las rma dang/ rma las longs su gdung ba dang / yongs su gdung ba las nyon mongs pa'i nad gso dka' ba 'byung ba'o/ /bslab pa dang rjes su mthun pa'i chos brgyad ni de dag las bzlog pa kho na las rig par bya'o/ /

【E10-11 不善學與善學沙門】【F1 解不善學沙門】【G1 徵別三種】

ལེགས་པར་མ་བསླབས་པའི་དགེ་སྦྱོང་གང་ཞེ་ན། དེ་དག་ནི་རྣམ་པ་གསུམ་དུ་རིག་པར་བྱ་སྟེ། དགེ་སྦྱོང་གི་ཚུལ་ལ་མི་ལྟ་ཞིང་ཆ་ལུགས་དང་རྟགས་མཐུན་པ། ཆོ་ག་དང༌། འཚོ་བ་དང༌། ལོངས་སྤྱོད་དང༌། བརྩོན་པ་དང༌། ཚུལ་ཁྲིམས་དང༌། ལྟ་བ་དང༌། བསམ་པ་མི་མཐུན་པ་དང༌།

legs par ma bslabs pa'i dge sbyong gang zhe na/ de dag ni rnam pa gsum du rig par bya ste/ dge sbyong gi tshul la mi lta zhing cha lugs dang rtags mthun pa/ cho ga dang/ 'tsho ba dang/ longs spyod dang/ brtson pa dang/ tshul khrims dang/ lta ba dang/ bsam pa mi mthun pa dang/

【G2 別釋同分不同分相】【H1 約資具以辨同分不同分】

ཡོ་བྱད་ལ་ཡོངས་སུ་གཞོལ་བ་དང༌། ལྷག་པའི་ཚུལ་ཁྲིམས་དང་རྟགས་མཐུན་པ༑ ལྷག་པའི་སེམས་དང་རྟགས་མཐུན་པ། ལྷག་པའི་ཤེས་རབ་དང་རྟགས་མཐུན་པ་ལ། དེ་དག་བསྒྲུབ་པའི་བསམ་པ་དང་མི་མཐུན་པ་དང༌།

yo byad la yongs su gzhol ba dang/ lhag pa'i tshul khrims dang rtags mthun pa| lhag pa'i sems dang rtags mthun pa/ lhag pa'i shes rab dang rtags mthun pa la/ de dag bsgrub pa'i bsam pa dang mi mthun pa dang/

【H2 約聲譽以辨同不同分】

སྒྲ་ལ་ཡོངས་སུ་གཞོལ་བ། ཞི་གནས་ཀྱི་ཡན་ལག་དང་མཐུན། ལྷག་མཐོང་གི་ཡན་ལག་དང་མཐུན། དེ་གཉི་ག་བསྒོམ་པའི་ཡན་ལག་དང་མཐུན། དེ་གཉི་གའི་ཚོགས་ཀྱི་ཡན་ལག་དང་མཐུན། དེ་ལ་དེ་དག་གི་བསམ་པ་དང་མི་མཐུན་པའོ༑ །

sgra la yongs su gzhol ba/ zhi gnas kyi yan lag dang mthun/ lhag mthong gi yan lag dang mthun/ de gnyi ga bsgom pa'i yan lag dang mthun/ de gnyi ga'i tshogs kyi yan lag dang mthun/ de la de dag gi bsam pa dang mi mthun pa'o| /

【F2 解善學沙門】

ལེགས་པར་བསླབས་པའི་དགེ་སྦྱོང་གང་ཞེ་ན། དེ་ནི་རྣམ་པ་བཞིར་རིག་པར་བྱ་སྟེ། སྦྱོར་བ་དང༌། བསམ་པ་དང༌། རྟོགས་པ་དང༌། མཐར་ཐུག་པར་འགྲོ་བས་སོ། །ཚེ་འདི་ལ་ཀུན་ཏུ་སྐྱོ་བའི་སྦྱོར་བ་དང༌། ཚེ་རབས་སྔ་མ་ལ་རྒྱུད་ཡོངས་སུ་སྨིན་པའི་སྦྱོར་བས་ནི་སྦྱོར་བ་ཕུན་སུམ་ཚོགས་པ་ཡིན་པར་རིག་པར་བྱའོ། །ཆོས་བདག་མེད་པ་ལ་མོས་པའི་བསམ་པ་དང་ལྡན་པའི་ཕྱིར་གང་ཐོབ་པར་བྱ་བ་དང༌། གང་གིས་ཐོབ་པར་བྱ་བ་དེ་གཉིས་ལ་ཐ་སྙད་ལས་བྱུང་བའི་ངོ་བོ་ཉིད་དུ་མངོན་པར་ཞེན་པ་མེད་པ་དང༌། དགོངས་པ་ཅན་གྱི་དོན་ཡོངས་སུ་ཚོལ་བ་དང༌། སྒྲ་ཙམ་གྱི་རྗེས་སུ་མི་འབྲང་བས་ནི་བསམ་པ་ཕུན་སུམ་ཚོགས་པ་ཡིན་པར་རིག་པར་བྱའོ། །གཞན་གྱི་དྲིང་ལ་མི་འཇོག་པའི་ཤེས་པས་ཆོས་ཀྱི་དེ་བཞིན་ཉིད་ལ་རང་བཞིན་གྱིས་ཀུན་ནས་ཉོན་མོངས་པ་མེད་པར་རྟོགས་པ་དང༌། དེ་ལ་དཀོན་མཆོག་གི་བརྡ་དང༌། མྱ་ངན་ལས་འདས་པ་དང༌། འཁོར་བ་དང༌། འཆིང་བ་དང༌། ཐར་པའི་བརྡའི་ངོ་བོ་ཉིད་མི་དམིགས་པས་ནི་རྟོགས་པ་ཕུན་སུམ་ཚོགས་པ་ཡིན་པར་རིག་པར་བྱའོ། །ཀུན་ནས་ཉོན་མོངས་པ་ཐམས་ཅད་ཀྱི་གཉེན་པོ་ཤིན་ཏུ་བསྒོམས་པ་དང༌། དེ་བཞིན་ཉིད་རྒྱུན་མི་འཆད་པ་དང༌། མི་འཇིགས་པས་ནི་མཐར་ཐུག་པར་འགྲོ་བ་ཕུན་སུམ་ཚོགས་པ་ཡིན་པར་རིག་པར་བྱའོ། །

legs par bslabs pa'i dge sbyong gang zhe na/ de ni rnam pa bzhir rig par bya ste/ sbyor ba dang/ bsam pa dang/ rtogs pa dang/ mthar thug par 'gro bas so/ /tshe 'di la kun tu skyo ba'i sbyor ba dang/ tshe rabs snga ma la rgyud yongs su smin pa'i sbyor bas ni sbyor ba phun sum tshogs pa yin par rig par bya'o/ /chos bdag med pa la mos pa'i bsam pa dang ldan pa'i phyir gang thob par bya ba dang/ gang gis thob par bya ba de gnyis la tha snyad las byung ba'i ngo bo nyid du mngon par zhen pa med pa dang/ dgongs pa can gyi don yongs su tshol ba dang/ sgra tsam gyi rjes su mi 'brang bas ni bsam pa phun sum tshogs pa yin par rig par bya'o/ /gzhan gyi dring la mi 'jog pa'i shes pas chos kyi de bzhin nyid la rang bzhin gyis kun nas nyon mongs pa med par rtogs pa dang/ de la dkon mchog gi brda dang/ mya ngan las 'das pa dang/ 'khor ba dang/ 'ching ba dang/ thar pa'i brda'i ngo bo nyid mi dmigs pas ni rtogs pa phun sum tshogs pa yin par rig par bya'o/ /kun nas nyon mongs pa thams cad kyi gnyen po shin tu bsgoms pa dang/ de bzhin nyid rgyun mi 'chad pa dang/ mi 'jigs pas ni mthar thug par 'gro ba phun sum tshogs pa yin par rig par bya'o/ /

【F3 相對辨異】

དེ་ལ་ལེགས་པར་མ་བསླབས་པའི་དགེ་སྦྱོང་ནི་རྣམ་པ་གསུམ་གྱིས་ན་མིང་དོན་ཇི་ལྟ་བ་བཞིན་དུ་མ་ཡིན་པར་རིག་པར་བྱ་སྟེ། བསམ་པ་རྒུད་ལ་སྦྱོར་བ་ཕུན་སུམ་ཚོགས་པ་དང༌། བསམ་པ་ཕུན་སུམ་ཚོགས་ལ་སྦྱོར་བ་རྒུད་པ་དང༌། བསམ་པ་ཡང་རྒྱུད་ལ་སྦྱོར་བ་ཡང་རྒྱུད་པས་སོ། །དེ་ལ་བསམ་པ་རྒུད་ལ་སྦྱོར་བ་ཕུན་སུམ་ཚོགས་པ་ནི་རྣམ་པ་གསུམ་སྟེ། ཉན་པ་དེ་ཙམ་གྱིས་ཆོག་པར་འཛིན་པ་དང༌། སྨྲ་བ་དེ་ཙམ་གྱིས་ཆོག་པར་འཛིན་པ་དང༌། འཇིག་རྟེན་པའི་ཏིང་ངེ་འཛིན་རྟོགས་པར་བྱེད་པ་དེ་རོ་མྱང་བ་ཙམ་གྱིས་ཆོག་པར་འཛིན་པའོ། །ལེགས་པར་བསླབས་པའི་དགེ་སྦྱོང་ནི་རྣམ་པ་གཅིག་ཁོ་ནས་མིང་དོན་ཇི་ལྟ་བ་བཞིན་ཡིན་པར་རིག་པར་བྱ་སྟེ། བསམ་པ་ཡང་ཕུན་སུམ་ཚོགས་ལ་སྦྱོར་བ་ཡང་ཕུན་སུམ་ཚོགས་པས་སོ། །

de la legs par ma bslabs pa'i dge sbyong ni rnam pa gsum gyis na ming don ji lta ba bzhin du ma yin par rig par bya ste/ bsam pa rgud la sbyor ba phun sum tshogs pa dang/ bsam pa phun sum tshogs la sbyor ba rgud pa dang/ bsam pa yang rgyud la sbyor ba yang rgyud pas so/ /de la bsam pa rgud la sbyor ba phun sum tshogs pa ni rnam pa gsum ste/ nyan pa de tsam gyis chog par 'dzin pa dang/ smra ba de tsam gyis chog par 'dzin pa dang/ 'jig rten pa'i ting nge 'dzin rtogs par byed pa de ro myang ba tsam gyis chog par 'dzin pa'o/ /legs par bslabs pa'i dge sbyong ni rnam pa gcig kho nas ming don ji lta ba bzhin yin par rig par bya ste/ bsam pa yang phun sum tshogs la sbyor ba yang phun sum tshogs pas so/ /

【E12 住世俗戒】

བརྡར་བཏགས་པའི་སྡོམ་པ་ལ་གནས་པ་གང་ཞེ་ན། དེ་དག་ནི་རྣམ་པ་བཞིར་རིག་པར་བྱ་སྟེ། ཚུལ་ཁྲིམས་ཡན་ལག་དྲུག་དང་ལྡན་པའི་ཚུལ་ཁྲིམས་ཉམས་པ་གཉིས་པོ་འཇིག་ཚོགས་ལ་ལྟ་བས་ཀུན་ནས་དཀྲིས་པས་ལྟུང་བ་འབྱུང་བ་དང༌། དེ་ལས་བསླབ་པ་ལ་མི་མཁས་པས་ཉམས་པ་དང༌། ཉེས་པ་དེ་གཉི་ག་སྤངས་སུ་ཟིན་ཀྱང་འཇིག་རྟེན་པའི་རྣམ་པར་དག་པ་མ་ཐོབ་པའི་ཕྱིར་འཇིག་ཚོགས་ལ་ལྟ་བ་རྣམ་པར་བསྩལ་བ་དང༌། འཇིག་རྟེན་པའི་རྣམ་པར་དག་པའི་སྡོམ་པ་ཐོབ་ཅིང་འཇིག་ཚོགས་ལ་ལྟ་བ་རྣམ་པར་བསྩལ་དུ་ཟིན་ཀྱང་ཡོ་བྱད་མ་བསྙུངས་ཤིང་ཆོས་བགད་མེད་པས་སྐྲག་པས་ཚུལ་ཁྲིམས་ཉམས་པ་དང༌། སྐྱོན་གཞན་ཐམས་ཅད་སྤངས་སུ་ཟིན་ཀྱང་ཆོས་བདག་མེད་པ་ལ་ལོག་པར་མོས་པས་ཚུལ་ཁྲིམས་ཉམས་པའོ། །

brdar btags pa'i sdom pa la gnas pa gang zhe na/ de dag ni rnam pa bzhir rig par bya ste/ tshul khrims yan lag drug dang ldan pa'i tshul khrims nyams pa gnyis po 'jig tshogs la lta bas kun nas dkris pas ltung ba 'byung ba dang/ de las bslab pa la mi mkhas pas nyams pa dang/ nyes pa de gnyi ga spangs su zin kyang 'jig rten pa'i rnam par dag pa ma thob pa'i phyir 'jig tshogs la lta ba rnam par bstsal ba dang/ 'jig rten pa'i rnam par dag pa'i sdom pa thob cing 'jig tshogs la lta ba rnam par bstsal du zin kyang yo byad ma bsnyungs shing chos bgad med pas skrag pas tshul khrims nyams pa dang/ skyon gzhan thams cad spangs su zin kyang chos bdag med pa la log par mos pas tshul khrims nyams pa'o/ /

【E13 住勝義律儀】【F1 總標無漏戒相】

དོན་དམ་པའི་སྡོམ་པ་ལ་གནས་པ་གང་ཞེ་ན། འཇིག་རྟེན་ལས་འདས་པ་ཉོན་མོངས་པ་ཐམས་ཅད་དང་བྲལ་བ། ཁམས་གསུམ་པའི་གཉེན་པོའི་ཚུལ་ཁྲིམས་དང་ལྡན་པ་གང་ཡིན་པའི་

don dam pa'i sdom pa la gnas pa gang zhe na/ 'jig rten las 'das pa nyon mongs pa thams cad dang bral ba/ khams gsum pa'i gnyen po'i tshul khrims dang ldan pa gang yin pa'i

【F2 對世俗以辨勝義】【G1 總舉世俗戲論若能寂彼名無漏戒】

སྡོམ་པ་ལ་གནས་པ་བཞི་ལ། སྤྲོས་པའི་ཆོས་གང་དག་དམིགས་པ་དེ་དག་རབ་ཏུ་ཞི་བའི་མཚན་ཉིད་གང་ཡིན་པ་དེ་ནི་ཟག་པ་མེད་པའི་ཚུལ་ཁྲིམས་ཡིན་པར་རིག་པར་བྱ་སྟེ།

sdom pa la gnas pa bzhi la/ spros pa'i chos gang dag dmigs pa de dag rab tu zhi ba'i mtshan nyid gang yin pa de ni zag pa med pa'i tshul khrims yin par rig par bya ste/

【G2 別辨四種戲論】

སྤྲོས་པའི་ཆོས་རྣམས་གང་ཞེ་ན། སྡོམ་པ་ལ་གནས་པ་དང་པོ་ལ་ནི་བདག་ཏུ་འཛིན་པ་དང༌། བདག་གིར་འཛིན་པ་དང༌། ལྟུང་བའི་བྱ་བ་དང༌། དེའི་བྱ་བ་མེད་པ་དང༌། བསམས་བཞིན་དུ་བྱེད་པའི་སྦྱོར་བ་དང༌། དེའི་སྦྱོར་བ་མེད་པ་དང༌། ཤེས་བཞིན་དུ་སྤྱོད་པ་དང༌། དེའི་སྤྱོད་པ་མེད་པ་དང༌། བརྗེད་ངས་པས་སྤྱོད་པ་དང༌། དེའི་སྤྱོད་པ་མེད་པ་ཡང་དམིགས་པའོ། །གཉིས་པ་ལ་ནི་འཇིག་ཚོགས་ལ་ལྟ་བའི་ཕྱོགས་དང་མཐུན་པའི་གནས་ངན་ལེན་དང་ལྡན་པའི་མིང་དང༌། གཟུགས་དང༌། ཕྱི་མར་སྐྱེ་བའི་རྒྱུ་དང༌། འཕྲལ་ལ་དེའི་རྒྱུ་མེད་པ་ཉིད་དང༌། ཀུན་ནས་དཀྲིས་པ་རབ་ཏུ་ཞི་བ་དང༌། བག་ལ་ཉལ་བ་ལས་དེ་རབ་ཏུ་མ་ཞི་བ་དང༌། གང་ཟག་ལ་བདག་མེད་པར་འཛིན་པ་དང༌། གང་ཟག་ཏུ་འཛིན་པ་སྤོང་བ་དང༌། གང་ཟག་ལ་བདག་མེད་པར་གཟུང་བ་དེ་ལ་འཛིན་པ་དང༌། གཟུང་བ་མེད་པ་དང༌། དེས་གཟུགས་ལ་སོགས་པ་ལ་སེམས་ཅན་དུ་འཛིན་པ་དང༌། དེར་འདོགས་པ་ལེགས་པར་འཛིན་པ་དང༌། དེར་འདོགས་པ་དང༌། ངག་གིས་འདོགས་པ་ལེགས་པར་འཛིན་པ་དང༌། དེར་འདོགས་པའི་སེམས་དང་། དེར་འདོགས་པ་ལེགས་པར་འཛིན་པ་ཡང་དམིགས་པའོ། །གསུམ་པ་ལ་ནི་གོང་དུ་སྐྱེ་བ་ལས་འཇིག་རྟེན་པ་དང༌། འོག་མ་ཡོངས་སུ་གཏོང་བ་ལས་འཇིག་རྟེན་མེད་པ་དང༌། སྙོམས་པར་འཇུག་པ་ལ་གནས་པ་དང༌། འདོད་པ་ལ་མི་གནས་པ་དང༌། བདག་ཉིད་ཀྱི་ཚུལ་ཁྲིམས་རབ་ཏུ་འཛིན་པ་དང༌། གཞན་གྱི་ཚུལ་ཁྲིམས་ཁྱད་དུ་གསོད་པ་ཡང་དམིགས་པའོ། །བཞི་པ་ལ་ནི་བདག་ནི་ཚུལ་ཁྲིམས་རྣམ་པར་དག་པ་ཡིན་ནོ་སྙམ་དུ་རློམ་པ་དང༌། ངོ་བོ་ཉིད་དང་བྱེ་བྲག་ཏུ་ཀུན་ཏུ་རྟོག་པ་དག་གིས་ཚུལ་ཁྲིམས་ལ་ཀུན་ཏུ་རྟོག་པ་ཡང་དམིགས་པ་སྟེ།

spros pa'i chos rnams gang zhe na/ sdom pa la gnas pa dang po la ni bdag tu 'dzin pa dang/ bdag gir 'dzin pa dang/ ltung ba'i bya ba dang/ de'i bya ba med pa dang/ bsams bzhin du byed pa'i sbyor ba dang/ de'i sbyor ba med pa dang/ shes bzhin du spyod pa dang/ de'i spyod pa med pa dang/ brjed ngas pas spyod pa dang/ de'i spyod pa med pa yang dmigs pa'o/ /gnyis pa la ni 'jig tshogs la lta ba'i phyogs dang mthun pa'i gnas ngan len dang ldan pa'i ming dang/ gzugs dang/ phyi mar skye ba'i rgyu dang/ 'phral la de'i rgyu med pa nyid dang/ kun nas dkris pa rab tu zhi ba dang/ bag la nyal ba las de rab tu ma zhi ba dang/ gang zag la bdag med par 'dzin pa dang/ gang zag tu 'dzin pa spong ba dang/ gang zag la bdag med par gzung ba de la 'dzin pa dang/ gzung ba med pa dang/ des gzugs la sogs pa la sems can du 'dzin pa dang/ der 'dogs pa legs par 'dzin pa dang/ der 'dogs pa dang/ ngag gis 'dogs pa legs par 'dzin pa dang/ der 'dogs pa'i sems dang / der 'dogs pa legs par 'dzin pa yang dmigs pa'o/ /gsum pa la ni gong du skye ba las 'jig rten pa dang/ 'og ma yongs su gtong ba las 'jig rten med pa dang/ snyoms par 'jug pa la gnas pa dang/ 'dod pa la mi gnas pa dang/ bdag nyid kyi tshul khrims rab tu 'dzin pa dang/ gzhan gyi tshul khrims khyad du gsod pa yang dmigs pa'o/ /bzhi pa la ni bdag ni tshul khrims rnam par dag pa yin no snyam du rlom pa dang/ ngo bo nyid dang bye brag tu kun tu rtog pa dag gis tshul khrims la kun tu rtog pa yang dmigs pa ste/

【G3 結成無漏】

དེ་ལྟར་སྤྲོས་པའི་ཆོས་དེ་དག་ནི་ཟག་པ་མེད་པའི་ཚུལ་ཁྲིམས་ལ་རབ་ཏུ་ཞི་བར་གྱུར་པ་ཡིན་ནོ། །

de ltar spros pa'i chos de dag ni zag pa med pa'i tshul khrims la rab tu zhi bar gyur pa yin no/ /

【F3 判釋伽他義】【G1 總標】

དོན་གྱི་འབྲེལ་པ་འདི་ཉིད་ཀྱིས་བསླབ་པ་གསུམ་རྣམ་པར་དག་པ་ལས་བརྩམས་ནས་ཚིགས་སུ་བཅད་པས་མངོན་པར་སྒྲུབ་པ་ཡང་རིག་པར་བྱའོ། །

don gyi 'brel pa 'di nyid kyis bslab pa gsum rnam par dag pa las brtsams nas tshigs su bcad pas mngon par sgrub pa yang rig par bya'o/ /

【G2 正釋其義】

བསོད་ནམས་ཀྱི་ཚོགས་ནི་ཉོན་མོངས་པ་ཆུང་བར་འགྱུར་བ་ཡིན་ནོ། །སྐྱེས་བུ་དམ་པས་ཡོངས་སུ་གཟུང་བ་ནི་ཆུང་མི་ཟ་བར་འགྱུར་བ་ཡིན་ནོ། །ཡེ་ཤེས་ཀྱི་ཚོགས་ནི་ཟབ་མོའི་གནས་ལ་མོས་པར་འགྱུར་བ་ཡིན་པར་རིག་པར་བྱའོ། །དེ་བཞིན་གཤེགས་པས་གསུངས་པ་ལ་ནི་རྒྱུ་གཉིས་ཀྱིས་འཇུག་པར་འགྱུར་བ་ཡིན་ཏེ། ཆོས་ཀྱི་ལུགས་ཤེས་པ་ཉེ་བར་བརྟགས་པ་དང༌། དེ་ཁོ་ནའི་ཤེས་པ་གཏན་ལ་དབབ་པས་སོ། །

bsod nams kyi tshogs ni nyon mongs pa chung bar 'gyur ba yin no/ /skyes bu dam pas yongs su gzung ba ni chung mi za bar 'gyur ba yin no/ /ye shes kyi tshogs ni zab mo'i gnas la mos par 'gyur ba yin par rig par bya'o/ /de bzhin gshegs pas gsungs pa la ni rgyu gnyis kyis 'jug par 'gyur ba yin te/ chos kyi lugs shes pa nye bar brtags pa dang/ de kho na'i shes pa gtan la dbab pas so/ /

【E14 解如來調伏方便】【F1 明二同分】

དེ་བཞིན་གཤེགས་པའི་གདུལ་བའི་ཐབས་གང་ཞེ་ན། དེ་ནི་རྣམ་པ་གཉིས་སུ་བལྟ་བར་བྱ་སྟེ། ལུས་མཐུན་པ་དང༌། མོས་པ་མཐུན་པས་མཐུན་པར་རྗེས་སུ་སྟོན་པ་དང༌། ཀུན་ཤེས་པའི་སེམས་ཉེ་བར་འཇོག་པ་དང༌། ངེས་པར་འབྱིན་པའི་གདམས་ངག་གིས་ཡང་དག་པར་རྣམ་པར་དག་པའི་ཐབས་སྟོན་པའོ། །

de bzhin gshegs pa'i gdul ba'i thabs gang zhe na/ de ni rnam pa gnyis su blta bar bya ste/ lus mthun pa dang/ mos pa mthun pas mthun par rjes su ston pa dang/ kun shes pa'i sems nye bar 'jog pa dang/ nges par 'byin pa'i gdams ngag gis yang dag par rnam par dag pa'i thabs ston pa'o/ /

【F2 明四教導】【G1 總標列名】

གདམས་ངག་ཀྱང་རྣམ་པར་བཞིར་རིག་པར་བྱ་སྟེ། རྣམ་པར་བྱང་བ་དང་ཀུན་ནས་ཉོན་མོངས་པ་ལ་སྐྲག་པ་དང་འཇུག་པའི་གནས་སྟོན་པ་དང༌། ཀུན་ནས་ཉོན་མོངས་པའི་རྒྱུ་ཡོངས་སུ་སྤང་བ་སྟོན་པ་དང༌། རྣམ་པར་བྱང་བ་ལ་སྐྲག་པའི་རྒྱུ་ཡོངས་སུ་སྤང་བ་སྟོན་པ་དང༌། ཚེ་འདི་ལ་མཆོག་ཏུ་བདེ་བར་གནས་པའི་ཐབས་སྟོན་པའོ། །

gdams ngag kyang rnam par bzhir rig par bya ste/ rnam par byang ba dang kun nas nyon mongs pa la skrag pa dang 'jug pa'i gnas ston pa dang/ kun nas nyon mongs pa'i rgyu yongs su spang ba ston pa dang/ rnam par byang ba la skrag pa'i rgyu yongs su spang ba ston pa dang/ tshe 'di la mchog tu bde bar gnas pa'i thabs ston pa'o/ /

【G2 隨難重解】【H1 釋第二教導】

དེ་ལ་ཀུན་ནས་ཉོན་མོངས་པའི་རྒྱུ་ནི་རྣམ་པ་གཉིས་ཏེ། ཐ་སྙད་ལས་བྱུང་བའི་ངོ་བོ་ཉིད་ཀྱིས་ཀུན་ནས་ཉོན་མོངས་པའི་ངོ་བོ་ཉིད་དུ་མངོན་པར་ཞེན་ཅིང་ཀུན་ཏུ་རྟོག་པ་དང༌། དེ་ལ་ཡོན་ཏན་དང་སྐྱོན་དུ་མངོན་པར་ཞེན་ཅིང་ཀུན་ཏུ་རྟོག་པའོ། །

de la kun nas nyon mongs pa'i rgyu ni rnam pa gnyis te/ tha snyad las byung ba'i ngo bo nyid kyis kun nas nyon mongs pa'i ngo bo nyid du mngon par zhen cing kun tu rtog pa dang/ de la yon tan dang skyon du mngon par zhen cing kun tu rtog pa'o/ /

【H2 釋第三教導分】【I1 約道辨】

རྣམ་པར་དག་པའི་ལམ་ལ་སྐྲག་པའི་རྒྱུ་ཡང་རྣམ་པ་གཉིས་ཀྱིས་རིག་པར་བྱ་སྟེ། རིམ་གྱིས་རྣམ་པར་དག་པའི་ལམ་ལ་ཀུན་ནས་ཉོན་མོངས་པ་ཅན་ཀུན་ཏུ་རྟོག་པ་དང༌། ཀུན་ནས་ཉོན་མོངས་པ་དང་བྲལ་བར་ཀུན་ཏུ་རྟོག་པས་སོ། །

rnam par dag pa'i lam la skrag pa'i rgyu yang rnam pa gnyis kyis rig par bya ste/ rim gyis rnam par dag pa'i lam la kun nas nyon mongs pa can kun tu rtog pa dang/ kun nas nyon mongs pa dang bral bar kun tu rtog pas so/ /

【I2 約涅槃】

མྱ་ངན་ལས་འདས་པ་རྣམ་པར་དག་པ་ལ་སྐྲག་པའི་རྒྱུ་ཡང་རྣམ་པ་གཉིས་ཀྱིས་རིག་པར་བྱ་སྟེ། ཐ་སྙད་ལས་བྱུང་བའི་ངོ་བོ་ཉིད་ལ་མངོན་པར་ཞེན་པས། མྱ་ངན་ལས་འདས་པ་ཞེས་བྱ་བའི་ཚིག་བླ་དྭགས་ཀྱི་མིང་ལ་སེམས་ལས་བྱུང་བའི་མིང་དུ་འདོགས་པ་དང༌། སེམས་ལས་བྱུང་བའི་མིང་ལ་ཞི་བ་ཞེས་བྱ་བའི་ཚིག་བླ་དྭགས་ཀྱི་མིང་དུ་ཀུན་ཏུ་རྟོག་པས་སོ། །བདེ་བར་གནས་པའི་མཆོག་གི་ཐབས་སྟོན་པ་ནི་དེ་གཉི་གའི་རྒྱུ་ཡོངས་སུ་སྤངས་པ་ལས་རིག་པར་བྱའོ། །

mya ngan las 'das pa rnam par dag pa la skrag pa'i rgyu yang rnam pa gnyis kyis rig par bya ste/ tha snyad las byung ba'i ngo bo nyid la mngon par zhen pas/ mya ngan las 'das pa zhes bya ba'i tshig bla dwags kyi ming la sems las byung ba'i ming du 'dogs pa dang/ sems las byung ba'i ming la zhi ba zhes bya ba'i tshig bla dwags kyi ming du kun tu rtog pas so/ /bde bar gnas pa'i mchog gi thabs ston pa ni de gnyi ga'i rgyu yongs su spangs pa las rig par bya'o/ /

【E15 解密意語言】【F1 釋密意語言】

ལྡེམ་པོ་ངག་ཏུ་གསུངས་པ་གང་ཞེ་ན། ལྡེམ་པོ་ངག་ཐམས་ཅད་ལ་འཇུག་པའི་རྒྱུ་ནི་གཉིས་སུ་མེད་པའི་མཚན་ཉིད་ཤེས་པའོ༑ །གཉིས་སུ་མེད་པའི་མཚན་ཉིད་གང་ཞེ་ན། བརྗོད་པའི་གཞིའི་གནས་སུ་གྱུར་པའི་དངོས་པོ་གང་ཡང་ཡིན་པ་སྟེ། དེ་ཡང་ངོ་བོ་ཉིད་དེ་ཡོད་པ་མ་ཡིན་པའི་ཕྱིར་དང༌། བརྗོད་པ་ལ་གོམས་པའི་མིང་གི་སྤྱོད་ཡུལ་གྱི་ངོ་བོ་ཉིད་ཀྱིས་མེད་པ་མ་ཡིན་པའི་ཕྱིར་གཉིས་སུ་མེད་པ་ཡིན་ནོ། །གཉིས་སུ་མེད་པ་དེ་ལ་གཉིས་སུ་མངོན་པར་ཞེན་པ་ལས་ནི་ཀུན་ནས་ཉོན་མོངས་པར་འགྱུར་ལ། གཉིས་སུ་མངོན་པར་ཞེན་པ་མེད་པ་ལས་ནི་རྣམ་པར་བྱང་བར་འགྱུར་རོ། །བརྗོད་པ་ཐམས་ཅད་ཀྱི་གཞིའི་གནས་སུ་མ་གྱུར་པའི་དངོས་པོ་གང་ཡིན་པ་དེ་ཡང་ཐ་སྙད་ལ་གོམས་པའི་མིང་གི་སྤྱོད་ཡུལ་གྱི་ངོ་བོ་ཉིད་ཀྱིས་ཡོད་པ་མ་ཡིན་པའི་ཕྱིར་དང༌། དེ་ལ་ཡོངས་སུ་མ་གོམས་པའི་ཤེས་པའི་སྤྱོད་ཡུལ་གྱི་ངོ་བོ་ཉིད་ཀྱིས་ཡོད་པའི་ཕྱིར་གཉིས་སུ་མེད་པ་ཡིན་ནོ། །གཉིས་སུ་མེད་པ་དེ་ལ་གཉིས་སུ་མངོན་པར་ཞེན་པ་ལས་ནི་ཀུན་ནས་ཉོན་མོངས་པར་འགྱུར་ལ་གཉིས་སུ་མངོན་པར་ཞེན་པ་མེད་པ་ལས་ནི་རྣམ་པར་བྱང་བར་འགྱུར་ཏེ། དེ་ལྟར་ན་གཉིས་སུ་མེད་པའི་མཚན་ཉིད་དེ་ནི་དེ་བཞིན་གཤེགས་པ་རྣམས་ཀྱི་ལྡེམ་པོ་ངག་ཐམས་ཅད་ལ་འཇུག་པར་འགྱུར་བ་ཡིན་པར་རིག་པར་བྱའོ། །

ldem po ngag tu gsungs pa gang zhe na/ ldem po ngag thams cad la 'jug pa'i rgyu ni gnyis su med pa'i mtshan nyid shes pa'o| /gnyis su med pa'i mtshan nyid gang zhe na/ brjod pa'i gzhi'i gnas su gyur pa'i dngos po gang yang yin pa ste/ de yang ngo bo nyid de yod pa ma yin pa'i phyir dang/ brjod pa la goms pa'i ming gi spyod yul gyi ngo bo nyid kyis med pa ma yin pa'i phyir gnyis su med pa yin no/ /gnyis su med pa de la gnyis su mngon par zhen pa las ni kun nas nyon mongs par 'gyur la/ gnyis su mngon par zhen pa med pa las ni rnam par byang bar 'gyur ro/ /brjod pa thams cad kyi gzhi'i gnas su ma gyur pa'i dngos po gang yin pa de yang tha snyad la goms pa'i ming gi spyod yul gyi ngo bo nyid kyis yod pa ma yin pa'i phyir dang/ de la yongs su ma goms pa'i shes pa'i spyod yul gyi ngo bo nyid kyis yod pa'i phyir gnyis su med pa yin no/ /gnyis su med pa de la gnyis su mngon par zhen pa las ni kun nas nyon mongs par 'gyur la gnyis su mngon par zhen pa med pa las ni rnam par byang bar 'gyur te/ de ltar na gnyis su med pa'i mtshan nyid de ni de bzhin gshegs pa rnams kyi ldem po ngag thams cad la 'jug par 'gyur ba yin par rig par bya'o/ /

【F2 辨三圓滿】

དེ་ལ་སྟོན་པའི་ཕུན་སུམ་ཚོགས་པ་རྣམ་པ་ལྔ་དང༌། དེའི་གདམས་ངག་གི་འབྲས་བུ་ཕུན་སུམ་ཚོགས་པ་རྣམ་པ་ལྔ་དང་འབྲས་བུའི་ཕན་ཡོན་ཕུན་སུམ་ཚོགས་པ་རྣམ་པ་ལྔ་ལ་བརྟེན་ནས་ལྡེམ་པོ་ངག་ཏུ་གསུངས་པ་རྣམས་རིག་པར་བྱའོ། །སྟོན་པའི་ཕུན་སུམ་ཚོགས་པ་རྣམ་པ་ལྔ་གང་ཞེ་ན། གང་གི་ཕྱིར་སྟོན་པ་དང༌། གང་གིས་སྟོན་པ་དང༌། གང་སྟོན་པ་དང༌། ཇི་ལྟར་སྟོན་པ་དང༌། གང་ལ་སྟོན་པ་དེ་དག་ཕུན་སུམ་ཚོགས་པ་ཡིན་པའོ། །འབྲས་བུ་ཕུན་སུམ་ཚོགས་པ་གང་ཞེ་ན། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་དང༌། ཕུང་པོའི་ལྷག་མ་དང་བཅས་པའི་མྱ་ངན་ལས་འདས་དབྱིངས་དང༌། འཕགས་པའི་ལམ་ཡོངས་སུ་རྫོགས་པ་དང༌། ནང་གི་དགྲ་ལས་རན་པར་རྒྱལ་བ་དང༌། ཕྱི་རོལ་གྱི་དག་ལས་རྣམ་པར་རྒྱལ་བའོ། །དེ་ལ་འབྲས་བུའི་ཕན་ཡོན་ཕུན་སུམ་ཚོགས་པ་ནི་སྟོན་པ་ལ་བསྙེན་བཀུར་བྱེད་པ་དང༌། དད་པས་སྦྱིན་པ་ཡོངས་སུ་སྦྱོང་པ་དང༌། འཁོར་བའི་སྡུག་བསྔལ་ལས་ཡང་དག་པར་རྒལ་བ་དང༌། སྦྱིན་གནས་ཀྱི་དངོས་པོ་ལས་ཡོངས་སུ་མི་ཉམས་པ་དང༌། དེ་བཞིན་གཤེགས་པ་ལ་བརྟེན་ནས་དེ་བཞིན་གཤེགས་པའི་སྲས་ཆོས་ཀྱིས་སྤྲུལ་པ་ཡིན་ནོ། །

de la ston pa'i phun sum tshogs pa rnam pa lnga dang/ de'i gdams ngag gi 'bras bu phun sum tshogs pa rnam pa lnga dang 'bras bu'i phan yon phun sum tshogs pa rnam pa lnga la brten nas ldem po ngag tu gsungs pa rnams rig par bya'o/ /ston pa'i phun sum tshogs pa rnam pa lnga gang zhe na/ gang gi phyir ston pa dang/ gang gis ston pa dang/ gang ston pa dang/ ji ltar ston pa dang/ gang la ston pa de dag phun sum tshogs pa yin pa'o/ /'bras bu phun sum tshogs pa gang zhe na/ phung po'i lhag ma med pa'i mya ngan las 'das pa'i dbyings dang/ phung po'i lhag ma dang bcas pa'i mya ngan las 'das dbyings dang/ 'phags pa'i lam yongs su rdzogs pa dang/ nang gi dgra las ran par rgyal ba dang/ phyi rol gyi dag las rnam par rgyal ba'o/ /de la 'bras bu'i phan yon phun sum tshogs pa ni ston pa la bsnyen bkur byed pa dang/ dad pas sbyin pa yongs su sbyong pa dang/ 'khor ba'i sdug bsngal las yang dag par rgal ba dang/ sbyin gnas kyi dngos po las yongs su mi nyams pa dang/ de bzhin gshegs pa la brten nas de bzhin gshegs pa'i sras chos kyis sprul pa yin no/ /

【E16 於教授中勝解勝利】【F1 標章列名】

བྱང་ཆུབ་སེམས་དཔའི་གདམས་ངག་ལ་མོས་པའི་ཕན་ཡོན་གང་ཞེ་ན། དེ་ནི་རྣམ་པ་ལྔས་རིག་པར་བྱ་སྟེ། ཞིང་བྱིན་གྱིས་རློབ་པའི་དུས་ན་དབང་ཕྱུག་གི་བདག་པོ་ཆེན་པོ་ཡང་དག་པར་གྲུབ་པའི་རྒྱུ་ཟིལ་གྱིས་གནོན་པ་དང༌། ཡུལ་ཡོངས་སུ་གྲུབ་པ་དང༌། དེའི་གནས་བསྟན་པའི་སྣོད་དུ་བྱེད་པ་དང༌། སྟོན་པའི་སྣོད་དུ་བྱེད་པ་དང༌། ལུས་སྤོང་བའི་དུས་ན་ལྟ་བ་དང༌། ལས་རྣམ་པར་དག་པར་འགྱུར་བས་སོ། །

byang chub sems dpa'i gdams ngag la mos pa'i phan yon gang zhe na/ de ni rnam pa lngas rig par bya ste/ zhing byin gyis rlob pa'i dus na dbang phyug gi bdag po chen po yang dag par grub pa'i rgyu zil gyis gnon pa dang/ yul yongs su grub pa dang/ de'i gnas bstan pa'i snod du byed pa dang/ ston pa'i snod du byed pa dang/ lus spong ba'i dus na lta ba dang/ las rnam par dag par 'gyur bas so/ /

【F2 別解釋】【G1 釋第一相】

དེ་ལ་དབང་ཕྱུག་གི་བདག་པོ་ཆེན་པོ་ཡང་དག་པར་གྲུབ་པའི་རྒྱུ་ཟིལ་གྱིས་གནོན་པ་ནི་རྣམ་པ་ལྔས་རིག་པར་བྱ་སྟེ། འབྲས་བུ་དཔག་ཏུ་ཡོད་པ་དང་དཔག་ཏུ་མེད་པ་འཕེན་པ་དང༌། རྒྱུ་ཟད་པ་དང་མི་ཟད་པའི་ཆོས་ཉིད་དང༌། བདེ་བ་རྒྱ་ཆུང་ངུ་དང་རྒྱ་ཆེན་པོ་འགྲུབ་པ་དང༌། དེ་ཡེ་ཤེས་ཀྱི་ཚོགས་ཀྱི་ངོ་བོ་ཉིད་ཡིན་པ་དང༌། དེས་དེ་འདྲེན་པར་བྱེད་པས་སོ། །

de la dbang phyug gi bdag po chen po yang dag par grub pa'i rgyu zil gyis gnon pa ni rnam pa lngas rig par bya ste/ 'bras bu dpag tu yod pa dang dpag tu med pa 'phen pa dang/ rgyu zad pa dang mi zad pa'i chos nyid dang/ bde ba rgya chung ngu dang rgya chen po 'grub pa dang/ de ye shes kyi tshogs kyi ngo bo nyid yin pa dang/ des de 'dren par byed pas so/ /

【G2 釋第二相】

དེ་ལ་ལུས་ཀྱི་སྤྱོད་པས་ནི་སྐྱོན་རྣམ་པ་དྲུག་སྤངས་པས་རིག་པར་བྱ་སྟེ། སྐྱོན་རྣམ་པ་དྲུག་གང་ཞེ་ན། མྱ་ངན་གྱི་རྒྱུའི་སྐྱོན་དང༌། འདྲིས་པ་ཡོངས་སུ་མི་ཤེས་པའི་སྐྱོན་དང༌། རྣམ་པ་གཉིས་ཀྱིས་སྤྱོད་ལམ་གྱི་སྐྱོན་དང༌། རྣམ་པ་གསུམ་གྱིས་འཇིག་པའི་རྒྱུའི་སྐྱོན་དང༌། རྣམ་པ་གཉིས་ཀྱིས་འཆི་ལྟས་ཀྱི་སྐྱོན་དང༌། ལུས་ལས་སུ་མི་རུང་བའི་སྐྱོན་ནོ། །

de la lus kyi spyod pas ni skyon rnam pa drug spangs pas rig par bya ste/ skyon rnam pa drug gang zhe na/ mya ngan gyi rgyu'i skyon dang/ 'dris pa yongs su mi shes pa'i skyon dang/ rnam pa gnyis kyis spyod lam gyi skyon dang/ rnam pa gsum gyis 'jig pa'i rgyu'i skyon dang/ rnam pa gnyis kyis 'chi ltas kyi skyon dang/ lus las su mi rung ba'i skyon no/ /

【G3 釋第三相】

དེ་ལ་ངག་གི་སྤྱོད་པ་ནི་སོ་སོར་ཀུན་དགའ་བར་བྱེད་པའི་དུས་ན་སྐྱོན་རྣམ་པ་ལྔ་སྤངས་པས་རིག་པར་བྱ་སྟེ། སྐྱོན་རྣམ་པ་ལྔ་གང་ཞེ་ན། འཇིགས་པས་འཁུམས་པའི་སྐྱོན་དང༌། ངག་རྩུབ་པོའི་སྐྱོན་དང༌། སངས་རྒྱས་ཀྱི་བཀའ་སྤངས་ནས་འབྲེལ་པ་མེད་པའི་གཏམ་བརྗོད་པའི་སྐྱོན་དང༌། དེ་བཞིན་གཤེགས་པ་ལ་སྟོད་པར་མི་བྱེད་པའི་སྐྱོན་དང༌། ཆོས་མཐུན་པ་ལ་གྲོས་མི་འདེབས་པའི་སྐྱོན་ནོ། །

de la ngag gi spyod pa ni so sor kun dga' bar byed pa'i dus na skyon rnam pa lnga spangs pas rig par bya ste/ skyon rnam pa lnga gang zhe na/ 'jigs pas 'khums pa'i skyon dang/ ngag rtsub po'i skyon dang/ sangs rgyas kyi bka' spangs nas 'brel pa med pa'i gtam brjod pa'i skyon dang/ de bzhin gshegs pa la stod par mi byed pa'i skyon dang/ chos mthun pa la gros mi 'debs pa'i skyon no/ /

【G4 釋第四相】

དག་གི་སྤྱོད་པ་ནི་ཀུན་ཤེས་པ་བརྡ་སྤྲོད་པའི་དུས་ན་སྐྱོན་རྣམ་པ་ལྔ་སྤངས་པས་རིག་པར་བྱ་སྟེ། སྐྱོན་རྣམ་པ་ལྔ་གང་ཞེ་ན། རྟོགས་པར་བྱ་བ་ལ་བརྗེད་ངས་པའི་སྐྱོན་དང༌། ཚིག་སྔ་ཕྱི་འགལ་བའི་སྐྱོན་དང༌། རིགས་པ་དང་འགལ་བའི་སྐྱོན་དང༌། བསྟན་པ་ལ་དད་པའི་ལྷ་ལ་ཁྲོ་བའི་སྐྱོན་དང༌། དེ་བཞིན་གཤེགས་པ་ལ་ཁྲོ་བའི་སྐྱོན་ནོ། །

dag gi spyod pa ni kun shes pa brda sprod pa'i dus na skyon rnam pa lnga spangs pas rig par bya ste/ skyon rnam pa lnga gang zhe na/ rtogs par bya ba la brjed ngas pa'i skyon dang/ tshig snga phyi 'gal ba'i skyon dang/ rigs pa dang 'gal ba'i skyon dang/ bstan pa la dad pa'i lha la khro ba'i skyon dang/ de bzhin gshegs pa la khro ba'i skyon no/ /

【G5 釋第五相】

ཡིད་ཀྱི་སྤྱོད་པ་ནི་སྐྱོན་རྣམ་པ་ལྔ་སྤངས་པ་ལས་རིག་པར་བྱ་སྟེ། འདི་ལྟ་སྟེ་ཚེ་འདིའི་དོན་ལས་བརྩམས་ནས་རྣམ་པ་བཞི་དང༌། ཚེ་ཕྱི་མའི་དོན་ལས་བརྩམས་ནས་ཐ་མ་གཅིག་སྟེ། སྐྱོན་རྣམ་པ་ལྔ་གང་ཞེ་ན། ད་ལྟར་བྱུང་བ་དང་འདས་པའི་གནོད་པ་བྱེད་པ་མི་བཟོད་པས་མི་བཟོད་པའི་སྐྱོན་དང༌། འཆབ་པ་དང་འགྱོད་པའི་གདུང་བས་སྡིག་པ་འཆབ་པའི་སྐྱོན་དང༌། འདོད་པའི་ལོངས་སྤྱོད་དོན་དུ་གཉེར་བ་དང་ཁོན་གྱི་ཤ་གློན་པར་འདོད་པས་འདོད་པའི་སྐྱོན་དང༌། ལྟ་བ་ངན་པ་ཡོངས་སུ་འཛིན་པ་དང་སྤོང་བ་ལ་སེམས་རྣམ་པར་འཁྲུལ་པས་བརྗེད་ངས་པའི་སྐྱོན་དང༌། བདག་ཉིད་ཁྱད་དུ་གསོད་ཅིང་སངས་རྒྱས་དང་བྱང་ཆུབ་སེམས་དཔའ་བཞུགས་བཞུགས་པའི་སངས་རྒྱས་ཀྱི་ཞིང་རྒྱ་ཆེན་པོར་སྨོན་པ་རྣམ་པར་སྤོང་བ་དང༌། བསམ་པ་ཆུང་ངུས་སངས་རྒྱས་ཀྱི་ཆོས་མངོན་པར་སྒྲུབ་པས་ཆོས་ཐམས་ཅད་ལས་ཁྱད་པར་དུ་འཕགས་པ་འཇིག་རྟེན་པ་མ་ཡིན་པའི་ཕུན་སུམ་ཚོགས་པའི་ཁྱད་པར་ཁྱད་དུ་གསོད་ཅིང་དེར་སྨོན་པས་སྨོན་ལམ་གྱི་སྐྱོན་ནོ། །

yid kyi spyod pa ni skyon rnam pa lnga spangs pa las rig par bya ste/ 'di lta ste tshe 'di'i don las brtsams nas rnam pa bzhi dang/ tshe phyi ma'i don las brtsams nas tha ma gcig ste/ skyon rnam pa lnga gang zhe na/ da ltar byung ba dang 'das pa'i gnod pa byed pa mi bzod pas mi bzod pa'i skyon dang/ 'chab pa dang 'gyod pa'i gdung bas sdig pa 'chab pa'i skyon dang/ 'dod pa'i longs spyod don du gnyer ba dang khon gyi sha glon par 'dod pas 'dod pa'i skyon dang/ lta ba ngan pa yongs su 'dzin pa dang spong ba la sems rnam par 'khrul pas brjed ngas pa'i skyon dang/ bdag nyid khyad du gsod cing sangs rgyas dang byang chub sems dpa' bzhugs bzhugs pa'i sangs rgyas kyi zhing rgya chen por smon pa rnam par spong ba dang/ bsam pa chung ngus sangs rgyas kyi chos mngon par sgrub pas chos thams cad las khyad par du 'phags pa 'jig rten pa ma yin pa'i phun sum tshogs pa'i khyad par khyad du gsod cing der smon pas smon lam gyi skyon no/ /

【F3 結成無量】

བྱང་ཆུབ་སེམས་དཔའི་སྡེ་སྣོད་ཀྱི་གདམས་ངག་ལ་མོས་པའི་ཕན་ཡོན་ཚད་མེད་གྲངས་མེད་དེ་དེ་བས་ཀྱང་དེ་རྣམ་པར་དབྱེ་ཞིང་བསྟན་པ་དང༌། རྣམ་པར་དབྱེ་བ་ལ་མོས་པའི་ཕན་ཡོན་ཆེས་ཚད་མེད་གྲངས་མེད་པ་དག་ཡོད་པར་རིག་པར་བྱའོ། །

byang chub sems dpa'i sde snod kyi gdams ngag la mos pa'i phan yon tshad med grangs med de de bas kyang de rnam par dbye zhing bstan pa dang/ rnam par dbye ba la mos pa'i phan yon ches tshad med grangs med pa dag yod par rig par bya'o/ /

【B3 餘不復現】

བྱང་ཆུབ་སེམས་དཔའི་སའི་རྣམ་པར་གཏན་ལ་དབབ་པ་རྫོགས་ཏེ། རྣམ་པར་གཏན་ལ་དབབ་པའི་གཞུང་ལྷག་མ་ནི་མི་སྣང་ངོ༌། །

byang chub sems dpa'i sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo/ /

16-17 攝決擇分中有餘依及無餘依二地【B1 正決擇二地】【C1 結前生後】

【C2 開章解釋】【D1 立章門】

ཕུང་པོ་དང་བཅས་པ་དང་ཕུང་པོ་མེད་པའི་སའི་རྣམ་པར་གཏན་ལ་དབབ་པའི་སྡོམ་ནི། བྲལ་དང་ཚེ་ཡི་འདུ་བྱེད་དང༌། །གྱུར་དང་གནས་དང་ཁྱད་པར་དང༌། །ཡོད་དང་རྟག་དང་བདེ་བ་དང༌། །བྱེ་བྲག་གཞན་དབང་བྱ་བ་ཡིན། །

phung po dang bcas pa dang phung po med pa'i sa'i rnam par gtan la dbab pa'i sdom ni/ bral dang tshe yi 'du byed dang/ /gyur dang gnas dang khyad par dang/ /yod dang rtag dang bde ba dang/ /bye brag gzhan dbang bya ba yin/ /

【D2 依門解釋(十四門)】【E1 離繫門】

ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་ཏེ། ཉོན་མོངས་པ་ཐམས་ཅད་དང་བྲལ་བར་བརྗོད་པར་བྱའམ། མ་བྲལ་བར་བརྗོད་པར་བྱ་ཞེ་ན། སྨྲས་པ། བྲལ་བར་བརྗོད་པར་བྱའོ། །སྡུག་བསྔལ་ཐམས་ཅད་དང་བྲལ་བར་བརྗོད་པར་བྱའམ། མ་བྲལ་བར་བརྗོད་པར་བྱ་ཞེ་ན། སྨྲས་པ། བྲལ་བ་དང༌། མ་བྲལ་བར་ཡང་བརྗོད་པར་བྱ་སྟེ། མ་འོངས་པའི་སྐྱེ་བའི་སྡུག་བསྔལ་འབྱུང་བར་འགྱུར་བ་གང་ཡིན་པ་དེ་དང་བྲལ་བར་བརྗོད་པར་བྱའོ། །ད་ལྟར་གྱི་སྐྱེ་བའི་གང་ཡིན་པ་དེ་ལས་ཀྱང་སེམས་ལས་བྱུང་བ་དང་ནི་བྲལ་བར་བརྗོད་པར་བྱའོ། །བཀྲེས་པའི་སྡུག་བསྔལ་དང༌། སྐོམ་པའི་སྡུག་བསྔལ་དང༌། ཁམས་མ་སྙོམས་པ་ལས་གྱུར་པ་དང༌། དུས་ཚིགས་འགྱུར་བ་ལས་གྱུར་པ་དང༌། གནོད་པ་ལས་གྱུར་པའི་སྡུག་བསྔལ་དང་ནི་མ་བྲལ་བར་བརྗོད་པར་བྱའོ། །དེ་ཡང་ཀུན་ཏུ་འབྱུང་བ་ལས་ཡིན་གྱི་ཉོན་མོངས་པ་དང་འབྲེལ་པ་ལས་ནི་མ་ཡིན་ནོ། །

phung po'i lhag ma dang bcas pa'i mya ngan las 'das pa'i dbyings la gnas te/ nyon mongs pa thams cad dang bral bar brjod par bya'am/ ma bral bar brjod par bya zhe na/ smras pa/ bral bar brjod par bya'o/ /sdug bsngal thams cad dang bral bar brjod par bya'am/ ma bral bar brjod par bya zhe na/ smras pa/ bral ba dang/ ma bral bar yang brjod par bya ste/ ma 'ongs pa'i skye ba'i sdug bsngal 'byung bar 'gyur ba gang yin pa de dang bral bar brjod par bya'o/ /da ltar gyi skye ba'i gang yin pa de las kyang sems las byung ba dang ni bral bar brjod par bya'o/ /bkres pa'i sdug bsngal dang/ skom pa'i sdug bsngal dang/ khams ma snyoms pa las gyur pa dang/ dus tshigs 'gyur ba las gyur pa dang/ gnod pa las gyur pa'i sdug bsngal dang ni ma bral bar brjod par bya'o/ /de yang kun tu 'byung ba las yin gyi nyon mongs pa dang 'brel pa las ni ma yin no/ /

【E2 壽行門】

གལ་ཏེ་དགྲ་བཅོམ་པ་ཐམས་ཅད་སེམས་ལ་དབང་ཐོབ་པ་ཡིན་ན་ཅིའི་ཕྱིར་ཚེའི་འདུ་བྱེད་བཏང་སྟེ། ཡོངས་སུ་མྱ་ངན་ལས་མི་འདའ་བར་སྡུག་བསྔལ་གྱིས་གནོན་བཞིན་དུ་གནས་ཤེ་ན། སྨྲས་པ། ནུས་པའི་ཁྱད་པར་གྱི་ཕྱིར་ཏེ། འདི་ལྟར་དགྲ་བཅོམ་པ་ལ་ལས་ནི་ཚེའི་འདུ་བྱེད་གཏོང་བར་ནུས་ལ། ལ་ལས་ནི་མི་ནུས་པ་དང༌། ལ་ལས་ནི་ཚེའི་འདུ་བྱེད་བསྲིང་བར་ནུས་ལ། ལ་ལས་ནི་མི་ནུས་པའི་ཕྱིར་རོ། །

gal te dgra bcom pa thams cad sems la dbang thob pa yin na ci'i phyir tshe'i 'du byed btang ste/ yongs su mya ngan las mi 'da' bar sdug bsngal gyis gnon bzhin du gnas she na/ smras pa/ nus pa'i khyad par gyi phyir te/ 'di ltar dgra bcom pa la las ni tshe'i 'du byed gtong bar nus la/ la las ni mi nus pa dang/ la las ni tshe'i 'du byed bsring bar nus la/ la las ni mi nus pa'i phyir ro/ /

【E3 轉依門】

གལ་ཏེ་དགྲ་བཅོམ་པའི་སྐྱེ་མཆེད་དྲུག་པོ་ཇི་ལྟར་སྐྱེས་ཤིང་བྱུང་བ་དེ་ཁོ་ན་བཞིན་དུ་མ་འགགས་ཤིང༌། གཞན་དུ་མ་གྱུར་པ་ཡིན་ན། གང་གི་ཕྱིར་སྐྱེ་མཆེད་དྲུག་ལ་འགྱུར་བ་མེད་ན། དེའི་དེ་ལས་གཞན་པའི་གནས་གྱུར་པ་དེ་གང་ཡིན། གལ་ཏེ་དེ་ལས་གཞན་པའི་གནས་གྱུར་པ་མེད་ན་ནི་སྔ་ཕྱིར་གནས་མཉམ་པ་ཡིན་ན། ཅིའི་ཕྱིར་དེ་ལ་ཉོན་མོངས་པ་ལྡོག་ཅིང་ལམ་འཇུག་པར་འགྱུར་ཞེ་ན། སྨྲས་པ། དགྲ་བཅོམ་པའི་གནས་གྱུར་པ་ནི་ཡོད་དེ། དེ་ཡང་སྐྱེ་མཆེད་དྲུག་ལས་གཞན་དང་གཞན་མ་ཡིན་པ་ཉིད་དུ་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། འདི་ལྟར་གནས་གྱུར་པ་དེ་ནི་དེ་བཞིན་ཉིད་རྣམ་པར་དག་པས་རབ་ཏུ་ཕྱེ་བ་དང༌། དེ་བཞིན་ཉིད་ཀྱི་རིགས་ཅན་དང༌། དེ་བཞིན་ཉིད་ཀྱི་ས་བོན་ཅན་དང༌། དེ་བཞིན་ཉིད་ལས་ཡང་དག་པར་གྲུབ་པ་ཡིན་ལ། དེ་བཞིན་ཉིད་ཀྱང་སྐྱེ་མཆེད་དྲུག་ལས་གཞན་དང་གཞན་མ་ཡིན་པ་ཉིད་དུ་བརྗོད་པར་མི་བྱ་བའི་ཕྱིར་ཏེ། ཇི་ལྟར་བརྗོད་པར་མི་བྱ་བ་དེ་ལྟ་བུ་ནི་སྔར་བསྟན་ཟིན་ཏོ། །དེའི་ཕྱིར་གནས་གྱུར་པ་སྐྱེ་མཆེད་དྲུག་ལས་གཞན་ནམ་གཞན་མ་ཡིན་ཞེས་འདྲི་བ་དེ་ནི་ཚུལ་བཞིན་མ་ཡིན་པ་ཡིན་ནོ༑ །གལ་ཏེ་གནས་གྱུར་པ་མེད་དུ་ཟིན་ན། དེས་ན་འདི་ལྟ་བུའི་སྐྱོན་ཁོ་ནར་ཐལ་བར་འགྱུར་ཏེ། གང་གི་ཕྱིར་དགྲ་བཅོམ་པ་ལ་ཀུན་ནས་ཉོན་མོངས་པ་ཀུན་ཏུ་འབྱུང་བར་འགྱུར་བ་དང༌། ལམ་ཀུན་ཏུ་མི་འབྱུང་བར་ཐལ་བར་འགྱུར་བས༑ དེའི་ཕྱིར་གནས་གྱུར་པ་ནི་ཡོད་པ་ཁོ་ནར་རིག་པར་བྱའོ། །བཅོམ་ལྡན་འདས་ཀྱིས་ཀྱང་གནས་གྱུར་པ་དེ་ཉིད་ལས་དགོངས་ནས། ཀུན་བརྟགས་ངོ་བོ་ཉིད་ལ་ནི། །མངོན་ཞེན་བག་ཆགས་ཀུན་ཉོན་མོངས། །མངོན་ཞེན་བག་ཆགས་ཡོད་མིན་པ། །དེ་ནི་རྣམ་པར་བྱང་བ་ཡིན། །འདི་ལ་དེ་གཉིས་ཟག་བཅས་པའི། །ཁམས་ཡིན་གནས་གྱུར་དེ་ཉིད་ནི། །ཟག་པ་མེད་པའི་དབྱིངས་ཡིན་ཏེ། །དེ་ཉིད་དག་པ་བླ་མེད་ཡིན། །ཞེས་གསུངས་སོ། །འདི་ལྟ་སྟེ་དཔེར་ན་བ་ལང་གསོད་པའམ། བ་ལང་གསོད་པའི་སློབ་མ་མཁས་པ་ཞིག་གིས་བ་ལང་གསད་པའི་མཚོན་རྣོན་པོས་བ་ལང་བསད་ནས། ནང་གྲོལ་ཐམས་ཅད་བཅད་ཅིང་གཏུབས་ཏེ་བརྡུངས་ཤིང་དམྱལ་ནས། ཤ་ཐམས་ཅད་དང༌། རུས་པ་ཐམས་ཅད་དང༌། ཆུ་རྒྱུས་ཀྱི་གཟུངས་ཐམས་ཅད་ཀྱང་གཏུབས་ནས་ཕྱིར་བ་ལང་གི་ཀོ་བས་གཡོགས་པར་གྱུར་ན། བ་ལང་དེ་ཀོ་བ་དང་ལྡན་པ་ཡང་མ་ཡིན༑ མི་ལྡན་པ་ཡང་མ་ཡིན་པར་རིག་པར་བྱ་བ་དེ་བཞིན་དུ། དགྲ་བཅོམ་པ་གནས་གྱུར་པ་ཤེས་རབ་ཀྱི་མཚོན་གྱིས་ཀུན་ཏུ་སྦྱོར་བ་དང༌། འཆིང་བ་དང༌། བག་ལ་ཉལ་དང༌། ཉེ་བའི་ཉོན་མོངས་པ་དང༌། ཀུན་ནས་དཀྲིས་པ་ཐམས་ཅད་ཡང་དག་པར་བཅད་པ་ཡང་ཀོ་བའི་གནས་ལྟ་བུ་སྐྱེ་མཆེད་དྲུག་དང་ལྡན་པ་ཡང་མ་ཡིན། །མི་ལྡན་པ་ཡང་མ་ཡིན་པར་བརྗོད་པར་བྱའོ། །རྣལ་འབྱོར་པ་གནས་གྱུར་པའི་མཚན་མར་འཛིན་པ་ཡང་སྔོན་གྱི་འཛིན་པ་ལས་ཁྱད་པར་དུ་འཕགས་པ་ཡིན་པར་རིག་པར་བྱ་སྟེ། དེའི་ཡང་དེ་བཞིན་ཉིད་བཞིན་དུ་སོ་སོ་རང་རིག་པ་དང་མཐུན་པ་ཡིན་པས། གཞན་དག་ལ་བདག་གིས་མཚན་མ་འདི་དང་འདི་ལྟ་བུ་ལ་ཡང་དག་པར་རྗེས་སུ་མཐོང་ངོ་ཞེས་ཡང་དག་པར་བརྗོད་པར་མི་ནུས་པ་ཡིན་ནོ། །

gal te dgra bcom pa'i skye mched drug po ji ltar skyes shing byung ba de kho na bzhin du ma 'gags shing/ gzhan du ma gyur pa yin na/ gang gi phyir skye mched drug la 'gyur ba med na/ de'i de las gzhan pa'i gnas gyur pa de gang yin/ gal te de las gzhan pa'i gnas gyur pa med na ni snga phyir gnas mnyam pa yin na/ ci'i phyir de la nyon mongs pa ldog cing lam 'jug par 'gyur zhe na/ smras pa/ dgra bcom pa'i gnas gyur pa ni yod de/ de yang skye mched drug las gzhan dang gzhan ma yin pa nyid du brjod par mi bya'o/ /de ci'i phyir zhe na/ 'di ltar gnas gyur pa de ni de bzhin nyid rnam par dag pas rab tu phye ba dang/ de bzhin nyid kyi rigs can dang/ de bzhin nyid kyi sa bon can dang/ de bzhin nyid las yang dag par grub pa yin la/ de bzhin nyid kyang skye mched drug las gzhan dang gzhan ma yin pa nyid du brjod par mi bya ba'i phyir te/ ji ltar brjod par mi bya ba de lta bu ni sngar bstan zin to/ /de'i phyir gnas gyur pa skye mched drug las gzhan nam gzhan ma yin zhes 'dri ba de ni tshul bzhin ma yin pa yin no| /gal te gnas gyur pa med du zin na/ des na 'di lta bu'i skyon kho nar thal bar 'gyur te/ gang gi phyir dgra bcom pa la kun nas nyon mongs pa kun tu 'byung bar 'gyur ba dang/ lam kun tu mi 'byung bar thal bar 'gyur bas| de'i phyir gnas gyur pa ni yod pa kho nar rig par bya'o/ /bcom ldan 'das kyis kyang gnas gyur pa de nyid las dgongs nas/ kun brtags ngo bo nyid la ni/ /mngon zhen bag chags kun nyon mongs/ /mngon zhen bag chags yod min pa/ /de ni rnam par byang ba yin/ /'di la de gnyis zag bcas pa'i/ /khams yin gnas gyur de nyid ni/ /zag pa med pa'i dbyings yin te/ /de nyid dag pa bla med yin/ /zhes gsungs so/ /'di lta ste dper na ba lang gsod pa'am/ ba lang gsod pa'i slob ma mkhas pa zhig gis ba lang gsad pa'i mtshon rnon pos ba lang bsad nas/ nang grol thams cad bcad cing gtubs te brdungs shing dmyal nas/ sha thams cad dang/ rus pa thams cad dang/ chu rgyus kyi gzungs thams cad kyang gtubs nas phyir ba lang gi ko bas g.yogs par gyur na/ ba lang de ko ba dang ldan pa yang ma yin| mi ldan pa yang ma yin par rig par bya ba de bzhin du/ dgra bcom pa gnas gyur pa shes rab kyi mtshon gyis kun tu sbyor ba dang/ 'ching ba dang/ bag la nyal dang/ nye ba'i nyon mongs pa dang/ kun nas dkris pa thams cad yang dag par bcad pa yang ko ba'i gnas lta bu skye mched drug dang ldan pa yang ma yin/ /mi ldan pa yang ma yin par brjod par bya'o/ /rnal 'byor pa gnas gyur pa'i mtshan mar 'dzin pa yang sngon gyi 'dzin pa las khyad par du 'phags pa yin par rig par bya ste/ de'i yang de bzhin nyid bzhin du so so rang rig pa dang mthun pa yin pas/ gzhan dag la bdag gis mtshan ma 'di dang 'di lta bu la yang dag par rjes su mthong ngo zhes yang dag par brjod par mi nus pa yin no/ /

【E4 住門】

དགྲ་བཅོམ་པ་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་པ་སེམས་གང་ལ་གནས་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་ཞེ་ན། སྨྲས་པ། མཚན་མ་ཐམས་ཅད་ཡིད་ལ་མི་བྱེད་པས་མཚན་མ་མེད་པའི་དབྱིངས་འབའ་ཞིག་ཡིད་ལ་བྱེད་ཅིང༌། རིམ་གྱིས་འགོག་པ་ལ་སྙོམས་པར་འཇུག་ལ། འཇུག་པའི་རྣམ་པར་ཤེས་པ་འགོག་པར་བྱེད་ཅིང༌། དེའི་འོག་ཏུ་ཀུན་གཞིའི་རྣམ་པར་ཤེས་པའི་གནས་སྤོང་བར་བྱེད་དེ། ཀུན་གཞི་རྣམ་པར་ཤེས་པ་དང༌། འཇུག་པའི་རྣམ་པར་ཤེས་པ་རྒྱུ་མེད་པ་མི་སྐྱེ་བས། དེ་ནི་འདུས་མ་བྱས་པའི་དབྱིངས་རྣམ་པར་དག་པ་དྲི་མ་མེད་པ་ལུས་སོ། །དབྱིངས་དེར་ཡོངས་སུ་མྱ་ངན་ལས་འདས་པ་ནི་ལྷ་ཉིད་ཀྱི་གྲངས་སུ་ཡང་མི་འགྲོ་ལ། དྲི་ཟ་ཉིད་དུ་ཡང་མ་ཡིན། ཀླུ་ཉིད་དུ་ཡང་མ་ཡིན། མིའམ་ཅི་ཉིད་དུ་ཡང་མ་ཡིན། ལྷ་མ་ཡིན་ཉིད་དུ་ཡང་མ་ཡིན། གནོད་སྦྱིན་ཉིད་དུ་ཡང་མ་ཡིན་ཞིང༌། མི་ཉིད་ཀྱི་གྲངས་སུ་ཡང་མི་འགྲོ་སྟེ། མདོར་བསྡུས་ན་དེ་ནི་ཕྱོགས་བཅུའི་སེམས་ཅན་དུ་གདགས་པའི་ཁམས་ཐམས་ཅད་དང༌། འགྲོ་བ་ཐམས་ཅད་དང༌། སྐྱེ་གནས་ཐམས་ཅད་དང༌། སྐྱེ་བ་ཐམས་ཅད་དང༌། ལུས་ཐོབ་པ་ཐམས་ཅད་དང༌། རིགས་བཙུན་པ་ཐམས་ཅད་དང༌། ས་ཐམས་ཅད་པོ་གང་དག་ཡིན་པ་དེ་དག་གི་གྲངས་སུ་ཡང་མི་འགྲོ་སྟེ། འདི་ལྟར་དབྱིངས་འདི་ནི་སྤྲོས་པ་མེད་པ་སྟེ། གྲུབ་པ་རྣམས་ཀྱི་སོ་སོ་རང་རིག་པ་དང་མཐུན་པ་ཡིན་པའི་ཕྱིར་རོ། །

dgra bcom pa phung po'i lhag ma dang bcas pa'i mya ngan las 'das pa'i dbyings la gnas pa sems gang la gnas nas phung po'i lhag ma med pa'i mya ngan las 'das pa'i dbyings su yongs su mya ngan las 'da' zhe na/ smras pa/ mtshan ma thams cad yid la mi byed pas mtshan ma med pa'i dbyings 'ba' zhig yid la byed cing/ rim gyis 'gog pa la snyoms par 'jug la/ 'jug pa'i rnam par shes pa 'gog par byed cing/ de'i 'og tu kun gzhi'i rnam par shes pa'i gnas spong bar byed de/ kun gzhi rnam par shes pa dang/ 'jug pa'i rnam par shes pa rgyu med pa mi skye bas/ de ni 'dus ma byas pa'i dbyings rnam par dag pa dri ma med pa lus so/ /dbyings der yongs su mya ngan las 'das pa ni lha nyid kyi grangs su yang mi 'gro la/ dri za nyid du yang ma yin/ klu nyid du yang ma yin/ mi'am ci nyid du yang ma yin/ lha ma yin nyid du yang ma yin/ gnod sbyin nyid du yang ma yin zhing/ mi nyid kyi grangs su yang mi 'gro ste/ mdor bsdus na de ni phyogs bcu'i sems can du gdags pa'i khams thams cad dang/ 'gro ba thams cad dang/ skye gnas thams cad dang/ skye ba thams cad dang/ lus thob pa thams cad dang/ rigs btsun pa thams cad dang/ sa thams cad po gang dag yin pa de dag gi grangs su yang mi 'gro ste/ 'di ltar dbyings 'di ni spros pa med pa ste/ grub pa rnams kyi so so rang rig pa dang mthun pa yin pa'i phyir ro/ /

【E5 差別門】

དགྲ་བཅོམ་པ་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་དང༌། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་ལ་ཁྱད་པར་ཅི་ཡོད་ཅེ་ན། སྨྲས་པ། ཕུང་པོའི་ལྷག་མ་དང་བཅས་པ་ལ་གནས་པ་ནི་གྲངས་སུ་ཁས་ལེན་པ་ཡིན་ལ། ཕུང་པོའི་ལྷག་མ་མེད་པ་ལ་གནས་པ་ནི་གྲངས་སུ་ཁས་མི་ལེན་པ་ཡིན་པ་དང༌། ཕུང་པོའི་ལྷག་མ་དང་བཅས་པ་ལ་གནས་པ་ནི་སྡུག་བསྔལ་དང་བཅས་པ་ཡིན་ལ། ཕུང་པོའི་ལྷག་མ་མེད་པ་ལ་གནས་པ་ནི་སྡུག་བསྔལ་མེད་པ་ཡིན་པ་དང༌། ཕུང་པོའི་ལྷག་མ་དང་བཅས་པ་ལ་གནས་པའི་གནས་གྱུར་པ་ནི་སྐྱེ་མཆེད་དྲུག་དང་འབྲེལ་པ་ཡིན་ལ། ཕུང་པོའི་ལྷག་མ་མེད་པ་ལ་གནས་པའི་གནས་གྱུར་པ་ནི་སྐྱེ་མཆེད་དྲུག་དང་འབྲེལ་པ་མེད་པ་མ་ཡིན་ནོ། །གལ་ཏེ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པའི་གནས་གྱུར་པ་ནི་སྐྱེ་མཆེད་དྲུག་དང་འབྲེལ་པ་མེད་པ་ཡིན་ལ། ཇི་ལྟར་དེ་སྐྱེ་མཆེད་དྲུག་གི་གནས་མེད་པར་གནས་པར་འགྱུར་ཞེ་ན། སྨྲས་པ། དགྲ་བཅོམ་པའི་གནས་གྱུར་པ་ནི་སྐྱེ་མཆེད་དྲུག་གི་རྒྱུ་ལས་བྱུང་བ་མ་ཡིན་ཏེ། དེ་བཞིན་ཉིད་ལ་དམིགས་པའི་ལམ་བསྒོམས་པའི་རྒྱུ་ལས་བྱུང་བ་ཡིན་ཏེ། དེའི་ཕྱིར་སྐྱེ་མཆེད་དྲུག་ཡོད་ཀྱང་རུང༌། མེད་ཀྱང་རུང་སྟེ། གནས་གྱུར་པ་ལ་ནི་གཞན་དུ་འགྱུར་བ་ཉིད་ཀྱང་རེ་ཞིག་མེད་པ་ཡིན་ན། ཉམས་པར་འགྱུར་བ་ལྟ་ཡོད་པར་ག་ལ་འགྱུར༑ དབྱིངས་དེ་ནི་ཡོངས་སུ་ཤེས་པར་བྱ་བ་དང༌། སྤང་བར་བྱ་བ་མ་ཡིན་ཏེ། དེའི་ཕྱིར་དགག་པར་བྱ་བ་ཡང་མ་ཡིན་ནོ།

dgra bcom pa phung po'i lhag ma dang bcas pa'i mya ngan las 'das pa'i dbyings dang/ phung po'i lhag ma med pa'i mya ngan las 'das pa'i dbyings su yongs su mya ngan las 'das pa la khyad par ci yod ce na/ smras pa/ phung po'i lhag ma dang bcas pa la gnas pa ni grangs su khas len pa yin la/ phung po'i lhag ma med pa la gnas pa ni grangs su khas mi len pa yin pa dang/ phung po'i lhag ma dang bcas pa la gnas pa ni sdug bsngal dang bcas pa yin la/ phung po'i lhag ma med pa la gnas pa ni sdug bsngal med pa yin pa dang/ phung po'i lhag ma dang bcas pa la gnas pa'i gnas gyur pa ni skye mched drug dang 'brel pa yin la/ phung po'i lhag ma med pa la gnas pa'i gnas gyur pa ni skye mched drug dang 'brel pa med pa ma yin no/ /gal te phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i gnas gyur pa ni skye mched drug dang 'brel pa med pa yin la/ ji ltar de skye mched drug gi gnas med par gnas par 'gyur zhe na/ smras pa/ dgra bcom pa'i gnas gyur pa ni skye mched drug gi rgyu las byung ba ma yin te/ de bzhin nyid la dmigs pa'i lam bsgoms pa'i rgyu las byung ba yin te/ de'i phyir skye mched drug yod kyang rung/ med kyang rung ste/ gnas gyur pa la ni gzhan du 'gyur ba nyid kyang re zhig med pa yin na/ nyams par 'gyur ba lta yod par ga la 'gyur| dbyings de ni yongs su shes par bya ba dang/ spang bar bya ba ma yin te/ de'i phyir dgag par bya ba yang ma yin no/

【E6 有門】

ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པའི་གནས་གྱུར་པ་ཡོད་པར་བརྗོད་པར་བྱའམ། མེད་པར་བརྗོད་པར་བྱ་ཞེ་ན། སྨྲས་པ། ཡོད་པར་བརྗོད་པར་བྱའོ། །མཚན་ཉིད་ཇི་ལྟ་བུར་བརྗོད་པར་བྱ་ཞེ་ན༑ སྨྲས་པ། སྤྲོས་པ་མེད་པའི་མཚན་ཉིད་དང༌། ཆོས་ཀྱི་དབྱིངས་ཤིན་ཏུ་རྣམ་པར་དག་པའི་མཚན་ཉིད་ཡིན་ནོ། །ཅིའི་ཕྱིར་ཡོད་པར་བརྗོད་པར་བྱ་ཞེ་ན། སྨྲས་པ། ཕུང་པོའི་ལྷག་མ་དང་བཅས་པ་དང༌། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ན་གནས་གྱུར་པ་དེའི་ཆོས་ཉིད་མི་འཁྲུགས་པ་ཉིད་ཀྱི་ཕྱིར་ཏེ། ཆོས་ཉིད་མི་འཁྲུགས་པ་དེ་ཉིད་ལ་བརྟེན་ནས་དེ་སྔོན་ཡོད་ལ་ཕྱིས་མེད་པར་ཡང་མི་རིགས་པའི་ཕྱིར་རོ། །ཆོས་དེ་ནི་བྱུང་བ་དང༌། སྐྱེ་བ་དང༌། འགྲུབ་པ་མ་ཡིན་མོད་ཀྱི། ཆུ་ལྟར་དང་བ་ཉིད་དུ་གྱུར་པ་དང༌། གསེར་ལྟར་བཟང་བ་ཉིད་དུ་གྱུར་པ་དང༌། ནམ་མཁའ་ལྟར་སྤྲིན་དང་ཁུག་རྣ་དང་བྲལ་བ་ཉིད་དུ་གྱུར་པ་ཡིན་ཏེ། དེའི་ཕྱིར་ཡོད་པར་བརྗོད་པར་བྱའོ། །

phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i gnas gyur pa yod par brjod par bya'am/ med par brjod par bya zhe na/ smras pa/ yod par brjod par bya'o/ /mtshan nyid ji lta bur brjod par bya zhe na| smras pa/ spros pa med pa'i mtshan nyid dang/ chos kyi dbyings shin tu rnam par dag pa'i mtshan nyid yin no/ /ci'i phyir yod par brjod par bya zhe na/ smras pa/ phung po'i lhag ma dang bcas pa dang/ phung po'i lhag ma med pa'i mya ngan las 'das pa'i dbyings na gnas gyur pa de'i chos nyid mi 'khrugs pa nyid kyi phyir te/ chos nyid mi 'khrugs pa de nyid la brten nas de sngon yod la phyis med par yang mi rigs pa'i phyir ro/ /chos de ni byung ba dang/ skye ba dang/ 'grub pa ma yin mod kyi/ chu ltar dang ba nyid du gyur pa dang/ gser ltar bzang ba nyid du gyur pa dang/ nam mkha' ltar sprin dang khug rna dang bral ba nyid du gyur pa yin te/ de'i phyir yod par brjod par bya'o/ /

【E7 常門】

རྟག་པར་བརྗོད་པར་བྱའམ། མི་རྟག་པར་བརྗོད་པར་བྱ་ཞེ་ན། སྨྲས་པ། རྟག་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། སྨྲས་པ། དེ་བཞིན་ཉིད་རྣམ་པར་དག་པས་རབ་ཏུ་ཕྱེ་བའི་ཕྱིར་དང༌། མ་བྱུང་བའི་ཕྱིར་དང༌། མ་སྐྱེས་པའི་ཕྱིར་དང༌། ལྡོག་པ་མེད་པའི་ཕྱིར་རོ། །

rtag par brjod par bya'am/ mi rtag par brjod par bya zhe na/ smras pa/ rtag par brjod par bya'o/ /de ci'i phyir zhe na/ smras pa/ de bzhin nyid rnam par dag pas rab tu phye ba'i phyir dang/ ma byung ba'i phyir dang/ ma skyes pa'i phyir dang/ ldog pa med pa'i phyir ro/ /

【E8 樂門】

ཅིའི་བདེ་བར་བརྗོད་པར་བྱའམ༑ བདེ་བ་མ་ཡིན་པར་བརྗོད་པར་བྱ་ཞེ་ན། སྨྲས་པ། དོན་དམ་པ་པའི་བདེ་བས་བདེ་བར་བརྗོད་པར་བྱའི། ཚོར་བའི་བདེ་བས་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཉོན་མོངས་པ་ཐམས་ཅད་དང༌། དེ་ལས་བྱུང་བའི་སྡུག་བསྔལ་ཐམས་ཅད་ལས་ཡང་དག་པར་འདས་པ་ཉིད་ཀྱི་ཕྱིར་རོ། །

ci'i bde bar brjod par bya'am| bde ba ma yin par brjod par bya zhe na/ smras pa/ don dam pa pa'i bde bas bde bar brjod par bya'i/ tshor ba'i bde bas ni ma yin no/ /de ci'i phyir zhe na/ nyon mongs pa thams cad dang/ de las byung ba'i sdug bsngal thams cad las yang dag par 'das pa nyid kyi phyir ro/ /

【E9 殊勝門】

ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་རྣམས་ལ་བྱེ་བྲག་གམ། བསམ་པའམ། ཐ་དད་དུ་བྱ་བ་འགའ་ལྟ་ཡོད་དམ་ཞེ་ན༑ སྨྲས་པ། མེད་དེ་འདི་ལྟར་དབྱིངས་དེ་ལ་ནི་དམན་པ་དང༌། འབྲིང་དང༌། ཁྱད་པར་དུ་འཕགས་པ་རྣམ་པར་གཞག་པ་ཡང་མེད་ལ། མཐོན་དམན་ཡང་མེད་ལ། བཟང་ངན་ཡང་མེད་པའི་ཕྱིར་རོ། །ཉན་ཐོས་དང༌། དེ་བཞིན་གཤེགས་པ་ལ་ཅིའི་ཕྱིར་བྱེ་བྲག་མེད་དེ། འདི་ལྟར་ཉན་ཐོས་ནི་སྒྲིབ་པ་དང་བཅས་བཞིན་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ལ། དེ་བཞིན་གཤེགས་པ་ནི་ཐམས་ཅད་ཀྱི་ཐམས་ཅད་དུ་སྒྲིབ་པ་མི་མངའ་བ་ཡིན་ནོ་ཞེ་ན། སྨྲས་པ། ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་པ་ལ་ནི་སྒྲིབ་པ་དང་བཅས་པ་དང་སྒྲིབ་པ་མེད་པ་རྣམ་པར་གཞག་པ་ཡོད་ཀྱི། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ལ་གནས་པ་ལ་ནི་སྒྲིབ་པ་རྣམ་པར་གཞག་པ་མེད་དོ། །དེ་ཅིའི་ཕྱིར་ཞེ་ན། མཚན་མ་དང་གནས་ངན་ལེན་ཐམས་ཅད་ཐམས་ཅད་ཀྱི་ཐམས་ཅད་དུ་རྒྱུན་ཆད་ཅིང་འགགས་པའི་ཕྱིར་ཏེ། འདི་ལྟར་དགྲ་བཅོམ་པ་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་པའི་མཚན་མ་ཐམས་ཅད་ཀྱི་ཐམས་ཅད་དུ་མ་འགགས་པ་དང༌། རྣམ་པར་སྨིན་པ་དང༌། གནས་ངན་ལེན་གྱི་སྒྲིབ་པ་མ་འགགས་པ་དེ་ནི་དེའི་ཉོན་མོངས་པའི་བག་ཆགས་ཞེས་བྱ་སྟེ། མཚན་མ་དང་གནས་ངན་ལེན་ལ་ལྟོས་ནས་སྒྲིབ་པ་རྣམ་པར་གཞག་པ་དེ་ལ་ནི་ཕུང་པོའི་ལྷག་མ་མེད་པ་ལ་མེད་པས་དེའི་ཕྱིར་དེ་ལ་ནི་སྒྲིབ་པ་མེད་པ་ཁོ་ནར་རིག་པར་བྱའོ། །གལ་ཏེ་དེ་ལ་སྒྲིབ་པ་མེད་པ་དེ། ཇི་ལྟར་དེ་བཞིན་གཤེགས་པ་ལ་སྒྲིབ་པ་མི་མངའ་བ་དེ་ཁོ་ན་བཞིན་དུ་དགྲ་བཅོམ་པ་ལ་ཡང་སྒྲིབ་པ་མེད་པ་ཡིན་ན། ཅིའི་ཕྱིར་དགྲ་བཅོམ་པ་ཡང་དེ་བཞིན་གཤེགས་པའི་མཛད་པ་མི་བྱེད་ཅེ་ན། སྨྲས་པ། སྔོན་སྨོན་ལམ་བསྒོམས་པ་མེད་པའི་ཕྱིར་དང༌། དེ་ལྟ་བུའི་རིགས་ཅན་ཡིན་པས་དེའི་ཕྱིར་དགྲ་བཅོམ་པ་ནི་ལྡང་བའི་བསམ་པ་མེད་པ་ཁོ་ནར་ཡོངས་སུ་མྱ་ངན་ལས་འདས་པས་ན་དེའི་ཕྱིར་མི་བྱེད་དོ། །

phung po'i lhag ma med pa'i mya ngan las 'das pa'i dbyings su yongs su mya ngan las 'das pa rnams la bye brag gam/ bsam pa'am/ tha dad du bya ba 'ga' lta yod dam zhe na| smras pa/ med de 'di ltar dbyings de la ni dman pa dang/ 'bring dang/ khyad par du 'phags pa rnam par gzhag pa yang med la/ mthon dman yang med la/ bzang ngan yang med pa'i phyir ro/ /nyan thos dang/ de bzhin gshegs pa la ci'i phyir bye brag med de/ 'di ltar nyan thos ni sgrib pa dang bcas bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das la/ de bzhin gshegs pa ni thams cad kyi thams cad du sgrib pa mi mnga' ba yin no zhe na/ smras pa/ phung po'i lhag ma dang bcas pa'i mya ngan las 'das pa'i dbyings la gnas pa la ni sgrib pa dang bcas pa dang sgrib pa med pa rnam par gzhag pa yod kyi/ phung po'i lhag ma med pa'i mya ngan las 'das pa'i dbyings la gnas pa la ni sgrib pa rnam par gzhag pa med do/ /de ci'i phyir zhe na/ mtshan ma dang gnas ngan len thams cad thams cad kyi thams cad du rgyun chad cing 'gags pa'i phyir te/ 'di ltar dgra bcom pa phung po'i lhag ma dang bcas pa'i mya ngan las 'das pa'i dbyings la gnas pa'i mtshan ma thams cad kyi thams cad du ma 'gags pa dang/ rnam par smin pa dang/ gnas ngan len gyi sgrib pa ma 'gags pa de ni de'i nyon mongs pa'i bag chags zhes bya ste/ mtshan ma dang gnas ngan len la ltos nas sgrib pa rnam par gzhag pa de la ni phung po'i lhag ma med pa la med pas de'i phyir de la ni sgrib pa med pa kho nar rig par bya'o/ /gal te de la sgrib pa med pa de/ ji ltar de bzhin gshegs pa la sgrib pa mi mnga' ba de kho na bzhin du dgra bcom pa la yang sgrib pa med pa yin na/ ci'i phyir dgra bcom pa yang de bzhin gshegs pa'i mdzad pa mi byed ce na/ smras pa/ sngon smon lam bsgoms pa med pa'i phyir dang/ de lta bu'i rigs can yin pas de'i phyir dgra bcom pa ni ldang ba'i bsam pa med pa kho nar yongs su mya ngan las 'das pas na de'i phyir mi byed do/ /

【E10 異性門】

ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པའི་ཟག་པ་མེད་པའི་དབྱིངས་གང་ཡིན་པ་དེ་ནི། གཟུགས་ལས་གཞན་དུ་བརྗོད་པར་བྱའམ། གཞན་མ་ཡིན་པར་བརྗོད་པར་བྱ་ཞེ་ན། སྨྲས་པ། གཞན་ཡང་མ་ཡིན། གཞན་མ་ཡིན་པ་ཡང་མ་ཡིན་པར་བརྗོད་པར་བྱའོ། །གཟུགས་དང་ཇི་ལྟ་བ་བཞིན་དུ་ཚོར་བ་ལ་སོགས་པ་དང༌། འདུ་བྱེད་ཐམས་ཅད་དང༌། ཁམས་ཐམས་ཅད་དང༌། འགྲོ་བ་ཐམས་ཅད་དང་ཡང་དེ་བཞིན་དུ་རིག་པར་བྱའོ། །

phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i zag pa med pa'i dbyings gang yin pa de ni/ gzugs las gzhan du brjod par bya'am/ gzhan ma yin par brjod par bya zhe na/ smras pa/ gzhan yang ma yin/ gzhan ma yin pa yang ma yin par brjod par bya'o/ /gzugs dang ji lta ba bzhin du tshor ba la sogs pa dang/ 'du byed thams cad dang/ khams thams cad dang/ 'gro ba thams cad dang yang de bzhin du rig par bya'o/ /

【E11 自在門】

ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་འདས་པ། ཅི་གཟུགས་ལ་སོགས་པ་ལ་དབང་ཐོབ་པར་བརྗོད་པར་བྱའམ། དབང་ཐོབ་པ་མ་ཡིན་པར་བརྗོད་པར་བྱ་ཞེ་ན། སྨྲས་པ། དབང་ཐོབ་པར་བརྗོད་པར་བྱའོ། །དབང་ཐོབ་ན་ཅི་མངོན་དུ་བྱེད་པར་བརྗོད་པར་བྱའམ། མངོན་དུ་མི་བྱེད་པར་བརྗོད་པར་བྱ་ཞེ་ན། སྨྲས་པ། ལ་ལ་ནི་མངོན་དུ་བྱེད་ལ། ལ་ལ་ནི་མངོན་དུ་མི་བྱེད་དེ། དེ་བཞིན་གཤེགས་པར་གྱུར་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་གང་ཡིན་པ་དེ་ནི་མངོན་དུ་མཛད་དོ། །དེ་ལས་གཞན་པ་ནི་མངོན་དུ་མི་བྱེད་དོ། །གང་གི་ཚེ་སྤྲོས་པ་མེད་པའི་དབྱིངས་དེ་གང་གི་གྲངས་སུ་ཡང་བགྲང་བ་མ་ཡིན་ན། ཇི་ལྟར་དེ་མངོན་དུ་བྱེད་ཅེ་ན། སྨྲས་པ། སྔོན་ཡང་དག་པའི་སྨོན་ལམ་དང༌། ལམ་དེ་ལྟ་བུ་བསྒོམས་པའི་དབང་གིས་ཏེ། འདི་ལྟ་སྟེ་དཔེར་ན་འགོག་པ་ལ་སྙོམས་པར་ཞུགས་པ་ལ་སྙོམས་པར་འཇུག་པ་ལས་ལྡང་བར་བྱའོ། །ལྡང་ངོ་སྙམ་དུ་དེ་ལྟར་སེམས་པ་མེད་ཀྱང་སྔོན་མངོན་པར་འདུ་བྱས་པའི་དབང་གིས་ལངས་ནས་ཡང་སེམས་དང་བཅས་པའི་སྤྱོད་པ་ལ་སྤྱོད་པར་བྱེད་པ་དེ་བཞིན་དུ་འདི་ཡང་ཚུལ་དེ་བཞིན་དུ་བལྟ་བར་བྱའོ། །

phung po'i lhag ma med pa'i mya ngan las 'das pa'i dbyings su yongs su mya ngan 'das pa/ ci gzugs la sogs pa la dbang thob par brjod par bya'am/ dbang thob pa ma yin par brjod par bya zhe na/ smras pa/ dbang thob par brjod par bya'o/ /dbang thob na ci mngon du byed par brjod par bya'am/ mngon du mi byed par brjod par bya zhe na/ smras pa/ la la ni mngon du byed la/ la la ni mngon du mi byed de/ de bzhin gshegs par gyur nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das pa gang yin pa de ni mngon du mdzad do/ /de las gzhan pa ni mngon du mi byed do/ /gang gi tshe spros pa med pa'i dbyings de gang gi grangs su yang bgrang ba ma yin na/ ji ltar de mngon du byed ce na/ smras pa/ sngon yang dag pa'i smon lam dang/ lam de lta bu bsgoms pa'i dbang gis te/ 'di lta ste dper na 'gog pa la snyoms par zhugs pa la snyoms par 'jug pa las ldang bar bya'o/ /ldang ngo snyam du de ltar sems pa med kyang sngon mngon par 'du byas pa'i dbang gis langs nas yang sems dang bcas pa'i spyod pa la spyod par byed pa de bzhin du 'di yang tshul de bzhin du blta bar bya'o/ /

【E12 發趣門】

ཉན་ཐོས་བྱང་ཆུབ་ཏུ་ཡོངས་སུ་འགྱུར་བ། ཅི་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ལ་གནས་ཤིང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སྒྲུབ་པར་བྱེད་དམ། འོན་ཏེ་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་ཤིང་བྱེད་ཅེ་ན། སྨྲས་པ། ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་ཤིང་བྱེད་དེ། འདི་ལྟར་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ལ་གནས་པ་ནི་རྩོམ་པ་ཐམས་ཅད་དང་བྲལ་ཞིང༌། འབད་པ་ཐམས་ཅད་རྒྱུན་བཅས་པ་ཡིན་པའི་ཕྱིར་རོ། །གལ་ཏེ་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་ལ་གནས་ཤིང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སྒྲུབ་པར་བྱེད་ཅེ་ན། ཇི་ལྟར་སྐྱེ་བ་གཅིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བསྒྲུབ་ཏུ་རུང་སྟེ། དགྲ་བཅོམ་པ་ལ་ནི་རེ་ཞིག་སྐྱེ་བ་གཅིག་ཀྱང་མེད་ན། སྐྱེ་བའི་རྒྱུན་ལྟ་སྨོས་ཀྱང་ཅི་དགོས་ཤེ་ན། སྨྲས་པ། ཚེའི་འདུ་བྱེད་བསྲིངས་ནས་མངོན་པར་སྒྲུབ་པར་བྱེད་དོ། །བཅོམ་ལྡན་འདས་ཀྱིས་ཀྱང་ཉན་ཐོས་བྱང་ཆུབ་ཏུ་ཡོངས་སུ་འགྱུར་བ་ལས་ཤས་ཆེར་དགོངས་ནས། རིགས་ཀྱི་བུ་ནོར་གྱི་རང་བཞིན་ཅན་ནི་རྫུ་འཕྲུལ་གྱི་རྐང་པ་བཞི་བསྒོམས་ནས་བསྐལ་པའམ། བསྐལ་པ་ལས་ལྷག་པར་གནས་པར་འགྱུར་རོ་ཞེས་གསུངས་ཏེ། བསྐལ་པ་ལས་ལྷག་པར་ཞེས་བྱ་བ་ནི་འདི་བསྐལ་པ་པས་ཕ་རོལ་ཡིན་པར་དགོངས་སོ། །དེ་ནི་དེ་ལྟར་ཚེའི་འདུ་བྱེད་བསྲིངས་སུ་ཟིན་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཤིན་ཏུ་དུལ་བ་ཡིན་ཏེ། མྱ་ངན་ལས་འདས་པ་ལ་མངོན་པར་དགའ་བའི་ཕྱིར་ཏེ། བྱང་ཆུབ་སེམས་དཔའ་ལས་དང་པོ་པ་ཡང་དེ་ལྟ་མ་ཡིན་ནོ། །དེ་ནི་དེ་ལྟར་ཚེའི་འདུ་བྱེད་བསྲིངས་ནས་དབང་པོའི་ལུས་བྱིན་གྱིས་རློབ་པར་བྱེད་ཅིང༌། སྤྲུལ་པའི་ལུས་ཀྱིས་ཆོས་མཐུན་པ་པ་དག་ལ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བ་སྟོན་པར་བྱེད་དེ། དེས་ན་དེ་དག་འདི་སྙམ་དུ་དེ་ནི་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ་སྙམ་དུ་སེམས་སོ། །དེ་དབང་པོའི་ལུས་བྱིན་གྱིས་བརླབས་པ་དེས་འཛམ་བུའི་གླིང་འདིར་གར་འདོད་པ་ཅི་ནས་ཀྱང་ལྷ་རྣམས་ཀྱིས་ཀྱང་མི་མཐོང་ན། སེམས་ཅན་ཕལ་པ་གཞན་དག་གིས་ལྟ་སྨོས་ཀྱང་ཅི་དགོས་པ་དེ་ལྟར་རབ་ཏུ་དབེན་པར་གནས་པར་བྱེད་དོ། །དེ་མྱ་ངན་ལས་འདས་པ་ལ་མངོན་པར་དགའ་བ་དེ་ལན་མང་དུ་གནས་པས། འཇིག་རྟེན་གྱི་ཁམས་རབ་འབྱམ་དེ་དང་དེ་དག་ཏུ་དེ་བཞིན་གཤེགས་པ་དང་བྱང་ཆུབ་སེམས་དཔའ་རྣམས་ལ་བསྙེན་བཀུར་བྱ་བ་དང༌། བྱང་ཆུབ་ཀྱི་ཕྱོགས་ཀྱི་ལམ་བསྒོམས་པ་ལ་བག་མེད་པ་ན། ཡང་དང་ཡང་དུ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཡང་དག་པར་སྐུལ་བར་མཛད་དེ། ཡང་དག་པར་སྐུལ་བར་མཛད་པ་ན་ཡང་། ཡང་དང་ཡང་དུ་བག་ཡོད་པ་ལ་རྣལ་འབྱོར་དུ་བྱེད་དོ། །

nyan thos byang chub tu yongs su 'gyur ba/ ci phung po'i lhag ma med pa'i mya ngan las 'das pa'i dbyings la gnas shing/ bla na med pa yang dag par rdzogs pa'i byang chub mngon par sgrub par byed dam/ 'on te phung po'i lhag ma dang bcas pa'i mya ngan las 'das pa'i dbyings la gnas shing byed ce na/ smras pa/ phung po'i lhag ma dang bcas pa'i mya ngan las 'das pa'i dbyings la gnas shing byed de/ 'di ltar phung po'i lhag ma med pa'i mya ngan las 'das pa'i dbyings la gnas pa ni rtsom pa thams cad dang bral zhing/ 'bad pa thams cad rgyun bcas pa yin pa'i phyir ro/ /gal te phung po'i lhag ma dang bcas pa'i mya ngan las 'das pa'i dbyings la gnas shing/ bla na med pa yang dag par rdzogs pa'i byang chub mngon par sgrub par byed ce na/ ji ltar skye ba gcig gis bla na med pa yang dag par rdzogs pa'i byang chub mngon par bsgrub tu rung ste/ dgra bcom pa la ni re zhig skye ba gcig kyang med na/ skye ba'i rgyun lta smos kyang ci dgos she na/ smras pa/ tshe'i 'du byed bsrings nas mngon par sgrub par byed do/ /bcom ldan 'das kyis kyang nyan thos byang chub tu yongs su 'gyur ba las shas cher dgongs nas/ rigs kyi bu nor gyi rang bzhin can ni rdzu 'phrul gyi rkang pa bzhi bsgoms nas bskal pa'am/ bskal pa las lhag par gnas par 'gyur ro zhes gsungs te/ bskal pa las lhag par zhes bya ba ni 'di bskal pa pas pha rol yin par dgongs so/ /de ni de ltar tshe'i 'du byed bsrings su zin kyang bla na med pa yang dag par rdzogs pa'i byang chub tu shin tu dul ba yin te/ mya ngan las 'das pa la mngon par dga' ba'i phyir te/ byang chub sems dpa' las dang po pa yang de lta ma yin no/ /de ni de ltar tshe'i 'du byed bsrings nas dbang po'i lus byin gyis rlob par byed cing/ sprul pa'i lus kyis chos mthun pa pa dag la/ phung po lhag ma med pa'i mya ngan las 'das pa'i dbyings su yongs su mya ngan las 'da' ba ston par byed de/ des na de dag 'di snyam du de ni phung po'i lhag ma med pa'i mya ngan las 'das pa'i dbyings su yongs su mya ngan las 'das so snyam du sems so/ /de dbang po'i lus byin gyis brlabs pa des 'dzam bu'i gling 'dir gar 'dod pa ci nas kyang lha rnams kyis kyang mi mthong na/ sems can phal pa gzhan dag gis lta smos kyang ci dgos pa de ltar rab tu dben par gnas par byed do/ /de mya ngan las 'das pa la mngon par dga' ba de lan mang du gnas pas/ 'jig rten gyi khams rab 'byam de dang de dag tu de bzhin gshegs pa dang byang chub sems dpa' rnams la bsnyen bkur bya ba dang/ byang chub kyi phyogs kyi lam bsgoms pa la bag med pa na/ yang dang yang du sangs rgyas dang byang chub sems dpa' rnams kyis yang dag par skul bar mdzad de/ yang dag par skul bar mdzad pa na yang / yang dang yang du bag yod pa la rnal 'byor du byed do/ /

【E13 種性門】

གལ་ཏེ་དགྲ་བཅོམ་པ་བྱང་ཆུབ་ཏུ་ཡོངས་སུ་འགྲུབ་པར་གྱུར་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ན། ཅིའི་ཕྱིར་དགྲ་བཅོམ་པ་ཐམས་ཅད་ཀྱང་བྱང་ཆུབ་ཏུ་ཡོངས་སུ་འགྱུར་རམ་མི་འགྱུར་ཞེ་ན། སྨྲས་པ། རིགས་ཀྱི་བྱེ་བྲག་ཁོ་ནའི་ཕྱིར་ཏེ། འདི་ལྟར་དགྲ་བཅོམ་པ་རྣམས་ཉིད་ལ་ཡང་དགྲ་བཅོམ་པ་ལ་ལ་ནི་གཉི་གའི་ཆ་ལས་རྣམ་པར་གྲོལ་ཞིང་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་བྱེད་ལ། ལ་ལ་ནི་ཤེས་རབ་ཀྱིས་རྣམ་པར་གྲོལ་བ་ཁོ་ནས་བྱེད་པའི་བྱེ་བྲག་སྣང་བས། དེའི་ཕྱིར་རིགས་ཀྱི་བྱེ་བྲག་ཉིད་ཀྱིས་ན་དགྲ་བཅོམ་པ་ཐམས་ཅད་བྱང་ཆུབ་ཏུ་ཡོངས་སུ་འགྲུབ་པར་མི་འགྱུར་བར་རིག་པར་བྱའོ། །ཉན་ཐོས་བྱང་ཆུབ་ཏུ་ཡོངས་སུ་འགྱུར་བ་དེ་ཡང་རེས་འགའ་ནི་སློབ་པར་གྱུར་པ་ཁོ་ནར་གྱུར་པའི་ཚེ་ན་ཉན་ཐོས་ཀྱི་སྨོན་ལམ་ལས་རྣམ་པར་ལྡོག་པར་བྱེད་དོ། །རེས་འགའ་ནི་མི་སློབ་པར་གྱུར་ནས་དབང་པོའི་རིམ་པ་དང་རྐྱེན་གྱི་རིམ་པ་ཉིད་ལ་ལྟོས་ནས་ལྡོག་པར་བྱེད་དོ། །ཇི་ལྟར་ཉན་ཐོས་བྱང་ཆུབ་ཏུ་ཡོངས་སུ་འགྱུར་བ་རྐྱེན་རྙེད་ན་བླ་ན་མེད་པའི་ཐེག་པས་ཀྱང་ཡོངས་སུ་མྱ་ངན་ལས་འདའ་བར་འགྱུར་བ་དེ་ལྟར་བྱང་ཆུབ་སེམས་དཔའ་ཡང་གལ་ཏེ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བཏང་སྙོམས་སུ་བཞག་ཅིང་དེ་དེ་ལྟར་དེ་དག་གིས་བཏང་སྙོམས་སུ་བཞག་པའི་རྒྱུས་ཐེག་པ་དམན་པས་ཡོངས་སུ་མྱ་ངན་ལས་འདའ་བའི་རྐྱེན་སྙིང་ཐག་པ་ལ་སོགས་པ་དག་རྙེད་པ་ན་ཐེག་པ་དམན་པས་ཀྱང་ཡོངས་སུ་མྱ་ངན་ལས་འདའ་བར་འགྱུར་རམ་ཞེ་ན༑ གང་གི་ཕྱིར་དེ་བག་མེད་པར་གྱུར་ཅིང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བཏང་སྙོམས་སུ་འཇོག་པར་འགྱུར་བ་དེ་ནི་གནས་མ་ཡིན་སྐབས་མ་ཡིན་ཏེ་དེ་ནི་གནས་མེད་དོ། །བྱང་ཆུབ་ཏུ་ཡོངས་སུ་འགྱུར་བ་དེ་ཡང་གང་གི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་བ་དེའི་ཚེ་ན་དེ་བཞིན་གཤེགས་པ་ཁོ་ནར་གྱུར་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའོ། །བྱང་ཆུབ་ཏུ་ཡོངས་སུ་འགྱུར་བ་དེ་ཅི་དང་པོ་ཉིད་ནས་ཉན་ཐོས་ཀྱི་རིགས་ཅན་ཡིན་པར་བརྗོད་པར་བྱའམ། འོན་ཏེ་བྱང་ཆུབ་སེམས་དཔའི་རིགས་ཅན་ཡིན་པར་བརྗོད་པར་བྱ་ཞེ་ན། སྨྲས་པ། མ་ངེས་པའི་རིགས་ཅན་ཡིན་པར་བརྗོད་པར་བྱ་སྟེ། མ་ངེས་པའི་སེམས་ཅན་གྱི་ཚོགས་རྣམ་པར་གཞག་པ་དང་འདྲའོ། །དེ་ཡོངས་སུ་མྱ་ངན་ལས་འདའ་བའི་ཆོས་ཅན་ཉིད་ཀྱི་རིགས་སུ་ནི་ངེས་པ་ཡིན་པར་རིག་པར་བྱའོ༑ །

gal te dgra bcom pa byang chub tu yongs su 'grub par gyur pa bla na med pa yang dag par rdzogs pa'i byang chub mngon par rdzogs par 'tshang rgya bar 'gyur na/ ci'i phyir dgra bcom pa thams cad kyang byang chub tu yongs su 'gyur ram mi 'gyur zhe na/ smras pa/ rigs kyi bye brag kho na'i phyir te/ 'di ltar dgra bcom pa rnams nyid la yang dgra bcom pa la la ni gnyi ga'i cha las rnam par grol zhing phung po'i lhag ma med pa'i mya ngan las 'das pa'i dbyings su yongs su mya ngan las 'da' bar byed la/ la la ni shes rab kyis rnam par grol ba kho nas byed pa'i bye brag snang bas/ de'i phyir rigs kyi bye brag nyid kyis na dgra bcom pa thams cad byang chub tu yongs su 'grub par mi 'gyur bar rig par bya'o/ /nyan thos byang chub tu yongs su 'gyur ba de yang res 'ga' ni slob par gyur pa kho nar gyur pa'i tshe na nyan thos kyi smon lam las rnam par ldog par byed do/ /res 'ga' ni mi slob par gyur nas dbang po'i rim pa dang rkyen gyi rim pa nyid la ltos nas ldog par byed do/ /ji ltar nyan thos byang chub tu yongs su 'gyur ba rkyen rnyed na bla na med pa'i theg pas kyang yongs su mya ngan las 'da' bar 'gyur ba de ltar byang chub sems dpa' yang gal te sangs rgyas dang byang chub sems dpa' rnams kyis btang snyoms su bzhag cing de de ltar de dag gis btang snyoms su bzhag pa'i rgyus theg pa dman pas yongs su mya ngan las 'da' ba'i rkyen snying thag pa la sogs pa dag rnyed pa na theg pa dman pas kyang yongs su mya ngan las 'da' bar 'gyur ram zhe na| gang gi phyir de bag med par gyur cing sangs rgyas dang byang chub sems dpa' rnams kyis btang snyoms su 'jog par 'gyur ba de ni gnas ma yin skabs ma yin te de ni gnas med do/ /byang chub tu yongs su 'gyur ba de yang gang gi tshe bla na med pa yang dag par rdzogs pa'i byang chub thob par 'gyur ba de'i tshe na de bzhin gshegs pa kho nar gyur nas phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /byang chub tu yongs su 'gyur ba de ci dang po nyid nas nyan thos kyi rigs can yin par brjod par bya'am/ 'on te byang chub sems dpa'i rigs can yin par brjod par bya zhe na/ smras pa/ ma nges pa'i rigs can yin par brjod par bya ste/ ma nges pa'i sems can gyi tshogs rnam par gzhag pa dang 'dra'o/ /de yongs su mya ngan las 'da' ba'i chos can nyid kyi rigs su ni nges pa yin par rig par bya'o| /

【E14 秘密門】

གནས་དེར་ཞུགས་པ་དེ་ལ་ཇི་ལྟར་འཆི་བའི་འཇིགས་པ་མེད་པ་བཞིན་དུ་ན་བ་དང༌། རྒ་བའི་འཇིགས་པ་ཡང་མེད་དོ། །དེ་དག་དང་གཞན་དེ་བཞིན་གཤེགས་པར་གྱུར་ཅིང་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དག་ནི་ཕྱོགས་བཅུར་ཡང་དང་ཡང་དུ་སེམས་ཅན་གྱི་དོན་བསམ་གྱིས་མི་ཁྱབ་པ་དག་གཏན་དུ་མཛད་པར་རིག་པར་བྱ་སྟེ། འདི་ལྟ་སྟེ་དཔའ་བར་འགྲོ་བའི་ཏིང་ངེ་འཛིན་ལས་སྒྱུ་མ་མཁན་གྱི་དཔེ་དང༌། དེད་དཔོན་གྱི་དཔེ་དང༌། གྲུབ་པའི་དཔེ་མཛད་པ་བཞིན་དུ་འདིར་ཡང་ཚུལ་དེ་བཞིན་དུ་བལྟ་བར་བྱའོ། །འདི་ནི་དེ་བཞིན་གཤེགས་པའི་མཆོག་ཏུ་གསང་བ་ཡིན་ཏེ། འདི་དང་དེ་བཞིན་གཤེགས་པའི་གསང་བ་སྣ་ཚོགས་གཞན་དག་ལ་མོས་པས་སྤྱོད་པའི་སར་ཆུད་པའི་བྱང་ཆུབ་སེམས་དཔའ་བཟོད་པ་ཆུང་ངུ་ལ་ཞུགས་པ་རྣམས་ནི་མོས་པ་ཆུང་ངུས་འཇུག་གོ། །བཟོད་པ་འབྲིང་ལ་ཞུགས་པ་རྣམས་ནི་མོས་པ་འབྲིང་གིས་འཇུག་གོ། །བཟོད་པ་ཆེན་པོ་ལ་ཞུགས་པ་རྣམས་ནི་མོས་པ་ཆེན་པོས་འཇུག་ཀྱང་མོས་པ་རྣམ་པར་དག་པ་དང༌། ཤིན་ཏུ་རྣམ་པར་དག་པས་ནི་མ་ཡིན་ནོ། །སར་ཆུད་པ་རྣམས་ལས་ཀྱང་བྱང་ཆུབ་སེམས་དཔའ་ལྷག་པའི་བསམ་པ་རྣམ་པར་དག་པ་རྣམས་ནི་ཐམས་ཅད་དུ་མོས་པ་སྔ་མ་ལས་ཆེས་ཁྱད་པར་དུ་འཕགས་པ། ཆེས་གྱ་ནོམ་པ། སོ་སོ་རང་གི་རྣམ་པས་གྲུབ་པའི་མོས་པ་རྣམ་པར་དག་པས་འཇུག་གོ། །ས་གཉིས་པར་ཆུད་པ་རྣམས་ནི་དེ་བས་ཀྱང་ཆེས་ཁྱད་པར་དུ་འཕགས་པས་འཇུག་སྟེ། དེ་བཞིན་དུ་ས་དགུ་པའི་བར་ལ་ཞུགས་པ་དག་ཀྱང་ཐམས་ཅད་དུ་གོང་ནས་གོང་དུ་ཁྱད་པར་དུ་འཕགས་པའི་མོས་པ་རྣམ་པར་དག་པས་འཇུག་གོ། །བྱང་ཆུབ་སེམས་དཔའ་ས་བཅུ་པར་ཆུད་པ་རྣམས་ནི་དེ་བཞིན་གཤེགས་པའི་གསང་བ་དེ་དག་ལ་མོས་པ་ཤིན་ཏུ་རྣམ་པར་དག་པས་འཇུག་སྟེ། དེ་ལྟར་ན་དེ་བཞིན་གཤེགས་པའི་གསང་བ་དེ་དག་ནི་བསམ་གྱིས་མི་ཁྱབ་པ་དང༌། བརྟག་པར་བྱ་བ་མ་ཡིན་པ་དང༌། རྟོག་གེའི་སྤྱོད་ཡུལ་མ་ཡིན་པར་རིག་པར་བྱའོ། །

gnas der zhugs pa de la ji ltar 'chi ba'i 'jigs pa med pa bzhin du na ba dang/ rga ba'i 'jigs pa yang med do/ /de dag dang gzhan de bzhin gshegs par gyur cing phung po'i lhag ma med pa'i mya ngan las 'das pa'i dbyings su yongs su mya ngan las 'das pa dag ni phyogs bcur yang dang yang du sems can gyi don bsam gyis mi khyab pa dag gtan du mdzad par rig par bya ste/ 'di lta ste dpa' bar 'gro ba'i ting nge 'dzin las sgyu ma mkhan gyi dpe dang/ ded dpon gyi dpe dang/ grub pa'i dpe mdzad pa bzhin du 'dir yang tshul de bzhin du blta bar bya'o/ /'di ni de bzhin gshegs pa'i mchog tu gsang ba yin te/ 'di dang de bzhin gshegs pa'i gsang ba sna tshogs gzhan dag la mos pas spyod pa'i sar chud pa'i byang chub sems dpa' bzod pa chung ngu la zhugs pa rnams ni mos pa chung ngus 'jug go/ /bzod pa 'bring la zhugs pa rnams ni mos pa 'bring gis 'jug go/ /bzod pa chen po la zhugs pa rnams ni mos pa chen pos 'jug kyang mos pa rnam par dag pa dang/ shin tu rnam par dag pas ni ma yin no/ /sar chud pa rnams las kyang byang chub sems dpa' lhag pa'i bsam pa rnam par dag pa rnams ni thams cad du mos pa snga ma las ches khyad par du 'phags pa/ ches gya nom pa/ so so rang gi rnam pas grub pa'i mos pa rnam par dag pas 'jug go/ /sa gnyis par chud pa rnams ni de bas kyang ches khyad par du 'phags pas 'jug ste/ de bzhin du sa dgu pa'i bar la zhugs pa dag kyang thams cad du gong nas gong du khyad par du 'phags pa'i mos pa rnam par dag pas 'jug go/ /byang chub sems dpa' sa bcu par chud pa rnams ni de bzhin gshegs pa'i gsang ba de dag la mos pa shin tu rnam par dag pas 'jug ste/ de ltar na de bzhin gshegs pa'i gsang ba de dag ni bsam gyis mi khyab pa dang/ brtag par bya ba ma yin pa dang/ rtog ge'i spyod yul ma yin par rig par bya'o/ /

【B2 通結諸地決擇勸之應思】

ཆོས་རྣམ་པར་གཏན་ལ་དབབ་པའི་བསྡུས་པའི་དོན་གང་ཞེ་ན། སྨྲས་པ། རྣམ་པ་རབ་ཏུ་དབྱེ་བས་ཆོས་རྣམས་རྣམ་པར་གཞག་ནས། དེ་དག་ཉིད་ཀྱི་རང་དང་སྤྱིའི་མཚན་ཉིད་དང༌། དེ་དག་ཉིད་ཀྱི་བརྒལ་བའི་ལན་དང༌། དེ་དག་ཉིད་ཀྱི་གཅིག་ནས་བརྟག་པ་དང༌། ཚིག་གོང་མ་དང་སྦྱར་བ་དང༌། ཚིག་འོག་མ་དང་སྦྱར་བ་དང༌། མུ་བཞིར་བཅད་པ་ལ་སོགས་པས་རབ་ཏུ་རྣམ་པར་དབྱེ་བ་གང་ཡིན་པ་དང༌། དེ་དག་ཉིད་ཀྱི་བསྡུ་བ་དང༌། མཚུངས་པར་ལྡན་པ་དང༌། འཐོབ་པ་རྣམ་པར་གཞག་པ་གང་ཡིན་པ་དེ་ནི་དེའི་བསྡུས་པའི་དོན་ཡིན་པར་རིག་པར་བྱའོ། །ས་དང་ས་དག་གི་རྣམ་པར་གཏན་ལ་དབབ་པའི་རབ་ཏུ་དབྱེ་བ་ནི་དཔག་ཏུ་མེད་དེ༑ ཕྱོགས་ཙམ་ཞིག་ཡང་དག་པར་བསྟན་པ་ནི་འདི་ཡིན་པས་ཕྱོགས་འདི་དང༌། བསླབ་པ་འདི་དང༌། ཚུལ་འདི་དང༌། གཏན་ལ་དབབ་པར་བསྟན་པ་འདིས་གཞན་དག་ཀྱང་བརྟག་པར་བྱའོ། །ཕུང་པོ་དང་བཅས་པ་དང་ཕུང་པོ་མེད་པའི་སའི་རྣམ་པར་གཏན་ལ་དབབ་པ་རྫོགས་ཏེ། རྣམ་པར་གཏན་ལ་དབབ་པའི་གཞུང་དེ་ལས་གཞན་ནི་མི་སྣང་ངོ༌། །རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུས་པ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་ཝརྨྨ་དང༌། སུ་རེནྡྲ་བོ་དྷི་དང༌། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །

chos rnam par gtan la dbab pa'i bsdus pa'i don gang zhe na/ smras pa/ rnam pa rab tu dbye bas chos rnams rnam par gzhag nas/ de dag nyid kyi rang dang spyi'i mtshan nyid dang/ de dag nyid kyi brgal ba'i lan dang/ de dag nyid kyi gcig nas brtag pa dang/ tshig gong ma dang sbyar ba dang/ tshig 'og ma dang sbyar ba dang/ mu bzhir bcad pa la sogs pas rab tu rnam par dbye ba gang yin pa dang/ de dag nyid kyi bsdu ba dang/ mtshungs par ldan pa dang/ 'thob pa rnam par gzhag pa gang yin pa de ni de'i bsdus pa'i don yin par rig par bya'o/ /sa dang sa dag gi rnam par gtan la dbab pa'i rab tu dbye ba ni dpag tu med de| phyogs tsam zhig yang dag par bstan pa ni 'di yin pas phyogs 'di dang/ bslab pa 'di dang/ tshul 'di dang/ gtan la dbab par bstan pa 'dis gzhan dag kyang brtag par bya'o/ /phung po dang bcas pa dang phung po med pa'i sa'i rnam par gtan la dbab pa rdzogs te/ rnam par gtan la dbab pa'i gzhung de las gzhan ni mi snang ngo/ /rnal 'byor spyod pa'i sa rnam par gtan la dbab pa bsdus pa rdzogs so// //rgya gar gyi mkhan po pradz+nyA war+m+ma dang/ su ren+d+ra bo d+hi dang/ zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa'o/ /